Mi chiamo Angela Bambina, sono di Alcamo(TP) e sono un’insegnante. Sono l’autrice della commedia brillante in dialetto siciliano, regolarmente depositata alla SIAE dal titolo: “Fici tririci e un trovu la schedina”, l’ultima della serie.
Le altre commedie già pubblicate sono:
“La pinsioni di mè soggira” “Du ‘ntricusu di mè nannu” “Notizii di La Merica” e “L’Eredità”.
Autorizzo a pubblicare questa commedia sul vostro sito, al fine di farla conoscere e realizzare.
La mia email è: bambina.angela@gmail.com – cell.3335780168
Breve Commento
Siamo alla fine degli anni 90 quando il sogno di tutti gli italiani è quello di fare una bella vincita al Tototcalcio. Vittorio e suo compare Giacomino, spinti da questo sogno decidono di fare una schedina. Vittorio per paura di perdere la schedina originale fa le fotocopie e ne consegna una al compare e una la mette nel portafoglio nascondendo l’originale nella vetrina, ma tante vicende si susseguono e tante persone mettono le mani in quella vetrina, dal figlio alla madre che insieme alla badante ne combina tante, anche la vicina di casa fa una capatina nella vetrina. Chi avrà preso la schedina originale che si rivelerà vincente? Ma il finale sarà il ritrovamento della schedina, o ci sarà un’ulteriore sorpresa? A voi scoprirlo.
“ FICI TRIRICI E UN TROVU LA SCHEDINA”
Commedia brillante
in due atti
( scritta da Angela Bambina)
PERSONAGGI:
Vittorio marito
Gina moglie
Giacominu compare
Stefano figlio
Giusi figlia
Giuseppina suocera
Nicolina vicina di casa
Rita moglie di Giacomino
Fara badante di Giuseppina
Avvocato
Il periodo nel quale si svolge la commedia è ottanta- novanta quando il pensiero di una vincita al totocalcio era il sogno di ogni persona.
La scena si svolge in una modesta casa di due coniugi, Vittorio e Gina, che passano la giornata fra battibecchi e scene di vita comune. La stanza è adibita a soggiorno dove si svolge la vita giornaliera, un tavolo con le sedie, la credenza dove gira tutta la scena, un divano un tavolino e dei quadri alle pareti.
(Entra in casa Vittorio, di sabato sera e trova la moglie che lavora in soggiorno)
Scena prima
Vittorio (entra sfregando le mani) Mi fa un friddu fora, un pari chi semu a Aprili.
Gina Accuminciasti a srammiari!
Vittorio Avannu lu tempu unnà reggi chiù, un iornu fa friddu, e lu
numani lu cavuru si mori!
Gina Puru aieri lu ricisti!
Vittoriu Soccu?
Gina Soccu ricisti antura, chi lu tempu unnà reggi, ma secunnu mia
unnè lu tempu chi unnà reggi, su li cristiani chi un sannu soccu
mettisi e pensanu: “ ma si stu iornu mi mettu li manichi longhi
chi ci fa? E giustamenti essennu chi c’è lu suli sentinu cavuru,
e si c’è friddu si mettinu li manichi curti e…
Vittoriu …e sentinu friddu! E a mia chi mi paria chi era lu tempu chi
unn’arreggi, ‘meci secunnu lu tò ragiunamentu sugnu iu nà stu
casu chi stamatina mi misi li manichi curti, a unn’arreggiri!
Gina Lu viristi chi lu capisti com’è lu riscursu!
Vittoriu Se, ma aeri c’eranu 27 gradi, e cu li manichi longhi stava
suffucannu!
Gina Lu viri, chi unnè lu tempu chi unnà reggi, ma sunnu li cristiani
chi un si sannu fari li cunti! Vittò staennata taliavu lu tempu a la
televisioni e vitti chi dumani fa na bedda iurnata, chi fà ci a ma
iri a manciari ‘ncampagna?
Vittoriu Dumani, è Duminica e voghiu stari tuttu lu iornu nintra a
ripusarimi, picchi dumani mi voghiu viriri li partiti ‘nsanta
paci!
Accussì, amentri chi tu si a la missa, iu pozzu stari
‘ncuddatu a la televisioni senza chi tu mi noci
ducentucinquantavoti!
Gina Fammi capiri, iu a la missa ci a vissi a iri sula?
Vittorio Avi nà vita chi ci iemu ‘nsemmula, si na vota
ci iemu spartuti chi po’ succeriri?
Gina Po’ succeriri, chi si ni viri mè cummari ‘Ninetta ni dù minuti
inchi tuttu lu quarteri, cuntannu a li quattru venti chi ni
srarriamu!
Vittoriu Nuvatri ancora unn’amu srarriatu, anchi si ci sunnu boni
speranzi pi accuminciari, allura unni lu capisciu comu
to cummari po’ mettiri lu telegiornali si ancora unnà nisciutu!
Gina Chidda avi l’edizioni straordinaria, sapi li notizii prima di l’atri
voli fari lu scupp!
Vittorio E nuvatri ci facemu fari lu scup e lu scoppu, accussi viremu si
si po’ stuccari l’ossu di lu coddu, e allistì di fari la giornalista!
Vittoriu Ma na vota sulu mi po’ lassari?
Gina Sulu...e pi fari chi?
Vittoriu Pupiddi!
Gina Li facemu ‘nsemmula sti pupiddi!
Vittoriu Ma si pisanti, Ginù, ma si pisanti!
Gina Lu ricia chi prima o dopu sti cincu chila chi pighiavu mi l’avia
a rinfacciari!
Vittoriu (guardandola in modo scettico) Cincu chila sunnu, un m’avii rittu chi eranu
tri li chila chi pighiasti?
Gina (spaventata) Tri li pighiavu, l’annu scorsu!
Vittoriu E pi unni li lassari suli avannu ci facisti la cumpagnia!
Gina Picchi ti paru troppu grossa?
Vittoriu No o o tu grossa? Tu si precisa, né grossa né sicca, ne larga
ne stritta, tu si precisa, cu cincu chila survecchiu chi si
‘mpustaru a lu postu giustu, un chilu na li spaddi un chilu na
lu pettu, un chilu nà la panza e du chila nà lu rarrè ma si
precisa, si addivintata comu la buttighia dunni nuvatri
mittemu l’oghiu…
Gina Veramenti nuvatri l’oghiu lu mittemu nà lu buttighiuni!
Vittoriu Iu unni lu vulia diri, ma tu ci arrivasti sula… un buttighiuni
sta addivintannu…però si precisa, ti lu rissi!
Gina T’attentu, ma è meghiu chi fazzu finta di un capiri, meghiu di
tia chi pari siccu picchì t’accatti li robi larghi!
Vittoriu Ognunu avi la so filosofia, c’è cu è chi si metti li vesti stritti
stritti, iu meci mi mettu li robi larghi picchi ci voghiu natari
nintra!
Gina Iu un mi firu a natari, tu un mi ci ha ‘nsignatu mai!
Vittoriu E appena iemu a mari ti ci ‘nsignu, priparati lu costumi e lu
salvagenti!
Gina Cusà avissi anniari?
Vittoriu Un si sapi mai ni la vita, lu pisu tira ‘nfunnu e…
Gina Tuttu stu panegiricu chi sta facennu è pi dirimi chi ti sugnu
grossa e un ti piaciu chiù!
Vittoriu Un mi piaci chiù, ma chi va ricennu, tu pi mia si lu suli chi
abbaglia!
Gina Picchissu ti accattasti l’occhiali di suli, picchi t’abbagliavu?
Vittoriu Pi putiriti taliari senza abbruciarimi!
Gina Senti a mia, pi ora mi li tegnu si chila e po’ viremu, quannu aiu
n’anticchia di tempu mi mettu a dieta!
Vittoriu Ura di un manciari chiù è!
Gina Bonu un fari accussi chi prima mi c’è mettiri a dieta e po’ ni
parramu!
Suonano alla porta
Scena II
Detti e il comare Giacomino
Vittoriu Va viri cu è!
Gina Accuminciamu a cumannari?
Vittoriu Ma chi c’è di cumannari, caccarunu un ci avà iri a rapiri a
sta porta…
Gina E chissu si tu…!
Vittoriu Lu capivu ci vaiu…
APRE LA PORTA E DIETRO C’E’ SUO COMPARE GIACOMINO)
Vittorio Trasi trasi, ivì, ma chi ura è, li setti già sunnu!
Giacuminu Avi tri uri chi t’aspettu a lu bar, ma chi fa ti ni pintisti?
Gina Ella, Giacumì comu sermu? Chi successi picchì aspittavi
a me maritu?
Giacuminu N’aviamu a ‘ncuntrari a lu bar, pi iri a iucari nà schedina, ma
vitti chi un vinia e rissi ora ci vaiu nintra e cu st’occasioni
salutu a mè cummari!
Gina Vittò ti lu scurdasti chi t’aspittava Giacuminu?
Vittoriu Forti chi mi rù sempri a ‘nfuddiri!
Gina Finu a chi ci arrinesciu…ci provu!
Vittoriu Fammi pighiari lu portafoghiu, chi stasira mi sentu furtunato
voghiu iri a iucari nà schedina di du beddi culonni!
Giacuminu Dui pi tia e dui pi mia!
Gina Iu ti ricissi di risparmiari sti sordi, cu la furtuna chi ti ritrovi!
Vittoriu Già avennu a tia, sugnu furtunatu, unn’aiu bisognu di fari
schedini!
Gina E allura levaci l’acqua, e cu si sordi accatta n’anticchia di
cafè picchì mi pari chi un ci né chiù!
Giacuminu Cummà chi vuliti, du’mila liri chi su a sti tempi? Ma si semu
furtunati putemu arricchiri!
Vittoriu Amunì cumpà, iemu nà lu tabacchinu, lassala stari a me
mughieri!
Giacuminu Iu già la calavu nà culonna, ora la talii e viri chi ti ni pari!
Vittoriu No iu la voghiu fari sulu, mancu la voghiu viriri chidda tò,
unni là nà schedina vacanti?
Giacuminu Perciò cà nzacchetta n’aiu un mazzu accussì si sbagliamu
ni facemu natra!
Gina Si n’aviti qualcuna survecchiu lassatimilla!
Giacuminu Puru vatri vuliti fari la schedina?
Gina No…un sugnu brava pi sti cosi, ma c’è mè fighiu Stefanu
chi ci ioca, iddu fa raccolta di schedini vecchi!
Giacuminu Stefaneddu, ora rannuzzu avà essiri lu picciutteddu!
Gina Eh si, un beddu saittuneddu è fattu…a và fari durici anni
stu misi chi trasi, pari ranni picchì è longu, ma po’ è nicu
e fa cosi di nichi, insumma ci piaci iucari!
Giacuminu Ora appena allistemu di fari la schedina chiddi vecchi vi li
lassamu!
Vittoriu Allura si ha cà li schedini pighiali chi li facemu!
Giacuminu Pighia la penna e calàmu sti culonni!
Vittoriu Allura, tu mi rici li partiti chi iocanu e iu ti ricu lu risurtatu!
Giacuminu Ma, giustu è?
Vittoriu Si nesci veni a diri chi ‘nsirtavu, si un nesci veni a diri chi
sbagliasti?
Gina Amentri chi vatri pruvati a vinciri iu vaiu dà rintra a stirari
li robi! Vi priparu nanticchia di cafè!
Scena terza
Vittorio e Giacomino
Vittoriu Ah finarmenti si ni iu me mughieri, rilassamuni nanticchia, lu
vò un bicchierinu di marsala accussì ni quariamu!
Giacuminu Abbasta chi un ni ‘mmriacamu!
Vittoriu Forsi si ni ‘mriacamu, ammatti li ‘nsirtamu li risurtati di
li partiti chi iocanu sta simana! A discursu un po’
accuminciari a leggiri si partiti accussì mi vaiu
concentrannu!
Giacominu Iu leggiu, tu rifletti e spari!
Vittoriu Tu scansati però un ti vurrissi pighiari in pieno!
Giacomino Va beni ti leggiu la prima partita: Napoli Juve!
Vittorio Chissa la’nsirtavu! Iu sugnu Iuventinu e ci mettu 2
fissu!
Giacomino Se però, si accuminciamu accussì, chista mi piaci e chista un
mi piaci, pirdemu!
Vittorio Cu la Signora non si perdi bisogna dare fiducia alle cose in
cui si crede, caro compare!
Giacomino E si è dittu tuttu in italianu, avà essiri veru!
Vittorio Certu!
Giacomino Allura comu sta ricennu tu, vinci la Jiuve, giustu?
Vittorio Giustu, metti 2, sugnu sicuru! Dimmi ora cu ioca!
Giacuminu Inter – Sampdoria!
Vittoriu Inter – Smpdoria chista avissi a essiri facili, fammi
concentrari, fammi concentrari 1, sicuru!
Giacuminu Sicuru giustu, non è chi po’ canci idea?
Vittoriu Assolutamenti, già li viu ‘ncampu: “…il centro campista il
pallone che va…tirata tira di ……………
e… Gool!( Vittorio racconta tutta la scena )
Giacomino Cu signà?
Vittorio U ni lu vitti.
Giacomino Sicuru si giustu? Si già lu viri semu sicuri allura! Ora tocca
Udinese –Atalanta, chi ci mettu?
Vittoriu Ti pari chista è un pocu difficili, facemu accussì ora usamu
natra tattica, iu fazzu quattru savuti, nà amma si e nà
amma nò, si mi fermu cu la amma ditta metti 1, si mi fermu
cu la amma manca metti 2!
Giacuminu E s’arresti n’allariu mettu X!
Vittoriu Chi si spiritusu, un ci avia pinsatu a la X, aspetta putemu
fari accussì, ogni tantu mi fermu cu tutti dui li peri( piedi) e
docu è X!
Giacomino E’inutili chi li iucaturi s’arramazzanu ‘ncampu picchi
nuvatri cu quattru savuti risorvemu tuttu lu campionatu!
Vittoriu Accuminciamu ora quali squatri ci sunnu?
Giacomino Tu accumencia a satari chi iu ti ricu li squatri! Vittoriu (Inizia a saltare con un i piedi alterni) Vai Giacumì!
Giacomino Lazio Chievo! (Vittorio si ferma sul piede destro)
Peri dittu unu fissu!
Vittoriu Forza, l’atra squatra, chi si mi stancu di satari allistemu di fari
la schedina!
Giacomino Palermo- Bologna (Vittorio si ferma e dice:
Vittorio “cà un c’è bisognu di satari, Unu siccu, lu Palermu ioca
nintra casa e sicuramenti vinci, po’ ricu si un ci criremu
(crediamo) nuvatri chi semu vicini di casa!
Vittorio Ragiuni ha, e li vicini di casa si rispettano, scrivi UNU e
spirughiamuni!(sbrighiamoci)
Giacomino Allura, ora c’è Carpi - Sassuolo, chi ci mettu?
Vittoriu Aspetta, chi lu sciatuni (fiato grosso) mi sta vinennu cu tutti
sti satati,
(riinizia a saltare) Amma (gamba) manca e scrivi DUI!
Giacomino Ma pareggi ni sta culonna un ci ni sunnu?
Vittorio Cu c’è dopu?
Giacomino Empoli – Genoa e Frosinone- Fiorentina!
Vittorio Taliami comu sugnu misu?
Giacomino Comu si misu, a la ditta!
Vittorio Taliami li peri!
Giacomino Levati li scarpi!
Vittorio Li peri nintra li scarpi!
Giacomino Li raggi X ci vonnu!
Vittoriu Staiu surannu!
Giacomino Ti lu rissi levati li scarpi!
Vittorio Ma unnà ristamu chi quannu sugnu fermu ci ha mettiri X
E allura mettici X a tutti e dui! Chi c’è ora?
Giacomino Milan –Torino!
Vittorio Sugnu troppu stancu, ora sata tu!
Giacomino Iu è satari, ma manciavu chi avi picca!
Vittorio Meghiu, accussì addiggirisci, e mi raccumannu segui li
regoli! Dammi sa schedina ti leggiu l’atri squatri, allura
viremu c’è Verona – Roma, sata!
Giacomino (inizia a saltare, ma si stanca) Già mi stancavu, un putemu fari lu toccu e
si veni pari mittemu UNU, si veni dispari mittemu DUI e si
facemu lu stessu risurtatu mittemu X. Comu ti pari?
Vittoriu Quanti voti ti l’hai rittu di un manciari assà, lu viri ora ha lu
sciatuni e un po’ satari, vabbè facemu lu toccu, toccu iu,
toccu iu, tre e dui cincu scrivi DUI!
Ora c’è Regina – Triestina, ora tocchi tu, miscali li
“irita”(dita)
Giacomino (muove le dita mischia le mani) Accussi?
Vittoriu Accussi, pari chi unnà fattu mai toccu, si miscanu li
“irta”, va si nò unu viri soccu tira, miscasti? Ora tocchi tu,
tocchi tu… tri e unu quattu metti UNU!
Giacomino Livorno-Pescara, tira Vittò, dui tu e dui iu allura scrivu X
Poi c’è Brescia -Cesena cu tocca?
Vittorio Stavota toccu iu, miscamu bonu, tiramu zeru tu e zeru iu
Scrivemu arrè X! Ora c’è l’urtima Vicenza-Trapani
Scena quarta
Detti e Gina
Gina Cà c’è lu cafè, Giacumì zuccarù quantu ci né mettiri?
Giacuminu Dui scarsi!
Gina Allura unu e mezzu!
Giacuminu No, ti rissi dui scarsi!
Gina Unnè la stessa cosa?
Giacuminu No, ci na mettiri nanticchia chiossà di menzu!
Gina (mette lo zucchero) Lu grammu pisavu, va beni?
Giacomino Precisu, bonu di sapuri è, Vittò giustu chi tò mughieri e cà
ci facemu mettiri l’urtimu risurtatu?
Vittorio E si po’ sbaglia!
Giacomino Certu ragiuni ha, nuvatri amu fattu un lungo
ragionamento pi arrivari a lu risurtatu, lunghi studi
movimentati, però ci po’ pruvari, Cummà ti la senti di
dirimi un risurtatu?
Gina No, chi si po’ sbaglio v’arrabbiati!
Giacomino Un ti prioccupari, allura iu ti ricu li squatri chi iocano e tu
mi rici UNU o X o DUI pensaci però!
Gina Aspetta un minutu fammi concentrari, vai parra!
Giacomino Vicenza-Trapani! Chi ti vinni ‘ntesta?
Gina Aspetta (Inizia a fare il tocco) “ Mi rissi me’ pà(padre) ta
pighiari chistu di cà!”
Vittorio Tutti la stessa filosofia avemu, si viri chi semu maritu e
mughieri!
Giacominu Comu rici lu proverbiu: “Nuddu si pighia si un si
rassumighia” e vatri un sulu vi assumighiati, ma la la
pinsati a la stessa manera!
Vittoriu Gi, chi ci mittemu Unu, X o Dui?
Gina Niscì cu lu toccu Trapani e allura mittemu DUI!
Giacumino E dui sia!
Ora chi calamu la prima culonna la secunna veni chiù facili
Mi chiuiu l’occhi e dettu, prontu?
Vittorio Vai!
NAPOLI- IUVE / INTER- SAMPDORIA/ UDINESE- ATLANTA/ LAZIO-CHIEVO/ PALERMO-BOLOGNA/ CARPI-SASSUOLO/ EMPOLI –GENOA/ FROSINONE-FIORENTINA/ MILAN-TORINO/ VERONA-ROMA/ REGINA-TRIESTINA/ LIVORNO-PESCARA/ BRESCIA-CESENA/ VICENZA-TRAPANI
(Ad ogni partita nominata, Vittorio fa dei salti e dice un risultato)
Vittorio E ora iemu a iucari la schedina a lu tabacchinu, Prima
passamu di lu Prontu Soccorsu cumpà, tuttu ruttu sugnu!
Ginù, attenta a mia vaiu cu Giacuminu a iucari la schedina
accattu lu cafè e poi vegnu.
Gina Va beni a mentri priparu la cena picchi a natranticchia veni
tò matri ti lu scurdasti chi stasira la ‘mmitasti a manciari?
Vittorio Ivi bedda matri, stasira mè matri veni a manciari cà, mi
raccumannu Ginù facci cosi semplici chi ci piacinu
picchi va si nò, po’ cu l’avà sentiri!
Giacomino Ti spirughi, chi facemu tardu!
Vittorio Chi fa, passu di ni lu Cucceri e pighiu puru nanticchia(un
poco) di carni pi arrustiri chi a idda ci piaci!
Gina No ci ivu stamatina accattavu puru nanticchia di
capuliatu(tritato) pi farici du’ purpitteddi chi sunnu chiù
morbidi e accussì li po’ manciari!
Vittorio Va beni, allura vaiu cu Giacuminu a fari la schedina!
Gina Spirughiati!
ESCONO VITTORIO E GIACOMINO
SUONANO ALLA PORTA
Scena Quinta
Gina e Rita
Gina Unnà nisciutu, e già turnà, e puru li chiavi si scurdà!
RISUONANO ALLA PORTA
Gina Staiu Venendo! Ma, iu vurrissi sapiri picchi li chiavi un si
l’appizzii a lu coddu pì ciondolo! Picchi secunnu mia cacchi
vota arresterai fuori!
Gina Oh, ma iddu tu si Rita, ma che piacere, si vinii cincu minuti
prima ti ‘ncuntravi cu tò maritu!
Rita Picchissu vinni cincu minuti dopu!
Gina Era tuttu calcolatu!
Rita E si, iu li cunti li fazzu a tavolinu, mè maritu mi rici sempri:
“tu ‘ntesta ci ha un registraturi di cassa”
Gina Comu arreggi cu su scrusciu?
Rita Mi rici accussì, picchi fazzu sempri cunti! Ti stava ricennu,
Giacominu mi rissi chi avia a iri a iucari la schedina cu tò
maritu e allura mi ‘mpustavu e ti vinni a truvari!
Gina Facisti bonu a veniri, ma un c’era bisognu di ‘mpustariti pi
veniri cà, fra nuvatri un c’è bisognu di complimenti!
Rita Ma quali complimenti, iu vinni picchi voghiu un cunsighiu!
Gina Un cunsighiu, ma con piacere se posso aiutariti!
Rita Certo, che mi puoi aiutari, senti a mia, Giacomino il mese
avanti a questo fa il compleanno!
Gina Allura ci a mà fari l’auguri. E comu ti pozzu aiutari!
Rita Iu ci vurrissi organizzari nà fisticedda cu quattru amici, e…
Gina E ni vinisti a mitari?
Rita Puru certu chi siti ‘mmitati, però la mè casa è nica cristiani
assà un ci ni vannu, va si nò a mà stari stritti stritti e un si po'
mancu abballari…
Gina Un ti capisciu, mi sta ‘mmitannu o soccu?
Rita Certu chi siti ‘mmitati, ci mancherebbe, nintra di vatri chi fa
ve assicutari!
Gina Zi..zi.zittuti chi forsi vaiu capennu, tu un vò un cunsighiu, tu
vo’ fari la festa dintra la mè casa!
Rita Certu, talia chi bella stanza granni chi ha? Tuttu stu bellu
largu, ci issimu tutti belli comodi, da mittissimu lu tavolu pi
lu buffè, da li palloncini, da la scritta Buon Compleanno
Giacomino, po' n’ammucciamu e quannu trasi iddu
ricemu “SORPRESA” e cà abballamu, chi ni rici?
Gina Ricu chi li cunti ti li facisti precisi a tavulinu!
Rita Un pensu chi mi rici no, vatri puru ‘mmitati siti!
Gina Ti ringraziu pi chi si accussi generosa cu li mè cosi, ma pi ora
un ti pozzu diri: “Sorpresa”! Prima è parrari cu Vittoriu e po'
ti fazzu sapiri!
Rita Viri chi lu misi avanti sta vinennu, fammi sapiri chi è fari
tutti li ‘mmiti, e iri accattari puru lu regalu!
Gina Al più presto avrai mie notizie!
Rita No chi ti lu scordi!
Gina No o o, chissi sunnu cosi chi un si ponnu scurdari!
Rita Mi ni vaiu va, vaiu a fazzu nà passiata giustu chi ‘mpustavu!
Gina T’accumpagnu a la porta, e ti raccumannu fatti nà bedda
passiata, ma unn’accattari nenti pi ora, né pizzetti, né
arancini, né taralli!
Esce Rita e Gina rimasta sola, parla a voce alta
Gina Ma lu cuntu si lu fici veru bonu, da ci metti lu buffèt, da’ ci
metti la scritta Buon compleannu, da’ ci metti lu gira dischi
E cà abballamu! Ma bonu veramenti si lu fici lu cuntu…
Scena sesta
Gina e Stefano il figlio
(Il figlio entra giocando a pallone facendo scaturire le ire della madre che sta conservando la biancheria)
Gina Stefanu un iucari nintra cu lu palluni, quanti voti ti l’haiu
rittu?
Stefano Talia mama, talia chi tiru chi fazzu!
( Gina corre e si mette davanti la credenza con le braccia aperte per proteggere)
Gina Sta attentu Ste, un tirari!
Stefano Brava mamà, para accussì!
Gina Stefanu!
Stefano Ti scantasti, dillu!
Gina Lu cori di fora mi sta niscennu! E posa su’ palluni!
Stefano Mamà, pozzu iri a fari nà partita cu li mè amici, prima chi è
ura di manciari vegnu!
Gina Mi raccumannu Stefanu, fra menzura a essiri nintra picchi
t’ha dari nà lavatedda chi stasira avemu la “regina” a tavola!
Stefano Cu è la regina?
Gina To’ nanna!
Stefano Chi semu ‘mportanti, avemu parenti reali e unni lu sapia!
Gina Infatti t’aggiornavu pi dariti nà smossa, ricordati: la
Regina! La regina di l’api!
Stefano Puru lu titolo avi, e picchi la regina di l’api?
Gina Picchì si chiddi puncinu, idda fa pirtusa quannu parra!
Stefano La nonnò stasira c’è? Allura vegnu prestu cu sà càpitu
cacchi cosa!
Gina Propriu cus’à c’è di diri, di com’è tirchia scordatillu chi ti
runa cacchi cosa, anzi sta attentu cusà la voli di tia!
Stefano Va beni, mamà, vegnu prestu e ci rugnu a parrari accussi tu
pripari tranquilla, viri chi mè soru stasira veni chiù tardu
picchì è a sturiari ni Pierina!
Gina Speriamu chi veni prestu cu l’avà sentiri a tò nanna appena
unni la trova nintra!
Stefano E tu un ci rari cuntu!
Gina E fammi lu santu piaciri di iri a chiamari a tò soru e dicci
chi avà veniri subitu!
Stefano Volo mamà! E atterravu ‘ncapu di mè soru ( Si scontrano
mentre che esce) La mamà ti cerca!
Scena settima
Detti e Giusi
Giusi Sono a casa, mamma!
Gina Meno mali chi ti arri campasti picchi to nanna sta arrivannu
e a ma’ essiri tutti pronti comu li surdati.
Giusi Comu li surdati? E picchi?
Gina Picchi appena arriva idda fa l’ispezioni, comu si vistuta,
chi ti mittisti, li capiddi accussì si fannu e si vo’continuo…!
Giusi No un ci né bisognu piccchi ora ci pensa idda!
Gina Tò patri chiffari unnavia a‘mmitalla, ma idda ci teni, iddu
ci teni…
Stefano E tu un ci teni!
Gina Pi nenti, ma no picchi mi fa ‘mpacciu, ma picchi è troppu
pisanti!
Giusi Certu ultimamenti russunedda è fatta!
Gina Un ci lu diri ravanti picchi va si nò ‘nfuddisci, picchi idda ci
teni a la linea!
Stefano Ma mi pari chi puru tu hai qualchi chilu survecchiu!
Gina Ah ah ah, ti mittisti d’accordu cu to patri, dumani mi mettu
a dieta!
Giusi Dumani, ma stasira mi piacissi manciari…
Stefano Prima avà veniri papà e la nonna e po’ manciamu!
Giusi Allura mi vaiu a dugnu na rinfrescata quannu arrivanu mi
chiami!
Stefano E iu mi ni vaiu a iucari fora!
Scena ottava
Gina, Giuseppina (la suocera) e Fara
Gina Allura li purpetti sunnu pronti, la carni l’arrustu appena veni
idda, quasi quasi ci priparu un pocu di pastina, un vurrissi
che la pasta cu li sardi ci pari pisanti, bedda matri di
solitu sacciu cociri benissimu ma quannu veni idda mi
scordu puru si ci si metti lu Sali o lu zuccaru ni la pasta,
tantu la sogezioni chi mi metti!
(SUONANO IL CAMPANELLO)
( Risuona il campanello)
(ENTRA LA SUOCERA ACCOMPAGNATA DALLA BADANTE)
Gina Vengo, vengo! Fara, menu mali chi ci si tu cu mè soggira, va
si nò comu avissimu a fari!
Fara (quando parla storpia le parole) Si, lo accompagnata io, da sola anche se sta qui
vicino non ce la fa a fare questa strada! (la prende
sottobraccio e l’acompagna) Tu dare a me la borsa!
Giuseppina Io non ti dari nenti, e tu unni la tuccari!
Fara Ma io solo posare!
Giuseppina Tu unni la tuccari!
Fara Ma tu che ci avere dentro?
Giuseppina Nenti, la codda pi li renti, e a tia un ti ‘nteressa!
Gina La mia suocera preferita! (Tutto detto guardando in faccia
la suocera e scandendo le parole)
Giuseppina Picchi tu quantu soggiri ha? Ora mi preferisti, picchi finu a
l’atra aeri quannu ti telefonavu, di comu m’arrispunnisti un
mi parsi di essiri tantu preferita!
Gina Picchi comu ci arrispunnivu?
Giuseppina A tono!
Gina Certo tono su tono! (Accumicia’, ma tu Gina mia, tieni
duro!)
Gina Fara, comu a statu mè soggira?
Fara Bene signora, io andata due mattine ad aiutarla, ma poi lei
mi ha mandata via, perché dice di stare bene!
Gina Un cancia mai, Fara tu ha aviri pacenza, mè soggira è fatta
accussì, quannu li cristiani ci servinu sunnu boni, quannu un
ci servinu li manna!
Fara Io conoscere signora, ma io bisogno di lavorare! L’altro
giorno è andata dalla parrucchiera da sola, e io passavo l’ho
vista e l’ho riportata a casa!
Gina Menu mali, ti lu ‘mmagini chi qualcunu cu la bricichetta,
mentri chi caminava, si la mittia sutta!
Fara Perché, co la machina no?
Gina Ni sa strata stritta, sulu cu li bricichetti si ci po' passari!
Gina Comu stati mamà, vi passà l’infruenza?
Giuseppina Un pocu mighiulidda mi sentu, ma niscivu picchi mi
‘mmità me fighiu, va si nò, m’ avissi statu nintra!
Gina (appena veni l’affucu) Bonu fici accussi stamu un pocu
‘ncumpagnia, ora vennu li picciotti!
Giuseppina Li me niputi, pi iddi vinni stasira, avi assà chi unni li viu!
Gina Mamà, la simana passata un manciastivu cà? E iddi eranu
presenti cà ‘nsemmula cu nuvatri, e mi pari chi vi guristivu
tutta la santa iurnata!
Giuseppina Veru è, ma lu sa comu criscinu ni na simana? Po ci retti,
puru nà cusuzza l’unu e iddi arristaru cuntenti.
Gina Veru cuntenti foru, però pi accattarisi chiddu chi vulianu ci
appi a mettiri chiossà di la mità di sordi!
Giuseppina Picchi un ci abbastaru?
Fara Giuseppina, tu dari sempre poco soldi!
Giuseppina Fara, non è chi ti purtavu appressu pì scunsarimi li cosi?
Va si nò la prossim vota vegnu sula!
Fara No o o, sola no perché potete cadere!
Giuseppina Nun lo vedi che haiu lu vastone, come pozzo cadere, mi lu
rici?
Gina Fara nun ci rari cuntu! No o, è chi Giusi vosi nà
camicetta chi custà aasaliddu.
Giuseppina …eppina.
Gina e Stefanu li scarpi cu la marca, chi ci vosi un patrimoniu!
Giuseppina Meghiu chi ci accumencia di ora cu li marchi picchi la
pinsioni è duci!
Fara Però a me niente marche!
Giuseppina Picchi tu chi a fari cu sti marchi? Ni lu tò paisi puru
pinsioni pighiati?
Fara Tu essere venuta nel mio paese? Tu conoscere?
Giuseppina Nè ci aiu vinutu e né ci voghiu veniri
Gina Lassala perdiri!( le fa dei gesti per capire che non ci sta con
la testa)
Giuseppina E a lu matrimoniu è meghiu chi ci pensa dopu!
Fara Anche io volere maritari.
Giuseppina Ma cu è chi ta và vuliri? E po' cu si pighia a tia sa và
pighiari puru a mia!
Gina Mamà di sordi parrava no di matrimoniu!
Giuseppina Ragiuni ha, pi maritarisi a sti tempi ci ni vonnu sordi!
( rivolgendosi a Fara) Tu sordi nà, chi ti vò maritari.
Fara (la guarda con un sorriso) Tu dare me borsa.
Giuseppina (che ha capito il gioco, sposta la borsa) Lassa stari la borsa.
Gina Mamà comu ti stava dicennu, pi chissu iddi accuminciaru a
mettiri sordi di latu ora chi su nichi, na cusuzza ci rati vatri
na cusuzza ci ramu nuvatri e cacchi cosa assumma!
Giuseppina E no, mittemu li cosi ‘nchiaru, iu campu cu la pinsiunedda
chi mi lassà la bonarma di to soggiru e ma basta giusta
giusta non è chi pozzu fari tanti sforzi!
Certu di quant’avi chi veni Fara a darimi na manu cu li
pulizii, sforzi ni fazzu chiù piccaredda!
Fara Non si muove proprio, dice solo aiai, aiai, io lavoro e lei
dice aiai!
Giuseppina E io pago, pago e pago. Ma chi priparasti stasira pi
manciari, cosi semplici picchi haiu avutu l’infruenza e un
mi cala nenti, mi stai ripighiannu ora!
Gina Cosi semplicissimi, pasta cu li sardi, purpetti e carni
arrustuta! La pasta è ancora nà lu furnu, ci vonnu ancora
cincu minuti, però si vuliti vi fazzu a viriri n’anticchia di
corredu chi fici a me fighia!
Giuseppina Se…mi piacissi! Lu linzolo a lu gighiuzzu ci lu facisti?
Gina Se puru chiddu cu la scritta Giusi.
Giuseppina …nnà li cuscina e na lulinzolu …eppina. Fara fammi
susiri e accumpagnami!
Fara Si appoggi a me!
Giuseppina Un mi fari cariri!
Fara Io non fare cadere nessuno!
Giuseppina Tu qualchi iornu mi fa sdirrubbari, sugnu sicura, aspetti
sulu lu mumentu giustu e…mi ecchi ‘nterra!
ESCONO TUTTI DI SCENA
Scena nona
Vittorio
(SI SENTE APRIRE LA PORTA E ESNTRARE FISCHIANDO VITTORIO IL MARITO) ^ Tredici qua, tredici là, sono il più ricco della città^(sulle note di Figaro)
Vittorio Me le sento, me lo sento, lo sento nelle ossa che questa
giocata è quella giusta! Ora cantiu bella cantiata la schedina
originali tantu ci ficimu li fotocopii, una copia a me e una
copia a mio compare Giacomino, la fotocopia nà lu
portafoghiu, ma la shedina originali la cantiu in un posto
dunni la pozzu truvari sulu iu, sti tazzini mè mughieri unni
li pighia mai picchì sunnu chiddi di lu serviziu bonu, la
mettu cà rintra la tazzina, no la mettu nintra la biscottiera,
no la mettu rarrè la cafittera, no la mettu…
Scena decima
Vittorio Gina, Giuseppina e Fara
Giuseppina Vittoriucciu arrivasti… Fara un m’ammuttari?
Fara Io solo accompagnare, no ammuttare!
Vittoriu Ma iddu me matri cà è? Cu la cumpagnia vinisti? Aspetta
chi allistivu, la mettu cà.
Mammina mia comu siti l’anfruenza vi passà?
Gina (rivolta al pubblico) Ora accumencia a piatusirisi!
Giuseppina Ah figgiu me’, mi la vitti tinta, veru tinta!
Vittorio Picchi atri cosi avistivu?
Giuseppina La tussi, la tussi mi squarciava lu pettu, la notti mi passava
iornu
Gina ( rivolta al pubblico) Forti chi lu iornu dormi sempri!
Giuseppina Tantu appi la frevi forti chi, srammiava…
Gina Allura unnavia nenti, picchi srammia sempri!
Vittoriu Ma lu dutturi lu chiamastivu?
Giuseppina Lu chiamavu, e puru a iddu ci vinniru li confusioni, mi
vulia mannari a lu spitali, ma iu ci rissi no, non sia mai
e mè nora comu a va fari a cummattiri cu mia?
Giuseppina (rivolta al pubblico) Sò nora? Cioè la sottoscritta? Vurrissi sapiri picchi
c’è cummattiri iu! So fighia un ci po’ iri?) Mamà, ma to
fighia Rosalba si ti ricoveravi a lu spitali un ci putia veniri?
Giuseppina Rosalba, ma da picciuttdda travaghia, comu avia a fari a
spartisi fra lu sirvizzu la casa, li figghi e lu spitali?
Vittorio Mamà, ma me soru figghi u n’avi!
Giuseppina La và fari.
Gina Certu ragiuni ha, meci to nora chi travaghia si po spartiri!
Vittoriu Carmati, sta carma, lu sa chi mè matri esagera sempri, a lu
spitali un ci hi, sta carma, ti vaiu a pighiari un bicchieri
d’acqua da rintra, ma tu un ti srarriari cu me matri, mi
raccumannu! (Vittorio chiama Fara scandendo le parole)
Fara Io capire Vittorio.
Vittorio Fara, mi raccumannu, fa di spartiacqui!
Fara Io non capire, cosa essere spartiacque?
Vittorio Nenti, unni li fari srarriari!
Gina Fara, ti dispiaci iri a priparari la tavula da rintra, l’acqua la
spartu iu!
Fara Certo Gina, con piacere, ma guarda tua suocera, negli occhi
te la fa.
( Suonano alla porta) DIN DON
Scena undicesima
Detti e la vicina di casa, la signura Nicolina
Gina Arrivo!!!
Giuseppina Vacci tu Ginù, mi sentu fracca, va si no ci issii pi un
ti fari susiri!
Gina E chi staiu facennu? No no cara suocera, questa è casa mia,
chistu è lu mè campanellu chi sona, e chissi sunnu cristiani
chi cercanu sicuru a mia e siccome cà nintra appartiene tutto
a me ci vaiu iu a rapiri la porta, stati comoda!
VA AD APRIRE LA PORTA
Gina Nicolì, staennata ancora unna viamu vistu!
Nicolina Ginù, mi servi un pocu di zuccaru, mi la pristari pi piaciri?
Gina Ti ni rugnu un coppu sanu?
Nicolina No nanticchia ma basta e cunsari du tazzini di cafè!
Gina (Gina va a prendere lo zucchero)
Nicolina (Rivolgendosi a Giuseppina) Signora Giuseppina, ma vi viu bona!
Giuseppina Se se bona haiu statu, si viri?
Rientra Gina e Giuseppina si siede tossendo
Gina Dunni ti le mettiri, un purtasti nenti?
Nicolina Mettimillu ni nà tazzina e po’ ti la portu!
Gina No chi ti la scordi? Picchi chissa è la tazzina di lu serviziu
bonu!
(Gina prende la tazzina dalla credenza)
Nicolina Ma chi dici, dopu ti la portu, sta tranquilla, a li me manu li
cosi sunnu sarvati!
(Esce Nicolina)
Gina A li so manu! Avi tri misi chi ci mpristavu nà pignatedda e
ancora unnà turnatu, speriamu chi la viu arrè sa tazzina!
Giuseppina La tazzina di lu serviziu bonu ci avii a dari e si ti la rumpi, si
ci cari, si lu scorda a purtaritilla…
( SUONANO ALLA PORTA)
Gina Si si si… ti fazzu a viriri chi è idda, ora lu viri!
APRE LA PORTA
Gina Chi ti scurdasti Nicolì?
Nicolina Senti a mia, stava mittennu lu zuccaru ni la tazzina e mi na
dunavu chi unn’avia lu cafè, mi ni po ‘mpristari nanticchia
chi dumani ti l’accattu!
GINA VA A PRENDERE LA CONFEZIONE DI CAFFE’
Nicolina Signora Giuseppina, antura di luntanu mi paria so niputi
Giusi.
Giuseppina Se se, n’assumighiamu, tutti mi lu ricinu.
RIENTRA GINA E LA SUOCERA SI SIEDE TOSSENDO E LAMENTANDOSI
Gina Lu vò tuttu e po’ mi lu porti?
Nicolina No o o, ma basta nà tazzina di cafè, la cafittera nica è fari!
Gina Va beni ti lu mettu ni sta tazzina, ma è sempri chidda di lu
serviziu bonu!
Nicolina Ma chi va pinsannu, a li mè manu li cosi sunnu sarvati, po’
ti la portu!
ESCE NICOLINA
Giuseppina Lu beddu serviziu, tuttu sgualatu, chissu mè frati ti lu regalà
chi a và diri chiddu appena lu viri accussì squalatu?
(disuguale)
Gina Iu avi chi un viu a mè zu Rosariu di quannu mi maritavu,
ma si avissi a veniri fra oggi e dumani cacchi atra tazzina
c’è ancora pi offrici lu cafè!
Vurrissi sapiri si me maritu l’acqua la i a pighiari a lu
buttinu!
SUONANO ALLA PORTA
Giuseppina E chi si scurdà sta vota?
Gina Li biscotta!
APRE LA PORTA
Nicolina Ma scusari, ma ti li truvassi…
Gina Chi vò li viscotta, ti vaiu a pighiu chiddi accattati dà rintra!
ESCE GINA
Nicolina Ragiuni avi, v’assimighiati assà! Di quant’avi chi unni la
viria mi pari veramenti attruvata!
Giuseppina Nicolì, ti ricu na cunfirenza, lu zù Pippinu chiddu ci sta ni
la mè strata, mi scunteni!
Nicolina E lei, e lei si fa scunteniri?
Giuseppina Pi carità, li vecchi sulu nà cosa hannu ‘ntesta!
Nicolina Perciò mi ricissi signura Giuseppina, chi hannu ‘ntesta li
vecchi?
Giuseppina Sulu na cosa, sulu una!
Nicolina Un mi ricissi? Soccu?
Giuseppina Soccu? Un ti la vissi a diri certi cosi!
Nicolina Cu mia po' parrari, soccu voli lu zù Pippinu?
Giuseppina A lu zù Pippinu ci ‘nteressa na cosa sula! La pinsioni!!!
(RIENTRA GINA E GIUSEPPINA SI SIEDE DI COLPO FACENDO FINTA DI TOSSIRE)
Gina Nicoli, chisti boni sunnu? Picchì ni la biscottiera ci sunnu
chiddi fatti di casa! Mamà facistivu amicizia?
Giuseppina Du paroli…
Nicolina (si avvicina alla credenza e prende la biscottiera) No, mi
pighiu chisti fatti di casa, sunnu chiù originali, cu sa’ un ci
avissiru a piaciri…
Gina Torna arrè!
Nicolina Tu si chi si n’amica!
(NICOLINA VA VIA CON TUTTA LA BISCOTTIERA)
Giuseppina Belli vicini di casa ta’ trovi!
Gina Ni stu quarteri una un s’annoia mai! Poi Nicolina è una chi
ti fa passari li cincu minuti! Si va nintra ni idda unu attrova
sempri li cosi chi un cerca naturalmente un trova chiddu chi
cerca!
Giuseppina E sapennulu, tu ci mpresti dui tazzini e la biscottiera, cu la
spranza di unni li viriri chiù!
Gina Si unni li viu chiù mi l’accattu novi, sulu accussì pozzu
canciari serviziu…
Giuseppina L’avia caputu quannu ti lu regalà me frati chi tantu assà un
ti piaci e ora cerchi tutti li scusi pi liberaritinni!
Gina Attenta a mia, ca’ nintra ni mia li cosi si ‘mprestanu,
compresu lu serviziu di lu zu Rosariu, ni tia soccu vo fari
fa!
Giuseppina Mè fighiu fici un bellu affari a pighiarisi a tia! Fici tririci!
Scena undicesima
Detti Stefano e Giusi
Stefano e Giusi entrano insieme da due porte diverse
Stefano Nonna, ma chi si bedda, mi pari sempri chiù giovani!
Gina Assumighia tutta a to patri!
Giuseppina Ma chi dici si haiu stata malata, talia chi sugnu giannulidda!
Gius (si avvicina alla nonna) Nonnina mia, bedda! Ora ti truccu nonna e
ti fazzu a viriri chi ni un minutu si
bedda colorata!
Gina Lassala stari, tuttu tempu persu è!
Giuseppina Un pocu di russettu l’accettu, picca però!
Gina Cu sa ci fa mali!
Giuseppina No, picchi sugnu, veduva, un vurrissi fari parrari li cristiani!
Stefano Mamà lassala stari la nonna, iu sempri accussì l’haiu
Canusciuta.
Gina Iu puru sempri accussì l’haiu canusciutu, sempri
lamintusa!
Giuseppina Lamintusa iu? Ma si ni mia riri puru lu scaluni!(gradino)
Gina No puru… sulu lu scaluni riri!
Giusi Chi a mà fari stasira, ‘mitamu a la nonna e un si mancia?
Gina Tutti cosi pronti sunnu, fici nà pasta cu li sardi, chi sulu cu
lu sciavuru s’arruspighianu li morti!
Giusi Menu mali chi stamu luntani di lu cimiteru!
Gina |La ricetta mi la retti la mè vicina di casa…
Giuseppina Niculina, chissa chi è chiù cunfusa chi pirsuasa?
Gina Chi è cunfusa, è sicuru, ma quannu adduma lu gas idda…
Giuseppina Pighia focu tutta la casa!
Gina Ma chi dici… sapi cociri, e cociri bonu, comu fa la pasta
cu li sardi idda u ni la fa nuddu!
Stefano Nonna, comu la fa tu, u ni la fa nuddu!
Giusi Mamà, cu s’à ti sta zitta e facemu a tutti cuntenti!
Giuseppina Lu voghiu sazari stu capolavoru, e po’ decidemu si è
veru bona comu rici to matri!
Gina Amunì iemu nà la cucina chi già Fara allistì di
apparecchiare, e manciamu.
( LE TRE DONNE ESCONO E RIMANE IN SCENA STEFANO CHE INIZIA A CONTARE E A GIOCARE CON LE SCHEDINE VECCHIE)
Stefano Trentasei, trentasetti schedini
iu pensu chi chiossà di chiddi mè u ni po’ aviri, però ora
rugnu nà controllata ni sta cririnzera cu sà c’è cacchi
schedina chi un servi a nuddu…
( SI METTE A CURIOSARE FRA LE TAZZINE E QUELLO CHE C’E’ NELLA VETRINA)
Vurrissi sapiri picchi me matri sarva tutti li scontrini,
secunnu mia si li cancia cu chiddi di Nicolina!(Quarda nel
centro tavola) Lu scontrinu di la putia, Putia, Putia, Putia
lassari cacchi schedina vecchia però! (Va a guardare nella
vetrina)
Cà un ci né, cà mancu, a li voti qualcuna vecchia si la
scorda… ma chi c’è cà rarrè, nintra stu bicchieri…l’ha
truvavu… na schedina, che bellu!
Me patri avi lu viziu di fari li fotocopi a li schedini,
l’originali li cantia cu sa li perdi e la fotocopia si la metti
na lu portafoghiu, poi siccome un fa nenti mai, si scorda a
livarili, e iu na’ trovu sempri caccarunu vecchia!
( SI RIVOLGE A VOCE ALTA ALLA MADRE CHE SI TROVA IN CUCINA)
Mamà, mamà!
Gina Chi bò Ste, spirughiati e veni a manciari, chi s ‘arifriddà!
Stefano Mama a! Pozzu pighiarimi sta schedina chi attruvavu
nintra la cririnzera?
Gina Ti la po’ pighiari, chissa è sicuru vecchia! Spirughiati però!
Stefano La mettu ‘nsemmula cu l’atri, e dumani poi iocu cu Pinu,
mi… l’atra vota ni vincivu durici. Bona mi finì!
Gina La pasta s’arrifridda!
Stefano Arrivu!
SI SCONTRA CON LA NONNA CHE STA USCENDO DALLA CUCINA
Stefano Nonna già allististi di manciari? Comu ti lu calasti?
Nonna Cu lu mutu! (imbuto)
Stefano Mamà, ma furchetti u nà vemu chiù?
Scena Tredicesima
La nonna
( Giuseppina rimasta sola nella stanza comincia a cercare carta e penna per scrivere)
Giuseppina Sta vota mè nora ragiuni avi, sta pasta era veru bona, allura
mi rissi chi ci misi li sardi, aspe’ natra cosa rissi puru… li
passolini… meghiu chi la scrivu, na penna ci ha vissi a essiri
nintra sta casa, li me niputi vannu a la scola, sunnu tutti
scrivani … cà c’è la penna e ora un ci voli un pezzu di carta,
(si guarda intorno) la carta dunni la tennu bo? Aspè nintra sta vitrina, rarrè sti
tazzini, cà c’è un pizzuddu di carta, ma chi c’è scrittu?
Ti pari chi ci viu chiù di vicinu…mancu li robi vurrissiru
‘mmicchiri! Ma chi è nà schedina, sarà sicuru vecchia ora
scivu cà rarrè, ( si siede e inizia a scrivere)
allura: Fare soffriiri la cipolla, poi fare soffriiri li sardi puliti,
quannu sunnu tutti cosi sofferetti, no soffrietti mancu,
soffriuti.
Agghiunciri li passolini o li passuluna, un ci pensu…va bè po
ci mettu chiddu chi trovu, mettiri ‘ncapu la muddica atturrata,
ah… natra cosa mi staiu scurdannu, agghiunciri li pinnòli,
pinnuli sarannu, ma chi tipu di pinnuli sunnu? Chiddi nichi chi
servinu pi lu cori o chiddi chi friinu tipu efferlgan?
Ora dumannu a mè nora! Gina, Gina.a.a.
Gina Si affaccia: chi vo mamà?
Giuseppina Staiu scrivennu la ricetta, e un capivu nà cosa, tu mi ricisti chi
ci mettisti nà la pasta li pinnoli, ma eranu chiddi chi friianu
tipu efferlgan o.. chiddi pi lu cori chi si agghiuttinu cu
l’acqua?
Gina Ma quali pinnoli? Dunni li viristi sti pìnnoli? Li pinoli chiddi
chi sunnu nintra li pigna, ci misi né la pasta, no li pìnnoli!
Giuseppina Picchi, iu chi dissi?
Gina Nenti lassa perdiri, fammi leggiri soccu scrivisti, ( prende la
schedina), “Fare soffrire la cipola. Fare soffrire li sardi pulite,
tutti cosi hannu a soffriri? Quannu sunnu tutti cosi sofferenti
agghiunciri li passolini o li passuluna…quali passuluna? Ti ni
capità caccaruna chiù grossa, passula, chi addivintà
passuluna? Ficu sicchi e passuluna, pinnuli e chi manca puru,
fammi leggiri!
Gina Chista mi mancava “mettiri ‘ncapu la pasta, la muddica
atterrata! Di dunni avia atterrari di Trapani o di Palermu?
Giuseppina Sbagliavu a scriviri? Chi vo, iu sulu la secunna elementari
haiu! Atturrata! Va be mi vo riri chi unni la vii caputu?
Gina Iu l’avia caputu, ma voghiu viriri si tu appena la liggii
chi tipu di pasta avii a fari?
Giuseppina La pasta cu li sardi!
Gina Se, cu li passuluna, cu li pinnuli e cu la muddica atterrata!
Giuseppina Va be, iu lu capisciu chiddu chi scrivu!
Gina Certu comu si rici, cu un capisci la so scrittura è un sceccu di
natura. e appena la leggi to niputi un sulu un capisci nenti, ma
si fa puru quattru risati!
Giuseppina Puru a chissu servinu li nonni, a fari ririri li niputi!
Giusi La scrivisti la ricetta no’?
Giuseppina La scrissi, ma a tò matri un ci piaci!
Giusi E picchi?
Gina Picchi pari na’ ricetta di lu spitali, anzi lu sa chi ti ricu pighia
un foghiu di carta pulita e scrivila giusta sta ricetta!
Ah, senti a mia tu lu sa comu si fa la pasta cu li sardi?
Giusi Certu, si fa soffriiri la cipolla, poi si fanno soffriiri li sardi, e
poi si mettinu li passoli e li pinoli…
Gina Pi tò nonna hannu a soffriri tutti cosi, li passolini addivintaru
passuluna, li pinoli adddivintaru pinnuli, e la muddica
direttamenti atterrata, un sapemu si di Trapani o di
Palermu!
Giusi Nonna, senti a mia, nuvatri dui a ma ripassari l’italianu!
Giuseppina Picchi puru tu, un ti firi a scriviri!
Giusi E ti pari cu l’italianu avemu tutti cosi di diri! Ora ti la scrivu
giusta accussi un ti cunfunni!
Giuseppina Se va beni, però chidda vecchia dammilla puru, chi fra vecchi
ni capemu meghiu!
Giusi Va beni appena allestu di copialla ti li dugnu tutti e dui!
Giuseppina Gi’, ma Vittoriu dunnè?
Gina Tò fighiu, ultimamenti campa sulu di partiti, puru Giacuminu
vinni aeri a fari la società!
Giuseppina Quali società?
Gina Chidda a delinquiri, la società di li partiti, pi fari tririci, se…
sa quannu bedda ti vitti!
Giuseppina Docu ti rugnu ragiuni, Sa quannu bedda ti vitti.
FINE PRIMO TEMPO
SECONDO TEMPO
( IN SCENA VITTORIO CHE E’ PIENO DI GIOIA E SEMBRA UN LEONE IN GABBIA)
Vittorio Tririci…un m’avia mai successu, fari tririci, mi pari chi aiu la frevi
a quaranta, lu cavuru staiu murennu, mi sentu li calorii, facitimi
sciusciari nanticchia (prende il ventaglio e inizia a soffiarsi).
Sa quantu pighiamu? Bo! Ma sicuru assà, picchi veru difficili era
sta schedina, veru n’appimu ‘mpegnari! Finarmenti putemu
realizzari tutti li sogni arretrati chi avemu iu e Gina! Appena ci lu
ricu sicuru un ci criri! Comu sugnu cuntentu, la furtuna finarmenti
tuppulià a nostra porta, si livà du fazzulettu chi ci tinia l’occhi
attuppati e ni vitti! Bedda, bedda, senza fazzulettu si bedda!
Ora pigghiu la schedina originali che cantiavu bedda cantiata, menu
mali chi ci fici la fotocopia, si pi casu la pirdia me cumpari chi avia a
diri, giustu chi sta vota ficimu la schedina ‘nsemmula! Sa si lu capì
chi ficimu tririci…ci telefonassi, ma astura chddu di comu è tifusu,
sicuru chi lu sapi, vi fazzu a viriri chi annatranticchia (fra poco) mi lu
trovu rarrè la porta?
Allura pighiu la schedina (incomincia a cercare nella vetrina), ma la
misi cà rarrè (continua a cercare diventando sempre più nervoso,
sposta le tazzine mettendole sul tavolo e continuando a cercare)
scena seconda
detti e Gina
Gina Chi è ura di ‘bianchiari?
Vittorio Picchì?
Gina Picchi sta mittennu tutti cosi suttasupra, si po’ sapiri?
Vittorio Picchi cerco na cosa chi cantiavu!
Gi, ma na l’urtimi dui iorna cu è chi s’avvicinà a la vitrina?
Gina Quasi tutti chiddi chi passaru di cà!
Vittorio E tutti misiru li mani nintra sta vitrina?
Gina Quasi tutti!
Vittorio Un mi fari arrabbiari, chi tuccaru, chi circavanu, chi pighiaru?
Gina Pari un nterrogatoriu, mi manca sulu la basciù davanti l’occhi
e li manetti!
Vittorio Si unna trovu soccu cercu, pighiu sia la basciù chi li manetti!
Gina Mi!!! E chi ci ammucciasti un miliuni?
Vittorio Chiossà!
Gina Chiossà di un miliuni, sicuru si? Picchi iu chiossà di un miliuni
unni l’aiu vistu mai!
Vittorio Chiossà, chiossà un sacciu quantu, ma chiossà!
Gina Ma si lu puliziavu aeri docu nintra e un vitti nenti!
Vittorio Lu puliziasti aeri e un viristi nenti? E dunne’ allura?
Gina Ma chi cerchi si po’ sapiri?
Vittorio Comu chi cercu? La schedina Gi! Dunni la mittisti?
Gina Dunni la misi? Ma era docu nintra?
Vittorio Propriu docu, dunni la cantiasti?
Gina Iu veramenti u ni l’aiu vistu, però l’aiu ‘ntisu la parola schedina!
vittorio (sempre più agitato) Pensa, cu chi dissi la parola schedina?
Gina Ma picchi, un si po’ sapiri?
Vittorio Comu picchi? Picchi ficimu tririci…!
Gina ( si alza di scatto) Tririci? Ivì chi scantu, ma chi
dici? Sti notizii accussi’ si runanu? Tririci!
Guna Ma comu era sta schedina, Vittò?
Vittorio Ma veru dici tu? …Era comu tutti li schedini, cu li culonni, cu li
nummari, cu li “per”, sulu chi chista avi li risultati giusti!
Gina Tutti giusti?
Vittorio Tutti!
Gina Ma, a quali postu era misa?
Vittorio Ca, propriu ca, nintra la vitrina ni stu pianu, ma ora un c’è chiù,
voghiu sapiri cu è chi si la pighià! Me lo devi dire! (Scandito)
Gina Unni lu sacciu! (Tutto scandito)
Vittorio Pensaci Gi, pensaci, picchi mmenzu la strata semu si un truvamu
sa schedina!
Gina ( spaventata) Vittò, ma chi c’era scrittu “1” ni sta schedina?
Vittorio Certu, picchi?
Gina Vittò, ma chi c’era scrittu “2” ni sta schedina?
Vittorio Certu, picchi?
Gina Vittò… ma c’era scrittu “per”…
Vittorio Gi, certu chi c’era lu per, ma tu la viristi sta schedina, si o no ?
Gina Dicemu chi la vitti passari…
Vittorio Passari? Talia un iucamu cu li paroli picchi’ mi vaiu arrabbiannu,
chi veni a diri passari? Dunni i, e cuccù si ni i?
Gina Veramenti a mia mi paria vecchia e…
Vittorio Ti paria vecchia e chi facisti Gi?
Gina Non è chi poi ti arrabbii?
Vittorio Già sugnu arrabbiatu, perciò parra’ o fazzu cosi chi unna vistu
mai!
Gina Mi l’addumannà to…
Vittorio To…cu?
Gina Mi l’addumannà du picciutteddu di to fighiu chi fa la raccolta di
schedini!
Vittorio Ma di schedini vecchi fa raccolta, no di schedini novi?
Gina Ma iu unnilu sapia chi era nova!
Vittorio Perciò un si viria di fora chi era liscia liscia!
Gina Ma iu unni la tuccavu…
( il marito si accascia sulla sedia arrabbiatissimo)
Vittorio Gina chiama a tò fighiu, e ni lu frattempo prea chi unni la persi,
picchi la casa na ma’ vinniri pi pagari a me cumpari!
Gina Ma, iu unni lu sacciu dunni iu a iucari!
Vittorio Cerca di sapillu entru cincu minuti picchi’ è chissu lu tempu chi
ti rugnu pi attruvari to fighiu e la schedina…
Gina Ma ni cincu minuti mancu li scarpi mi pozzu mettiri…
Vittorio Gi.i.i.i…
Gina Fora sugnu…! ( Prende le scarpe che si stava cambiando se li mette in mano e corre fuori)
Scena terza
Vittorio e Giacomino
(Detti e il compare. Pietro rimane in casa sperando e pregando che la moglie recupera la schedina, nel frattempo suonano alla porta)
Vittorio Chi è?
Giacomino Iu sugnu Vittò, to cumpari!
Vittòrio Te rapiri? (ti devo aprire)
Giacomino Tu chi ni pensi, un fussi bonu? Purtavu na buttighia di spumanti!
Vittorio E pi fari soccu?
Giacomino Ma rapi sta porta chi po’ ti lu ricu, la ‘ma fari sentiri a tutti, li
nostri cosi…
Vittorio ( apre la porta) Trasi…chi è tutta sta prescia? Ma no chi ti vo
assittari? Dici chi ha prescia? Si vo ti ni po ‘iri!!!
Giacomino Prescia? Vittò, ma ti lu taliasti novantesimu minutu?
Vittorio Se accussi, nanticchia, ncapu, ncapu!
Giacomino E li risultati di la schedina chi iucamu ‘nsemmula li viristi?
Vittorio Se prima mi parianu tutti giusti, ma po’ capivu chi c’era qualchi
risultatu sbagliatu!
Giacomino Ma quali schedina controllasti? Talia ca’ tutti giusti su! Sugnu
sicuru, du voti li controllavu!
Vittorio Un c’è dui senza tri, iu di tia li controllassi natra vota!
Giacomino Ma ricu, m’ha fari nesciri foddi stasira, pari chi un fussi cuntentu di
fari tririci.!
Vittorio Macari avissimu fattu tririci! Astura cà fussi? Ma rici chi ti na iri!
Giacomino E dunni vurrissi iri senza di mia, legati semu cu nà corda!
Vittorio Se, e criu chi mi servi sa corda si me mughieri un porta la
schedina! E dicu si, avissimu fattu tririci!
Giacomino Ma si propriu un tistuni, pighia la schedina e la controllamu
‘nsemmula!
Vittorio Un ci ne bisogno tantu un ficimu nenti, antura la taliavu!
(rivolto al pubblico) speriamo chi me fighiu un si iucà la schedina, e chi me
mughieri la trova…
Giacomino Ma chi dicisti?
Vittorio Nenti, pinsava a vuci avuta!
Giacomino E chi pinsavi?
Vittorio Chiddu chi dicia me patri “pighia tempu e camperai”
Giacomino Unni lu capivu chiddu chi vo diri, però adduma la
Radio chi ora ricinu li risultati e lu montepremio.
Vittorio Addumu la radiu, però ti lu rissi un ficimu nenti, picchì ti mittisti
stu tririci ‘ntesta unni l’aiu caputu!
Giacomino Iu meci un capisciu a tia, ma sti sordi un ti servinu? Fammi sentiri
quantu pighià lu durici e lu tririci, picchi nuvatri ficimu sia durici
chi tririci!
Vittorio E batti a coppi, un ficimu nenti quanti voti ti le diri!
Giacomino Ficimu e ficimu, statti zittu e fammi sentiri!
Si sente la musica di 90° minuto
LA VOCE DELLA RADIO
Sign. Signori, ora finalmente vi posso dare l’esatto ammontare del
Montepremio!
Vittorio Speriamo chi su picca!
Sign. E’ un bel montepremio, allora ai giocatori che hanno fatto 12 andrà
un montepremio di quattromilioniseicentocinquanta milalire!
Giacomino E cà ci semu, dumiliunaetricentuvinticincu milaliri su nintra!
Vittorio ( si alza tutto in confusione) Ivi chi cavuru chi fa ca nintra!
Sign. Ai giocatori che hanno fatto 13 riceveranno un montepremio di
Cinquecento settanta milioni di lire!
Giacomino Ricchi semu cumpà!!!
Vittorio Ricchi avissimu statu si avissimu fattu durici o tririci, ma nuvatri
un ficimu nenti e putemu sulu sunnarinilli si sordi…
Giacomino Lu sa chi ti ricu dammi la schedina originali chi ci vaiu iu a la
SISA a pighiari li sordi e mi la fazzu controllari di iddi e viremu si è
giusta oppuru, no!
Vittorio Un ta’ basta la fotocopia?
Giacomino A mia ma basta la fotocopia, ma la SISA voli l’originali!
Vittorio Ma staennata ci a ma “iri” a pighiari sti sordi?
Giacomino Staennata no…ni sti iorna però si! Pighia sta schedina e
spirughiamuni!
Vittorio Iu un pighiu nenti, facemu accussi fammilla controllari cu la carma,
ora mi mettu davanti lu televideo e controllu li risurtati unu pi unu
e ognunu tri voti e si ficimu cacchi cosa ti
telefonu e poi iemu a la SISA, va beni accussì?
Giacomino Ora accuminciamu a ragiunari, anchi si ti lu rissi e ti lu ripetu ficimu
tririci!
Vittorio E va beni, facemu finta chi è veru, ma iu pozzu aviri stu piaciri di
controllari la schedina in santa paci?
Giacomino Controlla, ma mi staiu affinnennu veramenti, un mumentu chi avia
essiri di gioia, lu sta facennu addivintare …di dispiaceri!
Vittorio Ma ora chi ci pensu, tu vinisti ca, ma la schedina originali unni la tu,
iu haiu sulu la fotocopia…
Giacomino Ma quali originali… iu haiu la fotocopia, tu ha l’originali. Tu e solo
Tu! ( si ferma e lo guarda perpeplesso) Un mi diri chiddu chi pensu:
pirdisti la schedina originali?
Ah… e picchissu chi ha fattu tutta sta manfrina, ora capisciu! Perciò
chi pirdisti la schedina, NON MI LO DIRE!!!
Vittorio Infatti un ti lu vulia diri…e po non è chi la persi…
Giacomino E chi è allura?
Vittorio E chi u ni la pozzu truvari!
Giacomino Ma comu si fa a perdiri na schedina di cincucentumiliuna di liri??
Vittorio Non è chi si persi!
Giacomino E com’è?
Vittorio La schedina si ni i, cu me fighiu e me mughieri…
Giacomino Fammi capiri, to mughieri controllà la schedina vitti chi ficimu
tririci, allura pighià a tò fighiu e si ni i cu li sordi e lassà a tia sulu e a
mia cu la vucca asciutta.
Vittorio Magari fussi accussi!
Giacomino E com’è la storia?
Vittorio La storia è chi lassà a tia cu la vucca asciutta e a mia vedovo!
Giacomino Un mi diri chi a mentri chi si ni i cu li rana e to fighiu, appi un
incidenti e murì…mi dispiaci veramenti…comu potti essiri!!!
Vittorio No, veramenti ancora unna’ murutu, iu sugnu sulu un potenziali
vedovu, ma t’assicuru chi tuttu si avvererà appena torna senza la
schedina.
Giacomino Chi vo fari, un mi fari ririri, sta carmu na soluzioni la putemu truvari!
Vittorio E chi soluzioni vo truvari?
Giacomino Magari mi po’ pagari a cincucentu mila liri lu misi…
Vittorio Chi???
Giacomino O va si no mi po fari l’attu di la casa!
Vittorio Chi??? Chi dicisti l’attu di la casa? No un si ni parra propriu,
chiuttosto ammazzu a me mugghieri!
Giacomino Ma vo iri a finiri ‘ngalera?
Vittorio O la‘galera o lu manicomiu quindi non è chi c’è tanta scelta!!!
Facemu accussi prima di diri paroli chi po ni n’amu a pentiri, fammi
circari cu la calma la schedina, a mentri veni me mughieri e viremu
soccu mi rici e po ni parramu!
Giacomino Mi raccumannu metttiti d’impegnu a circari picchi haiu un cumpari
chi è avvocatu, a mentri mi ‘nformu si pi casu unni la avissi a
truvari, soccu c’è di fari!
Vittorio ‘Nformati, nformati, ma si ci campu cosi ‘nsemmula mancu chiù cu
me mughieri né fari, atru chi cu li cristiani sranii! E pi piaciri
vattinni!
Giacomino Pi ora mi ni vaiu, ma un t’ha liberatu di mia ricordati chi ci
rivedremo presto e non sarò solo…ci sarà mè mughieri in prima
linea e lu mè avvocato in seconda, e tutti e dui armati, ma
mentri l’avvocato è armato di leggi, la mia consorte sarà sicuramenti
armata di scarpi cu li tacchi avuti, ci annu piaciutu sempri…ora
capivu picchi li stava assummanu…per questo momento!
( Giacomino esce arrabbiato imprecando)
Scena quarta
Vittorio e Gina
Vittorio Meghiu chi mi procuru un cascu, picchi prevedo tempi brutti si mè
mughieri unna trova la schedina!
( entra finalmente la moglie con in mano un mazzo di schedine)
Gina Ivi…chi sugnu stanca!
Vittorio Ma chi ha, pari chi ha currutu?
Gina Ragiuni ha li cursi chi hai fattu, pensa chi a un certu puntu
mi firriavu picchi mi paria chi c’era caccarunu chi mi seguia, e…
Vittorio E veru Unu, c’era?
Gina Unu? Eranu nà trentina,
Vittorio Tutti appressu a sa schedina, e chi misi lu telegiornali me cumpari? Gina No, era nà maratona, nà cursa organizzata! Ma lu stessu mi scantavu
a viriri tutti di cristiani chi currianu appressu a mia!
Vittorio Ma dunni ti ni isti, e la schedina la truvasti?
Gina Na’ cosa a la vota chi sugnu troppu stanca!
Vittorio Ma la schedina la truvasti?
Gina To… fighiu…
Vittorio Me fighiu… cu sta mania chi avi di collezionari schedini, chi fici si
la iucà?
Gina Cu ti lu rissi?
Vittorio Tu…ora, cu sta testa chi annachi avanti e narrè, e un dici ne si e ne
No. ma almenu la schedina la truvasti?
Gina La truvavu, la truvavu…
Vittorio Ma la data la controllasti?
Gina Picchi appi su tempu?
Vittorio Ivì ragiuni ha, veni cà chi ti rugnu un baciuzzu, ora li controllo iu!
Gina Arrassati, chi sugnu surata cu sta cursa chi haiu fattu, e controllati sti
schedini !
scena quinta
detti e Stefano
( Vittorio incomincia a controllare le date delle schedine, entra Stefano di corsa)
Stefano Mamà, c’era bisognu di veniri a pighiari li schedini na la chiazza?
Chi vriogna chi mi parsi! Ma a chi ti servinu si po sapiri?
Gina Ora ti lu ricu, zittuti e fa controllari a to patri, l’attruvasti Vittò?
Stefano Ma chi cerca, mamà?
Gina Cerca la schedina chi iucà sabatu!
Stefanu E la cerca ‘nmenzu a chiddi vecchi?
Gina L’avia ammucciatu nintra la cririnzera, tu ni pighiasti di da rintra?
Stefano Se…ma era di dui settimani prima! Papà, ti pozzu parrari…
Vittorio Ora fammi allestiri di taliari sti dati…
Stefano Ma picchi chi c’è ni sti schedini?
Gina Statti zittu Stefano, silenziu unni lu disturbari!
Stefano Pari chi ficimu tririci di comu è misu chi cerca!
( Gina fa segno con la testa di si)
Vittorio Gi, arrè accuminciari a annacari la testa? Un puntiddu c’è mettiri!
Gina Ma un stavi circannu? E allura cerca, chi forsi trovi!
Stefano Tririci? Ma lu tririci mi ricia Sergiu chi pighia un mari di rana!
Vittorio E si unna trovu sa schedina su mari ni cummoghia e anniamu tutti
ricordatillu!
Stefano Mi papà, quanti cosi putemu accattari: lu motorinu pi mia, lu viaggiu
cu la scola pi mia, lu guardaroba novu pi mia…
Vittorio Scinni di dunni acchianasti, picchi ca ‘nmenzu la schedina chi cercu
un c’è, quindi pi ora unn’avemu nenti di accattari forsi di vinniri, si
unn’attruvamu la schedina! Ma si sicuru chi un ti la iucasti?
Stefano Ti rissi di no, quannu la mamà arrivà a la chiazza ancora ni stavamu
salutannu cu li mè amici e idda mi scippà li schedini di ‘manu e
scappà, chi vriogna, li me amici ririnu ancora!
Vittorio Sugnu cuntentu chi c’è qualcunu chi riri, picchi a mia mi veni sulu
di chianciri! Allura Ginù attenta a mia, oltri a Stefanu cu è chi si
avvicinà a la cririnzera?
Gina Ti lu rissi: tutti!
Vittorio Dimmi li nomi di tutti!
Scena sesta
Detti e Giusi
Gina Ma docu ‘nmenzu sicuru un c’è chidda chi cerchi?
Vittorio Tri voti l’haiu controllatu e unni la trovu!
Stefano Fammi taliari a mia chi tu cu tutti sti confusioni chi ha ‘ntesta
un ci viri di l’occhi, fammi viriri.
(Vittorio e Stefano si avvicinano al tavolo ed iniziano a controllare le schedine)
Giusi Chi c’è interrogatorio staennata?
Stefano Accussì pari!
Giusi Ma chi successi?
Gina Assettati chi ti lu ricu. Pronta si?
Giusi Pronta sugnu, Parra.
Gina Ficimu tririci.
Giusi Tririci? (si abbracciano felici), ma chi dici?
Gina Sulu chi un po' attruvari la schedina
Giusi La schedina…ma la nonna la ricetta un si la scrissi rarrè na
schedina?
Gina Ragiuni ha, rsrrè na schedina la scrissi.
Giusi Ragiuni ha mamà, ora chi mi ci facisti pinsari, la scrissi rarrè nà
schedina!
Vittorio (interviene con enfasi) Subitu, subitu telefona a la nonna, no no va pighiala,
curri Ste!
Stefano Ma chi curru, stamu tutti calmi, prima ci telefonamu accussì pripara
la schedina e po la vaiu a pighiu!
Giusi Ci pensu iu a telefonarci chi sacciu soccu c’è diri!
Gina Giustu, giustu idda lu sapi, avanti Giusì telefona!
Suonano alla porta
Scena settima
Detti Giuseppina e Fara
( Al suono del campanello tutti ammutoliscono e si guardano sospettosi, Vittorio facendo segno di fare silenzio, fa dei gesti per chiedere chi potrebbe essere )
Vittorio ( sottovoce) Va rapi Stefanu, cu sa’è la schedina!
Stefano Sicuru ora camina sula sa schedina.
RISUONANO ALLA PORTA ( Stefano va ad aprire la porta dove trova la nonna e Fara)
Stefano Nonna a tia stavamu telefonannu! Fara menu mali chi
l’accumpagnasti!
Fara Io ero a casa sua per fare i lavori, quando l’ho vista davanti
la porta con la borsa e il bastone, allora ho lasciato tutto e l’ho
accompagnata!
Giuseppina La prossima vota chi nesciu, mi mettu nà parrucca e accussì un mi
canusci! Mancu sula na vota pozzu nesciri! Sempri sta catapasima
appressu!
Fara Cosa essere catapasima?
Giuseppina Catapasima uguale Fara! La stessa cosa!
Fara Io no, Fara Catapasima, io Fara Ciubescu.
Giuseppina Tu po' piscari dunni vò, ma un mettiri li manu dintra la mè borsa . E
zittuti chi voghiu parrari cu mè niputi! Stefanu chi successi?
Gina Nenti, ma tu picchi turnasti?
Nonna Lu sapia chi unna via a veniri senza ‘mmitu!
Vittorio Tu po veniri quannu vo, chista è la to casa!
Gina Unni esageramu…la so casa!
Vittorio Mamà, ma tu ti pighiasti la schedina chi si truvava nintra la
cririnzera?
Nonna Iu? Iu unnaiu pighiatu nenti, ne cà ne ni atri banni, iu unn’aiu
arrubbatu mai, ni la mè vita!
Fara Diciamo…
Giuseppina Diciamu soccu? A tia chi t’haiu arrubbatu? La borsa vacanti?
Parra…parra…aspè fammi sentiri…parra! AH ti zittisti!
Fara Io ho bisogno di lavorare e allora non parlare, ma ne avrei cose da
Dire!
Giuseppina Chi ha di riri? Chi ha di riri, meghiu chi mi zittù!
Gina Vittò un pocu di garbu, quannu si ricinu li cosi!
Vittorio Chi è statru cosa?
Giusi Unnè cosa pi tia, papà ci pensu iu, tutti zitti! Nonna…
Giuseppina Chi vo, puru tu pensi chi arrobu?
Giusi Ora va cunortala, ma mancu ci a pinsari, me patri ricia natra cosa!
Giuseppina Ah mi paria!
Giusi Ma docu l’ha la ricetta di la pasta cu li sardi?
Giuseppina Fara mi la scrissi ni lu libru di li ricetti! Si scrissi comu parra, sa
socchè chi cuminà!
Giusi Un ti preoccupari, ognunu comu parra scivi! E chidda vecchia
dunni la mittisti?
Vittorio Ti fazzu a viriri chi la srazà, ti fazzu a viriri, la ‘mmazzu stavota
la Ammazzu!
Gina Ammazzari propriu no! Però cacchi paruledda ci vurrissi ogni
tantu!
Giuseppina Picchi ti murmurii Vittò? E tu Gi?
Stefano Cantanu nonnò, stannu cantannu!
Giuseppina E chi sunnu pentiti?
Vittorio Dopu chi trasu ‘ncarceri, sicuru chi ci addiventu, ma si staiu natri
dui minuti cu st’ansia, unni lu sacciu comu va a finiri!
Gina Mamà chidda vecchia ricetta dunni la mittisti, no chi la srazzzasti?
Nonna La srazzavu? Iu un srazzu nenti, aspetta fammi controllari nintra la
borsa l’avissi aviri!
Vittorio Cà c’è la borsa!
Nonna ( incomincia a guardare ) lu borsinu, lu librettu di la pinsioni, li
scontrini di lu pani, la ricetta di li esami di sangu,(ogni cosa che esce dalla borsa viene passata a Vittorio che a sua volta la passa a Gina, che la passa a Giusi, che la passa a Stesano, che la passa a Fara, prima di prendere la ricetta, la nonna si accorge di non avere più il libretto nella borsa e incomincia a cercarlo finchè non si gira e lo vede in mano a Fara e naturalmente l’aggredisce)
Giuseppina (rivolgendosi a Fara) lu viristivu, lu viristivu dunnè lu librettu?
Finalmenti t’arriniscì a rubarimillu? Ma senza la mè firma rana un
ti ni runanu! Aspè fammi a viriri soccu ti pighiasti puru!
Fara A me dato Stefano.
Stefano A me dato Giusi
Giusi A me dato mamma
Gina A me dato Vittorio
Vittorio A mia mi lu rasti tu mamà
Giuseppina Mi vuliti fari nesciri foddi, lu capivu, lu capivu!
E cà c’è la ricetta di la pasta cu li sardi!
Giusi Fammilla a viriri , aspè ma chista è chidda chi ti copiavu iu!
Giuseppina Un circavi chissa?
Giusi No nonna, chidda chi scrivisti tu, no chi la iccasti!
Giuseppina Iu un ieccu nenti, fammi pinsari, ah la retti a me cugnata Franca,
la ‘ncuntravu pi la strata e na parola tira l’atra e iemu a finiri a
cosi di manciari! E ci cuntavu di comu era bona la pasta cu li
sardi, na vota chi Gina fa na pasta bona! Idda mi addumannà
comu si facia e a mia mi parsi giustu darici la ricetta, giustu chi
n’avia dui, fici mali?
Gina E ora comu facemu?
Giuseppina Picchi già ti la scurdasti comu si facia la pasta?
Gina Ti pari chi haiu lu scurdusu?
Giusi Lu numaru di to cugnata docu l’ha?
Giuseppina Teccà stu libriceddu, docu nintra ci sunnu tutti li parenti, cercalu
tu, picchì senza occhiali di vicinu un ci viu bona!
Gina Tantu li voli beni chi si li porta tutti appressu!
Giusi ( incomincia a sfogliare) Franca Ritorto, cu la “F” un c’è, pruvamu cu “R”,
Ritorto, Ri , to cà un c’è nenti! Nonna, ma to cugnata un si chiama
Franca Ritorto?
Giuseppina Se picchi?
Giusi Picchi cà un c’è, sutta quali lettera la scrivisti?
Giuseppina Viri sutta la “Me”
Giusi Me? E chi cìentra?
Giuseppina C’entra!
Giusi Me…mi…me cummari Maria, me cugnata Norina, me soru
Rosa. Me frati Bastinu, me ziu Ninu, me cucinu Luigi, me nora
Gina la tinta, me fighiu Vittorio di lu cori, me cugnata Franca
l’attruvavu, tutti li pecuri tutti cà sunnu…me me me!
Stefano Brava nonna, semplici e concisa, comu li scrivisti tu pi forza l’ha
attruvari!
Giuseppina Un sunnu scritti bonu?
Stefano Precisi!
Vittorio Telefona, telefona, chi mi sentu lu sciatu di mè cumpari ‘ncapu
lu coddu!
Giuseppina Aspè, fammi viriri?
Stefano Nonna tutto sotto controllo, Giusi telefona!
Giusi compone il numero di telefono
Giusi Pronto? La zia Franca, ciao zia come stai? Cu sugnu? Sugno
Giusi, la fighia di tò niputi Vittorio!
Vittorio Spirughiati…addumannaci?
Gina Unn’ aviri prescia, dà picciuttedda ci parra cu un pocu di garbu!
Giusi Vittoriu si… lu sacciu ragiuni ha, avi un pocu chi un vi viriti, a
no un pocu? Quantu ricisti, du anni?
Gina Quanti voti ti l’haiu rittu di iri a truvari a to zia Franca? Puru
rimproverati!
Vittorio Du anni, ma un ci iemu l’annu scorsu?
Giusi E va be, chi vo fari sunnu masculi, hannu sempri la testa na
l’ariu! Ah chi dicisti, chi me matri è fimmina, ragiuni ha, ma
chiddi sunnu sempri ‘nsemmula dunni avi la testa unu l’avi
l’atru!
Nonna Na l’ariu! Chi vi custava farici na visitedda, chidda è
anzianedda e a sti cosi ci teni!
Vittorio La facci ‘nterra mi stannu facennu cariri, spirughiati dumannaci si
avi la schedina!
Giusi Ragiuni ha zia però ti telefonavu pi dumannariti nà cosa, chi
dicisti, lu sapii chi c’era lu ‘ncaghiu? No un voghiu nenti lu
sacciu chi tu campi sulu cu la pinsiunedda, un ti preoccupari! Ti
vulia dumannari si trovi fra li manu la ricetta chi ti retti antura me
nonna? No la ricetta di li pinnuli di lu cori, la ricetta di la pasta
cu li sardi docu davanti l’ha? Se chidda chi ti retti mè nonna,
chissa! Chi vo sapiri? Zittitivi… Picchi si ci mettinu li pinnuli na
la pasta cu li sardi?
Gina Pi un ci veniri l’acidità!
Giusi Sunnu pinnuli di manciari, po’ti li fa scriviri di lu dutturi, no un ti
preoccupari si unn’à chiù passuluna, ci metti la passula chi è lu
stessu, attenta a mia zia…chi dici? Se la muddica prima la iccari
‘nterra e poi l’ha coghiri? No un ci né bisogno, certu si ti cari, la
pighi, ma chi la iccari apposta! Certu puru a nuvatri fici veniri sti
pinseri. Ah chi vulia sapiri? Mi lu stava scurdannu, senti a mia ti
servi sta ricetta staennata? Mi la pozzu veniri a pighiari e accussi
ti la scrivu bedda pulita chi docu un si capisci bona, pozzu veniri?
Chi dici a la tò vicina? No un ci la dari, la voli? Ci rici chi ti
servi, un lassari sa ricetta, zii, chi sta arrivannu mè frati Stefanu!
Ciao ciao a prestu, chi dici? Va beni ni sti iorna mè patri ti veni a
trova, va beni!
Vittorio Secunnu mia, ci vaiu subitu ni mè zia Franca, mi vaiu a rifugiu ni
idda!
Stefano Ma picchi c’è iri iu?
Gina Picchi si lu chiù picciottu, e curri comu lu ventu!
Stefano Lu papà un mi po accumpagnari cu la machina?
Gina Vo iri a ‘nchiappari? Pi ora chiddu unn’arreggi!
Stefano Vaiu vaiu, ma si vincemu voghiu accattatu lu motorinu!
Vittorio Pi ora sulu lu motorinu di l’acqua ti pozzu dari, si un sa trova sa
schedina!
Stefano esce
Giuseppina Mi stati facennu passari pi cretina cu mè cugnata Franca, c’era
bisognu di fariti dari la ricetta pi scrivila bona? Tantu ammatti
chidda po’ la iccava e mancu la liggia! Meci tu ci facisti truvari
tutti li sbagli chi scrissi!
Giusi Un ti preoccupari nonna, unn’aviti la stessa scola? Idda quantu e
tia ni capì!
Gina Allura nenti! Picchi idda unnà caputu nenti!
E statti fermu Vittò, pari un liuni ‘ngabbia!
Vittorio La senti a me matri, l’avia a iccari, ‘ncuscenza quantu sordi!
Nà la me vita un mi ricordu un iornu chiù tragicu di chistu!
Giuseppina E quannu muri tò patri, na bella iurnata ti parsi? ( si mette a
piangere) FARA LA CONSOLA E LE ASCIUGA LE
LACRIME)
Vittorio No mamà, ma iu era nicu non è chi lu capivu bonu, certu cu lu
tempu mi dispiacì, però fu na cosa lenta, cà meci staiu murennu
(lentamente lentamente) ‘nsuppilu ‘nsuppilu, speriamu chi un veni ora Giacuminu,
chissu chi sicuru l’avvocatu i” a chiamari!
Scena ottava
Detti e Stefano
Vittorio Curri, curri , fighiu mè tuttu lu futuru è nà li to peri!
Gina E lu presenti No?
Giuseppina Stati dicennu li verbi?
Gina Io sono, tu sei!
Vittorio E si veni mè cumpari Giacuminu, IO FUI!
Giuseppina Giacuminu, mi quant’avi chi unni lu viu, mi piacissi virilu!
Vittorio Non nominare questo nome invano, per non indurmi in
tentazione!
Giuseppina Quannu eri picciottu unni vulii catechismu mancu ni la ministrina
e ora a li vicchiai accuminciasti a priari!
Gina Mamà pi ora unni lu ‘mpinciri, a to fighiu picchi avi tanti firnicii,
lassalu stari, fa finta chi un c’è!
Giuseppina Mancu ci pozzu addumannari si mi accompagna a la casa cu la
machina!
Gina T’accumpagna Fara a l’apperi! ( a piedi)
Fara Io andarie a casa perché lasciare tutto in tredici.
Vittorio ( si alza di scatto) Tredici…tredici!
Gina Fara dici natru nummaru
Fara Tutto in tredici
Gina Po si vò essiri accumpagnata di tò fighiu, pi mia ti po'
accumpagnari, ma senza responsabilità!
Giusi Ma chi vò chi va finisci a lu spitali?
Gina Chissu ci vulia fari capiri!
Giusi Mamma, ti spieghi comu un libru chiusu, chidda sapi soccu
succeri cà nintra?
Gina E meghiu chi un ci ricemu nenti, se nò tutti li pecuri di lu
libriceddu chi avi nintra la borsa ni l’attruvamu rarrè la porta!
Vittorio To fighiu arrivà?
Gina Iu unni l’haiu ‘ntisu trasiri!
Vittorio Va viri Giù si è da nintra!
Giusi Sta tranquillu, chi astura avissi trasutu, già sulu la firnicia di lu
motorinu!
Vittorio Ma tuttu stu tempu ci voli?
SUONANO ALLA PORTA
Vittorio Va rapi spirughiati!
Stefano La recuperavu la schedina, ma prima chi la retti m’appi a cuntari
tutti li malatii chi avi, lu cori, li duluri, li rinocchia, la carina,
lu zuccaru…
Vittorio Dammi sta schedina, la data la controllasti?
Stefano Lu vulia fari, ma la zia avia sempri cosi di cuntarimi…
Gina Dammilla a mia chi la controllo iu!
Giusi Ci penso iu, dammilla accussi finisci sta storia!
Stefano Ma la data unne’ 8 Aprili, concorso num. 30?
Vittorio Zia Franca appena mori ti fazzu un tabbutu( bara) tutta d’oru.
Stefano Allura unnè idda, chista è chidda di la simana prima!
Vittorio Zia Franca ‘menzu lu cuncimi ti orvicu.( seppellisco)
Vittorio (si accascia sulla sedia con le mani in testa) Dunn’è dunni sinni i? Cu si la
pighià?
Si alza di scatto, Gina dimmi cu è chi si avvicinà a sta cririnzera?
Gina Unni lu sacciu! Francè tu fusti?
Giusi Iu? E picchi l’avia a fari?
Gina Stefano, tu…
Stefano Già mi controllasti!
Giuseppina A mia puru! Controlla a Fara, sicuru idda avi soccu cerchi tu!
Fara Io non rubo!
Giuseppina E.e..e docu c’è di rapiri natru capitolo…!
Scena Nona
Detti e Nicolina
SUONANO ALLA PORTA
Vittorio Dicci chi un ci sugnu, chissu sicuru è mè cumpari Giacuminu
chi veni cu l’avvocatu!
Giusi Mamà vacci tu, mroghiaci( imbrogliaci) cacchi cosa, pighiamu
tempu e continuamu a circari, un criu chi si l’agghiuttì lu tirrenu
sta schedina!
Din Don Din Don
Gina Fammi ripighiari…pronta sugnu, ci vaiu! Giacuminu a me!
VA AD APRIRE LA PORTA E…
Nicolina Ginù fammi trasiri, finalmente si ni ì, mè cucina vinni a farimi
visita cu so fighiu, siccome sugnu schietta ogni masculu chi
‘nconta ci pari chi è chiddu bonu pi mia, ma chi aviti riunioni di
famighia? Gi, ma picchì mi talii accussi stralunata…un ti
prioccupari li tazzini ti li rugnu, ora li vaiu a pighiu…
Gina Ma iu a tia un ti ‘mpristavu la biscottiera di lu serviziu bonu?
Vittoriu La biscottera, docu… docu dunni c’eranu li biscotta, docu
docu…
Gina Li biscotta tutti vi li manciastivu?
Nicolina No, Unni vosiru( non ne hanno voluto) picchi rissiru chi avia
picca chi avianu manciatu!
Gina Allura unni la rapisti la biscottiera?
Nicolina No, ancora ‘ncapu lu tavulu è ti la vaiu a pighiu!
Gina Vegnu cu tia e ti aiutu!
Giuseppina Iu vegnu puru, fammi susiri Fara.
Giusi Iu puru ci vegnu.
Stefano Vi fazzu cumpagnia
Escono tutti e rimane in scena solo Vittorio e Fara
Vittorio Fara si attrovu chiddu chi cercu ti fazzu fari un corsu d’italianu
in tre giorni, chi a parrari meghiu di Danti Alighieri!
Fara Io parlare bene italiano, tu non capire.
Vittorio Ragiuni ha.
Silenzio…chi finalmente ci semu!
Rientrano in fila davanti Giuseppina con una tazzina, la borsa e il bastone, dopo Stefano con un'altra tazzina, Giusi con la pentolina, Nicolina con la tazzina ed infine Gina con la biscottiera.
Giuseppina Tutti appressu di mia, aggualamu(risistemiamo) lu serviziu di
mè frati Rosariu,
(Fara le va incontro per accompagnarla a sedersi) e tu Gina porta la biscottiera ccà
picchì mi vogghiu manciari un biscottu.
GINA POSA LA BISCOTTIERA SUL TAVOLINO
Vittorio Taliasti?
Gina Fa segno di no con la testa e posa la biscottiera al centro del
tavolino.
Nicolina Unni lu sapia chi era accussi ‘mportanti stu serviziu bonu, puru
la bricissioni ci ficimu!
Stefano Si vo ti ni po iri Nicolì!
Nicolina Ma chi fa scherzi, secunnu mia lu meghiu a va veniri!
Vittorio Rapu iu o rapi tu Ginù?
Giuseppina Rapu iu e mi manciu du biscutteddi! ( fa l’atto di aprire, ma
viene fermata dalla voce)
Giusi Nonna un ti moviri!
Giuseppina Chi c’è? Na l’ariu mi facisti satari? Lu zuccaru m’appi
acchianari! ( Fara si affanna vicino a Giuseppina)
Stefano Aspetta un minutu nonna ora manci! Forza Papà a tia tocca!
VITTORIO APRE LA BISCOTTIERA CON DELICATEZZA E NEL SILENZIO ASSOLUTO GUARDA DENTRO E VEDE LA SCHEDINA CHE AVEVA NASCOSTO CON TANTA CURA
Giuseppina Ma chi è stufa, sta biscottiera? Tuttu stu cavuru nesci di docu?
Vittorio Controlla Stefanu!
Stefano Subito! Concorso n.30 dell’otto Aprile…ecc
finalmente!
Vittorio Fammilla teniri n’anticchia! (Guarda e culla la schedina come se fosse un bambino)
I figli e la moglie in silenzio fanno un gesto di vittoria e Vittorio si accascia sulla sedia sfinito co la schedina stretta in mano
Nicolina Mi ni pozzu iri o c’è cacchi cosa chi ma viti a diri?
Gina No Nicolì, ti ringraziu chi mi purtasti lu serviziu chi t’avia
pristatu!
Nicolina Tutta sta cuntintizza pi chissu fu?
Giuseppina E pi soccu va si no? Me fighiu ci tinia a sa biscottera, chissu è
regalu di matrimoniu e custà caru! Mi po rari un passaggiu
Nicolina, chi mi ni voghiu iri a la casa!
Fara Vi accompagno io Giuseppina!
Nicolina Amunì chi l’accumpagnu, stava niscennu! Mi la portu iu a to’
matri, Vittò!
Giuseppina Amuni, chi manicomiu hannu fattu pi sa schedina, mancu si
avissiru fattu tririci!
Fara Vengo con voi!
Nicolina Signora Giuseppina, ognunu avi li so debolezzi, e du
picciutteddu lu sapemu chi fa raccolta di schedini vecchi!
Giuseppina Ora capivu tuttu stu manicomiu!
ESCONO DI SCENA NICOLINA LA NONNA E FARA
TUTTI ESULTANO PER LA VINCITA
Vittorio Quantu sugnu cuntentu, ma quantu pighiamu, unni staiu capennu
chiù nenti!
Stefano Assà papà assà, quanti cosi putemu accattari, quantu cosi!
Giusi Finalmenti si attruvà sta schedina, mi sentu un pisu livatu!
Gina Ora finalmente appena tò cumpari si presenta cà, cu la fotocopia
E cu l’avvocato ci sbatti ‘nfaccia la schedina originali e accussi
viri chi si du mila liri chi iucà quantu ci fruttaru!
Vittorio Ripeti soccu dicisti Ginù…
Gina Chi dissi chi si du’mila liri ci fruttaru chiossà di quantu si
merita!
Vittorio E brava Gina mi facisti pinsari nà cosa importantissima!
Gina Soccu?
SUONANO ALLA PORTA
Vittorio Va rapi chi po’ ti lu ricu!
Giusi Ci vaiu iu! Papà è to cumpari Giacuminu cu so mughieri e
natru cristianu!
Vittorio Falli trasiri chi l’aspittava!
Scena decima
Detti, Giacumino la moglie e L’avvocato
Vittorio Trasi Giacuminu, a tia aspittava! Puru la to signura purtasti, chi
onori! Ma chi avi ‘manu to mughieri?
Rita Nenti, mi purtavu un paru di scarpi di ricambiu, cusà m’avissiru
a serviri!
Gina Cummà, si gran tacchi a la vostra età, ma comu ci caminati?
Rita Ma chissi un servinu pi caminari?
Giusi Chi sunnu scarpi da passeggiu!
Rita No sunnu li nuovi armi di nuvatri fimmini!
Gina Picchi siti ‘nguerra cu qualcunu?
Rita Cu qualcunu, ricisti, no iu sugnu ‘nguerra cu tutti!
Vittorio E chi ci ficiru di mali a chista!
Giacuminu A mia mi dispiacinu certi cosi, ma l’amicizia è na cosa e
l’interessi è natra cosa!
Rita Bravu, l’interesse è natra cosa!
Vittoriu Ragiuni ha lu cumpari, cu è chi ti po’ dari tortu! Però un capivu
picchi vinisti cu tutta sta cunpagnia. Cu è stu
Signore chi ti purtasti appressu?
Avvocato Mi scusi se non mi sono presentato prima, io rappresento la
parte legale del mio assistito, io sono la legge! ( Tutto
balbettando)
Rita Se iddu è la leggi!
Gina Mi li cosi gravi sunnu! Me cummari armata, e l’avvocato pi
scorta!
Giacuminu Iu voghiu sulu la me parti, un voghiu nenti!
Gina Menu mali chi un voli nenti!
Vittoriu Ma iu ti lu rissi comu stannu li cosi, un ci pozzu fari nenti!
Rita E si ti rugnu nà scarpata ‘ntesta, ti putissi ricordari dunni mittisti
sta schedina?
Gina Cummà, carmamuni picchi mi pari chi stamu esagerannu!
Avvocato Egregio Signore, io e il mio assistito abbiamo studiato il caso e
abbiamo pensato che lei può pagare la parte lesa, nonché il
signor Giacomino, facendo un mutuo ventennale!
Stefano Un
mutuo?
Rita Lu mutu, lu mutu!
Avvocato Eh si caro ragazzo, purtroppo i debiti si pagano e specialmente i
debiti di gioco! Apre un mutuo, ipoteca la casa e paga il mio
assistito che a sua volta paga me!
Giusi Ecco dunn’era tuttu lu iocu!
Vittorio E si iu mutuu u ni vurrissi fari?
Rita U ni vo fari? E comu pinsi di pagari a me maritu!
Gina Nuvatri pi ora un ci amu pinsatu!
Rita Un ci atu pinsatu? Giacumì lu capisti, un ci annu pinsatu!
Giacomino Comu, un ci ha pinsatu? Attruvasti la schedina?
Vittorio Unn’aiu atttruvatu nenti, iu un sentu fari nuddu mutuu!
Giacuminu E allura paga li debiti, ti lu rissi a mia mi dispiacinu certi cosi,
ma l’interessi sunnu ‘nteressi!
Rita Ni dispiaci pi la cumparata, ma l’interessi sunnu ‘nteressi!
Stefano Ragiuni aviti parrì, l’interessi un canusci ragiuni!
Rita Lu viri chi me fighiozzu, li capisci li cosi, comu si rici “Di li
parrini pighiaci li vini”
Gina Un ti pirmettiri, Ste!
Avvocato Vede caro giovane, la ragione è dentro la nostra testa e se questa
pensa che siamo dalla parte della ragione allora non ci sono
ragioni o convincimenti che ci possano far cambiare idea, e in
questo caso il mio assistito, nonché il signor Giacomino Rialto,
ha ragione da vendere!
Rita Ma dunni l’attruvasti st’avvocatu?
Giacomino La mutua mi lu passà, u ni lu viri com’è cuminatu? Perciò
cumpà lu capisti che ho ragione da vendere?
Vittorio E a viriri cu si la voli accattari!
Avvocato Essendo, il mio assistito, uno dei potenziali vincitori di una
schedina giocata in società con il signor Vittorio La Vecchia,
chiede poiché al signor Vittorio o la schedina
originale o la mettà dei soldi anche in beni materiali!
Vittorio Allura parramuni chiaru, iu un pusseru nenti, la casa è di me
matri iu haiu sulu l’usufruttu,
Stefano Veru è, di me nonna è!
Vittorio Tirreni unn’aiu, casi a mari unn’aiu, la me machina si e no vali
un Miliuni, ti pozzu dari…
Gina Un taliari a mia!
Giusi Mancu a mia!
Vittorio Aspittati, assittativi tutti, chi staiu pinsannu nà cosa chi m’avia
scurdatu, si assittassi avvocatu, e puru tu Giacuminu, mittitivi
comodi chi vi e’ diri nà cosa importanti!
Giacumino Chi pinsasti chi ha cacchi cosa di vinniri?
Vittorio Meghiu! Senti a mia, aspetta un minutu, staiu pinsannu: “Ma
quannu ficimu la schedina tu sordi spicci unni avii, e mi ricisti
po’ ti li rugnu. Ma si ci pensu bonu , iu ti retti la fotocopia di
la schedina, ma tu a mia li sordi mi li rasti? No…tu li sordi un mi
n’ha ratu!
Rita Un ci l’ha ratu?
Gina (incredula) Un ci la ratu?
Francesca (Speranzosa) Stefanu, un ci l’ha datu?
Avvocato Non mi dica che non gli ha dato i soldi?
Stefano Ci lu ricu iu: Un ci l’ha datu!
Giacomino Un ti l’haiu ratu? No! ma chi dici?
Vittorio Chi dicu, dicu chi tu isti a chiamari l’avvocatu, ma tu sordi a
mia un mi a ratu!
Rita Giacumì, giustu sta dicennu?
Giacomino Ivì…vero è, mi l’appi a scurdari, comu potti essiri! ma rimediu
subitu, (prende il borsellino e prende gli spiccioli per pagare)
teni cà, cincu mila liri, teniti puru lu restu!
Vittorio Puru bon cori addivintasti, iu ti ringraziu, ma sordi unni
voghiu!
Giacomino Unni vo, e chi veni a diri?
Rita Chi veni a diri? Chi sta urdennu?(combinando)
Vittorio Veni a diri chi iu fici tririci, e tu ti ni po iri a la casa, e a la tò
casa, via!!! E si vo ti rugnu la fotocopia di li sordi!
Giacomino Dammi natra possibilità, amu statu sempri amici…ti prego, ti
scongiuro!
Vittorio Dicisti giustu…AMU, ternu e quaternu e puru cinchina e si vo
ci mettu puru la tombola, di stu mumentu ‘npoi un semu chiù
nenti, anzi ti cunsighiu di cancellarimi di lu libru di cumpari!
Stefano E di chiddu di li fighiozzi!
Avvocato Se avete bisogno di un avvocato io sono al vostro servizio!
Vittorio Attintassi a mia, Canciabannera, si ni issi appresso al suo
assistito prima chi denunziu a tutti e dui!
Giacomino tenta ancora di parlare, ma Vittorio li butta fuori
RIENTRA RITA DI CORSA
Gina Cummà la festa di lu misi avanti l’aviti a fari chiù?
Rita Pi chissu mi servinu li scarpi pi farici la festa anzi lu fistinu, lu
viri stu taccu, lu viri, e ora me maritu lu senti!
( Rita si avventa con le scarpe sul marito e sull’avvvocato)
Giacomino Hai haiai, la finisci!
Avvocato Ma chi c’entru iu, aiai aiai, lu taccu!
Rita C’entra, c’entra cà c’entramu tutti, cu cacccarunu mi l’è
pighiari! Te…te…pighia e porta a la casa… aiai aiai!
TUTTI SI FERMANO NELLA POSIZIONE CHE HANNO IN QUEL MOMENTO IN UN QUADRO PLASTICO
Vittorio Li proverbi antichi un sbaglianu mai: “LA PARINTELA E’
UN CUNTU, L’AMICIZIA E’ UN CUNTU , MA
L’INTERESSI E’ LU CUNTU DI LI CUNTI
( Dopo l’applauso) …E, MI RACCUMANNU COSI ‘NSEMMUSA MANCU
MARITU E MUGHIERI!
FINE SECONDO TEMPO
