Li cosi ci sunnu e un semu obbligati a cridirici
LI COSI CI SUNNU E UN SEMU OBBLIGATI A CRIDIRICI
Commedia brillante in due atti di: Rocco Chinnici
-------
Tutti crediamo in qualcosa, ma non tutti siamo obbligati a credere in certe cose. C chi vede angioletti, spiriti vaganti, chi altre forme di vita alquanto strane; quello che conta rispettare chi dice daver visto, perch chiss se anche noi, un giorno, possiamo dire: io ho visto...
Tonnarella, 28 marzo 2012
PERSONAGGI INTERPRETI
CARMINU capu famigghia
MUMMINA mugghieri
GIGGETTU figghiu
MARCU figghiu
BARTULU Figghiu di Marcu
NZULA maara
COSTANZO dutturi
ANCILU
(Un esterno con segnali di mestiere di calzolaio. Carminu seduto in una sedia a sdraio, riposa aspettando che passino i dolori alla schiena. Ha appena finito davere a che fare con suo nipote, un po discolo, figlio di uno dei due suoi figli, ed avvilito per quanto successo. Mummina, la moglie, esce dalla stanza per cercare di capire quanto accaduto).
CARMINU
Ah, poviru m, poviru m, unni semu arrivati! Chi tempi, chi tempi! Amu a vidiri unni amu a jiri a parari!
MUMMINA
Ma chi ha, chi ha? Nca sempri ca ti lamenti si!
CARMINU
Sintiti a stavutra ntollara! Tal chi nveci di parrari u voi, parra aratru! Comu, sempri chi ti lamenti si! Non vidisti, non vidisti a ddu beddu di to niputi chiddu ca mi cummn, prima ca si nni jiu?
MUMMINA
Unni, quannu, comu? Ma guarda chi beddu stavutru! Si nni ju! Ma si fusti tu a diricci a so patri di purtarisillu pi subitu a casa! (Non riesce ad accettarlo) Vergogna! Mannalli pa casa a patri e figghiu! (Rimprovera il marito) Bastasu! Tu, patri si?
CARMINU
Cu tia, avissi prifirutu essiri un patri di chiddi moderni, di chisti ca fannu lassa e pigghia; tavissi mannatu a fari ntoculu di poi ca dissi si davanti o parrinu; malidittu ddu jornu ca fu! E ddavutru crastu du parrinu, chi dicia puru di canusciriti bona, non mu puta diri chi stava firmannu il contratto della mia rovina, ddu jornu! Tu cosa di fari a mugghieri si!
MUMMINA
Senti, biddittu, non parramu di ddu jornu chi a megghi cosa! Chi mi parasti a jaggia po surci; e io, comu na baccalra paft! Ristavu dda gghintra, ngagghiata, senza capiri comu! Ma comu fici, comu fici a ngagghiari nta jaggia, cu tia!
CARMINU
Non parramu da jiaggia, sai! Picch nveci du formaggiu nta jaggia, ci havia di mettiri na ghigliottina, quantu ti sautava a lingua, sparrittera e ciuciulra e bastasunazza ca nun si avutru!
MUMMINA
A tia, a tia u signuruzzu tavissi a fari cadiri a lingua, missere porcu ca si! (Ripete linsoddisfazione dellaccaduto) Cu quali curaggiu, cu quali curaggiu mandasti a casa a patri e figghiu? Mancu savissi fattu chiss chi ddu nuccenti! (Tenera verso il nipote) Gioia da nonna!
CARMINU
Gioia da nonna si! Chiddu u cifaru ! Avutru chi! Accuntentalu, amminzighialu, cuntinua a faricci fari chiddu ca voli. Stamu criscennu u lupu n menzu a mannara! Oh, mancu deci anni havi, e viditi gi comu discurri! E tempi di me patri, quannu mi rimpruvirava, mancu mi pirmittia di guardallu nta locchi pi non scippari bastunati! E bastunati di chiddi fermi! E chistu, n veci
MUMMINA
Sempri ddi tempi havi mmucca! Ma u v capiri ca ora i tempi su diversi!
CARMINU
Oh babbasunazza ca si! Semu nuautri a essiri diversi, no i tempi; quannu non sapemu comu giustificari i nostri fallimenti, pigghia e i scarricamu o tempu; u tempu non nnhavi curpa, picch non esisti, u vo capiri? Semu nuiautri co facemu u tempu.
MUMMINA
(Confusa) Senti, a mia tutta sta filosofia di u facemu e nun lu facemu non mi nteressa propriu, u vo capiri? E ora, si po sapiri chi fici di tantu gravi u figghittu pi fariti divintari cos sarvaggiu? Pi fariti perdiri i senzi dun tuttu?
CARMINU
E chi ti cuntu a fari, sapennu chi poi ci tiri i difisi.
MUMMINA
Io, difisi non ci nni tiru propriu a nuddu, u vo capiri!
CARMINU
Ah, non ci nni tiri dici? E allura senti, ju u fattu tu cuntu pi daveru, ma comu ncuminci a diri chi iddu havi raggiuni, nca va, chi pigghiu pi daveru na seggia e ta rumpu di supra a tia, vistu chi a iddu un lu potti fari!
MUMMINA
E avanti, sintemu chi fici di tantu gravi, ddu poviru figghittu gioia da nonna.
CARMINU
Eccu, vidi? Vidi chi gi partu svantaggiatu cu stu (ironico) gioia da nonna.
MUMMINA
Ah, eccu! Allura signu ca si tu, chi v partiri avvantaggiatu!
CARMINU
Ju vogghiu sulu chi nuddu di dui havi a partiri favoritu.
MUMMINA
E chi ! Pari chi stassimu pi dari a partenza a na gara di Formula 1! E parra, parra, e cuntami chiddu ca cummin di tantu gravi ddu nuccenti!
CARMINU
(La interrompe ironico) Gioia da nonna!
MUMMINA
(Indisposta dallironia) Senti, ti v smoviri, chi haju a lavatrici chi spetta di essiri scarricata!
CARMINU
Camurra a tia cu tutta a lavatrici! Va dda, va scarricala cu sapi si stanca di purtari a biancheria ncoddu! Havi sempri a scusa pronta quannu si parra du so niputi; non ci nteressa propriu di capirii unni sta u tortu e unni sta raggiuni.
MUMMINA
U capivu, (prende una sedia e siede) assittamunni, quantu sintemu megghiu! (Silenzio) A tia spettu ora, parra!
CARMINU
(Non riesce a mandare gi quanto gli disse il nipote) Oh! Pozzu?
MUMMINA
Smoviti per!
CARMINU
Tuttu ncuminci chi mi ricurdavu di pigghiari a pinnula. Chiamu o t niputi
MUMMINA
Bartulu, si chiama Bartuleddu! E u niputi puru u t!
CARMINU
E si, si, Bartuleddu! Dunqui, u chiamu e ci dicu di pigghiarimi a pinnula e u biccherici cu lacqua mancu si ci avissi cumannatu di fari un ghiornu di zappari nta vigna! Ora ntuppati a ricchi, picch sai chi mi rispunti? Ti jarzi e ti pigghi tu!
MUMMINA
(Silenzio) Ih, tuttu chissu era? (Sdolcinata) Gioia da nonna; ancora chi scutu!
CARMINU
Ma comu, tuttu chissu era! E finiscila ti dissi cu sta camurra di: gioia da nonna! Nenti ti parsi chiddu ca cummin? Comu ju mancu mi pozzu moviri, non mi pozzu mancu mettiri addritta e tu senti Baccalra, ma pi chi cosa penzi ca mi staju facennu i punturi? pi sport, o pu piaciri di farimilli?
MUMMINA
Ntantu, baccalra ci va dici a to matri o a una di to soru, munzeddu di fumeri ca si!
CARMINU
Chi dilicatezza di donna! Chi sensibilit ca hai! Chi fimmina di paci!
MUMMINA
U finisti lelencu? Chi haju chiffari ti dissi.
CARMINU
Ci nni vulissiru anni pi elecari le tue dolcezze!
MUMMINA
E allura chi fazzu, mi nni vaju?
CARMINU
Ti sei offesa (ironico) madamoisel?
MUMMINA
Senti, nveci di fari tutta sta romanzata ca nun servi propriu a nenti, picch non avissi chiamatu? Io, o to figghiu, non pensi chi avissimu vinutu a pigghiariti lacqua, a pinnula e tuttu chiddu cavissi vulutu!
CARMINU
Eccu ddocu! Propriu chiddu ca pinzava!
MUMMINA
E allura, si u pinzasti, picch no facisti?
CARMINU
(Non capisce) Ma faca chi?
MUMMINA
Chiamari! Non dicisti puru tu co pinzasti?
CARMINU
No, no, no, non po essiri! Ma dimmi na cosa, sicuru ca u cidiveddu tu porta sempri pi dappressu? Ju dicia ca pinzava, no di chiamari, ma di pinzari ca tu avissi gi truvatu a soluzioni pi sviari u discursu du t niputi (ironico) Bartuleddu!
MUMMINA
Arreri ncuminciamu cu figghittu!
CARMINU
Comu arreri ncuminciamu! Ma sicuru chi lhai pi davveru appressu u cidiveddu? Cuntrolla bonu, pi fauri. Dicu, chi ci vula (ironico) Bartuleddu, a pigghiarimi a pinnula e u bicchieri cu lacqua? Chi ci voli a capiri puru tu, chi a to niputi a prima tu, u sta bituannu mali? Chi non fa nenti pi nsignaricci un pocu di ducazioni? Ti pari giustu, a tu navutra, chi sapennu ca non mi pozzu mancu ttaccari i lazza di scarpi, me sentiri diri: ti jiarzi e ti va pigghi tu? Non ti pari ca megghiu addivari purceddi ca crisciri niputi? E non finiu ddocu, ha sentiri!
MUMMINA
Matri, ancora ci nn?
CARMINU
Ci nn! U megghiu ancora havi a veniri!
MUMMINA
Non putemu fari chi mi va stennu i robbi, si nno non sciucanu, e poi mi cunti u secunnu tempu?
CARMINU
(Adirato) Eh, no! Pi mia i robbi ponnu puru ammuffiri dintra a lavatrici; ora ha finiri di sentiri chiddu ca cummin!
MUMMINA
Senti, non po essiri, chi nna tuttu chissu, u carusu un lu sapa chi tu ha i dulura?
CARMINU
E non ancora peggiu si fussi cos? Comu, havi cchi di na simana chi sugnu ssittatu cca, e non sapi chi haju dulura! E normali chi mi stassi tutu u jornu cca, e misu cos?
MUMMINA
(Premurosa) Senti passamu o seguitu, chi a megghiu cosa. Sintemu, chi fici dopu?
CARMINU
Oh, na scuppuledda ci desi! Mi guard chi lavii a vidiri! Mi punt u jiditu dicennumi chi si lavissi fattu nautra vota, avissi chiamatu o telefonu azzurru! Non ci visti cchi; a mia, dissi, u telefunu azzurru? Jiazzavu di cursa u bastuni (facendo il verso), prontu mi ci tiru, e iddu, si par davanti, fermu comu na statua di marmu e mi dissi ncantilena (in cantilena): un ta firi, un ta firi nca va, chi savissi avutu a forza di putirimi jiazzari da seggia, ci nnavissi datu tanti nto mussu, ma tanti, a iddu e a vuiavutri si avissivu currutu pi jutallu! O telefunu azzurru! Pezzu di crastu, iddu e tutti chiddi chi appruvaru ssa liggi!
MUMMINA
Senti, non ricuminciamu cu a liggi, picch chissa fu na liggi giusta; chi era bonu, secunnu tia, chi prima si scippava bastunati senza mancu sapirinni la raggiuni? Chi era giustu ca i carusi chi non tutti avianu a furtuna di jiri a scola, eranu sfruttati mannanduli a travagghiari: unni u barberi, unni u firraru, unni u mastru muraturi e unni tantavutri misteri?
CARMINU
Ah, no? E nun era megghiu quannu si nsignavanu u misteri! Chi giustu ora nveci, ca i tinemu nta vitrina? O davanti na talavisioni, ca ci nsigna tutti li purcarii di stu munnu? Ma non vidi, non vidi comu stannu criscennu? Chi non hannu amuri cchi pi nenti! Pi furtuna chi c corcunu chi ancora si sarva. Ma lautri lautri parinu tutti robot, pensanu tutti di na manera, vestinu tutti di na manera: cu cavusi e cammisi sfardati dicinu chi a moda; si jinchinu di tatuaggi: nna spadda, nte brazzi, nta panza pirsinu nto biddicu! Prima i tatuaggi si facianu i carciarati, ora dicinu ca puru i tatuaggi su di moda! Chissa nun moda, chissa prigiuna!
MUMMINA
Prigiuna? Comu iddi dicinu di essiri libiri!
CARMINU
Dicinu, di essiri libiri! Ma nne fatti restanu ntrappulati, prigionieri di tuttu chiddu chi a societ di consumi ci metti davanti locchi: telefonini, compiuter, praisteg
MUMMINA
U posteggiu, si! A play station!
CARMINU
E si, si, chissa ddocu! Na vota circavamu i nonni pi quantu nni cuntavanu i cunta; ora vonnu chistu, vonnu chiddu; non su mai cuntenti.
MUMMINA
Ah, ma allura veru dici! U vo capiri, o no, ca i tempi non su chiddi di na vota?
CARMINU
E torna cu i tempi! Ti dissi chi semu nuiautri che facemu i tempi, e cuntinuamu a falli sbagghiati. Ora, puru cu stavutra camurra di telefunu azzurru, ju a finiri chi non ci putemu cchi dari mancu na timpulata quannu sa meritanu, picch quannu sa meritanu, ha sapiri, ca i timpulati su biniditti, e no chi ora, iddi senza mancu nasciri, caperu sulu di putiri fari chiddu ca vonnu, pirsinu di tirarici libri, quaderni, penni e quantu avutru, e prifissura; e prifissura! Ma u capisci unni semu arrivati?
MUMMINA
Supra a chissu, forsi ha ragiuni, picch io, quannu i scippava da maistra o du prufissuri, quannu turnava a casa, non ci dica nenti a me matri, picch si nno i scippava puru didda.
CARMINU
E chissu fu u sbagghiu, picch a tia lhavia a dari, non sulu to matri, ma puru to patri, pi crisciri megghiu, e no chi criscisti cos, chi ancora difendi ddu murbusu.
MUMMINA
Oh, ma chi v, u vo capiri o no chi chiddu me niputi?
CARMINU
Ah, to niputi! E a mia, a mia non mi veni niputi? Per non ci fazzu fari tuttu chiddu ca voli, ma chiddu chi ritegnu ca sia giustu. Picch ora ju a finiri, chi tutti chiddi ca vannu vinennu o munnu, si pirsuadinu chi nascinu tutti scienziati!
MUMMINA
Eccu ddocu! Vidi, vidi picch non va daccordu cu Bartuleddu? Picch n veci di discurridicci, pigghia e subitu fa scintilla.
CARMINU
Cca, cu sta camurra di discurriri, ju a finiri chi ognunu si pigghia a manu cu tuttu u pedi. Scusa, chi c di discutiri cu me niputi, si ci dicu di pigghiarimi u biccheri cu lacqua e a pinnula? E comu si nun bastava, mi ncuminci cu fari abballavirticchiu pi davanti! (Tenendo il palmo della mano sinistra sotto il gomito della mano destra chiusa con la punta delle dita). Oh, santissimu Patriarca!
MUMMINA
E bonu, bonu! Sai chi fai, aspetta chi ti pigghiu io ssi cosi, picch sinn finisci chi nnu scurdamu. E carmati, carmati! Si non voi chi pigghi nautra malata, e nnavemu di scumbattiri cu i duttura! (Esce a prendere lacqua e la pillola).
CARMINU
Ma viditi a stavutra persica ngiallinusa e pilusa! Quasi ca ci duna ancora raggiuni o criaturi! Haju a mprissioni chi chista, bastunati, non nni pigghi propria quannu era nica; lavissi a ncuminciari a pigghiari ora ca ranni. (Rientra Mummina col bicchiere e la pillola).
MUMMINA
Teni cca, avanti, prima ca ti nforza u duluri. (Entra Gigetto. Ragazzo alcuanto strano, parla pronunziando le C per T insomma come uno che ha difficolt di pronunzia; un po stupido, ma che a volte riesce a cogliere abbastanza bene il senso logico delle cose. Si ferma davanti ad una grossa margherita fatta con una forma in cemento sulla parte per dar luce alla cameretta alle spalle del cortile. Guarda e ride). Oh, guarda cu c, Gigettu! Eccu ddocu! Si ferma davanti a dda margherita e ridi! Ma chi c di ridiri, no capisciu.
CARMINU
U megghiu iddu, chi ridi e si nni futti di tutti cosi. Ah, quantu voti haju disidiratu essiri cos!
MUMMINA
Ha disidiratu di essiri comu a iddu?
CARMINU
Certu! Putiri mettiri u cidiveddu nfolla
MUMMINA
Picch ti cunvincisti di essiri megghiu? E non ti pari chi u cidiveddu lha sempri n folla? Non ti pari ca dici chiddu ca vo e senza ca nuddu po contrabbattiri!
CARMINU
Chi senti diri?
MUMMINA
Tu u sai chiddu ca sentu diri. Tu pensi ca si io fussi o postu di to figghiu e mi vidissi cacciatu da casa, turnassi cchi?
CARMINU
A vo sapiri na cosa?
MUMMINA
Sintemu.
CARMINU
Si ti dicu ca si ccuzzuna, toffenni? Me figghiu o megghiu, nostru figghiu, sai picch non dici nenti? Picch nun comu a tia chi si cunvinci chi comu dici tu e tantu basta; no! Iddu discurri, rifletti, e capisci chi, alla fini, u tortu puru di iddu si so figghiu sbagghia, tantu chi si rendi contu e finisci ca torna sempri. Tu, tu non avissi turnatu propriu! E avissi statu a megghiu cosa, cridimi!
MUMMINA
Cuntinua, cuntinua si! (Si avvicina a Giggettu che ride a cuore pieno). Chi c, chi c figghiu miu, (si mette in mezzo fra Gigetto e il disegno) chi ridi cos?
GIGGETTU
(Smette di ridere e si rattrista) Mi, m (mamma), ti mittitti davanti! E unni ora? Ppottati, ppottati! (Spostati).
MUMMINA
(Non capisce) Uhm?
CARMINU
Parracci ntalianu, Giggettu, ca to matri non capisci. (Alla moglie) Cansiati, spostati, mancu! Chi Giggettu non vidi.
MUMMINA
Ma chi havi di vidiri, tu nautru?
CARMINU
Chiddu ca non rinesci a vidiri tu! Gnuranti!
MUMMINA
(Riguarda, stupita il disegno) Picch tu vidi puru chiddu ca vidi iddu?
CARMINU
E certu! Picch tu non vidi nenti propriu?
MUMMINA
(Riguarda attentamente) Comu si dici nenti di nenti? Nenti! Tranni a margherita!
CARMINU
E chiddu ca c dintra a margherita no vidi? (Mummina fa segno, con le spallucce e meravigliata, di no). Ah, no! (Dispiaciuto) O megghiu jemu!
MUMMINA
(Capendo che i due si stiano prendendo gioco di lei) Sai chi ti dicu, va jiti a fari nto culu tutti dui, ca io haju ancora a lavatrici di scarricari, e nun nnhaju propria tempu di perdiri cu vuiavutri dui (esce borbottando).
CARMINU
Non sulu chi non vidi, si ncazza puru! (Si avvicina a Giggettu, un po indolenzito) Veni, veni cca o pap, e lassila perdiri dda margherita! (Guarda se rientra sua moglie) Si po sapiri chi ci trovi di ridiri nna ddu ciuri?
GIGGETTU
(Preoccupato) Picch, no vidi tu chiddu ca t (c) nno turi (ciuri)?
CARMINU
(Sbalordito) Nno ciuri! (Va a guardare se rientra sua moglie; poi sottovoce e sempre preoccupato che lei possa entrare) E chi c, chi c? Senti, dimmillu ntalianu, po essiri chi ti spieghi megghiu.
GIGGETTU
(Meravigliato e deluso nello stesso tempo) Minta (minchia), p! Che tei timunito tei? Per vero non lo vedi quello tte nel piore? (fiore).
CARMINU
(Preoccupato che sua moglie possa sentire) Zittu, non gridari! Oh, chi c di mali si non ci vidu nenti?
GIGGETTU
Ah, pecch tu vedi tolo tutto quello te (che) ti vede e batta?
CARMINU
E certu! Picch, tu no?
GIGGETTU
(Sbalordito) No, no! Io vedo attai attai di pi di quello te (che) ttai vedendo tu!
CARMINU
(Pi confuso che persuaso. Guarder spesso se entra sua moglie) Nun chi ti pari ca ti spieghi tantu megghiu ntalianu.
GIGGETTU
Ah, non mi capitti nemmeno ntaliano? Allora non capitti niente! Tho detto te (che) io vedo attai, attai di pi di quello te vedi tu! Hai tapito ora?
CARMINU
Eh, avogghia! Io capivu sulu: tirit tirit tirit, tirit tirit tirit. Ah, quindi tu, vidi
GIGGETTU
(Lo interrompe) Attai attai di pi!
CARMINU
E (va a guardare per la moglie) nzoccu, nzoccu, per esempiu?
GIGGETTU
Per etempio il telo!
CARMINU
(Savvicina alla margherita, indolenzito, e la osserva attentamente) Il telo?
GIGGETTU
No, telo! Te-lo.
CARMINU
(Non capisce pi niente) Ura di quiz ! Ah, no telo iuncjutu; te-lo, staccatu?
GIGGETTU
P, ma tome palli?
CARMINU
Puru! Ah, ju comu parru?
GIGGETTU
E tetto! (Certo).
CARMINU
Puru u tetto, vidi?
GIGGETTU
No, tetto! Te-tto. Te volette dire ticuro.
CARMINU
Ah, certo! Ora turnamu al telo.
GIGGETTU
(Indisposto) Mi, p! Ancora telo diti? Non te la fidi a dire: te-lo? (cielo) Dillo attai votte (volte) e vedi te ti ntegni a dillo bene. (Carmelo rimane stupito a guardarlo.) Fotta (forza), dillo, dillo di pi, di pi!
CARMINU
(Sta per perdere la calma. Il primo telo lo dir forte, poi pensa che Mummina possa sentire e gli altri li ripeter piano, mentre entra Mummina; ma lui non la vede perch di spalle) Telo! (piano) telo, telo, telo
GIGGETTU
(Meravigliato) P, la mamma a te tta guardanno!
CARMINU
(Scoperto, fa lindifferente) Ti piaciu comu dissi: telo?
GIGGETTU
(Dispiaciuto perch suo padre non ha capito che telo vuol dire cielo, si rovolge a sua madre) M, lo tenti? Lo ha detto tento (cento) volte telo ma non lo ta dire bene. Fattelo vedere tu tome ti dite!
MUMMINA
Chi , ti passaru i dulura?
GIGGETTU
M, lattali ttare i dolori e rippondi! Tome ti dite telo?
MUMMINA
Io no pozzu diri, figghiu, picch non capisciu, sugnu (ironica e alludendo) scimunita, a matri, non sugnu scienziata comu a iddu!
GIGGETTU
E tu dillu, dillu attai attai!
MUMMINA
Cielo, cielo, cielo cielo cielo! Ti basto?
GIGGETTU
U viditti, p, chi tti vula? E tu diti che tei ccatto! (Scaltro).
CARMINU
Eh gi, cielo! E nnhavia di diri: telo, telo, telo!
MUMMINA
E si po sapiri, ora, chi voli diri stu jocu?
CARMINU
Nenti, chi voi ca voli diri! Stavamu parrannu du celu chi c nna margherita; (Mummina guarda, sbalordita, la margherita) non mi diri chi un lu vidi!
MUMMINA
(Meravigliata, guarda a Carminu, Giggettu e la margherita. Poi a Carminu) Certu, guardannu a tia, chi cosa nni puta veniri to figghiu? Forsi megghiu chi va finisciu di lavari (esce borbottando). U celu nna margherita! Chi cosa nni puta veniri ddu criaturi? Mancu bonu a fari ssu sforzu fusti! Lagnusazzu ca s! Si cos lagnusu, chi mancu n paradisu facissi nenti si u Patreternu non ti pagassi bonu.
CARMINU
(Giggettu assorto a guardare sempre la margherita) Lassila perdiri a to matri. Dimmi na cosa, e chi vidi, chi vidi, oltri o cielu?
GIGGETTU
Ti tapitti, p! Te (c) un antiuleddu (ancileddu), ti mi tala pittu (fissu), e mi fa, tu (cu) i jidita vitinu o natu, cot (matte le mani una dopo laltra, partendo col pollice che tocca il naso e muovendo le dita come le ali di una farfalla). U ta (sai) te bellu, p! E bellittimu, bellittimu attai! Havi i tapiddi biunni, ti parinu gnottuli! (gnocculi) U vidi p? Guadda tom mitu ttittatu (ssittatu).
CARMINU
(Non capisce) Ah, misu ssittatu! E chi ssu i gnottuli?
GIGGETTU
Un lu ta chi ttu (su) i gnottuli? Mih, ma un tapitti popiu nenti! Tu dicu ntalianu?
CARMINU
Si, si! Po essiri chi u capisciu megghiu.
GIGGETTU
I gnottuli, tono i gnottoli, quelli toi tapelli cot (facendo il verso dei capelli a buccoli che scendono sul viso).
CARMINU
Ah, nenti di menu! Forsi vo diri i buccoli?
GIGGETTU
Ti, ti! Quetti che tendono cot, tul vito.
CARMINU
Figghiu miu, tutti ssi T ca dici, su tutti li cruci chi u Signuri mi desi di purtari.
GIGGETTU
(Chiama suo padre perch gli presti molta attenzione) P, p! Tala, tala chi tte ora! U vidi? (Ride come un pazzo, mentre Carminu cerca di guardare da vicino cosa possa fare ridere tanto suo figlio). Ch timunitu! U vidi? (Rider sempre come un pazzo).
CARMINU
(Non capisce) Scimunitu cu, u ciuri?
GIGGETTU
No, u turi! Chiddu, ddu chittianu.
CARMINU
(Impietrito) Ah, c un cristianu puru? (Continua a guardare nel fiore) Curnutu si haju vistu na cosa! (Preoccupato, guarda suo figlio) Ma nun chi chistu, ca pari scimunitu, voli fari divintari scimunitu a mia? (Al figlio) Senti, mu vo diri chi c di ridiri?
GIGGETTU
Tomu ti c di ridiri, p! Un lu vidi a tiddu ti voli muntiri (munciri) a jatta?
CARMINU
Puru! Ah, voli munciri a jatta?
GIGGETTU
Ta tomu (facendo finta di mungere i seni piccoli della gatta) a munti, ti havi i minnutti niti, niti!
CARMINU
(Ironico) Ah, havi i minnuzzi nichi nichi! Eh, no, cca u psicoccolo (psicologo) ci voli! U pitrusinu (indicando suo figlio) chi era beddu; ci pisci a jatta ora ci voli! Quantu videmu chi ssu, tutti sti cosi ca vidi u criaturi nta ddu ciuri. (Chiama la moglie, preoccupato) Mummina, Mummina! Curri, veni cca!
MUMMINA V.F.S.
Vegnu, vegnu! Lintamu i manu a pasta e jiemu a tuccari u culu a jaddina! Dicu io, chi ci fannu sti cosi dintra a lavatrici? (Compaiono, dallaltra parte della scena, oggetti che nulla hanno a che vedere con la lavatrice) I stivali! (E va cadendo in scena tutto quello che va trovando).
CARMINU
(Che guardava assorto suo figlio, sentendo quel rumore di mezzi stivali di gomma, fa un grosso sussulto dalla paura) Corpu di sangu, un motu mi fici pigghiari!
MUMMINA V.F.S.
Stavutru cappeddu di pagghia! (Lancia in scena il cappello di paglia bagnato). U rinali! (lo lancia) No, no, va finisci ca c mettiri u lucchettu nna lavatrici, cu arriva pigghia e nfila! Ih, e chi chistu? Arradiu! E chi ci fa stautru arradiu dintra a lavatrici? (Lancer anche una radio a transistor che quando cadr al suolo, insuppato dacqua, si sentire fuori uscire una musica che va diventando stonata).
CARMINU
(Indaffarato a schivare tutte quelle cose che arrivano in scena, e con i dolori che ha, comincia ad essere stanco e si pulisce i sudori che gli scendono dalla fronte. Ha paura di essere colpito). Ancora missili hai di lanciari? Viditi chi sorta di combattimentu! Ntesta mi stavi pigghiannu! Curri ti dissi, veni cca! Chi to figghiu ncuminci cu dari i numari! Chi sudura! E chi , ci fussi armenu quarchi cosa di
mbiviri! (Guarda una bottiglietta posata nei pressi e la prende) Vo vidiri chi ddu tirrimotu di Bartuleddu si scurd a buttigghiedda cca? Capaci chi (la guarda attentamente. Sembra t) t! E si, picch u criaturi sofisticatu ! Masciucau a bucca cu tuttu stu curri curri; ora ma mbivu, e quannu veni, sa cerca, ci dicu chi ju non nni sacciu nenti. (Va a guardare se viene sua moglie, e la beve tutta dun fiato. Si pulisce il muso e si ferma, facendo un grossa smorfia, e cerca di capire che cosa abbia potuto bere) Chi schifu!!! Chistu ca vivinu ora sti giuvini doggi? E nnhaju tortu, quannu ci dicu chi mbivinu fitinzii? (Entra la moglie indisposta).
MUMMINA
Sintemu, sintemu cavemu sta vota!
CARMINU
Finisti cu i dischi volanti? Ntesta mi stavi pigghiannu!
MUMMINA
Cu sapi nun era a vota bona chi si giustava u cidiveddu! Allura, sintemu cavemu di novu!
CARMINU
Cavemu di novu! Dda, (indicando la margherita sul muro) u vidi dda? E chinu di personaggi: jancileddi, genti ca muncinu i jatti
MUMMINA
(Sbalordita) Jancili, munciri i jatti Ma tu pensi chi vuiavutri giucati, e io haju tempu di perdiri cu tutti dui? E mi chiamasti pi chissu? E allura senti, vistu chi tu sta megghiu di saluti, picch non va e ci porta a buttigghiedda o dutturi, n veci di lintari di travagghiari e purtariccilla io. Servi chi cos ti porti a (indicando Giggettu che guardava ancora la margherita e rideva) chiddu, chi sempri mpiccicatu davanti a dda margherita.
GIGGETTU
(Pulendosi di corsa la faccia schifiato) Oh, nta fatti mi pigghi cu latti da jatta! Chi cchifu!
CARMINU
(Che erano intenti a guardare Giggettu) A propositu di schifu! Chi ca dicisti tu da buttigghiedda?
MUMMINA
A buttigghiedda chi (guarda e la vede vuota) E com chi vacanti? E ora chi ci portu o dutturi?
CARMINU
(Con la faccia schifiata) Chi stu discursu da buttigghiedda e du dutturi?
MUMMINA
Comu, gi tu scurdasti chi a oj cera di fari lesami di urina di Giggettu? Nun chi (indicando Giggettu) iddu sambippi pinsannu chi era acqua e tu non ci dicisti nenti?
CARMINU
Oh, no! (Cade a terra privo di sensi).
MUMMINA
Eccu ddocu! Basta chi ci dicu di farimi un sirvizzu, ci pigghia un motu!
FINE PRIMO ATTO
SECONDO ATTO
(Scena come la prima. Carminu indaffarato ad aggiustare scarpe, gli sputa sopra e spazzola).
MUMMINA
Comu facemu chi avemu un saccu di cosi di pagari? Acqua, luci, mundizza, ICI, telefunu ma poi si desiru appuntamentu? Tutti stu misi! E di unni i pigghiamu tutti sti sordi? Chi poi non capisciu sti cosi di pagari! A mundizza, non nni pigghianu e lavemu sempri strati, strati
CARMINU
E cu i surci chi aumentanu ogni jiornu, penza ca fannu puru i nida dintra i machini! Schifiu!
MUMMINA
U telefunu, chi non si tocca mai, e avemu di pagari sulu i tassi
CARMINU
Comu fussiru u pizzu. Pizzu legalizzatu!
MUMMINA
Poi c lICI, e puru chista navutra bedda rugna!
CARMINU
LICI, curnuti! Voli diri, un cristianu si fa na casa cu tanti di ddi sacrifici, e pi premiu u statu chi fa? Ti fa pagari lICI! Mancu dici: a chistu chi sha fattu a casa cu tanti sudura, ora ci facemu un beddu premio! No! Pi premiu ci facemu pagari na tassa! U sai picch nuiautri italiani pagamu tutti sti tassi? Picch semu un populo di travagghiaturi, un populu ncignusu, un populu educatu, un populu abbituatu a suppurtari, e siccomu gi u statu u capiu bonu, si pirmetti di fari chiddu ca voli. Ci veni ntesta di fari pagari? Pigghia e si nventa na nova tassa, e lhavi a fari! Picch si no, nuiautri, stamu puru mpinseri, quasi chi nni lamintamu si non rrivanu novi tassi di pagari!
MUMMINA
Chi , ura du comiziu ora? Senti na cosa, dintra non avemu nenti di chi manciari, comu fazzu a fari a spisa si avemu tutti sti rugni di pagari?
CARMINU
Ah, ancora non ti lha nsignatu tu navutra chi prima di tuttu ha pinsari pu manciari? Ricordati chi prima di ogni cosa ha fari a spisa, quannu avemu u manciari dintra, si nni restanu pagamu chiddu ca c di pagari; si nno u statu e tutti li crasti ca sunnu aspettanu, si vonnu aspittari, si nno sa-rra-ncia-nu! Voli diri chi sordi i vannu a cercanu unni chiddi ca lannu! Puntu e basta.
MUMMINA
E si veninu i carrabbineri e nnattaccanu?
CARMINU
Oh, locca! Avissiru attaccari a tutti chiddi ca non ponnu pagari i tassi, u sai tu quantu carciri avissiru a fari? E poi, chi ci cunveni scusa, avissiru a dari a manciari a tutti, ICI non nni pagassi cchi nuddu, picch stamu nto carciri, u stissu vali pa luci, lacqua, a mundizza u telefunu non c di bisognu picch n carciri non si usa; mu vo diri tu si non fussi a megghiu cosa chi ni nni jissimu a stari tutti nte carciri?
MUMMINA
E a libbirt, a chissa non ci penzi? Chi libert ncarciri?
CARMINU
E a libbirt unni nveci fora, chi stamu arrivannu chi non si patruna cchi mancu di laria chi rispiri? Chi ogni piditu ca fa, shavi a pagari a tassa? Chissa a libbirt? Ah quantu semu cucuzzuna!
MUMMINA
Finisci ca ta lamintari sempri!
CARMINU
No! U sai chi facemu dora n poi, vistu ca i cosi non funzionanu? Pigghiamu a banna e ncuminciamu a sunri! Va dda, va dda, vaccatta chiddu ca servi pi manciari, chi pu restu, chiddu ca va vinennu vattiamu.
MUMMINA
Ah, senti, a discursu di veniri! Vidi chi sta vinennu donna Nzula; tu ancora assai a fari?
CARMINU
E ju chi c diri a donna Nzula? Idda a Giggettu havi a visitari; chi poi dicu ju, chi citrasi a majra? Nun era megghiu chi chiamavamo u psicoccolo? Armenu chiddu dutturi.
MUMMINA
Si, ma chista nni custa cchi picca! Non vidi quantu cosi avemu di pagari!
CARMINU
Mummina, oh Mummina! Prima veni a saluti e u manciari e dopu, ma dopu, veninu i tassi di pagari si restinu sordi. U capisti pi na bona vota? Chi voi ca nni po capiri donna Nzula? Capaci chi mancu fici i scoli elementari.
MUMMINA
Ah, picch tu i cristiani i valuti n basi a scola ca hannu? Allura cavissi a diri io, di tia, chi mancu mittisti pedi a scola materna?
CARMINU
Nveci tu!
MUMMINA
Io chi? Ricordati chi io, a tia, ti pozzu fari di professoressa; non tu scurdari ca mi fici finu a quinta elementari; sceccu!
CARMINU
Capaci chi dopu ssu sforzu, tappiru a operari di morroidi. Tu, a scola ci jisti picch to patri su potti permettiri anchi si ssa scola pi tia fu persa. Zittuti, zittuti e mettici pani nta bucca (iroinico) professoressa!
NZULAV.F.S.
Si po, si po, donna Mummina?
MUMMINA
Cca ! Trasiti, trasiti puru, donna Nzula.
NZULA
(Vestita da fattucchiera. Parler sempre a rime) Bon gionu don Carminu e donna Mummina, / veniri appi pi fari a nduvina. / Dicitimmi dunn Giggettu / pi quantu livarici fazzu lu difettu. / Mustratimi ora lu postu unni iddu ridi, / quantu scacciu li spiriti e nun li vidi.
MUMMINA
Cca, (la conduce sotto la margherita. Carmelo andr con loro) cca, dici di vidiri genti e cosi strani!
CARMINU
(Preoccupato) Tantu strani, donna Nzula! Cosi, chi a sulu pinsaricci, si mettinu i capiddi tisi!
NZULA
Pigghiatimu un piattu e un pocu dogghiu, / chi livarisi havi stu malocchiu. (Poi a Carminu) Nto mentri vui chiamati a vostru figghiu, / purtannumi na bedda trizza dagghiu. (Comincia col fare strani rituali davanti il muro, sotto il fiore).
MUMMINA
(Arriva col piatto e una ampolla dolio) Donna Nzula, io purtavu tutta a mpullina, nun sapennu quantu ogghiu servi.
NZULA
Bonu facistivu, donna Mummina, / chiddu ca resta mu portu cu tutta a mpullina.
MUMMINA
Non cera bisognu chi faciavu a rima, donna Nzula.
NZULA
Ora aspittamu ca veni vostru figghiu, / pi quantu i cosi si mettinu o megghiu. (Rientra Carminu e prende la treccia daglio che appesa alla parete).
MUMMINA
(A Carminu, impaurita) Bedda matri; io mi scantu pi comu chista parra e camina, nun facemu chi Giggettu
CARMINU
Giggettu! Giggettu chi? Chi havi di perdiri nostru figghiu? Comu si dici: cchi scuru di menzanotti un po fari.
NZULA
Dicitimi don Carminu, senza pinsri a nenti; / nun ca vostru figghiu si nni penti? / Vi dissi di chiamallu e nun vinni, / chi pensa ca ci cadinu li pinni? / Chiamatilu vi dissi e fati prestu, / chi fuiri havi lu spiritu, lestu lestu.
CARMINU
Sta vinennu, donna Nzula, si stava finennu di vestiri. (Entra Giggettu, vestito sempre alla sanfras).
GIGGETTU
Cca tugnu! (Si avvicina a donna Nzula) E cu votta? A mia tecca? (cerca).
MUMMINA
(A suo figlio) Chista u sai cu ? Dda cristiani chi nnhavi a jutari a risorviri i cosi chi tu vidi nto ciuri; tu scurdasti, a matri?
GIGGETTU
Ah, ti, ti! Chidda ca ditititti tu, ti maggita (magica).
MUMMINA
Propriu idda. Ora senti, e fai chiddu ca dici donna Nzula, cos nni libiramu di tutti sti genti ca tinemu casa casa. Capisti?
GIGGETTU
Ti, ti!
CARMINU
(A donna Nzula) Mi dicissi, donna Nzula, nun ca a chi ci semu, putissi fari quarchi cosa pa pronunzia di Giggettu, puru? Pi quantu si capisci quannu u criaturi dici quarchi cosa? Macari circari di livaricci quarchi T di suprecchiu quannu parra?
NZULA
Larvuli ca nascinu storti, / addirizzari li po sulu la morti. / E ora, girannu, viniti appressu a mia, / ripitennu comu na litana. / Caminannu ballannu e cauti, / facennu spissu tanti sauti. / Quannu dicu alum alum, / sautati dicennu megghiu a t megghiu a t. / Forza, partemu pi comu semu, / girannu comu fussi un trenu.
MUMMINA
Donna Nzula, mi scantu; mi tremanu i jammi.
NZULA
Diccilu tu, Carminu, e in rima, / chi a caminari, havi a essiri la prima.
CARMINU
Io certu ci lu dicu nversu, / spirannu ca nun fussi tempu persu.
NZULA
Camina ti dissi, e nun schirzari, / si voi ca prestu amu a finiri. / Parra, ti dissi, a Mummina, / chi sciogghiri avemu sta catina. (cominciano a camminare, gli uni con le mani sulle spalle degli altri; in testa donna Nzula che va facendo scongiuri con aglio e peperoncino. Ogni volta che gireranno sotto la margherita, Gigetto saluter i suoi personaggi).
CARMINU
(Cattedratico) Mummina, rumpiti li jammi e camina, / chi pi mia fusti na gran ruvina! / Era megghiu chi di stu figghiu mi davi na figghia, / Ti cadissi la lingua, prima ca morti ti pigghia.
NZULA
Cosci di scimia canterina, / camina e ripeti puru tu Mummina. / Alum, alum alum.
GLI ALTRI
(Ripeteranno in coro e salteranno) Megghiu a t, megghiu a t, megghiu a t.
NZULA
Ciriveddu frittu di cavaddu pazzu, / aiutanni a sciogghiri stu lazzu. / Mutanni ngrasciati di monachi di crausura, / scacciati ti spiriti prima ca scura. / Alum, alum, alum.
GLI ALTRI
(Come prima) Megghiu a t, megghiu a t, megghiu a t.
GIGGETTU
(Saluta i suoi personaggi) Tau, tau! (Ciau).
NZULA
(Con serio rimprovero a Gigetto che distratto) Mutu Giggettu e nun schirzari, / si nun voi li guai piggiurari. / Ripititi forti cu mia, / chi sciogghiri avemu sta majara. / Testa di rospu nfurnta, / cori di vergini nnamurta, / scrippiuna njuri di sutta balta, / scunzri facemu sta nzalta. / Alum, alum, alum.
GLI ALTRI
(Come prima) Megghiu a t, megghiu a t, megghiu a t.
GIGGETTU
(Saluta ancora i suoi personaggi) Tau, tau. TTamu (stamu) finennu.
NZULA
Collabbora ti dissi Giggettu, / si non voi ristari puru schettu.
CARMINU
Picch si non collabbura, a vvidiri cu si lhavi a pigghiari!
GIGGETTU
Donna Ntula, ancora attai amu a fari?
NZULA
Camina Giggetu e ascuta bonu e senti, / giramu sinu ca non vidi cchi nenti.
GIGGETTU
Ah, chittu era? Io pe pinta (finta) ho talutato nel piore! Io a nuddu vidu ttu (cchi), a nuddu.
NZULA
Si tu dici chi a nuddu hai cchi viditu, / chistu signu chi gi amu finutu (si fermano).
MUMMINA
Oh, finalmente, a matri!
CARMINU
Sicuru, Giggettu, chi non vidi cchi nenti unni a margherita?
GIGGETTU
Ti, ti!
MUMMINA
Si? Comu si! Prima dici no, e ora si!
GIGGETTU
Chi capitti, m! Ju dita ti, comu diri chi non vida ccu unenti, u capitti?
NZULA
Ora ca lu ncantisimu sciugghiutu, / e lu mali luntanu si nnha gghjutu; / stanchi, finemu puru di sautari, / chi nni pinsti si mi dassivu li dinri?
CARMINU
(A Mummina) A cu spetti? Curri e pigghia un pocu di sordi, chi Giggettu, finarmenti, guariu. (Gigetto, di nascosto saluta i suoi personaggi cercando di non farsi scoprire dagli altri. A donna Nzula, mentre Mummina va a prendere i soldi.). Grazii, grazii, donna Nzula! Sapi Diu comu avissimu fattu senza di vossia! Ora ca i spiriti si ni jeru, pinsti chi c ancora scantu ca putissiru turnari?
NZULA
Lomu ca nun vidi, / comu lomu ca nun cridi; / ma tu, ca tantu sai, / picch sti dumandi fai? (Torna Mummina).
MUMMINA
Tiniti, tiniti, donna Nzulla, nun su granch, ma u sapiti comu si dici? Chiddu ca cunta u pinzeri. (Donna Nzula si conserva i soldi).
NZULA
Ora vi salutu e mi nni vaju; / chiamatimi si aviti nautru guaju. / Na frasi vi lassu e senza ridiricci: / li cosi ci sunnu e nun semu obbrigati a cridiricci. (Esce, portandosi anche lampolla con lolio).
MUMMINA
(Sbalordita) E sa purt! Oh, nun sa scurd! U dissi e u fici! Grandissima figghia di
CARMINU
(La interrompe) Eeeeh! Sta attenta cu donna Nzula, chi chidda majira !
MUMMINA
Com ca nun si purt puru atrizza dagghiu! Anzi, aspetta chi a mettu dda bbanna.
CARMINU
Picch, dda banna? Lassila ca a rimettu appizzata o muru (la prende e la va a mettere dovera).
MUMMINA
Ju vaju dda banna, chi ristaru di fari i letta. Aspetta chi mi portu stu piattu, prima ca si rumpi (lo prende ed esce).
CARMINU
I letta? Ha fari i letta dicisti? E a spisa pi manciari? Dici chi non avemu nenti. Curri, va dda, vaccatta a manciari, e pigghi puru na bedda rota di sasizza ca facemu festa, fin armenti Giggettu guariu!
MUMMINA
Cos dici?
CARMINU
Ancora!
MUMMINA
E allura, aspetta chi pigghiu i sordi e vaju. (Si avvia e dopo si gira) Ma sicuru chi non nni portanu a tutti o friscu? (facendo segno di carcere).
CARMINU
E non ti pari, chi cu lestati ca sta vinennu, sparagnamu di sentiri cavuddu? (Mummina va a prendere i soldi).
CARMINU
(Guarda Giggettu che intento a fissare la margherita. Poi, preoccupato). Giggettu, non mi diri chi tu ancora, vidi
GIGGETTU
P, tu tti (ci) cridi a tti coti?
CARMINU
(Preoccupato) A nzoccu? Chi , ncuminciamu di novu?
GIGGETTU
No, no, ti nno veni ancora donna Ntula e voli lauti toddi (sordi). (Carmelo resta in dubbio) P, u tai chi mi ditti Bartuleddu?
CARMINU
Bartuleddu! E quannu? Quannu tu dissi?
GIGGETTU
Attira (arsira).
CARMINU
Arsira?
GIGGETTU
No, tu non teri, picch jitti o tindacatu.
CARMINU
E sintemu, sintemu chi ti dissi.
GIGGETTU
Ju guaddava dda (indicando la margherita) e ridia, e iddu mi ditti ti tugnu timunitu; ti, ti! Ditti chi tugnu timunitu picch ridia. Iddu diti, ti unu ta ridi tulu timunitu. Timunitu , p, unu ti ridi tulu?
CARMINU
Figghiu me, tu mi fa certi dumanni, chi non sacciu mancu chi risposta putiriti dari.
GIGGETTU
(Quasi piangendo) Allura puru tu penti chi tugnu timunitu?
CARMINU
E bonu, bonu, non chianciri! Ju ti dissi chi ssi scimunitu?
GIGGETTU
(Sempre piagnucoloso) Ti, per mancu mi dititti ca non ti tugnu.
CARMINU
(Cercando di capire il perch del suo ridere davanti a un fiore) E dimmi na cosa, tu tu picch ridii?
GIGGETTU
Mih! Antora, p! Un lu ta, tu, pitt (picch) rida?
CARMINU
Ah, gi, tu vidi lanciuleddu, a chiddu ca munci i jati! (Preoccupato) Ma ora dicisti chi
GIGGETTU
E ti, ti, batta, batta! Non vedo pi niente.
CARMINU
Senti chi fai, ncumincia cu spazzulari ddi scarpi, chi ora veni u crienti a pigghiarisilli, ju rrivvu dda banna e a mumentu vegnu.
GIGGETTU
Ti, ti, i fattu lutiti, lutiti! (Carminu esce; Gigetto gli va dietro per assicurarsi che non torni a guardare). Quantu ti ttimunitu, p! Tti criditti puru tu, ti non vidu ttu (cchi) nenti! (Si porta sotto il fiore e gioisce) Qua tono! Vi tiete teccati (seccati) te io ho detto te non vi vedevo pi? Te dovevo fare? (Guarda estasiato) Te tei bello! E te bei tapelli te hai! Pecch non tendi (scendi) e tti ttai vitino a me, cot io non guaddo pi la ttopa (sopra), e quelli non ditono pi niente. A te diti? Diti di ti? E allora ttendi (scendi) e ti ttai attanto a me. Appetta te thajuto (mimer la discesa di un angioletto che star accanto a lui). Cot! Bravo! Ora ti ttai attanto (accanto) dove tono tempe (sempre) io. Andiamo te devo ppattolare le ttappe (scarpe), e te tu vuoi mi aiuti. (Si va a sedere al banchetto e sistemer una sedia pure allangioletto. Entra suo padre e gli si avvicina da dietro senza farsene accorgere) Lo tai te fai, tu tti puti e io ti patto (passo) la ppattola. Avanti tomintiamo (prende una scarpa e la mette vicino al muso dellangioletto). Ponti, via! Bravo! Tei ttato bravo. Ora appetta te io ppattolo, e dopo fattiamo lattra. (Comincia a spazzolare, e la guarda) Oh, lo tai te venuta lutida lutida! Guadda, guadda! (Preoccupato) Oh, te mi vedette mio padre! Sicuramente mi pottatte al manitomio, lo tai?
MARCU
(Entra Marco, il figlio di Carminu, e suo figlio Bartolo) Ciao Pap, ci sta nzignannu a Giggettu comu si giustinu i scarpi? (Giggettu saccorge di suo padre che era alle sue spalle e rimane pensieroso.) Poi a suo figlio) E tu, a cu spetti a salutari?
BARTULU
Ciau nonnu. Ciau Giggettu. Nonnu mu nsigni puru a mia comu si giustanu i scarpi? Chi cos thajutu.
MARCU
U vidi, pap chi voli ca u nsigni a cunsari i scarpi? Dici chi di ora n poi voli stari cchi vicinu o nonnu.
CARMINU
Spiramu, spiramu ca dura. Veni cca, ssettati ca ti nsignu (gli indica la sedia dove sta seduto langelo) ssettati.
GIGGETTU
(Allarmato perch sa che in quella sedia si trova seduto lamico suo) No! Nni chitta no!
MARCU
(Un po indisposto) Chi , ncuminciamu? (A suo padre) Poi dici chi Bartulu, chi fa u tostu?
CARMINU
(Pensieroso, guarda la sedia e dopo Gigetto) Aspetta, aspetta chi ti nni pigghiu navutra seggia.
MARCU
Ma si chidda libira, pap, picch nnha pigghiari navutra? (A Giggettu) Picch un lu fa ssittari tunavutru?
GIGGETTU
Picch tta teggia un ti tocca, ti mpignata!
MARCU
(Meravigliato) Mpignata! E di cu, si non c nuddu?
GIGGETTU
A tia pari!
BARTULU
U vidi, p, fa sempri cos cu mia; havi a vinciri sempri iddu. (Va per prendere quella sedia, e Giggettu alza il martello per minacciarlo).
GIGGETTU
Un la tuccari tai! Ti un coppu di matteddu ti dugnu!
CARMINU
Basta, basta Giggettu, e finiscila ora! (Cerca di persuaderlo, prendendolo con le buone) Avanti, fa u bravu, u sintisti chi Bartuleddu dici chi di ora n poi havi ha stari spissu cu nuiautri? Fallu assittari, vidi chi vinni puru ca nni voli jutari?
GIGGETTU
(Si convince ma a condizione) E allura, ti voli, u fattu ttittari unni tidda mia, teggia.
CARMINU
Bravu, bravu Giggettu, cos si fa! (A Bartolo che rimasto immobile) Assettati, u vidi chi fu bravu Giggettu, ti desi pirsinu a so seggia.
BARTULU
E cu tu dissi chi ju vogghiu a so? Ju chidda vogghiu!
CARMINU
Mhavia parsu stranu chi tu vinivi cca senza fari dannu! Allura veru tostu si! Comu, chiddu ti duna a so seggia!
MARCU
(A suo figlio) Senti chi facemu, jemu a salutari a nonna, chi poi nnandamu.
BARTULU
U vidisti? Chi ti dissi? E poi dicinu chi sugnu ju chiddu vinciuddu. (Marco e bartolo si stavano avviando, ma).
GIGGETTU
(Langioletto scende dalla sedia per tornarsene sul fiore e Giggettu lo segue persuadendolo a rimanere. Gli altri, vedendogli fare quei movimenti e sentendolo parlare da solo, rimangono sbigottiti) No, appetta, non ti nni jiri arreri dda tupa (supra), comu rittamu? Mih, appetta di ditti!
CARMINU
No, nun possibili! Arreri ncuminciamu?
BARTULU
P, (col sorriso sulle labra) tu dica ju ca ridia e parrava sulu? E tu non mi vulivi cridiri.
CARMINU
Zittuti, tu navutru, e non ti ci abbagnari u pani, chi Giggettu non pazzu comu pinsti vuiavutri.
MARCU
Puru tu, pap! Chi havi a fari unu, cchi di chissu, pi dimustrari chi non normali?
GIGGETTU
E ti, ti, appetta ca tajutu! (Lngioletto come se gli dicesse che non c bisogno. Gli altri, meravigliati si avvicinano a seguire la scena.) Ah, non te bitognu? E va beni (seguir con lo sguardo la salita dellangelo sul fiore).
BARTULU
(Impaurito) P, ni nni jemu ca mi scantu!
MARCU
E di chi, di chi cosa? non vidi chi nun c nenti!
BARTULU
Ju u stissu mi scantu, comu si tuttu nta na vota sintissi friddu! Amuninni.
MARCU
Aspetta chi salutamu a nonna a chi semu cca.
CARMINU
Non c to matri, ju a fari un pocu di spisa. Assettati, chi a mumentu avissi a essiri di ritornu.
BARTULU
P, amuninni ti dissi, ca mi scantu a stari cca, pari chi ci fussinu i spirdi.
MARCU
Ju mi nni vaju, prima chi a chistu lassartanu i vermi. Voi ca passu du dutturi, si pensi chi c di bisognu? A mia non pari normali tuttu chiddu ca sta succidendu cca gghintra.
CARMINU
Donna Nzula ora ora si nni ju di cca, dicennu chi tuttu era appostu!
MARCU
Donna Nzula cu, a majara? (Silenzio) E chisti cosi di majari su? Cca un bravu psicologu ci voli, avutru chi majara! Sai chi fazzu, lassu a casa a Bartulu e passu a chiamari u dutturi Costanzu, dicinu chi un bravu medicu di sti malatii. (Escono, padre e figlio).
CARMINU
(Si avvicina a Giggettu che era intento a guardare il fiore) Giggettu, veni, lassa perdiri, ajutami a finiri di fari i scarpi, chi fa cuntu ca veni don Ancilu a pigghiarisilli.
GIGGETTU
Appetta, appetta chi ttaju vidennu na cota e vegnu.
CARMINU
Ma comu, un mumentu fa, cu donna Nzula, dicisti chi non vidivi cchi nenti, e ora Senti ma non po essiri chi tuttu chiddu ca vidi na nvinzioni t? Io non vidu nenti, to matri mancu, Marcu e Bertulu nemmeno, comu fa a vidilli sulu tu? Ju dicu chi tu i vivi nna to mmagginazioni ssi cosi.
GIGGETTU
Chi nni tattiu p, ju tattiu tulu chi n cata (n casa) non temu tuli, tte avuta genti ta nni teni tumpagnia; u tapitti?
CARMINU
Pi furtuna chi genti ca non mancia, allura si chi nnavissiru daspittari i tassi! Ora, veni u dutturi Costanzu, dicinu chi bravu pi ssi camurri chi ha n testa tu, videmu chi nni cunsighia.
GIGGETTU
(Preoccupato) P, ju nenti haju, picch chiamatti u dutturi Cottantu?
CARMINU
Nenti, chi voi ca ti po fari; sicuramenti ti far na visita e macari ti dici di fari na cura di midicinali.
GIGGETTU
P, ma diti veru? Na cura di miditinali! E pi cota? Pi quantu ju vidu coti chi tu non vidi? Allura tu ti lavitti a fari na cura pi vidiri tiddu ta vidu ju! Eh! Cuta, ju i vidu, ti ttu chi ne vidi.
CARMINU
Mi sta facennu cunfunniri tuttu; aspittamu ca veni u dutturi, iddu u sapi soccu c di fari.
MUMMINA
(Entra con due sacchetti della spesa) Pigghiavu unu di tuttu; sulu chi nescinu locchi di fora a purtari sti cosi n coddu di dda via. (Saccorge che c laria strana) Chi c, chi successi?
CARMINU
C ca sta vinennu u dutturi, u mandavu a chimari cu Marcu, havia vinutu cu Bartuleddu, ma i cosi eru pi comu eru e decisimu di chiamari u dutturi Costanzu, chi a mumentu avissi a essiri cca.
MUMMINA
(Allarmata) U dutturi Costanzu? U medicu di pazzi? E chi successi di tantu gravi?
CARMINU
Giggettu ricominci cu a camurra di prima.
MUMMINA
Comu, donna Nzula dissi (si sente rumore di passi).
CARMINU
Forsi iddu .
COSTANZO
Oh, buon giorno, buon giorno a voi!
CARMINU
Oh, dutturi Costanzu! Quali piaciri! Comu va, comu va?
COSTANZO
Gradirei chiederlo proprio a voi! Che cosa successo di tanto grave per essere interpellato? Chi di voi
MUMMINA
Dutturi, c me figghiu Giggettu chi havi na picca di tempu ca si metti davanti ddu ciuri, u vidi? sempre jittatu dda! (Gigetto davanti al fiore che osserva) Dici di vidiri genti, pirsinu anciuleddi dici di vidiri! Gravi , dutturi?
COSTANZO
A volte limmaginazione cos tanta che riusciamo a vedere quello che non c. Gli scrittori, ad esempio, scrivono tante storie, frutto solo della loro immaginazione. Ogni volta che scrivono, si trovano a dover dialogare con i loro personaggi, frutto della loro fantasia; sono forse pazzi?
CARMINU
Dutturi, nostru figghiu non sapi mancu teniri a penna n manu! Avutru chi scrittori! U vidi per ora? Sicuramenti vidi attrovacci chi! Aeri dici chi vidia pirsinu a unu chi muncia na jatta! Na jatta, dutturi! Un mumentu fa, sapi chi fici, jia caminannu cu n ancileddu casa casa!
COSTANZO
Sicuramente soffrir di allucinazione! Non che beve che so vino, di nascosto, e voi non lo sapete? Perch le sostanze alcoliche, quasi sempre riescono a far vedere quello che non c, persino un asino volare!
CARMINU
Dutturi, cu sta crisi chi c, cu lhavi i sordi pi ccattari u vinu? E gi bonu chi riniscemu accattari i cosi di prima nicissit.
COSTANZO
Aspettate che lo controllo, pu anche essere qualche trauma che ha a vuto da piccolo e che adesso se lo porta dietro. Chiamatelo, su, e fatelo sedere davanti a me che gli far alcune domande.
MUMMINA
(Gli si avvicina) Giggettu, Giggettu, veni cca a matri, chi c u dutturi chi thavi a fari na para di domandi. (Lo porta a sedersi).
COSTANZO
E allora Gigetto, dimmi. Cosa ti tormenta?
GIGGETTU
Ti ditti, ti voli amenta? (A suo padre) E unni a vaju a pigghiu, p?
COSTANZO
Ah, parla pure (Cattedratico) questa insufficienza congenita dello sviluppo psichico; ma, che per il suo stato di fatto, ha scatenato nella sua mente la psicastenia; in parole semplici una nevrosi caratterizzata da ansie e idee ossessive.
CARMINU
Dutturi, mi veni cchi facili capiri a me figghiu quannu parra, ca a lei. Un lu po spiegari cu paroli cchi semplici?
COSTANZO
Vostro figlio non ha niente; ha solo una nevrosi caratterizzata da anzie ossessive.
MUMMINA
Dutturi, ma lei sempri cos parra? E so mugghieri u capisci?
COSTANZO
Lanzia ossessiva quando uno come dire insomma, volendo fare un esempio: pi voi dite a lui di non guardare quel fiore, e pi sinnesca in lui, la voglia di guardare. Che cosa volete che possa vedere in quel fiore? Pure voi! A momenti luomo va su Marte e voi ancora dite di vedere ma fatemi il piacere!
CARMINU
Ma quali noi, dutturi! Iddu, iddu ca dici di vidiri tutti ssi cosi!
COSTANZO
Ora Gigetto far una curetta di antidepressivi, cos toglie dalla testa tutti questi suoi tormenti ossessivi, e subito sar guarito del tutto, certo, quel suo modo di parlare putroppo, gli rimarr. (scrive alcune cose sulla ricetta e le da a Mummina). Tenga, gli dar una pillola mattina e sera.
CARMINU
Grazii, grazii, dutturi! Quant u disturbu?
COSTANZO
Che cosa volete che sia. Datemi cinquanta euri.
GIGGETTU
(Sbalordito per la cifra richiesta, domanda al dottore, parlando normale, se ha capito bene) Nchia! Quantu dissi, dutturi? Capivu bonu? Cinquanta euri?
MUMMINA
(Si guarderanno tutti meravigliati) U miraculu, u miraculu! Giggettu guariu! Parra bonu!
COSTANZO
Eh, no signora, la smetta adesso! Anche il miracolo mi scusi!
CARMINU
Dutturi, per nun rispunniu a me figghiu.
COSTANZO
Che cosa volete che siano cinquanta euri, dopo tanti anni che ho fatto di studiare!
MUMMINA
Dutturi, du paroli spinniu pi me figghiu, lei dici cinquanta euru.
COSTANZO
La cultura costa!
CARMINU
E la gnuranza paga!
MUMMINA
Aspittassi, videmu unni rrivu. Me maritu guadagna picca, a genti non paga (va aprendere i soldi).
GIGGETTU
P, cu tutti tti sordi, donna Sula (Nzula) puta ttari tuttu u miti cca! E ti puta jutari puru a mamma a fari i pulittii.
COSTANZO
Ho capito solo sula anche se non so cosa vuol dire.
CARMINU
Sula, iddu voli diri Nzula, donna Nzula
COSTANZO
(Scandalizzato) Chi, la megera?
CARMINU
(Non capisce) Uhm?
COSTANZO
La majra come dite voi. Non vorr dirmi che stata anche lei qui!
GIGGETTU
E voti puru ccu picca! U majru votta ta voli tutti tti toddi!
MUMMINA
Eccu cca, dutturi, sulu chisti truvavu, si voli si pigghia, si nno si metti a turnu assiemi e tassi.
COSTANZO
Non capisco, ho capito per che devo prendere questi. Arrivederci, e non dimentichi: una pillola mattina e sera, vedr che guarir quanto prima. Bay bay! (Esce).
CARMINU
Bay bay; un cani mi parsi!
MUMMINA
Un ti pari chi fu peggiu du cani, di quantu si pigghi! E ora, cu quali sordi i pigghiu i pinnuli?
CARMINU
Aspetta chi fa cuntu ca veni don Ancilu a ritirari i scarpi.
MUMMINA
Amuninni, Giggettu, aiutami a nesciri i cosi di larmadiu (si avviano).
CARMINU
Cinquanta euru! E nnhaju di giustari scarpi! Mah, mittemunni a travagghiari. (Siede e riprende a lavorare, mentre entra don Ancilu).
ANCILU
Salutamu, mastru Carminu, pronti su i scarpi?
CARMINU
Buon giornu a vui don Ancilu. Vi giustavu un paru di scarpi chi vinniru novi!
ANCILU
E bonu, bonu allura! Picch a brevi haju u matrimoniu di me cumpari, e vui u sapiti, cu sta crisi ca c, comu si ccattanu un paru di scarpi novi! Quantu tassi! Tassi e tassi! U munnu vutau o riversu caru mastru Carminu! Stannu succidennu tanti di ddi cosi strani
CARMINU
A discursu di cosi strani, u viditi ddu ciuri?
ANCILU
Quali ciuri?
CARMINU
Chiddu ca c a pareti du muru. Vi piaci? Me mugghieri dici chi fu misu stortu; vui comu u viditi?
ANCILU
Aspittati chi u guardu megghiu (si alza e gli si avvicina a guardare. Rimane imbambolato; va a prendere una sedia e gli si siede sotto cominciando a ridere. Poi alterna il sorriso con grande seriet).
CARMINU
Cca navutru ci nn! (Rimane bloccato come una statua nel vedere Angelo che ride come suo figlio Giggettu).
MUMMINA
(Entra con Giggettu e saccorge del marito bloccato, poi vede Angelo che ride al fiore) Oh, no! (Sviene dun colpo, mentre Giggettu prende la sedia e va a sedersi accanto ad Ancilu, a guardare e ridere pure lui. Si abbasseranno le luci ed entreranno i personaggi assumendo ognuno, bloccati, la posizione che aveva quando era in scena; poi, sotto locchio di bue, entrer la megera che si porter sul palco a narrare la morale in versi).
NZULA
Stranu finominu la vita
di poi chi la terra nata.
Ghiacciai ca si sciogghinu,
discursa ca si mbrogghianu.
Cu si sposa, cu si fa parrinu,
cu fa u furnaru, cu lindovinu.
Cu havi sordi e nun sapi chi fari,
cu nenti teni e non po manciari.
Cu havi sennu, giudiziu accanza,
cu havi gnuranza, si ratta la panza.
Nta stu munnu, sinu ca gira
na cosa lavemu sempri a pigghiari di mira.
Chiddu non servi, chiddu non vali
chiddu cchi duci, chiddu havi u sali.
Nuddu ha nveci pinsatu allignotu,
certi finomini ca fannu veniri un motu,
ca sulu a cuntalli nni vennnu li crisi,
c pirsinu cu suda setti cammisi.
Ce cu spiegari nun po lu misteru
Genti ca dici chi non cridi o majru.
Ora scutatimi, e dicu a tutti di non ridiricci:
li cosi ci sunnu, nun semu obbrigati a cridiricci.
FINE