Fratelli

dItalia?

Di

Domenico Platania

Dicembre 2007

PREMESSA

La commedia, ambientata in Sicilia, focalizza la situazione sociale e politica sul finire del 1800. Nellisola permane un senso di sfiducia e di insoddisfazione dovuto alla mancata realizzazione delle aspettative che lUnit dItalia aveva fatto intravedere. Le nuove disposizioni dei Governi che si succedono, anzich portare il benessere tanto sperato o attuare riforme, continuano a restare sordi ai bisogni elementari della popolazione pi povera.

Anni pieni di fermento, dovuti principalmente alla nascita dei primi movimenti popolari organizzati, i Fasci dei Lavoratori, creati dai socialisti, ed i Centri di assistenza sociale di Don Luigi Sturzo, che si ispirano alla enciclica Rerum Novarum. Formazioni, queste, che rappresentano in assoluto, i primi tentativi di mutuo soccorso e di lotta.

Una Sicilia, angariata dalla grave piaga della mafia, radicata su buona parte della Sicilia, martoriata da una situazione di miseria e desolazione, abbandonata e repressa dallo Stato, vessata da tasse inique che si ripercuotono specialmente sulle classi meno abbienti. Qualcuno, addirittura, rimpiange il Governo Borbonico.

Ed in questo contesto, la commedia, fra il serio ed il faceto, insegue lobiettivo di fare conoscere ai siciliani un tratto di quella storia che li riguarda e che i libri scolastici, nellaffannosa apologia risorgimentale, non raccontano o travisano. Ma mira pure a fare riflettere sulla inconfutabile verit che, nei riguardi dellIsola, cambiata poco o niente, fino ai nostri giorni, la scarsa disponibilit dei vari governi succedutisi nel tempo.

E ancora attuale, allora, quanto sostenuto da Don Angelo nella commedia, che, cio, Ppi nuatri siciliani, u veru Risurgimentu ancora ha veniri?

Domenico Platania

sherpa9@tele2.it

DESCRIZIONE DEI PERSONAGGI

MARTINO - Persona di fiducia del Circolo dei Patrioti. Carattere aperto, mantiene rapporti cordiali e spontanei con tutti.

FELICE Trasforma in potere la sua posizione di Funzionario della Prefettura Regia, sfruttandola per scopi reconditi. Ossequioso e deferente verso Perciapalle, esegue con diligenza i suoi ordini.

PERCIAPALLE Sindaco della citt e capo riconosciuto di unorganizzazione che persegue scopi illeciti. attaccato al potere e non tollera chi cerca di contrastare i suoi progetti.

FRANCESCA CALANNA Ragazza educata rigidamente dalla famiglia, affettuosa con tutti, talvolta ingenua.

NZINA Tipica domestica devota ma petulante.

PAOLO Carattere tenace, evidenzia coerenza verso gli ideali che persegue. Ha a cuore le sorti della Sicilia e puntualmente e con lucidit ne denuncia la grave situazione.

DON ANGELO Sacerdote che rispecchia e incarna le idee sociali che percorrono la Chiesa in quel periodo storico.

TOTO SALAFIA Possidente, esprime il tipico borghese arricchito attraverso speculazioni e amicizie politiche. Appoggia apertamente chi detiene il potere.

GREGORIO CALANNA Notabile, pur essendo un uomo allantica, riesce a cogliere le novit sociali che animano la Sicilia.

PIPITTA SALAFIA Anche lei come il marito, non brilla per apertura mentale. Le sue umili origini e la condizione di neoricca sono palpabili ed evidenti nel linguaggio usato correntemente.

MINNELLA SALAFIA E la copia della madre e pende dalle sue labbra.

COCIMA CALANNA Vivace ed esuberante il comportamento, puntigliosa e tenace nei rapporti con gli altri.

BARONESSA PERCIAPALLE Anche se di origine nobile si adeguata ai maneggi del marito accettando e assecondando il suo comportamento.

Personaggi in ordine di entrata:

- Martino, cameriere del Circolo dei Patrioti

- Felice, Funzionario di Prefettura

- Giovanni Perciapalle, Sindaco

- Francesca, figlia di Calanna

- Nzina, cameriera di casa Calanna

- Paolo, sposo di Francesca

- Don Angelo, sacerdote

- Tot Salafia, possidente

- Gregorio Calanna, notabile

- Pipitta, moglie di Salafia

- Minnella, figlia di Salafia

- Cocima, moglie di Calanna

- Baronessa Perciapalle

- Prefetto del Governo (voce fuori scena)

- Altra voce fuori scena

FRATELLI DITALIA ?

ATTO PRIMO

La scena rappresenta linterno del Circolo dei Patrioti, in una citt qualsiasi della Sicilia. Al centro, in fondo, sopra la porta dingresso a vetri, campeggia la scritta con la denominazione del circolo. A destra ed a sinistra, due porte che conducono negli altri locali. Sopra i tavoli, sparsi nella stanza, si trovano giornali, bicchieri, carte da gioco, una scacchiera e loccorrente per scrivere. Mobili e quadri completano larredamento.

SCENA PRIMA

VOCE FUORI SCENA - 4 Gennaio 1894. Il Capo del Governo Francesco Crispi, con il consenso di Umberto I di Savoia, proclama lo stato dassedio in Sicilia e soffoca con brutale violenza i disordini popolari provocati dallaumento delle tasse e del prezzo del pane. Vengono chiusi i Fasci Siciliani e colpiti anche i Centri Cattolici di Assistenza Sociale, organizzazioni nate per difendere i diritti dei lavoratori.

La situazione nellIsola, dopo oltre trenta anni dallUnit dItalia, molto grave. I governi che si sono succeduti, anzich portare il benessere promesso o attuare riforme, sono rimasti sordi ai bisogni elementari della popolazione pi povera, che continua a vivere una situazione di fame e di disperazione.

MARTINO (si aggira per la stanza mettendo in ordine) Auh! A cunfusioni ca lssunu ogni sira mprissiunanti! Non ci n unu ca si degna di pusari i cosi o so postu: seggi, giurnali, carti e biccheri saliati unni e j. Ma a cosa ca non sumportu sunu i culazzi di sicarri,i trovu na tutti lagnuni. Di quantu pusacinniri avemu intra stu Circulu i putissumu macari vinniri, ma oddu su c n-sociu ca ni fa usu! Ppi non parrari appoi du tabaccu du Cavaleri Burgio sbrizziatu pedi pedi. Salaratu, lu gran fituni ca fa! Si dici ca fuma a pipa pammucciari a puzza ca fa iddu du so. E sar macari veru, pirch u tenunu luntanu comu su avissi a rugna. (bussano alla porta a vetri) N-muminteddu ca vegnu. (va ad aprire)

SCENA SECONDA

MARTINO (entra dal fondo) Oh, don Filici, cu cu porta di capu matina o Circulu?

FELICEAveva n-appuntamentu cu Sinnucu, lavv. Perciapalli.

MARTINO Non sha vistu nuddu

FELICE E va beni, voli diri ca mentri aspettu ci dugnu nucchiata o giurnali.

MARTINO Ancora chiddu novu non lhanu purtatu.

FELICE Non fa nenti, (siede) tantu i giurnali, gira furria e vota, portunu sempri i stissi nutizii, non cangiunu. I nfurmazioni cchi mpurtanti, caru Martinu, sunu chiddi ca damu e ricivemu di lamici.

MARTINO E chissu macari veru!

FELICE Ammuccamu! Cosi di lussu nta stu Circulu! Ora ca ponu trasiri macari i fimmini, vi stati jinchennu locchi.

MARTINO Comu no, semu tutti allianati!

FELICE Pirch, non veru?

MARTINO Ca certo, abbiamo migliorato! Prima si faceva sulu tagghiu, ora si fa tagghiu, cucitu e macari raccamu!

FELICE Per, chi nicchi nacchi i fimmini intra n-Circulu ntitulatu a i Patrioti.

MARTINO A ddi tempi u chiamnu accussi pirch era di moda.

FELICE - Ma unni i vistunu i patrioti cca intra sa vidunu iddi! Boh?

MARTINO - Pirch, quannu si chiamava Circolo dei Nobili, ppi casu u friquintava qualchi nobili?

FELICE Chissu macari veru!

MARTINO - (bussano alla porta e va ad aprire) Cca c u Sinnucu.

SCENA TERZA

MARTINO- Bongiornu Sinnucu, don Filici u sta aspittannu.(continua le pulizie)

PERCIAPALLE Bongiornu. (siede vicino a Felice) I surdati mhanu firmatu non sacciu quantu voti.

FELICE A mia,u sapi chi mi successi.....?

PERCIAPALLE Poi mu cunti. Chiuttostu dimmi comu finiu

FELICE (guarda in giro circospetto) Allura, u novu Prifettu arriva oggi!

PERCIAPALLE Chissu u sanu tutti. Ma chi tipu ? Unni ha fattu sirviziu, comu sha cumpurtatu?

FELICE E a prima prima vota ca fa u Prifettu, perci...

PERCIAPALLE (deluso) Ma allura, chi nutizii avemu?

FELICE A cosa certa ca calabrisi.

PERCIAPALLE Oh, finalmente! Almenu cu chistu ni sapemu sentiri. Lultimi camu avutu parravunu sulu cuntinintali e ppi capilli... Menu mali ca tu, comu capu di (modifica il tono) Gabinettu da Prifittura, riniscevi a smurfiari chiddu ca dicevunu, annunca...

FELICE (con falsa modestia)...Fissarii! Allura, turnannu o Prifettu, vinni a sapiri ca n-tipu ca parra parra ma non cunchiudi e, poi, ca ... comu si po diri ...eccu...cumprinsivu: basta fricarici n-pocu di saimi o puntu giustu e sciddica ca n-piaciri

PERCIAPALLE Ahu! Tutti i stissi sunu, cangiau sulu a parrata.

FELICE Per, cummeni teniri locchi sempri aperti. Scupa nova scrusciu fa.

PERCIAPALLE Scrusciu ci ni facemu fari quantu ni voli. Ma sempri scupa resta. Limpurtanti ca cu (mentre marca il tono, fissa Felice)) avi a manu ssa scupa a sapi maniari bona.

FELICE Ppi chissu non ci sunu prublemi. Mi pari ca finu a ora mala cumparsa, cu vossia, non nhaiu fattu mai! (Martino esce a destra)

PERCIAPALLE E chissu macari veru. Di comu ca facisti finiri allultimu Prifettu, leccillenza Bovis, mischineddu, ta poi vantari!

FELICE Veramenti lidea fu di vossia.

PERCIAPALLE Si, ma lorchestrali lorganizzasti tu.

FELICE A pirita! Ci finiu a pirita, a Bovis!

PERCIAPALLE Filici, cu mia ha parrari pulitu!

FELICE - Voscenza mavi a pirdunari, ma, sempri cu rispettu parrannu, pirnacchia, n-sicilianu, si dici piritu. E, u Prifettu Bovis, u mannamu a pi....

PERCIAPALLE (interrompendolo)...Pirnacchi! A pirnacchi u mannamu!

FELICE E ppi forza accuss cava a finiri. Ma iddu comu Prifettu cu caddu cu fici fari a miscarisi naffariceddi nostri?

PERCIAPALLE A testa ci laveva cchi dura du ntagghiu. (seggono)

FELICE - Nuddu, per, mi leva da testa ca qualcunu u tineva sutta scupa...

PERCIAPALLE Ppi sordi o ppi fimmini?

FELICE No capii, ma mi parsi troppu scrupulusu. Quannu mai, iddu.

PERCIAPALLE Accuminciau a farimi tanti di ddi stricanacchi ca non sacciu cavissi fattu ppi luvarammillu davanti.

FELICI E nveci, senza sgrusciu e cu na bella sturnillata, u ficiumu scappari.

PERCIAPALLE Ahu! Ddi carusi, di comerunu accurdati, parevunu tanti artisti! Appena videvunu u Prifettu o qualcunu da so famigghia, attaccavunu a farici pirnacchi.

FELICI Cuminciavunu a matina prestu, appena i Bovis grapevunu i finestri, e a finevunu a notti, quannu i chiudevunu.

PERCIAPALLE Hai vogghia a chiamari i carabbineri, i carusi, cchi di n-cintinaru, sa filavunu comu tanti cunigghi e, quannu fineva u piriculu, sarricugghevunu e attaccavunu a banna.

FELICE E u risultatu fu chiddu ca vulevumu nuatri: u Prifettu, non nisciu cchi da casa, finu a quannu non si fici trasfiriri.

PERCIAPALLE - (dando una pacca sulle spalle a Felice) Nenti, tu, comu capu (modifica il tono) Gabinettu da Regia Prifittura, si spricatu!

FELICE (dopo una breve pausa) Sinnucu, non capisciu pirch quannu muntuva a parola gabinettu cangia tonu. U miu n-ufficiu mpurtanti.

PERCIAPALLE U sacciu! Per, su u chiamunu accuss n-mutivu ci sar. Chi dici? Forsi capenu ca tra u gabinettu e u to ufficiu, tanta differenza non c!

FELICI Vossia scherza sempri, ma... (Martino rientra portando due caff)

PERCIAPALLE (piano)Parra alleggiu ca c u cammareri

FELICE (a Martino) Finalmenti ti dicidisti a purtari i caf?

PERCIAPALLE - Va beni, semu daccordu, u poi avvisari ca laranci ci fazzu o stissu prezzu di lannu scorsu

MARTINO Sinnucu, scusassi su mintrumettu, ci vuleva diri ca u prezzu daranci, specialmente di partualli calabrisi, stannu aumintau bonu...

PERCIAPALLE U sacciu! Ma siccomu n-amicu, u rispettu!

MARTINO Certu! Ognunu ca so roba po fari nzoccu voli. Ppi lamici, appoi, chissu e autru (si allontana)

PERCIAPALLE Allura, u novu Prifettu si deve riciviri comu merita! Pensa tu a tuttu, accuglienza, nvitati, ricevimentu, senza badari a spisi.

FELICE Pari ca a prima votaVossia po stari tranquillu, sar tuttu a puntinu, dumani matinu dugnu dispusizioni. Chiuttostu, u trattamentu, u facemu n-campagna o a so casa? (si alzano)

PERCIAPALLE A me casa, certu! Vogghiu ca tutti vidunu ca a cangiari sunu sulu i Prifetti, ca stamu girannu unicamente n-fogghiu, na pagina di n-libru unni a storia sempri chidda.

FELICE - E chi mutivu c di cangiari? Megghiu daccuss!

PERCIAPALLE Certu, certu! (mentre, assieme a Felice savvia verso luscita) Martinu, marraccumannu, oggi pulizia speciali, pirch cchi tardu o Circulu veni u novu Prifettu! (salutano ed escono)

MARTINO (mentre li accompagna alluscita)Vossia non si ni cura, sar tuttu a puntinu! Sabbenedica a voscenza. Bongiornu, don Filici. (chiude la porta e riprende le pulizie). E menu mali ca non cangia mai nenti, pirch su ppi disgrazia cangiassi qualchi cosa, fussi sicuramenti n-peggiu! (bussano alla porta)Ahu! Stamatina si misunu tutti daccordu a non farimi finiri i pulizii.

SCENA QUARTA

MARTINO - (apre ed appaiono Francesca e Nzina) Signurinedda, chi fu accuss prestu?

FRANCESCA Siccomu non truvu cchi u vintagghiu, prima di jiri a Missa, vuleva vidiri su ppi casu ajeri sira me lo sono scordato qui!

NZINA- Non fu vintagghiu ca si potti attruvari!

MARTINO(con evidente ironia)Bih, e ora comu facemu ca persi u vintagghiu!

SCENA QUINTA

PAOLO (impacciato, entra dalla porta di fondo) Bongiorno a tutti!

MARTINO Oh, c macari u duttureddu Paulu! Lei chi persi, u muscaloru?

PAOLO Quali muscaloru?

MARTINO No, siccomu stamatina tutti cercunu qualchi cosa pensava ca...

PAOLO Passai ppi liggirimi u giurnali..

MARTINO Ha vistu ca macari lei cercava qualchi cosa? Siccomu u giurnali ancora non c, ci po dari (insinuante) na manu a signurina a circari u muscau vintagghiu!

NZINA (con intenzione) Du occhi superchiu fanu sempri piaceri!

FRANCESCA (invitante) Su Paulu voli essiri accuss gentili .

PAOLO (teatrale) Certu, n-piaciri aiutariti. Di unni accuminciamu. Tu ricordi unni tassittasti ajeri sira?

FRANCESCA Preciso preciso no.

NZINA Non stesi ferma n-minutu, si furriau tutti i stanzi du Circulu!

MARTINO Allura, a cosa non tantu facili. Avemu dudici stanzi! Non sacciu su cabbasta tutta a matinata!

NZINA - Chi voli diri! U vintagghiu lamu a truvari!

PAOLO (perentorio) Certo, ha ragione Nzina, si deve trovare, costi quel che costi!

FRANCESCA Si! Prima ca si naccorgi me patri,! Mu rijalau iddu.

MARTINO (fra il serio e il faceto) Bih, allura a cosa seria daveru. E cu cu dici o Cavaleri Calanna ca si persi u beddu vintagghiu? Matri, matri!

PAOLO Ppi chissu dicu ca non c tempu di perdiri!

MARTINO Putemu fari accuss: ju e u dutturi jemu a circallu dd banna, mentri a signurina e Nzina taliunu di cca.

NZINA No, no. Siccomu ju sacciu chi giru fici, dd banna ci jemu tutti e dui (indica Martino) e di cca restunu iddi (indica Francesca e Paolo)

PAOLO Si, si, facemu comu dici Nzina!

MARTINO (con ironia) Certu, accuss sulu u putemu attruvari! (esce a destra assieme a Nzina, portando via le tazze del caff)

PAOLO (abbraccia Francesca) Oramai quasi fatta, fra sei misi ni maritamu e finisci sta farsa ca appena tattruzzu macari ppi sbagghiu, to matri mi talia comu su mi vulissi mangiari!

FRANCESCA U sacciu, u sacciu! Ajeri a sira, quannu narricugghemu a casa, non sai chiddu ca successi....

PAOLO Ma su erumu assittati ju a livanti e tu a punenti!

FRANCESCA Non fu ppi chissu ca si siddianu!

PAOLO - E allura, pirch?

FRANCESCA U pap dici ca c qualcunu ca ti sta cangiannu a testa...e certi ragiunamenti non ci piaciunu...

PAOLO Ma quali cangiata di testa? Ma su non vidu lura di maritarimi...

FRANCESCA - No, no, si rifirisci e discursi ca fai contru u guvernu.

PAOLO Ah, ppi chissu quannu si ni jiu mancu mi salutau!

FRANCESCA Si! E dissi macari ca su non cangi sunata u matrimoniu nu fa vidiri cu binoculu! (piange) Si, accuss dissi...cu binoculu... (continua a piangere e singhiozzare)

SCENA SESTA

Da destra appaiono Nzina e Martino

MARTINO (notando il pianto di Francesca) Avaia, signurinedda, non mi pari u casu di chianciri ppi n-vintagghiu! Su voli ci ni parru ju a so patri...

FRANCESCA No, non ppi chissu ca chianciu. E... ca... Paulu mi cuntau na storia ca ...mi fici cummoviri...

NZINA Avaia, dutturi, ci voli n-pocu di dilicatezza quannu si cuntunu certi cosi. Chi fa no sapi ca Francesca avi lanimu troppu sensibili?

MARTINO Nzina, non pirdemu cchi tempu, circamulu di cca (indica la porta di sinistra)...u vintagghiu. Dutturi, mi raccumannu, ci issi alleggiu chi storii cummuventi. (esce con Nzina da sinistra)

PAOLO (con disappunto)Cu binoculu, veru? Ma chi centra a pulitica cu beni ca ti vogghiu!

FRANCESCA Sunu cunvinti ca centra, pirch diciunu ca cu cumincia a ragiunari comu a tia na bona strata ppi divintari anarchicu e n-anarchicu na nostra famigghia non trasi! (piange) Accuss diciunu!

PAOLO Addirittura, addivintai anarchicu senza sapillu.....

FRANCESCA (piange) Si, ma si u stissu contru u Guvernu....

PAOLO Cu u dissi ca ppi forza amu a essiri daccordu cu chiddu ca fa Crispi? Ma unni scrittu ca non po sbagghiari? Chi bella logica! To patri arraggiuna comu i piemuntisi: cu na pensa comu a iddi n-nemicu dichiaratu ca, a secunnu di unni sciuscia u ventu, po essiri anarchicu, socialista oppuru du partitu clericali! Finu a qualchi annu fa, nveci, u facevunu addivintari briganti...

FRANCESCA Lassa stari i briganti, erunu tutti dilinquenti!

PAOLO - Cui? Quannu? Chissa na favula ca ti cuntau to patri. Certu, i veri briganti cerunu, ma erunu na minuranza. Na muntagna, per, ci dici a to patri, scappau macari tutta dd genti ca naccittava i liggi di piemuntisi. Erunu accuss assai, ca ppi cuntrastalli, fonu custritti a mannari 150 mila surdati, mit di lesercitu italianu! Bastava non essiri daccordu cu iddi e subitu ti facevunu passari ppi briganti!

FRANCESCA Basta, non ni parramu cchi.

PAOLO - A to patri caddumannai sulu a to manu e no chidda di Crispi.

FRANCESCA (con il broncio) Ti vulevi maritari macari a iddu?

PAOLO Certu, e macari a Garibaldi!

FRANCESCA Pirch, allura, ti fa antipatia?

PAOLO Pirsunalmenti non mha fattu nenti, u dannu cu sta facennu a Sicilia, e chissu nu pozzu sumpurtari.

FRANCESCA (si sente il vociare di Nzina e Martino) Stanu turnannu, megghiu ca mi ni vaju ca si fici tardu. (tira fuori dalla borsetta il ventaglio)

PAOLO (notando il ventaglio) Ma comu...?

FRANCESCA U fici apposta ppi vidiriti!

SCENA SETTIMA

Da sinistra entrano ridendo Nzina e Martino

FRANCESCA (mostrando il ventaglio ai due)U truvamu! Era nficcatu arreri a ddu mobili!

PAOLO Mancu u traficu ca ficimu ppi spustallu...

MARTINO Bih, a cu cu dici, u sacciu ju chiddu ca vidu a matina... Ma antura, quannu scupai, comu fici a non vidillu?

NZINA- Limpurtanti ca u truvamu!

FRANCESCA A stura a Missa finiu, megghiu ca ni nni turnamu a casa.

NZINA U Signuruzzu vidi u cori! (Francesca e Nzina salutano ed escono)

MARTINO Certu ca sti vintagghi muderni...si nficcunu unni volunu! (esce da destra)

SCENA OTTAVA

Entrano Don Angelo e Tot Salafia..

SALAFIA (non accorgendosi di Paolo) Ma quanto matinalora a signurina Francesca...

DON ANGELO (indicando Paolo) Si vidi ca circava qualchi cosa...

PAOLO (pronto) U vintagghiu! Ajeri sira si scurdau u vintagghiu e su vinni a pigghiari....

DON ANGELO Truvau u vintagghiu ma persi a Missa....

MARTINO (rientra ed esce da destra, dopo avere portato i giornali) Cca ci sunu i giurnali. Oggi avemu belli nutizii!

PAOLO Oh, finalmente! (ciascuno dei presenti prende un giornale e si siede)

SALAFIA - (leggendo ad alta voce) Dopo la proclamazione dello stato dassedio, il Generale Morra di Lavriano, scioglie i Fasci dei Lavoratori e reprime con pi di 40mila uomini i tumulti in tutta la Sicilia

PAOLO O Guvernu non ci parsi mancu veru ca finalmente appi a scaciuni di fari libiramente nzoccu disiddirava.

DON ANGELO Chistu veni chiamatu (alza il tono) interventu ppi giusta causa!

PAOLO - Aspittavunu stu mumentu ppi farannilla pavari col palmo e la gnutticatura. (legge) Non si conosce ancora il numero dei morti e dei feriti U tempu di cuntalli non lhanu ancora avutu!

DON ANGELO (legge) Istituiti i Tribunali di Guerra: le prime pesanti condanne. Migliaia di arresti in tutta lisola. Domicilio coatto per i facinorosi Ora, ci n ppi tutti! Ppi cu centra e ppi cu non centra, autru ca Bronti! Limpurtanti dari lesempiu (con ironia) e fari capiri a tutti ca accuss ni stanu civilizzannu!

SALAFIA Ma pirch cosa giusta e civili bruciari i Municipi, svaligiari i casi di pussidenti e mpussissarisi di beni di lautri....? E poi si lamentunu su ci sparunu!

DON ANGELO E veru, non n giustu e mancu civili! Ma lei si lha dumannatu pirch sarrivau a tuttu chissu?

SALAFIA Pirch c qualcunu ca sciuscia supra u focu, ppi fallu sbambari.

PAOLO E secunnu lei, ppi n-povuru svinturatu ca vivi na miseria cchi niura, ca non sapi chi darici a mangiari a famigghia, sfruttato comu na bestia e senza diritti, ppi fallu sbambari c bisognu quanchidunu ca ci sciusci?

SALAFIA U populinu sbrinnisi non nha fattu mai. Munnu ha statu e munnu sar. (entra da destra, portando un vassoio con delle tazzine di caff)

DON ANGELO Stu fatalismu non laccettu. Chiuttostu, sugnu cunvintu ca sta vota persunu loccasioni bona ppi dimustrari ca i tempi putevunu cangiari. Nveci di mannari lesercitu e aumintari sdisulazioni, trivulu e lutti, o Guvernu, ci bastava fari ddu minimu di riformi ca u populu ha sempri addumannatu. Chiddu ca mi prioccupa ca, su cuntinuunu di stu passu, ni stanu facennu veniri u disidderiu di tempi quannu cerunu i vecchi guvirnanti.

PAOLO Difatti, n-giru si dici ca mancu i Burbuni arriniscenu a fari peggiu di Crispi.

SALAFIA Avaia, non schirzamu. U populinu, a ddi tempi mureva di fami, mangiava pani e cipudda e quannu era festa pani e angiovi....

MARTINO - Tannu almenu angiovi si mangiava, ora, nveci, finisci sempri a pani niuru e ciconia tutti i santi jorna. (con sarcasmo) Quannu festa, per, ppi fari pranzu speciali, si prucurunu n-pezzu di picurinu vecchiu - di chiddu ca u ciauru si senti n-migghiu distanti - e ci dununu na bella alliccata.

SALAFIA - Alliccata? Su mangiunu!

MARTINO - Quannu mai! Ci po durari macari misi e misi, finu a quannu non si cunsuma attunna!

SALAFIA - Comu si consuma su lalliccunu?

DON ANGELO Pirch, allicca oggi e allicca dumani, u furmaggiu, sarrimodda e ci resta lingua lingua....

SALAFIA - Ca certu, cu ddi sorti di lingui rascusi e allupati ca hanu.....

DON ANGELO (legge) Domani verr emanato il decreto che sospende la libert di stampa, il diritto di associazione e di riunione

MARTINO Allura, chiudunu macari u nostru Circulu?

DON ANGELO Chi centra? Ci lhanu chi cammiri di partiti, specialmenti di socialisti e di clericali. Luvannu a iddi du menzu, non resta cchi nuddu ca po diri cosa contru u Guvernu.

PAOLO Sintiti chista. (legge) Il Comitato Direttivo del Partito Socialista stigmatizza la rivolta in Sicilia e prende le distanze dai Fasci Ma i sucialisti cu ccu sunu?

DON ANGELO - Mancu iddi u sanu.

SALAFIA Ma c sempri u Parlamentu, loppusizioni, i diputati...

DON ANGELO Ma pirch, lei, o Parlamentu, si senti rapprisintatu di qualchidunu? S upra 32miliuni dabitanti cavi lItalia, lultima vota, sulu 1miliuni ci enu a vutari.

MARTINO - E lautri?

PAOLO Non cuntunu! Pirch non hanu dirittu a vutari i fimmini, cu non pussedi nenti e mancu cu non sapi leggiri e scriviri.

DON ANGELO Cu arrisulta elettu, secunnu lei, a cu rapprisenta?

MARTINO Lamici,i parenti e i so nteressi.

DON ANGELO Bravu!...E mai e poi mai a Sicilia e i siciliani.(Martino esce a sinistra portando via il vassoio)

SCENA NONA

CALANNA (dal fondo, entra Calanna) Bongiornu a tutti.

SALAFIA Cavaleri, stamatina ci sunu mali frusculi.

CALANNA U sacciu! Pedi pedi c troppa gente ca testa malata e fanu beni a....(scorgendo Paolo) Oh!Paulu, si libiru? Tavissi a parrari!

PAOLO A disposizioni! (avanzano verso il proscenio e seggono sul divano, mentre gli altri due continuano a leggere e discutere fra loro)

CALANNA Tu u sai quantu ti stimu e quantu ti vogghiu beni e sai macari cu quantu piaciri, du anni fa, accunsintii a fariti zitu cu me figghia Francesca. Ora ti parru comu a n-figghiu.

PAOLO Macari ju ci vuleva parrari.

CALANNA Siccomu fra sei misi savissi a fari u matrimoniu, giustu ca di certi cosi ni parramu ora, chiaramenti.(pausa) Canusci a me pusizioni suciali e..., nsumma, cerca di capirimi, certi ragiunamenti ca fai non mi piaciunu. Di cunsiguenza, prima di dari me figghia a unu ca putissi aviri problemi, vogghiu pinsarici bonu. Ora, sai comu a penzu e....

PAOLO Cavaleri, ppi Francesca sugnu dispostu a qualsiasi sacrificiu. Ma non penzu ca ppi maritarimmilla haiu a curreggiri qualchi cosa, nhaiu ammazzatu a nuddu e mancu arrubbatu. Mi putiti sulu rimpruvirari di pinzalla diversamenti, ma finu a prova cuntraria lopinioni non sunu bummi. Prima di giudicalli sbagghiati, mi pari giustu parrarini. Non si po diri: tu si n-furfanti sulu pirch na penzi comu a mia!

CALANNA U problema, caru Paulu, unu sulu, lamicizia cu don Angilu non taggiuva. Tannichiliu u ciriveddu di chiacchiri.

PAOLO Chi c bisognu di iddu ppi capiri comu stanu i cosi? Chi c bisognu di don Angilu ppi cunvincirisi du maluguvernu ca stamu sumpurtannu? Troppu sunu i prumisi carrisultnu chiacchiri e i supirchiarii ca agghiuttemu n-cuntinuazioni. Comu fazzu a spiegarici ca a delusioni addivintau rabbia e sdegnu? Vistu ca sunu cchi di trentanni ca si fici lItalia, quantu amu aspittari ancora ppi vidiri n-pocu di lustru? Rispunnissi a mia! Echista lItalia ca saspittava? Su chista, ju non ci staju!

CALANNA - Fiducia ci voli, fiducia.

PAOLO Ora basta ca fiducia, ca damu sulu a cu sa merita. Ora tempu di gridari, di farisi sentiri.

CALANNA- Vuatri picciotti aviti sempri primura. LItalia la devi cunsiddirari comu na famigghia ca non avi tanti possibilit e non sempri po cuntintari a tutti: na vota i scarpi a chiddu, nautra vota a cammisa a dautru. Si tratta daviri pacenzia e cunvincirisi ca i nostri bisogni non sunu cchi mpurtanti di chiddi di lautri.

PAOLO Su lItalia, comu dici lei, na famigghia, allura, o a nuatri siciliani ni tuccau a parti di figghiastri, masannunca sbagghiamu famigghia. E non po essiri diversamenti, pirch di quantavi ca nattuccanu ssi parenti stritti, nuatri namu ricivutu mancu n-paru di cosetti vecchi. I scarpi e i cammisi enu a finiri a qualcunautru, forsi i fratelli cuntinintali ni sanu qualchi cosa! (con forza)Cca sutta namu vistu nenti! I cosi arristanu tali e quali i lassanu i Burbuni, su non peggiu: trazzeri ca continuamu a chiamari strati, qualchi chilomitru di ferrovia oramai fora usu, scoli picca e nenti spitali, ppi non parrari da miseria e da disperazioni caumenta.

CALANNA Chi voi diri, allura, ca non chanu datu mai nenti?

PAOLO (con ironia)No, avi ragiunu, na cosa ca non chanu fattu mai mancari c: i tassi. Navemu di tutti i culuri e sapuri: supra u pani, logghiu, u latti, a verdura, i canali du tettu, e non si scurdanu a racina, i pali ca sustenunu a racina, u vinu ca duna a racina e panzina i pospiri, e, su voli, pozzu cuntinuari finu a dumani. Ora, cumincinu a tassari macari i finestri, i purticati e i balcuni cavemu a casa! Sulu quannu hanu a mettiri i tassi ci veni a fantasia!

CALANNA-Ma comu si fanui cosi senza dinari? (si alza, imitato da Paolo)

PAOLO Ma non n giustu e mancu onestu faraccilli pavari a cu non avi mancu locchi ppi chianciri e spinnilli facennu sulu linteressi di menza Italia, comu su u Regnu finissi a Roma. Cca u malatu gravi e i chiacchiri non servunu cchi a nenti.

CALANNA Certu, sbagghi ci nhanu statu assai, per a cosa cchi mpurtanti oramai fatta, lItalia. (come se volesse convincerlo)Ora, compitu nostru falla divintari a casa di tutti, a casa di fratelli dItalia.

PAOLO (con sarcasmo) Fratelli dItalia? Addivintamu frati sulu quannu ci cummeni a iddi. A verit ca semu mali sumpurtati e cunsiddirati comu na culonia tinuta sutta cuntrollu, cu tantu di truppa doccupazioni, sbirri appustati na ogni cantunera....e leggi marziali ca non finisciunu mai.

CALANNA Tarricordu ca, ppu u statu dassediu, amu a ringraziari ddu pugnu di scilirati ca crianu apposta i disordini. A prutesta a pozzu ammettiri, ma a viulenza non si po giustificari!

PAOLO (con passione)Chiddu ca cuntinuunu a non vuliri capiri Crispi e i so cumpari ca cca ci sunu picciotti, fimmini, vecchi e picciriddi ca si sentunu italiani cu tuttu u cori, attenti a fari u propriu duviri, ma pronti a pritenniri i stissi diritti e i stissi opportunit di lautri italiani. Avi n-pezzu ca ni stancamu di limusinari chiddu ca ni spetta. Basta, ju non chaiu a diri cchi nenti. Pigghiassi a so dicisioni libiramente e comu voli Diu! Per, prima di dari a sintenza vulissi ca nta lanimu so, sinceramente, cunsidirassi i cosi chaiu dittu: su u miu ha statu n-parrari di pazzu o di unu ca voli beni a so terra. (siedono)

CALANNA (dopo una breve pausa) Certi voti non sacciu chaiu a pinzari. Di chiddu ca hai dittu tortu non ti ni pozzu dari, ma, ti ripetu, c modu e modu daddumannari i propri diritti!

PAOLO Ma a rabbia di cu non ascutatu ...

CALANNA U capii, ma a viulenza mai! Ppa Sicilia u mumentu difficili ma non vidu autra strata. Cangiari? Cu cui? E poi? Rischiannu di jittari lacqua lorda cu tuttu u picciriddu? No, no! Accuntu stamu accura a chiddu ca succedi e poi videmu. (pausa) A diri a bedda verit, mi parevi cchi tostu, nveci, sintennuti parrari mi facisti arricurdari certi battagli di vecchi tempi. (pausa) Ascuta, ti vogghiu fari na pruposta, ca ppi mia macari na scummissa. Ppi prossimi elezioni avemu bisognu di n-picciottu ntilligenti e onestu ppi mannallu o Parlamentu. Chi ni pensi su o Prifettu ci fazzu suggiriri u to nomu,.?

PAOLO Ma comu, si fida di mia? Di uno ca avi a testa sballata?

CALANNA Dicemu ca mi fidu. Eppoi, non ti dissi ca ppi mia na scummissa?

PAOLO Allura, sicuru ca a perdi, pirch ntinzioni di prisintarimi non nhaiu!

CALANNA Pensici, Paulinu, pirch lavviniri cu Francesca po dipenniri macari di sta dicisioni.

PAOLO Allura, non na pruposta nordini!

CALANNA Pigghiala comu voi! (Paolo esce a destra e Calanna si avvicina a Don Angelo e Salafia, intrattenendosi con loro)

SCENA DECIMA

Dal fondo entrano Pipitta e Minnella

SALAFIA Oh, arrivau a me famigghia. (si sposta sul proscenio assieme ai familiari e don Angelo. Intanto dal fondo entrano Cocima, Francesca e Nzina e si fermano a parlare con Calanna)

DON ANGELO - Tutti prisenti ppi canusciri u novu Prifettu, eh?

MINNELLA Arrivau?

DON ANGELO No, ancora no.

PIPITTA Non capita tutti i jorna di ncuntrari n-Prifettu in carni e ossa...

MINNELLA E sparti novu novu...

DON ANGELO Certu, chistu non mancu ngignatu!

SALAFIA (insofferente) Forsi megghiu ca passamu dd banna! (esce a destra assieme a Don Angelo, alla moglie ed alla figlia. Mentre dal fondo appaiono Perciapalle, la consorte e Felice)

PERCIAPALLE (rivolto a Calanna)Pinzava di essiri n-ritardu...

BARONESSA Hai vistu? Mancu a primura ca mhai fattu...

COCIMA Cu chiddu ca sta succidennu fora, o Prifettu,u chi fari non ci manca.

FRANCESCA Nuzzinteddu! Forsi era megghiu rimannari linvitu.

PERCIAPALLE Veramenti fu iddu stissu ca nsistiu ppi veniri stamatina.

CALANNA Prego (invita tutti ad avviarsi verso destra)

COCIMA (alla Baronessa)Almenunon stamu nficcati intra. (escono)

SCENA UNDICESIMA

Da sinistra entra ed esce Martino, dopo avere messo ordine e raccolto i giornali.

Da destra giungono prima Paolo, poi, Francesca e Nzina. Mentre questultima resta di guardia davanti alluscio, i due giovani sincontrano al centro del palco. FRANCESCA Allura, ci parrasti?

PAOLO Si.

FRANCESCA Comu finiu? (pausa) Spicciti, prima ca passunu cca banna.

PAOLO No sacciu! Non facili capiri i ntinzioni di to patri! Accuminciau rimproverannumi ca sugnu cchi bruttu du piccatu murtali e finiu nvitannumi a presentarimi e prossimi elezioni.

FRANCESCA Oh, che bellu! Ju u sapeva ca fineva accuss! Chissu voli diri ca me patri ti stima e voli u nostru beni.

PAOLO Stavota, per, sugnu ju ca non ma sentu...

FRANCESCA Chi voli diri non ta senti?

PAOLO U passu troppu mpurtanti e non mi sentu priparatu ... mi ni putissi pntiri.

FRANCESCA Ma allura mhai pigghiatu sempri n-giru, hai apprufittatu di me sintimenti..(piange)

PAOLO Francesca, ma chi capisti?... Fammi finiri di parrari.

FRANCESCA (idem) Basta, non vogghiu sentiri cchi nenti...

NZINA Signurinedda, so matri e so patri si susenu e stanu vinennu...

PAOLO Ma ti stai sbagghiannu, ju ti vogghiu beni... stava parrannu du fattu...

FRANCESCA - (idem) Non ti cridu cchi, vattinni luntanu di mia... (Paolo esce a sinistra, mentre Nzina si avvicina a Francesca)

SCENA DODICESIMA

COCIMA (entra Cocima seguita dal marito) Francesca, cchi fai cca banna? Pirch chianci?

FRANCESCA Non mi sentu bona

COCIMA Chi ti senti ?

FRANCESCA Mi gira a testa...mi doli

COCIMA Assettiti, (Francesca siede sul divano) ca ti senti megghiu (al marito) Gregoriu, a to figghia ci fa mali a testa ...e

CALANNA Chiamici u zitu

COCIMA Ma quantu si spirutusu, chi centra ora u zitu ca testa ca ci gira. Chi fa, ca ncaramma iddu?

CALANNA Chi cosa fa no sacciu, per, essennu medicu, sicuru ca ni capisci cchi assai di mia e di tia! Chi dici?

COCIMA Ju dicu sulu ca chissu a me figghia, prima di maritarasilla, na tocca.

CALANNA Ma prima di essiri u zitu di to figghia, medicu!

COCIMA Po essiri macari... vitirinariu, ma na tocca u stissu mancu cu n-jitu!

CALANNA E va beni, u chiamu ju!

COCIMA Fallu, appoi vidi chi fazzu succediri.

CALANNA Poi u videmu! (perentorio) Nzina, cerca u dutturi Paulu e u fai veniri cca! (Nzina esce a sinistra)

COCIMA Chissa ca stai facennu na supirchiaria! N-capricciu ca ti voi passari!

CALANNA Hai propriu ragiuni, na supirchiaria!

SCENA TREDICESIMA

Entra Paolo da sinistra, seguito da Nzina.

PAOLO Avi bisognu di mia?

CALANNA Vidi chi cavi Francesca, non si senti bona.

COCIMA (si pone avanti a Francesca) Arrassiti, tantu a me figghia non ta fazzu mancu truzzari!

PAOLO Ma signura, debbo visitarla

COCIMA Certu, e cu ti lu mpidisci? Di luntanu poi fari nzoccu voi! Ahu, vadda che bella, u primu ca passa si metti a maniari a me figghia.

CALANNA Sta facennu arridiri a tutti. Ti voi luvari davanti ?

COCIMA No! Su propiu nsisti a... visitamu ...nzmula...Si, nzmula!

PAOLO Assmi? E comu?

COCIMA Tu parri, ju ...visitu e poi rifirisciu!

PAOLO (con pazienza) E va beni. Cuminciassi a sbuttunarici u cullettu, allintarici u bustu...

COCIMA Ahu! Chi ti mittisti n-testa, di spugghialla davanti a tutti?

PAOLO Accuss rispira megghiu. Ci sbuttunassi macari u pusu ca ci cuntrollu i battiti..

COCIMA Alleggiu alleggiu nuda si sta arridducennu.

CALANNA (alla moglie)Senti, mu fai u favuri di finiriccilla?

COCIMA (con decisione) No, no e no! Siccomu a chissu, comu zitu, non camu fattu fari n-puntu, ora, comu medicu ni voli apprufittari. Ti lhaiu dittu sempri ca senza affruntu, scostumatu e macari... vastasu. Ma non lhai vistu comu a talia, cu sapi quantu voti lha spugghiatu cu locchi! Mancu a li cani, scummettu ca n-manu a chissu me figghia vidi sulu peni!

CALANNA- (idem) Porcomora u problema cchi urgenti a saluti di to figghia, appoi ppu restu ci pinzamu ....

COCIMA - Va beni! (slaccia il polso alla figlia) Cca c u pusu sbuttunatu. C autru? (Paolo si avvicina a Francesca e le tasta il polso. Cocima rimane vicina) Ahu! U sapeva, si callanzau! E semu prisenti matri e patri, fiuramini su non cerumu, avissi fattu minnitta, avissi fattu, di sta povira criatura nnuccenti!

CALANNA (c.s.)Ci scummetti ca ora a fazzu ju minnitta su non ti ni vai davanti locchi mei? Annachiti e leviti di ddocu! (Cocima si scosta)

PAOLO Nenti di gravi, i battiti sunu regolari. Cca intra laria troppu viziata, megghiu ca saffaccia n-pocu fora. Vado a prendere un poco dacqua. (esce a destra)

COCIMA Chissu, di viziatu avi u ciriveddu. Non ci parsi mancu veru ca truvau a scusa ppi munciri a me figghia. Ma a cosa cchi gravi ha statu a cunnivenza di so patri. (al marito) Chiddu ca pirmittisti sutta i me occhi cchi ca sicuru ca ti resta ppi sempri na cuscenza! Virgognati! Forsi megghiu ca tu vai a cunfissari! (siede vicino alla figlia) E comu ci stringeva u pusu!....Jaliotu! (a Francesca) Bedda da mammuzza, comu ti senti?

FRANCESCA (con un filo di voce) N-pocu megghiu.

COCIMA Certu, idda chi po diri...Na povera carusa ca subisci viulenza, accuss, di bonu e bonu, (guarda il marito e marca le parole) cu patri cunsenzienti, comu si po sentiri? Oh! Signuri, comu i poi pirmettiri certi cosi!

CALANNA Prima ca scatasciu bonu bonu megghiu ca mi ni vajiu! (esce a destra)

COCIMA Ahu! Voli macari ragiuni! (alla figlia) Ma ti nadduni chi sorti di patri ca ti capitau?

SCENA QUATTORDICESIMA

PIPITTA (entra da destra) Cca c lacqua cu zuccuru ppa malatedda. Ma desi u dutturi Paulu. Ma chi bravu carusu. Biata cu su marita! Comu sta Ciccinella?

COCIMA (marcando il nome) Francesca, appi un semplici buttiamentu di testa... (rivolta alla figlia) ca ci sta passannu, veru?

FRANCESCA Si, mi sentu megghiu. Haiu bisognu di n-pocu di aria frisca.

COCIMA Si, prijizza du me cori, affacciti du balcuni (mentre la figlia esce da sinistra, assieme a Nzina) Signura Pipitta, non sacciu comu sdibitarimi cu lei.

PIPITTA- Bih! E chi fici di tantu mpurtanti...

COCIMA Cu me figghia non ci pozzu combattiri! Siccomu mangia cchi picca di n-acidduzzu, basta cassaggia n-viscutteddu superchiu ci venunu i frastorni.....

PIPITTA Bih, quantu lavi trangilosa...Me figghia, a papuzzedda, nveci....

COCIMA A canusciu a so... papuzzedda e sacciu quantu pisa...vuleva diri quantu pista... nsumma, u pitittu ca avi. Comu fa a mantinirisi sicca comu n-passuluni sa vidi idda...

PIPITTA Ecostituzioni, semplici costituzioni. Chi voli, non potiamo essiri tutti le stisse scurciate. Ci ni sunu di quelle ammizzigliate, scucchiariate, sdinguse, ca parunu tuccati da grannula e non vidunu lustru mancu su i prijinchi con il mutu, comu a sasizza; autri, nveci, ca macari su mangiunu ferru filatu si mantenunu bagiane e chini di saluti !

COCIMA (con ironia) Miatiddi i matri ca hanu i figghi accuss salutivi. Ppi non parrari du bellu guadagnu ca diventunu ppi mariti. Cchi c parauni fra na muggheri tinuta additta a forza di cutuletti, farsumauru e braciulittini, cu nautra ca cabbasta ghiommuru di ferru filatu a simana! A carni nto macillaiu costa, nveci, filu di ferru si ni trova unni e j. Lunicu piriculu chiddu ca po essiri n-pocu arruggiatu, ma basta na punta di bicarbunatu o tannicchia di acqua caddauru e si digerisci tuttu, filu, chiova, tacci e macari buluni! (cambia tono) Per, e c n-per, non a prima vota ca si senti diri di carusi chini di saluti ca, senza sgrusciu di tricchi-tracchi o schigghi di papira, tutti ntuttuna, dununu una calata e, nuzzinteddi, sa quagghiunu; autri, nveci, ca faccidda sdisciurata e mpatidduta, ca nveci campunu centanni.

PIPITTA Giustu! Su a morti non li nzerta ponu campari macari millanni. Certu, chi mi dici a mia. (cambiando tono) Ma, appoi, chi centra (marcando il nome) Francesca cu sti discursi ca stamu facendo. Cu ca navutu mai n-buttiamentu di testa! Veru?

COCIMA Propriamenti!

SCENA QUINDICESIMA

CALANNA (entrano da destra Calanna e Minnella) Ci purtai a so figghia!

MINNELLA (esegue un inchino esagerato) Bongiornu signora Cocimella.

COCIMA Parraumu propriu di tia.

PIPITTA Quannu pensu ca a fini di lannu lhaiu a perdiri, mi veni di chianciri.

CALANNA Esagerata, quannu na figghia si marita sempri na gioia.

COCIMA A propositu, comu vanu i priparativi?

PIPITTA Nsumma. Non putiti cridiri chiddu ca stamu vidennu chi nicuzianti. Cosi di rumanzu! Non ni putemu cchi!

MINNELLA Putemu cchi!

COCIMABih!Aviti pobblemi?Assittamini! (siedono soltanto Cocima e Pipitta)

PIPITTA - Prima carriva u Prifettu vi cuntu chista. Datosi che siamo nello spenniri, ppi nostra figlia Minnella, non stiamo abbadando alle spese. Fra le tanti cose, ci abbiamo comprato nella pi meglio putia di anticheria di Catania

COCIMA - Putia di chi?

MINNELLA - Di antiquateria

PIPITTA Nsumma, unni vinnunu cosi vecchi

CALANNA Ah! Antiquariato!

PIPITTA Pirch? Ju chi dissi?

MINNELLA - Ma accuss vecchi, ca sunu tutti pieni di previlazzo. Macari ci fete, di quantu previlazzo ci hanno accucchiatu! A voglia a stricalli, non ci nesci nentiIl previlazzo comu...che ci debbo dire...come allippato

PIPITTA Ma chi ci vai ncucchiando.Ora, chi ci trasi lallippamento Allura, ci abbiamo comprato un lumi, ma un lumi, caru Cavaleri, ca piedi piedi ci ni sono picca e nenti. Col miccio, vah!

MINNELLA - Ma un miccio che non vi dico e non vi contoAccuss longu (mima una dimensione esagerata), ancora sano, ca nuddu aveva addumato. PIPITTA Ahu! Sempri idda parra. Talia ca ju non vuleva significari il miccio, quello dove ppi la quale sadduma il lume. Ma, dicennu col miccio, volevo ntendiri na cosa di lussu! Mafiosa assai, vah! Mi ho chiarita?

CALANNA Na cosa fora da norma !

PIPITTA (fra se) Ma chi ci trasi ora a Norma e a Traviata ?

MINNELLA - Una cosa ca ci n picca e nenti. (gesticolando, descrive il lume) Co una boccia di vetro di quelle che ci soffiano ppi falli vunchiari, che avi disignatu a Cogliermo Telli che tira la fileccia a suo figlio, appitturato a mano collolio e( notando il volto arrabbiato della madre si blocca)

PIPITTA ...N-pocu darriniu e na mungiuta di lumia Nsumma, ci accattamu stu bellu lumi ca, dittu n-cunfidenza, ni custau nocchiu da testa e macari qualche cosa supecchiu. Ma quannu na cosa si devi fari, o bona o nenti. Accuss sugnu fatta!

MINNELLA - Accuss semu fatti nuatri.Chi voliti, figghia unica sugnu

PIPITTAE menu mali, pirch, di quantu mi sta custannu questo sponsalizio,su i figghi erunu cchi assai, a questora ero abbiata sopra il lastricu a manichi n-tila.

MINNELLA - Solo a manichi n-tila? Tarridducevi senza cajella e con le brache di fora. Ah,ah,ah

PIPITTA (alla figlia) Pipita mascolina! Ma quantu stifinii! Chi ti parsi di avere svumicatu na cosa spiritosa? Non ti nadduni ca stai arridennu sulu tu? (occhiataccia alla figlia) Prisichennu, caru Cavalieri, li scerri col putiaro non nascenu ppu prezzu esagiratu ca mi fici. A mia

MINNELLA - A nuatri

PIPITTA - Quannu na cosa mi piaci non taliu nenti

MINNELLA - Non taliamu nenti

PIPITTA - Chi voli ca sunu ppi mia (con unocchiata significativa blocca la figlia che sta per intervenire) milli cchi o milli menu. Ci lhaiu e i spennu!

MINNELLA - (in fretta)I spinnemu!

CALANNA E allora, quali fu u motivu da custioni?

PIPITTA Quali? Che questo putiaro si era fissato che mi vuleva mannari per supercheria il lumi a casa con il trammi. Cui, quannu, ci dissi ju, ma lei pazzu di catina! E su putacaso il sciaffurro si sbalanca cu tutto il trammi e si rumpi il lumi cu tutta la cunocchia, poi come la mentiamo? Cu pava le spese? Ah?

COCIMA Giustu, piccatu su si rumpeva u beddu lumi.

MINNELLA - Piccatu sulu? N-sacrilegiu, poi diri!

PIPITTA Basta! Trammi si, trammi no, u sapi, Cavaleri, comu finiu?

CALANNA No.

PIPITTA Lei non ci cridi, me maritu ha stato costretto a fari mpaiari il migliore assai dei nostri cavalli equini, u baju, chiddu con la stella in fronte ...

MINNELLA - ...E il sole nel didietro...Ah,ah, ah.

PIPITTA (dopo aver strattonata la figlia) ...E il lumi, mi lappi a mannari a pigghiari ca carrozza!

MINNELLA - Accuss sulu arrivau beddu, sanu e salvu!

PIPITTA Amen!

CALANNA Certo, indenne!

PIPITTA(fra se)Chistu peggiu di me figghia.Chi caddu ci trasunu ora i ntinni?

COCIMA -Ni cummeni passari dd banna, pirch u Prifettu arrivau! (escono da destra, mentre da sinistra rientra Martino. Questi, mentre intento a mettere ordine, trova dietro il solito mobiletto un ventaglio, poi, appena inizia a parlare il Prefetto, si ferma e con una mimica appropriata commenta le sue parole. Il tutto viene accompagnato da una musica da banda)

PREFETTO (voce fuori scena)Siciliani, il Primo Ministro del Regno dItalia, onorevole Crispi, mi ha incaricato di porgervi i pi fervidi saluti e di assicurarvi che, rispettoso degli impegni assunti, il Governo, si accinge ad approvare importanti provvedimenti che porteranno benessere e prosperit a tutti i siciliani. (stacco musicale) E chiaro che non sar possibile realizzare tutto e subito, ma si comincer da quelle urgenze che una speciale commissione avr il compito di individuare. Innanzitutto le cose essenziali; il resto, il superfluo, verr nel tempo. (idem) Chiarisco meglio con un esempio. Da pi parti si pretende dal Governo un maggiore impegno nel settore dei trasporti pubblici in Sicilia. E questo un problema veramente reale? No! E, invece, un falso problema! (idem)Mi chiedo e vi chiedo, qui, in Sicilia, non avete quei bei carretti, tutti dipinti e decorati, con pennacchi e nastrini, ornati con agli e cipolle fresche e con tanta bella gente sopra, che solitamente usate per spostarvi? A cosa vi servono, allora, i treni? Per quattro ceste darance? (idem)

Fiducia, fiducia, fiducia, ecco cosa vi chiede il Governo italiano, fiducia nel suo lungimirante operato. (idem)

A tale proposito, prima di chiudere, vorrei farvi partecipi di una notizia che sono sicuro sar apprezzata da tutti voi. Mi giunge voce che il Primo Ministro ha in animo di realizzare unopera che far parlare il mondo, un progetto grandioso, epocale: il Ponte sullo Stretto di Messina! (idem)Finalmente la Sicilia sar collegata allItalia e si realizzer quellunit geografica ed umana tra voi siciliani ed i fratelli italiani. (idem)

I propositi del Governo a favore di questa bella terra non fiscono qui, perch...... (la musica di scena sovrasta la voce del Prefetto, mentre Martino esegue un balletto estemporaneo)

SIPARIO

ATTO SECONDO

Salotto di casa Calanna. Una porta, al centro, in fondo, conduce in un corridoio; lateralmente, a destra ed a sinistra, ancora due aperture. Larredamento tipico delle famiglie borghesi. A sinistra, tavolo con sedie imbottite attorno, un divano con due poltroncine a destra, mobili vari e quadri alle pareti. Allapertura del sipario, Nzina intenta a fare le pulizie.

SCENA PRIMA

COCIMA (entra da destra) Nzina, scinni nto curtigghiu e ci dici a signura su ppi gintilizza po vanniari di menu, avi na matinata ca sdillira.

NZINA Ancora ci dura?

COCIMA- Pirch, successi cosa? Cu vicinatu cummeni aviri sempri boni rapporti.

NZINA - Ajeri, mentri mi truvava nta cucina, visti ca du curtigghiu acchianava fumu, ma n-fumu precisu scurciatu a chiddu du papuri du mpiraturi sultanu Melallicchi.

COCIMA Accuntu si chiama Menelicchi e poi chi cavi di spiciali ssu fumu?

NZINA Chi cavi? E comu u so patruni, niuru giuittu, cchi niuru di chiddu da siccia, du nchiostru e da pumata ppi scarpi. Africanu, vah! E sparti mpicusu!

COCIMA U capii! Ma a tia cu ti lha dittu ca accuss?

NZINA Me cucinu Natali, ca sta facennu u surdatu nto Paisi di ... Salamallicchi...Salamallacchi, o comu schifiu si chiama. Mi dissi ca unni si ferma ssu papuri, ppu fumu ca svommica, ppi tri jorna ci cala comu na negghia accuss fitta ca cu ci ntappa bonu bonu si po fari bummulu e macari nacchettu...

COCIMA Cu ntappa nta negghia?

NZINA Si! Anzi, mi dissi macari, ca...

COCIMA Senti, di storii ca ti cunta to cucinu poi ni parramu, chiuttostu dimmi chi successi ca signura di cca sutta.

NZINA E ppi chissu ci dicu, ca ssu fumu anniricau tutti i beddi robi stinnuti, i linzola, i tuvagghi, i mutanni longhi di so maritu....

COCIMA Mih! Ci trasiu macari intra i mutanni di Gregoriu?

NZINA- Annunca, larriduciu na fitinzia.

COCIMA Bih! E su mentri si nficca... ntappa...nta sa negghia putenti?

NZINA Ssu piriculu non c pirch sciacquariai tutti cosi nautra vota.

COCIMA - Ma comu mai a signura fici ssa gran sorti di fumu?

NZINA Propriu chiddu ca caddumannai ju! Signuruzza, ci dissi cu gintilizza, stamattina chi vi avete susuto cu lo sballo? Prima di fari ssa speci di fumu ca si usa dda banna mari e sparti africanu, na putevuru jisari a cucuzza leggia caviti ppi testa e taliari su cerunu mpidimenti?

COCIMAMa ci dicisti propriu vi avete susuto cu lo sballo?

NZINA Pirch? Sbagghiatu ?

COCIMA Ca quali! Non sapeva ca canuscevi macari litalianu!

NZINA Marrangiu! (con orgoglio)Ju i studii ci lhaiu!

COCIMA - E idda chi tarrispunniu?

NZINA Mi dissi: (imitando la voce della vicina) Ca sicuru, a matina ni manca sulu chissu, ca prima di farini a cruci namu a mettiri accura di unni mina a voria, chi c nta laria, su passunu cumetii ca cuda, su volunu aceddi piscaturi, aciddazzi varvuti, aceddi di voscu, acedduzzi di mari...

COCIMA Diminiscanza, ni canusci aceddi, chissa! Scavaddatuna sarrivilau a signura du curtigghiu! Non ca faceva ssa lingua!

NZINA E comu! Pareva muzzicata di lapuni! (imitando la vicina, con voce sguaiata) U fumu nta stu Paisi lunica cosa ca non pava daziu e mancu tassi e, ringraziannu a Diu, libiru di jiri unni ci passa ppa testa, u fumu. E liggi di natura, non lho astrummintata io ca al fumo ci veni comoto acchianari allaria.

COCIMA Per, a talianu, mancu idda scherza!

NZINA Veru , ma no chiossai di mia?

COCIMA Ppi carit, chiossai di tia no! Tu, chi scoli facisti?

NZINA A prima a ripitii du voti e a secunna quattro certu, manu manu i studi si ficiunu cchi difficili-, poi, me patri si scantau ca puteva addivintari troppu struita e mi fici arritirari. Ma su non era ppi iddu, a stura...

COCIMA Mu fiuru unni avissi arrivatu. Nuatri, chiuttostu, unni erumu arrivati?

NZINA Ah, si! Arrispunnennuci educatamenti ci dissi: Signura cortigliara, inutili ca faciti lOrlandu nfuriusu; cu mia, e chissu u sapiti, ca putiti sulu appizzari, pirch sugnu capaci di vunchiarivi comu na ciaramedda, a muta a muta e senza ca vi naccurgiti. Ju non vi staiu pruibbennu nenti, vi vogghiu sulu fari capiri ca, primu, a prossima vota ca vi veni cori daddumari u cufuni vogghiu essiri avvisata almenu almenu na simana prima; secunnu, non varrisicati a mettiri supra u focu pistiamentu fitinziusu, tipu stigghiola, meusa o rugnuni, ca ponu causari negghia nsivusa o per meglio diri, nsaimata.

COCIMA Brava! Ci dicisti chiddu ca si miritava! E idda?

NZINA - Prima marrispunniu comu na pazza. (imitando la voce della vicina) Auh! Finiu ca nta sta lurdia di curtigghiu sugnu macari priva drrustiri a sasizza e u crastagneddu ca portau me maritu. (con voce normale) Appoi, cu na vuci matelica, attaccau: (biascicando le parole) Voli diri ca a prossima vota ca mi veni u disidderiu daddumari u focu ci addomanniamo il pirmesso a vossignuria mannannuci n-tilicramma espresso urgente. Non dubitassi. (con voce normale) Mi dissi propriamente accuss!

COCIMA Mizzica! Ma varda a chissa, arrisultau ca nasca additta e i pinni n-testa.

NZINA A stu puntu, signuruzza bedda, mi stancai di fari a pirsunedda educata, non ni potti cchi e ci cantai u so miserere.

COCIMA Si? Cunta, cunta!

NZINA - Allura, ci dissi: (come se parlasse con la vicina) Ppi scupriri cu siti e cu non siti, non c bisognu di nterrugari u nimna vintura, vi canuscemu bona e sapemu ca comu a vui non si nni trovunu cchi mancu nta brunia du spiziali. Chissu u priambulu, passamu a sustanza! (alterandosi) Non vu ripetu cchi, a prossima vota, su vi veni u pitittu darrustiri u crastu di vostru maritu cu tutta a sasizza, vi ni doviti jiri nel vosco, a chiana o sopra qualchi scogghiu e mai e poi mai in un pubblico cortiglio. A propositu, nautra cosa. Auh, u chiama maritu! Vistu ca ni cangiati unu a simana, mata a fari u caddu e piaciri di non numinari cchi accuss ddu manciammatula ca sta ccu vui, pirch affinniti tutti i fimmineddi onesti e maritati comu a mia. Al massimu u putiti chiamari attaccagghia, ricuttaru, cugnintura o verusa mantinutu, ma mai e poi mai maritu.

COCIMA E finiu ddocu?

NZINA No! Ppi cunchiudiri a discussioni, mentri cuntinuava a sbraitari, pigghiai bellu sicchiu dacqua e dopo ca assappanai a idda cu tuttu u cufuni, ci chiusi a cassina nta facci!

COCIMA A vagnata ta putevi risparmiari!

NZINA Ma ci fici piaciri, pirch finalmente napprufittau ppi sgaddarisi u grasciu ca avi mpicatu di ncoddu!

COCIMA- Cu certa gintuzza megghiu naviri nenti chi spartiri. Quanta cunfidenza si pigghiau chissa! Ora cu dicu a me maritu e ci fazzu aumintari laffittu di cammiri!

SCENA SECONDA

CALANNA (entra da destra) Cocima, a spisa a lassai dd banna.

COCIMA Ora avvisu i cammareri. A propositu, a signura ca sta cca sutta ci pigghiau a sterica. Ajeri taffumicau pansina i mutanni ....Anzi, quannu ti metti, stai attentu su carristau negghia e... ntappi.

CALANNA Ah! Ppi chissu...!

NZINA (a Cocima, con soddisfazione) Ha vistu!

CALANNA A propositu. Allautru jornu si lamintau ca ci spanni acqua du purtusu ca c sutta u finistruni.

COCIMA Forsi Nzina quannu lava u pavimentu.

CALANNA (rivolto a Nzina) Mu voi spiegari comu fai a lavari?

COCIMA Ma chi voi fari u cumannanti macari ne sirvizza da casa?

NZINA Comu fazzu? Comu faceva quannera a me casa. Pigghiu tri sicchi chini chini dacqua e i sduvacu na cammira. Appoi, ca scupa ammuttu lacqua versu u purtusu finu a quannu non si ni va tutta.

CALANNA E stu travagghiu u fai scausa?

NZINA - No, mi mettu i stivali!

CALANNA U voi n-cunsigghiu? A prossima vota cummeni ca ti metti macari u salvagenti! (esce dal fondo)

NZINA Signura, chissa non lhaiu caputu. Pirch mhaiu a mettiri u salvagenti?

COCIMA Pirch ci po essiri u piriculu ca, assemi allacqua, nesci macari tu di qualchi purtusu. (suona il campanello) Accuntu vai a grapiri, appoi ta spiegu megghiu,! (Nzina esce dal fondo) Ora capisciu pirch i pedi di mobili stanu nfracitennu tutti! E me maritu mha mpapucchiatu cavemu i mobili malati: ca a cridenza e a larmuarru ci stanu criscennu i caddi e o cantaranu ci sta pigghiannu a reuma!

SCENA TERZA

NZINA (rientra dal fondo) Arrivau a signura Pipitta Salafia cu so figghia Minnella.

COCIMA Falli passari. (Nzina esce dal fondo, da dove, un attimo dopo, entrano Pipitta e Minnella) Oh, chi piaciri ! (abbracci) Comu mai sta bella mpruvvisata?

PIPITTA Sappumu carrivanu Francesca e Paulu e passamu a salutalli! COCIMA Sunu fora, a farisi du passi. Lhaiu dittu sempri, ppi delicatezza siti sempri i primi! Accumudativi. (seggono)

MINNELLA Ppi essiri primi facemu a cursa, accuss nattoccunu i megghiu posti! (ride) Ah!Ah!Ah!

PIPITTA (adirata) Ridi, ridi ca u patri stuppau! Ahu! Si sempri tu, non cangi!(con tono pacato) Me maritu mpignatu a spurugghiari certi affariceddi cu gabillotu... Passa cchi tardu.

MINNELLA - Cu gabillotu. Ca voli cumannari comu su fussi iddu u patruni...

PIPITTA (alla figlia, con stizza) Tagghiala, accuzzila e finiscila. Ppi forza mi devi fare sdilliriari? Chi cinteressa a signura Cocima du nostru gabillotu?

MINNELLA Hai ragiuni, om.

PIPITTA (c.s.) Si, haiu ragiuni e ma mangiu squarata! (riprendendosi) Chiuttostu, semu cuntenti ca in questi giorni putemu aviri loccasioni di ncuntrari a Franciscuzza e a Paulu, anzi, allOnorevoli Paulu, certu, ora Diputatu. Quantavi ca mancunu, i carusi?

COCIMA Quasi du anni. Sunu sempri i stissi, parunu ancora ziti frischi. Certu, non videvunu lura di turnari n-Sicilia ppi stari n-pocu cu nuatri e truvari lamici.

PIPITTA Ma chi bravi carusi ca sunu!

MINNELLA (sospirando) A mia Paulu mha piaciutu sempri, assai... (si blocca dopo unocchiataccia della madre)

COCIMA - Vi potemu offrire qualchi cosa? Dicemu, n-grapi pitittu! Chi facemu purtari? Va damu caura, frisca, duci, amara, annunca menza e menza!

MINNELLA - No, grazie, non si cardaciassi!

COCIMA - Ci sonu a cammarera (tira il cordone del campanello) Oramai, di quantavi che ci hanno impiantato questo cordone, non c bisognu di fari vuci.Prima, a servit, faceva finta ca non sinteva e avevi voglia di scannarozzariti.U ciatu se ne andava di longu e longu e la voce ce lavevo sempre arriciatata. (siede) Ora, osentunu o sentunu, scusi non nhanu cchi! Abbiamo arrifriscato!

SCENA QUARTA

NZINA (entra da sinistra) La signora chiam a mia ?

COCIMA Chi pobblema, ahu! A mia, a tia! Sunu dumanni ca si fanu? Eh? Chiamai e basta! Siti cincu dd banna, fra maggiordomu, cocu, sirvizzeri e cuccheri. Cu libiru veni! (a Pipitta) Signura cara, certi voti non ni pozzu cchi! Mi cuntintassi fari tutti cosi sula, per non anningari a nuddu!

PIPITTA - Oh, come la capiscio! Con le cammarere bisogna avere un polso, ma un polso, di quello malandrino!

MINNELLA Ppi mia n-bicchieri dacqua cu na sbrizziata di zamm.

PIPITTA Macari ppi mia! Per, lo gradirebbe... annacato!

COCIMA Come lo voli?

PIPITTA A n n a c a t o! Come si usa ne migliori ciospi di Catania.

MINNELLA Bih, veru, macari ju lo voglio annacato! Posso, vero?

COCIMA Ma ci mancassi autru! Solo che, essendo che nellultimi tempi non haiu avutu tempu di frequentari o spissu i ciospi, arristai arreri e a storia dellannacamentu lho sautata.

MINNELLA Comu? Non canusci a vivuta cu lannacamentu? Ma se la sanno anche cani e porci! Bih! Mi sta facennu macari maravigghia!

PIPITTA (alla figlia)Statti muta, na fari cunfunniri! (a Cocima)Non si stranizzi. E semplici semplici. Si pigghia n-bicchieri cu lacqua, si cabbia una bella sghicciata di zamm, si duna una annaculiata o bicchieri, accuss, (imitata da Minnella, fa ruotare due volte un immaginario bicchiere, accompagnando il gesto con gridolini) oh, oh, oh..... appoi, si chiudunu locchi e, hop l, si lo tumma (sempre assieme, fanno il gesto di bere e chiudono gli occhi, con goduria) Aaaah! (con la manica del vestito si puliscono le labbra)

COCIMA Tumma?

MINNELLA Si, si lo colla, si lo cafulla, vah!

PIPITTA (fra se) Non c peggio di quannu vanu a scola!

COCIMA Ma comu, non sarrimina cchi ca cucchiarina?

MINNELLA Ca quali! Una vota! E chissu u truccu: ca semplici annacata (muovendosi c.s.) tutto il zamm si agghiumma e ne cannarini carriva di botto una vampa carriciala ppi tutta a jurnata.

PIPITTA-MINNELLA (c.s.) Aaaah! (si puliscono c.s.)

COCIMA Allura, Nzina, bicchieri dacqua e zamm per tutti, (guarda le signore presenti con un sorriso ironico) a quelli delle signore ci duni na bella annacata, accuss. (ripete il movimento di prima delle due donne).

PIPITTA-MINNELLA (c.s.) Aaaah! (si puliscono c.s.)

PIPITTA Signora Cocima, se pirmetti, io, me lo voglio annacare da sola. MINNELLA Bih, allora macari ju me lo annaco personalmente da sola a sola.

COCIMA -(a Nzina) I sintisti alle signore? (con decisione, marcando le parole)Annacata ppi nuddu! (a Pipitta) Certu ca di questi tempi il progresso non si teni cchi, sa sta facennu di cursa. Cu ni lava a dire ca aumu arrivari a vivirini lacqua e zamm cu lannacata. Su turnassi me nannu...

SCENA QUINTA

CALANNA (entra dal fondo) Oh! La bellezza della signora Pipitta! (accenna un baciamano) La cara Minnella! Chi dici u zitu?

MINNELLA Crisci!

CALANNA Bene, bene!

COCIMA (a Nzina rimasta immobile) Nzina, non capisciu pirch stai ddocu mpalata comu a statua da tapallara! Prima daviri tannicchia dacqua dobbiamo appilari da siti? Ma ci senti, almenu?

NZINA Signora, di sentiri sentu macari chiddu ca lei non dici. A mia non mi costa nenti purtaraccilla, ma, il pobblema ... ca...pozzu parrari a quattro e quattru ca fanu ottu?

COCIMA Ca certu, su ti veni megghiu, macari a sidici e sidici ca fanu trentasei. (decisa) Parra!

NZINA - (scandendo ogni frase) Zamm, n-casa, non navemu!

COCIMA (imitandola) Oh, oh, oh! Comu, non navemu? (normale)Ma da dovi ti vengono certi papalati. Nella ispensa ce n n-bottiglione sanu! Accattato da me medesima nella potia di Cocimu il minnico. (a Pipitta) Lei, la conosce questa potia? Quella allangulu con la vanella di lAllattumati, vicino al pizzicagnolo...

PIPITTA Comu u sanu sentiri a chissu?

COCIMA - U baccalaruso. Ci ha uno di tuttu e anche di pi!

MINNELLA - Si, macari nuatri jemu ddocu!

COCIMA (a Nzina)Ma che ppi forza mi debbo susiri e andari di persona a prendere il zamm? (si alza)Veni con me, vah, che ti faccio vedere ca di quantu navemu ti ci poi fari il pediluvio e, di chiddu cavanza, ti poi sgrasciari nautra cosa ca ppi bona creanza non pozzu muntuvari! (con forza) Navemu zamm! Autru su navemu! Amuninni, vah! Annachiti! (esce a sinistra assieme a Nzina che ancheggia vistosamente)

PIPITTA A me casa a stissa cosa. I criati, scanzatini, cchi i tratti boni e cchi si pigghiuno u jitu, a manu e macari ...

MINNELLA Li peri! (occhiataccia della madre)

CALANNA Si deve usari na vota u vastuni e nautra vota a carota: chissa a giusta midicina !

PIPITTA A carota ? Bih, questa non la sapevo caggiuvava macari a carota.

MINNELLA - E comu si fa, soffritta o a ministrina?...

CALANNA Comu cappitisci u cori!

MINNELLA Om, non ti scurdari a littra ppa za Cuncittina!

PIPITTA (sorridendo alle parole della figlia) Ca quali littra, chi ci ncucchiarii tu nautra? E morti si ci ponu mannari mai i littri? Chi c lufficiu pustali n-Paradisu? E poi, cu ci leggi? Chi franchebullu ci vulissi? (mima una misura esagerata) Tantu? Che babba sta carusa! Si chiama negro-rolgio.

MINNELLA Bih! U niuru ccu ruloggiu!

PIPITTA (dopo unocchiataccia alla figlia, si rivolge a Calanna) Cavaleri, ci vuleva addumannari n-favuri. Me cugnatu Prospiru, pparricurdari a tutti ca dumani fa nannu ca ci morsi dd santa di so muggheri Cuncittina...

MINNELLA ...Cu nasci beddu, cu si marita bonu, cu mori santu...

PIPITTA - (solita occhiataccia) Me cugnatu, diceva, siccomu scognitu di scola, mi fici priparari du paroli ppi falli stampari nto giurnali. Chi fa, mi cu duna lei nocchiu su vanu boni?

CALANNA Ah, n-necrologio.

PIPITTA Pirch, ju chi dissi? Allura, (legge con voce commossa, mentre Minnella emette gridolini e mima il contenuto della lettera) Cuncittina, un anno passato da quando allimprovviso ti accalasti e abbuccasti il capo della testa annarreto. E quando io ti addomandai Che chai Cuncittina?, tu con gli occhi chiusi a pampinella mentre salivi al Cielo mi arrispondesti Mi gira la testa e non parlasti pi. (singhiozza, assieme alla figlia) Sei sempre nei nostri pensieri. Con stima, ti salutano e ti abbracciano, tuo marito Prospero e i tuoi figli Beato, Fortunato, Serena, Felice, Benedetto e Fausto, che sei mesi fa partito a sordato. (a Calanna) Chi ci ni pari?

CALANNA Nsumma! Non si po nijari ca il messaggio chiaru e cummuventi. Cu no voli capiri no capisci, cu nveci u capisci sugnu sicuru ca ci fa effettu!

MINNELLA E chi purganti?

SCENA SESTA

Rientrano Cocima e Nzina, con vassoio e bicchieri

COCIMA(appena esce Nzina, siede) Ora vi faccio arridere! Ni putevumu capire mai con Nzina? Ppi idda il zamm si chiama anici e basta! Hai voglia dinsistere! E il zamm, ci dicevo io! No, lanici, arrispunneva idda! Alla fine, ci ho dato una tagliata e via. Nella mia posizione, ho pinzato, mi posso mettere ndichetta con una accuss dozzinali? Mai Maria!( Pipitta e la figlia ruotano i bicchieri c.s.)

PIPITTA-MINNELLA (esagerando c.s.) Aaaah! (si puliscono c.s.)

COCIMA - Basta ca sanu tniri a scopa nte manu si sentunu cammareri fini.

MINNELLA - Nenti, sunu e restunu scecchi gnuranti. Ni putemu mettiri a farici scola a loro, chi ce lo ha tutto questo tempo. Fra provi na custurera, parruccheri, catasta di beneficenza

CALANNA Canasta

MINNELLA - Oh, oh, oh! Mi scapp catastaE poi, sciampagnate cogli amici di questo novo circoloquello col servizio accutturatu...

COCIMA ...Si, a focu lentu!

CALANNA - Acculturato!

MINNELLA Comu si chiama? Illola

CALANNA - ..I, gli, le. E chissi sunu larticuli !

PIPITTA Bih, mancu a mia mi veni u nomu...botta dacitu, comu si chiama ?

CALANNA U capii, u novu Circulu du Sinnucu Perciapalle.

PIPITTA Ah, c infilato anche lei, Cavaleri, in questa novo clebbiti?

CALANNA No, per, mi nhanu parratu.

PIPITTA Per entrarci, ci hanno pregato in ginocchio. Ci abbiamo dato una bella offerta, non mi ricordo se per impiantare un bifatrofio novo di zecca o una fabbrica di cuncimi di seconda mano...

MINNELLA No, o cuntrariu, u bifatrofiu era di secunna manu e a fabbrica di cuncimi nova di zecca...

PIPITTA (con stizza, alla figlia) Tagghiala, accuzzila e finiscila!...Ppi chissu i giuvinotti appena ti canusciunu bona bona votunu bordu. (pausa, poi con calma) E, come ci dicevo, in questo Circolo, ci abbiamo entrati come soci. Ma pirch non ci trasi anche lei ?

CALANNA No, grazie.

MINNELLA - Avaia, Cavaleri. Basta che parra e nuatri.... Vero om?

PIPITTA Ca certo, chi voli diri, che abbiamo pobblemi noi! Ppi lei questo e anche laltro. Palli, se avi bisogno di una ammuttata, semo a disposizione.

MINNELLA - Parrassi, Cavalieri, e ce lo infiliamo noi, di botto, non si abbarruassi!

CALANNA No, troppu gentili!

COCIMA (con ironia) Forza di ddocu, trasici, apprufittini di stammuttunu!

MINNELLA Fanu certi rinfreschi! Cu me zitu narrichiamu a pistiari!

PIPITTA - Ma taliassi che il club pieno di persone serie e timurate di Dio. C il Conte Salarato, lingegnere Cupicchietto, per non parlare poi del notaio Pellerito, del direttore di banca Boria Boria e tanti autri che non marricordo. Ma se voli, ci pozzo leggiri lelencu cumpletu di tissirati, c lho nella vurza!

CALANNA No, grazie!

PIPITTA - Insumma, tutta genti mpurtanti, ca vali Certu, na bona parti nfumata, si cridi Dominiddiu, ma a mia non minteressa...

MINNELLA Mancu a mia... Nuatri jemu ppu nostru filagnu, ni facemu i caddi nostri...(dopo la solita occhiata della madre, come se volesse scusarsi) Bih, mi scappau! Vuleva diri, ca ni facemu sulu laffari nostri.

PIPITTA - Di bonu u sapi chi c? Ca quannu unu di nuatri avi bisognu, tutti curremu ppi darici na manu. Comu si dici, na manu lava lautra vah! Lei mi capisci.

CALANNA E appuntu pirch a capisciu ci vogghiu pinzari.

PIPITTA Minnella, amuninni ca si fici tardu. Susiti! Voli diri ca ppi salutari i carusi turnamu nautru jornu.

CALANNA Sempre a disposizioni. Anzi, su vi fa piaciri, a prossima vota, vi firmati a pranzu. Va beni?

MINNELLA Sta pinzata mi piaci. Allura, mi portu macari o zitu. Iddu, quannu c di mangiari ci godi troppu, anzi troppissimo.

PIPITTA Tagghiala, accuzzila e finiscila. (esce dal fondo, assieme a Calanna e alla figlia )

SCENA SETTIMA

FRANCESCA (entrando da sinistra) Bonasira mamm.

COCIMA Oh, Francesca, varricugghistuvu finalmenti?

FRANCESCA Ma chi cavi a signura di cca sutta? Avi na jurnata ca si murmuria.

COCIMA Nenti, sar u primu caudu ca cacchianau n-testa. Allura, ancora non mha cuntatu nenti. Comu ti trovi a Roma? Chi fai ?

FRANCESCA Chi voi ca ti cuntu, ppi mia non cangiau nenti, fazzu i stissi cosi ca faceva cca. Roma assai bella, ma non ca cangiu ca Sicilia.

COCIMA Brava! Unni a trovi na terra cchi bedda da nostra?

SCENA OTTAVA

DON ANGELO (entra dal fondo) Pozzu trasiri o mhaiu a fari raccumannari?

FRANCESCA Oh, don Angilu (si abbracciano)

COCIMA Passu dd banna a dari disposizioni ppu pranzu (esce a destra)

DON ANGELO (a Cocima)Bongiornu. (osservando Francesca) Si sempri a stissa.

FRANCESCA Non veru, sugnu du anni cchi vecchia.

DON ANGELO E Paulu?

FRANCESCA Grazii a Diu, sta beni.

DON ANGELO Mi ni cumpiacciu! Comu si trova dd?

FRANCESCA Benissimu! U sapi comu iddu, non sta fermu n-minutu, ma assai cuntentu di chiddu ca fa. Certu, i primi tempi, u so impegnu ppa Sicilia desi fastidiu a tanti, ma appoi alleggiu alleggiu, rinisciu a guadagnarisi a stima e u rispettu di tutti. Lautru jornu, tuttu filici, mi dissi ca, a Cammira, qualsiasi diputatu, appena muntuva u nomu da Sicilia, talia a iddu.

DON ANGELO Bellissimu! Chissu voli diri ca a Sicilia sempri prisenti e Paulu ricanusciutu comu so rapprisintanti.

FRANCESCA Accuss ! Na sira vinni a truvallu macari n-pezzu grossu du Guvernu, stesunu a parrari cchi di du uri; poi, Paulu mi dissi ca cava offrutu na carrica mpurtanti.

DON ANGELO Su vuleva accattari!

SCENA NONA

PAOLO (entra dal fondo) A puzza ca c n-parrinu si senti du curtigghiu! Don Angilu, beddu spicchiu dagghiu, comu jemu? (si abbracciano con affetto)

DON ANGELO Cerca di purtarimi rispettu, annunca mi levu a tonica e ti sonu di mala manera! Onurevuli, ppi casu voi essiri numinatu Cavaleri?

PAOLO Cavaleri? E pirch?

DON ANGELO Pirch, allautru jornu, n-cullega to, o Parlamentu, dissi ca n-Italia addivintau facili facili essiri numinatu Cavalieri, basta pigghiarasilla che parrini!

PAOLO No, a mia ssu titulu non minteressa. Me nannu mi lassau dittu ca non cummeni mai mittirisi contro a chiddi ca portunu a tonica, pirch po essiri piriculusu!

DON ANGELO - Mizzicaredda, addirittura piriculusu!

PAOLO Ppi forza, pirch non sulu siti na putenza cca sutta (indica il suolo), ma cu lamicizia caviti cu chiddi di dd supra (indica il cielo) si po rischiari di passarasilla mali ppi tutta leternit.

DON ANGELO Ma quantu si spiritusu! Allura, chi mi cunti di bellu? Chi si dici o Parlamentu?

FRANCESCA Megghiu ca mi nni vaju, prima ca attaccti a parrari di pulitica (esce a destra)

PAOLO O Parlamentu c di tuttu, pari n-circulu equestri. C cu arrobba senza problemi pirch, avennu a riti di sutta, casca sempri a ditta, cu fa jochi di pristigiu e pigghia ppi fissa a tutti, ppi non parrari di chiddi ca parunu ammaestrati, comu certi cani. Nsumma, n-divertimentu cuntiniuu! Anzi, mi meravigghia comu mai, ppi trasiri o Parlamentu, non fanu pavari u bigliettu, comu o tiatru!

DON ANGELO - E a tia chi parti ti desunu? Chidda du camiddu?

PAOLO - No, fazzu (con enfasi) il domatore di leoni intra a jaggia (fa il verso del leone). N-postu piriculusu, unni si deve stare sempri cu locchi aperti ppi non farisi sbranari. I primi tempi qualche muzzicuni mu stavunu chiantannu, ma oramai mparai a canusciri ssa speci danimali e sunu iddi ca si scantunu di mia. Per, a frusta a portu sempri appressu, non si sa mai ca qualche belva nesci fora e mazzanna, comu stava succidennu tempu fa. (si accomodano)

DON ANGELO Ma era firoci, ssa bestia?

PAOLO Firocissima! Fiuriti ca era accuss brutta ca ppi non farimi scantari si travistiu di Ministru. Dopu du uri ca circau di spiegarimi chiddu ca giustu e chiddu ca sbagghiatu, mi fici lofferta ca su ju a fineva di fari u dumaturi, mi numinava cumannanti di nani e di ballerini!

DON ANGELO Macari di ballerini? Mih! Ti putevi sistimari ppi sempri. E tu chi facisti?

PAOLO Ci mustrai a frusta e, sia u Ministru ca u liuni ... stanu ancora fujiennu!

DON ANGELO E da Sicilia chi si dici o Parlamentu?

PAOLO - A Sicilia, ppi iddi, avi sulu n-problema,a mafia, u restu va ottimamenti. E veru ca manca di tuttu, diciunu, ma sistimata a custioni di lordini pubblicu, tuttu sabbersa. Chi sensu avi fari strati, scoli, spitali e fugnaturi, su appoi vanu tutti n-manu a mafia? Perci, finanziamenti, picca e nenti! Accuss ragiununu! E Crispi di mafia ni capisci!

DON ANGELO Certu, a mafia piriculusa assai, ma chiddu ca fanu a Roma n-ragiunamentu caffossa a Sicilia! Spetta a iddi vigilari a cu vanu lappalti. E comu su dicissi: non nesciu, pirch su chiovi mi pozzu vagnari o non mangiu, pirch mi po aggruppari. Ma chi voli diri? Accuss u dispettu cu fanu a Sicilia e a i siciliani e no a mafia. Nveci, i canteri shanu a grapiri pirch portunu travagghiu e benessiri. U capisci macari n-picciriddu ca a mafia si po battiri sulu cu listruzioni e u travagghiu ppi tutti.

PAOLO - Ma no fanu ppi mali, mischineddi. Siccomu sanu ca nuatri siciliani avemu tanta pazienza, sa pigghiunu cu calma.Chi c primura? Fari n-spitali, n-seculu prima o n-seculu dopu, chi cangia?

DON ANGELO (con sarcasmo) Certu, nu putemu pirmettiri! Ma non c di farisi maravigghia pirch sempri accuss ha statu. Nuatri, caru Paulu, amu avutu a disgrazia di stari sempri sutta n-patruni, ca sha chiamatu guvirnaturi o annunca principi, vicer, eccetra, eccetra. Ca avutu labilit di non farini arraggiunari ca nostra testa, ca nha dittu chi cosa era giustu fari, chi cosa aumu a cridiri e cu era u nimicu ca sava cummattiri. Ma soprattuttu, nha nsignatu a sumpurtari a fami e a miseria cu rassegnazioni, comu sumpurtamu u ventu o u sciroccu. Tali e quali.

PAOLO - Comu su fussunu cosi naturali, ca chanu a essiri ppi forza.

DON ANGELO- Hanu avutu sempri labilit di amministrari a rassegnazioni, inchennuni a testa cchi soliti riturnelli. Cu ccu ta pigghi su a malasorti non ti fa truvari travagghiu? Chi ti ribelli a fari su distino ca i cosi hanu a jiri ppi forza accuss e non ponu canciari? Ca jisi a fari a testa? Tantu, a fini, n-patruni tattocca sempri! Autru non ti resta, allura, ca rassignariti, aviri pacenza e sumpurtari, macari su si trattatu peggiu di n-animali.

PAOLO Non c dubbiu ca a nostra storia a sanu macari i guvirnanti attuali, pirch, siccomu ci pari mali cangiari, ni stanu cuntinuannu a trattari cu stissu metru di sempri. Tu u sai quantu spenni u Statu, ppi ogni sicilianu, ppi fari opiri pubblichi, comu strati, ponti, casi, porti e scoli?

DON ANGELO No!

PAOLO Tu dicu ju! 19 liri, ppi ogni abitanti. Mentri ppi unu ca sta nta Liguria 71 e ppi unu ca sta nto Laziu 93 liri.

DON ANGELO Ma non c proporzioni, 19 liri contru 93!

PAOLO - E ppi fari travagghi di bonifica idraulica? Ca veni a diri acqua ppabbivirari i campagni, ppi viviri e lavarisi? Non ti sfurzari, semplici! Ppu Venetu 55 liri, ppi lEmilia 45 e ppa Sicilia 37...( sollecitando la risposta)

DON ANGELO Liri!

PAOLO No, centesimi, 37 centesimi ppi ogni abitanti! Ca significa chiaramenti: su non vabbastunu, arrangiativi. Pozzu cuntinuari?

DON ANGELO No! Basta taliarisi attornu ppi capiri ca u Statu ppi nuatri avi pocu nteressi. E su non narrusbigghiamu prestu, tra centanni i problemi saranu i stissi di oggi, su non peggiu! Ppi nuatri, u veru Risurgimentu ancora ha veniri!

PAOLO- A propositu, u sentisti chiddu ca sta facennu ddu parrinu di Caltagiruni?

DON ANGELO Oramai u sanu tutti. Sta facennu bellu travagghiu! Certu, a cosa sta disturbannu a tanti, ma iddu va avanti comu na litturina, organizzannu centri dassistenza suciali, cassi rurali e cuperativi. N-jornu di chisti lhaiu a jiri a truvari.

PAOLO - Chai persu tempu!

SCENA DECIMA

COCIMA - (entrando da destra) Ma comu, ancora cca siti?.

PAOLO A curpa di stu parrinazzu. Don Angilu, passamu dd banna. (esce a destra assieme al sacerdote)

SCENA UNDICESIMA

NZINA (entra dal fondo) Signura, arrivau u Sinnucu Perciapalle cu so muggheri, a Barunissa, e don Felici.

COCIMA Falli passari! (Nzina esce dal fondo e ritorna in scena assieme ai nuovi venuti)

PERCIAPALLE (baciando la mano a Cocima) Signora, chi piaceri rivederla.

COCIMA Il piacere tutto mio (abbraccia la Baronessa). Accumudativi (seggono)

BARONESSA- Cuntenta carrivanu i spusini?

COCIMA Cuntintuna!

BARONESSA - Comu sa passanu a Roma, i carusi?

COCIMA Appustuni! Paolo, comu diputatu, sa fa tuttu u jornu Parlamentu Parlamentu e Francesca, dd figghiaredda mia, abbada a casa. Certu, non comu stari n-Sicilia, per pianu pianu si stanu abituannu. Chi voli, na vota nesciunu cu n-cullega diputatu, nautra vota cu primu ministru. Appoi......

BARONESSA - ...Cu re, chanu....

COCIMA Chanu nisciutu? No, ancora cu re no! Ma non manca a iddi, prima o poi...

BARONESSA Certu, certu! No, a dumanna mia era su cu re chanu parratu!

COCIMA - Garantitu! Ormai, nna tuttu stu tempu, lei chi penza ca u riuzzu, sapennuli suli suli a Roma, non si cha fattu sentiri?

BARONESSA (con ironia) Ca sicuru, u re a sti cosi ci teni, appena sapi ca a Roma c qualcunu senza nuddu, subitu subitu, pigghia u telefunu ppaddumannarici su avi bisognu di qualchi cosa.

PERCIAPALLE E il nostro Cavaleri?

COCIMA E dd banna.

PERCIAPALLE Non cha statu versu di putirici parrari! Cara signuruzza, come lei sicuramente sapr, grazii allincuraggiamentu di sua Eccellenza u Prifettu, abbiamo aperto in cit un Circulu culturali. A soci non ni putemu lamintari, ci sunu tutti i megghiu galantomini. Ancora, per, ni manca u megghiu pezzu: so maritu! Ci lhaiu mannatu a diri, ma iddu ancora non mha datu risposta. Avillu comu sociu, ppi nuatri fussi comu...che debbo dire...ecco...comu aviri a ciliegina supra a torta.

COCIMA (ride) Ah! Ah! Ah!

BARONESSA E pirch sta arridennu?

COCIMA Pinzava a me maritu, ca trasennu nta ssu Circulu addivinta di bottu na ciliegina! Cu sapi comu ha pariri beddu! (ride) Ah!Ah!Ah! No spustati, ppi carit, lassatulu unni , supra a torta!

PERCIAPALLE (confuso)Linvitu vali macari ppi lei, so figghia e so jennuru, lOnorevoli Paolo.

COCIMA (continuando a ridere) E nuatri chi putissimo fari? I bign o a frutta candita?

BARONESSA (con ironia) Ma quantu simpatica, a signura!

COCIMA (tutta dolce) Grazii, troppu gintili! (alla Baronessa) Chi dici a muggheri du Prifettu, a calabrisa, sacciu ca siti sempri nzmula.

BARONESSA Bona, bona, . (minimizzando, con malcelata soddisfazione) Sempri assemi...dicemu ca ni videmu ogni tantu...

PERCIAPALLE Avaja, a signora Cocima cu poi diri ca vi spartiti u jornu ca notti.

BARONESSA Non mai comu a tia cu so maritu: n-passu tu, n-passu iddu. Addivintastuvu megghiu di frati, cu Prifettu.

COCIMA Nsumma, na bella amicizia.

PERCIAPALLE Certu, chi c paraguni cu chiddu ca cera prima. U piemuntisi, era sulu n-balluni vunchiatu!

FELICE E a so muggheri unni a mittiti, non va ricurdati? Scanzatini, chi caratteri caveva. Quannu parrava non taliava mai nta facci e su qualchi vota u faceva, cu locchi ti mannava a diri ca ti stava facennu n-favuri.

BARONESSA - Chi era bedda, salaratu!

PERCIAPALLE Pareva n-manicu di scupa cu caratteri di n-marruggiu di picuraru!

FELICE Marruggiu cuntinintali, per!

BARONESSA Certu, cuntinintali! (imitando la parlata continentale) Che schifo, che schifo n-Sicilia tutto uno schifo, non vedo lora di tornarmene nel mio bel Piemonte!

FELICE - Di quantera sdisiccata a sapevunu sentiri a vecchia di lacitu e tuttu pareva tranni ca na fimmina. Tantu ca me muggheri mi cuntinuava a ripetiri: Ma si sicuru ca a prifittissa Bovis apparteni al sesso debole?

COCIMA E lei pirch non cu dumannava allinteressata o annunca...a scummigghiava?

FELICE Ca certu ca fimmina, ci diceva ju, porta a vesti! E idda: bih, chi voli diri, non ca chiddi ca purtati i causi siti tutti masculi!

PERCIAPALLE Certu, megghiu di to muggheri cu ti po canusciri?

COCIMA Che simpatica so muggheri.

BARONESSA Ascutati chista. N-pomeriggiu, Bovis e so muggheri, ni vinnunu a truvari a casa. Allura, ppi farici cosa gradita, fici priparari du nostru munz na bella tavulata di cosi sfiziosi. A Prifittissa, prima fici a stinchiusa, appoi, tantu paccittari, si cafuddau menza nguantera darancini caudi caudi, na bedda fedda di cassata, menza duzzina di cannoli ca ricotta e quattro sfingiuni tanti (fa la mossa). Appena appi a vucca leggia, accuminciau a sintinziari ca larancini e i sfingiunu (imitando la parlata continentale) erano oltremodo grossolani e i dolci, mai e poi mai, potevano competere con i gianduiotti di Turinu. (a Cocima con tono normale)U capiu? Appoi, senza vulillu, mi misi addunu ca, ammucciuni, sava jinchiutu a borsa di arancini e cannola!

FELICE Ora, sar cuntintuna di mangiarisi (imitando la parlata continentale) i gianduiotti o so paisi!

SCENA DODICESIMA

Dal fondo entra Calanna

CALANNA Oh, chi bella sorpresa (bacia la mano alla Baronessa)

COCIMA Parraumu propriu di tia! (ride) Ah!Ah!Ah! U sai ca...

PERCIAPALLE (interrompendo Cocima) Carissimu Cavaliere, in qualit di Presidente, sono venuto a sollecitare la sua adesione al Circolo Culturale Amici e fratellanza.

CALANNA Grazie Sinnucu. Ci vulissi pinzari megghiu.

FELICE E chi c di pinzarici?

PERCIAPALLE -Ci dicu sulu ca n-cit, di chiddi ca cuntunu, manca sulu lei. E n-Circulu di cappeddi, no di coppuli!

CALANNA - Lei, caru Sinnucu, cu mia troppu bonu, i so primuri non mi meritu. U sacciu ca n-circulu mpurtanti, n-cit non si parra dautru, comu mpurtanti sunu i galantomini ca u frequentunu. Anzi, ci pozzu diri ca, cu ccu parru parru, tutti volunu cuntu e ragiuni pirch ancora non sugnu scrittu o Circulu di...fratelli...

FELICE (puntualizzando) ...Amici e fratellanza !

CALANNA Allautru jornu macari u Prifettu mi ni parrau....e comu nsisteva!

PERCIAPALLE Chissu pirch u vulemu beni e semu cunvinti ca ccu nuatri non ca appizza n lei e mancu so jenniru...

CALANNA Chi centra me jenniru?

PERCIAPALLE Pirch, u so Cullegiu Elettorali non forsi chistu? Ascutassi a mia, scrivennusi non si nni penti! Trova sulu amici fidati!

CALANNA Certu, chi c dubbiu, sulu amici fidati!

COCIMA Varda varda chi ciliegina arrisuluta, non c cchi munnu! Tutti erunu pronti a spartirasilla ma, siccomu di razza sarvaggia, nuddu arrinisciu a nguantalla (al marito) E veru?

CALANNA E ju chi ci trasu?

COCIMA Tu?....E mu cunti a mia? Amuninni dd banna, ca ci sunu i carusi.

PERCIAPALLEPassati avanti.Vinemu subitu.(Si alzano tutti.Dopo che Cocima, la Baronessa e Calanna escono a destra, Perciapalle e Felice risiedono)

FELICE E n-pocu ustinatu, u Cavalieri Calanna.

PERCIAPALLE No fa ppi mali, n-povuru illusu, ca cridi a chiddu ca si nsonna! A nostra Associazioni ppi iddu comu su fussi u diavulu e non c putenza umana di farici cangiari opinioni.

FELICE - Ognunu patruni di cumplicarisi a vita comu voli.

PERCIAPALLE Di quantavi ca Paulu diputatu, Calanna sballau di testa. E sempri assemi a ddu parrinu ca, salvannici u sacramentu di lOrdini, n-capuraisi da megghiu manera.

FELICE E ancora non sapi ca so jenniru oramai o capulinia, ca tempu di stari a Roma ci narristau picca e nenti, giustu chiddu di mangiarisi n-gilatu e basta.

PERCIAPALLE Certu, u duttureddu Paulu oramai finiu di fari lOnorevuli. Marrisulta ca, siccomu a Cammira chanu fattu vinciri qualchi battaglia, si muntau a testa e cuntinua a fari sgrusciu assemi a n-pugnu di Diputati ca ci vanu appressu. Ma a cosa cchi gravi ca, cu na gran faccitosta, cuntinua a mancarici di rispettu a certi diputati ca ppi sustanza putissunu essiri i so patruni.

FELICE U Prifettu dissi ca i prossimi candidati hanu a essiri affidabili o centu per centu.

PERCIAPALLE Mi dispiaci ppi lamicu Prifettu, ma tannu, na bona parola ppi prisintari a Paulu ca misi macari ju. Era cunvintu ca, comu ava successu cu lautri, alleggiu alleggiu, macari a iddu cavissunu calmatu i bollenti spiriti. E nveci.... E va beni, ormai fatta! (si alza, seguito da Felice)

FELICE Avaia, Sinnucu, ma pirch ni stamu abbiliannu, oramai storia passata. Chiddu ca nveci cunta ca a dicisioni di prisintari a vossia comu diputatu gi pigghiata!

PERCIAPALLE Si, ma non ancora ura di parrarini pubblicamenti. A vogghiu vidiri a facci du Cavalieri Calanna quannu senti sta nutizia?

FELICE Ci pigghia n-corpu!

PERCIAPALLE - Limpurtanti ca doppu non venunu a chianciri, pirch non ci nesciunu nenti. U fattu fattu!

FELICE Ragiuni avi!

PERCIAPALLE - Lassamu perdiri ssi fissarii e parramu di cosi serii. Non mhai dittu ancora i ntinzioni di Saru Sgro ppi ddi tirreni, chiddi vicinu u Simetu.

FELICE Sparau grossu!

PERCIAPALLE E va beni, voli diri ca rispunnemu o focu. Chissu, voli fari u spertu cu nuatri! Fallu scantari bonu bonu, finu a quannu non si convinci daddumannari u giustu, chiddi ca cabbastunu ppaccattarisi na cartata di luppini. Tantu, sempri ni nuatri ha veniri! Non ti scurdari, appoi, u prituri Siminara, ci fai arrivari i picciuli ca addumannau e ci ricordi ca ddi amici nostri stanu ancora aspittannu u pirmissu ppu portu darmi.Chi fa, camu a cangiari a facci cu qualchi cullega so?

SCENA TREDICESIMA

SALAFIA (entrando dal fondo) Bongiornu. Oh, Sinnucu, circava propriu a lei...

PERCIAPALLE Don Tot, chaiu a dari na bella nutizia. U Prifettu, mi fici sapiri, in cunfidenza, ca ddu favuri ca lei addumannau u po cunsiddirari fattu.

SALAFIA Quali? Chiddu da strata nova?

PERCIAPALLE Si! Certu, a diviazioni cumporta n-tracciatu cchi longu e cumplicatu, ma su a strata ha passari davanti a so propriet, ppi forza accuss si deve fare.

SALAFIA - Allura, di sta manera, sauta i terri du Cavaleri Calanna!

FELICE - Chi va pinzannu, sauta chiddi ca ha sautari e basta.

SALAFIA Accomora, ci dicu grazii, ma restu obbligatu cu lei e u Prifettu....

PERCIAPALLE Lassassi perdiri. Su haiu bisognu, chi fa, lei non si metti a dispusizioni? Chiuttostu, chi mava a diri.

SALAFIA Haiu problemi cu gabillotu da Purciddara, u feudo vicinu a Passupisciaru. Avi n-pugnu danni ca sdunau attunna, fa e disfa comu su a prupriet fussi a so e si rifiuta di pavarimi a gabella.

FELICE E u mutivu?

SALAFIA Dici ca a curpa di malannati...

PERCIAPALLE - E chissa na fissaria...

SALAFIA Mentri, nveci, sacciu ca i picciuli i mitateri ci lhanu datu puntualmenti.

PERCIAPALLE Comu si chiama su galantomu?

SALAFIA Cicciu Prezzaventu.

FELICE Beddu cocciu di piru. Nhaiu ntisu parrari e marrisulta ca cosa dammilinarici i pupi!

SALAFIA Di sicuru non n-santu, per di quantavi ca c iddu nha successu mai nenti. Mentri prima arrubbatini e priputenzi erunu una appressu allautra.

PERCIAPALLE (a Felice) Cu ccu sa fa chissu?

FELICE Cu nuddu. E n-giuvanottu ca ppi sintirisi cacoccila, cumincia a pistari i pedi a cu capita prima.

PERCIAPALLE Biniditta carusanza! Capisciu ca si voli fari strata, ma prima nformiti cu a genti. E poi, pistari i pedi allautri non mai educatu, ma sopratuttu azzardusu, pirch facili attruppicari e arruzzuliari n-terra.

FELICE - Marrisulta ca u stissu sirvizzu cu sta facennu a so cucinu, u nutaru Arena, ppi terri di Mungiuffi.

PERCIAPALLE U capii. Purtroppu, ogni tantu, spuntunu certi individui ca facci di mpigna ca non hanu rispettu ppi nuddu e vanu allurbigna. U nostru duviri, essennu cchi granni e giudiziusi, allura chiddu di ntirviniri e, ppu so beni, cunsigghiarici a giusta strata, prima ca si struppiunu malamenti.

FELICE Certu, prima di tuttu i boni maneri...

SALAFIA E su non capisciunu?

PERCIAPALLE Capisciunu, capisciunu!

SALAFIA - Sinnucu, non chaiu a diri cchi nenti.

FELICE A megghiu parola chidda ca non si dici.

PERCIAPALLE Quannu na cosa si po fari.

SALAFIA - Passu dd banna a salutari u patruni di casa.

PERCIAPALLE (dopo che Salafia esce a destra). Haiu limpressioni ca stanu criscennu troppi rami storti. Forsi arrivau lura di darici na bella rimunnata allarvulu, ppi farici pigghiari cchi aria.

FELICE Certu, prima ca poi diventa cchi cumplicatu livarici u dannificu.

PERCIAPALLE Caru Filici, su non fussi ppi nuatri, ca stamu sempri attenti a tuttu chiddu ca succedi, ca ntirvinemu a risolviri milli custioni, a Sicilia si navissi jutu a strafuttiri. Chi valunu re, ministri, Prifetti senza u nostru mpegnu?

FELICE Nenti, u restu di nenti!

PERCIAPALLE Travagghiamu a muta a muta, spartennu giustizia a tutti, senza fari sgrusciu e senza pritenniri midagghi! Non navemu bisognu! Chi ni facemu di midagghi?

FELICE Nenti, u restu di nenti!

PERCIAPALLE Semu fatti di sta manera, a natura ca ni mpastau accuss. A nuatri nabbasta u rispettu e a ricanuscenza da genti. E ppi chissu nsistu e dicu sempri: lassamili stari quieti i siciliani, lassamili dormiri n-paci, ni scuitamu, cu nuatri ponu stari tranquilli, ci semu nuatri ca pinzamu a iddi e a nostra bedda terra! (escono a destra, accompagnati da una musica appropriata)

F I N E

Bibliografia

Le vicende presentate nella commedia, cos come i dati riportati, rispondono alla realt storica e sono ampiamente documentate dai testi appresso indicati. Per il prezioso aiuto offertomi, ringrazio i loro autori.

<<<<<<<<<<<<<<<<<<

- Franchetti-Sonnino Inchiesta in Sicilia- Vallecchi

- Grispo-Carbone Atti Parlamentari- Inchiesta sulle condizioni sociali ed economiche della Sicilia (1875-1876) - Cappelli

- AA.VV. - Storia dItalia - Vol. 4 - Einaudi

- P. K. OClery - La rivoluzione italiana Come fu fatta lUnit della Nazione Ares

- AA.VV. La rivoluzione italiana- Storia critica del Risorgimento- Minotauro

- A.Gramsci Il Risorgimento Einaudi

- C.Correnti Breve storia della Sicilia Newton

- AA.VV. -Liberismo e Meridionalismo - Flavio Pagano Ed.

- Angela Pellicciari Risorgimento da riscrivere Ares

- AA.VV. Miti e storia dellItalia Unita Il Mulino

- Nicol Zitara LUnit dItalia: nascita di una colonia Jaca Book

- Vincenzo Gul - Il saccheggio del Sud Campania bella

- Paolo Mieli Risorgimento, fascismo e comunismo Rizzoli

- Antonio Ciano- I Savoia e il massacro del Sud Granmel

- Bufalino & Zago Cento Sicilie La Nuova Italia

- Gaspare Scarcella -Il brigantaggio in Sicilia Sicania

- Lorenzo Del Boca Maledetti Savoia Piemme

- L.Sciascia I fatti di Bronte - Salvatore Sciascia Ed.

- I.Montanelli LItalia dei notabili Rizzoli

- Settimanale DArtagnan Direttore N.Martoglio -Annate 1893-1894-1895-1896

- Civilt Cattolica Annate 1894 e 1896

- F.De Roberto I Vicer Newton

- L.Pirandello I vecchi e i giovani BIT

- G.Verga I nuovi Tartufi Le Monnier

- G.Verga Dalle novelle rusticane Libert - Mondadori

- Levi Cristo si fermato a Eboli- Mondadori

- A.Camilleri -La bolla di componenda Sellerio

- A.Camilleri -La concessione del telefono Sellerio

- A.Camilleri Il birraio di Preston Sellerio

- A.Camilleri La strage dimenticata Sellerio

- A.Camilleri Un filo di fumo - Sellerio

- Motore di ricerca Google