Eva

EVA

(Eva entra mostrandosi infreddolita, ha le classiche foglie di fico, di cartone, parrucca bionda)

Matruzza bedda lu friddu ca staiu acchiappannu ... non ti preoccupari a mugghieri un veru paradisu appoi vidi... e bravu a me maritu Adamu, iddu havi a scorcia dura e friddu non ni senti iu cu sti fogghi di ficu u friddu ca nsaccu non cosa giusta... il ciclo delle stagioni ... e daccordu: facisti u ciclu de staciuni? E allura fammi macari un cappottu di pelliccia no? E chi si fa accuss ca una povira cristiana sula o munnu hava agghiacciari nto menzu di sta campagna? No! Nenti cappottu, nenti pilliccia, nenti bancarelli di robbi, e di boutique mancu a parrarini ... almenu si putissi scannari qualche visoni, qualche ermellinu ... ca tra lautru su frischi frischi fatti e hana essiri tenniri tenniri: nenti! lanimali non si toccunu picch semu in paci cu tuttu u munnu e allura dicci ca faceva sempri a stati no daccuss ca staiu addivintannu mpezzu di ghiacciu ... ma si mi veni na prummunia nsiccu e ma quagghiu u vogghiu vidiri a ddu spertu di me maritu comu fa ... o trovila nautra comu a mia ... na parola! Gia impossibili truvarini nautra comu ghi ... ca nta tuttu u munnu ci semu nuatri e dui suli ... ma di un latu mi piacissi accuss si mpara. Oh, certu ca iddu u nomu bbonu ci u circau: Adamu ... u sapiti chi voli diri? Fatto di terra: in altre parole pezzu di fangu! Ma ancora non haia caputu chi lu fici a fari o signor Adamu ... Vol diri: a casa non c mai Adamu unni vai? A farimi na passiata nto nostru giardinu e bravu u signor Adamu ma no sai ca u nostru giardinu granni quantu tuttu u munnu? Aora ca torna! Ma poi chi ci vuleva, dicu, nvintasti tuttu u munnu ca nventimi macari u telefunu no? C aquali e quanno chiddu si ni va a furriari munnu munnu iu chi hciu a fari? Allura nventimi a televisioni almenu... nenti. iu sula comu na babba nto menzu du munnu ... ca a propositu ... vuatri, si vuatri ... gente del duemila ca ogni dui e tri mi friscunu aricchi ... Porca eva di cca porca eva di dda ... ueh! E chi vi pasrsi? Viriti ca iu fimmina di casa sugnu, ... anche perch ... macari quannu ciavissa vulutu mpiccicari , non dicu assi, un curnittu tantittu a me marictu ... cu cu ci lhava a fari mu sapiti diri ca nta tuttu u munnu semu nuatri e dui suli? E nautra vota abbadamu a comu parrati , chi stava dicennu? ah, me maritu ...E poi chi misteri bestia ca fa! Guardiano del creato .. e chi era na lenza di terra? Quantu iunci e su taliau tuttu u creatu ... Adamu unni vai aoggi? Nenti a mugghieri non ti preoccupari, haiu un semplici incaricu, u completu e poi tornu u sapiti chi ca hava a fari? Darici u nomu a tutti animali do munnu! Ora si! Quantu iunci e si passau tutti lamnimali do munnu. Ca appoi dicu iu, non ni putevi fari chi picca? No sempri allesagerazioni! Ci n tanti ca mancu si ponu cuntari ... e vuatri ora nto dumila ca circati di capiri com ca di na semplici cellula nisceru tutti stanimali ... ca quali chi ni sapiti ? ... Vol diri ni sfurnau nta un ghiornu tanti e tanti ca sulu iddu sa fira a cuntalli. E du babbu di me maritu ca ci voli dari u nomu a tutti. Vi dicu a verit si ca lhava a fari iu ni faceva massimu na dicina di speci, chi sacciu chiddi ca ponu serviri veramenti: a iaddina u maiali a crapa ... a pecura no: picch sti doppioni? a vacca, per chi nicaredda e poi basta no ca ci n tanti ca sicuramenti vuatri nto dumila ca vi sintiti i patruni ancora mancu lata canuscitu tutti... Dicu fanni qualcunu di menu, no? Picch ci ni sunu certuni ca iu ancora non haia caputu a chi servunu, ma pensu macari vuatri ... e vi ni dicu una ppi tutti: a chi servunu i zanzari? U viri ca non mi sapiti arrispunniri? Servunu a nenti dici tu? E a diri a verit non sacciu arrispunniri mancu iu, sulu dicu: i vo fari i zanzari? E va beni, falli, u patruni non si tu? Per almenu mentri fai i zanzari fammi macari u DDT no? E chi vi pari giustu ca i zanzari arrivaru subbitu i primi iorna e u DDT ancora hana a passari mila e mila anni prima ca u nventunu? E poi dda speci darmaluni: i dinosauri: ma dicu iu chi modu chissu? Sorta di bestii longhi vinti metri ca una shava scantari macari a nesciri di intra ... ddu babbu di me maritu u sapiti chi fici? Cara oggi andiamo in campeggio in collina e iu Caro ma chi ssu campeggiu? e iddu Una cosa che ho inventato stamattina: ce ne andiamo in colina e andiamo a vivere in una capanna ... e bravu u sceccu ... picch tutti lautri iorna unni ca stamu? Picch, dicu iu non minvintavi na casa inveci di invintari u campeggiu? nenti ... partemu mi porta supra un muntarozzu e accumincia a chiantari i pali nterra ... lu spaventu ca mi pigghiai! A terra cumincia a trimari, si isa, nuatri arruzzulamu nterra iu lu scantu u terremotu u terremotu! e nveci chi era? Ca ddu turduluni di me maritu hava iutu a chiantari u palu supra a carina di un dinosauru!

Tal cu stanimali non si ni po chi ... non parramu appoi di ddautru diavulu di serpenti! Na cosa schifosa, allautra vota iu era pe fatti me e iddu ca mi stunzuniava (con voce acida e sussurrata) emangiti stu pumu ... e mangiti stu pumu ... iu ci pinsai ca darvulu era riservatu? No! e mu mangiu ... e chi successi? Lira di diu! Pinsati aca a me maritu, picchi puru iddu u tastau, ci arristau cca (indica il pomo dadamo) ca ci fa sutta e supra e ancora non ci voli scinniri ... comunqui a diri a virit ci haiu macari u preiu da famigghia gi avemu du masculiddi ... e chi stanu criscennu beddi ... certu iddu dici riempite tutta la terra ... alleggiu oh e chi ti para ca sugnu na fabbrica, alleggiu alleggiu viremu unni putemu arrivari ... Ma tutti e dui chi su bidditti ... u nicu biondu, finu dilicatu ... si havuna nvintatu i vistiti quannera ranni ci puteva fari fari u modellu, beddu si nha veniri ... ma u ranni per mancu scherza ... forti, spertu beddu figghiu beddu figghiu daveru ... certu mpocu tostu a diri a virit ognio tantu si sciarria ccu so frati u nicu ... ma chi ci vuliti fari ... picciridi su ... (da fuori si odono grida di bambini che bisticciano, Eva si gira verso le quinte ...) E smettila, lassulu stari a to frati ... si un Cainu! lassulu stari ... e chi ci duni corpi di petra ntesta? ... (fa per scappare fuori si ferma rivolta al pubblico) chissu ... si continua accussi ocche ghiornu a so frati u mmazza! (esce rimproverando il figlio...)

Questo copione è stato visto: