Che bell ciatà

Stampa questo copione

 


                                       


presenta

 


Atto  unico  tratto dal mondo virtuale  e   liberamente  scritto dalla fantasia dello

                                                           SPARVIERO  GRIGIO

                                                                       Interpreti

Cincinnato                                                    padre                                     Fausto

Corinzia                                                        madre                                    Chiara

Veranda                                                        figlia                                       Stefania

Gina                                                              amica Veranda                     Barbara

Giana                                                            sorella Gina                          Monica

Gioele                                                           amico di famiglia                  Dario

Tullio                                                             fratello Gioele                       Stefano

Toro scatenato                                                                                           Rudy

La scena si svolge in un normale appartamento di un  palazzo  moderno, arredato però con mobili provenienti dal matrimonio dei  due anziani quindi  di  circa 30 anni fa.

Deve essere presente in scena una macchina da cucire vecchia e a pedale con sedia, un tavolino per  computer con due sedie, tavolo da sala con due sedie, citofono,il resto alla fantasia degli scenografi

I due vecchi genitori vengono coinvolti in un’avventura virtuale capitata alla figlia e all’amica,come tutte le cose astratte anche questa avventura finirà in nulla  rafforzando  però  in  tutti la voglia  di vivere  la vita  reale abbandonando  la virtualita’

(Mentre Corinzia è indaffarata a pulire Veranda sbuffando va avanti e indietro per la sala)

Veranda        Che barba che noia, tucc  i dì  sempre la stessa vita, mai  una emusiun,mai un diversif, mi  sount  stufa  neh…..stufaaaaaaaaaaaa

Corinzia        L’è quel che   disi ancami  o  benedetta  tusa, va  foeura ogni  tant, va  foeura  che  te set  nell’età  de andà foeura di ……..scatul

Veranda        Mama  che  culpa  gò   se  a  Nuà  gh’è  gnanca un  omen che me merita,   che  sia  alla   mia   allessa…..

Corinzia        Ma  se gh’era el bagatt  che  te  faceva  el fil…..  e  l’era alt   195

Veranda        Alto di  intelletto, di sapienza…..minga  de  statura

Corinzia        Pora tusa,e magari t’el voeuret  sciur, bell  e giuvin

Veranda        beh   v’un   che  el   regga   il   mio ritmo  di  vita…..viaggiare…….discoteche….ecc ecc

Corinzia        viaggiare ???? ma  se  te   set   semper in   ca’  

Veranda        Vedi che  te  capisset  minga  mama,  mei  che vo   a fa un  gir in   chat

Corinzia        Oh   brava   tusa,   và indue  te  voeret  basta  che  te  vet che  gò  de nettà   la  cà….  Ma…..ti………  indue se trova  sto post

Veranda        Quale  post  ????

Corinzia        La chat ..no ????

Veranda        Ossignur  mama, la chat….indue   se và  a  chattare   no ????   mi sembri una  del  secolo   scorso

Corinzia        Ti  uhiii…. Va  che  anca  ti  te  set   del   secolo passato

Veranda        Mama….chattare  vuol   dire usare  il   personal….

Corinzia        (guardandole  il sedere)  Beh…. Tua mamma ti ha  fatto   un bel   personal

Veranda        Mamaaaaaaaaaaaaaaaaa…..personal   computer  (indicandolo)

Corinzia        ahhhh…..quel scatulott   che te duperet  fina  a  nott funda

Veranda        Certo……per chattare

Corinzia        Beh  adess   pensemm   a preparà   la culaziun  

(entra il padre addormentato e in pigiama)

Cincinnato    Alura….donn…..segh’è  de culaziun

Corinzia        Dunca….tartine  imburrate con  caviale….pinot molto doc ….salmone  non  affumicato….miele  estratto   al ricino

Cincinnato    ricino ???…..ueh…..perché   al    ricino ?

Corinzia        Perche’  te  diset  semper che  te   vet  mai   de corp

Cincinnato    Ti  preocupess   minga….el   me corp   el và quand    l’è  ura

Veranda        Papa’ dai…..cosa vuoi  che  ci sia a colazione,cume  ier   no ????  pan   e   latt

Cincinnato    già..pan  de  la settimana passada, a ghe voeur  el black e decker  a percussiun per  spacal

Corinzia        A parte il fatto  che  in  quasi  11 ur…te dumandet anca  se gh’è  de culaziun   ???

Cincinnato    si  perché  incoeu  l’è   un  di   impurtant

Corinzia        vedemm…compleanno  no…l’è  a setember…..onomastico no….el to  sant  el gh’è  minga….matrimoni  no….l’è  a febrar …..

Cincinnato    l’è   la ricurensa  del decimo anno  de  pensionamento

Corinzia        (prendendolo in giro) strano…..l’han   minga  dì   alla televisiun

Cincinnato    gh’è   peu   la televisiun  de una volta

Corinzia        Però  disen  che  count quel che  te  ciapet  se  ariva  minga ala fin  del   mes

Veranda        Uffa   voidue….citooooooooo………..sono  in videoconferenza

(cincinnato e  corinzia si guardano senza capire)

Cincinnato    ueh ti scurengeta, Indove   l’è   che   sei ???

Corinzia        Cosa  conferensi  ???

Veranda        Ma che  antiquati……videconferenza  no ???  chatto  con tante   persone assieme

Cincinnato    (alla  moglie)  Se  la  fa cus’è  ?????

Corinzia        (sapientona)  la chatta  gnurant……ma dove    vivi te

Cincinato      aahhhhhh  la  ciatta……     (titubante)   adess capissi

Corinzia        dai  intanta  che la ciata  fa culaziun  almen dopu  te  vet  foera  di ball

Cincinnato    Ma che premura the   ghet

Corinzia        e  va  a cambiass  dopu, the   vuraret   minga  sta  in  pigiama tutt  el di

Cincinnato    Va  ben va ben, dopo a vò  basta  che  te   la muchet  de bruntulà

(entra  Gioele)

Gioele            Permesso…….ho trovato apertoe e……

Veranda        …………….e sei entrato

Gioele            Cume  te   fet   a savel ????

Veranda        a save’ cus’è ???????????

Gioele            Che  sono entrato  no ????

Veranda        Cume fò  ???   se te  vedi voeur  di che   sei  entrato   no  ???? we   ma ci sei tutto ?

Gioele            (toccandosi  le parti   del corpo)  me par   de   si  Veranda….ti te me vedet   tutt  ?

Corinzia        Veranda  dai fa minga  la acida count el Gioele, quand  lu  e so fradel Tullio eren  piscinin  i curavi   mi  

Veranda        Me ricordi  ancami’  quand eren   piscinin  e   rumpeven  giamò

Corinzia        Gioele  cume mai  te  se  chi  a quest’ura?

Gioele            El Tullio el   ma mandà per   purta  sto   discolo alla Veranda

Veranda        S’el   ta di   de purtamm  cus’è   ?

Gioele            Un discolo…..discobolo

Veranda        Gioele…. A ti  l’è   minga  assè   Lourdes….ghe voeur anca Fatima

Gioele            Me  piasarìa andà a Caravagg..ma alla  mia bicicletta gh’han rubà   i   raggi

Veranda        (Rivolta alla madre) dimmi  se ghe  centra cus’è (a Gioele)  cosa ti  ha  dato Tullio ?

Gioele            (tirando fuori un  cd  dal borsello)  Ecco….sto coso qui dove  c’è scritto ….  scaip

Cincinnato    tu   uhi…. Se gh’è v’un   che el gà  de  scapà  quel te   set ti

Veranda        Ma no  papà…..scaip….è un programma  per  comunicare   col computer

Gioele            Veranda…mi me sount  comunicà dumeniga  in gesa

Veranda        Si….  ma la grassia te   l’han  minga   fada

Corinzia         (a Veranda) comunicare   cosa ?

Veranda        Ma mama….è  un programma per chattare, te  lo  dì  prima,  per trovare  un’anima gemella

Gioele            Gemella ?  ma te  set   minga   nassuda singola?

Veranda        Si…..tra  l’asin   e el boeu

Corinzia        Certo che  l’è nassuda deperlè, ero presente anch’io sai. El Cincinnato invece  era all’osteria  per  farsi  passare  l’ansia  del parto

Cincinnato    ma va……festeggiavo  il  lieto evento count dei amis

Corinzia        Verament the   gheret  cumincià  a  festeggià una settimana prima,  ma  se m’è  vegnu’ in ment  de spusatt…..che errur….che sbagli….

Veranda        Beh   adess   impissi el wireless

Gioele            count  el router   ????

Cincinnato    (a Corinzia) ti uhi …. A  mi  el router  me  vegn quand  bevi   la coca cola

Corinzia        (a cincinnato)  Cume  la fa   impissà el   less sul computer

Veranda        (che ha sentito)  Signur che  ignuransa…..Gioele   spieghel ti   se   inn cus’è

Gioele            Ma  l’è facil   no  ?????  el wireless   l’è  un  rob  che  el gh’è   no……el  se ved  minga  ma el gh’è….. 

Veranda        (interrompendolo)  Lassa perd …..mama…papà….il wireless  è  un  collegamento senza fili e  il router serve   per cercare   la  rete

                        (i  due  anziani si guardano in faccia  non  capendo)

Corinzia        The  capi’   o    no testun

Cincinnato    certo che gò  capì…..tuscoss

(Entra Tullio senza citofonare)

Tullio              Ciao belle donne,  ciao  pensionati

Cincinnato    Ueh  Corinzia,  la  nostra cà sembra  la piassa de  la  gesa , gh’è  un  bel traffic quasi quasi me   meti a fa  el vigil

Corinzia        Dai  testun…..in  fioeu  che  gò tirà su   mi

Cincinnato    ah   ecu   perché  in   inscì rumpaball

Corinzia        (dandogli  una  sberla sulla schiena)  muchela  sifulott

Veranda        We  Tullio,  qual   buon vento

Gioele            Vento  ?  ……ma   se   gh’è   calma  piatta foeura…..

Tullio              Toh….gh’è  anca  mè fradell…..Gioele  the   ghe cunsegnà el  dischett  ???

Veranda        Si..si… me   la dà  grazie……novita’  ???

Tullio              L’unica   novità   l’è  quela  che  sount   adrèè  a  insegnaga a Gioele  a navigà !!

Gioele            Tullio…voeri   minga   navigà….mi  soffri   el   mal   de  mar…te  se ricorded  minga  quand  l’ann  passà sul navili  a go   tra   su   tuscoss ??

Tullio              Me ricordi  si,   me  sount    truvà   la  tua   culaziun   sul    mus

Veranda        Che schifoooooooooooo

Gioele            Mica  era schifo ueh…avevo  mangiato el  bambulun  count   la  crema pasticciera… ecu  perché   me   piass   minga    navigà

Tullio              Gioele…. Gioele….guarda   che  te   se   slunga  el    nas

Gioele            perche ?

Tullio              Perche’ te vedi  spess  andàà  a  vedè  certe  foto   che t’ho   miss denter   el   pc

Veranda        Alura   i  donn   te   piasen   Gioele

Gioele            Beh…quei fann  minga   vegn  el    mal  de mar  e   peu   ghe   n’è   v’ona  che   la   sumiglia  tuta a   ti,  Veranda

Veranda        Gioele ma  te   set   scemu ???? va   che  i   me foto    in  seri

Tullio              Dai Gioele  andemm  a  cà. Saludemm   tucc  e  andemm  avanti  count  la leziun  de  informatica.  Incoeu  te  insegni a andà   in  chat

Gioele            Te me  portet  in bicicletta  o   in   moto

Tullio              Dopu  t’el   spieghi….andemm bela gente

Gioele            Ciau  Veranda, a vo  in  chat count  la bici

Veranda        (ironica) Si si  staga   atenta  a minga   sbusà

(i due escono, Veranda si prepara al   pc…cincinnato finisce la colazione)

Cincinnato    Oh   là…la culaziun  l’è finida  ma……a messdì  se  mangium cus’è  ????

Corinzia        Incoeu mangium aragosta del Madagascar, lingua de lumaga impanada, salmun che  salta i  foss….cuntent ?????

Cincinnato    Go   capi’…..pasta  e   fasoeu  e  do fett    de   murtadela, cume tucc  i  dì.  Sarà  mei che vo  a  ripusà  perché   me fa  mal    la schiena

Corinzia        E  pover  bagai,  te  lavuret  tropp …va  va   e   ronfa comodo.  (Cincinnato esce e Corinzia sparecchia  portando tutto all’esterno uscendo) ma quand  cambierà  sta   vita

Veranda        (seduta davanti al pc) Cià  vedemm   se gh’è  qualche  d’un   in    linea…..(emozionata)

                        Oh….c’è   lui…..il mioamore…..adess  ghe   scrivi…. Mio stallonegasato……ciao…sono  la tua  giumentaspenta….accendimi tu……..   vedemm se el rispund…….. (nervosamente) dai dai  rispondi cavallone mio…….. eccolo …. Vedem  se   el   me scriff.. mia cavallina,domenica pomeriggio il tuo stallone viene ad accenderti..aspettami …  Che emusiun……signur sount  tuta ciapada

                        (entrano senza bussare  l’amica  Gina con sua sorella Giana)

Gina               E’  permesso   ????

Giana             Possiamo  entrare  ????

Veranda        Per  forsa….siete   già dentro

Gina               (eccitata) Veranda  dai culeghet  alla   mia  chat che   te   fo  vede’   una roba

Giana             Me sa   che la Gina  l’è  partida   stavolta

Gina               Ti  tass,   invidiusa

Giana             Invidiusa  mi  ???  Va che sount stada   mi  a  fatt   vede’  cume se faceva andà in chat

Veranda        Alura Gina indue a gò   de  andàaa ???

Gina               scriff    www . cuccaconunclik  .  nov 

Veranda        Nov   ?

Gina               Si… nov   perché   l’è  de   nuà

Veranda        Ti   uhiii… el cunusserò   minga per  caso

Gina               El cunussi gnanca   mi, abbiamo  solo chattato

Giana             si chattato e   imbrogliato….. la gà   scrivù  che   la gà   20  ann ansichè 45

Gina               per forsa   lu el  gà  25 ann  minga pudevi scriff   45  e ti   muchela…..gelusona

Veranda        muchila de  taca lit  e vedemm chi  gh’è cullega’….dunca…..orsoammaestrato….cavalloruspante….soledisperato……dolcecavedano…….

Gina               (agitando con le  mani  le spalle  di  Veranda) L’è  lu…..l’è   lu

Veranda        Lu…….. chi ????

Giana             El  so   pess….la  se  inamurada  de  un   pess

Gina               Muchela vipera

Veranda        (vedendo Gina  agitatissima) ti………………….. sta  calmaaaaaaaaaaaaaaaaaaa

Gina               dai  adess   entra con  il  mio  nick

Veranda        Che  nick  the  ghet  ?

Giana             T’el   disi  mi……..alborelladiterra

Gina               Tass  invidiusa e petegula

Veranda        cià scrivemm ……alborelladiterra…..enter

Gina               Cume  el ved  el  mè   nick   te  vedet cume el me scriv

Giana             Per furtuna che  el te  ved  minga-….sennò te  vedet cume el scapa   el cavedano

Gina               Tass   o   te    porti   a cà   e    te    sari su  denter

Giana             ufff……malmustusa   de v’ona

Veranda        Ginaaaaaaaaaaaaaaaaaaaa……el te   ciama……………legg

Gina               (legge)  mia  dolce   regina del   lago  come stai  ?

Veranda        se ghe   rispundi cus’è

Giana             Diga  che  la  regina  l’è  anegada   nel navili

Gina               Va  via bruta   strega….scrivi cosi:  mio adorato principe….ogni  volta cheti  leggo  mi  sento rinascere

Giana             indue……al repart ginacologico  de  riguarda ?

Veranda        Tass  che  leggi  ….. mio sogno …. Mio  paradiso ……. Mio unico bene

Giana             se  la Gina  l’è  el  so   unico bene….a   l’è propri  a buleta   sparada

Gina               Veranda scriff ….. Luce dei   miei occhi ….sapore del   mio gusto….odore del   mio olfatto….vita    mia

Veranda        chissà  che udur…..   mi  scrivi   ma me sembra che  te   esageret  a   diga   inscì……piutost và al sodo.

Gina               A gh’emm   de  vedess  prest

Veranda        Indue……chi a   nuà   ????

Gina               Si   ma   minga  a cà   mia….go  dà  el  to   indiriss

Giana             (sarcastica) Tumbula

Veranda        Ma  te   set    mata ?  count  el casin   che  gh’è  semper denter   chi ?

Gina               Ma dai,  la dumeniga  dopumesdì gh’è  mai  nisssun,  te  me  lè  di  ti…beh  dumeniga  che  vegn   l’è chi  !!!!!!!!!!

Giana             (come  prima)   Bingoooooooooo

Gina               (a Giana)  ti   dumeniga   te   stet  a   ca   e  sensa  fa   stori

Veranda        Ti  te  voeret  metum  in  di  pastiss

Gina               Ma no  dai, el vegn  chi….se cunussum  e dopu andemm per  i fatti  noster

Veranda        beh…. Lassa vegn dumeniga  e   peu vedemm

Gina               Dai   scriff ancamò   una roba

Veranda        dai   parla

Gina               Scriff….  Ancora  poche  ore  e  poi  i   nostri   cuori   si  uniranno

Giana             Speremm dumà   i  coeur

Veranda        Vedemm s’el dis….   Saremo due cuori  in   un   unico corpo

Gina               che  emusiun…..che emusiun

Giana             Pussè  che  emusiun  a   mi  me par   un  spurcacciun

Veranda        (al pubblico) questa  storia la và  per  le   lunghe….  Adess  fò  un  truccc  insci  la finissum…..  ossignur……la connessione……………è andata   via

Gina               Veranda dai ciamala    (urlando)  connessione……torna  inidetrooooooo

Giana             Ma te  set  propri scema…. È  andata via  nel senso  che  è  caduta  la connessione e …… addio  cavedano……..l’è  diventa  un   cagnott

Gina               Che   peccà

Veranda        Beh  dai andemm  a  fa   un  gir   per    nuà,  basta   pc  per  adess

                        (escono ed entra Corinzia che inizia a scopare accorgendosi del  pc acceso)

Corinzia        Che tusa disurdinada,  la ga  lassà  impiss el computer,   eh  già   tanta la  curent   la paghi   mi    (sbirciando lo schermo)   guarda  guarda…..  ma va  che   roba ……  ossignur se   me tuca   legg………  (leggendo)    sono toro  scatenato, se  lo  desideri  sarò  tuo…..vuoi essere   il   mio  amore  per tutta  la vita  ?      ma  che roba……ma se vergognen   minga  ?…   beh…anca el me  Cincinnato  el diceva  insci’, infatti   l’è  sta el   mè  amur   davera, ma  l’era minga  un  tor  e gnanca  scatenato…..disemm  che   l’è   sta  un  bue  con  tendenza   mulo.   Quasi quasi  a   sto  tor   ghe   fo   un  schers…..adess  ghe  rispundi   de si…….vedemm    la    s   (cercandola)  la  trovi   no….ah   tela   chi…. Adess   la  i   speremm de trovala  prima  de   sera ….    i   i   i    i ah    ecula chi  e    adess…..invio.   Che  fadiga….. ossignur gh’è giamò   la risposta…  (leggendo)  dammi il tuo  nick e volerò  da  te  come  un fulmine  trafiggendoti  il cuore.   madona santa che passiun….el  voeur   il   nick  …ah….  Si…. Me   l’aveva  di  la Verandacume  podi ciamamm….dunca  se   lu  l’è un  tor ….beh  podi   minga  ciamam  vaca….vedemm….vitela….vitelina….no…tropp   giuvina…..alura vitelona  ecu  si vitellona inquieta adess el  scrivi (scrive scandendo le lettere)  V  I  T  E  L   L   O   N   A      I   N  Q  U   I   E   T   A  …..che  fadiga…adess  scrivi  anca   l’indiriss…..voeuri propri   vedè  s’el   fa cus’è…

      (mentre  scrive  sente  dei  lamenti provenire  da dietro le quinte)

Cincinnato    ahia ahia che dulur..che dulur

Corinzia        (alzandosi dal pc  e  sistemandosi un po’ )  se  the  ghet  ancamo’….dai   vegn denter

Cincinnato    Sount tutt rott ….culpa tua  stroliga….the  ghet  smurzà   la stua   tropp prest

Corinzia        va che  sota la trapunta  gh’è  cald…..se  sta   ben

Cincinnato    sota  la  trapunta  si…..ma  chi  in   sala  no

Corinzia        perche’…….te  set   sta chi fina   a   tardi ?

Cincinnato    me  tuca   sta svegli  fina  ai  2 hur

Corinzia        e   se   te   ghe  fa   cus’è   fina ai 2  hur

Cincinnato    ma  the  ghe   minga  senti’  se  g’han   di   al  telegiurnal   ier   sera ?

Corinzia        no…..mi    a  go  alter   de   fa ……minga  cume ti

Cincinnato    G’han  dì  che  stanott scatava  l’ura legal  e ai   2  hur  bisognava  cambià  l’urari

Corinzia        Ti uhi…..dimm   minga che  te   set   sta   svegli   fina ai   2 hur   per   …….

Cincinnato    Se g’han   dì   che   bisugnava cambià  l’ura ai  2 hur voeur dì che  bisugnava fall   ai   2   hur    no ? 

Corinzia        Pover  el  me   Cinci …… qualche  rudela  nel cervell la  gira  al contrari

Cincinnato    Invece  de  da i   numer,  vist  che  l’è  dumenica,  giustum   i  calzett

Corinzia        Quai   calzett ?

Cincinnato    (togliendo  la  ciabatta mostra la calza rotta) questi  che  go  su

Corinzia        Ma  te  vedett   no   cume  in  cunscia ????     ma buti viaaaaaaaaaaa

Cincinnato    Buttai  via  ????   ma   ti  te   set  mata.   I  o  cumprà   nel  98 da la  Gabriela dela Maria dell’Emma

Corinzia        Mi   quei  calzett tutt  rott  i giusti   no !!!!! giusti  ti

Cincinnato    Tse…. Fudess  la prima volta (si  siete  alla vecchia  macchina  da  cucire ed entrano Veranda e Gina  vestite bene)

Veranda        Ciao  mama,  ciao papa

Corinzia        (sorpresa)   ooohhhhh   che     lusso,  che   sciccheria, che   due  modelle…..

Cincinnato    modelle ????? ma   se  g’han  un   pè nella  fossa

Veranda        Papa  te  set propri gross cume  un   manzoeu…..te piasemm   mama????  Siamo  in  dolce   attesa

Cincinnato    ueh   sorelle kessler    sarete mica incinta

Gina               ma no, siamo in dolce  attesa dei due  che  abbiamo conosciuto navigando

Cincinnato    indue…. Sul   navili ???   sul   lamber ???   o  all’idroscalo

Gina               ma noooooooo……..navigando in internet

Cincinnato    a   mi  l’internet  la me  sta  chi,  specialment quand   gh’era  el   mourinho         

Gina               (spazientita)  Corinzia  spiegheghel  ti

Corinzia        ( sapientona) ma  te  set   propri  ignurant….navigare  con  il  personal

Cincinnato    (guardando il sedere di Veranda)   count  quel personal  li’  la  và   subit  a fund…..   l’annega

Veranda        papaaaaaaaaaaaaaaaaaaa…navigando vuol dire  chattare   col computer

Gina               (sempre gagarella) E’  un  modo di comunicare virtualmente, di scambiarsi  emozioni,

                        di conoscersi  intimamente

Cincinnato    (a Corinzia) Ti …… ma   mi  s’eri   restà  che  bisognava  andà  in  camera per   cunusses ben  e   ……………

Corinzia        (delusa)  Te  le dida  giusta …….bisugnava…..

Gina               I  temp   in  cambià, adess    prima   bisogna cunusses   virtualment

Cincinnato    virtualment   voeur   di  basà   el  computer  ansichè   una   bèla  dona ?????

Corinzia        (a Cincinnato) Sei  rimasto ai tempi  del  Carlo Cotenna,  non  capisci  proprio  niente,  sent…..va a cambiat  che  l’è dumeniga…..va……..va

Cincinnato    Và che  el Carlo Cudega chirob   lì   andava  a   fai in  campora…… minga count quel  rob    li    (indicando il computer)

Gina               Ti  Veranda…..  se   l’è    la  campora

Cincinnato    amore  a cielo   aperto    (a Corinzia)   che ignuransa

Corinzia        Va  via   va viaaaaaaaaaaaaaaaa (e lo spinge fuori) e vialter   piantila de  di  stupidad

Veranda        guarda  Mama  che  non sono stupidaggini,  oggi  milioni di persone si  conoscono  tramite  l’hosting ….

Corinzia        (zittendola)   citoooooooooooooooo….. di  minga  parulasc  che  g’hè  el   sciur  curà

Veranda        Mamma,   l’hosting  è  uno spazio  che   una  persona  si  crea  sul  pc con  la  rete

Corinzia        Ah…..ecu   perché  gh’è   burlà  denter  el  cavedano nella   rete

Veranda        Dircelo  anche  te   della   rete

Gina               E’ vero  sciura  Corinzia,  io  esempio uso la  rete  ad  una piassa e mezza,  me  piass  sta  comuda quand ……dormi

Veranda        Ginaaaaaaaaaaa,  la  rete  informatica, quella per collegarsi col  gestore  della  rete   

Gina               Tusa…..  a mi me piaseva el  Mike  quand  el faseva el gestore della rete  e  anca  del materass

Veranda        Vabbe….inutil  spiegatel…piutost   prepares che  fra  poc    ariven

Gina               Che   emusiun  ti…….sount tuta  tribulada…..ciapada

Veranda        Gina  invece  de  vess tribulada  cerca   de  fa  ala  svelta  a cunussel  inscì  andì  foeura  di toll  alla svelta  e  mi  podi  andàa  al  mè   puntell

Gina               Beh  damm almen  el temp  de  vedè cume    l’è

Corinzia        (al pubblico)  Sount  propri curiusa de  vede’  cume   la  và

                        (suona il citofono)

Cincinnato    (tornando in scena  e urlando)      un mument  che   ariva  el   purtinar  …..(gridando)   avantiiiiiiiiiiiii

                        (entrano  Gioele e  Tullio,)

Tullio              Buongiorno  a   tutte

Gioele            (timidamente)  …..giorno

Gina               Toh……  i 2 rumpaball

Veranda        Uffa…..ma propri adess  a  ghi  de  arivà ???

Gioele            Beh  avevo appuntamento in  zona…passavamo di qui e ….volevamo salutarvi

Corinzia        (a  gina e veranda) ueh   voi  due    non  fate   le  maleducate è   ?

Veranda        Ma mama………. Stiamo aspettando visite

Corinzia        (ai  due  ragazzi)   si….aspetten un pess e un  cavall

Tullio              Cus’è  ?????   un  pess  e un cavall   ?

                        (a gioele cominciano a venire   dubbi   atroci)

Gina               Ma nooooo  !!!!!!  sono conoscenze  virtuali   fatte in  internet  e dopo  aver  navigato un  po’    oggi   ci  conosciamo

                        (Gioele  comincia  a  capire  e tenta  di  nascondersi  dietro il fratello)

Cincinnato    eh  si,  hanno  navigato  assieme  e   incoeu  ariven  ala  darsena  del navili

Tullio              E perché   un   pess e un cavall  ?

Veranda        Perché  mi sount  Giumentaspenta  e  il mio  lui   è stallonegasato

Gina               Mi invece  sount alborelladiterra  e   el   mè   pess   l’è  dolcecavedano

Gioele            (agitatissimo a Tullio)  Fradel….m’è vegnù   el   mal   de  panscia

Tullio              Ma   sta  calmo……muchela

Gioele            (portando Tullio davanti al pubblico mentre le ragazze si fanno aiutare dalla  madre a sistemarsi i vestiti)  Tuta  culpa   tua

Tullio              mia ???? perche ?

Gioele            perché  te mee  insegnà  a   ciatà

Tullio              E  alura ?

Gioele            E alura  chattando  parlavi  count  tanti  person

Tullio              Ma l’è   nurmal….però  capissi   no  perché  te  set  inscì  agita’

Gioele            Tra  quei  person       che go  cunussù  gh’era  anca  ……..

Tullio              Anca…… ?

Gioele            2  donn  de  25   ann  e g’avevi appuntament  in  2  post  divers….v’ona   l’era  in sto   palazz….ma   vist  che   la  me  aveva  di  che  la  g’aveva  25 ann  credevi  minga  che   l’era   la    …..

Tullio              ueh   fradell….. credevi minga  che  te  seret  un  conquistatore….un Rodolfo Lavandino

Gioele            Tullio…..ma  te  capisset no ???? el   pess   e   el cavall……..a sount   mi !!!!!!!!!!!

Tullio              Cus’è  ????????

Gioele            Siiiiiiiiiii…. A  sount  el  stallone e anca  el  cavedano …. v’ona  gò de  incuntrala  in  sto   palass  e   l’altra  in paes….ma  mai  e   peu  mai  immaginavi  che  eren   che eren   lur

 

Tullio              Lur…….. lur   do ?   (additando Gina e Veranda)

Gioele            Siiiiiii,  l’alburela e  la giumenta

Tullio              ma te se  vergognet  minga  de  andàa  con  2  donn  ansian ?

Gioele            Ma sul  nick g’aveven  scrivù  25  ann

Tullio              si,   25  ann  per  gamba…….    

Gioele            Tullio, fratellone mio, …….aiutami

Tullio              A gh’è   poc   de  pensaga,  o  fasemm finta  de nient  e  scapemm  sennò  me tuca  fa  la  part  del  pess  o del  cavall

Gioele            A  mi  la Gina  me piass   minga

Tullio              E  va  ben !!!!Go capì !!!!!!!  farò  la part  del  cavedano……ti  tas….famm  parla   mì !!!

                        (tornano al centro del  palco)

Tullio              Scusate  la  riunione di famiglia  ma quand  gh’emm  sentì  quei   nick  a  ghe  vegnù  un  culp

Veranda        L’era   mei   2 culp…..v’un  per   un

Gina               beh adess che  la  riuniun  l’è  finida….. via ……foeura di  ball

(cincinnato  e corinzia  esterrefatti  ascoltano  spalancando  occhi e orecchie)

Tullio              Veranda……………. Gina …………  mi…………..  nunch………………

Gina               Tullio……  the  ghe   la   fet   per   stasera ?

Tullio              beh… uramai  la  fritada  l’è  fada…fasemela  curta…..Alburela…..Giumenta……. vi presento stallonegasato (indicando Gioele)  e  dolcecavedano (indicando se stesso)

(Cincinnato e Corinzia saltano  su  dalla  sedia)

Veranda        Cus’èèèèèèèèèèèèèèè ?????????????

Gina               Voi   due  sareste  le  persone  che  aspettavamo ????????????

Tullio              Siamo  noi  si, lo  stallone doveva incontrarsi  con  la  giumenta  in  paese  ma oramai siamo  qui

Veranda        (disperata)  Ma  se ve  saltà  in   ment…….

Tullio              (inventando) E’  successo  che  mentre insegnavo  a  Gioele a  navigare  e  a  chattare,ho conosciuto  l’alborella che dichiarava  25 anni e poi, quando si è messo Gioele  al  pc   ha  conosciuto   una Giumenta di  22 anni  e   piano piano ……………..  ma  mai  immaginavo che  foste  voi  due  ……….

Veranda        E  tutte  quelle paroline  dolci ?  Cavallina …..domenica  ti  accendo

Gina               Regina  del  lago…mio sogno…..mio  paradiso

Tullio              Erano  tutte parole  di  circostanza … virtuali….tutte  da  confermare di  persona

Veranda        Che  delusiun !!!!!!!!!!!

Gina               Che  fregadura !!!!!!!!!!!!!

Tullio              (guardando Gioele)   che  figura  de ………….

Gioele            Culpa vostra……..avete messo  25  anni  e  mi  pensavi  che erano giovani  invece …..

Gina               Invece  semm  vecc   vera ??????  dai dilll

Gioele            Mi  disi  nient…tutto  è  bene quel  che  finisce  bene….dai  Tullio  andemm a navigà, comincia  a   piasemm

Tutti                Noooooooooooooooooooooo

Corinzia        Tullio,  cumprega un  gummun  e mandel   a navigà  sull’idroscalo

Cincinnato               E  quand  l’è   in   mess ……sbusel

Tullio              Ti  basta   pc…adess  te  ciapet  la  bici  e   te  e pedalet

Gioele            Pedali  sul   pc  ?  A   l’è  istess cume    navigà  ?

Tullio              (spingendolo  fuori spazientito) Via……via

Corinzia        Cara  i  me tusann,speremm che la  leziun  la ve   sia   servida

                        (suona il campanello)

Cincinnato    Alèèèèèèèèèèè…avantiun  altro……dunca….dopu  un animal   de  tera,v’un d’acqua  ghe   manca   v’un  daria….. (sbatte  le ali e va a  aprire)

Toro                (entra sbraitando) Dov’è ……dov’è  la mia   vitellona inquieta  (rivolgendosi  a  Veranda)  sei  te  ?

Veranda        Ma  va   via…..  beu   (bue)  agità

Toro                ( a Gina)  allora   sei   te….bèla  manzeta

Gina               (spingendolo via) Ma  ti   te   set  mat

Toro                (guardandosi in giro vede  Corinzia  e  si dirige  da lei sempre sbraitando)

                        Allora bella tardona  sei   te la mia manzolona fremente

Corinzia        Tardona sarà   la tua mucca…inquieta  si    ma mica fremente

Cincinnato    A l’è   40 ann   che  non   freme   più

Corinzia        Ti  tass….5 maggio   ….. ei  fù

Veranda        Ti mama  ma  l’è  vera ????   te  set   ti   la vitela   inquieta ???

Cincinnato    Tò  mama   vitela inquieta  ?   al   massim  a  l’è   muccasmorta

Corinzia        Mi???? Ma  te  se   mata  ???   go scrivù   nient    mi  ….al   giuri   su  la  testa  del  Cincinnato   (suonano alla porta)  dervi   mi  ….uramai   sta  cà l’è  diventada  una   fatturia   (entra  Giana  agitata)

Giana             Gina  .  Gina  ….    Curr   a cà …….. te   cerchen    in  chat

Toro                (vedendo Giana)  Oh….che   bella  giumenta…..(le  va  addosso) sarò   il tuo cavallone

Giana             Ohhhhhh….  Che  impeto…. Che fervore ……   che uomo  …..

Toro                Vieni  mia  piccola  e dolce manzolina….. andiamo a pascolare  nelle  grandi  praterie  della padania…..a navigare  sulle  acque  tempestose  dell’idroscalo…..a   rincorrerci  sui  pendìì  del   montagnetta di san  siro,  …………….

Giana             Si   mio bel toro…io  e  te   da  soli …andiamo ….. corriamo(ed  escono)

Veranda        (a Gina)  Forse   l’è    mei   che   lassum perd   el    pc  e   tuta  la   vita   virtual che  gh’è  denter lì. Smursemel  (spegne il pc)

Gina               The  ghet  razun  Veranda,  andemm   in paes  a   vedè  la   vita   vera  bèla  o  bruta   che    sia   ma   l’è   vera   e    l’è  la  nostra nostra  (ed escono)

                        (in mezzo al palco e davanti al pubblico)

Corinzia        Finalment gh’è finì tuscoss

Cincinnato    Menu mal Corinzia, se l’andava avanti insci’ sta cà la diventata un zoo

Corinzia        Cara el mè  Cinci ma the  ghe  vist se succed a giugà count  el  pc ?

Cincinnato    Succed  che  se   peu  fas  mal e ruvinass   la  vita

Corinzia        The  ghet  razun, i  person bisogna cunussi in carn  e  ossa, minga denter lì

Cincinnato    Bele’, quel che preocupa in  minga  quei grand, ma i  fioeu …che se lassen tirà denter

Corinzia        la vita l’è tropp  bela per ruvinala inscì, el mund bisogna guardal  in facia count i propri occ 

Cincinnato    L’ha dì anca el papa,  el g’ha  di…..papà..mamm..stiga  atenta ai voster bagai quand vann al  pc… (pausa) beh  minga propri  inscì ma el cuncett l’era quest             

Corinzia        Per furtuna che  la nostra l’è granda uramai, ma quei che lavuren  e g’hann i bagai  cume fann   !!!!!!!!!

Cincinnato    El su no !!!!!! speremm  dumà che el Signur ghe mèta una man sul co a certa gent

Corinzia        a nunch no de sicur, l’è  30 anni che tacum lit e l’è 30 ann che se voeurum ben e se vurerem ben fina ala fin  

Cincinnato    si mia bela cervelera……fina ala fin

( ESCONO ABBRACCIATI MENTRE SI CHIUDE IL SIPARIO)                                 

    Questo copione è stato visto
  • 0 volte nelle ultime 48 ore
  • 0 volte nell' ultima settimana
  • 1 volte nell' ultimo mese
  • 4 volte nell' arco di un'anno