Da Pompeo

Da Pompeo

Due atti in dialetto romagnolo di Lilia Flamigni e Francesco Pirazzoli

Lugo di Romagna, 5 Settembre 1993

Personaggi

POMPEO, 'e barèsta

VANDA, su moi

TIZIANA, su fiola

GINO, 'e mèccanic

MIRELLA, la srèbb la sgnora

ELIDE, quèla cla zerca l'idea

MAURIZIO, mo par tott l'è Sogno

NELLA, l'è quèla cl'è

OTTAVIO, avventore

LUCA, su fiol

TINO, avventore

VITTORIA, su moj

NANDO, avventore

RENZO, avventore

STEFANO, avventore

GIANNA, la su mbrosa

DESCRIZIONE DEI PERSONAGGI

POMPEO = E' un omarello ormai già in età avanzata. Agile e svelto e col colpo d'occhio tipico dei baristi. Porta legato sul davanti il tipico grembiule bianco dei baristi con ampie tasche che serviranno per mettere ed estrarre soldi cambi e banconote di piccolo taglio. Evademmo al servizio ai tavoli e nelle sale adiacenti.

VANDA = Moglie e collaboratrice di Pompeo. E' la tipica espressione delle donne della nostra terra. Poco o niente curata ma con grossa personalità. Sa imporsi costantemente nel confronti del marito anche con toni bruschi. Con i clienti è gentile e premurosa. Fa servizio dietro al banco e nei momenti di non recita la si vedrà costantemente impegnata in altri lavori, come ad esempio la pulizia di bicchieri, di tazzine del caffè oppure del bancone e delle scansie.

TIZIANA = E' la figlia di Pompeo e Vanda. E' la tipica ragazzina del mondo d'oggi. Ha brio, slancio e anche tanta leggerezza.

GINO = E' un simpatico giovanotto dai capelli troppo lucidi di gel, dall'abito vistoso e dalle scarpe troppo nuove. E' un ingenuo o un furbo: Chi lo sa?

MIRELLA = E' una bella signora sui 45 anni, elegante ed avvenente. Capita lì per caso, oppure è il caso a farla capitare lì,

"DA POMPEO" ? E' davvero una signora "bene" oppure... Una cosa è certa: è donna, e come tale racchiude in se tutta l'incongruenza femminile.

ELIDE = E' la personificazione dell'autore. Perennemente alla ricerca di un'idea. Sembra fuori tempo e fuori luogo. Non è che oltre a cercare storie da raccontare non stia cercando se stessa?

MAURIZIO, dèt Sogno = Siede in un altro tavolo, è intento a fare solitari con le carte romagnole. E' immerso nei suoi pensieri e non si cura affatto di tutto ciò che lo circonda. Ha sempre un aria triste ma dolce.  Qual'è il suo segreto?

NELLA = Non ha avuto il coraggio di scegliere una vita in salita, ha preferito una rapida discesa.  Pensate davvero che possa essere una donna felice?

OTTAVIO = E' un avventore del Bar " DA POMPEO ".  E' informatissimo su tutto lo sport in genere ed particolare è un tifosissimo della Juventus e di Sivori.

LUCA = E' il figlio di Ottavio, la sua serpe in corpo... è milanista!

TINO = E' un avventore del bar " DA POMPEO " ed il marito di Vittoria. Innamoratissimo della moglie dalla quale viene corri­sposto solo a parole e non a fatti.

VITTORIA = E' la moglie di Tino e fa la sarta. Tipo sbarazzino ed alquanto svelta, almeno da come la descrive Pompeo e da come si presenta da sola.

NANDO = E' un avventore del bar " DA POMPEO ".

RENZO = E' un altro avventore del bar " DA POMPEO ".

STEFANO = E' un avventore occasionale del bar " DA POMPEO " ed è di Andria.

GIANNA = E' la sua fidanzata, però è romagnola.

ATTO PRIMO

VANDA # Pompeo!!... (Pausa)  Pompeo!!!

POMPEO # (Entra da sinistra) Eccomi!...

VANDA # At vù pù dè una mossa!!... Ma in dò a ségna...?

POMPEO # (con uno sguardo perso nel vuoto) Cosa a vol dì in dò ch'a sèn?!?! (Al pubblico) L'am pè pu cièra... In t'un caffè! Un caffè prècis a tant'ètar... U in' srà domèla a què da nou in Rumagna... e tott prècis... (Cambiando tono) E mè sèmpar a què... la matèna, e dopmazdè e la sèra... (Lieve esitazione) Par forza che ogni tant a m'apus... (Rivolto a Vanda ed abbastanza piccato, marcando) Cosa a vol dì  " IN DO' A SEGNA ? "

VANDA # Guèrda che dmatèina  'e bsogna urdinè de caffè... us 'sta finèndass...

POMPEO # Dmatèina a l'urdinarèn... (Col gesto di cacciare una mosca) Un azidènt a totti! (Piccola pausa, poi rivolto al pubblico) 'E mi caffè l'è ormai un'istituzion... (Ridendo) "Da Pompeo" L'è cumpagna cmandè indò cl'è la Rocca o 'e Pavajon... e mè, i mi client, a j cnioss da sèmpar... Cl'u che là, par esempi (Indica Ottavio e gli serve un caffè) l'è un spurtiv... be'... almach acsè 'e dis lò... Par mè l'è sol un gran fanatic e basta. A l'avì da sintì quand ch'us mètt a discutar ad calcio... e pè che chèga la sciènza... E sà ignacosa lò! E che an j tuchiva la Juventus 'e dvènta cativ... tanti volt chiètar, sè i su amigh, i fà a posta par fèl instizì... e lò che bèca cumpagna un paganèll... J i dis: " Sivori l'era un mèzz zugador..."  A l'avì d'avdè e pè che vèga zò ad testa... Mè a crid che lò l'èva 'e ritratt ad Sivori d'sora de lètt in tè post d'la Madona... L'è un lov d'una forza incrèdèbila, lò 'e bèca sèmpar, brustilèn, gèlè, ciculèta, l'è sèmpar drì a biasè... L'ha una pènza che 'e pè in cinta! Adèss parò 'e fà la cura dimagrènta... in du mis l'ha pèrs un ètto! Tino, invezi... (Gli serve una bibita) Bhe' quèll l'ha piò coran lò che un zizton ad lumegh... Il sà tott... fura che lò! Se a l'avdessuv coma che 'e vò bèn a su moi... In cà u j fà ignacosa lò... 'e leva i piètt, 'e dà 'e strazz, e, a la dmènga, quand cl'è a cà da lavurè e parpèra nèca da magnè! Una dona cosa a duvrèbbla prètèndar ad piò da un oman? Nossignori! L'ì l'ha d'jètar oman, e l'an svargogna miga! E lò cl'è acsè inciciuì in t'la su Vittoria... (Marcando) Coma cliènt un  è un gran chè... un caffè, e par tott e dè 'e rozla a què d'ad dèntar... A lè, ciò, us ciapa poch... (Servendo un'altra bibita) Quèll l'è Sogno... e purazz l'ha avù, e, u j ha ancora, di gross problema. La zènt, cl'è cativa, la dis che un gnè brisa tott... cl'è andè zò ad tèsta! Par mè lò 'e viv in t'un su mond... l'è aquè... mo lò la testa u l'ha da un'ètra pèrt... 'e al savèn tott in dò ch'u l'ha! E fà cumpassion... (Tace come se gli fosse penoso continuare, poi guardando la moglie) Beh', quèla l'è la Vanda, la putrèbb èssar un prufom, LAVANDA, e invezi l'è sol mi moi, una gran brèva dona... mo l'è pèsa, mo pèsa che a n'è putì gnèca immaginè, e pù ogni tant l'am fà instizzì... (Piccato) Prèma, par èsempi, cosa ala avlù dì cun che "IN DO' A SEGNA?" (Si avvicina a Sogno che sta facendo un solitario)  Allora a vènl?

MAURIZIO # (Sogno continua imperterrito fra l'assorto ed il distratto senza rispondere)

POMPEO # A cosa a pènsat?

MAURIZIO # Pò dès che an pènsa a gnitt...

POMPEO # Tan vu brisa dimal, ecco la varitè!

MAURIZIO # E parchè avrebb da dival?

POMPEO # Par non 'ste da par tè! L'è una fortuna ciacarè cun d'jètar... Tott nou avèn bsogn ad chiètar...

MAURIZIO # (Secco) Mè nò!

POMPEO # (Rivolto al pubblico) Chi ch'al capèss l'è brèv! A vlò pu za dètt prèma, un è un cativ ragazz... l'è acsè! Al cnioss da quand cl'ha 15 ènn... 'e a cniunsèva nèca la Nella, quèla cl'era la su mbrosa... (Sorridendo amaramente) la lavurèva in t'la butega di Minghètt... l'ha fatt mèll a lassè che post... (Guardando le carte del solitario e rivolgendosi a Sogno) Guèrda che se 'ste cavall d'danèr t'al mètt avsèn a 'e rè, e pu dopp spost 'ste sì avsèn a 'e sètt, us lèbra 'e  fant ad danèr e tota la piazza...

MAURIZIO # (Guardandolo seccato) E allora...?

POMPEO # (Ritraendosi) Come non detto! (Fuori scena si sente l'ululato di una sirena che si avvicina, passa, decresce e si dissolve)

VANDA # Ancora la Cros Rossa? L'è la terza volta incù...

POMPEO # (A Maurizio) 'Et sintù la Cros Rossa? L'è za la terza volta incù!

MAURIZIO # (Con voce neutra, sempre continuando imperterrito a fare solitari) La zitè l'è granda. U j è sèmpar qualcadon che 'e vò nèssar o qualcadon che un vò murì...

POMPEO # Bèh, 'e allora! (Al pubblico) E nou cosa a j èntrégna? J è quèll che j capita fura... e pù nou a sèn za nèd!...

MAURIZIO # Parò an sèn ancora murt...

POMPEO # (Dubbioso) L'è vera! Parò an sèn ancora murt... Fata tèsta t'è! 'El a vera Tino?

TINO # (Assorto a leggere il giornale sportivo) Cosa?

POMPEO # Sogno...

TINO # (Non interrompendo le lettura del giornale) Cos'al fatt?

POMPEO # E fà di fètt rasunamènt...

TINO # (Guardandolo in faccia) Mo lassal 'stè! Tè, quand ta ti mètt, t'ci un curios spaca...

VANDA # Tino!!! Gnit parulazi a què dèntar, as segna intis?

TINO # Mo mè, Vanda...

VANDA # (Risoluta) Tè d'cì un sbuchè, e mè an voj brisa che a què dèntar us ciachèra mèll, as sègna intis?

TINO # (Allargando le braccia come per arrendersi) Zèrta, Vanda.

OTTAVIO # (Alzando gli occhi dal giornale e rivolto a Tino) Sè an um sbèli, a j avèn ciap zero!

TINO # (Alzando le spalle, alquanto seccato ed anche un pò iroso) Mo tè bèdat a tè!

OTTAVIO # (Parafrasando il gesto e la risposta di Tino a Vanda) Zèrta, Vanda...

TINO # Mo tè lèzz 'e tu giurnèll e bèdat a tè, balusa, t'an sì ètar!

OTTAVIO # (C.S.) Mo mè, Vanda...

TINO # (Esplodendo e sbattendo il giornale sul tavolino) Mo pussèbil che us possa maj 'stè in pèzz a lèzar 'e giurnèll in t'è caffè?

OTTAVIO # E parchè t'an tè lèzz cà?

TINO # Parchè um fà comud lèzzal a què, a sit a post!

OTTAVIO # L'è parchè t'ci una rugaza mostruosa e 'e giurnèll t'an tè compar maj...

TINO # (Con imponenza ed arroganza e sbattendosi il palmo della mano sul petto) Mè, s't'al vù savè am compar tri giurnèll a 'e dè!

OTTAVIO # Chi tè? Va là... Non cuntè dal patacch... Tè t'ci una rugaza, e basta!!!

TINO # (Alquanto alterato) E tè d'ci un scemo d'un crètèn!

OTTAVIO # (Scaldandosi) Crètèn a mè? Và là sta zètt, bicon t'an sì ètar...

TINO # (Andandogli sotto e prendendolo per il petto) Coma èt dètt? Dai torna a dìl 'stè 'e curagg... Coma èt dètt?

POMPEO # (Intervenendo per sadare gli animi. Minimizzando l'accaduto) Nò!!! Tino, fèrmat! L'ha dètt quaion (Sottolineando) QUAION... Cosa a vètt a capì!

TINO # (Dubbioso e rivolgendosi ad Ottavio ma sempre senza mollare la presa) 'Et dètt propi acsè? (Ottavio, stretto nella morsa, annuisce. Tino molla la presa) E attenti! La mi Vittoria l'an stocca... gnèca ch'un al parol.. as ségna intis!!!

POMPEO # Dai chèlmat Tino, at turan a dì che t'è capì mèll! (Rivolto ad Ottavio sottovoce) T'ci propi un scemo!

OTTAVIO # (Si siede scuotendo le spalle e riprende la lettura del giornale)

TINO # (Anche lui riprende la lettura del giornale dopo aver guardato in cagnesco Ottavio)

POMPEO # (Si rivolge al pubblico) 'E tragic al savis quèll cl'è? L'è che j ha rason tott dù! Sè, parchè Ottavio dal volt l'è propi un stopid e Tino una rugaza mostruosa e un bicunazz ad prèma forza... (Evasivo) Mo ch'an un prèoccupiva miga... un è zussest gnit! Fra 5 minut tutto dimenticato... J andrà a vdè la partita insèn... forsi i bravarà par un quèlch zugador... e pù dopp is mitarà a zughè al chèrt e i bravarà nèca... l'è 30 ènn che j fà acsè!

MAURIZIO # (Esaltandosi) L'è avnù!!!...

POMPEO # (Assente) Mo cosa?

MAURIZIO # 'E Napulèon...

POMPEO # Ah.... 'e Napulèon.... (Rivolto al pubblico)  E adèss l'in prinzipiarà un ètar... l'è dù ènn che 'e fà acsè!

MAURIZIO # Strano! Incù u m'è zà avnù 'e Napulèon, la piramide e 'e suliteri dal tre chèrt... un m'era mai suzzèst (Rimescola le carte e ricomincia la stesa di un altro solitario)

POMPEO # (Rivolto a Maurizio) E srà sègn che i t'apènsa, us dis sèmpar acsè! (Rivolto al pubblico e facendo rimarcare il fatto che si accinge a fare un altro solitario) Cosa av dgevia?!?!...

NANDO #  (Entra dalla comune) Av salut tott in t'una volta. (A Vanda) Vanda famm un caffè...

VANDA # Par piasè t'an 'e dèga miga mai...!!!

NANDO #  (Con ossequio forzato) Ma certo, cara Vandina, per piacere!!! (Entra Renzo dalla comune)

RENZO # Oh!!! Finalmènt am sò libarè! (Rivolto agli amici) Ciò mi moi l'avleva che a la purtèss a la spiaggia... sè propi incù che u j è la partida! An nì scurèn gnèca, ha j ho dètt mè! Che pu invezi ha nò duvù scoran per quesi tri quèrt d'ora (Sfregandosi la pancia) Vanda, par piasè, dam un amèr che ha j ho da digèrì do trè ov ad tajadèll...

POMPEO # Burdèll a v'arculdì al tajadèll che l'as fasè su moj st'invèran...!!! Ecceziunèli!!!

TUTTI # (A soggetto) Bunèssimi!!!

RENZO # (Coinvolgente) Adèss l'ha sè spiacializzèda in ti dulz...

POMPEO # L'an farà miga 'e mascarpon? Mè a m'in magnarèbb di parull, vera Vanda!!! (Vanda annuisce)

RENZO # (Evasivo) Mocchè mascarpon... l'ham fà dal sopp... Ad fati sopp cl'am fà!!!

OTTAVIO # (Ridendo assieme a tutti gli amici) Alora pù l'an srèbb miga una dona! Ciò Renzo al sètt Nando a ir sera l'ha pèrs 60 poli a taglio, lò cl'è acsè bon! (Coinvolgendo Tino, Renzo e Pompeo, cantando)  Al sett cosa d'ci, un GOMBAR!!!!

TUTTI # GOMBAR!!!

NANDO #  (Un pò alterato) E vò a sì un branch ad...

VANDA # (Urlando) Nando !?! A què dèntar un s'adrova brisa dal parulazi, as sègna intis?

NANDO #  Urca sl'è vèloza, an ho gnèca avù 'e tèmp ad dila!

OTTAVIO # Và là, Sabina, fam un caffè...!!!

VANDA # (Risentita) Ciò, Sabina a chi?

OTTAVIO # (Coinvolgendo gli altri e ridendo) Sabina Ciuffini l'era la valletta ad Mike Bongiorno e tè t'an sì la valletta ad Pompeo?!

VANDA # (Secca) Mè an sò la valletta d'ancion! (Fra sè) Un gna d'andè d'travèrs la grappa, a 'stè crètèn!

OTTAVIO # (A Pompeo) Bhè, cosa hoja pù dètt...

POMPEO # (Conciliante) Dai un taj... t'al sè pù cla s'instizèss! (Rivolto agli altri amici) Beh, coma mai in s'è ancora vèst chiètar... Poldo.. Alvaro... Rico... Celso...

OTTAVIO # (Che nel frattempo avrà preso il caffè) J è andè tott in t'è padlon (Sottovoce a Pompeo per non essere sentito da Vanda) La stmana passèda a balè j ha rimurchiè una ciopa ad donn...

POMPEO # Um pè d'avdeli... a gli avrà 50 ènn par gamba... Cosa a vut che j èva rimurchiè!

OTTAVIO #  Sè, fatt sintì da Poldo! Lò 'e diss cl'è un mandrèll... (Attirando su sè l'attenzione degli amici e con falso fare di riservatezza) A la savìv l'ultma avventura ad Poldo? E srà afèri dis dè fà... l'andè a balè a l'è dsora da Riol! Stasì a sintì! 'E fasè amicèzia cun una dona e pu u l'invidè a balè... quèst a l'ho savù da Celso cl'è una sportla e un avdeva l'ora ad cuntel a tott... av dgèva... alora l'andè in pista a balè e pu 'e tachè a spizunè 'sta vcièta insprida...  u si era ascaldè nèca i fèrr... fatt 'sta che, la purèta, forsi parchè la sèra straca d'èssar mizèda cumpagna una pèsga e un pò sturbèda, l'ai dgèt: " Dgì sò, ma cosa a tuchiv? " E Poldo (con sarcasmo) che us crèd d'èssar simpatic nèca quand che dis dal scimpiarèj, par fè 'e spiritos, u j fasèt una gran risèda e u j dgèt: " A vlèva avdè in dò che a tnì 'e librètt d'la pinsion!" (Ridendo agli amici) La j dasè un vigliacc d'un smanarvèrs che 'e vulè longh e stès par tera... Tott qui che i balèva is farmètt par fèj la iaja...

POMPEO # (Convinto) L'onich quèll che quij che là i pò èssar saltè adoss, incù, l'è a una ciopa padlè d'acquadèla... (Risata generale degli amici. Non visto da Ottavio instiga, strizzando l'occhio, Tino, Renzo e Nando, a far arrabbiare Ottavio) L'è mèj che a scurègna ad palon... Burdèll, un gnè gnitt da dì, la nostra l'è una bèla Naziunèla... E pu adèss, finalmènt, a j avèn un mèzz sinèstar coma ch'us dèv... An l'avèn maj avuda, nou, una mezz'èla acsè... Baggio... (Convinto al punto di marcare con intento verso Ottavio) Mai avuda!

OTTAVIO # Ohi, tabacazz, at c'it smèngh Sivori?

TINO # Coma as cièmal 'stè zugador?

POMPEO # Sivori?!?! Chi èl?

OTTAVIO # (Già a buon punto di cottura. Esterefatto) Chi cl'è Sivori? L'è 'e piò grand zugador cl'èva mai zughè in Italia, ecco chi cl'è!

POMPEO # A pègh 'e trè che 'e và... 'e và...!!!

RENZO # Sivori? Un mezz zugador, e basta!

POMPEO # A l'avì pù vèst ad fèn cla fatt... U s'è ardott a avnì a què a Lugh a fè l'attor cun Sordi in t'è " Presidente de Borgorosso ".  'E purètt, um fà cumpassion!

OTTAVIO # Cosa a vèt a tirè fura! Cosa a j èntral quèll cun 'e fatt cl'era un fuoriclass a zughè a 'e pallon?

TINO # Và là, chèvat da lè...

POMPEO # Fuoriclass chi? Sivori?!?!

RENZO # T'è te 'e paraocc! T'è t'an si miga un sportiv, t'ci sol un fanatic 'e basta! Ma coma as fall a discutar cun tè!

TINO # Par mè d'ci nèca un matt!!!

OTTAVIO # Matt a chi?

TUTTI # A tè!!!

VANDA # Avliv pù smèttla ad zighè a 'sta manira?

POMPEO # (A voce alta) J ha rason... d'ci un matt e nèca un fanatic. (Marcando e sempre a voce alta) FANATIC!!!

VANDA # (Prende la scopa che sta dietro al banco e comincia a rincorrere Pompeo sino a spingerlo nella sala Tv, seguito dagli altri avventori) Alora an sèn capì! An voj brisa che a zighiva a cla manira... quanti volt a l'hoja da dì... E pù tè che t'avrèss da dè 'e on èsèmpi... Indò a schèpat, ignurant...

POMPEO # (Scappando) Barista che scappa è buono per un'altra volta! (Esce nella sala TV)

VANDA # (Desiste dal rincorrerlo e ritorna brontolando dietro al banco) Mo guèrda ad straza d'ignurènt! (Gli avventori seguono pure loro Pompeo che è entrato in sala TV.)

VITTORIA # (Entra e si dirige verso il banco. A Vanda) Av salut Vanda! Av spièsal d'fèm un caffè?

VANDA # A scarzarì...!!!

VITTORIA # A j èl Tino?

VANDA # Sè l'è d'ad là, cun chiètar, che 'sta guardènd la partida.

VITTORIA # (Allegra) Bene!

VANDA # (Vedendo Vittoria alquanto incerta) A vliv che a vè cièma?

VITTORIA # Un importa che al sturbiva.... a dì la varitè an ho gnèca bsogn!

VANDA # (Servendo il caffè sul banco) Ecco pronto 'e caffè!...

VITTORIA # (Cambiando tono e discorso) Adèss a vègh a cà e pù a finèss d'imbastì 'e vostar grimbialon acsè piò tèrd a vègn a pruvèval.

VANDA # (Rivolta al pubblico e senza essere sentita) 'E grimbialon!!! Questa l'è una scusa... am scumètt cl'è zà imbastì da un pèzz! L'è avnuda a cuntrullè che Tino 'e sèja propi in te bar par putè fè libèramènt i sù comud!!!

VITTORIA # Par furtona che pu dopp magnè i joman i ciapa sò 'e i và in tè caffè... sèno chi ch'aj suppurtarèbb sèmpar a l'è a rugnè...

VANDA # (Con malizia ed intenzione) Nèca parchè acsè al donn a gli è piò lèbri...

VITTORIA # (Toccata) Lèbri...

VANDA # (Con falsità, deviando dall'intenzione originale) Sè... a putèn fè i nostar scazègn in santa pèzz... (Insinuante) e tanti ètri cos... Adèss am scumètt che vò andì a cà a mèttal in ovra...

VITTORIA # Cosa?

VANDA # E grimbialon...!!!

VITTORIA # (Convinta) Avì propi rason!

VANDA # (Rivolta al pubblico) L'ha propi la faza che u j bsogna! Và bèn che la su roba la la pò dè a chi ch'uj pè, mo Santo Iddio, cl'a zirca nèca ad fèm quaiona mè, quèst l'è tropp!

VITTORIA # Tino l'è propi un bon scianazz e an um poss brisa lamintè.

VANDA # (Rivolta al pubblico) Us pò propi dì che u j ha ciap indèntar cun tott dò al man! Parò Tino un's meritèva brisa una dona cumpagna lì.

VITTORIA # (Estraendo dalla borsa del danaro per pagare il caffè) Bene, Vanda av salut... a vègh a fè 'e mi lavor... (Mentre esce e con intenzione) Un importa che a Tino a j dgiva che mè a sò avnuda... sino 'e dis che am pird sèmpar in toti ciacar...

VANDA # Stasì pu tranquèlla, an ì dirò gnitt! (Rivolta al pubblico) Nèca par non mèttar dal pols in tl'urècia a un bon scianazz! (Vittoria esce dalla comune)

VANDA # (Con tono comico) Adèss l'al và a mèttar in ovra... ma non 'e grimbialon! (Rientra dietro al bancone e riprende i suoi mestieri. Chiama Pompeo che si è abbandonato a guardare la partita) Pompeo?!?  Pompeo?!?!

POMPEO # (Da fuori scena) A vègn! Cosa a zigat, an sò za sord!

VANDA # Vèn d'quà, vèch insimunì, che ha j ho bsogn ad scorar cun tè!

POMPEO # (Entrando) Cosa a vut, pèza?

VANDA # (Addolcendosi ed incerta) Pompeo, al sètt che mè a pinsèva...

POMPEO # E a cosa a pinsivtia?

VANDA # Mè e tè ha j avèn avù tanti volt da dì... sè insomma da rugnè... parò mè... (Si blocca)

POMPEO # (Incoraggiandola) Parò tè?

VANDA # (Riprendendosi) Mè a t'ho sèmpar avlù bèn! E mai e pu mai u m'è passè par l'anticambra de zarvèll ad pinsè a un ètar oman...

POMPEO # Mo ad straza ad scurs a vèt fasènd, adèss...

VANDA # (Esce dal banco e si avvicina a Pompeo che se ne sta appoggiato allo stesso) At zur, Pompeo, cl'è la varitè... a te zur!

POMPEO # (Gira su se stesso e sculaccia amorevolmente Vanda) Al sò, la mi vècia!

VANDA # (Pudicamente dà un bacio sulla guancia a Pompeo) At voj dè un bèss...

POMPEO # (Contento ed allegro) Mo alora incù l'è festa granda!

GINO # (Entra dalla comune, con un mangianastri in  mano)

VANDA # (Si ricompone e mentre Gino passa davanti al bancone per andare al telefono, cordialmente) Bongiorno sgnor!

GINO # (Non si cura affatto del saluto rivoltogli da Vanda e prosegue sino all'apprecchio telefonico. Appoggia il mangianastri per terra. Pompeo si avvicina a Sogno che imperterrito continua a fare i suoi solitari. Ritorna verso il banco)

VANDA # (Fra se) Mo guerda nèca 'stu che què, ad straza d'èducazion cla!

POMPEO # (Rivolto a Vanda) Dì sò, cos'èla tota cla roba cla in tì cavèll clu ca là?

VANDA # L'è gèl!

POMPEO # Gèll?!?! Cos'èl nèca 'stè gèl?

VANDA # Mò l'è cla roba par fè 'stè a post i cavèll...

POMPEO # Ah! La brillantina!

VANDA # Brillantina us dgèva 40 ènn fà, adèss us ciama gèl! Mo t'an vì che t'ci antigh cumpagna al brètt!

POMPEO # Parò l'è sèmpar brillantina! (Con civetteria) A strèbb bèn nèca mè, pnè a cla manira!

VANDA # Mo t'an vì che t'è armast dù splocc in t'la tèsta e basta! (Fra sè) Us vò dè 'e gèl...!!!

GINO # (Inserisce un gettone e compone un numero. Parlando sottovoce) Pronto... sè a sò mè... a possia avnì? Coma?!... l'è ancora a l'è! Mo quand a s'avèjal?... Nò at tèlèfun da un bar... Sè, a j ho capì... Alora ciamam tè, mè aspètt a què... adèss at degh 'e nomar... (Volgendosi al barista) Ragazzo... ad nomar al 'ste caffè?

POMPEO # Ragazzo a mè? (A Gino) 33521

GINO # (Riprendendo a parlare al telefono) 33521... Ma quand a cridat che... Ah! U s'ha d'aviè? Mej acsè! Sbrigat parchè mè am strèch 'stè a què ad aspittè! Ma nò, an un muv da què... (Riattacca il ricevitore e si vvicina ad un tavolo sul quale in prece­denza avrà appoggiato il mangianastri. A Vanda, ordinando con un gesto della mano) Una coca‑cola... (Estrae di tasca una cassetta e l'infila nell'apparecchio per farlo funzionare.)

VANDA # (Che avrà raggiunto in precedenza l'arcata. Urlando) Pompeo!!!

POMPEO # Eccomi... pronti... (Si precipita al banco)

VANDA # La coca-cola par che sgnor...

POMPEO # (Servendo col vassoio) Pronta la coca-cola! (Indicando il mangianastri) Che guèrda che un spò miga sunè...

GINO # E parchè?

POMPEO # (Accennando alla sala TV) Quij d'là in vò brisa, parchè u j è la partida.

GINO # Al tègn bass (Abbassa il volume)

POMPEO # (Sente della concitazione nella sala TV e si precipita) Và a finì che j ha fatt gol! (Si infaccia con Tino che ne stà uscendo per protestare con tono risentito nei confronti di Gino, per via del mangianastri troppo alto)

TINO # Ciò, t'an pù aspitè che finessa la partita? (Gino non risponde ed accompagna il ritmo della musica. Ancora più risentito) Ohè, a degh a tè!... Smèttla cun cla musica!

GINO # E parchè a dubrèbb smèttar?

TINO # Parchè la dà fastidi!

GINO # A mè nò!

TINO # La sturba... u j è la partida!

GINO # A mè l'an m'intèrressa brisa la partita!

TINO # (Con tono minaccioso) Mo a mè sè! E se t'an i dè un taj...

GINO # Se an j dègh un taj?

TINO # (Con fare sempre più minaccioso) At sèss la radio in t'è mèzz a la strè...!!!

GINO # A dill us fà prèst, l'è a fèll...

TINO # A t'è fèzz avdè sobit... (E' interrotto da Pompeo che lo trae indietro)

POMPEO # Daj smèttla! Mo ad fastidi at dal? Un sènt gnèca!

TINO # (Rivolto a Gino) T'pù purtè una candèla a Santa Rita. Incù l'è 'e tu dè furtunè!

GINO # (Reagendo in maniera ironica) Guèrda coma ch'ha stègh tarmand...!!!

TINO # (Brontolando rinuncia alle sue proteste anche perchè viene trattenuto da Pompeo. Rientra nella sala TV)

POMPEO # Cosa a j aveva dètt? Al sò che quij ca là, quand che u j è la partida...

GINO # Pèzz par lò, quèst l'è un luchèl pobblich e ognoun e pò ascultè quèll ch'u j pè! (Pompeo entra nella sala TV)

ELIDE # (Entra dalla comune. E' incerta se sedersi o accomodarsi al banco. Seglie per questa ultima soluzione)

VANDA # Bongiorno...

ELIDE # Bongiorno a lì... (Rimane ferma, quasi assente)

VANDA # S'la vò mèttas insdè...

ELIDE # In dò?

VANDA # (Sorpresa) Coma in dò?

ELIDE # (Assente) Um pè d'non avè dètt gnitt ad mèll...

VANDA # (Cercando di controllarsi) Sè.. sè... L'ha miga dètt gnitt ad mèll...

ELIDE # In dò a soja... Am sò pèrsa... Ad post èl quèst?

VANDA # (Esterefatta) Cosa a vol dì? L'è un caffè... 'e caffè ad Pompeo!

ELIDE # (Girando intorno gli occhi) Zà... Un caffè...

VANDA # (C.S.) L'ha sè persa! Cla pruva a pinsè a quèll cla fatt prèma.

ELIDE # Prèma?!?...

VANDA # Sè, prèma d'avnì a què dèntar...

ELIDE # Ah... (Pausa) A camminèva... in t'la nèbbia.

VANDA # In t'la nèbbia?!?!... Ma s'l'è una giurnèda cun un sol mèraviglios...

ELIDE # (Con lentezza) No, in t'la nèbbia... d'ad dèntar... (Dirigendosi verso il tavolo di Sogno) E zà... (Siede) Cosa a savègna, nòu!... Adèss... (Resta assorta, poi ripete come a se stessa) E pù dopp... (Una pausa) Fra dis o vènt ènn...?

VANDA # (Fra se) L'an srà miga mata! (Ad alta voce) Pompeo!!!

POMPEO # (Entrando da sinistra) Pronti...

VANDA # (Gli indica la cliente che si è seduto in un tavolo vicino a quello di Maurizio)

POMPEO # (Le si avvicina) La signora desidera?

ELIDE # (Con lo sguardo nel vuoto) Scrivere.

POMPEO # Scrivere... (Guarda la moglie in maniera interrogativa, la quale risponde, non vista da Elide, allargando sconsolata le braccia. Poi risoluto) Vanda, un pèzz d'chèrta e una biro par 'sta sgnora... (Si avvicina al banco per ritirare carta e penna e si rivolge alla moglie) Mo chi èla 'ste suggèt?

VANDA # L'è ona cla zira in t'la nèbbia... l'ha dètt propi acsè... par mè l'è scapa da Imola!

POMPEO # (Ritira carta e penna e porge il tutto in maniera professionale a Elide) Prego, sgnora... la chèrta e la pènna... par scrivar... A què la srà un pò sturbèda, cosa a vola, l'è un caffè'... Se lì invezi l'ha bsogn ad tranquillitè...

ELIDE # Un importa! (Quasi spiritata) Mè a j ho da scrivar... scrivar...

POMPEO # Ma scrivar chè...?

ELIDE # (Convinto) Una cumegia!

POMPEO # Una cumegia?!?!

ELIDE # Sè, una cumegia...

POMPEO # (D'istinto) Bèla?

ELIDE # (Stringendosi nelle spalle) E coma a possia savèl? La cumegia la pò èssar cumpagna un fiol, 'e putrà dvintè un gèni, coma che putrà dvintè un dèlinquènt... (Lieve pausa, poi con improvvisa concitazione) 'E fra 10... 20 ènn... (Fa un gesto vago) Piffetè, piò gnit! Al mod al cambia, i gost d'la zènt nèca... 'e de nostar dialètt cosa a j armastaral?...

MIRELLA # (Entra dalla porta a vetri. E' una bella signora sui 45 anni, elegante ed avvenente. Si guarda intorno perplessa)

POMPEO # (Che avrà desistito dalla conversazione con Elide) Prego...?

MIRELLA # Un gettone per il telefono...

POMPEO # (Rivolto alla moglie dietro al banco però con lo sguardo di ammirazione rivolto a Mirella) Un gètton par 'e telefun... par 'sta bèla sgnora chè què...

VANDA # (Va ad armeggiare in una ciottola piena di soldi cambi e tira fuori un gettone del telefono. Secca) Pronto...

POMPEO # (Consegnandolo a Mirella quasi con adulazione) Ecco quà, gentile signora!

MIRELLA # (A sua volta compiaciuta del gesto complimentoso ricevuto) Grazie.

POMPEO # (Fa quasi un gesto di riverenza)

MIRELLA # (Consulta una taccuino che avrà estratto dalla borsa. Va al telefono e compone un umero. Gino la osserva sorseggiando con voluttà la coca‑cola servitagli in precedenza. Mirella al telefono) Pronto... Parlo col garage? Chi personalmente? Ah! Proprio lei! Sono la signora Mirella, c'è Lorenzo? E quell'altro meccanico? Ma come, non c'è nessuno? Ah! Già è vero, è domenica! Ho la macchina che non va... non sò... non capisco, il motore perde dei colpi e ogni tanto si ferma... Eh, sì, capisco... Beh, non importa! Cercherò da queste parti! Grazie lo stesso! (Riattacca e si rivolge al barista con fare implorante) Par piasè cum dèga una man! In dò a possia truvè un meccanic..!

POMPEO # (Adulante) Incù l'è tott asrè, la mi sgnora, l'è la dmenga!

MIRELLA # Al sò che l'è la dmenga. Mo lò un cnioss ancion che 'e possa dè un'ucièda a la mi macchina...

OTTAVIO # (Da fuori scena ed urlando) Vanda, du pachètt ad brustilèn e un'aranciata, giazèda!

RENZO # (Affacciandosi in scena) Una bèra, a m'aracmand parò... non tropp giazèda!

VANDA # (Rivolta agli avventori in sala TV) A j ho capi! Ariv sobit!

POMPEO # (Rivolto a Mirella) Cl'aspeta un attum! Vanda, in dò a a 'stal ad cà Quinto, 'e mèccanic... (Rivolto a Mirella) Quèll un s'avèja mai da cà!

VANDA # (Mentre sta preparando le consumazioni da servire in sala TV. Seccata ed assai fredda) E 'sta in te sgond Pulighèr, atach a la cà d'la Renza!

POMPEO # A j ho capì! Ecco, gentile signora... (L'accompagna sin oltre la porta a vetri e sia a gesti che a parole cerca di insegnargli la strada da seguire) Lì adèss la và sempar drètt e pu a la sgnoda a destra la volta... (Sfuma il tutto poichè Pompeo ha accompagnato fuori scena Mirella)

VANDA # (Fra sè) Fatt crètèn d'un oman! A t'è dègh mè "Gentile signora!"

MAURIZIO # (Rivolto ad Elide, continuando a fare il solitario) E al ala zà una quèlca idea?

ELIDE # Par cosa?

MAURIZIO # Par la su cumègia?

ELIDE # (Guardando in alto con volto quasi spiritato) L'è a què, l'è a lè... l'è in dappartott

MAURIZIO # (C.S.) La vita l'è tota una cumègia!

POMPEO # (Che è rintrato) Mo tè pènsa a fè i tu suliteri... cosa a vèt a intèrèssèt d'j afferi d'ch'jètar!

VANDA # 'E farà cumpagna tè. Coma Don Giovanni t'ci un pò stasunè... t'fè ridar nèca i poll!

ELIDE # (Dubbiosa rivolta a Maurizio) 'Ela la vita cl'è una cumegia o 'ela una cumegia la nostra vita...

MAURIZIO # (C.S.) La vita l'è cumpagna un grand pèlcscènic... qualcadon l'ha scrètt e cupion e ognou ad nou 'e rezita la su pèrt...

POMPEO # (Si ode venire dall'esterno un rumore di motorino d'avviamento che tenta invano di mettere in moto il motore. Dopo una breve paura e rivolto ad Elide) Ch'ul scusa... (Rivolto a Sogno) A t'ho zà dètt d'non sturbè i cliènt!

ELIDE # (Guardando nel vuoto) Ma cosa a dissal mai?... Sturbè?...  Mè a vèdal a j ho tanti idei... tropi... (Toccandosi la fronte, le labbra ed il cuore) A gli è a què, què, què (Indicando i tre punti) E al chèica... a gli avrèbb avnì fura... toti insèn... L'è fadiga dividli... dlezli... (Sottolineando) Eliminèli... E invezi l'è nècesseri!

POMPEO # A j ho capì! Lì quindi la vò butè zò in t'un pèzz chèrta la su idea, acsè l'an smènga brisa...

ELIDE # Tant i fa acsè... Apèna ch'j ha un'idea i la scriv... i la sviloppa... i j ricama in sò una storia, quèsi sèmpar d'amor... Mo un conta gnitt... lò al s'acavala... al chèica... 'e toti insèn...

VANDA # (Autoritaria) Alto Pompeo, porta 'sta roba da d'la!

POMPEO # (Prende da sopra il banco un vassoio con quanto ordinato e si avvia in sala TV. Si continua ad udire dall'esterno un rumore di motorino d'avviamento che tenta invano di mettere in moto il motore. Pompeo, passando per la scena e col vassoio in mano, guarda fuori un attimo dalla porta e scambia una occhiata con Gino che sembra divertirsi dei guai di Mirella)

VANDA # (Rivolta a Pompeo che tergiversa) E non stà a pèrdar dè tèmp!

POMPEO # (Scuotendo la testa passa oltre l'arcata a consegnare le consumazioni, poi rientra. Si continua ad udire ad intervalli il rumore del motorino di avviamento.)

RENZO # (Entra in scena dall'arcata e rivolto a Pompeo che si sarà fermato presso l'arco) T'an sènt che sgraziè che 'e 'stà scarghènd la batarèja..... (Aprendo parzialmente la porta si rivolge all'esterno) Guèrda che se t'fè acsè t'schèrgh la batarèja ad posta! (Non udendo risposta alcuna si stringe nelle spalle) Fà mo tè! (In questo momento si sentono delle urla e del gran clamore in quanto è stato segnato un goal) Porca puttana... propi adèss! (E via che si precipita di corsa in sala TV rischiando quasi di investire Pompeo.)

POMPEO # (Rientrando) L'èra ora! On a zero! (Anche Gino sembra interessarsi per un attimo della partita e getta una occhiata oltre l'arco. Poi si risiede vicino al tavolo sopra al quale è stato posto il angianastri mentre il rumore del motorino d'avviamento diventa sempre più debole fino a cessare del tutto)

MAURIZIO # (Rivolto ad Elide e continuando imperterrito nei suoi solitari) Ecco la droga d'la zènt! 'E palon! Parò lò i 'stà bèn, in pènsa a gnitt! E pù dmatèina palon... dman dopmazdè 'e dman a sèra, palon... sèmpar palon....

ELIDE # Nèca mè a stègh zarchènd la mi droga...

MAURIZIO # U j è zèrta zènt cla s'droga in sè seri...

ELIDE # Ma u j è nèca qui che il fà cun al parol, con la religion, cun agl'idej...

MAURIZIO # (Amaro) Cun una dona...

MIRELLA # (Dopo qualche istante riappare sull'ingresso Mirella nervosa ed irritata. Rivolta a Pompeo) Mo parchè l'an partèss brisa?

POMPEO # (Adulante) La farà cumpagna al bèli donn... la farà i caprezzi.

MIRELLA # Ma cos'ala?

POMPEO # Oh, la mi sgnora, l'ha ciap mèll! Cl'an scora cun mè 'sti quèll che què... ad mutur a gni capèss gnitt... mè a vegh sol in biciclèta... (Con malizia) E non sò se mi spiego..!

MIRELLA # Mè avrèbb savè parchè la fà acsè?

GINO # (Intervenendo) A gn'èll d'la benzina?

MIRELLA # A j ho fatt 'e pi stamatèna!

GINO # Allora l'è la bubèina o al puntèn!

MIRELLA # Lò a s'intèndal d'mutur?

GINO # Par forza! A fèzz 'e mèccanic!

MIRELLA # (Con sollievo) Propi! Ad furtouna! Mo parchè un um l'ha dètt sobit?

GINO # Parchè incù l'è la dmènga e mè an lavur brisa!

MIRELLA # (Sorpresa e sconcertata) Parò... in t'un chès acsè...

GINO # (Continuando inperterrito ad ascoltare la musica) Um dispiès sgnora! la dmènga la vèn sol una volta a la stmana! Almènch incù a j avèn 'e dirètt ad pusèss!

MIRELLA # (Risentita) Sicura! (Un momento di silenzio imbarazzato. Gino accompagna coi piedi e mani e ritma con la persona la musica. Pompeo ride sotto ai baffi della situazione che si è venuta a creare incorrendo nelle ire di Mirella. Mirella rivolta a Pompeo seccamente) 'E vò cosa a j aviv da ridar...!!!

POMPEO # (Immediatamente riprende un atteggiamento più consono)

VANDA # L'an t'ha da dè nèca un sciafon! Acsè t'impèr!

MIRELLA # (Rivolta a Pompeo) Cum dèga un ètar gètton!

POMPEO # Ma sgnora cl'an s'ègita a cla manira... U i vò d'la gran chèlma! A mè quand ch'um s'fora la iciclèta a vègh a cà a pì...

MIRELLA # (Consulta visibilmente seccata l'elenco del telefono che si troverà vicino al telefono e rivolta a Pompeo) Par piasè coma as ciamal 'stè bar e ad nomar ad tèlefun hal?

POMPEO # Bar Pompeo... telefono 33521...

MIRELLA # (Scrivendo il tutto su di una agendina tascabile) Bar Pompeo, telefono 33521... (Compone un numero, ma non avrà risposta. Fa scendere il gettone e ritenta con esito tuttavia negativo)

POMPEO # Mo sgnora cla stèga chèlma... (La guarda con vivo interesse, tutto maschile)

MIRELLA # Pussèbil ch'un j sèja gnèca un taxi...

POMPEO # Sè, un taxi a la dmènga...!!! (Con intenzione) Se a j avèss la machina mè...!!!

MIRELLA # (Reinserisce il gettone e ricompone il numero)

GINO # (Osserva Mirella che, al telefono, aspetta invano di ottenere risposta)

VANDA # (Non sentita dai presenti) Ciò èt pù finì d'fè l'imbazèll cun cla bèla gigia? Adèss t'ha m'è gonfi!

POMPEO # (Innocentemente) Chi, mè?

VANDA # Sè, propi tè! (Mimando) " Se a j avèss la machina mè...!!!  " Valà chèvat da lè... mò t'an t'vì!

POMPEO # Piano, Vanda. Piano! Adèss d'cì pasèda par d'là... Un s'pò maj savè, dal volt...

VANDA # Propi un s'pò maj savè! Vargognat! E smètla d'fè 'e cascamort, as sègna capì!

POMPEO # (Dolce) Mo sè, la mi vècia. T'al sè pù che par mè t'èsèst sol tè!

VANDA # Svelti e movat! Và avdè se là d'ad là j ha bsogn d'qualquèll!!! (Pompeo esce e va in sala TV non senza prima aver lanciato un'occhiata di ammirazione nei confronti di Mirella)

GINO # (Rivolto a Mirella) A l'ala la bursa dal massarèj...

MIRELLA # (Sorpresa) A disal cun mè?

GINO # Sè! A j ho cmandè s'la la bursa dal massarèj?

MIRELLA # (Riattacando il ricevitore) Sè, a crid che la j sèja! L'ha da èssar d'ad drì, in t'è baol...

GINO # Cl'am dèga la cièv. (Mirella gli porge la chiave)

MIRELLA # Mè al ringrèzi...!

GINO # (Bruscamente) Cl'aspètta a ringrazièm! Se u s'è brusè la bubèina un gnè gnitt da fè! (Si sfila la giacca e l'appende con cura allo schienale di una sedia.)

MIRELLA # Sì nò, coma a fasègna?

GINO # A farèn cumpagna quij ad Fènza...

MIRELLA # Cosa a faj?

GINO # I fà sènza! (Escono)

POMPEO # (Rientrando) Un'ètra coca-cola par Ottavio, du pachèt ad babigi par Nando , una gazosa par 'e rasunir e (Sbuffando) una bèra par Renzo, un pò piò giazèda, am aracmand, parchè quèla ad prèma l'era tropa chèlda..

VANDA # Alora as sèn capì bèn nou dù, eh?

POMPEO # (Insofferente) Mo sè! (Rivolto al pubblico) A vlò pù dètt c'lè una pèza... aviv vèst, am sevia sbagliè? Parò l'è ancora una bèla dona... (Rivolto ad uno spettatore immaginario fra il pubblico) Nò! Cosa al capì clu che lè... An scuereva brisa d'la Vanda mo ad c'la sgnora che là... Ciò, an sò zà orb!

MAURIZIO # (Mentre è sempre intento a fare il solitario, parla con Elide) L'èra la mi mbrosa. E mè aj avlèva bèn... a la

tneva a què dèntar ad mè.. E lì sèmpar allègra... surridènta...

POMPEO # (Ad Elide) 'E ripèt sèmpar al stessi coss... cumpagna un dèsch quand ch'u s'incanta!

'E bsugnarà pù che t'a la fèza finida, t'reagèssa una bona volta!

MAURIZIO # Ma u j è 'e mi cor in che dèsch!

ELIDE # (Interessato ed interrompendo una eventuale replica di Pompeo che uscirà per servire le consumazioni in sala TV)

ELIDE # E pù...

MAURIZIO # E pù l'ha inventè una scusa qualsiasi, l'ha fatt la valisa e an l'ho piò vèsta!

ELIDE # Propi piò?

MAURIZIO # No. Forsi a l'avrèbb salvèda... Dù ènn fà...

ELIDE # E un l'ha mai zèrca?

MAURIZIO # Lì l'ha dèzis acsè! Ognon ad nò l'è lèbar d'andè drì a 'e su distèn... parchè mè a j avèva d'impedijal? Par cosa? La zarchèva la fèlizitè...  e non a rate...

ELIDE # A rate?

MAURIZIO # I prèm tèmp, quand che la lavureva in t'la butega di Minghètt, l'era cuntènta, ogni tant la ridèva...

ELIDE # E lò a rideval?

MAURIZIO # Sè, a rideva nèca mè! (Poi lentamente) Parò mè a sugnèva d'fèm una cà, cumpagna quèlla che l'as vèd in t'al rivest... I fiur in se davanzèl de balcon... 'e babèn in t'la conla... mè e lì che as tnimia par man... Ma 'e gustèva tropp... (Molto amaro) Nèca a cumprèl a rate...

ELIDE # E da allora...

MAURIZIO # (Indicando le carte) Quèsta l'è lì, Nella. (Ridendo amaramente) Curiosa la vita...!!!

ELIDE # E lò da dù ènn... Sèmpar cun lì (Indicando le carte)

MAURIZIO # Ogni tant a pruv d'mandèla veja... mo lì l'è cumpagna la ponta d'un trapan, a què in t'la testa...

ELIDE # Parò l'è propi curiosa la vita...

MAURIZIO # E pù, un pò a la volta, l'è cambièda... ogni dè che passèva la dvintèva sèmpar piò sèria, l'aveva smèss ad ridar, d'èssar allegra. E pù u j èra quèll d'Mantova...

ELIDE # Quèll d'Mantova?

MAURIZIO # Zà, quèll d'Mantova... U j stasèva drì... la j piasèva... una bèla cà... toti al cumuditè... E pù ha j ho savù da su surèla che u s'è stracc... u la scarga acsè cumpagna ch'us scarga un sacc ad farèna...

ELIDE # E la n'è piò turnèda a cà?

MAURIZIO # Forsi l'as vargogna... chi lo sà!

ELIDE # E lò un l'ha piò zèrca?

MAURIZIO # Mo lì l'è sèmpar a què, cun mè! (Indicando di nuovo le carte).

ELIDE # Parò l'è propi curiosa la vita...

GINO # (Rientra assieme a Mirella. Ha lo spinterogeno in mano che ha staccato dal motore.) La bubèina la và. 'E guast l'ha

da èssar a què. (Appoggia lo spinterogeno sul tavolino, ma prima di cominciare a smontarlo, si rivolge a Vanda tendendogli le mani) Par piasè am argombla al mangh?

MIRELLA # (Pronta) Al fègh mè!

GINO # (Mentre Mirella gli rimbocca i polsini della camicia) Grazie! Us fà prèst ad inciusis...

MIRELLA # (Interessata) La rason! Um dispiès che propi incù...

GINO # (Cominciando a smontare il pezzo) Un fa gnitt! Spèrèn che sèja un quèll da poch.

MIRELLA # (Segue il lavoro di Gino cercando di mostrare un vivo interesse) Cos'èl che bagaj che l'è?

GINO # (Sorpreso per la domanda) Quèst?!? L'è 'e spintèrogeno!

MIRELLA # (Con l'aria di sentirlo nominare per la prima volta) Ah, 'e spintèrogeno!... E a cosa a sèrval?

GINO # (Ancora più sorpreso) Ma coma? La ne sà?

MIRELLA # Mè no!

GINO # E se la machina l'as smèsa, coma a fala?

MIRELLA # A m'afirum e aspètt che qualcadon um aiuta! Coma adèss!

GINO # Mo par tu la patènta la duvè dè l'èsam...

MIRELLA # Sicura...

GINO # E se j i cmandèva cosa cl'è 'e spinterogeno?

MIRELLA # (Ridendo) Furtouna che in um la brisa cmandè! U j era un inzgnir acsè gèntil che un um ha brisa fatt tanti dmand...

GINO # Par forza! Cun al bèli donn i dvènta tott gèntil... (Esaminando un pezzo che ha smontato) E cundènsador l'è a

post. Par furtouna che un s'è brisa brusè!

MIRELLA # Mo allora cosa èl suzzèst...

GINO # (Individuato il guasto) Guèrda, guèrda! La tirat una crèpa la calota...

MIRELLA # (Con allegria ed evasione) Ah sè!... Tott a què.....

GINO # Parchè lì la sà...

MIRELLA # (Prontamente) Nò, a dgèva acsè...

GINO # L'è un quèll da gnitt, parò un s'fa brisa l'accènsion... ecco a vèdla... (Mostra la calotta mentre rientra Pompeodalla sala TV)

MIRELLA # E as poll amasèla?

GINO # Par amasèla 'e bsugnarèbb avèn ona dal novi. Parò, a pruvisori, us pò rimigiè in t'un ètra manira (Guardandosi intorno) U j avrèbb un pèzz ad nastar isulant e un zultinèn ad chèrta vidrèda...

MIRELLA # Forsi 'e barèsta...?

GINO # (Rivolto a Pompeo) A l'al un pò d'nastar isulant e un toch ad chèrta vidrèda?

POMPEO # 'E nastar isulant u j è sènz'ètar... guèrda VANDA # in che casètt che là (Indicando un cassetto sotto il bancone bar)

VANDA # Ecco 'e nastar isulant 'e nèca la chèrta vidrèda... (Rivolta a Pompeo sottovoce) Quand cla finì d'druvèla che zovan a la druv mè, at fèzz do, trè carèzz in t'la faza. A vut pu smèttla ad fè 'e crètèn!!!

POMPEO # (Con fare buffonesco) Su non fare la violenta cara Vandina!  (Consegnando il tutto a Gino) Ecco sgnor! (Rivolto alla moglie) Vanda a vègh avdè un pò ad partita. (Esce definitivamente in sala TV)

MIRELLA # (Estrae dalla borsa un pacchetto di sigarette e si accinge a fumarne una)

GINO # (Che ha notato la marca di sigarette) Osta... Marlboro! Boni!

MIRELLA # Cl'in toja ouna!

GINO # Grazie, cl'an sturba... e pu aj ho al man ciosi...

MIRELLA # Ch'un fèza di cumplimènt... anzi... (Estrae lei la sigaretta, se la porta alle labbra e dopo averla accesa con un accendino d'oro che avrà estratto dalla borsa la infila fra le labbra di Gino)

GINO # Grazie! (Gratta con la carta vetrata la calotta nel punto in cui vi è la piccola crepa e l'avvolge col nastro isolante ben tirato) L'è un ripiègh, ma par un pò 'e pò andè! E bsogna che la s'arculda d'fèj mèttar la calota nova... (Ricomincia a montare il pezzo)

MIRELLA # Un gnè parèqual che la s'aférma nèca?

GINO # Cla stèga tranquèlla! Adèss a j vègh a mèttar sò 'e spintèrogeno... (Prende lo spinterogeno e tutta la borsa degli attrezzi ed esce)

MIRELLA # (Mirella si avvicina all'ingresso. Si ode ancora un clamore di grida e di applausi dalla sala TV. Mirella volge lo sguardo incuriosita. Entra dalla comune Tiziana)

TIZIANA # (E' la figlia di Pompeo e Vanda. E' la tipica ragazzina del mondo d'oggi. Ha brio, slancio e anche tanta leggerezza) Ciao mammy... (Guardandosi attorno) E pappy dov'è?

VANDA # Mammy... pappy... mo quanti volt a tl'hoia da dì d'non t'ciacarè in cla manira che lè, almanch a què dèntar. T'al sè pù che tu pè un vò brisa!!!

TIZIANA # Uso l'italiano e non certamente quel brutto dialetto che dequalifica e spersonalizza l'individuo facendolo degradare ad uno stadio di zoticoneria e che non gli permette di elevarsi ed integrarsi in un contesto universale più ampio, tutto qui!

VANDA # Tutto quì? Sè, fat sintì da tu pè...! T'al sè pù che un vò brisa che t'fèga la saputa a 'sta manira...

TIZIANA # Pappy è arcaico, come te...

VANDA # Cosa a segna tu pè e mè...?!?

TIZIANA # (Con sufficienza) Inutile che ti spieghi, non capiresti. Gimmy è venuto a cercarmi?

VANDA # (Al pubblico) Gimmy 'e srèbb cla speciè ad ragazz cl'è sèmpar cun lì e cl'ha nèca j urcì..!!!

(A Tiziana ed usando marcatamente l'italiano) Nò a qui dentro non si è fatto vedere! Ti starà dastare nell'occhio del Pavaglione...

TIZIANA # (Ridendo) Ridicola... sei ridicola mammy! (Si dirige dietro il banco e va ad armeggiare nel cassetto dei soldi)

Prendo 30.000. Sai devo andare al Baccarà a ballare e non posso fare certamente la figura della squattrinata. Tu mi capisci, vero?

VANDA # Nèca se an capèss, a farò cont d'capì l'istèss...

TIZIANA # (Dirigendosi verso l'uscita) Non verrò a cena stasera, andremo al Pub e mangeremo qualcosa tutti insieme. Se per caso Gimmy viene qui digli che mi sono rotta di aspettarlo e che sono al Baccarà! Salutami pappy, l'altro brontasauro...!!! (Esce)

VANDA # (Scuotendo la testa e rivolta al pubblico) Fai pu stugiè, i fiul, mandi a l'universitè... dopp it trata a 'sta manira... Quand che u j èra mènca instruzion forsi u j èra piò èducazion... Cosa ala dètt che a sèn mè e Pompeo? Boh!!

GINO # Ecco fatto... questa l'è la cièv!

MIRELLA # Grazie...

GINO # (A Vanda) A possia lavèm al man?

VANDA # (Indicando fuori scena a sinistra dell'arcata) L'è a là... u j è nèca 'e savon...

GINO # (Esce)

LUCA # (Sarà vestito con tuta da ginnastica coi colori del Milan ed avrà attorno al collo una fascia rossonera anche questa coi colori del Milan. Si dirige verso il banco e si rivolge a Vanda) Am dasiv un pachèt ad caramèll, par piasè...

VANDA # (Consegnando il pacchetto di caramelle) Ecco fatto!

LUCA # E pèga babo...

VANDA # E chi èl tu pè?

LUCA # Mo sè, l'è pù Ottavio, che fantic d'la Juventus...!!!

VANDA # Ah! Va bè!

LUCA # Grazie... av salut. (Al pubblico) FORZA MILAN!!! (Esce)

MIRELLA # (Mentre Gino è a lavarsi le mani trae dalla borsetta del danaro, ma esita incerta non sapendo come comportarsi)

GINO # (Rientra. Si mette a posto le maniche della camicia e poi rivolto a Mirella) Adèss parò l'an s'pò brisa aviè listess...

MIRELLA # Parchè?

GINO # Parchè l'ha scargh ad posta la battarèja! 'E bsogna che qualcadon u j dèga un spinton...

MIRELLA # U j è pù tanta zènt da dla!

GINO # (Continuando a mettersi in ordine) Sè, parò u j è la partida... a crid che ormai 'e sèja fini 'e prèm tèmp...

cl'aspèta quèlch minut... (Si infila la giacca, accomoda il fazzoletto nel taschino e, guardandosi in uno specchietto, si ravvia i capelli con un pettinino che trae di tasca)

MIRELLA # Bene... e adèss ch'um dèga quant...

GINO # (Alzando le spalle con noncuranza) Gnit, sgnora!

MIRELLA # Ma parchè? Lo l'ha lavurè, e mè...

GINO # Una sciucchezza. L'è 'stè un lavor da gnit, 5 minut e sciao...

MIRELLA # Lò um ha amasè la macchina...

GINO # (Sorridendo) Cosa a vola dèmm, sgnora... A j ho mèss sol un pò d'nastar isulant...

MIRELLA # Se mè a foss avnuda in t'la su ufizzèna lò um avrèbb fatt paghè!

GINO # A què an sèn miga in tl'uffizèina...

MIRELLA # E pù incù l'è la dmènga...!!!

GINO # Giosta!!! A la dmènga o un s'lavora brisa o sinò us lavora gratis...

MIRELLA # Mè am sènt in obbligh... Alora a fèzz mè (Aprendo la borsetta)

GINO # (Seccamente) A j ho dètt d'nò! E cla sèra sobit cla bursa!

MIRELLA # (Colpita dal tono di Gino) Cum scusa, an avlèva brisa ufèndal...  Allora sol grazie...??

GINO # Ecco 'e basta quèst.

MIRELLA # Lò l'è 'stè acsè gèntil cun mè...

GINO # Parchè a j dal acsè fastidi?

MIRELLA # An avlèva dì quèst, mè avlèva sol contracambiè.

GINO # Cun di bajocch...? I piasè in's pèga miga... Se propi l'as sènt in obbligh... ecco cl'am offra un caffè...

MIRELLA # (Disorientata) Un caffè?

GINO # Sè un caffè... un và brisa bèn?

MIRELLA # Sicura, sicura...

MIRELLA # (Rivolta a Pompeo) Che zovan, due caffè... e mi raccomando, speciali!

POMPEO # (Esterefatto) D'scors èl maj quèst... i mi caffè j è sèmpar spècièl!

GINO # A vola t'ul in pì...

MIRELLA # (Disorientata) Cosa?

GINO # E' caffè! Oppure as mitègna insdè?

MIRELLA # Coma che 'e vò lò...

GINO # Sl'ha di problemi al tulèn in pì...

MIRELLA # 'E scherzarà! Mitès insdè! (Siedono ad un tavolino. Gino ha un attimo di esitazione poi si siede di fronte a Mirella)

GINO # Intant 'e bsogna che aspitègna che finèssa 'e prèm tèmp par avdè se qualcadon u j pò dè una man...

MIRELLA # Ecco... propri acsè... (Un momento di imbarazzo. Pompeo serve i due caffè) Se 'e vò quèlca ètra cosa... un liquore, dal past...

GINO # A sò a post acsè, grazie! (Un altro momento di silenzio imbarazzato. Dalla sala TV escono gli avventori che hanno assistito alla partita)

OTTAVIO # Avèn zughè in dis... Donadoni l'è cumpagna che un èva zughè... 'stà gran mèzz'èla!

POMPEO # A vut scumèttar che se invèzi ad zughè in tè Milan e zughèss in t'la Juvèntus, t'an dirèss brisa acsè!

NANDO #  T'an vì che t'ci sol un fanatic 'e basta!

OTTAVIO # L'av brusa, mo a stasì a lè, t'è voja!!!

TUTTI # (Incalzanti) FANATIC!!!!

OTTAVIO # (Alquanto violento) E vò an capì gnitt ad calcio!

RENZO # (Gli amici a gesti continuano la discussione di prima sino a quando) Pompeo, dam una bèra par piasè! Parò am aracmand cl'an seja nè tropa chèlda nè tropa giazèda... quèla che t'ha mè purtè prèma l'era trop giazèda... e dì che am sèva racmandè...!

POMPEO # (Rivolto a Vanda e alquanto insofferente. Sbuffando) Vanda, dam una bèrra par Renzo. (Fra sè) Osta ad chitara, l'ha nì và mai bèn! E pù u l'ha da smèttar...!!! (Prende il bicchiere di birra che Vanda gli avrà preparato e rivolto a Renzo) Ecco la bèrra... adèss l'è giazèda... Ogni tant taj mètt un did in dèntar (Esegue materialmente l'operazione col proprio dito nel bicchiere che servirà a Renzo) acsè... e quand cl'ha và bn t'at la biv... A segna a post acsè! E smètla d'rompum al devuzion, a sègna intis!

fine primo atto

secondo atto

POMPEO # (Riprende la scena della chiusura del primo atto. Gli avventori, ovvero Ottavio, Nando, Renzo e Tino stanno  ancora discutendo animatamente sul primo tempo della partita. Renzo sta bevendo una birra) Parò se a là d'ad dnènz a j avèssum ancora un Gigi Riva a farèssum mènca fadiga a fè gol... Ciò, ha l'aviv vèst Graziani? E purèn 'e fà cumpassion... un ha piò al gamb...

OTTAVIO # Beh! Quèll cosa a vol dì. T'è pù una gamba "gigia" nèca tè e pù 'stè bèn l'istèss!

POMPEO # (Che non ha ben capito) Una gamba gigia mè?

RENZO # (Anche gli altri si uniscono alla considerazione con commenti e gesti) Osta! Ta l'è, eccome!

OTTAVIO # (Insinuante) Sè, la gamba da mèzz...

POMPEO # (Che finalmente ha capito. Risentito) Ohi, dico, scherziamo! (Sbattendosi la mano sul petto) Mè a sò ancora un aglion...!!!

TINO # (Con ilarità) Vanda, èl'a vera che Pompeo l'ha una gamba gigia?

VANDA # (Con intenzione di difendere il marito) Al vostar a gli è sol malignitè, 'e basta! Pompeo a l'è pètt l'è ancora un zuvnot!

RENZO # Ciò Pompeo, chissà cosa che ut gosta quèll cla dètt tu moj! Par mè ut tuccarà d'paghej un vstì nov! (Ridono tutti)

POMPEO # (A Vanda, non sentito) Brèva Vanda. Us fà acsè a difendar 'e marè dnènz a j amigh.

VANDA # (A sua volta non sentita) Parò i tu amigh j ha rason!

POMPEO # (Zittendola) Ststst...!!! 'Sta bona... 'sta bona. Non fèt sintì (Premuroso ed avvolgente) At pègh un bèll 'vsti nov! Ststst... Stà bona, par l'amor di Dio! (Al pubblico) Sinò chi èl che us sèlva piò...

OTTAVIO # Alora... 'Ste grand'Donadoni...?

TUTTI # (Reazione insofferente da parte di tutti. A soggetto) Uffa! Osta coma t'ci pèss! Mo alora t'ci propi fissè!

TINO # (Rivolto ad Ottavio) Sei patetico... Valà Pompeo, par piasè, dam un curnètt frèsch!

POMPEO # Sobit! (Fra sè) E fà bèn a tuj frèsch parchè quji chèld un ha magari a basta in t'la tèsta...!!! (Sorpreso in ritardo per la consumazione di Tino e rivolto al pubblico) Cosa? A n'ì poss crèdar, Tino che 'e tò un curnètt? E mi Signor! E và a finì che 'e tira 'e taramott!!! (A Tino) Hoja capì bèn! T'è urdinè un curnètt...?

TINO # Sè, parchè?

POMPEO # Gnit... An sèra sicur d'avè capì bèn!

TINO # Parò avrèbb a chèra t'a mè sarvèss cun la papalina in t'la tèsta coma che i fà a Bulogna. A l'è sè che j è bar seri, miga a què! (Rivolto agli altri avventori) 'El a vèra burdèll?

RENZO # Alora pù 'e srèbb un barèsta sèri!

NANDO #  L'è una vargogna!

RENZO # Mo ad straza ad bar èl nèca quèst...

OTTAVIO # Mo pinsij un attum! Coma a farèbbal a purtè la papalina! Pompeo l'è amasè cumpagna al donn, l'è sènza tèsta...

POMPEO # Mè a sò senza testa?

OTTAVIO # Apinsendi bèn, t'a l'è una cosa a lè ataca al spall ma l'è disabitèda!

POMPEO # (Reagendo alquanto irato e piccato) T'ci disabitè tè! La papalina al sò mè in dò che a vl'avì da mèttar! E

smitila ad rompar al scatal parche a què a sèn a Lugh, da Pompeo, e a fègh quèll cum pè, as sègna intis!

VANDA # (Rivolta a Pompeo) Cosa a fètt tè, quèll che ut pè? A te dègg mè!!

POMPEO # (Rivolto agli amici) Forza burdèll andè mò d'ad là che 'e taca e sgnod tèmp... (Escono tutti continuando nelle loro discussioni e nelle prese in giro.) Và a finì che a scapozz e am sciènt una gamba, sicur garantì!!! (Ripensando) E pù a mè la papalina in t'la tèsta in è brisa bon ad fèmla purtè! (Dopo poco si ricomincia a risentire la telecronaca della partita)

GINO # Lì, la n'è miga ad Lugh...!?!?

MIRELLA # Nò, a sò ad Ravènna... An sò gnèca coma che mè a seja capitèda a què... A sèra in cà da par mè... Alora a i ho pinsè d'andè a fè un zir in macchina... l'è un dè bèllessum... A j ho ciap la prèma strè che um è capitè e... via! (Imbarazzata) Propi acsè... (Un momento di silenzio imbarazzato).

GINO # Forsi lì la pinsarà che mè a seja 'stè un pò tropp sfazè...

MIRELLA # (Sorridendo) E parchè? Par avèm cmandè un caffè?

GINO # Non sol par 'e caffè... a j ho cmandè d'mèttas a què insdè cun mè, cumpagna che a fossum dò parson ch'al s'cnioss...

MIRELLA # Be', cosa a j èl ad mèll?

GINO # An dègh che u j sèja qualquèll ad mèll... parò se u l'avdèss un qualcadon... an crid che 'e srèbb tant dacord... Lì... una sgnora e mè... un povar uparèri...

MIRELLA # Ma cosa a vàl a pinsè?...

GINO # Lì adèss la diss acsè, la n'ì dà anciona im­purtènza parchè l'ha bsogn ad sdebitès cun mè, la vò èssar gèntila... mo la diffarènza la j è, eccome!

MIRELLA # Parchè pù a disal acsè?

GINO # Parchè a pèns che i sgnor j ha da fè i sgnur, e j upareri j ha da fè j upareri! Se nò la nè miga giosta! Par èsèmpi una sgnora cumpagna lì...

MIRELLA # (Interrompendolo) Parchè a disal sèmpar una sgnora cumpagna mè? Cosa a sal lò...?

GINO # Us capèss sobit che lì l'è una vera sgnora...

MIRELLA # Ah sè? E da cosa?

GINO # Da 'e purtamènt... da cl'anèll cl'ha a 'e did e gustarà un occh d'la testa...

MIRELLA # E putrèbb èssar fèls!

GINO # An crid brisa! Lì l'ha n'è brisa un tip da purtè roba fèlsa! (Le prende la mano per ammirare meglio l'anello)

Mè an putrèbb mai parmèttum ad règalèjal...

MIRELLA # (Ritraendo la mano) Ma 'e su lavor ad mèccanich...?

GINO # (Convinto) Am sò strach ad fè 'e mèccanich! Us fa tropa fadiga e pu un gnè suddisfazion!

NELLA # (Entra dalla comune. Sarà volutamente provocatrice in tutta la sua figura, in tutti i suoi atteggia­menti ed in tutte le sue movenze di scena. Era la donna di Maurizio. Una volta entrata si arresta sulla porta di ingresso. Osserva la nuova sistemazione del bar, poi rivolta a Vanda) Meno male che avì rimudernè un pò a què dèntar! L'era ora! (Vanda la inquadra dall'alto in basso) Bèh! Cosa aviv da guardèm. A sò mè, la Nella, an um cniunsì piò...!!! (Nel momento in cui pronuncia la parola Nella Elide avrà un sussulto e volgerà lo sguardo verso Maurizio che invece continuerà imperterrito nei suoi solitari)

VANDA # (Con entusiasmo) Mo a sit propi tè Nella? (La squadra meglio e sembra raffreddarsi alquanto nel vederla vestita in quella maniera. Alquanto imbarazzata) Mo quand a sit turnèda? An t'avèva piò vèsta?

NELLA # (Sempre sprezzante, e questa sarà una costante) A sò turnèda a ir sèra... e, dgì sò, cl'ant­icaglia ad vostar marè, ad fèn al fatt? 'El ancora a 'e mond?

VANDA # 'Et vèst, u j è nèca Maurizio!

NELLA # (Guardando verso lui) Al sò, a sò avnuda a posta par avdèl... (Ridendo sguiaiatamente) a voi avdè la faza cla che quaion che mor ancora drì a mè... a n'al mèss insè di quattrèn? Parchè se un ha, a in chèv la voja d'stè insèn cun mè...

VANDA # Ma... coma a stèt?

NELLA # (Allegra ma fondamentalmente amara) A stègh drètta... Fura che quand che a lavur che a stègh stuglèda... (Ride)

VANDA # (Esterefatta dopo una piccola pausa) ... A vleva dì ad salut, coma a stèt?

NELLA # Quand cla và mèll, cla vèga acsè...!!! (Ridendo sguaiatamente) Osta coma ca vsì invcièda... Cosa èli toti quanti cal rugh che ha j avì in t'la faza? An putì andè un pò da l'èstetèsta? (Ride di nuovo sguaiatamente. Nota che Vanda la guarda in maniera allucinata) Bhè cosa aviv pù da guardèm... A sò la Nella! (Altro tono) Brisa la Nella ad dù ènn fà... quèlla a l'ho scanzlèda, l'era la mi brota copia! A sò mè Vanda! Parchè an dgì piò gnitt? (Ridendo ancora sguiatamente) A j ho capì... a scurì mej cun j occ.

VANDA # (Quasi implorante) Ma Nella coma at sit ardota?

NELLA # Coma ch'am sò ardota mè? L'è mej che av guardiva d'atoran vò piotost... A sì armasta sèmpar prècisa, e am scumètt che a cuntinuì a fè la solita vita nuiosa e monotona da zinquant'ènn in quà... U j vò d'iniziativa... 'e bsogna sèmpar zarchè dagli emuzion novi, sinò la dvènta troppa piatta... 'sta vitaza... dasim un wisky...!

VANDA # (Comincia a preparare quanto ordinato da Nella)

NELLA # (Si guarda intorno) 'E solit bar! Cun la solita zintaza! (Accennando a Mirella) E quèla chi èla? Una d'alto bordo? A lavorla a què? (Accennando a Gino) E lò, èl 'e su magnaza? (Volgendo lo sguardo verso Sogno e quasi con disprezzo) A là, u j è lò... e cl'ètra cl'è cun lò, chi èla? L'am sta guardènd in t'una fata manira, cla pè che l'am stèga smanènd... parò d'ad dèntar... Chi èla?

VANDA # (Serve il wisky) L'è ona ad passag... L'è un tip un pò stran...

NELLA # (Bevendo tutto d'un fiato e con gusto) Sl'è par quèll nèca mè am trati cumpagna un tip un pò stran...

VANDA # Nella t'an sì piò quèla che mè a cniunseva...

NELLA # (Forzatamente convinta e convincente) Vanda questa l'è la vita! Mo vò an putì brisa capì. Ma dgì sò che brutori ad vostar marè, ad fèn al fatt?

VANDA # Adèss a t'è cièm. (Esce da dietro il banco per andare a chiamare POMPEO # che è in sala TV e nel passare davanti al tavolo di Maurizio avrà un'occhiata di commiserazione. Giunta in prossimità dell'arco) Pompeo. Va là Pompeo, ven d'quà, par piasè...

POMPEO # (Entrando preoccupato) Cosa èl suzzèst ad grèv, t'an 'e brisa rugiè sgond 'e tu solit e t'è dètt par piasè?

VANDA # Guèrda chi ch'j è!

POMPEO # (Esterefatto) Ma nò, la Nella!?!? (Le si avvicina seguito da Vanda che riprenderà il suo posto dietro al banco) Ciao Nella...

NELLA # (Sarà la prima volta in cui abbasserà gli occhi) Av salut Pompeo... (Li rialza quasi subito ma tale movimento dovrà essere ben visto dagli spettatori riprenderà ad essere volgare e mollerà una manata sulle spalle di Pompeo il quale rischierà di cadere per la pesantezza del colpo) Coma a bottla? Sèmpar stramèzz a ì caffè, al bibit e a j liquori? Avì armast la faza da barèsta!

POMPEO # (Quasi d'istinto) La faza da barèsta?

NELLA # A sì tott pracis... E pè ch'aviva la targa in t'la front! Mè a j cnioss da la faza... L'è 'e mi divartimènt... Am dègh, ecco quèst 'e fà 'e barèsta, quèst l'è un impieghè, quèst l'è un uparèrì... E an um sbèli miga!

POMPEO # (Toccandosi il volto, esterefatto, ma con voce dimessa) Da la faza...

NELLA # A j avì dal fazz sbiavdi, cun una pèll cla pè cota da la luzz di neon... Adoss a j avì l'udor da fom che uv imprègna tott!

POMPEO # (Scuote la testa sconsolato)

NELLA # E pu in bisaca sol chèrt da 1.000 frènch, di bajocch intir mai! A j tulì sò, a manaza, d'in tè casètt. Parò i và bèn nèca quij.

POMPEO # Ma Nella...?!?!

NELLA # E smitila d'fè 'e puritan, al cumegg al s'fà in te pelcscènic! Intignamod al savivia bènessum cosa che am sèva mèssa a fè! (Scorgendo Pompeo che guarda verso Maurizio) A l'ho vèst... a l'ho vèst... (Si incammina, con la camminata classica delle donne di strada, verso il tavolo di Maurizio. Elide a questo punto si alzerà dal tavolo e si siederà ad un tavolo vicino. Pompeo e Vanda, esterefatti, alterneranno commenti non sentiti dal pubblico ed occhiate verso il punto ove si svolgerà la scena.)

POMPEO # Mè, Vanda a vègh avdè un pò ad partida... (Esce)

NELLA # (Con tono quasi violento) Bèh! Un's saluta piò? (Provocatrice) Dai guèrdum... e guèrdum donca! A sò la tu Nella... la tu NELLA # (Ride sguaiatamente)

MAURIZIO # (Mostra le carte senza alzare la testa) La mi dona l'è a què!

NELLA # (C.S.) Mo alora j ha propi rason che t'ci andè zò ad tèsta... (Da ora in avanti sarà un cresecendo continuo sino all'esplosione finale) par mè...!?!? Mo guèrdum donca... guerdla la tu Nella! T'ha l'è capì, èl a vera, cosa che am sò mèssa a fè... Vanda, un ètar wisky! (Vanda lo prepara e Nella si avvicina al banco per prenderlo. Poi ritorna versa Maurizio e d'in piedi si china verso il suo viso. Beve sempre avidamente, come prima, il wisky) " Dai bèl moro.. lo vuoi un pò d'amore. Vieni nelle braccia della tua Nella, ti farò volare!" (Riprende la posizione eretta. Ridendo e recitando) Vanda, dasiman un ètar! (C.S.) T'ha nè brisa la machina? T'an avrè miga ancora cla vecia biciclitaza d'allora...!?! Un importa ANDREN A CA MI, CUN LA MI MACHINA (NDR ove è in maiuscolo e sottilineato andrà rimarcato molte bene ed in maniera efficace) Cosa am guèrdat! (Maurizio non la guarderà) Sè! A cà mi! A cà mì!!! Am sò cumpreda la cà... L'è indispensabila par 'e mi lavor, l'è cumpagna la macchina par un rapprèsentant (Ridendo) E non a rate! Se a pèns che alora as simia ardott a cumprè parsèna i sogn a rate!!! (Nella si siede vicino a Maurizio) Ma scor.. dì qualquèll... reagèss... non fè coma alora, che t'an mè gnèca zarchèda... dai.. guèrdam in t'la faza... dam una sciafa, l'am putrèbb fè mènch mèll che 'ste tu silènzi... e damla... (Urlando)  Damla... (Si pone col viso a sfida)

MAURIZIO # (Alza la testa e la guarda con dolcezza poi lentamente l'accarezza sulla guancia) T'an sì mai stèda bona ad dèla d'intèndar... e gnèca stavolta!

NELLA # (Dopo averlo fissato abbastanza a lungo in volto, scoppia in un pianto irrefrenabile. Maurizio  estrae il fazzoletto da naso, le prende il viso fra le mani e le asciuga le lacrime. Nella accarezzerà le mani di Maurizio, poi con dolcezza) A sò turnèda, èt vèst? Et vèst, coma che am sò ardota? Chèran da mazèll... A valeval propi la pèna perdar la testa par ouna cumpagna mè?

MAURIZIO # (Sorridente) I dis che a sò amalè... mo mè a sò che la mi midgèina t'ci tè... sol tè!

NELLA # Nò... un è pussèbil... a t'ho zà fatt tropp mèll... E pù cosa a dirèbla la zènt... t'al sè l'è cativa!

MIRELLA # (Continuando il discorso)  Alora cosa avrèbal fè in t'è post de meccanich?

GINO # Un lavor che me a putèss zirè 'e mond... A vedla mè a cnioss e a ciacher trè léngh...

MIRELLA # (Sorpresa) Trè léngh? Propi? E in dò a gli al imparèdi?

GINO # Se mè a j a dègg, lì l'ha ni crèd brisa... a lètt!

MIRELLA # A lètt?

GINO # Sè, cun al turèsti stranieri!

MIRELLA # Caspita! L'è una scola un pò particulèra...

GINO # Cosa a vola, a gli avvèntur adèss a gli è piò fazili d'una volta. Al donn an s'fa brisa preghè tant! Che an scurègna pu dagli ètrar...

MIRELLA # Quèli ètar?

GINO # Quèli ch'al n'è piò tant zovni, sè insomma... un pò anzianoti, stasunèdi... Be' ad quèlli l'è basta avlen! U j è pù dal tardon... (Si interrompe accorgendosi di aver fatto una gaffe) Oh, cl'am scusa...

MIRELLA # (Sorridendo) Che vèga pu avanti...

GINO # (Imbarazzato) An avrèbb che li la pinsèss che mè...

MIRELLA # Ma nò! Che stèga tranquèll! Mè an pèns a gnitt! Avanti ch'um intèressa... Alora al tardon?

GINO # (Sempre più imbarazzato) Mè a scureva acsè in gènèrèl... a scurava dagli ètrar... cioè avleva dì... lì l'an gnètra... lì l'è ancora una bèla dona... zovna... am scumètt cl'ha...

MIRELLA # (Interrompendolo con gesto evasivo) Lassèn perdar cl'è mej! (Accennando all'arcata di sinistra) Ad pont a srala la partida?

GINO # L'è finì 'e prèm tèmp. J è turnè tott da d'la nèca!

MIRELLA # E quand?

GINO # Prèma... l'an s'nè brisa adèda...

MIRELLA # Nò, a n'j ho brisa fatt chès. A stasimia scurènd. Parchè un um l'ha dètt?

GINO # Parchè se a j a dgèva, lì la s'avièva sobit...

MIRELLA # Us capèss ch'am avièva. E adèss coma a fasègna par chichè la machina?

GINO # Cl'ans prèoccupa... U j è pu dl'ètra zènt...

NELLA # Vanda, par piasè, un wisky!

MAURIZIO # E parchè, Nella?

NELLA # (Continuando sempre ad essere dolce) Parchè? Parchè? A j hal da èssar sèmpar un parchè in t'la vita? (Ridendo amaramente e non in maniera sguaiata come prima) La vita! A j ho sintù, in t'una cumegia, che forsi 'e vèl la pèna ad vivla. 'El pù vera? Chi lo sà! Forsi a sè nou che, tanti volti, a fasèn dvintè i quèll piò grand ad quèll ch'i n'è... (Ponendosi la domanda) Ma cosa èla la vita? (Guardandolo in faccia) Al sèt cosa cl'è? L'è una granda frèghèda, 'e basta! (Quasi allegra) Ma al sètt da quant tèmp ch'an faseva piò 'sti rasunament? An um arculd gnèca! (Vanda servirà il wisky e Nella berrà non più avidamente come prima ma vuoterà il bicchiere in 4 o 5 sorsate) Fatt schiv!!! Vanda, par piasè, purtim la bocia!

MAURIZIO # T'ha nè dètt che è fa schiv?

NELLA # L'è la vita cl'ha fà schiv, non 'e wisky!

MAURIZIO # E a m'èt mai pinsè?

NELLA # Quanti volt a j ho zarchè d'anghèt e d'anghèm in t'alcool, mo tè t'avnivtia sèmpar a gala. Ecco forsi tè d'ci la mi cusciènza!

MAURIZIO # L'è bèll, quèst, Nella, l'è bèll!

NELLA # Ah! l'è bèll, d'dì tè!

MAURIZIO # A crid che sèja amor...!

NELLA # (Vanda servirà la bottiglia di wisky. Nella ne verserà un pò nel bicchiere ma non lo berrà e terrà il bicchiere stretto fra le mani. Dopo un attimo di imbarazzo)

MAURIZIO # Nella, mè a j ho bsogn ad tè...

NELLA # Nò! An poss fè gnitt mè, par tè! Tè t'ha mè da cavè da la tèsta... Da adèss in avanti mè par tè an ho piò da èsestar. (Forte e cercando di essere convincente) T'ha mè da scanzlè da què! (Indicando la testa e toccandogliela)

MAURIZIO # (Indicando il cuore) E da què?

NELLA # (Guarda Sogno perplessa, con lo sguardo perso nel vuoto. Una pausa significativa. Va per bere quanto versato nel bicchiere che sino ad ora avrà tenuto fra le mani)

MAURIZIO # (Prenderà dalle mani di Nella il bicchiere ed unitamente alla bottiglia del wisky e le carte, dopo averle raccolte dal tavolo, si alza e si avvicina al banco ove sta Vanda) Ecco Vanda, tulì. (Porgendo la bottiglia e il bicchiere) Quèsta, forsi, l'an sèruv piò. Mitila in t'è mi cont... a v'è pagarò pù quand ch'a j avrò i quatrèn. Purtì pazènzia... A sì sèmpar stèda bona insèn cun mè, e nèca Pompeo..! 'E... nèca questi (Le consegna il mazzo di carte) A n'ho piò bsogn d'drughèm! (Si avvicina al tavolo, fa alzare Nella e accompagnando la si avvia verso l'uscita, nel passare davanti al tavolo di Elide le si rivolge) Arrivederci sgnora... E auguri par la vostra cumegia... An sò se a putrèssuv cuntè 'sta storia... caso mai cla v'intèresa...

ELIDE # E parchè nò?

MAURIZIO # Parchè l'an fà brisa ridar... e invezi la zènt la vò ridar, sol ridar... (Ridendo a squarciagola) Ridar... sèmpar ridar... (Esce. Elide comincerà a prendere appunti sui fogli che in precedenza le aveva portato Pompeo)

MIRELLA # (Contrariata guardando l'orologio al polso) Osta, sl'è tèrd!

GINO # Parchè ala prissia?

MIRELLA # A j ho da turnè a cà... A sò za in riterd! U m'ha dètt che 'e srèbb avnù in t'al zènq...

GINO # 'El andè a la partida...

MIRELLA # Macchè partida... (Evasiva) L'aveva una riunion d'afferi!

GINO # Afferi... a la dmènga!

MIRELLA # Tott i dè sèmpar acsè... riunion, riunion, riunion... (Rivolgendosi alla barista) Un gettone per piacere! (Continuando a parlare mentre prende il gettone, va al telefono e compone un numero) L'è mej che a j tèlèfuna, quand ch'a m'avej in  macchina l'è sèmpar preoccupè. (Parlando al telefono) Pronto? Ah, sei tu Giuliana? E' già arrivato Carlo? Come?... Perchè... Come?... Nemmeno a  cena?... Ho capito, tornerà stanotte tardi! Non lo sò... forse vado da Maria Rita... Va bene... Buonasera Giuliana. (Riattacca il ricevitore)

GINO # (Ha seguito attento la telefonata) Su marè un gnè brisa?

MIRELLA # (Evasiva e volutamente provocante) E chi cal dis che 'e sèja mi marè?... 'E farà tèrd nèca stasèra, la riunion...

GINO # L'ha da èssar una parsona in vèsta...

MIRELLA # (Evasivamente) Sè...

GINO # Zà, ad cal parson che a la dmènga a gli ha sèmpar dal riunion impurtanti... Un srà miga un industrièl?

MIRELLA # (Evasiva) Una specie...

GINO # (Allusivo) E a la dmènga...

MIRELLA # (Alterata) E parchè am fall toti 'stal dmand. Cosa a j importal a lò cosa che fà... (Cerca di essere convincente ma non lo è) mi marè... e dal su riunion...

GINO # Oh gnitt! A dmandeva acsè. Se la vò la pò nèca non arspundum... anzi cl'am scusa se am sò parmèss.

POMPEO # (Rientra, nota con stupore che Nella e Maurizio non ci sono più, poi rivolto alla moglie sottovoce ed indicando il tavolo ove erano i due) Beh! A sej aviè?

VANDA # I s'è aviè...

POMPEO # (Interrogativamente) E allora?

VANDA # (Insofferente anche per scaricare la tensione accumulata) Allora chè? Allora, sempar allora? Is vò bèn, t'ha n'j 'e vèst? In pò 'stè oun sènza d'cl'ètar...

POMPEO # (Rivolto al pubblico) Quèst mè ha l'aveva zà capì.. 'e bsugnèva cla mè dgèss lì... la braghira! (Avvicinandosi ad Elide che sta scrivendo voracemente su dei fogli) Lì, che la vò scrivar una cumegia, quèsta l'an putrèbb èssar una bèla storia da cuntè?

ELIDE # E se mè a scrivèss una cumegia cla cuntèss una storia cumpagna quèsta, a credal che una quèlca cumpagneja la mè putrèbb purtè in scena?

POMPEO # (Convinto) E parchè no!

ELIDE # (Fortemente) Nò!!! Al nostar cumpagnej al vò sol di cupion che i fèza ridar, dal fèrs!

POMPEO # A crid propi cl'èva rason! (Evasivo) Al sala cla j è, nèca què a Lugh una cumpagneja dialèttèla...? (Convinto) Parò quèla, par mè, l'è sol una cumpagnèja d'mètt!!! (Evasivo) I fà d'la fata roba...!!! La pè quèsi d'fantasciènza... E pù mè an j capèss gnitt!

ELIDE # (Fortemente) Ad quèll che 'e suzzèd in t'è mond, di problèma ad tott i dè, di sèntimènt d'una parsona, la zènt propri las n'infrèga... quand cla và a tèatar la vò ridar. Las vò passè do or sènza pinsè a gnitt! I pè tant strozz che j mètt la tèsta sota la sabbia par non avdè... La cumpagneja l'è brèva e 'e cupion l'è bèll soll se 'e fa ridar... l'è quèst 'e mètar! (Amara) Un mètar un pò curt. (Dubbiosa) Ma lò che pènsa un atum a 'e Teatar Vènat, a quèll Napulètan j è cniunsù in tott 'e mond? Parchè? A s'èl maj cmandè lò 'e parchè?

POMPEO # (La guarda in maniera interrogativa) Mè nò!

ELIDE # Parchè l'è un tèatar universèl... UNIVERSEL!!! Parchè 'e porta in scena la vita 'e i su parsunègg. Ecco in dò cl'è la difarènza!

POMPEO # (Minimizzando) La srà coma cla dis lì... mè am n'intènd poch! (Convinto) Mè a sò sol che quand che a vègh a avdè una cumegia in dialètt a voj ridar...

ELIDE # (Amara) Al sò... (Illuminata) Avì dètt che la cumpagnèja, a què, ad Lugh...

POMPEO # (Convinto e persuasivo) Cl'am dèga mènt a mè, cla lèssa pèrdar... J è un branch ad mètt, e da dil sènza sbaglièss!

ELIDE # (Prima pensierosa, poi ricomincia a scrivere alacremente. Rivolta a Pompeo) Ch'um dèga d'j ètar foj par piasè!

POMPEO # (Rivolto al pubblico) Cun tott che scrivar un j vèn miga mai sè... 'E Murazz, ha l'avrì pu cniunsù, nò! Quand che us rifereva a una parsona e dgèva " Quèll l'è matt! " E dasèva dè matt a tott! Quand parò che 'e scurèva ad Picaja, 'e mazlèr, u j dgèva " Quèll l'è matt, mo matt dad bon!" E fasèva la difarènza fra i mètt e j mètt da bon. (Scuotendo la testa) Quèsta l'è mata dad bon...!!! (Nel proseguio della scena successiva porterà ad Elide qualche altro foglio. Pompeo si gestirà lo stare in scena andando e venendo, a seconda delle necessità, dalla apertura della sala TV)

STEFANO # (Dal pubblico, si alza e ad alta voce. Si nota l'accento barese) Scusi signor Pompeo, mi darebbe una coca-cola?

POMPEO # (Esterefatto) Prego si accomodi, un è un bar quèst!

STEFANO # (Salendo dalla eventuale scala che sta davanti al proscenio oppure da un accesso possibile) Mi era proprio venuta sete!E poi questo non è teatro nel teatro e quindi...

POMPEO # Vanda una coca-cola par 'stè zuvnott che què!

VANDA # (Si accinge a prepararla) Pronti

POMPEO # Cum scusa ma lò un è miga da què...

STEFANO # Nò, sono di Bari... la conosce lei Bari?

POMPEO # Bari nò, però conosco Barletta... ho fatto il militare a Barletta però non è che l'abbia mai vista bene... ero sempre consegnato in caserma!

STEFANO # Sa come diciamo noi a Bari? Se Parigi avesse lu mare, sarebbe una piccola Bari

POMPEO # Um ha da scusè, sal, ma cosa a fal a què a teatar... u j è una cumegia in dialett rumagnoll...

STEFANO # Mi piace il vostro dialetto, è caldo, sì a volte un pò forte, è colorito, ha espressioni colorite e genuine. Amare i dialetti è un pò come amare le nostre origini, ma le più vere e genuine. Oltre al vostro dialetto mi piacciono le ragazze romagnole, il vostro mare, la cucina romagnola... insomma la Romagna tutta...

POMPEO # Coma mai èl a què da nou...?

STEFANO # Problemi di cuore...

POMPEO # (Prontamente) A sal da fè uparè...

STEFANO # Ma nò! Sono innamorato di una ragazza romagnola...

POMPEO # (Meravigliato) Ma guèrda cosa cum conta...

STEFANO # Sono proprio belle le vostre ragazze...

POMPEO # Cum scusa l'indiscrezion... ma coma a l'ala cniunsiuda?

STEFANO # A Rimini, in discoteca... sono venuto a ballare con degli amici... e non sono più andato via!

POMPEO # (Rivolto a Vanda) E bsugnarèbb che j andèss nèca mè in discoteca!

VANDA # A tl'a dègg mè la discoteca!

POMPEO # (Rivolto a Stefano) Questa l'è mi moi, la Vanda... la n'è miga cativa, l'è acsè!

STEFANO # (Parlando di Vanda) E' una donna invece molto simpatica e poi sono convinto che sia anche un'ottima cuoca...

POMPEO # A l'è pètt un gnè gnitt da dì! L'avrèbb da sintì al tajadèll e j caplètt cla fà...

STEFANO # I cappelletti sono proprio buoni, li ho mangiati anch'io... però le orecchiette e gli strascinètt cun le cim de rep, sono un'altra cosa... Scommetto che se li sente smetterà di mangiare i cappelletti. Le conosce lei?

POMPEO # Mè nò!

STEFANO # Vorrà dire che Vi inviterò a pranzo e vi farò prepare gli strascinètt da Gianna...

POMPEO # (Rivolto a Vanda) Cosa èj 'sti strachinètt?

VANDA # Boh!

POMPEO # Forse i srà i caplètt che j fà a là da lò...

STEFANO # (Chiedendo della partita) Posso andare a veder un pò di partita...

POMPEO # Prego... ch'us accomuda

GIANNA # (E' la fidanzata di Stefano. Entra dalla porta principale. Rivolta a Stefano) Mo guèrda in dò d'cti! Ta mè dètt che t'andivtia a teatar...

STEFANO # Perchè forse non sono a teatro... Vado a vedere come sta andando la partita...

GIANNA # Sbrigati perchè voglio andare a fare un giro...

POMPEO # (Rivolto a Gianna) Ah, bene. E quindi lì la srèbb la su mbrosa...

GIANNA # (Rivolta a Vanda) Am fala un caffè, par piasè...

POMPEO # (Meravigliato) Lì parò l'è rumagnola...

GIANNA # Parchè un sènt brisa!

POMPEO # Eccome che us sènt! L'ha ma da scusè... mo un gnì n'èra brisa a què da nou di ragèzz... propi da là zò l'al duvèva andè a tu.

GIANNA # Am sò innamureda... e pu l'è una gran bèll e bon ragazz!

VANDA # (Civettuola e sospirando) L'è propi un gran bèll zovan e sl'è nèca tant educhè!

POMPEO # (Rivolto a Vanda) Dopp a quèst l'è la volta che a j vègh nèca mè in discoteca!

GIANNA # (Dopo aver degustato il caffè) Adèss parò al vegh a ciamè, sinò us abandona sol ad avdè la partida e mè um trascura tropp... (Rivolta al lato ove è la sala TV) Stefano?!?!

STEFANO # (Entrando) Eccomi...

GIANNA # Andèn mò...

STEFANO # (Rivolto a Pompeo) Quant'è?

POMPEO # Scherzerà... miei ospiti!

STEFANO # L'ospitalità romagnola non si smentisce mai. Ripasserò uno di questi giorni e vi inviterò a mangiare gli strascninett... (Convincente) Guardate che non scherzo...

POMPEO # E nou avnèn (Rivolto a Vanda) Vera Vanda?

STEFANO # Qual'è il vostro giorno di chiusura?

POMPEO # Martedì...

STEFANO # Allora vada per martedì prossimo... Arrivederci...

GIANNA # Arrivederci (Escono entrambi salutati a loro volta da Pompeo e Vanda)

POMPEO # A sò propi curios ad magnè 'sti strachinètt... L'ha dètt che a smitarò ad magnè i caplètt... Oh e srà un pò fadiga...

RENZO # (Appare appena dall'arcata) Un'ètra bèra par piasè!

POMPEO # (Con intenzione) Coma a l'ha vut? Giazèda o chèlda...

RENZO # (Deciso) L'ha và bèn coma cl'è...!!!

POMPEO # (Soddisfatto) Oh! Guèrda mò cosa ch'u j avlèva par mèttal in riga. E tè voja..!!!

RENZO # (Esce)

GINO # (Vedendo che Mirella si guarda intorno) Ala bsogn ad qualquèll?

MIRELLA # (Cercando con lo sguardo il barista) Sè, a vlèva paghè 'e cont!

GINO # Mo adèss la's pò farmè ancora un pò...

MIRELLA # (Sorpresa) Farmèm... e parchè?

GINO # Acsè, tant par fè do ciacar...

MIRELLA # Um pè che dal ciacar ha n'avègna za fatt a basta! Ormai a n'avèn piò gnitt da diss... e pù um s'è fatt tèrd, a j ho da turnè a Ravènna. E pù un gnè anciona rason parchè mè...

GINO # E cosa a vala a fè, se un gnè ancion... Su... marè l'ha la riunion... Par piasè cl'a s'afirma ancora un mumènt, 'e tèmp ad tu qualquèll

MIRELLA # A j avèn za tolt un caffè...

GINO # Quèll l'ha la uffèrt lì! Adèss 'e toca a mè! Cosa a tola? Un liquore, un gelato, una bibita?

MIRELLA # Grazie, ma mè a sò a post acsè.

GINO # (Deluso) Propi gnitt?

MIRELLA # Be'... tant par non arfiutè... un ètar caffè.

GINO # Oh brava! Mo cla s'acomuda! (Al barista) Ragazzo, altri due caffè, speciali!

POMPEO # (Al pubblico) Mo alora i fà a posta! 'Sta d'avdè che a j tir in t'la tèsta... A sraj specièl a basta?

ELIDE # E a mè d'jètar foj par piasè...

POMPEO # (Rivolto al pubblico) L'ha ciap 'e mi bar par una cartulareja? (Cambiando tono) Subito!

GINO # (A Mirella) A vola sintì un pò d'musica?

MIRELLA # Musica?

GINO # (Indicando il mangianastri) A j ho di bèll nèstar! U j è la Mina, la Vanoni, Celentano, Paoli...

MIRELLA # Gino?!?!

GINO # Sè, cumpagna mè! A lì a j pièsla la musica? E d'balè a j pièsal?

MIRELLA # Oh sè, tant! Mo mi... marè...

GINO # (Allusivo) Al riunion...

MIRELLA # A gli ho pù za dètt... e su lavor...

GINO # (Allusivo) E dopp al riunion l'è stracch mort... Al sala che se lì l'an foss una sgnora e mè un povar uparèri, quèsi quèsi a l'invidarèbb a balè...

MIRELLA # (Sorpresa) A balè?

GINO # U j è un piò bèl lucalèn a què poch luntan... us ciama IL GATTO MORO... e u j è nèca un risturant... ecco a putrèssum andè a magnè e pu dopp fè du sèlt... 'e srèbb meraviglioss... (Invitante) A j andègna?

MIRELLA # No, grazie. Incu nò!

GINO # Un ètra volta? E quand?

MIRELLA # (Sorridendo evasiva) A nè sò! Se a s'incuntrarèn ancora. E pò capitè!

POMPEO # (Risponde al telefono che squilla) Pronto? Bar Pompeo. Come?... Un momento... adèss a sènt... (Rivolgendosi a Gino) Lò as cièmal Martelli?...

GINO # Sè!

POMPEO # (Indicandogli il telefono a muro) Il zèrca a 'e tèlèfun...

GINO # (A Mirella) Cl'am scusa un attum...

MIRELLA # Prego. (Mentre Gino parla al telefono Mirella paga con un biglietto da 10.000)

GINO # (Parlando al telefono) Pronto... Chi è?... (Contrariato) Be' allora... Sè, ma adèss an poss... nò, ha j ho da fè!... A s'avdrèn un ètar dè... Ma nò, at dègh che an poss brisa... Uffa quanti stori t'è da fè! A n'è sò!... A n'è so!... Oh... sènt un pò t'ha mè gounfi! Ciao!... (Riattacca il ricevitore mentre Pompeo da il resto a Mirella. Protestando) Nò! La sgnora la pèga sol du caffè, e rèst 'e tocca a mè!

MIRELLA # L'è l'istèss!

GINO # Nò, i pètt j è pètt!

POMPEO # (Dando il resto a Mirella) Allora du caffè j è 2.000 (A Gino) E lò du caffè e una coca-cola 4.500 (Si ode ancora squillare il telefono)

GINO # (A Pompeo che sta per rispondere) Sl'è ancora la dona ad prèma, che u j dèga che am sò aviè!

POMPEO # (Rispondendo al telefono) Pronto... Non c'è... è andato via... Sì... mi ha detto di dire che è andato via... propi adèss... Va bene ce lo dirò!... Non dubiti. (A Gino, riattacando il ricevitore) L'aspèta che a la ciamiva...

GINO # (Con un alzata di spalle) Va bè! Cl'aspèta pù! (Rivolto a Mirella) Al sala chi cl'è ch'um zarcheva?

MIRELLA # (Con ostentata indifferenza) No, Chi?

GINO # Una mi amiga. La m'aspitèva... A j aveva prumess d'andej!

MIRELLA # E parchè un i và?

GINO # (Galante) Parchè adèss an poss... A sò impignè cun lì!

MIRELLA # (Cascando dalle nuvole) Cun mè? E cosa a j entri mè in ti su apuntamènt?

GINO # (Galante) IL GATTO MORO... (Invitante) A j andegna?

MIRELLA # (Con finta irritazione) Par piasè, ch'un cmènza ancora. (Guardandosi in giro) Chi è ch'um aiuta a chichè la machina...?

GINO # Propi la vò... E pù adèss che a prinzipimia a fè un pò d'amicezia...

MIRELLA # (Scattando) Amicezia!?! Cosa a j èntral l'amicezia?

GINO # (Allusivo) Be'... avleva dì...

MIRELLA # (Seccamente) No, no! Un mument! Mitèn al coss in cièr! Lò um ha amasè la machina e pù, an sò parchè, un ha brisa avlù che mè al paghèss... um ha cmandè d'uffrij un caffè! E mè a gli ho uffèrt! Mo tott a què! Cosa a j èntral l'amicezia? Lò l'è abastanza intèlligènt da capì che 'sta parola l'ha n'ha brisa sèns fra nou!

GINO # Mè am cardèva che nèca a lì u j fasèss piasè... tant piò che l'ha m'ha lass spèrè...

MIRELLA # (Interrompendolo con vivacità) Sperè?!?!... Mè a j ho fatt sperè cosa?!... Nò, lò us sbaglia! Us sbaglia ad gross...

GINO # (Con un sorriso allusivo) Sè, sgnora, prèma... La sè za smenga?

MIRELLA # (Sbalordita) Prèma?!? Quand?!? Cosa a j hoja dètt prèma?!?

GINO # La m'ha dètt che se a s'incuntrarèn un'etra volta...

MIRELLA # (Alzando le spalle) A l'ho dètt acsè, tant par dì qualquèll... sènza anciona intenzion! Guèrda ad fati robb! (Si ferma come colpita da un improvviso sospetto) Oh, a scarzegna! Un avrà miga pinsè che mè a foss disposta... sè, insomma, che fra mè e lò.

GINO # (Candidamente) Be'... Sè...

MIRELLA # (Esterefatta) Sè!?! (Soffocando l'indignazione) E l'ha nèca e curagg ad dimal?

GINO # Lì l'ha m'l'ha cmandè... e mè a gli ho dètt!

MIRELLA # Grazie par la su sinzieritè! Ah doca mè, sgond lò... avanti che dèga tott... avanti... e nò, caro 'e mi bèll zovan, lò u s'è sbagliè!

GINO # (Abbassando il capo) A j ho capì... Cl'am scusa...

MIRELLA # (Nervosamente) La colpa l'è la mì che, par educazion, ha j ho dè un pò ad corda... ma coma a puteva immaginè un quèll de gènér... che invèzi d'instizim un vèn quèsi da ridar!

GINO # E và be', cla rida pù! Cla fèga quèll cla vò! Am sò sbagliè! Ha j ho pù cmandè scusa... (Un momento di silenzio. Gino non osa guardarla.)

MIRELLA # (Aprendo la borsa) Cum fèga 'e piasè ad dimm  quant cl'ha d'avè par la riparazion!

GINO # (Guardandola sorpreso) Ma... an simia dacord...

MIRELLA # No, no! L'è mèj évitè di malintis. A prèfèrèss paghè!

GINO # Adèss l'am vò umiliè?!?

MIRELLA # A n'ho anciona intenzion d'umilièla. Ma l'è mèj acsè... dopp a quèll ch'um ha dètt...

GINO # Sè! L'ha rason. L'è mej 'stè ognon a 'e su post... lì una sgnora e mè un upareri... Cl'am dèga quèll cla vò!

MIRELLA # Che dega lò!

GINO # 10.000... 'Eli tropi?

MIRELLA # No, no. ( Posa il biglietto sul tavolino)  Ecco...

GINO # (Intascando il danaro) Grazie. (Attimo di silenzio imbarazzato)

MIRELLA # Parò um ha da cavè una curiusitè: coma al putù pinsè... Coma a j èl putù avnì in t'la testa l'idea che mè..

GINO # (Stringendosi nelle spalle) Cosa a vola che a sèpa! La m'è avnuda...

MIRELLA # A j èl 'ste forsi un gèst, una parola da pèrt meja che u j èva fatt crèdar...

GINO # Ma nò! Gnitt! Am sò sbaglie! Lì l'ha dètt che la s'annuièva, alora a j ho cardù che... acsè, par la

nuvitè... tant par fè qualquèll divers da 'e solit... a putimia andè a magnè... fè du sèlt...

MIRELLA # U s'era za fatt tott 'e su programma!

GINO # E parchè nò! In fond cosa a j srèbbal 'stè ad mèll? Cosa a risghèvla?

MIRELLA # E l'era sicur che mè avrèbb azètè?

GINO # Propi sicur nò! Cun al donn un's spò mai essar sicur ad gnitt. A j ho pruvè. La m'è andèda mèll... pazènzia!

MIRELLA # E par avnì fura cun mè l'ha arnunziè a la su amiga?

GINO # Par forza! Ormai a sèra a moll... E pù quèla a la poss avdè quand che a voj. Invezi lì...

MIRELLA # (Incoraggaindolo) Invezi mè?

GINO # (Riprendendosi) Cla n'un fèga brisa scorar, sinò a finèss par dì da gli ètar sciucchèzz! E pù dopp magari l'as fà dò risèd cun al su amigi!... (Premuroso) A zarchèn qualcadon che us possa dè una man a chichè la su machina... (Rivolgendosi ai presenti) U j srèbb da chichè la machina d'la sgnora, par piasè ha j èl ancion che...

POMPEO # (A Gino) A sò pu a quà mè! Intignamod ch'jètar in avnirèbb d'sicur! Prego.. (Rivolto al pubblico) 'E busgnarèbb chichè lì, ètar chè la macchina...

MIRELLA # (Mentre esce rivolta a Vanda) Bongiorno sgnora!

VANDA # Arrivederci sgnora...! (Mirella, Pompeo, Gino escono)

GINO # (Esce seguito dagli altri. Si odono voci confuse venire da fuori. Gino da fuori scena) Metta la seconda, cavi il freno a mano... (Si ode il rumore del motore che si mette in moto e che sale su di giri per prendere poi un ritmo regolare. Gino assieme agli altri rientrano in scena)

POMPEO # (A Gino) La s'è avièda...

GINO # Zà! La s'è avièda...

POMPEO # (Strizzando l'occhio a Gino) Parò l'ha n'era miga mèll...

GINO # (Con un alzata di spalle) La n'era propi mèll... Us ved che mè cun al sgnori... Quant al dètt che a j ho da paghè?

POMPEO # 4.500 frènch!

GINO # Ecco... cum dèga 'e rèst... 'e nèca un gètton  par 'e tèlèfun.

POMPEO # A tèlèfonal a cla dona ad prèma?

GINO # Sè! Se un fà 'e schiop 'e fà la pistola... Mèj che gnitt!

POMPEO # Ecco e gètton! allora j è 4.700 frènch. (Mentre Pompeo conta il resto e lo mette sul tavolino, Gino va a telefonare)

GINO # Pronto,pronto... sè a sò mè... Be'... adèss a vègn... sè, am sò libarè... Un afferi... nò at spiegarò pù... A n'è sò... A t'lo pu za dètt che a vegn! Va bene... Ciao! (Riattacca il ricevitore e va a prendere il resto dal tavolino. Dopo qualche istante riappare all'ingresso Mirella. Gino che sta dirigendosi verso l'uscita s'arresta sorpreso vedendola)

MIRELLA # (Invitante ed allo stesso tempo imbarazzata) Um s'è ferum la macchina un'ètra volta!

GINO # A s'èl aviè 'e nastar isulant?

MIRELLA # (Evasiva) 'E nastar isulant? (Decisa) A crid propi d'no...

GINO # (Invitante) E... a vola che a vègna insèn cun lì?

MIRELLA # A crid propi d'sè! (Escono Mirella e Gino. Anche Pompeo esce per andare in sala TV)

VITTORIA # (Entra dalla comune quasi infacciandosi con Mirella e Gino. E' rossa in volto. Ha un abito, ancora imbastito, sulle braccia, qualche filo sul proprio abito e la tipica borsetta degli spilli. Rivolta a Vanda) 'Ela za finida la partida?

VANDA # A momènti! (Indicando il grembiule) Alora, Vittoria, ad pont a siv cun 'ste grimbialon?

VITTORIA # Ha j ho finì d'imbastil, a sò avnuda a posta par pruvèval... In dò as mitègna?

VANDA # A què! Adèss avnì a què, am cruvì... am chèv 'e vèc e am mètt quèst! (Questa scena si svolgerà a fianco del banco del bar e rivolta al pubblico. Vanda si toglierà il grembiule che indossa e sfoggerà una sottoveste abbastanza fru‑fru)

VITTORIA # (Meravigliata) Osta, Vanda, s'lè bèll 'stè sott'abit... in dò a l'aviv cumprè? (Nel frattempo Vittoria mette in prova il grembiule)

VANDA # (In un orecchio a Vittoria, ma in maniera di essere sentita benissimo dal pubblico) L'è un règal ad Pompeo. E pù miga sol quèst. U m'ha règalè nèca 'e body prècis... A l'ho zèrta roba l'ai fà piò èffett...

VITTORIA # Mo guèrda, guèrda in dò che 'sta l'asè forta!!! A voj pruvè nèca mè cun Tino, chissà ch'un conta qualquèll!

VANDA # (Convinta ed allusiva) Av garantèss cl'è un sistema che dà di bon risultèt... (Cambiando discorso) Alora coma andègna cun 'stè grimbialon? Un è che fèga una piga a què (Indicando il davanti)

VITTORIA # A mè un um pè brisa... e se pù al tirì sò d'in tal spall... Nò, nò!!! L'è a post! A j ho sol da cusil 'e basta! (Vanda se lo toglie, aiutata da Vittoria, e si rimette il grembiule vecchio)

VANDA # (Con intenzione) Avì fatt prèst parò Vittoria!

VITTORIA # (Evasiva) Beh, Vanda, vò an i cardarì ha j ho avù nèca 'e tèmp par stuglèm un bisinì...

VANDA # (Al pubblico) La s'è stuglèda ciò....!?!? E quand a pinsiv che 'e sèja pront?

VITTORIA # Donca 'sta stmana nò parchè a j ho d'andè a la frutta, mo stètra dmènga a sò a cà, e a vè finèss... (Un'esplosione di gioia e commenti ad alta voce fanno capire che la partita è finita. Quasi immediatamente gli avventori rientrano in scena commentando a soggetto la partita vista, andranno tutti a prendere posto a qualche tavolo e cercheranno di organizzare una partita a beccaccino, tutti meno Tino che avrà notato Vittoria)

TINO # Oh! T'ci tè Vittoria...

VITTORIA # (Allegra) At sò avnù a tu! An saveva propi cosa fè in cà da par mè.

TINO # T'è fatt propi bèn... Al sètt cosa che a fasèn... andèn fè un bèll zir ad Pavajon e pu dop andèn a magnès una piè da quèlca pèrt...

VITTORIA # (Ruffiana) Bèla idea! Oh! Tino t'ci un oman mèraviglios e t'an pù crèdar quant t'am sèja manchè incù! A là in cà da par mè... (Falsamente pudica) At voj tant bèn... (Strizzando un occhio a Vanda senza essere vita dal marito) Meno male che a n'ho brisa da parparè da magnè!

VANDA # Sè parò vò am scumètt che avì zà fatt brènda...!?!

VITTORIA # (Innocentemente ma non troppo) Sè! A j ho magnè qualquèll... (Prende sottobraccio il marito e fa per uscire)

OTTAVIO # (Dal tavolo) Indò a vèt? T'an vèn a fè un becaccino?

TINO # (Indicando la moglie) An poss, a sò ad sarvezi... Ciao a tott... a s'avdèn stasèra...

VITTORIA # (Rivolta a Vanda e ai presenti) Arrivederci...

VANDA # (Rivolta al pubblico) E pù i l'ha magari zà fatt becaccino a basta!

ELIDE # Un ètar pò ad chèrta, par piasè...

POMPEO # (Fra se) Mo nèca! (Rivolto ad Elide) Cl'am scusa mo 'e srà pu dvènt ormai un rumanz, non una cumegia...

ELIDE # (Convinta) Nò, l'è una cumegia!

POMPEO # E 'st'idea alora?

ELIDE # Che guèrda (Indica i fogli) A j ho zà imbastì la pèrt par tott... (Amara) A què u j è la Nella, a què a j sì vò e vostar moi, a què la Mirella e Gino... Parò l'ha rason che sgnor, coma as cièmal...

POMPEO # Chi, Sogno?

ELIDE # Propi lò... e mè an putrèbb scrivar un cupion cuntènd toti 'stal stori, acsè coma che al capita in t'la vita. La Vittoria e Tino, Gino e la Mirella, lò e su moj... La zènt a què in t'è caffè... (Alzando le spalle) La srèbb una storia nurmalèssima ad tott i dè... E lì sgnora cosa a in pènsla? A putrèbla piasè a 'e pobblic una storia acsè?

VANDA # Lì l'avrèbb scrivar una cumègia purtènd in scena i nostar pèrsunègg? Ma l'ha nè sà che in t'al nostar cumègg invezi l'èsèst sol di pèrsunègg invèntè... Cl'am dèga mènt a mè cla truva un ètar argumènt... cla mètta in scena dal crètinèd, parò divartènti... cla la fèza ridar la zènt... Ecco se mai la j pò scorar d'amor... ma i nostar pèrsunègg cla i lèssa dri dal scèn.

ELIDE # (Esaltandosi) Ma j è i pèrsunègg dla vita!!! La Mirella... la dona fatale, del mistero e invezi l'è tota una cuntradizion! La Vittoria... cun toti al su falsitè e i su rigir... E sicoma che 'e tèatar l'è vita mè am poss mèttar in scena dal fotocopi (Convinta) Mè a j ho da purtè lò!!! (Urlando) Lò!!!

VANDA # E pu presentè di parsunègg ad dona de gènar... propi lì cl'è una dona... Al sala coma che is gudarèbb j oman!

ELIDE # 'E putrèbb parè acsè, parò, cla'm crida a mè, l'è sol una cuincidènza... ecco 'e srèbb un spècc d'la realtè, an farèbb ètar che fè una pèccula futugrafèja, parò vera. Quèsti a sì vò, vò che mè, incù, a j ho trov a què dèntar da Pompeo, pò dès che dman, e sèmpar a què dèntar, us possa fè un'ètra futugrafèja e cla possa fè avdè dal donn diversi, piò donn... Al spir propi! (Estasiata e poi rivolta a Pompeo) Lò che pènsa un attum a la Nella! La Nella! Mè ha ml'immègin coma parsunagg... Um piasarèbb purtèla in scena acsè coma cl'è... Una donna cun toti al su dèbulèzz e cun tott 'e su turmènt... Parò una dona unèsta!

POMPEO # Unèsta?

ELIDE # Sè! D'ad dèntar! (Con convinzione) Ad bèll parsunagg! Un parsunagg che piò d'ogni ètar 'e putrèbb scorar d'amor...

POMPEO # (Guarda meravigliato Vanda la quale risponde con gesto evasivo. Fra sè) A vut avdè cl'ha rason la Vanda quand cla dis cl'è scapa da Imola!

ELIDE # (Sempre più convinta) Sè la putrèbb, coma anciona ètra, scorar d'amor.... sè, parchè l'è un parsunagg viv... parchè l'è sè stèss!

POMPEO # Mo l'ha n'ha sintù che...

ELIDE # Parchè forsi la Vittoria e la Mirella a gli è da manch? (Convinta) Lò a gli è pèzz, mo pèzz un bèll pò! (Estasiata) Ad bèll parsunagg!

POMPEO..... Mo cla lèssa pèrdar 'sti scurs difèzil! A vèdal, a gli ho pù zà dètt nèca prèma, la zènt, quand cl'ha và a vdè una cumegia in dialètt, l'an vò brisa pinsè a 'sti quèll, l'ha vò ridar, E BASTA!!! (Illuminato e ridendo fra sè) Aj voj cuntèj un fatt. (Convinto) L'ha pè quèsi una barzalètta e invezi l'è un fatt a vera! L'ha putrèbb èssar un'idea par scrivar una cumegia. Cla stèga a sintì.. A què, in t'è mi caffè, una volta a s'atruvimia in t'un gropp d'amigh e, intant che mè a fineva al pulizej, im t'nèva cumpagnèja impiantend sò dal discussion a non finì... a scurimia ad puletica, ad sport, ad donn, ad coran... Mingòn l'era zà una ciop ad ser che l'andeva dgènd... " Mè, zà, se ha j ho dal coran, a voj che i mi amigh i m'ha dèga. Sè parchè j amigh j ha da essar amigh, e se i sà qualquèll i l'ha da dì, sèno ad raza d'amigh èj" E dgèva propi acsè e ul dgèva cunvènt! Nou, in t'un prèm mumènt a nì dassesum dimondi pès e lò cl'insisteva "A mè un um capitarà mai, parò se duvess zuzzèdar che mi moj l'am fèza al coran, vò am l'avì da dì!" E siccome il saveva tott che l'aveva piò coran che cavèll in tla tèsta, un bèl dè am dezidèt. Al ciapè da una pèrt e pù a prinzipiè un pò da luntèn... " Mè a j avrèbb un quèll da ditt... an tl'avrèbb mai dètt, mo tè cun che scors d'ji amigh... e mè che a sò un tu amigh..." Insomma ‑ par fèla curta ‑ a j dgè che su moi l'ai fasèva dal coran! L'avanzè un pò mèll e pù um ringrazièt! La matèna dopp, a sèva a què che a fasèva di caffè al vègh avnì dèntar u pù um fà " Che fatt pù d'air sèra un è miga a vera gnitt, ha l'ho cmandè a mi moì e l'ha m'ha dètt che un è a vera gnitt!" Am strichè in t'al spall e a pinsè "Cuntènt lò!" Mè an avèva fatt etar che cumpurtèm da amigh! Dop una ciopa ad dè l'am tèlefuna su moi e l'am fà: " Pronto è Lei Pompeo? " " Si sono io " ai fèz mè! " Io sono al moglie di Mingon... Mio marito mi ha detto che si fanno certi discorsi su di mè... allora io ho pensato di fare una riunione, qui a casa mia, con tutti coloro che sanno qualcosa." "Dove ha detto, signora?" E lì " Qui a casa mia!" E allora um avnè da dij "L'è mej sgnora che l'afèta una sèla da ball, parchè a cà su in j 'stà miga tott...!"  Ecco quèst l'è un fatt a vèra ma u si putrèbb scrivar una cumegia insò... e srèbb un bèll fatt da ridar.

ELIDE # Al sò... La zènt la vò sintì scorar ad coran... la vò avdè 'e tartajion, l'imbariègh, 'e prit. Fèj avdè la vita, acsè coma cl'è la srèbb una viulènza par lò! (Amara) Parò um srèbb piasù.

POMPEO # (Con rassegnazione) E lì cla pruva l'istèss...!!!

ELIDE # E se a scriv 'stè cupion e ancion u m'è porta in scena, cosa al scrivia da fè chè? (Illuminata) Un mumènt! Un ha dètt che a què a Lugh u j è una cumpagnja... coma al dett? Ad mètt? Ma coma as cièmla?

POMPEO..... L'as cièma 'e G.A.D. CITTA' DI LUGO!!! (Convincente) Una volta l'era cniunsuda in tota la Rumagna. (Affermativo) Mo sè! La j avrà vèst senz'ètar a rezitè... Pablo, la Spadona, Otello Prati, la Liliana, Babaza... La num dirà che l'ha n'ha mai vèst o sintù scorar d'la:

LA CAMISA D'LA MADONA

LA COLPA L'E' DE PARUCH

LA FAMEJA D'IMBARLE'

E CAMDA LA FRANZA

QUAND CAL VA' IN VILEGIATURA

L'INGAMBARLE'

Quant ridar... E j èra propi brèv! Adèss j è dl'ètra zènt. In fà piò che gènar d'tèatar d'una volta, i fà di quèll piò mudiran, almèch acsè i dis lò... cla pènsa che l'annpassè j ha avù 'e curagg ad mèttar sò una cumegia cla's cièmèva... coma as ciamèvla zà?... Ah! Ecco: "LA FAMEJA DI PISTULA" (Rivolto a Vanda) A l'avèn pù vèsta a 'e San Rocc (Vanda annuisce. Coinvolgendo Vanda) A tl'arculdat, a la fèn, che i da fura tott sènza scorar, cun un bur che un s'avdèva un azidènt, e quèll sènza un braz, l'ha durè un bèl pèzz a scorar cun un bambozz ad lègn cl'aveva una maschera in t'la faza... Và là! Ad fati robb... Am maravej d'la zènt che la dgèva cl'era bèla! J èra ad boca bona! Am arculd, in t'la Camisa d'la Madona, che u j èra un umarèll mègar, cun i bafiètt, che 'e faseva 'e tartajon... mo l'era acsè brèv che 'e fasèva pisè adoss da 'e ridar. Eh! Quèli d'una volta sè che a gli era cumèg!!! E srà mej cla j apènsa bèn, la putrèbb fè un bus in tl'acqua a cuntè tott 'sti fètt...

ELIDE # E srèbb cumpagna cuntè la vita... Um piasarèbb propi... (Sospirando) I sogn... la vita... 'e teatar...! I sogn i dà un sèns a la nostra vita e un tèatar sènza vita un ha sèns...!!! Se ognon ad nou us mustrèss coma cl'è vèramènt 'e srèbb calpèstè, sciazè, ecco parchè allora 'e bsogna che us dèga un'ètichètta, ch'us chèla una maschèra e cl'impèra nèca a fès lèrgh a forza sgundon. Sol a què, in te pèlcscènic, sèja quèl che 'e scriv e nèca quèll che 'e rezita, e che 'e riès a dè un'anma a i pèrsunègg che 'e porta in scèna, 'e pò èssar sè stèss, cun al su debulèzz, al su paur, i su dobbi... sènza maschèra insomma. Ecco, quèst l'è 'e tèatar! E quand ch'im dis che 'e tèatar dialèttèl l'ha da fè ridar, un gnè busèja piò granda. E tèatar l'è universèl! E un importa se l'è scrètt in italian, in vènat, in napulètan o in rumagnol... (Indica lontano nel nulla) Ecco a vèdal, a là ad cò, che barlom ad luz che romp tota sta cappa ad nèbbia cla rènd al coss toti pracisi... ecco cla luz l'è la mi idea che pianèn pianèn la sta ciapènd corp e sol quand ch'avrò scrètt 'stè cupion, sol alora, forsi, la nèbbia la sparirà. Ecco, che guérda... (Pompeo guardèrà nel nulla con faccia allucinata) che lèzza 'e tetul:

"DA POMPEO"

POMPEO # Da Pompeo?!?! (Dopo una pausa, riprendendosi e meravigliato) Parò e tètul um piès! (Guardando la moglie) 'Et sintu? Da Pompeo! A sèn sèmpar a l'è, l'an farèbb brisa ridar...

ELIDE # (Rimane un pò assorta e con movenze quasi assenti si porta dapprima al prosenio e poi dopo una pausa significativa durante la quale sia Pompeo che Vanda la guardano con lo sguardo fisso) Al sò, al sò! Parchè la vita forsi a fala acsè ridar! (Si avvia verso la comune. Una volta giunta in prossimità di questa si volge a Vanda, quasi con un inchino) Bonasèra sgnora! (Rivolto a Pompeo e sempre con un inchino) Bonasera POMPEO! (Esce)

POMPEO # Arrivederci... (Rimane immobile e pensieroso)

OTTAVIO # (Da quando è uscito Tino con Vittoria, Ottavio avrà tenuto banco con le carte romagnole e si saranno alternati a battere sia Nando che Renzo) Chissà coma che a gli è andedi al partid... Pompeo? Cosa hal fatt 'e Baracca?

POMPEO # (Soprapensiero) E Baracca? Che a sèva mè l'è chèsch cun l'aparècch!

OTTAVIO # Ad straza ad scors 'el nèca quest?

POMPEO # (C.S.) Parchè an l'avì brisa imparè! (Riprende alacremente, dopo il periodo nel quale è rimasto pensieroso, il proprio lavoro)

TUTTI # (Ridendo a più non posso) L'è chèsch cun l'aparècc!?!?D'ci propi un scemo!!!!

CALA LA TELA

Il presente copione è tutelato dalla S.I.A.E.  n. 810023 A

E' vietata la rappresentazione, anche se parziale, se non preventivamente autorizzata dagli autori.

Per eventuale rappresentazione ed anche correzione del copione, contattare:

Pirazzoli Francesco

Via Fondo Stigliano, 22

48022 LUGO DI ROMAGNA

tel. abitazione  0545/35112

tel. Uff. 0545/288210

cellulare 330/729645