I pellegrini de Marostega
Tre atti di Libero Pilotto
PERSONAGGI
MOMOLO BONDIOLA
FELICITA (sua moglie)
GIOVANNA (loro figlia)
ALFREDO (marito di Giovanna)
LORY ZIMMERMANN (violinista viennese)
GIACOMO BRISIOLA (avvocato)
VERONICA INTOCHI (vedova)
FILOMENA (sua figlia)
SIMON SPARAGNO (speziale)
GIGI (suo figlio)
GASPARO DELLACQUA (ragioniere)
TONIN (giovane dufficio)
Nel Veneto, ai tempi che furono...............
ATTO PRIMO
Salotto elegante in casa di Alfredo e Giovanna.
SCENA PRIMA: Momolo e Felicetta (Marcia Turca di Mozart)
Felicita - Ancora in leto i xe. Cossa te par?
Momolo - Eh, cara, queo xe un der Tufel. Che vol di diavolo.
Felicita - Ma, dunque, in sti tre mesi che ti se sta da soo a Roma ti ga impar a lingua tedesca.
Momolo - Imparada proprio no, ma a mastego.
Felicita - E come sea stada?
Momolo - Non te o go dito. Quando son rest a Roma son and ad alogiar a lAlbergo Alla Citt di Berlino; Zum stadt Berlin. L praticava la colonia tedesca e cuss, a forza de sentir, go impar a mastegar un poche de parole.
Felicita - Che da qua in avanti ti me insegnar anca a mi. Mi po ghe e insegnar a a Giovanna, nostra fia.
Momolo - Sicuro.
Felicita - Cuss podaremo dirghe quante insoenze che voemo a nostro znaro, senza farse capir.
Momolo - Benon, ghe stago.
Felicita - Ghe dir anca mi come ti ga dito ti: Tartfe!
Momolo - Ma no, no ti ga zata. Se dixe: der Tufel.
Felicita - Si, me piase sta lingua tedesca. Me par che nee insolenze a gabia pi forza de a nostra. (osserva i quadri). Ci, Momolo, che nostro znero vogia convertirse?
Momolo - Parcossa?
Felicita - No ti vedi sti quadri de santi?
Momolo - Che santi? Vedemo. Si, altro che santi! questa xe una canagia de frate eretico, che i ga bruz vivo in Campo dei Fiori a Roma.
Felicita - Vltio, per amor de Dio, che non o veda. E ntite e man, che e savar da scomunica!
Momolo - Ecoo qua, quel framassne! (vede arrivare Alfredo)
SCENA SECONDA: detti e Alfredo.
Alfredo - Sior Mmolo, siora Felcita. So che no i xe qua par mi, in ogni modo i me permeta che ghe daga el buongiorno.
Momolo - Gut Morgen! Gut Morgen!
Alfredo - Come, come? El parla anca tedesco.
Momolo - Ja! Ja!
Felicita - JA!..JA!
Alfredo - Percossa? Se xe lecito.
Momolo - Oh, gnente, solo un fatto culturale, c chi parla latino e chi tedesco.
Alfredo - I se comoda fin che Giovanna se veste e a vien qua.
Felicita - No ve daressimo sto disturbo, se Vu no gavessi proibio a nostra fia de vegnirme a trovar.
Momolo - Co a scusa che noialtri ghe impegnimo a testa de pregiudizi.
Felicita - El a ciama pregiudizio, iu, a religion!
Alfredo - Nissun pi de mi venera e rispetta a religion; ma nissun pi de mi condanna quellesagerazion ridicola che xe el bigottismo.
Felicita - El o ciama bigotismo andar in ciesa?!
Alfredo - Andarghe tute e ore del giorno, quando se ga una casa da badar, si! Ma no i capisse che gera istesso che mi no a gavesse gnanca sposada so fia?! Ala matina quando che me svegiavo e a sercavo, gnente, perch a gera andada alla Messa 1; a mezzogiorno, gnente, perch a gera andada in Domo a sentir a seconda. Dopo disnar ghe gera a novena, i fioreti, i tridui e cosa sogio mi! Insoma una vera disperazion, che se no a metevo cole spae al muro fasendo var i me diriti da mario, mia mugr invese de pasar a vita co mi a finiva de pasarla coi preti.
Felicita - Coi preti?!!! Col Signor!!
Alfredo - Ma el Signor xe da pertuto! E se a Giovana vol pregarlo, a lo trova anca in casa, da a cusina al granr.
Momolo - El Signor in granr!?
Alfredo - Questo lo dise anca el Vangelo.
Momolo - Quando o gavu leto vu el Vangelo?
Felicita - Pregar in casa...senza altari... Senza funzion... senza candeloti!!!
Momolo - E senza organo!!
Felicita - Proibirghe a mia fia de vegnir a trovar so pare e so mare!!
Alfredo - Dal momento che al pare e ala mare ghe permeto de venir a veder so fia quando che i vol, no xe istesso?
Momolo - Nein, nicht.
Felicita - Nani, niches.
Momolo - Tazi che no te ga zata. Za mi no andr mai daccordo col capo della massoneria marostegana.
Alfredo - Come mi no andar mai daccordo col capo dele Associazioni reazionarie de sto paese!
Momolo - Mi so lomo pi morl de sto paese!
Alfredo - El pi bigoto!
Felicita - El pi morl! No ghe xe miga mcola su a so coscienza!
Momolo - Puro come un giglio, son! Mentre vu...
Alfredo - Mentre mi so el pi liberle!
Momolo - El pi framassone! No me faria de meravegia che ghe insegnasi a nostra fia a bestemiar!
Alfredo - Nol diga sempie...
Momolo - Rid, rid fin che vo! Ma in casa nostra pic ai muri ghe xe a zente che magna el pan doro in paradiso, mentre qua ghe xe a zente che brusa nel pi profondo de linferno.
Alfredo - Ah!! I parla per el quadro? ...Ma cambiemo discorso che xe mgio! Dunque, iu, caro sior Momolo, dopo aver men i so pelegrini a Roma, e de averli fici in treno perch i tornasse indrio, iu, xe rest a Roma a spassarsela?
Momolo - A spassarmela? Go lavor note e zorno come un aseno, atorno a quel libro che go public.
Alfredo - Iu?
Momolo - Non me cred bon de scriver un libro?
Alfredo - Mi no credeva che el fusse divent un letterato.
Felicita - El o xe! Faghe veder.
Momolo - Ma no, che iu no se interessa de e cose de a religion.
Alfredo - No, no, me o daga invese, che un libro scrito da iu deve esser proprio interessante!!
Momolo - Se proprio vo!
Alfredo - Istoria del pellegrinaggio cattolico di Marostica e circondario licenziata al pubblico per il suo capo signor Momolo Bondola fabriciere della chiesa parrochiale di San giacomo e della suburbana di San Rocco, presidente del locale circolo de La santa infanzia, preconizzato Cavaliere dellOrdine piano da sua Eccellenza il Cardinale Vicario, coadiuvato nella difficile impresa dalla sua consorte, donna Felicita Sbrega Bondola, donna di insigni virt, presidentessa del maschile circolo fra sacrestani e scaccini di Marostica ... (ride)
Felicita - El ride?!
Momolo - Ghe xe qualche sproposito?
Alfredo - No, ma ghe par proprio che meritasse una storia sto pelegrinaggio che se componeva in tuto de undese persone!?
Felicita - Dodese, persone.
Alfredo - Come i mesi dellanno.
Momolo - Come i Apostoli!
Alfredo - Ma no ghe xe sucesso niente de straordinario!
Momolo - Come no? Tute le persecuzioni, i spaventi che gavemo ciap...
Felicita - E e bte...
Alfredo - Ah, i e ga anca ciapae?!
Felicita - Sicuro! E se ne vantemo! E da qua sento anni i pelegrini i sar tuti martiri come quei del Giappone. E Momolo, come capo, martire proto.
Alfredo - De stampara.
Momolo - Lezar, lezar. Dov saver che dopo quell imprudenza dei pelegrini francesi al Pantheon, semo stai ciapai per francesi anca noialtri. A furia de pugni e de pee i ne ga cass fin in piasssa Navona, dove che ghe xe tre fontane, dico, drei.....
Alfredo - E i li ga ben bagnai?
Momolo - Che bagnai. I ne ga but dentro tuti e dodese, e no i ne ga mo finch no gavemo zig:<Evviva Roma, Capitale dItalia!>. Sti fioi de cani de Romani!
Alfredo - Come mai a siora Felicita, che a xe rivada prima, no a ga mai dito gnente?
Momolo - Ghe o go proibio mi, ecci che no a toesse interesse al mio libro, dove il fatto, raccontato con garbo, gavaria prodotto miglior impression!
Alfredo - Sento a vose de a Giovanna. Adesso i se a basa i se a cocola, ma no i ghe scalda a testa contro de mi, perch i se ricorda che meter malumor fra mario e muger xe roba che Dio no permette, e anca questo lo dise el Vangelo. Intanto mi vado de a lezer lIstoria del pelegrinaggio.
Felicita - Speremo che el se converta.
Momolo - Speremoo, che saria ora.
Alfredo - E se questo no bastasse, sav cossa che i ga da far? I se fassa far un ritrato che mi dopo o picar...
Momolo - El ne vol picar?!
Alfredo - Sora el leto. E ghe scrivar sotto: San Momolo Bondola e Santa Felicita Sbrega Bondola, donna di insigni virt!
Momolo - Queo ne tol par el ssto che in tedesco se dise: Korb!
SCENA TERZA: Momolo, Felicita, Giovanna.
Giovanna - Bongiorno pap, come statu? E anca ti mama statu ben?
Felicita - Benon, e ti?
Giovanna - Per star ben stago ben, ma me sento serti disturbeti...Basta, so cosa che xe e no me spaventa, anzi...
Felicita - Gnente, gnente, nervoso?
Giovanna - No, per adesso no. Pap me gatu port i regali che ti mha promesso?
Momolo - Si, cara. Questa intanto xe a storia del pelegrinaggio che mi go scrito e fato stampar a Roma.
Felicita - Ti sentir che spaventi e che persecuzioni!
Momolo - Varda, questi xe i ritrati del Santo Padre.
Giovanna - Che bel vecto.
Momolo - A sto vecto to pap ga avuo lonor de basarghe a man.
Felicita - E to mama, tute do a ghe e ga basae!!
Momolo - Metili via, che to mario no li veda; scondili.
Giovanna - No, no, che Alfredo ghe nha uno anca eo de l. E anzi el riconose anca iu che el santo padre xe un omo grando.
Momolo - E alora, parcossa contrarielo sempre a religion?
Giovanna - No a religion, ma certe pratiche esagerate che ve piase a voialtri.
Felicita - E ti ti ghe d drio? Ti te ostini a obedirlo?
Giovanna - El xe me mario, e po...
Felicita - Chi sta col lupo...
Momolo - Impara ad ululare. a tua fede vacilla! Ma te go port mi qualcossa per rinforsartela. Cipa. Questo xe un sasso del logo dove se sta messo in presn San Piero, in scatola. Questa xe erba cresua dove xe sta sepeio San Paolo, in scatola. E questa xe na scorsa de vovo chel Santo Padre ga bevuo dopo aver fato el discorso ai pelegrini, perch el se sentiva deboe de stomego; in scatola anca queo.
Giovanna - Pap, scusime, ma me permetto de dir che e xe cose che fa torto a chi le inventa, ma pi ancora a chi le crede.
Felicita - Rovinada, Momolo, rovinada!!
Momolo - Persa!!
Felicita - Ma la fede, Giovanna!
Momolo - Quea (fede) fia mia!
Giovanna - Quea xe bea e bona, ma a deventa ignoranza quando a deve servir a falsificar a verit e a farghe credar ala zente che el bianco xe nero.
Felicita - Corta, el ne a ga corta!
Momolo - Si, perch una fia xe corta, co a riva a darghe de lignorante a so pare.
Giovanna - No a ti, a certe idee..
Momolo - Che fa istesso. Basta, dame indrio a mia roba, tutta; anca a scorsa de vovo! E resta pur co i to framassoni. Del resto, sto ignorante, per il libro che ha scritto, avr presto fama de letterato de profession. E no passer molto, che sto aseno i lo far cavaliere dellordine piano.
Felicita - E anca de queo forte.
Momolo - No che nol ghe xe! Forse, forse sto imbezil i lo far beato, perch ne a fontana in Piazza Navona el ga subio el so bravo martirio, provando, nel capitolo della immersione, che Momolo Bondola el tremava, el tremava dal fredo, e no da a paura!...a resta pur co so mario ateo, miscredente. Anzi, vado mi de a da so mario e dirghe do parote in todesco, perch, se no a lo savesse, sto ignorante parla anche todesco...
Giovanna - No, pap, che Alfredo se seca, e po el ga da lavorar...
Momolo - User prudenza. Ma ti sta indrio che no te vogio da vissin... Nein, Nicht!
SCENA QUARTA: Toni e detti
Tonin - Domando scusa, me manda el principal a dirghe che siccome xe rivada de a na mesa cliente, e li prega de no far tanto bacan.
Felicita - Chi sarala sta cliente?
Tonin - Mi no o so.
Momolo - Ben, za che no posso andarghe mi el ghe riferisa iu da parte mia... Sprechen sie Deutsch?
Tonin - Cossa?!
Momolo - Parlate tedesco?
Tonin - Mi no. Comunque adesso no posso riferirghe gnente perch el principal me ga ordin de andar subito in Pretura che iu no pol parlar. (esce)-(anche Momolo esce).
Felicita - Ah, xe per star solo co a so bea cliente chel manda el zovane in Pretura.
Giovanna - Cossa, mama, ti o credaressi....
Felicita - Co un omo no ga a religione el xe capace de tutto, anca de inganar, de tradir so muger.
Giovanna - No mama; no stao dir gnanca per scherzo, che me vien i fumi al soo penzarghe.
Felicita - Varda, varda to maro! Varda ela come a sta sentada su a poltrona. Co le culate in mostra.
Giovanna - Ah! Mariavergine! Vesta in quel modo? Ma xe una squinzia.
Felicita - Forestiera. Varda to mario cossa chel ghe tira i oci!
Giovanna - A lo abrassa, e adesso a se cava na scarpa!
Felicita - E to mario el ride. El se a gode!
Giovanna - E adesso a se ga cav anche staltra scarpa! Ah, mi doboto vago dentro e ghe tiro el colo a tuti do.
Felicita - No, che alora saria fino el divertimento.
Giovanna - Ti ghe ciami divertimento? Ah, a ghe ga d un baso!
Felicita - Sito (Xestu) convinta adesso? Dirtu ancora che to pap e to mama i xe dei visionari?
Giovanna - No, no. Ti ga razon mama. No vogio star in sta casa un minuto de pi. Torno da ti mama, e doman separazion e divorzio!
Felicita - Andemo!
Giovanna - Speta mama, perch se no me sfogo, mi sciopo. Infame, traditor! canagia!! (prende un vaso e lo tira di l)
Felicita - Speta che me sfoga anca mi! Infame! Traditor! Ciapa fiol dun can!!! (tira un altro vaso di l).
FINE ATTO PRIMO
ATTO SECONDO
In casa di Momolo e Felicetta (Tinello) - Schiaccianoci
SCENA PRIMA: Felicetta, poi Momolo. (Felicita seduta)
Momolo - (entrando) Come vala?
Felicita - Adesso a xe quieta, a dorme.
Momolo - Xeo sta un strasso de svenimento che ghe ga ciap?
Felicita - Xe el secondo che ghe ga ciap anco. A Giovanna a me ga confid che a va sogetta a sti svenimenti perch a xe.....
Momolo - Ah! Gravia!
Felicita - Eh! Che parole!
Momolo - Dir: incinta.
Felicita - Gnanca.
Momolo - Come se ga da dir?
Felicita - E si che un letterato come ti, dovaria saverlo.
Momolo - Ah, go trov. In stato interessante!
Felicita - La scoperta dellAmerica. Se dise: mama. E mi e ti saremo noni. Quea canagia de nostro znaro, co un inosente che ga da vegner al mondo el ga el coragio de tradir so mugr in casa.
Momolo - O gavesseo fato fora de casa, pasiensa.
Felicita - Cossa ti voressi dir?!
Momolo - Digo, che per rispetar a maternit, se proprio el voeva torse un capriccio, el podeva far un viageto...Perch lomo xe sempre omo.
Felicita - Che omo! Che omo! Ti me ga (Mastu) mai tradio ti in casa e fora casa?!
Momolo - Mai!!!
Felicita - Perch ti ti xe un omo moral. Ma quel framassn de nostro zenero...el ga razn che a Giovanna xe troppo bona, perch se fusse stada mi al posto suo....
Momolo - Cossa ti gavaressi fato?
Felicita - Eh, so mi cossa che gavaria fato (Momolo ha un capogiro) Cossa ti ga (gastu)?
Momolo - I xe certi giramenti che vago sogeto da quando so torn da Roma.
Felicita - Parlemo dei giramenti dela Giovanna. Intanto bisogna farghe causa a nostro znaro per otegnir una separazion. No vogio che mia fia staga pi co quea canagia.
Momolo - Me consultar co lavocato Brisila. El xe dei nostri. El a ga suso co nostro znaro perch el ghe ga rob tute e megio cause.
SCENA SECONDA: detti, Veronica e Filomena.
Veronica - Compermesso?! (entra con la figlia)
Felicita - Oh! Siora Veronica.
Veronica - Siora Felicita, benedeta, bongiorno.
Felicita - Cara Filomena, vien avanti: bela.
Veronica - Oh, el xe qua anca iu sior Momolo, che santo omo. Siora Felicita, me permetea de darghe un baso a so mario?
Felicita - Si, si, a se figura...
Veronica - E alora qua sior Momolo (mentre lo bacia).
Momolo - Ve dispenso cara.
Veronica - Dala morte del povero Intochi, mio mario, no ghe xe omo che possa vantarse de essar sta bas da mi...
Momolo - (E lavvocato Brisiola?)
Veronica - Ma iu merita che perda a vergogna, e mi a perdo. Anca ti Filomena daghe un baso a sior Momolo. Ma su a man - Xe per el so libro, per la so storia.
Momolo - E o gav leto, Veronica?
Veronica - Nol me ne parla! Al capitolo del martirio no gavemo fato altro che pianzer. No xe vero tesoro?
Filomena - Oh si. Una valle di lacrime!
Momolo - No fasso per dir, ma me xe riuscio un bel capitolo. La vergine Intochi viene immersa nella fontana, mentre la vedova genitrice, Intochi anca ea, viene sgnacata per terra.
Veronica - Sublime! El ne ga immortal sto omo! Mi torno a perder a vergogna e me o baso unaltra volta. Oh, a proposito, I me conta cari lori: ma xe vero o no quelo che se dise in Domo?
Momolo - Ah, perch in Domo za se dise?
Veronica - Tuto, o piuttosto, mi no so gnente perch a signora Bvolo, capitada a tor a perdonanza, me o ga cont in un modo, mentre a signora Brandlise, che se confessava, ghe lha cont in un altro ala Filomena. La signora Menegazzi po, che gera l anca ea, a me ga dito che ea e so fia e ga visto so znero che se basava co na squinzia milanese, che e se meso zigar da a rabia, e intanto che a squinzia se la mocava el ga d un saco de bote a so muger, e che a gavaria anca copada, se in quel momento no fusse piovuo dal cielo San Piero: tuto vestio de zao, con le ciave del paradiso in man.
Momolo - Mi me par che sia "un fi una esagerazion. San Piero no o gavemo visto.
Felicita - Mi no go dito che sia vegnuo San Piero in persona. Ma go dito che xe sta certo un miracolo de quel santo se no xe nato qualcosa de peso. Ma me a spiego. La siora Bvolo che xe tanto bona...
Filomena - Una santa! sempre in estasi a xe!!!
Felicita -...la gavar capio mal. Sentimo adeso come la signora Brandlise, ghe lo ga cont ala Filomena.
Veronica - Su, dai tesoro.
Filomena - Eco. A me ga dito, che intanto che ea, siora Felicita, e a Giovanna, discoreva in tinello, e xe ste ciape par man da un angelo che no se vedeva, ma che se sentiva, perch el ga dito:"Donne non ciacolate pi, e guardate dal buso di quela serratura!". Alora e ga visto la squinzia che abrassava Iavvocato, a lo basava mi no so quante volte, infin che I angelo, persa a pasiensa, el ga but do bombe in casa.
Pin! Pum! Pam!
Veronica - Pin, Pum, Pam?! Ma, alora, le gera tr!
SCENA TERZA: detti, Sparagno e Gigi.
Sparagno - (entrando) Xe vero che quel framassn de vostro znero, per a rabia de eser sta cuc co na cocota olandese, el ga but dal balcon a povera Giovanna, che a gera in tre mesi?
Felicita - Ma no!!
Sparagno - Manco mal. Cossa vienstu contarme ti, aseno! (a gigi)
Gigi Spar. - Me o ga dito el maestro Semensa, sonando Iorgano, intanto che ghe tiravo su e zo i fi.
Veronica - Ah, le solite insinuazioni delle malelingue pettegole!
SCENA QUARTA: detti, Brisila e Dell Acqua.
Brisiola - Compermesso! Compermesso!
Momolo - Avanti, avanti; i capita giusto a proposito.
Brisiola - Feme giustizia! Feme giustizia! Morta, morta sul colpo!?
Momo.e Feli. - Chi?!
Brisiola - La povera Giovanna.
Tutti - Ehhh!!!
Brisiola - Ma, xe o no xe vero, che quel brigante de vostro znaro, per esser sta sorpreso co una cocota(costantinopolitana)turca, el ga tira tr colpi de pistola ala Giovanna che a gera in tr mesi?!
Momolo - Ma no!
Brisiola - Ma sorpreso co lafricana si?!
Momolo - Eco: el xe sta sorpreso co una signora che no savemo gnanca chi che a sia. Ma a Giovanna a xe de l che a dorme. In tr mesi, ma viva.
Brisiola - Me dispiase. Miga per ela puarta, ma per iu, quea canagia, perch questa gera a volta bona che o mandavimo drito drito in galera. Ma me resta tanto tanto in man da farghe un processo di separazione. E ghe o far, spero.
Momolo - E in tute le regole. Qua ghe xe carta, pena e calamar.
Brisiola - E, alora, tuti intorno a mi per darme gli estremi.
Sparagno - Quali estremi?
Brisiola - I dati particolari del fato: del "flagrante adulterio".
Veronica - Avocato, go qua la putla.
Brisiola - Quai xe dunque i testimoni oculari del fato?
Felicita - Mi, intanto.
Brisiola - Ea no xe valida.
Felicita - Alora a Giovanna.
Brisiola - Manco che manco, perch ghe vol do persone che no sia de famegia, e che gabia visto coi so propri oci quel "flagrante delitto di adulterio".
Veronica - Avocato! a putelaaaa!! ! !
Brisiola - La lassa star la putelaaaa!! ! !
Felicita - Ma no ghe semo che mi e a Giovanna che gabia visto. Alora come se fa?
Brisiola - No se ne ghe fa gnente. Perch a causa xe persa ancora prima de scomisiarla..
Felicita - Persa? Ah, Momolo........
Momolo - No aver paura. Preghemo qua, sior Simon Sparagno e Gasparo Dell' Acqua che i giura de aver visto co i so oci, e cussi gavemo vinto. Ghe steu voialtri?
Sparagno - Mi si.
Brisiola - Ma no ghe stago miga mi. Perch se el tribunal se acorze che i xe testimoni falsi, lori i va in galera e mi ghe vago drio.
Momolo - E alora?
SCENA QUINTA: detti, poi Alfredo
Felicita - Momolo, Momolo, xe qua nostro znaro. El vegnar per tor a Giovanna.
Momolo - Qua, meteve tuti davanti a sta porta, e fmose copr a uno a uno prima de lassarlo passar!
Gigi Spar. - Mi no che no me faso copr. No so miga sempio!
Sparagno - E sel xe arm?
Momolo - Go qua sto manganeo (prende un bastone).
Alfredo - Oh, varda, varda! Tuto el pelegrinaggio.
Momolo - Sior si, quasi tuti, e se xe per recuperar a Giovanna che xe vegnuo, prima de arivarghe, dovar pasar sul mio corpo.... e p su queo de sti venerandi pelegrini.
Alfredo - Ah stupendo! Me par el quadro de "I martiri cristiani". (ride)
Tutti - El ride?!
Momolo - Ve ripeto che se xe qua per recuperar a Giovanna ve sbagli. A Giovanna xe morta per vu!
Alfredo - El varda invese che no a gabia da morir per lori! E che no a finisa per perderghe una bona volta parte del so amor.
Felicita - Cossa credeu che sia a Giovanna?
Alfredo - La Giovanna xe na tosa de buon senso e de cuor, che se lassa scaldar a testa da lori, qualche volta, ma dopo a se pente, a ripara e a fa..
Tutti - Cossa a fa?!
Alfredo - So mi queo che a fa.
Felicita - Coccodrillo! El voria darme da intender che el ghe vol ben ala Giovanna?
Alfredo - Mi? L'adoro!
Momolo - E quea squinzia?
Alfredo - Quea xe un altro per de cotole, caro sior Momolo.
Momolo - Intanto restitu a dote; per el resto se vedemo in tribunal.
Alfredo - Tribunal, restituzion de a dote? I lassa che rida mi adesso.
Felicita - Basta Momolo, manda via quel framassne!
Momolo - Oh! Alora, ogni bel balo stufa e per coseguenza: STOP.
Alfredo - Che vuol dir: basta.
Momolo - Si! Che se no and via co e bone, mi adoperer un certo argomento! (gli fa veder il bastone).
Alfredo - Questo p no! E za che el vol usarme sta prepotenza, mi ghe dir una certa paroleta su na recia che ghe far cascar quel baston da a man e che lo ridur, cus obediente ala mia volont, che se me saltasse in testa de farghe cantar, cosa sogio mi, l'inno di Garibaldi, iu me o cantaria subito.
Tutti - (ridono)
Alfredo - I rida, i rida! Ma a mi, de sto cavalier preconizzato, martire proto, me xe salt in testa de farghene un liberale, anzi un rivoluzionario. Vorlo vegnir a sentir quea paroleta?
Felicita - Atento sa, Momolo!
Brisiola - Atento al revolver!
Sparagno - Ocio al corto!
Momolo - Go sto manganeo.
Alfredo - Se sentelo a tremara ne le gambe?
Momolo - Tremar mi, che no go trema in piazza Navona? Figuremose qua. Ain, svai, trae: Sprechen!
Alfredo - El me diga: gao conosso a Roma, una certa Lory Zimmermann?
Momolo - Ah! (sviene)- Gnente, gnente! St indrio. Adesso sento sto discorso ch'el me fa e poi vedremo, (piano ad Alfredo). Si, si, ma ve contar, per carit, che mia muger no sapia.
Alfredo - Se ricordalo de averghe sottoscrito a sta signorina, una obbligazion de matrimonio?
Momolo - Si, si. Ma bisogna che ve spiega.
Alfredo - La signorina Lory a vol farghe causa e a se ga rivolto a mi. In man de un altro avocato saria nato uno scandalo da sepelirlo vivo. In man mia, invese tuto sar meso a taser e lo salvar.
Momolo - Pare, quasi quasi, che abbia ragione lui...
Alfredo - El serca un pretesto invese, el cora subito a casa mia, perch go fiss un appuntamento fra iu e la signorina Lory.
Momolo - Come? a xe qua?
Alfredo - Su andemo nol sia scaturio. El rida
Momolo - No posso.
Alfredo - El rida, se n squaquaro tuto.
Momolo - (ride forzatamente)
Alfredo - E adeso el canta.
Momolo - Cossa?
Alfredo - Un tocheto de l'inno de Garibaldi'.
Momolo No, i me copa.
Alfredo - El canta, se no squaquaro.
Momolo - "Si scopron le tombe, si levano i morti..."
Tutti - (gran meraviglia e sdegno)
Alfredo - E adesso ziga forte: "Viva Roma! Capitale d Italia!"
Momolo - No, che i me scomunica!
Alfredo - Squaquaro
Momolo - Clemensa!
Alfredo - Alora el ziga ben forte: "abasso i pelegrini!"
Momolo - No, no! Questo no!
Alfredo - Squaquaro!
Tutti - No, Momolo, no!
Sparagno - La fede Momolo, la fede!
Momolo - Non c' pi fede!
Brisiola - La religione!
Momolo - Non c' pi religione!
Alfredo - Abasso i pelegrini!
Momolo - Abasso i pelegrini!
Veronica - Eretico! Fedifrago!
Tutti - Eretico! Apostata.
FINE ATTO SECONDO
ATTO TERZO
Salotto in casa di Alfredo (Valzer Strauss)
SCENA PRIMA: Giovanna sola, poi Alfredo.
Giovanna - Gnente! No me xe riuscio de trovar gnente! Se podesse trovar qualcossa qua in sti cassetti! Ma che! Atti carte, carte e atti....
Alfredo - Ah! brava, cossa faa de beo? a me diga a verit.
Giovanna - Eben si, Alfredo, t o dir. Sta matina co son scampada da casa de mia mama per vegnirte a domandar una spiegazion, ti ga savesto parlarme cuss serio, cuss sincero, che me gero ricredua sul conto de quea signora(tizia): ma apena ti xe and via xe ritornada la gelosia, el dubio, a tormentarme I anima.
Alfredo - Ghe semo.
Giovanna - Si, ghe semo! ghe semo! Go pens che ti ti xe un bravo avocato, e che i bravi avocati sa imbrogiar el prossimo
Alfredo - Go capo. Bisogna che t fassa un altro discorso.
Giovanna - No, gnente discorsi. Dime invese: cossa xela vegnuda a far qua quela signora?
Alfredo - Quea signorina xe una tedesca, arivada stamatina all' Albergo Belvedere, a ga domand de un bon avocato per far una lite a so moroso; l' albergator, che me conose, la ga mandada da mi.
Giovanna - E ti per star solo co ela, ti ga mand in Pretura l zovane.
Alfredo - E gi, qualchedun bisognava che andasse in Pretura, intanto che quela signora....
Giovanna - Ma quea signorina t ga d una carta.
Alfredo - Scometto che xe quea che ti sercavi?!
Giovanna - Appunto quea. El corpo del delitto. Ma no a go trovada.
Alfredo - Perch a go in scarsela.
Giovanna - Damela!
Alfredo - Ferma!
Giovanna El baso! Percossa a t ga d quel baso!?
Alfredo - Perch vedistu... interessandome che el so afar no andasse in tribunae, a me xe saltada co i brassi al colo, e a me ga da un baso a la venexiana.
Giovanna - Ma se a xe tedesca, come poa basar a la venexiana?
Alfredo - Quee xe done che sa basar in tutele lingue! E p ghe gavar insegn so moroso che xe un marostegan.
Giovanna - Ti insisti a dir che quea signora no xe a to amante, ma mi insisto nel dir che a lo xe. Me o sento dentro che a lo xe.
Alfredo - Oh che paziensa, che paziensa! Vien qua; t far un giuramento.
Giovanna - Su cossa?
Alfredo - Su quel bambin che nassar fra sie mesi...
Giovanna - No! Mi sento che morir prima de alora! Perch sto dubio, sta smania, sto inferno che go nel cuor me mandar al creator molto presto.
Alfredo - Ma cossa gogio da far per convinserte?
Giovanna Mostrime quea carta che t ga d quela signorina.
Alfredo - Ah no!
Giovanna - Vedistu? se no ghe fusse gnente soto, ti me a mostraressi.
Alfredo - E alora lezi. Sfoghite, e dopo fame ancora de ste scene de gelosia.
Giovanna - Cossa? Ma questo xe el carattere del pap! Cossa? El pap gavaria promesso a Roma de sposar quea.....
Alfredo - In carta bolata!
Giovanna El pap xe el moroso de quea porsea? Iu, tuto devozion, tuto.... Ohh, povera mama!
Alfredo - Alora semo intesi; gnente pi gelosie.
Giovanna - No, par anco no.
Alfredo - Come par anco?
Giovanna - Ti capir anca ti, che se ghe a fa a so mugr i omeni veci come el papa, figurite quei zovani.
Alfredo - Ma to pap xe sta ciap in trapola!
Giovanna - Ma ti lo liberar ti, no xe vero?
Alfredo - Bn, adesso va a spasso che a momenti el xe qua. E semo intesi, gelosie basta, basta, basta.
Giovanna - Eh... basta, par anco basta! (esce)
SCENA SECONDA: Alfredo poi Momolo
Alfredo - Adesso sto vecio birbante, me o manipolo mi.
Momolo - Scusme se me son intardig, ma per la strada le gambe me faseva giacomo giacomo e go dovesto andar a bever un biciarin de graspa. A casa mia go stent de cantarve l' inno de Garibaldi, ma qua, se vo, ve canto anca la Traviata.
Alfredo - El diga piutosto, xeo pentio de tute le insolenze che el me ga dito?
Momolo - Altro che pentio!
Alfredo - E mi go promeso de salvarlo, e lo salvar. E anca questo xe Vangelo
SCENA TERZA: detti poi Giovanna,
Giovanna - Buongiorno pap.
Momolo - Qua ti xe, fia mia?
Giovanna - Si son qua perch mi no posso star lontana da mio mario, e o go perdon. Alfredo p me ga fato capir che no ghe xe gnente de vero de tuto quelo che la mama voeva farme creder....
Momolo - Ti ga rasn. No crederghe a to mare, che a xe una visionaria.
Giovanna - Una volta nol parlava cuss.
Momolo - Una volta, ma adesso. To mario xe un gran galantomo.
Alfredo - Che onor da a so boca.
Momolo - El xe la perla dei mariti; tintelo caro.
Giovanna - Si, me lo tengo proprio caro; perch al d de anco xe diffisie trovar un mario modelo, perch.......Cossa gastu?
Momolo - Vado sogetto a dei giramenti.
Giovanna - Come mi.
Momolo - No come ti. No son miga in tr mesi. Me xe and mal un certo afar. Spero che to mario me o tacona.
Giovanna - Si, si sta tranquillo, che in man de Alfredo andar tuto ben.(piano ad Alfredo) Ti me contar, adesso vado, tornar fra un oretta.
Arrivederci pap. Ti me par sbatuo (esce)
Scena quarta: Momolo e Alfredo
Momolo - Ti ghe ga dito qualcossa?
Alfredo - No, no go dito gnente. Doboto sar qua a signorina Lory.
Momolo - A vien qua?!
Alfredo - Su, su, coragio! Bisogna che mi senta anca staltra campana.
Momolo - Semo soli?
Alfredo - Si, a Giovanna xe andada via, e a servit xe da staltra parte de a casa. E adesso el se senta, e el me conta quelo che xe sucesso a Roma. Tutto!!
Momolo - Ti ga da saver che ariv a Roma, per darme una certa importanza come capo del pelegrinaggio, son and ad alogiar all Albergo "Alla citt di Berlino": Zum-Stadt-Berlin, e quela sera che gavevo imbarc a Felicita e i altri pelegrini de Marostega, e gero resta solo, xe vegnua a sentarse visin de mi, sta signorina Lory. E cuss, da una parola a Ialtra, se ga fato una specie de conoscenza; che andando avanti xe devent quasi amicizia.
Alfredo - Ma nol ga pens de domandar informazion al parn dell Albergo?
Momolo - Speta. Dopo tre o quattro giorni, che a veniva sentarse al tavolo visin de mi, una sera me son acorto che a me faseva de ocio col pie soto a tola. Dei caro, se imbarchemo mal, digo mi.
Alfredo - E nol se ga subito insospetio?
Momolo - Ti pol imaginarte. Me son inform e i me ga dito che a gera una dama viennese.
Alfredo - Caspita!
Momolo - Si, de quele che sona el violin nei caf. Alora mi go serc de molarghe, far finta de no vederla, no saludarla pi. Ma pi che ghe molavo, pi a sercava de tornar a tacar boton. Ti ga da saver che le finestre dele nostre camare, le gera una de fassa a l altra su lo stesso cortil; apena mi versivo la mia, tchete a verziva a sua. E l: "Gute morghen mai libe her" e mi per creanza:"Gute morghen main liber froile". No te digo po' da quel balcon cossa no a me mostrava...
Alfredo - E iu se montava a testa, ah!?
Momolo - Ti pol imaginarte, me vegniva suso le fumane. No t digo cossa che no go pens davanti a quee tentazion!
Alfredo - El doveva ricordarse de Sant' Antonio.
Momolo - Una sera che gero in camara mia per finir de scriver a storia del pelegrinagio, sento bater a porta. Vado a verzer e a gera ea. Tuta vestia de bianco trasparente; col violin in man. "A vien dentro de tuta furia disendome che a se gera spaventada perch in camara sua ghe gera un sorzeto. A gaveva paura del "sorzeto". a se senta sul sof e l... tra una sonada e staltra....
Alfredo - Go capo.
Momolo - No t digo cossa che no a me xe costada. E le figure che a me faseva far. A me presentava da partuto come el so fidanzato.
Alfredo - E za, perch iu gaveva d dar intender che el gera scapolo.
Momolo - Ma senti el resto. Una de le ultime sere, a me dixe che ghe xe de passagio per Roma el so fradlo, un certo Franz, e a vol che fasemo conosenza e che andemo a disnr insieme da un certo Melafumo a Pontemolle, che xe nel logo dove Massenzio ga avuo quea gran battaglia e...
Alfredo - E a Costantino ghe xe aparsa a crose in cielo con le famose parole "In hoc signo vinces". E infati iu ga vinto.
Momolo - Ma mi go perso. Andemo da sto Melafumo e ariva sto Franz, un toco de omo che no t digo, co una barba.. una barba? Quela gera un covon de pagia seca! El remenava per le man un baston!....ma che baston, quelo gera un mezo fighr. Apena fato conosenza el ga volesto darme un baso a tuti i costi...che schifo
Alfredo - Se usa in Germania.
Momolo - Ah, se usa? me fa schifo lo stesso... Se metemo a tola, e magnando e bevendo i me fa ciapr suso una piomba, ma una, piomba da far epoca. E quando che i me vede ben imbriago, i tira fora carta pena e calamar e i me fa firmar I obligazion.
Alfredo - Ah ben! Imbriago fin che el vol, ma desmentegarse de aver spos a siora Felicita, a xe grossa.
Momolo - Bravo! No me a so ricordada mai tanto come in quel momento! Ma metite nei me panni, solo, imbriago, lontan da Roma, coa Lory che se no ti fa quelo che a vol a t sgrafa come una gata...e co quel fradlo che remenava quel baston; me son ricord perfin de Costantino, e go vard in alto, ma no go visto gnente e go firm.
Alfredo - Questo xe un truco combin da a dama vienese per cavarghe dei soldi. Robe da processo.
Momolo - Dopo son and dal diretor dell albergo e ghe go confid tuto. E iu m' ha dito: "0h, e xe cose che sucede tuti i giorni; intanto el ghe paga el conto dell albergo, e po' el ghe scriva una letera dixendoghe che tutto ga da essar finio, chel xe marid; el ghe meta dentro 200 franchi e quela xe beata e contenta".
Alfredo - Invese a signorina Lory no a xe n beata, n contenta; a xe vegnua qua a Marostega e a domanda 100.000 franchi per spese e danni.
Momolo - Come fasso? 100.000 franchi! Un terzo del mio patrimonio senza che a Felicita se ne incorza.
Alfredo - Nol gabia paura, son qua mi per salvarlo. Quando vien a signorina Lory el se fassa veder disinvolto; el ghe diga che se a Roma el gera un agneo, qua el xe devent un leon; che el ga sporto controquerela per I afar de Pontemolle, ma sicome ghe dispiase veder andar in galera una donna, cussperch a ghe restituissa l' obbligazion, iu xe disposto ad un ultimo compenso. El ghe daga per esempio, 5.000 franchi. Le galo in scarsela?
Momolo - No, ah si! Go quele de a fabriceria de San Giacomo...ma..San Giacomo pol spetar.
SCENA QUINTA: detti poi Lory
Lory - (da fuori) Ghe xe dctor?!
Momolo - A xe qua!
Alfredo - Su, su el se mostra ardito, Fumelo? El toga sto sigaro. El fuma. El ghe diga che qua el xe devent un leon.
Lory - Guten tach, main her dctor. No ghe xe paura ti pombe como stamattine?
Alfredo - No, no gnente bombe. A vegna vanti.
Lory - Oh! Momlo! Du bist ein svain, Momlo!
Momolo - Indrio, indrio, no femo pagiassae, no semo miga a Roma.
Lory - Fiol ti can, ti mi ga promesso ti mi sposar co foglio ti carta, e dopo ti ga moglie.
Momolo - Eh, ghe ne discoraremo de quela carta!
Lory - Ti ga porta glden? Per spese che mi go perso Ionor...
Momolo - Qualo onor? Quelo de to nona?
Lory - Ti ga port florn?
Momolo - Nain, nain, nicht. Al massimo un sesto de sarese.
Lory - Nain! grosssel, farflcter, svin.
Alfredo - Ma signori, se i continua a parlar in patatuco no se intendemo pi.
Lory - Ja, ja dctor, cipa (lo bacia). E ti Momlo nichz.
Alfredo - Sior Momlo, vdela, xe uno de quei veceti birbanti, come che xe tanti da le nostre parti, che a l aparenza i par santi, ma po' i ghe ne fa pi del diavolo.
Lory - Ja, doctor! fiol ti can!
Momolo - To pare.
Alfredo - Mi o go mand a ciamar, go dito quelo che a vol far se iu no paga, ma...ghe xe un ma. Sior Momlo dise che a obbligazion de matrimonio ghe xe stada estorta a Pontemolle, dove che ela lo gavaria imbrogi ben ben, e che un certo so fradlo Franz lo gavaria minaci co un baston.
Lory - Como ti conta? E no ti ca prov fergogna?
Momolo - No ghe xe vergogna che tegna. T mandar mi a sonar el violin in un serto logo....
Lory - Como?
Momolo - No Como! A Portolongone!
Lory - Cossa dize? No capisso. Iu fa cossa a mi?
Alfredo - Appunto signorina. E se I afar de Pontemolle sta veramente come conta sior Momlo, ea no se a cava co manco de diese ani de galera.
Lory - Diese ani mi! Con galera ti?
Momolo - No mi, ti in galera!
Alfredo - A senta signorina. A I avocato bisogna contarghe tuto, come al confesor. L afar de Pontemolle xelo proprio come che dixe sior Mmolo?
Lory - Ja, doctor, como ga cont Mmolo.
Alfredo - E alora a me scolta mi: a ritira a so querela, a serca de cavarghe qualche altro soldeto e a parta subito da Marostega, perch podaria esser spic mandato de catura, e alora i xe proprio diese ani.
Lory - De galera ti? Fiol ti can ti fecio! Roma ti gera cusscomo si dize per bocca italianaimbezzil!
Alfredo - Vorla che trata mi?
Lory - Ja, dctor, trata ti; quando no se pol ciapr tanto xe megio ciapr poco, ma ciapre. (dandogli a carta)
Alfredo - Dunque, sior Mmolo, la signorina Lory xe disposta a restituirghe a so ultima tetera e I obligazin a pato che el ghe daga un ultimo compenso. Cossa xelo disposto a darghe?
Momolo - Venga prima l obbligazione e l epistola che me compromete, e poi mi pronuncer. Qua no semo miga a Roma. Roma caput mundi e Marostica secundi.
Lory - Cipa, fiol ti can ti vecio, e cipa anca pistola.
Momolo - E questi xe 100 franchi, e che a vaga
Lory - Nain, nain! Ferfluchter!
Alfredo - Andemo, sior Mmolo, el a fassa da grando; el ghe daga altri 5.000 franchi e che a sia finia.
Lory - Ti preche, mi dar como dise doctor, Mmolo: tua Lory che preche, tua Lory che pianze!
Momolo - Vedistu? A Roma vinti volte al giorno a me faseva ste scene, e mi: zo petolne da sento.
Lory - Mmolo, ti vol che mi torna co violin? Ti far ultima sonadina? E quanto a ti per disturpo, doctor?
Alfredo - Gnente, gnente; gratis.
Lory - Danche! Ti vol aine claine css?
Alfredo - Cossa dixela?
Momolo - Se ti vol un baseto.
Alfredo - No, no una streta de man basta.
Lory - Danche. E ti Mmolo, ti vol ultimo baso da tua Lory? Mi speto......mi speto.....
Momolo - Go speso 5.000 franchi e mi ghe o dago!
SCENA SESTA: entrano di botto tutti gli altri.
Lory - (scappando) Pombe! Pombe!!
Felicita - Creature, me manca le forze! (sviene)
Momolo - Se ghe manca le forze , bote no ghe ne cipo.
Felicita - Ma me le torna, sento che me le torna!
Momolo - Alora le cipo.
Felicita - And via tuti e laseme sola co sto garibaldin!
Brisiola - Gav rovin el partito! Prepareve a dar le dimission da tute le vostre cariche, ghe pensar mi a farme eleger in vece vostra. Apostata! (esce)
Sparagno - Dice il Vangelo: Scandaloso, tacarse co na tedesca come se a Marostega no ghe fusse..... si digo,...mancasse.....Oh, che scandalo!!! (esce)
Momolo - Dice il Vangelo: Chi senza peccato scagli a prima pietra!
Veronica - Mi son proprio senza, e podaria scagliarvela. Ma gav scrito el capitolo de "L' immersione" e....dir 100 pater, 100 ave, 100 gloria. Xe tuto quelo che posso far per vu, sior vergognoso, scandaloso, sporcacin!! (esce)
Alfredo - Xela proprio senza pecato, la siora Veronica?
Momolo - Bisognaria domandarghelo all' avocato Brisiola. (Felicita si alza tremenda) - Eco la valanga!
Felicita - Dunque a Roma ti t' ha desmenteg de averme spos e ti ga firm un' obligazin de sposarghene un' altra!? Ma adesso sta povara dona sa tuto, e perch no t vegna a vogia de tornar via da novo, a te cavar el naso a furia de morsegoni! Gav razon Alfredo, iu xe un galantomo, e me buto anca mi da a parte dei liberali; e per farghe dispeto a quel....(puttan)...me metar a far a cocta anca mi. Intanto mandar subito casa a Giovanna.
Scena ultima: detti poi Giovanna
Giovanna - Nodisturbarte mama, perch so qua.
Felicita - Gastu sentio, ah?!
Giovanna - Go trov a siora Veronica che me ga cont tuto.
Felicita - Giovanna, resta pur co to mario; ch' el xe un liberal, si, ma el xe un galantomo. Mentre quel gesuita sporco xe pi vizioso del cavao de Gonla.
Giovanna - Perdonighe mama.
Alfredo - Si, si, el ghe promete che nol lo far pi.
Felicita - D' ora in avanti o tegnar mi de ocio. Intanto doman partiremo per a nostra villa de Cornuda. E l, purgar i vostri peci, giorno....e note. Fiol ti can ti vecio! Te dar mi l' ultima sonadina! (esce co Giovanna)
Alfredo - Andemo, sior Mmolo.
Momolo - Se ti savessi che rassa de sonadina che a vol darme!
Alfredo - Cossa?
Momolo - A ga giur che.....
Alfredo - Nol ghe bada, sior Mmolo. El vedar che adesso a tola a tegnaremo allegra, e dopo aver bevuo tre quatro goti de vin bon, a finir anca ea col cantar insieme a noialtri "Si scpron le tombe....."
Act Est Fabula.
La Commedia finita!
FINE DELLA COMMEDIA
- Questo copione è stato visto: