‘
Commedia musicale in due atti di
Liberamente tratti da:
Annella ‘e Portacapuana di
Musiche di
PERSONAGGI
Annella Figlia di Porzia
Meniello Suo innamorato segreto
Maria Figlia diAmbrogio, promessa sposa di
Giuvanne Sapunaro (straccivendolo)
Totonno Innamorato segreto di Annella
Porzia (Locandiera) Vedova innamorata di Meniello, madre di Annella
Ambrogio (Bottegaio) Innamorato di Annella
Domenico Strumenti Notaio
Cosimo Vecchio avaro, venditore di castagne, padre di Meniello
‘Ntunetta Madre di Giuvanne
Due guardie
La scena:Una qualsiasi piazza di Napoli. Sulla sinistra, a piano terra c’è la taverna di Porzia, sul cui ingresso vi è il balcone della camera di Annella ed in prima quinta la finestra della stanza di Porzia. Al centro la bottega di Cosimo Sulla destra in prima quinta la bottega di Ambrogio al cui primo piano via è la camera di Maria.
ATTO PRIMO
MUSICA (TARANTELLA TUTTI CANTANO E BALLANO)
Donna Porzia è nnammurata,
cu Meniello s’è allumata
e se vò ma che vuò fa’
cu ‘o guaglione mmaretà!
Cu ‘o guaglione mmaretà!
Pure Annella ‘o vo’ bene
‘e a Meniello assaje le preme
‘sta nennella e ‘a vo’ nzurà,
ma nun sape comme fa,
ma nun sape comme fa’!
Vi’ che ‘mbruoglio ca sta cà…..
A chi maje se va a ‘nzurà?
Si mo tu ce staje a sentì
Saje po’ comme va a fernì!
Si mo tu ce staje a sentì,
saje po’ comme va a fernì!
(Alla fine del ballo tutti vanno via tranne Totonno e il notaio)
Scena I (Totonno – Notaio)
Totonno (Esce dalla taverna) E’ cuotto, è cuotto, ‘o suffritto è cuotto e, comme addora!
Notaio Buongiorno Totonno.
Totonno Buongiorno nutà, addurate e arricriateve sulo cu’ st’addore: è suffritto e se lo provate ve alleccàte ‘e baffe! Mi volete onorare?
Notaio Ti ringrazio, ma non è il caso.
Totonno Notà, e non sta bene, pecchè mi volete fare questo torto?
Notaio Nessun torto mio caro: non accetto il tuo invito perché ierisera ho cenato un po’ tardi e non ho dormito: ho quindi sonno e lo stomaco in disordine.
Totonno Nun vi preoccupate, ci penso io: entrate, ‘na zuppetella ‘e suffritto cu ‘nu pizzeco ‘e pepe, dduje addure e cu’ ‘nu bicchiere ‘e vino asprinio, ‘o stommaco vuosto s’acconcia e state buono pe ‘nu mese.
Notaio Totò’ nun me tentà….A primma matina?
Totonno Nun è ca ve mettite scuorno?
Notaio Ti sembro il tipo da provare vergogna? Nun tengo ‘sti fisime: Io sono Notaio, ma soprattutto galantuomo e stimato professionista.
Totonno E allora trasite e nun pensate a niente cchiù!
Notaio Sto pensando che si sta facendo tardi ed io sono oberato di lavoro…..
Totonno Ve site operato, e quanno è successo? Vuje site sempe stato accussì bello…
Notaio La tua ignoranza non conosce limiti, mio caro e mi mette di buon umore: sono oberato e cioè chino ‘e fatica!
Totonno E parlate comme ve ha fatto ‘a bonanema d‘a putecara d’a mamma vosta!
Notaio Cosa dici mai bifolco, non posso perdere tempo, devo redigere atti, registrare strumenti….
Totonno Chitarre, manduline, viuline…
Notaio Scetavaiasse e putipù: ignorante sono strumenti, cioè atti di compravendita e vari da registrare!
Totonno E pe’ registrà ce sta tiempo: trasite, faciteve ‘na bella magnata ca doppo faticate chiù ‘e genio e cu’ bbona salute!
Notaio E pure dice buone, jammo Totò.
Totonno Trasite nutà!
Scena II(Meniello Annella)
Meniello (Entra dal fondo) Che suonno, stanotte nun aggio durmuto!: comme chiudevo ll’uocchje, vedevo Annella mia! Comme aggio ‘a fa’, vulesse parlà cu ‘a mamma, le vulesse dicere ca tengo intenzioni serie! Addò? Chella è nnammurata ‘e me e me vo’ spusà! Comme me ne jesco a ‘stu mbruoglio?
Annella (Esce dalla taverna) Meniè che d’ è, si’ caduto ‘a dint’o lietto?
Meniello E che ce faccio dint’o lietto, cardellina mia….
Annella Si io so’ na cardellina tu si ‘nu cardillo…..
ANNELLA CANTA :”COMME A NU CARDILLO” MENIELLO RISPONDE CANTANDO
Comme a ‘nu cardillo
Testo e musica di Umberto Castaldi
Gire attorno a me, Tu che vuò ‘a me
zumpe a ccà e a llà, si te veco ojné
comme fusse voglio sta sempe
‘nu cardillo! ‘ ‘nzieme cu te
Tu me vuò ‘ncuità ‘Na mmasciata mo
e certamente mo’ ma d’ammore già
‘na mmasciata tu me vulisse sentì ‘
me vuò purtà! ‘e te purtà!
Dimme ‘a verità, Nu vasillo no
me vulisse da’ nun me abbasta mo’
‘nu vasillo pecché smanio ‘e te puté
a pezzechillo… abbraccià
Si tu vuò pazzià, Ma chi vo’ pazzià…
niente può sperà, tu me vuò spusà?
ma si’ me vuò bene Io te voglio bene
viene ‘a ccà, viene a ccà
pecché ‘nzieme a tté e mo’ ‘nzieme a te
voglio zumbettià, pe’ l’eternità
cu st’ammore ‘cu st’ammore po’’
pe’ l’eternità! voglio campà!
(Insieme) E mo’nzieme a te
Pe’ l’eternità
Cu st’ammore po’
voglio campà
Meniello Voglio sta sempe ‘nzieme a te, pecché quanno nun te veco, me sento strujere d’a gelusia!
Annella E che te struje a fa’? Pe’ me ce staje sulo tu….. ‘e chi si’ geluso?!
Meniello (Indica la bottega di Ambrogio)‘E chillu viecchio ca te sta sempe attuorno!
Annella Po’ sta attuorno quanno vo’ isso! Sta sicuro ca ‘stu core è ‘o tuojo! Che te lambente a fa’?
Meniello Pe’ chella ciorta nera c’ha voluto ca mammeta s’è ‘nnammurata ‘e me! Si le putesse dicere ca te voglio bene, ‘o facesso correre a don Ambrogio!
Annella Ma nun ‘o pensà! E po’ secondo te Annella toja te lassasse pe’ isso? Tu si’ state ‘o primmo ammore e sarraje l’ultimo! (Canta)
‘O PRIMMO AMMORE
(Testo e musica di Umberto Castaldi)
L’ammore comme vene va,
si pure nun ‘o vuò aspettà…
E spisso dint’’e suonno
Chillo vene a tuzzulià
Tu chesto nun ‘o può negà
Ogne mumento fa’ smanià
Pecché si pure è ‘overo,
nun ‘o ssaje si po’ durà!
Sultanto ‘o primmo amore
Dint’ o core trase e sta,
senza pensà dimane,
e tutta ‘a vita resta llà!
L’ammore comme vene va,
‘e chesto te ‘a capacità
sultanto ‘o primmo amore
nun se po’ maje scurdà!
Sultanto ‘o primmo amore
Nun se po’ maje scurdà!
Scena III (Totonno Meniello Annella)
Totonno (A mo di rimprovero) Uhè Menié’, tu staje ccà?
Meniello Embé?
Totonno ‘A padrona sta dinto; trasetenne ca si te trova ccà, facimmo ‘e nummere!
Annella Ha ragione! Menié sta tranquillo, me ne traso! (Entra)
Meniello Statte bbona fraulella mia!
Totonno Si’ pazzo? Si Porzia s’addona ca vaje ‘areto ‘a figlia, pierde ‘a zezenella!
Meniello Fino ‘a mo’ nun se n’è addunata ‘e niente!
Totonno Statte accorta! Quand’uno è nnammurato se fa scorgere facilmente!
Meniello (Fa gli scongiuri) Jesce fore ciucciuvè..
Scena IV (Porzia Notaio Meniello Totonno)
Porzia (Esce dalla taverna seguita dal notaio. Vede Meniello) Meniello mio, buon giorno!
Notaio Don Meniello.
Meniello Buongiorno a tutte quante!
Notaio Poteva venire prima.
Meniello E pecchè?
Notaio Senta, caro mio...
Meniello Nutà pecché mettite sempe mmiezo ‘stu “Caro mio”?
Notaio Mi piace e sono convinto che è la più bella frase italiana che io conosca.
Porzia Ma lassatelo di’.
Totonno Preche caro mio!
Notaio Come stavo dicendo, se fosse venuto prima, mi faceva compagnia a mangiare ‘na zuppetella ‘e suffritto, che poteva andare dinanzi al re.
Porzia (Dolce e invitante a Meniello) ‘A priparo pure a te?
Meniello Come volete, si ve fa piacere...
Porzia Va Capose’ pripara!
Meniello Nun ne fa’ assaje!
Notaio (A Meniello) Siete uno zoticone! Sembra facciate un piacere ad accettare! Senza contare che poi è tutto gratis.
Meniello Nun è chesto, è che tengo poco appetito!
Porzia Te vene,...spicciate Capose’!
Notaio Mangerà! In compagnia si mangia sempre, ed io pur di farvi venire l’appetito, mi sacrifico e mangio di nuovo.
Totonno Chesto pecché stiveve ‘nu poco disturbato ‘e stomaco!
Notaio Cosa vuoi, l’appetito vien mangiando!
Porzia Che gioia! Totò, magna pure ‘o nutaro, fa’ pure quatte fegatielle!
Notaio Giusto, ci volevan proprio!
Meniello (A parte) Che muorto ‘e famma!
Totonno Che vino aggio ‘a mettere?
Porzia Mondragone! E’ leggiero e se ne scenne!
Notaio Per me non più di due litri….ho già bevuto abbastanza prima…
Totonno Si ve passa ‘na mosca annanze ‘a vocca cu ‘o sciato l’abbruciate ‘e scelle (Ride)…
Porzia Ma comme te permiette?
Notaio Lasciate perdere donna Porzia, il giovin è un giocherellone!
Totonno E’ pronto, trasite!
Notaio Prepara qua fuori meglio, …c’è un’arietta che stuzzica l’appetito!
Porzia Nun vulesse ca Meniello pigliasse freddo ccà!
Notaio Ma che freddo....E’ guaglione....Io sono anziano e sono tutto sudato!
Meniello (A parte) Cu tutt’a gnostra ca tene ‘ncuorpo!
Porzia Comme vulite: Totonno’ pripara ccà fore!
Totonno Subito (Prepara all’esterno)
Porzia (A Meniello con dolcezza) Assettate.
Notaio Sediamo signor Meniello e mangiate: ne vale la pena!
Porzia E mangia,......si me vuò bene!
Notaio Viva la signora Porzia! Mangiamo, brindiamo e beviamo alla sua salute!
Porzia ‘O vino, Totonno’.
Totonno Chisto tene ‘o sfunnulo, puozze murì acciso! (Serve il vino)
Scena V (Annella Notaio Meniello Totonno Porzia)
Annella (Esce dalla taverna, sarcastica) Che bella tavulata!!
Notaio Signorina Annella favorisca, venga, si accomodi.
Annella Ve ringrazio, ma....
Meniello Annella, viene assettate.
Totonno Si, mò magna chesta!
Porzia Assettate Annè, fa cuntento a Carmeniello.
Annella Mammà voi mi perdonate, ma ogge è ‘o nomme d’a maestra mia ca me ha imparato a cosere, ‘a vulesse j’ a fa’ ll’augurie (Sguardo d’intesa con Meniello)
Meniello Vuò che t’accumpagno?
Porzia (Acida) Ce sape j’ essa sola e po’ tu staje magnanno ‘zieme ‘o nutaro, nun ‘o può lassà sulo, nun sta bene…
Notaio Eh…
Annella (Delusa) Allora io vaco. (Via dal fondo)
Porzia (Gelosa a Meniello) Guagliò tu ‘ guarde ‘nu poco troppo a Annella…
Meniello Ma no, ‘a faccio qualche attenzione pecché è figlia vostra….
Porzia Lassa sta, nun da retta!
Scena VI Cosimo – Meniello – Notaio Totonno – Porzia)
Cosimo (Esce dalla bottega, si rivolge al figlio) Piezzo ‘e caliota: chesto te piace ‘e fa’: perdere tiempo a te abbuffà!
Totonno (A parte) Sulo chisto ce mancava!
Meniello Mo’ succede ‘o patapata ‘e l’acqua!
Cosimo Ce sta pure ‘o nutaro!
Notaio A servirvi, caro mio.
Cosimo Qua’ caro mio t’ha fatto? Dimme che vaje truvanno ‘a figliemo?
Notaio (A Totonno) Mi sorge il dubbio che quel birbante ce l’ha con qualcuno di noi….
Totonno Nutà’ ce ‘a tene cu vuje!
Notaio Con me? Allora è pazzo!
Cosimo Che vuò ‘a figliemo? Che te pozzo da’ si magno sempe sulo sarde!
Notaio Le sarde sono gustose e ne mangerei qualcuna per terminare il pranzo!
Cosimo Ca te puozze affugà cu ‘e sarde!
Notaio Ce l’ha sempre con me?
Totonno Sempe nutà’, sempe!
Notaio Senta caro mio, stia al suo posto o le rompo il nuso in ampla forma!
Cosimo In ampla forma mo te ‘a scasso a te!
Porzia ‘A vuò fernì?
Cosimo No, e tu vecchia scuffata, lassa sta a figliemo ‘e capito?
Porzia Neh piezzo ‘e sanguetta sfiatata….mo te faccio vedé ‘a vecchia ca se fida ‘e fa’! (Entra nella taverna)
Cosimo Tutto chesto pe’ ‘stu ‘mbriacone ‘e Notaio!
Notaio ‘Mbriacone a me? Mo’ basta! (Prende un bastone e cerca di colpirlo)
Meniello (Cerca di intervenire) Fernitela, fernitela!
Cosimo (Prende il notaio per il collo)
Notaio Lassame ‘o cuollo.
Totonno O vuò affugà?
Cosimo (Allenta la presa)
Notaio Lassame ‘o cuollo, ca si no te manno ‘ngalera.( Si svincola e va via infuriato)
Porzia E ‘ngalera ‘e a fernì!
Porzia (Esce con una forcina) Levateve ‘a nanze, ‘a vecchia ‘o vo’ ‘nfurcà…
Meniello (Cerca di trattenerla, poi rivolto a Totonno) Portala ‘a via ‘e dinto.
Totonno Padrò, jammo a via ‘e dinto. (La tira costringendola ad uscire)
Porzia (Uscendo) Vecchia a me….’sta mappina stracciata (Via)
Scena VII (Cosimo – Meniello)
Cosimo Puozze murì acciso, tavernara ‘e quatto solde!
Meniello Vide si ‘a fernesce: mo me scordo ca me si’ pate e perdo ‘o rispetto!
Cosimo Voglio proprio vedè! (Apre la bottega e prende un bastone)
Meniello E ‘ meglio ca me ne vaco…Sto cu ‘o sango all’uocchie! (Via)
Cosimo Se n’è fujuto: sfaticato e muorto ‘e famma! Io fatico comme a ‘nu ciuccio e isso passa ‘e gghiurnate a la taverna: guarda ccà, nun ha ‘ntaccato manco ‘na castagna! (Via)
Scena VIII (Ambrogio – Maria)
Ambrogio (Esce dalla bottega con Maria) E’ maje possibile ca t’aggio ‘a dicere sempe ‘a stessa cosa? E’ inutile ca te sbatte pecchè t’’e spusà a Giuvanne!
Maria No, io a chillu viecchio nun me ‘o piglio!
Ambrogio Viecchio? Nun so’ sei, sette anne che ha passato ‘e trenta, é viecchio?
Maria Pe’ me ca so’ figliola è viecchio…(Urla) viecchio…viecchio…..
Ambrogio Zitta, nun alluccà: ragiona, chillo sta buono a denare, é….
Maria ….Viecchio, brutto e mmiezu scemo: pure ‘e guagliune ‘o cuffeano!
Ambrogio Viecchio, scemo brutto…Insomma L’ommo nun adda essere bello, ll’ommo adda tenè ‘e qualità!
Maria E addò stanno? E po’ chello ca tene tene, nun ‘o voglio!
Ambrogio Tu te ‘o piglie!
Maria Parle accussì pecché tu si cchiù vecchio ancora e te piace Annella! Chella però nun te vo’ e ‘a mamma , si essa nun vo’, nun ’a fa ‘nzurà cu ‘nu viecchio!
Ambrogio Vecchio io? Si nun me fusse figlia te desse ‘e prove!…E si pure me vulesso ‘nzurà cu’ Annella, avesse da’ cunto a te?
Maria No!
Ambrogio (Soddisfatto) Ah! Basta, io te so’ pato e tu me ‘a sta a sentì!
Maria Hai ragione ca nun tengo a mamma: quanno more ‘a mamma, avesse a murì pure ‘a figlia zitella, accussì fossero fenute ‘e male mieje! (Piange)
Scena IX (Ambrogio – Cosimo – Maria)
Cosimo (Esce dalla bottega) Maleditto, maleditto, maleditto!
Ambrogio Buongiorno, Cuo’, ch’è stato?
Cosimo Nun so’ quatt’anne che acattaje ‘stu cuofeno, e già se n’è venuta già ‘a maneca e ‘o funno!
Ambrogio Accuoncialo comme va, tanto è viecchio!
Cosimo Quatt’anne è viecchio?
Ambrogio Se sape! Fa ‘na cosa:accuoncelo comme va va, miettece ‘na funicella.
Cosimo E addò ‘a piglio?
Ambrogioo Te ‘a dongo io, tie’, fa ‘nu purtuso ccà.
Cosimo Puozze sta buono! (Caccia un coltello e fa un buco dove ha detto Ambrogio).
Ambrogio (Alla figlia) E tu nun chiagnere.
Maria Nun pozzo manco chiagnere, vulite proprio ca moro? (Singhiozza)
Cosimo (Strilla) Ah….
Ambrogio (Sobbalza) ‘E passà ‘nu guaio niro, ch’è stato?
Maria Ch’è succiesso?
Cosimo S’è rotta ‘a ponta d ‘o curtiello.
Maria (A parte) Puozza passà ‘nu guaio, me steva facenno venì ‘na mossa!
Ambrogio E faje tutta st’ammuina pe’ ‘na ponta ‘e ‘nu curtiello?
Cosimo Te pare niente? Chisto curtiello é ‘nu ricordo ‘e patemo ca me ‘o regalaje
quann’ero piccerillo.
Maria Vide qunt’anne tene ‘stu curtiello.
Cosimo E mo comme faccio a gghì a piglià ‘e castagne a ‘o mercato? Nun tengo ‘o cuofeno e aggio rutto ‘ curtiello.
Ambrogio Mo te ‘o dongo io ‘nu cuofeno. Maria, pigliane uno dinto e dancillo.
Maria (Entra)
Cosimo ‘O cchiù sano
Ambrogio ‘O cchiù nuovo
Cosimo Grandiciello..
Ambrogio ‘O cchiù gruosso ca ce sta.
Maria (Porta il cofano) Chisto è proprio nuovo!
Cosimo ‘E avè tantu bene.
Ambrogio Jammucenne che aggio ‘i ‘o mercato.
Cosimo E ‘nu curtiello nun me ‘o daje?
Ambrogio (Alla figlia) Vallo a piglià.
Cosimo Unu buono….
Ambrogio ‘O meglio ca ce sta…
Maria (Caccia dalla tasca un coltello) Cu’ ‘ a ponta affilata….Già l’aggio pigliato..
Ambrogio Dancillo….
Cosimo Si’ proprio ‘nu signore! Pateto nun era ‘nu putecaro!
Ambrogio Jammucenne .(A Maria) Tu statte accorta lloco. (Via con Cosimo)
Scena X (Maria – Giuvanne)
Maria (Riferendosi a Meniello) Vide che pato che adda tenè chillo. Comm’è possibile ca ‘n’albero fraceto ha fatto ‘nu frutto accussì bello!
Giuvanne (D.d.) Roba vecchia!
Maria Io tengo a Meniello dint’o core e ‘o pate s’adda fa’ capace! E’ ‘overo pure Annella ‘o vò bene, ma nuje simmo comme sore e si isso vò a una, ll’ata nun se piglia collera !
Giuvanne (Uscendo) Robba vecchia, rrobba vecchia!
Maria Guarda chi se vede!
Giuvanne Buongiorno Marì, comme state?
Maria Comme me vedite.
Giuvanne Ve veco in bona salute…..ma state bona?
Maria Quanno nun sto’ malata si.
Giuvanne Me fa piacere! Io invece nun sto buono.
Maria (Sempe accussì) State murenno?
Giuvanne Si d’ammore pe’ vuje, n’ammore ca me fa’ arrevutà dint’o lietto!.
Maria Ce tenite ‘e pulice?
Giuvanne No, io ‘o lietto ‘o tengo pulito, ve l’aggio ditto è l’ammore….ma mo’, vulimmo parlà ‘e nuje?
Maria Che tenimmo ‘a dicere?
Giuvanne Quanno ce ‘nzurammo? Mammà ha già priparato ‘nu suttanino ch’era d’a nonna soja, pe’ ve ‘o rialà.
Maria Chissà comm’è nuovo!….
Giuvanne Pare ca mò l’ha fatto ‘o sarto.
Maria Ringraziate a mammà, dicitele ca ‘o stipasse a quanno mmarita le sorelle.
Giuvanne ‘A primma sora nun se vo marità cchiù; Menechella nun se po’ mmarità pecchè nun è cchiù comme l’ha fatta ‘a mamma e pe’ chesto ca mammà me vo ‘nzurà, pe’ avé’ ‘n’erede.
Maria Ha fatto ‘e cunte sulo a gghi’ pecchè io nun ne voglio!
Giuvanne State pazzianno? ‘O pato vuosto m’ha ditto ca vuje me vulite bene!
Maria (Sfottente) Assale.
Giuvanne Che gioia e io nun veco ll’ora ‘e ve abbraccià stretta stretta… Mo’ però v’aggio a lassà pecché mammà m’ha mannato accattà l’evera e ‘o latte pe’ rinfriscà ‘nu poco a sorema.
Maria Pecchè sta ‘nfucata?
Giuvanne Nun ‘o saccio, mammà nun me l’ha ditto.
Maria (A parte) Che marito m’ha truvato patemo, ih che ciorta c’aggio avuto,Giuvà, scusate ma aggio a j’ ‘a via ‘e coppa: aggio ‘ntiso ‘nu rummore e aggio paura che ‘a gatta chissà che ha cumbinato.
Giuvanne Ma ‘o pate vuosto addò sta?
Maria E'gghiuto ‘o mercato! Permettete….
Giuvanne Jate,…..ma vuje me vulite bene?
Maria (Sfottente) Assaje bene mio…Ma nun ve mettite scuorno? (Via in bottega)
Giuvanne C’ha vuluto dicere? E’ meglio che vaco a truvà ‘o gnore: ce voglio dicere tutto chello c’ha ditto e ha fatto Maria: Neh, (Piange) Ih…ih….chella m’ha fatto chiagnere! (Via)
Scena XI (Porzia – Totonno)
Porzia (E’ agitata) Io nun ce ‘a faccio cchiù, ‘o voglio bene, me so nnammurata, ma chillo è tantu giovane….Dice ca pur’isso è nnammurato, ma si nun fosse ‘overo, si se vulesse sulo spassà? ‘Stu pensiero me tormenta e nun me fa durmì!
Dimme ca me vuò bene
(Testo e musica di Umberto Castaldi)
Nun saccio si è sulo
'nu pensiero
Ca po' si fosse 'overo,
nun me fa cchiù durmì!
Pensanno ca forse
tu’ dimane
Me può da’
tant’ammore
Pe’ ‘a gioia esco a 'mpazzì!
'O saccio nun songo
‘na figliola
e tu si’ nu’ guaglione
e ca m''e ditto si!
Ammore lieveme
'stu pensiero,
nun me da cchiù
'sti pene
ca tengo
'mpietto a me……
Ammore dimme
ca me vuò bene,
dimme ca è proprio 'overo
st'ammore tuojo pe' me…..
Totonno (Esce dalla taverna) Padrò, che facite, parlaste vuje sola? ‘O ssaccio, l’aggio capito, chillo è ll’ammore ca ve fa sfrennesià!
Porzia Zitto, che vaje dicenno, ‘nciucisso!
Totonno Nun so ‘nciucisso, dico ‘a verità….cunfidateve…..tanto ve ‘o leggo dint’all’uocchje chi ve ha arrubato ‘o core.
Porzia Vattenne malopensante, me vuò proprio fa fa’ rossa?
Totonno Si ve cunfidate, ve dico pure io ‘na cosa.
Porzia Che cosa?
Totonno Meniello vo bene a nata!
Porzia Nun po’ essere: me dice sempe ca m’è fedele e ca me vo’ bene.
Totonno Avite visto ca è ‘overo, Meniello ve ha arravugliata!
Porzia Ah malamente, m’è sbruvugnata cu l’inganno!
Totonno L’inganno ce sta, avite ragione: ve l’aggio già ditto Carmeniello è nnammurato ‘e n’ata!
Porzia E di chi?
Totonno ‘E Maria!
Porzia Nun dicere fessarie, Ambrogio l’ha prumissa a mastu Giuvanne.
Totonno E pe’ chesto se appicceca tutte ‘e jurne cu ‘o pato: nun ‘o vo’.
Porzia‘ Nun ce credo.
Totonno E allora o vulite vedè e sentì cu ll’uocchie e cu ‘e recchie vuoste?
Porzia Si.
Totonno Appustateve ‘nu poco, quanno ‘o vedite arrivà, ve ne accurgite.
Porzia Che police ca m’è miso dint’a recchia! Mo me ne traso e me appusteo. Si è ‘overo nun ‘o voglio vedè cchiù.(Entra)
Totonno Accussì jammo buono. Mo si ‘o vene a sapè Annella, piglia fuoco pe’ ‘a gelusia. Meniello aggio pazienza, ma io songo nnammurato ‘e Annella chiù ‘e te, e pe’ essa faccio ‘o garzone dint’a taverna. A te te aiuta ‘a ciorta, a me ‘o giudizio: mo’ vedimmo chi vence. (Entra )
Scena XII (Notaio – Meniello)
Notaio (Dal fondo con Meniello) Caro Meniello, tuo padre vuole fare di tutt’erba un fascio.
Meniello Avite ragione, ma è ora de ‘a fernì cu’ ‘sta litania!
Notaio Caro mio, t’avverto: non succeda mai più, altrimenti dimentico la stima l’amicizia il rispetto che gli ho sempre portato e lo querelo.
Meniello Nun ve preoccupate, nun succedarrà cchiù….
Notaio Voglio sperare, mo’ trasimmo.
Meniello Avviateve, subito vengo9
Notaio Non farmi aspettare molto. (Entra nella taverna)
Meniello (Guarda il balcone di Annella) Ammore mio quanta cose te vulesse di’ ! (Canta)
TE VOGLIO DI’
Testo e musica di Umberto Castaldi
Te sento ‘nzieme a me pure int’e suonne
‘O saje stongo speruto e te vedé
e si te guardo l’uocchje io veco ‘o mare
E ‘nzieme ‘o core ‘o saje che voglio di’
Te voglio di’ Parole appassiunate,
quanno me guarde cu’ chist’uocchje‘e fata:
St’ammore mo me fa sentì malato
e ‘o ssaccio te ne adduone core ‘ngrato!
Si mo me dice ca tu me vuò bene,
me faje felice ogni mumento ‘e cchiù…
solo ‘na vota di ca me vuò bene,
comme ‘o ssaje di mo’ solamente tu!
Solo ‘na vota di’ ca me vuò bene,
comme ‘o ssaje di mo’ solamette tu!
Scena XIII ( Maria – Meniello – Notaio)
Notaio (Esce dalla taverna) Allora, devo aspettarvi ancora molto?
Meniello No, sto venendo!
Maria (Dal balcone) Menié, addò vaje?
Meniello Lassame sta’ ca tengo che fa’ cu o’ nutaro.
Maria ‘O nutaro po’ aspettà.
Notaio Fate, fate…Omni solemnitate, fate i fatti vostri senza alcuna preoccupazione o vergogna.
Maria Grazie! (A Meniello) E allora che me dice, bene mio?
Meniello Dico ca me faje troppi cumplimente, senza che n’aggio merito.
Maria E tu allora damme ‘nu poco ‘e ammore, senza ce pensà a coppa!
Notaio (Fra sé) Se tento di sicuro questa ci sta…Sembra una cagna in calore!
Meniello Amore? ‘O ssaje nun te ne pozzo da’, pecchè già si prumessa a mastu Giuvanne.
Maria Chillu viecchio? Nun ‘o nummenà manco!
Meniello (Al Notaio) ‘O pato già ha fatto tutte cose.
Maria E se ‘o pigliasse isso, io nun me ‘o piglio manco si m’accide: ‘o marito me adda piacè a me…è ‘overo nutà?
Notaio Hai detto cose egregie e giuste: tuo padre non può forzare la tua volontà.
Maria ‘O siente? Carmeniè’, pecchè me faje tantu male?
Meniello Io?
Maria Si, e ‘stu bene pe’ te, m’ha fatto perdere l’alleria, ‘o suonno ‘a famma…
Notaio Quanno se perde ‘a famma è tragico! Meniello, non è bello che tu ti renda responsabile della perdita di appetito della fanciulla: ella ti ama e…
Scena XIV (Meniello – Maria – Porzia – Notaio)
Meniello …E io nun ‘o saccio, pure pecchè spisso l’aggio a vista ‘e fa’ ‘a cianciosa cu mastu Giuvanne.
Maria Qua’ cianciosa, ce aggio sulo parlato, te ‘o giuro, io voglio a te!
Porzia (Esce dalla taverna, non vista) Sta ‘nfucata, ‘a nennella
Notaio Se la ragazza viene forzata, nulla le vieta di disubbidire al genitore, rifiutando il partito non gradito.
Maria ‘A verità è ca nun me vuò bene comme te ne voglio io.
Porzia (Viene avanti) Certo ca te ne vo’!
Meniello Mannaggia!
Notaio Signora Porzia, mi è grata l’occasione per salutarvi, arrivederci.
Meniello (Lo trattiene)
Porzia (Acida) E ghiammo, dincello che ‘a vuò bene, nun vide che ha fatto ‘a faccia verde, traditora!
Maria Cu’ chi ll’aje?
Porzia Cu’ tico, miettete scuorno! Quante ne vuò, quante? Tiene proprio…Ah, mo che te dicevo!
Maria E parla, tu te a mettere scuorno, vecchia ‘mpechera ca te vaje ‘ntricanno d’e fatte ‘e ll’ate!
Porzia A me vecchia? ‘Sta piezza ‘e caliota!
Notaio Le cose si complicano, è meglio andare via! (Via dal fondo)
Porzia Scinne abbascio si tiene ‘o curaggio!
Meniello Ma che t’ha fatto? Lassala sta!
Porzia ‘A dfienne pure? (Si avventa) Te voglio cavà ll’uocchje ‘a fore!
Maria (Tira una pianta di fiori) Neh, fattucchie’ lassalo sta!
Porzia Faje ‘a guappa a llà ‘ncoppa, scinne…
Meniello (Sgomento) Mannaggia ‘a morte, comme aggio ‘a fa’ cu’ sti’ ddoje janare!
Scena XV (Annella – Porzia – Maria)
Annella (Entra dal fondo) Mammà pecché allucche ‘e ‘sta manera?
Porzia ‘Sta caliota me ‘ncuieta e chisto ‘a defenne!
Annella Chi Maria? E nun è possibile, ce vulimmo tantu bene.
Maria Annè tu lievete ‘a miezo, è cu’ mammeta che ce ‘a tengo! (A Porzia) Schiatta, perucchiosa!
Porzia Schiatta e muore, tanto tu a mastu Giuvanne te ‘a piglià!
Maria Io me ne piglio uno, no ciento comme a te.
Porzia E tu muore ‘e ‘nvidia pecchè vo’ dicere ca so’ ‘na bella femmena.
Meniello ‘A vulite fernì?
Annella (Senza alcun motivo apparente si rivolta contro Meniello) A te te voglio ciaccà, guaio d’a vita mia! (Gli butta quello che ha in mano)
Meniello (Stupito) Che ll’aggio fatto mo’ a chesta?
Annella ‘O saccio io! (Piange, via nella taverna)
Cosimo (Esce, seguito da Ambrogio, dal fondo con un cofano pieno di castagne)
Maria (Vede Cosimo) Tutta pe’ mezzo ‘e chistu vecchio ‘nzallanuto! (Prende la forcina dei panni stesi e colpisce Cosimo che, fa cadere le castagne)
Scena XVI ( Cosimo – Meniello – Ambrogio – Porzia - Maria)
Cosimo Povero a me, ‘e castagne!
Meniello (Si abbassa a raccoglierle)
Ambrogio Ch’è stato?
Porzia E’ stata chella cavallona ‘e figlieta!
Ambrogio Tu, e pecchè?
Maria Vulevo cogliere a essa!
Ambrogio Pecchè ve state appiccecanno?
Porzia (Indica Meniello) Pe’ chillu bello mobile!
Ambrogio Meniello?
Meniello (Sentendosi nominato si alza)
Cosimo Aiza ‘e castagne tu!
Porzia (A Maria) Mo’ nun scinne cchiù?
Maria Pecchè, che me vuò fa?
Porzia ‘A siente?
Ambrogio Basta, mo te faccio scuntà tutte cose! (Entra in bottega)
Maria Si patemo me fa tanto, me ‘a sconto cu te! (Entra in casa)
Cosimo ‘E castagne!
Meniello L’aggio aizate, vattenne dinto.
Cosimo Povera rrobba mia! (Entra)
Meniello Porzia….
Porzia Puozze essere acciso! (Entra)
Meniello Mo’ sto bello e sistimato!
SCENA XVII (Meniello – Totonno)
Totonno (Esce dalla taverna) Ma che vaje cumbinanno?
Meniello 'E saputo chello ca m'è succiesso?
Totonno L'aggio saputo, ma statte calmo, 'o rimedio se trova!
Meniello Si è pe' chesto l'aggio già truvato: me votto dinto 'a 'nu puzzo niro e funno, accussì accuntento a’ mamma e ‘a figlia.
Totonno (Tendenzioso) A forza ‘e vuò accuntentà a tutt’e ddoje!
Meniello Io voglio bene sulo a Annella!
Totonno Annella sta 'nu poco 'nquartata, me te vo' bene 'overamente e nun è certo chisto ‘o guajo gruosso!
Meniello E qual’é?
Totonno Porzia 'sta appezzata cu te e nun te vo fa’ cchiù accustà 'a taverna!
Meniello Che me ne 'mporta de 'a mamma si Annella me vo' bene!
Totonno Va da Annella, spiegate…Vide ca te sta a sentì!
Meniello E cu Porzia comme aggio 'a fa'?
Totonno Dille ca piense sulo a essa, ca quanno nun ‘a vide te siente ‘e murì, e 'a faje felice! Va, è gghiuta 'o ponte 'e Casanova….Vall'a cercà!
Meniello E si chella s'ammocca tutte cose, comme faccio cu’ mamma e figlia??
Totonno Chesto po’ se vede: Po’ mumento te ‘a fa’ perdunà a tutt’e ddoje.. Va, io vaco a parlà cu Annella, le dico che ‘a vuò bene e staje a posto!
Meniello Totò, si ‘overo ‘n’amico…te ne aggio 'a mannà benedizioni…vaco! (via)
Totonno Va, va ca mo te acconcio io pe' feste!
Scena XVIII (Totonno – Annella)
Totonno (Chiama) Annella, Annella…
Annella (Esce Dalla taverna) Che vuò', che faje cca’ fora?
Totonno Aggio parlato cu Carmeniello!
Annella E a me nun me ne 'mporta!
Totonno Nun te ne 'mporta?
Annella No, chillo è 'nu 'nfamo traditore e me vo' vedé morta!
Totonno Haje ragiona, pirciò é meglio ca te 'o lieve da’ capa, nun te vò!
Annella Certo ca tu puorte sempe belli nutizie…(Piange) Chillu traditore, doppo tante giuramente….doppo tutto 'o bene che l'aggio voluto…..(A parte) dopo chello ca c’è stato….(Continua a piangere)
Totonno Che chiagne 'a fa'? Tu chiagne e chillo se 'nzora!
Annella (Indispettita) Se 'nzurasse pur'io tengo chi me vo' bene!
Totonno (Speranzoso) Ce stong'io!
Annella (Non ascoltandolo) Nun è possibile che Meniello fa chesto a me: ha sempe ditto ca me vo’ tantu bene! Nun ce credo, nun ce credo!
Totonno Ah, nun ce cride? E po' vide! Io vaco ‘ncontro a mammeta (Via fondo))
Annella E mo’ comme faccio….(Si tocca la pancia.piange)
Scena XIX (Annella – Maria)
Maria (Esce dalla bottega. Vede Annella) E che chiagne a fa’?
Annella Maria mia aiutame, nuje simmo cresciute ‘nzieme….ce vulimmo bene comme sore…..aiutame…io sto miez’e guaje…(piange)
Maria Calmate nun chiagnere, ch’è succiesso?
Annella Io t’o dico, ma tu giurame ca nun ‘o dice a nisciuno.
Maria T’’o giuro, (Preoccupata) ma dimme ch’è stato?
Annella E’ stato ca io nun so’ ‘na figliola onesta e mo’…..(Indica la pancia) nun saccio c’aggià fa…
Maria Pecchè tu? (Mostra la pancia e con la mano fa scegno come se fossei aumentata di volume)…
Annella Si…
Maria E chi è stato?
Annella Meniello, chi ato?
Maria Uh chillu ‘’nfamo! E isso ‘o sape?
Annella Nun ce l’aggio ditto ancora.
Maria Ma ne si sicura?
Annella Si, ‘a qualche juorno me sento sempe ca m’avota ‘o stomaco, me gira ‘a capa..…primma cu ‘a scusa ‘e j’ a truvà ‘a maestra mia ca me ha ‘mparata a fa’ ‘a sarta, so gghiuta addu’ ‘nu miedeco ca m’ha ditto ca so’ prena!
Maria Sora mia bella e mo’ comme faje?
Annella Aggio saputo ca dint’o lavenaro ce sta ‘na vammana ca si ‘a daje ‘na cosa ‘e solde, te leva ‘a dint’e ‘mpicce…Me vuò accumpagnà? Dicimmo ca jammo a truvà ‘na cumpagna nosta e ghiammo!
Maria Si’ sicura ca nun’o vuò?
Annella E comme faccio, chella mammà me accide!
Maria Nun te preoccupà, ‘nu rimedio se trova! Nun se accide accussì n’anema ‘e Dio…(Canta)
‘NA CREATURA
(Testo e musica di Umberto Castaldi)
Tu staje tremmanno sulo pe’ ‘o pensiero
‘e chello ca è successo pe’ st’ammore,
e tutto chesto nun te pare ‘overo
e sfrennesie pecchè nun saj che fa’,
ma pensa ca…
'Na creatura è n'anema 'e Dio,
comme fosse 'n'angiulillo,
ca è venuto 'ncopp'a 'sta terra,
sulo pe' fa felice a te:
'nu nasillo ca pare 'na cerasa,
'na vucchella ca niente sape di',
e te guarda pecché te cerca ammore,
e te astregne pecché 'o vo' sentì!
E tu, ca tutto chesto può capì,
nun ‘e pensà ca nun po’ avè’ dimane!
‘Na creatura è ‘n’anema ‘e Dio
e da gioia ‘a chi ‘a vò bene
e nun sarraje maje cchiù felice
si ‘nu juorno nun ce sta cchiù…
Annella Hai ragione è tutto ‘overo chello ca dice, ma comme faccio?
Maria Nun te preoccupà, ‘o rimedio se trova, tanto è ancora ambresso…Va, va a via ‘e dinto e vatte a repusà!
Annella (Abbraccia Maria) Hai ragione e grazie sora mia….(Via nella taverna)
Maria E mo’ cara Maria, ‘a Meniello te l’e scurdà pe’ forza! (Entra nella bottega.)
Scena XX (Notaio - Giuvanne)
Notaio (Entra dal fondo con Giuvanne) Ricapitolando, voi non solo volete contrarre matrimonio con la figlia del signor Ambrogio ma volete fare anche una protesta!
Giuvanne Si, pecché Maria ha ditto ca nun me vo' bene e si è accussì, nun 'a voglio!
Notaio E da me cosa volete?
Giuvanne Ca Maria fa 'na dichiarazione pubbrica ca me vo' bene e…
Notaio Allora mandate degli scugnizzi per le via della città a fare la vostra protesta e la dichiarazione d'amore della vostra bella…
Giuvanne No, mammà e le sorelle hanno ditto che hadda essere 'na prutesta pubbrica fatta da nutaro!
Notaio Ho capito, con atto pubblico….sarai servito!
Giuvanne Ma a chest'ora stammo sule nuje, addò 'o truvammo?
Notaio Chi?
Giuvanne Il pubbrico, 'a gente assaje!
Notaio Caro Giuvanne, per un atto pubblico basta il notaio e due testimoni!
Giuvanne Ma mammà e le sorelle hanno ditto…..
Notaio E dalle cu mammà, Ma tu ‘overo te vuò?
Giuvanne Se sape!
Notaio Ma come fai? Nun da retta: tu si' accussì muollo ca è meglio ca te ne staje cu' mammà e le sorelle siente a me!
Scena XXI (Ambrogio – Giuvanne – notaio)
Ambrogio (Dasl fondo) Caro Giuvanne…
Giuvanne (Tenta di baciargli la mano e gliela bagna di saliva)
Ambrogio (La ritrae, se l’asciuga) Che schifo…… Pecché faje ‘sti cose?
Giuvanne Vuje me putite essere pate e mammà me ha ditto ca ogne vota ca ve veco ve aggio vasà ‘a mano! (Tenta di baciargliela di nuovo)
Ambrogio (Si ritrae, e a stento non cade) Mo te scommo ‘e sango e vedimmo si ‘o capisce! (Al notaio) Vuje che facite ccà a chest’ora?
Notaio Don Ambrogio, Sono qua per farvi una protesta, per conto di Giuvanne.
Ambrogio ‘Na protesta? (A Giuvanne) Che vaje truvanno?
Giuvanne Maria, m’ha ditto ca nun me vo’ bene e nun me vo’ pe’ marito! Io me ne so’ gghiuto a casa chiagnenno….Mammà e le sorelle, hanno visto a me e se so’ mise a chiagnere pure lloro: nutà, m’avite ‘a credere, pareva che, salute a vuje, ce steve ‘o muorto miezo ‘a casa…
Notaio (Fa le corna)…Vi rendo noto, che il qui presente, non intende contrarre matrimonio, se la signorina Maria non si rimangia ciò che ha detto!
Giuvanne Adda dicere ca me vo’ bene e ca me sposa pecché ne ave piacere assale pecché so ‘nu piezzo ‘e masculone!
Ambrogio Nun t’e ‘a preoccupà, nun serve protesta! Mo vaco a casa e ce penso io a le fa’ dicere chello ca vuò sentì! (Chiama) Maria, Maria….
Notaio (Ad Ambrogio) Ambrogio, levateme ‘na curiosità, veramente ‘a vulite fa spusà a chisto, o pazziate?
Ambrogio Nun pazzeo! Ma pecché ve pare ‘nu poco abbunato?
Notaio ‘No, ‘nu poco no, tutto quanto!
Ambrogio Sarrà, ma…. (Allude al danaro)’ sta chino…..vuje me capite!
SCENA XXII (Maria – Ambrogio - Giuvanne - notaio)
Maria (Entra in scena) Che vuò papà? Signor notaio, (Scortese) don Giuvanne, buongiorno!
Ambrogio Viene a ccà, ch’è ditto a don Giuvanne stammatina?
Maria ….Niente…
Giuvanne M’avite ditto ca nun me vulite bene e…nun saccio che ati brutti ccose!
Maria ‘E vulite sentere n’ata vota?
Notaio No per carità signorina Maria! Per poco, non avete fatto morire don Giuvanne e ‘a mamma…
Giuvanne …E le sorelle…
Notaio (Sfottente) …Mo’ me scordavo d’e sore!
Giuvanne Mammà ha ditto ca arrassu sia, putevo pure murì pe’ ‘o dispiacere!
Ambrogio Nun fa cchiù ‘sti cose: a chisto te ‘a spusà, senza ce pensà ‘a coppa!
Giuvanne (A Maria) Io ve voglio bene!
Notaio (A Maria) Se ne faccia una ragione mia cara, lo sposi!
Ambrogio Se o’ sposa, se o’ sposa, è ‘overo?
Maria No, nun me ‘o piglio! Io a ‘stu coso nun ‘o voglio, me può pure accidere, ma nun me ‘o sposo!
Ambrogio Ed io te accido (Sta per avventarsi, ma il Notaio lo ferma)
Giuvanne Maria, nun sta bene ca facite piglià collera a papà,…….accontentatelo!
Maria (Sfottente) Aggio accuntentà a papà? E che aggio ‘a fa’?
Giuvanne (Fanciullescamente) Vedite vuje….
Maria Ve abbastano dduje ciance, quatto carezze e otto vasille?
Giuvanne (In estasi) Si…si…
Maria Dicite ‘a verità, so’ poche, ne vulite cchiù assale?
Giuvanne (C.s.) Si….si…
Maria (Fa per avvicinarsi offrendogli le labbra, Giuvanne fa altrettanto, ma Maria gli da uno spintone) Sciù, pe ‘a faccia toja! (Via nella bottega)
Giuvanne (Deluso) Avite visto? Nun me vo’, nun me vo’!
Ambrogio Figliema, adda fa chello ca dico io, (Al Notaio) E’ ‘overo nutà’?
Notaio Se sape, Et est de jure!
Ambrogio Che ?
Notaio E’ nel vostro diritto!
Ambrogio E’ visto? Mo vattenne a casa e viestete bbuono! Nun appena Maria è pronta, te manno a chiammà e tu te ‘a spuse!
Giuvanne Allora me ne pozzo j’ tranquillo?
Ambrogio Tranquillissimo!
Giuvanne Comme so’ felice….io vaco a me mettere ‘o vestito bbuono! Ah Maria mia, ah….(Fa per andar via)
Notaio Un momento figlio mio, sei felice e devi far felice pure me….
Giuvanne Nun me pozzo spusà pure a vuje!
Notaio Cosa dici,….devi pagare il mio intervento, mi devi cinque lire…
Giuvanne E pecchè? Vuje niente avite fatto e niente avite!
Notaio E io invece te faccio cadè ‘e diente ‘a vocca…
Ambrogio Nutà, lassate sta, facitelo j’, ve pago io!
Giuvanne Me vulive fa’ fesso, eh? (Via canticchiando)
Ambrogio Compatitelo, chillo nun sape campà (Gli da alcune monrte) Tenite….
Notaio (Pesando le monete) Sei solde, e che aggio ‘a fa’?
Ambrogio ‘O scomodo!
Notaio Mi hai forse preso per ciabattino o bottegaio?
Ambrogio Nutà, nun ve voglio fa piglià collera, tenite, n’ata lira!
Notaio Non ti scomodare, mio caro, non voglio sporcarmi le mani per tanto poco! (Fa per andare via)
Ambrogio Addò jate? (cercando di accontentarlo) Tenite, pigliateve ddoje aulive!
Notaio Sei solde, ‘na lire, ll’aulive….ma pe’ chi m’è pigliato? Che bestia! (Via)
SCENA XXIII (Ambrogio – Totonno)
Ambrogio Ma guardate ‘nu poco, s’è offeso…
Ambrogio Chissà ca s’è miso ‘ncapo ‘sta figlia mia..(Chiama) Antò, tre tornese d’o solito! (Da solo) Tengo ‘na vocca amara, chello è ‘o fele ca tengo ‘ncuorpo!
Totonno (Portando il vino) Che d’è, parlate vuje sulo?
Ambrogio ‘Figliema, me fa parlà sulo a sulo…
Totonno Nun ce pensate, ‘na bella bevuta e passa tutte cose, bevite!
Ambrogio ‘A salute…(Beve)
Totonno Addò va, ma c’ha fatto ‘a figlia vosta?
Ambrogio Tu ‘o ssaje ca l’aggio prumisa a Giuvanne, ‘o robba vecchia…
Totonno Embè?
Ambrogio Chella piezza ‘e caliota nun ‘o vo’.
Totonno Sentite a me, è meglio ca ve appaciate, ‘stu matrimonio nun se po’ fa’!
Ambrogio E pecché?….Si saje qualche cosa, dimmello..
Totonno E po’ jate dicenno ca me ‘ntrico d’e fatte ‘e tutte quante…
Ambrogio Quanno maje, nun te preoccupà, parla!
Totonno Stammatina Porzia e Maria, se so’ appiccicate pe’ mezzo ‘e Meniello….
Ambrogio E pecché?
Totonno ‘A figlia vosta, s’è nnammurata ‘e Meniello e pe’ chesto s’è appiccicata cu Porzia ca pure se n’é gghiuta ‘e capa pe’ chillo!
Ambrogio Maria s’è nnammurata ‘e Meniello?
Totonno Si, e pe chesto ca nun vò’ a mastu Giuvanne!
Ambrogio Tu che staje dicenno e….Porzia?
Totonno Pur’essa, s’è allumata e nun tene uocchje che pe’ Meniello!
Ambrogio Vide che ciorta ca tene chisto! E mo comme aggio ‘a fa?
Totonno Nun ve preoccupate, si vulite acconcio tutto io; jateve a cuccà!
Ambrogio Che vuò fa’?
Totonno ‘Cuosemo è ‘nu peducchiuso: lle dico e fa spusà ‘o figlio a Porzia, ca porta ‘a dote e isso se fa da ‘e denare! Si Meniello se sposa cu ‘a vecchia, Maria se l’adda scurdà e si se vò ‘nzurà s’adda piglià a don Giuvanne!
Ambrogio E Annella?
Totonno E Annella, si nun vo’ remmané zitella, s’adda mettere cu vuje!
Ambrogio Vide che ‘mbruoglio ca ‘e combinato! (Sospettoso) Ma a te, dint’a tutto chesto che te ne trase?
Totonno ‘A stima vosta…Io mo’ vaco a via ‘e dinto…jate, jate a parlà cu Cuosemo! (Entra nella locanda)
Ambrogio Ave ragione, nun aggio ‘a perdere tiempo…(Chiama) Cuosemo…Cuò’…
SCENA XXIV (Cosimo e Ambrogio)
Cosimo (Uscendo dalla bottega) Ambro’ che vuò?
Ambrogio Figlieto addò sta?
Cosimo Nun ‘o saccio, l’aggio cacciato!
Ambrogio Si’ pazzo, nun saje ch’e fatto! (Caccia la tabacchiera) te ‘a faje ‘na presa?
Cosimo Proprio pe’ nun te fa piglià collera…(Odora) profuma ‘stu tabacco…
Ambrogio Ne vuo’ ‘nu poco, pigliatillo!
Cosimo Miettelo dint’a ‘nu poco ‘e carta….’Si n’amico ‘overo…ma pecchè m’e cercato ‘e figliemo?
Ambrogio Pecché Meniello po’ essere ‘a fortuna toja!
Cosimo E comme?
Ambrogio Fallo ‘nzura’!
Cosimo Chillo tene ‘a capa fresca!
Ambrogio Fallo ‘nzuraà’, ‘a mugliera ‘o fa mettere giudizio!
Cosimo Tu vuò pazzià e io tengo che fa’, vattenne! (Fa per andare via)
Ambrogio Aspetta, mo’ te faccio capace: Meniello è nnammurato ‘e Porzia e pure essa è nnammurata ‘e figlieto: chella sta bona ‘a denare e po’ essere ‘a fortuna toja!
Cosimo Figliemo e Porzia a tavernara?
Ambrogio Si, se ‘nzorano e ‘a fortuna toja è fatta!
Cosimo E comme?
Ambrogio Se ‘nzorano e chella ch’è de ‘a mugliera, è de ‘o marito, se sape!
Cosimo E a me che me ne vene dint’a sacca?
Ambrogio Pe ce ‘o fa spusà faje ‘nu contratto ca adda da a te tutte ‘e cose soje!
Cosimo Chella nun è ancora asciuta pazza e nun ‘o farrà!
Ambrogio Porzia è pazza ‘e figlieto e pe’ se ‘o mmaretà fa’ tutto chello ca vuò tu!
Cosimo Fosse ‘o cielo, finalmente putesse avé ‘nu piatto cucinato senza faticà!
Ambrogio ‘E capito mo’? Parlace tu cu’ Porzia, chillo figlieto nun è tanto capace!
Cosimo Va buò appena vene ce parlo! (Entra nella bottega)
Ambrogio Sperammo che n’esce quacche cosa ‘e buono pe’ me! (Via)
SCENA XXV (Porzia e Meniello)
Porzia (Dal fondo) Traditore, nun te credo, so’ femmena ca se po’ trattà accussì?
Meniello Me ‘avite ‘a credere, ce aggio parlato si, ma sulo pe’ me ‘a levà ‘a tuorno!
Porzia Ma ave a che fa’ cu mmico ‘a guagliuncella! M’ha chiamato vecchia: vale cchiù ‘nu pilo de’ mieje ca ciento muccose comme a essa!
Meniello Qua’ vecchia!
Porzia Te voglio fa ‘o cunto: So’ nov’anne anne ca so’ vedova, me ammaretaje a quinnece e maritemo campaje diece anne: dimme mo a me so’ vecchia?
Meniello Chella tene ‘nvidia ‘e vuje! Site meglio mo’ ca vinte anne fa!
Porzia (Ride) Vinte anne fa m’allattava ancora mamma mia!
Meniello Site ‘ a fata ‘e ‘stu quartiere!
Porzia (Lusingata) Nun te credo cchiù, ‘nfamo traditore, buciardo!
Meniello Nun so’ buciardo!
Porzia Taggio visto cu ll’uocchije mieje!
Meniello (Apre la camicia) Arapite ‘stu pietto, ‘stu core sbatte sulo pe’ vuje!
Porzia O pe’ chella muccosa ‘ngialluta?
Meniello Me vulite fa’ murì ‘e collera! ‘Stu core sperisce, ma no pe’ Maria!
SCENA XXVI (Cosimo, Meniello, Porzia)
Cosimo (Ecse dalla bottega ha sentito le ultime parole di Meniello) E’ ‘overo, cridelo!
Meniello (Moto di stizza nel vedere il padre) Ce mancava sul’isso!
Cosimo Cridelo e te voglio dicere ca me fa piacere! Nun ‘o fa sperì cchiù, nun vide comme s’è fatto sicco? Cu tutto chello ca magna, benedetto!
Porzia (Incredula) Meniè, pateto che dice?
Meniello Che ne saccio’?
Cosimo Tu nun te ‘a mettere scuorno, saccio tutte cose. Pigliatella, me fa piacere!
Meniello (A parte) Mo che atu turmiento è?
Porzia (Guarda Meniello) Meniello nun è cuntento!
Cosimo Chisto more pe’ te..(Al figlio) E parla….parla!
Porzia (Speranzosa) Meniè, è ‘overo? (A cosimo) ‘O vi’ ca nun risponde? (A Meniello) ‘O vi ca si’ bugiardo, ‘e parole ‘e primma addò so’ fernute?
Cosimo Meniè, Meniè e rispunne….
Meniello Io…io (Lo tira in disparte) io….(Fa per andare via ma il padre lo trattiene)
Porzia Lassa sta, fallo j’ (A Meniello) Sienteme buono, nun t’accustà cchiù ccà! (A Cosimo) Te ringrazio ca m’e fatto capì quanno è fauzo e ‘ngannatore! (Fa per entrare nella trattoria)
Meniello (La ferma) Aspettate….
Porzia (Si divincola) Lassame sta, vattenne!
Meniello (Al padre) Papà…
Cosimo io so’ cuntento…
Porzia Ma isso no!
Meniello E pur’io!
Porzia (Abbraccia Cosimo) Comme so’ felice!
Meniello (A parte) E mo’ che faccio?
Porzia Voglio priparà ‘nu bellu banchetto , mo me vaco a priparà….
Cosimo E pur’io….(A parte) Si sapevo nun facevo marenna stammatina!
Porzia (A Meniello) Maretiello mio, vatte a priparà, nun te mettere scuorno, viene ambresso…(Entra in bottega)
Meniello (Sgomento) Stateve senza pensiero, amore, vita mia, mo’ vengo (Via)
Cosimo So’ cuntento e me aggio ‘a fa’ ‘na magnata comme dico io! Mo aggio ‘a ringrazià Ambrogio… (Chiama) Ambrò, Ambrò…..
SCENA XXVII (Maria, Cosimo poi Ambrogio)
Maria Che vuò?
Cosimo Chiama a pateto!
Ambrogio Sto ccà, che me ‘a dicere?
Cosimo ‘Na bella notizia: é fatta! (Se lo tira da parte)
Maria (A parte) E mo’ chisto che vo’?
Cosimo Meniello s’è prumisso a Porzia….l’aggio ‘ntiso cu ‘sti recchie mieje…essa nun vuleva, ma po’ ce aggio parlato e l’aggio convinta… mo facimmo pure ‘na bella festa!
Maria (Incredula) Neh Cuò’ che festa?
Cosimo Figliemo Meniello se ‘nzora cu Porzia!
Maria Nu me fa ridere!
Cosimo Tu ride, io vaco a truvà ‘o nutaro…(Via)
Maria (Delusa) Ma comme, chillo è giovane, comme fa a se mettere cu’ ‘na vecchia? ‘Stu fatto nun se ne scenne proprio!
Ambrogio E l’e fa scennere, te ‘a capacità: io ‘o sapevo ca nun vulive a Giuvanne pe’ mezzo ‘e Meniello e t’aggio vuluto fa’ cocere cu l’acqua toja!
Maria Nun è ‘overo e ce credo sulo si ‘o veco cu ll’uocchje mieje, e si succede te ‘o giuro ca me marito cu’ masto Giuvanne!
Ambrogio Accussì facimmo!
Maria (Dispettosa) Accussì facimmo! (A parte) Me sento ‘a panza ca frie (Entra)
Ambrogio Menu male, se sta accuncianno tutte cose!
Scena XXVIII (Ambrogio, Porzia, Annella, Totonno)
Porzia (Entra ridendo) Ah..ah, io mo moro pe’ resate…Ah…ah…
Annella (A parte) Che resata ‘nzipeta, ce vo’ ‘nu poco ‘e sale….
Porzia Buon giorno Ambrò, che vuò?
Ambrogio Ride, ca me piace quanno ride….Pecché staje allera?
Porzia Sto redento pecché Annella me cuffea pecché l’aggio ditta ca me marito cu Meniello…(Ride) Ah…ah…ah….
Totonno (A parte) Comme se arrecrea ‘a vecchia!
Annella Nun dicere ciucciarie, ma vattenne…
Ambrogio Addò aggia j’? Meniello se ‘a ‘nzora, me l’ha ditto ‘o pate!
Totonno (Ad Annella) Ce cride mo’, o vuò ca te ‘o dico cantanno?
Annella (A parte) Povera a me, è ‘overo!
Porzia Viene cà Totonno…(Gli da dei soldi) Va ‘o mercato e accatta capune, galline, rrobba doce ca voglio fa’ ‘nu banchetto da gran signora…
Totonno Me ‘o veco io!
Ambrogio E voglio partecipà pur’io …’o voglio fa cchiù ricco pecché ogge Maria se marita cu masto Giuvanne…
Annella E se ‘o piglia?
Ambrogio Sicuro, è felice…
Porzia E ave ragione…se ‘o mmereta!
Totonno E facimmo ‘na bella festa…Tanto aggio ‘a ballà che aggio ‘a struiere ‘nu pare ‘e scarpe…..
Annella (Fra sé) Ccà so asciute pazze tutte quante, povera a me…..
Ambrogio (A parte a Porzia) Annella me pare ca c’è rimasta male, pecchè essa…
Annella (Che ha sentito) Nun è ciorta mia a me maretà ambresso…
Ambrogio Pecché nun vuò tu….
Annella (Sfottente) E addò ‘o trovo ‘nu marito ‘e spiccio?
Porzia (Indica Ambrogio) Sta ccà, te vo bene..io mo’ me marito, tu che vuò fa’, vuò rumané zetella?
Totonno (Cerca di stroncare il discorso) Padrò, jammuncenne ca è tarde!
Annella (Fra sé) ‘Nfamo traditore, se ‘nzora cu mammema e io pe’ te fa dispetto me marito cu ‘stu vecchio!
Ambrogio (Ad Annella) Io te voglio bene, t’aggio cresciuta, e te voglio essere schiavo, no marito….
Porzia (Speranzosa alla figlia) Allora, core ‘e mamma?
Annella Ambrogio s’ammereta ‘na regina e io…
Totonno (Tra i denti) Anné si asciuta pazza?
Annella (In silenzio a Totonno) M’aggia vendicà
Porzia Allora figlia mia?
Annella Comme vulite vuje!
Totonno (A parte) M’è’ acciso!
Ambrogio (Felice) Allora vulimmo fa’ ‘na bella festa tutte ‘nzieme?
Porzia (Raggiante) Si…si…
Ambrogio Io manno a chiammà a Giuvanne: Io vaco a me priparà….Meniello nun po’ tardà, mo’ vene…(Via nella bottega)
Annella (A parte) Comme arriva, ‘o scasso ‘a capa!
Totonno (Cerca di convincere le due donne a non far sposare Annella con Ambrogio) Padrò, c’è pensato buono, chillo è viecchio e Annella è ‘na figliola…..
Annella Fatte ‘e fatte tuoje, me ‘o voglio piglià vecchio e buono pecché aggio ‘a fa’ magnà ‘o limone a chi saccio io! (A parte a Totonno) e po’ faccio comme ‘e ditto tu…
Totonno Ma io….
Porzia Ma tu ‘e che te ‘ntriche…falla j’ a priparà e va a accattà tutte chello che t’aggio ditto! (Via nella taverna)
Annella Si nun moro mo’, nun moro cchiù! (Segue Porzia)
Scena XXIX (Totonno – Meniello)
Totonno Vide che guaio aggio combinato: aggio tradito a Meniello, arruvinata Annella, e aggio fatto prumettere Maria a chillu ‘nzallanuto e masto Giuvanne…E io nun aggio avuto chello ca vulevo….Vulesso truvà ‘na soluzione, ma che pozzo fa’? Chesta è ‘a vota bbona ca jesco pazzo!
Meniello Totò’ sapisse dint’a quali e quanta guaje me trovo!
Totonno Saccio tutte cose! Ma comme subito t’’e fatto arravuglià a Porzia, nun putive tricà?
Meniello Me so’ visto perzo e po’ cu Porzia se pazzea poco, che scusa putevo truvà?
Totonno Nisciuna, ma ‘o peggio nun è chesto, pecché Annella s’è creduta ‘overamente ca te vuò ‘nzurà cu ‘a mamma e pe’ te fa’ dispetto s’è prumisa a Ambrogio!
Meniello E che fele che me daje…ciorta canina, destino ‘nfamo, ‘e vinciuto tu!
Totonno Che te sbatte a fa’, ‘e lacreme nun pavano ‘e diebbete! (A parte) Isso se lamenta e io jetto ‘o sango!
Meniello Ma mo’ voglio parlà cu Annella, l’aggio ‘a spiegà comme so’ gghiute ‘e fatte! (Si avvia verso la taverna)
Totonno Addò vaje, si asciuto pazzo, dinto ce sta ‘a mamma!
Meniello E comme aggia fa’?
Totonno Pe’ mo’ vattenne, nun te fa truvà e sta sicuro ca mettimmo tutto a posto!
Meniello E si po’ Annella se marita cu’ Ambrogio?
Totonno Mentre sta pe’ succedere tu tuorne e menammo pacchere, facimmo a vedé che ce appiccammo e nun facimmo succedere ‘o fatto…
Meniello E po’?
Totonno E po’ chello che vò ‘o cielo, pe mo’ avimmo ‘a piglià tiempo! Ma mo jammucenne, parlammo pe’ ‘a via, ccà nun stammo buone!
Meniello Cielo fammene venì una bona! (Viano entrambi)
Scena XXX (Cosimo – Notaio)
Notaio Dovete ringraziare vostro figlio, perché mi sono interessato di tutto per merito suo! Io non ho tempo da perdere, ho tanto lavoro e non capisco che siamo venuti a fare qui!
Cosimo Ve l’aggio ditto: Meniello se ‘nzora cu‘ Porzia….
Notaio E con questo?
Cosimo Porzia nun è cchiù ‘na pullanchella e si vo’ a figliemo, m’hadda fa’ donazione ‘e tutto chello ca tene, e vuje avite ‘a fa’ ‘o cuntratto!
Notaio A disposizione! Vi farò un contratto che sarà un capolavoro….Ora lo redigo, ho portato con me tutto l’occorrente…
Cosimo Nutà e comme ‘a tirate ‘a luongo, si ‘o sapevo chiamavo ‘a n’atu paglietta….
Notaio Ma qua’ paglietta, io sono un notaio e rispetto le leggi…-
Cosimo E va buò, nun ve ‘ncazzate, facite ambresso…
(Si odono urla e rumori)
Notaio Cosa succede?
Cosimo ‘E guaglione, stanno tiranno ‘e prete a masto Giuvanne…
Notaio (Cerca di intervenire per aiutare Giuvanne) Finitela delinquenti Jatevenne!
Scena XXXI (Masto Giuvanne – Cosimo – Notaio)
Giuvanne (Entra correndo) Aiutateme pe’ carità, me secutano! (Si rifugia nella taverna)
Cosimo (Va verso il fondo e gridai) Jatevenne o ve ciacco!
(Fuori campo: fischi e pernacchi)
Notaio Ma vedete che birbanti!
Cosimo Mastu Giuvà, putite ascì se ne so’ gghiute!
Giuvanne (Esce timoroso. E’ ben vestito) Site sicuro?
Notaio Si potete uscire.
Giuvanne Io nun ce ‘a faccio cchiù!
Cosimo Comme staje vestito bbuono, me pare ‘nu signore!
Notaio Effettivamente! Cosa volevano quei birbanti da voi?
Giuvanne Stevo venendo ccà e l’aggio ‘ncuntrate….Uno ‘e lloro m’ha ditto: “Addò vaje accussì alliffato?” Aggio risposto: “Me vaco a ‘nzurà” Allora se so’ miso a ridere, m’hanno vuttate ‘e prete e m’hanno secutato fino a ccà!
Cosimo Addò li tenie stipate ‘sti belli vestite?
Giuvanne E’ robba antica ca tenevo pronta pe’ quanno me ‘nzuravo!
Cosimo Si ‘n’ommo ca tene giudizio, invece figliemo….
Notaio Non lamentarti sempre…(A Giuvanne) I capelli però avresti potuto tagliarli!
Giuvanne Mammà nun ha vuluto, diceva ca purtava malaurio|
Cosimo ‘E fatto bbuono, accussì ‘e sparagnate ‘e solde d’o barbiere!
Notaio Solo un pidocchioso come te può avere di questi pensieri!
Giuvanne ‘O sapite ca me ‘nzoro cu’ Maria?
Cosimo ‘E visto? Tu si’ ca faje ‘naffare, mentr’io…
Notaio Scherza? Porzia sta molto bene a soldi: certamente aggiusta la casa e ve ne fa donazione! Non proceda col matrimonio se prima non si stipula…
Cosimo O che? Nun ‘o faccio manco accustà alla taverna a Meniello!
Notaio Ovvio, ma tutto con civiltà, mi raccomando!
Giuvanne Avisseve visto Ambrogio?
Notaio Non l’abbiam visto, mio caro!
Giuvanno Me sento ‘e scennere ca succede quacche ccosa, nun me va niente bbuono, nun tengo furtuna!
Notaio La fortuna quando non viene bisogna cercarla
Giuvanne E io’o faccio! (Canta)
Furtuna
Testo e musica di Umberto Castaldi
Furtuna…furtuna,
io te chiammo ogni matina,
si me lavo, si me vesto
si me cagno ‘e panne ‘e line….
Ma tu niente si’ sorda e nun rispunne,
tutte ‘e speranze mie, m’’e vutte ‘nfunno!
Io te vulesse ccà,
io te vulesse ccà,
io me vulesse
‘fronte fa’ vasà…
ma niente, nun rispunne
a chistu strazio….
E’ certo t’arrecrie,
ne pruove sfizio!
Furtuna…furtuna,
io lo so tu sei bendata,
ma cu’ mmè, ma che truvata
ll’uocchje ‘e tiene fravecate….
E pirciò me lieve pure ‘o sfizio
‘e te mannà uno schizzo in orifizio….
Io te vulesse ccà,
io te vulesse ccà,
io te vulesse ccà
pe’ te struppià….
Ma tu perché sei tu,
sei affortunata,
così la mia intenzione
hai camuffata!
Furtuna…furtuna…
Si nun viene faccio ‘o pazzo
E po’ faccio arrevutà
Tutta ‘a piazza e ‘stu palazzo….
E si pure cu’ ‘e guardie vieni adesso,
senza pensà, te lavo ‘a faccia ‘o stesso!
Giuvanne Nutà si ‘nun l’avite capito, chella ‘a furtuna me schifa!
Tutti (Solo fuori con le teste dalle quinte) Nun solo ‘a furtuna!
BUIO
Fine atto primo
Atto secondo
La stessa scena del primo atto
Scena I ( Ambrogio – Giuvanne – Cosimo – Notaio- poi ‘Ntunetta)
(Dal fondo entra un gruppo di ragazzi che canta)
A PIEREROTTA
Testo e musica di Umberto Castaldi
Chesta sera e tutta ‘a notta
ce ne jammo a sfrennesià,
pe’ cantà cu’ tutta ‘a voce
quanto é bella ‘sta città!
Cu ‘a trombetta e ‘o cuppulone,
nuje turnammo mo’ guaglione
e facendo ‘o votta votta,
l’alleria mo’ certo sbotta!
Cu ‘nu triccheabbalacche e ‘o putipù,
stasera jammo a ballà addò vuò tu,
‘na tarantella, ca pe’ nuje sarrà,
cumpagna allera pe’ l’eternità,
ca po’ aiutà, a cchiù niente pensà!
Chesta sera e tutta ‘a notta
Ce ne jammo a spuntà ‘a ciorta….
Nuje vulimmo cantà,
nuje vulimmo abballà,
ce vulimmo spassà!
Giuvanne (Entra dal fondo) Guardate comme se divertono e io tengo ‘a morte dint’o core!
Cantanti (Lo vedono e gli fanno girotondo intorno) Giuvanne s’è nnammurato e sta tutt’alliffato , ma essa nun ‘o vò e mo’ sta ‘ntussecato! (Fischi pernacchi)
Ntunetta (E’ la mamma di Giuvanne) Uhè caliote, lassate sta ‘o creature mio!
Cantanti (Vanno via Cantando) Giuvanne …….
Ntunetta (Al figlio) Che t’hanno fatto?
Giuvanne Me cuffeano!
Ntunetta E fanno bbuono, pecché nun si capace e te truvà ‘na mugliera
Notaio (Entra dal fondo sul finire della canzone. A Giuvanne ) Mio caro, stia allegro, vede come i giovani si divertono! Cosa è successo, perché è così triste?
Ntunetta Pecché è nnammurato e se vo ‘nzurà…
Giuvanne Me so’ vestuto, me sento ‘nu lione e nun riesco a parlà cu’ Ambrogio!
Notaio (Lo vede che viene dal fondo) Eccolo che arriva
Ambrogio (Dal fondo) Buongiorno e salute! (Vede ‘Ntunetta) Onna ‘Ntuné beato chi ve vede, state accussì bella ca parite ‘na figliola!
Ntunetta (Lusingata) Se, me vulite cuffià, tengo ‘e figlie ca se ‘nzorano e so’ figliola?
Ambrogio (Galante) Veramente parite vuje ‘na sposa!
Giuvanne (Ad Ambrogio) Buongiorno don Ambrò, ve vulisseve spusà a mammà?
Ambrogio Figlio mio bello, me facesse piacere pecché è ‘na bella femmena, ma ‘o ssaje ca ‘o core mio è de n’ata!
Ntunetta E io rimango a spasso! Pacienza!
Ambrogio (A Giuvanne) Ma comme staje alliffato, ‘a quanno si venuto?
Giuvanne So’ venuto, nun v’aggiu truvato, me ne so’gghiuto, so’ turnato! A chiammà me avite chiamato e subito so’ arrivato!
Ntunetta Pareva ‘nu strummolo: annanze, areta, nun s’è fermato ‘nu mumento, me ha fatto girà ‘a capa!
Giuvanne (Esaltato) Appena me ‘nzoro allora si c’aggio ‘a fa’ ‘o strummolo!
Ntunetta (Ride) L’intenzione so’ bone, biata ‘a mugliera! Cu ‘o permesso vuosto io mo me ne vaco: tengo ‘e figlie ca so’ zetelle e nun ‘e pozzo lassà sole tantu tiempo. (A Giuvanne) Tu vide ‘e fa ambresso e nun te arriterà senza ‘a mugliera, si no te spacco a capa! (A Tutti) ‘A bona grazia vosta, bona jurnata a tutte quante(Via dal fondo!
Cosimo Ambrò, aggio parlato cu ‘o nutaro pe’ fa ‘o strumiento…
Ambrogio E avite fatto buono…So’ contento quanno pozzo fa’ bene all’ amice!
Notaio E così avrò l’onore di redigere gli atti del matrimonio del signor Giuvanne con vostra figlia, Maria!
Ambrogio Nutà, però m’arraccumanno…(Fa cenno ai soldi)
Cosimo ‘O nutaro è n’amico, fa tutto chesto senza interesse!
Notaio (A parte) Io po’ magno ‘e grazia!
Ambrogio (Mostra uno scatolino) Nutà, vedite si m’anno fatto fesso, ‘o voglio rialà alla mia sposa!
Cosimo Pure tu te ‘nzure?
Ambrogio Me ‘nzoro!
Giuvanne Io pure aggio accattato ‘nu rialo pe’ Maria mia!
Notaio Cosa hai comprato?
Giuvanne Dudice muccature!
Notaio (Divertito) Murice afzzulette? E basteranno per asciugare tutte le lacrime che verserà per averti sposato?
Giuvanne Si chiane è pe’ felicità felicità!
Notaio Piuttosto parliamo d’altro: Il signor Carminiello non è ancora venuto!
Cosimo S’è gghiuto a cagnà…chisto è ghiurno è festa, pensammo a ce divertì….’e ‘nteresse nun contano…
Notaio Viva la vostra magnanimità…ma perché non chiamiamo la signorina Maria, così incominciamo a scrivere qualcosa e guadagnamo tempo!
Ambrogio Comme vulite….(Chiama) Maria, Maria figlia mia, scinne!
Scena II (Maria – Ambrogio - masto Giuvanne – Cosimo – Notaio)
Maria (Si affaccia) Che d’è?
Ambrogio (Contrariato) Ma comme, ancora te ‘a priparà?
Maria (Indifferente) Nun tengo niente a fa’…..
Ambrogio Ca’ sta ‘o ‘o nutaro c’adda fa’ ‘e strumiente pe’ Meniello, pe’ te e pe’ mme!
Maria Pure pe’ te? Pecché?
Ambrogio Me ‘nzoro cu Annella!
Giuvanne (A Maria) Mo che v’addevento marito, nun me avite alluccà cchiù!
Maria Se sape!
Notaio Che vogliamo fare?
Giuvanne Marì scinne, tengo tanta riale pe’ te: mammà e le sorelle te mannano sti’ lacce pe’ ‘o busto e ‘stu fuso! Io po’ t’aggio accattate ddudice muccature!
Maria (Sfottente) Obbligata, me ‘e daje quanno scengo!
Giuvanne (Mesto) Comme vuò tu! (Resta impalato)
Ambrogio Chiammammo Porzia e Annella…scinne Marì!
Maria Me vaco a priparà. (Entra)
Cosimo Jammo, facimmo ambresso ca ogge nun aggio vennuta ‘na castagna!
Ambrogio Si nun vene Meniello nun putimmo fa’ niente!
Notaio (Guarda verso il fondo) Sta arrivandoanche Meniello….(Verso la taverna) Porzia venga, venga con Annella, siamo tutti qui per servirla!
Scena III (Meniello – Totonno – Ambrogio) - Giuvanne – Cosimo – Notaio)
Ambrogio (A Meniello) Finalmente si’ arrivato!
Meniello So’ gghiuto ‘o mercato cu’ Totonno! (A parte a Totonno) Porta ‘a rrobba dinto e tuorne ambresso c’avimmo ‘a fa chello ca saje!
Meniello (Tra sé) Io sicuro ca moro si veco Annella mia vicino a chisto.
Totonno (Uscendo dalla taverna a Meniello) Vedimmo comme va a fernì!
Scena IV
(Porzia –Meniello–Totonno– Maria - Ambrogio– Giuvanne – Cosimo – Notaio)
Porzia (Dal balcone butta dei confetti)
Giuvanne Chi mena ‘e Prete? (Cerca riparo)
Ambrogio Quali prete, so’ cunfiette, ‘e sta menanno Porzia!
Notaio Evviva e lunga vita alla signora Porzia!
Porzia Vita longa e salute a tutte quante, mo scenno!
Cosimo (Si abbassa a raccogliere i confetti)
Meniello Papà, che facite?
Cosimo Vanno sotto ‘e piede, se scamazzano, è peccato!
Porzia (Esce dalla taverna con Annella)
Notaio Come sono belle mamma e figlia!
Meniello (A parte a Totonno) Totonno mio, sto tremmanno…
Totonno (A parte a Meniello) Fatte coraggio ca si te avvilisce è peggio!
Scena V
(Porzia – Annella - Meniello – Totonno – Ambrogio – Giuvanne - Cosimo – Notaio)
Porzia Benvenute a tutte quante (Ad Annella) Viene figlia mia! Allora nutà vulimmo j’ ‘a via ‘e coppa?
Cuosemo Pecché, stammo accussì bello ccà!
Notaio Ma non mi sembra opportuno fare una scrittura qui, all’aperto!
Porzia Quale scrittura?
Notaio Senta mia cara, quando si appronta un matrimonio, si fa il contratto, per meglio tutelare le parti!
Porzia Allora facimmo ambresso…Totò, caccia ‘e segge!
Totonno (Esegue e tutti prendono posto intorno al tavolo)
Notaio Chi ha da dire qualcosa lo faccia adesso che dopo dobbiamo scrivere!
Ambrogio (Ad Annella) Annella mia pigliate ‘stu rialo ca te dongo ‘nzieme a l’ammore mio!
Annella (Fredda) Grazie, me ‘o piglio quanno saglimmo ‘ncoppa!
Notaio (A Giuvanne) Se ti togli davanti e finisci di fare il mamozio, io vorrei cominciare!
Giuvanne (Si scosta) Facite ‘e fatte vuoste!
Notaio (Apre le carte) Sono qui presenti i signori Cosimo e Carmine….il cognome?
Cosimo Guallecchia!
Notaio (Scrive) Il signor Cosimo e Carmine Guallecchia da una parte e dall’altra la signora Porzia….Porzia…comme s’appella?
Porzia Mo’ sta bona, ma ‘a piccerella aggio avuto ddoje vote certe macchie rosse accussì grosse?
Notaio E che c’entra?
Porzia Vuje avite ditto comme sta a pella?
Notaio Nossignore, ho chiesto come s’appella, cioè come vi chiamate di cognome?
Porzia Oh nutà, scusateme…..Chiaccolla, Porzia Chiaccolla!
Notaio (Scrive) Porzia Chiaccolla vedova del defunto….(A Porzia) suo marito?
Porzia Meniello Guallecchia…
Notaio (Sempre scrivendo) Vedova di Meniello Guallecchia, suo primo marito….
Cosimo Qua’ primmo marito? Meniello nun l’ha ‘nzurata ancora, (Indica Meniello) Meniello è chisto!
Notaio Corpo del diavolo, mi avete fatto sbagliare! Io chiedo il nome del defunto e voi mi rispondete Meniello!
Porzia (Ingena) Pecchè, nun è Meniello ‘o marito mio?
Notaio Ma io dico il defunto…’o muorto..
Meniello (Fa scongiuri grattandosi le parti basse)
Porzia E che ne saccio, chillo è muorto!
Notaio (A parte) A te e a tutta ‘a razza toja!
Ambrogio Ccà facimmo notte!
Totonno E accussì ce jammo a cuccà…
Giuvanne Nuje tenimmo che fa’…
Cuosemo Nutà, tagliate a curto…
Notaio Ma miei cari, noi dobbiamo andare cauti, bisogna fare attenzione a ciò che si scrive, si tratta di donazione….
Porzia (Sospettosa) E chi ‘adda fa’ ‘a donazione?
Cosimo Tu! ‘E ditto ca si te devo a figliemo, me facive donazione ‘e tutte ‘e cose ca tiene: ‘a taverna, ‘o mobilio, oro, argento…..
Porzia …’e palazze ‘e casa….’e brillante…..’e lenzola……(A Cosimo) ‘E mutande m’è pozzo tenè?
Annella (Segue interessata tutta la conversazione dimostrando segni di incredulità e contrarietà e ogni tanto fa uno sguardo d’intesa con Maria)
Cosimo (Ad Ambrogio) Tu m’è ditto ca si Meniello se ‘nzurava a Porzia chesta me metteva tutto cose ‘nfaccia….
Ambrogio Aggio ditto ca’ puteva essere…..
Cosimo Ah, puteva essere? Susete Menié, jammucenne…
Porzia Addò vaje, aspettate, ragiunammo…Vuje che dicite, nutà?
Notaio Io direi….lei è vedova, si vuole maritare….é giusto fare delle sue cose atto di donazione a suo marito…
Cosimo A qua’ marito! M’hadda mettere tutte cose ‘nfacci’ a me!
Annella E io ‘nfaccia te metto ‘emane una ‘a vota e tabboffo ‘e pacchere!
Porzia Tu che ce azzicche?
Annella Comme, te vuò accattà ‘o maretiello cu ‘a rrobba mia?
Porzia Toja?
Annella Se sape…Tutte chello ca sta ccà dinto è tutta rrobba ‘e patemo che l’ha lasciata a me, pecché tu nun purtaste nisciuna dota! Mammà si vuole sposare e io pavo! (Agli altri) Mo si nun ve ne jate, ve ciacco a uno a uno!
Totonno (A Meniello) E cose se metteno bbone!
Meniello (A Totonno) Comme vulevemo nuje!
Annella Vi’ comme l’avevano pensata bella! (A Cosimo) Mammà ti può fare donazione sulo d’a ….(Si interrompe) Vide che me stevano facendo dicere!
Porzia Anné , mo’ ‘e parlato assaje…
Annella E tu po’ quanno pigliave e dunave….’a rrobba mia!
Porzia ‘A toja?…Mo te faccio vedé: nutà, scrivite…
Annella Nun scrivite niente ca ve spacco ‘a capa!
Notaio (A Porzia) E no mia cara, io non scrivo se prima le parti non concordano!
Cosimo ‘Nce sta ‘stu poco sotto? Meniè, aizate e gghiammucenne….
Totonno (A Meniello) Approfitta, sosete e vattenne…
Meniello Jammuncenne! (Via dal fondo col padre)
Porzia (Cerca di avventarsi su Annella) Siente, nenné…
Ambrogio (La trattiene) No Porzia fermete, cala la mano…
Porzia ‘A calo, ma ‘nfaccio a essa
Ambrogio E vi si ‘a fernesce…
Porzia Ambrò, fatte ‘e fatte tuoje!
Totonno Padrò calmeteve e pure tu, Annè…
Annella Che m’aggio a calmà, voglio primma ‘a dota mia….
Notaio Io me ne vado, ancor oltre non voglio assistere alle liti di queste zandraglie!
Giuvanne Nutà aspettate, ce sta ‘a fa ati cose….
Notaio Venite allo studio….allo studio …(Via)
Giuvanne (Piagnucola) Se n’è gghiuto e(Forte) Marì ununé venuta…..
Ambrogio Puozze jettà ‘o sango tu e essa! (Ad Annella) E tu nun te ne vaje?
Annella E’ meglio ca me ne vaco ….(Via nella taverna)
Porzia (Fa per avventarsi su Annella) Aspetta ‘nu mumento, quanno te scippo ‘a faccia!
Ambrogio (La mantiene) E ferniscela, che vuò fa’, ‘a vuò accidere?
Totonno Padrò calmateve…
Porzia Lievete ‘a nanzo, si no accumencio a te struppià a te! (Via nella taverna)
Ambrogio Ma si, accediteve…(Via dal fondo)
Giuvanne E’ meglio ca vaco a dicere tutto a mammà e a li sorelle….staranno ‘mpenziero…(Piagnucola) E mo’ ‘e muccature che me ne faccio? (Via correndo)
Totonno (Rimasto solo) E chi se ‘o credeva, meglio ‘e chesto nun puteva fernì! (Via dal fondo)
Scena VI (Annella prima da sola canta, – Ambrogio)
Annella (Esce dalla taverna). Comme so’ sfortunata… Avesse essere felice! L’ammore pe’ Meniello m’ha dato (Mostra la pancia) ‘a cosa cchiù bella ca ‘na figliola po’ avé da ‘o nnammurato e invece…Doppo chello ca è succiesso chi ‘o ssape si ‘o ‘o pozzo ‘ncuntrà…a sulo a sulo! ’O vulesse sentì ‘e dicere ca me vò bene….E si nun me ‘o dice isso, ce ‘o dico io, ma, chi me po’ aiutà?(Pensa, poi raggiante) Napule, si Napule!
(Canta)
NAPULE MIA NUN FA’ ‘A DISPETTOSA
(Testo e musica di Umberto Castaldi)
Quanno ‘o destino vo’ ca ce ‘ncuntrammo
a sulo a suolo le vulesse di
Pecchè me sta ‘nzerrato dint’o core ,
ma chi m’aiuta pe’ ce ‘o fa capì?
Napule mia nun fa’ ‘a dispettosa,
quanno me vide sola nzieme a isso,
facce sent’ cu’ ‘a voce d’’e sirene
a chiù bella canzona ca saje tu;
facce sentì dint’all’aria ‘nu prufumo
‘e mille sciure comme ‘ primmavera
miettece ‘ncielo cu’ ‘nu quarto ‘e luna
‘na chioppa ‘e stelle argiento pe’ sunnà!
Napule mia e famme stu favore
Aiutame a parlà sulo cu ‘o core:
e quanno dint’alluocchie
‘o guardo e l’addimanno si me vo bene
fa’ che l’ammore mio risponne si!
(Continua a sparecchiare) Ma forse sto sunnanno! Mammà è nnammurata e Meniello e se ‘o vo spusà! Isso nun dice no e io che pozzo fa? Mo’ comme stanno ‘e ccose vaco d’a vammana pe levà (Si tocca la pancia) tutte cose ‘a miezo (Piange) No, comme ha ditto Maria ‘nu criaturo ‘e n’anema ‘e Dio e nun l’aggio accidere! (Risoluta) Si nun pozzo avé a Meniello l’unica soluzione è chella ‘e me ‘nzurà cu Ambrogio: chillo è vecchio e nun le parrà ‘overo ‘e puté dicere che aspetta ‘nu criaturo ‘a ‘na figliola. (Pensa) Però si mammà nun fa donazione d’e cose noste a Cosimo, Chillu nun ‘a fa spusà ‘o figlio e pozzo sempe sperà…
Ambrogio (Uscendo) Bene mio che faje cà sola sola?
Annella Niente, ma visto ca staje ccà, dimme, ma tu ‘overo me vuò bene?
Ambrogio E ‘o dice pure?
Annella Allora, si veramente me vuò bene, me fa’ avé chello ca me spetta d’a fatica ‘e patemo.
Ambrogio (Sentimentale) E a che te serve, visto ca solo tu si’ ‘nu tesoro!
Annella (Tra sé) Chisto overo è scemo! (ad Ambrogio) Ma tu me vuò pe’ mugliera?
Ambrogio Me faciarria taglià ‘a capa pe’ te!
Annella (Tra sé) E facisse ‘a meglia ‘ngarrata! (Ad Ambrogio) E tu permiette ca chello ca me spetta se ne vedono bene ll’ate?
Ambrogio Quanno aggio avuto a te, nun voglio niente cchiù!
Annella Allora me ‘a fa cuntenta, me ‘a fa rispettà (IInvitante) Si’ l’ommo mio?
Ambrogio (Impettito) Se sape, e pe’ te me jetto dint’o ffuoco.…C’aggia fa?
Annella ‘E a cuntrastà ‘a donazione ca vo fa’ mammà!
Ambrogio Sta senza pensiero, me ‘o veco io! (Cambia tono) ‘A quanno ‘e ditto ca so’ l’ommo tuojo me sento ‘o sango ca volle dint’e vene!
Annella (Tra sé) Puozza fa’ una lampa! (Ad Ambrogio tenera) E ‘stu ffuoco me farrà appiccià pure a me pe’ te!
Ambrogio (Fanciullescamente) So’ ll’ommo cchiù felice d’o munno….
Annella ‘E allora ‘e fa felice a me…
Ambrogio Nun te ne ‘ncaricà, vita mia ….me ‘o veco io!
Annella Allora io vaco! Statte bbuono (Si gira per entrare nella taverna) Vedimmo si ce riesco (Via nella taverna)
Scena VII (Ambrogio – Cosimo)
Ambrogio Mo’ accummencio a le mettere ‘a pulice dint’a recchia a Cuosemo! (Lo chiama) Cuosemo…Cuò…
Cosimo (Uscendo) Ch’è stato, che vuò?
Ambrogio Taggia dicere ‘na cosa ‘mpurtante.
Cosimo E parla…Accuostete, viene ca pe’ tramenta io monno ‘e castagne…
Ambrogio Me so’ ‘nfurmato, Annella ave ragione….Porzia tene cchiù diebbete, ca capille….. nun è padrona ‘e niente!
Cosimo ‘A sotto! E tu me vulive fa’ ‘nzurà cu ‘e diebbete?
Ambrogio E io che ne sapevo? Pure io me vulevo piglià ‘a figlia!
Cosimo E mo’ nun te ‘a piglie cchiù?
Ambrogio Arrassusia! Si asciuto pazzo….si nun ce sta niente?
Cosimo Mo me stevo jettanno a mare io sulo…..
Ambrogio Totonno e Porzia stanno jenno tuorno tuorno ‘nzieme chissà pe’ quale ‘mbruoglio….Accorto a te! (Via)
Cosimo (Vede da lontano Porzia e Totonno) E se sape! ‘E bbi lloco, stanno venenno! (Si apparta)
Scena VIII (Porzia – Totonno - Cosimo)
Porzia ‘O nutaro ha ditto ca tutto chello ca ce sta ccà dinto, nun abbasta manco pe’ ‘a dota mia!
Totonno (Riferendosi alle forme di Porzia) Vuje tenite ‘stu ppoco ‘e robba, ato che dote! Site ‘na bella femmena!
Cosimo (A parte) Vide comme vanno d’accordo…
Porzia Nun è ca so’ ‘sta bellezza, ma dint’e vene ce tengo ‘o sango…
Cosimo (Tra sè) Sango ‘e pimmice!
Totonno Sango, bellezza e grazia…
Cosimo Ih che farenella…..
Porzia (A Totonno) Mo me vuò cuffià? Quann’ero figliola allora si ca facevo avutà ‘a capa ‘a gente.
Totonno ‘O saccio, ‘o saccio…..ma mo jatevenne a repusà ‘nu poco, ve veco stanca….
Porzia Aggio ‘a parlà primma cu Cuosemo, si no chi arreposa…(Si gira, lo vede) Ah Cuosemo, bonasera!
Cosimo Servo vostro…
Porzia Dimanda a Totonno che ha ditto ‘o nutaro…..Caposè’, dincella, parla….
Totonno ‘A padrona po’ fa’ chello ca vo’…
Cosimo All’ossa soje…Aggio ‘ntiso tutte cose,….tenite ‘a faccia d’e corne vecchie!
Totonno Nun parlammo ‘e corna mo…..
Porzia Cuò, povera a me….
Cosimo ‘E che te lamiente…(Mostrandola) Tiene sti dote…..Ma ‘a figliemo nun te ‘o dongo……Nun me ‘a faje….Vuleva ‘a figliemo…seh….(Via in casa)
Scena IX (Porzia – Totonno)
Porzia Totò, io mo’ moro…(Barcolla) Me sento ‘e venì meno…
Totonno (La sorregge) Assettateve....e po’ nun ve preoccupate, ce sto ccà io…..
Porzia E che può fa? Chissà comme ha saputo….
Totonno Che ve ne ‘mporta, ‘o vulite a Meniello?
Porzia Se sape, si no me dongo fuoco!
Totonno ‘O ffuoco astipatelo pe quanno state cu isso….!
Porzia ‘E quanno? ‘E ‘ntiso ‘o pato?
Totonno Che ve ne ‘mporta, nun ve avite piglià a isso! Meniello ve vo’ bene e si facite comme dico io, cuffiate ‘o pate, e a tutto ‘o munno e Meniello è ‘o vuosto!
Porzia (Decisa) Che aggio ‘a fa’?
Totonno Stateme a sentì: Meniello sta suffrenno pecché ve vo’ e io l’aggio prumiso ca l’aiuto….
Porzia (Contenta) Me vo’, e allora?
Totonno (Grave) Mo ve arretirate, jate dint’a stanza vosta, ve spugliate, e ve ne jate a cuccà…..
Porzia (Delusa) M’addormo e me ‘o sonno a Meniello….
Totonno Nossignore…Appena ve site spugliata arapite ‘a fenesta…
Porzia E me votto abbascio!…Ma che staje sfrennesianno?
Totonno E vedite si me fa parlà…..Arapite ‘a fenesta, ve jate a cuccà e…tutt’a na’ botta ve vedite a Meniello annanze….
Porzia E me piglia ‘na mossa…Ma che tiene ‘a bacchetta magica?
Totonno Nossignore….Pecché trase pe’ ‘a funesta….
Porzia Tene ‘e scelle?
Totonno Nossignore…Saglie cu ‘na scala ca io metto ‘nfaccio ‘o muro….
Porzia Ah…..e po’?
Totonno E po’ quanno sta dint’a stanza vosta, ‘o sango ve volle….isso sta già ’nfucato e ‘o fatto è fatto!
Porzia ‘Overo? E l’onore? N’ommo dint’a stanza mia primma ca m’è marito? Me vuò mettere ‘o scuorno ‘nfaccia?
Totonno Fosse scuorno si ve ‘o purtasseve vuje dint’a stanza vosta, ma è isso….saglie cu ‘a scala, trase pe ‘o balcone, ve ‘o truvate annanze e che puite fa’?
Porzia Niente, ‘a carne è carne….
Totonno E ‘o fegato è fritto!
Porzia E accussì l’onore…
Totonno E’ salvo…..Niente avite potuto fa’ contro ‘a forza ‘e ‘nommo! Doppo ve ‘o spusate, v’é marito e nisciuno tene a dicere niente cchiù!
Porzia Se po’ fa’…. E Meniello?
Totonno Nun vede ll’ora…Pe vuje se jettarria dint’a ‘nu puzzo….
Porzia No, è meglio dint’o lietto mio! (Sospira) Ah…Io mo’ vaco…me voglio prufumà sana sana…..Ah….(Via nella taverna)
Totonno Ih comme sta ‘nfucata!…E mo’ comme aggio ‘a fa? Aggio ’a truvà a Meniello….l’aggia convincere…...(Via dal fonfo)
Scena X (Masto Giuvanne – Notaio)
Giuvanne (Entra dal fondo con il notaio) Mammà quanno so’ turnato a casa senza mugliera, m’ ha fatto ‘na bona mazziata a soddisfazione, m’ha levate ‘e vestite buone, me n’ha cacciato d’a casa e ha ditto ca si nun torno cu ‘na mugliera nun m’aggia fa’ fa’ vedé cchiù.
Notaio Niente altro?
Giuvanne No, ce sta ‘o riesto: pe’ gghionta ‘e ruotele m’ha rignuto ‘e maleparole! Vedite che gguajo c’aggio passato!…(Piange) Ih..ih…ih..(Urla) C’aggia fa?
Notaio (Sobbalza) Jette ‘o sango!
Giuvanne Neh notà’…
Notaio E tu m’allucche dint’e recchie!
Giuvanne (Con tono basso) C’aggia fa?
Notaio (Con lo stesso tono) E io che ne saccio? (Cambia) Non so proprio cosa consigliarti, mio caro!
Giuvanne Ah, nun ‘o sapite? Primma m’avite miso dint’e guaje…(Piange)
Notaio Io non c’entro proprio niente!
Giuvanne Comme? Ve ne site juto….(Strilla) m’avite lassato sulo…(Piange)
Notaio N’ata vota mo’….E non piangere, perché è vergognoso alla tua età!
Giuvanne Avite ragione, (Strilla) Ma che pozzo fa’?
Notaio (Urla anche lui) Primma cosa nun è alluccà….Me fanno male ‘e rrecchie!
Giuvanne (Fanciullescamente) Nun ‘o faccio cchiù ve ‘o prometto, ma vuje nun me lassate sulo! (Gli prende un braccio)
Notaio Vedite che guaio c’aggio passato…E lieveme ‘e mano ‘a cuollo, me pare ‘na zecca!
Giuvanne Allora c’aggia fa’?
Notaio Aspetta che venga Ambrogio e portalo da me!
Giuvanne (Smarrito) Ve ne jate?
Notaio Si, vado a casa, ti aspetto llà!
Giuvanne No, vuje nun ve ne jate si nun me date ‘na mugliera…
Notaio Mo’ vaco a ‘o mercato e te l’accatto!….Addò ‘a piglio?
Giuvanne Nun ‘o ssaccio, ‘o nutaro site vuje! (Si aggrappa al braccio)
Notaio Lasciami, che si rompe la giacca (Cerca di liberarsi)
Giuvanne No, nun ve lasso! (Tira la giacca che si rompe)
Notaio Mo’ te scummasso ‘e sango….Si’ proprio ‘na bestia!
Giuvanne Nun ve pigliate collera, mo’ chiammo a Maria e ve ‘a faccio accuncià!
Notatio E sbrigati animale!
Giuvanne (Chiama) Maria…Maria!
Scena X I (Maria – Notaio – Giuvanne)
Maria Chi è (Esce) Ah site vuje, nutà’!
Notaio Cara signorina Maria.
Maria Che vulite?
Notaio Il vostro caro futuro sposo, per evitare che andassi via, mi ha trattenuto con molto garbo animalesco, pigliandomi pe’ ‘a giacca, che si è rotta!
Maria (Ride) Ah…Ah….
Notaio (Contrariato) E faciteve ‘na resata pure ‘nfaccio ‘o ca…ppiello!
Maria Scusateme….ma che vulite ‘a me?
Notaio Un po’ di filo nero…..
Maria ‘O tengo janco….
Notaio ‘O filo janco ‘nfaccio ‘a giacchetta nera?
Giuvanne Va buono, pecché doppo ‘o tegnite cu ‘a gnostra!
Notaio (irato) Mo te tegno ll’uocchie nire e no cu ‘a gnostra
Maria Che ve ‘nquartate a fa’, sapisseve quanno giacchette ‘e paglietta aggio arrepezzato cu ‘o cottone janco…
Giuvanne E io po’ aggio tignuto cu ‘a gnostra!
Notaio Giacche di pagliette, non di notai! E’ meglio ca me ne vaco! (Via fondo)
Giuvanne Aspettate, nun me lassate, vengo cu vvuje! (Lo segue)
Maria Quanno so’ quequere, parono don Titto e ‘o cane! (Ride) Ah…ah..
Scena XII (Meniello – Totonno – Maria)
Maria Va truvanno pecché Giuvanne sta azzeccato cu ‘o nutaro e nun ‘o vo’ lassà!
Meniello (Entra dal fondo seguito da Totonno)
Maria Famme sentì che diceno ‘sti dduje. (Entra in bottega, poi fa capolino dalla finestra)
Totonno Allora che vuò fa’?
Meniello L’uovo, che pozzo fa’? M’accido…’E cose se so’ ‘mbrugliate assaje e nun se ponno sbruglià cchiù!
Totonno Si me staje a sentì, Annella è ‘a toja!
Menniello E comme? Parla!
Totonno Porzia sta tutta ‘nfucata pe’ te e io pe’ a fa sta cuieta, l’aggio ditto ca stasera te faccio saglì p’a funesta dint’a stanza soja accussì la comprometti e pateto, vo o nun vo’ te l’adda fa’ spusà….
Meniello Ah, aggio capito…ascussì Annella, sempe si nun m’accide primma, m’ddiventa figlia e no mugliera! Tu ‘e perze ‘e cervelle!
Meniello Nossignore, aggio fatto tutto chesto pe’ fa’ accuità a Porzia, e mo’ si me staje a sentì, Annella sarrà ‘a toja!
Meniello Dateme n’ata capa…io traso dint’a stanza ‘e Porzia ‘e notte e me sposo cu Annella?
Totonno Uffà! T’aggio cuntato chello c’aggio ditto a Porzia, ma no chello ca faccio!
Meniello (Paziente) Che faje?
Totonno ‘A scala ‘a metto pe’ te fa’ saglì dint’a stanza d’Annella….
Meniello (Interessato) E po’?
Totonno E po’ te l’aggio a dicere io chello che ‘e ‘a fa?
Meniello E si Annella nun vò’?
Totonno Te vaje a ghittà a mare…Ma comme nun vò, chella te vo bene e po’ ‘e ‘a sapé tu comme ‘e ‘a fa’ pe’ ‘a convincere….
Meniello Nun ‘o saccio si ne so’ capace…
Totonno Ma nun fusse bbuono? Allora primma ‘e te jttà a mare, miettete ‘na preta ‘nganno! Io me ne vaco….
Meniello No, nun me lassà….si nun ce sta ato ‘a fa’, faccio comme dice tu!
Totonno Finalmente! Mo’ vattenne, fatte ‘nu bello quartino ‘e vino pe’ piglià curaggio e aspettame ‘o puntone ‘o vico e lassa fa a me!
Meniello Sto dint’e mane toje, io vaco! (Via fondo)
Totonno Caro Meniello, t’aggio fatto sale e pepe: te cride ca te faccio saglì dint’a stanza d’Annella, ma primma te ‘mbriaco e po’ te faccio saglì dint’a camera ‘e Porzia, accussì tu te piglià ‘a vecchia e io Annella! (Via nella taverna)
Scena XIII (Maria – Porzia)
Maria (Dalla finestra) ‘E capite a ‘stu ‘mbruglione? E’ nnammurato ‘e Annella e vo fa’ scemo pure ‘o compagno suojo! Mo l’acconcio io pe’ feste… (Chiama) Donna Porzia, donna Porzia….
Porzia (Esce dalla Taverna) Che d’è Marì?
Maria V’aggio ‘a parlà, aspettate ca mo scengo…(Via)
Porzia Che vò mo chesta ‘a me? Io tengo’o core dint’o zucchero pe chello c’adda succedere stanotte …..(Brivido) Br…Me sento ‘e friccichià tutta quanta….(Trema)
Maria (Esce) Che d’è donna Po’ ve sentite male?
Porzia No, niente…Marì che buò, spicciate che tengo che fa’!
Maria (Tendenziosa) V’avite appriparà pe’ stanotte?
Porzia (Sorpresa) Che vaje dicenno? E po’ che ne saje?
Maria Pe’ combinazione aggio ‘ntiso a Totonno ca parlava cu Meniello…
Porzia Pe’ combinazione?
Maria E se sape, pe’ chi me avite pigliata, pe’ ‘na ‘mpechera?
Porzia Noo, e allora, parla!
Maria Aggio ‘ntiso a chillu ‘nfamo ‘e Meniello….stanotte adda trasì pe’ ‘o balcone, dint’a camera vosta…
Porzia (Toccata) Qua’ balcone…qua’ camera..
Maria Chili duje fetente se so’ mise d’accordo che ‘a scala ‘a mette sott’o balcone d’Annella accussì chello ca ve aspettate ca succede cu vuje, succede cu Annella e vuje restate diuna, morta e famme e cu’ ‘a vocca asciutta!
Porzia (Irata) ‘A vocca me ‘a nfonno cu ‘o sango suojo!
Maria Nossignore, ve putite vendicà cu ‘o stesso ‘mbruoglio lloro!
Porzia E comme?
Maria Stasera cu’ ‘na scusa cagnate cammera cu Annella, accussì Meniello trase, ma sempe a vuje trova e vuje avite ‘o fatto vuosto!
Porzia E brava ‘a Maria: si’ figliola, ma ‘a saje cchiù longa ‘e me. Mo me ne traso e faccio comme ‘e ditto tu!
Maria Facite ‘a cosa cchiù bella de ‘o munno! (Sospira) Ah, biata a vuje!
Porzia Maria mia te songo obbligata! (A parte) Ih che me sento ‘ncuorpo, mo’ scoppio! (Via nella taverna)
Maria E’ fatta! ?(Rivolta a Porzia) ’E voglia d’aspettà….Meniello va dint’a stanza toja ma trova Annella! Meniello mio t’aggio vuluto tantu bene ma mo nun te voglio cchiù: so’ figliola e pozzo aspettà….Mo’ aggio a sulo pensà a me levà ‘a tuorno chillu scemo ‘e Giuvanne! (Soddisfatta) Ah! (Via in casa)
Scena XIV (Ambrogio – Notaio – Giuvanne)
Notaio (Entra dal fondo con Giuvanne attaccato alla giacca) E vide si me lassa…
Ambrogio (Li vede, ride) Ah…ah…ah…
Notaio Mio signò pe’ piacere, levatame ‘sta zecca ‘a cuollo si no nun ‘o saccio che ‘o faccio…(A Giuvanne) E lassame ca me staje scassanno….’a giacchetta!
Ambrogio (Ride) Ah…ah…ah…
Notaio E redite redite ca mo ve ‘o sceruppate vuje e rido io…. So’ ddoje ore ca me fa’ cammenà ca pare ‘nu sapunaro comme a isso!
Giuvanne Ma io ve ‘a voglio accuncià!
Notaio Ma va a fa’…’e pezze!
Ambrogio Notà’, lassate perdere! (A Giuvanne) Giuvà, viene cu mmé, te ‘a dongo io ‘a mugliera!
Giuvanne Vuje m’avite pigliato a male parole, m’avite cuffiato!
Ambrogio Ma io aggio pazziato….mo’ lassa sta ‘o nutaro!
Notaio Allora me ne posso andare?
Giuvanne No, si no ‘a scrittura chi me ‘a fa?
Notaio Ma tu te credisse che sto al tuo servizio? Mo è troppo, lascia!
Giuvanne No…(Ad Ambrogio) Che dicite, ‘o lasso?
Ambrogio Se sape! Notà aggiate pazienza, mo’ chiammo a Maria.
Notaio E ghiammo bello, che ‘a stammatina nun aggio fatto niente!
Ambrogio (A parte) S’è sulo abbuffato!
Scena XV (Maria – Ambrogio – Notaio – Giuvanne)
Maria (Uscendo) Oj pa’..
Ambrogio Ah, staje ccà? Jammo bello, levammece ‘stu pensiero cu masto Giuvanne….Nutà, Jammo ‘ncoppa!
Notaio Mi dispiace, ma non ho i documenti adatti per redigere l’atto. Prenderò solo qualche appunto….Andiamo su….
Maria ‘Nu mumento…(Al padre, a parte) Tu tiene ‘stu fatto ‘ncapo e nun te accorge ‘e chello ca te stanno facenno Totonno, Meniello e Annella.
Ambrogio Che me stanno facenno?
Maria Fanne j’ ‘o nutaro, taggio a dicere ‘na cosa assaje ‘mpurtante.
Ambrogio Che ato è stato? (Al notaio) Nutà’. Facimmo ‘na cosa: mò’ è tarde, ve ne jate e ‘a scrittura ‘a priparate cu’ calma: ce vedimmo dimane matina, facimmo colazione ‘nzieme e chello che s’adda fa’ se fa!
Notaio Colazione, colazione, voi pensate solo a mangiare…
Ambrogio Vide chi parla..
Notaio Io mangio come un uccellino, non mi abboffo come fate voi, io vado…
Ambrogio Uccellino? Ma faciteme ‘o piacere!
Giuvanne Ambrò’, io vaco cu ‘o nutaro? (Prende il notaio per la manica)
Ambrogio Si, va…va….!
Notaio E levateme ‘sta pittima ‘a tuorno…(A Giuvanne) E lassa…
Giuvanne Ve lasso basta ca me date ‘a mugliera!
Notaio Tu si’ nato pe’ ‘a schiuvazione d’e peccate mieje, nu te voglio vedé cchiù…Me ne vaco!
Giuvanne E io v’afferro! (Lo prende per un braccio)
Notaio E io te scasso ‘a capa1 (Via per il fondo)
Giuvanne Aspettateme…(Segue il notaio)
Scena XVI (Maria – Ambrogio)
Maria (Al padre) E tu me vulisse da’ a chillo?
Ambrogio Meglio ca niente!
Maria Meglio niente! Stamme a sentì:’o ssaje ca Meniello se vo ‘nzurà cu Porzia?
Ambrogio ‘O saccio!
Maria Nun è ‘overo: è nnammurato d’Annella e ‘nzieme a Totonno vò’ ‘mbruglià a Porzia..
Ambrogio E comme?
Maria Le ha fatto credere ca Meniello stasera, trase pe’ ‘o balcone suojo dint’a stanza soja e invece chillu caliota va addu Annella!
Ambrogio Che ‘nfamo!
Maria Io aggio avvisato a Porzia accussì essa cagne stanza e se ‘ncontra cu Meniello dint’a camera ‘e Annella!
Ambrogio Brava, ‘e fatto proprio bbuono, ma mo me ‘o veco io: piglio ‘o curtiello….
Maria Qua’ curtiello! Va a chiammà ‘e guardie accussì Meniello vene ‘ncucciato cu Porzia e se l’adda ‘nzurà a forza!
Ambrogio ‘Stu fatto me piace assale!
Maria Accussì Annella addiventa ‘a toja!
Ambrogio Trasimmo tutte cose a via ‘e dinto! (Comincia ad entrare la merce)
Maria T’aiuto…(Lo aiuta)
Ambrogio Hanno ‘a fa’ ‘e cunte cu’ mmico…
Maria L’e fa’ pavà tutte cose!
Ambrogio E bravo a Totonno, taggio a fa’ ca manco ‘e cane te addorano!
Maria E ffaje bbuono!
Ambrogio Tu vattenne a via ‘e dinto.
Maria Sissignore, tu tuorne ambresso e fa’ cose bbone!
Ambrogio Che piezzo ‘e caliota! (Via dal fondo)
Maria Ah! Va a chiammà ‘e guardie va, accussì ‘ncocciano a Meniello cu Annella, Porzia nun po’ fa’ niente cchiù e l’adda fa’ ‘mmaretà a forza cu Meniello e tutto va a posto: io nun me piglio a Giuvanne e patemo nun se ‘nzora cu Annella (Soddisfatta) Ah! (Via in bottega)
Scena XV II(Totonno – Porzia – Cosimo)
Porzia (Sparecchia la tavola - A parte) Che ‘nfamo! Fa ambresso ca è tarde, muovete!
Totonno E me sto muvenno….
Cosimo (Esce dala bottega e inizia a ritirare la merce) Addò sta chillu sfaticato, aggio ‘a faticà sulo io comme a ‘nu ciuccio!
Totonno (Zitto a Porzia, alludendo a Cosimo) ‘A sanguetta va ‘e pressa stasera…
Porzia Accussì me pare..(A parte) Ciente vote fauzo! (Riferendosi a Cosimo)…Mo veco si me ‘o pozzo aggarbà…(A Cosimo) Cuò, vuò ‘n’aiuto?
Cosimo (Scortese) Nun aggio bisogno!
Totonno (Gentile) Vuò ‘nu poco ‘e tabacco?
Cosimo Nun fumo!
Totonno Allora famme appiccià a me!
Cosimo Te desse fuoco, ma nun ne tengo!
Porzia Pecché si’ accussì sgraziato?
Cosimo Pecché accussì so’ fatto e me piace…(Cambia tono) ma che bulite ‘a me stasera?
Porzia (Mielosa) Te vulevo fa’ sapé ca cu’ tutto ca nun m’è vuluto da’ ‘a figlieto, io te so’ schiavuttella!
Cosimo E’ acalate ‘e scelle pecché vuò a figliemo, è ‘overo?
Porzia Eh!
Cosimo (Ironico) E mo te ‘o manno, ma nun me ‘o cunsumà!
Porzia (Raggiante) Me ‘o manne?
Cosimo (Sfottente) Siii…..
Porzia Me staje cuffianno?
Cosimo Fa tu!
Porzia (Cercando di rabbonire Cosimo) Cuò, viene a via ‘e dinto…..Chesta è tutta robba toja e de figlieto!
Cosimo Nun voglio niente, pecché a figliemo nun te ‘o dongo!
Porzia (Impettita) Chesto po’ ‘o vedimmo!
Totonno Padrò, vattenne a via ‘e dinto ca a chisto, vecchio e bbuono, l’ abboffo ‘e pacchere…
Cosimo …Cu ‘a ricotta…Vattenne buffò….
Totonno (Fa per avventarsi su Cosimo)
Porzia (Lo trattiene) Lassa sta Totò, è inutile! S’è fatto tarde e io me ne traso! (Entra nella taverna) Bona notte!
Totonno Bonanotte padrò, ma no ‘a nuttata che t’aspiette! (Riferendosi a Cosimo) ‘Stu vecchio rattuso, puozze essere acciso tu e mammeta! (Via dal fondo)
Scena XVIII (Cosimo)
Cosimo ‘E capito? Chisti dduje, ‘nzieme a chillu bellu coso ‘e figliemo me vonno fa’ scemo! Sarriano capace ‘e me accidere pe’ se piglià chillu poco ca tengo! Mo’ me ne traso, me chiudo ‘a dinto e chi s’è visto, s’è visto! (Entra in bottega e spegne la luce)
Scena XIX (Ambrogio e due guardie poi il notaio e Giuvanne)
Ambrogio (Alle guardie) Allora avite capito buono? Appustateve llà dreto e aspettate ca chill’amico saglie cu ‘a scala ‘ncopp’o balcone: io m’apposto a chell’ata parte e appena ‘o merlo è trasuto dint’a stanza, io ve faccio ‘nu sisco e vuje venite!
(Cenno di assenso delle guardie che vanno a posizionarsi)
Notaio (Entra dal fondo seguito da Giuvanne)
Giuvanne (Con in mano una lanterna accesa segue il notaio)
Ambrogio Chi è cu ‘sta lanterna’ Ah, ‘o nutaro e Giuvanne: (A Giuvanne) Giuvà stuta ‘sta lanterna, stuta!
Scena XX (Giuvanne, il notaio – Ambrogio)
Giuvanne Ma….
Ambrogio ‘A vuò stutà si o no?
Giuvanne (Non lo ascolta) Ambrò ccà sta ‘o nutaro!
Notaio Signor Ambrogio sono a vostra disposizione!
Ambrogio ‘A vuò stutà ‘sta cosa? (Prende la lanterna e la spegne)
Giuvanne Uh chillo l’ha stutata, (Piagnucola) a me ‘o scuro me fa paura!
Notaio D’altronde perché stare al buio?
Ambrogio Nutà, nun ve preoccupate e lassateme fa! Mo’ vedite ‘na bella cosa!
Giuvanne Ambrò, nun putimmo primma mettere a posto ‘o fatto cu’ Maria?
Ambrogio Doppo, doppo, mo’ avimmo ‘a fa’ ‘na cosa cchiù ‘mpurtante!
Giuvanne (Piagnucolando) Cchiù ‘mpurtante ‘e Maria mia?
Notaio Eh?
Ambrogio Mamma mia bella, me staje levanno ‘a salute ‘a cuollo!
Notaio Bravo! Pensate a me ca me ‘o sto sciruppanno ‘a stammatina!
Ambrogio Si nun te staje cuieto levo tutte cose ‘a miezo e a Maria te ‘a suonne!
Giuvanne Sto cuieto…sto cuieto…zitto e cuieto!!
Ambrogio Bravo! Nutà, aggiate pazienza, mettimmoce ccà dreto!
Notaio Non ho capito cosa dobbiamo fare!
Ambrogio Po’ ve ‘o spiego, mo’ venite!
Giuvanne Vengo pur’io?
Ambrogio E se sape, viene!
Giuvanne (Nel muovere il primo passo pesta un piede al notaio)
Notaio Ahh, all’anema ‘e mammeta, m’è scarpesato ‘o calluccio ‘ncopp’o retillo!
Giuvanne Nun l’aggio fatto apposta, dint’o scuro nun ce veco!
Ambrogio Ne facisse una bona. Viene a ccà e nun fa’ ati guaje!
Notaio (Si lamenta) Ahi, m’e acciso, disgraziato….(Escono dal fondo e ogni tanto fanno capolino)
Scena XXI (Meniello – Totonno – Notaio – Ambrogio – Guardie)
Meniello Totonno mio, cchiù m’avvicino e cchiù me sento ‘e sbattere ‘o core e mancà ‘e forze!
Totonno Fa ll’ommo, cammina!
Meniello Ma si Annella nun me fa trasì e accummencia a’ alluccà?
Totonno Tu appena ’a vide astregnela forte, nun ‘a fa’ parlà, dille ca sulo accussì ve putite spusà…essa se convince e ‘o fatto è fatto!
Meniello E si ‘a fenesta sta chiusa?
Caposecco Vottala ca s’arape, ‘o lucchetto è rutto! (Appoggia la scala alla taverna sotto il balcone della stanza di Porzia) Saglie!
Meniello Me metto paura! Me gira ‘a capa!
Totonno E se sape, te’ si fatto ‘nu litro ‘e Gragnano!
Meniello Me l’e fatto vevere tu!
Totonno Io avevo ditto ‘nu quartino, no ‘nu litro!
Meniello Ma pe’ piglià curaggio!
Totonno Saglie ca dimane se sbruvogna ‘o fatto, e Annella t’è mugliera, saglie!
Meniello (Incomincia a salire, guarda in alto. Frastornato) Ma chesta nun é ‘a stanza ‘e Porzia?
Totonno Se vede ca staje ‘mbriaco, saglie!
Meniello Ma tu nun me lassà sulo!
Totonno Nun me movo ‘a ccà, saglie!
Meniello (Continua a salire) Nun saccio si arrivo vivo llà ‘ncoppa!
Totonno E muovete, si’ arrivato?
Meniello (Spinge i vetri che si aprono ed entra. Si affaccia) So’ trasuto. (Via)
Totonno Ah finalmente è fatto! Te cride ‘ truvà ‘a figliola e invece truove ‘a ufera! Io mo me ne vaco addu Annella. (Scosta la scala dal muro, va sotto il balcone di Annella, la posiziona e si accinge a salire)
Ambrogio Capurà, capurà, afferratelo!
(Le guardie eseguono)
Totonno Ch’è stato? (Vede Ambrogio) Ambrò songh’io, Totonno!
Ambrogio Brutto caliota, disgraziato, pover’ommo, traditore…..
Totonno Niente cchiù, ce l’haje cu me?
Ambrogio E cu chi se no? Mo’ vene ‘o bello! Capità, levate ‘a scala e trasimmo pe’ ‘a porta…Tuzzuliate…..
(Le guardie bussano)
Scena XXII (Porzia dalla finestra, detti e Maria dall’altro balcone)
Porzia (Si affaccia al balcone, è in camicia da notte) Chi è, ch’è stato?
Maria (Ride) Ah…ah….mo’ vene ‘o bello!
Ambrogio Arape, ce stanno ‘e guardie!
Porzia E che vonno ’a me?
Ambrogio ‘O ssaje e ‘o sapimmo pure nuje…Arape!
Porzia (Sorpresa) E che saje?
Maria Tutto, arape ca l’avimmo visto ‘e saglì!
Porzia Chi?
Maria Meniello!
Porzia Meniello, e addò sta? (Guarda la camera di Annella, capisce tutto) Uh…Annella….Annella….(Entra)
Totonno ‘Stu fatto nun me convince,
Ambrogio (Strattona la porta) E vide si arape!
Porzia (Strilla da dentro) Nun po’ essere…nun po’ essere….
Giuvanne Nutà sentite comme allucca!
Porzia (Si affaccia) Povera a me….Annella s’è ‘nzerrata dint’a stanza soja e nun arape…..Disgraziata….caliota…..fa chesto a mamma toja…..(Agli altri) Mo’ scengo.
Ambrogio (A Totonno) Ma addò è trasuto Meniello?
Totonno (Sgomento) E che ne saccio? (Piagnucolando) Mo’ è proprio fernuta!
Scena XX III (Meniello – Totonno – Giuvanne – Notaio – Ambrogio –Porzia)
Meniello (Si affaccia al balcone e si rivolge a Totonno) Totò, mietteme ‘a scala.
(Le guardie posizionano la scala)
Giuvanne (Tira il notaio) Nutà che sta succedendo?
Notaio (Alza gli occhi al cielo) Famme ‘a grazia d’o fa ciuncà…
Meniello (E’ sceso dalla scala) Ma che è successo? (A Totonno) Traditore!
Totonno So’ traditore pecché me so’ traduto sul’io!
Porzia Allora che è successo?
Ambrogio Puverella nun ‘o ssaje? ‘Stu bellu coso (Indica Meniello) sta scennenno d’a camera toja!
Porzia (A parte sospira) Vulesse ‘o cielo. (Cambia tono) Nun aggio visto a nisciuno. (Ad Ambrogio) Vide ca s’è fidata ‘e fa’ figlieta!
Ambrogio Che ce azzecca Maria?
Porzia Figlieta m’ha ‘ngannata: m’ha fatto cagnà cammera cu Annella.
Totonno (A parte) Mannaggia chi l’ha allattata.
Ambrogio Mo’ Maria m’adda spiegà…(Chiama) Marì…Marì….
Maria (Si affaccia) Che vuò?
Ambrogio Scinne.
Maria Mo’ scengo.
Meniello (A parte) E mo’ chi m’aiuta?
Porzia Adda venì pure chella disgraziata…(Chiama) Annella….Anné….scinne…. scinne…
Scena XXIV (Annella – Porzia – Notaio – Maria – Totonno – Ambrogio – Meniello)
Annella (Si affaccia) No, no e no, nun voglio scennere!
Porzia E comme staje arraggiata, avisse ‘a tené ‘o core dint’o zuccaro….
Annella ‘O tengo, nun aggia da cunto a nisciuno, ma nun scengo!
Notaio Scendete, non abbiate paura, ci sto qua io!
Annella E va buono, scengo! (Via in camera)
Maria (Esce dalla bottega) Sto ccà!
Ambrogio Ch’è ditto a Porzia?
Maria Chello ca aggio sentito ‘e dicere ‘a ‘sti dduje caliote!
Ambrogio E che è ‘ntiso?
Maria ‘O ‘mbruoglio ca vulevano fa’….(A Meniello) Parla tu mo’….
Meniello (Sconfortato) E che aggio a dicere?
Notaio Occorre chiarire bene tutto….
Annella (Esce dalla taverna)
Notaio Ah ecco Annella!
Porzia Figlia svergognata!
Giuvanne (Ad Ambrogio) Ma facimmo primma ‘o fatto mio…
Ambrogio Chisto me sta levanno ‘a salute!
Notaio A me me ha ‘nfracetato ‘e ‘ntestine…..(A Giuvanne) Statte cuieto che dobbiamo chiarire prima quest’altro fatto.
Totonno Mo’ dico tutte cose, tanto pe’ me è fernuta ‘a festa! Vulevo fa scemo a Meniello pecché addu Annella ce vulevo j’ io!
Meniello Tu che ce trase cu Annella?
Totonno Ce traso: io ‘a voglio bene cchiù ‘e tutte quante, pirciò so’ venuto a faticà ccà, ma io so’ figlio ‘e padrone…..patemo è ‘o canteniere ‘e Nola….
Ambrogio Chi, Michele?
Caposecco Si! Venenno a Napule aggio cunusciuto Annella, me ne so’ nnammurato e, cu ‘a speranza ca pure essa me putesse vulé bene, aggio fatto tutti ‘sti ‘mbruoglie e aggio ditto bucie a tutte quante….
Porzia ‘Nfamo ‘mbruglione…(Ad Annella) E pure tu vuò bene a Meniello?
Annella Si!
Porzia (Falsamente dispiaciuta) Quanto me dispiace, ma Porzia tene ‘na parola sola! (Ad Ambrogio) Annella l’aggio prumisa a te e te ‘a dongo!
AImbrogio E io nun me ‘a piglio pecché nun voglio chi nun me vò! Daccela a Meniello suojo!
Notaio Donna Porzia è giusto così: vi dovete rassegnare!
Porzia Rassignà….rassignà…..(A Maria) Nun te putive fa ‘e fatte tuoje? (Ad Annella) Figlia disgraziata pe’ colpa toja….
Annella Mia? ‘A colpa è ‘a toja, io nun sapevo niente…Quanno me aggio truvato annanze a Meniello m’aggio ‘ntiso ‘e murì, stevo alluccanno ma isso (Languida)….me ha fatto sta zitta…
Porzia (Tendenziosa) Chissà comme ha fatto…..te si stata zitta pecché te faceva piacere!
Meniello Stateme a sentì….
Porzia (Piange) ‘Nfamo traditore.
Meniello Mo nun ce sta cchiù niente ‘a fa’: accettateme pe’ figlio, ca meglio ca pe’ marito….
Porzia (Piagnucola) Marito sarria stata n’ata cosa!
Notaio Allora concludiamo?
Ambrogio Che vulite concludere, (Indica Annella e Meniello) hanno già concluso tutte cose lloro!
Notaio (Alle guardie) Sic stantibus rebus ve ne potete andare: “Et cessat officium giudicis quando partes conveniunt!”
Giuvanne Nutà pecché parlate marucchino, faciteve capì!
Notaio Cosa vuoi capire? ? ‘O fatto è fatto e io nun servo cchiù!
Meniello (A Porzia come un bambino) Allora mammà mo’ me sposo cu Annella e tu me ‘a vulé bene comme a ‘nu figlio!
Porzia Io te scummasso ‘e sango
Annella Mammà perdonalo e si me ‘o faje spusà te so’ sempe serva! E po’ me l’aggia spusà a forza…(Mostra la pancia) Me piglio a Meniello, ma te dongo ‘nu nipote!
Porzia E che l’è’ fatto cu’ ‘o criscito?
Annella No, è già ‘nu mese ca so’ mamma!
Meniello E nun me avive ditto niente!
Annella L’aggio saputo sul’ogge!
Porzia E’ capita ‘a santarella? Comme stanne ‘e cose, nun pozzo dicere cchiù ‘e no e po’, pensannoce bbuono Meniello è troppo guaglione pe’ ‘na femmena comme a me!
Ambrogio Allora aggio perzo ‘a mugliera ma è giusto accussì,, ma mo’ avimmo ‘a vedé che ne pensa Cuosemo….
Meniello E che po’ dicere?
Notaio Niente, però è meglio che ci parli Totonno…(A Totonno) Va…va…
Porzia E chillo mo’ te risponde, s’è ‘nzerrato ‘a dinto!
Totonno E io scasso ‘a porta, mo’ piglio ‘nu palo ‘e fierro….
Scena XXV (Cosimo – Ambrogio – Notaio
Meniello – Porzia – Giuvanne – Maria – Annella – Totonno)
Cosimo (Esce come una furia dalla bottega) Che vuò scassà, mo te scasso io ‘a capa!
Notaio Calmatevi perché devo darvi una bella notizia: vi annuncio il matrimonio di vostro figlio Meniello con la signorina Annella.
Cosimo Ma che bella notizia! (Con violenza a Meniello) Damme ‘a robba mia!
Notaio Che animale!
Meniello E’ robba mia, me l’aggio faticato.
Cosimo Taggio dato a mangià e t’aggio vestito….spuogliate!
Porzia E dancelle ‘sti quatto pezze ca te vesti io comme a ‘nu signore, e pe le fa’ dispetto te dongo pure ‘a dote!
Cosimo Qua’ dote, tu tiene sulo perucchie! (A Meniello) T’aggio ditto spuogliate!
Annella T’e pavammo ‘sti quatto mappine, quanno vuò?
Ambrogio (A Cosimo) ‘A vuò fernì tu ‘e ‘sti quatto pezze? Chillo va miez’o bene…..
Cosimo Mmiez’o bene? Tu ‘e ditto ca nun tene manco ‘o…
Annella Tene tutte cose….
Notaio Cosimo non essere volgare!
Porzia Cu’ chello ca tengo io t’accatto a te, ‘a figlieto e a tutta ‘a robba toja! (Gli butta delle monete) Tié’, muorto ‘e famma!
Cosimo (Raccatta le monete) Facite chello ca vulite.
Notaio Ih che sanguetta!
Giuvanne (Strattona Ambrogio) E io Ambrò?
Ambrogio Levateme ‘sta pittima ‘a tuorno (A Maria) Facimmo ambresso.
Maria Che cosa?
Ambrogio Tu m’e prumiso ca si Meniello se ‘nzurava, tu te mmaretave cu’ Giuvanne.
Maria Si se ‘nzurava cu’ Porzia! E po’ ve pare ca ‘na figliola comme a me, se po’’ piglià ‘nu vecchio?
Notaio Mi pare che la ragazza abbia ragione!
Ambrogio Nutà comme aggio ‘a fa’? S’adda mmaretà, ‘Nu pate vo’ vedé ‘a figlia sistimata!
Maria (Piagnucolando) Cu’ nu vecchio! (Si morde le labbra e si asciuga gli occhi)
Totonno (Le va incontro, le prende le mani e canta) Marì….
MARI'
(Testo e musica di Umberto Castaldi)
Chist'uocchje nire e 'nfuse,
'sti labbra muzzecate,
me vonno fa capì,
chello ca nun vuò di'!
Chi mo te fa 'mpazzì,
'e n'ata è nnammurato,
ma tu nun te daje pace
e suoffre comme a che!
Nun chiagnere Marì,
'sta vita nun po' gghì
pe sempe e sulamente
accussì!
Marì nun ce pensà
e si 'a pena vuò sanà,
'a voce 'e n'atu core
sta a sentì!
Suffrì nun serve a niente
cercate n'atu ammore
ca te po' fa' scurdà
ma si te guarde attuorno
tu certo può truvà,
chi te po' sta' vicino,
senza farte penà!
Giuvanne Totò, nun aggio capito, che vuò?
Totonno Ambrò Maria me piace, dammella a me…tu ‘o ssaje io sto buono a denare!
Giuvanne Ojnì fatte a llà!
Notaio Zitto tu!
Ambrogio (A Totonno) Guagliò io che ne saccio? (A Maria) ‘O vuò a chisto?
Totonno Sta jttanno ll’uosso ‘o cane!
Giuvanne Neh Ambrò che staje facenno?
Notaio E vide si sta zitto….
Totonno Allora?
Maria Che ne saccio, si ‘nu bello guaglione, io te vulesse ma nun voglio venì’ a Nola!
Ambrogio Qua Nola? Parlo io cu ‘o pate, ‘o conosco ‘a tantu tempo, le faccio da’ ‘a dote soja e cu’ chello ca ve dongo io, ve arapite ‘na bella taverna a Napulei
Totonno I’ ce stongo, che ne dice, Marì’
Porzia Marì nun fa ‘a sostenuta, accetta…(A parte) Vulesse a me?
Maria E va buono! (Si avvicina a Totonno e gli sorride)
Totonno (Le prende la mano) So’ felice, fatella mia!
Giuvanne (Ad Ambrogio) Neh uhè accussì me levate ‘a pulpetta ‘a dint’o piatto e me facite remané riuno e morto e famma? Nun sta bene!
Ambrogio Tu che vuò a me…chella nun t’ha vuluto!
Scena XXVI (Gli stessi – Ntunetta)
Ntunetta (Entra dal fondo) E pecché, jettava l’uosso ‘o cane a nennella? (A Giuvanne) Cu te facimmo ‘e cunte ’a casa…T’aggio accidere, t’aggio a fa’ ca manco ‘e cane t’addorano, t’aggio….
Ambrogio Calmateve onna ‘Ntunè, che ce po’ fa ‘o guaglione, vuje femmene site strane: nun ve pigliate maje a chi ve vò…..
Ntunetta Quanno uno è n’ommo overo quanno vò ‘na femmena ‘o sape comme adda fa’
pe’ sa piglià, (A Giuvanne) ma tu nun vaje tre solde e nisciune te piglia….(Da un urlo) Ahhhh, manteniteme si no l’accido….(Si avventa su Giuvanne)
Totonno (Cerca di fermarla) Calmateve onna ‘Ntuné, fermateve…..
‘Ntunetta Statte ferme cu ‘e mane, rattuso….cu ‘a scusa ‘e me fermà, te piglie ‘o passaggio…..
Maria Accumminciammo bbuono…..(si avventa su Totonno e lo picchia)
Totonno (Cerca di sottrarsi alle botte fuggendo) Ma qua’ passaggio, io tengo certe farfarielle pe’ ‘a capa!
Ambrogio (Cerca di fermare la figlia) E calmate pure tu, ih comme state ‘nfucate!
Giuvanne (Esaltato) ‘Nfucata, accussì ‘a voglio ‘a femmena, ’nfucata, pecché saccio io comme l’aggio ‘a stutà!
Ntunetta Ma chella nun te vo’!
Giuvanne E c’aggio ‘a fa’? Aggio capito! Me accido, accussì moro e nun tengo cchiù pensiere…..voglio murì (Piange) Ih…ih…ih….
Porzia Puveriello me fa pena….Jammo calmate, nun fa niente….
Ntunetta Niente? Nun turnà ‘a casa si nun porte ‘a mugliera…..
Giuvanne Continua a piangere) Ih….ih….ih….
Porzia E ghiammo calmate…Vuò ‘na mugliera? (Invitante) Che dice vulisse a me?
Totonno Approfitta Giuvà’….
Notaio E’ un’ottima soluzione…..
Cosimo Faje ‘n’affare….
Maria Che d’è, ce pienze pure?
Annella Mammà è ancora giovane e bella…
Giuvanne (A Porzia) Ma si’ bbona pe’ mugliera?
Porzia (Pavoneggiandosi a tutti) Vuje che dicite?
Tutti E’ bona assale…
Notaio E’ bonissima!
Giuvanne Allora me ‘a piglio (Le da la mano e ride da ebete) Eh…eh…eh….Mammà che dicite? Site cuntenta….Eh….eh..eh….
Ntunetta (La squadra dalla testa ai piedi, poi con sufficienza) Po’ passà!
Giuvanne (Batte le mani come un fanciullo) Aggio truvato ‘a mugliera….aggio truvata ‘a mugliera..
Porzia (Disgustata a parte) Chisto è scemo ‘overo…..ma meglio ca niente! (Ride anche lei sullo stesso tono) Eh….eh…eh…
Ntunetta Visto ca ce trovammo, a me nisciuno me vo?
Notaio (A parte) Certo il bocconcino è ancora appetitoso…..(A ‘Ntunetta) Sapete cucinare?
Ntunetta Quanno cucino io ‘a gente s’allecca ‘e mustacce!
Notaio E allora mi sono accorto improvvisamente di essere innamorato di voi e vi voglio sposare!
Ntunetta E pur’io ve voglio!
Tutti (Applaudono) Auguri…auguri e figli maschi!
Notaio Si l’amore va bene, ma s’è fatto tardi e la pancia reclama…(A Ntunetta) Va a cucinare cuoca provetta,….stasera avrai il piacere di avere alla tua tavola il tuo futuro sposo!
Porzia Addò jate? Festeggiammo ccà tutte ‘nzieme, mettimmo ‘a tavula!
Notaio Ma non è il caso….appena appena ‘na marennella…io mangio….
Tutti Comme ‘n’aucelluzzo!
Notaio Proprio!
Cosimo E gghiammo bello ca io sto diuno e me moro ‘e famma!
Porzia Jammo bello figliò, dateme ‘na mano!
Totonno Mentre apparecchiate io piglio ‘a chitarra….Voglio fa ‘na bella serenata a tutte ‘sti belli coppie….
Cosimo Magnammo primma…
Notaio Si facciamo quest’ultimo sacrificio….Totò canti dopo…
Totonno No, voglio primma cantà! (Prende la chitarra, canta e tutti fanno coro)
CU TUTTO ‘O CORE
(Testo e musica di Umberto Castaldi)
‘Na sera comme chesta
maje c’è stata,
e voglio proprio fa’
‘na serenata,
pecché i’ v’aggio ‘a di’
cu tutto ‘o core
“Ciento ‘e ‘sti juorne
cu’ salute e ammore!”
Ciento ‘e ‘sti juorne
avimmo ‘a festeggià
e senza ce penzà
ce avimmo arricrià;
ciento ‘e sti juorne
senza maje suffrì
e senza maje pensà
ca male ce po’ sta!
E dopo aver cantato
‘a serenata,
‘a voce in verità
s’è un po’ abbrucata,
ma se l’augurio è stato
assai gradito
facitece brindà
dicenno ancora:
Ciento ‘e ‘sti joune
senza maje suffrì
E senza maje pensà
ca ve putite lassà!
Dal fondo escono tre posteggiatori che cantano
CHESTA FESTA
(Testo e musica di Umberto Castaldi)
Comm’è bella chesta festa,
tutta Napule s’è scetata:
tutta ll’aria pare affatata,
pure ‘a luna resta ‘ncantata!
Margellina ‘cu Marechiaro
mo’ l’ammore se mette a fa’…
Le regala ‘na chiappa ‘e stelle,
‘na canzona ddoje o tre lampare…
E ‘stu popolo le fa ‘o ruffiano
e cu’ ‘o pizzo arriso le da ‘na mano!
Dalla sala esce un gruppo di giovani che sale sul palco e insieme agli altri canta
A PIEREROTTA
Testo e musica di Umberto Castaldi
Chesta sera e tutta ‘a notta
Nuje vulimmo sfrennesià,
pe’ cantà cu’ tutta ‘a voce
quanto é bella ‘sta città!
Cu ‘a trombetta e ‘o cuppulone,
nuje turnammo mo’ guaglione
e facendo ‘o votta votta,
l’alleria mo’ certo sbotta!
Cu ‘na grancascia e cu’ ‘nu putipù,
nuje jammo mo’ a ballà addò vuò tu,
‘na tarantella, ca certo sarrà,
cumpagna allera pe’ l’eternità,
ca po’ aiutà, a cchiù niente pensà!
Chesta sera e tutta ‘a notta
Nuje vulimmo spuntà ‘a corta….
Nuje vulimmo cantà,
nuje vulimmo abballà,
ce vulimmo spassà
BUIO
SIPARIO
FINE