Atto unico

Atto unico

PERSONAGGI

AMELIA

CLEMENTE, suo marito

persone di servizio:

STEFANO

GIUSEPPE

ALFONSINA

ANNA

TERESA

Stanza da pranzo signorile. Un tavolo in mezzo coperto per la colazione. In un canto una scopa.

SCENA PRIMA

AMELIA e CLEMENTE

Il signor Clemente e la signora Amelia prendono il caff.

AMELIA. No posso darme pati della fortuna che go 'vuda. In un sol giorno go trov coga, camerier, cameriera e serva de cusina. No gaver pi da maneggiar quell'ordigno l (additando la scopa). Una fortuna simile non me ga toc dopo che son nata.

CLEMENTE. E se no sbaglio me par che ti me gabia spos dopo che ti xe nata.

AMELIA. Dai! No arabiarte! No ti vor meterte a confronto con quatro de loro: Coga, camerier, cameriera e serva de cusina.

CLEMENTE. Ti g bon tempo, ti!

AMELIA. Eh! z! scherzo! (Molto seria.)

CLEMENTE. No capisso perch che no ti g spos un camerier. Almeno non te gaveria ocorso de zercar quatro de loro ma tre.

AMELIA. Anche ti ti ga bon tempo! Come se no se savessi che voialtri omini prima de sposarve promet mari e monti e po... El me gavaria promesso de tegnirme la casa in ordine, de lustrar e anche de cusinar e po el saria and a spasso e a mi me gaveria istesso toc de tor in casa un altro camerier un vero camerier.

CLEMENTE. Ma se tuo mar fosse stado un vero camerier anche l, no ti gaveria v i soldi per pagar quell'altro.

AMELIA. Ma no ti vedi che scherzo?

CLEMENTE. Mi me par che ti sta diventando mata.

AMELIA. S! Dal piazr un poco me gira la testa.

CLEMENTE. E chiss che zente che ti g tir in casa. I xe arivai qua stanchi morti alle quatro de matina. Pareva che i gavesse camin tutta la note.

AMELIA. S! Iera un poco strano ma no se podeva miga butar fora de casa la fortuna. No i me ga gnanca dito che can elo che li g mand. I se ga messo subito a dormir e a russar tutti d'acordo. Se doveria per questo creder che i sia in bona armonia fra de loro. Se xe cuss basta che femo atenzion de no farli rabiar noi e i me resta per tutta la vita.

CLEMENTE. Se no i me fa rabiar a mi, mi no li fazzo rabiar a loro.

AMELIA. Come se fosse la stessa roba. Ti, ti te rabi, ti va via e ghe xe meno da far. Inveze se se rabia loro... Intanto ti ti resti e ghe xe uno de pi da servir.

CLEMENTE. Dopo tanti ani che ti xe parona de casa saria ora che ti savessi tegnir in ordine la tua servit.

AMELIA. Ma no ti xe proprio ti che ti me buta tuto per aria? Ti ti g manda via Giacomo! E per una roba de niente.

CLEMENTE. Per una roba de niente? El me ga d un piato per la testa, el me ga d!

AMELIA. Per sbaglio! El credeva de meter un piato sul altro! Dopo el xe corso alla guardia medica e el te ga assist quando che el dotor te ga cusido la testa! Ma no ga servido a niente e ti ti lo ga volesto fora de casa.

CLEMENTE. Stimo mi! Lo go sentido mi a dir al dotor che el iera rimasto sorpreso della durezza della mia testa.

AMELIA. Iera per tuo ben! El doveva pur dirghe al dotor tutto quel ch'el saveva de quela testa. E cuss tutto xe and per aria. La coga iera la so sposa e la xe andada via anche ela. La cameriera ga fato lo stesso disendo che la gaveva el stomigo debole e che no la voleva cambiar coga. La serva po vedendosi sola con mi e con ti la se ga anoi e la xe scampada. E xe un mese che sgobo sola e che no rieso a meter ordine in sta casa. Fra ti e i tui fioi ghe voria almeno trenta de servit.

CLEMENTE. Quei poveri fioi che xe serai tuto el giorno in quella camera de drio.

AMELIA. E ti voria che li lassassi sporcar anche de qua. No son miga come la signora Berta quass che tien la casa come una stala. Go visto la sua casseta del carbon tutta nera.

CLEMENTE. E che color la ga da aver?

AMELIA. Stupido! El carbon ga da esser nero ma la casseta deve esser bela, pulita, bianca. Ti ga finalmente fin de bever el caf?

CLEMENTE. Voria ancora una chichera.

AMELIA. Lassa star che te fa mal de nervi.

CLEMENTE. Lassa star che de nervi mi no ghe ne go. (Si versa del caff.)

AMELIA. Ah! ti me ga maci la tovaia apena messa.

CLEMENTE. Una macieta, no fa gnente.

AMELIA. Come no fa gnente? Xe l'ultima tovaia che go del mio coredo. Forse lavandola subito no ocore lissia! (Leva via dalla tavola tutto l'apparecchio e anche la tovaglia di cui mette un lembo in un bicchiere. Clemente con la tazza in mano resta male.) Ti la ga finida con quel caf? Ti sporcher anche per tera. (Gli leva dalle mani la tazza.)

CLEMENTE. Uuff! (Dopo una pausa.) El Picolo? A che ora vien adesso el Picolo?

AMELIA. Anche el Picolo ghe ocore apena dismissi! No ti pol tortelo quando che ti va in magazin?

CLEMENTE. Xe per riguardo alla tua nova servit che go de rinunziar a questa mia vecia abitudine?

AMELIA. Che servit d'Egitto! Xe el portiner che porta el Picolo! Scominzia a prender in urta la servit! Mi te conosso, merlo! Un bel giorno ti te impizi e ti me la fa andar via tuta. Ma no ti gaver sto bgolo. Anzi voio che ti stia a sentir la regola nova che meto in sta casa. Una regola assoluta e la deve valer per ti, per mi e per loro, per tutti.

CLEMENTE. Sentiremo anche sta regola.

AMELIA. Ti sentir come che trato mi la servit e voio che ti la trati nel stesso modo anche ti. (Suona il campanello elettrico.) Una... per el camerier, po due per la cameriera, tre per la coga e quatro per la serva.

SCENA SECONDA

GIUSEPPE, ALFONSINA, TERESA, ANNA e DETTI

AMELIA (maestosamente). Ti vedi intanto come che i me ubidisse.

CLEMENTE. Scova nova... (Vede il "Piccolo" in mano a Giuseppe.) T! El Picolo! La senta! La me faria el piazer de imprestarme quel giornal?

GIUSEPPE. No posso! Nol xe mio.

CLEMENTE. E de chi el xe se se pol saver?

GIUSEPPE. Mi no so! Lo ga port el portiner.

CLEMENTE (glielo strappa di mano). E allora el xe mio. Bel ordine questo! No ti li ga gnanca avisadi che el giornal xe per mi! (Riscaldandosi) Ma come che el xe inteligente el tuo novo camerier. Per chi el vol che sia el giornal? Per el gato forse?

GIUSEPPE. Soio mi! No lo tignivo miga per mi. Mi nel Picolo no lezo che el romanzo e questo xe presto fato.

AMELIA (minacciosa sotto voce a Clemente). Ti vol star zito ti adesso?

CLEMENTE. Aspeta! (cerimonioso a Giuseppe.) Se la vol lezer el romanzo del Picolo che lo taier fora.

GIUSEPPE (contento). Va ben cuss! Allora ghe porter el giornal apena ch'el ariva.

AMELIA (con calore). Grazie, Clemente (a bassa voce).

CLEMENTE (a bassa voce). Se ti badi a mi buta subito fora quel muso de can. (Si mette a leggere.)

AMELIA (stringendosi nelle spalle). Ti xe mato ti. Dunque, senti., Qu volemo andar ben d'acordo perci che voialtri ve trov ben e anche mi. Dunque mi ve dir prima quel che mi domando e diseme pur francamente quel che ghe ne pens. Parlando se finisse col intenderse. Prima de tuto voialtri conoss i regolamenti de polizia?

I QUATTRO (un po' intimiditi). Polizia?

AMELIA. Se no li conoss ve dir intanto mi una delle legi che xe in sto regolamento. (Poi scandendo le sillabe.) Per abbandonare un servizio bisogna dare un preavviso - me st a sentir? - de... de... de sie mesi.

GIUSEPPE. E mi che credevo che per lassar un servizio bastava meter insieme le proprie robe e andarsene? Sie mesi? Mi go leto el mio libreto e go visto che no ocore che un preavviso de ventiquatro ore.

AMELIA. Oh! Bugiardo! In tuti i libreti sta scrito oto giorni.

GIUSEPPE. Vada per oto giorni. Ma dove la ga visto parlar de sie mesi?

AMELIA (imbarazzata). Eh! in quel stesso libreto dove se parlava delle ventiquatro ore. Ma se ti conossi el libreto perch ti vol darme da intender che no ti lo conossi? Questo me dispiasi. Xe una mancanza de franchezza. Come poderemo intenderse se fingemo de saver e de no saver? El libreto lo savemo tuti. E po' no se trata de andar via adesso, se trata de restar. Fin che mi son bona e v f el vostro dover de libreto no ghe n bisogno.

ALFONSINA. E difatti noi no lo gavemo gnanca. Lo ga solo l Giuseppe.

AMELIA. Diavolo! Se core rischio de pagar dele multe! Fame veder el tuo libreto.

GIUSEPPE. El xe un poco sbagazz... ma no fa gnente! (Lo porge.)

AMELIA (guardando il libretto). Oh! bela! Da quatro ani nol iera pi in servizio.

GIUSEPPE. La guardi meio! No pol esser! (Guarda anche lui il libretto.) Quatro ani! Eh! s! 1909! Quatro ani, quasi zinque anzi! Come che passa el tempo! E mi che sono ancora tuto stanco de lavorar!

AMELIA. Ma come ti ga fato a viver tuto questo tempo?

GIUSEPPE. Oh! Bela! (Imbarazzato.) Mi...

ALFONSINA (gli parla all'orecchio). Dighe che ti ga eredit...

AMELIA. Cossa xe sto parlarse in orecia?

GIUSEPPE (ad Alfonsina). Ma s! Cossa xe sto parlare in orecia? Go giusto mi bisogno dei tui sugerimenti! Siora squinzia!

ALFONSINA. A mi squinzia? Toco de mus!

CLEMENTE. Ve prego de no far barufa in sta camera!

GIUSEPPE. Ah! basta dirmelo! In questa camera no se fa barufa! Ti ga sent. Nelle altre sie ghe xe abastanza posto!

CLEMENTE. Nol me faza 'rabiar co' sto suo spirito de bacal! Se el vol far spirito el vada in quela camereta l sul coridoio! In che casa el credi de esser?

GIUSEPPE. To'! Mi credevo de esser in una casa pulita dove che quando i fa barufa i sta a sentir e no i ghe d adosso a uno de loro! No xe casa per mi questa.

AMELIA (a Clemente). Te prego Clemente de star zitto. Se el va via lui te fazzo far de camerier a ti. (Ai quattro a bassa soce.) No steghe badar a l. In casa, z, no 'l ghe ne entra.

GIUSEPPE. Nol xe suo maro?

AMELIA. S! Giusto per questo no 'l ghe ne entra. (A Giuseppe.) Ma cos' ti fa barufa con Alfonsina? No i me ga dito che ti sta per sposarla?

GIUSEPPE. S! Ma fora de servizio! Apena che entremo in un servizio se fa barufa! Ela vol che mi neto tute ste camere e la vol far la siora! Apena entrai in sta aria serada se fa barufa. Fin che se iera all'aria averta...

AMELIA. Ma no pod lassar che mi fazzo la distribuzion del servizio? Almeno cuss no ghe saria barufe fra voialtri.

ALFONSINA. Eh! s! Xe meio barufar coi paroni.

AMELIA. Con mi no gaver mai barufe! Steme a sentir! S in due per le camere!

ALFONSINA. In tre! La serva no ghe ne entra forse?

TERESA. Mi g abastanza da far in cusina.

AMELIA. Ma ti pol anca ti darghe una man.

TERESA. Ah! no ghe ne voio saver. Prima se d una man, po' due, po' tre. No se sa dove che se va a finir! La serva xe maltratada da tuti. Dai paroni e dai servi. Finissi che l'unica che lavora in una casa xe la serva. Quatro ani fa nel mio ultimo servizio i me gaveva ciolta per la cusina, po' i me ga d i anditi e go fin in camera da leto. E loro intanto se la blangiava.

AMELIA. Da quatro ani ti xe anca ti fora de servizio?

GIUSEPPE. E perch no dirghelo? Quatro ani fa xe morta la nostra ultima parona e la ne ga lassadi eredi universali.

AMELIA. Che bona idea! Anca mi se s boni e fe el vostro servizio ve lasso soldi in testamento.

GIUSEPPE. Gav senti? (Agli altri tre.) Cara parona! El servizio? Altro che! Ghe lustreremo le cosse fin che le va in frantumi.

AMELIA. Ma se podaria calarve un poco la paga. Dopo trovar el dopio alla mia morte.

I QUATTRO Ah! no! (Disillusi.)

ALFONSINA. La xe poco furba, ah?

GIUSEPPE. De quel'orecia non ghe sentimo.

AMELIA (pensierosa). Ma se podaria trovar un modo de andar d'acordo. Per esempio de qua a qualche ano poderessi trovar un capitaleto.

GIUSEPPE. Ma prima volemo la paga intiera.

AMELIA. Ah! ben! Xe un poco difficile. Prima vol tuto e po de novo tuto.

ALFONSINA. Semo stati abituai cuss!

AMELIA. Ben, ghe penseremo! Intanto and al vostro lavor. Mi no voio secarve. Cerch de andar d'acordo. Mi capisso che xe meio che no me missio tropo. Nassaria malani da bel principio.

ALFONSINA (a Teresa). E cuss ti ti filer moscardinal

ANNA. No badarghe! Ti ti resti in cusina.

ALFONSINA. Due ore al giorno e no de pi. (Tira a s Teresa.)

ANNA (la strappa a s). Che vedo mi!

TERESA (piangendo ad Amelia). La vedi siora parona cossa che le me fa.

AMELIA. Meno mal che una almeno far el suo servizio! Ben, coga! Cos' ti ne fa da magnar ogi?

ANNA. Mi cusino una sola volta al giorno. Per zena ghe xe el porzetr! O se no no xe possibile de tegnir neta la cusina.

AMELIA. Sia! Ma per pranzo cos' ti ne fa?

ANNA. Intanto gnochi de patate!

CLEMENTE (alzando gli occhi dal giornale). No me dispiasi. Ma almeno ti li sa far i gnochi?

ANNA. Oh! bela! No savar far i gnochi. Ciogo prima le patate le pi giovani e le mastruzzo. La capissi? (Gli va quasi addosso.)

TERESA. Oh! Che bela coga! La se dimentica de spelr le patate!

ANNA. Ti vol taser bruta petegola? Spelar te toca a ti! Mi quando ciogo le patate per mastruzzarle le devi esser z spelade.

CLEMENTE. La vol cessar de meterme le man adosso?

ANNA. La scusi! Mi me iera simpatico un omo che ghe piasi i gnochi.

AMELIA. Ben and, and al vostro lavoro che xe tardi.

ANNA. Ma mi oggi i gnochi no ghe li fazzo a sto omo. Per ogi i dovar andar dal porzetr anca a pranzo. La cusina xe sporca come una stala. Devo prima netarla.

CLEMENTE. Ti vedi cos' che ti fa a forza de bont? Gavemo la coga e saremo condanai al salame per tuta la vita.

AMELIA. Lassa, lassa per ogi. La g in fondo ragion. Ti pol imaginarte che sola come che iero no podevo miga meterme a netar anca la cusina.

CLEMENTE. Ben, ma el pranzo...

AMELIA. Coss' ti vol forse darme una filada davanti a tuta la servit? Bel onor che ti me fa.

GIUSEPPE (a bassa voce). Brava!

CLEMENTE (rimettendosi al suo giornale). No la pol sfogarse con lori e cuss la se la ciapa con mi.

AMELIA. Ben, and, and a lavorar. No steve sfadigar tropo ma f pur qualche cossa per tignir in ordine la casa. Anche v gavar un poco de ambizion e se la casa spuzza i parler mal anca de voialtri.

GIUSEPPE. La se fidi de mi siora Amelia. Mi far quel che posso. Lavoro solo d ore al giorno ma in quele ghe ribalto tuto el quartier. (Esce.)

ALFONSINA. Mi inveze lavoro tuto el giorno ma voio aver la serva a vizin per alzar le scovazze che fazzo. (Esce trascinando con s Teresa riluttante.)

ANNA. Se i me porta via la serva no so quando che podar scominziar a cusinar in quela cusina. (Esce.)

SCENA TERZA

AMELIA e CLEMENTE

AMELIA (prende la scopa). Capisso che con la servit che g no poder star de bando. (Pensierosa si mette a scopare.) Ancora coi altri se podaria andar d'acordo ma quela coga me fa paura. (Scopa ancora.) To! Che idea! Senti, Clemente, e se ti ti ghe fazessi la corte alla coga?

CLEMENTE. A quel folpo? Ti xe mata? Ancora ancora se se tratasse de quel boconzin de cameriera...

AMELIA. Ci! Sporcacion ti vol star zitto? Te dago la scova per la testa...

CLEMENTE. No ti me ga ti proposto de darme la coga? Se go da ciorghene una me par che poder sceglier.

AMELIA. La coga te la proponevo perch non la me fa paura.

CLEMENTE (con brivido). Ma la me fa ben paura a mi.

AMELIA (scopando pensierosa). Ti sa che bel che saria de poderghe dir la prima volta che la ne manda dal porzetr: Te accuso per adulterio; te fazzo meter in cheba.

CLEMENTE. S ma i me meteria in cheba anche a mi e con ragion.

AMELIA (scopando rabbiosamente). Z con la servit no se la vinze mai. (Pausa.)

CLEMENTE (eccitatissimo e spaventato a bassa voce). Oh! Amelia! Cossa che ne nassi. Ti sa chi che xe sta tua servit?

AMELIA (scopando). Eh! A sta ora so che no i val pi dei altri.

CLEMENTE. Parla pian, te prego. Ti sa cossa che i xe? (Porgendole il giornale.) Guarda, guarda. I xe ladri forse assassini.

AMELIA (prende il giornale e lascia cadere la scopa). Che vedo! Dove? Dove? (Cercando nel giornale.) "Una villa di via Rossetti svaligiata. Una banda di ladri scomparsa." I xe loro? - "Una giovine bellina dall'aspetto petulante... Una brutta dall'aspetto stupido..." Eh! I xe lori! "Un uomo di trent'anni circa dall'aspetto di manutengolo ben nutrito..." Eh! Xe Giuseppe. "Un uomo grosso che di solito travestito da donna." La mia Ana xe un A... La mia coga xe un cogo. Da tanti ani che volevo un cogo!

CLEMENTE. No zigar! Legi pure avanti. Mi intanto vado qua in via Scussa a avisar el comissario. (Cerca il cappello.)

AMELIA. Ti con pena no ti te mover fin che no te digo mi. (Lo obbliga a sedere.) Legemo avanti. "La villa di via Rossetti fu trovata in pieno ordine, solo vi mancavano gli oggetti preziosi. Anzi fu notato con sorpresa che la cucina fu pulita e lustrata dai ladri. La signora Ameri, la proprietaria della villa, dice che mancava di servit da un mese e che perci la sua cucina era molto sucida." Oh! cari, cari, i ga net prima de scampar.

CLEMENTE (con gesto analogo). Ghe gira, certo ghe gira. Forsi la paura...

AMELIA. E come i sa sti diavoli che aspeto che ga la mia servit? Oh! guarda! Iera con lori un ccer e quel i lo ga bec. Che pec! A noi che ne ocoreva giusto anche el ccer.

CLEMENTE. Mi vado dal comissario...

AMELIA. Ti adesso ti far quel che voio mi. Ti ander in magazin...

CLEMENTE. Vado! Vado! Meno mal che no te me oblighi de star in sta casa piena de ladri... Gnanca a pranzo no vegno. Z per andar dal porzetr posso andarghe solo.

AMELIA. Ti ti vegner a pranzo e ti trovar un bel pranzo coi fiochi: Gnochi de patate, carne in tecia e strucolo de pomi. Oh! Ma come che xe stupidi sti omini. No te capissi, insempi, che finalmente saremo servidi non da servit ma da briganti? Finalmente no gavar pi servit. Che liberazion! Me parer d'esser in paradiso! Dunque ti ti andar in magazin e ti me mander el tuo grosso Stefano, quel che ghe somiglia a Raicevich. El magner e el dormir qua. Ti te cioler un altro fachin e Stefano star sempre in casa a aiutarme a diriger sta zente pericolosa. Ben, ti te distrighi?

CLEMENTE Ti vol Stefano? Ma ti sa che ogni sera el xe imbriago?

AMELIA. Mandimelo istesso! Ghe dar una bela mancia perci che nol beva.

CLEMENTE. Se ti ghe d la mancia el sar imbriago anche prima de sera.

AMELIA. Ben! Fin a stasera ghe penseremo. Intanto mandilo subito su. Va presto!

CLEMENTE (in procinto di uscire ritorna ad Amelia). E no ti ga paura de restar sola coi briganti? (Entra Giuseppe ed egli s'arresta ed esce mormorando.) Forsi che i me la copa.

SCENA QUARTA

GIUSEPPE e AMELIA

GIUSEPPE. Adesso gavaria de meter in ordine questa stala. Ma da che parte go de scominzir?

AMELIA (tradisce un po' di paura). El fazza pur pian, pianin, un poco al giomo!

GIUSEPPE. Intanto Alfonsina deve meter in ordine la tavola. Cossa ghe ne entro mi coi crepi? (Va al campanello elettrico.) Per Alfonsina se ciama due volte? (Suoni.)

SCENA QUINTA

ALFONSINA e DETTI

ALFONSINA. Se la me ciama continuamente se sa che no ariver a far niente.

AMELIA. Cara Alfonsina, no te go miga ciamada mi.

GIUSEPPE. Siora squinzia! La go ciamada mi. La spareci la tavola che no xe afar mio.

ALFONSINA. La tavola va ben, ma i crepi xe afar de Teresa. Per Teresa se sona tre volte? (Eseguisce.)

SCENA SESTA

TERESA e DETTI

ALFONSINA. Ci Teresa! Distrighite! Porta via quei crepi.

TERESA. Mi no posso perch la coga me ga d de netar le molete. (Sta per andarsene.)

GIUSEPPE (la trattiene rudemente per la spalla). Ti vol far el tuo lavor toco de asina?

TERESA (spaventata). S, subito. Che maniere.

GIUSEPPE. Ma cossa la fa lei siora parona? Se la lassa che ne manchi de rispeto la serva alora dove se va a finir?

AMELIA. Eh! se sa! La serva doveria ubidirghe a tuti...

GIUSEPPE. S! Anche ala parona.

SCENA SETTIMA

ANNA e DETTI

ANNA Cossa ti me lassi impiantade le molete tute sporche de grasso? Te le dago per la testa, ti sa?

GIUSEPPE. Le molete ga tempo! Lassa che la finissa prima sta camera.

ANNA (ad Amelia). Ma che parona del diavolo la xe ela? La lassa che tuti comandi. La diga ela una bona volta: Con chi ga da star Teresa? Qua altrimenti anderemo a pugni! (Suona il campanello.)

AMELIA. Aspet un momento e mi ve dir subito con chi che ga da star Teresina. Vado a averzer mi perci che voialtri no perde tempo. (Esce.)

GIUSEPPE. Mi me par che per sta volta ghe la gavemo fata ala polizia. Pec che quel mato de ccer se ga lass ciapar.

ALFONSINA. Eh! podemo star tranquili. Se comportemo come se fossimo stai in servizio tuta la nostra vita.

ANNA. Solo ste cotole me seca. Chiss per quanto tempo che me tocher portarle.

GIUSEPPE. Oh! Per un meseto! Dopo nessun ghe pensa pi e podaremo andar per la nostra strada.

ALFONSINA. Ma a mi sta casa me piasi. La parona xe tanto geiitile e el paron tanto stupido che xe un piazer.

SCENA OTTAVA

AMELIA, STEFANO una frusta in mano e DETTI

GIUSEPPE. Chi selo sto qu?

AMELIA. El vol star zito fin che no ghe dago mi la permission de parlar. Dunque z che vol saverlo ve presento el sior Stefano che sar un altro vostro paron!

TERESA. El suo moroso?

AMELIA (le d uno schiaffo). Ci, bruta servazza, con chi ti credi de aver da far.

TERESA (piangendo). Anche la parona me ga d una sberla!

GIUSEPPE. Cossa xe ste maniere? La ga baston la serva? Ah! No xe casa per noi. (S'avvia.)

AMELIA. Aspeta un momento perch anzi questa xe l'unica casa per voialtri. El momento che pass per questa porta ve consegno ala polizia. (Tableau.) Ah! credevi de vegnir in una casa pulita per robar? Intanto qua ve go messo la guardia. Fin che star boni e che far el vostro lavor no gav de aver paura de nessun...

GIUSEPPE. Grazie, grazie parona. La ne vol salvar...

AMELIA. Altro che salvar, salvar per mi. Ma contme un poco come che ve s pensadi de netar e lustrar la casa che gav svodada.

ALFONSINA. Ne fazeva schifo de moverse in quel logo cuss sporco.

AMELIA. Bravi! Se mi fossi giudice ve assolveria. Che sporcona quela siora Armeri. E adesso poche cicole e marsch! Al vostro lavoro. Ancora un momento! Capir che mi tegno sto omo per voialtri, per sorvegliarvi. Dunque la vostra paga resta quela che gavemo dito ma met ghe la daremo a Stefano. S d'acordo?

GIUSEPPE (ad Alfonsina che lo interroga). Eh! Cossa vol che femo? Semo d'acordo.

AMELIA. E ti Anna ti te caver ste cotole! Perch mi voio aver un cogo.

ANNA. Meno mal! Almeno questo!

AMELIA. Ma dopo pranz perch prima no ti gaver tempo, cara Ana. Ti ga da far i gnochi, cara Ana, ti ga da far la carne in tecia e po' un picolo strucolo de pomi.

ANNA. Ma come! No and dal porzetr?

AMELIA. Del porzetr no se parla pi. E ti netar la cusina, sporcona. (Dandole un calcio.) Che finora no ti ga net che le molete. Per dopopranzo voio vederla lustra come un specio! Va in malora! (La spinge fuori.)

ANNA. E Teresa no vien a aiutarme?

AMELIA. Teresa per stamatina no ga tempo (A Stefano.) Daghe una frustada che la vada al suo lavor. E adesso marsch! Giuseppe e Teresa vien con mi a netar zinque camere da drio. Per stamatina no ve domando altro. Intanto Alfonsina netar queste due. Stefano te sorveglier. Mi vado con questi due. Mi basto per due. Marsch! (Esce con Giuseppe e Teresa ma subito rientra.) Dame la frusta a mi. Ti ti ga da far con la sola Alfonsina e con quela te basta i pugni. (Esce e subito dopo si sente un grido di dolore di Giuseppe e poi un altro di Teresa.)

SCENA NONA

STEFANO e ALFONSINA; voce di GIUSEPPE

STEFANO. Ci, moscardina, lavora! Son qua per starte a veder. El momento che ti te fermi, me movo mi.

ALFONSINA. Eh! La fa un bel mestier! Mi no me degneria. El aguzin!

STEFANO. Ti sa! De solito me sta a veder a mi el magazinier. Del resto no son miga un cativo mulo e se no ghe fosse quela marantega te lassaria far quel che te par e piasi. Quanti ani ti ga?

ALFONSINA. Ventidue.

STEFANO. E ti ga el moroso?

VOCE DI GIUSEPPE. Aiuto la me copa.

ALFONSINA. S, quel che ziga. (Piangendo.) Se la xe un bon mulo la ghe dia un fraco de lignade a quela baba.

STEFANO. No me mancheria altro. Fame piutosto ti el piazer e metite a zigar come se te bastonasse.

ALFONSINA. Ahi! Ahi! (Urlando.)

STEFANO. Brava! Cuss va ben. Ma gav vu una bela fortuna de imbrocar sta casa dove che i zercava giusto tanta zente. Eh! La polizia come mi la conosso no ve trova mai pi. E la siora Amelia no ve lasser meter gnanche el naso fora de la porta. Sastu dove che i tien el vin in sta casa? El paron me ga dito che i me daria un bicer de vin!

ALFONSINA. A pranzo iera stabil che i ne lo daria anche a noi. Ma adesso no so gnanche se i ne lasser bever Nabresina.

STEFANO. Eh! Fin a pranzo ti vol che aspeti? (Inquieto.) Noi, in magazin gavemo la petesseria alla porta e femo ogni tanto un scampon. Mi bevo poco, assai poco, ma sempre. (Guarda negli armadii e trova una bottiglia; la guarda con sospetto.) Chiss che roba da gnente! Qualche vin franzse! (Lo prova e poi giocondamente.) Qua fora i scrivi che se trata de vin e drento inveze xe rum! E stagno, ti sa! Ti ghe ne vol una iozza?

ALFONSINA. Mi de matina no ciogo che el caf.

STEFANO. E alora bever anche mi la tua parte. (Ripete la bevuta e rimette la bottiglia al suo posto.) Adesso per quindise minuti almeno son bon. Te prego scova un poco perci che la parona no se rabi con noi. Voria almeno finir quela botiglia. Aspeta che te aiuto. (Lui scopa ed essa si d da fare alla tavola.)

SCENA DECIMA

AMELIA e DETTI

AMELIA. Che beleza! Anche el guardian lavora.

STEFANO. No me piasi de star cole man in man e cuss... (Imbarazzato.)

AMELIA. Ma anzi! Lavora pur! Mi me piasi la zente che lavora! Ti vol una iozza de rum?

STEFANO. No xe veramente la mia ora ma se la xe cuss bona no voio farghe el smaco de rifiutar. (Beve il bicchierino offertogli.)

AMELIA. De l i lavora che xe un piazer. In oto giorni gaver la casa pi lustra de Trieste. Adesso vado in cusina a conzar la coga.

SCENA UNDICESIMA

CLEMENTE e DETTI

CLEMENTE. Oh! Amelia! Xe la polizia! I ga circond tuta la casa e i xe z sule scale!

AMELIA. Ci! Se vengo a saver che ti xe sta ti dal comissario ti passi un bruto quarto d'ora.

CLEMENTE. Mi? Ti xe mata? Son sta avis per telefono che la polizia ga ocup la casa e son corso qua.

AMELIA. Ma mi la mia servit no la dago fora. La polizia no ghe entra in casa mia. Mi no ghe averzo la porta.

ALFONSINA. Brava, siora Amelia! La ne difendi!

CLEMENTE. Sta atenta Amelia che no andemo in dispiazeri.

AMELIA. Go un'idea! Noi d e Stefano se vestimo de servi e loro li vestimo da paroni. La polizia ga la descrizion dei ladri ma no la zercher quei conotati nei paroni. Z quando che se ghe cambia la scorza no se sa pi se se trata de paroni o de servi. (Essa suona il campanello e nello stesso tempo grida.) Ana! Giuseppe! Teresa!

SCENA DODICESIMA

ANNA, GIUSEPPE con la testa bendata, TERESA con un occhio tumefatto e DETTI

AMELIA. Sent! Ghe xe la polizia! Ma mi go un piano de salvarve. Son sicura de riuscir.

GIUSEPPE. Ma mi no voio salvarme. Mi voio andar in preson. Dove xe la polizia? Che la vegni che xe ora.

AMELIA. Te prego Giuseppe. No esser cativo. No te dar pi per la testa. La credevo pi dura. Guarda a quel che ti fa! Ti no ti sa quel che xe la preson.

GIUSEPPE. Come no so quel che sia la preson; ghe iero tante volte!

TERESA. E anca mi! In confronto de sta casa la preson xe un paradiso. Intanto l no i domanda che se lustri e che se freghi! E po' no i d pugni nei oci.

AMELIA. Ben quel xe sta un sbaglio; scusime. Senti! La polizia xe sule scale. Se vede che i sta visitando un pian dopo l'altro. Dunque ghe saria tempo de meter in ordine sta povera casa. Mi g but tuto per aria credendo de aver el tempo de far tuta la casa in grande. Ve dago una setimana de paga se me lavor per un'oreta.

ALFONSINA. De paga intiera, de mezza o de un quarto de paga?

GIUSEPPE. La ne dia qua i soldi e po' faremo quel che podemo.

AMELIA. Ma se la polizia no me lassa tuta l'ora de tempo mi no pago niente.

GIUSEPPE. Furbona! La lassi che andemo a riposar un poco anca noi.

AMELIA. Sent! Quando che gavar scont la pena no vol tornar da mi? Mi go fin col volerve ben e ve aspeteria.

GIUSEPPE. La ne aspeti pur! Mi spero de no vederla che in quel logo dove che no ghe xe n case de lustrar n paroni n servi. Vegn, fioi! Che altrimenti le siore guardie le perdi la pazienza e le va via. Andmo! (Esce con Teresa, Alfonsina e Anna. Fuori c' un momento di confusione e poi silenzio.)

SCENA TREDICESIMA

AMELIA, STEFANO e CLEMENTE

AMELIA. Ci, Stefano! Ti me dar ti una man a meter in ordine sta casa.

STEFANO. Volentieri siora parona. Solo che questa saria la mia ora.

AMELIA. De cossa?

STEFANO. De un bicerin.

AMELIA (velenosa). Ah! ti vol bever?

STIEFANO. Bever poco, s'intende. Mi bevo sempre poco! Fazzo in modo de no esser imbriago prima dele sete de sera.

AMELIA. Te dar mi el bicerin per la testa. Va al tuo lavor birbante.

CLEMENTE. Cuss ne toca andar a pranzo dal porzetr?

AMELIA (urla). Oh! che odor de brus! Me se brusa i gnochi! Birbante de Ana! No la podeva avisarne? (Corre via seguita da Clemente.)

SCENA QUATTORDICESIMA

STEFANO solo

STEFANO. Senza bicerin la vol lassarme? (Prende la bottiglia dall'armadio.) Ogi sicuro no arivo ale sete de sera. (Beve lungamente.)

Questo copione è stato visto: