TEATRO DIALETTALE SALENTINO
La curte te lu miraculu
*****
Atto unico
di
Giuseppe Ostuni
(U 2) (D1)
L’azione si svolge nella stanza di una casa situata alla periferia di
Betlemme, all’epoca in cui visse Nostro Signore Gesù Cristo. L’arredamento, tipico di quei tempi, è povero di mobilia: un tavolo, poche sedie in paglia, una cassapanca, una giara usata per conservare olio, vino, acqua o granaglie, alcune brocche e vasi di terracotta. Una finestra, in seconda quinta a sinistra. Un entrata sulla parete frontale, a destra, coperta da una tenda ricavata da un sacco di iuta. All’apertura del sipario, Ronzino, da anni paralitico, è seduto presso il tavolo avvolto da una coperta che lo copre dalle spalle e scende fino ai piedi. Ha gli occhi chiusi. Dorme. Il volto, sereno, in alcuni momenti accenna ad aprirsi ad un breve sorriso. Sta sognando infatti di camminare! Il silenzio della scena iniziale èrotto da unvociare concitato, proveniente dalla strada, attigua alla piccola “curte”, e da un fastidioso abbaiare di cani.
Voci provenienti dalla strada
Primo soldato: No, qui non c’è!
Secondo Soldato: Dove si sarà cacciato, quel maledetto giudeo?
Capo centuria: Cercatelo!…Trovatelo!…Deve morire!
Un popolano: Di là!…Di là!…L’ho visto correre in quella
direzione, ha voltato l’angolo!
Soldati: Andiamo, non deve sfuggirci!
Il vociare concitato e l’abbaiare dei cani svegliano
Ronzino il quale volge lo sguardo verso la finestra.
Ad alta voce chiama Rusina, la sorella. Ronzino
indossa una lunga tunica somigliante ad un sacco
con un taglio a “V”, per far passare la testa ed
altri due tagli agli angoli per le braccia. L’abito è
stretto in vita da una cinghia di cuoio.
Ronzino: Rusina!…Rusina!… Si, ca moi te sente,
nah!…Rusina!…Rusina!… (Ad alta voce)
Entra in scena Rusina. Indossa anche lei una tunica simile
a quella di Ronzino ma fatta con unastoffa più fine e con colori
più vivaci.
Rusina: Ronzinu, a’ chiamatu, per casu?
Ronzino: No!… Nu’ aggiu chiamatu “per casu”, aggiu
chiamatu “per ccertu!” Ae te nn’ura ca sta
rritu…Addu eri scii finita?
Rusina: Stia nfacciata susu la porta te casa…
Ronzino: Ah!…E allora possu sapire cce bbete tuttu stu
rreuetu ca m’a’ ddescetatu? Me sta facia nnu
bbellu sennu: camenaa Rusina mia, camenaa !
Rusina: E ssulu sunnare te lu puei! Pare ca s’a’ pper-
su lu Signore…Lu sta purtavane allu Calvariu,
cu llu mintane an cruce, e quiddhu a’ sparitu!
Ronzino: Comu sarebbe a ddire: “ sparitu?!”
Rusina: Sparitu!... Sparitu! Ccussì aggiu ntisu tire , cce
stia a ddhai?…(Aspra)
(Breve pausa. Si avvicina al fratello, li poggia una
mano sulla spalla. Cambia tono) … Ronzinu,
possu essire te casa picca picca?
Ronzinu: Uei cu bbiessi?... Cu bbai addune?
Rusina: Cu llu bba cercu!... La Marta e cucinasa, la
Rachele, se suu ggià partute te casa cu llu iutanu,
e jeu…
Ronzino: (Interrompendola aspramente)… E tie riesti quai,
a’ capitu?…Jeu suntu sofferente! Ma sta mpac-
cimu? Ci sape quanta ggente lu sta cerca e nu’
ssulu te osce! Ci lu ole viu…ci muertu…Addu
vai? Nnu tumultu, nna rivolta, parte nna petra,
nnu corpu te bbastone, nna spinta… Te succede
nienti, jeu cce fazzu? Ci se pigghia cura te mie?
Rusina: Nu’ mbè ggiustu, però!…Nu’ sse mmeretaa sta
fine, tutte ste umiliazioni! E ddha mamma soa,
pereddha, ticenu ca chiange te la matina alla
sira!
Ronzino: Ah! Iddhu umiliazioni nu’ sse nde mmereta e jeu
invece si? Jeu ca stau nchiuatu susu sta seggia
te quarant’anni…Le umiliazioni mei nu’ cuntanu
no?…Jeu ca aggiu bbesegnu te assistenza tuttu lu
ggiurnu: se aggiu mangiare, se m’aggiu llavare,
se aggiu scire te cuerpu…Ma citta, statte citta!
Jeni, cchiuttostu, ntisame, ca me nde sta scindu te
la seggia! (Rusina esegue) …E ppensare, e tuttu lu
paise è testimone, ca se me ttrou a ste condizioni,
foi propriu pe curpa soa!
Rusina: Nu’ astemare, frate miu, cce ccentra iddhu, peric-
ciu?
Ronzino: Centra, invece…! Centra e cintrune! Uarda, soru
mia, signuria tieni tante qualità, ma quiddha cu
mme faci ttaccare la nervatura ete lacchiù riuscita!
Rusina: Jeu te fazzu ttaccare te niervi?
Ronzino: Si, propriu tie! Sinti specialista in “nervatura ap-
plicata”…Anzi, sai cce tte ticu?
Rusina: Ccene, sentimu…?
Ronzino: Te tau lu permessu cu mpiendi susu la porta te ca-
sa sta targa: “ Dottoressa Rusina Scapece
- Nervoloca – Riceve per appuntamento.” Ccussì
quandu quarchetunu s’a’ ttaccare te niervi, ene…
tie lu nnervosisci, quiddhu se sfoca, paca e sse ndiai
cuntentu!
Rusina: Bella riconoscenza ca tieni pe mmie, dopu tuttu
quiddhu ca te fazzu!
Ronzino : Ma scusa, ragiona picca picca…Tie, donna, cervied-
dhu nde tieni?…Se lu tieni pigghia nna seggia, sset-
nna seggia, ssettate ncoste a mmie e ssienti quiddhu
ca tegnu te tire…
(Rusina prende una sedia e si siede accanto al fratello)
Le ricchie le tieni spuddhate?... Possu ncignare cu
pparlu?
Rusina: Sine, parla…
Ronzino: Allora…quarant’anni a rretu, cu lli genitori nesci,
nui ddoi addu abbetavame?
Rusina: A quai, a Betlemme, sempre intru sta casa simu
stati…
Ronzino: Ggiustu!... Tie eri piccinna, tenii appena ddo anni e
jeu nde tenia tutici, nci simu cu lli cunti?
Rusina: E’ vveru!
Ronzino: A Betlemme, ssignuria nu’ tte pueti rrecurdare, ma
jeu si…, nn’annu nci foi lu censimentu te tutta la
popolazione…Ogni famiglia te stu paise e de tutti
li paisi vicini, ca facianu parte te la provincia roma-
na, s’ja presentare alle autorità cu ddai l’elencu te
tutti li componenti te la famiglia stessa…Stu cen-
simentu lu fice fare, all’epoca, lu Rre Erode!
Rusina: E percè lu fice fare?
Ronzino: Percè nn’ja rriata alle ricchie la notizia ca era im-
minente la nascita te nna creatura, insomma te stu
Cristu, ca ja bbutu ddare alli romani, e nu’ ssulu,
parecchiu filu te torcere. Erode, ca era furbu ma-
lignu, pensau : « …Cu stu censimentu scopru addu
se ttroa, mandu li surdati e lu fazzu ccitere!”
Rusina: Cce disgraziatu ca era!
Ronzino: Invece nu’ llu cchiara filu e le cose su’ sciute, poi,
comu tutti sapimu…Se invece l’janu cchiatu, appe-
na mammasa lu mise allu munnu, jeu, moi, nu’
mb’era condannatu cu stau ssettatu susu sta seggia
pe tutta la vita !
Rusina: Ma…nu’ sta capiscu cce centra…
Ronzino: (Interrompendola) …Mò capisci, mò… fane cu con-
tinuu! La notte ca nasciu, lu celu te Betlemme era
tuttu nnu mantu te stelle…Mai viste tante stelle in
vita mia! Jeu me rrecordu ca, cu certi amici mei, era
essutu te casa cu scià bbisciu la stella cometa!
A ddhi tiempi li astronomi scianu tecendu: “ E’ un
evento straordinario, da non perdere, chissà quando
si ripeterà di nuovo! Questo corpo celeste indicherà
il punto esatto dove nascerà il Re dei Re!”
Rusina: E poi?…Continua…
Ronzino: Nna parola! Ntisame ca me nde su’ scisu nn’au-
tra fiata te la seggia ! (Rusina esegue)
…A Betlemme, ddhu giurnu, nu’ sse putia came-
nare, nu’ sse capia nienti! Nnu picca pe lu censi-
mentu, nnu picca pe la stella cometa, tutte le
strate te lu paise erane affollate te curiosi, furas-
tieri, commercianti, surdati romani, latri, prosti-
tute, sacerdoti, scribi e farisei…nna Babbele!
Nnu traugghiu te folla, te lingue e nna puzza te
suture ca nu’ te puei immaginare! Jeu e li amici
mei nni crepammu cu passamu mmienzu a tutta
ddha gente!…Camina,camina, rriammu a nnu lar-
gu, fore paise, e te luntanu, uardandu an celu rittu
a nnui, finalmente la putimmu bbitere!
Rusina: E comu era?
Ronzino: Bella, Rusina mia, rande! Tenia nnub strascicu
bbiancu retu ca paria quiddhu te lu vestitu te nna
sposa! Pe lla luce forte ca menaa, nu’ rriuscivi
mancu cu lla uardi…te accecava, propriu… Stia
ferma susu lla locanda: “Oste del Moro” ca, a ddhi
tiempi era te lu Bbartolomeu Suppa, ddhu cucinu
nesciu…
Rusina: Ah, si…me lu sta rrecordu, lu cucinu te la Marta!
Ronzino: Bbrava, propriu iddhu, si! Ttaccata alla locanda
nc’era nna mangiatoia ma nu’ lla putiamu bbitere
percè, nn’ anzi a nnui, nc’erane cchiui te mille
persone…Ci retaa, ci cantaa, ci precaa, ci chian-
gia, ci svenia… - “ E’ nato! E’ nato! In quella
stalla è nato il figlio di Dio! Andiamo ad adorar-
lo, è il nostro Salvatore!” – Ccussì parlaa la gente
ddhu giurnu, nu’ mme le scerru finu a cce ccampu
ddhe parole !
Rusina : E poi, cce facisti ?
Ronzino: Siccomu jeu e li amici mei cresciamu curti te
altezza, praticamente, nu’ bbetiamu nienti! E
cchiui nne vvicinavame, menu etiame…
Rusina: Certu!
Ronzino: Se capisce! Percè se stringia la visuale, no? Allora,
siccomu ca nc’era nn’arviru te fiche, a picca metri
te la locanda, e bbera bellu autu, nni ficemu largu
a spinte, cauci, pizzicotti e nci salemmu susu!
Rusina: E cce bbetisti te susu all’arviru?
Ronzino: Lu nasu…
Rusina: Sulu lu nasu? (Alquanto stupita)
Ronzino: Ma cce a’ capitu? E, secondu ssignuria, salemmu
susu ll’arviru cu bbetimu nnu nasu?…Lu nasu me
sta cula, stusciamelu! (Rusina in fretta esegue)
Era natu te picca ure. Mammasa lu tenia mbrazze,
mmucciatu cu nnu mantu celeste e nni sta ddia te
llattare…Sirsa…, lu faligname, stia nginucchiatu
an terra cu le razze an celu e scia retandu: “ Lode
a Dio, lode a Dio!”
Rusina: E poi?
Ronzino: E poi…(Si commuove ed accenna a piangere)
…Stusciame l’ecchi! (Rusina esegue) …Poi, sicco-
mu stiame mpezzati a cinque susu lu stessu ramu,
quiddhu, pe lu troppu pisu, se spezzau e te ddhu
ggiurnu eccume, susu sta seggia, condannatu alla
paralisi eterna!
Rusina: E cu cci te l’a’ pigghiare, frate miu?
Ronzino: Cu cci me l’aggiu pigghiare, tici, no? Invece jeu
ticu : stu Gesù Cristu cce bbole ? A’ bbenutu a
stu munnu cu mminta sulu scigghiu, cu nne rreota
a tutti? Vai in giru ticendu ca ete lu figghiu te
Diu! Te rendi cuntu? Sulu nnu pacciu le pote
tire ste cose!
Rusina: Percè parli ccussì, frate miu, cce tt’a’ ffattu a
ssignuria?
Ronzino: Eccu cce mm’a’ ffattu! (Piega in avanti la testa ed
indica la sedia) …Quistu ete lu rrecalu sou! Aggiu
ntisu tire ca vai ticendu a tutti: “ Se qualcuno
vuol venire dietro a me, rinneghi se stesso, pren-
da la sua croce e mi segua!”… Tie mò me tici,
jeu, a ste condizioni, comu ja ffare cu nni au te
retu?
Rusina: Cu bbai rretu allu Signore, nu’ nc’è bbesuegnu
cu camini…
Ronzino: No? E comu nni au te retu, cu llu pensieru?
Rusina : Puru !
Ronzino : Citta scema, citta ! Ssignuria, comu tutte le fim-
mene te stu paise, nni vai murendu retu…
Rusina : Uarda ca, jeu, nna menza fiata l’aggiu istu…e
puru te luntanu!
Ronzino: E te “luntanu” a’ bbabbata puru tie, comu tutte
ddhe vicine pettecule ca canusci e te parli! Tut-
te nnammurate soi su’ ddeentate !
Rusina: La verità, quiddhe ca l’annu istu, te vicinu, tice-
nu ca ete propriu bbeddhu!
Ronzino: A’ vistu?... Tegnu ragione allora?!
Rusina: Però nu’ sse suu nnammurate te la bellezza
soa…
Ronzino: No…? E te ccene allora? Te l’umbra ca face
quandu camina?
Rusina: Te sta sbagli!... Se suu nnammurate te la parola
soa, te quiddhu ca vai ticendu in giru, ca ete tutta
verità!
Ronzino: Sienti, bbasta soru mia, cangiamu discorsu!
(Bussano alla porta)
Ronzino: …Aggiu ntisu tuzzare…Ane, bba bbiti ci ete.
(Rusina esce di scena e vi rientra pochi secondi dopo)
Rusina: Ronzinu, ncete te ddhai nnu furastieru, tice ca
a’ catutu…
Ronzino: A’ catutu? Allora a’ bb’essere te sicuru nnu
mbriacu! Tinni cu sse ndiai, nu’ mbogghiu
bbisciu nisciunu stamattina…
Rusina: …Ma, pericciu, stai propriu mal ridottu…Chi-
nu te sangu e tuttu strazzatu ! Jutamulu frate
miu, m’a’ ffatta tanta pena!
Ronzino: E va bbene, fallu trasire! Sta casa, tra picca la
ggiramu a “Prontu soccorsu”…Però sulu cinque
menuti, dopu sloggia!
Rusina: (Contenta) …Si…si…, mò lu fazzu enire!
(Esce di scena e vi rientra un attimo dopo precedendo
il forestiero)
Rusina: Prego, accomodatevi forestiero, vi presento mio
fratello Ronzino…
Forestiero: Buon giorno, scusate il disturbo, vi chiedo ospi-
talità solo per cinque minuti, il tempo di ripren-
dere fiato…
Ronzino: (Sorpreso di vederlo tutto sporco di sangue e pieno
di lividi) … Pe lla barba te Noè! Rusina, tan-
ni nna seggia a stu poveru spenturatu! (Rusina
porge una sedia al forestiero) …Stai propriu cum-
benatu a “Hecce Homu!” …Cce tt’a’ successu
furese, parla!
Forestiero: Son caduto per strada due volte, per via del
pesante carico che trasporto…
Ronzino: Caricu?…Cce ssinti… trasportatore?
Forestiero: In un certo senso…
Ronzino: E fatii pe cuntu tou?
Forestiero: No, non proprio, sto con mio padre.
Ronzino: Aggiu capitu, in società?
Forestiero: Si, proprio così, Io e Lui, si può dire, siamo la
stessa persona…
Ronzino: Scusa, cu nu’ ssacciu li fatti toi e te lu papà,
cce caricu sta trasporti?
Forestiero: Legname…
Ronzino: Ah…eccu, taule!? Ma, scusa, tuttu a signuria
lu face purtare stu caricu?
Forestiero: Solo per oggi…Ben presto avremo tanti ope-
rai da costruire un regno!
Ronzino: Capiscu, bbu sta ingranditi? Se ite ca li affari
vannu bbueni…. A’ capitu Rusina? Nnu regnu!
Bbravu, bbravu! Il lavoro ete importante! Scusa
nn’attimu…Rusina te dispiace se te bbicini
picca, picca? T’aggiu ddire nna cosa…
(Rusina si avvicina a Ronzino il quale sussurra
qualcosa nell’orecchio della sorella)
Ronzino: Jeni, bbicina la ricchia! …Quistu e sirsa, a sor-
di, stannu propriu bbueni!…Nnu regnu annu
frabbecare, a’ ntisu? Stu furese, stamattina,
nni l’a’ mandatu lu Patreternu! (Contento)
Rusina : Cce ssinti venale, frate miu!…Nu’ tte scuerni
filu cu lle tici ste cose?
Forestiero: Ho sete!
Ronzino: Rusina?!…Subitu nnu bbicchieri te acqua a stu
signore, avanti!…Scattare!…Scattare…!
(Rusina, veloce, corre in cucina e ritorna in scena con una brocca
d’acqua ed un bicchiere che riempie e porge all’ospite)
Ronzino: E cce bb’ete?… Cce furmine! Quandu nni la
cercu jeu, l’acqua, tocca ffazzu dumanda in
carta bullata, e puru ddo giurni prima! (Rivolto
al forestiero che accenna ad un breve sorriso)
Forestiero: Grazie! (Beve)
Ronzino: Tieni bbesuegnu te autru? Nu’ ffare compli-
menti, sai?
Forestiero: Ho fame!
Ronzino: Quiddha, purtroppu, la tenimu puru nui! Sai,
pereddhi simu… però nnu stuezzu te pane,
se lu mangi, te lu putimu offrire…
Forestiero : Il pane va benissimo…
Ronzino: Rusina?... Provveti subito!
(Lesta, Rusina, torna in cucina. Rientra in scena con
un pezzo di pane in una mano e reggendo nell’altra una
bacinella contenente delle bende, panni puliti ed un ba-
rattolo di crema balsamica al profumo di mirra. Porge
il pane al forestiero e, dopo aver liberato la bacinella
del suo contenuto, versa, nella stessa, dell’ acqua dalla
brocca che aveva portato prima)
Rusina: Ecco, mangiate, bel forestiero! (Porgendo il pezzo di
pane)…Ho portato anche l’occorrente per medicar-
vi quelle brutte ferite che avete!
Forestiero: Grazie, siete molto caritatevoli. Non so, però, come
ricambiare, non porto denaro con me!
(Rusina presta le sue cure al forestiero)
Ronzino: Certu, la contabilità la tene lu papà, nu’ è veru? Ma
nui sordi nu’ nde ulimu e poi, sorma, lu face te co-
re! Sapiti, ete ancora zitella e… nnu bbuenu partitu,
se putia trasire intru sta casa, era comu nna manna
te lu celu!
Rusina : (Interrompendo ciò che stava facendo)…Ronzinu, cce
bbuei cu insinui? (Con tono di rimprovero)
Ronzino: Nienti, cce bb’ete ca aggiu tittu, poi? M’issi nfuca-
tu nnu razzu!... Nu’ possu cchiù parlare mò ?
Rusina: Vi sentite meglio? (Dopo aver deterso le ferite)…Ora
vi spalmo sulle ferite un po’ di questo balsamo e
fra tre giorni, vedrete, si saranno chiuse!
Ronzino: Sine, faci buenu…Ungilu tuttu ca tuttu se tole, pe-
ricciu! Esagera, esagera puru cu llu balasamu Rusi-
na, tantu, a mie nu’ serve!
Forestiero: Ne siete sicuro?
Ronzino: …E quandu aggiu catire cchiui jeu? Su’ già catutu
tantu tiempu a rretu e, de tandu, fazzu tuttu lu ggiur-
nu liettu-seggia e seggia liettu, caro il mio stranie-
ro!
Rusina: Ecco fatto, ho finito! Come vi sentite adesso?
Forestiero: Meglio, molto meglio, grazie!
Ronzino: Tine propriu la verità: nu’ te sienti resuscitatu? La
Rusina mia ete propriu nna brava infermiera, beato
chi se la sposa, amico mio!
Rusina: Nn’autra fiata?… Allora sinti propriu turdu, frate
miu!?
Forestiero: (Alzandosi)…Ora devo andare, il lavoro mi attende.
Grazie per tutto quello che avete fatto per me. Sta-
te pur certi che il Padre mio saprà come ricompen-
sarvi!
Ronzino: E quandu lu iti, moi, lu papà tou?
Forestiero : Oggi è giovedì…fra tre giorni, sabato a mezzanot-
te, dopo che avrò consegnato tutto il carico.
Ronzino: Ah eccu! Allora salutamelu, puru se nu’ llu canus-
cu e tinni, quandu tocca cu faci ste consegne
“pesanti”, cu tte minta quarchetunu cu tte juta, se
no sempre an terra spiccia ca cati!
Forestiero: (Accenna un breve sorriso) …D’ accordo, glielo di-
rò, state tranquillo. Grazie ancora di tutto…
Rusina: Vi accompagno alla porta…
Forestiero: Ronzino, tu non mi segui?
Ronzino: Si…e comu? Cu llu pensieru?
Forestiero: Soprattutto!
Rusina: Vedete, mio fratello non può camminare…è para-
litico da molti anni!
Forestiero: Lo so, però lo aspetterò comunque… buon giorno!
(Esce di scena accompagnato da Rusina)
Ronzino: (Rimasto solo, medita sulle ultime strane parole profe-
rite dal forestiero)…Comu sarebbe a ddire:” Lo so,
lo aspetterò comunque?!” …E te nde bbinchi te
spettare, alle condizioni ca stau! Ehi, nunnu…tor-
na a rretu! Sienti! …Se nd’ a’ sciutu…cce stranu
tipu! ”Ccumpagname, me tice!… Rrobba te pacci!”
(Pian piano chiude gli occhi e si addormenta.
Si spengono le luci sulla scena. Cala il sipario)
Il sipario chiuso permetterà unveloce cambio della scena. Al suo levarsi, la stanza sarà quella diuna casa umile dei giorni nostri, povera di mobilia e di suppellettilie situata in una delle tante “ curti” del centro storico di Lecce.Ronzino è seduto presso il tavolo su di una sedia a rotelle. Sopra la camicia, il gilet ed un paio di pantaloni classici, indossa una giacca da camera, ha le braccia distese lungo il corpo e le mani poggiate sulle gambe. In testa tiene un copricapo tipo “ coppula ”e a tratti russa. Il silenzio della scena, com’è accaduto all’inizio della commedia, è rotto da un vociare concitato di persone e da un fastidioso abbaiare di cani provenienti dalla strada)
Voce fuori campo: “Stazione numero nove: Gesù cade per la
terza volta!”
Coro di fedeli: “Ti adoriamo, o Cristo e ti benediciamo!”
Voce fuori campo: “Come un, agnello, condotto al macello,
restava muto e non apriva la sua bocca.
Per i peccati del suo popolo fu messo a
morte, Lui che non aveva compiuto ini-
quità e non aveva nella bocca parole
violente!”
Coro di fedeli: …Padre Nostro, che sei nei cieli,sia santifi-
cato il tuo Nome, venga il tuo Regno, sia
fatta la Tua volontà come in cielo così in
terra. Dacci oggi il nostro pane quotidia-
no, rimetti a noi i nostri debiti come noi
li rimettiamo ai nostri debitori e non ci
indurre in tentazione ma liberaci dal ma-
le…Amen!
Voce fuori campo: “ O madre, traboccante d’amore, fammi
sentire la violenza del tuo dolore da
condividere con te il pianto!…”
(Ronzino si sveglia, si guarda intorno, poi ferma lo sguardo
verso la finestra che si trova alla sua destra. Chiama ad alta
voce la sorella)
Ronzino: …Rusina!…Rusina…! Si, ca moi te sente, nah!
…Rusina!…Rusina!
(Entra in scena Rusina. Veste una gonna lunga, una camicet-
ta ed un grembiule da cucina)
Rusina: Ronzinu, a’ chiamatu, per casu?
Ronzino: No!… Nu’ aggiu chiamatu per “casu” …aggiu
chiamatu per “ccertu”…(Assai contrariato)
Ae te nn’ura ca sta rritu! Addu eri scii finita?
Rusina: Stia nfacciata susu la porta te casa.
Ronzino: E allora possu sapire cce bb’ete tuttu stu rreuetu
ca m’a’ ddescetatu?…Te ci suntu ste uci ddha
ffore?
Rusina: Sta passa Nostro Signore…ncete la Via Crucis.
Ronzino: Ah!…Su’ riusciti cu llu zziccanu?…Addu s’era
scusu?
Rusina: Scusu cine?
Ronzino: Comu: “Scusu cine?”…Lu Signore, no?…Nu’
sse nd’era scappatu?
Rusina: Scappatu?…Ma cce sta ddici frate miu?
Ronzino: Lu furastieru se nd’a’ sciutu?
Rusina: Quale furastieru, ntorna?
Ronzino: Lu trasporta taule, te sii scerrata?…L’a’ puru me-
dicatu, ca ja catutu ddo fiate!
Rusina: Ronzinu, quai nu’ a’ trasutu propriu nisciunu.
Sicuramente te l’a’ dovutu sunnare!
Ronzino: Sunnatu?…Tici ca me l’aggiu sunnatu?…Eppu-
ru me paria ccussì veru!
Rusina: Tutta curpa te lu suffrittu ca ulisti tte mangi an
forza ieri…La sai ca, la sira, ete pesante, nu’
llu ddecerisci e la notte, poi, te faci senni strani!
Ronzino: Si…si, lu suffrittu a’ statu! (Pausa)… ”Non mi
accompagni?” … Me bba ddice! …
Rusina: Ccene?
Ronzino: No…nienti, nienti…suntu ancora li postumi te
lu suffrittu!…”Lo aspetterò comunque”
Rusina: Ah?
Ronzino: Lu suffrittu!…Nu’ nci fare casu…”Lo aspetterò!
…Lo aspetterò!…Lo aspetterò!”…(Ripete, osses-
sionato da quella frase proferitali dal forestiero)
Ddhe parole me sta ffannu scoppiare la capu! …
Ma ci ete ca a’ spettare?… Ci ete ca a’ bbenire?
Me tici, Rusina?… (Resta un attimo in silenzio e
dopo scoppia a piangere)
Rusina: Bbè e moi cce tte sta pigghia?
Ronzino: Nu’ nc’ja bbutu nchianare susu ddha scala! Lu
papà m’ja avvisatu…ma jeu, no! – “Ronzinu…
-me tisse nnu giurnu – stamatina jeni alla fatia
cu mmie. Lu Vescuvu in persona m’a’ ddatu
incaricu cu sistemu la cornice te la natività…
Cce bbete bellu lu Mmamminu?… Ogghiu cu
llu iti puru signuria!” - …Trasemmu intru llu
Duomu e lu papà sistemau la scala nnanti allu
quadru… Stia ca sale, quandu lu chiamau lu
sacristanu cu nni tice ca lu Vescuvu nnia parla-
re te nna cosa urgente. Rimasi te sulu, intru la
chiesia, an coste alla scala e te fronte allu qua-
dru. Nc’era picca luce… Lu Mmamminu nu’
llu etia bbuenu…allora me misi cu nchianu su-
su alla scala e…e maletettu a mie, mmaletettu!
(Piange disperato) …Nu’ l’issi mai fatta!
Rusina: Fatte curaggiu frate miu…(Asciuga le lacrime
dal volto di Ronzino) …oramai a’ successu, nu’
nci pensare cchiui!
Ronzino: Nu’ mb’è ggiustu!…Nu’ mb’è ggiustu! Pe curpa
Mia nu’ tte sii pututa spusare, ddeentare mam-
ma, ssapurare ddhe gioie ca la vita t’ja ccote.
Nienti! … Ttaccata puru tie, cu mmie, a sta seg-
gia a rotelle cu nna catina longa quarant’anni!
Rusina: Nu’ parlare ccussì, sinti frate miu…cce bbete
ca ja pututu fare ? Aggiu accettatu sta sofferen-
za toa pe amore te Diu, tuttu quiddhu ca aggiu
fattu pe tie me l’a’ trasmessu l’amore sou!
Ronzino: E mmoi basta!… Fine te le trasmissioni!… Ane
Rusina, abbande, llassame sulu! Rifatte nna vi-
ta ncoste a nn’omu ca camina!…Jeu suntu nnu
pisu muertu, nnu rrumatu, scartu te l’esistenza !
Llassa cu mmueru sulu, susu sta seggia!… Te-
gnu puru jeu nna dignità, per Diu, e quiddha,
nienti e nisciunu me la pote paralizzare!
Rusina: La verità, Ronzinu, ete ca ddh’astiu ca tieni in-
tru llu core, contru lu Patreternu, nu’ t’a’ mai
passatu percè lu ritieni responsabile te quiddhu
ca t’a’ successu!
Ronzino: L’aggiu pregatu ci sape quante fiate! Nn’aggiu
chiestu perfino nnu miraculu…nienti! Quiddhu
sicuramente tene te pensare a cose cchiù impor-
tanti ca a nna semplice paralisi. Macari, nna lis-
ta te miraculi ca a’ ffare la tene e jeu stau all’ur-
timu postu! Quante anime simu susu sta terra
bbisognose te la misericordia soa, secondu tie?
Rusina: Cce ssacciu, moi, jeu? A ecchiu e cruce…forse,
qualche miliardu?
Ronzino: Sta bbiti? Me nde bbinchiu te spettare!
Voce fuori campo: “Stazione numero dodici: Gesù muore in
croce.”
Coro fedeli: “ Ti adoriamo o Cristo e ti benediciamo!”
Voce fuori campo: “ Tutto il capo è dolorante e il cuore soffre.
Dalla pianta dei piedi alla testa non c’è
niente di sano, ma ferite, lividi e piaghe
aperte che non sono state né fasciate né
medicate.”
(Rusina si avvicina alla finestra e guarda fuori)
Rusina: Ronzinu, la via Crucis! L’urtima stazione la
sta ddicenu propriu intru la curte noscia!
Ronzino: “ Lo aspetterò!…Ronzino, tu non mi segui?”
Rusina: Cce sta struelechi?
Ronzino: Rusina, lu furastieru te lu sennu era lu Signore!
Moi sta capiscu! Lu trasporta taule era iddhu!
Iddhu m’a’ dittu: “Ronzino, tu non mi segui?”
…Ca se putia enire, Signore, te pare ca nu’bbe-
nia? Se me putia ntesare, nu’ mme ntesaa? E
moi stia a mmienzu alla curte, cu tutti l’autri,
cu chiangu, cu pregu e cu speru?…Ma nu’ pos-
su!…Mmaletettu ddhu giurnu ca nchianai susu
ddha scala! (Esasperato)
(Pronunciando le ultime parole, il braccio destro scivola via
dalle gambe. Ronzino dà un violento pugno sul ripiano del
tavolo che gli è a fianco)
Rusina: Ronzinu! Ronzinu, frate miu, cce sta succete?
…A’ mossu lu razzu!
Ronzino: Ddaveru?…Nu’ ll’aggiu fatta a mposta!
(Ingenuamente)
Rusina: Madonna Santa! Comu se spieca sta cosa?
Si avvicina al fratello) …Famme cu bbisciu…
mmueilu ntorna! (Ronzino porta il braccio in alto
di scatto)…Mmuei lu sinistru, etimu…(Dalla co-
perta Ronzino fa uscire lentamente il braccio)
…L’anche, puru riesci cu lle mmuei? (Ronzino
incredulo, di scatto porta le due gambe in avanti)
…Proa cu tte ntisi, etimu, te jutu jeu…(Ronzino
aiutato da Rusina riesce, piano piano, a mettersi in
piedi)…Fane qualche passu, nci la faci? (Riesce
a fare qualche passo sorretto dalla sorella)
Ronzino: Rusina mia, jeu caminu! Caminu! Nu’ nci pos-
su critere, finalmente!
Rusina: (Lascia improvvisamente il fratello e corre verso la
finestra con le braccia sollevate in segno di giubilo)
…Miraculu!…Miraculu!…Miraculu!
(Apre la finestra e Ronzino, perduto l’appoggio
della sorella, cade rovinosamente per terra)
Rusina: Eniti, curriti tutti! In questa casa c’è stato un
miracolo!
Ronzino: (Rimasto a terra, cerca, con difficoltà, di alzarsi)
…Rusina, statte citta, chiuti ddha fenescia, jeni
quai…jutame!
Rusina: Uh! Ronzinu, a’ catutu, frate miu?
Ronzino: Ci cu tte egna nnu bbene…ccussì mme llassi?
Rusina: Scusame, nu’ mme su’ trattenuta pe llu troppu
priesciu!…Miraculu!…Miraculu!…(Grida, sal-
tellando per tutta la scena con le braccia sollevate)
Ronzino: Ferma, citta, spicciala t’aggiu tittu! Pigghiame
la ggiacca…sbricate!
Rusina: Sta sienti friddu?
Ronzino: Tocca cu jessu, lu Signore me sta spetta ddha
ffore, intru la curte. Jeni, jutame ca me ccum-
pagni…
(Rusina aiuta il fratello ad alzarsi e ad indossare la
giacca, poi lo prende sottobraccio ed insieme s’av-
viano verso la porta d’uscita di casa. La scena res-
ta vuota)
Voce fuori campo: “Intanto il popolo se ne stava a guardare e
i magistrati lo deridevano. Gesù, gridando
a gran voce, disse: Padre nelle tue mani
affido il mio spirito” Detto questo, spirò.”
Coro di fedeli: “Signore misericordioso, abbi pietà dei
nostri peccati!”
(Fuori scena, a conclusione della rappresentazione,
Ronzino recita la sua preghiera a Gesù Crocifisso)
Ronzino: Te ringraziu, Signore, pe
tuttu quiddhu ca m’a’ tatu:
lu sule, l’aria, lu marre,
lu celu stellatu…
Te tante cose ancora,
jeu t’ja ringraziare, ma
suntu tante, troppe e
longhe te elencare!
Signuria, Maestru, m’a’
mparatu la parola: “Amore”
L’omu, invece, cce bbete
lu “Rancore”…
Nu’ ssulu! M’ae confusu!
Lu core m’a’ traugghiatu
e puru lu « Dolore »
cce bbete aggiu saputu !
Sulu me sentu e
tocca cu caminu
pe sta valle te lacrime,
incontru allu destinu.
L’anni passanu, però…
Ddeentu ecchiu e
tocca cu bbau chianu.
Risorgi prestu, Signore,
e ccumpagname pe mmanu!
Al suono festoso delle campane, che annunciano
la Resurrezione, si chiude lentamente il sipario.
F I N E
