Isso, essa, ‘o malamente e …chillo ca nun te aspiette!

Stampa questo copione

‘NU TANTILLO ‘E NAPULE

Isso, essa,

‘o malamente e …

chillo ca nun te aspiette!

Sceneggiata a meglio

SceMeggiata

In un atto di

Umberto Castaldi


PERSONAGGI

PEPPE ‘O PARULANO                                      ISSO

MARGHERITA                                                     ESSA

DON SALVATORE                                              ‘O MALAMENTE

CARMELA                                                            SUA CONVIVENTE

GENNARO                                                                               SPETTATORE

CONCETTA                                                          SUA MOGLIE

DONN’AMALIA                                 ‘A MAMMA D’’O MALAMENTE

PASQUALINO                                                      GUAPPO

MICHELINO                                                          GUAPPO

LUIGINO                                                                GUAPPO

CHAMPAGNE                                  CHILLO CA NUN TE ASPETTE


L’AZIONE SI SVOLGE IN UN VICOLO N’COPP’’E QUARTIERE

(SI APRE IL SIPARIO –  LA SCENA E’ POCO ILLUMINATA – DAL FONDO SULLE NOTE  DI “GUIAPPARIA” ENTRA “DON SALVATORE ’O MALAMENTE” CHE SI POSIZIONA AL CENTRO DEL PALCO ASSUMENDO UN ATTEGGIAMENTO GUAPPESCO. – DOPO UN PO’ LA MUSICA SFUMA – “’O MALAMENTE STA PER PARLARE, QUANDO DAL FONDO ENTRA UNA SPETTATORE, VISIBILMENTE AFFANNATA. SI ACCENDONO  TUTTE LE LUCI, ANCHE IN SALA)

Concetta    ‘Nu mumento, ‘nu mumento, nun accumminciate! (Saluta il pubblico, stringendo la mano a qualche spettatore) Buonasera, buonasera, avete visto mio marito? E’ un uomo alto, bello slanciato!

Gennaro   (Si alza) Viene Cunce’,sto cca’! fa ambresso pecchè lo spettacolo già è accumminciato

Concetta   Disgraziato, all’anema e chi t’e vivo, pecchè nun m’he aspettato?

Gennaro   Vulevo piglià ‘e meglio poste…Viene assettate!

Concetta   (Va a sedersi) Ma io ccà nun ce veco!

Gennaro   E allora viene cu’ mme, jammo lla’ ‘ncoppa!

                   (Si alzano, salgono sul palcoscenico)

Gennaro   Jammo, fa’ ambresso!

Concetta   (E’ affaticata) ‘Nun mumento, Gennarì, nun ce ‘a faccio cchiù: ho hatto un corso tutto d’un ciato e la lengua ha perduto l’umidità!

Gennaro   (Meravigliato) E che d’è succiesso, hai mettuto la lengua nel pulito, stasera?

Concetta   E pe’ forza…per non farti asfigurare, marito mio! Questa è una serata mondata, con tanta bella gente!

Gennaro   Mancavamo sulo nuje!

                   (Sono ormai saliti sul palco e si posizionano, con le sedie, al centro dello stesso, con le spalle al pubblico )

Gennaro   Ecco qua, sono di tua gradevolezza i posti, rusella ‘e maggio mia’…

Concetta   E comme no, garufaniello spampanoato ‘e chistu core!

                   (Si scambiano  delle effusioni sotto lo sguardo incredulo di don Salvatore)

Salvatore  Scusate se mi intervallo nella vostra intimità, ma ni volete spiegare che ce facite ccà ‘ncoppa?

Gennaro   Uh guardate, chisto è scemo, noi siamo il pubblico!       

Salvatore  E il pubblico deve stare giù dal palcoscenico…Il palco è riservato agli attori!

Concetta   E chi sarriano gli attori?

Salvatore  Io e i miei colleghi!

Concetta   (rivolta al marito) Cosa ‘a nun credere, chisto è ‘n’attore!

Gennaro   ‘Nu mumento, nun te fa’ diebbete cu’ ‘a vocca: io m’aggio’appurà! (A don Salvatore) Tu si’ ‘n’attore?

Salvatore  (Pavoneggiandosi) A servirvi, pecchè nun se vede?

Gennaro   (Prende per un braccio Salvatore e lo spinge) ‘O zi’, nun me fa ridere! Nun ce vo’ niente cchiù! (Si volta verso Concetta ed insieme ridono)

Salvatore  (Risentito) Sentito giuvinò, è vero che state con una femmina ed io per rispetto alla medesima nun ve faccio scorrere ‘o sango da più parti… ma non abusato e faciteme la squisitezza e scennere ‘a via ‘e vascio!

Gennaro   (Minaccioso) Ca si no?

Concetta   (Si frappone fra i due) Gennarì’, nun da ‘aurienza, avisse ‘a perdere ‘a libertà pe’ ‘nu frullocco ‘e chisto? 

Gennaro   E va bene, ringrazia la mia signora se non ti faccio fare all’INAIL  la pratica accelerata per l’invalidità sul lavoro! Jammo bello, si si’ ‘n’attore facce vedè ca te fidi ‘e fa’! (La coppia va a sedersi)

Salvatore  Ma comme faccio a fa’ ‘o spettacolo cu’ vhje duje ccà ‘ncoppa?

Concetta   Il vero attoro si ammescola con il pubblico!

Salvatore  Chesto pure è ‘overo, ma faciteme cchiù ‘e lato!

                   (I due eseguono)

Salvatore  Tecnico delle lucio aiza…

Gennaro   (Risentito) Neh, che adda aizà, bello’,,,Qua ci sta una signora!

Salvatore  (Con pazienza)  Aiza’ e lluce….E me ‘o facite fa?

Concetta   Vai avanti, stru…..mmolo!

Salvatore  Felicissima sera a tutte ‘sti signure ‘ncruvattate, a chesta cumitiva accussì allera, d’uommene scicche e femmene pittate!…Chi so’?

Gennaro   E’ meglio ca nun te ‘o ddico!

Salvatore  (Lo ignora) Chi so’? Che ve ne ‘mporta? Aggio araputa ‘a porta e so’ trasuto ccà…(Si rivolge alla buca dell’orchestra) Musica, mucacante…(si ferma ed aspetta la musica) (Ripete) Musica, musicante…..(L’orchestra non suona, allora ripete spazientito) Musica, musicante…(Niente musica)

Concetta   ‘E fatto ‘n’ata figura ‘e niente!

Salvatore  (Al proscenio) Chiedo scusa a questo stimatissimo pubblico, ma i musicanti hanno aderito ad uno sciopero improvviso contro la direzione per inadempienza contrattuale, perché la stessa non ha fornito i bomboloni pattuiti!

Gennaro   Vai avanti senza i musicanti, turzo ‘e pennilello, ca ‘o bombolone, te ‘o dongo io doppo!

Concetta   Sempe si se ‘o mmereta!

Salvatore  E allora andiamo avanti con lo spettacolo! (Ai due) Miei signo’, vi prego di non interrompere più, pecchè io so’bello e caro, ma se voglio, io feto!

Concetta   (con disgusto) E se sente!

Salvatore  (Non raccoglie) Chi so’? Io songo ‘o meglio guappo ‘e dint’a Sanità  e pure ‘o nammurato ‘e Margarita, ‘a femmena cchiù bella de Anfrascate!(su questa ultima battuta è entrato in scena Peppino, Marito di Margherita)

Peppe       E tiene pure ‘o curaggio de ‘0 dicere? Te si’ scurdata ca Margherita è muglierema?

Salvatore  Mugliereta pe’ l’anagrifa, ma è sempe ‘a nnammurata mia!

Peppe       (Cercando di rabbonirlo) Don Salvato’, vuje me avite crisciuto….io tengo ‘nu grande rispetto pe’ vuje…nun me putite fa’ chesto…E po’ vuje è comme si fusseve già spusato!

Salvatore E con ci ò? Io songo ‘o meglio guappo ‘e dint’a Sanità e tutto mi appartiene,  quindio anche mugliereta!

Gennaro   Sta bene, carugnò!

Concetta   Ma qua’ sta bene! (Da la borsa in testa al marito) E se sape, tra fetiente ve capite! Vai avanti, turzo!

Peppe       E po’, don Salvatò’, ricurdateve ca dinta diece anne, donna Carmela v’ha dato quinnice figlie!

Concetta   Ma che d’è, ‘na cuniglia?

Salvatore  …Carmela nun è muglierema: ha solo l’onore di condividero il mio letto per lo spasso notturno, quanno sto piombo a femmina….E po’ chiste so fatte ca nun te arriguardano!

Pette          ‘O saccio, ma nun sta bene!

Salvatore  (Reprimendosi a stento) Quello ca sta bene lo decido io! Dunquio, muglierete mi appartieno pecchè te ‘a si’ spusata senza ‘o cunsenso mio!

Peppe       Io nun ve vulevo fa’ nisciuno sgarro e po’…. A Margherita io ‘a voglio bene!

Salvatore  (Tragico) E pecchè, io a Margherita nun ‘a voglio bene? (Con la voce rotta dal pianto) Chella  è tutta ‘a vita mia!        

(Piangono anche Gennaro e Concetta)

Peppe       (Asciugandosi le lacrime) E va be’, don Salvatò, nun facite accussì, e facite piglià collera!…Vi prometto ca ‘na vota ‘a semmana, a Margherita ve ‘a dongo a vuje!

Salvatore  (Felice) ‘Overo? (Batte le mani come un bambino)

Peppe       E’ bello, è bello! (Gli da un lecca lecca)

Salvatore  (Prende il lecca lecca, lo succhia, poggia la testa sulla spalla di Peppe)

Peppe       Nonna nonna bebè, ca mo’ vene papà..(Prende in braccio don Salvatore che nel frattempo si è addormentato ed esce dal fondo)

Concetta   Che schifo, gli da ‘a mugliera ‘na vota ‘a semmana!

Gennaro   Che schifo! Puteva fa’ per lo meno ddoje vote!

Concetta   (Gli da uno schiaffo) Depravato!

Carmela    (Entre dal fondo. E’ una giovane e bella donna. Si rivolge ai due piangendo) Comme aggio ‘a fa’, povera a me, povera a me!

Gennaro   Scusate, ma chi siete?

Carmela    Carmela, chella de’ tracche!

Concetta   Tenite ‘a bancarella de’ fuoche pe’ ‘a fine ‘e ll’anno?

Carmela    Ma qua’ fuoche,so’ Carmela e ‘e figlie mieje ‘e cugnomme fanno Tracche, pecché chillu ‘nfame, manco ‘o cugnomme ce ha voluto da’! Quinnice figlie l’aggio dato….quinnioce gioielle e, quanno sto ‘nzieme a lloro dico: “Ecco i miei gioielli!

Concetta   Comme chella femmina romana d’antiquariato: Cornuta de’ Tracche!

Gennaro   Ignorante, Cornuta dei Granchi!

Concetta   Tu che vuò ‘a me, io nun so’ gghiuta ‘a scola, nun so’ istrovita comme a te ch’è fatto diece anne ‘a primma alimentare1

Gennaro   Modestamente! Ma mo’ pensammo a ‘sta puverella! (A Carmela) Quinnice figlie?

Carmela    Si e ne tengo n’ato (Mostra la pancia) ca sta pe’ nascere!

Concetta   E vuje nun ve fidate ve sta cuita!

Carmela    Nun avite ‘ntiso? Me tene pe’ ‘o spasso notturno…E ‘nu bugiardo, pecché pure ‘e  juorno vuole le mie grazie!

Concetta   Tene tutta ‘sta salute? (Schifata verso il marito) ‘O spasso notturno tuojo è a leggere Diabolik!

Gennaro   Ognuno tene ‘s spasse suoje!

Concetta   Quinnice figie!

Carmela    Si, e so tutte maschie!

Gennaro   E si pure chilo ca nasce è maschio, ha fatta ‘a squadra ‘e pallone cu’ tutta ‘a panchina!

Carmela    E chello ha ditto Salvatore:  appena se fanno ruosse, si ‘o Napule nun è falluto, s’e venne a Naldi ca si nun addivengano buoni calciatori, se po’ mettere d’arcordo cu Corbelli e s’e fa’ vennere pe’ televisione cu Telemarket! Chille vennero tanto munnezza, fanno tanta bidune e uno ‘e cchiù, uno ‘e meno‘ chi vuò ca se ne accorge!

Salvatore  (Entra e si rivolge a Carmela)Tu staje ccà? Vaje perdenno’o tempo quanno il tuo mascolo ha bisogno urgento di una tua prestaziona!

Carmela    Veramente io venuta a te cercà pecché pur’io aggio bisogno ‘e te…So quase cinque ore ca nun me faje ‘na carezza, nun me faje fa’ ‘nu suspiro, nun me sfioreggi neanco con lo sguardo….

Concetta   (Allibita) Cheste so’ cose ‘e pazze!

Salvatore  Avviate, ca mo’ vengo….fatte truvà pronta…..

Carmela    (Sospira) Ahhh….So già pronta…fa ambresso.nun me fa aspettà...Ahhhhh! (Via)

Concetta   (Irata verso il marito) Mo va a acuità a chesta e po va addu Margherita! Miettete scuorno! (Gli da la borsa in testa)

Amalia       ( Entra dal fondo: è’ una donna non giovanissima, ma ancora piacente: è la mamma di Salvatore) Figli, figlio mio, che fine ch’è fatto! Ire ‘o meglio guappo ‘e dint’a Sanità, e mo’ si’ addivintato ‘nu pere ‘e vruoccole! Io che pozzo fa’..che pozzo fa’? (Piange)

Gennaro   E chesta mo’ a do’ è asciuta?

Concetta   ‘A dinnt’all’uovo ‘e Pasca! (Alla donna) Scusate, chi siete?

Amalia       (Canta)

Songo ‘Na Mamma

(Testo e musica di Umberto Castaldi

Songo ‘na mamma e songo disperata,

pecché ‘o guaglione è gghiuto carcerato…

e quanno è trasuto dint’e cancelle

cu’ n’ato essa ha fatto chesto e chello!

E mo ca si asciuto, che vuò fa’,

vuò perdere pe’ sempe ‘a libertà?

Tu dice sempe: “Guardala  è ‘na rosa”

E invece no, è sulo ‘na mappina,

Te ‘a può accattà cu’ miezo litro e vino,

‘nu coppo allesse ‘nzieme a duje lupine!

Tu  ‘le ‘a capì pe’ te no, nun è cosa,

nun ‘a pensà e tuornatenne ‘a casa!

Gennaro   (Insieme a Concetta) ‘Nzà, ‘nzà!

Amalia       (Riprende la parte recitata) Songo ‘na mamma, nun songo ‘na santa e miracele nun ne saccio fa’! Nun si’ stato a sentì a mamma toja e chella ne ha apprufittato: appena si’ gghiuto ‘ngalera per spaccio illegale ‘e  cascettelle p’’e muorte e Pampers ausate, chella s’è spusato ‘o guaglione! E mo’ che vuò fa’, vuò perdere n’ata vota ‘a libertà? Piensace buono, perdonala! ‘O perdono è ‘a cchiù bella vendetta!

Concetta   Che brava femmena!

Amalia       …Ma si proprio nun ce riesce, allora fa’ l’ommo ‘overo….Uccidila!

Gennaro   Sta bene! E meno male che l’aveva perdunà!

Concetta   Ma qua’ sta bene! (Ad Amalia) E si mamma tu? ‘Na mamma ca dice a ‘o figlio ‘e accire , nun è mamma!

Amalia       E fusse mamma tu?

Concetta   Ciente vote cchiù ‘e te! (Stanno per azzuffarsi, quando entrano tre guappi, sicari di Salvatore, che dividono le due donne)

Luigi          Donn’Ama’, lassate perdere……

Pasquale  Vuje site ‘na femmena positiva…..

Michele     Nun ve ammiscate cu’ chesta vaiassa!

Concetta   Vaiassa a me? (Tenta di avventarsi, ma viene trattenuta dal marito; i tre portano fuori Amalia)

Marghe:    (Entra dal fondo) So’ Margherita, chi mi vuole?

Concetta   ‘A culumbrina!

Gennaro   (Per avvalorare) ‘A zucculona!

Concetta   (Picchia Gennaro, poi a Margherita) Come avete detto che vi chiamate?

Marghe     (Canta)

MARGHERITA

(Testo e musica di Umberto Castaldi)

Io songo Margherita de ‘a Sanità,

e femmena cchiù bella no, nun ce sta!

Ca’ tutte quante ll’uommene me vonno,

ma ‘o sanno ca cu me sperà nun ponno….

Pecché so’ Margherita e mo’ l’ammore,

‘o tengo già ‘nzerrato dint’o core:

è guappo, me vo’ bene e saje che fa?

‘A tutte quante me fa rispettà!

E’ guappo, me vo’ bene e saje che fa?

‘A tutte quante me fa rispettà!

(Sussurrato in tono languido. Lento si rivolge a Gennaro)

Però si tiene ‘e lire in quantità,

e nun tiene paura ‘e l’affruntà,

(Alza il tono. Svelto)

‘o core mio pe te se po’ arapì…

che ce vuò fa’, i’ so’ fatta accussì

‘O core mio pe te se po’ arapì….

che ce vuò fa’ i’ so’ fatta accussì!!!!

Concetta   (A Gennaro) Avive ragione tu, è ‘na zucculona!

Peppe       (Entra dal fondo, vede Margherita) Ah, tu staje ccà? Ch’è fatto….ch’è fatto….

Marghe     (Si butta ai piedi di Peppe) Peppì. Peppì, che m’’è fatto fa’!

Peppe       Ah, mo te ‘a piglie cu’ mme? La colpa è solo tua! ‘Na femmena seria, ‘na femmena onesta, ‘na femmena ca vo’ bene a ‘o marito, se fa accidere, ma non soggiace al maschio estraneo!

Gennaro   Propetamente accussì!

Concetta   Ma quanno maje! La poverella ha le attenovanti genericate!

Marghe     (Si alza) Grazie vostro onore, proprio accussì! E po’ si accedeva a me nun me ‘mpurtava….’a paura mia è che accedeva a te!

Peppe       Allora ‘e fatto buono!

Concetta   ‘I che ommo ‘e….

Gennaro   (Le tappa la bocca) Concetta, contegnati!

Peppe       Non hai giustificazioni, anzi sai che ti dico? Femmena (Accenna il motivo di Malafemmena) Femmena, tu si’ ‘na malafemmena…

Concetta   (Canta anche lei insieme a Gennaro) …Chist’uocchje ‘e fatto chiagnere, lacreme ‘e ‘nfamità…..

Peppe       (Con la voce rotta dal pianto) E che lacreme….(Riprendendosi)…Tu però nun te l’e fatto dicere ddoje vote, subito ti sei messa all’opera e sotto all’uoccje mieje!

Concetta   (Incredula) Sotto all’uocchje suoje?

Gennaro   (A Peppe)   Sotto all’uocchje tuoje?

Peppe       (Drammatico) Si!

Gennaro   E me putive chiammà!

Peppe       (Normale) ‘A prossima vota!

Concetta   (Al marito) Pure guardone si’ addivintato? (lo picchia)

Gennaro   Ma qua’ guardone, era per testimoniare sul misfatto!

Concetta   E va bene! (A Peppe) Vai avanti cornacopia!

Peppe       (Riprende il tono melodrammatico) Dunquo, sotto all’uocchje mieje…

Marghe     E chillo accussì ha voluto…io l’aggio fatto pe’ te, pe’ te aggio miso sotto ‘e piede la mia dignità di Spettatore onesta e fedele!

Concetta   (Piange) Puverella!

Peppe       Spettatore onesta e fedele tu? Parive n’assatanata ca nun vede n’ommo da ‘e tiempe ‘e Pappagone: parive Jessica Rizzo e Ramba in un’orgia sfrenata di harda corda!

Concetta   ‘E capito ‘a munacella?

Marghe     Ma tu che vuo’ ‘a me? Visto che l’avevo ‘a fa’…..

Peppe       Hai pensato di collaborare!

Marghe     (Candidamente) Eh! Pure pe’ nun fa’ piglià collera a don Salvatore: chillo tene ‘na certa età e si nun me devo a fa’, jeva a fernì ca le passava ‘o genio, nun era capace ‘e fa’ niente e….

Peppe       …Tu te perdive l’occasione!

Marghe     Peppì, fa’ l’uomo modeno, emancinato….Chell che se lassa è perduto! L’avevo ‘a fa’? E tanto vale che la mia pachidermida ha vibrato ‘nzieme a chella ‘e ‘nu maschio ‘overo,…. ‘na vota tanto!

Peppe       (Infuriato) ‘Na vota tanto? Pecchè, questo maschio qua, (si indica) non ti fa vibrare la pachidermida?

Marghe     Peppì. È meglio ca me sto zitta,….anzi ferniscila pecchè si no te sbruvogno e faccio sapè a tutte quante come passiamo le nostre notti d’amore!

Gennaro   (Ridendo) ‘O dicevo ca nun è buono!

Concetta   Statte zitto ca manco tu tiene ‘o diritto ‘e parlà…’E cose se so’ accunciate ‘nu poco ‘a quanno è asciuto ‘o Viagra, la pillola blù che te lo tiene sempre su!

Gennaro   ‘E piglio pe’ sicurezza, ma nun n’aggio bisogno!

Concetta   ‘O dice tu! Mo’ statte zitto che aggio ‘a chiedere ‘na cosa a chesta! (Va vicino a Margherita) Scusato, ma don Salvatore vi ha fatto propretamente vibrare?

Marghe     Comme ‘na corda ‘e ‘na chitarra!

Concetta   (Ha un brivido) Uhhh! (Al marito) Pecchè nun faje ‘n’offesa a don Salvatore?

Gennaro   E pecchè?

Concetta   Accussì se vularrà vendicà pure cu’ te, e io me faccio ‘na bella vibrata!

Gennaro   (Minaccioso) Mo’ ‘na vibrata te ‘a faccio sentì cu’ ‘na seggia ‘areto ‘e rine!

Peppe       Neh, ‘a vulite fernì, ce vulite fa j’ annanze?

Concetta   (Sospirando) Ah! Vaje avanti, sporta ‘e maruzze!

Peppe       Margheri’, ricuordate ca ‘e culate se fanno ‘a casa….(grave) Vuol dire che per il salvamento del nostro matrimonio, ti perdono!

Marghe     Grazie, ammore mio! Ma stevo pensanno ‘na cosa:…don Salvatore è ‘nu grandu guappo ed è meglio ca ce ‘o tenimmo bbuono: invece de ‘o fa’ vendicà ‘na vota ‘a semmana, pecchè nun ‘o facimmo vendicà tutt’e juorne’

Gennaro   Comme sta ‘nfucata!

Marghe     …(Con gli occhi pietosi) ….E’ per il bene del nostro matrimonio!

Peppe       E va bene, ….po’ se vede! Mo’ però mi devi fare ‘nu favore!

Marghe     Dimmi amore mio!

Peppe       Lievete ‘a faccia quell’aria soddisfatta!

Marghe     Non posso!

Peppe       E pecchè’?

Marghe     Ho fatto l’amore con Control…

Concetta   Pure cu’ n’ato!

Gennaro   Uno ‘e cchiù, uno ‘e meno…sempe scurnacchiato è!

Peppe       (Ignorando) E con questo?

Marghe     Far bene all’amore fa bene all’amore, …..e da quando è succiesso te voglio cchiù bene! (Invitante) Ma nun parlammo cchiù, andiamo, andiamo a casa (Via dal fondo)

Peppe       (Seguendola) margherita…Margherita….

Concetta   ‘E capito a Margherita? Don Salvatore, Control, mo’ ‘o marito e io m’aggio ‘a sciruppà a te!

Gennaro   Chella si ca è ‘na femmena!

Concetta   Che vuò dicere, pecchè io che songo?

Gennaro   ‘Nu cuoppo travestuto ‘a femmena! (Stanno per azzuffarsi, quando entra  Salvatore)  

Salvatore  Ecco fatto….’O guaglione è stato ‘e parola: mi ha portato da Margherita e m’ha fatto vendicà! Che femmena! Margherita è Margherita, Margherita è stata ‘a mia! Però mo ‘a vendetta ha da essere completa: Tutte quante devono sapere chello ca è succiesso!

Pasquale  (Entra dal fondo con gli altri due guappi) Don Salvato’, buonasera, ccà stanno ‘e guagliune vuoste..

Luigi          …..I vostri servi devoti….

Michele     ….I vostri scendiletti….

Pasquale…Le vostre mappine ossequiose…

Luigi          …I vostri dieci piani di morbidezza vellutata….

Salvatore  (Interrompendoli) Guagliù, fernimmola ccà, si no facimmo juorno! Dunquo, voi mi siete devoti……

Tutti e tre   (Cantano) Siamo i vostri ragazzin, siamo tre birichin, mai nessuno vi tradirà, tralalalalallà!

Salvatore  (Sullo stesso motivo) Ve sgommo ‘e sango primmo ‘e mo, tralalalallallò! E’ arrivato il coro dell’Antoniano….Mo’ vi faccio partecipare allo zecchino d’oro!

I tre             (Insieme) grazie, don Salvato’!

Salvatore  I ringraziamenti dopo! Stateme a senti’: vuje avite……

I tre             Come don salvatore comanda!

Salvatore  Benissimo, me avite ‘a fa’ ‘nu piacere…

I tre             Come don salvatore comanda!

Salvatore  Benissimo, vuje…

I tre             Come don Salvatore comanda!

Salvatore  S’è ‘ncagliato ‘o disco, faciteme parlà…

I tre             Come don Salvatore comanda!

Salvatore  Io mo me metto a chiagnere….Posso avere il silenzio?

I tre             (Si guardano, poi intonano) Tarataratataratata, taratatataratataratatà….

Salvatore  (Prende la pistola) Basta silenzio!

I tre             (Stanno per rispondere, ma ognuno tappa la bocca all’altro)

Salvatore  (Soddisfatto) Dunque, vuje sapite ca chillu ‘nfamone ‘e Peppe ‘o parulano, approfittando della mia…villegiatura a Poggioreale, s’è spusato a Margherita mia, e allora mo’ ca so’ asciuto…..

Gennaro   Te prodeno ‘e corna!

I tre             (Avanzano minacciosi e Gennaro si impaurisce)

Savatore   (Frena i guappi) ..E mo’ ca so asciuto aggio deciso ‘e me vendicà e me so vendicato!

Michele     L’avite fatto a piezze?

Salvatore  Peggio!

Pasquale  Ne avite fatte buttune pe’ ‘a vrachetta?

Salvatore  Peggio!

Luigi          L’avite squagliato dint’a cavecia?

Salvatore  Peggio!

Michele     ne avite fatto supposte p’’e cavalle?

Salvatore  Peggio!

I tre             (sgomenti) E allora?

Gennaro (Canta) E allora, con la bionda e con la nera, ogni sera, ogni sera me ne vado a passeggiar…

I tre             (Solita azione intimidatoria, con Salvatore che li trattiene)

Salvatore  E allora (Con enfasi) Margherita è stata ‘a mia!

I tre             E tanto ce vuleva a dicere?

Salvatore  Margherita è stata ‘a mia e mo’ l’hanno ‘a sapè tutte quante!

I tre             (Si guardano in faccia)

Pasquale  Don salvato’, ‘nu guappo è n’ommo serio e ll’uommene ‘overe nun ‘e vanno ‘a dicere ‘sti cose!

Luigi          pensateci bene, vuje site un uomo d’onore!

Michele     E po’,  si ‘o sape Peppe ‘o parulano, cercarrà ‘e se vendicà!

Salvatore  E qua sta ll’arte ‘e don Salvatore ‘o malamente! Annanze a ‘o marito ne aggio fatto unu muorzo della bella Margherita, ma ‘a prossima vota me faccio…..

Luigi          ‘Nu cazone cu ‘a ricotta!

Salvatore  (Continuando) N’ata vota me ‘a pappuleo oltre che davanti al marito, pure annanze a tutti quelli che vogliono assistere ad una consumaziona di alta classe!

Pasquale  Sta bene! Accussì fa n’ommo ‘overo! Jammo bello guagliù, jammuncenne a ‘o dicere a tutte quante! (I tre escono dal fondo. Anche Salvatore sta per andare via, ma viene trattenuto da Concetta).

Concetta   Don Salvato’, don Salvatò…

Salvatore  Dito!

Concetta   ve vulevo fa’ sape’ ca se mio marito ve fa qualche sgarro, vuje state senza pensiero, pecchè si ve vulite vendicà, io sto a vostra disposizione: vattiteme, ammappuciateme e vendicateve tutte ‘e vote ca vulite!

Salvatore  Ojne’, num me fa avutà ‘o stommaco!

Gennaro   (alla moglie) Cuncè, viene ‘a ccà assiettate ca po’ ‘a casa facimmo ‘e cunte!

Salvatore  (Va sul fondo, sta per uscire, quando entra da sinistra Peppe: Si ferma ad ascoltare)

Peppe       E’ fatta! Quel cretino pensa ca s’è vendicato e invece nun ‘o sape ca io a Margherita ‘a tengo ‘ncopp’o stommaco! (Controscena di Gennaro e Concetta che cercano inutilmente di fargli capire la presenza di Salvatore) Io sono innammorato di Champagne che è lla bellezza personificata,…l’ideale di amore che ho sempre sognato! (Rifacendo il verso a salvotore) Margherita è Margherita, Margherita è stata ‘a mia!….E chi se ne fotte, a margherita se ‘a po’ pure tenè, io chesto voglio!

Salvatore  (che ha sentito tutto) Ccà sta pure Peppeniello nuosto…Peppeniello, caro amico mio!

Peppe       (In evidente imbarazzo) Don Salvatore amabile, da quanto tempo state qua?

Salvatore  So’ arrivato in questo momento!

Peppe       (Respiro di sollievo)

Salvatore  Dunquo guaglio’, te voglio da’ ‘na bella notizia1

Peppe       Dite don Salvato’!

Salvatore  Adesso che hai riconosciuto il tu torto ed io ho salvato il mio onore, mi ritengo soddisfatto del tuo comportamento ed ho deciso che da oggi Margherita torna ad essere tutta ‘a toja!

Peppe       (Deluso) Pensateci bene, don salvato’, voi siete stato offeso perché quando non c’eravate, ho approfittato della vostra assenza e m’aggio spusato a Margherita! Essa però vi appartiene!

Salvatore  Ed io nun ‘a voglio cchiù!

Peppe       No, vuje ve l’avite ‘a piglià!

Salvatore  Ed io nun ‘a voglio, anche perché aggio truvato l’ammore cu n’ata e voglio a essa!

Peppe       (Dubbioso) E comme se chaimma?

Salvatore  Champagne!

Peppe       (Disorientato) No, Champagne no, nun po’ essere….Champagne è tutta ‘a vita mia…nun me puteva fa’ chistu tuorto….No, Champagne nun sarrà maje vosta!

Salvatore  Già è stata ‘a mia!

Peppe       No, nun po’ essere!

Salvatore  E invece è accussì: Champagne è stata ‘a mia!

Champa    (Entra dal fondo a dx: è un travestito: ha ascoltato le ultime parole di don Salvatore) No, nun è ‘overo, nun ‘o da retta…(Gli va vicino) Peppe, ammore mio, io so’ sulo d’’a toja!

Peppe       (Respingendolo) E allora comme fa a sape’ ‘o nomme tuojo?

Champa    Nun ‘o saccio!

Peppe       Ah, nun ‘o ssaje? E allora è ‘overo! Vattenne concutrina! (Lo spinge tra le braccia di don Salvatore)

Salvatore  (Lo abbraccia) Viene ‘a ccà, te faccio appurà comm’è ‘nommo ‘overo! (Lo bacia con passione)

Champa    (E’ in estasi; quando si riprende, prima fa un pernacchio a Peppe, poi si rivolge a Salvatore) ma lo sai che sei un bell’uomo, cosa fai stasera?

Salvatore  Sono a tua disposizione, anima ma soprattutto corpo!

Champa    (Ha un brivido)  Brrr! A stasera allora!             

Peppe       Nun è possibile! (Si rivolge a Gennaro e Concetta) C’haggia fa’?

I due          Uccidila!

Peppe       (Prende la pistola e spara)

Champa    (Colpito cade a terra) Ahhhh!

Peppe       (Sempre ai due) E mo?

I due          Accide pure a isso1

Salvatore  (Indietreggia impaurito) Guaglio’, ricuordate che t’aggio crisciuto!

I due          Uccidilo, uccidilo!

Peppe       (Spara)

Salvatore  (Cade su Champagne) Ah!

Amalia       (Entra dal fondo) (Si dispera) L’anno acciso! Salvato’, core ‘e mamma, t’anno acciso? E mo comme fa mamma toja senza ‘e te? A chi priparo a zuppetella ‘e latte cu’ ‘e biscuttielle, a chi?

I due          (Ogni volta che nel corpo della battuta Amalia dirà, per la seconda volta: ”A CHI?”, lo ripeteranndo anche loro, disperandosi) A chi?

Amalia       A chi lavo ‘e mutandelle e ‘e cazettilelle a chi?

I due          A chi’?

Amalia       A chi ‘nzapono ‘e spalletelle quanno se fa ‘o bagnetiello, a chi?

I due          A chi?

Amalia       A chi cucino tutte chille murzetielle sapurite, a chi?

I due          A chi’? 

Amalia       A chi? A nisciuno!

Concetta   (strilla in un orecchio a Gennaro) A nisciuno!

Gennaro   Puozze jttà ‘o sango!

Amalia       (Sempre piangendo cambia tono soddisfatta) A nisciuno, a nisciuno finalmente! Finalmente te si’ levata ‘a nanze ‘e piede mieje, pozzo accummincià a campà n’ata vota! Sono ancora giovane e posso sperare ancora nell’amore! Nun tengo cchiù ‘sta palla a ‘o pere! Sciù, pe’ ‘a faccia toja, pure ‘a muorto si’ brutto! (A Peppe) Grazie, grazie, figliu mio, me ‘ putive fa primma ‘stu piacere! Ed ora….Fai di me quello che vuoi!

Peppe       (E’ disorientato, si rivolge a Gennaro e Concetta) C’aggio ‘a fa’?

I due          (Hanno seguito increduli e ammutoliti il discorso di Amalia, rispondono decisi) Uccidila!

Amalia       No!

Peppe       (Spara)

Amalia       (Mentre cade si rivolge agli altri uccisi) Faciteme ‘nu poco ‘e spazio! Ah!

Carmela    salvatò’, Salvatò’…..che t’hanno fatto? E io mo’ comme faccio?Cu Quinnice figlie e uno ca sta pe’ nascere! (Piange)

Gennaro   Puverella, dammele ‘na mano!

Carmela    (Cambia tono) Ma che me ne ‘mporta! (Ai due) Sapite mo’ che faccio? Mo vaco da ‘e sidice pate d’e figlie mieje e dico ca s’hanna piglià ‘e lloro responsabilità e m’hanna aiutà!

Gennaro   (Insieme a Concetta) Sidice pate?

Carmela    Se sape! Chilo traeva e asceva a dinto a Pucieriale e io che facevo, aspettavo a isso?

Concetta   E no! (Al marito) rimaneva diuna e morta e famma!

Carmela    ‘A signora si ca me capisce…Accussì quanno turnava a casa le facevo credere ca isso era ‘o pato d’e figlie mieje!

Concetta   J’ che piezzo ‘e culumbrina! (A Peppe) E tu che faje, te si’ addurmuto? Accide pure a essa!

Carmela    No!

Peppe       (Spara)

Carmela    (Stramazza al suolo)

Marghe     (Entra dal fondo) Peppi’, Peppi’, ch’è fatto, le ‘e accise tu?

Peppe       (Cenno di assenso) Si!

Marghe     E mo che faje , vai ‘ngalera? (Si dispera) vaje ‘ngalera ed io rimango n’ata vota sola! (Piange) Vaje ‘ngalera….(Cambia tono) ‘E fatto ddoje cose bbone: ‘e acciso a ‘stu carugnone e te lieve ‘a nanze all’uoccje mieje, finalmente ah!

Peppe       (E’ sorpreso, non sa cosa fare, si rivolge ai due) Che aggio ‘a fa’?

I due          Uccidila, uccidila!

Peppe       (Spara)

Marghe     (Cade al suolo) Ah!      (ENTRANO I TRE GUAPPI)

Gennaro   Fa ambresso, accide pure a loro…

Concetta   ….Primma c’accidono e te!

Peppe       (Esegue, i tre crollano al suolo) E mo’?

I due          Uccidili, uccidili!

Peppe       Ma…

I due          (Insistono) Uccidili, uccidili…

Peppe       Ma so’ già muorte tutte quante!

I due          E allora sputele ‘nfaccia!

Peppe       (Esegue) Va bene?

I due          No!

Peppe       E allora?

Gennaro   Permettete? (Gli indica la pistola)

Peppe       (Gliela da) Prego!

Gennaro   (Spara)

Peppe       Cade) Ah!

Gennaro   (Soddisfatto) Ah!

Concetta   (Indica i morti) E mo chi ‘a leva tutta ‘sta munnezza ‘a miezo?

Gennaro   Io no!

Concetta   Ah no? ( Incomincia a picchiare Gennaro che scappa; lo insegue, dopo un po’ buio)

FINE

    Questo copione è stato visto
  • 0 volte nelle ultime 48 ore
  • 0 volte nell' ultima settimana
  • 1 volte nell' ultimo mese
  • 16 volte nell' arco di un'anno