LA MOGLIE IN PRESTITO
dall'Anfitrione di T.M. Plauto
Commedia brillante in due tempi
in dialetto vicentino
Sinossi
Giove si è invaghito di Alcmena, la bella moglie del grande ed eroico Generale Anfitrione, ma Alcmena è donna onesta e fedele e allora, per poter godere liberamente delle sue grazie, si trasforma nel di lei marito. Complice dell’inganno il Dio Mercurio che prende le sembianze dello schiavo Sosia.
E’ la versione irriverente e dissacratoria della nascita di Ercole. Equivoci, scambi di persona con soluzione finale di tutti i problemi da parte del classico Deus ex machina.
Personaggi 5(U) – 2(D)
il dio Mercurio
lo schiavo Sosia
Giove
Alcmena (moglie del generale Anfitrione)
il generale Anfitrione
la serva Bromia
Naucrate
PRIMO TEMPO
(L’azione si svolge nella città di Tebe, davanti alla casa di Anfitrione – All’alzarsi del sipario la scena è quasi al buio e tutti i personaggi sono piazzati a formare quadro – Mercurio entra dalla parte del pubblico)
Mercurio
Salve zente ! Ma che bravi… Quanti che si’ ! Mi so’ Mercurio, el Dio de le comunicassion, dei commerci e dei imbroji ! So’ qua per spiegarve un poco de cosa trata ‘sta comedia che stemo par recitarve… Un momento… Me par de vedare tra ‘l publico de la zente che no xè massa atenta… G’ho da ‘vertirve che se ghe xè qualchedun che ‘l xè vegnù qua par far casìn, xè mejo che ‘l se alza sùito dal so’ posto e che ‘l petota perché, se lo ciapemo, g’avemo l’ordine de farghe un bon tratamento de cocòni su la suca..! Ciaro ? E ‘deso, per piacere, SILENSIO ! La storia che ve ‘ndemo a contare la capita in questa belissima città: TEBE SUL BRENTA…
(Mercurio batte le mani e al suo cenno parte la musica, sale sul palco e, man mano che presenta i personaggi, questi escono di scena)
‘Sto qua xè ANFITRIONE che in latino vorìa dir OSPITE. ‘L xè el comandante de le trupe tebane che in ‘sto momento le xè in guera contro i Teleboi…
‘Sta siora qua la xè so’ mojere de Anfitrione, la se ciama ALCMENA. Dona proprio par ben, gnente da dire ! Seria, onesta, inamora’ de so’ marìo… Ghe tende la casa… Ma la ga’ un caraterin… E ‘na lengua ! Vedarè, vedarè…
Eco qua BROMIA. La serva de Alcmena… ‘Na bona dona… Fiola de ‘n’altra bona dona… La g’ha un debole… I omeni…!
Questo xè SOSIA. Lo s-ciavo de Anfitrione, el so’ omo de fiducia… Anca lu’ xè in guera co ‘l so paròn…
In ‘sta comedia ghe sarìa anca un altro personaggio: BELEFARONE. Ma de ‘sto personaggio tornaremo a parlare… Vedarè ne la seconda parte…
E, finalmente, eco qua GIOVE, el dio dei DEI. Voialtri lo conosse’ come che ‘l xè fato… Basta che ‘l veda ‘na bea femena e suito el ciapa fogo. Come apunto xè capita’ co’ Alcmena. Ma Alcmena la xè femena onesta… E alora padre Giove par poderse godere le so’ grassie ‘l g’ha pensa’ de trasformarse in Anfitrione e cussì ‘l g’ha profità ben ben de la situassion… Ma cussì ben, ma cussì ben g’ha aprofita’, che ‘deso Alcmena la xè do volte incinta… De so’ marìo e de Giove… Come no xè possibile ? Noialtri Dei podemo tuto ! ESEMPIO: Vedìo ‘sto scuro ? Strana ‘sta note, vero ? Lunga… Savìo perché ? Perché Giove, par godersela ‘l più possibile co’ la bela Alcmena, g’ha ordenà a la note de fermarse. Eco ‘l perché de ‘sto efeto notturno. Xè la note che la fa la ruffiana ! In ‘sto momento Giove xè in leto che ‘dopera la so’ femena e intanto ghe conta tutto quelo che Anfitrione ‘l g’ha fato in guera… Insoma, dopo ‘verghe impena’ la panza xè drio a impienarghe la testa co’ ‘na fraca de bae.
Par finire ghe sarìa qua anca mi, MERCURIO…So’ sta prega’ e strapregà da Giove de trasformarme in Sosia, el servo de Anfitrione, in modo che sia mi che lu podemo zirare par la casa senza dar sospeto…. Alora attenti ! Ne la comedia, proprio par no far massa confusion, mi e mio pare, anca se vestirà compagni de Sosia e Anfitrione, tegnaremo sempre i notri bei musi… Cussì vuialtri ne reconossì mejo, capì mejo tuta la storia e i so’ intrighi e ve diverti’ anca de pi’. A ‘sto punto la comedia la vole che entra sul palco el servo Sosia e che mi fassa de tuto par tegnerlo lontan da la porta de casa. Sarà tuto da ridare… Ma se volì che ‘i atori i recita al mejo, fene ‘n applauso de incoraggiamento… (Dopo l’applauso) Grazie par el vostro gesto spontaneo.
Sosia
(Entra molto circospetto e pieno di paura. Ha in mano una lanterna, un sacco e un telo da cantastori arrotolato ad un bastone) Ehilà… Ehilà… Ghè nisun ? No ? Per la miseria ! Vorìa proprio védare se al mondo ghe xè uno mejo de mi ! Viajare da solo, de note, col pericolo che un stramaro de briganti me salta ‘n dosso par rubarme el vestìo. Tuto par darghe sodisfassion al me paròn ! Can del porco ! Nol podéa mandarme de matina da la paròna ? No, gnanca morto ‘sto cancaro ! Cossa vuto che ghe ne ciava al me’ paròn se vegno pestà a sangue da diesemila guardie o se casco nee man de tre o quatro deinquenti che me rompe ‘i ossi ! Bea roba la xè questa del servire un paròn sior ! Anca se te fussi sempre drìo a laorar co’ fa ‘na bestia. El paròn no ‘l sarìa mai contento. Tra lavori e piaseri che te toca farghe, no se pole mai riposare. El paròn xè paròn… Nol capisse gnente de laorar, LU. Nol sa, LU, cossa voja dir la fadiga… Lu… E più te laori più el vorìa che te laorassi. Ghe par giusto a LU che un omo, perché anca se so’ s-ciavo, so’ sempre un omo, possa far tuto queo che a LU ghe passa par la testa. Nol tien conto, LU, se sia giusto o sbaglia’ quel che me ordena. E cussì te toca stare a i so’ caprissi, e caricarte de pesi co’ fa un musso.
Mercurio
Sentì ‘sto qua che servo l’è nato ! Cossa dovarìa dir mi che so’ nato Dio e par obediensa a mio pare me so’ fato s-ciavo ?
Sosia
A dire ‘l vero ne sarìa anca ‘ndà puìto. Ghemo vinto tuti quei che ne gera contro, ghemo disperso tuti i nemisi, ghemo scavesa’ i coi dei aversari, ghe ghemo masenà i osi… Ghe ghemo stuprà le femene… No mi… ‘i altri… E tuto ai ordeni de Anfitrione, el me’ paròn… Ciò, ‘deso Anfitrione ‘l xè l’eroe, l’idolo dei tebani, el trionfatore, quel che g’ha consolida’ el regno al re Creonte, quel che g’ha slarga’ i confini de ‘a Patria, quel che g’ha copa’ co ‘e so’ man el re dei Teleboi… Lo steso fiol d’un can che a ‘sta ora de note el me g’ha ordenà de lassare la nave par vegnr qua a contarghe a la paròna del so’ eroismo e tante altre bae...! Bastardo d’un paròn ! Ma proprio a ‘sta ora ? E me g’ha anca dito de contarghe tuto a la paròna co’ le paroe più bee che cognossa… Alora vedemo… Allorché il piè mettemmo a terra… No… Allorquando giungemmo all’approdo… No… Allorquando il naviglio gettò l’ancora nelle nemiche acque…No… Non appena giugnemmo ai nemici lidi… No…
Mercurio
Ma par cossa no te parli come che te magni ?
Sosia
Ma par cossa no parlo come che magno ? ‘Pena ‘riva’…
Mercurio
Eco, bravo…
Sosia
Eco, bravo… ‘Pena ‘Riva’… ‘Pena ‘riva’ Anfitrione g’ha scelto tra le so’ trupe i omeni più fida’ par mandarli a discutere coi nemissi e sercare cussì de vinsere ‘sta guera sensa star lì a far tanta fadiga a combatere… (Mostra il primo disegno) Eco qua, vedìo ? Xè tuto fotografà su la Gazetta Tebana… Ma ‘sti Teleboi no’ i gavea nissuna intension de farse metare soto dai primi ‘riva’ e, a muso duro e bareta fraca’, i se g’ha piaza’ lì, davanti de nojaltri, decisi a no farne pasare… E alora… Ciò, xè sucesso el mazeo ! Gambe de qua, brassi de là… Un gran sluamaramento de sangue ! Come podì vedere qua da ‘sta ilustrassion…(Secondo disegno) Bisogna però che ve conta el momento pì mejo de tuta l’operassion. Quando el me’ paròn Anfitrione, nel mezo de la batalia, co’ ‘ e so’ man, par insegnarghe a vivare, g’ha copà Pterela, el re dei Teleboi. Vedìo qua ? (Terzo disegno) No par dire, ma xè ‘sta’ ‘na grande, ciò ! El dì dopo, i pori Teleboi, co’ ‘e recie moe a la coa tra ‘e gambe, i xè vegnùi a domandarne la pace. Par stavolta ghea vemo concessa parché semo i più forti, xè vero, ma savemo anca stare al mondo. E lori, par mostrare el so’ rispeto, i ghe g’ha regala’ al me paròn la scuea de oro ‘ndove che bevea el re Pterela… (Quarto disegno) ‘Deso chea scuea la xè custodia in ‘sta caseta (Indica la cassetta) … Eco qua ! Questo xè queo che xè capità… Insoma, questo xè queo che ghe contarò a la me’ paròna e speremo che no la me fassa star in pie tuta la note a contarghe anca queo che no so ! (Raccoglie le sue cose)
Mercurio
L’è drio pareciarse a entrare drento casa. Ghe ‘ndarò incontro e no ‘o lassarò vegnere taca’ de ‘a porta. Fin quando ghe somejo so’ sicuro de torlo pa’’l dadrio come che vojo e visto che so’ come lu, bosogna anca che me comporta come lu ! Bisogna che me mostra pien de busìe, de imbroji e de furbarie. (Sosia guarda il cielo) Ma cossa falo ? El varda par aria ? Bisognarà che lo tegna de ocio.
Sosia
Se ghe xè ‘na roba che so’ sicuro, xè che el Dio de la note se g’ha indormensa’. Si, ciò !
Parché la luna la xè ferma ‘ndove la xè nata… Orione no g’ha voja de tramontare, la stela boara no se g’ha sposta’ d’un pelo… Pare proprio che la note no voja far posto al giorno…
Mercurio
Va’ ‘vanti col to’ lavoro, note rufiana ! Daghe ‘na man a mio pare… Te si’ drio a farghe el mejo servissio al mejo de tuti i Dei !
Sosia
Mi ‘na note cussì longa no la g’ho mai vista da quando so’ vegnu’ al mondo ! A g’ho paura che ‘l Dio del sole se g‘abia tira’ su ‘na simia de quele ‘vanti de indormensarse !
Mercurio
Ma varda cossa xè drio a pensare ‘sta schena da paseta’. Prova a vegnere taca’ dea casa e te vedare’ cossa te capita !
Sosia
(Gridando) Ehi… ‘ndove se g’ha sconti tuti chei putanieri che no i xè boni de dormir soli ? Questa note cussi longa la par fata a posta par sfrutare ben ben una de quele gran vacone che la se fa pagar sala’
Mercurio
Proprio queo che Giove xè drio a fare co’ Alcmena !
Sosia
Dai… Avanti… ‘Ndemo a conterghe a la paròna quelo che me g’ha comanda’ de dirghe el paròn… (vede Mercurio, uguale a se, piazzato davanti alla porta di casa. Esita) Ma chi xelo cher là davanti la porta dela casa… El me someja massa… No me fido !
Mercurio
No g’ho mai visto uno più viliaco de ‘sto qua. Deso vojo divertirme… Ghe sigarò drio e cussì lo farò cagar soto…. (Finge di allenarsi a dar pugni) Avanti, pugnassi… Xè un bel toco che no ve tegno in esercissio… Me pare passa’ un secolo da quando jeri sera ne g’ho distira’ quatro in un colpo solo.
Sosia
Casso ! Ne g’ha distira’ quatro co’ un pugno solo… El g’ha da tirar catane da urlo ! G’ho paura che se me ne tira una, no i me trova pi’ gnanca all’anagrafe !
Mercurio
‘Vanti… Oramai g’ho deciso… (Si rimbocca le maniche)
Sosia
El se tira su le maneghe… El g’ha tuta l’aria da prepararse a dar pache… Mejo starghe lontan almen do pari de brassi.
Mercurio
Queo che vegnerà davanti de ‘sta porta magnarà un bel po’ de stramusoni…
Sosia
Grazie, ma no g’ho de ‘sta fame… Se te ghè sale in suca ‘sto tipo de magnare dagheo a qualcun più afama’ de mi.
Mercurio
G’ho sentìo colcossa ne le recie…
Sosia
Sarà ‘na bruta malatia…
Mercurio
Eh si, Perdiana… Qua xè drio a parlar NON SO CHI…
Sosia
Son salvo ! Nol me g’ha riconossu’ ! El dise che g’ha parla’ NON SO CHI, invese mi me ciamo Sosia…
Mercuio
Me g’ha colpìo ‘na vose… La vegnea da destra…
Sosia
Mi lo g’ho colpìo co’ la vose e lu me coplirà co’ i pugni… Sarà ben ‘ndarge incontro e parlarghe… Chisà che no ‘l tegna a posto le man… (Lo chiama facendo segnali conla lanterna) Ehi…pss…Pss…
Mercurio
Dove veto ti che te porti la luce del Dio Vulcano sara’ drento a chel trabicolo ?
Sosia
Cossa te interessa a ti, scassaomeni ?
Mercurio
Te sì s-ciavo o libero ?
Sosia
Te ciava a ti ?
Mercurio
(Minaccioso) Gheto dito ?
Sosia
Gnente ! Digo che se mi «FUSSE» uno che «TE CIAVA», te dirìa che so’ s-ciavo o libero secondo la luna che me ciapa !
Mercurio
Posso savere chi te sì, ‘ndove te sì drio a ‘ndare e cossa te sì vegnù a fare ?
Sosia
(Indicando la porta di casa) So’ lo s-ciavo del me’ paròn, g’ho da entrare ‘n casa par la porta e g’ho da parlare a la me’ paròna… Contento ‘deso che te sì ‘nformà de tuto ?
Mercurio
Varda ch te ‘a violento chea lenguassa !
Sosia
No xè giusto !
Mercurio
Perché ?
Sosia
Perché la xè ben sarà in boca e la xè ‘na lengua VERGINE !
Mercurio
No ‘sta a far tanto ‘l furbo ! Cossa viento a fare taca’ a ‘sta porta ?
Sosia
E ti ?
Mercurio
Siccome la xè ‘na casa de intersse pubblico, el re ghe fa metere sempre ‘na guardia, ogni note…
Sosia
Bravo… Ma ‘deso te poi ‘ndare a dirghe che i xè tornà quei de casa…
Mercurio
Mi no so quanto ti te sipi de casa, ma se no’ te sparissi suito, caro el me omo de casa, te sarè tratà in modo poco casalingo. (Mostra i pugni)
Sosia
Ciò..! Varda che mi so’ lo s-ciavo in ‘sta casa…
Mercurio
Se no te volti suito i tachi de qua, te ‘riva doso ‘na caretà de bote…
Sosia
Vuto tegner fora de casa sua uno che torna ‘deso de la guera ?
Mercurio
Sarìa la to’ casa ‘sta chi ?
Sosia
Sicuro !
Mercurio
E chi sarisseo ‘l to’ paròn ?
Sosia
El capo de l’esercito tebano… El marìo de Alcmena… Anfitrione !
Mercurio
Senti, senti… E ti come te ciamito ?
Sosia
Mi no me ciamo mai… Ma i tebani i me ciama Sosia, so’ fiolo de Davo…
Mercurio
Stanote te sì ‘riva qua con ‘na sfilsa de busìe, par la to’ sfiga, e co’ un vestìo de truchi…
Sosia
No… So vegnù qua co’ un vestìo de stofa, no de truchi.
Mercurio
E te sì busiaro de novo !
Sosia
Perché ?
Mercurio
Perché te sì vegnu qua coi pìe, no col vestitito.
Sosia
(Dopo un attimo di riflessione) Ma sicuro… Mona !
Mercurio
(Aggredendolo) “Sicuro Mona ?” E alora bécate ‘sto crostolo par la to’ busìa.
Sosia
No…No… No g’ho voja casso !
Mercurio
Come “No g’ho voja” ? (Lo picchia) ? Sto pugno xè tuo sensa dubi…
Sosia
(Urlando) Aiomama ! No… No…
Mercurio
Tuto ‘sto casìn par cussì poco ?
Sosia
Poco ?
Mercurio
Siorsì, POCO ! Xè ancora poco in confronto a queo che te g’ha da capitare… Di chi xè che te si’… (Lo scuote energicamente)
Sosia
Tuo, tuo, tuo… Co’ i to’ pugni te me ghé conquistà ! (Scappa e grida) Aiuto… Tebani…
Aiuteme zente…
Mercurio
(Raggiungendolo e picchiandolo ancora) Te sighi ‘ncora bruto desgrassià ? Dime perché te sì vegnù davanti a ‘sta casa…
Sosia
Par cavarte ‘a spissa de spacare ‘i osi a un poareto !
Mercurio
Alora, chi sito ?
Sosia
Te digo che son Sosia, lo s-ciavo de Anfitrione…
Mercurio
Te ghin ciapi ancora perché te disi cassade ! Son mi Sosia de Anfitrione, e no ti !
Sosia
Magari te fussi ti Sosia e fusse mi a darte !
Mercurio
Te seiti a parlar par gnente ?
Sosia
(Vinto) Taso, taso…
Mercurio
Alora… Chi xelo ‘l to’ paron ?
Sosia
Chi te vui ti…
Mercurio
Che nome gheto ?
Sosia
Queo che te preferissi…
Mercurio
Però te ve’ contando de esser Sosia de Anfitrione…
Sosia
Chi, mi ?
Mercurio
Ti, ti…
Sosia
Gheto la paceca nee recie ? G’ho dito SOCIO de Anfitrione e no SOSIA…
Mercurio
Ah… Voeva ben dire… Qua no ghe xè altro Sosia fora che mi… Te ghè ‘l serveo sbampìo.
Sosia
Fusse capità la stesa roba ai to’ pugni…
Mercurio
Son mi el servo Sosia che te disi de eser ti…
Sosia
(Dopo un attimo di perplessità) Sta’ ‘tento… Lassa che te parla s-ceto… No sta’ a incoconarme…
Mercurio
Te dago un poco de tregua…
Sosia
No, no… Niente tregua… Parlarò solo a PACE FATTA, visto che te ghé i pugni mejio dei mii…
Mercurio
Van ben, va ben… Parla, parla… No te’ farò male…
Sosia
Me posso fidare ?
Mercurio
Sicuro !
Sosia
E se te me ciavi ?
Mercurio
Se me passa par la testa anca solo l’idea de ciavarte, GIURO… Che la rabia del Dio Mercurio la possa cascare su la testa del servo Sosia…
Sosia
(Un po’ perplesso) Bon… Visto che posso parlare liberamente… Sosia… Lo s-ciavo de Anfitrione… Son mi…
Mercurio
(Picchiandolo nuovamente) Ancora te insisti desgrassia’ ? (N.B. Mentre Sosia è a terra dolorante Mercurio gli frega la coppa d’oro che sta nella cassetta e la nasconde)
Sosia
Aiomama… Aiomama… G’ho fato pace… G’avemo fato ‘n accordo…
Mercurio
Ma quae acordo ? Me gheto ciapà par un sonadore ?
Sosia
Casso ! Visto che ti te me ghè ciapà par un tamburo…
Mercurio
Feto ‘ncora lo spiritoso…
Sosia
(Arrendendosi) Fa’ pure queo che te vui visto che te sì pi’ forte de mi… Ma par quanto te fassi, mi sarò sempre quel che son…
Mercurio
‘Sto chi g’ha poche fassine al cuerto…
Sosia
E le tue le xè tute in corte a l’acqua…
Mercurio
(Minacciandolo) Te ofendi anca ?
Sosia
Aiomama ! (S’incattuccia frignando) Ma come..? Non so mi el servo de Anfitrione..?
Mercurio
No !
Sosia
No so’ mi queo che stanote ‘l xè torna’ da la guera ?
Mercurio
No !
Sosia
Quela no xè la nostra casa ?
Mercurio
No !
Sosia
No son mi quelo che xè ‘sta pesta’ a sangue da ‘sto bruto ?
Mercurio
Siii…!
Sosia
Casso se son mi ! E alora, par cossa sto qua impala’ e no entro in casa nostra ?
Mercurio
Come sarìa a dir “Casa nostra” ?
Sosia
Sicuro…! Casa nostra !
Mercurio
Tuto queo che te ghè dito fin ‘deso xè un mucio de busìe perché MI son Sosia. Lo s-ciavo de Anfitrione… Stanote NOIALTRI semo torna’ da la guera… NOIALTRI ghemo ciapà la cità ‘ndove che regnava el re Pterela… Noialtri ghemo sconfitto le trupe dei teleboi…E Anfitrione, co’’e so’ man, in mezo al casìn de la batalia, g’ha fato a tochi el re !
Sosia
(Interdetto) No posso crederghe a le me’ rece... ! El sta contando LU queo che g’avemo fato NOIALTRI..! (Ispirato da un’idea astuta) No, no… ‘speta, ‘speta… Se TI te sì Sosia, dime ‘na roba… Cossa i ghe g’ha regala i teleboi a Anfitrione ?
Mercurio
(Senza esitare) La scuea de oro ‘ndove che bevea ‘l re Pterela !
Sosia
(Colpito) Lo g’ha dito..! E che scuea dove xea ‘deso ?
Mercurio
Drento a ‘na caseta sigilà col sigilo de Anfitrione…
Sosia
Lo g’ha dito..! Ciò, e ‘sto sigilo cosa rappresenteo ?
Mercurio
El sole che nasse…
Sosia
Lo g’ha dito ! Ma come g’avaralo fato a savere tute ‘ste robe ! Ma ‘deso lo ciavo… Queo che g’ho fato tuto solo ne ‘a tenda del me paròn no podarà mai dirlo...! (Ridacchia) ‘Tento… Se te si’ Sosia rispondi… Cossa fasevito ‘nte la tenda de Anfitrione mentre che i soldati i gera drìo a combatere… Se te ‘o sé me arendo.
Mercurio
A g’aveo un gran cagoto par la batalia e alora me son sconto de drio de ‘na bote…
Sosia
Xè drio a dirlo…
Mercurio
Par farme corajo ne g’ho bevùo un bocale…
Sosia
Lo sta disendo…
Mercurio
E dopo… Sicome la paura la gera tanta, e ‘l vin gera fresco e fizantin, pian pian g’ho quasi svodà tuta la bote…
Sosia
Lo g’ha dito… Ma come casso galo fato a savère tute ‘ste robe ? Nol sarà mia sta’ sconto drento dea bote ? El fato xè che g’ho davero bevù meza bote de vin…
Mercurio
Alora ? Te goi convinto che no’ te si’ Sosia ?
Sosia
Alora mi no son più mi ?
Mercurio
E no… Visto che Sosia son MI…
Sosia
Per Giove… Giuro che no digo busìe !
Mercurio
E mi PER MERCURIO giuro che Giove xè massa impegna’ par crederte. El me crede pi’ a mi sensa che giura che a ti anca se te giuri mille volte !
Sosia
(Molto confuso) ‘Scolta… Per piacere… Se MI no son Sosia… Chi sonti ?
Mercurio
Quando MI me sarò stufa’ de esere Sosia, Sosia te podarè eser TI… Ma fin quando Sosia son MI, te ghin ciapi ‘na carga se no te cavi dai pìe… Capìo..? SPASSAURA !
Sosia
(Perso) Ciò… A vardarlo ben, savendo come so’ fato, LU ‘l me someja come ‘na giossa de acqua… I cavéi, le strasse, TUTTO ! Se g’ha anca ‘i ossi scaessa’, LU xè MI ! (Prendendo una decisione eroica e pericolosa) No, no… Mi so’ sempre quel che son sempre sta’ ! Conosso la casa, el paròn, la paròna… MI son MI…! No ‘scoltarò pi’ quel che dise ‘sto busiaro e vao drento casa… (Si avvia)
Mercurio
‘Ndove te si’ drio a ‘ndare ?
Sosia
In casa MIA !
Mercurio
Sta’ ‘tento, CAVARON… Se te continui su ‘sto tono, te te salvi da i me’ pugni solo se te scapi de qua co’ fa un sitòn…
Sosia
Ma no posso contarghe a la paròna queo che me g’ha dito de dirghe el paròn ?
Mercurio
A la TO’ paròna te poi contarghe tuto queo che te vui, ma che te vegni qua, a disturbarme la mia, no’ te ‘o permeto ! Rompeme ‘ncora i maroni e te servo un spessatin de ossi… Capìo, bruto MUSSO ?
Sosia
Capìo, capìo… Vao via… Vao via… (S’inginocchia invocando) Dei…! Ajuteme ! ‘Ndove xè che son morto ? ‘Ndove xè che me son perso ? Che me sia desmentegà de mi sul campo de batalia ? Casso ! Da vivo xè drio a capitarme queo che nessun tenterà de farme dopo che sarò morto ! Tornarò a la nave e ghe contarò al me paròn queo che me xè capità e speremo che gnanca lu me riconossa cussita me trovarò finalmente un omo libero. (Osservando bene Mercurio) Casso… L’è proprio compagno de mi… Preciso… Spua’ ! (Esce)
Mercurio
Visto come che se fa a metere a posto un rompibale ? ‘Deso Sosia andarà dal so’ paròn e ‘l ghe contarà che ‘n altro Sosia lo g’ha parà via de casa… El paròn credarà che Sosia g’abia bevu’ e ghe darà ‘n’altra bea frachetà de bote… Me la spasarò un mucio a meterli in confusion tuti quanti fin quando mio pare no se serà stufa’ de la so’ dona… Ssss…Silenzio per piacere ! La porta del casa xè drìo a verzerse… Eco Giove che ‘l vien fora co’ Alcmena, la mojere ‘n prestio.
Giove
(Esce di casa accompagnato da Alcmena un po’ incinta – Parlando imita la voce di Anfi-trione) Stame ben, sposa… Tien da conto la nostra roba e, par carità, tiente da conto anca ti. Ormai xè ora che nassa el bocia… Me racomando, tirao su ben come che farìa mi…
Alcmena
Ma cossa xè che te obliga a ‘ndartene via cussì de pressa, cocchino mio ?
Giove
De seguro no perché me sia stufa’ de ti e dea casa, par Giove ! Ma xè che quando un capo manca dal so’ esercito, mi lo so, i soldati i fa queo che non dovarìa fare e no queo che andarìa fato… Perché se tutti i fasesse queo che andarìa fato, queo da fare se farìa… Ma sicome quel che andarìa fato nol vien fato, alora no se fa… Capìo ? (Accarezza e coccola Alcmena)
Mercurio
Ma senti come che te intorcola i discorsi… Se invesse de far el Dio el fasesse politica g’avarìa più successo e più fedeli. Vardelo come che ‘l se cocola la so’ Alcmena chel rufian…
Alcmena
Ti te me caressi ma intanto… ‘Deso vedo quanto che te importa de mi !
Giove
Ma no te vedi che te voio ‘na scareta’ de ben ?
Alcmena
Vurìa che te meo fasessi vedere coi fati e no dirmeo a paroe.. No te ghè gnanca fato ora a scaldar el leto e varda, ti te ve’ via e so’ de novo mi da sola…
Giove
‘Scolta Alcmena, te lo g’ho za dito… Te si’ l’unica par mi…
Mercurio
(Piano a Giove) Se Giunone la savesse i to’ imbroji te preferiressi essere Anfitrione invesse che Giove.
Giove
(Stando al gioco) Cossa c’entrito ti ne ‘e me robe ? Vuto che te scavessa el colo, canaja ?
Alcmena
Cocchino… Te sì ‘riva’ a casa che gera mezanote pasa’… El sole g’ha ‘ncora da spuntare e te voi za lassarme… No xè mia belo cussita… (Giove resta interdetto)
Mercurio
Ecco, ecco… El padre degli Dei xè in dificoltà… No xè bon a tenerghe testa a le ciacole de le done… Sarà mejo darghe ajuto. (Ad Alcmena) Par Diana, paròna, no credo che ghe sia al mondo on altro cusì taca’ a so’ mojere come lu ! Ma no te vedi che ‘l te more drìo ? Che co’ te sta visin el se fa tuto molo, molo…
Giove
(c.s.) Guai a ti se te verzi ‘ncora boca, ramengo ! Par tornare a nojaltri, Alcmena, te prego, no stare a ‘rabiarte… So vegnù a trovarte de sfroso da l’esercito par poder stare con ti e contarte de le mie imprese… Posso voerte pi’ ben de cusì ? Ma ‘deso però bisogna che torna alla nave ‘vanti che se acorza che manco. No vorìa che disesse che meto la mojere davanti al dovere…
Alcmena
(Frignando) Eco… Te torni dai to’ soldati e te me lassi qua a pianzere…No xè belo, cocchino mio..!
Giove
Bona… Bona… Bona… E bona, no ! Se te seiti a pianzere te me fe’ crepare el core ! Te prometo che tornarò presto.
Alcmena
Anca l’ultima volta te ghe dito che te sarissi torna’ presto, ma par ti presto vol dir tardi che no se sa mai quando… Sta’ ‘ncora ‘na s-cianta co’ mi, deiiii cocchino mio….!
Giove
Ma par cossa te zerchi de straviarme dal dovere ? No te vedi che xè ora che vaga ? G’ho da rivare al porto ‘vanti che vegna ciaro. Ma prima de ‘ndar via, Alcmena, varda cosa che te regalo. (Si fa dare da Mercurio la coppa d’oro rubata a Sosia e gliela porge) ‘Sta scuea che i teleboi me g’ha regala’ per i me’ meriti de guera… Ghe bevea drento el re Pterela che g’ho copa’ coe me man… Ciapala… Dai… La xè de oro massiccio.
Alcmena
(Prendendo la coppa) Ecco… Semo a le solite ! Te vien qua ‘na note, te me porti in leto, te me dopari e po, a la fine, te me de’ dea roba de oro. Bei regai ! Giusti pa’ un putaniere.
Mercurio
E ela che li ciapa cosa xela ?
Giove
Insoma, ghe moito si o no ? Vuto che te copa, disgrassia’ ? (Sta per dargli un calcio)
Alcmena
Anfitrione… Cocchino mio… No stare a ciapartela co’ Sosia par colpa mia.
Mercurio
Va ben che l’amore fa ‘ndare via de testa, ma quel che xè massa, xè massa !
Alcmena
(Vezzosa) Anfitrione, cocchino mio, vojo che te me voji sempre ben, ben, ben…
Giove
Ma sicuro !
Alcmena
(Parte e poi ritorna) Anfitrione, cocchino mio, anca se distante da ti sarò sempre tutta tua, tua, tua…
Giove
Tutta ?
Alcmena
Tutta !… Anfitrione, cocchino mio, stanote te me ghe dopara’ da Dio…
Giove
Vero ah …! (Alcmena rientra)
Mercurio
(Facendo il verso ad Alcmena) Anfitrione, cocchino mio… Bisogna che ‘ndemo e che te
ordeni ala note de ‘ndare ‘n leto…
Giove
Giusto..! (Invocando la notte) Note… G’ho fato… Te poi far posto al giorno; e ti, giorno, visto che la note la xè sta’ cussì longa, scurtate un poco, tanto par compensar la diferenza… Bon lavoro…
(Musica dolcissima – Lentamente la notte lascia posto al giorno. Giove e Mercurio stanno ad ammirare lo spettaclo poi si scuotono)
Giove
Dai, vienme drio…
Mercurio
Vegno, vegno…
Giove
Te sì proprio ‘na gran canaja…
Mercurio
Ma parché po’ ?
Giove
Parché… Parché… (escono)
(N.B. Dalla freccia all’uscita, Giove e Mercurio, reciteranno le loro battute a dissolvenza incrociata assieme a Sosia e Anfitrione che entreranno dalla parte del pubblico e che, fino alla fine della sequenza, recitaranno camminando in Platea come se quello fosse il percorso dalla nave alla casa)
Anfitrione
Dai, vienme drio…
Sosia
Vegno, vegno…
Anfitrione
Te sì proprio ‘na gran canaja !
Sosia
Ma parghé po’?
Anfitrione
Parché, parché… Perché te me conti queo che no xè, che no xè sta’, che no podarà mai essere…
Sosia
Eco… Ghe risemo ! Te si’ ‘l solito sospetoso…
Anfitrione
Cossa vurissito dire con questo ? Desgrassia’, vuto che te cava chea lenguassa ?
Sosia
Paròn, son tuo, te poi far de mi quel che te vui, ma anca se te me tiri el colo, no te podarè mai farme dire ‘l contrario de quel che xè !
Anfitrione
Vuto farme credere che in ‘sto momento te sì qua co’ mi e anca drento in casa ?
Sosia
Questa la xè proprio la verità.
Anfitrione
Imbriagòn… Bon da gnente… Suca da mas-ci ! Vuto tore in giro mi, el to’ paròn ? Gheto ‘l coraio de siitar a contare queo che nesun g’ha mai poduo vedare a ‘sto mondo e che no poe esere: che lo stesso omo el staga neo steso momento i posti diferenti..!
Sosia
Te g’ho dito la verità e son sicuro de queo che te g’ho dito.
Anfitrione
Che Giove te fulmina, maledeto !
Sosia
Ma perché te me maedissi… Cossa te gonti fato de mae..?
Anfitrione
E te meo domandi, cancaro ? Te me cojoni !
Sosia
Ma no, no te cojono, giuro ! Davanti casa ghe g’era ‘nantro Sosia !
Anfitrione
Sito spolpo, si ?
Sosia
Magari !
Anfitrione
Te vurissi essere queo che te sì !
Sosia
Chi, mi ?
Anfitrione
Ti, ti… Dove sito ‘nda’ a ‘mbriagarte ?
Sosia
In nesun posto… (Categorico) Davanti casa ghe gera ‘n antro Sosia !
Anfitrione
Se te seiti cussì te capita ‘na disgrassia su la schena !
Sosia
Ma parché ?
Anfitrione
Parché no te ghè fato queo che te g’ aveo comanda’ e par zonta te me toi pal culo ! A mi, al to’ paròn… A g’ho voja de darte ‘na pasada..!
Sosia
La forsa bruta e la violensa no le podarà mai sarar la boca a la verità.
Anfitrione
Ma sta’ ‘tento, pacifista col servèo de gaina, spiegame come pol esser posibile che te sipi qua a parlar co’ mi e anca drento casa ?
Sosia
Epure so’ qua e anca ‘n casa… E ‘sto fato me maraveja anca mi !
Anfitrione
Ma cosa disito, simpio ?
Sosia
Te digo che de ‘sta storia no capisso gnente gnanca mi ! Prima no podeva credere ai me’ oci ma dopo MI, quel MI che ‘deso son drento casa, el m’ha fato convinto ! El me g’ha contà par filo e par segno tuto queo che g’avemo fato sul campo de bataglia…El xè fato compagno de mi… Le so’ strasse le xè compagne de le mie… Te ricordito quando stanote te me ghe ordenà de ‘ndare a casa da la parona ? Te ricordito ?
Anfitrione
E alora ?
Sosia
Alora mi son sta’ tanto svelto che ‘ncora ‘vanti de ‘rivare, gero za’ davanti dea casa a spetarme.
Anfitrione
Ma cossa disito ? No te vedi che te fe’ ridere tuti ? Ma che bae xele ‘ste qua ? O te si’ ‘mbriago o te g’ha risegà la man de ‘na strìa.
Sosia
No so se fusse de ‘na strìa, ma la man che te disi no la me g’ha risegà… La me g’ha incocona’ co’ ‘na fraca de pache !
Anfitrione
Chi g’ha vudo l corajo de dar pache a un me’ servo ?
Sosia
Mi…
Anfitrione
Ti ?
Sosia
Si, ma no el MI che son qua con ti, quel Mi che ‘deso son drento casa… L’altro Sosia.
Anfitrione
Ma de quale Sosia parlito ?
Sosia
Chel MI che sont’in casa… L’altro Sosia !
Anfitrione
Con ti de servi Sosia ne g’ho che basta e avansa.
Sosia
E invese mi te digo che quando te entrarè ‘n casa te trovarè ‘naltro MI, fiolo de ‘o steso pare e s-ciavo de ‘o steso paròn !
Anfitrione
Te ciapasse ‘l colera ! Ma cosa contito ? E me mojere, almanco, la gheto vista ?
Sosia
Ma come podea se LU no me g’ha lassà vedarla !
Anfitrione
Chi no te g’ha lassà ?
Sosia
MI… Chealtro… Que MI che ‘deso son drento casa…
Anfitrione
G’ho capìo ! Te ghè bevùo, te ghè dormìo, e te te sì insogna’ tuto.
Sosia
No… No g’ho bevù e no g’ho sogna’ ! Gero sveio quando che g’ho visto chealtro MI, come so’ svejo ‘deso che te vedo TI… E quando che me g’ha tira’ chea tempesta’ de pache ‘l gera svejo anca lu.
Anfitrione
(Spazientito) Lu chi ?
Sosia
(Anche lui) CHEALTRO MI ! No te capissi un casso, CASSO !
Anfitrione
(Cercando di prenderlo a calci) No che no capisso, bestion..! Te me conti un casìn de bae che no se pol capire !
Sosia
Te te acorzarè come sta ‘e robe quando se rivarà ‘n casa e coi to’ oci te vedarè l’altro Sosia…
Anfitrione
‘Deso ghe penso mi a metere in ciaro ‘sta storia… Vienme drìo, bon da gnete…
Sosia
Vegno… Vegno… (escono brontolando)
Bromia
Cossa xè mai a ‘sto mondo i piaseri e le felicità che se prova quando i se confronta coi dispiaseri…
Alcmena
Xè i Dei che i comanda che par ogni momento de gioia che se vive ne capita anca un fiantin de tristessa.
Bromia
Fiantin de tristessa ? Mi g’ho vudo la fortuna de godere qualche volta, ma suito dopo me xè casca’ in testa ‘na frachetà de rogne…
Alcmena
E mi ? Me marìo me g’ha da’ la sodisfassion de vegnere in leto co’ mi, ma ‘vanti che fusse ciaro, el g’ha dovu’ lassarme.
Bromia
Poareta..! Te sarà sembra’ d’eser entrà i vedovansa…
Alcmena
Beh, cussì no proprio, però so sta’ più male quando xè partìo che ben quando ‘l xè ‘riva’.
Bromia
Però ‘l xè ‘riva’ glorioso, da vincitore…
Alcmena
Ah si, ciò… E staga pur lontan se ‘l me porta a casa vitorie, glorie e trionfi. Mi soportarò rasegna’ la lontanansa finché me porta a casa scuee de oro.
Bromia
Co’ la gloria e le scuee de oro sarà ricompensa’ el dispiasere de la lontanansa.
Alcmena
Par ‘na dona onesta do g’ha da eser le cose più care al mondo : La gloria del so’ omo e la so’ virtù…
Bromia
La virtù ?
Alcmena
La virtù sora de tuto… Patria, Dei, Libertà, Gloria… Tute bele robe, ma la virtù da sola la xè più de tuto…
Bromia
(Scettica) Mah !
(Entrano Sosia e Anfitrione)
Anfitrione
No xè possibile !
Sosia
Si te digo… El MI che ‘l gera in casa me g’ha contà tute le robe che g’avemo fato…
Anfitrione
Te bei massa !
Alcmena
Me marìo ? Xelo tornà… El diseva de avere ‘na gran pressa…
Bromia
No se fiderà dea to’ virtù !
Alcmena
Sito sema ?
Bromia
Voio dire che ‘l vorà meterte a la prova.
Alcmena
E alora ghe farò vedare quanto son contenta che ‘l xè torna’.
Sosia
(Vedendo Alcmena MOLTO incinta) Paròn… Semo rivà tardi par magnare… To’ mojere la g’ha d’avere svoda’ ‘a dispensa…
Anfitrione
Perché ?
Sosia
Varda che pansa piena che la g’ha !
Anfitrione
Bauco ! ‘Vanti de partir par la guera la g’ho mesa incinta.
Sosia
(Contando i mesi) Porca boia ! Semo ‘riva’ proprio pa sentire sigare ‘l fantolin.
Anfitrione
No spaurarte ! A ti no te romparà le bae de seguro.
Sosia
Speremo.
Anfitrione
(Ad Alcmena) Ecome qua, cara sposa ! So’ ‘pena tornà da la guera cargo de gloria…
(Alcmena lo guarda un poco interdetta) Me spetavito ?
Sosia
Uno così ‘spetà no lo g’ho mai visto. Lo trata co’ fuse un can.
Anfitrione
So’ contento de vederte tuta piena in ‘sta maniera…
Anfitrione
Dai… No ciaparme par le berte…
Anfitrione
E par cossa dovarìa farlo ?
Alcmena
Perché te me saludi come se fusse un anno che no te me vedi, come che fusse ‘deso che te torni da la guera, e come se stanote no se se fusse za’ incontra’.
Anfitrione
De siguro, oncò, no te g’ho mai visto ‘vanti de adeso.
Alcmena
Par cossa te disi de no ?
Anfitrione
Perché fin da bocia i me g’ha insegna’ a dire la verità.
Alcmena
E te fe’ mae a desmentegarte queo che te ghè imparà da bocia…
Anfitrione
No capisso…
Alcmena
No capisso, no capisso…! Invese mi capisso che no te si’ torna’ da i to’ soldati come che te disevi poco fa.
Anfitrione
Poco fa ? E vuto dirme quando sarìa sta’ ‘sto poco fa ?
Alcmena
Ma poco fa, no ? Prima… Quasi ‘deso…
Anfitrione
Poco fa… Prima…Quasi ‘deso… Cossa vuto dire ?
Alcmena
Ciò, credito che g’abia voja de schersare come che te fe’ ti ?
Anfitrione
Mi no scherso mai !
Alcmena
E alora par cossa te voi farme credere d’esere ‘pena ‘riva’ ?
Anfitrione
Perché so’ ‘pena ‘riva’ !
Alcmena
Ma se te si’ partìo ‘deso…!
Anfitrione
(A Sosia) La se g’ha insogna’ e la sogna ancora !
Sosia
Quando uno ‘l sogna vol dir che dorme… Paròn, to’ mojere la dorme coi oci verti e in pìe co’ fa i cavai !
Alcmena
No sogno e no dormo proprio par gnente ! E no me so’ insognada gnanca quanto g’ho visto ti e cher lì ‘ndar via de casa stamatina presto.
Anfitrione
Ciò, femena… Dove xè che te me g’avaressi visto ?
Alcmena
Qua, in casa !
Anfitrione
Ah, no, ciò… Questo no pol esere !
Sosia
Paròn, no podarìa esere che fin che dormivimo, la nave ne gapia porta’ fin casa senza che se incorzesimo ?
Anfitrione
Te metito da la so’ parte anca ti ?
Sosia
Quala parte ? Par mi xè mejo darghe rasòn, perché la xè mata !
Anfitrione
Maché mata ! ‘Sta femena no la se g’ha gnanca degna’ de saludarme co’ so’ ‘riva’ e ‘deso la me sente !
Sosia
Sta’ ‘tento che te meti le man ‘n ‘t’un gnaro de brespe !
Anfitrione
Tasi ! (Ad Alcmena) Senti, Alcmena, ‘asa che te fassa ‘na domanda…
Alcmena
So’ qua, dime tuto !
Anfitrione
Cossa te salta in mente ? Sito diventa’ sema ?
Alcmena
Come te permetito de dirme ‘na roba del zenere davanti ai servi ?
Anfitrione
Perché ‘na volta, quando che tornavo da la guera, te me vegnevi incontro tuta contenta, te me fasevi festa, te me disevi bee paroete… Stavolta torno e te me trati co’ ‘na pessa da pìe !
Alcmena
(A Bromia) Bromia, disi… Ieri sera co ‘l xè ‘riva’ no lo g’ho saluda’ ? No ghe g’ho buta’ i brassi al colo ? No gero tuta contenta ? No lo g’ho basa’ ? (Bromia annuisce)
Sosia
Paròn, g’ho sempre sperà che to’ mojere la te fasesse un fiolo, ma no xè de un fiolo che la xè piena…
Anfitrione
De cossa alora ?
Sosia
De matita’ !
Alcmena
(Molto nervosa) Mi no son mata, capìo ? Sto ben, e prego ‘l cielo de poder scuelare ‘sto fiolo in pase ! Anfitrione… Te lassi che un peocioso de servo me ofenda in ‘sta maniera ? E ti, Sosia, vergognate ! Se me’ marìo nol sa quale che ‘l sia el so’ obligo, spero che dal cielo te ‘riva ‘doso ‘na bea scaretà de colpi su la schena...!
Sosia
Ancora ?
Anfitrione
Basta ! Che la sia finìa ! Insoma, femena… Ieri sera te me gavarissi visto qua in casa ?
Alcmena
Si, si, si… Mile volte si !
Anfitrione
In sogno ?
Alcmena
Nooo ! Gero sveja… E anca ti te geri svejo… E come !
Anfitrione
Come xè posibile che ieri sera mi sia sta’ qua se so’ ‘riva’ al porto stanote ? Se g’ho dormio e sena’ su la nave…
Alcmena
No, caro… Te ghè sena’ co’ mi…
Anfitrione
Te digo de no !
Alcmena
Si invese ! E te ghé anca dormìo co’ mi…
Anfitrione
Ma cossa disito ?
Alcmena
Te digo che te ghè sena’ e dormìo co’ mi ! E stamatina, a bon’ora te si’ ‘nda’ via de casa.
Anfitrione
Mi ?
Alcmena
Ti, si, ti ! Te me ghè anca contà che te ghè conquista’ la citta’ dei teleboi, che te ghè fato fora el re coe to’ man…
Anfitrione
Mi te g’ho conta’ ‘ste robe ?
Alcmena
Siorsì… E ghe gera anca Sosia quando te me ‘o contavi.
Anfitrione
Cio’ Sosia…Me gheto sentìo contare ‘ste cose onco’ ?
Sosia
No, onco’ NO ! Ma i altri giorni, cio’, do maroni !
Alcmena
Anfitrione, faghe dire la verità a chel desgrassia’
Anfitrione
Sosia… Punta l’ocio da mi e disi la verità. Me gheto sentìo contare queo che la dise ?
Sosia
Nooo ! Ma se da quando semo partii par la guera xè la prima volta che la vedo !
Anfitrione
Alora, femena… Gheto sentìo ?
Alcmena
Altroché… G’ho sentìo che ve si’ appatta’ ! Sosia, vergognete ! Te savevo ‘mbriagon, ma no busiaro !
Anfitrione
E cussi no te credi né a lu né a mi che son to’ marìo ?
Alcmena
No, caro cocchino… Credo pi’ a queo che vedo co’ i me’ oci !
Anfitrione
Ma come feto a dire che so’ vegnù qua ieri sera?
Alcmena
Ti pitosto… Come feto a dirme che no te si’ vegnù a casa se te g’ho visto mi ?
Anfitrione
No, no, no… Te digo che so’ ‘pena ‘riva’ !
Alcmena
E mi te digo che te s’ ‘nda’ via ‘deso.
Anfitrione
Nooo! Nego e stranego
Alcmena
E par cosa no’ te neghi e straneghi anca d’averme regala’ la scuea de oro ‘ndove che bevea ‘l re Pterela ?
Anfitrione
(Interdetto) Nego… G’aveo inamente de regalartea, ma no lo g’ho ‘ncora fato !
Alcmena
Vuto che te ‘a mostra ?
Anfitrione
Ah si, ciò… Vojo proprio vederla…
Alcmena
Bromia, porta chi la scuea de oro che me’ marìo me g’ha regala’ stamatina. (Bromia esce per eseguire) Te vedarè, te vedarè…
Anfitrione
Sosia, se la g’ha davero la scuea me tajo la lengua…
Sosia
Ma come vuto che fassa a ‘verla se la scuea la xè sarà drento a ‘sta caseta e la caseta la xè sigillà col to’ sigilo ?
Anfitrione
E ‘l sigilo xè ‘ncora bon ?
Sosia
Varda coi toì oci… (Gli mostra la cassetta)
Anfitrione
Benon ! Xè ‘ncora come che lo g’ho fato mi !
Sosia
‘Scoltame mi, paròn… To’ mojere la xè spirità… Bisogna che te fassi colcossa !
Anfitrione
Ah de seguro bisognarà… La g’ha ‘l morbin ‘n doso.
(Bromia rientra con la coppa e la consegna ad Alcmena che la mostra al marito)
Alcmena
Toh… Varda ! Xea o no xea la scuea che te g’ha regala’ i Teleboi ?
Anfitrione
Sosia… Pareciame suito, suito ‘l cavalo ca g’ho d’andare a fare ‘na bea sgropa’ par
s-ciararme le idee…
Sosia
(Indicando la cassetta) Ma la scuea la g’ha da eser chi drento…
Anfitrione
Verzila, svelto, verzi chea caseta che vojo controlare…
Sosia
Speta… ‘Vanti de verzere controlla ben el sigilo ! No vurìa che dopo nasesse storie…
Anfitrione
Verzi… BUROCRATE ! Verzi ‘vanti che ‘sta femena la fassa diventar tuti mati !
Alcmena
Ma senti che corajo ! Si’ vojaltri invesse che me fe’ diventar mata a negare la verità ! No la xè questa la scuea del re Pterela…
Sosia
(Dopo avere aperto e controllato, grida) Nooo !
Anfitrione
Cosa ghe xè ?
Sosia
La scuea no ghe xè pi’ ! La xè sparìa !
Anfitrione
E ‘ndove xela ?
Alcmena
Ecola chi ?
Anfitrione
E ti ‘ndove la gheto trova’
Alcmena
Te ‘a me ghé da’ ti !
Sosia
FERMI TUTI ! Un momento… Anfitrione, disi la verità… Te me ste’ toendo pa’ ‘l culo ? Ti, stanote, tuto solo e de scondon, te ghè roto ‘l sigilo, te me ghè ciava’ la scuea, te si’ vegnù a casa e te ‘a ghè da’ a to’ mojere !
Anfitrione
Ciò, ebete ! Anca ti te ste’ drio a la matita’ de ‘sta femena ? (Ad Alcmena) Alora, femena… Ti te si’ proprio sicura che jeri sera noialtri semo vegnui chi ?
Alcmena
Si, caro Ciccino..! E ‘pena ‘riva’ te me ghè saluda’ e basa’…
Sosia
‘Sta storia del baso la spussa de corni..! (Sosia e Bromia ridacchiano)
Anfitrione
(A Sosia) FINISSEA ! E ti Bromia va’ drento casa… Suito ! (Ad Alcmena con sufficienza) E dime, cara… Cossa gonti fato dopo che te g’ho saluda’ e basa’ ?
Alcmena
Te te si’ lava’…
Anfitrione
E dopo...?
Alcmena
Te ghè sena’ e dopo te te si’ buta’ in leto…
Sosia
Paròn… Moeghe de far domande perché g’ho paura che te te trovi in testa un paro de cioati che no va ben…
Anfitrione
Tasi, servo de ‘a maora…Va’ ‘vanti femena… Disevito ?
Alcmena
Disevo che te te si’ buta’ in leto… E mi con ti…
Anfitrione
Ne ‘o steso leto ?
Alcmena
Ne ‘o steso leto !
Anfitrione
E… G’ho fato ?
Alcmena
(Con un gesto eloquente) Uhhhh ! Gnanca te riconossea !
Anfitrione
(Urlando) Ahhh..!
Sosia
Paròn, cossa gheto ?
Anfitrione
I corni !
Sosia
Te ‘o disevo che i te sarìa spunta’ !
Anfitrione
La me g’ha meso i corni… La me g’ha sdisonora’...!
Alcmena
Ciò, Ciccino deficiente… ! Cossa te vien in testa ?
Anfitrione
Te me toi anca pa’ ‘l culo ? No te vergogni ?
Alcmena
Ma quale vergogna ? Se so’ sta’ con ti ?
Anfitrione
Co’ mi te si’ sta ?
Alcmena
Si, co’ ti… Co’ ti…!
Anfitrione
Bruta busiara e disonesta ! Xè meio che te sari la boca e che te ve’ a ‘sconderte !
Alcmena
Te giuro su Giove e su Gionone che protege le femene e le so’ fameje, che no so’ mai sta’ co’ nisun se no con ti !
Anfitrione
Fusse vero !
Alcmena
Xè vero… Xè vero… XE VERO ! (Piange arrabbiata)
Sosia
Paron… Me xè vegnù inamente ‘na roba che la spiegarìa tuto… No podarìa esere che, come ghe xè ‘n antro Sosia, ghe sia anca un altro Anfitrione che ‘l fa tute le tue veci ?
Anfitrione
Gnanca a sognarse ! Mi invese penso che ghe sia qualchedun che g’abia stria’ ‘sta femena.
Alcmena
G’ho dito la verità… Giuro !
Anfitrione
Te ghé anca el corajo de zurare ?
Alcmena
G’ho ‘l corajo che g’ha da ‘vere ‘na femena onesta !
Anfitrione
Basta ! Basta… So’ fora de mi !
Sosia
Xè fora de lu…
Alcmena
Anca mi son fora de mi !
Sosia
Anca ela la xè fora de ela ?
Anfitrione-Alcmena
No… Mi son fora de mi…
Sosia
I xè tuti do’ fora de lori…!
Anfitrione
Sosia…
Sosia
Cosa ghe xè ‘ncora ?
Anfitrione
Ti, almanco, me conossito ?
Sosia
Un pocheto !
Anfitrione
E chi sonti ?
Sosia
El me paròn…
Alcmena
Queo che xè vegnù in leto co’ mi !
Anfitrione
No… Par Giove !
Alcmena
Si… Par Diana !
Sosia
Fe’ manco casin… Par Bacco !
Anfitrione
No, no, farò de tuto… Ma proprio de tuto par metere ‘n ciaro ‘sta storia !
Alcmena
Te me farè un gran piacere !
Alcmena
Te portarò chi Naucrate, to’ cugino… El g’ha viajia’ co’ mi su la nave. Se anca lu me da’ rason e queo che te conti no xè vero, sito d’acordo che divorsiemo ?
Alcmena
Se te me trovarè ‘n colpa no g’avarò gnente da dire !
Anfitrione
Bon… Sosia, tegnea de ocio ! Mi vao al porto e torno suito chi co’ Naucrate !
(Anfitrione se ne va – Alcmena rientra in casa sbattendo la porta – Si sentono grida… Rumore di piatti rotti…)
Sosia
(Al pubblico) Se mete mae… Se mete mae… Se volì veder come che ‘l va a finire ‘sto casin, dene diese minuti de pausa…
FINE PRIMO TEMPO
SECONDO TEMPO
(Pantomima a soggetto : Alcmena ‘ decisa a lasciare la “commedia” tenta di andarsene di casa con il suo fagotto. A turno alcuni personaggi cercano di convincerla a restare ma lei è irremovibile – Si sentono grida dall’interno della casa.)
Sosia
Se mete mae… Se mete mae…!
Alcmena
(Uscendo nuovamente di casa) Basta, basta ! Non ne poso più ! Mi drento a ‘sta comedia no g’ho più voja de starghe !
Mercurio
Tasi… Vien drento, fame ‘sta carità ! No te vedi che ghe xè tuta la zente che varda ?
Alcmena
No me interesa gnente de la zente a mi…
Mercurio
Dai, dai, vien drento… Vien drento… (la riporta in casa)
Sosia
Se mete mae… No so se finimo ‘sta comedia… !
Bromia
Se mete mae… Se mete mae…!
Alcmena
(Uscendo nuovamente di casa) Basta, basta ! Non ne poso più ! Mi drento a ‘sta comedia no g’ho più voja de starghe !
Bromia
Tasi… Vien drento, fame ‘sta carità ! No te vedi che ghe xè tuta la zente che varda ?
Alcmena
No me interesa gnente de la zente a mi…
Bromia
Dai, dai, vien drento… Vien drento… (la riporta in casa)
Sosia
Se mete mae… Se mete proprio mae… No so mia se finimo ‘sta comedia… !
Anfitrione
Se mete mae… Se mete mae…!
Alcmena
(Uscendo nuovamente di casa) Basta, basta ! Non ne poso più ! Mi drento a ‘sta comedia no g’ho più voja de starghe !
Anfitrione
Tasi… Vien drento, fame ‘sta carità ! No te vedi che ghe xè tuta la zente che varda ?
Alcmena
No me interesa gnente de la zente a mi…
Anfitrione
Dai, dai, vien drento… Vien drento… (la riporta in casa)
Sosia
Se mete mae… G’ho paura che no la fino ‘sta comedia chi…!
Giove
Se mete mae… Se mete mae…!
Alcmena
(Uscendo nuovamente di casa) Basta, basta ! Non ne poso più ! Mi drento a ‘sta comedia no g’ho più voja de starghe !
Giove
Tasi… Vien drento, fame ‘sta carità ! No te vedi che ghe xè tuta la zente che varda ?
Alcmena
No me interesa gnente de la zente a mi…
Giove
Dai, dai, vien drento… Vien drento… (Cerca di riportarla in casa)
Alcmena
G’ho dito de no !
Giove
Dai, vien drento che parlemo…
Alcmena
Cossa vuto parlare… Cossa vuto parlare ? No ghe xè più da parlare ormai…
(Alcmena rientra con Giove – Lungo silenzio – Sosia, dall’esterno, bussa alla porta e grida)
Sosia
Aora ! La finimo ‘sta comedia si o no ?
(Esce Mercurio e allontana Sosia con pessime maniere… Dopo di che entra Giove e si rivolge al pubblico)
Giove
Son’ chi par darve ‘na bona notissia ! G’avemo fato ‘na riunion e g’ho deciso che xè mejo che finimo la comedia che ghemo scominsia’. Mi, a dire ‘l vero sarìa qua anca par darghe ‘na man a la pora Alcmena che ormai tuti i crede che la gabia meso i corni a so’ marìo. Dopo tuto ‘l casìn che g’ho impiantà su, sarìa davero un desgrassia’ se no’ sercasse de sbrojare un poco la matassa che g’ho ingropa’ ! Zercarò almanco che Alcmena la se posa sgravare de ‘sto bocia sensa star mae e che tuta la storia la vegna mesa in ciaro…
Alcmena
(Esce di casa piangendo disperatamente) Mi drento a ‘sta casa non ghe sto pi’ ! I me manca de rispeto, i me dise su de tuto, e par zonta i viene anca a dirme che g’ho messo i corni a me’ marìo… Torno da me mama !
Giove
Bisogna proprio che ‘a ferma.
Alcmena
Cussì no poso pi’ vivere ! O ‘l me domanda scusa in zenocio o vao da me mama e ‘o lasso impiantà !
Giove
Senti, Alcmena, vurìa parlare un poco con ti…
Alcmena
Vardelo lì che disgrassia’ che ‘l me trata come una poco de bon ! (Gli gira le spalle)
Giove
Ma par cossa te me ziri le spale…
Alcmena
Mi no’ parlo coi nemisi !
Giove
Nemisi ?
Alcmena
Nemissi, nemissi… Vurissito dirme che anca ‘deso digo busìe ?
Giove
Te ‘a ciapi massa… (Fa per accarezzarla ma Alcmena reagisce con un ceffone)
Alcmena
Tien zo’ chele manasse, capìo ? E cussì mi me ‘a ciaparìa massa ?
Giove
Dirìa…
Alcmena
Ma sito semo del tuto ?
Giove
Parché ?
Alcmena
Parché se te g’avessi el serveo a posto no te te saressi mai insogna’ de ofenderme. Ma sicome te ‘o ghé fato, de sicuro te ghè da esere ‘l piì semo de tuti i semi… Capìo ?
Giove
‘Dai… ‘Ndemo, Alcmena..! Pol darsi che me sia sbalià… De sicuro so’ sta’ tanto mae co’ te g’ho vista cussì rabia’ che so’ torna’ par scusarme co’ ti. Me dispiase de tute le brute paroe che te g’ho dito…
Alcmena
E par cossa te le ghé dite alora ?
Giove
Per meterte a la prova, no ? Volea vedere come te g’avarissi ciapa’ le mie parole… Ma credeme, g’ho fato par schersare…
Alcmena
E mi no te credo…
Giove
Se no te fidi domandeghe a Sosia…
Alcmena
Par carità… No sta’ a parlarme de Sosia perché se ‘o vedo ghe cavo i oci..! Perché me cugino Naucrate no ‘l xè vegnù con ti ? No te dovevi ‘ndare a ciamarlo ?…
Giove
Te ‘o g’ho dito… G’ho schersa’…
Alcmena
Schersa’ ? Mi g’ho ancora el magòn par le to’ paroasse.
Giove
Dai, Alcmena… Te prego… IN ZENOCIO… E smoete un poco, no ?
Alcmena
La me’ virtù te g’ha sarà la boca, vero ? Mi me so’ sempre tegnùa lontana dai imbroji e da le sporcarie e vojo farlo ‘ncora ‘deso. Vao via ! Torno da me mama… Te saludo… Tiente la to’ roba che mi me tegno la mia… Vuto almanco ciamare qualcun che me ‘compagna ?
Giove
Parlemone un poco !
Alcmena
Se nissun me ‘compagna me farò acompagnare da la mia virtù.
Giove
Fermate, per piacere ! Varda… Giuro su chi che te vui, che par mi te sì la pi’ onesta de le done, e se digo ‘na busìa, che Giove stramaedissa Anfitrione !
Alcmena
No… No’ sta’ a dir cussì ! Speremo che Giove te daga sempre la so’ protession…
Giove
Credo ben che ‘o farà… Sito ‘ncora rabià co’ mi ?
Alcmena
Beh… ‘Somma ! ‘Deso un poco manco.
Giove
Te fe ben. Vedito sposa… Nea vita dei omeni capita un poco de tuto… Se g’ha piaseri e dispiaseri, se barufa e se fa pace… Ma po’, quando se ritrova l’acordo, se se voe pi’ ben de prima.
Alcmena
Si, si… Però tute chele brute paroe che te me ghè dito, te podevi anca no dirle… (Giove le fa cenno di tacere) Va ben, va ben… Sto bona.
Giove
G’ho da fare sacrificio ai Giove per il trionfo che me g’ha regala’ in guera…
Alcmena
E mi lo ringrassierò con ti, cocchino mio.
Giove
Per piacere, fame ‘pareciare tuto queo che ocore… Dighe a Sosia che ‘l vegna qua che g’ho da mandarlo su la nave per dirghe al timoniere Naucrate che ‘l vegna a magnare qua a casa… Gheo g’avea promeso… Per piacere, Alcmena, parecia tuto puito…
Alcmena
Ghe penso mi, cocchino mio.
(Si fanno carezze e smancerie- Sosia entra circospetto… Li vede… Si avvicina)
Sosia
Ah… G’avì za’ fato pace ?
Giove
Beh ? Cossa ghe xè de strano ? Te se’ ben che g’avemo fato par scherso…
Sosia
Per scherso ?
Giove
G’avemo meso tuto in ciaro e fato la pace.
Sosia
Benon…
Giove
‘Deso mi vao con la paròna a ‘pareciare un sacrificio ai Dei come che g’ho promeso… Ti va’ a la nave e dighe a Naucrate che ‘l vegna qua a casa a disnare.
Sosia
E mi ?
Giove
Ghe sarà da magnare e bere par tuti… Servi e paròni…
Sosia
Bon… Vao a la nave e torno in un lampo…
Giove
Fa’ presto !
Sosia
(Uscendo) Son za’ drìo a tornare…
Alcmena
E mi vao a ‘pareciare queo che ocore..
Giove
Brava… E varda de pareciare puito…
Alcmena
Fidate de mi… Ti ‘riva quando che te voi… Mi farò prestissimo ! (Entra in casa)
Giove
(Al pubblico) ‘Sti pori omeni e ‘ste pore done… Li g’ho crea’ proprio par farse ciapare par el dedrìo…! (Chiama Mercurio) Sosia… DIVINO Sosia… Mercurio…
Mercurio
(Dal fondo della sala) Me gheto ciama’ ?
Giove
Tre volte g’ho ciama’ Sosia
Mercurio
Pensava che te ciamassi queo vero…
Giove
E lo g’avaria ciama’ DIVINO ?
Mercurio
Si… Perché ‘l beve masa !
Giove
No sta’ a fare il cretino… ‘Scoltame…
Mercurio
So’ tuto recie.
Giove
Anfitrione xè ‘nda al porto a zercare Naucrate ma mi no ghe lo g’ho fato trovare… ‘Deso xè drìo tornare a casa… Tegneo lontan de qua el pi’ possibile !
Mercurio
Si, si… Ghe penso mi…
Giove
Oh, Mercurio… Varda che mi son drento a farme dei sacrifici a me stesso… Dame ‘na man…
Mercurio
Tranquillo..!
Giove
Mercurio… No’ sta’ a fare schersi perché se no te saro drento i termometri… (Giove entra in casa)
Mercurio
(Sale in palcoscenico e parla col pubblico) Largo, zente… Largo ! Fème posto… Scansève… Co’ me’ pare ‘l me ciama, mi coro ! Co ‘l me comanda mi obedisso come che ‘l g’ha da fare un fiolo par ben...! Fasso de tuto per contentarlo, ghe sto’ visin, ghe dago conseji, lo tegno fora dei pericoli, ghe fasso da rufian co ‘l xè inamora’ eccetera… E questo a dire el vero ‘l capito un di’ si e l’altro anca. Ma xè giusto… Xè giusto. I fasesse tuti come lu che ‘l xè sempre drìo a “fare”… ‘Deso mio pare ‘l g’ha da tore ben ben pal dadrìo Anfitrione e mi me metarò d’impegno par ajutarlo… Farò finta d’eser imbriago e montarò sul coerto de ‘a casa; da lì lo tegnarò d’ocio e co ‘l torna me inzegnarò d’inventare qualche truco par tegnerlo lontan de ‘a porta de casa. Lo farò diventare semo ! E dopo ghe sar da divertirse perché dopo tuta la colpa la sarà del vero servo Sosia che ‘l se ciaparà ‘n’altra bea fraca de stramusoni ! Si, lo so… No xè tanto beo profitarse cussì de un poro omo, ma primo qua se fa tuto par divertre ‘i spetatori e secondo per farghe un piasere al grande GIOVE… (Si sentono i lamenti di Anfitrione) Fermi tuti...! Eco Anfitrione che ‘l xè drìo tornare a casa. ‘Deso monto sul teto e ‘o tegno lontan… No ste’ a perderve ‘a scena… (Esce)
Anfitrione
(Entra dolorante) Ohi… Ohi… So’ stufo orbo… G’ho i pìe che me fa mae dal caminare… G’avevo da trovare Naucrate ma chissa’ chel disgrassia ‘ndove se sarà sconto… Lo g’ho serca’ da par tuto… G’ho zirà piasse, marca’, templi, ostarie, casini… GNENTE ! Ohi… Ohi i me’ pori pìe..! (Preso da un sussulto d’orgoglio) Ma ‘deso vao in casa a fare i conti co’ me’ mojere. Vojo savere chi sia chel delinquente che ‘l xè ‘nda in leto co’ ea…(Cerca di entrare in casa) La porta la xè sara’… (Bussa) Ciò… ! Chi ghe xè drento ? Che qualcun me verza ‘sta porta PORCO GIOVE !
Mercurio
(Appare sul tetto e si finge ubriaco) Chi xè che ‘l bate, che ‘l siga e che biastema ?
Anfitrione
Mi son !
Mercurio
MI, chi ?
Anfitrione
MI, te digo…
Mercurio
Ciò… TI… Sito mato ? ‘Uto scassar la porta, toco de deficiente ?
Anfitrione
(Rabbioso – Tra i denti) Sosia !
Mrecurio
‘Sa ‘uto ?
Anfitrione
Buto delinquente ‘mbriagon..! Te ghé anca ‘l corajo e domandarme cosa che vojo ?
Mercurio
Sicuro che te ‘o domando, toco de mona ! Par poco no’ te buti zo’ la porta de casa… Cossa credito che le porte dei zenerali le paga ‘l governo, COJON !
Anfitrione
COJON a MI ?
Mercurio
A ti, a ti, sicuro !
Anfitrione
Toco de deinquente, bestion, cranio de musso..! Se te ciapo de dao ‘na paseta’…
Mercurio
Va là, va là… COCCHINO… Se no’ te te cavi da qua te ‘a dago mi la paseta’…
Anfitrione
Maledeto d’un servo ! Se Giove no te fulmina ghe pensarò mi a darte queo che te meriti… Te speìsso vivo coi calcagni pal dadrìo… Delinquente ‘mbriagòn ! Te meto un brazo in boca e te rivolto co’ se fa coi guanti…
Mercurio
Credito de farme paura, imbesìe ! Se no te sparissi de qua suito, te spaco ‘a testa e te fasso spuare fora la lengua ‘nsieme co’ i denti…
Anfitrione
‘Deso buto zo’ ‘a porta e vegno a spacarte ‘a schena… (Cerca di abbattere la porta)
Mercurio
Va’ via de chi..!
Anfitrione
Carogna ! Vuto tegnerme lontan da la me’ casa ? (Scuote la porta)
Mercurio
Moeghe che xè mejo…!
Anfitrione
E par via ! G’avarìa anca da moarla ? Verzeme !
Mercurio
Moeghe te g’ho dito…
Anfitrione
(Scuotendo la porta) Ma gnanca a ‘nzognarme !
Mercurio
MO-E-GHE…!
Anfitrione
Gnanca se te me basi le man e i pìe !
Mercurio
MO-E-GHE Te g’ho dito !
Anfitrione
Gnanca se te me magni ‘e bae !
Mercurio
E ‘lora ciapate ‘sto catarin… (Gli sputa in testa)
Anfitrione
(Toccandosi in testa) Saliva ?
Mercurio
No… Scendeva !
Anfitrione
Fiol de ‘na disonesta e d’un delinquente… Bastardo ! Sporco imbriagòn, Se ‘rivo a ciaparte te scojono ! Te rovino par tuta la vita…
Mercurio
Sciò, sciò, amigo ! Sparissi… Petota… Ambula… Scoltame mi… No’ sta’ a disturbare Anfitrione che xè pena torna’ da la guera e ‘deso xè in leto co’ so’ mojere…
Anfitrione
Quala mojere ?
Mercurio
La sua, Alcmena.
Anfitrione
Neo steso leto ?
Mercurio
Sicuro ciò ! In ‘sto momento e xè là tacà, tacà,tacà, che i ghe dà, i ghe dà, i ghe dà…
Anfitrione
Oh poareto mi ! So’ finìo ! Me’ mojere co’ ‘n alto ? Gran disgrassia !
Mercurio
Quala disgrassia ? Dare la mojere ‘n prestio xè uguale a tirar su i fruti d’un campo semena’ dai altri !
Anfitrione
(Tra i denti) SOSIA !
Mercurio
Sosia un casso !
Anfitrione
Ma no te me conossi pi’ ?
Mercurio
Sicuro che te conosso !
Anfitrione
E chi sonti alora ?
Mercurio
Un rompibale !
Anfitrione
Bruto fiol de ‘na… Mi so’ el generale Anfitrione, el to’ paròn…
Mercurio
Ma quao generale Anfitrione… Dei, dei… Petota ! Te g’ho conossùo anca se te te si’ travestìo da Anfitrione… Ti te si’ Bacco el generale dei imbriaghi… Anfitrione, cheo vero, xè in leto co’ so’ mojere… Se te seiti lo ciamo e co’ ‘l vien fora te spaca ‘l culo a pea’
Anfitrione
Credito che g’abia paura ? Ciamalo !
Mercurio
Ma sicuro che te ‘o ciamo ! Te ‘o ciamo, siorsì (Scendendo dal tetto) Ti ‘ntanto zerca de star lontan da ‘a porta de casa, capìo ? ‘Deso ‘o ciamo e te vedarè che stramusoni che te te ciapi… Te vedarè.. (Esce)
Anfitrione
(Solo) Cancaro ! No so pi’ cossa pensare ! Anco’ me ne capita de tuti i colori ! In casa mia i xè ‘nda’ tuti fora de testa ! Ma cossa sarà mai che g’ha stravia’ ‘l servelo de tuti quanti ? Me mojere che la me fa’ i corni… La scuea de oro che la sparisse da la caseta sigilà e la se fa ritrovare ne ‘e man de me mojere… Chel fiol d’un can e de ‘na cagna de Sosia che no ‘l fa quel che ghe comando, che s’imbriaga e par zonta el me spua ‘n doso i so’ catari… Se quel servo maedeto me capita fra ‘e man ‘o faso in tochi… ‘O faso in tochi…
N.B.
Tutta la prossima sequenza, dai tempi di Plauto, è arrivata a noi priva di un notevole numero di versi. Qui si tenta molto liberamente di ricostruirla tenendo presente che il personaggio di Naucrate viene chiamato ad essere giudice dell’identità dei DUE Anfitrioni. Pertanto, secondo l’idea di ricostruzione e l’adattamento, le battute che nell’originale plautino sono di Naucrate qui, proponendo un nuovo inganno degli Dei a danno dei mortali, divengono appannaggio di Mercurio e così vengono segnate
Sosia
Vien ‘vanti, Naucrate, vien ‘vanti…
Naucrate
Ma sito proprio sicuro de queo che te me ghè conta’ ?
Sosia
Altro che !
Naucrate
E cussì te gavarissi trova’ davanti de ‘a casa un altro Sosia spua’ de ti ?
Sosia
Proprio cussì !
Naucrate
Gnanca da credere !
Sosia
Te ‘o giuro !
Naucrate
Cossa ‘uto… No g’o mai sentìo ‘na storia cussì strampala’ ! Fasso fadiga a crederte.
Sosia
Ma xe tuto vero…
Naucrate
Tuto vero ?
Sosia
Anca massa ! E seto cossa te digo ?
Naucrate
Cossa ?
Sosia
Te digo che se mi g’ho trova’ un antro Sosia preciso de mi g’ho paura che trovaremo anca n’ antro Naucrate compagno de ti…
Naucrate
Te disi ?
Sosia
Altro che…
Anfitrione
(Avvilito, seduto da vanti alla porta di casa) Chel delinquente de un servo Sosia… Se ‘o ciapo ghe cavo la pee a forsa de scuria’ !
Sosia
Naucrate… El paron ‘l parla de mi in un modo che no ‘l me piase…
Anfitrione
Chel delinquente… Se’o ciapo ghe cavo i denti co’ la sapa !
Naucrate
(A Sosia) Ma cossa ghe gheto fato ?
Sosia
(Frignante) Non lo so !
Naucrate
Domandemogheo…
Sosia
No, no… Mejo che spetemo a ‘ndarghe darente… Vojo capire mejo…
Anfitrione
Eteni Dei tegnime le man quando che trovo chel delinquente d’un servo ca lo maseno…
Sosia
Lo sentito ?
Naucrate
Altro che ! Ma cossa ghe gheto fato ?
Sosia
‘Sa ‘uto che ghe g’abia fato ? ‘L se sarà stanca’ e ‘spetarne…
Naucrate
Ti ‘sta qua sconto… Ghe vao mi darente ! (Sosia si nasconde- Naucrate si avvicina ad Anfitrione e lo chiama) Te saudo, Anfitrione.
Anfitrione
(Arrabbiato) Naucrate, ‘sa feto qua… Par cossa te ghè lassa’ la nave ?
Naucrate
Te ghè manda’ Sosia a ciamarme par farme vegnere a magnare ‘n casa tua.
Anfitrione
Mi no’ me son mai insogna’ de ordenarghe ‘na roba del zenere ! Dove xelo el disgrassia’ ?
Naucrate
Chi ?
Anfitrione
El me’ servo Sosia…
Naucrate
No so mia mi… (Finge e nel frattempo segnala a gesti dove Sosia s’è nascosto)
Anfitrione
(Tirando fuori Sosia dal nascondiglio) Sosia, caro… Ciama un dotore… Ma in pressa…
Sosia
Chi xè che sta’ mae ?
Anfitrione
(Caricandolo di botte) TI…! Bruta carogna… Desgrassia’ Bestion… Musso !
Sosia
Aiuto… Tebani… Ajuteme…
Anfitrione
Te ajuto mi, te aiuto…! Te faso ‘ndare i oci fora de ‘a testa a forsa de coconi ! Vedèo… Vedèo…
Sosia
Mo par cossa te me ciami vedèo ?
Anfitrione
Perché te si’ un fiol de ‘na vaca, bruto bovino !
Sosia
Aiomama ! Nooo !
Naucrate
Dai, Anfitrione… Moeo !
Anfitrione
Naucrate ! No’ sta’ a meterte in mezo se no te vui ciaparle anca ti !
Naucrate
Ma no g’avemo poduo ‘rivare pi’ ‘n pessa !
Anfitrione
Ma cossa vuto che me importa de quando si’ ‘riva’ ! Mi vojo solo sdesfare de pache ‘sto ramengo d’un servo… Vojo strossarlo… (Urla di Sosia) Toh ! ‘Sto qua per quando te geri sul coerto… Questo xè perché te m’è spua’ ‘n doso… E questo perché te ghè fato lo spiritoso : SALIVA…SCENDEVA…! E questo par tuto queo che te me ghè dito… E questo perché te impari a stare al mondo…
(Colpo di teatro ! Dalla porta di casa esce GIOVE , voce tonante, che lascia tutti di sasso)
Giove
Chi xè che ‘l se permete de fare tuto ‘sto casìn davanti de ‘a porta de casa mia ?
Anfitrione
Par Diana !
Naucrate
Par Giove !
Sosia
Par Bacco !
Naucrate
Par Giove !
Giove
Chi xè che vien qua a disturbare ‘l riposo del comandante dei comandanti ?
Sosia
Naucrate, g’ho capìo tuto ! Queo che ‘l xè vegnuo fora de casa xè ‘l me’ paròn, st’altro che ‘l me g’ha da’ xè un stregon…
Anfitrione
Te seiti, bruta carogna (Gli molla un calcio nel sedere)
Sosia
(Facendosi proteggere da Giove) Aiomama !!! Paron… Iuteme… ‘Sto stregon imbrojon me g’ha impiena’ de pache !
Giove
Chi xè ‘sto qua che ‘l se permete de dar pache a un servo mio ?
Anfitrione
TUO ?
Giove
MIO !
Anfitrione
Ma varda che busiaro !
Giove
Busiaro a mi ? Sosia, passa via de qua che tra poco no’ ghe sarà più stampo de gnente ! ‘Sto stregone imbrojon ‘l vole che li SDERFA !
Anfitrione
A chi vuto SDERFARE ? Bruto slandron, ladro de le femene dei altri !
Giove
De ‘ste paroe che te si’ fato scapare de boca, no me resta che coparte !
Anfitrione
Te si’ impasta’ de busìe e de imbroji… Giove te punira’…
Giove
No credo proprio…! Ti piutosto… ‘Sta ‘tento che te capita un incidente…
Anfitrione
‘Deso te strosso co ‘e me’ man, figura porca !
Giove
Figura porca a mi ? A ‘sto punto Giove vole che difenda el me’ onore…
(Prende per il collo Anfitrione con sole due dita ma, essendo Giove, riduce a mal partito, e con il minimo sforzo, il povero Anfitrione che stramazza a terra)
Anfitrione
(Voce soffocata) Ajuto… El me strossa…. !
Naucrate
(A Sosia) I xè cussì compagni che no so proprio da che parte metarme… No’ vurìa ajutare quelo sbalia’ (Sgridando i contendenti, rivolgendosi ora all’uno, ora all’altro) Anfitrione… Lassa ‘ndare ‘l collo de Anfitrione… E ti, Anfitrione, no’ sta’ pi’ a ofendere Anfitrione…
Giove
Naucrate, mo par cossa te seiti a ciamare ‘sto chi Anfitrione?
Naucrate
Perché ‘vanti ghe ne gera uno e ‘deso si’ in do. E se lu xè Anfitrione te ‘o se’ anca ti… Ma ‘deso molalo… No’ sta’ a strossarlo… Femo un bel processo e se giudicarà secondo giustissia ch xè ‘l vero Anfitrione…
(Ferma con un gesto l’azione poi Soggetto con il pubblico)
Sicome el diretore de ‘sto teatro ‘l xè un tantin tirà co’ la borsa, par aver manco spese no i g’ha vosùo ca se portasse anca le comparse che doveva rapresentare el popolo, alora el popolo g’avì da farlo vojaltri… Vojaltri da ‘sta parte del teatro g’avì da esere quei che ghe tien per Anfitrione, queo vero, e vojaltri da ‘staltra parte quei che ghe tien all’Anfitrione interpreta’ cussì ben da mio pare…Quando che ve ’o digo mi g’avì da far casìn come quando ‘ndè a lo stadio… Vardeme sempre mi che ve digo quando.
(Per tutto il processo Naucrate gestirà a soggetto il pubblico – Sosia si metterà da parte come un semplice spettatore e seguirà meravigliato la scena)
Bon… ‘deso ‘ndemo ‘vanti e scominziemo el processo ! (Indicando Anfitrione) Anfitrione, a ti la parola !
Anfitrione
Tebani ! ‘Deso meto in ciaro TUTO ! e vojaltri g’avì da eserme testimoni (Indicando Giove) ‘Sto chi, de scondon, el se g’ha intrufola’ in casa mia, g’ha ‘dopara’ me mojere e ‘l me g’ha sdisonora’ facndome in testa i corni !
Giove
Gnente vero ! Me opongo… Qua se sta zercando de metere su i giudici popolari contro de mi.
Mercurio
Oposizione accolta ! (Ad Anfitrione) Ti, Anfitrione, no’ scominziare a metere su i giudici popolari contro de Anfitrione… Capìo ?
Giove
Mo par cossa te seiti a ciamare Anfitrione anca lu ?
Naucrate
Giusta oservassion… Ma se no’ lo ciamo Anfitrione no’ so come ciamarlo…
Anfitrione
PAR GIOVE !
Giove
‘Sa ‘uto ?
Anfitrione
‘Sa ‘uto ti ! Mi g’ho solo dito PER GIOVE !
Giove
Fasì tasere cher lì !
Naucrate
Apunto…
Anfitrione
Apunto cossa ?
Naucrate
Te ghè da tasere, capio ?
Anfitrione
Chi xè che lo g’ha comanda’ ?
Naucrate
Lo g’ha comanda’ Giove !
Anfitrione
‘Sa ‘uto che ghe ciava a Giove de ‘sta storia ?
Giove
Non sta’ a preocuparte che a Giove ghe ciava de tuto ! (Rumore del pubblico)
Naucrate
SILENSIO !
Sosia
SILENSIO !
Giove
SILENSIO…!
Anfitrione
SILENSIO Che me fe’ ‘ndare fora de testa… PORCO GIOVE !!! (Giove da’ una divina sberla ad Anfitrione per la bestemmia e lo stende a terra)
Giove
G’avi’ sentìo, Tebani ? No’ ste’ a ‘scoltarlo… Vujaltri che g’avì fama de eser onesti, forti e coragiosi… Vojaltri g’avì da giudicare CON GIUSTIZIA de ‘sta storia e g’avì da dire quae de nojaltri do sia ‘l vero Anfitrione… MI !!! (Grida dei suoi sostenitori)
Anfitrione
E mi ve digo che in ‘sta cità non ghe xè altri Anfitrioni fora de mi… (Grida dei suoi)
Giove
E no caro…! Fora de mi no ghe xè altri Anfitrioni… Mercu… Naucrate, fa’ ti giustissia !
Mercurio
Subito ! Bisogna ben valutare prove e indissi ! No vorìa far credere che mi so’ de parte… (Ad Anfitrione) ‘Vanti, rispondi ti par primo !
Anfitrione
Volentieri !
Naucrate
‘Vanti DE scominziare la batalia, cossa me gheto ordenà de fare ?
Anfitrione
De metere a posto ‘a nave e de stare fermo al timòn…
Giove
…In modo che se podesse scampare se i nostri g’avesse ‘vuo la pezo…
Anfitrione
Sicuro ciò ! Par metere al riparo sensa risc-iare la pee !
Giove
(A Mercurio) Mi però te g’ho comanda’ anca ‘n antra roba…
Naucrate
De tegnere ben custodìa la casforte che ‘l gera piena de schei…
Giove
E quanti schei ghe gera drento.
Anfitrione
Quatromila !
Giove
E domila petachini grandi !
Naucrate
E quante svanziche de oro ?
Giove-Anfitrione
(Insieme) Sinquemila…! Prima mi, prima mi…
Naucrate
(Al pubblico) Ciò… Zente ! I sa tuto tuti e do par filo e par segno !
Giove
‘Speta, speta… Ti te se’ che co’ ‘e me man g’ho copa’ ‘l re Pterela e me so’ porta’ via la scuea ‘ndove el bevea… Chea scuea ‘deso la g’ho regala’ a me mojere…
Anfitrione
Vero gnente ! No ghe ‘a g’ho regala’
Giove
Invese xè vero ! Ghe g’ho rega’a la scuea, g’ho siolto el voto che g’avea fato ai Dei ‘vanti de partir par la guera e dopo so’ ‘nda’ in leto co’ ea…
Anfitrione
Cossa me toca sentire ? Ma so’ drio a sognare co’ i oci verti ? Mi’ so’ Anfitrione, il vero, l’unico, ‘l grande comandante de ‘e trupe Tebane… Queo che g’ha combatu’ e vinto i Teleboi…
(Le prossime battute verranno sottolineate dalle grida dei sostenitori)
Giove
Mi so’ queo che co ‘l so valore g’ha distruto i nemisi de ‘a nostra cita’… Mi so’ Anfitrione !
Anfitrione
No ! Mi so’ Anfitrione !Mi g’ho vinto i barbari e un casìn de altra zente…
Giove
Mi so’ queo che g’ha fato scorarìe par tuti i mari…
Anfitrione
Mi so’ queo che g’ha meso sotosora mezo mondo !
Giove
Mi son queo che xè sta’ de qua, de la’, de soto, de sora… (Il popolo si placa)
Anfitrione
Eterni Dei ! No posso crederghe ! El conta proprio tuto queo che xè capita’ a mi… (A Mercurio) Sta’ ‘tento Naucrate, Chi ghe xè soto colcossa…!
Naucrate
Momento…! G’ha da eserghe ‘ncora ‘na roba da vedare !
Giove
G’ho capìo…! El segno che me xè resta’ sul brazo destro ‘ndove che me g’ha ferìo el re Pterela…
Naucrate
Bravo ! Proprio chel segno lì ! Fasì vedare (I due contendenti mostrano a Mercurio il bracco destro e… OH…! MERAVIGLIA...!) I ‘o g’ha tuti do ! Ne ‘o steso basso, ne ‘o steso punto ! Mi no g’ho mai visto un afare compagno ! I xè Anfitrione tuti do ! El processo xè finìo… Mi vao via !
Anfitrione
No… Naucrate, speta… Daghe ‘na man al to’ amico Anfitrione…
Naucrate
Ma cossa ‘uto che ghe daga ‘na man al me’ amico Anfitrione se no’ so quae che ‘l sia ‘l me amico Anfitrione… Mi me ne lavo ‘e man… ‘Ndemo via, Sosia…
(Mercurio esce seguito da Sosia – Il popolo si placa – Restano solo Giove e Anfitrione)
(Qui termina la scena REINVENTATA che parte da pagina 31 .
ORA il testo riprende QUASI regolarmente)
Giove
(Sornione) Mi vao drento casa ! Alcmena la me ‘speta… Credo che stia par nassere el bocia… Xè mejo che me mova…! (Entra in casa)
Anftrione
(Solo e desolato) Poareto mi cossa xè che fasso ‘deso che amici e avocati e me g’ha ‘asa’ impianta’ ? Tuti quanti i ridarà de mi… Vardèlo chi, zente, ‘l grande Anfitrione ! Ghe xè qualcun in ‘sta zità pi’ desgrassia’ de mi ? Cossa xè drio a capitarme ? De tuti quei che conosso no ghe né xè sta’ un che me g’abia da’ ‘na man. Tuti egoisti…Tuti invidiosi de la me’ bravura e de la me’ fortuna… Peociosi ! Boni solo a domandare ajuto quando che i g’ha bisogno e dopo… Zente bastarda che no sa cossa che voja dire eser sinceri...! Ma ‘deso vojo vendicarme de chel stregon che ‘l g’ha insiminìo tuta la me’ fameja… Deso vao drento casa e se qualcun zerca de fermarme, ‘o ciapo e ‘o strosso co ‘e me’ man…Solo Giove podarà impedirme de copàre qualcun !
(Anfitrione si scaglia contro la porta casa, tenta di abbatterla ma viene fermato da tuoni, lampi, fulmini e grida di gente…)
(Anfitrione è a terra colpito da un fulmine – Bromia esce TERRORIZZATA dalla casa)
Bromia
Aiuto…! Dei del cielo ajuteme ! AIUTO ! Oi, oi, oi… Pora mi…. Sto mae… Me fa mae ‘a testa… No ghe sento pi’, no ghe vedo pi’ ! Par forsa… Con quo che xè capità onco’ a la me’ paròna ..! (Vede Anfitrione a terra) Ma chi ghe xè là ? Un omo ? Un omo distirà proprio davanti de ‘a casa ? El me par morto ! Cancaro ! ‘L gà da esser proprio morto parché no ‘l se move de un pelo ! Ma chi che ‘l sia ? (Gli si avvicina e lo riconosce) Ma ‘l xè Anfitrione, el me’ paròn… (Lo chiama lo scuote) Anfitrione… Annfitrione…
Anfitrione
(Più di là che di qua) Oi, oi… Son morto…
Bromia
(Disperandosi) Xè morto…! Poareto el mè paròn… Morto…! Proprio ancuo… Nel giorno de la so’ gloria… Dei..! Quanto che me dispiase che ne g’abia lassa’ ! Chissà quanto se disperarà ‘deso so’ mojere… (Anfitrione si riprende… Si alza e segue allibito il pianto funebre di Bromia e cerca ogni tanto di fermarla) Povera Alcmena Ofesa… Umilia’, e ‘deso anca vedova… Vedova… E chi ‘ndarà a dirgheo a che poareta… Chi g’avarà ‘l corajo de ‘ndarghe a dire che el so’ COCCHINO xè morto distirà davanti de casa..? Ma che disgrassia granda su sta casa..! Dei ! Perché...? (Piange e si dispera)
Anfitrione
(Al pubblico) Ma g’onti d’avere solo servi deficienti, mi ? Bromia… Ma sito sema ?
Bromia
Anca questa ‘deso… Un morto che parla ? Ma quante robe strane che me capita ancuo…!
Anfitrione
Bromia… Fala finìa !
Bromia
Eco… Eco… ? ‘L g’ha parlà ancora…
Anfitrione
(Spazientito) Bromia…
Bromia
E ‘l me ciama a mi dall’ aldila’
Anfitrione
Ciò… Deficiente ! Varda che son vivo !
Bromia
Mi no capisso come che te vegna voja de schersare quando che g’avemo un morto in casa…
Anfitrione
NO SON MORTO !
Bromia
E alora cossa feto distirà par tera ?
Anfitrione
Giove me g’ha distirà co’ un dei so’ fulmini..
Bromia
(Facendo accenno al bere) O sarà sta’ Bacco a distirarte co’ un dei sui ?
Anfitrione
No… Xè sta’ Giove… SOLO GIOVE ! Bacco non c’entra… E ti cossa feto fora de casa ?
Bromia
So’ scapa’ fora perché g’ho ciapa’ un gran spaurasso… (Frignando) Te savessi…
Anfitrione
Cosa ?
Bromia
Come cosa ? Come cosa ?
Anfitrione
Dime…
Bromia
Te savessi che robe…
Anfitrione
Che robe ?
Bromia
Se te ‘e conto gnanca te me credi, Anfitrione…
Anfitrione
FERMA ! Te me ghé ciama’ Anfitrione !
Bromia
Come g’avea da ciamarte ?
Anfitrione
Alora ti te sé che mi son Anfitrione, el to’ paròn ?
Bromia
E ciò !
Anfitrione
Sito proprio sicura ?
Bromia
Sicurissima !
Anfitrione
‘Sta qua la xè l’unica nea fameja che la g’ha ‘ncora ‘a testa a posto !
Bromia
Sarà el spavento che ne g’avarà fato sbampire el servèo a tuti…
Anfitrione
Cossa xè capità ?
Bromia
Anfitrione… Te savessi…
Anfitrione
Cosa ?
Bromia
Come cosa ? Come cosa ?
Anfitrione
Dime…
Bromia
Te savessi che robe…
Anfitrione
Che robe ?
Bromia
Se te ‘e conto gnanca te me credi
Anfitrione
Se no’ te me ‘e conti te tiro ‘na saraca sul muso…
Bromia
To’ mojere…
Anfitrione
Questo lo so ! La me g’ha meso i corni !
Bromia
Mi so de ‘e robe che te farà cambiar idea su to’ mojere…
Anfitrione
Son qua a ‘spetare che te me ‘e conti !
Bromia
Anfitrione… Te savessi…
Anfitrione
Cosa ?
Bromia
Come cosa ? Come cosa ?
Anfitrione
Dime…
Bromia
Te savessi che robe…
Anfitrione
Che robe ?
Bromia
Se te ‘e conto gnanca te me credi.
Anfitrione
(Prendedola per il collo) Vuto che strenza ?
Bromia
(Divincolandosi) To’ mojere xè sempre sta’ onesta…
Anfitrione
Le prove… Vojo le prove…
Bromia
Prima de tuto ‘ho da dirte che to’ mojere la g’ha vùo do gemelli !
Anfitrione
Son contento pa ea se tuto xè ‘nda’ ben…
Bromia
‘Speta ca de diga tuto…
Anfitrione
Te ‘scolto !
Bromia
Oncò, quando che to’ mojere la g’ha scominzia a sentire i dolori e la g’ha capìo che ‘l bocia ‘l gera drìo a nassere, la se g’ha racomanda’ a i Dei come le fa tute le spose oneste quando che le g'ha da partorire…
Anfitrione
E aora ?
Bromia
Speta che ciapa fia’ ! In chel momento che Alcmena la pregava i Dei, g’avemo sentìo un temporae che ‘l tamburava e che ‘l tirava de che s-ciochi, ma de chei s-ciochi… Teribii ! A parea che ‘a casa ‘a vegnesse zo !… Invesse la se g’ha messa a slusegare in t’un modo che la paréa che ‘a fusse tuta de oro… !
Anfitrione
Dai… Moeghe… Ma cossa sito drìo a contarme ?
Bromia
La verità… Te giuro !
Anfitrione
Va ben, va bena… E dopo cossa xè capità ?
Bromia
Xè capità che co’ tuti che s-ciochi, to’ mojere, ‘nvesse de agitarse, la stava tuta calma, calma, tranquilla e sensa dolori ! E no la g’ha sentìo mae gnanca quando che i xè vegnu’ fora i do’ putei…
Anfitrione
Son contento… Anca se la se g’ha comportà mae co’ mi…
Bromia
‘Speta… ‘Assa che te conta…
Anfitrione
Va’ vanti alora… Par cossa te me tieni sui spini ?
Bromia
Dei do putei uno gera normae… ma che ‘altro ‘l gera cussì grande… Ma cussì grande…
Anfitrione
Va’ ‘vanti !
Bromia
Dopo che g’avemo meso ne ‘a cuna anca el putèo pi’ grosso, ne ‘a corte xè salta’ fora do grandi serpenti… Bruti… Driti… E co’ ‘na gran cresta ! I do serpenti i ne g’ha ocia’ tuti quanti e po’, quando che i se g’ha incorti dei toseti, i se g’ha buta’ verso ‘e cune… E mi a corere tirandome drìo le cune par la corte… E i serpenti, tuti rabiosi a corerme drìo… E mi a scampare… E ‘ori a supiarme drìo…
Anfitrione
(Scettico) Si… E dopo ?
Bromia
Dopo i serpenti i mete ‘i oci sul putèo pi’ grosso, ghe va visin de ‘a cuna e queo cossa falo ?
Anfitrione
Chi, el serpente ?
Bromia
No… El puteo grosso… Cossa falo ? Dime “COSSA FALO” ?
Anfitrione
Cossa falo ?
Bromia
Anfitrione… Te savessi…
Anfitrione
Cosa ?
Bromia
Come cosa ? Come cosa ?
Anfitrione
Dime…
Bromia
Te savessi che robe…
Anfitrione
Che robe ?
Bromia
Se te ‘e conto gnanca te me credi… (Anfitrione grida e piange spazientito) Cossa gero drìo a dirte?
Anfitrione
Te me contavi de i do serpenti e de queo che g’ha fato ‘l puteo grosso !
Bromia
Ah, si ! Eco… Quando ‘l puteo grosso se g’ha ‘ncorto dei serpenti, salta fora da ‘a cuna, va ‘ncontro a i serpenti e, uno in una man e l’altro in che ‘altra i strossa tuti do !
Anfitrione
(Guardandola sfinito) Mo par cossa seite’ a ciaparme pal culo oncò ?
Bromia
Te giuro ! El puteo pi’ grosso g’ha strossa’ i serpenti…
Anfitrione
Si… E dopo ?
Bromia
E dopo se g’ha sentìo ‘na gran vose…
Anfitrione
Si… E chi g’era che ‘l parlava ?
Bromia
El pi’ grande, el pi’ potente, el mejo de i DEI !
Anfitrione
Per GIOVE ! Ma chi gereo ‘sto qua che parlava ?
Bromia
Giove, no !
Anfitrione
Giove ? E cossa voeveo…
Bromia
(Un po’ timorosa a rivelare il segreto) Me pare d’aver capìo che ‘l disesse che qualche volta se g’era trasformà in Anfitrione par podere ‘ndare il leto co’ Alcmena…
Anfitrione
Ah… Cancaro !
Bromia
‘Speta… El diseva che ‘l bocia picolo g’era fiolo tuo… Queo grande fiolo suo…
Anfitrione
E te pareva ! ‘Tenta, Bromia… Qua ghe xè massa casini… Massa robe da no credere…
Bromia
Te ‘o disevo, mi !
Anfitrione
‘Tasi e ‘scoltame mi… Va in casa, svelta, e ciamame Sosia…. (Chiama) Sosia…
Bromia
(Chiamando) Sosia… Sosia…
Sosia
(Uscendo) Chi xè che me ciama ?
Bromia
El paròn…
Anfitrione
Va’ in casa, Bromia e ti, Sosia, vien qua… Curi suito dal vecio Tiresia che xè l’indovin de fameja, e dighe che ‘l vegna SUITO qua de corsa parché vojo che ‘l me spiega tuti ‘sti casini e ‘sti imbroji ! Va’… Curi !
Sosia
Vao… Coro…!
(TUONI – FULMINI – TUONI E LAMPI
Anfitrione e Sosia restano a terra colpiti – Sul tetto della casa appare Giove nella sua grandezza OLIMPICA)
Giove
‘Sta calmo Anfitrione…. So’qua mi de persona a darte protession a ti e a tuta la to’ fameja… No te ghé pi’ gnente da ‘vere paura… E ‘assa perdere ‘i ‘ndovini, specie ‘l vecio Tiresia che ormai xè vecio, sordo e ghe vede co’ ‘na ciupinara ! Nissun mejo de mi pol dirte queo che xè capità, queo che xè, quel che sarà… Par scominsiare te dirò che to’ mojere la me piaseva masa, ma sicome la xè ‘na femena co’ se die’, par podere ‘ndare in leto co’ ela, g’ho dovùo ciapare el to’ aspeto altrimenti NISBA…
Anfitrione
Ma bravo… E i do’ putei che i xè nati..?
Giove
El più picolo xè fiolo tuo… Te ‘o ciamarè IFICLE…
Anfitrione
Ificle…?
Giove
Ificle… L’altro fiolo, queo pi’ grande, xè fiolo mio… Te ‘o ciamarè ERCOLE… Te ‘o racomando ! Slevalo ben forte e muscoloso, faghe fare tanta palestra perché el toso, da grande, xè destinà a fare tante fadighe…
Anfitrione
Ma come xè posibile che ‘na femena la resta incinta do’ volte de do omeni diversi ?
Giove
Oh..! ‘Sto qua xè un DOGMA… O te ghe credi, o ciao !
Anfitrione
Anca la storia de i do serpenti xè un dogma ?
Giove
No ! Queo xè sta’ solo un regaeto de Giunone… Me mojere… Brava dea, ma tanto gelosa, cancaro ! La pensava che i serpenti i fasesse fora ‘l putei, fruto de la me’ distrassion coniugale… Ma ghe xè ‘nda’ mae… Ercole xè un puteo che ‘l g’ha za’ impara’ a difenderse… ‘Deso va’ drento da Alcmena e torna in pase, poareta… No ‘a se meritava tute che ‘e brute paroe che te ghè dito perché ea no la savea che la gera sta’ tolta ‘n prestio…
Anfitrione
E no ! E no ! Anca se te se un Dio no te g’avei ‘sto dirito…
Giove
Mi so’ un potente e i diritti me ‘i fasso mi !
Anfitrione
E no ciò ! Imbrojon… Fiol d’un can… Te te sì tolto ‘n prestio me’ mojere, te ghè da’ un nome de merda a me’ fiolo e ‘deso te vui anca che te mantegna el fiolo tuo ?
Sosia
Paròn… Xè mejo che te fassi queo che ‘l te dise Giove ! Varda che cher lì xè ‘na potensa… Tienteo bon… Chissà che ‘nando ‘vanti…
Anfitrione
Disto ? (Sosia annuisce – Anfitrione entrando in casa…) Dove xelo el mio Ificle ?
Sosia
G’avìo visto, cari spetatori ? Dare la mojere ‘n presto te darà spissa po’ i corni, ma se ‘o fe’ con quei giusti, te te poi garantire amisi potenti de un scherso !
FINE
(Finito di scrivere da Renato Stanisci il 19 Giugno 1990 – Revisione terminata il 15 Maggio 2000)
