“MEJ CHÌ PRUVISORI, CHE DE LÀ FÌSS!”
commedia dialettale in due atti liberamente ispirata a “IL MALATO IMMAGINARIO” di Molière
di Alfredo Caprani
personaggi:
MARTINO RIVA (ricco imprenditore)
GILDA(collaboratrice famigliare)
LILLY (seconda moglie di MARTINO)
CANDIDA (figlia di MARTINO)
DOTT. SCALCHIGNA (medico)
ORESTE (meccanico)
ROSETTA (infermiera)
PEDUZZI (notaio)
ATTO PRIMO
Salotto di casa Rimoldi. (commento musicale I)
MARTINO – (si siede al tavolo estraendo da una capiente borsa scatole di medicinali. Legge e separa le confezioni grattandosi varie parti del corpo) - “SOLBETIN”...no...”BENTANOL”, nanca quèst...”DIGESTRAMIN, nanca...epur ga l'avevi in giir, indua l'è finida?
GILDA - (rassettando il locale) cussè che 'l cerca ancamò?
MARTINO - (c.s.) la pumada per l'orticaria
GILDA - adèss a 'l gh'à anca l'orticaria?
MARTINO - l'è da quand ma summ svegliaa che ma prüüd tütt i gaamb e i brasc e summ pièn de brufelìn. Guarda, guarda chì i brufej (mostrando un braccio).
GILDA - (guardando) quanti scèn per un brufelìn
MARTINO - (mostrando una gamba) anca süi gaamb
GILDA - (c.s.) ma l'è apena un puu ròss
MARTINO - altar che ròss! Ma paar d'avecch déént un esercito de furmiich che curan cume màtt
GILDA - che 'l sa grata, alura
MARTINO - già! Ma püsséé ma grati, püsséé sa irrita e ma grati püsséé fort
GILDA - alura che 'l sa grata minga
MARTINO - ta féét tütt facil tì...bèll vèss sàn e viscur...(visionando sempre le medicine)
GILDA - mì summ sana e viscura perchè gh'ù minga téémp de malass. Ma toca lavurà
MARTINO - ecula chì! “PRUDENTIL”, l'è questa. L'è quela che 'l m'aveva daa ul dutuur quand m'era vegnüü la stessa roba
GILDA - e cume mai la gh'era vegnuda?
MARTINO - avevi mangiaa i fragul
GILDA - ma adèss n'à minga mangiaa de fragul
MARTINO - l'è vera! E alura cume mai m'è vegnu sta bestia de urticaria?
GILDA - l'avrà mangiaa un quaicòss che andava minga ben
MARTINO - ul salam! Ul salam de iéér sira
GILDA - ma se la mangia tütt i dì ul salam
MARTINO - sì, ma pooch
GILDA - pooch o tantu l'è sempar salam
MARTINO - mì ciami ul dutuur
GILDA - ma che 'l ga rumpa pü i bàll
MARTINO - vöraria minga che 'sta pumada la vaga minga bèn e che quest'urticaria la sia un brütt segn. (prende il telefono e compone il numero)
GILDA - 'Sta setimana l'avrà già ciamaa una vintena de volt. Un quai dì a 'l ga dà ul cianuro per pü sentìll
MARTINO - buongiorno dottore sono... ah! L'à già capii...dutuur, m'è vegnüü ancamò l'urticaria...no, ù minga mangiaa i fragul...e cussè che po' vèss?...tanti ròbb?...Oh, bestia...lo strèss...ul polline...acari... a 'l ma stremìss...sì...sì...va bèn, quand a 'l ghà un puu de téémp, che 'l vegna a fàmm una visitina...sì, intaant a podi mètt ul “PRUDEMTIL”? Sì, quèll che a 'l m'à daa l'altra volta...
GILDA - (che nel frattempo aveva visionato la pomata) che 'l guarda che l'è scadüda
MARTINO - cume l'è scadüda?
GILDA - l'è scadüda da un méés
MARTINO - (agitato) dutuur, l'è scaduta! Sì, mando subito a prenderla...la mia figlia!? Sì, quella la stà sempre bene...sì, quando verrà a visitarmi ci faccio trovare anche lei...va bene...sì ma che 'l vegna presto perchè il prurito si fa sempre più insopportabile (grattandosi)...va bene, aspetto...no, non mi gratto più...ma mi prude...alura meti sü ul borotalco mentolato per adèss...sì l'aspetto, ma che 'l faga svèèlt...saluti (appende)
GILDA - cussè che l' vöör quèll lì dala sua tusa?
MARTINO - cussè che ta interassa a tì? Vann a tömm ul borotalco (grattandosi)
GILDA - (grattandosi) e che la smeta de gratàss che 'l ma fa vegnì l'urticaria anca a mì
MARTINO - següta pü a parlà e vànn a tö ul borotalco mentolato
GILDA - cussè che ìl vöör che 'l faga ul borotalco?
MARTINO - a 'l ma fa sentì mèn ul prurito
GILDA - ma bisögna capì ul mutiiv de quii düü brufèj lì. Sarà un puu de indigestiùn
MARTINO - (illuminato) indigestiùn!? Efetivaméént, stamatina a sùmm nemò andaa de corp
GILDA - a 'l vééd. A 'l sarà un puu imbarazzaa
MARTINO - alura dàmm una pürghèta
GILDA - un bèl bucetìn de oli de ricin
MARTINO - brava! Portum l'oli de ricin cunt un puu de zucher e ul borotalco
GILDA - (insofferente alle spalle) che düü bàll!
MARTINO - cussè che te dìì?
GILDA - che ma fa maa ul càll
MARTINO - mètt sü ul CALLIFIN che gh'ù nel cassètt
GILDA - (ironica) sì! Dumàn
MARTINO - no, no mètall sü sübit che in un dì a 'l sparìss
GILDA - va bèn. Per adèss a vuu a tö ul borotalco e l'oli de ricin
MARTINO - e pö va a tö ul PRUDEMTIL in farmacia
GILDA - (tra sé. Per tutto il dialogo continua a rassettare il locale) ma vàn al diavul!
MARTINO - cussè che te dìì?
GILDA - che ma toca netà ul tavul
MARTINO - quèll ta 'l faréét püsséé tardi
GILDA - ma lüü, l'è minga che a 'l gh'à anca un püü de otite?
MARTINO - (allarmato) perchè?
GILDA - a 'l ma paar anca un puu sturnu
MARTINO - oh, pora mì! Ga mancaria anca quèla. Infati, ogni taant a ma zifulan i urecc
GILDA - l'ha vist? Ma sarà un puu de cerüm
MARTINO - no, no. L'è già un puu de téémp che zifulan ma, ul dutuur Scalchigna, l'à dii che ìnn gli acufeni e passan deparluur
GILDA - sperèmm. Ceert che la sua pora miéé, la gh'aveva una bela supurtaziùn
MARTINO - minga taant. La ma diseva sempar che a gh'avevi mai nagòtt. Mì, seri sempar cunciaa cumè un pedü e léé la gh'aveva mai nagòtt. L'era sana cumè un pèss
GILDA - infati l'è morta
MARTINO - l'à ciapaa un sc'upùn e l'è restada lì. Ma almèn l'à minga sufrii cume mì
GILDA - però lüü l'è chì ancamò
MARTINO - sempar nela suferenza...però, mej chì pruvisori che de là fìss!
GILDA - (tra sé) suferenza per chi resta!
MARTINO - cussè te dìì?
GILDA - ù dìì che duman l'è festa!
MARTINO - l'è minga martedì?
GILDA - ma pareva dumeniga
MARTINO - indua l'è la Lilly?
GILDA - l'è un'ura che l'è in bagn a preparass e “farsi bella”
MARTINO - menu maa che almèn léé la ma capìss
GILDA - (ironica) ah, sì! L'è propi una furtüna
MARTINO - che brava dona! L'è sempar premurusa, gentiil, attenta ala mia salüüd...
GILDA - (commentando mimicamente alle spalle insofferenza e ironia) ah...ceert!
MARTINO - pecàà che la sa tröva minga cun quéla scuntrusa dela mia tusa
GILDA - (c.s.) l'è propi un pecàà
MARTINO - (con improvvisa veemenza) ma alura, ta véét a tö ul borotalco e l'oli de ricin, o no!?
GILDA - a vu, a vuu! Finissi de mètt a post chì e vuu
MARTINO - l'è un'ura che ta stéét lì a parlà e mi ma grati cumè un càn pién de piöcc
LILLY - (pimpante, truccatissima, elegante e fatua entra) dov'è il mio piccioncino? Come stà oggi il mio amoruccio? (avvicinandosi a MARTINO seguita dallo sguardo sarcastico di GILDA)
MARTINO - (esasperando lo stato vittimistico e continuando a grattarsi) oh, cara mia, sto sempre peggio
LILLY - (forzando preoccupazione) ma cosa c'è? Piccioncino
GILDA - ul “piccioncino” a 'l gh'à ul “prurito”
LILLY - prurito!?
MARTINO - (a GILDA imperativo) tì, vànn a tö ul borotalco e l'oli!
LILLY - olio?
GILDA - l'oli de ricin perchè l'è anca infesciàà
LILLY - infesciaa!?
GILDA - c'à un po' di indigestione
LILLY - (sempre mielosa accarezzandolo) oh, il mio povero “paperotto”
GILDA - tra piccioncini, paperotti e galìn, a paar de vèss in un puléé
MARTINO - (irato) fà minga la spiritusa e vànn a tö i medisìn
GILDA - sarà mej che vaga prima che ma vegna ul prurito anca a mì ai màn (esce)
MARTINO - che zabetuna! Per léé gh'ù mai nagòtt
LILLY - lasciala perdere. Adesso ci sono io che cura il mio “Mucci-Mucci”
MARTINO - tì sì che ta ma capissat
LILLY - ma hai chiamato il medico?
MARTINO - sì, sì. Appena si libera viene a visitarmi
LILLY - ma cosa ti senti?
MARTINO - una bestia insupurtabìl de prurito e brufej süi brasc e süi gaamb. (mostrando gli arti e grattandosi)...guarda, guarda chì che roba
LILLY - (fingendo preoccupazione) oh, poverino! Chissà che fastidio
MARTINO - altro che fastidio. Ma strapapria la pèll
LILLY - e da cosa potrebbe essere causato?
MARTINO - forse un po' d'indigestione
LILLY - fammi vedere la lingua... (MARTINO mostra la lingua) uuuuh! Com'è sporca
MARTINO - (preoccupato) vedi? C'ho tutto lo stomaco bloccato. Adèss, cussè che fuu?
LILLY - una bella purghetta e passerà tutto
MARTINO - adèss la ma porta l'oli de ricin
LILLY - ma l'olio di ricino ti debilita ha un'azione troppo drastica e ti scombussola tutto lo stomaco
MARTINO - ta disàt?
LILLY - sarà meglio un bèl clistere
MARTINO - clistere?
LILLY - un rimedio infallibile e naturale della nonna. Acqua calda, sale da cucina, olio d'oliva e glicerina. Una soluzione che assicura una completa pulizia del colon e dell'intestino
MARTINO - oh, cara la mia dottoressa, solo tu mi capisci
LILLY - io ci tengo alla salute nel mio “Ciccino”
MARTINO - in 'sta cà, nessün ma capìss. Quèla strìa dela GILDA la ma tö perfina in giir, per la mia tusa gh'ù mai nagòtt e mì a stuu sempar màà
LILLY - certo che tua figlia dovrebbe essere più comprensiva
MARTINO - parlamen minga. (facendole una ridicola imitazzione) “ma non c'hai niente”, “non fare scene”, “sei malato nella testa” e la ma rispuund sempar cumè una bissa. La gh'avèss léé tütt quèll che gh'ù mì
LILLY - hai ragione! E' proprio un'ingrata
MARTINO - cun tütt quèll che ù faa mì per léé
LILLY - sono i figli d'oggi
MARTINO - se almèn la ma ascultàss una volta. Gh'è ul dutuur Scalchigna che a 'l ga möör dréé ma, léé, a ga dà fastidi dumà a vedèll
LILLY - così una brava persona
MARTINO - se la ma dàss rèta a sarium a post tütt. La sa sistema léé cunt un bravu fiöö e mì a gh'avaria un dutuur in cà che a 'l ma cüra
LILLY - ma sembra che a lei non piaccia
MARTINO - che sa la faga piasè. Un òmm inscì a 'l sa tröva minga in gììr
LILLY - hai ragione, Ciccino
MARTINO - ma se la ma sculta minga, mì, a la diseredi e la mandi a lavurà. Ga paghi pü l'università e la mandi fö de cà
LILLY - e fai bene! I giovani d'oggi non hanno più rispetto per i genitori. Non riconoscono i sacrifici che si fanno per loro
MARTINO - ta gh'ét resùn. Ma ta faruu vedè cussè che fuu mì
GILDA - (entra) ecu ul borotalco e l'oli de ricin
MARTINO - dàmm ul borotalco e l'oli de ricin tirall giò tì
GILDA - perchè?
MARTINO - perchè l'oli de ricin l'è tropp drastich e scumbüssula tütt ul stomich
GILDA - e alura?
MARTINO - alura vànn a tö ul clistere
GILDA - ul clistere!?
MARTINO - un bèl clisterino de acqua, oli d'uliva e glicerina a 'l neta bèn ul colon e l'intestìn
GILDA - chi ga l'à dii? (ironica riferendosi a Lilly) La duturessa?
MARTINO - pensacch minga tì a chi ma l'à dii
LILLY - certo! L'ho detto io. E' un rimedio della nonna sano, naturale e immediato
GILDA - e ga la fa léé ul clistere?
LILLY - io!?
GILDA - mì no de céért
MARTINO - (a GILDA) telefuna giò in farmacia e fà vegni sü la cumessa, la Rusètta, che la ma fa i puntüür; dicch de purtàmm sü ul PRUDEMTIL e la glicerina e che la ma faga ul clistere. Dàmm ul borotalco
GILDA - (esegue) Ecu! Che sa la meta anca sül cò
MARTINO - Huéj! Un puu de rispètt, neh!
GILDA - a vuu de là a telefunacch ala cumessa dela farmacia (esce)
MARTINO - che bisbetica
LILLY - non capisco come fai a sopportarla
MARTINO - c'hai ragione! L'è propi insupurtabil
LILLY - io l'avrei già cacciata da tempo
MARTINO - come si fa? Sono trent'anni che è in casa; ha cresciuto mia figlia, l'à guvernaa la cà e urmai l'è vüna de famiglia
LILLY - ma se ne approfitta e non ha rispetto per nessuno
MARTINO - certi voolt la ma fà vegnì un nervuus che devi tirà giò litar de camamela
LILLY - e tu, invece, hai bisogno di tranquillità e di serenità
MARTINO - c'hai ragione, cara. Ma urmai sùmm una vitima de 'sta sitüaziùn
LILLY - (mielosa) ma ci sono io che ti sta vicino, piccioncino mio
MARTINO - l'è vera! Senza di te non saprei cosa fare
LILLY - su, ora mettiamo il borotalco sui tuoi braccini e sulle gambette
MARTINO - sì, sì! Il prurito mi aumenta
LILLY - povero “Mucci-Mucci”! (l'aiuta a spargere il borotalco) chissà che prurito
MARTINO - che suliéév! Metti un po' qui...anche qui...brava
LILLY - ecco, distenditi meglio e metti il cuscino sotto la testa...(eseguendo) stai meglio?
MARTINO - sì, molto meglio
LILLY - ora stai bello comodo e rilassato e, vedrai, che con la purghetta ti passerà tutto
GILDA - (entra) tra un puu 'riva la Rusetta
MARTINO - chi l'è?
GILDA - la cumessa dela farmacia, no!? Quela di puntüür e di clisteri
MARTINO - ah!...ta gh'éét resùn! Ta védat? Vuu già via de cò
LILLY - allora io vado, amoruccio mio
MARTINO - dove vai?
LILLY - ho l'appuntamento con l'estetista. (a MARTINO) Vado a farmi bella per te, Ciccino
GILDA - (tra sé) chissà che lavurà!
LILLY - come?
GILDA - no. Intendevi dì che l'è düra mantegnìss sempar giuvin
LILLY - non bisogna trascurare il proprio aspetto
GILDA - sì, ma ul téémp a 'l passa per tütt
MARTINO - (a GILDA) mucala de dì stüpidaat! (a Lilly) vai pure cara
LILLY - ci vedremo più tardi amoruccio mio. (con lunghi svenevoli vezzeggiativi a soggetto, smancerie e “bacetti” ricambiati da MARTINO esce)
GILDA - (tra sé) che vomit!
MARTINO . cussè che te dìì?
GILDA - che ma vegn de trà sü
MARTINO - te fàà indigestiùn anca tì?
GILDA - no! A vedè certi bagianààd ma rivolta ul stomich
MARTINO - invidiusa!
GILDA - gh'è propi de vèss invidiuus a vedè du rimbambii dela vossa età a fà certi smargiassat
MARTINO - cussè che ta vörat capì tì che ta séét sempar stada una zitèla repressa
GILDA - mej vèss una zitela repressa che vèss lì cunciaa cume lüü
MARTINO - (agitato) ecu, ecu! La pressiùn che la ma và sü. L'è culpa tua se gh'ù l'ipertensione
GILDA - ma se l'è vint'ànn che 'l gh'à la pressiùn alta
MARTINO - (rovistando ansioso in una borsa di plastica che tiene accanto alla poltrona) indua ìnn i pastigli dela pressiùn?
GILDA - ecu, che 'l tira giò un'altra pastiglièta
MARTINO - (con crescente preoccupata frenesia esamina le confezioni di medicinali) OSINOL...VENAZIL...MALTIZINA...ma indua l'è?
GILDA - ma l'à minga tirada giò stamatina?
MARTINO - (c.s.) ma regordi pü. Ma l'è mej minga risc'à...ecula chì! Mej tirànn giò dò che minga. Dàmm un bicéér d'acqua
GILDA - sarja mej un puu de vìn (esce)
MARTINO - ga mancheria anca quèla. I pastigli cunt ul vìn...ta vöörat fàmm crepà?
GILDA - (rientra con l'acqua) ecco l'acqua
MARTINO - (prende la pastiglia) e se l'ù già tirada giò stamatina?
GILDA - ga sa sbasserà tropp la pressiùn
MARTINO - (preoccupato) e cussè che fuu?
GILDA - a 'l tirerà giò un'altra pastiglia per tirala sü
MARTINO - (c.s.) oh,cara Madona! Quand 'riva ul dutuur bisögna che ma la faga sübit misürà. Indua l'è la mia tusa?
GILDA - cussè che 'l vöör dala sua tusa?
MARTINO - cussè che ta interessa a tì?
GILDA - l'è dréé crepà e ga vegn in méént la sua tusa
GILDA - e alura?
MARTINO - ù dumandaa indua l'è la mia tusa!
GILDA - l'è nela su camera a stüdià per l'esam de l'università
MARTINO - che la vaga minga via
GILDA - perchè?
MARTINO - perchè a 'l riva ul dutuur
GILDA - ù capii! E alura?
MARTINO - alura che la sia chì anca léé
GILDA - perchè, a 'l gh'à de visità anca léé?
MARTINO - interessat dì afari tò!
GILDA - cussè che ìl gh'à in méént?
MARTINO - ul dutuur l'è un bravu fiöö
GILDA - e alura?
MARTINO - e l'è inamuraa
GILDA - de chi?
MARTINO - dela Candida
GILDA - che a 'l lassa stà quèla tusa! Che la gh'à de stüdià
MARTINO - sì, ma se la sa spusa cunt ul dutuur, sèmm tütt a post. Léé la sa sistema e mì a gh'ù un dutuur in cà che 'l ma cüra per tütt i malatii
GILDA - (con crescente animazione dei toni tra i due) che 'l sa faga cürà ul cò. La candida l'è una tusa bela e in gamba e la sa rangia deparléé. La sa büterà mai via cunt un barlafüüs del genere
MARTINO - baralfüüs!? L'è un dutuur e l'è un òmm a post
GILDA - ma l'è minga per léé
MARTINO - cussè che vörat savèn tì? Tì pensa a fa i mestéé de cà che ala mia tusa ga pensi mì
GILDA - ma mì l'ù cressüda
MARTINO - e mì, l'ù mantegnüda! L'ù fada stüdià e l'ù edücada. Quindi la gh'à de fa quèll che disi mì
GILDA - che 'l guarda che sèmm minga nel témp de “Carlo Cudiga” quand i genituur decidevan per i fiöö. I téémp ìnn cambiaa
MARTINO - e se la fa minga quèll che disi mì, la diseredi e la mandi fö de cà. Püssèè la créss l'è sempar püsséé dispotica, malmustusa e scurbütica
GILDA - altar che diventà scurbütica cun tütt quèl che sücééd in 'sta cà
MARTINO - e anca cunt la Lilly, la gh'à minga de rispètt
GILDA - ma l'è la sua cara Lilly che la gh'à minga de rispètt
MARTINO - la Lilly l'è la mia miéé
GILDA - ma l'è minga la sua mama
MARTINO - ecu! Ta ma féét incazzà e ma manca ul fiaa
GILDA - che 'l tira giò un ansiolitico
MARTINO - (rovistando ansiosamente nella borsa di plastica) indua l'è...indua l'è l'ansiolitico?
GILDA - ecu! Se ga disi de tirà giò ul cianuro, a 'l tira giò anca quèll
MARTINO - (sempre cercando con crescente frenesia la medicina) l'è tüta culpa tua che ta ma féét vegnì ul nervuus ogni volta che ta verdat la boca...tì ta ma féét crepà
GILDA - magari! Inscì a 'l sufrìss pü
MARTINO - disgraziada...assassina...t'èl chì! (trovando la medicina legge) “estratto di passiflora”
GILDA - che 'l tira giò tüta la bucèta! (suona il campanello) sarà scià la Rusètta (esce)
MARTINO - (legge la confezione) “prodotto calmante omeopatico non da assuefazione”...questchì a 'l và bèn...(prende una pillola)
GILDA - (entra con Rosetta) ecu, ul muribuund l'è lì. Mì a vuu de là a fà i mestéé (esce)
ROSETTA - buongiorno sciuur MARTINO, cume 'l stà?
MARTINO - (da vittima esageratamente compassionevole) stuu màà! Stuu màà
ROSETTA - cussè che 'l gh'à incöö?
MARTINO - gh'ù la pressiùn alta, ul sistema nervuus scumbinaa, sùmm pién de brufej che ma fànn gratà fina a fàmm vegnì fö ul saang e la panza sgunfia che ma paar sia blucàà tütt l'intestìn
ROSETTA - che 'l sa preocupa minga sciuur MARTINO
MARTINO - cume fuu a minga preocupàss
ROSETTA - un bèll clisterino e 'l và tütt a post
MARTINO - la dìss?
ROSETTA - (estraendo dalla borsa un enorme clistere) un bèll lavagg interno a 'l fa passè tütt! Ul nervuus, la pressiùn, la stitichezza, i brufej
MARTINO - (preoccupato vedendo il clistere) cussè che l'è quèll ròbb lì?
ROSETTA - ul clistere
MARTINO - e mì duvaria infilà tütt quèl armaméént lì?
ROSETTA - tütt l'è in rapoort ala stazza
MARTINO - ma quèll lì a l'è per i cavaj
ROSETTA - (estraendo l'occorrente per il clistere) beh, lüü l'è minga tant püsséé pinìn
MARTINO - e me la fa pién?
ROSETTA - céért!
MARTINO - ma quèll ròbb a 'l ma spürga anca i büsécch
ROSETTA - che 'l sa preocupa minga. Mì summ un'esperta de 'sti mestéé
MARTINO - a 'l sarà, ma a mì a 'l ma preocupa un pùù
ROSETTA - tranquillo, sciuur MARTINO. Tra un'ureta a 'l sa sentirà legéér cumè una piüma...ah, ecu anca ul PRUDEMTIL
MARTINO - la pumada? La meti sü sübit?
ROSETTA - prima fèmm ul clistere. Pö a spalmum sü per bèn anca la pumada
MARTINO - sì, ma che la riempissa minga tütt quèll ròbb lì
ROSETTA - ma la magiuur paart l'è acqua
MARTINO - ma l'è asséé de riempì un acquari cunt i pèss
ROSETTA - magari a 'l pò mandà giò una quai rana viva inscì fànn ul bagn. Ma la sa cume fànn bèn i ran viif!? Disintossican tütt l'organismo
MARTINO - a gh'ù propi vöja de scherzà
ROSETTA - e chi scherza? (estraendo delle scatole dalla borsa) Ul mè poor pà, ogni quindàss dì, a 'l nava a ciapà i rann e na mandava giò sempar una quaj vüna viva cunt un bicéér d'acqua. E l'è scampaa fina a nuvantacinch ànn
MARTINO - che ma la faga minga pensà
ROSETTA - ecco la glicerina, l'emolliente, il sale iodato e anche un po' di malva; adèss ga vöör l'acqua
MARTINO - ga la disa ala GILDA...(chiama forte) GILDA!
GILDA - (da fuori) cussè che gh'è?
MARTINO - vegn chì che l'infermera la gh'à bisogn
GILDA - (entra e vede Rosetta con il clistere) oh bestia! Cussè che l'è quèll robb lì?
ROSETTA - ul clistere
GILDA - quèll lì l'è per i elefaant!
MARTINO - l'è quèll che gh'ù dii ancamì
ROSETTA - se sa fiduff minga vörarà dì che a l' riempissi minga tütt
GILDA - sarà mej, se no quèl'òmm a 'l sc'opa chì in cà
MARTINO - mì vöri minga sc'upà
ROSETTA - che 'l stia tranquill, summ esperta in 'sti mestéé
MARTINO - sperèmm!
ROSETTA - dove posso prendere dell'acqua calda, GILDA?
GILDA - che la vegna de là
MARTINO - porta un cadìn cun l'acqua
GILDA - a vörerii minga sta chì a fà ul clistere in sala?
MARTINO - perché no?
GILDA - ma lüü l'è matt? Stà chì cunt ul tafanari pel'aria sül divan? Che 'l faga minga rììd
ROSETTA - forse la gh'à resòn
GILDA - senza “forse”! Sü, andéé de là in camera
CANDIDA - (entra) buongiorno (Rosetta risponde)...ciao papà
GILDA - ecu, ga mancava de stà chì a fà ul clistere che entrava la sua tusa. Saria staa un bèl vedé
CANDIDA - cosa doveva fare?
MARTINO - (scorbutico) nagòtt, nagòtt. A ta interèssa minga a tì. (alzandosi) sü sciura Rosetta, andèmm in camera
ROSETTA - (raccattando i medicinali, il clistere e la borsetta) andèmm
GILDA - (a Rosetta) se la gh'à bisögn de l'acqua calda la vaga nel bagn
ROSETTA - va bèn, grazie (escono)
GILDA - almèn se la ga casciass déént l'acqua sbrujenta a düséént gradi
CANDIDA - ma cosa devono fare?
GILDA - un clistere
CANDIDA - un clistere!?
GILDA - cèèrt che tì a ta séét nanca cussè che l'è. Tütt ròbb che sa fasevan cent'ànn fa
CANDIDA - ma papà non stà bene?
GILDA - quand'è che l'hai visto stare bene? A 'l gh'à sempar un quaicòss
CANDIDA - effettivamente!
GILDA - e 'l brütt l'è che 'l pegiura sempar
CANDIDA - poverino!
GILDA - macché poverino! Poverini ìnn chi ga stà inturna
CANDIDA - (raggiante) GILDA, sai che mi ha telefonato?
GILDA - chi?
CANDIDA - Maurizio!
GILDA - (senza entusiasmo) ah, bene! Sono contenta. E cussè che a 'l t'à dìì?
CANDIDA - che mi ama e che tra mezz'oretta verrà a prendermi per andare a fare quattro passi
GILDA - ecu! Inscì sèmm a post
CANDIDA - ma non sei contenta? Io sono felicissima
GILDA - sì, sì, sono contenta...ma...
CANDIDA - “ma”, che cosa?
GILDA - niente, niente
CANDIDA - c'è qualcosa che non va?
GILDA - ìnn düü méés che ta ma parlat de 'stu Maurizio. Ma cos'è 'l fa 'stu Maurizio di bello?
CANDIDA - studia! Fa l'università
GILDA - speri che 'l stüdia de dutuur
CANDIDA - no! Fa economia e commercio
GILDA - eccula! Sarà cuntéént ul tò pà
CANDIDA - cosa c'entra mio padre
GILDA - a 'l c'entra, a 'l c'entra!
CANDIDA - ma Maurizio è una persona seria, è dolce, premuroso, bello
GILDA - a 'l suu minga se l'è asséé
CANDIDA - ma perché sei così scettica? Quando te ne parlavo nei giorni scorsi eri così entusiasta della mia relazione
GILDA - mì sùmm entusiasta ancamò adèss
CANDIDA - e allora? Adesso che sono certa d'essere corrisposta dovresti gioire con me
GILDA - vureria. Ma pensi al tò pà
CANDIDA - perché?
GILDA - perchè pensi che lüü a 'l gh'abbia altar prugètt
CANDIDA - che progetti?
GILDA - mi sa che si è messo nella sua testolina di...cume dì...di caldeggiare un tuo rapporto futuro con un'altra persona
CANDIDA - coosa!? Ma è pazzo
GILDA - altro che pazzo! L'è màtt de ligà
CANDIDA - piuttosto scappo da casa
GILDA - ma indove vuoi andare? Cercherèmm de risoolv la sitüaziùnin in una quaj manera...ssst! Cambièmm discuurs che l'è scià
MARTINO - (entra massaggiando lo stomaco) ecco fatto! Ma senti già i büsecch che bruntulan
GILDA - indua l'è la Ruseta?
MARTINO - l'è già andada via. La m'à ciulaa trenta euro e l'è andada
GILDA - trenta euro? L'à truvaa la vaca de muung quela lì. Un quart d'ura per trenta euro. Prima la vegniva a fa puntüür e impiastrà pumaad a viint
MARTINO - ma incöö la m'à faa ul clistere e la m'à spalmaa sü ul PRUDENTIL
CANDIDA - beh, io torno a studiare
MARTINO - no! Aspetta un momento...(si siede sul divano) tì GILDA và de là
GILDA - perchè?
MARTINO -(irato) oh, bèla! U' dii de andà de là e vànn de là. Poderuu parlà cun la mia tusa. Fàmm minga vegnì ancamò ul nervuus
GILDA - a vùù, a vùù. L'è minga ul caas de vusà (esce)
MARTINO - allora, Candida, setass giò un muméént...(Candida si siede su una sedia) cume và l'università?
CANDIDA - bene. Mercoledì avrò un esame e mi sto preparando
MARTINO - brava. Eh, ormai sei diventata anche tu una signorina...ventidue anni...
CANDIDA - ventiquattro, papà!
MARTINO - bestia! Cume a 'l passa ul téémp. Alura ta séét una dona
CANDIDA - certamente non sono più una ragazzina
MARTINO - ma lo sai che alla tua età, la tua mamma era già sposata?
CANDIDA - lo so
MARTINO - e, anca per tì, riverà l'ura...
CANDIDA - prima o poi
MARTINO - ...e saria ura de cumincià a dàss de fa
CANDIDA - veramente vorrei prima laurearmi
MARTINO - giusto, giusto. Ma i ànn passan anca per mì...
CANDIDA - per tutti passano
MARTINO - ...e ma piaseria vedètt a post cunt un bravu òmm, una bela famiglia...
CANDIDA - ma è prematuro (suona il campanello)
MARTINO - ecu! A 'l riva
CANDIDA - chi
MARTINO - ul dutuur
CANDIDA - allora vado di là
MARTINO - no, resta chì
CANDIDA - ma se deve visitarti
MARTINO - prima fai gli onori di casa
GILDA - (entra) gh'è rivaa ul dutuur
MARTINO - fàll passà
GILDA - che 'l s'acomuda dutuur Scalchigna
NICOLA - è permesso?
MARTINO - che 'l vegna, che 'l vegna dutuur
NICOLA - (come ipnotizzato si dirige verso Candida e, nei seguenti dialoghi, avrà sempre lo sguardo fisso su di lei) buongiorno signorina Candida
CANDIDA - (freddamente) buongiorno
NICOLA - (a Candida) come sta?
GILDA - léé la stà bèn! (indicando MARTINO) Però che 'l guarda che l'è lüü ul malaa
NICOLA - ah, sì, certo. Buongiorno signor MARTINO. Come sta?
GILDA - se l'à ciamaa chì l'è perchè a 'l sta minga tant bèn
NICOLA - ma che si sente?
MARTINO - tütt! Prurito, nervuus, maa de cò, scumbussulaméént de panza
GILDA - per forza! L'à faa un clistere de düü litar
MARTINO - (nervosamente) tì taas! Parla pü e vànn de là
NICOLA - e perchè ha fatto il clistere?
GILDA - perché ga l'à dìì la sua miéé. La duturessa de famiglia
MARTINO - (c.s.) taas!
NICOLA - adesso facciamo una bella visitina e vedremo il da farsi
MARTINO - a gh'ù un rügaméént de stomich che....ahi, ahi! Ga la fuu pü...(si alza) ahì! Che 'l permeta dutuur...a vuu in bagn...bestia! Speri de rivàcch
GILDA - che 'l cura, che 'l cura!
MARTINO - a vuu! A vuu... (esce)
NICOLA - (aprendo la borsa medica ed estraendo lo stetoscopio) intanto prepariamo gli attrezzi...(estrae pure un mazzo di fiori rivolgendosi a Candida) ah! Venendo qui ho trovato un fiorista ed ho pensato di fare cosa gradita portare un omaggio (avvicinandosi porgendo a Candida i fiori)
GILDA - (prendendo il mazzo al volo) ma 'l duveva minga distürbass! L'è propi un bel pensiéér
NICOLA - (interdetto) mah!
GILDA - ceert che minga tütt i dutuur portan i fiuur ai cliéént. I meterèmm süla tumba del sciuur MARTINO. Intaant i metum in 'stu vaas (sistema i fiori)
CANDIDA - non doveva disturbarsi
NICOLA - non è un disturbo è un piacere. (enfatico) Signorina Candida, candida come il suo nome. Rimembrando il sublime Paganini che emetteva armoniosi suoni con le semplici corde del suo radioso violino, io mi sento sconvolto dal soave trasporto all'apparizione della sua beltà...
GILDA - (tra sé) oh, bestia! Questchì l'è ciuch!
NICOLA - ...e come i botanici hanno notato che il fiore, volgarmente detto girasole o eliotropio, volge la sua corolla verso l'astro diurno così, il cuor mio, sarà sempre rivolto allo splendore dei suoi occhi...
CANDIDA - (con imbarazzo) ma signor dottore...
NICOLA - ...no! Non interrompa con la sua melodiosa voce l'estro poetico che vive in me e che esterna tutta l'ammirazione che provo per una delicata farfalla che si libra nell'aureo spazio con leggiadra postura e sarò disposto ad essere vostro …
MARTINO - (irrompe) porca bestia! Ma senti legèèr cumè una piüma!
GILDA - ecu, bel e finìì la puesia!
MARTINO - cià dutuur, summ pruunt per la visita. Da quaand ù lassa ul me vecc dutuur Bollini per lüü, ma senti püsséé sicüür. Quèll là l'èra tropp vècc e per lüü a gh'avevi mai nagòtt
NICOLA - bene, che s'accomodi sul sofà
MARTINO - (abbandonandosi sul divano) e l'à vist la mia tusa?
NICOLA - sì, certo
GILDA - e 'l gh'à anca già parlaa?
MARTINO - e cos'è che vi siete detti di bello?
GILDA - l'à dìì un mücc de bàll che s'è capii nagòtt
MARTINO - e cussè che ta sugutat a parlà tì? Vann de là a fa i mestéé
GILDA - sarà mej. Andiamo Candida
MARTINO - la Candida lassala chì
GILDA - cussè che la stà chì a fà? A vedèll lüü cun la panza pel'aria?
CANDIDA - ha ragione, sarà meglio che vada anch'io
MARTINO - alura vànn ancatì
CANDIDA - arrivederci dottore
NICOLA - arrivederci signorina Candida. Ma prima, nel caso non abbia occasione di rivederla, potrei farle un invito?
CANDIDA - che genere d'invito?
NICOLA - avrei immenso piacere poterla rivedere
CANDIDA - beh, ci sarà occasione quando verrà a visitare mio padre
NICOLA - non le nascondo, signorina Candida, che gradirei poterla rivedere fuori da questa quattro mura. (rivolgendosi a MARTINO) Se il suo signor padre lo permette
MARTINO - ma volentieri, dutuur Scalchigna
CANDIDA - ma io veramente, avrei già tanti impegni
MARTINO - sü, sü, fa minga tant la dificila. Poduff andà al cinema, a mangià un gelato
NICOLA - ci sarebbero tante ottime e interessanti occasioni per poter trascorrere piacevoli momenti; un concerto sinfonico, visitare delle mostre d'arte, teatro o danza classica...
GILDA - che duu bàll
NICOLA - come?
GILDA - gh'è anca ul bàll. Andare a ballare magari
NICOLA - io non so ballare
GILDA - imaginàss se l'è bùn de balà
MARTINO - cussè che ta metat ul becch tì?
NICOLA - (a Candida con entusiasmo) e se le interessa, avrei anche la possibilità di portarla all'Università di medicina ad assistere ad una bella e dettagliata autopsia
GILDA - oh, caar Signuur! E perchè la porta minga a fa una pasegiada al cimiteri?
NICOLA - le assicuro che sarà un'esperienza interessante
CANDIDA - ma certe cose a me fanno impressione
NICOLA - solo la prima volta, poi ci farà l'abitudine. Vedrà che bella esperienza; l'autopsia designa le operazioni di ispezione esterna e di sezione del corpo, eseguite sul cadavere dell'individuo impiegando appositi strumenti e avvalendosi di adeguate tecniche allo scopo di distinguere gli aspetti normali da quelli patologici e di stabilire, attraverso le cause della morte, le correlazioni patogenetiche che hanno connotato il decorso morboso e consente di prelevare gli organi interi o loro frammenti per ulteriori studi istopatologici
MARTINO - ma senti minga taant bèn
GILDA - m'è vegnuu ul maa de cò
CANDIDA - (a Nicola) non credo sia il caso...
GILDA - l'è ul caas de andà fö di bàll. Andèmm Candida
MARTINO - (allarmato massaggiandosi lo stomaco) ahì! Oh,bestia, che rügaméént...a 'riva un altar atacch! Ma tuca cuur in bagn ancamò
GILDA - che 'l cura, prima che sia tropp tardi
MARTINO - gh'ù i büsècch che sc'opan
NICOLA - vada, vada in bagno
MARTINO - a curi...sperèmm de rivacch! (si alza e corre fuori scena)
GILDA - (mentre sta uscendo MARTINO) e già che l'è de là, che 'l vaga in camera che 'l dutuur la visita per bèn. (a Nicola) l'è minga mej visitàll nel so lètt? (che non comprende il dialetto risponde articolando) ho detto che sarà meglio visitarlo nel suo letto
NICOLA - ha ragione. Saremo più comodi (confuso e maldestramente riponendo gli attrezzi medici nella borsa sempre fissando Candida)...signorina Candida, ci vedremo più tardi
CANDIDA - va bene
GILDA - la Candida la gh'à minga bisögn de visit
NICOLA - beh, verrò a salutarla. Ho con me alcune fotografie da mostrale; fotografie che ho fatto quest'estate nella mia terra pugliese. Deve sapere che ho una piccola masseria (enfatico) tra i verdeggianti ulivi a pochi passi dal mare; un paradiso circondato da profumi salmastri e terre arse baciate dal sole immerse nel blu intenso delle calde acque del mare e dal limpido cielo azzurro...
GILDA - (spingendolo fuori scena) Sü, che 'l vaga a visità ul paziente...
NICOLA - ...dove i gabbiani si librano nell'aria con striduli strilli portando allegria...
GILDA - (c.s.) che 'l vaga! Che 'l vaga de là (Nicola esce) Bestia se l'è pesaant!
CANDIDA - ma cosa si sarà messo in testa quello?
GILDA - cosa vuoi che a 'l sa sia metüü nel cò? L'è inamuraa e ul tò pà a 'l ga dà corda
CANDIDA - mio padre!?
GILDA - ma cèèrt! A 'l s'è metüü nel cò de fàtt spusà quel'essar lì
CANDIDA - ma è pazzo?
GILDA - altar che pazzo! L'è de ricuverà al neurodeliri
CANDIDA - ma cosa te lo fa pensare'
GILDA - l'ha detto lui
CANDIDA - quando?
GILDA - è un po' di tempo che, cun la sua Lilly, a 'l cuntinua a parlà de quèl rimbambii e dì che l'è un bravu fiöö, istruìì, sensibil, che a 'l gh'à una bela pusiziòn e tanti altar bàll
CANDIDA - e la Lilly?
GILDA - léé la ga dava resòn e la diseva de fàtt spusà inscì ta navat fö di bàll e restavano soli come due “piccioncini”
CANDIDA - si facevano sentire da te a dire queste cose?
GILDA - ma 'ssì! Sempre quando erano da soli. Ma mì, a stavi sempar de dréé ala porta a scultà
CANDIDA - e ne sei certa?
GILDA - altar che certa e, incöö, ma l'à cunfermaa a mì
CANDIDA - oh, santo cielo!
GILDA - prima che la rivàss l'infermera a fà ul clistere, a 'l m'à dìì de tegnitt chì quand a rivava ul dutuur e, quand gh'ù dumandaa ul perchè, a 'l m'à dìì che l'è inamuraa de ti e 'l vureria cumbinà un matrimoni e, se ta ascultavat minga lüü, a 'l t'avaria diseredaa e casciaa fö de cà
CANDIDA - e tu, cosa gli hai detto?
GILDA - ga n'ù dìì de tütt i culuur che ala fìn l'à ciapaa una crisi de ansia
CANDIDA - è allucinante!
GILDA - altar che allucinante. Ma lassa fà de mì e preocupass minga che a 'l meti mì a pàn e pessìt
CANDIDA - ma io sono innamorata di Maurizio
GILDA - anca se ta füssat minga inamurada del Maurizio a ta vureréét minga intripàss cunt un rintrunaa simil? Una bela e brava tusa cume tì la merita altar...però cerca de minga fa cume mì
CANDIDA - perchè?
GILDA - perchè a füria de scartà òmm a sùmm restada zitèla. Ma mej inscì! Piutòst de tirà scià un ciucatéé o un barlafüüs mej stà deparmì. Hué, anca se adèss a 'l paar minga, a seri una bela tusa mì e gh'eri in gììr tanti de quii spasimanti che ta gh'éét minga un'idea
CANDIDA - davvero?
GILDA - altroché! E curevan tütt cumè legur. Ogni taant ma vegnan in méént...cume ul povero Rodolfo
CANDIDA - era bello?
GILDA - altro che bello! A 'l sa ciamava Pietro ma tütt la ciamavan Rodolfo perché a 'l sumeava al Rodolfo Valentino. Pecaa che a 'l gh'aveva una gamba de legn...l'aveva perduda in guera e, una sira, a 'l s'era indurmentaa davanti al camìn e 'l s'è brüsaa mezz anca lüü
CANDIDA - poverino!
GILDA - pö gh'era ul Santino, ul cuntrabandiéér..una volta a 'l duveva purtà déés bricòll in Ligüria e a 'l m'à purtaa insema; gh'èmm fàà una mangiada de pèss che dumò a pensacch ma vegnan sü ancamò adèss...l'era un bel fiöö anca quèll lì ma menu maa che l'ù minga spusaa, l'à mangiaa fö tütt i danéé che l'à guadagnaa al casino e al night club, l'è diventaa centrenta chili e senza deent e, adèss, l'è in gììr cumè un barbùn
CANDIDA - e non ti sei mai innamorata?
GILDA - mah! Forse una volta...del Gustavo, pecàà che l'era spusaa...se ga pensi a l'ultima volta che l'ù vist a ma senti ancamò sufegà...cume vèss dentar in una cassa...Che stremizi ù ciapàà quèl dì. Che stremizi!? Roba de fa andà ul saang in acqua...l'è staa a Tremèzz...vuoi sapere cosa mi è capitato?
CANDIDA - racconta
GILDA - va beh, alura ta 'l cünti sü...pensa che ù ris'ciaa de murì...no, minga de negà, in un'altra manera...insomma, mì e ul Gustavo, sa vedevum ogni taant e de nascundùn perché, cume ù già dìì l'era spusàà e quèll dì, a 'l ma dìss: “GILDA, perché non andiamo a fare una gita sul mio motoscafo? Un ristorantino sul lago e poi nella mia casa a Tremezzo?”. Perché, devi sapere, che lüü l'era de Milàn e 'l vegniva in vilegiatüra a Tremèzz. E mì, ù dìì: “perchè no!?” e sèmm partii...che villa! Un vilùn in riva al laach che ta stéét setada giò ala finestra e ta pocciàt i pé dentar nel laagh. Apena rivà in cà, a bevum un cognachino per digerì i missultìn che gh'èmm mangiàà a Dumaas e sentùm un casòtt de vuus che rivàn dal giardìn...porcu sciampìn! Chi è che l'è!? Guardum föra dala finestra e chi vedum? La sua miéé cunt düü müraduur...mò, cussè che fèmm? Mì, gira de chì e gira de là, a savevi minga indua andà. M'è vegnüü in méént de bütàm in del laagh, ma me sùmm regurdada de minga vèss buna de nudà...alura lüü a 'l me dìss: nasconditi qui, in questo sgabuzzino!” alura ma s'infili dentar là al scüür e aspeti gli eventi...a senti lüü che 'l salüda la miéé e 'l ga cünta sü una bala per scüsà che l'era lì in cà e pö a senti che léé la dìss: “Gustavo, sono venuta con i muratori perché ho deciso di far murare quello sgabuzzino”...porca bestia, l'era propi quèl indua a seri dentar mì! E lüü, l'ha tentaa de dì un quajcòss: “ma no, cara, quello sgabuzzino mi serve” e léé: “ma quel buco sta male, non serve a niente e rovina tutto l'ambiente”...e lüü: “ma aspettiamo un altro momento! Che premura hai? Devi farlo proprio oggi?”...”Sì, ormai ho chiamato anche i muratori”. Mì, ma summ sentida ul cöör burlàm giò nela panza, e intàànt a sentivi che i müradùùr a preparavan la calcina e mètt vün sura l'altar i quadrèi...s'eri tüta bagnada de sudùùr e ma mancava l'aria e intaant vedeva ul mürèll che pian, pian a 'l vegniva sü...ul mürèll a 'l cresséva e la lüüs la diminüiva; ma sentiva sufegà e ma vegniva in méént ul “Conte de Montecristo” e la “Sepolta viva”...a un certo muméént m'è vegnüü vöja de vusà “aiuto” ma, la pagüra la m'aveva inciüdada la lengua...ohé, ala fìn, quand ul mürèll, l'era già alt un metar, la forza dela disperaziùn la m'ha dàà un'idea. Ma sùmm metüda a fa: “Miao! Miao! Miao!”...un atìm de silenzio e senti ul müraduur che 'l dìss: “sciura, dentar chì a gh'è un gàtt!”...”un gatto?”...”sì. La séént minga che 'l fà “miao”?” e ul Gustavo a 'l dìss: “Povera bestiola! Non vorrete mica murarlo vivo, eh? Bisogna farlo uscire. Chissà com'è spaventato!” E a 'l gh'aveva minga tütt i toort e ma l'eri fada anca adòss...pö, ul Gustavo, che l'era minga stüpid cume la sua miéé, a 'l dìss: “Delia, vai a prendere un piattino con del latte, lo mettiamo qui fuori e andiamo via una mezz'ora, così, il micio, non sente rumori, si sente tranquillo ed esce a bere il latte”. Hueilà! La lettura del pensiero a distanza! Insomma, hann metüü ul làtt e ìnn andàà in un'altra stanza e mì, anca se ma sùmm sgarbelada tüta la panza sura ul mürèll temporaneamente sospeso, sùmm scarligada föra dala tumba. U' bevüü ul làtt in dell piatìn e via, da una vedrada che la dava sül giardìn. Hué, ci credi che ogni taant, ancamò adèss, a ma vegn de fa “miao”?
CANDIDA - è stata una bella avventura
GILDA - ciamala aventüra! L'è lì che ù capii che i òmann dànn dumà rogn e dispiasè
CANDIDA - malgrado tutto hai ancora uno spasimante
GILDA - ul mecanich? oh, poor Oreste. Inn vint'ann che a 'l ma suporta. Per furtüna sa vedum raraméént. E l'è propi per quèll che vemm d'acordi. Pö, urmai, ala nossa età cussè vött che fagum?
CANDIDA - è sempre un sostegno affettivo. Adesso scendo perché dovrebbe arrivare Maurizio
GILDA - cerca de minga fàss vedè. Vann, vann che 'riva ul tò pà cun quel'alter indurmetaa (escono)
MARTINO - (preoccupato entra seguito da Nicola dalla parte opposta all'uscita di Candida e GILDA) alura, dutuur, cume a 'l mà truvaa?
NICOLA - caro il mio signore, posso dire che non sta affatto bene
MARTINO - ecu, l'ù sempar dìì mì e nessün ma crééd
NICOLA - il suo polso è durotto, per non dire duro
MARTINO - (piagnucolante) ecula!
NICOLA - ...ed anche leggermente irregolare...
MARTINO - (c.s.) a 'l vééd?
NICOLA - ...direi persino resistente...
MARTINO - (c.s.) da cussè che 'l dipèènd?
NICOLA - ...tutti sintomi che denotano una disfunzione del “parenchyma splenicus”
MARTINO - (sempre più allarmato) oh, pora mì! Ul “paronchima”...e cussè che l'è?
NICOLA - il “parenchyma splenicus”! Ossia la milza (mentre parla compila una ricetta)
MARTINO - la milza? Ma ul dutuur Bollini a 'l diseva che tütt i me disfunziùn derivavan dal fegato
NICOLA - è vero! Il fatto è che noi medici quando diciamo “parenchyma” indichiamo l'una e l'altra cosa, a causa dello stretto legame tra i due organi...per mezzo del “vas breve”, del “piloris” e dei meati calidici. Sono certo che il suo vecchio medico le ha ordinato di mangiare tutte pietanze appena arrostite...
MARTINO - veraméént a 'l m'à diseva de mangià dumà roba bollita...solo bollita
NICOLA - appunto! Arrosto e lesso, non sono la stessa cosa?
MARTINO - e i fritti? Ul dutuur Bollini a 'l ma diseva che fànn maa
NICOLA - vecchie teorie. In un convegno all'accademia dell'alimentazione a Monaco di Baviera è stato trattato anche questo argomento e deciso che, se si assorbono dei fritti usando solo olio extravergine d'oliva o burro chiarificato, sono tutto a vantaggio dell'organismo
MARTINO - e il sale?
NICOLA - beh, il sale dipende...
MARTINO - da cosa?
NICOLA - se ad uno piacciono le pietanze salate o insipide
MARTINO - a me piacciono saporite
NICOLA - allora ne metta due o quattro pizzichi. Sempre in numero pari
MARTINO - düü, o quatar, o séés...
NICOLA - ...o otto, sempre pari. Si ricordi: il sale in numero pari e le medicine in numero dispari; una, tre o cinque pillole
MARTINO - sperèmm de regurdàss
NICOLA - comunque, per i medicinali, ho compilato la ricetta (gliela porge) ed è tutto specificato
MARTINO - manderò subito la GILDA in farmacia. (chiama) GILDA!
NICOLA - prima d'andarmene, potrei salutare la signorina Candida?
MARTINO - ma certo! La sarà felicissima
GILDA - (entra) cussè che gh'è?
MARTINO - (porgendo la ricetta) vànn già in farmacia a tö 'sti medesìn
GILDA - (la prende) a vù
MARTINO - intaant, mandum chì la Candida
GILDA - la gh'è minga
MARTINO - indua l'è andada?
GILDA - l'è andada...l'è andada a stüdià da una sua amisa
MARTINO - senza salüdà ul dutuur?
GILDA - la gh'era de mej de fà! Anzi, la m'à dìì de salüdàll mì. Arrivederci dottore
NICOLA - arrivederci
GILDA - (uscendo) al püsséé tardi pussibil!
MARTINO - mi dispiace che la sia già uscita. Sarà per un'altra volta
NICOLA - certamente. Lei ha particolarmente bisogno d'essere curato e seguito
MARTINO - bravo dottore. Lüü sì che a 'l ma capìss. E quanto ci devo dare per la visita?
NICOLA - ma niente. E' stato un piacere
MARTINO - ci mancherebbe altro! L'è vegnü fina a cà mia a visitàmm e 'l vöör nagòtt?
NICOLA - per me è sempre un piacere venire in questa casa
MARTINO - no, dottore. Io voglio assolutamente che lei prenda un compenso per il suo disturbo
NICOLA - se proprio insiste mi dia dieci euro
MARTINO - déés euro!? Ma ul dutuur Bollini ma na ciulava sempar centviint. Ma mì a 'l ciami tütt i dì a visitam
NICOLA - e io sarei felice di visitarla
MARTINO - affare fatto...ecco dieci euro
NICOLA - grazie
MARTINO - sùmm mì che devi ringrazià lüü
LILLY - (entra baldanzosa) eccomi di ritorno! Oh, buongiorno dottore (gli porge la mano)
NICOLA - (facendole il baciamano) i miei omaggi signora
LILLY - ...e come va il nostro malatino? (dando un bacetto sulla fronte a MARTINO)
MARTINO - altar che “malatino” a gh'ù un pè nela fossa
LILLY - il solito esagerato. Cosa ne dice dottore?
NICOLA - niente di preoccupante. Dovrà solo attenersi a qualche controllo periodico
MARTINO - a 'l m'à dìì che podi mangià anca ul frìtt. Ul ròst e mètt la sàà in pizzichi pari
LILLY - ma davvero?
MARTINO - e quèll rimbambii del Bollini a 'l m'aveva pruibii tütt
LILLY - te l'avevo detto che quello non capiva niente
MARTINO - ta gh'éét resùn. M''è già vegnii fàmm
LILLY - allora stasera faremo un bel fritto misto di pesce con patatine fritte
NICOLA - beh, allora io mi congedo
MARTINO - anzi, se 'l vöör vegnì a cena da noi stasira, l'è benvenuto
NICOLA - ma...non saprei
LILLY - ma certo! E' un'ottima idea
MARTINO - inscì a 'l gh'avrà l'ucasiun de parlà un puu cun la nossa Candida
LILLY - è vero! Una cenetta in famiglia
NICOLA - beh, se proprio insistete, mi farebbe piacere
MARTINO - benissimo! (chiama forte) GILDA!
LILLY - sarà una bellissima serata. Vero Ciccino?
MARTINO - sicüraméént. Però bisögnerà andà a fà la spesa
GILDA - a 'l m'à ciamaa?
LILLY - sì. Devi andare in pescheria a comperare del pesce
GILDA - pèss!?
LILLY - questa sera faremo un bèl fritto misto di pesce
GILDA - ma la fritüra del pèss l'è pesanta e al sciuur MARTINO la ga fa maa
MARTINO - e chi l'à dìì?
GILDA - ul dutuur Bollini ga l'aveva pruibii
MARTINO - quèll lì a 'l capìss nagott! Tì vànn a cumprà ul pèss e taas
LILLY - comprerai un chilo di calamari, un chilo di gamberetti e un chilo di paranza
GILDA - oh, bestia! Cussè che riva, l'esercit?
LILLY - sarà ospite il nostro dottor Scalchigna
GILDA - sa ferma a mangià anca queschì?
LILLY - ma che maniere!
GILDA - però sìì dumà in trii
LILLY - come in tre? E Candida?
GILDA - la gh'è minga
MARTINO - cume la gh'è minga! Indua l'è?
GILDA - la m'à telefunaa per dìmm che la mangia dala sua amisa
LILLY - sua amica? (a MARTINO) A proposito volevo dirti caro che, mentre tornavo in auto, ho visto la tua cara figliola che passeggiava con un ragazzo
MARTINO - (alterato) cussè? Con un ragazzo?
LILLY - sì! Un uomo
MARTINO - (a GILDA) ma te minga dìì che l 'ndava a stüdià da un'amisa?
GILDA - inscì la m'à dìì
MARTINO - (sempre a GILDA) e invece la và in giir cunt i òman!? (sempre a GILDA) ciamala cunt ul telefonino e dicch de vegnì sübit a cà
GILDA - mì la ciami e ga disi de scapà.
LILLY - ma cosa dici?
GILDA - a disi che l'è ura de finila! Lasséé in pààs quela pora tusa e lasséla fà quèll che la vöör: minga ubligala a frequentà certi impiastri imbesuìì per vostra cunvenienza
NICOLA - cosa sono gli “impiastri imbesuìì”?
GILDA - quìì cume lüü, intrunaa!
MARTINO - GILDA, permetass minga de tratà inscì ul dutuur
GILDA - mì ma permeti tütt quèll che vööri
LILLY - (a Nicola) che la scusi, dottore
NICOLA - veramente non ho compreso bene ciò che ha detto
GILDA - vist? 'l capìss nagòtt
MARTINO - adèss basta e và a fa la spesa
GILDA - mì vuu a fà la spesa ma, stasira na vedarii di bej! Va 'l disi mì. Parola della GILDA.
(commento musicale II)
FINE I ATTO
II ATTO
Identica ambientazione del primo atto. In scena GILDA impegnata in lavori domestici e MARTINO che, accomodato sul solito divano, con l'usuale atteggiamento preoccupato si guarda, con l'aiuto di uno specchietto, la bocca.
(Commento musicale III)
MARTINO - toh! Guarda che roba...e la ma paar püsséé grossa
GILDA - che la muca lì de fa scènn per nagòtt
MARTINO - “scènn per nagòtt”! Per tì, l'è mai nagòtt. Summ chì a fa l'equilibrista sü l'orlu dela tumba e per tì l'è nagòtt
GILDA - ma l'è ul caas de fa tragedi per una smagièta bianca sula boca? L'è de quand a 'l s'è svegliaa che la mena cun quela smagièta
MARTINO - mì ga n'ù mai avüü de smagg süi labar
GILDA - gh'è sempar una prima volta
MARTINO - ma da cussè che la sarà caüsada?
GILDA - sarà un puu de infiamaziùn
MARTINO - de cussè?
GILDA - e cussè che a 'n suu mì! Sarà stada la murtadela che l'à mangiaa iéér sira
MARTINO - ma l'infiamaziùn la fà vegnì i brufej russ, invece 'sta smagia l'è bianca
GILDA - alura l'è infiamaziùn de latt o de furmagg
MARTINO - dì minga stüpidaat! L'è minga una smagia nurmaal...(sempre rimirandosi nello specchietto) guarda, guarda chì...l'è diventada püsséé grossa
GILDA - (avvicinandosi per guardare la macchiolina e ritirandosi) bestia! Se ga spüzza ul fiaa
MARTINO - cussè che ga entra ul fiàà? Guarda la boca
GILDA - sì, ma l'è un prublema stacch visìn
MARTINO - l'è l'aj. Ul dutuur l'à dii che l'aj a 'l sbassa la pressiùn
GILDA - forse. Ma ga la fà alzà a chi ga stà visìn
M,ARTINO - lassa pèèrd ul fiaa e guardum la smagia
GILDA - (avvicinandosi turandosi il naso e guardando la bocca) a mì ma paar sempar stèssa
MARTINO - no! L'è püsséé grossa. Bisögna minga ciapà sott gamba certi ròbb perchè podan vèss un segnal de malatii gravi
GILDA - a 'l gh'à propi nagòtt de pensà per stà lì a preocupàss de quii bagianaad lì
MARTINO - sì, sì. Riid puur dela mia salüüd. A 'n parlarèmm quand sarùù lì cunt ul paltò de legn
GILDA - che 'l sa tröva un quajcòss de fà e 'l vederà che 'l starà mej
MARTINO - cussè vöt che faga, che gh'ù nanca i forz de stà in pè
GILDA - a 'l duveva minga lassà l'albergu e ul risturaant. Quand a 'l gestiva tüttscoos lüü e a 'l lavurava, al gh'avev mai téémp per malàss e ala sira l'era stracch, cunt i prublemi e sempar san...o quasi. Adèss, che l'à afitaa tütt l'armamentari e l'è a cà a fà flanèla, ga vegnan adòss tütt i malatii e a rump i bàll tütt ul dì
MARTINO - ù lassaa l'albergu per la salüüd. Ga la fasevi pü a tirà avanti...m'è crulaa ul fisich
GILDA - gh'è crulaa ul cò! Minga ul fisich
MARTINO - bèl parlà quand a s'è sàn
GILDA - e se duvèss avecch mì, tütt i fastidi che 'l gh'à lüü?
MARTINO - cussè che c'entra!? Tì a ta gh'éét un'altra custituziùn
GILDA - no! Mì a gh'ù altar de pensà e gh'ù minga téémp per malàmm. Perchè se ma fermi mì, chì a va tütt a ròtul, altar che bàll
MARTINO - vuraria vedè, se ta sa svegliat ala matina cunt una smagia bianca sül labar, cussè che ta féét
GILDA - ga n'ù avüü de smagg de tüüt i culuur e ù mai dìì nagòtt. Ìnn passaa sempar senza tanti scèn
MARTINO - ta gh'éét sempar resùn tì! Intaant, sta smagia, la diventa sempar püsséé grossa
GILDA - uramai la duvaria vèss cumè un balùn
MARTINO - cume mai a 'riva minga ul dutuur?
GILDA - ma se l'à apena ciamaa
MARTINO - de solit a 'l riva sübit
GILDA - che ga dia ul téémp de fà la strada. Ma pö, l'è ul cààs de ciamà ul dutuur per quela scemada lì?
MARTINO - tütt scemaad, per tì. A pruposit, indua l'è la Candida?
GILDA - l'è andada föra
MARTINO - (stizzito) cum'è, l'è andada föra? Propi adèss che 'riva ul dutuur
GILDA - appunto! Apena ù sentii che 'l ciamava ul dutuur, l'ù mandada a fà la spesa
MARTINO - disgraziada! Te faa aposta
GILDA - certo, che ù faa aposta. Cussè che la stà chì a fà? Dacch a reta a quèll rimbambii lì?
MARTINO - ciamala cunt ul telefonino e fala turnà indréé
GILDA - nanca per sogn! Che la lassa in paas, quèla tusa
MARTINO - (agitandosi) tì e quèla sciagürada ma portuff ala tumba
GILDA - (esacerbando gli animi in crescendo) cussè che a 'l và avanti ancamò cunt 'sta storia? La sua tusa la vöör minga savèn de quèll barlafüüs lì
MARTINO - l'è un bravu fiöö e l'è un dutuur
GILDA - (ironica) gran dutuur! L'è nanca bùn de cürà un'ungia incarnada. Quèll lì, l'à cumpraa la “laura” per curispundenza
MARTINO - l'è sempar un dutuur e 'l gh'à de spusà la Candida
GILDA - che 'l disa pü stüpidaat, che n'à dìì asséé! Ma 'l vöör capì che la Candida l'è inamurada de un altar fiöö? Un bèl e bravu fiöö che ga vöör bèn
MARTINO - ma interessa minga! Se la fà minga quèll che disi mì, la mandi in Inghiltera a fà la cameriera e la diseredi
GILDA - e mì a vuu cun léé
MARTINO - indua?
GILDA - a fà la cameriera cun la Candida
MARTINO - mej! Inscì a ciapi pü nervuus
GILDA - sì, e 'l resterà chì deparlü cun la sua Lilly e na vederà di bej
MARTINO - lassa stà la Lilly
GILDA - e lüü, che 'l lassa stà la Candida
MARTINO - la Lilly l'è l'ünica che ma capìss
GILDA - indua ga cunvegn. Lassach fà de léé che la mètt a pàn e pessìtt
MARTINO - ta séét una malalengua! Buna de parlà maa de tütt e basta
GILDA - mì a vedi i fatti! (avvedendosi dell'arrivo di Lilly) Ecu, sa parla del diavul e spuntan i corni!
LILLY - (entra) cosa c'è da discutere così animatamente?
GILDA - nient, nient! L'è dréé menala ancamò cun la smagèta bianca
LILLY - (avvicinandosi a MARTINO premurosa) oh, povero “orsacchiotto”, c'è ancora?
MARTINO - (vittima) sì! E l'è più grossa
LILLY - (preoccupata) fammi vedere
GILDA - ecu, che la visita per bèn che mì vuu de là a specià ul dutuur. (tra sé a mezza voce) e vederii cussè che ga 'n disi mì a quèll lì!
MARTINO - cussè che te dìì?
GILDA - che gh'ù la cüsina de pulì! (esce)
MARTINO - (solo, rispecchiandosi allarmato) oh, pora mì! La ma paar diventada püsséé granda...questa chì l'è una malatia infetiva...sarà minga la lebbra?
LILLY - (c.s.) sembra veramente cresciuta
MARTINO - (piagnucolando) l'è quèll che disi mì. E quela strega la dìss che l'è nagòtt
LILLY - ma cosa vuoi che capisca quella. E l'hai chiamato il medico?
MARTINO - sì. Arriverà tra poco
LILLY - bene. Certe cose non vanno sottovalutate
MARTINO - quèll che disi mì
LILLY - ma cos'avevate da discutere così ad alta voce?
MARTINO - quèla canaglia d'una dona, la ma fà sempar incazzà! (sempre da vittima) La ma dìss che sùmm malaa nel cò, che gh'ù mai nagòtt, che i malatii ma vegnan perchè stu in cà tütt ul dì a pirlà in gììr...
LILLY - non ascoltarla. E' una vecchia repressa e non capisce niente. Non preoccuparti, che c'è la tua “bambolotta” che pensa a te
MARTINO - e poi mi ha detto che la Candida non vuole saperne niente del dottore perchè è innamorata di un altro
LILLY - te l'avevo detto che l'avevo vista in giro con un giovanotto
MARTINO - (rinvigorendosi) e mì, la casci fö de cà...
LILLY - bravo!
MARTINO - ...la mandi in Inghiltera a fà la cameriera...
LILLY - bravo!
MARTINO - … e la diseredi!
LILLY - (melliflua) non esagerare
MARTINO - e lascio tutto a te
LILLY - (c.s.) ma no...non essere così rigido
MARTINO - ga fuu vedè, chi sùmm mì! A pruposit, hai parlato con il tuo amico notaio
LILLY - beh...gli ho accennato qualcosa
MARTINO - bene! Fàll vegnì chì in cà che ga fèmm scrìììf ul testaméént
LILLY - ma ne sei sicuro? Non è il caso
MARTINO - lassa fà de mì che sistemi tütt
LILLY - se prorio insisti, vado a prenderlo
MARTINO - fall vegnì lüü
LILLY - è piuttosto anziano e non guida. Vado io nel suo ufficio e, se sarà libero, lo porterò qui
MARTINO - alura vànn
LILLY - intanto tu, cerca di curarti bene e stare tranquillo. (suona il campanello) Ecco dovrebbe essere il medico
MARTINO - menu màà! Mi sento anche un po' di febbre
LILLY - sarà la tensione nervosa
GILDA - (entra) gh'è rivaa ul premio Nobel della medicina! Prego dutuur che 'l sa acomuda
NICOLA - (entra) buongiorno a lor signori
MARTINO - buongiorno dutuur
LILLY - buongiorno a lei. Ma che eleganza anche oggi
NICOLA - (dando la mano a Lilly) troppo cortese. Lei ha la stessa gentilezza, la stessa grazia e lo stesso splendente sorriso di sua figlia
LILLY - (sorpresa con imbarazzo) mia figlia!?
GILDA - ci somiglia, neeh?
NICOLA - direi proprio di sì
GILDA - queschì, dopu méés che 'l vegn in cà, l'à nemò capii che la Candida l'è minga la sua tusa
NICOLA - che ha detto?
GILDA - c'ò detto che la Candida non è figlia della signora
NICOLA - e di chi è figlia?
GILDA - del sciuur MARTINO
NICOLA - e la signora non è moglie del signor MARTINO?
GILDA - ma il signor MARTINO è vedovo
NICOLA - ah! Di chi?
GILDA - oh, Santa Madona! Di sua moglie
NICOLA - e sua moglie è lei, no?
GILDA - ma questchì, da indua a 'l vegn? Per mì l'ànn apena lassaa andà fö dal manicomi
MARTINO - cussè che stii lì a parlà? Mì sùmm chì che stuu maa e vialtar stii lì a cüntala sü
LILLY - hai ragione, caro. Dottore vada a visitare mio marito
NICOLA - subito (va da MARTINO)
LILLY - intanto la saluto. Ho da fare in città
NICOLA - a presto, signora
LILLY - (a MARTINO) ciao “micino”, ci vedramo più tardi (esce)
NICOLA - allora, vediamo cos'ha quest'oggi il nostro paziente
GILDA - impaziente! Diseria mì
MARTINO - tì taas e và de là!
GILDA - ma piaseria stà chì a vedè cussè che 'l cumbina
MARTINO - (imperativo) và de là! Ù dii
GILDA - a vuu, a vuu! (esce)
NICOLA - allora vediamo...dov'è questa macchiolina?
MARTINO - (indicando) chì. Sul labbru
NICOLA - (prendendo una grossa lente, esamina) mmmmmh...mmmm...mah!
MARTINO - (terrorizzato) cumè “mah”!? Cussè che l'è?
NICOLA - le macchie bianche sulle labbra potrebbero significare delle infezioni virali...potrebbe trattarsi di “pitiriasi versicolor” o di “pitiriasi alba”, oppure “nevo di Sutton”...
MARTINO - (c.s.) l'è grave?
NICOLA - ...o semplicemente potrebbe essere causa di herpes, o virus del papilloma umano...o di altri virus che potrebbero portare parotite, rosolia, morbillo o altro ancora...
MARTINO - (c.s.) summ bel e moort!
NICOLA - ...se fosse questo, non è grave...
MARTINO - cumè, l'è minga grave se crepi?
NICOLA - no, intendevo se fossero le cause elencate, non è grave
MARTINO - menu màà!
NICOLA - tuttavia, a volte, con il sistema immunitario debole, potrebbero verificarsi delle complicazioni
MARTINO - che cumplicaziùn?
NICOLA - tenga presente che l'insolito potrebbe significare malattie ben più gravi in seguito
MARTINO - (allarmato) a 'l disevi mì! E, per esempi, cosa podaria essere?
NICOLA - per accertarne la causa sono necessari degli esami più approfonditi. Quindi, le prescriverò delle analisi da effettuare
MARTINO - (sempre più preoccupato) a ma tuca andà a l'uspedale?
NICOLA - a fare che?
MARTINO - per fare le analisi?
NICOLA - basta andare da un medico a farsi estrarre del sangue e portare le feci e l'urina
MARTINO - e lüü, l'è minga un medico?
NICOLA - ah, sì! Certamente
MARTINO - e alura che me le faccia lei le analisi che facciamo più in fretta
NICOLA - ma poi bisogna portarle in laboratorio
MARTINO - e lüü a 'l po' minga purtaj?
NICOLA - beh, sì, potrei portarle io ad analizzare nel pomeriggio...ma devo fare i prelievi
MARTINO - che prelevi, che prelevi
NICOLA - (guardando nella borsa) dunque, la siringa per il prelievo del sangue c'è...anche un flaconcino...mi abbisognerebbero dei vasetti per le feci e l'urina
MARTINO - de chi?
NICOLA - sue naturalmente
MARTINO - (chiama) GILDA! (più forte) GILDA! (a Nicola) Adesso me le faccio dare
GILDA - (entra) cussè che gh'è de vusà?
MARTINO - gh'è bisögn de düü vasètt de vedar
GILDA - per mètt i fiuur?
MARTINO - per i analisi
GILDA - ancamò! Ma se i à fàà un méés fà
MARTINO - ìnn mai asséé. Damm düü vasètt
GILDA - (uscendo) menu màà che büti mai via i vasètt dela marmelada
NICOLA - bene, allora andiamo nella sua camera e in bagno, così potremo fare tutto
MARTINO - ma adèss la ma scapa minga
NICOLA - dovrà fare un piccolo sforzo. Così, se facciamo tutto ora, domani sera avrà gli esiti e potremo affrontare tempestivamente qualsiasi complicazione
MARTINO - va bèn, va bèn...andèmm de là
GILDA - (rientra) ecu i vasètt dela marmelada bej nètt. Dopu che ma i a porta indréé, neh!
MARTINO - sì, ga disi al laburatori di analisi de lavaj e purtamai indréé. Ma se ne possono sentire, dottore? Su, andiamo di là (escono)
GILDA - (telefona) pronto? Ciau Oreste, l'è rivaa ul muméént...sì...mì ta presenti cume un grand dutüür e ti ta diserèèt quèll che t'ù dii mì...ma preocupass minga, a 'l s'ancorgerà de nagòtt...mètt sü ul vestii dela festa e de minga vegnì vestii de mecanich...va che vegni pü a balà cun tì...adèss ta sa tirat indréé? Cun tütt quèll che ù fàà per supurtatt in 'sti ànn? Ta ma vedat pü e ta restat departì cumè un càn!...cum'è ta gh'éét paüra?...Ma cussè che 'l vöör capì? L'è püsséé ignuraant de tì...sü, pooch bàll, lavat e vestissat e vegn chì...cume 'l fà a cugnossat se a 'l t'à mai vist? Guarda che ta 'speti, neh!...Cumè che ta sa regordat minga cussè che ta gh'éét de dì? Ta l'ù anca scrivüü sül bigliètt...eh, lengiall ancamò...va bèn...sì, dai, adèss taca sü che 'rivan...sì, ga saruu lì ancamì...ciau...sì, ciau...taca sü! (interrompe la comunicazione)
MARTINO - (rientra seguito da Nicola) bestia, che maa! A 'l m'à tiraa fö trii litar de saang
NICOLA - non esageriamo, signor Nicola, ho estratto solo il necessario
GILDA - fatto tutto?
NICOLA - tutto fatto!
GILDA - e i vasetti della marmellata, dove sono?
NICOLA - beh, vi abbiamo collocato le deiezioni necessarie per le analisi e le ho nella borsa
GILDA - bene! Alura che a 'l vaga con le “dezioni” a fai analizzà e 'l sparissa
MARTINO - GILDA! Cume ta sa permettat?
GILDA - urmai la visita l'à fada, ul necessari, ga l'à lì e l'è a post. A 'l vurerà minga stà chì a mangià ancamò, per caas?
MARTINO - ìnn minga afari tò
GILDA - tütt quèll che sücééd in 'sta cà, l'è anca afari mè...(a Nicola) e lüü, che 'l sa tira fö dal cò la tusa del sciuur MARTINO, l'à capii? Capito?
NICOLA - veramente, no
GILDA - c'ò detto di togliersi dalla testolina la signorina Candida
NICOLA - perché?
GILDA - questchì l'è propi düür de cumprendoni! (a Nicola) perchè la Candida c'à il fidanzato e tra poco si sposerà
MARTINO - la sa spusa!? Cun chi?
GILDA - cussè che ga interessa a lüü?
MARTINO - cussè che ta disat? Mì sümm ul so pà
GILDA - e mì la sua mama!
NICOLA - sua madre? Ma Candida non è figlia della signora Lilly?
GILDA - (a MARTINO) e lüü a 'l vuraria dacch la sua tusa a queschì?
NICOLA - veramente io non ci capisco nulla
GILDA - cussè che 'l vöör capì lüü? (dandogli la borsa medica ed accompagnandolo energicamente alla porta) adèss che 'l tira sü ul sa armamentari e 'l vaga a fà i analisi prima che sia tropp tardi
NICOLA - va bene vado...vado...e salutatemi la signorina Candida
GILDA - sì, ga la salüdi mì!
NICOLA - (sempre spinto da GILDA) arrivederci signor MARTINO
MARTINO - ci vediamo con le analisi
NICOLA - dopodomani sarò da lei
GILDA - (con un ultimo spintone) sì, ma che adèss a 'l vaga! (Nicola esce) Bestia, che fadiga!
MARTINO - ma l'è la manera de tratàll? Poor fiöö
GILDA - poor fiöö!? L'è un interdètt che 'l capìss nagòtt. E lüü a 'l vureria dacch la Candida a quèll lì?
MARTINO - parlemann pü! Mì ù decidüü inscì!
GILDA - ma se 'l capìss nagòtt anca de medisina
MARTINO - cussè che ta 'n vörat capì tì?
GILDA - a 'n capissi püsséé de lüü! Mì a gh'ù anca un cüsìn che l'è un grande luminare della medicina
MARTINO - de quand in scià?
GILDA - ceert. L'è ul fiöö de ul me ziu
MARTINO - te ne mai parlaa
GILDA - n'ù mai parlaa perchè ul me ziu ga l'à avüü da un'altra dona quand l'è scapaa in Svizzera cun léé. L'à piantaa chì la miéé cun trii fiöö e l'è partii cun quel'altra cinquant'ànn fà
MARTINO - e tì, cumè che ta féét a cunossal?
GILDA - l'ànn passaa, quand sùmm andada al matrimoni de una tusa de una mia cüsina, ù rivist ul ziu cunt ul fiöö svizzer. Urmai la mia zia l'è morta e lüü, ogni taant a 'l vegn chì a truvà i fiöö
MARTINO - che fiöö?
GILDA - quìì dela prima dona. Inscì, ogni taant, sa sentum per telefono
MARTINO - l'è dutuur in cussè?
GILDA - de tütt! Medicina interna, esterna, pediatria, ginecologia, dentologia, e l'è anca specializaa in “pissicologia”
MARTINO - oh, bestia! Che cervèll
GILDA - l'è un fenomeno. A 'l và in giir in tütt al muund a fà cunferèènz e, ogni taant la ciaman anca a cürà ul Papa
MARTINO - ul Papa?
GILDA - ceert! Tütt i Papi scampan taant perchè gh'ànn quii dutuur lì. Che 'l pensa, che 'l cüra ul me ziu e adèss a 'l gh'à cééntrii ànn e 'l và ancamò in biciclèta e a cercà fuung
MARTINO - oh, bestia! Sa podaria andà a fàss fà una visitina
GILDA - che cumbinaziùn! Iéér a 'l m'à telefunaa che a 'l gh'à de andà a Roma e 'l sa ferma chì per salüdàmm. L'è a l'hotel de Villa d'Este, (o grande hotel locale) se 'l vöör, ga disi de passà chì
MARTINO - ma faria piasè
GILDA - alura ga telefuni de passà chì
LILLY - (entra con il notaio Peduzzi con cartella professionale) prego, si accomodi...ciao caro, ti ho portato la persona che hai chiesto
GILDA - chi l'è?
PEDUZZI - (porgendo la mano a GILDA) piacere, sono....
MARTINO - (interrompendo bruscamente la presentazione) cussè che ta interessa a tì, chi l'è? Vànn de là a fà i tò mestéé
LILLY - (a GILDA) ha ragione! Non sono affari tuoi e lasciaci soli
GILDA - a vuu, a vuu...(esce)
LILLY - (accertandosi che GILDA sia uscita) si accomodi pure dottore...ci deve scusare ma quella donna è un'intrigante ed è meglio che non sappia nulla
PEDUZZI - capisco, capisco. Ne è pieno il mondo di questi personaggi
LILLY - (indicando) e questo è mio marito
MARTINO - piacere, MARTINO RIVA
PEDUZZI - notaio Peduzzi...(MARTINO gli stringe la mano energicamente) aaah! Che maaa!
MARTINO - che 'l ma scüsa dutuur, ù minga faa aposta
PEDUZZI - no, no, sono io un po' gracilino
LILLY - (a MARTINO) ma caro, cerca di essere un po' delicato...su, dottor Peduzzi lo perdoni e si accomodi (indicandogli una sedia)
PEDUZZI - (mettendo la cartella sotto braccio e massaggiandosi la mano si siede) grazie
MARTINO - a 'l bééf un quajcòss, dutuur?
PEDUZZI - volentieri
LILLY - un caffè, un the, una bibita?
MARTINO - o una buona grappa, un cognachino, un whisketto
PEDUZZI - ecco, una grappetta andrebbe bene
MARTINO - perfetto! C'ò una grappa riserva veneta che l'è la fin del muund...che 'l scüsa ma mì sum abituaa a parlà in dialètt; spero di non metterla in difficoltà
PEDUZZI - ci mancherebbe altro. La mia famiglia è originaria di Schignano e hanno sempre parlato dialetto e, ogni taant quaand podi, a 'l parli ancamì
MARTINO - perfetto! Inscì fèmm mèn fadiga a capìss...(andando verso il mobile bar) alura ci facciamo una bella grappa
LILLY - ma a te fa male
MARTINO - un goccetto! Anche il dottor Scalchigna ha detto che un po' di spirito fa bene alla digestione (prende la bottiglia) eccola qui
LILLY - (prende tre bicchierini) beh, vorrà dire che l'assaggerò anch'io (sedendosi con MARTINO)
MARTINO - (versando la grappa si siede) a 'l sentirà che nettare...la và giò che l'è un piasè
PEDUZZI - l'è proprio opportuna. Incöö ù mangiaa i nervètt e ga i ù ancamò sül stomich
LILLY - allora, alla salute! (assaggia) com'è forte
MARTINO - alla salute...(gustando) mmmmh! L'è aromatica e minga aggressiva
PEDUZZI - (dopo un primo sorso) è vero...s'ammorbidisce subito e l'è armoniosa (ne trangugia in un sorso il resto)...propi buna! Questa chì la fa digerì anca i sàss
MARTINO - alura che 'l faga festa! (gli riempie il bicchiere e posa la bottiglia)
PEDUZZI - (senza convinzione) no, no, grazie
MARTINO - che 'l faga minga cumpliméént
PEDUZZI - va beh, grazie! La bevi vulentera (altro sorso)...alura, sciuur Riva, veniamo a noi
MARTINO - veniamo a noi
LILLY - al dottor Peduzzi, naturalmente, ho già spiegato tutto
PEDUZZI - ed ho già preso alcuni appunti...(estrae dalla cartella un ingombrante libro con dei fogli)...dunque...(sfogliando) dunque, lüü a 'l gh'à di prublemi cun la sua tusa?
MARTINO - certo! L'è una scunsiderada e una crapa düra senza ricunuscenza che la merita nagòtt
PEDUZZI - e 'l vureria diseredarla?
MARTINO - esatto!
PEDUZZI - ma c'è qualche problemino...(sorseggia la grappa sfogliando il libro) in quanto...ecu, chì? (legge) Gli eredi legittimi non possono essere diseredati...perchè...perchè...ecu, chì. Perchè “godono di una speciale immunità poiché la legge garantisce loro in ogni caso una quota dell'eredità del defunto, ecc. ecc.
MARTINO - e chi ìnn gli eredi legittimi?
PEDUZZI - gli eredi legittimi...(sempre consultando il volume) ìnn: il padre, i nonni...
MARTINO - gh'ù pü nessùn
PEDUZZI - ...i figli e i figli dei figli (finisce la grappa)
MARTINO - alura, cume sa fà? Mì vööri lassà tütt ala mia Lilly
PEDUZZI - a 'l po' minga. Un dumàn la sua tusa la po' impügnà ul testaméént e ul tribünaal obbliga la restituzione della loro parte
LILLY - (riempiendogli il bicchierino di grappa) prego dottore
PEDUZZI - grazie...l'à capii, sciur MARTINO? (sorseggia)
MARTINO - e alura, cume sa fà?
PEDUZZI - l'unico mezzo è la donazione
MARTINO - donazione?
PEDUZZI - sì...(ricercando nel volume) ecu...donazione..dunque (sorseggia) donazione: è un contratto con il quale un soggetto denominato “donante” arricchisce un altro denominato “donatario” a titolo gratuito...la donazione è un atto formale che va formalizzato da un notaio alla presenza di due testimoni. Dunque, lüü a 'l duvrà andà da un nutaar
MARTINO - ma l'è minga lüü ul nutaar?
PEDUZZI - ah, sì! Summ mì...vurevi dì, che a 'l duvrà vegnì da mì e fèmm tütt (finisce la grappa)
MARTINO - l'è buna, eh?
PEDUZZI - cussè?
MARTINO - la grapa
PEDUZZI - propi buna. Un bicchierino tira l'altro cumè i sciréés
MARTINO - a vedi. Alura che 'l faga minga cumpliméént (versa un altro bicchierino)
PEDUZZI - grazie! Alura disevum...la donazione..ecu, se lüü a 'l vöör lassà nagòtt ala sua tusa, basta che 'l firma una carta cun tütt l'elenco dei beni che 'l vöör regalà a una terza persona ma, che a 'l sa regorda bèn, prima de murì (sorseggia)
MARTINO - anca perchè dopu moort l'è dificil fà la dunaziùn
PEDUZZI - esatto! E, per quantu riguarda i danéé che 'l gh'à in banca, i aziùn, i BOT e i CCT e tütt ul rest, a 'l poderà passai anca dumàn diretaméént ala sciura Lilly. Inscì a resta pü nagòtt
MARTINO - ma paar una bela suluziùn. Alura, duman vuu in banca cun la Lilly e ga passi tütt
LILLY - (mielosa) non avere fretta, caro. C'è tempo
MARTINO - gh'è minga téémp de peerd. Cun la salüüd che gh'ù, ogni dì l'è bun
LILLY - (c.s.) non dire stupidaggini. Tu sei un toro
PEDUZZI - ancamì! De che méés l'è?
MARTINO - (disorientato) de genaar
PEDUZZI - alura l'è del capricorno, l'è minga un “toro”
LILLY - “toro” intendevo fisicamente
PEDUZZI - ah! Credevi ul segn zudiacaal. Alla “salute” (sorseggia)
LILLY - bene, allora chiarito tutto, nella prossima settimana verremo nel suo ufficio per formalizzare le pratiche
PEDUZZI - (farfugliando) quando la vuole, sono sempre a vostra dispo...disposizzzione...(riponendo il volume e le carte maldestramente nella cartella) allora possiamo andare...e grazie per il digestivo (finisce la grappa e, alzandosi, barcolla)
MARTINO - un altro goccio?
PEDUZZI - basta, grazie. Anche perchè sono a stomaco vuoto
MARTINO - cum'è, a 'l duveva minga digerì i nervètt?
PEDUZZI - ah, sì! Ma quej i ù digerii cunt ul primm bicerìn
LILLY - su, dottore, andiamo che la riporto in ufficio
PEDUZZI - andiamo. Allora a presto signor MARTINO (s'avvia incerto inciampando)
MARTINO - che 'l stia ateent
LILLY - (prendendo sottobraccio Peduzzi) venga, venga che l'accompagno io
GILDA - sciuur MARTINO, gh'è rivaa ul dutuur
LILLY - che medico?
GILDA - un medico nuovo
LILLY - (a MARTINO) hai cambiato medico?
MARTINO - no. L'è un gran dutuur internaziunaal che l'è de passagg e ù vurüü cunossal
LILLY - ah! Va beh...allora noi ce ne andiamo
PEDUZZI - (indicando GILDA chiede a MARTINO) l'è la sua tusa? (scambio di sguardi sconcertati) l'è una bela dona...la meriteria minga...
LILLY - (interrompendolo bruscamente lo trascina fuori) su, su, andiamo! Ciao caro, ritorno presto
MARTINO - ciao. (a Peduzzi) arrivederci. Alura sèmm d'acordi
PEDUZZI - d'accordo, a presto...(a GILDA) arrivederci signorina (esce con Lilly)
GILDA - (a MARTINO) chi l'è quel'esser lì?
PEDUZZI - un amiis dela Lilly
GILDA - la gh'à propi di bej amiis! Ma l'era ciucch?
MARTINO - l'à bevüü un puu de grapìn
GILDA - ma l'aveva bevuu anca prima de rivà. A 'l spüzzava de vìn anca quaand l'è entraa
MARTINO - indua l'è ul dutuur?
GILDA - in anticamera che a 'l speta
MARTINO - fàll entrà, no!
GILDA - subit! (chiama fuori scena) Dottor Oreste! Vegn chì
MARTINO - ma 'l parla dialètt?
GILDA - l'è sempar staa in Svizzera italiana, a Bellinzona. Che 'l pensa che 'l parla quatar lingue
MARTINO - bestia, che cervèll!
ORESTE - (entra) l'è permèss?
GILDA - vegn, vegn. Ta presenti ul sciuur MARTINO
ORESTE - (stringendogli la mano ) Onorato!
MARTINO - ma 'l sa ciama minga Oreste?
GILDA - (a MARTINO) l'è onorato, nel senso che l'è un unuur cunossal
MARTINO - ah! Felice
ORESTE - ma 'l sa ciama minga MARTINO?
GILDA - oh, cara Madona! Che düü eleméént. (a Oreste) l'è felice de cunossat
ORESTE - ancamì
GILDA - bòn! Adèss che sìì “Felice” e “Onorato” e sa cunossuf cerchéé anca de capìss
MARTINO - che 'l sa comuda dutuur (avvicinandosi e indicando il tavolo)
ORESTE - grazie
MARTINO - aluura, cume a 'l stà ul Papa?
ORESTE - l'è moort
MARTINO - gh'è moort ul Papa!?
ORESTE - ul Papa!? No, ul mè papà l'è moort
GILDA - gh'è moort ul tò pà? Quaand?
ORESTE - oooh, l'è un pezz sarànn...
GILDA - (con frenetici segni alle spalle di MARTINO) ma se trii méés fa a 'l stava bèn
ORESTE - ah! 'l stava bèn? Beh, l'è burlaa giò da una pianta de fiich un para de méés fà
MARTINO - a centrii ànn a 'l nava ancamò süi piaant a catà fiich?
GILDA - ga l'ù dii che l'era un fenomeno. Che 'l pensa che a 'l gh'aveva anca la murusa. (a Oreste) vera, Oreste?
ORESTE - sì, sì. L'era pièn de dònn
GILDA - e perchè ta m'èèt minga dìì che l'era moort. Ta pudevat fàmm una telefunada
ORESTE - (cercando una scusante) perchè...perchè avevi perdüü ul nümar de telefono
MARTINO - e a centrii ànn l'andava ancamò cunt i dònn?
GILDA - altroché! Cun tütt i cüür che 'l ga faseva lüü, se 'l burlava minga giò dala pianta, a 'l scampava fina a duséént ànn...c'à, setevass giò
MARTINO - a 'l béév un quajcòss, dutuur?
ORESTE - (vedendo la bottiglia di grappa sul tavolo) l'è grapa?
MARTINO - sì! Una grappa riserva de quii giüst
ORESTE - ma sì, un goccetto l'acetto volentieri
MARTINO - bene. Dacci un bicchierino GILDA; ul mè l'è già chì
GILDA - (prendendo il bicchierino) però cerchéé de minga esagerà
ORESTE - (sedendosi) allora, signor MARTINO, mi dica tutto
MARTINO - cussè 'l vöör che ga disa. Summ cunciaa cumè un strasc de paviméént. Ga i ù adòss tütt
ORESTE - esempio?
MARTINO - per esempi, incöö, m'è vegnüda 'sta smagia süla boca
GILDA - (riempiendo i bicchierini) l'è de stamatina che 'l fa tragedi
ORESTE - (osservando la bocca di MARTINO) ma l'è nagòtt...una stüpidada...l'è un...cume sa dìss...l'è un ammasso di saliva che si è solidificato sotto la pelle...basta mètt sü un puu de bicarbonato e, duman, la sparìss
MARTINO - a 'l dìss?
GILDA - l'à vist? L'è nagòtt
MARTINO - ma di voolt ma senti ul stomich sgunfi
ORESTE - l'è ul cò
MARTINO - ...e ma vedi una nebbia davanti ai öcc...
ORESTE - l'è ul cò
MARTINO - ...e ogni taant ma senti di duluur al cöör...
ORESTE - l'è ul cò
MARTINO - ...e ma senti debulezza anca in tütt i òss e ai müscui
ORESTE - sempar ul cò
MARTINO - e ma fa màà anca ul cò
ORESTE - l'è ul cò
MARTINO - a 'l dìss?
ORESTE - certo! Ma a 'l mangia cun apetìtt?
MARTINO - sì
ORESTE - ga piaas béév un puu de vìn?
MARTINO - sì
ORESTE - e dopu mangiaa, ga vegn anca un puu de sogn?
MARTINO - sì
ORESTE - l'è ul cò!...e 'l và de corp regulaar?
MARTINO - minga sempar. Ogni taant devi pürgamm
ORESTE - l'è ul cò
MARTINO - e cussè che a 'l gh'à ul mè cò?
ORESTE - nagott! Inn tütt ròbb che a 'l sa mètt dentar lüü nel so cò. Per mì l'è sàn cumè un pèss
GILDA - a 'l vééd? L'è tütt quèll che disi mì
MARTINO - ma mì, a stuu maa
ORESTE - che 'l ga pensa minga. Che 'l mangia, che 'l beva, che 'l faga quèll che 'l vööra e 'l vedrà che 'l starà mej
GILDA - quèll che ga disi sempar mì. Che 'l guarda lüü, quanti ànn a 'l ga dà?
MARTINO - beh, a 'l suu minga...quaranta, quarantaciinq...cinquanta
GILDA - ga n'à vutantadüü
MARTINO - oh, bestia!
GILDA - e a 'l vééd cume l'è lì? A 'l paar un giuvinòtt
MARTINO - beato lüü. Ala sua età l'è lì viscur che 'l paar un giuvnòtt e mì, che gh'ù trent'ànn de men a summ pièn de duluur. A l'è un para de dì che ma fà maa anca la gamba; fuu fadiga anca a piegala
ORESTE - l'è l'età
MARTINO - ma anca quel'altra la gh'à la stessa età ma la fà minga màà
ORESTE - la ga fà minga maa perchè la büta tüta l'energia e i dulüür sü quel'altra
MARTINO - capissi minga
ORESTE - a 'l vééd, se a 'l tajàss via una gamba, quel'altra la ciapa tüta la forza de l'altra e la réénd ul dupi e, quindi, la resterà sempar sana e forte senza duluur
MARTINO - sì, ma resti senza una gamba
ORESTE - però, quel'altra la vaar ul dupi o trii voolt
GILDA - (cercando d'interrompere il dialogo) bravu, dutuur! (a MARTINO) questchì, a na sa püsséé del diavul...sü, béév ul grapìn e vànn giò che gh'è ul tassita che a 'l speta
ORESTE - allora alla salute! (svuota il bicchierino)
MARTINO - alla salute! (beve) ma 'l dìss debùn che a tajass una gamba passa tütt?
ORESTE - l'è sicüür. Che 'l pensa, una volta gh'èmm faa un esperiméént cunt vün che a 'l ga vedeva pooch e 'l vureva minga mètt sü i ugiaa, a gh'èmm tiraa fö un öcc e l'è andaa a post. A 'l ga vedeva cumè un gàtt
MARTINO - cunt un öcc?
ORESTE - certo! Perché tüta la forza e l'energia de i düü öcc, la s'è cuncentrada sü vün
MARTINO - oh, bestia! L'è pussibìl?
ORESTE - questa è alta chirurgia
GILDA - sarà mej tajala sü! (a Oreste) Adèss vànn che gh'è giò ul taxi a speciat per andà al convegno
ORESTE - ah, sì. Adèsso devo proprio andare
MARTINO - ma mì speravi che 'l ma fasèss una visitina
GILDA - un'altra volta! Adèss a 'l gh'à minga téémp. Magari quand a 'l turnerà indréé da Roma a 'l sa fermerà a facch una bela visita püsséé aprufundida
ORESTE - sì, quand turni indréé. Anca perchè adèss gh'ù minga chì gli attrezzi
MARTINO - che attrezzi?
ORESTE - beh..il tronchesino...ul caciaviit..ul carica baterii...la ciaav ingléés...
GILDA - (interrompendolo) tütt strüméént nööv della medicina meccanica. (prendendo sottobraccio Oreste ed accompagnandolo alla porta) sü, andèmm
ORESTE - andèmm. Alura a 'l salüdi, sciuur MARTINO
MARTINO - a rivederci. Che 'l guarda che a 'l speti, neh!
ORESTE - tranquillo, ripasserò. Per adèss, ma racumandi, che 'l pensa pü ai so malatii. Lüü a 'l gh'à nagòtt. L'è sàn püsséé de mì...o quasi
MARTINO - cumè, “quasi”?
ORESTE - (spingendolo fuori con veemenza) sü, vàn...andèmm che ta acumpagni (escono)
MARTINO - (pensieroso) a 'l m'à dii “quasi”...alura, l'à capii che gh'ù un quajcòss e 'l m'à cüntaa sü tütt quii stori del cò per minga fàmm preocupàss...(beve un goccio di grappa)
GILDA - (rientra) alura, l'è cuntéént?
MARTINO - a 'l m'à dìì: “quasi”
GILDA - l'à dìì “quasi” perchè a 'l gh'à ul prublema de metàss in méént tütt i so malatii
MARTINO - ma mì i senti
GILDA - basta minga pensacch
MARTINO - ta paar facil. Tra tì e la mia tusa gh'ù mai nagòtt e ma töguff in giir. Menu màà che gh'è la mia Lilly che la ma capìss e la ma cüra
GILDA - l'à tiraa scià quela giüsta!
MARTINO - lassa stà la Lilly! Ta permeti minga de fà insinuaziùn süla mia miéé
GILDA - adèss basta e ga parli ciaar! Summ stüfa de supurtà la sua fissaziùn dei malatii e de supurtà tütt i trapull che la mètt giò la sua miéé
MARTINO - mì ta licenzi!
GILDA - e chi 'sse ne frega!? Ma prima de andà via, vööri che a 'l verda i öcc una volta per sempar: ma 'l vééd minga cumè l'è falsa?
MARTINO - la mia Lilly, falsa? Tì a ta séét una vipera!
GILDA - ma che 'l sa sveglia. L'è sempar lì, cun quela vuus de galina, a miagulà (imitando) “ciccino”,
“amoruccio”, “Mucci-Mucci”, la ma fà vegnì de tra sü!
MARTINO - la ma vöör bèn!
GILDA - a ga vöör bèn ai so danéé. Ma 'l capìss minga che la gira sü cume la vöör? La faseva la cameriera e adèss, la fà la sciura; sempar in giir tütt ul dì cun la bela machina, estetista, parüchéér, cinema con le amiche, gaar de burraco per beneficenza e in cà, mai che la möva un diit
MARTINO - l'è giuvina e l'è giüst che la sa svaga un puu
GILDA - e la lassa a cà ul vecc rimbambii malaa
MARTINO - guarda che summ minga rimbambii
GILDA - “quasi”! Ma a 'l sa chi l'era quel ciucatéé che l'aveva purtaa chì prima?
MARTINO - ul nutaar?
GILDA - bravu! L'era un nutaar. E cussè l'è vegnii chì a fà?
MARTINO - cussè che ta interessa a tì?
GILDA - l'è vegnii chì per mangiacch fö tütt i danéé! Quèll ciucatéé lì, a l'è un ex avucatt falii che ànn casciaa fö da...cumè che sa ciama?...da l'album perchè n'à cumbinàà de tütt i culuur
MARTINO - cume ta féét a savèll?
GILDA - a 'l suu perchè quand andavi a balà cunt un me amiis mecanich, a 'l vedevi là a ciuchetà e l'era ul zimbèll de tütt. Un barlafüüs gabulista sempar in cerca de danéé
MARTINO - ma ta séét sicüra?
GILDA - altroché! E imagini cussè che l'à purtaa chì per fà. E, adèss, perchè a 'l sa cunvincia de quantu ga vöör bèn la sua “ciccina” a 'l vöör dàmm a reta?
MARTINO - a fà cussè?
GILDA - tra un puu la riva e lüü, a 'l sa stéénd sül divan e 'l möör
MARTINO - (allarmato) ma toca murì!? Cussè che ta disat?
GILDA - ma per finta, no!
MARTINO - e perchè?
GILDA - perchè inscì a 'l sentirà diretaméént la reaziùn dell'amata Lilly
MARTINO - ma gh'è minga pericul fà ul finto morto?
GILDA - che pericul a 'l vöör che ga sia? Se l'è un finto morto, l'è viiv
MARTINO - sì, però ma fà una certa impressiùn
GILDA - ù sentii la machina 'rivà. Che 'l sa stenda sül divan
MARTINO - ta séét sicüra de...
GILDA - (aiutandolo a stendersi) sü, che 'l faga svèèlt...ecu, inscì a 'l và bèn...un muméént...che 'l meta questchì...(prende il vassoio con il quale ha portato i bicchierini) sota la giaca...(esegue)
MARTINO - perchè?
GILDA - perchè se ga vegn in méént de sentì se ga batt ul cöör, inscì, la séént minga
MARTINO - alura a möri?
GILDA - che 'l tasa e 'l möra in paas...ecu che la riva...(sottovoce) che 'l sera i ööc e 'l verda la boca...(MARTINO spalanca la bocca) minga inscì, che 'l ma fà stremì ancamì...püsséé serada...ecu, inscì la va bèn...(sentendo l'arrivo di Lilly alza il volume)...oh, cara Madona! Cussè che gh'è sücedüü! Sciur MARTINO...sciuur MARTINO...
LILLY - (entra) cosa succede?
GILDA - oh, pora mì! Che disgrazia! Che sciagüra!
LILLY - cosa c'è GILDA? Cos'è successo?
GILDA - ul sciuur MARTINO l'è moort
LILLY - morto? Ma cosa dici?
GILDA - sì! Era qui in piedi...ha messo le mani sul petto poi, ha fatto un urlo strozzato, ed è borlato giù sul divano secco e stecchito
LILLY - ne sei sicura?
GILDA - sì! Ho sentito il cuore ma non batte più. Senta, che senta anche lei il cuore
LILLY - (freddamente) questa non ci voleva
GILDA - (drammatizzando) oh, poor sciuur MARTINO...inscì giuvin...cumè che sa farà adèss
LILLY - su, su, non drammatizziamo
GILDA - ma cume sa fà a minga dramatizzà?
LILLY - non è il caso
GILDA - non è il caso!? Ma mì credevi che sa duvèss piaang
LILLY - macché piangere. E' una liberazione. Cosa faceva un uomo simile sulla terra? Sempre con un clistere in mano o una medicina in corpo e non sapeva che lamentarsi per le sue fantomatiche malattie...
GILDA - cèèrt che l'è una bela cumemuraziùn
LILLY - ...piagnistei, lamentele, puzza d'alito, un orso sempre rinchiuso in casa...
GILDA - (a parte con mimica appropriata a MARTINO) séént che robb!
LILLY - senti GILDA, ora tu dovrai aiutarmi
GILDA - a portarlo sul letto?
LILLY - anche
GILDA - e come facciamo? Ga vöör una gru
LILLY - ce la faremo. Ma dovrai aiutarmi anche in un altro modo e vedrai che sarai molto ben ricompensata
GILDA - ricompensata? A fare cosa?
LILLY - finché nessuno sa della sua morte, lo portiamo nel suo letto e teniamo nascosto il fatto fin quando abbia sistemato alcune cose che andrò subito a disporre in banca. Non è giusto aver perso i miei anni più belli con lui infruttuosamente
GILDA - a mì, ma paar asséé
LILLY - cosa?
GILDA - dicevo che mi sembra abbastanza
LILLY - abbastanza che cosa?
GILDA - quello che ho sentito. Anzi, che abbiamo sentito
LILLY - sentito chi?
GILDA - noi! (scrollando MARTINO) sü, svegliass
LILLY - (interdetta) ma...ma come!?
GILDA - (a MARTINO) adèss l'è cuntéént?
MARTINO - ceert che mì a credevi minga, mì...
GILDA - e adèss a 'l ga crééd? Cussè che ga disevi mì?
LILLY - (aggressiva) vigliacchi, scellerati! Vi siete presi gioco di me!
GILDA - cume léé, l'à faa cun 'stu poor òmm chì
LILLY - (c.s.) ma non finirà qui. Vedrete a cosa sarò capace...ve ne pentirete (esce furibonda)
GILDA - che curagg! La gh'à anca la facia de tola de minacià
MARTINO - e adèss, induè che la và?
GILDA - cussè che ga interessa a lüü indua la và? Che la vaga fö di bàll che l'è tütt de guadagnà
MARTINO - (vittimistico) e mì, cussè che fuu?
GILDA - cussè che 'l vöör fà? Duman matina a 'l và da un avucatt, vün de quii seri, e l' sistema tütt
MARTINO - e chi l'è che ma cüra a mì?
GILDA - mì! M'ì e la sua tusa
MARTINO - già! Vialtar düü che ma sii sempar cuntra e ma creduff mai
GILDA - sèmm sempar cuntra e ga credumm mai perchè sèmm i ünich do person che ga vööran bèn. Quela sanguisuga a 'l ga dava sempar resùn e 'l ga faseva fà tütt quèll che 'l vureva per fàll fö prima pussibil. (imitando) “Ciccino” e “Mucci Mucci” e la inguzzava de cazzöla, pasta al sugo, cutelètt, patati frìtt, gurgunzöla, turti cun la panera e butigli de vìn
MARTINO - tüta roba che ta fasevat tì
GILDA - cèèrt! Ma quand a disevi che la ga faseva màà, léé la diseva: “Ma no, un omone come lui ha bisogno di energie”, “Se non mangia si indebolisce”, e a 'l gh'à perfina purtaa in cà quel rimbambii d'un dutuur che 'l ga dava resòn. Adèss, a 'l meti mì a stechètt e 'l vederà che 'l guarirà de tütt
MARTINO - e podi pü mangià?
GILDA - a 'l poderà mangià, ma nela manera giüsta e, a 'l vederà, che ga passeran anca tütt i malatii
MARTINO - adèss m'è vegnüü l'angoscia. Dàmm un ansiolitico
GILDA - e mì, adèss, a ciapi tüta la bursa di medesìn e la büti nela rüdera
MARTINO - (allarmato) fà minga una roba simil, neh!
GILDA - ma 'l capìss minga che la sua “Mucci-Mucci” la manuvrava tütt per fàll fö? La inguzzava de medesìn, la meteva cuntra mì e perfina la sua tusa, la s'era impadrunida dela cà e, se a rivi minga in téémp. a 'l ga magnava fö anca tütt i danéé
MARTINO - ta disat?
GILDA - a disi! (sente la porta che si apre) hann verdüü la porta. Riva la Candida...che 'l crepa ancamò
MARTINO - per fà?
GILDA - che 'l faga quèll che disi mì e 'l vederà...(lo butta disteso sul divano)
MARTINO - mì sùmm stüff de murì!
GILDA - che 'l tasa e 'l crepa! (alzando il volume drammatica) Oh, caar Signuur...sciuur MARTINO che 'l sa sveglia...(dandogli due ceffoni)
MARTINO - (sottovoce) ahi! Ta ma féét maa
GILDA - (c.s.) ssssst, che 'l tasa! (riprendendo la drammaticità)...addèss, cussè che fèmm? Oh, pora mì, sciuur MARTINO (altra sberla)
MARTINO - ahì! (soffocato da GILDA)
CANDIDA - cosa succede?
GILDA - (tragica) oh, Candida! Che disgrazia...che disgrazia!
CANDIDA - (avvicinandosi allarmata) ma cosa c'è?
GILDA - ul tò pà, a 'l stà maa...anzi, credi che a 'l sia adiritüra moort
CANDIDA - (tragicamente si avvicina a MARTINO) ma cosa dici!? (scuotendolo) papà! Papà!
GILDA - l'era chì che a 'l stava bèn e a gh'è vegnüü un sc'iupùn
CANDIDA - (piangendo disperata) non è possibile...papà...non lasciarmi sola...ti voglio bene...non puoi andartene così...(a GILDA) chiama un medico...la Croce Rossa..papà, dimmi qualcosa...sei l'unico per me
GILDA - (tastando MARTINO) aspeta...aspeta...paar che 'l respira ancamò...
CANDIDA - respira? Su, fai un massaggio cardiaco...fai qualcosa
GILDA - (esegue) lassa fà a mì...sì, paar che a 'l sa riprenda...sciuur MARTINO (gli da ancora un paio di ceffoni) sü, che 'l sa sveglia...
MARTINO - (massaggiandosi le guance a GILDA) ma ta vörat mazzam de bott?
CANDIDA - (abbracciandolo) papa!
MARTINO - oh, Candida, che màà!
CANDIDA - dove ti fa male?
MARTINO - la facia! Cunt tütt i cazzott che la m'à daa quastachì
CANDIDA - ma cosa ti è successo? Non stai bene?
MARTINO - minga taant!
CANDIDA - cosa ti senti? Chiamiamo un medico
GILDA - l'è minga ul caas
CANDIDA - che spavento! Ma eri svenuto?
MARTINO - un po'! Mi girava la testa
GILDA - l'è la pressiùn un puu bassa
CANDIDA - adesso come ti senti?
MARTINO - gh'ù famm
GILDA - che 'l cumincia minga, neh! (energica a MARTINO) e che 'l faga pü quii scènn lì per nagòtt
MARTINO - (interdetto) che scènn!?
GILDA - fà finta de murì, per nagòtt...
MARTINO - ma mì...mì...
GILDA - mì, un bèl nagòtt! Inn scheerz che sa po' minga fà. Quasi ciapum un infarto nümm per ul stremizi
CANDIDA - è vero. Ho preso uno spevento
GILDA - l'à vist? Stremì anca 'sta pora tusa. E l'à vist cume ga vöör bèn?
MARTINO - ù vist
GILDA - e adèss, che 'l ga prumeta de pü stà màà e de pü fà scènn simil
MARTINO - veraméént...
GILDA - veraméént un bèll nagòtt! Da incöö, in 'sta cà, cambium tütt i regul. Basta medesìn, mangià regulaar, passeggiate all'aria fresca e a teatro tütt i sabat sira e ala dumeniga a balà
CANDIDA - ma che è successo? E Lilly?
GILDA - lassa péérd la Lilly che la gh'è pü!
CANDIDA - dov'è?
GILDA - dopu ta spieghi tütt. Adèss pensemach a nümm e, se ascultuff mì, (a Candida) tì ta gh'avréét una vita serena cunt ul tò Maurizio e lüü a 'l scamperà un pèzz in salüüt e, veraméént cume 'l diseva, l'è mej sta chì pruvisori che de là fìss!
(commento musicale IV)
FINE
