LA CUSINA DLA SIORA MARIA
commedia dialettale mantovana in tre atti di Maria Gabriella Bonazzi
cell. 3288080393 – email: barbara.stuani@libero.it
N. di posizione SIAE 216769
Breve presentazione dell’autrice:
“La cucina della signora Maria e’ come una piazzetta
e ognuno ci trova cio’ che aspetta.
La vita di tutti i giorni, con tutti i suoi contorni.
Tre amiche a volte sagge a volte stordite,
vi terranno compagnia
con una lacrima e un po’ d’allegria”
Elenco personaggi:
Maria: padrona di casa
Luigi: marito di Maria
Bice: amica zitella di Maria
Clara: amica di Maria
Giuseppe: marito di Clara
Tecla: nonna di Bice
Anatolio: fidanzato di Bice
Simona: vicina di casa di Maria
Pietro: marito di Simona
Don Segio: parroco
Giulia: signora vedova
Archinto: uomo d’affari
(La cucina di una casa modesta. Luigi è a tavola che fà colazione. entra Maria stiracchiandosi)
Maria Oh Luigi, coma sun straca, sun tuta ‘n toc! Sun pena levada su e
‘m par d’aver fat chisà cosa.
Luigi T’ho da dir Maria ca ‘t s’è dventada vecia! Vardam mi, laori tut al giuran
e in pu vaghi a corar, vaghi in bicicleta… faghi fin 100 chilometri…..
Varda che muscui ca gh ho!
Maria Ma ti ‘t gh è la salut ! Sa ‘t gh’ esi la me la altrosi voria vedat!
Luigi Gh n’ho mi di dolur, parchè i sculti mia! ’T magni trop cara ,l’è quel
al tu mal ! Le putele le gh ha i bras da fer e i dent da lat. Quand le
‘s marida ch vegn i dent da fer e i bras da lat, e quant le vegn vecie
le dventa acna sgorde !
Mari Luigi!
Luigi Putost va anca ti a far na corsetina vers al bosc Fontana o par strada
e ‘t vedrè com a ta stè ben! E pu ‘t fè un po’ ‘d fià.
Maria Ch vaghi Luigi par contentarat, ma gh ho un po’ ‘d vergogna quand
pasi par strada con la lingua fora e tuti i ridi.
Luigi Mia badag, l’è tuta invidia…ben mi vaghi, ciao vecia
Maria Ma Luigi vet via csì ?
(Luigi si guarda)
Luigi Parchè, cosa gh ho da strano?
Maria Csì , dighi, sensa dam gnanca ‘n bacino?
Luigi Ancora cle moche lì ‘t gh è?
(Luigi si china a baciare la moglie che gli cinge il collo stringendo con forza)
Luigi Ma ueila Maria! Ta’am foghi! Mi su mia, da quand la Bice la s’è catada
al murus par ca ‘ t vaga d’ividia!
Maria No Luigi , l’è da quand la piemontesa l’è dventada vedua ca gh ho paura
da perdat!
(Luigi fa gli scogiuri)
Luigi Taia, taia ! Maria sa ‘t gh è mia altre benedisiun mi vaghi!
Maria Ciao caro!
(Esce Luigi entrano Bice e Clara. Le amiche si salutano abbracciandisi)
Maria Ciao ragase!
Bice Ciao Maria et vist Sentieri inco?
Maria Sentieri, Butiful, iè tuti istes!
Clara Quel ca ‘m fa pusè rabia a mi l’è che i protagonista da chi romans lì
I gh ha mai fam…mai! Qund la riva le a l’apuntamento con ‘n bel
fusto ca l’ aspeta tut gago in an salutin privà, lì gh è un taulin
con su ogni ben di Dio le candeline e al sanpan!
Bice Lo scinpagn, ignorante!
Clara Coma ‘t sé sofisticada..ma cosa se dre dir? A sì. Quand la riva le
con ‘n bel vestì ca brila e lu gh domanda “Mangi qualcosa”
Ti ta speri che le la ‘gh diga “Si caro” In vece le la tira la buca schifada
e la rispondi “Non ho appetito”E la lasa andar da mal tuta cla bela
robina.
Maria Sì ‘t gh è ragion, anca mi ‘m da fastidi. Mi ca gh ho senpar fam sa podes
saltaria drit dentar in la televisiun.
Bice Mi invece ’m fa pusè rabia quant a ghè al bel fusto ca ch tira fora un
anel con anbrilant gros cme na nus e le senpar con la facia schifada la ch
dis “Non posso accettarlo” Ignoranta binal!
Clara Gh esum vi noaltar serte fortune!
Marie Però noaltar gh evam l’amor!
Clara Però sa ta ricordi quand s’eram inamorade gh eam gnaca apetit!
Maria Bei temp!
Bice Mi ‘m ricordi tute le stupidade ca a ‘m confidavi pena sposade : a taula
mano lella mano”Tesoro mi ami?”
Clara E lu ‘l misiava a rispondar magari con al bocun in buca che quasi al sa
strafogao “Certo tesoro tanto”.
Bice Ho fat ben mi restar signorina, parchè dopo i arghomat i cambiava
“Al putin i ha fat la cachina ? L’al fata verda? L’l fata tenera?Pu’ gh era l’aparechio par i dent, la ginastica ,e dop i dis che i fioi i tegn ligà la
famiglia!
Clara Certo, parchè intant ‘t gh è da dir quel quant a ‘t s’è a taula.
Bice La vita l’è tuta na atesa.
Maria ‘T gh è ragiun Bice la vita l’è dabun tuta n’atesa. La fanciulla attende
l’amore , pu ta speti con ansia ‘d maridat, put a speti al lieto evento
e pu… e pu…
Bice E dopo e dopo…?
Maria E dopo e dopo…..Dopo ta speti sul al 27 parchè l’è al giuran da paga.
Clara L’è mia vera ! Me marì l’è ancora inamorà da mi, al sorprendi ancora
vardam da nascost e pu al sospira.
Bice E ti ingenua ‘t credi ca ‘t varda da nascost e al sospira parchè l’è ancora
Inamurà da ti?! Noooo…’T varda e al sospira parchè ‘t riconos pu.’T seri
na sgagiardina con gnanca un cavlin da stort; vardat ades’t sé na
savatuna come tante done dla nostra età ….Io però, modestamente mi
mantengo.
Maria Ma dai stè mia cridar, canbiem discors, si pasade dla Simona a vedar
com la stà
Bice Si sì, ma la stà mia tant ben: la gh ha n’ argatun!
Ta ‘l sé in le su condision pol sucedar.
Clara La par un stras poarina! Ma savì ca gh ho idea chi sia du,
L’è tant grosa!
Maria Sperem da no!
Clara E alora Bice coma proseguala la tu lov stori con l’Anatolio?
Bice Coma ‘t sé curiosa! L’è un bel po’ ca al vedi mia .Da quand me nona
l’è gnida a catam posi pu invitaral parchè la la pol mia vedar e la gh dis
su da tut: l’è pran sclerotica!
Maria Cara la me Bice , tu sia con la scusa che tu nona la ghea voia ‘d vedat
l’è sa 5 mes ca ‘t la sgniacada! E sa ta disgnali mia la‘t la lasa par senpar
Clara La gh ha ragiun la Maria!
Bice Cosa vulì ca faga quand la taca parlar da me madar perdi ogni difesa
Clara La pians al mort par ciavar al viv! L’è astuta e scaltra!
Maria L’è ludra!
Clara L’è ludra cme ti Bice coma sa saves mia ca ta ‘t cati con l’Anatolio chi ,in
casa dla Maria
Maria Pian pian, mi i osopiti chi in la me cusina parchè lur i gh a da far le proe.
Clara Quale proe , quele dal matrimoni?
Maria Ma no ta ‘l sé ne che anca stan gh em da far al spetacol da beneficensa
par don Sergio
Clara Ti tasi, sia Maria.
Bice La Maria l’è una vera amiga ca ga stà a cor la me felicità!
Clara La Maria l’è n’inbanbida cla gh ha sul voia d’andar a nose d’ na tardona
ch ha pers la testa par un manichin!
Maria Clara ma ti ‘t gh è propria rispet par nisun!
Clara Maria ma ‘t set vida al mal?
Maria Clara varda, ho giurà ca voi pu rabin sinò ‘m ven na bruta pel,,
ma giuri ca faghi pran fadiga.
Clara Ta ‘l s’è ca conosi mia la mensogna.
Bice E gnanca l’educasion
Maria Canbiem discurs ch l’è mei. I vist par caso la Siura Giulia dop al funeral
‘d su marì?
Bice Mi no, ma che disgrasia! Propria suta ‘n camion al gh ea da fnir!
Clara Mi su mia , con tute le machine ca pasa e i muturin!
Bice Ma in du gh eal da curar csì in presia ch l’ha gnac vardà prima d’atraversar!
Maria Ma però , che bel funeralca ‘l gà vì. Che gran sodisfasion par na moier.
Poarina la siggga ,cla sigggava la sigggava.
Bice Mi m’è piasì la predica da don Sergio.
Clara Un po’ lunga però , gh era ‘n qualdun ca tacao indurmensas!
(Fuori scena si sente la voce di Luigi )
Luigi Maria!
(Entra Luigi con Giuseppe che regge in mano un bottiglione di vino)
Clara Cosa fet chi Giusepe?
Giuseppe Son chi con al me caro amico Luigi ca voi farac tastar al vin nof!
Maria Ma Giusepe , al me Luigi l’è mia vià a bear!
Clara Ma par ‘n gusin. Al fa mia la bala!
(Luigi e Giuseppe si siedono a tavola)
Luigi Maria dam du bicer , par pisar par mi cal picul, pena pena par bagnam
al bec .
Giuseppe Ma bevi , questo al fa mia mal, l’è cme na medsina!
(Giuseppe e Luigi iniziano a bere)
Luigi Ma set ch lè bun! Maria dam al pecar ca ‘l voi gustar mei! ‘T gh è ragiun
Giusepe al par na medsina, senti sa ca ‘m fa bun!
(Bice intanto si fa versare da bere da Guiseppe con fare civettuolo.Clara andispettita l’addita a Maria)
Bice Discreto, ma preferisco lo sciampagn.
Clara Che do ca t’è fat su da quant ‘t gh è’l muros con ategiament francesi!
Bice Zotica… Zoticona!
Maria Basta!
(Luigi e Giuseppe le ignorano e continuano a bere)
Giuseppe Bevi Luigi l’è pistà con i pe questo.
(Luigi alza il bicchiere e ne controlla il contenuto )
Guiseppe Ma cosa fet?
Luigi Son dre ca controli. Vuria mia ca ‘ch fos dentar na qual brisa.Sem sicur che al contadin a ‘s sia lavà ben i pe i pe prima da folar l’ua!?
Giuseppe Ma dai! Varda , voi ca ‘d vegni subit con mi a conosar che personcina l’è.
Luigi Vengo volentieri! Maria , vado con qui il mio amico Giuseppe a
conoscere
l’autore di tanta delizia.
Maria Ma Luigi com a tsè strano , com ‘ela ca ‘t parli in italiano?
Giusepe , varda che Luigi l’è mia vià a bear! Posi fidam da ti?
Giuseppe Parola Maria, fidat da mi !
(I due escono di scena ,Maria è preoccupata)
Maria Ca posa fidam?
Bice Ma da chi? Da Giusepe, mi na ‘n credi! Varda mi ca ‘m s’era fidada
Da lu e dopo, com’ela andada a fnir?......Al s’è spusà lilè!
Maria Sperem ben. Done mi vaghi a metam la tuta e vaghi a far na cursetina Uatar pudì star chi parò quand andè via tirev a drè la porta.
Bice Grasie Maria, gh ha da vegnar anca l’Anatilio par le proe.
(Maria esce )
Clara Chisà com la strarà la Simona?
Bice Ma poarina ,la stà senpar mal!
Clara Par mi iè du!
Bice Tasi !’T ricodat Quand la Maria spinta dla Simona la gh ha let al befel a a Pietro parchè lu l’era l’adao senpar a far la pesca subaqueo con al su
principale e a la lasao da par le?
Ben ades credi cl avria preferì che Pietro al fos andà a far la pesca
subaquea con al su diretur!
Clara A proposit dal siur diretur, m’è gnì a l’urecia ca al s’è inamurà anca lu
da ti, Bice ‘t fè strage di cuori!
Bice Ignoranta , ‘t daghi gnac risposta!
(Entra Maria saltellando)
Maria OP….Op…Op! Putele vaghi, sun lanciada!
(Esce Maria.Clara s’alza per escire)
Clara Mi vaghi, ciao!
(Si sente suonare)
Bice L’è lu!
Clara Avanti!
(Entra Tecla la nonna di Bice)
Tecla Ta fat!
Bice OH. Mama cara , gh è la nona!
Clara Siura Tecla , cosa fala chi?
Tecla Son gnida a tor volta ala me neudina. S’era lì ca gnea su dle scale
quand ‘m pasà da visn an bolide ca andava tant fort ,al parea un bidone volante
Bice L’era la Maria!
Tecla Ta fat!
Bice Dai, portla via par piaser, parchè sa riva l’Anatolio vores mia ch la fes cme l’ultima volta ca la gh ha spudà in facia!
Clara Busogna ca ‘t porta pasiensa, l’è ansiana.Pasiensa Bice!
Tecla Vardè ca sun mia rinbanbida, gh ho la ganba fagiana ma testa l’è sana.
Vardè c’ ho capì che ala me neodina gh a sta a dre cal mirun ch l’ha gnacur inparà a parlar.E pu l’è trop giuvna par catas al moros
Bice Dai Clara , inventat quel!
Clara Vegnla a casa mia siura Tecla ca ch prepari ‘n cafè?
Tecla OH, al cafè che buoooono! Va ben cara …ma fat vedar ben: chi set?
Clara Son la Clara… ma che vecina sinpatica.
Tecla Clara, la fiola dla Santina..quela ca gh ea tuti chi bei caneloti biund?
Clara Sì quela!
Tecla Ta fat, ma che bruta ca tsè dventada! Propria come tu madar
la Santina , che pu una santina la n’era mia….l’era n’usmarin!
Bice Ma nona cosa disat?
Tecla Tasi ,farabiruna! Vaghi a bear al cafè, però dopo t’aspeti a casa
a far i compit
Clara Andema , andema siura Tecla!
(Escono. Clara rimette dentro
il viso)
Clara Mi so mia coma ‘t faghi a soportarla!
(Dopo poco entra Anatolio)
Anatolio Buongiovno cava!
Bice Hai incontrato la nonna?
Anatolio No per fortuna ho sentito la voce in tempo e mi son nascosto sul
pianevottolo!
Bice Menomale
Anatolio Cava , finalmente ti vedo! E’ già un intevo giovno che son pvivo di te
e mi sembva d’impazzire
Bice Anch‘io sono felice di vederti, caro!
Anatolio Mia Bice che splendida sevata abbiamo travcorso ievi seva!
Bice Anche per me è stato così
Anatolio Ma chiamami Ani come faceva la mia mamma! Mia cara devo
vigvaziarti pev la deliziosa cenetta che hai pvedisposto nella mia umile
dimova
Bice Scocchezze, mi piace cucinare.
Anatolio OH Bice, tutti i miei piatti prefeviti: nervetti con le cipolle, coda alla
Vacinava,cotechino con cvauti,……oh tesoro, non ho dovmito tutta
notte pev l’emozione!
Bice (Rivolta al pubblico) Credi ben con cal pop o ‘d rubina in sal stomac!
Son contenta che ti sia piaciuto Anatolio!
Anatolio Ani!
Bice Sì Ani!
(Anatolio cerca di abbraciarla)
Bice No dai, potrebbe entrare qualcuno!
Anatolio Che male c’è, anche ievi seva, non capisco perché non hai voluto
baciarmi!
Bice Si baciarti… con quel ca t’hè magna gh era da risciar la camera a gas!
Anatolio Sposami, sposami subito, Bice ho pauva di pevdevti!
Bice Per adesso non posso fin chè mia zia viene a prendere mia nonna.
Non vorrai andare in viaggio di nozze con la vecchia!?
Dai Ani dobbiamo provare la canzone per lo spettacolo di don Sergio,
Lo sai che siamo indietro.
Anatolio Sì cava ,come al solito hai vagione tu .
(Bice abbraccia Anatolio e insieme iniziano a cantare)
Ani e Bice Tu che m’hai preso il quor ecce cc…
Si sente bussare, entra Pietro)
Pietro Gh è qualdun ca stà mal?
Bice No, s’eram noaltar du ca cantavam
Pietro Menomale! Creda ca stes mal la Maria…L’ho incontrda par strada
cl’andao tant fort…la gh ea na facia tant rusa cha parea ch la sciupes!
(Nel frattempo entra Maria sostenuta da Clara)
Maria Oh mama, gh ho pu’ fià!
Clara Esagerada! ‘t vo ca ‘t vegna ‘n starabacion!?
Pietro Cosa gh et sia Maria , parchè andaot scì fort!
Maria Gh era propria me senar in fond ala strada e volea mia ca ‘m vedes!
(Entra anche Simona)
Clara Simona set andada a far la gastroscopia?
Simona Come signora Clara , non capisco?
Clara Sì ,insoma par vedar quanti putin a ‘t gh è e si stà ben!
Bice ‘T s’è la solita ignoranta, la sciama ecografia .La gastroscopia l’è n’altar esam! A ti invece ta gh voria l’eletroencefalogramma par vedar cosa
‘t gh è in la testa!
Clara Par fotuna la Maria la dis ca ‘t s’è mia acida! In confrunt a ti l’asè al par
marsala
Simona Bene io vado altrimenti mi spaventate il bambino.
Clara Par mi iè du!
(Esce Simona insieme a Pietro . Anatolio bacia la mano a Bice ed esce a sua volta .
Mentre Bice soddisfatta si guarda l’anello si sente cantare Luigi )
Luigi Di quell’amor quell’amor che palpita, dll’universo dell’univarso…
(Entrano Luigi e Giuseppe abbracciati. Luigi strige un bottiglione in mano.
Maria Luigi …Luiiigiiiiii!
Luigi Signori chi vedo: mia mogli con la balla?
Maria Cosa gh et Luigi, stet mal?
Clora Cosa vot ca staga mal, vedat mia ch l’è brustol!?
Bice ‘T l’eva dit mi da mia fidat da Giusepe!
Maria E mi invece ca ‘m fidao! Al me Luigi l’e mia vià a bear
Giuseppe Par fortuna! In du sem nia stà bun da distacarac i di dal butiglion
i parea incolà!
Maria Luigi, stavolta ta ‘m l’è fata grosa!
Clara E’ sì l’è bela grosa!
Luigi Mia badac Maria. Vino veritas e finalmente stasera ciapi al coragio
a do man e a ‘t dighi quel ca gh ho mai vì al coragio da dit: le parole
d’amor che non ti dissi…Ti amo Maria ,sei tutta la vita mia.
(Luigi cerca d’abbracciarla. Maria lo respinge con forza)
Maria Chi l’è al vin ca parla, stà indrè! mama cara che gas!
Luigi Maria sei bellissima , un po’cicciottella e mi ricordi la mortadella
I tioi piedi mi sebrano due cassettine di fiori che fan liei i mie due
cuori.
Bice Va là va la Luigi ca ‘t l’è fata grosa…’t vedi dupi anca al cor!
Luigi Maria assaggia questo nettare!
Maria Dopo Luigi…dopo. Vegni con mi in bagno un minut!
(Maria esce Luigi indugia un momento)
Luigi Vengo Maria, son tutto tuo. Oh acqua cristallina e cheta ,solo tu m’hai
fatto diventar poeta!
(Esce Luigi e subito rientra Maria
Maria Là ve!
(Si sente bussare furiosamente)
Clara In du et mis Luigi,Maria?
Maria A l’ho serà in al bagno, e lì al resta fi ca l’ha scuasada.
FINE PRIMO ATTO
ATTO SECONDO
(In scena Clara Bice e Luigi che cerca affannosamente i suoi guanti da ciclista)
Bice Cosa sercat Luigi, ta ‘m pari n’ava mata!
Luigi Sun dre ca serchi i me guant da ciclista.
Clara E ti secat i tu guant da ciclista in al frigo?
Luigi Ti ‘t s’è mia da cosa l’è capace la Maria! L’atar gioran ho catà le
brasole in al comò!
Clara Esagerà!
Luigi L’è la pura verità….E pu posi dir gninte, L’ha fat su ‘n grintin!
Bice Ma va là che la Maria l’è na pasta!
Luigi Ma che pasta…l’è un peso duro! Da quand ho fat cla balutinana,
l’è dventada tant catia..La m’ha inpost come penitensa da partecipar
al spetacol dal pret … propria mi!
Bice Ben cosa gh è da mal? ‘T gh è senpar vi na bela vus. ‘T ricordat quand
insiem a Giusepe andau a far la serenata ale putele.
Clara Che bei temp ch ‘iera!
Luigi E’ sì! ‘M vegn fin i brividi lunga la schena a pensarac.Tuti chi sciei
d’acqiua freda chi ’is tirava ados.
Clara Ma in due la Maria?
Luigi Tasi… tasi . Uatar savì che la Maria la gh ha la mania dle diete, la
n’ha proà na trentina ben ades la s’è misa in testa da proar
le “Fave di fuca. Mi so mia cosa cosa sia dre sucedar ma l’è
da stamatina ch lè in al ceso Ma la gh a stà ben fata parchè la scolta
mai nisun.
(Ogni tanto si sente il rumore dello sciaquone. Intanto Luigi ricomincia a cercare i suoi guanti da ciclista)
Clara Vè BIce et vist ultimamente don Sergio? ’T par mia ca ‘l sia qnì trist?
Bice ‘M sun acorta anca mi , da quand gh è scapà la perpetua con al
sagrestan gh è pu nisun ca ch prepara da disnar!
Clara Però al sta senpar a dre ai giuan ,che mei da csì ‘s pol mia.
A proposit quand al vedi voi dmandac com la ‘s conporta la me Patrisiina
Bice Fina quela, occhi bassi ,lingua a mitraglia.
Clara Cosa dseat dla me putina?
Bice Dsea sul ch l’è senpar in ciesa,sperem ca ch sia an qual bel putel ca
sbarsigola par la parochia sinò la resta sitela.
Clara Propria ti ‘t parli? Ma da qual pulpito viene la predica!
Luigi Veramente ho vis da spes la Patrisiina incantonada dadrè dal
canpanil con an nistolun alt ca al par al pal dla cucagna.
Clara L’è vera la gh ha un filarin ma iè senpar dre cridar propria cme
mi e me marì quand s’erom giuan
Bice Ta ‘l credi ‘t seri tant cativa e nervusa ,poar Giuepe !
Clara Chi? Cativa e nervosa mi? Va ca ta ‘sbagli! Và che mi ‘t cavi tuti cavei ca ‘t gh è in testa e ti lighi inturan al col!
Bice Cosa fet ti? ‘T gh è sul da proarac! Varda ca sun mia cal poarin da tu marì’chi ‘t cati al pan par i tu dent.
(Luigi le divide)
Luigi Ei! Ma cosa si dre far? Ma questa l’è la menopausa ca va i sclerosi!
Lasè lì par piaser,Basta!
(Si sente bissare
Luigi Chi gh è ades ,avanti!
(Entra don Sergio )
D. Sergio Buon giorno, Sono venuto a vedere come proseguono le prove dello
spettacolo?
Bice Benissimo!Il mio Anatolio che è un vero coreografo…. Un fenomeno
Clara Sì an fenomeno dla fera
D. Sergio Pace Pace, buone donne!
Luigi Ma le ‘s vol ben sal i è sul un po’ esaltade. Ma com l’è palid gal fam
volal un panin
D. Sergio Con piacere ,grazie!
(Luigi cerca nel frigorifero)
Luigi Mi su mia se la Maria l’abia fat la spesa.Gh è sul dal sedano…volal un panin con al sedano?
D.Sergio No grasie m’è pasà l’apetit.
Clara Don Sergio, lu ch l’è sempar a contato con i giuan, con a s conportla la
me Patrisiina?
Don Sergio La Patrisia l’è ‘n tesor, generosa afetuosa: l’è sempar dre a basar tuti.
Varda ,tuti i putei dla palacanestro e anca quei dal calcio.La fa tort a
nisun , ora l’è in bras a un ,ora a n’alrar. Che cor,che anima: n’Angil!
Bice La gh ha al cor fat a mandarin, la gh a ‘n dà na fetina a tuti!
Don sergio Che bel paragone, signorina Bice. L’è perfet. Ben ades mi vaghi
gh ho altre comision!
Luigi E par al panin con al sedano?
D. Sergio A ‘s disturba mia, grasie. Pasarò quand gh è la Maria le la ‘m na prepara
certi inbutì con dle fete ‘d salm alte ‘n di
(Esce don Sergio)
Luigi Però l’è mia stupid lilù, al preferisi i panin dla Maria!
Clara A proposit dla Maria , ma i du ela andada a fnir
(Entra Maria camminando lentamente)
Maria Oh mama!
Luigi Stet mei Maria?
Maria Pare… pare.
Luigi Ben mi vaghi: i guant però i ho mia catà. Serca da fai saltar fora
parchè sa ‘m suda le man e le sblisia a vaghi a finir con la basia in sal
manubrio!
Maria Va pura caro.. e sta atenti ai camion.
Luigi Maria, ma fet la siveta? Vaghi subit sinò ta ‘m fe pasar la voia!
Maria Mi so mia, al luga senpar la roba e dopo ‘m da la colpa a mi.
(Esce Luigi ,entrano Simona e Pietro)
Bice Varda i picioncini vè!
Clara E alora coma stet Simona?
Simona Sono arrabbiata con Pietro. Non gli vanno bene nessuno dei nomi
che ho scelto!
Pietro Oh, ma la gh ha da chi gust! Domitilla, Adalberto, Petronio, Anacleto
Simona Son nomi originali…
Bice S l’è na putina ciamla Tecla come me nona. Ma l’è pran sclerotica
La sigà tut ier parchè l’è restada orfano, e l’è sa 45 ani che i sui iè mort!.
Maria Porta pasiensa, tu sia la vegn dumenica a torla e t’è fnì d tribular!
Clara Par fortuna!
(Maria esce frettolosamente)
Maria Scusè
Pietro Senta Bice mi g’avria da dirac na roba in privà.
Bice Gh ho mia segreti par le me amighe
Pietro Contenta le…..Ben, le conosla al me diretur?
Bice No ,sul da vista.
Clara No al conosema mia.
Pietro Bhe, signorina Bice al me diretur al vuria ardentemente conosarla!
Bice Parchè?
Clara Parchè ardentemente
Pietro Sa gh ho da dir la vrità , ca resta fra nualtar….Insuma l’ha pers
leteralmente la testa par le.
Bice E’ sì ea capì quel!
Clara E’ sì eam intuì quel!
Simona Era un bel po’ di tempo che Pietro voleva parlarti , ma non sapeva
come fare.
Bice ‘M dispias ma sun inpegnada
Clara E’ sì l’è inpegnada con l’Anatolio!
Pietro Mi al so e anca al me diretor al la sa,però lu al vuria conosarla istrs.
Bice Vedi mia al motivo!
Clara Infati, ‘n vedem mia al motivo!
Bice Ben , ma cosa ‘m fet: l’eco?
Simona Ti prego Bice sii gentile, lascia che Pietro, più tardi ti presenti ti
Il sigor Archinto così finirà di tormentarci!
Clara Che bel numin: Archinto, parchè g’al metat mia al tu putin?
(Intanto si sente tirare lo sciacquone)
Bice E va ben al conosarò, però sul par far un piser a uatar du.
Clara Questo ’s pudria far, ma ca s’iluda mi!
(Rientra Maria con un pacchettino)
Maria Simona,questo l’è l prim regalin ca t’em fat nualtar tre con le noste
man. Però dato che l’ecografia l’era mia ciara…..
Clara E forse i putin iè du…
Maria Em pensà da fartan du per!
Simona Grazie carissime!
(Mentre Simona scarta il pacchettino)
Maria I ho fnide tardi iersera.ma anca sa s’era straca ho preparà istes al
pachetin!
(Dal pacchettino escono i guanti di Luigi)
Simona Carini, na non capisco!?
Clara Capisi mi…quei lì iè i guant da ciclista ca secava Luigi!
Bice Questa l’è bela, par fortuna l’è fora sinò….
Maria Capisi mia comi à fat i gunt da Luigi a fnir in al pachetin dla Simona
Bice E in du ei finì i papusin ch em fat par la Simona?
Maria Fors………,forse al so:
(Cerca nella crednza e da una grossa pentola estrae due graziose babbucce da neonato)
Maria Ecoi chi!
Simona Bellissimi, grazie!
(In quel momento rientra Luigi e vede i guanti)
Luigi Brava Maria ca ta m’è catà i guant.In du eri?
Maria Ma al solit post ‘t cati mai gnint!
Bice Com’ela ca tsè turnà indrè csì prest?
Luigi Parchè sun gnì a avisar ch’è in arivo la siura Giulia ch la vegn a catav.
Maria Ma al savea, iarsera la ma telefunà ch la saria gnida a salutaras parchè
la và a far un vias.Ta ‘l s’è par distras un po’poarina!
Clara Mi l’ho pu’ vista dop la disgrasia .. chisà con l’è su!
Luigi L’è canbiada né..savria mia dir..Insoma la ‘par mia mal!
Maria Ma cosa disat Luigi ,al telefono la ssigggava.. cla sigggava!
Bice Al credi…Anca se di penser par l’avenire la ‘ch n’ha mia ‘d sicur.
I sentì né parchè su marì’ l gh eva csì presia d’andar a casa a parlar con
la muier e l’è stà par quel ch l’è andà a finir sota al camion?
Simona Chi non lo sa, lo sa tutto il paese
Luigi Ben al la savrà tut al paes ma mi al so mia: parchè gh ‘eal csì presia?
Pietro I dis che lu l’ea pena controlà la schedina dal totocalcio al bar.L’ea
totalisà una vincita da 6 miliard . L’era cors in banca a depositar la
schedina …e dop.. dop la disgrasia!
Luigi Ala facia dla fortuna!
Maria Poareta ,l’è stada pran sfotunada!
Luigi Pian, pian in an caso csì al vaduf l’è restà lu!
Simona Per me Luigi ha ragione!
Maria Sa t’s’è sioc Luigi! Sa t’esi sentì che vos ch la g’ea al telefono.?
M racomandi, quand la vegn fen finta ‘d gnint!
Clara Si Maria, fem co se niente fudesse.
Simona Io vado, non mi sento d’incontrarla poverina!
Pietro Si tesoro, tu hai bisogno d’essere serena e tranquilla in questo periodo
Maria ‘T gh è ragiun Pietro, andè pura cari!
(Usendo)
Simona Cosa ne dici di Ilona?
Pietro No, preferisi Moana!
(Luigi prende i guanti e se li mette. Si sente suonare alla porta)
(Entra la signora Giulia elegantissima; cappello veletta)
Giulia E’ permesso, posso entrare?
(Tutti i presenti rimangono sorpresi nel vedere la signora Giulia elegante e
sorridente. Bice si alza di scatto e si rivolge al pubblico)
Bice A chilè gh manca sul al leon tacà ala cadena, cosa vulì ca ‘v diga
chilè la m’è gnac gnida sinpatica con la disgrasia!
Maria E alora siura Giulia , coma stala?
Clara Com l’è elegante siura Giulia!
Giulia Cosa dice , per due stracceti!
(Giulia gesticolando mette in mostra un vistoso braccialetto e una numerosa serie di anelli)
Giulia Care amiche, son venuta a salutarvi perché sono in partenza.
Luigi A sì siura Giulia, in du vala da bel?
Giulia Vado in America passo per l’inghilterra, poi mi fermo a Parigi per fare
qualche spesuccia.
Bice Ala facia dal viageto!
Luigi E stala via tant temp siura Giulia?
Giulia Non so di preciso, ma perché me lo chede signor Luigi?
(Luigi le prende La mano)
Luigi Perhè vorrei che mi lasciasse questa mano!
Giulia Per ricordo?
Luigi No, par i bracialet e i anei, Chi gh è na fortuna!
Maria Luigi!
Giulia Lei ha sempre voglia di scherzare signor Luigi!
Luigi Mia tant!...Ben mi la saluti e sa ‘s vedem pu’, bun vias. Ades ch ho catà i
guant vaghi via pusè vulentera.
Maria Ciao Luigi , e sta atenti ai camion!
(Maria accortasi della gaffe si porta la mano all bocca.Luigi accennando alle corna esce di scena. Usciuto Luigi segue un istante d’inbarazzo)
Giulia Signorina Bice va tutto bene con il signor Anatolio?
Bice Tutto procede a meraviglia, signora Giulia, più uniti che mai!
Clara E’ sì, i par du colombin!
Giulia E’ tanto che non lo vedo. Mi chiedevo se gli potesse interessare la
collezione di francobolli del mio povero Taddeo buonanima.
Gli dica che se vuolesse venire qualche volta a casa mia gliela
mostrerei molto volentieri!
Bice Non mancherò , siura Giulia ,apena al vedi gh ha ‘l dighi subit.
(Poi rivolta al pubblico) Ta stè fresca bela! Al me Ani ta ‘l cedi mia. L’è trop
perfet par mi!
Giulia Bhe, io vado, care amiche, vi manderò una cartolina.
Clara Magari, sla gh ha in ment, la ‘s porta an qual ricordin, la sa al fa sempar piaser!
Giulia Certamente, addio carissime!
(Esce)
Bice E’ partì Wanda Osiris ,vè!
Maria Parchè parlat csì.’T fala mia pena poarina?
Bice La s’interesa un po’ trop dal me Anatolio.
Clara ‘T sarè mia un po’ gelosina?
Bice Certo! Parhè ti set mia gelusa dal tu om?
Clara Certo che no , n’è mi da lu ,n’è lu da mi?
Bice Al credi ca ‘l sia mia gelus par cal bel sgulmar ca tsè!
Clara A ‘t sarè fatale ti ca t’è duì aspetar 50 ani par far na strasa dna conquista
Bice Però ades spopoli, umenti gh ha da vegnar anca Pietro con al su diretor par far la me conoscensa!
Maria Basta uatar do, ca staghi gnanca ben!
Clara Cosa gh et Maria?
Maria Sa gh’eso da sentar la me pansa , gh ho da chi turciolot!
(SI sente bussare)
Maria Forse l’è Don Sergio ca ‘l gh ha da vegnar stasera.
(Entrano Pietro e il suo direttore, il signorArchinto)
Pietro Buona sera. Se permettete vi presento il mio direttore.
Maria Prego!
Pietro Ecco a lei signor Archinto: la signora Maria, la signora Clara, e la
signorina Bice.
(Archinto strige la mano a tutte e si sofferma con Bice)
Archinto L’è un gran piaser e n’onor per mi de conoserla,signorina Bice
E fin de la prima volta che l’ho vista so restà incantà de ela de la
so grasia!
Pietro Bhe scusate, ma io devo correre dalla mia Simona!
Clara In du vet? In du el ca ta scapi?
(Pietro esce di corsa)
Clara Ma l’è comoda , lasar chi cla patatina chi e andar!
Maria Mia preocupat Clara, vegni chi ch pensarà la Bice a dismandulas!
(Clara e Maria si siedono da una parte e stanno ad ascoltare incuriosite.)
Archinto Signorina Bice…
Bice Al varda siur Archinto, gh a ‘l dighi subit, al voi mia iludar perché
Il mio cuore (Guardandosi l’anello) è già inpegnato.
Archinto Quelo lo so! Ma gh ho mia gnanca na picola speransa?
La varda che so na personsina seria e anca se so diretor de asienda gh ho l’aniama del poeta. E la se ricorda che uno al pol vesar poeta sensa
aver scrito manco na poesia e musicista sensa aver composto na nota
musicale!
Bice Io non lo metto in dubbio , ma il mio cuore ha parlato:Anatolio
Anatolio….
(In quel momento entra Amatolio e Bice gli corre incontro)
Bice Anatolio, caro sei arrivato!?
Anatolio Sì cava!
Archinto Sareselo questo el famoso Natolio?.... No la me par mia na facia
noa……….No se semo visti da na qual parte? Elo mai stà per caso a
Vicensa?
Anatolio Sono stato a Londva , Pavigi, New Yovk,Voma, ma a Vicensa mai
Bice Lui solo robe grosse!
(Anatolio è visibilmente
turbato)
Anatolio Bice cava, andiamo , ho una cevta uvgenza.
(Bice e Anatolio escono salutando)
Bice Buona sera
(Subito entrano Pietro e Simona)
Pietro Ma che presia chi du lì. Ha visto signor direttore, glielo pur avevo detto
che la signorina Bice era impegnata..
Archinto Speta, speta che so drio a pensar a do l’ho visto che ‘l Natolio lì!
Simona Forse in qualche spettacolo..Faceva il coreografo!
Archinto Ma me gnarà in mente. Ve saluto siore e vago!
Pietro L’accompagno
signor direttore!
(Giunto sulla porta improvvisamente Archinto si ricorda)
Archinto Gh ho troà.. gh ho troà! Ora me ricordo in do che l’ho visto chel Natolio
Lì , el fasea al casier in dela banca de Vicensa in doa se serviva la me dita
Ostregheta gh era stà no scandalo, perché chel sior lì l’ea robà na mucia
de milioni. Po’ quando l’è gnù fora de prison l’era andà per el mondo
co el circo Togni!
Maria L’è inposibil, al varda ca ‘l sa sbaglia siur Archinto!
Pietro Sia Maria al siur diretur sbaglia mai …al gh ha na memoria ‘d fer.
Archinto No me sbaglio..No, nome sbaglio.
Maria Poar nualtar , e ades cosa fema?
Clara Mi lilù al m’è mai fnì ‘d piasar!
Simona Adesso l’imprtante è trovare una soluzione.
Maria Puarina la Bice, cosa fem : gh a ‘l dsea gh ‘l dsema mia?
Pietro Signor dierttore ci consigli lei.
Archinto Mi no meto lingua.Vago, ve saluto e bona sera!
Simona Io penso che Bice debba essere avvisata.E pensare che sognava un velo da spsa!
Clara Saria mia mei spetar? Sentar al parer da don Sergio.. forse le robe iè mia come le pol parer!
Clara Ma qual
mia parer …subit gh a ‘l dighi, ala Bice!
Maria No, ti a ‘t tasi!
Clara No, la Bice la gh la da saver!
(La Bice entra improvvisamente in scena)
Bice Cos el ca gh ho da saver
Maria Gnint.. gnint!
Simona Io devo andare, buona sera!
(Esce Simona)
Bice Insuma cosa sucedi? Da cosa a ‘strata!?
Clara ‘S trata dal bel Anatolio. Al siur Archinto al l’ha riconosì…M a qual
coreografo! Al lavoravo in banca e pu’……………………
Maria Tasi , aspeta almen ca parlem con don Sergio!
Bice E’ no ades i comincià e ades fnì!
Clara Certo ca fnisi , sinò sa ‘m crepa al gos! In poche parole al tu murus l’è an busiadar . L’ha rubà in na banca da Vicensa, e l’è stà anca in presun.
E quad l’è gnì fora l’è andà a fnir in al cico Togni!
Maria Magari al siur Archinto l’ha sbaglià persona
Clara E’ no , l’era trop sicur. Na persuna cmè lu la parla mia a vanvera.
Bice E tuti vias ca ‘l m’ha dit d’aver fat
Clara Al i avrà fat con al circo Togni
Bice Posi mia credac!
(In quel momento entra Anatolio)
Bice Ti voglio chiedere soltanto una cosa.Hai lavoratoin una banca di
Vicenza?
Anatolio Lascia che ti spieghi….Avevo immaginato che quel signove mi aveva
viconosciuto..ma le cose non stanno come sembvano.
Bice Vuoi ingannarmi ancora? Basta! E’ tutto finito, non voglio vederti mai
più….Ti odio!
Anatolio Lasciami la possibilità di chiarire…
Bice Par mi ‘n busiadar al val men che gnint…Magari ‘t manca gnanca l’erre!
Anatolio Bice!
Bice Anda!
(Anatolio esce precipitosamente.Bice gli lanca dietro l’anello)
Clara T’è fat ben Bice, un taglio netto e via!
Maria Bice ‘m dispias pran tant!
Bice Si do vipere, con ualtar parlarò mai pu’!
(Bice esce arrabbiatissima)
Maria Bice!...Ma varda che robe.! Ma che giurnada!
(Entra Luigi con la gamba ingessata)
Maria Ma Luigi cosa t’è suces?
Luigi Mia parlar Maria ca gh ho un nervus con ti ca ‘t masaria
Maria Miii, e parchè?
Luigi Parchè s’era li ca andao bel tranquil quand m’è pasà ‘d banda’n camion
Mi m’è gnì in ment qul ca ta m’è dit ti…par la paura ho sbandà e sun
cascà lung tirent su dal rival! E ades gh ho la gamba stecada par vint dì
Clara Poar Luigi,’t gh è ragiun a esar rabì con la Maria!
Maria Ades basta, mi stracà .Mi sun senpar buna con tuti e chi atar i ‘s na
profita! Chilè la m’ha fat cridar con la me migliore amiga e
cl’inbanbì l’è andà a fnirin al fos e ‘m dà la colpa ami! Ti Clara và
a casa tua sinò ‘t salti ados e ‘t magni la testa. E ades Luigi ‘t fili
a let anca ti! Che giornada , che giornada!
Luigi A let sensa sena, Maria?
Maria A let sensa sena Luigi! Che giornada l’è comiciada co la diarea e l’è fnida con l’invalid!
(La scena piomba al buio.Si sentono i dodici rintocchi della mezzanotte. Maria
entra in camicia da notte, s’avvicina alla credenza e prende il vasetto della nutella)
(Voce fuori scena)
Luigi Maria cosa fet?
Maria Gninte Luigi! A gh ho al mal da testa, son dre ca toghi n’aspirina
(Si sente bussare . Maria va ad aprire, entra Bice in camicia da notte.Attende un attimo e poi le due amiche si abbracciano)
Bice Mi ala Clara ch parlarò mai pu’! Perà Maria con ti sun mia buna da star
in colera.
Maria Anca mi Bice …..Vot ‘n po’ ‘d nutela?
Bice No .’M và su gninte!
Maria Beata ti, mi gh ho senpar fam!
Bice Sun pran infelice! Set cosa la fao me povra madar qunt la ‘m vedea su’d
morale?
Maria Tasi ca ‘l so! (Maria prende un asciugamano e lo appoggia sulle spalle di Bice e comincia a spazzolarle i caèpelli)
Maria Ho mia induinà! ? Era l mia questo ca fao tu madar e intant la t’ascolitao
Bice Stasera don Sergio al m’ha spigà ben la facenda da Anatolio.
L’è vera ch l’ha rubà , ma sul parchè gh vuea i soldi par curar su muier
cl’era tant malada . Però tut è sta inutil! Dop la disgrasia lu l’ha
restituì i soldi e la banca l’ha ritirà la denuncia.L’è stà par quel ca ‘l s’è
unì al circo Togni par scapar da cla reltà che lu al pudea pu’ suportar!
Maria Poarin , ‘m dispias pran tant. Set mia andada a sercaral?
Bice Certo, ma ormai l’era sa scapà e forse al vedrò mai pu
Oh, Maria dle volt ‘m domandi cosa sun gnida al mund a far!?
Ho mai fat gnint d’inportante da lasiar an segn,.Quand
murarò sarà come sa fos mai nata!
Maria Vedat Bice , mi ‘m figuri la vita come n’inmensa tela da colorar
ognun da nualtar ca pasa lasa ‘n segn picol o gros ca ‘l sia ma
ugualmente inportante e ognun contribuisi a costruir un disegn
Par esenpi ti ‘t podresi esar un fil d’erba opura n‘uslin lasù.
Quel ca conta l’è ca ta ch s’è anca ti in ca ‘l disegn lì parchè anca ti’t s’è
in l’anima dal pitur!
Bice In du sun mi?
(Bice indica un punto immaginari)
Bice Sun lì ?
Maria No un po’m pusè in là!
Bice A ‘t s’è mata ,al gh ha ragiun Luigi!
Maria Intant però t’ho fat ridar!
(Si sente cantare dalla strada Bice corre alla finestra)
Bice Anatolio!.....Machè l’è ch l’antipatic da Archinto……Cla ligua velenosa!
Ma varda l’è mia lu ca canta, l’è an disco. Al fa al bucador! Al par un
bransin ca pipa .Vaghi su a butac un scel d’acqua in testa!
(Esce Bice,Maria si siede a
tavola e si mette a mangiare la nutella
Luigi (Fuori scena ) Maria ,cosa fet?
Maria Gninte, sun dre ca pisti l’aspirina … Sun mia stada buna da mandarla su i intrega!
FINE SECONDO ATTO
TERZO ATTO
(In scena ci sono Don Sergio e Maria. Entra Clara)
Don Sergio Son gnì a vedar com le prosegui le prove dal spetacol!
Clara Purtrop ‘s bat la fiaca..’S vet propria ca ‘g manca l’Anatolio!
Don Sergio La colpa l’è mia mia! S’eso tegnì cla linguasa lì in mesa i dent
le robe le saria andade a n’altra manera
Maria Mi comunque sun convinta ca ‘l tornarà. Na persona la pol mia sparir
tut i n’an culp dla facia dla tera!
Don Sergio Mi so gninte , ma se anca saves quel, al gn’aria mia certo a diral a do
baggolone cme uatar.
(Entra Luigi, in mano ha due calze, una blu e una rossa)
Luigi Con’ ela Maria che insiem al calset rus a gh n’è uno blo?
Maria Proa vardar in du gh è cl’ altar calset rus e vedrè ca ‘t cati cal blo! A tsè
cme ‘n putin , bisogna dirat tut!
(Luigi esce brontolando)
Luigi Oh , mi sbagli senpar!
Clara Tornando a l’Anatolio, mi gh ho paura ca ‘l sia andà a negas!
Maria Ma com ‘ela Clara ca t’è gni n’idea compagna ! Set Mata?
Don Sergio Lo escludo anch ‘io . Ma con ela Clara ca gh è gnì n’idea csì tragica!?
Clara Ghi da saver ch ho ingagià un investigatore privà. E a dir la vrità
ho spes tuta la musina par pagaral . Ben, al m’ha dit ch l’ha seguì le su
trace partendo dla sera famosa, ma l’ultima volta l’è stà vist ‘s truvavo
in sima na spiagia…..dopo di che :il nulla
(Luigi rientra in scena)
Luigi Siur Sipret bisogna ca ‘l vegna a benedir la me casa.Chi sucedi dle robe
Inspiegabili, gh ho idea ca csia i spirit!
Don Sergio Dabun Luigi , com è posibil?
Luigi Al mes pasà par esenpi ,na not, la Maria l’è levada su par bear
n’aspirina , ben l’ha mis le scatula dle metsine in sima la taula e ala
matina al su post gh’era al vaset dla nutela ,mes. Gh è i calset rus ca ‘s
mistura con chi blo, e ho catà le brasole in al comò!
Don Sergio Va ben Luigi dman gnaròr a benedir la casa
Clara Forse saria mei ca ‘l benedisa la testa dla Maria!
Don Sergio Mi ades vaghi ,’ m racomandi aspetacol, a dman!
(Esce don Sergio)
Clara Stamattina gh è la proa generale.’V ricordè l’an pasà quand gh era
l’Anatolio e la Bice chi i tubavo…? Che pecà! ’V confesi che in fondo
al m’era sinpatichin!
Maria Luigi gh al disat ala Clara?
Clara Cosa gh et da dim?
Luigi Nuantar ‘s em mis in la testa che al nostar vsin, quel ca stà in
l’apartament amobiglià, quel ca pasa tut invoià in dla sciarpa, con
al capel in i oc al sia lu, l’Anatolio!
Clara Sia ringraziato il cielo! E ades cosa fem?
Maria Ades Luigi ‘s met lì in sla porta e al ponga. Quant al vegn fora al la
cuca pri stras e dop al vol parlac lu.
Luigi E chi è ca t’ha dit ca voi parlarac mi?
Maria Mi l’ho dit, vot ca sapia mia coma t la pensi dop trent’ani da vita in
comune!
Luigi Ben, mi ta ‘l porti chi e dop ta ch pensarè ti.
Maria Dai, dai , va e silensio con la Bice…Va!
(Esce Luigi ,entra Bice)
Bice Bun giuran Maria, ch dist ala Clara che Giusepe al la serca!
Maria Et sentì Clara?
Clara Par piaser dig ala Bice che gh dmandi scusa par la quinta volta
e ca vuria far la pace!
Maria Et sentì Bice?
Bice Dig ala Clara: gnianc ‘s la crepa! L’è mei cla vaga da su marì ca la serca.
(Bice e Clara intanto iniziano a spintonare Maria)
Clara Vot dig ala Bice ca vaghi quand a gh n’ho voia
Bice Maria ,vot dirac ala Clara ca m’iteresa gninte?
Maria Ueilà, vardè che mi ho acetà da far da porta voce ma mia da porta cuc.
(Clara esce arrabbiatissima)
Bice Ben, vagih anca mi!
(Ma sulla porta incontra Archinto)
Archinto Bon giorno siora Maria, cosa falo so marì là inpalà in sima le scale.
Maria L’è lì, l’è lì ca ‘l ciapa al fresco!
Archinto Signorina Bice se la permete me piasaria far a ela la me dichiarasion!
Bice Fin par carità!
Archinto Ghe domando solo sinque minuti per elencar le me virtù e se po la
g’avarà el coragio de rifudarme , amici come prima!
Bice Sul tri minut , sul par farac un piaser a Pietro.
Archinto Prima de tuto so persona discreta e seria. So che ela no l’è venale
ma, poso dirghe che giusto per incoragiarla quando vago in banca
I funsionari i me soride e i se mete a me dispsision!
(A questo punto Archinto le porge una scattlino : Bice lo apre e ne estrae un anello Bice se lo infila ma subito se lo toglie…)
Bice Mi spiace ,non posso accetare
Archinto Ma signorina Bice, me sento ancora giovane e focoso.. son tuto un
en bolor !
(Incomincia un inseguimento attorno al tavolo. Scappando fuori dalla porta…)
Bice Ma chilù l’è pericolus!
(Maria blocca Archinto)
Maria Siur Archinto ,forse al faria mei a faras na docia freda!
Archinto Siora. Alo visto come la Bice l’è se restada inpresionada de mi?
Ancora un po’ de insistensa e po al sarà el paradiso, el paradiso!
(Esce Archinto)
Maria Ma in cla cusina chi gh vuria an vigil , gh è un trafic continuativo!
(Luigi fuori scena)
Luigi Maria
aiutam!
(Maria corre alla porta e insieme riescono a trascinare nella cucina Anatolio
che ha con se una valigia)
Anatolio Me no… me no!
Maria A ‘s vergogna: in du volal scapar ! Sal mia ca gh è la Bice ala disperasiun?
Anatolio Ella mi vipudiò! Sono tornato solo per vivederla di nascosto un ultima
volta.
Maria Quel al sarà mai vera , si fat par star insiem .Parlac ti Luigi che fra om ‘ ‘f capì mei! Mi intant staghi atenti ca riva nisun
(Maria esce sul pianerottolo)
Luigi Al senta chi…a beal quel?
(Luigi versa due bicchieri di vino)
Anatolio Mi aiuti signv Luigi! Che cosa devo fare? Mi nonsigli lei!
Luigi Lu al duvria afrontar la Bice e ciarir la situasion: le la speta atar!
Anatolio Ma mi ha tvattato tanto…tanto male!
Luigi Lu al gh ha mia da farac caso a quel, l’è mia colpa sua poarina , l’è
la su unatura , nevrotica e acidosa, ma l’è pentida e sun sicur ch le la
l’acoliaria a bras vert…. Csì cme ‘n vigil!
Anatolio Lei dice signov Luigi? E’ questo che dovei fave?
Luigi Questo l’è quel ca ‘l dovria far second la Maria, però ades ch dighi quel
ca faria mi al su post. Mi ciaparia la valisin e andaria tant fort chi vedria gnanc la pulvar?
Anatolio Ma pevhè?
Luigi Vedal Anatolio, na volta mi e la Maria, ala sera quand andavam a let
stavam ure e ure dismisià a parlar, a far proget, ades la fa mia ora
pugiar la testa in sal cusin ch la runfa ,la sufia , la par un treno a vapor
Alura dle volt ciaparia al valisin e andria via.Dopo però ‘m ricordi
da cla pudleta ca fao proget insiem a mi….e resti. Ma a regola dl’età
a lu gh restaria sul quela ca runfa .
Anatolio Il vussare di Bice è musica pev me!
Luigi Ben ,alura quand la sia csì. Mi però faria un pensierino ala piemontesa,
l’è na siora csì fine!
Anatolio A me piace il piatto piccante!
Luigi Par cunt da quel, la Bice la ‘gh n’ha dal pear! Mi però faria un pensierino ala piemontesa.
(Torna in scena Maria)
Maria E alora Luigi , l’et convint a restar?
Luigi Ho fat dal me mei, sun stà sincer!
Anatolio Signora Maria, suo marito è davvero convincente!
Maria Al so che al me Luigi, quand al vol al cata senpar le paroline giuste!
Anatolio Pevò adesso come faccio ad affrontave la mia Bice?
Maria Quel ch pensi mi. Lu ades al ‘s nascondi e al vegn fora sol quand al
ciami , e al vedrà ca ch sarà mia bisogn da parlar .
Su al vaga ca ‘m par da sentar le vus dla gent ch’è dre rivar par far
le proe dal spetacol da beneficensa.
(Luigi rincorre Anatolio che
aveva dimenticato la valigia)
Luigi La valis… la valis !
(Incominciano entrare gli amici)
Maria Gh è mia la Simona e Pietro?
Clara Ma set mia che Pietro l’ha portà la Simona a l’ospedal parhè la gh ea
le dolie?
Maria Ma dabun? Sperema ca vaga tut ben!
Bice Pietro l’era talmente agità ch l’è partì in quarta, al parea un mat
quant l’è rivà al Buteghin al s’è acort d’aver dismengà la
Simona in sal marciapè!
Crara I è robe ca capita quand s è agità, opura qund s’è inbambì!
Maria Dai Bice , comincia ti. Canta “Tu che m’hai preso il cor!
Bice Ho acetà da partecipar ma……..quela propria no!
Giusepe Dai Bice , dai ch la vegn csì ben!
Bice Va ben Giusepe, ma sul parchè ta ma ‘l dmandi ti, e so sul mi cosa
‘m custa
(Bice comincia a cantare e intanto Maria va a prendere Anatolio che si unisce a
Bice terminando la canzone. S’abbraccianooin silenzio)
Anatolio Mia Bice!
Bice Ssssssssssssss
(Si sorridono)
Archinto Siora Giulia i m’ha gh a dito che la gh ha una belisima colesion de francoboli
Giulia Le interessa?
Archinto Moltissimo!
Giulia Allora gliela faccio vedere! Venga domani da me aprender il caffè!
Archinto Co na soleta de sucaro?
Giulia Forse…E perché no!
(A questo punto Maria spinge Clara fra le braccia di Bice)
Maria El mia ura da far la pace uatar do?
Clara L’è senpar trdi!
Bice L’è vera!
(Le due amihe si abbracciano.Entra Pietro)
Maria E alora Pietro, è andà tut ben?
Pietro Si..si si!
Luigi Ma che cera , par ca t’abia partorì ti!
Pietro Ma sa gh esi da saver che travaglio! Sensa parlar dle conseguense!
Giuseppe Quale conseguense?
Pietro Quanti gh’evi d’ esar i putin?
Bice Maria e Clara Du masc !
Pietro Invece ie femne ma tre! .
Maria Oh mama! E la Simona coma stala?
Pietro Benisim e in pu ema catà i num par le tre putine
Bice Dabun!
Clara Ma và!
Pietro Si ,le ciamarema: Maria, Clara e Bice.
Bice Dabun?
Clara Ma và!
Maria Dabun? Ma và!
Giuseppe Bene csì anca quand uatar tre ch sari pu …………………
(Le tre amiche fanno gli scongiuri)
Luigi A Suav ch sarà ancora na Maria , na Clarae na Bice ca starà sempar
Insiem . Na qual volta le tacarà da lit, ma forse sul parchè le ‘ s vol
trop ben!
Giusepe Ades ‘ch vol propria un brindisi!
Luigi Sì, con al vin dal contadin!
(Tutti brindano allegramente)
FINE