Fra’ Giocondo

Stampa questo copione

ATTO PRIMO

FRA’ GIOCONDO

di Rino Silveri

asdattato in lingua paullese

da Felice Perego
ATTO PRIMO

Interno di un cascinale diroccato. Attorno ad un tavolo di legno rustico, stanno seduti su sgabelli e sedie di paglia  Cirillo, Pina (sua moglie), Gilda (loro figlia), Piero e Lucrezio.

Scena I

Cirillo, Pina, Piero, Lucrezio (5) alla fine Fra Gio

Pina                     Alura, si drè amò a mangià?

Lucrezio               Amò un mumentin.

Cirillo                   ( a Gilda) Gilda vöia  giu  un po’ de  vin al  Piero  Chel  barbera  chi  el  duaria   piaset….l’ e quel  che  ghe  mandi  su  de  solit  a  tò  pader…

Piero                    Alura l’è bun senz’alter, perché apèna  riva  el  fem  föra  in  quater e quatròt 

Gilda                    Speri che te  ghe  minga  el  visi  de  ciapà  la  ciuca!

Piero                    Quanti volt  te  m’e  vist  in  gaina?

Pina                     Bè…quel  el  vöur  minga  dì…anca  el  mè  om…quand  sevum  amò  murus.. pareva  ch’el  cunuseva  dumà  l’acqua…e  pö…dopu  spusad…l’ha  cuminciad   a  tetag  denter…Vera Cirillino?

Cirillo                  Prima de tut  mi  me  se ciami  Cirillo…e  no  Cirillico. Quanti  volt  gh’o  de ditel?

Pina                     Se ghe  de  mal?  E  pö  te  se  mai  lamentad…quand  in  de  l’intimità…te  ciamevi  insì…

Cirillo                  Ma  guarda  ti  che  bucasa!  La va a  tirà  in  bal  l’intimità…l’è  pasad  el  temp  del  “Cirillino”…uramai!

Piero                    Ch’el  se  rabbia  no,  sciur  Cirillo

Lucrezio               ( Riso da  ebete )  Ah!...Ah!... Cirillino!  Cirillino!...el  me fa  rid!

 

Cirillo                  Stà  citu  tì,  gurguan!  e  fa  prest  a  mangià  che  te  ghe  ancamò  de  purtà  el  fen  in  stala…

Lucrezio               Sì…sì…vo, ch’el  staga  tranquil….(fa per alzarsi, ma improvvisamente, tenendosi  le  mani  sullo  stomaco )  El  me  ciapa  ancamò…

Piero                    Cusa l’è ch’el  ga?

Gilda                    Ghe vegn  su  i  bruscon!

Piero                    I bruscon? Cusa ien?

Gilda                    I brusur de stumegh, “la pirosi gastrica”, l’acidità.

Pina                     Quand   ghe ciapan  fort,   por  diaul, el  tegn  giù  gnient…( fa  il  segno  di  vomitare )

Cirillo                  Pina!

Pina                     El  tra  su  tut!

Cirillo                  Ma  sem  a  taula,  per  la  miseria!

Pina                     E  va  ben!  Ho  capid…mamma  mia  che  rafineria!

Gilda                    Raffinatezza,  mama…(al  Piero) Cert  che  el  livel  de  istrusion  chi  den…l’e  no  trop  alt!  (a Lucrezio)  Ma  l’è  tant   temp  che te ghe ch’el disturb  lì?

Lucrezio               Machè!  Saran  tri  di!... El prublema l’è  ch’el  vör  minga  pasàm!  El  ven  e  el  va…cume  la  pansa di  suor!

Pina                     ( Insorgendo)  Uei,  ti!  Brut  vilan!  Va  che  in  cà  mia…certi  rob  vöri  minga  sentìi,  ne!

Cirillo                  Ma  l’era  una  manera  de  dì!

Pina                     Manera  de  dì  sì… manera  de  dì  no…va  minga  ben!  Le  una  mancansa  de  riguard…

Lucrezio               Bè,  che  la  me  scusa…la  m’e  scapada!

Pina                     Fatela  no  scapà…l’educasion  l’e  educasion!  E  pö  mi  vöri  rispet  per certi  rob!

Gilda                    (A  Lucrezio)  T’el  se  che  la  mamma  la  ghe  tegn  no!  Per  le…cume  se  dis:  pret,  suor  e  fra  ien  tri  rob  de  rispetà! (Lucrezio esce)

Cirillo                  Mi  ho  mai  sentid  chel  pruerbi  chì!

Pina                     L’e  no  un  pruerbi. Ma  me  la  diseva  semper  la  mè  pora  mama!...Tant   le  vèra  che  mì…inuma, ghe  stai  un  mument  che  me  sares  piasud  fam  suora…

Cirillo                  Sì  in  un  cunvent  de  frà!

Pina                     Cirillino!  (indignata)  Se  fem?  Ricumincium?

Cirillo                  O  Signur…ho  capid…l’e  mei  tasè!

Piero                    A  pruposit  de  fra…se  l’e  sta  storia  de  frà  Giocondo?

Gilda                    Fra  Giocondo?  E  chi  le  mama?

Pina                     Ma!...L’ho  sentid  anca  mì  in chi dì chi per  la  prima  volta

Cirillo                  L’e  un  quei  dì…che  gira  sta  storia.. mi  l’ho  savuda  dal  Lucrezio. Par  ch’el  sia… cume  se  dis?...una  specie  de  medegon…un  po  cume  el  pret  de  Ratanà,  ve  ricurdì?  Dumà  che  quest  chì  le  un  fra  e  no  un  pret…

Pina                     El  pret  de  Ratanà… l’era  no  un  segnon. La  fai  guarì  tanta  de  chela  gent…e  nò  duma  a  Bag…due  el  gheva  la  cà… ma  da  tuti  i  part  de  la  Lumbardia…d’Italia…ansi  del  mund!

Cirillo                  Che  esagerada!

Pina                     Esagerada?   Me  la  cunteva  su  la  me pora  mama!

Cirillo                  La  to  mama…la  to  mama…Ma  se  l’han  perfin  spretad!

Pina                     No,  prego!  Gh’an  impedii,  per pòc temp, de  dì  messa…in pubblic… perché  dopu  el  Cardinal…el  gh’a  dai  ancamò  el  permes…sì,  propi  lu…el  Cardinal  Sustrè.

Cirillo                  E,  sì…Sustrè!  Sùster…no  Sustrè…

Pina                     Perché  mì  se ho  dì?

Gilda                    Ma  sto  frà…chi l’è in fin di cunt? (rientra Lucrezio)

Piero                    Par  propi ch’el  sia  un  om  straurdinari…I disen che l’ha  fai  guarì…so  no…se  tri  o  quater  persun…giu  a  Pandin…

Lucrezio               Anca  a  Peschiera  Boromeo…par   che  l’abia  guarìd  dù persun…

Gilda                    Mah!  El  ghe  darà  de  bev  un quei decot d’erba!  Chi  lo  sa?  Ghe  tanti  che  se  curen  cunt i erb!

Lucrezio               Par  de  no,  invece!... El  ghe  dà  nient  de  bev, ne el  dröva  i  cart, el  pendulin … e   nemen  i  man. Vöri  dì…l’e  no  vun  de  quei  lì…che  ghan  el  calur  in  di  man… me  se  ciamen?  I  pianotepistì…me  par…

Piero                    Forse te vurevi dì: Prano-terapisti.

Pina                     Menu  mal  che  sem  num  don, le  zabetune…sent  un  po’  cume  ien  infurmad…i  sciuri  om!

Piero                    Ien  ciacer  de  usteria…

Gilda                    Alura…se  te  se  insì  ben  infurmad…vör  dì  che  te la frequenti  l’usteria!

Piero                    Bè…una  quei  volta  ghe  borli  denter  anca  mì…l’è  no  un  mal…Anca  el  Lucrezio,  vèra?

Gilda                    Già…e  dopu  ghe  vegn  i brusur de stumec…sfidi  mì! (esce

Lucrezio)

Pina                     Mi…sperevi  de  sentì  parlà  de  vialter  du…e  no  di  bruscon  del  Lucrezio…(a  Cirillo)  Alura…te  vöri  dumandagh  che  intension  g’han i murusin?

Cirillo                  Ma…mi  cunsideri  già el risòn  cume  vun  de  la  nostra  famiglia…Speri  che  lu  el  gabia  gnent  in  cuntrari…

Gilda                    Papà…el  mè  murus  el  se  ciama  Piero  e  no  grisòn!  Cume!  Propi  tì  che  te  va  no  de  ves  ciamad  Cirillino tel ciami cunt la scumagna?

Pina                     Brava,  te  fai  ben  a  dighel!

Cirillo                  Se  gh’entra?  Lu  l’hem  semper  ciamad el grisòn!

Piero                    Be…tache  minga  lit!  Anca  mì…me fa piasè de fa  part  della  vostra  famiglia…Ho  spetad  un  bel  po’,  no?  Va  ben  insi?  ( a  Gilda)  Te  se  cuntenta  ades?  Te  par  che  te  meriti  o  no?

Pina                     Ma  certament…Vera  Gilda?

Gilda                             Si…se  lasum  perd  che  di  volt  te  ste  di  giurnad  inter  sensa  fat  viv!

Pina                     Quand  te  sarè  spusada…te  capisarè…che  i  om…g’han  bisogn  un  po  de  libertà…e  te  se  abituarè,  cume  ho  fai  mi! (rientra Lucrezio)

Cirillo                  Difatti…mì…son  semper  a  spass!  Ma  lasèm  perd…vöri  minga  ves  propi  mì…tò  pader,  Gilda…a  seminà  zizzania!  El  matrimoni  d’una  fiöla  le  una  roba  impurtant. Un po’ pusè de libertà…la  guasta  no, però bisogna no aprufitasen. (si  ferma. Si sente bussare alla porta)  Gh’e  un  quei  d’un  a  la  porta!  ( a  Lucrezio)  Va  un  po  a  veda!  ( Lucrezio  si  alza e va alla porta)  Disevi  che  se  ghe  vör  puse  cumprension…

Lucrezio               (Rientrando )  Ghe  un  frà!

Pina                     Un  fràa?  Fall  pasà  ( Sull’uscio  appare  Fra  Giocondo  indossa  una  tonaca  d’un  ordine  sconosciuto – saio  e  scapolare  di  colori  diversi – cingolo  in  vita - sandali  e  calze  bianche. Esce Lucrezio)

Scena II

Tutti come prima più Fra Giocondo

Fra  Gio               Deo  Grazias!...Il  Signore  sia  con  voi…

Pina            Ch’el  vègna   ch’el  se  comuda…se  poedi  fa per lu?

Fra  Gio      Lassam  ripusà  un  mument  intanta…uffrim  un  biccer  d’acqua…E  se  poe  l’e  de  vin,  mei  ancamò…e lassam  un  canton  per  mangià  un  toch  de  pan  e  furmag…el  mè  pranzo de mesdì…e se  poe  invece  vurì  uffrim  un queicos…che  sens’alter    sarà  mèi   de  quel che g’ho mì…  l’accètarò  vulentera  ringrasiando  el  Signur…

Cirillo                  Ch’el  se  comuda!... Un  biccer  de  vin…un  piatt  de  ……………..         el ghe  semper … e  poe  un  quèicos  d’alter  el  troevarem

Fra  Gio               E  mì  l’accètarò…mai  rifudà  i  regai  de  la  pruvidensa…Ghe  fudes  anca  un  ala  de  pulaster…se  fa  per  dì…se  sa…la  coscia  l’e  mèi…e  le  nò  che  mi  me  vergognaresi…(ride  bonario)  Poedi  dunca  settamm…( Piero  gli  cede  il  posto )  Brau  fioe,  grasie!

Pina            L’e  milanes  lù?

Fra  Gio      Verament…son  de  Lugano  in  Svissera…ma  la  mè  mamma  l’era  de  Arona…due  ghe  la  statua  de  san  Carlo…

Gilda          Ah…una  varesota…

Fra  Gio      No…de  Novara…provincia  de  Novara…del  rest  una  volta  anca  Novara  la  feva  part  de  la  Lega  Lombarda…Ecco  che  poedi  ciamm  quasi  milanes  anca  mì!

Gilda          ( che  sarà  arrivata  con  la minestra )  Ne  voer  un  alter  casù?

Fra  Gio      Sì…grazie…giù pur  quanta  ghe  ne  stà  den!  Mai  rifudà  la  pruvidensa!...( inizia  a  mangiare )  Scusemm…ma  la   fam…le  una  bruta  roba!

Pina                     (a  Cirillo,  piano )  Ma  el  se  fai  nanca  el  sègn  de  la  cruss!  Che  strano!

Fra  Gio      ( Come  se  avesse  sentito )  Che  se  meraviglien  minga…se  ringrazi  no  el  Signur…prima  de  mangià…ma  il  nostro  Ordine  non  lo  prevede…ringrasium  dumà  cun  la  ment…per  minga  ves  scambiad  per  vanitus  ai  oegg  di  alter…un  po  cume  la  “Perfetta  Letizia”  francescana…

Gilda          ( Piano  al  Piero )  Te  ghe  capid  un  quèi  coss  tì?

Piero           ( Piano  a  Gilda )  Me   m’ intendi  poch  mì…de  fra! 

Cirillo         Lu…le  minga  un  francescan,…è?

Fra   Gio     ( Continuando  a  mangiare)  Eh,  nò!

Lucrezio     (Con  voce  lamentosa,  ma  senza  toccarsi  lo  stomaco )   Infatti….la  tunega  l’e  diversa…

Fra  Gio      Te  ghe  el  mal  de  stumeg,  tì?

Lucrezio     (Con  fare  stupito)  Sì…le  vèra…cume  el  fa  a  savel?

Fra  Gio      Dumandumel   pu…e  prima  che  mi  finisi  de  mangià…el  dulur  el  te  sarà  passad!

Gilda          De  che  urdin  a  le,  lu?

Fra  Gio      V’el  disi  e  dopu  dismenteghel  subet….son   della  Congregazione  degli  Ordini  degli  Umiliati…

Cirillo         Ah,  ecco!

Pina            Perché?  Ti  ha  cunusi?

Cirillo         Mì,  nò!   Ho  di  dumà:  ah,  ecco!

Fra  Gio      ( a  Lucrezio)  Cume  vann  i  tò  dulur?

Lucrezio     Un  po  mei…almen,  me  par…

Fra  Gio      Adess  mi  bevi  un  biccer  de  vin…e  te  passa  tuscoss…(  mostra  il  bicchiere  vuoto )  Se  poed  vegh  un  biccer  per  fa  sta  ben  chel  fioe  lì?

Gilda          Subet…(e  versa )

Fra  Gio      ( Prima  di  bere )  Quest  chi  el  cunta  no…le  l’assagg!  ( beve  e  ripresenta  il  bicchiere,  Gilda  versa)  Finid  quest  chì…te starè  ben  cume  tri  dì  fà

Lucrezio     Cume  el  fa  a  savè  che  le  tri  dì  che  gh’ho  i  dulur?

Fra  Gio      Dumandumel  no…ghe  voer  fed  e  basta…( rincomincia  a  mangiare )  Fed  e  umiltà…cume  per  la  faccenda  di  urasion…prima  de  mangià…bisogna  ves  bun  de  dii  sensa  che  i  alter  se  accorgen…

Pina            Ch’el  me  scusa…ma  capissi  no…

Fra  Gio      Turnemm…a  la  Perfetta  Letizia…dei  Francescani! 

Nostro  Signore  Gesù  Cristo  l’ha  di: «Bisogna  vincere  se  stessi…e  suppurtà  uffes  e  sofferenza…».   

 (Depone  il  cucchiaio.  Beve  l’ultimo  goccio.  Rivolto a  Lucrezio)  Te  ghe  pu  nient…te  se  guarid!

Lucrezio     (Sorridente,  toccandosi  lo  stomaco )  L’e  vèra!  El  m’è  passad!...Ma  alura…ma…lu…lu…le  Frà  Giocondo!

Fra  Gio      Te  cunusi  el  mè  num?...Quèst  le  minga  bell…per  mi  voeri  dì…che  voeraresi  minga  vess  vanitus…quand  el  Signur  l’esaudiss  una  mia  preghiera…l’e  nò  merit  mè…voeri  di  che  tì   te gh’evi  fed…e  te  sevi  prunt  a  ricev  la  so  grasia!

Gilda          (a  Lucrezio)   Ma  te  se  sicur  de  vegh  pu  mal  al  stumeg?

Lucrezio     Oheu!  Alter  che!  Poedi  bev  un  biccer  de  vin?

Fra  Gio      Certament  che  te  poedi!  L’e  anca  bun!

Gilda          (Versa. Lucrezio  beve)

Lucrezio     Sto  benissim!...Poedi  aveghen  un  alter?

Fra  Gio      Eh,  no…calma!  Te  poedi  no   pretend  ch’el  Signur  el  te vuta  semper…quest  l’e  prufitassen!

Pina            (A  Cirillo,  piano)  Tì  se  te  na  dìsi?

Cirillo                  (A  Pina  piano)  Ma  nient!  Quel  lì…( indica  Lucrezio)  l’e  insì  impressiunabil…che  el  sent  pu  nanca  i  dulur!

Piero                    (Un  po  scettico,  sorridendo)  Peccad…che  le  minga  passad  de  chi  ier…ghevi  un  mal  de  testa  incredibil…el  vureva  minga  passam…

Fra  gio       (Che  intuisce  subito  l’ironia)  L’e  insi  luntan  la  farmacia,  chì?

Piero                    (Continuando.  Stesso  tono)  No…ma  avevi  pruvad  de  tut…e  gh’èra  minga  vers .de  fal  pasà…Ma  vist  che  lu  in  un attim  el  fa  guarì..

.

Fra  Gio      Mì  fò  guarì  nissun…o  mei…cerchi  de  vutà  quèi  che  gh’han  voeia  de  vess  vutàd…e  che  gabbien  fed…

Piero           Quand  se  gh’ha  de  bisogn…se  gha  semper  fiducia…

Fra  Gio      Fed…hoo  di!...Minga  fiducia…comunque  nei  casi  cume  el  sò…un  rimedi  el  ghe…el  patiss  tant  de  mal  de  testa?

Piero           (Curioso)  Abbastanza,  perchè?

Fra  Gio      Ghe  sares  el  sistema  de  la  mela…o  del  pumm  cume  disi  vialter…

Cirillo         Del  pum?  E  cume  sares…

Piero           Son  curius  de  savel  anca  mì…

Fra  Gio      Mal  de  dent…mal  de  testa…raffredur…quand  ghe  capita…lu  el  ciappa  una  mela  minga  troppa  grossa…perché  la  dev  stagh  in  bucca  intrega…

Gilda          Intrega?

Fra  Gio      E  sì…per  forsa!

Piero           E  dopu?

Fra  Gio      Nient!  A  sto  punto  lu  el  cacia  la  testa  in  del  furnu…e  quand  la  mela  l’e  cotta… ghe  assicuri  ch’el  sent  pu  nient!...

Piero           (Trattenendosi)  Molto  spiritus!

Gilda          (Comincia  a  ridere)  ah…questa  le  bèlà.  Sì…le  propi  bella!

Cirillo         ( Comincia  a  capire  e  ride  anche  lui,  imitato  da  Pina )

Lucrezio     ( Un  po’  interdetto ) In  del  furnu?  Ma  el  scotta  nò?

Fra  Gio      Beh…unpo  sì…èh!  T’el  cunsigli  no!  Te  se…va  ben  vegh  fed…ma  quest  voer  minga  dì…fidas  de  tutt…o  de  tuti

Scena III

Appare  sull’uscio  Giacomo,  sorretto  da  Egle  e  Cleofe. Trascina  vistosamente  i

piedi,  ma l’aspetto  è  florido.  Si  muove  con  grande  palese  difficoltà

Cirillo                  ( Alzandosi  e  andandogli  incontro)  Cusa  t’he  saltad  in  ment  de  levà  su?...(a  Fra  giocondo)  Le  mè  fratel…( indicandolo)  e  Egle  le  la  so  fiöla…l’altra  le  la  Cleofe…una  pora  dona  che  la  ghe  fa  un  po  de  assistent…vöri  dì…una  specie  de  infermera…

Giacomo              Vöri  settam  giù  visin  al  frà……avanti  fi  a la  svelta…(si  adoperano  tutti,  spostandosi  convenientemente  per  lasciargli  posto  e  farlo  sedere. Piero da la sedia a Giacomo e esce con Cleofe)

Fra  Gio      (A Cirillo,  ma  per  chiamare  in  causa  Giacomo)  Cusa  el  gh’ha  de  precis?

Cirillo         Mah!  Nissun  dutur  le  stài  bun  de  dil…

Fra  Gio      El  par  un  om  fort….…par  fina  impusibil  ch’el  pöd  minga  stà  in  pe  de  per  lu…

Gilda          El  saves,  quanti  dutur…nient…ghe  stai  nient  de  fa…quanti  cür…

Giacomo     Quanti  danè!  Dill  un  po  ti  ( rivolto a Gilda) che  tò  ziu  le  un  infess!

Fra  Gio      Be  me  par  nò  che  l’abia  dì…quel!

Giacomo     (Squadrandolo)  Che  frà a  le…lu?

Fra  Gio      Vun  di  tanti  ma  me  piasares  ves…l’ultim…propi…L’ultim  di  frà…

Pina            Ah,  sì?  E  perché?  Per  umiltà!

Fra  Gio      Forse,  ma  pensè  un  po’  la  furtuna  de  ves  quel  che  cunta  men  de  tüti…e  avegh  impruvisament  dal  Signur  la  grazia  de  ves  scultad  da tuti .

Giacomo     Eh brau! Insì…vun  cunsàd  me  mì…el  pöd  cunsulàs  ch’el  finisarà  in  paradis…

Fra  Gio      Le  minga  vèra!...Se  bastas  quèl…tut  i  malad   de  sto  mund  i duaresen  ciamas  fortunad! …Ves  divers  dai  alter  vör  minga  per  forsa  ves  peg, …. Anzi. (rientra Piero)

Giacomo     Già  ma  perché  fam  partì  in  cundision  de  inferiurità…alura?

Fra  Gio      E  sel  fudes  un  vantag?...E  pö  ch’el  scusa,  lu  le  nasud  insì?

Egle            No…el  papà…  le  insi  da  du  an …

Lucrezio     Lu da  du  ann… …(ridendo)  Mi…son  semper  stai  insì…

Piero           (Ironico) Ecco,  te  se  tì  el  puse  furtunad!

Pina            ( A  Lucrezio)  El  va  mei  el  to  stumegh,  ades,  eh?

Lucrezio     Senti  pu…nient…Fra  Giocondo  l’è  brau…anca  a  Marsan  l’ha  fai  di  miracul…

Fra  Gio      Voeri  minga  sentì…  che  la  parola  lì,  per  nissun  mutiv… Basta!  Ve  ringrasi … dell’uspitalità … ma l’è  temp  che  vaga  via… I elemosin…e  i  uffèrt  che  me  fan,  i vegnen  bun…per  chi  le che g’ha puse  bisogn  ....(si  leva  dal  collo  una  piccola  borsa  e  la  depone  sulla  tavola)    Lasela  pur  voeida…se  vurì  starò  minga  lì  a  guardà…chi  e  quant  mettari  den  (si  volta  verso  Lucrezio,  che  vede  invece  gli  altri – come  se  gli  predicasse  qualcosa) 

Lucrezio     (Piano)  Se  möven  no…eco…eco…la  Pina.. l’ha  mis  la  man  in  sacocia…no!  L’ha  tirad  föra  dumà  el  fasulet…alura  son  stai  brau?

Fra  Gio      Sta  citu,  ciciaron…

Lucrezio     L’hò  fai  ben  el  mal  de  stumegh?

Fra  Gio      Ten  d’ög  la  bursa!

Lucrezio     Mache…i metten  nient…e  i  des  mila franc  che  m’ha  prumis?

Fra  Gio      Pödi  minga  dati  chì  davanti  a  tutti,  te  par?...Cumpagnum  che  ti  a  darò…alura  se  fan?

Lucrezio     Nanca  un  ghèl…

Fra  Gio      Se  mi te  paghi  …incö  lauri  in  perdita…(piano)  Metegh  ti  un  quei  cos…dopu  fem  i  cunt…

Lucrezio     Cinch mila franc ?  I van  ben?

Fra  Gio      Ma  sì…vedem  se  se  smòlen  i  alter…

Lucrezio     (va  alla  borsa)  Eco…grazie…Fra  Giocondo…per  el  mal  de  stumegh  (infila  cinque  mila lire)

Fra  Gio      Ringrasia  el  Signur…no  mì  (riprende  la  borsa,  la  sbatte)  La  me  par  nò  tropa  piena…fa gnent…La  carità  la  de vègn dal cör..(si  gira,  benedicendo)  Vi  benedico  nel  nome  del  Padre…(si  perde  in  un  borbottio—Gli  altri  si  fanno  il  segno  della  croce)

Piero                    ( che  non  si  è  segnato)  Speri  che  l’aceterà  istes…la  mè  ufèrta…( mette  venti mila lire  nella  borsa)  A la  cura  de quèi malad e di puarèt  …a  quel  si  ghe  credi…

Fra  Gio      Anca  quest  l’e  un  ato  de  fiducia… l’accetti  per  i  mè  puarèt:  le  vie  del  Signore  sono  infinite…  (Si  avvia,  Lucrezio  lo  segue)

Lucrezio     Pödi  cumpagnal?

Fra  Gio      Cume  te  vöri…

Giacomo     Ch’el  speta…vöri  parlagh…a  quatr’ög!

Fra  Gio      (Sorpreso)  A  quatr’ög?

Giacomo     I  alter  me  faran  el  piase  de  ‘nda  via…vöri  cunfesam!

Cirillo         (Sorpresissimo)  Tì?  Cunfesat?  Oh,  Signur…ma  se  suced ?

Gilda          Ziu…te  parli  sul  seri…gh’ho  de  ciamat  Don  Giusep?

Giacomo     Machè  Don  Giusep…cun  lu  vöri  cunfesam…de  lu  e  nissun  d’alter…(a  Fra  Giocondo)  El  pöd  cunfessam  lu?

Fra  Gio      (Titubante)  Sì…che  pödi  fal!  Però  el  fato  che  lu  el  vör  cunfesas  cun  mì  e  no  cunt..  Don  Giusep…l’e  nò  un  bun   prupuniment…el  pentiment  el  ga  de  ves  vèra!

Giacomo     El  vör  scultam  o  no?

Fra  Gio      Scultal  sì..

Giacomo     A  quatr’ög?

Fra  Gio      A  quatr’ög…ma  el  dipend  minga  de  mì…

Giacomo     (Guardandosi  attorno)  Alura ‘ndì föra o no?

Cirillo         Cume  te  vöri…ndem…ndem  de  là…(adagio,  adagio  tutti  se  ne  vanno  in silenzio) 

Giacomo     (Dopo  una  pausa)  Al  masim  me  darà  nò  la  sulusion…

Fra  Gio      Se  el  pentiment  l’è sincer…bisogna    dala…

Giacomo     A le  che  le  una  roba  grave…e  ghe  la  fo  pù  a  tegnela  per  mì.

Fra  Gio      Ch’el  disa.

Giacomo     Ghe  dispias  a  sarà  su  la  porta?

Fra  Gio      No  (si  alza,  si  volta  per  chiudere  e  ritorna) Alura ch’el me disa.

Giacomo     (Intanto  si  è  alzato in  piedi,  tranquillamente)  El  ved?  Son  mai  stai  malad!

Fra  Gio      (Cade  a  sedere)  Oheui!  Questa  pö.! O Maria Santisima, San Giusèp e tüti i Sant del Paradìs!

Giacomo     Ades  che  la  sa…le  mei  che  me  seti  amò!

Fra  Gio      Naturalment…ghe  sarà  una  spiegasion… Le  dispost  a  dimela?...el  mutiv  el  g’ha  de  ves  seri…

Giacomo     A  un  quidun  duevi  dighel…ghe  la  fevi  pu…

Fra  Gio      Sì…ma  perché  propi  a  mì…perché  minga  al  Don  Giusep?

Giacomo              Perché…perché  me  vergogni…

Lu  el  se  dumandarà  perché prima  stevi  minga  in  pè … e  cuntinui a fa finta de ves malad.

Fra  Gio      Mì  me  dumandi  dumà … quand  a  le  ch’ el  se  decidarà  a  spiegam  tuta  la  facenda

Giacomo     Le  minga  facil

Fra  Gio      Ma  el  sa  che  lu … le  un  bèl  cagadubi?...El  me  dumanda  de  cunfesal…e  pö  le  minga  prunt … pö  el  g’ha  pagura … pö   el  cumincia  cunt  mèteghela  e  tirala  via...  El  sa  che  le  un  bel  rebus…el  se  decida!

Giacomo     (Dopo  un  breve  silenzio)  Mì  son  veduv.  (pausa) e g’hò una fiöla.

Fra  Gio      Le  giamò  un  quèi  cos…Vöri  dì…un  quèi  cos  per  savè  pusè  de  lu… Una  fiöla  le  no  un  quèi  cos..  Le  tant

Giacomo     Tantissim! Per  mì le  tut

Fra  Gio      Bè…quest  el  ghe  fa  unur

Giacomo     La  mè  Egle  la  g’ha  trent’an!… L’an  pasad  le  stai  lì  per  lì de  spusas…e  mì…el  capis?

Fra  Gio      No.  L’età  l’era giusta…e  alura?  Lu  l’era  un  brau  fiö?

Giacomo     Ma  sì…disi  minga  de  no…ma  l’era  un  canades…

 

Fra  Gio      Perché?  Cusa  g’han  che  va  no  i  canades…

Giacomo     Nient…però  la  dueva  andà  a  sta  là  de  cà…trasferis  e al penser de veghela pu visin!

Fra  Gio      Se  sa…le  destin  che  i  fiö  vaghen  per  la  so  strada…

Giacomo     Me  sevi  rassegnad!…ma  un  dì…che  sevi  su  in  casina  a  preparà  el  fen … per  dag  de  mangià  ai  besti…  me  cedud   el   paviment  suta  i  pe…e  son  burlad  giù  in  de  la  stala…in  mes  ai  vach,…e  i  vach  ien  stai  la  mè  furtuna

Fra  Gio      Eh,  capita!

Giacomo     M’han  frenad  un  po’  el  culp… anca  se  ieren  no  propi  tant  morbid…..Mural…son  stai  in  lètt…per  quindes  dì…ma  furtunament  nient  de  rutt…un  fort  stremisi…e  tanti  bot  de  pèr  tute l corp…

Fra  Gio      E  i  vach?...Vörì dì…s’han  fai  nient?  Perchè  lu  le  no  propi  una  piuma!  (scattando)  El  vör  cunclud  pèr  piasè?

Giacomo     Ghe  sèm!  Le  stai  lì…durant  la  cunvalescensa  che a  vedè  tuti  i  atension  che  la  mè  fiöla  la  gh’eva  per  mì,  un  dì  me  vegnud  de  pensà: “Putost  che  vedèla  andà  via…preferisi  ves  malad ”.

Fra  Gio      Ma  s’el  dis?  El  sa  lu  cusa   voer  dì  ves  malad  de  bun?  El  sa  che  un  penser  dèl  gener  le  una  bestiema  bèla  e  buna…

Giacomo              El  so…ma  ghe  stai  nient  de  fa…i  dì  paseven  e  in  de  la  mènt  se  faseva  strada  l’idea…”g’ho de tegnìla  chì  fin  che  starò  mèi”… Pensevi: “ma  quand  sarò  guarid…l’andarà…e  mì  cume  farò  sensa  le?”

Fra  Gio      El  pudeva  no  trasferis  in  Canada  anca  lu?

Giacomo     A la  mè  età?...

 

Fra  Gio      Insì…per  minga  rinuncià  a  la  so  fiöla… l’ha  preferid  tegnela  chì  a  fag  da  infermera… Cusa  l’ha  inventad?

Giacomo     Ho  cuminciad   a  dì…che  se  mueven  pu  i  gamb…che  stevi  minga  in  pe... e  alura  ho  cuminciad  a  fa  radiugrafii…cunsult  cun  dutur… e  cun  pusè  me  trueven  nient…cun  pusè…mi  insistevi  a  dì…che  riesivi  minga  a  mövum…  Fin  quand  un  cervelon  dun  prufesur… l’ha  diagniusticad che  g’ho  la  “nevrosi  isterica”.

Fra  Gio      (Dopo  una  pausa)  E  ades…che  intension  el  g’hà?

Giacomo     Capisi  de  ves  in  pecad…e  vöraresi  fam  perdunà!

Fra  Gio      Per quèste l g’ha  de  dì  la  verità?

Giacmo       Eh ciumbia quèst propi no!

Fra  Gio      El  vör  almen…liberà  la  so  fiöla?

Giacomo     Quèst  sì…a  cust  de  pèrdela  per  semper…

Fra  Gio      E  alura…almen  ch’el  guarisa!

Giacomo     Ma  cume?

Fra  Gio      Insì cume  l’ha  dì:  “riesi  no  a  mövum”…el  disa:  “son  guarid”  e  basta…

 

Giacomo     E  se  disaresi…  che  lu…

Fra  Gio      Mì  cosa?... No,  eh!  Mi  negaresi…mi  gh’entri  nient!  Pèr  carità!

Giacomo     Se  mi  guarisi…el  credaran  lu stès…

Fra  Gio      Pödi  minga  impedigh  de  pensal!... Ma  almen  mì… la  mè  cusciensa… la  sarà  a  post  o  quasi…

Giacomo     Le  apunto  quèl  che  intendevi…

Fra  Gio      Alura  l’intension  de  guarì  ghe  l’eva   giamò!...Perchè  alura  cunfidas  cun  mì?  El  pudeva  guarì  e  basta…

Giacomo     Alura  Guarisi?

Fra  Gio      Sel  vör  sentis  mèi…

Giacomo     Lu  el  me  prumèt  ch’el  starà  citu?

Fra  Gio      El  vör  mucala?  El  me  voer  anca  complice?  …Complice,  no…ma  vöraresi  minga  che  adès  lu  el  guaris  dumà  pèr  pagura  che  mì  vaga  in  gir  a  cuntà  la  verità.

Giacomo    Mi l’e l’asolusion che vöri…El g’ha de prumètum de fermàs…perché dopu podi cunfesàm de lu!”

Fra Gio       El vör capila che mi pödi prumetegh nient? El faga cunt d’avegh minga parlad cunt mi… (andando  alla   porta  verso  il  cortile)  Ohei  tì…ve chi

Scena IV

Rientra Lucrezio

Lucrezio     Ch’el  me  cumanda…

Fra  Gio      Gh’avaresi bisogn de spedì una letera…Gh’è una posta in ch’el paes chi?

Lucrezio     Le a tri chilometri..s’el vör podi andà mi in biciclèta…

Fra  Gio      E pèr scrivela…????

Giacomo     El  pöd   cumudàs  de  là  in  de  la  mè  stansa…ch’el  faga  cun  comud…(a  Lucrezio)  Te  voeri  ciamàm  la  Cleofe  e  la  mè  fioela?

Lucrezio     Subet…(uscendo  chiama)  Signorina  Egle…Cleofe…ve  voer  el  sciur  Giacomo…(intanto  fra  Giocondo  si  risiede  vicino  a  Giacomo)

Giacomo     Alura… lu  el  me  cunsiglia....

Fra  Gio      Mi  ghe  cunsigli  nient…

                                                  Scena V

Entra Egle e parla con grande affanno

Egle                     (rientrando  con  Cleofe)  Te  ghe  bisogn  de  mì,  papà?

Giacomo     Sì…intanta  tì,  Cleofe…cumpagna  Fra  Giocondo  in  de  la  mè  stansa…e  dagh  l’ucurent  per  scriv… Pö lasel  là e  turna  chì.

Cleofe         Va  ben… (a  Fra  Giocondo)  Se  el  sciur  Frà…el  vör  vegnì  de  là…

Fra  Gio      (a  Giacomo)  Cusa  le  che  la  g’hà  sta  fiöla  chì?...Le  semper  insì  nervusa?.. (a Cleofe)  Pèrchè  te  diventi  rusa ?...Cià…cià…cumpagnum  de  là… Tel  me  disarè  un’altra  volta

Cleofe         (A  Giacomo)  Sciur  padron…g’ho  de  andà  in  de  la  stansa  de  per  mì?... Me  vergogni!

Egle            Ma  andem  Cleofe…le  un  Frà!

Fra  Gio      Ades  ho  capid  cusa  la  g’hà!  (squadrandola)  Sta  tranquilla…che…de  ris’c…cun  mì  te  ne  curi  nò!  ( va via  con  Cleofe. Lucrezio  esce  in  cortile )

Egle            Alura,  papà…te  se  cunfesad?

Giacomo     Sì…e  son  pusè  tranquil… Le  propi  un  sant’om.  Ah ..vurevi  dit…te  ghe  pensi  semper  al  tò  canades?

Egle            Papà… le  inutil  dumandamel…uramai…lu ….. El  ma  scrit  anca  setimana  pasada…ma  mì…ho  giurad…che  te  lasarò  mai… in  chi  cundision  chì…!

Giacomo     E…se  mì…invece  saresi  guarid?  Cusa  t’ avaresi  fai?

Egle            Bè… La  sares  stai  diversa…Prima  de  tut… te gavaresi minga avud bisogn de mi… e pö… insuma… ogni tant  pudevum anca vedes…?

Giacomo     Bè, certament… se dumà chi gamb chi faresen giudisi…Le strano, però… prima intanta che parlevi… con Fra’ Giocondo… sarà stai la sugestion,  chi lo sa… saran stai i so parol… ma me pareva perfin de sta mei anca fisicament…

Egle            (consolandolo) Sì…certament papà… ma sta calmo, neh! Urmai sem rasegnad…certo che bisogna no disperas… però ti te ghe bisogn de sta calmo…

Giacomo     (che si agita sulla sedia e che è tentato di alzarsi)  Le minga facil!

Scena VI

Cleofe         (rientra di corsa, tutta affannata)  O mama, Signur! (si fa il segno della croce). Bisogna che vaghi dal don Pepino

Giacomo     Anca mò? Te se semper lì!

Egle                     T’è sucess ancamò?

Cleofe         Sì…anca ades…de là!

Giacomo     Ma dì no stupidad!

Cleofe         El  g’ha  una  manèra  de  guardat… che me fa vegnì i brut penser…

Egle            Ma Cleofe!... Sù … sù …sta calma… Setes giù

Cleofe         Bisogna che me fo benedì!... Vo da don Pepino!

Giacomo     Alter che benedision! Ti te ghe bisogn d’un bel om de spusà!

Cleofe         (agitandosi) Ch’el parla no in chel modo chi… che me senti mal!

Cirillo         (rientrando con Pina)  Se suced? La gh’à ancamò i scalman?

Pina            (andando decisa da Cleofe) Vergognes! Avegh semper in ment chi rob lì… Su… avanti…va de là a netà la cusina che te pasa… e lasa sta don Peppino… che invece de guarì ti… te fe diventà nervus anca lu! (la prende per un braccio e fa per portarla fuori mentre rientrano Piero e Gilda)

Gilda          (a Pina) Un’altra volta?

Piero           (a Gilda)  L’è quela storia che te me disevi?

Gilda          De tant in tant… la ghe borla den

Fra Gio       (appare con una lettera in mano) Ve ringrasi…ch’el fiöu de prima el ma dì ch’el pöd purtamela a la Posta…

Cirillo         Le Lucrezio? (chiamando) Lucrezio! Ve chi un mument (Lucrezio entra)

Fra Gio       Questa le la letera

Lucrezio     Apèna ho finid… fo un salt a purtaghela…

Giacomo     (intanto è combattuto. Fra sé) Forsa! O  ades o mai! (Forte) Egle… dam una man a tiram su…vöri andà a ripusà…

Cirillo         Te do una man anca mì… Aspeta…

Egle            Adasi, neh! Papà!

Giacomo     (Si alza, simulando fatica, trascina i piedi per qualche passo. Poi, improvvisamente)  Lasum andà!

Cirillo         Ma te se mat?

Egle            Ste disi, papà…no…no

Giacomo     Ve disi de lasam andà…o Signur… me par…me par…de pudè caminà…

Piero           Ma ndem, sciur Giacomo… ch’el se lasa no sugestiunà (indicando Fra Giocondo) de la so presensa… Ch’el guarda che le periculus

Giacomo     Ve disi… che me par de sentim sicur sui gamb…

Pina            (facendosi il segno della croce)  Oh Signur… sarà minga vèra?  (anche Cleofe gli va intorno, solo Fra Giocondo e Lucrezio se ne stanno in disparte)

Lucrezio     (piano a Fra Giocondo)  Che la ferma…prima ch’el borla giù

Giacomo     (circondato da tutti) Mi prövi… se mai ciapem…. Adasi… adasi…O Signur… Vo…vo…camini…camini….le incredibil…ma le un miracul

Fra Gio       Ades basta… che l’esagera no… El voer minga metes adrè a balà… ch’el scusa!

Giacomo     Da la cuntentesa el faresi propri!

Tutti           O Signur (a Giacomo) Giù… giù…ch’el se seta (Giacomo si siede)

Egle            Papà… basta… sforset  no… le giamò una roba meravigliusa… chisà… chisà che sia vèra (a Fra Giocondo) El pöd ves vèra?

Fra Gio       Dumandemel no a mi… mi gh’entri nient… le lu ch’el g’ha de savel se le guarid…

Cirillo         La fed… la fed… anca prima cun Lucresio!

Pina            La fed… cert… la fed!

Piero           Pian… pian…Un mument…sarà mei ciamà un dutur… Di volt la forsa de vuluntà… la poed cuntribuì, ma … bisogna no fidas

Giacomo     Silensio! Ades voeri pruà a levà su de per mi!

Tutti           Cosa?

Lucrezio     (piano) O Signur… ades el va in tera!

Fra Gio       (piano) Cume se fa a savel!

Giacomo     (tentando)  Ah! Ah! Ah!... Guardè…guardè…e sensa fadiga…Via,  via tuti…son in pè de per mi… e vöri pruà a caminà. Indrè…indrè…ghe la fo… ghe la fo. Miracul! L’è propri un miracul! (e va ad inginocchiarsi davanti a Fra Giocondo. Uno ad uno, tutti si inginocchiano facendosi il segno della croce, tranne Lucrezio)

Lucrezio     Ma cume l’ha fai?

Fra Gio       Le vie del Signore sono infinite!

Pina            In genoeg… miscredent!

Lucrezio     (si inginocchia anche lui) O porca vacca!  Cume le sta storia!

Fra Gio       No, no…in genög davanti a mì no…ma davanti al Signur…. Se el sciur Giacomo l’è guarid…se ved che l’ha pregad cun tanta sincerità…, Ma ghe anca un alter modo per fa del ben….e le quèla ….de fa un’ufèrta per la cungregasion de la carità…. Questa l’è una strada per rivà diretament a chi  g’ha de bisogn …e che mi cunusi ben (depone la borsa sul tavolo. Fra sé) E se l’impienisen minga ades… alura voer dì che nel mund ghe in gir tropa gent de poca fed!

FINE PRIMO ATTO

SECONDO ATTO

All’aprirsi del sipario la borsa di Fra Giocondo è sul tavolo piena di offerte.

Fra Giocondo è seduto al tavolo con una coppia di contadini

Scena I

                                                   Scena II

Lucrezio     Ve  avanti,  Cleofe…(entra  agitata  come  sempre.  A un  cènno  di  Giacomo,  Lucrezio  se  ne  và)

Fra  Gio      Sent  un  po’..perdem  minga  temp..nè!  Fa  la  tò  richièsta…ste  poedi..la  tò  ufèrta..e  pregarò  anca  pèr  tì..ma  te  prumèti  nient..

Cleofe         Lu  sel  voer…figurèmes…sel  me  troeva  nò  un  marì!

Fra  Gio      Ma  te  me  ciapad  pèr  una  agensia  matrimunial?    Se  gho  scrit  chì  “ Cuori  solitari “  o  quèlcos  del  gener?  Se  te  ghe  in  de  la  crapa?  I  castègn  sècc?

Cleofe         (con  gli  occhi  bassi)  Ch’el  me  insègna  cume  go  de  fa  alura  a  pensà  nò  a  certi  robb!

Fra  Gio      Cèrt  che  alla  tò  età  le  minga  facil!  Ma  le  pusè  dificil  a  la  mia!  Voeri  dì  ai  omm  de  la  mè  età!  Scultum…alla  dumenica  và  a  balà…Alla  matina  in  cesa  a  messa…al  dopumesdì  a  balà..

Cleofe         E  alla  sera?  Le  quèla  che ghe tègni  pusè!

Fra  Gio      Ripeti  ala  matina  in  cesa  a  pregà…e  al  dopumesdì,  guardet  in  gir!

Cleofe         Ma  le  quèl  che  fò  semper!  E  alla  sera?

Fra  Gio      Ma  ien  dumand  de  fa…se  te  se  depèrtì…  bev  la  cammomila..se  go  de  dit!

Cleofe         La  me  fa  nient…hò  pruad  a  toela,  si  la  me  rembambis  un  po’…ma..

Fra  Gio      Credi  nò  che  ne  sia  de  bisogn…

Cleofe         Ma  dopu…a  fò  di  chi  sogn…me  vergogni  un  po’  a  dii.  Lu  el  sa  che  ghe  do  una  man  a  la  Egle  per  curà  so  papà,..be  una  sera  che forse  evi  bevud  troppa  camomilla…me  son  sugnada…oh  gent!  Le  un diaul  che  me  tenta!...Me  son  sugnada…che   el  siur  Giacum  el  slungheva  i  man…ho  pruad  una  pagura…e  pèr  famela  pasà  me  son  bevud  mèsa  butiglia  de  grappa..

Fra  Gio      Quèla  la  fa  propi  ben!  Ma  te  se  mata!

Cleofe         Però…ho   fai  un  sogn  muimentad,  ma  bèl…anca  se  me  vergogni  un  po’  a  cuntal..

Fra  Gio      Cuntinua  nò  a  vergugnat…cunta  su..

Cleofe         El  sogn  le  andai  avanti  da  due  levi  lasad…me  pareva  che  el  siur  Giacum  el  levas  su  del  lèt…e  chel  vureva  mangiam…el  pareva  un  lupo  mannaro…

Fra  Gio      El  leveva  su?  Cume  se  dis ..un  sogn  premonitore!

Leofe                    Eh!  Fatto  sta  che  son  scapada  via …e  so  minga  cume  le  stai  ma  me  pareva  de  sentì  cantà  i  angiul…Quand  me  son  svegliada…sevi  su  la  casina…e  visin  a  mi…chi  le  che  vedi?

Fra  Gio      Un  angiul?

Cleofe         Nò!  El   Lucrezio…chel  me  surideva…cun  la  buca…voeri  dì  cui  dent.. insì…cun  una  facia  che  ghevi  mai  vist !

Fra  Gio      E… te  le  bevuda  anca  mò  la  grapa?

Cleofe         Divèrsi  volt…

Fra  Gio      E  te  fe  semper  el  stes  sogn?

Cleofe         Semper  go  fai  l’abituden  urmai !  Stò  ben  dumà  quand  bevi  la  grapa !  Voeri  di  quand  che  me  sogni…Dumà  che  voeraresi  nò  sugnam  dumà  del  siur  Giacum  e  del  Lucrezio.

Fra  Gio      Te  devi  Prumètum  invece  de  bev  pù  la  grapa…te  devi  savè  quèl  che  te  fe…voeri  di  quèl  che  te  sogni.  Te  poedi  nò  andà  avanti  insì… putost  va  pusè  a  balà…te  capid ?

Cleofe         Ma mi evi pensad  anca de fam suora!

Fra Gio       Te ghe i idei un po’ cunfus, neh! Cià, fa la to uferta e amen. So no se poedi vutat

Cleofe         (mettendo dei soldi nella borsa) Me sa che stanot me sognarò ancamò

Fra Gio       Nient grapa, però…

Cleofe         Me sa che me sognarò de lu

Fra Gio       De mi? L’è difficil. Fra un para d’ur sarò via… Va e prega che te ghenè bisogn

Cleofe         El pregherà anca lu per mi?

Fra Gio       Eh sì! Ma le minga insì che poedi vutat! Ghe sares la manera forsi… ma cume fo? Poedi no fermam. Me spetten i m,e puarett. Va’…e che il Signur el te tegna luntan de la grapa

Cleofe         Me piasares incuntrala ancamò… Vegni a trual?

Fra Gio       E, chissà… chissà…Ades va, però, che go premura (l’aiuta ad alzarsi e Cleofe si agita al contatto). Ma te se propri una pila eletrica… Va…va… che go minga temp.  (la spinge quasi fuori)   Oh mama, che fadiga.  (a Lucrezio che rientra)   Dim un po’ ti… me vegnud la curiosità de cunfesat

Lucrezio     Ehhh…mi… el me beca no

Fra Gio       Ghe pias la grapa alla Cleofe, eh?

Lucrezio     La grapa? Ah… la g’ha cuntad su?

Fra Gio       Te se vergogni no?

Lucrezio     Lu cusa el fares al me post?

Fra Gio       So no, però dopu, almen, me vergognaresi. Basta. Poedi minga fermam trop in un post… Va’, imbusa sta letera… chi ho finid. L’è temp che partisi

Lucrezio     El troevi ancamò quand che turni indrè?

Fra Gio       Te ghe pagura de perd i to danè? Sta tranquil! Ancamì me fidi de ti, no?  Comunque speta… guarda che riva nisun (Lucrezio sulla porta guarda fuori). Des e cinc…quindes… e alter quindes che fa trenta….va ben?

Lucrezio     En mei che nient

Fra Gio       Le el des per cent de quel che avrò tirad su. Le no che son diventad sciur. E poe son restad sensa. I ultim soldi li ho spedid al mè… al mè neud

Lucrezio     (furbo) Lu le no spusad, era?

Fra Gio       Ti… te se men rimbambid de quel che te pari… ma so minga se poedi parlat liberament. Te basta savè che ghe gent minga buna de distacas dei propri fioe…magari dumà per una sorta de egoismo… e altra gent che decid o le custreta a vivegh luntan. Propri perché ghe voeren ben e l’unic modo de dimustraghel a chel punto chi,  l’è propri quela de ricurdas de lur, anca de luntan. Alura, tuti i sistemi ien bun per tirà avanti. Cusa te stè lì a guardam? Tè, ciapa cinquanta euro e fam minga di dumand

Lucrezio     (contento)  Cnquanta?  Cume  me  piasares  vegnì  via  cun  lu..

Fra  Gio      Nò…te  l’auguri  nò…le  brut  duè  semper  scapà!  E  poe  en  danè  guadagnad  malament,  va…va  prima  che  saren! (via  Lucrezio – Rimasto  solo,  Giocondo diventa  serio.  Si  fa  il  segno  della  croce,  alza  uno  sguardo  supplichevole  al  cielo  e  mormora)  Pèr  i  omm  el  so  che  son  un  boia…ma  almen  tì…anca  sel  meriti  nò…te  preghi  de  saràsù  un  oegg,  forsi  mei  dù!  (si  rifà  il  segno  dèlla  croce,  proprio  mentre  entrano  Gilda, Piero, Cirillo e Pina )

Scena III

Pina            Che  sant’om !  El  prega  semper!

Cirillo         Gh’ho  de  fagh  purtà  un  quèicos?

Fra  Gio      Nò,  le  temp  che  me  rimèta  in  viag…go  tanta  strada  de  fa

Gilda          Pecad ch’el poed minga fermas! Mi el Ludovico em decis de spusas fra un meset…

Fra Gio       Chissà due sarò fra un meset

Pina            E già…magari in un quei ritir… per i esercisi spirituai…

Fra Gio       Pussibilisim… in una quei cella…. Luntan del mund

Piero           Eco, che la roba chi l’ho mai capida.  Devi ricunus che stà sarad su in una cella, sia pur in cumpagnia col Padreterno, el ga nò de ves trop alegher. Mì ho pruad a fa trì dì de C.P.R. a suldà.. poca roba… però…alla  larga!

Fra  Gio      Bisogna ves fort de den! Bisogna savè perché v’un el se troeva lì… Sentis in del giust…l’è semper supratut una quastion de fed

Piero           Devi dì che dopu che ho vist cunt i me oegg caminà el sciur Giacomo, credi un po’ pusè de prima… ma el voer spiegam perché bisogna semper cred insì alla cieca? Sares minga pusè facil se il Padreterno el dimustras de vesegh?

Fra Gio       Prima de tut bisogna aveg oegg per vedè….Basta guardas inturno per capì ch’el ghè! E po…ghe par no trop facil pretend ch’el sia lu a fas vedè? Basta cercal per trual

Pina            L’è vera! Quand disi i urasion me senti mei

Cirillo         Certo, l’è vera! Te ghe de ves cunvint

Piero           L’è minga facil !

Fra Gio       Ch’el guarda che chi dubita…l’è forse pusè visin al Signur de quei che l’aceten sensa pensà. El fatto de metel in discusion…l’è una proeva de la so esistensa. Se no de chi dubitum, de nisun?

Pina            L’è vera! Poe quand ghe in gir di sant cume lu… cume se fa a dubità?

Fra Gio       Alura le la g’ha fed? Bene. Mi disi che la fed, quela vera, l’è roba rara e che sarà el Signur a savè catà foera chi merita e chi no. Ah, mi son un sant om? Ghe disi che mi ghe c’entri nient cun i Sant.  La me cred no?  Alura avanti… vedem. Vedì chel Cristo là in crus? Mi ve disi che ades ghe parli e che quand lu el me sent… el ven giù de la crus… el fa du pirulet e poe il turna su. Chi l’è che scumet cun mi?

Piero           Ma el g’ha voea de schersà?

Fra Gio       No, no…mi parli cunvint (alla Pina). Le se la dis?

Pina            Ma, se la dis lu… però sincerament… la me par una stupidada!

Fra Gio       Ah, che fiducia! Ma mi son minga un sant? (a Gilda) E le se la dis?

Gilda          Bè, mi verament… so no se dì

Fra Gio       E lu, sciur Cirillino? El voer scumet?

Cirillo         Scumet no… però… credi anca mi ch’el voer schersà

Fra Gio       Mi scumeti cinquanta euro (al Piero) Alura?

Piero           Ma ‘ndem… el voer tra via cinquanta euro !

Fra Gio       Ch’el faga no tanti discurs… ripeti: Vedì sto Cristo in crus? Mi ades ghe parli e quand el me sente el ven giù de la crus… el fa du pirulet…el turna su

Piero           (perplesso, cava i soldi  mentre gli altri si guardano in faccia) Eco, d’acord, cume el voer... Scumeti el cuntrari, naturalment

Fra Gio       D’acordi, questi chi ien i mè…. Va ben ghe ien quei de puaret,,,ma son sicur de radupiai. Poedi cumincià?

Piero           (quasi a bocca aperta) Quand el voer! (perplessità degli altri)

Fra Gio       (al Cristo) Te me senti? Te preghi de vegnì giù a fa du pirulet. Te me senti?  (un attimo di silenzio)

Piero           Saresi tant meravigliad se sucedares!

Fra Gio       Vedi minga il perché!... (al Cristo) Te me senti?

Piero           Cume voer ch’el faga a sentil un crucefis?

Fra Gio       Alura lu l’è sicur che el poeda no sentil?

Piero           Sicurissim!

Fra Gio       Alura ho vinciud la scumesa!

Piero           Cume el sares?

Fra Gio       Difati mi ho scumiss ch’el ven giù a fa du pirulet… ma quand?  Quand el me sent! Son d’acordi cun lu: el crucefis el poed no sentim… dunca ho vinciud

Pina            (ridendo con gli altri) Ah, me pareva… eh già, cume el fa a sentì un crucefis?

Piero           El m’ha ciapad in gir!

Fra Gio       Minga tant! A lu ghe sarìa piasud… in fund… che sucedess… ch’el vegnis giù. L’avarìa pagad vulentera per avegh la proeva, e sa perché? Perché lu el dubita… E         alura ch’el me sculta: anca se mi me rivulgesi direttament  (indica il cielo) al Padreterno… e lu sì ch’el pudares vegnì giù… el poe sta sicur… lu, g’ha no de cuntà su de mi! Mi sun dumà un intermediari, ma l’è lu ch’el g’ha de ciamal… cun cunvinsion… cun fed. Alura, el staga tranquil ch’el riva…. In quanto ai du pirulet… la disturba no per insì poc, se no el vegnarà mai! (agli altri tre) Vialter, poe…la vostra fed l’è quel che l’è… Gh’avì nancaavud el curagg de riscià

                   (entrano Giacomo ed Egle. Quest’ultima quasi per abitudine sorregge ancora il padre, ma Giacomo naturalmente ora cammina noemalmente)

Pina            Tel chi el noster Giacumin…che bela roba gh’è sucess!

Egle            (a Fra Giocondo) Mi so propri no cume ringrasiala

Fra Gio       E dai! Tela chi un’altra! La faga no cunfusion anca le, per piasè. Fem no diventà quel che son no! Mi sun no un sant, capid? Anca la guarigion de so pader… l’è minga dì che la sia un miracul. Anca la ciesa l’è cauta in pruposit…. El pudares ves guarid insì… de per lu… In fund, la sua l’era una malatia nervusa.

Egle            Ma almen un cunsili, podi dumandaghel?

Pina            ma sicur, vera? Diamine, un cunsili se nega a nisun!

Fra Gio       Vardè che mi gh’ho de ndà via… Gh’è pu nient che poedi fa. Quel che ho fai… l’ho fai e basta!

Giacomo     E l’ha fai tant!

Fra Gio       Cambiem discurs… (a Egle) Se te voeri savè?

Egle            Voeri savè se me pader el poe cunsideras guarid o no

Fra Gio       Bè, mi pensi che dipenda dumà de lu!

Gilda          De la so fed?

Fra Gio       Già… propri da quela…

Egle            Me papà el dis che…volendo… ades pudarìa spusam e trasferim in Canada…

Fra Gio       Se la dis lu, alura va via tranquilament

Egle            E se poe el g’ha una ricaduda? Cume farìa…insì luntana…

Fra Gio       Alura va via no… Te se tì che te ghe de savel !

Egle            E se poe rimpiangi de ves no partida?

Fra Gio       Ma vialter, cusa vurì de mi? Una vita comuda…prugramada cume ve par e pias?  (sincero) Credì che mi gh’abbi no i mè dubi…i mè ripensament…i mè paur cume vialter? Tuti gh’han de fa una scelta e l’è no facil… L’è semper una fadiga ves in pace cun la cusciensa… La “Perfetta Letizia” de San Francesch… l’è difficil…

Piero           Epur..lu el duvares vess l’unic chi den ad avegh un po’ de serenità

Fra Gio       El dis? (indicando la sua borsa) Mi sunt in gir perché gh’è un quidun che gh’ha bisogn… e cerchi de fag del ben… per il rest… i mè penser… i me crusi…i mè dubi…ien cume i voster. Se te savaresi cume sunt luntan de la serenità! (in questo momento sul fondo Nella)

                                         

Scena IV

Nella           (è una giovane madre. Disperata, deve aver pianto molto. Gli occhi sono sbarrati e vi si legge la disperazione. Va direttamente dal frate) Lu… lu… el gh’ha de salvala!

Gilda          Su…su…Nella, sta calma e cerca de parlagh cun tranquillità

Nella           (in ginocchio davanti a fra Giocondo che è quasi spaventato) la me fiulina… la me fiulina… dumà lu el poed salvala!

Fra Gio       (smarrito e facendosi forza) Se te dì, fioela… sta calma… Mi....mi so no     che  roba  poedi fa…

Pina            Nella la gh’ha una fiulina de tri ann… L’è tant malada…

Nella           Le  tri  dì  che la  g’ha un fastidi a la gula e ghe vegn de vumità.…La  cuntinua  a  piang…El dutur  ma  dì  che  la  poed  ves   la  meningite,  de  fas  forsa,  de  rasegnam…ma  mi  poedi  no!  Lù,  la  poed  salvala…Lù  dumà  lù!

Fra  Gio      (quasi  fra  sé)  Signur…Signur  pèrchè  dam  a  mì  sta  grana!

Nella           (a  Giacomo)  Lu..la  ben..  guarid.  Pèrchè  lu  sì  e  la  mè  fiulina  che  le  inucent,  nò…pèrchè?   Pèrchè?

Fra  Gio      Mì…mì  (non  sa  più  articolare  parola)

Nella           (a  Giacomo)  Che  ghe  la  disa  lu!  Che  parol  la  druad  lu  pusè  impurtat…del  mè  dulur…de  la  mè  disperasion   pèr  cunvincel   a   fal  guarì

Giacomo     No…no...mì  nisuna  parola…mì  so  no…el m’è sucès…

Pina            (a  Giocondo)  Almen  una  benedision…quèst  el  poed  fal…

Cirillo         E  sì  Fra  Giocondo  una  benedision…

Fra  Gio      Nò..(disarmato)  Mì… purtrop        ..poedi  nanca  pregà…chi  son  mì  pèr  pretend  de  dumandagh  al  Padreterno  la  so  misericordia.  O  Signur  vutum  tì

Gilda          (a  Fra  Giocondo)  Una  parola…almen  una  parola…

Fra  Gio      (calandosi  involontariamente  nel  personaggio)  Ne  cunusi  vuna  sula: Fed…avegh  fed.

Nella           (disperata)  Ghe  no  pu…ghe  no  pu…(viene  sostenuta  da  Gilda  e  Pina)

Fra  Gio               Disperet  nò  …va  a  cà…sta  visin  ala  tò  fiulina…e  prega,  prega  tant.

Nella           (quasi  calmandosi)  Alura… poedi  sperà ? (mentre  le  donne  l’accompagnano)  Vo  a  ca  a  pregà…ma  el  pregarà  anca  lù  èra…si  son  sicura…lù  le  insì  bun.  Grasie…grasie   (via  con  Gilda  e  Piero)

Egle            (a  Fra  Giocondo)  La  vutarà…èra  che  la  vutarà

Fra  Gio      Per mì la to fiulina la g’ha dumà i vermi. Proeva a metegh inturno al col una culana fai cunt i fes de ai e prega

                                                              

Pina            Lu  el  Signur  l’asculta.  Le  un  sant  om, lu.  Se  la  scultad  pèr  mè  fradel  (indica  Giacumo)  pèrchè  el  duares  minga  scultal  pèr  chela  pora  fiola  de  la  Nella?

Fra  Gio      El  Signur…el  Signur…a  lu  duì  rivolges,  e  nò  a  mì…(a  Giacomo)  El  ved…el   ved  quèl  che  la  cumbinad?

Giacomo     (confuso)  Mì…mì…se  ghe  centri  mì

Fra  Gio      Tuti  creden  che  le  guarid  pèr  merit  mè…e  invece  nò…lu  la  sa  che  le  minga  vèra…

Cirillo         Ma  lu…che  culpa  el  gà?  El  Signur  l’ha  vursud  insì…

Fra  Gio      Preghel  el  Signur… Quèst  ghi  de  fà…(Lucrezio  sul  fondo,  con  la  lettera  in  mano)

Lucrezio     Ho  minga  fai  in  tmp…a  fa  la  racumandada…gh’èra  giamò  sarad .

Fra  Gio      Da  chì…la  farò  mì  duman…ma  adès  via  gò  de  andà  via  de  chì

Cirillo         Ma  propi  adès  ch’el  scusa?

Pina            Adès  che  la  pora  diaula  de  la  Pina  la  gh’ha  puse  bisogn  de  lù?

Egle            El   dev   vutala!

Fra  Gio      Devi-  e  già!  Natural…le  insì…A  chì  bisogna  rivolges  nèi  mument  dèl  bisogn?  Figurèmes!  Se  nò …che  sant  ien?  Le  quèst  che  vurì?  E  mì  ve  cuntenti…lasem  chì  in  de  pèrmì…devi  restà   sul  pèr  pregà  cume  vurì  vialter.  Ande  foera  tuti  de  chì!  (Lucrezio  lascia  la  lèttera  sul  tavolo ed  esce,  tutti  si  alzano  ma  rimangono)

Pina            Ecco...adès  sì…mi  sun  sicura  ch’el  fa  un  alter  miracul!

Egle            Cume  la  fai  cun  tì,  papà…

Giacomo     Cèrtament…le propi  in  sì

Cirillo         Disturbèmel  nò…(ed  escono)

Fra  Gio      (rimasto  solo,  si  accascia  sulla  sedia)  Tuti  cunvint…ma  chì  la  prnseva  mai?...(guarda  la  lèttera)  Cara  el  mè  fioe…che  vaca  dun  papà  te  ghe!  Ho  pasad  la  vita  a  viv  de  espedient…ma  pèr  tì  me  sevi  immaginad  un  destin  divèrs…Ho  fai  de  tut  pèr  fat  studià  e  invece  a  sèdes  ann  apèna  te  se  finid  chì…(legge)  “ Casa  di  cura  Regina  Elena”  Sondalo…sì  propi  visin  al  sanatori.   Magari…fudesi  bun  de  guarì  la  gent…e  adès  se  fò?  Via…gò  de  scapà  via..basta,  son  stuf  de  fa  paiasad.  Ma  pèrchè  troevi  minga  el  curag  de  digh  a  tuti..son  nò  un  frà…son  un  imbruion!  Imbruion?  Puse  un  lader  de  gain…de  pulaster!   Ne  cunusi  de  gent  puse  ladra  de  mì  che  ga  minga  bisogn  de  travestis!  Ma  imbruià  i  puarèt  cume  fo  mì… te  fa  nò  schivi,  Giocondo?  (al   Cielo)  Se  te  me  sculti, e  le  quèst  che  te  voeri  fam  capì…be  stavolta  l’ho  capid.  Son  rivad  al  capolinea!

                                         

Scena V

Lucrezio     (entrando  allarmato)  Frà  Giocondo…ghe  chì  du  persun  che  voeren  vedel

Fra  Gio      Nò!  Basta!  Voeri  vede  pu  nisun…Mì  adès  partisi.

Lucrezio     Le  nò  culpa  mia  ma  insisten…(sull’uscio  sono  apparsi  due  signori)

Fra  Gio      (che  li  vede,  colpito)  Ah…ho  capìd!   Sì…si.. Lucrezio…va  pur,  i  cunusi…so  chi  en…ansi,  i  spetevi…(ai  due)  magari  minga  adès…ma  prima  o  dopu…le  istès.  Cumudeves…l’èra  un  po’  che  se  vedevum  nò…

Primo  S.    Già…(entrano)

Fra  Gio      (a  Lucrezio)  Va  de  là…e  digh  al  siur  Cirillo  che  voeri  minga  ves  disturbad  pèr  un  quèi  minut…(ai  due)  Va  ben  un  quèi  minut..

Secon.  S    Io  non  ho  tempo  da  pèrdere…

Primo  S     (a  Fra  Giocondo)Un  quèi  minut  va  ben…(a  un  cènno  di  giocondo,  Lucrezio  via  a  dèstra)  E  alura  ste   me  disi?  E’  Faustino?

Fra  Gio      Già  una  volta  me  ciamevi  insì…Faustino…Vialter  la  seuv  nò  che  me  sevi  fai  frà?  Le  da  chel  dì  lì  che  me  ciami  Giocondo.

Primo  S     E  la  prosima  volta…cume  te  se  ciamare?

Secon  S     Non  ci  sarà  prossima  volta,  speriamo…quèsta  volta  l’hai  fatta  veramente  grossa…Come  si  dice  “Scherza  coi  fanti  ma  lascia  stare  i  santi”

Primo  S     Cume  te  vegnuda  una  idea  dèl  gener?

Fra  Gio      Hò  vist  in  T V  un  film…le  istrutiva  la  T V !  La  vegia  storia  de  vend  i  pèn  stilugrafic  la  funsiuneva  pù.   Sì… anca  la  truada  de  guardà i manifest de mort e andà di veduv… fasendo finta de ves amis del mort … e poe tiragh un bidon … l’han mis den in un film … e adiu,   m’è crulad tut e m’è tucad cambià.   L’era trop periculus.  Oddio, l’è no che anca questa chi… (e indica l’abito) però… per un po’ l’è andai ben

Secon S      Non ti vergogni? Lo sai che oltre ad essere un reato è un sacrilegio? Non hai nessun rispetto per l’abito che porti?

Fra Gio       Ma questi chi en quater strass mis insema. L’è un vestid nulegiad… El sa che me custa trenta euro al dì? Gh’è minga trop de sfuglià verz… Gh’è un sac de spes… nel noster mestè

Secon S      Non fare troppo lo spiritoso, capito?

Primo S      (accomodante) El tò fioe?  Cum’el sta?

Fra Gio       El se cura… por nan… Te me fè il piasè de cunsegnagh o spedigh sta racumandada? Ades cume farò a scrivegh? Quand el vegnarà a savè che son finid den un’altra volta…

Secon S      Pochi sentimentalismi! (indicando la borsa). E’ lì dentro la refurtiva?

Fra Gio       O, là..là… che parolona grossa!  La refurtiva? Ho minga svaligiad la banca d’Italia! Ghe sarà den ancamò dusent cinquanta / dusent sesanta euro in tut… Duman matina avaresi fai el vaglia per il me fioe… ma urmai…

Secon S      Allora, facciamo presto. Qui non c’è più niente da fare

Primo S      Tuca semper a mì arestat…Almen cambia zona

Fra Gio       Son non amò riesid a fam l’autumobil… e anca andà in treno el custa    . En lusi che poedi minga permetum… Ho cambiad pruvincia… ecco… ma m’avì truad istess, e poe… en bun de criticà la Polizia e de dì che en ineficient! Però mì, me ciapen semper… Se ved che son no un brau lader

Primo S      Me dispias, ma g’ho de fa el me duer

Fra Gio       Giust… l’è pusibil digh nient a stà gent? Ve prumeti che cerchi no de scapà

Secon S      Ah… dovremmo anche usarti dei riguardi?

Fra Gio       No a mì… a lur! Mì ghe guadagni nient. Ma perché levagh la fed?

Secon S      La fede? Cosa c’entra la fede?

Scena VI

Entrano Lucrezio, Cirillo, Pina ed Egle

Cirillo         Buongiorno… speri de disturbà no. (a Giocondo) Chi en chi du sciuri chi? Du so amis?

Fra Gio       Sì… en du… cume dì…culaburadur… Fan part de la Cungregasion de Carità….. la parte laica

Pina            Poedi ufrigh un queicos de bev?

Secon S      Veramente…

Primo S      Sì, grazie! Ma devum scapà via subit

Egle            Che sant’om el fra Giocondo… Quant ben l’è vegnud a fa. Ades el me papà el camina cume prima… Eh già! Ma lu el gh’avarà dì nient a lur, vera? Mudest cume l’è? Lu el voer no che se dis

Fra Gio       (ai due) Vedì?  Anca se me sforsi… lur en cunvint che mi ho fai guarì el papà de chela fioela chi. Capissen no che l’è stai dumà el Padreterno e basta

Pina            (versando da bere) Sì, ma cun l’intervent del noster fra Giocondo… El sarà stai el Signur a mandamel, quel sì!

Cirillo         (indicando Lucrezio) E a lu… el g’ha guarid el mal de stumegh, ‘era?

Lucrezio     (un po’ impaurito) Bè… minga propri del tut, ma sto propri mei

Pina            Sì, ma prima el se piegheva in du, ‘era?

Lucrezio     Bè… sì… prima sì

Cirillo         E quand el g’ha dì ch’el sares stai mei, l’ha cuminciad a migliurà

Egle            El me papà alura? L’è stai du an sensa caminà e impruvisament…

Fra Gio       (ai due) Vedì? E lur en cunvint che sia tut merit mè! Me se fa a levagh sti illusion? Lur veden in mì… cume dì… un rapresentant del Signur. Tut quel che fò… tut quel che disi… el ven scambiad tut per merce genuina. Gh’è minga pericul che pensen anca per un attim che poedi refilagh una pena stilugrafica ruta… Lur pensen che l’è una Pellikan e ghe basta!

Cirillo         Ch’el me scusa… mi sun ignurant… capisi no cusa ghe c’entra la stilugrafica

Fra Gio       L’era una similitudine

Pina            Ah, no una péna?

Fra Gio       (ai due) A pruposit del’altra “penna”… secund vialter quant temp a le che duarò sta via?

Secon S      Dipendesse da me…

Primo S      La so, tel faresi no partì. (a tutti) Lu l’è tant atacad a fra Giocondo!

Fra Gio       Fin trop! El me lasares mai andà!

Egle            Ma perché el g’ha de partì? El dev andà luntan?

Fra Gio       El dipend no de mì. Incò son chi e duman chissà! Ghe un prugetin de mandam al fresch al “cunvent” de Regina Coeli

Pina            L’è quel visin a Bergum?

Fra Gio       No, l’è quel de Ruma

Cirillo         Fin là?

Fra Gio       In verità, capìsi no… en là giamò in tanti cume mì… ma forse en minga del mè urdin. Comunque, bisogna ubidì alla legg… alla nostra Legg, che la me dis de andà due me manden

Secon S      Appunto… ora però stiamo facendo tardi… direi che è tempo di andare

Fra Gio       Me par gius… dunca arrivederci

Egle            Che pecad però ch’el va via

Lucrezio     (avvicinandosi a fra Giocondo) Per piasè, ch’el ghe disa no che serum d’acordi… che serum in turta

Fra Gio       Sta tranquil… (va da Cirillo e Pina)  Grasie de tut

Scena VII

Dal fondo appaiono Gilda e Piero

Gilda          Incredibil, incredibil! Lu l’è un sant! (si inginocchia)

Piero           (esterrefatto) L’avesi minga vist cunt i mè oegg, avaresi mai credud. Quand sem andai a cà de la Nella,  la so fiulina la gh’eva pu il vomit e la cuntinueva a migliurà. Nisun ries a capì cume mai

Gilda          La Nella, pora stèla, l’è stravolta de la felicità. La cuntinua a dì: “Fra Giocondo…fra Giocondo…l’è stai lu!”

Pina            L’ho dì mì… che l’averes fai un alter miracul!

Cirillo         Che om…che om!

Egle            (a Giacomo che sta entrando con Cleofe)  La fiulina de la Nella ! Papà… anca le l’è guarida cume tì!

Giacomo     Cume mì, impusibil!

Egle            Gh’è nient de impusibil per fra Giocondo!

Fra Gio       Ve preghi! Basta! Cume g’ho de divel che mì gh’entri nient! Lu, dumà Lu, el Signur, l’è so il merit. ( ai due signori) Diseghel vialter chi son mì. Mì son minga bun de dighel… ghe la fò no… Diseghel, l’è giust che sapien

Primo S      Mì poedi no (all’altro). Ste voeri, dighel tì!

Secon S      Io? Certo, perché no? Chi è Fra Giocondo? Bè… mi sembra giusto che lui non si pronunci. Noi della Congregazione sappiamo benissimo quanto bene faccia la sua parola… e il suo continuo prodigarsi ad opere di carità. Ma così come vuole il suo abito, fra giocondo è schivo… molto schivo. Però, ovunque passa, lascia un segno… oserei dire un senso di vuoto profondo… colmato più dal ricordo di lui. Gli sono stati attribuiti fatti straordinari… guarigioni… alleggerimento d’animo…ma lui non vuole sentirne parlare. Da uomo di fede sa che c’è chi pensa a lui

Primo S      E el sa de pudè minga fermas. E’ destinato alle Missioni… e per un po’ de temp el sparirà per preparas spiritualmente al nuovo incarico. Ma mì poedi asicurav che sentirem prest parlà de lu, abituad cume l’è ad una vita che lo esalta… e che esalta chi g’ha la furtuna de avicinas e de ocupas de lu. L’aspeta il ritiro… ma l’è minga la prima volta, naturalment… e ghe de cred che la sarà minga l’ultima

Fra Gio       Anca se cuminci a ves strac… cercherò de fa mei de prima, comunque, per quel che me sarà pusibil

Pina            Alura, quand l’è ch’el turnerà?

Fra Gio       Eh… passarà un quei an, vera? Vialter cosa ne disì? Dipenderà dall’aucat… l’aucat de la Cungregasion… che se interesa di Mission…in Uganda. Chissà quant temp duarò fermam… ma vialter cuntinuì a fa del ben… e stè minga indrè cun le elemosine… che ien mai asè

Cirillo         Se voeri mandà una quei uferta… a chilè che poedi mandaghela? El poed lassam l’indirisi?

Fra Gio       (indicando la borsa) Chi danè chi eren destinad alla Clinica “Regina Elena”, quela visina al Sanatori de Sondalo che la g’ha propri tant bisogn. L’è una carità direta, che se ghe fa a un fioe de sedes ann ch’el poedares ves el voster fradel …o il voster fioe. L’è un caso disperad perché il pader… purtrop… l’è un poc de bun e sto fioe, se nisun l’avuta, el resterà de per lu chissà per quant temp. Se poedi lasav l’indiris…

Primo S      Verament la sares minga questa la regula (guardando il secondo) e so minga se la Cungregasion la g’avarà un queicos in cuntrari

Secon S      Non credo proprio sia possibile… tuttal più gli si potrebbe indirizzare iol denaro già raccolto per lui

Fra Gio       Magari con l’agiunta de alter ufert… Ecco, fasem cuntent sto poer fioe (passa con la cassettina)! Savì minga quant ben ghe fasì a lu… e indirettament a mì

Egle            (facendo la sua offerta) Ecco… nel num de Fra Giocondo (tutti fanno la loro offerta invovando il suo nome)

Fra Gio       (arriva dai due signori) Se vurì fa un’uferta anca vialter…(al secondo) Anca tì, vera…bisugna dà il bun esempi!

Secon S      Bè sì, certo (da l’offerta e a questo punto avanza Lucrezio)

Lucrezio     Anca mì se permet (cava di tasca cinquanta euro)… Ecco

Cirillo         Però… cinquanta euro!

Lucrezio     I mè risparmi… ma el fò vulentera

Pina            Chissà che Fra giocondo el riesa a fat guarì del tut anca tì!

Lucrezio     Eh, dumandem no l’impusibil! Interesa no!

Fra Gio       (a Lucrezio commosso) Poedi dumà asicurat che pregarò per tì

Secon S      Si fa tardi… Vogliamo andare Fra Giocondo?

Fra Gio       Bè sì, l’è ura (a Giacomo). Se la to fioela la voer spusas, lasela spusà, neh… ades che tesè guarid

Gilda          Se spusarem anca num…el me dares no la so benedision?

Altri           Anca a mì…anca a num

Fra Gio       (ai due signori) E ades, se fò?

Primo S      (interroga il secondo con lo sguardo e questi acconsente abbassando il capo) Certament che g’ha de dala

Fra Gio       (alza gli occhi al cielo, poi seriamente) Signur… ti te sé che pover om son mì.  Son no mei de i alter… Ti te sé che in chel mument chi son sincer… te dumandi nient de pu de quel che me meriti… Per mì, me afidi a la tua misericordia… Lassum benedì i alter sincerament… cume me senti de fa… nel to num… per quel che poed valè la mia benedision e anca la mia emusion e la sincerità de chel mument chi… Te preghi anca per la fiulina … perché te gh’abiet de prutegela tì. Te ringrasi de vem mandad in chel post chi, indue forse… indegnament ho seminad un po’ de la to Parola… E perdunum i mè pecad e la sfaciatagin de dumandat de dagh un’ugiada anca al cunvent de “Regina Coeli”. (benedicendo)  Nel nome del Padre, del Figlio e dello Spirito santo

FINE

 

         

 

 

                  

 

 

                                                                                                                      

                                                                                                                       

                                                                               

    Questo copione è stato visto
  • 0 volte nelle ultime 48 ore
  • 0 volte nell' ultima settimana
  • 2 volte nell' ultimo mese
  • 10 volte nell' arco di un'anno