Cumpari ristai sciuccatu

CUMPARI RISTAI SCIUCCATU

farsa comica in tre atti

di Nunzio Cocivera

PERSONAGGI:

1. Cumpari Candiloru.

2. Cumpari Niculinu

3. Cummari Marietta (moglie di Candiloru)

4. Cummari Nofria (fidanzata di Niculinu)

5. Tura (figlia di Candiloru e Marietta)

I ATTO

All'apertura in scena seduto cumpari Candiloru che legge il giornale, entra sua moglie Marietta.

MARIETTA: Candiloru a lavasti a machina?

CANDILORU: No. Assira era taddu e na lavai.

MARIETTA: Assira, ma stamatina a putii lavari, inveci mi ti leggi u giurnali.

CANDILORU: Veramenti, puru tu a putissi lavari ogni tantu.

MARIETTA: Tu si ca loddi no io! Io chianu dassupra sulu a duminica, e ava essiri pulita.

CANDILORU: U sa chi c' scrittu to giurnali?

MARIETTA: Chi c' scrittu? I soliti babbarii

CANDILORU: Babbarii: u giurnali ti informa di chiddu chi succedi, ti struisci, ti aggiorna.

MARIETTA: Apposta tu si struitu, non capisci nenti e poi chi ti interessa! Tutti minzogni scrivunu, ni studiunu picca pi vinniri i giurnali.

CANDILORU: I giornali scrivono la cronaca, quello che succede nel mondo, per quindi sono utili, interessanti.

MARIETTA: E leggi docu, leggi, struisciti.

ENTRA TURA, la figlia di 7/10 anni.

CANDILORU: Tu avissi bisognu di na istruzioni generali.

MARIETTA: U generali l'avi bisognu to soru!

CANDILORU: Ringrazia chi c' to figghia, se no tu dicia io!

MARIETTA: Io ti l'avia a diri cacchi cosa!

CANDILORU: Chi mi dicevi, parra!

MARIETTA: Quanto ti amo tesoro! Non c' scrittu puru to giurnali? No liggisti a cacchi parti?

CANDILORU: Non un giurnali d'amore, di fimmini chi leggi tu e ti condizioni a vita.

MARIETTA: A vita io ma condizionu cu tia.

TURA: Sempri chi vi pittiddiati siti, tutti i dui!

CANDILORU: To mamma chi tizza u focu.

MARIETTA: E iddu ci metti i ligna.

TURA: Chi c' chi aviti.

MARIETTA: L'haiu cu to patri chi leggi i soliti babbarii, chi scrivunu nte giurnali e mucca tuttu comu un babbu.

TURA: Mamma, pap si informa, si aggiorna. I giornali istruiscono, informano.

MARIETTA: Ah! Puru tu! E liggiti tutti i dui.

CANDILORU: Tu parri accuss picch ti piaci leggiri autri cosi, i giurnali di pitteguli o i romanzi.

MARIETTA: Ora mi leggiu u sport, u calciu.

CANDILORU: Puru u sport istruttivu!

TURA: U pap avi raggiuni puru u sport istruttivo.

CANDILORU: Brava me figghia: tu si chi capisci! To mamma non capisci nenti.

MARIETTA: Io non capisciu nenti? Io non capisciu chi ci viditi di istruttivu nta na partita di calciu, io vidu sulu na picca di masculi chi ssicutunu avanta e arredi, un palluni dannusi caccagnati.

TURA (riflette): Pinsannuci, me mamma avi raggiuni.

CANDILORU: Tu chi canci bannera?

MARIETTA: Ni pigghi di tia: tu si comu na canna chi batti pi unni tira u ventu?

CANDILORU: Ah! Io sugnu comu na canna e mi batti u ventu!

MARIETTA: Ogni vota finisci a schifiu, lassamu peddiri.

CANDILORU: Tu non avevi iri unni a nonna?

TURA: Quannu faciti si sceneggiati mi piaci mi vi scutu: imparo l'arte e la metto da parte.

MARIETTA: Finemula. Tu pigghia punni to nonna e chiudemula ca.

CANDILORU: Non hai argomenti validi.

MARIETTA: Io l'haiu l'argumentu validu e invalidu.

CANDILORU: Si e puru ca pinzioni d'invalidit.

MARIETTA: (sbuffa) Io vaiu da banna a lavari du robbi (esce)

TURA: Ciau pap, mi pottu a bicicletta unna a nonna, e finitila pariti u cani ca jatta.

CANDILORU: E va beni, ma sta attenta mi raccumannu quannu attraversi a strata.

TURA: Sta tranquillu.

SUONA IL CAMPANELLO

CANDILORU: Vidi cu Tura? Prima chi parti!

ENTRA NICULINU tutto vestito elegante.

NICULINU: Ciao piccolina (e la bacia), ciau cumpari (rivolgendosi a Candiloru).

TURA: Ciau Niculinu, ciau pap (esce).

NICULINU: E namuri to figghia, mi dumannu di cu ni pigghi.

CANDILORU: Di mia no !

NICULINU: S di tia ! Tutta so mamma !

CANDILORU: A staura veni? Aviumu ristatu e novi du i deci!

NICULINU: Chinnis chi mi succidiu! Ancora sugnu lluciatu, scioccatu.

CANDILORU: Chi succidiu, chi vidisti, chi lluciasti, pigghiasti a correnti?

NICULINU: Visti na fimmina, ma na fimmina, non tu pozzu diri chi era, com'era, era comu

CANDILORU: Facia scantari, pensu.

NICULINU: E' na pupa, bedda, tantu bedda chi pari finta, bedda, sciacquata e spaparacchiata. E' comu si mi dicia "Chiamami, chiamami".

CANDILORU: Ma era piddaveru fimmina, o era masculu, a vaddasti di sutta?

NICULINU: Cumpari, ristai sciuccatu, femmu cos ca bucca aperta e u sguardu persu propriu persu (mima il tutto).

CANDILORU: E unni u pirdisti su sguardu?

NICULINU: Da sutta, vicinu a posta.

CANDILORU: Allura sta tranquillu, chi si cacchi dunu u trova tu spidisci!

NICULINU: Tu scherzi. L'avia vidiri chi era (e fa dei gesti allusivi) e ristai accuss (si mette fermo a guardare il vuoto).

CANDILORU: E pi quantu ristasti femmu?

NICULINU: No sacciu. Si ridduciu tanta di na genti attornu a mia e faciunu: "Ma chi visti? Appa vidiri un Ufu, ma quali Ufu, cacchi aeriu, no na aceddu i passaggiu" poi unu di tanti chi vaddaunu, allura mi dissi

CANDILORU: Chi ti dissi cumpari?

NICULINU: "Insomma lei che ha visto?"

CANDILORU: E tu chi dicisti?

NICULINU: Na visioni! E chiddu "A televisioni?"

CANDILORU: Comu chiddu cap chi vidisti a televisioni?

NICULINU: S! A televisioni, mi dicia "Chi visti lei a televisioni?"

CANDILORU: Comu a televisioni!

NICULINU: Si cumminoi na cunfusioni, un saccu di cristiani chi diciunu ognunu a so, e cettuni poi

CANDILORU: E tu ?

NICULINU: Ci fu unu cu na facci di mascati, dicia "U visti puru io un Discu Volanti e c'era puru un marzianu."

CANDILORU: Visti puru un marzianu, e comu ?

NICULINU: Affacciatu o finistrinu, e dissi puru chi ci fici i corna.

CANDILORU: I corna ? Cu so mugghieri?

NICULINU: Ma quali mugghieri; chi mani cos (fa il gesto).

CANDILORU: Ci fici i corna, u vidisti puru tu, com'era ?

NICULINU: Io no visti, chinnisacciu com'era.

CANDILORU: Ma allura i corna unni ci fici ?

NICULINU: Ma quali corna, cumpari: era u solutu brugghiuni i passaggiu!

CANDILORU: Ma comu finiu ?

NICULINU: Na picca, si misuru dicendiminni di tuti i culuri, autri faciaunu dumanni.

CANDILORU: Chi dumanni ?

NICULINU: "Allura si p sapiri lei chi visti, unni talia comu un babbu ? Chi visti un Ufo un disco volanti, na stidda cadenti ? "

CANDILORU: Ma non era di iornu ?

NICULINU: Si di ionnu, non fu di sira, era ionnu e c'era u suli, sulu chi idda era chi bedda.

CANDILORU: Ma di ionnu comu i vidisti i stiddi cadenti.

NICULINU: Ma quali stiddi cadenti e senza denti, chiddi erunu i cummenti di cristiani, chi si firmarunu a dumannari.

CANDILORU: E tu chi ci dicisti ?

NICULINU: Na Dea visti.

CANDILORU: E chiddu ?

NICULINU: "Ma che matto? Una dea? Non dica fesserie"

CANDILORU: E tu chi ci dicisti?

NICULINU: Avi raggiuni avia essiri na fata.

CANDILORU: E chiddi chi ficiunu?

NICULINU: Sinni eru mummuriannu, dicennu "Ava essiri pazzu, no briacu, ma quali briacu drogatu" e fu na droga pi mia, cumpari!

CANDILORU: E tu chi facisti? Na fimmasti?

NICULINU: Quannu mi ripigghi du scioccu

CANDILORU: Chi facisti cumpari?

NICULINU: Mi ripigghi du scioccu chi avia pruvatu (Candiloru annuisce) e mi fici cincu isolati currennu e na visti chi.

CANDILORU: E allura a piddisti?

NICULINU: No, a truv cumpari, la mia vita: to cummari!

CANDILORU: E idda u sapi stu fattu ? Ci dicisti?

NICULINU: No, a pidd ! Cio a truv finalmenti!

CANDILORU: Mi cunfunnisti cumpari, all'uttimu a truvasti o a piddisti ?

NICULINU: A truv to sensu chi a ciccava da sempri una accuss, a pidd, picch non ci u potti diri "ma io l'amo, mi rubb u cori".

CANDILORU: Allura na ladra ? MARIETTA: Cu sa latra ?

NICULINU: Ciao cummari (la bacia) ta sti ionna mi maritu.

MARIETTA: Piddaveru cumpari? E comu si chiama a to zita?

CANDILORU: Ancora no sapi, e no sapi mancu idda chi su ziti?

MARIETTA: Chi stu fattu? Comu idda no sapi?

NICULINU: Veramenti ci l'hai a diri ancora, non fici in tempu.

CANDILORU: Per sunnu ziti.

MARIETTA: Non cap nenti cumpari, spieghimi stu fattu.

CANDILORU: A visti e si zit, iddu sulu per.

MARIETTA: Mutu, zittiti, fammi parrari cu cumpari (al compare) allura Niculinu spiegami cumu si zitu senza mi idda sapi nenti?

CANDILORU: Tu spiegu. Dunque, iddu visti a idda, ma idda non visti a iddu.

MARIETTA: Mutu! Chiudi sa bucca; allura cumpari, spiegami per filo e per segnu tuttu. Vogghiu sapiri ogni particolari.

NICULINU: Chinnis cummari, visti na meravigliosa fanciulla e rist sciuccatu.

CANDILORU: Forsi idda rist scioccata du scantu.

MARIETTA: Cuntimi, cuntimi tuttu, sugnu chi ricchi aperti.

CANDILORU: S, ricchi nasu e gola. Zittiti pensa e fatti t.

MARIETTA: Miscula, a chiudi sa bucca (al marito). Cumpari, parra va chi non resistu.

CANDILORU: Ti dissi mi ti fa i fatti t!

MARIETTA: E cca, i fatti sunu i me, si c' na cummari, me cummari!

CANDILORU: Comu a t, a nostra!

MARIETTA: Zittiti va! Cumpari com' u fattu? Sta cummari c' e non c'?

NICULINU: C' e non c', ancora cill' diri!

CANDILORU: Fici tuttu iddu. A visti e si fici zitu sull'istante, ma idda no sapi.

MARIETTA: Comu? Chi voli diri idda no sapi? Chi ci a cciccasti e genitori, comu si usava navota?

CANDILORU: Ma quali genitori! Iddu a visti, si imbriac e rist mbriacu a prima vista.

NICULINU: Cummari ristaiu sciuccatu!

CANDILORU: Tu nascisti sciuccatu.

NICULINU: Ma chi nasc cumpari, ristai sciuccatu, era una visione celestiali, una cosa meravigliosa.

MARIETTA: (al marito) Tu zittiti! Cumpari mi vo spiegari chi succidiu, non haiu caputu nenti, cu sa cummari?

CANDILORU: Insomma cumpari era na fimmina bona, non mettu in dubbio. Ma non chi ta sbarruari in casu cuminci di sutta a nchianari!

MARIETTA: Mutu scunchiudutu e volgari!

CANDILORU: O di supra a scinniri o di sutta a nchianari, di cacchi latu a va a cuminciari.

MARIETTA: Finiscila scemu, cumpari com' u fattu?

NICULINU: Vidi cummari, visti na bedda carusa, sciacquata e spaparacchiata.

MARIETTA: Com'era cumpari sciacquata e papariddata?

NICULINU: No, bedda, sciacquata e spaparacchiata, na fata, na dea, anzi chioss.

MARIETTA: E.. e.. e e cumpari e cavia di particolari, eni na fimmina comu all'autri.

NICULINU: Chi coma all'autri ! Eni na cosa (pausa) no sacciu mancu io comu diri, l'ata vidiri!

CANDILORU: Avanti cumpari, esageramu tutti quannu ni piaci na carusa, io quannu visti a idda (rivolto alla moglie) cus chi mi passi. Na fotomodella, n'attrici, inveci era idda.

NICULINU: Cumpari capitasti na mugghieri chi non ta meritavi, veramenti idda megghiu di tia.

MARIETTA: Chiappiti chistu e torna pu restu (esce la lingua la marito).

CANDILORU: Cumpari, minnifu carusu ed na cosa sbagghiata, chi a da et non si capisci, ta carusanza unu fui fui e poi si rumpi u coddu.

MARIETTA: E io picch era carusa mi pigghi a tia, si era ora

CANDILORU: Avanti Marietta, si era ora u tonna facissi, di a virit.

MARIETTA: Io dicu na cosa, quannu unu catta na machina ammenu pu un annu ci dununu a garanzia, pu maritu garanzia nenti.

NICULINU: Cummari va unni to soggira e ci tonni arredi, e ci dici chi non ti rinisciu.

MARIETTA: Ormai, di secunna manu!

NICULINU: Avanti cumpari, chi vo diri chi si pintutu?

CANDILORU: (abbracciando la moglie) No cumpari non mi pentu, idda a me bedda spinnacchiata e sciacquata.

MARIETTA: Comu sugnu io?

CANDILORU: Comu dissi u cumpari!

NICULINU: Io dissi bedda sciacquata e spaparacchiata.

CANDILORU: E cos si tu (riabbracciando la moglie affettuosamente)

NICULINU: Va beni minnivaiu io, vi salutu.

MARIETTA e CANDILORU: Ciau cumpari.

ENTRA LA BAMBINA che incrocia Niculinu sulla porta.

NICULINU: Ciau cummaredda, tu crisci comu un ciuri.

TURA: Ciau cumparuzzu, tu inveci si ogni ionnu chi vecchiu, cecchiti na bedda zita e ti sistemi.

NICULINU: Sugnu supra a bona strada, ciao piccola.

TURA: Ciao grande.

NICULINU: Si avia vintanni menu ti circava a manu di tura (al compare).

TURA: Io non ti dava ne mani e ne nenti.

CANDILORU: Io non ta dava sicuru.

TURA: Sta tranquillu chi io no vulia.

NICULINU: Va beni va, vado a cercare il mio amore di ragazza, la mia fata. Ciao a tutti torner con lei. Speru prestu (esce).

CANDILORU: Si ti voli ancora, e sa trovi.

MARIETTA: Non ci dari cuntu a iddu. Complimenti e auguri, ti aspettu con la commare. Veni c prima di tutti l'autri va beni?

TURA: Chi si fici zitu Niculinu?

CANDILORU: Forsi navi una in trattativa, ma u sapi sulu iddu, per ora.

MARIETTA: A manciamu, va.

TURA: Chi facisti di manciari?

MARIETTA: Trippa chi facioli.

TURA: Trippa chi schifu. Io non ni vogghiu!

MARIETTA: Non cuminciari: chistu no vogghiu, chiddu non mi piaci!

CANDILORU: A mamma avi raggiuni chi tanna a dari a tia di manciari?

TURA: A nutella e u jogurt.

MARIETTA: Tu ci cuppi a zignasti viziusa a sta carusa.

CANDILORU: Amuninni (prendendo la figlia in braccio): ora ta manci na picca di trippa.

TURA: Io na vogghiu a trippa, non mi piaci!

CANDILORU: Vidi chi a mamma si siddia.

ESCONO TUTTI E TRE DALLA SCENA.

FINE PRIMO ATTO

SECONDO ATTO

Il pomeriggio dello stesso giorno in scena Tura che gioca con qualche giocattolo; entra il padre Candiloru.

CANDILORU: Sempri chi giochi, si ti facissi i cosi di scola!

TURA: Oggi non ni fazzu cosi di scola, festa e poi mi siddiu.

CANDILORU: Cerca mi non ti fa bocciari, to mamma poi sa pigghia cu mia.

MARIETTA: Picch me l' pigghiari cu tia?

CANDILORU: nenti, nenti, parrava cu Tura.

TURA: Qualsiasi cosa chi io fazzu ta pigghi cu pap.

MARIETTA: Piffozza iddu ti passa tutti, qualsiasi cosa! SUONA IL CAMPANELLO.

CANDILORU: Vidi cu inveci.

MARIETTA: Ciao cumpari trasi.

CANDILORU: Comu finiu cumpari?

NICULINU: Ciao piccola cummaredda!

TURA: Ciao cumparazzo.

NICULINU: Chi furtuna cumpari, appena nisc di ca a visti.

CANDILORU: Vulivi diri chi cu cu (la moglie lo spinge) chi curva chi c' doca sutta a idda vidisti !

MARIETTA: E chi facisti cumpari ?

NICULINU: Mi misi a girari attornu pi mi fari notari, ci pass davanti e darreri tanti voti.

TURA: Tu ci passavi davanti e darredi pi cu?

CANDILORU: A da zita chi avi in trattativa e cu sapi sulu iddu.

TURA: E idda ti vadd ?

NICULINU: Mancu na vota, pari chi era trasparenti, invisibili.

MARIETTA: Un beddu carusu comu a tia: e chi era orba?

CANDILORU: Picch iddu un beddu carusu?

MARIETTA: Certu! Abbastanza.

CANDILORU: Miscula! Si iddu beddu, io chi sugnu Oru Culatu?

MARIETTA: Cu tu! Si na cosa splendida!

TURA: U pap meraviglioso, cacchi vota, non sempri per!

MARIETTA: U vidi chi puru Tura mi duna raggiuni.

CANDILORU: Cu disprezza compra, non pi nenti ni pigghi di mia.

MARIETTA: A vo sapiri a virit? Io mi pigghi a tia picch non ni capia assai da vita allora!

NICULINU: Beccati chissa cumpari!

CANDILORU: Picch ora, di capisci da vita tu? Na caputu mai nenti

MARIETTA: Parroi u laureatu da petra pumici.

NICULINU: Finitila avanti, si tutti i coppii fussunu comu a vuatri, fussi troppu bonu; ni canusciu io chi si mazziunu a corpa da matina a sira! Ma turnamu a mia: vi stava dicennu da me carusa, io ci passava

MARIETTA: E idda cumpari?

NICULINU: Nenti, io dicu si ci cuntrava un cani randagiu u vaddava, non mi vadd propria.

CANDILORU: E tu chi facisti?

NICULINU: Ci dissi mi scusi signorina che ora ? (pausa) E idda, senza vaddari u riloggiu dissi "le 11.50"

MARIETTA: E tu chi ci dicisti?

NICULINU: Ma signorina se non ha nemmeno guardato l'orologio e lei disse "Per forza tutti i maschi avete l'orologio fermo oggi, ogni secondo, che ora "!

MARIETTA: Avi raggiuni, non naviti fantasia a maggiopparti pi pigghiari discursu: che ora ! Bella giornata signorina. Ma pinzati cacchi cosa di novu (rivolta al marito) iddu s cavia fantasia.

NICULINU: Picch chi ti dissi?

MARIETTA: Sinni vinni allatu e mi dissi: "C' dumannari a to mamma comu fici mi ti faci cuss bedda".

NICULINU: Miii cumpari!

MARIETTA: Cu da battuta scema mi colpiu, poi da cosa nasci cosa e semu ca. Da cosa a cosa, nasc io.

TURA: Si eri chi randi cu tia mi facia zitu, tu quannu si ranni i fa strammari l'omini, sugnu sicuru.

NICULINU: Io a tia si era ranni non ti vulia.

TURA: Tu non ma vaddari ora, ma quannu haiu un vistiteddu, bellu sistimatu

NICULINU: Ti po vestiri comu vo, bruttu si e bruttu resti.

CANDILORU: Tura o cumpari non ci ha diri si cosi, va beni chi ha raggiuni, ma

MARIETTA: Finitila va, cumpari lestimi di cuntari du fattu di chidda, a propositu comu si chiama? Ci dumannasti?

NICULINU: Lassamu peddiri, i nostri genitori e tutti chiddi di so tempi aviunu a mania di ni mettiri i nomi di nonni, u sa comu si chiama? Nofria! Accuss bedda cu du nomi.

CANDILORU: Chi nomi Nofria? Ci sbagghiaru u nomi!

NICULINU: Tu picch parri a da carusa ci mittisti Tura!

MARIETTA: Io ci l'avia dittu, mittemuci un nomi modernu, e iddu "me mamma soffenni si non ci mettu comu a idda".

NICULINU: E non c' modu di fari cacchi diminutivu, comu a chiamu? No! Oppuru Fria?

MARIETTA: Ci sunnu tanti modi cumpari, a chiami tesoro, gioia, cara, zuccuru

TURA: Gioia, zuccuru, sali, vaiu unni a nonna io va ciao cumpari.

NICULINU: Ciau cummaredda, ta fa sempri unni to nonna tu.

TURA: E si non a cercu io chissi pari chi a cercunu: pavurazza sempri sula.

MARIETTA: Non veru, io a cercu sempri, iddu non ci va quasi mai.

CANDILORU: Ah sempri: avi almenu tri simani chi non va unni a nonna e idda mischina avissi bisognu chi di affettu e cumpagnia chi di autru.

CANDILORU: Ci si tu sempri da!

TURA: io ci vogghiu beni a nonna e a tutti i vicchiareddi du paisi.

MARIETTA: Chistu veru, sta carusa u gioiellu di vecchiareddi du paisi, amica di tutti, cu so nonna sa fannu sempri in giru, si passiunu a vicenda.

NICULINU: Ci vonnu carusi comma a idda chi amano i vecchi, ormai sunu sempri suli e sempri chi emarginati e abbandonati.

TURA: (gli butta le braccia al collo) bonu cumpari, si un tesoro, vuiautri ranni pari chi vu scurdati chi a vicchiaia un problema pi tutti.

MARIETTA: Me figghia cetti voti mi lassa senza paroli.

TURA: E statti muta! Ciau cumpari, io vaiu.

NICULINU: Ciau cummaredda.

MARIETTA: Allura cumpari cunta comu finiu cu Nofria.

CANDILORU: S, s cunta comu finiu.

MARIETTA: E zittiti, fallu parrari.

NICULINU: Mi dissi addamanera e sinni stava iennu.

CANDILORU: E tu chi facisti?

NICULINU: Ci dissi "fermati, io ti amo, ti adoro".

MARIETTA: Accuss di punto e in biancu ?

NICULINU: Di puntu in russu no in biancu : avia essiri russu, mi bruciava puru a faccia.

CANDILORU: E idda chi fici ?

NICULINU: Mi vadd seria e mi dissi: "Lei pazzo". Io ci dissi "sugnu pazzu di tia, mi hai stregato, ammaliato."

MARIETTA: E idda, cumpari, chi fici ?

NICULINU: Idda mi dissi: "Ma fai con tutte cos?" Io ci dissi: "No, la prima volta che mi succede, dimmi come ti chiami."

CANDILORU: E ti dissi chi si chiamava Nofria, e tu ?

NICULINU: Io ci dissi: "Piaciri Niculinu."Idda mi dissi: "Ammenu tu si masculu, macari chi ha su nomi."

CANDILORU: E poi cumpari?

NICULINU: Ni ficimu na risata e io ci dissi: "Cettu chi avemu du nomi!"Idda mi dissi: "cettu chi ha na manera pi fimmari i fimmini!"

MARIETTA: E tu chi facisti ?

NICULINU: Ci dissi: "Va beni, u me modu sbagghiatu, per ormai ni canuscemu.. vo nesciri cu mia stasira?"

CANDILORU: Ti dissi no, veru?

NICULINU: Idda mi dissi no, io ci dissi: "Mi avrai sulla coscienza: io mi sparo!"

MARIETTA: E idda ti dissi: "A mia chi m'interessa."

NICULINU: No, mi dissi: "Ma certu che sei un bel tipo: va beni, non ti voglio sulla coscienza, va bene stasera alle otto alla Villa Cavour."

CANDILORU: Cumpari, chissu eni cu.. cu.. curva a destra!

MARIETTA: Sempri a canuscisti, ma non curriri capaci chi ti dissi ni videmu stasira pi ti livari davanti.

NICULINU: A mia! Non po' essiri.

CANDILORU: Marietta po aviri raggiuni, i fimmini fannu puru chissu e autru: su picca fausi.. false siete (alla moglie)

MARIETTA: Noi, non semu fausi, comu dici tu, i fimmini semu sulu chi furbi di vuatri uomini.

NICULINU: Non curremu chi paroli rossi cummari: dicemu chi semu supra u stissu livellu.

CANDILORU: Ma quali livellu cumpari, i fimmini ponnu fari sulu i fimmini.

MARIETTA: Cavissumu a fari i masculi, secunnu u to ciriveddu di pollo.

CANDILORU: Tu polli a mia non mi l'ha diri chi, capemmu! Se no ti piagghiu a cauci.

MARIETTA: Va beni tesoro, ti dir porco! Va meglio di pollo?

CANDILORU: Oh! Jaddina spinnata, zitta.

NICULINU: Finitila carusi non u casu chi vi faciti sti belli complimenti, si parrava da me zita.

CANDILORU: Non ti spittari miraculi, sar bona, ma i fimmini hannu tutti a stissa testa chi frisca.

NICULINU: Io non ci facissi di tutta l'erba un fasciu, c' donna e donna : ame meravigliosa, ora ca canusc non mi scappa chi.

MARIETTA: E va beni a canuscisti ma non curriri capaci chi ti dissi ni videmu stasira quantu tinniivi e poi non veni.

CANDILORU: Tuttu po essiri puru chissu, anzi sicuru.

NICULINU: Minnivaiu, iri unni u barberi: ceccu mi mi fazzu beddu e speriamu chi vi sbagghiati.

CANDILORU: Ciau e fanni sapiri cacchi cosa.

MARIETTA: Cettu cumpari e auguri.

NICULINU: Grazie cummari ci vonnu l'auguri, ciau.

CANDILORU: Chista lama vidiri comu finisci. ENTRA TURA

TURA: Mamma, pap curriti a nonna ci vinni a trumbetta!

MARIETTA: Chi su fattu?

TURA: Quannu arrivai unni a nonna c'era a signura Livia e mi dissi "Curri a chiamari i to genitori, to nonna avia a trumbetta".

CANDILORU: Ti dissi avi a trumbetta?

TURA: U trumbuni, a trumbetta, no cap cacchi cosa di chissi.

MARIETTA: Ma non capisci nenti: a trombosi!

TURA: S, chissa, chissa!

MARIETTA: Prestu Candiloru, curremu!

FINE SECONDO ATTO

TERZO ATTO

Circa 10 giorni dopo: in scena Marietta che pulisce. Entra la figlia Tura.

TURA: Ciau mamma vaiu unni a nonna, io.

MARIETTA: Va beni, per na fari siddiari chi ancora non sa ripigghiatu du indigestu chi ci vinni lautru ionnu.

TURA: E chidda dicia chi avia a trombosi.

MARIETTA: A trombosi a idda ci avia a veniri, mi fici sautari u cori. Pottaci du pira a nonna.

CANDILORU: Ciau a tutti!

TURA: Ciau, vaiu unni a nonna e ci pottu du pira.

MARIETTA: Ciao caro (pausa), ma dimmi na cosa Candiloru, comu finiu du fattu di Niculinu, l'ha vistu?

CANDILORU: Veramenti no, havi 10 iorna, di quannu vinni c, chi no vidu.

MARIETTA: E non l'ha circatu?

CANDILORU: iddu non ci ha vinutu

MARIETTA: Putevi iri tu d!

CANDILORU: Ah! Io l' ciccari, iddu chi fici.. a potta sa scuddo?!

MARIETTA: Po essiri chi na pututu veniri!

CANDILORU: E' stranu per, generalmente veni, almeno vinia, na vota a simana, anchi si vinia pi vidiri a tia.

MARIETTA: E se fosse! Sugnu megghiu di tia pi iddu.

CANDILORU: Non chi tu mi fa a cornici cu cumpari?

MARIETTA: Chi eri scemu u sapia! Ma chi si puru cretinu e peggiori ogni iornu, ancora non l'havia caputu.

CANDILORU: E chinnisacciu, tutto po essiri, non si tu chi u vanti sempri e dici chi un beddu carusu?

MARIETTA: E con ci, chi voli diri: penso che un bel ragazzo, ma questo non vuol dire che penso di tradirti, n con lui n con altri.

CANDILORU: (cerca di abbracciarla) Lo so tesoro che ami solo me.

MARIETTA: Leviti di c scemu (si scansa)

CANDILORU: Non fari a ncazzata, schirzava.

MARIETTA: Tu certi voti non sa chiddu chi dici, apri a bucca e spari fissarii.

CANDILORU: Cu tia non si po schirzari, non capisci mai quannu scherzu e quannu fazzu u seriu.

MARIETTA: Picch tu seriu no fa mai, e parrannu di cosi seri non l'ha circatu a Niculinu, non che malatu?

CANDILORU: Boh! A simana passata no truv, n a casa n a travagghiari: si pigghi 10 iorni di feri. SUONA IL CAMPANELLO.

TURA: Vaiu io a vidiri cu , e poi vaiu da nonna.

ENTRA NICULINO, tenendo per mano una bella ragazza.

NICULINU: Ciau bellissima (alla bambina, dandole un bacio) ti presento la mia dolce met.

TURA: Ciao.

NOFRIA: Ciao signorinella.

NICULINU: Me cumpari e me cummari, a me zita.

CANDILORU: (stringe la mano) Ciao Nofria, pinzava chi me cumpari esagerava inveci dissi picca, sei splendida.

NOFRIA: Grazie (rivolta a Candiloru) a mia di vuiatri iavi di quannu mi canusci chi mi parra ma a vuiatri di mia vi parr?

MARIETTA: Chi ni sa.. chissu quannu ti visti a prima vota, si misi a dari i numiri.

CANDILORU: Ammenu erunu numiri boni, ni giucaumu o lottu.

TURA: Io unni a nonna mi ni vaiu, ciau a tutti.

MARIETTA: Camina Nofria, ti fazzu vidiri a casa.

LE DUE DONNE ESCONO.

CANDILORU: Cumpari (lo abbraccia) chidda veramenti na fi.. fi.. fiii fimmina !Complimenti.

NICULINU: Vidisti chi non avia esageratu ?

CANDILORU: Iautru, io avia l'occhi stuppati quannu mi marit, porca vacca (nitrisce e strofina il piede destro a terra per cumpari hi locchi nfussati.

NICULINU: Iavi ottu iorna chi stanu assiemi, ni fuemmu.

CANDILORU: To cummari l'havia dittu : vo vidiri chi si ni fuiu ?

NICULINU: E cu putia stari chi e poi picch peddiri tempu !

LE DUE DONNE RIENTRANO.

NOFRIA: Aviti na bella casa e chi belli mobili!

MARIETTA: Ora ti fazzu vidiri i fotografii di quannu ni maritammu.

NICULINU: S, puru io mi tonna a vaddu: io almenu mi taliu com'era prima chi idda mi ridduciu cos.

MARIETTA: Per favore, non dire fesserie.

Marietta prende l'album e lo sfoglia; Nofria, china con i gomiti sul tavolo, accanto a Marietta, niculinu dall'altro lato. Candiloru sta invece seduto accanto a Nofria, la guarda da vicino e con la mano destra, facendo saltellare le dita, cerca di toccare il corpo di Nofria, mentre con la sinistra trattiene la destra, ma quasi subito ci prova ripete cos la scena. Intanto Marietta illustra le foto dicendo qualcosa a piacere che spieghi i luoghi e le persone fotografate.

MARIETTA: Chista a ficimu o tindaru, chista a marineddu, chista supra a machina

Candiloru d uno schiaffo con la sinistra alla sua mano destra che cerca di toccare ci che non dovrebbe toccare; Nofria sente il rumore e

NOFRIA: Chi c' Candiloru?

CANDILORU: Na zanzara, disgraziata na potti capitari.

MARIETTA RIPONE L'ALBUM.

NOFRIA: Belli fotografii, piddaveru candiloru.

MARIETTA: Candiloru va catta cacchi cosa, manciunu c oggi u cumpari e Nofria.

CANDILORU: Che cattari, carni?

MARIETTA: Puru piscistoccu su trovi!

NICULINU: Macari u baccalaru, cumpari.

CANDILORU: Megghiu piscistoccu, cumpari

MARIETTA: Facitivilli nautri du complimenti, va moviti.

CANDILORU: Camina cu mia cumpari, non si sa mai mi peddu!

NOFRIA: S Niculinu, io ci iutu a cummari a priparari.

MARIETTA: U sa chi fa Candiloru? Catta a carni, fazzu du involtini e na picca di pur, chi d Nofria?

NOFRIA: Pi mia va beni, io manciu tutti cosi e puru Niculinu non viziusu.

I DUE COMPARI ESCONO.

MARIETTA: Io mi divertu a cucinari na cosa chi mi piaci!

NOFRIA: Io mi siddiu e non mi haiu mai zingnatu: a me casa facia tutti cosi me mamma.

MARIETTA: E tu non sa fari nenti?

NOFRIA: Quasi nenti di cosi di manciari.

MARIETTA: E chi ci fattu di manciari a Niculinu?

NOFRIA: Amu statu in giru, amu manciatu nte risturanti, oggi turnammu.

MARIETTA: E ora non chi putiti sempri nte risturanti.

NOFRIA: Fussi troppu bellu, ma i ristoranti custunu.

MARIETTA: E poi a lungu andari io sugnu cunvinta chi unu si ruvina u stomucu manciannu sempri fora.

NOFRIA: No chistu no, ma unu si ruvina a sacchetta, ci voli na banca.

MARIETTA: E dimmi cummari comu ti trovi cu Niculinu?

NOFRIA: In che sensu cummari?

MARIETTA: Avanti capisti, com'eni?

NOFRIA: Un beddu carusu!

MARIETTA: U vidu puru io chi un beddu carusu. Io vulia diri com' u restu.

NOFRIA: Ah! Tu dicevi di carattiri! Bonu.

MARIETTA: Non fari finta chi non capisci: io diciva nta du senzu,

NOFRIA: Cummari ancora semu all'iniziu e vaci forti. Nta sti ottu iorna avi fattu sempri na vita para: ni azzamu e ni cuccamu, manciamu pani e amuri.

MARIETTA: L'amuri non basta cummari, dopo na picca di anni passa in secondo piano. Nzigniti a fari ammanciari chi importanti: i masculi si pigghiunu puru pa gola, spatti chi pa cravatta.

NOFRIA: U sa chi fazzu, vegnu spessu c e tu mi nzigni!

MARIETTA: Con piaciri cummari, ma ora ti po' arranciari. All'iniziu non ci fa casu.

NOFRIA: Ci sunnu quasi tutti cosi confezionati e in scatola, di fami non muremu.

MARIETTA: E Niculinu daccordu? Nzignatu cu so mamma, u sa me cummari a mamma di Niculinu brava in culinaria!

ENTRA TURA.

TURA: Cu chissu cu culu all'aria?

MARIETTA: Cu ta nzign chissa? Sicuramente du scustumatu di to patri.

TURA: Com' u pap, senza costumi?

NOFRIA: Scustumatu voli diri chi malu paratu, ineducatu.

MARIETTA: Ti pari chi idda no sapi. Su i battuti scunchiuduti di so patri e idda si nzigna.

TURA: Io schizzava, iavi raggiuni u pap chi dici chi cetti voti si avvilenti.

MARIETTA: Comu sugnu io?

TURA: Cu tia non si poo mai diri na battuta.

NOFRIA: U scherzu na cosa chi piaci veramenti.

MARIETTA: Pi na picca, idda e so patri quannu si mettunu cu du spiritu di patata fannu veniri i nervi.

TURA: Io mi ni tornu unna a nonna, ammenu cu idda ni capemu, ciau a tutti.

MARIETTA: Chidda cu me soggira eni a postu, stassiru sempri assemi, e chi su affiatati, si capisciunu a volu.

NOFRIA: Veramente io haiu sintutu diri chi dopu na cetta et i vecchi ritornano carusi.

MARIETTA: E eni veru, me soggira faci peggiu di na carusa.

NOFRIA: Ava essiri cuntenta di so niputi, vistu chi sunnu sempri assiemi.

MARIETTA: A me figghia guai cu ci a tocca, si vonnu piddavveru beni, idda ci passa tutti.

RIENTRANO I DUE COMPARI.

NICULINU: Semu ca non vi preoccupati!

NOFRIA: E chi si preoccupava.

MARIETTA: (al marito) Cu tia ni facemu i cunti dopu.

CANDILORU: Chi, chi cunti na ma fari? Spinn 32.000 io!

MARIETTA: No i cunti di quantu spinnisti (pausa) chi ci dicisti a to figghia, comu sugnu io?

CANDILORU: Chinnisacciu comu si tu! Malata di testa sicuru.

MARIETTA: Io a testa ta rumpissi, a carusa ci parri mali di mia.

CANDILORU: Io ci dissi sulu chi si un po' avvilenti.

MARIETTA: E sunnu cosi chi si diciunu a na picciridda? A testa non ti raggiuna.

CANDILORU: A testa tu l'ha malata, veru! E s avvilenti!

MARIETTA: Ah, io sugnu malata di testa e avvilenti.

CANDILORU: Ah! Chissu era appa sbagghiari, non si avvilenti, si vilinusa!

MARIETTA: Comu sugnu io vilinusa (girando attorno al tavolo), veni c ti dugnu un muzzicuni e ti fazzu moriri.

NOFRIA: Calmatevi, avanti, non fati cos, cummari.

MARIETTA: Io fazzu peggiu, no cos.

NICULINU: Cumpari, cummari avanti finitila.

CANDILORU: Cumpari ma fari nautra vota u testimoni per o divorziu.

MARIETTA: Veni ca tu dugnu io u divorziu. Lui fugge, lei lo insegue, Nofria e Niculinu dietro a loro dicendo: "Calmatevi, cummari, cumpari, finitila pi cos pocu".

MARIETTA: E va beni mi cammu (si ferma)

NOFRIA: Non il caso ammazzarlo per cos poco.

NICULINU: Non facitivi vidiri accuss di idda se no, non m i marita pinzannu chi a vita matrimonili accuss!

NOFRIA: Io ancora non mi maritu sicuru, prima te canusciri bonu.

NICULINU: Ma si io sugnu un tesoru!

CANDILORU: Si cummari un tesoru nascostu.

MARIETTA: (lo abbraccia) Nofria marititi a occhi chiusi, un tesoru veru!

CANDILORU: U sa chi facemu? Cumpari, datu chi me mugghieri ti considera un tesoru, ni canciamu i mugghieri?

MARIETTA: Io a iddu mu canciassi cu tia, bisogna vidiri si Nofria ti voli a tia

NOFRIA: Io veramenti, preferisco a iddu! (abbraccia Niculinu).

NICULINU: Quantu sugnu fortunatu !

CANDILORU: E io quantu sugnu sfortunatu ! ma chi ci vidisti a chissu?

MARIETTA: Com' chi si tu ? (minacciosa)

CANDILORU: Sfortunatu al gioco, ma fortunatissimo in amuri. (dopo una breve pausa) Cumpari ni canciamu, seriamenti u dicu, almenu ma canciassi, cancitilla puru tu!

MARIETTA: Nofria, non ti voli no capisti?

CANDILORU: Ma cu nautra bona comu a idda! (riferendosi a Nofria), Nofria non l'ha cacchi soru, cacchi cucina bona comu a tia? Chi ma canciu?

MARIETTA: Io ti canciu i connotati, disonestu! (lo insegue)

NOFRIA: Aspetta cummari chi ti iutu (la segue), tu camina puru (a Niculinu).

NICULINU: Io, a cu iutari no cap!

FINE

Questo copione è stato visto: