www.tittygiannino.jimdo.com
Titty GIANNINO
MASTRU “NO!”
Commedia brillante in 2 atti
2011-12
Personaggi
Francesco Diconò detto Cecco Mastru “no!”
Mela Nipote di Cecco
Gino Marito di Mela
Miki Figlio di Mela e Gino
Felice Altro nipote di Cecco
Betta Moglie di Felice
Caterina detta Kate (all'inglese) Altra nipote di Cecco
Sasà Amico di Cecco
Clementina Infermiera
Dottore Medico
Arcibaldo De Notabilis Notaio
Sinossi
La commedia si svolge a casa di Cecco, un anziano orologiaio in pensione, dal carattere burbero e scontroso. Cecco ha un difetto fondamentale: a tutto risponde sempre di no, da qui il soprannome di "mastru no!", e non riesce neanche a spiccicare le parole "si" e "grazie". I nipoti, sempre presenti nella vita, e soprattutto nella casa, dello zio, che preferirebbe invece rimanere da solo e non averli tra i piedi, hanno come unico scopo quello di appropriarsi della sua presunta ricchezza, nascosta, a detta loro, da qualche parte in casa. Cecco, scoperti i nipoti in flagrante, proprio mentre cercavano in ogni angolo della casa, dopo averli cacciati in malo modo, con l'aiuto dell'amico Sasà e di altri personaggi, con un teatrale stratagemma, fingendo tra l'altro di morire , e grazie anche ad un fantomatico testamento, darà loro una grande lezione, mostrando infine il lato generoso del suo carattere.
Caratteristiche personaggi
CECCO
70enne, mai sposato, ex orologiaio in pensione scontroso e burbero, viene chiamato Mastro “No!” perché risponde sempre di no a qualunque cosa. Possiede una notevole quantità di orologi, sveglie e similari di ogni tipo, che tratta con una cura maniacale.
MELA
40enne, nipote di Cecco, furba e intraprendente.
GINO
coetaneo di Mela
MIKI
Figlio 20enne di Mela e Gino, trasandato e sciatto. Superficiale e poco educato.
FELICE e BETTA
Altri nipoti di Cecco, marito e moglie, un po' scemotti, ridono in continuazione con delle risate fastidiose, da caratterizzare.
CATERINA
30enne, molto snob, imita, nello stile, Kate Middleton e parla con un vistoso, finto, accento inglese. Da caratterizzare.
SASA'
coetaneo di Cecco, di cui è l'amico fedele. Semplice.
CLEMENTINA
Infermiera giovane e sexy.
DOTTORE e NOTAIO
60enni, distinti.
AMBIENTAZIONE
La storia si svolge a casa di Cecco. La scena è divisa in due ambienti in contemporanea: a sinistra la camera da letto, a destra il salottino, separati da una piccola parete.
Camera da letto
A sinistra il letto e attaccato, a destra, prima il comodino e poi l'armadio. Ai piedi del letto la porta dello spogliatoio e alla testa una finestra con tendina.
Salottino
Di fronte a sx una finestra con tendina e a dx la porta d'ingresso alla camera che dà in un piccolo corridoio; davanti la finestra una scrivania rivolta verso il pubblico con 2 sedie davanti, a destra un tavolo e 4 sedie. Le pareti sono piene di orologi di ogni tipo.
ATTO PRIMO
La scena comincia con Cecco che dorme nel letto, dove ai piedi è appoggiata una vestaglia. Sul comodino ci sono numerose sveglie; una dopo l'altra, con sonerie tutte diverse, cominciano a suonare.
CECCO (sentendo suonare le sveglie, senza scomporsi, si siede nel letto e metodicamente e con cura, ad una ad una, le spegne. Poi si stiracchia un po', allunga il braccio e prende la vestaglia, la indossa, apre tenda e finestra. Piove. Richiude la finestra lasciando gli scuri aperti) Sciala populu... chi junnata! Avi tri jonna chi ni dilizia! Jacqua... jacqua e sempri … jacqua! (va nell'altra stanza e anche qui apre le tende e gli scuri. Va alla scrivania, sulla quale c'è uno scatolo, tipo piccola teca, dove ci sono esposti alcuni orologi. Si siede, apre lo scatolo, e, ad uno ad uno, sempre con la massima cura, comincia a dare la corda agli orologi, ammirandoli, magari prendendo il monocolo fatto apposta per guardarli da vicino)
MELA (come voce fuori campo) E' pemmessu, ziu? Sugnu Mela, pozzu 'ntrasiri?
CECCO (infastidito mentre traffica ancora con gli orologi) No!
MELA (si presenta sulla porta) Allura... non mi voi?
CECCO (categorico) No!
MELA Comi voi tu! Jò però... 'ntrasu u stissu!
CECCO (sempre più infastidito) E allura chi mu dumannasti a fari?
MELA (mentre appoggia la giacca su una sedia) Ma … così... intantu pi vidiri s'eri svegliu! Mi rispunnisti... quindi...
CECCO Però... jò... t'avìa dittu i no! Du voti! E no una... dui! Dui! (fa segno con le dita)
MELA Sai chi novità! Tu u “si” non sai unni sta i casa!
CECCO E' pericolosu rispunniri... (farfugliando, senza farlo capire) i... si!
MELA (lo stuzzica) Chi dicisti ziu? Non capìa!
CECCO Nenti … nenti dissi!
MELA Cettu chi diri “si” ti veni propriu i 'nchianata!
CECCO Ah.. Canciamu discussu... chi è megghiu! Com'è chi si sciutta? Cu tutta st'acqua... comi facisti mi non ti bagni?
MELA Fossi fossi tantu svegliu... non si! (breve pausa) Ma chi facisti … tu scuddasti chi jò... staju o pianu i supra?
CECCO (mugugna e non risponde)
MELA E cettu … puru a me casa ti veni... i 'nchianata! E' o pianu i supra...eh... è logicu, no?!
CECCO Finiscila cu sti 'nchianati e sti scinnuti! Insomma... si po' sapiri chi voi ccà... i capu matinu?
MELA Comi chi vogghiu?! Menu mali chi vegnu sempri... tutti i matini! (pausa) Chi dici... u voi u cafè?
CECCO No! E comunqui “u voi” si dici e malati!
MELA Va beni... va beni! Allura... malatu o sanu... jò... t'u fazzu u stissu!
CECCO Ma si ti dissi i no?
MELA Ma tantu jò u sacciu chi tu... 'ntinnivi i “si”! (esce)
CECCO (mentre traffica ancora con gli orologi) Chi camurrìa! Mai chi mi lassiriìnu in paci! Eh! Ma jò u sacciu u picchì! U sacciu eccomi!
MELA (rientra con messo un grembiule da cucina ) Misi a cafittera supra! Mentri spettu fazzu cacchi cosa!
CECCO Non hai nenti i fari! Non tuccari nenti!
MELA Nooo … e picchì? Non mi piaci stari mani 'nte mani!
CECCO A mia non mi interessa si i teni 'nte mani o 'nte pedi o unni voi tu... chiddu chi tu a fari è... nenti! (sottolinea) Nen-ti! Oh! Chiaru?
MELA Chiaru... chiaru! (nonostante tutto, inizia col sistemare la tenda del salottino, chiudendola)
CECCO (si alza spazientito e la riapre) Tu … non ci senti! E i tendi... i vogghiu... apetti! Così!
MELA No... stannu brutti... così! (e le richiude)
CECCO (le riapre) I tendi... hanna stari apetti! Così! Vogghiu chi mi 'ntrasi a luci du suli!
MELA Ma quali suli? Oggi cchiovi! Autru chi lustru i suli.... lustru i luna! Megghiu mi chiudemu! St'acqua chi scinni... fa scurari u cori! Su megghiu... così!(le richiude)
CECCO (le riapre) Lassili apetti... così... ti dissi! Si no.... mi ccupu! E fatti i fatticeddi toi! E si ti scura u cori... ti nni vai! (si risiede alla scrivania)
MELA Va bè! Va bè! Basta cu stu così... così! Cammiti! Vaju a vidiri si u cafè è prontu! (mentre sta per uscire )
CECCO Eccu … brava! Vatinni chi è megghiu!
MELA Sempri garbatu... tu! (esce)
CECCO Ma chi mali fici chi mi l'è vidiri sempri casa casa! Eh! Ma jò u sacciu u picchì! U sacciu eccomi! Ci pari a idda chi non capisciu!
MELA (rientra con una tazzina col piattino) Eccu ccà! Ccà c'è u cafè cauddu cauddu! (appoggia la tazzina sulla scrivania spostando gli orologi)
CECCO Chi fai! Stai attenta! Su preziosi!
MELA (interessata) E' veru ziu? Preziosi su?
CECCO (si corregge e sottolinea fortemente ) Preziosi... pi mia... 'ntinnìa! Chi capisti tu?! Non fici mica u riluggiaru tutta a vita pi nenti! I riloggia erinu e sarannu sempri a me passioni! (rimarca ancora di più) Puru chiddi chi non valinu nenti... comi a chisti! (comincia a bere il caffè) Comunqui... ti spricasti! Mi putivi puttari puru ddu biscuttedda!
MELA E menu mali chi m'avivi dittu chi non ni vulivi! E ora dici chi voi puru i biscuttedda! Na vota si da testa... na vota si di pedi! Non si mai cuntentu!
CECCO Non è veru! Si ti nni vai … sugnu cuntentu!
MELA Ma quantu mi voi beni, ziu!
CECCO U beni è parenti du … (farfugliando, senza farlo capire) … si!
MELA Oh... non ti nesci propriu!
CECCO Non mi giua... pi chistu non mi nesci!
MELA Giua .. giua... eccomi si giua!
CECCO No... no... non mi cunvinci! E' periculosu! E basta!
MELA Picchì... chi fai? Pigghi a scossa? (breve pausa, poi comincia a prenderlo in giro) SI! (e fa finta di aver preso la scossa) Ahia! (Breve pausa) Ti vogghiu beni! (e fa finta di aver preso la scossa) Ahia!
CECCO Basta cu sta cumeddia! (finisce di bere il caffè) Eccu... finìa! Potta sta tazzina 'nta cucina e poi ti nni poi annari! A testa ma rumpisti abbastanza!
MELA Nenti... ziu! Mi fici piaciri chi mi dicisti “grazi”!
CECCO Ma jò... non tu dissi!
MELA Appuntu! Tantu... puru cu chistu pigghi a scossa! Veru ziu? (Breve pausa) Grazi! (e fa finta di aver preso la scossa) Ahia!
CECCO Ma picchì vinisti? Mi mi pigghi in giru?
MELA Nooo! Non sia mai! (Breve pausa) Però si sarivi cchiù gentili... ci guadagnirivi!
CECCO Picchì... si fazzu u gintili cu tìa … mi aumentinu a pinsioni? Pensu propriu di no! Qindi non c'è nicissità di fari u gintili!
MELA Ih! Quantu si pisanti!
CECCO Pi santi... pi l'anciuli.. pi i diauli... pi chiddu chi voi! Però... vatinni i ccà!
MELA No! Non mi nni vaju! Tu miritirivi... però... no fazzu!
CECCO E u sacciu picchì! Tu pensi: jò mi sibbìa a me ziu e quannu mori... mi tocchinu i so soddi! Ti pari chi sugnu scemu e non capisciu? Vecchiu... ma no rimbambinutu!
MELA (punta sul vivo) Ma chi dici!? Tu stai dilirannu!
CECCO (arrabbiato) Ma jò... (sottolinea) … soddi... non n'aju! Facìa u riluggiaru... jò... i riloggia i giustava... jò... no i vinnìa! Mica facìa u gioielleri!
MELA (falsamente sincera e incrociando le dita delle mani ) E bonu! Non ti quaddìari! A mia di to soddi non mi interessa nenti! Si l'hai o non l'hai … non mi interessa nenti!
CECCO Ci cridu picca... jò!
MELA E chi t'è diri?! Cridi quantu voi! (cerca di recarsi nella stanza da letto)
CECCO Unni stai annannu?
MELA Unni vaju!? Tu tu facisti u lettu? No! Tu fazzu jò!
CECCO Ti dissi chi non haju bisognu i nenti! M'a vidu jò!
MELA Ta vidi tu! Ta vidi tu! Ma tu sempri masculu si! Chi sai fari tu? Tu non ti vulisti maritari mai! Ristasti sulu! Cacchidunu t'ava dari na manu!
CECCO N'aju dui! (le mostra) Mi bastinu! Non aju bisognu di nudda autra manu... jò! Poi di toi! E quantu a maritari.... tempu pessu ampressu e fimmini!
MELA “Quannu a jatta non arriva o primuni... dici chi feti!” … e cu ti vulìa a tìa! Cu sta sotta i carattiri chi hai! (entra nella stanza da letto)
CECCO (si alza dalla scrivania e la segue) Non hai mi fai ddocu!
(entrano nell'altra stanza)
MELA Lassa fari a mia chi ti ricettu tutti cosi!
CECCO E i chistu mi scantu jò! No... non si nni parra propria!
MELA (comincia a sistemare il letto) Omu di poca fedi! Picchì non vai e ti vesti... inveci mi mummurii sempri!
CECCO No! I ccà non mi movu si tu non ti nni vai! I me cosi ne vogghiu tuccati!
MELA (si avvicina a Cecco, e con le mani comincia a spingerlo verso la porta dello spogliatoio) Non ti manciu nenti... jò! Ti fazzu u lettu e ti levu na picca i pubbirazzu!
CECCO (entra nello spogliatoio dicendo) Jò mi vestu … ma tu... non tuccari nenti!
MELA (sbuffando) E si... si! (poi controlla che lo zio si stia vestendo e circospetta comincia a frugare dappertutto: sotto il cuscino, sotto il materasso, sotto il letto, dentro i cassetti del comodino) Ma unni i misi! Autru chi... si non l'avi! Cettu chi l'avi! (ogni tanto controlla che lo zio non esca) Attrova puru quantu nn'avi! Non spenni mai nenti! (va all'armadio e cerca di aprirlo, ma non ci riesce) E picchi non apri st'ammadiu?
CECCO (voce fuori campo) Stai tuccannu cacchi cosa?
MELA (mentre ancora cerca di aprire l'armadio) Jò? E picchì? U lettu staju facennu! (dà uno sguardo allo spogliatoio, si accorge che sta per uscire, quindi corre per finire il letto)
CECCO (esce dallo spogliatoio vestito) Ancora non ha finutu? E c'avivi fari?
MELA (lisciando bene il letto) Tu fici bonu così dommi cchiù commidu!
CECCO Dommu bonu puru senza i to lisciatini! E ora leviti i ddocu!
MELA Bonu! Finìa! Ora ci dugnu na spovviratedda!
CECCO Lassulu unnè … u pubbirazzu! Mi fa cumpagnìa!
MELA Ma chi dici! Si hai bisognu i cumpagnìa... ccà ci sugnu jò o ti cecchi a cacchiduna! (pausa) Mi fai ridiri! U pubbirazzu chi ti fa cumpagnìa! Va... va! (prende dalla tasca del grembiule uno strofinaccio e comincia a spolverare)
CECCO Fimmina tistuna! Picchì non mi lassi in paci? Non haju bisognu i nuddu... jò!
MELA E brau! Inveci mi ringrazi a Diu chi ci sugnu jò.... mummurii e tiri cauci!
CECCO Si... si.... tiru cauci...comi e scecchi! (E con le gambe comincia a scalciare tipo gli asini, e nel frattempo si avvia verso l'altra stanza) Ma ricodditi chi i scecchi hannu a testa dura!
MELA E allura … si considiramu a testa dura … semu na famigghia di scecchi! (Uscito lo zio ritorna a fare un tentativo con l'armadio)
CECCO (tornato nel soggiorno si mette ad origliare e sbirciare nell'altra stanza per sentire cosa fa Mela. Piano, al pubblico) Ci pari a idda chi non capìa nenti! Avi vogghia mi firrìa.... nenti trova! (continua a sbirciare e ridacchia)
MELA (che ancora traffica con l'armadio) Ma sti spottelli … chi su... ghiantati chi chiova? Ma ci pari a iddu chi mi voli frigari? Ora cciù fazzu vidiri jò! (pausa) Ziu! Finìa i spovvirari! 'Nta l'ammadiu chi hai... robbi i lavari? (si reca nel soggiorno)
CECCO (accortosi che Mela sta arrivando nella stanza corre alla scrivania) Robbi i lavari? E picchì i cecchi... 'nta l'ammadiu? Accussì disuttulatu mi fai?
(nel frattempo sta per entrare Gino)
GINO (voce fuori campo) Ziu?! Sugnu Ginu... 'ntrasu?
CECCO N'avemu n'autru! No!
GINO (si presenta alla porta) Non sintìa chi dicisti! Putìa 'ntrasiri?
CECCO Ti dissi … no!
GINO Va bè... oramai chi sugnu ccà... chi fazzu... mi nni vaju?
CECCO (mugugna arrabbiato)
GINO (ridacchia) Ah... ah! U sapìa chi “si” no sapivi diri! Non pi nenti ti chiaminu “Mastru NO”! (entra)
CECCO Pi stavota 'ntrasi.... ma da prossima vota … scodditi a me potta! Anzi... scuddativilla tutti e dui... maritu e mugghieri!
GINO E comi fazzu mi ma scoddu.... 'nchianu e scinnu i scali e a vidu sempri!
MELA A tia … ziu … t'avrissinu dari u premiu di boni maneri! I batti tutti!
CECCO Non haju chi fari! I boni maneri non giuunu a nenti!
MELA Comi u “si” … u “beni” e u “grazi”! (Breve pausa) U dici tu... però!
GINO (a mò di presa in giro) Mela... puru tu... avi ragiuni u ziu... spricari i boni maneri pi so niputi devoti... a chi giua?
CECCO Tu voi pigghiari pi fissa... a mia? Vidi chi non ci rinesci! (pausa) E poi … vui dui devoti? ... nz... ma non mi faciti ridiri!
MELA Vadda... tu ti miritirivi mi ti lassamu sulu!
CECCO E jò chistu vogghiu! Ah! Chi paci! 'Nta paci i ll'anciuli sarìa! (sta per uscire verso il corridoio, ma si ferma sulla porta) Non mi nni staju annannu... tonnu subitu! (esce)
GINO (si avvicina alla moglie e circospetto) Cunchiudisti nenti stamatina?
MELA Nenti fici! Mi firrìai u lettu... supra … sutta... u comodinu... intra... fora... ma nenti truvai!
GINO E l'ammadiu?
MELA E chiddu è u problema! Non si po' apriri! Pari 'nchiuvatu! Sugnu sicura chi l'avi dda intra!
GINO E na scusa mi ciù fai apriri?
MELA Jò l'avìa truvatu.... poi …. arrivasti tu! N'autru mumentu no putivi scegliri!
GINO E chi nni sapìa jò!
CECCO (sta passando dal corridoio, davanti alla porta ) Jò non mi nnannai... ccà sugnu! (rivà via)
MELA (preoccupata) Matri! Non è chi nni sintiu?
GINO No! Pensu di no... speru di no!
MELA Chi guaiu sarìa!
GINO Comunqui... videmu st'ammadiu si u sacciu apriri jò! Na mani i masculu è sempri na mani i masculu!
MELA E fozza masculu camina... videmu di chi si capaci!
(si dirigono verso la stanza da letto, ma)
CECCO (che rientra e li vede dirigersi verso la camera da letto) Unni stati annannu... vui dui?
(scoperti, si fermano)
MELA Nenti... mi ricuddai che non l'avia luatu tuttu... u pubbirazzu!
CECCO E hai bisognu i to maritu mi levi u pubbirazzu?
MELA Si... e chi era assai! Non cià facìa!
CECCO E quindi ti potti puru a … Mastru Lindu!(fa un gesto come per dire: Lui Mastro Lindo? Quando mai!)
MELA Si.. in effetti... na manu di masculu.. giua sempri!
GINO E jò sugnu masculu! Quindi...
CECCO E quindi ci vai darreti! Mi levi dda “quintalata” i pubbirazzu! E brau a Mastru lindu!
(suonano il campanello della porta)
CECCO Ma chi vonnu tutti i mia stamatina? Ma chi hannu tutti i ciccari 'nta me casa?
MELA (punta sul vivo) Ciccari nui? Chi dici ziu? Nenti ciccamu! Anzi... a tia ciccamu!
GINO E chi autru si no?
CECCO Cettu... cettu... comi no!
(risuonano)
CECCO Puru primura avi... non n'avi pacenza i spittari! Ammenu però cu è è, è educatu... non 'ntrasi senza mi ci apru jò.... comi a cacchidunu i mia canuscenza! (guarda Mela e Gino, e poi va ad aprire)
MELA Ora cu è chi ni scummina i piani... stamatina?
GINO Nui autri non avemu tempu i peddiri... sta situazioni l'ama risovviri prestu! A nui ni giuunu... eccomi si ni giuunu!
MELA Appuntu!
(entra in scena con Cecco, Caterina, vestita elegante con un cappello con le falde molto grandi)
MELA (infastidita) Ah... vadda cu c'è …. me cucina Catarina!
CECCO (per niente contento) A riunioni i famigghia ficimu!
CATERINA(KATE) (altezzosa e con vistoso accento inglese) Good morning... cugini! Come vi ho ripetutamente ... chiesto ... desidero che mi chiamiate... Kate... please!
CECCO Ma comi parri! Parra comi ti 'nzignau to matri! To matri... me soru... siciliana è! Comi a mia e comi a... tia!
MELA (al marito) Nu misi stesi a Londra.... e ora.... chi si senti!
KATE Yes... is true... i'm siciliana... ma preferisco gli inglesi! Sono più... raffinati! Per cui... i'm Kate... please!
CECCO Nooo! Nenti Keitti! Tu siciliana si e pi cui... Catarina si e Catarina resti!
MELA (un po' falsa) Ma ziu... Keit fa cchiù finu! E' nu nomi noddicu! Eh!? Non… suddicu comi a Catarina! E' pocu raffinatu! Eh! (alla cugina, falsamente cerimoniosa) Comi si eleganti! Mi ricoddi cacchidunu... però!
KATE Thanks cugina! Vedo che hai gusto e anche occhio!
MELA E cettu! A lingua pi sentiri u gustu l'aju e puru l'occhi... se pi chistu puru dui... comi a tutti l'autri!
KATE (stizzita ) Yes... yes! Dicevo... occhio per capire che questo semplice vestito da giorno è ispirato ad una eminente persona... alla grande icona di stile quale è la Duchessa di Cambridge!
CECCO Ah si? E cu sarìa?
KATE (indignata) Ma Kate Middleton... la moglie del Principe William d'Inghilterra!
GINO Ah! Eccu u picchì du nomi!
KATE Yes... of course! My name … il mio nome è quindi … Kate!
CECCO Noddicu... suddicu... canta quantu voi... tu... non si idda... u principi è a Londra e tu si ccà... in Sicilia.... a bucca sciutta! Véstiti snobbi quantu voi …. parra 'ngrisa quantu voi... tantu... non cancia nenti! Comunqui... canciamu aggomentu... tu … ccà … chi voi?
MELA Già... veru... tu … ccà … chi voi?
GINO Giustu! Chi voi?
KATE (sempre indignata) Certo che non brillate per niente per buona creanza... for education insomma!
MELA Non brillamu... non brillamu... non n'avemu soddi mi ni cattamu i brillanti!
CECCO (al pubblico) E cettu... e i veninu a ciccari ccà... i soddi!
KATE No! You don't understand!
CECCO Ma chi dici! Non ti capisciu! Chi stenni? Chi stenni?
KATE Non avete capito! Io parlavo della vostra …. calorosissima... accoglienza!
CECCO E chi vulivi u tappitu russu? Non n'aju! Oppuru vulivi a banda chi sunava? Non veni ccà a gratis! (sottolinea calcando il tono) Picchì jò... non n'aju... soddi!
KATE Money? Soldi? Pensi che mi importi qualcosa di questo?
MELA (al marito) Si... va bè! A cu cià cunta! Dopu nu misi a Londra saravi a siccu ora! E vinni ccà a battiri cassa!
KATE Io vengo for you... per te... zio!
CECCO Comi no! Cunticcillu a nn'autru!
(suonano ancora alla porta)
CECCO (arrabbiato) Ma non si scanta nuddu i ll'acqua! Chi vonnu tutti, oggi? (Va ad aprire)
MELA (approfittando dell'assenza dello zio, alla cugina) Senti... bidduzza! Parra cu mia... chi voi tu ccà?
KATE What?
GINO Si... si! Parra puru cu mia... chi vai ciccannu ccà?
KATE What?
MELA Eh ... si... si.... ottu... ottu... novi e deci.... non fari a finta scema! Ti giua soddi e vinisti mi cià cianci o ziu? Vidi chi ci sugnu prima jò! Jò chi mu suppottu tutti i jonna... a stu mastru “No”!
KATE Zio.... “No” man?
MELA No menni … no menni... comi dici tu! Ma non canciari discussu... haju ragiuni jò? Pi chisti vinisti... veru? (fa con le dita il segno dei soldi)
KATE (punta sul vivo) Come sei venale... cugina!
MELA Tantu ci 'nzittai veru? Non putìa essiri attrimenti! Eh! Ccà tutti l'avemu bisognu! Ma iddu non ni scuci!
GINO E attrova puru unni si muccia!
(rientra in scena Cecco con i nipoti Felice e Betta)
CECCO Ora semu a completu!
MELA Sulu iddi mancaunu!
FELICE Vadda Betta... i me cucini ci su! (ride)
BETTA Vidu … vidu! (Ride anche lei)
MELA (fa finta di ridere, ma in effetti molto seccata) E chi semu priati! (al marito) Veru Ginu?
GINO (fa anche lui finta di ridere) Si... scialati propriu!
FELICE Betta! Betta! Puru a cucina... 'ngrisa c'è! Si cuntenta? Avìa assai chi na vidiimu! (e ride)
BETTA Si … si … cuntenta! E' bella sta riunioni i famigghia, veru? (e ride)
KATE (infastidita) Yes... very beautiful!
FELICE (alla moglie) U vidi... u vidi comi parra 'ngrisi!? (e ride)
BETTA Si... si... comi è brava!! (e ride, poi a Kate) Ma senti, cucina....ma chi ti scuddasti l'umbrellu supra a testa? (e ride riferendosi con gesti al cappello molto largo)
FELICE Si... si... l'umbrellu! Supra a testa... mi non si bagna! Ma intra non chiovi! (e ride)
KATE (è molto infastidita) Stupids!
MELA Ma quantu ne suppottu! Unu cchiù scemu i nn'autra su!
GINO Non ti pigghiu si non t'assumigghiu!
CECCO Chi diciti …. a finemu cu stu tiatru? (breve pausa) Ma chi mi mmattìu stamatina! Chista a famigghia di pacci è! Chisti(rivolto a Mela e Gino) l'aju sempri 'nto menzu i pedi! Chista (a Kate) parra e non si capisci nenti! E st'autri (a Felice e Betta) su peggiu di du jeni ridens.... ma insomma c'annati ciccannu ccà? Chi vuliti i mia? Vi mmiddastu i supra comi tanti mignatti... ma jò non aju nenti! Nen..ti! (e continua a ripetere “nen-ti” fino a quando esce verso il corridoio)
(rimasti soli tutti i cugini per un po' si guardano straniti, un po' in cagnesco, poi)
FELICE Mihh! Si incazzau! (con la faccia da tonto) Ma chi ci annau i travessu?
BETTA (indicando il cappello di Kate) L'umbrellu apettu intra... potta sputtuna! Ih! Ih! (E ride insieme al marito)
FELICE Veru... veru! (ride)
KATE (rivolta a Betta e Felice) You …. are … very.... very... very....very... (calcando il tono) very … stupids!!!
BETTA (guardandosi col marito, in segno d'intesa, come se stesse dicendo chissà che e ridacchiando e imitando Kate usando il suo stesso tono) Tu... finta... finta... finta... finta.... finta.... 'ngrisa!!!! (ride)
FELICE (ridendo anche lui) Si... si.... finta!!!
KATE (li guarda altezzosa dall'alto in basso)
BETTA (rivolta a Kate e guardandola bene da vicino) Ma … fossi fossi... finta puru... in sensu... i …. rifatta? A bucca (fa le labbra a cuore) … u pettu (indica il suo in segno di seno abbondante) … u … (indica il suo sedere) … veri … veri … l'haj? (ride) Ah? Veri l'haj? (ride)
KATE (alquanto indignata) This.... (indica il suo corpo) … is … veritable! (scandisce) Ve-ro!
BETTA (rivolta a Kate e prendendola in giro) Veru.... comi a l'oru i Bulogna chi si fa niru pa viggogna? (ride)
FELICE (confermando quello che ha detto la moglie) Giustu.... giustu …. comi a l'oru i Bulogna! (ride) Niru ...niru pa viggogna! (ride)
MELA (a Felice e Betta) U ciriveddu a vui... v'avrissiru rifari!
KATE (stizzita) Mission impossible!
GINO Ma mi sa chi non n'avi chirugghi chi rifannu i ciriveddi! Ccà sulu nu miraculu ci poti!
MELA Miraculu... miraculu.... ccà n'autru miraculu s'ava fari! (pausa; poi a Betta e Felice) E sintemu … puru vui … siti ccà... pi …. l'averi... du ziu?
FELICE (finto indignato) Nooo!!!! (poi, ci ripensa) Fossi … (pianissimo) si! (ma ci ripensa ancora) Anzi.... non propriu!
BETTA (affermando) Non propriu.... non propriu!!
MELA (piano) Non l'aviti u curaggiu i diri “si”! Degni niputi i vostru ziu... siti! (forte) Insomma... diciditivi... si o no?
BETTA/FELICE (riflettono, poi insieme) Eeeh... non propriu... non propriu!
MELA N'autra vota! (pausa, poi) Comunqui... cuntenti vui! Ccà u problema è n'autru! U ziu … sicuru! … mmucciau tutti cosi! A quacchi patti su zziccati! Cuntu a banca o a posta non n'avi... pi cui... 'nta sti quattru mura anna essiri! Pi fozza!
GINO Senza dubbiu... non c'è autra soluzioni!
(gli altri annuiscono guardandosi tra loro)
MELA Quindi l'unica è … ciccari!
GINO Giustu!
(gli altri annuiscono guardandosi tra loro)
MELA E allura … fozza! Spappagghiamuni e ciccamuli!
GINO Si... annamu!
KATE Yes... very good!
BETTA/FELICE Giustu cucina!
MELA (piano al marito) Tu e jò annamu a vaddari stu famosu ammadiu!
GINO Cettu!
(accompagnando con una musica stile le comiche, si sparpagliano: Mela e Gino in camera da letto, alle prese con l'armadio che non apre, litigano tra di loro a chi deve provare ad aprirlo senza però nessun risultato; Kate nel salotto, altezzosa, tocca le cose con l'indice e il pollice; Betta e Felice cercano insieme, negli stessi posti, cioè in quelli più stupidi e impensati, litigando per chi lo deve fare. All'improvviso rientra lo zio.)
CECCO (vedendoli tutti indaffarati) Chi fu? Chi sta succidennu? Chi stati facennu?
(tutti, scoperti , si fermano, stile belle statuine)
CECCO Allura? C'aviti i diri? Fozza! Sintemu! (rivolto a Felice che gli è più vicino) Avanti cumincia tu!
FELICE (fermato mentre insieme alla moglie guardava sotto una piccola bomboniera – bruttina – ancora con quella in mano, dice la prima cosa che gli viene in mente) Bella sta bomboniera, ziu! Di cu è?
CECCO (superinfastidito) Du to matrimoniu... bestia!
FELICE (contrito) Ah! (la riposa) Pi chistu era bella!
CECCO Supra a chistu... avrissi da ridìri! (pausa; poi a Kate) E tu? Chi facivi tu?
KATE (fermata mentre cercava di spostare un quadro piuttosto brutto in cerca di una eventuale cassaforte ) Questo quadro …. is very beautiful! Congratulations... zio!
CECCO (sempre più infastidito dall'atteggiamento e dalle trovate dei nipoti) Ah si? Ti piaci? U voi? Pigghitillu! Tantu... non vali nenti... e a mia mi sta supra o stomicu! Mi farivi sulu nu fauri... si tu pigghi!
KATE (schifata toglie le mani dal quadro ) Oh, no... zio! Is good … sta bene... in your home... nella tua casa!
CECCO Comi no! Ah... si ti dicìa chi era pregiatu! (pausa) E dd'autri babbi … unni su?
(Mela e Gino che ascoltavano preoccupati dalla stanza da letto, fanno capolino sulla porta, spingendosi a chi doveva entrare per primo, circospetti)
CECCO Ma vui … sempri ddocu siti? Chi annati ciccannu?
MELA (risentita) Ciccari... nui? Nenti ziu! (cercando una scusa) U pubbirazzu... era troppu!!
CECCO (irritato) E i quant'avi chi pulizziati... a st'ura... non si po' 'ntrasiri ddà intra! L'occhiali i suli ci vonnu... nu brilla brilla ci saravi!
(nel frattempo entra indisturbato Miki, il figlio di Mela e Gino, mettendosi dietro a Cecco che non lo vede)
MIKI (masticando chewing-um fa un palloncino che scoppia e fa rumore)
CECCO (allo scoppio del palloncino di Miki, trasale) Chi fu? (si volta e vede Miki e, per niente contento) Ah! Mancavi sulu tu all'appellu! U babbu nummiru tri! Allura.... babbu n° 3... chi voi ccà?
MIKI E parrari cu me patri e me matri!
CECCO (indicando Mela e Gino) Dda ci su babba n°1 e babbu n°2... parra!
MIKI (va vicino ai genitori)
MELA (al figlio) Chi vulivi?
MIKI (senza preoccuparsi di parlare piano) A mà?! Scucìu …. (indicando Cecco)... u vecchiu?
CECCO (nell'udire queste parole, prima inorridisce,) Ihhh!!! Chi sentinu i me ricchi! (poi comincia a tremare dalla rabbia, inizia prima con una gamba, poi con una mano) A tremarella.... a tremarella mi sta vinennu!
MELA T'avìa dittu mi spittavi a casa! Picchì vinisti? U vidisti chi cumminasti?
MIKI A mà?! Picchì... chi dissi?
MELA (arrabbiata) Lassa fari! Mutu!
CECCO Tremu! Tremu!
MELA (finta tonta) Picchì, ziu? Chi hai?
CECCO A raggia.... a raggia è! (la tremarella peggiora)
MELA (sempre finta tonta) Raggia? Picchì? Chi bisognu c'è? Cammiti inveci!
GINO Cettu... cammiti!
FELICE A raggia ti fa mali... cammiti chi è megghiu!
KATE/BETTA (annuiscono) E' megghiu! E' megghiu!
CECCO Ma comi mi è cammari... cu vui autri! (peggiora) Comi! Comi!
(I nipoti preoccupati, vedendolo peggiorare, gli fanno cerchio intorno tranne Miki che se ne sta incurante appoggiato allo stipite della porta continuando a masticare e a fare palloncini)
MELA Ma così ni stai facennu preoccupari!
FELICE Si ziu... preoccupari!
(gli altri annuiscono; poi tutti si avvicinano ancora di più)
CECCO (sempre più arrabbiato) Luvativi.... luvativi i supra chi mi ccupati! Luvaaaaaativi chi unnè chi esplodu!
MELA Esplodi ziu? Chi voli diri?
KATE You... “bang”? What?
CECCO Si... si! “Bang”... “paamm”... “bamm”...“boummm”! (facendo gesti di esplosioni con le mani e le braccia) Comi voi tu! Puru “taratattattatà-tà”! Ca battarìa finali!
GINO Ziu... ma tu straparri! Tu t'a tranquillizzari! Chi così mali ti fa!
(gli altri annuiscono)
CECCO Mali.... mali! Mali vui autri mi stati facennu!
MELA Ma chi dici ziu? I to niputi divoti!
CECCO Chi dicu? (urlando proprio se stesse esplodendo) Dicu chi è megghiu mi vi nnannati!!!!!!!!!! (comincia a cacciare tutti) Fora! Fora! Luvativi i ll'occhi mei! Sciò! Sciò! (li spinge letteralmente fuori)
MELA (mentre viene spinta da Cecco) Ma picchì, ziu?
CECCO E hai u babbiru curaggiu mu dumanni? Vatinni.... vatinni! (li spinge ancora) Tutti fora vi vogghiu! Subbitu!
GINO Ni putemu parrari, ziu!
KATE Yes... to talk!
CECCO Si... si! Jò toccu... tu tocchi.... iddu tocca! (li spinge ancora) Via! Via! Ora tocca a mia!
FELICE Ma ziu... nui nenti ficimu!
CECCO E' megghiu chi vi stati tutti muti! (scandisce) Non-vi-vo-gghiu!!! (a Miki) Fora puru tu e i to palluni! (finalmente riesce a farli uscire tutti e poi gli urla dietro) E non vi faciti vidiri cchiù! A capistu?! (poi sfinito si siede sulla sedia ; si passa più volte una mano sulla fronte) Ma chi mi mmattìu! Chi parenti chi haju! E' veru chiddu chi si dici: parenti... seppenti! E chi seppenti... boa costrictor! (indicandosi la gola) Caà... ccà su parati! Comi na cullana su mittuti! E strincinu.... strincinu! Mi ffuunu! Mi ffuunu! L'aria mi manca! A mia mottu mi vonnu! Niputi divoti! Nz! Mi cecchinu sulu p'aviri i me soddi! Ammessu chi n'aiu! Eh... comi no! A iddi ci dava! Sempri ammessu chi l'aiu! Megghiu e povireddi! (pausa) Mottu... mottu mi vonnu! Mottu... mottu mi vonnu! (poi, mentre lo dice, riflette e prende una decisione, si alza, va al telefono e chiama l'amico Sasà) Prontu, Sasà? Jò sugnu... Ceccu! Senti... avìa bisognu i tia! M'à dari na manu! Poi veniri ccà? Veni subbitu? Ccà sutta o barri si? E 'nchiana allura! Ti spettu! (chiude la telefonata, ora è contento e si strofina le mani) Ora ciù fazzu diri jò: scucìu u vecchiu ! Ora ci fazzu vidiri jò! Ora videmu cu ridi! (ridacchia tra sé)
(suona il campanello)
CECCO (va ad aprire e torna insieme all'amico Sasà) Veni... veni, Sasà!
SASA' Grazi, Ceccu!
CECCO Settiti... settiti!
(si siedono attorno al tavolo)
SASA' Allura Ceccu... chi c'è? Sta chiamata mi 'ncuriosìu!
CECCO Sasà... tu... m'ajutari!
SASA' A disposizioni! Chi ti giua?
CECCO Prima... t'è cuntari u fattu!
SASA' Cunta... cunta!
CECCO Tempu n'hai?
SASA' Tuttu chiddu chi voi! Pensionatu sugnu... comi a tia!
CECCO Brau! U busillis sta propriu ccà!
SASA' U busillis? Chi voi diri?
CECCO Ti spiegu: jò … aju... na para i niputi... sei pi l'esattezza (fa il segno con le dita delle mani) ma fannu pi 66.... m'à cridiri. .. chi freminu p'aviri i me soddi! Cusapi chi ci pari chi aju! Comi dicisti tu... jò... pensionatu sugnu! (pausa) Pensa... oggi i truvai chi mi scafuliaunu a tutti i patti! Ccà... intra a me casa... sutta a ll'occhi mei!
SASA' Addirittura!
CECCO Eh! Sti niputi … divoti! Accussì si definiscinu!
SASA' Ammazza di devoti!
CECCO Eh! (pausa) E sugnu... finu a prova cuntraria... ancora vivu! Tocca.. tocca... (si indica il braccio) ... vivu sugnu!
SASA' Cettu chi si vivu! Non c'è bisognu chi toccu!
CECCO E quannu moru... chi fannu? Megghiu mi non ci pensu! (pausa) Pi sti quattru soddiceddi! M'à cridiri... quattru su! Tu mi cridi?
SASA' Cettu! Si mu dici tu!
CECCO Menu mali chi ci si tu!
SASA' Comunqui... ora... tu... chi voi fari?
CECCO (si prepara con enfasi poi melodrammatico) Vogghiu cumminari... nu beddu tiatru! E aju bisognu i tia!
SASA' Cettu! Senza dubbiu! Avanti … spiega!
CECCO (guarda fuori e vede che non piove più) Sai chi ti dicu? Finìu i chioviri! Annamunnini fora! Così sbapuru e pigghiu aria! Mi chiarisciu l'idei e ti cuntu u fattu! Annamu?
SASA' Annamu... comi voi tu!
(si alzano e escono)
FINE PRIMO ATTO
ATTO SECONDO
Il secondo atto inizia, sempre nello stesso ambiente, con Cecco seduto-sdraiato su una poltrona messa in mezzo al salotto, in vestaglia, avvolto da una coperta e con un panno bagnato sulla fronte, sofferente si lamenta. Sasà gli è seduto accanto alla sua sinistra e gli tiene la mano. All'improvviso entra trafelata e preoccupata, Mela.
MELA Unnè... unnè... me ziiceddu! (vedendolo sulla poltrona a lamentarsi) Ziu... ziu... chi fu? Chi fu? (dà uno spintone a Sasà) Suggiti tu... chi mi ssettu jò! (e si siede accanto allo zio prendendo lei la mano) Ziu... ziettu … ziucciu!
SASA' (che con lo spintone di Mela ha rischiato di cadere, manda al diavolo la stessa con dei gesti senza che lei se ne accorga)
MELA Ma comi stai?
CECCO (d'ora in poi parlerà sempre in modo sofferente) Mali! Mali!
MELA Ma c'avisti? Sasà mi chiamau... mi dissi chi ti sintisti mali... ma jò non capìa nenti di chiddu c'avisti!
CECCO Eh... chi ebbi … chi ebbi! (pausa) Cunta tu … Sasà.... chi jò... non cià fazzu!
SASA' (si schiarisce la voce e con fare melodrammatico e cercando di fare l'erudito, parla con un italiano sgrammaticato) Dunqui: mi trovavo a passare sotto i pottone di questo palazzo, quando sentì il fotte istinto di salire da mio caro e amato amico Cecco. Pe cui pigghiai le scale e arrivato davanti la sua potta... suonai! Nenti! Nessuno... emise ciato! Suonai donnavota... casumai non avìa sintutu-pinsai- ma... nenti! Na musca non si sintìa vulari!
MELA (sempre tenendo la mano di Cecco, infastidita) Si... va bè... strincemula!
CECCO Lassilu parrari! Lassilu parrari!
MELA Va beni ziu! Comi voi tu! (a Sasà) Continua tu!
SASA' Allura... sapenno che la sua potta è sempri apetta.... pinsai di entrari! Era comi si cacchidunu mi dicìa: “ Sasà...'ntrasi! 'Ntrasi!” E quindi... chiamannu però... jò educato sogno! … 'ntrasìa! “Ceccu... Ceccu! Ci si?” dissi, ma... nenti! Nemmeno un ciato! Pe cui arrivai finu a qua... ne salotto! E … (si porta le mani al viso e fa un'espressione stile quadro “L'urlo - di Munch”) Madunnuzza du Camminu!
MELA (spaventata) Madunnuzza du Camminu... chi cosa?
CECCO Lassilu parrari... ti dissi!
MELA Parra … allura!
SASA' Si a finisci mi m'interrumpi! (pausa, poi, per riprendere il discorso, rifà la stessa faccia di prima mettendosi di nuovo le mani al viso) E …. Madunnuzza Santa!
MELA Ma non era … du Camminu?
SASA' (infastidito) Ma tu non eri chidda ca vulìa stritta? E allura chi mi interrumpi a fari?
MELA Si chista è stritta!
SASA' Oh! Jò dieta non ni sacciu fari!
CECCO Mela … finiscila! Lassilu parrari!
MELA (fa un cenno accondiscendente con la mano)
SASA' (si riconcentra e rientra nella parte con la medesima mimica) E... Madunnuzza biniditta!
MELA (sta per interromperlo di nuovo ma)
SASA' (la previene) Comi è...è! Sempri a Madunnuzza è! E muta chi continuu! ( breve pausa) Videmu si ora a pozzu diri! (pausa, si rischiarisce la voce poi continua , riprendendo la solita faccia) E vitti u poviru Ceccu … ddà! (si gira e indica con la mano un punto nel salotto)
MELA (anche Mela si gira per guardare il punto indicato da Sasà, poi quando Sasà continua si rigira)
SASA' … Sdirrupato... 'nterra!
MELA (allo zio, preoccupata e stupita) Mah! 'Nterra? Picchì? Chi fu … ziucciu?
CECCO Continua Sasà!
SASA' Allura... (rientra concentrato nel racconto) Subito corsi biliato e cominciai a chiamarlo mentre lo saccarìavo per ruspigghiarlo: “Cecco... Cecco... chi fu... chi fu?”... ma non mi rispunnìa! Allura ma pinsai e pigghiai a tumpuliarlo! Si non si ruspigghia così.. . mi dissi! Dopu na picca i tumpuliati... tumpulìa a destra … tumpulìa a sinistra... apriu n'occhi!
MELA Un occhi sulu?
SASA' Eh... un occhi sulo! E poi... puru... parrò!
MELA Parrò? E chi dissi... chi dissi?
SASA' (prende fiato) “Fitusu... finiscila mi mi tumpulii!”
MELA Ah! Significa chi stava megghiu! E poi?
SASA' Quali meghhiu! Quali megghiu! Dopu... svinni donnavota!
MELA Donnavota? (sempre più preoccupata) E tu chi facisti?
SASA' E c'avìa fari? Pigghiai u telefunu e chiamai u dutturi! Tempu du minuti e fu ccà!
MELA Menu mali! Menu mali! E chi dissi?
SASA' Chiddu chi dissi... jò... no capìa! Tuccu parrau! U sai comi su i dutturi! Però... l'impottanti è... chi Ceccu … si ripigghiau na picchitta... ma sulu na picchitta!
MELA Picchì dici sulu na picchitta?
SASA' Picchì? Picchì ... mentri u dutturi scrivìa i ricetti... jò... ci dumannai “Ceccu... ti senti megghiu ora?” e iddu “No!” mi rispunnìu!
MELA Va bè... chista non è na novità!
SASA' Poi ci dissi: “Tu pigghiu nu biccheri d'acqua?” e iddu...
MELA …. “No!” ti rispunnìu! Scontatu!
SASA' Allura pinsai mi ci dumannu: “Ti chiamu i to niputi?” e iddu...
MELA … “No!” ti rispunnìu! E chi t'aspittavi? Figuriti!
SASA' Poi a finìa mi ci fazzu dumanni... picchì tantu...
MELA … “no” ti rispunnìa!
SASA' Pi l'appuntu! Sonimi a stissa!
MELA Comunqui... di chiddu chi dissi u medicu … non ti ricoddi propriu nenti? Jò vogghiu sapiri chiddu chi avi me ziu!
SASA' Nenti... nenti! Anzi... l'unica cosa … impottanti... chi mi ricoddu ... fu : “Il paziente... adesso... non può più stare da solo! Ha bisogno di una persona costantemente accanto a lui!”
MELA (allo zio preoccupata ma non troppo ) Addirittura?! E chi ebbi allura me ziiceddu? In ogni modu... qual'è u problema, ziu? Ccà ci sugnu jò!
CECCO (anche se sofferente, secco) No! Non si nni parra propria! Sasà... parra tu!
SASA' Cara Mela... dumanna già fatta... midesima risposta ricivuta! E jò... mi sono preso la libettà … di chiamare una pissona di mia fiducia! N'infimmera espetta … non ti preoccupari!
MELA Ah... già facistu tutti cosi? Senza mi mi consuttau... a mia... so niputi?
SASA' Accussì vosi to ziu! Iddu cumannau!
MELA (allo zio) Ma jò ... pissona di famigghia... non era megghiu?
CECCO No!
MELA E jò puru chi ti fazzu sta dumanna!
SASA' Comunqui... a nfimmera … unnè c'arriva! E puru u medicu … chi dissi chi ritonna mu controlla n'autra vota!
MELA Ah si? Ritonna u medicu? Allura vaju a chiamari me maritu... vogghiu chi senti puru iddu! (allo zio) Ziittu! Stai tranquillu... tonnu n'autra vota... non ti preoccupari! (ed esce)
CECCO (uscita Mela, si siede tranquillo sulla poltrona perché non ha proprio niente, ha solo finto, togliendosi le coperte di dosso e il panno dalla testa ) Jò inveci mi preoccupu... eccomi! (pausa) Allura Sasà... u fici bonu l'attori?
SASA' Da Oscar!
CECCO Puru tu … no schizzavi mancu! A facci prioccupata mi piacìu assai! Va … falla n'autra vota! Pi mia sulu!
SASA' (Sasà si ritte le mani al viso come durante il racconto)
CECCO Troppu fotti! A tia ti l'avissiru dari l'Oscar! Ancora... ancora!
SASA' (ripete)
CECCO Ma pi ddavera farivi così si jò starìa mali?
SASA' E cettu... pi tia chistu e autru!
CECCO Menu mali chi ci tu... Sasà! (pausa) Comunqui … parramu d'autru... stu medicu e sta 'nfimmera...
SASA' (lo interrompe) Tranquillu! Amici fidati!
CECCO Sicuru?
SASA' Ci poi calari a pasta!
CECCO E idda è comi ti dissi jò?
SASA' Precisa … precisa... bedda e figghiola!
CECCO Peffettu! E pi l'autra pissona ci pinsasti puru?
SASA' Anchi a chiddu... arriva o mumentu oppottunu!
CECCO Magnificu! (pausa) Ma chi beddu tiatru chi stamu facennu! Chi beddu schezzu chi stamu cumminannu! Na bedda lezioni pi sti animi di soddi!
(nel frattempo si sente qualcuno che sta entrando)
CECCO Matri! Cu è c'è! ( e si riappoggia alla poltrona coprendosi con le coperte e si rimette il panno in fronte e riprende a lamentarsi) Ahi! Ahi!
MELA Ziu! Ritunnai!
CECCO (per niente contento) E chi preu! Ahi! Ahi!
(Mela è rientrata insieme al marito e a tutti i suoi cugini; Kate stavolta ha un cappellino con le piume colorate)
MELA Vadda a cu ti puttai!
SASA' Eh! Tutta a truppa arrivau!
MELA Si cuntentu, ziu?
CECCO No! Ahi! Ahi! (lamentandosi di più)
MELA Ma chi ti senti peggiu?
CECCO Sasa'... rispunni tu! Ahi!
SASA' Ah! ( guarda Cecco e dopo un cenno d'intesa) Si... si! Cchiù peggiu!
MELA (rivolta al marito e ai cugini) Mastru “No!” sempri e comunqui! Ora si truvau puru chiddu chi rispunni o so postu! Oh! Ma stu “si” ci jetta propriu pisanti!
(il marito e i cugini annuiscono)
BETTA Si... si...pisanti... no digirisci! Pi chistu si senti mali!
FELICE Mi si pigghia u becabbunatu... allura! (e ride)
BETTA U becabbunatu! Si... si! (ride anche lei)
MELA (li guarda di traverso)
CECCO (sentendo questi stupidi discorsi prende a lamentarsi ancora più forte) Aaaahi! Aaaaaaahi! Ahi mammuzza! Mammuzza Bedda!
(tutti i nipoti allora preoccupati si mettono tutti intorno a Cecco, Mela a destra insieme a Betta e Kate, Gino a sinistra con Felice. Tutti si protendono verso lo zio, tranne Kate sempre altezzosa. Sasà resta sulla sinistra della scena, commentando con dei gesti da presa in giro la scena. Cecco segue i discorsi dei nipoti stile ping- pong, prima solo con la testa poi pure con l'indice)
MELA Ziittu! Chi c'è? Chi c'è?
GINO Ti senti cchiù mali?
MELA Ti putemu jutari?
GINO Ti giua cacchi cosa?
FELICE Si... si! Quassiasi cosa!
BETTA Quassiasi! Quassiasi!
MELA Hai siti?
GINO Ti pigghiu nu bicchieri d'acqua?
FELICE Senti friddu?
BETTA Voi n'autra copetta?
MELA Ti fazzu a buzza i ll'acqua caudda?
GINO Senti cauddu?
MELA Ti ciusciamu?
FELICE Ti senti scommidu?
BETTA Voi un cuscinu arreti a testa?
CECCO (dopo una pausa in cui guarda tutti negli occhi, prende fiato e ) No! (pausa. Poi indica col dito Kate) E tu nenti dici?
KATE (fa spallucce)
CECCO Allura veni ccà... nviciniti!
KATE (si avvicina e involontariamente mette le piume del suo cappello sotto il naso di Cecco)
CECCO (cerca di parlare, sempre in modo sofferente, con le piume che gli fanno il solletico e cercando di spostarle con la mano) Cià diri e to cucini....
(i nipoti volendo sentire, visto che lui parla piano, si avvicinano un altro po')
CECCO (sempre lottando con le piume) Chi na cosa... (lotta sempre di più con le piume) … dicìa... chi na cosa....
KATE (non si accorge di dare tanto fastidio allo zio con le piume del cappello)
CECCO (alla fine troppo infastidito da quelle piume, innervosito le toglie il cappello dalla testa e lo getta lontano) E fallu scinniri du trespulu... stu pappajaddu!
KATE (indispettita va riprendere il cappello, lo spolvera e lo appoggia sulla scrivania)
(i nipoti stupiti si avvicinano ancora un po')
MELA Ziu... non t'agitari... ti fa mali!
CECCO (sempre più affaticato tossendo per lo sforzo) Allora stava dicennu… ddu pappajaddu mi sconcentrau... ah!... chi na cosa... a ponnu fari! Anzi... a putiti … fari!
(si rifanno di nuovo sempre più vicini)
MELA Dimmi, ziu! Chiddu chi voi!
CECCO (urlando) Luvativi davanti chi mi ccupu!
(tutti, spaventati, si allontanano. Cecco a quel punto, dopo aver urlato, comincia a tossire - fingendo - e poi, tossendo tossendo, in maniera teatrale, sviene)
MELA (allarmata, come tutti i suoi cugini) Ziu!! Ziu!!! Mali pi mia!
(In quello stesso momento entra in scena il finto medico )
SASA' (avendo visto entrare il complice) Dutturi! Dutturi! Arruastu o mumentu giustu!
MELA (allarmatissima) Dutturi... dutturi! Me ziu... svinni!
DOTTORE Largo... largo! Fatemi passare! State lontani! State lontani! Il paziente ha bisogno di aria!
(tutti si allontano e guardano preoccupati il medico mentre visita Cecco. Il medico si mette a destra )
DOTTORE (mentre comincia a schiaffeggiare Cecco per farlo svegliare) Signor Cecco? Mi sente? Mi sente?
CECCO (si sveglia) Ah! Ah! Ma picchì m'anna tumpuliari tutti?
DOTTORE Bene! Si è svegliato!
TUTTI (sospirano)
DOTTORE (comincia a visitarlo: stetoscopio, termometro in bocca, pressione, polso, occhi, lingua, riflessi, spalle, stomaco ecc. Alla fine, con sguardo molto serio, rivolto ai nipoti) Voi siete i parenti più prossimi?
(i nipoti annuiscono, Cecco fa finta di essere preoccupato)
DOTTORE Allora devo parlare con voi! Prego! (e li fa allontanare da Cecco e si mettono alla destra del palco vicino al tavolo, il dottore in mezzo, i nipoti tutti intorno) Devo essere sincero con voi! Non ho buone notizie!
(i nipoti fanno la faccia preoccupata e cominciano a guardarsi tra di loro. Sasà invece si avvicina a Cecco e insieme cercano di sentire quello che dice il medico, e, senza essere visti dai nipoti, gongolano)
DOTTORE Vostro zio sta veramente male!
MELA Veramente male.... quantu?
DOTTORE Molto... male!
GINO Molto male... quantu?
DOTTORE Assai... male!
FELICE Assai male... quantu?
BETTA Si...si... quantu?
DOTTORE Parecchio … male!
KATE Stop! Doctor... speak! Parli! Now... ora! What's… what's situation?
DOTTORE (molto serio) La situazione è che … vostro zio... sta morendo!
(i nipoti restano a bocca aperta, Cecco e Sasà ridono in silenzio facendosi cenni d'intesa. Cecco fa i dovuti scongiuri. )
MELA E'... è... (quasi non può parlare) … sicuru?
DOTTORE Sicurissimo!
GINO E si u puttamu o spitali?
CECCO (che ha ascoltato, con gesti dice: Ma quali spitali! . E Sasà conferma)
DOTTORE Mi dispiace... oramai non c'è più niente da fare! L'attacco di cuore che ha avuto è stato troppo forte!
MELA Attaccu di cori? Ma si u ziu ava statu sempri sanu, fotti e chinu i vita?
CECCO (fa gesti come per confermare le parole di Mela)
DOTTORE Queste cose possono venire all'improvviso! Bastano delle gravi contrarietà eeeeee....
FELICE Eeeeeeeeeeeee....
DOTTORE Eh! (pausa) Che voi sappiate … vostro zio …. le ha avute... queste contrarietà?
CECCO (fa gesti come per essere d'accordo col medico, come se dicesse: Eccome!. Sasà conferma)
MELA (guardandosi con i cugini) Beh.. in effetti... po' essiri!
CECCO (a gesti: Altrochè!. Sasà conferma)
GINO Dicemu … chi … litigau... nu pocu … cu … nui autri!
DOTTORE Sicuramente sarà stato questo!
MELA E cu chistu... voli diri... chi è cuppa nostra?
DOTTORE Voi l'avete detto!
(Cecco e Sasà ridono a crepapelle in silenzio)
(Poi i nipoti tornano attorno allo zio e Cecco e Sasà, senza farsi scoprire, smettono di gongolare, Cecco torna a fare il sofferente e Sasà seduto accanto a lui fa la faccia triste)
DOTTORE Bene! Io vado via! Tornerò più tardi per controllare la situazione! E mi raccomando... non lasciatelo solo! E datele le medicine che ho prescritto prima!
SASA' Va beni, dutturi! A 'nfimmera sta arruannu!
DOTTORE Molto bene! Saluti a tutti! (esce)
(tutti fanno la faccia triste, Cecco si lamenta; poi Mela)
MELA (ai cugini) Nui autri... ama parrari! (e indica il posto dov'erano prima; ritornano tutti vicino al tavolo) Parramu quantu voli Diu... a nui... sta nutizia... chi effettu ni fa?
(tutti si guardano perplessi e circospetti)
MELA Fozza... curaggiu non n'aviti? (pausa, mentre guarda tutti negli occhi) Bonu... voli diri chi parru jò! (pausa d'effetto) Nui non spittaumu autru! E' veru o no?
(tutti ancora titubanti si guardano attorno, Gino fa una faccia per dire di essere d'accordo con la moglie, poi )
(nel frattempo Cecco e Sasà cercano di ascoltare i loro discorsi e a quest'ultima affermazione Cecco fa un gesto come per dire: Come volevasi dimostrare! Avevo proprio ragione!)
FELICE (ancora un po' guardingo) Beeeeh.... in effetti!
KATE (anche lei guardinga) Oooooh... yes!
(Cecco e Sasà continuano con il linguaggio dei gesti. Cecco: Lo vedi? Sasà risponde: Ma che razza di nipoti hai? E Cecco: Ma che vuoi farci!)
MELA Vidu chi finammenti vi luastu tutti a maschira!
(tutti sono contriti)
MELA E finitila ma faciti sta facci! E videmu chiddu c'ama fari!(pausa) U problema resta sempri chiddu! Non sapemu unni mucciau i soddi! E … prima mi mori... l'ama scopriri! Sta beni?
(tutti annuiscono)
(Cecco sempre a gesti: Hanno un chiodo fisso! E ci insistono! Ma gli faccio vedere io!)
MELA 'Nto frattempu... facci scunsulati! Sta beni?
CECCO (piano a Sasà) Autru chi facci scunsulati! Facci i sola! Sasà? Procidemu cu pianu, 'ntesi?
SASA' (annuisce)
(tutti annuiscono e poi si voltano, ovviamente facce sconsolate, per ritornare da Cecco, che ritorna a fare il sofferente )
MELA (ricaccia, sempre in malo modo, Sasà dalla sedia) Leviti... chistu è me ziu!
SASA' (rischia di nuovo di cadere e gesticolando la rimanda al diavolo e si mette dietro di lei)
CECCO Giustu... veni ccà Mela! Anzi … viniti tutti... niputi mei... v'è parrari!
(tutti i nipoti si fanno più vicini a Cecco)
CECCO (con fare molto sofferente, quasi esagerato, e prendendo più volte il fiato prima di parlare e fra una parola e l'altra) Niputi mei.... jò... a virità... a sacciu! A sentu! (con più fatica) A me ura…. (teatralissimo)... è giunta! (spossatissimo, fa finta che non può respirare, che sta morendo e di perdere i sensi)
MELA (finta preoccupata) Ziu! Ziu! (Lo scuote)
(gli altri nipoti trattengono il fiato come per dire: speriamo!)
CECCO (riprende fiato rumorosamente)... ma non è chista! (pausa) … Oggi... dumani … sulu u Signuri u sapi!
(i nipoti rifanno la faccia sconsolata. Sasà ridacchia di nascosto)
CECCO (fingendosi più malato che mai) Meluzza... Meluzza... tu ha fari na cosa pi mia!
MELA Chiddu chi voi, ziu!
CECCO Vai... 'nta cammira i lettu... e apri... l'ammadiu!
MELA (drizza le antenne e con Gino si guardano negli occhi)
CECCO Vadda bonu... c'è nu vistitu 'mpizzatu... teni presenti … chi.... u vogghiu misu... dopu mottu! Vai... vai... vaddilu... così poi si priparata!
MELA (dopo un'altra occhiata con Gino, si alza a tappo dalla sedia) Ginu... tu... veni cu mia!
SASA' (ridacchia)
(nel frattempo che Mela e Gino sono nell'altra camera, Cecco continuerà a lamentarsi, i nipoti, parlottando tra di loro, avranno sempre un'aria triste, e Sasà si affaccerà, con non chalance, all'altra stanza per controllare i due coniugi e ridacchierà alle loro malefatte)
MELA (parlottando col marito) E cu s'aspittava sta botta i futtuna! Ora videmu chi c'è 'nta st'ammadiu!
GINO Sempri si u putemu apriri! (sicché quando va ad aprire l'armadio ci mette un bel po' di forza, ma questo si apre troppo facilmente rischiando di mandarlo a terra ) Ma chi.... Com'è chi si aprìu cusì facimmenti?
MELA Chi ti frega.... basta chi si aprìu! (ma si accorge che l'armadio è vuoto, c'è solamente il vestito appeso) Ma ccà... non c'è nenti!
GINO Vidi non mi c'è cacchi doppiu funnu ! Bussa... bussa 'nte pareti! (e comincia a bussare insieme a Mela)
MELA Ma quali doppiu funnu! E' sulu chinu i vacantarìa!(comincia ad assumere un'aria titubante)
GINO Chi c'è Mela?
MELA Mah! C'è cacchi cosa chi non mi cunvinci!
GINO E chi cosa?
MELA No sacciu! E' na sensazioni!
GINO Ma si... non ci pinsari... pigghia stu vistitu e pottilu di dda!
MELA (quando prende il vestito nota qualcosa di strano) Chi avi stu vistitu? Pari imbottitu! (ritorna nell'altra stanza con Gino)
CECCO (vede tornare Mela col vestito) Ah... brava! U pigghiasti!
MELA Si ziu... ma è stranu stu vistitu... pari imbottitu!
CECCO Così è! Sasà spiega tu … a cosa è longa e ...jò.. non ma sentu!
SASA' Vostru ziu... stu vistitu... su fici fari apposta! Voli essiri sippilluto propriu cu chistu! Indiscutibilmenti … cu chistu!
MELA Ma picchì imbottitu?
SASA' Ceccu dici... chi … quannu saravi … u cchiù luntanu possibili … 'nta cascia... mentri u pottinu a spadda... chi … dda intra... è sicuru chi veni sbattulìatu... di ccà... e di ddà! E quindi … u vistitu imbottitu... giua ad ammortizzari... stu sbattulìamentu!
CECCO A strada di ccà finu a chiesa è china i fossa!
SASA' Vidi chi sbattuliamentu! Nu terrimotu!
MELA Unni t'arriva a testa... ziu! Ma si si mottu... chi voi sentiri?
SASA' Ma tu ha murutu mai? U sai chiddu chi si senti? To ziu si vosi premuniri! Pi ogni evenienza!
MELA Mah! Cuntentu iddu! Di strana … è strana … a cosa!
(tutti i nipoti annuiscono. )
CECCO (riprende a respirare con fatica, ha pronto un altro finto svenimento ) Ihh! Moru! Moru! U vistitu mittitimi!
(i nipoti accorrono “premurosi” e “speranzosi” accanto a lui)
CECCO Prumittitilu!
MELA Si … si... ziu! Comi voi tu!
CECCO Bonu! Ora pozzu moriri tranquillu! (e con un'altra scena teatrale finge di morire)
(i nipoti si avvicinano per capire la situazione)
MELA (prima con fare allarmato) Ziu! Ziu! Ziu! (poi con atteggiamento di chi pensa: vediamo se è il momento buono) Ziu?
CECCO (non risponde)
GINO Voi vidiri chi?
FELICE Chi … si nannau?
BETTA Si nannau?
KATE Yes... zio is … dead?
(Sasà, lateralmente alla scena, se la gode ridendo, senza essere visto e mentre i nipoti cercano di capire se Cecco è veramente morto)
MELA (controllando meglio lo zio) Mi sa prorpiu … di si!
FELICE U ziu... murìu!
BETTA Murìu... murìu!
KATE Is... dead!
MELA (un po' titubante) Troppu facili fu! (pausa, poi) Ma … a comi è è ... chiddu chi fu fu!
GINO Giustu!
MELA E ora videmu chiddu c'ama fari! Prima pinsamu pu funerali!
GINO Giustu!
MELA Poi.... na vota fattu u funerali... videmu di capiri comi è a situazioni …. e poi... poi... spattemu! Spattemu... veru?
GINO Giustu!
FELICE Giustissimu!
KATE Yes... it's ok!
(ma all'improvviso entra l'infermiera Clementina)
CLEMENTINA (vestita proprio da infermiera ma in versione molto sexy) Posso entrare?
SASA' (si strofina le mani e fa una faccia per dire: ora vedi quello che succede! Poi entra nella parte e diventa sconsolato) 'Ntrasi Clementina! ?Ntrasi! Mi sa … chi arruasti... troppu taddu!
CLEMENTINA Troppo tardi? Che vuol dire?
MELA Chi me ziu... non c'è cchiù! (e finge anche una lacrima)
GINO (annuisce asciugandosi le lacrime)
FELICE Si... si! Non c'è cchiù! (e finge una lacrima pure lui)
BETTA Non c'è cchiù! Non c'è cchiù! (e finge una lacrima pure lei come gli altri)
KATE E' volato in cielo... in the sky! (indicando il cielo piange anche lei ma in modo molto “nobile”)
CLEMENTNA (tristemente sorpresa) E' morto? Il signor Cecco? (va da lui e lo accarezza) Povero signor Cecco! Che viso sereno che ha!
CECCO (all'improvviso, con un respiro molto rumoroso, riapre gli occhi)
(tutti urlano per la sorpresa, Sasà non fa altro che ridere di nascosto)
CLEMENTINA Miracolo! Miracolo! Il signor Cecco si è risvegliato!
SASA' (per rincarare la dose) Si … si ! Miraculu! Miraculu fu! Clementina... Clementina... tu u facisti u miraculu! A to carizza fu!
(Clementina e Sasà, ai lati di Cecco, lo controllano per vedere come sta, i nipoti guardano tutti allibiti e, ovviamente contrariati)
SASA' Ceccu... amicu mei? Comi stai?
CECCO (si gira verso Sasà e fa una faccia frastornata) Ah! Ah!
CLEMENTINA Si.. signor Cecco come sta?
CECCO (si gira verso Clementina e le fa una risata da ebete e come incantato da lei) Bene! Molto bene!
CLEMENTINA Che bello... signor Cecco!
CECCO (guarda Clementina) Cu si tu... a Madonna? Sugnu in … Paradisu?
CLEMENTINA No... signor Cecco! Lei è ancora sulla terra! E io sono l'infermiera Clementina!
CECCO (sempre con la risata da ebete) Che bella chi si... Mannarina!
CLEMENTINA Grazie signor Cecco! Però mi chiamo Clementina!
CECCO (sempre con la risata da ebete) Fa u stissu!
(i nipoti cercano di avvicinarsi allo zio)
MELA (cercando di fare allontanare Clementina) Ziittu! Ziuttu! Chi filicità!
CECCO (a Clementina, le prende la mano) No! Non ti nnanari! (a Mela) Vatinni tu! Non ti vogghiu! (a Clementina e con la risata da ebete) Jò vogghiu sulu a tia... Arancina!
(i nipoti commentano fra di loro perplessi, sorpresi e infastiditi; Sasà, come al solito, ridacchia sotto i baffi)
CLEMENTINA Clementina... signor Cecco... Clementina!
CECCO Fa u stissu!
CLEMENTINA Allora? Come si sente?
CECCO Cu tia... vicinu a mia … 'nto Paradisu!
CLEMENTINA Grazie... signor Cecco! (a Sasà) Io penso sarebbe meglio chiamare il medico! Il signor Cecco deve essere controllato!
SASA' Hai ragiuni! Ci pensu jò! (va al telefono, ma la telefonata non si sente)
CECCO (continua a tenere la mano di Clementina)
MELA (ci ritenta a riavvicinarsi allo zio) Ziucciu! Non hai idea di quantu …. viditti accussì... ni fa filici! N'avivi fattu dispirari... prima!
CECCO (tenendosi stretta Clementina) Ti dissi... non ti vogghiu! E sai quantu m'interessa si si felici! E poi... ci cridu picca! (poi rivolge lo sguardo, sempre da ebete, a Clementina e sospira)
MELA (indispettita, ritorna a parlottare con i cugini)
CLEMENTINA Signor Cecco... mentre aspettiamo il medico... ha bisogno di qualcosa?
CECCO “SI”!
(i nipoti guardano esterrefatti, mentre Sasà, avendo finito la telefonata, si rimette in un angolo nascosto in cui continuerà a gongolare)
CLEMENTINA Cosa le va? Un bicchiere d'acqua?
CECCO “SI”!
CLEMENTINA (va verso il tavolo su cui c'è una bottiglia d'acqua e un bicchiere, lo riempie e lo porta a Cecco)
(i nipoti continuano a parlottare tra di loro sbigottiti)
CECCO (che aveva seguito con lo stesso sguardo i movimenti di Clementina, dopo aver bevuto) Grazi.... Limonina!
CLEMENTINA Prego... comunque è Clementina il mio nome!
CECCO Fa u stissu!
MELA Prima “si” e ora puru “grazi”! Ma non pigghiava a scossa? E chi fu? Ma chistu me ziu è?
(i nipoti si guardano fra di loro come se dicessero tutti: boh!)
SASA' (per sottolineare) Eh... chistu è u miraculu Clementina!
CECCO (sempre guardando Clementina con lo stesso sguardo fisso e idiota, comincia a soffiarsi con la coperta) Chi cauddu! Chi cauddu chi sentu!
CLEMENTINA Vuole che la soffi?
CECCO (sempre incantato) Si... grazi... pi fauri.... Mannarina!
CLEMENTINA (accondiscendente) Ok! Mi chiami pure come vuole! (sempre sul tavolo c'è un giornale, che prende per soffiare Cecco che, ovviamente, è sempre fisso su di lei)
MELA (sempre più sconcertata) Si... grazi... pi fauri.... e tutti 'nta vota?
CECCO (mentre Clementina lo soffia, deliziato) Ah! Ah! Arancina! Si! Comi ti vogghiu beni!
MELA Ah no! Si... grazi... pi fauri.... e puru ti vogghiu beni? No..no … basta! Autru chi miraculu! Chistu incantesimu fu! U mammaluccau sta... sta... scema! (a Clementina) Senti.... Mannarina... Arancina e Limunina... leviti i ddocu... chistu è nostru ziu! Tu chi voi ccà? Vatinni! Chistu è territorio nostru! (tira e scuote Clementina finchè la fa staccare da Cecco)
CECCO Nooo! Resta cu mia! Jò vogghiu sulu a tìa!
CLEMENTINA Ma io ero venuta qua per lavoro! Io sono stata chiamata come infermiera esperta!
MELA Non mi fari diri di chi si espetta tu! (e cerca di spingerla via aiutata dai suoi cugini e dal marito e nel frattempo allo zio) E tu non eri chiddu chi dicìa ch'era pessu u tempu appressu i fimmini?
CECCO Noooo! Finitila! Mannarina... Arancina... Limunina... resta ccà! Io aju ancora bisognu i tia!
CLEMENTINA Signor Cecco... signor Cecco!
(mentre i cugini sono quasi riusciti a spingere Clementina verso la porta, s'imbattono nel medico e nel suo amico notaio)
DOTTORE Cosa succede qui? Cos'è tutto questo baccano? Io e il mio amico lo abbiamo sentito dalle scale!
(tutti si fermano contriti, Clementina può tornare vicino Cecco)
CECCO Mi vuliinu puttari via a me … Clementina!
CLEMENTINA Oh... signor Cecco... finalmente l'ha detto giusto!
DOTTORE Ora basta! Un po' d'ordine! Devo visitare il paziente....
SASA' (lo interrompe)... miraculatu!
DOTTORE E vediamo un po'! (ricomincia con la visita come prima)
(nel frattempo Sasà fa accomodare l'amico del medico in una sedia vicino al tavolo)
DOTTORE Signor Cecco... lei è un uomo molto fortunato! Del suo attacco di cuore... non c'è più traccia! Adesso come si sente?
CECCO Comi nu omu novu!
MELA In effetti!
CECCO E u meritu è da qui presenti … infimmera espetta!
CLEMENTINA No! Io non c'entro niente! E' stato solo un caso!
CECCO Quali casu... quali casu! U meritu è toi e basta! E jò.... mi vogghiu sdebbitari!
(i nipoti si guardano tra di loro esterrefatti dicendo tutti, a turno, comincia Mela, con varie tonalità: Sdebbitari?)
CLEMENTINA Sdebitare? No! Perché mai? Va bene così! Voi state bene... l'importante è questo! Non credo proprio sia il caso!
CECCO E' u casu! E' u casu! (a Sasà) Sasà....prestu un nutaru! (quindi si alza dalla poltrona)
(i nipoti si guardano tra di loro esterrefatti dicendo tutti, a turno, sempre Mela per prima, con varie tonalità: Un nutaru?)
DOTTORE Scusate... ma il mio amico... qui presente... è un notaio!
NOTAIO Si! In effetti... (con fare pomposo) ...io sono il notaio Arcibaldo De Notabilis... dell'omonimo studio notarile sito in questa città da più di tre generazioni!
(i nipoti si guardano tra di loro esterrefatti dicendo tutti, a turno, prima Mela, con varie tonalità: E' un nutaru!!)
CECCO Chi futtuna! Chi futtuna! Sasà... prestu... pigghia catta e pinna!
SASA' Subitu! (va alla scrivania e dal cassetto esce l'occorrente)
CECCO Signor notaru! Alla facci da motti.... chi pi sta vota a gabbai... vogghiu fari u stissu testamentu!
(i nipoti si guardano tra di loro esterrefatti dicendo tutti, a turno, ovviamente inizia Mela, con varie tonalità: Testamentu?)
NOTAIO Sono a vostra disposizione... signor Cecco!
CECCO Fozza allura! Vui siti prontu?
NOTAIO (carta e penna davanti) Quando volete!
(durante tutta la dettatura del testamento i nipoti borbotteranno tra di loro)
CECCO Dunqui... (con fare molto teatrale) In data di oggi... (utilizzare la data della messa in scena) jò sottoscrittu Francesco Diconò , detto Cecco... da patti di cani, porci e jatti mamuni... in possessu di tutti i me facoltà mentali …. e dicu tutti... puru chiddi fisici picchì... ringraziannu a Diu... pi stavota ma scapputtai grazi e pi meritu da signurina Clementina, ccà prisenti, stabilisciu … anzi cumannu... chi a signurina di prima … a mia motti... cioè propriu quannu non ni pozzu cchù fari a menu.... ricevi... comi mia eredità … (pausa ad effetto e poi guardando tutti negli occhi, indicando con le dita) … du milioni … dicu dui!
(i nipoti si guardano tra di loro esterrefatti dicendo tutti, a turno, per prima Mela semisvenendo, con varie tonalità: Du milioni!)
CECCO (poi continua con la dettatura) E … e me niputi...
(i nipoti si guardano tra di loro speranzosi dicendo tutti, a turno, Mela prima, con varie tonalità: E so niputi?)
CECCO (poi, parlando di fretta) … propriu picchì su i me niputi... e pi fari n'opira di beni....
(i nipoti si guardano tra di loro dubbiosi e contrariati, dicendo tutti, a turno, Mela prima, con varie tonalità: N'opira di beni!!)
CECCO … ci lassu... (li guarda bene ad uno ad uno che aspettano ansiosi le sue parole e poi dice velocemente e con noncuranza)... a me collezioni di riloggia!
(i nipoti si guardano tra di loro allibiti e delusi dicendo tutti, a turno, Mela prima, con varie tonalità: I so rriloggia!! Mela poi, ripetendolo, sviene sul serio tra le braccia del marito e dei cugini che cominciano a soffiarla)
(intanto entra, sempre indisturbato, Miki)
MELA (dopo esser rinvenuta, accalorata e arrabbiata, ripete più volte) I so rriloggia! I so riloggia! Quattru ferri vecchi! Chistu si meritannu i so niputi! E... a na scimunita chi nuddu sapi cu è... du milioni! Du milioni!
MIKI (dopo aver osservato la scena) A mà?! Mancu stavota scucìu u vecchiu?
MELA (sempre più arrabbiata) Ma quali scuciri e cuciri! Pi iddu semu digni sulu di quattru rriloggia vecchi e scassati! Ma jò... basta... ccà... non ci restu cchiù! A vidiri sta pagliacciata non ci staju! Ginu? Miki? Amuninni! (e ai cugini) E vui? Ristati ?
(i nipoti fanno di no con la testa)
MELA (mentre se ne vanno tutti, allo zio) Salutamu... mastru “no!”!
(tutti gli altri nipoti, a turno: Salutamu! Kate dice invece: Goodbye!)
CECCO (dopo che i suoi nipoti sono usciti) Eccu chi razza di niputi haju!
CLEMENTINA Sono proprio andati via con le pive nel sacco!
CECCO E cettu... dopu stu beddu tiatru! A propositu... complimenti a tutti... fustu propriu bravi!
SASA' Complimenti a tìa... un'interpretazioni degna du cchiù ranni attori!
NOTAIO Il suo testamento poi... esilarante!
CLEMENTINA Signor Cecco … e ora … cosa vuole fare?
CECCO Chi fazzu? U fissa... eccu chi fazzu! Sasà … vai a chiamari ddi sei animi in pena!
SASA' Picchì... chi voi fari?
CECCO Tu chiamili... chi i sorpresi non fineru!
SASA' Vaju! (ed esce)
CLEMENTINA Allora lei non è quell'uomo burbero che vuole sembrare!
DOTTORE Ha intenzione quindi di perdonarli?
CECCO E che è fari! Sempri i me niputi su... tinti... ma sempri niputi restinu! Sangu du me sangu!
NOTAIO Signor Cecco... prima parlava di sorprese....
CECCO (ridacchiando) Eh già! Na bella sorpresa... anzi dui... chi micci!
(nel frattempo rientrano tutti i nipoti, compreso Miki, con Sasà)
CECCO Oh! Beni! L'animi in pena ritunnaru! (e prendendo dalla scrivania il cappello di Kate, a lei) E tu... tè ccà... t'avivi scuddatu u pappajaddu! (e glielo mette in testa)
MELA Chi voi ancora? Non ti bastau mi ni umilii prima?
CECCO Jò non vi umiliai... dimostrai sulu un teorema... anzi dui!
GINO Du teoremi? Chi voi diri?
CECCO Datu nu ziu “single” … chiamamulu così pi fari cuntenta puru a 'ngrisa... e na para di niputi squattrinati, si u ziu avi du soddiceddi misi i cantu, i niputi fannu di tuttu mi si fferrinu!
MELA E chistu chi sarìa?
CECCO U primu teorema dill'avidità di Francescu Diconò dettu Ceccu!
GINO U primu? E u secunnu... quali sarìa?
CECCO Si i niputi hannu a facci tosta, ci provinu puru mentri u ziu è ancora vivu! Mancu mi mori spettinu!
(i nipoti borbottano tra di loro)
CECCO Va beni! Non mummurìati cchiu! E' ura di mettiri i catti in taula! Pi prima cosa... jò... sugnu sanu fotti e chinu i vita! E u me cori batti in bona saluti comi non ava mai battutu 'nta so vita! E tuttu chiddu chi vidistu... fu … sulu... nu beddu tiatru!
MELA Nu tiatru? (lo ripetono tutti a turno, come prima)
CECCO Nu tiatru... nu tiatru! Tuttu mi dimostru chi non siti niputi divoti … ma... 'ntirissati! E mi vi dugnu puru na lezioni!
MELA Ma jò... cacchi senzazioni strana l'avìa avutu! A fogghia... in quacchi modu... mi ll'avìa manciatu!
CECCO E com'era?
MELA Com'era chi cosa?
CECCO A fogghia? Com'era?
MELA Amara! Comi a tia!
CECCO E bonu! Ora ci mittemu na picca i zucchiru! (pausa) Innanzituttu... i famosi du milioni … ci su e … non ci su! (pausa) Secunnu vui?
MELA Non ci su! (lo ripetono tutti a turno come prima)
CECCO Ci su... ci su!
MELA (drizzando le antenne) Ci su? (lo ripetono tutti a turno come prima)
CECCO Sissignuri! Però...
MELA U dicìa jò chi non putìa essiri tuttu lisciu comi l'ogghiu!
CECCO Però...jò... non specificai na cosa!
MELA E chi cosa?
CECCO Chi sunnu si... du milioni ma... (sottolinea) … di “Liri”!
NIPOTI (all'unisono esterrefatti ) Di liri? (lo ripetono tutti a turno come prima)
CECCO Di liri... di liri! (pausa) Jò sugnu vecchiu e sugnu ffizziunatu e liri... chiddi si ch'erinu bei tempi! (pausa) E jò mi nni sabbai du milioni tutti a catti i milli liri! (pausa) E ora videmu cu di vui è cchiù intelligenti e capisci unni su sabbati! Dopu chi ciccastu a tutti i patti! Dui cchiù dui l'avrissu sapiri fari!
(i nipoti si guardano fra loro dicendosi: boh! Ad un certo punto)
BETTA Si fussi jò... mi cucirìa 'nto'n vistitu! (E ride)
FELICE Si... si … 'nto'n vistitu! (ride anche lui)
(gli altri li guardano tutti perplessi e poi capiscono)
MELA U dicìa jò chi c'era cacchi cosa di stranu 'nta ddu vistitu!
CECCO E cu s'aspittava chi u carrettu ci arrivava a ddi dui! (indicando Betta e Felice; pausa) E comunqui... cari mei... chiddi... i soddi.... dda sunnu... e dda restinu! Quannu moru... vogghiu stari mobbidu... 'nte catti i milli liri!
MELA E i soddi ni giucammu! Di rriloggia scuncassati chi n'ama fari? Nenti!
CECCO E ccà ti sbagghi... cara mia! ( va alla scrivania e prende un foglio) Chistu è nu cettificatu! E ccà c'è scrittu chi... i rriloggia da me collezioni … i rriloggia scuncassati comi i chiamati vui... in effetti valinu.... (pausa in cui li guarda tutti negli occhi) … du milioni... (pausa)....
MELA (ansiosa) … du milioni?
CECCO (teatrale) … di Euru!!!!
(i nipoti si guardano esterrefatti e ripetono tra di loro: Di euru!!!)
CECCO E si faciti i bravi... si faciti i bravi... poi... poi...(facendo con le mani un gesto per dire: molto poi!) ... sunnu i vostri! (pausa) Anzi... vi dicu puru di cchiù... un collezionista stranieru voli a tutti i costi nu rriloggiu propriu da me collezioni...e mu paga bonu! E... si faciti i bravi... ma sulu si faciti i bravi... chiddu chi pigghiu vu dugnu a vui! Anchi si non vu meritirìu! Siti cuntenti? Oh! Così finammenti... a mia... mi lassati in paci! Ah!
(i nipoti a turno : Grazi ziu! Kate: oh... yes! Thanks!)
CECCO Pregu... pregu! (pausa)
MIKI A mà?! Ma stavota … scucìu?
CECCO (sospirando rassegnato) Scucìa... scucìa... stavota scucìa!! (pausa poi al centro della scena, solo) E... comi si dici... tuttu è beni chiddu chi finisci beni! (pausa) E si... parenti seppenti... ma … pur sempri parenti!
FINE
SANTINA (detta TITTY) GIANNINO (n° pos. SIAE 216044), www.tittygiannino.jimdo.com,
In caso di eventuale rappresentazione contattare l'autrice
e-mail: tittyg68@gmail.com, santina.giannino@hotmail.it cell. 3343589590