La cumprumisa
di francesco cannatella
Personaggi
Tanu maritu
Rusalia muglieri di Tanu
Cuncittina figlia di Tanu
Marangelica figlia di Tanu
Gilurmeddru figlio di Tanu
Rosa madre di Nòfriu
Nòfriu figlio di Rosa
Dott. Amendola nutaru
Giovanni aiutanti di lu nutaru
Minicu lu mizzanu
Atto primo
La scena si svolge nello studio del notaio Amendola. La stanza presenta una porta sulla parete di destra, due scrivanie, mobili e sedie. Il notaio è seduto alla scrivania di sinistra e lavora. Bussano.)
Notaio Avanti.
Tanu (Entra e si toglie la coppola. Cerimonioso.)
Baciamo le mani a vossìa. ... (Si avvicina.) ... Mi permetti? ... (Porge la mano.) ... Zzi Tanu Barresi.
Notaio Piacere. Dottor Amendola. Si accomodi, prego. ... (Tanu avvicina al massimo la sedia alla scrivania.)
Tanu (Strizzando l’occhio e cercando complicità)
E basta, ah, dutturi?
Notaio (Stupito.)
Come sarebbe a dire: e basta? ... Non capisco.
Tanu Dicu, vossìa si chjama sulu Mènnola.
Notaio (Sillabando chiaramente, infastidito.)
Amendola. ... Giampietro Amendola, per servirla.
Tanu (Quasi rimproverandolo.)
Ah! Lu vidi vossìa ch’avìa arraggiuni ì. E capaci ca appressu cc’è quarche atra cosa. ... Ah?
Notaio (Incuriosito.)
Secondo lei cosa dovrebbe esserci?
Tanu Scusassi, mi pari chjaru. Nomu, cugnomu e...
Notaio (Non riuscendo a capire.)
E ... ?
Tanu (Dottamente.)
E ngiùria, dutturi beddru! ... Lei ch’è di litrra sti cosi l’avissi a sapiri all’abbica. ... (Restano a guardarsi senza parlare.) ... Allura chi fà mi la dici?
Notaio (Nervoso.)
Cosa dovrei dirle? ... Mi chiamo Giampietro Amendola.
Tanu I nun vogliu nzìstiri pi bona aducazzioni, ca l’aducazzioni è il pani dill’anima, e cci criu, però lu discursu tant’assà nun mi cumminci.
Notaio Perchè, cosa c’è di strano che non la convince?
Tanu (Innervosito.)
Santa majorca!, vossìa chi mi voli diri ca avi un cugnomu, du nomira e mancu na ngiuria? Quannu sa ntisu diri mai! ... (Dolce.) ... Chi sacciu, macari si chjamassi mennula amara ... o mennula duci. ... (Ride.) ... Bona fussi chista, ah? Chi cci nni pari, cci piaci? ... (Il notaio resta allibbito senza potere rispondere ed asciuga il sudore dalla fronte.) ... A mìa po d’esempiu mi dicinu ... (Avvicinandosi ed in confidenza.) ... zzi Tanu Parlapicca., v’a vidi lu pirchì, certu ca ...
Noatio (Nervoso, lo interrompe.)
Basta! Ora basta! ... Cosa vuole, perchè è venuto qui?
Tanu (Sorpreso.)
Ma chi fa si siddrià pi casu?
Notaio (Precisando.)
Niente affatto.
Tanu (Guardandosi stupito intorno.)
Cu?
Notaio Come chi?
Tanu I nenti, Beddra Matri!
Notaio (Forte e gesticolando.)
Cosa mi sta imbrogliando?
Tanu (Offeso.)
Ah, dutturi, si carmassi! Siddru vossìa avi nfuschitùtini neca ora si l’av’a pigliari cu mìà. ... Ah, adasciu! Nun cuminciassi a diri ca lu staiu mrugliannu ca nun è caràttuli lu me fari certi cosi.
Notaio (Sempre più confuso.)
Per favore mi vuole spiegare?
Tanu (Calmo, mostrando sorpresa.)
Allura nun lu capì? ... (Il notaio fa cenni di diniego col capo.) ... Dunchi stassi attentu e vinissi appressu a lu me parlari. Vossìa dissi a mìa: Niente ha fatto?, mittennucci lu puntu di dumanna. ... (Lo disegna nell’aria con il dito.) ... Mi capisci a mia? ... (Il notaio fa cenni col capo.) ... Po i cci arrispunnivu: I nenti, Beddra Matri!, stassi attentu a lu puntu di scramazzïoni. ... (Lo disegna nell’aria.)... E vossìa s’arrabbìa cu mìa. ... Ora i cci lu pozzu assicurari ca nun àju fattu nenti mai. ... (Dopo una pausa.) ... Anzi, ora ca m’arricordu, a tempu chi era surdatu, Pordenoni arta Tàlia, friddu ca nn’arrizzava lu piddrizzuni, terzu riggimentu fantiria pisanti, ... (Si sofferma a pensare.) ... ca po cci fussi di vidiri pirchè a me cumpari Cola, ca cu un hiuhiuni cadiva mortu n terra, lu ficiru birsaglieri e a mia, na culonna d’omu, fantirìa. ... Secunnu vossìa cci fu raccumannazzïoni?
Notaio (Stanco.)
Non lo so, stringiamo il discorso. Io ho detto: niente affatto, come per dire: no, assolutamente. Ha capito ora?
Tanu (Appare confuso, toglie la coppla e si gratta il capo.)
Scusassi, siddru vossìa prima mi dici: Niente ha fatto?, e po’ cci agghjunci: No, assolutamenti., voli diri ca vossìa lu sapi allura siddru i àju fattu cosa o no. Allura nun capisciu pirchì mi l’addumanna. ... (Restano confusi a guardarsi.) ... Nzumma arrivati a stu puntu, duttu’, i sugnu a dispusizzïoni. Chi cci avissi a diri?
Notaio (Quasi piangente, scioglie il nodo della cravatta.)
Mi deve solo dire il motivo per cui è venuto da me.
Tanu (Calmo.)
Oh Santu Ddiu, e cci voli tantu a farisi capìri? ... Ora vegnu e mi spiegu. Allura ... (Bussano, il notaio sta per dire avanti ma Tanu lo precede. Il notaio lo guarda torvo e Tanu chiede scusa a gesti.) ... Avante.
Notaio Avanti.
Giovanni (Entra con un fascio di carte e li porge al notaio che ne esamina qualcuna. Saluta Tanu.)
Buona sera.
Tanu (Alzandosi.)
Bona sira. ... Siddru si voli assittari cci dugnu la sèggia.
Giovanni Stia comodo, grazie. ... (Tanu si siede.Giovanni parla ed esamina carte con il notaio standosene chinato.)
Tanu (Interrompendoli.)
Signor Giovanni, lei nun ci penza pi la saluti. ... (Ammonendolo.) ... Cu è picciottu e foddri!
Giovanni (Stupito.)
Perchè?
Tanu Lei nun si la guarda la colonia vertebbrali. Cci av’a stari attentu e quannu parla cu lu nutaru nun sav’a mettiri comu siddru fussi agghjmmatu. ... (Si alza e mima.) ... La colonia devi stare sempre cosi ... tisa e diritta comu una cannila.
Giovanni (Incerto.)
Certamente, certamente.
Tanu Vasinnò a li vicchjagli lei la paga ... e la paga cara e salata, ... Dolori romantici chi cci agganganu li rini comu li cani e cci li strazzanu a muzzicuna.
Giovanni (Sempre più imbarazzato.)
Ci starò attento.
Tanu (Prima che Giovanni si rivolga al notaio che cerca di attirarne l’attenzione e di interrompere la conversazione.)
Lei chi è cca vidè pi na cumprumisa di matrimòniu?
Giovanni (Ingenuo.)
Quando mai! Io sono sposato da tre anni.
Tanu (Stupito.)
Veru? Accussi picciottu? ...Agurii. ... (Lo bacia.) ... Chi fa si nni fuì?
Giovanni Che dice? Mi sono sposato in chiesa.
Tanu Prosita! ... E addrevi nn’avi?
Giovanni (Fiero.)
Due gemelli!
Tanu Prosita e prusituni! ... Lei quannu spara cu un corpu fa testa du. Fimmineddri? ... (Batte un piede per terra.)
Giovanni Quasica!... (Batte un piede per terra imitando Tanu.)
Tanu Masculiddri? ... (Ribatte il piede.)
Giovanni Quasica! ... (Ribatte il piede e ride per l’errore di Tanu.)
Tanu (Mettendosi le mani tra i capelli.)
Oh chi disgràzzia. Figli mii, nè masculi nè fimmini! Cunzumati sunnu!
Giovanni (Contento.)
Cosa ha capito? ... Una femminuccia ed un maschietto!
Tanu Porca miseria, lei m’avìa fattu prioccupari. Comu si chjamanu?
Giovanni Mariuccia e Totò, come i miei genitori.
Tanu Beni. Vattiati sunnu?
Notaio (Cerca sempre di interrompere con gesti e richiami l’inutile dialogo. A voce alta ed imperiosa.)
Giovanni! ... Vada alla sua scrivania e per favore completi questi documenti.
Giovanni (Mortificato, va a sedersi e comincia a lavorare.)
Mi perdoni, signor notaio.
Tanu E figliu beddru, arraggiuni avi lu nutaru ad arrifruntariti! Nun si pò perdiri n chjacchjari quannu lu travagliu aspetta. ... (Consigliandolo.) ... Prima lu pani, prima di tuttu lu pani.
Notaio (Richiamandone l’attenzione.)
Signor Barresi, a noi. Mi dica.
Tanu (Indicando Giovanni.)
Ma chi resta cca?
Notaio Certo, è il mio aiutante.
Tanu (Resta un po’ sovrappensiero.)
Ajutanti ... ajutanti. ... Sì, a lu sìdici, dicissetti lu canuscivu un ajutanti. Si chjamava Petru, ... Petru, ....lu cugnomu l’àju cca mpizzu a la lingua ... (Mostra la punta della lingua al notaio, che fa smorfie di disgusto.)
Notaio Lasci perdere, non ha importanza.
Tanu (Incurante dell’invito.)
Ajutanti n campu, beddru cristianu. ... (Avvicinandosi in confidenza.) ... Cci dicìvamu Petru Cuppuluni. Comunchi ...
Notaio (Sfinito, tura le orecchie con le mani per non sentire. Interrompendolo.)
Lasci perdere. ... Mi dica cosa vuole da me? Perchè è venuto qui?
Tanu Sìssi, sùbbitu ma ... (In confidenza.) ... cu cchissu cca intra si pò parlari?
Notaio Vada tranquillo.
Tanu (Si alza e si avvia per uscire.)
Comu voli vossìa, i veramenti avìa vinutu pi addumannàricci na cosa, ma siddru nun avi tempu vegnu n’ atra vota.
Notaio (Urlando.)
Dove va?
Tanu Nutaru, vossìa nun mi dissi: vada tranquillu?
Notaio (Si toglie la giacca.)
Per favore, si sieda e racconti il fatto con molta calma e precisione.
Tanu (Sorpreso e dubbioso.)
Lu fattu? I nenti sàcciu, si succidì ajeri, i era a li Savarini, zzappava nta la chjusa di Petru Ricu. L’avi prisenti lu tirrenu di...
Notaio (Furioso.)
Basta. Parli e finiamola.
Tanu (Risentito.)
Chi voli di mia, nutaru beddru? ... Nun mi mittissi nta li guà , pi favuri.
Notaio Senta bene. Lei è venuto qui per parlarmi di qualche cosa, no?
Tanu Certu.
Noatio Può dirmi cosa vuole?
Tanu Ah! ... (Batte la mano sulla fronte.) ... Ora capisciu! Ma pirchì nun parlava chjaru ca avi trì uri chi cci firria ntunnu? ... Santa majorca, sti scoli a li voti pari ca fannu àcitu. ... (Si sistema.) ... Dunqui i vinni cca pirchì vulissi na nfurmazzïoni ncapu a na cumprumisa di matrimoniu. ... Cc’è appressu di mia? ...(Il notaio accenna di sì.) ... Stassi attentu a nun si perdiri arrè. ... I àju du beddri figli fimmini ca sunnu du hiuri. Cuncittina e Marangelica. Cuncittina è un pocu spicateddra ca l’anni traditura passanu, e Marangelica è la nica.
Notaio Finalmente cominciamo ad affrontare il problema.
Tanu Vossìa li canusci?
Notaio Non credo.
Tanu Vossìa neca cc’era pi lu matrimoniu di Giseppa, la figlia di me frati Carlu?
Notaio Non credo proprio.
Tanu Nuta’, cci avìa a èssiri! Si l’avissi vistu a tutti du vistuti e allicchjttati di tuttu puntu, facivanu la figura ca parivanu du ballarini. Mancu cci lu vulissi diri ... (In confidenza.) ... Fin’a lu mussu s’avìanu pittatu. ... Scarpi e bursetta adattati e na bella spilla d’oru a lu pettu cu la littra di lu so nomu e na vistina ca a ti viu e nun ti viu lassava scumigliatu l’ossu pizzziddru...... Signor Giovanni, lei li canusci a li me figli?
Giovanni Non ho avuto ancora questo piacere.
Tanu S’e pi chissu, na sira o n’ atra vinissi nti mia ca cci li fazzu accanusciri.
Giovanni Non penso di poter venire. Sa, il lavoro non lascia molto tempo libero.
Tanu Allura cci li portu intra i, e accussì lei pò diri ad arta vuci d’aviri canusciutu du picciotti ...
Notaio (Ancora una volta interrompe il fiume di parole di Tanu. Con tono di rimprovero.)
Giovanni! ... (Invito a gesti a tacere.) .... E lei, signor Barresi non si perda in chiacchiere. Andiamo al dunque.
Tanu (Rimproverandolo.)
Signor Giovanni, lu pani prima di tuttu, lu pani. ... (Al notaio.) ... Dunqui ... dicemmu siddru i cci dugnu la doti a me jenniru Nòfriu pi faricci maritari a me figlia, po’ ... doppu lu matrimoniu ... (In confidenza.) ... cci la pozzu livari?
Notaio E no!
Tanu Nun cc’è nenti di fari?
Notaio Proprio no.
Tanu (Insistente.)
Nun cc’è nenti di studiari?
Notaio (Seccamente ed urlando.)
No!
Tanu (Dopo una pausa.)
E siddru nun ci la dugnu?
Notaio (Spazientito.)
Cosa vuole che le dica, decida lei, faccia ciò che vuole.
Tanu Lei praticamenti si nni sta lavannu li mani.
Notaio Non la posso aiutare.
Tanu (Rivolgendosi a Giovanni.)
Signor Giovanni, lei neca sapisi quarche articuleddru di liggi di chiddri cu lu trasi e nesci?
Giovanni (Timoroso, guardando il notaio.)
No.
Tanu E di chiddri chi si fannu a mroglia populu?
Giovanni (Fa cenni di no con le mani.)
Non conosco leggi.
Tanu Caru nutaru, semmu trì orbi nta un viòlu.
Notaio Non capisco.
Tanu Cci dicu ca cca intra cu avi mègliu, avi arsu.
Notaio Continuo a non capire.
Tanu Nutaru, mi vinni arriparari unni chjovi. ... (Gesti di confusione del notaio.) ... E ora comu si fa? ... Pirchì sapi ssu pezzu di, ... Vucca me zzittuti!, ... di me jenniru e ddr’atra sanguetta di so matri, neca dìcinu nni stammu pigliannu a na picciotta d’oru chi vaiu circannu dota. Quannu mai! Parinu arraggiati pi robba.
Notaio E lei gliela dia e così risolviamo il problema.
Tanu (Triste e serio.)
Vossìa nun l’avi prisenti quantu cci voli pì accattari tècchja di tirrenu e na casuzza tirrana! ... Avi chi travagliu di quannu era du parmi. Sordu ncapu sordu, tuttu a libbritteddru a la posta, senza mai capricci, mancu midicini a lu bisognu, erbi e picati e pali di ficudinnii. ... E ora arriva u scafaruni e si voli mangiari tutti cosi.
Notaio (Convincente.)
In fondo la dote lei la dà anche a sua figlia.
Tanu E li me sudura accussì unni si nni vannu? A sett’anni carriava a la surfàra cu un saccu di cincu canni ncapu li spaddri, acchjanari e scinniri, scazu, nudu e mortu di pitittu.
Notaio Capisco, decida liberamente allora.
Tanu Vossìa a quantu capisciu m’allarga li vrazza ... (Guarda Giovanni.) ... E iddru vidè. ... Tintu cu avi bisognu nti sta vita! ... Vistu ca nun c’è nenti di fari, a la vuluntà di Ddì. ... Si vossìa e prontu facemmu sta cumprumisa.
Notaio Bene, finalmente! Cercheremo di sistemare ogni cosa per il meglio. ... (Giovanni fa cenni rassicuranti a Tanu.)
Tanu Nutaru, sugnu nta li so mani! ... Sunnu tutti cca fora ch’aspettanu. Li pozzu chjamari?
Notaio Prego, li faccia accomodare.
Tanu (Apre la porta. Ognuno entra portando una sedia di tipo diverso.)
Amuninni, trasiti. ... Rusalia, Cuncittina. ... (Gilurmeddru si precipita per entrare. Tanu lo ferma.) ... Attìa, lu papà, sta saggiu. ... (Il bambino continua a mostrarsi irrequieto e Tanu lo tiene per mano.) ... Marangelica, ... allistitivi vu, gnura Rosa, ... forza Nòfriu ... (Entrati tutti, comincia le presentazioni. Il notaio e Giovanni rispondono con un cenno del capo, gli altri con un sorriso.) ... Mia moglieri Rusalia, ... me figlia Cuncittina, ... me figlia Marangelica, ... Gilurmeddru, ... (Il notaio e Giovanni gli fanno un sorriso. Gilurmeddru risponde con smorfie.) ... mio jenniro Nòfriu, ... (Nòfriu si comporta bambinescamente, sorride e fa un inchino.) ... la gnura Rosa , sua matre.
Notaio Prego sedetevi ... (Tanu si siede con Gilurmeddru sulle gambe. Gli altri si seggono di fianco al notaio. Agli estremi Rosa con il figlio e, staccata da loro, Rusalia con le figlie. Le due sorelle litigano per chi deve occupare il posto più vicino a Nòfriu. Gilurmeddru comincia a toccare le carte che si trovano sulla scrivania. Il notaio lo guarda e Tanu, capendo il rimprovero, richiama il figlio.)
Tanu Fermu, lu papà.
Gilurmeddru (Piange a dirotto.)
Chi fazzu?... Sempiri m’arrifrunti tu! ...
Tanu Adà, zzittuti ca nenti ti fici.
Gilurmeddru I vogliu la pinna.
Tanu (Toglie la penna di mano al notaio.)
Senza offisa duttu’ e ccu lu so pirmissu. Chi voli fari, addrevi su’. ... Teni cca e zzittuti ora.
Gilurmeddru (Sta zitto per un attimo e poi riprende a strillare.)
Vogliu la carta.
Tanu (Dopo aver guardato il notaio, allunga una mano e prende un foglio tra i tanti sulla scrivania.)
Chi vò cchjù lu papà?
Notaio Fermo! Quello no, per favore. È un atto notarile, lo capisce?. ... (Glielo toglie dalle mani. Gilurmeddru strilla.) ... Giovanni, per favore, un foglio di carta per questo bambino.
Giovanni (Esegue e lo dà a Tanu.)
Ecco.
Tanu Grazzii assà... chi voli è nicareddru e ss’av’accurdari. ... Tè lu papà, scrivi, ... (Sgarbato.) ... addisigna e zzittuti. ... (Marangelica e Cuncittina nel frattempo continuano a stuzzicarsi e ad interessarsi a Nòfriu che sorride a entrambe. Rosa e Rusalia si ignorano volutamente.)
Notaio (Ritornata la calma.)
Possiamo cominciare se volete.
Tanu Preo, facisse libberamenti.
Notaio Veramente è lei che dovrebbe spiegarmi i termini di questo compromesso che volete fare.
Tanu Arrè? Nun ci lu cuntavu antura?
Rosa (Acida.)
Si lu nutaru lu voli cuntatu arrè, voli diri ca cc’è bisognu di chjarillu megliu e a la prisenza di tutti, ca neca semmu pupi lu restu.
Rusalia Silenziu, gnura Rosa e nun v’ammiscati cchjù.
Tanu (Interrompendole.)
Puliti fìmmini, senza vi fari accanusciri subbitu. ... Caru dutturi, antura i cci avìa dittu ca vulissi fari na cumprumisa di matrimoniu cu me jenniru Nòfriu qui prisenti.
Notaio Bene! Chi sarebbe la fidanzata? ... (Si alzano contemporaneamente Marangelica e Cuncittina.)
Marangelica I sugnu, eccumi.
Cuncittina Nfami, a mia voli Nufrieddru.
Marangelica (A Nòfriu.)
Gioia miu, diciccillu tu.
Cuncittina Parla, parla Nufriuzzu di lu me cori.
Tanu (Ad alta voce.)
Silenziu e pipa vatri du. Devu rispontere io ca lu dutturi l’addumannà a mia. ... (Pausa.) ...La zzita di Nòfriu è Cuncittina. ... (Cuncittina esulta e manda baci a Nòfriu. Marangelica scopppia in pianto, confortata dalla madre.)
Gilurmeddru (Al padre, ad alta voce e senza alzare gli occhi dal foglio di carta su cui disegna.)
Ti dissi ca nun nni la voli.
Tanu (Gli dà un pizzicotto per farlo tacere, il bambino urla e piange.)
Ma chi dici, lu papà? ... (Accarezzandolo.) ... Cu fu?
Gilurmeddru (Forte.)
Nun nni la voli a me soru Cuncittina, ti dissi.
Marangelica (Si alza.)
Veru è! ... A mia voli, a mia.
Cuncittina (Tirandola per la gonna.)
Zzittuti mmidiusa! ... Chi ti nteressa a tia?
Notaio Calma, ... calma, ... per favore contegno.
Nòfriu (Per tutto il tempo ha assunto un atteggiamento stralunato, ora si alza ed interviene a sproposito.)
Chissu lu pozzu diri i.
Rosa Ghjustu la ma’, fatti a sentiri.
Rusalia (Urlando.)
Vriogna, vriogna!
Tanu (Si toglie una scarpa e la batte sonoramente sul tavolo. Il notaio cerca di fermarlo e di proteggere le sue cose che si trovano sulla scrivania.)
Attinzioni, ... fermi tutti. ... (Silenzio.)... Adasciu àju dittu e unu a la vota. ... Chi vi parisse lu nutaru Mènnola vostru frati o vostru frateddru? ... E con i signore Giovanni chi cci atu iutu a la scola nzèmmola? ... (Solennemente, accompagnandosi con un ultimo colpo di scarpa.) ... Vastasi! ... Mittemmuni la testa a postu e sapèmmuni capiri. ... (Si siede.)
Notaio Grazie. ... (Si toglie la giacca e sbotona la camicia.)... Avete detto cose giuste. ... Calma gente, calma.
Giovanni (Tenendosi la testa tra le mani.)
Io esco un momento per sbrigare una pratica. Scusate.
Notaio Prego, Giovanni, andate.
Tanu Siddru avi bisognu vidissi ca i sugnu a dispusizzïoni.
Giovanni (Sulla porta.)
Grazie, grazie, è meglio di no.
Notaio Allora se potete chiarirmi meglio questo discorso del fidanzamento, io vi ascolto.
(Marangelica, Cuncittina e Rosa si alzano e parlano tutte assieme gridando.)
Marangelica (Inginocchiandosi.)
Voli a mia, dutturi! Lu giuru.
Cuncittina (Inginocchiandosi anche lei e segnandosi parecchie volte.)
Nfami! Àju li provi.
Rosa Parla tu la ma’.
Nòfriu (Nòfriu sorride divertito come se fosse estraneo alla vicenda.)
Ch’a diri ma’?
Rusalia (Sulle voci delle altre.)
Scilarati! ... Chi figura! ... (Si strappa i capelli, le figlie intervengono a calmarla.)
Tanu (Sale sulla sedia.)
Oh! ... Comu fini? ... Chjuiemmu ssi casci! ... (Si siede. Silenzio.)
Notaio (Quasi piangente per la disperazione.)
E allora?
Gilurmeddru (A sopresa sale sulla scrivania e canticchiando, balla, calpestando ogni cosa.)
Vi lu dissi i, ... a me soru Cuncittina, Nòfriu nun nni la voli, ... ntiro ntella.
Notaio (A Gilurmeddru.)
Fermo, fermo!... Signor Barresi!
(Tanu non riesce ad afferrare il figlio e si scusa a gesti con il notaio.)
tanu Veni cca, lu papà. Chi nni sa tu ca sì nicareddru?
Gilurmeddrru I nni sàcciu cchjossà di tutti. ... I cci li purtava li biglietti. ... Nòfriu è zzitu cu me soru Marangelica.
Marangelica Bravu Gilurmeddru di lu me cori! ... Angilu di lu Paradisu sì!
Cuncittina (Piangendo, alla sorella.)
Latra, latra di zziti!
Rusalia (Gridando.)
Zzittitivi. ... Li robbi lordi si lavanu n famiglia!
Tanu (Ribatte con la scarpa sul tavolo ed urla.)
Silenziu. ... (Afferrato il figlio gli stringe la bocca con finta affettuosità.) ... Vossìa nuta’, senza cci dari cuntu a l’addrevu. Sintissi a mia ca sugnu lu capu famiglia: Nòfriu voli a me figlia Cuncittina.
Notaio Sì, io le credo. ... Signor Onofrio, perchè non parla lei e chiarisce la faccenda a tutti?
Nòfriu (Si alza.)
Sissì!
Rosa (Acida ed altera, lo afferra e lo fa sedere.)
Nenti avi di diri me figliu. Nenti di nenti.
Rusalia Vu zzittitivi ca vi tocca parlari quannu piscia lu gaddru.
Rosa (Alzatasi.)
Ah! Ora nun mi tocca? Allura mi pigliu a me figliu e vi lassu nchjanta di cavulu. ... Sùsiti la ma’. ... (Tira il figlio per un braccio.)
Nòfriu (Nòfriu continua a sorridere divertito ma non si alza.)
Aspetta tantìcchja ma’. Unn’amm’a iri? ... Cca bellu jè!
Rusalia Itivinni, itivinni. Cu v’a schifiatu mai?
Notaio (Con voce tremula e piangente.)
Signore! ... Signore! Per favore, calma e silenzio. ... (Improvvisamente nervoso.) ... Cosa sono queste scene nel mio ufficio? ... Vergognatevi!
Tantu (Calmo.)
Si carmassi duttu’. Chi voli fari? Fimmini sunnu!
Notaio (Imperioso.)
Onofrio Arrubba, mi vuole dire chi è la sua fidanzata?
Nòfriu Sissì, pirchì no. ... (Rosa gli da un colpo di gomito per farlo stare zitto.) ... Adà ma’, accussì mi struppii. ... I veramenti dicissi ca ... (Le ragazze lo invitano con gesti affettuosi a scegliere. Egli indica con il dito ora una ora l’altra. Poi confuso.) ... Chi cci sacciu diri i ... a vossìa cu cci piacissi?
Notaio Deve piacere a lei. Mi faccia un nome. Quale vuole delle due?
Nòfriu I pi mia veramenti mi li putissi pigliari tutti du ... tantu àju la crapa e ...
Notaio (Interrompendolo.)
Lei i bigliettini d’amore a chi li scriveva?
Nòfriu Chi cci sàcciu diri, ... senza nomu eranu ... ca i neca lu sacciu comu si chjamanu. ... Cci mittiva sulu lu cugnomu, a li voti, po li dava a Gilurmeddru e cci pinzava iddru a dalli a quarcuna di li so soru.
Notaio Dunque per lei era la stessa cosa che li ricevesse una o l’altra?
Nòfriu Ah, chi mi nteressava a mia, ... tantu eranu soru. .... Sempiri lu stessu sangu sunnu. ... (Ride.) ... I neca sugnu unu ddifficili.
Notaio (Confuso, a Gilurmeddru.)
E tu, piccolo, a chi consegnavi i biglietti?
Gilurmeddru (Liberandosi dalla stretta de padre e mettendosi al centro della scena.)
A ccu mi dava cchjossà sordi. ... Prima li dava a me soru Cuncittina, po iddra mi detti un timpuluni quannu nun ci vozi iri a sirbizzu, e allura di tannu n po’ li detti a me soru Marangelica ca ...
Tanu (Lo raggiunge ed interrompe.)
Bonu lu papà ca lu capemmu. Tè sti sordi, v’accattati na cosa duci e quannu finisci senza viniri cchjù cca, vatinni nti to nanna ca po i vegnu. ... (Gilurmeddru, prende i soldi e felice esce.)
Notaio (Rivolto a Nòfriu.)
Bene, signor Arrubba, visto che le ragazze sono tutte e due di fronte a lei, potrebbe indicarci chi è la sua fidanzata?
Nòfriu (Guarda timoroso la madre.)
Ma’ a ccu nn’amm’a pigliari?
Rosa A cu ti piaci la ma’.
Notaio Scelga lei, lasci stare sua madre.
Nòfriu Nutà, veramenti accussì tuttu nzèmmula nun ci lu sacciu diri. ... chisti sunnu discursi dilicati, ... (Rosa suggerisce qualcosa al figlio.) ... addipenni ...
Noatio (Sorpreso.)
Dipende? ... Da cosa dipende?
Rosa (Superba.)
Di la doti, sì, propriu di la doti!
Nòfriu Di la doti, dici me matri. Lu capì?
Rusalia (Inviperaita.)
Du gioielli sunnu, du gioielli di vitrina ... (Mostra le figlie.) ... e mi cerca doti stu burduni. ... Ah, malasorti! ... (Urla e si tira i capelli. Le figlie cercano di calmarla.)
Tanu Rusalia! ... Cumponiti ti dissi.
Rosa Vinnitivilli siddru vi li paganu ssi giujelli, vinnitivilli!
Notaio (Paonazzo per la rabbia.)
State ricominciando? ... (Ritorna la calma.) ... Spiegatemi la questione della dote, per cortesia. Parli lei, signor Onofrio.
Nòfriu Chi cci sàcciu diri? ... Mamà , comu mi dicisti intra?
Rosa Iddri ann’a parlari, iddri no natri. A iddri tocca.
Notaio (Rivolto a Tanu.)
Vuole parlare lei?
Tanu Certu, certu. Avissi a mancari pi chissu. ... Dunchi lu discursu passa ca stu me jenniru, dicemmu ... (Bussano.Tanu sta per dire: avanti, ma il notaio lo blocca con uno sguardo di riprovero.) ... Quann’è ghjustu è ghjustu, scusassi. Unni maggiuri cc’è, minuri cessa.
Notaio Avanti!
Giovanni Notaio mi scusi ma di là c’è un signore che vorrebbe entrare.
Minicu (Spingendo Giovanni.)
Ma quali di là ... (Entra.) ... io di qua sono. ... (Giovanni cerca di ffermarlo.) ... Si livassi di mmezzu cci dissi vasinnò cu na pidata nta li gammi lu ittavu n terra.
Notaio Lascia stare, Giovanni, Vai pure. ... Venga avanti, lei chi è?
Minicu Cu sugnu? L’addumannassi a ssa facci allannata. ...(Indica Tanu. Il notaio guarda Tanu.)
Tanu (Cerimonioso.)
Minicu, caru frateddru! Avi na jurnata chi ti vàju circannu.
Minicu (Non risponde e si avvicina al notaio.)
Mi permetti, Minicu Cozzu.
Notaio (Stringe la mano.)
Piacere. ... Se mi volesse spiegare la sua presenza qui gliene sarei grato. Fa parte anche lei del compromesso di matrimonio?
Minicu Cci trasu? Cci trasu e comu! ... I sugnu lu mizzanu, chiddru vali a diri chi cci purtà la battuta a questi signori. Nun sacciu siddru voscenza cc’è a lu me discursu.
Rusalia (Alzandosi, a Minicu.)
A ccu? A ccu? Li me figli si li sciarrïanu.
Rosa (A Minicu.)
Chi dici, foddri!
Rusalia (A Rosa.)
Vu lassati parlari a mia. Di chi v’ammiscati?
Rosa Comu chi m’ammiscu? Susiti la ma’, iamuninni.
Nòfriu Aspetta, accurdammuni. Talè comu jucammu ad arrìdini!!
Minicu (Corre verso la porta.)
Fermi tutti! di cca intra nun nesci nuddru ... prima vogliu lu me.
Tanu Rusalia, na seggia pi Minicu ti dissi... (Rusalia offre la sua. Minicu rifiuta e resta a guardia della porta. Nel frattempo tutti si sono alzati. Rosa invita il figlio, vista la confusione, ad avvicinarsi alle ragazze. Marangelica e Cuncittina si avvicinano a Nòfriu spingendosi e litigando.) ... Rusalia, accura a li picciotti ... ca s’ammiscaru crapi e cavuli.
Rosa (Tirando Nòfriu.)
Scùgnati, la ma’, cu ccu t’ammischi?
Rusalia Sparti pigliati primu. ... Siti comu chiddri di Sciacca! Mantinitivillu vicinu ssu trunzu arbàniu ca mi l’allorda st’addrevi. ... (Alle figlie.) ...E vatri vinitivinni cca. ... (Batte la mano destra sulla coscia.)
Rosa Arraggiuni aviti! ... (Al figlio.) ... Veni cca la matri, scùgnati di ssi vipari. Nun ti cunzumari ca chissu cercanu.
Nòfriu (Ridendo divertito.)
Tu mi lu dicisti tu di ncugnàricci e di tuccalli.
Rusalia (A Rosa.)
Ah, fimminazza tinta!
Rosa A ccu?
Rusalia A ccu dici cu!
Rosa (Avvicinandosi a Rusalia minacciosa.)
A ccu?
Rusalia A ccu dici cu. Chi siti surda? ... (Stanno per venire alle mani.)
Notaio Signore! ... (Barcolla.) ... Signore! ... Io ... (Sviene e cade per terra.)
Tanu (Alla moglie che accorre verso il notaio. Le ragazze subito ne profittano.)
Va penza pi li to figli ca ficiru dannu.
Rosa Nun ci nn’è bisognu ca nun cci appitìscinu a me figliu. Si voli nn’avi centu megliu d’iddri.
Rusalia (Provocante.)
Gèsu, comu m’arrizzanu li carni.
Minicu (Si avvicina al notaio.)
Lestu acqua. ... (Dà leggeri colpi di mano sul viso del notaio.) ... Nutaru? ... Acqua, Tanu. ... Nutaru? ...Tanu, acqua.
Tanu (Correndo esce.)
Largu, largu. ... Signor Giovanni. .. (Rientra con Giovanni, reggono entrambi la stessa bacinella piena d’acqua. Tirano maldestramente entrambi e parte dell’acqua si versa su Giovanni.)... Lu lassassi ca cci penzu i.
Giovanni Lasci lei, per favore.
Tanu Nun babbïassi ca lu nutaru è gravi. ... Mi lu dassi!
(Giovanni, tutto bagnato, lascia la presa. Tanu versa un po d’acqua sul viso del notaio. Minicu gli fa un po’ di vento con il fazzoletto. Rosa tiene vicino il figlio, lo stesso fa Rusalia con le figlie. Le ragazze continuano a litigare tra loro e cercano di attirare l’attenzione di Nòfriu che sembra divertirsi per ciò che accade.)
Giovanni Presto un dottore. ... (Urla ma nessuno si muove.)
Minicu Chi medicu e medicu! S’arripiglia vi dicu. ... Nutaru? .... Nutaru, mi senti?
Notaio (Si riprende.)
Oh Dio! ... Cosa è successo?
Tanu Nenti, era lei ca stava murennu.
Notaio Giovanni, le pillole presto.
Giovanni (Prende delle pillole dalla tasca.)
Eccole. ... (Il notaio ne ingoia alcune. Silenzio. Il notaio si alza.)
Tanu Comu si senti ora?
Notaio Non è niente, ... un leggero malessere, ... sedetevi. Che cosa stavamo dicendo? ... (Si siedono. Minicu si siede alla scrivania di Giovanni che esce.)
Minicu Ca la battuta la purtavu i, caru nutaru.
Notaio E allora?
Minicu Comu allura? Ma chi fa voscenza voli babbiari? I chiddru chi mi tocca lu vogliu. ... Chiddru chi mi tocca, lu ghjustu.
Rosa (Si alza e grida.)
Nenti ti tocca, nenti, mancu pampini.
Tanu Gnura Rosa? Chjuiti ssa cascia e senza gridari ca lu nutaru si senti tintu.
Rosa I vidè mala mi sentu e pi mia nun ci penza nuddru.
Notaio (Stanco.)
Signori e signore! Per favore ... (A Minicu.) ... Dunque voi cosa intendete dire che volete quello che vi spetta?
Minicu Chiddru ch’è ghjustu, signor nutaru ... un tot. I nun dicu cifri, lu pattu era un tot assecunnu la dota. Chisti eranu li patti cu sti traditura.
Tanu Ma quali patti e patti. Finiscila pi favuri, chi sunnu sti discursi d’addrevi?.
Rosa Chi cci sta facennu capiri a lu nutaru? Tagliala ddrocu cu sti patti e patti. Mriacu!
Minicu Comu quali patti? ... (A Tanu.) ... Chi ti rimangi la palora chi mi dasti? ... Nun fusti tu a dìrimi, marita li me figli ca cci nesci quarche cosa pi tia? ... Nega s’à curaggiu! .-.. (Si avvicina minaccioso.)
Rusalia (Spaventata urla, anche le figlie.)
Tinitilu!
Notaio Fermi tutti, ora state esagerando. Il primo di voi che disurba lo caccio fuori.
Tanu Ghjustu, nutaru. ... (A tutti.) ...Cu parla senza mmitu si nni va fora. ... (Calmi e seduti.)
Notaio Alzi la mano chi vuole parlare. ... (Si prenotano Tanu, Minicu, Rosa e Rusalia. A Minicu.) ...Parli lei per primo.
Minicu (Si alza e declamando, quasi un’ arringa.)
Voscenza io lo ringrazziu assà pi sta prifirenza chi mi vozi accurdari. Allura cci vogliu addumannari a lei ca è cristianu di litrra e sapi arraggiunari siddru cci pari esattu, doppu tanti travagli e caminati, ca un cristianu nun avissi lu so liggittimu cumpenzu?
Notaio Effettivamente non mi sembrerebbe una cosa giusta ... ma voi cosa avete fatto?
Minicu Cci pari nenti a lei lu disturbu, li nuttati, lu mpegnu pi mettiri daccordu sti testi? ... (Indica Tanu e Rosa.) ... Chistu beddru galantomu, doppu tanti prumissi, si scurdà tutti cosi e veni a fa la cumprumisa senza chjamarimi.
Tanu Chi sta dicennu? Chi fa ti sonni?
Rosa Foddri siti!
Minicu Gnura Ro’, quannu mi ncagliastivu a lu furnu e mi prigastivu addinucchjuni nun ci pinzati cchjù? ... (Imitando la voce e le movenze di Rosa.) ... Maritatimi stu beddru figliu!
Rusalia (Disperandosi.)
Oh Beddra Matri, chi mala figura!
Notaio Silenzio! Non si parla senza permesso. ... E voi, signor Cozzo, continuate.
Minicu Ora vegnu e mi spiegu. ... Dunchi ... essennu li cca prisenti me niputi Marangelica e Cuncittina senza pritinnenti ...
Rusalia (Interrompendolo.)
L’avianu li matrimonii li me figli, l’avianu e boni partiti sparti. Coffi nni dettiru a cintinara.
Minicu Zzittitivi, la cuscina, senza farai lagarìa ca vi vagnati li pedi.
Notaio Zitta, signora, o sarò costretto a pregarvi di uscire.
Rosa Prosita a lu nutaru!
Rusalia Allura av’a ittari fora a iddra vidè!
Notaio (Viste le due donne alzarsi, con voce piangente e mordendosi le mani.)
Silenzio! ... (Ritorna la calma. Cenni a Minicu di continuare.)
Minicu E siccomu cc’era lu scantu ca me parenti Tanu nun nni l’avissi pututu sistimari cchjù ... (Rusalia freme, Rosa sorride e le fa smorfie.) ...un iornu mi chjama e mi fa tutta na discussïoni pi vidiri di putilli cuminari cu li me canuscenzi. Cussì mi misi a firrïarimi pi li fatti me. E cerca, cerca, capità ca la cca prisenti gnura Rosa, mi v’a fa lu stessu discursu di me parenti Tanu. E comu si dici? Na mani lava l’atra e n quatru e quattr’ottu cuminavu li cosi.
Tanu Ma chi v’a vapparïannu?
Minicu Sacciu chiddru chi dicu e tu vidè!
Rusalia Cunzuma famigli! Tradituri di li parenti sì.
Rosa Oh, chi murtificazzïoni! Ah sentivi parlari veni lu scuncertu.
Minicu Gnura Ro’, vu vidè vi lu scurdastivu tutti ddri beddri discursi chi mi facistivu? ... (Imitandola.) ... Stu beddru figliu, nun avi furtuna ... maritatimillu vu. ... Ah?
Rosa Nfamazzu, quannu ma’. Me figliu na bannera è!
(Nòfriu si alza e, malfermo, sembra dondolare.)
Rusalia Tinìtila ca cadi!
Notaio (Urlando.)
E’ ora di finirla. ... (Tutti si calmano.)
Tanu Scusàssili, nutaru. Chi voli? Genti di paisi sunnu. Anzi ...
Rusalia Oh, Beddra Matri ca mi sentu mala!
(Le figlie subito la soccorrono.)
Tanu Purtatila fora, ... fora a lu friscu. ...(Rosalia viene accompagnata fuori dalle figlie.) ... Aria cci voli, aria. ... Gnura Ro’ nisciti vidè e cci dati na mani d’ajutu.
Rosa Cca è lu me postu, vicinu a me figliu. ... Nun àju unni iri, la muglieri vostra è.
Tanu Nfami cu vi munesta cchjù!
Notaio Dunque signori un poco di calma, ... (Prende delle pillole.) ... cerchiamo di fare un discorso serio e concreto e soprattutto logico .... (Pausa,) ... Ricominciamo daccapo.
Minicu Cu lu pirmissu sò vulissi parlari arrè i.
Tanu Nanò, vu ittastivu. Ora tocca a mia macinari.
Notaio Per favore signor Gaetano, lo lasci parlare.
Tanu Siddru mi lu dici vossìa, pi lu beni chi cci vogliu, accunzentu.
Minicu Dunchi, caru frateddru, tempu narrè mi chjamastivu pi parlarimi di li vostri figli, sì o no?
Tanu Veramenti nun mi ricordu tantu ghjustu.
Minicu Fu ddra sira quannu chjuviva ... Pozzu diri tutti cosi?
Tanu Basta ddrocu ca mi rivinni la mimoria, nun c’è bisognu d’allungari lu discursu e fari sapiri cosi a la genti.
Minicu (Al notaio.)
Lu sintì voscenza? ... I e iddru eramu daccordu ca cunchjudènnusi lu discursu, lu matrimoniu pi parlari chjaru, m’avissi tuccatu na pircintuali ncapu la doti stabbuluta ... un tot, comu cci dissi antura.
Notaio Ho capito. Siete stato voi a far concludere questo fidanzamento?
Minicu Di cca a cent’anni e ccu li provi pruvati ... I lu me travagliu lu fici ... Petru Marturana, ... Carlu Ugliapersa, ... Minicu Temputintu, Cola Sbrizzìa ... Chisti sunnu tutti partiti chi cci purtavu, oltri a lu cca prisenti Nòfriu Arrubba.
(Nòfriu continua a comportarsi fanciullescamente, si alza e fa un inchino al notaio.)
Notaio Quindi voi vorreste ?
Minicu Lu ghjustu. Chiddru chi mi tocca, àju dittu sempiri. ... I àju famìglia, amm’a campari tutti ... e stu spirtuni mmeci vinni cca a l’ammucciuni. Menu mali ca cci fu cu m’avvisà.
Tanu Ma quali ammucciuni e ammucciuni! Siddru oi nun ti vitti comu ti l’avìa a diri di viniri cca stasira?
Minicu Comu nun ni vittimu, ma chi mangi pani di scòrdiu?. Stettimu tutta la matinata nzemmula.
Rosa Comunchi lu beddru è parlari chjaru, di la dota di me figliu nun si tocca nenti, siddru s’av’a fari stu matrimoniu.
Tanu Gnura Rosa?! ... Vu senza pipitiari.
Rosa (Sfidandolo.)
Pirchì, vasinnò chi faciti?
Minicu (A Rosa.)
Senza fitari fora la carteddra, gnura Rosa e sapitivi stari a lu vostru postu. Neca di gaddrina putiti addivintari gaddru.
Nòfriu Veru è, ma’ lassali parlari, i sonnu àju, vasinnò nun nni iemmu a curcari cchjù stasira.
Minicu Bravu Nòfriu. Parli picca ma sustanziusu. E ora siddru tu, caru frateddru, mi vulissitu diri zzoccu cci duni a Nòfriu comu dota, fussi na santa cosa e accurzàssimu lu discursu.
Tanu (Borioso.)
Dunchi i a stu beddru picciottu cci dugnu, ... un minutu ca cci penzu ghjustu ...
Notaio Mentre voi definitete, io esco un momento.
Minicu Facissi cu còmmidu. ... (Il notaio esce.) ... Cuntinua ... (A Tanu.)
Tanu A stu beddru picciottu cu l’agùriu di lu matrimòniu cu me figlia Marangelica cci dugnu 6 tummina di tirrenu a la Balata, lu ricòitu di l’annata d’aguannu, la biancarìa a 6 e li casi di lu Canaleddru pi comu sunnu.
Rosa (Acida.)
Lu critu tinitivillu vu, ca natri avemmu iardina.
Nòfriu Unni l’avemmu, ma’?
Minicu Carma, ... carma.
Rosa Quantu minimu, siddru lu discursu s’av’a cunchjudiri, cci at’a dari deci tummina a la Balata, tagliannu a giru a la trazzera, lu ricòitu mi pari liggittimu e nun cc’è bisognu di mèttilu a la cunta, la biancarìa a ottu, li casi di lu Canaleddru, arripigliati unni cc’è bisognu, e la vigna di lu Pitraru.
Tanu Siddru si piglia a me figlia Cuncittina, l’affari è fattu.
Rosa Nenti, nenti. Siti veramenti spertu. Pi pigliarini a Cuncittina cci at’a iunciri: cinquantamila liri n cuntanti a librettu ntistatu a me figliu, la biancaria av’a èssiri a dùdici, l’atri deci tummina di la Balata e tuttu lu spisatu di lu matrimoniu a carricu vostru.
Minicu Gnura Rosa, adasciu!
Tanu Fimminazza canaliddrara, la me robba nun si tocca! Chi vi vulissivu sucari tutta la me sustanza?
Rosa Vi nn’arresta, vi nn’arresta, omu tìrchiu! Lu ghjustu staiu addumannanu, lu ghjustu, ca vi stati pigliannu la culonna di la me casa. ... (Nòfriu si alza e vacilla.)
Tanu Facitticci lu ripidatu!
Minicu Avanti, bonu. Videmmu di stringiri.
Rosa Mancu a parlàrini. Neca pozzu pigliari d’intra e ittari fora. Si nun vi cummeni lassammu pèrdiri.
Tanu Adasciu Minicu ca pi li me figli appena grapu la vucca cci nn’è centu chi rìinu la mani.
Rosa Li gammi, vuliti diri, pi scappari.
Tanu Ah, siccàrivi ssa lingua, Signuri!
Nòfriu Unni ann’a jri ma’ ca scappanu? La zzita me jè.
Minicu Chi nni diciti si cci agghjunciu 20.000 mila liri e la biancaria a ottu?
Rosa E batti a coppi!? Pi Cuncittina vulemmu: Tuttu lu tirrenu di la Balata, casi di lu Canaleddru, vigna di lu Pitraru, lu ricòitu e biancaria a dudici, lu spisatu di lu matrimoniu a carricu vostru e v’arrigalu la mità di li grana pi farivi vidiri cu sugnu, 25.000 mila liri. ... Vasinnò deci tummina di la Balata, ricoitu, biancaria a ottu, casi di lu Canaleddru, vigna di lu Pitraru e nni pigliammu a Marangelica.
Tanu (Segue l’elencazione con cenni di diniego del capo.)
Putemmu lassari perdiri. Siti peju di na latra a lu passu. Mittitivi la mascara.
Rosa Ihia, putemmu scunzari barracca ca a diri la beddra vrità mi pari ca ca stu figliu mi lu staiu sbinnennu. ... Quasica quasica mi nni pintivu.
Minicu Adasciu e senza prèscia cca cci sugnu i pi sistimari li cosi. Allura a chi servi lu mizzanu? ... Siddru mi pirmittiti lu discursu s’av’a cunchjudiri, ca li picciotti parinu fatti unu pi l’atra.. Tagliu i, siddru pirmitti.
Tanu Sintemmu chi ietti. Passa la to palora.
Rosa Parlati, parlati e spartiti ghjustu. Stabbiliti vu.
Minicu Cu cuscenza e senza taliari a nuddru nta la facci. Dunchi caru frateddru i penzu ca fussi megliu sistimari a Cuncittina pirchì è cchjù grannuzza. Marangelica avi quarche annu di menu e nun si sapi mai, quarche cosa pò sempiri capitari. I, siddru tu vò, mi pozzu ntrissari anchi pi iddra, ... cu lu solitu pattu si capisci.
Tanu Cunchjudemmu pi Cuncittina p’accamadora, siddru Nòfriu è cuntestu.
Rosa Cuntesti semmu, semmu propria cuntesti. Chi dici tu la ma’?
Nòfriu Cuntesti semmu. Pi natri, una o l’atra, nun c’è diffirenza .
Minicu Allura pi lu tintu e pi lu bonu la dota chi porta Cuncittina è chista: la casa di lu Canaleddru cu arripararisilla li picciotti siddru cc’è bisognu, deci tummina a la Balata, lu ricòitu, mezza a vigna di lu Pitraru e l’atra mità a la morti di me frateddru, ... (Tanu fa scongiuri.) ... la biancaria a ottu, 25.000 mila liri e mezzu spisatu di matrimoniu.
Nòfriu E la picciotta vidè, vasinnò un ci fazzu.
Rosa (Finge insoddisfazione.)
Certu ca tagliastivu strammu, natri accussì ni nni niscemmu n perdita. ... Comunchi passa la vostra palora.
Tanu (Finge disperazione.)
Assà è lu dannu, assà di tunnu.... Accussì mi spogli. Minicu, ... (Resta un po’ con le mani tra i capelli. Poi di colpo sembra rasserenarsi ed il viso gli si illumina di un sorriso beffardo.) ... però nun s’av’a diri ca manca pi mia.
Nòfriu (A sua madre.)
Chi cci a diri papà o zzi Ta’?
Rosa Pò si vidi la ma’, ancòra amm’a cunchjùdiri.
Minicu A vu ora, gnura Rosa. Chi porta Nufrieddru?
Rosa Me figliu sulu penzu ca fussi di cchjù e d’avanzu. Però nun s’av’a diri ca lu fazzu nesciri d’intra n cazi di tila. ... A l’addrevu cci dugnu la mubbìlia cu un cummidinu e quattru seggi, e la scecca.
Tanu Gnura Ro’ mi pari ch’aviti un vrazzu curtu e n atru longu. ... Lassammu iri ca mi pari ca nun c’è vuluntà di Ddiu a cunchjùdiri stu matrimoniu.
Rosa Siddru vuliti la me peddri vidè, vi la dugnu. ... Putemmu scunchjùdiri. ... Amuninni Nòfriu.
Minicu Puliti, senza v’annirbari. ... Tanu?
Tanu Minicu, tu ti sta mittennu cu la minutiddra e mi sta spugliannu. Comunchi dicu l’urtima palora e po’ basta: la mubbìlia av’a èssiri cu du cummidina e se seggi e cu falla fari a Bivona e di nuci, na mula e la paglialora di la Filìcia.
Rosa Gèsu, Gèsu, Gèsu! ... (Si segna parecchie volte.)
Minicu (Conivincente.)
Gnura Rosa, doppu st’addrevu a cu aviti?
Rosa A nuddru, ca lu Signuri nun mi nni mannà cchjù.
Minicu (Adulandola.)
Nn’avistivu unu sulu però beddru di tutti cosi.
Rosa (Fiera.)
Lu putiti diri forti e adasciu, ca unni lu tuccati tuccati sona comu na campana.
Minicu E allura, Santu Ddiu! Cci l’at’a lassari a la morti, faciticcilli godiri ora.
Rosa Mi pigliati nta lu dèbbuli. ... Sia cuncessu comu diciti vu.
Tanu Però tuttu chistu nostru pattu avi valuri siddru li picciotti nun cuminanu quarche fissaria. I, dicemmu, àju lu preu e lu piaciri ca li cosi s’ann’a fari ghjusti e puliti. ... A me figlia la vogliu purtari a la Chjesa cu l’abbitu biancu. ... Cusà succidissi quarche vastasata, vi lu dicu beddru spicchjatu e munnatu, i nun ci dugnu nenti, ... mancu un lazzu pi li scarpi. Semmu ntisi?
Minicu Mi pari ghjustu lu to parlari. Vu chi ni diciti, gnura Rosa?
Rosa Certi discursi cu natri nun c’è bisognu mancu di falli ca na la me famiglia semmu tutti genti onesta e pulita e certi cosi nni natri nun succèdinu. Nun c’era bbisognu mancu di parlàrini.
Tanu Gnura Rosa, nta la vostra famiglia ogni trì fimmini si nni marita una a la Chiesa. Cuminciannu di vu. .... e zzittitivi.
Rosa Basta, basta, nun c’è bisognu d’arriminari cosi passati.
Minicu Bonu ddrocu tutti du, ca la megliu palora è chiddra ca nun si dici. ... Agurii a stu zzitu. ... (Lo bacia.)
Nòfriu Grazzii, mancu bisognu cci nn’è.
Minicu (A Tanu.)
E di na cambiali ti nni niscisti!
Tanu Comu voli Ddiì!
Minicu Certu ca ora lu pinzeru l’à sulu pi Marangelica.
Tanu Mah, vidè s’av’a sistimari. Nun nni restanu spichi a l’addritta.
Nòfriu Siddru nun c’è nuddru mi la pigliu i vidè.
Rosa (Invitando a gesti Nòfriu a star zitto.)
Siddru mi pirmittiti, vistu ca ora semmu tutti na famiglia, u bonu partitu cu ccu cuminàrisi i l’avissi sutt’occhju ... (Tanu guarda interessato.) ... Niculinu, lu figliu di me cumpari Petru Cadiemmòri. Siddru vi piaci, è cosa fatta. Picciottu bonu e famiglia canusciuta.
Tanu (Dubbioso.)
Ma nun è chiddru un pocu difittuseddru?
Minicu Lu frateddru, chi va circannu? Chjui l’occhji ca a lu scuru nenti si vidi. Lu difettu cc’è, però sempiri masculu è!
Rosa (Tentatrice.)
Avi na bona pinzïoni e sugnu cumminta ca nun vulissi mancu tanta dota. A vostra figlia nun ci avissivu ad accattari mancu un fazzulettu, cci facissi tutti cosi iddru di la ani a la zzeta. Avi du beddri gira di tirrenu arburati e mezza casa unni sta.
Tanu Gnura Rosa, chi mporta nfunnu siddru lu picciottu è un pocu fora usu? Comu dici me frateddru, sempiri masculu è. Pi cummìnciri a Marangelica cci penzu i.
Rosa A tant’assà nun s’avissi a fari a prigari, cu la mmìdia di la soru subbitu di sì dici.
Tanu Cuminati lu discursu e pi Nufrieddru cci nesci quarche cosa di superchju.
Minicu E pi mia?
Tanu Pi tia vidè, tutti cuntenti amm’a ristari.
Rosa (Dolce.)
Allura la vigna cci la putissivu dari tutta.
Tanu Ah certu ca cci la pozzu dari.
Rosa E la biancarìa a dùdici?
Tanu A dùdici.
Rosa E li pignati d’allumìniu?
Tanu (Cenni affermativi.)
E appena passa lu tubbu di l’acqua nni la strata, cannòlu intra.
Rosa E quarche sordu scangiatu superchju, siddru lu putiti, ca li picciotti nun avennu debbitu si nni vannu cchjù alleggiu.
Tanu Si cci pò dari, ... facemmu natri decimila liri. ... E ora chi nni dicissivu di iri a parlari cu Niculinu, ca a chi cc’è cca lu nutaru putìssimu cunchjùdiri tutti cosi?
Rosa Ora diciti?
Tanu Nun sta cca vicineddru, mi pari?
Rosa Ihia, aspittati ca cci vaiu.
Nòfriu Mi cci porti ma’?
Rosa Amuninni. ... (Escono Rosa con Nòfriu barcollante per mano.)
Minicu (Rimasti soli con Tanu.)
Chi fa nfuddristi? Pirchì cci sta dannu tutta sta doti, accussì senza fariti a prigari? Chi cci a dari a Marangelica e a Gilurmeddru quannu è ura?
Tanu Cci nn’è e nni resta pi tutti, ... senza ti scantari ca nni resta.
Minicu Dimmi na cosa, grana assà cci à la posta?
Tanu (Guardandosi attorno.)
Silenziu Minicu! ... (Con tono di richiamo.) ... Chistu nun è postu pi parlari.
Minicu Basta drocu ca capivu.
Tanu Amuninni ca iemmu a vidiri pi ddri fimmini e arriggirammu arrè.
Atto secondo
(Giovanni è alla scrivania, entrano Tanu e Minicu, chiacchierando.)
Tanu Menu mali ca s’arripiglià me muglieri, a li voti cci vennu sti firriuna di testa ca mi fannu scantari. ... (Vedendo Giovanni, gioioso.) ... Signor Giovanni, cca è lei?
Giovanni Buona sera, signor Barresi.
Tanu Ma quali Barresi e Barresi, pi lei sugnu lu zzi Tanu. ... Minicu, ti prisentu il signor Giovanni, aiutanti di lu nutaru. ... (I due si presentano.)
Minicu Veramenti già nni canuscemmu.
Giovanni (Nel salutare fa un inchino.)
Comunque, piacere di rivederla.
Tanu Signor Giovanni, lei joca sempiri cu la so colonia vertebbrali. ... (Ammonendolo.) ... Nun s’av’a calari! ... Tisa ci dissi, tisa. ... (Mima.)
Giovanni À ragione ... sa che quasi quasi avverto veramente un leggero dolore al fondo schiena.
Tanu Cci lu dìcia i. ... Mi facissi vìdiri ssi spaddri.
Giovanni Scusi, non ho capito. Io dovrei ... Lei è un sensale, si intende anche di medicina?
Tanu Pirchì li medici chi fa si ntèntinu di sinzalìa? Eppuru lei vidi ca a li voti accattanu e vinninu suli senza chjamari lu mizzanu.
Giovanni Sì, a volte lo fanno, è vero.
Tanu (Imperioso.)
Si livassi ssa cammisa. ... Minicu tè sta coppula.
Giovanni Qui?
Tanu Voli arristari ciuncu nta un funnu di lettu?
Giovanni (Si toglie la camicia e resta in canottiera.)
Così va bene.
Tanu (Esamina e tocca la schiena.)
Quani cci fazzu mali?
Giovanni Sì, mi sembra di sì.
Tanu E quani?
Giovanni Anche lì, un poco.
Tanu Ora si mittissi cu l’occhji chjusi, ... li pedi stritti e li vrazza larghi. ... Minicu, stammu attentu a dàricci ajutu. ...(Giovanni esegue e barcolla, Minicu lo sostiene )
Giovanni (Preoccupato.)
Come mi trova?
Tanu (Dottamente.)
Lei cci avi una discoplastica ombrellicale destra, così. ... (Mostra con le mani un cerchio. Giovanni si riveste.) ... e la pressioni aita.
Giovanni La cosa è grave?
Tanu È gravi e nun è gravi. ... (Si rimette la coppola.) ... Dicemmu ca è comu u ripidatu di casa cu na guttera chi cci gucciulìa ncapu. Si lei nun ci piglia arriparu la casa chi fa?.
Giovanni Cade.
Tanu Bravu! Ha caputu tuttu. ... Lei nun avi ripidatu.
Giovanni Posso sperare di guarire?
Tanu Àju bisognu di fari menti, mi vinissi a truvari fra quarche jornu ca penzu di putillu cunsigliari. ... Pi oi è mpurtanti ca lei si v’a curca tisu tisu e senza s’arriminari.
Giovanni Grazie, grazie. ... ma devo collaborare il notaio nella stesura dell’atto. ... Non posso andarmene, purtroppo. ...(Si riveste, si siede e lavora.)
Tanu Lei è lu patruni comu voli fari fa, spiriamu ca di cca a stasira nun ci capita nenti. ... (Misterioso.) ... La cosa nun la viu tantu bona. Lei avi li nerbi tisi comu na corda, basta un movimentu farsu e ... (Gesti.) ... tacchiti! ... si ponnu rumpiri.
Giovanni (Preoccupato.)
Forse è meglio che le dia ascolto, mi sento qualcosa di strano che mi si muove dentro. ... Può scusarmi con il notaio?
Tanu Si nni issi tranquillu e pinzassi pi la so saluti. Appena veni lu nutaru, si cc’è bisognu, l’ajutu i.
Giovanni (Uscendo.)
Grazie veramente, grazie.
Tanu Arrivederci, arrivederci.
Minicu Ma chi ti piglià ca lu facisti scantari accussì?
Tanu Lu vò capiri ca nun mi piaciva chistu misu cca a sipiuni ad ascutari tutti li fatti nostri?
Minicu E lu fattu di li spaddri? Quannu mai tu capiri di sti cosi?
Tanu La simana passata nun chiamavu lu medicu pi sti dulura chi àju? ... (Minicu fa cenni affermativi.) ... Chiddru chi mi dissi lu medicu a mia, i lu dissi tali e quali, o quasica, a iddru. ... (Ammonendo.) ...Cu nun ti sapi nun ti svela.
Minicu Arraggiuni à, d’intra veni ca lu voscu taglia. ... Comunchi mentri aspittammu nun putissimu vidiri di quantu mi tocca di sinzalìa?
Tanu Lu frateddru, a chi fa stammu scappannu? Tu à na prèscia.
Minicu Pirchì discùrrini davanti a tutti? Nun è megliu ca la cosa resta tra mia e tia?
Tanu Arraggiuni à. Quantu vò pi lu to sirbizzu?
Minicu Data la nostra parintela mi pari ghjustu rispittariti. Talè, di lu gnuri Gaspanu pi la figlia, mi fici dari dumila liri e se tummina di frummentu risulatu. Pi tia, siddru la dota è chiddra chi ristammu, i penzu ca quattrumila liri fussi na summa ghjusta.
Tanu (Resta un po’ pensieroso.)
Quattrumila liri dicisti?
Minicu (Temendo di avere esagerato.)
Si ti parinu assà, taglia tu e sia ben fattu.
Tanu Sàcciu ca facisti un travàgliu sèriu e pulitu e pi fàriti vìdiri ca to frateddru è cristianu ch’avi nasu, cci mettu natri semila liri ncapu pi cucùcciu.
Minicu (Sorpreso.)
Decimila liri?!
Tanu Decimila liri!
Minicu Grazzi! Lu Signuri ti lu pozza renniri pi opira di beni.
Tanu Quannu è festa, è festa pi tutti.
Minicu T’à dumannari na cosa e vogliu ca mi dci di sì.
Tanu Parla.
Minicu Siccomu la gnura Rosa m’avìa prummisu na cusuzza, dicemmucci ca tu mi duni sulu quattrumila liri e accussì viu di gracciàricci quarche cosa a iddra.
Tanu Comu dici tu. Però vacci pulitu ca, mischina, tantu grassa nun campa.
Minicu Nun ti prioccupari ca sàcciu ca campa strittuliddra. ... E li sordi tò mi li putìssitu dari stasira stessu?
Tanu A dispusizzïoni. ... Facemmu accussì: stasira, appena finemmu di firmari la cumprumisa, ti dugnu cincumila liri scangiati e novi, pi l’atri cincumila ti firmu na cambiala e ti la v’a siggi lu iornu di lu matrimòniu. ... Chistu pi fari li cosi precisi. Chi ti nni pari?
Minicu Bonu mi pari lu pattu. Videmmu siddru tra chissi to e chiddri di la gnura Rosa di putiri purtari quarche cosa intra stasira.
Tanu Mi pari ghjustu.
Rosa (Entra parlando con il figlio, tirandolo per mano.)
Trasi la mà, ca ora ni nni iemmu.
Nòfriu (Standosene sulla porta.)
I mi nni vogliu iri.
Rosa Trasi tanticchja ca ora ni nni iemmu.
Rosa T’a marritari, si o nò?
Nòfriu E i vidè cci à èssiri?
Rosa Sì, vasinnò nun si pò fari nenti.
Nòfriu Misca,
allura siddru mi fa arrabbiari nun mi maritu cchjù.
Tanu (Andandole incontro.)
Gnura Ro’, comu fini?
Rosa Di truvalli li truvavu e cci dissi chiddru chi cci avìa di diri. Pi Marangelica nn’avissiru macari anuri e piaciri.
Tanu Allura si pò cunchjùdiri?
Rosa La spranza cc’è. Però ànnu na trattativa pi Gilestra, la figlia di lu tammurinaru. Si cci pinzàvamu quarche iornu prima era megliu.
Tanu Cci lu dicistivu ca nti natri cc’è dota e grana?
Rosa Cci lu dissi e nni vonnu parlari cu cchjù tempu. ... Ora vìdinu d’attaccari ragòglia.
Tanu Vu senza lassari lu discursu pi l’accurzu.
Rosa Nun vi priocupati ca l’addreva l’amm’a sistimari vidè. E amm’a fari festa tutti.
Minicu Siddru pirmittiti sta trattativa la fazzu i, ... cu lu solitu pattu.
Tanu Pi mia à carta bianca.
Rosa Cunchjudìti ca nn’àju piaciri.
Minicu Gnura Ro’, prima chi veni lu nutaru, neca putìssimu chjùiri lu nostru discursu?
Rosa (Sospettosa.)
Ch’avemmu discursu ntraduttu, ca nun ci penzu?
Minicu Quarche cosa pi stu matrimoniu di Nufrieddru mi tocca? ... Cu me frateddru già nni mìsimu daccordu.
Rosa Mah, comu diciti vu? ... Quantu è lu disturbu? ... Tiniti cuntu ca sugnu fimmineddra sula e campu cu lu furnu.
Minicu Faciti vu, gnura Ro’ ca sacciu ch’aviti lu cori granni.
Rosa (Apre la borsa e mostra l’interno completamente vuoto.)
Tajà, mi scurdavu lu borsellinu e nun mi trovu mancu un sordu appressu.
Minicu Quannu niscemmu di cca putemmu passari di intra nni vu, siddru vuliti.
Rosa (Mortificata.)
Veramenti, ... forsi mancu intra mi nni trovu. ... (Riprendendosi.) ... Neca vi sirbissi tecchja d’ogliu? Àju ancora intra chiddru di lu Finòcchju.
Minicu Bonu vidè jè. Allura a la nisciuta pìgliu na caputa è vegnu.
Rosa Tri decàlitra vi lu dugnu cu tuttu lu cori pi stu sirbizzu chi cunchjudìstivu e, pi rigalìa, du quarti di cìciri nìvuri di lu Passareddru ca sunnu un sana stomacu cu tècchja d’ogliu la matina. ... (Dispiaciuta.) ... A grana nun sugnu cuminata tantu bona.
Minicu Nenza vi preoccupari. Anchi nenti s’è necessariu, grazzii lu stessu. Pinzati a la saluti.
Rosa E cca chi si dici?
Tanu Ma stanmmu aspittannu lu nutaru. .. Cca mi pari ca è.
Notaio (Voce fuori campo del notaio.) ... Giovanni! ... Giovanni! ... Venga ad aiutarmi ... (Entra con delle carte in mano. Tanu subito lo aiuta.)
Dov’è Giovanni? ... Lo avete visto?
Tanu Cca era antura, po’ mentri travagliava cci vinni un curpiceddru e avia assintumatu. Cci cunsigliavu di ìrisi a curcari ca nta la facci era giarnu ca pariva mortu.
Notaio (Sistema le carte sulla scrivania.)
Questo Giovanni a volte mi preoccupa, non ci voleva visti i nostri impegni. Faremo tutto da soli.
Tanu Daccordu sugnu, nuta’.
Notaio Allora signori, tutto a posto? ... Signor Onofrio lei si sente bene?
Nòfriu Sissì, precisu si senti.
Notaio (Sorridendo.)
Dicevo, come sta?
Nòfriu Staiu assittatu ca m’arriposu li pedi..
Rosa Bonu si senti l’addrevu, nutaru. Cuntenti e prigatu pi li zzitaggiu.
Tanu E vossìa comu si senti? ... Tuttu a postu, beddru dutturi?
Notaio Bene, grazie. ... (Si siede.)... Se volete possiamo cominciare a stilare l’atto così ci sbrighiamo prima.
Tanu Cuminciassi ca i vaiu a chjamu a me muglieri ca sta pirdennu tempu.
Rosa Spirammu ca nun si senti mala. S’aviti bisognu chjamàtimi.
Tanu S’arripiglià, grazzìi. ... Vegnu subbitu. Teni cca Minicu, ... (Gli dà un foglio.) ... cci sunnu tutti li dati di nascita me, di me muglieri e di me figlia Cuncittina.
Notaio (Comincia a scrivere. A Minicu.)
La data di nascita di vostro cugino, per favore e le generalità complete.
Minicu Sissì. Barresi Gaitanu fu Girolamo e di Amato Pietra.
Notaio Nato a Cianciana li ...
Minicu (Dubioso.)
Cca cc’è scrittu il.
Notaio Va bene lo stesso
Minicu Il 1870
Notaio Il...
Minicu (Corregendolo, dubbioso.)
Lu ... (Indica lo scritto. Il notaio assentisce.) ... vintinovi d’ottuviru ... risidenti a Cianciana, Via Nazzionali.
Notaio Bene. Ora le generalità di vostra cugina.
Minicu Caruselli Rusalia di Antonino e di Cuffaro Angela.
Notaio Nata a Cianciana ... (Incerto, guardando attentamente Minicu e puntandolo con l’indice.) ... Il?... Li? ... Lu!
Minicu (Cenni di approvazione.)
Prosita! ... Lu quattordici frivaru 1878
Notaio Residente ...
Minicu (Meravigliato.)
Cu me frateddru, nutaru. ... (Unendo ripetutamente gli indici.) ... Ncucchjati stannu.
Notaio Avete ragione. ... Le generalità della futura sposa ora.
Minicu Barresi Cuncittina ... (Il notaio sta per chiedere le altre informazzioni.) ... Aspittassi ca cci dicu tutti cosi i ca finemmu prima. ... Nata a Cianciana il 1901, lu vintunu marzu ... e cca cc’è lu scrittu di la doti chi li picciotti portanu
Notaio Le generalità del futuro sposo. Signor Onofrio?
Nòfriu (Si alza, sorride.)
Cca sugnu.
Notaio Voi siete nato ...
Nòfriu Sissì nascivu.
Notaio Certo, io vi chiedo: Avete l’età ...
Nòfriu Sissì, l’àju e macari àju la crapa.
Rosa (Interviene.)
Si cumpunnì l’addrevu, scusàssilu signor nutaru. Vossìa parla accussì difficili!. Arrubba Onofrio fu Micheli e di la sottoscritta. Mastica Rosa. Nato a Cianciana il 4 marzo 1898. Stammu in Salita della Piazza.
Rusalia (Rientra Rusalia con la figlia Cuncittina. Tutti le si avvicinano per chiedere notizie sulla sua salute.)
Scusati pi lu ritardu, .... senza vi disturbari. ... (Mentre gli altri parlano Tanu sistema le sedie. Due accanto alla scivania del notaio e tre dietro queste in fila.) ... Avanti assittammuni. ... Rusalia tu cca ... (Indica la sedia in fondo della seconda fila.) ... Tu, Cuncittina ... vicinu a to matri.
Rosa E me figliu unni s’av’a assittari?
Tanu Gnura Rosa, mancu vu mi pariti. ... A Nufrieddru cci tocca cca vicinu a la zzita. Mi maravigliu di vu ca sacciu ca siti fimmina sperta e sapiti comu vannu li cosi a lu munnu. ... Tempi muderni semmu. ... Chi vi pari ca i sugnu ancora a l’antica? Li picciotti s’ann’a assitari vicineddri ca accussi cumincianu a pigliari canuscenza e a cunzari lu nidu.
Nòfriu A i chi sugnu aceddru? ... (Ride.)
Rosa Mi pari ghjustu. Mi pari ghjustu ca i lu sacciu comu vannu li cosi di la mudernità neca vi pari ca àju la testa intra la sacchina comu tanti cci nn’è.
Tanu Vu e Minicu assittativi cu mia, cca vicinu a lu tavulinu di lu nutaru accussì putemmu cuntrullari cu l’occhji chiddru chi scrivi e siddru cc’è arruri, lu facemmu mudificari.
(Si siedono. Durante tutta la scena Cuncittina è vivace ed intraprendente, comincia a toccare la mano a Nòfriu, che si ritira arrossendo. Lo stuzzica continuamente, Nòfriu sembra giocare.)
Notaio Bene signori, possiamo dare lettura dell’atto. ... (Tanu, Minicu e Rosa avvicinano le loro sedie ancor di più alla scrivania.)
Rosa Liggissi adasciu ... ca natri litrra ni sapemmu picca.
Notaio Non si preoccupi, se ci sono problemi m’interrompa e le darò i chiarimenti necessari. ... (Inizia la lettura.)
Contratto dotale e donazione.
Regnando Vittorio Emanuele III, per grazia di Dio e per volontà della Nazione, re d’Italia.
L’anno millenovecentotrentanove il giorno tredici gennaio, in Cianciana nel mio ufficio notarile, posto nella Via De Michele n° 3, innanzi a me notaio Amendola Giampietro, residente in Cianciana, iscritto presso il Consiglio notarile di Sciacca, assistito dai Signori Cozzo Domenico fu Giuseppe, sensale, e Orobello Giovanni di Paolo, coadiuvatore d’ufficio, entrambi nati domiciliati in Cianciana, testimoni idonei ai sensi di legge, sono presenti la Signorina Barresi Concettina di Gaetano, promessa sposa , autorizzata ed assistita dai qui presenti suoi genitori Barresi Gaetano del fu Girolamo e Caruselli Rosalia del fu Giuseppe; e il signor Arrubba Onofrio fu Carmelo, promesso sposo, autorizzato e col consenso della qui presente di lui madre Mastica Rosa di Antonino. Entrambi i promessi sposi nati e domiciliati in Cianciana, a me notaio e testimoni noti, i quali in virtù del presente atto stipulano in ordine ai beni i patti regolatori del matrimonio che fra non guari sarà fra di loro celebrato.
I patti sono questi:
1) Gli sposi adottano il regime dotale esclusa fra loro la comunione dei beni.
2) A contemplazione di queste nozze i Signori Barresi e Caruselli, genitori della sposa, dotano la propria figlia Concettina e lo sposo Arrubba, che accettano, i seguenti beni di propria spettanza:
a) Un corredo di biancheria muliebre e domestica composto di vari effetti di biancheria e di vestiario, estimato d’accordo dalle parti pel prezzo di lire millecento (1.100), costituente compra vendita.
b) La somma di lire 2.500 da depositarsi in libretto postale nominativo intestato al Signor Arrubba Onofrio.
c) Un corpo di case, composto da una casa tirrena ed una camera con attiguo parterra, sito in Cianciana nella Via San Rocco, limitrofo a quelle di Gibilaro Andrea e di Martorano Giuseppe, gravato di sola fondiaria, libero da servitù ed ipoteca, catastato sotto nome di Barresi Gaetano e valutato lire 7.000.
d) L’estensione di are 157 e centiare quarantanove, pari a tumoli dieci della stabilta misura con la corda di venti canne, di terra aratica in Cianciana, feudo Balata, gravata da fondiaria e libera da servitù ed ipoteca, catastata infine sotto nome di Caruselli Rosalia all’articolo 563 e valutata lire 18.000. La dotazione comprende il raccolto del presente anno.
e) L’estensione di are venti e centiare diciannove, pari a tumoli 1,5 della stabilita misura con la corda di venti canne, di vigneto in Cianciana, contrada Pitraru, gravata da fondiaria e libera da servitù ed ipoteca, catastata infine sotto nome di Barresi Gaetano all’articolo 427 e valutata lire 2.500. La dotazione comprende il raccolto del presente anno
3) A contemplazione di queste nozze la Signora Mastica Rosa, genitrice dello sposo, dota il proprio figlio Onofrio e la sposa Barresi, che accettano, i seguenti beni di propria spettanza:
a) Un corpo di case, composto da una casa tirrena, adibito a pagliera, sito in Cianciana in Contrada Filicia, limitrofo a quelle di Gambino Annunziata e di Martorano Antonino, gravato di sola fondiaria, libero da servitù ed ipoteca, catastato sotto nome di Barresi Gaetano e valutato lire 1.000.
b) Il mobilio per la casa dei futuri sposi, che dovra essere ordinato a maestro d’ascia di Bivona da concordare tra le parti e comprendente, comò, guardaroba, specchio, tavolo con sei sedie, letto con due comodini. Il tutto sarà realizzato in legno di noce.
c) Una mula giovane dell’età non superiore ai tre anni e relativa attrezzatura agricola.
(Mentre tutti sono attenti alla lettura, Rusalia finge di dormire. Cuncittina continua a stuzzicare Nòfriu che sembra prenderci gusto. Tanu di tanto in tanto fa dei cenni alla figlia di affrettarsi ad uscire con Nòfriu. Rosa e Minicu sono asorti nell’ascoltare il notaio. Cuncitina prende Nòfriu per mano e lo fa alzare, stancamente Nòfriu la segue. Cuncittina gli fa cenno di non fare rumore, si avviano lentamente verso la porta, per Nòfriu e come se si trattasse di un gioco. Rusalia per un attimo apre gli occhi e fa un cenno di assenso alla figlia, poi torna dormire. Nòfriu sulla porta ha qualche esitazione ed indica la madre. Cuncittina, con uno strattone lo tira fuori.)
Il possesso e godimento di detti beni cominceranno dal giorno della celebrazione del matrimonio.
Le spese del matrimonio e le spese tutte del presente contratto dotale e della donazione in comunione fra le parti.
Le parti tutte convengono e sottoscrivono che ove i promessi sposi non convoleranno a leggittime nozze religiose e civili, quanto scritto e pattuito con il presente atto non avrà valore legale alcuno, restando libere le parti da ogni impegno costì assunto.
I genitori della sposa garentiscono alla medesima i beni immobili dotali da ogni molestia evizione ed usurpazione. Non essendo il bene immobile dello sposo sufficiente a garentire la dote mobile della sposa, le parti contraenti rinunciano all’ipoteca dotale ed esonerano da ogni responsabilità correlativa il notaio rogante e lo sposo stesso.
In ogni altro rapporto la presente donazione verrà regolata dal regime dotale ai sensi del Codice civile.
Per l’esecuzione dell’atto le parti eliggono domicilio nella loro rispettiva abitazione in Cianciana.
Richiesto io qui sottoscritto Notaro ho letto quest’atto in presenza dei testimoni alle parti, le quali dichiarano essere l’atto medesimo conforme alle loro volontà.
Occupa tre pagine di un foglio di carta.
Ci siamo sottoscritti: Notaro Giampietro Amendola, Barresi Concettina, Arrubba Onofrio, Caruselli Rosalia, Barresi Gaetano, Mastica Rosa, Cozzo Domenico, Orobello Giovanni. ... Se non avete rilievi, passiamo alla firma. ... (Nessuno manifesta rilievi e tutti sembrano assorti.) ... Signorina Barresi si avvicini.
Rosa (Si alza e si gira.)
Oh Beddra Matri, unn’è me figliu?
Tanu (Gridando per svegliare la moglie.)
Rusalia! Fimmina babbazza, unni sunnu li picciotti? Accussi cci sta accura?
Rusalia (Risvegliandosi.)
Chi cc’è, chi cc’è cu sti vuci?
Rosa (A Rusalia.)
Me figliu! ... Nufrieddru, gioia mia unni sì? ... (Esce di corsa, gridando.)
Rusalia Gesuzzu e Maria! ... Unn’è me figlia?. ... Cuncittina la matri, unni ti purtà ssu sdisanuratu? ... (Esce anche lei, gridando. Minicu ed il notaio restano allibbiti.)
Notaio Cosa sta succedendo?
Tanu (Calmo e falsamente dispiaciuto.)
Chi cci sacciu diri i. ... Siddru nun pigliu sbagliu pari ca li picciotti si nni fujeru. ... Chi voli lu sangu cci vuddri a ss’aità.
Rusalia (Voci fuori campo, rientra disperata.)
Oh chi mala fiùra nni fici fari stu sbriugnatu. ... I lu dissi ch’avia l’occhji tinti!
Tanu (Fingendosi sorpreso.)
Comu, nun ti la fidasti a truvalli? ... Trunza addrummisciuta! ... Sperti s’ann’a pigliari lu muglieri, sperti.
Rusalia Spirì la beddra figlia, spirì e un sacciu unni! ... Tutti li strati firriavu. ... Oh chi mala sirata!
Rosa (Voci fuori campo, rientra piangendo e disperandosi.)
Comu mi cunzumavu! .... (A Rusalia.) ... Comu mi cunzumastivu. ... Traditura! ... La notti si dormi, la notti, ntamàta!
Rusalia Lu dannu me è. ... Lu dannu è me. ... Vu zzittitivi., ca si sbacantà la me casa.
Rosa Alluppiata siti, mancu li ntressi vi sapiti guardari! ... Unn’è me figliu? ... Chi cci sta facennu a chist’ura vostra figlia?
Rusalia Senza ti cumprumèttiri la matri!
Rosa Poviru figliu miu! ... Addifenniti!
Rusalia A la coscia mi l’à attaccari n’atra vota a me figlia. ... Fiducia a nuddru.
Tanu (Gridando.)
Silenziu tutti du. ...Curaggiu ca morti pi lu mezzu nun ci nn’è.
Notaio Signori, ... signore! .... Capisco il vostro dolore ma vi prego un po’ di contegno.
Rosa Cumplitammu l’attu. Sa mu ca cuminciu i a firmari. ... Unn’è ca àju a scriviri?
Notaio Signora, mi dispiace, prima di lei dovrebbe firmare suo figlio.
Rosa (Disperata.)
Oh chi cunzumazzïoni! ... Nòfriu ven’a firma la ma’! ... La casa, lu tirrenu ...tutti cosi cci appizzammu.
Minicu Firma tu nostramentri, Tanu.
Tanu Adasciu, adasciu, beddru mizzanu. .... Cca nun c’è cchjù nenti di firmari.
Minicu Li patti sunnu patti e vannu rispittati.
Rosa Comu nun c’è cchjù nenti di firmari? E la doti di me figliu?
Rusalia Nun ci nn’è cchjù. Stujativi lu mussu!
Rosa Lu sapia i, lu sapia. ... Ah malagenti! ... Castigu di Ddiu v’av’a viniri!
Notaio (A Tanu.)
Mi faccia capire?
Tanu Subbitu vegnu e mi spiegu. ... Dunchi nta li patti scritti si dici ca i avia a dari la doti siddru li picciotti nun facivanu vastasati. Ghjustu? ... (Cenni di assenso del notaio.) ... Siddru li cosi si facivanu puliti a la Comuni e po’ a la Chiesa. Vistina bianca, velu e cunfetti e via discurrennu. ... Ghjustu?
Notaio Mi sembra che abbiamo scritto così.
Tanu E allura, siccomu, comu lei stessu pò custatari, Nòfriu e Cuncittina fìciru di testa so, i, comu scrìssimu, mi riserbu di daricci la doti doppu. ... (Gesti con le mani per indicare un tempo lontano nel futuro.) ... A lu prisenti mi tegnu tutti cosi ... ca la robba è me. ... I carriava a la surfara a sett’anni! ... In appressu si vidi, assecunnu di comu si cumportanu, naturalmenti.
Rusalia Chi vriogna nta la me famiglia! ... Cuncittina, arricampati.
Rosa Zzittitivi vu, cunzuma casi. Mancu pi cani di guardia siti bona!
Rusalia E vu, unn’eravu? Arsa pi grana!... Chi sdisanuri!
Rosa Me è lu sdisanuri, me. Cu quali facci àju a nesciri ora?
Minicu (Ironico.)
Gnura Rosa, mancu vu mi pariti! Nisciti cu chiddra di sempiri!
Rosa Nòfriu, unni sì? ... Arricampati, scappa di ssa fimminazza ca nni cunzumà. .... Veni a firma. ... (Esce, disperandosi.)
Minicu (Silenzio. Parlando ad alta voce a se stesso.)
Comu ...e la me parti? ... E lu me? ... Cci avia ad accattari li scarpi a me muglieri. ... E l’ogliu cu li ciciri pi la matina? ... S’abbrusciaru li cazzilli, Minicu! ... (Si avvia verso l’uscita.)
Tanu Unni va lu frateddru? Veni cca.
Minicu (Stralunato.)
Cci appizzasti tutti cosi, Minicu lu trunzu. N’atra vota li grana prima! Ti lu diciva i! Lu megliu fùttiri e nti la parintela e to frateddru Tanu ghjustamenti... Lu spertu mori sempiri n manu a lu minchjuni! ... (Esce.)
Notaio (Stupito.)
Beh, e adesso cosa facciamo?
Tanu Ora chi si fa? Prima di tuttu lu vogliu ringrazzïari pi l’ajutu chi mi detti e po’, siddru mi lu pirmetti, cci vulissi pagari lu disturbu.
Notaio (Nervoso e tremante.)
Non voglio niente, non voglio niente.
Rusalia Vossìa lu travagliu lu fici, unn’è ghjustu!
Notaio Niente, ho detto niente. ... (Comincia a mordere e a strappare l’atto scritto.)
Tanu Mancu un cafè a lu bar si veni a piglià?
Notaio Nenti, ... nenti, ... facitiminni iri. ... (Esce.)
Tanu Nun lu custrìngiu a ristari, grazzìi allura, ... grazii assà. ...Chi beddru cristianu! ... A natali cci amm’a fari un prisenti. ... (Rusalia si siede e piange. Avvicinandosi a lei.) ... Adà, la muglieri ...neca amm’a saggirari ora. ... Lu matrimoniu e na sistimazioni ... ma la robba è robba e pi falla costa sudura. ... Sùsiti, senza chjanciri cchjù. ... Nun ti dispirari, ... senza sparagnitu a mumentu la robba finisci .... Tantu sempiri so è, ... quannu si spinna lu gaddru però. ... Dumani v’accatta tècchja di carni di vaccina e fa na beddra brudata ca mangiammu cu la gnura Rosa. ... Li picciotti intra sunnu? ... (Rusalia fa cenni affermativi col capo. Abbraccia la moglie ed escono.)
FINE
