MOMOLO:

(dopo avere alcuna volta fischiato)
Ste massere le dorme, e le me fa subiar;
Vi batter alla porta, vi farle desmissiar. (Batte da Zanetta.)

ZANETTA:

Oe, forner, aspett. (Di dentro)

MOMOLO:

Cossa voleu da mi?

No xelo un quartariol, come el solito?

ZANETTA:

S.

MOMOLO:

Felo subito.

ZANETTA:

Adesso; v'ho da parlar, ve digo.

MOMOLO:

Gh'ho pressa. Tardi xe.

ZANETTA:

Presto, presto ve sbrigo.

MOMOLO:

Col vento e colla brosa no gh'ho gnente de gusto.

ZANETTA:

Aspett, caro fio, fin che m'impiro el busto.

MOMOLO:

Intanto batter da st'altra vecchiarella.

Oe suso, donna Rosega. La xe in letto anca ella.

Gh'ho pazienza co queste, co le ha da far el pan,

Perch sempre qualcossa ghe cavo dalle man.

Da resto colle altre son rustego anca mi;

Quando ho subi una volta, no le me sente pi.

ZANETTA:

Momolo. (Dalla finestra.)

MOMOLO:

Ben levada.

ZANETTA:

Oh, che freddo che xe.

MOMOLO:

Aveu impizz el fogo?

ZANETTA:

No, gnancora. Dis,

Me faressi un servizio?

MOMOLO:

Se posso, perch no?

ZANETTA:

Caro forner, ve prego, no me dis de no.

MOMOLO:

Mo via, cossa voleu?

ZANETTA:

Mi me bisognerave...

Oe, la patrona chiama. Me fazzo dar le chiave.

La le tien sul scabello, no posso far un passo:

Dir che xe el facchin, e vegnir da basso. (Entra.)

MOMOLO:

Cossa mai vol custa? Vi aspettarla qua.

Spero che da marenda fursi la me dar.

Ma de qua no se vede averzer i balconi. (Osservando le finestre dell'altra casa.)

Le usa ste massere dormir pi dei paroni.

Tas, tas; me par... s ben, la se cognosse.

La vecchia xe levada; la cognosso alla tosse.

Donna Rosega, presto. Tre volte ho comand,

E po dir, co vegno, el pan no xe lev.

ROSEGA:

Chi me chiama?

MOMOLO:

El forner.

ROSEGA:

Seu vu, forner?

MOMOLO:

Son mi.

ROSEGA:

L'avemio da far subito?

MOMOLO:

Subito, siora s.

ROSEGA:

Che ora xe?

MOMOLO:

No vedeu? l'alba che sponta fuora.

ROSEGA:

Oh malignazonazzo! perch vegniu a st'ora?

Me pareva caligo, vedendoghe pochetto.

Co xe cuss a bonora, voggio tornar in letto.

MOMOLO:

Via, za che s levada, da brava, destrigheve.

ROSEGA:

Cossa voleu che fazza? sola me vien la freve.

Se vegnissi anca vu a agiutarme a domar...

Vegn, caro forner.

MOMOLO:

Cossa me voleu dar?

ROSEGA:

Tutto quel che vol. Faremo una fugazza;

Gh'avemo del vin bon, ve ne dar una tazza.

Ne xe avanz da gieri un cappon tanto fatto;

Ghe dir alla parona che l'ha port via el gatto.

La crier un pochetto, e po no sar gnente.

Caro forner, vien suso. Staremo allegramente.

Che te averza la porta?

MOMOLO:

(Squasi, squasi anderia).

ROSEGA:

Vustu che vegna?

MOMOLO:

S.

ROSEGA:

Vegno zo, vita mia. (Entra.)

MOMOLO:

Intanto magneremo, e po cossa sar?

Se no torno a bottega, el paron crier.

Che el cria; cossa m'importa? sta mattina ho fenio.

Ho comand per tutto.

ZANETTA:

Vegn qua, caro fio. (Esce dalla porta.)

Dalla porta de casa no me vi slontanar.

MOMOLO:

Son qua, siora Zanetta.

ZANETTA:

Vu m'av da agiutar.

MOMOLO:

Comand in quel che posso; oe, m'aveu port gnente?

ZANETTA:

Tol sto buzzol, che ve curar un dente.

MOMOLO:

Grazie tanto.

ZANETTA:

Sent. Mia zermana gier sera

M'ha domand del pan, e pan no ghe ne giera.

La gh'aveva con ela el fantolin. La dise:

Oe, no ti ghe d gnente, zermana, a ste raise?

Mi che son de bon cuor, no ghe giera i paroni,

Vago all'albuol de posta, e fazzo i maccaroni.

Oe, ghe n'ho fatto tanti, che ha cal la farina;

Nol sar gnanca mezzo el pan de sta mattina.

Sav che la parona la par una de quelle,

Che scortega el peocchio per avanzar la pelle.

E se la se ne accorze, s per diana de dia,

Che la me d dei schiaffi, e la me cazza via.

MOMOLO:

Cossa v'oggio da far?

ZANETTA:

Vu solo, se vol,

In sto caso che son, agiutarme pod.

Vu pod presto presto trovarme sta mattina

Per metter in albuol sto poco de farina.

MOMOLO:

Dove l'oi da trovar?

ZANETTA:

Qualcun ve la dar.

Trover qualche serva, che ve la imprester.

Oe, fe cuss: and al forno; dove ghe n', tolela,

Tol sto tovaggiol; se ghe ne xe, portela.

Za vualtri forneri fe el pan per le casae;

Pod slongarghe el collo con della broda assae;

El cusin pochetto, perch el pesa de pi.

Pod robar per mi, za che rob per vu.

MOMOLO:

Ma mi, siora Zanetta, no fazzo miga el pan.

Mi comando.

ZANETTA:

E per questo? vu no gh'av le man?

Tior no pod in scondon un poco de farina?

MOMOLO:

Per le casae l' fatto el pan de stamattina.

ZANETTA:

E per questo? se varda. Co ghe n', se ne catta:

Se averze qualche sacco, se averze la buratta;

Co se vol far servizio, se fa quel che se vol.

MOMOLO:

Cossa me donereu?

ZANETTA:

Ve dono el tovaggiol.

MOMOLO:

E la parona?

ZANETTA:

Oh bella! dir che nol ghe giera;

Ghe dir che l'ha perso un d la lavandera.

Sta farina me preme.

ROSEGA:

(apre la porta)

MOMOLO:

Mi no so come far.

ZANETTA:

Donna Rosega. Ella ve la poderia dar. (Osservando che donna Rosega sulla porta.)

ROSEGA:

Momolo, dove seu?

MOMOLO:

Son qua.

ROSEGA:

Bon pro ve fazza.

Cossa fevi, sior sporco, l con quella pettazza?

MOMOLO:

Ve dir; poveretta, la vorria sta mattina

Che ghe trovasse in prstio un poco de farina.

ROSEGA:

L'ala magnada?

MOMOLO:

S, far el pan no la pol.

ROSEGA:

Gh'ala bezzi?

MOMOLO:

In baratto la d sto tovaggiol.

ROSEGA:

Lass vder.

MOMOLO:

Tol.

ZANETTA:

(Debotto me vergogno). (Da s.)

MOMOLO:

Dghela vu.

ROSEGA:

S ben, ghe dar el so bisogno.

Oe! tegniremo intanto el tovaggiol in pegno.

Ma sent, sto servizio la 'l gh'ha per vu, m'impegno.

MOMOLO:

Ve ringrazio.

ROSEGA:

Zanetta.

ZANETTA:

Cossa voleu?

ROSEGA:

Sent.

Se vol la farina, mand de su da mi.

Momolo, vegn via, che ghe la porter.

ZANETTA:

A trmela de suso vegnir, se vol.

ROSEGA:

No no, no femo strepito. Za ve la mando.

ZANETTA:

Aspetto.

ROSEGA:

Voggio che andemo soli; vien con mi, Momoletto.

ZANETTA:

Donna Rosega, almanco, quel che la vol la fa;

La pol far sporco in letto, e dir che l'ha su.

La pol far alto e basso, nissun ghe varda in becco;

Ma mi la mia parona la me fa star a stecco.

Gnanca un boccon de pan no gh', co ghe ne voggio;

Sotto el letto la tien fina el pavro e l'oggio.

E po quando la zoga, la va zo col brenton.

Za chi tien per la spina, spande per el coccon.

GNESE:

Oe, Zanetta.

ZANETTA:

A bonora.

GNESE:

Cossa diseu? son qua.

Cara fia, un secchio d'acqua.

ZANETTA:

No ghe n' gnanca un fi.

Xe tre d che se pena; no ghe n'avemo un giozzo:

Mi, per far el lev, giersera ho sug el pozzo.

E la parona cria co i vien con el bigolo;

Gieri de quattro secchi la gh'ha d un soldo solo.

GNESE:

Quando che ghe n'avemo nu, ghe ne demo a tutti;

E per darghene ai altri, adesso semo sutti.

ZANETTA:

And da donna Rosega. Ella che la ghe n'ha,

Che i ghe n'ha messo in pozzo, ella ve ne dar.

GNESE:

Me prover. O de casa. (Batte.)

ROSEGA:

Chi batte?

GNESE:

Cara siora,

Deme un secchio de acqua.

ROSEGA:

Le scomenza a bonora.

No ghe ne xe.

GNESE:

Ve prego.

ROSEGA:

No ghe n'avemo pi.

GNESE:

No ghe n'aveu compr?

ROSEGA:

Comprghene anca vu. (Entra.)

GNESE:

Co ghe ne compreremo... vard l che bel sesto!

No la me vol dar acqua, e la me volta el cesto.

ZANETTA:

Bisogna compatirla. Perch av da saver

Che la gh'ha zente in casa.

GNESE:

Chi mai gh'ala?

ZANETTA:

El forner.

GNESE:

Cntela el pan?

ZANETTA:

Oib. La xe con quel putello...

GNESE:

Con Momolo forner?

ZANETTA:

S ben, giusto con quello.

GNESE:

Ca de diana! una vecchia da metter in aseo

La sta con quel putello che no xe longo un deo?

Cossa diseu? sta vecchia! la fa la fantolina...

MOMOLO:

Son qua, siora Zanetta. V'ho port la farina.

ZANETTA:

Bravo, vegn con mi.

GNESE:

Zanetta, dove andeu?

ZANETTA:

Vago a far un servizio.

GNESE:

Sto secchio me lo deu?

ZANETTA:

No ghe n'ho, cara vecchia. Presto, andemo de suso.

GNESE:

Frasconazza! la porta la me serra in tel muso?

Chi credistu che sia? se no ti sa chi son,

Te lo far saver, ghe lo dir al paron:

El paron che me tien come una so sorella,

Che in casa el m'ha arlev, se pol dir da putella,

Che mai nol me rimprovera, che mai nol me strapazza.

Vi che el sappia l'affronto che ho abuo da sta pettazza,

Oh, vien sior Anzoletto. L' un putto che me piase;

Ma che el me trova qua col secchio, me despiase.

ANZOLETTO:

Cossa feu, siora Gnese?

GNESE:

Son qua, no me ved?

ANZOLETTO:

Comand, cara fia.

GNESE:

Grazie che gnanca che.

ANZOLETTO:

V'offndio a domandar? Cossa gh'aveu con mi?

Aveu bisogno de acqua? ghe ne voleu?

GNESE:

Sior s.

ANZOLETTO:

Battemo a qualche porta. Son qua, ve agiuter.

Cara Gnese, si bona. Me voleu ben?

GNESE:

Sior no.

ANZOLETTO:

Sto sior no, troppo presto l'av lass scampar;

Vedo che l'av dito cuss senza pensar.

Ma se me varder, se ghe pens un pochetto,

No parler cuss.

GNESE:

Oh che caro Anzoletto!

Qualche volta dasseno me fe rider de cuor.

ANZOLETTO:

Oe, cossa fa el paron? Dormelo sior dottor?

GNESE:

L'ho lass che el dormiva; credo che el dorma ancora.

ANZOLETTO:

Voleu vegnir con mi?

GNESE:

Dove?

ANZOLETTO:

Za xe a bonora.

A bever un caff.

GNESE:

Son cuss, me vergogno.

ANZOLETTO:

Eh, andemo.

GNESE:

Ma! dell'acqua ghe n'ho tanto bisogno.

Se...

ANZOLETTO:

Da quel dalle acque i ve impenir el secchio.

GNESE:

Vegnirave, ma po, se se desmissia el vecchio?

ANZOLETTO:

Presto se destrighemo.

GNESE:

Fe cuss, aspett qua.

Pi tosto ander a casa a metterme el zend.

Se sior Biasio dorme, chiappo su e vegno via.

Se el sente, se el me chiama, dir qualche busia.

ANZOLETTO:

Brava; and, che v'aspetto.

GNESE:

Ma el secchio chi lo porta?

ANZOLETTO:

Aspett, cara fia, battemo a quella porta.

GNESE:

No, no, con donna Rosega no parlo, e no ghe batto.

La m'ha dito za un poco un de no tanto fatto.

ANZOLETTO:

Lass che prova mi.

GNESE:

Ben, se vol, prov.

ANZOLETTO:

Deme quel secchio.

GNESE:

El secchio?

ANZOLETTO:

De mi no ve fid?

GNESE:

Per fidarme me fido, ma un putto co se di

Andar col secchio in man...

ANZOLETTO:

Qua nissun no ghe xe.

Deme quel secchio a mi, no gh'ho certi catarri.

Oh quanti contrabandi se sconde coi tabarri!

Se savessi! se porta, quando se gh'ha el morbin,

Sportele, tovaggioli, canevette de vin.

Vedeu ste macchie? un zorno sotto el tabarro ho sconto

Una polenta conza.

GNESE:

S ben onto e bisonto!

ANZOLETTO:

Lass vder sto secchio. Tireve da una banda.

Vard co facilmente se batte e se domanda.

O de casa. (Batte.)

ROSEGA:

Chi ?

ANZOLETTO:

Amici.

ROSEGA:

Amici boni? (Viene alla finestra)

ANZOLETTO:

Bonissimi.

ROSEGA:

I xe in letto.

ANZOLETTO:

No domando i paroni.

Ho bisogno de vu.

ROSEGA:

De mi, sior Anzoletto?

Vegno da basso subito. (Entra.)

ANZOLETTO:

Fe presto, che v'aspetto.

GNESE:

Oe sent, colla vecchia no stessi a far el matto;

Sav che donna Rosega se taccherave a un gatto.

ANZOLETTO:

Lass pur che la fazza, a mi no la se tacca,

E po son tutto vostro.

GNESE:

No credo una patacca.

ANZOLETTO:

Vela qua che la vien.

GNESE:

Me scondo, me retiro.

No vi che la me veda. Fazzo in sto mentre un ziro. (Parte.)

ROSEGA:

Son qua, cossa voleu?

ANZOLETTO:

Me faressi un piaser?

ROSEGA:

Basta che comand, ve ne far anca un per.

ANZOLETTO:

Vorave un secchio d'acqua.

ROSEGA:

S paron, caro vecchio,

Del pozzo, della casa, dell'acqua, e anca del secchio.

ANZOLETTO:

El secchio lo gh'ho qua.

ROSEGA:

Oh, siestu malignazo!

Sotto el tabarro el secchio? Cossa vol dir sto lazo?

Bisogna ben, sior sporco, che la ve prema assae.

ANZOLETTO:

Son st preg.

ROSEGA:

Se vede chi xe le fortunae.

Per mi no lo faressi, e s... no digo gnente.

ANZOLETTO:

Qua no ghe xe nissun; parl liberamente.

ROSEGA:

De mi, sior Anzoletto, se fessi capital,

Fursi che el vostro tempo no traressi de mal.

ANZOLETTO:

Comandeme, prov.

ROSEGA:

Cossa voleu che prova?

Dis, quella dell'acqua xela amicizia nova?

ANZOLETTO:

Dasseno, donna Rosega, la xe una mia parente.

ROSEGA:

Tocco de baroncello, mi no te credo gnente.

ANZOLETTO:

La xe cuss, da putto.

ROSEGA:

Basta, lo veder.

ANZOLETTO:

Me deu sto secchio de acqua?

ROSEGA:

S ben, ve lo dar.

ANZOLETTO:

Via, da brava.

ROSEGA:

Vel dago: ma con el cuor strazz. (Prende il secchio.)

ANZOLETTO:

Per cossa?

ROSEGA:

Gh'ho paura... No sarave un pecc,

Che un putto come vu se perdesse cuss?

Quanto faressi meggio, se me tendessi a mi.

Sent, son una donna che gh'ha i so boni annetti;

Ma gh'ho, ve lo confido, da banda dei bezzetti.

M'ho sempre sparagn, no gh'ho certi malanni.

Basta... no ghe la cedo a una de vint'anni.

ANZOLETTO:

La xe ridicolosa. Oh che cara vecchietta!

Ancora la gh'ha voggia de far la morosetta.

La xe l spiritosa, franca, bizzarra, ardita.

Mi mo, co ste massere, mi ghe vago de vita.

No ghe ne spendo uno, e stago allegramente;

E po, che belle cosse che da custe se sente!

Se sa i pettegolezzi de tutti i so paroni,

De questa e de quell'altra le dise i pettoloni.

Chi al zogo, chi al teatro spende le notte intiere;

El mio divertimento xe a star colle massere.

ZANETTA:

Momolo, la xe dita.

MOMOLO:

Far quel che vol.

ANZOLETTO:

Xe qua un'altra massera. (Vedendo venir Zanetta.)

ZANETTA:

A parecchiarve and. (A Momolo.)

MOMOLO:

Cossa dir el paron, se stago tutto un zorno?

ZANETTA:

Se el ve licenzier, trover un altro forno.

Andeve a inmascherar; ma presto, se se pol.

MOMOLO:

Vago un abito a nolo a tor dal strazzariol. (Parte.)

ANZOLETTO:

Putta, bond sioria.

ZANETTA:

Patron, sior Anzoletto.

ANZOLETTO:

Steu ben?

ZANETTA:

Cuss e cuss.

ANZOLETTO:

Ve divertu?

ZANETTA:

Un pochetto.

ANZOLETTO:

Chi xelo quel puttazzo che parlava con vu?

ZANETTA:

El putto del forner. No l'ave cognoss?

ANZOLETTO:

El se va a inmascherar?

ZANETTA:

S ben. L'aveu sentio?

ANZOLETTO:

L'ho sentio, ghe dirave de quei che l'ha nanio.

ZANETTA:

Perch?

ANZOLETTO:

Perch ne tocca a nualtri Veneziani,

Vder el meggio e el bon in man de sti Furlani.

Un tocco de forner de vu sar paron:

Se un Venezian vegnisse, diressi el xe un baron.

Basta, ghe vol fortuna.

ZANETTA:

Caro sior Anzoletto,

Se disessi dasseno, el forner me lo petto.

Ancuo gh'ho la zornada, e per non andar sola,

Xe capit el forner, gh'ho dito una parola.

Ma se vu ve degnessi vegnirme a compagnar,

Momolo lo licenzio, lo mando a far squartar.

ANZOLETTO:

S ben, ma descorremola un poco tra de nu.

Cossa dir i paroni, se mi vegno con vu?

ZANETTA:

Mo ve dir, compare, no son miga una matta;

Se va fora de casa, e dopo se se catta.

Ghe sar una mia amiga; za nissun ne vien drio.

Ela trover el soo, e mi trover el mio.

ANZOLETTO:

Brava; se troveremo...

ZANETTA:

In dove che vol.

ANZOLETTO:

Zo del ponte del Lovo; da quello del caff.

ZANETTA:

La xe dita.

ANZOLETTO:

A che ora?

ZANETTA:

Avanti mezzod.

ANZOLETTO:

In maschera, nevvero?

ZANETTA:

In maschera, sior s.

ANZOLETTO:

Vard ben.

ZANETTA:

La xe dita. Me vago a destrigar.

ANZOLETTO:

Gh'aveu delle fazzende?

ZANETTA:

Oh, gh'ho tanto da far.

Ma quando ho fatto el pan, m'ho destrig del pi.

ANZOLETTO:

Vi che se la godemo.

ZANETTA:

Oe, ghe penser vu. (Entra in casa.)

ANZOLETTO:

Voggio gder, per diana. Me voggio sbabazar.

Oh se podesse in maschera sta vecchia strascinar!

E Gnese? No la puol vegnir con nu? Perch?

Son bon anca per diese, se no basta per tre.

ROSEGA:

Presto, tol sto secchio.

ANZOLETTO:

Coss', che s instizzada?

ROSEGA:

S ben, ho visto tutto: no vi esser burlada.

ANZOLETTO:

Con mi? Cossa v'oi fatto?

ROSEGA:

V'ho visto a chiaccolar.

ANZOLETTO:

Oh, ve conter tutto.

ROSEGA:

Andeve a far squartar.

ANZOLETTO:

Sent, gh'intr anca vu in quel che s'ha parl.

ROSEGA:

De mi cossa aveu dito?

ANZOLETTO:

Aspett, vegn qua.

Far una mascherada s'ha dito tra de nu:

Zanetta con un altro; mi in compagnia con vu.

Voleu vegnir con mi?

ROSEGA:

Mi s, che vegnir.

ANZOLETTO:

Ve darali licenzia?

ROSEGA:

Ghe la domander.

E se de no i me dise, ca de diana de dia,

Impianto i mi paroni, chiappo su e vegno via.

ANZOLETTO:

Ve vegnir a levar.

ROSEGA:

Vard ben, che ve aspetto.

Za el pan l'ho fatto, e presto scoo, e fazzo suso el letto.

ANZOLETTO:

Ve inmaschereu?

ROSEGA:

Seguro, che me inmascherer.

Fin che i paroni dorme, l'armer averzir.

Me torr una carpetta, torr un abito bon,

E ander a inmascherarme da mia nezza in scondon.

I abiti che gh'ho, da maschera, i xe brutti:

La roba de sto mondo la gh'ha da far a tutti.

ANZOLETTO:

Via da brava, fe presto. Me inmaschero e ve aspetto.

ROSEGA:

Vi che se la godemo. Oh che caro Anzoletto! (Parte.)

ANZOLETTO:

E do. Voggio trovarghene qualchedun'altra ancora;

Vi unir ste massere; vi devertirme un'ora.

Ma Gnese no se vede. La m'ha impiant cuss?

Coss'oi da far del secchio? ghe l'oi da portar mi?

Se passasse qualcun... Oe putto, vegn a nu.

TROTTOLO:

Son qua, cossa comandela?

ANZOLETTO:

Gh'ho bisogno de vu.

Porteressi sto secchio?

TROTTOLO:

Sior s, lo porter.

ANZOLETTO:

And zo per de l, che drio ve vegnir. (Trottolo parte.)

Se i mi amici me vede andar col secchio arente,

I me vegnir drio; no vi che i sappia gnente.

Tutti se devertisse chi in questo e chi in quel modo,

E mi colle massere gh'ho spasso e me la godo.

El star in suggizion me par cossa da alochi.

Mi me deverto assae, ma ghe ne spendo pochi. (Parte.)

ZANETTA:

Sior s, la xe levada. Ma no l'ha averto ancora;

Prima che la sia all'ordene, ghe vorr pi de un'ora.

RAIMONDO:

Ho un interesse in Piazza, che m'obbliga d'andar.

ZANETTA:

La vaga, se la vol, la poder tornar.

RAIMONDO:

Ditemi il ver, Zanetta, la vostra padroncina

Ha per me qualche stima?

ZANETTA:

La xe una testolina,

Che... no saveria dir; segondo che s'imbatte:

Ora la xe da uovi, ora la xe da latte.

RAIMONDO:

Per me le parlereste?

ZANETTA:

No vorla? Gh'ho parl.

(No me l'insogno gnanca, gnanca no gh'ho pens). (Da s.)

RAIMONDO:

Delle parole vostre fate che senta il frutto.

Dite, che cosa ha detto?

ZANETTA:

No ghe voggio dir tutto.

RAIMONDO:

Ma pur come gradisce l'idea che ho di servirla?

ZANETTA:

No ghe xe so mario, bisogna compatirla.

RAIMONDO:

Non vi capisco bene. Vuole o non vuol per questo?

M'intendo di servirla da galantuomo onesto.

ZANETTA:

La senta, sior Raimondo, parlo col cuor in man,

La parona mi spero disponerla pian pian.

Ma... capssela, sior?

RAIMONDO:

Via, parlatemi schietto.

ZANETTA:

A tempo qualche volta fa colpo un regaletto.

RAIMONDO:

Se troppo ardir non fosse...

ZANETTA:

Eh, che quando se dona,

El xe un ardir che tutte le femene perdona.

RAIMONDO:

Se il suo genio sapessi, lo farei volentieri.

ZANETTA:

La senta una desgrazia che xe successa gieri.

La parona al balcon giera sora canal,

L'ha ponta un vero rotto, e la s'ha fatto mal.

Scolando el sangue in acqua con el deo menuelo,

Per diana che in canal ghe xe casc l'anelo.

Vi mo dir... compatime se disesse un sproposito:

Un anello in sto caso saravelo a proposito?

RAIMONDO:

Di qual prezzo era quello che Dorotea ha perduto?

ZANETTA:

Mi credo che el valesse diese zecchini in tuto.

RAIMONDO:

Questo mi costa sedici.

ZANETTA:

Donghelo a drettura.

Cuss col cavedal la gh'aver l'usura.

RAIMONDO:

Ma com' mai possibile ch'ella da me l'accetti?

ZANETTA:

Oh, se la lo terr!

RAIMONDO:

Voi fate che io sospetti.

S'ella da me il riceve, s'ella i regali apprezza,

A prenderne dagli altri questa signora avvezza.

ZANETTA:

Questo po no, ghe zuro certo su l'onor mio;

Xe debotto sie mesi, che manca so mario.

Regali no l'ha abuo, nissun l'ha pratic;

E gnanca la tiorave sto anello che xe qua.

Ma avendo perso quello... no so se la m'intenda;

Pol esser, se ghe parlo...

RAIMONDO:

Puol esser che lo prenda.

ZANETTA:

Mi po so el con e el ron, e so dove ghe diol.

Ve basta, sior Raimondo, intenderme la pol.

RAIMONDO:

Non so che dir: poss'io far questa prova ancora.

Io vi dar l'anello per darlo alla signora.

Ma sentite, Zanetta, di voi mi fido, vero;

Mediante l'opra vostra, che l'aggradisca io spero;

Ma sapendo ch'io sono di tanta grazia indegno,

Del gradimento suo vorrei un certo segno.

ZANETTA:

Crdelo che lo toga per metterlo in aseo?

Ve basta, sior Raimondo, de vderghelo in deo?

RAIMONDO:

Questo mi basterebbe.

ZANETTA:

Donca cuss sar.

La gradir l'anello, e la lo porter.

RAIMONDO:

Eccolo...; ma badate.

ZANETTA:

Ih, ih, tanto ghe vol?

In sta sorte de cosse, no occorre dir me diol.

RAIMONDO:

Mi raccomando a voi. Oprate da valente.

ZANETTA:

La lassa far a mi; per mi za no vi gnente.

RAIMONDO:

Il mio dover lo so.

ZANETTA:

Ho sentio a dir cuss,

Una man lava l'altra, e tutte do el sior s.

RAIMONDO:

Siete una gran ragazza! Eccovi un ducatello.

ZANETTA:

Grazie, grazie (za el resto caver da l'anello).

RAIMONDO:

Verr per la risposta.

ZANETTA:

La vegna a mezzod.

RAIMONDO:

Ci verr senza fallo.

ZANETTA:

(Ma no ghe sar mi). (Da s.)

RAIMONDO:

Ehi, nol dite alla Rsica. Nol sappia mia consorte,

Ch'io feci un passo tale, ch'io venni in queste porte.

ZANETTA:

Mi no parlo seguro. La gh'ha sta brutta usanza?

Donca la xe zelosa de lu siora Costanza?

RAIMONDO:

Una donna buonissima fu ognor la moglie mia,

Ma sempre ebbe il difetto di pazza gelosia.

ZANETTA:

E lu xelo zeloso?

RAIMONDO:

Io no, anzi vorrei

Ch'ella si divertisse.

ZANETTA:

No la gh'ha cicisbei?

RAIMONDO:

Non pratica nessuno. Procuro qualche amico

Condurre a divertirla; faccio per essa, e dico;

Servirla onestamente alcuno anche ha provato,

Ma al terzo o al quarto giorno si ciascuno stancato.

ZANETTA:

Cossa vol dir? Perch?

RAIMONDO:

Tutto l' indifferente;

Non gusta alcun piacere, non ha voglia di niente.

ZANETTA:

Come sarave a dir... Oh, chiama la parona.

RAIMONDO:

Posso restar...

ZANETTA:

Sior no; la vaga, la perdona;

La torna co gh'ho dito; la lassa far a mi.

RAIMONDO:

Innanzi mezzogiorno ci rivedrem.

ZANETTA:

Sior s.

RAIMONDO:

Chi sa ch'io non la spunti? talor son le massere

Provvide mediatrici, provvide consigliere.

ZANETTA:

Che caro sior Raimondo! In verit el xe bello!

Ghe piase la parona; el ghe dona un anello!

El vol che mi ghe parla, che l'azzalin ghe bata.

Zanetta Pappasgoli xe una putta onorata.

Sto mistier no so farlo. Nol voggio far per ello.

Ma me despiaseria se perdesse sto anello.

Qualche bella maniera trovar bisogner

De vadagnar l'anello co un poco de onest.

Ghe penseremo suso; co se vol, se se inzegna;

S'impara dalle altre, e la natura insegna. (Parte.)

DOROTEA:

Oe, Zanetta.

ZANETTA:

Lustrissima.

DOROTEA:

Vien qua.

ZANETTA:

Son a servirla.

DOROTEA:

Chi ghe giera de l?

ZANETTA:

Uno per reverirla.

DOROTEA:

Gierelo sior Raimondo?

ZANETTA:

Giusto elo da bon.

DOROTEA:

Se el vien un'altra volta, dighe che no ghe son.

ZANETTA:

No la lo vol in casa?

DOROTEA:

No lo vi praticar.

No vi che so muggier s'abbia da lamentar.

Ma cossa t'alo dito?

ZANETTA:

El m'ha dito cuss,

Che el torner da ela avanti mezzod.

DOROTEA:

Che nol staga a vegnir; no lo vi praticar.

Se sa cossa che el voggia?

ZANETTA:

La se lo pol pensar.

El la vede al balcon, do volte el gh'ha parl.

Gramazzo! se el podesse, el vorria vegnir qua.

No la lo vol?

DOROTEA:

Bisogna, quando la xe cuss,

Che ghe daga in tel genio.

ZANETTA:

L'ho pensada anca mi.

DOROTEA:

E s, per quel che so, l' un omo che ha cervello.

ZANETTA:

(Me par che saria tempo de parlar dell'anello!) (Da s.)

DOROTEA:

De mi coss'alo dito?

ZANETTA:

L'ha dito tanto ben;

L'ha parl veramente, come che se convien.

Se vede che per ela el gh'ha tutto el respetto.

Lustrissima, la varda mo sto bell'anelletto.

DOROTEA:

Un anello? Pettegola, cossa voressi dir?

De mandarmelo fursi alo avudo l'ardir?

Regali a una par mia? vorave vder questa!

Senti, desgraziadela, te romper la testa.

ZANETTA:

Pian pian, no la se scalda, che la m'ha tiolto in falo.

Sto anello el xe da vender. Nol xe miga un regalo.

Xe vegn stamattina da mi donna Vergola,

Quella vecchia s fatta, che fa la revendigola;

La gh'aveva sto anello, e la me l'ha lass

Acci che ghe lo mostra: i lo d a bon marc.

El val diese zecchini, dise chi se n'intende;

E adesso per bisogno a bon marc i lo vende.

Per cinque o sie zecchini...

DOROTEA:

Lo compreria per tre.

ZANETTA:

I bezzi la me daga; presto, so mi perch.

DOROTEA:

S ben, za che giersera ho vadagn a Redutto...

ZANETTA:

Se la torner a perder, no la perder tutto.

DOROTEA:

Daghe sti tre zecchini... E po, se no la i vol?

ZANETTA:

La me li daga pur. Sora de mi la i tol.

DOROTEA:

Se la i tol, me contento; i xe ben impiegai.

ZANETTA:

(Anca per la mia parte i xe ben vadagnai). (Da s.)

DOROTEA:

Tol. I xe un poco scarsi ma tanto i li torr.

ZANETTA:

Eh lustrissima s, senza difficolt.

DOROTEA:

La me par impussibile, che i lo venda cuss.

ZANETTA:

La lo tegna, e la staga quieta sora de mi.

DOROTEA:

Dov' donna Vergola?

ZANETTA:

La sar in sto contorno.

Vago, per contentarla, a darghe i bezzi, e torno.

(Ho fatto, posso dir, un viazo e tre servizi.

Saremo tre contenti, e resteremo amizi.

Mi goder i zecchini, la parona l'anello;

Contento per adesso sior Raimondo anca ello.

E se sar scoverti un zorno i pettoloni,

A nualtre massere no ne manca paroni). (Da s, e parte.)

DOROTEA:

Finalmente giersera qualcossa ho vadagn.

Diese volte segondo el cavallo ho trov.

E se gh'aveva cuor, e se saveva far,

De tutte le mie perdite me podeva refar.

Aver vadagn cento e diese ducati,

Aver chiapp in oro sedese zecchinati;

Ma tutti sti gran bezzi no i me basta, m'impegno,

Per scuoder la mit della roba che ho in pegno.

Se torna mio mario, cossa diralo mai,

Che tutte le mie zoggie e i abiti ho impegnai?

Avanti che fenissa sti d de carneval,

Remetter vi, se posso, tutto el mio capital.

Adesso son in ditta, ho anca impar a zogar;

Adesso in poco tempo me poderia refar.

ZANETTA:

Lustrissima, l'anello la se lo goda in pase.

El paron ghe lo lassa.

DOROTEA:

Xelo contento?

ZANETTA:

El tase.

DOROTEA:

In caso de bisogno anca questo xe bon.

ZANETTA:

In verit, lustrissima, el xe bello, el par bon.

Oh, se la se contenta, me vago a parecchiar.

DOROTEA:

Prima de andar in maschera, fe quel che av da far.

ZANETTA:

Ho sco, ho fatto i letti; el pan xe anca lev.

DOROTEA:

Quanti panetti xeli?

ZANETTA:

Mi no l'ho mo cont.

DOROTEA:

Contli; vi saver quanti pani che i xe.

ZANETTA:

Malignazo! xe tardi.

DOROTEA:

Presto ve destrigh.

ZANETTA:

No se fenisse mai. (Parte e poi torna.)

DOROTEA:

Povera casa mia,

Se no gh'avesse in testa un po' d'economia.

Le donne no gh'ha cuor. No le se tol affanno,

So mi quel che sparagno, quel che avanzo in t'un anno.

Oh, se no fusse el zogo!

ZANETTA:

I ho contai.

DOROTEA:

Quanti xei?

ZANETTA:

I xe disdotto bianchi, e sie de semolei.

DOROTEA:

Cossa? disdotto bianchi? Cuss pochi? perch?

Sav che l'altra volta i xe stai vintitr.

ZANETTA:

Mi no so cossa dir; no ghe ne vi robar.

La pasta xe sul cncolo, la la fazza pesar.

DOROTEA:

No ti aver rob, ma la sar cuss:

I te pareva piccoli i to tre pani al d;

Ti i aver fatti grandi, e la rason la so:

Uno se ghe ne vende, e se ne magna do.

ZANETTA:

Vard cossa la dise; in verit mi resto.

DOROTEA:

Cinque pani de manco?

ZANETTA:

Ho fatto per far presto.

DOROTEA:

Donca, ben, a to danno; ti ghe star de pi.

Torna a desfar i pani, e torneli a far su.

ZANETTA:

Che li torna a desfar?

DOROTEA:

Le so manine care

Le se torr st'incomodo.

ZANETTA:

No, la fia de mia mare.

DOROTEA:

Senti sa, frasconazza, mi te far pentir.

Ti ander via, e a Venezia no ti ander a servir.

Cuss de no se dise, in fazza a una par mia?

Voi esser respettada, voi esser obbedia

ZANETTA:

(Ghe mancherave poco... No me vi far nasar...) (Da s.)

Vago a desfar el pan. (Ghe lo vi strapazzar). (Da s, e parte.)

DOROTEA:

Oh, che bel umoretto! za co mi no la voggio;

La m'ha fru in t'un mese una lira de oggio.

Bisogneria, a far ben, muarghene una al d.

Malignaze le meggio, le xe tutte cuss.

MENEGHINA:

O de casa? (Di dentro.)

DOROTEA:

Chi l?

MENEGHINA:

Se pol vegnir?

DOROTEA:

Vegn.

MENEGHINA:

Gh' Zanetta?

DOROTEA:

Chi seu?

MENEGHINA:

Lustrissima, son mi.

DOROTEA:

Cossa gh', Meneghina? Cossa voleu?

MENEGHINA:

Son qua,

Perch la mia parona in scondon m'ha mand.

DOROTEA:

La v'ha mand in scondon?

MENEGHINA:

Zanetta dove xela?

DOROTEA:

Pod parlar con mi, se no la ghe xe ela.

MENEGHINA:

Mi ghel diria, ma po, se la parona el sa?

DOROTEA:

Dimmelo, Meneghina, no la lo saver.

MENEGHINA:

M'ha dito la parona, che veda con bel modo

Farme dar da Zanetta sta pignatta de brodo.

DOROTEA:

(Brava, la vi scavar). Diseme, Meneghina,

Da vu no se fa brodo? da vu no se cusina?

MENEGHINA:

Ze otto d che el paron no manda gnente a casa;

Ze otto d che se zuna: ma i m'ha dito che tasa.

DOROTEA:

Cossa vol dir? contme. Za mi no digo gnente.

MENEGHINA:

Mi dormo in t'un armer dei mi paroni arente;

Dal freddo e dalla fame me stento a indromenzar.

Tutta la notte i sento tra de lori a criar.

No so, ma la parona me par che la ghe diga:

Dove estu st, baron? xestu st dall'amiga?

Ti sar and con ela a spasso a tripudiar;

E a mi, povera grana, me tocca a suspirar.

DOROTEA:

E lu cossa respondelo?

MENEGHINA:

Un pezzo el lassa dir,

El tase, nol responde, el finze de dormir;

Ma quando che el xe stufo, sala cossa che el fa?

El salta co una bestia, el strapazza, el ghe d.

Tasi, el ghe dise, tasi; e ela per despetto

La vol parlar, e elo buttela zo del letto.

La pianze, poveretta, ghe vien i occhi sgionfi,

La lo tormenta sempre, e lu ghe d dei tonfi.

DOROTEA:

Povera desgraziada! la xe in t'un brutto intrigo.

Ma no la gh'ha nissun?

MENEGHINA:

La gh'aveva un amigo.

Fina che el xe vegn, le cosse andava ben.

I s'ha po desgust; xe un pezzo che nol vien.

DOROTEA:

Mo per cossa no vienlo?

MENEGHINA:

Per amor della zente.

Ma adesso che ghe penso: no i vol che diga gnente.

ZANETTA:

Vintitr pani bianchi. Otto de semolei. (Sdegnosa.)

DOROTEA:

Poverazza! la diga, s'ala mo struppi i dei?

ZANETTA:

La me burla?

DOROTEA:

Ste cosse soffrir no le se pol. (Ironica.)

Vard l quella putta da vu cossa la vol.

ZANETTA:

Cossa gh', Meneghina, voleu gnente da mi?

DOROTEA:

Cara siora Zanetta, la dispone cuss?

Ela fa i so regali? ela dispensa el brodo?

Ela xe la parona. In verit la godo.

ZANETTA:

Parlela con mi, adesso?

DOROTEA:

Parlo giusto con ela.

Meneghina xe qua colla so pignatela.

ZANETTA:

Eh, no la varda el brodo, cara siora parona,

Ma la varda piuttosto el fante e la corona.

DOROTEA:

Tocco de desgraziada, con mi cuss ti parli?

Son parona i mi bezzi de spenderli e zogarli.

ZANETTA:

Diseva...

DOROTEA:

Tasi l.

ZANETTA:

Ma se...

DOROTEA:

Va via de qua.

ZANETTA:

Perch...

DOROTEA:

Tasi.

ZANETTA:

Se parlo...

DOROTEA:

Tasi per carit.

ZANETTA:

(Ih ih, furia franzese). (Da s.)

DOROTEA:

(No la vi sopportar) (Da s.)

ZANETTA:

(Mi lasso che la cria: me vago a inmascherar). (Da s, e parte.)

DOROTEA:

(Anca rimproverarme? Perdiana, la xe vaga!

No la tegno custa gnanca se la me paga). (Da s.)

MENEGHINA:

Lustrissima...

DOROTEA:

(Ste serve le xe all'ultima moda).

MENEGHINA:

Oi da tornar a casa colla pignatta voda?

DOROTEA:

Diseme, Meneghina, steu ben dove che s?

MENEGHINA:

Se sta ben co se magna; ma adesso no ghe n'.

DOROTEA:

Almanco in casa mia le gh'ha quel che le vol.

Quando le vol magnar, le va, le se ne tol.

Bon pan, bon vin, de tutto ghe xe per ordenario.

Quanto la to parona te dala de salario?

MENEGHINA:

Otto ducati all'anno.

DOROTEA:

Otto? e da mi culia

Dodese la ghe n'ha, e s li butto via.

Vustu vegnir con mi? diese te ne dar;

E ti magner ben.

MENEGHINA:

Mi s che vegnir.

DOROTEA:

Mi no te dar parte de pan, de vin, de gnente,

Acci no te la magna l'amiga o la parente.

Magna fin che ti vol; disna, cena, marenda,

Ma no vi che se dona, ma no vi che se venda.

MENEGHINA:

Per mi no gh'ho nissun; no ghe xe sto pericolo,

Magno poco, e me piase de bever el vin piccolo.

De farme voler ben procuro dai paroni,

E no me piase star tutto el d sui balconi.

DOROTEA:

Cuss fa chi ha giudizio. Cossa mo saveu far?

MENEGHINA:

So filar, so far calze, so un poco laorar.

Fazzo un poco de tutto.

DOROTEA:

Seu bona da cusina?

MENEGHINA:

So far un lesso, un rosto, giustar una gallina;

So cusinar i risi, e anca me comprometto

Saver far, se bisogna, qualche bon potacchietto.

DOROTEA:

Mi no fazzo cossazze. La so carne ogni d,

Le feste un altro piatto, e me basta cuss.

Basta magnar per viver; perch saveu, fia mia?

Presto va in precipizio chi no gh'ha economia.

MENEGHINA:

Anca la mia parona sol dir, co la xe al fuogo,

Sia maledetto i vizi, sia maledetto el zogo.

DOROTEA:

Anca el zogo, xe vero, ne manda in precepizio,

Ma un d se pol remetter chi ha un poco de giudizio.

Basta, lassemo andar ste cosse che xe qua.

Voleu vegnir da mi?

MENEGHINA:

Vegnir in verit.

Ander a licenziarme.

DOROTEA:

E se i dise de no?

MENEGHINA:

Torr su le mie strazze, e via ghe vegnir.

DOROTEA:

(Le fa cuss custe. Basta, la vi provar.

Se no la riuscir, no manca a barattar). (Da s.)

MENEGHINA:

El brodo me lo dala?

DOROTEA:

Aspett un pochettin.

Se ghe ne xe da gieri, ve ne dar un tantin.

Ma vard ben, sav, vard ben quel che fe.

Quando s in casa mia; no vi che ghe ne d.

Se ve porter ben, con vu sar cortese.

(Cuss aver scambi tre massere in t'un mese). (Da s, e parte.)

MENEGHINA:

Me despiase un pochetto lassar la mia parona,

Ma a far sempre sta vita sarave una minchiona.

Do ducati de pi all'anno i me dar,

E almanco poder magnar quel che me fa.

Delle mettimassere me recordo el conseggio:

Anca qua ghe star, fin che trover meggio.

ZANETTA:

Xestu qua, Meneghina?

MENEGHINA:

El brodo me lo dastu?

L'ha dito la lustrissima.

ZANETTA:

No ghe ne xe. No sastu?

Le fa le generose, quando no ghe n' pi;

E po le tr la colpa tutta sora de nu.

MENEGHINA:

Me despiase dasseno per quella poverazza,

Che ancuo no la gh'ha gnente, e anca per mi, gramazza.

ZANETTA:

Vustu vegnir con mi?

MENEGHINA:

Dove?

ZANETTA:

In maschera, a spasso.

Ho abuo la mia zornada, e faremo del chiasso.

MENEGHINA:

Vegnirave mi...

ZANETTA:

Via; se ti vuol, mi te aspetto.

MENEGHINA:

Come oggio da vegnir?

ZANETTA:

Mettite un ninzioletto.

No, faremo cuss, mi te inmascherer.

Della parona un abito, se ti vien, te dar,

E ti parer bon.

MENEGHINA:

Ma no gh'ho la moretta.

ZANETTA:

Comprete un volto.

MENEGHINA:

Come, se no gh'ho una gazetta?

Gh'aveva trenta soldi, che mi i aveva sunai,

L'altro d la parona la me li ha domandai.

ZANETTA:

E ti ghe sta?

MENEGHINA:

Son stufa. Vi vegnir via de l.

ZANETTA:

Anca mi, te lo zuro, voggio andar via de qua.

Ho fatto in pochi zorni una vita da can;

Pi tossego se magna, che bocconi de pan.

Gnente xe fatto ben, la cria, la me manazza.

E co la perde al zogo, allora la strapazza.

MENEGHINA:

Distu dasseno?

ZANETTA:

Credime. Za semo tra de nu.

No se ghe pol pi viver.

MENEGHINA:

(No la me cucca pi). (Da s.)

ZANETTA:

E cuss, cossa distu? Vustu vegnir co mi?

Femo una mascherada. Ti vegnir anca ti.

MENEGHINA:

E po se la parona me cria?

ZANETTA:

Cossa te importa?

Quand'una se ne serra, se averze un'altra porta.

Case a nu no ne manca: se semo forestiere,

El letto lo gh'avemo dalla mettimassere.

Se staremo de bando, qualcossa se far.

Vien via, vien via con mi, che ancuo ti rider.

MENEGHINA:

Xe un pezzo che gh'ho voggia da rider un pochetto.

ZANETTA:

Ti rider dasseno, se vien sior Anzoletto.

MENEGHINA:

Chi xelo?

ZANETTA:

Un certo putto. Ma senti, sta in cervello.

Varda ben che el xe mio. No me star...

MENEGHINA:

Xelo bello?

ZANETTA:

O bello o brutto, siora, nol gh'ha da far con vu.

MENEGHINA:

No digo...

ZANETTA:

Adessadesso mi no te meno pi.

MENEGHINA:

Cossa gh'aveu paura? No son miga...

ZANETTA:

Che soi mi?

Che no se femo in vissere.

MENEGHINA:

Te vorlo ben a ti?

ZANETTA:

Certo che el me vol ben. El fa sta mascherada

Solamente per mi.

MENEGHINA:

Ti ti xe fortunada.

ZANETTA:

Tasi, tasi, mattazza, che un d ti 'l trover. (Parte.)

MENEGHINA:

Sarave squasi tempo, che l'avesse trov. (Parte.)

COSTANZA:

Bon viazo, sior consorte.

RAIMONDO:

Padrona riverita.

COSTANZA:

In maschera a bonora! la xe una bella vita!

RAIMONDO:

inutile, signora, che mi secchiate adesso.

Se in maschera io vado, fate anche voi lo stesso.

COSTANZA:

Che caro sior Raimondo! In maschera? a che far?

Voleu che vaga sola in Piazza a baucar?

RAIMONDO:

Ma pur tutte le donne han qualche compagnia.

Che abbiano i loro amici tutte fuor che la mia?

COSTANZA:

Anca mi, se volesse, me troverave el mio,

Ma no voggio nissun, fora de mio mario.

RAIMONDO:

Sempre non pu il marito, siatene persuasa.

COSTANZA:

Ben; se el mario no pol, e mi rester a casa.

RAIMONDO:

Sola in casa vedervi, cara consorte mia...

COSTANZA:

Donca, se ve despiase, steme a far compagnia.

RAIMONDO:

Convien ch'io me ne vada, non ci posso star pi.

COSTANZA:

And dove ve piase, mi vegnir con vu.

RAIMONDO:

Per or non vado a spasso; vado per un affar.

COSTANZA:

La muggier col mario per tutto pol andar.

RAIMONDO:

Dove che andar io deggio, non mi par convenienza.

COSTANZA:

Se and in maschera, el logo sar de confidenza.

RAIMONDO:

Vado con degli amici.

COSTANZA:

Amighe ghe ne xe?

RAIMONDO:

Ors, non principiate.

COSTANZA:

Via, via, no ve scald.

Andeve a divertir.

RAIMONDO:

Voi, che pensate far?

COSTANZA:

A mi no ghe pens. Mi resto a sospirar.

RAIMONDO:

Ecco. Sia maladetto! soffrir non posso pi.

COSTANZA:

Se pianzo e se sospiro, cossa v'importa a vu?

RAIMONDO:

Se a me non importasse, non proverei tal duolo.

COSTANZA:

Certo staressi meggio assae, se fussi solo.

Ma cossa voleu far? El cielo vol cuss;

Sto mio temperamento me despiase anca a mi.

Se fusse una de quelle che ama el devertimento,

Me lasseressi far, saressi pi contento.

Ma cossa voleu far? Sopport, caro fio.

Mi no gh'ho altri spassi, che star con mio mario.

RAIMONDO:

L'affetto maritale una perfetta cosa;

Ma sempre sempre in casa, una vita noiosa.

COSTANZA:

No, sempre sempre in casa. Andemo, se vol.

RAIMONDO:

E non potete in maschera andar senza di me?

COSTANZA:

No posso; no gh'ho cuor, e mai no gh'ander.

RAIMONDO:

Fate quel che volete; adesso me ne vo.

COSTANZA:

(Mo che can!) (Piangendo.)

RAIMONDO:

Cosa dite?

COSTANZA:

Gnente. (Come sopra.)

RAIMONDO:

Eccola l.

Non fa altro che piangere. Tutto il giorno cos.

COSTANZA:

Mo via, lassme star, and dove vol.

Se son matta, mio danno, e vu no me bad.

RAIMONDO:

Parer presso il mondo, ch'io sia un uomo tiranno.

COSTANZA:

Lass che el mondo diga. No ve tol sto affanno.

RAIMONDO:

Costanza.

COSTANZA:

Cossa gh'?

RAIMONDO:

Via, se ben mi volete,

Sollevatevi un poco; vi prego, non piangete.

COSTANZA:

No, caro vu, no pianzo.

RAIMONDO:

Diman con voi verr.

COSTANZA:

Se vedemio a disnar?

RAIMONDO:

Ho paura di no.

COSTANZA:

Mo za; me la pensava.

RAIMONDO:

Voi non restate sola;

Invitate qualcuno.

COSTANZA:

Mi no parecchio tola.

RAIMONDO:

Perch?

COSTANZA:

Perch in sta casa, co no ghe xe el paron,

La mia vita xe questa: sentada in t'un canton.

RAIMONDO:

Cospetto!

COSTANZA:

Via, st zitto. And; bon pro ve fazza.

RAIMONDO:

Donna senza giudizio.

COSTANZA:

Ancora el me strapazza. (Piangendo.)

RAIMONDO:

Non andr in nessun loco. (Si cava la bauta.)

COSTANZA:

Eh via no st per mi.

RAIMONDO:

Or sarete contenta.

COSTANZA:

No ve scald cuss.

RAIMONDO:

Io mi scaldo, m'arrabbio, son fuor di me, lo veggio;

E voi con questa flemma mi fate ancora peggio.

COSTANZA:

Mo via, voleu che tasa? No parler.

RAIMONDO:

Parlate.

COSTANZA:

Caro mario, si bon.

RAIMONDO:

Basta, non mi seccate.

ROSEGA:

Cara siora parona, mi la vorria pregar

D'una grazia, e la prego de no me la negar.

COSTANZA:

Dis, cossa voleu?

ROSEGA:

Se fa una mascherada;

Vorria che la me dasse ancuo la mia zornada.

COSTANZA:

Vard che vecchia matta!

ROSEGA:

Vecchia matta, per cossa?

Fazzio gnente de mal?

COSTANZA:

S col pi in te la fossa.

ROSEGA:

Cara siora parona, mi no so cossa dir;

Se la me d licenza, me voggio divertir.

RAIMONDO:

Chiede la sua giornata; negarla non si pu.

COSTANZA:

Ste cosse a mi me tocca... Mi ghe digo de no.

ROSEGA:

Ben ben, co no la vol... co no la vol, pazienza.

Donca che la me daga la mia bona licenza.

COSTANZA:

Donna senza giudizio. Cuss le so parone

Se impianta in sta maniera?

RAIMONDO:

Questa volta ha ragione.

COSTANZA:

Donca no parlo pi. La serva gh'ha rason.

Fe pur quel che vol: sentu? lu xe el paron.

Per mi no conto gnente. Per mi no parler.

Pezo de una massera mi son stimada, el so.

RAIMONDO:

Troppo rigor, signora...

COSTANZA:

S, s, troppo rigor!

Lo so che de custa vu s el so protettor.

So qualcossa, credlo, e aspetto de parlar

Quando con fondamento me possa assicurar.

ROSEGA:

Se el paron me vol ben, el sa el merito mio.

Xela fursi zelosa de mi e de so mario?

COSTANZA:

Ghe mancheria anca questa. No fia, no son zelosa;

De vu no gh'ho paura, siora vecchia baosa.

Ma so... me xe st dito... Basta, no vi parlar.

ROSEGA:

Ghe fazzio la mezzana?

COSTANZA:

Se poderave dar.

ROSEGA:

Certo! me maraveggio che la parla cuss.

Se tendesse a ste cosse, la farave per mi.

E se ghe ne volesse, oh ghe ne troverave.

Son un poco in ti anni; ma no fazzo le bave.

RAIMONDO:

Non avete motivo di sospettar di lei.

COSTANZA:

No, caro sior mario, no ve la fe sui dei.

So qualcossetta, e taso.

RAIMONDO:

Eh via, siete una pazza.

COSTANZA:

Sar de mi pi savia quella che ne sta in fazza.

RAIMONDO:

Chi?

ROSEGA:

Siora Dorotea?

COSTANZA:

Vard, la l'ha trovada.

Co presto, co pulito, che la l'ha indivinada.

RAIMONDO:

Io non so che vi dite.

ROSEGA:

Gnanca mi no so gnente.

COSTANZA:

Che povero pupillo! che povera innocente!

Donna Rosega cara xe amiga de Zanetta;

Spesso le vedo insieme la vecchia e la fraschetta.

Anca sior Raimondo da qualche zorno in qua,

Lo vedo pi del solito al balcon del mezz.

Vedo anca mi che questi i xe sospetti in aria,

Ma le povere donne le pensa e le zavaria.

M'av fatto parlar, parlar mi no voleva.

Se no me fevi dir, in verit taseva.

Ma za che l'occasion m'ha fatto dir cuss,

Caro mario, disemelo, se s stuffo de mi.

V'ander via dai pi; morir, creper,

Ma ve vi troppo ben, cuss no soffrir.

Compat, se ve dago sto despiaser al cuor:

Parlo perch son tocca; parlo per troppo amor. (Parte piangendo.)

RAIMONDO:

Che dite? tutto il giorno mi tormenta cos.

ROSEGA:

Poverazza! me vien da pianzer anca a mi. (Piangendo.)

RAIMONDO:

Ora che d'un tal fatto la moglie mia sospetta,

Non vi fate vedere a parlar con Zanetta.

ROSEGA:

Certo che a una muggier ste cosse no par bon.

Da qua avanti a Zanetta ghe parler in scondon. (Piangendo.)

RAIMONDO:

Ora perch piangete?

ROSEGA:

Son tenera de cuor.

De lu e anca de ela compatisso l'amor.

La diga, sior paron, in maschera che vaga?

RAIMONDO:

Or, con questi sospetti, la cosa non mi appaga.

ROSEGA:

La senta, vien con mi Zanetta, e alla barona

Pol esser che s'inmaschera anca la so parona.

Ancuo mo la sarave apponto l'occasion

Co siora Dorotea de far conversazion.

RAIMONDO:

Non dite mal davvero. Se creder lo potessi...

ROSEGA:

Vegn, so quel che digo.

RAIMONDO:

Se timor non avessi...

ROSEGA:

Timor? za la parona no la saver gnente.

RAIMONDO:

Voglio provar.

ROSEGA:

Ma zitto. Fe da omo prudente.

RAIMONDO:

Ci troveremo in Piazza, o sul tardi a Ridotto.

ROSEGA:

Se la sar con nu, mi ve far de motto.

RAIMONDO:

Se potessi condurla a pranzo in qualche sito...

ROSEGA:

Lass operar a mi, che mi far pulito.

RAIMONDO:

Io pagher per tutti.

ROSEGA:

No ve faressi mal

A darme da comprar un volto natural.

RAIMONDO:

Eccovi trenta soldi.

ROSEGA:

Grasso quel dindio!

RAIMONDO:

E poi,

Gi sapete chi sono. Far di pi per voi.

Torno ad immascherarmi, e vado fuor di casa.

Ma che dir mia moglie?

ROSEGA:

Bisogna che la tasa.

Me despiase dasseno; ma a dirla tra de nu,

Farave anca per ela quel che fazzo per vu.

RAIMONDO:

Ehi, non fate la pazza.

ROSEGA:

Oh, no v'indubit,

Che no ghe xe pericolo; za sav chi la xe.

RAIMONDO:

ver, mia moglie saggia a confusione mia,

Sol mi tormenta un poco con troppa gelosia.

Ma penso qualche volta... Basta, per or vogl'io

Pensare a divertirmi; ci siamo intesi, addio. (Parte.)

ROSEGA:

Oh, la sarave bella, se se podesse far

Che el mio paron a tutti ne pagasse el disnar.

Za m'ha cont Zanetta la cossa dell'anello;

Anderemo d'accordo pelandolo bel bello.

Za l' el nostro mistier far zo i nostri paroni,

E gder el bon tempo a spalle dei minchioni.

Son un poco vecchietta, ma ghe ne so assae pi

De quel che mi podeva saver in zovent.

Certo che posso dir d'averme devertio,

E circa el far l'amor, no ho gnancora fenio.

ZULIAN:

Bond sioria, sior Biasio.

BIASIO:

Ve saludo anca mi.

ZULIAN:

Cossa feu?

BIASIO:

Stago ben, e vu?

ZULIAN:

Cuss e cuss.

BIASIO:

No s in maschera?

ZULIAN:

No; gh'ho un certo d'affar:

E in maschera in quel liogo no se ghe pol andar.

BIASIO:

E mi sarave in maschera, che saria pi d'un'ora:

Ma Gnese no ha volesto. Giera troppo a bonora.

ZULIAN:

Chi xela mo sta Gnese? qualche vostra parente?

BIASIO:

No, la xe la mia serva. Una donna valente,

Che per el so paron se farave desfar,

Amorosa, paziente, che de tutto sa far;

E no credessi miga che la fusse avanzada:

La xe zovene e bella. Cuss me l'ho trovada.

ZULIAN:

Son vegn tante volte da vu, no l'ho mai vista.

BIASIO:

Vedeu? la xe modesta. No la se mette in vista.

E po la gh'ha da far sempre, mattina e sera:

Ora la fa da cuoga, ora da cameriera,

Da donna de governo, da tutto la xe bona.

Cossa voleu de pi? Ela xe la parona.

ZULIAN:

Anca mi ghe n'ho una che, per diana de dia,

Se i me dasse un tesoro no la baratteria.

Ela scuode, ela paga, ela fa alto e basso.

Mi magno, bevo e dormo; vago, se voggio, a spasso;

Ela me fa da mare, la me fa da sorella.

BIASIO:

Xela mo vecchia assae?

ZULIAN:

La xe zovene e bella.

BIASIO:

Anca la mia fa tutto. Lesta co fa una spada;

Quando che leva el sol, sempre la xe levada.

Presto la impizza el fogo, la vien dal so paron,

La varda, e se no dormo, la me averze el balcon.

La me scalda pulito le calze e la fanella,

La me porta el caff, la lo beve anca ella.

Qualche volta magnemo el nostro panimbruo.

Oh, se ne trova poche de queste al d d'ancuo!

ZULIAN:

Sent la mia. Ogni volta, quando che a casa torno,

Incontra la me vien, sia de notte o de zorno.

La me chiappa per man, e po la me despoggia,

E la me senta al fogo. Mo no xela una zoggia?

BIASIO:

Gnese, co la me vede un poco incocalio,

La me dise: st aliegro. Mo parl, caro fio.

Se gh'ho qualcossa in testa, che me fa travaggiar,

Mo la me conta cosse che me fa sganassar.

ZULIAN:

Sent la mia. La sera stemo nu soli al fogo,

Contemo delle fiabe, o femo qualche zogo.

La cusina i maroni ela co le so man,

Teneri co el botirro, che i par de marzapan.

BIASIO:

Se sentissi le torte che fa la mia, m'impegno

No ghe xe le compagne. Mo che donna d'inzegno!

La le fa dolce dolce; de tutto la ghe mette,

E mi me devertisso a parecchiar le erbette.

ZULIAN:

Sent, la mia giersera un polpetton l'ha fatto,

Che ve zuro da amigo, s'averia magn el piatto.

E ela, poverazza, a tola co fa i fioli,

La me zerniva fora l'ua passa e i pignoli.

BIASIO:

Mi i pignoli li schizzo; vu come li magneu?

ZULIAN:

Mi li magno pulito.

BIASIO:

Quanti denti gh'aveu?

ZULIAN:

Cinque, tra sotto e sora.

BIASIO:

E mi no ghe n'ho pi.

ZULIAN:

No gh'ho miga gnancora i anni che gh'av vu.

BIASIO:

Quanti xeli, compare?

ZULIAN:

Mi ghe n'ho sulla schena..

Squasi cinquantacinque.

BIASIO:

Co quelli della nena.

ZULIAN:

Mi no me ne vi sconder.

BIASIO:

Presto el conto ve fazzo.

Ve recordeu, compare, de quell'anno del giazzo?

ZULIAN:

S ben, me l'arecordo.

BIASIO:

No gierimo puteli.

ZULIAN:

Gierimo grandi e grossi.

BIASIO:

Fe el conto, quanti xeli?

ZULIAN:

Mi no vi far sti conti. Stago ben, magno ben,

Me cavo qualche voggia, quando che la me vien.

Gh'ho dei anni, xe vero, ma tanto ben li porto,

Che no li sento gnanca. Xe vecchio chi xe morto.

BIASIO:

Anca mi son cuss. No sar gnanca un mese,

Che i settanta ho fenio. No la lo crede Agnese;

La dise che ghe paro un omo de quaranta,

E s la se n'intende, per quel che la se vanta.

ZULIAN:

Sent la mia. La dise: Mo caro sior paron

(Co me fazzo la barba), mo come che el par bon.

El ciel lo benediga, el xe l fresco e bello,

Rosso co fa una riosa, lesto co fa un putello.

BIASIO:

Ho paura, compare, che la ve burla un poco.

ZULIAN:

S ben! che la me burla! No son miga un aloco.

Caro compare Biasio, chi xe meggio de nu?

Mi no paro una spisima, come che par vu.

BIASIO:

S ben, un bel fagotto vu s tra carne e roba;

Ma no so se el sia grasso, o pur se la sia boba.

ZULIAN:

Sent, sav, sior vecchio...

BIASIO:

Schiavo, sior zovenotto.

ZULIAN:

Se no fussimo in strada...

BIASIO:

Se me secch, debotto...

ZULIAN:

Bond sioria.

BIASIO:

Bon viazo. Stassera a vostre spese,

Quando che ghe la conto, fazzo rider Agnese.

ZULIAN:

Anca mi alla mia Chiara ghe la voggio contar.

BIASIO:

Semo vecchi, compare.

ZULIAN:

Vu s bon da brusar.

BIASIO:

(Porto rispetto ai anni. Meggio che vaga via).

ZULIAN:

(Vecchio senza giudizio).

Schiavo.

BIASIO:

Bond sioria.

(Tutti e due vogliono partire.)

BIASIO:

(Che bella mascheretta!) (Da s.)

ZULIAN:

(Chi mai xela custia?) (Da s.)

BIASIO:

(La me par un bon cao).

ZULIAN:

(Se Biasio andasse via!)

ROSEGA:

(No se vede Anzoletto. L'aspetto ancora un poco).

BIASIO:

(Sior Zulian no va via).

ZULIAN:

(Cossa fa quell'aloco?)

ROSEGA:

(Sti do vecchi me varda. Gramazzi, no i pol pi.

Oh che gran bella cossa che xe la zovent!)

BIASIO:

Sior Zulian, cossa feu che no and via de qua?

Sta maschera vard? v'ala fursi incant?

ZULIAN:

No ve rendo sti conti; voggio star, voggio andar.

Vu tend ai fatti vostri; no ve ne st a impazzar.

BIASIO:

Bravo, bravo, compare. E no vol che diga.

Voggio andar in sto ponto a dirghelo all'amiga.

ZULIAN:

Mi per mi vago via. Vu, paronzin, st qua;

Ma da omo d'onor, che la lo saver.

BIASIO:

Chi?

ZULIAN:

Gnese.

BIASIO:

No fe el matto, che per mi vago via.

(Gh'ho voggia de cognosserla). (Si ritira.)

ZULIAN:

(Mo chi mai xe custia?) (Si ritira.)

ROSEGA:

Patroni riveriti; alla fin i xe andai.

Come che i me vardava sti vecchi inspiritai.

O che caro Anzoletto! Nol se vede a vegnir.

Se trovasse qualcun, me vorria devertir.

BIASIO:

(Sior Zulian no gh' pi). (Da s.)

ROSEGA:

(Sto vecchio l' torn)

BIASIO:

Patrona, siora maschera: sola? cossa se fa?

No la parla? La diga: cuss sola? perch?

Vorla restar servida a bever un caff?

No, no la vol? pazienza. La senta, gh'ho dei anni;

Ma son un galantomo, n gh'ho adosso malanni.

Se la se vuol degnar, la servo onestamente.

La vegna via con mi; da ela no vi gnente.

Con civilt me basta star con ela un pochetto.

Me fala sta finezza?... Oh, siestu maledetto! (Vedendo Zulian.)

ZULIAN:

(Oh che furbo!) (Da s.)

BIASIO:

(No voggio che el me fazza nasar).

Mascara, un'altra volta me vegnir a trovar.

Adesso no gh'ho tempo, trattegnirme no posso.

Vago a far un negozio. Mascara, ve cognosso. (Si ritira.)

ROSEGA:

(Xelo matto cost?)

ZULIAN:

(Donca el sa chi la xe.

La me par sotto el volto un bocconcin da re). (Da s.)

ROSEGA:

(Ve qua st'altro, per diana).

ZULIAN:

Sola sola cuss?

Vorla che mi la serva?

ROSEGA:

(E tutti me vol mi).

ZULIAN:

Mi no fazzo per dir, ma de Biasio Cavezzi

Gh'ho manco anni adosso, e in scarsela pi bezzi.

La servo, se la vol, de caff e cioccolata.

Vorla vegnir con mi?

ROSEGA:

Ghe son ben obligata.

ZULIAN:

(La par una foresta). La prego, cara ella.

ROSEGA:

No da bon; la ringrazio.

ZULIAN:

(La me par molto bella).

No la vol favorir? La prego in cortesia,

Xela amiga de Biasio?

ROSEGA:

No so gnanca chi el sia.

ZULIAN:

De cognosserla certo almanco l'ha mostr.

ROSEGA:

E s nol me cognosse.

ZULIAN:

Che vecchio desgrazi!

Me cognossela mi?

ROSEGA:

Me par, e no me par.

ZULIAN:

Vorla vegnir con mi?

ROSEGA:

La prego a perdonar.

ZULIAN:

La senta, la perdona se me togo sto ardir,

Se la gh'avesse genio de andarse a devertir.

Fin che dura sti bezzi, cara patrona bella, (le mostra dei denari.)

Far quel che la vuol; i xe tutti per ella.

ROSEGA:

(Questo me par pi franco. Oh che caro vecchietto!

Squasi squasi anderia, se no vien Anzoletto). (Da s.)

ZULIAN:

Via, cara mascaretta, se ben son in et,

Son omo de bon gusto... (Pustu esser copp). (Vedendo Biasio.)

BIASIO:

(El s'ha tacc, el baron).

ZULIAN:

(Vaghio? restio? no so). (Da s.)

BIASIO:

(No ghe la vi lassar).

ROSEGA:

(Veli qua tutti do).

BIASIO:

Sior Zulian, me rallegro.

ZULIAN:

Sior s, anca mi con ella.

BIASIO:

Ve devert, nevvero, co sta maschera bella?

ZULIAN:

Sior s, cossa ve diol?

BIASIO:

La cognosseu?

ZULIAN:

Che scuro!

BIASIO:

Donca la cognoss.

ZULIAN:

La cognosso seguro.

BIASIO:

Via, chi xela?

ZULIAN:

Lo so; v'ha da bastar cuss.

BIASIO:

No sav chi la sia. La cognosso ben mi.

Nevvero, mascheretta? (Donna Rosega fa cenno di no.)

ZULIAN:

Vedeu? de no la dise.

BIASIO:

(Mo che grazia, che vezzo!)

ZULIAN:

(Mo che care raise!)

BIASIO:

Dis la verit, gh'aveu nome Anzoletta?

ZULIAN:

No, nevvero? fia mia, gh'aveu nome Pasquetta?

Gnanca?

BIASIO:

Siora Marietta, o siora Nicolina?

ZULIAN:

Oib! siora Lucietta?... zitto, siora Tonina?

ROSEGA:

Nissun no me cognosse.

BIASIO:

Descoverzive a mi.

ROSEGA:

O a tutti do, o a nissun.

ZULIAN:

Ve contenteu cuss? (A Biasio.)

BIASIO:

S ben, da boni amici; nissun se n'abbia a mal.

Anderemo daccordo, za xe de carneval.

ZULIAN:

Cara, descoverzive.

BIASIO:

Desmaschereve tutta.

ROSEGA:

S ben, vi contentarve. (Si smaschera.)

ZULIAN:

Oh co vecchia!

BIASIO:

Oh co brutta!

ROSEGA:

Son qua, do galantomeni za tutti do ve credo.

BIASIO:

Servive, sior Zulian.

ZULIAN:

Sior Biasio, ve la cedo.

ROSEGA:

Vegn qua, uno per man. Andemo in compagnia:

Ve far tutti uguali; non abbi zelusia.

BIASIO:

Torner adessadesso, gh'ho un pochetto da far.

ZULIAN:

In compagnia con donne, solo no voggio andar.

ROSEGA:

E cuss, cossa femio? son qua, no ve refudo.

BIASIO:

Maschera, ve son servo. (Parte.)

ZULIAN:

Maschera, ve saludo. (Parte.)

ROSEGA:

Sti vecchi i s'ha confuso, quando i m'ha visto in fazza.

Bisogna che i credesse, che fusse una vecchiazza.

Poveri sgangarai; i vol far da valenti,

Ma i vede che no son carne per i so denti.

No credo mai che i m'abbia piant per esser vecchia.

Lori xe do antigagie, ma mi no son cotecchia.

E po vestia cuss paro pi bella ancora;

Co son un poco rossa, gh'ho un viso che innamora.

ANZOLETTO:

Questa me par la vecchia.

ROSEGA:

Sento zente, me par...

Oh, velo qua dasseno: me voggio inmascherar.

ANZOLETTO:

Patrona, siora maschera.

ROSEGA:

(Nol me cognosse, oh bella!)

ANZOLETTO:

La diga. Favorissela? eh via, che la xe ella.

La cognosso dall'occhio, che bisega in tel cuor.

El vedo sotto el volto quell'occhio traditor.

Via, scoverz le vostre bellezze sfondradone.

ROSEGA:

Mo ti xe un gran baron da cognosser le done. (Si smaschera.)

ANZOLETTO:

Quando che se vol ben, se cognosse seguro.

ROSEGA:

Me vustu ben dasseno? Zrelo.

ANZOLETTO:

Ve lo zuro.

ROSEGA:

Andemo.

ANZOLETTO:

Semio soli? Zanetta no la vien?

ROSEGA:

Su do scagni, sior sporco, el cesto no se tien.

ANZOLETTO:

No avemio stabilio d'andar in compagnia?

ROSEGA:

Le troveremo in Piazza; vegn qua, andemo via.

ANZOLETTO:

Dove voleu andar?

ROSEGA:

A bever un caff.

ANZOLETTO:

Anderemo coi altri. Xe a bonora, aspett.

MOMOLO:

Mascare, m'ha mand siora Zanetta a dirve

Che no la st a aspettar, che no st a trattegnirve.

In mascara la xe con un'altra puttazza,

E tutti adessadesso se troveremo in Piazza.

ROSEGA:

S ben. Se troveremo. Sentu? vegno con vu.

Anca ti, Momoletto, ti vegnir con nu. (A Anzoletto.)

MOMOLO:

Mi vago a inmascherarme: fin adesso ho laor.

ANZOLETTO:

(Me despiase de Gnese, che la me aspetter). (Da s.)

ROSEGA:

Deme man per un poco. Anca vu, sior baron.

In mezzo de do zoveni, come che paro bon!

ANZOLETTO:

Vago a far un servizio.

MOMOLO:

Me vago a inmascherar.

ANZOLETTO:

Se troveremo in Piazza. (Parte.)

MOMOLO:

Ve vegnir a cattar. (Parte.)

ROSEGA:

Vard. Cuss i me impianta? i me lassa cuss?

Che vaga sola in Piazza? oh poveretta mi!

RAIMONDO:

Rsica, siete voi?

ROSEGA:

Sent che bella usanza!

Quando che se xe in maschera, se parla con creanza.

RAIMONDO:

Dite, sapete nulla se Dorotea sia andata?

ROSEGA:

No so gnente. (Con sdegno.)

RAIMONDO:

Ma via, non fate la sdegnata.

ROSEGA:

Se xe vero... vard! par che se sia villani.

Rsica! che parlar proprio da scalzacani!

RAIMONDO:

(Or or mi vien la rabbia). (Da s.)

ROSEGA:

Malignazo!

RAIMONDO:

E cuss?

ROSEGA:

L'ha mand l'imbassada.

RAIMONDO:

Quando?

ROSEGA:

Vegn con mi.

RAIMONDO:

Dove?

ROSEGA:

Vegn con mi. St sulla mia parola.

RAIMONDO:

Eccomi, son con voi.

ROSEGA:

(Cuss no vago sola).

RAIMONDO:

Lo sa che vengo anch'io?

ROSEGA:

Mo via, no me d man?

RAIMONDO:

Potete andar innanzi; vi seguir pian pian.

ROSEGA:

No se degna el paron de vegnir via con mi?

Co le serve i paroni tutti no fa cuss.

Tanti ghe n'ho servio, e tutti in verit

Per mi, no sta a mi a dirlo, i ha abuo della bont.

Tutti almanco i me dava delle parole bone;

Ho fatto tante volte suspirar le parone.

RAIMONDO:

Ma non perdiamo il tempo.

ROSEGA:

De diana! seu in tel fuogo?

No, se no me d man, no andemo in nissun liogo.

RAIMONDO:

(Che sofferenza!) Andiamo. (Le d la mano.)

ROSEGA:

No stemio ben cuss?

Col cavalier servente voggio andar anca mi. (Partono.)

GNESE:

Cossa mai vorr dir, che no vien Anzoletto?

Sola co fa una matta, xe un'ora che l'aspetto.

Figureve sior Biasio, quando che torno a casa!

Ghe far do scamoffie, e far ben che el tasa.

E po, basta che diga de volerlo lassar;

Subito, se el xe in collera, el fazzo pasentar.

ANZOLETTO:

Giusto vu ve cercava.

GNESE:

Vard l che bel sesto!

Farme aspettar un'ora. Gh'av rason... da resto,

Gnanca no vegnirave.

ANZOLETTO:

Ve dir, cara fia,

Me piase devertirme, me piase l'allegria,

Ma prima no tralasso de far i fatti mi.

GNESE:

Eh via, che colle donne no se tratta cuss.

Donca anca mi doveva, per sta istessa rason,

No vegnir via de casa senza dirlo al paron.

Ma perch ve vi ben, perch m'av invid

Son vegnua via corando, e la casa ho impiant.

ANZOLETTO:

Cossa dir sior Biasio?

GNESE:

Che el diga quel ch'el vol.

Za el xe vecchio, gramazzo. Poco viver el pol.

Per sie anni gh'ho fatto una servit granda;

Ho fatto el fatto mio: gh'ho qualcossa da banda.

Sperava che el morisse, ma se nol vol morir,

Son stufa de sta vita, me voggio devertir.

ANZOLETTO:

Poverazzo! piuttosto domandeghe licenza.

GNESE:

Mi no ghe la domando, fina che el gh'ha pazienza.

Ogni d qualcossetta procuro pelucar.

Sent, se capitasse, me vorria maridar.

ANZOLETTO:

Oh, ve capiter.

GNESE:

Gh'ho un bon capitaletto.

Vu no ve marid? dis, sior Anzoletto?

ANZOLETTO:

Mi, fia mia, ve dir, me vorria maridar;

Ma gh'ho paura assae, no vorave fallar.

GNESE:

Sent; nissun ne sente. No so se diga mal.

Basta, se devertimo; za xe de carneval.

Xe vero che ho servio; ma perch son restada

Sotto de una maregna, e giera maltrattada.

De resto siora mare m'avaria marid

Con uno da par mio.

ANZOLETTO:

Via, via, questo se sa.

No perdemo pi tempo.

GNESE:

Sent. Per quel che sia...

No so se me cap, mo per diana de dia,

No gh' nissun che possa dir d'averme tocc

Gnanca un deo d'una man.

ANZOLETTO:

Brava.

GNESE:

No, in verit.

ANZOLETTO:

E s mo se diseva, che col paron ghe giera...

GNESE:

Ve dir, qualche volta ghe fava bona ciera.

Voleu saver perch? col cuor in man ve parlo.

El xe vecchio, el xe matto; lo fava per pelarlo.

Adesso l'ho pel; no ghe ne penso pi.

E se vol, le penne le spartir con vu.

ANZOLETTO:

Me piase, putta cara, sti vostri sentimenti;

No vorria colle penne spartir anca i tormenti.

GNESE:

Ve chiamar contento, se me tender a mi.

ANZOLETTO:

(Oh poveri paroni! le li serve cuss). (Da s.)

ZANETTA:

(Vi ben vder se el trovo). (Da s.)

GNESE:

Chi xe sta mascheretta?

ZANETTA:

(Per diana che el xe qua).

ANZOLETTO:

Seu vu, siora Zanetta?

ZANETTA:

Sior s, son mi, patron; cuss ve fe aspettar?

ANZOLETTO:

Vegniva in sto momento.

ZANETTA:

Andeve a far squartar.

GNESE:

Caspita, la ghe fuma!

ZANETTA:

Chi ela cula? (A Anzoletto.)

GNESE:

Adasio.

Cossa xe sta cula?

ANZOLETTO:

La serva de sior Biasio.

GNESE:

Mi no son la so serva. Son la so cameriera.

ZANETTA:

No soggio chi la xe? un tocco de massera.

GNESE:

E vu, siora, chi seu?

ZANETTA:

No me cognoss pi?

Mi servo una lustrissima.

GNESE:

Massera co fa mi.

ANZOLETTO:

Putte, quieteve un poco. Per carit, tas.

Donzelle, cameriere, tutto quel che vol.

Andemo a devertirse, staremo in compagnia.

GNESE:

Mi no vi altre donne.

ZANETTA:

No vegno con cula.

ANZOLETTO:

Giusteve tra vualtre; mi cossa far no so.

O andemo, o adessadesso ve impianto tutte do.

GNESE:

No me n'importa un figo.

ZANETTA:

Gnanca mi una patacca.

GNESE:

No ghe ne penso un ette.

ZANETTA:

No ghe ne penso un acca.

ANZOLETTO:

Voleu vegnir? (A Zanetta.)

ZANETTA:

Sior no.

ANZOLETTO:

E vu? (A Gnese.)

GNESE:

Grazie, patron.

ANZOLETTO:

Patrone riverite, ghe fazzo un repeton. (Parte.)

ZANETTA:

Sior s, per causa soa el me tratta cuss.

Per causa soa el me impianta.

GNESE:

La va dita cuss.

Mi son stada la prima; con lu m'av trov.

ZANETTA:

Da lu giera invidada da stamattina in qua.

GNESE:

Ben, anca mi l'istesso.

ZANETTA:

Co so bona licenza,

Da ela a mi, patrona, gh' una gran differenza.

Mi servo una lustrissima.

GNESE:

Mi servo un omo solo,

E son parona mi.

ZANETTA:

Dasseno! me consolo.

Anderemo pulito per via de sgraffignana.

GNESE:

Certo, no ghe xe donne, no far la mezzana.

ZANETTA:

No la far per altri, perch la fe per vu.

GNESE:

Via, via, no se scaldemo; faremo su e su.

ZANETTA:

Mi no crio co nissun; ste cosse no par bon:

Ma el boccon no dovevi torme zo dal piron.

GNESE:

Cossa savevio mi? me vien da sganassar.

Un zovene me cerca, l'avevio da lassar?

ZANETTA:

Basta; ti gh'ha rason. Cossa faremio qua?

GNESE:

Aspettemo qualcun; qualcun ne lever.

ZANETTA:

Vien zente.

GNESE:

Da che banda?

ZANETTA:

I vien da quel canton.

GNESE:

Oh poveretta mi! Questo xe el mio paron.

Che m'inmaschera presto.

ZANETTA:

Me inmaschero anca mi.

GNESE:

Avemio fatto pase?

ZANETTA:

Oh, tra nualtre? s.

BIASIO:

La xe una cossa granda. Mai pi la me l'ha fatta.

Ho paura che Gnese sia deventada matta.

ZULIAN:

La mia no gh' pericolo che la fazza cuss.

No la va in nissun liogo, se no ghe 'l digo mi.

BIASIO:

Anca la mia xe stada...

ZULIAN:

Vard do mascarette.

BIASIO:

Quella me par Agnese.

ZULIAN:

Giusto in te le scarpette. (Ironico.)

GNESE:

(Credo che el me cognossa).

ZANETTA:

(Mo se s mascherada).

GNESE:

(Zitto, se el me cognosse, ghe fazzo una bulada).

BIASIO:

Mi la me par...

ZULIAN:

Eh via.

BIASIO:

La xe, da galantomo.

ZULIAN:

Oe, le xe do, compare: provemo una per omo.

Basta che no le sia vecchie co giera quella.

BIASIO:

Una la me par Gnese.

ZULIAN:

L'altra la me par bella.

BIASIO:

Siora maschera cara, me par e no me par. (A Gnese.)

GNESE:

Bravo, cuss me piase. V'ho volesto provar.

Le donne no se varda se le sia belle o brutte;

Se va drio delle maschere, se d del naso a tutte.

BIASIO:

Ma se v'ho cognoss!

GNESE:

No credo, s un busiaro.

Andemo via de qua.

ZULIAN:

Forti, sior Biasio caro.

BIASIO:

E vu fora de casa vegnir senza de mi?

GNESE:

Son vegnua per trovarve.

BIASIO:

Per amor mio?

GNESE:

Sior s.

BIASIO:

Sentu? cossa diseu? (A Zulian.)

ZULIAN:

Digo che la xe scaltra.

BIASIO:

No, no, la xe sincera.

ZULIAN:

E chi xe mo quest'altra?

ZANETTA:

Mi son una so amiga, che sempre insieme andemo.

GNESE:

(Brava, Zanetta, brava). (Piano a Zanetta.)

ZANETTA:

(Tra de nu se agiutemo). (Piano a Gnese.)

BIASIO:

Dove voleu andar? (A Gnese.)

GNESE:

Mi de andar no me preme.

ZULIAN:

Femo cuss, sior Biasio: andemo tutti insieme.

BIASIO:

Andemo, se vol. Gnese, cossa diseu?

GNESE:

Mi son col mio paron.

ZULIAN:

Maschera, ve degneu? (A Zanetta.)

ZANETTA:

Perch no? se la vol, le so finezze accetto.

(Se el xe vecchio, n'importa, lo fazzo per despetto).

BIASIO:

Dove voleu che andemo?

GNESE:

Dis vu, mascheretta. (A Zanetta.)

ZANETTA:

(Voggio menarli dove Meneghina m'aspetta). (Da s.)

Vegn con mi, patroni. Sar la condottiera.

ZULIAN:

Ma! no se poderave vderve un poco in ciera?

ZANETTA:

Cossa gh'alo paura, che sia una qualche arpia?

Che el varda; me cognosselo?

ZULIAN:

(Sior Biasio. Oh vita mia!)

BIASIO:

Me despiase che semo cuss senza bautta.

GNESE:

N'importa, sior paron. (Se el la savesse tutta!)

ZANETTA:

Andemo. I galantomeni no i fa cosse in scondon.

(Quando no gh' de meggio, anca un vecchio xe bon). (Parte.)

ZULIAN:

Chi mai l'avesse dito! Mo cossa che ho trov!

Co sto boccon de anni! Mo son ben fortun. (Parte.)

GNESE:

Andemo, sior paron, la xe la mia zornada.

(Co a tempo! co pulita che ghe l'ho ben piantada!)

BIASIO:

Se pol dormir seguri drento delle so porte,

Quando che se gh'ha in casa massere de sta sorte.

DOROTEA:

Adesso stago ben! Meggio no posso star.

Ho perso tutti i bezzi, no so pi come far.

L'intrada ho consum; ho impegn el bon e el bello

Tutte le mie ricchezze le consiste in sto anello.

M'ha parso una gran bazza, quando che l'ho compr,

E adesso el venderave anca a pi bon marc.

Ma venderlo perch? Meggio saria impegnarlo

Se zogo, e se me reffo, posso recuperarlo.

Se ghe fusse Zanetta, la troveria el bisogno;

Andar a domandar mi sola me vergogno.

Se la ghe fusse in casa! Ma quella desgraziada

Ancuo la xe in borezzo. No la sar tornada. (Batte alla porta.)

Eh figureve, gnanca se i le liga ste donne;

Co le xe tra de ele, schiavo siore parone.

Gh'ho bisogno de bezzi; son scaldada dal zogo:

Per trovarghene adesso me butterave in fogo.

Ghe xe siora Costanza, che so che la ghe n'ha;

Per via de donna Rosega la me n'ha anca imprest.

Ma xe andada Zanetta; de mi no la sa gnente.

Andar mi col mio muso no la xe da prudente.

Ma el bisogno xe grando, e no so quala far.

Bisogna farse anemo, voggio andar a provar.

O de casa.

SERVITORE:

Chi batte?

DOROTEA:

Gh' nissun?

SERVITORE:

La perdona:

Voravela el padron, o vorla la padrona?

DOROTEA:

Che no me cognoss?

SERVITORE:

La scusa la domanda,

Perch per el padron se vien dall'altra banda.

El gh'ha per certi casi la so porta segreta:

Se va in ti so mezai su per una scaleta.

DOROTEA:

Sior tocco de asenazzo, me cognosseu chi son?

SERVITORE:

Mo perch vala in collera? no la vol el padron?

DOROTEA:

Sior no; ghe xelo in casa?

SERVITORE:

Nol gh'; poco el pol star.

Se la comanda gnente, ghe l'ander a trovar.

DOROTEA:

(Bisogna che cost certo no me cognossa). (Da s.)

SERVITORE:

La senta: donna Rosega la m'ha cont qualcossa:

Tra serva e servitor se pol passar de bala;

Cuss se fa pulito, se serve e no se fala.

DOROTEA:

No so quel che dis, s matto da ligar.

(Meggio che vaga via. No vi far mormorar). (Da s.)

SERVITORE:

Se la vol la padrona...

DOROTEA:

No, no me occorre pi.

SERVITORE:

Oh za, me l'ho pensada, che l'al voleva lu.

DOROTEA:

Ma diseme, bel fio! cossa ha dito de mi

La serva de sta casa?

SERVITORE:

La m'ha dito cuss...

COSTANZA:

Titta, chi quella maschera?

SERVITORE:

No so... La vaga via. (Piano a Dorotea.)

DOROTEA:

Son intrigada adesso.

COSTANZA:

No se sa chi la sia?

Chi domandela?

SERVITORE:

Adesso. Cossa gh'oggio da dir? (Piano a Dorotea.)

DOROTEA:

Che la domando ela. (Al Servitore.)

SERVITORE:

La la vol reverir. (A Costanza.)

COSTANZA:

Me domandela mi, o vorla mio mario?

DOROTEA:

No le domanda i omeni le donne da par mio.

COSTANZA:

Ela la xe?

DOROTEA:

Son mi.

COSTANZA:

Cara ela, la perdona.

Me domandela mi?

DOROTEA:

Se pol vegnir?

COSTANZA:

Patrona.

Che la resta servida. Compagnla de su.

(Cossa vol dir? da mi no la xe stada pi). (Entra.)

SERVITORE:

Brava, m'ha piasso assae. El zergo l'ho capio.

DOROTEA:

Cossa vorressi dir?

SERVITORE:

M'intendo mi. (Entra.)

DOROTEA:

Che fio! (Entra.)

COSTANZA:

Cossa vorala mai? no ghe la so trovar.

Sentiremo. La voggio dolcemente trattar.

Chi sa che no scoverza qualcossa de recente,

E se pol anca dar che no sia vero gnente.

A bon conto se adesso la vien in casa mia,

Sior Raimondo con ela no se pol dir che el sia.

DOROTEA:

Se pol vegnir?

COSTANZA:

La vegna. Che bisogno ghe xe?

La se comoda. Titta, fe subito el caff.

SERVITORE:

(La padrona fa adesso le vece del padron). (Parte.)

COSTANZA:

Che fortuna xe questa?

DOROTEA:

(Trover un'invenzion). (Da s.)

La dir che m'ho tolto un ardir troppo grando;

Se vegno a incomodarla, scusa mi ghe domando.

In sti pochi de zorni che son vegnua a star qua,

No cognosso nissun, nissuna ho pratic.

Subito la m'ha piasso, co l'ho vista al balcon.

S dasseno.

COSTANZA:

La vol farme tegnir in bon.

DOROTEA:

Cento volte voleva vegnir, ma non ho ardo.

COSTANZA:

(Chi sa se la vegnisse per mi, o per mio mario?) (Da s.)

DOROTEA:

Sta volta son vegnua, perch ho bisogno d'ela.

Gh'ho quella mia massera, che xe una frasconzela.

La voggio licenziar, la voggio mandar via,

No ghe ne togo pi, se no so chi le sia.

Xe vegnua a farse veder una che gh'ha del brio;

Subito ho domand dove che l'ha servio,

E tra le altre case che la m'ha nomin,

La dise che za tempo la xe stada anca qua.

COSTANZA:

Da mi! chi mai sarala?

DOROTEA:

Una putta ben fatta.

COSTANZA:

Sar tredese mesi che gh'ho sta vecchia matta.

DOROTEA:

Giusto sar cuss; par che andemo d'accordo.

COSTANZA:

La me diga mo el nome?

DOROTEA:

Oh, no me l'arecordo.

COSTANZA:

Cattina?

DOROTEA:

O s, Cattina.

COSTANZA:

Sar tre anni e pi,

Adesso che ghe penso, che no la sta con nu.

DOROTEA:

No, no la xe Cattina.

COSTANZA:

Betta?

DOROTEA:

Me par de s!

COSTANZA:

Se la s'ha marid, co l' parta da mi.

DOROTEA:

La diga, cara ela, chi gh'avevela in casa

Avanti de sta vecchia?

COSTANZA:

Cara ela, la tasa.

Sarela una foresta?

DOROTEA:

Giusto la xe foresta.

COSTANZA:

Una piuttosto grassa?

DOROTEA:

Siora s, la xe questa.

COSTANZA:

Questa che digo mi, la gh'ha nome Francesca.

DOROTEA:

Siora s, siora s.

COSTANZA:

Caspita, la sta fresca.

No fazzo per dir mal, contra la carit,

Ma po semo obligai de dir la verit.

DOROTEA:

La veda, no vorave torme una bissa in sen.

(Manco mal che sta volta la me xe andada ben). (Da s.)

COSTANZA:

Mi ghe conter tutto, con patto che la tasa:

Ogni d se vedeva dei omeni per casa;

Chi giera so fradello, chi giera so zerman.

El vin feniva presto, presto feniva el pan.

Ho scomenz a serrar. Sala cossa la fava?

La me metteva l'acqua e el vin la me cavava.

E l'ho chiappada un zorno in caneva bel bello

Con una piva in bocca sora de un caratello.

DOROTEA:

Compagna de una mia che giera longa un deo,

E me svodava infina la bozza dell'aseo.

La me spiumava el brodo, e la se onzeva el pan

Col grasso de capon desfritto in t'un antian.

COSTANZA:

Eh! questo no xe gnente. No credo che se daga

Un'altra come quella. Sent se la xe vaga.

Co la mandava in tola, de quel che se magnava,

A pizzego magnifico de tutto la robava.

L'andava drio dei zorni a far sta bella istoria,

E po le so cenette, e se fava baldoria.

DOROTEA:

La mia fava cuss: co gerimo a dormir,

In cusina la zente la se fava vegnir.

L'ho chiappada una sera sul fatto. L'indivina?

I giera quattro intorno a una gran polentina.

Gh'ho cri, gh'ho pi dito de' quei che l'ha nania:

La me rideva in fazza.

COSTANZA:

Giusto come la mia.

Quando l'ho licenziada, gh'ho visit la cassa,

Gh'ho trov cento cosse, fina della ua passa.

DOROTEA:

E mi mo, che alla mia, quando gh'ho vard drento,

Gh'ho trov in te la cassa un cortello d'arzento?

E cento mille volte l'ha zur e sperzur,

Che zoso per el buso della scaffa el xe and.

COSTANZA:

Siora, co ste massere no se sa quala far;

Adesso gh'ho una vecchia che me fa desperar.

No la sa, no l' bona; se crio, la se confonde.

DOROTEA:

Se sentissi la mia come che la responde.

E colle man in fianco, e con tanto de bocca:

E no vi che i me diga, e no vi che i me tocca;

So una putta da ben, e per diana de dia,

E siora s e ste cosse... Za la vi mandar via.

COSTANZA:

Ghe dala parte?

DOROTEA:

Oib! Mi pratico cuss.

Ghe dago da magnar quello che magno mi.

Certo che no se sguazza, ma le gh'ha el so bisogno.

Perch... se la savesse... za mi no me vergogno,

No ghe xe mio mario; e chi vive d'intrada,

Se fa, co se sol dir, una vita stentada.

COSTANZA:

Eh, co gh' el so bisogno.

DOROTEA:

Ma sempre nol ghe xe.

Dei d, se la savesse? pianzerave.

COSTANZA:

Perch?

DOROTEA:

Perch, co no se scuode, bisogna farla magra.

Da sti d, senza bezzi! Oh, la xe molto agra!

COSTANZA:

La senta, za che vedo che la gh'ha sta bont

De confidarse in mi, parlo con libert:

Se la posso servir, basta che la mel diga.

DOROTEA:

Cara siora Costanza, vedo che la xe amiga.

Certo, la prima volta che la me vede qua,

Pregarla... darghe incomodo... la xe temerit.

Ma! la me d coraggio, e mi me lo torr;

La me esibisce tanto, e mi la pregher.

COSTANZA:

Far assae mi no posso. Gh'ho qualcossa del mio;

Ma voggio render conto de tutto a mio mario.

Per poco, se ghe basta.

DOROTEA:

Sie zecchini.

COSTANZA:

No so.

Ghel dir a sior Raimondo.

DOROTEA:

No, cara amiga no.

Che la me fazza ela sto servizio in secreto.

Piuttosto, se la vol, ghe lasso sto anelleto.

COSTANZA:

Sto anello? Lo cognosso. (S'alza.)

DOROTEA:

L'ho compr che xe poco.

COSTANZA:

Lo cognosso sto anello.

DOROTEA:

L'ho compr da un aloco,

Per pochissimi bezzi.

COSTANZA:

Eh, che l'ho cognoss.

DOROTEA:

Ghe par?...

COSTANZA:

Eh, che me fazzo maraveggia de vu.

DOROTEA:

Come sarave a dir?

COSTANZA:

Xela poca prudenza

Vegnirmelo a mostrar, o xela un'insolenza?

DOROTEA:

Siora, vu ve scald, e no so la rason.

Sto anello che ve dago, credeu che nol sia bon?

COSTANZA:

El xe bon, lo cognosso, ve l'ha d mio mario.

DOROTEA:

L'ho compr.

COSTANZA:

No xe vero.

DOROTEA:

Dmelo qua.

COSTANZA:

El xe mio.

DOROTEA:

Come! anca de queste?

COSTANZA:

Cara siora, tas.

DOROTEA:

Che tasa? tre zecchini...

SERVITORE:

(Col caff) Comndele el caff?

DOROTEA:

Tre zecchini gh'ho d. L'ho tolto stamattina;

Domandeghe a Zanetta.

COSTANZA:

Che cara paronzina!

L'al compra, e la lo impegna cuss presto? Perch?

DOROTEA:

Perch ghe n'ho bisogno.

SERVITORE:

Comndele el caff?

DOROTEA:

Posso, quel che xe mio, e venderlo e impegnar.

SERVITORE:

Comndele el caff?

DOROTEA:

Andeve a far squartar. (Al Servitore)

Colle donne onorate no se parla cuss. (A Costanza.)

SERVITORE:

El caff. (A Costanza.)

COSTANZA:

No vi altro.

SERVITORE:

Me lo bever mi. (Parte.)

COSTANZA:

(Una insolenza tal, par che dar no se possa.

Bisogna che la creda, che mi no lo cognossa).

DOROTEA:

Sent, siora Costanza. Qua semo tra de nu.

Compat, cara vecchia, se ve dago del vu.

Sull'onor mio ve zuro: sto anello l'ho compr.

Zanetta viva e sana; presto la torner.

L'ho ab dalle so man, ela dir da chi.

COSTANZA:

Ben ben.

DOROTEA:

E compatime, no se parla cuss.

Co vegnir Zanetta, da vu la mander.

COSTANZA:

Se lo gh'aveva in deo sior Raimondo!

DOROTEA:

No so.

Mi l'ho compr, ve digo; e po, per dirve, tutto,

Ho perso tutti i bezzi stamattina a Redutto.

E per questo voleva...

COSTANZA:

Aspett, vegn qua,

Sto anello a mio mario che i l'avesse rob?

DOROTEA:

Se poderave dar.

COSTANZA:

Se la fusse coss...

DOROTEA:

Oh basta, in sta maniera no se parla con mi.

Favorime el mio anello, siora.

COSTANZA:

Oh, questo po no.

Che vegna mio mario, e po ve lo dar.

DOROTEA:

Cossa m'importa a mi, se de so mario?

Che el se tegna l'anello, voggio i mi bezzi indrio.

COSTANZA:

Se parler su questo.

DOROTEA:

Ander per Giustizia.

COSTANZA:

(Par, da quel che la dise, che no ghe sia malizia). (Da s.)

DOROTEA:

El mio anello, patrona.

COSTANZA:

L'anello in bone man.

DOROTEA:

Quando me lo dareu?

COSTANZA:

Ve lo dar doman.

DOROTEA:

Intanto no gh'ho un soldo, e no so come far.

COSTANZA:

Se volessi un zecchin, ve lo posso imprestar.

DOROTEA:

D qua.

COSTANZA:

Credme, siora, che xe meggio per vu.

DOROTEA:

Roba da chi no so, no ghe ne compro pi.

COSTANZA:

Servive, e compatime della mala creanza.

Se ho fall, se ho eccedesto, domando perdonanza.

Compat una muggier che vive suspirando.

Certo, se s innocente, el sospetto xe grando.

DOROTEA:

Gh'av rason; ma spero poderve sincerar.

Patrona.

COSTANZA:

Ghe son serva.

DOROTEA:

(Voggio andarme a reffar). (Da s, e parte.)

COSTANZA:

Perso fora de deo che l'abbia sior Raimondo?

Chi sa? se ne d tante combinazion al mondo.

L'anello xe pass per man de una massera;

La patrona lo compra, no la sa de chi el giera.

No so cossa pensar: presto se saver;

Ma ho dito el fatto mio, e l'anello xe qua. (Parte.)

MENEGHINA:

Le m'ha lass qua sola, co fa una mamalucca.

MOMOLO:

No songio mi con vu?

MENEGHINA:

Che stropolo de zucca!

MOMOLO:

Vard che bel suggetto! Ve liccaressi i dei.

MENEGHINA:

No son un bel soggetto; ma no voggio putei.

MOMOLO:

Putelo come son, son ben visto da tante.

Me despiase dasseno, che no ghe sia el Zigante.

MENEGHINA:

Povero sporco!

MOMOLO:

Via, che bisogno ghe xe?

Son zovene capace de pagarve el caff.

MENEGHINA:

Xe un'ora che s qua, e aspett adesso a dirlo?

Beverlo se podeva e anca digerirlo.

MOMOLO:

Vardava se i vegniva. Oe, caff, una fugazza.

Lass che varda prima, se gh'ho bezzi che fazza.

MENEGHINA:

Oh che caro minchion! la sarave, ben bella,

Che in maschera vegnissi senza bezzi in scarsella!

MOMOLO:

Basteralo un daotto?

MENEGHINA:

Eh! no i fa, no, no i fa.

MOMOLO:

Donca li metto via.

MENEGHINA:

Lass vder. D qua.

MOMOLO:

Contli, se i xe giusti.

MENEGHINA:

Li togo per contai.

Questi li metto via, per tanti sparagnai.

MOMOLO:

Dmeli, siora.

MENEGHINA:

Oh caro! No i spendevi per mi?

Me li ho messi in scarsella. Gh'ho pi gusto cuss.

MOMOLO:

Che drettona che s!

MENEGHINA:

Li voleu? aspetteli.

MOMOLO:

Co se tratta de bezzi, ve piase anca i puteli.

MENEGHINA:

Eh via, che no ve bado.

MOMOLO:

El mio daotto, siora.

MENEGHINA:

Oh, vien sior Anzoletto. I altri no i vien gnancora?

ANZOLETTO:

Coss', i v'ha lass sola?

MENEGHINA:

Cossa diseu? sior s.

MOMOLO:

No la xe miga sola; la xe stada con mi.

ANZOLETTO:

Ti te metti in dozzena?

MENEGHINA:

Nevvero? che pissotto!

MOMOLO:

Vard l che pettegola! la m'ha magn un daotto.

MENEGHINA:

Oh s, grasso quel dindio!

MOMOLO:

Intanto...

ANZOLETTO:

Tasi l. (A Momolo.)

Voleu che andemo a spasso? voleu che stemo qua? (A Meneghina.)

MENEGHINA:

Fazzo quel che vol; anca un poco aspettemo.

E po, se no le vien...

ANZOLETTO:

Se no le vien, andemo.

MOMOLO:

Vi vegnir anca mi.

ANZOLETTO:

No voggio puttelezzi.

Sta da quel che ti xe.

MOMOLO:

Vi magnar i mi bezzi.

MENEGHINA:

Vele qua, vele qua.

ANZOLETTO:

Oe, chi gh'ale? chi xeli?

MENEGHINA:

Sior Biasio!

ANZOLETTO:

Sior Zulian! oh che vecchiazzi! oh beli!

ZANETTA:

Vegn, vegn, patroni, non abbi suggizion.

ZULIAN:

Ghe xe dell'altra zente.

BIASIO:

Qua no paremo bon.

GNESE:

Eh, che l' un galantomo, n'importa, vegn via. (A Biasio.)

BIASIO:

Lo cognosseu quel zovene? (A Gnese.)

GNESE:

Oh, mi no so chi el sia.

BIASIO:

Vorave e no vorave...

ZULIAN:

No so...

ANZOLETTO:

Patrone belle,

Che le resta servide; me rallegro con elle.

GNESE:

Lo cognosseu? (A Zanetta.)

ZANETTA:

Mi no. (Cossa diseu, che fusto?

St zitto, e secondne, che gh'averemo gusto). (Piano a Anzoletto.)

ANZOLETTO:

Bella da galantomo.

GNESE:

Sta maschera chi xela?

MENEGHINA:

Oe! no me cognoss?

ZANETTA:

(Via, che ti xe putela). (Piano a Meneghina.)

MENEGHINA:

(Vorle far una burla?) (Piano a Anzoletto.)

ANZOLETTO:

(S, per quel che se sente). (Piano a Meneghina.)

MOMOLO:

Siore maschere, a mi no se me dise gnente?

ZANETTA:

Oh, patron riverito! (Burlando Momolo.)

GNESE:

Anca el forner xe qua?

ZULIAN:

(No stemo ben, amigo). (Piano a Biasio.)

BIASIO:

(No ghe xe propriet). (Piano a Zulian.)

Andemo. (a Gnese.)

GNESE:

Mo perch?

ZULIAN:

Maschera, andemo via? (a Zanetta.)

ANZOLETTO:

Siori, no le se degna della mia compagnia?

Son un putto civil. Son omo, e son secreto.

Dei omeni de et gh'ho stima e gh'ho respeto.

Za so el viver del mondo, semo omeni alfin.

Semo de carneval. Godemose un tantin.

ZULIAN:

Cossa diseu? Restemio? (A Biasio.)

BIASIO:

Fazzo quel che fe vu. (A Zulian.)

GNESE:

Via, no gh' suggizion.

ZANETTA:

Saremo do de pi.

BIASIO:

Fa portar el caff. (A Momolo.)

MOMOLO:

A mi?

BIASIO:

A ti.

MOMOLO:

Debotto... (Con sdegno.)

BIASIO:

Xestu qualche signor?

MOMOLO:

Ho speso el mio daotto.

ANZOLETTO:

Eh, lass far a mi. Oe, caff, buzzolai.

Putti, vegn a servir. Bevemolo sentai.

(Vengono uomini del caff, danno le sedie, e tutti siedono.)

Mi me senter qua. (Siede in mezzo)

GNESE:

E mi far cuss. (Siede presso Anzoletto.)

BIASIO:

E mi arente de vu. (Siede presso a Gnese.)

ZANETTA:

Qua me senter mi. (Siede presso Anzoletto.)

ZULIAN:

E mi star vesin alla mia mascheretta. (Siede presso Zanetta.)

Anca vu vegn qua; senteve qua, caretta. (A Meneghina.)

MENEGHINA:

Sior s. (Me tocca ben uno che no pol pi). (Da s.)

ZULIAN:

Mi me piase, co posso, star tra la zovent.

MOMOLO:

E mi?

ZULIAN:

Va via de qua.

MOMOLO:

Vi bever el caff.

Ho speso el mio daotto, che bisogno ghe xe?

BIASIO:

Va via de qua, te digo. Con nu no ti par bon.

MOMOLO:

Via, sior, cossa ve fazzio? stago qua in t'un canton. (Portano il caff e buzzolai a tutti.)

BIASIO:

Tol, cara Agnesina. (Le d un buzzol.)

GNESE:

Grazie, sior paronzin.

Lo magno per amor del mio caro vesin. (Urtando Anzoletto.)

BIASIO:

(Mo che gran bona donna!)

ZULIAN:

Tol anca questo, fia. (D un buzzol a Zanetta.)

ZANETTA:

La ringrazio; me piase tanto sta compagnia. (Urtando Anzoletto.)

ZULIAN:

Tol anca vu, caretta. (A Meneghina.) (Oh che fortuna granda!

Biasio ghe n'ha una sola, e mi una per banda). (Da s.)

MENEGHINA:

(No ghe vegniva gnanca, se credeva cuss). (Da s.)

MOMOLO:

A mi no i me d gnente? Oe, dmelo anca a mi. (A quel del caff.)

ANZOLETTO:

S, dghelo anca a elo. Trattlo come va.

Za semo in compagnia. Qualchedun pagher.

ZANETTA:

Pagher sior Zulian.

GNESE:

No, pagher sior Biasio.

ANZOLETTO:

Patroni, che i se serva, che i paga pur.

ZULIAN:

Adasio.

Mi no gh'ho dito gnente.

BIASIO:

No ho parl gnanca mi.

ZANETTA:

Via, no ve fe nasar. (A Zulian.)

GNESE:

No ve scans cuss. (A Biasio.)

BIASIO:

Sior Zulian, vu ghe steu?

ZULIAN:

Per mi, son galantomo.

Podemo, se vol, pagar mezzo per omo.

BIASIO:

Pagar mezzo per omo? No la va ben. Sior no.

Mi gh'ho una donna sola, e vu ghe n'av do.

ROSEGA:

Patroni reveriti; ghe fazzo un repeton.

Son anca mi con eli a far conversazion.

BIASIO:

Oe, l'amiga! (A Zulian.)

ZULIAN:

S ben. (A Biasio.)

ANZOLETTO:

Molto tardi, patrona.

ROSEGA:

Tasi l, veh, baron.

ANZOLETTO:

Son qua, la me bastona.

GNESE:

(Tutte vol Anzoletto). (Da s.)

ZANETTA:

Seu sola? (A donna Rosega.)

ROSEGA:

No, fia mia.

Oh, o se ti savessi chi con mi in compagnia!

ZANETTA:

Chi mai?

ROSEGA:

Un cao, fia cara!... no te lo posso dir.

Chi xela? (Accennando Meneghina.)

ZANETTA:

Meneghina.

ROSEGA:

Chi gh'ha d da vestir?

ZANETTA:

L'ho vestia mi.

ROSEGA:

Pulito.

ZANETTA:

Mo no prela bon?

Gh'ho d della parona un abito in scondon.

ROSEGA:

L'ho cognoss, per diana.

ZANETTA:

Oggio fatto un sproposito?

ROSEGA:

Giusto! cuss se fa. Tasi, che el xe a proposito.

ZANETTA:

Per cossa?

ROSEGA:

Oh co pulito!

ZANETTA:

Perch?

ROSEGA:

Tasi, in malora.

Gh' el mio paron con mi, che me aspetta de fora.

Gh'ho dito che ghe xe qua la to paroncina.

Oe, demoghe da intender che la xe Meneghina.

ZANETTA:

E po?

ROSEGA:

Che mamalucca! lsseme far a mi.

ZANETTA:

Se el se ne accorze?

ROSEGA:

Gnente... Vi che femo cuss.

ZANETTA:

Fmolo pur.

ROSEGA:

Chi sa? Qualcossa magneremo.

ZANETTA:

Oe, da bone sorelle.

ROSEGA:

S, se spartiremo.

Maschera, andemo via. V'avemo da parlar.

MENEGHINA:

Cossa voleu da mi?

ROSEGA:

Ve voggio maridar.

MENEGHINA:

Magari

ROSEGA:

Che golosa! Zanetta, andemo via.

ZANETTA:

Voleu che andemo tutti?

ROSEGA:

S, tutti all'ostaria.

ZANETTA:

Siori, za semo in ballo, avemo da ballar.

All'ostaria vorressimo, se s contenti, andar.

ZULIAN:

Cossa diseu, sior Biasio?

BIASIO:

No pareremo bon.

ZANETTA:

Gnese, vustu che andemo?

GNESE:

S, caro sior paron.

BIASIO:

Compare, andemo? (a Zulian.)

ZULIAN:

Andemo.

BIASIO:

Mi co ghe son, ghe stago.

ZULIAN:

Co xe de carneval, credmela, son vago.

E po co sti musetti mo chi non anderia?

ANZOLETTO:

Bravi, cuss me piase; che stemo in allegria.

Tutti co le so maschere.

BIASIO:

Mi la mia servir. (Parte con Gnese.)

ZULIAN:

Mi gh'ho forza in ti brazzi da servirghene do.

Cossa diseu? (A Anzoletto; poi parte con Zanetta e Meneghina)

ANZOLETTO:

Servive con tutta libert.

Mi stago meggio solo, godo de qua e de l.

ROSEGA:

Donca sior Anzoletto me dar man a mi.

ANZOLETTO:

Volentiera, de tutto digo sempre de s.

ROSEGA:

Oe Momolo.

MOMOLO:

Patrona.

ROSEGA:

Vien qua, caro forner.

Dame man anca ti, che ghe ne voggio un per. (Partono.)

ROSEGA:

Putte, vegn con mi, che rider da bon.

Voggio certo che femo sta burla al mio paron.

ZANETTA:

Tocca a ti, Meneghina.

MENEGHINA:

No vi qualche desgrazia.

No ghe ne vi saver.

ROSEGA:

Tasi l, mala grazia.

Fa quel che digo mi, e no te indubitar.

Quando vien sior Raimondo, tornete a inmascherar.

Sta sulle toe un pochetto, e po cuss e cuss;

No te indubitar gnente, lsseme far a mi.

MENEGHINA:

Se parlo, el se ne accorze. Avmio da star muti?

ROSEGA:

Lsseme far a mi, che parler per tuti.

GNESE:

Donna Rosega certo xe donna da repieghi.

ROSEGA:

Co s'ha da far qualcossa, no ghe vol tanti preghi.

ZANETTA:

Ma dov' sior Raimondo? El ne xe vegn drio

Un pezzetto alla larga, e po el ne xe spario.

ROSEGA:

El s'ha tir in bottega dal spicier da confetti.

Oe senti, Meneghina, se el te fa regaletti,

Avemo da spartir.

MENEGHINA:

Mi lasso che fe vu.

ZANETTA:

S, no te indubitar, che spartiremo nu.

GNESE:

Salo che semo qua?

ROSEGA:

Gh'ho dito le parole;

Gh'ho dito de avvisarlo, quando che semo sole.

Ho mand el camerier, adesso el vegnir.

Stemo qua tra nualtre, aspettemolo qua.

ZANETTA:

Cossa dir quei altri?

ROSEGA:

I do vecchi xe al fuogo.

Anzoletto da basso, che descorre col cuogo.

MENEGHINA:

E el forner?

ROSEGA:

El forner l'ho visto dai balconi

Che el xe in mezzo alla strada, a zogar coi baroni.

GNESE:

Adessadesso qua i do vecchi m'aspetto.

ROSEGA:

No i vegnir, gh'ho dito che femo un servizietto.

MENEGHINA:

E a casa quando andemo?

ROSEGA:

Anderemo stassera;

Che se godemo almanco una zornada intiera.

ZANETTA:

Dis, dopo disnar dove voleu che andemo?

ROSEGA:

Voggio che stemo qua, e voggio che ballemo.

GNESE:

Tutto el d all'ostaria?

MENEGHINA:

Voggio andar ai casotti.

ROSEGA:

Mi no me piase i piavoli, me piase i zovenotti.

ZANETTA:

Co che son balleremio?

ROSEGA:

I orbi vegnir.

GNESE:

Sior Biasio sa sonar; fursi el ne soner.

ROSEGA:

Staremo allegramente; me voggio sbabazzar.

Putte, me sento in gringola. Che salti che vi far!

ZANETTA:

E viva! Nu godemo, e le parone a casa.

ROSEGA:

Per sta volta dasseno bisogna che le tasa.

MENEGHINA:

Perch son vegnua in maschera, la mia m'ha licenzi.

ROSEGA:

Mi, mi, te trover.

MENEGHINA:

Eh no no, che ho trov.

ZANETTA:

Ti ha trov cuss presto? Ti xe stada valente.

MENEGHINA:

Oh, a mi no me ne manca. (Zanetta no sa gnente).

ZANETTA:

Mi co la mia ghe stago st'inverno per le spese,

E po sta primavera vi tornar al paese.

GNESE:

E mi a servir quel vecchio me vien malinconia;

Se trovo da logarme, subito vago via.

ROSEGA:

Mi scambio volentiera, sempre, per ordenario,

Se trovo che i me cressa sie soldi de salario.

MENEGHINA:

E pur gh' delle case, che se ghe chiappa amor.

ZANETTA:

Co gh' el nostro interesse, se fa con pi bon cuor.

Quelle che gh'ha dei utili, se le ghe sta, le invidio;

Ma mi gh'ho una parona, che no me d un sussidio.

ROSEGA:

La mia la xe, per diana, suttila co fa l'oggio,

Ma l'ha da far co mi; co ghe n', ghe ne voggio.

E po co gh'ho bisogno, vago dal mio paron,

E a lu sempre ghe beccolo qualche triro in scondon.

GNESE:

Mi no dir de esser tanto desfortunada;

M'ho fatto della roba, ma me l'ho vadagnada.

Servir un vecchio matto! Saverlo contentar!

Mi no ve digo gnente, se ho av el mio bel da far.

MENEGHINA:

A mi, dove che giera, m'ha tocc sta fortuna.

Anca de carneval squasi ogni d se zuna.

Co la m'ha licenzi, ho alz le man al cielo;

Me despiase per altro che el paron giera belo.

ROSEGA:

Gnanca el mio no xe brutto, e po el xe ricconazzo.

El gh'ha quella muggier: che pecc, poverazzo

Sempre la lo tormenta; infina co i xe a tola.

La mor da zelusia. La vorave esser sola.

L'ha paura che tutti ghe magna so mario;

Quando che son con elo, sempre la me vien drio.

ZANETTA:

La mia mo, all'incontrario, del mario no ghe preme.

Quando el vien a Venezia, gnanca no i dorme insieme.

Tutti fa per le soe; no i se fa complimenti.

I xe, co se sol dir, pi amici che parenti.

ROSEGA:

Zitto, vien sior Raimondo. Presto, via, Meneghina.

Mettite el volto.

MENEGHINA:

E po?

ROSEGA:

Mi te star vesina.

ZANETTA:

T'agiuter anca mi.

ROSEGA:

Sta dretta colla schena.

GNESE:

E mi star da banda a gderme la scena. (Indietro, e siede.)

RAIMONDO:

Posso venir?

ROSEGA:

La vegna.

RAIMONDO:

Servitor riverente. (A Meneghina.)

ROSEGA:

Faghe una reverenza. (A Meneghina.)

Oe, gh'aveu port gnente? (A Raimondo.

RAIMONDO:

(Ho comprati dei dolci. Glieli ho da dar cos?) (A Rosega.)

ROSEGA:

S, senza cerimonie. Consegnemeli a mi. (A Raimondo.)

RAIMONDO:

Tenete.

ROSEGA:

Oh, oh, la varda, lustrissima patrona, (A Meneghina.)

Quante galantarie; el patron ghe le dona.

RAIMONDO:

Compatite, signora, s'ella in mio nome ardisce...

ROSEGA:

La toga sti confetti. (A Meneghina.) Vedeu se la gradisce? (A Raimondo.)

Ne ne dala, lustrissima, un pochetti anca a nu? (A Meneghina.)

Ti sti quattro, Zanetta. Gnese, tol anca vu. (A Gnese che si alza.)

Sto resto i metto via. Oh che roba preziosa!

ZANETTA:

(Pi de mezzi per ela). (A Gnese.)

GNESE:

(Che vecchiazza golosa!) (Torna al suo posto.)

ROSEGA:

(Magna). (Piano a Meneghina.)

RAIMONDO:

(Non dice niente. Ella mi guarda appena). (A donna Rosega.)

ROSEGA:

(Coss'ala da parlar? la gh'ha la bocca piena). (A Raimondo.)

RAIMONDO:

(L'anello non l'ha in dito?) (A Zanetta.)

ZANETTA:

(El gh' un poco larghetto;

La ghe l'ha d all'orese, che el lo strenza un pochetto). (A Raimondo.)

ROSEGA:

(Vaghe un pochetto arente). (Piano a Meneghina.)

MENEGHINA:

(Mi no). (Piano a Rosegha.)

ROSEGA:

(Ti xe pur gnocca)

RAIMONDO:

Non parlate, signora?

ROSEGA:

I gh'ha cuso la bocca.

RAIMONDO:

Sdegnate forse avermi in vostra compagnia?

ROSEGA:

(Prleghe sotto ose). (Piano a Meneghina.)

MENEGHINA:

(Debotto scampo via).

RAIMONDO:

Che dice?

ROSEGA:

La vorave... via, no la se vergogna. (A Meneghina.)

La vaga in quella camera. Se va, quando bisogna.

RAIMONDO:

Parli, le occorre nulla?

ROSEGA:

Che caro sior patron!

El vorria compagnarla. No la vol suggizion.

(Saludilo, e va via).

MENEGHINA:

(fa una riverenza a Raimondo.)

RAIMONDO:

Quant' graziosa e vaga! (Salutandola.)

MENEGHINA:

(No so quel che me fazza).

ROSEGA:

Se la vol, che la vaga.

Putte, via, compagnela; no la lass andar sola;

Intanto al mio paron ghe dir una parola.

ZANETTA:

Andemo pur, lustrissima. (A Meneghina.)

ROSEGA:

And, fin che i parecchia.

ZANETTA:

Mo la xe una gran furba! (Parte con Meneghina.)

GNESE:

Mo la xe una gran vecchia! (Parte.)

ROSEGA:

La gh'ha del spiritazzo, ma po la se confonde.

RAIMONDO:

Io non so che mi dire. Le parlo, e non risponde.

Quasi quasi direi...

ROSEGA:

Cossa?

RAIMONDO:

Non mi par quella.

ROSEGA:

Co la veder in viso, saver se l' ella.

E po, me maraveggio: songio capace mi

De burlar el paron?

RAIMONDO:

No, non dico cos;

Ma son poco contento.

ROSEGA:

Compatirla bisogna.

Poverazza, la gh'ha un poco de vergogna.

Ghe despiase de esser trovada all'ostaria

Co nualtre; gh'ha piasso la nostra compagnia.

Dei vecchi, de Anzoletto, no la gh'ha suggizion;

Ghe despiase de vu; s, da quella che son.

RAIMONDO:

Dunque me n'ander.

ROSEGA:

Mo sior no, rest qua.

Ma se vegn a tola, ela no magner.

Sent, fe a modo mio. And un poco a zirar.

Verso el fin della tola ne vegnir a trovar.

La veder scoverta; la trover sentada.

Pass quel primo incontro, la sar comodada.

RAIMONDO:

Bene, cos far. Vado, e ritorno or ora.

ROSEGA:

No vegn cuss presto. Aspett almanco un'ora.

RAIMONDO:

Un'ora aspetter.

ROSEGA:

Ve chiamer contento.

RAIMONDO:

Voglio, se posso almeno, dirle il mio sentimento.

ROSEGA:

Oe, digo, sior patron; saveu che, un bianco e un brun,

All'ostaria se paga ancuo tanto per un?

RAIMONDO:

Io non mangio.

ROSEGA:

Xe vero; ma se i me taggia in fete,

Bezzi mi no ghe n'ho.

RAIMONDO:

Ho capito, tenete.

ROSEGA:

Grazie. Ma no sarvela una finezza bella

A siora Dorotea, se paghessi per ella?

RAIMONDO:

Perch no? Lo sapete, quando sono impegnato,

A spendere non guardo. Ecco un altro ducato.

ROSEGA:

Bravo, co se vol ben! bezzi no se sparagna.

(De sti do ducateli cule no me ne magna). (Da s.)

RAIMONDO:

Vado dunque, e frattanto a consolar le doglie

Andr della patetica gelosissima moglie. (Parte.)

ROSEGA:

Ho chiapp do ducati. Co torner el paron,

Per sconder Meneghina trover un'invenzion.

No la sar pi quella, la sar andada via.

Basta, no m'ho in ste cosse mai perso in vita mia.

No xe da dir che so quel che so per l'et,

Che el diavolo xe vecchio, per questo el ghe ne sa.

Me diseva mia mare: ti gh'ha una testolina!

Saveva quel che so, che giera fantolina. (Parte.)

COSTANZA:

El patron no se vede. Via, parecchi la tola;

Deme quel fi de tossego, che el magner mi sola.

TITTA:

El patron se la gode.

COSTANZA:

Vu no gh'av da intrar.

TITTA:

L'ho visto co una maschera...

COSTANZA:

Animo; a parecchiar.

TITTA:

(apparecchia un piccolo tavolino, e mette in tavola qualche cosa).

COSTANZA:

Ah! la me tocca a mi. Bisogna che sopporta;

Xe assae, che fina adesso da rabbia non sia morta.

Ma come fale mai quelle che no ghe pensa?

Bisogna che el so cuor a qualcun le despensa.

Mi mo, che son nemiga delle conversazion,

Stago qua, poveretta, ficcada in t'un canton.

Tanti e tanti me dise che stago da regina;

E mi mo esser vorave nassua una contadina,

Con una poveretta scambiar el stato mio,

Pur che gh'avesse sempre arente mio mario.

TITTA:

Co la comanda. in tola.

COSTANZA:

No gh'ho gnente de fame.

I marii se deverte, e nu? povere grame! (Siede a tavola.)

I batte. And a vardar. Chi sa che nol sia elo?

TITTA:

Sala chi xe?

COSTANZA:

Dis mo.

TITTA:

Xe quella dall'anelo.

COSTANZA:

Chi? siora Dorotea?

TITTA:

Giusto ela.

COSTANZA:

Tirghe.

Vard quel che la vuol. Son a tola, diseghe.

Fela vegnir de su. (Titta parte.) Son curiosa sentir,

Se qualche novit la m'aver da dir.

O l'aver trov chi gh'ha vend l'anello,

O qualcossa la vien a contarme de bello.

DOROTEA:

Oh, la xe a tola? A st'ora? me despiase dasseno.

COSTANZA:

Ghe dir, disno tardi, e la sera no ceno.

Che la resta servida. La se senta un tantin.

DOROTEA:

Son qua, siora Costanza, gh'ho port el so zecchin;

La ringrazio, e se posso, anca ela la comanda.

COSTANZA:

Patrona; i complimenti lassmoli da banda.

No la se n'ha servo?

DOROTEA:

Siora s, in verit.

Oe, con quel so zecchin vinti ghe n'ho chiapp;

E se saveva far, ghe ne chiappava cento.

COSTANZA:

Bisogna contentarse.

DOROTEA:

Oh, mi no me contento.

Xe and via el taggiador; per questo ho lass star.

Se el seguitava el taggio, lo voleva sbancar.

COSTANZA:

Cara siora, col zogo bisogna andar bel bello...

DOROTEA:

No parlemo de questo. Parlemo dell'anello.

Mel dala s o no?

COSTANZA:

Sala gnancora gnente,

Chi ghe l'abbia vend?

DOROTEA:

Zanetta, sta insolente,

Xe ancora via; chi sa quando la torna a casa?