L’ostera

Stampa questo copione

L’Ostera

commedia dialettale mantovana in tre atti di Maria Gabriella Bonazzi

cell. 3288080393 – email: barbara.stuani@libero.it

N. di posizione SIAE 216769

Breve presentazione dell’autrice:

Rosina è un’ostera, che gestisce il locale alla vecchia maniera.

Gino, il marito, l’ha tradita e lei è molto risentita.

Lo vorrebbe perdonare ma non sa dimenticare.

La rivale, Cesira, che le abita difronte, tiene sempre le mani pronte.

Ma l’amore sboccia tra i due figli che non vogliono consigli.

Uno stratagemma devono trovare perché insieme vogliono restare.

E così, ciò che potrà accadere, devi solo stare a vedere.

Personaggi:

           

Rosina                                  Ostessa

Mara                                      Sua figlia

Gino                                      Marito di Rosina

Caterina                                Zia di Rosina

Piero                                      Fidanzato di Mara

Bortolo                                  Un cliente

P. Fedele                              Parroco

Dott. Petralia                        Medico condotto

Cesira                                               Rivale di Rosina e madre di Piero

Terenzio                                Altro cliente

Antonio                                 Ultimo cliente

PRIMO ATTO

(La commedia si svolge negli anni cinquanta in una osteria di campagna.

in scena Rosina, Mara ,Bortolo e Terenzio che s’appresta ad uscire)

Terenzio        Rosina fam al cunt ca paghi!

Rosina           Dunca: tri picolin e na grapa fa 10

Terenzio        Però

Rosina           ‘T pari tropi, gh è un sistema par risparmiar…

Terenzio        Cioè?

Rosina           Bear ‘d men!

Terenzio        T’ho da dir ca t’ac sé pran far con i client Rosina ..’s vedem!

(Esce Terenzio)

Mara                          Mama quand ‘el ca ta ‘d decidi da conprar na bela machina par far al cafè espres.Una da cle bele machine lustre e colorade.

Rosina           Ma cara questo l’è mia un cafè, questa l’è n’ostaria. I nostar client i vegn chi par squintinar e par gustar na bela tripa, e se qualdun al vol propria un cafè ga al faghi con la napoletana!

Bortolo           Certo Rosina parole sante! Portam un picolin par piaser.

(Prontamente Rosina  versa un bicchiere di vino, Mara lo porta al cliente che lo beve tutto d’un fiato)

Rosina           Ti sì Bortol ca ta ‘m capisi!

Bortolo           La ‘m la dis senpar anca me muier, l’Arpalice, ca sun conprensivo specialmente sa gh ho un qual picolin in pu’. A proposit , mi voi esar tent tant conprensivo, portam n’antar picolin!

(Rosina e Mara ripetono l’operazione)

Mara               Mama però l’ostera dal local dirinpet la s’è procurada na bela machina par al cafè espres!

Rosina           Fin par carità mia parlam dla Cesira…pu ta ‘ l sé quel ch l’ha m’ha fat!?

Mara               Certo ca ‘l so, certo ca ma ‘l ricordi, pasa mia giuran sensa ca ta ‘n parla!

Rosina           La m’ha portà via al marì cla bela vedovela alegra…’t par poc?

Mara               Al papà al gh ha vi na picola sbandada, l’è vera però ‘l s’è pentì subit.Al s’è scusà in tute le manere, però ti ‘t s’è mai stada buna ‘d perdonaral.

Rosina           Vot vedar che ades la vitima l’è lu!

Mara               No mama scusa ; forse al papà l’è sta atrat ‘’d na dona dai caldi sentimenti

Rosina           Anca mi gh ho sempar vi di sentiment vers tu padar.

Mara               Ma sensa vuler forse i tu sentiment  iera un tantin pisè fred!

Rosina           Ve pudleta ,varda ca  gh è nisun ca gh ha al termometro par controlar la tenperadura di sentiment.

Mara               Però  mama , quand vegn al papà a cataram mia esar trop catia con lu,

                        L’è tant pentì!

Rosina           Parchè ‘v catev mia fora da ‘d chi, mi men al vedi e pusè stac ben!

Bortolo           Par mi la Rosina la gh ha ragiun

Rosina                      Grasie Bortol , ti sì ca ‘t s’è conprensivo. Vot n’atar picolin?

Bortolo           No grasie , ades ‘m senti conprensivo abastansa, vaghi a casa dla me Arpalice.

(Bortolo esce)

Rosina           Arvedas Bortol. Mara vaghi in botega a far spesa. Stet in al banc intant ca rivi? Sa ‘t gh è ‘d bisogon, la sia Catrina l’e su a far le camere.

(Uscita Rosina, Mara va sulla porta e fa dei gesti di richiamo verso la strada. Di lì a poco sopraggiunge un giovane, s’abbracciano.)

Piero              Quant  tenp gh avrema ancora da vedas da nascost?

Mi ho pensà che prest gnarò a parlar con tu madar, insuma la  ‘m magnarà mia, la sarà mia na leonesa!?

Mara                          Fin par carità Piero! Sa ‘t savesi com la gh la su con tu madar par via da cla scapatela cla gh ha vi con me padar.Quand la na parla l’è mia na leonesa ma na iena!

Piero              La siura Rosina la gh ha ragiun! Mi ma ‘n dispias ma me madar l’è cme un sunfanel, la ciapa foc subit e la fa di dani parchè la par specialisada in i maridà . Però che culpa gh n’em nuantar du?

Mara               Nisuna, ma ades gh eim da portar pasiensa. Sa gh es da cavagla a farac far la pace con me padar forse le robe le’s giustaria

(I ragazzi s’abbracciano. Entra Gino, padre di Mara)

Gino               Pudlet l’è mei ca ‘t taia l’angol, sa riva la Rosina fnema in i guai tuti!

(I due ragazzi si baciano e poi Piero esce)

Mara               Ciao papà cosa fet chi da s’ora, stet ben?

Gino               Da salut sì, ma al morale…’m manchè trop ti e tu madar. Ela ancor tant rabida con mi?

Mara               L’è rabida cme na iena, ma dit fra nualtar la gh ha le su ragiun.Quel ca ‘m dispias l’è cla na patis anca le,e sun sicura cla mai lasà lì da vulerat ben ma l’è dura a cedar, la sa sposta gnac ‘d na virgola.

Gino               Gh ho portà di fior, disat chi i ch piasa?

Mara               I fior in genar i ch pias ma sun mia sicura ca ch piasa i tui.

(Rosina rientra)

Rosina           A set chi? Ancora! Ma gh et atar da far?

Gino               T’ ho portà tri fiur!

(Rosina li prende e li butta nel bidone dell’immondizia)

Rosina           T’è sbaglia client ! ‘T duvevi portari ala Cesira, quela ca gh ha i sentiment riscaldà coma dis tu fiola. Ben mi vaghi a vedar sa s’è cot le tripe.

(Esce Rosina)

Gino               Mi so mia pu’ cosa far con tu madar!

Mara               E pensarac prima?!

Gino               Però ormai la fritada l’è fata e bisogna rimediar. Bisogna ca ‘m faga vegnar n’idea. Mi tu madar la voi mia perdar , trovarò ben un modo par fam perdonar!

Mara               Forse saria  un bene ca ‘t fosi mia sempar chi d’inturan!

Gino               Disat ca duvria fam un po’ desiderar?

Mara               Su mia fin  a che punto la podria desiderat .Perà val la pena tentar.

Gino               Ma, trarò bel al modo…chissà!

Mara               Sperem, par al ben da tuti.

(Esce Gino rientra Bortolo)

Mara               OH, siur Bortol, cosa fal ancora chi?

Bortolo           Son scapà da casa , me muier la m’ha catà trop conprensivo.

(Rientra Rosina)

Rosina           Cosa t’è suces Bortol ‘t set dismengà un picolin?

Bortolo           Fin par carita!

Mara               Su muier la l’ha catà trop conprensivo.

Rosina           A sì? Alora gh vol na bela scudlina ‘d tripe pena fate.

Bortolo           Sì   sì   sì, le tripe sì. Ostera le tu tripe i è le mei ca ch sia al mund!

Rosina           Al so è na riceta ca ‘s pasem da tre generasion .Prima me nona dop me madar e ades mi!

Mara               Mama ades ‘t par mia ca sia ura da pasamla anca a mi?

Rosina           No cara, a ti ‘t l’isegni mia.Ti ‘t gh è da studiar e andar via da cla borgada chi dismengada da Dio.

( Rosina serve una scodella di trippe a Bortolo. Entra un cliente Tiburzio)

Tiburzio         Rosina menomale ca t’ho catà

Rosina           Mi ‘m sun mai muida da ‘t chi!      Cosa vot, na tripa?

Tiburzio         No, no, par carità. Gh ho sul da confidam con ti e ‘d domandarat un consiglio.

Rosina           Forse l’era mei ca t’andesi in ciesa dal pret invece che a l’osteria.

Tiburzio         Ma mi gh ho bisogn da in consiglio umano e mia Divino

Mara               Mi voi mia asistar ala confesion, mi ‘m ritiri da dlà

.(Mara Esce)

Rosina           Sentiamo figliolo  ,confessati apriti , lascia parlare la tua anima

Terenzio        Dai, mia tom in gir!

Rosina           Certo ca ‘t gh è na cera, ‘t pari un sciavin!

Tiburzio         Certo che ti par tegnar su al morale…

Rosina           Dai sentema le nuità.

Tiburzio         Sun inamurà!

Rosina           Ma questa l’è mia na noità! Ogni tant ta t’inamuri ‘d na quaduna. Se ben ricordi gh è sta un periodo ca ta ti s’eri inmurà an ca da mi!

Tiburzio         Certo ca ‘l so ca sun un po’ volubile, ma stavolta sun talmente ciapà ca gh ho gnaca al coragio da dichiaram.! Coma faghi din, com a faghi?

Rosina           Mandac di fiur con na bela letra in du ta gh a spieghi i tu sentiment.

Tiburzio         Srivamla  ti    mi sun gnac da che part cominciar!

Rosina           Va be dim però a chi l’è la fotunada. Cara…..?

Tiburzio         Cara Cesira…..

Rosina           Quala Cesira?

Tiburzio         Ma la tu dirinpetaia! L’ostera ca ta stà chi di frunt !

Rosina           Ma ti’t s’è mat! La Cesira : la signora delle camelie.! Ma vat a far benedir  cretino d’an cretino!

Tiburzio         Ben ma Rosina set gnida mata?

Rosina           Mata mi ? E ti alora ca ta ‘m vo far scivar na letra d’amur ala me rivale?

Tiburzio         Capisi mia.

Bortolo           Ti Tibursio pensi ca t sii l’unic a mia saveral.

Tiburzio         Saver cosa?

(Bortolo fa il gesto delle corna)

Tiburzio         Mi capisi mia , na roba però l’ho capida : l’è mei ca vaga!

Rosina           Sì ,l’è mei ca ‘t vaga. Va dadlà dla Cesira quela la fa sensa i fiur quela la dis mai da no a nisun, gnanca a un lucotun  cme ti.

Tiburzio         Vaghi , par inco ho sa ciapà su abastansa!

(Tiburzio scappa via)

Rosina           Oh, a’t gh è da vedar!

Bortolo           ‘T gh è mia da fac caso Tibursio l’è sempar un po’ svanì!    

Rosina           No l’è semo!

(Entrano Il dottor Petralia e il parroco Don Fedele)

Rosina           Oh, chi si vede ! Don Fedele, e il dottor Petrala: Bibì e Bibò si gni anca uatar par aver un consiglio?

P.Fedele       No veramente nualtar sem gnì putost par daral un consiglio.

D.Petralia      Già , ben dit don Fedele!

(I due si strigano la mano)

Rosina           Un consilio  a chi?

D.Petralia                  A ti Rosina  

Rosina           A mi? E chi è ca v’ha dit ca gh ho bisogn da consiglio?

P.Fedele       Senti è sa paà sin mes da quand ti e Gino si in lit

Rosina           Sin mes e mes!

D.Petralia      Già, ‘t par mia ora perdonaral e far pace?

(Il dottor Petralia e Don Fedele si stringono la mano)

Rosina           E si gnì in du par dim quel che sen’altar al v’ha sugerì Gino. Al sa pu’ cosa far par turnar in le me grasie .Ma ‘m l’ha fata trop grosa!

P.Fedele       Bisogna perdonare!

D.Petralia      Bisogna amare!

Rosina           Cosa vulì saver uatar du d’amor , mi al me om gh ho senpar vulì ben. Lu l’era inteligente e la studià da veterinari e mi ho scielt da far l’ostera parchè ‘m pisea. Ma la difernsa da colura la sa mai inpedì  d’aver n’acordo perfet fra nualtar .Tut  è andà ben finchè la catà cla..cla…...Varda voi gnanca nominarla………..!

P.Fedele       L’è sta al destin: la gata dla siura Cesira gh è gni l’ifluensa e lu l’è andà a visitarla.

D.Petralia      E’ suces csì!

Rosina           Insoma l’è andà a curar do gatine una con l’ifluensa e claltra in calor

D.Petralia      Ma Rosina ,cara bisogna perdonar!

P.Fedele       Già questo dis la ciesa e anca al bonsenso

(Don Fedele e il  dottor  Petralia si strigono la mano!

Rosina           Fe bel uatar du: al siur dotor l’è signorino. Don Fedele al sa sposarà mai,

e purtrop i pecà ca ‘l perdona       i riguarda senpar chi altar.

P.Fedele       Mi ho sposà la Ciesa!

Rosina           Lu l’è fortunà parchè cla muier lì la ch farà mai i coran!

D.Petralia      Insuma cosa gh em da dir a Gino?

Rosina           Disic che sens’altar col temp.. forse al perdonarò, ma par ades son mia disponibile parchè son trop, trop rabida. Intant ca al riga drit.

P.Fedele       Andema alura, al nostar conpit a l’è fnì!

D.Petralia      L’è vera però podresom fermaras a gustar na scudlina ‘d tripe!

Rosina           ‘M dispiasma le me tripe i è gnacor cote par uatar du!

D.Petralia      Ho capì ho capì.

P.Fedele       Andem ,andem!

(Escono Padre Fedele e il dottor Petralia)

Rosina           Bibì e Bibò!

Bortolo           T’è fat ben Rosina a darac l’iviada!

Rosina           Grasie, al so.

(Entrano Mara e Caterina)

Caterina        Ciao Bortolo coma a stet?

Bortolo           Insoma.

Caterina        E la me cara cognatina com a stala?

Bortolo           E’..l’ Arpalice la stà fin trop ben!

Caterina        Le erbe catie le godi  senpar da buna salut!

Bortolo           Però le fa malar chi atar!

Caterina        Porta pasiensa! (Poi rivolta Rosina) Ho fnì da far le camare. Mi capisi mia parchè ta t’ostini a canbiar i let i let tute le smaneanca in le camere di ospiti e l’è sa sinquant’ani ca vegn mia un client a dormar.

Rosina           L’è mei tegnas prunt!

Caterina        Sa t’è mia catà d’afitar fin ades, con la concorensa  dla siura dirinpet’ t fiti pu’!

Rosina           Posibile che mi voi mia pensar a lilè e tuti i ‘m na parla.Volì propria rovinam la giornada.

Caterina        Ma lasa corar …Gino l’è un bun om!

Rosina           A sì? Vuria vedt al me post!

Caterina        Oh , ch sun stada mi al tu post e pusè ‘d na volta con al me Toni Bonanima.

Mara               Ho senpar sentì parlar dal sio Tono Bonanima ma ho mai savì com a l’è mort!

Caterina        Ma Toni Bonanima l’è mia mort!

Mara               Come l’è mia mot?! E alura parchè al ciamè  Bonanima.

Caterina        L’ho sempar ciamà Bonanima parchè  parchè l’era al su scurmai.

                        I la ciamava tuti Bonanima parchè sa al gh ea da far n’inbroi al vardao in facia a nisun. In pu l’era un po’ un pivrin degn gemel dla  cara Arpalice!

Bortolo           Parole sante, ades però vaghi a casa e vardem comè la buta!

Caterina        Auguri!

(Esce Bortolo)

Mara               Mama posi andar fora, vaghi dla Silvana.

Caterina        Va pura e mia fermarat con Piero.

Mara               Con Piero?

Rosina           Cosa credat, ch abia mia capì cal ta sta dre. Mia fidat quela l’è na famiglia da traditor.

Mara               Ma cosa disat , mama a ti la gelosia la t’ha tacà al sarvel.

Rosina           Faghi finta d’aver mia capì!

(Mara esce)

Caterina        Lasa cla vaga , l’è giuvna , la gh ha da faras le su esperiense

Rosina           Mia certo con lilù, al Piero.

Caterina        Ti ‘t gh è mia da vardar su madar, lu l’è un brao fiol!

Rosina           Però…. Però, al gh ha al pecato originale.

Caterina        Vegni , setat e ascoltam.Ti al Toni Bonanima ta ta ‘l ricordi mia parchè l’è andà via ca ‘t s ‘eri  trop picolina. L’era mia catif cmè si surela gemela ma l’era mia certo un santin. Ch piasea la bela vita  e donine facili. Quand l’è scapà al m’ha lasà piena ‘d debit ch ho duì pagar con le me fadighe ,ma credam  sa ‘l gh es da tornar acor ades forse….

Rosina           Cosa vuresat dir ca ta ‘l perdonaresi, dop trent’ani  set mata!?

Caterina        Pol daras, ma l’è dura restar da par lur,e se na sera  al gh es da vegnar a piciar ala me porta credi ca gh versaia ancora al cor.

Rosina           Dunca, ti ‘ t voresi dir che mi dovria serar n’oc con Gino ,ansi serar tuti du?

Caterina        Ti ‘t ghè sul da dmandarat sa ta gh vo ben ancora.

Rosina           Sia Catrina, l ’è mia che l’amor al gh abia n’interutor ca al sa smorsa o al s’inpisa  a tu piaciment. Dle volte la luce la gh è pu parchè s’e è brusà la lampadina ma la corente l’è ben viva lunga i fii!

Caterina        Basta sostituir la lampadina brusad

Rosina           L’è mia facil ,gh vol la scala, e dle volte manca la volontà.Vedat sia,mi ho pes la fiducia in me marì ma gh ho senpar vulì trop ben ,al s’è inpastà in la me vita e sun pu’ buna da liberaram.

Caterina        Ti Rosina ‘t gh è da capir che l’uomo l’è fragile.

Rosina           E la dona?

Caterina        Anca la dona l’è fragile e prima ta ‘l capisi e mei l’è! Ben , mi vaghi a casa, ‘s vedem dman!

Risina            ‘S vedema dman, e grasie da tut .

(Esce Caterina)

Rosina           Gh è anacora  la scosa? E’ sì Gino, la  gh è la gh è!

(Entra Gino)

Rosina           Oh è rivà la Bresiana! (Enel) Ancora chi?

Gino               Mia mandam via  prima da sentar la me proposta!

(Gino s’avvicina)

Rosina           Va ben ma mia tocam.

Gino               Mi ho pensà, sa gh esom d’adar a star via?

Rosina           D’adar a star in dua?

Gino               Un me amic d’università al m’ha ofert un post da lavoro in na clinica veterinaria da su proprietà!

Rosina           In du saresal sta post?

Gino               A Pisa. Mi pensi che luntan da ‘d chi saria pusè facil par nualtar  ricominciar.

Rosina           E i tu client… i ne client ,e le tripe?

Gino               Lasa star i client e le tripe. Varda Rosina ,mi ho sbaglià l’è vera e m’toghi tute le colpe , al so ca t’ho ofesa  e su mia cosa fares par tornar indrè ma l’è sin mes ca ta ‘m fe far penitensa ,sa’ t basta mia alora  vol dir  ch l’è  ura da finirla.

Rosina           Al so ma sun stada trop ferida!

Gino               Rosina ,curarò letu feride!
(Gino fa il gesto d’avvicinarsi. Rosina si difende con una sedia)

Rosina           Sta in là le me feride le faghi mia certo curar da un veterinari.

                        Lasam un qual giuran par pensarach.

Gino               Va ben, ma ricordat ca gh ho da dar na risposta entro tri giuran; o partem insiem o parti da par mi!

(Esce Gino)

Rosina           Quasi quasi seraria botega, ormai chi vot ca vegna. Anca la me dirinpetaia la sa smorsà le luci.

(Prprio allora entra un signore : Antonio .E’ molto elegante  entrando si toglie il cappello)

Antonio         Buona sera signora

Rosina           Buonasera signore, guardi che questo è un esercizio pubblico, può tenere il cappello.

Antonio         Non mi permetterei mai di tenere il cappello davanti a una signora. Specialmente davanti a una signora bella come lei.

Rosina           Lei è troppo buono signore, cosa posso servirle?

Antonio         Mi versi un amaro , grazie!

(Rosina prende la bottiglia dell’amaro e ne versa un bicchiere.

(Mentre il signore sorseggia il liquore entra Mara)

Antonio         Signora vorrei chiederle un informazione.

Rosina           Mi dica!

Antonio         Vede signora, io vengo da una metropoli Milano e mi son sempre trovato bene ma ora sento il bisogno di spazi aperti.

Rosina           Anca a mi ‘m pias star al’aperto ma purtrop sun senpar serada su chi dentar.

Antonio         Io vorrei costruire un azienda agricola modello in questi luoghi e sa per caso se ci sia del terreo in vendita?

Rosina           Oh , gh n’è chi dla tera in vendita , abastansa fin da sutraral!

Antonio         Per carità non voglio sotterrarmi. Voglio soltanto trasferirmi da queste parti dove sono nati i miei antenati. Intanto vorrei fermarmi per incominciarmi a d ambientarmi. C’è un albergo nei pressi?

Rosina           Chi gh è nisun albergo, questa l’è na borgada picola e anca in paes credi ca ch sia gninte!

Antonio         Mi accontenterei di una stanza!

Rosina           Sa ‘s contenta ‘d na camera , mi gh n’ho do libere!

Antonio         Questa è una bellissima notizia!

Mara               Ma mama i è mai stade afitade

Rosina           Al so, par forsa , gh è mai stà l’ocasion, mai è ben tegnide e bele pulide.

Antonio         Molto bene, vado a prendere il bagaglio.

(Esce Antonio)

Mara               Ma mama , et pensàa cosa pol dir al papà: un on in casa?

Rosina           E alora cosa duvria dir mi che lu na dona a s l’è tirada a let!?

Mara               Con ti ‘s pol mia ragionar!

(Rientra Antonio)

Rosina           Eco al nostar ospite! Al vegna ca ‘l conpagni in camera sua!

(Rosina e Antonio Escono)

Mara                          Chi le robe le ‘s conplica. Stem a vedar cosa sucet, questo in fondo l’è sul al prin at…

FINE PRIMO ATTO

SECONDO ATTO

(In scena Mara e Rosina appostate al bancone del bar. Don Fedele e il dottor Petralia

Stanno giocando a carte)

D.Petralia      Con licensa parlando e con tut al rispet un da nualtar du al gh ha pusè cul che anima!

P.Fedele       Ma caro  al me dotur ‘t par questo ‘n disurs da far a ‘n pret?

D.Petralia      Ma porco cane em fat dies partide e sun mia sta bun da vinsar na man!

P Fedele       Ma anima buna, par vinsar a briscola gh vol intuito e inteligensa..

D.Petralia      Mia sul! Se un cme briscola al vet sul a du o masim un quatar ,e tute chi altre briscole t le vedi ti, spiegam cosa conta l’ituito!?

P.Fedele       Però ti ‘t vedi tuti i carac!

D.Petralia      Che ti ‘t ciapi regolarmente con le tu briscole.

P.Fedele       E alora?

D.Petralia      E alora.. e alora m’è gni se. Beat un picolin Don Fedele?    

P.Fedele       No gh ho mia se!

D.Petralia      Varda ca ofri mi.

P.Fedele       A sì ,alora ordinaria un quint!

(Mara porta in vino ordinato)       

D.Petralia      ChI ch avria dit quand s’eram ale elementari ca saresom dventà dotor e pret?

P.Fedele       Ti a curar al fisic e mi l’anima

Rosina           E Gino guaritore di animali.

D.Petralia      Già, gh era anca Gino ale elemantari con nualtar

Rosina                      Un bel trio!

(In quel momento entra Bortolo zoppicando. Mara gli corre incontro e lo aiuta a raggiungere un tavolino. Bortolo appoggia la gamba sul tavolino)

Mara               Ma cosa gh è suces siur Bortol?

Bortolo           A sun cascà! Meno male ca t’ho catà chi dutur, sun pasà dl’anbulatori e gh era tut serà ! Vulea ca ta ‘m visitesi al snoc

D.Petralia      L’anbulatori l’è serà parchè l’è mia ora ‘d visita.Sa chi, fam vedar!

P.Fedele       Cos’è suces figliolo?

Bortolo           Su cascà in snucion!

P.Fedele       Voleat pregar?

Bortolo           No  vulea scapar! Gh è ca ‘m cure dre l’Arpalice  con la mansarina e mi dla presia sun sgarbusà.

D.Petralia      E alura?

Bortolo           E alora la m’ha rivà e la m’ha dat na disinfetada con la mansarina,  in quel le  l’è specialisada.

(Intanto il dottor Petralia visita il ginocchio di Bortolo)

D.Petralia      Bortol ‘t gh è gnint da rot ,’t s’è sta fotunà.

Bortolo           E’sì , gh ho na fortuna!

Rosina           Che intensiun gh et da far con sta ganba?

Bortolo           Stac tant be mis a csì!

Rosina           Ma sì , fem adritura n’ospedal, vot anca al papagal e la padela?!

(Bortolo prontamente tira giù la gamba dal tavolino, e si addormenta di colpo.  Entra il signor Antonio)

Rosina           Buongiorno signor Antonio , ha dormito bene?

Antonio         Divinamente, c’è un silenzio ,e poi quelle lenzuole profumate di bucato,

                        una meraviglia.

Rosina           Quel l’è merit da me sia Catrina. Ma venga signor Antonio, venga che le presento il nostro don Fedele e il dottor Petralia.

Antonio         Piacere.

(I tre si stringono la mano)

Rosina           Il signor Antonio è in cerca di un terreno per costruire una fattoria modello.

D.Petralia      Molto bene , queste sono notizie che fanno piacere, se ha bisogno di consigli sono a sua disposizione.

Antonio         Molto gentile , grazie!

D.Petralia      Ma sa che lei ha un viso che mi torna familiare.

Antonio         Io avevo alcuni parenti che tempo fa abitavano questi luoghi forse somiglio ad alcuni di loro.

D.Petralia      Ma!

P.Fedele       Anche per me ha qualcosa di familiare, ma si sa che ci sono tante  pecorelle ed è in evitabile che qualcuna si somigli .

Antonio         Può darsi ci sono tanti sosia al mondo.

P.Fedele       Signor Antonio , ha visitato la nostra chiesetta?

Antonio         Non ancora, sa sono arrivato solo ieri sera, ma conto di farlo al più presto.

P.Fedele       L’aspetto, arrivederci.

D.Petralia      Arrivederci ,e se ha bisogno delle mie cure non si faccia riguardo!

Antonio         Grazie, ma conto di restare in buona salute

(Padre Fedele e il dottor Petralia escono)

Rosina           Le presenterei anche Bortolo ma s’è indormensà!

Antonio         Poco male , ci sarà tempo.

(Antonio prende la mano di Rosina)

Antonio         Signora Rosina, le debbo chiedere un gran piacere: vuole  venire a cena con me stasera?

Rosina           Signor Antonio, sono una donna sposata!

Antonio         Ma dove sta suo marito?

RosinaIn       In cal moment chi gh ema an qual problema.

Antonio         Dunque, non felicemente sposata.

Rosina           Al moment quel l’è vera, ma lu  el mia maridà?

Antonio         Da giovane ho avuto un grande amore, si figuri che nell’intimità io la chiamavo Rosellina e lei mi chiamava Bambolotto.         Ma poi tutto è finito per colpa mia, non ero maturo per una relazione seria e definitiva

                                   Quella ragazza somigliava a lei schietta e sincera. In seguito ho avuto altre relaziuni ma son state tutte un fallimento.

Rosina           Siur ‘m dispias, anca a lu gh hai fat i coran?

Antonio         Si vede così tanto?

Rosina           Insoma ,comunque : mal comune mezzo gaudio!

Antonio         Vado un po’ in giro ,ci vediamo più tardi

(Esce Antonio. Rosina s’accarezza i capelli)

Rosina           Però che gran signore! E pu par mi al gh ha di bei gust!

(Rientra Mara insieme a Caterina)

Caterina        Ho vist partar un machinon eral al milanes?

Rosina           Sì ta ‘l presentarò, che persona fine!

Caterina        Va ben , però mi ho ciapà na decisiun.

Rosina           Cioè?

Caterina        Quela da vegnar a star chi fin che cal siur li al va via.

Rosina           Cosa gh et ? Creda ca sia mia buna da difendam!?

Caterina        Stupida, la gent cosa dirala : do done da par lur con n’om furest in casa.

Rosina           Mi sun n’ostera e faghi al me mester, e in pu al siur lì l’è na conpagnia piacevolissima. Al m’ha invità fora a sena stasera….l’è pran galante!

Mara               E ti cosa gh et rispost?

Rosina           Ho rifiutà naturalmente, però m’ha fat piaser esar cortegiada.In fondo ‘s vet ca sun mia da butar via.

(In quel momento entra Tiburzio)

Tiburzio         Oh poar mi , sun distrut!

Rosina           Cosa gh et Tibursio?

Caterina        L’è in crisi , vedat mia?

Rosina           L’è inamurà dla me rivale. Gh et mia mandà la letra con i fiur?

Tiburzio         No.Volea set ,ma saveva mia cosa scrivac.

Rosina           Va là, ta ‘t presenti e sensa tanti compliment  l’inviti fora. ‘T vedrè cla vegn ‘d cursa.

Caterina        Questa la ‘m par mia na bela idea.

Rosina           Ma la gh dis da si ‘d corsa!

Tiburzio         Set sicura cla vorà vegnar con mi?

Rosina           Sicurisima, e sii decis,dai va fora parchè vedat csì ta ‘m fe pena.

Mara               Ma ti mama ‘t gh è voia da metat in i guai.

(Tiburzio esce)

Caterina        Orco cane , ‘s l’è lancià!

Rosina           Al cuor non si comanda!

Mara               E anca ala gelosia  !

Caterina        dai ca vardema dla porta!

Rosina           Sì,sì dai!

Mara               Ma mama!

(Vanno tutte e tre alla portafinestra)

Rosina           Eco l’è rivà, varda sl’è bel!

Mara               Ch ciapa la man, al serca da brasarla.Oh ma com l’è violento!

Caterina        Le la serca da cuciaral via!....mama cara che slavaciun a man arverasa cla gh ha tirà in ghigna!

Mara               Va sa ‘l curi, umenti al và suta na machina!

(Entra Tiburzio)

Rosina           Cos’è suces?

Tiburzio         E’ suces ch ho seguì al tu consiglio, sun stà decis!

Rosina           Ma cosa gh et dit?

Tristano         Ben vista la su resiun ho ciapà paura ,e alura gh ho dit ch’ho fat altar che seguir al tu consiglio.

Rosina           Insuma ta m’è dat la colpa a mi.

Tiburzio         Sì, ‘m dispias, però al tu consiglio l’è stà presius, infati la cota la m’è pasada dal tut!

(Caterina è ancora alla finestra)

Caterina        Guai in vista, gh è la Cesira in arivo!

(Tiburzio esce precipitosamente.)

Rosina           Mei csì an scontro l’era inevitabile.

(Cesira entra con piglio sicuro)

Cesira            Cara la me siura Rosina com a s’ela permsa da dir a cal Panpurio là che mi vaghi  fora con tuti!?

Rosina           Con tuti su mia ma con me marì però sì.

Cesira            Con su mrì l’è stada na scelta mia e sa ‘andrà da sciegliaral ancora la pol star sicura ca ma ‘l turò. E credi ca  al farò prest e csì come ogni volta ca vurò.

Rosina           La ‘s comoda pura ,me marì l’è sa un bel po’ ch l’ho scartà.’S la lavol catar su i me scart questi i è mia pu’ afari mii. E ades la vaga a casa sua par piser!

Cesira            Vaghi subit. Quel ca gh ea da di l’ho dit.(Poi rivolta a Mara) E ti carina stà luntan dal me Piero sinò i è guai!

(Cesira esce e Mara si mette a piangere)

Mara               Ades ‘t sarè contenta, mama!

(Esce piangendo)

Rosina           Che rasa ca sun contenta …cme na Pasqua.

Caterina        Ma ‘n dispias Rosina ma ma ta ‘t l’è secada propria  ti          

Rosina           Sia prova a vardar da ch l’altra part sa ‘t vedi la Cesira.

Caterina        La ghè la gh è le dre cla tira fora i taulin e la i ha met in sal marciapè

Rosina           A sì, alora ghi meti anca mi , dai dam na man.

Caterina        E’ no cara  mi asecondi mia le tu pasie Vaghi su a stirar, a gh n’avrò fin a mesanot

(Esce Caterina.Rosina prende i tavolini e li trascina fuori brontolando. Bortolo  cui ha Rosina ha tolto l’appoggio si trova  messo male tuttavia non interrompe il suo pisolino .

Rosina           A sì, ‘t credi da faram un dispet potando fora i tavolin, ben mi faghi istes, anca mi meti i me client in strada.

(Finito di fare l’operazione dei tavoli Rosina si versa da bere)

Rosina           Quad a gh vol gh vol!

(Entra Gino Sorridente)

Gino               Com ela Rosa ca t’è sfratà i taulin.

Rosina           Parchè sun in vena da sfrati!

Gino               Mia scersar dai, et pensà ala me proposta dal trasfeiment?

Rosina           Par al trasferiment sun dacrodisim e cal vegna e al pusè prest posibile, e al pusè lontan posibile .Ma ‘t parti da par ti.

Gino               Ma Rosa cosa disat? Iersera ‘m s’era ilus

Rosina           Iersera  l’era iersera inco gh ho pensà mei e ho decis.

Gino               Ma Rosa mia!

Rosina           Sun pu la tu Rosa ,par ti sun sul l’ostera

(in quel momento entra il signor Antonio. Rosina si toglie il grembiule e indossa lo scialle)

Rosina           Siur Antonio ho decis d’acetar al su invito a cena!

Antonio         Mi fa piacere, ho una cosa importante da comunicarle.

Rosina           Davvero? Sono molto curiosa!

(I due escono a braccetto)

Gino               Robe da mat, cosa sarà mai suces. Sarà mei ca vaga a sercar la Mara par aver na qual spiegasiun.

(Esce anche Gino. Proprio allora Bortolo si sveglia)

Bortolo           ‘M sa ca gh è nisun,forse l’è mei ca vaga a casa. E intant seri botega!

(Esce Bortolo, breve stacchetto musicale.Entrano in scena.Piero proveniente dalla strada e Mara dalle stanze interne..S’abbracciano)

Piero              Cara  ,set propria decisa?

Mara               Certo avanti csì gh la faghi pu’.

Piero              Anca mi , ch mancao sul Tibursio. Et lasà la letra?

Mara               E ti et lasà la letra?

Piero              Certo, certo , andem prima ca riva’n qualdun!

Mara               Mi so mia , sem sa ala fin dal secund a temp e le robe i è pegiorade.

                                                                       FINE SECONDO ATTO

TERZO ATTO

(Aperto il sipario sulla scena vuota entrano Antonio e Rosina)

Antonio         E alora , t’ho fat  na bela sorpresa Rosina?

Rosina           Che rasa da sorpresa! Chi è ca andao a imaginaras che al misterius siur da Milan in realtà al fos me sio Toni Bonanima sparì da casa trent ani fa!

Antonio         Vedat Rosina, mi ‘m la sentia mia da presentam diretamente ala Catrina sensa indagar com a saria stà acolt.Sensa saver s la s’era rifata na vita com a saria sta giust

Rosina           Su mia sa ‘t gh è vi pusè coragio andar via ‘d casa o tornar dop trent’ani.

Antonio         Al me sbaglio l’è stà maridam trop‘ giuan.Dop la luna ‘d mel m’è gnì la fregola d’andar e sun mia pu sta bun da fermam.In America ho catà la me fortuna. Na bela vita al luso e tante done ma nisun l’era cmè la me Caterina Csì cme m’era gnì la fregola d’andar  ades m’era gnì quela da tonar.

Rosina           E t’è fat ben la sia Catrina la t’ha senpar spetà a bras vert.

Antonio         Mal garantisat?

Rosina           Al cento per cento e ades ‘t la mandi subit!

(Rosina uscendo grida)

Rosina           Sia Catrina gh è na persona ca picia ala tu porta.

(Entra Caterina e guarda chi le sta davanti)

Caterina        Al siur da Milan?

(L’uomo si leva il cappello)

Antonio         Rosellina

Caterina        Oh mama: Toni Bonanima!

Antonio         Rosellina!

Caterina        Bambolotto!

(Antonio apre le braccia e Caterina gli corre incontro, poi gli lasci andare due bei schiaffolni )

Antonio         Par fortuna la Rosina lam’ea garantì ca ta ma spetavi a bras vert!

Caterina        T’aspetavo par averac la sudisfasun da mularat du bei sganasun.Ma cosa t’aspetaot.? Cosa set tonà a far? Ormai sem du estranei.

Antonio         Ho capì d’aver sbaglià e credam sun sincerament pentì e sun chi par ripagar al mal ca t’ho fat!

Caterina        T’s’è senpar sta un gran rufian ma gh è mia parole n’è moneda ca posa ripagar chi trent’ani chi!

Antonio         Gnanca un po’ d’agiatesa , na bela casa  un qual viageto inturan al mund!?

Caterina        I è mai stade queste la me aspirasion.

Antonio         ‘T gh è ragion Catrina ,‘m s’era ilus ma l’era un trist pretendar.

Dman parti , fem finta ca sia mia gnì!

Caterina        Ma in du vet stupidun ‘t vorè mia potar via l’ultima feta da felcità

ca ma speta!?

Antonio         Rosellina!

Caterina        Bambolotto!

(I due s’abbracciano.Entra Rosina agitatissima)
Rosina           La me Mara l’è scapada!

Caterina        Come… Quand..Perchè?

Rosina           Come e quand al so mia , ma forse so al parchè.

Caterina        Ma la sarà in gir a smurusar con al Piero?

Rosina           No l’è scapada;  con Piero. Lesi cla letra chi!

Caterina        (Legge) Cara mamama viste le insanabili ostilità delle nostre famiglie e quindi l’inpossibilità di cambiare la nstra situazione abbiamo deciso di fare come Giulietta e Romeo.Il fiume ci porterà lontano e per sempre. Addio…. Perdonateci.

Caterina        Chi saresi Giulitta e Romeo?

Antonio         I è i du amanti Da Verona. Quei famosi prar..

Rosina           I è mort par la rivalità dle do famiglie  …. Oh mama stac mal!

(Rosina s’accascia sulla sedia)

Antonio         Su dai, san dis dle parole quand s’è rabì, ma dop le robe le ‘s giusta.

(In quel momento entra Cesira sventolando un foglio mostrandolo a Rosina questi ricopia il gesto con il suo foglio. Improvvisamente le due donne s’abbracciano)

Rosina           Oh , siura Cesira che guaio em combinà!

Cesira                        Coma ‘m dispias! E pensar che la Mara l’è na putela ca m’è senpar piasì!

Rosina           E mi ho senpar pensà che Piero al fos un brao fiol E ades cosa fem?

(Entra Gino Accompagnato da Bortolo, anche lui ha un foglio in mano

Rosina           Anca ti ‘t gh è vì la letra?

Gino               Ades ciami subit la polisia gh è mia tenp da perdar!

(Gino s’appresta a telefonare)

Gino               Pronto…..Polisia? Son  Gino Rivera devo denunciare la fuga di due ragazzi. Una è mia figlia, minorenne…No..No minorata minorenne!

Pare che abbiano preso la via del fiume…no..no la fune il fiume!

Abito nella borgata Carrozza,al numero 10..va bene aspetto!

Gino                           I ha dit chi vegn subit ,e da star calmi parhè questè i è robe ca capita tuti i giuran.

(Intanto Rosina e Cesira hanno letto la lettera di Gino)

Rosina           Ma a ti quand t’hai dat la letra?

Bortolo           La letra gh l’ho data mi, m’l’ea consegnada la Mara, insoma ho fat da postin!

Gino               Mi vaghi aspetar la polisia in strada csì fem prima, e dop i porti in sla riva dal fium e sperema ben!

Cesira            Oh , mama cara!

Rosina           Và…và Gino!

(Gino esce. Bortolo s’avvicina ad Antonio)

Bortolo           Al ma scusa siur ma nualtar sem mia stà presetà!(Bortolo porge la mano)Piacere Bortolo Piacentini.

(Antonio gli stringe la mano)

Antonio         Piacere…piacere ….di rivederti caro cognato

Bortolo           Ca ‘m vegn n’asident, Toni Bonanima!?.Ma di indua saltat fora? Set stà in  naftalina fin des?

Antonio         Quasi quasi ‘t gh è ragiun.Ma con a stala la me sorelina Arpalice

Bortolo           Ta’ls’è, l’asè s conerva senpar ben(Poi indicando se stesso)E anca la roba sut asè.

Antonio         Veramente ta ‘m pari sut alcol!

Bortolo           Ma varda Toni Bonanima,ma set ca t s’è dventà bel vec!

Antonio         E ti ,dop trent’ani ‘t pensarè mia da esar restà un putin!? Ta speciat mai?

Bortolo           No ma speci mai in quant l’Arpalice, qiad l’ha conpi sinquant ‘ani la rut tuti i spec, fin quel dal bagno.

Antonio         Senpar quela la me sorelina, poar Bortol

Bortolo           Poar spec!

Antonio         Ben savì cosa faghi? Vaghi anca mi a sercar  i pudlet!

Caterina        No vè, speta ca vegni anca mi, vuria mia ca ta ma scapesi via n’altra volta.

(Escono Caterina e Antonio. Rimangono Rosina e Cesira sedute accanto e Bortolo appartato che sorseggia un  bicchiere di vino che si è versato)

Cesira            Cosa disla siora Rosina? Sperema che i nostar pudlet i abia mia fat na stupidada.

Rosina           Fin par carità voi gnanc pensarac…però ch pensi siora Cesira.

Cesira            Ch par mia ora da daras dal ti nuantar do?

Rosina           Mi pensaria ‘d sì, in fondo em condivis tante ‘d cle robe!

Cesira            Senti Rosina mi gh ho da confidat na roba. Quel ch’è suces con Gino l’è mia stà un vero e proprio tradiment..

Rosina           E alora cos’el stà?

Cesira            Da parte sua l’è stà pu che altar na curiosità, par mi invece gh era un vero proprio interes parchè Gino  l’è n’om …l’è n’om…

Rosina           A mi ta ma’l disi? Al so ch l’è n’om!

Cesira            Purtrop però l’è inamurà dla muier. L’è mia vera ca ‘l saria cors al me richiamo .Credam, ho fat datut. Gh ho fin dat al velen ala gata par tiraral in casa, madop cla prima volta gh è mia pu stà vers!

Rosina           ‘T s’è leale a confidam  tut questo. E la gata ela morta?

Cesira            No, gh ho dat na bela purga e l’è guarida subit, dal rest dal velen a gh nea dat pochisim!

Rosina           Menomale’m saria dispiasì sa gh es rimes anca la gata.

Cesira            Senti Risina, mi voi esar sincera fin in fund. Mi son mia na vedoa, son stada na ragasa madre,in quanto al me padner l’era maridà , ma quand l’ho savì l’era trop tardi .Credam l’è mia sta facile tirar su un fiol da par mi!

Rosina           Ma ‘n dispias Cesira, che vigliac…

Cesira            Vedat sun stada talmente sciocada che forse l’è par quel ca sun atrata dai mardà,ma ades sa va tut ben par i nostar pudlet  ho decis da rinunciar a tuti i maridà! E credam al saria un gros sacrifisi.

Rosina           E mi sa va tut ben perdonarò me marì.

Bortolo           E sa va mia tut ben? I pensà  ale casetine? Mi ‘n turia do bianche i è tant giuan. Sempar che al fium vi a  ridagà, al savì che al fium l’è traditur

(Rosina e Cesira  si mettono a piangere)

Rosina           Ma Bortol set mat a dir certe robe!?

(Entra il dottor Petralia)

D.Petralia      Ho sentì quel ch è suces e sun gni a vedar coma ste.

Rosina           A parte la disperasiun staghi ben!

Cesira            Oh dotor Petralia, mi invece ‘m senti an gran dulur chi

(Cesira indica il cuore.Il dottor Petralia s’accinge a visitarla.Lei gli prende la mano e se l’appoggia sul cuore.

Cesira            Chi, propria chi: gh ho al cor debul.

D.Petralia      Tutaltar siora Cesira la gh ha un gran cor.La gh ha dle pulsasion invidiabili

Bortolo           E pu’ l’è mia maridà. Da veterinari a dutur al pas l’è curt!

(Propria allora fanno il loro ingresso Gino Caterina E Antonio)

Gino               Em girà fin ades, la polisia la torna dmatina Ades i è andà a vedar ala stasiun a sa mai chi i abia ciapà an qual treno

(Proprio allora entra Padre Fedele)

Rosina           Oh don Fedele, menomale ch l’è chi !

Cesira            Lu don Fedele al gh ha da recitar na preghiera.

P.Fedele       No ghi da recitarle uatar le preghire insiem a un mea culpa.

(Padre Fedele va sulla porta)

P.Fedele       Gni dentar pudlet.

(Mara e Piero entrano mogi mogi. Tutti i famigliari si fanno loro incontro)

Cesira            Ma Piero che spavent ta m’è fat pasar!

Rosina           Mara, ta m’è fat morar.

Cesira            Su mia cosa ta ‘t meritaresi par quel ca ta m’è fat pasar!

(Poi l’abbraccia)

Mara               Mi ma ‘n dispias , ma nualtar saveam mia pu cosa far..

Piero              S’esom mia catà Bortol ca ‘l s’ha convint a rifugias in parochia ades saresom in sal fium in viagio in sal barcon dal dotor Petralia diret chisà indua.

D.Petralia      La m’è andada ben anca a mi alora

Gino               (Rivolto a Bortolo) E ti disgrasià pachè l’et mia dit subit!?

Bortolo           E’ no, gh evi da penar parchè ultimamente gh i vi un conportament egoita e infantile penalisando chi du bravi pudlet chi ca i vuleva sul star insiem.

P.Fedele       Brao, condivido.

D. Petralia     Anca mi.

(I due si stringono la mano)

Cesira            La lesiun l’ema inparada. Ades andema a casa e dormemag in sima.

(Poi uscendo) Dottor Petralia, dman l’aspeti , gh ho d’ofrirac almen un cafè par al su disturb.

D.Petralia      L’è mia stà un disturb però al cafè l’aceti volentera.

Pietro             (Sulla porta) A domani Mara.

Mara               Fino a domani ciao.

Caterina        L’è tardi Toni, andema ,dle emusiun in co’gh n’ho vi bastansa.

Toni                Sì cara , stanot gh em da recuperar al tep pers!

Bortolo           Gh vuria na not lunga trent’ani.

(Escono anche Caterina e Toni)

Gino               Roisa mi…

Rosina           Tasi Gino ,dle parole ne sta strusià fin trope. Lasem parlar la not che forse la gh ha ancora qualcosa da insegnaras….

(S’avviano verso la porta poi Rosina si ferma di colpo)

Rosina           Dman ordini subit na bela machina par far al cafè espres.

(Escono rimane solo Bortolo)

Bortolo           Sta a vedar che anca stasera tuca a mi serar butega!

(Esce anche Bortolo.)

FINE

    Questo copione è stato visto
  • 0 volte nelle ultime 48 ore
  • 0 volte nell' ultima settimana
  • 1 volte nell' ultimo mese
  • 2 volte nell' arco di un'anno