Li spiridi di mezziornu

Stampa questo copione

                     LI SPIRDI DI MEZZIORNU

Commedia dialettale in due atti di Franco Giacomarro.

PERSONAGGI:

Don Cocò, usuraio, capofamiglia.

Andrea, figlio di don Cocò.

Luiginu, figlio di don Cocò.

Ninetta, figlia di don Cocò.

Agatina, moglie di don Cocò.

Don Gaspanu, padre di don Cocò, sordo.

Mastru Filippu lu scruccaturi, imbroglione.

Ciccinu, aiutante di Mastru Filippu.

Fantasma maschio.

Fantasma femmina.

Dottor Osram, medico dei pazzi.

Donna Titidda l'apparasiata, medium.

Donna Rosa, vicina di casa di don Cocò.

Donna Rusulia, vicina di casa di don Cocò.

Don Turiddu, parroco.

Chierichetto.

ATTO PRIMO

(Un paese della Sicilia occidentale, intorno all'anno 1950. Inverno. La vicenda si svolge in una casa molto modesta. Tre porte: una al centro, un a sinistra e un'altra a destra. Una finestra a sinistra della porta centrale. Balcone a destra della stessa porta. Alcune sedie sparse senz'ordine. Un tavolo rotondo al centro. A destra, in un angolo, un armadio a vetri con dentro alcuni oggetti di cattivo gusto: carretto siciliano, gondola, lupa, cupola di San Pietro, palla di vetro con neve, qualche lume e qualche candela. Un braciere acceso sulla sinistra con un cerchio di legno sopra e alcuni panni stesi ad asciugare. In un angolo uno specchio, un bacile e un asciugamano, un vaso da notte. Alle pareti alcuni quadri di cattivo gusto, molto malandati. Muffa alle pareti. Sul davanzale della finestra un vaso con dei fiori appassiti. In un angolo un attaccapanni pieno di vecchi cappotti appesi. Su un mobile si trova una vecchia radio)

SCENA PRIMA

(Mastru Filippu e Ciccinu)

VOCE DI MASTRU FILIPPU: (Dall'esterno) Sì prontu, Ciccì? Unu…dui…e tri! (I due sfondano la porta centrale ed entrano correndo, urtando il tavolo e lo fanno cadere a terra. Ciccinu cade a terra svenuto e mastru Filippu cerca di rianimarlo con schiaffi e pugni) Ciccinu, rispunni! Chi ti facisti? Risbigghiati! Ma comu po’ fari? Sempri lu stessu sì? Sempri guai cu tia!

CICCINU: (Riprendendo i sensi) Ma…chi fù? (Con meraviglia) Ahhh, lu capivi: semu n' paraddisu! Mastru Fili, chissu è lu paraddisu?

MASTRU FILIPPU: E si chissu è lu paraddisu, lu `nfernu comu avissi a essiri? (Lo acchiappa per il colletto) Susiti, miserabili e cani mortu! Spidugghiati e senza vuciari! Avà, mettiti lu linzolu e ammucciati darre l'appizzarobbi, prestu, chi a mumenti arriva don Cocò!

CICCINU: (Esce da una bisaccia un lenzuolo bianco con due buchi per gli occhi) Ma dunni sunnu li pirtusa? (Si confonde, gira e rigira il lenzuolo, poi finalmente li trova) Ah, ccà sunnu! (Si infila il lenzuolo) Ma…a cu avissi a fari scantari?

MASTRU FILIPPU: A cù? Comu a cù? A don Cocò, a li sò figghi, a sò mugghieri…Ma…t'ha mettiri a parlari un pocu chiù…chiù…cu la vuci grossa…

CICCINU: Aspetta chi provu. (Cerca invano di alterare il tono della voce, che però rimane uguale) Don Cocò…don Cocò…

MASTRU FILIPPU: (Imitando il tono di voce di Ciccinu) Lu fantasma ch'arrivò! Mancu a li surci fa scantari parlannu accussì! E fatti la vuci grossa, bedda…cull'ecu!

CICCINU: Ah, cull'ecu? Don Cocooooo…sugnu ccaaaaaaa…sugnu un fantasma…asma…asma…

MASTRU FILIPPU: Ma quantu si cretinu…inu…inu! Si un ci arrinesci tu a farli scantari, ci pensu iu! (Sta per togliergli il lenzuolo)

CICCINU: (Opponendo resistenza) No, no! Chi bisogniu avi lei di linzolu? Cu ssà capiddera nta ll'aria scappanu puru li pidocchi!

MASTRU FILIPPU: Comu ti permetti, grandissimu fetenti? (Sta per colpirlo con uno schiaffo, ma si trattiene) Almenu lu capisti picchi l'amu a fari scantari?

CICCINU: (Con la testa fa segno di aver capito) Eemmhhh… (Deciso) No!

MASTRU FILIPPU: Truvavi un beddu cumpagnu, truvavi! Accussì cridinu chi sta casa è `nfittata di li spirdi e pi liberarla chiamanu…

CICCINU: (Interrompendolo) A lu parrinu!

MASTRU FILIPPU: Chiainanu...

CICCINU: (C.s.) A lu beccamortu!

MASTRU FLLIPPU: Chi si tu! A niatri, chiamanu! E ci amu a diri chi l'unicu rimediu pi libirari la casa di li spirdi è chiddu di passati ccà niatri suli tutta la notti, pi truvari…

CICCINU: (Sorridendo) Un beddu lettu e nni facemu un beddu sonnu!

MASTRU FILIPPU: Lu bestia chi sì! Accussi, niatri, circannu circannu, truvamu tutti li sordi e l'oru chi sti sdisonesti hannu fregatu a lu prossimu! Picchi iu un capisciu nna cosa: Comu fannu sti cincu cristiani a arrubbari tutti sti cosi e a campari comu li chiù scarsi di lu paisi, n'mezzu a scravacchi, surci…

CICCINU: Certu a cacchi banna sti sordi l'hannu a teniri ammucciati. Ma nna notti sula nn'abbasta pi truvari sta tesoru?

MASTRU FILIPPU: Veramenti, semu nta la reggia di Caserta…(Si ode un rumore di passi) Ccà sunnu! Prestu, mettiti lu linzolu e ammucciati, iu nesciu di la finestra…nni videmu chiù tardu! Mi raccumannu: vuci forti…

CICCINU: E cull'ecu! Uuuuuuuhhh! (Mastru Filippu esce dalla finestra. Ciccinu si nasconde dietro l'attaccapanni)

SCENA SECONDA

(Don Cocò, don Gaspanu)

DON COCO': (Entrando dalla porta centrale) Papà, trasiti chi fà friddu!

DON GASPANU: Mimiddu? Mimiddu ccà è? (Si ferma pensieroso) Miimiddu? Ma si avi trentacinc'anni chi è mortu?

DON COCO': (Urlando all'orecchio del padre) Friddu, friddu, papà! Assa trasi e si metti vicinu a lu focu!

DON GASPANU: Un ghiocu! Un ghiocu! Avi trent'anni chi un ghiocu chiù!

DON COCO': (Tra sè) Un sulu stolitu, ma puru surdu! (lo prende per una mano e lo conduce vicino al fuoco)

DON GASPANU: E li tò flgghi dunni sù? Chi era iurnata di pizzu oggi?

DON COCO': No, di usura. Avianu a esigiri quattru sordi di `Nzulu lu carritteri, ma siccomu un vulia pacari, ci ieru ci li scupetti e quannu `Nzulu vidi li scupetti, paca, eccomu si paca!

DON GASPANU: Caca? Cu è chi caca? Avi chi sugnu attuppatu…Avissi bisognu di cacchi cosa pi stupparimi…

DON COCO': Pi stuppariti l'aricchi! Pari chi ci avi la culata di cimentu! (Esce dalla tasca un collier e lo mostra al padre, facendolo oscillare davanti agli occhi come un pendolo) Taliati, papà: oggi, a lu mircatu, lu pigghiavi a la barunissa Mezzaquasetta! Di oggi in poi si cancia vita! Chista la mittemu a postu sicuru, no dunni amu ammnucciatu tutti l'atri cosi, ma…dunni nuddu la issi a circari! (Don Gaspanu si affaccia alla finestra.Don Cocò butta la collana nel vaso da notte) Ah, si ci avissimu pinsatu prima! Iu vulissi sapiri cu sunnu sti latri chi arrobbanu a li latri! Latri dù voti, picchi lassanu n'mezzu a nna strata a niatri chi arrubbamu pi campari! Un capitali, un capitali n'hannu arrubbatu! Ma si nn'avissimu, un dicu assai…un munzidduzzu, nna muddichedda…e `mmeci nenti! Tutti chiddi ch'amu arrubbatu nn'ha scumparutu sempri e niatri, doppi tant'anni di travagghiari onestamenti, nni liccamu la sarda! Ma continuannu di stu passu li sardi a niatri liccanu!

DON GASPANU: Stannu arrivannu, Cocò! (Si sentono le voci dei figli, della moglie e della figlia di don Cocò) Ccà sunnu! Affaccia!

DON COCO': Acchianati, acchianati! (Si affaccia anche lui al balcone. Approfittando di ciò Ciccinu va a prendere la collana e se la infila in tasca, nascondendosi di nuovo. Intanto don Gaspanu va a prendere il vaso da notte)

DON GASPANU: Quanni scappa, scappa! (Esce dalla porta di sinistra. Entrano Andrea, Luiginu, Agatina e Ninetta)

SCENA TERZA

(Andrea, Luiginu, Ninetta, Agatina e detti)

ANDREA: A sà binidica, papà!

LUIGINU: A sà binidica, papà!

NINETTA: A sà binidica, papà!

DON COCO': (Alla moglie con ironia) A sà binidica, donna Agatina! Chi purtastivu? Mittiti tutti cosi ccà, supra lu tavulu.

ANDREA: Dù bracciali! (Li getta sul tavolo)

LUIGINU: Setticentu liri!

NINETTA: Tn banani, quattru citrola e nna dicina di testi d'agghia! (Getta tutto sul tavolo con poca grazia)

DON COCO': (Ridendo sotto i baffi) Ah, oggi vi fregavi a tutti! (Rientra don Gaspanu che, non visto, posa il vaso da notte nello stesso posto nel quale si trovava prima di uscire) Viniti ccà! (Con ampi cenni della mano fa avvicinare tutti al vaso da notte) Oggi capitavi mia cosa chi chiddi vostri si ponnu iri a ammucciari! Taliati dintra lu rinali! (Tutti si guardano negli occhi e cominciano a fare dei sorrisetti ironici, dopo aver guardato a turno dentro il vaso)

ANDREA: E chi è, produzione locale? Dal produttore...

LUIGINU: Al consumatore! Cota e manciata! E chista fussi la cosa priziusa assai e…profumata? (Si tura il naso)

ANDREA: Certu, pi sarvarla un motivu ci avia a essiri…

NINETTA: Papà, ma chi addivintasti foddi? Ma chi ti nisceru li sintimenti?

AGATINA: Li sintimenti ponnu nesciri sulu si sunnu dintra a cacchi cosa, ma si un ci sunnu… (Prende un bastone e minaccia il marito. Cocò guarda dentro il vaso e si accorge che la collana è sparita)

DON COCO': Ah, allura sugnu pazzu, è veru? Ti diciu chi l'avia misu ccà dintra, picchì era l'urtimu postu dunni la putianu circari! La bedda collana cu li diamanti! E finiu `nfinennu la pacchia!

AGATINA: Già, un c'è furtuna pi li latri!

NINETTA: Pò essiri chi a contattu cu lu liquitu squagghiaru tutti cosi? Chi sapemu comu ponnu iri certi cosi?

DON GASPANU: Sì, pari chi unni l'aviti puru vuiatri sti liquiti ccà!

DON COCO': E vuiatri ci istivu nni `Nzulu tu carritteri?

LUIGINU: Si, di ddà vinemu: appena vitti a mia…

ANDREA: Ci detti tutti li sordi! Ha ha ha! (Ride) Mancu lu fucili ci seppi puntari, pezzu di cosa inutili! A mia li detti li sordi: ccà sunnu! (Dà i soldi al padre)

DON COCO': Dammi tutti cosi chi l'ammucciu iu! (Mette tutto in un sacco; quando il sacco è pieno lo butta in testa a Ciccinu, senza accorgersi della sua presenza. A Ninetta) E tu ch'ha fattu, figghia mè?

NINElTA: E ch'ha fari? Nuddu mi cerca, nuddu mi voli, nuddu mi scummetti…iu dicu chi arrestu schetta! Eppuru, fussi una picciotta ladia, lu capissi, ma… (Piange)

AGATINA: Zittuti, svergognata! Chi ci chianci? Vò abbivirari li rasti di lu finistruni?

ANDREA: Papà, mamà: n'campagna sunnu tutti cosi sicchi. E' stranu veru, picchi ci ha chiuvutu chiossà di tanti atri banni, eppuru…

LUIGINU: Semu perseguitati di la sfurtuna, niatri! Putissimu campari felici e cuntenti e `mmeci nuddu nni parla e nn'avvicina: stannu tutti a rassu!

AGATINA: E allura? Megghiu suli chi mali accumpagnati! Si almenu scoprissimu cu nni pigghia sti cosi, nni putissimu difenniri, ma…

DON COCO': Basta! Ora facemu li turni di guardia e videmu si nni freganu puru sta vota! Allura…(Pensa un pò) Di l'ottu di sira a mezzannotti…Andrea. Di mezzannotti a li quattru…Luiginu. Di li quattru all'ottu… Ninetta. Di l'ottu a li dudici…mè patri. Di li dudici a li dui…avissimu a manciari…avissimu! Di li dui a li sei un c'è bisognu di turnu picchi c'è allustru, di li sei all'ottu…Agatina.

AGATINA: Chi beddu cuntu chi ti facisti! E tu chi fai, dormi?

DON COCO': Iu…(Confuso e tentennante) fazzu li turni. Picchì, un t'abbasta?

AGATINA: Lu turnu ti lu dugnu nta la `mpigna, pezza di muffutu! (Sta per aggredirlo quando esce fuori Ciccino che fa spaventare tutti)

SCENA QUARTA

(Ciccino e detti)

CICCINU: (Alzando le braccia sotto il lenzuolo, minacciosamente) Ehhh di li casi...Sugnu lu spirdu chi vi pigghiau tutti cosi! Era latru di vivu, sugnu latru di mortu! Aaaahhhh! (Urla. Tutti i presenti sono in un angolo terrorizzati; solo don Gaspanu ride beato.Ciccino sì avvicina a tutti minacciandoli con una scopa. Prende il sacco con il malloppo e lo posa a terra vicino alla porta di destra. Una mano bianca apre la porta e prende il sacco. Nessuno se ne accorge. Ciccino si gira e nota la mancanza del sacco) Lu saccu lu detti a mè cumpari chi è ddà fora! Avi vint'anni chi semu nta sta casa e un v'aviti addunatti di nenti?

TUlTI: (In coro) Noo!

CICCINU: E altura siti un pugnu di cretini! Aaahhh! (Dopo aver gettato un altro urlo, esce dalla porta esterna. Tutti sono terrorizzati e incapaci anche di parlare per alcuni secondi)

SCENA QUINTA

(Tutti meno Ciccinu)

DON COCO': (Rasserenandosi, ma sempre angosciato) Allura…foru iddi chi nni pigghiaru tutti cosi! Maria di lu Carminu! Un m'avia scantatu mai tantu nta la mè vita! (Di scatto, con gli occhi sbarrati) Aiutu, aiutu, mi sentu mali! Staiu murennu! Chiamati a donna Rosa…e a donna Rusulia…Donna Rosa…aiutu! (Tutti lo circondano e tentano di calmarlo)

VOCI DALL'ESTERNO: (Sono quelle di donna Rosa e donna Rusulia che si alternano affannosamente e in maniera confusa) Ah, don Cocò si ricurdau di niatri! E chi avi? Sta murennu? Ah sì? E picchi un mori, don Cocò? Chi si senti mali? O si senti mali sò patri? No, sò patri ci senti mali! Ha ha ha! (ridono)

AGATINA: (Affacciandosi alla finestra) Ah miserabili! Aviti a aviri bisognu di mia!

ANDREA: Papà, ripigghiati!

LUIGINU: Papà!

NINETTA: Oh papà… nn'anticchia d'acqua, prestu!

DON GASPANU: (Che si è appena accorto dell'accaduto, si alza e va incontro al figlio) Oh figghiu figghiu! Picchì un mi chiamavi prima? E cu era ddù mascarati cu lu dominò?

DON COCO': Talà ch'è spiritusu st'atru vecchiu! (Si riprende) Ah…megghiu…megghiu mi sentu! (Salta improvvisamente dalla sedia) Li spirdi, li spirdi, aaahh! (Urla come impazzito. Tutti lo trattengono) E tu, Andrea, picchi un pigghiavi la scupetta e ci sparavi?

ANDREA: E a cu avia a sparati, a lu spirdu? Pi sfardari nna scupittata? Accussi ammazzava…a lu mortu?

LUIGINU: Iu poi vulissi sapiri ssi spirdi all'atru munnu di sti tesori chi si nni fannu…! (Viene aggredito da tutti)

AGATINA: Basta! Ccà, signuri mè, s'avi a pigghiari nna decisioni!

ANDREA: Soluzioni una sula cinn'è!

NINETTA: Chiamari a…mastru Filippu…

DON COCO': Lu scruccaturi!

LUIGINU: E a ddù babbasunazzu di lu sò giuvini…

ANDREA: Ciccinu!

AGATINA: (Ai figli) Prestu, itili a chiamati subitu, curriti! Un pirditi tempu! (Escono)

DON COCO': E soccu m'avia a capitari nta li vicchiaie!

AGATINA: Ah, maritu mè, comu t'arruvinasti La gioventù! (Entrano Mastru Filippu e Ciccinu, seguiti da Andrea e Luiginu. Sono pieni di corni rossi e di altri arnesi di fattucchieri) Accussì prestu?

SCENA SESTA

(Mastru Filippu, Ciccinu e detti)

MASTRU FlLIPPU: (Con aria solenne e ieratica) Mastru Filippu lu scruccaturi arriva sempri a tempu giustu e sta sempri vicinu a li casi di chiddi chi hannu bisognu di essiri liberati di…

CICCINU: Di li spirdi!

TUTTI: Di li spirdi? E comu lu sapi?

MASTRU FILIPPU: (Piano, a Ciccinu) Bestia quatrupata! Unn'ha mai chi fari tu a parlari n'matula!

CICCINU: (Tentando di rimediare la tremenda gaffe) Di li spirdi, di li fattucchiarii, mali di luna, eccetra, eccetra, eccetra!  (Con Io stesso tono di Mastru Filippu) Mastru Filippu sapi tutti cosi! Un c'è bisognu chi diciti nenti…(Cambiando tono) Picchi nni mannastivu a chiamari?

DON COCO': Mastru Filippu, sta casa è popolata di spirdi tinti, disonesti e latri!

CICCINU: (Ridendo) Latri? Ccà, nta sta casa? Ha ha ha! (Ride, ma quando si accorge che tutti sono seri, cessa di ridere mortificato)

DON COCO': E allura…? Chi c'è di fari?

MASTRU FILlPPU: E allura capivi tutti cosi: attintati a mmia! Pi libirari sta casa di li spirdi bisogna chi iu e lu mè assistenti Ciccinu, esperti di casi disperati e non, passamu stanotti suli nta sta casa, senza nuddu di li prisenti…tranni niatri dù!

ANDREA: Altrimenti?

CICCINU: Altrimenti nn'incazzamu! Cusà!!

MASTRU FILIPPU: (Sottovoce e Ciccinu) Tu zittuti e fatti la quasetta! (A tutti) Suli…suli…ccà… nta sta casa! (Fa roteare le braccia in alto come se già avesse dato inizio ai riti)

DON COCO': E dunni durmemu stanotti cu ssà gran sorta di friddu?

MASTRU FILIPPU: A mali estremi, estremi rimedi.

DON COCO': Amuninni,amuninni tutti e lassamuli suli!

NINETTA: (Piangendo) Ma papà…

DON COCO': (Energico) Zittuti e musca! Amuninni! (Tutti escono tranne don Gaspanu)

DON GASPANU: Si nni stannu iennu tutti. Sarà lu fetu di lu rinali. Ora mi và curcu! (Rientrano tutti , prendono il nonno e lo trascinano fuori a forza) Nna passiata a st'ura? L'aria fina fa beni a lu cori e fa smoviri lu pitittu…e lu stommacu canta! (Tutti escono)

SCENA SETTIMA

(Mastri Filippu e Ciccinu)

CICCINU: (Inizia a parlare dopo essersi accertato che già tutti sono lontani) Mastru Filì, chi c'era dintra lu saccu?

MASTRU FILIPPU: Lu saccu? Quali saccu?

CICCINU: Ohe, facemu lu iocu di li tri carti, ccà? Lu saccu chi si pigghiau antura!

MASTRU FILIPPU: Antura? Ma di chi stà parlannu?

CICCINU: Talà, fa finta di un capiri! Lu saccu…(Gridandogli in un orecchio, sillabando) lu sa…ccu!

MASTRU FILIPPU: (Lo odora dappertutto) Lu vinu…lu vinuzzu novu, ah? Ti sculasti nna para di cannati di vinu e po’ strammulìi. Lu saccu…lu saccu…lu saccu di munnizza chi sì!

CICCINU: Don Cocò pigghiau tutti li cosi chi avìanu purtatu li flgghi e la mugghieri e li `nfilau dintra lu saccu. Iddu mi lu cafuddan n'testa senza addunarisinnu e mi ruppi li corna e poi, quannu iu…(Con fierezza) fici scantari a tutti…scumpariu!

MASTRU FILIPPU: Cu, don Cocò?

CICCINU: No, lu saccu! Ma…nna cosa la pigghiavi! (Esce dalla tasca la collana e la fa oscillare davanti agli occhi di mastru Filippu che la guarda quasi ipnotizzato) E chissu nenti è! Sa soccu c'è ammucciatu sutta lu maduni!

MASTRU FILIPPU: (Guardandosi intorno) Quali maduni?

CICCINU: Un maduni. Unu di chissi ccà! (Indica i mattoni con un dito)

MASTRU FILIPPU: Uncà certu: putia essiri unu di chiddi ddà? (Ciccinu lo guarda con aria smarrita) Va bè, seguitamu, picchi a cummattiri cu tia unu ci appizza lu sceccu cu tutti li carrubbi!

CICCINU: Ma di quali sceccu stà parlannu?

MASTRU FILIPPU: Di chiddu cagghiarisi chi si tu! Avà, pigghia lu marteddu e cumencia a scippari a unu a unu tutti ssì maduna!

CICCINU: (Tra sè) Picchì s'avi a cumenciari sempri di li così chiù sdisficili unni l'aiu caputu mai! Mah, santa pacienza! (Comincia a a togliere i primi mattoni. Al terzo mattone si ode un tuono fortissimo)

MASTRU FILIPPU: (Un pò sorpreso) Mah, antura c'era la luna, ora ci fù mutazioni…'n tempu di nenti…Lu vidisti, babbiuni, chi lu truccu di lu fantasma funzionau? (Cominciano a sentirsi rumori strani. Le porte iniziano a sbattere da sole, cadono oggetti, si sente l'ululato di un cane, versi di uccelli notturni, porte che cigolano paurosamente, stoviglie che cadono e si rompono, risate, urla. I due cominciano a tremare e si terrorizzano sempre più)

CICCINU: (Terrorizzato) Ma chi fù?

MASTRU FILlPPU: (Fingendo indifferenza ma col martello che gli trema in mano) Scippa, scippa e un fari caciara. Chi cridi a li spirdi?

CICCINU: (Tremando) Cu…iu? No…chi fà, babbìi? (Continuano gli strani rumori che diventano sempre più forti. A un certo punto vengono fuori dalla porta di destra due fantasmi veri, maschio e femmina!)

SCENA OTTAVA

(Fantasmi e detti)

FANTASMA MASCHIO: (Brandendo un grosso bastone nodoso) Chi vinistivu a fari ccà? Unni lu sapiti chi chista è proprietà privata? (I due si abbracciano terrorizzati. Tentano di nascondersi sotto il tavolo o si fanno scudo con una sedia)

FANTASMA FEMMINA: Chi fà, un parlati, ah? La fifa! Trimati, trimati! Ha ha ha!

FANTASMA MASCHIO: E ora chi vi pigghiastivu un beddii cacazzu, itivinni e un mittiti chiù pedi ccà! Picchi cu trasi ccà e vidi spirdi, ci nesci lu sensu di fora e addiventa foddi! (I due fantasmi escono)

SCENA NONA

(Mastru Filippu e Ciccinu)

(Mastru Filippu afferra Ciccinu per il colletto e tenta di condurlo fuori urlando)

MASTRU FILIPPU: Vinnimu ccà vistuti di spirdi e li spirdi nni stannu assicutannu! E iu ora chi ci cuntu a mè mugghieri?

CICCINU: (Stravolto e fuori di sè, alternando il riso al pianto alla disperazione) A sò mugghieri? Pezzu di schettu vecchiu, di quali mugghieri parli? Parenti? Amici? Ma iu unn'aiu parenti! Figghiu unicu di matri viduva sugnu! E mè frati mi dissi: "Un ci iri nta dda casa, picchi unni lu sai chiddu chi ti po’ capitari!" Ma iu, chi sugnu figghiu unicu, ci dissi a mè soru: "Dunn'è tò frati?" E idda m'arrispunniu: "Pezzu di beccamortu, ma un si figghiu unicu? E iu accussì ci pinsavi e un parlavi chiù. Ma…ora chi ci pensu…un frati l'avia! Ah, chi cunfusioni! Moru moru moru! La testa! (Si tocca il sedere) La cuda! (Si tocca la testa) Lu dinocchiu! (Si tocca la spalla) Lu giseri! (Scappa via terrorizzato. Mastru Filippu intanto è rimasto immobile e con le gambe strette. Quando Ciccinu esce, esclama:)

MASTRU FILIPPU: Aspetta…aspetta chi mi cacavi tuttu lu pantaluni! (Sempre a gambe strette, esce lentamente dalla porta centrale. La scena rimane vuota per alcuni istanti. Poi rientrano da destra i due fantasmi)

SCENA DECIMA

(I due fantasmi)

FANTASMA MASCHIO: Aahh! Finalinenti mi nn'allibbirtamu di sti dù disonesti! Acqua davanti e ventu darrè! (Intanto il fantasma femmina si è affacciata alla finestra) Bittina…oh Bittina…

FANTASMA FEMMINA: (Ride) Taliali comu currinu! Lu giuvini ha truppicatu tri voti!

FANTASMA M.: Ma chi t'affacciastì a la finestra? Picchì, attraversu lu muru unni l'avissi vistii lu stessu?

FANTASMA F.: E chi vò, ogni tantu mi veni un pocu di nostalgia pi la vita chidda vera, quannu m'affacciava a la finestra e passavi tu…

FANTASMA M.: E si vitti comu nni finiu ora a tia e a mia puru! Ma poi un ci pinsari: sti cretinati li fannu sulu li vivi! Dunca, canciamu discursu…Ch'amu a fari cu don Cocò e cu tutti chiddi di la sò razza?

FANTASMA F.: L'amu a scannaliari boni pi boni! Ci facemu truvari nna bedda littra sutta lu rinali!

FANTASMA M.: E chi ci scrivemu nta sta littra?

FANTASMA F.: Ci scnivemu nna formula magica cu sti palori scritti:

"Se la pace tu vorrai ritrovar

un tesoro dovrai conquistar!

Cercalo dappertutto:

tu non lo troverai

se non restituirai

tutto l'oro ed i denari

che hai rubato a chicchessia!

Dentro di te lo scoprirai

e fa rima con bontà:

è una parola e si chiama…"

FANTASMA M.: Papà!

FANTASMA F.: Sì, e tò nannu Filadelfiti cu li mutanni rosella! Onestà!!

FANTASMA M.: Onestà? E purti ci 1'amu a scriviri?

FANTASMA E: E no! Almenu stu sacrificiu di sfunniciarisi un pocu l'hannu a fari? Poi ci facemu truvari tuttu lu capitali nta nna quattrina di saccbi…e accussì vannu a cunsignanu tutti cosi a li legittimi proprietari! Tantu ci misimu puru li bigliettini, perciò un ponnu sbagliari!

FANTASMA M.: Ah, si unn'avissi a tia! (Le bacia la mano) E com'avissi a fari? Bah, sintemuni lu cumunicatu… (Si avvicina alla radio e l'accende. Si sente la canzone "Ghost") Ah, la nostra canzuna! Chi fà, nni la facemu nn'abballata? (Cominciano a ballare) Beddi tempi, quannu c'era cacchi cosa di tuccari!

FANTASMA F.: Sempri lu solitu vastasu! (Continuano a ballare fino a quando la musica sfuma e le luci si abbassano lentamente)

FINE DEL PRIMO ATTO

                                

ATTO SECONDO

(La stessa scena dei primo atto. Una settimana dopo)

SCENA PRIMA

(Andrea, Luiginu, don Cocò.)

(Sono seduti tutti e tre intorno a un tavolo e battono le dita  in segno di nervosismo. C'è un'aria funerea e di rabbia)

DON COCO': Nni misimu l'acqua dintra e lu rubinettu fora!

ANDREA: Nni riparamu dunni chiovi, nni riparamu!

LUIGINU: Sà chi fini ficiru ddi dù `mbrugghiunazza! Oh, un si nni seppi chiù nenti!

DON COCO': Pi un si fari vidiri chiù, avrannu un carvunazzu vagnatu…

ANDREA: Vagnatu? Culatu e fradiciu! (Suona il campanello) E cu è?

DON COCO': Sonanu!

LUIGINU: A la nostra casa? Aspetta chi affacciu e viu cu è! (Si affaccia alla finestra, si ferma un attimo a guardare, poi si gira di scatto come se avesse visto qualcosa di molto strano e ridendo a crepapelle esclama) Papà…Andrè! C'è unu chi pari un scienziatu pazzu! Avi li capiddi nta ll'aria, un cappiddazzu biancu tuttu sfunnatu, nna cammisa bianca, pò avi nna cruci russa n'frunti e nn'atra nta tu pettu chi pari unu di la cunfraternita di lu Santu Patri! Avi un fogghiu n'manu, un giummu nta lu coddu, nna cianciana attaccata a l'aricchi, un martidduzzu nta la sacchetta di la cammisa…(Ogni volta che dice un particolare si affaccia alla finestra) Ah, avi puru nna lampadina n'testa!

DON COCO': Mih, ci sta facennu lu ritrattu! E chiudi ssà finestra, citrolu senza sali! Appena trasi lu videmu st'arvulu di la cuccagna! (Entra il dottor Osram così come lo ha descritto LUIGINU: indossa un cappello bianco in testa con il simbolo della Croce Rossa, ha alle orecchie un fonendoscopio, un martelletto nella tasca del camice, un foglio in mano, indossa un papillon rosso e ha in testa una lampadina da sala operatoria. Stupore e ilarità di tutti) E chistu cu è? Iachinu Spampinazzu mi pari!

SCENA SECONDA

(Dottor Osram e detti)

DOTTORE: (Con forte accento tedesco) Gudd natiche! Mi presento: sono il dottor Osram, direttore del manicomio per pazzi irrecuperabili "Clinica Dante…Lasciate ogni speranza o voi ch'entrate!"

LUIGINU: (Al pubblico) Eh, cu di speranza campa…cu l'arterie mori!

DOTTORE: Sono venuto in questa casa un po’…un po’…(Si guarda intorno) malconcia…

DON COCO': Malconcia? Comu si permetti? Chissa nna reggia è!

DOTTORE: (Con sarcasmo) Si, nè più nè meno…sembra la Casina di Mistretta! Sono venuto in questa casa…casa…si fa per dire…per comunicarvi che i signori…(Apre il foglio e legge con gli occhi incollati alla carta) Filippo lo scroccatore e Ciccino, suo alutante, sono da una settimana ricoverati nella nostra gloriosa clinica! (Dice queste ultime parole come se fossero la parte finale di un comizio)

CICCINU: Di pazzi!

DOTTORE: (Risentito) Come si permette? Non generalizziamo… I miei pazzi non sono i soliti pazzi…ma (Altera l'espressione del volto) pazzi particolari…furiosi… incontrollabili!

DON COCO': Comu a lei!

DOTTORE: (Che non ha capito) Come?

DON COCO': (Facendo il finto tonto) No…dicìa giustu lei! Iemu avanti cu sta discussioni chi è `nteressanti!

DOTTORE: Allora, come dicevo prima, i due sono ricoverati da noi e delirano da alcuni giorni e anche di notte, ripetendo frasi del tipo "Nni futteru !…Li spirdi veri fregaru a chiddi fausi!…Lu saccu cu si lu carpiau…" e altre cose di questo tipo!

DON COCO': (Con sospetto) E lei di niatri chi voli?

DOTTORE: Come cosa voglio? Voglio sapere se siete voi i responsabili di questa…(Apre gli occhi e li fa roteare) pazzia!

DON COCO': Niatri? E chi c'entraniu niatri? Orva di l'occhi, duttù, niatri un sapemu nenti! E poi iddi ci vosiru arristari ccà pi assicutari a li spirdi! Sà chi appiru chi ghieru a finiri a lu manicomiu!

LUIGINU: Chi ci pari chi li spirdi semu niatri? Tocca duttù, tocca! (Gli afferra una mano e gliela sbatte sul petto) Semu tosti e duri comu nna coscia di cunigghiu attileticu!

DOTTORE: (Disgustato) Toglimi le mani di dosso, brutto villano e maleducato! Come ti permetti? Non sai che io sono il dottor Wolfgang von Osram, della chiarissima università di Francoforte?

LUIGINU: (Fa una pernacchia) Amico caro, a niatni unn'interessa si Francu è forti, picchì iddu è unu e niatri semu tri!

ANDREA: Tanta pi mettiri i puntini sugl'I! E poi niatri a cu aviamu a fari scantari? Picchì, un semu beddi?

DOTTORE: Visto il vostro linguaggio poco acculturato, non voglio continuare ulteriormente questo impari dialogo tra sordi!

DON COCO': E chi c'entra mè patri?

DOTTORE: Non ho il piacere, caro signore, di conoscere suo padre, ma posso ritenermi pienamente soddisfatto di aver conosciuto il qui presente figlio!

DON COCO': E allura salutamu e cacciamu! (Lo afferra per il colletto e lo sbatte fuori dalla porta a pedate) E salutami a tò soru!

DOTTORE: (Dall'esterno) Io non ho sorelle! Sono figlio unico! Di madre vedova…ma mia sorella… (Si allontana)

SCENA TERZA

(Andrea, Luiginu e don Cocò)

LUIGINU: Cu pratica lu zoppu s'insigna a zuppichiari!

ANDREA: Poi dicinu chi li foddi s'hannu a cumpatiri! A unu a unu, pigghiati a suli, sunnii tutti picciotti boni, ma quannu si uncinu...

DON COCO': Ah, la stessa cosa chi succedi n'Cuntinenti, a la Cammara di li Deputati!

LUIGINU: Sì, ma ddà la cosa chiù tinta è!

ANDREA: E picchì?

LUIGINU: Picchi ddà sù tinti pigghiati a suli, pensa quannu si uncinu! (Entra dan Gaspanu col vaso da notte)

SCENA QUARTA

(Don Gaspanu e detti.)

(Entra col vaso da notte in mano. Tutti lo osservano attentamente mentre cammina molto lentamente. Posa il vaso a terra e comincia a guardarlo)

DON COCO': Chi taliati, papà?

DON GASPANU: Taliu…taliu…lu mè destinu! Sugnu attuppatizzu e vidilu vacanti mi fà una pena…

DON COCO': Certu, pignata taliata un vugghi mai! Amuninni picciotti, iemu a carricari quattru catasti di braccami!

LUIGINU: Trì, papà!

DON COCO': Trì? E picchi?

LUIGINU: (Indicando dan Gaspanu) Picchi una già l'avemu dintra! (Viene aggredito da tutti e costretto ad uscire frettolosamente. Andrea, Luiginu e don Gaspanu escono dalla porta centrale e don Gaspanu esce dalla porta di sinistra, lasciando a terra il vaso da notte La scena rimane vuota per alcuni istanti. Dalla porta di destra entrano i due fantasmi)

SCENA QUINTA

(I due fantasmi)

FANTASMA MASCHIO: Ah, finalmenti suli! Lu fogghiu ccà l'hai?

FANTASMA FEMMINA: (Esce da sotto il lenzuolo un foglio arrotolato, lo srotola e ne legge il contenuto tra sè, bisbigliando le parole scritte) Ehm…si…tuttu a postu…senza errura di nudda specie!

FANTASMA M.: Fantasimi intellettuali semu! Ma…si chisti sù alfabeti, comu farannu a leggiri sta cosa?

FANTASMA F.: Lu vecchiu don Gaspanu cacchi cosa la `nquacchia. Chi lu Signuruzzu nni la mannassi bona!

FANTASMA M.: Però si si pentinu e cancianu vita, niatri arristamu disoccupati!

FANTASMA F.: Disoccupati? Ha ha ha! (Ride)

FANTASMA M.: Chi ci ridi?

FANTASMA F.: Pari chi l'atri famigghie sunnu tutte oneste! O maritu, grapiti l'occhi e taliati `nturnu: nni vidi cosi boni? Rispunni: assai nni vidi cristiani onesti?

FANTASMA M.: (Pensa) Iu dicu ch'avemu lu `mmarazzu di la cernia!

FANTASMA F.: Sì, di lu scurmu e di lu pisci palummu! Basta chi t'affacci di ccà, a destra c'è la zà Rosa: precedenti penali…

FANTASMA M.: Iemuci adaciu cu li precedenti penali, picchì ognunu si teni li peni sò!

FANTASMA F.: Sempni ddà batti, cu li doppi sensi!

FANTASMA M.: A sinistra c'è Giuvanninu lu scarmazzu, chi avi puru li sò precedenti.

FANTASMA F.: Penali?

FANTASMA M.: No! Precedenti…(Fa le corna)

FANTASMA F.: Ah, curaggiu: dù famigghi l'attruvamu! (Si sentono le voci concitate di Ninetta e Agatina che discutono animatamente e si stanno avvicinando alla casa.) Prestu, stannu arrivannu! Amuninni! (Sta per uscire ma viene trattenuta dal marito)

FANTASMA M.: Dunni và? Lu fogghiu sutta lu rinali!

FANTASMA F.: Veru! (Piega frettolosainente il foglio e lo colloca sotto il vaso da notte. I due escono frettolosamente da destra. Appena richiudono la porta, entrano Ninetta e Agatina)

SCENA SESTA

(Ninetta e Agatina)

NINETTA: Li masculi, cara mamà, sunna sempri li stessi! (Imitando la voce di don Cocò) "Chiamati a mastru Filippu e a ddù beccu `mpagghiatu di lu sò giuvini!» Cu dda funcia modda! Chiamatili, chiamatili! (Piange) Lu vidistivu comu nni finiu? Bona, bona veru nni finiu!

AGATINA: (Su tutte le furie) Pi sta vota decidera iddi, ma quanta è veru Diu, la prossima vota…

NINETTA: Diu, Diu…Lassatilu iri a Diu ddà dunni s'attrova, chi unn'avi tempu pi sti cretinati! Lu Signuruzzu l'ammintuamu sempri quannu li cosi sfilanu torti, quanna a cacch'ancunu ci veni…un paralisi, un stinnicchiu, un corpu di ventu, un rivugghiu di ficati…

AGATINA: E bona, bona! Zittuti! Tutti tu li canusci li malatìi di stu munnu? Soccu veni veni, ccà semu, a vulantà di…(Si ferma all'ultimo momento) A vuluntà nostra! (Si ferma pensierosa) A propositu…ma oggi ann'aviamu a esigiri li sordi di donna Sara la catastuna? Unn'avemu vintitrì?

NINETTA: Beddu nummaru veru! Lu nostru nummaru furtunatu! (Risoluta) Iu un ci vaiu a esigiri sti sordi! Basta! Sugnu stuffa! Ma unni l'hai caputu chi è tutta una maledizioni? L'amu a finiri cu sta vita scillirata! Chi nn'arresta, un quartu di pinsioni? Amu versatu contributi e marche? Ma unni la capisci chi sti sordi sunnu maliditti? Prova a livari il sordi di stu munnu: un ci fussiru nè guerre, né ammazzatini, nè latri…

AGATINA: (Interrompendola) E mancu usurai! Camina, camina! Cu un travagghia un mancia!

NINETTA: Attronni ccà si mancia assai…Porca loca, rumpissi tutti cosi pi li nervi! (Dà una pedata al vaso da notte che, per fortuna è vuoto. Sotto di esso c'è il foglio. Ninetta lo raccoglie) Talà, lu nonnu si scurdau la carta sutta lu rinali. (Tocca la carta) Ma sta carta è dura…E a chi ci servi?(Apre il foglio) Ma c'è scritta cosa, mamà. E chi c'è scrittu? (Porge il foglio alla madre)

AGATINA: (Scontrosa) T'arriparasti dunni chiovi! Chi và circannu, finocchi di timpa? Si ccà un c'è nuddu chi si fida a leggiri?

NINETTA: (Riprendendo il foglio, lo gira e lo rigira) Ma sta cosa un putissi essiri…chi sacciu…nna mappa?

AGATINA: Si, la mappina! E chi tesori ci hannu a essiri ccà? Ma…lu nonnu cacchi cosa unni la sapia leggiri nna vota?

NINETTA: Cacchi cusuzza, ma ci vulissi la tinagghia pi scipparici li palori! E nna mezza iurnata! Però la iocu vali la cannila…Và chiamalu, mamà!

AGATINA: (Scattando) Subitu! (Si ferma) Và chiamalu? E ti pari facili!

NINETTA: Attrappalu pi lu cozzu e lu porti ccà! (Agatina esce. Attimi di silenzio. Prende uno straccio e comincia a spolverare) Lu tesoru! Beddi tesori ci hannu a essiri ccà! (Entrano Agatina e DON GASPANU: quest'ultimo sta per alzarsi i pantaloni e si attacca la cintura)

SCENA SETTIMA

(Don Gaspanu, Ninetta e Agatina)

DON GASPANU: (Entrando) Mancu lu sò bisognu si pò fari n'santa paci! (Alle donne) Chi c'è, ah? Si sdirrupau la campana di lu Carminu?

AGATINA: E anchi si si sdirrupava, iddu veru si nn'avia a addunari! (Gli porge il foglio) Assa pè: liggissi ccà! (Il vecchio porta una mano all'orecchio, per sentir meglio) Liggissi ccà! (Urlando) Liggissi ccà!!

DON GASPANU: (Tocca il foglio per vedere la consistenza della carta, poi di scatto) Cu ssà carta lu comusichiama tò t'ha ghiri a stuiari!

NINETTA: (Sempre forte) No! Leggiri, leggiri!

DON GASPANU: (Che finalmente ha capito) Ah, leggiri? E santa figghia, picchì un mi lu dicivi prima? Aspetta chi pigghiu l'occhiali…(Esce dalla tasca della giacca un paio d'occhiali e comincia a leggere) Se…la…pace…tu vorrai…ritrovar…

AGATINA: Dumani matinu cu l'acquazzina! Forza chi agghiurnau! Mittiti n'capu la pignata chi facemu notti!

NINETTA: E zittuti e stà attenta a soccu leggi! Sà chi fissarii ci sù scritti! (Continua distrattamente a spolverare)

DON GASPANU: Un te…so…ru!

AGATINA: (Bloccandosi incredula) Chi dissi? Tesoru?

NINETTA: (Euforica) Sì, mamà! Tesoru dissi! Semu ricchi! Ricchi sfunnati!

AGATINA: (Nascondendo a stento l'agitazione) Aspetta, un curriri! Facemulu finiri di leggiri!

DON GASPANU: Dovrai…conquistar!

NINETTA: (Delusa) E ti parìa chi nni lu davanu subitu!

DON GASPANU: Cercalo…dappertutto! (Le due donne cominciano a rovistare freneticamente dentro i cassetti, sotto i soprammobili, persino nella tasca della giacca del nonno) Tu…non…lo…troverai!

AGATINA: (Fermandosi) Talà ch'è bedda chista!

DON GASPANU: Se non restituirai…tutto l'oro…ah…iddi!

NINETTA: Comu "iddi"?

DON GASPANU: Iddi…loro!

AGATINA: Ma quali iddi! Ccà si parla d'oru!

DON GASPANU: Ed i denari…che hai rubato…a chicchessia!

AGATINA: Ma si li derubati semu niatri?

DON GASPANU: Se un tesoro…tu…vorrai…

NINETTA: Certu chi lu vulemu!

DON GASPANU: Dentro di te…lo…scoprirai!

AGATINA: Dintra di mia? E dunni? (Si tocca le parti del corpo che elenca) Nta lu stommacu? Nta lu ficatu? Nta lu cori?

DON GASPANU: E fa rima con…bontà…è una palora…e si…chiama…

AGATINA: Si chiama?

DON GASPANU: Si chiama…

NINETTA: E comu schifìu si chiama?

DON GASPANU: (Gettando il foglio sul tavolo, spossato per la grande fatica) Finì di la littra. Accussi finisci!

AGATlNA: Accussi?

NINETTA: Chi bedda fregatura!

AGATINA: E un capisci vera nenti? Truccu c'è, truccu! E' un ghiocu!

NINETTA: Iocu? Certu, quarcunu nni voli fari sfunniciari boni pi boni!

AGATINA: Amu a truvari la palora chi fa rima cu bontà!

NINETTA: (Comincia a dire una serie di parole che potrebbero fare rima con bontà) Papà! (Ad ogni parola Agatina fa cenno di no col capo) Mamà! Giufà! Sasà! Nanà!

DON GASPANU: Ah, lu capivi: baccalà!

AGATINA: Ora no! Mancu una un'insirtastivu! Allura: riunemu lu cunsigghiu di famigghia al gran completo e videmu di chi si tratta! (A Ninetta) Prestu, affaccia a la finestra e chiama a tò patri e a li tò frati!

NINETTA: (Si affaccia alla finestra e comincia a chiamare con voce forte e sguaiata, quasi in falsetto per fami sentire) Papà! Andrè! Luigì! Prestu, viniti subitu, prestu! (Si odono urla e imprecazioni dei tre che frettolosamente raggiungono la casa correndo, con una certa apprensione. Entrano sbuffando e gesticolando)

SCENA OTTAVA

(Don Cocò, Andrea, Luiginu e detti)

DON COCO': Allura, chi fù? Disturbati nta lu mumentu chiù beddu di lu sirvizzu!

LUIGINU: Propriu mentri arrivava la corriera di Salaparuta!

ANDREA: (Che ha capito che il motivo della chiamata non è poi tanto grave) Cosi `mpurtanti, di fimmini! Chi c'è, cacchi quasetta spirtusata?

DON COCO': Cacchi vugghia nta lu pagghiaru, è veru, donna Agatina? (Gli dà una pacca sulla spalla e lei risponde con un sonoro ceffone)

AGATINA: (Con le mani ai fianchi) Ccà c'è un tesoru!

ANDREA: (Sorridendo) Dunni, ccà, nta sta casa?

LUIGINU: Dintra lu rinali, capaci! In un sbagliu mai!

NINETTA: Sempri! Unn'inserti mai una! Ccà è, però…

I TRE UOMINI: Però?

AGATINA: Però…un si sapi socch'è!

ANDREA: E chi pò essiri? Oru…Vicenzu…

DON COCO': E birra! Ha ha ha! (Ride)

LUIGINU: Minzioni, Badassanu e Asparinu!

DON COCO': Chi sacciu…brillanti, aneddi, diamanti?

AGATINA: E un curriti troppu! Leggi, leggi! (Dà il foglio a don Cocò che lo gira, lo rigira, ma poi sbotta)

DON COCO': Ma si un sacciu leggiri! Com'è stà storia di la rima?

NINETTA: Accussì dici la fogghiu: "E fa rima con bontà, è una palora e si chiama…" (Silenzio)

DON COCO': (Illuminato da un'idea) Eccu! Sulu li spirdi nni ponnu aiutari! Quanta è veru Diu, mi iucassi la testa chi sta littra la scrissiru iddi! E allura…

ANDREA: Ci voli lu tavulu cu tri pedi…

LUIGINU: E amu a fari la catina!

AGATINA: Seduta spiritica!

NINETTA: E cu li chiama li spirdi? Ci voli donna Titidda l'apparasiata! Prestu, Luiginu, và chiamala, spidugghiati! (Luigino esce)

SCENA NONA

(Tutti meno Luiginu)

DON COCO': (Tremando guarda l'orologio) Forza e curaggiu…La seduta spiritica…a la nostra casa…(Si alza di scatto) Scusati, avia nn'appuntamentu! (Sta per uscire ma viene trattenuto dalla moglie) Però…si un ci vaiu…è lu stessu…cì pozzu iri puru dumani…si, dumani! (Si mette le mani sulla testa perché aspetta da un momento all'altro le bastonate della moglie) Dumani ci vaiu! Si…sì ci campu! Anzi…podumani! Pi dumani è megghiu chi mi staiu quatilatu…un si sapi mai…un corpu di ventu…

AGATINA: O di scupa n'testa! Assettati ddocu e aspetta! (Entra donna Titidda l'apparasiata, sorretta da Luiginu. Si muove a stento, veste di nero, cammina aiutandosi con un bastone, porta in testa un cappellino nero. Entrando, batte il bastone a terra, proprio vicino a don Cocò che non si è accorto del suo arrivo. Al colpo del bastone, don Cocò salta dalla sedia inorridito)

SCENA DECIMA

(Donna Titidda, Luiginu e detti)

DON COCO': (Urlando) Li spirdi, aiutu! (Si nasconde sotto il tavolo, poi si accorge del bastone di donna Titidda. Si alza, asciugandosi il sudore con un enorme fazzoletta malandato) Ah, menu mali! Donna Titidda! (L'abbraccia e la bacia)

DONNA TITIDDA: (Con feroce ironia) Ma ch'è simpaficu don Cocò! Pari quasi n'avutru cristianu! Allura, assittamuni e cuminciamu subitu, picchì oggi mi sentu un pocu accarcaciddata!

LUIGINU: (Al pubblico) Allura quannu si senti bona…avi a pariri nna cunserva di scorci d'arancia!

DONNA TITIDDA: (Attirando l'attenzione su di sè con sguardo magnetico e occhi fuori dalle orbite) Assittativi tutti a firriari `nturnu a lu tavulu! (Tutti eseguono spaventati) Uncemu li manu…abbassamu li luci…(Tutti formano una catena con le mani e Luiginu si alza e va a spegnere la luce. La stanza resta avvolta in una luce rossastra molto lugubre) Spirito…se ci sei…batti un colpo! (Si ode un tuono fortissimo)

DON COCO': (Con voce spezzata dalla paura) C'è!

DONNA TITIDDA: St'omu fici la scoperta di la carta vitrata! C'è, cè! (Donna Titidda cambia anche il tono della voce) Cosa volete sapere?

AGATINA: La rima di…di…(Ha dimenticato la parola)

NINETTA: Bontà!

DONNA TITIDDA: (Dopo un pò di silenzio) Vonnu veniri iddi ccà a purtarivi la soluzioni. Ponnu veniri?

DON COCO': Cù, li spirdi? (Donna Titidda risponde di si con il capo) Abbasta chi truvamu stu tesoru, pò veniri cu è gghiè! Tantu, ormai, iurnata rutta rumpila tutta! Forza…curaggiu…(Dalla porta di destra entra il fantasma maschio che fa passare un lembo del lenzuolo davanti al volto di dan Cocò che si alza di scatto e lancia un grido di paura)

SCENA UNDICESIMA

(Fantasmi e detti)

DONNA TITIDDA: (A don Cocò) Zittuti e assettati, cacaruni! (Al fantasma) Avanti, avanti! Quali onuri! E la sò signura?

FANTASMA M.: Si un porta disturbu, la chiamu subitu! Bittina, oh Bittina…(Si apre la porta e appare il fantasma femmina)

DONNA TITIDDA: (Con soddisfazione) Ah, ora semu tutti!

DON COCO': (Morto dalla paura) Veramenti nna bedda cumpagnia!

DONNA T1TIDDA: (Al fantasmi) Allura, vuliti accuntintari sti signuri? (Ai presenti) E vuiatri chi ci aspittati a salutari la signura?

DON COCO': (Bacia la mano al fantasma) Un pocu fridda…

ANDREA: (C.s.) E `ncutrunuta!

LUIGINU: (C.s.) Ogni tantu li manu si li putissi lavari!

FANTASMA M.: Allura, li cosi stannu accussì: li dù `mbrugghiuna chi ora si trovanu a lu manicomiu li ficimu scantari niatri pi salvari la vostra situazioni chi già unn'è tantu bedda bedda! Vi vulianu fregari, n'parole povere! E ora passamu a li presenti: vuliti sapiri socch'è lu tesoru? La palora misteriosa è… è…è…onestà! (Delusione e sgomento sugli occhi di tutti) Aviti a canciari vita, picchi danni nn'aviti fattu senza fini e pietà! E si vuliti campati filici aviti a restituiri tuttu chiddu chi aviti arrubbatu!

DON COCO': Chiddu ch'avemu arrubbatu…o chiddu chi nn'hannu fregatu? Chi beddu tesoru c'è nta sta casa! Sà soccu m'immaginava!

FANTASMA F: E propriu chissu è lu problema, chi stu tesoru, nta sta casa, un c'è!

DON COCO': (Meravigliato) Comu un c'è?

FANTASMA F.: Ancora un c'è!

ANDREA: E poi, anchi vulennu, comu facissimu a turnarici tutti cosi nn'arrè a chiddi ch'avemu derubatu?

FANTASMA F.: E' tantu facili…1'avemu niatri!

TUTTI IN CORO: Vuiatri?

FANTASMA M.: Niatri! Troppu commudu avissi statu pi vui campari ricchi e filici a li spaddi di quattru poveri disgraziati, è veru, don Cocò?

DON COCO': (Spaventato e unbarazzato) Ma…iu…E st'onestà? Assai vali? Assai costa? E si unu…putacasu…la vulissi…vinniri?

FANTASMA F.:

Vinniri? Ha ha ha! (Ride) Sti cosi, cari signuri, nè s'accattanu, nè si vinninu! O unti l'avi…

FANTASMA M.: O unni l'avi! Cu l'avi è riccu…

FANTASMA F: E cu unni l'avi è scarsu! (I fantasmi escono un attimo e tornano con quattro enormi sacchi) Ccà ci sunnu tutti cosi! E mi raccumannu: puru si vi tiniti nna spingula, lu tesoru un sarà vostra!

LUIGINU: E comu facemu a darli nn'arrè? Soccu ci dicemu a li cristiani? Comu minimu nni dunanu nna fraccata di lignati!

FANTASMA M: No, Luiginu! Diciti la virità, sempri, chi tuttu s'aggiusta. E poi, accussì comu vi li stamu dannu, vi li putissimu puru ripigghiari! E' tanta logica la cosa…Signuni, tanti saluti e arrivederci!

DON COCO': (Ai fantasmi) Un minutu, a vossia: e comu facemu a ricurdarini di cu sunnu tutti l'oggetti?

FANTASMA M.: Ci sunnu li bigliettini scritti!

LUIGINU: Ma semu alfabeti!

FANTASMA F.: (Infastidita) Vi purtati a don Gaspanu! (Escono)

SCENA DODICESIMA

(Tutti tranne i fantasmi)

AGATINA: (Delusa) E chissu era lu tesoru?

NINETTA: (Soddisfatta) Chissu era tu tesoru!

DON COCO': Però chiddi dissiru chi si lu damu l'avemu e si nni tu tinemu…Ah, un ci staiu capennu chiù nenti! Donna Titidda, ch'amu, a fari? Semu nta li sò manu!

DONNA TITIDDA: O faciti chiddu chi vi dissiru…o vi finisci mali! (Si alza) Putiti addumari la luci! (Luigino si alza e accende la luce) Iu lu mè duviri lu fici. (Tutti si avvicinano a donna Titidda ringraziandola, beciandola, abbracciandola. Poi, improvvisamente) Trentacincumila liri!

DON COCO': Comu?

DONNA TITIDDA: Trentacincumila! Ci dissi lu priuri a la badissa: "Senza sordi un si nni canta missa!"

DON COCO': Curcati cu ssù truccu! E ti parla chi si nn'ia accussì senza nenti? (Gli dà i soldi che esce da una tasca,lentamente, quasi non volesse mai separarsene) E vulau lu primu pezzu di tesoru!

ANDREA: Luiginu, accumpagnala!

DONNA TITIDDA: No, grazie! Ora macari mi sentii chiù alliggiata! Arrivederci! (Esce)

SCENA TREDICESIMA

(Tutti meno donna Titidda)

NINETTA: Alliggiata idda e puru la sacchetta di mè patri!

DON COCO': (Rompendo ogni indugio) Prestu, un saccu l'unu e un si nni parla chiù! (Dà i sacchi a Ninetta, Agatina, Andrea e Luiginu, ma prima di dare il sacco a quest'ultimo, lo apre, prende una collana e se la mette in tasca) Avanti, itivinni e un pirditi tempu! (Tutti escono. Rimane solo dan Cocò. Si affaccia alla finestra) Andrea! Luiginu! Vi scurdastivu a lu nonnu! (I figli entrano, prendono il nonno e lo conducono fuori di peso sulla sedia stessa, aiutati da Ninetta e Agatina, come se fosse su una portantina)

DON GASPANU: E bona mi finiu! Comu lu Santu Patri!

LUIGINU: Sulu chi iddu è un pocu chiù leggiu! Amuninni!

DON GASPANU: (Uscendo) E la banna? Li cannili? L'Esploratori? La cunfratemita di la bedda matri di la Libera? (Tutti escono, tranne don Cocò che, prima di uscire anche lui, esce la collana dalla tasca e la guarda)

DON COCO': Pozzu cridiri chi pi nna cosa sula…(Esce. La scena è vuota per alcuni istanti. Una mano bianca toglie il vaso con i fiori appassiti e al suo posto mette un vaso con bellissimi fiori freschi. A questo punto si sentono alcune voci che si accavallano e discussioni animate. Dopo un pò rientrano tutti. Sono sorridenti, tranne don Cocò)

SCENA QUATTORDICESIMA

(Andrea, Luiginu, Ninetta, Agatina e don Cocò)

ANDREA: Papà, avivi a vidiri chi sceni! Li cristiani, a lu postu d'arrabbiarisi, m'abbrazzavanu e mi vasavanu!

LUIGINU: E quannu ci cuntavi tutti cosi a Caliddu lu zappafavi, si misi puru a chianciri pi la filicità!

AGATINA: Ah, mi livavi un pisu di la coscienza, mi livavi! Mi senta chiù…chiù…ma comu vi l'ha fari capiri? Anchi si fora chiovi è comu si ci fussi un gran suli!

NINETTA: E taliati sti ciuri: eranu sicchi e ora fannu un ciavuru…Ciarati, ciarati! (Tutti odorano il vaso e Luiginu starnutisce. Poi tutti si accorgono che don Cocò giace in un angolo, buttato su una sedia e si asciuga il sudore) E tu, papà, nenti dici?

DON COCO': (Stravolto) E ch'ha diri? Biati vuiatri chi sui cuntenti, mentii iu aiu un gruppu ccà, comu nna cosa chi mi sta affucannu! (Si cinge il collo con le mani) E lu nonnu?

TUTTI: Lu nonnu! (Tutti escono precipitosamente. Don Cocò rimane solo)

SCENA QUINDICESIMA

(Don Cocò)

DON COCO': (Esce dalla tasca la collana e parla da solo con affanno) Sta cosa…sta addivintannu pesanti…troppu…e un mi fidu chiù a tenila n'manu! Malidizioni a mmia e a idda puru! (La getta a terra. Poi la raccoglie di nuovo e se la rimette in tasca) Aaahh! Staiu murennu! Moru, moru! Donna Rosa! Donna Rusulia! Aiutu! Aiutu! (Cade a terra svenuto. Entrano donna Rosa e donna Rusulia che lo soccorrono, lo rianimano, gli danno un bicchiere d'acqua e lo rimettono a sedere, dopo avergli asciugato il volto)

SCENA SEDICESIMA

(Donna Rosa, donna Rusulia e don Cocò)

DON COCO': (Rasserenandosi) Grazie…grazie assai! Lu Signuri vi lu paga!

DONNA ROSA: (Meravigliata) Lu Signuri? Chi fà, canciastivu partitu, don Cocò?

DON COCO': Ma chi partitu? Diu, lu Signuruzzu, la Madonna!

DONNA RUSULIA: Sparla, mischinazzu!

DON COCO': E vuiatri, comu vi la passati?

DONNA ROSA: E comu nni l'amu a passari? Sempri la solita vita…(Un pò afflitta)

DONNA RUSULIA: Nni liccamu la sarda! L'avutru iornu, propriu mentri stavamu iennu a lu Munti di Pietà pi `mpignari nna collana…un farfantazzu nni l'arrubbau!

DONNA ROSA: (Interrompendola) Sì', s'avianu cumminciutu a pigghiarisilla! E m'avia cridiri, ci parlu comu nna soru! Cu ssì sordi avissimu pututu campari boni st'atri quattru iorna chi nn'arrestanu…e `mmeci…(Piange)

DONNA RUSULIA: (Piangendo anche lei) E `mmeci campagni campagni a cogghiri soccu capita: funci, iudischi, carduna, qualedda, scornabecchi, sparaci di trona… Ma si l'avissi ccà a ddù miserabili chi si pigghiau la borsa cu tutta la collana, ci tuicissi lu coddu e poi…

DON COCO': (Gettandosi in ginocchio ai piedi delle due donne) Ccà c'è lu miserabili chi circati (Esce la collana dalla tasca e la porge alle donne) e ccà c'è la collana! Facitimi soccu vuliti! Sugnu nta li vostri manu! E un chianciti! Si ccà c'è unu chi avi a chianciri, chissu sugnu iu! (Scoppia in un pianto dirotto e viene confortato dalle due donne)

DONNA ROSA: Avogghia, don Cocò, si susissi! A tuttu c'è rimediu!

DONNA RUSULIA: Dunni l'omu un ci pò, Diu pruvvidi!

DON COCO': Ah, comu finiu la mè vita: iccata a lu ventu!

DONNA ROSA: Don Cocò, la sò vita cumencia ora! (Rientrano tutti i familiari con il nonno. Si ode la banda che suona)

SCENA DICIASSETTESIMA

(Andrea, Luiginu, Ninetta, Agatina, doti Gaspanu e detti)

DON COCO': E chi fù, li Vespri Siciliani?

LUIGINU: Papà, cu ss'abbunnanza di santi e prucissioni, a sgarrari iurnata si ci stà picca e nenti!

ANDREA: E nni vinniru tutti appressu!

AGATINA: Un populu!

NINETTA: Nna marea di genti!

DON COCO': Oggi aria nova nta la mè casa! Tutti ridinu e sunnu filici e cuntenti! D'oggi n'poi cumencia nna vita nova! (Si avvicina alla radio e l'accende) Musica! (Si ode la musica di una sfrenata tarantella. Tutti iniziano a ballare, scambiandosi ii partner. A un certo punto, nel bel mezzo della danza, entrano i due fantasmi. Donna Rosa e donna Rusulia fuggono via terrorizzate)

SCENA DICIOTTESIMA

(Fantasmi e detti, meno donna Rosa e donna Rusulia)

DON COCO': (Ai fantasmi) Chi vuliti, genti `gnuranti! Unn'avianu vistu mai spirdi!

FANTASMA M.: Semu propriu filici chi siti filici!

FANTASMA F.: Bravi! Ora siti veru una bedda famigghia! Ma…

TUTTI: Ma?

FANTASMA M: Nn'amu a salutari!

FANTASMA F.: Partemu!

DON COCO': Partiti? No, pi carità! Un vi nni iti! (Tutti implorano) E poi un beddu cacazzu a cacchi cristianu `ntipaticu un ci lu puliti fari pigghiari?

FANTASMI: (In coro) Già fatto! (Indicano i presenti)

ANDREA: Prego, "ex"! Mettiamo i puntini sugl'i!

LUIGINU: Parlau l'alfabeta!

FANTASMA M.: Allura…

FANTASMA F.: Arristamu! (Grida di esultanza di tutti i presenti. Suona il campanello)

LUIGINU: E cu sarà?

NINETTA: (Si affaccia alla finestra) Talà, don Turiddu e lu chierichettu!

DON COCO': Aiu statu sempri un manciaparrini, ma ormai…

FANTASMA M.: Lu parrinu? Prestu, ammucciamuni! (Escono da destra. Don Cocò apre la porta centrale)

SCENA DICIANNOVESIMA

(Don Turiddu, chierichetto e detti, meno i fantasmi)

DON COCO': (Vedendo entrare don Turiddu) Ooohh! Don Turiddu! Cristo regni!

DON TURIDDU: (Un pò sorpreso per l'accoglienza) Sempre. E chì, famigghia riunita oggi?

DON COCO': E a lei quali ventu lu porta oggi ccà?

DON TURIDDU: (Guardandosi intorni sospettoso) Lu ventu? Ma…un sulu lu ventu…lu ventu porta paroli…e li paroli volanu…e si sentinti notizie nta lu paisi… spirdi… diavuli… furti…sedute spiritiche…fattucchiarìi…

DON COCO': E no, don Turiddu, chissu no! Oggi c'è nna luci forti nta sta casa e nenti e nuddu la potrà chiù astutari!

DON TURIDDU: (Guardandosi intorno e ricredendosi) Certu…viu una famigghia felici…tranquilla… serena…timorata di Diu…e certi cosi un si ponnu ammucciari: si legginu nta ll'occhi! (Cade una bottiglia. Sono stati i fantasmi. Tutti ridono. Rivolto al chierichetto, che intanto si è appartato con Ninetta) Amuninni, Ninuzzu! Ccà un cè nenti di binidiciri! (Le porte cominciano a sbattere da sole) Ma…chi fù?

ANDREA: (Ridendo sotto i baffi) Nenti, parrì! Un corpu di ventu! (Sbattono porte, finestre e infissi. Si odono rumori di tutti i tipi e si ode un gran vento)

DON TURIDDU: (Comincia ad avere un pò di paura) Ma…chi ventu forti! Chi è, sciroccu o tramuntana?

LUIGINU: Ventu spiriticu è!

DON TURIDDU: Spiriticu? Unni l'au `ntisu numinari mai stu ventu!

AGATINA: Ventu novu è! Ventu di Salemi chi pigghiau 1'accurzu! (Si odono rumori di catene e campane, urla e risate. Solo Ninetta e il chierichetto non seguono più lo svolgersi degli eventi)

DON TURIDDU: (Spaventato, mentre tutti continuano a ridere) Ma chi è, scherzu di Cannalivaru, è veru?

DON COCO': Chissì su…

DON TURIDDU: Chi sù?

TUTTI: (In coro) Li spirdi di  mezziornu!

FINE