Mi chiamo Angela Bambina (si pronuncia Bàmbina) vivo ad Alcamo in provincia di Trapani e sono un’insegnante. Sono autrice delle commedie brillanti in dialetto siciliano “ La pinsioni di mè soggira”, “Du’ ‘ntricusu di mè nannu” e “Notizii di La Merica”.
La commedia che vi presento oggi è regolarmente depositata alla SIAE.
Il suo titolo è “ L’ EREDITA’
Autorizzo a pubblicare questa commedia sul vostro sito, al fine di farla conoscere e realizzare.
La mia email è: bambina.angela@gmail.com – cell.333 5780168
Breve commento.
La storia si svolge in una famiglia formata dal marito e dalla moglie che abitano in una casa in affitto. Non avendo molti mezzi per pagare l’affitto della casa e avendo il marito uno zio celibe che sta male e se la passa discretamente, Rosetta la moglie va dicendo a tutti, dalle vicine di casa al padrone di casa, di pregare perché questo zio anziano e malato muoia al più presto così loro possono pagare l’affitto. Tutto questo all’insaputa del marito che continua a pregare perché lo zio si possa ristabilire e tornare a casa dall’ospedale.
Saranno esaudite le preghiere della moglie o quelle del marito?
Lo zio morirà esaudendo le preghiere della moglie o guarirà e farà contento il nipote? A voi scoprirlo …e Buon Divertimento!
L’EREDITA’
COMMEDIA BRILLANTE
IN DUE ATTI
DI
ANGELA BAMBINA
PERSONAGGI
ROSETTA LA MOGLIE
BASTIANO IL MARITO
COMARE MARIA VICINA DI CASA
COMARE PINA VICINA DI CASA
FRUTTIVENDOLO
MACELLAIO
DON PAOLINO PADRONE DELLA CASA
ZU’ NICOLA AMICO DI FAMIGLIA
ZU’ PEPPI ZIO DI BASTIANO
USCIERE
POSTINA
L’EREDITA’
Tutta la scena si svolge in un sala dove ci sono gli elementi essenziali: la credenza il tavolo e le sedie una o due poltrone, i quadri ai muri diciamo i suppellettili che servono ogni giorno, tende e oggettini vari sopra la credenza.
Rosetta. la moglie, entra in scena dalla stanza da letto con una vestaglia sciupata
Rosetta Mi chi friddu, staiu murennu, ci vurrissi nà stuficedda pi
quariarinni nanticchia, ma sa quannu si ni parra accattalla, cu
tutti li spisi chi avemu, si ci lu ricu a me maritu chiddu mi rici
chi prima a mà pagari l’affittu, e amentri muremu di friddu!
Iu criu chi sta nottì chiuvì, c’era un scrusciu! Ora taliu di la
Finestra! (GUARDA DALLA FINESTRA) Ma chi chiuvì
terra russa? Aeri l’avia lavatu davanti la porta, chiù tardu ci
rugnu nà scupatedda!
MARIA BUSSA ALLA FINESTRA
Si sente la voce da fuori
Sgn.Maria- Signora Rosetta, Signora rosetta…
Rosetta- Chi c’è, signora Maria?
Maria Rapiti la porta!
Rosetta Ancora la iurnata unn’accuminciatu e già si presentà! ( Va ad aprire)
Trasiti signora Maria!
Maria Chi stati facennu?
Rosetta Stava taliannu chi criu chi a sira, chiuvì terra russa!
Maria Se sunnu tutti cosi ‘ngrasciati, li balconi, li saracineschi, li
strati. Pensa chi me maritu era fora e quannu trasì, u ni lu
canuscivu!
Rosetta Ma chi dici?
Maria Chi dicu? Dicu, chi ci dumannavu, ma lei a cu cerca?
Rosetta E iddu chi ti rissi?
Maria A la babba chi si! E docu capivu chi era iddu!
Rosetta Ah h
Sign.Maria- Stanotti cu stu scrusciu un potti dormiri e pinsava, ma aviti
notizii di vostru ziu? Comu sta? Mischinu chi pena!
Rosetta- Ragiuni aviti, fa ‘na pena….pari chi mori, e subitu si ripighia,
pari chi vulissi spirari e subitu si metti a parrari…pari chi
chiui l’occhi e subitu si li rapi…mancu iddu lu sapi chiddu
chi voli fari…certu indecisu e sfirniciusu ci ha statu sempri
ni la so vita, ma ora sta esagerannu!
Sign.Maria-Picchi cuntatimi sfirniciusu a statu di vivu? E’ sempri accussi
gentili, educatu, scherzuzu, e guriusu po'!
Scena seconda
Detti e Pina
Cumm.Pina- Vi lu pozzu riri io!
Rosetta- Cummà, ma di dunni trasistivu?
Pina C’era la porta aperta e trasivu…
Rosetta Signura Maria, ma lassastivu la porta aperta?
Maria Aperta? A banedda.
Rosetta Na bedda vanedda avia a essiri si trasì me cummari Pina!
Ma dunni stati iennu?
Cumm.Pina- Niscivu pi iri a pighiari lu pani, e virennu la porta aperta
pinsavu di veniri a salutarivi, amentri ‘ntisi stu riscursu .
Rosetta- Bonu facistivu, avi assa’ chi unni viriamo, e sapiti nuvatri
semu sempri ‘mpegnati cu lu Zu Peppi a lu spitali.
Cumm.Pina- A discursu di lu zu Peppi, aieri ci ivu a truvallu, Signura
Maria vatri ci dumannastivu a me cummari si era sfirniciusu?
Sign:Maria- Se, sapiti pari accussi bravu…sempri gentili…
Cumm.Pina- Bravu se..bravu ha statu, ma sfirniciusu quantu mai, pinsati
chi so mughieri, quannu era viva, lu recameterna criu chi voli
fattu, pi accattarisi na vesta ci avia a diri chi ci la via regalatu
so matri, picchi iddu sordi unni vulia nesciri!
Sign.Maria- E pi pagalla po’ comu facia?
Cumm.Pina- Pi pagalla po’ la notti ci pinsava.
Rosetta - Spiegaticillu, picchi chidda sa soccu sta pinsannu.
Cumm.Pina- Vatri a ta’ sapiri chi iddu si cantiava li sordi dintra la
scupetta!
Sign.Maria- Ma chi diciti, e so mughieri un si scantava a pighialli, e
cus’à sparava la scupetta?
Cumm.Pina- Quannu ci mittia li sordi ci li livava li cartucci. Perciò la
sira so mughieri era costretta a…arrotondari, dicemu
accussi! E chissu e’ sulu unu di li tanti, assa ni cuminà.
Rosetta- Signora Maria, ma ormai è vecchiu e sulu e ni la ma
annacari, veramenti chiossà me maritu, siccomu è so ziu!
Sign.Maria- Certu anchi si era un pocu camurriusu sempri pena fa…
Scena terza
Detti e il venditore
PASSA IN QUEL MOMENTO UN VENDITORE AMBULANTE
Ven MELE!!! MELE!!! MELE!!!...PEEERE!!!
Accattativi li banani a 2 mila liri a lu chilu!!!
Pina Aspittati chi lu chiamu, picchi e’ accattari nanticchia di
frutta! Zu cristia’, zu cristià, trasiti …
Rosetta Ma la porta aperta la lassastivu?
Pina No a banedda…comu l’attruvavu!
(INTANTO ENTRA IL FRUTTIVENDOLO)
Pina Mi ricissi na cosa, ma si li banani li vinniti a 2 mila liri li
puma a quantu su?
Ven. Signura mia…
Pina Ma comu si permetti? Mia …iu un sugnu signura sua, si lu
senti me maritu novu novu lu fa!
Maria Pighia sa scupa Rosè, chi chissu un mi piaci!
Ven. Me, so!!! , e chi dissi di stranu chi si sta quariannu accussi?
La pignata pozzu mettiri di comu vugghi…
Pina E si veni me maritu puru la pasta ci fa calari…e appena è
cotta ci la scula ntesta!
Ros. Accurzamu…li meli a quantu li vinni?
Ven. Signura mi…a
Pina Arre!!!....ma allura lu fa apposta
Ven. Allura si li banani sunnu a 2 mila liri e li pira sunnu a 2 mila
liri li meli sunnu a 4 mila liri!
Ros. Certu …si la matematica unne un’opinioni!!! Lei veru bravu
avia a essiri a la scola!
Ven. Un savi a siddiari iu li nummari l’haiu na lu sangu.
Pina Iu pensu chi vossia runa sulu nummari, li meli a 4 mila liri
ma a cu li vitti mmanu tutti sti rana!!!. Si ni issi a
abbanniari paghiri da:..
Ven. MELE!!! MELE!!! MELE!!! PEEERE!! SIGNURA
MI… .
Maria Pighia sa scupa Rose’ e ci la ramu ‘ntesta? ( tutte e tre gli
corrono dietro! Chi cristianu…
Rosetta Chiui sa porta, cus’à torna arrè!
Maria Lassala a banedda chi mi ni staiu iennu Pi!
Maria Comu stavu dicennu sempri pena fa dicemu chi sta
scuttannu cà li so curpi, accussi quannu mori lu chiù tardu
possibili..
Rosetta- Lu chiù tardu possibili!!!
Sign.Maria- Si ni va in paradisu.
Rosetta- Si giustu diciti, signora Maria, iddu in Paradisu si ni va,
…..RIVOLGENDOSI AL PUBBLICO) ..e nuvatri a lu
nfernu continuannu accussi…a trasiri e nesciri di lu spitali,
avi sei misi chi dura sta storia.
Cumm.Pina- Chi vuliti fari cummà, ‘na la vita sa va fari beni.
Sign.Maria- Lu beni porta atru beni, lu mali porta mmeci sulu mali.
Rosetta- Aviti tutti dui ragiuni, però ora è continuari lu mè sirvizzu!
SI AVVIANO ALLA PORTA, MA POI RITORNANO …
Cumm.Pina- Ah, cumma cusà avissi a moriri, mi la ta fari sapiri, picchi
ci voghiu veniri a lu funnurali!
Stanno per uscire e vedono entrare il macellaio
Scena quarta
Detti e il macellaio
Rosetta Lassastivu arrè la porta aperta?
Pina No a banedda, Maria accussi mi rissi…
Mac. Signora Rosetta ci vinni a purtari la spisa chi mi rissi aeri e
virennu la porta aperta trasivu! Ma cu è chi muri’? La
campana a mortu picchu’ suna’?
Ros. Cu è chi avi a moriri voli diri…picchi ancora unna murutu
chi iu sacciu…a menu chi lei unni lu sapi gia’, e mi runa
sta bella notizia…laria vulia diri, unni staiu capennu chiu’
nenti cu sti morti e cu sti vivi…
Mac. Lei rici chi unna’ murutu? Iu untisi diri chi avia murutu…
Pina Mischinu chi fini tinta fici all’urtimu…!
Mac. Tinta? Muri’ e basta, ma poi si po’ sapiri cu è che chi muri’
iu unni staiu capennu chiu’ nenti!
Ros. Ma va scusari, ma a lei cu ci lu rissi?
Mac. Ma …vatri, iu era nintra la me putia e vi ntisi parrari di lu
mortu! Di la finestra si senti tutti cosi!
Maria La prossima vota chi sta cu l’aricchi ncuddata a la finestra,
circassi di attintari bonu, picchi mi pari chi avi qualchi
problema di ntisa!
Mac. Signura Maria si carmassi, mi pari agitata,( Si avvicina alla
finestra ) Zu pasquà, staiu vinennu!
Ma finu a ora ci haiu purtatu a me mughieri tutti li
notizi precisi precisi, ni lu quarteri mi chiamanu “lu giornali
di sicilia ” si po’ vatri un vi spiegati bonu…!
Pina Abbiri chi masculu ‘ntricusu, ma issi ammazzari addini
paghiri dà chi è meghiu!
( rivolgendosi ad un ipotetico acquirente) …zu Pasquà,
vulia sapiri quantu costa lu pollu? Cosci di pollo a Tri
euru! Ma la lingua di fimmini oggi è GRATIS!!
Lo mandano via rincorrendolo tutte e tre
Sign.Maria- Puru iu ci voghiu veniri a lu funnurali, pi vostru rispettu si
intendi, picchi a iddu non è chi lu canusciu bonu. Ah
salutatimi a vostru ziu e dicitici chi si rimetti ancora
picciottu è…
Rosetta- Si, si non mancherò, certu picciotto è a novantaquattranni,
picciotto è…..savissi a spirughiari fussi bonu.( parlando fra
se se).
Scena quinta
Rosetta e Don Paolino
RIMASTA SOLA PARLA UN PO’ DA SOLA FINCHE’ SENTE BUSSSARE
Rosetta- Chi è? Cu è chi tuppulia?
Don.Paulinu - Rapiti Signura, sugnu Don Paulinu Firranti lu patruni di
casa .
Rosetta- ( Fra se e se) E chi voli chistu, un ci lu rissi chi si un mori
me ziu o meghiu lu ziu di me maritu, rana un ci ni pozzu rari
e comu c’e diri chi scusa c’è pighiari?
Don.Paulinu- Rapiti si o no? Ancora fora ma ta’ fari stari?
Rosetta Hai li robi stinnuti fora, meghiu chi ci rapu, picchì si nà
duna chi sugnu nintra!
Rosetta- ( Aprendo la porta) Ah…trasiti Don Paulinu, un stati fora chi
oggi c’è troppu friddu, assettativi, chi siti eleganti! Chi bellu
vestitu: Pignatello?
Don Paulinu No Cavallo!
Rosetta Si viri chi vi custà assà!
Don P Si l’avia accattari cu li rana chi ma va dari lei putia stari
nuru…
Rosetta Allura ricitimi, chi vi pozzu offriri, un Te, un cafè
caldo…(allontanandosi..un chinotto una scaretta un
passito) chi vuliti?
Don.Paulinu- Veramenti Signura io’ un voghiu nenti, vinni cà pi viriri si
mi putiavu pagari l’annu d’affittu arritratu chi m’aviti a dari.
Rosetta- Mi un annu ha passatu? Ma siti sicuru chi un vamu ratu
nenti?
Don Paulinu Sicurissimu, un matu ratu nenti! Taliavu na lu librettu di li
pagamenti e un c’è scrittu nenti, taliati ni chiddu vostru!
Rosetta Iu haiu tutti cosi scritti cà ( indica la fronte) facitimi
leggiri… Veramenti iu pensu chi pi la festa di La Maronna,
cacchi cosa vi la rettimu!
Don Paulinu Iu mancu la vitti pi la festa!
Rosetta Un ci vinistivu a la bricissioni?
Don Paulinu Ci vinni ma iu era misu rarrè la Maronna!
Rosetta Allura picchissu un ni vittimu, iu era misa ravanti!
Ah ci pinsavu, sicuramenti quannu me maritu pighià li rana
di la forestali cacchi cosa vi la rettimu!
Don Paolino Un ma viti ratu nenti, iu lu sapia chi m’aviavu a fari veniri
la pipitula ni la lingua!
Rosetta Ora ci pinsavu… pi la vinnigna sicuru cacchi cosa vi la
rettimu!
Don Paolino Ora no, un ma viti ratu nenti!
Rosetta Facitimi leggiri, torta di meli, ivì sbagliavu libriceddu!
Rosetta Ma po’, chi prescia chi aviti? Ma un vinistivu l’atru aieri,
un vi lu rissi comu stannu li cosi, si un mori me ziu un vi
putemu pagari.
Don.Paulinu- E allura chi diciti di fari?
Rosetta- Vatri priatici chi ( fa il segno di morire) ma priatici
intensamente.e accussì vi pagamu!
Don.Paulinu. Certu io’ preu chi mori vostru ziu e vostru maritu mmeci
prea chi campa.
Rosetta- Un ci pinsati vatri a me maritu chi appena veni ci fazzu un
beddu discurseddu.
Don.Paulinu- Abbasta chi ni decidemu, picchi puru pena mi fa du
mischinu, ci ivu aieri, e paria chi stava murennu, e subitu
dopu rapia l’occhi, menu mali chi un ne sempri chi parra’
va si nò cu la vissi a sentiri!
Mi ni vaiu ma vi lu ricu chista è l’ultima vota chi vegnu, la
prossima vota vegnu cu l’uscieri…
Rosetta , Cu cu?
Don Pa Cu l’usceri!
Rosetta E cu è chistu?
Don Pa Chiddu chi vi veni a iecca fora di ca?, Vi putiti coghiri tutti
li strummiddi! Virugnu ‘na simana di tempu, mori o un
mori vostru ziu, un mi ‘nteressa!
Rosetta- Vaiti vinni e un turnati chiù, chi cristianu tintu!!!!!!!
Cu na fraricia casa chi avi ni sta facennu nesciri foddi!
Scena sesta
Rosetta e Bastiano
Rosetta Ma iu dicu me maritu quantu po' guaragnari, cu la
disoccupazione, la forestali la vinnigna e cacchi
sirvizzeddu chi fa ogni tantu?
Nà mà vestiri, a ma’ manciari, a mà pagari li bulletti,
li regali a li mè niputi un ci l’è fari? Na’ lu parrucchieri
magari nà vota la simana c’è iri! La pizza magari lu sabatu
na la mà manciari? Don Paulinu un capisci l’esigenzi chi
avi nà famighia!
RIENTRA IL MARITO e appende il cappotto all’attaccapanni
Bastiano- Rose’ dunni si, veni cà che te diri na cosa.
Rosetta- Bastià muri to ziu?
Bastianu- No forsi tu un ci criri, ma sta meghiu, sicuramenti cu tutti li
prieri chi aiu fattu sta notti pari chi si sta ripighiannu, pensa
chi sta matina si pighià un pocu di latti.
Rosetta- E cu ci la va diri a lu patruni di casa…
Bastianu- Picchi chi ci ‘nteressa a Don Paulinu? Ma picchi si accussi
prioccupata? Un ti pigghiari dispiaciri me ziu si ripigghia,
sta tranquilla chi ci la fa, di spiritu forti è.
Rosetta- Se iddu ci la fa, ma nuvatri ninni iemu di cà.
Bstianu- Ma picchi dici accussi? Sempri pessimista si ‘na li tò cosi!
Rosetta- Certu cu lu patruni di casa chi ti veni a tuppuliari rarrè la
porta , e ti rici chi la prossima vota veni cu l’usceri, c’è
propriu di essiri ottimista!
Bastianu- Cu l’uscieri! E cu è stu uscieri?
Rosetta- Cu è? Chiddu chi ni veni a iecca fora di casa.
Bastianu- E picchi chi ci amu fattu a chistu ? Rosetta- A iddu nenti, ma Don Paulinu voli pagatu l’affittu lu vo
capiri! Comu ti le diri!( AVVICINA LA SEDIA AL
MARITO) Ma a discursu lu dutturi chi dici di
to ziu, ancora assa’ po’ campari? Ah dittu quantu tempu cià
resta?
Bastianu- Mancu lu dutturi si sapi spiegari comu mai lu ziu prima pari
chi stà murennu, e subitu dopo rapi l’occhi…ma….
Rosetta- Lu sacciu io..
Bastianu- Chi dicisti?
Rosetta- Nenti….ma senti a mia, tu cacchi menzuredda senza priari
un putissi stari?
Bastianu E picchi? Cu li me prieri du mischinu si senti meghiu.
Iddu si senti meghiu e io, mi sentu mali.
Bastianu- Mali? Chi ti senti?
Rosetta- Lu capisti chi voli pagatu l’affittu, l’affittu!!! E comu a ma
fari un si sapi.
Bastianu- Un ti pighiari dispisciri, chi ora viremu soccu pozzu fari, ora
mi fazzu veniri cacchi idea!
Rosetta Ma fattilla veniri bona!
Bastianu Mi vinni!
Rosetta E qual è?
BASTIANU SUSSURRA LA FRASE A ROSETTA PER DUE VOLTE E LEI FA FINTA DI NON SENTIRE E NON CAPIRE!
Rosetta Ma iu un ci sentu, na visita mè iri a fari picchi un caspisciu
nenti!
Bastianu Magari ni vinnemu du pizzuddu di tirrenu chi avenu a
Firricinu, chi dici?
Rosetta- Ora lu capivu! Firricinu un si tocca picchi mi lu retti me
patri comu doti!
Bastianu- Firricinu un si tocca picchi ci lu retti so patri comu doti …e
chi amu a vinniri? Unna vemu nenti chi na ristà?
Ros. Sulu l’occhi pi chianciri na ristaru…
Bast. Ma po’ dicu com’è chi assummaru durici misi?
Rosetta- Picchi li misi su unu dopo l’atru Gennaiu, Febbraiu…ecc e
un si pagannu assummanu…!!!
Scena settima
Detti e lu Zu Nicola
BUSSANO ALLA PORTA
Rosetta- Bedda Matri! Arre iddu è! Iu mi ammucciu! (Prende il
giornale e si nasconde dietro)
Bastianu- Ma chi dici, aspetta chi taliu. Allististi di ammucciariti rarrè
lu giornali? Lu viri chi unnè iddu! Ma iddu vatri siti, trasiti
comu mai sta visita?
Lu zu Nicola Aiai, li ammi, aiai, li ammi aiai li ammi! ( Finalmente si
siede).
Bastiano Chi avi ni sti ammi?
Zu Nicola Sciddicavu, sbattivu e mi fannu mali!
Bastiano Picchi un va ni lu dutturi?
Zu Nicola Se na lu dutturi! A fari chi? ..no dissi tutti cosi a me
mughieri!
Rosetta La zà Santa dottoressa!
Bastaiano E la za Santa chi ci rissi?
Zu Nicola Mi rissi, chi unn’aiu nenti, a idda ci fa mali la testa, la
spadda, lu pusu e li peri, e un si lamenta! E quindi chiddi
me sunnu tutti fissarii!
Zu Nicola Aiai aiai…
Bastiano Ma picchi un ci fa li raggi?
Zu Nicola Se li raggi! Basta chi me mughieri mi talia cul’occhi
accussi! ( abbassano tutti e tre la testa) Atru…chi raggi!
Viri tutti cosi!
Rosetta Tutti cosi, tutti cosi tutti cosi?
Bastiano Ma insomma…chi vinistivu a fari?
Zu Nicola Bastia’ viri chi ivu a truvari to zu Peppi, e la nfirmera mi
rissi di veniti a chiamari.
ROSETTA CHE PASSEGGIA DIETRO FA SEGNI DI VITTORIA
Bastianu- Picchi me ziu piggiurà?
Zu Nicola- No unni lu sacciu, a mia mi parsi comu sempri…
Rosetta- Comu, comu sempri? Chiù mighiuliddu o chiù
peggiuliddu?
Zu Nicola- Comu sempri, pari chi teni l’arma cu li renti!
Rosetta- E unni la va lassari! E iddu chissà sulu sapi fari, teniri tutti
li so cosi beddi stritti.!
Bastianu- Rosè, un diri fissarii, chi aieri mi vulia rari li sordi pi li
miricinali, e…
Rosetta- E tu ti li facisti rari giustu..
Bastianu- Percio’ di du puvureddu chi sta murennu li sordi me fari
dari?
Rosetta- Cà… la puvuredda io sugnu, e basta.
Zu Nicola- Un faciti accussi Donna Rose’, chi appena chissu morì, sa
quantu sordi vi a va lassari!
Rosetta- Chissu pi un lassalli si sordi, na la birritta si li metti, accussi
si li porta appressu!
Bastianu- Io vaiu a viiu chi voli un vurrissi chi si sintissi mali e io un
ci sugnu, speriamo chi…..
Zu Nicola Aspetta dammi un passaggiu!
SI AVVIANO INSIEME DICENDO
NICOLA: AIAI
BASTIANU: SPERIAMU
Rosetta- Bastia ma fari un piaciri, unna sperari nenti, e soprattutto
un priari pi la strata!
Scena ottava
Rosetta e Maria
ROSETTA RIMASTA SOLA A CASA INIZIA A PREGARE A MODO SUO
Rosetta- Ora pru iu. ( si rivolge al quadro di Don Bosco) Don Bosco
iornu 31 è la tò festa fammilla sta grazia, u ni lu fari soffriri,
però…fa il gesto di farlo morire. Speriamo chi un soffri,
speriamo chi un capisci chiù, speriamo chi s’addummisci pi
sempri, speriamo chi ……( PER TRE VOLTE)
Maria Cumma, c’era la porta a vanedda e trasivu, ’ ma chi faciti
tutta sula?
Rosetta- Nenti stava priannu sapiti c’e lu zu Peppi chi sta mali..
Maria Ma ancora vivu è?
Rosetta- Picchi chi sintistivu pi la strata?
Maria Ma mi parsi chi ntisi la me vicina chi dissi chi vitti curruri
lu parrinu, e allura pinsavu chi avia murutu, recameterna
all’armuzza sua. Quantu mi dispiaci mischinu cristianu
bonu era! A mia mi dispiaci darivi sta brutta notizia!
Rosetta- Un vi preoccupati, allura murì?
Maria Muri’, ma tu fatti forza!
Rosetta Un ti preoccupari forti sugnu!
Maria Ci pozzu iri a pighiari du’ ciuri? Ti pozzu lassari?
Rosetta Se se ti ni po' iri…( Maria l’abbraccia e lei dalla parte del
pubblico fa la faccia felice dicendo: Murì)
Maria Però canciati mettiti nà viletta, picchi sempri tò ziu è.
QUANDO MARIA ESCE ROSETTA SI METTE A BALLARE SULLE NOTE DI VITTI NA CROZZA E SI METTE LA VELETTA
Scena Nona
Rosetta e Bastiano
Rosetta Ora mi canciu e ci vaiu. Ma comu me vestiri di nivuru..o a
restu comu sugnu? Finarmenti lu Signuri si dicisi di
attintari li pighieri di Don Paulinu! MURI’
MENTRE CHE SI CAMBIA CANTA. MENTRE ARRIVA IL MARITO CHE MOSTRA LA SUA PRESENZA SOFFIANDO IL NASO E SPOSTANDO LA SEDIA LEI APPENA SI ACCORGE DI LUI INIZIA A PIANGERE E A FARE UNA SERIE DI MOVIMENTI PER FAR CAPIRE CHE E’ INCONSOLABILE E ALLE SUE RICHIESTE DI : Chi Ha? Risponde
Un mi diri nenti staiu troppu mali, lu cori nivuru aiu|! E continua a lamentarsi a girargli intorno piangendo e gridando.
Rosetta- Bastià, perciò accussì finì…chi dispiaciri chi staiu
pruvannu, quantu ni vulia beni, certi voti certu era
camurriusu, però ora chi murì mi dispiaci.
Bastianu- Ma cu è chi murì?
Rosetta- (togliedosi il fazzoletto nero)
Chi fa priasti pi la strata unne veru?
Bastianu- Ma chi dici? Lu ziu s’arripighià.
Rosetta- S’arripighià, e comu potti essiri, ma si mi rissi ora me
cummari chi vitti curriri lu parrinu!
Bastianu- Veru è, ma pi lu vicinu di casa!
Rosetta- Certi cristiani hannu tutti li furtuni!!!!! E chi vulia la
nfirmera allura?
Bastianu- Mi chiamà, picchi lu ziu mi vulia parrari.
Rosetta- Atru chi moriri, chissà un ci pensa propiu a moriri! E chi
vulia? Chi ti rissi?
Bastianu- Ah si sapissi…mi vosi cunsignari lu so librettu di la banca.
Rosetta- Ma chi dici!!! E sordi ci avi?
Bastianu- Sordi? Mughieri mia semu addivintati ricchi…..e un sulu
mi rissi puru chi d’ora na vanti finchè campa la pensioni e
l’accumpagnamentu ni lu pighiamu nuvatri si cummattemu
cu iddu, si ci lavamu la casa, si ci cucemu la pasta, si ci
lavamu li robi! ( quando dice questo fa il segno con il dito
verso la moglie e invece quando deve ricevere fa il segno
verso se stesso)
la pighiamu nuvatri, si cummattemu cu iddu…un si
cuntenti?
Rosetta Allura fammi capiri, si lavamu la casa, ( e fa il segno
verso se stessa per ogni cosa che dice) e quando parla dei
soldi fa il segno verso di lui. Senti a mia iu però lu bagnu
un ci lu fazzu!
Bastianu Un ti preoccupari ci lu facemu nzemmula, iu ci lavu lu
‘ncapu e tu ci lavi lu sutta!
Rosetta No, iu lu sutta no!
Bastianu E va beni lu lavu tuttu iu!
Rosetta E quannu vaiu a Monti Allegru ni me matri, ni la ma
purtari puru?
Bastianu E certu..
Rosetta Se però iu m’assettu davanti, picchi mi rovesciu e iddu
s’assetta rarrè!
Bastiano E va beni s’assetta rarrè!
Rosetta Finchè campa ricisti?
Bastianu Certu finche’ campa!
Rosetta Allura avà campari?
Bastianu Certu avà campari! Ma picchi rici accussi?
Rosetta Nenti po' ti lu spiegu, ha vistu la mè borsa?
Bastianu Ma runni sta iennu?
Rosetta- Lu porto’, lu me portò l’ha vistu’? Certu chi sugnu
contenta, però ora e iri a na’ banna aspetta
chi annatranticchia tornu….pò ti lu cuntu!
Bastianu- Ma runni sta iennu si po’ sapiri?
Rosetta Po' ti lu cuntu!
Bastiano No mi lu cunti ora!
Rosetta E va beni, assettati!
Bastianu Assettati tu!
Rosetta Assittamunni tutti dui, lu fattu accumincià quannu tò ziu
paria chi muria e un muria mai, iddu accusssi si fa?
S’avà essiri decisi ni la vita., o si campa o so mori!
Bastiano Ma a tia di la saluti di me ziu chi ti intertessa, ma ricu chi
facisti?
Rosetta Nenti, a cu viria ci ricia di priari pi tò ziu quantu spirava
subitu! E accussi pagavamu l’affittu!
Bastiano No chi lu ricisti puru a Don Paulinu?
Rosetta E propriu ni iddu vulia iri, piccchi un ci raccumannavu
Avutru…di priari , priari e priari …intensamenti!
Bastiano Curri, curri, va ferma a chissu, za’ ma’ dì me ziu mori
rovinati semu! Curri curri!
FINE PRIMO ATTO
Secondo Atto
In scena c’è Rosetta che sta sistemando, mentre in scena entra Lu ziu Peppi
Scena prima
Rosetta e lu zu Peppi
Rosetta Entra con una vestaglia elegante, l’appende e si mette a
spolverare (canta…Comu si li cughieru li beddi pira….)
Ora si chi è vita, cu la pinsiunedda di lu zu Peppi, cacchi
cosa in più putemu fari l’atru iornu mè cummari mi 7
‘mità a iri a un teatru, ci putissi iri, si me maritu si teni a so
ziu…sulu non è chi si po' lassari chiù, avi l’arteri, e quannu
è accussì, voli aviri sempri ragiuni. L’atru iornu un mi
scancià pi Gina Lollobrigida! A mia Rosa Schiolla pi Gina
Lollobrigida, iu sugnu bionda e idda e scura, iu sugnu bella
e idda puru, ma non è chi ni assumighiamu, iddu lu sapi
comu ci viri! Si un fussi pi sa pinsiunedda chi porta fussi
cosa di rarici lu foghiu di via…
ENTRA IN SCENA LO ZIO CON IL PIGIAMA LA PAPALINA IN TESTA E IL BASTONE lu zu Peppi” strascicando i piedi si ferma nel centro della sala e arrotola la cartina per fare la sigaretta. La nipote che si accorge della sua presenza, mentre lui è intento ad “rullare” la cartina
Rosetta Talia chi è beddu, fuma! Già aviamu prontu lu vistitu di la
morti, ma iddu pi un darici sa suddisfazione s’àrripighià
meghiu di prima! Arrudda e fuma, e po' ci fa mali lu
Pettu, Rosa chiama lu dutturi chi mi sentu mali, e fuma
talia!
Zu Peppi A tia…
Rosetta A mia rici?
Zu Peppi A tia ricu, ca nintra un ci sulu tu?
Rosetta No, semu in dui!
Zu Peppi A tia, senti a mia, un mi rari a ‘nfuddiri, picchi la testa mi
firria ancora!
Rosetta Dui semu; A Mia e A Tia!
Zu Peppi A Tia ti viu, ma A mia dunnè?
Rosetta A tia sugnu iu e a mia è vossia!
Zu Peppi Rispettu nenti ni sta casa, dunni semu iunti, a lu spitali
meghiu mi la passava!
Rosetta Picchi?
Zu Peppi Mancu ziu mi po' chiamari? A mia…chi sugnu tò frati?
Rosetta No frati ma, canciamu discursu va si nò allongo, dunni
stati ennu cu lu pigiama?
Zu Peppi ( Si guarda i pantaloni e fra sé dice: un mi na via
addunatu) Staiu niscennu u ni lu viri chi aiu lu vastuni?
Rosetta Lu viu lu vastuni, ma viu puru lu pigiama!
Zu Peppi E tu unni lu taliari lu pigiama, tantu sta scurannu e a natra
anticchia mi servi pi irimi a curcari!
Rosetta Vatri di cà u nisciti!
Zu Peppi Chi? Chi dicisti?
Rosetta Vatri di cà un nisciti i!
Zu Peppi E pichi i i?
Rosetta Picchi un nisciti!
Zu Peppi Picchi sugnu prigionero?
Rosetta No, ma intantu un nisciti, e po', vaitivinni ni la vostra
stanza!
Zu Peppi A diri vaitivinni ‘ncella d’isolamentu’, chissu a diri!
Vurrissi sapiri me niputi dunni l’attruvà sta cumannanti?
Rosetta Ni l’ovu di Pasqua!
Zu Peppi Sempri regali fracchi ci mettinu ni l’ova di Pasqua! Ni la
mè stanza! Sulu tuttu lu iornu, mi ni vaiu!
Rosetta Vaiti vinni dunni dunni vuliti vatri, ma di cà un nisciti!
Zu Peppi Va beni, va beni mi ni vaiu in cella, vaiu a fazzu lu
|prigioneru!
Rosetta Un vi scurdati li manetti ( gli dà un paio di guanti) picchi
aviti sempri li manu friddi!
ROSETTA LO ACCOMPAGNA SPOLVERANDOLO CON IL PIUMINO MENTRE LUI SI LAMENTA
Zu Peppi Ora mi li mettu li manetti, ( si avvia, ma poi ritorna) lu
ranciu quannu mi là dari?
ESCE LU ZU PEPPI
Rosetta Ora ci portu du” purpitteddi! Lu ranciu ora vi lu portu vi
ni putiti iri!
Lu ranciu, la cella, li manetti… mi sentu nintra nà
caserma! E me maritu di tutti sti cosi un ni sapi nenti, si
ci li cuntu mi rici chi so ziu e anzianu e l’a mà cumpatiri!
E chi fazzu tuttu lu iornu? Cumpatu, cumpatu e cumpatu|
RIENTRA LU ZU PEPPI CON UN CAPPOTTO SOPRA IL PIGIAMA E UN CAPPELLO CON LE ORECCHIE SOPRA LA PAPALINA
Rosetta Ma comu si cuminà? E chi semu a cannalivari?
Zu Peppi M’arrivà un cumannu chi mi rissi chi sta sira sugnu di
guardia e mi vistivu pi stari ni la garitta! Lu fucili dunnè?
Rosetta U ni l’aviti ‘manu?
Zu Peppi Veru è, un mi na via addunatu, ma mi pari chi c’è picca
movimentu!
SI ARMA DI BASTONE E SI METTE VICINO LA PORTA IN ATTEGGIAMENTO DI FARE LA GUARDIA
Rosetta Tutta la sira docu a tà stari?
Zu Peppi Un ti lu rissi chi sugnu di guardia?
Rosetta Mi lu ricistivu, ma vi mettu la seggia vicinu cusà vi
stancati vi assittati!
Zu Peppi Un sordato, nun si stanca mai!
Rosetta Un surdatu! Ma vatri aviti li ammi moddi moddi, voghiu
viriri quantu ci ati a stari a la ditta!
ROSETTA CONTINUA A LAVORARE E FA L’ATTO DI PASSARGLI DAVANTI
Zu Peppi ALTOLA’!!! Chi sei, cosa porti e da dove vieni?
Rosetta Appena veni mè maritu ni parramu, allura rispunnu a la
prima dumanna; Sono Rosetta la mughieri di so niputi!
Zu Peppi Cosa porti?
Rosetta Porto una seggia, la stai mittennu a lu postu!
Zu Peppi Da dove vieni?
Rosetta Vegnu di l’atru latu di la stanza! Pozzu passari?
Zu Peppi Prima la parola d’ordine e poi passi!
Rosetta E qual è ora sta parola d’ordine? Bastianu sta vinennu!
Zu Peppi Ora po' passari!
Rosetta S’appi a scantari!
LA SCENA è FERMA LU ZU PEPPI DI GUARDIA E ROSETTA CHE LAVORA
Rosetta Certu chi la cumpagnia un mi manca, mi sentu protetta
cu li forzi di l’ordini!
Ora vaiu a priparu di manciari chi a natra anticchia veni
me maritu!
SI SENTE BUSSARE ALLA PORTA
Scena seconda
Detti e la cummari Pina
Rosetta Vaiu a rapu, picchi sonanu!
Zu Peppi S s s s s s silenziu ponnu essiri spii!
Rosetta E cu parra, pozzu rapiri? ( in silenziu)
Zu Peppi Se ma in punta di peri!
Rosetta Si avvia ad aprire in punta di piedi!
Zu Peppi Araciu, si i i i i i i i !
Rosetta Si i i i, un mi movu! ( Continua così, in punta di piedi senza scaarpe, fa la ballerina, al comando dello zio: Ro araciu, moviti, ma in punta di peri ecc, fino a che apre la porta)
Cummà trasiti, accomodatevi, stati
attenta chi lu zu peppi è un pocu agitatu!
Pina Cummà chi diciristivu pi lu teatru?
Rosetta Ora vi lu fazzu viriri iu lu teatru! ( di corsa passa
dietro lo zio e si mette dall’altro lato) Veni ca!
PINA FA PER PASSARE PER ANDARE DA ROSETTA
Zu Peppi ALTOLA’: Chi sei, cosa porti e da dove vieni?
Rosetta Assecondalo pi chi è di guardia!
Pina Sugno so cummari Pina!
Zu Peppi Chi porti?
Pina Portu lu borsinu pi fari la spisa!
Zu Peppi Da dove vieni?
Pina Vegnu di la casa!
Zu Peppi Parola d’ordine?
Pina rimane immobile e Rosetta le fa i gesti per farle capire la parola d’ordine
Pina Ma chi vo diri?
Rosetta Fa il gesto dell’anello nel dito e con la bocca mima il
nome del marito
Pina To maritu Bastianu, chi fa?
Rosetta (mima che sta venendo)
Finalmente Pina capisce ah!!!
Pina Bastiano sta vinennu!
Zu Peppi Po’ passari!
Pina Bona mi finì, ti lu ‘mmagini e mi rava un corpu cu su
vastuni?
Rosetta No accussì fa, ma unnè violentu, sulu chi si costruisci
ogni iornu un personaggiu diversu e nuvatri a ma iri
appressu a li so fantasii, tu mi ‘mmitasti a lu teatru?
Ma lu teatru l’avemu nintra, cà unna nuiamu mai!
Pina Ragiuni aviti, ma tutta la sira docu avà stari?
Rosetta Finu a quannu un si stanca, o ci veni ‘ntesta natra
cosa!
SUONANO ALLA PORTA
E LU ZU PEPPI SI AGITA DI NUOVO
Zu Peppi Silenziu ci hanno scoperto! Si i i i i
Rosetta Accumincia’ lu secunnu attu, si recita!
Zu Peppi Siiii, chi cartuccia naiu una sula, a una sula pozzu
sparari!
Rosetta Ci sunnu boni possibilita’ chi una di tutti dui arresta
viva!
Pina Una nesci pi fari nà visita e sa ritrova ni na’aguatu!
Rosetta Vaiu a rapu in silenziu siiii!!
Zu Peppi Araciu!!!!
ROSETTA VA AD APRIRE E FA DI NUOVO TUTTE LE PIROETTE DI PRIMA AL COMANDO DELLO ZIO: araciu, siii, sentu scrusciu, mori ma in silenziu!
Scena terza
Detti e Maria
Rosetta Signora Maria, vinistivu a truvarimi?
Maria Se vitti trasiri a Pina e dissi circolinu c’è, voghiu iri
a viriri!
Rosetta Se trasiti però in punta di peri picchi lu Zu Peppi fa
la guardia!
Maria A cu?
Rosetta A la porta!
Maria Pina, ma chi ha chi mi saluti cu la manu, sta
partennu?
Pina Siiilenziu, lu zu Peppi è agitatu, un ci passari
davanti!
Maria Picchi?
Rosetta nel frattempo è andata dall’altro lato passando dietro allo zio
Rosetta Passa, passa!
Pina Passa di rarrè …(Maria si avvia a mò di sfida In testa ha sempre quel grosso fiore che lo zio scambia per un cappello e quindi dei gradi)
Zu Peppi Capitano… Fa il saluto che si riserva ad un capitano
Maria Che fari?
Rosetta Faccillu puru tu!
MARIA FA IL SEGNO DI SALUTO MA LU ZU PEPPI CONTINUA A TENERE LA MANO SULLA FRONTE, MARIA TOGLIE LA MANO E LU ZIU PEPPI SI RITIRA, MARIA ALZA LA MANO E LU ZU PEPPI
FA IL SALUTO, COME SE FOSSE UN GIOCO!
Maria Assà a và durari stu iocu?
Pina Calatilla non è chi cia vissi a veniri cacchi cosa!
Rosetta Dicci chi si metti a riposu. Sa piccù ti scancià!
Maria Riposo soldato! ( Lu zu Peppi si mette in posizione
di riposo)
Rosetta Sicuramenti cu su ciuri chi ha ‘ntesta ti scancià pi
cacchi pezzu rossu!
Maria Picchi a vatri chi vi rissi?
Rosetta Po’ ti lu cuntamu, assettati, ti vaaiu a pighi una
seggia!
ROSETTA GLI PASSA DA DIETRO DICENDO CHE UNA VOLTA CI PUO’ CASCARE, MA QUANDO RITORNA SE LO DIMENTICA E GLI PASSA DI DAVANTI
Zu Peppi (al ritorno di Rosetta si ripete la storia)ALTOLA’!
“Chi sei? Cosa porti? Da dove vieni?
Rosetta Sono Rosetta, la mughieri di tò niputi, portu la seggia
Pi fari assittari me cummari Maria, e vegnu di la
cucina!
Zu Peppi La parola d’ordine?
Rosetta Bastianu sta vinen…
Zu Peppi Unsc! Nova?
Rosetta Nova? E chi ci mentu?
Pina La casa carì!
Zu Peppi Unsc! Nova!
Maria Li purpetti s’à bruciàru!
Pina Pani un ci né!
Zu Peppi U né chissa!
Rosetta Ma cà pozzu stari? Ora ci penzu iu!
VA NELL’ALTRA STANZA ED ESCE CON UN GROSSO CAPPELLO
Zu Peppi Fa il saluto! ( scambiandolo per un pezzo grosso)
Rosetta Prego soldato stia tranquillo!
Bona mi finì, menu mali chi avia su cappeddu pi iri a
Mari! Ora ogni vota chi passu mi lu mettu!
Cummà vuliti qualche cosa un te un cafe, (si avvia
verso la cucina e si mette il cappello) un azusa …
Pina Un bicchieri d’acqua va beni!
Zu Peppi Puru a mia, haiu siti!
Rosetta A li guardiani un ci attocca nenti, cà c’è lu
Colonnello e si mi scopri chi ci rugnu acqua
mi metti a li arresti domiciliari!
Zu Peppi E chi veni a diri chi è moriri di la siti?
Rosetta Veni a diri chi viviti e vi ni iti a li arresti in cella!
Maria datici lu cumannu accussì si va riposa!
Maria Fa il saluto e poi : Soldato attent, giro, e via un due
Un due, un due…!
Rosetta Bona ni finì, li surdiceddi sunnu duci, ma quannu ci
pighianu li cincu minuti…
Scena quarta
Detti, usciere e Don Paolino
SUONANO ALLA PORTA
Rosetta Ma iu veramenti u nà spettu a nuddu!
APRITE APRITE
Pina Parinu li carabineri, po essiri mai chi Lu Zu Peppi
Li chiamà iddu?
Maria Tu a ‘ntisu a nuddu grirari?
Rosetta mi pari chi cà c’è epidemia di cretinaggini!
APRITE SI O NO
Rosetta Cu siti?
Usciere Sono l’Usciera!
Rosetta L’Uscieri? L’amicu di Don Paulinu?
Usciere Aprite o forzo la porta!
Rosetta Rapu rapu! Trasiti, trasiti, ma un c’era bisognu di iri
a chiamari l’uscieri!
Usciere USCIERA sugnu! vincivu lu concorsu anchi si
sugnu fimmina!
Rosetta Ma a mia mi pari di canuscila, assimighia a…a lu
cucceri, siti parenti cu lu cucceri chi sta cà vicinu?
Usciere Certu, sugnu so soru, ma vincivu lu concorsu!
L’USCIERE SI GUARDA INTORNO PER VALUTARE QUELLO CHE DEVE PIGNORARE
Rosetta Va beni comu riciti vatri! Don Paolinu, ma picchi
vinistivu armatu si po' sapiri?
Don Paolino Forti chi un ci sintiti quannu vi ricu di pagarimi
l’affittu! Mi pari chi vi avia avvisatu chi la prossima
vota vinia cu l’Uscieri!
Usciere USCIERA!!! vincivu lu concorsu anchi si sugnu
fimmina!
Rosetta Lu capivu, lu capivu! Usciera! Insomma Don
Paolino chi voli, me ziu campà, l’eredità na tuccà e
l’affittu ci lu pagamu, chi voli ancora?
Don Paolino E chista è bella, mi pagastivu l’affittu?
Rosetta Si
Don Paolino Si? E quannu? Non è chi mi vuliti fari veniri l’arterii
scorosi? Quannu mi pagastivu? Quannu fu? Dicitimi
lu iornu e l’ura!
Rosetta L’ura un mi la ricordu, ma lu iornu si, mi pari chi fu
quannu pighiamu l’accumpagnamentu di me ziu vi
rettimu la mità di li sordi e quannu pighiamu la
pinsioni vi rettimu lu restu!
Don Paolino Usciere pignorate!
Usciere Usciera sugno picchi vincivu lu concorsu anchi si
sugnu fimmina!
Don paolino Fimmina o masculu un mi ‘nteressa, pignorati tuttu
chiddu chi viriti!
Rosetta E no! Ora chiamu li carabineri, nuvatri pagamu
percio’ ricitici a chissu chi si ni po' iri!
Usciere Chissu è chissa picchi…
Rosetta …vincivu lu concorsu anchi si sugnu fimmina!
( Tutti)
Don Paolino Pi ora Usciera appuntativi tuttu chiddu chi truvati
chi avi un valore di sordi e dumani vinemu a
pighiarili!
LU ZU PEPPI CHE SENTE GRIDARE ROSETTA NELL’ALTRA STANZA SI AGITA ED ENTRA IN SCENA GRIDANDO CON UNA SPADA GIOCATTOLO IN MANO
Scena quinta
Detti e lu Zu Peppi
Zu Peppi E’ una trappola, è una trappola, mani in alto!
( Tutti alzano le mani)
Rosetta Lu giocattolo di me fighiu
Pina Dunnè?
Rosetta ‘ nmanu a me ziu!
Maria Si vò ci la vaiu a levu!
Rosetta Zittuti siiii lenzio!
Zu Peppi E’ un agguato, è un agguato! Scappati, ammucciativi!
Maria Scappamu, scappamu!
Pina Ma dunni na mà ammucciari?
Pina, Maria e Rosetta si nascondono dietro le sedie. Rimangono in piedi Don Paolino e l’Usciere
Zu Peppi La testa si viri! ( Le tre abbassano la testa)
Usciera Signor Lei!
Zu Peppi E no, e no… prima A Mia, po A Tia ora A Lei! Iu mi
chiamu! Iu aiu un nomu!
Don Paolino Signor Usciera pignorare tutto tranni su giocattolo chi avi
‘ntesta!
Zu Peppi Voi siete in arresto!
Don Paolino Picchi chi fici chi sugnu in arrestu? Avia a priari bonu pii…
Rosetta Un vi lu ricia? Vatri un ci vuliavu cririri!
Don Paolino Se ma a mia un mi nteressanu li vostri problemi a mia mi
‘nteressa chi mi pagati!
Rosetta Arrè ci torna, ma è propriu duru!
Usciera Pignoro?
Don Paolino Pignorate, pignorate!
Lu zu Peppi Arrestatelo, arrestatelo!
Rosetta Ragiuni avi: ARRESTATELO! Accussi la finisci cu sta
storia!
Usciera Io pignoro!
Zu Peppi Voi due ( rivolto a Pina e Maria) mettetegli le manette!
Pina Subito comandante!
Maria Io lo trasferisco in carcere! Niscissi Don Paolino,
Pina Io portu ‘ncarceri l’usciere!
Zu Peppi Bravi portateli in carcere!
Don Paolino Se, ma dumani vegnu
Rosetta Dumani, dumani! Vaiti vinni, vaiti vinni, a chi pari chi si
calma, vaitivinni!
ESCONO DI SCENA DON PAOLINO E L’USCIERA CON MARIA E PINA CHE RIENTRANO PER DARE AIUTO A ROSETTA E ALLO ZIO CHE SI SENTE MALE
Zu Peppi Mi fa mali la testa, mi tremanu li ammi, facitimi assittari, ma
chi successi?
Maria La seggia subitu! Za’ ma’ dì si sperna semu cunzumati!
Pina Facemucci aria! Aisamucci li ammi!
Rosetta Misuramuci la pressioni! ( lei e Maria si mettono a contare
con le dita: Uno due tre…)
Rosetta Quant’è?
Maria Ottu!
Rosetta Assa’ assà…misuramu arrè…quattru!
Maria Sei…
Rosetta Misuramuci lu zuccaru..
Maria Va all’altro lato della stanza e prende il barattolo dello
zucchero)
Rosetta Quant’è?
Maria Toglie il coperchio: “Ma po' essiri ducentu rammi!”
Zu Peppi Araciu mi fannu mali ,lassati stari, ci pensa Rosa chi ci avi lu
virsiceddu!
Rosetta Ci pensu iu! (PRENDE LE GAMBE INSIEME E CON POCA DELICATEZZA LI METTE SULLA SEDIA)
Scena sesta
Detti e Bastiano
RIENTRA BASTIANO
Bastiano La testa mi fa mali, ‘’ncuntravu a lu zu Nicola, e mi tinni
menzura a parrari, l’aricchi mi friscanu!
Rosetta Iurnata! Di chidda di cuntari!
Bastianu Un si saluta? Ormai semu frati e soru, un né veru?
Rosetta Ciao!
Bastianu Fammi assittari, ma ( si gira intorno e vede le due comari)
avemu ‘mmitati?
Pina Ni ni stavamu iennu, ma cà nintra ci ha statu l’assaltu!
Maria Pariamu in piena guerra, Don Paolino, lu Zu Peppi
cu li cincu minuti, atru chi teatru!
Rosetta Ora pari chi si carmà lu putiti lassari chi ci pinsamu nuvatri!
ROSETTA CON L’OCCHIO FA IL GESTO DI ANDARSENE
Maria Ma chi cià ni st’occhu?
Pina Mancu russu l’avi!
Rosetta Vaiti vinni ma viti a fari srarriari cu mè maritu?
Maria Ni ni putemu iri? Sicuru? Picchi si aviti bisognu pozzu
arristari!
Pina Puru iu!
Rosetta Vi ringraziu di chiddu chi aviti fattu, ma ora c’è me maritu e
m’aiuta iddu!
Bastianu Vi rapu la porta, picchi voghiu parrari cu me mughieri!
Maria Si aviti bisognu però chiamati!
Pina E nuvatri curremu subitu!
Rosetta Vaiti vinni pi ora, vaiti vinni!
Maria Ni stannu assicutannu?
Pina Appena hannu bisognu…vinemu arrè, chi chiffari avemu!
ESCONO DI SCENA MARIA E PINA
Rosetta Lu maritu, stanca sugnu, natra iurnata accussi e mi pozzu iri
a curcari!
Bastianu Picchi chi successi? Mi pari tuttu tranquillu, lu zu peppi dormi
ni la poltrona, chiddi dui si ni ieru, iurnata chiù tranquilla di
1 chista secunnu mia tu unn’avutu mai!
Rosetta Bastià attenta a mia staennata vinni Don Paolino…
Bastiano A fari chi?
Rosetta Ma diri cu ‘cu?
Bastianu A fari chi e cu cu?
Rosetta Vulia pagatu l’affittu, e vinni cu l’uscieri!
Bastianu Ma chissu veru dici? Un ci li rettimu li rana, pi iunta avi la
faccia tosta di purtarisi l’uscieri!
Rosetta Iu ci lu rissi chi lu pagamu, ma iddu subitu rissi: Pignorati
Usciera!
Basiano No! Bedda matri appena lu ‘ncontru a chissu ci ne diri quattru!
Menu mali chi lu scrissi lu iornu chi ti retti li rana pi
dariccilli a Don Paolinu! Haiu appuntatu sia lu iornu chi
l’ura na lu libriceddu di li pagamenti!
ROSETTA INIZIA A DARE SEGNI DI IMPAZIENZA A MUOVERSI PER CASA SENZA SENSO
Bastiano Ma chi ha chi un po' stari ferma?
Rosetta Unnaiu nenti, stava pinsannu e mi staiu sfirniciannu!
Bastianu Ma pi quali motivu?
Rosetta Tu mi rasti li sordi a mia? Sicuru dicu, si ti scrivisti lu iornu e
l’ura, sarà veru!
Bastiano Certu chi ti li retti, cu sà vinia Don Paolino mentri iu un
c’era!
Rosetta Qualchi cosa mi vaiu ricordannu, ma pocu, veru pocu,
misfirniciu, mi rassi un pugnu ‘ntesta!
Bastiano Si vo ti lu rugnu iu, ma picchì?
Rosetta Picchi un mi scrissi lu iornu e lu minutu chi ci retti li rana a
Don Paolino! Scrissi sulu l’ura!
Bastiano Un ti lu scrivisti? E ora comu facemu a confrontarlu? E’ la
nostra parola contru la so’!
Rosetta Mi staiu sfirniciannu, ma un ci pensu!
Bastianu L’importanti è chi pensi chi ci li rasti…
Rosetta E chissu è lu problema, chi un ci pensu( detto sottovoce)!Ma
ci li retti? Chissu è lu probema!
Bastiano Chi dicisti?
Rosetta Nenti… nenti! Ci li retti, ma quannu ci li retti? Bo!!!
Bastiano E me ziu comu ha statu?
Rosetta Bonu, bonu, avi tutta la matina chi fa la guardia a la porta!
Ha tinutu prigioneri a tutta la famighia, ora stancu
s’addummisci!
SUONANO ALLA PORTA
Scena settima
Detti e lu Zu Nicola
Rosetta Aspetti a nuddu?
Bastiano No, a tutti pi la strata ‘ncuntravu! Cu po' essirri?
RISUONANO ALLA PORTA
Rosetta Vaiu a viriri, Va si nò la porta ‘nterra iecca!
( Va ad aprire la porta)
Rosetta Ma iddu vatri siti? Aspittassi chi chiamu aiutu, Bastia’, lu
Zu Nicola c’è, veni cà, veni a darimi na’ manu d’aiutu!
Spirughiati!
Bastiano Arrivo! Lu ricoveru a mà rapiri!
Zu Nicola Aiai, aiai aiai! Araciu, un t’appuiari!
Bastiano Canciaru postu li malanni?
Zu Nicola Se li ammi mi passaru, ci sricavu l’erva rassudda e mi passà.
Ora ‘meci mi fa mali sta spadda, u ni la pozzu moviri!
MENTRE TUTTE E TRE PARLANO ROSETTA TIENE IL PIUMINO PER SPOLVERARE SOTTO IL BRACCIO E LO ZIO FA UNA SERIE DI MOVIMENTI COME QUELLO DI PRENDERLO CON LE MANI, POI CON IL BASTONE, SI METTE LA SCIARPA IN TESTA ECC E NATURALMENTE ROSETTA GLI DA’ SPAGO
Rosetta E picchi un ci srica nanticchia di erva rassudda?
Zu Nicola Subitu? E si po' mi passa lu duluri?
Bastianu Anzi accussì s’arripighia!
Zu Nicola No o o o prima mi fazzu rinforzari bonu lu duluri, po'
aspettu chi mi passa a natra banna, e po' ci la
sricu!
Rosetta Ma l’erva rassudda, un servi pi li botti?
Zu Nicola E iu un ci la mettu quannu lu duluri è accussi forti chi pari
na botta di saluti! Mi i i i lu cori mi veni! Poi quannu vaiu a
lu Circolo ci cuntu tutti li malanni a li me amici e la iurnata
passa chiù veloci!
Rosetta Lu riscursu un fa na piega! Ragiuni aviti almenu aviti di
soccu parrari, na vota li ammi, na vota la spadda, e la
iurnata passa!
Bastiano Ma successi cacchi cosa? U ni vittimu antura?
Zu Nicola Lu zu Peppi comu sta?
Rosetta Iddu sta bonu, semu nuvatri chi un stamu boni quannu avi
li cincu minuti! Sta durmennu, dà è, na la poltrona!
Zu Nicola Talà un mi na via addunatu, pari n’ancileddu!
Batiano Nà ancileddu u u u!
Rosetta Sulu l’ali ci mancanu e po' è completu lu quadru!
Zu Nicola Mischinu all’urtimu bonu ci finì, beddu assistutu, lu
pranziceddu a menziornu prontu, li rubiceddi lavati e
stirati! ( Toccandolo lo zio che si è accorto della sua
presenza gli prende il biglietto che ha in tasca)
Lu zu peppi Ma quali rubiceddi? Lu pigiameddu vò riri!
Rosetta Assà durmì l’ancileddu! Cu lu pigiaminu, un sta chiù
comodu?
Lu zu Peppi Se chiù comodu. Ma ogni tantu mi lu po' canciari!
Bastiano Accuminciamu a lamintarinni! Li pigiami chi ci passa lu
cummentu sunnu chissi tri: unu blu, unu celesti e unu
russu!
Rosetta Contru la malarìa, quantu storii chi avi, meci di essiri
cuntentu chi lu vinni a truvari lu so amicu, si lamenta!
Bastiano Zu Nicola, siccomu ni lassamu antura, vi scurdastivu a diri
cacchi cosa?
Zu Peppi Lu prigioneru a lu friscu è?
Rosetta Sutta l’arvulu a pighiarisi nanticchia di tramuntana!
Bastiano Rose’ un ci dari cocciu! Zu Nicò parrati…
Zu Nicola No nenti, ah no, ora ci pinsavu…
Bastiano Rimbambitu mi stannu facennu addivintari, comu sunnu
iddi!
Zu Nicola Cà ‘nzacchetta l’haiu, aspetta chi l’attruvavu…(cerca nelle
varie tasche dei pantaloni e della giacca)
Rosetta Taliassi ni la MINSOGNA!
Zu Nicola Ah veru ni la minsogna, mancu c’è, ma dunni la misi?
Bastiano Si sapemu soccu cerca ci aiutamu!
Zu Nicola Antura quannu lassavu a tia, ‘ncuntravu a una, e circava
un nomu stranu chi un canuscia nuddu da attornu dicia chi
ci avia a lassari un paccu!
Rosetta Po s’attruvà sta cristiana?
Zu Nicola A mia mittiti manu? Certu chi po’ ci arrivavu picchi era un
cugnomi veru stranu, infatti era scrittu sbagliatu e iu ci lu
fici aggiustari e sottolineari di russu, anzi prima chi mi lu
scordu mi rissi di avvisarivi chi ora veni, priparati li
documenti!
Rosetta Picchi lu paccu pi mia è? Dunnè stu bigliettu quantu lu
taliu!
Zu Peppi Rosè, Rosetta? Ma dusnni si ni i? ( Si gira una volta a destra e una sinistra chiamando a Rosa, e lei passa da destra a sinistra fino a quando gli prende il biglietto) ma chista è la missa chi facisti scriviri pi mè
mughieri?
Rosetta …cà c’ è lu bigliettu!
Zu Nicola Lu putia diri però chi mi sta facennu nesciri foddi!
Zu Peppi Ma si un sacciu leggiri chi t’avia a diri! Mi paria la
missicedda pi mè mughieri !( Prende una foto che ha in
tasca e la bacia!)
Rosetta Aspetta fammi leggiri si è pi mia stu paccu, si c’è lu me
cugnomi, aspè aspè…
lu zu nicola Se lu vostru cugnomi c’è sulu chi a la signorina ci lu fici
aggiustari.
Rosetta Ma mi lu faciti a viriri st’avvisu?
Pacco…raccomandata…bla bla bla Signora Schiolla
Rosa, giustu è, ma stu paccu cu lu manna?
Bastiano Giustu è, me mughieri accussi si chiama: Rosa Schiolla
Lu zu Nicola Giustu è? Sicuru? Picchi a mia mi paria sbagliatu, forti chi
me mughieri mi rici sempri:
SUONANO ALLA PORTA
Scena nona
Detti e la Postina
Rosetta Chi è?
Postina Posta!!!
Rosetta Un minutu chi vaiu a rapu la porta, Buongiorno
Si accomodi ci pighi una seggia?
Postina Sono in servizio, è lei la…
Rosetta Mi i i i! Di la vuci mi pari chi assimighiati a lu
fruttivendolo chi passà l’atru iornu!
Postina Chissu me frati è, iu ‘meci vincivu lu concorsu di postiera!
Rosetta Mi lu stessu stampu è!
Rosetta Ca tutti li frati e li soru fannu concorsu e trasinu!
Bastiano Avà essiri un concorsu pi frati…
Rosetta …e monachi! Chissi tutti raccumannati sunnu, ti lu ricu iu!
Postina Allora torniamo al nostro discorso, io vi devo consegnare
un pacco, sempre che siete voi la suddetta signora!
Rosetta Io sono la signora, ma un sacciu chi signora circati!
Postina Fatemi finire. Siete voi la signora Nchiolla?
ROSETTA INIZIA A GRIDARE “ NCHIOLLA A MIA? ‘NCHIOLLA A MIA?
Bastiano Zu Nicò, ci facistivu aggiustari lu cugnomi di mè
mughieri? ( SI AVVICINA DI CORSA ALLA MOGLIE E COMICIA A SCUOTERLA, MENTRE LO ZIO CON IL BASTONE LA TOCCA PER FARLA TOSSIRE)
Zu Nicola Se vi lu rissi, mi paria sbagliatu, forti chi me mughieri mi
rici sempre, da ‘nchiolla di Rosa! Allura pinsavu chi era
lu so cugnomi!
Rosetta Ah, a viriri la za Santa, quantu è brava, iu sugnu ‘nchiolla
d’ora n’avanti ci pensu iu! Nchiolla a mia, nchiolla a mia!
Bastiano La facistivu affucari, zu Co!
Zu Nicola Signura Rosetta un faciti accussi!
Zu Peppi Tussia Ro, Tussia, talai na’ l’ariu!
Postina Nsomma siti vatri la signora Nchiolla?
Postina Ma comu vi permettiti!
Rosetta Iu sugnu la signora Schiolla!
Postina Ragiuni aviti, c’era scrittu Schiolla, ma qualcunu mi lu fici
correggere!
Zu Nicola Lu viri unnè sicuru chi fu iu, ammatti cacchi atru rici da
‘nchiolla di Rosa! ( ROSETTA SI PESTA DI NUOVO)
Bastiano Basta zu Nicò, Rosè cerca di calmariti, picchi a li voti veru
‘nchiolla si!
Rosetta Puru tu? Io sono un tipo, stravagante, divertente, un tipo!
Zu Peppi Na’ nchiolla va!
Rosetta Si u ni la finisci ci ricu a Don Paolino di priari!
Bastiano Bonu, bonu! Carmamuni tutti! Parrassi Postina!
Postina Correggiamo il cognome da Nchiolla a Schiolla e metta
una firma qui… bene e le consegno il pacco.
Rosetta Subito, Zu Nico’ staiu vinennu! ( per mettere la firma si
appoggia sulla spalla dolorante di Nicola)
Rosetta Ma nuvatri parenti a la merica u n’avemu, cu lu manna
stu paccu?
Postino Signora, i pacchi non arrivano solo dall’America, ma da
tutto il mondo!
Rosetta Ancora peggio, nuvatri avemo tutti li parenti cà, fra Monti
Allegro e Alcamo, lu nostru munnu è ni sti centu vinti
chilometri, cu lu manna stu paccu?
Postina Ora lo vado a prendere, è sulla macchina e vediamo chi
lo manda, l’inirizzo ci sarà scritto!
Zu Peppi Co o o, Co, veni assettati cà!
Zu Cola Vegnu Pippì!
Zu Peppi Comu semu?
Zu Cola ‘ncapu sta terra!
Zu Peppi Meghiu ‘ncapu chi sutta!
LA POSTINA ESCE FUORI E VA A PRENDERE IL PACCO
Rosetta Po' essiri chi è un tò parenti!
Bastiano Se li me parenti di sti livati un’annu!
Rosetta Chiddi me’, mancu lu scatulu hannu, pensa si hannu
chiddu di metticci nintra!
Postina Ecco il pacco!
Zu Nicola Aiutu vuliti!
Postina No ce la faccio, ( per posare il pacco giocano un poco,
avanti e indietro ca’ ca’ ca’)
Bastiano Ma iddu chisti posti di fimmini su? Certi concorsi li
fimmini u ni l’avissiru a fari!
Postina Razzista?
Rosetta Ominista!
Postina Un’altra firma qui… a posto ora vado!
Rosetta
Rosetta Ma stu paccu gratis è?
Bastiano L’appiru a pagari cu lu mannà, la spedizioni si paga!
Zu Peppi Si ci sunnu sordi di nesciri iu unn’aiu!
Rosetta Sempri generoso! Ma almenu l’indirizzu di cu lu manna
ni lu po' diri!
Postina Sa, per la privici, non ho guardato! Il pacco viene da
Milano e…
Rosetta Milanu, di l’Italia è, di nintra casa ricemu!
Postina La ditta è la Pentola e Padelle!
ROSETTA FA SALTI DI GIOIA attorno a tutti cantando
Rosetta Rapemu, viremu si ci sunnu li pignati chi mannavu a
pighiari…
( SI METTE LE MANI IN TESTA LI PIGNATI ACCATTAVU ORA MI RICORDU)
Postina Io vado!
Rosetta E iu vegnu cu lei!
Bastiano No tu arresti ca’!
Bastiano Tu li mannasti a pighiari li pignati e cu quali sordi li
pagasti?
Rosetta Cu ,,,cu chiddi chi mi rasti tu…
Bastiano Ma cu quali chiddi pi fari la spisa o chiddi chi ti retti pi
pagari l’affittu?
Rosetta Assà mi ni rù sordi pi fari la spisa, cu chissi mancu li
curvecchi ci vinianu! Pighiavu chiddi pi pagari l’affittu,
ma po' ci la via a mettiri e criu chi mi lu scurdavu!
Zu Nicola Signora Rosè avi ragiuni mè mughieri quannu rici…
Zu Peppi Chi si nà ‘nchiolla!
Bastiano Allura a Don Paolino, un ci ha ratu mancu na lira?
Rosetta No, pagavu li pignati.
Bastiano Ma quantu ti custaru sti pignati si po' sapiri?
Rosetta CON LE MANI FA IL NUMERO QUATTRO
Bastiano Quarantamilaliri?
Rosetta Quattrucentumilaliri!
ZuPeppi La mè pinsioni!
Zu Nicola E cu l’accumpagnamentu chi facistivu?
Rosetta A vossia chi ci ‘nteressa?
Bastiano A iddu un ci ‘neressa, ma a mia se, chi facisti cu
l’accumpagnamentu!
ROSETTA SI METTE A PIANGERE
Bastiano E li sordi chi ti portu iu, chiddi di la forestali, chiddi di la
vinnigna e chiddi chi arrinesciu arriciuppari dunni su?
Rosetta Ma chi mi sta facennu lu terzu gradu? Li capiddi mi le
fari? La pizza lu sabatu un ci amà iri a manciarinilla? Li
sordi a mè cummari Maria pi taliari a to ziu quannu
niscemu un ci la ma dari!
Bastiano Me matri avia ragiuni li fimmini di l’atri paisi un sunnu
boni!!
Rosetta Chi fa mi vo lassari?
Zu Peppi Macari…..
Bastiano No un ti voghiu lassari…
Rosetta Avannu accattamu li tendi novi
di la stanza di lettu, la villeggiatura ni ficimu, un ti piaci
fariti li ferii?
Bastiano Belli ferii a Monti Allegro!
Rosetta Li sordi si ni vannu!
Lu zu Peppi E a li to manu si ni vannu ncurrennu!
Rosetta Si li voli iri a pighiari ci rugnu na manu pi fallu curriri!
Bastiano Rose’ circamu di un sbagliari, lu sa chi mè ziu ha statu
mali, di docu veni la nostra sopravvivenza, allura parramu
picca…
Zu peppi Chi è miricamentu!
Scena decima
Detti e Maria e Pina
Maria Putemu trasiri, varrivà lu paccu di la merica?
Pina Vittimu la machina di la posta e subitu curremu!
Bastiano Arrè cà siti?
Rosetta Mancu si era l’ambulanza!
Pina Nuvatri semu curiuseddi!
Maria Se ni piaci intratteneri lu vicinatu!
Bastiano A tà diri ni piaci fari curtighiu!
Maria No, lu viri sti cosi unni la va diri, nuvatri stamu sempri
affacciati, cu sa qualcunu avi bisognu di qualcosa…
Rosetta Un c’è bisognu chi aisa la vuci, picchi prima l’aisanu
iddi!
Maria Chi vi mannaru, robi, dolci? Chi c’è nintra stu paccu
putemu taliari?
Zu Nicola Signora Maria vinitivi assittari chi ora la signora Rosetta
rapi lu paccu e tutti viremu soccu c’è!
Pina M’assettu puru iu, mi piacinu sti cosi!
Bastiano Lu pubblicu è pronto pi applaudiri, putemu rapiri lu
paccu!
Rosetta APRE IL PACCO chi su belli, Bastià!
Scena undicesima
Detti e la Postina
Postina Signora ‘Nchio, mi scusi Schiolla deve mettere un’altra
firma qui!
Rosetta Ma la porta aperta era?
Postina A banella…
Rosetta Ah a banella…
Rosetta Con piacere, zu Nicò si priparassi!
Bastiano Signora postina, si accomodassi puru lei chi mi vinni un
bello pensiero!
Postina Veramenti avissi a finiri lu giru!
Bastiano Questioni di mezz’ura, s’assittassi!
Rosetta Chi ha ‘ntesta Bastià?
Bastiano Nenti la coppula!
Rosetta Quannu fa lu spiritusu mi fa acchianari li nervi!
Bastiano Tu mi li fa acchianari sempri a mia!
Rosetta Soccu cià nintra sa testa, chi sta pinsannu?
Bastiano Staiu pinsannu di fari una bella vendita di pentole, per
ricuperare li sordi pi pagari l’affittu!
Rosetta No o o mi piacinu troppu sti pignati, l’avemu tutti rutti,
un putemu circari natra soluzione?
Bastiano Vinnemu du pizzuddicchiu di terra chi avemu a Firricinu!
Rosetta No, Firricinu un si tocca!
Bastiano Allura atri soluzioni un ci ni sunnu!
Perciò mughieri mia, ora comincia la vendita,
accuminciamu!
APRONO IL PACCO ED ESCONO FUORI LE PENTOLE E LE METTONO SUL TAVOLO
Rosetta Inizia la vendita,Pentole di acciaio don doppio fondo!
PIGNATA pi cociri la pasta offerta
speciale picchi siti vatri la vendiamo a 45 milalire, lu
corvecchio è gratis! Comprate, è a buon prezzo!
Maria Chi bedda pignata, mi sirvissi! 30 milaliri un si po' dari?
Bastiano Accuminciamu a pattiari?
Maria 45 milaliri mi parinu assai, me rarriari cu me maritu pi
accattalla!
Zu Nicola Signora Maria, accattativilla tantu ora vostru maritu si ni
va a putari e pi quinnici iorna un vi viriti, ci passa la
corrula prima chi torna a la casa!
Maria Ci pensu natra anticchia, si un si l’accatta nuddu…
Zu Peppi C’è na fudda!
Rosetta Li mè beddi pignati, ‘ncuscenza!
Bastiano Ca mà fari Rosè, la mà pagari st’affittu? Vinni!
Rosetta Tiano pi fari la sarsa, né grosso né nicu, ma veru bellu
con corvecchio, a chi nteressa?
Pina A mia mi ‘nteressassi, quantu costa?
Rosetta La pignata è gratis, il corvecchio costa 30 milalire!
Pina Allura mi pighiu la pignata, lu curvecchiu un mi servi!
Rosetta Bastià, mi voli fregari chista!
Bastiano Tu e li tò offerti speciali! Mancu bona a vinniri si Ro’!
Rosetta La pignata è gratis, si s’accatta lu curvecchiu!
Pina L’offerta mi paria chiù convenienti, ma mi piaci, mi piaci
veramenti, già sentu lu profumu di la sarsa frisca! Mi
l’accattassi, ma me maritu avi li scarpi rutti e un mi rissi
avutru, sta attenta un fari spisi pi ora chi m’è accattari li
scarpi!
Bastiano Allora, chi a mà fari vinnemu o un vinnemu?
Rosetta Zu Nicola la pignatedda a vostra mughieri ci la tà
accattari?
Zu Nicola Me mughieri avi chiddi di alluminiu, a idda ci piaci
sricari li pignati di alluminiu ci vennu lustri lustri!
Zu Peppi Rosè, un taliari a mia picchi sordi unn’aiu! Anchi si
veramenti mi piacissi la paredda, veru bella è!
Du’ beddi ova sbattuti, già sentu lu sciavuru!
Rosetta Bastia’, ci la mà accattari? Du cristianu un dumanna mai
nenti!
Bastiano Si tu dici si ci l’accattamu, ma quantu costa?
Rosetta La paredda costa 35 milaliri, chi amà fari? Pi ora un po'
essiri, a mà pagari a don Paolinu!
Zu Peppi Avanti, accattatimilla la voghiu, mi piaci!
Maria Accattaticcilla a du cristianu, la tà fari chianciri?
Pina Un faciti accussi chi ammatti vi l’accattanu!
Bastiano Rosè, comu mi fa sfarfallari tu, un ci arrinesci nuddu!
Rosetta Picchi Bastià?
Bastiano Ma li pignati u ni li pagasti? E allura un sunnu nostri,
dacci sa paredda spirughiati!
Rosetta Zu Peppi la voli ‘ncartata?
Zu Peppi No, va beni puru accussi! Veru bedda è a natra anticchia
la provu!
Batiano Ca mà fari signura Maria, la vuliti si o no?
Postina Si la signura Maria un si la pighia la pignata pi cociri la
pasta mi la pighiu iu!
Maria No o chi diciti mi la pighiu, perciò e dumani vi la pagu!
Rosetta Allura dumani quannu mi la pagati vi la rugnu!
Maria Un mi aviti firucia?
Rosetta Ma chi diciti iu haiu firucia a tutti, ma li sordi ni na
manu e la pignata ni l’atra!
Postina Allura mi pighiu lu tianu!
Pina Ma chi diciti, lu tianu è lu miu!
Zu Nicola Pina, e li scarpi rutti?
Pina Dumani li portu ni lu scarparu e ci fazzu mettiri li petti,
e accommira!
Postina Allura mi pighiu l’atra pignata!
SUONANO ALLA PORTA
Scena undicesima
Detti e Don Paolino e L’Usciere
Rosetta Staiu vinennu, Apro! Trasiti arrè cà siti?
Veru chi la casa capi quantu voli lu patruni, ma cà nintra
un ci iemu chiù!
ALL’ARRIVO DI DON PAOLINO E DELL’USCIERE SI ALZANO TUTTI TRANNE LU ZU PEPPI
Bastiano Don Paolino siti lu benvenuto! E iu rissi com’è chi u na
vinutu Don Paolino? Capivu chi ci fu stu contrattempu
cu li sordi, ma ora stamu recuperannu, stiamo facennu la
vinnita di li pignati pi coghiri li sordi pi pagari l’affitto,
però si diciti si, vi pighiati li pignati e accussi’ facemu ne
fici e ne fu’!
Don Paolino No no un mi ‘nteressa vinni cà pi ricuperari li sordi di
l’affittu!
Batiano ( Guardando la moglie) Lu viri stu minutu? Ti mittissi
sutta li peri!
Usciere Allora io sono qua per fare il mio lavoro, non posso
perdere tempo e allora che dobbiamo fare Don Paolino,
pignoro?
Don Paolino Pignori, Pignori!
Usciere Va bene allora Pignoramu li seggi…
TUTTI NELLO STESSO MOMENTO SI SIEDONO
Rosetta Li seggi? E li cristiani dunni s’assettanu?
Usciere Lu tavulu…
Bastiano E la batteria di pignati dunni la mittemu?
ROSETTA E BASTIANO INSIEME PRENDONO LO SCATOLO DELLA BATTERIA E VELOCEMENTE LO METTONO SUL TAVOLO
Usciere Il tavolino
Rosetta e Bastiano No o o chissu è un ricordu di famighia!
Usciere Li tazzi…
Zu Peppi E iu lu latti dunni pi lu pighiu? Ni la buttighia? No Li
tazzi no! Li tazzi
no!( Le tazze sono il pretesto per per uscire di nuovo di senno per lu zu Peppi. Che si alza e inizia a dire le tazze no, prima sottovoce e poi sempre più agitato)
Uscieri La signura Pina e la signura Maria
Bastiano Chissi vi li putiti pighiari!
Don Paolino E iu chi mi ni fazzu?
Uscieri Taliassi comu sunnu apparati, collani, bracciali, aneddi…
Zu Peppi Li tazzi no!
Usciere No li tazzi, li ho cancellate!
Zu Peppi Bastianu’ talia tu si li cancellà!
Bastiano No, li tazzi no!
Zu peppi Rosetta tu chi si sturiata, chi ha li scoli avuti, talia si li
cancellà!
Rosetta Li taz zi n o o
(Lu zu Peppi si agita di nuovo e incomincia a sbraitare contro tutti)
Zu Peppi Tradimento, tradimento…li tazzi non si toccano,
tradimento stanno vevendo a Prenderci,
Subito mittemuni ‘nfila, dobbiamo sorprenderli, faciti
largo, faciti largo che sta arrivannu l’artiglieria,
capitano
(rivolgendosi a Rosa che ha il fiore in testa) dia il
Comando raduni tutti!!!
Rosa Subito Colonnello, tutti in fila, tutti in fila!
SI METTONO TUTTI IN FILA E AL COMANDO DI UN DUE DIETRO FRONT FANNO AVANTI E INDIETRO
Rosetta Accuminciamu arre d’accapu!
Zu Peppi Zitto sordato, in fila!
Usciere Ma iu unn’aiu fattu mai guerra, un sacciu comu si fa!
Zu Peppi Nsemmula cu l’atri, marsc! Un Due, Un Due Un…
Zu Nicola Aspittatimi chi un pozzu curriri chi mi fa mali la
spadda!
Bastiano Ma bona ni finì Rosè, bona pi diveru!
Rosetta E menu mali chi è tò ziu!
FANNO DUE VOLTE AVANTI E INDIETRO AL COMANDO DELLO ZIO CHE DICE: UN DUE UN DUE DIETRO FRONT. ATTENT! POI SI FERMANO E INIZIANO A PARLARE MENTRE LU ZU PEPPI CONTINUA SOTTOVOCE A DARE I COMANDI
Rosetta Basta! Li peri mi fannu mali!
Bastiano Prenota nà visita na’ lu specialista, e lu facemu
controllari, un po' essiri sta storia, chi ogni dù minuti
nà mà mettiri ‘nfila!
Rosetta A lu Manicomiu lu fazzu ‘nchiuiri!
Lu zu Nicola Ragiuni aviti signora Rosetta!
Don Paolino Signora Rosetta si vuliti mi mettu a priari!
Usciere Cosi di foddi, cosi di foddi chi sapia u ni lu facia lu
concorsu…cosi di foddi…!
Postina Ma cu mi ci porta ni sti mbroghi? Ancora è fari tuttu lu
giru! Facitimi nesciri!
Zu Peppi Marsc! Nsemmula cu l’avutri!
Pina Di quant’avi chi chiueru lu manicomiu li foddi sunnu
casa casa!
Don Paolino E AVANNU MI FINì COMU L’ANNU SCORSU,
NENTI SORDI!
Maria Li sordi fannu comodu, ma c’è sempri un prezzu di
pagari’!
Rosetta L’Affucu Bastià! L’Affucu!
TUTTI SI FERMANO BASTIANO PORTA AVANTI ROSETTA
Bastiano Ripeti cu mia: si iddu campa, nuvatri pagamu l’affittu
Rosetta Si iddu campa, nuvatri pagamu l’affittu!
Bastiano Si iddu campa, niscemu, ieumu a manciari la pizza e ni
divirtemu!
Rosetta Si iddu campa, niscemu iemu a manciari la pizza e ni
Divirtemu!
DALL’ALTRO LATO LU ZU PEPPI RIDE GIRA E RIPETE UN DUE UN DUE e ride
Rosetta Talia Bastià, talia, talia, ni pighia pi fissa! Talia comu si
diverti! ALLURA VERU E’, ALLURA VERU E’:
Non si finisci di ririri quannu s’addiventa vecchi, ma
s’addiventa vecchi quannu si finisci di ririri!
PERSONAGGI
ROSETTA LA MOGLIE
BASTIANO IL MARITO
COMARE MARIA VICINA DI CASA
COMARE PINA VICINA DI CASA
FRUTTIVENDOLO
MACELLAIO
DON PAOLINO PADRONE DELLA CASA
ZU’ NICOLA AMICO DI FAMIGLIA
ZU’ PEPPI ZIO DI BASTIANO
USCIERE
POSTINA
L’EREDITA’
COMMEDIA BRILLANTE
IN DUE ATTI
DI
ANGELA BAMBINA