L’ALTA MAREA
commedia dialettale mantovana in tre atti di Maria Gabriella Bonazzi
cell. 3288080393 – email: barbara.stuani@libero.it
N. di posizione SIAE 216769
Breve presentazione dell’autrice:
Due vedove:
una s’ammala per il dolore,
l’altra cerca di rubarle un vecchio amore.
I loro figli a volte non accettano consigli.
Ma Delia è domestica molto sveglia,
un vero angelo del focolare
e ogni cosa riesce a sistemare!
Personaggi:
Delia
Clara
Sara
Antonio
Asdrubale
Leontina
Luca
Maria
Dott. Frigeri
Idraulico
Cameriera
Padrona di casa
Figlia di Clara
Figlioccio di Clara
Psicologo
Amica di famiglia
Figlio di Leontina
Domestica di Leontina
Medico di famiglia
Idraulico
1
ATTO PRIMO
(La scena: un salotto elegante. In scena due donne, una seduta al tavolo, l’altra si accinge a versarle il caffè)
Delia Eco, al cafè l’è pront!
Maria Bene Delia!
(Delia si ferma di scatto)
Delia No, speta ca ch meti un cichetin.
Maria Ma cos’è’ l ‘n cichetin, Delia!
Delia Ma un po’ da liquor par coregiar al cafè!
Maria Parchè gh et da coregiar al cafè, et sbaglià a faral, Delia?
Delia Ma cosa disat Maria, al cafè con la Grapa o la Sanbuca l’è pusè bun!
Maria Disat? Cosa vot ca sapia mi ca sun stada al’orfanatrofio da quand sun nata
fin a trentaduan, Delia!
Delia A ‘t s’eri n’orfanela stagionada!
Maria Sun restada al ‘orfanatrofio par aiutar le bune suorine, fin che lor le m’ha catà
cal lavoro chi in casa dla siora Leontina.
Delia Fina quela! L’è un bel po’ch la conosi ! So mia com la posa soportarla la me padrona
figurat ch l’è la su migliore amiga!
Maria Al so! Ma gh et mia paura che la tu padrona la ‘t cata a bear i su liquor?
Delia No ‘n gh è pericol! Cla lì da quant è mort su marì in cl’icident ca ‘l gh ha vì Insiem al
marì dla siura Leontina….
Maria Già, i era andà a far un gir par proar la machina noa dal me padrun.
Delia E patatrac! Sa gh è parà davanti un platan…Sec tuti du. E par fortuna che la machina
l’era in rodaggio!
Maria Che disgrasia!
Delia Che cioc! Ben dop la disgrasia la me siura Clara la s’è butada malada, la leva su a
mesdì. E tuti i giuran la gh ha un disturb nof.
Maria A sì? Puarina, sarà sta al dispiaser par la su perdita, né Delia?
Delia Qel savria mia dirtal, però dop du giuran dal funeral ho sentì cla sercava al telefono
al su murus vec, l’Asdrubale pissicologo per signora.
Maria T’avrè capì mal, forse l’era un omonimo.
Delia Qual omonimo.. quanti Asdrubale conosat ti?
Maria Nisun! Certo chi è stade fortunade le nostre padrone a conosar do brave persone
disposte a adotar i du putin che le sposine le gh ha portà in dote. Ne Delia?
Delia I era dle bele done tute do e ale done bele sa ch perdona tut, dal rest al me sior
Sergio al gh ea anca lu ‘n fiol dla prima moier e le la gh ha volì ben come sa ‘l fos sta
suo.
Maria Alora la siura Clara l’è na brava dona. La Leontina e su fiol invece iè du semi.
Delia E le con ala tol la vedovansa?
Maria La canta ,la bala tut al dì L’è senpar in gir par negosi le e su fiol. Si seguita csì
I magna fora tuta l’eredità in quatar e quatrot e mi ‘m tocarà tornar al’orfanatrofio.
Delia Pegio par lur.
Maria E pegio par mi!
Delia Vot ancora un po’ da cafè?
2
Maria
(Maria si alza)
Maria
Delia
(Maria esce)
Grasie no. E’ sa pasà la me ora ‘d libertà, l’è mei ca vaga a casa prima che la siora Leontina la ‘m serca.
Ciao.
Ciao. ‘S veden dman!
Delia L’è mesdì, ades la ciama: 1 2 3 4 5 .
(in quel momento si sente la voce della padrona)
Clara Delia …Delia, in du set?
Delia Rivi..Rivi! L’è mei ca vaga l’è l’ura dla colasiun.
(Delia controlla il vassoio)
Delia Pancarrè, marmelata, frutta, zabaione, panino al prosciutto, spremuta… gh è tut
Certo che l’apetit a ch manca mia. Chisà che malatia la sfogiarà inco. (Delia esce, entra Sara insieme a un giovanotto: Luca)
Sera Vegni Luca, sentat. Vot quel da bear?
Luca No , gh ho mia se!
Sara Gh et fam, ‘t prepari un panin?
Luca Gh ho né fam né se. L’unica roba ca desideri ‘t s’è ti.
Sara Prima da tut,son mia na roba ma na persona e pu’ frena ca ‘t coru trop!
Luca Quand un l’è inamorà al cori par rivar al traguardo di su sogni.
Sara Varda che mi ta m’icanti mia , di avocat mi, gh ha poca fiducia.
Luca Prima da tut mi son gnacor laureà .ades pu che al me padrign è pasà a miglior vita
son pusè libero da far quel ca voi, cioè gninte.
Sara Ho capì, i ha mulà Carlun dla galera! Pu senti vot ca sia propria sincera con ti?
Luca Din, son curios.
Sara Vedat , par mi……..insuma ‘t s’è trop infià, carte arie!
Luca Ma cara , mi sun fiol d’an Duca.
Sara D’an Duca dica,quel da Totò! Ma va ‘t se fiol dna ragasa madre cme mi!.
Luca Sì , me padar al m’ha mia riconosì parchè me madar l’era na povra barista, però al
sangue l’è mia acqua e mi dentar sun nobile.
Sara Pol daras che da dentar ‘t sii nobile ma da ‘t fora’t se un bel infià!
Luca E a ti Sara, tu madar t’ala mai rivelà chi l’era tu padar?
Sara No , quand ga dmandi la canbia senpr discors al masim la ‘m dis che l’unic genitor l’è
le.
Luca E alora?
Sara E alora tasi, figurat che dle volte ‘m par quasi d’esar nata par opera dello Spirito
Santo.
(Entra il fratellastro di Sara, Antonio)
Antonio Bongiorno sior avocato, senpar i ni pe. Gh et atar da far?
Luca Al fato l’è che quel ca gh ho da far mi, sta in chi paragi chi.
Antonio Al fato l’è che quand sun a casa mi ‘t voi mia catarat in chi paragi chi!
Sara Ma Antonio!
Luca Visto ca sun mia gradì vaghi via.
Sara Luca no, speta!
Antonio Las ca ‘l vaga!
3
Luca Ciao Sara , ‘s vedem pu’ tardi. Gh ho na bela sorpresa da farat vedar!
Sara A sì? Ma cos’el?
Antonio Segreto….
(Sara accompagna Luca all’uscita, poi rientra)
Antonio Sa ‘l ma sta su lilu!
Sara Parchè cosa t’al fat?
Antonio Forse gninte, ma al m’ha sta su l’istes. L’è apicicos cme na ciuinga malciuciada.
Sara(Irritata) Mi so mia al parchè ‘t va mai ben nisun di me cortegiatori.Vot ca resta sitela?
Antonio Sun tu fradel , e ades ca gh è mia pu’ me padar son dventà al capofamoglia , voi mia
ca ta ‘t ‘t perda con an poc da bun!
Sara Vot vedar che ades al murus ‘ gh è da catarmal ti!
Antonio E parchè no?
Antonio Antonio ‘t se insoportabile!
(In quel momento entra la signora Clara sorretta da Delia)
Clara Povra mi, che dolor!
Sara Oh mama cara , cosa ‘t sentat!
Clara Da tut, ‘m senti da tut!
Sara Come da tut? ‘T gavrè di sintomi specific!?
Delia Oh la gh n’ha na sfilsa da sintomi che ‘m pers al cunt.
Sara Dabun Mama?
(Sara s’avvicina alla madre e l’abbraccia)
Clara Ai… ai, mia tocam cara ; gh ho un dolor ca parti al col e ‘l va fin ale caucele, pu’ senti
che alito!
(Clara alita in faccia al figlia che fa una smorfia di disgusto)
Sara Ma mama cos ‘et magna di simas?
Clara Sun scalugnada , gh ho mia fam, digerisi mia, faghi di bruti insoni e dormi mia.
Antonio La mort dal papà la t’ha scicà! Set cosa ‘t dovresi far?
Canbiar aria, far un bel vias ,magari na crociera.
Clara L’unic vias ca pudria far l’è andar a Loudes a dmandar la grasia da guarir. Caro al me
Antonio ‘t sé pran premorus. Com avale le robe in fabrica?
Antonio Mia preocuparat mama, va tut ben, nisun problema.
Clara Menomale ca ta ‘c sé ti caro, ca t’è ciapà al post dal papà in fabbrica
Antonio Purtrop sun dventà capofamiglia, né Sara?
(i sente suonare il campanello)
Delia L’è da esar al dutor Frigeri par la su visita quotidiana.Vaghi a versar
Clara Menomale ca gh ema un bravo dotor cme Frigeri, senpar premuros.
Sara Vuria vedar , con quel ca ‘s fa pagar !
Antonio I la ciama Palanchina.
(Entra il dottor Ffrigeri acconpagnato da Delia)
Clara Oh , sior dotor finalmente l’è rivà.’N posi pu’.
Frigeri Dica, che cosa si sente signora?
Clara ‘M senti da tut……..Al senta che alito ca gh ho!
(Il dottore si ritrae)
Frigeri Mi fido … mi fido sulla parola.
(Il dottore le prova la pressione)
Clara Ela alta?
4
(IL dottore la ignora e le osculta il cuore)
Clara Batal fort? Senti sal bat!
Frigeri Deve battere signora.La pressione è a posto, il cuore è perfetto.
Clara E alora parchè staghi csì mal? Al senta che alito!
Frigeri Mi fido… mi fido.Signora, per conto mio il suo non è un male fisico ma psocologico
Sara Cioè?
Delia Già ,cioè?
Frigeri La signora ha bisogno di uno psicologo che l’aiuti ad uscire da questo stato
depressivo dovuto evidentemente al recente lutto, le manderò io uno specialista,e
poi con un bel collottorio ne sentirà subito il beneficio.
Antonio La dovria andar in crociera
Frigeri Sicuramente , ma in un secondo tempo. Intanto è meglio che la veda uno
specialista.
Clara E quand?
Frigeri Al più presto. Ora vado.
Clara Sior dotor volal mia sentar al me alito?
Frigeri Per carità signora , mi fido Che dottore sarei se non mi fidassi dei miei pazienti!
Delia Duvres mia esar i pazientia aver fiducia dal dotor? Ma chi canbia tut, gent canbia
Tut!
Antonio Quant ’è il disturbo dottore?
Frigeri Facciamo tutto un conto!
Delia Csì gh è anca i interes da pagar!
(il dottore scrive frettolosamente una ricetta)
Frigeri Ecco la ricetta per un colluttorio ultrapotente Buona giornata e a lei signora ,su con
il morale
Clara Grazie e buongiorno!
Delia Sara
e Antonio Buongiorno!
(Esce il dottore)
Delia Al disnar l’è pront, sa vulì pasar in sala da prans!?
Clara Mi vegni mia, gh ho mia apetit e l’odor dal magnar ‘m fa vegnar la nausea.
Delia Ta ‘l credi con cal po po’da colasiun cla s’è filtrada .Gh vol na sbarada da ‘un mul a
digerirla.
Clara Par du tuclin da pan sec!
Antonio Dai andem almen nualtar, mi gh ho da turnar in fabbrica ala svelta.
(Escono Delia, Antonio e Sara. Rimane solo Clara. Suona ai canpanello e subito entra Leontina)
Leontina Gh era la porta verta e sun gnida drit dentar. Com a stet?
Clara Mal cara , mal..Vot sentar al me alito
Leontina Fin par carità. Ho pena disna!
Clara Stet ben?
Leontina Mai stada mei.
Clara Pensat mai al tu poar mari?
Leontina Sa’t vo ca ta ‘l diga, l’è stada na liberasiun!.. l’era un peso!
Clelia Cosa disat , mia fat sentar!
5
Leontina Clara Leontina Clara Leontina Clara Leontina Clara Leontina Clara Leontina Clara Leontina Clara Leontina Clara Leontina Clara Leontina Clara Leontina Clara Leontina Clara Leontina Clara Leontina Clara Leontina Clara Leontina
Serchema da esar sincere almen fra nualtar.I nostar matrimoni iè sta una
sistemasiun da comodo.S’ema andade insiem a cla festa con l’intento da catar du
papavar in grado da tos cura da nualtar e nostar du fioi . Sem stade fortunade i ema
catà, basta tut lì no?
Ta sbagli , mi gh ho vulì ben al me Sergio
Com et fat dighi mi a adatarat a Sergio dop la pasiun ca ‘ t gh è vì par l’Asdrubale?
Vè Leontina l’Asdrubale in cal periodolì l’era un student in madicina , e mi na povra
barista con na fiola a carico. L’era na situasion sensa speransa. Invece Sergio….
Sergio al m’ha dat al mond Csì ho fat altar che metam davanti ‘l sdpec e ho tacà a
Dim “Né ca mpias? Né ca ‘t s’è inamorada? “E l’amor l’è rivà!
Anca mi ho fat con a t’è dit ti!’M sun misa davanti a ‘n spec e ho tacà a dir
“Né cs ‘t s’è inamurada? Ne ca ‘t pias? E set cosa alm’ha rispost al spec?
Cosa t’al dit?
Al m’ha rispost” A chi vot darla d’itendar! Smorsa la luca cle mei.E csì ho fat
E a costo d’insucam ho senpar tegnì la luce smorsada
Leontina ‘t s’è teribile.
Ades però le luci i è ben inpisade dì e not! La musica la và a cento e mi me gnì
na gran nostalgia di bei temp pasà, ti no?
S’ insoma, set cosa ho fat? Du di dop ch’era mort ‘ l me Sergio m’era gnì voia da
vedar l’Asdrubale so gnac mi al parchè.
A sì? Contam.
L’ho ciamà al telefono, par fortuna al gh era mia, m’ha rispost la cameriera
e mi ho fat finta d’aver sbaglià numar.
Mi invece son stada pusè fortunada e l’Asdrubale l’ho catà.
Ma come, ma quand, ma parchè?
La smana pasada. L’ho ciamà par prenotar na visita, ta’l se ne ch l’è un psicologo?
Ma scusa, ti che problema gh et?
Ti s’è disperada parchè t’è pers al mari, mi invece sun strafelice, ‘t par normale?
Veramente ti par mi ‘t s’è mai stada tant normale.
‘T sarè mia gelosa né? L’è stada na normale seduta psicanalitica
Dop al m’ha ofert un cafè al bar e pu ciao! E pu l’era anca amar ,parchè al gh ea mia
sucar in casa.
Parchè al cafè dal bar l’ì portà in casa?
Ma Clara ta ‘l sé né che i gh ho sempar vi un debole par l’Asdrubale ..
E in fondo… eco ,lu l’è al padar dal me Luca!
OH mama cara ma questa l’è na noità! E ma ‘l disat csì?
E come vot ca ta ‘l faga saver ,con na cartolina postale?
A sun muta, ma com et fat?
Ma ala solita manera.
Ale me spale?
No, in sle me splale, infati son stada mi a restar instato.
Mo com ho fat a mia nacorsam?
Ma cara mi l’ho conosì prima da ti, e qund ho vist che ‘v seri inamoràmi ‘m sun
sacrificada, ormai lu ‘m voleva pu.
Che vigliac! Ma com et fat a tasar?
Mi, mi sun eroica anca sa par mia.
6
Clara Ma ti t’evi dit che che al padar da Luca l’era un duca.
Leontina San dis dle robe par dar sodisfasion ai fioi.
Clara Sun muta.
Leontina Dai Clara , mia suntarac anca al mutismo a tute chi altra malatie ca ‘t gh è.
Mi vaghi, speri d’averat portà un po’ ‘d confort!
Clara Sì ,che rasa,ta m’è porta un tal confort ca gh n’ho a sè par un bel po’.
Leontina Va .ghi,gh ho un apuntamento con l’estetista.
(In quel momento entrano Delia e Sara)
Sara Oh, siora Leontina che brava! L’è gnida a far compagnia a me madar!
Clara (Sarcastica) L’è n’angil!
Leontina Fra amighe questo e altro.
Clara Pu’ altar che questo!
Leontina (Cantando) Vado dove l’amore mi attende e mi sorprende….
Sara Com l’è alegra siura Leontina!
Leontina Mi l’alegria gh l’ho in al D N A.!. A proposit pudleta so ca ta ‘t vedi con al me Luca,
‘m fa piaser, si na gran bela copia!
Sara Sem sul amic!
Leontina Na bela copia d’amic, ma mi speri quel di pu’.
Clara Ben ti, mia tant corar!
Leontina Saluti a tutti (Poi cantando) Vado, l’amor m’attende e mi sorprende!
(Esce Leontina)
Delia ‘S l’è mia la vedova alegra cla lì gh è gnaca quela da Lear!
Sara Delia com a ‘t permetat!?
Clara Gh al daghi mi al permes! Dai Delia cara, compagnam a let, sun dermada.
(Esce Clara sostenuta da Delia. Entra Antonio)
Antonio Vaghi in fabrica…e ti , fa bel!
Sara Certamente fratellino, non dai un bacetto alla tua sorellina?
(Antonio esita in pochino poi le da un bacio sulla guancia. In quel momento entra Delia)
Antonio Ciao Delia, vaghi a laorar, a stasera, e fa la guardia ala Sarina.
(Esce Antonio)
Delia Mi al cagn da guardia al faghi a nisun; e prima a ‘v nacorsì d’esar inamurà uatar du e
mei l’è.
Sara Ma cosa disat Delia, sem fradei!
Delia Tuti sem fradei , figli di Dio. Anca uatar du si fradei ma mia fradei da sangue.
Sara Ma mi ades ‘m pias al fiol dla Leontina , al Luca l’è tant sinpatic
Delia Quel l’è mei ca ta tal dismenga, l’è un poc da bun!
Sara Cosa vot saver ti da on ca ‘t s’è restada sitela.
Delia Apunto par quel ca sun restada sitela, mi i om i ho nasà subit, ’m su tgnida ala larga:
tuti traditur!
Sara E Antonio?
Delia Tuti men che Antonio.
Sara Vedat ca ‘t s’è mia obietiva!
(In quel momento si sente il rumore di un auto e poi il suono di un clacson.
Subito Sara s’affccia alla finestra)
Sara Vegni a vedar Delia che machinon al gh ha Luca: na Ferrari Testarossa.
(Poi Sporgendosi) Vegni subit Luca!
7
(Esce Sara)
Delia Na Ferari Testarusa par na testa voda.
(Si spengono luci. Breve stacchetto musicale, quindi si riaccedono parzialmente le luci. In scena Delia. Entra Sara)
Sara Ah ,’t s’è ti Delia ,che scuai!
Delia Va ben ca sun mia tant bela ma adritura scuaiarat!
Sara S’erat in pe par aspetaram?
Delia Tal sé che quand ‘t s’è fora sun mia buna da dormar, se pu so ca ‘t s’è con serte
conpagnie..
Sara Son perplesa!
Delia Cos el ca pasa in cla testolina lì?
(Sara Si siede)
Sara Vedat Delia quand prima ta m’è dit che mi e Antonio s’em inamorà m’è gnì da ridar,
ma prima quand s’era in machina con Luca e al m’ha basà………Mi.
Delia Ti?
Sara Ben mi, ho desiderà ca ‘ch fos Antonio al su post!
Delia L’ea dit mi, e l’è giust csì.
Sara E alora s l’è giust csì , parchè staghi csì mal!?
Delia Ma cosa disat cara, v si volì ben da fradei ,però ades l’amor l’ha ciapà n’altra piega.
Sara A s’em volì ben da fradei sensa esar stà fradei e ades ch voi un ben da moros sensa
esar murusa
Delia Par questo ‘s pol rimediar! Ades però andema a let ch l’è tardi…………….Fem pian
parchè sa ‘s dismisia tu madar l’è facil cha ch salta for a un altra malatia.
FINE PRIMO ATTO
8
ATTO SECONDO
(La solita scena. Delia al telefono)
Delia Sì gh ema un emergensa al boiler al funsiona mia. A ‘m mada un idraulic .? L’è bravo
con le caldaie? Un tecnico, un vero specialista. Bene!
(Apena Delia posa la cornetta del telefono, questo suona di nuovo)
Delia Che gh è ades? Dottor Frigeri buongiorno, dica…Stamatina al manda al pissicologo
par la me siura ? Bene sperem cal cata un rimedi lu. Mi siur dutur sa ‘m cred a ‘m
posi pu’ ! Tute le matine la ‘m fa sentar al alito e l’è separ pegio l’ha indormensà fin
al colutorio ultrapotente. Al so… Bongiorano
(Entra la signora Clara)
Clara OH, mama!
Delia Siora Clara, l’è levada su prest stamatina, stala mei?
Clara Magar! Sun levada su perché star a let m’era gnì su an dulor da lasaron!
Delia Ha telefonà al dotor Frigeri e l’ha dit che stamatina al mandao an pisicologo
bravisin , an specialista. Al m’ha anca specificà ch la gh ha da dic tut cme ‘n confesor
‘sla vol ca ‘l posa aiutarla.
Clara Gh ho da esar sincera insoma, da versam dal tut.
Delia Brava! Intant che le la ‘s vers mi gh ho d’andar a far spesa, lasi la prta verta csì sa
vegn al specialista la fa a men da levar su!
(Delia esce)
Clara Quasi quasi bevria un gus da Nocino, giust par faram un po’ da coragio.
(Clara si alza, prende la botiglia del Nocino e se ne versa un bicchierino, poi se ne versa un altro e un altro ancora)
Clara Sa pensarò da suicidaram al farò con al Nocino, ma l’è pran bun!
(Clara torna a sedersi. Si sente suonare il campanello )
Clara Avanti!
(Entra un signore con una valigetta)
Clara E’lo specialista?
Idraulico Sì signora , mi dica.
Clara Immagino che lei voglia sapere i sintomi
Idraulico Infatti, non funziona del tutto, o è solo un piccolo difetto? Scalda?
Clara No, non scalda e poi è tanto che non funziona, fin da quando è morto mio marito!
Idraulico Sarà lo sfiato!
Clara No in quanto allo sfiato, con i disturbi che ho……. sfiata bene.
Idraulico Allora sarà lo scarico.
Clara Quello può essere, volte c’è un po’ d’intasamento.
Idraulico Bene . S’è è solo quello con una bella soffiata sistemiamo tutto.
Clara E in cosa cosa consiste questa soffiata
Idraulico S’infila un tubo nello scarico e si soffia.
Clara Ma che strano longuaggio usal sior dotur?
Idraulico Dotor? In due el al dotor?
Clara Ma lei scusi; non è lo psicologo?
Idraulico No; sun l’idraulico; e par cont mio l’é le cla parla un linguaggio strano!
Clara Ma al ma scusa lu al s’è fat pasar par ‘n specialista
9
Idraulico Specialista di caldaie idrauliche
(Entra Delia)
Delia Che brao, l’idraulico l’è sa chi. Al vegna ca’ l porti in bagno; la caldaia la fa rabir.
Idraulico Menomale ca gh è un qualdun ca parla ciar
(Escono l’idraulico e Delia, entra Sara)
Sara Ciao mama; com a stet?
Clara Oh cara, gh idea ca sia dre partam al sarvel!
Sara Ma no mama! Prest riva al psicologo ‘vedré ca ‘l met a post tut!
Clara Al vegn stamatina. Ma contam qualcosa da ti? El vera ca ‘t frequenti al Luca?
Sara No mama sem sul amic. L’è trop infantile. Vanevio e anca un po’ meschino.
Clara Par ti ta guoires un putel cme Antonio, pien da sentiment. Ma da chi putei lì sa ‘n
cata pochi.
Sara Già al gh è sul lu, s’è pers al stanp!.Ben, ades a vaghi al’Università, gh ho
n’apuntament con ‘n profesor par n’esam! Ma torni prest par farat conpagnia.
Clara Grasie cara.
(Si sente suonare il canpanello)
Clara L’è da esar al psicologo.
(Clara fa l’atto di alzarsi)
Sara No mama gh versi mi intant ca vaghi fora. L’è mei ca ch sia nisun quand ‘t visita
al gh ha da psicanalisarat
Clara Speri ca ‘n fagha mia mal ! Son pran agitada, son pran tesa!
(Entra lo psicologo)
Asdrubale Clara!?
Clara Asdru …..bale!
(Clara cerca di sistemarsi i capelli)
Asdrubale Clara che sorpresa , conseva mia al cognon da tu marì!
Clara Anca mi son sorpresa, m’aspetao mia che al dotr Frigeri l’es contatà propria ti.
Asdrubale Se al fat ca sia mi a psicanalisarat ‘t disturba fem do bagole e pu mi ‘m ritiri.
Clara Parchè, gh et paura ca ch sia un conflito d’interes. Sa ‘t va ben a ti da curam mi son
pu che contenta.
Asdrubale Clara, Clara , ti ‘t s’è stada la dona pusè inportante dla me vita. Sa fos mia stà un
studentel sensa risorse t’avria mia lasà andar e ades saresom felcemente sposà.
Clara ‘T set mia maridà?
Asdrubale No!
Clara E parchè?
Asdrubale Posi mia dirtal sinò ‘t pensaresi ca voi cortegiarat.
Clara Oh, Asdrubale,’t s’è al solit rubacuori, lusingatore!
Chisà quante bele done disponibili t’avrè incontrà con al tu lavoro!
Asdrubale Forse vulea mia ligam , aventure tante, storie serie gnanca una.
Clara E la Leontina?
Asdrubale La Leontina l’è stada na storia picola e sensa inportansa.Val gnanca la pena da
parlaran.
Clara Sa ta ‘l disi ti! Ben mi pensi che i ruoli i sia invertì. S’erat mia ti ca ‘t gh ei da fam le
domande?
Vorà dire che la parcela ta ‘m la pagarè ti Asdrubale!
Asdrubale ‘T gh è ragiun Clara, pensema ale robe serie. Parlema di tu disturb, cosa ‘t sentat!
10
Clara GH ho mal dapartut
(Clara si tocca la testa Asdrubale le tocca la testa)
Asdrubale Chi o chi?
Clara Da na part e pu da cl’altra…Le spale.
(Asdrubale le tocca le spalle)
Asdrubale Tute do?
(Asdrubale le accarezza le braccia)
Asdrubale Le ganbe?
Clara Sì , anca le ganbe, ma ‘t fè sensa palparle, l’è al stes dolor ca gh ho in i bras e in dle
spale.
Asdrubale E quand ei comicià tuti sti dolor?
Clara Giust al giuran ch ‘è mort me marì!
Asdrubale E al tuo el stà un matrimoni felice?
Clara Sì me marì al m’ha fat vivar in un isola felice, mai un problema, em mai litgà na sola
volta. Un gran afet ! Ben gninta da paragonar ala pasiun ch’ema divis nualtar du
Ma quel pensi ca posa sucedar na volta sul in la vita.
Asdrubale Gnint da pusè vera!
Clara Alora Asdrubale, cosa disat, son grave?
Asdrubale Quel pensi propria da no,ma l’è un po’ dificil far una diagnosi conpleta con na sola
seduta.
Clara Gh vurà dle altre visite alora?
Asdrubale Certo , tante e tante! Comunque par quel ch ho capì al tu problema l’è stà che al tu
consorte al t’ha protet trop e ades mancando al su sostegno t’è gni ados tute le
paure dal mond!
Clara Alora cosa ma gh vol? Gh ho da seracam un altar sostegno?
Asdrubale Al saria facile par mi ofrirat tut….tut al me sostegno, ma invece ti ‘t gh è d’inparar a
vivar con le tu forse, sinò ‘t sarè mai pu’ indipendente.
Clara ‘T gh è ragiun Asdrubale,suguirò i tu consigli…’M senti sa mei!
Asdrubale ‘T gh è da distrarat, andar fora a far dle pasegiande, magai a far un vias!
Clara Alora al gh ha ragiun me fiol Antonio ca ca ‘l dis sempar ca gh ho d’andar a far na
crocera.
(In quel momento entra Leontina che prende l’iniziativa e abbraccia Asdrubale)
Leontina Oh Asdrubale, Set gni acurar la Clara!? Varda Clara , a mi le su cure le m’ha fat pran
ben!..’S ghen da vedar venerdì, Asrdubale?
(Asdrubale è un po’ seccato)
Asdrubale ‘M ricordi mia, comunque ‘m parea d’averat dit che ormai al me intervento con ti
l’era sa fnì..Se mai ‘t fosi stada malada.
Leontina Che catif!
(In quel momento entra Sara)
Clara Questa l’è Sara, la me pudleta. Cara questo l’è al me dotur nof e sopratut un vec
amic.
(I due si strnigono la mano)
Sara Piacere! Ma ci siamo gia conosciuti. Ci siamo incrociati sulla porta quando sono
uscita per andare al’Università.
Asdrubale Clara , ‘t gh è na fiola delisiosa. Ades però gh d’andar sun inpegnà in studio.
Torni pasadman par vedar sa t’è mis in pratica quel ca t’ho consiglià.
11
Clara Grasie, ‘s vedem pasadman, farò la brava.
Leontina A prest Asdrubale, e ricordat ca ta m’è promes da portaram a sena una da ste sere.
Asdrubale Mi ‘m risulta mia, comunque posi senpar ofrir na sena a na vecia amiga.
Pudreson organusar d’andar tuti tri insiem: la Clara mi e ti Leontina.
Leontina In ricordo dei vecchi tempi.
Asdrubale Con la speransa di tenpi a venire!
(Asdrubale si china a baciare la mano di Clara. Anche Leontina gli porge la mamo, ma lui gliela stringe con noncuranza e dopo un breve cenno di saluto verso Sara esce.)
Sara Mama cara com la t’ha fat ben la visita dal psicologo, ‘t pari rinata.
Leontina L’è vera Sara! Però l’è mia sul la visita d’an dutur ma al ritorno d na vechia fiama.
Sara Dabun mama?
Clara Robe da pudlet!
Sara Mi vaghi in cusina a far ‘n spuntino.
(Esce Sara)
Leontina Mi ‘m par mia al caso ca ta ‘t toga par psicologo un murus vec!
Clara Prima ‘d tut, ‘ m l’ha mandà al dotor Frigeri a mia insaputa , però son contenta
d’afidam ale su cure, ‘m senti sa mei!
Leontina ‘S pol mia gh è un conflito d’interes.
Clara E ti alora , gh et mia ‘m conflito d’interes?
Leontina Al mio l’è un conflito da legitimo interes dato che lù l’è al padar da me fiol.
Clara Par quel ‘t gh è ragiun, ma mi voi mia portartal via. Però le su cure le ‘m fa bun
e mi voi guarir.
Leontina Ho capì….ho cap’. Va ben, ma mia aprofitaran!
Clara Mia preocuparat , ca ta ‘l magni mia.
Leontina Quat ga ‘l disat ala Sara ch l’è nata dna violensa ca t’è subì na sera ca ‘t turnnavi a
casa da scola?
Clara Tasi , tasi par carità, gh darò mai un dispiaser dal genar! E ti par piaser mia rivangar
na storia dismengada con tanta fadiga.
Leontina Scusa scusa!
(Entra Delia con l’idraulico)
Idraulico Siura ho giustà al guast dal scaldabagno. Apena ho fat al cont ga ‘l porti subit!
Clara Brao, intant grasie.
Leontina (Interessata) Lu el idraulico?
Idraulico Certo siura, al su servisi.Gh ala un tubi ca perdi? Un rubinet ca gusa, eco al tecnico
specialista.
Leontina Specialista? Andema subit ca gh ho na faturina da farac far con na certa urgensa.
Idraulico Ades?
Leontina Imediatamente!
(Leontina Afferra l’idraulico e lo trascina fuori)
Delia Cla lì la ch n’ha dle urgense!
Clara Tasi Delia, ta’ se ca voi mia sentar di bagolos!
Delia Siora Clara questi i è mia bagolos ma resoconti. Ma sala siora ca la cati ben; cal
dotor lì l’ha al fa miracoi!
Clara Sì Delia; m’é pasà al mal da testa; al mal al spale gh ho ancora ‘n qual dolor ale
ganbe, ma con n’altra palpadina ,volea dir na qual altra seduta e ‘m pasarà tut
Delia ‘M fà piaser:
12
(Esce Delia, entra Sara)
Sara Ei andà via tuti mama?
Clara Sì cara.
(Sara si siede accanto alla madre)
Sara Mama mi ho capì ca t‘fa mia piaser quad mi ‘t domandi da me padar, ma senti mi
voi sul saver : el cal lì al dotor Asdrubale me padar ?
Clara Cara , gninte ‘m faria piaser come poderat dir che Asdubale l’é tu padar, ma l’è mia
vera. Par mi ‘t ghè vi sul ‘n padar: Segio. Però ades cambiem discors par pieser!
Sarà Pecà, l’é un siur csì fine e l’è anca un brao dotor visto i risultati ch l’ha otegnì con na
singola seduta.
Clara Senti, mi ades vaghi in camera mia a preparam dop andema a spas par negosi a
conprar tut quel ca ‘s pias!
Sara Oh che bel mama, brava , mi t’aspeti chi.
( Esce Clara entra Delia)
Sara Et vist Delia che canbiament ha fat la mama!
Delia Cara tu madar con un po’ da vent a sa gh’ era smorsà la fiamela cla gh ea dentar
Ades ‘s vet che al dotur Asdrubale ala gh ea l’acendin giust e gh l’ha inpisada da nof.
Sara Disat! E ti Delia la tu fiamea ela inpisa?
Delia Oh cara, la me fiamela l’ha ciapà tante ‘t cle daquade cla s’è smorsada dal tut,tant
ca ‘s cata gnc pu’ al stupin!.
Sara Delia ‘t s’è forte
(Entra Antonio)
Antonio Ciao , ciao sorellina, tutto bene?
Sara S’ benisim, son dre spetar la mama par andar fora a far spese; pensa na sola seduta
dal psicologo e la par rinata!
Antonio Dabun? Questa l’è na bela notisia , bisogna festegiar.Senti parchè fem mia n’uscita a
quatar.Prima ho incontrà la tu amiga Fancesca, set ch l’è mia mal, bela e
sinpatica.cosa disat sa combineson na seratina insiem.
Sara Insiem con chi?
Antonio Mi e la Francesca , ti e Luca.
Sara Luca al vedi pu’.
Antonio Com ‘ela!
Sara L’è un cretino!
Antonio (Irritatissimo) Al fat al stupid, t’al mancà da rispet…Mi al ciapi e..
Sara No, guai a ti, è suces gnint, in tuti i casi sun buna da difendam.
Antonio Pudria invitar al me ragionier, un putel par ben!
Sara Cosa vot , catam al murus, e pu mi voi mia vegnar a tegnar su al mucol
Antonio Alora gninte,andema sul mi e la Francescaì…Ma dighi mi, com a ‘t s’è onbriosa!
(Esce Antonio)
Delia Male!
Sara Parchè , male?
Delia Male ti ‘t dovresi andar con lor , far la civeta con al ragionier in manera da far
ingelosir Antonio, ca ‘l sa sveglia fora!
Sara Disat? Ma set sicura ca ‘l saria gelus?
Delia Fidat, la me esperiensa par conto tersi la sbaglia mai!
Sara Alora t’ ascolti.Tant cosa g avria da perdar!
13
(Esce Sara entra la signora Clara)
Clara Gh è mia la me Sara la gh ea da spetaram chi.
Delia Andè fora? Con a sun contenta da vedla csì ben siura!
Clara Tut merit dal dotor!
Delia Asdrubale? Ma quel l’è un mago! Cosa fala le su pasienti l’è un segreto miracolos.
Cara L’è vera, basta na tocadina e pu’ al miracol.
Delia L’è mei da Sant Antoni!
Clara Ma in due ela andada la Sara.
Delia L’è da dla cla ‘s met d’acordi con Antonio e serti amic par andar fora a divertiras.
Clara Menomale, gh ho piaser si è dre riavicinas ,chi du lì l’era un periodo che i era senpar
dre litigar , s’era propria preocupada!
(Suonano alla porta, Dedia và ad aprire e ritotorna subito con un grosso mazzo di rose bianche)
Clara Oh , ma che bele! Pensi da saver chi è ca mi a manda.
Delia Anca mi!
(Prede i fiori , li annusa,e poi apre il biglietto)
Clara Al s’è ricordà che le rose bianche i è le me preferide.
Delia Un putel da buna memoria.
(Clara porge i fiori a Delia)
Clara Par piaser meti in fresca, e pu’ meti davanti al ritrat dal me Sergio.
(Entra Sara)
Sara Pronta mama? Andem!
Clara Sì cara andem .Ciao Delia.
(Escono. Delia posa i fiori in un vaso, apre il cassetto dove Clara aveva riposto il biglietto e lo legge)
Delia Il profumo di questi fiori ti rechino l’eco dei miei pensieri. Pensieri che non so decifrare ma che palpitano dentro di me. Che tragic chilu , al gh ha i penser ca palpita…ch daria na palpada mi!
(Delia mette i fiori davanti al ritratto di Sergio)
Delia To caro al me Sergio, chisà com a ‘t fa piaser ricevar i fior dal tu rivale. Ma ‘t s’eri tant bun che par al ben da tu muier forse ‘t sé content anca ti. E content ti ,content tuti.
(Breve stacchetto musicale. Entra Antonio. Si versa un bicchiere di liquore e lo sorseggia a quel
punto entra anche Delia in camicia da notte e con i bigodini in testa)
Antonio Ma Delia che squai!
Delia Va ben ca sun mia bela ma adritura spaventarat!
Antonio Coas fet in pe da st’ora
Delia Ta ‘l se che quant si fora ti e la Sara son mia buna da dormar. In du ela la Sara?
Antonio Mia nominarla!
Delia Parchè ? E in du l’et lasada?
Antonio L’è lì in sla porta cla fa la stupida con al ragionier. L’ha fat la siveta tuta sera.
Roba da sberle!
Delia E la signorina Francesca?
Antonio Na noia mortale , l’ho scaricada pena posibile
Dalia E’, la Sara l’è pusè sinpatica!
Antonio E’, ma la Sara l’è sempar stada speciale! l’ho capì fin dla prima volta che me padar al
l’ha prtada in casa con su madar, la siora Clara.
Delia Un colpo di fulmine infantile che crescendo al podria dventar un grande amore.
14
Antonio Delia Antonio Delia Antonio Delia Antonio Delia
Cosa disat Delia, l’è me sorela!
Sem tuti fradei figli di Dio, e ualtar ghi mia nisuna altra parentela.
Gh ho volì un ben da fradel sensa esar su fradel e forse ades gh voi un ben da murus
sensa esar murus
Par quel ‘s pol rimediar, basta versar i oc prima ca sia trop tardi.
Cos voresat dir?
A buon intenditor poche parole. Pensac!
‘Ch pensarò!( Esce Antonio)
Che fadiga , in cla casa chi oltre ala serva ‘m tuca far anca la mediatura ‘d cor
FINE SECONDO ATTO
15
ATTO TERZO
(La solita scenografia. Sara sorseggia il caffè, dietro di lei Antonio che le appogia le mani sulle
spalle)
Antonio Sara al ragionier’l ma dmanda senpar da ti, al disc a ta rispondi gnanca pu’ al
telefono. Com ‘ela?
Sara T’ho da dir che al tu ragionier l’è na gran lagna. Preferisi la conpagnia da Luca, l’è
tant sinpatic!
Antonio L’è mia l’om par ti! L’è mia na persona seria.
Sara Al so però ‘m fa tanta conpagnia intant ca speti il granda amore, sperando ca ‘s faga
avanti!
Antonio Cosa voresat dir ,ca ta ‘l tegni come alenador?
Sara Brao , t’è capì.
Antonio ‘N voi pu sentar , l’è mei ca vaga a laorar!
(Esce Antonio, entra Delia)
Sara Delia t ‘t disi che Antonio l’è inamorà da mi, e alora parchè ‘s fal mia avanti?
Al parla sul dal su ragionier,l’è atarchè bun da faram vegnar al nervos.
Delia Ma cara lasac al temp da rendasn cont!
Sara E cosa ch vol par redasan cont, ‘n miracol? Ho sercà da faral ingelosiral con al
ragionier e con Luca, cosa gh ho da far ancor?
Delia Gninte, un po’ da tenp e pu’ al pirin al casca. O sa ‘l casca! O mei al gh ha da rendas
cont d’esar cascà.
Sara Speri tant ca ‘t g’abia ragion!
(Suonano alla porta . delia va ad aprire: è Maria)
DELIA Com ‘ela Maria chi fora orari?.
Maria (Con aria circospetta) Gh ìè nisun?
Delia Ch sun sul mi.
Maria Posi parlar ne Delia?
Delia Sì certo sfogat… Ma cosa t’è suces?
Maria Na tragedia, stamatina ‘s’è presentà a casa la fiola dal macelaio e su madar….
Delia In do par portar na spesa?
Maria No in du par portar na notisia….: Luca l’ha mis instato l’Ornela , la fiola dal macelaio
e al belo ’l vol mia torasan la resonsabilità.
Delia E la siora Leontina?
Maria La pare ana mata, però lu l’ s’è spergurà ch l’è mia vera:l’ ha fat tant l’ha dit tant;
ben che sa saves mia da che pel al va vestì gh avria credì anca mio.
Delia Dabun?
Maria Certo dabun; Delia.
Delia E le gh ala credì?
Maria Certo, l’è un giuda lilù! Mi sun gnida subit par metat in guardia , parchè so che al
Luca stà dre ala tu Sara.
Delia Mia preocuparat par le, la gh ha altre mire!
Maria Menomale! Varda ca gh ho idea anca ca sia dre scarsegiar le finanse, con le spese
chi ha fat. Et vist che Ferari al s’è comprà? Ma al l’ha gnancura pagada set, al gh ha
ancor 75 rate da pagar!
16
(Si sente suonare il campanello)
Maria Mi scapi.
(Esce Maria entra l’idraulico proprio quando entra anche la signora Clara )
Idraulico Siora ho portà al cont. Val ben al scaldabagno? Ela stada contenta?
Clara Sì, bravisim . E la me amiga l’ha ‘l contentada?
Idraulco La siora Leontina, la m’ha fat controlar tuti i tubi ,e tuti i rubinet. La m’ha tirà fin in
camera da let parchè la ‘t disea ca gh era un tubo parlante e le la riesiva mia a
dormar.
(In quel momento entra Leontina)
Idraulico Mama cara l’è chi!
Leontina Ma varda chi gh è, al specialista in idraulica, ma al me guast al l’ha mia giustà.
L’ho ciamà tre volte e com’ela ca ‘l s’è mia pu fat vedar?
Idraulico Parchè mi siura, gho mia temp da perdar!
Leontina E par cal rumor ca senti in camera da let, al tubi ca canta?
Idraulico Par quel gh vol nia n’idaraulic ma n’esorcista . Mi sa fos in le ‘m conpraria du bei tapi
da metaras in le urecie.
(Esce l’idraulico insieme a Delia. Leontina cammina avanti e indietro nervosamente)
Leontina Che specialista lilù!
Clara Ta ‘m pari agitada , cosa t’è suces?
Leontina Gh ho un po’ da penser par le me finanse. Senti, ‘t pudresi mia fam un picol prestit
na picola soma, 20 – 30.000 Euro?
Clara Ma cara, le me finanse i a gestisi tute Antonio, stasera ga dmandi, son sicura ca ‘m
dirà mia da no.
Leontina L’è mia par mi set, l’è par al me Luca, al vol andar al’estero a completar i su studi,
e in cal moment chi gh ho scarsetà da liquidi disponibili.
(Delia stava origliando. E da fuori dice la sua)
Delia Busiadra! Al vol scapar, al belo, parchè sa ‘l la ciapa al macelaio a gla da lu na bela
studiada!
Clara Son contenta che Luca al voia conpletar i su studi, però perché ga dmandat mia
aiuto ad Asdrubale , in fondo lu l’è al padar!
(Delia. Sempre da fuori)
Delia Su padar?
Leontina ‘T gh è ragion gh ea mia pensà.
(In quel momento suonano alla porta , Delia và ad aprire, rientra subito dopo con Asdrubale)
Delia Il signor dottore pissicologo.
Clara Chi nomina camina.
Asdrubale I parlà ‘d mi?
Leontina Vagamente, parlao dle sedute setimanali ca vegni a far in al tu studi.
(Lui l’ignora)
Asdrubale Clara com a stet? Ben , vedi.
Clara Sì, staghi ben! Credi ca sia ora da far quel ca ‘m consiglia sempar me fiol Antonio
Asdrubale Cioè?
Clara Andar in crocera.
Asdrubale Questa l’è na sagia decision: brava. Saria ora dla nostra seduta ma visto ca ‘t gh è
conpagnia preferisi vegnar pu tardi.
(Attende un attimo sperando che Leontina si ritiri ma vista l’indifferenza della donna esce di scena
17
Mentre Delia si rimette ad origliare)
Leontina Set mia guarida? Cosa vegnal ancura a far Asdrubale?
Clara Mi pensi comunque che questa la sia na roba ca ‘t riguarda, mi in casa mia ricevi chi
voi. Lu ‘l m’à guarì e in pu lè un caro amico. E alora ti com ‘ela ca ‘t continui le
sedute e ‘t s’è gnanca mai stada malada!
Leontina Mi gh ho tuti i diriti visto che Asdrubale l’è al padar da me fiol!
Clara Scusa ,’t gh è ragiun, ma forse l’Asdrubale con al n’ha mai vulì saver tanti ani fa,
a na vol saver anca ades!
Leontina A ‘m meravigli da ti Clara ca ta ‘t vanti da esaram tant amiga e inamorada dal tu
Sergio; epura tant disponibile!
Clara Varda che mi ho sul fat una senplice constatasion, sun mia certo al tip va vol metas
in mes.
Leontina Mi speri snò savria mi parlar con la Sara e contarac al segreto dla su nascita.
Clara Ti ‘t gavrè mia al coragio da far na roba dal genar….
(A questo punto entra in scena Delia che nel frattempo era rimasta ad origliare)
Delia Scusè ma pasao da ‘d chi e ho mia podì far a men da sentar dle bestialità dal genar,
posi dir la mia?
Leontina Quand set pasada da ‘d chi ca t’ho mia vist! A’t s’è saltada fora sul ades!
Delia Abastansa par puder dir la mia.
Leontina A ti è mai stà dmandà nisun parer.
Clara Chi sem in democrasia, e tuti i pol dir la sua.
Delia Ben e alora cominci col dir che al Luca l’è mia certo fiol dal pissicologo
quand al putin l’è nat lu l’era gnacor gnì a sta rchi!
Clara Cosa.. cosa?
Leontina ‘T vurè mia credar a na serva igniranta putost che ala tu migliore amica.
Clara Mi capisi pu’ gninte!
Delia Son mia mi ca parla ma la storia, al padar dal signorino Luca l’è fiol dal fradel dal
sagrestan. I a vedea tuti quand i andao a far l’amor da dre dal canpanil.
Lu l’era gnanc trop furbun!
Clara Ma Leontina che delusion! E pensar ca credea da conosat!
Leontina Questa l’è na busia pran grosa. E in dua saresal ste neù dal sagrestan?
Delia L’è adà in convent .Quand la savì’ch e la su bela ‘l’era instaso l’ha preferì faras fra.
Leontina Vaghi via parchè posi pu’ sentar dle eresie dal genar.
Clara Quest ‘m fa piaser , ‘t riconosi pu’.
Leontina In cla casa chi regna l’anarchia. Addio!
Clara Per sempre!
(Uscita Leontina Clara abbraccia Delia)
Clara Delia cara grasie!
Leontina Cla lì la m’è mai piasida e gnac su fiol al neudin dal segrestan!
Clara Ades vaghi a far na telefonada in camera mia. Ma che serpent!
(Esce Clara)
Delia Che vipera lilè . Ben, na roba l’è stada sistemada. Sperem da sistemar anca chi atar
du. Ades vaghi subit dla Sara a contarac tut……o quasi.
(Esce Delia. Breve stacchetto musicale. Entra Antonio agitatissimo)
Antonio Sara Sara in du set?!
(Subito entra Sara con Delia)
18
Sara Cos’è suces , al teremot?
(Antonio cerca di calmarsi)
Antonio Sara, sentat.
(Antonio la fa sedere accanto a se, le prende la mano.)
Antonio Sara… è gnì Luca in ufisi su ala fabrica al voleva 10.000 euro.
Sara E ti ghi et dat?
Antonio Al m’ha dit chi i gh volea par andar in vacansa in Spagna insiem a ti ! Mi dighi, va ben
che ti tal calcoli al tu alenador ma che bison a gh è d’andar a far l’alenament fin in
Spagna?!
Sara No, l’ è mia par mi cha al vol i bes ima par scapar l’ha mis instato l’Ornela e al vol
dasla a ganbe: ma ti quand lasaret lì da far al fradel gelus?
Antonio Credi ca sia sa un bel po’ ch ho lasà lì da far al fradel gelos,mi credi d’esar dventà un
inamorà gelos, ansi gelosisim!
Sara Oh Antonio!
(I due giovani s’abbracciano e si baciano, alle loro spalle Delia sorride)
Sara Oh Delia ‘t s’è stda ti a faras scoprir i nostar sentiment!
Delia Ho sul anticipà i temp, parchè ala fin l’amor l’è cme l’alta marea nisun pol fermarla.
(Entra Clara)
Clara Brava Delia, l’amor l’è propria cme l’alta marea. Pudlet l’è tant ca sperao ca ‘v
metesi asiem.
(I due ragazzi abbracciano la madre. In quel momento entra Asdrubale)
Asdrubale Riunione di famiglia?
Clara Sem dre festegiar l’amor : Sara eAntonio i s’è fidansà .La Delia la dis che l’amor l’ è
cme l’alta mare e nisun pol fermarl.
Asdrubale Ah, la sagesa di ansian!
Delia Pian ,pian belo. Mi gh ho idea ca ti cme età ‘t sii dre coram a dre.
Clara Ho pensà da ascoltar al consilio da Antonio ho apena prenotà una crociera in al
Mediteraneo.
Asdrubale Brava csì ta ‘m piasi.
Antonio E con chi vet?
Clara Mi ho pensà da prtar la Delia, in fod la ‘s la merita!
Delia Al so ca ma ‘l meriti ma sarà mai vera ca lasa i du putin da par lur, abandunà.
Sara Ma noaltar a ‘s rangiaresom.
Delia Quel al so, l’è par quel stac a casa.
Asdrubale Clara, cos disat se in crocera vegni mi al post dla Delia? Cabine separate
naturalmente! E se pu vegn su l’alta marea………………….
Clara L’alta marea a cicli la torna senpar!
(Clara e Asdrubale escono mano nella mano. Anche Sara e Antonio escono)
Delia Ades vaghI a toram al me café e ma’l bevi in pace.
(Esce e rientra subito con la moka. Si sente suonare)
Delia E ades chi gh è ‘m parea che la comedia la fos fnida…
(Entra Maria co la valigia in mano)
Maria La me siura la m’ha licensià in tronco, la m’ha gnac dat i 8 gioran!
Delia E ades in du vet?
Maria Cosa vot ca faga ? Turnarò al’Orfanatrofio.
Delia Ma no; chi vot ca t’adota ala tu età. Ades ta sté chi; ch pesara Antonio a catarat un
19
post in la su fabrica.
Maria Disat Delia?
Delia Certo; però ades bevemas un bel café.
(Delia versa i caffè)
Delia Aspeta n’atim
( Delia corre a prendere la bottiglia del liquore)
Delia Gh vol un cichetin!
Maria Con la Grapa o la Sanbuca al café l’é pusé bun.
FINE
20