CHI FIMMINA!!!!!!!!
Commedia in lingua siciliana
2 atti e 2 quadri
di Alfia Leotta
Finito di scrivere il……………………. 23/09/2005
Alfia Leotta - Posizione SIAE n° 118377
Via Alessandro Volta, 67 – 95010 Santa Venerina (CT)
www.compagniailmelograno.it – info@compagniailmelograno.it
tel/fax – 095 953470 – 3485101868
PERSONAGGI
LUIGI SALTALAFOSSA, lo spasimante …………………….. anni 50
IGNAZIO PERNICE, il proprietario della scuderia...…………. “ 45
PALMIRA PERNICE, sua sorella ……………………………. “ 40
EMILIO PERNICE, suo fratello……………………………… “ 50
GIROLAMO, suo padre………………………………………... “ 70
GIORGIA, sua figlia……………………………………………. “ 15
LAURA sua figlia…………………..……………………………. “ 12
ROSINA, la governante ………………………………………… “ 40
CIRINO, il segretario ………………………………………….. “ 40/50
MINICO, lo stalliere……………………………………………. “ 14
La scena è ambientata nel salotto della villa dei Pernice.
Questi, ricco proprietario terriero, ha una scuderia di cavalli da corsa, pertanto l’arredamento dell’ambiente, dovrà essere consono a tale attività, senza tralasciare però l’abbondanza e la ricchezza della famiglia che da diverse generazioni accumula trofei per gare di cavalli, nonché di caccia.
DESCRIZIONE DELLA SCENA:
Nella parete di fondo un camino centrale con su trofei e foto di cavalli.Ai lati due grandi vetrate con tendoni da cui s’intravede la campagna.
A sx una parete tappezzata di foto e un divano in prima con un mobile bar e in seconda un uscita che conduce alle camere e ai servizi.
A dx un grande arco conduce all’ingresso della villa e un piccolo scrittoio con telefono. In prima due poltrone e un tavolinetto con gli scacchi
Dove meglio si crede una porta che conduce in uno sgabuzzino.
Se il palcoscenico lo permette, si potrebbe inserire una scala in legno che conduce al piano superiore, delle librerie, il tutto comunque alla fantasia dello scenografo.
DESCRIZIONE DEI PERSONAGGI
PALMIRA
Tutta pepe, anche se avanti con gli anni, veste in maniera giovanile, sportiva tendente al country e consona allo stile di vita a cui è abituata.
Temperamento focoso e autoritario, tiene tutti a bacchetta.
LUIGI
Timido e impacciato, goffo nei movimenti, ha un aria stralunata perché innamoratissimo di Palmira. La sua goffaggine lo porta ad essere maldestro, urtando le cose, facendole cadere ma salvandole in estremis.
IGNAZIO
Fratello maggiore di Palmira, carattere accondiscendente con la sorella e il vecchio padre ,ma fermo e autorevole con i dipendenti, ama segretamente Rosina la governante, che ricambia il sentimento ma non esternano per paura di Palmira. Fiero e orgoglioso della sua scuderia, che gli viene tramandata ormai da generazioni, cura in prima persona i suoi cavalli, non disdegnando il lavoro, nonostante la sua solida posizione economica.
EMILIO
Fratello maggiore di Ignazio, corteggia Rosina, che elegantemente lo respinge. Nonostante la sua poca scaltrezza, è un valido aiuto nel mandare avanti la scuderia.
CIRINO
E’ il segretario di fiducia della famiglia. Si occupa di tutto ciò che concerne la parte amministrativa e finanziaria delle Scuderie Pernice.
E’ un ottimo intenditore di cavalli, ma ne ha paura. Tipo precisino, baffetti e occhilini sul naso, rapido nei movimenti, ha diversi tic nervosi, maniaco dell’ordine e della pulizia, spolvera in continuazione gli abiti dei suoi interlocutori. Porta calzoni più corti del normale, con calze e camicie colorate in abbinamento fra loro. Alla sua mano sinistra, mancano il medio e l’anulare a causa del morso della cavalla di Palmira.
ROSINA
Innamoratissima di Ignazio, ma rispettosa del posto che occupa, aspetta con pazienza che maturino i tempi per accettare la proposta di matrimonio di Ignazio.
GIROLAMO
Il capostipite della famiglia, padre di Ignazio, Emilio e Palmira, sordo e un po’ fuori di testa a causa di una brutta caduta da cavallo, sarà la causa di parecchi malintesi.
ATTO PRIMO
SCENA 1°
( Emilio, Rosina, Iganzio )
EMILIO ( da sx entrando chiama ) Rosina.Rosina….Rosina……Rosiiiiinaaaaa…
ROSINA ( da fuori ) Abbolo…….. Eccomi…….Sugnu ccà!
EMILIO Non mi hai sentito chiamare?
ROSINA Si,….4 voti.
EMILIO E tantu ci voli ppì veniri?
ROSINA Stava facennu ‘na cosa e non puteva lassari…….
EMILIO Nuddu ti l’ha ‘nsignatu ca u primu duvuri di ‘na brava domestica è chiddu d’arrispunniri e chiamati do’ patruni? ( si siede ) Aiutimi a livari ‘sti stivali.
ROSINA ( chinandosi a estrarre prima uno e poi l’altro, con difficoltà ) E già, la serva ha curriri sempri,…quannu chiama u patruni! ( ironica )
EMILIO Esatto!……Tu u sai però……ca si sulu vulissi…….putissi essiri tu,a patruna ccà
ROSINA Chidda ca c’è basta e avanza.
EMILIO Putroppu!…..A propositu, unn’è mo’ soru?
ROSINA Nisciu ‘sta matina prestu.
EMILIO Eccu picchì c’è ‘sta paci.
ROSINA Si n’apprufittasssi! Non capita spissu di stari tranquilli ccà intra.
EMILIO Dici bene! Non vidu l’ura ca si ni va……( avvicinandosi a Rosina ) e poi…..si tu voi….. ah…Rusina……putissi fari assai ppì mia……
ROSINA U sapi ca jù ppì lei mi ittassi macari ‘nto focu.
EMILIO Ma jù non vogghiu ca ti jetti ‘nto focu….m’abbastassi sulu tannicchia do to’ beni.
ROSINA Su è picchissu, ci ni vogghiu macari troppu di beni signor patruni
EMILIO E allura, picchì……..
ROSINA Picchì…. Picchì……..Non ciù pozzu diri picchì, va bè?........
EMILIO Ti piaci mo’ frati, veru?
ROSINA Parrassi alleggiu…….Si so’ soru vinissi a sapiri ‘na cosa di chista…..Non ci vogghiu pinsari……
EMILIO Senti, ‘stu lei mi fa sentiri ‘n mammaluccu, picchì non chiamami Emilio ( cingendole la vita)
ROSINA ( scostandolo dolcemente esce per andare a prendere un altro paio di scarponcini dal ripostiglio ) C’ha finissi,…..putissi turnari a signurina, trasiri so’ frati……..
EMILIO ( lasciandola a malincuore ) S’ha maritari prima o poi!
ROSINA Prima o poi!…Ma s’aspetta ancora…….
EMILIO Certu non è facili, l’età c’è ……..
ROSINA Picchì, ‘na fimmina a 40 anni è di ittari?….U fattu è ‘n autru: cu si l’ha maritari cù ddu carattiri ca c’havi?
EMILIO Rodolfo!
ROSINA Cui, u vostru fantinu? ( ride ironica ) Ma si su’ 2 simani ca non si fa vivu
EMILIO E chistu chi voli diri?
ROSINA Scappau,….comu a tutti l’autri.
EMILIO Non è tinta di carattiri……..è sulu ‘n pocu nirvusa…..
ROSINA …( continuando ) ‘n pocu troppu,……
EMILIO ……certu, qualchi vota bizzarra……
ROSINA …….streusa!
EMILIO ….caparbia…..
ROSINA …..testa ‘e trunzu!……..Sintissi, mi sta appigghiannu a sassa, mi ni pozzu iri?
EMILIO No, vogghiu stari ccù tia……( l’attira a sé, ma lei si svincola imbarazzata )
ROSINA Oh, ma è cchiù duru do’ puppu?
IGNAZIO ( che è entrato nel frattempo, pulendosi le mani in quanto proveniente dalle scuderie) Chi voli diri?
EMILIO Chi cosa?
IGNAZIO Chiddu ca visti!
ROSINA Sugnu ddà banna! ( via imbarazzata )
EMILIO Chi vidisti?
IGNAZIO Non fari u nofriu ccù mia…….Lassa stari a Rusina!
EMILIO Picchì?
IGNAZIO Mi l’ha dittu ca la ‘ncheti. Non è cosa ppì tia.
EMILIO Ppì tia inveci si!
IGNAZIO Appuntu!.........No, ma chi mi fa diri?
EMILIO A verità! Siccomu ti ci vulissi abbagnari u pani tu, non voi ca jù…….
IGNAZIO E poi, macari fussi?….. E’ seria, fimmina di casa, giudiziusa……Non è di pigghiari e ghittari comu fai tu…… ca si’ ‘n farfalluni.
EMILIO Su’ sapissi to soru!!!!!
IGNAZIO Mutu…..aramminzata arriva e si ti senti semu pessi.
EMILIO Tu si’ pessu! Jù sugnu u frati do’ cori.
IGNAZIO Ma si sapissi c’allippi appressu a Rosina, addiventi chiddu da meusa, ascuta a mia…….Ma quannu si marita chista, quannu!?
EMILIO Quannu cancia ddà testa dura ca c’havi.
IGNAZIO Tutta nostra matri, tutta! Ci spiccicau macari i pila!
EMILIO Texana era!
IGNAZIO Si ni ìu una,…… paci all’anima sò e n’arristau n’autra………..
EMILIO Ma siccumu tu pinsasti bonu d’arristari viduvu ccù du’ figghi fimmini di crisciri si ‘ntisi ‘n duviri di stariti ‘n coddu.
IGNAZIO Vadda ca ora a cuppa è mia!
EMILIO Però c’havi ‘n cori ranni……chistu no’ putemu niari.
IGNAZIO E chi n’ha fari,….si ti permetti a diri a to’, c’havi sempri raggiuni idda, s’ha cuntraddici, s’imbestialisci……..fuma,….spara,….munta a cavaddu comu ‘n omu?!
SCENA 2°
( Emilio, Ignazio, Girolamo )
GIROLAMO ( entra, suonando una tromba )
IGNAZIO ( ed Emilio, saltano per aria ) Motti subbitania
EMILIO Papà, vidi ca ta’ rumpu ‘sta cosa!
GIROLAMO Ancora ccà siti?.......A cussa sta p’accuminciari.
EMILIO Ci tonna ccù ‘sta cussa?
IGNAZIO Senti, a mia chiddu ca dici Palmira non m’interessa. S’ha pigghiari ‘na dicisioni.
EMILIO No’, sacciu…..mintirlu ‘nta na casa di cura………’N funnu non fa mali a nuddu.
GIROLAMO ( suona nuovamente ) Allura?
IGNAZIO E mo’ nervi……M’ i’ sta disintegrannu!
EMILIO Papà,…….m’ha duni sta cosa?
GIROLAMO Ca’ fari?
EMILIO Mi vogghiu fari ‘na bella sunata, pozzu?
GIROLAMO ( sedendosi su una poltrona e sistemandosi il plaid sulle gambe, prende da una borsa posata in terra, il suo lavoro a maglia e comincia a lavorare ) Sicuru ca non m’ha spasci?
EMILIO Certu ca no.
GIROLAMO E va beni….( gliela da )
IGNAZIO ( senza farsi sentire dal padre ) O jettila,….falla scumpariri.
EMILIO Vaiu.
SCENA 3°
( Cirino, Ignazio, Girolamo, Giorgia e Laura )
LAURA Nonno…sei qua?
IGNAZIO Ppì sfortuna si……..Non t’hava dittu tenilu d’occhiu?
LAURA Mi scappau!
IGNAZIO E cerca di non tu’ fari scappari cchiù.
LAURA Nonno, andiamo?........
GIROLAMO Ca quali figghia mia, mi doluti i ginocchia……Pp’abballari u tempu passau.
LAURA Ma no balliamo, dico andiamo……..
CIRINO Signor Pernice…….
IGNAZIO ( e Girolamo in coro ) Si Cirinu, trasi………
CIRINO C’ama fari, n’hama disfari di Palmira?
IGNAZIO Si……facemula fora e non ni parrammu cchiù.
GIROLAMO Ignazio, a vò ammazzari?
IGNAZIO Chi dici…….ma levu, m’ha vinnu!
GIROLAMO A to’ soru? E cu s’ha sta accattannu?
IGNAZIO Ma no, a cavadda
LAURA Perché dobbiamo vendere la cavalla?
CIRINO Perché non abbiamo più notizie di Rodolfo e visto che non si trova un fantino che le va d’accordo…..
IGNAZIO Du’ gran figghiu di…….
GIROLAMO Ah ah ah ah….. ( ammonendolo )
IGNAZIO …..strafallaria,……. si volatilizzau, lassannuni ‘nte trafichi…….
CIRINO E senza Palmira non abbiamo alcuna speranza di vincere il trofeo “ La balla d’oro”
LAURA C’è Freccia nera!?
IGNAZIO C’ha fari ddù broccu!
LAURA E Polpettina?
IGNAZIO Mancu a brodu!
LAURA Fai provare a Palla di neve, no?
IGNAZIO Chidda squagghia o primu giru.
GIROLAMO Ma allura picchì ta vo’ vinniri si è l’unica ca ni po’ fari vinciri?
CIRINO Picchì che soddi ca pigghiamu, putissimu accattari Oriente Express,
GIROLAMO Certu ccò trenu arrivi prima sicuru, ma non è ca tu fanu trasiri all’ippodromo?
IGNAZIO ‘N cavaddu, papà…..‘n puro sangue irlandese ca è a fini do’ munnu!.....U problema sarà diriccillu a Palmira
GIROLAMO A cavadda?
LAURA Ma no, la zia!
GIROLAMO Già, veru t’ha vinniri macari a idda.
IGNAZIO Cirinu, ciù dicemu a pani fattu, chi ni dici?
CIRINO Non vogghiu essiri ‘nte paraggi! Ci teni accussì assai a dda bestia……
IGNAZIO ……….ca a chiamau cumu a idda.
LAURA Perchè non fai provare a me?
CIRINO Sei una di famiglia e non puoi partecipare.
GIORGIA ( che era entrata poco prima ) E se riuscissimo a trovare un fantino?
CIRINO La cosa cambia, ma deve essere subito.
IGNAZIO Appuntu, subbitu! Ci voli tempu ppì pigghiari cunfidenza ccù Palmira, c’havi troppi difetti…..
GIROLAMO A verità è…..to’ soru è china di difetti.
IGNAZIO A cavadda, papà!….E’ pericolosa e si c’ha sapiri fari……. No sai ca muzzica?
CIRINO ( mostrando la mano a cui mancano le due dita centrali ) Ni sacciu cosa!
GIROLAMO Posso?
IGNAZIO Chi c’è?
GIROLAMO Se mi posso permettere…..forse……se faccio qualche telofonata
IGNAZIO Ma c’ha fari tu……..Fatti a magghia e statti sodu.
GIROLAMO C’ho un vecchio amico,…bravo fantino…..si chiama Mario, Mario Licciardello………
CIRINO Mario Licciardello?...... U canusciu……Si è chiddu, semu a cavaddu.
GIROLAMO Un momento……Ca si chiama Mario ni sugnu sicuru……..ma ca è Licciardello, no’ sacciu…….Non so se mi spego!
IGNAZIO Si papà, ti spiegasti troppu bonu.
GIORGIA Aspetta, ho un amico che potrebbe fare al caso nostro.( telefona)
IGNAZIO Malidittu Rodolfo, anzi Rody, comu u chiama ddà scimunita di mo’ soru.
CIRINO Pozzu essiri sinceru?
IGNAZIO Certu, parra
CIRINO Forsi non su affari mia…….ma cridu ca……( guardandosi attorno)
IGNAZIO …po’ parrari.
CIRINO Si mi pozzu permettiri……..
IGNAZIO Permettiti, permettiti,…basta ca parri.
CIRINO Rodolfo è a Roma……ROMA NON FAR LA STUPIDA
IGNAZIO E’ a Roma e non mi dici nenti?….Chiamulu, fallu veniri,…..dicci ca …..anzi, dammi u telefunu ca ci chiamu……( esigendo il cellulare che Cirino consegna ) ….ci ni dicu quattro……….forza, dammi u nummuru ……..c’aspetti……
CIRINO Unni u voli chiamari,…….. chissacciu unn’è?
IGNAZIO Non dicisti ca è a Roma? ROMA NON FAR LA STUPIDA
CIRINO A Roma, si,…..ma no unni?……Sacciu sulu ca è ccù na gran fimminuna, bionda, tutta curvi,…chè capiddi ca ci scinnunu supra a spadda con un ondulazione a crocco……du’ occhi ca parunu i lampiuni da chiesa matri……du’ ( fa il gesto del seno)……bocci ca……
IGNAZIO Ciriiiino……..sta’ vaviannu!…….
CIRINO A scusari signor Pernice.
IGNAZIO U sai chi ti dicu?.....Megghiu accussì!
CIRINO Ma comu, so’ cugnatu è ccù n’autra……
IGNAZIO A mia non mi piaceva!
GIORGIA Tutto fatto! Ho trovato il fantino!
IGNAZIO Veru?
GIORGIA Il padre di una mia compagna, lavora all’ippodromo e mi ha detto che ne ha giusto a punto uno sotto mano. Esperientissimo E’ sceso da cavallo da pochissimo.
IGNAZIO E perché è a spasso?
GIORGIA La scuderia ha chiuso…….Lo rintraccia e lo manda qua.
IGNAZIO Chi gran colpu di fortuna!…Cirino, amuninni. Rosina?….. Rooosiiiinaaaaa
ROSINA ( entra e inciampa ) Eccomi signor patrone!
IGNAZIO Si s’avissa prisintari qualcunu ca cerca di mia, vidi ca sugnu ‘nte scuderii. ( via )
ROSINA Va beni!
LAURA Giorgia, portiamo fuori il nonno……..Andiamo nonno?
GIROLAMO Giorgia, la mia tromba dov’è?
GIORGIA E che ne so io….Dove l’hai messa?
GIROLAMO A messa?.....No, non l’ho portata in chiesa.
GIORGIA Quale messa…..dico dove l’hai lasciata?
GIROLAMO All’ambasciata? E chi ce l’ha portata?
LAURA E’ inutile, non vedi che è tutto rimbambito?.........Andiamo nonno. ( via insieme )
SCENA 4°
( Palmira, Rosina )
PALMIRA ( entra in tenuta da caccia con fucile che posa in un angolo.E’ nervosa ) Rosina…..Roooosiiiina,…….
ROSINA ( entra sempre di corsa e inciampa ) Eccomi!
PALMIRA Di Rody nessuna notizia?
ROSINA Nossignura!
PALMIRA S’ ‘u pigghiu madunnuzza bedda………..ni fazzu puppetti!
ROSINA I voli fatti i carti?
PALMIRA Si, si……assettiti e dimmi unn’è. ( accendendosi nervosamente una sigaretta, si siede )
ROSINA ( siede al tavolino e comincia a mettere le carte in posizione) Ahi!….
PALMIRA ( ansiosa ) Chi vidi?
ROSINA Ahi, ahi,ahi…….
PALMIRA Rosina, chi vidi?
ROSINA Male, male, male…..
PALMIRA Ppi’ favuri non mi fari stari supra e spini…..
ROSINA No, dicu…….Si siddia si si susi ‘n attimu? U pedi da so’ seggia mi sta scaccagnannu ‘n pedi!
PALMIRA Rusina…..mi facisti pigghiari ‘na morti subbitania.! Ppì ‘n pedi chi sta facennu……Avanti, forza….’sti carti…..
ROSINA Certu, non pari ca è u sò…….Dunque……..Ecco!…..Ccà è!
PALMIRA Unn’è?
ROSINA Nisciu ‘n omu a cavaddu signurina, ma non c’è scrittu unni. Po’ essiri unni e gghè……a Catania, a Palermu…chissacciu…..
PALMIRA E che fa?
ROSINA Joca o trisetti!
PALMIRA E carti?
ROSINA Ma chi ni sacciu, chisti carti su, non è ‘na telecamera.
PALMIRA Staiu sulu piddennu tempu ccu tia. Va a chiamare mio fratello ( spegne la sigaretta con rabbia )
ROSINA Quale?
PALMIRA Ignazio, no?
ROSINA Picchì l’autru ci fa fetu?
PALMIRA Non perdere tempo, ti muovi?
ROSINA Subbitu signorina….( raccoglie le carte e via borbottando )
SCENA 5°
( Palmira, Rosina, Ignazio )
IGNAZIO ( s’imbatte in Rosina ) Rosina senti…….si vidi mo’ soru……
PALMIRA Qua sono.
IGNAZIO Ok Rosinuzza, vai……grazie u stissu………Com’è ca non ti ‘ntisi arrivari comu o to solitu? N’hai ‘ntisu nuddu bottu…….a funnisti direttamenti a Jeep?
PALMIRA Lassa peddiri ca non è jurnata!
IGNAZIO E quannu mai!................. Sei nervosa? E perché sua grazia?
PALMIRA M’addumanni picchì?……..Su’ du’ simani ca non vidu Rody…….
IGNAZIO E’ a Roma per affari.
PALMIRA A Roma? E quali affari, scusa…….’Nta ‘n annu di fidanzamentu n’hava mai successu……
IGNAZIO Affari, affari…….
PALMIRA E perché allora non si fa vivo?
IGNAZIO C’appa succediri qualchi cosa.
PALMIRA Macari mortu, m’hava fari ‘na telefonata e dirimi……
IGNAZIO Ca stava acchianannu ‘ni San Petru!….A vah Palmira
PALMIRA Non tollero certi atteggiamenti
IGNAZIO Non hai pacenzia sorella cara
PALMIRA N’haia avutu macari assai.
IGNAZIO Ma picchì non l’ha lassatu allura? Chi ci vidisti ta vidi tu.
PALMIRA Ci vogghiu beni.
IGNAZIO Ma si è ‘n dilinquenti.
PALMIRA E jù ci vogghiu beni.
IGNAZIO E’ ‘n animale senza scrupuli
PALMIRA E ccù chistu?..... Lo amo lo stesso.
IGNAZIO Non t’ha passatu ppì l’anticamera da ciricoppola, ca putissi essiri ‘n compagnia di qualchi graziosa gonnella?
PALMIRA Ti paru scema? Certu ca ci pinsai e si intra dumani non si fa vivu, vaiu a Roma e pam…pam……’n coppu ‘o cori …..e u ‘bessu ppè festi.
IGNAZIO Cosi ca si diciunu…..
PALMIRA Cosi ca si fanu ( imbracciando il fucile ) Si pigghia a mira…..( puntandolo verso il fratello )…….
IGNAZIO Niscisti pazza?…..Posa ‘stu cosu.
PALMIRA Ppò mumentu è scaricu, vidi? ( preme il grilletto e parte un colpo )
IGNAZIO Disgraziata, dammi ccà.
PALMIRA Ti spagnasti? ( ridendo )
IGNAZIO No,………. mi cacai sulu ‘nte causi! ( posando lentamente il fucile per paura che parta un altro colpo )
PALMIRA Vado a preparare le valigie. (via )
SUONANO ALL’INGRESSO
IGNAZIO Chista mi fa moriri prima de mo jorna…………. Non ci dugnu tortu a ddù caiordu si tagghiau a corda………A disgrazia è ca chista m’arresta supra a panza….non si marita cchiù!
ROSINA ( attraversa la scena di corsa e inciampa )
IGNAZIO Alleggiu!……Sarà u fantinu, dicci d’aspittari, ca mi ‘o canciu. ( via )
ROSINA ( Fa segno di si ed esce )
IGNAZIO ( torna di corsa in scena per portarsi via il fucile )
SCENA 6°
( Rosina, Luigi )
ROSINA ( torna con Luigi ) Prego, si accomodi.
LUIGI ( impacciato entra timidamente ) Grazie.
ROSINA Ma prego, si segga, il padrone ha detto che verrà subito.
LUIGI M’aspittava? Volidiri ca riciviu u mo bigliettu.
ROSINA Po’ darsi.
LUIGI Jù vuleva veniri prima, ma m’ha mancatu u curaggiu…. Hava veniri macari ppì ‘n autru mutivu e n’approfittai. Pigghiai u toru ppè corna e sugnu ccà.
ROSINA Bravu!
LUIGI A era scemu ca mi faceva scappari ‘n occasioni di chista? A proposito è ‘n casa a signurina? C’avissa parrari.
ROSINA E’ ‘n casa, ma na’ pozzu disturbari,
LUIGI Aspettu! Accussì c’haiu tuttu u tempu di pripararimi u discussu.
ROSINA Canusciti a signurina?
LUIGI Si,……. idda no però……..Sarannu 10 anni….. A canuscii ‘nta concorsu ippicu……u sapi a mia mi piaciunu i cavaddi…..e quannu a visti fu ‘n colpu di fulmini……
ROSINA Comu, comu?
LUIGI Si,picchì a mia mi piaciunu i fimmini di caratteri, temperamento focoso……
ROSINA A signurina ‘n havi di vinniri focu…..
LUIGI E poi, è troppu bellissima assai.
ROSINA Appiddaveru mi sta dicennu ca lei avi deci anni ca è ‘nnammuratu da mo’ patruna?
LUIGI Parola d’onori.
ROSINA E picchì non s’ha mai fattu avanti?
LUIGI E chi ci voli fari, sugnu timidu, non sacciu si si vidi……e poi picchì era praticamente impossibili.
ROSINA Picchì?
LUIGI Era sempri impegnata. Appena si lassava ccù unu, u tempu ca mi preparava u discussu, ca già era zita cù ‘n autru.
ROSINA Veru, a signurina non c’ha mancatu mai u pani……..Ma possibili ca idda non s’ha accuggiutu mai di lei?
LUIGI Mai! E’ fiera comu ‘na liunissa, talia sempri avanti…….chi fimmina, chi fimmina…….
ROSINA Ma ora ca è ccà, o si n’accorgi o si ‘n accorgi. Vaiu a chiamarla.
LUIGI ( impaurito ) No, ancora non sugnu prontu
ROSINA Ancora? Dopu deci anni l’avissa sapiri a memoria oramai.
LUIGI Jù prifirissi prima parrari cù so’ patri
ROSINA Tempu pessu è……E’ ntrunatu puureddu. Di quannu cascau do’ cavaddu, non si ni po’ pigghiari nenti.
LUIGI Ma si mi stava aspittannu?
ROSINA U signor Ignazio, u frati da signorina
LUIGI E allura parru co’ frati…….vistu ca è già informato…….
IGNAZIO ( da fuori come se parlasse a qualcuno dalla finestra ) Minicu, chi sta facennu accussì si lava ‘n cavaddu?
ROSINA Ecculu c’arriva. Vi lassu suli. Appena vidu ca timminastu, v’annunciu alla signorina….. Coraggiu,
LUIGI Si,…coraggio!……..Matri, mi spagnu……
ROSINA Tuttu di ‘n ciatu ha essiri.
LUIGI E si mi dici no?
ROSINA Accunsenti, accunsenti! ( via)
SCENA 7°
( Ignazio, Luigi )
IGNAZIO ( entra ) Ma cosi di pazzi……..e spatti pritennunu u stipendiu.
LUIGI ( si alza ) Signor Pernice?
IGNAZIO In persona!............. Lei deve essere……
LUIGI Saltalafossa,….Luigi Saltalafossa.
IGNAZIO Spero di nome e di fatto.
LUIGI Un amico comune…….
IGNAZIO Si certo, l’aspettavo!………...Si accomodi ( lo fa sedere sul divano e lo guarda )…… Dall’aspetto non sembrerebbe adatto…….
LUIGI Cioè?
IGNAZIO Quanti anni ha?
LUIGI 48/49
IGNAZIO 48 o 49?
LUIGI 49 ancora l’haia fari. Però mi presentu bonu! Tutti mi dicunu ca n’è dimostru!
IGNAZIO E quantu pisa?
LUIGI ‘Na novantina
IGNAZIO Assai! ‘Na po’ muntari!
LUIGI ( imbarazzato ) Muntari?
IGNAZIO E certu, su è pisanti idda non sposta!
LUIGI Ppi chistu c’è tempu,….. pozzu dimagriri,…..
IGNAZIO Tempu? Ca quali, anzi semu in ritardu. E’ fora allenamentu e s’ha accuminciari subbitu…..( lo guarda dalla testa a i piedi ) ….Ma semu sicuri ca lei ha muntatu di recenti? Mi pari fora forma……
LUIGI Non pinsava ca c’aggiuvavunu ‘stu tipu di referenzi, ma si su necessari…….
IGNAZIO Ppì carità, mi fidu do giudiziu di l’amicu nostru, ma accussì a occhiu e cruci…. Comunque, pruvamu e videmu…. a mali estremi, estremi rimedi!
LUIGI Giustu! Si po’ fari. ( ma non capisce )
IGNAZIO Signor Saltalabuca…….
LUIGI Saltalafossa……….
IGNAZIO ……..ppì comora lassamu da parti i soddi…….
LUIGI Certu, lei è ‘na persona onesta……..perciò, non piddemu autru tempu. Mi dicissi sulu si è daccordu.
IGNAZIO Si sugnu d’accordu? A lei c’ha stari beni!……S’ha fiurari ca era già mia intenzioni livarimmilla
LUIGI Bè certu, non è cchiù tantu carusa……
IGNAZIO Ma è vivace, vivacissima,……… anzi troppu.
LUIGI Megghiu!
IGNAZIO A ‘n autru ci l’avissa affidatu senza tanti discussi, ma ccù lei è ‘n autra cosa
LUIGI Picchì?
IGNAZIO A manna ‘n amicu, eccu picchì! E iù c’haiu rispettu ppì l’amicizia. Senza cuntari ca è già collaudatu!…… A n’autru prima u vuleva vidiri all’opera, c’era u piriudu di prova…..
LUIGI Periodo di prova?
IGNAZIO E certu…si a cosa non funziona, saluti e baci e n’ha succidutu nenti.
LUIGI ( è più confuso che persuaso ) E ccù mia chi succedi inveci?
IGNAZIO Non c’è tempu o vuliri o vulari ha funzionari!……Dunque ( si alza e passeggia ) prima è necessariu ca ci dicu comu stanu i cosi,……. dopu…..si ci piaci ancora…. fissamu a data do cuntrattu e arrivederci e grazie. ( avviandosi al bar )
LUIGI Unni sta ghiennu? Hama parrari. ( andandogli incontro )
IGNAZIO E cu si movi……..vuleva diri bonanotti e sonaturi.
LUIGI Ah, prego……s’accumutassi, jù u spettu ccà. ( si siede nuovamente )
IGNAZIO Signor Saltalabuca,……..jù ccà sugnu.
LUIGI Saltalafossa.
IGNAZIO Gradisce qualcosa da bere?
LUIGI No, grazie sono astemio e poi a quest’ora non bevo mai.
IGNAZIO Ma è quasi menzionnu…..
LUIGI Già,…..ma allura picchì c’ha voli dari ora a bonanotti.
IGNAZIO A cui?
LUIGI E sunaturi!……Ma unni su’, ne’ sentu sunari signor Pipistrello
IGNAZIO ( spazientito ) Pernice……ma è ‘n modu di diri….comunque, jemu avanti……Lei ‘a canusci? ( versandosi da bere e poggiando la bottiglia sul tavolinetto dinnanzi al divano)
LUIGI Si, ‘a visti a ‘n concorsu ippicu e mi ni‘nnammurai subitu.
IGNAZIO Non è u primu, sapi?
LUIGI U sacciu, ma non mi interessa.
IGNAZIO E beddi comu a idda si ni vidunu picca. ( non beve e posa il bicchierino sul tavolino )
LUIGI Veru,….bellissima!
IGNAZIO Macari a matri era bedda, sapi? Pura razza inglese
LUIGI Crideva americana……
IGNAZIO No,….inglese!….Mossi di partu e jù l’appa allattari co’ biberon. ( accarezzando i trofei )
LUIGI Certu ca macari lei i porta bonu l’anni!.....Mi crideva ……Ma non pinsamu a ‘sti cosi tristi. L’importanti ca ‘a crisciu bedda e ‘n saluti.
IGNAZIO Picchissu,…….benissimo. Havi ‘na testa……. ( di spalle, guardando una foto del cavallo )
LUIGI Magnifica.
IGNAZIO E ‘n pettu……chi pettu, eh?
LUIGI (ripete mimando ) Già…..
IGNAZIO E certi cianchi……
LUIGI Stupendi.
IGNAZIO E d’arreri? L’ha vistu d’arreri?
LUIGI Beh, veramenti….
IGNAZIO Chi ni pensa?
LUIGI Chi c’haia diri?
IGNAZIO E ddi iammi, poi…..l’ha vistu cchi stanghi….
LUIGI Veramenti……non mi passiru tantu…….
IGNAZIO Ma si è a prima cosa ca sauta a l’occhi…….longhi, snelle, cosce sode e polpose
LUIGI ( in preda a una libidine beve tuttu d’un fiato il bicchierino che si era preparato Ignazio)
IGNAZIO Ma unni raggiungi a perfezioni……….è l’attaccatura.
LUIGI L’attaccatura……
IGNAZIO Si, perfetta
LUIGI Appiddaveru?
IGNAZIO E u pilu? Non è ‘magnificu?
LUIGI ( deglutendo ) Jù francamenti……
IGNAZIO Niuru, lucidu…….è nu spettaculu vidirla sutta a doccia.
LUIGI Ah si?
IGNAZIO Si, però ogni tantu jetta cauci……..Allura cu’ ‘n colpu di frustinu si metti ‘n riga
LUIGI Non mi pirmittissi mai.
IGNAZIO No, quannu ci voli ci voli, picchì è fatta accussì. ( guarda il bichhierino vuto e se ne versa un altro )
LUIGI Su dici lei?
IGNAZIO Certu,….. lei s’avissa trasferiri ccà prima di subbitu.
LUIGI Ccà?
IGNAZIO E logico. Havi bisognu di fari amicizia,prima di farisi muntari.
LUIGI ( sconvolto si alza ) Comu?
IGNAZIO Si, prima di montarla, c’è tutta ‘na trafila…..chi ci pari semplici?… ( posa nuovamente il bicchiere e passeggia ).Prima bisogna accarezzarla, lisciarla……e o mumentu giustu….. hop saltarle addosso con decisione… …e su non c’è confidenza…….
LUIGI Hop?
IGNAZIO Si,…hop..addosso! Ma c’assicuru signor Luigi, ca appoi duna certi soddisfazioni……..
LUIGI Ah si? ( beve )
IGNAZIO Però dopu, non si po’ permetteri d’allintari…….non s’ha perdiri l’abitudini.
LUIGI Certu, certu
IGNAZIO Havi bisognu di essiri muntata tutti i jorna,….se no soffre.
LUIGI Tutti i jorna?
IGNAZIO Non ci dicu du’ voti o jornu,…..ma ogni matina è sicuru. Hop, hop…..( azione)
LUIGI Hop, hop
IGNAZIO Se no soffre!
LUIGI E nuatri na’ vulemu fari soffriri, veru?
IGNAZIO Bravo Luigi!…..Ogni matina, cu’ acqua, ventu, nivi……Hop, hop, hop…. ( nota il bicchiere vuoto e non convinto ne versa un altro )
LUIGI Chi travagghiu!!!!
IGNAZIO Si però pensa di non fariccilla…..
LUIGI C’ha fazzu, c’ha fazzu!
IGNAZIO Si po’ sempri fari aiutari di Minicu. Iddu già a canusci e l’ha muntatu spissu.
LUIGI Minicu? ( si alza e si allontana )
IGNAZIO U stalleri. ( posa nuovamente il bicchiere e gli va incontro )
LUIGI No, no…..pensu di fariccilla sulu.Grazie!
IGNAZIO Megghiu accussi! Picchì è megghiu non canciari…..Però, ppì na’ fari soffriri, Minicu è sempri disponibili, è ‘n amicu fidatu
LUIGI Ma…..
IGNAZIO Appuntu, ci su’ macari i ma. Vinissi, assittamuni…….La devo informare…
SUONA IL TELEFONO
IGNAZIO Scusi ‘n attimo
LUIGI Prego, prego………..( nuovamente beve tutto d’un fiato. Poi fra sè ) M’avissa fari aiutari……..….ppì chistu c’è sempri qualche amicu disponibili.
IGNAZIO ( finita la conversazione si siede ) Quindi, dicevo….…. La devo informare che di fronte a tanta bellezza, a tanti pregi,….. ci su altrettanti difetti e grossi ppì giunta. ( notando il bicchiere vuoto, perplesso ne versa un altro )
LUIGI Oh Signuri!
IGNAZIO Siccomu sugnu ‘n cristianu seriu, na vota fattu l’accordu, non vogghiu aviri trafichi e lamentele. Ci dicu a unu a unu…..
LUIGI Picchì su assai?
IGNAZIO Picca non su! Ma su’ vizi ca ccù tannicchia d’amuri, costanza e pacenzia, si vinciunu facilmente.
LUIGI Picchissù n’haiu di vinniri.
IGNAZIO Prima di tuttu è abbastanza bizzarra e quannu s’imbizzarrisce n’arrispunni cchiù e chiamati.
LUIGI Addirittura.
IGNAZIO Ma jù attruvai u metudu ppì livarici ‘stu difettu a picca a picca.
LUIGI E comu?
IGNAZIO Accarizzarici a testa, o megghiu ancora a panza.
LUIGI ( esce un taccuino e una penna ) Pozzu pigghiari appunti?
IGNAZIO Deve farlo!
LUIGI Accarezzarle la testa e la pancia……..
IGNAZIO Allisciannula però……..po’ versu do’ pilu. Si calma ‘nta ‘n attimu.
LUIGI ( scrivendo ) No contropelo…….
IGNAZIO Soffre spesso di furriuni di testa…..
LUIGI Povera creatura……
IGNAZIO Quannu ci pigghia, casca ‘nterra comu ‘na pira…..
LUIGI Mischina
IGNAZIO E macari a chistu c’è ‘n rimediu. Basta muncirici a testa che’ manu, ccù forza. S’arricupigghia subbitu.
LUIGI ( scrivendo ) Comprimere la testa con forza….. Si timminau, ora…..
IGNAZIO Chisti su chiddi nichi.
LUIGI Ci n’è ancora?
IGNAZIO Tira cauci.
LUIGI Cauci?
IGNAZIO Si, e qualche vota macari di notti, mentri dommi.
LUIGI Chistu è gravi.
IGNAZIO L’autru jornu mi ni tirau unu ccà…( indicando il basso ventre ) ca m’assuntumau.
LUIGI Mira macari ‘nte paisi bassi?
IGNAZIO Unni capita. Non è ca c’havi tantu giudiziu.
LUIGI Macari senza giudiziu?
IGNAZIO ( sorridendo) C’aviri giudiziu! …….Ma non si preoccupi , macari a chistu c’è ‘n rimediu. ( si alza e passeggia ) Quannu s’annerba e accumincia a tirari cauci, basta avvicinarisi…..ccù prudenza……
LUIGI ( scrivendo ) con prudenza……
IGNAZIO …e ‘zziddicarla arreri a ‘ricchi
LUIGI ( c.s. ) dietro le orecchie……
IGNAZIO Si calma ‘nta ‘n attimu. Diventa docili comu ‘n agneddu e ppì farisi piddunari ti metti a testa ammenzu i jammi.
LUIGI ( sbigottito ) Ammenzu i jammi? Chista poi,…..macari ccù lei?
IGNAZIO Ccù mia, ccù Minicu, cù ccù e ghè.
LUIGI Basta, non vogghiu sentiri autru…….Speru ca non ci n’è cchiù!
IGNAZIO Magari fussi?
LUIGI Ci n’è autri?
IGNAZIO L’ultimu, u peggio di tutti.
LUIGI Mi sta facennu spagnari…….Chi ci po’ essiri di cchiù terribili
IGNAZIO Muzzica!
LUIGI Chi fa?
IGNAZIO Muzzica! E chi denti!
LUIGI Speru ca macari ppì chistu c’è ‘n rimediu?
IGNAZIO Sicuru. Basta mittirici ‘nta ucca ‘na zolletta di zuccuru……
LUIGI Ca idda si calma ‘nta ‘n attimu.
IGNAZIO Bravu! ……. ( uscendone una ) Jù ni tegnu sempri qualcuna ‘nta sacchetta….. Vidu ca è sveglio, e chistu è ‘mportanti, picchì non si po’ sapiri mai quannu attacca.
LUIGI Attacca a tradimentu? ( scrive e poi conserva il taccuino )
IGNAZIO Appena furrii i spaddi, zac…..tira ‘n coppu e si bell’e fregatu!
LUIGI Non immaginava tanti difetti tutti ‘nsemi……
IGNAZIO Ah, mi ni stava scuddannu unu…..
LUIGI Ancora? ( riprende carta e penna )
IGNAZIO Appena vidi ‘n masculu ci curri subitu appressu. Ma chistu è irrilevante!
LUIGI Irrilevanti mu chiama? ( alzandosi di scatto )
IGNAZIO Ma non è nenti…..s’accumutassi ( si siedono )
LUIGI ( mostrando le corna ) Ma jù non vogghiu certu attruvarimi accussì!
IGNAZIO U sappi macari lei, veru?…..Ma vaddassi ca oltri a chisti non c’havi autri vizi.
LUIGI Menu mali!
IGNAZIO Ora ca sapi comu stanno i cosi, si è daccordu stringemuni a manu , s’annunca lassassi stari e amici comu prima.
LUIGI Certu, qualche difettu l’haiu macari jù……
IGNAZIO Per esempiu?
LUIGI Mi fetunu i pedi……..
IGNAZIO Non ci fa casu, ci l’assicuru.
LUIGI L’alitu……è ‘n pocu pisanti….( gli alita in viso )
IGNAZIO ( quasi sviene ) ‘N ha ‘ntisu chiddu d’idda!?
LUIGI A notti arrunfu……..
IGNAZIO Ma tantu si c’ha cuccari sulu apprima, ppì fari amicizia…..appoi a sira po’ tunnari tranquillamente a so’ casa. I so’ servizi temminunu e setti.
LUIGI Comu, comu?
IGNAZIO Normali, non è ca pozzu pritenniri a so’ presenza 24 uri supra 24
LUIGI Nun è pritesa, fussi duviri miu a maggior raggiuni dopu…….
IGNAZIO Mi fa piaciri, ma è megghiu ca ci pensa bonu. ‘Na vota ca pigghia a decisioni, vidissi ca è difficili turnari arreri. Non è facili lassalla, è sensibili……
LUIGI E poi ni suffrissi!
IGNAZIO Bravu! Sulu ‘n cajordu e pezzu di fangu potti fari chiddu ca fici senza scrupuli. Di iddu si fidava ciecamente…….Non era nuddu e idda ‘ni fici ‘n fantinu famoso, ci fici vinciri i megghiu cursi e iddu comu mi ripaga?
LUIGI Ho saputo. Cu sapi quantu sta suffrennu Palmira, veru?
IGNAZIO No, chistu no, fra tanti difetti, c’havi u pregiu ca si scodda subbitu i cosi.
LUIGI Chiamamulu pregiu.
GNAZIO Allura? Chi fa, resta?
LUIGI M’assicura ca guarisci?
IGNAZIO E’ sulu questioni di tempu.
LUIGI Allura, affari fattu.
IGNAZIO Ppè soddi…..
LUIGI Non m’interessa, chiddu ca fa lei a mia sta beni.
IGNAZIO Allura semu d’accordu,?
LUIGI ‘N brindisi?
IGNAZIO No grazie, haia vivutu assai ppì ‘sta menza matinata ( si alza ) chiamu u mo segretariu e mittemu niuru su jancu.
LUIGI Ma,….senza mancu parrari cu’ idda?
IGNAZIO ( scoppia a ridere ) Picchì, lei ci vulissi parrari ?
LUIGI Mi pari!….E si poi non è daccordu?
IGNAZIO Ma quant’è simpaticu! ( ridendo esce )
LUIGI Chi ci cuntai ‘na barzelletta?
IGNAZIO ( rientra) Non si ni issi….Anzi, picchì na’ prova ‘nto frattempo?
LUIGI Po po…po po….pozzu …pruvalla?
IGNAZIO Ma stamu schirzannu? Certamenti……C’havi u mo’ permessu!……Ah, a propositu, senza farini parola ccù mo’ soru ppì comora, intesi? ( via ridendo )
LUIGI Su dici lei?……..Chi tipu! Pruvarla……..e senza farini parola ppì giunta!....Parra di so’ soru comu si fussi una de’ so cavaddi!
SCENA 8°
( Luigi, Rosina, Palmira )
ROSINA ( entra ) Comu ìu?
LUIGI M’aspittava ‘na cosa cchiù semplici…….
ROSINA Ma quannu c’è l’amuri, tuttu diventa semplici, basta essiri cunvinti.
LUIGI E jù l’amu tantu, ca non m’interessa di nenti…….chi fimmina, chi fimmina…. MALAFEMMINA
ROSINA Chisti si, ca su belli paroli.
PALMIRA ( da fuori ) Rosina, dov’è questo signore?
ROSINA Eccu a patruna. Vi lassu suli……..Ccà signurina, no’ salottu. ( via )
PALMIRA ( entra) Voleva parlarmi?
LUIGI Io?…..No!….Cioè …..si, veramente……
PALMIRA Innanzitutto lei chi è?
LUIGI Luigi Saltalafossa
PALMIRA Allora? Cosa deve dirmi signor Saltalafossa?
LUIGI Mi chiamassi Luigi, ca mi veni megghiu.
PALMIRA Ok Luigi.
LUIGI C’avissa diri ‘na cosa importanti,…..ma sapi, non è facili parrari di certi cosi…
PALMIRA ( impaziente) Sto ascoltando!
LUIGI Non s’innervosisca, s’annunca mi metti l’ansia e……..Staiu vinennu di Roma….
PALMIRA ROMA? ( balzando in piedi )
LUIGI ( si allontana di scatto per paura dei calci ) Si, Roma…..e ddà’ncuntrai Rodolfo….
PALMIRA Ddù disgraziatu……..lei è un suo amico?
LUIGI Uuuhhhh….di ‘n saccu di tempu
PALMIRA E perchè non è venuto lui, quel vigliacco……..
LUIGI Perché lui è rimasto là.
PALMIRA A far chè?
LUIGI Niente.
PALMIRA Come sarebbe a dire?
LUIGI Ora ci spiegu megghiu…….A vita non è tutta rosi e ciuri comu certi voti ni pari…. U distino ti fa certi scherzi……Cu l’hava diri ca jù……..…
PALMIRA Luigi, per favore, stringa.
LUIGI Rodolfo aveva ‘n appuntamentu……
PALMIRA ( agitandosi nervosissima ) E’ ccù ‘na fimmina?
LUIGI ( si scansa come prima ) Stassi calma…….’n appuntamentu ccò distinu.
PALMIRA Oh mio Dio, sta bene? E’ ferito?
LUIGI No…no…no…
PALMIRA Ah, meno male!
LUIGI E’ morto! ‘N pazzu ci acchianau di ‘ncoddu ccà machina……
PALMIRA ( sviene ) Aaaaah…….
LUIGI Oh porca miseria,…..u mali ci pigghiau…….( esce il taccuino e legge. Poi le stringe la testa fra le mani ) Su signorina……Mannaggia la miseria ……ddù ‘mbecilli di Rodolfo mi manna a fari ‘sta scena picchì non ni voli cchiù sapiri d’idda e jù comu a ‘n cretinu……..e si idda ora mi mori?…….Ah, si movi…..rinveni……
PALMIRA Unni sugnu?….Lei cu è?
LUIGI Luigi, signorina.
PALMIRA ( piangendo morde il fazzoletto ) Oh Rody……Rody, picchì mi lassasti
LUIGI Porca miseria a crisi. Muzzica . E ora chi fazzu…..non mi n’attrovu zuccuru…..
PALMIRA Rody,…Rody……
LUIGI Signorina Palmira, è inutili ca si pinna, tantu non po’ turnari arreri.
PALMIRA Aaaahhhh……
LUIGI Spiramu ca n’accumincia a tirari cauci, ora…….signurina, ppì carità, si calmi
PALMIRA Aaahhhhh…..
LUIGI Mi fa pena….quasi quasi ci dicu a virità…….Luigi, chi sta facennu, chi si scemu? Vosi moriri? Lassulu mottu…..ora tocca a tia. Su 10 anni c’aspetti u mumentu giustu………..Signorina, si calmi la prego……
PALMIRA Si, m’haia calmari…….basta chianciri…….. Anzi il mio sangue si ribella e mi dice una cosa sola. ‘N vigliaccu ammazzau ‘u mo’ Rody e jù l’haia vendicari.
LUIGI Brava.
PALMIRA Lei canusci u colpevoli?
LUIGI Ehm…….No!
PALMIRA ‘U so’ nomu, mi dicissi u so’ nomu.
LUIGI Luigi.
PALMIRA No, di l’assassinu.
LUIGI Ehn………non lo so.
PALMIRA Sintissi signor……
LUIGI Luigi, Luigi Saltalafossa, per lei Gigi, …nullafacente, campo di rendita e aspetto l’eredità di tanti zii ricchi.
PALMIRA Bene signor Saltalafossa…..
LUIGI Luigi
PALMIRA Caro signor Luigi, mi dica il suo nome!
LUIGI Ma ciù dissi ora ora…..
PALMIRA Chiddu di l’assassinu.
LUIGI Ciù giuru, no’ sacciu.
PALMIRA Impossibile, non ci cridu.
LUIGI Ciù giuru supra a testa de’ nostri figghi.
PALMIRA Ma nuatri non c’avemu figghi.
LUIGI Ppì comora, ma poi…..
PALMIRA Come si permette, chi sta dicennu?
LUIGI Dopo sposati naturalmente.
PALMIRA Cosa le fa credere che io debba sposarla.
LUIGI Perché io voglio sposarla. Ciù prummisi a Rody………era in punto di morte…
PALMIRA Era ccù iddu quannu successi?
LUIGI Si…… e mi diceva….”Falla felici….falla felici…..” E jù sugnu prontu! So’ frati è daccordu, basta fissari a data……
PALMIRA Emilio è d’accordo?…….
LUIGI E cù è Emiliu?
PALMIRA Mo’ frati.
LUIGI Jù veramenti parrai ccù unu ca si chiamava Ignazio
PALMIRA Mo’ frati
LUIGI A scusari signurina…..si chiama Ignazio o Emilio?
PALMIRA Emilio è chiddu ranni……Ignazio è u minzanu…….Perciò lei parrau ccù Ignaziu?
LUIGI Si………… ma non ci l’hava diri.
PALMIRA E già, mi facissi maritari ccò primu cretinu ca capita, basta ca mi ni vaju.
LUIGI Non sugnu tantu cretinu….Allura, chi mi dici?………..Non ci piaciu mancu tannicchia?
PALMIRA Ma veramenti…..
LUIGI Basta un si!……Di quannu a canuscii……
PALMIRA Unni successi?
LUIGI A ‘n concorsu ippicu.
PALMIRA Stava gareggiannu?
LUIGI No, jù non sacciu mancu iri a cavaddu, taliava.
PALMIRA Ma chi c’entra lei, parru di Rody, unni ‘u ‘mmazzaru?
LUIGI A Roooma……Ca era macari sudda so’ frati non m’ ‘u dissi.
PALMIRA Non sugnu sudda, ‘ntinneva diri,…..unni, in quale zona…..
LUIGI E’ pratica di Roma?
PALMIRA No!
LUIGI Megghiu!…..L’havi prisenti, u raccordu anulari…u fa tuttu, poi gira a destra, scinni ‘na calata e poi pacchiana…..subbito azzicca a sinistra, subbitu picchì si va a destra, si peddi da casa…….ddà, c’è ‘n pedi d’abburu abbruciatu…..
PALMIRA N’haia caputu nenti. ( si alza ) Andremo insieme io, lei e mio fratello.
LUIGI Io lei e suo fratello!
PALMIRA Aspetti quì
LUIGI Aspetto qui
PALMIRA Preparo la valigia
LUIGI Prepara la valigia
PALMIRA Prendo il fucile
LUIGI Prende il fucile………Oohoooo…..chi fa? Quali fucili?
PALMIRA Comu ‘u ‘mmazzu, ca’ ciunnia? ( via )
LUIGI Chi fimmina……chi temperamentu……..quannu s’arraggia è ancora cchiu bedda…….Ci n’haiu chiffari p’addomesticarla
SCENA 9°
( Luigi, Ignazio, Cirino e Girolamo )
IGNAZIO ( entra seguito da Cirino e Girolamo) Signor Saltalastecco….
LUIGI Saltalafossa……ehm…Saltalabuca
IGNAZIO Le presento mio padre.
LUIGI Piacere signor Quaglia
IGNAZIO Pernici….semu Pirnici!
GIROLAMO Appiddaveru?.......E jù c’haia cridutu ca erumu cristiani.
IGNAZIO Non ci facissi casu…..cascau di cavaddu e ‘ntappau u tuppu…… Forza Cirinu, niscemu ‘sti carti….
CIRINO Signor Pernice, e di chi hama parratu finu a ora, s’ha ‘spittari qualche jornu ppà firma, non è quantu junci e……..
LUIGI Megghiu, picchì ora a quantu pari non c’è tempu. S’ha pattiri subbitu ppì Roma… ROMA NON FAR LA STUPIDA …
IGNAZIO Cu è c’ha pattiri?
LUIGI Jù, lei e so soru…….è ‘n cacchiata niura. SEI DIVENTATA NERA
IGNAZIO Non ci dissi ppi casu……
LUIGI Tutti cosi!
IGNAZIO Eccu u sapeva. Ppì chistu si siddiau……
LUIGI Ma no, l’havi ccù Rodolfo.
IGNAZIO Si fici vivu?
LUIGI No,…….. si fici mortu!
GIROLAMO Mortu?
LUIGI Stecchito
CIRINO Mossi puureddu?
IGNAZIO Megghiu!
LUIGI Comu megghiu?
IGNAZIO A mia mi fici ‘n favuri.
LUIGI E picchì?
IGNAZIO S’hava maritari ccù Palmira e…….ma lei comu’i sapi ‘sti cosi?
LUIGI Era ccù iddu a Roma….. ROMA NON FAR LA STUPIDA …..
IGNAZIO ( dopo aver fatto allontanare il padre ) U canusceva?
LUIGI E certu, non ciù dissi?
IGNAZIO E ora Palmira picchì voli iri ddà?
LUIGI Ppì vendicarlu……..si porta u fucili e..pam…pam…
IGNAZIO ‘Mpazziu….’mpazziu…..
LUIGI Tranquillu……tranquillu……Tantu ddà, n’attrova a nuddu.
IGNAZIO In che senso?
LUIGI Nuddu l’ammazzò…….E’ vivo e vegeto, sta bene e sa sta spassannu ccù ‘na bedda bionda.
IGNAZIO Peccatu!
CIRINO Allura è veru? Lei a visti?.......E com’è, com’è?
LUIGI Non ci dicu e non ci cuntu………
CIRINO Ma tu vidi chi cosi….’na menza cugnetta di chidda…….
IGNAZIO Hama fari ancora assai ccù ‘stu discussu?
CIRINO A scusari signor Pernice!
IGNAZIO Ma allura picchì ‘sta storia?
LUIGI Picchì Rodolfo scappau ppì non s’ha maritari….Ni cuntrammu ppì casu: “ Luigi, mi dissi…chi ci fai ccà?…….E iù, “ Rodolfo, chi bella sorpresa….
IGNAZIO Stringa, stringa….
LUIGI Stringo!……Cu ti ci porta a Roma, non ti stavi maritannu?…Ci dicu jù….e iddu……. Chi sugnu pazzu?……Mancu ppì tuttu l’oru do’ munnu,……
IGNAZIO Stringa…stringa…..
LUIGI Stringo, si!…….Perciò, m’addummau ‘n favuri …chi ci puteva diri di no?…… Vistu ca si’u megghiu amicu miu……inscenamu ‘n incidenti stradali? Tu m’ammesti e jù moru…..Ci porti a nutizia a Palmira e u jocu è fattu.
CIRINO E com’è ca lei è ancora vivu?
LUIGI Picchì jù, secunnu a storia ava essiri supra a machina ca ci acchianau di ‘n coddu
CIRINO No, ‘ntinneva comu mai a signorina Palmira non ci sparau?
LUIGI A mia?
CIRINO E certu, dicennuci ca lei c‘mmazzau u zitu……
LUIGI No sapi, …..ho tralasciato questo particolare.
IGNAZIO E comu a pigghiau?
LUIGI Si misi a cianciri, ci vinniru ddì cosi….ci furriau a testa……Però, è troppu bedda macari quannu cianci….
IGNAZIO Ci piaci appiddaveru?
LUIGI Assai! I fimmini accussì, mi fanu ‘mpazziri…..Erunu deci anni ca pinsava di farimi avanti e mentiri ‘nte so manu tuttu u mo’ cori , i mo’ ricchizzi….
IGNAZIO Appiddaveru?.......
LUIGI Appiddaveru!
IGNAZIO E’ macari riccu?
LUIGI Un modesto patrimonio, di na para di miliuni di euro…….
IGNAZIO A postu!
CIRINO ( fra sé ) Chistu si ca è culu.
IGNAZIO ( porgendogli la mano ) Chiamami Ignazio.
LUIGI ( dandogli la mano ) Certamente Ignazio……sugnu accussì cuntentu ca ti dassi macari ‘n vasuni….( sta per baciarlo)
IGNAZIO ( lo ferma ) ‘Na cosa a vota!
CIRINO Intantu m’accuminciassi a dari i so’ documenti accussì priparu i carti.
LUIGI ( consegna la carta d’identità ) Ci vulissiru macari ‘n pugnu di certificati, no?
CIRINO Certu, chiddu di sana e robusta costituzione fisica, ma prima s’ha fari i visiti di ritu, ppa vista, ppò cori, ppa carina………fissarii, vah……
LUIGI E picchì?
CIRINO Picchì sannunca non ci fanu u tissirinu.
LUIGI Tissirinu, quali tissirinu?
IGNAZIO Ppà ‘ssicurazioni, no?
CIRINO Menzamà ci succedi cosa, nuatri assicurannula non curremu rischi e lei è rimborsatu de’ danni.
LUIGI C’è ‘stu piriculu?
CIRINO Signor Pernice, ma non ci dissi nenti?
IGNAZIO Tutti cosi.
CIRINO ( porgendo un foglio ) Intanto firmassi ‘sta liberatoria, ccù chista lei s’assumi tutti i responsabilità.
LUIGI ( più confuso che persuaso firma )
IGNAZIO Non ti preoccupari, firma……su’ sulu formalità.
LUIGI Mi fidu ppì carità…….
IGNAZIO Però è sempri bonu essiri preparati, non pensi?
LUIGI Certu, certu.
CIRINO Benvenuto a bordo…….Forza amuninni.
LUIGI Ora?.....Ma chidda voli iri a Roma?!...Comu si fa?
IGNAZIO Non c’è tempu, non c’è tempu di fari ‘stu viaggiu…...c’è l’allenamentu…..
LUIGI Ah già……hop, hop…..Bastassi dirici: Palmira, voli sapiri cu ammazzau u so’ zitu? Jù…..Ma cu ci l’havi u curaggiu……
IGNAZIO Bravu, accussì chidda t’ammazza.
LUIGI Sugnu troppu ‘nnammuratu e ‘na vogghiu peddiri
IGNAZIO Veni ccù mia, intanto……poi ci pinsamu ( via insieme )
SCENA 10
( Palmira,Girolamo e Rosina )
PALMIRA ( entra ) Signor Luigi…..
GIROLAMO Non c’è.
PALMIRA Unni si ni ìu?
GIROLAMO Ccù to’ frati…….Senti, ma chistu è Bonu?
PALMIRA Picchì?
GIROLAMO Dici ca s’ha maritari a cavadda……
PALMIRA Sa chi capisti?
GIROLAMO E dissi ca macari Rodolfu si vuleva maritari a cavadda e allura ppì gilusia, ‘stu Luigi, c’acchianau di ‘ncoddu ca’ machina e u ‘mmazzau…..E siccomu non c’happi u curaggiu di diritillu, ciù dissi a Ignaziu.
PALMIRA E Ignaziu?
GIROLAMU Tuttu cuntentu ci fici firmari ‘na carta…….E’ chinu di soddi, sai?
PALMIRA Ma cose di pazzi, cosi di scimuniri………. Mo frati è cuntentu ca Rody è morto, ddùo scemu m’ammazza u zitu e ppì giunta mi voli maritari……Ma ora u ‘bbessu jù. ( imbraccia il fucile per andargli dietro, ma punta Rosina che entra )
ROSINA Signurina……( alza le braccia ) Oh Misericordia!……Mi voli ammazzari? (ad occhi chiusi, parla a raffica ) Jù ciù dissi a so’ frati ca si n’avissa accuggiutu prima o poi….Ma jù non sugnu daccordu, picchì sugnu ‘na povera cammarera, seria e onesta…..e c’haiu troppu rispettu ppì lei …..non mu putissi mancu cunfissari … Ma è iddu ca mi veni appressu….
PALMIRA ( lentamente abbassa il fucile ) Ma chi sta’ dicennu?
ROSINA ( piangente) A virità……Ma ci prumettu ca u mettu a postu….
PALMIRA Ma di quali virità sta’ parrannu?..... Rosina mi sta facennu peddiri tempu. Fammi passari c’haia ammazzari n’assassinu.
ROSINA Non era ccù mia ca l’aveva?
PALMIRA No! Ma di chistu ni parramu dopo. Fammi passare!
ROSINA Ma scusi, a cu avissa ammazzari?
PALMIRA A ddùo scemo di Saltala…Saltalabuca…..
ROSINA U signor Luigi?
PALMIRA Si, propriu iddu. Ammazzau Rodolfo, capisci?
ROSINA Nonci pozzu cridiri,….mi pareva accussì ‘n bravu cristianu……
PALMIRA Ma iù u stennu ca mancu si n’accorgi.
ROSINA E chi piaciri c’è?
PALMIRA Comu scusa?
ROSINA Chi piaciri c’è si iddu non si ‘n accorgi?
PALMIRA Giustu, ha soffriri…come suffriu u mo’Rody.
ROSINA Ci facemu ‘na fattura?
PALMIRA E si scappa?
ROSINA S’’u maritassi allura!
PALMIRA Io? Sposare l’assassino del mio Rody?
ROSINA Accussì è sicuru ca non scappa. ( via )
PALMIRA Già!……. La mia vendetta sarà una lunga agonia
SCENA 11
( Palmira, Ignazio, Luigi, Emilio, Rosina )
IGNAZIO ( entra seguito da Luigi ed Emilio) Ma è mai possibili ca camini sempri ccù ‘stu ferru ‘n manu?
PALMIRA Se è scarica!
IGNAZIO E posala u stissu! ( glielo toglie di mano e parte un colpo che fa volare via il cappello a Luigi che sviene in braccio a Emilio)
EMILIO Disgraziata ‘u ‘mmazzasti.
PALMIRA Jù? Iddu!
IGNAZIO Ah,…menu mali……rinveni…..
LUIGI Unni sugnu?
EMILIO In casa Pernice.
LUIGI Ignazio, jù quasi quasi….. ( cerca di andare )
IGNAZIO Palmira, chiedi scusa.
PALMIRA Sicuro…..quanto mi dispiace…Vuole scusarmi? ( dolcissima- fingendo)
LUIGI ( ridendo come un ebete ) Siiiiii….a lei….. a scusu tutta……( guardandola incantato)
ROSINA ( entra e inciampa ) ‘N tisi ‘n coppu…..
EMILIO Nenti, ti spagnasti? ( avvicinandosi)
IGNAZIO ( mettendosi in mezzo ) Non si spagnau.
GIROLAMO ( entrando ) Ma oggi non si mangia?
ROSINA Il pranzo è pronto.
GIROLAMO Finalmenti! ( si alza ed esce )
IGNAZIO ( le si avvicina ) Rosina, aggiungi ‘n postu a tavola…..
GIROLAMO ……CHE C’è UN AMICO IN Più…….
IGNAZIO …..u signor Luigi resta a pranzu.
PALMIRA Spero signor Luigi che voglia accettare?
LUIGI ( c.s.) Luigi, chiamami Luigi….. ma certo che accetto.
PALMIRA Bene!............ Rosina andiamo? ( via insieme a Rosina )
EMILIO ( uscendo a Rosina ) Lassa aperta a porta da to’ stanza ‘sta sira ( via )
ROSINA Uffa!!!!!! ( via )
IGNAZIO Chi jornu furtunatu!
LUIGI Chi fazzu….vaiu? ( indicando la sala da pranzo)
IGNAZIO Prego, arrivo subito…..( rimasto solo )……E cu ci spirava cchiù! ‘Nta ‘n coppu sulu attruvai ‘n fantinu e ‘n cugnatu riccu …….Mancu mi pari veru. Ci fazzu fari a cussa,………i fazzu maritari e accussì mi scudduriu di ‘ddà ‘mpiccica pedi di mo’ soru e mi maritu Rusina……
LUIGI ( entrando di corsa ) Ignazio……
IGNAZIO Si?
LUIGI E’ sempri validu ddù discussu d’antura?
IGNAZIO Quali?
LUIGI A pozzu pruvari?
IGNAZIO Certu, quannu voi è a to’ disposizioni.
LUIGI Macari dopu pranzu?
IGNAZIO Si a stomucu chinu c’ha fai?
LUIGI C’ha fazzu, c’ha fazzu!!!! ( contento esce con Ignazio )
FINE 1° ATTO
SECONDO ATTO
La scena è quasi buia. Si sentono battere 4 colpi di pendola e dopo 4 colpi di
Fucile.
SCENA 1°
( Emilio, Rosina, Ignazio, Luigi, Girolamo )
Luigi in pigiama attraversa la scena spaventato.
Quasi contemporaneamente dal lato opposto Emilio in pigiama. Si salutano e
continuano ognuno per la loro strada
IGNAZIO ( entra da dx in pigiama) Non erunu colpi di fucili?
ROSINA ( lo segue impaurita in camicia da notte ) Cridu! E dd’ umbra ca passau?.
IGNAZIO Mi passi Luigi.
ROSINA Ma si chiddu sta dummennu ‘nta stadda, cu ciù porta ccà?
IGNAZIO Hai raggiuni non po’ essiri…..aspetta ccà e videmu chi sta succidennu.
ROSINA No, mi spagnu………
IGNAZIO Torna ‘nta to’ stanza allura, ca staiu vinennu.( Rimasto solo accende la luce )
GIROLAMO ( entra ) Cu sparau?
LUIGI ( appare, impaurito e tremante ) Palmira
GIROLAMO O solitu!
IGNAZIO C’haia fari livari stu viziu…….
LUIGI Sugnu siccu ‘nte robbi!
IGNAZIO Chista prima o poi allettica a qualchi d’unu………Ma tu non ti fari ‘mprissuinari.
LUIGI No, no…..di cori sugnu abbastanza forti.
IGNAZIO ( cambia discorso ) Allura? A’ pruvasti?
LUIGI Ci vuleva tintari, ma idda…..
IGNAZIO Ti disarcionau.!……Ti l’hava dittu ca non è facili.
LUIGI Eh!….Non è facili!
IGNAZIO Tu prima di muntarla chi facisti?
LUIGI Chi fici…..mi c’avvicinai alleggiu alleggiu……
IGNAZIO Stava dummennu?
LUIGI Appuntu, e ppì non sbigghiarla, mi ci misi allato pianu ,pianu,pianu, pianu……
IGNAZIO E ccà sbagghiasti!
LUIGI Picchì?
IGNAZIO Si spagnau, è logicu.
LUIGI E c’hava fari?
IGNAZIO Disinvolto…..calmo e tranquillu!…….Unu ca to’ esperienza, certi cosi l’avissa sapiri, no?
LUIGI Si, ma non m’hava mai capitatu una ccù tanti difetti comu a idda.
IGNAZIO E ccà, non ti pozzu dari tortu………Si sempri ‘ntinzunatu a pruvarla stanotti?
LUIGI Urca!!!!
IGNAZIO Ma non ti fa sonnu?
LUIGI Quali sonnu!!!!
IGNAZIO E allura riprovaci,……A talìì ‘nta l’occhi, ppì farici vidiri cu cumanna e poi ha essiri ‘n colpu……hop, ci sauti ‘n coddu!
LUIGI Hop….e ci sautu di ‘ncoddu, ok! ( sorride soddisfatto )
IGNAZIO Bravu! E ora bonanotti.
LUIGI Hop e ci sautu di ‘n coddu! ( via nuovamente in camera )
IGNAZIO ( aspetta che sia uscito, spegne la luce e torna da Rosina )
GIROLAMO E picchì mi lassasti ‘o scuru?
IGNAZIO ( velocemente torna e riaccende ) Ancora ccà si’ tu?.......’O cucchiati.
GIROLAMO Sbigghiai!
IGNAZIO E vulissi stari ccà?.....Ccù ‘stu friddu?.......
GIROLAMO U spiddu?.....Turnau u spiddu?.......No, no, no……mi ni tonnu ‘nto lettu.
IGNAZIO Eccu, bravu…….Buonanotti. ( spegne e via )
Si sentono 4 colpi di fucile e Luigi come prima attraversa la scena di corsa per
uscire dalla comune.
SCENA 2°
( Giorgia, Laura, Minico, Girolamo e Rosina )
La scena s’illumina lentamente come se stesse albeggiando fino a diventare
giorno. La pendola batte 10 rintocchi.
GIORGIA ( entra, seguita da Laura e Minico ) Vi ho detto no,…….non monto nessun cavallo……..ho paura.
ROSINA Carusi…..E chi è?.......Quanti voti v’haia dittu ca vostra zia non voli ca si trasi ccà che’ scappi fatti ‘i fangu?.......Macari tu Minicu, ti vo’ fari licinziari?
MINICU Picchì?
ROSINA Vidu ca c’hai a testa leggia……Non t’ha dittu forsi ca n’ha peddiri tempu che’ signurini?.........
MINICU Si, ma siccumu…..
ROSINA Nenti ma e nenti siccomu….. Otinni a travagghiari……via ( lo fa uscire )
LAURA La colpa è mia, volevo che lui convincesse Giorgia a salire su un cavallo. Non ho nessuno con cui fare una bella galoppata…….
GIORGIA Lo sai che ho paura
LAURA Per una volta che se caduta……
GIORGIA E meno male che non sono rincretinita come il nonno.
GIROLAMO ( entra ) Chi sarebbe rincretinito?
ROSINA Don Girolamu, vi susistu finalmente?
GIROLAMO E vistu ca stanotti non si potti dormiri, ccù ddù spiddu casa casa.
ROSINA Vaiu a canciari aria ‘nta so’ stanza.
GIROLAMO E tu jettila, non t’affruntari!
ROSINA Chi cosa?
GIROLAMO L’aria…..l’aria ca c’hai ‘nta panza……Comu si dici….Tromba di culo, sanità di corpo
ROSINA Carusi, puttativillu fora…..facitici pigghiari aria. ( via )
LAURA Nonno, oggi che si fa?
GIROLAMO Ah?
GIORGIA Che – FA- CCIA- MO
GIROLAMO ( la guarda ) Che faccia devi avere?.....Sempre la stessa.
LAURA Oggi nonno, andremo a sistemare lo steccato. Sei d’accordo?
GIROLAMO Non sono seccato……Che ne dite se v’insegno a sistemare lo steccato?
LAURA E io che ho detto?
GIROLAMO Non stai bene?
LAURA Benissimo.
GIROLAMO Perché allora devi andare a letto?
GIORGIA ( trascinandolo verso l’uscita ) Andiamo nonno, andiamo a sistemare questo steccato.
GIROLAMO V’ho detto che non sono seccato ( uscendo )
SCENA 3°
( Palmira, Rosina, Ignazio, Luigi )
ROSINA ( sta attraversando la scena )
PALMIRA ( entra ) Ah Rosina a tia circava…..è pronta ddà fattura?
ROSINA Ci staiu travagghiannu.
PALMIRA T’ha spicciari…..non c’haiu tempu….il mio Rody deve essere vendicato.
ROSINA ‘Nto frattempu, c’haiu ‘na pozioni pronta, si ci po’ ‘ntirissari.
PALMIRA E chi fa?
ROSINA U fa divintari mutu.
PALMIRA Megghiu di nenti……….. Iniziamo con una lenta tortura….Spicciti, ‘o pigghiala!
ROSINA Vaiu. ( via)
IGNAZIO ( entra con Luigi ) Ancora non m’ha cuntatu nenti……comu ìu?
LUIGI ( fa cenno che c’è Palmira )
IGNAZIO E allura?……Non po’ sentiri?
LUIGI ( fa cenno che non è conveniente )
IGNAZIO Certu, capisciu……..si ni putissi risentiri, vistu ca prima ha stata cavalcata di Rodolfo!
PALMIRA Ah, buongiorno! ( con finta dolcezza )
LUIGI Bubu…buongiorno!
PALMIRA Passata una notte tranquilla?
LUIGI Tratra…tratra…tranquilla.
IGNAZIO E picchì tartagghi?
PALMIRA ( ironica) Sarà stata l’umidità della stalla, vero Luigi?
LUIGI Si, certo….l’umidità.
IGNAZIO Vi lascio da soli. ( via )
SCENA 4°
( Palmira, Luigi, Rosina )
LUIGI ( imbarazzato si siede sul divano )
PALMIRA Come ti pirmittisti stanotti a veniri ‘nta mo’ stanza?
LUIGI To’ frati Ignaziu mi dissi di farlu.
PALMIRA E ppì du voti ppì giunta…… Non t’abbastau a prima scarica? I patti eruno chiari, sulu dopu u matrimoniu.
LUIGI Ma Palmira……nuatri n’hama canusciri,….hama fari amicizia…..e si non ti provu, comu facemu?
PALMIRA Ah?
LUIGI T’haia pruvari, no?
PALMIRA Chista si ca è bella. Mi cridi ‘na cavadda?
LUIGI Non mi pirmittissi mai, ma vistu ca c’hai ‘n caratteri ‘n pocu particolari……
PALMIRA E’ stato Ignazio a dirtelo?
LUIGI Be’, si…..mi dissi na pocu de to’ difetti……ma jù pigghiai appunti e sugnu prontu a fari tuttu ppì tia.
PALMIRA Addirittura, pigghiasti appunti……
LUIGI Non vogghiu sbagghiari.
PALMIRA Mizzica!.....E’ propriu dicisu sbarazzarisi di mia.
LUIGI Non t’innervosire…..( si avvicina ) sta calma ( le accarezza la pancia ).
PALMIRA ( lo guarda incuriosita ) Chi sta’ facennu?
LUIGI Cercu di calmariti……
PALMIRA ( lo allontana in malo modo e si dirige verso la comune per uscire ) Rosina….Rosinaaaaaaa
ROSINA ( entra e inciampa e rovescia il contenuto del bicchiere in faccia a Palmira che con la bocca aperta ne berrà parte del contenuto ) Oh!……..Chistu è ‘n guaiu ora.
PALMIRA ( tossisce )
LUIGI Rosina, ma chi cummini!!!!!
ROSINA Scusassi, no’ fici apposta. Vaju a pigghiari ‘n stracciu. ( via )
LUIGI ( porgendo un fazzoletto ) Asciugati……. Ti stava dicennu….( Palmira non risponde ) Palmira……. Palmiiiiiraaaaaa……… Non risponde alla chiamata….( esce il taccuino e cerca )…...accarezzare la testa o la pancia………. No, a panza no…..megghiu a testa……( le accarezza la testa )
PALMIRA E finiscila ( si scansa, si tocca le orecchie e fa smorfie come se non sentisse )
LUIGI Chi c’è, non ti senti bona?
PALMIRA Chi dici?
LUIGI Chi c’hai?
PALMIRA Parra cchù forti…..non sento. ( escono urlando entrambi )
ROSINA ( rientra ) ……Sudda addivintau?......…….Stranu però, era pp’addivintari muti, no’ suddi……….Appa fari qualchi sbagghiu.
SCENA 5°
( Girolamo, Rosina, Ignazio, Emilio e Cirino )
IGNAZIO Rosina, ha vistu a Luigi?
ROSINA Nisciu ora ora cà signurina. ( asciugando per terra )
EMILIO ( entra seguito da Girolamo ) Ignazio, accussì non si po’ cuntinuari.
GIROLAMO Vogghiu a trumma….Vogghiu a trumma
EMILIO Non ci l’haiu…..U vo’ capiri si o no?......Ignaziu, non c’ha fazzu cchiù! Ppì sta trumma jammau ‘n cinima.
GIROLAMO U sapeva! T’ha puttasti ‘o cinima e t’ha scuddasti dda.
IGNAZIO Eccu bravu. Oramai è pessa…..S’ammatti ‘n accattamu ‘n autra, va beni?
ROSINA Ma picchì non cancia strumentu?
GIROLAMO Picchì haia mangiari frumentu?
ROSINA Strumentu!..... Picchì non sona u mannulinu?
GIROLAMO Senti u pannulinu mettitillu tu, jù non ci n’haju di ‘sti problemi.
CIRINO ( entra ) Signor Pernice,…….
IGNAZIO ( IN CORO con Emilio e Girolamo ) Si Cirinu, trasi.
CIRINO Chi fazzu allura, a scrivu a Palmira a sta’ cussa?
IGNAZIO Di gran cursa!
GIROLAMO ( a Rosina ) Mo’ figghia scappau di cussa, picchì?
CIRINO U signor Luigi c’ha pruvatu?
IGNAZIO ‘Sta notti, ma senza risultatu.
CIRINO E’ prestu ancora, Palmira è diffidenti…….
GIROLAMO E’ senza denti?....Chi ci successi?
CIRINO Diffidenti, è diffidenti…….
GIROLAMO ( a Rosina ) Ma chi è ca dici? Cu è fitenti?
EMILIO Rosina,…….( fa cenno di portarselo via )
ROSINA Don Girolamu, u voli ‘n bellu gilatu?......Amuninni ca ciù priparu
GIROLAMO ( seguendola ) C’hama ‘gghiri a fari ‘nto craparu?
LUIGI ( entra)
IGNAZIO Luigi!.......Vidi ca intra oggi ha circari di muntari a Palmira…..
LUIGI Intra oggi?
IGNAZIO Ppì forza.
LUIGI Ma chi primura c’è?
IGNAZIO Luigi, si tu peddi ‘sta cussa, nuatri piddemu a facci.
LUIGI Vuatri? E jù?
IGNAZIO Oramai semu esposti. A danu 30 a 1
LUIGI Min…..chiusiru! Ci su i scummissi di già?
CIRINO No di ora?
LUIGI Ma si arrivai sulu ieri?
IGNAZIO Si ‘na machina funziona a bumma, canciannu u pilota chi fa peddi?
LUIGI Si si spagna si.
IGNAZIO Tu ti spagni?
LUIGI ( fiero) NO……Luigi Saltalafossa n’ha paura di nenti.
IGNAZIO Bravu! E allura vai e muntala………….. Facci vidiri di chi pasta si’ fattu!
LUIGI ( orgoglioso) Si,…vaiu e ci fazzu vidiri cu è Luigi Saltalafossa… ( via )
CIRINO Signor Pernice, n’apprufittamu ppì vaddari ddì cunti?
IGNAZIO E nescili, videmu comu semu cumminati.
DOPO UNA BREVE SCENA A SOGGETTO ……….SI SENTE SPARARE
LUIGI ( Di corsa attraversa la scena,)Non voli….non voli……. ( ai due che lo guardano increduli. )
BUIO
Stacco musicale
SECONDO QUADRO
VOCE NARRANTE: 3 MESI DOPO
SCENA 1°
( Giulia, Laura, Girolamo, Emilio e Ignazio )
La pendola batte 6 rintocchi. 2 colpi di fucile e Luigi che attraversa la scena di
corsa.
La scena s’illumina lentamente ed è di nuovo giorno.La pendola batte 9 rintocchi
LAURA ( entra ) Giorgia ti vuoi sbrigare?
GIORGIA Arrivo……..( spunta correndo ) Sono pronta.
EMILIO ( entra) L’istruttore vi sta aspettando…..vi volete muovere?
LAURA Dillo a lei…..ci vogliono tre ore per scegliere gli abiti, due per lavarsi e una per vestirsi e truccarsi.
GIORGIA Quanto sei spiritosa……..Prenditela col nonno invece, non con me.
EMILIO Che c’entra il nonno?
GIORGIA Come se non lo sai, vuole solo me quando deve fare il bagno.
LAURA Tu perché l’hai abituato a giocare con le paperelle……
GIORGIA Perché è l’unico modo per farlo lavare.
EMILIO Avanti, forza……muovetevi e non litigate. ( accompagnandole verso l’uscita )
GIROLAMO Luigi, senti....….( entra )Luigi?...... Ha vistu a Luigi?
EMILIO No…….Sta’ notti si curcau ‘nta stanza di l’ospiti. Voli essiri prontu menzamà Palmira u chiama.
GIROLAMO Finalmente!....Erunu 3 misi ca s’incurnava a dommiri supra ‘stu divanu. E’ tuttu scemu
EMILIO A mia a scema mi pari to’ figghia….Dopu 3 misi di matrimonio ancora no’ fa trasiri ‘nta stanza ‘e lettu.
IGNAZIO ( entrando ) Chistu a lassa…….. e su fa semu pessi!
EMILIO E cu s’ha scudduria, cchiù?
ROSINA Pozzu?
EMILIO Certu ( avvicinandola malizioso )
IGNAZIO ( geloso s’intromette ) Ti serve qualcosa?
ROSINA Veramenti avissa sistimari ccà intra……
EMILIO ( spingendo il fratello ) Perché?......Perchè stancare queste fragili membra?
ROSINA Picchì sugnu pavata ppì chistu.
IGNAZIO ( c.s. ) Senti Emiliu, vo’ assaggiari unu de’ mo’ micidiali pugni?
EMILIO E cu arrivau Cassius Clay?.....Avanti, fammi vidiri chi sa’ fari.
IGNAZIO Non mi sfidari…..ca t’alluppiu!
GIROLAMO Carusi finitila.
IGNAZIO T’haia dittu ca a Rusina non l’ha ‘n chitari…..U capisti?
EMILIO Sannunca chi mi fai?
IGNAZIO Chi ti fazzu? ( gli da un pugno in faccia )
EMILIO ( si scanza e il pugno finisce in faccia al padre )
GIROLAMO ( si accascia )
ROSINA U ‘mmazzastu!......... ’U scunsintistu definitivamente. Circati ‘na borsa di ghiaccio ca jù cercu di farlu rinveniri.
IGNAZIO ( ed Emilio, continuando a litigare a soggetto, escono di scena )
SCENA 2°
( Palmira, Rosina, Luigi, Ignazio e Gerolamo )
PALMIRA ( entra. E’ nervosa. Cerca di arrotolarsi una sigaretta, ma le cade tutto di mano, non si accorge del padre )
ROSINA E’ nirvusa a signura oggi?
PALMIRA Cca vanu tutti cosi storti. U sistema dell’astinenza no’ fa soffriri, u manna sulu in bestia e cerca di trasiri cà forza. Ppì farinnillu iri sugnu costretta a spararici……
ROSINA E dopu 3 misi u capisciu…………. Ci vulissi ‘na pozioni ppì calmarici i bullenti spiriti.
PALMIRA Comu a chidda ppì farlu diventari muto? No grazie…….Ora parra cchiù di prima.
ROSINA U sistema duci e amaru?
PALMIRA Quale, prima dolcezze e poi furie improvvise?…..Nenti, c’havi ‘na calma incredibile…….Non fa autru c’azziddicarimi arreri ‘a ‘ricchi…….e quando tento di ribellarimi u sai chi fa?
ROSINA Chi fa?
PALMIRA M’azzicca ‘na zolletta di zuccuro ‘nta ucca.
ROSINA U sapi chi facemu? ( esce di tasca uno scatolino ) C’haiu ‘sta bella tarantola, c’ha mintemi ‘nto lettu e….zac….e bellu e sistimatu.
PALMIRA Ma chi schifu….potta ‘sta bestia luntanu di mia.
LUIGI ( entra ) Oh, la mia cara mogliettina………Si niscisti volidiri ca ti senti bona…finalmente.
GIROLAMO ( rinviene )
PALMIRA Mi sento troppu deboli invece. Vaju a stinnirimi tannicchia.
ROSINA Jù vaju.
LUIGI Aspetta, ca t’haia parrari…….
ROSINA A mia?
LUIGI Chi centri tu, a idda.
ROSINA Aha…..( si avvia )
LUIGI Aspetta,…..pottiti a chistu!....... Fallu sfantasiari.
ROSINA E chi ci pozzu fari fari?
LUIGI Chi sacciu…….pottilu ‘nte rosi…facci livari l’erba
GIROLAMO ERBA DI CASA MIA
ROSINA ( le cade la tarantola ) Don Girolumu…..vinissi ccù mia.
SCENA 3°
( Luigi e Palmira )
LUIGI Assettiti ( lei esegue )…….Videmu si si po’ parrari….. ‘Nta 3 misi di matrimoniu n’ha capitatu mai ca semu suli
PALMIRA E allura?
LUIGI Su sapissi chi tormentu……..sulu,…. supra ‘stu divanu…….
PALMIRA Tu prova a dormiri, invece di passiari.
LUIGI Comu si fussi facili!.....
PALMIRA Chi c’è di difficili?
LUIGI Generalmente nenti,…….Ma si unu dopu 3 misi di matrimoniu…..( fa segno con le mani di niente )……scimunisci, no?
PALMIRA Luigi caro, il tempo ci vuole……..il corpo e l’anima si devono congiungere….
LUIGI Appuntu……CONGIUNGIRI!!!!!
PALMIRA Ma se hai il corpo e non l’anima…..
LUIGI E chi se frega!……Ppì comora m’abbastassi sulu u corpu ( l’agguanta)
PALMIRA Non essere una bestia. ( allontanandolo di parecchio. Vede per terra un animale e inizia a saltellare ) Chi schifu…..chi schifu……
LUIGI Accuminci a tirari cauci?.....( le solletica le orecchie )
PALMIRA Ma chi fai?.........( prendendo il fucile ) Ora t’ammazzu brutta bestia!
LUIGI ( scappando ) Ccà mali si menti. ( via)
PALMIRA ( inizia a sparare all’animale )….. Fatto!.....Luigi stavi dicendo? ........Luigi…. Luigi…….( esce chiamando )
SCENA 4°
( Emilio,Minico, Cirino, Luigi )
MINICO Signor Ignazio?.........Signor Emilio?......Signura Palmira?....... Nuddu c’è? ( sta per andarsene )
EMILIO ( entra affaccendato )
MINICO Signor Emilio, vi stava circannu…….U vitirinariu purtau u lassativu ppe cavaddi, a ccù ciù l’haia dari?
EMILIO Ma chi mi cunti a mia……c’haiu autru ppà testa.
MINICO A lei no, a so’ patri mancu a parrarini, so’ frati non s’attrova…..a so’ soru non si ci po’ avvicinari…….a cu’ c’avissa spiari?
EMILIO ‘O vitirinariu. Iddu sicuru u sapi a cù ci l’ha dari…….Ddà c’è u telefunu…. Chiamici.
MINICO ( Posa la bottiglietta sul tavolo, chiama e parla con l’interlocutore )
CIRINO Signor Pernice……
EMILIO Si Cirinu, trasi.
CIRINO Mi circava?
EMILIO Vistu ca oramai u trofeo sfumau………
CIRINO Appuntu, sfumau! Non capisciu chi primura c’appi so’ frati a fari maritari so’ soru. ‘Na simana fici passari e ci passi assai spatti
EMILIO Pp’aviri campu libiru ccù Rusina, ti pari picchì! Crideva ca i spusini si n’avissaru jutu e ‘nveci……..
CIRINO Ma accussì si jucau u fantinu ppà cussa! No’ sapeva ca Luigi maritannusi addivintava da famigghia e n’avissa cchiù pututu partecipari ?
EMILIO Chi voi ca ti dicu……. Ppì ‘na suttana ittau ‘o ventu ‘n munzeddu di soddi.
CIRINO Vabbè ca non vi n’aggiuvunu, ma era ‘na questioni di prestigiu…….
MINICO Grazie…..( dopo aver riattaccato ) Signor Ignazio, problema risolto. E’ di Polpettina e si ci n’ha dari massimu 10 gocci o jornu.
EMILIO E chi voi di mia….non si tu u stalleri? O daccilli.
MINICO ( via dimenticando la medicina )
CIRINO Allura, picchì mi chiamau?
EMILIO Picchì a cavadda avi bisognu di essiri allenata.
CIRINO Chistu è veru. So’ soru non ci pensa cchiù a muntarla di quannu si maritau…..
EMILIO E’ pigghiata di autri cchiffari,…..non capisciu chi ciciulia tuttu u jornu ccù Rosina…..
CIRINO S’ha truvari ‘na soluzioni.
EMILIO E picchissu ti chiamai……( sta entrando Luigi ) S’ ha muntari Palmira! Non ci su’ discussioni
LUIGI (resta sbigottito )
CIRINO In effetti ci vulissi, avi assai ca non ci veni data ‘na bella scutulata!.
EMILIO N’havi bisognu, si sta ammusciannu.
CIRINO ‘Nta ‘sti 3 misi Minicu ogni tantu l’ha fattu sfuari……..ma u sapemu tutti, ca non è cosa so’………U carusu s’impegna, ma ccù chidda ci voli ‘n pugnu di ferru.
EMILIO E’ ‘n piccatu…….Si non ci si sta di ‘ncoddu,…….’na jucamu ppì sempri.
CIRINO Chi pensa di fari? A ccù ciù dicemu?
EMILIO Tu!......Cirino, muntala tu.
CIRINO JU’??????? No, no,. no…….non è cosa mia.
EMILIO Ma cu megghiu di tia? ‘A canusci, a idda tu ci piaci…….
CIRINO Si?......... ( mostrando le dita ) E chisti?
EMILIO Non ci pinsari. Cosi ca ponu succediri a tutti!.......
CIRINO Non si ni parra.
EMILIO Avanti,chi ti costa? Sacciu ca si’ bravu……
CIRINO Ma picchi m’ha mentiri ‘nta ‘sti trafichi? Lei u sapi ca mi spagnu.
EMILIO Di chi ti spagni?.......Amuninni……( circondandogli le spalle si dirigono all’uscita )
CIRINO ( lamentandosi fino a scomparire di scena ) Vaddati chi mi ni vinni!
SCENA 5°
( Luigi, Rosina, Girolamo, Palmira )
LUIGI ( è letteralmente sconvolto ) Tutti….tranni jù!....... Curnutu mi volunu fari…….( con lo sguardo fisso nel vuoto si siede ) Tutti…tranni jù……
GIROLAMO ( entra ) Oh Luigi……finalmente t’attruvai………Senti……..
LUIGI Tutti…tranni jù.
GIROLAMO Luigi……chi c’hai? ( Luigi non risponde ) Chi ci pigghiau?……’N pocu d’acqua..( nota la bottiglietta sullo scrittoio. Va, l’annusa….) Pari acqua…. ( la versa in un bicchiere e la fa bere a Luigi )
LUIGI ( si sta riprendendo e beve. )
GIROLAMO Comu ti senti?
LUIGI Jù bonu, picchì?……
GIROLAMO Pari ca vidisti ‘n fantasma……Comunque, ti stava circannu picchì……
LUIGI ( gli scappa un peto )
GIROLAMO Sta truniannu?
LUIGI ( altro peto )
GIROLAMO Trona su’!......L’hava dittu c’avissa chiuvutu.….. Avi di stamattina ca mi dolunu i ‘carcagni…….
LUIGI ( altro peto e scappa via )
GIROLAMO ……senza parrari di tutti l’ossa…..pattennu do itu nicu finu a….. ( si accorge di essere solo ) …..Unni si ni ìu?.
SCENA 5°
( Palmira,Minico,Girolamo, Ignazio, Luigi, Emilio, Rosina )
MINICO ( entra e cerca la bottiglietta ) Signor Girolamo, ha vistu ‘na buttigghedda?
GIROLAMO E’ chista?
MINICO Si,…..ma ci ni manca menza!
GIROLAMO E chi voi di mia…….Chi c’è?
MINICO U lassativu ppì Polpettina.
GIROLAMO E amuninni, ca mi mangiu du’ puppittini. ( via in cucina )
PALMIRA ( entra col fucile spianato )
MINICO Ah signora….a pozzu muntari a Palmira?
PALMIRA Non ora Minico, ca c’haji chiffari…….apsettimi ‘nte scuderie ca staju vinennu.
MINICO Ma a muntu jù, no?
PALMIRA Videmu!
MINICO ( va via ) Videmu….e sempri videmu!
IGNAZIO ( contemporaneamente dalla parte opposta) Ma allura è viziu?
PALMIRA ‘Na vota ppì tutti, ha moriri……..La vendetta deve essere compiuta.Ha ammazzato il mio Rody.
IGNAZIO ( sorridendo ) Chista si ca è bella. Niscisti pazza a soru?
PALMIRA Il mio Rody sarà vendicato e potrà riposare in pace.
IGNAZIO Si è ppì chistu, u to Rody è già ‘nta santa paci.
PALMIRA Non vogghiu sentiri nenti.
IGNAZIO Jù inveci parru.
PALMIRA E io non t’ascutu
IGNAZIO E ju tu dicu u stissu…..
PALMIRA E ju mi ni vaju. ( entrano Luigi e Emilio)……..ccà si’? ( punta l’arma verso Luigi, che alza le mani )
LUIGI Palmira, amore mio…..
PALMIRA Non sono l’amore tuo. E’ ura di finirla. Non ti supportu cchiù, mi dai la nausea……
LUIGI ( a Ignazio ) U zuccuru prestu, u zuccuru….
IGNAZIO ( non capisce )
PALMIRA ( continuando si avvicina minacciosa ) Sei un essere nauseabondo …….senza scrupoli……. Sfacciato ed egoista…..
LUIGI ( sfuggendo, impaurito implora Ignazio ) U zuccuru ti dissi, spicciti……
IGNAZIO Ma quali zuccuru……
PALMIRA Zitto! Devi morire.
GIROLAMO ( appena entrato gli toglie l’arma ) E posa ‘stu cosu.
LUIGI ( scappa )
PALMIRA ( Presa in contropiede lo lascia ) E va beni, voli diri ca u ‘vvilenu!
GIROLAMO ( consegnando il fucile a Emilio ) Levilu do’ menzu!
EMILIO ( a sua volta consegnandolo a Ignazio ) Chi ti sauta? Vo’ finiri ‘n galera?
PALMIRA Megghiu ‘n galera ca nto’ lettu di n’ assassinu. ( via )
EMILIO ( guardando Ignazio ) Assassino? Chi sta dicennu?
IGNAZIO E’ longa a storia……..Palmira, Palmira……( chiamandola esce )
LUIGI ( entra accertandosi che Palmira non ci sia) Girolamo…….mi salvasti a vita.
GIROLAMO Jù?
LUIGI Non essiri modestu…….Ti ittasti senza nudda paura supra ‘n fucili puntatu……..Chidda quasi m’ammazzava
GIROLAMO Ma no, u fucili era scaricu
LUIGI Chi pozzu fari ppì ricambiari ‘n gestu accussì nobili? …….( avverte un fastidio allo stomaco )
GIROLAMO Ma ora t’ha mentiri a spustari i mobili?
LUIGI No…diceva chi pozzu fari ppì ricambiari ‘ngestu accussì nobili?
GIROLAMO Nenti, ccà fari!........ ( ALTRO PETO )……… Emilio, sta chiuvennu?
EMILIO Non mi pari
LUIGI ( altro peto lungo e intenso e scappa via )
GIROLAMO Comu no?…….Ne’ senti cchi trona
IGNAZIO ( rientra ) Non si ci po’ parrari……..è cchiù dura do’ trunzu!
ROSINA Signor patrone ( entra ) Minicu mi dissi ca c’è ‘n fantinu ccù ‘n vrazzu ‘ngnissatu ca u sta aspittannu. E’ mannatu di ‘n amicu di so’ figghia.
IGNAZIO Unn’è?
ROSINA Ccà fora ccù Palmira.
IGNAZIO Ccù mo’ soru?
ROSINA No, ccà cavadda, pari ca vanu già d’accordu, a sta muntannu,
IGNAZIO Ci vaiu subbitu. ( via )
LUIGI ( entra, dolorante allo stomaco ) Signuruzzu beddu,….ma chi mangiai?
EMILIO Ti doli a panza?
LUIGI Ma no accussì?......Senti, t’haia spiari ‘na cosa…( ride per minimizzare ) Stavu schirzannu antura, veru?
EMILIO Cui?.....Quannu?
LUIGI Cu’ Cirinu…..mi vidistu trasiri e facistu finta…….a vah…..dimmillu
EMILIO Non ti staiu capennu.
LUIGI Ddù discussu di prima,…., ppì Palmira vah…..
EMILIO Ah….si,…e allura?
LUIGI ( serio di colpo ) Comu allura, ma allura è veru?
EMILIO Certu ca è veru.
LUIGI E m’ ‘u dici accussì?
EMILIO E comu ti l’avissa diri?
LUIGI A quantu pari mi stati pigghiannu ppì cretinu?
EMILIO Non ti capisciu.
LUIGI Ora vi fazzu capiri jù!........Ora Luigi Saltalafossa fa capire a tutti di chi erba è fatta a scupa! ( via furioso )
EMILIO ( lo guarda allibito ) Pazzu nisciu! L’astinenza ci desi ‘n testa! ( via )
GIROLAMO Appiddaveru…..‘u sanu tutti comu su’ fatti i scupi!
SCENA 6°
( Palmira,Luigi,Minico,Cirino, Ignazio, Rosina )
SUONA IL TELEFONO insistentemente
PALMIRA ( dopo un po’ entra ) Non c’è nuddu ‘nta sta’ casa?…… Papà, no’ senti u telefunu?
GIROLAMO U telefono?....... PIANGE IL TELEFONO……… Pronto……no non è casa Colombo……sicuro, avrà sbagliato, questa è casa Pernice…. No, non siamo l’uccello che cerca! ( posa giù il ricevitore ) VOLA COLO.
LUIGI ( da fuori ) E’ ura di finirla……appena a ‘n cocciu……( che stava entrando, fa marcia indietro impaurito )
PALMIRA No, vieni avanti Luigi…….
LUIGI ( titubante avanza )
PALMIRA Non aver paura maritino mio, vieni a sederti qui vicino a me.
LUIGI Maritino?
PALMIRA Ti dispiace?
LUIGI No, ma dopu tuttu chiddu ca successi…..
PALMIRA Dopo la guerra, c’è la pace, no?
LUIGI Pace?
PALMIRA Chiamiamola tregua, ti piace?
LUIGI Stamu facennu ‘n armistiziu allura?
PALMIRA Appunto!.......Dicevi?
LUIGI Quannu?
PALMIRA Prima di trasiri.
LUIGI No…io….veramente……..NIENTE!
PALMIRA Allura sai chi facemu? ( alzandosi e dirigendosi al bar )
LUIGI Che facciamo? ( credendo altro )
CIRINO ( entrando ) C’è permesso?
PALMIRA ( irritata ) Si Cirinu, trasi?
CIRINO Minicu c’avissa parrai, ma siccomu s’affrunta…..
PALMIRA E fallu trasiri…..
CIRINO ( a Minico ) Avanti, trasi……
MINICO ( entra ) Signura, mi dispiaci disturbarla, ma Cirinu ha ‘nsistutu…..
PALMIRA Veni, veni avanti, …… Luigi, iddu è Domenico
MINICO Minico ppì sirvilla.
LUIGI ( esterrefatto ) Iddu è Minicu?.........
MINICO Signura, c’hama fari, mi siddiai a ‘spittari….…a pozzu muntari, si o no?
PALMIRA U vo’ fari ora?
MINICO E quannu se no?
LUIGI Muntari?.........( imbambolato ) Ma si è ‘n picciriddu?!
PALMIRA Ma è bravu sai?........ Non immagini quanto ci sapi fari.
CIRINO Megghiu di mia sicuru!
LUIGI Macari lei c’ha pruvatu?
CIRINO ( sconsolato ) Si,..purtroppu si….sono stato obbligato!
LUIGI Ccà forza?
CIRINO No, chistu no………Mi ci misuru a cavaddu……..e c’hava fari…..a ddu puntu circai di starici!
LUIGI Cosi cosi di pazzi…….( scruta Minico dalla testa ai piedi, girandogliintorno ) E’ pazzescu, non ci pozzu cridiri!
PALMIRA Macari si è carusu, è stato addestrato a dovere però.
LUIGI Da te immagino!
PALMIRA Certo e da chi se no! Sono la migliore io!
LUIGI U sacciu, u dicunu tutti
PALMIRA E hanu raggiuni. Vero Minico?
MINICO Tuttu chiddu ca sacciu mi l’ha ‘nzignatu a signura.
PALMIRA E’ il migliore qua dentro.
LUIGI Tranni jù ovviamenti…..
CIRINO E jù!
PALMIRA Ma se non c’ha mancu pruvatu…….
LUIGI No, ti sbagghi………c’haia pruvatu, ma senza risultatu.
MINICO Volidiri ca non c’havi curaggiu. S’ha essiri decisi e sicuri.
LUIGI Vadda vadda a ‘sta scoccia di nucidda ca m’ha ‘nzignari a mia comu haia fari.
PALMIRA Non fussi male l’idea. Fussi chiddu giustu ppì ‘n principianti
LUIGI Principiante a mia?.........Tu non sai con chi hai a che fare!……..Ah chi ti sta piddennu!
PALMIRA Pirchì non m’u dimostri inveci di parrari?
LUIGI E amuninni…….ca ti fazzu vidiri chi sacciu fari.
PALMIRA Aspetta, …….prima hama cuntinuari chiddu c’aveumu interrottu…….
LUIGI Po’ aspittari, jù no!
PALMIRA Inveci aspetti! Minicu, tu vai,…….ni videmu dopu.
MINICO Aspittamu……e sempri aspittamu……
CIRINO A vistu…..non fu accussì difficili! ( via insieme )
PALMIRA Unni erumu junti?
LUIGI T’hava dimustrari…….
PALMIRA Stavamo per fare un brindisi, ( versando da bere in due bicchieri ) vero maritino mio?
LUIGI Brindisi a cosa?
PALMIRA Un bel brindisi all’armistizio. ( credendo di non essere vista, versa il contenuto di una boccettina nel bicchiere di Luigi che invece vede tutto )
LUIGI Comu no!…..( fingendo di bere, si bloccherà prima ) Prima però vogghiu sapiri picchì ‘sta commedia.
PALMIRA Quale commedia? Caro….bevi…( resta in attesa )
LUIGI ( alzando il bicchiere….attimo di pausa ) M’addumanni quali commedia?…. Chista!
PALMIRA Non credi che stia parlando seriamente?
LUIGI Ppì nenti!…….( avvicina il bicchiere,…pausa, ci ripensa )……Anzi, cridu propriu ca non brindu cchiù. ( lo posa )
PALMIRA Ah si?…….Non solo distruggisti ‘a mo’ vita, ppì giunta fai l’offeso?
LUIGI Io?
PALMIRA E con la mia vita, anche le mie speranze, i miei sogni……
LUIGI Jù?….E sintemu, comu avissa fattu?
PALMIRA Hai ucciso Rody e per questo devi pagarla!
LUIGI Coooosa?……Ahaaaa, ppì chistu……u divanu,…..a malatia…….tutta ‘na scusa ppì non…………..
PALMIRA Sei un vigliacco, non c’avisti mancu u ficutu di cunfissarlu.
LUIGI Palmira, jù……
PALMIRA Niente scuse…… Vile…..bugiardo……..
LUIGI Eh no, chistu no!.....Tu chiuttostu, spiegami picchì tutti tranni jù!
PALMIRA Ma chi sta’ dicennu?
LUIGI Quello che è di dominio pubblico cara mia!
PALMIRA Non canciari discussu ora,……assassino!!!!! ( puntandogli l’arma )
LUIGI ( impaurito arretra ) Aspetta, chiariamo le cose uno per volta!
IGNAZIO ( entra e cerca indaffarato su un elenco telefonico senza badare ai due )
LUIGI Ignaziu, dicci unn’è Rodolfo.
IGNAZIO ‘N paradisu!
LUIGI No, a virità…….
IGNAZIO Chidda ca ‘u ‘mmazzasti tu?
PALMIRA Allura è vero?
IGNAZIO No!
LUIGI Appuntu, idda cridi chistui……….
IGNAZIO Tranquilla Palmira, tranquilla……..Il tuo Rody è vivo e vegeto…..
LUIGI E sa sta spassannu ccù ‘na bedda bionda
PALMIRA E’ ccù ‘n’autra fimmina?
IGNAZIO Per l’appuntu. Visti chi spicchiu d’agghiu si’, e si pessi da circolazioni…… A Roma ‘n cuntrau ‘stu scimunitu……..
PALMIRA ………….e lo ha pregato di portarmi la notizia della sua morte a casa.
IGNAZIO Esattu….e ‘st’imbecilli fu tantu scemu ca si ‘n vintau a storia di l’incidenti.
LUIGI Ppì essiri precisi, fu iddu ca pinsau a l’incidenti.
PALMIRA Ma picchì tuttu chistu?
IGNAZIO Ppì essiri sicuru ca l’avissa lassatu ‘nta santa paci. ( via )
LUIGI Appuntu, ppì chistu.
PALMIRA Non ci pozzu cridiri…….e ju….ppì tuttu ‘stu tempu…….Miserabili, miserabili…..
LUIGI Chi fici ora?
PALMIRA Non tu, Rodolfo………..E tu, picchì ti prestasti a ‘sta farsa?
LUIGI Erunu 10 anni ca aspettava u mumentu di canusciriti e quannu si prisintau ‘stoppurtunità, non ci pinsai du’ voti
PALMIRA Farabutto
LUIGI Jù, picchì?
PALMIRA Iddu!…..Ma chista m’a pava,…autru si m’a pava!
LUIGI Giustu!
PALMIRA Ma ora ci sei tu Giggetto mio. ( accarezzandolo )
LUIGI ( sorridendo ) Siiiii
PALMIRA Maritino mio…. ( c.s. )
LUIGI ( eccitato ) Si…..
PALMIRA Siccome siamo una cosa sola
LUIGI Si, una cosa sola…..( sta letteralmente sbavando )
PALMIRA Se ha offeso me, ha offeso anche te…..
LUIGI Certo…..
PALMIRA ( subito e seria ) Allora sarai tu ad ammazzarlo.
LUIGI Sarò io ad ammazzarlo!….( realizza ) Cooosaa????? NO, no,no
PALMIRA Comu no?
LUIGI L’avissa ammazzari picchì non ti vosi maritari? Semmai l’avissa ringraziari.
IGNAZIO Bene, grazie e arrivederci
PALMIRA Un marito come si deve, lava l’offesa col sangue.
IGNAZIO ( tornando ) Sangu? Quali sangu?
LUIGI Senti, discurricci tu!
IGNAZIO Qual è u problema?
PALMIRA E’ mo’ maritu?
IGNAZIO Si e allura?
PALMIRA Allura ha ammazzari a Rodolfo.
IGNAZIO Ma chi ti sauta?
LUIGI Comu di giusta regola, ‘n marito si definisci tali, sulu quannu ha cunsumatu u matrimoniu è perciò……
IGNAZIO Giustu, ….giustu…..
PALMIRA Ti ci metti macari tu?
LUIGI Quindi, se non c’è stata consumazione, non ci può essere offesa…….
PALMIRA Chista è ‘na scusa!………
IGNAZIO No, c’havi raggiuni.
PALMIRA Si no’ fai allura,……….. tra noi è tutto finito.
LUIGI Ma si ancora mancu ha cuminciatu?!
IGNAZIO ( serio, la rimprovera ). Palmira, basta! E’ ora di finirla e fare la moglie di questo brav’uomo.
PALMIRA Non si ni parra! Basta lo dico io!
LUIGI E no’, cara mia, ora basta u dicu jù. Sugnu stufu marciu di sumpurtari i to’ stracanagghi.
IGNAZIO Su Luigi, calmiti, cerca di capiri a situazioni…..
LUIGI M’immaginava ‘na vita china d’amuri, gioia e picciriddi. Ogni so’ disideriu avissa statu u miu e cù pacenzia e tantu amuri t’avissa fattu canciari…..
PALMIRA Picchì, accussì non staju bene?
IGNAZIO Ppì nenti!
PALMIRA Crideva di piacirit!
LUIGI E mi piaci, macari assai…………… Ma quannu s’ha passari ‘na vita ‘nsemi, s’ha ghiri macari d’accordu.
IGNAZIO Mi pari giustu.
PALMIRA U ricanusciu, forse sugnu un pocu bizzarra, nirvusa…..
LUIGI Fussi sulu chistu.
PALMIRA Non capisciu,……….. chi vo’ diri?
LUIGI Non è facili diri certi cosi…….ma jù sugnu fattu di stampu anticu e certi cosi non mi calunu.
IGNAZIO U capisti?…..
PALMIRA No.
LUIGI E passa ppè nervi, passa ppè capricci, passunu macari i malanni…a chisti c’è rimediu….
PALMIRA Malanni? Non ti staiu capennu
LUIGI Ma u fattu ca tutti ccà,……( cerca di farsi intendere senza parole )….ni capemu, no?
IGNAZIO U capisti? ( in tono di rimprovero)
PALMIRA No!
IGNAZIO E mancu jù……..Luigi, parra chiaru.
LUIGI ‘Na parola!………’Nsomma….Cercunu di fariti sfuari, eccu…….
PALMIRA Mi devo sfogare, e allora?
LUIGI Comu allura?…….C’è bisognu di cu e gghè?……C’hai ‘n maritu a to’ completa disposizione!……Sfogati, sfogati…..ccà sugnu……
PALMIRA ( guarda il fratello come per dire non lo capisco )
IGNAZIO ( non capendo ) E sfogati, no?……Ma si ci pirmittiti, prima di apriri u focu, jù tagghiu a corda! ( via )
PALMIRA Luigi, stai abusando della mia pazienza! Se vuoi darmi addosso, fallo pure, ma basta che la finiamo. ( sprofonda sul divano come se fosse in attesa che lui le salti addosso )
LUIGI Ccà?…..Accusì?…..E no, i cosi s’hana fari boni o nenti!….. Senti, jù sugnu ‘n tipu tranquillu, senza vizii……
PALMIRA E certu,…..iddu è tranquillu,…senza vizi, mentre jù sugnu china di difetti……
LUIGI Ma Palmira……
PALMIRA Basta!
LUIGI Aspetta……
PALMIRA Fora, fora di ccà!!!!…Fuoooriiiii ( battendo un piede, gliene pesta uno )
LUIGI Accuminci chè cauci?
PALMIRA ( continuando a urlare ) ‘Otinni….non ti voggiu vidiri cchiù….Vidi ca sugnu capaci d’arattiriti, muzzicariti……..
LUIGI ( scappa, inseguito da lei) Muzzica, muzzica…..prestu, u zuccuru….( cerca affannosamente nelle tasche, mentre cerca di sfuggire. Lo trova e glielo infila in bocca)
PALMIRA N’autra vota?.........Male mi sento…..’a testa…. Tutti cosi furriunu……
LUIGI Oh nooooo…….I furriuni accuminciunu
PALMIRA ( sviene )
LUIGI ( le comprime la testa, mentre Ignazio, Emilio e Rosina entrano )
EMILIO Cchi sta succidennu?
LUIGI Ci furria a testa.
IGNAZIO E chi ‘sta facennu?
LUIGI Fazzu comu mi dicisti tu.
EMILIO Chi ci dicisti?
IGNAZIO Chi sacciu…….( Palmira rinviene ) Menu mali….Palmira?
LUIGI Funziunau ah?
IGNAZIO Chi cosa?
LUIGI U rimediu. Quannu ci furria a testa, basta stringiriccilla e idda si ripigghia subbitu…….Però a testa ammenzu i jammi non m’ha misi.
IGNAZIO ( sbuffa a ridere ) Ma jù parrava di l’autra Palmira…..da cavadda!!!!
LUIGI Da cavadda?????….Picchì, si chiama Palmira?
IGNAZIO Si, e quannu vinisti po’ postu di fantinu…..
LUIGI Fantinu?…….No, jù vinni pp’addummanariti u pirmissu di maritari to’ soru. Mancu sapeva di l’esistenza di ‘na cavadda.
PALMIRA Non si’ ‘n fantinu?
LUIGI Jù, ma quannu mai?
PALMIRA Mi pareva troppu vecchiu ppì esserlo.
LUIGI Ma allura, tutti ddì vizii?
IGNAZIO Su chiddi di Palmira…….
LUIGI Ma allura ci su?
IGNAZIO A cavadda!!
LUIGI Chi macellu!!!!….Palmira mi perdoni?
IGNAZIO Si a soru, ci fu ‘n malintesu……..Aspittava u fantinu ca stava mannannu n’ amicu di Giorgia e quannu si prisintau Luigi, jù u scanciai ppì iddu…….
LUIGI E mi facisti dommiri ppì ‘na simana ccù ‘na cavadda ppì nenti?……..
IGNAZIO E EMILIO ( sbuffano a ridere e usciranno pian piano )
LUIGI Cosi di pazzi…..cosi di l’autru munnu……e spatti c’arridunu!....Allura, vistu ca è tuttu chiarutu…….( si avvicina a Palmira ) Palmira, accuminciamu n’autra vota di l’iniziu?
PALMIRA Di unni, …………….da Signore, cercava di me?
LUIGI Prifirissi ………...da - Lo sposo può baciare la sposa. ( sta per baciarla, ma viene interrotto dal suono della tromba di Girolamo )….
PALMIRA Andiamo? ( proseguendo verso le camere )
LUIGI Unni? ( seguendola )
PALMIRA A fare il tuo dovere, no?! ( esce)
LUIGI ( rimasto senza parole si blocca )
Il braccio di PALMIRA lo afferra e lo tira dentro.
GIROLAMO ( suona la tromba e entra ) CAVALLERIA……AVANTI!!!!!!!
FINE