Mi marìd l’è ‘n gran bamblon…

Stampa questo copione

- A sém fati diferènt -

       - Mi marìd l’è ‘n gran bamblon –

  

                                  PRIMO ATTO                                                                            -

 All’aprirsi del sipario nessuno è in scena

              La musica a sfumare.

Entra Alessandro detto Sandro (Sandron), in maglietta e  pantaloncini corti o tuta ,ciabatte un calzetto si ed uno no. Ragionando tra se.

Sandro – (Imita ciò che la moglie gli ha detto di fare) Gambia la lampadéna ma l’abagiure…Gambia la lampadéna…L’ABAGIURE…L’è tre giorne c’ha tèl dégh…!!...Catt l’è gnènt…Mo miga l’è tant semplic gambiè stè cara de lampadéna ma l’abagiure…Miga fecìl…che c’è modi che s’chiapa anca la scòsa …miga no…!! Par préma roba tòca stachè l’interutor generèl…Mo l’interutor generèl el sarìa de sotta…E par gì de sotta…Par gì de sotta me toca fè le schèl…che…che miga a vol…che miga a so’ ‘n uclét me…e po’…e po’ a so’ sa le ciavatt…me tocarà par forza…par forza métta su le scarp…e par metta su le scarp…ajò da métta su i calzétt…che s’no le me fa mèl… le scarp…(Si guarda i piedi)…tutt do’…un a l’ho…e clatre ??..El sarà gìd a fnì sotta el lètt…me tocarà cerchél…a cuvion par tèra…e po’…e po’…dop quatre ramp de schél…’na volta par gì d’in giò…e ‘na volta par arturnè d’in so… Che mi moj l’an vo’ ch’a chiapa l’ascensor…parchè a m’ho da mòva…T’néssa ‘n colp…!!(Alla moglie che è fuori scena)…Oh…Rina…Mo l’è sigur che la lampadéna l’ajè sfurminèda…che s’no l’ è tutt lavor inutil…e po’ dop s’armàn senza luc…Parchè c’è l’interutor stachèd…dentra chèsa è tutt scur…

Rina – (Da fuori con impazienza)) – Sandron…L’è       giorne…s’véd uguèl…gambia sta lampadéna…movte bamblon…

       

Sandro – Se…Se…S’véd lu stéss…Mo an sarìa méj chiamé ma

l’etricésta par stè rob…??

Rina – (Entrando)…Mo che l’etricésta dì…T’vo’ chiamè ma’l letricésta par gambiè ‘na lampadéna…?? Mo …me a dégh…co’ t’si matt in t’i cervéi…Tira otra ch’el divano staca la spéna da la présa  e gambia sta’ lampadéna…Movte…che me ajò da pulì maché…!!(Fuori)

Sandro – (Tra se)…Ehhh…se…Tira otra el divano…Catt l’è gnènt…(Lancia la lampadina sul divano) el pesarà dò quintèi…El pesarà…C’vo’ ‘na forza da rida…C’vò…E co’ so’ Maciste me…!!??...Già ch’è m’dòl tutt i bracc…Anzi…Anzi…Sarà méi c’ha me métta a séda ‘na muliga…A so’ stracch mort…(Si siede dove aveva gettato la lampadina) Ohhhh…!! A m’sènt già méi…(Si accorge che c’è qualche cosa sotto)…Orca paletta…è co’ c’è maché…(Si alza quasi di scatto e si accorge di avere rotto la lampadina)…Porca putèna vigliaca…!! Porcaccia boiaccia…E adèss….(Chiama la moglie)…Rinaaa…Rinaaa…!!

Rina – (Entrando) – Co’ c’è …?? Co’ t’ha fatt…!?

Sandro – Se…Se…sarìa ciachèda ‘na muliga la lampadéna…Mo no molt…

Rina – Mo cum t’ha fatt a ciachè la lampadéna…??

Sandro – (Mentendo)…L’ha…L’ha m’è caschèda par tèra…

Rina – E già…Po’ l’ajà fatt un salt e l’ajè gida a fnì s’el divano véra…??

Sandro – E…E…che me a l’ajò arcolta e dop…A l’ajò pugéda s’el divano…Par pruvè da cumudèla ecch…!!

Rina – Mo stà zétt valà imbecéll…e che te t’si gìd a séda sora la lampadéna…

Sandro – E che ajò pruvéd da tirè el divano indrìa sa le mén…sol che in t’una mén ajavéva la lampadéna…E com a féva?…sa ‘n bracc sol el divano an se spustèva…Catt el pesarà do’ quintèi…alora ajò pugéd la lampadèna par tirél indrìa sa tutt dò le mén…par fè più forza…sol che ste diavlé de divano manca el s’è spustéva…Ch’i v-nissa ‘n acidént…alora che…che sicom che ajèra ‘n po’ stracch…a me so’ méss a séda ‘na muliga e…TRAK.. S’è rotta la lampadéna……

Rina – Mo…me a me dmànd dle volt se te te si’ nurmèl…T’avév sol da gambiè ‘na lampadéna…Una…!! Ann’è che t’avév da fabrighè la PIETA’ de MICHELANGIOLO…E invéc co’ t’ha fatt…?? T’ha rott la lampadéna....Me a t’èl dégh sempre…Quand t’pèns da fè ‘na roba…Fà el cuntrèri de quél ch’t’ha pensèd…Che quél che te pèns da fè  l’è sbajèd de sigur…(Uscendo)…Stà bòn malé…an te mova , ch’a véngh a portè via i cocc…

Sandro – Par fortuna che cla lampadéna del cara l’ajèra tla scatola ancora…Che s’no a me fèva anca mèl…Catt me tuchèva gì a l’ospedèl…par dè i punt t’el…t’el…sa che figura…(Ride)…

Rina – (Rientra con paletta e scopetta)…Vàra ch’an c’è gnènt da rida…e stà distànt…(Pulisce)

Sandro – (Osserva)…Mo Rina…Co’ t’pulisc a fè…La lampadéna l’ajèra tla scatola…El vétre inn’è miga scapèd fòra…

Rina  - Stà zétt…Stà zétt… e an parlè sa…!! A so mè quél ch’c’è da fè t’un sta chèsa…(Esce)

Sandro – Se…se…fa…fa pur…e chi t’dìc gnènt…(tra se)…Cèrt che le donn l’ejè buff un bèl po’…(ragiona)…o forse l’ajè mi moj cl’ajè buffa…Ajò féd…(Si siede sul divano) ohhh…Adèss a ragiuném…( da fuori intanto si sente il rumore in sottofondo di un aspirapolvere in funzione) Cèrt che se stà propi bèn sora stè divano…Catt a l’ho cumprèd aposta…(Prende un giornale – IL RESTO DEL CARLINO )…Alora…pruvém a véda che bèli notizi che c’è ogg…(Mentre legge piano piano si addormenta)

La scena rimane con Sandro che comincia a russare, prima piano piano poi rumorosamente.)

Entra dopo qualche minuto Rina che sta dando l’aspirapolvere per casa mentre esegue questa operazione, canta.)

Rina – (Cantando, entra)…Stasera mi butto… Stasera mi butto..Mi butto con te….(Guarda il marito)…No , anzi , sol ma lò a butarìa me…da la fnèstra prò, al butarìa trachè…(Continua a cantare più forte)…E faccio di tutto …E faccio di tutto…per stare con teeeeeee….!!...(Si avvicina alla faccia del marito urlando)…con teeeeeeeee..!!(Pausa)……Gnènt…L’è in catalessi l’è…Madona santa me vèn un nervos…!! Al mazarìa ma ste mostre…(Lo chiama) ohhh…ma te…ohhh…se…!! Manca sa le canunèd…(Più forte)…Sandroooo…!! Sandron…!!(lo sbatte con vigore)…Ohhh…!!

A questo punto Sandro si sveglia.

Sandro – Eh…Chi è…??

Rina – (Continua le sue mansioni)…Ohhh…!! Finalmènt…!! A credéva ch’t’èr mort…!! Scusme tant s’ha t’ho disturbèd… T’durmive…?? (Sarcastica)…

Sandro – Eh…??

Rina – No a digh…T’durmive…??

Sandro – Ah…NO…NO…E ch’a rimuginèva ‘na roba…

Rina –Ah…Ecco…!! E…de grèzia…m’ha co’ t’rimuginèv…??

Sandro – A pensèva tra me e me che a pudrìa anca véda da  scapè più tardi par gì a cumprè ‘na lampadéna nova…

Rina – Mo davére…?? An me dì…!!

Sandro – E…se…sol che ogg l’è dméniga...L’è tutt chius…!!

Rina – Nooo…!! Ann’è chius dapartutt…All’IPER e alla COOP l’è sempre apèrt…sempre…Anca la nott urmèi…!!...Anzi…T’èl sa col’è c’ha fém…?? A gém me e te stasera, nel pomeriggio…che tant ajò da fè anca la spesa…acsé t’me da na mèn…

Sandro – NOOOO….Par piacér…NOOO…!! A la dméniga l’è sempre pén de gènt…c’è na gran confusion…e dop ma me me vén el mèl de testa…par piacér…E po’…E po’ an se trova méi el post par la mèchina…

Rina – An te preocupè…a la mand me la mechina,che se a la facc guidè ma te, svélt com te si, ajarivém dmènlatre, e po’ el parchégg al trov me…Te an t’ha da fè gnènt…sol aiudém a portè la spesa…

Sandro – Catt l’è gnènt…Portè la spésa ma te l’è come tirè su i tizz del fogh sa la lingua, da un gust……

Rina –(Seccata) E sta zétt…porca paletta…t’ha sempre da lamentèd…!! E quéll an va bén…E cl’atre an va bén…T’el véd…?? T’el véd co’ t’si dventèd ormèi…?? No a digh…t’ha pruvèd a fè ‘n confront sa chiatre marid del congomigno…??

Sandro – …N..No…

Rina – E t’fa mèl…Parchè t’avréss sol da imparè e basta…

Sandro – Co’l’è ch’ajavrìa da imparè …??!!

Rina – A essa più dinamigh…più svélt…più che atre a dét una smosa…Vàra chiatre marìd…quand iè a chèsa, t’i véd sempre a fè ‘n qualcò’…Chi lèva la mechina, chi taja l’erba de sotta, chi porta a spass el chèn…

Sandro - …La mèchina t’la chiapp sempre te, l’erba da noiatre de sotta l’an c’è…e ‘l chén par fortuna na l’avém…

Rina – L’è un mod de dì…imbarbugìd…!! A voj dì che ch’iatre marìd un qualcò’ i fa…I s’mov…sénza cuntè po’ quéi chi và a caminè, ch’i curr,, chi va sa la bicicletta…prém parchè fa bèn ma la salud… e sgond parchè almanch in stà sempre a chèsa a rompa le scatol ma le moj quand le moj l’ejà da fe, t’ha capìd…??

Sandro – Se…ajò capìd, prò…me ajò anca cinquant’ e ann’è che…

Rina –(Lo interrompe)  …E i s’véd tutti an te procupè…Te sì fatt tutt canùt…T’ha la facia d’un color caramèla d’limon…Te fa mèl sempre tutt…le gamb, i bracc, la testa, la schéna…E smovte ‘na muliga…Madòna a forza de stè a séda te v-nùd le vene varigliose…!!

Sandro – Ah…sl’è par quést ajò anca la presion alta…

Rina – Mo par forza…T’magn com un baghén…t’ha méss su na panza che s’i la vénd al marchèd, el dura ‘na stména…!!

Sandro – Ann’è véra…!!  …E che a so’ robust de costituzion…Ajò bsogn da magné…Che s’nò me vén ‘na fiac ch’ann’i la facc a bata i occh……!!

Rina – Se …de costituzion…Lascia gì valà…!!…(pausa)…Senza cuntè che po’…(Pausa signficativa)….mah !!…Lasciém pèrda…

Sandro – Lascém pèrda co’…??

Rina – Gnènt…un pensìr mia…e che  ma te an t’importa gnènt de gnènt ecch… par te c’è sol el divano, la television, le partìd e…e..Valentino…

Sandro – Co’ céntra Valentino…

Rina – Parchè an t’el guard ma Valentino…??

Sandro – Mo se sa ch’al guard…ce mancarìa…!!

Rina – Catt e co’l’è obligatori…??!!

Sandro –Par ch’i spurtìv come me…apasionéd che i s’inténd ‘na muliga de mutor l’è obbligatori se…e po’ il guarda tutti ma Valentino !!

Rina – Mo propi par gnènt…Presempi…cl’amigh tua malé…Gerardo…

Sandro – Gerry…??

Rina – Se…Gerry…se…la dméniga pasèda al post de stè davanti ma la television  a guardè ma Valentino, l’è gìd a fè la spésa lò, da par lò…e po’ dop sa la mèchina sempre da par lò, l’è gid anca a porte via la mundezza tutta divisa in ti sacchétt par fè la raccolta differenziale…E quést sol par fè un piacér ma la moj…Che s’no toca fè tutt ma lia…T’ha capìd…??

Sandro – S’véd ch’ann’è tant apasionéd…

Rina – Mo com sarìa a dì ch’ann’è apasionèd…!! El t’ha purtèd anca a Misano a véda le cors l’ann pasèd…E po’ a si’t gìd anca malà so…A Imola…

Sandro – Se…lè véra…’na strapazèda da rida…a sém partìd a le tre dla maténa…c’era una gran mucchia de gènt…

Rina – (Sarcastica)…E te…?? Co’ t’ha fatt…??

Sandro - …Co’ jò fatt…?? Gnènt…Co’ jò fatt…??

Rina –Te…Come il più bamblone dei bamblonissimi bambloni…Te si pèrs…tutt dò le volt…Sia a Misano che a Imola…

Sandro – Ann’è ch’a me so pèrs…e che ma Gerry… an lo vést piò…Ecch…el m’ha détt…”Alora Sandron…apéna a sém déntra el circuìto…S’và destra…no a mancéna…

Rina – E te ‘n do’ t’si gid…??

Sandro - …A…A mancéna…

Rina – T’ véd…?? An te sa manca distingua la destra sa la mancéna…

Sandro – Quand c’è tanta gent un el pò anca perda l’orientamènt co’ t’créd…!!…Lò l’è gìd da na part e me da ‘n antra…a ce sém arvést ch’era nott…

Rina – Me a t’el digh sempre…Quand t’pèns da fè na roba, fa el cuntrèri de quél ch’t’ha pensèd…ch’an te sbàj de sigur…

Sandro – E na maténa t’la fa longa…Po’ sucéda da sbajè qualca volta no…?!

Rina – A se se…Po’ sucéda…Sol che se un el sbaja na volta…dop…l’impèra…Come dice il proverbio…”Sbagliando s’impara”…

Sandro – Ohhh…!! T’véd alora……

Rina – Sol che par tutt le volt che t’ha sbajèd te…t’avréss da essa “la perfezion fata persona” chèr el mi Sandron…No, a t’el digh me cum la stà la facénda…E che ma te an t’importa gnènt de gnènt..e manch e manch de sta chèsa…che po’ la jè chèsa tua…Ma te an t’importa se c’è la roba in gìr, s’è sporch…s’c’è la polvra…

Sandro –  Ann’è ch’an m’importa…Sol che la chèsa bsogna anca cla sia usèda…cum s’dic…la casa va abitata…An facc come te ch’te sta sempre a pulì…anca a la nott ormèi…

Rina – Se…Se…Bsogna pulì, bsogna dés da fè… E se vèn qualch’d’un…??

Sandro – …Mo ch’i ha da nì’ di…??Chi vén a chèsa mia…? Ch’i l’è stò, ch’lha da v-nì sèmpre e po’  an vèn mèi…?? Dìmlè no…acsé a i digh da lascèc in pèc…!!

Rina – An se sa mèi…!!E po’ lascia gì eh…!!…Me l’è dalle cinque ch’a so in pìd…T’ha capìd..??

Sandro – E chi t’ha détt d’alzèd alla cinque…ma te…Co’ t’l’ha ordinèd el dotor..??

Rina – Stà zétt sà…Che m’ha tochèd a fè anca dò lavatric…

Sandro – E na maténa…E co’ tl’ejà fatt te, propi materialmènt… sa le mèn tua stè lavatric…

Rina – No…Co’ c’entra…

Sandro – Alora che fadiga t’avrà fatt…?? L’ajè lia, chesimèi, la lavatric cl’ajà lavéd…te t’ha sol butèd déntra la roba insustida e basta…!!

Rina – Catt…Te pèr gnènt ma te…!! Comunque ogg l’è anca dméniga inbecéll…c’è da fè dè piò…!!

Sull’ultima battuta suona la porta d’ingresso, Rina pronta va ad aprire

Entra Leonarda(Luisa) vicina di casa.

Sandro – (Tra se)…Apunt…ogg l’è dméniga e un l’ avrìa da ste a riposo…in pèc…senza fè gnènt…!!

Rina – (da fuori) Oh…Leonarda a sì vò…v-nì d-dénra…

Leonarda – (Entrando)…Scusè Rina…An vrìa disturbè…

Rina – No…Mo che disturbè…Ajavévi bsogn d’un qualcò’…??

Leonarda – Ecch…Veramènt se…Ajò fnìd el pép, e alora a me sò dmandèda tra me e me…” Chisà se la Rina l’ajà ‘n po’ de pép da prestém che me a l’ho fnìd…?

Rina – Mo se sa ch’a l’ho el pép…(A sandro)…Sandro…va tla cucéna a tò el  pép par la Leonarda…

Leonarda – (Preoccupata a bassa voce) NO…No…Rina, va tè par piacér che  Sandron el sbaja d’sigur, cl’atra volta  al post del zuccre el m’ha purtèd el sèl…

Rina –… Sandro an importa a vagh me…(Fuori)

Sandro e Leonarda si trovano così da soli.

Si guardano con imbarazzo. (pausa)

Sandro - … LEOPARDA…

Leonarda – A me chièm Leonarda invurnìd…A vlé capì c’ha me chièm LEONARDA…

Sandro – Ahhh…Leon…Come Leonardo… da Vincio…!!

Leonarda – Mo gì in Candia…!!

Rina – (Rientra)…Ecch el pép Leonarda…Co’ fè da magnè ogg…??

Leonarda – Ahhh…Ogg ajò fatt un bèl cuni arost…mo menchèva el pèp…

Rina – Ecch… Adèss a sì a post…

Leonarda – E già…Bongiorne Rina e grèzi tant…

Rina – E de co’…Capira…!!

Sandro – Bongiorne… Leoparda…

Leonarda  - (uscendo)… Vò a sì imbecéll…A vèl digh me…!! (fuori)

Sandro – (A Rina)…Mo dì un po’ Dorina…La Leoparda…co’ l’ajà sa me…??

Rina – Mo par forza, tla chièm sempre Leoparda…Pèr ch’èl t’èl fa aposta…

Sandro – Ann’èl facc aposta…e che sicom el nom sua l’è ‘n po’ difificil da dì, a me so détt tla testa mia “ quéla malé la s’chièma com cl’animèl feroc selvatigh sa tutt cle màcch giall…”el leopard…prò dòna…e ‘n leopard dona col’è…?? ‘Na LEOPARDA !!

Rina –(Scuote la testa)… Te carén te si “Bamblon” anca in t’i cervéi..’N antra volta  stà zétt ch’è è méj…An la saludè par gnènt e basta…

Sandro – E va bè…A starò zétt…A i digh sol un “bongiorne e bonaséra” generigh acsé…senza dì el nom e bona nott…

Rina – Sarà méi…(Uscendo)…A vagh a fnì da fè cle dò facénd prima da gì via…

Sandro – Aproposid…Co’lè che s’magna ogg..??

Rina – Mo pènsa te…Pènsa te…Già t’ pèns a co’ c’è da magnè…Cèrt che voiatre om a si propi d’un egoismo gross un gran bèl po’…Spropositato…Sa tutt quél ch’c’è da fè…Al post da dì - Oh…Dorina, t’vò ‘na mèn…??

Sandro – (Pausa, ci pensa un po’))…Oh…Dorina t’vò ‘na mén…??

Rina – (Minacciando) An te permétta…An te permétta da chiapém par el nés…T’ha capìd…Goista…!!

Sandro – Mo vara che t’si buffa…A t’ho dmandéd se t’vò ‘na mén….

Rina – Mo che mèn e mèn ch’an t’si bòn da fè gnènt e me toca stet d-drìa com un fiulén…

Sandro – Ehhh adèss…esagerèda…Iri a t’ho aiutéd se o no..??

Rina – Iri, chèr el mi Sandron de nom e de fatt…Iri a t’ho dmandèd, par piacér, da métta su l’aqua par la pasta…

Sandro – Alora..?? Me a l’ho fatt…!!

Rina – A se, t’l’ha fatt…Sol ch’an t’acés el gas…Sandron d’un Sandron…d’un bamblon…

Sandron – Ehhh..capirà….!! Prò te t’l’avév da dì…!!

Rina – Co’…??

Sandron – Ch’aiavéva da cénda l’aqua par la pasta…

Rina – Ma è chiaro !!…E’ pacifico…INBORNITO…se sa..è nurmèl che quand un el métt su l’aqua par fè la pasta l’ha da cénda   de sotta el gas no….!!

Sandron – Se…se…va bén…ajò capìd……Aproposìd de pasta…Co’l’è che s’magna ogg…??

Rina – T’l’ha già dmandèd préma…!! E Co’ t’ha anca l’artesclerotiga galoppina…!!??

Sandro – No..E che a forza da discorra me v-nuda na gran fém…

Rina – Oh…Sandron…T’vo gi a fet’de t’el sacch…!! (Fuori a sinistra)

Sandro – (Cercando di reagire mentre la moglie esce)…Me a me chièm ALESSANDRO, no Sandron…(Pausa)…E…me al dégh sempre…a sém fati diferènt…I om e le donn…jè fatt diferènt…L’è propi ‘na quistion de testa…de mentalità…de cogitazione capillare de tutt el rododerndro…ch’èl sarìa po’ maché tla testa…ecch…!! (cambia)…Porca boia…Prò me ajò fém…!! (Chiama)…Dorinaaaa….Rinaaaa…l’è armast un po’ de cafè, magari sa do biscutén…??

Rina – (Da fuori)…’N acidènt ch’te spaca è armast…!! E an v-nì otra tla cucina c’ha dagh el stracc…

Sandro – Mo…Te da el stracc par tèra…??

Rina – (da fuori)…No…in t’el mur…invurnìd…!!

Sandro – E va bén…ajò capìd…c’è bsogn da strilè sempre…Basta dìli le rob…Basta spighès… (tra se)…Prò me ajò fèm da bestia…posibil ch’an ce sia gnènt da magnè maché…(cerca)…Alora…(apre  sportelli)…Maché gnènt…Maché no…ce vrìa…ce vrìa….un qualco’ de dolc…un po’ de zuccheri…che me chèla sempre el  zucre ma me….chisà parchè…bo…!!(apre un barattolo)…Ahhh ecch maché…Trovati…Svariati bucaneve sciolti…i biscotti della nonna….(Assaggia)…Se…jè propi dla nona… jè vècch come l cucc…jè mosc…Che schif…!! I sarà maché dal tèmp dla Porta Pia, quand l’era viv el bisnonn Bastièn…comunque…com s’dic…quél ch’an stroza ingrasa…(mangia).

Entra Rina vestita per uscire ha una scopa in mano(Canovaccio)

Rina – (Esterrefatta)…Co’ t’fa…A vrìa savé co’ t’fa!! T’me sa dì co’ t’fa…??...Co’ t’fa…???!!!

Pietro – Co’ facc…?? A magn dò biscottén bucaneve…Co’ l’è proibìd…??

Rina –(Arrabbiata)…Se…è proibid…  t’’me fa tutt  le muligh par tèra e dop vén déntra  le furmigh…

Sandro – Embè…?? Sarà méi anca te…s’vèn déntra le furmigh, le  magna tutt le mulìgh…e acsé i le porta via lori…le muligh…

Rina – Cèrt che te Sandron te si propi …Vàra…Toh…!! Afamèd de guèra in tèmp de pèc…almanch mett quésta sotta acsè an te sporch par tèra…(Gli da uno strofinaccio  che aveva in mano)

Sandro – (cerca di spiegare mangiando) T’ha da savé Dorina…che me alla maténa…Ajò bsogn da magnè un po’ de roba dolcia…che se no el motor an me carbura…ajò bsogn del zucre…parchè el dotor el m’ha détt che s’ no el me chèla el zucre t’el sangue…e me vén el calo del zucre…T’ha capìd ?…e alora bsogna ch’a magna un qualco’…par via de ste  calo…

Rina –(rassegnata) E se…magari… bastasa sol  dò biscotén  par tirèl so…

Sandro –L’è propi quél ch’a digh me ce vrìa ch’a magnasa de piò, che s’no el zucre an vén so…

Rina – Se…el zucre…lascém pèrda valà…!! Va’t a vestì  ch’è méi…!! Me a dagh una bota maché e po’  a vagh a la messa…E da ‘na voc ma tu fiòla ch’ancora la sa d’alzè…(Fuori un attimo)

Sandro – Se…Se…Adèss a la chièm…(Si risiede con calma e chiama la figlia – Pausa)…Greta…Gretina….Svéite che è tardi…(Si rimette a leggere il giornale poi vede la moglie che…ramazza. Legge, ad ogni notizia guarda la moglie)…Bambino scoppia di salute…dò mort e tre ferìd…(Rina non raccoglie)… …Il governo dichiara: ”Bisogna che tutti  stringiamo  la cinta….Che s’no ma qualch’d’un casca i calzon…(Pausa,osserva la moglie)…  Falegname tira una sega a un passante…ventotto punti di sutura…al passante

Rina – (Seccata)…T’lasc gì…??!!

Sandro – Eh…Madòna !! …T’si sempre nervosa…A te vléva fè rìda na muliga…

Rina – Te an t’me fa rida…T’me fa piagna !! (Ripone la scopa a destra, poi esce a sinistra, prima di uscire chiama)…Gretaaa…alzte par piacér…svruicte..!! (Fuori).

Qualche secondo di pausa.

Entra Greta.

Vestita con uno strano pigiama(?), sbadiglia sguaiatamente.

Sandro – (Continua a mangiare i biscotti)  Bene alzata eh…!!

Greta – Ben alzèda un corne…!! Tra te e la mama a fè ‘n chiass…Mo an pudé fè a cagnèra più pianén… ann’ho durmìd par gnènt…!!

(Greta frega ogni tanto  i biscotti al padre.)

Sandro – …A che ora t’ si arturnèda…??

Greta – (Sbadigliando)…Ahh..era prést…le cinqve ‘n quart…

Sandro –Eh…Prestén…se.. E…E…’n do’ t’si gida ??

Greta – A so’ gida al PICIO-MICIO…A balé…

Sandro – Ahhh…Al PICIO-MICIO…!!Me paréva… E…Co’ sarìa stè PICIO-MICIO…??

Greta – El sarìa un lochèl bà…!! Madòna…!! S’véd ch’t’ha cinquanta-quattr ann… te si indrìa com le palén di chén basott…

Sandro – Oh che delicatezza…!! E c’era anca el tu muros …??

Greta – (Seccata) Me el muros al l’ho piò…bà…

Sandro – An t’l’ha piò…!! E da quand…??

Greta – Odio…An l’ho piò…Ann’ho piò quél de prema…Adèss ann’ho un antre…!!

Sandro – Com sarìa sta storia…??

Greta – An c’è nisciuna storia…Préma ajavéva ma Paolo…T’arcord…??

Sandro – Ah…Paolo…se…quél sa le orécch spampanéd…

Greta – Già…E le stèd propi quést el motìv, le orecch spampanéd…Catt el paréva DUMBO…el paréva…Il purtèva tutti in gir…Ma lò, e ma me c’ha stèva sa lò…Alora me ajò détti…Sta a sentì ma me  coso…

Sandro - …Pavolo…

Greta – Com…??

Sandro – No a digh el s’chièma Pavolo…no coso…

Greta - …El s’chiamèva…

Pietro – Parchè…?? E co’lè mort…??

Greta – No, ma par me l’è com s’el fussa mort…

Sandro –Ostio…T’si dolcia…!!…Va avanti dai…

Greta – Se…Donca alora me ajò détti…Sta a sentì coso…O te pròv a tachè le urécch sa’l scotch quél trasparènt, o te fa ‘n intervènt de chirurgia spastiga com l’ha fatt Riciard Gir…E po’ ajò détti anca ”Vàra che  me a t’lasc…Eh…!!”

Sandro – Alora…??

Greta – Alora…lo…S’èl prém l’ha pruvèd a tachè le urécch sa’l scotch, mo an fèva, parchè el scotch dop d’un po’ el s’è stachèva, po’ dop l’ha pruvèd sa l’ataK… E po’ el s’è méss a piagna com un fiulén…E me ajò détti …Mo co’t piagn imbècéll…sarà da piagna par  tachè ma la testa do orécch…??...

Sandro – E…lò…??

Greta – Lò el m’ha détt che ‘l piagnèva parchè l’atak i brugièva da bestia e préma da gì al pront socors, el m’ha mandèd t’un ch’èl paés…Ecch…Fine della storia…punto….T’ha capìd…??

Sandro – …Una storia dolorosa...

Greta – Mo no…capirà…

Sandro – Par lò a vléva dì…sa le urécch cle brugèva, poracc…!!

 Greta - E…Adèss po’ a me so’ messa sa Filiberto…detto Mitra…

Sandro – Co’ l’è un tip pericolos no…??

Greta – No…No…Il chièmne”Mitra” parchè el tartaja…

Sandro – Be…Ann’è grèv, dai..

Greta – No ..no…sol che quand el parla an s’capisc gnènt…alora me a i dégh…”Filiberto, canta…”

Sandro – E lò el canta…??

Greta – Se, prò le stunèd com una campèna…e ma me me vén el nervos…

Sandro – E…fiola mia…An t’si mèi cuntènta…

Greta – Mo se sa…E miga a voj fè come la mama, cl’ajà chiapèd ma’l  prém ch’i è capitèd…

Sandro –…Toh quésta l’ajè nòva… Com sarìa…??

Greta – La mama l’ha m’ha détt che in tla su vita, l’ajà cnosciud sol ma te…

Sandro – (Beandosi) E già!!…E’ véra se…

Greta – T’véd…?? Sta’ quaiona, l’ajà chiapèd ma’l prém ch’iè capitèd…(Fuori)

Sandro – Se, po’anca éssa…prò…an me pèr cl’ajava sbajèd ‘na mucchia…

Greta – (Rientrando)…Par me l’ajà sbajèd…L’ajavéva da fè più esperienza, acsé  dop la pudéva capè…!!

Sandro – Stà a sentì ‘n po’Gretina s’po’ savé ch’i t’ métt tla testa stì pensìr strampalèd  ma te…??

Greta – La zia Rosanna…Mo’ te ba, an te po’ capì…t’ha cinquanta séi ann…

Sandro –(Risentito)… Alora…A part el fatt che me ajò cinquanta ann…cinquanta…ancora, e po’ quand me e tu mèdra a ce sém méssi asièm, a ce vlémi bèn, t’ha capìd..?? E anca adèss a ce vlém bèn… se propi t’èl vò savé……dop de tanti sacrifici … tanti problema… e …’na fiola scapèda da la chèva di sass… E vàra ch’ an c’è gnènt da capè…che i om ann’è i pundòr o le mlanzèn…E in quant ma tu zia…

Greta –(Interrompe) …La zia Rosanna dice sempre…”I om jè com el tram…se un t’èl pèrd…t’po’sempre chiapè quél che’l vén dop…

Sandro – E difatti lia…Tu zia, vara boff, a forza da fè st’i bèi discors sfilosofich, par una roba o par un ‘antra l’ajè armasta da par lia… alora maché i ragionamènt i è dò…O par lia c’è stèd  el sciopre di tram, opùr tu zia Rosanna, l’ajè armasta par Sant’Antoni…

Greta –(Rimarca)… E’ stata una sua scelta voluta…

Sandro – Mo che scelta voluta dì…E che tu zia, mi surèla, l’ajà ‘na testa ch’in la magna manca i furnarén…Ancora la vò fè la ragazéna…senza capì che a guèsi a cinquant-ann…Brodosi, brodosi… par na dòna specialmènt… la botèga l’ajè chiusa…!!

Greta – Miga véra…

Sandro – Com sarìa a dì ch’ann’è véra…??!!

Greta – La zia Rosanna l’ajè ancora ‘na bèla dòna… Dle volt an sembra manca  tu surèla…adéss po’ cla s’è arfata anca le tett la và com una viola…T’ha da véda cum la se sbatt…!

Sandro – Chi…??

Greta – Com chi…?? La zia Rosanna…

Sandro – Mo lascia gì…Valà…!!

Greta – Com sarìa a di…”Lascia gì”……A l’ajò vista me…!!

Sandro – Mo ann’i créd gnianca…!!

Greta – Com an t’i créd…Sa t’èl digh…

Sandro – E…Do’ t’l’ajà vésta…de grezia…??

Greta – Al PICIO MICIO…L’ajèra in compagnia d’un ragazz più giovne de lia…catt i déva giò da gnènt…

Sandro – Cum sarìa a dì “ ch’i déva giù da gnènt…??’’

Greta – La balèva no…!! La se smovéva com una mata…tramèz a la gènt…paréva cl’ajavéssa el ball de S. Vit…

Sandro – Mo pènsa te…

Greta – Ah…Mo quést ann’è gnènt…A ‘n cèrt punt l’ajè montèda so, in alt, in t’el CUBO…

Sandro – ‘N do’…??

Greta – T’el cubo bà…

Sandro – E…E co’ sarìa…??

Greta – Madòna…Ba…An te sa manca col’è el cubo…??

Sandro – Ann’è ch’ann’èl so…e che adèss, in ste momènt an me vèn in mènt  ecch…

Greta – Se…Se…Comunque el cubo el sarìa ‘na roba quadrèda a forma di cubo, tutt’illuminèda, che un el  monta sopra…in alt e acsé el bala da par lò…Par fè’s véda…T’ha capìd…??

Sandro – E tu zia l’ajè muntèda malé…??

Greta – Se…e po’ la s’è mésa a fè tutt di gran movimènt de qua e de la……!! El bèl l’è cl’ajavéva la gonna, e a forza da sbata i s’vedéva tutt el…

Sandro - …Madòna…Il cubo…??

Greta – NO…El cul…(Fuori)

Sandro – (Seguendola)…Ohh…Caréna sta atènta a com te parle eh…!!

Greta – Se…Se…

Sandro – (Ritornando sui suoi passi)…Me avrìa save chi t’ha insgnèd l’educazion ma te……

Greta – (Che ha sentito, da fuori)…Bà…Sa te bsogna parlè chièr…che se no te, an t’capisc…Bamblon com te si…E po’ “culo” si può dire…il dic anca par television…

Sandro – Co’ t’ha détt…???

Greta – Gnènt bà…gnènt…

Sandro non capisce e si siede di nuovo sul divano ragionando tra se.

Sandro – Mo pènsa te…Mi surèla cla se sbatt…e i s’véd el cubo…tutt illuminèd…Ehhh…!! Pòr mi pèdre…el dicéva sempre…tu surèla la s’è sméja ma la pòra nona…l’ajè ‘na gran “sfrunbulona”…La fà sempre le rob senza pensè…(Pausa)…Buff prò…mi moj la me dic sempre che quand a pèns ‘na roba ajò da fè ‘l cuntrèri de quèl ch’ajò pensèd…Alora co’ vrà di…Booo…!!

(Si siede)

In quel momènto suona il campanello d’ingresso.

Entra Margherita.

Sandro – (Chiama)…Greta…!! Gretina….!! Va a véda chi è…??

Greta – (da fuori oppure rientra mezza vestita)…An poss bà…A so meza nuda …Va te…

Sandro – E…Mo, catt  a me so méss a sèda adèss…!!

Greta – Bà…Par piacér…Movte un po’ gio…!!

Sandro – Ecch te paréva… An c’è un minùd de rèchie, manca par léggia un cuncén de giurnèl in pèc…

Sandro va ad aprire, entra la signora Margherita.

Margherita Scapiglioni è una  giovane signora maritata da poco, vestirà con sobria eleganza, abbastanza raffinata ma giovanile.(Non ne ho la più pallida idea visto è considerato che mentre umilmente scribacchio sono le ore 3,40 del mattino.La scena seguente comunque andrà studiata.)

Sandro – (Da fuori)…Bongiorno Signorina, an voj gnènt, an compre gnènt, Sl’ajè testimone di Genova, me a so’ de Pésre e sa voiatre an c’entre gnènt…

Margherita – (Da fuori)… Mo no, co’ l’ha capìd…!! Me…

Sandro – (Da fuori)…Se invéc la  vléva ma mi moj,, adèss l’an c’è cl’ajè gida a la méssa…

Greta – (Attraversa tutta la scena)…Bà, chi è…?? Bà…(Greta esce a destra, parte entrata, il discorso continuerà fuori scena per qualche secondo)…Oh…Signora Scapiglioni buongiorno…

Margherita – Ciao Greta…

Greta – Ma entri signora co’l’ha fa in s’la porta…prego…!!

Entrano tutti.

Margherita – (entra per prima parlando)…A vléva dmandè ‘na roba mo tu pèdre…

Greta – Ah…!! Se…Quaion…

Sandro – (Interviene)…Alt…!! Un momènt…spighèm…!!

Greta – (spazientita)…Questa l’a jè la signora Scapiglioni, la stà all’ultim pièn, in tl’attico, de sopra in alt…

Sandro – Oh…Me ann’èl savéva…Mi scusi sa…

Margherita – Ma si figuri…

Sandro – (A Greta)…Com’è che me ann’el savéva…??

Margherita – Forse sarà parchè l’è sol quatre més ch’a sém v-nudi a stè maché…

Sandro – Chi…??

Greta – Bà…!! La signora e ‘l marid no…!!

Sandro – Mo parchè l’ajè spusèda…

Margherita – E già…

Sandro – Acsé giovna…??!!

Margherita – …Grazie, mo an so’ più tanta giovna…

Sandro - …Vrà dì ch’ann’ì dimostra…!!

Margherira – Ahhh…Mo lei l’è …molt gentìl…

Sandro - …Ma grazie…

Margherita - …Ma prego…

Greta – Bà…Par piacér lascia gì…dai…

Sandro – Se…Se…Me cascasa la lèngua an digh più gnènt…

Greta - (Si rivolge a Margherita) L’ajavéva bsogn d’un qualcò’ signora…

Margherita – Veramènt se….Me sucèss ‘na roba…e an so come fè…insomma, me se bughèta ‘na rota dla mèchìna e bsogna gambièla, sol che me an so’ bona  ecch…Mi marìd an c’è parchè l’è gid via  stamaténa prèst, ho pruvéd anca a chiamèl  sa’l telefunén , mo an rispond… e alora…

Greta – A…An c’è nisciun problema… Vén mi pèdre a gambièlala gomma, e véra bà…??

Sandro – Ehhh…??

Margherita - …Mo…Dì un po’ Greta…Co’lè un po’ sord tu pèdre…??

Greta – Mo no…E che dle volt…

Sandro – Alt…ferma tutt …a me vlé spighè…!

Greta – …Bà, prò t’si dur de comprendoni ehhh…!!

Sandro – Greta an me fè arabì  eh…!!

Greta – Se…Alora…ma la signora i sé bughèda na’ roda dla mechina e toca gambièla…

Margherita - …(Riprende a voce alta))…Sol che me an so bona…e alora a vléva dmandè ma lei ch’l’è ‘n om…insomma sèl me facessa el favòr da gambièla lei…capìd…??

Greta –(Ribadisce) …T’ha capìd…??

Sandro –SE…e ‘na maténa…an so’ miga imbecéll…C’è da gambiè ‘na gomma…L’è tant semplic…Ah mo, par gambiè ‘na gomma…c’vò…c’vò ma ‘n mecanìch…lei la cnosc ma qualca mecanìc…de ch’i brav…??!!

Margherita – (sorridendo)…Me ma ‘n mecanìc al cnosc anca, sol che ogg l’è dmeniga…

Sandro – Se…l’è véra…i è tutti chius…alora signora toca chiame ma l’ACI…Lei la chièma ma l’ACI e i dic…”Pronto ACI…??” E lori i rispond…” ACI pronto…!!”…L’è chièr??

Margherita – Miga tant…

Sandro – Alora lei la chiapa el telefon…

Greta – (Lo interrompe)…Bà…Lascia gì…La signora Scapiglioni è venuta a domandare a te,  se te po’ TE, gambiè la gomma bughèda ma lia…

Margherita - …Par piacér…

Sandro – Me…??

Greta – SE…Te…Madòna bà…An t’si bòn da gambiè ‘na gomma ma ‘na mechìna…?!?!

Sandro – Bo…!! An l’ho mèi fatt...

Greta – E Co’ c’vò…??!! L’è question d’un minùd…dai gém…(fuori)

Sandro – (Si incamminano verso l’uscita)…Préma de tutt me sa che c’vò el crick…Che sa le mén acsé…La mechìna l’ann vén so…Lei i l’ha el crick…??

Margherita – Se…Me pèr de se…Mo an so’ sigura…

Sandro – Valà…Cmincièm bèn…!!!.

                                        *****

Attimi di confusione controllata a piacere.

Escono tutti di scena.

Si farà buio per alcuni istanti.

Musica.

                                        *****

Luci di scena a crescere.

Rientrano in scena Sandro, Marco,(marito di Margherita), Margherita, Greta.

Voci concitate fuori campo.

Marco – (Da fuori)…Mo’ co’ l’ha fatt…???!! A vrìa savé col’ha cumbinèd…??

Sandro – (Entrando tutto sporco di nero)…E…na’ maténa ce sarà bsogn da fè tant casén…Me ajò pruvéd a gambiè la gomma…Mo miga l’è semplic gambiè ‘na gomma…!!

Marco – (Dentro, vestito da ciclista da corsa)…No, lei enn’ha gambied la gomma…L’uniga roba cl’ha fatt l’è ‘n gran casén e basta capid...…!!

Greta – Alora…Préma de tutt l’ha da stè calme…

Marco – Te sta zètta, che s’no t’ariva ‘n scupazz…

Sandro – Lei, par piacér an da ‘n scupazz ma nisciun, e manch e manch ma mi fiola…??...E po’ chi sarìa lei…?? …

Marco – Me a so’ el padron dla mechina…el marìd de st’inbecélla maché ch’i a fatt gambiè la gomma ma lei ch’ann’è bon…

Greta – Scapiglioni…

Marco – Se…Il signor Marco Scapiglioni per l’esattezza…parchè c’è ‘n qualco’ ch’an va…??

Sandro –Alora… Ch’el staga a sentì Scapacioni…me, ma su moj a l’avéva avisèda…Ajavéva détti da chiamè ma ‘n mecanìch…

Marco –(Arrabbiato) Mo,par gambiè ‘na goma cè bsogn da chiamè ‘l mecanìc !?…

Sandro –No… La pudéva chiamè anca ma L’ACI…Bastèva fè…Pronto ACI…E lori…ACI pronto…!!

Marco  – No dégh…Dop tutt quéll ch’èl m’ha cumbinèd l’ha anca voja da scherzè…Ch’el stia atènti che me a i romp la facia eh…!!

Margherita – (Lo trattiene) Sta calme Marco  par piacér…stà calme…

Marco  -…Se calme, quatre gomm el m’ha smuntèd, quatre, l’ha rott el crik  l’ha stort  le vid di cerchion…E ajò anca da stè calme…!!…E po’ me e te a fém i cont a chésa…

Margherita – Se…Se…Prò adèss basta…

Marco  – Mo co’ t’dic imbecélla…El m’ha fatt sigur sigur treméla euri de dann e te t’me dic da fè basta…!!

Margherita – Me an pudéva savé ch’ann’è pratigh de mutor…

Sandro – Alt…Bòni…Ferma tutt…machè signora an céntra gnènt el mutor…l’è le gomm i cerchion, le vid, el crik…E ‘n antra roba…!!

Marco – E la carozeria…??

Sandro – Quéll l’è roba da carozìr…e me an céntre...

Marco – Com an centra…!! Lei el m’ha arvinèd anca la carozeria…(Alla moglie)…In quant ma te…Madòna…me a t’romparìa la testa…

Margherita si rifugia dietro Sandro.

Sandro – Sta bòn sa…An te permétta da métta le mén sòra ‘na dòna…Delinguènt…”le donne non si menano neanche con un fiorellino…”

Greta segue annoiata.

Greta – Bà…L’ajè véchia stà batuda…T’la dic sempre…

Sandro – E…va bèn lu stéss…(A Marco)…Caro lei…me se propi el vò savé…Quand ajò vist che c’èra ‘na goma dla mèchina bughèta, ajò dmandèd ma la su signora el crik…l’è véra…??

Margherita – Se…sol che ste crik el paréva saldèd ma la méchina e an c’era modi da tirèl fòra…

Greta – (Annoiata)…Alora mi pèdre, l’è gid a tò la “mazzétta”e dop l’ha tachèd a m-né sòra el crik par sgancèll…

Margherita - …Poracc… l’ha pruvèd in tutt i mod…da sora, da d-sòtta la mechina…gnènt…

Sandro – E dop dai che te dai…e el crik el s’è spachèd…gnanca tant…a dì la verità eh…

Marco – Mo par forza el s’è spachèd…c’è ‘n buton par tirèl via…Bastèva préma el buton…

Sandro – E me co’ savéva…

Greta – Bà…prò el buton te tl’avév vist…me a tl’avéva détt…

Sandro – Se…Mo an l’ho tuchèd…catt, se schiopa tutt…!!

Marco – Mo co’ schiopa ‘n accident ch’te spaca…!! E la carozèria…???

Greta – La carozeria la s’è arvinèda parchè el bà l’è gid a tò ‘n antre crik, mo ann’èra adatt e la mechìna l’ajè caschèda par tèra…

Margherita - …Prò, prima che cascasa la mechìna, la gomma bughèda l’aja cavéda…

Greta – Prò dop s’è scasèd el cerchion…

Sandro -  E dop ancora ajò dovud par forza sgonfiè le altre tre gomm…per livellare…E…adèss la mechina l’ajè malé, ferma, l’an s’mov più de sigur…Acsé lei sa la calma, quand el vò…cum i pèr ma lei, el po’ métta su la roda  de scorta…!!

Marco  – (Arrabbiato)…Madòna Santa…A stagh ancora cercand da capì se lei el c’è sa la testa o no…Comunque a i digh ‘na roba sola…se lei an m’arpèga tutt i dann dla mechina, me al denunc…l’ha capìd… al denunc…Al mand in tribunèl In quant ma te(alla moglie)…In quant ma te…aspèta da rivè a chèsa brutt inbecélla ch’an te si atre che po’ a fém i cont…E adèss…Via fòra …che s’no a spacch tutt maquà d-déntre.(Fuori)

Margherita fuori per prima.Poi Marco.

Pausa.

Sandro – T’ha capìd…el vléva anca ragion el vléva…

Greta – Catt...El s’è incagnèd da gnènt… par un po’ el te m-néva…

Sandro – Ma chi…?

Greta – Ma te..!

Sandro – Se…T’avoja…Comunque, t’ha vest Greta co’ sucéd a fè I piacér ma la gent…??

Rumori di fondo, entrano Dorina e Rosanna che ha con se una valigia o un troller(meglio).

Rina –(Entrando)…Madòna, mo che diavle sarìa sucèss…C’è Scapiglioni par le schèl ch’èl fa l’infèrne sa la moj…Mo voiatre an sentì…??...(A Rosanna) Vèn otra Rosanna…Vèn otra…

Rosanna – E…Parméss…??

Rina – Mo co’ t’dic sciaplona…Ce sarà bsogn da dmandè parmèss…(Vede Sandro tutto sporco di nero, si blocca)…Ah… aiud…Mo co’ t’ha fatt…??

Sandro – Co’jò fatt…Gnènt…Parchè…??

Greta – (recandosi verso la zia)…Mama el s’è spurchid dai…!! Zia….!!!!

Rosanna – Ciao Gretina della Zia…

Le due si abbracciano per salutarsi.

Rina – Mo co’ t’ha fatt…!! A vrìa savé co’ t’ha fatt…!!

Sandro - …Veramènt…

Rina – Sta…zétt…par carità sta zétt, an me dì gnènt…Va’t a pulì e basta…Me avrìa savé cum t’ha fatt…

Sandro – Donca alora…

Rina – An parlè…An parlè ch’è méj…Va’ t’èl bagn, da’t na’ pulida…sa l’aqua calda e la savonétta…me piac-rìa tant da savé com t’ha fatt spurchìd acsé…

Sandro – Insomma t’el vò savé o no…??!!

Rina – No…va via…va via…Va’t a lavé…(Sandro esce)…e an tuchè gnènt, che s’no t’me sporch tutt in gìr…e t’lasc le didéd da par tutt…e nun tuché le manilli dle port par aprì…e nun tuchè manca le port…e t’el curidòr métt le patén…e sa le patén an striscè par tèra…che s’no s’véd tutt i striscion…e sta brutt…e quand te si t’el bagn an iprì i rubinétt sa le mèn tutt sporch…che s’no t’lasc tutte le impronte vegetali…E dop toca pulì ma me…T’ha capìd…??

Sandro – (da fuori)…E com a facc…??…!!

Rina - …VOLA…!!

Rina si rivolge a Rosanna.

Rina – Madòna…tu fradèl l’è un disastre…un disastre…

Rosanna – (A Greta) …Mo co’ jè capitèd…??

Greta – Mo gnènt…El s’è spurchìd par gambiè na’ roda bughèda dla mechìna de Scapiglioni…El bà l’ha cumbinèd un mèzz disastre…

Rina – Aposta c’è cla mechìna de sotta senza ‘na roda e cle atre tutt sgonfi…E te paréva!!…Che raza d’ marìd bamblon ch’ajò…ann’è bon da fè gnènt…

Greta – Mama me a scap…che c’è Filiberto ch’èl m’aspetta…A che ora a magném…??

Rina – E…C’è anca tu zia…fa vérs l’una, l’una e mezz…an tardè prò eh…

Greta – Se…Se…Ciao ma…(Alla zia)…Ciao ziona…ce s’arvéd dop…

Rosanna – Ciao Gretina…Coca della zia…!!(A Rina, sedendosi)…Quant l’ajè dventèda bléna la Greta…An me pèr manca véra cla sia la fiola d’mi fradéll…

Rina –(Siede a sua volta) Ah…Vàra, la Greta l’ajà chiapèd tutt da me…par fortuna..Alora Rosanna a che ora te part…??

Rosanna – Ajò el treno par Bologna alle séi e mèzz, po’ a chiap el taxi par gì a l’aroport…che malé el m’aspèta Orlando…A partirém a le dic, dic e mézz de staséra se va bèn…

Rina – E…’n do’ t’va de precis…Sa…Sa ste Orlando…??

Rosanna – A gém…in Egitto…a Sharm shik..A chiapè ‘l sol…

Rina – Eh…Beata te caréna…Che t’si ancora giovna e t’po’ fè quél ch’te pèr ma te, senza renda cont ma nisciun…E…St’Orlando…chi ‘l sarìa…??

Rosanna – Orlando…?? L’è un maché ch’èl stà a San Pitre…  gnènt d’important… sol un  amigh…capirà, l’ha dodic ann mén ch’a ne me…

Rina – Adiritura…(Tra se, con acidità)…Tutt merìd de cle tètt  fasull…!!

Rosanna – Com te dic…??

Rina – Gnént…Gnènt…e sicchè st’Orlando el t’aspeta a Bologna…

Rosanna – E no!!…Me ajò anca dètti…Orlandino…Me al chièm Orlandino…Vezzaggiativo…

Rina – Ah…se…vers…tivo…Carén prò…!!

Rosanna –E Véra…?? Orlandino ajò détti…An sarìa méij partì insièm tutt do, me e te ??…E lò.”.No..No…Par carità…a part préma me sa i bigliett e tutt, che par te l’è più comod…acsé te t’ripos de più…E quand t’ariv ma l’aroport ajavém sol da gì via e basta…E te t’si fresca com una pera matura…”

Rina – Prò l’è stèd gentil…

Rosanna – E’ véra…?? L’è propi ‘na persuncéna a mod…sensibil, educhèd… …Vara a stagh propi bèn sa lo…

Rina – (Tra se)…Sperém che almanch sia la volta bòna…(A Lei)…Mo ann’era sol un amigh…??

Rosanna – Se…L’è ancora sol un amigh…Mo anca qualca cosa di più…

Rina – Ehh…Rosanna mia quand te si fortunèda te…Che magari t’ha truvéd ma un tant e quant…E no com ch’èl bamblon de mi marìd…tu fradèll…

Rosanna – Sandro prò l’è stèd sempre un po’ acsé…

Rina – Miga véra…’Na volta l’era più svélt…L’era più pimpant, adèss invéc…(Sospirone)…El s’è com…adagièd ecch…E me Rosanna mia a so’ stufa…

Rosanna – C’è qualcò’ ch’an va…??

Rina – Mo no…Ann’è manca quéll…e che…sempre la solita vita…el solit tram – tram…E po’…

Rosanna – E po’…???

Rina – E po’…fnìd la festa…scapèd  i bò…!! Toh fa anca la rima…

Rosanna – Mo Rina…Co’ t’vo’ dì…??

Rina – (Sospira, allarga le braccia e scuote la testa)) Eehhh..!!…Chèra mia…Lo el dic ch’ l’è ‘l “calo dèl zuc-re t’el sangue”…Mo par me…i è calèd  qualcòs’atre…

Rosanna – El sarà gìd giò de  morèl…t’sa, quand un l’ha paséd i cinquanta el cmincia a rimuginè  a pensè…

Rina – Se…el morèl…Al so’ sol me co’ jè gìd giò ma lò…Parchè lò, an s’è manca incort caréna mia…

Rosanna – Ahhh…t’vò dì che…An me dì…!!

Rina – A t’èl digh…A t’el digh…!!Vist ch’a sém in confidènza a t’èl digh… Tant co’ t’i vò fè…l’è la vita…Préma o dop sucéd ma tutt ch’el morel el chèla…

Rosanna – Te prò Rina…Scusme sa…t’ha provèd a fè ‘n qualcò’…??

Rina – E co’ avrìa da fè…La danza del ventro sa i sette stracci..??…!!

Rosanna – Mo no…sciepa…co’ t’dic…!! Te Rina, t’ha da fè funzionè la testa, el cervéll…La pisicologia femmilnile…T’el sa te co’ l’ajè la pisicologia femminile…??

Rina –Se….su par giò…

Rosanna – Rina, stà sentì ma me…L’è nurmèl che ‘n om come mi fradèll a guèsi sesant’ann, ann’ava più tutt ch’èl morél cl’avéva préma…(Solenne) I om, Rina mia, iè com le atonobil…sa’l tèmp le s’aruginésc…e tòca gambièli parchè s’no l’en và più avanti…

Rina – Prò me…Com a poss dì…me ma stà mèchina… a me so’ afezionèda…ecch…e an vrìa gambièla…sol…che, me piacrìa ogni tant…da tirèi… el gas…ma stà mechìna ecch…Co’ so,,fè ‘na bèla corsa…a cént …docént all’ora…

Rosanna – Apùnt…e maché la jéntra in ball la “pisicologia femminile”… E ma che che bsogna fè funzionè el cervèll…Te…ma tu marìd…mi fradèl…tl’ha da fè ingelosì...

Rina – Co’ jò da fè…??

Rosanna – T’ha da fè in modi che lò…tu marìd el dvènta g-los de te…T’ ha da métta dentra la testa sua la paura che te, te po’ anca gì via…magari  sa ‘n antre…Toh !!

Rina – Oh…Madòna…quést mèi…!! Odio…un pensierén qualca volta da gì via da chèsa…  a l’ho anca fatt…

Rosanna – Oh…t’véd alora…!! Adèss prova da gì avanti ‘na muliga…presémpi…se un om el te facéssa la cort…te, co’ t’farést…??

Rina –Ahhh..Ann’el so de sigur, an me mei sucèss..!!

Rosanna – Dai …Rina, giò…, a fém par discorra, miga par véra…

Rina –(pensa) …Donca…  intant co’ so, a me darìa ‘na bèla arciaplèda…a me comprarìa qualca vestìd nòv…magari …un de ch’i tajerén tutt nér…com va de moda ogg…

Rosanna – Brava…T’ha capìd già tutt…

Rina – (Si immedesima)…E po’ a me metarìa so un bèl pèra de scarp sa’l tacch par d’in so’…A girìa…a chiapè el sol fint par dvéntè nera anca d’invèrne……e po…’(Pausa)…Al poss dì…??

Rosanna – Dì…Dì…

Rina - …An vrìa pasè da sfacèda…

Rosanna – Mo co’t’dic siaplona…a sém tra d’noiatre…

Rina - … A m’arfarìaun pèra de tett nov com t’ha fatt te…Toh…!!

Rosanna –  Brava…E po’…??

Rina – E po’…Co’..??

Rosanna – No…a digh…Un po’ de dieta…??

Rina – E da cù fè…?? A stagh tant bèn acsé…

Rosanna – Ahhh…St’el dic te..

Rina – Oh caréna…an cmniciè a ofénda eh…Me a so’ ‘na “falsa mègra”…!!...

Rosanna – Se…se. E’ véra….Quést an s’po’ neghè...E po’..??

Rina – E po’ basta…

Rosanna – E no caréna mia…An basta,bsogna fè de piò…!!

Rina – Com sarìa a dì…??

Rosanna – Bsogna metta dentra la testa de tu marìd…el vermìno dla gelosia…(Pausa)Rina…Te te fid de me…??

Rina – Mo se sa ch’a me fid…!!T’si mi cugnèda…

Rosanna – Alora…Sta a sentì ma me… A fém in mod che tra qualche giorne arivarà maché a chèsa tua un bèl mazz de fior…

Rina – Un mazz de fiore…?? E chi ’l manda…??

Rosanna – Ecch apunt…Ch’il manda…?? L’è propi la domanda che anca ch’èl bamblon de mi fradèll el se farà…”Chi…manda i fior ma mi moj…???”

Rina – Va bè mo chi è ch’i manda…?? Me an cnosc ma nisciun…

Rosanna – Mo co’ t’ha capid scèpa…E’ tutt par finta no…!!

Rina – Par finta…Com sarìa a dì…??

Rosanna – Aahhh…Rina, anca te…prò t’si dura de comprendoni…a ti mand me i fior…t’ha capìd…??

Rina – Tee…??

Rina – SE…pro a fém finta ch’el sia un om…E’ chièr…??

Rosanna – …NO..!!

*Campanello d’ingresso.*

Rina –…Adèss chi è ch’vén a rompa l’anima…

*Si alza per andare ad aprire.*

Leonarda – E parméss…!!

Rina – Oh…Leonarda… v-nì otra…

Leonarda – Riscusèsa…(Vede Rosanna) Oh…Rosanna…bongiorne…com a stè…??

Rosanna –(Si alza in piedi) E com a stagh Leonarda…?? An s-vèd…??

Leonarda – Svéd…Svéd…’Na maténa se s’véd…Oh…Mo savé ch’a stè propi bèn…A fè ‘na figura…!!  Sembrè ‘na PIN-OP…

Rina -…(taglia corto)…Ajavévi bsogn d’un qualco’ Leonarda…??

Leonarda – L’acét…Ajavéva bsogn sol d’un po’ d’acét…

Rina – A v’èl vagh a tò’ subit…(Fa per uscire)

Leonarda – Se…Mo no quél nurmèl…Quél romantigh…ch’a l’ho da caciè t’el cul del cunì…acsé an se sènt cl’odoracc de selvatigh…

Rientra Sandro (Abito cambiato)

Sandro – Ohhh…Leo..(Tentenna)…Leonilda…’N antra volta maché…??

Leonarda – Insomma…Co’l’è c’ha vlé da me …??

Sandro – Gnènt…A vléva essa gentil…Stavolta el vostre nom ann l’ho sbajèd prò…

Rientra Rina con l’aceto.

Leonarda – (Adirata)…Leonarda…Am chièm Leonarda…Al vlé capì se o no…(strappa da le mani l’aceto a Rina ed esce)…Brutt scostumèd…Bongiorne…!!

Rina –Oh…Te t’fa incagnè anca ma i sant eh…!!

Sandro – Mo co’ ajò fatt…??

Rina – A tl’ho détt anca préma…La s’chièma Leonarda…vàra che te Sandron t’si dùr de testa eh…??…

Sandro – Toh…a credéva da vè inzchèdi stavolta…

Rina – No…A dégh…almanch t’ha salutèd ma tu surèla…??

Rosanna – (Si alza di nuovo per farsi notare)…Ciao…Sandron…

Sandro – Ciao Rosanna…Co’ t’fa t’va via…??

Rosanna – Se…a vagh in Egitto…

Sandro – Ahhh…In Egitto…!! E co’ t’va a fè in Egitto de bèl……?? T’va a véda chi c ’ha la testa più grosa..??

Rosanna – (Sempre pavoneggiandosi)…No…imbecéll a vagh a fè ‘n viagg de piacere…

Sandro –T’ha capìd ?…De piacere… E…t’và da par te…??

Rosanna – No…sa ‘n mi amigh…

Sandro –Ostio…!! ‘N amigh… Che stomigh…

Rina –Eehm…Ehm… An t’ha gnent’atre da dì ma tu surèla…

Sandro – E co’ jò da dì…??

Rina – Ah…S’an t’el sa te…Mo an t’véd…??

Sandro – No…co’ jò da véda…??

Rina – Mo quél che s’véd a vésta d’occh…imbecéll…

Sandro – Co’lè ch’savrìa da véda Rina…?? Me an végh gnènt…

Rosanna – Lasclè pèrda Rina…tant lò an dà mèi sodisfazion…El fèva acsé anca quand ajèrmi ragazz…

Rina – Le tétt de tu surèla…imbarbugid…tl’è véd..??

Sandro – Me an guard mèi le tétt ma le donn sa mi moj vicén a me…

Rina – Alora te vréss dì che tle guard quand me an c’è so…

Sandro – Se…A voj dì…no…An le guard in generèl…ecch !Comunque…Comunque, se in tutta sincerità a poss dì la mia…a poss dì che…

Rina – Che…??

Rosanna – Che…??

Sandro –(Osserva silenziosamente e per più volte dall’alto in basso la sorella)      ….SONO FINTEEEEEE….!!!!!!

Sandro esce velocemente di scena.

Improperi a soggetto.

                       F I N E   P R I M O  A T T O

                                     

                                       ****

                                                   

                        S E C O N D O      A T T O

                                       ****

Il sipario si apre e nessuno è in scena.

Musica, luci etc.etc.

Si sentirà solo una musica a forte volume.

(Nella sua stanza Greta ascolta la musica).

Entrano Sandro e Gerry.

Sandro ha un mazzo di fiori (da definire) in mano, il mazzo di fiori avrà visibile sul davanti un grande biglietto.

                                      ****

Sandro – (Entrando con i fiori)…Gerry vén otra…

Gerry – E ‘na maténa che bèi fior…T’i ha cumprèdi par tu moj…??

Sandro – …No…No…Co’ t’si matt..??

Gerry – A m’l’imaginèva…Te’ si semprestèd  grézz com un cépp d’maruga…

Sandro – Apunt…I sarà par mi fiola… I è arivéd adèss vè…(Chiama)…Greta…Gretina…!!

Gerry – Vara cl’an sènt…Strélla più fort…

Sandro – GRETAAAAA….!!!

Entra Greta.

Greta – …Oh..PAPI…!!

Sandro – (Sempre con i fiori in mano)…Alora…Préma de tutt an me chiamè PAPI…Ch’an me pièc…Me a so’ tu pèdre…E no el “PAPI”…E po’ smorcia sta musiga del cara ch’imciurlésc…E co’ t’ha le orecch fodered de parsciutt porca paletta…??

Greta – E na maténa…An t’incagnè……(Fuori)

Gerry – Sta calme Sandro…Calme…Vara che t’vén ‘n infart…!!

Sandro  –Gerry… Par piacér eh…!!Met-te a séda…

Gerry –(Si siede) Se…Se…me al digh par te…

Sandro – Ecch ..Se…Brav…GRETAAAA…!!

Rientra Greta.

Greta – Co’ c’è…co’ t’vo…??

Sandro – T’véd maché…??

Greta – Co’..??

Sandro – …I fior no…??

Greta – Eh…Alora…??

Sandro – Alora iè par te…!!

Greta – Par me…?? E chi mi manda…??

Sandro – E co’ so me…!! El sarà el tu muros…

Greta – Che muros…??

Sandro – Com che muros…El tua…

Greta – Mo me el muros an l’ho più…!!

Sandro – Com sarìa a dì…?? Te stèv sa cos malé…Quél ch’el tartajèva…

Greta – Mitra…??

Sandro – Se…lò…

Greta – Mo me an stagh più sa “Mitra”…C’mancarìa…!!

Gerry – Scusè sa…Guardè t’el bigliett…

Sandro – Ehhh…??

Gerry – (Quasi seccato)…Guardè t’el bigliétt…C’è ‘l bigliétt malé…

Sandro – Che bigliett…??

Greta – Bà…’Na maténa, c’è ‘n bigliétt malé…E co’ t’si tont…??

Sandro – Calme…stém tutti calme…’N do’l sarìa ste bigliétt…?

Greta  – ( insieme)…MALE’…!!

Gerry – Oh…T’si propi Sandron eh…!! L’è anca bèl gross…!!

Sandro  - Ajo capìd…adèss a guard…

Gerry – Era ora…!!

Sandro – Greta te chiapa stì  fior…

Greta prende in mano i fiori.

Sandro apre il biglietto.

Gerry – Alora…?? T’i la fa……?? Par chi è sti fior…??

Sandro – Bò…!!

Gerry – Com bò…Co’ c’è scrétt…??

Sandro – C’è scrétt…” Grazie…Comunque…MMMM” sa ‘n puntén…

Gerry – E co’ sarìa MMMM…??... Co’ c’è le munghèn…

Sandro – MMMMM…emme…!!

Gerry – E dì “emme”…ste t’dic MMMMM..an t’capisc sigur..!

Sandro – Parchè acsé invéc…S’capèsc è véra…??

Gerry – Fà véda…(prende in mano il biglietto)…Alora…Grazie , comunque, emme sa ‘n punt…Emme l’è la firma !

Sandro – Giost…la firma…Emme come Mitra…Greta, st’i fior iè par te. Toh!!

Greta – Mo co’ t’si matt…A part el fatt che Filiberto detto Mitra, ex mi muros, ann’avéva  manca ‘n evro da caciè t’un occh…Capirà s’el gìva a butè via i sold ‘n ti fior par me…E po’…Chèsi mèi, al post dla “emme” l’avrìa méss na “Effe” come Filiberto…Mitra il chiamévne i amigh…Anzi lò el s’incagnèva anca…

Sandro – (Seccato) Alora par chi è stì fior…??!!

Greta –(Greta prende i fiori e li mette in un vaso, fronte scena.)

AH bò…!!... I sarà par la zia…

(finita l’operazione Greta fuori e poi rientra mentre i due parlano)

Sandro – (Siede) Ecch…Se…è véra…i sarà d’sigur par mi surèla, parchè adèss putropp ajò anca mi surèla a chèsa maché da me…

a..a…rompa la monotonia…

Gerry – E cum ‘è…??

Sandro – Ahhh…La jè ‘na storia lunga…

Gerry – Arconta…

Sandro – No..No…An poss…Le jè rob delichèd… e po’ an me và da gì a arcuntè in gìr i  fatt d’mi surèla…ecch…

Greta – …Vàra bà ch’il sa tutti eh…

Sandro – Com sarìa a dì ??…!!

Greta – Mo se…A Bologna, tl’areoport ancora i rìd…Figùrte a Pésre…

Gerry – Ahhh…!! Ajò capid…!! Co’ l’ajè, forsi, cla storia de cl’ia cl’ajàvéva da partì sa un, e invéc quést l’è partid sa ‘n antra…??

Greta – Mo se…C’era scrétt anca s’èl giurnèl…La zia l’ajà fatt da matt…

Sandro – Co’ c’era scrétt s’èl giurnèl…??

Greta – (facendo il gesto con la mano)…”Matura signorina pesarese da in escandescenze all’ ’aeroporto di Bologna”…

Sandro – E com’è che me an l’ho lett…??

Gerry – Parchè te el giurnèl an t’el légg…te t’guard le figur..

Sandro – Comunque ma me an me pièc da parlè di fatt de chèsa mia in gìr …Va bèn…?? C’vò ‘n cuncén de discrezion…E de rispètt…La Rosanna l’ajè sempre mi surèla…E ch’i fior malé jè de sigur par lia, da part de ch’èl sgrazièd  ch’i l’à freghèda…Co’ so…par scusès ecch…Magari el s’è pentìd…

Gerry - …Quaion…!!

Sandro – Co’ vo’ dì “Quaion”…?? An pudrìa essa acsé…??

Gerry – Sandro…te t’si svélt com un gatt de piomb…ch’èl tip malé, tu surèla inn’èl véd piò…da mènt ma me…

Greta – E po’ bà, cl’imbecéll, amigh dla zia, el se chièma ORLANDO…

Sandro – Eh…Alora…??

Gerry –… Orlando cmincia sa la O…no sa la emme…

Sandro – Uffa…che ploia…!!

Gerry – E…s’i fossa pàr tu moj…??

Sandro – Mo bèda gì valà……

Greta –Mo parchè bà…an pudrìa essa..??

Sandro – Mo chi è che manda i fior ma tu mèdra dì…??!!

Greta – E co’ so me…Un..Parchè an po’ capidè…??

Sandro – Mo un chi…??

Gerry – (Scherzando e facendo le corna)  Tu moj la s’è truvèda ‘n amirador segrét…

Sandro – A part el fatt che par “amirè”anca segretamènt ma mi moj c’vo’ ‘n gran coragg…Va bè che ogg và di moda l’”ORRIDO”…Comunque…Se fossa véra…me piac-ria propi da cnoscia ma ste matt…Acsé ai pudrìa dì…” Tla vò…?? Toh…A tla règal…a gratis !!”

Gerry – (Scherzando) Ecch…se Brav…sempre el solit bamblon…Se propi tl’ajà da dè via ma tu moj…Vendila no…incantèd…un tant al chél…Acsé te dvént milionèri……!!

Sandro – Gerry…T’ha ragion…

Il discorso viene interrotto dalla porta d’ingresso che suona.

Entrano Rina e Rosanna. Rina avra subito un notevole cambiamento visivo.

Rina – Rosanna vén déntra…(Entra seguita da Rosanna)…Oh…Che bèl mazz de fior…!! E per chi’ è…??

Sandro – Ah..Bò…!! Veramènt a stémi ragionand adèss tra d’noiatre…La Greta l’ajà détt ch’innè par lia…E che magari i pudrìa essa par te…Mo me an créd…E ch’i lè ch’èl matt ch’èl te spedésc i fior a chèsa…!? (Ride).

Rina – (Offesa, si arrabbia)…E parchè…?? An pudrìa anca me  avé un qualch’d’un ch’el me manda i fior a chésa…???

Me manca forsi ‘n qualcò’ ma me…??...(Al marito)…Ma te dì…??

Me manca ‘n qualcò’…?? Eh..?? Bamblon…!!

Gerry – (Cercando di smorzare)…E ‘na maténa Rina…C’è bsogn d’incagnès tant…?? Sandron el scherzèva…L’è véra Sandron ch’te scherzèv…??

Sandro non risponde come intontito.

Gerry – Oh…Incantèd…E’ véra ch’te scherzèv…??

Sandro – Eh…Ah…Se..Se…

Gerry – T’ha vést Rina…

Rina – (Arrabbiata)… Ah se..?? Alora c’è poch da scherzè…!! Parchè se propi t’el vo’ savé…ch’i fior malé…iè par me…Se…par me…T’ha capìd…??!!

Sandro – (Frastornato)……A…A so’ cuntènt par te…

Rina – (Arrabbiata)…Ahhh…T’si anca cuntènt…!! Imbecéll d’un imbecéll…I me manda i fior a chèsa, e lo l’è anca cuntènt par me…T’ha capìd Rosanna…??

Rosanna – (Impacciata)…Se…se…Prò Rina…

Rina – Dop…Dop…(Al marito)…Brav…Bèl marit ch’ajò…!!...Mo an t’si g-los…invurnìd…!!

Rosanna cerca parlare invano.

Sandro – Me…Veramènt..

Rina –(Arrabbiata)… Stà zétt e an parlè sa…!! An dì gnènt…Nun sol t’si ‘n gran bamblon ch’an t’si bòn da fè gnènt.., mo an te si manca ‘na mulighéna g-los de tu moj…!! E a scmétt ch’an t’interèsa nemén da savé chi l’è stò ch’el me manda i fior a chèsa…E’ véra…??

Sandro - …Mo…Adèss acsé……

Gerry – Rina…an esagerè dai su…se stèva scherzand…!!

Rina – (Con sgarbo) Te stà zétt…Tra moglie e marito non ammettere il tito…T’ha capìd..?? A so stèda chièra…??

Gerry – Se…Se…Ajò capìd tant…Anzi…A facc ‘na roba…A chèv el disturb…Magari ajartorne più tardi, quand te si calmèda ‘na muliga…(A Sandro)…Oh…Sandron ce s’arvéd eh…!!(Fuori)

Greta – A vagh via anca me…che maché c’è ‘n ariacia…!!(Fuori)

Rina – Ecch…SE…Brav…L’è méi par tutt’i dò …!!

Sandro – (Alla moglie)…Mo Rina co’ te chiapa dì…?? Mo co’ t’si mata…Eh…?? Me an capésc…!! (fuori)

Rina – (A Rosanna)…Ecch…!! T’ha vést..el fugg…ste vigliacch..!! Al post da stè maché a discorra sa me el preferésc da de d-dria ma l’amigh sua…T’ha vést cum l’è fatt tu fradéll…??

Rosanna – Se…Prò anca te Rina…!!

Rina  - Me co’…??...Me al post sua a me sarìa incagnèd com una bestia…e lò invéc…!!

Rosanna – Se va bèn…Ajò capìd…Prò maché ‘n qualcò’ ch’an quèdra…

Rina – A t’èl digh me co’ è ch’an quèdra…la testa de cl’imbecéll de mi marìd l’an quèdra…ecch..!! Catt…Qualch’d’un…uno sconoscente el manda i fior ma tu moj…e te non batti giglio…??

Mo alora t’va in cerca di minchion…Eh…!!

Rosanna – Rina…Ch’i fior malé…

Rina – Ah…Rosanna t’si stèda propi brava ‘n gran bèl po’…T’m’ha mandèd propi i fior ch’i me pièc ma me…

Rosanna – Rina…Ch’i fior malé ann’è i mia…

Rina –Ehhh…?? Com sarìa a dì…??

Rosanna – Sarìa a dì che me an t’ho mandèd nisciun mazz de fior……An me so arcurdèda…Ecch…!!

Rina – An te si arcurdèda…??

Rosanna – No…Eh catt… a vrìa véda ma te…Sa tutt quél ch’m’è capitèd sa cl’imbecéll de Osvaldo ch’l’è gid in Egitto sa’n antra al post mio  e sa i bigliett paghèdi da me par giunta…Insomma i fior i m’è pasèdi de mèn ecch…!!

Rina – Mo alora…

Rosanna – Alora, maché c’è qualch’d’un ch’l’ha mandèd i fior par davér l’è tant semplic…

Rina – Ma chi l’è??

Rosanna – A bo!…An se sa…Comunque co’ t’importa…Vàra  Rina par fè fés ma tu marid i basta e avanza…(legge il biglietto)…Grazie comunque…emme sa’n punt…!! E chi sarà…??

Suona il campanello d’ingresso.

Rina va ad aprire e Rosanna rimane davanti al mazzo di fiori pensierosa  e legge perplessa.

Rina – Oh…Leonarda v-nì otra…e chiudì la porta par piacèr…(Entra)

Leonarda – Se…Scusè sa…A ve vlèva dmandè…Ohhh…che bèl mazz de fior…E par chi è…??

Rosanna –Ah bò…Forse par la Rina…

Leonarda – Par voo…?!...Capperi…!! E chi vi manda…vostre marìd…??

Rosanna – Se…Bonanott…!!

Rina – (Lusingata ?)..Mo che marìd e marìd…!! L’è ‘n amirador…UN AMMIRATORE SAGRETO…!!

Leonarda – Davére…?!...E chi l’è…??

Rina – Leonarda…Sl’è sagrét…an se sa…!!

Rosanna – S’èl bigliétt c’è scrétt sol “Grazie comunque”…E po’ emme puntèd…

Leonarda – (Riflette)…Emme puntèd…Emme puntèd…e chi po’ essa st’emme puntèd…??

Rina – (Sospirando)…Ehhh…!! Sa’l savéssa…!!

Leonarda – Ah…L’ha da essa par forza un che se cnosc e sa ‘n nom fecìl anca…che s’no ann’ avrìa méss EMME puntèd…!!

Rina – Com sarìa a dì…??

Rosanna – E se…La Leonarda l’ajà ragion… Te ma quést maché t’èl cnosc de sigur, magarì de vésta…mo t’èl cnosc…

Rina – E parchè…??

Leonarda – Rina…Se un el schiamasa , co’ so… Menelao, l’avrìa scrétt tutt el mon… ME – NE – LA – O…!! Par fè capì subìt… parchè Menelao l’è’n  nom dificil d’arcurdèss…

Rosanna – Brava…Invéc par un mon fecìl, basta metta l’inizièl..Te, te cnosc ma qualca nom che cmincia par EMME…??

Rina – Donca…Vèdém un po’…Un nom fècil sa la emme podrìa essa…(Ci pensa)… Michele…Se…Michele…el fiol de Pitrén…Prò l’è ‘n po’ tropp pcèn…L’ha séi ann..

Leonarda – Alora…Ann’è lò de sigur…

Rina – ‘N antre nom fecìl pudrìa essa…MAURIZIO…Prò, an me pèr da cnoscia ma nisciun ch’el se chièma Maurizio…

Rosanna – Manca me…

Leonarda – Me veramènt ma un al cnosc…El pèdre dla cosa malé…Dla “Carlacia”…Cla trésta impestèda cla stà tachéda ma la chèsa de “Scurtighén” el sensèl……!!

Rina – Leonarda…El pèdre dla Carlacia…l’ha pasèd i novanta da ‘n pèzz……!!

Leonarda – Prò l’è arzéll ancora…

Rosanna – Mo che arzéll e arzéll…El stà in pìd par ‘na scméssa… Uffa…!!  Alora…fém acsé…Nom de om fecìl sa la emme, prò, e quést l’è important…ancora abili e ruolabili …Va bèn…??

Leonarda – Va bèn…Va bèn…!!

Rina – A vlém gì avanti par piacér…??

Leonarda – Se…Alora…Mario…!!??

Rina – No…

Leonarda - …Massimo…??

Rina – Macchè…!!

Rosanna – Marcello…??

Rina – An me pèr…

Rosanna –  Marco…??

Rina – Marco…Marco…

Leonarda – (istintiva)…SCAPIGLIONI…!!

Rina – Co’l centra Scapiglioni…?!

Leonarda – Scapiglioni el se chièma Marco de nom…

Rina – Oh…Signurén del Paradis…E’ véra…!!

Rosanna – E…Chi’l sarìa stò…!!

Rina – El sarìa quél ch’ajavém vést par le schèl cl’atre giorne, quél cl’urlèva sa la moj e ch’el sta a l’ultim pièn de stè casamènt…L’avrà su par giù ‘na quaranténa d’ann, che la moj l’an saluda mèi st’antipatiga d’un inviziosa...

Leonarda – Se…Se…E’ véra…l’ajè antipatiga com i mucc…prò l’ajè bléna…

Rosanna – (sentenziando)…E co’ vo’ dì…  se ma ‘n om i dè da magnè tutt i giorne la pasta fata in chèsa…dop’ d’un po’ el và in cerca d’un piatt de fischion, par gambiè…Guardè che i om i è buffi eh…Me al so…!!

Leonarda – Ahh..S’al d-cì vò…

Rina – (Piccata)…E…Sgond te, stò… l’avrìa spés i sold in t’ i fior par un piatt de fischion…??

Rosanna – Mo lè ‘n esempi no…!!… E mo Madòna Rina quant te si permalosa…!!

Rina – Se…Se..…Comunque, “Gallina …anziana…fa il brood buono”…

Leonarda – (Tra se)…Se…da sbata t’el mur…

Rina – Co’ d’cì Leonarda…??

Leonarda –(Riprendendosi)…Gnènt…Comunque…Brava Rina…l’è propi véra…!!

Rosanna – Alora…Fèrme restànd ch’el pudrìa essa ste Marco Scapiglioni st’amirador segret ……Te Rina adèss T’i avréss da parlè…!!

Rina – Oh Madòna…E co’ i digh…??

Rosanna – Par préma roba t’ha da scuprì sl’è stèd lò a mandé ch’i fior e se an ti parle an t’el sa…E po’…chesimèi…tla da ringraziè…ch’an c’era bsogn…insomma, t’fa ‘n po’ de manfrén…

Leonarda – Se, prò  toca gì sa i pìd de piomb…Che se par chèsi ma quést maché i chiapa i cinqv minud e i salta adòss…??

Rina – Se…ch’el pruvasa…A i dagh un ciuflén ch’a i stach la testa,…ann’è manca tant gross…!!

Leonarda – Prò toca stè atènti un gran bèl po’…Parchè se un el s’è infughèd…(pausa)…Oh…!! Madòna…Ajò ‘l sugh in t’el fogh…(Esce veloce)

Rina – T’ha vést..??…L’ajè tanta presa quand s’trata da  caciè ‘l nés ‘n  t’i fatt d’i atre, cla se scorda de tutt…

Rosanna – Oh…A proposid…e sa tu marìd…mi fradèl…com te fa…??

Rina – Mo co’ m’importa ma me…Tl’a sentùd co’ l’ha détt quand l’ha vést ch’i fior…” A sò cuntént par te…” E alora adèss ch’el s’arangia…Te t’ha détt ch’a l’ho da fè ingelusì…An te preocupè…a i facc un scherzétt  ch’i a da spuntè ‘n pèra de corne fi’n mal sufétt…

Rosanna – Se…Mo par finta…

Rina – An se sa mèi Rosanna…An se sa mèi…(Solenne)…Maché l’ajè giunta finalmènt l’ora dla riscosa…QUI QUALCHE D’UNO SI FA LA RINA O SI MUORE…com el dciva quél sa la gamigia roscia…

Rosanna - …Il gabibbo…!!??

Incamminandosi verso l’uscita.

Rina – Mo che Gabibbo anca te…Cèrt che  Rosanna mia, dle volt te si bamblona cumpagn de tu fradéll… (ecse seguita da una preoccupata Rosanna.) Il gabibbo…mo co’ te vén in mènt...!!

                                     *****

Scena a sfumare, buio, musica.

Qualche secondo.

Luci a salire musica a sfumare.

                                     *****

Entra Sandro, seguito a breve distanza da un elegante Margherita.

Sandro ha tra le mani pacchi, pacchetti e pacchettoni…

Sandro – (Entrando stremato)…Mo la vénga déntra signora…la vénga déntra dò minud…Almanch la se riposa…L’ajà archiapa fièd…

Margherita – (Entrando)…Grazie…A fèva ‘na fatiga sa tutta cla roba…S’an c’era lei che’l m’aiudèva, me chiapèva ‘n acidènt miga no…(Ribadisce)…Par fortuna ch’ajò incuntrèda ma lei de sotta…El m’ha salvéd…!!

Sandro – Mo no, co’ la dic, capirà……!! Mo parchè ann’ha avém chiapèd l’ascensor…me an capésc…??

Margherita – No…No…sa, è par la linea…Me ha facc le schèl tutt i giorne, par fè ‘ n po’ de movimènt…

Sandro – (Tra se)…Ecch se brava quaiona…Acsé adèss l’acidènt el vén anca  ma me…te néssa da rida…!!

Margherita – (Ancora ansimante)…Com el dic…??

Sandro – Gnènt…Gnènt…Mo la s’méta a séda…la vò béva…Co’ so..’n bichìr d’aqua…magari sa ‘na gucéna de vén…?? Acsé la s’archiapa ’na muliga, vàra malé cum la panscia…

Margherita – (sedendo)…Eh…magari…!!

Sandro posa in terra i pacchi poi esce di scena.

Margherita si alza e gira per casa osservando di qua e di la, poi si avvicina al mazzo di fiori.

Sorride, scuote la testa e si risiede.

Da fuori scena intanto si sente il rumore di bottiglie di vetro che si infrangono. (Vedi, per dare l’idea,” ‘N acidènt anca ma i fioj”)

Margherita –(sobbalza) Oh Madòna…Col’ha combinèd..??

Sandro – (da fuori)…No…No…Tranquilla…deve fare…!! Sol che adèss el vén…El sarìa ‘n po’ fnìd…Insomma ce armast sol da béva l’aqua schiétta…Va bèn uguèl…??

Margherita – Se..se…Va bèn…!!

Margherita si risiede.

Sandro – (Rientra con l’acqua)…Ecch…ma lei…cla facia ‘na bèla ingozèda…

Margherita – Grazie…ALESSANDRO…

Sandro – (Sorpreso)…Eh…?? Com l’ajà détt…??

Margherita – (Con calma, dopo aver bevuto)…Ho detto…GRAZIE ALESSANDRO…Mo Lei an sènt.…??

Sandro – (Imbarazzato)…No…NO…Anzi…E che tutti…Mo propi tutti tutti…i me chièma Sandro…o Sandron…E alora…Sentim a chiamè Alessandro…me fa ‘n so’ che …ecch…!!

Margherita – E parchè…?? El su nom…Anzi el tu nom… qual sarìa…??

Sandro – S…Se…E…El mi nom el sarìa…Sandr..No, cioè…Alessandro..

Margherita – E alora me e t’chièm Alessandro…va bèn…?? Alessandro…??

Sandro – Ah…Se…se..va tant  bèn, Alessandro…che po’ sarìa me…

Margherita – Anca te prò t’m’ha da chiamè…MARGHERITA…

Sandro – Eh…??

Margherita –(gesto di insofferenza) Alora…Se me a t’chièm Alessandro, te t’m’ha da chiamè…??

Sandro –  …da chiamè…??

Margherita – Margherita…T’ha capìd..?? MAR-GHE-RI-TA…!!

Sandro – Ah…Se…se…Margherita…Haa…!!Parchè lei la se chièma Margherita de nom…??

Margherita – (seccata)  Se…!!

Sandro – Ah…Ecco…Ann’el savéva…Signora…Ajò capìd…Alora praticamènt…ce se de… i l’ha da…no a vlèva dì..a ce dém ...del TU…

Margherita – Ecch…Brav…Era ora…

Sandro – No…E che..Ajarìv un po’ tardi mo prò…ajarive…

Margherita – ( Finge di vedere i fiori) …Ohhh…Che bei fior…!!

Sandro – (Imbarazzatissimo)…Eh..?? Ah…se…jè bèi véra…?? Roba par mi moj…’Na facénda complichèda  da spighè…

Margherita – Com te dic……??

Sandro – I fior…jè par mi moj…

Margherita – …Noo…Manca par gnènt…No, no…!!

Sandro – Co’…??

Margherita – Questi Alessandro.…Jè par te..!!

Sandro – Par…par meee…??E chi i manda…???

Margherita – A t’i ho mandèdi me…!! “Grazie comunque…Emme sa’n punt…Emme…Margherita..!!

Sandro – Davére…??E parchè…??

Margherita –(Dolce, sospira) –Parchè… Par préma roba, a te vléva ringraziè par tutta la fatiga ch’t’ha fatt par gambiè cla ròda ma la mechina..che po’ an t’l’ajà manca gambièda…(Pausa, cambia tono)...E po’,Alessandro, da cla volta…Quand a t’ho vést…Alessandro…An so’ co’ me sucèss…Par un momènt…Ecch, par un momènt ajò arvést ma mi nonn Celestén ch’èl me vléva bèn un gran bèl po’…Sarà el portamènt, sarà ch’i capéj tutt bianch che anca mi nonn l’avéva… Mo el còr…Alessandro… el m’ha cmincèd a  bàta fort fort…Te che t’èr malé…tutt sudéd…tutt insustìd…Insomma t’me parév un suldèd ch’èl fà la guèra, parchè anca mi nonn l’ha fatt la guèra t’sa…?…La préma……Ecch…Mio eroe…!! Te…Un om che fin a do’ minud préma manca a cnoscéva, l’era malé a lavré com un matt…par me…, come mi nonn…

Sandro - Ve…Veràmènt s’ann’era par mi fiola… cla insistéva……

Margherita – Alessandro…Sta zétt par piacér…An parlè…(Si avvicina ad un Alessandro in catalessi)…Alessandro…A t’poss dì ‘na roba in confidenza…??

Sandro – Ehh…??

Margherita – (Seccata)…’Na roba in confidènza a tla poss dì…??

Sandro – Ahh…Se..SE..

Margherita – Ohhh…!! Finalmènt…Ecch..Alessandro…me…me a me so invaghida…

Sandro – Invaghida…?? E co’ vo’ dì…??

Margherita – Ecch…!! T’véd…te t’si fatt acsè…an t’capisc gnènt…Anzi no… a vléva dì…An t’capìsc  subit le rob al vol…Ecch…Te si… un po’ bamblon ecch…Mo poch…poch..Appena appena…!!Prò ma me an m’importa…t’me pièc acsé…e me Alessandro…a me so inamurèda…!!

Sandro - …(catalessi)…De tu nonn…???

Margherita – (tra se)…E mo Madòna, Quést l’è tont par davére…(A lui)…(Molto dolcemente) Mo de te no…!? Ganascione mio…!!

Sandro non si muove, Margherita gli si avvicina e mentre dice “Ganascione mio” gli sbatocchia le ganasce.

In quel momento entra Gerry.

Gerry – Oh ragazi…Mo co’ lascè la porta aperta…me a so entrèd, mo pudéva anca entrè ‘n ledre……(Pausa)…Oh…Scusè sa…(pausa)…Disturbo…??

Sandro non si muove, rimane immobile, Margherita fa finta di nulla.

Gerry rimane fermo sul posto. Attimi di grande tensione.

Margherita – (facendo finta di nulla) …Beh…Adèss bsogna propi ch’a vaga…grèzi tant de tutt, par l’aiud e anca par el bichìr d’aqua senza… el vén…(prende le sue borse, si ferma)…Ciao…Alessandro…(A gerry)…Bongiorne…!! (Fuori).

Sandro non risponde nella sua immobilità.

Gerry - …giorno…

Gerry si avvicina guarda Sandro gli gira intorno. Sandro ancora immobile.

Gerry - Oh…!! Sandro…(pausa)…Sandron…(lo scuote)…Sandron…Ma te ohhh…!! (Lo scuote)…Sandro…!!

Sandro – Ohhh…Eh…?? Co’…Co’ c’è…??...Co’ co’ sucéd…??

Gerry – Mo co’ t’ha, dì…??

Sandro – Mi…Mi…Mi sento poco bene…

Gerry – Oh…Madòna Santa…Met-te a séda dai…An me murì maché sa…??

Sandro – No…No…E che…Che me gira ‘n po’  la testa…

Gerry – (Con sicurezza)…Ahh…Mo quést l’è ‘n sbalz de presion…(mette una mano sulla fronte)…Sènt maché…Madòna te scott…T’si tutt sudéd…Mo co’ t’ha la fèbra…??

Sandro – Ahhh…Booo…!!

Gerry – Mo…Co’ te sucèss…??

Sandro – B…Boooo…!!

Gerry – …Porca boia…Quand a so’ entrèd te stèv discorénd sa cla signora cla stà de sopra…

Sandro – Ma…Margherita…

Gerry – Bravo…!! Se…lia… ajò sentid sol cla te dicéva…”Ganascione mio”…Po’ dop la s’è incorta ch’a c’era me e l’aja fatt finta de gnènt…l’ha m’ha salutèd…e  l’ajè gida via…

Sandro – Cum…Cum l’ajà  détt…??

Gerry – Chi…??

Sandro – La…Margherita…

Gerry – Ma chi…??

Sandro – Ma me…Com l’ha m’ha chiamèd…??

Garry – A t’l’ho da dì…??

Sandro – Se…

Gerry – Ann’è che dop t’ofénd…

Sandro – No…Dai, com la m’ha chiamèd…??

Gerry – Alora…L’ha t’ha chiamèd…”Ganascione mio…”

Sandro – Gerry…

Gerry – Eh…??

Sandro – “Ganascione mio” ma me… An ml’avéva mèi dètt nisciun…!!

Gerry –…Oh porco boia…davére…??

Sandro –Davera se… Ormèi  me vèn un colp…trachè…

Gerry – Mo co’ è sucèss…arconta…

Sandro – Eh..?? Ah…Booo…!! Ann’èl so…me a stèva malé…Tutt dur…

Gerry – Tutt dur…??

Sandro – Se…Ajèra com ipsoti…

Gerry – Eh…??

Sandro – Com a poss dì…ipitoti…Insomma an capiva più gnènt…Lia la me parlèva del nonn sua, cl’avéva i capéi bianch…cl’avéva fatt la guèra…la préma… e po’…

Gerry – E po’…??

Sandro – E po’…Préma la testa sua l’ajèra distant…Po’ sempre più vicén…sempre più vicén…a l’ultìm a m’arcord sol la mi facia cla giva de qua e de la…E po’ ann’ho capìd più gnènt…

Gerry – …E malé…Tak…!! C’è stèd el “Ganascione mio”…!!

Sandro – …A so sol…ch’ me se arbaltèd tutt el rododendro…

Gerry – An me dì…!!

Sandro – Se…Se…t’vò an, t’el dégh…Prò è gida acsé ecch…!!

Gerry – (Botta sulla spalla)…E bravo el nostre Sandron…T’ha capìd..!?...A sesant’ann co’l te cumbéna…

Sandro – Ah…Me ann’ho cumbinèd gnènt…L’ajà fatt tutt lia…Comunque me ann’ho sesant’ann…ann’ho guèsi cinquanta…Ahhh…(Indica i fiori)…I fior…quéi malé……inn’è par mi moj.…Jè par me…

Gerry – Ehhh…?? Par te…e chi t’i manda…??

Sandro –La Ma…Ma…Ma…

Gerry – Tu mèdra…??

Sandro – No…La Margherita…A da essa ‘n usanza nòva…Mandè i fior ma i om…me an capisc più gnènt…Ah se…l’ha m’ha détt anca cl’ajè …incantèda…

Gerry – Incantèda …

Sandro – No…No…incantèda…l’incantèd a so’ me…invaghida…ecch..se…la s’è invaghida…

Gerry – (Incredulo)…Nooooo…!!

Sandro – E po’ ‘n antra roba…L’ha m’ha détt …cla s’è inamurèda…

Gerry – E de chi…??

Sandro –Com de chi… D…De …ME…No…!!

Gerry – De te..?? Mo co’ l’ajè mata…!!??

Sandro – A…Ann’èl so…Prò, l’ajà détt acsé…

Gerry – Mo t’si sigure….??

Sandro – A so sigur se…préma l’ajà détt “invaghida”…e po’ l’ajà détt “inamurèda”…

Gerry – Porca boia…”invaghida” e “inamurèda”…prò vàra che c’è ‘na bèla diferénza eh…!!

Sandro – Com sarìa a dì…??

Gerry – E se…parchè se ‘na dòna l’ajè invaghida…vo’ dì…ch’ann’è malé sa la testa…lo dice la parola stessa…invaghida…vuol dire che vaga…senza meta e an se capésc ‘n do la vò gì a parè…se invéc…attenzione…se invéc una dòna l’ajè inamurèda…e alora…vo’ dì…

Sandro – Vo’ dì…??

Gerry – Vo’ di cla vò fè l’amor…

Sandro - …Sa chi…??

Gerry – Com sa chi…?? Mo sa te no… bamblon…!!

Sandro – Mo t’si sigure..??

Gerry – A so sigur se…presempi…chiapa ma me no…

Sandro – E te co’ t’ centre..??

Gerry – T’me fa parle…??

Sandro – Se…Se…

Gerry – Alora…t’arcord quand a sém gìda a véda ma Valentino préma a Misén e po’ a Imola che te an t’m ‘ha più trovéd…??

Sandro – Se…

Gerry – Ecch…te an t’ma truvéd tutt dò le volt parchè me an so entrèd par gnènt t’el circuìto…e t’ sa parchè…??

Sandro – No?

Gerry -… Parchè ajavéva ‘n apuntament sa una…”invaghida” de me.

Sandro – Davére..??

Gerry – Sa t’èl dégh….!!

Sandro – E…e…T’si stèd tutt el giorne a fè…

Gerry – E no…purtropp…parchè quésta l’ajèra invaghida a tl’ho détt …ajavém girèd tutt el giorne tutt dò le volt préma a Misano e po’ a Imola…insomma ann’ho cumbinèd gnènt..ch’i v-néssa ‘nacidènt…T’ha capìd com funziona…?!

Sandro – N..No..

Gerry – A m’l’immaginèva…Comunque te an fè el bamblon come sempre…aprofétta…che quésta maché l’ajè anca  inamurèda…

Sandro – E alora..??

Gerry – Mo com alora Sandro… an t’si cuntènt…??!!

Sandro – Gerry…An voj manca pensè…

Gerry – Mo sènt ma quést ??…Imbecéll…Te se presenta ‘n ocasion acsé…e te an t’fa gnent…??

Sandro – E…E…Co’ ajavrìa da fè…??

Gerry – Sandron…te o t’si stuppid.. O t’si ‘n bamblon par davér…Com sarìa a dì “Co’ ajavrìa da fè”…Mo approfétta no…!! E quand t’arcapida……!?

Sandro – Co…??

Gerry – L’avventura..quaion..!!

Sandro - …Me l’avventura a l’ajò gia tutt i giorne  sa mi moj…cl’ajè tutt un avventura…sa mi fiola po’anca pégg…E adèss anca sa  mi surèla…

Gerry – Mo co’ cèntra…?? Anca me ajò ma mi moj, mi fiol , mi socra……mo quand capita…Vàra ch’an mòr nisciun…Miga t’l’ajà da spusè…

Sandro - …Anca parchè l’ajè già spusèda…sa Scapiglioni…che par un po’ an me ména…

Gerry – Apunt…Ehhh…!! Méj d’acsé… E po’ vàra che tutti…E quand a dégh tutti…A voi dì tutt’i om de stè mond in se tirarìa cèrt indrìa davanti ma ‘ocasion acsé…L’è come vincia al lott…

Sandro - …Mo…T’si sigur…??

Gerry – Sandron…Sta a sentì ma me…L’ajà fatt tutt lia…??

Sandro – S…Se…

Gerry – La t’ha détt “Ganascione mio”…

Sandro – Se…

Gerry – Alora t’si a post…E basta da  magnè sempre  tutt i giorne el solit piatt de fischion…Qualca volta anca te magna co’ so…un bèl piatt de raviol…de gnocch…eccetera eccetera eccetera…Fa bèn ma la salud…Invurnìd….

Sandro – Mo ma me i fischion i me pièc…

Gerry – Uffa…!! Che ploja ch’te si…Cèrt che prò…L’aja ragion tu moj…Te Sandro, t’si propi ‘n gran bamblon…Mo per una volta…una volta sola…scapa da chèsa……Va’ a véda co’ c’è fòra el purton de chèsa tua…E po’,Sandro…Stà a sentì… se t’vò capì…capìsc…che s’no…fa cum te pèr…Adio…C’è s’arvéd…(Lo sfotte)…”GANASCIONE MIO”…(Uscendo)…Mo vàra  quést…(prima di uscire, lo guarda con commiserazione)…l’è propi véra eh…!!..Ch’i ha dènt ann’ha ‘l pèn…e ch’i ha ‘l pèn…ann’ha i dènt…!!(fuori)

Sandro – (Rinane solo e riflette tra se)…Cèrt che Gerry…el parla bèn…eh..catto…(Imita Gerry)..” …Se un el magna tutt i giorne el solit piatt de fischion…”..Mo me miga ai magn tutt i giorne i fischion…A i magn ogni tant…che po’ tanta  pasta an la poss manca magnè…Me ann ho miga capìd co’l vléva dì…Che confusion…Me fa mèl la testa…!! Porca boia…Anca sta …Margherita…Mo stà a caséna tua no…Co’ t’vén a rompa l’anima ma me…(Pausa)…Che po’ l’an me pièc manca…Odio…’na mulighéna la me pièc…Mo poch poch…(ci ripensa)…Poch…’na roba giusta…Acsé …acsé…Mi moj la me pièc de piò…(Pausa)…S’fa par dì…”Non è bello quel che è bello ma è bello quel che piace”…(Pausa)…Anca quésta l’ajè ‘na cazèda…E “L’AMORE…??” L’amore…el vèn da par lò…SE…Và a toh Micléna……Ehhh…Magari l’ha ragion Gerry…par ‘na volta an mòr nisciun…e po’ sbagliando s’impara……sol che me l’è vent’ann ch’a sbaj…Acsé dic mi moj…D’altraparte Bambloni si nasce…e ganascioni che si diventa…e alora…e alora…magari l’è arivèd el momènt…da essa mén bamblon e..e più ganascion…!! !! Oltre la porta de chèsa…Co’ vrà dì…?? Boooo…Va a capì…

Sandro rimane a riflettere tra se, mentre la luce di scena si attenua piano piano.

                              Fine secondo atto

                              TERZO ATTO

                                   ****

Trambusto da fuori scena, entrano Rina per prima e Sandro con pesanti buste della spesa, tutte in mano a Sandro.

Rina – Dai…Sandron…Vèn otra…E na maténa tla fa lunga…L’è ‘n ora c’ha stagh maché davanti a la porta par aspetè ma ta…

Sandro – (Appogia le buste a terra ed ansimando)…

Rina – (Lo guarda con commiserazione)…T’véd…?...T’véd cum te si ardott…?? …An t’ha manca  piò el fièd par fè dò ramp de schèl…

Sandro - …A…A…part el fatt che l’enn’è dò ramp de schèl mo l’ejè quatre ramp de schèl…!! (Pausa)…E po’, me a dégh…

Rina – Dì…Dì…(pausa)…Alora…?? Ma te oh…!!

Sandro - …Se…fa’m archiapè ‘l fièd prò…Parchè senza ’l fièd un …un..un el mòr…!!

Rina – Mo pènsa te…che bèla novità…!!

Sandro – A vléva dì…mo parchè me  an poss  chiapè l’ascensor cum t’ha fatt te…??

Rina – No…Te carén t’ha da mova…E fè le  schèl te   fà bèn…!!Ti  si sforza il glutèo…E vanno via i manighi dell’amore…Te tle avréss da fè tutt i giorne le schèl, guarda ‘n po’…!!

Sandro – (Affranto)…E invéc te no…??

Rina – No..Me ann’ho bsogn…me (rimarca)…ma qualch’d’un, a vagh bèn acsé (indica i fiori) …T’véd malé…Chiapa so e porta a chèsa..…?? ”Donna formosa…sempre piaciosa…”.

Sandro – Se…Se…I fior se…An esagerè prò eh…Parchè te caréna t’si sempre esagereda…An t’ha ‘na misura te…Anca par guidè la mechina…Mo chi’t’credarà da essa par gì tant fort…?? La padrona dla strèda…?? Eh…?? E chi t’si te NOVILARI…??

Rina – E parchè…??

Sandro – Cum parchè…Catto…T’si pasèda dò volt sa’l rosc…T’si pasèda…Almanch te si incorta se…

Rina – Alora…Chèr el mi bamblon…se t’ha vést bèn, el prém semafre l’è dvéntèd rosc propi in t’èl momènt ch’a pasémi noiatre, t’el second semafre invéc a sém pasèdi propi quand s’è smurcèd el giall…

Sandro – Sarìa dì che t’si pasèda tutt dò le volt sa’l rosc…!!

Rina – No…Sandron d’un Sandron…A so’ pasèda tutt dò le volt préma che chiatre i partissa..!!

Sandro – Ecch…se…brava…!! …Invéc in via Giolitti, che c’era el vèrd, t’ha schiafèd ‘na frenèda che ormèi a scap fòra dal vetre davanti…Alora…Io digo…parchè malé t’ha frenèd invéc da pasè…??

Rina – Mo com parchè…? Inbornito…E se da clatra part c’è ‘n imbecélla cla fa come me…??

Sandro – Se…Se…E po’ t’avréss da metta la cintura…sempre…

Rina – Aaaahhh…Che svanziga te si…!! La cintura an la métt  mèi parchè tant l’an m’ariva…Va bèn…??

Sandro – Alora me sa ch’è méj che t’cminc a fè le schèl anca te valà……!! Comunque,me,  sa la mèchina sa te an mont più manca s’ajavéssa da fè docènt chilomentre a pìd toh…!!...E dop i s’lamenta ch’ sucéd i incidènt…

Rina – …Capirà, par quél ch’t’importa ma te…

Sandro – Rina vàra…me propi an t’capésc eh…?!

Rina – Ecch…se, brav cerca da capì invéc…pènsa,…pènsa, sforzte ‘na muliga, che me intant a facc i fatt…E po’ sa tutt quél ch’ajò da fè tutt el giorne déntra à chèsa…adèss po’ che c’è anca tu surèla..

Sandro - …Mo tant anca lia  la te darà ‘na mèn no…??

Rina – Se…Na mèn…!! La gambra ‘do’ la dorma e…el smalt ma i ugn…Ecch la mèn de tu surèla…!!

Sandro – Ecch…T’evréss dì adèss che la Rosanna l’an t’aiuda par gnènt…

Rina – Se…’n aiud…’n acidènt ch’te spaca !! Tu surèla l’an fa gnènt o guèsi…la stà tutt el sant giorne a séda malé s’el divano a piturès i ugn… e ogni tant la sospira…Po’ la s’alza…la va dlà davanti ma’l spècch, la se pitura i ugn la se guarda par un po’…e la sospira…la se guarda, la se pitura i ugn e la sospira…ecch sol quést la fa tu surèla…

Sandro – Te t’si sempre esagerèda…!!

Rina – A se…me a so’ esagerèda  véra…?? Quéla malé sa la scusa cla s’è demoralizèda sa cla storia de …cos…Osvaldo, la stà maché pranz e cena e clazion  a le spall tua…T’ha capìd…se o no..??

Sandro – Dai su Rina…L’ajè sempre mi surèla no…e toca aiudèla poracia sa quél ch’i è capitèd…!! Toh…e po’  me ch’a credéva invéc ch’ajèrvi dventéd amigh…ogni tant a ve véggh  a discorra sotta sotta…fétt fétt…

Rina – (Interrompe)…Quést l’è ‘n antre discors…l’è ‘na roba nostra privéda …

Sandro – Boh…!! Chi vè capisc ma voiatre donn…

Entra Rosanna dandosi lo smalto alle unghie.

Rosanna –(Entra e si siede sul divano) Bongiorne Rina…!! Sandron…

Rina –( Premurosa) Oh…Rosanna…bongiorne…com te sta stamaténa…??

Rosanna – Ah…boh…ancora ajò da véda…prò me pèr da stè bèn…(si tocca il cuore, sospira)…sol maché déntra…a stagh mèl…

Sandro – Oh…purtinéna…sarà ‘n infart…

Rosanna – (facendo le corna)…Toh..!! Par te…

Rina – Semprè el solit simpatigh mi marìd…(A Sandro)…Bèda gì valà…porta le bors dla spesa tla cucéna…che ma me le pesa…

Sandro – (protesta)…Catt ma me no…!! Sol ma te le pesa…!!

Rina – Stà zétt…Sta zétt ch’è méj…par te fè i sforz l’è tutta salud…Mo davér davér…Via..

Sandro esce di scena mesto con le borse in mano.

Rina - …(A Sandro che è fuori)…E métt a post bin bèn la roba…An fè com è tu solit che t’métt a post tant par dì…e an spurchì par tèra e an rompa gnènt…t’ha capìd…??(Pausa, Sandro non risponde)…Gnènt…!! Come parlè sa’l vént…Teston com un mul…Av pacènza Rosanna…

Rosanna –Vàra ann’èl stagh manca a sentì……(Poi parlando piano)Piutost…Com và sa ch’i  fior…El t’ha détt un qualcò’…??

Rina – …Ahh No no…!! Sandron an dic gnènt…!!Dl’argomènt an parla…An spiciga ‘na parola…Par lò l’è tutt nurmèl…Va...!! Com s’an fussa sucèss gnènt…Sol una roba el m’ha détt…”Se và bèn par te…ma me va  bèn de sigur…” Ecch…quést l’ha détt..

Rosanna – Ahhh…Lò l’è sempre la solita vittima …An t’l’ha capìd ancora…”Lò purtén an c’entra gnènt, acsé la colpa de stà’ situazion l’ajè tutta la tua…”… Rina mia…Tutt i om i fa acsé…A t’el digh me…Lori in sa gnènt, lori in dic gnènt…Lori in vò avè mèi nisciuna responsabilità…e dòp…quand una, tant e quant, la sé stuffa, i và da la mama a piagnà…vàra che me al so bèn…Me..!!

Suona il campanello d’ingresso con insistenza.

Entra Leonarda.

Rosanna  -Ecch te paréva …Mo chi è ch’vén a rompa l’anima adèss…?!

Rina – T’vo’ scmétta cl’ajè cla rotura de scatol dla Leonarda…Madòna…Quélla malé l’ajè sempre dapartutt…La vò savé tutt…la fa tutt lia…Che svanziga ragazi…(va ad aprire)…Oh Leonarda a sì vò…?? Che sorpresa… V-nì d-déntra…

Leonarda – (Entrando)…E parméss…??

Rina – Mo che parméss…ormèi a sì entrèda…

Leonarda - …Bongiorne Rosanna…Cum và stamaténa…

Rosanna - …Acsé…Acsè…Và…com una pòra quaiona…

Leonarda – Su…Su…fèv coragg…sol la mort l’an s’agiusta…E po’ un pèzz de fiola com a sì vò…!!

Rina – L’è quél ch’ai dégh me…và…mo lia gnènt… Pensè Leonarda…la me vrìa  aiudè par fè i lavor de chèsa…Pensè vò…!!

Rosanna – A stagh tutt el giorne senza fè gnènt e alora…

Rina  - Embè…?? T’si mi cugnèda e miga un estraniga…

Leonarda – La Rina l’ajà ragion…Vò Rosanna ajàvè da stè a ripos…An vlé miga chiapè l’ esavrimènt…

Rina – Ecch…T’ha sentud co’ l’ajà détt la Leonarda…

Rosanna - …Mo me a m’sènt in debit…Avrìa fè ‘n qualco’..

Rina – Mo che debit e debit… !! Mo pènsa ardè su piutost, che miga a t’voj armandè a chèsa tua..cioè prést… sciupèda e esavrita…

Leonarda –(Segretamente)…Piutost com và sa ch’i fior…?? Ajavé savud gnènt de  Scapiglioni..??

Rina – Mo me ann’ho ‘l coragg da parlèi…!!

Rosanna – Cum sarìa a dì ch’an t’ha el coragg… T’’èl fa v-nì maché e ti parle…E’ tant semplic…

Leonarda – E già…

Rina – E po’…??

Rosanna - …E po’ basta…T’véd com butta…Mo insomma Rina te’l vò gambiè stè tu marid o no…??!!

Rina – Se…Prò avrìa sol gambiè un po’ el caratèr de mi marìd… miga tutt el marìd…!!

Rosanna – E ‘na maténa tla fa longa… Sta a sentì ma me Rina…a chèsa tua è arivéd stè mazz de fior…no…??

Leonarda – E fin a maché a ce sém…

Rosanna – E noiatre ajavém decis ch’el pudrìa essa de Scapiglioni…

Rina – Eh…

Rosanna – Alora…par essa sigura…Bsogna che te te parle sa st’om…Mo…Rina…An tsi curiosa…??

Rina – Mo se sa ch’a so curiosa…Catto…a voj savé de chi l’è ste mazz de fior catto…!! (Si accorge che Sandro sta ritornando)…SSShhhttt…Shhhttt…Artorna Sandro…

Tutte e tre rimangono in silenzio.

Entra Sandro.

Sandro – E ‘na maténa che silenzi…!! E co’ sucéd…l’è mort el gatt?? …Oh..Vàra chi c’è…?? La Leo…La Loo…

Leonarda – (Brusca)…Bongiorne ma vò…

Rina – (Lo interrompe)…Sandro par piacér lascia gì e an arcmincè…(con fermezza)… an arcmincè…!!

Sandro - …E ‘na maténa…e chi dic gnènt…a vléva sol saludè ma la Leoparda…Oh porca boia m’è scapèd…

Leonarda – Mo gì in candia valà…!! Vò…e me ch’a stagh a sentì ma vò…A vagh via valà...Bongiorne…(Fuori).

Rina – T’si cuntènt adèss…??

Sandro – Porca boia ajò sbajèd ‘n antra volta… ?? Ehh..Rina scusme tant…

Rina – (Arrabbiata)…Sandro… vàra…me a t’avìs…la mi pazienza l’ajà ‘n limit…me sa te ann’è poss piò…T’ha capìd…ann’e poss più…Non sol te si ‘n gran bamblon, mo t’si anca ‘n gran maleduchèd…(Ecse).

Sandro – E ‘na maténa la fa longa…!! E co’ i ho fatt de mèl…ajò sbajèd e alora…??

Rosanna – Prò Sandro  tu moj l’ajà ragion eh…An t’ha capìd propi gnènt…No a digh…T’el véd ch’el mazz de fior malé…?? T’el véd…

Sandro – Par piacér Rosanna an me cminciè a parlè anca te de  ch’i fior…lascia pèrda…

Rosanna – SE …se..a a lasc pèrda tant…te continua a gì avanti acsé…t’vedrà ‘n do’ l’è ch’te va a fnì…(fuori)

Sandro rimane solo a rimuginare.

Sandro – Mo col’è ch’ajò da capì… propi ann’el so.…Co’ c’è de mèl sa sbaj ogni tant  el nom dla..Lo…Le…va bè…lasciém pèrda… Ann’è ogni tant…l’è sempre…Embè…Miga casca el mond…E  miga al facc aposta…E ch’an m’arcord…Catt e co’l’è obligatori arcurdèss el nom dla cosa malé…(Suona il campanello d’ingresso)…E cum la s’chièma…?? Lo…Li…Lu…Mo me a digh mo anca te, t’vò truvè un nom più fecìl…Co’ so…Margherita presémpi…Ecch quéll a m’l’arcord…Vara buff…

 Entra Gerry.

Gerry - …Ahhh…Quaion te parle da par te…An te sbaj de sigur…

Sandro – Dì un po’ te…An se sona préma d’entrè a chèsa di atre..??

Gerry – E de fatt me ajò sunéd…Sol che te an te sènt… E po’se a lascè la porta sempre aperta…un l’entra d’istint……Ajò vést ma tu surèla par le schèl…Oh…l’ajè ancora ‘na bèla dòna…’na maténa…

Sandro – Co’t’vò Gerry…??

Gerry – Gnènt…A te so v-nud a fè’n’ salut…A t’ho disturbèd…??

Sandro – No..No…Ajèra machè ch’a rimuginèva tra me e me…

Gerry – Ecch…Se …Brav…te armugina…Cogita..che intant d’fòra de chèsa tua el mond el và avanti…(pausa)…Piutost, cum va…?? An t’ha gnènt d’arcuntè…??

Sandro – E co’ t’avrìa d’arcuntè…??

Gerry – No a digh…La…cla Margherita malé.. la stà bèn…se..

Sandro – Se…parchè…??

Gerry – E…Tl’ajà più incuntrèda…??

Sandro – Se…Dò volt…

Gerry – E…Ajavé…se…??

Sandro – (Deciso)…Ajavé co’..?? Ajavém parlèd…Va bèn…!!

Gerry –Ahhh…Ajavé parléd… E…de co’…??

Sandro – Co’ t’importa ma te…

Gerry – Mo gnènt…a dmandèva…E…Co’ T’i ha détti…??

Sandro – Me ??…Gnènt…La parla sempre  sol lia…Gerry sta dòna maché, la discòrr più che ne mi moj…

Gerry – Quaion…!! A t’dagh ‘na nòva…

Sandro - …El bèl l’è che se me an capisc na roba, la s’incagna anca lia…uguèl, precisa e spicighèda ma mi moj…

Gerry – Ahhh…Mo me ajò capìd parchè la fa acsé…

Sandro – Ecch, brav…spigme te parchè me ancora an  ce so arivèd…

Gerry – Parchè quést l’è ancora el period dl’invaghimènt…Anca ma me me sucèss cumpagn…

Sandro – Ossia…

Gerry – Sandron…St’ia l’ha t’ha détt cla se invaghida de te…??

Sandro – Se…

Gerry – Alora adèss te e lia  a girè par un po’,parchè le donn Sandro le ‘ne fatt come noiatre, le donn le vò parlè…Le vò discorra…le vò bagajè…e po’ dop magari, mo dop,  a pasarì anca ma i fatt…

Sandro – Ma te è sucèss cumpagn…?? A voj dì…anca te dop, te si pasèd ma.. i fatt…

Gerry –Se…Magari …No..no…me ajò sol girèd com un matt e basta…Na rotura…Comunque bisogna insistere…Bsogna bata el fér quand l’è cald…

Suona il campanello d’ingresso.

Sandro – Aspeta ch’a vagh a aprì…

Entra Margherita.

Sandro – (Da fuori)…Oh …Margherita, vén otra…

Margherita – E…Permesso…??

Entrano, prima Margherita.

Sandro – Entra…Entra…T’avév bsogn d’un qualcò’…??

Margherita – (Si siede e sospira)…Eh…se…Ajavrìa propi bsogn d’un qualcò’…!!

Gerry – (Imbarazzato  e tra se)…Ajò capìd...(A Sandro)…

…Beh…Alora Sandron…me a vagh…E par quél ch’a t’ho détt préma…Cerca invéc da fè prestén… a m’arcmànd…Parchè me pèr propi ‘ cla sia na roba urgènt maché…!!

Sandro – Ehh…?? Che roba…??

Gerryv - …An c’è gnènt da fè…bamblon t’èr…e Bamblon te si armast…Bè…Ce s’arvéd !! (Fuori)

Margherita – Quél malé chi l’è…??

Sandro – Chi…??

Margherita – (Seccata)…Quél cl’è gìd via adèss…Alessandro…!!

Sandro – Ahhh…Quéll…!! E…El sarìa Gerry…’n amigh mia…!!

Margherita – Ah....L’è quél de clatra volta…??

Sandro – Se…Veramènt el se chièma Gerardo, mo me a l’ho sempre chiamèd Gerry…

Margherita – Ah…A so cuntènta…

Sandro – Alora…Margherita, co’ c’è…??

Margherita – Mi marìd el vrìa la tu mechina…

Sandro – La mèchina mia…?? E par fè co’…??

Margherita – Naturalmènt i la vò in prestìt…Vèst che la sua tl’ajà rotta te…

Sandro – Alt…Ferma tutt…Metém le rob in chièr….la su mèchina, la s’è rotta da par lia…è diferènt..!!

Margherita – Va bè…Comunque  el m’ha détt..:(Fa la voce del marito)…” Margherita…va’ da ch’el bamblon ch’el stà de sotta e dmandi se’l me dà la su mèchina par qualch giorne..!!

Sandro – Ah…L’ha détt acsé…

Margherita – Se…E po’ l’’ha anca détt…(Come sopra)..Se’l fa le stori…Dì ma ch’el bamblon…

Sandro – ‘N antra volta…

Margherita – Se…(Continua)…Dì ma ch’èl bamblon che s’el me dà la mèchina a poss anca chiuda ‘n occh par tutta  la question…Che s’no al denunzi par davér ma cl’imbecéll…

Sandro – E ardàj…Prò l’ ann’avùd el coragg da v-nì lò maché….

Margherita – No…Parchè l’ha détt che me ajò fatt el dann, e me ajò da rimediè…Capìd..??

Sandro – Se…se…ajò capìd tant…

Margherita – Allora…Alessandruccio…Me la presti la macchina..??

Sandro – Eh…Me a la prestaria tant…sol che a l’ajavé da dmandè ma mi moj, parchè adèss i l’adopra lia…

Margherita – Mo la mèchina de chi l’ajè…??

Sandro – L’ajè la mia…t’èl sèns cl’ajò paghèda me…sol che praticamènt adèss l’ajè de mi moj, parchè l’ajà sempre lia sotta el…insomma la va via sempre lia ecch…

Margherita – Alora…??

Sandro – Alora la mèchina, tu marìd, bsogna ch’ì la dmanda ma mi moj.

Margherita – (Sospirando)…Ajò capìd…E va bene…riferirò…!!

Entra all’improvviso Rina , seguita da Rosanna.

Rina – Sandro…Sandrooo…!!(Rina si blocca all’improvviso alla vista  di Margherita)…Oh…Bongiorne…

Margherita – (Saluta con sufficienza)…Bongiorne…(A Sandro)..Bè…Bsogna propi ch’a vaga…(sospira)…Ciao, Alessandro…!! (Fuori)

Imbarazzante silenzio.

Sandro – Ehm..Ehm…Te…te vlév un qualcò…Rina..??

Rina – Cum la t’ha chiamèd quéla malé…??

Sandro – Eh…Ah…Se…La…La m’ha chiamèd Alessandro…Me a me chièm Alessandro…e lia l’ha m’ha chiamèd Alessandro.

Rina – Se…Se..E co’ la vléva..??

Sandro – Se…Donca..Adèss a t’èl dégh…Alora…

Rina – (Ha uno scatto d’ira)…T’ha capìd Rosanna..Alessandro…Mo bèda a gì vala…Alessandro…Ma un ch’il chièma tutti Sandron…St’ia il chièma Alessandro…!!(Fuori)

Sandro – (Perplesso)…Mo co’ l’ajà la Rina…? S’po’ savé…??

Rosanna – AH…S’an t’èl sa te…

Sandro – Mo co’ t’vò ch’a sava me…Tutt i giorne l’’ajè sempre incagnèda…

Rosanna – (Bonaria)..Sandron…Stà a sentì…Co’ la vléva cl’ia…?

Sandro – Chi…??

Rosanna – Quéla de préma…

Sandro – La…La Margherita…??

Rosanna – Ah…parchè te sa anca cla s’chièma Margherita…

Sandro – Se…parchè…?? Co’ c’è ‘n qualcò’ de mèl…?? A ce dém  del TU…!!

Rosanna – Adiritura…E co’ la vléva…??

Sandro – Mo gnènt… l’ajè v-nuda sol a dmandè a prestìd la mèchina mia par el marìd…!!

Rosanna – Tutt maché…??

Sandro – Se…Tutt maché…

Rosanna – Eeee…Gnènt’atre…??

Sandro – No…Gnènt’atre…

Rosanna – Sandro…Ann’è ch’t’ha ‘n qualcò’ da nasconda…

Sandro – Rosanna…porca boia…t’si mi surèla, te cnosc bèn…!!

Rosnna – Sarà…

Entra Greta ed interrompe.

Greta – Bà…

Sandro – Oh…

Greta – Bà…c’è Gerry de sotta ch’èl t’aspetta…

Sandro – Ma me…?? E co’l vò…??

Greta – Ah bò…El m’ha détt…Dì ma tu pèdre che apéna l’ha fatt, el vénga giò subìt che me a so maché…

Sandro – Mo l’è gid via adèss…??!!

Greta – Ah…So ‘bèl po’ me……Comunque va giò, ch’èl t’aspèta…

Sandro – Va bèn…( A Rina che è fuori)…Rina me a scapp… (nessuna risposta)…Ajò capìd……Alora d-cì ma la Rina che me a so’ gìd via, va bén…?!(Fuori).

Rientra Rina.

Rina – Ah…Lè fugìd stè mostre…Tant par gambiè…

Rosanna – Rina stà calma su…

Rina – Se…calma…El fà entrè ma i estrani  ch’an se cnosc déntra chèsa…Acsé và…cum fossa gnènt…Po’ adiritura ma cl’antipatiga cla stà de sora…Ann’ho manca pasèd el stracc stamaténa…

Greta – Mo la moj de Scapiglioni miga l’ajè ‘n estranea, el bà i l’ha cnosc bèn…

Rina – Co’ t’dic…??

Rosanna – Se Rina i se cnosc…i se da anca del tu…

Rina – I se da del tuu…?? Mo com è posibìl…Sandro l’è talmènt imbecéll che ‘l da del lei anca ma me ormèi…

Greta – Embè…?? E miga c’è gnènt de mèl a de del tu ma ‘na persona…Specialmènt sl’è ‘n tu amigh…

Rina – Mo che amigh e amigh…Lia l’ajè tanta svanziga…che maché t’el casamènt in la  saluda nisciun…

Rosanna - …S’véd che par mi fradèll ann’è acsé…

Greta – Eh…se mama …e miga a sém fatti tutti cumpagn…Ma me presémpi la signora Scapiglioni…La Margherita la me stà simpatiga…vara’n po’…!!

Rina – Ah…parchè la s’chièma Margherita…??

Rosanna – E no…!! E anca tu mi fradèll, i la chièma sol par nom…

Rina – E lia…Lia préma…i l’ha chiamèd…Alessandro…e no Sandro o Sandron…com i dic tutti…Mo ALESSANDRO…

Greta –Catt e col’è ‘na novità…?? El bà el s’chièma Alessandro se o no..??

Rina – Se… E’ véra…maché l’è tutt normèl…va bèn tutt…Prò…C’è ‘ un qualcò’ ch’m’impéccia ma me… an so parchè…A sènt un  so che... déntra…ch’me dà fastidi…L’è com un qualcò’ ch’an me quèdra…ecch…

Rosanna –T’véd Rina…quésta l’ajè la pisicologia femminile cla vén fora…Parchè noiatre donn ajavém una marcia in più…Anca me ajò vùd la stessa sensazion…uguèl uguèl…come ma te…

Greta – (uscendo)…Mo quésta l’ann’è la psicologia……

Rina – Ah noo…?? E co’ sarìa st’rusighén…Sentém un po’…

Greta – Ahhh…Mamma, quésta l’ajè la coscienza…sporca…!!

Rita e Rosanna si guardano silenziosamente.

                                       *****

La scena si oscura, musica per alcuni secondi.

Poi di nuovo si illumina.

Rina entra i scena sempre vestita bene ma con uno straccietto per spolverare e uno spray.(insomma fa qualche cosa).

Suona insistentemente il campanello d’ingresso.Rina va ad aprire ed entra Scapiglioni Marco.

                                      *****

Marco – (Da fuori)…Signora bongiorne a poss entrè ‘n momènt…??

Rina – (Emozionata)…Ma prego… Signor Scapiglioni…Ch’èl s’acomoda pùr…

Marco – …Grazie……

Rina – Prego…Ma si assideri…Senza complimenti…

Marco si siede.

Marco - Donca signora…me a sarìa v-nùd maché par dmandèì ‘na roba…

Rina - …Anca me sa…A i vléva dmandè ‘na roba…

Marco – Se signora…prò a parle préma me…s’ann’i dispièc…

Rina – (Lo interrompe)Ma si figuri……El vò béva ‘n qualcò’…??...Co’ sò…un cap-mastre…un verbìto…

Marco – No..no…grazie..

Rina – (subito)…Caffe…te…meeee…!!(Ride)

Marco – (Seccato)…Signora, alora..co’ l’è tutt st’i manigh…!! La me fa parlè…se o no…??

Rina – Se…Se…pr..prego…

Marco – Alora…Sicòm che su marìd l’ha détt ch’ajò da dmandèla ma lei…Me a so’ v-nùd da lei diretamènt…Anca parchè l’è quatre  giorne ormèi ch’ a facc avanti e indrìa tutt da par me  e a me so propi rott le scatol..…Ecch…!! Alora signora, me adèss maché, formalmènt a i dmànd…M’l’ha vò dè…? O an m’l’ha vò dè…parchè me ajò bsogn co’ la créd…!!

Rina – (Perplessa)  Ehhhh…??

Marco – Se…Signora, parchè se lei l’ajè d’acord e m’l’ha dà…alora bsogna propi che m’l’ha dà in giurnèda…che s’no me toca fè vanti e indrìa ‘ com un imbecéll e an dà gust par gnènt…

Rina – (Imbarazzata)…Mooo…

Marco – No, signora par piacér…cla me facia parlè…

Rina – S…Se…

Marco – Se invéc …a diciva…Se invéc lei la s’impunta e ann’ m’la vò dè par nisciun motìv…Alora signora…com ajò mandéd a dì anca ma su marid…me a facc un macéll…l’è chièr…?? Co’ l’ha dic…??

Rina – Mo…Mi…Mi…marìd…il saaaa…??

Marco – Mo certamènt ch’il sa…!! E l’ha dètt che adèss ma lò, ann’i serve, e che invéc i l’adopra lei, e la va in gìr de qua e de là par senza gnènt , è véra…??

Rina – S…Se…Veramènt…me a l’adopre che anzi …me piacrìa anca da duprèla de piò…

Marco – Se…Và bèn…Ajò capìd…Prò, in sostanza, lei i l’adopra acsé…par senza gnènt…senza nisciun motiv a voj dì…

Rina – (Si risente)…Oh.…me a l’adopre cum me pèr va bèn l’è roba mia …mo insomma…!!

Marco – Signora…Cla me staga a senti…Al so cl’ajè la sua più che de su marìd… prò, a voj dì…praticament…adèss..ann’i serve manca ma lei…E’ giust…??

Rina – (Perplessa)…Be…Adèss…Praticamènt…NO…

Marco – Ohhh…L’è quést el punt…Se lei i la usa acsé tant par fè…Signora…ch’i la daga ma me…no !! …Eh…!!

Rina – Mo…Mo me miga a la poss dè acsé…in quatre e quatrott..!!

Marco – E parchè no…Su marìd l’è dacòrd…!!

Rina – E su…moj…?? An pènsa ma su moj…

Marco – Co ‘ centra mi moj…Comunque signora se lei l’an vò…Ma mi  moj an la facc  tuché……

Rina – Mo co’l’è matt…Scapiglioni…C’mancarìa…!! Mo sènt ma quést…!!

Marco –L’ajà ragion signora…mi moj l’ann’è tanta pratiga…Alora…?? Prò an végh nisciun problema…Signora mia…non abbia paura, che miga gliela rompo…!!

Rina – Mo co’l dic…!!  SELVATIGH…!!

Marco – No…No…par davér…Non dubiti che me a i la tratt bèn…Sa tutt i riguard anzi…par fèla cuntenta…A vagh pièn, pièn…Préma, seconda, terza…

Rina – Anca la terza…???!!

Marco – Mo se sa… anca la quinta se c’è bsogn…

Rina – La quinta…!!!??? Oh…Signurén del paradis…E chi c’è mei arivéd ma la quinta…

Marco – Beh…Signora mia…S’ann’è mèi arivèda ma la quinta…almanch ma la quarta…!!

Rina – … la quarta…!! Magari…!!

Marco – Mo …Arivè ma la quarta l’è ‘na roba nurmèl…!!

Rina – Se…par lei forsi…Mo par mi marìd…

Marco – Eh…Me dispièc…alora vò dì propi che su marìd, come mi moj,  ann’è bòn..Anzi  la vò savé ‘na roba…?? La fa propi bèn a nun dèila tle mèn  ma lò…

Rina – A pènsè che me i la darìa tant…Mo lò…Gnènt …An la vò…!!

Marco – Eh…Signora mia…A poss anca capì…Quand s’ha ‘na certa età…La vésta…i riflèss…inn’è più quéi de préma, comunque..Lei…Cla daga ma me…in prestid naturalmènt…Ch’aj dagh ‘na bèla sciolta…capirà…La sarà tutt’imbastida…

Rina – Eh…Adèss…Esagerèd…L’è anca véra che un po’ l’età c’è…prò ancora…la…la…com a poss dì… funziona ecch…

Marco – Quest…signora…i’l facia di ma me…Parchè bsogna pruvèla préma da dì cla funziona…

Rina – La funziona…La funziona…al savrò me s’la funziona…!?

Marco – …Signora, acsé, …Senza fèla tanta longa…Co’ la decid…?? A la svélta prò che me ajò prèscia..!!

Rina - …E va bèn…Se propi lei…la vò…me a i la dagh…!!

Marco – Ohhh…Era ora…Forza dai fém a la svélta…

Rina - …Mo com…Acsé…?? Adèss…?? Subìt…??

Marco – E quand…??

Rina – Ma an s’pudrìa fè le rob sa ‘n po’ de calma…co’ so…dmén…Dmènlatre…

Marco –…Se dmènlatre…Alora ancora ann’ha capìd…Me ajò bsogn subìt…adèss…urgentemènt…parchè ajò da fè avanti e indrìa…avanti e indrìa…l’è tutt un lavor…Capìd…??

Rina – Mo lei, Scapiglioni, sa  tutt st’avanti e indrìa…an fadigarà tropp..??

Marco –  Mo me a lavor…Signora…!!

Rina – Davére…!!…E su moj co’ la dic…

Marco – Mi moj l’ajè cuntènta…

Rina - …Me an sarìa tanta cuntènta…

Marco – Sa quél ch’a véngh a chiapè a la fén dèl mès…la sarìa cuntènta anca lei…valà…

Rina – Se..Se…ajò capìd…prò metém subìt le rob in chièr…Me an voj paghè gnènt eh…??!!

Marco – Signora mia…me a l’ajò sol dmandèda in prestit …Ann’ho miga détt cla m’ha da paghè anca la benzéna…

Rina – La benzéna…??

Marco – Parchè la va a metano…??

Rina – A metano…??

Marco – Signora…Cum la va avanti sta mèchina sa l’aqua…???

Rina – La mechina…?? Che mèchina…??

Marco – Mo la sua …Signora…la mèchina sua…Insomma…M’l’la vo’ dè  sta’ mèchina o no…??

Rina - …Ehhhh…se…a voj dì…no…madòna…alora…no e che ajavéva capìd mèl…che…ajo fatt una confusion…grosa…e po’ parchè… c’è anca ch’i fior..che…

Marco – I fior…?? Co’ céntra i fior…?? Signora…me a voj la mèchina…

Rina –…Se…la mechìna…a l’avéva capìd…prò…Ch’ì fior malé…

Marco – Eh…Embè…??

Rina –Par ch’i fior malé…Ai vlèva dì…Gr…Grazie…

Marco – Grazie…!! E parchè…??

Rina – No, …Adèss stà a véda che  lei el m’è vén a dì ch’an m’ha mandèd manca  i fior a chèsa…!!

Marco – Mo signora…Co’l’ajè mata…??

Rina – Oh…Signurén del paradìs…Mo alora ch’i fior malé ma me ch’i mi manda…??

Marco – E co’ so me…

Rina – Cum sarìa a dì ch’ann’el sa…s’èl bigliétt è firmèd EMME sa ‘n punt…

Marco – Alora…??

Rina – Alora emme l’è Marco…sigur sigur…

Marco – E chi l’ha détt…? Ann’è miga obligatòri…pudrìa essa Mario…Massimo…Michele…T’avoja…!!

Rina – No…No…me an cnosc ma nisciun de questi…Prò a cnosc anca se de vésta…Ma…Ma un Marco…osia…Ma lei…e alora a pensèva…

Marco – Ehhhhh…!! L’ajà pensèd mèl signora…Mo sènt st’ia   co’ la m’è gida a pensè…Me ch’a mand un mazz de fior ma…Mo c’mancarì atre…!! Signoraaa…Mo digh…Co’l’ajà voja da scherzè…?? Cla me facia véda ch’èl bigliett par piacér…

Rina consegna il biglietto a Marco.

Marco – Donca…Grazie…Emme…sa’n punén…Un momènt…un momènt…mo quésta maché l’ajè la scritura de mi moj…

Rina – Cooo…??

Marco - Se…Se…l’ajè propi la scritura de mi moj…me a la cnosc bèn…Bèl punt…EMME sarìa Margherita…Ahhh…Signora mia…mo maché c’è stèd sigùr un sbaj tla consegna…Sti fior signora, jè par me…

Rina – Com sarìa a dì…??

Marco – Se…Adéss ai spigh tutt…Ogni tant quand ajèrmi fidanzèdi, la mi murosa…che adèss sarìa mi moj…ogni tant la me mandèva un mazz de fior a chèsa…L’è ‘n mod sua da fè…dicém modèrne ecch…parchè an usa mandè i fior ma i om…Prò lia ogni tant il fa…ecch…I pièc acsé…Co’ t’i vò fè…??

Rina – Nooooo….!!

Marco – Eh…Signora mia…S’ha dégh acsè, vo dì ch’è véra no…Anzi…a facc ‘na roba…adèss a chièm ma mi moj acsé i dic lia  de persona s’è vér o no…!!

Esce  e chiama forte la moglie.

Marco – (da fuori)…Margheritaaaa…Margheritaaaaaa…!!

Marco poi rientra velocemente.

Marco – L’an sènt…A vagh a chiamèla de sora ‘n momènt…(fuori)

Entra Sandro.

Sandro – Mo co’ sucéd..???

Rina – Gnènt…Gnènt…

Sandro – Com sarìa a dì gnènt…C’è Scapiglioni su par le schèl chèl chièma ma la moj…Co’ l’è stèd maché…??

Rina – S…Se…

Sandro – T’i l’ajà data…??

Rina – Oh…Signurén…C…Cooo…??

Sandro – Mo…la mèchina..Rina…chisà co’…?!!

Rina – A…Ancora no…

Sandro – E alora daìla sta mèchina par piacér…che s’no sa quél malé fnisc in cagnèra ‘n antra volta…

Entra Leonarda.

Leonarda – Madòna Rina…Co’ sucéd…?? Se sènt a strilè da d’fòra…!! ( A Sandro)…Vo’ stè zétt e an parlè sa…!!

Rina – Mo gnènt…Ann’è sucèss gnènt…L’è sol Scapiglioni ch’el chièma ma la moj…!! Gì…Leonarda…gì…Ch’a v’arcont tutt più tardi…

Leonarda – No…Parchè me a vléva savé di fior…

Rina – (Seccata)…Leonarda…Par piacér…an v-dé ch’ajavém da fè…porca l’oca…!!

Rientra Marco con Margherita.

Marco – Alora…Margherita…Par ch’i sarìa ch’i fior malé…??

Margherita – (In imbarazzo)…Beh…!! Veramènt……Me…

Marco – Margherita, par piacér fala poca longa eh…!! Al sò…al sò…te gìd a mont la sorpresa…mo d’altrapart ajò arcnosciud la tu caligafia t’el bigliett e alora a me so détt…Maché jà sbajèd la cunsegna…Ehhh…mo sucéd…ann’è miga la fén del mond…!!

Sandro – Veramènt…Me paréva ch’i fossa i mia…

Marco – Ecch……quèst cum el fa el sbaja…e lei el chiapa un mazz de fior senza manca savé ch’i manda…??

Sandro –…E co’ so me…!! Comunque Scapiglioni l’ha ragion…stavolta l’ha propi ragion…Ann’ho pensèd…ajò chiapèdi ..e basta…

Rina – Sandro…

Sandro – Ah…Scapiglioni…Ecch le chièv dla mèchina…E se portasa via anca sti fior per piacér…Bèl punt jè i sua…

Marco – Mo se sa ch’aj port via…!! E véra Margherita…??

Margherita – E se……(Si rivolge a Sandro)…

Marco – Bè…Signori cari…ce s’arvéd e comunque grazie par la mèchina…!!(fuori)

Margherita – Alessandro…Me dispièc…(prima di uscire velocemente va a baciare Sandro sulla guancia, poi esce.)

Imbarazzante silenzio.

Sandro fa l’indifferente.

Rina – Sandro…

Sandro – Eh…??

Rina – Sandro…ch’i fior…inn’era par me….

Sandro – Al savéva…

Rina – E…Com t’el fév a savé…!?

Sandro – Al savéva, parchè ch’i fior malé…Rina…jèra par me da parte della signora Scapiglioni…la Margherita…

Rina –  A ml’imaginèva…anzi a l’avéva capìd…Ecch..E…E te…??

Sandro – Me co’…??

Rina – Te…a voj dì…an t’ha dètt gnènte…??

Sandro – E co’ ajavéva da dì…?? T’èr tant convinta che ch’i fior i fussa  par te…Adèss …magni chi’i fior…

SILENZIO.

Rina –Sandro…

Sandro – Co’ t’vò…??

Rina – Dim un qualcò’…??

Sandro – Co’ t’vò ch’at dégga…Lia la s’era invaghida…la s’era inamurèda…

Rina – De te…??

Sandro – Se…De me…se…

Rina – Mo com ‘è stèd posibil…

Sandro - …Parchè co’ so ‘na bestia me…Co’ so’ ‘n animèl…??

Rina – No…No……Sol che adèss a so’ ‘n po’ preocupèda ecch…

Sandro – E de co’ l’è che t’si preocupèda Rina…??

Rina – A so’ preocupèda parchè…insomma ecch…Mo…A digh…Sandron…E par chèsi success un qualco’…tra…??

Sandro – Tra …Chi…??

Rina – Tra te…e cl’ia malé…!

Sandro – Gnènt…Ann’è sucèss gnènt…

Rina – Mo…davére…??

Sandro – Davéra se…E co’ t’i vò fè…Me a so’ fatt acsé…T’si cuntènta…??

Rina – No…Anzi a vléva dì…se…a so cuntènta…Specialmènt par te…parchè tant…vàra…sa una acsé…créd ma me…an val la péna…

Sandro –An val la péna…!!?? Mo co’ t’dic Rina…?? Sa ‘n pèzz de fiola acsé, an val la péna…?? RINAAAA…Val la Péna un milion…un miliard de volt val la péna…Parchè…no a digh…t’ha fatt el paragon sa lia se…(Rina scuote la testa)…Ah…An t’l’ha fatt..?? E alora fa’l…E po’ va a dmandè ma ‘n om de cinquant’ann s’el farìa a sgambi sa  una…una com te si dventèda te… Parchè lia Rina…Lia almanch la me chiama ALESSANDRO…T’ha capìd…?? ALESSANDRO…!!E sa vléva…Se me a vléva………Prò…an ho vlùd…ecch… e alora…ann’è sucèss gnènt…T’ha propi ragion Rina…Tu marid l’è ‘n gran bamblon…Prò…un motiv el c’è…E se te an tl’ha capìd…alora Rina mia vò dì che déntra sta chèsa de bamblon c’né dò…ME…e TE…

Rina – (Corre – piano amarcmànd che s’no t’m’amazz – corre in lacrime ad abbracciare finalmente ALESSANDRO)

…Ohhhh…!! ALESSANDRO….!!

                                    MUSICA -  SIPARIO

                                        F   I   N   E

 

                              Franco Ferri Fecit   anno Domini 2009                                                                     

 

                                                                                                                

                                                                                          

                          “Quello che per il bruco è la fine del mondo…Il mondo chiama farfalla”

    Questo copione è stato visto
  • 0 volte nelle ultime 48 ore
  • 0 volte nell' ultima settimana
  • 0 volte nell' ultimo mese
  • 10 volte nell' arco di un'anno