Capisci a me!

Capisci a me!

Commedia in due atti

di

Salvatore Macri

Autore Posizione SIAE 184727 - Codice Opera SIAE 887392A

mail: macrisa@libero.it - anno 2009

Personaggi:

Luigi, impiegato

Piero Mingione, Presidente PPP

Carmela, cameriera

Ginetta, moglie di Luigi

Andrea

Faisal Talatu

Maddalena

Principe

Pasionaria

Bambolina

Scena: interno di appartamento moderno, quadri, sedie, tavolo, almeno un mobiletto con una scatola da scarpe ed un tavolino basso al centro. Comune a destra, altra uscita a sinistra per linterno dellappartamento.

Primo atto Scena prima: Luigi, Carmela, Ginetta

Luigi (entrando dalla comune con un giornale sportivo in mano) Che bella giornata! Finalmente oggi nun fatico e me pozzo leggere 'o giurnale comme dich'io! E po me ne vaco ncopp a internet, senza scucciatori arret e spalle ahhh... e cchi tardi ce sta pure a partita ! Ahhh! Che benerizione! (si siede su una sedia o in poltrona, apre il giornale e mette i piedi sul tavolino)

Carmela (entra da sinistra) On Lui ma mo state cca, overo? Ve site aizato definitivamente?

Luigi S, (scuotendo il giornale) ma comme o dici brutto! Definitivamente marricorda che saccio robba e muorti!

Carmela On Lui, io nun me permettesse mai e farvi chisto malaugurio per! O ssapite che dice o prevete? Che n Paraviso se sta buono, anzi, che nun ce sta nu posto cchiu bello On Lui! Vui si vulite sta buono, ata i lla!

Luigi (facendo gli scongiuri) Brutta janara! Primma dici che nun me fai o malaugurio e po tiri chesti forme e secce! Vavattenne! Ushh! Famme leggere n pace!

Carmela No, no e no! Nun ate capito niente! Era pe gentilezza! A signora m a ditto che aggia ncummincia a fa o lietto

Luigi Brava! Allora vavattenne a lla!

Carmela ma po aggia pulezza chesta stanza! Perci, si ate bisogno e coccosa, facitelo subbeto ca po vengo io e nun ve putite movere cchi!

Luigi E che fai, mattacchi ncopp a seggia?

Carmela No, no e no! A signora cumanna e io faccio! Primma aggia pulezza e seggie e o tavulino, doppo ve assettate e nun ve muvite cchi mentre chi io scopo e lavo pe terra! Manco pe fa a pe lavarve e mani! Ate capito? Ate capito a me?

Luigi E sia fatta a vulunt e Dio! Per tu pulezza senza fa ammuina

Carmela No, no e no! A signora cumanna e io faccio! Aggia passa laspirapovere, a scopa elettrizzata e o muscio pe terra! E vuje si vulite sta cca, nun ve muvite! Io nun ce pozzo i pe sotto! Vietato spurcare! Primma a signora vere, cuntrolla, e po vuje nchiaccate! E levate chisti pieri!

Luigi (esegue, scuotendo il giornale) Sienti, me so scucciato! Vavattenne a fa o lietto, e po se vere!

Carmela Ce verimmo int a cinche minuti! (esce a sinistra)

Luigi Ah, comme me sento buono (rimette i piedi sul tavolino ed riapre il giornale; mentre legge, con lunghe pause) Chesta vita e giurnali ncopp o computer so cchiu aggiornati cchiu comodi ma vuo mettere a suddisfazione e sfuglia nu giurnale nuovo? Quasi quasi doppo vaco a vede che se dice o bar accuss chella pulisce... fa tutto 'o rummore che vo'... che bella vita

Ginetta (entrando da sinistra, anche lei con pause tra le battute) Luigi caro! Buon giorno! Comme stai? Eh? Te sienti buono? Comm' che oggi te si' aizato ampressa...? Te putive arripusa nato poco! Vulisse coccosa? 'Nu caf? Dici, dici...

Luigi (con malcelata impazienza, scuotendo il giornale ad ogni domanda ricevuta) Bellissima buon giorno si forse 'o caf, per doppo... Me so' aizato ampressa, me so ghiuto a accatta' 'o giurnale... e m' 'o vulesse leggere senza annasconnerlo sotto a scrivania, senza farlo mappecea tutto quanto! Capisci a me!

Ginetta (si avvicina e vede i piedi di Luigi sul tavolino; con impeto) Ahhh! Assassino! Che e fatto?

Luigi (attonito) Io che stai dicenne (si alza incerto, lasciando cadere il giornale sulla sedia)

Ginetta (inorridita, indicando il tavolo) O tavulino! O tavulino e mamm! O sai che lunico ricordo d a bonanema e mamma mia! E tu ce miette chilli pieri ncoppa! Chelli scapacce! Chi sa addo si ghiuto! Chillo se sporca e se scippa! (strillando verso linterno) Carmela! Carmelinaaa!

Carmela (entra allarmata da sinistra) Signo

Ginetta Pulezza chisto tavulino! Chillo (indica Luigi) fetente ce a miso e pieri ncoppa! Anzi lievece chelli scarpacce e jettale!

Carmela A chi? No, no e no! Signo, io chelle scarpe nun e tocco! Seee! Chelle se sentono a cca!

Luigi Ate fernuto? Gine, io vulesse sape pecche fratete e pieri c e po mettere e io no! E po e scarpe mie so pulite so nove! (rivolto a Carmela) e nun puzzano!

Ginetta Che centra, chelle e frateme so scarpe italiane ormai so e famiglia, porta sempe chelle a cinche anni e toje chi sa chi l a fatte so dimportazione! Int a chilli paesi e fore ce sta a peste a lebbra (rabbrividisce, poi, decisa) e po o tavulino se scippa!

Carmela Ave ragione a signora! Chi sape chi l a fatte che malatie teneva! E po io e ssento! (storce il naso ed esprime disgusto) Chi sape e che culore vanno fatto e pieri!

Ginetta Carme, nun te preoccupa stasera quanne s e leva, c e metto dint a na busta e dimani se jettano!

Carmela Ah, accuss va buono! E vaco a jetta cu piacere m torno a fa o lietto, po torno e pulisco tutte cose! (esce a siistra)

Luigi Ma tu vidi nu poco stanotte maggia annasconnere e scarpe, si no me jettano e scarpe nove! (si avvicina a Ginetta che ispeziona il tavolino) Io me stevo liggenne o giurnale

Primo atto Scena seconda: Luigi, Carmela, Ginetta, Piero

(bussano)

Ginetta (si rialza di scatto e urta Luigi facendogli perdere lequilibrio mentre va ad aprire alla comune) Ma comme venuto gi?

Luigi (cade sulla sedia, dove c il giornale) Gine che te pozzano ma chi aspietti? (si rialza, e cerca di stendere il giornale ormai spiegazzato)

Ginetta (entra con Piero, facendogli strada) Prego, eccellenza accomodatevi, eccellenza

Luigi (tra s) Trasite, deficienza

Piero (entra con suggiego papale) Buongiorno! Grazie, grazie la sollecitazione vostra mi fa chiagnere

Luigi E nuje invece stammo cchi alleri quanne verimmo a te!

Ginetta Luigi! Comme te mietti a parla, cu o Presidente?

Luigi Gine, e dalli ce cunuscimmo a tanti anni, o sai che ammo fatto e scole nzieme

Piero e infatti ce pariammo cu cunfidenza Ginetta pure tu quanne te decidessuve a pariare cu nuje? E io vulesse pure che tu accanuscisse a muglierema e i guagliuni

Ginetta Ma io nun pozzo pe rispetto che ve porto nun me vene! Ma accomodatevi, eccellenza ve pozzo offri cocche cosa? Nu liquorino na tazzulella e caf?

Piero (si accomoda sulla sedia di Luigi; con un sospiro di soddisfazione, mette i piedi sul tavolino) Gine nun fa cumplimenti, nun voglio niente ma nun me dicesseve niente me so stancato a chella cerimonia aggia pacienza! Te dispiace?

Luigi Ginetta! E ntiso? Vulissi risponnere a Piero, o te stai squaglianne?

Ginetta No, quanne mai facite, chesta casa vosta!

Luigi E po tiene e scarpe italiane, overo? Songo chelle che fanno a differenza!

Carmela (entra con scopa e secchio da sinistra) No, no e no! On Pie ce avite ammiscata vuje a malatia? (a Piero) Scustumatone! Levate chelli scarpe che feteno a ll ncoppa!

Ginetta (inorridisce; poi a Piero) Eccellenza, scusate chesta sorema pazza! (prende sottobraccia a Carmela e la porta fuori a sinistra, soffocando le sue proteste)

Piero (toglie i piedi dal tavolino) Neh, Lui ma io nun o sapevo! Povera mugliera toja poveri a vuje periculosa a pazza? Chella asciuta pure c a scopa! E addo a misa, mo?

Luigi O posto suojo! Chella sta sempe dintallarmadio a caccia fore sulo quanne sadda pulezza

Piero Puverella stritto e scuro ma ce dorme pure a rinto lla?

Luigi Ce dorme a scopa?

Piero Ma qua scopa! Io stongo parlanne d a pazza!

Luigi O vi che si scemo proprio? Po mai essere che na femmena a mettimmo dint o stipo? Ma te criri tutte cose, pure a Befana?

Piero Ecco! Proprio a Befana ce azzecca sienti, io so venuto pecch me serverebbesse nu piacere quanne aggio telefunato, mugliereta toja m a pure invitato a pranzo, ma nun tengo tiempo tu capescissi, stammo sotto lelezioni aggia magna cu perzone mpurtanti facissemo nata vota!

Luigi Nun cagni maje, eh? Ma chilli che te danno e voti, te sentono quanne parli?

Piero Nun m o fa arricurda! E tiempi se so fatti difficili! Na vota ogni tesserato era nu voto assicuro mo nun se capisce niente! Ma m o fai chillo piacere?

Luigi Io me vulevo leggere o giurnale! Se vere che nun cosa! che piacere te serve?

Piero Ecco quana cosa da omme a ommo! Si trasesse mugliereta toja, cagna fuoglio capisce a me!

Luigi E allora?

Piero Eh! Tu o sai ausa o computr? Io me laggio fatto nzigna na consulenza per laggio fatta fa pure a chilli e lufficio

Luigi Bravo! Chella na cosa che ce vo se sparagna tiempo, a carta se ne cunzuma meno io po, ce fatico cu internet tengo cinche caselle postali sapisse quanta robba che marriva songo nesperto!

Piero Eh, gi o saccio che si bravo sulo che io o tiempo na vota o sparagnavo po abbiata pure addo me a posta elettica

Luigi Che dici? A posta elettronica!

Piero Sienti, nun me mpappina stevo dicenne tu cunusci buono a internet, overo? O sai che ce stanno comme se dice e gruppi damici

Luigi Se dice Social network, Pieri!

Piero Ecco chilli che uno se mette nu nomme a piacere e addiventa chello che vo aggio visto imperatori, befane, draghi, streghe ce sta tutte cose! E si uno le vene a voglia e fa doje parole cu na figliola che male ce sta?

Luigi Beh, si so sulo chiacchiere

Piero Ecco per po e chiacchiere addiventano ecco si a guagliona ce mette na fotografia e chelle capisci a me

Luigi E chiacchiere, che addiventano?

Piero Inzomma taggia spiega tutte cose? A primma vota, so ghiuto diretto sulo sulo allappuntamento

Luigi Ma che dici? Ve site ncuntrati overamente? E te si fidato e una che nun cunusci? Ma tu si scemo?

Piero E chella, a fotografia era, diceva tutte cose! Beh, pe nun t a purta a luongo so ghiuto e aggio truvato a una ca teneva a barba e steva vestuta comme a na Befana!

Luigi E ben ti sta! (ironico) Ve site dati pure nu bacetto?

Piero Che schifezze vai penzanne? No, no me ne so fiuto e chella chillo nun o saccio buono che d me scrivesse ancora nu sciumme e lettere, ma io nun risponnesse!

Luigi E allora t bastata a lezione?

Piero Ma chelle, ce stanno cierti guaglione! Nun hai idea! Mo tengo nappuntamento cu nata figliola

Luigi Tu fai tutto chesto, e mugliereta nun sape niente, overo?

Piero Chella me cecarrebbe nuocchio si o venesse a sape!

Luigi E tu ce vuoi i o stesso?

Piero Ecco si per vacce primma tu! Chisto o piacere che me serve! Tu vaje e viri, si femmena me fai segno e vengo io!

Luigi Eh? E a me Ginetta che me dice? E po, nun a pu vede a luntano, e po ce vaje vicino?

Piero Ginetta nun ladda sape! Nisciuno adda sape niente! Ce jammo a piglia nu caf facimmo o servizio e po tu te ne sagli! Io a sulo nun ce pozzo i pure essa s scuttata, e a ditto che a cunosco pecch mette nu signale duje euro vicino o bicchiere quanne coccheruno savvicina! Tu capisci, nun pozzo i a guarda troppo a vicino chella subbeto se naccorgesse, tene a fotografia mia!

Luigi Si accussi scemo che l e dato pure a fotografia! E quanne tenissi chistappuntamento?

Piero (guarda lorologio) Noretta o bar cca vicino A tazzulella, o tavolo vicino o bancone o canusci? Che dici pe llamicizia vecchia che tenimmo? Io nun tengo a nisciuno affidato comme a te tutti scurpiuni e vipere! Capisci a mme!

Luigi Tu me si sempe stato antipatico, pecch si scemo e nun fai niente pe cagna! E pe te da na lezione, te faccio cuntento! Ma sicondo te, una e chelle, che te po da? Che te manca dint a famiglia? Si te va bona, se piglia tutt e sorde che tieni si po fa nu scandalo che te succere? Pierdi a mugliereta, se sfascia a famiglia, a carriera politica t a nguai pe nu sfizio senza futuro c e penzato buono?

Piero Sienti nun parlammo e chella nziriosa e muglierema! Chella nincrocio tra na Befana e na strega! Io aggio fatto sulo na vita e cani, striscianne sempe e alleccanne e scarpe a chilli cchiu gruossi aggio suppurtato tutte cose a muglierema, a gelosia, e scenate, lappiccichi e cani aggio sempe dato, senza pigliarme niente, umiliazioni, dispiaceri lultima occasione che tenesse! Io a chella guagliona laggia vede! O saccio che nun po dura ma voglio nu ricordo bello

Luigi Me sape che invece, (gesticolando) te fai proprio nu bello ricordo! Iammuncenne! Povero giurnale mio! (si alzano; verso linterno) Ginetta! Io e Pierino ce jammo a piglia nu cafe o bar cca vicino! E nun me jettate o giurnale!

Piero Jammo, facessemo ampressa chi sa, nimprevisione

Luigi Guarda che se dice imprevisto e po jammo a pere traffico e bucature e rote nun ce ne stanno e ce sta tiempo nora sana!

Piero Comme si filosofo! E si se fa nu buco dint a na scarpa? Jammucenne! (prende per il braccio Piero e lo trascina fuori per la comune)

Primo atto Scena terza: Carmela, Ginetta, Andrea

Carmela (entra da sinistra con Ginetta e si dirige al tavolino) Signo oiccanne! L a scippato! Signo chelle erano proprio scarpe furastiere!

Ginetta (osservando da vicino) Chillo nu scustumato nu fetente Presidente e buono

Carmela Per quannaggio ditto io, ve site fatta piglia pe pazza o verite che tenevo ragione?

Ginetta Forse se leva piccerillo (si sputa platealmente su un dito e strofina sul legno) Va meglio miettece nu poco e cera e po passa o lucidante

Carmela Si nun jesce buono ce mettite nu centrino na cosa bella pesante accuss sparagno e pulezza a sotto!

(bussano)

Ginetta E chi ? Nun aspetto nisciuno

Carmela Aspettate arapo io chi ? (va ad aprire alla comune e ritorna dopo Andrea)

Andrea (entra e si accomoda) Ahhh! Gine buongiorno, comme jammo?

Ginetta Buongiorno Andre, comme o solito vulisse nu poco e caf?

Andrea S, per aspetto namico fai a cafettera grossa, che po o dammo pure a isso

Carmela Signo, o vaco a fa io o metto dint o termos, accussi nun sadda scarfa pe doppo va buono? (esce per linterno)

Ginetta (sedendosi) Andre, ma io nun saccio comme te veco

Andrea Cara sora mia, stongo cuntiento assai! Stongo facenne naffare na cosa me sistemo na vota e pe sempe e campo e rendita!

Ginetta Andre nisciuno addiventa ricco int a nu mumento si se cumporta buono! E vinto a lotteria? Che sto fatto?

Andrea E chello quasi comme a na lotteria! Uno accatta o biglietto sulo che stavota a vincita sicura! Garantita! Se po dicere che o biglietto maccatto ch e sordi d a vincita!

Ginetta Andre, si sicuro? Nun che fai comme quanne

Andrea Stavota sicuro! Perci aggio pigliato cca lappuntamento! Voglio che ce stai pure tu e Luigi, accuss sentite pure vuje!

Ginetta Ah! E chillo Luigi asciuto

Andrea E chi se ne mporta? O chiammo c o telefonino (prende il suo telefonino e schiaccia dei tasti) oiccanne! O suojo o tene appriesso, overo?

Ginetta Ncullato dint a sacca!

Andrea Zitta che sta chiammanne (pausa) ma nun risponne!

Ginetta Ohe prova nata vota chillo sta o bar cca vicino

Andrea (richiama; pausa) Niente! Nun risponne!

Ginetta Maronna aiutace! Chillo sta malamente! (torcendosi le mani) Forse svenuto nincidente forse sta o Spidale jammo o bar! (si alza e prende Andrea per il braccio, costringendolo ad alzarsi) Jammo, che aspietti?

Andrea Gine ma nun che sta sulo distratto e nun esagera io po aspetto a chella perzona

Ginetta Allora vaco io! Povero marito mio! Chillo ferito (mani alla bocca) Forse muorto! Forse nun risponne che tene e manette o lhanno tagliato e mani! Si, m o sento, succiesa na disgrazia! Tu (prende una scatola da scarpe dal mobiletto) tu fai na cosa, spicciati! (gli d la scatola) Scigli na bella fotografia e Luigi a cca mmiezo (uscendo per la comune) accussi ce a mettimmo ncopp a lapide! Povero marito mio! (gesticolando, esce per la comune)

Andrea Maronna aiutace overamente! (posa la scatola sul tavolo, con delicatezza, girando le spalle alluscita di sinistra) Sorema sempe stata esagerata ma io ch e fotografie e muorti nun ce voglio ave a che fa!

Carmela (entra con un vassoio, con una tazzina) No, no e no! Nun o posto suojo!

Andrea (si spaventa e porta una mano al cuore) Maronna! M e fatto tremma! Io so malato e core ce putesse rummane (incespicando, si va a sedere e si slaccia il colletto) Maronna tengo o core che pare nu tamburo

Carmela Ma comme, sulo pecche vaggio ditto che chella scatula nun va lla ve facite veni ninfarto?

Andrea Linfarto m o fai veni tu brutta janara ma viri che se passa

Carmela Jammo, nun stato niente, pigliateve sto caf

Andrea Lassa sta pure o caf me fa male, m

Carmela Beh, io v o lasso cca si o vulite (posa la tazzina sul tavolino)

Primo atto Scena quarta: Carmela, Andrea, Maddalena, Principe, Pasionaria

(bussano)

Andrea Siente ce vai tu io nun me pozzo sosere ancora sarr chillamico mio

Carmela Vaco io nu ve prioccupate! Chi ? (va alla comune ed apre, facendo entrare Maddalena, che d la mano a Principe e Pasionaria)

Maddalena Permesso (ai figli) Principe e Pasionaria, fate i bravi

Carmela Ah e vuje chi site?

Maddalena Io sto cercando mio marito

Andrea E o state cercanne cca?

Maddalena (isterica) Ma che, me pigli pe scema? (serena) Se sono qui perch so che venuto qui dov?

Carmela Scusate, ma chi vostro marito?

Maddalena (in dialetto) Mariteme Piero Mingione, o Presidente d o PPP, Partito Popolare Populisti

Carmela Ah, s, venuto, ma mo sta nu mumento o bar cca vicino A Tazzulella cu don Luigi!

Principe Uh, mamm, voglio i pure io o bar! Voglio naranciata! tengo sete!

Maddalena E aspietti! Statti zitto, se tratta e cinche minuti

Pasionaria E io voglio e caramelle!

Maddalena (isterica) Stateve zitti si no ve meno a tutti e duje! (serena) Tranquilli adesso ci andiamo tutti al bar andiamo incontro a pap ci facciamo pure questaltra camminata (isterica) e verimmo che sta facenne, chillo disgraziato! Oggi le faccio scunta tutte cose! Faccio succedere nammuina!

Andrea No signo forse lammuina gi succiesa ce sta gi sorema che sta jenne o bar mio cognato nun risponne o telefono essa s misa paura che saccio forse na difficolt nincidente

Maddalena Ahhh, allora po essere che ci sta gi lambulanza? (serena) Ragazzi vedete pap com fortunato?

Principe Uh, mamm, voglio i pure io intallambulanza!

Pasionaria Io no! A me me piace quanne corrono ch e barelle! Io nun ce saglio!

Principe Mamm, che dici, a pozzo guida nu poco pure io?

Maddalena Nun te preoccupa pap se ne compra una tutta per lui, tanto gli servir spesso

Pasionaria E saccatta pure e barellieri?

Andrea Carmeli pecch nun te vai a affaccia nu poco mmiez a via? Viri si stanno turnanne (rivolto a Maddalena) signo, assettateve, addo vulite i, cu chisti guagliuni?

Carmela Overamente! Assettateve nu poco io me vaco a affaccia on Andre, ve sentite meglio? Si ve serve coccosa io vengo subito! (esce per la comune)

Andrea (appoggia i piedi sul tavolino) Ecco accussi me sento ancora meglio

Maddalena Sentite, nun po essere! (ancora in dialetto) I nun pozzo sta assettata a na parte quanne chillo disgraziato sta ciacenianne cu (guarda i figli) chi so io! Ragazzi, andiamo al bar, comportatevi bene! Primma spacco a capa a pap, e po vaccatto aranciata e caramelle! Va buono?

Principe e Pasionaria (insieme) S, s, va buono!

(Maddalena, Principe e Pasionaria escono per la comune, facendo numerosi inchini e cenni di saluto ad Andrea, ancora con i piedi sul tavolino, che risponde come pu)

Primo atto Scena quinta: Carmela, Andrea, Faisal

Carmela (rientrando) Ma se n ghiuta! (guardando Andrea) No, no e no! Stu tavulino s scippato! Levate chisti pieri!

Andrea Stavota nun m e pigliato e sorpresa! Oramai me so pure arripigliato (leva i piedi) ma nun laggio scippato io! Guarda e scarpe

(bussano)

e chisto adda essere isso arapi, pe piacere ma nun ce steva niscuno che turnava?

Carmela No, nisciuno (va ad aprire e fa entrare Faisal, che porta una capace borsa) Scusate chi siete e che volete?

Faisal Oh, io Faisal Talatu appuntamento con signor Andrea

Andrea Carme, fallo accomodare! (alzandosi) Prego, Faisal, assettateve comme se dice in inglese

Carmela Wellcome! Sit down, please!

Andrea Carme! Ma tu sai llinglese e nun dicive niente?

Carmela No, no e no! Io saccio linglese ma o parlo sulo si m o dice a signora! Ate capito?

Andrea Che te pozzano mpennere! Vavattenne, e puortace nu poco e caf, spicciati!

Carmela Vaco, vaco ma chello s arrefreddato ne faccio nato! (prende la tazzina ed esce a sinistra)

Andrea (si accomodano; Faisal mette la borsa accanto alla sedia) Allora, mister Faisal come va? Comm va your vitesse?

Faisal No, non parlare strano io capisce italiano importante che tu capisci a me capisci a me?

Andrea Sicuro! Io capisco a te e dimmi ma overo chello che m e scritto? Comm chesta storia?

Faisal Lunga e dolorosa come vita di alligatore senza acqua! Mio patre in Niger fatto sacco di dollari con petrolio e io non posso prendere denaro, perch vincolati su conto estero italiano! Io gi detto questo, ricordi? Io ho bisogno di giro su conto banca italiana per sbloccare soldi dare venti per cento per riservatezza tu capisci a me?

Andrea Ma perch non lo fai con banca nigeriana?

Faisal Perch bancari non vogliono! Io provato con tutti mezzi, dato buste con dollari, ma loro preso e dato niente! Vincolo che soldi non possono ritornare in Niger! Allora bisogna girare, poi prelevare e viaggiare contenti

Andrea Viaggiare contanti cio te servono e banconote e dollari?

Faisal Anche euro buoni, valgono pi, perci meno pacchi molto buono!

Andrea E quanti soldi sono?

Faisal (si gira intorno) Qui niente spie? Parlare tranquilli?

Andrea Sicuro! Niente spie!

Faisal Diciotto milioni dollari tu fare conto quasi quindici milioni euro se tu dai mano, prendi tre milioni euro capisci a me?

Andrea Mannaggia che nun ce sta sorema! Ma io non capisco pare facile e tu io che devo fare?

Faisal Tu dire tuo numero di conto io fare giro da Italia conto-conto, e tu trovi milioni su tuo! Poi si va banca, prende tutto e poi poco a te e tanto a me, ok?

Andrea Facimmo! Sono daccordo! Chi ci va in banca?

Faisal Vado io, per fare giroconto devo lavorare con miei numeri quando tu dare tuoi numeri conto e numeri altri io faccio servizio io vado subito in banca, e faccio operazione, veloce come fulmine in deserto! Capisci a me! Tu quanto avere in banca? Questi tuoi soldi io devo sapere per fare conto preciso soldi tuoi restano tutti a te!

Andrea Ma preciso preciso nun marricordo ma songo quasi quindicimila euro

Faisal Facciamo quindicimila! Pochi soldi! Allora io prelevo tutto, ok? Poi facciamo conti e quindicimila si mettono sopra tua parte ok? Adesso dare numeri

Andrea E io o sapevo! Me limmaginavo che se jeva a ferni cca! Ma me so premunito!

Feisal Tu sapevi chiamato qualcuno polizia?

Andrea Ma che centra a polizia? No, no (mette la mano in tasca) ecco qua! Cca ci sono tutti numeri, conto, codice, numeri controllo tutto! Sono stato bravo a preparare tutte cose?

Feisal Bravissimo (si asciuga il sudore) Feisal ha avuto momento caldo ma adesso passato allora io vado banca, fare giro e prelevare per forse non necessario prelevare tutto faccio stare i pochi soldi tuoi su conto e lascio pure percento di tre milioni giusto?

Andrea Giusto! Tanto io nun ne ho bisogno di tanti contanti allora che fai?

Feisal Io vado (si alza) Tu stare riposato io torno qui, lascio qui mia corrispondenza con preziosi documenti (apre la borsa e mette una cartella piena di carte sul tavolo) soldi metto in borsa, pi sicuro va bene? Feisal va, e pulisce conto tu capisci a me?

Andrea Sicuro che aggio capito! E che aspietti? Ahporta a me lestratto conto, quando tornare!

Fesal Estratto conto s adesso faccio subito estrazione conto e poi torno subito a dare roba a te e prendere documenti tu capisce me? Aspetta qui non muovere! (esce per la comune)

Carmela (entra con due tazzine) Uh, on Andre, e chillo aro ghiuto?

Andrea (si alza) Eh, bella mia asciuto a fa nu servizio io vaco o bar, a festeggia sulo cinche minuti, per! Chillo adda turna! Astipa sti carte (Carmela prende la cartella) Sapisse che stongo pe ave, e senza fa niente! Chillo me sta facenne nu servizio lavato e stirato a puntino capisce a me!

fine primo atto

Secondo atto Scena prima: Luigi, Carmela, Piero

Luigi (entrando dalla comune) Aro sta? Ahhh, taggio piscato! (recupera il giornale) Finalmente! (si siede su una sedia, apre il giornale e mette i piedi sul tavolino)

Carmela (entra da sinistra con attrezzi per pulizia) No, no e no!On Lui ma a vulesseve ferni e mettere e pieri ncopp a chisto tavulino? On Lui? On Lui!

Luigi (scuotendo il giornale) Carmela pe piacere sto liggenne

Carmela Io ve laggio ditto si vulite sta veramente buono

Luigi (scuote nervosamente il giornale)

(bussano)

Ecco e manco oggi se po fa niente

Carmela (va ad aprire e fa entrare Piero) Chi ?

Piero Permesso buongiorno ce sta Luigi! Amico mio!

Luigi O sapevo! (ripiega il giornale e leva i pedi dal tavolino) Buongiorno assettate, Pieri! Carme, pe favore

Carmela Sissignore, o caf ma doppo torno a pulezza! (esce)

Piero Lui, tutto a posto? Io no

Luigi Ma tu che vai truvanne? Te si ncuntrato cu chella guagliona, e scansato a mugliereta che ato vuo?

Piero Lui me serve nu piacere e sulo tu me putisseve aiuta!

Luigi Pe me, te serve sulo e sturia nu poco ditaliano, e io nun faccio o professore

Piero No, no siente (si gira intorno) stammo suli, overo? Sienti chella Bambulella io ce avessi parlato

Luigi Me limmaginavo ma nun se n fiuta, quanne t a sentito?

Piero Povera anima innucente! Chella nun sape niente d a vita a perzo a fatica, tene a mamma paralitica, o frato invalido, e nonni caricati ncuollo adda pava o pesone

Luigi E tu te si creduto tutte cose? Chesta canzone vecchia! Quanto lhe dato?

Piero No, vo sulamente fatica, ma nun sape fa niente! Alloraio aggio penzato e pure essa accunvenuta se mpara e fa a cammeriera ma ce vo coccheruno che a nzegna!

Luigi E allora?

Piero E allora si tu accunvieni o dicimmo a mugliereta e a facimmo fatica nu mese vicino a Carmela

Luigi Ma tu si pazzo! Io nun me metto una e cheste dint a casa! Seee! Una che se chiamma Bambulella!

Piero Ma se chiamma proprio accussi lavesse visto io, sta scritto ncopp a chillo foglio che l ha dato a Pulizia si nun trova subbeto fatica se nadda turna in Polonia

Luigi Ah! Ha avuto pure o foglio e via!

Piero E chillo perci nu caso che sulo tu e mugliereta putisseve accuncia

Luigi (con veemenza) Ma nun se ne parla proprio

Secondo atto Scena seconda: Luigi, Carmela, Piero, Ginetta

Ginetta (entrando da sinistra) Signore Presidente! Buon giorno! Scusate si songo ritardata Carmela m a ditto che eravate vuje, e allora me songo misa primma in ordine per ossequiare leccellenza vosta! Ve pozzo offri cocche cosa? Nu liquorino Carmela sta facenne gi na tazzulella e caf

Piero Grazie, Ginetta, ma nun cera bisogno comme stevo dicene a Luigi, tengo nu problema

Luigi Ohe! E accussi nun vale!

Ginetta Zitto tu! O Presidente (moine) si le serve coccosa gi fatta!

Piero Grazie, Gine! Allora ce sta na povera guagliona, venesse pe qualche giorno a mpararsi a fa e pulizie, nzieme cu Carmela nun ve costa niente e po le truvasse io nu pusticiello

Ginetta Sicuro! Facitela veni subbito!

Luigi Sienti, Gine, ma nun te pare che

Ginetta Zitto tu! Vulissi pe caso che o Presidente le facessimo chistaffronto, chesta malazione? Chiammatela, chiammatela

Luigi (a Piero, a denti stretti) Po facimmo e cunti

Piero Allora io a faccio sagli! Chella sta aspettanne cc sotto! (si alza) Grazie, grazie a nomme d e viecchi suoi che starebbero quasi miez a via! Corro nun ve scuitate a accumpagnarmi! (esce per la comune)

Luigi (alzandosi) Gine, e fatto nu guaio! O sai che chesta se chiamma Bambulella, tene o foglio e via chi sape chi e che a fatto

Ginetta E tu pe chesto facissi na scortesia o Presidente! Ma statte zitto! Carmela! Carmelinaaa!

Carmela (entra) Signo, che succieso? A miso nata vota e scarpe?

Ginetta No, nata cosa Carmeli, ce sta na povera guagliona che ave bisogno e fatica

Carmela No, no e no! Vuje cu chesta scusa, me vulite licenzia?

Ginetta Ma quanne maje? No, che sadda mpara a fa e servizi

Carmela No, no e no! Accussi cresce a concorrenza, a richiesta e mercato nun saglie, e prezzi d e prestazioni scenneno e io ce vaco pe sotto!

Luigi Carme, ma tu tenissi a laurea in economia?

Ginetta Nun te preoccupa, chella o posto o tene gi e nuje anzi io taumento o stipendio

Luigi Ehhh?

Ginetta (guarda ferocemente Luigi) dicevo ti aumentiamo lo stipendio abbasta che me mpari bona a chesta (schiocca le dita)

Luigi Bambulella

Ginetta Ecco! Nun me veneva!

Carmela Accussi se po fa per quanne se ne va, o stipendio mio nun scenne! E chesta chi ? A ro vene? Quanti anni tene?

Ginetta (a Luigi) Appunto! Chesta chi ? A ro vene? Quanti anni tene? Ma comme, tu me mitti na perzona dint a casa senza sape niente? Tu si nu scemo!

Luigi (si alza, rassegnato) Nun ce sta niente a fa songo veramente scemo a rummane dint a sta casa! Vaco o bar! (mette il giornale sotto braccio ed esce per la comune)

Carmela Signo, ma chesta quanne vene che le faccio fa? Io nun ve cunsigliassi e cose delicate che saccio nun le facesse fa o lietto chi sa si tene malatie

Ginetta Per sadda pure mpara! Facimmo na cosa tu addimanna viri e capi che a avuto si a tenuto malatie e te reguli tu capisce a me!

Secondo atto Scena terza: Carmela, Ginetta, Bambulella

(bussano)

Ginetta (fa segno a Carmela di aprire, e si mette in disparte)

Carmela (apre con cautela) Chi ? Ah trasi cio came in, dolly!

Bambulella (entra con timidezza) Ma io no capire inglese tu inglesa?

Carmela Signo, e comme facimmo? Io saccio parla sulo inglese, chesta pare che

Bambulella Ah, ma si parli napoletano, io capiscia tutto!

Ginetta Overamente? Allora Carme, stai a posto (scansa Bambulella che accenna a volerla salutare) Piacere, piacere, sono Ginetta Carme, io me pare che me chiammano aspetta(esce velocemente per la comune)

Carmela E m m a lassato sola! Io mi chiamo Carmela, e tu comme te chiammi overamente?

Bambulella In polacco mio nome Dolr, ma guaio! Chi capisce dolore, chi dice dollaro Bambulella significa stessa cosa in polacco, per tutte quante capisceno che significa!

Carmela E ce crero! Allora, famme senti tu te vuo mpara a fa e servizi e casa ma nun sai fa proprio niente?

Bambulella Io si! Quando ero piccerella tenevo casa a Katowice (mima), pigliavo ghiaccio pe fare acqua, spaccavo legna per fuoco, pulivo piatti e pentole con sabbia spazzolavo pellicce orsi e volpi

Carmela Beh, forse e cose sono nu poco diverse, qui t e mpara a usa detersivi giusti spolverare cambiare letti con lenzuola ah! Tieni pe caso allergie? Ce sta qualche cosa che te fa male?

Bambulella No, niente male temperata da inverno polacco chi non muore durante lungo inverno pu campare anche tutta breve estate!

Carmela E chisto cunto v o facite ogni anno, vero? Aspiette nu poco (esce e torna con un grembiulino e un piumino) Miettete chisto, e leva a polvere io vaco a fare letto ma senza accetta e senza martiello chillo gi costruito! Faccio solo bello cu lenzuola e coperte poi vengo e veco se tu pulito bene, ok?

Bambulella Ok, ok ma se io debbo fare qualcosa, dove vado?

Carmela (indica a sinistra) Seconda porta e ci sta lacqua corrente, pure calda!

Bambulella Allora ok, ok! (mette il grembiule)

(bussano)

Carmela (a Bambulella) Vieni e mparate si bussano comme se fa?

Bambulella Si rape!

Carmela No, no e no! Quanno mai! Tu devi conoscere a loro, si no nun rape! Vedi come faccio io (alla porta) Chi ?

Ginetta (di fuori) Sono io, Ginetta Carmela, apri, me sono scurdata le chiavi

Carmela (a Bambulella, mentre apre) Ecco ha detto chi , ha detto pure il mio nome se po rapi!

Ginetta (si affaccia a met dalla comune) Carmela come andiamo malatie tutto a posto?

Carmela Si, signora pare che ce simmo

Ginetta Allora vieni cu me, damme na mano a jetta cheste buste che stanno cca fore dint o cestone duje minuti!

Carmela Va bene (a Bambulella) Ohe, nun te ne scappa, va buono? E si bussano, fa comme taggio ditto nun arapi a nisciuno!(esce lei con Ginetta)

Bambulella (comincia a spolverare in posti assurdi come le pareti esterne del proscenio, o meglio- scendendo tra gli spettatori a spolverare le loro scarpe)

(bussano)

Bambulella (ritorna velocemente alla porta, senza aprire) Chi ?

Ginetta (dallinterno) Sono io Ginetta, apri la porta! Mi sono dimenticata le chiavi!

Bambulella E io che ne saccio si overo? Io non arapo a nisciuno! Carmela me l ha ditto e sulo Carmela po cagna! Capisce a me!

Ginetta Ma comme sarebbe? Io sono la padrona, Carmela scesa arapi chesta porta! Spicciati devo fare una cosa urgente!

Bambulella Allora tu aspietti che torna Carmela essa dice e io rapo! Se poi mi dici mio vero nome, allora io rapo subito!

Ginetta E che ne saccio comme te chiammi overamente? Arapi! (batte sulla porta)

(incurante delle proteste, Bambulella riprende a spolverare, canticchiando; la situazione si protrae per alcuni secondi, con Ginetta che fa rumore dallinterno e Bambulella che spolvera)

Gianetta Che dolore! Spicciati!

Bambulella (va velocemente alla porta e la apre) Ah detto mio nome adesso potere entrare!

Ginetta (entra) Te pozzano abbenericere! Me steva scappanne! (via per linterno)

Bambulella (le grida dietro) Seconda porta e ci sta lacqua corrente!

Carmela (che nel frattempo entrata e ha guardato in giro) Bambulella a spusta a povere si brava chella che steva ncopp e mobili mo sta nterra, e chella che steva nterra lassammo perdere! Vieni cu me jammo a fa o lietto, po cucinammo tanto primma o poi (decisa) na malatia sempe sanna piglia! E mica so eterni, pure loro anna muri! (esce con Bambulella)

Secondo atto Scena quarta: Luigi, Feisal, Ginetta

Luigi (entra con Feisal) Entra, Feisal, assettammoce e ncumincia a capo!

Feisal (si siede) Vedi, io posso fare grande aiuto a te ma per niente soldi! Io no tocca soldi Io visto in bar su internet tua abilit e velocit in mio povero paese tu fare subito carriera e questa era cosa che dicevo vieni in Niger! Io come Sottosegretario a Sviluppo posso organizzare(apre la borsa e mostra velocemente delle carte) ecco copia di mie credenziali presso Ambasciata, dove portato posta diplomatica ecco vede, vede vede?

Luigi Ma che vu vede, che sta scritto arabo!

Feisal Problema, questo tu fare corso di arabo! Non difficile, grammatica italiana pi difficile tu fare corso sul posto te venire tra due mesi?

Luigi Bello mio ma io tengo lavoro, na mugliera cio moglie, wife, insomma lasso tutto.. senza garanzie?

Feisal Io dare migliore garanzia possibile! Tu venire in Niger e io fare parlare con Capo Gabinetto Ministro, e pure con Ministro! Io assicuro paga almeno centomila dollari anno pi consulenze, pi bustarelle su acquisti computer tutto senza tasse! Dopo ok Ministro tu non muove io faccio arrivare primi sei mesi soldi, almeno cinquantamila, tu prelevi e dopo tu vieni!

Luigi E c o Ministro quanne ce parlo e addo?

Feisal Tu vieni Niger per sette giorni ma questo a tuo carico! Viaggio, albergo, nuovi vestiti arabi, poi cene e spesucce di bazar almeno sei-settemila euro tu devi investire!

Luigi E comme facessi tutto in arabo? Prenotazioni allalbergo, o sarto o biglietto aereo ancora ancora, tutti parlano inglese me facesse aiuta da Carmela ma o riesto?

Feisal Tu vuoi aiuto? Io posso fare ma non posso anticipare tutto denaro necessario che io sacrifichi me stesso e accetti di spendere tuoi soldi servono solo mille euro contanti per sarto, resto va bene carta di credito!

Luigi Beh, senti, naggia parla cu mia wife primma per insomma doppo parlato c o Ministro se putesse fa!

Feisal Allora parlare con moglie io aspettare domano no possibile, ho grande riunone, e dopo domani io ritorna in Niger mia casa, finalmente! Perci tu decide subito! Parla con moglie telefono?

Ginetta (entra da sinistra) Uh, Luichi chisto signore?

Luigi Ginetta! Meno male sienti te presento Feisal me offre nu lavoro in Niger e nun vo niente dintermediazione!

Feisal Buongiorno signora a Lagos, per precisione, dove Ministero Sviluppo Nazionale incarico importante, io visto sue capacit su colputer ricco stipendio!

Ginetta Piacere uh, che bella cosa! E vai a fatica in Australia? Accussi te lievi a nanze e me manne sulo e sorde? E quanno parti?

Luigi Primma e tutto, o Niger sta in Africa po me penzavo che almeno me facive na scenata! Ma comme, io me ne vaco a fatica in Africa e tu dici che va buono?

Ginetta E quanne fatichi cca, chi te vere mai? Quanne tuorni te mitti vicino o computr, e bona notte! Taggia chiamma pe mangia si e no te veco quanno duormi che differenza fa?

Luigi Ah allora pozzo accett ma chisto dice che ce vonno settemila euro pe na sittimana, pe parla c o Ministro

Ginetta E me pare pure poco! Na sittimana fai quinnicimila, vengo pure io!

Luigi Ma inzomma, e sta sempe mmiezo? E po, quanti sordi

Ginetta Che centra? Tu vai a parla e io faccio a turista, e e sorde me servono capisce a me!

Feisal A me sembra buona idea signora pu fare turista, io avvisare agenzia e prevedere scorta Niger molto povero e signora essere carina gentile potrebbe avere noie!

Ginetta Allora deciso! Tu caccia e sorde! Quanno se parte?

Feisal Io posso programare viaggio tra due settimane tu signora e tuo marito dovete fare vaccinazioni e avere vestiti arabi io fare cucire e prenotare tutto dovere fare tutto adesso perch io domani impegnato in grande riunione

Luigi Va buono! Scennimmo, prelevo millecinquecento euro p o sarto e po te dongo e riferimenti d a carta e credito jammucenne (si alza)

Feisal (si alza anche lui) Allora andiamo

Ginetta Andate! Arrivederci!

Luigi Allora io vado

Feisal Allora andiamo, lui preleva, io prendo i soldi, carta credito e corro a spendere tu capiscia a me?

Ginetta Andate, andate!

(Feisal e Luigi escono, parlando tra loro)

Secondo atto Scena quinta: Ginetta, Carmela, Maddalena, Principe, Pasionaria

Ginetta Carmelinaaa! Aro stai?

Carmela (entra da sinistra) Signo, che vulite?

Ginetta Comme sta jenne a Bambulella?

Carmela Signo, no, no e no! E nu disastro! Nun ne parlammo d a pulizia, nun sape carica a lavatrice, a cucina italiano nun bona, o lietto nun o sape fa senza pellicce, vuleva lava pe terra cu a spazzola per a bona vulunt a tene!

(bussano)

Carmela Vaco io Chi ? (va alla comune ed apre, facendo entrare Maddalena, che d la mano a Principe e Pasionaria)

Maddalena Permesso (ai figli) Principe e Pasionaria, fate i bravi

Ginetta Ah e vuje chi site?

Carmela A conosco io, signo a mugliera e on Piero

Maddalena Io sto ancora cercando mio marito

Ginetta Uh signo, accomodatevi! Che onore! Io ve vulevo accanoscere a nu sacco e tiempo, ma me so sempe misa scuorno! Prego, prego ma che belli guagliuni (Maddalena si siede impettita, con Principe e Pasionaria ai due lati) E o marito vuosto, o Presidente Piero o state cercanne cca?

Maddalena (isterica) Ma me pigli pe scema? (serena) Se sono qui perch so che venuto qui dov?

Ginetta Ma noi nun abbiamo avuto ancora lonore d o vede ve pozzo offri qualche cosa, mentre laspettate? Carmela

Carmela Si signo, vaco

Principe Uh, mamm chella chi sa che ce porta io tengo famme

Pasionaria Io invece tengo sete

Maddalena (isterica) Stateve zitti si no ve meno a tutti e duje! (serena) Tranquilli per favore, non fatemi trascendere adesso aspettiamo cinque minuti e se pap non si vede, ci facciamo unaltra camminata (isterica) o ncucciammo e verimmo che sta facenne, chillo disgraziato! Oggi le faccio scunta tutte cose! Faccio succedere nammuina!

Carmela (rientra con un vassoio con dolcini, due tazzine di caff e due bicchieri di aranciata) Signora, va bene accussi? (poggia il vassoio ed esce)

Ginetta Brava a Carmela (mentre porge il caff a Maddalena) ecco qua assaggiate, vedite comm buono

Pasionaria (prende un dolcino e lo mangia avidamente) Ah, comm buono chisto, invece!

Principe (strilla di rabbia e cerca di colpire Pasionaria, ostacolato da Maddalena) Tu brutta janara! Tu tenivi sete, che te mitti a mangi? Chillo pasticciotto o vulevo io! Mammaaaaa! A viri a chesta?

Pasionaria (si difende continuando a mangiare) Statte zitto si no me bevo pure tutte cose! Puorti rispetto a soreta!

Maddalena (cercando di fermarli) Basta! Zitti! Composti! Silenzio! Guagli, io ve sgommo e sanghe, vaffoco, parola mia! (serena, dopo che i due si sono calmati) Ragazzi, non modo siete pur figli di un Presidente

Secondo atto Scena sesta: Ginetta, Carmela, Maddalena, Principe, Pasionaria, Piero, Bambulella

(bussano)

Ginetta Presidentessa, perdonate (aprendo la porta) chi ?

Piero Sono io (senza notare moglie e figli) Comme va a Bambulella?

Maddalena (si alza, minacciosa) O villoco, o fetente! Te si spezzato e cosce, a veni, finalmente! E comm e ditto? Bambulella?

Piero No, veramente aggio sbagliato vulevo dicere bumbulella a bumbulella e gas laggio data a Luigi tu ne sai niente, Gine?

Ginetta Ma ah, si, chillo lha pruvata ma nun jeva bona, Presidente mo Carmela sta cercanne d adatta Carmela!

Carmela (entra da sinistra) Dicite, signo

Ginetta Carm capisci a me chella (enfatizzando) bumbulella, capisci a me comme va?

Carmela Hmm putesse pure i adattannese nu poco

Piero Meno male so contento (a Maddalena) ma tu comme sapivi che venevo cca?

Pasionaria L e ditto pe telefono, nun saccio cu chi parlavi, che te serveva nu piacere addo Luigi! E sicondo te io nun o dicevo a mamm?

Principe Si o sentevo io, me scurdavo tutte cose!

Maddalena (minacciosa, a Piero) E di che piacere si tratta?

Piero No era che sai stammo vicini allelezioni allora nu poco e appoggio

Ginetta Preside, assettateve nu poco nu caf?

Piero (si siede) Grazie, Ginetta, volentieri! Assettate pure tu, Matale mo me piglio stu caf e po ce ne turnammo a casa

Carmela M ce penzo io! (prende il vassoio ed esce a sinistra)

Principe Mo porta llati pasticcini!

Pasionaria E m e magno tutti io!

Principe (lamentoso) Mammaaaaa! A viri a chesta?

Maddalena Ragazzi, insomma Pie, e vulissi sgumma nu poco e sanghe tu, na vota?

Carmela (entra da sinistra col vassoio rifornito e lo poggia sul tavolo)

Bambulella (entra da sinistra con una bottiglia) Carmela! Te si scurdata laranciata! (agli altri) Scusate (esce)

Maddalena Chi tanto e chi niente! Piero, a signora tene doje cameriere e io aggia sempe sgubba! Signo ma ve servono tutt e doje?

Ginetta Veramente a siconda se sta mparanne po se ne va

Maddalena E allora m a piglio io! Pie, tu statte zitto! A cameriera me serve! Per tene naria strana Pasionaria!

Pasionaria Dici, mamm.

Maddalena L e vista chella signurina? Beh, chella vene a fatica addo nuje quanne sta pe dint a casa nosta, tu e sta azzeccata a essa e a pap! Nun voglio che a stu rimbambito le veneno idee capisci a me!

Pasionaria Ho capito tutto, mammina bella nun te preoccupa, a pap ce penzo io! (ridacchia)

Principe (mangiando) Io nun aggio capito niente!

Piero E si io nun fosse daccordo a tenerme Ba chesta badante int a casa?

Maddalena Allora o Presidente se lava e panni se cucina se stira e cammise pecch io me ne vaco! Me porto a Pasionaria e a te, te lasso a Principe!

Piero A chi vuo fa passa stu guaio? No, no meglio che vene, chesta accussi quanne a veco, marricordo d o pericolo scampato!

Bambulella (entra portando il caff) Scusate, io maggia mpar

Piero Signurina Ba badante vuje venite a fatica cu mia moglie le serve naiuto p a casa fernisce che ce verimmo poco o niente pecch io stongo sempe fore quindi capisce a me!

Bambulella (guardando Piero) Aggio capito tutte cose pe me va buono (a Maddalena) Signo, io songo di Polonia, perzo lavoro che dava da magiare a me e a famiglia mia me stongo mparanne a aiuta avite ave pacienza cu me si sbaglio nun me castigate vuje nun paliate a Dolr, overo?

Maddalena Povera figlia e tieni pure nu bello nomme nun te preoccupa

Pasionaria Mamm, chesta m simpatica! Pecch nun vene cu nuje, mo che ce ne jammo?

Ginetta Neh, Dolar? Pe me va buono

Maddalena Allora fatto! Jammo, levati chisto grembiulino po parlammo a casa, te dico chello che sadda fa e ce mettimmo daccordo va buono?

Bambulella (lentamente si leva il grembiulino e lo porge a Maddalena) Io trovato lavoro overo lavoro onesto, finalmente! Signora Maddalena, grazie, anche anche a Carmela grazie tutto io far tutto possibile e nun me guardate, me metto scuorno! (si nasconde il volto tra le mani)

Maddalena (si alza, la abbraccia e la conduce fuori per la comune) Povera figlia arrivederci a tutti, scusate Pie, porta e guagliuni!

Piero (alzandosi) Ma comme? Io? O presidente d o PPP?

Pasionaria S, s, pap e nun te scurda che io so a figlia d o Presidente! (si alza e gli d la mano) Jammucenne!

Principe E che facite, me lassate cca? Papaaaaa! (si avvicina e gli d la mano)

Piero Beh arrivederci Gine, salutateme a Luigi arrivederci scusate si nun ve dongo a mano nun ne tengo cchiu!

Ginetta Uh, eccellenza! Nun ve preoccupate! P e saluti state servito! Arrivederci!

Principe e Pasionaria (insieme) Arrivederci!

(Piero, Principe e Pasionaria escono per la comune)

Secondo atto Scena settima: Ginetta, Carmela, Luigi, Andrea

Ginetta Carmelina

Carmela (entra da sinistra) Che c signo uh! Se ne so ghiuti tutti quanti e Bambulella?

Ginetta Bambulella mo se chiamma Dolr na brava guagliona, e ghiuta a casa e Maddalena!

Carmela Accuss senza niente? Bah nu poco me dispiace stevemo bone nzieme, e me stevo affezionanne! E nu poco rimbambita, ma se mpara subito!

(entrano Luigi, con la borsa di Feisal, e Andrea)

Luigi Ah, Gine famme assetta(si siede) Ahhh!

Andrea Pure io, pure io (si siede) Ahhh!

Ginetta Ma che v succieso?

Luigi Mo te dico Carmelina, facce nu poco e caf, pe piacere

Carmela Si, ma parlate forte, che pure io aggia senti che ate cumbinato! (prende il vassoio dal tavolo ed esce a sinistra)

Luigi Che ammo cumbinato? Gine, si nun ce steva fratete, stevemo ngiuaiati!

Andrea Ohe, nun esagera, chella stata na cumbinazione

Luigi furtunata assai! Gine, te ricuordi a Feisal? Chillo disgraziato! Mentre stevo pe preleva e sorde inzieme cu isso, Andrea m a visto a luntano e s avvicinato e Feisal a ancuminciato a tremma, me diceva e fa ampressa e cchi Andrea savvicinava e cchi isso me nfanfareva po Andrea a canusciuto pure a isso

Ginetta Ah, o canuscive pure tu? E allora?

Andrea Eh, zitto, chesto laggia dicere io! Luigi steva ancora vicino o banconat io cammenavo, e isso cammenava me so avvicinato nato poco ebbe, chillo a abbiato a correre! Tu che issi fatto?

Ginetta Nun o saccio

Carmela (entrando con i caff) No, no e no! Io me fosse messa a correre appriesso pure io!

Andrea E chello che aggio fatto! Ahhh! (prendendo il caff) Grazie!

Luigi E pure io (come Andrea) me so miso a correre ce simmo fatti tre chilometri almeno ma si nun mullava a borza, o pigliavo!

Ginetta Ah, allora chesta a borza soja?

Luigi S, proprio essa chillo fetente! Lammo aperta sta chiena e giurnali furastieriarabi, pure tedeschi per Andrea dint a na sacca ce a truvato pure o biglietto suojo ch e coordinate bancarie

Ginetta (sgomenta) Andre s a pigliato e sorde tuoi? Ce si caruto nata vota?

Andrea No, no e no...!

Carmela On Andre, nun cupiate e parole mie!

Andrea So ghiuto a cuntrulla, nun s a pigliato niente!

Luigi E chillo mica era scemo nu minuto primma e parti, se pigliava o tuoio

Andrea e o tuojo!

Luigi e a Polizia nun teneva o tiempo e interveni!

Ginetta Allora tutto a posto?

Andrea Tutto a postissimo (si alza) mo me ne torno a casa me so arripusato ma me voglio mettere nu poco ncopp o lietto arrivederci! (esce per la comune)

Carmela (prende il vassoio) Vaco a pulezza chesta robba (esce per la sinistra)

(bussano)

Ginetta E mo chi ? (va ad aprire ed entra Bambulella)

Bambulella Scusate, me so scurdata na cosa d o marito mio (si dirige alla borsa e la prende) Vuje capite, fino a quanne nun trova na fatica onesta pure isso chillo nun se po accatta na borza nova ogni juorno capisce a me! (esce)

fine

Questo copione è stato visto: