(*) Il tema di questa scenetta è l’integrazione razziale.
Scena breve per 3 interpreti
battute 87
durata approssimativa 15’
“FREDEJ? OH, YES!”
Maria, donna del quartiere;
Giovanni, disoccupato;
Luca, un giovane d’oggi.-
Aleardo Noli, 2004
Una panchina di un parco pubblico; Maria e Giovanni; poi sopraggiunge il ragazzo. Maria ha la borsa della spesa e prende fiato. Giovanni sfoglia il giornale.
MARIA (COME PARLANDO FRA SE’, MA IN PRATICA RIVOLGENDOSI AL SUO OCCASIONALE COMPAGNO DI PANCHINA) Ahé! A gh’è pü de religion!
GIOVANNI (SORPRESO, RIVOLGE A MARIA UNO SGUARDO SOPRA GLI OCCHIALI, RICHIUDENDO IL GIORNALE) Cosa l’è che l’à dii?
MARIA Oo dii che gh’è pü de religion!
GIOVANNI Che novitaa! Al dì d’incoeu, che va in gésa, è restaa poca geent!
MARIA E chi che parla de nà in gésa?
GIOVANNI Ma...la parlava de religion.........
MARIA Ma mì parlavi migna dela gésa; parlava de prezi dela spesa. Ladro!
GIOVANNI Ladro a chi? Uheila, sciôra, adasi con i parol, neh!
MARIA (SI ACCINGE A SPIEGARE) Ma migna a lüu! Mì g’al diseva al butegaar chì de drée a l’angôl. Che al penza: L’à cressüu la früta e la verdüra, che a nà a fà la spesa, bisoeugna prima passà a rapinà ‘na banca!
GIOVANNI La ma scüsa, ma a mì la ma soméja ‘n esagerazion!
MARIA Esagerazion un para de.......che al ma faga migna ‘na foeura di strasc! Che al proeuva lüu a fà la spesa, epoeu al ma diserà cosa al ‘na penza!
GIOVANNI Maj faja, la spesa!
MARIA Ah, no? Oo capii, lüu al viif d’aria!
GIOVANNI A fà la spesa, va la mia dòna.
MARIA Ah, sì? E con cosa la paga? Con i conchigli del maar, come i indigeni?
GIOVANNI No, la paga con i danée, ma la fa tütt lée. Mì ga doo al stipendi e......beh, almeno, g’al davi...........
MARIA Perchè, adèss, inveci...........
GIOVANNI .....Adèss,inveci, a l’è al segoond mees che somm disocupaa..la mia dita (FA IL GESTO) puff! Saltada per aria!
MARIA (AZZARDA) Un’esplosion?
GIOVANNI Ma che la ma faga al santo piesé! Saltada per aria per falimeent, eco!
MARIA Oh, porcu sciampin! Questa, poeu!
GIOVANNI Già! E girà a cercà al lavorà, l’è migna ‘na roba tanta bèla. Mì, a goo vergogna.
MARIA Ma, a gh’è poeu migna de vergognass, ma paar! A l’è migna un disonoor!
GIOVANNI Ahé, ga parerà! Migna facil, g’al disi mì!
MARIA Lüu, g’al fioeu?
GIOVANNI No.
MARIA Oh, beh, alôra, mangiaa vialtri düu, ii mangiaa tücc!
GIOVANNI Perchè, i fioeu mangi migna? E i scarp, i g’à voeu migna?
MARIA Ma, de l’à ‘pena dii che de fioeu al g’à n’à migna?
GIOVANNI Mì, no; ma la mia dòna, sì.
MARIA Oh, caar Signoor benedett! Capissi pü nagôtt!
GIOVANNI (RIDACCHIA) Ah, ah, a sa diis migna che la mamm l’è sempro certa, ma al pa’ migna taant? Ah,ah,ah !!!!
MARIA Che spirit de patati!
GIOVANNI A ga nemm düu, de fioeu. Vün l’è foeu de ca’, e vün (INDICA LUCA CHE ARRIVA IN QUEL MOMENTO) a l’è press’a pooch de l’etaa de questi chì.
LUCA (CUFFIE AUDIO ALLE ORECCHIE, TAVOLETTA DELLO SKY-BOARD SOTTO AL BRACCIO, SI SIEDE SULLA PANCHINA, MASTICANDO CHEWING-GUM E RITMANDO CON LE MANI: “Sono fuori dal tunnel..el..eldel divertimento o o o o .......”)
MARIA Beato tì, tôos che ta séet foeura del tunnel!
LUCA (STACCA LE CUFFIE) Cosa ha detto?
GIOVANNI La sciôra l’à dii “beato tì che ta cantet”!
LUCA Ah! E come fa a sapere se sono contento o incazzato nero?
MARIA (VERSO GIOVANNI) Eco, l’à sentüu che bel parlà che g’à la nòssa gioventü?
LUCA Perchè, cosa ho detto?
GIOVANNI Ma nagôtt, la sciôra l’è migna abituada al linguacc del sì d’incoeu!
MARIA In ogni modo, cara al mè tôos, scüsa se t’al domandi, ma cosa féet in giir a ‘st’ora? Dovrésset migna magari fà quajcòss de ‘na quaj paart?
LUCA E a lei, cosa gliene frega?
GIOVANNI Magari, ‘sto fioeu a l’è in vacanza.
LUCA No.
MARIA E alôra?
LUCA E allora, stamattina mi rompevo ad andare a scuola.
GIOVANNI Ah, sì?
LUCA Sì. E poi, sto aspettando il mio amico Karim.
MARIA Vün de quii nom ciapaa dèi telenovèll, eh?
LUCA No, il Karim è egiziano.
GIOVANNI Egizian, eh? La varda (A MARIA), tanti vòlt al soo pü se somm a ca’ mia o indu’è.
MARIA Oh, al varda, mì somm migna razista, ma però....
LUCA Ecco! La solfa che sento sempre a casa mia! Attacca così: “Io non sono razzista, ma però.......” E avanti con le solite cazzate!
GIOVANNI ‘Scolta, tôos. Mì........
LUCA (COMPLETA)......non sono razzista, ma però.....
MARIA Vialtri giovin a gh’ii pü de rispètt!
LUCA Perchè, voialtri “matusa” avete rispetto per chi sta in mezzo a noi?
GIOVANNI Parlet di stranieer?
LUCA No, dei marziani. Certo che parlo degli stranieri.
MARIA Ma, decisameent, a i’è tropp. Soméja de véss a Addis Abeba!
GIOVANNI Ma, inzôma, nümm.........
LUCA Noi abbiamo la memoria corta ; che ai tempi anche noi andavamo in giro per il mondo a cercare lavoro.
MARIA Beh, questo...a l’è...anca....vera.
LUCA E allora? Come la mettiamo? Solidarietà a parole, ma quando si tratta di metterla in pratica........
GIOVANNI Però, a l’è migna facil.
LUCA Nessuno ha detto che sia facile. Facile no, ma possibile, sì.
MARIA Beh, penzandoch sü ben, ‘sto pivèll chì al g’à poeu migna tücc i tòrt!
GIOVANNI E come mai questo improviis voltafacia, sciôra...sciôra...a proposit, come la sa ciama?
MARIA Maria. Ma ciami Maria.
GIOVANNI Mì, somm al Giovann. E tì, tôos?
LUCA Io sono Luca.
(UN MOMENTO DI SILENZIO FRA I TRE, POI MARIA SI ALZA)
MARIA Beh, mì a devi nà. Però, varda tôos che oo poeu migna cambiaa tücc i mè idej riguaard ai stranieer, neh?
LUCA E i suoi figli, cosa ne pensano della questione?
MARIA De fioeu, mì a g’à noo migna.
GIOVANNI Al sò omm, alôra, la ma disa, cosa al na penza in merit?
MARIA Oh, beh, al veed, mì a somm divorziada e.....
LUCA Ah, ho capito, è da sola.........
MARIA (TITUBANTE) Beh, propi de per mì, no.
GIOVANNI Magari, mì al sò compagn al cognossi. El de quii paart chì ? Come sa ciamel ?
MARIA Beh......l’è propi migna de chì........
GIOVANNI Ah, no?
MARIA No. E....lüu al fà al legnamée.....
GIOVANNI Un bôn mestée.
MARIA Sì, per quell....e...al sa ciama.....Abdul!
LUCA Allora, può proprio dire: “Io non sono razzista”; e questa volta, senza aggiungere il famoso “ma però....” !!!!!
(RIDONO TUTTI E TRE DI GUSTO, SALUTANDOSI CALOROSAMENTE)