La stagion
commedia dialettale mantovana in tre atti di Maria Gabriella Bonazzi
cell. 3288080393 – email: barbara.stuani@libero.it
N. di posizione SIAE 216769
Breve presentazione dell’autrice:
La stagione dell’amore non finisce mai,
anche se a volte è fonte di tanti guai.
Quando tutto sembra finito,
un nuovo giorno è fiorito.
E una madre con la figlia,
trovano la gioia di una nuova famiglia!
Personaggi:
Maria: padrona di casa
Rebecca: sua figlia
Colomba: cameriera
Patrizia: sorella di Rebecca e altra figlia di Maria
Tiburzio: spasimante di Colomba
Dora: amica di Maria
Michele: spasimante di Patrizia e figlio di Romilda
Romilda: sorella di Tiburzio
Marcello: spasimante di Maria
Claudio: fratello di Marcello
PRIMO ATTO
(Casa signorile. In scena Rebecca. Entra Colomba, la cameriera)
Rebecca Colonba et vist me madar?
Colomba Che rasa s l’ho vista ,l’è in giardin ch la siga, la par na fontana
di giardin public.
Rebecca ‘T al credi puareta , in fondo l’è sul ‘n mes ch l’è restada vedoa.
Colomba Ben sa ‘t vo’ ca ta ‘l diga, tu padar a numinaral da viv…….l
Rebecca Cosa vuresat dir,nominaral da viv?
Colomba Uno quand al nas l’è senpar bel e quant al mor l’è senpar bun…..
Mi pensi ch lu al sia sta bel gnac quand l’è nat e bun gnan quand l’è
mort!
Rebecca Mia parlar csì Colonba in tuti i esar umani gh è quel da bel e quel da bun
Colomba Ben se in lu ch fos stà, ‘l so mia ‘d sicur mi l’ho mai vist!
Con tu madar l’èra gelos e pu lu ch fao i coran , con le l’era avar e par lu spendea a più non poso.
Rebecca La mama l’era contenta csì!
Colomba Par forsa, la s’è adatada, ma credat ch la fos contenta quand d’istà
l’andaa al mare da par lù parchè a dsa che a tu madar ch fao mal al sul
o quand d’iveran l’adava al sciar, senpar da parlù parchè dsea che ala
siura poareta ch fao mal al fred
Rebecca ‘S vet ch al gh ea bisogn da star un po’ da par lù.
Colomba Veramente l’era mai da par lù ‘l gh ea senpar na gentile amica
ch a gh tegnea conpagnia.
Rebecca E ti da grasia, coma fet a saver tute ste robe?
Colomba E’ cara, il paese è piccolo e la gente mormora e la mormorava circa certe amighe da tu madar
(Entra Maria la madre)
Maria Ciao cara.
Rebecca Ciao mama coma stet?
Maria Abastansa ben car……..
(Si mette a piangere).
Rebecca Dai mama , mia far l’iconsolabile!
Maria Chisà se tu surela Patrisia l’ ha ricevì la notisia dla disgrasia?
Rebecca Chisà, mama, ta ‘l sé né ch l’era in la Misiun in al Sud Africa in mesa ala
foresta e lì le notisie le riva in ritardo.’D vedrè che prest la ‘s farà
sentar.
Maria Cosa gh sarà gnì in ment a ch la pudleta lì da far ‘n vias csì pericolos.
Colomba Al l’ha fat par mia star in ca con al siur padrun bonanima.
Maria Ma Colonba ,cosa disat? Al me Astolfo l’era csì….csì……csì
Colomba Csì, csì?
Maria Ben mi vaghi a mesa, gh ho da pregar par fam perdonar certi pecà
(Esce)
Rebecca Povra mama!
Colomba Sì , l’è propria na poarina!
(Si sente bussare)
Colomba Chi sarà mai?
(Colomba và ad aprire, entra Patrizia, la sorella)
Patrizia Colonba cara , che piaser vedat…Rebecca!
(Le due sorelle s’ abbracciano. Rebecca s’accorge che la sorella e incinta)
Rebecca Patrisia cara, cosa t’è suces?
Patrizia ‘N parlem dopo. Ades dim dal papà..E la mama coma stala?
Rebecca Na roba par volta, al papà l’è andà e ‘t po’ inmaginar la mama!
Patrizia Povra mama, e mi ca s’era lontana in mesa ala foresta apena
ch l’ho savì son partida
Colomba Veramente si partì.
(Così dicendo Colomba indica il seno gravido della ragazza)
Patrizia Sì l’è vera, m’è suces ‘n’ icidente di percorso
Colomba A l’è n’icidente curius, l’è stà ‘n scontro umano ‘d sicur!
Rebecca Tasi Colonba! Patrisia e al padar dal putin?
Patrizia Andà!
Rebecca Andà in dua?
Patrizia Su mia, al s’è gnaca fermà.
Colomba Scapà! Come ‘n pirata dla strada.
Patrizia Pegio!
Rebecca Ades però pudem mia dirgal ala mama, puarina . Gh ema da preprarla
‘n po’ ala volta.
Colomba Quela sinò gh vegn ‘n culp.
Patrizia T gh è ragion Colonba! M i ‘m sun fermada sul parchè ho vist ch l’adao
a mesa come al solit, vulea vedaf e parlar con ualtar dò ma par al
moment l’è mei ca vagha.
Colomba Gh è ancora temp par ‘n cafè, l’ho apena fat! Sentat chi!
Patrizia Va ben
(Patrizia si siede e s’appresta a bere il caffe)
Rebecca Senti Patrisia , son trop curiusa, parlam dal papà dal tu putin, chi el!
Patrizia Nisun d’inportante. L’è stada sul n’aventura. L’è un dutur african ch ho
incontrà ala Misiun.
Colomba ‘N dotor negar?
Patrizia Negar come la not!
Colomba Oh , poar nuantar!
Rebecca Ma Colonba , la Patrisia l’è da rasa bianca ,al putin al pudria esar bianc
anca lu.
Patrizia Opura al pudria esar negar cme su padar!
Colomba Bastansa ca al vegna mia fora a righe!
Patrizia Ades però l’è mei ca vaga, sa riva la mama!
Rebecca e Colomba
Insieme Ma ades in do vet?
Patrizia Mi ho pensà d’andar in canpagna e fam ospitar dai nostar fitadar
La Romilda l’è senpar stada csì ospitale con noaltar!
‘T ricordat quand andaom in ferie con la Colonba certe magnade!
‘M gnea na pansa csì
Colomba Ben mia propria csì!
Rebecca Mi la ‘m par na buna idea , intant nualtar preparem la mama.
Colomba Preparem tu madar dl’ arivo dal cicolatin!
(In quel momento Patrizia comincia a percepire le prime dolie)
Partrizia ‘T s’è pran mata Colonba…Oi ..Oi che mal da schena!
Rebecca In quanti mes a set?
Patrizia In nov mes … oh mama che dulur…oh che dolor..Hai ..Hai.
Colomba Dai Rebeca tira fora la machina e portla subit al ‘ospedal.
Rebecca La machina gh l’ho sa fora,andema..andema!
Patrizia OH, le dolie i è senpar pusè ravicinade !
Colomba Va , va ala svelta sinò chilè la la fa par strada!
Rebecca Andem , oh che emusion sun dre dventar sia!
Patrizia Andem..andem..hai ..hai hai!
Colomba ‘N dispias poder mia vegnar.Telefunam , fam saver quel.
(Uscite Colomba si versa un caffè e lo beve tutto d’un fiato)
Colomba Par un ch l’è andà n’atar al riva. Sperem che a vias al vaga a bun fin.
(Si sente suonare il campanello della porta , Colomba và ad aprire borbottando)
Colomba In co’ gh mancao sul chilù. Ciao Tibursio. Cosa fet da ste part?
Tut ben ala fatoria?
Tiburzio Tut ben, ta ‘l sé ne che me neù Marcello l’è dventà veterinari come me
fradel Michele?
Colomba ’M fa piaser ma questo spiega mia cosa t fè da ste part!
Tiburzio Sun gnì in cità, a conprarac un regl e ta ‘l s’è ne che sa pasi da ‘d chi posi
mia far amen da pasar a salutat!
Colomba Ben ades ca t’ha m’è salutà ‘t po’ anca andar.
Tiburzio ‘T s’è pran sgresa Colonba, ma forse ta ‘m piasi par quel.
Colomba Invece ti ta ‘m piasi gnanca ‘m po’. L’è trent’ani ca ta ‘l dighi,l’et
gnancur capida?
Tiburzio ‘T pias mia al me caratar? ‘ M saria adatà, Colonba saresom stà du
colombin.
Colomba Mi Colonba sun e colomba saria restada ma ti t sicur ‘t saresi stà
n’altar usel
(Tiburzio s’avvicina)
Tiburzio Pudresom far n’icrocio misto!
(Colomba prende una padella in mano e la brandisce a mo di bastone.)
Colomba Pudria far senpar na fritura mista sa ta ‘d vicini ancora!
Tiburzio Con ti ‘s pol gnanca schersar.
Colomba Par mi te schersà abastansa,e schers l’è bel quand l’è curt.
Tiburzio Ho capì, vaghi subit. Un ultima roba , m’ha incaricà la Romilda
da dic ala siura Maria che s la vol vegnar ospite a casa nostra l’è
senpar ben aceta..
Colomba Grasie, grasie, riferirò.
(Colomba fra se e se) Prest rivarà n’altar ospite a casa vostra
(Tiburzio uscendo incrocia la signora Maria che è tornata dalla messa insieme alla
Amica Dora)
Tiburzio Omaggi siura Maria, s la vol vegnar an qual giuran in canpagna
la m’ha dit la Romilda ca sem tuti content.
Maria Grasie Tibursio e salutam la Romilda e anca tuti chi altar.
Tiburzio Sarà fatto!
(Esce Tiburzio)
Maria Sentat Dora,beat ‘n cafè?
(Le due amiche si siedono e sorbiscono il caffè. Maria bacia il medaglione che tiene al collo)
Maria A ‘m manca pran tant!
Dora A chi ‘l disat?
Maria L’era mia bel, l’era mia bun, ma caro al me Astolfo ma al gh ea dle virtù nascocste
Dora Al so!
(Colomba, fra sé e sé) Coma farala mai a saveral le?
Maria I era virtù nascoste, ma che sudisfasiun!
Dora E’ al so……..l’era speciale!
Maria Specialisim!
Dora Unic!
Maria E ti, com afet a saveral!
Colomba Già, coma fala a saveral!
Dora O bela , per sentito dire.
(Maria è un po’ alterata)
Maria Per sentito dire da chi?
Dora Oh, ma da tante!
(Maria cambia subito umore)
Maria ‘M fa piaser saver che al me Astolfo al sia stà capì e apresà da tante
persone.
Dora E rinpiant!
Maria Tant rinpiant!
Dora E da tante
Maria Da tute!
Dora Ben mi vaghi Maria , gh ho da preparar la sena.par stasera.
Maria Ciao cara e grasie dle tu parole.
Dora Sem amighe no?
Marie Certo amighe fraterne,
Dora Ciao.
Maria Ciao.
(Dora esce )
Colomba Tant unida da spartis al stes om.
Maria Cosa borbotat Colomba.
Colomba Gnint , pensao al galant…om.
Maria L’è vera, l’era propria ‘n galantom ,benvolì da tuti.
Colomba Specialment da tute!
Maria Colonba, in du ela la Rebecca?
Colomba A mi al so mia, l’è sa un bel po’ ch ho fnì da far la banbinaia.
Maria Ben ma Colonba, ‘t se pran acida.
Colomba Al so ca spusi d’acid, ma mi sun fata csì e gh è gnit da far.
Maria Dai sentat chi da vsin a mi
(Colomba si siede)
Colomba La comanda siura.
Maria Mia esar csì formale, mi ades gh ho bisogn d n’amiga e ti tsè sempar
stada la migliore, ansi forse l’unica.
Colomba Questo l’è anca vera, e la m’onora siora .Cosa posi far par le?
Maria Colonba scultam, mi gh ho un rimors , un rosghin ca cati mia pace.
Colomba Sla rimors le alura i gh l’ha anca i sant! Rimors vers chi?
Maria Ma vers al me Astolfo!
Colomba Questa l’è bela e parchè?
Maria Ti ta ‘l s’è nè che mi ho senpar vulì ben a me marì e par amur suo
ho senpar supurtà tut, ma quand la Ptrisia l’è stada costreta a scapar da
casa parhè la na pudea pu.. dla prepotesa da su padar….Ben lì ..lì l’ho
odià fin al punto da sperar ca ‘l mures
Subit dopo al s’è malà e l’è mort. E mi continui a pensar ch l’è stada tuta
colpa mia. Ti cosa pensat Colonba?
Colomba Ma cosa disla siora Maria,sa bastes odiar na persona par procorar la
la su mort sa ‘n salvaria pran pochi! Mi pr esempi l’è trent ‘ani ca speri
che me sia Carolina la mora. La gh ha rostì tuti besi a me nono e csì l’ha
ridut in miseria me madar e tuti nuantar fioi. Epura nonostante la me
rabia e a’ l me odio è mort prima me madar e invece la bela Carolina l’è
ancora in buna salut e pien ‘d besi!
Maria Alora ti a disi che mi gh ho colpa ‘d gnint.
Colomba Con quel ch l’ha pasà la s’è purificada, l’è inocente cmè n’angil.
Maria Grasie Colonba , m’ha fat ben parlar con ti.Vahi da dlà a riposar un po’.
(Maria s’alza ed esce.Suona il telefono,Colonba và a rispondere)
Colomba Pronto,set ti Rebeca..A l’è nat…4 chili! L’è san, bene! El ‘n confet,
o ‘n ciculatin? A l’è ‘n ciuculatin fondente! Alora l’è mei che quad i
la dimeti dl’ospedal la vaga in canpagna .’C pensi mi avisar la Romilda.
E la Patrisia, stala ben? Par ch l’abia gnac partorì? Questa l’è propria na
bela notisia!
(In quel momento rientra Maria che ha dimenticato lo scialle)
Maria Quala bela notisia , Colonba?
(Colomba è imbarazzata)
Colomba E’ …è …insoma …..è…
Maria E’ cosa?
Colomba E’ ….é…. mort me sia Carolina.
FINE I ATTO
SECONDO ATTO
(Siamo nella casa di campagna. Patrizia ha appena posto il neonato nella
carrozzella. Con lei si trova Michele)
Michele E pensar che da picolina quand a ‘t gnevi da nuantar in vacansa
con la Colonba e tu surela ta ‘m seri pran ghignosa.
Patrizia E ades?
Michele Ades? Ades t a ‘m sé senpar ghignosa però t’è fat ‘n gran bel
putin!
Patrizia ‘N putin sensa un padar.
Michele E gh disat poc, l’è mia da tuti far un putin sensa ‘n padar ,
fin ora gh era riesì sul la Madona
Patrizia ‘T gh è senpar voia da scersar! Vet mia a visitar na qual bestia
malada.
Michele I me malà i ‘s lamenta mia anca sa rivi in ritardo.I dis mai gnint!
Però senti Rebecca dim qualcosa circa al padar dal tu putin !
Che tipo eral , con a ciamaval?
Patrizia E quand ‘t l’ho dit. Ti ta ‘n s’è cme prima.
Michele Eral bel?
Patrizia L’era ‘n moro, alt , sinpatic!
Michele Ma el stà un grande amore?
Patrizia Iè mia afari tui! Comunque se propria ‘t vo saveral l’è stà sul un
mument da debolesa.L’ era stà un brut periodo par tuti du.
S’eram stresà em cercà un atin da relax.
Michele L’è stè cme bear na camomila , insoma!
Patrizia Quasi, insuma quel di pu’!
Michele Come bear an piramidun!
Patrizia Già… ma cos el an piramidun?
Michele Na pastiglia par star mei.
Patrizia Sì alura ch sema: na pastiglia par star mei …’n piramidun!
Michele Un piramidun corius!
(Entra Rebecca con Romilda, la padrona di casa.)
Romilda Sa nasi n’altra volta fac la ragioniera. Set che bel, senpar sentada.
Michele Ades mi vaghi.
(Michele se ne va non prima di fare una piccola carezza sui capelli di Patrizia)
Romilda Anca lilù s l’è comod. Al gh ha mai presia d’andar a laurar. Sa nasi
n’altra volta su mia sa ‘m maridi, vaghi a far la raginiera e basta
(Entra Rebecca . Patrizia e Rebecca s’abbracciano)
Patrizia Rebecca e la mama?
Rebecca Cosa gh ho da dit? La gh ha di alt e bas.
L’è ‘n qual dì ch l’ha ciapà in man la machina e la proa a guidar
L’ha sa frantumà tuti du ‘ fanai davanti, però ta ‘l sé ne che le la
patente la gh l’ha da tanti ani anca s l’ha mai pudì guidar parchè al
papà al vulea mia.
Romilda Vaghi a far ‘n cafè!
(Romilda passando davanti alla carrozzella del bambino si ferma un attimo)
Romilda Caro che bel cl’è, che bela cera ca ‘l gh ha!
Patrizia E’ , l’è bel colorì!
(Esce Romilda , Rebecca s’avvicina alla carrozzella)
Rebecca Caro , che meraviglia!
Patrizia E po l’è bun, al dormi senpar ,al par ‘n banbolot!
Rebecca ‘T troat ben chi?
Patrizia Si , iè tuti paran gentili, con mi e con Leonardo.
‘M par propria da trovam in famiglia.
Rebecca E Michele, che bel om ca ‘l s’è fat né?
Patrizia ‘M su gnanca acorta. El bel?....Certo ch l’è bel e anca sinpatic
ma ormai gh è sul al me putin par mi.
Rebecca Sarà mia csì par senpar.’T gh è sul vintisic ani ,la vita
l’è mia fnida ades, e po al tu putin al gh ha bisogn da un padar.
(Entrano Marcello e Claudio)
Claudio Sa nasi n’altra volta a fac al ragionier set che bel, senpar sentà
tut al dì.
Marcello Anca ades ‘t s’è spes sentà ….in sal tretur !
Claudio Però con cal sbatiment da tut…’t suta,’m trema fi le budele
Marcello T’ è mia volì studiar ,teston.
Claudio La scola la ma stava streta invece la campagna l’era tuta verta.
Ma fam vedar sta bela cretura!
(Marcello e Claudio s’avvicinano alla carrozzella)
Marcello Par mi al su miglia a su nona Maria, l’è bel cme le.
Rebecca Disal? Ma lu conosal me madar?
Marcello L’ho conosida ch l’era na putina.La pusè bela putina dal mund,
almen par mi.
Rebecca L’è ancor na bela dona.
Marcello ‘N piasariam tant rivedarla
(Entra Tiburzio trafelato)
Tiburzio E’ rivà la siura Maria con la Colonba.
Patrizia Oh mama ,cosa fem ades?
Romilda Ades andè via, pasè par dadrè . Tulì su le valis. Dopo an po’
‘f presentè com sa fosi apena rivade.
Patrizia Ma , e al me putin?
Romilda ‘C pensi mi, inventarò quel!
Rebecca Menomale che la machina l’è nascosta da dre dal fnil
(Escono Patrizia e Rebecca)
Tiburzio Vaghi a ricevarle.
(Esce anche Tiburzio. Romilda cammina avanti e indietro nervosamente.)
Marcello Stà calma Romilda.
Claudio Già, ‘t pari n’ava mata.(Tiburzio introduce Maria E Colomba)
Tiburzio Prego , prego siura Maria la ‘s comoda.
Maria Grasie, ben gentile.
(Maria appena vede Marcello s’avvicina e lo abbraccia)
Maria Ciao Claudio, che piaser vedat ‘t s’è senpar quel, è mia pasà i ani
par ti!
Marcello La varda Maria ca sun mia me fradel. Scusa volea dir, son mia mi
Claudio ma su fradel Marcello . Però s la m vol brasar par mi
va ben.
(Claudio si alza) Ciao, Maria Claudio sun mi.
Maria Oh, Claudio l’è trent’ ani ca ‘t vedi mia ma ‘t s’è senpar quel.
Claudio Anca ti ‘t s’è senpar quela, però ‘t pari n’altra.
Maria Son n’altra. Romilda ciao ,nualtar na qual volta invece
a sem viste in chi ani chi!
Claudio Su mia parchè ‘t sii mai gnida da ste part ,gnanca quand gnea,
le pudlete a cataras con la Colonba.
Maria E’ me marì l’era gelos figurat ca ‘l s’era mis in la testa
che ti Claudio‘t fosi stà ‘n me spasimante.
Romilda Gnint da pusè sbaglià ,ne caro?
Claudio Certo cara.
(Maria vede la carrozzella)
Maria An putin?
(Romilda si pone davanti alla carrozzella)
Romilda Al dormi.
Maria Un putin, ma di chi el?
Romilda Al putin…….al putin…… ma ..ma mio l’è!
(Colonba corre a vedere il banbino)
Maria Tuo? , ma scusa, con a pol esar, ’t gh’è mia quasi sinquant’ani?
Romilda Sinquant un ! Difati credea d’esar in menopausa, invece eco chi.
Maria Posi vedal?
Romilda Ma al dormi
Maria Faghi pianin!
Romilda Sa ‘ l s disnisia al sa spaventa, l’è mia vià con i forester !
(Maria s’avvicina e vedendo il bambino di colore si sorprende)
Maria OH ,ma l’è……..
(Colomba l’interrompe)
Colomba L’è pran bel ,né?!
Maria L’è pran bel…….Però quel ca vulea dir l’è anca ch l’è..
Claudio Un po’ colorì.
Romilda Però al gh ha i oc celest.
Maria L’è bel né , ma com è pudì sucedar?
Romilda Tenp fa gh evam an braciante ch eam asunt a giurnada par dar na man in di camp .Ben l’era an Vatusi , insuma par farla curta mi ‘m
sun inpresiunada dal culur e al putin l’è saltà fora negar.
Colomba Pol sucedar , quand una in stato la vet quel ca l’ipresiona , sucet
Maria Menomale ch ta ‘t s’è mia inpresiunada in al vedar le galine,
con tute quele ca gira par al cort!
Marcello Maria forse le la ‘s ricorda mia da mi , ma mi ‘m ricordi benisim da
le. Pu tardi’m piasaria scanbiar do parole con le ‘s la per permet.
Ades purtrop gh ho ‘n inpegn. A pu tardi bella signora.
Maria Par parlar gh è tenp, parchè se la Romilda la sarà csì gentile da
ospitaras mi contaria da fermam na qual giornada.
Romilda Sarà un gran piaser par mi!
Colomba Bene, l’aria dla canpagna la ch farà ben siora, l’è tant palida ch la
par pena cavada su.
Maria Grasie Colonba ,‘t s’è senpar pran gentile!
(Marcello bacia la mano a
Maria)
Marcello A più tardi.
Maria Non troppo tardi spero.
Marcello L’è
quel ca speri anca mi.
(Marcello esce)
Romilda Scusè, mi vaghi a preparar le camere.
Claudio Vaghi anca mi gh ho ‘n apuntament con le vache dla me stala
Colomba Mai far aspetar le vache!
(Colomba e Maria rimangono
sole. Maria s’avvicina alla carrozzella)
Maria L’è bel né! L’è ‘n po scurin…………….Mi sarò stupida ma
cla storia
dl’ inpresion dal Vatusi’m lasa ‘n qual dubi. Ti cosa disat?
Colomba Mi sun muta. Che sa pensar al fa burdel: mosca.
Maria Ti ‘t gh è senpar raguiun , cara la me Colonba. Cosa faria mai sensa
da ti?
Colomba La saria persa siura ,quel gh al dighi mi!
(Rientra Romilda e nel frattempo si sente bussare. Romilda va ad aprire. Entra Rebecca)
Maria Cosa fet chi , Rebecca?
Rebecca Em troà al bigliet ca t’è lasà par dir i dua avria pudì troat.
Mama gh’è na sorpresa.
Maria Quala sorpresa?
(Rebecca esce e rientra subito con Patrizia. Maria sviene )
Patrizia Mama, ma cosa ‘m conbinat. Mia far csì dai
(Romilda arriva potando l’acqua e gliela spruzza in faccia)
Rebecca Cosa ghi dit ala mama ,dal putin?
Colomba La Romilda la gh ha dat d’itendar cl’è suo.
Rebecca E le gh ala credì?
Colomba L’è mia tant persuasa, ma par al moment l’è mei mia dic la
vrità, sinò chilè gh vagn an sciupun dabun!
Rebecca Sì ,sì l’è mei
(Maria intanto s’è ripresa)
Maria Patrisia cara che piaser vedat!
Patrizia Apena m’è rivà la notisia sun partida subit, mama cara ‘m dispias!
(S’abbracciano. A quel punto
Maria s’accorge che Patrizia ,vestita da viaggio indossa ciabatte da camera)
Maria Ma Patrisia com’ela ca ‘t gh è ados dle savate da
camera?
Patrizia Gh ea mal da pe in areo e alora ‘m sun misa comoda.
Rebecca Con l’altesa pol sucedar!
Patrizia Sì , mama l’è propria csì
Maria Mi ho senpar pensà che con l’altesa podes vegnar al mal da testa
mia al mal da pe ma mi so gninte, son gnanca mai andada fora dla
porta .Mi m vegn al mal da mar sul a vedar la vasca da bagno piena
d’acqua
Colomba Ades capisi perché la fà senpar la docia!
Maria Ben ades ca ‘t s’è rivada forse l’è al caso d’andar a casa nostra.
Patrizia No…No…Sa stesom chi ‘n qual giuran a riposar?
Romilda Certo saria ‘n piaser. Al post al gh è!
Maria Và ben cara fem con a ‘t vo’.Gh em tante robe da diras cara.
Patrizia Pusè tardi mama, sun pena rivada , fam respirar!
Colomba Sa na ma sbagli, e al me nas a sbaglia mai, chi, al sugnorino
l’ha depost ‘n regalin.
Patrizia Andem, andem a puliral!
Maria Cosa gh i inintrat ti?
Romilda Gh vaghi mi a pulir al me putin.
Patrizia Vegni aiutat, al fao senpar ala Mision.
(Maria a bassa voce)Mia inpresiunarat , al putin: l’è ‘n po’negar! ‘Tsè pran brava cara!
(Escono tutti tranne Colomba)
Colomba Stala ben siura?
Maria Sì Colonba, ades ch è tornà la me Patrisia stac ben!
Colomba Ben alora vaghi anca mi canbiar al putin!
Maria Mi stagh chi a riposar un p’o Sun sfinita con tute ste emosion!
(Esce Colomba Rientra Marcello)
Marcello Maria ,Resistea mia.
Maria Volal anca lu andar a smerdar al putin?
Marcello Capisi mia……..Mi l’è tant ca gh ho da dit na roba urgente
Posi dat dal ti?
Maria Cat ormai! Comunque gnit in contrari. Cos’ela sta roba ca pol mia
spetar?
Marcello L’è pusè ‘d trent’ani ca gh ho da dit na roba.
Maria Trent ‘ani? Ma alora l’è mia na roba fresca!
Marcello L’è mia fresca, ma par mi dop trent’ani l’è gnida na roba
intratenibile: Astolfo l’era mia gelos da Claudio ma da mi.
Maria Spiegat, capisi mia.
Marcello Astolfo l’era al me miglior amic e a lu gh ho confidà i me sentiment
par ti. Mi alura studiavo al’università. La prima volta ca sun gni a
casa uatar du s’eri fat murus.E sensa quasi ca ‘m ‘n acoses da quel
ch era suces a ‘v si maridà. Al m’ha gnanca invità a nose cal vigliac!
Maria Alora , second ti al m’aria maridà sul par farat un dispet !
Marcello Quel mi al so mia, ma quel ch è sicur l’è che cal treno chi mi voi
mia perdaral par la seconda volta.Vegni con mi ca ‘t faghi visitar la
ma me casa e ‘s la ‘t pias ‘t po’ anca restar
Maria Caro al me Marcello, frena .Ti ‘t s’è mat .Par ca t’abia becà na
tarantola Ta ‘m pari infantasmà .Ma ‘m sa che stavolta par ciapar
cal treno lì‘t s’è andà in stasion un po’ trop prest. Mi sun vedua sul
da dum e,disd’ot gioran e (Guarda l’orologio) e set ore. Lasam al temp da digerir tute ste nuità
Marcello Par mi’m vero marì ta gh l’è mia vi!?Ti ‘t sé stada vedua apena
maridada.
Maria Pol esar.! Ma vedat lu forse l’è mai stà un marì par mi, ma mi sun
senpar stada na mier par lu.
Marcello Credam , mi rispeti i tu sentiment, però vegni almen fora con mi
Ca ‘t faghi vedar le stele.
Maria Ma sa na ma sbagli cle stele chi iè le stese ca gh è in cità.
Marcello Le stele quand a ‘t ghè vicin qualdun ca i a ilumina le brila di pu’.
Maria Ben,mi ho ricevì tanti compliment in la me vita ma nisun m’ha mai
dit ca faghi brilar le stele. Ben a vegni, se non altar par far un
dispet ad Astolfo, lu ‘m n’ha fat tante ma tante ca ‘l la merita.
(Marcello la prende per mano escono ridendo, nel contempo rientrano Colomba
Romilda e Tiburzio)
Romilda Sarà perché l’era sa quasi trent’ani ca gh era mia putin in cla
casa chi ma quand al picol Leonardo l’andrà via ‘m setarò pran
spersa!
Tiburzio Pensa Colonba sa ta m’esi dit da sì, quanti bei putin avresum fat!
Colomba Si sumigliava a ti i saria mia stà tant bei da sicur!
Romilda Pensa Colomba, avresom pudì esar cugnade,
ma ti t’aspetavi al principe asur!
Tiburzio Bastao saveral,’m saria dat na man da celest.
Colomba Tante parole fate par gnint.’s tratao mia dal color ma dal saor
dla persona, e mi gh ho al palato delicà.
Romilda Quel al s’era capì.
(Entra Patrizia)
Patrizia Gh è mia me madar?
Romilda L’ho mia vista, forse l’è andada fora con Marcello.
Patrizia Pensi ca sia gnì al mument da dic la vrità. E ades ch ho decis
l’aspeti fin ch la riva.
Colomba Dormal al putin?
Patrizia Al s’è pena indurmensà ma l’è inchiet, am par ca ‘l scota .
La Rebeca l’è lì con lu.
Colomba Ben, vagi a vedar sa gh è bisogn d’aiuto
Romilda Vegni anca mi.
Tiburzio Ben, invece vaghi in stala a darac na ma a Claudio .
(Escono tutti, rimane solo Patrizia. Subito etra Michele)
Michele Ho vist me sio Marcello chi in sl’era ,ca ‘l cure a dre a na siura.
Patrizia Forse l’era me madar…..Ma ‘m par strano
Michele Tu madar?
Patrizia L’ è capitada chi ogi donmesdì. Ades ho decis da dirac la vrità
in sa’l me putin e so mia cme far, son preocopada
Michele Ta ch disi ch l’è me fiol e ca ta spusi.
Patrizia Sa ‘t s’è sioc! Va ben che me madar la sia n’igenua ma questa la
la bearia mia.E pu’ ti et mia senpar dit ch ‘t sun antipatica?
Michele La sinpatia e l’antipatia iè conpagn da banc come l’amor e l’odio
stando vicin i ‘s pol cotagiar.
Patrizia E ti set restà contagià?
Michele S’ fin da quand t’è varcà cla porta lì con in bras al tu putin.
Al giuran dop ho lasà la me morosa e son mia pu’ andà fora con
con nisun altra Ades tal sé sun chi ca ta speti, Posi?
Patrizia Michele, grasie dla tu generosità ma in cal moment chi gh ho atar
da pensar.
(Entrano Marcello e Maria)
Marcello Ta m’è fat corar ca gh ho pu’ fià.
Maria Cosa credeat , gh ho ancora le gambe bune, set!
Marcello ‘M sun acort!
(Maria vede la figlia e corre ad abbracciarla)
Patrizia Mama gh ho da dit na roba inportante , però ‘m racomandi
mia andam in fastidi par piaser!
Maria Ma cara , sarò mia senpar dre andar sempar in fastidi. Dim , dim
cara
Patrizia Mama al putin..
Maria Qual putin?
Patrizia Ma Leonrdo…….
Maria Al putin dla Romilda?
Patrizia Al putin dla Romilda l’è mia dla Romilda
Maria A, mi ‘m l’ea imaginà cl’era mia suo, l’ala adutà?
(In quel momento rientrano: Colomba,Romilda e Rebecca con il bambino in braccio)
Rebecca Patrizia, al putin al gh ha la fevra a quaranta , bisogna portaral
al’ospedal.
Patrizia OH, mama al me putin!
Maria Al, tu putin? Colonba al su putin.
Colomba E’ sì ‘t s’è nona ,siura Maria.
Patrizia Mama ‘m dispias , vulea mia ca ta ‘l savesi in cal modo chi.
(Maria sviene mentre le donne e Michele si recano all’ ospedale con il bambino.
Marcello si dà da fare per far rinvenire Maria. Prima la spruzza con l’acqua poi
le lascia andare due sonori
ceffoni)
Marcello Maria,ma chilè l’è abunada. Maria, Maria dai dismisiat
cara.
Maria Cos è suces?…’M par ca ‘m sia gnì ados un camion.
Marcello No ,cara quel da pusè leger ‘t s’è stada investida da un neù.
FINE SECONDO ATTO
TERZO ATTO
(In scena Tiburzio, Romilda e Claudio)
Romilda Certo che ades quand al picol Leonardo l’andrà via ‘s mancarà
pran tant!
Claudio Ades l’inprtante l’è cha al putin l’è gnì a casa d’ospedal
conpletamente guarì.
Romilda Sa gh eson avì ‘n qual fiol in pu’ opura se Michele al fos sta un po’
Pusè disgnalà forse ades podresom esar noni anca nualtr!
Claudio Nuantar s’erom intensiunà a far su na scuadra da calcio,però
è rivà sul Michele. E sì ca ‘t pudrè mia dir ca ‘m sun mia dat da far.
Romilda Quel l’è vera, posi mia lamentam.’S vet ch l’è mia stà destin!
Tiburzio Ben e alora mi ca gh ho sul an neù! Tuti i me amic i gh ha fioi,
e scuadre da neù e mi sul cal misero Michele.
Romilda Vè caro ,‘t duevi dat da far ti invece ca ‘t sé restà signorino!
Tiburzio ‘S vet ch l’è mia sta destin.
Claudio Certo che la Maria , esar dventada nona e vegnaral a saver in ca ‘l
modo lì l’è restada pran mal.
Tiburzio Ch pensa me fradel veterinari a curarla.
Romilda Ma cosa disat balos.!
Tiburzio Tibursio l’è mia furb ma l’è inteligente , ricordal.
Claudio Dai andema Tibursio ca gh em ‘n apuntament in stala.Sa nasi
n’altra volta faghi al ragionier!
(Escono Claudio e Tiburzio. Entrano Patrizia, Colomba e Rebecca con la carrozzella.)
Patrizia S’è vist me madar?
Romilda Pensi ch la sia fora con Marcello, ma eccola chi
(Infatti in quel momento Marcello e Maria stanno entrando.)
Marcello Mi ades a vaghi , torni fra un po’ , sa ‘t gh è bisogn ciamam.
Maria Grasie Marcello, garsie da tut.
(Esce Marcello. E Romilda si reca nelle stanze interne Maria si siede a la tavolo pensierosa)
Rebecca Ben mi mama vaghi a casa a preparar tut par al nostar ritorno.
Sa ta ‘m credi mama però mi ‘m pisaria pusè star chi.
Maria Ma cara t’è fnì le ferie e le vacanse iè fnide
Rebecca Ciamle vacanse. Ciao a tuti!
(Rebecca esce)
Maria Patrisa, vegni chi cara co gh ho da parlarat un moment:
Colomba Ben,
mi vaghi alora.
Maria No Colonba , ti ‘t sé da famiglia , ‘t po’ restar.
(Così Patrizia si siede al tavolo di fronte alla madre e Colomba si pone in mezzo a loro)
Maria Dim cara com’ è pudì sucedar?
Colomba Certo ca ch vol un ingenier par rispundar a stà domanda.
Maria El negar al padar dal putin?
Colomba No l’è ‘n albin!
Maria Vot tasar par piaser e lasar ca risponda la Patrisia?
Patrizia Gh è poc da dir, al padar dal me putin l’è un dutur african.
a s’ema unì e pu lu l’è partì.
Maria Ma perché Patrisia?
Patrizia Parchè l’era un ca stava mai fermo in cal post. Mi pensi però ca
sia stà un bene perché mi mai l’avria volì cme conpagno dla
me vita.
Maria Ma perché?
Colomba Perchè ades gh è l’abitudine dal mordi e fuggi padrona!
Patrizia No l’è sta sul ‘n minut da solitudine e disperasiun.
Colomba Anca questa l’è colpa dal bonanima. S l’era mia par lu la pudleta
l’andao mia via ‘d casa a ch la manera lì a sercar l’aventura verso l
l’ignoto
Maria Colonba, vot lasar lì d’intrometat!?
Colomba Prima: vegni chi ca ‘t s’è da casa dop parchè m’itrometi …
e decidas na qual volta!?
(Colomba esce borbottando)
Patrizia Mama, ‘m perdunat?
Maria Mi t’ho sa perdonà , ma la gent ‘t perdunarala?
Patrizia Da chi altar m’è mai intetresà, m’è mai intresà!
Vaghi a da dlà a indormensar al me putin.Vot vegnar anca ti mama
‘T piasaria tegnaral In bras ‘n po’?
Maria Pu tardi , forse
(Esce Patrizia con la carrozzella.
Entra Romilda)
Romilda Ogi ho preparà al pulastrin arost.
Maria Ogi gh è qualdun d’altar ca ‘s senti arost.
Romilda Mia far csì Maria
Maria Vedat Romilda mi in al me matrimoni ho soportà tut par al ben
dle me fiole. Gh ea tanti sogni e pu’…
Romilda Vedat mi pensi che ti tsè stada fortunada,par un ch l’è andà
n’altar l’è rivà e mi credi ca t’abia guadagnà in al canbi.
Scanbia i tu sogni con la realtà cla pol esar pusè bela.
Mi faria carte false par avec an neù cme Leonardo
Maria Son convinta che ti ‘t gabia ragiun ma mi sun gnancura stada
buna da tor in bras al me neudin parchè pensi ala gent ,mia par
mi set ma par me fiola.
(Colomba che era entrata aveva sentito le ultime parole)
Colomba A proposit dla gent, varda ca gh è la Dora in arivo
Maria La Dora?
Colomba Vot ca resta chi con ti?
Maria No l’è ora ca comincia a cavamla da par mi.
Colomba L’era ora.
(Escono Romilda e Colomba.)
(Dora da fuori) E’ permes?
Maria Avanti avanti cara, t’aspetao
Dora Ciao cara coma stet?
Maria Ben grasie, e ti?
Dora Anca mi grasie.
Maria Com ela ca ‘t sé chi?
Dora Gh ea voia da vedat ,l’è un bel po’ ca ‘t s’è chi in campagna.
Gh et na qual novità
Maria Mi no e ti?
Dora Ier sem catà mi, l’Adelina, la Laura,la Francesca e su mia chi è stà
ma quadun l’ha dit ch’è turnà la Patrisia, el vera?
Maria Sì, è turnà la Patrisia.
Dora Ma pensa i ha dit ch l’è stada vista al Bulgarini, con an neonato in
…..Ma gh è mia da farac afidament a certe bagolone.
Maria Iè bagulune e le t’ha mandà ti par idagar, e ti pusè baguluna da lur ‘t sé gnida ‘d corsa ,ma gh ho un mesagio par tute.
Dic che al vostar amante, quel ca ‘v portava senpar in ferie lasado
a casa la moier l’è dventà nono da un bel putin negar
con i oc celest e un anima bianca cme la nef.
Digal a cle done con la facia biancha l’anima d’icerto colore.
Dora Cosa vuresat dir?
Maria Quell ch ho dit , ca gh ho un neù meraviglius e sun orgogliosa da lu
e dla me vita. E a cal punto chi rinpiansi gnac pu’ me marì e le car amighe ca m’ha senpar tradì.
Dora Maria ma cosa disat
Maria Dighi che se anca u senpar tasì sun mai stada stupida dal tut, e
questo l’è ben ca al savighi na volta par tute.
Dora Maria dunca, ti savevi tut ! Avria mai credì!
Maria Certo ch al saveva son mia oca dal tut!
Dora E alora parchè et mai dit gnint?
Maria Ho semnpar tasì par al quieto vivar, par al ben dle me fiole
o forse sul par viltà; ma l’è andada csì andada csì e basta
Dora Cara ‘m dispias tant !
Maria Mai come a mi.
(Dora esce correndo. A questo punto entra Colomba.)
Colomba A l’era ora ca ta disgnalesi padruna!
Maria Son mai stada csì contenta! ’M sun tirada via un bel peso dal
stomac, e ades finalmente vaghi a tor in bras al me neudin
ch l’è anca ora.
(Escono tutti. Entrano Romilda e Michele)
Michele Gh è mia nisun?
Romilda Che tradot vol dir: gh è mia la Patrisia?
Michele Alura mama t’è capì tut. Cosa gh ho da far?
Romilda Spusla , le e ‘l putin.
Michele Ma mama gh ho paura cla ‘m voia mia
Romilda Par saveral l’unica l’è dmandargal.
Michele E cosa gh dighi?
Romilda E’,ma alura gh ho propria ‘n fiol dur!.Vaghi dadlà e ‘t la mandi subit
(Esce Romilda . Usendo)L’era mei cal fes stdiar da ragioniera
(Uscta RomildaMichele fa le prove)
Michele Patrisia, spusemas ……No……Patrisia fin dal prim moment
No….No…No… Mi vuria dit……Patrisia mi…ti…lu…
(Entra Patrizia)
Patrizia Cosa fet Michele,parlat par tu cunt?
Michele Patrizia ,ti amo per due : ti e al tu putin! Spusem, sarem felici, son sicur.sem do anime tre anime gemele
Patrizia OH Michele! Da questo son sicura anca mi, ma lasam ‘n minut par
rifletar! M’ho pasà tante gh ho ancura da riprendam.
Michele Insoma , el un no o el un sì
Patrizia L’è un nì!
Michele Mei un nì che gnint.
(Entra Maria insieme a Colomba)
Maria Ve Patrisia versi al barachin dal late che Leonardo al gh ha fam.
Intant ti Colonba prepara la valis ca andema a casa.
Patrizia Subit?
Maria ‘T par mia ca sia ora?
(Escono Patrizia, Michele e Colomba. Entra Marcello)
Marcello Prima ho vist na siora cla curea sigando vers la machina.
Maria L’è la me amiga Dora. Finalmente sun riusida a ricanbiar le
su gentilese.
Marcello ‘S vet cla s’era comosa!
Maria Tal credi! Marcelo senti ades l’è gni al moment da salutas, sem dre
andar via.
Marcello Maria, mi dop l’altra sera ‘m s’era ilus.
Maria Par ‘n basin? E’ fnì la stagion dl’amur, sem vec caro.
Marcello L’amor fora stagion l’è ancor pusè bel.
Maria La roba fora stagiun l’è in liquidasiun.
Marcello Ma l’è in le liquidasiun ca ‘s fa i afari migliori
Maria Caro al me Marcello, sun talmente famada da feicità ca saria
propensa a credat. Mi ‘t ringrasi parchè ta me vert di orisonti che
mai avria pensà da troar dentar da mi….Ades però dam al tenp
da rifletar par tor la decisiun giusta.
(Marcello le bacia la mano. Rientrano Romilda, Colomba e Patrizia con la carrozzella
Da fuori rientrano anche Tiburzio e Claudio)
Claudio Cos ‘el ca vulì andar via subit?...Ma parchè?
Romilda Gh l’ho dit anca mi da restar. almen disnè.M’è gnì ‘n polastrin
speciale, rosolà ala perfesion
Maria L’è mei ca andema subit senò catem pu’ la forsa d’andar via.
Patrizia L’è vera.
Colomba Mi ‘m piasaria almen tastar al pulastrin!
Marcello Maria ‘m prometat da pensar ala me proposta?
Maria Certo!
Michele E ti Patrisia?
Patrizia Michele , lasam sul al temp da pensarac.
Maria Arivederci e grasie da tut!
(Escono Maria, Colomba e Patrizia. Romilda piange)
Romilda ‘M manca sa al me putin
Claudio Al su putin!
Michele Al nostar putin!
(Rientrano tutti)
Maria Gh ho sa pensà Marcello
Patrizia Sem sa chi parchè l’è sta facil decidar!
Colomba E mi sun chi parchè ‘m piasaria tant tastar metà da cal polastrin
rosolà ala perfesion!
FINE