Il cantante

IL CANTANTE

Impresario.- Ma possibili ca propiu a sira do spettaculu ddu sceccu di cantanti shava fari veniri u duluri di cannarozza? E ora comu fazzu?

Passante.- (passa casualmente, canticchiando una canzone)

I.- Varda varda, ca forsi u truvai a unu parrisolviri a situazioni... Senta, mi scusi, lei chi fa canta?

P.- (colto di sorpresa) Certu ca staiu cantannu, picch non si po?

I.-No, anzi lei la mia salvezza, si non fussi ppi lei oggi era arruvinatu...

P.- Ma chi ca voli diri? Iu stava passannu di cca ppe fatti mia e basta, arrivederci!

I.- No! Non sarrisicassi! Si si ni va sugnu persu, non dissi ca canta?

P.- Stava cantannu ppe fatti me, ma lei chi voli di mia?

I. - Mascutassi: stasira hava a fari u spettaculu ma u cantanti sarrifriddau, malanova di iddu, e non po assolutamenti cantari, ora si lei capaci di cantari, dicu, la qualsiasi cosa non mintaressa, mi canta lei o postu so, accuss lei addiventa famosu e iu non ci appizzu a sirata, chi ci ni pari?

P.- Famosu? (si pavoneggia)

I.- Si capisci.

P.- (speranzoso) Chi luci, u fumu, i genti ca si scippunu i capiddi ppi mia?

I.- Certu!

P.- Appoi mi fermunu ppa strata e maddumannunu lautografu?

I.- Certamenti!

P.- (improvvisamente serio) E poi a postu do bilgiettu mi ci nficcunu ocche cambialim iu ci a firmu senza ca mi naddunu e marruvinu pi tutta a vita? No nenti non si ni parra!

I.- Ppi favuri non mi lassassi nte trafichi, facemu ca lautrografi non ci ni firma

P.- E nenti fumu ca mi fa accupari...

I.- Nenti fumu certamenti

P.- Per i capiddi ppi mia si lhana scippari!

I.- Si capisci, tutti tignusi arrestunu...

P.- Mi piaci! Affari fattu. Quannu accuminciamu?

I.- Subbitu, ca fra deci minuti accumincia u spittaculu!

P.- E allura mittemu manu, chi ci cantu?

I.- Ca zzoccu voli cantari canta, aspetta ca ci pigghiu u microfunu, lei si priparassi na canzuna per giovani, una di chiddi ca smovunu macari i bbalati di nterra (va a prendere il microfono e lo piazza)

P.- Na canzuna ppi giovani? (riflette) Ah u sacciu, ni sacciu una ca na meravigghia...

I.- (sistemato il microfono) Allura prontu ? Sutta cu ssa canzuna...

P.- Per giovani...

I.- Per giovani, si capisci...

P.- (canta) Giovinezza, giovinezza, primavera di bellezza...

I.- Ma chi scimuniu? Chi mi canta i canzuni di Mussolini? cca ci voli na cosa per giovani, u rock, u rap, u funky...

P.- Ma ci sunu cosi ca si mangiunu?

I.- E la musica dei giovani!

P.- E iu non ni capisciu nenti...

I.- Ma facili, basta ca ci duni mpocu di ritmu, tannachi anticchia (gli mostra come fare) e macari na canzuna vecchia ddiventa rock, avaia, provici, mancu una ni sai canzuna a memoria?

P.- Vabb, una a sacciu

I.- E forza, avanti.

P.- (canta) Vitti na crozza supra nu cannuni...

I.- Ma chissu chi rock? Lassamu perdiri a canzuna, ma ti dissi ca ci voli ritmu, tannacari tuttu, allura e genti non ci pari bella a canzuna...

P.- (esegue, pi male che pu le indicazioni dellimpresario, sempre cantando Vitti na crozza)

I.- Mutu, mutu ppi favuri ca si continui nautra anticchi a si sdurrubba u palcu, nenti pruvamu ccu rap, u sai zoccu u rap?

P.- No mai lha ntisu diri

I.- U rap avaia, scrittu R.A.P, rap (pronuncia allitaliana)

P.- A si u capii, ma ancora non ura...

I.- Comu non ura?

P.- I rappi, i rappi da racina. Ca ancora ppi farisi i rappi di racina ci ni voli tempu...

I.- Ma quali rappi di racini, u rap na manera di cantari. ca nveci di cantari giustu comu si devi canti tutti cosi di seguitu, nmpurugghiati, ca chi picca si ci ni capisci e megghiu . U capisti? Per esempiu nveci di diri lasciatemi cantare, con la chitarra in mano(cantato correttamente) si dici Lasciatemi cantare, con la chitarra in mano (con stile rap) u capisti?

P.- Ah si u capii, ora ci provu. (ricomincia a cantare vitti na crozza con andamento rap, al peggio che pu)

I.- Mutu mutu ppi carit ca si ti sentunu cantari daccuss ni dununu chinnicianni allunu per associazione a delinquere, nenti non si cosa completamentidi cantari ... ntantu u tempu passa e chiddi da fora aspettunu u cantanti ... comu facemu? ... matruzza bedda... Ah, ah a truvai, u sacciu iu comu facemu (esce di corsa)

P.- Bih e chi ci pigghiau? Pareva bonu finu a nminutu fa,..

I.- (rientra di corsa con un giradischi) Chistu la nostra salvezza! U sai chi ? Un giradischi, ora facemu accuss, ca tempu di perdiri non ci n chi, iu mnettu a motu u giradischi e tu fai a finta di cantari, U capisti? Senza ca ti mpurugghi ca si si capaci a fari i mossi cca vucca arrisulvemu a sirata...

P.- Ma sintissa ssu cosu non mpocu vecchiu? Non cridu ca ni fa ocche scherzu?

I.- Si certu vicchiareddu ma ha funziunatu sempri, chi propriu ora shava spasciari? Avanti mettiti prontu ca ti presentu. (si avvicina al proscenio e annuncia alla platea limminente esibizione) Signori e signore ecco a voi il famoso cantante Ricchy Stambo che vi canter...

P.- (lo interrompe) Senti ma non dicisti ca hava cantari iu, cu chissu ca hava cantari ora?

I.- (dissimulando) Mutu cruzzuni, ca tutti cosi marruvini, tu ha cantari, non ti preoccupari... (al pubblico) Ecco a voi come vi dicevo il famosissimo Ricchy Stambo che vi canter la sua famosa canzone Fanchi Gallo,un applauso ... (va al giradischi mette in moto, fa segnale al cantante di partire, il cantante parte ma il giradischi no)

P.- (si volta verso limpressario) Comu finiuu? Chi fici ci mpinciu?

I.- Zittiti cretinu no viri ca si spasciau u giradisci? Avanti intrattieni il pubblico e viremu comu putemu rimediari...(assesta alcuni pugni sul giriadischi)

P.- (rivolgendosi al pubblico) Signori e signore scusatelo, non curpa so, ca u giradischi non funziona, bonu, iu ci lhava dittu pa virit...iddu non mi vosi ascutari...

I.- (interrompendolo e cercando di dissimulare) Mutu mbecilli, chi mi voi arruvinari ppi daveru? Scusate il guasto tecnico, signori e signore, riprenderemo al pi presto lesibizione, scusate, scusate...

(va al giradischi mette in moto e parte la canzone)

(il giradischi funziona per un po correttamente e il cantante va dietro alla canzone, compresi i versi di animali allinizio, ad un tratto comincia a saltare di canzone in canzone, a rallentare e ad accelerare e il povero cantante ceca di andarci dietro, limpresario cerca a pugni e a morsi di far funzionare meglio che pu il giradische non riuscendoci, alla fine disperato butta il giradischi addosso al cantante, il cantante lo raccoglie e comincia a darglielo in testa inseguendolo fino a fuori la scena)

Questo copione è stato visto: