Arnaldo Boscolo

IN FORZA DELLA LEGGE

(Versione in dialetto veneziano di LOnorevole mia moglie)

Commedia comica in tre atti

Personaggi:

-Maddalena, vecchia governante

-Valentina, cameriera giovane

-Tito, figlio dellonorevole Mardegari

-Onorevole Mardegari

-Lina, moglie di Tito

-Gelsomina, domestica di vicini

-Carmela, domestica di vicini

-Amabile, domestica di vicini

-Carlotta (cancellata), domestica di vicini

-Radio (lapparecchio acceso durante la scena e lo si sente parlare)

-Bonapace, segretario del Sindacato Domestici

Trascrizione dal manoscritto originale e note a cura della

signora Anna Bogo, collaboratrice del Museo Teatrale Casa di Goldoni di Venezia

a cui vanno sentiti ringraziamenti.

Atto Primo

La scena

Stanza di soggiorno in casa Mardegari. Mobili moderni. Specchiera Radio- Telefono - Comune al fondo che d nellantisala - Usci laterali Scena vuota Scampanellata esterna Maddalena, vecchia governante e Valentina, cameriera giovane, fine, carina, appaiono quasi contemporaneamente, luna dalluscio di sinistra in seconda, laltra da quello di destra.

Madalena (a Valentina)

Lassa Vado mi (esce dalla comune. Valentina, rimasta sola, va alla specchiera e si osserva sollevando i capelli sulle tempie. Ha una smorfia di disappunto)

Tito (sui trenta, aria dolce e rassegnata appare sul primo di sinistra)

I ga son.

Valentina

Xe andada Madalena.

Tito

Su, su, Valentina. Ti sa cossa che te go dito. (Fa per avvcinarlese, ma si ferma allentrata di Madalena a cui non sfuggito il gesto di Tito) Cossa ghe xe, Madalena?

Madalena

Un telegrama. To muger o to pap. (glielo consegna)

Tito

Infati; xe do giorni che no la telefona(apre; legge) De tuti do. I ariva! I xe arivai, se pol dir. I ga tolto laereo. A San Nicoleto a le tredici e quaranta (guarda lorologio) Adesso. Fra mezora, al massimo, i sar qua. (Valentina, un po sgomenta, si lascia andare su di una sedia)

Madalena

Benon. Ma se i ga da far colazion bisogna che i xe comoda in albergo. Come se fa a proveder a sta ora? I capita come sgiaventi[1].

Tito

I se gavar port qualcossa per viagio. I magnar de pi stasera.

Madalena

Ma la session no la doveva serarse sto mese che vien?

Tito

Se vede che el resto no ghe interessava; una volta aprovada la lege

Madalena

Va a preparar le camare, Valentina. Dopo vegno mi a giutarte.

Valentina

S, Madalena. (esce dal primo di destra)

Madalena

Possibile che i gabia deciso a lultimo momento? No i podeva farse vivi prima? Perch no ghe ne avevimo abastanza de la baraonda in casa co un deputato solo! Sie legislature; prima del fascismo; col fascismo; dopo el fascismo! Par che l sia nato col scagno atac al fondo de le braghe! No ghe mancava adesso chel metesse in politica anca la niora Cuss la baraonda xe al completo!

Tito

E mi fasso la figura del macaco! Una specie de principe consorte El mario de lonorevole in sotana E qua; lig man e pie; a tendarghe al studio de pap.

Madalena

E la confusion che nasse fra suocero e niora? Ariva una scatola per lonorevole Mardegari: la verze ela; tre dozine de sigari avana! Ghe ne riva unaltra per lonorevole Mardegari: el verze lu: tre pari de mudandine de chiffon e un regipeto per signora! E fusse solo questo! I eletori, i membri dei comitati, le letare, i giornali

Tito

E la confusion che nasse fra mi e mio pap? Tito Mardegari tuti do. Senior e junior. Fin che i mete onorevole o ragioniere, tuto va ben; ma se i scrive Tito Mardegari solo Fin le letere de le morose de mio pare E alora el se ingrinta.

Madalena

Se me saria mai aspetada una cosa simile quarantani indrio, quando che go messo pie in sta casa! Se fusse al mondo to mama, povareta Ela che gera cuss nemiga de ogni trambusto, de ogni confusion

Tito

Come mi.

Madalena

Proprio. Come t. Ti ga tolto tanto da la to povera mama. Per questo ti xe cuss sconvolto Ma no val la pena de ciaparsela Mi ormai ghe go fato el calo.

Tito

Se ti credi che me fassa piasser sto annunzio improviso!.. Davanti ai oci me bala la sarabanda de le valise; e ne le recie go za un scravasso de parole - Ordine del giorno, articoli, interogazioni, interpelanze me par de aver ricevudo come una legnada su la testa gnanca el tempo de ciapar fi Mi no go i riflessi prontiCo tante cose che ghe xe ancora da mtar a posto qua

Madalena

Ben Per quelo Se se trata de robe che riguarda la casa ghe semo mi e Valentina. Le camare, i leti, la cena

Tito

Ma diseva anca fora In studio del pap

Madalena (dopo un poco; scrutandolo)

Tito

Tito

Madalena?

Madalena

Xe solo per questo che ti xe scaturo? Vien qua. Xe inutile che se femo scondagneTi sa qualcossa anca ti? O per lo meno ti lo sospeti?

Tito (quasi eludendo)

Sospetar, come? De chi? A che proposito?

Madalena

Valentina.

Tito

Cossa ghe entra Valentina?

Madalena

La ghe entra. E ti ti pol saver qualcossa pi de mi, che son sempre serada qua dentro come una carcerata Ti va in giro, ti ascolti i discorsi de la zente E po anca ti ti ga i oci per vedar e le recie per sentir. (decisa) Gala el moroso?

Tito

E a mi ti me lo domandi? Cossa vustu che me interessa? E po, cossa importa che la lo gabia o no?

Madalena

Eh, per Diana! Perch, senza una strazza de moroso, certi pastizzi no se li combina de sicuro!

Tito (fingendo sorpresa)

Cossa distu?

Madalena

Va l, che ti me ga capo. Xe inutile che ti me caschi dal mondo de le nuvole! La so camara xe fra la tua e la mia E certi sforzi de vomito no se pol evitar de sentirli A meno de no aver le recie fodrae de parsuto!

Tito

Ma noo! Cossa vastu a pensar? Un fi de mal de stomego, forse La gavar fato indigestion.

Madalena

Indigestion de cossa? Per una setimana intiera? Nualtre, done, saremo anca pi scaltre e sospetose de vualtri omeni; ma per certa indigestion no ghe xe purganti che tegna.

Tito

No essar cativa, Madalena

Madalena (dolce e pacata)

No son cativa. Anzi; cerco de agiutarla, se xe possibile; ma bisogna che conossa prima tuta la verit. E se anca ti no ti me agiuti La gera una toseta co la xe vegnuda in sta casa Quindese o sedese ani apena No la ga pi nessun che se ocupa de ela So pare? Femene e vin bianco Se no se ne ocupemo nualtri che gavemo cuor e sal in zuca, prima che la tempesta se scaena M xe come che fusse la to povera mama; e ti ti xe un omo de onor Bisogna metarse insieme; e far el possibile e limpossibile.

Tito

Ti forse, s Ma mi?

Madalena (con intenzione)

El xe un caso de coscienza; el xe un dover da galantomeni, Tito; ricorditelo

Tito

Ma anca i doveri, ale volteUn muro alto come una casa. Possibile che anca ti no ti lo vedi?

Madalena

Un muro?

Tito (indica lanello matrimoniale che ha al dito)

Questo, Madalena! E staltra che torna adesso da Roma.

Madalena

A questo voleva arivar. Credestu che sia sempia? Epur, in fondo in fondo, gaveva sperLe cative notizie se spera sempre che no le sia vere (dopo un poco) Ma come gastu fato?

Tito

Lo go fato. Come che se fa da che mondo xe mondo! Anca se dopo se se morsega le man.

Madalena

Da quanto ti lo savevi?

Tito

Fin dai primi disturbi E anca mi sperava adesso, ormaiPer questo son cuss scaturo

Madalena

Ma qua? In sta casa? Aprofitando forse No ti ga pens?

Tito

No; in casa no. Gnente profanazione del tetto coniugale.

Madalena

E dove, alora? Se la se move de casa solo per andar a far la spesa?

Tito

No ti te ricordi quela matina che ti la ga mandada in studio del pap a far pulizia?

Madalena

Cossa?! Ah, ben! E cuss de colpo? E mi, bestia!

Tito

No starte crussiar, Madalena Ti no ti ghe entri. Ghe entro mi, mio pap, mia muger Adesso gera pi de un mese che no i tornava a Venezia. I ga proposto la lege sul tratamento giuridico del personale di servizio I la ga fata votar; i la ga fata aprovar Per el buso de la ciave; ma la xe passada. No ti ga sento prima el giornal radio? Dusento e oto favorevoli; centosetantaquatro contrari e vintisie astenuti

Madalena

S! I ga ciap la martelada per el tratamento de le domestiche E ti, senza moverte da Venezia, ti ga fato altretanto.

Tito

No essar cuss amara, Madalena. El xe sta come un relfolo, come unorbariola[2] Pi che unorbariola, un infortunio sul lavoro.

Madalena

In questo ti ga ciap da to pare.

Tito

Ma lamaro in boca lo go sento subito Non per ela, creatura, che la xe tanto graziosa; ma per la responsabilit che me pesava e che me pesa su le spale. Perch son st mi el primo; credilo, Madalena.

Madalena

Oh, no lo meto in dubio! El primo e lunico. Ma adesso?

Tito

Adesso son mi che te suplico de agiutarla De agiutarne tuti do Me s-ciopava el cuor, sastu, de dirtelo Ti xe sempre stada come una mama per mi, ti ga dito E son sicuro che no ti domandi de megio che de agiutarne.

Madalena (scervellandosi)

Ma in che modo, vissare? Dimelo ti.

Tito

Apena che la se ga acorto del so stato, la s messo in una disperazion No la vol pi restar qua gnanca una setimana. E fora de qua, no voria che la me fassesse qualche spegazzo[3]! Se gnente gnente la se sente abandonada

Madalena

Ohe?! Spegazzi de che genere? Perch, intendemose ben; che se ve passasse per la testa

Tito

Noo! A mi, no. E gnanca a ela.

Madalena

Oh, ben, digo! Che no zontemo unaltra buzara[4] a quela che gav za fato (decisa) Adesso ghe parlar mi.

Tito (supplice)

Ma no strapazzarla, Madalena Pensa in che stato che la xe

Madalena (un po commossa)

No la strapazzo, no; no aver paura (dopo un poco) Ti mha messo in crose (a un gesto di Tito) S, digo Crose? Come una nona che speta un nevodeto; e no pol mostrarlo a la luse del sol E unaltra crose sar quela adesso de dirghelo a to pap Perch lu s bisognar che l lo sapia. Come avocato el xe un specialista del genere E come omo, pur co tuta la so politica, el xe rest ancora un galantomo. (va alluscio di destra e chiama) Valentina!.. (a s) Ma varda ti cossa che me va a capitar! (chiama ancora) Valentina! (Tito si asciuga i sudori sulla fronte; Valentina appare e scruta entrambi) Vien qua, picola. (dopo un poco) Xe vero che ti vol andar via?

Valentina

Oh! El ragionier ghe ga dito?

Madalena

Ti pol ciamarlo anca Tito, va l; e no ragionier. (Valentina si accascia ancora sulla sedia e si copre il viso con le mani) Brava! Cschime ancora zo su quela carega!

Tito

La sa tuto, ormai, Valentina. E la ga promesso de agiutarne

Madalena

Agiutarne, agiutarne? Gnanca che fusse la maga Sabina! Ti xe stada unoca. Ma intanto ti, per adesso, fora da sta casa no ti ghe va.

Valentina

Ma come vorla che fassa? Co la signora che ariva cuss a limproviso Co i disturbi che me ciapa a la note

Madalena

Intanto da sta note ti vegnar a dormir in camara mia che xe da staltra parte del coridor.

Valentina

E cossa ghe diremo a la signora?

Madalena

Che la to camara xe piena de sorzi. A costo de andarli a comprar, varda! E ti, dei sorzi, ti ga sempre avudo una paura maledeta; vero?

Valentina (con un brivido)

Oh, s!

Madalena

No missiarte[5]. Che no te nassa el fio co una coa de sorzo sul naso! Ma qua. Soto el mio controlo. E pensieri neri, gnente. V, in qualche maniera faremo No so gancora come; ma qualche santo se despicar da un muro.

Valentina (scoppiando in lacrime e abbracciandola)

Oh! Siora Madalena!

Madalena

Sta su, che ti me rovini la blusa! E aspeta che te manda ancora a far la pulizia in studio de lonorevole! Quantunque, za tanto, ormai

(Scampanellata esterna)

Valentina

Oh Dio! Che i sia lori?

Madalena

Va de l, ti. Metite un fi de cipria sul naso che ti lo ga rosso come un pevaron.

(Valentina esce a destra soffiandosi il naso; Madalena si reca al fondo ad aprire)

Carmela (d.d.)

Siora Madalena, posso vegnir de sora ?

Madalena (d.d.)

Avanti, benedeta.

Tito (ha un gesto di disappunto)

Mi no ghe son par nissun. (esce a sinistra II uscio)

Carmela (d.d.)

Gelsomina, sera la porta.

Madalena (rientra seguita da Carmela)

No ti xe sola?

Carmela (che la segue)

La Gelsomina; la serva dei Furlotti.

Gelsomina (d.d.)

Ci, mora, desbrighite. Gastu le buganze[6]? (entra) Bon giorno, siora Madalena.

Madalena

Cossa? Ghe ne xe unaltra?

Gelsomina

La Amabile; quela del secondo pian. (entra)

Amabile (tipo di tonta)

Bon giorno. Serva sua.

Madalena

Digo, creature, cossa gav fato ancuo? El scioparo de le serve?

Gelsomina

Oh! Adesso no ghe ne sara pi bisogno. Almanco da quelo che ne dise qua la Carmela

Carmela

Sicuro. La ghe lo diga anca ela, siora Madalena. Certo la gavar sento la radio de un boto.

(Madalena non capisce) De la lege che xe stada aprovada!

Madalena

Ah! Xe per questo?

Carmela

Lore gera a drio a servir in tola; ma mi la radio me la cuco listesso. Co l nono sordo che ghe xe in casa, i tien suso el cosso, l el tpete, che se podara sentir fin in piazza San Marco. Adesso a do boti i ripete de sicuro

Gelsomina

E savendo che i onorevoli xe ancora a Roma

Carmela

Un trionfo per i so paroni! I ghe vora tuti cuss a la camara! Queli xe omeni!

Madalena

Veramente una la sara dona E i sta per tornar i me paroni. I xe vegnudi in aereo. No pol far che i sia qua.

Carmela

Megio. Magari che i ne trovasse! Sastu che onor? Saressimo le prime a sbatarghe le man.

Amabile

Viva! Viva! Viva!

Carmela

Tasi, ti, sempia.

Madalena

Viva, viva, viva E i vostri paroni come i la gali tolta?

Carmela

I crepa da la bile! Ga da essarghe ferm el disnar sul stomego. E ga tolto de mezo Pierin che voleva ancora un toco de torta. Certi scufioti!

Madalena

E come gav fato a scamparghe via?

Gelsomina

Gavemo dirito ormai a unora de riposo dopo i pasti. Altro che lavar i piati! Se la Carmela, qua, no ne ga cont una frotola

Carmela

Vangelo. Sentir.

Amabile (come unoca)

Sentir.

Carmela

E se le nostre signore vol tor el caf, bisogna che le se meta lore davanti ai forneli. Adesso che ghe xe la lege!

Amabile

La lege. I carabinieri.

Carmela

Cossa ghe entra i carabinieri? El sindacato. (una pendola batte le due) Do boti! Ghe despiase, siora Madalena? Ela xe de le nostre. No savevimo proprio dove andar per sentir in santa pase. (si avvicina alla radio) Come se fa a verzar?

Madalena

Lassa; fasso mi. (apre la radio)

Carmela

Questa s che xe una bela radio.

Gelsomina

Xela de quele che se sente e se vede?

Madalena

No, benedeta. Per quele ghe xe tempo ancora.

Radio

Prima dei pasti, un vermouth Martini.

Amabile

Gav sento? I ne d anca el vermouth

Carmela

S; su la testa.

Radio

Giornale radio. Roma. Alla camera dei deputati si chiuso a tarda ora lo scrutinio per la legge sul rapporto del lavoro domestico proposta dagli onorevoli Mardegari, Santinetti e Simoncelli. La legge, che stata approvata a esigua maggioranza, consta di quindici articoli di cui prospettiamo i principali. Diritto a non meno di otto ore di riposo notturno

Gelsomina

La gavar fino de mtarme la sveglia a le cinque, quela carogna! E ela sta in leto fin a mezogiorno.

Carmela

Tasi!

Radio

Unora di riposo per ciascuno dei pasti principali e mezzora per la colazione del mattino

Gelsomina

E mi me toca butar zo el caf e late co la scoa in man.

Radio

Congedo settimanale di una giornata intera alla Domenica e due mezze giornate infrasettimanali

Carmela

Do ore a la festa per menar i fioi al cinematografo dei preti, la me dava!

Radio

Ferie annuali pagate dai quindici ai trenta giorni, secondo lanzianit, con maggiorazione del cento per cento qualora vengano usufruite fuori sede. Su questo articolo specialmente si sono appuntati gli strali dellopposizione.

Gelsomina

Fioi de cani! Lori soli vol andar al mar o in montagna!

Radio

Tredicesima mensilit. Liquidazione sulla base del contratto di lavoro dei dipendenti aziendali

Carmela

Sicuro. Cossa semo nualtre?

Radio

Usufruibile anche in caso di abbandono volontario del servizio per giusta causa, quale malattia, infortunio, gravidanza, matrimonio. Altre norme accessorie regolano ancora

Madalena (chiude la radio)

Me par che basta adesso. Ghe ne sav anca massa.

Carmela

Gera ora del resto che i fassesse qualcossa anca per nualtre. El nostro mestier deventa impossibile de giorno in giorno. Co lafar del telefono, le parone se fa mandar la roba a domicilio dai fornitori. E nualtre, povare tose, ne toca star sempre serae su in casa, senza poder ciapar un fi de aria, incontrar qualchedun

Madalena

Farghe la cresta a la spesa

Carmela

Almanco adesso, co sti articoli

Madalena

I se ne ga desmenteg uno, peraltro

Carmela

Qualo?

Madalena

Lautomobile per andar a Messa a la domenega.

Carmela

Siora Madalena, la ga vogia de scherzar!

Tito (rapido da sinistra)

I xe qua. Ghe xe el motoscafo.

Madalena (correndo a destra)

Valentina! Valentina!

Carmela

Ci; el ghe gera anca lu in casa?

Tito

Ghe gera, s; ma no fghene caso. And, and adesso, and

(suoneria esterna molto prolungata)

Carmela

Gnanca per insogno. Dovemo farghe nualtre la festa per prime Me despiase solo che no femo tempo de ciamar le serve de tuta la fondamenta

Gelsomina

De tuto el sestier!

Carmela

De tuta Venezia!

Amabile (sempre tonta)

Anca quela de Campagna Lupia.

Tito

Sii! Tuto lorbe teracqueo!

Carmela

Ma el sentir domenega. Qua ga da tremar i veri.

(Madalena ha attraversato di corsa con Valentina; appaiono ora in anticamera con Mardegari e la signora Lina. Reggono un paio di valigie leggere da aereo)

Madalena

Gali fato bon viagio?

Mardegari

Oh! Un fi de balo de San Vito su lAppennino.

Madalena

No li aspetavimo cuss presto de sicuro. El telegrama xe ariv adesso.

Lina (in abito di taglio quasi maschile)

Apena el tempo de ciapar laereo per la coa Gavemo lass incarico a una hostess (entra con il suocero e le due domestiche; affannata; reca un leggero soprabito sul braccio. Senza espansione, al marito:) Ciao, Tito.

Tito (sullo stesso tono)

Ciao. Bond, pap.

Mardegari

Salute, prole! (depone una grossa busta da avvocato sulla sedia)

Le tre serve (che sono schierate da un lato, ad un cenno di Carmela, esplodono in unacclamazione)

Evviva lonorevole Mardegari!! Evviva!

Mardegari (sorpreso e sorridente)

Onorevole Mardegari, mi? O onorevole Mardegari, ela?

Carmela

Tuti do. Eviva i padri del popolo!

Mardegari

Padre e madre, insoma. Genitori.

Amabile

Viva, viva, viva!

Lina

Cossa xe?

Madalena

La rapresentanza de le domestiche de la cale. Le ga sento el giornal radio. No ghe mancava che la musica in testa!

Mardegari (facendo di ganascino a Carmela che la pi carina)

Brave, brave! Una gradita sorpresa Soltanto dagli umili se pol aspetarse simili impulsi! Vero, Lina?

Lina

Certo, pap. Ma adesso gavemo proprio i minuti contai Co tuto quelo che ne aspeta da far (a Valentina) Prtime la valigia in camara, Valentina.

Valentina

S, signora.

Lina

E trime fora el tailleur beige. Po torna de qua. (via Valentina a sinistra I uscio) Passime la busta, pap. (alle tre domestiche) Imagino, del resto, che anca vualtre gavar qualcossa da far, cuss subito dopo colazion.

Carmela

No la xe miga passada lora de riposo.

Mardegari

Che ora?

Carmela

Per i pasti principali. Adesso ghe xe la lege.

Mardegari

Ah! Perch gav za savudo? Un momento, ragazza. No bisogna meter il carro davanti ai buoi La legge xe passada a la Camera, xe vero. Ma bisogna che la passa anca al Senato.

Gelsomina

Cossa? Cossa? Alora no la xe una roba sicura?

Mardegari

Ma s Dai copi in zo[7], se pol considerarla sicura; perch in fondo le magioranze xe sempre quele Ma, per renderla esecutiva, bisogna po che la sia inserita ne la Gazzetta della Repubblica e che si trasferisca in sede di Ufficio del Lavoro.

Carmela (disillusa)

Alora, aspeta cavalo!

Gelsomina (a Carmela)

Gastu visto? E a sentirte ti, se podeva scominciar subito Arte, arte, tose! Qua xe megio filar pi presto che in pressa, se no i paroni ne d una de quele man de bianco! Bon giorno, onorevole.

Mardegari

Adio, care.

Amabile (sul tono consueto)

Viva, viva, viva!

Gelsomina (trascinandola per un braccio)

Cori, sempia!

Amabile (uscendo dal fondo con le compagne)

Gnente vermouth, alora.

Madalena

Aspet che ve acompagna. Che a le volte no ghe ne vegna su unaltra squadra. (le segue)

Lina (rovistando nella busta)

Aufa! Che sece! Mi me domando se valeva la pena A la prima contrariet, ecole col so egoismo. (e tira fuori dalla busta alcuni fascicoli che accumula su di un tavolo)

Mardegari

Cossa vustu? Le xe de le povere ingenue. E nualtri no dovemo fermarse a lategiamento dei singoli; ma mirare al principio, alla mta, al problema sociale da risolvere.

Lina

Mi vora saver percossa che son andada a imbarcarme in sto porco mestier!

Mardegari

Mestier, ti lo ciami? Missione.

Lina (seccata)

Va ben, va ben; s; missione. Come quela de le coleghe de gruppo. Ti ga visto che voltafacia elegante? Egoismo! Sempre egoismo! Forse perch no le xe stae lore le proponenti

Mardegari (sentenzia)

Natura umana.

Lina

E quasi quasi se doveva insacar una bela bociatura! Ma credistu che le staga quiete adesso? Aspeta lore, soto, soto, co quele quatro mumie del Senato!

Mardegari

No preocupartene. Gavemo anca nualtri le nostre carte da zogar.

Lina

Ti, forse, ti faressi megio a tegnirte in disparte pi che xe possibile. Ti sa za come che i te ciama a Montecitorio: Lonorevole ancillare.

Mardegari

Lassa che i diga! In fondo le donete, ancelle o non ancelle, le ga sempre piasso anche a lori. Quele carine, intendemose! E mi no son ancora da butar ne le scoasse. E no go da rendarghe conto a nissun.

Valentina (rientrando)

Eco fato, signora.

Lina

Va ben, adesso speta. (rovistando ancora nella borsa) No lo trovo! No lo trovo! E fra unora go la prima riunion.

Tito

Ma no ti podevi fissar per doman?

Lina

Oh s! Ti podar rimandarle ti le to riunion al giorno dopo, mio caro ragionato! Ma nualtri, col nostro piano de lavoro? Gnanca el tempo da respirar. E senza unora esclusivamente nostra; una serata nostra Serve! Eco. Serve de la comunit.

Mardegari

Veramente, geri a sera a lAmbasciatori

Lina

E ti ghe ciamaressi vita nostra, quela? Come se gavara poduo cavarsela? El console del Paraguai, quelo del Siam Vita nostra! E go ancora qua laragosta che me passegia per el stomego!

Mardegari

A sta ora la dovara essar morta negada Co tuto el champagne che gavemo but zo!

Lina

Un altro martirio! E stamatina i bagagli; e ancuo laereo; e pi tardi lUncepit! Dimission; mi dago le dimission!

Madalena (rientrando con un plico) (A Tito)

Ghe gera posta per ti in cassetta.

Lina (buttando allaria lultimo fascicolo)

Insoma no lo trovo!

Mardegari

Ma cossa xe che ti cerchi, se pol saver?

Lina

El fascicolo del Fipa. Devo riferir al Comitato.

Tito

Il Fipa?

Lina (rapida)

Federazione Italiana periti agrari. Vustu vedar che Aldini el lo gavar messo dentro al baul?

Tito

Chi xelo?

Mardegari

El segretario del colega Fiorabelli. El ne lo ede qualche volta per metarne in ordine

Tito

Se vede!

Lina

Oh! Magari lu gavar pus la cartela su qualche mobile; e la cameriera de lalbergo dopo Per quanto se se racomanda, le pi stupide ne toca sempre a nualtri! (a Tito, porgendogli la bolletta) Toh! Ritira subito el bagaglio. Questo xe afar tuo.

Mardegari

Se l xe parto a mezogiorno? Ormai, fin a domatina

Lina

Bisogna rimandar la seduta sunque? Che secatura! No, no Te lo go dito anca geri, pap. Co tornemo a Roma, bisogna che se portemo co nualtri Valentina.

Madalena

Noo! (Valentina si lascia andare sulla solita sedia)

Lina (sorpresa)

Noo? Percossa no? Tanto el biglieto feroviario lo paga lo Stato

Madalena

E percossa no la me porta mi, alora? Mi no so gnanca come che la sia fata, Roma. E xe giusto che prima de morir In quanto a ordine po, la sa che mi no scherzo

Lina

No xe questo Xe piutosto che una cameriera giovane, distinta Se pol anca farla passar per una specie de segretaria E questo d pi prestigio, pi tono, eco

Mardegari (lusingato)

Giusto, giusto

Lina

Ad ogni modo gavaremo tempo de parlarghene.

Madalena

Ghe ne parlaremo, s. Ma intanto, co sti discorsi, no i mha gnancora dito se i ga fato colazion o no.

Lina

Colazion? E chi ghe pensa al magnar? Cossa gavemo tolto, pap?

Mardegari

Qualche brioches, me par con cioccolatto e panna.

Lina

Tanto per mandar via el sercio a la testa. Adesso po bisogna che cora subito da la marchesa Storti. Fra una discussion e laltra, un th co qualche biscoto ghe scampar de sicuro. Bastar che ti provedi per stasera. Vien a infilarme el tailleur, Valentina.

Valentina

Subito, signora.

Lina

Aufa! Che vita! (esce a sinistra primo uscio, seguita da Valentina)

Mardegari

Mi vado a lavarme le man. (esce a destra primo uscio)

Tito

Te lo diseva, mi, che qua no i ne lassa gnanca el tempo de ciapar fi!

Madalena (a Tito)

Varda che ti g ancora l quela posta.

Tito

Ah, za! (toglie il plico dalla mensola dove lo aveva posato e lo apre, mentre Madalena riordina i fascicoli che Lina aveva buttato allaria e li ripone nella borsa) Chi sar mai? (trae una lettera e dei cataloghi) Toh! El mio vecio amigo Schiavoni.

Madalena

Chi? Ughetto?

Tito

S. Da Milano. Gera ani che no saveva gnente dei so ossi (legge) Perbacco! Che strazza de posizion! Direttore della Thermofrigor, distributrice esclusiva per lItalia della Philco Youngstown Maytag Knapp Monarch Company. Senti, senti I lancia in tuto el mondo i pi moderni apparecchi elettrodomestici Dal lavastoviglie, alla cucina ad autoregolazione Dalla lavatrice allasciugatrice elettrica Tutto, tutto per la casa Basta tacar una spina e

Madalena

Cossa vali a trovar fora, po!

Tito (esaminando un foglio)

E le condizioni; el sistema di lancio Quote mensili equiparate al costo del personale domestico, con rientro del cinquanta per cento sul consumo de la corente

Madalena

Benon! Cuss nualtre podemo andar a spasso!

Tito

Ma ti no ti xe minga[8] una domestica! El me interessa a proporghe un rapresentante per le Tre Venezie Senti qua: (legge sulla lettera) Ho appreso che hai due parlamentari in famiglia. Complimenti. Possono essere di valido appoggio per lo sviluppo della nostra iniziativa inspirata ad un alto concetto di moderna civilt. El xe casc pulito!

Madalena

Almanco i podeva vegnir fora prima co sta trovata; che a Valentina no ghe sara toc sto bel complimento.

Tito

No dir cuss (depone le carte) Gastu sento? La voria portarsela a Roma.

Madalena

S La sta fresca! E bisogna mtar to pap da la nostra prima che ela se impunta

Mardegari (rientra asciugandosi le mani)

Ben? Che novit ghe xe in studio?

Tito

Gnente de importante. I clienti sparagna le scarpe perch i sa che la session parlamentare xe ancora averta I pi grossi vien a trovarte a Montecitorio. Ma unaltra volta avisime in tempo co ti torni Credo che giusto stamatina el procurator de la Banca del Popolo sia parto per Roma

Mardegari

Poco mal. El me aspetar. Tanto per luned dovemo essarghe de novo

Tito

Ghe torn cuss presto?

Mardegari

Ghe xe el voto de fiducia. Bisogna essar compatti. (a Maddalena che sta chiudendo la busta) Gastu fato ti?

Madalena

Volvelo che lassasse sta rivoluzion?

Mardegari (riflettendo)

Varda per che no la xe minga una cativa idea quela de to muger de condur co nualtri Valentina.

Madalena (secca)

No!

Mardegari

No? Ancora no? Mi no so capir Possibile che vualtri do, qua, no pod arangiarve da soli?

Madalena

No xe questo. Ma, se go dito no, xe no.

Mardegari

El ghe sar pur un motivo!

Madalena

Altro se l ghe xe! E grosso.

Mardegari

Fore, dunque.

Madalena

Che podara farghe mal el treno; eco; za che l vol saverlo. Co se se trova in erti stati

Mardegari

Madalena?

Madalena

Galo capo adesso, senza che ghe lo buta in soldoni?

Mardegari

Valentina?! No?

Madalena

Vdelo se no l ga dito no anca lu adesso?

Mardegari

Valentina? Quela perla de creatura?

Madalena

E apunto per che la xe, opur la gera, una perla che bisogna far de tuto per salvarla! E nessun xe pi adato de lu che, come avocato, el ghe nha sbrogi de le matasse No l vor minga rifiutarse, spero.

Mardegari

Oh! No, certo. Varda ti se me aspetava una cosa simile! Ma bisognar prima svilupar el caso, esaminar la posizione

Madalena

La posizione xe quela che la xe. La gavar un bambin.

Mardegari

E alora o co le bone o co le cative, bisogna metar in crose lartefice.

Madalena

Magari se podesse!

Tito

No se pol, pap

Mardegari

Go capo. Marid, vero? La solita storia! (Maddalena allarga le braccia) E vualtri lo conoss, imagino

Madalena

Eh, altro!

Mardegari

Galo prole?

Madalena

Legitima, che mi creda, no.

Tito

Escluso.

Mardegari

Possibilit economiche?

Madalena

Peuh! Relative. I sui piutosto.

Mardegari

I sui, chi?

Madalena

So pap.

Mardegari

Bisogna ciamarlo in causa; senza riguardi. La minacia de uno scandalo, forse Quantunque questo no risolva la posizione civile de la ragazza e quela del nascituro. (a Tito) Per adesso no dirghe gnente a to muger, l

Tito

Sta pur sicuro. Fidte de mi.

Mardegari

Certo che podara presentarse forse unaltra via de uscita Un galantomo che no gavesse tropi pregiudizi

Tito

Trovarlo.

Mardegari

Un omo de la mia et, per esempio; libero; che sentisse il vuoto della solitudine Se l fusse vissuto e inteligente, el dovara capir che lacquisizione di una giovinezza se sconta sempre con qualche rinunzia

Tito (spaventato)

Oh, Dio! Pap?

Mardegari

La podara essar una risolvente E quele che se presenta cuss dambl, le xe de solito le pi accettabili; come un volere del destino. Lass che concentra le idee No credo che da parte sua, con la prospettiva de darghe uno stato legittimo a la so creatura Del resto, nel caso attuale, no se tratara gnanca de un puro gesto filantropico No, fino a sto punto, no. Ma se el gesto fosse fiorito da un sentimento latente, frenato finora da quel naturale ritegno de la maturit.

Tito (c.s.)

Fermite, pap, per lamor de Dio!

Mardegari

Ti, per esempio, ti disaprovaressi? Mentalit aretrata. Go cinquantasie ani, in fondo. E conservato bene.

Tito (desolato)

No se pol, pap! Xe tragico; ma no se pol!

Madalena (quasi a s)

E lu, pare de so nevodo!

Mardegari (sbalordito)

Cossa? Ti? Ela? Ah, vergognosi!

Tito

La colpa no xe tuta mia, pap.

Mardegari

Ah, no? E de chi dunque?

Tito

Del vuoto de la solitudine, come che ti ga dito ti; e de chi che me lo ga procur.

Mardegari

Ti voressi arguir con questo?

Tito

Che ti ga anca ti la to parte de responsabilit avendo lanci a viva forza mia muger nellagone politico. Perch no ghe gera abastanza del gelo qua dentro Prima, segretaria del gruppo, dopo Presidentessa dellUDI, commissaria, propagandista; infin el scragno de onorevole. E mi qua solo come un pampe. Se invesse de introdurla ne la camera dei inquecento e settanta, ti me la lassavi ne la mia camera

Mardegari

Ah, ben! Ah, ben! Questa sfacciata inversione dei termini e dei valori

Tito

Drsseli ti, che ti ga pratica. Mi, per conto mio, no vedo che una soluzion

Mardegari

Un divorzio? Un annullamento del matrimonio?

Tito

E chi lo sa? Cuss xe come che no la gavesse Tanto fa, alora, no gaverla del tuto.

Mardegari

Ma ci vogliono delle ragioni valide!

Tito

Ti pol mter in zogo le sue mancate facolt riprodutive in confronto de le mie, ormai provatissime.

Mardegari

Cinico. Sei un cinico.

Tito

Difendo la mia creatura che deve vegnir; e la possibilit de poderghe dar un nome.

Mardegari

E la libert de far el comodo tuo in campo extra-coniugale. E poi, un divorzio? E il dilagare dello scandalo? Le conseguenze politiche? Bisognara che la cambiasse partito.

Tito

No xe cosa impossibile. Con la tua personale esperienza Soto la tua guida

Mardegari

A che giuoco ti voressi portarme?

Tito

Eh, pap! Ti ghe fa tanti per i altri che ti podaressi far anca questo per to fio. Crearghe dei contatti Magari coi coleghi zovani de loposizion zente che pol andar oltre frontiera Cossa sogio mi? Ormai al punto che semo

Mardegari

Enorme! Enorme!

Tito

Ma, sora tuto, procura de desmentegar adesso i sentimenti latenti; o de adoperarli almanco co un senso de paterna comprension; che, povara creatura, no la g bisogno de altri patmi.

Mardegari

Per questo son un gentiluomo.

Tito

Tasi, che le xe qua.

Lina (viene rapida da sinistra, seguita da Valentina. Indossa il talilleur, con un grande papavero di seta rossa al risvolto. Savvia alla comune). Scampo. Xe za tardi. Ricordite pap. A le cinque a la sede del partito.

Tito (sottovoce, al padre, alludendo al fiore rosso di Lina)

Gastu visto? El par quasi un presagio.

Valentina (che lha seguita come unombra fino alla soglia della comune)

Ghe xe altri ordini, signora?

Lina

Telefonarghe a la sarta, te go dito. E po, aria a le camere. (esce)

Valentina (ridiscende; ma a mezza scena si accorge che i tre la osservano. Sgrana gli occhi verso Madalena che col gesto le fa capire che lonorevole sa gi tutto) Oh! (guarda quindi Tito che fa un gesto analogo) Oh! (e infine guarda Mardegari che, intenzionalmente, le fa col dito un gesto di scherzosa minaccia) Ohh! (si copre il ventre con le mani e si lascia cadere sulla solita sedia)

Madalena

E unaltra volta! Bisognar che la cambia de posto quela carega!

Sipario

Atto Secondo

La scena

Studio industriale del Rag. Mardegari annesso allabitazione. Usci alle laterali. Ampia finestra al fondo che d verso la fondamenta. Ricche tende moderna. Scrivania, cartelliere, telefono, gruppo di poltroncine per i visitatori. Alle pareti grandi cartelli policromi che illustrano i vari tipi di apparecchi elettrodomestici. Qualche effettivo apparecchio, appena sballato, contro le pareti.

Il rag. Mardegari, molto elegante, sta parlando al telefono; entra dal secondo di sinistra Maddalena che gli reca il caff sul vassoio. Tito, mentre parla, fa cenno a Maddalena di posare il vassoio sulla scrivania. Maddalena eseguisce ed esce.

Tito (allapparecchio telefonico)

El deve aver pazienza, comendator. No savemo pi da che parte voltarse con tute ste commission Ma per lu, comendator Go telefon un momento fa a la Direzione generale di Milano; e i me ga assicur Entro la setimana el sar in possesso del lavastoviglie con lavello trita-rifiuti.

Lina (entra come un bolide dal primo di sinistra)

Vero, ti

Tito (dopo averle fatto cenno con la mano di star zitta)

Per la cucina autoregolatrice bisognar aspetar forse qualche giorno Le xe a le prove del collaudo. Ma questione di giorni, ripeto. El lassa far a mi. Arivederla e grazie, comendator. (depone il microfono)

Lina (eccitata)

Soto! Forza! Inonda la cit, la provincia, i paesi! Ti ciapar la percentual anca da la Societ Elettrica, cuss!

Tito (calmo)

Bastara che me ne interessasse Ma no go soverchi apetiti (mentre sorseggia il caff) Vustu caf? No l xe tropo bolente, ma

Lina

El tossego ti dovaressi darme; altro che caff!

Tito

Percossa?

Lina

Ah! Te par de farme far una bela figura, ti, co la rapresentanza che ti ga tolto?

Tito

No capisso cossa che ghe entra No son sta mi a ercarla. La me xe piovuda come la mana dal ielo. E ogni omo che gabia la testa su le spale Del resto, se anca la gavesse ercada Col semplice studio de ragionier ghe gera poco da star alegri Xe logico adunque che adesso sviluppa la mia azienda e la mia personalit che finora la gera cuss in ribasso No ti ga fato altretanto ti senza domandarme el permesso?

Lina

Ma che razza de sensibilit gastu? No ti capissi che ti me tagi la strada? No ti pensi in che razza de posizion che ti n messo? Mi? To pap? Nualtri gavemo spu sangue per far passar la lege sullordinamento economico del personale domestico e ti, proprio ti, ti ne lanci sul mercato sto scravasso de machine che anienta la mano dopera! Lo sastu che a sta ora, a Venezia, i ga licenzi quasi il venti per cento del personale? Gavemo le statistiche del Sindacato.

Tito

E co questo?

Lina

Co questo, ti disi? No te par gnente sta piova de licenziamenti?

Tito (sorridente)

La borghesia si difende, cara

Lina

Creando un mezo cataclisma sociale.

Tito

Convulsioni proprie de lera moderna Va l, che dopo tuto se assesta!

Lina

E el nostro prestigio? El ridicolo che ne casca su le spale?

Tito

Ah! Xe per questo? Qua, vedistu, no ti ga torto. Ghe nav fato parlar tropo i giornali, la radio, le organizzazioni: Gli onorevoli Mardegari, suocero e nuora, si sono resi benemeriti- Merc il loro altissimo spirito sociale- A loro va la perenne riconoscenza - Eccetera, eccetera Basta che mov una pagia a favore dei vostri rappresentati, che subito se strombazza il fattivo interessamento, le alte benemerenze Quasi che no l fusse un dover. Che no fussi pagai aposta per questo.

Lina (inorridita)

Pagai, ti ga el coragio de dir?

Tito

Pagai. Co la diferenza che mentre agli altri la paga ghe la stabilisse i paroni, vualtri invesse ve la fiss de persona. E ve esent da la richezza mobile. E no ghe xe pericolo che lestrema scavalca i banchi per questo.

Lina

Bravo! Valo a zigar in giro!

Tito

No ghe xe bisogno de zigarlo. Le verit salta subito ai oci. Certo che, se no fassevi tanto bacan, sto contrasto fra la vostra e la mia attivit sara pass forse inosservato.

Lina

No semo stai nualtri a comunicarghelo ai giornali. La politica xe fata cuss.

Tito

E alora bisognava subir ancora le conseguenze de sta politica.

Lina

Parara quasi che ti volessi far el processo a le nostre istituzioni, che xe forti e sagge.

Tito

In teoria, certo. Ma in pratica? Chi xe che conosse a fondo i problemi da tratar? Uno su cento; i altri fa grumo e dise un saco de fesserie.

Lina (ironica)

El zogo de le incompetenze, insomma

Tito

Ti sa trovar la terminologia esatta. Ma in fondo anca ti ti va a tastoni. Varda, per esempio: ti, che ti voressi darghe lostracismo a le mie machine per questione di principio, apena che mi son in viagio, ti tachi in cusina i aparecchi del mio campionario

Lina (un po imbarazzata)

Ma mi lo fasso cuss, per provar Per rendarme conto de la potenzialit del nemico da controbatar E no go mand a spasso nessun, mi.

Tito

Intanto ti fa senza Valentina!

Lina

La se ga licenzi da per ela. E co quel po po de certificato medico che ne ga costreto a pagarghe oto mesi de salario a vodo El colmo! Ela, invesse de tendarghe a la casa, la ne combina de quei pastizzi; e nualtri dovemo pagarghe anca la liquidazion per giusta causa!

Tito (con un sorriso beato)

Articolo dodici de la to lege, cara; che contempla anche il caso di gravidanza.

Lina

Se gavesse podudo prevedar

Tito

Bastara che ti verzessi i oci adesso E che ti la sostituissi intanto co unaltra dona; per no far cativa figura col Sindacato.

Lina

Ti, ti ga unaria da sberle che consola!

Tito

Te par? No. Son contento, eco. Cossa gera mi per ti? Per el mondo? Gnente. El ragionier Mardegari; pitoco. Succube de so muger. Adesso invesse son qualcossa : lavoro in piena indipendenza, guadagno un grumo de bezzie lavenire xe tuto color de rosa! Ti no ti imagini gnanca dove che se arivar Domandighe ai americani se i ga bisogno de servitori Gnanca per mandar i fioi a scuola; perch ghe xe aposite imprese che va a torgheli suso casa per casa col pulman. Bisogna rassegnarse, cara; e vardar le cose con senso di realismo.

On. Mardegari (viene dal II di destra, lisciandosi beatamente le guance con la mano)

Delizioso! Veramente delizioso!

Tito

Cossa xe delizioso, pap?

On. Mardegari

Quel Kobler che ti gavevi qua sul tavolo. Par che una man liziera te accarezza el viso e ti te lo trovi lisso e molesin come el veludo.

Tito

El xe un rasoio svizzero di alta classe.

On. Mardegari

A quelo ti pol farghe la ricevuta, perch no te lo torno pi.

Tito

Benon. Cuss un altro cliente xe trov.

Lina

Bravo! Daghe anca ti de ste sodisfazion. Fa comunela co lu!

On. Mardegari

Comunela? Che comunela? El me ofre un rasoio. Posso pur acetarlo un regalo da mio fio. Mi no go mai rifiut gnente in vita mia. Ma so mostrar, peraltro, la mia gratitudine. (a Tito) Ti vedar a Roma che rclame che te fasso coi me coleghi!

Tito

Benon. Cuss gode el rapresentante romano! Amenoch no ti vogi tor suso ti le comission

Lina

No ghe mancara altro!

Tito

Percossa? No i xe minga apparecchi elettrodomestici queli Le serve no gavara gnente da dir.

Lina

Ma i barbieri, s.

Tito

No me risulta che sul tappeto ghe sia leggi in proposito. Quindi, gnente incompatibilit.

On. Mardegari

No sara dignitoso per. Qua la ga razon ela. (quasi a s) Ma per interposta persona, forse

Madalena (dal secondo di sinistra)

Onorevole. El tapezier ga squasi fino; el vora el so consiglio.

On. Mardegari

Consiglio? Cossa ghe entro mi col tapezier?

Madalena

No. Ghe diseva a la signora.

Lina

Aufa! (E esce con Maddalena)

On. Mardegari

Ben? Gastu notizie de Valentina?

Tito

Bone. Xe andada Madalena co la filovia. El professor Togni, la dise, el la ga trovada a posto. Otavo mese ormai. Ma el vora farghe una radiografia. El dubita che i sia do.

On. Mardegari

Oh, l, l! Me par che la esagera adesso.

Tito

Speremo che no sia vero.

On. Mardegari

E come se trovela in campagna?

Tito

A quanto dise Madalena, la se xe messa a posto pulito da quela so amia de Camporroze. Coi so risparmi e i soldi de la liquidazion, la s compr la camara e la cuna per el bambin

On. Mardegari

Veramente quela ti dovevi comprarghela ti.

Tito (dopo un poco)

Senti, pap. Se no ti entravi ti ne largomento, te ghe navara parl mi Go rifletudo, sastu, a quelo che ti mha dito quel giorno co te go comunic (il padre lo guarda) S, l; sul modo de risolvar E in fondo in fondo me son convinto che la to saggezza., la to esperienza de vita La generosit dei to primi impulsi

On. Mardegari

Ah!

Tito

No digo che ti gabi da sposarla, no Anzi. Ma far quelo che no posso far mi

On. Mardegari

Cossa xe che ti no ti pol far?

Tito

Darghe un nome a quel bambin; o a quei bambini se i sar do. In fondo el xe sangue del to sangue; e no te costa gnente. Adesso le possibilit economiche le go mi Ela podaremo sempre agiutarla Co una bona dote, se podar trovar forse un galantomo che la sposa. Ma el picolo deve ciamarse Mardegari.

On. Mardegari (riflettendo)

El xe un problema.

Tito

Pensa, pap. Ti ti ga avudo quela volta la bona idea de metarme nome Tito, come ti. La par quasi unispirazion

On. Mardegari

La xe una tradizion; no unispirazion. In casa Mardegari, da oto generazioni, i mas-ci tuti Tito.

Tito

E cuss anca el picolo se ciamar Tito Mardegari, di Tito.

On. Mardegari

De qualo Tito, po, che i vada a ercarlo.

Tito

Ma lu, de fronte al mondo, el sar a posto per sempre. E mi podar starghe da vissin, agiutarlo, soregerlo.

On. Mardegari

La xe unidea. E che pol conferirme anca un erto prestigio. Lassime rifletar.

Tito

Bisogna far presto, pap. Se no, s, la parara una risolvente de lultimo momento

On. Mardegari

Oh! Ti sa che mi son svelto ne le mie decision. (cambiando) E co to muger come sestu?

Tito

Peuh! Se no ghe fusse quela benedeta politica de mezo

On. Mardegari

Me par che la scominia za ad averghene una sgionfa! Co la campagna che i ghe fa soto, soto

Tito

Campagna, per cossa?

On. Mardegari

Ma per questa tua attivit commerciale che contrasta con le sue iniziative di carattere sociale Allusioni, sospetti, ironie Bisogna essarghene corazzati; avere altre tempre Come la mia. E lei, invece, crolla.

Tito

Fusse vero! Co la torna una dona come le altre, co la parla de abiti, de acconciature, de frivolezze, la xe un amor. E mi no domandara de megio

On. Mardegari

Approvo. Quellidea del divorzio, dellannullamento del matrimonio, dello scandalo, de butarla in brasso ai rossi, no me andava zo. Se te fa comodo, a le prossime elezion ghe fasso ciapar una de quele bociature!

Tito

No credo che la se ripresenta

On. Mardegari

Xe auspicabile. Per evitar brute figure. Ma anca ti ti devi assecondarme; mostrar un erto qual tatto Una dona, per quanto onorevole, xe sempre una dona.

Tito

No ti vedi che go za scominz? Me son messo a rinovarghe la casa. Aredatori, mobilieri, tappezzieri Da principio la me ga fato el diavolo a quatro; ma dopo, un poco a la volta, par che la gabia ciap gusto Spero anca de metarla dentro nel Comitato de la Mostra del Costume.

On. Mardegari

Dai, alora. Soto!

Tito

Adesso, se no ti lo sa, co quel po po de commission che go avudo da la Societ dei Grandi Alberghi, go in vista el motoscafo a la riva e la machina a Piazzal Roma.

On. Mardegari

Bene! Aggiunge dignit al deputato. Andar in giro per la campagna eletorale co una machina da nolo

Tito

Va da s che te la impresto. (dopo un poco) E alora?

On. Mardegari

Alora cossa?

Tito

Del picolo; del nome.

On. Mardegari

Ho crogiuolato lidea. Fatto. In fondo ti ga razon ti. Per quelo che me costa

Tito

Grazie, pap. (telefono) Pronto Pronto Lonorevole Mardegari? Subito. (passa il microfono al padre)

On. Mardegari

Pronto Come? Ah, lonorevole Lina Mardegari? Un momento. (a Tito) Ciamila.

Tito (va alluscio di sinistra)

Madalena! (dopo un poco) Ciama la signora. Telefono. Subito. (avanza; al padre) Adesso la vien.

On. Mardegari (al microfono)

Sta venendo. Ma chi parla? Ah! Sindacato lavoratori domestici? (a Lina che entra) Per ti. (le passa il microfono)

Lina

Pronto. Onorevole Lina Mardegari, s Dica. Una commissione? Che commissione? Quanti membri? Quattro? Cinque con lei? Troppi. La mia casa non unaula da comizio. Bastano due, tre con lei. E a un patto. Che sia presente una rappresentante di casa mia. La mia governante Sta bene. Ma subito; perch fra mezzora ho un impegno. (depone il ricevitore)

Tito

Cossa vorli?

Lina

El segretario del Sindacato domestici. Cosa urgente, el dise; per evitare complicazioni.

Tito (al padre)

Ti resti qua, ti pap, per el momento?

On. Mardegari

No me movo. No go gnente da far. Son in ferie

Tito

E alora stame atento al telefono. Una volta te stavo atento mi; adesso rendime el servizio. Aspeto una comunicazion; e devo incontrarme co una persona al bar qua de fassa.

Lina

No ti star minga fora tanto?

Tito

Percossa?

Lina

Ma perch, se capita sta zente no se sa mai Pi omeni che ghe xe in casa

Tito

Me sbrigo subito. Arivederci. E corazzata, Lina! (esce dal secondo di sinistra)

Lina

No ghe mancava che la commission! E no se pol rifiutarse de rievarla Co quel Segretario scaldanela che i me dise E bisognar rieverla qua De l xe tuto sotosora Cossa se galo pens Tito de metarme cuss in rivoluzion lapartamento? No se pol, fra laltro, concentrarse un attimo, prepararse a le discussioni, studiar i problemi sociali del momento

On. Mardegari

Ma evidentemente el lo ga fato per ti, cara

Lina

Per mi?

On. Mardegari

Sicuro. Per crearte un ambiente di moderno confort; per ofrirte possibilit de rievar

Lina

Rievar chi?

On. Mardegari

Oh! Le commission de le serve, no de sicuro. Zente del nostro livello sociale. Venezia xe diventada adesso centro internazionale delle Arti e del Costume; ghe affluisce personalit artistiche e mondane da ogni parte del mondo E data la tua e la mia posizione

Lina (concedendo)

No se pol dir che l gabia cativo gusto, per No se gavara dito qualche mese fa

On. Mardegari

Perch el fasseva el ragionier; e ragionier senza clienti. Ma adesso che l viagia, che l vede, che l guadagna, che l spende, che l vive Come mi. Eh! Se gavesse anca mi la so et co la mia esperienza E invesse lesperienza bisogna metarla spesso a servizio de let. E la saggezza, anca; e lonest; e el senso de lonor

Lina

Che discorsi me fastu adesso?

On. Mardegari

S; perch un omo de onor no deve smentirse mai; gnanca se l gavesse let de Matusalemme. E mi, in fondo, no go che inquantainque ani.

Lina

inquantasie, pap.

On. Mardegari

Va ben; inquantasie. Uno pi uno manco Co questo no vol dir che possa sotrarme a un preciso dovere

Lina

Dovere? De che genere? Verso chi?

On. Mardegari

Una ragazza.

Lina

Ti? E chi xela sta disgraziada?

On. Mardegari

Te la dago a indovinar (dopo un poco) No ti ghe arivi? Valentina.

Lina (sbalordita)

Noo!..

On. Mardegari

Cos. Quel fio che sta per vegnir al mondo

Lina

Valentina?! Ah, ben! No ti ga vossudo smentirla la to fama di onorevole ancillare! E ti ga lass che ghe paga la liquidazion?

On. Mardegari

Per mascherare in un primo tempo una situazione alquanto imbarazzante

Lina

E adesso ti voressi sposarla?

On. Mardegari

Non si tratta di questo. Ma di dare un nome al nascituro, questo s. Te par possibile che mi, onorevole Tito Mardegari, manca allo spirito che anima oggi il legislatore? In Italia ghe xe attualmente due milioni di figli senza nome La riforma del codice in materia gi sul tappeto. No xe possibile che per mia colpa i deventa due milioni e uno! Senza contar che, dopo un simile gesto, la nomina a Presidente della Commissione di Studio me aspetta di diritto.

Lina

Ma xestu ben sicuro che quel fio sia tuo?

On. Mardegari

Te par impossibile?

Lina

Veramente Co la fama che ti godi E ti podaressi giurarmelo ?

On. Mardegari

Sul Vangelo. Quela creatura che sta per vegnir al mondo xe sangue del mio sangue.

Lina

E ti voressi darghe el nome? Mtarlo a livelo de mio maro? Co le stesse prerogative? Co i stessi diriti? E Tito lo salo? Cossa diselo?

On. Mardegari

Tito xe un angelo. El me ga dito: Bravo, pap!

Lina

Tito xe un aseno! Ma no l pensa che ti lo defrodi? Dopo trentani, ti lo defrodi. Ma se no l lo pensa lu, lo penso ben mi.

On. Mardegari

Frodarlo de cossa?

Lina (ironica)

Onorevole avvocato principe? Ma de i so diriti civili! De la met de i to averi!

On. Mardegari (ruflettendo un attimo)

Giusto quelo che ti disi. No ti ga minga torto A pensarghe ben (dopo un poco, con una scrollata di spalle) Ma tanto mi no go gnente

Lina

Come, no ti ga gnente?!

On. Mardegari

Gnente. El studio de avocato. E la genialit, lestro!

Lina

E quel bosco in Cadore?

On. Mardegari

Andr in fumo. Per pagar le tasse. Quele che doveva pagar.

Lina

E la casa de Martelago?

On. Mardegari

Svanita anca quela.

Lina

Brillanti e pelliccie a le donete, vero?

On. Mardegari

No ti lo conossi da ancuo el mio modo de vivar. Lavoro, spendo, magno, me diverto; e no go mai fato bilanci in vita mia. Lunica sostanza che podara lassarghe a Tito gera apunto lo studio. Ma lu no savara cossa farghene; el latin e el greco no i ghe andava zo; cuss el ga fato el ragionier. Se l xe mascio, ghe far far lavocato al picolo.

Lina

E se la xe una putela?

On. Mardegari

Al giorno dancuo no mete la toga anca le done?

Lina

Ah, ben! Ma no ti ga pens a lavenir? A la to vecchiaia?

On. Mardegari

Vustu che me guastasse el sangue co ste malinconie? I ga fato la casa de riposo per i musicisti, per gli attori, per i scritori Votaremo anca quela per i deputati. O me fasso nominar senator. El Senato, per i senatori a vita, no l xe una specie de casa de riposo? E p gli eventi, mia cara, sono sempre regolati da una legge di compensazione. Se mi adesso no go pi gnente, Tito sta creandose una sostanza. E ti ti dovaressi agiutarlo co un fi de dolcezza, un po di comprensione

Madalena (entra da sinistra, secondo uscio)

Onorevoli, ghe xe zente. I dise che i xe aspetai

Lina

Fali passar qua. I ariva in bon momento!

Madalena (sulluscio guardando verso lesterno)

Toh! Varda chi se vede! La Carmela? La Gelsomina?

Bonapace

Permesso? (entra seguito da Carmela e Gelsomina; questultima indossa una blusa rossa sgargiante) Si sono imposte loro alle compagne. Dicono che sono di casa

Madalena

Buon giorno. Dovevi condurve anca lAmabile, alora!

Carmela (brusca)

No; quela xe massa stupida. E qua zente stupida no ghe ne vol. Bon giorno.

Lina (a Madalena che sta per avviarsi)

Fermite, Madalena. Resata qua anca ti. Questo xe el patto.

Bonapace

Lei ancora non mi conosce, onorevole. Sono il nuovo Segretario del Sindacato domestici. Ma non vengo qui come tale. Conosco i limiti delle mie attribuzioni che possono arrivare eventualmente fino allinizio di unazione sindacale. Ma in seguito a un movimento che desta una tal quale apprensione, per un comprensibile riguardo a due rappresentanti del popolo

Carmela (sbotta)

El ghe la sbara subito, in malora, senza tante giravoltole! Qua, se no i ne assume de novo in servizio, nasse un sancassan[9].

Gelsomina

Mi, per fortuna, no i ga gnancora avudo el coragio de tocarme! Ma che i prova, se i xe boni! Prima che i me manda a spasso mi, ghe rompo tuti i piati che ghe xe in cusina! Vogio vedar po se i fabrica la machineta per giustarli!

Bonapace

State buone, ragazze, state buone!

Carmela

Ma che bone e no bone! Qua xe el pan che i vol portarne via de boca!

Lina

Ma se pol saver cossa che vol da nualtri?

Carmela

No la me casca dal mondo de le nuvole! Saver cossa che i pensa de far! Se lori no se interessava dei fati nostri, a sta ora no ghe sara tante serve a spasso! Chi ga fato el mal, deve far la penitenza.

On. Mardegari

Dovaressimo torve nualtri a servizio in bloco?

Carmela

In sta casa? No, per lamor de Dio! No semo minga la Valentina, nualtre! No gavemo bisogno de erti regali!

On. Mardegari

Cossa xele ste insinuazioni?

Carmela

Insinuazioni, el ghe ciama (cambiando) Tante storie, tante promesse E quando che nualtre, disgrazie, ne pareva za de tocar el iel col deo, zo sta legnada su la testa!

Gelsomina (ironica)

Le ore de riposo dopo i pasti, vero? La domenega libara? Le ferie? E adesso i ne manda a ciapar el fresco per 365 giorni a lano! Ma za tanto, a lori, ghe tornava conto per vendar le so trapole!

Lina

Ecola la riconoscenza! Ecoli i risultati!

Carmela

Erce pagiassi!

On. Mardegari

Pagiassi a chi?

Tito (che rientra in quella)

Cossa xe sto dolce eloquio?

Lina (con un respiro di sollievo)

Oh, Tito! Manco mal

Tito

Cossa vorle ste amabili fanciulle?

Gelsomina

Ecolo qua quelo de le machinete Per colpa sua dove se la petmo la lege che ga fato so muger?

Mardegari

La legge Mardegari; che abbiamo proposto entrambi; e di cui assumo anchio la paternit. E per la quale continuer a battermi affinch il Senato si decida a discuterla e approvarla.

Gelsomina

Ghe mancara altro che no i la approvasse! Gavaressimo cuss el mal e la mala Pasqua!

Carmela

In Italia semo 584.824 lavoratori domestici. Un esercito; se se movemo tuti quanti insieme

Tito

Unaltra marcia su Roma.

Madalena

Lesercito de le scoe e de le strasse da forbir!

Mardegari

La legge sar approvata, state pur sicure. Ma un conto xe la legge e un conto xe gli squilibri che le innovazioni determinano spesso nel campo sociale; e nessun pu prevderne le causali.

Carmela

Le casuali, el ga el coragio de dir! Vardle l le casuali ! Quele trapole, quei bidoni, che ve sgionfa le scarsele de bezzi !

On. Mardegari

A me non sgionfano proprio niente.

Carmela

E i ga el coragio de rievarne qua, anca!

Gelsomina

La xe una sfida!

Madalena

I ve ga rievudo qua, perch de l ghe xe lapartamento soto sora. Se gav oci, gavar visto anca vualtre i pitori, i tapezieri

Lina

Questa xe malafede bela e bona!

Bonapace

Non dia retta, signora. Sono esaltate. (alle due serve) Se continuate cos io mi esimo dallassistervi. C modo e modo di dire le proprie ragioni. Ci vuole forma, ragazze, forma!

Gelsomina

S, de quele da scarpri, per darghele su la testa a chi digo mi!

Maddalena (fremente, allon. Mardegari)

Ma no l xe bon, lu, de farle tasar una bona volta?

On. Mardegari

Le me diverte. La gente che no ragiona la me diverte sempre.

Carmela

No ragionemo, noialtre?

On. Mardegari

No; perch, se ragionassi, capiressi che dopo ogni convulsione viene lassestamento. La storia insegna.

Gelsomina

Che storia e no storia!

On. Mardegari

Domandghe ai vostri noni. Anche quando xe sta istituo qua a Venezia el servizio dei vaporetti, i gondolieri ga fatto el diavolo a quatro; come voialtre. Ma dopo la xe andada a finir che lavora in pieno e le gondole e i vaporetti.

Tito

E po, adesso, a le porte de Venezia, no i sta per verzar novi stabilimenti? Intifici, cotonifici, concierie

Carmela

Cossa! In campagna el vora mandarne! A nasr la spussa de la pele de la consa! E lori qua a farse la ponga[10]. La mia parona, la contessa Sardi, no ga compr il frigitore, qua da lonorevole?

On. Mardegari

Da mi?

Carmela (indicando Lina)

No; da ela.

Tito

Che frigitore?

Carmela

L, quel afar che se tien la roba in fresca.

Tito

Ah! El frigidaire, vor dir Quelo, se vol saverlo, ghe lo go venduo proprio mi a la contessa Sardi.

Carmela

Xe listesso. Tuta una lega! Tuta una famegia!

Tito

No vor pretendar che perch mia muger e mio pap se ga tolto a cuor le vostre condizion, mi rinuncio ai me afari privati! Bel conceto gav de la libert!

Lina

Ah, basta! Basta! Mi sento za la nausea che me soffega Dimission! Mi dago le dimission!

Tito (deciso)

No; ti, adesso, no ti d un bel gnente. Ti resti sulla breccia.

On. Mardegari

Non si crolla!

Tito

E lassa pur che le ziga. Co ghe manca la carica, le se incanta come le sveglie.

Carmela

Se incantemo nualtre? El ga vogia! Ma se anca restassimo senza carica, come che l dise lu, ghe xe ben staltre che vien avanti! (bruso di folla) Sntelo?

Lina

Cossa xe?

Bonapace

Le iscritte al nostro Sindacato che hanno conferito mandato a loro qui La conferma di uno stato danimo collettivo tuttaltro che tranquillante.

Tito

Ah, s? E alora digo basta anca mi, adesso! Fin a prova contraria qua son in casa mia. (al padre) Vltime el telefono, pap. (lon. Mardegari sposta la levetta del commutatore e Tito si avvia a destra)

Carmela

Cossa? El ghe telefona a la Celere? Bela forza!

Tito

No, care. Ghe telefono al Comandante dei Vigili del fuoco. erti picoli incendi se li stua co la manega de lacqua. (esce; il bruso si fa pi intenso)

Lina

Le xe qua soto!

Gelsomina

Sentir che musica!

Bonapace

Penso io ad acquetarle (savvia)

Madalena (con improvvisa decisione minacciosa)

E mi ghe agiuto. Ma a modo mio!

Bonapace

Non si arrischi! Se lei scende, io declino ogni responsabilit.

Madalena

Percossa? No son una serva anca mi come lore?

Bonapace

Ma ce lhanno a morte con lei.

Madalena

Ah, s? E me vorlo spiegar, de grazia?

Bonapace

Nel comizio che si svolto unora fa alla sede del Sindacato, la sua personale posizione stata discussa e aspramente criticata.

Madalena

La mia posizion?

Bonapace

Eh, s, cara signora! Larticolo otto della legge contemplerebbe che le domestiche, giunte allet di cinquantacinque anni, possono chiedere la liquidazione e il trattamento di riposo E lei, a quanto mi consta, i cinquantacinque anni li ha superati da un pezzo

Madalena

Possono chiedere; non, devono!

Bonapace

Ma ovvio che se lei fosse sorretta da una tal quale sensibilit, in questa dolorosa contingenza, si metterebbe in disparte per far posto alle giovani compagne licenziate! ovvio!

Carmela

Crumira! La xe una crumira!

Madalena

Cossa? Crumira a mi? Perch bato saldo in sta casa? Perch no me destaco da sta famegia? (a Bonapace) Lo salo, lu, che quando mi son vegnuda qua dentro, lu gaveva la boca ancora sporca da late? E che go d tuto, tuto, tuto? Co xe morta, qua, la mama del ragionier, ghe go fato da mama mi Co l xe torn da la guera che l gera un filo perdente, ghe go d anca una parte del mio sangue; quelo vero! (denudandosi il braccio) El varda; ghe xe ancora el segno qua, su la mia vena! Eben; mi me meto in disparte: mi me licenzio. Ma la liquidazion el me la calcola lu, co le so tabele, co le so tarife! Zo, el fassa i conti El moltiplica per 240; po el divida per quelo che l vol e el me fassa pagar per tuto quelo che mi go d, sior muso da mona!

(Tito apparso sulluscio)

Bonapace

Monna?

Madalena

No monna co do enne; co unenne sola. Mona.

Bonapace

Non afferro

Madalena

El se lo fassa spiegar da lore qua, che xe pratiche de larticolo.

Carmela (a Gelsomina)

La ghe ga d del mona al Segretario!

Madalena

E a vualtre ve dago el manego de la scoa su la testa, se no ciap le scale!

(urlo di sirena)

Carmela

La sirena dei pompieri?! El ga fato sul serio, sto mostro! Dghela, Gelsomina, se no ciapmo la resentada!

Gelsomina

E go la blusa nova!

(escono rapidamente Carmela, Gelsomina e Bonapace, mentre la sirena insiste)

On. Mardegari (dopo un poco, a Tito)

Ti ga ciam dasseno i pompieri?

Tito (sorridente)

Ma noo! La xe la sirena de mezogiorno del stabilimento Stucky

Mardegari

Ah! Alora podemo andar a disnar.

Sipario

Atto Terzo

La scena

La stessa scena del primo atto; ma con larredamento pi moderno e pi confortevole. Anche i mobili sono cambiati.

Madalena, in grembiule bianco, viene dal I di sinistra, reggendo un vassoio con la colazione consumata. Quando sta per uscire dalla comune, appare lOn. Mardegari al primo di destra. senza giacca. Sta annodandosi la cravatta.

On. Mardegari

Bond, Madalena.

Madalena

Bon giorno, onorevole.

On. Mardegari

A chi gastu port la colazion?

Madalena

A lonorevole so niora.Xe la terza volta che la me ciama. Da stamatina a le sie.

On. Mardegari

Chi gavara mai dito? Basta star lontani per essar desiderai. (dopo un poco) E Valentina?

Madalena

La dorme. La picola ga cant tuta la note.

On. Mardegari

Cambiamento de ambiente, forse Varda che go fame anca mi.

Madalena

La servo subito, onorevole. Caf e late o ciocolata? Xe tuto caldo in cusina.

On. Mardegari

Ciocolata. E biscoti. E Tito ancora no se fa vedar.

Madalena

Lo go aspet su fin squasi a un boto sperando che larivasse co lultimo treno. Epur, dopo el telegrama che se ga fato Xelo po sicuro de aver messo lindirizzo giusto?

On. Mardegari

Perbacco! Presso Thermofrigor Via Annunciata 21 Milano. Xe pi de un mese che l xe fora de casa.

Madalena

Pol darse che l gabia viagi de note. Che ora xe?

On. Mardegari

Le oto e meza.

Madalena

El dovara essar za qua.

On. Mardegari

Se l treno no ga avudo ritardo Ad ogni modo bisogna che stemo allerta, per metarlo al corente prima

Madalena

S; che no nassa qualche pastizzada.

On. Mardegari

Stago mi de guardia. La colazion portimela qua.

(Madalena esce dalla comune svoltando a sinistra dellantisala. Mardegari si reca alla specchiera per accomodarsi il nodo della cravatta. Il vagito di un bambino. Mardegari sta in ascolto; poi scrolla il capo e esce dalla prima di destra per infilarsi la giacca.)

Madalena (dalla comune col vassoio della colazione per lonorevole)

Musica! (depone il vassoio sul tavolo. Lon. Mardegari entra con la giacca infilata)

On. Mardegari

Sentistu? Xelo un mntice che ga quela creatura ! (e si siede al tavolo per consumare la colazione)

Madalena

El tasa! I fa le scale Questo xe el ragionier! (la bimba si tace)

Tito (appare sulla comune; valigia alla mano e soprabito sul braccio)

Ciao, pap. Bond Madalena. (abbraccia il padre)

Madalena

Ah! Manco mal che ti xe qua! Come stastu?

Tito

Ben, grazie.

Madalena

Ti la ga fata longa stavolta.

Tito

El giro de meza Europa E ti, vecia? E mia muger?

Madalena

La xe ancora in leto. No la vedeva lora che ti tornassi

(la bimba riprende a vagire)

Tito (in ascolto)

Cossa xe? Xe dabasso in cale o xe qua dentro in casa?

Madalena

Qua in casa, s Per questo te gavemo telegraf

Tito

Ma se pol saver? Chi ghe xe de l?

Madalena (con circospezione)

To fia.

Tito (con un balzo)

Ehh?!

Madalena

Adesso to pap te spiegar.

On. Mardegari (a bocca piena)

Spighighe ti, fin che mi magno.

Tito

Ma quela bambina co chi xela de l?

Madalena

Co chi vusto che la sia? Co so mama.

Tito

Valentina?!..

Madalena

Valentina, s. La ga dormo qua stanote. Dormo per modo de dir Perch la picola no xe stada quieta un momento

Tito

E come xela capitada qua?

Madalena

Xe stada to muger a farla vignir.

Tito

Oh Dio! Che la gabia scoverto qualcossa?

Madalena (allOn. Mardegari)

Oh, insoma! El lassa star quela cicara; el finir pi tardi de magnar. Ma nessun megio de lu

On. Mardegari (deponendo la tazza)

Veramente per quelo che ghe ne capisso anca mi Chi ghe entra ne la testa de le done? Chi indovina quelo che ghe passa per el ervelo?

Tito

Ti parli de Valentina?

On. Mardegari

Parlo de to muger. Ti te ricordi qualche mese fa, quando che go esposto el moi proposito de riconossar el nascituro, per debito donor, perch el gera sangue del mio sangue? La me ga fato una de quel cagnare! Ti vol metarlo a livelo de mio maro!Ti frodi Tito dopo trentani! Ma mi credo che, in fondo in fondo, no ghe importasse un figo seco de tuto questo Tanto la se imaginava che no gaveva pi gnente al sol Ghe importava de Valentina! Che no la gavesse modo de mtar pi pie qua dentro, dopo quelo che la gaveva combin e dopo aver preteso per zonta la liquidazion

Madalena

Nemica giurata per la vita!

Mardegari

E invesse apena laltro giorno Gera and a Campocrose per ofrirghe la soluzion che gavevimo stabilo fra mi e ti; e preparar i documenti necessari allatto de riconoscimento A dir el vero, no la ga fato i salti mortali da la contentezza La m scolt senza parlar; ma la gaveva un soriseto qua sul canton de la boca Voleva lassarghe dei soldi; queli che ti mavevi d ti prima de partir. No la ga vossudo saverghene. E in quanto al resto, no la me ga dito n s n no In compenso, peraltro, la me ga fato vedar la bambina E la gaveva unaria de trionfo Una bellezza! Un spetacolo!

Madalena (a Tito)

El pol ben dirlo! Ti co ti geri picolo, tal e qual. I stessi oci, la stessa boca, le stesse fossete qua su le ganasse

Tito

Ti la ga vista anca ti?

Madalena

Son andada tre giorni dopo che la gaveva partorio

Tito

Quando xe st?

Madalena

El disnove de saltro mese.

On. Mardegari

Co son torn a casa mi, po, to muger ga vossudo subito saverLa me ga domand tanto de la bambina E co go spieg come che la gera, ga ciap una fregola malegnasa de vedarla.

Tito

Noo!

On. Mardegari

Prtimela qua la m dito subito! Senza la mama? No xe possibile, perch la ga da latar E ela de colpo: Prtime anca Valentina! E alora geri go ciap la machina e son and a torle tute do; sicuro che Valentina no la gavara aconsento per tuto loro del mondo E invesse co se dise le done! la ga acet subito co entusiasmo: Andemo, andemo! Cuss combinaremo tuto in famegia! Gastu capo?

Tito

Cossa che la intendesse de dir co quel combinaremo tuto in famegia?

On. Mardegari

Mah!

Tito

Mah !

Madalena

E xe proprio el caso de dir mah! Ghe n dito, mi, dei se e dei mah da poche ore a sta parte! Quasi quasi scomincio a dubitar che quela tosa, che mi credeva solo una disgraziada Mah! Possibile?

Tito

Possibile, cossa?

Madalena

Eh, perdiana! Se stanote no me son insognada del tuto, go paura che semo al bis de staltra volta!

Tito

Valentina?! De novo?!

Madalena

Gera ancora tra la vegia e el sono, che go sento come un sngioto; e po un altro; e po un altro ancora Cuss per quasi tuta la note Come laltra volta, ve digo. Ma, se fusse, vero, la sara ben una vergognosa! Co la bambina che no ga gnanca un mese? Bisognara, prima de tuto, che la ghe tolesse subito el late.

On. Mardegari

Cuss gavaressimo anca la spesa de la balia!

Tito

Ma in campagna, po? Co chi?

(suoneria interna, a cicala. E la voce di Lina che chiama)

Lina

Madalena!

Madalena

La signora! Vegno, onorevole!

Lina (d.d.)

Chi ghe xe de l? Sento parlar

Madalena (avviandosi al primo di sinistra)

Xe ariv el ragionier, signora!.. (ma non fa a tempo di entrare in stanza, che Lina gi sulluscio)

Lina (in vestaglia da camera; ravviandosi i capelli)

Oh, Tito! Finalmente!

Tito

Lina!

(si abbracciano)

Lina

No vedeva lora che ti arrivassi!

Tito

Come mi, cara, no vedeva lora de tornar. Lassa che te varda

Lina

Son bruta Me son apena alzada dal leto

Tito

Questo no vol dir Te trovo pi filada[11], per El museto poco ripos

Lina

Oh! Un fi de insonnia (conducendolo verso una poltrona) Ma vien, vien (a Mardegari) Bon giorno, pap. (fa per baciarlo)

On. Mardegari

Bond, ragazza. Aspeta che go la boca sporca da ciocolata. (si pulisce e la bacia)

Madalena

Ghe porto un altro caf, signora? La me gaveva dito

Lina

Grazie, Madalena. (Madalena esce dalla comune portando il vassoio con la tazza vuota di Mardegari). Gastu fato bon viagio?

Tito

S. Go tolto el leto.

Lina

I afari?

Tito

Da no saver da che parte voltarse.

Lina

Ti sa che ghe xe de l Valentina co la picola?

Tito (scrutandola)

I me ga dito, s

Lina

Ti savevi che la ga avudo una bambina?

Tito

Adesso, lori, qua Ma no capisso

Lina

Ti capir.

Tito (osservandola)

No me piase pi sta vestaglia. Ti vedar quela che te go port mi da Bruxelles; con relativi pizzi.

Lina

Dasseno?

On. Mardegari

E a mi, cossa me gastu port?

Tito

Mezza dozina de cravate.

On. Mardegari

Benon. Cuss fasso colpo.

Madalena (che rientrata col servizio del caff)

El zucaro la se lo mete ela, signora?

Lina

S, grazie. (si serve; sorseggia)

Tito

Ti ga rievudo le mie letere?

Lina

Certo. E anca ti le mie, vero?

Tito

S. Abastanza laconiche, per essar precisi; ma le go rievude.

Lina

Per quelo che doveva dirte, de realmente importante, go prefero aspetar el to ritorno

Tito

Ti ga notizie importanti da comunicarme?

Lina

Grandi notizie, Tito. E molto intime, anca

On. Mardegari

Alora nualtri andemo de l.

Lina

No. Rest tuti do, pap. Le xe cose che ve interessa anca voialtri

Tito (per unidea improvvisa)

Ti ga d le dimission?!

Lina

No. Ma le dar. Adesso go una razon plausibile. Non posso pi camminar sola per la strada, Tito.

Tito

Ti sta mal?

Lina

Fin dal giorno che ti xe parto. Co son tornada da la stazion una stornit dopo laltra Un senso de nausea Stanote, p

Madalena (sbotta)

Ah! La gera ela alora stanote che la gaveva el sengioto!! E mi, cretina

Tito (che incomincia a capire)

Lina? Ti Lina?

Madalena

E no la me ga dito mai gnente?

Lina

Se no fusse st vero pensa che vergogna! Dopo diese ani de matrimonio E po, se mai, el primo a saverlo el doveva essar lu.

Tito

Ma xestu sicura, Lina? No la xe unilusion?

Lina

Go vossudo acertarmene subito. Fin dai primi giorni Ghe gera come unala che sbateva qua soto al cuor! Bisogna provar El Paradiso! E alora go ciap el coragio a do man Son andada in clinica dal nostro caro Luciani Doveva essar rossa come un gambaro El me ga visit, el me ga fato i complimenti El voleva el to indirizzo per telegrafarte subito Ma mi no go vossudo Doveva dirtelo mi! (e si appoggia alla spalla di Tito che la bacia teneramente)

Madalena

E quel muso da da pampe del Sindacato el voleva che me licenziasse! Co tuti sti Titi e Titine da rancurar

On. Mardegari

Ah, questa, po xe pi eclatante de unatomica!

Tito (al padre)

Gaveva razon, mi, de dirte de lassarmela in camara mia!

On. Mardegari

Anca nono me toca deventar! Padre e nonno!

Tito

Tuto me sara imagin, Lina; fora che me aspetasse al mio arivo una strabiliante notizia de sto genere!

Lina

E adesso capir anca tante altre cose Percossa che go vossudo qua la picola de Valentina Cuss come che la me gera stada descrita Un spetacolo! El sar anca un pregiudizio Ma tuto sta crdarghe E mi vogio che l mio bambin sia belo come el sol! (il vagito della piccola) Senti mia cugnada come che la canta!

Tito

To cugnada?

Lina

Se l pap deve riconosserla la deventa tua sorela anca davanti ala legge; quindi, mia cugnada.

Tito

Ah, za!

Lina

E xe per questo che go invit qua anca Valentina Una dona sterile no ariva a capir Ma quando che se xe a queste Me gavara parso de no essar degna de sta grazia se no gavesse pens anca a lo stato de unaltra creatura; e no gavesse assecond el proposito del pap (al suocero) Adesso ti pol far subito le pratiche de riconoscimento, che mi no pi gnente da ridir.

(la bimba si acquetata)

Valentina (appare al secondo di sinistra)

Oh! I me scusa

Lina

Avanti, avanti, Valentina.

Tito

Ciao, Valentina. Congratulazioni! (le porge la mano)

Valentina

Bon giorno, ragionier El xe torn?

Tito

S; da pochi minuti.

Valentina (con un po di disagio)

Galo fato bon viagio?

Tito

No ghe xe mal; grazie.

Valentina (a Lina)

Ghe gavar d disturbo la picola stanote Vero, signora?

Lina

Ma noo

Valentina

No ghe sta verso che la me se queta E la ga una vose quela fia

Lina

No starte preocupar, Valentina. Anzi, un fi a la volta, bisognar che ghe ne fassa labitudine.

Valentina (che non capisce)

Labitudine, ela, signora?

Lina (sorridente)

S; perch fra sete o oto mesi al massimo

Valentina (sorpresa e trepida)

Sul serio? No go capo mal? Anca ela?

Lina

Proprio cuss, Valentina. Un fi tardi, se volemo

Valentina

Cossa disela?

Lina

Me bastara solo che l fusse belo e san come la to picola. Per questo go vossudo che ti me la portassi Per tegnermela un poco davanti ai oci Quasi per fabricar dentro de mi E te go fato vegnir anca ti, per metar in pase el to cuor de mama Lonorevole te gavara dito laltro giorno Se ghe gera una qua in casa che gavesse dito no, quela gera proprio mi; perch ancora no saveva cossa che volesse dir E adesso, invesse, digo s, Valentina. Che la to picola gabia cuss un nome, un avenir assicur. Xestu contenta, Valentina?

Valentina (semplice e accorata)

Se la savesse, signora, cossa che me ga messo qua dentro la notizia che anca ela Me vien quasi vogia de pianzar, eco La ga razon ela Bisogna essar mame per capir Ma in quanto al resto Son mi, adesso, che devo dir no.

On. Mardegari (stupito e quasi offeso)

No?!

Valentina

Questo no xe pi possibile, onorevole. Forse se l me lo gavesse dito fin dai primi giorni (a Lina) E la prego de no ofendarse, signora No xe per superbia, la creda. Xe che Mi li ringrazio de le bone intenzion Ma nualtri, povera zente, dopo el primo scosson cerchemo de rimetarse in pe co le nostre forze; de regolar le fassende a la nostra maniera E tante volte la Providenza ne agiuta. Quando lonorevole me ga invid a vegnir qua co la bambina, alora s go prov come un gusto mato de poderghe dir, qua in casa sua, dove che gaveva trem e tanto soferto, che no gaveva pi bisogno de nessun Ma adesso Xe capit, l in casa de lamia che me ospita, un mio zerman, de ritorno da la Francia. Un bon fio e un bravo tornidor Gerimo stai putei insieme Prima ghe go fato piet; e po dopo el ga ciap la scufia. E anca mi, lo confesso El me sposa; e el ghe d el nome a la mia bambina.

On. Mardegari

Patatrac! Varda ti se mi me sara mai imagin una cosa simile

Valentina

No semo fati, nualtri, per le complicazion. Semo zente a la bona. Se gavemo sbagli, paghemo. O cerchemo de vegnirghene fora secondo el nostro giudizio Ma, se xe possibile, le nostre strazze preferimo lavarsele in casa! (a Tito, con intenzione) No ghe par che vada ben, cuss? (Tito annuisce col capo)

Madalena (abbracciandola in un impeto di tenerezza)

Toh, vissare! Lo go sempre dito, mi, che ti xe una brava fa! (suoneria esterna. Madalena esce per la comune)

Valentina (a Lina)

No la se n minga per mal, vero, signora?

Lina

No, cara. E credo anca mi, adesso, che ti podar essar ancora felisse

Valentina

Oh! Me bastara essar in pase co la mia coscienza. (la bambina strilla) La se ga svegi de novo! Bisognar proprio che la riporta in campagna prima de sera. I me scusa. (esce per il secondo di sinistra)

On. Mardegari (dopo un poco)

Ah, ben! (per un pensiero improvviso) E mi? Come resto?

Tito

Come ti resti?

On. Mardegari

Ormai che go comunic ai coleghi de la Camera El sar el discorso del giorno nel transatlantico No posso minga adotarghene un altro per no perdar la nomina a Presidente de la Comission!? (la bambina tace)

Tito

erto che una bela figura no ti la fa de sicuro. Sempre quela benedeta abitudine de parlar prima del tempo

On. Mardegari

No parlo pi.

Tito

Bravo! E de un deputato muto cossa vustu che i se ne fassa?

On. Mardegari

Muto, fora de laula! Ma apena l dentro, adesso che Lina ga d le dimission, parlo anca per ela. La voce Mardegari deve levarsi sovrana, sempre. (a Lina) Ma xe po sicuro che ti te ritiri?

Lina

Pi che sicuro. Fin da geri sera, apena go avudo conferma che Tito montava in treno, go scrito ala Segretera del gruppo. E sar inutile ogni insistenza in contrario. Go ben altro da pensar, adesso (ha un lieve scoppio di risa)

Mardegari

Percossa ti ridi?

Lina

Cuss Ve lo figurlo, vualtri, quel teremoto de lex onorevole Mardegari co un pupoto in brasso?

Mardegari

E restasselo solo quelo! Adesso che ti ga trov la strada Xe come le interpelanze a la Camera. Una tira laltra.

Tito

Te concedo che i te nomina Presidente del Comitato Maternit e Infanzia!

Lina

Ben; fin l, forse, podar arivarghe Ma ti no credar de cavartela cuss a bon marc; pi de una volta ti dovar sbrassolarteli ti.

Tito

Basta che ti me daghi una tela cerata da metar sui zenoci Ma anca ti no ti portar pi quel vestito co la gonna-pantaloni e quel magion a la Gino Bartali

Lina

Se capisse; se no, quando che alato, sastu che traffico!

Tito

E gnente quel papavero rosso a la patla.

Lina

Cossa ghe entra el papavero?

Tito

No l me piase. E no l ghe piase gnanca al pap. (a Mardegari) Vero?

Mardegari

Una stonatura.

Madalena (d.d.)

Ma no, ma no, benedete. El xe apena ariv adesso

Carmela

Una parola. Una parola sola No semo vegnude per far scene

On. Mardegari (a Madalena che ora sulla comune)

Cossa xe? Sta vose mi la conosso

Madalena

Le serve, qua, de la fondamenta. Quele de laltra volta.

Tito

E no ti ga ciap el manego de la scoa?

Madalena

Cossa vorlo Le me par deventae cuss domesteghe Le gaveva son anca i giorni passai

Tito

Avanti, alora. Sentimo cossa che le vol.

Madalena fa cenno alle tre ragazze di entrare

Carmela (umile)

El ne scusa, ragionier Gera un toco che no se lo vedeva a Venezia El gera scomparso de circolazion

Gelsomina

E gavevimo, qua, come un peso sul stomego

Tito

Un peso?

Carmela

S; da quela volta che semo vegnude qua in casa sua a far quel putiferio Ne pareva fin impossibile de essar arivae a tanto

Tito

Ma la resentada dai pompieri no la gav minga ciapada!

Gelsomina

Magari! La ne sara stada ben. I ne gaveva scald la testa No semo, po, la peste che i ne crede

Carmela

E adesso, vegnendo fora dal biavarol, co lo gavemo visto passar co la valisa, se semo dite: Dai, tose! Sonemo, prima che l ne scampa unaltra volta

Tito

E per che razon?

Gelsomina

Per dirghe che semo stae de le stupide E che el tempo ghe gaveva d razon a lori.

Carmela

Col tempo tuto se xe messo a posto (indicando Lina) Co tuto quelo che ga fato qua lonorevole

Mardegari

Chi? Ela? No la xe pi onorevole. La d le dimission.

Carmela

Dasseno? No la xe pi deputata? Cossa che me despiase! Una rovina per Venezia! Se xela stomegada? No sar minga st per colpa nostra?

Madalena

No. No steve a crussiar, tose (con intenzione) Xe per colpa, invesse, de (e sussurra qualche parola allorecchio di Carmela)

Carmela (lietamente stupita)

Oh! (e sussurra a sua volta qualche cosa allorecchio di Gelsomina incuriosita)

Gelsomina

Oh! (e fa altrettanto con Amabile)

Amabile

Dmene tante! (indi, con la solita intonazione da scema) Viva viva- viva!!

Carmela (a Lina)

Che la Madona la benedissa, signora. Ela e la creatura che ga da nassar.

Gelsomina

Bravo, ragionier.

Lina

Grazie, care, grazie Ma ti podevi pur aspetar, Madalena (ha un capogiro e si appoggia alla spalla di Tito)

Tito (allarmato, sorreggendola)

Lina?! Cossa ghe xe? Su! Su, Lina!

Lina (con un filo di voce)

Gnente gnente Acompagnme de l

Madalena

Oh, Vergine Santa !

Tito e Madalena accompagnano Lina al primo di sinistra; escono)

Carmela (a Mardegari)

Se sntela mal?

On. Mardegari

Cose che passano Conseguenti al suo stato Provar anca vualtre, un giorno (facendo di ganascino a Carmela) No ghe xe minga mal in sto museto! (cambiando) Dunque, contente?

Carmela

Diverse nostre amighe xe stae assunte ai tabachi; altre a la fabrica de spazzole

Gelsomina

Mi, per fortuna, nessun ga avudo el coragio de tocarme

On. Mardegari

Ah! Per via dei piati (a Carmela) E ti?

Carmela

La contessa Sardi me ga tolto de novo a servizio.

On. Mardegari

Come? Per cossa far? Se la gaveva svaliz mezo magazen de mio fio?

Carmela

Cossa vorlo? Fra le interuzion de corente e qualche rodela che se ingrana, piutosto de tegnir un mecanico stabile, la ga prefero ciamar la domestica de riserva. E mi go cuss el posto, la legee fasso manco fadiga in cusina. (la bambina strilla. Le tre domestiche si voltano lentamente come automi verso la camera di Lina. Luscio si schiude e vi appare Madalena che fa per attraversare quasi di corsa)

Gelsomina (quasi timidamente)

El xe nato?!

Amabile (pi forte)

El xe nato?!

Carmela (pi forte ancora)

El xe nato?!

Madalena (si ferma)

Cossa, xe nato?

Carmela

El bambin?

Madalena

Eh, no, in malorsega! Cuss a tamburo batente? Gnanca che l fusse una piavola de pezza, da fabricarlo in un mese! (e riprende la sua corsa) Go da andar a torghe un goto de acqua

Sipario

Luned, 3 Marzo 1952

Per qualsiasi richiesta e/o comunicazione rivolgersi a:

Dr. Arnaldo Gabriele Selmi

calle Maccari 17

34072 Gradisca d'Isonzo (GO)

tel 0481 92107

cell. 335 5298448

[1] Sgiavento la pertica con cui si battono le noci ; anche randello

[2] Abbagliamento, ci che offusca la vista

[3] Malefatta, fallo, mala azione

[4] Far una buzara: Far un passo falso, Far una corbelleria o castroneria. Far buzara sora buzara: Errori sopra errori

[5] Missiarse: Agitarsi

[6] Buganza: Gelone, vescica.

[7] Parlr dai copi in zo: Secondo lintelligenza degli uomini

[8] Minga: come Mica, Miga

[9] Far un S. Cassn: sciupare, malmenare Nasse un sancassan: nasce una baraonda

[10] Ponga: gozzo. Farse la ponga: Fare il gruzzolo, Arricchirsi, come i polli si riempiono il gozzo

[11] Fildi: Filati, cio Bambagia ridotta a filo, filata. Qui sta per smagrita

Questo copione è stato visto: