“Evviva i ziti”
Commedia in tre Atti di
Giuseppe Fazio
3 atti
5 uomini - 5 donne
PERSONAGGI
PEPPE- Capofamiglia, scontroso, sui 50 anni, lavora come mezzadro nei terreni di Don Luigi, e abita in casa colonica. Veste da povero contadino, pantaloni con le toppe, coppola e gilet, nel terzo atto indosserà una giacca.
MARIA- Sua moglie, obbediente, ma quando Peppe combinerà il matrimonio della figlia, con lo sposo scelto da lui, come ai tempi si usava, lo contrasterà. Veste miseramente. Nel terzo atto cambierà abito, ma non sarà eccessivamente elegante.
RINA- La loro figlia. Carina, sui 20 anni. Nel terzo, atto sarà sciupata e antiestetica.
SANTO- Fratello di Maria, abita con loro, campa scrivendo qualche lettera, sempre in lite con Peppe. Indossa un abito elegante ma usurato.
MELO- Fidanzato di Rina, educato, anch’egli figlio di contadini, sui 20 anni.
DON LUIGI- Possidente terriero, veste elegantemente, con cappello. Nel terzo atto cambierà abito e cappello. Pacato nel parlare.
ALFIO- Suo nipote, l’erede, un po’ imbranato. Anche lui veste elegante.
SARA- Conoscente di Maria, sui 50 anni, ficcanaso, vuole far sposare la figlia Tina, a tutti i costi. Veste da contadina, nel terzo atto vestirà goffamente, con cappello.
TINA- Sua figlia, sui 20 anni, un po’ imbranata. Nel terzo atto sarà vestita come una bambola con fiocchi, nastri, cappello ed altre esagerazioni varie.
ANNA- Sorella di Sara, zitella, alla ricerca di un marito. Anche lei nel terzo atto vestirà più elegantemente per far colpo su Santo.
Trama: in un paesino internato della Sicilia, negli anni 1950/60, come si usava ai tempi, il padre promette la figlia in sposa ad un buon partito, che gli cambierà finalmente la vita, facendolo diventare possidente non più mezzadro, ovviamente senza tener conto dei voleri della figlia, che è gia fidanzata di nascosto. La moglie, con l’aiuto del fratello riusciranno, all’insaputa di Peppe, a combinare un altro matrimonio parallelo. Alla fine, la figlia si sposerà con il suo fidanzato, e Peppe diventerà ugualmente possidente, cambiando finalmente il destino, che i suoi avi gli tramandarono.
La scena sarà unica per tutti gli atti. Grande stanzone, comune in fondo, a sinistra darà nelle altre camere, a destra, sull’ingresso della casa. A sinistra un camino, a destra una vecchia dispensa, al centro un tavolo con sedie, le pareti saranno scrostate, ed in giro ci saranno attrezzi agricoli, falci, zappe, ceste, sacchi con sementi. Altri oggetti attinenti al luogo potranno arredare la scena.
Giuseppe Fazio tel. 3394026710
ATTO I
(Maria seduta al tavolo, pulisce della verdura, bussano)
SARA (f.c.)
Cummari Maria…o cummari Maria.
MARIA
Cu è?
SARA
Jò sugnu.
MARIA
‘ntrasiti, ‘ntrasiti.
SARA(entra assieme a Tina e Anna)
Chi faciti?
MARIA
Ccà semu, comu mai di sti bandi?
SARA
Stamu andandu ‘nto paisi un’du patruni.
ANNA
E vistu chi hama passari da cca, bi facemu na visita.
SARA
Cettu, e chi facemu passamu e non di fimmamu, mancu spiamu non chi e non comu?!
ANNA
Poi magari di viditi passari e pinzati mali!
SARA
Cettu, inveci una passa un minutu cà un minutu ndà e cuntenta a tutti!
MARIA
Bonu faciti…ssittativi.
ANNA
No, ‘ndandamu chi jè taddu.
SARA
‘ndandamu si…si chi jè taddu.
MARIA
Si siti di primura!
SARA
Ma si…na picchitta putemu stari, no?
ANNA
Mah…ommai chi semu ccà! (si siedono a circolo)
MARIA (senza lasciare il suo da fare)
Cettu! Ommai chi ci siti!
SARA
Mah, comu voli Diu…e chi s’hava fari...
MARIA
E si, comu voli Diu.
ANNA
Sia fatta a sò vuluntà.
SARA
Sia lodato sempre sia!
ANNA
Gesù Giuseppi e Maria!
TINA
Mà, cuminciamu u Rusariu?
SARA
No, poi ‘ndu dicemu a casa.
ANNA
Cettu a casa ‘ndu dicemu, allura taddu si faci!
SARA.
Niautri ‘ndu dicemu dui je puru tri voti o jonnu u Rosario, n’è giustu cummari Maria?
MARIA
Giustissimu, ccà undi mia ‘ndu dicemu quattru je puru cinqu voti o jonnu!
ANNA
E si. Comu voli Dio!
SARA
Sia fatta a so vuluntà!
ANNA
Fina a quando ‘ndi voli teniri ccà!
SARA
Eh si…jddu jè u patruni du mundu…sia fatta la so vuluntà.
TINA
U cuminciamu?
SARA
No, ti dissi chi poi ‘ndu dicemu a casa!
ANNA
Allura taddu si faci, je poi cummari Maria hava priparari a mangiari pi so marito!
SARA
Aoj si mangia faciola?
MARIA
E si. Chistu Diu ‘ndi manda je chistu ‘ndi mangiamu.
ANNA
Eh si. Ringraziamo Diu chi almeno di manda a faciola, c’è cu mancu chistu jhavi!
SARA
Allura! Mah, comu voli Diu.
MARIA (scocciata)
E tutti i Santi.
SARA
E vostra figghia? Chi faci? Quant’havi chi na vidu!
ANNA
Puru jò jhavi tantu chi na vidu.
MARIA
Bona jè, ringraziamu a Diu.
SARA
Ma, c’è cu ci tira?
ANNA
Ma cettu chi c’è.
SARA
E picchì ci jhava jessiri pi fozza?
ANNA
No, però già jhavi l’età pu matrimoniu.
MARIA
Quandu voli Diu si marita, e poi jdda ancora non l’havi 40 anni!
ANNA (risentita)
Jò 38 ‘nd’haiu ancora!
MARIA
Ma jò non è chi parrava pi vui, dicia così in ginirali, a fimmina finu a 40 anni avogghia mi si marita. SARA
Me soru ha avuto jè havi un mari di pattiti, a tutti ci trova u pilo ‘nta ‘llovu!
MARIA
E no, si una vadda u pilu ‘nta ‘llovu avogghia mu spetta.
ANNA
Jò non spettu a nuddu!
MARIA
U sacciu, ma jò parru così in ginirali. (a Tina) E tu zita si?
TINA
No…
SARA (interrompendola)
Uh…quantu ci ‘ndè chi ci tirunu, unu ‘ndi manda e 100 ‘nd’arrivunu.
MARIA
Non fari comu a tò zia chi ci trova u pilu!
SARA
No, non c’è stu piriculu, jè chi jdda ancora non si senti pronta mi si marita.
TINA
Su trovu vidi si mi sentu pronta!
ANNA
Chi facemu ‘ndandamu chi jè taddu?
SARA
Si amunindi chi cummari Maria hava priparari a spisa.
MARIA
N’aviti paura, pi mia putiti stari quantu vuliti, si poi bi ‘ndi vuliti andari sunnu fatti vostri!
SARA
Si, ora ‘ndandamu. (Tina si alza ma la madre la fa risedere)
ANNA
U sapistu chi a figghia da signura Lia sa ‘ntendi cu figghiu di donna Rosa?
SARA
Allura…non jabba e non maravigghia!
MARIA
E chi c’è di mali? Si jddi si vonnu beni!
ANNA
Ma comu, un carusu di chiddi mi si ruina cu na fimmina di ‘ndu stampu!
SARA
Allura…non sapiti? ‘nto paisi si dici chi chissa ha fattu u spacca e lassa cu tutti, e ora ‘ncalappiò a stu puviru carusu, spatti chiù di bona famigghia!
TINA
Allura chi, jddu era bonu pi mia!
MARIA
Cettu…raggiuni jhavi Tina.
SARA
Intantu si ‘ndi vidunu di tutti i culuri!
MARIA
Non ti scantari, prima o poi u trovi puru tu un beddu zitu.
ANNA
Jdda di quantu d’havi chi ci tirunu non sapi a cu s’hava a pigghiari!
TINA (piagnucolosa)
Eh…a cu m’ha pigghiari?!
SARA
Non pi vantari, ma assà sunnu, assà piddaveru. Ci ‘ndè unu chi ogni vota chi a vidi resta ‘mpalatu ca bucca apetta, s‘ha mangia cu l’occhi sa mangia…u vuliti sapiri cu è…Melu u figgi di don Ninu.
MARIA(meravigliata)
Melu!?
ANNA
Si, propriu iddu, deci voti passa e deci voti si femma ma saluta.
SARA
Ca picchì è un carusu educato!
ANNA
Comu no! Si me niputi jè fora o ‘nfacciata a finestra….u coddu su stira comu na giraffa ma vadda! A ‘nda stradella ci faci i succa di quantu faci avanti e arreti.
SARA
Ma ancora non ha avutu u curaggiu mi ci parra.
MARIA
A cu?
SARA.
A me figghia!
ANNA
Secundu me jddu spetta un signali, na parola, jè timidu u carusu!
MARIA(a Tina)
Ma a tia non ti piaci? Pichhì non ciù fa un signali?
TINA
Quantu voti ci l’ha fattu!
SARA.
Jdda non si sapi convinciri, cu tanti chi ‘ndavi chi a vonnu!
MARIA (mette i fagioli nella pentola al focolare)
Allura, a cu tanti je a cu nenti!
SARA
E si. Chi facemu ‘ndandamu? (Tina va per alzarsi, ma Anna la ferma)
ANNA
E vostru frati? Chi faci? L’havi na bella picca chi no vidu.
SARA
Ma ancora non di voli sentiri mi si marita? Faci comu a me soru chi ci trova u pilu ‘nta’llovu?
MARIA
Fatti so sunnu, ommai è beddu randi.
ANNA
Si, iddu havi un annu chiù di mia.
SARA
Ma vui u sapiti a cu jhavi sutt’occhi no?
ANNA
Ma che curiusa, chi t’intaressa, dicu giustu cummari Maria?
MARIA
Giustissimu!
ANNA
Jddu ommai faci comu a mia, deci ‘ndi vidi e centu ‘ndi lassa.
SARA
Si, ma sicuramenti ci sarà a cu ci tira, no?!
MARIA
No sacciu e no vogghiu sapiri, jddu si l’hava vidiri, fatti so sunnu.
SARA
Raggiuni aviti, jddi si l’hanna vidiri, na parola jè picca e dui sunnu assà. Jò sempri ciù dicu a me soru, tu ti l’ha vidiri, tu ti la scegliri, jò ti pozzu dari cacchi cunsigghiu e basta.
MARIA
Giustissimu.
SARA
E va beni, comu voli Diu, ’ndandamu Janna?
ANNA. (alzandosi, ma vedendo Santo si risiede facendo risedere Tina)
Amunindi.
SANTO (entrando)
Buongiorno. Avemu ospiti oggi? (tutti lo salutano)
MARIA
Arrivasti già?
SANTO
Oggi non c’era tanto movimentu di clienti e per dunque sono rientrato prima, e poi tra non tanto, dovesse essere l’ora di mangiare no?
MARIA
Ancora n’è ura, ora a misi a faciola ‘nta pignata.
SANTO
Voli diri che aspetterò!
MARIA
Quando nenti pi fozza.
SARA
Cumpari Santu vi mantiniti bonu ah! Pariti propriu un giuvanottu!
SANTO
Grazie, troppo gentile, anche voialtre vi mantenete buone, non dimostrate per niente l’età che dimostrate, su vostra figlia non c’è che dire, e la signorina Anna sembra proprio una ragazzina.
ANNA. (emozionata)
Grazi, troppu gintili.
SANTO
È la verità, e poi la gente di campagna si tiene più in giovanezza di quella di città.
SARA
Vui u sapiti, aviti viaggiatu!
SANTO
Si, non mi pozzu lamintari, dicemu che sugno un uomo di mondo, modestamenti la mia professione mi aiuta molto.
TINA
Siti prufissuri?
SANTO
Beh non proprio, io travaglio nel ramo della cultura.
SARA
A si, je chi ghiantati?
SANTO (sorridendo)
Non pianto, semmai colgo.
SARA
Ah, travagghiati nelle colture?
SANTO (c.s.)
No, colgo i pensieri della gente ignorante, e non, e li metto per scritto.
TINA
Hava jessiri pisanti!
ANNA
Basta mi si travagghia.
SANTO
Allora che, il travaglio è travaglio. Ed ora, vistu chi ancora non si mangia, vogliatemi scusare, vado a ritirarmi nelle mie stanze per acculturarmi un po’. Scusate, con permesso.
ANNA
Andati?!
SANTO
Vado. Arrivederci. (Tina lo guarda e le fa un cenno con la mano, al quale lui risponde, esce)
SARA
Vostru frati si manteni piddavero comu un giuvanottu!
TINA
O mà, ma jddu non fossi bonu pi mia?
ANNA
Ma chi dici, jè troppu randi pi tia.
MARIA
Raggiuni jhavi to zia, fossi jè adattu pi idda!
ANNA
No, ma chi diciti…cu sà a cu jhavi ‘nto so cori?
MARIA
Cu sà!
SARA
Cu sa! ‘ndandamu chi si fici taddu?
MARIA
No, e picchì, si viniu ora non bi stau nautra picca?
SARA (alzandosi)
No, ‘ndandamu, ama ghiri und’ù patruni? Chi dici Ianna.
ANNA (alzandosi)
Undi? Picchì? Ah, si, si, u patruni. A prossima vota stamu chiossà, magara quando c’è vostru frati!
SARA (a Tina che è rimasta seduta)
O Tina, ti jazzi o no?
TINA
Semu sicuri chi d’andamu?
SARA (sollevandola)
‘ndandamu, ‘ndandamu, arrivedecci cummari Maria.
MARIA
Boni cosi.
ANNA
Arrivedecci, e salutatimi a vostru frati.
TINA
Pechhì no salutasti già?
ANNA
Ma ti vò fari i fatti to?
MARIA
Bu saluti n’aviti paura. Boni cosi. (esce Sara, Anna e Tina) Ma vadda chi figghiu di jarrusa e iò chi mi fidà di jddu, chi su veni a sapiri me maritu mi tira u coddu mi tira. E bravu a Melu, spetta u signali, ciù dugnu iò u signali.(va al focolare) Figghiu di bottana, chi so mamma non ci cuppa.
RINA.(entrando la sente parlare)
Cu ‘ncu l’ha?
MARIA
Cu ‘ndu disgraziatu di Melu l’haiu!
RINA.
Picchì chi fici?
MARIA
Chi fici? Ancora pari chi n’ha fattu nenti pichhì spetta u signali!
RINA
U signali? Quali signali?
MARIA
U signali di Tina, mi dissunu chi Melo ogni vota chi c’è Tina fora passa e strapassa milli voti ‘nta stradella, e chi sa mangia cu l’occhi sa mangia.
RINA
Ma chi dici? Cu tu dissi?
MARIA
So mamma e so zia! E chi ancora non cià dittu nenti picchì spetta un signali di jdda!
RINA
Ma chi, jè o cuntrariu, jè Tina chi su mangia cu l’occhi!
MARIA
Sicura si?
RINA
Cettu chi su sicura. Melu non vadda a nuddu. Sunnu jddi chi ogni vota cu u vidunu spuntari ‘nta stradella fannu nesciri a Tina e a mettunu ‘nda comu si fussi na cosa di vindiri!
MARIA
‘mpossibili!
RINA
A no! È Tina chi su mangia cu l’occhi. E so mamma u sa quantu voti ci l’ha dittu a Melu mi si femma, mi trasi intra, e Melo non s’ha mai fimmatu!
MARIA
Ah….così jè?
RINA
Allura chi! Jddu ommai u sapi, ogni vota chi passa di ‘nda è sempri a stissa musica. Figuriti chi so zia Janna ciù dissi chiaru e tundu chi Tina u voli pi zitu, e chi jhavi già na bella doti.
MARIA
O Santu Diu cosi dill’autru mundu, ma comu ponnu essiri così sfacciati. Povira Tina.
RINA
Melu ogni vota chi passa di ‘nda faci in modu mi non si faci vidiri, ma jddi pari chi ci stannu a misa, mancu spunta di ‘nta stradella, chi jddi fannu nesciri a Tina fora, parata comu na varetta.
MARIA
Ma no sannu chi chiù a ‘invitunu a chistu je a chiddu e peggiu jè? Rina, jò ti raccumandu, Melu pari un bravu carusu, non s’ha sintutu diri mai nenti di jddu, e puru a famigghia non si po’ diri nenti, ma tu sta attenta a chiddu chi fa, mi raccumandu, si to patri veni a sapiri cacchi cosa semu runiati.
RINA
Non ti scantari, Melu mi voli beni, e jò u sacciu chiddu chi fazzu.
MARIA (l’abbraccia)
Brava a me figghia, non t’ha fari futtiri, a stari cu l’occhi apetti.
RINA
Non ti scantari.
SANTO (entra e si gode la scena)
Chi bella scenetta!
MARIA
Picchi chi c’è di mali si na mamma ‘mbrazza a so figghia?
SANTO
Nenti, ma u zitu si putissi ‘ngilusiari!
RINA
Jò non sugnu zita!
MARIA
Allura, ma di undi ti venunu sti sparati?
SANTO
Vadda comu recitunu boni, parunu du tiatranti. A tò patri po’ ‘mbrugghiari cara la mia nipotina, no a mia. Io sono un uomo di mondo, e jhaiu l’occhiu finu. Ma jò sugnu cuntento, è giusto cosi. Prima del matrimonio, per essere sicuri dovete frequentarvi e canusciri fino in fondo…
MARIA
Finu o fundu fundu no, lassulu parrari a tò zio. Tu u sà comu tà comportari, non s’hava aviri primura pi cetti cosi. Allura u matrimoniu a chi sebbi? Evveru figghia?
RINA
Cettu.(si sentono dei passi)
MARIA (andando al focolare per preparare i piatti)
Stà rrivandu tò patri, conza a taula. (Rina esegue)
PEPPE (entra lamentandosi)
Ai..ai…(accorgendosi che il pranzo non è pronto) ci fussi na vota chi trovu a spisa pronta!
MARIA
Avoi piddì 5 minuti picchì passaru cummari Sara cu so figghia e so soru.
PEPPE
Avoj! Chista è storia di tutti i jonna. (si siede a tavola)
SANTO
Megghiu, così a spisa a trovi cauda.
PEPPE
Cettu, così a spisa a truamu cauda!
SANTO
Jò pi tia u dicu!
PEPPE
Si u sacciu, tu non d’ha di sti pinzeri, picchì prima chi a spisa è pronta già si ccà.
SANTO
Caro cognato, ognuno have il suo travaglio. Jò mi saccio pianificare la mia giornata.
PEPPE
Ah, mi l’havia scuddatu chi tu travagghi!
SANTO
Cettu chi travagghiu, solo che il mio è un travaglio mentale, culturale, di testa. Il tuo invece è un travaglio di corpo, corporale, di braccia va.
PEPPE
Senti, vistu chi tu u ghiami travagghiu chiddu di scriviri e leggiri i littri e gnuranti…
SANTO (interrompendolo)
No, i miei clienti non sono solo gli inalfabeti, da me vengono anche gente istruita, perché io so scrivere molto, ma molto bene, caro il mio cognato.
PEPPE
Dicu jò vistu chi tu u ghiami travagghiu, voli diri chi ti fa pagari?
SANTO
Cettu je chi jera fissa!
PEPPE
E comu mai jò di to soddi no ‘nda mai vistu?
SANTO
Picchì bastunu a malappena pi cattari a catta e u chiostru e poi non è chi mi pagunu sempri chi soddi!
PEPPE
E comu ti pagunu?
SANTO
In natura! Patate, cipolle, fave, uove, quello che capita.
PEPPE
Si, ma iò n’ha visto ne favi e mancu ciciri. (a Maria) E tu?
MARIA (che nel frattempo ha messo in tavola)
A spisa jè pronta.
SANTO
Finalmenti, jhaiu na fami! (si siede)
PEPPE (a Maria)
Non senti di sta ricchi?
MARIA (che intanto insieme a Rina si è seduta)
L’haiu vistu, l’haiu vistu.
SANTO
Vidisti chi l’ha vistu! Anch’io cerco di provvedere al bene della famiglia.(comincia a mangiare)
PEPPE
Tu avissi a fari sul una cosa pu beni da famigghia...
MARIA (interrompendolo)
Peppi non dà fami?
PEPPE
L’haiu a fami l’haiu, e fossi jè megghiu mi mangiu.(mangia risucchiando)
RINA (guardando disgustata il padre)
Ma papà, chi è stu rumuru!
PEPPE(sta un attimo ad ascoltare)
Mah? Jò non sentu nenti! (riprende)
RINA
Papà!
PEPPE
Ma chi c’è?
RINA
Ma jè u rumuru chi fa quandu mangi!
PEPPE
Ma sa faciola brucia!
SANTO
Rina to patri non è chi canusci u galateo!
PEPPE
Pichhì l’ha canusciri pi fozza a chissu? E poi chi centra ca faciola ssu cristianu!
SANTO
Ma quali cristianu…
PEPPE
Chissu ssu carameu!
SANTO
Si..marameo. Galateo, il galateo è il buon comportamento, le buone maniere, ma tu no po’ sapiri picchì non hai viaggiato, e quindi non sai neanche come si mangia a tavola!
PEPPE
E fammillu vidiri tu comu si mangia a taula, vistu chi tu ha viaggiatu!
SANTO (eseguendo)
Si prende la cucchiaia così, poi si prende la minestra così…
PEPPE
Vidi chi è faciola non minestra, a minestra jò ma mangiu cu cuteddu.
SANTU
E tu picchì non sai neanche il nome delle pietanze. Ogni piattu che ha a che fare con il brodo e con la famiglia dei cereali, come in questo caso le fagiole, si chiama minestra. Quindi stavo dicendo, che si prende la minestra e poi si soffia così.
PEPPE
Cettu, così ci rriva u brodu ‘nta facci e cristiani, e si ciusci chiù fotti ci rriva puru a faciola. Inveci comu fazzu jò non c’è ssu piriculu, e non mi inchiri a testa ghina di ghiacchiri.(mangia c.s.)
SANTO (a Rina)
Chi ci vò fari, ogni testa è un tribunale.
PEPPE
Appuntu, e siccome u tribunali jè a me casa jò mangiu comu mi pari. (esegue) A cu non ci piaci si ‘ndi vaci a mangiari cu signor marameo oh...(risucchia)
RINA (sbuffando)
Mi, però!
PEPPE
Videmo quandu ha finisti, mangia si jha fami.
MELO(f.c.)
Don Peppi.
PEPPE (sbuffando)
U sangu. Non c’è jonnu chi mi pozzu zaggariari sta brizza di spisa ‘nsanta paci. Cu jè?
MELO (c.s.)
Jò sugnu Melu.
MARIA (alzandosi)
‘ntrasi Melu.
MELO (entrando)
Bongionnu…stau mangiandu?
PEPPE
Ci tintamu, chi vò?
MELO
Me patri vulia sapiri si haviu finutu di ‘mbuvirari, così cominciava jddu.
PEPPE
Ancora n’ha finutu!
MELO
Ah no? Siccomu visti chi stau ‘mbuvirandu ‘nta patti di sutta pinzava chi già haviu finutu ‘nta chidda di supra, e pi jessiri sicuru mi mandò cca.
PEPPE
No, stavota vosi ‘ncuminciari ‘nto pezzu di sutta!
MELO
Ah…va beni.
PEPPE
Va beni? Ti salutu.
MARIA
Settiti Melu, vò fauriri? (gli porge una sedia)
MELO (guardando Rina)
No, mi ‘ndi vaju chi me patri mi spetta.
PEPPE
Va, va a diccillu. (continua a mangiare)
MARIA
Mancu un biccheri di vinu?
PEPPE
Ma no vidi chi jhavi primura?
MELO (uscendo lentamente e guardando Rina)
Grazi o stissu, ma haiu primura, nautra vota magari. Mi ‘ndi vaiu…arrivedecci…ciau Rina.
RINA
Ciau. (Peppe la guarda truce)
MELO
Vi salutu…Boni cosi.
PEPPE
Boni cosi, boni cosi.
MELO
Don Peppi.
PEPPE
Chi c’è?
MELO
A ‘nchiudu a potta o a lassu apetta?
MARIA (a Rina)
Rina a ‘nchiudi a potta.
PEPPE
Undi sta andandu?
RINA
A ‘nchiudiri a potta!
PEPPE
Picchì jddu na sapi ‘nchiudiri?
SANTO
Si, però è maleducazioni faccilla ‘nchiudiri all’ospiti.
PEPPE
No, maleducazioni è chiudiri a potta ‘nta facci e cristiani. (a Melo) Apetta lassila, apetta, ti salutu.
MELO
Comu vuliti. Arrivedecci….arrivedecci…arrivedecci.
PEPPE
Ancora ccàsi? Tò patri a tia spetta, arrivedecci, arrivedecci…(Melo esce) Mi spilassi u cori mi c’è na vota chi non mi dumanda l’acqua prima mi finisciu.
MARIA
Videnditi già ‘nta patti di sutta ci paria chi havivi finutu di ‘mbuvirari chidda di supra!
PEPPE
Si, e quandu mi vidi ‘nta patti di supra ci pari chi già finì ‘nta chidda di supra! Jè viziu chi jhavi, ci rumpi sempri i scatuli a tutti.
RINA
Ma chi mali c’è si dumanda?
PEPPE
No suppottu, no pozzu vidiri. È un ‘mpaccidderu chi non c’è undi ruari. Si ghiantu a pumadoru…e picchì no ghiantati sta qualità, si ghiantu a faciola…e picchì non ci mittiti du canni! E picchì non faciti così e picchì non faciti colì. Jè un rumpiscatoli e no pozzu vidiri.
RINA
Melu no è comu a so patri però.
PEPPE
E tu chi ‘ndi sà?
RINA
No, dicu così, non penzu chi è comu a so patri.
SANTO
No, Melu non è comu a so patri, un bravu carusu jè. Sintì diri chi ora travagghia a rumundaturi, pari chi a vuluntà di travagghiari l’havi. Peppi Melu è un bravu carusu.
PEPPE
Piccatu chi non l’ha tu a vuluntà di travagghiari!
SANTO
Bonu va…no vo capiri chi jò travagghiu di testa. A ogni modu, Melu jè un bonu carusu.
PEPPE
Chi m’importa a mia, fatti sò.
SANTO
Dicu così, putissi jessiri un bon pattitu, no?
PEPPE
Jò pi ora n’ha maritari a nuddu. E poi, chi pattitu jè, chi havi? Chi pussedi? Nenti peggiu di mia.
MARIA
I soddi su l’ultima cosa.
RINA
Basta unu mi si voli beni.
PEPPE
Chisti no su discussi chi ha fari tu. E poi i soddi sunnu a prima cosa no l’ultima. Cu jhavi i soddi cumanda e cu non d’havi è cumandatu comu a niautri, chi hama sebbiri i patruni. Ah si putissi, mi vindissi puru l’anima pi cangiari u me distinu. E comu si soddi non cuntunu. U provebbio dici, u riccu quandu voli e u poviru quandu poti!
MARIA
A saluti jè a prima cosa no i soddi.
PEPPE
Chiddi chi non d’hannu diciunu così, e poi senza soddi puru a saluti si ‘ndi vaci.
MARIA
Ringrazia a Diu chi ti duna a saluti mi travagghi!
SANTO
Ringrazia Diu pi daveru chi po’ travagghiari!
PEPPE
Cettu, ringraziamu a Diu chi mi duna a fozza pi travagghiari cosi ti dugnu a mangiari puru a tia.
SANTO
Undi si mangia in 3 si mangia puru in 4. Comunqui secundu mia Melu è un carusu cà testa supra e spaddi, è un bon pattitu.
PEPPE
E tonna. Ti dissi chi non mi intaressa a mia.
SANTO
No è chi t’hava intarissari a tia!
PEPPE
Dicu jò picchi no tu cecchi tu un pattitu?
SANTO
E chi sugnu fissa chi mi pottu na fimmina a casa?!
PEPPE
Picchì chi ha na casa?
SANTO
‘ntindia sta casa.
PEPPE
Comu? L’havissi a puttari ccà?
MARIA
Si capita, pi primi tempi si capisci.
PEPPE
Cettu pi primi tempi, comu a jddu no, chi già passaru 20 anni je ancora è ccà.
SANTO
N’haviri paura caru cugnatu, no c’è stu piriculu, no sugnu così fissa.
PEPPE
U fissa jò fu chi mi puttà a frati e soru intra.
SANTO
E no ringrazi a Diu, ammenu jha unu a casa chi...
PEPPE (interrompendolo)
Chi mi juta sulu a mangiari, e ha ringrazari a Diu chi non s’ha mangiatu a mia cu tutti i robbi.
SANTO
Chistu jè u ringraziamentu du beni chi t’ha fattu!
PEPPE
Minchia chi beni m’ha fattu!
SANTO
U sulu fattu chi fici crisciri a to figghia Rina ca mintalità apetta.
PEPPE
Ti l’avissi a japiri piddaveru a testa, pi tutti i chiacchiri chi ci ‘nfinocchi!
SANTO (alzandosi)
Caro cognato, tu non puoi capire, la mentalità sta evolendo, e uno deve starci dietro perché…..
PEPPE
Zittiti, zittiti e non ci ‘ntrunari i favi.
SANTO
Lo so, è difficile per te comprendere. Ma un giorno to figghia mi ringrazierà di tutti i miei insegnamenti che le ho dato. Ora mi vado a riposare le mie menti stanche.
PEPPE
Si a ripositi, chi siccomu ha travagghiatu, ha fattu paddi cu culu.
SANTO
Ribadiscio, tu non puoi capire, il lavoro mentale stanca più di quello di corpo! (esce)
PEPPE
Capisciu jò capisciu. Capisciu chi ha ghiri a ‘mbuvirai. (alzandosi) Ah, mi l’havia scuddatu, u camperi mi dissi chi dumani veni u patruni.
MARIA
Veni puru ccà?
PEPPE
No sacciu, ma si voli veniri chi fazzu ci dicu mi no ci veni? (esce)
MARIA (eseguendo)
Forza Rina, scunzamu a taula.
RINA (pensosa esegue)
Si u papà no è d’accoddu jò mi ‘ndi fuju.
MARIA
Chi dicisti? Zittiti non diri fissarii. Tò patri no canusci bonu a Melu, no ti scantari poi si cunvinci.
RINA
Ma si iddu no voli canusciri propria!
MARIA
N’haviri paura, a picca a picca ciù facemu canusciri e si cunvinci.
RINA
Si non si convinci jò mi ‘ndi fuju.
MARIA (abbracciandola)
Si convinci, si convinci. Tu tà maritari ‘nta chesa cu tutti i sacramenti, capisti, non ti scantari, quando jè ura si vidi.
FINE I ATTO
ATTO II
(Maria seduta al tavolo, rammenda, Rina in piedi accanto)
RINA
Jò ciù dissi a Melu.
MARIA
Chi cosa?
RINA
Chi u papà non è d’accoddu. E puru jddu dici chi ‘ndi fujemu.
MARIA
E ‘nsisti cu stu fujri! Ancora n’è ura, pecciò non ci pinzari.
RINA
Picchì quantu avissi a spittari ancora?
MARIA
No sacciu, quando voli Diu.
RINA
Melu dissi chi putemu stari ‘nta casa di sò nonnu, tantu quandu mori ci resta a jddu!
MARIA
Vuiautri non haviti haviri primura, chi si sistema tutti cosi. Jò ti vogghiu vidiri cu bellissimu vistitu jancu e un velu longu longu chi t’hava vaddari tuttu u paisi. Chi è mi vò livari stu piaciri?
RINA
No, puru jò mu ‘mmagginu u jonnu du me matrimoniu, cu vistitu u velu, ma u papà...
MARIA (interrompendola)
Ma u papà e a mammà...bonu, ora non ci pinzari chiù, quandu è ura si ‘ndi parra. E ridi, non ti vogghiu vidiri cu si occhi picciusi. (si sente rumore di un calesse) Mi pari chi rrivò cacchid’unu.
RINA
Sarà u patruni, u papà havia dittu chi avoj fossi vinia.
MARIA
Attia veru jè, mi l’havia scuddatu. (toglie la cesta dal tavolo)
PEPPE (f.c.)
‘ntrasiti, ‘ntrasiti don Luigi. Maria.
MARIA
Si ccà sugnu.
LUIGI(entra seguito dal nipote Alfio e da Peppe)
Permessu, buongiorno.
MARIA
Bongionnu, ‘nta vostra casa dumandati pimmissu?
LUIGI
Comu no, e poi camad’ora ci stati vuiautri, pecciò è giustu dumandari pimmissu. (a Rina) Signorina Rina sempri chiù bedda bi faciti?
RINA
Bongionnu don Luigi.
LUIGI (facendolo passare avanti)
Questo è mio nipote Alfio, la signorina Rina e la signora Maria, sò mamma.
ALFIO (dando la mano)
Onorato tantu, onorato tantu.
SANTO (accademico, senza badare agli ospiti)
Una persona, è immensa nello studio, per acculturare sempre di più la sua cultura, per esercitare la mente al travaglio mentale, invece questo farfugliare (tra se) oh.. che vocaboli che mi esciono dalla mia bocca, mi meraviglio di mia stesso. Dicevo, questo farfugliare mi ha distolso...distoluto...disto... mi hanno interromputo dal mio profondissimo studio, dalla mia profondissima quiete che nel mio pensiero io mio fingo al di quà della siepe...poesia...le mie semplici parole suonano come poesia...
PEPPE
Sonunu comu fissaria...don Luigi non ci faciti casu, me cugnatu non sapi mancu chiddu chi dici.
LUIGI
Ah, è vostru cugnatu?
PEPPE
Si, u frati di me muggheri.
SANTO (c.s.)
Professore Santo Cocuzza, con chi ho il piacere di parlare?
PEPPE
Ha u piaciri di parrari cu don Luigi, u patruni.
SANTO(inchinandosi, umilmente)
Ah, piaciri don Luigi, piaciri.
LUIGI
Chistu è me niputi Iaffio.
SANTO
Onoratu.
ALFIO
Tantu onoratu.
LUIGI
E dunqui siti prufissuri? Di chi?
SANTO (indeciso)
Mah diciamo….
PEPPE
No, don Luigi me cugnatu è unu così, chi parra...
LUIGI (interrompendolo)
E ssi parra, lassamulu parrari.
SANTO(c.s.)
Mah...diciamo che io ho girato molto, in lungo ed in largo, ho andato nella provincia di Catania, ho andato nella provincia di Palermo, e girando mi ho fatto, diciamo una coltura personale, e...diciamo...
LUIGI(c.s.)
E diciamo prufussuri di chi!
SANTO (imbarazzato)
Mah diciamo…
RINA(interrompendolo)
Mè ziu è prufissuri di lettere.
SANTO
Si...si, di lettere.
PEPPE
Si, vaci scrivendu littri pedi pedi. Ssittativi don Luigi.(Maria e Rina gli porgono le sedie)
SANTO
Ssittativi, faciti comu ssi fussu a vostra casa.
PEPPE
U dico jò chi me cugnatu non sapi chiddu chi dici!
LUIGI
No, grazi ‘ndandamu, ancora cià fari vidiri tutti i me proprietà a me niputi, veru Jaffiu?
ALFIO
Si ziu, comu dici tu.
LUIGI
E si, hava cuminciari a sapiri undi su e quali sunnu i tirreni e i casi, un jonnu diventerà lui il patrone di tutti i me aviri, veru Jaffiu?
ALFIO
Si ziu, comu dici tu.
LUIGI
Don Peppi, d’ora in poi me niputi jè comu si fussi a me persona, va beni?
PEPPE
Comu no don Luigi, non c’era bisognu mancu mu diciu.
LUIGI(togliendosi il cappello)
Va beni, ‘ndadamu, allura non facemu a tempu. I miei ossequi signura Maria!
MARIA
Arrivedecci.
LUIGI
Signorina Rina!
RINA
Arrivedecci.
LUIGI(sarcastico)
Arrivedecci, professore Cocuzza.
SANTO
Arrivedecci don Luigi.
ALFIO(copiando ogni gesto dello zio)
Anch’io ossequio. Signorina Rina.
RINA
Arrivedecci.
ALFIO
Signora Maria.
MARIA
Arrivedecci.
ALFIO
Arrivedecci, professore Cocuzza.
SANTO
Arrivedecci.
LUIGI
Vi salutu don Peppi.
PEPPE
Arrivedecci don Luigi, signurino Jaffio!
ALFIO(si gira a guardare Rina prima di uscire)
Arrivedecci.
PEPPE
Bi ‘ncumpagnu. (escono tutti e tre, poi f.s. si salutano)
MARIA(truce a Santo)
Ma comu ti veni ‘nta testa mi dici chi ssi un prufissuri?
SANTO
Ma chi ‘ndi sapia jò chi era u patruni, menu mali chi Rina mi desi na mani.
RINA
Ziu, tu juti a mia e jò juto a tia.
PEPPE(arrabbiato)
Ma dicu jò quandu a finisci mi fa u cannaluvari?
SANTO
Ma cu jò?
PEPPE
No me soru.
SANTO
Picchì chi ha na soru?
PEPPE
E ‘nsisti ancora?
SANTO
Picchì chi fici di mali?
MARIA
Non è cu fici apposta, si spiegò mali!.
PEPPE
Mi spilassi u cori non mi ci tiri i difisi tu. A don Luigi ci dici (lo imita) piacere professore Cocuzza.
SANTO
In fondo in fondo, sono un professore no? E sona puru bunu u nomi...professore Cocuzza!
PEPPE
E secundu me tu pi testa ha piddaveru na cucuzza, e cacchi ionnu ti fazzu vidiri jò comu sona. Ti dugnu un corpu di zappuni ghianu chi tà iapru ‘nta du spicchia, così videmu si ammenu ‘nta ssà cucuzza jha cacchi picca di sumenza.
SANTO
Se continui ad offendermi in codesta maniera, un giorno o l’altro via andrò, e solo con la tua ignoranza ti lascerò. Chista è rima baciata...
PEPPE
Chissa è na baccalarata, picchì u dici sempri e no fa mai. Quand’è chi ti ‘ndi va, quandu!
SANTO
Si no fazzu jè pi me soru e p’a me niputedda. (esce)
PEPPE
Non ti scantari chi pi jddi ci penzu jò comu haiu sempri pinzatu.
MARIA
E basta ora, un pilu u fà pariri na travi.
PEPPE
Ma ti pari chi don Luigi non si ‘ndaccuggiu cu pigghiava pi fissa? Ti pari chi ci metti picca mi ‘ndi jetta fora di ccà. E poi si chi cià spaccu piddaveru a testa.
MARIA
Non ti scantari, don Luigi na facissi mai na cosa di chissi.
PEPPE
Jddu no, ma u pò fari so niputi. Mancu 20 anni e già è patruni di non sacciu quantu tirreni e casi. Ci voli futtuna ‘nta vita! Non putia nasciri puru jò niputi di un patruni, o figghiu di un pussidenti!
MARIA
Ma sempri chi ti lamenti? Ringrazia Diu chi jha a saluti e cacchi cosa mi metti sutta i denti.
PEPPE(fantastica senza ascoltarla, siede)
Eppuru, mi passi un bravu carusu so niputi...chi dici?
MARIA
A mia mi passi na picca ‘nciunatu.
RINA
A mia mi passi rimbambinutu.
PEPPE
A tia non ti dumandò nuddu nenti.
MARIA
Camina Rina, a cugghiemundi i pumadoru, vistu chi tò patri non di sapi puttari pi intra. (escono)
PEPPE
Non ti basta chi ghiantu, i ‘mpalu, e i ‘mbuviru, puru a casa i vò puttati?!( mette le gambe su una sedia e dopo poco si addormenta, poi si sente il calesse)
LUIGI (f.c.)
È pimmissu? È pimmissu?
PEPPE (svegliandosi di soprassalto)
Cu jè? Avanti.
LUIGI (entrando)
Jò sugnu.
PEPPE(pauroso)
Don Luigi, comu mai tonna ccà? C’è cosa?
LUIGI
Vulia parrari cu vui di facci e facci pi na situazioni, dicemu frisca frisca.
PEPPE(tra se)
Malanova mi jhavi me cugnatu.
LUIGI
Chi diciti?
PEPPE(porgendogli la sedia)
Dicu, ssittativi, ssittativi.
LUIGI
Grazi. Jò bi vulia diri….
PEPPE(interrompendolo)
Don Luigi, vuliti ‘mbiviri cacchi cosa, na grappa?
LUIGI
Si, l’accettu.
PEPPE(la cerca, ma non la trova e borbottando)
A grappa, a grappa. Malanova mi jhavi me cugnatu s’ha finiu!
LUIGI
Chi diciti?
PEPPE
Dicu, fossi è megghiu na goccia di rosoliu?
LUIGI
Si, va beni u rosoliu.
PEPPE(c.s.)
U rosoliu, avissi esseri ccà...ma chi. Malanova mi jhavi, puru u rosoliu si briò.
LUIGI
Cu mia parrati?
PEPPE
No...si...dicu...fossi è megghiu un biccheri di vinu di vostri vigni?
LUIGI
Va benissimu u vinu.
PEPPE(versando nei bicchieri)
Ammenu sapemu chiddu chi ‘mbivemu.
LUIGI
Jò bi vulia diri chi...
PEPPE(interrompendolo)
Aspittati, bivemu prima, ammenu mi resta un biccheri di vinu.(tra se) A facci di me cugnatu. Salute.
LUIGI
A saluti di me niputi e di vostra figghia.
PEPPE(dapprima beve, ma pensando al brindisi sputa il vino)
A saluti...co…co…comu dicistu?
LUIGI
A saluti di Jaffio e di Rina.
PEPPE
Ah, ora capi...(versa altro vino) Saluti. (guardandosi per un po’) E comu mai stu brindisi?
LUIGI
Comu mai! Non bu ‘mmagginati u picchì?
PEPPE
Veramenti no.
LUIGI
A me niputeddu Jaffiu ci piaci vostra figghia Rina.
PEPPE(tossisce)
Ah! Ah! (beve, comincia a ridere, sempre di più)
LUIGI(anch’egli ride)
Ma picchì stamu ridendu?
PEPPE
E chi ‘ndi sacciu. (beve)
LUIGI
Allura quandu u facemu u fidanzamentu?
PEPPE(tossisce)
U fidanzamentu ? Ma veramenti no sacciù si ssi pò fari!
LUIGI
Ai ai ai ai ai ai…
PEPPE
Chi è vi sintiti mali?
LUIGI(sarcastico)
No, stava pinzandu che sta casa, a stadda, e u tirrenu...mi l’hannu ciccatu non sacciu quantu cristiani...e dunqui fossi putissi ccuntintari a cacchi d’unu…
PEPPE
Ma jò non è chi vi dissi chi mi ‘ndi vogghiu andari?
LUIGI
U sacciu, ma quandu ci dugnu a notizia a me niputi...no sacciu jddu comu a pigghia, e dunqui!
PEPPE
Quali notizia?
LUIGI
A notizia du fidanzamentu chi non si pò fari!
PEPPI
Ah...cettu...ma...jò…jò…dicia non ssi pò fari ora. Picchì vostru niputi non c’è!
LUIGI
Ma ci sugnu jò, e vali o stissu!
PEPPE
Si...ma...me figghia non c’è mancu!
LUIGI
E non ci siti vui?!
PEPPE
Ah...già...ci sugnu jò. Ma jò no canusciu bonu a vostru niputi!
LUIGI
Ma canusciti bonu a mia, e pi jddu currispondu jò!
PEPPE
Si ma….
LUIGI
Ma?
PEPPE
Me figghia ancora e carusa.
LUIGI
Puru me niputi è carusu.
PEPPE
E non è megghiu mi facemu crisciru nautra picca?
LUIGI
Prima si maritunu prima divintati nonnu.
PEPPE
Apposta, jò ancora non vulissi divintari nonnu.
LUIGI
Va beni, videmu comu pigghia a notizia me niputi. Jò contru a sò vuluntà non pozzu andari, è chiaru!
PEPPE
Cettu…ma…però viditi chi me figghia doti non d’havi!
LUIGI
Di chistu n’hata haviri paura, non c’è bisognu di nessuna doti. Anzi stà casa e u tirrenu chi mi guvirnati vi dugnu, così ci putiti fari a doti.
PEPPE(incredulo)
Co..co..comu? mu dati a mia!?
LUIGI
Comu no, pa me niputedda chistu e autru. A pozzu chiamari così?
PEPPE
Si vi fa piaciri.
LUIGI
Cettu chi mi faci piaciri, anzi vistu chi ommai è cosa fatta ‘ndi putemu ghiamari cumpari, no?
PEPPE
Co…co…comu no.
LUIGI(bevendo)
A saluti cumpari Peppi.
PEPPE
Saluti cumpari Luigi.
LUIGI
Allura, quandu u facemu u zitaggiu?
PEPPE
Ora videmu, quantu ‘ndi parru cu me muggheri e me figghia.
LUIGI
Picchì c’è cacchi ‘mpidimentu?
PEPPE
No, così si priparunu pi l’occasioni no.
LUIGI
Giustu, puru jddi hanna sapiri a bella notizia.
PEPPE
Spiramu chi a pigghiunu bona.
LUIGI
Cumpari Peppi, o bona o tinta, comu dici u provebbiu? Dici lu puddicinu ‘nta la nassa, undi maggiuri c’è, minuri cessa. U patruni di casa non siti vui?
PEPPE
Cettu, jò sugnu. Cumpari Luigi, siti sicuru chi non ci fa nenti chi me figghia non potta doti?
LUIGI
Non c’è bisognu di nessuna doti vi dissi!
PEPPE
Cettu, cu tutti i proprietà chi jhavi vostru niputi! Allura a casa e u tirrenu mi pozzu teniri jò, vistu chi non c’è bisognu di doti?
LUIGI
Faciti chiddu chi vuliti, tantu siti vui u patruni.
PEPPE
Cettu, u patruni sugnu jò...patruni.
LUIGI
Va beni, mi ‘ndi vaju, così ci dugnu a bella notizia a Jaffiu.
PEPPE
A cu?
LUIGI
A me niputi Jaffiu, u zitu!
PEPPE
Ah, già, scusatimi, ma ancora m’ha abituari. Si andati, andati e salutatimi a me jenniru Jaffiu!
LUIGI
Sarete servito, vi salutu cumpari Peppi.(si baciano)
PEPPE
Arrivedecci cumpari Luigi. (prima che esca) Ah, cumpari, ma u cosu...u tirrenu...a casa...come…
LUIGI
A casa pi jddi? E non c’è chidda ‘nta chiazza ‘nfacci a chesa! Già pronta pi stari.
PEPPE
A si, bella, bella chidda.
LUIGI
Di chidda ci fici già u cuntrattu a me niputi.
PEPPE
E dell’autra?
LUIGI
Dill’autri quandu Diu voli, chiù taddu chè possibili si capisci, quandu moru sarà patruni jddu.
PEPPE
No, dicu dill’autra...di...di chista...u cuntrattu...
LUIGI
Ah cettu, giustu, quandu facemu u zitaggiu andamu undi u nutaru e facemu u cuntrattu.
PEPPE
Va beni, quantu prima facemu u zitaggiu allura.
LUIGI
Giustissimu, u ferru si batti quandu jè caudu.
PEPPE
Basta mi non di bruciamu. (ridono)
LUIGI
Di novu, arrivedecci. (esce)
PEPPE
Arrivedecci don Luigi…ah cumpari Luigi.(passeggiando incredulo) Cumpari Luigi, u patruni è me cumpari? Non ci pozzu cridiri, mi staju ‘nzunnandu.(si schiaffeggia) Ai, no mi ‘nzonnu no, veru jè, sta casa è a me, u tirrenu è u me, non ci pozzu cridiri, un miraculu. Sugnu patruni puru jò. Cu l’avissi mai dittu chi me figghia mi facia divintari patruni! Patruni...patruni...chi bella parola, comu sona bella ‘nta bucca. Patruni don Peppi…don Peppi vossia binidica...don Peppi.
MELO(f.s.)
Don Peppi.
PEPPE
Avanti cu jè?
MELO(entrando)
Jò sugnu Melu.
PEPPE
Ah, chi c’è, chi voli to patri?
MELO
Nenti.
PEPPE
E comu mai?
MELO(indeciso)
Jò…Jò…don Peppi...jò vinni...vinni...
PEPPE
U staju videndu chi vinisti...vistu chi ssi ccà!
MELO
Jò vinni picchì...vi vulia diri...chi...si...
PEPPE
Melu chi c’è...chi ha...sputa u rospu.
MELO(respira profondamente)
Jò mi vogghiu fari zitu cu vostra figghia. (Peppe guarda sorpreso)Vulissi, si mi dati stu piaciri!
PEPPE(dopo una pausa)
Caru Melu tu u sa chi i piaciri si pagunu?
MELO
Chi vuliti diri?
PEPPE (si alza)
Ha raggiuni, è megghiu parari chiaru. Tu a me figghia chi ci pò dari?
MELO
Comu chi ci pozzu dari?
PEPPE
Dicu, tu comu si cumbinatu a soddi. D’ha tirreni, casi?
MELO
Si, un pezzu a mitateri.
PEPPE
E di chiddu non si patruni pecciò tirreni non d’ha. E casa?
MELO
Si, chidda di me nonno, quandu jddu mori mi resta a mia.
PEPPE
E chidda a ghiami casa? Tri iaddini ‘nda intra stannu stritti. E ancora jè di to nonnu pecciò non è a to.
MELO
Però vaiu a travagghiari a rumundaturi e a picca a picca mi pozzu cattari a terra e una casa!
PEPPE
Si a sacciu ssa litania, puru jò dicia così, e intantu vidi comu sugnu ridduciutu?
MELO
Ma jò...
PEPPE
Nenti Melu, non si pò fari stu zitaggiu, è inutili parrri, e poi me figghia jè zita.
MELO(sorpreso)
Zita?
PEPPE
Propriamenti, zita, e pecciò non haiu chi ti fari.
MELO
Ma cun cu?
PEPPE
Ah...ora vò sapiri troppu. Ti pozzu diri sulu chi è un patruni di chiddi rossi.
MELO
Ma siti sicuru?
PEPPE
Ma vadda che bella! Cettu chi sugnu sicuru...anzi sicurissimu.
MELO
Ma idda...ma...ma quandu si fici zita?
PEPPE
O Melu, non ti pari chi ora ci sta rumpendu i scatuli. Quandu non quandu, ti dissi chi è zita e basta!
MELO
Vistu chi è così mi ‘ndi vaiu...e scusatimi. Arrivedecci. (esce)
PEPPE
Ti salutu...ma quandu mai, cià dava a jddu pi zita. E chi era fissa, dopu stu miraculu chi mi cadiu du celu. S’havia fattu tutti i cunti iddu. Ma chi, me figghia truvò un partitu chi megghiu non si pò.
SANTO(entrando)
Oh, caru cugnatu, e comu mai a casa?
PEPPE (siede e beve)
Picchì avoj m’andava così!
SANTO
Cuntentu tu, cuntenti tutti. Scuntra a Melu pi strada, chi vinni ccà?
PEPPE
Si, ccà vinni.
SANTO
E chi ci facisti? Mancu mi salutò, jhavia na facci!(Peppe c.s.) Cu tia parru, ci dicisti cacchi cosa di mali contra a ssò patri pi casu?
PEPPE
Jò non ci dissi nenti di mali!
SANTO
E allura chi havia?
PEPPE
Havia vinutu mi mi cecca a Rina pi zita!
SANTO
Ah...e tu chi ci dicisti no?
PEPPE
Picchì ci havia diri si?
SANTO(apre la dispensa per cercare qualcosa)
Tanto con o senza u tò cunsenzu u stissu si fannu ziti, si vonnu beni i carusi!
PEPPE
Chi dicisti? Chi ‘ndi sà tu? Cu tu dissi?
SANTO
Nuddu...chi ‘ndi sacciu...dicia così pi diri...dui chi si vonnu beni si fannu ziti, era una supposizione!
PEPPE
E tu sempri fissarii ha diri. S’havia fattu u cuntu chi cià dava a jddu.. Ma chi cecchi ‘ndocu?
SANTO
Mi ricuddava chi c’era un ciu di fummaggiu, voli diru chi briò.
PEPPE
Comu briò? Ancora ajeri u puttà e no ‘ndi potti saggiàri mancu un ciu!
SANTO
Mah, e chi ti pozzu diri, jò ‘ndi potti mangiari si è no na muddichedda.
PEPPE
Mah… c’hava jessiri cacchi surici allura, di chiddi rossi chi sannu japriri puru i spottelli da vitrina.
SANTO
Mah?
PEPPE
E senti, docu intra c’era na buttigghia di grappa e una di rosoliu, tu ‘ndi sa nenti?
SANTO
Jò?! Jò mancu mi ricoddu l’ultima vota che ‘ndi bippi na goccia!
PEPPE
Hava jessiri sempri u stissu surici allura, voli diri chi sapi ‘mbiviri puru ‘nte buttigghi. Ora ma vidu Jò, si no pigghiu ca trappula voli diri chi ci mettu u vilenu ‘nte buttigghi!
SANTO
‘nta tutti?
PEPPE
Cettu, picchì si non ciù mettu ‘nta tutti va a finiri chi vaci a ‘mbivi ‘nta chidda chi non d’havi e mi tonna futti. Inveci così è sicuru cu fazzu siccu!
SANTO(inghiotte toccandosi la gola)
Sicuru.
PEPPE(con tono alto)
Sicurissimu, picchì ‘nta me casa surici non di vogghiu.
SANTO
Cettu, i surici dannu fannu intra.
PEPPE(marcando)
U sacciu, apposta jò ‘nta me casa non di vogghiu.
SANTO
‘nta to casa, ‘nta casa du patruni!
PEPPE
No caru cugnatu, ‘nta me casa.
SANTO
A to finu a quandu voli don Luigi?
PEPPE
E no! È a me, e non sulu, puru u tirrenu ora jè tuttu u me!
SANTO(guarda la bottiglia sul tavolo)
O Peppi, fossi bivisti cacchi biccheri di vinu in chiù?
PEPPE
Si bippi, ma a casa e u tirrenu sunnu i me, u patruni mi desi a mia!.
SANTO
Si va beni, e chi ci dasti a to figghia?
PEPPE (stupito)
E cu tu dissi a tia?
MARIA(infuriata, entra insieme a Rina)
Cun cu fossi zita to figghia?
PEPPE
Minchia, e com’è chi già u sannu tutti pari?
SANTO
U putissi sapiri puru jò?
PEPPE(a Rina)
Tu pigghia pi ‘ndabbanda chi su discussi chi non t’intaressunu.
RINA
Comu, a zita sugnu jò e non m’intaressa?
SANTO
Giustissimu, vistu che si parra di jdda mi pare corretto che ella stia qua.
PEPPE(arrabbiato)
Ti dissi mi pigghi pi ‘ndabbanda.
MARIA
Vatindi Rina pi ora, poi ‘ndi parramu.(Rina esce)
SANTO
Ma chi mali c’è si to figghia stava ccà?
PEPPE
E chi mali c’è si ti ‘ndi va puru tu?
SANTO
Io sono lo zio della zita.
PEPPE
E grazi e to ‘nzignamenti chi ora mi rispundi così.
SANTO
Devi ringraziarmi, che ci ho fatto aprire gli occhi e l’intelligenzia.
MARIA
Putissi sapiri cu jè ssu zitu?
PEPPE
Un bon pattitu.
MARIA
Comu fa a diri chi è un bon pattitu?
PEPPE
Picchì canusciu a sò ziu.
SANTO
Canuscendu o ziu, tu sà chi u niputi è un bon pattitu?
PEPPE
Si. Picchi u ziu è don Luigi, u patruni.
SANTO
Ah! E u zitu avissi a jessiri Jaffiu?
PEPPE
No avissi a jessiri, è.
MARIA
È...chi jè...cu jè...chi facisti u cuntrattu?
PEPPE
Minchia! Sapi puru du cintrattu. Si, fici u cuntrattu.
MARIA
E levitillu da testa ssu cuntrattu.
PEPPE
Vadda che bella, picchì mi l’avissi a livari da testa?
SANTO
Hai chieduto a Rina se lo vuole?
PEPPE
Picchì si dumanda puru a figghia ora?
MARIA
A figghia e puru a mamma!
SANTO
To figghia si l’hava truvari u zitu no tu!
PEPPE
U zitu a me soru ciù truvò me patri.
SANTO
Ma che ci incucchia ora, erano altre tempi.
PEPPE
Non sulu t’ha supputtari ‘nta me casa e t’ha dari a mangiari, ma t’ha biscari puru ‘nta discussioni chi non ti ‘ntaressunu!
MARIA
Comu non ci ‘ntaressunu, è so ziu!
PEPPE
Apposta picchì è so ziu chi ora semu rivati a stu puntu.
SANTO
Come tu vuoi, non declamo più.
MARIA
Và undi don Luigi e ci dici chi non si ‘ndi faci chiù nenti.
SANTO(come se parlasse tra se)
Stò matrimonio non sa da fà.
PEPPE(truce)
U patri sugnu jò e u maatrimoniu si fà!
MARIA
A mamma sugnu jò e matrimoniu non si ‘ndi fà!
PEPPE
Dici u puddicinu ‘nta la nassa, undi maggiuri c’è minuri cessa!
MARIA
Campa cavaddu chi l’ebba crisci!
PEPPE
Tacca u sceccu undi voli u patrumi.
MARIA
Ma si u sceccu siti non d’havi avogghia mi cci frischi!
SANTO
Chi semina zizzania, coglie tempesta!
PEPPE
N’è tempu ne di siminari e mancu di metiri, jè tempu di fari u matrimoniu. E quandu mi mettu un chiovu ‘ntesta non mu leva nuddu.
SANTO(quasi tra se)
Cettu ccu ssà testa di lignu chi ha!
PEPPE
Chi dicisti?
SANTO
Nenti, dicia chi testa chi ha.
PEPPE
L’haiu a comu l’haiu, oh...e a ogni modu u matrimoniu s’hava fari e basta.
SANTO
Aspetta, rggiunamu...
PEPPE
Jò non raggiunu, oh...
MARIA
E apposta cumbini sti ratigghi.
SANTO
È giustu che tu da padre, t’interessi per il bene di tua figlia, ma è anche giusto che tua figlia da figlia, dica le sue intenzioni, le sue volontà, i suoi desideri, visto che è jdda chi s’hava maritari. Perché, caro cognato, qua non si parra mica di una scelta qualunque, questa è una scelta, irreversibile…cettu chi quandu mi mettu trovu paroli chi mi stupisciu jò stissu...paru piddaveru un poeta...
PEPPE
E vistu chi ssi un poeta, a scriviti du poesii e non ci rumpiri i bettuli.
SANTO
Ma ti ribadiscio che sono lo zio, e quindi è mio dovere vegliare sulla sorte della mia diletta nipote. Essendo che sono più sapiente di te, è mio dovere farti comprendere l’enorme errore che stai fando.
PEPPE
U to doveri fussi chiddu mi ti ‘ndi va di ‘nta sta casa.
SANTO
Un giorno o l’altro lo farò, e allora si che mi rimpiangerai.
PEPPE
Jò non ti cianciu mancu quandu mori.
SANTO
A patti chi tu mori prima di mia e quindi ti ciangiu jò, chistu è sicuru.
PEPPE
No, non è sicuru, picchì prima o poi jò ti mazzu e a finemu.
SANTO
L’ira ti fa sparlare. A ogni modu ora s’hava discutiri come sfasciare questo matrimonio.
PEPPE
jò ti spasciu a testa, non l’ha caputu ancora. U matrimoniu è già risubbutu, e s’hava fari.
MARIA
Si comu no! Così si raggiuna? Na matina ti suggi e ci duni a to figghia pi muggheri o primu chi scontri, senza parrari cu nuddu.
PEPPE
Ma cun cu havia parrari?
MARIA
Cu mia.
SANTO
E cu mia.
PEPPE
Ma si tu u sapivi prima mi jò tu dicia chi era zita!
MARIA
Jò sappi chi tu ha facisti zita, no chi ha vulivi fari zita!
PEPPE
A patti cu patri sugnu jò...
MARIA(interrompendolo)
E a mamma sugnu jò...
SANTO
E u ziu sugnu jò.
PEPPE
A patti cu patri sugnu jò e dunqui l’ultima parola spetta a mia, ma fu na cosa chi capitò così, ‘mpruvvisata. Ant’ura vinni don Luigi e ficimu l’affari.
MARIA
L’affari!? Comu si parri di pecuri e viteddi!
PEPPE
Ma tu u sa chi don Luigi ‘ndi duna a casa e u tirrenu facendu stu matrimoniu?
MARIA
A mia non m’intaressa.
SANTO
Neanche per tutto l’oro del mondo avessi avuto accettare.
PEPPE
Si n’avissi accittatu, don Luigi mi fici capiri chi m’avissi cacciatu fora da casa e du tirrenu.
MARIA
Non m’intaressa chiddu chi ti fici capiri.
PEPPE
Non t’intaressa? E undi andaumu a stari?
MARIA
A truvaumu nautra sistemazioni.
SANTO
Pure in un pagliaro te ne dovevi andare, ma non avessi dovuto accettare.
PEPPE
‘nto pagghiaru ti ‘ndi va tu non appena don Luigi mi faci u cuntrattu. Ti sbattu fora a pitati ‘nto culu.
MARIA
E ‘nsisti cu ssu cuntrattu. Tu pò livari da testa ti dissi. Rina cu chiddu non si marita e basta, capisti?
PEPPE
Ma picchi, picchì non ci piaci. I soddi cumbogghiunu tutti i brogghi. Si marita, si marita.
MARIA (furiosa)
Non si marita, a jdda i soddi non ci ‘ntaressunu, e poi jdda è...(trattenendosi)
PEPPE
È?
SANTO
È confusa! È un poco confusionaria! Non è chi s’hava maritari cu unu chi mancu canusci!
PEPPE
Non è chi s’hava maritari dumani, avogghia di tempu chi jhavi mu canusci. Niautri hama fari u zitaggiu viatu viatu, prima chi don Luigi si ‘ndi penti. Ma chi vulemu chiossà da vita? Me figghia diventa na gran pussidenti, patruna di mità paisi, sibbuta, riviruta e rispittata di tutti. A niautri ‘ndi resta sta casa e u tirrenu! Chi jemu ciccandu? Un patri hava fari di tuttu pu beni di figghi.
MARIA
U beni non è chiddu chi intendi tu.
PEPPE
E qual è u bene.
MARIA
Fari u beni da so sacchetta non è fari u beni di figghi.
PEPPE
Jò prima pinzà o sò di beni, poi facendu u sò beni mi capitò u beni puru a mia, chi fazzu ci sputu?
MARIA
U beni non sunnu i casi e i tirreni...
PEPPE(in crescendo)
A no? E chi è u beni, comu si faci u beni? Chi è chiddu ch’è passatu jò ‘nta me vita? Chistu è u beni? Travagghiari sutta l’acqua, ventu, sutta o suli, tutti i jonna, duminica Natali, Pasqua, senza mai un jonnu di riposu, e non vidiri mai lustru, chistu è u beni? Calari sempri a testa, sissignori, vossia cumanda, vossia binidica patruni, chistu è u beni? Jddi mangiunu sempri e megghiu di mia, chi me sacrifici, cu me suduri, e jò mangiu chiddu chi pozzu e quandu pozzu. N’haviri i soddi pi mandri me figghia a scola, e mancu pi ci fazzu un mostru di doti, chistu jè u beni? E ora chi si prisenta a futtuna chi tutti disiunu ciavissi girari i spanddi? Cettu, picchì i nostri nonni erunu povira genti, i nostri patri erunuo povira genti, niautri semu povira genti, e i nostri figghi hanna jessiri povira genti, è u nostru distinu. No, jò u vogghiu cangiari, u vogghiu sfidari u distinu, jhaiu a futtuna d’aviri u beni, di divintari patruni e na vogghiu peddiri. (esce, Maria e Santo esterrefatti)
RINA(entra singhiozzando)
Jò mi ‘ndi fuju.
MARIA(abbracciandola)
Chi dici, lassulu parrari a to patri, ora è priatu chi ci pari chi diventa patruni, e vaci sparrandu.
SANTO(accarezzandola)
Non ti scantari, ora sistimamu tutti cosi.
RINA
E comu? Jddu non voli raggiunari. Jò mi ‘ndi fuju cu Melu.
MARIA
E bonu cu ssu fujri, minchiuni, a testa l’ha chiù dura e to patri! (cammina pensosa)
SANTO
Non ti piglio se non ti rassomiglio..no, non è chistu u provebbiu...qual’è…Du patrozzu si ‘ndi pigghia un caddozzu...no...mancu chistu è..a si. Tale padre tale figlia si dice...
MARIA (tra se,idea)
Giustu...giustu!
SANTO
U sacciu chi è giustu, m’havia cunfundutu prima.
MARIA
Ma chi cucchi? Scuta mi vinni na pinzata! Facemu così, niautri….(playback, musichetta di sottofondo, sedendosi tutti e tre a turno) Chi dici?
SANTO
Na bella pinzata, piddaveru.
MARIA
Ci dicemu chi ci pinzammu, chi è un bon pattitu e chi tu si cuntenta e putemu fari u zitaggiu.
RINA
E si non ci riniscemu?
SANTO
Ti ‘ndi fuj cu Melu!
MARIA
Zittiti, anza ma Diu. Tu t’ha maritari ‘nta chesa cu tutti ligghini e cu logghini...
SANTO
E puru a missa cantata no?
MARIA
Cu bellu vistito jancu, puru si ma vindiri i ribbi di ‘ncoddu mu tu cattu.
SANTO
Pu vistitu di me niputi non t’ha pigghiari pinzeri, picchì ciù regalu jò un bellu abitu jancu.
RINA(abbracciandolo)
Grazi ziu
SANTO
E di chi. Chiuttostu damindi di vessu pi cumbinari u matrimoniu.
MARIA
Ora ci fazzu vidiri jò chiddu chi sugnu capaci di cumbinari.(escono)
FINE II ATTO
ATTO III
(Maria, Santo, e Peppe)
PEPPE(euforico)
No ci pozzu cridiri, staju divintandu ufficialmenti u cumpari di don Luigi, non ci pozzu cridiri!
SANTO
E cu ci cridi!
PEPPE
Di dumani in poi puru jò sugnu patruni, cu l’avia diri?
SANTO
E cu dici?
PEPPE
Ma… nenti ci hama fari truvari?
MARIA
Chi ci vò fari truvari?
PEPPE
Chi ‘ndi sacciu, du pasti sicchi, na buttigghia di rosoliu!
MARIA
Ma no, non c’è bisognu.
PEPPE(aprendo la dispensa)
Ammenu u rosoliu per fari u brindisi ci voli, su surici ‘ndavissi lassatu, ah? (a Santo, che fa l’indifferente) Ah? Non si senti di sta ricchi? E va beni, u tonna cattamu.
MARIA
Lasssa stari, non c’è bisognu, e poi jddi i sannu i nostri possibilità.
PEPPE
Prima si, ma di dumani in pò cambierà tutto. I vaju a cattu du pasti sicchi e na buttigghia di rosoliu.
MARIA
Non c’è bisogno.
SANTO
Lassa stari, và a finiri chi vannu di travessu!
PEPPE
E tu non di mangiari si ti vannu di travessu.
SANTO
A mia nenti mi vaci di travessu!
PEPPE
A tia mancu i rospa ti vannu di travessu. (va per uscire)
MARIA
Non c’è bisognu, e poi a fari u cuntu chi jddi ssu ccà.
PEPPE
Me figghia si faci zita e ci vonnu. Ora mi pozzu puru pemmettiri. Staiu rivandu.(esce)
SANTO
Stavota piddaveru ci vannu di travessu. Jò quasi quasi mi ‘ndi vaju. Jddu sa pigghia cu mia poi!
MARIA
N’aviri paura, ci dicu chi tu non ci cuppi.
SANTO
Si, e ti pari chi jddu ci cridi. È megghiu chi cuminciu a ricogghiri i baratteddi, picchì mi jetta fora stasira stissu. (Melo f.s. fa il verso del gufo)
MARIA
Ti dissi chi poi ma vidu jò.
SANTO
Senti? Chi è un merru chi canta?
MARIA
Ah, si, Melu jè!
SANTO
E chi faci frisca inveci mi parra?
MARIA
No, ci dissi jò mi friscava quandu rivava, pi non si fari vidiri di Peppi.(esce, f.s.)Melu, Melu, veni, veni pò trasiri. (rientra)
MELO(entrando)
Bonasira don Santu.
SANTO
Quali don e dan, chi sugnu na campana? Mi pò chiamari ziu Santu.
MELO
Va beni don Santu.
SANTO
E tonna ca campana!
MELO
Va beni ziu Santu.
MARIA
A mucciti arreti a stadda, e quandu è ura ti facemu u signali da finestra.
MELO
Va beni, e Rina undi è? Chiamatila a salutu.
MARIA
No, è megghiu si na vidi.
MELO
Picchì chi jhavi?
SANTO
Nenti, si sta ripassandu a patti chi hava fari, è megghiu di non desconcentrarla. Tu ti ricoddi chiddu chi cià diri a me cugnatu?
MELO
Mi ricoddu tuttu pi filu e pi segnu.
MARIA
Fui a mucciti, e vadda a finestra pu signali.
MELO
Va beni, ‘ndi videmu chiù taddu. (esce)
MARIA
Videmu a chi puntu jè Rina.(esce)
SANTO(guardingo, mette la mano nella dispensa e scatta la trappola)
Aaaaaa…(si tappa la bocca, butta via la trappola)
MARIA(entrando)
Chi succidiu? Chi ha?
SANTO(dolorante)
Tò marito...tò maritu.
MARIA
Und’è, rivò già?
SANTO
No, fu tò maritu.
MARIA
Ma si ancora n’ha rivatu?
SANTO(indicandola)
A trappula...a trappula.
MARIA
Chi ci mittisti u itutu na intra? (Santo annuisce) Ma chi si biscottu, e picchì?
SANTO
Ma jò chi ‘ndi sapia chi ‘nta vitrina c’era a trappula pi surici?
MARIA
Undi? ‘nta vitrina, e chi visti cacchi surici ‘nda intra?
SANTO
Ma chi ‘ndi sacciu, sacciu sulu chi mi rumpì un idutu.
MARIA
Fammi vidiri.(glielo tocca) u pò moviri?
SANTO
Ai...ai...ai...ruttu jè.
MARIA
Ma quali ruttu, non fari spittaculi, non è ruttu.
SARA(f.s.)
Cummari Maria, è pimmissu?
MARIA
Avanti, avanti. (entra Sara, seguita da Tina e Anna, sono vestite a festa, si salutano a soggetto, baciandosi, con un po’ di difficoltà per i grandi cappelli che indossano) Tina, chi si bedda!
TINA
Grazi.
SARA(avvicinandosi a Santo, porgendole la mano)
Bonasira.
SANTO(dandole la mano)
Buonase…raaah…(si contrae per il dolore)
ANNA(maliziosa, imita la sorella)
Buonasira.
SANTO(indeciso se darle la mano o no, poi gliela bacia)
Buonasera, miss Anna.
ANNA(lusingata)
Oh…mai nessunu m’ha ghiamatu così.
SANTO
Eh…la classe non è acqua fresca.
TINA(imitando la zia)
Buonasira.
SANTO(baciandola in fronte)
Ciao Tina.
TINA
E a mia nenti baciamani?
ANNA(acida)
E chi centra u baciamani a tia!
SANTO
Cettu, raggiuni jhavi tò zia. Il baciamane va fatto alle donne di una certa età, di una certa classe e portamento, tu sei ancora una carusa.
SARA (a Santo)
Si, me soru è da classi du 1920, e jhavi piddveru un bellu portamentu. (gli tocca il seno) Vaddati che portamentu chi jhavi, e chè bedda stasera è na stella brillantissima, che bedda, facissi ‘namurari puru o sceccu, guardatela. Cettu ogni tantu si trascura, ma cu du coppa di lapisi diventa n’amuri, vaddatila.
SANTO
Si, devo dire che è proprio così. Ma puru vui e sia Tina stasera siete, come dire, parate a dovere.
MARIA
Belli piddaveru, veramenti belle, bellissime. E chi vistiti, fannu peddiri a vista di l’occhi.
SARA
Si, ‘ndi ficimu pristari pi l’occasioni. Hama fari na bella figura no? E…Rina?
MARIA
‘ndabbanda è, quando arrivunu don Luigi e sò niputi a ghiamamu.
TINA(impaziente)
E quandu arrivunu?
MARIA
Und’è avissuru a jessiri ccà. Ssittativi intantu. (le porge le sedie)
SARA
Vostru maritu und’è?
PEPPE (entra con la bottiglia e i pasti secchi, vedendo gli ospiti, resta stupito)
Bonasira. (posando tutto sul tavolo, interroga la moglie con lo sguardo)
SARA (restando seduta)
Parramu du diavulu e ci spuntunu i corna. Bonasira.
PEPPE
Quali corna?
MARIA
Nenti, havia finutu di diri undi eri e tu spuntasti.
TINA(porgendo la mano)
Buonasira.
PEPPE(guardandole la mano)
Chi ha?
TINA
Il baciamane.
PEPPE
Chi?
SANTO
Lasssa peddiri, me cugnatu non conosce il galateo.
PEPPE
Ancora cu ssu marameo.(in disparte a Maria) Ma chi ci fanno chisti ccà parati così?
MARIA
I ‘nvitò Rina, pu fidanzamento.
PEPPE
Ma c’era bisognu?
MARIA
E chi c’è di mali?
PEPPE(accorgendosi della trappola)
E ‘ndda trappula cu a misi ‘ndda?
SANTO
L’ho mentuta io. Ho veduto un topastro, prima.
SARA
Malanova mi hannu, quantu ‘ndavi pedi pedi, e undi niautri non di parramu.
SANTO
D’altronde, semu in campagna!
PEPPE(che intanto ha visionato la trappola)
E…ha mittisti senza ma pari?
SANTO
A stava parandu, ma poi hanno arrivato le nostre gentili ospiti.
PEPPE(dopo aver guardato dentro la vetrina)
E va beni. Vistu chi no potti pigghiari ca trappula, voli diri chi ci mettu u vilenu. (rumore di calesse)
MARIA
Mi pari chi rivaru.
PEPPE(ansioso)
Undi è Rina?
MARIA
A vaju a ghiamu. (esce)
PEPPE(si avvia all’ingresso)
Fozza, fozza. (Tutti si alzano, Anna ammicca a Santo, poi tutti zitti rivolti all’ingresso, pausa)
LUIGI(f.s.)
È permesso…(Le tre ospiti in coro diranno “Avanti” prima che lo dica Peppe)
PEPPE (guardandole in cagnesco)
A..., avanti cumpari Luigi.
LUIGI(entra seguito da Alfio, che ha un mazzo di fiori)
Buonasera.
PEPPE(baciandolo)
Bonasira Jaffiu!
ALFIO
Bonasira.
SARA(allungando la mano)
Buonasera.
LUIGI(baciandogliela)
Buonasera.
TINA(imitando la madre)
Buonasera.
LUIGI(c.s.)
Buonasera.
ALFIO(imitando lo zio)
Buonasera.
SARA(portandogliela davanti al naso di Alfio)
Chista jè Tina me figgha, vidi che bedda?
TINA(sbranandolo con gli occhi)
Ciau.
ALFIO(c.s.)
Buonasera.
TINA
Mai nessunu m’havia salutatu così! (Luigi guarda Peppe come per chiedere chi sono)
PEPPE
Jddi sunnu…
SARA
Jò sugnu a mamma di Tina, questa bellissima gioia, splendente di luce, splendente di bellezza, splendente di salute, vidisti che bedda Jaffiu, chi dici?
PEPPE
Si, si, a vistimu.
SARA
E chista jè me soru Janna.
ANNA(porgendo la mano a Luigi)
Buonasera.
LUIGI
Buonasera, signora Anna.
ANNA(guardando Santo)
Signorina ancora, prego.
LUIGI
Mi scusi.
ALFIO
Buonasera signora Anna, mi scusi, signorina.
MARIA(entrando insieme a Rina, che sarà mal ridotta e afflitta)
Bonasira don Luigi.
LUIGI
Bonasira signura Maria. (guarda Rina sorpreso)Ciao Rina. (la bacia in fronte)
RINA
Bonasira.
PEPPE(vedendo la figlia, alla moglie in disparte)
Ma comu si cumbinò?
MARIA
Chi ci pozzu fari jò, stamatina si sbigliò così. Appa jessiri l’emozioni du fidanzamentu, non è a prima vota chi u sentu diri.
PEPPE
Jaffiu na saluti a Rina? Non ti scantari, è emulsionata, apposta è così, poi ci passa non ti scantari.
ALFIO
Ciau Rina. Chisti sunnu pi tia. (gli porge i fiori)
RINA(forzatamente)
Grazi.
LUIGI
Bonasira prufissuri Cucuzza.
SANTO(gli da la mano)
Ai…ai…ai…
LUIGI
Chi c’è?
SANTO
Nenti, nenti. Ho…ho…
LUIGI
Chi aviti?
SANTO
Niente...a furia di scrivere con il mio travaglio mi ha venuto un crampo al dito.
PEPPE (nel frattempo si è avvicinato)
Ah…u pigghià u surici?
LUIGI
Pigghiastu u surici?
MARIA
Non ci faciti casu a chiddu chi dici me maritu, ssittativi, ssittativi.
SANTO
Si, prego, accomodatevi. Facete come se foste a casa vostra.(Maria e Sara si adoperano a far sedere Alfio in mezzo a Rina e Tina, Sara siederà alle loro spalle, mentre Maria, Santo, e Anna durante la scena faranno da separé, impedendo a Peppe e Luigi di vedere i ragazzi. Tina cercherà, aiutata da Sara, di abbindolare Alfio, lo bacerà, lo strapazzerà, cercherà in ogni modo di dissuaderlo dal fare il fidanzamento con Rina)
PEPPE
A si…a casa, cumpari Luigi, u cosu…u…cuntrattu u puttastu?
LUIGI(sedendosi)
Quantu andamu undi ù nutaru e u facemu.
PEPPE
Va beni, allura dumani andamu undi u nutaru. Maria pigghia i biccheri chi facemu un bellu brindisi.
MARIA(eseguendo)
Comu no.
SARA(alludendo a Tina e Alfio)
Vaddati chi bella coppia chi fannu!
PEPPE
Bedda, bedda, bellissima.
LUIGI
Ma vuiautri siti parenti?
PEPPE(Contemporaneamente a Maria)
No.
MARIA
Si.
PEPPE(c.s.)
Si.
MARIA
No. Comu si fussimu. Rina e Tina crisceru assemi, jddi stannu ‘nta cuntrada Serru.
SARA
Si, niautri stamu ‘nta casa du patruni don Vicenzu, u canusciti?
LUIGI
Comu no, cettu chi u canusciu.
PEPPE
Tra niautri patruni di canuscemu tutti. Brindamu, evviva i ziti.(esegue)
LUIGI
Alla loro.(tutti brindano mentre Sara gira la testa di Alfio verso Tina)
SARA
Quantu su beddi, sunnu fatti l’unu pi l’autra.
ANNA(che non perde occasione per ammiccare a Santo)
Si, semu fatti l’unu pi l’autra.
SANTO(imbarazzato)
Mah, fossi.
PEPPE
Comu fossi?
SANTO
Fossi, dicu, chi ognunu di niautri jhavi u so distinu assignatu, pecciò chiddu chi veni ‘ndi pigghiamu.
SARA(c.s.)
Si, ‘ndu pigghiamu, veru Jaffiu?
ALFIO(confuso, e rosso per i baci, i capelli scompigliati)
Si…si…si.(Tina lo bacia violentemente)
LUIGI(cercando di guardare Alfio)
Me niputi stasira è troppu emozionato e non ci nesciunu mancu i paroli.
PEPPE
Puru me figghia è emulsionata, vidistu comu si ridduciu? Allura, u facemu stu zitaggiu?
LUIGI
Comu no facemulu.
MARIA
Aspittati, chi primura c’è?
SANTO
Cettu, chi primura c’è? Mangiamindi na cosa duci prima, e poi si ‘ndi parra.
PEPPE
Prima si faci u zitaggiu e poi si mangiunu i cosi duci, no?
MARIA
Aspetta, facemu ripigghiari i carusi prima.
SARA
Si…facemili ripigghiari picchi sunnu senza ciatu.(Alfio fa un respiro, dopo il lungo bacio)
SANTO(passando i dolci)
Pregu don Luigi, favuriti.
PEPPE(prendendone un po’)
Aspetta, chi tu non mi ‘ndi fa saggiari mancu unu.
SANTO
Sempri u solitu esageratu si.
LUIGI(prendendo un dolce)
Grazi. Don Peppi avannu i livari...
PEPPE(interrompendolo)
Ah, cumpari! Ommai semu cumpari.
LUIGI
Si, scusatimi veru jè. Stava dicendu, avannu i livari pari chi na picca di liva l’hannu.
PEPPE
Si, avannu parissi n’annata bona. E difatti pinzava di ccattari du giarri novi…vistu chi…
LUIGI
Chi?
PEPPE
Vistu chi ora…u…cosu…u cuntrattu va…
LUIGI
Ah, si, si giustu, giustu.
SARA(soddisfatta, perché finalmente Alfio ha detto si a Tina, Rina torna sorridente)
Evviva i ziti. Evviva. Brindamo.(bacia Tina e Alfio)
PEPPE
Brindamo, a me cumpari Luigi, a Jaffiu e a me figghia Rina.
SANTO
E pi ziti ?
PEPPE
Cettu, evviva i ziti. (tutti brindano)
LUIGI
Fozza Jaffiu, pigghia l’aneddi.
PEPPE
Giustissimu, ufficializzamu a cosa.
ALFIO(alzandosi, timidamente)
Ziu…jò…ti vulia diri na cosa.
LUIGI(avvicinandosi)
È timidu u carusu, è a prima vota, vaddati com’è russu, comu na paparina. (Alfio gli parla sottovoce, alle sue parole lo zio resta incredulo, Tina e Sara eccitate annuiscono continuamente, Peppe aspetta ansioso, gli altri sulle spine. Dopo averselo fatto confermare più volte da Alfio, Luigi riprende l’atteggiamento da padrone, guardando ora Alfio ora Tina) Don Peppi…sintiti.
PEPPE
Ancora cu don cumpari Luigi? (mangia un dolce)
LUIGI(lo porta in disparte e gli parla sottovoce, Peppe incredulo si sta per affogare con il dolce)
Chi c’è don Peppi.
PEPPE(con un filo di voce)
L’aria!
LUIGI
U sacciu chi andò tutti cosi ‘nta ll’aria. Ma chi ci pozzu fari? I carusi si sa chi non sunnu mai femmi di pusu. Non è chi jò pozzu iri contru me niputi?
PEPPE(c.s.)
‘ntall’aria.
LUIGI
U capì u capì, ma chi ci putemu fari si andò così.
PEPPE
M’andò ‘nto bucu dill’aria.
SANTO(dandogli una pacca sulle spalle)
E tenilu chiusu ssu bucu dill’aria.
PEPPE
A tia avissi a teniri chiusu ‘nta na iaggia.
LUIGI
Pacienza don Peppi.
PEPPE
Ma…jè sicuru?
LUIGI
Jaffiu sicuru si?
ALFIO
Si, si, sicurissimu.
PEPPE
Cosi dill’autru mundu!
MARIA
Allura u facemu stu zitaggiu?
LUIGI
Diciticcillu don Peppi.
PEPPE
Diciticcillu vui cumpari...scuati sbagghià, don Luigi.(si toglie la coppola e si siede in disparte)
LUIGI
Me niputi Jaffiu…no…non si vuli fari zitu…cu…cu Rina picchì…picchì ci…ci piaci Tina.
SARA(euforica, bacia Tina, Alfio, e chi le capita)
Cumpari Luigi. (lo bacia)
LUIGI
Cummari Sara.
SARA
Fozza, facemu stù zitaggiu.
PEPPE(alzandosi di scatto)
No. Zitaggiu ‘nta me casa non si ‘ndi faci.(Luigi lo guarda) Ah, don Luigi, pu cosu…pu cuntrattu…quandu…comu…comu finiu ora?
LUIGI
Eh, non si fà! Vistu chi u zitaggiu cu vostra figghia sautò…sauta puru u cuntrattu!
SANTO
Evviva i ziti!
MARIA
Avanti, ommai chi ci semu facemu stu binidittu zitaggiu. (Peppe si risiede)
TINA
Si, si facemulu.(strapazza Alfio con un bacio)
LUIGI
Fozza Jaffiu pigghia aneddi.(Alfio esegue)
TINA
Mi…chi ssù beddi.(c.s., e poi tende il dito)
ALFIO(non riesce a infilarglielo)
Non ci trasi.
PEPPE
Cettu, chissu era pu idutu di me figgia!
SARA
U carusu non è praticu, fammi vidiri a mia.(mette il dito di Tina in bocca, poi con forza gliel’infila) Vidisti chi ‘ntrasiu, vaddati chi è beddu, na miravigghia.(mostrando la mano di Tina)
MARIA
Beddu, beddu, piddaveru.
SANTO
Evviva gli ziti! Auguri. (si baciano un po’ tutti) Brindamu. Tu non bivi Peppi?
PEPPE(truce)
No haiu siti jò.
LUIGI
Mancu na cosa duci?
PEPPE
Già pigghià l’amaru.
SANTO
Megghiu non mi ‘ndi mangi, non mi ti tonna vaci ‘nto bucu dill’aria e ti ffui!
ANNA(piangendo)
Auguri e tanta felicità Tina.
MARIA
Janna picchì ciangi?
ANNA
Nente, ciangiu di felicità, sugnu cuntenta pi Tina.
SARA(guardando Santo)
Ah…chi fussi bello si puru tu...ti facissi zita!
ANNA(guardando Santo)
Uhm…pacenzia!
MARIA
E bonu, prima o poi puru pi tia arriva u mumentu mi ti fa zita.
LUIGI
Va beni, chi facemu Jaffiu n’andamu?
TINA
Si, amunindi.
ALFIO
Si ziu, ‘ncumpagnamu puru a Tina a so casa.
LUIGI
Va beni. Don Peppi bi salutu, pacenzia, sarà pa prossima vota.
PEPPE(forzatamente)
Bonasira.(tutti si salutano a soggetto, meno Santo e Anna)
ANNA
Vi salutu don Santo.
SANTO
Puri vui vi n’andati?
ANNA
No. Jò pozzu stari si vuliti!
SANTO
Si…no…si vuliti…poi vi ‘ncumpagnu jò a casa.
ANNA(entusiasta)
Sara, jò ccà mi staiu, poi mi ‘ncumpagna Santu a casa.
SARA
Benissimu, bravu, bravissimu, arrivedecci a tutti, buonanotti.(escono Sara, Tina, Alfio e Luigi)
MARIA(dopo una pausa di sguardi)
Mah, sia fatta a vuluntà di Diu.
PEPPE
E di tutti i Santi.
ANNA
Quantu ci dicu na cosa a me soru. Pemmettete don Santo? (esce)
SANTO
Comu no! E..si..il destino. Ognuno nasce con il destino segnato, designato, predestinato, prestabilito.
PEPPE
Ma chi cucchi? Si non c’erunu ‘ndi varetti ast’ura c’era tutti cosi sistimati a doviri. Picchì i ‘nvitastu?
RINA
Jò a ‘nvità a Tina, è n’amica!
PEPPE
Amici e vadditi. E tu ti vaddasti o specchiu comu si cumminata. Jaffiu si scantò quando ti visti.
SANTO
Ma chi ci po’ fari jdda? L’emozione gioca brutti scherzi, caro cognato.
MARIA
Allura chi. E poi avissi a essiri cuntentu, ammeno si fici zita Tina.
PEPPE
Cettu chi ssù cuntentu, cuntitissimu. Putia essiri patruni inveci ristà minchiuni.
MARIA
Non ti lamintari, hama ringraziari Diu e a don Luigi chi ‘ndi fa stari ‘nta stà casa!
PEPPE
Inveci ora mi fazzu jttari fora cu me piaciri, così ammenu mi levu stu sfiziu. Dumani u vaju a ceccu e ci ‘ndi dicu quattru, videmu si chistu è modu du raggiunari, di rispittari i patti. Dumani si ‘ndi parra.
MARIA
Ma chi ci vò diri, non è chi è cuppa sò.
PEPPE
E di cu jè a cuppa?
MARIA
Di so niputi chi si pigghiò a Tina appostu di Rina.
PEPPE
Si ma jddu mi dissi chi pi so niputi ‘ndi rispundia jddu, e ora ‘ndava rispundiri e comu!
SANTO(sarcastico)
Calma!
RINA
Papà non vali a pena, lassulu peddiri.
SANTO
Se propriu ti vò passari un capricciu ci scriviamo una lettera di malcontento.
PEPPE
Ah, ci ha scriviri chi sugnu cuntentu? Non sugnu cuntentu, capisti chi non sugnu cuntentu…
SANTO
Jò capì ma tu non capisti, jò dissi malcontento, voli diri di protesta, di disapprovazioni.
PEPPE
Di quant’havi chi ti canusciu, fossi chista è a prima vota chi dici na cosa giusta, scrivemuci na littra.
SANTO
Vaju a pigghiu l’attrezzi. (esce, si sentirà il calesse e i saluti di Anna)
ANNA(entrando)
E Santu…don Santu und’è?
MARIA
‘ndabbanda è, ora veni.
ANNA
Fannu piddaveru na bella coppia Jaffio e Tina.(Peppe truce, Rina e Maria la zittiscono guardandola)
SANTO(entra con tutto l’occorrente che depone sul tavolo)
Ecco qua. (atteggiandosi, prepara tutto, indossa i polsini, siede al tavolo)
PEPPE
Mancu un dutturi chi hava fari n’operazioni!
SANTO(c.s.)
Io sono infatti il dottore delle lettere. Allora cominciamo. (prende la penna ma non può scrivere)Ai, ai…ai, non pozzu teniri mancu a pinna.
PEPPE(ridendo)
Chi c’è? Ci doli u idutu o surici?
SANTO
Ridi, ridi, si mi resta indifittatu e non pozzu travagghiari chiù mi manteni tu.
PEPPE
Picchì finu a ora cu t’ha mantinutu? Leviti, scrivu jò, e puru senza guanti.
SANTO
Va bene, vorrà dire che io te la detterò, e tu farai lo scrivano.(si alza, atteggiandosi, Anna lo guarda) Cosa vuoi scrivere nella missiva?
PEPPE(preparandosi a scrivere)
Quali Missina, jddu a San Conu staci.
SANTO
Missiva, missiva…nella lettera.
PEPPE
Chi dopu tutti sti anni di serviziu, jò non mi miritava stu oltraggiu, e chi jddu non…
SANTO
Va bene, va bene, ho caputo. Tu vuoi esprimere il tuo indignamento. Scrivi. Carissimo, stimatissimo, onorabilissimo, e reverendissimo….
PEPPE
Ma non è chi è un parrinu! E poi jò l’ha ‘nsultari, no l’accarizzari e la stimari, ora no stimu chiù.
SANTO
Fatti servire di me, so fare il mio travaglio, prima si apre la missiva con aggettivi squalificativi, poi si va al nocciolo. Carissimo, stimatissimo, onorabilissimo e reverendissimo don Luigi, come va?
PEPPE
Ma chi m’impotta comu và e comu non và.
SANTO.(Maria e Rina escono facendo un gesto a Santo, che annuisce)
E lasciami fare ti dico. Non m’interrompere, altrimenti perdo il filo. Quindi, come va? Spero bene, anche se non lo meriteresse, e vengo e mi dispiego subito, in quanto al punto in questione, punto.
ANNA
Siete davvero… molto….molto acculturato.
SANTO
Grazie, grazie. Riguardo al fidanzamento fatto non, con la mia figlia…
PEPPE(interrompendolo)
E puru u cuntrattu da casa….
SANTO
Sc…E niente di meno che, tutto una parola, virgola,che l’atto notabile che non è stato notato, punto e virgola, e questo da lei in persona, in persona due parole, non me lo avessi mai, e dico poi mai aspettato, aspettato con due t, due punti, dopo tutte le annualità che io sono stato servizievole…
ANNA
Un poeta!
SANTO
Troppo buona! Servizievole al vostro servizio, virgola, e questo, segno di q, è stato il vostro ripagamento, ripagamento tutto attaccato.
PEPPE(asciugandosi la fronte si sporcherà d’inchiostro)
Basta così.
SANTO
Un momento, abbi pazienza, dobbiamo fargliela bene no? Dobbiamo scrivere i saluti? Devi essere superiore a lui, non scendere alle sue bassezze e meschinità. Quindi i saluti….
PEPPE
Va beni, salutamulu e basta.
SANTO
Nonostante, e ammesso e non concesso, tutto l’ingarbuglio, ingarbuglio tutto unito, vi mando, vi porgo, deferenti saluti, punto, vostro don Peppe. Rileggila vediamo se dobbiamo aggiungere altro.
ANNA
Ma chi siti bravu! (cominciano a flirtare, Peppe rilegge, ma i due alle sue spalle, non gli danno retta, si carezzano, si coccolano, e finiranno per baciarsi. Prima che finisca di leggere, si sentirà il calesse, Santo e Anna si scostano, ed entreranno Maria e Rina che non avrà più nei e peli in faccia.)
RINA(avendo sentito il calesse, e sentendo le parole del padre)
Papà!
MARIA
Peppi!
LUIGI(entrando)
Don Peppi…
PEPPE(che avrà finito in quell’istante di leggere)
Ah…(accorgendosi di don Luigi, stropiccia la lettera) Don Luigi!
LUIGI
Don Peppi, cun cu l’aviti?
PEPPE
E cun cu l’haiu…cu…cu…cu distinu l’haiu, cu me distinu.
LUIGI
Eh ognunu havi u sò. Sintiti, bi vulia diri chi pa casa e u tirrenu…
PEPPE(interrompendolo, implorante)
Pi fauri don Luigi no faciti.
LUIGI
No, ci pinzà bonu, ‘ndi parrà puru cu Jaffiu e puru jddu è d’accoddu e puru Tina e me cummari Sara.
PEPPE
Ah…puru jddi sunnu d’accoddu?
LUIGI
Si, si,’ndi parrammu puru ora supra o calessi…
PEPPE(a Rina e Maria)
Vidistu chi beddi amici?
LUIGI
Aviti raggiuni, sunnu amici chi bi rispettunu piddaveru.
PEPPE(c.s.)
Pi carità don Luigi no faciti, pinzati a me figghia.
LUIGI
E jò propriu pi idda u vogghiu fari. Bi havia dittu chi ‘ndi currispundia jò, e ‘ndi currispundu. Jò ha rispittatu sempri a parola data, e a me parola vali chiù di un cuntrattu, pecciò quando vuliti andamu undi u nutaru e facemu l’attu. Poi si vui non vuliti propriu accettari voli diri chi cià dugnu…
PEPPE(riprendendosi)
No…Don Luigi, jò ‘ntindia diri, no faciti a mia ma faciticcillu a me figghia u cuntrattu.
LUIGI
Comu vuliti. Quando siti accomudu mu faciti sapiri, vaju chi carusi mi spettunu. Bonanotti. (esce)
PEPPE
Bonanotti don Luigi.
SANTO
Vidisti chi u distinu è signatu!
PEPPE
Don Luigi si chi è un’omu di parola. Sempri l’ha dittu jò. Cu su putia ‘magginari, quando paria chi havia andatu tutti cosi all’aria. Divintà patruni, e puru senza ‘mpignari a me figghia. (abbraccia Rina e si accorge che non ha più i peli in viso) Ma…i nei chi fini ficiunu?
MARIA
Scumpareru, vistu che non havi chiù l’emozioni du fidanzamentu! Non si cuntentu? (abbraccia Peppe e Rina assieme, Santo e Anna approfittano per baciarsi, intanto Melo fa il verso del gufo)
PEPPE
Cettu chi sugnu cuntentu. Puru aceddi sunnu cuntenti, senti comu cantunu?
MARIA
Ah…u…u cuccu!
SANTO
Già u cuccu!
PEPPE
Chi cuccu?
MARIA
C’è un cuccu chi…chi…chi si giucca supra a finestra. (a Santo) A cacciulu fuj.
PEPPE
No, aspetta, aspetta chi ci mettu a trappula così u pigghiu!
SANTO
Mii…ma ssi fissatu cu ssi trappuli. ( porgendo il braccio) Miss Anna, volete venire con me, a cacciare il cucco?
ANNA
Si, andiamo, facciamolo bolare! (escono a braccetto)
RINA
Janna stasira no lassa un minutu o ziu.
PEPPE
Cettu, jddu faci u lampiuni!
MARIA
Mah…cu sa ci nesci cacchi cosa!
PEPPE
Fussi chi fussi a vota bona, così si pigghia i barattelli e si ‘ndi vaci.
MELO(entrando)
È pimmissu?
MARIA
Avanti.
MELO
Bonasira signura Maria, bonasira don Peppi, ciau Rina.
PEPPE
A tutti bonasira, a Rina ciao? Chi fa a st’ura pedi pedi?
MELO
Mi fici na passiata, cu sta bella luna ghina!
PEPPE
E chi fa u cuccu pedi pedi?
MELO(discolpandosi prontamente)
No…jò no…
MARIA
Settiti Melu, pigghiti na cosa duci.
MELO(eseguendo)
Grazi.
PEPPE
Biviti na goccia di rosoliu.( Maria e Rina spronano Melo a parlare)
MARIA
Avanti Melu.
RINA
Fozza.
PEPPE
Lassatulu mangiari cu so tempu.
MELO(con la bocca piena)
Don Peppi…jò sugnu ccà pi…sugnu ccà…pi…
PEPPE(interrompendolo)
Ssi ccà pi mangiar u capì.
MELO
No, jò bi vuliaa diri chi…
PEPPE(intanto anche lui prende un dolce)
Chi cosa?
MARIA
E lassulu parrari cu so tempu!
MELO
Jò bi vulia diri chi…jò…jò vulissi…(Maria fa capire che deve essere categorico) Si, iò vogghiu…vogghiu…
PEPPI
Chi vò nautra cosa duci?
MELO
No…jò vogghiu…vogghiu…mi vogghiu maritari cu vostra figghia.
PEPPE(gli va di traverso come prima)
Di novu ‘ntò bucu dill’aria.
MARIA
E basta cu stu bucu dill’aria.(gli da forti pacche sulle spalle)
PEPPE
Adaciu, adaciu. Minchia, l’autru ionnu vinisti pi ma dumandi pi zita, ora addirittura pi muggheri!
MARIA
I cosi o si fannu boni o non si fannu propria, veru Melu?
MELO
Si, si.
PEPPE
Melu, jò l’autru jonnu…
MELO(interrompendolo, con coraggio)
L’autru jonnu era l’autru jonnu, aoj è nautru jonnu.
PEPPE
Ah, ti pigghiasti puru di curaggiu ora?
MELO
Si, picchì si vui non vuliti niautri ‘ndi fujemu.
PEPPE
Mah! (a Rina) Tu u vò?
RINA
Si, u vogghiu.
MARIA
Puru jò!
PEPPE
E…chi bi pozzu diri! Vistu chi me figghia ora havi puru a doti, cuntenti vujautri cuntenti tutti.
MELO(lo abbraccia lo bacia)
Grazi.
RINA(lo abbraccia)
Grazi papà.
PEPPE
E su dui, e comu si dici, non c’è dui senza tri.
MARIA(riempie i bicchieri e brindano)
Evviva i ziti.
SANTO(entrando a braccetto con Anna)
Evviva. Visto chi semu in fasi di festeggiamenti, non c’è momento più azzeccato. Caro cognato, cara sorella, cara nipote, caro mio nuovo nipote acquisito…
PEPPE
Mi pari chi non c’è chiù nessun caru.
SANTO
Vi voglio annunciare il mio fidanzamento e future nozze con la qui presente Anna.(la bacia)
PEPPE
Evviva i ziti. L’avia dittu chi non c’è dui senza tri, i provebbi non sbagghiunu mai. Brindamu. (baci abbracci, brindano, poi Peppe pensoso) Ma undi ata ghiri a stari?
MARIA
Pi primi tempi putissunu stari puru ccà, no?
PEPPE
Ma chi primi tempi e primi tempi, così passunu nautri vint’anni.
ANNA
No, ‘ndandamu a stari cu me soru, ‘ndda a casa è randi!
SANTO
Comu? Tò soru avissi a stari cu niautri?
ANNA
No…niautri stamu cu me soru!
PEPPE(gli da la mano, e Santo si contorce dal dolore)
Caru cugnatu u distinu è distinu, ognunu jhavi u so, è signatuo, disignatu e pristabilutu. Auguri e figghi masculi. Evviva i ziti.(tutti “Evviva”)
FINE
LETTERA CHE PEPPE RILEGGERÁ:
Quindi, carissimo, stimatissimo, onorabilissimo e reverendissimo don Luigi, come va? Spero bene, anche se non lo meriteresse, e vengo e mi dispiego subito in quanto al punto in questione, punto. Siete molto, molto accusato. Grazie, riguardo al fidanzamento fatto non con la mia figlia…E niente di meno, tutto una parola, virgola, che l’atto notabile che non è stato notato, punto e virgola, e questo da lei in persona, in persona due parole, non me lo avessi mai e dico poi mai aspettato, aspettato con due t, due punti, dopo tutte le annualità che io ho stato servizievole…un poeta, troppo buono, servizievole al vostro servizio, virgola, e questo segno di q, che vuol dire quaquaraqua, (lo dice ma non è scritto) è stato il vostro ripagamento, ripagamento tutto attaccato. Nonostante e ammesso e non concesso tutto l’ingarbuglio, l’ingarbuglio tutto unito, vi mando al porco, fetenti saluti, punto, vostro don Peppe.
Roma giugno 2005
