Ma che bella famiglia!!

Commedia tragicomica in tre atti

di

Renato  G. Fidone

“ Ma che bella famiglia !

commedia tragicomica in tre atti

di

Renato G. Fidone

                                  

                       

Personaggi

      Mario Vacirca/nipote di don Saro

               Maria/moglie di Mario

               ‘Nzula/loro cameriera

               Carmela/sorella di Mario

Santino Cocuzza/il marito

      Prof. Gino Vacirca/fratello di Mario

               Pietro Vacirca/fratello di Mario

                   Don Aldo/sacerdote

Dott. Nicola La Mazza/medico

               Gertrude Gasslagher/infermiera svizzero/tedesca

Voce f.c. di don Saro

                           

                           

Epoca presente.

La vicenda si sviluppa in un paese della Sicilia.

Ogni riferimento a fatti o a persone e puramente casuale e dettato dalla fantasia dell’autore.

Scicli, 28 agosto 2005

Fidone Renato – via Lido 47 97018 Scicli (Rg)

0932.937912 casa- 830008 casa estate e festivi- 768618 – 333.6016300

                                      

 

PRIMO ATTO

La scena rappresenta un interno ancora signorile di un casolare di campagna.  Sul fondo una comune ad arco conduce a sinistra verso l’interno dell’ abitazione e a destra verso l’esterno. Sulla parete di destra, per chi guarda, una porta  e una finestra mentre a sinistra due porte conducono verso le camere da letto. All’ingresso di ogni personaggio che proviene dall’esterno si sente l’abbaiare dei cani, come se  ne segnalassero l’arrivo. Sono in scena Maria, la moglie di Mario, energica e dalla personalità molto forte e ‘Nzula, la loro serva, zoppica per via di un incidente da ragazza, è sulla 50/na, non è una cima d’intelligenza ma è considerata una persona di fiducia dopo trent’anni di fedele servizio. Recitano uno strano Rosario.

MARIA

(concentrata come se stesse  pregando, assieme a ‘Nzula, entrambe sono sedute) “Nel primo mistero glorioso si contempla..” …oggi ha manciatu? ( con la stessa cadenza del rosario )

‘NZULA

“Per sempre omnia secula e seculorum……” Picca! Nun mi piaci, signura!

MARIA

“Amen!” E acqua….acqua quantu ‘nn’ha fattu?

‘NZULA

“Patri nostru ca si ‘nto celu…. Acqua? E cchi è trivella?”

MARIA

“Sia fatta la Sua volontà…” Scimunita…ha fattu pipì?

‘NZULA

“Così in cielu così in terra…” Vuliti diri se ha pisciatu?

MARIA

“Com’era in principiu dei secoli…” Brava, capisti, finalmente…

‘NZULA

“Ave Maria, grazia plena…”  Propria…’Avi ‘a facci raspusa comu ‘a carta vitrata, nun mi piaci…”

MARIA

“Sia fatta la Sua volontà…(segno croce)” Forsi vinni il suo momento…”Amen! ” Gloria nell’alto dei cieli…” Finisci di soffriri…mischinu…Ca ‘cchiù nun nn’avi mancu l’armu di ciatari….( dopo un attimo di pausa si ode una voce quasi sovrumana, gutturale,quasi un rantolo… )

VOCE  di nonno  Saro f.c.

‘A pala…Vogghiu ‘a pala. (le due donne si guardano stupite)

MARIA

Bedda matri niscìu d’o coma…(sconfortata)

  ‘NZULA

Si nni iu ‘a Comu? Ma cui?

MARIA

Si a Torinu! Ma cchi capisti? Dissi ca niscìu dal coma, surda ca nun si autra! (suonano) ‘Nzula và, vidi cuè! ( ‘Nzula esegue e scompare in fondo a destra, mentre Maria prega un’immagine ingrandita della Madonna…; dopo un attimo entra seguita dal parroco della parrocchia Madonna di Fatima, don Aldo, sulla 50.na, buono e pazientoso…ma ancora giovanile…)

DON ALDO

Carissima signora Maria, il Signore sia con voi!

MARIA

( su tutte le furie ) E con il tuo Spirito! Parrucu, avete fatto un viaggio inutile.

DON ALDO

Non vi capisco, signora.

MARIA

(intendendo il moribondo) E anchi ‘sta vota, l’ottava, è uscito dal coma,  parrucu… ( c. s.)

DON ALDO

(segnandosi) Sia fatta la volontà di Dio! Siti  cuntenta, no?

MARIA

Una Pasqua! Nun ci trasu cchiù ‘ntè robbi!

‘NZULA

( fa segno di no, che non è vero ) Don Aldo, vui nun sapiti nenti, ‘ccà ora succedi l’inferno. Cu veni, cu trasi, cu nesci, cu chianci, cu dormi…Questa casa diventa un’albergo…e tuttu  chistu supra e spaddi d’a povera signura…( Maria annuisce piangendo sommessamente)

DON ALDO

Certo, ora Mario chiamò ‘a famigghia, i fratelli…

‘NZULA

E comu no! Ora ‘ncumincia ppi’ ‘sta povera fimmina ‘a passioni…si  si…una passioni vera e propria. E quantu manciunu!

MARIA

(minimizzando) Ma lassa stari, ‘Nzula, chi ci cuntI ‘o parrucu.

‘NZULA

E ‘nveci Don Aldu ‘a sapiri. ( quasi sottovoce) A momenti arriva so’ soru e so’ maritu ‘u macellaiu, cammara matrimoniali con bagno interno (ironica) perché la barunissa senza bagnu ‘ncammara nun po’ dormiri, c’era abituata ‘a picciridda. So’  maritu, ù macellaiu, mischinu nun parra, è un poviru beccu surdu, chi ci vitta, mah!! ‘U sapiti maritu e mugghieri ‘nta quali spaddi s’appoiunu’? ‘Nta chiddi da signura, no!

MARIA

‘Nzula, finiscila!

‘NZULA

Appoi s’arricogghi ‘u megghiu de frati, il  pripissori Gino Vacirca…dai modi finicchi, ca mancia sempri verdura, dici ca è virgitalianu…S’arricogghi ‘ccù dui valiggi,  si porta tutto il corredo, pari ca avissi stari n’annu. Si cancia ‘a cammisa dui voti ‘o iornu, dui voti ‘i mutanni e dui voti ‘a magghia! Ppì nun parrai de fazzoletti do nasu! A duzzini! E ‘u vuliti sapiri ‘nta quali spaddi s’appoia? ‘Nta chiddi da signura !

MARIA

‘Nzula, cchi dici.

‘NZULA

Appoi arriva Pietro Vacirca, vedovo da un anno,  ca so’  mugghieri ‘u cumannava ‘a bacchetta…(sottovoce) Dici ca durmevunu spartuti. Ora si occupa di funerali, l’ attività del primo marito della moglie…

MARIA

Ma finiscila, pettegola!

‘NZULA

U parrucu l’ha sapiri puru cchi razza di genti sunnu…E puru chissu, don Aldu, ‘u sapi ‘nta quali spaddi s’appoia…?

DON ALDO

‘Nta chiddi da signura Maria! Semplice.

‘NZULA

Don Aldu, ‘a signura avi ‘mparu di spaddi ca mancu Macisti ci po'! Appoi doppu c’arrivunu, menu di ‘na simana nun stanu, ogni sira si sciarrianu…vuci…vuci, parrucu vossia avissi a sentiri.

DON ALDO

E va bene, cara ‘Nzula, ricordatevi che la pazienza è la virtù dei forti. Bene, ora vaiu a vidiri a don Saro… ( appena si alza si sente…)

VOCE f.c.

‘A pala…..purtatimi ‘a pala….

‘NZULA

( prima di uscire a sinistra…) Mi tocca di fari ‘sti mistirazzi e cchi mi veni….patri, frati, maritu…( entra dal fondo a destra Mario con una croce gigante…, 30x50)

MARIO

E questo volevi…tinta sguattera e fimmina ingrata. ( si accorge di don Aldo) Sia lodato Gesù Cristu, don Aldo. Mi dovete scusare, ma a volte la troppa confidenza con la servitù mi porta a queste circostanze. La distanza ci vuole sempre.

MARIA

Parrau ‘u Principi ereditariu…

MARIO

Ti ‘ntisi, ti ho sintuto. Io non sarò il Principi ereditariu, comu dici tu, ma tu di sicuru intra ‘sta casa fai ‘a principessa.

MARIA

Ma finiscila, ‘ccu tutta ‘st’aria di nobiltà. Se nun fussi per la mia economicità…

 

MARIO

Se inveci stavumu a spiranza di tò patri…(a soggetto con la mano) ( ironicamente)Parrucu ‘u chiamavunu Scarpa Pulita, pirchì essendo un nobili scarparu di paisi, usava sputazza a non finiri ppi lucidari ‘i scarpi. Vui certamente direte:  ma c’era puru ‘u cirottu, e iddu faceva ‘na ‘lliccata di cirottu e tri sputazzati, lo diluiva.

MARIA

Spiritoso.

DON ALDO

Signora Maria, non date retta a vostro marito, lo sapete che scherza sempre. Anzi permettetemi di chiedervi come mai questa croce gigante…

MARIO

Parrucu, cadete proprio sul cammello!

DON ALDO

Ma che c’entra ‘u cammellu?

MARIO

Per modo di dire. Comu quannu unu dici “ Parrammu d’o diavulu e ci spuntarru ‘i corna “

DON ALDO

( un po’ infastidito ) E voi questo esempio ‘u fati proprio a mia, il nemico n° 1 del diavolo. Diciamo allora “ cadere a pennello “ e non a cammello, scusate!

MARIO

Esatto, come dite voi. Mè nannu, fu. Prima di cadere nel ….nel…

DON ALDO

Pennello?

MARIO

Ma no, nel…

DON ALDO

Nel cammello…?

MARIO

Nossignore, nel…

DON ALDO

Nel coma.

MARIO

Comu?

DON ALDO

…Coma…..coma

MARIO

Appuntu…’ddocu ( a soggetto ) …nel…toma…nella…nella tuma…’nto tumazzu…Ma Comu cazzalora si chiama e chiama…prima ca s’addummisciva…mi dissi con un filo di voci “ Niputi miu, iu ‘u sacciu ca sugnu ‘a tò cruci…”

MARIA

…e puru ‘a mia!

MARIO

Tu ci devi baciare i piedi e le mani, poi ce li lavi e…

MARIA

E ‘ccu l’acqua ti ci fai ‘i gargarismi!! ( si alza) Scusati parrucu, vaiu a pigghiarivi qualcosa di friscu! ( via a sinistra sul fondo )

MARIO

Don Aldo, scusatemi. Ma ‘nta ‘sta casa c’e troppu tensioni. Se staccu ‘u cuntaturi ‘a luci resta ‘ddumata, tanta è la tensioni….

DON ALDO

Anzi, risparmiate!

MARIO

Lei ci scherza…

DON ALDO

Bisogna sdrammatizzare, non vi pare?

MARIO

Certo…certo…ma ‘ccà c’è nesciri foddi.Qua si persi la misura…Qua abbiamo arrivato a centu e riturnammu…( a soggetto )

DON ALDO

…  siamo arrivati…..

MARIO

Siamo? Lei ppì sua fortuna non centra! Ci dico che NOI  abbiamo arrivato a cento e….

DON ALDO

…siamo arrivati….

MARIO

Ancora lei s’ammisca? Se ci dico che NOI  ABBIAMO…..

DON ALDO

Carissimo Mario, si dice  siamo…siamo arrivati e non abbiamo arrivato…ha capito?

MARIO

Ah, voleva dire quello? Mi scusassi, veta se c’e una cosa ca iu battu a tutti è l’ignorantitudini, ccù mia nun ci po’ nessuno. E’ un donu di natura. Di tutti ‘i frati iu sugnu ‘u ‘cchiù duru…  Non devo dire grazie a nessunu e  a nessunu fazzu mali !

DON ALDO

Ma non si preoccupi, con me non deve fare mica gli esami?

MARIO

Giustu…giustu. Unni eravamo arrivati?

DON ALDO Nella croce…

MARIO

Ah, già! Mi dissi, mischinu, ccu ‘nfilu di vuci…comu a ‘nsantu….

VOCE DI ‘NZULA       f. c.

Pezzu di porcu! Bruttu vicchiazzu malarucatu! ( Mario si prende la testa tra le mani, poi come una furia rientra ‘Nzula )

‘NZULA

Dunchi, vi lu dicu ppi l’ultima vota. Se intra oggi nun n’arriva ‘a ‘nfirmera, mi fazzu ‘a valiggi e mi nni vaiu.

MARIO

Ma ‘cchi ti fici, brutta bisbetica. E lassulu ‘mpaci ‘ssu poviru uomu.

‘NZULA

‘A ora ci dugnu ‘u comutu a 97 anni di tuccarimi, quannu vuleva iu mancu mi taliava…(ironica) Preferiva le signorine del Circolo Acquestre….E oggi una, dumani n’autra, appoi c’erunu le vedove, ‘i mugghieri di l’autri…

MARIO

Ma cchi stai dicennu, cretina, cosi di trentanni fa e poi davanti a don Aldo, non ti vergogni?

‘NZULA

Tutti ‘u sannu quantu haiu statu sfortunata. (piange) Ma ora basta! (via a sinistra in cucina)

MARIO

Don Aldo, la tensione, vedete? Questa è tutta tensione d’intra ‘sta casa. Non riusciamo più a parlare senza litigare. E se chista mi lassa, a cui trovu?

DON ALDO

Non preoccupatevi, nun si nni và, è troppo affezionata. Ditimi, chiuttostu, di vostro nonno, che cosa vi disse?

MARIO

Pari fatta a posta…pari fatta a posta. Allura…ah, ci sugnu…mè nannu con un filo di voce mi disse “ Vogghiu ca devi fari costruiri d’o falignami  don Pippinu Manu Tagghiata…”

DON ALDO

Scusati…una curiosità, ma se ‘u falignami è monco come fa a fare ‘u falignami?

MARIO

Ma quali munucu, parrucu, ‘na manu ci mancava!

DON ALDO

E io monco ho detto, no monaco. Con una mano come fa a fare il falegname?

MARIO

Parrucu, e iu cchi ‘nni sacciu, se si cci metti puru vossia! ‘Ccà n’agghiorna e ancora ci haiu a cuntari ‘u fattu!

DON ALDO

Giustu…giustu…era tantu ppì capiri. Scusati non parlo più.

MARIO

Dunchi, mi dissi “ vacci e fatti fari ‘na cruci di mocano….”

DON ALDO

(correggendo Mario) ….ga…ga…ga…( volendo indicare mogano e non mocano si allarga esageratamente la bocca e Mario vi guarda dentro… )

MARIO

‘Cca unni…nun si vidi nenti…Aviti l’infiammo….? Ma quannu vi vinni, ora? Eruvu tantu beddu….

DON ALDO

(rassegnato) Ma non mi fa mali nenti…Volevo solo correggervi…Ma vedo che è tempo perso, continuate, vi prego!

MARIO

Dunchi ….” …una cruci di mocano….( don Aldo fa per aprire nuovamente la bocca poi si pente e si copre con la mano fingendo uno sbadiglio)   e m’a minti supra… (dalla sinistra, interrompendolo, entra Maria con un vassoio e dei bicchieri pieni a metà , rimane con la bocca aperta e poi…)

MARIA

Ecco fatto!! ( allegra )

MARIO

‘A morti subbitania ca ti pigghiassi  e purtroppu nun ti pigghia….( tra i denti, rivolto a Maria )

MARIA

Chi dici Mariuzzu?

MARIO

Qualchi sira avimu a cociri ‘nigghia…( senza convinzione )

DON ALDO

Le pannocchie, buone!

MARIA

Lassassi stari ‘i nigghia , Don Aldo,  e assaggiassi  questa limonata, l’ho fatta con le mie mani! ( Mario ormai è rassegnato, deluso, sfinito, la moglie cerca di riappacificarsi) E chista è ppi tia, beddu spicchiu! (gli porge un bicchiere….)

DON ALDO

( Mario prende il bicchiere ) Ecco, bravo, così mi piacete. E poi dobbiamo festeggiare l’uscita dal coma di don Saro.

MARIA

Ma chistu si sapeva, don Aldo. Chista è l’ottava vota in due anni…

DON ALDO

Voli diri ca non nn’è arrivatu il suo momento!

MARIA

‘Cca ‘a forza di aspittari ‘u mumentu so’, va a finiri ca arriva chiddu nostru!

MARIO

Ci vaiu a dari l’occhiu ‘o nannu!

DON ALDO

Aspettate, vi faccio compagnia. Gli do’ la comunione e se vuole lo confesso.

MARIO

Bene…bene…don Aldo, accussì ci binidiciti puru ‘a cruci. Questo era il motivo del cammello…

DON ALDO

Per favore non ritorniamo da dove siamo partiti! Portatela che io la benedico. Piuttosto, ditemi una cosa, dove la metterete?

MARIO

Iddu mi dissi supra alla tistera del letto…

DON ALDO

Ma c’è la Madonna di Fatima!! La nostra Madonna!

MARIO

E mi dispiace, don Aldo! Vui a mè nannu ‘u canusciti! Se mi dissi accussì devi essiri accussì. Casomai ‘a Maronna ‘a mintemu a… sinistra…

DON ALDO

( scandalizzato ) A sinistra? Ma siete pazzo?

MARIO

‘A destra, mancu?

DON ALDO

( cs. ) ‘A destra?

MARIO

Allura ‘a mintu ‘mporta, va beni?

DON ALDO

E ci scherzate pure?

MARIO

Scusatimi, don Aldu, ma iu sugnu ormai arrivato alla…alla…

DON ALDO

…frutta…

MARIO

No, grazie, si chiusi ‘a vucca di l’arma…nun ci trasi nenti ‘cchiù!

DON ALDO

Bè, non volevo dire proprio quello, ma insomma, la …Madonna è la madre di Cristo e và onorata, giusto? E poi, scusatemi, si tratta di una croce, una pura e semplice croce senza il Signore crocifisso, o mi sbaglio?

MARIO

Di mocano però…Certo…aviti ragiuni. Allura ‘a mintimi sutta ‘a Maronna, chi ni pinsati?

DON ALDO

Bravo, così va meglio! Possiamo andare…

MARIO

Giustu…giustu… ( i due via a sinistra sul fondo, poi suona il telefono e Maria va a rispondere)

MARIA

Pronto? Chi parla! Comu….Signorina Ciprude?….Scusassi…si senti mali…ma no lei, ma chi mi ‘ntaressa ca lei sta beni, io ci volevo diri ca si senti mali il collegamento. Chi avi il cellolari? Ah, signorina…comu dissi che si chiama?  Ciprude….comu…comu….Casci ‘i l’agghi ? ’Cchi nomu scunchiurutu! Ma è frustera?  Senta…signorina…c’e indifferenza nella linia, provassi con un apparecchio fissa…a muro o si…si  o ‘nto tavulu…Brava.  Fissa…cioè ca è fermu, ca nun si muvi a munnu di Diu. ( tra se ) Ma è puru cretina e surda?  Pronto…lei è ….Carìu ‘a linia, maladitti ‘sti cellolari…( rientrano dal fondo a sinistra  il parroco e Mario…)

DON ALDO

Coraggio, Mario, vostro nonno ha una tempra forte. Vi ha fatto uno scherzo.

MARIA

Ppì ‘ssà cosa, nni sapeva scherzi. Avi ottu voti ca ni scherza. Ora lei ‘u sapi, parrucu, quantu ni costa ‘stu scherzu?

DON ALDO

Si, capisco, ma pensi soprattutto alla gioia di averlo ancora con voi per qualche altro ….anno…(pietosamente)

MARIA

(spietata)…facimu secunni…

DON ALDO

…un mese…

MARIA

facimu minuti…

DON ALDO

una settimana…

MARIA

…uri…

DON ALDO

Quello che sarà sarà! Bè, vi lascio alla vostra gioia.

MARIO

Appoi vegnu e ci prenotu…

MARIA

(ironica) ‘A musica ‘a parcu…

MARIO

(a denti  stretti)  Vinti cannili ppò nannu.

DON ALDO

Sarà fatto, non preoccupatevi. Il Signore sia con voi…( esce dalla comune, Mario lo accompagna, poi ritorna visibilmente urtato )

MARIO

Quantu si spiritosa! Ti pigghiassi ‘a tumpulati ma l’educazioni ca haiu me lo impedisce,  ma se fussi del tuo stesso ceto…

MARIA

Ma quali ogghiu e acitu,  finiscila, non essere ridicolo! Questo problema l’avimu pigghiatu milli voti e milli voti m’hai datu ragioni, quindi lassa perdiri.

MARIO

Iu nun dicu ca hai tortu, ma davanti al parroco, santo Diu, reprimiti, muriti ‘a vucca. Sei tutta un veleno, un serpente velenoso.

MARIA

Nun ci ‘a fazzu…nun ci ‘a fazzu….’U Signori mi devi perdonari…ma iu ‘a tò nannu se putissi…(sull’orlo di una crisi isterica…) ‘ccù ‘sti manu…pigghiu ‘ncuscinu e…

MARIO

(allarmato, si guarda in giro con la paura che qualcuno abbia ascoltato, poi a bassa voce… )  Ma cchi  ti scappa da’ ucca?  Ma tu si pazza?

MARIA

Sugnu pazza? Ah si?  Ma pirchì unu comu ‘a tò nannu chi cosa merita?

MARIO

Ma è sempri mè nannu…( non tanto convinto, si accascia sulla sedia)

MARIA

Ricorditi di tò patri, figghiu unicu, doppu ‘na vita di servimento e di schiavitù, sissignori, schiavitù, senza essiri mai statu patruni di nenti, in puntu di morti ci dissi ‘o vicchiazzu : “Papà promettimi ca ci fai tistamentu a Mariuzzu e ci lassi ‘a  ‘mmità di tuttu! Pozzu moriri tranquillu? ” E ‘u vecchiazzu di tò nannu chi ci dissi?

MARIO

( con la testa china, a voce bassa  ) “Appoi si vidi!”

MARIA

Eccu comu si visti. Sunnu passati 25 anni di quannu morsi tò patri, hai continuatu a faricci ‘u sguatturu e iu a serva;  ottu voti è arrivatu alla fossa e simu  ancora a parrari di chistu. E se quannu mori, ( segnandosi ) spiramu oggi stissu, vinimu ‘a sapiri ca nun nn’ha fattu tistamentu, ‘u capisci ca tuttu ‘u capitali lo dovete spartire in quattru, cchè tò frati, ca nun ci hannu misu ‘na manu all’acqua caura, che se ne sono stati tranquilli e beati ‘ntè so’ casi, e tu? Chi ci guadagni? E iu? Haiu fattu ‘a serva ‘ppi ‘na vita ‘a matula!! ( lo squote) E parra!

MARIO

E chi …

MARIA

( interrompendolo )E se ppì casu lassau tuttu ‘a qualchi fimminazza? Cu ‘u sapi? ( a voce bassa)  O, viceversa, lassau tuttu a ‘Nzula? Era picca piacirusu…

MARIO

….è…è…è…(storcendosi la bocca per parlare sottovoce)

 

MARIA

(allarmata)   Bedda matri, cchi ti pigghiau ‘mparesi?

MARIO

Ma quali paresi, cretina.  Ti dissi ca ancora è vivu e quindi è…non era… ( alzandosi e passeggiando con calma) Comunichi se ti po’ fari piaciri,  a momenti avissi a veniri ‘a ‘nfirmera e se ne occuperà lei, di tutto.

MARIA

E unni ‘a truvasti?

MARIO

Sutta ‘o lampiuni…Ma cchi ‘ddummanni?

MARIA

Nun cridu ca è una di chiddi…comu si chiamunu…i vacanti…i mutanti…i bagnanti…comu cazzalora…

MARIO

Vuoi diri ‘i  badanti…? ( Maria annuisce )  Ma quali, chista è ‘na ‘nfirmera vera è propria, ccù tantu di diploma…E’ svizzera e macari tedesca…

MARIA

Vuoi vidiri ca è chidda ca mi telefonau antura…?

MARIO

E tu nenti mi dicisti? E chi vuleva?

MARIA

Nun nn’ ù potti capiri pirchì c’era confusioni ‘nta linia…

MARIO

( equivoco a soggetto) Allura veni ccò trenu…

MARIA

Appoi vistu ca ‘nsisteva ci dissi di pigghiarini unu fissu, direttu và…ca nun si muveva ca era megghiu…accussì faceva prima…

MARIO

Allura arriva ccò direttissimu ‘i l’una….?

MARIA

( molto confusa ) Forsi, idda dissi ca aveva  magiacinu…Dici ca ci prudeva ‘a testa ‘i lagghi…

MARIO

Ma chi stai dicennu?

MARIA

Mariu. Mi fici cunfunniri e nun capii nenti, appoi carìu ‘a linia e…( suonano, ‘Nzula dalla sinistra sopraggiunge per andare ad aprire…poi ritorna col dott. Mazza, medico di famiglia, amico d’infanzia di Mario, sui 50 anni )

MARIO

Nicola, come mai? Hai saputo do’  nannu?

‘NZULA

Niscìu do’ comò…

MARIO

E trasìu ‘nta cridenza…’Nzula, passa ‘ddà ‘bbanna, ca nuatri di genti ‘struita nun nn’avemu di bisognu! ( ‘Nzula ubbidisce, sbuffando se ne va )

MARIA

Dutturi se permetti mi assento puru iu, aspettu ‘i mè cugnati, e ‘u sapi  chi c’è di fari?

LA MAZZA

Prego…prego signora, si accomodi.

MARIO

Va…va…fai chiddu c’ha fari. ( Maria scompare a sinistra ) Nicola assettiti! ‘U nannu nun ni voli sentiri di moriri, è duru…ma non sulu, in casa ho l’inferno. Ora arrivunu i mè frati, e chi cosa ci pozzu diri? Vativinni ca nun morsi. Li trattengo, li fazzu dormiri, li fazzu manciari…Nicola, (aggrappandosi alla sua giacca) ‘u sai quantu manciunu? ( Annuisce ) No, tu nun nn’u sai. Sono degli animali, manciunu di tuttu…e se nun nn’hannu fami manciunu ‘u stissi, lo fanno per ripicca contro di mia e di mè mugghieri!

LA MAZZA

(allontanandosi e sistemandosi la giacca)  Ma almeno quando sarà del…si insomma…del trapasso ti saranno riconoscenti…tu hai badato con lui quando era vivo…

MARIO

( come prima )  …è…è…è…

LA MAZZA

Mario, ‘cchi ti pigghiau? Guardami…( con una minuscola lampadina tascabile gli osserva gli occhi, gli assesta uno schiaffo…)

MARIO

Maronna  mia ‘cchi duluri! Ma cchi ti piagghiau, Nicola?

LA MAZZA

Mi facisti scantari, ‘a vucca torta, e poi è…è….è…I sintomi di un TIA e ti ho fatto una specie di esame obiettivo…tutto qui!

MARIO

Va beni…e poi qualchi tumpulata ci voli. Oggi nun mi fazzu capiri beni, cchi ci pozzu fari!

LA MAZZA

Ero anche venuto per sapere se era arrivata l’infermiera! Sai,  è bene che mi faccia vedere, lo dico per te.

MARIO

Ma com’è, Nicola?

LA MAZZA

(sottovoce) Ti dico la verità, Mario. Io me la volevo portare nel mio studio, ma ormai avevo preso con te l’impegno e…basta, la parola è un atto.

MARIO

E’ troppo brava?

LA MAZZA

Non solo, è troppo buona…

MARIO

Buona nel senso di brava…? (ingenuamente)

LA MAZZA

No…no…buona buona, nel senso che intendiamo noi, mascoli mediterranei (con gli occhi allupati di sesso).

MARIO

Daveru mi dici e cchi fa?

LA MAZZA

E cchi fa…e cchi fa…Bada ccù tò nannu e ccù idda ci badu iu…quando è libera, si capisce. Io poi non è che sono sposato, eh?

MARIO

E iu pavu?

LA MAZZA

E chi cosa pai? Tu paghi l’infermiera io pago la…

MARIO

…buttana? Se ‘u sapissi mè mugghieri…

LA MAZZA

Del resto per te l’importante che risolvi il problema dell’assistenza a tuo nonno se poi vuoi qualcosa di ….di particolare  basta ….basta pagare… (fortemente allusivo)

MARIO

Chi vuoi diri? Lassamu perdiri ‘ss’argomentu, ti dissi ca mè muggheri è troppu pericolosa…

LA MAZZA

Ma non si tratta di quello che pensi tu….E’ qualcosa di più delicato.  (Mario non riesce ad afferare…) Mario…(avvicinandosi sempre più, a bassa voce ) hai mai sentito parlare di Dolce Morte, dottor Morte, ecc…ecc… ?

MARIO

No!

LA MAZZA

Insomma, alcuni anni fa, in Germania, c’era un medico che dietro richiesta dei pazienti  gravi o dei loro familiari ,  con una semplice puntura poneva fine alla vita disperata e ingiusta di queste persone. ( Mario è allibito )

MARIO

Ma dici daveru?

LA MAZZA

Certo! Ma che c’è di male? Anzi dovrebbe essere consentito in tutto il mondo. Dimmi tu che vita è quella di una persona che sa di morire fra un mese o un anno. E’ un morto che cammina e basta! E i dolori lancinanti in questi stadi ormai terminali della malattia oncologica…Uno strazio per i familiari e per lui stesso…

MARIO

( c.s.) Ma ‘a vita nun si po’ luvari accussì…ppà…’na  ‘nnizioni…e ….si finìu. No…no…non è giustu!!

LA MAZZA

Allora è meglio morire piano piano…a goccia lenta, arrivare a trenta chili, non avere la forza di muoversi, di fare una carezza ai propri familiari, di non riuscire a parlare per dire basta a questa tortura….Mariu, mè patri murìu accussì, mè nannu murìu accussì….e forsi macari  iu…

MARIO

Ma finiscila…tu nun morirai mai! Ma pirchì finemmu ‘nta ‘sti discursi?

LA MAZZA

Quel medico di cui ti parlavo aveva un’infermiera…( Mario incomincia a capire…)

MARIO

Nun mi diri…

LA MAZZA

( annuendo con calma ) Si, Mariu, era lei. E la differenza  col medico era una sola: lei lo faceva per soldi e lui per pietà. Lui è stato arrestato e lei è riuscita a scappare e ora sotto false generalità è qua. Io voglio continuare la missione del medico tedesco, Mario, voglio che questa barbarie finisca.

MARIO

Ma rischi ‘a galera, ‘a carriera?

LA MAZZA

Ho già deciso, Mario, farò la mia strada. Piuttosto, il discorso di tuo nonno è diverso, lui non è un malato terminale, ma in ogni caso è sempre una vita di merda, la sua e la vostra…Pensaci e fammi sapere o lo dici a lei direttamente. Capisce bene l’italiano. ( si alza per avviarsi….) Comunque non preoccuparti, sono sempre il vostro medico…conta su di me…

MARIO

Ma ppì moriri o ppì campari…?  ( sconfortato )

LA MAZZA

Ppì campari…scimunitu!! ( gli da un buffetto, poi via sul fondo a destra, dalla sinistra entrano ‘Nzula e Maria )

MARIA

Mariu, ora iu parru, però tu nun t’a siddiari, va beni?

‘NZULA

Parrati vui ca appoi parru iu!

MARIO

(come un bambino)  Se parra idda iu mi siddiu.

‘NZULA

Ah, si? Iu nun sugnu nuddu, è veru ? E chista ‚ è a ricompensa doppu trent’anni di servitù? ( piange) ) Senza mai ‘na festa, un permesso, una licenza…

MARIO

‘Na licenza? E cchi erutu surdatu o megghiu ancora, impiegatu statali? E poi unni avevutu a ‘gghiri? ‘Nta quali parenti?

‘NZULA

…senza mai ‘na lira. Haiu travagghiatu comu ‘na mula, anzi ‘na scecca….

MARIO

Ora si!

‘NZULA

Si, ‘na scecca, nun m’affruntu a dillu. Na ‘u faceva cu tuttu ‘u cori, ‘ppi vostru patri, ppì vostra matri (segnandosi) Regula e regulorum  in Eterno…Chi fimmana santa…Chi uomunu vostru patri…Ppì iddi puru ‘a vita…( piangendo assieme a Maria e Mario) Iu ‘u sacciu la riconoscenza e la gratitudine che ci devo, e sugnu disposta a faricci ‘i nuttati ‘nta cappella ‘i famigghia, nun m’ascantu… ( cambiando tono, aggressiva…)  Ma a costu ca mi nn’i mannati, cchè vostru frati no! Basta. Mi stancai. Ccà nun simu ‘a ‘bbergu ‘I Menzu Nasu…Tutti ‘sti stuffusarii mi stancaru….Signura Maria, parrassi vossia…

MARIO

Ah cchi siti accoppiati? Cchi è sciopiru di patruni e sutta?

MARIA

Mariu, chiddu ca ti vulimu diri sempri se ni stai stai a sentiri, è che si arriva a un certo punto nella vita che bisogna prendere delle decisioni… e le situazioni si affrontano con coraggio

MARIO

A cui ‘u dici! ( pensado ai discorsi del dottore ) E chi sorti ‘i decisioni, cosi tremendi ca tu nun puoi capiri! Appoi t’u spiegu.

MARIA

( risoluta ) Insomma si po’ diri ‘e tò frati o nun si po’ diri che siccome il nonno, vostro  nonno,  è ancora ccù nuatri e nun ni voli sentiri di passari ‘a megghiu vita, la loro permanenza è rimandata a data da destinare e che quannu sarà il  momento ci lu facimu sapiri ppì littra raccomandata, punto. No, anzi megghiu, quali raccumannata, a telegramma espressu, anzi direttissimu…

MARIO

…puntu!

MARIA

No, stop!!

MARIO

( tra se ) Anzirtava chissa!!  E sia ppò Stop!!

MARIA

Chi cosa ni pensi?

MARIO

L’idea mi pari bona, anzi troppu bona. Ma siccome arriveranno da un  momento all’altro e tu ‘u sai ca quannu arrivunu parunu ‘i patruni ‘i casa…

MARIA

Parunu, ma non lo sono…

MARIO

No…no…lo sono, mia cara…lo sono comu a mia…avimu tutti una quota….ricordati mia cara!

MARIA

(mordendosi le mani) Viecchiu maladittu…Ecco pirchì ‘u vogghiu mortu! Se t’avissi nominatu eredi universali…Maladittu…!

MARIO

Non sulu, ma mi ponnu puru ‘ddummannari l’affitto di tutti questi anni.( cercando di convincere Maria ) E allura, ragiunannu ‘ccù canticchia di ciriveddu:   vistu ca sunnu puru iddi patruna, hanno il diritto di dormiri….

‘NZULA

Sissignura…ma no di manciari…Eccu parrai!!!

MARIA

Giustu! Brava ‘Nzula ! Ogni tantu una giusta ‘a dici.  Dormiri, esattu! ‘I letti s’i fannu iddi, ‘i linzola si lavunu iddi, ‘u manciari ci ‘u fa tò soru, sunnu o nun sunnu ‘i so frati?

‘NZULA

Scusassi signura se m’intromettu, vossia parrau di lavari linzola, ma quantu hannu ‘a stari?

MARIA

Giustu, veru è! ‘Na vota ca tò nannu nun ni vosi sentiri mancu ‘sta vota, (segnandosi) spiramu ‘nta nuttata, chisti cchi stanu ‘a fari? ‘A villeggiatura? Appena arrivunu pirchì nun si nni vannu ‘a chiesa, ‘nti patri Aldu, cci ‘ddumunu qualche cannila ‘o nannu Saru, ci dicunu deci Ave Maria e quattru Patri Nustru e di unni vinnunu si nni tornunu. Chi dicu cosi storti o boni?

‘NZULA

Bona parrau! ‘A ‘bbergu è chiusu e puru ‘u ristoranti… (decisa)

MARIO

Tu statti muta, criata tinta! E va beni, chistu si po' diri con le dovute maniere….

MARIA

(ironica) Si, cchè guanti gialli…

MARIO

Con i dovuti modi…

MARIA

( c.s.) Ccù viscuttedda e rosoliu! Ccu pinzi e moddi. ’Nsia mai  i Principi ereditari si dovessero offendere…Cu’ lo sapi chi cosa penserebbero…

MARIO

Ma basta ora, Maria!!  Ma ‘nsumma ma cchi cori hai? Comu ci pozzu diri ‘e mè frati, sangue del mio sangue…

MARIA

Sangue infetto…

‘NZULA

Infettissimo…sangue malato…

MARIO

…u nannu nun morsi, vi nni putiti turnari ‘a casa senza manciari e senza dormiri…

MARIA

Allura ci puoi fari un’altra proposta…Fratelli…

‘NZULA

D’Italia !! ( ridendo di nascosto, Maria la segue…)

MARIO

( a ‘Nzula minaccioso ) Sarvati ci l’hai, nun ti preoccupari! Appoi videmu se t’addifenni ‘a tò patrona!

 

MARIA

Fratelli, eravamo venuti per piangere una persona a noi cara e invece ci troviamo qui a festeggiare..

                                                                       

MARIO

..La Santa Pasqua…Ma finiscila, Maria, non essere arridicola….C’è una mortalità e tu ‘a vuoi festeggiari?

MARIA

E se purtroppo sei ignoranti comu ‘nu sceccu ‘i Pantelleria…Ma quali mortalità…quali? Macari a Diu!

‘NZULA

Sia fatta la Sua volontà, quannu voli  iddu è ‘ddà!  (rivolta al nonno, Mario la guarda con gli occhi di fuoco…)

MARIO

Ah, già! M’aveva scurdatu! Parra…e circamu di chiudiri st’argomentu…!

MARIA

…..a festeggiare lo scampato pericolo per l’ottava volta…e a seguito di questo festeggiamento, che potremmo fare nel ristorante del paese a due passi da qui…, e ognunu si paja ‘u so’ , si potrebbe cominciare a parlare di eredità….Dopo di che ognunu a so’  casa tantu beddu che quando ci saranno novità sarà avvisato tramite telegramma direttissimo!!  Cchi ti nni pari, Mariu?

MARIO

E’ ‘na cosa ca si po’ fari. Ma  mi veni però un dubbio. Quannu ci dicu “ognunu ‘a vostra casa…” mi rispunnunu,  ‘a prima mè soru, “ …e qual è ‘a casa tua? “ Iu chi ci dicu?

MARIA

Chista, ci dici, senza paura!!

MARIO

E chidda mi dici “L’hai pajatu l’affittu? Chissa è puru casa mia, ricordatillu!!”

MARIA

( inferocita prende un ombrello e comincia a brandirlo per aria ) Allura iu pigghiu ‘u  ‘mmarruggiu di tò patri, bon’arma, e ci dicu “ Brutta cosa tinta, fimmazza ‘i strata, pirchì nun ti stavutu ‘ccà, nella casa ca ora dici ca è tua, pirchì ti nni scappasti ccù ssù vecchiu surdu di tò maritu, poviru crastu…Quannu t’innisti dicisti can nun ci mintevi cchiù peri…Ppì forza, era la vergogna ca ristasti ‘ncinta di Janu, ‘u mitateri…Parra, ci dicu…parra, fimmina tinta….Cchi cosa vuoi di ‘sta casa onorata…”( Mario e Nzula la calmano )

MARIO

Ma comu ci ‘u pozzu diri davanti a so maritu?

MARIA

Ma chiddu è surdu! Comunichi se tu nun vuoi,  ci ‘u dicu iu! Appoi cu c’è tò frati Ginu? Hai paura di iddu?

MARIO

Ma no, propriu di iddu no. Forsi è ‘u megghiu di tutti.

MARIA

Se vuoi ci cantu a Carta Gibiliana puru a iddu e ppoi ni cunta pirchì scappau di notti e notti  ccò maistru ‘i musica…(effemitamente)  Saverio….

‘NZULA

Mischinu, arrisultò tuccatu d’a cannula…Piccatu beddu fighiu!

MARIA

Appoi c’è ‘u megghiu di tutti, Pietro ‘u tabbutaru, ca si spusau ‘a vedova La Ferla, brutta quantu ‘a morti, con la speranza di fare un grosso affare, purtroppo si sbagghiò,  infatti non sapeva ca ‘a vedova aveva ‘na brutta malattia, la gelosia…e per punizioni pirchì s’a faceva ca cammarera, ‘u faceva dormiri ‘nto suttascala…

‘NZULA

Viriogna!!!

MARIA

Addivintau ‘a farsa di tuttu ‘u paisi! Menu mali ca ci morsi ‘a mugghieri…Ma deve stare attentu, chissa ‘u richiamu ci fa! Svergognato, nun vinni mancu quannu morsi tò patri, vergogna…Ma cchi sorti di frati hai…Chissi sunnu serpenti, autru ca parenti…

‘NZULA

Parenti, cui chissi? Fiuramini!! ( Mario non ne può più, prende l’ombrello che prima aveva Maria, e le aggancia col manico il collo)

MARIO

‘A ‘ffucu, sull’anima di mè patri! Vattinni ‘ddabbanna. Bisbetica e malalingua ca  nun si autra! ( ‘Nzula scappa con tutta la forza che ha)  Basta…basta, Maria, ti prego, lassa stari…sapemu tuttu…è inutili ca ripeti a solita musica…Basta ‘ccù tuttu ‘stu fangu sopra ‘a mè famigghia, basta! Aspittamu e poi vidimu. Intanto a momenti deve arrivare l’infermiera e almenu ‘stu problema l‘avimu risoltu… Sì contenta? Chiddu ca pozzu fari ‘u fazzu, tu però non mi devi assucutari… Non mi devi tamponare.. Si comu ‘o currituri ca ‘sta ppì pigghiari ‘o primu , curri…curri….‘Avi l’alibi sul collo…

MARIA

Sicuru  ca si dici accussi’?

MARIO

Certu,  avere l’alibi sul collo e iu’u sentu…e mi disturba!

MARIA

Vidi ca si dici alito sul collo, fiato…

MARIO

Va beni, chissu ‘ddocu,  mi disturba ‘u stissu! Calma…ci vuole calma. Ora  chidda  ca  ‘sta arrivannu è un soggetto strano..anzi, stranissimo e mi  raccumannu di non farla siddiari…( a malincuore  ) Chiama a strafalaria accussì ci spiegu ‘a parti. (Maria si avvicina alla comune e chiama)

MARIA

‘Nzula…’Nzula….

‘NZULA  voce f.c.

Nun vegnu…nun vegnu…( poi si presenta con la coda tra le gambe e si siede accanto a Maria )

MARIO

Sintitimi beni, pirchì nun vogghiu ‘rripetiri cchiù il concetto. A momenti arriverà ‘a ‘nfirmera e dici ca è menza svizzera e menza tedesca…Ora iu ‘u sacciu quali fussi ‘a ‘ddummanna ‘cchiù idiota…ca vuatri mi vulissuvu fari…( sorrisini tra le due ) Qual è ‘a ‘mmità tedesca e qual è chidda svizzera?

MARIA

Appuntu! Cchi è comu ‘e vacchi svizzeri? E’ ‘na razza bona?

MARIO

(ironico) Vulimu fari una speci di Rischiatuttu? ( pausa ) Non lo so e non mi interessa . Io lo ripeto a tutti dui, guai se mi accorgo ca ‘a sfuttiti, ca ‘a fati siddiari… ca ci fati tutti i sfizi ca aviti fattu all’autri…pirchì se si nni va puru chista, vi putiti stiari ‘u mussu. ( pausa ) Ma chista sugnu sicuru can un si fa sfuttiri ‘i vuatri, veni di una scola rigida…tedesca…ed è puru…pericolosa…

MARIA

Cchi ‘ffa muzzica?

MARIO

No…no…puncia!!  E cchi sorti ‘i punciuna….’avi ‘na manu accussì leggia…Megghiu ca ci stati ‘a larga. ( preoccupato )  Pensa ca si chiama Gasslagher, Gertrude Gasslagher! E nasciu ad Awsvitzh, unni c’era ‘u  campu ‘i concentramentu tedescu. ‘U capisti? (  suonano ) Forsi idda è…. Matri Santa, chi staiu cumminannu…( in imbarazzo )

MARIA

Ma ‘a guerra chi avi d’ora ca finìu?

MARIO

E’ la qualità fasulla dell’uomo ca ancora esisti! Tu nun sai nenti,  Maria.  Ma ormai è fatta…appoi t’u spiegu. ‘Nzula v’a rapici, però prima talìa cuè! Allivoti sunnu ‘i mè frati! ( ‘Nzula va ad aprire mentre Mario stringe Maria in attesa del ritorno di ‘Nzula che avviene su bito dopo sulle note di una marcia che potrebbe essere l’inno nazionale tedesco, è seguita da una donna corpulenta sulla 40na, vestita da infermiera, con una giacchetta di lana blu, un copricapo, calze trasparenti bianche, è una bella donna teutonica…alla sua vista Mario accenna ad un saluto romano….E’ decisa nel parlare e nei movimenti….Sono tutti intenti a guardarla…stupiti e sono quasi in riga…Mario distrattamente credendosi di trovarsi difronte a un alto ufficiale..)  Compagnia att… ( poi si riprende ) Ben….arrivata, signora…

GERTRUDE

Nain…Bitter…froilan…(alterata)

MARIO

Minchia!!  Vuoi vidiri ca si siddiau?

MARIA

E ‘rripeticci‘i saluti , ma pianu, però…

MARIO

Certu…certu..(esageratamente gentile)  Questa casa è anorata di averla con noi…

‘NZULA

…e con il tuo Spirito…

MARIO

…gentilissima signora…

GERTRUDE

( c.s.) Bitter… froilan…

MARIO

Ma pirchì s’incazza…cosi d’ì pazzi?

GERTRUDE

Io essere signorina, froilan, ià,  nain nain signora, capito ??

MARIO

Ià…ià…capito…ora l‘haiu caputu…..non s’incazz…non si arrabbiare....ià?

MARIA

Dicci ‘a signorina Bitter…comu si è organizzata….ià?

MARIO

Ma nun si chiama bitter…’gnuranti. Signorina Friulana, ci scosassi l’ignorantità, mè mugghieri nun sapi mancu il talianu e voli parrari il tatesco…si fiurassi! ( ride solo lui )

MARIA

Cretinu e armali., ‘u sacciu ca si chiama Ciprude…(sottovoce, ‘Nzula annuisce)

MARIO

Ma quali Ciprudi e Ciunchia…Gertrude si chiama…Gertrude…

GERTRUDE

Ià…ià…Tanckscen! Io volere spiegare mia presenza qua, cosa io fare..! Io abituata a regolamento mio lavoro. Io fare questo…tu fare quello…egli fare quest’altro…

MARIA E ‘NZULA

Noi fare quell’altro .…voi fare quest’altro…essi…

MARIO

…essi fannu chiddu ca vonnu !!  Abbiamo coniugato la voce del verbo fari chistu e fari chiddu.Basta, sangu di Giuda!

GERTRUDE

Ià…ià…capito…Brafi….brafi…! Questo è Regolamento…

MARIA

( a bassa voce) Arrivau ‘a capu trumma d’ò battaglioni….

MARIO

(c.s. ) Muta, statti…muta, nun ti fari sentiri…Nun nn’a fari siddiari…

‘NZULA

( c. s. ) Signora chista  nun mi piaci…

MARIO

Nun sunu cosi ca ti riguardanu! ‘A mia si tu ca nun mi piaci ! Stati attenti. In riga. ( tutti e tre, in effetti è come se fossero militarmente in riga…)

GERTRUDE

Acktung…acktung…attenzione…attenzione…

MARIA

Mi pari l’ispettori Derrick! Matri Santa, ‘cchi è laria!

GERTRUDE

Bitte…

MARIA

E si fissau ‘ccò bitter…! Signorina Friulana, c’è sulu cazzusa…ci ‘u dissi prima!

GERTRUDE

Prego…attenzione!  Durante ore notturne…io fare guardia nonno Saro…ià…! Ore zei di mattina fare iniezione…a nonno…

MARIO

( timoroso, quasi sottovoce…)  Ci facissi chidda giusta…ppì favureddu…

GERTRUDE

Ore zette e diciazzette….

MARIO

Cchi precisioni…ppi chistu  in Germania e ‘nta Svizzera ‘i treni sunnu sempri in orariu?

MARIA

E se fussunu ‘i setti e dicinnovi ‘cchi si ‘ncontra ‘ccò direttissimu ‘i Milano?

GERTRUDE

( tassativa, rimproverando Maria con gli occhi )  Alle zette e diciazzette colazionen…

MARIO

Colazionen ‘ppò nannu?

GERTRUDE

Nain!!! Io colazionen! Pane……pancetta fritta, ià…….marmellata, burro…latte…uova trapazzaten, purè di cartoffen …caffè ….capiten?

MARIA – MARIO – ‘NZULA

( a bocca aperta )  Ià’!!!

GERTRUDE

Ore totici…ià..

MARIO

‘U bitter…

MARIA E ‘NZULA

Nain!!!

MARIA

Sceccu, comu ti l’haiu a diri ca bitter non ci nn’è!

GERTRUDE

Lunch…piccolo pranzo…hamburger…paninen e… pirra…pirra…tateschen ià…bitte…

MARIA

( ironica e orgogliosa  ) Nuatri avimu sulu Baffo d’Oro, della Moretti…italiana…cosi tedeschi ‘ca d’intra nun nni passienu…

MARIO

(c. s. )  Scosassi friulana Gertrudi, e ‘u  nannu quannu….manciaren…?

GERTRUDE

Nonno fare ancora iniezione….ià?

MARIO

Ah, ‘o nannu sempri….( soggetto puntura intramuscolo…) Sempri ‘i sutta và, e di supra quannu…( soggetto mangiare ) iddu ca è trenta chila…Lei lo addobba di ‘ngnizioni…  Scosassi, ma dottore La Mazza…(soggetto mazza)  è al correnten di tutti questi ‘ngnizioni? Dicu…siete appattaten ià?

MARIA E ‘NZULA

Nain!!!

MARIO

Ma vuatri ‘cchì nnì sapiti?  Chista ‘u fa moriri…!

MARIA

Aspetta, ancora c’è ‘a cena…videmu unni ‘ntappa!

GERTRUDE

Ore diciannove e zero zette….fare cena…

MARIO

‘Ppò nannu?

GERTRUDE

Nain! Nonno…fare…

MARIA E ‘NZULA

…’ngnizioni, ià!

GERTRUDE

Io cena! Pasta, formaggio…pirra…pirra…anghe italiana…bona Baffo t’Oro… bona!

MARIO

Serve altro, froilana Gertrudi?

GERTRUDE

Ià!  Patella sempre pulita, ià?

‘NZULA

Patella, quali patella, chidda d’a cucina ppì ova fritti?

GERTRUDE

Nain…come dire voi? Pala…ià, pala per pupù…e pappacallo per pipì…ià?

MARIA

Ma comu schifiu parra?

MARIO

Ma nun capiti nenti! ‘A pala…’a pala voli…(soggetto con la mano)

MARIA

Ah, ‘a pala! ‘A voli pulita…sparti…

‘NZULA

Ah, puliren nuatren…? Ah boni simu cumminati. Di crocchi ‘ni misumu ‘a croccu…

MARIO

E’ ‘u regolamentu…scimunita…regolamenten, ià!

GERTRUDE

(sulle note della stessa marcia di prima, Gertrude va via sul fondo a sinistra) Io antare da nonno, scusare…( i tre rimangono di stucco )

‘NZULA

Pulire patella, pappagallo…fare manciare…e ‘cchi è ‘na caserma? Signura, nun mi piaci!

MARIA

Mancu a mia mi piaci…

MARIO

(pensieroso)   Basta, ora ci vaiu e ‘a licenziu…

MARIA

E se poi nun truvamu a nuddu ‘cchiù?

MARIO

(preoccupato)  Chistu ‘u fa moriri ‘o nannu, t’u dicu iu?

MARIA

Ma finiscila… nun diri fisarii.

MARIO

(confuso)  Ma tu cchi ‘nni sai!  Tu ‘u sai cchi tipi di ‘ngnizioni ci fa ‘o nannu…? E poi quannu ‘u fa maciari?

MARIA

(accomodante)  Bè, infini…tutti dobbiamo morire. Tò nannu dumani fa 97 anni, tu ci arrivi?  Se dovesse morire, paci all’anima sua… ( si segnano con ‘Nzula)

‘NZULA

…gloria nell’alto dei cieli…

MARIA

…si può dire che ha fatto una bella vita. Macari a Diu arrivassutu a 70 anni , con la mente lucida, però…comu a iddu! Se ti pigghia ‘ncurpiceddu ora …comu ‘a minti?

‘NZULA

Comu ‘a minta?

MARIO

Ma pirchì nun pensi a unni arrivi tu..ASSASSINA! ( accasciandosi sulla poltrona…)

MARIA

( che sta per entrare nella sua camera, la seconda a sinistra )   Di sicuru ‘ngnornu doppu di tia…

‘NZULA

…di sicuru…( Mario tira loro il cuscino della poltrona)

FINE DEL PRIMO ATTO

SECONDO ATTO

E’ trascorsa qualche ora. Siamo nel tardo  pomeriggio e non si sente alcun rumore. Dopo un attimo, dal fondo di destra si sentono delle voci, in particolare quella di una donna.

VOCE di Carmela f.c.

‘Nzula…’Nzula…Questa casa è come una nave senza cumannanti…( entra Carmela, la sorella di Mario, sulla 50na, indossa un cappello fuori moda come tutto il vestiario, è sgraziata nel parlare, è seguita dal marito, sulla 60na, un brav’uomo, fa il macellaio, piccolo di statura, dalle sopracciglia folte, è sordo. Anch’egli veste con approssimazione. Hanno due valigie portate dal marito, mentre lei ha un bouticase…)

SANTINO

‘I mutanti? Ci misi..dudici para…I tuoi ci nintisti?

CARMELA

(mandandolo a quel paese)  Ma tu ‘a vidiri ca unu veni di tantu luntanu e nun nn’aviri la soddisfazioni di essiri ricivutu ‘ccù tantu di parmu…Mè frati persi l’elica e chissa ci fici perdiri puru ‘u timuni…

SANTINO

‘U limuni? ‘Cchi hai acidità?

CARMELA

(all’orecchio) Santinu, ti stai facennu pisanti…Pirchì nun ti purtasti l’occhiali ‘ppà ‘ntisa? ( con una mano all’orecchio  mimando un corno…)

SANTINO

L’occhiali? E chisti ‘cchi sunnu? Ci vidu benissimo…

CARMELA

( spazientita ) Ma chissi sunnu ppi vidiricci megghiu. Ti dissi ppì sintiricci…( forte vicino all’orecchio..) Mah, lassamu perdiri. Mi pari ca chista è  stata sempri ‘a  cammara nostra…( indicando la prima porta di sinistra vicino al proscenio che chiameremo per praticità  “ la  prima…”)  Quantu mi dugnu na sistemata. ( vi entra e richiude la porta, Santino che si era distratto guardando delle carte che aveva in tasca, entra nella stanza attigua, che chiameremo la seconda,  e anch’egli richiude la porta…poi, dopo un attimo, chiamando con forza…) Santinu…Santinu…ma unni caspitina sì? ( esce )  ‘Cchi cunnanna ca haiu!! Vidimu se è ‘ccà. ( va nella stanza di fronte accanto alla finestra che chiameremo la terza…esce Santino dalla seconda ed entra nella prima..)

SANTINO

Tesoru…cchi ‘ggh’jucamu ‘a ‘mmuccialora? Unni sì? ( esce Carmela dalla terza stanza ed entra nella seconda , Santino esce dalla prima ed entra nella terza…) Carmela…vidi ca appoi ti veni il ciatone…( Carmela esce dalla seconda e con le braccia conserte si sistema in mezzo alla stanza con piglio autoritario; Santino che stava uscendo dalla terza, parla senza accorgersi della presenza della moglie col tono di chi sta giocando…) Carmela, tantu vinciu iu! ‘ I valiggi cu’ ccì l’havi? ( arriva sotto lo sguardo severo della moglie, diventando piccolo piccolo dalla paura…con tono sottomesso…)  Ah, tu ccà sì??

CARMELA

Tu nun sì sulu surdu, ‘ntuppatu di tutti li purtusa…tutti…dico tutti!!! No! Tu sì puru cretinu e senza cervello,  eccu chiddu ca sì. Mi capisti? ( Santinu umiliato, annuisce…)

SANTINO

Mi misi a leggiri ‘na nota e…ccà  dd’intra ca pari ‘u casteddu do’ Conti Ruggeru …( dal fondo arriva ‘Nzula  per niente entusiasta dell’arrivo  dei due…)

‘NZULA

Bongiornu ‘e signuri!

CARMELA

’Nzula! Finalmenti ti sapisti dignari di fariti vidiri…

‘NZULA

( sgraziata ) ‘A casa è granni e haiu sulu dui manu, chi cci vuliti fari!!

CARMELA

Mè frati unn’è? Va’chiamulu e ci dici c’arriva…(guardando con compassione il marito)…mmu!

‘NZULA

Cchi ci haiu ‘a diri puru, ca vi nn’iti subbitu o…vi firmati ‘ppà notti…

CARMELA

Nun sunnu cosi ca ti riguardanu!

‘NZULA

(a denti stretti) ‘A vui vi pari!

CARMELA

Chi dicisti?

‘NZULA

Dissi, comu vossia voli fari. ( sta per avviarsi…)

SANTINO

‘Nzula, m’u fai ‘u piaciri ca pigghi ‘nta machina ‘nsaccu ‘i farina..

‘NZULA

E cchi ‘ni manca farina ‘ccà? ( forte all’orecchio di Santino )

SANTINO

Nun c’è farina, stubbita. C’è menzu crastu…ppì mè cumpari Mariddu e mè cummari Ma ridda…Nun vulissi ca ci va ‘u iattu comu l’annu scursu e ci fa ‘a festa…

CARMELA

(tra se)  Piccatu beddu crastu!

‘NZULA

Comu cumanna vossia. ( via sul fondo a sinistra )

CARMELA

Santinu, trasi ‘i valiggi ‘nta ‘sta stanza, ‘nta chista ‘a vidi beni? ( indicando la prima )

SANTINO

Va beni, Carmela…va beni…nun ti arraggiari….ora iu posu ‘i valiggi e poi…

CARMELA

….aspetti i mè cumanni….

SANTINO

…i tò cumanni , si capisci. ( con sottomissione )

CARMELA

Iu vaiu ‘a vidiri ‘o nannu comu sta. Tu, intanto, ti canci….

SANTINO

…..l’acqua ‘o pisci…’U sacciu! ’Avi di ‘sta matina… ( Carmela lo manda a quel paese poi via dal fondo a sinistra; Santino entra per errore nella seconda stanza …si ode un grido…)

VOCE di Maria f.c.

Matri mia…cu è ddocu?

SANTINO

( uscendo a razzo dalla stanza seguito da Maria in vestaglia )  Cummari Maria…scusati…scusati tantu, nun vulia profanari la vostra intimità intima e corporale,  ma ccù tutti ‘stì stanzi ogni vota è ‘na speci di rischiatutto…’Ccà ci vulissi ‘na mappa…

MARIA

( gli parla forte all’orecchio ) Nun nn’è nenti, compari Santinu…M’avevo abbiata pirchì ‘a stanchezza m’avvincìu, chissa è ‘a cammara nostra. Chi ci vuliti fari, ‘u nannu è ‘na cruci e purtroppo si cci ‘avi a commattiri…

SANTINO

Ma dovevati essiri veramenti stanca, pirchì antura ccù mè mugghieri trasemmu e niscemmu di ‘sta stanza nun sacciu quantu voti…Mah! Menu mali ca nun c’era ‘u cumpari, chissà cosa avesse pensato…

MARIA

( col doppio senso ) ‘U cumpari Mariu nun pensa a nenti cchiù.

SANTINO

(c.s.) Attaccau ‘a cartuccera ‘nto chiovu?

MARIA

Attaccau puru ‘u fucili, cumpari!!

SANTINO

Essere nun si po’ comu ‘na vota! Cara cummari…

MARIA

Né comu ‘na vota né comu ‘na vota tantu…’U cumpari nun nn’è cchiù e basta! Ma parramu d’autru, và! ( si ode un grido…)

VOCE di Carmela f.c.

Fimminazza tinta, ma cchi stai facennu….?  ( dalla comune di sinistra arriva di corsa Carmela…)

MARIA

Carmela, ma cchì fu?

CARMELA

Cugnata, ccà sì! ( bacio, molto largo, finto, con la cognata ) Cc’hannu à  vidiri l’occhi miei, cummari…

MARIA

Ma chi cosa successi?

CARMELA

Maria, ddà intra vitti ‘mpezzu di  mabbrucca ca si vasava ‘o nannu…

MARIA

Ma quali vasari, Carmela, chissa ‘nfirmera è…

CARMELA

Quali vasari mi dici? Ma se era allippata comu ‘mpurpu….e ci faceva ‘o nannu “ Forza nonno Saro…forza nonno Saro…” ‘Na ‘nfirmera fa accussì? ( entra Mario seguito da ‘Nzula che prosegue per l’uscita dal fondo)

MARIO

Ma chi successi ?

SANTINO

Iu nenti nn’haiu sintutu…

MARIO

A Carmela dicu! Ancora  mancu è ‘rrivata e già comminau l’opira…

CARMELA

Tu appoi mi dici,  a chista ca si vasunia ‘o nannu cu cci ‘a ficcau  intra a mè casa… Cosè una pilacca viaggianti, una di chiddi….?

MARIO

No, è ‘na casillanti! Ma finiscila e ‘ssettiti, ripositi, ca fai megghiu. ( proviene dal fondo di sinistra Gertrude…è molto contrariata…) Ppì quantu riguarda ‘a casa ti rettificu ca nun nn’è ‘a tò casa, ma a nostra casa!!!

GERTRUDE

Io tetto…” o osservare regolamento o io antare via…” Ià?

MARIO

Signorina froilana Gertrudi, mè cugnata, veta non essere  persona normali…

CARMELA

Chi vuoi diri?

MARIO

Non sei sanitaria…non capisci…la scienza metica…( come fosse un avvocato )  Froilana Gertrudi, ci voli spiegari…..

MARIA

…alla Corte…

MARIO

…alla Corte…Ma chi mi fai diri… Ci voli spiegari, insomma… ecco..pirchì si vasuniava…vasava…ecco  ( con imbarazzo, soggetto bocca…cercando di spiegarlo a Gertrude)…bacio…chissi chissi…

CARMELA

...bau bau...Ma quantu è scunchiurutu...Diu ca ti fici !

GERTRUDE

Quale chissi….(poi urtata al massimo) Strunz offiderzen zimmer, ià, bechembauer strum franz matausen, anz smidt und granz telefunken....caput, ia?

MARIO E MARIA

(intimoriti e in coro)  Ià!!

MARIO

’A vidisti? ‘A facisti siddiari!!

GERTRUDE

Io non paciare nonno Saro…Io praticare zolo respirazione pocca a pocca. Pressione scesa a 70 con 40 e ho iniziato respirazione…

CARMELA

E allura pirchì ci tineva ‘u nasu chiusu e ‘ccù ‘ssa speci di  ucca di papara ca ‘ncugnava intra ‘a ucca so’…

GERTRUDE

Meglio io antare da nonno…ià! ( via fondo a sinistra )

MARIO

( a Carmela )  Ma cchi stai dicennu…? Chi ‘nni capisci tu di respirazioni…

MARIA

(ironica ed allusiva)  Forsi ‘ddocu ‘avi ragiuni tò soru…Idda ‘nnì capisci assai di vasuni complicati e purcariusi…

CARMELA

(Mario comprende la sfida di Maria…e pensa alla reazione di Carmela)  ‘Cchi cosa vuoi diri, cugnata Maria.  Mi  pari ca cerchi ‘a liti…Iu di tia nun mi scantu…( con spavalderia )

MARIA

( tutti sono in allerta ) E mancu iu di tia…( spingendola .. Carmela risponde con un’altra spinta…)

‘NZULA

(arrivando dalla comune con un sacco sulle spalle…annoiata)  Don Mariu, chistu è ‘u crastu di vostru cugnatu Santinu…

CARMELA

( fa per acchiapparla…) Crastu a cui, brutta zoppa di ‘na criata? ( Mario e Santino cercano di fermarla ma nella bagarre Carmela assesta una pedata a Santino…’Nzula scappa a sinistra col sacco)

SANTINO

Madonna ‘cchi duluri…! ( va a sedersi )

CARMELA

Sì sempri ‘nto mezzu…’Nca leviti!! ( Maria tenta di darle uno schiaffo ma Carmela lo schiva e colpisce Mario..)

MARIO

Maria, ma chi sì pazza?  ( entra a grande velocita Gertrude che cerca di telefonare..tutti si bloccano…)

GERTRUDE

Bitte..io telefonare tottore Lammazza…nonno grafe…ià… Ritornato in como…( Mario le indica il telefono , compone il numero)

CARMELA

( a Mario )  Chi dissi? Ca turnau a Comu?

MARIO

( stanco )  Ma quali Comu e Milanu!   Ma cchi nun ‘nc’è n’autra parola ca voli diri ca unu cchiù ‘ddà ca ‘ccà…?

SANTINO

‘A  Cologno Monzese! E’ ‘a mità strata… Haiu ‘ncucinu…(disperazione di Mario…)

GERTRUDE

Hallò…hallò…doctor Lammazza, ià..70 con 40…ià… ora scesa ancora 50 con 30 …20 pulsazioni minuten…ià…ià…doctor!

CARMELA

Ma cchi dici sempri “ià”?

MARIO

No, ora cancia…

GERTRUDE

Strunz  arbait Pipì? Nain!

MARIO

’A vistu? Canciò…

GERTRUDE

Quanto manciare, nonno?

MARIO E MARIA

Nain!!! (suggeriscono)

GERTRUDE

Nain!! (pausa )  Ià…Lei venire e  io antare e comprare fiale….iavul!! Ià,  main  doctor! ( riattacca, poi a Mario…)  Io uscire per prentere fiale per iniezioni..tornare supito, voi controllare nonno, ià e vetere sua respirazione…cazomai aumentare ossigeno, ià? (via a destra dal fondo; tutti la guardano stupiti…)

MARIO

Ora ti sei resa conto ca è n’a ‘nfirmera ppì daveru? ( si siede come tutti gli altri…Santino con le valigie in mano cerca di andare finalmente nella prima stanza…)

MARIA

( con un leggero colpo di tosse…)  Scusati cugnatu…Prima ca trasiti nella vostra stanza…vostra provvisoriamente..si capisce,  pirchì ‘ccà nun nn’è ca è un albergu? Vi devo dare delle comunicazioni…( Mario è imbarazzato, Carmela è curiosa di sentire ciò che vuole dire la cognata…)

MARIO

Maria…lassa stari…appoi…appoi ti spieghi…( preoccupato)

MARIA

Nun ti preoccupari, nenti succedi!  Mi dispiaci ca ancora nun sunnu arrivati Ginu e Pietru…voli diri ca quannu venunu ci ripetu ‘u discursu…a iddi…( si odono delle voci….)

VOCE di Pietro f.c.

Passa tu che sei pripissori…prima l’istruzioni…appoi la ‘ngnuranza!

MARIA

‘Ccà sunnu, megghiu accussì?  ( prima entra Gino, professore li lettere, elegante, capelli all’indietro, impomatati, perfetto…dai modi effeminati, ma non troppo però; soffre di una psicosi fobico-ossessiva della pulizia, non dà mai la mano perché poi è costretto a lavarsi la sua, apre le porte con i gomiti se non ha dei guanti, cammina dove gli altri, pensa,  non camminino,  e così via…; Pietro, invece, è rude, villanesco, ha un ciuffo fuori moda alla Little Tony prima maniera, ha un’agenzia di pompe funebri ereditata dalla moglie,  deceduta un anno prima, per cui porta una fascia di lutto al braccio e ha con se una  grande fotografia incorniciata della defunta,  con due tendine che scopre la notte,  per mostrarne il viso alquanto tetro e rabbuiato e pieno di nei con un enorme tupèè in testa e durante il giorno invece  nascondono il tutto…)

PIETRO

( con aria di sfottò )  Ben trovati a tutta la fratellanza e parenti vari…affini e derivati… ( baci e convenevoli…)

GINO

( con serietà ) Buongiorno a tutti…( senza dare la mano, posa la valigia come pure Pietro ) Pietro non si è ancora convinto che non siamo  qua  per divertirci…

PIETRO

E tu dimmi ‘na cosa! ‘A tia livanniti la minchiunaria, chi cosa t’arresta?

MARIO

E basta! State un attimo in silenzio…

PIETRO

(serio, fa il  segno croce )  Cchi ‘ffà  morsi?

MARIO

Pietru, finiscila! Maria vi deve parlare…

PIETRO

Ah, menu mali, u vecchiu è forti. M’aveva parsu un minuto di raccoglimento…Mah, megghiu accussì. Dunchi, cugnata Maria, parra, sugnu tuttu aricchi…

MARIA

Dunchi, mentri ca simu tutti i parenti stritti, vi dovevo comunicare che le cose in questa casa subiranno delle variazioni che vol vostro aiuto potremo aggiustare e migliorare. Dunchi…

CARMELA

E sunnu dui voti…( fra se )

MARIA

(guardando Carmela con odio…)  Dunchi…e sempri dunchi….

PIETRO

( spazientito )  Cugnata…l’avimu caputu, bonu ccù l’antipastu… passamu ‘o primu…

MARIA

‘U nannu aveva nisciutu do comu stamattina…(Mario ha paura nuovamente dell’equivoco…)

GINO

Dal coma vuoi dire…

MARIA

Esatto, Ginu…Ma oggi ci trasìu nuovamente e quindi nun sapimu quantu ci voli per…insomma…

GINO

Per la dipartita, insomma…!

CARMELA

Quali partita? ( a Pietro )

PIETRO

Tò frati ‘u scienziatu ‘i sapi ‘sti cosi…Iu nenti sacciu…Iu quannu morunu ‘nta cascia ‘i ficcu e basta!

GINO

‘A curpa nun nn’è tua…E’ l’ignoranza ca hai…Sei gretto…ottuso…

PIETRO

( alzandosi di scatto come volesse aggredirlo, nel frattempo Santino entra finalmente nella sua camera, la prima a destra portandosi le due valigie  ) Ora basta, va beni?  E cu ti cridi di essiri? Ppì ‘ssà lauria ‘i quattro sordi ca ti pigghiasti!! Pirchì nun vinevi ‘ncampagna ‘a travagghiari? No, ‘u principinu doveva proseguire  negli studi…non poteva stari in campagna…

CARMELA

Bonu cchiù…Nun nn’essiri ‘u solitu attaccabrighe. Ginu era giustu ca studiava…Tu, chiuttostu, erutu sceccu ‘ccà patenti…nun nnì vulevi  mancu a  broru…Ti ricordi quantu scola particolari…quantu  ci custasti ‘o papà…Statti mutu, và! ( dal fondo rientra ‘Nzula che di nascosto ascolta…)

PIETRO

Non c’ero tagliato…

MARIO

Tu eri tagliato cchè fimmini, veru.

PIETRO

( schernendosi )  Che ci potevo fare, a me mi piacevano ‘i fimmini a qualcunu ci piacevunu ‘i masculi! ( rivolto a Gino, che cerca di aggredirlo; ‘Nzula si mette la mano in bocca dalla vergogna)

CARMELA

Ginu, lassulu stari, è tali e quali a so’ nannu ….

MARIO

Quali nannu?

CARMELA

(spietata) Chistu…chistu ca ‘a moriri e nun mori mai…

MARIO

Ma chi dici, Carmela?

CARMELA

( alzandosi e con autorità )  Ricordativi tutti ca iu sugnu ‘a soru granni e sacciu cosi ca vuatri mancu sapiti pirchì nun eruvu nasciuti, quindi se iu dicu  “ciu” è “ciu” e  se dicu ca ‘u sceccu vola voli diri va vola e basta!!! ( pausa )   Iu 30 anni fa eru ‘na signurina sapurita…e mi nni vuleva iri di ‘stu paisi ‘nfami e pettegulu…Volevo trovare il Principe azzurro…comu tutti ‘i picciotti della mia età. Ma il mio destino era segnato: io dovevo sostituire mè matri… nostra matri…morta mischinedda doppu ca parturiu  ‘stu bellu spicchiu…(indica Pietro) ca se mai l’avissimu saputu ca faceva a unu comu a tia, l’avissi fattu abburtiri!

MARIA

(molto dolce rispetto a prima)  Cummari continuati, vi pregu…

CARMELA

Il mio futuro era signatu : spusarimi ‘nmassaru , fari setti figghi e cummattiri ccù tutti, chista doveva essiri la mè vita. Ma ‘ngnornu canusci ‘mpiciottu, di ‘mpaisi vicinu, era vinutu ppì circari travagghiu ‘nti nuatri e dai oggi e dai dumani, m’annammurai.  Ma… purtroppo nun ci piaceva ‘o nannu, era figghiu di povera genti , senza doti…a quell’epoca ‘a doti era ‘na cosa importanti, l’autri ti giudicavunu ppì quantu era granni ‘a doti non ppì chiddu ca tu eri, no, i piccioli…chiuassai nn’avevi e cchiuassai facevi comparsa…

MARIO

Chi bella scoperta, sempri accussì è, Carmela. Ma unni vivi…

CARMELA

‘Nta bummala, bestia! Però ora a tò patri ci lu poi diri:.. .chissu nun mi piaci…mi nni vaiu d’a casa…ora mi fazzu monaca…’A tò patri…pirchì è tò patri… ma no ‘o nannu…’u nannu .c’avissi a essiri ‘nvicchiareddu comprensivu…bonu…ca t’avissi difenniri contra a tutti e tuttu…( si asciuga le lacrime, gli altri, tranne Pietro, sono sul punto di piangere…) e no comu a iddu…maledetto…Iu chi patri ebbi? ‘Mpoviru cristianu…ca era l’ummira di so’  patri…senza personalità…

MARIA

(impaziente)  Ma ‘nsomma, ‘stu vicchiazzu, chi ti cumminau?

CARMELA

Maria, ppì farimi scurdari a ‘ssù picciottu ‘u licenziò e  mi fici fari zita ‘ccù Janu ‘u mitateri! Mi parìa nù bonu picciottu, ma a picca a picca si dimostrau manescu…’U dissi ‘o papà e iddu mi prummisi che lo avrebbe richiamato. Ma appena ‘ngnornu ristammu suli, mi pigghiò  ccà forza… e ristai ‘ncinta. ‘U papà ‘u vuleva ammazzari e ci dissi di spusarimi  tempu 15 iorna ma iu ci dissi di no. Doppu qualchi ‘gghiornu mi fici canusciri a Santinu e sugnu ‘ccà! (scoppiando a piangere come pure  Maria, così gli altri, a soggetto…  pausa )  Senza parrari di tutte le porcherie  e le malignità ca diceva su Ginu, ‘u criatura…. Siamo scappati…sissignori…siamo scappati di ‘sta casa infernale…( Gino è a testa bassa…)

GINO

( alzandosi )  Io volevo restare, non gliela volevo dare vinta. Ma papà non mi difendeva, anzi mi contrastava, gli dava ragione. Un giorno sentii una discussione animata tra il nonno e papà. Il nonno gli diceva “ Tu non hai spina dorsale, no. ‘Na figghia ‘a pirdisti pirchì sì smidollato, senza polso e ora stai pirdennu a tò figghiu Ginu, ma in un modo ancora ‘cchiù scandaloso…vergogna…” e papà gli diceva “ Ma ‘cc’haiu a fari…?  Ma ‘cchi cci pozzu scippari ‘a testa e ci ‘nni mettu n’autra? Papà, ma cu pinsava ‘na cosa di chista…na nostra famigghia onorata….vergogna…!”  E il nonno lo prese per il bavero della giacca  e gli disse “ Mannulu subitu a Catania…all’università…levulu di ‘stu paisi…Oramai ‘u sannu tutti….’U vittunu ca si vasava  ccò maistru ‘i musica…” ( un silenzio di tomba pervade la stanza , ma a un certo punto dalla prima di sinistra e entra Santino col pigiama che spezza l’aria triste…)

SANTINO

Carmela, il tuo mariteddu è prontu alla guerra…( li guarda tutti, meravigliato )  Tutti ‘ccà siti?

CARMELA

( bonariamente )  Il mio Principe Azzurro!  Chistu mi tuccau, pazienza! (sorriso di tutti) Maria chi cosa ni vulevutu diri?

MARIA

( guardandosi con Mario che le suggerisce di rimandare la discussione )  No…nenti…vi volevo solo ricordare…che…che…insomma…mi  fa piaciri ca siti ‘ccà, eccu!  ( togliendosi dallo stomaco questa grossa bugia )

SANTINO

A mia mi dovete scusare, io sugnu unu stranu..certu…però vi vogghiu diri che  anche se le circostanze di queste nostre visite non sono certamente festose, quannu sacciu ca haiu ‘a veniri ‘nti vuatri, cummari e cumpari, mi si rapi il cori, chi cci pozzu fari e ‘ccù mè mugghieri riturnamu sposini…( risatina…)

CARMELA

‘Nfunnu…’nfunnu è ‘nu bonu cristianu. ( lo accarezza in testa)  Quantu mi dugnu ‘na lavata. ( via a sinistra nella sua stanza assieme al marito…)

MARIA

( a ‘Nzula )  Amuninni   ‘ncucina…

‘NZULA

‘Ncucina?

MARIA

‘Ncucina…’ncucina…chissà è ‘u postu tò. Unni ti pareva ca avevutu a ‘ggh’iri,  ‘o ballu?

‘NZULA

Ma comu, avevumu a fari ‘a rivoluzioni…sciopiru…catùniu…

MARIA

E ‘nveci vai ‘ncucina…marciamu…( entrambe via dal fondo a sinistra )

MARIO

(rivolto ai due fratelli) Carusi ppì vuatri c’è a solita stanza…( la mostra, è accanto alla finestra) Spero ca nun ci sunnu problemi…

PIETRO

Ppì mia nun ci nn’è…Mè frati è sempri mè frati…nonostante tutto…(provocando ancora una volta l’ira di Gino)

MARIO

Pietru, tu hai un problema…

PIETRO

Quali?

MARIO

Chiddu dell’ultima parola!

PIETRO

In che senso?

MARIO

Nel senso che è sempri di supecchiu!!

GINO

Mario, non ti preoccupare, Pietro non lo fa per male…è così…e basta. A me dà fastidio una sola cosa…

PIETRO

Di mia?

GINO

Già…e tu lo sai!

PIETRO

( sorridendo ) Mario, ora ti fai ‘na risata. ( prende da una grossa busta un ritratto incorniciato e con una tendina  davanti,  lo mostra a Mario…)  Ginuzzu dici ca s’impressiona di questa innocente e inoffensiva foto che a me la notte, invece, da conforto e sicurezza…( allarga le tendine ed appare il volto corrucciato, brutto, della defunta moglie…)

GINO

Non credergli, Mario. Ha paura del richiamo e se la mette accanto. Ma, purtroppo a me da fastidio! Come la mettiamo?

MARIO

Ginu, tu intantu vai…sistemati…

GINO

Devo andare…? Ma tu mi garantisci….( Mario annuisce…Gino prova ad aprire la porta col gomito, poi non essendo capace dalla tasca prende il fazzoletto dalla tasca e la apre…I due guardano stupiti…)

PIETRO

E’ chinu di fissazioni, Mariu. E’ perduto!! Ora ti cuntu chista…‘Nto tassì…eccu…’nto tassì..appena acchianammu niscìu ‘na tuvagghia d’a valiggi, chiddu ‘u taliava…e s’a misi di sutta ‘o culu…Allura ‘u tassista ci dissi “ Chi cci pari ca a mè machina ‘avi  ‘u culera? “ E ppì picca nun nn’u  pigghiava a ‘gghiancati…Menu mali ca c’era iu e ci dissi ‘o tassista  di finilla ‘ddocu  pirchì mi stavumu ‘ncuminciannu a girari ‘i ventuli chiddi ‘i sutta…’U capìu ca ci fineva a malacumparsa e chiusumu ‘a partita ‘ddocu!! E’ persu…persu dalla testa ‘e peri….completo. Ora ‘avi di l’annu scursu ca si fissò con la buonanima... ‘U fa apposta…Mariu…Chi mali ci po’ fari questo ritratto, dimmillu? ( mostrandolo a Mario )

MARIO

E se ci fa impressione!  (guardandola attentamente)  Certu ca ‘a talialla attentamente fa un po’ di impressione, ‘ddù tuppu…tutti ‘ssì nei…quella taliatura  trarimintusa…

PIETRO

(ammettendolo sommessamente)   Accussì era!  E ‘cc’aveva ‘a fari? Io ce lo dicevo…” Orata…Orata mia, pirchì…”

MARIO

Orata? E cchi era ‘mpisci?

PIETRO

Ma il diminuitivo di Addolorata, no! Nun nn’è che la potevo chiamare Addolorata, troppu lungo…Se la chiamavo Addolorata…idda nun sinteva e parteva…Con Orata, inveci,  ‘a chiamava e idda era già ferma, immobile…

MARIO

Comu ‘na speci ‘i cani ‘i caccia…Tom, Bill… Buck…Tutti nomi curti…Appena i chiami iddi…’ppà…fermi…immobili…alla caccia del fungo…del tartufo…e idda cchi cosa cacciava…?

PIETRO

Idda faceva ‘na caccia speciali…Mariu (allusivo)…vietata ai minori…Ci piaceva alla bestia, speci quannu fecevumu…certi cusuzzi, mi diceva… “Petru…chiamami comu tu sai….forza  forza…” E cchi faceva, nun nn’a chiamava? ‘A chiamava…e certu ca ‘a chiamava…( imitando quel momento, com impeto ) “Forza Orata…Forza Orata…Orata….Orata…e forza…forza…”

MARIO

E bonu, ca mi fai puru schifu….

PIETRO

Pirchì a mia idda cchi mi faceva? ( lo prende per un braccio) Mariu, tu ti spusasti ‘ccù tò mugghieri pirchì ‘a vulevi beni, e poi Maria rispettu a idda è miss Italia,  ma iu m’a spusai pp’ì ‘nteressi!! ‘A caputu?  94 chili di lardo, di cattiveria, di malignità…brutta comu ‘na notti scura… Certi voti quannu mi curcava ‘o scuru, ppì nun nn’a taliari, e ci scuppava ppì sbagghiu, data la sua massa corporale,  non capivo se era misa davanti o era girata d’arreri,   però era  vedova,  con una florida attività. Che cosa ci aspettavo? L’acqua ‘nta marzu? Mi abbiai ‘a pisci palamitu!  Ma non avevo calcolato una cosa…

MARIO

Che cosa?

PIETRO

La sua gelosia!! Mariu…una pazza…una pazza di manicomiu. Ppì sei misi mi fici dormiri ‘nto suttascala perchè sospettava ca iu m’à faceva ccà segretaria…Mi dissi “ Se ti curchi ‘ccù mia nun ti vulissi privari della cosa cchiù priziusa ca hai…Scegli, o ‘nto suttascala da solo, o ccù mia rischiando!”

MARIO

E tu?

PIETRO

E cchi eri foddi? ‘Nto suttascala, di cursa. E durmeva ‘ccà spaddera d’a seggia ‘ncugnata ‘nta toppa d’a porta…

MARIO

Ma tu ‘cca segretaria…

PIETRO

Mariu, pareva Sofia Loren. Tu ‘cc’avissutu fattu?

MARIO

Lassamu stari a mia,  ca iu nun c’entru!

PIETRO

L’ ultima vota  ‘ni pizzicò intra ‘ntabutu, bellu… di raso rosa, pirchì a idda ci piaceva rosa…

MARIO

‘A segretaria?

PIETRO

No, a mè mugghieri. Idda ‘u vuleva fari intra ‘ntabutu rosa, ma non c’era la misura…Mariu, te lo giuro…’U circai…ma nenti…un tabutu rosa non c’era. Iu ppì vidiri comu vineva…pruvai ‘cca segretaria…appoi vinni idda comu Lucifiru…” Scinni…pezzu di tappinara..cchi ti paiu ppì chissu?” Chidda mischina scinnìu e scappò ‘ccu quantu pedi aveva, appoi ‘cchianò idda…Cchi t’haiu a diri…un calvario…un terremotu….quattru uri di fila…appoi ‘ddà cascia , mischina nun ni potti ‘cchiù e si sbanticò comu ‘nlibru e idda ca mi diceva…” Dimmi ‘i palori…dimmi ‘i palori…”  Ma iu, frati miu,  cchi eri nella facoltà mentale e corporale di diricci ‘i palori a quella cosa fetusa  ca fici scinniri a Sofia Loren ppì  ‘cchianari idda? Ero ancora confuso e inveci di diricci “ Forza Orata… forza Orata…” ci dissi “Forza  Italia…Forza Italia…” Oramai ero rincoglionito, Mariu…Idda, cridennusi pigghiata ppì fissa,  mi ‘cchiappò a testa e mi ci detti ‘na tistata, iu ca eru di sutta ci ‘ncugnu ‘na rinucchiata in quella speci di mappamondo giganti di lardu, cadi ‘nterra comu ‘na tenchia…e sbatti ‘a testa ‘nto crucifissu do’ tabutu… Morta di cent’anni… Giustizia è fatta, pinsai! Ma prima di moriri…con una voce fina fina mi dissi…” Vidi ca m’a purtari sempri ‘ccù tia…notti e ‘gghiornu…sinnò ti fazzu ‘u richiamu intra l’annu..!” E doppu attrantò ‘i palitti! Ca ppì spiegari ‘a dinamica ‘a Polizia…cci stetti dui jorna e dui notti! Nun ci vulevunu cridiri. “ E perché dentro il tabuto…e perché qua e perché di là…” Ma ‘nsomma, unu nun ‘nn’è  ‘u patruni di sfugari i suoi istinti erotici sessuati comu voli e unni voli e sparti ccù so mugghieri?  Mi dissunu “Purtroppo ci dobbiamo fare l’auto…l’auto…l’autompisia…Lei si oppone? “ Ma quali opposizioni e maggioranza, Mariu,  ci dissi di pigghiarasilla…e di farini quello che ne volevano fare, anchi scatuletti ‘i carni. Iu  eru a disposizioni…dell’autorità…! Ecco spiegato pirchì haiu ‘sta maravigghia sempri appressu. L’annu ancora nun l’ha fattu!! ( indicando la foto)

MARIO

Ma tu cridi a ‘sti cosi?

PIETRO

Iu si!! Haiu ‘u terrori, Mariu!

MARIO

Dicimu ca forsi hai ‘a cuscenza sporca, o no? ( Pietro annuisce a testa bassa ) Beni, allura fammi ‘na cortesia…Ti ricordi quannu erutu carusu e vulevutu iri ‘o cinima ppì vidiriti ‘i film  vietati, ‘a ‘mmucciuni do’ papà? Ppì fari vidimi ca avevi 18, cu t’aiutava?

PIETRO

Tu, dannimi a tessera d’a squadra d’ò palluni, chidda tua…

MARIO

E i sordi cu’ ti dava?

PIETRO

Tu!

MARIO

Bravo! Ora m’ù fai ‘mpiaciri? ( Pietro annuisce ) A Ginu ‘u canuscimu…è un bravo ragazzo…però è fattu accussì. Nuatri simu ‘i so’ frati, dobbiamo capirlo, proteggerlo e non sfotterlo… Se ha detto che gli fa impressione  la foto, vuol dire che è così…Allura ‘u sai chi fai? ‘A pigghi e ‘a minti ‘ccà, supra ‘stu comò, ci rapi ‘i tendini, ci parri…facci chiddu ca vuoi…ma nun t’a purtari ‘dda intra…’ppì favuri!

PIETRO

E va beni, fazzu comu vuoi tu…Spiramu ca ‘a bonanima nun si siddìa ! ( lascia la foto sul comò, le manda un bacio e poi entra nella camera incontrandosi con Gino che nel frattempo stava uscendo, lo fa passare gentilmente…Gino è senza giacca, ha  le ciabatte, si stropiccia le mani a causa di una crema idratante e fungicida…ha sottobraccio una rivista )

MARIO

( è seduto sul divano di sinistra )  Assettiti, Ginu…( Gino prova a sedersi ma il solito problema maniacale gli fa fare diversi tentativi, poi Mario, che ha capito,  apre un cassetto del comò e vi prende una tovaglia da bagno ..e la stende sul divano, Gino vi siede con qualche timore…)

GINO

Come sai di questa mia malattia?

MARIO

T’haiu taliatu prima… Eccu…

GINO

( cinico ) E comu t’haiu parsu? Sculettu tanticchia?

MARIO

Bè…si…’nsumma…ma ti veni naturali? Nun ti poi frinari? Dicu…pirchì nun ti duni’na controllata…Ma ‘cchi staiu dicennu…? Scusami…scusami…Cuntimi, chiuttostu,  comu t’à passi. Sacciu ca ti vonnu tutti beni, che hai fatto pure il preside per un anno…bravu mi fa piaciri ppì tia, Ginu! Iu…ti vogghiu beni assai…e quannu partisti a Catania, ‘u sapìa ca nun turnavutu cchiù…E hai fatto bene. Ora ti vorrei vedere, insomma…

GINO

…sposato…con qualche figlio..?

MARIO

( imbarazzato)  Bè…insomma…io capisco che non…non puoi…non  vuoi, ecco…ma almeno sapere se hai…un affetto…una persona amica…che ti vuole bene!  ( deciso )  Insomma sugnu tò frati, haiu ‘u dirittu di sapiri qualcosa della tua vita. Non lo so…un domani può accadere che…pozzu moriri…eccu, almenu sacciu ca a mè fratuzzu Ginu c’è qualcunu ca ‘u voli beni…Basta nun parru cchiù!! ( come se si fosse tolto un grosso sasso dalla scarpa )

GINO

Scusami, Mario, hai ragione…ma devi capire che la mia vita non è stata come la tua, semplice, con una moglie… con le normali convenzioni sociali, anche se c’è stato il nonno che ti ha impegnato per tanti anni….insomma una vita pressocchè normale, non come la mia…Io ho dovuto lottare, Mario, lottare per impormi…sempre. Non voglio raccontarti tutte le mie tribolazioni, le mie penitenze, ma è stato il destino di quelli come me…

MARIO

(timidamente) …diversi…Si po’ diri?

GINO

Certo, lo devi dire, lo devi dire forte! Io non mi sento menomato, non ho vergogna di quello che sono, anzi ne sono fiero…E’ così e basta…Mi vergogno più per le fobie ossessive che ho…ma non per essere quello che sono! Il mio, è solo un modo di essere….di vivere. Comunque se ti può consolare stò con una brava persona…e pare che mi voglia bene…( esce dalla stanza Pietro canticchiando l’aria famosa di Nessun Dorma, indossa una vestaglia e una retina per proteggere il ciuffo, ha in mano un piccolo vaso con dentro una rosa rossa finta, lo depone davanti alla foto che è sul comò e alza le tendine, poi dalla tasca accende un lumino, Mario e Gino lo guardano divertiti…)

PIETRO

(non accorgendosi dei due fratelli) “Addio mia Principessa… lalalala la-la  la-la  la-la…Ma il tuo pensiero è chiuso in me, il nome tuo nessun sapràààà…rivedo il tramontar le stelle …il tramontar le stelle…all’alba vinceràà….vincerà….vinceràààà” Sgolandosi e contorcendosi comicamente…a bassa voce. ( I due fratelli battono le mani ) Ah, ccà siti, avete sentito il concertino? ( avendo un sussulto; poi rivolto alla  foto, a bassa voce…)  Oratuzza…Oratuzza bedda…devi aviri pazienza…’a genti nun capisci, è cattiva. Stanotte dormiremo spartuti, ma ti vegnu a truvari…ogni tantu…ogni tantu…Tu, però mi devi promettere che riposerai…bedda…(schifato)…bedda comu ‘u suli ( c.p.)! Fimmina mascolina…ciao! ( segno croce )  Nostru fratuzzu Ginu chiffà si sta’ cunfissannu ccò frati granni?

MARIO

E cchi sugnu preti? E poi Ginu nun nn’avi piccati di ‘ssà purtata.. Tu, chiuttostu?

GINO

Vado dal nonno, non l’ho ancora visto! ( via dal fondo a sinistra camminando come prima, lateralmente alla stanza…con saltelli..ecc…a soggetto )

PIETRO

E ‘u sacciu…’u sacciu, Mariu! Cchi ci pozzu fari, ppì mmia ‘a fimmina è comu ‘mpinseru fissu…se ‘nn’haiu una..’nni vogghiu dui…se ‘nn’haiu dui…’nni vogghiu tri, e così via…nun mi bastunu mai…

MARIO

‘Na speci di Sultano…di Pascià…

PIETRO

Mi sfutti??

MARIO

No..no..cercu di compenetrarmi nel tuo problema!

PIETRO

E’ una tortura, credimi…Appena ‘nnì vidu una ca mi piaci, m’adduma ‘a lampadina a luci russa, ‘na speci di allarme erotico-sessuali…e nun ci vidu ‘cchiù!

MARIO

Ma t’à fattu visitari?

PIETRO

Dici ca haiu ‘a Sintomi del Torero!!

MARIO

Cchi hai?

PIETRO

Il torero se nun nn’ammazza ‘u toru nun trova paci…ma nun nn’è ‘u toru ca voli ammazzari, no, frati miu!

MARIO

(stufo di sentire quelle sciocchezze)  E ccù è ca voli ‘mmazzari?

PIETRO

‘A nuddu, Mariu!  Capiscimi quannu parru. ‘U toreru nun voli ‘mmazzari a nuddu, voli sulu accoppiarsi…fari all’amuri…

MARIO

(confuso come non mai)  ‘Ccò toru?

PIETRO

No!!! Quali toru e toru!!

MARIO

( sull’orlo di una crisi di nervi)  E ‘ccù cui Matri Santa…?

PIETRO

‘Ccà fimmina ca è dietro il toro…semplici!!

MARIO

Ah, d’arreri ‘o toru c’è ‘na fimmina…Ma ti senti bonu, Pietru?

PIETRO

Ti paru pazzu, Mariu? ( pausa )   Haiu iutu tri anni ‘ntò pissicocolo…m’a custatu vinti miliuna… E haiu caputu sulu chistu…Ca d’arreri ‘o toru c’è ‘na fimmina…

MARIO

Mi sa ca ‘ssù psicocolo, cumu ‘u chiami tu, t’a futtutu ‘i sordi!

PIETRO

Accussì mi pari puru a mia... ( sconsolato… suonano..Mario si affaccia alla finestra e osserva…dalla sinistra appare ‘Nzula che va ad aprire…alla vista di Pietro esclama…)

‘NZULA

‘Cchi è prontu ppà notti?

PIETRO

No, ppò  iornu!

‘NZULA

Cchi cunzò l’altarinu?

PIETRO

Cunzai ‘u prisepiu, ora ti cci mintu comu crapa…

‘NZULA

E vui comu crastu…( ‘Nzula scompare andando ad aprire…)

PIETRO

( a denti stretti ) E’ sempri ‘cchiù spiritosa, Diu ca la fici! ( ritorna seguita da Gertrude che porta in mano un pacchetto con dei farmaci, ‘Nzula ritorna sul fondo a sinistra; Pietro vedendola rimane di   stucco e gli si accende quella cosa di cui parlava, è irrefrenabile…) Matri Santa…Mariu…e chista cuè?

MARIO

Pietro…calmati…(imbarazzato, intanto ritorna Gino dal fondo…)  Froilana Gertrude ci presento i miei fratelli…Gino, professore di lettere a Catania…(lei gli porge la mano e Gino a malincuore ricambia, asciugandosela subito dopo col disappunto di tutti) e…e chistu è Pietro, titolare di…

PIETRO

(precedendo il fratello) Imprenditore… imprenditore…Froilan…?

GERTRUDE

(sembrando interessata a Pietro) Gertrude Gasslagher…ià…

MARIO

Pietru, lassa stari…la signorina è l’infermiera d’ò nannu…e’ di Awusfitz…Si chiama Gasslagher…capisci…Nun nn’è cosa ppì tia…

PIETRO

(parla con disinvoltura tedesco) Bitte, froilan, Gertrude…hainz strunz bechenval zimmer trainsvez, ia?  Bedda tatesca, sciacquata…nuatri fari amicizia stritta…Sicilia – Germania… ( Gino e Mario sono stupefatti )

MARIO

4 a 2

GERTRUDE

Complimenti, lei zapere tedesco pene…ià…Studiato collegio….?

MARIO

Si, ‘nte monichi orsolini! (Gino sorridendo si risiede dove era prima )

PIETRO

Io essere stato tre anni a Dussendolf…Acciaio…ferro…ià…

GERTRUDE

Industriale…?

MARIO

Di petra pumici…e scorci d’ova…

GERTRUDE

Ora  voi scusare me ma io parlare con fratello Mario…ià?

PIETRO

Bitte..bitte…nain secreten, essere fratelli, fratello Mario…fratello Gino…fratello Pietro…(prendendola per un braccio) …sorella Gertrude, ià!! Sorella Carmela…cugnata Maria…cugnatu Santinu…

MARIO

Chistu è ‘na speci di cummentu…và!

GERTRUDE

Iavul!! Poco fa io stata tottore Lammazza…

MARIO

La Mazza…La Mazza… non Lammazza, Froilan…ca ancora ‘ddocu nun ci semu arrivati!! (correggendola)

GERTRUDE

Tanchscen!  Tottore avere me tetto che stiamo arrivando punto morto…ti non ritorno…Se lei vuole, potere realizzare sua proposta..ià? Se non volere, fa niente…aspettare fine…ià? (gli altri due non capiscono…) Poi tato me siringa cià pronta con tentro fiala, quella di soluzione finale…la fiala del dolce  riposo…Io tare a voi…Acthung! Manecciare con cura…Acthung….Se rompere potere infettare perzone vicine, con ferite anghe lievi…ià? ( la porge a Mario che non la vuole, Pietro nemmeno, poi la prende Gino)

PIETRO

Un momento…ora è cosa mia! Chi significa dolce riposo? ( Gertrude va dal nonno )

GINO

Ma…ma…io che debbo fare con…questa siringa…(si alza e la posa sul tavolinetto del divano) Mario, ma che cosa è questa storia del dolce riposo…

MARIO

Gino, Pietru..ora v’u spiegu…ma prima chiamamu a…a …sorella Carmela…( apre la prima porta a sinistra e sente un forte ansimare maschile….)

VOCE Santino f.c.

Ah-ah-ah…si-si-si… no-no-no… (richiude la porta)

MARIO

‘U sintistuvu ‘o surdu? Beni…beni!

PIETRO

‘A sorella Carmela…sciugghìu ‘u votu…

GINO

Ma lasciateli stare…(si apre la porta di Carmela in vastaglia)

CARMELA

( a Mario ) Ma cchi fusti tu ca rapisti ‘a porta?

MARIO

( imbarazzato ) No…siccomu…sentivamo ‘na speci di lamentu

CARMELA

(sorridendo) Ah, antura? Era Santinu ca parrava ‘o cellulari…

MARIO

E iddu ogni vota s’ammurmurìa?

CARMELA

Ma no! ( sorridendo ) Siccumu iu ‘u stava rascannu…’ntè spaddi… a iddu ci piaci e ci veni ‘ssà speci ‘i murmuru…Ma vuatri cchi pinsastuvu…? ( poi riflettendo…affettuosamente) Vuatri pinsastuvu….?  Ma quantu siti purcariusi!!

MARIO

Carmela, lassamu stari ‘a rascata e ‘u cellulari,  assettiti, ca avimu ‘a fari riunioni di famigghia. ( esce dalla stanza Santino…col pigiama) C’è da prendere una decisione importante..!

CARMELA

Si truvò ‘u tistamentu!!

MARIO

Non esiste testamento, Carmela, tranquillizzati! Ma il problema nun nn’è chistu!

SANTINO

Mariu, comu stà ‘u nannu? ‘Sta vota chi dici ca ‘ni lassa?

MARIO

Di chissu stamu parrannu!

SANTINO

Intra l’annu?  A mia mi pari ca nun dura…

MARIO

Santinu assettiti e nun parrari… ( vorrebbe rispondere ma Carmela gli tappa la bocca ; dalla cucina provengono Maria seguita da ‘Nzula con un vassoio in mano e dei bicchieri di tè e dei biscottini, appena li posa sul tavolinetto accanto alla siringa…all’unisono….)

GINO – MARIO-PIETRO

Acthung!!! ( allarmati )

MARIA

( spavento di tutti ) Ma cchi vi pigghiò?

GINO

(timidamente)  Ecco…vedi…c’è la siringa…

PIETRO

….Dolce riposo…

( Mario la prende e la posa sul comò, e ‘Nzula posa tutto sul tavolinetto )

MARIA

Comunchi, iu vi vulìa diri che avevo deciso di stari a braccia conserte, ma siccome siti sempri ‘i frati di mè maritu…fazzu finta di nenti! Carmela m’a scusari pp’antura…

CARMELA

Ma cchi dici…’a mia ‘a scusari!!!

‘NZULA

(brontolando)  Tantu ‘u manciari ‘u fazzu sempri iu. ( sta per andare in cucina, poi si ferma e come desse un ordine…)  Vi avvisu, frati e cugnati…ca si mancia ‘e novi precisi! Don Mariu, fici ‘u crastu di vostru cugnatu, ‘o furnu! ( con intenzione verso Carmela, poi via di corsa fondo a sinistra)

MARIO

Carmela, nun ci fari casu, è ‘na bona picciotta…

CARMELA

Quannu era picciotta, però!

MARIO

Beni, ora ca ‘rristammu sulu ‘i parenti d’a zita, putimu parrari. Vi pregu sulu di non interrompermi, sinnò perdu ‘u filu e nun sacciu unni ‘ntappu! Nuatri, ora..dicu ora…avimu a pigghiari una decisioni tremenda…di vita o di morti…’na cosa ca nun sacciu comu capitò a mia…a nuatri….Ora v’a spiegu. Dunchi, il nostro medico, un mio amico d’infanzia, dottore La Mazza, ca ‘nta tutti st’anni ha seguito ‘u nannu, qualche tempo fa canusciu il dott. Morte…’u so’ nomu veru nun ‘u sacciu, ma se vi ricordate in televisione…nei giornali…ci fu in Germania…si parlò tanto di questo medico che dietro richiesta dei sui pazienti,ormai in punto di morte o dei loro familiari, gli praticava l’Eutanasia…

PIETRO

E cchi voli diri?

GINO

La morte consensuale! E’ stato un tema di un grande dibattito negli ambienti politici di tutti i governi…Anche in Italia…

MARIO

Bravu, Ginu. Ccù chista, ‘a viditi? (prende la siringa e la mostra a tutti, che rabbrividiscono alla sua vista e si scansano)  Ora, mentri ‘stu dutturi , ca ‘u facìa solo per compassione, dici ca ‘u ‘rristarru…’a ‘nfirmera , cca era la sua assistente e si pigghiava un milioni di lire ppì ogni…,( segno croce con la mano )…scappau…ed arrivata ‘ccà, ‘a casa nostra, ‘u capiti…? Un’assassina!!!

CARMELA

Comu ‘a Merica! La Gnizioni Letame!!!

GINO

Ma che letame, Carmela…Letale…Letale…

PIETRO

Minchia! E iu, allura,  quantu m’avissi ‘a pigghiari…Cascia, ciuri…missa…musica…facchinaggiu..

MARIO

Pietru…ma lassa stari…’u tabutu..’i ciuri…comu ti spercia…

PIETRO

(un bacio alla foto) Scusa…scusa…nun parru cchiù!

MARIO

Ora, Nicola…’u dutturi, siccomu puru iddu voli fari comu facìa chiddu tatescu, sulu ppì carità cristiana,  pirchì dici ca so’ nannu morsi di cancru, so’ patri morsi di cancru…e iddu forsi macari….

…mi dissi ‘sti cosi…ca mi ficinu arrizzari ‘i carni!

MARIA

‘Na famigghia fortunata…?

MARIO

Ma nun nn’è ca è obbligatoriu? ‘Sta a nuatri decidiri, o continuamu accussì e nun si sa per quanto ancora, macari modificannu il raduno ca facemu ogni vota…semplificannu la vostra presenza…, a cosi fatti, per esempiu,  ‘na telefonata…”Frati miei viniti ca ‘u nannu nun c’è cchiù!” o inveci…si dà l’incaricu a….Froilana Gertrude, si ci dununu milli euru e…aspittamu….( quasi piangendo)

GINO

Che lo ammazzi!

PIETRO

Esagerato, o solitu!!

GINO

Perché,  che cosa gli fa, una puntura per l’influenza?

SANTINO

Ma dicu, ‘sta ‘gnizioni fetali…ci ‘a ficcunu ‘nta buttigghia?

PIETRO

(forte all’orecchio)  No, ci la fannu sucari ‘cca cannuccia!

CARMELA

Ma pirchì sempri ‘u sfutti? Ti po’ veniri patri!

PIETRO

Ma è sempri peggio…ma portulu…

MARIO

‘Ntò sfasciacarrozze….( Santino sorride…non capisce)

SANTINO

( sempre sorridendo )  ‘I cozzi…beddi sunnu…’A  Jaci ognuna è accussì! (a soggetto con le mani)

CARMELA

Quantu siti lisci, Diu ca vi fici!!

MARIO

Basta!! Circamu di concludiri ‘sta storia…! (qualche colpo di tosse , con serietà imposta la voce e l’atteggiamento…)  Fratelli…

CARMELA

E iu chi sugnu bastarda…

GINO

Ma è plurale maiestatis…(urtato) Quando uno dice fratelli, dice anche sorelle…è ovvio, no?

CARMELA

( decisa )  Chista è bella! E se unu soru nun nn’avi?  Comunichi, a mia  nun mi piaci…devi specificarlo!!

MARIO

E va beni. Fratelli e…(a malincuore) sorella…

MARIA

Ma pirchì ‘i cugnati cchi simu suli  boni a farivi ‘i criati? ( a Santino all’orecchio forte, che annuisce)  Cchi dicu mali?

MARIO

Vi comunicu ca vi stati purtannu ‘u ciriveddu…Fratelli, sorella e cugnati…( con rabbia  )

PIETRO

Compagne e compagni…elettori…elettrici..

MARIO

Pietru nun ‘a tirari troppu ca si rumpi…( minaccioso ) Dunchi…allora…

PIETRO

Di 60 minuti…. ( Mario lo prende per il collo quasi soffocandolo…Gino vorrebbe dividerli ma non sa come fare per la paura di toccarli, poi Pietro riesce a divincolarsi.)  Ma chi sì pazzu! N’apprufitti pirchì  sì cchiù granni e sai ca nun ti toccu…

CARMELA

Non esagerari…Mariu ha ragiuni!

PIETRO

Ah, si? E iddu ca  antura  dissi ca Santinu è cosa di sfasciacarrozze…Iddu po’ schirzari e iu no? ( Mario si ricompone)   E poi serve puru ppì spezzari questo momento abbastanza tragico, o no?

MARIO

Dunchi…Qua bisogna pigghiari  una decisioni, dobbiamo essere forti e decidere…Io direi, se siete d’accordo, di fare delle votazioni…

CARMELA

E che cosa vutamu…?

GINO

Ma non facciamo i ridicoli…! Votare? E per che cosa? “Vuoi uccidere il nonno, si o no?”

MARIO

(cercando di farlo parlare sottovoce…)  Sc…..sc….ma chi stai dicennu, parra pianu…A parte il fatto che non lo facciamo noi…ma deleghiamo…

GINO

Ma noi siamo i mandanti!! E’ lo stesso!

CARMELA

Ginu ha ragiuni! Iu nun m’a sentu…

MARIA

Ma comu, doppu tuttu chiddu ca ti fici?

CARMELA

Ma ora cchi gustu c’è…Nun capisci…non soffre di niente…è ‘na speci di vegetale…Haiu sulu ‘nsensu di compassione…di pietà…

MARIA

Iu, sarà pirchì sugnu strana…na vostru nannu era una bestia…’ccò battisimu…e sicuramenti merita una morte subitanea…Anzi, ‘mpiaciri ci facemu! Si miritassi ‘na morti speciali…

SANTINO

‘A seggia elettrica…

MARIA

Chissa fussi megghiu, compari Santinu…

CARMELA

Santinu, ma cchi dici? ( forte all’orecchio)

SANTINO

‘A seggia elettrica è sulu ‘a  ‘Merica…

CARMELA

Ma chi ti stai specializzannu ‘nta  pena ‘i morti?

PIETRO

Puteva fari ‘u boia, se era ‘ddà!!

CARMELA

E tu cchi facevutu? ‘U tabbutaru??

MARIO

Vulimu vutari, si o no?

GINO

Col voto segreto o palese…?

PIETRO

Se è palesi, ci voli ‘a paletta? Iu dicessi segreto…

GINO

Ma quantu sì ignoranti. Palese vuol dire ad alzata di mano… Comunque è meglio segreto, non per me, perché io so quello che devo fare…ma per chi ha problemi di coscienza…e si vuole nascondere!

CARMELA

D’accordo…

MARIA

Ppi mia è indifferenti…

MARIO

Allura siamo d’accordo, segreto. Carta…

PIETRO

…mi canta ‘nta cannolu!  Ma quali carta, Mariu?

MARIO

‘I schedi comu ‘i facimu?Armali!

MARIA

All’uncinettu!!  Ma quantu  ‘a fai longa…

( Maria si alza e apre il primo cassetto del comò da dove prende un blocchetto di carta con una penna… Ne strappa sei fogli e li distribuisce…)

MARIO

( commosso) Beni…cioè mali…Ora simu arrivati al punto…(Maria parla all’orecchio di Santino, come se confabulassero…se ne accorge Carmela…)

CARMELA

Scusate cummari, ma volete corrompiri a mè maritu?

MARIA

Cummari, quannu mai. ( dicendo una bugia )  Parlavamo del tempo…C’è ‘stu scirocco ca mi sta cunsumannu ‘a vita…

GINO

Scusate…ma nella scheda a quale domanda dobbiamo rispondere…?

PIETRO

Chi simu ‘o rischiatutto? Quali ‘ddummanni?

MARIO

Giustu! Bravu Ginu, allura pirchì avemu a tia?

GINO

Come domanda potremmo avere tutti in mente “ Vuoi che il nonno venga soppresso?”

PIETRO

Allura ‘nsisti…nella tua teoria…Ti dissimu ca non va beni…

MARIO

Facemu accussì : se scrivemu SI voli diri ca avemu a fari chiddu ca sapemu…se scrivemu NO voli diri l’autra cosa…ca sapemu puru…Poi piegari la scheda in quattro…

GINO

Ma che cosa sappiamo e qual’ è l’ altra cosa?

PIETRO

Mariu,  Ginu m’i sta scippannu dè manu!

MARIO

Calma, Pietru! Ci siamo capiti? SI per…(segno croce)…NO…per…comu voli ‘u Signuri…(prendendosi la testa tra le mani) Matri Santi chi granni piccatu ca stamu facennu!!! (silenzio di tomba)  Si vota a unu a unu appuiati ‘ntò comò, facennu attenzioni ‘a gnizioni mortali…Disgraziata e assassina di una Froilana tatesca…Avanti ‘u primu…( si alza Gino ma ha dei problemi…finalmente si dirige al comò e col fazzoletto prende in mano la penna e scrive, poi piega il foglietto in quattro e lo lascia sul comò; ritorna al suo posto e rimane all’impiedi…; poi si presenta Maria e così via….; dopo aver votato tutti, Mario incomincia lo spoglio…)  Ginu, fammi ‘u segretariu…Hai ‘i scoli iaviti…tocca a tia…(accetta a malincuore; segna sul blocchetto di prima…)  Incominciamo lo spoglio!  (spoglia la prima scheda e così via…)  Si….Si…Si…( Maria è quasi contenta ma non vuole darlo a vedere..)  No…No…No…( silenzio ) Si finerru? ( poi esclama quasi contento…) Pareggio…pareggio…!  Bisogna rifare le votazioni…. Se erumu setti, si puteva fari, col dispari  nun c’è mai la parità, a meno che non c’è un’astensione!! ( falsamente dispiaciuto )   Peccato…peccato !! ( entra ‘Nzula )

‘NZULA

Si mancia! (tutti la guardano senza parlare per qualche secondo, pensando alla settima elettrice che potrebbe risolvere il problema e tutti in coro…)

TUTTI

‘NZULA!!! (additandola,  presa alla sprovvista, si spaventa a morte )

‘NZULA

Matri Santa!! Ma cchi vuliti ‘i mia?

MARIO

‘Nzula, tu devi votare, accussì fecemu quattru e tri setti!

CARMELA

Assettiti, ‘Nzula! Tu ci devi aiutari ‘a pigghiari una soluzioni…ppò nannu…O si o no, ti supplichiamo…ti preghiamo….

‘NZULA

(non capendo più di prima)  Ti supplichiamo…ti preghiamo….( si siede ) ‘U  sapeva ca eruvu mezzi pazzi…ma no di ‘sta manera…

( si abbassano le luci di colpo e ma il sipario resta aperto )

FINE DEL SECONDO ATTO

TERZO ATTO

Le luci si riaccendono dopo un attimo dalla fine del secondo atto a sipario aperto essendo il terzo atto molto breve. La stessa scena degli atti precedenti.

La mattina dopo, verso le sette. La scena è vuota ma dopo un attimo dall’apertura del sipario esce dalla sua camera Pietro, vestito come la sera, in più ha una bottiglietta d’acqua di colonia che si spruzza in tutti i posti, ma quando arriva “ lì “, prova un bruciore lancinante e a malapena si trattiene dall’urlare, ritorna nella sua camera e subito esce nuovamente con un rigonfiamento nella “zona” colpita,  poi va dalla foto della moglie…

PIETRO

( appena osserva la foto ha un momento di disgusto e paura )  Orata, Oratuzza…Sono passati undici mesi e sette giorni, chi mali c’è se i miei occhi si posano sopra a un fiore tatesco anche se ...parra…nun mi taliari accussì, ca mi fai scantari! No? Niente? Irremovibile sei?  E va beni…( dalla comune sopraggiunge Gertrude che nel vederlo ha un certo compiacimento…lo guarda attentamente…)

GERTRUDE

Guttemorning…bonciorno…signor Pietro…Mattiniero…ià?

PIETRO

Oh, guttemorning, froilan Gertrude. Parlavo proprio di lei con mia moglie…Ià! (provocatorio e deciso a tutto, abbassa le tendine della foto,  allupato come Giancarlo Giannini nei suoi primi films della Wertmuller )  Signorina, mi voglio confidare di presenza e senza falsi veli e omertà. Quanto gli occhi miei incontrarono i suoi non ho potuto fare a meno di esclamare una esclamazione “Minchia chi fimmina…Me la vogghiu manciari tutta comu ‘na ranata..auh…auh!!”( Lei lo ascolta sempre compiaciuta e divertita…Pietro le sta ad un palmo di distanza….pronto a saltarle addosso come un giaguaro) Sacciu anche del suo compito ingrato e delicato ma ad ognuno la sua parte, senza criticare e senza giudicare…in un certo senso possiamo dire, senza facile ironia,…che siamo colleghi…Lei ‘i ‘ddummisci ppì sempri e iu ci fazzu ‘u cappottu ‘i lignu e ‘i priparu per il lungo viaggio.

GERTRUDE

Lei agente travel…viaccio…turist…ià ?

PIETRO

In un certo senso,  ma solo andata però, froilana, ‘o ritornu ci pensa Diu!  Potremmo fari soggietà! (risatina ) Mi taliassi beni, sono tuttu una corda di chitarra…un siculo della trinacria vulcanica e sottoproletaria che è troppo infiammato di sesso e ardore…( indicando il rigonfiamento ) Che cosa mi manca, bottana di la miseria, signorina froilana,  per fare germogliare il suo interessamento nei miei confronti medesimi, ah?

GERTRUDE

Io notare sua infiammazione di ardore, ià! ( guardando il rigonfiamento )  Anghe  lei interessare me, cià da primo momendo, ià…ià…! Ma…mio lavoro non conzende troppo svaco…io stare attenta nonno Saro…Se lui zentire male…come fare?

PIETRO

( convincente ) Noi antare là, da nonno Saro…e ci facciamo compagnia a vicenda…’na parola ciascunu, una tu e una iu….ci aiutano…sangu di la marina…a….a diri dui paroli!!  Da cosa  nasce cosa… cosa ca  nun nn’è….la facimu iu e te!! ( non sapendo più cosa dire, risatina di entrambi )

GERTRUDE

Tu birbante siculo zimpatico, antare, ià!

( via entrambi dal fondo a sinistra, Pietro le cinge la vita; poi dopo un attimo entra sempre dal fondo a sinistra, ‘Nzula, singhiozzando…)

‘NZULA

(sedendosi sul divano sopra l’asciugamano di Gino)  Ma cu m’u fici fari di vutari! Tu ‘a vidiri ‘nta quali guaiu mi misi e poi a mia nun mi piaci cunnannari ‘a genti. Veru è, Don Saru pietà nun si nni merita, ma ‘a morte a po’ dari sulu Diu….E poi iu nun sugnu mancu parenti, chi mi veni…e ora sugnu complici di ‘sti assassini…(dalla seconda stanza esce Maria, è già in ordine, truccata…)

MARIA

Ma cchi hai, pirchì pivilìì…Chi ti successi?

‘NZULA

Ma comu po’ diri chi cosa successi? Assira ficimu ‘na votazioni…assira cunnannammu ‘ncristianu…

MARIA

…cristianu…? Quali cristianu?  Don Saru Vacirca, cristianu? Assira, bedda, abbiamo fatto giustizia…Abbiamo segnato la fine di un dittatore… ’U sai pirchì nun fici ‘u tistamentu e lassò tuttu a Mariu…’u voi sapiri?  Pirchì a mia mi dissi ‘ngnornu…”Tu, Maria, sì comu ‘mpezzu ‘i tirrinu ca haiu vicinu ‘o mari, è siccagnu…e haiu fattu tutti li provi ppì fallu ‘ddivintari beddu…siminativu..ma nenti…nun c’è nenti di fari! Ora, vistu ca tu a mè niputi nun ci duni ‘nfigghiu, un erede…., iu pirchì v’avissi a lassari eredi di tuttu.? ”

‘NZULA

Vi dissi propriu accussì? ( incredula )

MARIA

Si capisci! Allura pirchì nun ‘u pozzu vidiri e haiu priatu ‘o Signuru notti e ‘gghiornu di purtarasillu ‘a Casa Granni…do’ Patri…

MARIO

(anche lui vestito di scuro con la camicia fuori dai pantaloni…i capelli arruffati, barba lunga…) E’tutta ‘a notti ca nun dormu…Haiu ‘ncircu ‘nta testa…Ci vulissi ‘ncafè…( guarda ‘Nzula e Maria…)  ‘Ccù tia ci l’haiu, …assassina… congiurata…

‘NZULA

Coniugata? E ‘ccù cui, ccù vostru frati ‘u .….? ( trattenendosi a stento)

MARIO

( capendo che si riferiva a Gino ) Avanti parra uccazza di vilenu,  vecchia pivala ‘i notti! Ccu mè frati…cui? Parra!! Cosa laria, ti dissi congiurata, ca ti mintisti d’accordu ccù l’autri assassini  ppì ‘mmazzari a mè nannu! E ‘o cantu ci ‘nn’hai una…( riferito a Maria )

MARIA

E lassala stari. Prima ‘a priastuvu ‘sta povera cristiana ppì falla vutari e ora ca i cosi sono andati contro i tuoi interessi…

MARIO

…interessi? Quali interessi, scimunita? Perciò fari campari ‘na pirsuna e falla moriri è una questioni d’interessi? Ma cchì opinioni hai della vita?  Certi voti, quannu parri accussì mi fai scantari e pensu ca mi spusai un mostru….

MARIA

(risoluta) Mostru o nun mostru…siamo stati in quattro, la maggioranza, a decretare la fine di tò nannu, idda è una…e ccù mia fannu dui! E poi ccù cui t’a pigghi? Fusti tu da dicisti…” Bisogna votare!!” Parevutu ‘ncintu…ammuttatu! Eccoti accontentato!

MARIO

(pensando) E l’autri dui cui pottunu essiri? Unu di sicuru mè frati Pietru…certu…sicuru! E l’autru…forsi mè soru Carmela! ( a Maria )  Tu nun sai nenti?

MARIA

Il Voto è segreto!

MARIO

Sei spietata!

MARIA

Iddu com’era? Anzi, cerca di pigghiari ‘ssà ‘gnizioni e facimila finita ccù ‘sta storia! (dalla sua stanza esce Gino, ha con se la valigia…)

MARIO

Unni vai?

GINO

Chi sugnu carzaratu? Mi ‘nni vaiu, ‘cc’haiu a fari? ‘A commedia sta per finire…manca solo il finale! ( guardando  disgustato sul comò la foto della defunta Orata , le chiude le tendine, cerca di sedersi e vede che il posto è occupato, ma ‘Nzula glielo cede alzandosi…)

‘NZULA

Pregu, prufissuri…(  ma Gino non può sedersi, Maria capendo il suo stato di imbarazzo gira la tovaglia e Gino con circospezione si siede…senza toccare con le mani niente, mettendole dentro le gambe…)

GINO

Grazie, Maria!

‘NZULA

Quantu ci fazzu ‘u cafè ‘o prufissuri! ( con smacco verso Mario, poi via a sinistra )

MARIO

Brutta tappinara! ( a denti stretti ) Dunchi, Ginu, a propositu di finali…Queste elezioni, se accussì ‘i putimu chiamari, secondo me non sono state regolari!

MARIA

Ma quanto sei falso!! Certo, non sono state regolari pirchì finerru mali ppì iddu…se inveci…Quantu mi nni vaiu…ca mi sta’ sbutannu ‘u stomucu…( via nella sua camera )

GINO

Ma è tutto che non è regolare, lo volete capire? Ma come si fa a mettere ai voti la fine di una persona…anche odiosa, crudele a volte, antipatica…cattiva…tutto quello che vuoi tu!! Ma metterla ai voti, questo mai, è stato un atto di crudeltà da parte nostra! Io penso questo, va bene?

MARIO

Bene, e io apprezzo la tua idea, ma ti voglio ricordare ca puru tu hai votato!!

GINO

E ho fatto una stronzata!

MARIO

Parlavo della regolarità perche abbiamo ammesso a votare ‘na cammarera…!! Chi parentela ha ‘ccù nuatri? Cu è? Chi cosa mi rappresenta? Come può comandare sulla vita di una persona, datore di lavoro, per giunta? E’ chiaro che deve avere rancore, odio…che lo vuole vedere morto!! Con quale diritto? No…no…nun po’ essiri!!!

GINO

E noi con quale diritto?

MARIO

Gino, ‘u sai ca forsi ‘u nannu aveva ragioni…

GINO

Su che cosa?

MARIO

Ca sì tu ca ti fai odiari!

GINO

Pirchì sugnu diversu ‘i tia…pirchì sugnu….gay  (ostentando le movenze a soggetto)…o cos’altro?

MARIO

Ma nun diri fissarii…Perché sì tistardu…comu ‘o papà…Nuatri  simu i niputi, sangue del suo sangue, ricordati! E tranni unu, Pietro, debosciatu e nullafacente, tutti abbiamo votato NO!!

GINO

Ma se fino a poche ore fa tutti lo volevate crocifiggere…

MARIO

Un momento…un momento…tranne io…tranne io! (dal fondo si sente un urlo…)

VOCE f.c.

Ahhhhh……Matri Santa! ( sopraggiunge Pietro che si tiene la testa e Gertrude gli corre dietro, escono Maria e Carmela )

MARIO

Ma cchi ti successi? ( lo fanno sedere accanto a Gino che soffre visibilmente questa vicinanza…fino ad alzarsi…Gertrude intanto gli medica la testa, accanto alla nuca)

PIETRO

‘A cruci…’a cruci…’Ssà cruci enormi ca è supra ‘o lettu…M’avvicinai ‘ntò nannu ppì chiudiricci l’occhi, ca mi facevunu scantari…

MARIO

Morsi?

PIETRO

No, mi taliava stranu stranu…comu ppì diri “ Cchi fai, Pietru, cchi stai facennu?”

MARIO

E tu cchi stavutu facennu?

PIETRO

Vegliavo…’cc’aveva ‘a fari? Faceva  compagnia a Citrudi…idda mi cuntava ‘i cosi so’ e iu ci cuntava ‘i cosi mè…chistu faceva!  Cchi è vietatu?

MARIO

( scettico ) E comu fu ca ti carìu ‘a cruci?

PIETRO

M’avvicinai ‘ntò nannu, e ci dissi vicinu all’aricchi ” Nannu, chiffà ti chiudu l’occhi?” Tutt’a ‘ncorpu mi cadi ‘ssà maravigghia…cadìì ‘nterra comu ‘na ‘rancia sfatta…mortu di cent’anni…( pausa ) Ma iu ‘u sacciu cu fù…(si alza, Gertrude aveva finito di fasciarlo facendogli anche una fascia sotto la gola, con rabbia va verso il comò…gli altri cercano di fermarlo, ma lui si divincola prende la foto e la lancia con foga dalla finestra…si sente un altro urlo….e dei rumori di vetro rotto)

VOCE f.c.

Ahhhhh….Madre Santissima….( tutti sono preoccupati)

PIETRO

Azziccai  ‘o preti….Disgraziata è malefica puru ‘cco ritrattu….E’ un demoniu…(entra dalla comune il prete, intontito…ha in mano i resti della foto e della cornice…gli esce un filo di sangue a sinistra della fronte)

DON ALDO

No…non vi preoccupate…non è niente…( si guarda la mano insanguinata e sviene sul divano, Gertrude lo soccorre, medicandolo…)

CARMELA

Pietro, ma tu sì pazzu…pazzu di catina….Ma ti rendi conto di quello che hai combinato?

PIETRO

E cc’haiu cumminatu?  E tu cc’a cumminatu ccù tò mariteddu? Tutta ‘a notti, l’abbiamo sentito tutti…

CARMELA

(su tutte le furie, Mario e gli altri temono un altro scontro…)  E cchi cosa hai sintutu…? Scunchiurutu e cretinu di ‘nfrati scemu…?

PIETRO

Scemu a cui? ( i due sono uno davanti all’altro, il prete è seduto dolorante con Gertrude che cerca di medicarlo, Gino si è spostato e Mario che cerca di fare da paciere, Maria è dalla parte di Pietro…)

CARMELA

A tia..e cui sennò? E di quannu nascisti ca pari anticappatu…Ti vulevumu purtari all’orfonotrofico…

PIETRO

Ah, si? E a tia unni? ‘O Casinu d’o paisi? ‘Ntantu  pigghiti chista! ( le molla uno schiaffo che Carmela abilmente schiva andando a colpire Mario, questi prende per il collo Pietro che per difendersi da un calcio per errore al prete…Maria prende per i capelli Carmela….Gino gira attorno a tutti…poi si  accovaccia a terra camminando gattoni…appoggiandosi con i gomiti per non toccare il pavimento con le mani, è spaventato a morte…dal fondo di sinistra  entra ‘Nzula con un vassoio in mano con due tazze di caffè…e anche lei cammina gattoni…si incontrano…come se niente stesse accadendo ; tutta questa scena si può fare al rallenty tranne che per Gino e ‘Nzula…)

‘NZULA

Prufissuri, ci purtai ‘u cafè…Unu m’ù pigghiu iu…( Gino vuole penderlo ma la maledetta fobia lo costringe a prendere un fazzoletto e pulire il bordo della tazzina…si mette in ginocchio e mentre sta per berlo…)

MARIO

( interrompendo un attimo la lotta )  Chistu è miu!  ( lo beve d’un fiato e ricomincia la battaglia ; Gino rimane di stucco, nuovamente a carponi si rinchiude nella sua stanza portandosi la valigia…)

‘NZULA

( al pubblico )  Quannu ci ‘u dissi ‘o parrucu ca sempri fineva a corpa, nun vi vuleva cridiri…Videmu ora se ci cridi?? ( via dal fondo a sinistra ; dalla prima stanza esce Santino con uno cappuccio tipo KKK  ricavato dalla federe di un cuscino  e una siringa nella mano destra….)

SANTINO

(uscito di senno)  Fermatevi…vili saracini, deponete le armi… o con la mia sciabola immolata ‘nta la petra pumici vi tagghiu a tutti li mustazza…( tutti lo guardano allibiti…Mario ha un grave sospetto…la siringa è quella che doveva servire per la soppressione del povero nonno…)

MARIO

Attenti…fate attenzione…’avi ‘a ‘gnizioni mortali…Ma comu si cumminò?  Assira era tantu beddu…!! ( fuggi fuggi generale…, il parroco non capisce… Gertrude e Pietro nella stanza di quest’ultimo )

CARMELA

( con cautela,  quasi singhiozzando )  Santinu…Santinuzzu  beddu…dammi dammi ‘ssa sirigna…ti poi fari mali…daccilla a Carmiluzza tua…

SANTINO

No! Io sono il boia dell’esecuzione…e io ho il diritto di tenere la ‘gnizioni fetali.. va beni? ( urtato )

CARMELA

( a cantilena, cercando di essere convincente )  E dammi ‘sta ‘gnizioni…

SANTINO

‘A ‘gnizioni gnurnò gnurnò…(come un bambino)

CARMELA

E dammi ‘sta ‘gnizioni…( c.s.)

SANTINO

‘A ‘gnizioni gnurnò gnurnò…(c.s.)

CARMELA

Se non me la vuoi dare…da solo ti lascerò!!! ( imbronciata come una bambina )

SANTINO

E pigghiti ‘a ‘gnizioni…( imbronciato )

CARMELA

‘A ‘gnizioni…gnursì…gnursì…

SANTINO

E pigghiti ‘sta ‘gnizioni…(c.s.)

CARMELA

‘A ‘gnizioni gnursì gnursì…

SANTINO

E ora che te l’ho data,  da solo mi lascerai?

                                  

CARMELA

Adesso che l’ho presa,  io non ti lascio più!!

( Carmela afferra la siringa e con attenzione la consegna a Mario… che anche lui la tiene con grande apprensione…poi abbraccia Santino…)  Santinuzzu miu…Ma cchi ti capitò? ( rientrano nella loro stanza, Carmela sorregge Santino )

MARIO

( con in mano la puntura, ancora incredulo )  Ma comu si è ridotto? Tuttu ‘nta ‘na nuttata? ( poi guardando la puntura…)  Patri Aldu…e tuttu chistu ppì ‘sta schifu di ‘gnizioni!!! (don Aldo non capisce…)

DON ALDO

(che ha la fronte con un vistoso cerotto)  Vi vorrei aiutare ma non capisco….

MARIA

Mariu, cunticci tuttu ‘o parrucu! ( va a sedersi accanto al prete )

MARIO

Iu ci cuntu tuttu, ma lei ‘a fari finta di essiri in confessioni! Tuttu chiddu ca senti è sotto il segreto…

DON ALDO

Fermi…fermi…senza curri ccò sceccu…O si è o non si è in confessione…Stabiliamolo prima! Non è che se ci fa comodo siamo in confessione e se non ci fa comodo non siamo in confessione…Non vi pare?

MARIA

Iu mi vogghiu cunfissari, patri, chi è possibili?

DON ALDO

Va beni…va beni…poi nni parramu! Dunque, che cosa mi dovete confidare? Che cosa voli diri “Tuttu  ppì ‘sta schifu di ‘gnizioni…”

MARIO

Don Aldu, ieri n’amicu miu, canuscennu la situazione di mè nannu…’u fattu ca ‘avi novi voti, ccù chista, ca trasi in comu….e…

DON ALDO

…nesci ‘a Torinu…

MARIO

…e  nni nesci miracolosamente, sapi i disagi nostri e dei nostri fratelli ca ogni vota….

DON ALDO

Stringissi…ca chistu ‘u sapemu tutti…’i visiti…’a  ‘bbergu…’u manciari…’u servimentu…

MARIO

Esatto!  Insomma mi fici ‘na proposta…( non se la sente a confessarla )…

MARIA

Parru iu!  Parrucu, ci proposi a mè maritu di praticare ‘o nannu l’eurostesia…

MARIO

Ma quali! Si chiamava l’ enostasia…

DON ALDO

Ma che cosa dite?  L’anestesia, forse?

MARIO

Ci assumugghia…ma nun mi pari iddu….’Ncuminciava ccù….euta….euta…

DON ALDO

(allarmato)  L’eutanasia? L’eutanasia?

MARIO

Bravo…bravo, don Aldo! Proprio accussì!  Iddu ‘a chiamava puru “ La dolce morte “!

DON ALDO

Dio…Dio…Dio Santo…Il Signore  vi punirà!

MARIA

(spaventata, si stringe al parroco che ricambia l’abbraccio )  Mi cunfissassi subitu, parrucu!!

DON ALDO

Ma voi siete dei mostri….E che cosa avete fatto? Dio…Dio…

MARIO

Nenti, don Aldo…nun ficimu nenti. Assira ficimu sulu ‘i votazioni…

DON ALDO

I votazioni….? Dio…Dio…

MARIO

Si, insomma, volevo sapere se la proposta fosse stata approvata o meno…

DON ALDO

Approvata o meno….! Dio…Dio…( con Maria c.s.)

MARIO

(che incomincia a guardare i due)  Bè…la decisione doveva essere presa a maggioranza…

DON ALDO

A maggioranza….(in coro assieme a Mario) Dio…Dio…

MARIO

Dio…Dio…(fa spostare Maria e si mette lui vicino al prete…) Scusassi parrucu, non ppì mancanza di fiducia…’U sapi com’è…Mè mugghieri è troppo scossa…e quannu è accussì…’a sacciu pigghiari sulu iu…(allusivo)  Ci diceva della maggioranza…era giustu..che ci fosse stata una certa maggioranza per  prendere la decisione giusta…

DON ALDO

E questa benedetta maggioranza, c’è stata o non c’è stata?

MARIO

(a malincuore)  C’è stata…c’è stata…purtroppo!

DON ALDO

C’è stata?  Dio…Dio…(assieme a Mario che ripete come un automa)  E che cosa ha sortito?

MARIO

(non capendo)  Sortito?  Chi è ‘na parola d’offisa?

DON ALDO

Ma è possibile ca ppì capiri bisogna fari l’analisi logica di ogni parola?

MARIO

Don Aldu, iu ‘a quinta arrivai! Mè patri mi diceva di travagghiari e di nun pinsari ‘a scola ca erunu tutti minchiati…Ca tantu i carusi  ca avevunu a ggh’ iri‘a scola erunu già scritti, e iu ‘nta ss’elencu nun c’eri misu! Dunchi, cchì speranza puteva aviri, zero!!  Mè nannu, inveci, ca era cchiù democraticu (ironicamente),  mi diceva  “ Tu devi scegliere niputi miu : o travagghi cchè buoni o travagghi cchè vastunati..” Lei  cc’avissi fattu?

DON ALDO

Va beni..va beni…mi scusassi, ma sortito…voleva significare…che cosa è successo, ecco!

MARIO

E’ successo che hanno vinto gli assassini…( a soggetto disperazione..rivolto a Maria, che si getta a terra tra le gambe del prete che non riesce a staccarsene…così pure Mario…)

DON ALDO

(assieme a Mario c.s.) Dio…Dio…

MARIO

Disgraziata,  prima ci avevi a pinsari…no ora, a sentenza fatta!

MARIA

Perdono…perdono…Iu nun vogghiu essiri complici di chissi…Parrucu, ci ‘u dicissi lei, iu mi vogghiu cunfissari…

DON ALDO

( risoluto )  E cchi è ‘a pena ‘i morti..? E unni semu ‘a Merica?  E poi quali sentenza?  Ma finitala…prima ca vi denunziu a tutti…( si alza)  In Italia l’eutanasia è reato, e ora basta…ccù ‘sta storia. Fazzu finta di non aver sentito nenti…Ma  vi dugnu un avvertimento : guai…dico guai a ccù s’azzarda ‘a ‘vvicinarisi  ‘nto nannu…La peste lo coglierà…!!! ( tipo anatema, con asprezza ) Signora Maria, se si voli cunfissari, ‘a ‘spettu  ‘a chiesa oggi alle cinque, sula !! ( si avvia sul fondo a destra....)

MARIO

Non è il caso, patri parrucu, ca mè mugghieri piccati nun nn’avi! Se vegnu… vegnu iù…ccò ‘mmarruggiu di mè patri…ca è bellu chinu di ruppi…e ci cunfessu iù quattro belli piccati, signor parrucu…e ora pigghiassi ‘a porta chidda dè scali ca della sua presenza nni sugnu puru stuffu…

MARIA

Mariu, ma cchi ci dici ‘o parrucu?

DON ALDO

Lasci perdere signora, capisco il momento…(va via)

MARIO

(furente) Talè…. talè…’stu pezzu di pupu nivuru..! Veni ‘a casa mia ppì dettari liggi e ppì ‘nquietari ‘a mè mugghieri…”Venga alle cinque…” Sula, sparti! E tu ‘a vidiri comu ci ‘u dissi..”…alle cinque…sula!!!” ( imitando la voce del prete)   Nun t’azzardari a ggh’iri ‘a chiesa…t’a dugnu iu ‘a cunfissioni…brutta fimmina ‘i quattru sordi…(parati come due galli)

MARIA

E  tu cchi cosa sì?  Un analfabetico…’gnuranti..

MARIO

Troia…

MARIA

…zotico…

MARIO

…Elena di Troia…(senza convinzione)

MARIA

(perdendo il ritmo)  E cuè ‘sta Elena di Troia…

MARIO

E cchì sacciu, iu l’haiu ‘ntisu ‘a televisioni…

MARIA

….grezzo…

MARIO

…fimmina fridda…

MARIA

….ominu senza sangu ‘nte vini…

MARIO

….figghia di scarparu tintu…

MARIA

…figghiu di cavalieri senza cavaddu…

MARIA

…imponenti…

MARIO

Comu dicisti?

MARIA

…imponenti…chissu  sì…un pezzu di imponenti….comu a tò frati Ginu…

MARIO

(acchiappandola  per i capelli e stringendole il collo)  E quannu ci addivintai…parra…pezzu di vacca ppò macello…?

MARIA

(assestandogli un calcio sullo stinco, dal dolore Mario lascia la presa e balla…)  Ci ‘a statu sempri…( con cattiveria ) Haiu  fattu sulu ‘a finta….la finta di godere…Ppì fariti cuntentu!!! ( dalla porta di destra entra Pietro, Gertrude e Gino, sono pronti per partire…)

PIETRO

Ma cchi fati?

MARIO

Mi dissi ca sugnu imponenti…comu….

GINO

Comu ‘a mia? (sorridendo)  A parte il fatto che si dice impotente…Ma io non sono impotente…io sono….

MARIO

(imbarazzato)  Lassa stari…lassa stari…chiddu casì a nuatri non ci ‘nteressa…non apriamo ss’autra ferita…(vedendo Gino risentito, si tappa la bocca) Ahù, qualsiasi cosa ca dicu…fazzu sempri dannu…Nun parru cchiù!!

MARIA

Scusami Ginu, ma iu nun l’aveva ccù tia… Volevo ferire a morte Mario, ecco!

PIETRO

Mariu…Maria…Forsi trovai l’anima gemella…o forsi no…ma comunichi…appoi si vidi! Iu vutai SI, ma senza convinzioni…solo per odio…Pirchì ‘u nannu, detto tra nuatri, cchi nun si miritassi a seggia elettrica,  no ‘a ‘gnizioni fetali, comu ci dici Santinu. Quindi, la mia,  nun mi pari ‘na decisioni giusta. Appoi fati comu vuliti…Vi salutu. ( senza baciarsi, va via con Gertrude)

MARIO

Ma comu, si nni va ccù  froilan…

MARIA

…Ciprude…E nuatri ccà comu …Megghiu accussì…

GINO

Io ho votato NO, ma siccome ho perso, mi rimetto alla clemenza della corte…(ironicamente) Pensateci…uccidere un vecchiu ormai allo stato vegetale, che senso ha? Fate un gesto di pietà…

MARIO

Ma cui, chista?  (indicando Maria)

MARIA

Iu mi sono già pentita…Ginu! Ragiuni hai!

GINO

Ci vediamo al prossimo coma!  Addio!!  (baciandoli con le guance senza toccarli con le mani, poi va via camminando come sempre…scompare via dal fondo a destra; Maria e Mario sono rimasti soli, non si guardano…poi si avvicinano, a soggetto,  l’un l’altro sul divano…)

MARIO

( implorante come un bambino ) Cchi è veru ca sugnu imponenti?

MARIA

(rassicurante)  Si dici impotenti, sciccareddu miu…impotenti…!!

MARIO

E va beni, comu si dici e dici…Chi sugnu chissu ‘ddocu? (c.s.)

MARIA

Ma quali cosi…chi vai pinsannu? Tu sì peggio di l’Etna…quannu  cula…!!

MARIO

Ah!!! M’aveva parsu!!  M’arristò ‘sta ‘gnizioni ‘nte manu, ora cchi ‘nni fazzu?  Quasi quasi m’a facissi iù!! ( si sbottona il polsino della camicia, si alza la manica e fa finta di farsela…Maria è spaventata…)

MARIA

Ma chi fai, scemunitu,  ‘a ‘gnizioni fetali? Ma vuoi moriri ppì daveru? E ‘a mia cu cci pensa…?

MARIO

A ‘u beddu preti tò! Alle cinque…sula! Pezzu di debosciatu!

MARIA

Ma era in buona fede, faceva il suo ministero…

MARIO

Si,  il Ministeru do’  Pilu, chissu ‘ni manca …!!

MARIA

Finiscila..nun nn’essiri volgari…( dalla prima porta escono Carmela  che tira con una mano Santino che ha una valigia ed una la porta Carmela…stanno per andare, Santino sembra intontito…)

CARMELA

Forza…forza…Santinu…pianu…pianu ca ci ‘a fai!

MARIO

Cosi dell’altro mondo…tuttu in una notti! Comu si potti ridurri ‘st’uomu? (alla sorella)  ‘O frati, nun cridu ca fu ‘sta notti mentri ca ‘u rascavutu…ti ricordi…? ( allusivo)  A lu voti ‘u sforzu  fu troppu!!

CARMELA

Ma chi vai dicennu, Mariu?

SANTINO

Cumpari…mi raccumannu ppì l’esecuzioni…appoi m’aviti ‘a chiamari…che ci fazzo la ‘gnizioni fitali…

CARMELA

Si…si…Santinu…amuninni….Frati miu, ci mancava sulu chista. Cchi cruci c’haiu ‘a ‘viri!  ( Si baciano, poi rivolta a Maria) Cummari, fatimi sapiri do’ nannu…Addiu!

MARIO

Carmela, fallu taliari di qualchi specialista…Nun mi piaci…!!

SANTINO

A Jaci dumani, veru Carmela,  ca c’è ‘a fera di l’armali! ( via dal fondo a destra )

MARIA

Mischinu, chi fini ca fici…!

MARIO

Ma tu ‘a vidiri se ‘ddù curnutu d’ò dutturi La Mazza,  ca è statu la causa di tuttu, s’avissi fattu sentiri…(suonano) Vuoi vidiri ca è iddu….Maria, va rapi…( Mario posa la puntura sul tavolinetto del salotto…poi compare Nicola seguito da Maria…) Nicola ti friscarru ‘a ricchi? Spuntasti comu a quannu si parra d’ò diavulu…ca  spuntunu subitu ‘i corna.

LA MAZZA

E grazi ppè corna! Me la meritavo…lo riconosco…lo riconosco…Nadia mi ha raccontato un po’ tutto…

MARIO

Nadia? E cu è?

LA MAZZA

L’infermiera! Gertrude era un nome finto, Mario! Com’era finto il cognome e tutto il resto…

MARIO

Tutto il resto? Tò patri…tò nannu…tu stissu…tutti malati di cancru…Curnutu, ca mi facisti veniri ‘na malinconia! Tuttu farsu?   Appoi c’era  Ahwsfitz…Gasslagher…la dolce morte…ca era scappata…E chista? ( prendendo la puntura…)

LA MAZZA

Acqua…acqua distillata…

MARIO

Ma pirchì ‘sta pagliacciata, e poi ‘ccù mia…con la mia famiglia…? ‘Ni canuscimu da una vita?

LA MAZZA

Proprio per questo! Primo, perché ero tuo amico e tuo medico, secondo,  perché avevi in casa un paziente in fin di vita e terzo, ero sicuro che la proposta che ti avrei fatto avrebbe suscitato un bel dibattito all’interno della tua famiglia molto variegata…

MARIO

Avariata…esatto, è il termine giusto. La mia famiglia è un’avaria totale!!! Autru ca dibattitu, qua è successo un terremoto, una catastrofe. ‘I mè frati sunnu tuttu stracanciati, mè soru ci appizzò ‘nmaritu…nun nn’era ‘nu granchè, ma tuttu sommatu era sempri ‘u maritu…Amminchialìu di precisioni! Mè frati Pietru persi ‘a testa ppì Gertrudi…Mè frati Ginu, ‘u prifissuri, ‘u canusci? Chiddu tuccateddu d‘a rannula, appena arrivò accuminciò a fari filosofia…E qui e là…nuatri nun capevumu nenti…ecc..ecc.. E’ cchiù persu di prima… Corpi e lignati comu l’orbi…Addivintò ‘na speci di processu ‘a mè nannu, autru ca dolce morte…’U vulevunu ficcari ‘nto tabbutu ancora vivu…Una speci di vendetta…’A mè mugghieri…

MARIA

‘A tò mugghieri lassala stari…

MARIO

Pirchì ‘u parrucu, cca scusa d’o nannu cchi nun nn’era sempri ammezzu ‘e cosci tuoi?  Parra, si o no?

MARIA

Ma cchi dici?

MARIO

E a cui vuleva cunfissari e cinqu…sula…’nchiesa… a mè soru ‘a monica?

LA MAZZA

Capisco…Capisco! Il motivo della vendetta,  che può diventare, in alcuni casi rari, grazie a Dio, la vera motivazione per l’eutanasia, è uno dei più grossi problemi nella pratica di questa forma di soluzione terapeutica finale, oltre a quello di carattere etico, si capisce.  Comprendo le vostre peripezie, i vostri disagi, ma io non potevo svelarti il mio vero compito. Avremmo falsato il risultato, tu avresti dovuto fare l’attore, il regista, tutto…insomma. Saresti stato capace?  Vedi, Mario, il mio è stato uno studio sul fenomeno dell’Eutanasia…Uno studio serio, scientifico. Devo presentare fra un mese, in un importante convegno a New York,  il lavoro fatto con te e con la tua famiglia, le aspettative, le contrarietà, i problemi sorti…insomma..un vero e proprio lavoro basato sulla realtà, commissionato dalla Società Scientifica Internazionale…Devo raccogliere i risultati e analizzarli… Chi era d’accordo per la soppressione, chi non lo era…Se qualcuno lo era prima e poi ha cambiato idea…Tu mi devi dire tutto…tutto quello che sai. La tua famiglia diventerà celebre…e forse potremo fare un film, un cortometraggio s’intende, sulla tua esperienza…Siete contenti? ( Maria è entusiasta…entra ‘Nzula dal fondo di sinistra )

MARIO

Ora simu tutti i parenti d’a zita, arrivò chidda struita ( smorfia di ‘Nzula ) ! Continua, Nicola, ppì favuri!

LA MAZZA

Ma non finisce qui! La Società che mi ha ordinato il lavoro ti regala quest’assegno di diecimila euro per il fastidio  e….udite udite…due biglietti in prima classe  A/R per New York, e presenzierete al Simposio Internazionale sull’ Eutanasia! Che ne pensate?

MARIO

Di bellu è bellu, veru Maria?  ( Maria annuisce ) ‘U problema è ‘u nannu! Quannu dicisti ca si teni ‘stu  cosa ‘ddocu?

LA MAZZA

Il Simposio?  ( Mario annuisce ) Fra un mese esatto!

MARIO

E allura nun ci nesci nenti…Troppu prestu è! ‘O nannu cu ci cummatti?

LA MAZZA

Si, vero è, ma viste le sue condizioni di salute attuali, gli do’ al massimo un giorno…E’ in coma irreversibile…povero diavolo…Non assume nemmeno i liquidi…

MARIO

( senza scomporsi ) Tu dici…( guardando Maria, con cinismo ) Maria, ‘u dutturi dici ca ‘u nannu resisti a malapena ‘ngnornu…dici ca ‘i liquidi nun nn’i ‘ssuma cchiù…

MARIA

Si vidi ca nun canusci ‘o nannu…! Chiddu è ‘a siccu…

VOCE del nonno Saro f.c.

Purtatimi ‘a pala…vogghiu ‘a pala…

‘NZULA-MARIA-MARIO

Niscìu d’ò comu, e fannu novi!!!

(Maria , Mario e ‘Nzula  rimangono impassibili,  guardando il dottore, che  è sbigottito, come per dire…”Te lo avevo detto”; si chiude lentamente il sipario sulle note  malinconiche  della solita musica )

FINE  DELLA  COMMEDIA