Na storia ‘d famiglia
commedia dialettale mantovana in tre atti di Maria Gabriella Bonazzi
cell. 3288080393 – email: barbara.stuani@libero.it
N. di posizione SIAE 216769
Breve presentazione dell’autrice:
“Una storia di famiglia….
padre, madre e una figlia.
L’amore e la gelosia spesso stanno in compagnia.
Un matrimonio rimandato
non e’ certo quello che una ragazza aveva sognato.
E per vendicare tale affronto
s’accontenta di un marito tonto.
Ma alla fine e’ sempre quella:
baci abbracci e compagnia bella”
Elenco personaggi:
Anna: mamma
Alberto: papa’
Francesca: figlia
Paolo: fidanzato di Francesca
Maria: madre di Paolo
Bice: vicina di casa
Rinaldo: vicino di casa segretamente innamorato di Francesca
Cesira: altra vicina di casa
(La scena, un salotto.In scena marito e moglie di mezza età)
Anna Ben, ho mai vist me fiola csì felice.
Alberto Ta ‘l credi, la sa spusa fra tri giuran, ‘s l’è mia felice ades figuremas dop!
Anna Cosa vurest dir “Figuremas dop?”
Set mia stà felice con mi ?
Alberto Cosa gh ho da rispondar? Certo cara , sì cara, sinò ta ‘m masi!
Anna Pudresat mia esar pusè ciar? (Anna è furiosa) A chi gh ho dat in man la me esistensa? A chi ho dedicà tute le me atensun, a chi gh ho regalà i ani pu’ bei dla me vita!?
Alberto Chi m’ha obligà a ascoltar na radio cme ti? Un gramofono da ridar.
(Entra la figlia Francesca)
Francesca E’ posibile ca sapieghi senpar dre quistiunar uatar du!
Ghi da esar content par mi, invece da cridar fra uatar cme dle creature.
(Francesca va alla finestra)
Francesca Che bela giornada! Mama pensa, tri giuran….. ancora e po’!
(Francesca si mette a cantare, entra Paolo)
Paolo Oh, al me usignolo!
(I due ragazzi si abbracciano)
Paolo Tut ben siura Anna?
Anna Tut benisim!
Paolo E lu siur Alberto, tut ben?
Alberto Tut cme al solit!
Francesca Nuantar andema a far le ultime comision e a parlar con Don Giorgio.
Vieni amore!
Paolo Volo cara!
(I due giovani escono)
Alberto Che bel’età! L’è pran bel esar giuan!
Anna L’è bel anca sentas chi e vardar la felicità da dostra fiola come in an film.
Alberto Ma gh et propria da sentat par vedar la felicità da nostra fiola?
Anna Ma cosa gh et incò ‘t va ben gnint!
(Bussano alla porta ed entra Maria, madre di Paolo)
Anna Ciao Maria , è apena andà via i nostar pudlet sentat ca ‘t faghi ‘n cafè.
Maria Grasie cara !
Anna Chi avria mai dit che i nostar pudlet i ‘s saria inamurà!
Maria Da putin i ‘s piciava senpar da pudlet i ‘s salutao gnanca e invece
tut in an culp “Paf” è scupià l’amur!
Anna Sun pran contenta, par mi Paolin l’è cmè ‘n fiol!
Maria E par mi la Francesca l’è na nora perfetta!
(Si sente di nuovo bussare)
Anna Sarà La Bice, l’avrà sentì l’odor dal cafè!
(Alberto va ad aprire)
Alberto Infatti eccola qui! Che entri signora Bice.
(Alberto s’inchina in modo cerimonioso. La Bice entra con i bigodini in testa in vestaglia da camera. Reca in mano un sacchetto di carta.)
Bice Gh’è mia la Francesca? Gh ho portà di regai!
Anna Ma da far Bice, al regal ta gh ‘lè sa fat, e che regal!
Bice Ma questo l’è speciale…
(Tira fuori dal sacchetto un campanellino)
Maria Ma cos’el?
Bice Ma un campanelin, vedat mia?! Me madar la ‘m l’ha regalà quand ‘m
sun maridada . Al duvea servir par avisar al me Antonio quand l’era
ora da disnar!
Anna A si, l’ho mai savì!?
Bice Però a l’ho mai druà perché quand l’è mesdì me marì ‘s piasa a taola
E ‘l taca sbecolar . Speri che Paolo al sia men sgurd csì
la Francesca la la podrà utilisar.
Anna Un penser propria gentile, Bice, chisà com la sarà contenta la Francesca.
Maria Che fantasia ca ‘t gh è Bice.
Bice Al so………P u gh avria’ n altar portaforuna………….. ma questo l’è propria
presius.
(Bice estrae dal sacchetto un molletta per i panni)
Maria Un ciapin?
Anna Un ciapin da legn !
Bice L’è mia un senplice ciapin , l’è quel ch ho druà quand ho distes la
prima camisa ch ho lavà al me Antonio .
Alberto Certo ch l’è un bel cimelio ! Gnaca che Antonio al fos Garibaldi e che ti
‘t ghesi lavà la camicia rossa!
Bice Vardè cosa gh è sctrit in sima? “Ti amo” ‘M l’ha srit lu par ringrasiam
perà al l’ha pu fat
Alberto Mi resti com l’ha fat a scrivarla cl’unica volta lì!
Anna So mia cosa dir!
Maria Son sbalordida!
Bice Quan ho incontrà al me Antonio par la prima volta al nostar cor l’ha fat
“Puff!”
Maria Anca mi quant ho incontrà al me Giusepe al nostar cor l’ha fat”Puff”!
Anna Et sentì Roberto che al su cor l’ha fat “Puff” E noaltar?
Alberto Mi gh ho poca memoria, mi so mia cosa l’ha fat al tu cor, ma la mio
sun sicur ch l’ha fat “Cucù cucù………e al gh ea anca ragiun!
Anna Cosa gh et incò…. ‘t s’è insoportabile!
Bice Ben mi vaghi. Vaghi a vedar s’è gnì a casa Antonio. Mo so mia l’è un
periodo che al me Antinio l’è mai in casa l’è sanpar in svanpoli!
(Alberto fra è e s’è alludendo a Bice)
Alberto Tal credi ca ‘l s’inibosca, con an panorama dal genar
Bice ‘S vedem stasera, par la riunion da condominio!
Anna Oh l’è vera che stasera gh è la riuniun da condominio! Cme
‘l solit a casa nostra. Ma pensi ca ‘ch sarà mia nisun problema,
questa l’è na scala d’or.
Bice Un condominio d’or, tuti in conpleta armonia.
(Esce Bice)
Maria L’è pran vera! Che fortuna ca gh em vì d’icontraras, tute amiche
in cla scala chi: na scala dor. L’unic estraneo l’è al siur Rinaldo,
l’inquilin nof quel chè gnì a star a l’ultim pian in l’atico.
Anna Ma quel l’è mia n’inquilin l’è al padrun, un siurun! Capisi mia
cosa l’abia fat decidar da gnir a star in an condominio quand su padar
al gh ha un vilun da sesanta camare ! Al par ‘n castel !
Alberto Forse al sarà sta atrat dla belesa da uatar tardone da sta scala d’or.
Maia Ben se propria volì saver al me parer l’ha aducià la nostra Francesca.
Mia stopid né!?
Anna Disat? M’era parì anca d’aver intuì qualcosina, ma l’è rivà trop tardi.
Alberto Par carità, al sarà ‘n siur, ma al gh ha na facia da dur ca consola!
(SI sente bussare)
Alberto Porto di mare.
(Alberto va ad aprire. Entra Rinaldo)
Alberto Bunasera siur Rinaldo.
Rinaldo Buonasera sono venuto a chiedere l’ora della riunione di condominio.
Non c’è la signorina Francesca?
Maria No non c’è . E’ uscita con il suo legittimo fidanzato, e si sposeranno fra
soli tre giorni.
Rinaldo Mancano tre giorni? Ne possono succedere di cose in tre giorni!
Maria Vè , usel dal malauguri, mosca né!
Anna Sun sicura che al siur Rinaldo al vulea schersar !..La riunion da
condominio l’è par stasera ale nof.
Rinaldo Sarò puntuale. Sarà presente anche la signorina Francesca?
Alberto Al so mia , sal! Par la Fancesca questi iè giuran inpegnativ, ma ‘ch sarem
nualtar e tuti i conponenti da sta scala d’or.
Rinaldo Bene , Saluto, a stasera. Spero che ci sarà pure Francesca
(Rinaldo esce)
Maria Spera pura caro! “Chi vive sperando muore cantando!
(Poi rivolta ad Anna) Gh et mia ancora ‘n po’ ‘d cafè?
Anna Al gh è ma ta ‘l dag mia, ‘t s’è trop nervosa.
Alberto Maria, la Anna la gh ha ragiun ta ‘t s’è inpisada cme an sunfanel!
Maria Cosa ulì ca ‘v diga, cal salam lì al m’ha fat infumanar.
Anna Coragio Maria, manca sul tri giuran!
Maria L’è vera! Però su mia al parchè ma ’n senti mia tranquila.
Alberto Cosa vot Maria maridar an fiol l’è sempar stresante!
Maria L’è vera, ben mi vaghi .’S vedem stasera par la riuniun da condominio.
(Maria esce di scena)
Anna Com la s’era rabida, la par gelosa! Ma l’è normale che la me putina
la piasa , l’è trop bela.
Alberto L’è piasosa cme su madar!
Anna Quel ‘t po’ diral ,ai me temp gh ea na fila da cortegiatori …mi!
Alberto Ai tu tenp!…Parlema da mes secolo fa!
Anna ‘T vurè mia dirmal ma alora anca al tu cor l’ha fat puff.
Aloberto Pu che un puff, l’è stada na scragnia , difati a ‘n sun scragnà.
(Entra Francesca da sola)
Anna In du et lasà al tu murus?
Francesca L’è andà in ufisi. L’ha ricevì na telefonada dal su capo ca gh vulea
parlar con urgensa.
Alberto Forse al vurà dac na gratifica par al matrimoni.
Anna Gnint da pusè facil!
Francesca Son preocupada , l’è sa do ure ch l’è via….L’ha smorsà fin al telefonin
(Si snte bussare, poi senza attendere risposta ,Paolo entra.
Paolo Oh, Francesca cara, che nuità!
Francesca Al tu capo s’al regalà al vias da nose?
Paolo Do noità, una mia tant bela, e una strepitosa.
Alberto Andem Ana, volem mia far i curius!
(Alberto la strattona e la trascina in una altre stanza. Rimangono però ad origliare)
Francesca Dai dim caro, son curiosa!
Paolo Prima ‘t dighi la bela. Al me capo al m’ha fat un oferta sraordinaria,
incredibile ! Duvria andar in Africa a laurar par n’an e dop, al me
ritorno saria promos capuficio.
Francesca Ma caro l’è meraviglios, al tu sogno da far na cariera rapida a ’s relisa.
Vora dire che al vias da nose al farema in Africa.
Paolo Cl’ altra noità, quela bruta ca gh ho da partar stasera, e al post in du
vaghi l’è scomod e le done iè mia ben acete.
Francesca Cosa vuresat dir ? …….Ca sa sposem pu’!?
Paolo No vol dir ca sa sposarem fra n’an!
Francesca Cosa… cosa ….cosa?
Paolo ‘T par mia ca na vala la pena? ‘S trata pu ‘d n’an. Cos el n’an in la vita!?
Francesca Vol dir partecipasiun, regai, pranso prenotà….vestì da sposa
Ti ‘t tzè mat!
Paolo Francesca ‘t s’è iragionevole, vot prpria fam perdar n’ocasiun dal
genar? I m’ha scielt mi parchè al me colega pusè ansian
quel ca gh ea da partar al s’è malà improvisamente.
Certe ocasiun bisogn ciaparle al volo. Qesto l’è un treno ca posi mia
Perdar.
Francesca Ben ciapa al tu treno, ma ‘t perdarè la muier!
(Paolo s’avvicina e cerca d’abbracciarla)
Paolo Mia far la sciochina dai: …cos’el n an in na vita?
Francesca Pensat mia ala figura ca ta ‘m fè far?
Paolo T’è mai interesà gnint dla gent!
Francesca Quel l’è vera però m’inporta dla me dignità. Sa ta ‘m lasi in cla manera
chi tri giuran prima dal nostar matrimoni, cosa posi ancora aspetam da
ti e se dop stan i tu capi i ‘t manda via ancura ,e ti ta ch cati gust, mi
cosa gh ho da far? Na vita a aspetarat?
Paolo Ti ta straparli. Dai, l’è un picol sacrifisi par al nostar avenire.
Francesca Al me avenire l’era fra tri giuran. Par amur tuo ho rinuncà anca
all’università!
Paolo Lì però t’è sbaglià!
Francesca Grasie, ma sa ‘t s’è stà ti a sconsigliamla “Dai tesor, la strda l’è lunga
prest a sa spusema…Che inbecile ca sun stada! La strada ades t l’è
slungada ti, ma sa ‘t credi ca ta speta lì in stasiun te sbaglià client!
(Francesca corre verso la camera da letto inseguita da Paolo ma Alberto si mette di mezzo)
Alberto Altolà giovane. Quand le done iè rabide l’è inutil parlarac. Vegni pu tardi
quand s’è balcà un poc al fum!
Paolo Vegni pu tardi, prima d’anadr via. Gh ho al treno par l’aereoporto fra tre
ore.
Alberto Alora t’è decis?
Paolo Sì ho decis…..? ‘T vedrè che dop la sarà contenta anca lè
Alberto Caro ‘s vet ca ‘t cunusi mia le done.
Paolo Pensi da conosar ben la me murusa!
Alberto Ti iè mai conoside abastansa caro! Comunque, t’è decis?
Paolo Sì , ho decis ,parti.
(Esce Paolo, Alberto è pensieroso)
Alberto Lu al parti e mi resti… sun a post!!!
(Entra Anna agitata)
Anna Cosa fem ades?
Alberto Stamatina ‘t vulevi sentarat su a vardar la felicità da nostra fiola
come sa fos an film.
Anna E alura?
Alberto Ades ‘t gh è da setarat su e vardar la disperasiun da tu fiola, sperando
cla fnisa mia in tragedia.
(Breve silenzio)
Anna Esagerà; però ades cosa fema con i regai? Gh em da dari indè.
E al ristorante, gh em sa dat ‘n anticip da 3000 euro.
Alberto Andarema a sena fin chi ema ricuperà tuti!
Anna E al vestì da spusa?
Alberto La la meti in l’armari in an bel sachet da nailon. Stan quen l’è ancura nof!
Anna Ti caro ‘t conosi mia tu fiola. L’è trop rabida , trop delusa .La cerimonia
la ‘s farà mai pu’! Oh mama sem ruinà!
(Anna piange)
Alberto Frena Ana, forse le robe i è mia csì tragiche! Forse Paolo o la Francesca
i canbiarà idea.
Anna La Francesca no ‘d sicur!
Alberto Insoma Paolo in fondo al l’’ha mia lasada, l’è mia andà con n’altra.
Al vol sul migliorar al su tenor ‘d vita!
Anna Sul n’om al pudea conpatir n’altar om. Sol ti ‘t pudei esar csì cieco.
Alberto Insuma, saria cieco?
Anna Certo!
Alberto Avria preferì esar surd!
(Entra Francesca. Anna corre ad abbracciarla)
Anna Tesor….Cara!
(Francesca si scansa)
Francesca Prima da tut voi mia esar compatida. Secondo , sa vegn Paolo ricordav
ca voi mia vedal . Al matrimoni l’è rimandà al tenp dal mai pu’.
E da ‘d man canbi vita!
(Rientrando nella stanza)
Francesca ‘M racomandi, quand vegn Paolo mi ch sun mia.
(Appena uscita si sente bussare è Paolo pronto per il viaggio.)
Paolo E’ permes? Sun gnì a salutar la Francesca.
(Anna subito pronta)
Anna La Francesca la gh è mia.
Paolo Come la ghè mia?
Anna La gh è ma la gh è mia par ti.
Paolo Posi imaginar cla sia rabida, a sun sicur che dopo na seconda analisi
la capirà e la sarà contenta.
(Dalla stanza interna Francesca si fa sentire)
Francesca No par la Francesca l’è la prima analisi quela ca conta.
Varda che sa ‘d ve fora ades da cla porta lì , da murus ta trasformi in
estraneo……..Adio!
Paolo Dai , mia far la putina, fat vedar !’M lasat andar via csì?
Alberto Francesca, vegni fora!
Francesca No, chi s’è visto ,s’è visto!
(Paolo guarda l’orologio, è nervoso)
Paolo Gh ho al taxi davanti a casa ca ‘l ma speta, gh ho d’andar sinò perdi
l’aereo.Tesor gh ho d’andar ‘t ciami pena arivi.
Francesca L’è mia al caso ca ta ‘t disturbi!
(Paolo si rivolge ai presenti)
Paolo Stè mia preocupar par via dle spese dal matrimoni ch pensi mi a tut.
Alberto Fà bun vias!
(Paolo esce)
Anna Con che coragio gh et augurà bun vias?!
Alberto Vuleat ca g’augures catif vias?
Anna Vulea ca ‘t tasesi.
Alberto Al so qual l’è al tu desideri. L’è na vita ca ‘t vo ca tasa
Mi vulea esar surd e ti ‘t vulevi ca fos mut, la s’è andada mal a tuti du.
(Un breve silenzio, si sente bussare. Alberto s’affretta ad aprire.)
Alberto Chi pol esar ades, ch l’abia cambia idea!?
(Entra Maria)
Maria Gh è la Francesca
Alberto Sì!
Anna No..la ghè ….ma la ghè mia.
Maria Capisi ch la sia rabida , ma intant al me pudlet l’è andà via malcontent Anna Lu lè andà via malcontent le invece l’è restada chi malcontenta e mia par scelta sua.
Maria Capisi che la Francesca la sia un po’ delusa ma al me putlet al pudea mia
perdar n’ocasiun dal genar.
Anna N’ocasiun al l’ha ciapada e n’altra al l’ha persa.
Maria Adritura! ‘T vedrè che pasà an qual giuran a sistema tut.
(Si sente bussare . E’ Rinaldo)
Rinaldo Buonasera , son venuto per la riunione di condominio.
Alberto L’è vera ca gh è la riunion da condominio, gh ea pu’ in ment. Al vegna, a
‘s comoda.
Rinaldo Grazie, ma non c’è la signorina Francesca?
Maria La gh è, ma la gh è mia!
(Si sente di nuovo bussare alla porta, è Bice sempre con i bigodini in testa)
Alberto Avanti Bice, ma s’è gnacur sugà i cavei?
Bice Pol daras, ma mi ormai i bigodin mi tiri via dmatina….forse.
Alberto Sperema ca sia la matina buna, l’è na smana ca‘t vedi girar con
i bigodin!
(Si sente di nuovo suonare il campanello; è la signora Cesira)
Cesira Buonasera. Ho lasciato a casa il mio Fuffi tutto solo!
Alberto Ha fatto bene signora Cesira. Meglio soli che male accompagnati.
Cesira Cosa c’è al l’odine del giorno?
Alberto ‘C saria da tintegiar le pareti lunga le scale.
Bice Ho vist Paolo andar via con la valis.
Alberto Quel l’è mia all’odine del giorno.
Rinaldo Però si può dire. Ho visto anch’io Paolo partire in tutta fretta con
la signorina Flora. Un tipino niente male.
Anna A sì.
Rinaldo Son partiti insieme per la Somalia. Lo so perchè mio zio è il suo capo.
Cesira Parliamo di cose serie . Questa tinteggiatura, io direi che si potrebbe
rimandare , le pareti dello scale mi sembrano ancora pulite.
Maria Sì con tute le pisadine che Fuffi l’ha fat in si mur!
Cesira Maleducata. Lei vaneggia , il mio Foffi mai e poi mai ha sporcato.
Lei piuttosto ha lo zerbino sempre pieno di fili e di terra!
Maria Certo, quan gh ‘è mia an qual cachin che al bel Fuffi ‘m vegn a depositar
propria davanti ala pota.
Cesira Maleducata, non so cosa mi trattenga!
Alberto Propria na scala d’or! Calma par piaser calma.
(Tutti si tacciono)
Bice E alora al matrimoni , el rimandà?
(Entra Francesca)
Francesca No l’è cancelà. Par mi Paolo l’esisti pu’. Rinaldo’m compagnat a far du
pas.
Rinaldo Volentierissimamente Francesca, nel bar all’angoo fanno dei drink deliziosi.
Francesca Bun idea, bene andiamo!
Bice Sun sbalordida!
Maria La s’è consolada ala svelta!
Bice Par mi la Frabcesaca la ragiun! Se Paolo l’è andà fin in Somalia con la
signorina Flora. La pol ben andar su al bar con n’amic!
Maria Cosa t’interesa ti!? I è mia afari tui, Petegola!
Bice Vilana dna vilana!
Maria Bagolona!
Anna Lasla parlar in fondo la dis la vrità!
Maria Ma me fiol l’è andà via par lavurar!
Bice Forse al gh ha ragiun anca lu!
Anna Cosa t’iteresa iè mia afari tui
Bice Ben mi vaghi ,ho sa ciapà su abastansa.
Maria Anca mi vaghi ‘m sun sa disgustada.
Anna Se uantar ‘v si disgustade mi ‘l sun pegio da ualtar. Andè pura tute e do
e speri da vedaf mai pu!
(Le due donne escono furiose)
Cesira E per via della tinteggiatura?
Alberto ‘Ch par mia siora ca ‘s sapiema piturà abastansa par stasera?
Cesira Io non ho capito niente .Questa è una scala di maleducati.
(Esce anche Cesira ,Roberto l’accompagna alla porta)
Alberto Propria na scala d’or!
(Anna si lascia cadere su una sdedia)
Anna M’è cascà ados al mund.
(Alberto si siede accanto a lei e l’abbraccia)
Alberto Stem vicin che forse insiem al portem mei!|
FINE PRIMO ATTO
SECONDO ATTO
(Solita scena .In scena Anna Alberto e Francesca)
Francesca Vaghi fora gh ho n’apuntamento con Rinaldo.
Alberto E sa telefona Paolo?
Francesca Sa ‘l telfona ta gh rispondi “gninte, gninte…….!
Alberto Come, lu al ciama ‘m fa dle domande e come risposta ch faghi
“Gninte, gninte?’M turà par semo!
Francesca Alura ta gh disi cal m’ha stufà . Ca ‘s faga pu’ sentar, che vaghi fora con
Rinaldo. Che lù l’ha per n’ocasiun e pu’……..!
Alberto Ho capì quand al ciama preferisi rispundac G nint , gnint!
Anna Ho capì ben ca ‘’t vo’ far copia fisa con Rinaldo? Ma sa ‘t l’è apena conosì.
Francesca Par quel ca m’è contà andar fora con quel conosì da senpar!
Anna Ades, par la delusion ta andrè mia a far dle stupidade!
Francesca Chissà, se anca fos!?
(Esce Francesca)
Alberto Ho capì che i giuan d’incò iè pran stupid!
Anna Mia tuti, i pusè tanti iè sul giuan . Quei stupid i resta senpar stupid
chi altar iè sul giuan.’T ricordat mia quand ‘t gnevia muruse tanti ani fa?
Alberto Vot dir ca s’era stupid?
Anna No voi dir ca ‘t seri giuan, quela stupida sera mi co t’ho dit da sì
Alberto Ricodat mia ca s’era molto anbito, tute le done le ‘m curea drè
I ‘m ciamo “Al leun dl’Alvada”?
Anna Difati ‘t seri tant anbì ca t’è duvì vegnar fin chi par catar una ca buches.
Alberto Parchè set pentida?
Anna Se anca fos , l’è un po’ tardi ‘t par mia?
Alberto Sun sbalurdì! Sa pensi ca t’ho maridà par farac un piaser a tu padar
sinò ta ‘g restavi lì cme un stamp ‘d cusina. Par mi tu padar l’era na gran
persuna!
Anna E alura parchè et mia maridà lu!
Alberto ‘T rendat cunt ca ‘t è dre dir dle stupidade?
Anna Questo al proa ca gh è mia bisogn da esar giuan par esar stupid.
Alberto Ma ti Ana ‘t vo’ sempar avec ragiun a tuti i costi!
Anna Canbiem discurs. Mi ho smanià tuta not!
Alberto Mi l’è siè mes ca dormi mia!
Anna E parchè?
Alberto ‘T senti sofiar tuta la not, ‘t pari na bufa.
Anna Ma cat, vedi me fiola infelice sa pensi ale me amighe ch le ‘m parla gnanca pu’, la scala d’or l’è dventada an suplisi.
Alberto Forse, tuca a ti far al prim pas, ‘t s’è stada ti a sbatarle fora ‘d casa.
Anna ‘M son fermada pusè ‘d na volta davanti ala porta dla Maria e dla
Bice ma gh ho mai vi al coragio da sunar al canpanel. Anca la siura
Cesira la serca d’evitam, fin al cagnin , al Fufi quant ‘m vedi ‘m baia drè.
Alberto Quel l’è an can stupid ‘m baia a dre anca a mi ,e si ca sun simpatic a tuti
i can!
Anna Sul ai can però!
Alberto ‘T s’è senpr pran velenusa con mi , ma questa l’è mia na novità…Pitost
pensat che la Francesca la fa in sal serio con cal panpan da Rinaldo.
Anna Ma chisà. Forse in prencipi l’era sul an dispet , ma l’è tant gentile
ch fa tanti regai, al gh ha tante premure
Alberto Ma Ana, quel l’è mia amur!
Anna Al so, l’amur l’è quand al cor al curi al curi e al va…… al va!
Alberto E in du val Ana?
Anna In ciel Alberto! Ma el mai gni al tu cor in ciel insiem insiem al mio!
Alberto Quand s’era giuan da spes , ades pu dle volte pitost che in Paradis
a ‘m par ca ‘l sia su al’inferan.
Anna Parchè l’amur l’è cme un balunsin sa ta ‘l moli al va su ,ma dop pian
a ’s disfia e ‘l turna su.Però basta darac una infiadina e pu al turna su!
Alberto Set Ana che quand ‘t vo a tsè propria spiritusa?
Anna Ma caro l’ho inparà stando insiem a ti!
Alberto Grasie cara, dle volte ta ‘m fe ricordar parchè t’ho sposà.
(I due s’abbracciano)
Alberto Comunque , tornando ala Francesca , se anca fos ala disperasiun pitost che andar in gir con cal pandol lì preferiria suicidam!
Anna Tasi ti ca ‘t s’è sta fortunà a cataram mi!
Alberto Al gh ha tanti besi, l’è da buna famiglia, l’è tant premurus anca con
nualtar… ma mi ‘m pias mia. Al saveat che al principale da Paolo l’è al
sio da Rinaldo? Vuria mia che lilù l’es conbinà quel par rivar ala nostra
Francesca.
Anna Ma cara ti ‘t gh è na fantasia ch’ipresiona, set’?
Alberto Intant Paolo al telefona tre vole al giuran e la Francesca la vol gnaca
parlarac.
Anna A ‘s l’è sercada lù .
(Suona il telefono)
Alberto Eco vè ,l’è lu ‘d scur, rispodac ti!
Anna ‘T s’è mat caro , ier al m’è tucà tre volte
Alberto E va ben .Pronto Paolo….gninte……gninte, volarà dir ca gh dirò gninte!
(Terminata la conversazione, Anna s’avvicina incuriosita)
Anna Cos ’al dit?
Alberto Gninte!
(Si sente bussare. Entra Bice con i soliti bigodini)
Alberto Avanti, s’è gnac ora sugà i cavei!
(Lei lo ignora e si rivolge ad Anna)
Bice Senti Ana, speri ca ‘t sia pasà al nervus. Mi resistea pu,’ scusam, fem
pace?
Anna Cara , son mi ca gh ho da dmandat scusa Bice.
(Le due amiche si abbracciano)
Bice Ma gh avria na sorpresa…
(Bice va alla porta, entra Maria)
Maria ’M dispias , scusam!
Alberto Scusam mi scusam ti e al cafè quand al preparem?
(Le donne lo ignorano e lui s’appresta a preparare la moca per il caffè .
Anna ,Maria, e Bice si siedono una accanto all’altra.)
Maria Ana contam dla Francesca!
Anna Ma contam ti da Paolo!
Maria Paolo l’è disperà parchè al ries mia a parlar con la Francesca.
Anna Di pura che le la vol mia parlarac, e la gh ha le su ragion .
Maria Al so, ma son preocupada , la vedi senpar in gir con cal fasol da Rinaldo
Vuria mia cla gh metes i coran al me Paolo.
Alberto Alora, Maria ‘t l’è mia capida: Paolo l’è mia pu’ al murus dla me
Francesca.
Anna I s’è lasà quand lu l’è andà via.
Bice E’ l’è vera!
Maria Cosa gh inentrat ti, iè mia afari tui.
Anna Basta lì, sinò tachem da lit ancora.
Maria E se Paolo al vules mia esar lasà?!
Anna E se me nona la gh es le rode……..!?
Maria Vaghi subit a telefunrac!
(Maria sta per uscire ma proprio sull’uscio incontra la signora Cesira disperata)
Cesira E’ sparito perso nella giungla del mondo.
(Maria quasi sviene)
Maria Chi, al me Paolo!
Cesira Magari……No è il mio Fuffi ch è sparito.
Bice Ma la ‘s dispera mia la vedrà ch l’è mia andà lontan!
Alberto Al sarà andà a morose, ‘s vet ch l’è in calur.
Cesira E’ impossibile, l’ho fatto sterilizzare due giorni fa.
Alberto Alora ‘s vet ch l’ha mia gradì al tratament.
Cesira Torno fuori a cercarlo, se lo vedete portatelo da me , vi prego.
Bice Ma la vedrà ch l’è mia andà lontan
Alberto Sa ‘l vedi gh ha ‘l porti subit, la pol star sicura ca gh a ‘l sequestri mia.
Cesira Vado ,pregate per me.
(Anna s’è un po’ intenerita)
Anna Dai Alberto va anca ti a secar al Fufi.
Alberto Va ben , vot vedar ades ca ‘m tuca dventatr an cagnoler.
(Escono Alberto e Cesira)
Maria Che scuai cla m’ha fat ciapar lilè! In an prim mument credea cla parles
da me fiol quand la parlao dal dispers.
Bice Sun depresa.
Maria Anca mi.
Anna E mi no… ? Dai ca bevem ‘n cafè!
(Le tre amiche s’accingono a bere il caffè. Entrano Rinaldo e Francesca)
Maria Ciao Francesca, el tant ca ‘t senti pu’ Paolo?
Francesca Da quand l’è andà via.
Bice Bh, un salutin però ‘t pudresi dargal!
Francesca E parchè? L’è sta lu a andar via con la segretaria sexi e al dsea che in du
l’andao i vulea mia le done. E pu a ciamaral vuria mia farac un
dispiaser al me Rinaldo.
(Rinaldo s’avvicina a Francesca e le prende la mano)
Anna Come “Al me Rinaldo”?
Francesca Certo al me murus!
Maria Al tu murus?
Rinaldo Certamente ci siamo appena fidanzati e abbiamo già fissato la data
del matrimonio che avverrà fra tre mesi ed esattamente il tredici di settembre.
Bice, Maria e Anna- No… no!
Maria Quad la sia csì mi vaghi a sigar a casa mia!
Bice Anca mi vaghi a casa mia a sigar!
Anna E mi in du vaghi a sigar? Ben adarò in camera da let!
(Escono tutte e tre le amiche. Rimangono in scena solo Rinaldo e Francesca)
Rinaldo Quelle tre sono un tantino patetiche.
Francesca Atento che una dle tre l’è me madar, e sa ‘t vo ch andema d’acordo ‘t
gh è senpar da rispetarla. A ben pensar su mia s’ho fat ben a a aceter la
tu proposta ‘d matrtimoni.
Rinaldo Hai fatto un affare mia cara, non troverai mai nessuno così devoto
e fedele come me
Francesca L’è quel ca speri! Gh ho tant bisogn d’esar rasicurada.
Rinaldo Con me sei in una botte di ferro.
Francesca Davvero?
Rinaldo Per me tu sei la persona più bella del mondo.
Francesca Oh Rinaldo, come sei dolce!
(Suona il telefono)
Rinaldo Francesca suona il telefono!
Francesca L’è n’ interurbana rispondi mia.
(Il telefono continua a suonare )
Rinaldo Continua a suonare non rispondi?
Francesca No, no …e no!
(Rinaldo solleva il ricevitore)
Rinaldo Pronto. Pronto! Che strano hanno interrotto la comunicazione.
Francesca Ades và Rinaldo ,‘s vedem dop sena.
Rinaldo Come vuoi, cara.
(Esce Rinaldo rientra Anna)
Anna ‘M parea d’aver sentìal telefono!
Francesca Et finì da sigar?
Anna Sun trop tesa par esar buna da sigar! Ma dim el vera quel ca dit Rinaldo
prima cioè ca va spusè fra tri mes
Francesca Al so mia mama, sun tant depresa e rabida ca ‘m lasi andar ala deriva.
Trovi comod lasam guidar da Rinaldo, l’è tant carin ,comprensivo, e
pasient.
Anna Mia avec presia cara. L’amur l’è n’altra roba . Paolo l’è poc ch l’è partì, ceca da torat un po’ da temp par pensar.
Francesca Mia parlam da Paolo , la delusiun dla me vita.Speri da vedal mai pu’
Anna Sa ‘t s’è csì rabida ‘s ca ‘t proi ancura qualcosa par lu.
Francesca Credam mama l’ho cancelà.
Anna Però ascoltam, fam cal piaser chi, almen na volta quand al telefona
rispundac! L’è sie mes ch l’è partì e l’è sie mes ca ‘l ciama tre volt
al giuran, l’è un osesiun.Sa ta ‘gh disi quel ti forse al lasaria lì da ronpar
Francesca Et vist, l’è un maleducà! L’ho cancelà.
(Suona il telefono)
Anna Ancora! Ades ch rispondi mi! Pronto. L’è inutil Paolo l’è inutile ca ‘t continui a ciamar! Parla, dì ca t’è capì!
(Segue un breve silenzio. Anna mette giù il telefono)
Francesca E alora?
Anna Alora gninte… l’era un cha sbaglià numar!
Francesca Ben ades a vaghi in camera mia
(Uscita Francesca entra Alberto)
Anna Berto, alora al cagnolin, el saltà fora?
Alberto L’ema catà ai giardini a tacun con na bela cagnolina.?
‘S vet che la sterilisasiun L’è mia riesida tant ben!
Anna Mei csì, almen li catà sano e salvo!
Alberto E felice!
Anna Senti Berto, set che tu fiula la vol maridar Rinaldo?
Alberto Mia faram di schers compagn Ana, ca ta ‘m fe gnir al mal da pansa!
Anna Mi ‘m dispias par la tu pansa ma le robe le stà csì.
(Rientra Francesca)
Francesca Sì papà , so che al vostar preferì l’è Paolo, ma lu ormai l’è
acqua pasada. Sa ‘m vulì ben ades gh i d’acetar e condividar
le me scelte.
Anna Paolo ‘t l’evi scelt ti e nualtar gh em volì ben. Ades sercarema da supurtar chilù
Alberto Sì ..sì sercarem da fasal piasar ,ne Anna?
Anna Oh!
(Bussano alla porta)
Bice Scusè , mi g’avria na roba da dit Francesca. Dato ca t’è dat indrè
tuti i regai, mi vuria indrè al me canpanelin e al me ciapin!
Francesca Subit Bice. Vurà dir che sa ma spusi fra tri me sta mi ridarè
(Francesca porge i doni a Bice)
Bice Va ben Francesca du giuran prima dla cerimonia ti ripotarò e speri che
al tu nof murus al sia in grado d’apresaral!
Francesca Forse lu no, ma mi sì Bice!
(Bice è soddisfatta)
Bice Va ben, du giuran prima dal matrimoni ti riportarò!
Francesca Grasie!
(Esce Bice)
Alberto Du giuran prima dal matrimoni! Cl’altra volta i ta mia portà
tanta fortuna!
Francesca Vaghi fora al bar, speri da incontrar Rinaldo.
(Esce Francesca)
Alberto Chi la roba la ‘s fa seria.
Anna Ormai bisogna ca ‘s rasegnema.
(Rientrano subito Francesca e Rinaldo)
Francesca L’ho incontra ca ‘l gnea su dle scale!
Rinaldo Buonasera!
An.Alb. Bunasera
Rinaldo Vorrei chiedervi il favore di potervi chiamare: mamma e papà!
Alberto In du ei mama e papà?
Anna Ma Alberto, lu s’intendea nualtar du!
Alberto A sì? Varda Rinaldo, mia avetan al mal ma mi preferiria aspetar dop la
cerimonia . Al sa nualtar sem al’antica
Anna Al’antica ‘t sarè ti, ma anca mi preferisi aspetar dop la cerimonia.
Rinaldo Io avrei un piccolo regalo per voi!(Rinaldo porge un piccolo pacchetto
ad Alberto, Lui lo apre e ne estrae una pipa.)
Alberto Una pipa? Bela ma mi ho mai fumà gnanca le nasiunali!
Rinaldo Mio papi ha sempre fumato la pipa:
Alberto Vurà dire ca ‘t gavrè un papà ca pipa e un ca pipa mia
Anna Papà ringrasia , questo l’è un regal da gran valore!
Alberto Al vedi cl’è bela! Grasie , la tegnarò par ricordo.
Rinaldo Son contento che le piaccia. Per lei signora ho pensato a un regalo utile
(Anna apre il suo pacchetto)
Anna Che bel cos’el?
Rinaldo Un cavatappi in oro massiccio!
Anna Veramente sun astemica comunque grasie tante, al tegnarò par ricordo anca mi.
(Rinaldo estrae un terzo pacchettino)
Rinaldo Poi avrei pure una bella sorpresa per te mia cara.
Francesca Andiamo nella mia stanza, caro!
(Rinaldo e Francesca escono di scena)
Anna Cosa farai?
Alberto Ma, mi speri chi speta dop al matrimoni!
(Si sente bussare alla porta . entra Maria)
Anna Cosa fet chi ,Maria?
Maria Ho telefonà a Paolo par via dla Francesca e da Rinaldo ma lu ch cred
mia!
(Rientrano Francesca e Rinaldo. La ragazza mostra compiaciuta l’anello di fidanzamento con un vistoso brillante, appena ricevuto in dono da Rinaldo)
Francesca Mama, varda che bel anel da fidansament ca m’ha regalà Rinaldo!
Anna Maria, proa a spiegarat mei con al tu pudlet quamd ta ch telefoni la prosima volta.
FINE SECONDO ATTO
TERZO ATTO
(Stessa scena: Anna e Alberto. Lei seduta, lui che s’appresta a d allaciarsi il farfallino)
Alberto Varda ti se un, dato ca sa spusa su fiola al gh ha da travestis da camerier!
Anna Sa chi ca ‘t iuti mi. Ma caro, lur i è na famiglia facoltosa, gh em da esar al altesa. Gh em mia da far far bruta figura ala nostra Francesca.
Alberto Lur i sarà vestì second al su stato sociale e l’è na roba giusta.
Ma nualtar al su confrunt a regola dal nostar stato sociale dovresom
presentas in mudande e canotiera.
Anna Ti tsè tut mat!
Alberto Ti vet mia a prepararat?
Anna Spetao la Maria ch ‘ha m’ha dit che forse gh è dle noità!
(Si sente bussare)
Anna Difati ecola ghi
(Anna va ad aprire, entra Maria)
Anna E alora?
Maria L’è sa partì , ma gh è l’aereo in ritardo da tre ore ala partensa
su mia sa ‘l farà ora a arivar in temp! Vaghi.. vaghi, torni umenti
con le ultime notisie!
(Maria esce di corsa)
Alberto Ti al savevat che Paolo l’era in arivo ?
Parchè et dit gnint? Bisogna ca parlema con la Francesca.
Anna Mi s’era al corente che la Maria l’eva avisà Paolo dal matrimoni , ma savea mia che al saria cors a casa .Ma cosa pudem dic ala Francesca?
A cal punto chi lasem far al destin!
(Entra Francesca)
Francesca Mama, pensat che la Maria l’abia parlà a Paolo dal me matrimoni?
Anna L’è facil , la Maria La tegn gnaca al brodo ‘d fasoi!
Francesca Ben sa ‘l la sa mei, gh ho piaser.
Alberto E se par caso , dig metema al caso che Paolo al gh es da tornar?
Francesca Turnar? Ma quand? S’l’è mia tornà fin ades a starà ben là in du l’è.
Alberto Ma, metem ca ‘l riva ti cosa faresat?
Francesca Mi l’invitaria a nose, sem sempar stà amic no? Ma bando ale fantasie , vaghi a trucam e pu a vestim.
(Si sente bussare. Entra Rinaldo)
Anna Ma Rinaldo, al spus a ‘l gh ha mia da vedar la spusa prima dal matrimoni!
Francesca Ma mama, mi sun gnancur vestida. Cosa vot Rinaldo?
Rinaldo Vado dal barbiere, cara. Voglio essere perfetto. Tu stai bene cara?
Francesca Questo al duvria esar al giuran pusè bel dla me vita , gh ho da esar
In forma par forsa.
Rinaldo Cara , io sono emozionato. Un po’ per la cerimonia, e molto per stasera,
e tu?
Francesca Anca mi sun tuta emosionada!
(Esce Rinaldo)
Alberto Pu che emosiunada la ‘m par spaventada!
(Entra Bice )
Francesca Bice, set gnida a puram al canpanelin? Mi t’ho aspetà du dì fa , ma ti ‘t s’è mia stada ‘d parola.
Bice ‘T gh è ragiun cara, pu tardi ta ‘l porti.
Francesca Ben mi vaghi a preparam!
(Uscita Francesca entra Maria)
Maria Paolo l’è sa in vias dl’aereoporto, ma gh ho paura ca’l riva mia in temp!
Bice Gh vuria un diversivo! Ho sentì che Rinaldo l’è andà dal barber con la machina di spus ben mi gh mandi al me Antonio a sbusarag tute e
quatar le gume. Csì al sarà par forsa in ritardo .
Alberto Brao, bela idea, gh andria volentera anca mi, ma si gh es da scoprim la saria na tragedia.
Maria Gh mandema tuti e du i nostar marì.
(Le due amiche escono)
Anna Vaghi dadlà a dar na man ala Francesca.
(Breve stacchetto musicale. Alberto rimane seduto al tavolo. Entrano le due amiche
e anche Anna)
Bice Tut fat!
Alberto Ma va!?
Maria Certo…certo, e nisun a ‘s n’è acort!
(Si sente bussare, entra Rinaldo)
Alberto Ma sl’è sa chi!
Rinaldo M’è capitato di tutto, dov’è la Francesca?
Anna La Francesca l’è da dla, ma al spus al pol mia vedar la spusa prima dla cerimonia porta sfortuna!
(Entra Francesca in sottoveste con la collant bianca)
Francesca Son gnancur vestida. Cosa t’è suces Rinaldo, che bruta cera ca ‘t gh è!
Rinaldo E’ successo di tutto. Sono andato dal barbiere qualche maniaco m’ha
tagliato tutte e quattro le gomme della Limousine. Son tornato in taxi
Appena giunto nell’androne m’è corso incontro Fuffi e m’ha pisciato sui
pantaloni .Gli ho mollato un calcio e la signora Cesira m’ha colpito più volte con la sua borsa sulla testa, son tutto stordito.
Maria(verso il pubblico)Son contenta!
Rinaldo Io vado a cambiarmi. Tesoro volevo solo metterti al corrente delle
sventure occorse al tuo piccolino.
Francesca Va bene caro, vai sennò fai tardi
Rinaldo Giammai, tesoro.
Francesca Vaghi a fnir da vestim e sperema ca sia la volta buna.
(Esce Francesca)
Maria Mi capisi mia con la faga Francesca a conpatir cal peso mut lì, e pegio
ancur a spusasal!
Alberto La la fa sul par dispet vers tu fiol!
Maria Ades cosa fema , che al nostar piano l’è andà in fum!
Bice ‘C pensi mi! ‘C telefoni a me frdel pret!
(Bice va al telefono)
Bice Ciami don Giorgio e…………Pronto? Set ti don Giurgio, son tu sorela
Bice. ‘T gh è da fam un piaser (Breve silenzio)Na roba da poc,’t gh è
da ritardar la cerimonia da nose dla Francesca da mes ‘ora.
Cata fora na scusa qualsiasi
(Breve pausa ) ’T po mia dir busie? Oh ‘n dsì da busie uantar pret.
Sentam ben sa ta ‘m contenti mia dic a tuti i parochian ca ta ‘t pisavi
ados fin a vint ‘ani..L’è mia vera! Ma quel al savema sul mi e ti.
Come l’è un ricato?.......... Certo ch l’è un ricato, ma a fin di bene.
Dopo ‘t prometi ca vegni a confesam, ma ti fam sta piaser!
(Bice chiude di botto la comunicazione)
Maria Cosa al dit?
Bice Gnint, ma ‘t vedrè che quel al strolica. L’è un furbun quand al vol.
Maria Mes ‘ora la saria abastansa.
Anna E se tut cal trafic chi al risultes inutile? Se anca Paolo al turnes in temp
e la Fracesca al la vules pu vedar?
Alberto Tentar non nuoce!
(Si sente suonare e per l’ennesima volta entra Riinaldo)
Alberto Ancora lù, cosa volal ades?
Rinaldo Scusate volevo solo avvisare che la cerimonia viene spostata di
mezz’ora.
Alberto E com ‘ela?
Rinaldo Ha telefonato don Giorgio che s’è bloccata la serratura del portale della chiesa e c’è l’operaio che la sta già aggiustando, ma ci vorrà mezz’ora.
(Esce Rinaldo)
Bice E brao don Giorgio , et vist che na picola busia ‘t s’è bun anca ti da catarla.
Anna Sperem che tuti i nostar piani i vaga a bun fin.
Maria Vaghi ala finestra a vedar sa ‘l riva. Ho mis da guardia la siura Cesira. Sem d’acordi che apena la ved al taxi la m la segnala.
Bice E alora cosa fala la siura Cesira?
Maria L’è lì con al su Fufi , l’è dre catar su la su cachina con la paletina!
Anna Ma l’è pran educada ,la siura Cesira.
(Francesca da fuori)
Francesca Mama ,manca sul dies minut , vegni a metat la giaca , prest gh em d’ivias!
Anna Cara è suces un contratemp, ades ta spieghi!
(Anna esce di scena. Maria è sempre alla finestra)
Bice E alora?
Maria Gninte! E’sa dre ca riva i nosaroi li davanti ala ciesa.
(Bice corre alla finestra)
Bice Ben ma che elegansa che matrimoni da luso! Pecà
Maria Sa ‘t gh esi da tasar na qual volta!
(Alberto cammina avanti e indietro nervosamente.)
Alberto Chi al temp al pasa…
(Consulta l’orologio)
Alberto E alora done?
Maria Gnint! ‘S vet ch lè restà inbutiglià in al trafic!
(Alberto si mette la giacca)
Alberto Chi l’è ura ca s’inviem!
Maria Aspeta, la siura Cesira l’alsa tuti e du i bras la par an vigil .’s vet cla vist la taxi in arivo. Oh, mama cara gh è scapà al Fufi e ades la ch curi a dre umenti al và a frir suta na machina
Bice L’è chi… l’è chi… l’è dre ca paga al taxista l’è sa gnì dentar!
Maria L’è rivà al me putlet, l’è chi finalmente! L’è sa dre corar su dle scale!
Bice Ana vegni n’atim!
(Anna Rienra subito)
Anna Son chi!
Albero Ades comincia al bel, andem tuti fora subit!
(Escono tutti. Nel momento in cui entra Francesca vestita da sposa entra pure Paolo.)
Francesca cosa suced?
Paolo Francesca!
Francesca Paolo…Oh Dio!
(Paolo sta per avvicinarsi ma Francesca lo ferma con un gesto)
Francesca Fermo là…Set gni a nose?
Paolo Sì, ale me nose con ti!
Francesca Caro ti ta straparli. E a signorina Fulvia?
Paolo La signorina Fulvia l’è la signora Fulvia felicemente sposata ,e madre di tre figli ; la m’ha compagnà in Africa sul par introdun in l’anbiente da lavoro, le l’è na veterana.Se ti t’amesi rispost al telefono t’avria spiegà
Francesca S’era trop rabida , trop ferida.
Paolo ‘T gh ei ragiun, ma ades sun chi . Ho lasà al me lavoro la me cariera.
Iè tute robe inportnti ma mia indispensabili. Ti ‘t s’è l’unic tesor
al quale posi mia rinunciar
(A questo punto si presenta Rinaldo ma viene strattonato fuori dai vari parenti e amici della coppia)
Francesca L’è tardi parchè set mia turna prima?
Paolo Quand ho savi ca ta ‘t spusavi vuleva mia turbar la tu felicità. Ier però
m’ha telefonà la Fulvia e la m’ha dit na roba ca m’ha fat capir ca
s’ema sta vittime dna machinasiun.
Francesca Capisi mia, spiegat!
Paolo Ti ta ‘l‘s’è ne che Rinaldo l’è al neu dal me diretur?
Francesca E alora?
Paolo Ben al gh ha dat d’itendar al me principale che mi volea pu spusat e saveva mia coma far a liberam da ti e alora lu pensando da fam an piaser al m’ha mandà in Africa a far cariera.
Francesca ‘M par na roba pran fantastica.
Paolo Sa ta ‘m credi mia ciama al me diretur!
(Paolo prende la cornetta del telefono e la porge a Francesca. Lei si lascia cadere su una sedia scoraggiata)
Francesca Vigliac, sensa cor, sensa pudur! Ma varda che scalugna ca gh ho con i om, finirò par restar sitela.
Paolo Mi sun chi, son pentì, sa t‘ vo pol ternar tut cme prima!
Francesca Forse l’è tardi!
(Paolo s’allontana)
Francesca In du vet scioc! Ho sul dit forse. E pu al pudres esar gnanca un forse dal tut!
(I due giovani si abbracciano. Entra Bice con il campanellino, lo fa tintinnare)
Bice Ho portà al canpanelin, stavolta ‘m sun ricordada.
Francesca E stavolta………
Paolo e
Francesca
(Insieme) Sperem ca sia la volta buna!
FINE TERZO ATTO