No, inscì ghe semm no!

Stampa questo copione

Luciano Lunghi

NÒ, INSCÌ GHE SEMM NÒ!

dal testo brillante in due atti 

“Così non vale”

di Luciano Lunghi

Traduzione in milanese

di Pietro Callegaro


 

Personaggi

Alberto

Giulia                                              sua moglie

Bruna                                             sorella di Alberto

Fortunato                                       collega di Alberto

Laura                                               cameriera

Astrid                                              giornalista

Piero                                                fotografo

Filippo                                            giovane collega di Alberto

                  e a seconda del finale scelto

Onorevol                                          anziano molto distinto

              oppure

Personagg                                        anziano molto distinto

La scena è unica, un salotto-studio. A destra la comune verso l’esterno.  Al centro uscita verso il giardino e a sinistra un’altra uscita verso il resto della casa. Sulla parete di fondo, a sinistra vi è una libreria con davanti una scrivania. Sulla destra salottino con due poltrone e un tavolino. Sulla parete di destra una cassapanca antica, grande da poter contenere una persona.


ATTO PRIMO

                   Scena vuota

Giulia         (da fuori a destra) Spetta, te podet nò andà via inscì…

                   (rumore di porta che sbatte)

Giulia         (sempre da fuori)Nò… te podet nò mollamm chì inscì… e pròppi incoeu!

Alberto        (entra da sinistra in vestaglia) Giulia ma se gh’è succèss?

Giulia         (entra da destra, vestita elegantemente) Adess sì che semm a post!

Alberto        Se l’è che succed?

Giulia         La Dolores… la s’è licenziada. L’è andada via e ’n’ha piantaa chì come di…

Alberto        Ma s’te diset?

Giulia         L’ha dii che la voreva restà pù nanca on moment in che la cà chì!

Alberto        Ma la pò minga fall…

Giulia         Ma sicura de sì che la pò, perchè l’è andada.

Alberto        Ma pròppi incoeu…

Giulia         A lee se ghe ne fà! La voeur pù saveghen de toa sorella.

Alberto        Oh poera mì!! (si lascia cadere su una poltrona, da cui si rialza  immediatamente con un’espressione di forte dolore) Ahh…

Giulia         Ste gh’hee?

Alberto        (accarezzandosi il sedere) Riessi minga a settam giò.

Giulia         Anca quest! Te me disaree minga che t’hinn vegnuu foeura anmò…

Alberto        (annuisce dolorosamente con la testa)

Giulia         Magnific! Ghe mancava domà questa incoeu; la giornada pussee importanta de la nostra vita l’è incominciada pròppi ben!

Alberto        Giulia… dai esagera nò…

Giulia         (infervorandosi) Esagera nò? Ma te riesset minga a capì che la toa carriera politica la dipend tutta da l’intervista d’incoeu? Se la pubblichen come l’ha promiss la giornalista, emm finii de fà ’sta vita de can in provincia, e per tì se dervirann i port a Roma… al Parlament…

Alberto        Gh’è minga bisogn de ripetel in continoazion. El soo!

Giulia         E adess, me femm?  Gh’è pù nissun che cura la toa sorella e tì… che te riesset nanca a ’stà settaa giò. Ma che bella  giornada…

Alberto        Se m’hinn saltaa foeura i emorroid l’è proppi perchè la situazione è stressante.

Giulia         Poer belè, lui è stressato… Te see staa tì a vorè in cà quella matta de la toa sorella, inveci de fala ricoverà come t’avevi dii tanti volt. Ecco perchè se troeuvom in questa situazion.

Alberto        Allora, tì te voeuret nò capì che la Bruna l’è el mè ass in la manega. El mè programma politich l’è tutt basaa sulla centralità della famiglia e sulla sacralità degli affetti nei confronti del disfacimento dei valori della società moderna…

Giulia         Tira minga foeura i proclami politici.

Alberto        Allora tì te vorarisset che pròppi nel mè moment pussee important, quand saroo sott’i lus de la ribalta, mì fasessi vedè che gh’hoo ona carta truccada. E invece nò, la Bruna la gh’ha de vessegh per forza, l’è lee la mia bandera.

Giulia         (minacciosa) Sentom ben Alberto, tì fà quell che te voeuret, ma se per colpa de la Bruna numm perdomm quell treno chì,  mì staroo pù chì a ’spettan on alter.

Alberto        Questa dichiarazion d’amor eterno la me tocca el coeur.

Giulia         Fa nò el bamba! Te see ben el perchè del noster matrimoni… a tì te serviven i danee e la posizion de la mia famiglia e a noi i tuoi appoggi e i tuoi legami. Ma incoeu o tì te riesset a fà quel che te see o numm andarem in d’on altra part a cercà quèll che voeurom.

Alberto        Cos’è… te me minaccett?

Giulia         L’è on avvis, tì cerca de fà andà per el vers giust i ròbb e l’andarà mej per tucc.

Bruna         (entra da sinistra, vestita con una lunga tunica, con un vistoso amuleto al collo e reggendo in mano un calice)Indoe l’è la Dolores?

Alberto       Bruna, ’ste gh’hee faa ’sta voeulta?

Giulia         (ironica) La voreva dagh on elisir!

Bruna         Nò! L’è nò un elisir… l’è ona pozione.

Alberto        (a Giulia) E l’è andada via domà per quest?

Giulia         Domà per quest? Bruna, perchè te ghe diset nò al tò fradel cosa te gh’hee miss denter?

Bruna         Podi nò. Hinn di component che deven restà segret!

Giulia         (ad Alberto) Per toa conoscenza, hinn di ròbb che se pò trovà anca al supermercato.

Alberto        L’era assee refudà de bev la pozion.

Giulia         L’è facil a dil, ma molto difficil a fall, perchè l’era ligada al lett e cont on pedrioeu in bocca!

Alberto        Cosa???

Bruna         Per el sò  ben, son stada obbligada a fall.

Alberto        Ma te l’hee ligada al lett!

Bruna         E per forza, la voreva nò, la se refudava de brutt! Certi personn gh’hann di pregiudizzi sulle divine arti di noi illuminati

Alberto        Ma se pò minga ligai al lett…

Bruna         In certi ospedai, i dottor el fann semper.

Alberto        Sì, ma l’è minga la stessa robba.

Bruna           Va ben, ma lee in doe l’è adess?

Giulia         L’è scappada via, e chi t’ha faa chi bej gambett… e pensi pròppi che la tornarà pù!


Bruna         Me dispias per lee, se va minga lontan quand se ciappa a pesciad la fortuna.

Alberto        Bruna ‘scoltum… (si siede su una poltrona ma si rialza subito con un’espressione di forte dolore) Ahh…

Bruna         Hai le emorroidi!!!

Alberto        (la guarda stupito) Me te feet a savell?

Bruna         Te’l disi nò tanto tì te me credariet nò. (allungandogli il calice che ha in mano) Te la voeuret ona bella pozion che la te iuttaria?

Alberto        (arretrando spaventato) Nò, nò, grazie…

Bruna         Se te voeuret gh’hoo di alter rimedi…

Alberto        (spaventato) Bruna, grazie, ma va ben inscì.

Bruna         (andando verso sinistra) Come te voeuret, tanto el cuu l’è el tò!

Alberto        Giusta, né pù né men.

Bruna         (esce da sinistra)

Giulia         (si lascia cadere affranta su una poltrona) L’andarà proppi mal! Mel senti.

Alberto        Me la faseva a savè de mì… (si tocca il sedere) Di volt la riess anmò a meravigliamm.

Giulia         Ma famm minga rid. Prima t’hee provaa a settàtt giò e subit te see saltaa in pè, pien de dolor, e quei hinn minga sintomi de mal de coo. Adess la robba pussee importanta l’è el trovà ona sistemazion per la toa sorella. Te ciami el tò tirapee?

Alberto        Chi?  El Fortunato?

Giulia         Ma sicura de sì. Chi se de nò! Mì soo nò cos’el faria per tì, quand te parlet el par ch’el te beva e capissi nò el perchè, di volt me ven de pensà ch’el te ama!

Alberto        L’è vun che l’haa ciappaa el so impegn politich come ’na mission.

Giulia         Ma dì sù nò di stupidad, l’è domà on farlòcch ignorant ai màssim livèll. Per adess gh’emm nissun d’alter ch’el poda occupas de la “maga”.

Alberto        Giulia, ciama nò inscì la Bruna.

Giulia         Ma la ciamen tucc inscì.

Alberto        Va ben! Ma tì tel diset in tono sarcastico.

Giulia         Debon? Perchè, dovaria cred che l’è proppi ona vera “maga”? Ma famm el piesè! Dai, telefona al Fortunato e digh de vegnì chì subit.

Alberto        (prende il cellulare e compone un numero).

Giulia         Intanta devom trovà anca ona soluzion per el tò… problema, te podet nò fà tutta l’intervista in pee… (illuminandosi) a meno che…

Alberto        (al telefono) Fortunato… gh’emm bisogn de tì… sì ma subit… ’mola tusscòss e ven chì immediatament… nò, a serviss minga… sì, ciao. (chiude la telefonata) El sarà chì fra pocch.  ’Ste disevet de l’intervista?

Giulia         Che hoo trovaa la soluziòn per fat nò stà sentaa-giò per tanto temp: se farà on’intervista in gir per la cà. Te ghe disaree a la giornalista che intanta che se girarà per cà e in giardin se podarà parlà mej.

Alberto        L’ha dii che ghe sarà anca on fotografo.

Giulia         Giusta, te ghe disaree che te fa piasè che la toa cà la sia averta a tucc, che tì te gh’hee nient de ‘scond…

Alberto        E el laboratori de la Bruna?

Giulia         Laboratori? Ma l’è in cantina… sarà assee fai minga andà giò.

Alberto        A bon cunt la giornalista l’è al corrent di disturb de la Bruna e come tanti alter l’è probabil che la vorarà incontrala.

Giulia         Sicurament la vorarà fagh ona quài domanda, ma come te diset tì, l’è ona toa carta vincente. El sarà nò on problema, anzi la podarà mett in ciar i condizion de toa sorèlla, questo non può che farci comodo e ne guadagnerà la tua immagine politica.

                   Suona il campanello della porta.

Alberto        Chi l’è adess?

Giulia         (uscendo a destra) Me foo a savel, son nò ona maga mì.

Alberto        Spiritosa…

Giulia         (fuori scena) Te see giamò chì? Pégg d’ona saetta!

Fortunato   (fuori scena) Quando l’onorevole chiama…

Giulia         (rientra da destra)L’è nonanmò onorevol…

Fortunato   (entra da destra) Buongiorno onorevole.

Giulia         Alberto, digh de ciamat nò inscì, specialment incoeu.

Alberto        T’hee sentii la Giulia? Te devet nò ciamamm inscì!

Fortunato   E come gh’hoo de ciamala?

Giulia         Ciamel per nomm, darà un tono più democratico!

Fortunato   Gh’hoo de ciamala per nomm?!?

Alberto        La gh’ha reson la Giulia... ciamomm per nomm.

Fortunato   Debon, podi?

Alberto        Te devet!!

Fortunato   Sì onorevol … già … sì, sì … Alberto.

Alberto        Regordesel ben! Me raccomandi!

Fortunato   Sì, Alberto. E gh’hoo de dagh del tì?

Alberto        Adèss slarghes nò tropp…

Giulia         Inveci el gh’ha reson! Fortunato, te gh’hee de ciamall per nom e dagh del tì.

Alberto        Ma Giulia…

Giulia         Se vuoi dare una certa immagine di te, te devet dimostrà de vess avert e minga formal, te gh’hee de fà cred che quei che lavoren con tì hinn i tò amis pussee bon.

Fortunato   (incredulo) Mì amis de l’onorevol?

Giulia         (gli dà una sberla sulla nuca) Ciamel nò inscì!!! Lu adèss l’è l’Alberto, vialter ve dii del tì e sii duu amis!! L’è ciara?

Fortunato   Va ben sciora, numm semm amis…

Giulia         Minga domà amis, tì te seet el so amis pussee fidaa.

Fortunato   (si avvicina ad Alberto e dandogli una pacca sul sedere) Allora Albertone... me la vaa?

Alberto        (gridando di dolore con le mani sul sedere)Ahahaha!!!!

Fortunato   (arretra spaventato)

Giulia         (andando sconsolata verso sinistra) L’andarà minga ben, m’el senti … la po’ no andà ben, mì ghe credi nò ai miracol. D’altra part, se te se contornet domà d’impiaster per podè parì grand, la fin la gh’ha de vess questa (esce a sinistra).

Fortunato   Onorevol, se gh’è success?

Alberto        (dolorante, tra i denti)Te devet nò ciamamm inscì!!! E sta ben al tò post, se l’è sta confidenza?  Fall pù… l’è ciar?

Fortunato   (intimorito) Sì, onorevol.

Alberto        (sbottando) Alberto!! Mì son  l’Alberto!!!

Fortunato   (intimorito) Sì, Alberto.

Alberto        Adèss ‘scoltom ben: te see che incoeu gh’haa de vegnì chì ona giornalista e mì me spetti on bel risultaa da l’intervista, son sicur che quest el me farà conoss a tanti italian, come l’è giamò success a di alter e inscì ghe saria la possibilità de vess elett a Roma…

Fortunato   A Roma…

Alberto        Pròppi, voeuri vess ciar, se incoeu te me combinet on quai pastiss te assicuri che te rispedissi nel sòttscala de l’archivi comunal a vita!

Fortunato   Hoo capii benissim.

Alberto        Me fa piasè, bravo.

Fortunato   E allora ’se devi fà?

Alberto        Te gh’hee de stagh adree a la Bruna.

Fortunato   (arretra spaventato) Oh nò… nò a la Bruna…

Alberto        E invece sì! (minaccioso) Quale saria el problema?

Fortunato   L’ultima voeulta che son staa con lee la m’ha miss ona pomata per la purificazion e m’hinn andaa via tutt’i pel…

Alberto        Va beh… pensemegh pù… tì incoeu te devet pensà a la Bruna e te faree tutt quell che la vorarà, capito?… Quest l’è on ordin!

Fortunato   (rassegnato) Sì onorevol…

Alberto        (gridando) Albertoooo! Te gh’hee de ciamam Alberto!!!

Bruna         (entrando da sinistra) Ma perchè te voset fratellone, te se sent per tutta la cà. (vedendo Fortunato) Oh Fortunato, l’è on poo che se vedomm nò.

Fortunato   (arretrando spaventato)  Buongiorno signora.

Bruna         (avvicinandosi a Fortunato) Come la va? Devom tornà a fà i nostri riti di purificazione, el se ricorda?

Fortunato   (guardando supplichevole Alberto) I riti de purificazione…

Alberto        (lo guarda minaccioso)

Fortunato   (rassegnato) Sissignora.

Alberto        Bruna, incoeu el Fortunato se fermerà con numm tutt el dì.

Bruna         Ma bene!

Fortunato   (ad Alberto supplichevole) Proppi tutt el dì????

Alberto        Eh sì… tutt el dì!

Bruna         (prende Fortunato per mano e lo tira verso l’uscita di sinistra) Ma ben! Gh’hinn duu esperiment de finì e incoeu gh’hoo giamò on’ideina in ment…

Fortunato   (ad Alberto supplichevole) La gh’ha on’ideina in ment…

Alberto        (lo guarda minaccioso)

Bruna         Te vedaree che dopo te se sentiree on altr’omm, provare per credere!... (esce a sinistra tirando Fortunato per la mano).

Fortunato   L’è ben per quell che me fidi nò… (esce a sinistra).

Alberto        (rimasto solo in scena, fa alcuni tentativi di sedersi tra mille smorfie di dolore, quando finalmente riesce a sedersi, squilla il telefono cellulare) Oh nò… (si alza faticosamente e risponde) Pronto?… Ah è lei onorevole… (si irrigidisce) Sì, sì, è per oggi… certo, come abbiamo concordato… non si preoccupi… lo so, lo so, non possiamo permettercelo… stia tranquillo, sono sicuro che tutto andrà benissimo…

Giulia         (entra da sinistra con in mano un cuscino imbottito).

Alberto        (fa cenno a Giulia di fare silenzio)… non oso nemmeno immaginarlo… certo… grazie, non mancherò, buona giornata anche a lei onorevole. (chiude la telefonata) Era il grande capo!

Giulia         Lù in persona?!?!

Alberto        Sì.

Giulia         S’el t’ha dii?

Alberto        Che alla sede se spetten tanto dal sevizio giornalistico di oggi, almen duu o trii punt pussee in di sondagg.

Giulia         Speremm…perchè l’inizi l’è staa minga incoraggiant. Come la va adess?

Alberto        Che ròba?

Giulia         El tò dedree…

Alberto        Ah… ne podi pù…

Giulia         (gli allunga il cuscino) Proeuva con quest.

Alberto        Podi nò portamm per la cà el cossin, intanta che gh’è l’intervista.

Giulia         Nò, ma te podet lassal su la poltrona dove te se settaree giò quand avarem faa el gir de la cà e se finirà l’intervista. Te voraree minga stà in pee tutt el dì?

Alberto        Per l’amor del ciel! (prende il cuscino) Son giamò stracch adess. (appoggia il cuscino su una poltrona e prova a sedersi fra mille smorfie di dolore).

Giulia         El Fortunato l’è con la Bruna?

Alberto        Sì, gh’hoo ordinaa de stà con lee tutt el dì e de perderla mai de vista.

Giulia         Te confessi che chi duu lì insema me fan vegnì i sciattin in del venter.  Tì te gh’heet on fiuto special per cattà foeura i tò collaborador.

Alberto        Varda che l’è staa util anca a tì tanti volt, dove t’el troeuvet on alter ch’el te disa semper de sì? E incoeu ’me fasevom  senza de lù?

Giulia         Va ben, daccord, ma on ciccin pussee d’intelligenza la guastaria nò! E a proposit de la toa sorella, l’ultima crisi quand la gh’è vegnuda?

Alberto        L’è nò ona crisi. Lee la dis che… cade in “trance”.

Giulia         Semm a post!! La dà i numer, alter che la va in “trance”.

Alberto        E allora come te se spieghett che quand la se troeuva in quello stato, lee l’è come i stròlegh, la riess a predì di ròbb che poeu se verifichen precis?

Giulia         Pensa on poo… la morte del zio… l’era pussee de là che de chì.

Alberto        E el matrimoni de la mia segretaria?

Giulia         Bella forza! L’era logich che el prim che ghe vegniva a tir a quella là, el saria pù reussii a scappà via.

Alberto        E se te diset di tò oreggin? L’è stada lee che la t’ha dii dove eren, dopo che tì ti avevet cercaa per mar e per terra.

Giulia         Magari l’era stada lee che ’i aveva sconduu per poeu fami trovà.

Alberto        Ma ’ste diset! Hinn semper staa in de la cassaforte! La verità l’è che tì te see maldisposta vers de lee.

Giulia         Inscì tì te penset debon che la Bruna la sia ona stròlega?

Alberto        Nò, quest nò, ma ona ròba l’è certa, quando gh’è lee capita semper on quaicòss de particolar…

Giulia         Lassem perd, l’è mej… come la va cont el cossin?

Alberto        Se stoo fermo el dolor l’è sopportabil…

Giulia         Sent, l’è el caso che te se preparet, o te penset ch’el saria pussee democratic fà l’intervista in vestaglia!!?

Alberto        (si alza con smorfie di dolore) Voraria, ma se pò no!

Giulia         (si avvicina e lo aiuta ad alzarsi) Dai forza, l’è question de tegnì dur ancamò per ona quai oretta, per poeu stà ben tutta la vita.

Alberto        Me par impossibil! Anca se son rivà a la mia età, me senti in ansia come on studentell al sò primm esamm.

Giulia         (minacciosa) Forsi t’hee minga capii ben la situazion. Incoeu tì te faree nò on esamm ordinari, facil come a vint’ann !! Incoeu la toa vita la gh’avarà ona svolta e la dipendarà de tì se la sarà in mej o in pegg!!

Alberto        Beh, la dipendarà minga domà de mì.

Giulia         Eh sì, belé… per la maggior part pròppi de tì!

Alberto        (andando verso l’uscita di sinistra) Grazie Giulia! Te riesset semper a damm coragg!

Giulia         L’è che voraria minga incòrges d’avè pontaa sul caval perdent!

Alberto        (imitando il nitrire di un cavallo, esce a sinistra).

Giulia         (si sposta verso l’uscita di sinistra e urla) Laura… Laura… (ritorna verso il centro passando un dito sulla scrivania per controllare se c’è polvere, rimette a posto il cuscino su cui era seduto Alberto).

Laura         (entra da sinistra) Mi ha chiamato, signora?

Giulia         Sì, certo. Tutt a post?

Laura         Sì, sto bene, grazie.

Giulia         (spazientita) Ve sii miss tucc daccòrd per famm dà foeura de matt incoeu? Voeuri nò savè come te stee tì, ma voeuri savè se in gir l’è tutt in ordin!!!

Laura         Sì, signora.

Giulia         (indicando sopra) Le camere?

Laura         Pulite e ordinate.

Giulia         I bagni?

Laura         A posto e splendenti.

Giulia         (indicando l’uscita al centro) … e il giardino?

Laura         Tutto sistemato, sette nani compresi.

Giulia         Te penset de vess spiritosa? Varda che incoeu l’è minga el caso de fà de l’ironia.

Laura         El soo, sciora, el soo…

Giulia         Se tutt l’andarà per el vers giust, come sperom, l’andarà ben anca per tì.

Laura         Verament l’è giamò on ann che me le dis… ma…

Giulia         (stizzita) Cosa te vorarisset dì?

Laura         Lee le sa benissim; mì ’spetti l’aument che la m’ha promiss d’ona vita.

Giulia         Ma te par quest il momento delle rivendicazioni?

Laura         Sì signora, perchè lee per ’sti ròbb la gh’ha la memoria on poo curta.

Giulia         Ma varda on poo cosa me tocca sentì… a bon cunt, va ben, te prometti formalment che doman parlaremm de la question.

Laura         Nò, adess!

Giulia         Cosa????

Laura         Mì pensi che l’è mèj che ne parlom adess.

Giulia         Ma te see diventada matta? Con tutt quell che gh’emm de fà…

Laura         A gh’è nient de fà, l’è giamò tutt a post.

Giulia         E nò, se dev controllà, verificà, e poeu…

Laura         Che la senta, o el femm adess o lassi perd tuscoss.

Giulia         (incredula) Cosa?!?!

Laura         L’ha capii ben, e mì hoo capii bel ciar che se non ottegni incoeu quel che spetti de tanto temp, me toccarà ’spettà anmò fina à l’an del mai e al mes del pù!

Giulia         Robb de minga cred!

Laura         L’è mej che la ghe creda!

Giulia         Ma quest l’è on ricatt bell e bon!

Laura         Mi disaria che l’è necessità de rangiass.

Giulia         In tutt’i casi ghe voeur del temp per mett giò on contratt noeuv, scrivel per ben, senza contà…

Laura         (estrae un foglio) L’è chì, giamò pront!

Giulia         (esterrefatta) Tutto premeditato, eh!!?

Laura         (porgendo il foglio) Prego.

Giulia         (prende il foglio e comincia a leggerlo).

Laura         Dimenticavi…  l’è nò negoziabil!

Giulia         (esterrefatta) Ma te voeuret scherzà! Mì son minga disposta a subì di prepotenz!

Laura         (le prende il foglio dalle mani) Va ben. Allora voo a toeu i mè ròbb e levi el disturb.

Giulia         (spaventata la ferma) Nò, nò… ’spetta on moment.. cerchemm de mettes d’accòrd!

Laura         Ma l’accòrd  el gh’è giamò… (e rende il foglio).

Giulia         (guarda un attimo Laura, poi prende il foglio) Varda che bella manera de comportass, dopo tutt quel che emm faa per tì…

Laura         Se ved ch’avaroo imparaa d’on quaidun.

Giulia         (va alla scrivania, prende la penna e firma il foglio, poi lo porge a Laura) Tegn ben a ment che sarà minga facil per mì desmentegà ’sta faccenda.

Laura         (prende il foglio) Oh, el soo ben,  ma ’sto foeui l’è ona bella garanzia per mì.

Giulia         Sta sicura che ne riparlaremm. Adess pretendi che te vaghet de là e sarà mej che incoeu tutt vaga a meraviglia, se de nò …te see se te ne fee de la toa garanzia...???

Laura         (uscendo a sinistra) Voo, la staga tranquilla, incoeu la farà on figuron… e grazie de tusscòss.

Giulia         (la guarda uscire, poi con tono molto seccato) Piccola insolente, ma varda ’se me tocca sopportà! Me domandi dove andaremm a finì. Se pensi che gh’è staa on quaidun content quand hann abolì la schiavitù!!! (cercando di calmarsi) Giulia calmess… calmess…tira ben el fiaa,  pensa a l’intervista, lasses minga ciappaa dal nervosismo e fatt passaa el fotton…

Fortunato   (entra da sinistra) Signora…

Giulia         (ghignando sadicamente, fra sé) Ecco chi mi calmerà! (a Fortunato) Cercavi pròppi de tì. Te ghe tegnet a seguità a laorà per numm?

Fortunato   Se la voeur dì?

Giulia         Ohhh!!! Sveglia!!! Te voeuret mantegnì el tò laorà?

Fortunato   Con la soa cugnada?

Giulia         (sbottando) Nò! Voeuri savè se te voeuret laorà anmò per mì e per el mè marì!

Fortunato   Ma, sigùra de sì!

Giulia         Ecco, benone! Devi affidat on incarich delicaa, te podet fall per mì?

Fortunato   Sì, signora.

Giulia         Allora lassom pensà ben a come organizzall al mej, poeu te spiegaroo tusscòss.

Fortunato   E con la soa cugnada?…..

Giulia         (sbottando di nuovo) Nòòòò! Oh, Santa pazienza. Te me tiret foeura di strasc…Ma perchè te me tiret semper in ball la Bruna?

Fortunato   Perchè lee la pretend de seguità cont el cerimoniale di purificazione…

Giulia         Sì… e allora?

Fortunato   La voeur che mì me metta indoss ona tunica bianca…

Giulia         Sent… emm dii che incoeu tì te devet stagh adree a la Bruna, donca…

Alberto        (entra da sinistra, elegantemente vestito) Fortunato, ’ste fee chì? La Bruna indove l’è?

Giulia         E bravo… gh’el domandavi anca mì.

Alberto        Giulia, sent ’na ròba… pensavi che… tucc sann che la mia sorella la gh’haa ona badante straniera… e quest l’è anca tornaa util…

Giulia         El soo, e allora?

Alberto        Adess, quand la giornalista la riva e la troeuva lù ch’el cura la Bruna, magari la se domandarà come mai…

Giulia         … e magari la indaga e la ven a savè che la badante la s’è licenziada pròppi stamattina… magari la cercarà… la ghe farà ona quai domanda… chissà cosa podaria saltà foeura… o Signor, semm fregaa!!! (si accascia sulla poltrona).

Alberto        L’è minga dii, se pò ancamò rimedià…

Giulia         Come?

Alberto        Te devet trasformà el Fortunato in ona Fortunata!

Giulia         Cosa?

Fortunato   Eh?????

Alberto        Ma cert. Te devet trasformal in’t ona badante.

Giulia         (si alza di scatto illuminandosi, si avvicina a Fortunato e lo scruta da capo a piedi) Ma sì, certament, ona bella idea… per fà on bell laorett ’se podom fà… sì, sì, donca… poeu lù el gh’avarà de stà semper de part senza dà in de l’oeugg.

Fortunato   Ma onorevol…

Giulia         (gli da una sberla sulla nuca) Te devet nò ciamal inscì! Adess tì te see la badante de soa sorèlla e te devet ciamall… signore (illuminandosi) Mej anmò, ti te gh’hee nò de parlà, numm disaremm che te see sordomuta, inscì te domandaran nagott.

Alberto        Genial, Giulia, genial….

Fortunato   (implorando) Ma gh’hoo de vestiss de dona??

Giulia         (altra sberla sulla nuca)  Ricordes che te see sordomuta!!

Fortunato   (rassegnato accenna di sì con la testa)

Giulia         (lo spinge verso l’uscita di sinistra) Dai, forza, che per fatt diventà ona dona gh’è de lavorà de maladett!!!

Fortunato   (rassegnato, esce a sinistra)

Giulia         (esce a sinistra dietro Fortunato) Brava, inscì va ben!

Alberto        (si accomoda tra smorfie di dolore sulla poltrona col cuscino) Mah, sarà…adess gh’hoo pròppi i mè dubbi sul risultaa de la giornada…forsi el saria mej mandà à mont l’intervista e fà finta de stà minga ben… (scuote la testa) nò, nò, se pò nò, chissà poeu quanto temp ghe saria de spettà anmò prima de reussì a avegh on alter appuntament con lee, l’è di mes che semm adree a organizzà…

Laura         (entra da sinistra guardandosi in giro con circospezione, poi vedendo che Giulia è assente, con aria trionfale) Tutt a post!!!

Alberto        Debon… tutt a post??

Laura         (gli si avvicina estraendo il foglio di prima) Eh, sì! Hoo faa come te m’hee dii tì e…voilà!!

Alberto        L’è staa inscì facil??

Laura         Beh, l’era on poo su de gir, l’ha cercaa de tirà in longh, ma poeu l’è stada obbligada a fà marcia indree, pròppi come te m’avevet dii tì…(si china e gli dà un bacio sulla fronte)

Alberto        (allarmandosi) Oeih! Ma te buscet? Podaria vedenn on quaidun!!

Laura         Oh, Signor… per on basin!

Alberto        Tì te conosset minga assee la Giulia…

Laura         Mì la conossi ben… e forsi mej de tì.

Alberto        Se te vorarisset dì??

Laura         Ch’hoo faa ona quai modifica al contratt che te m’avevet preparaa tì…

Alberto        Modifica???

Laura         Eh, sì…La cifra.. l’è on poo pussee alta e hoo slongaa anca la durada..

Alberto        Debon?? E l’ha firmaa istess??

Laura         Sìì… e de volada! L’ha nanca leggiuu, la gh’aveva ’na paura matta che mì la pientassi chì sui duu pè.

Alberto        Mì fasevi cont pròppi su quest.

Laura         (gli da un altro bacio sulla fronte) Te ringrazi dell’aiut.

Alberto        Te l’avevi promiss. L’era l’unica manera, vist che, in questa cà, l’è lee che la decid tusscoss e che la paga....

Laura         Devi pròppi dì che la politica l’è ona ròba de rid, per dì nò de pegg…

Alberto        Perchè?

Laura         Perchè domà a on politich podeva vegnigh in ment de fà pagà alla soa miee el stipendi per l’amisa del marì!

Alberto        (si guarda intorno sospettoso) Shshsh!!! Ma te see màtta? Poden sentì!

Laura         E chi… i mur?

Alberto        Nissun, te disi, nissun dovarà mai savè ’sta stòria.

Laura         Te see che storia…

Alberto        Basta on boff, e numm semm rovinaa.

Laura         Finadèss nissun l’ha mai capii.

Alberto        Per forza! Perchè mì son staa semper allerta, hoo mai tradii on’emozion, me son semper controllaa e hoo mai faa nass on sospett… in pratica son staa perfett!

Bruna         (entra da sinistra) Te chì i duu moros segrètt!!!

Alberto        (la guarda esterrefatto)

Laura         (la guarda inebetita)

Bruna         Se voeuren dì sti facc?

Alberto        (tenta di riprendersi dalla sorpresa) ’ste dii?

Bruna         Se voeuren dì ’sti facc?

Alberto        Nò, mì disevi prima… quand te see vegnuda denter, cosa te dii?

Bruna         Te chì i duu moros segrètt.

Alberto        (rianimandosi) Cara la mia sorellina, t’hee ciappaa ’na cantonada, i tuoi poteri hann ciappaa on lapsus, perchè numm semm nò duu moros. (a Laura) Vera Laura?

Laura         (ancora inebetita) Cosa?

Alberto        (insistente) Vera che numm semm nò amanti?

Laura         (confusa) Sì!!! Cioè, nò!! Anzi… sì… numm semm nò amanti.

Alberto        (a Bruna) T’hee vist?

Bruna         Scusa… ma se te vorevet che la rispondess? Guarda che ghe voeur nò i miei poteri per savè i ròbb in anticip… el sann tucc che vialter sii amanti.

Laura         (sbalordita)

Alberto        (sconvolto) Se voeur dì… tucc?

Bruna         Sì, tucc… el giardinee, el  Fortunato, la toa miee…

Laura         Meno mal che te seret “praticamente perfetto!”.

Alberto        (sempre più sconvolto) E anca la Giulia, le sa?

Bruna         Pensi pròppi de sì, l’è nò stupida.

Alberto        Ma l’ha mai dii nient!

Laura         Siccome la conossi, pensi che la spettarà el moment bon.

Alberto        (distrutto) Allora son rovinaa…

Bruna         Dove l’è el mè Fortunato?

Alberto        (soprappensiero) Eh?

Bruna         Allora…  discantes, indoe l’è finii?

Alberto        L’è adree a preparass…

Bruna         Per la cerimonia d’iniziazione?

Alberto        Sì, sì!

Bruna         (uscendo a sinistra) Ben, finalment on quaidun ch’el capiss e ch’el me darà ona man.

Alberto        (appena Bruna è uscita) Son rovinaa…

Laura         (riprendendosi) Nò, invece mì credi pròppi de nò!

Alberto        Ma t’hee minga sentii… la Giulia la sa tusscòss!

Laura         A part che ghe saria minga tropp de savé e che bisognaria vedé se quell che la dis la Bruna l’è proppi vera, resta il fatto che la Giulia la t’ha mai dii nient.

Alberto        Giusta… come mai la m’ha dii nient?

Laura         Eh, bravo… in quel moment chì a la Giulia ghe conven nò trà in pè on gibilee… ghe conven fà cred che lee la sa nient.

Alberto        Te penset debon?

Laura         Sigura de sì, in ’sta manera la salva la cavra e i verz, i affari e l’onor!

Alberto        Un po’ pirandelliana come ipotesi…la me par on ciccin forzada... ma mettendo che la sia vera,  mì se dovaria fà??

Laura         Tì te gh’hee de fà pròppi nient… come se nient fudess. Se poeu la faccenda l’andarà come se spera, tì te saret a post.

Alberto        Mì son minga tropp sicur.

Laura         Invece sì; se te riesset a andà a Roma te set in d’ona bott de fèrr.

Alberto        Speremm che la sia minga quella dell’Attilio Regolo!!

Laura         Chi…Cosa?

Alberto        Speri pròppi che te gh’abbiet reson !

Laura         Sta tranquill, me senti de vess sicur.  Puttost saroo mì a dovè stà attenta…

Alberto        Ma se la va come te diset, in la bott de fèrr te ghe stet anca tì, perchè l’andarà ben per tucc…

Laura         L’è vera! Tutt dipend de come la va incoeu!

Alberto        (un po’ sconfortato) La vita l’è pròppi on terno al lott. Vùn el va tutt infolarmaa per fass ona posizion, el studia, el fa di sacrifizzi, el rinunzia a tanti ròbb e poeu basta on para de domand che te se troeuvet in mezz a la strada…

Laura         … o in paradis!!

Alberto        Pròppi… o in paradis.

Laura         Te prometti solennement che mì faroo de tutt perchè i ròbb ciappen l’inviada giusta.

Alberto        Grazie, ne tegnarem cunt...

Laura         L’è anca in del mè interess.

Alberto        Sì, te gh’hee reson.

Laura         (esce a sinistra) Adess voo… tì cerca de preparas al mej.

Alberto        (dopo che Laura è uscita si alza tra mille smorfie) Ma pòrco sciampin, l’è mai possibil che capita tusscòss incoeu? Pò minga vess tutt ona coincidenza! Ma te voeuret dì che sia proppi domà el caso che mett lì ona infilada de situazion in la nostra vita… oppur hinn giamò in d’on ordin stabilii indoe el tò destin el te spetta al varco? Mì gh’hoo la netta sensazion de vess a bordo d’on guss de nos in d’on mar in tempesta!!! (cerca di rilassarsi) Alberto calma… dai respira fort… (respira rumorosamente con il naso) … sì, bravo, inscì… te devet controlass e vess padron de tì… Adess se tratta de ciappà in man la situazion, come t’hee faa tanti volt… in fin di cunt l’è domà on’intervista… e te gh’hee nò dei grossi scheletri nell’armadio, quei piscinin hinn ben sconduu … te vedaree che tutto si risolverà in una specie di formalità. (prende coraggio) Su dai, forza e coragg, cosa te voeuret che capita ancamò incoeu, pussee de quel che gh’è già capitaa?

Fortunato   (entra da sinistra vestito da donna con una gonna tipo scozzese e un maglioncino girocollo) Signore…

Alberto        (lo guarda e cade nello sconforto) Oh Signor, correggiamoci… se pò succed ancamò de bon incoeu…

Fortunato   (abbattuto) Signore… ma devi pròppi?

Giulia         (entra da sinistra dietro Fortunato) Sì, te devet pròppi… e ricordes che te see sordomuta!

Alberto        (vedendo Giulia si agita) Giulia…

Giulia         Sììì?

Alberto        (confuso) Te see… te gh’hee… te podet…

Giulia         (si avvicina ad Alberto guardandolo preoccupata) Cosa te succed adess?

Alberto        (confuso) Nò… disevi che… te see molto elegante!

Giulia         (si guarda il vestito, poi riguarda Alberto preoccupata) Sent on poo… t’avaree minga bevuu, vera?

Alberto        (riprendendosi) Ma che bevuto… podi nò fatt on compliment?

Giulia         A parte el fatto ch’el saria el primm dopo tanti ann, ma ’sto vestii el porti da stamattina e l’emm cattaa foeura insema.

Alberto        (giustificandosi) El soo, vorevi domà ditt che vestida inscì te stee benissim…

Giulia         (lo guarda un po’ perplessa e studiandolo) Se t’hee minga bevuu… la faccenda si fa grave.

Bruna         (entra da sinistra) Fortunato, ma indoe te seret finii???? (vedendolo vestito da donna scoppia in una fragorosa risata).

Alberto        El savevi mì… la podeva nò andà.

Giulia         Dì minga inscì. La dev’andà!.. Bruna, perchè te ridet?

Bruna         Ma perchè l’è minga inscì ch’el dev vestiss per la purificazion.

Fortunato   Oh mamma, poer mì!

Bruna         Però devi dì che vestii inscì te paret fina pussee bell…

Fortunato   Oh mamma!

Alberto        (prendendo Bruna sottobraccio) Bruna, ‘scoltum ben… incoeu per mì, per numm… tucc… l’è la giornada decisiva.

Bruna         El soo, l’intervista tanto attesa!

Alberto        Sì, cert… e per quest te domandi gentilment de sospend per incoeu i tò esperiment e i tò studi.

Bruna         Tucc?

Alberto        Sì, te preghi, pròppi tucc!

Bruna         Mì capissi nò che fastidi podarien dà.

Alberto        A mì me dann nò fastidi, ma podarien disturbà la giornalista che la vegnarà in cà nostra.

Bruna         Te diset?

Alberto        Saria mej riscià nò, ‘ste’n diset?

Bruna         Va ben. (prende Fortunato per mano) Ven con mì, per incoeu faremm nò la purificazion.

Fortunato   (sospiro di sollievo)

Bruna         (tira Fortunato verso sinistra) Incoeu studiaremm a memoria la formula e doman se farà el rito.

Fortunato   (distrutto) Va ben: sarà per doman.

Alberto        Brava Bruna.

Bruna         (esce a sinistra)

Fortunato   (esce a sinistra)

Giulia         (quasi con ammirazione) Devi dì che di volt tì te see pròppi bravo a disbrojas cont i person.

Alberto        Voeur dì che on quaicoss soo fà anca mì, e poeu se tratta de la mia sorella, in fond el mè lavorà l’è pròppi avègh de fà con la gent.

Giulia         L’è vera! Ma incoeu sarà ben pussee difficil, tel see? Par pròppi che questa giornalista la sia ona bestia nera anca per i politich pussee navigaa…

Alberto        E l’è giusta per quest che la gh’haa ona grande notorietà, perchè i sò lettor sann che lee la fa di scunt a nissun e se per lee mì sont ona persòna a post la gent la me votarà sicurament.

Giulia         (sognante) S’el fuss vera… Roma… i salotti buoni… la gent che conta verament…

Alberto        Scusa Giulia, ma dida inscì la par pròppi che fin’adess te gh’abbiet minga avuu ona vita giusta per tì…

Giulia         (lo guarda male) ‘Ste voeuret dì??

Alberto        Mì disi che in ogni caso numm pòdom minga lamentass de come l’è andada fin’adess!

Giulia         (minacciosa) Tires foeura subit quell’idea lì del coo…

Alberto        Quale?

Giulia         Quella che la faccenda l’andass minga per el vers giust e che tutt restass come prima!

Alberto        Perchè? La saria minga ona tragedia!!

Giulia         (si avvicina minacciosa) Te l’hoo giamò dii, tires via quell’idea lì del coo!! Incoeu per tì gh’è rivada la scadenza de la cambial che t’hee firmaa quand se semm sposaa, o te la paghet o l’è finida!! Ciar???

Alberto        Pussee ciar d’inscì! L’è questo eccesso di sentimentalismo ch’el me frena on poo!

Giulia         Inutil fa de l’ironia, con mì la tacca nò!

Alberto        Ona volta la te piaseva…

Giulia         Adess te spieghi ona volta per tutt on concett basilar sui donn e che i omen hinn mai riussii a capì: quando una donna vuole fortemente qualcosa, la riess semper a ottegnila in d’ona manera o in de l’altra: la pò fa finta de vess innamorada,  la piang, o la recita, o la ve fa cred de vess su on piedestallo, diventando la personificazione dei vostri sogni, insomma come la ghe riess gh’ha nò importanza, ma el risultaa l’è semper quell: i omen farann semper quell che voeuren i donn.

Alberto        E magari l’è anca quell che voeurom numm.

Giulia         Nò, t’hee minga capii! La forza di donn l’è quella de fà passà per voster desideri quell che in realtà voeurom numm.

Alberto        Tutt ‘sto parlà d’amor el me confond.

Giulia         Te fee dell’ironia foeura de post (guarda l’orologio) e anca foeura temp massim, fra pocch ghe sarà chì anca la giornalista.

Alberto        Ben… e mì voeuri pù vedela!

Giulia         (lo guarda terribilmente minacciosa) Cosa te voeuret fà?

Alberto        L’era domà ona battuda… oh Signor!

Fortunato   (entra da sinistra barcollando) Sì… signore…

Alberto        (allarmato) Cosa succede?

Giulia         (si avvicina a Fortunato spaventata) Fortunato, ma ‘se gh’è?

Fortunato   (barcollando) Mi… mi ha fatto bere…

Alberto        (intuendo timoroso) Che cosa hai bevuto?

Fortunato   (sempre meno stabile) La… pozione… della memoria… e me senti… minga ben… (sviene in mezzo alla scena)

Giulia         Oh Signor! E adess?

                   Suona il campanello della porta.

Giulia         (guarda atterrita Alberto)

Alberto        (agitatissimo comincia a guardarsi intorno)

Laura         (entra da sinistra) Hann sonaa a la porta, voo a dervì.

Alberto e Giulia   (insieme gridando) Nò!!!!!!

Laura         (si blocca spaventata) Nò?? (vede Fortunato) Oh mamma! Se gh’è succèss?

Alberto        Nient, è solo svenuto. (poi si china con mille smorfie di dolore su Fortunato) Su dai,  moeuves, devomm ‘scondell.

Laura         Ma perchè l’è vestii inscì?

Giulia         Lassa perd i domand… su… su… damm ona man….

                   Di nuovo il campanello della porta.

Alberto        (a Laura) Và a dervì, ma cerca de guadagnà del temp.

Laura         (esce a destra)

Alberto        (a Giulia) Forza, iuttom a spostall.

Giulia         (prende Fortunato per i piedi) E adess indoe el mettomm?

Alberto        (tra smorfie di dolore prende Fortunato per le spalle) Bella domanda, el soo nò, intanta portemel via de chì. (escono a sinistra)

Laura         (entra da destra)

Filippo        (entra da destra dietro a Laura)

Laura         (vedendo che non c’è nessuno) Tì te see matt! Cosa te see vegnuu a fà chì incoeu?

Filippo        Va che l’è staa l’Alberto a dimm de passà.

Laura         (incredula) Lù? Ma se deven rivà i giornalista….

Filippo        El soo ben, e pensi ch’el m’abbia faa vegnì chì pròppi per quest.

Laura         Cosa te ghe entret tì?

Filippo        Se hoo minga capii mal… l’Alberto el voeur programmà ona specie de… sospension.

Laura         Cosa???

Filippo        Pensi che lù el me dirà de tornà pussee tardi, quand ghe sarà l’intervista, e devom mettes d’accord anca per l’orari.

Laura         E perchè te dovarisset tornà pussee tardi?

Filippo        Forsi per fà on’azion de slegeriment.

Laura         (sbuffando) Dopera nò el “politichese” con mì!

Filippo        Va ben, va ben. Allora disemm che mì saroo ona specie de pausa, che la sarà util sia che la vaga ben e anmò pussee se sortirà on quai problema. (si avvicina a Laura e cerca di abbracciarla) Me par che te siet minga contenta de vedemm…

Laura         (sfugge all’abbraccio) Fa minga di stupidad, se ne veden, per numm l’è finida.

Filippo        (deluso) Te seet anmò adree a “lustrat” el capo???

Laura         Fa nò el stupid. Podi dì grazie a lù, se la sciora la m’ha firmaa on contratt noeuv.

Filippo        E lù cosa el gh’ha avuu…in cambi??

Laura         Adess te me feet el gelos? T’el see benissim che ghe sarà mai nient de seri, mì sfrutti domà on ciccin la soa amicizia.

Filippo        Già, ma bisogna vedè lù… s’el voeur de tì…

Laura         Adess che mì gh’hoo avuu quell che vorevi, lassaroo pian-pian morì la faccenda, de manera de famel nò nemis. Se poeu el reussirà a andà a Roma coi elezion, la sarà anmò pussee facil, con tutt’i’impegn ch’el gh’avarà.

Filippo        E podarem finalment dì al mond che se voeurom ben? Mì voeuri sposat, son stuff de ’spettà.

Laura         El voeuri anca mì, ma prima devom sistemà ben tusscòss, te gh’hee de portà anmò on poo de pazienza.

Filippo        Ma mì te voeuri ben!

Laura         (gli da un bacio) T’el see che anca mì te voeuri ben, ecco perchè foo tutt quest.

Filippo        Però… sta attenta de dass minga tropp de fà!

Laura         Dai fa nò el bamba! Te see ben che succederà mai nient, primo perchè mì voeuri nò e poeu perchè lù el gh’ha ona paura matta de la soa miee. (si ricorda improvvisamente dello svenimento di Fortunato) Oh, Signor… a proposit… (corre verso sinistra) Ven con mì, gh’emm on problema cont el Fortunato.

Filippo        (le va dietro a sinistra) Sel fa chì ’sto bamba?

Laura         Domandel minga a mì. (esce a sinistra)

Filippo        (esce a sinistra)

Giulia         (entra subito dopo da sinistra) Prest, prest… portèmel in giardin…

Alberto        (entra da sinistra tenendo Fortunato per le spalle e continuando a fare smorfie di dolore)

Filippo        (entra da sinistra tenendo Fortunato per i piedi)

Giulia         Forza, forza, podumm nò lassal in gir…

                   Suona ancora il campanello della porta.

Giulia         si blocca atterrita.

Alberto e Filippo si bloccano anche loro lasciando cadere Fortunato in mezzo alla scena, guardandosi spaventati negli occhi.

FINE PRIMO ATTO


SECONDO ATTO

Giulia         (in piedi, molto agitata, vicina all’uscita di destra)..

Alberto        (in piedi vicino a Giulia, più vicino all’uscita, anche lui molto agitato).

Laura          (fuori campo a destra) Buongiorno, ben arrivati.

Astrid          (fuori campo a destra) Buongiorno.

Piero           (fuori campo a destra) Buongiorno.

Laura         (entrando e facendo invito) Prego, accomodatevi.

Astrid          (entra da destra, vestita in modo molto professionale, tailleur sobrio, tacco basso, capelli raccolti sulla nuca, dà la mano ad Alberto) Buongiorno dottore.

Alberto        Buongiorno. (si china per baciarle la mano)

Astrid          (toglie la mano e la dà a Giulia) Buongiorno signora.

Alberto        (si rialza tra smorfie di dolore)

Giulia         (stringe la mano ad Astrid) Buongiorno, che piacere conoscerla personalmente.

Piero           (entra da destra, vestito informale, con macchina fotografica al collo, un cavalletto per macchina fotografica in mano, una borsa con dentro alcune attrezzature fotografiche) Buongiorno.

Alberto e Giulia    Buongiorno.

Astrid          Lui è il fotografo di cui vi avevo parlato.

Alberto        Ma certo.

Laura         (verso Piero) Posso aiutarla?

Piero           (accentuando un tic nervoso) No grazie, preferissi faa in de per mì.

Astrid          (si sposta verso il centro guardandosi in giro) E così questa sarebbe la tana del lupo?

Alberto        Addirittura un lupo!!

Astrid          Beh insomma, è così che dicono di lei.

Alberto        (cercando la complicità di Giulia) E chi non ha nemici in politica?

Giulia         (ammiccante) Mi stupirei del contrario.

Astrid          Veramente sono anche i suoi amici a definirla così.

Alberto        Dagli amici mi salvi Iddio, che ai nemici…

Astrid          … ci pensa  lo zio!!!

Alberto        Eh… come?

Astrid          Su, su, non cominciamo con atteggiamenti ipocriti. Sappiamo tutti del potere di cui gode lo zio della signora e dell’influenza che ha tutta la sua famiglia su tante questioni…

Giulia         (asciutta) La va giò piatt!!!

Astrid          Signori, come vi ho già anticipato al telefono e come  già sapevate, questa non sarà assolutamente un’intervista preconfezionata all’acqua di rose, e se “nulla osta”… dato che semm tucc de chì,  mì vorarissi seguità in dialett, che l’è nel mio D.N.A. I mè lettor se spetten on’intervista ciara e netta. Mì gh’hoo l’abitudin de scavà in la vita di person che voo a intervistà,… a coo bass me fermi davanti a nient e a nissun, devi dà ai mè lettor tutt quel che val la pena de conoss.

Alberto        Nulla osta! Me fa domà piasè, vera Giulia? Per el rest… el savevomm, che la se preoccupa nò.

Astrid          Oh nò… ch’el vaga tranquill che me preoccupi pròppi nò! Se sa benissim che tutt quest el ghe sarà utilissim, come a quei prima de lù. Senza vorell, mì son diventada come un marchio D.O.C. per i politici in carriera che mì pensi, poden merità la fiducia della gent che la me legg.

Laura         (andando verso sinistra, tra sé) Acida e antipatica questa chì!

Astrid          (a Laura) Signorina, mi porti qualcosa per il mal di testa. (ad Alberto) Mì pari giamò acida e odiosa normalment, se poeu me ven el mal de coo, diventi intrattabil!!!

Laura         Subito signora. (esce a sinistra)

Piero           (apre il cavalletto) L’intervista la femm chì?

Giulia         Verament numm se pensava de fala vedendo la cà, se ve par.

Astrid          Stile… “nessun segreto”… vera?

Alberto        Pròppi, speri ch’el sia nò on problema per lee.

Astrid          Per mì va benone.

Piero           Ma come faremm col servizi fotografich?

Astrid          El pussee de le foto i e faremm chì e poeu te faree alter scatti in gir, intanta che se fa l’intervista.

Piero           Va ben. Intanta prepari chì.

Bruna         (entra da sinistra) Buongiorno.

Astrid          (le da la mano) Buongiorno, sono Astrid Bonvicini. Lei è la sorella del dottore, vero?

Bruna         (le stringe la mano) Sì, piacere. (si blocca tenendole la mano e guardandola intensamente negli occhi)

Astrid          (si blocca anche lei)

Bruna         (le prende la mano con entrambe le mani, poi comincia a percorrere il palmo con un dito e guardandola negli occhi) Lei sta soffrendo!

Astrid          Cosa?!?!

Alberto        (cerca di intervenire) Bruna, ti prego, lascia…

Astrid          (lo ferma) Aspetti!… (a Bruna) Cosa mi stava dicendo?

Bruna         (sempre tenendole la mano) Che lei sta soffrendo tantissimo, me riferissi nò al mal de coo che la gh’ha adess, quell l’è on sintomo passeggero, nò, lee la sta tanto mal de denter…

Astrid          (la guarda folgorata) Ma… come la fa… a cosa la se riferiss???

Bruna         (la fissa negli occhi) Lei non è più se stessa, si è smarrita. (le prende la testa fra le mani e chiude gli occhi come per ascoltare).

Astrid          (chiude anche lei gli occhi)

Piero           (guarda sbalordito la scena accentuando il tic nervoso).

Giulia         (guarda Alberto atterrita)

Alberto        Ma Bruna, pensi nò che sia adèss el moment de…

Bruna         (ad Alberto zittendolo) Shshshsh!!! (continua come prima a tenere la testa di Astrid fra le mani, poi parlando come se fosse in trance) Ecco, questa sei tu, è qui che devi ritornare per ritrovare te stessa… (toglie le mani e poi si rivolge ad Alberto come se nulla fosse) Indoe l’è el Fortunato?

Astrid          (resta immobile, apre gli occhi e ha un’espressione stordita)

Alberto        Cosa?

Bruna         Sì, indoe l’è el Fortunato?

Giulia         Fortunata te voraret dì!!

Astrid          (ancora come stordita) El gh’è pù!!

Bruna         Come el gh’è pù??

Alberto        (guarda atterrito la cassapanca) Ma figuremess… el gh’è… el gh’è ancamò, ghe mancariss alter...

Astrid          Nò, el gh’è pù, l’è sparii.

Giulia         El saria mej dì ...sparida…

Alberto        (sbotta) Ma che sparida o sparii… adess vedarii ch’el torna.

Astrid          Nò, el senti… el tornarà mai pù!

Bruna         Non tornerà più??

Alberto        Ma se l’è che sii adree a dì? Come el tornarà mai pù, (ad Astrid) lee le cognoss?

Astrid          (si riprende) Chi?

Alberto        Fortunat…a, la conosce?

Astrid          A soo pròppi nò chi la sia!

Alberto        Ma allora perchè la dis che la tornerà mai pù?

Astrid          Ma mì parli del mè mal de coo.

Alberto        (sollevato) Ah… del sò mal de coo!

Giulia         (si lascia cadere sollevata su di una poltrona)

Astrid          (guarda Bruna meravigliata) Che strano, l’era tanto, tanto temp che me sentivi nò inscì ben.

Bruna         Allora… dove l’è andaa a finì el Fortunato?

Giulia         (si alza e va verso Bruna) Bruna, perchè te vee no a cercala tì la Fortunata, la dev pur vess d’ona quai part. (la prende sottobraccio e la porta verso sinistra)

Astrid          Chi l’è che la cerca?

Alberto        La soa badante. Per lor l’è come on gioeugh, voeuna la se scond e l’altra la dev cercala.

Bruna         (esce a sinistra) El pò minga andà dove el voeur dopo aver ingerii la pozione… l’è pericolos!

Astrid          (ad Alberto) M’aveven parlaa de la soa sorella, m’aveven dii che la soffriva de certi distùrb e che la gh’aveva bisogn d’on’assistenza continua.

Alberto        Pròppi, come l’ha vist anca lee…

Astrid          A mì la me par nò ona persona disturbada, anzi, per quel che hoo vist, devi dì che la soa sorella la gh’ha delle doti non comuni.

Alberto        La dis??

Astrid          Son sicura. L’è staa assee on moment de contatt e mì me son sentida subit mej… soo nò… l’è come se la m’avess sbloccaa on quaicoss de denter.

Laura         (entra da sinistra con un bicchiere d’acqua e delle pillole su un vassoio) Ecco signora, gh’è quest…

Astrid          (le appoggia delicatamente una mano sulla spalla) Grazie infinite signorina, ma non servono più.

Laura         (la guarda inebetita)

Giulia         Allora cosa ne pensa… cominciamo l’intervista itinerante uscendo in giardino?

Astrid          Sì, sì, l’è ona splendida giornada.

Piero           (guarda Astrid stupito accentuando il tic nervoso).

Alberto        Ma certament, andemm foeura. Podi fà strada?

Astrid          Certament. (prende sottobraccio Giulia e segue Alberto)

Alberto        (esce al centro) Se podarà toeu on tè giò in giardin…

Astrid          (esce al centro) Me par ona bellissima idea…

Giulia         (esce al centro sottobraccio ad Astrid)

Laura e Piero    (si guardano in faccia esterrefatti)

Giulia         (rientra dal centro) Laura, servi il tè in giardino.

Laura         Subito signora!

Giulia         (esce nuovamente al centro)

Laura         (inebetita a Piero) Ma cosa gh’è success?

Piero           Capissi pù nagott, in tanti ann che laorom insemma, l’avevi mai vista inscì affabil.

Laura         Ma l’ha ciappaa on colp?

Piero           Nò, l’è stada la sorella del dottor che gh’ha ciappaa el coo in di man e… puff!!!

Laura         Ah, allora se capiss… l’è stada la maga!

Piero           (accentuando ancor di più il tic nervoso) Co… co… cosa?

Laura         Sì, la maga. Tucc hinn convint che la sia matta, inveci disi che quella sciora là, la gh’ha di poter straordinari!

Piero           (arretra spaventato in piena crisi di tic nervosi) Oh, nò!

Laura         Se gh’è?

Piero           Mì gh’hoo ona fifa birbonna per tutt quell che anca lontanament el gh’ha a che fà con la magia o la stregoneria!!

Laura         Ma che magia di mè sciavatt! Famm nò rid. Mi disi domà che se le la te ven visin…  (si avvicina a Piero) cont i man inscì….

Piero           (terrorizzato) Ferma lì! Fa nò on alter pass…

Laura         (scoppia a ridere) Son minga mì la maga!!

Piero           El savevi che incoeu dovevi nò vegnì!

Laura         (va verso sinistra) Bella coppia de giornalista, voeuna foeura de coo e l’alter mezz matt. (esce a sinistra)

Piero           (dopo che Laura è uscita si avvicina alla propria attrezzatura) Mì son nò mezz matt et hoo vist ben quel che gh’è succèss, e a dila tutta, la me par proppi nò ona ròba normal... (prende in mano una lampada per foto e studia la scena provando a piazzarla in diversi punti, poi si avvicina alla cassapanca, prova a piazzarla sopra, poi, non convinto, prova a spostare la cassapanca che risulta pesante, prova ad aprirla e arretra spaventatissimo, accentuando il tic nervoso e richiudendola) Oddio!!!!

Bruna         (entra da sinistra) Mì riessi minga a troval!

Piero           (in piena crisi nervosa urla) Aahh!! La maga!!! (atterrito scappa fuori dal centro)

Bruna         (lo guarda meravigliata)

Fortunato   (esce dalla cassapanca ancora stordito) Ma se gh’è?? Chi l’è ch’el vosa??

Bruna         Eccola indoe te seret finii! (lo aiuta e lo sostiene) T’avevi dii de sta buttaa giò, perchè t’hee vorsuu fà a la toa manera… l’è pericolos!

Fortunato   Adèss me ven in ment…

Bruna         Per forza… l’è la pozion de la memoria… la jutta a regordà tutt quell che se portom denter.

Fortunato   Indoe l’è l’onorev… cioè… l’Alberto?

Bruna         (lo tira verso sinistra) Lassa perd, adèss l’è con la giornalista. Venn con mì che devom andà avanti.

Fortunato   (supplichevole) Anmò??

Bruna         Dai su… emm appena cominciaa…

Fortunato   L’è pròppi per quest che gh’avevi paura…

Bruna         (spinge Fortunato fuori a sinistra)

Fortunato   (esce, spinto, a sinistra)

Bruna         (uscendo) Te vedaree che dopo te saree content…

Astrid          (entra dal centro, spinta da Piero) Pian, pian… calmess…

Piero           (entra dal centro dietro Astrid, sempre in preda a una crisi di tic nervoso) Eh…Calmess on corno!!!…

Astrid          Ma cosa gh’è success…

Piero           (indica la cassapanca) L’è lì!!!!!

Astrid          (guardando la cassapanca) Chi?

Piero           (eccitatissimo) Denter lì, gh’è on travestii… mort!

Astrid          (esterrefatta) Cosa?!?!

Piero           (sempre eccitato) Sì. Te disi che denter quella cassapanca gh’è on travestii… mort!

Astrid          (lo studia sospettosa) T’avaree minga fumaa de la ròba strana, eh???  T’el see ben che sul laorà gh’è tolleranza zero!!

Piero           (la spinge verso la cassapanca) Allora guardegh tì!

Astrid          (apre la cassapanca, guarda, poi la chiude e si volta fissando Piero)

Piero           T’hee vist?

Astrid          Cosa avaria dovuu vedè?

Piero           El travestii mort!

Astrid          Se te vorevet fà on scherz, l’era a spropòsit e de pessim gust!

Piero           Scherz?

Astrid          Chì denter gh’è pròppi nagott!!!

Piero           (incredulo, accentuando il tic nervoso, apre la cassapanca, resta un attimo a fissarla, poi..) L’è stada la maga!

Astrid          Eh?!?

Piero           Sì. L’è stada la maga a fall sparì.

Astrid          (lo fissa un attimo incredula e poi sbotta) Ma tì incoeu te see foeura de coo! E mì pussee anmò perchè sto chì a datt a trà!!!

Piero           Te assicuri… chì  denter gh’era on travestii mort!

Astrid          (indica la scrivania) Sì, e là sotta ghe sarà vun dei sette nani. Ma famm el piesè!

Piero           Podi minga avè’l insognaa!

Astrid          Dai, toeu su la toa macchina fotografica e ven in giardin a fà ona quai foto. Pò dass che on poo d’aria la te faga ben.

Piero           (prende la macchina fotografica) Varda che son nò drogaa, mì el mort l’hoo vist debon.

Astrid          (si avvia verso l’uscita al centro) Peccaa che adèss el gh’è pù!

Piero           (va verso l’uscita al centro) L’è colpa de la maga!

Astrid          (esce dal centro, ironica) Che poeu saltarà foeura che l’era la matrigna cattiva!

Piero           (esce al centro) Gh’è pocch de rid…

Fortunato   (entra da sinistra di corsa, si guarda attorno come a cercare un nascondiglio, poi vede la cassapanca e ci si nasconde dentro)

Bruna         (entra da sinistra con in mano un vassoio dove ci sono una tazza da tè e una zuccheriera) L’è inutil che te se scondet… (appoggia il vassoio sulla scrivania e si avvicina alla cassapanca) tant el soo che te see lì denter. Varda che mì voeuri obbligà nissun. Lassi chì su la scrivania la pozione, se te voeuret minga bevela, lassa perd. Però questa l’è quella che la farà effett e che te farà vegnì in ment tutt i ricord che te gh’hee denter, anca quei pussee lontan. Fà ‘me te voeuret… (si avvia verso sinistra) però ricordes che se te la bevet… te gh’hee subit de buttas giò, se de nò va a finì che te venn on mancament come prima. Dopo, se te voeuret… te spetti. (esce a sinistra)

Piero           (rientra dal centro) Adess a va a finì ch’el matt son mì. Invece mì son sicur che in che la cà chì succed di ròbb che se spieghen nò. (si avvicina alla cassapanca, la apre e dopo aver guardato dentro la chiude) Me meraviglieria nò se all’improvvis… (si blocca atterrito accentuando il tic nervoso, poi, voltando le spalle alla cassapanca, va verso i suoi attrezzi fotografici, monta un flash sulla macchina fotografica)

Fortunato   (vistosi scoperto, esce dalla cassapanca e silenziosamente esce a sinistra)

Piero           (ritorna verso la cassapanca) Adess ghe pensi mì, poeu voeuri vedè se disen anmò che son matt… te foo ’na bella foto e poeu ne parlaremm (apre la cassapanca e arretra spaventato in piena crisi di tic nervoso) Oh!! Santa Madonnaa!!!! (si guarda intorno atterrito, poi siede su una poltrona con la testa fra le mani) Oh Signor… ma allora doo i numer debon! Gh’hoo i vision!!! (si alza e va titubante verso la cassapanca, poi lentamente ci sbircia dentro)

Alberto        (entra dal centro e vedendo Piero che guarda dentro la cassapanca, si spaventa e urla) Ma ch’el fa?!?!

Piero           (salta in piedi spaventato ed urlando) Ahahahahah!!!!!

Alberto        Ahahahahah!!!!!!!!!!!!!!

Piero           (si gira e vede Alberto) Oh Signor… l’è lee dottor… ma perchè el vosa?

Alberto        (si avvicina alla cassapanca) Ch’el guarda che l’è nò come el pensa… lù, le minga mort. (apre la cassapanca e resta inebetito nel vederla vuota)

Piero           Allora son nò domà mì a vedell!!!

Alberto        (pensa furiosamente a una risposta)  Cosa?

Piero           El travestii… mort.

Alberto        (in preda al panico) L’è nò mort… l’è… l’è nò on travestii… l’è… l’è… on fantasma!

Piero           (spaventato) Com’èèè???

Alberto        (sempre più convinto) Sì, sì, l’è minga mort. L’è on fantasma.

Piero           Travestii?

Alberto        (cerca di essere convincente) Ma che travestii, questa cassapanca l’era d’on’antiga famiglia scozzesa, el fantasma l’è quell d’on nòbil giovin de quel clan. Se dis ch’el sia staa miss sòtt tèrra ancamò viv in questa cassapanca chì. Per quest l’ha pù trovaa la pas.

Piero           (lo guarda studiandolo)

Alberto        El me cred nò? El m’ha minga dii che l’aveva vist?

Piero           Sì, dò volt!

Alberto        E adess indoe l’è?

Piero           (spaventato in preda al tic nervoso) L’è sparii… tutt e dò i volt!

Alberto        Vist? L’è on fantasma!

Piero           (titubante) Mì hoo mai creduu a l’esistenza di fantasma…

Alberto        Anca mì! Ma davanti a l’evidenza hoo dovuu credegh.

Piero           L’è tanto temp ch’el sta in la cassapanca?

Alberto        Pussee de quatercent’ann!!!

Piero           Porca paletta! E l’è staa lù a contagh la soa storia?

Alberto        Nò, hoo faa mì personalment di ricerch perchè lù el parla nò, anzi l’è molto riservato.

Piero           Riservato???

Alberto        Sì, quand el compariss se dev fà finta de vedel nò, se dev ignoral e lù el farà istess. Oramai numm semm come devom comportass con lù.

Piero           De sicur l’è minga facil fà finta de nient davanti a on fantasma.

Alberto        Ghe assicuri che l’è mej fall nò innervosì.

Piero           (spaventato riprende con il tic) Ah, sicura de sì, el credi ben!

Alberto        E se dev digh a nissun d’avel vist, perchè se scadenaria ona curiosità morbosa che podaria fall inrabì.

Piero           (sempre spaventato con tic) Eh già! Sì, sì!

Astrid          (entra dal centro) On tè pròppi delizios, complimenti.

Giulia         (entra dal centro) L’è tutt merit de la Laura. Alberto, ma indoe te seret andaa? Devom continuà la visita.

Alberto        Son chì… son chì!

Astrid          Andii pur avanti vialter, vegni subit, me organizzi on moment cont el Piero per i foto.

Giulia         Ve ’spetti in cusina, (indica l’uscita di sinistra) in fond al corridor a sinistra, dopo i scal.

Astrid          Ben, se vedom!

Giulia         (prende per mano Alberto) Ven amor. (esce a sinistra)

Alberto        (esce a sinistra con Giulia)

Piero           (continua a fissare la cassapanca)

Astrid          Sent, mì gh’hoo bisogn che te me troeuvet… (vede che Piero non l’ascolta) Oooohhh… giò de la pianta!!!

Piero           (si riprende)Eh???

Astrid          Ma ’ste gh’heet incoeu??

Piero           Nient…nient… dimm.

Astrid          Gh’hoo bisogn che te me troeuvet la sorella del dottor.

Piero           (spaventato riprende col tic nervoso) La maga?!?

Astrid          La maga? Ma se pò savè cosa ’ste see adree a fà incoeu? Mì desideri domà fa on’intervista alla sorella del dottor senza nissun d’alter, son sicura che quella dona la gh’ha on quaicoss d’eccezzional, che i alter capissen nò e inscì ghe dan la tara. Tì te la troeuvet e te me la portet in giardin.

Piero           (non ancora tranquillo) Devi pròppi?

Astrid          Scoltum ben, saria mej, a meno che tì te voeuret finì la toa carriera de fotografo a fà fototessere. (si avvia a sinistra) E pensà che quest chì el dovaria vess el pussee bon, podi nò immaginà come sien i alter. (esce a sinistra)

Piero           (si avvicina titubante alla cassapanca)

Fortunato   (entra da sinistra correndo ma si blocca vedendo Piero)

Piero           (si blocca spaventato vedendo Fortunato, poi cerca di assumere un’aria indifferente fischiettando male e mettendo le mani in tasca)

Bruna         (entra da sinistra)

Fortunato   (assume un’aria indifferente con le mani in tasca)

Bruna         (a Fortunato) L’è inutil che te faghet l’indifferent!

Piero           (si trova esattamente dietro Fortunato in linea con Bruna, spaventato) Eeeh?!?

Bruna         Ma l’è mai possibil che sia mì a cercat, menter te dovarisset vess tì a cercam?

Piero           (interdetto) Ma lee come la fa a …

Bruna         T’aveven minga dii de fà inscì?

Piero           Sì, ma domà duu minut fa!

Bruna         Te voeuret seguità a disubbidì? Te voeuret che se vegna a savè che te fee nò el tò dover?

Piero           Nò, nò, per carità, e poeu chi la sent quella là!

Bruna         Ma te me scoltet, o no??

Piero           Sicura de sì!

Bruna         Va ben. Adess femm on gioeugh...

Piero           (spaventato ricomincia con il tic nervoso) Basta ch’el sia nò pericolos…

Bruna         Mì adess sari su i oeugg e conti fin a des, tì te vee dove te devet andà e là te me spettet… va ben? (si copre gli occhi con le mani ) Uno… due…

Piero           (esce di corsa dall’uscita al centro)

Fortunato   (esce di corsa da sinistra)

Bruna         …tre… quattro… cinque… sei… sette… otto… nove… dieci… arrivo! (si toglie le mani dagli occhi, va verso la scrivania e vede la tazza ancora piena) Varda tì me l’è semper col coo in di nivol, l’ha nancamò bevuu la soa pozion. (esce a sinistra).

Laura         (entra dal centro con un vassoio con sopra una zuccheriera e tre tazze identiche a quella sulla scrivania e si avvia verso sinistra) Ma va se gh’hoo de fà tutt el gir perchè lor hinn in cusina! Me par ch’hinn adree tucc à dà i numer, a comincià da quel matt d’on fotografo ch’el gira per la cà come on locch.

Astrid          (entra da sinistra) Signorina, vorevi fagh i mè compliment, m’hann dii che l’è stada lee a preparà el tè, pròppi bon, squisito!

Laura         Grazie… l’è ona mia specialità, hoo faa on cors su la preparazion del tè. Ne beva anmò un poo s’el ghe pias. (esce a sinistra)

Astrid          Ma che brava! (vede la tazza sulla scrivania) Ne bevi volentera on’altra tazzina. (aggiunge lo zucchero alla tazza e poi ne beve un bel sorso) Uhm… on tè different… proppi bon anca quest, peccaa ch’el sia on poo frègg… (e sviene in mezzo alla scena)

Giulia         (da fuori scena, a sinistra, chiamando) Signora Bonvicini? (entra) Signora Bonvicini… (la vede svenuta) Oh, Signor!!!

Alberto        (entra da sinistra dietro a Giulia, e si precipita inginocchiandosi vicino ad Astrid tra mille smorfie di dolore) Signora… (le fa aria con la mano) Signora…

Giulia         (vede la tazza, la prende e l’annusa) L’ha bevuu on quai pastizz de la toa sorella!

Alberto        Meno mal!

Giulia         (isterica) Meno mal!… Meno mal????

Alberto        Intendi dì che l’è nient de mal, l’è domà svegnuda!

Giulia         (isterica) Ah… l’è domà svegnuda! Il nostro futuro dipende da quell che la deciderà ’sta dona, e numm l’emm stenduda al tappee cont on quaicoss che se sa nanca cosa el sia e poeu… cont’el sò fotografo in gir per la cà gh’emm la certezza de fà ona figurascia… e lù el dis… l’è domà svegnuda!

Alberto        (si rialza a fatica) Non facciamoci prendere dal panico. Voo subit a cercà la Bruna. (esce a sinistra).

Giulia         (si avvicina ad Astrid, si china e la guarda da vicino, poi si alza e camminando nervosamente) El savevi che la saria andada a finì inscì. (imita la voce del marito) “Varda che la Bruna l’è nò on problema, anzi l’è el m’è cavall de battaglia”. (urlando a sinistra) Peccaa domà che tì te siet on asin patentaa. (si dispera) Me par giammò de sentì tutti i ciaccer de la gent, saremm su la bocca de tucc… diventaremm i gingioari del paes… alter che Roma!!  (Minacciosa) Ah, ma se la finiss mal ghe la foo pagà!!  El sarà un cont inscì salaa de levagh el pel!!

Alberto        (entra da sinistra) Semm chì…

Bruna         (entra da sinistra)

Fortunato   (entra da sinistra dietro a Bruna)

Bruna         (vede Astrid) Se gh’è succèss??

Giulia         (acida) Dimmel tì se gh’è succèss!! (indica la tazza) L’ha bevuu che la robba lì…

Bruna         (si china verso Astrid e le appoggia una mano sulla fronte) Oh, nò!!

Alberto        (atterrito) Oh, nò???!

Giulia         (atterrita) Come oh, nò??!  Se voeur dì??!

Bruna         (li zittisce) Shshsh !! Per l’amor del ciel, se dev nò disturbala!! Sta compiendo un percorso emozionale a ritroso nel tempo!!

Giulia         Cosa??!

Bruna         Shshshshshsh!!!

Giulia         (sottovoce) Se l’è adree a fà??

Bruna         L’è adree a riviv tutta la soa memoria cont i emozion che l’ha provaa nel cors de la soa vita!

Giulia         E la dev fal de svegnuda in cà mia??

Bruna         Per forza, ne la tisana gh’è on sedativo tanto potent, perchè ’sto viagg el procura di emozion inscì fort che podarien causà di shock!

Giulia         Tant per fass mancà nagotta!! E adèss ’me femm??

Bruna         Bisogna lassala riposà tranquilla, tra pocc la se dissedarà in de per lee. Slonghèla in sul lett in camera vostra.

Giulia         (categorica) Ma nanca per idea!! Cont el fotografo in gir me balena nanca per l’anticamera del cervell de lassala svegnuda in sul noster lett!!

Alberto        (a Fortunato) Damm ‘na man, la mettom lì denter!!! (indica la cassapanca)

Giulia         Anca lee in la cassapanca?

Alberto        (si china tra mille smorfie a prendere per le spalle Astrid) Te gh’heet on’idea pussee bona?

Giulia         Ma quand la se dessedarà la se domandarà in che manera l’è finida lì denter!!!

Bruna         Succederà nient del gener; la sarà inscì stordida dal viagg che ghe vorarà un poo de temp prima che la torna anmò in perfetta coscienza de la realtà.

Alberto        (a Fortunato) Su, damm ona man!!

Fortunato   (prende Astrid per i piedi)

Alberto        (a Giulia) Tì cerca el fotografo e tegnel lontan de chì pussee che sia possibil!!

Giulia         (esce di corsa a sinistra)

Alberto        (cerca di alzare Astrid, ma appena ci prova la lascia cadere e lancia un grido di dolore portandosi le mani sul sedere) Ahahahah!!!…

Bruna         (premurosa) Te voeuret ona pozion contra i moròid?

Alberto        (tra i denti) Spariss!!

Bruna         (va verso sinistra) Riessi minga a capì perchè te seguttet a fà el martire quand te gh’hee la possibilità de sentì pù de mal!(esce a sinistra)

Alberto        (tra mille smorfie di dolore, aiutato da Fortunato, mette Astrid dentro la cassapanca, solo che con l’ultimo movimento si blocca piegato in avanti, molto dolorante con le mani sulla schiena) Ahahahaha!!!…

Fortunato   Onorev...  dottor, se gh’è adèss??

Alberto        (sempre piegato in avanti) Ahia!! La s’cèna… per minga sentì de mal gh’hoo de avè faa on quai moviment sbagliaa. Riessi pù a tiramm su!!

Fortunato   Ch’el spetta, che tenti de dagh ona man!!(si mette dietro di lui e appoggiandosi al suo sedere cerca di afferrargli le spalle per alzargliele)

Piero           (entra dal centro, vedendoli si blocca davanti ad Alberto, poi ricomincia col tic nervoso)

Alberto        (vede Piero e si blocca)

Fortunato   (vede Piero e si blocca nella posizione in cui era)

Alberto        (sempre bloccato) Se gh’è de guardà??

Piero           (si mette le mani in tasca e comincia a fischiettare fingedo indifferenza) 

Alberto        (intuisce) Ah,  gh’è ancamò el fantasma scozzes?

Piero           (annuisce con la testa)

Alberto        (sempre piegato in vanti) Bravo! El dev fà inscì, bisogna ignorall! (si avvia sempre piegato in avanti verso sinistra)

Fortunato   (segue Alberto verso sinistra camminando sempre appoggiato al suo sedere)

Alberto        (sempre piegato in avanti) Bisogna nò fagh capì d’avel vist. E adess ch’el me scusa, ma gh’hoo on mal de s’cèna che ghe vedi pù! (esce a sinistra)

Fortunato   (segue Alberto camminando appoggiato al suo sedere)

Piero           (sempre fischiettando controlla l’uscita di sinistra, poi lentamente si avvicina alla cassapanca, sta per aprirla)…

Giulia         (entra da sinistra) Ecco dov’era finito!

Piero           (sobbalza) Se gh’è?

Giulia         (gli si avvicina amabile) Cercavi pròppi de lù… el doveva minga fà di foto alla cà? (lo prende sottobraccio e cerca di allontanarlo) Ch’el vegna con mì…

Piero           Ma verament mì cercavi la soa cognada.

Giulia         (sospettosa) Perchè?

Piero           Astrid la m’ha dii che… dovaria fà di foto anca a lee!

Giulia         (cercando di fingere indifferenza gira intorno a Piero e si mette tra lui e la cassapanca, sedendocisi sopra) Debon? Lù ch’el gh’ha l’occhio di lince, l’avarà certament notaa che la Bruna l’è on personagg molto particolare.

Piero           (nota il movimento di Giulia) Disaria pròppi de sì, ma lee… perchè la s’è settada proppi lì?

Giulia         (imbarazzata) Inscì… senza motiv… perchè son pussee comoda… se gh’è de strano?

Piero           La guarda che mì soo chi gh’è lì denter!

Giulia         (balza in piedi meravigliata e spaventata) Le saa???

Piero           Sì!

Giulia         Ma el gh’ha giamò guardaa denter?

Piero           Nò, sò marì el m’ha contaa su tusscòss.

Giulia         (sempre più sbalordita) Mè marì el gh’ha contaa su tusscòss?

Piero           Eh già!

Giulia         Allora l’ha giamò capii che l’è nò colpa nostra, numm avariom mai vorsù…

Piero           Eh, capissi ben…

Giulia         Numm devom domà stà attenti che nissun el disturba el so viagg emozional.

Piero           Già, el podaria inrabiss de brutt!!!

Giulia         Certament, se pò minga dii che ghe sia di bei caratter chì denter!!

Piero           L’è comprensibil, dopo on scherz compagn…

Giulia         Pussee che on scherz disaria… on malinteso.

Piero           Alla faccia del malinteso! Second mì l’è staa tutt premeditaa.

Giulia         (spaventata) Ma el voeur scherzà?

Piero           Che la senta, per mì l’è ’ndada inscì. Il contenuto (indicando la cassapanca) dava fastidi a on quaidun ch’el gh’aveva di alter ambizion, e el gh’ha minga pensaa dò volt a fagh fà ’sta fin.

Giulia         (spaventata) Ma chi l’è che podaria avegh interess a fà ona ròba del gener?!?!

Piero           Saria bell domandaghel.

Giulia         E s’el se ricorda nò?

Piero           Certi ròbb se pò nò desmentegai, anzi mì son sicur che appena ghe sarà possibil, cercarà la manera de vendicass!

Giulia         (sempre più spaventata) Oh, la Peppa! Per inscì pocch…

Piero           Inscì pocch? Mì saria foeura di strasc! Saraa sù in d’ona cassapanca e sepolt  viv per quattercent’ann!!!

Giulia         Eheheh?!? Ma se l’è adree a dì?

Piero           Ghe l’assicuri, mì cercaria de vendicam in tutt’i maner!

Giulia         (lo studia dubbioso) Sepolt… viv… per quattercent’ann?

Alberto        (entra da sinistra, camminando a fatica e con le mani sulla schiena) Cara, sta parlando del fantasma! (ammicca a Giulia) Il fantasma del nobile scozzese che infesta quella cassapanca!

Giulia         (non capendo) Il nobile scozzese?

Alberto        Ma certament, cara… quel ch’el gira per la cà in kilt e maglioncino!

Giulia         (intuendo) Ah, quel nobile scozzese!

Alberto        Già, el fantasma!

Giulia         (guardando malissimo Alberto) Ma sicur… el fantasma!!!

Piero           Mì gh’hoo ona paura malerbetta… ma podè fagh ona foto el saria on scoop de prima pagina.

Alberto        Per l’amor del ciel, dopo l’andaria a finì su tutt i giornài e addio pas!

Giulia         (si avvicina ad Alberto minacciosa) E minga domà quella, se la notizia la diventass de dominio pubblico addio anche a tanti altri bej ròbb… On fantasma!!!

Alberto        (cercando di scusarsi) Ma cara, hoo dovuu dighel, l’aveva vist in de la cassapanca.

Fortunato   (entra di soppiatto da sinistra)

Piero           Signora, che la se preoccupa nò, ghe assicuri che la notizia… (vede Fortunato, si mette le mani in tasca e comincia a fischiettare)

Giulia         (lo guarda stupita)

Alberto        (intuendo si gira, vede Fortunato, poi a Giulia) Cara… gh’è el fantasma.

Giulia         (si gira e vede Fortunato) Adess sì che semm a post! (prende l’iniziativa e si avvicina a Fortunato minacciosa) Peccaa ch’el disa mai ona parola, vera?… E poeu el svaniss semper pussee che in pressa, vera?…

Fortunato   (intuisce ed esce velocemente a sinistra)

Piero           L’è incredibil… l’è trattaa come vun de famìglia…

Giulia         (guarda Alberto sarcastica) Ma l’è pròppi come vun de famiglia… l’è semper in mezz ai pee!

Piero           Ma vialter sii pròppi sicur che se poda nò fagh ona foto? (va verso la cassapanca) Magari mì metti ona macchinetta chì denter de scondon e…

Alberto e Giulia  (insieme urlando) Nooo!!!

Alberto        (gira intorno a Piero e si siede sulla cassapanca) Numm voerumm minga ch’el se inrabissa. L’ultima voeulta gh’è andaa de mezz on mè collaborator.

Piero           (spaventato) E cosa gh’è success?

Alberto        El semm nò de precis, ma par ch’el gh’abbia portaa via la ment!

Piero           Che cosa???

Giulia         (guardando male Alberto) Disen che l’abbia faa diventaa matt! Ma pensi che lù el vorarà minga corr ’sto ris’c, vera?

Piero           (spaventato) Ma son minga matt!

Giulia         (lo prende sottobraccio e lo porta verso sinistra) Giusta!  Ch’el vaga avanti a comportass come la faa fin’adess, se dev ignorall e lù el farà istess!… Allora andemm a fà i foto che disevom prima?

Piero           Va ben, da doe cominciom?

Giulia         (lo spinge fuori a sinistra) Mì disaria de sora… dai stanz de lett.

Piero           (uscendo) Va ben…

Giulia         (ad Alberto minacciosa) On fantasma? “Par ch’el gh’abbia portaa via la ment”…?!?!

Alberto        (si giustifica) L’è la prima ròba che m’è vegnuda in ment!

Giulia         Adess el tegni impegnaa per on poo, tì ved de mett a post tusscòss o chì la và a finì mal, capì? (esce a sinistra anche lei)

Alberto        (si lascia andare su una poltrona, ma si rialza di scatto gridando di dolore e si blocca nuovamente gridando piegato in avanti)

                   Campanello della porta.

Alberto        (piegato in avanti e ormai allo stremo) Oh Signor… chi l’è adess?

Laura         (entra da sinistra) Hann sonaa. (vede Alberto e gli si avvicina) Oh mamma, cosa te gh’hee?

Alberto        (si rimette diritto a fatica) Nient, l’è domà on mal de s’cena…

Laura         Te gh’hee bisogn d’on quaicoss?

Alberto        Nò, grazie. Va on poo a vedè chi l’ha sonaa.

Laura         Scusa, te ghe l’avevet dii tì al Filippo de vegnì a ’st’ora chì?

Alberto        Ah già…el Filippo, fall vegnì denter.

Laura         (esce a destra)

Alberto        (si siede a fatica tra mille smorfie di dolore su una poltrona, estrae un fazzoletto e si asciuga il sudore sbuffando)

Filippo        (entra da destra) Ciao Alberto, son chì!

Alberto        Ciao.

Filippo        (si guarda intorno stupito) Ma gh’è nissun!

Laura         (entrando da destra) Hinn tucc in gir!

Filippo        Come, in gir?

Laura         Proppi, in gir per la cà: chi desora, chi desòtta, chi denter e chi foeura, e quei de foeura hinn pròppi tanti.

Filippo        Ehhh?

Alberto        Lassa perd. Mì avevi programmaa ben-ben el tò arriv come una opportuna interruzione, ma chì incoeu gh’hinn staa domà delle interruzioni!

Filippo        Te voeuret che vaga via e torni pussee tardi?

Alberto        Nò, nò, giamò che te see chì te me daret ona man. Laura lassomm in de per numm!

Laura         (va verso sinistra) Sì buana!!!

Alberto        Che spirit de patati!!

Laura         (esce a sinistra)

Filippo        (indica la cassapanca) Fortunato l’è ancamò lì denter?

Alberto        Nò, lù nò!!

Filippo        Meno mal, tì pensa se l’avess trovaa la giornalista, la “miss simpatia”.

Alberto        (si passa una mano nei capelli e sospira) Eh già! Sent, prima de tutt se per caso te vedet el fotografo, te devet fà finta de vess matt.

Filippo        Matt?

Alberto        Dopo te spieghi, intanta se t’el troeuvet fa finta de vess vun senza giudizzi. T’hee capii?

Filippo        Va ben… e la giornalista?

Alberto        (guarda la cassapanca) Ghe pensaremm quand la tornarà…

Filippo        (sorpreso)L’è andada via? Come mai?

Alberto        Beh, l’è pussee visina de quel che te penset…

Laura         (entra da sinistra) Signore, la soa miee la voraria savè se l’ha sistemaa quell ch’el doveva fà, ma la m’ha minga spiegaa, cosa.

Alberto        Indoe l’è adess?

Laura         Sui scal al pian de sora.

Alberto        Va ben, grazie, ghe parli mì. (esce a sinistra)

Filippo        Se succed chì? Ma doveven minga fà l’intervista?

Laura         E cosa te voeuret che ne sappia mì? La giornalista on bel moment l’è sparida e nissun el sa indoe la sia; la  Bruna l’è in gir cont’el Fortunato vestii de dona, la signora Giulia l’è in gir cont’el fotografo… chi ghe capiss on quaicòss l’è bravo!!!

Filippo        E mì che speravi che in del temp de l’intervista avariom poduu restà on cicccin in de per numm.

Laura         L’è ona parola… con tutt el traffich che gh’è  incoeu…

Filippo        (le dà un bacio e poi sospirando) Ma quand’el finirà ’sto calvari?

Laura         A gh’hoo nò idea, soo nò quanto temp la doveva durà l’intervista.

Filippo        Mì pensavi a numm duu!  L’è semper pussee insopportabil vedet tutt’i dì e dovè fà finta de nient!

Laura         Cred nò, anca per mì l’è difficil, belé. (gli da una carezza) Purtropp se pò nò fà diversament. Mì sont ona semplice cameriera, e tì te podet  giugass la carriera politica per mettet contra l’Alberto. Ma minga adess!

Filippo        (si siede sconsolato sulla cassapanca) Se pensi che quell’omètt insignificant, senza spina dorsal, pien de corruzion fin sora ai cavej e bon de fà nient, el podaria vess elett a Roma, e diventà on quaidun domà perchè l’ha sposaa la Giulia.

Laura         (gli si avvicina e cerca di consolarlo) Pensegh nò amor, inscì te se fee domà del sangh amar…

Filippo        L’è proppi minga giusta!

Laura         El soo ben, ma podom fagh on bel nagott. Te penset che mì sappia nò quanto saria util al paes la toa abilità e specialment la toa onestà? Purtropp semm nò i personagg d’ona storia, la realtà inveci l’è inscì, che ne piasa o nò!

Filippo        (si alza in un impeto di orgoglio) Nò, podi proppi nò accettal. Forsi sarà anca stupid illudes, ma voeuri anmò cred che i ròbb poden cambià.

Laura         E come?… (indica la cassapanca) Forsi te speret che de lì salta foeura la buona fata turchina che con on tocco di bacchetta magica la risolva tusscòss?

Astrid          (apre la cassapanca e comincia ad uscire)

Laura         (spaventata fa due passi indietro) Oh,  Madonna Santa!!!

Filippo        (arretra spaventato) Porco sciampin!!!

Astrid          Forsi la buona fata turchina pròppi nò, ma on quaidun ch’el pò juttav sì,… anca se inveci de la bacchetta magica el dopera el computer!!!

Laura         (indignata) La n’ha scoltaa. N’ ha spiaa!!!

Astrid          Anca se vorevi nò, ma sarada lì denter, hoo minga poduu fà diversament!

Filippo        Perchè la s’è infilada lì denter?

Laura         Per spià indisturbada!!!

Astrid          Son minga andada lì denter in de per mì, me son trovada lì. Per quell che me ricordi, pensi de vess svegnuda intanta che bevevi el sò tè.

Laura         (offesa) El mè tè l’ha mai faa svegnì nissun! A meno che… (intuisce) Ma certament… lee l’ha bevuu la tisana de la signora Bruna, ecco perchè l’è svegnuda.

Astrid          (si massaggia le tempia) Senza dubbi portentosa… vialter podì nanca immaginaa quanto … ma… on tantino potente!

Filippo        Che la me scusa… la diseva che la podaria aiuttann… in che manera?

Astrid          Da quel che hoo poduu capì, anca lù l’è in politica, vera?

Filippo        Sì, sont consiglier comunal nel partii de l’Alberto.

Astrid          (prende sottobraccio Laura) Ben, adess mì e la soa morosa faremm dò ciaccer in giardin…

Laura         Son minga la soa morosa… nonanmò.

Astrid          El soo, hoo sentii tusscòss. Voeuri parlà con lee pròppi de quest e de la carriera del sò Filippo.

Laura         Allora l’è mej che la parla con lù, mì son nò tropp preparada in materia de politica…

Astrid          Nò, cara, mì parli mej cont’ona dòna quand l’argoment della conversazion l’è el so omm. Andemm!

Filippo        E mì?

Astrid          E lù… el ne spetta chì, anzi, se el voeur on consili, se metta in la cassapanca, inscì el se renderà cont de persona de come sia costruttivo meditare stando da soli al buio (esce al centro)

Laura         (esce al centro sottobraccio ad Astrid)

Filippo        (si mette a studiare la cassapanca, poi si avvicina, l’apre, la guarda ancora un po’ e poi ci si mette dentro, chiudendola)

Giulia         (entra da sinistra)

Alberto        (entra da sinistra) Ma indoe l’è andaa?

Giulia         Sparii anca lù? Ma l’è mai possibil che tì te se siet circondaa domà d’impiaster?

Alberto        Varda che cont’el Filippo te ciappet ’na cantonada, con lù el problema l’è proppi al contrari, l’è fin tropp in gamba. Infatti devi limitagh l’azion, ghe doo domà di laorà secondari, per fal nò saltà foeura e evità che se accorgen de lù, perchè el ghe mettaria pocch temp a famm i scarp!

Giulia         E adess indoe l’è finii ’sto campion d’intelligenza?

Alberto        Come foo a savell… l’era chì con la Laura…

Giulia         (indica la cassapanca) E con la giornalista… ’se femm?

Alberto        Femm come dis la Bruna… spettom che la se desseda.

Piero           (entra da sinistra) Allora emm finii, emm fotografaa tutt… vera?

Alberto        Ma certament, son sicur che vegnarà foeura on bel servizi.

Piero           Speremm… vialter savii indoe l’è l’Astrid?

Alberto        Nò!

Giulia         Sì!

Alberto        Sì!

Giulia         Nò!

Piero           (li guarda stupito)

Alberto        Forsi l’è da la mia sorella Bruna.

Giulia         Sicurament l’è con la toa sorella!

Piero           Eh già, la voreva intervistala.

Giulia         (sospettosa) La voreva intervistala?

Piero           Sì, l’è ona soa tecnica, oltra che intervistà l’interessaa, la parla anca con tucc quei che ghe stan intorna, parent, amis, collaborator, de manera d’avegh ona vision completa del protagonista de l’intervista.

Giulia         Alberto, allora l’è mej che tì te vaghet da la Bruna.

Alberto        (accenna alla cassapanca) Me par nò el caso adess!

Giulia         Invece sì, l’è ben che te parlet con la Bruna, resti mì chì. Anzi nò, mì intanta cerchi el Filippo.

Alberto        (allarmato) E chì resta nissun?

Piero           Resti mì, devi finì de sistemà l’attrezzadura.

Alberto        (a Giulia) Appunto!

Giulia         Pensi nò che on quai minut poda fà tanta differenza.

Alberto        Mì son minga tranquill a ’ndà via inscì…

Giulia         (lo spinge verso sinistra) Inveci mì, grazie a tì, l’è tutt el dì che me senti minga tranquilla!!  Và e cerca de fà in pressa!

Alberto        (esce a sinistra)

Giulia         (esce a sinistra dietro ad Alberto)

Piero           (tra sé) Mì de gent strana n’hoo vista tanta… ma come questi... E de sora maròss, gh’emm anca ona maga e on fantasma!!

Fortunato   (entra di corsa da sinistra, poi si blocca vedendo Piero)

Piero           (si blocca vedendo Fortunato, poi fischiettando si gira dandogli le spalle e continua a sistemare l’attrezzatura)

Fortunato   (esce silenziosamente a sinistra)

Piero           (continua a fischiettare, poi si accorge che non c’è più Fortunato, allora sempre fischiettando lo cerca dietro la scrivania, poi dietro alle poltrone, poi si avvicina alla cassapanca e picchia due colpi)

Filippo        (da dentro la cassapanca batte due colpi)

Piero           (si spaventa e poi batte ancora due colpi sulla cassapanca)

Filippo        (da dentro la cassapanca batte due colpi)

Piero           (dà altri due colpi)

Filippo        (salta fuori di colpo) Alloraaa… se gh’è de piccà???

Piero           (si spaventa e salta indietro) Oh, Signor!!!

Filippo        (guarda Piero e poi) E allora?

Piero           (spaventato e in preda al tic nervoso) E lù… chi l’è?

Filippo        (vede le macchine fotografiche) Lù… l’è el fotografo?

Piero           Come el fa a savell? Lù l’è on fantasma?

Filippo        (giocando con la voce) Uhu, uhu… sì, sont el fantasma de Armadura, chi me ved dev tremà de paura…

Piero           (lo guarda sbalordito)

Filippo        … me divertissi a menà in gir spavent e terror, e podi famm vedè a tutt’i or…

Piero           (studiandolo) Se l’è… on scherz o l’è lù che l’è foeura de coo?

Filippo        Sì, sont el matt de la contrada del gall con la cresta, e chi parla con mì el va foeura de testa…

Piero           Hoo capii chi l’è… l’è quell che l’ha faa inrabì el fantasma…

Filippo        … e sì, hoo faa incazzà el vero fantasma e… e… sangu de biss, me manca la rima!

Piero           Ma ’s’el ghe fa lì denter? Se le ved el scozzes…

Filippo        Mì chì denter ghe passi tutt l’ann, senza disturbà tutti quej ch’el sann, e adess ch’el me perdona ma gh’hoo di ròbb de fà, ch’el me lassa in pas e’l me lassa laorà. (si chiude nella cassapanca)

Piero           (resta un attimo a guardare stupito la cassapanca, poi si allontana) L’hoo dii mì che chì hinn minga normai!!!

Giulia         (entra da sinistra)

Alberto        (entra da sinistra dietro Giulia) Mì capissi pù nient, ma hinn sparii tucc?

Giulia         Nanca el Filippo el se troeuva.

Alberto        E nanca la Bruna.

Piero           (indica la cassapanca) Forsi quel che cerchee l’è lì denter…

Alberto        (spaventato) Fermo! Lù el ne dev minga parlà, se ricorda?

Piero           Sì… ma vorevi dì…

Alberto        Shshshs!!! El vorarà minga scatenà la rabbia del fantasma?

Piero           Ma l’è pròppi quell che voeuri evità!

Giulia         (va a sedersi sulla cassapanca) Allora l’è mej disturbà nò chi riposa chì denter…

Da questo punto parte la scelta del finale che più si desidera

PRIMO FINALE

                   Campanello della porta.

Giulia         (guarda stupita Alberto) Te ’spettet ancamò on quaidun?

Alberto        Ma  nò!

Giulia         E allora chi pò mai vess?

Alberto        (guarda preoccupato la cassapanca) E ’me foo a savell?

Piero           Ma saria minga pussee facil andà a vedè chi l’è?

Laura         (entrando dal centro tutta sorridente) Hann sonaa a la porta?

Giulia         Ma sicura che hann sonaa!

Laura         E chi l’era?

Alberto        El semm nò.

Laura         Avii minga dervii?

Piero           Eh, nò, me pararia tropp facil, mej provà a indovinà!

                   Campanello della porta.

Giulia         Che insistenza!

Alberto        (sempre più preoccupato si siede sulla cassapanca di fianco a Giulia, ma poi si rialza di scatto tra smorfie di dolore con la mano sul sedere)

Laura         (si avvia verso destra) Vado ad aprire!

Alberto        Nò! Spetta on moment!

Laura         (si ferma) Devi nò dervì?

Piero           E nò… inscì te rovinet tusscòss.

Giulia         Podom nò dervì!

Alberto        (guarda la cassapanca) Gh’è minga assee de rebelott?

Giulia         (minacciosa) E la colpa de chi l’è?

Alberto        Per tì, la colpa l’è semper mia!!!

                   Campanello della porta insistente.

Laura         Cosa devi fà?

Alberto        (deciso va verso destra) Voo mì e ghe ne disi quatter a ’sto seccaperdee! (esce a destra)

Piero           Che peccaa, l’ha rovinaa tusscòss, serom quasi in sul punto d’ indovinà chi el podeva vess, e adess…gh’è pù de gust…

Giulia         Ma lù l’ha minga finii de fà i foto?

Piero           Mì sì… hoo quasi finii.

Giulia         (a Laura) E tì? Te gh’è nient’alter de fà che sta chì in pee a fà nagotta?

Alberto        (entra da destra camminando all’indietro, quasi piegato a novanta gradi, in tono ossequioso) Signor segretario, lei qui in casa mia, ma quale onore!!

Onorevol     (entra da destra, molto elegante e sicuro di sé)

Giulia         (si alza di scatto) Onorevole, che piacevole sorpresa!

Onorevol     Buongiorno signora.

Laura         (a Piero in disparte) E quest chì, chi l’è?

Piero           (in disparte a Laura) L’è el segretari general del partii, un pezzo da novanta!!

Onorevol     Hoo partecipaa a on comizi chì visin e hoo pensaa de vegnì de persona per saludà la sciora Bonvicini, e anca per savè come la va l’intervista.

Alberto        (con un’espressione atterrita) Ah, sì, la giornalista…

Onorevol     Sì, dov’è?

Alberto        (sempre spaventato, guarda Giulia)

Giulia         (si siede velocemente sulla cassapanca, simulando) Come se fà a savè cosa ghe passa per el coo a ’sti barlicch de giornalista? Hinn semper in gir a fà di domand!

Laura         L’è foeura in giardin!

Alberto        (coglie la palla al balzo) Ma certo… l’è sicurament foeura in giardin… ch’el vegna che ghe foo strada…

Filippo        (cerca di aprire la cassapanca e dà due colpi forti)

Giulia         (atterrita si alza in piedi sulla cassapanca per non farla aprire)

Onorevol     Cosa è stato?

Alberto        (atterrito) Cosa è stato cosa?

Onorevol     Ho sentito due colpi.

Alberto        (in preda al panico) Due colpi?

Onorevol     Ma sì… i ha minga sentii?

Alberto        (sempre atterrito) Ah, quei colpi… (in stato confusionale) Ma l’è la Giulia… l’è adree a ripassà… i sò lezion de flamenco, vera Giulia?

Giulia         (si mette a fare passi di flamenco sulla cassapanca, picchiando con le scarpe) Pròppi, l’è l’ora di mè lezion! (guarda malissimo Alberto)

Filippo        (picchia anche lui dentro la cassapanca)

Onorevol     (guarda Alberto) Lezioni di flamenco? Adess?

Piero           Eh, onorevol … l’ha nonanmò vist el mej!!

Giulia         (continua a ballare il flamenco sulla cassapanca)

Onorevol     (vedendo Piero) Buongiorno, è qua anche lei?

Piero           Sì, onorevole… per l’intervista.

Onorevol     (vedendo Laura) Lei è l’insegnante?

Laura         Prego???

Onorevol     È lei che da lezioni di flamenco?

Alberto        (guarda con tono imperativo Laura) Certo che l’è lee! La ghe faga vedè all’onorevol!

Laura         (smarrita) Mì?!?!

Giulia         Su dai, andemm avanti cont i lezion!

Bruna         (entra da sinistra con in mano una tazza) Son chì!

Fortunato   (entra da sinistra e cammina quasi nascondendosi dietro a Bruna)

Piero           (come entrano Bruna e Fortunato, ricomincia con il tic nervoso e a fischiettare)

Bruna         (andando verso la cassapanca) Hoo preparaa ona tisana per dagh ona man alla sciora a rimettes!

Alberto        (la blocca) Bruna… te presenti l’onorevol… (si blocca perché)

Onorevol     (guarda Fortunato che gli passa davanti seguendo Bruna)

Piero           (si avvicina all’onorevole) Per carità non lo fissi… è permaloso!

Onorevol     Eh?!?

Piero           Ch’el faga finta de nient,… prudenza!

Onorevol     (perplesso, ma non riesce a non guardare Fortunato)

Alberto        (ormai sul punto di crollare) Podi spiegagh tusscòss, ch’el me creda!

Giulia         (sempre da sopra la cassapanca) Gh’è pòcch de spiegà, hinn chì tucc per i lezion de flamenco!

Bruna         Oh che bell! (all’onorevole) L’è lù che ne insegna… el flamenco?

Onorevol     (non risponde, si avvicina a Fortunato guardandolo intensamente)

Fortunato   (spaventato per quello sguardo fa uno scatto per allontanarsi e sbatte contro Alberto)

Alberto        (cade a terra e ulula di dolore tenendosi il sedere)

Laura         (corre verso Alberto per aiutarlo)

Onorevol     (riprendendosi) Oddio, s’è faa tanto mal?

Laura         (aiutando Alberto ad alzarsi) Nò, l’è nient…

Alberto        (si rialza lamentandosi fortemente con le mani sul sedere)

Onorevol     Sì che si è fatto male!

Laura         Ma nò, l’è che ghe fa mal el dedree, ma nò per la tòma.

Onorevol     (guarda Alberto studiandolo, poi guarda Fortunato, poi di nuovo Alberto e sorridendo maliziosamente) Ahh… capisco!  Alter che lezion de flamenco!!

Alberto        Onorevol…ch’el senta… l’è nò come el pensa…

Astrid          (entra dal centro) Oh!… ma varda tì chi l’è che s’è disturbaa… (da la mano all’onorevole) Signor segretario, ma quale onore.

Giulia         (si blocca in una posa strana sopra la cassapanca, guardando meravigliata sia Astrid che la cassapanca sotto di lei)

Alberto        (guarda con un’espressione ebete sia Astrid che la cassapanca)

Onorevol     (stringe la mano ad Astrid) Come disevi… s’eri a on comizi chì visin e hoo pensaa de vegnì a saludala…

Astrid          Ma vialter politich sii mai bon de dì i ròbb come hinn? El semm tucc perchè l’è vegnuu fin chì!

Bruna         Per i lezion de flamenco?

Giulia         (scende dalla cassapanca) Ma lee… la sta mej?

Astrid          Sì, devi dì che son mai stada inscì ben, el tè el m’ha faa pròppi ben. (a Bruna) Grazie davvero!

Filippo        (salta fuori dalla cassapanca sbuffando) Era ora!!!

Giulia         (vicina alla cassapanca fa un salto per lo spavento) Aaaahhh…!!!

Laura         (si spaventa anche lei) Aaahhh…!!!

Fortunato   (si spaventa e corre vicino all’onorevole)Aaahhh…!!!

Filippo        Cominciavi a soffegà lì denter!!!

Onorevol     (sorride teneramente a Fortunato prendendolo sottobraccio)

Alberto        (ormai allo stremo, si lascia cadere su una poltrona ululando di dolore)

Giulia         (riprendendosi, a Filippo) ’Se diavol te fasevet  lì denter?

Astrid          Ghe l’hoo consigliaa mì!

Filippo        (guardando male Alberto) E devi dì che la gh’aveva pròppi reson, se pò imparà tanti bej robett, lì denter!

Onorevol     Ch’el scusa, ma lù chi l’è?

Filippo        Sono Filippo Scotti, consigliere comunale del partito.

Onorevol     (gli da la mano) Ah, piacere… sono l’onorevole…

Filippo        Lo so, lo so… chi è lei, è per me un piacere conoscerla di persona!

Onorevol     Non ci siamo mai incontrati prima…

Astrid          E questo è un male a cui si deve rimediare!!!

Onorevol     Cioè?!?!

Astrid          Lei sa che la mia intervista può servire a farvi guadagnare consensi.

Onorevol     Beh, non è così vitale…

Astrid          Tèh! l’haa vist… ’sta risposta la dis ben perchè vialter saree mai bon de vess da la part de la gent…ve riess mai de vess sincer. Lù l’è vegnuu chì perchè el sa ben ’se voeur dì el mè servizi su vialter!

Onorevol     (rassegnato) E va ben, sì, per numm è molto importante che venga dato risalto a uno dei membri del partito.

Astrid          Oh, bene. Ch’el stia tranquill, ne parlaroo inscì ben che la gent la sarà obbligada a votal!

Alberto        (si rianima improvvisamente con un sorriso raggiante)

Giulia         (sorride raggiante)

Onorevol     Debon? Saria bell vedè l’Alberto a Roma in parlamento.

Giulia         Me par minga vera!

Astrid          Ma l’è minga de lù che mì voeuri parlà!

Alberto        (delusissimo) Appunto!

Onorevol     E chi ’l saria el prescelto?

Astrid          (indica Filippo)  Lù!

Onorevol     Lù…. ma l’è domà on semplice consigliere comunale!

Astrid          Nò, l’è on omm… e ròba molto rara… on politich ch’el cred anmò in certi valori… e soprattutto…  disprezza la subdola ipocrisia di cui vialter politich in carriera sii permeaa! On omm noeuv, come se dis, ch’el gh’ha voeuja de dà princìppi a un nuovo modo de fà politica… senza imbròj segret, ma con ròbb bej ciar e a la lus del sô… come, son sicura, voraria tutta la gent!

Onorevol     (perplesso) Ma el saria come ‘na gotta in on oceano…

Astrid          Vera, ma come dis ona bellissima canzon per fioeu: “goccia dopo goccia…”!!!

Giulia         (sviene cadendo a terra)

Alberto        (va verso di lei) Giulia… Giulia…

Bruna         (si avvicina anche lei a Giulia, sorreggendole la testa)

Onorevol     (guardando Filippo) Per mì, cambierà on bell nient!

Filippo        Ma voeuri provagh, mì sont in piena sintonia con quell che la dis la sciora Astrid, numm semm tropp lontan da la gent che ne ved con sospett. Se se podess fa ona classifica per i casciaball, son sicur che i politich sarien on gradin sotta a Pinocchio, e quell l’è mai esistii!

Onorevol     E tì te vorariet cambià el mond?

Filippo        Gh’hoo minga questa pretesa, ma voeuri almen provagh, poeu come se dis… “Goccia dopo goccia…”

Onorevol     E tutt… in de per tì?

Filippo        (abbraccia Laura) Nò, con l’aiut de la mia miee!

Alberto        (sviene cadendo a terra)

Bruna         Alberto, anca tì!

Fortunato   (si precipita verso Alberto) Onorevole…

Onorevol     (si gira sorridente verso Fortunato) Sìì, dimmi caro…

Fortunato   (si blocca di colpo)

Astrid          Poeu, ch’el senta, onorevol, s’el me permett on consili… ch’el sfrutta ben questo nuovo corso delle cose che sta nascendo, on bel cambiament podaria tornà util anca a vialter, anca pussee d’on mè articol; la gent che la va a votà l’è minga stupida; on quai voto magari el riva per interess ma la maggior part la voraria dall per convinzion. Donca…

Onorevol     (improvvisamente illuminato) Ma certament! Faremm on poo de pulizia e spazzaremm via certi abitudin, on cambiament ch’el ven da la base el pò domà fà ben!

Astrid          Ecco inscì ghe semm! Vedi che l’ha capii ben el mè penser!

Onorevol     (andando verso destra) Certament, se partis subit, senza perd temp! (prende Filippo per un braccio) E tì ven via con mì, gh’hoo bisogn de gent noeuva e fidada!

Filippo        (trascinato per il braccio) Ma… mì… a Roma??

Onorevol     Sì, a Roma. Se ricomincia de zero!! (esce a destra)

Filippo        (uscendo a destra trascinato) E el zero, saria mì?….

Laura         (si avvicina ad Astrid) Grazie di cuore, ci sta cambiando la vita…

Astrid          Son mì che devi ringrazià vialter, e (indicando Bruna) la signora. Lee la m’ha faa ricordà chi seri verament, seri nò ona dona acida e scorbutica, ma sfiduciata e tradita negli ieali, ma grazie a vialter hoo ritrovaa la forza e l’entusiasmo che avevi perdù. Forza, adèss tocca a vialter e non deludetemi!

Filippo        Nò, non lo faremo!  Ghe doo la mia parola, e faroo tutt el possibil per mantegnila.

Astrid          Gh’è nò garanzia miglior! (a Piero) Forza, tira su tutt i tò carabattol che andemm a fà quell’intervista che spetti da ona vita!

Piero           (prende tutta la sua attrezzatura e si avvia verso destra)

Laura         Devi vegnì anca mì?

Astrid          Sicura de sì, tì te saret el sò riferiment costant, a tì el dovarà guardà in di moment de sconfort che senz’alter se pararan davanti, cont el tò aiut vialter sarii inattacabil! (li prende sottobraccio ed escono a destra) Andiamo, grandi cose vi aspettano!

Piero           (esce a destra dietro a loro)

Bruna         (riesce ad alzare seduto sul pavimento Alberto) Su, su, forza… (prende la tazza che aveva quando è entrata) Tè, bev, quest el te farà sentì mej…

Alberto        Ma… dove hinn andaa…

Bruna         A Roma!!!

Alberto        Nò… nò... inscì ghe semm nò!!! (e sviene di nuovo)

                                   S I P A R I O

SECONDO  FINALE

Astrid          (entra al centro) Ah… eccovi qui, allora ghe semm tucc!

Giulia         (guarda Astrid esterrefatta)

Alberto        (guarda Astrid stupito, poi guarda la cassapanca)

Giulia         (si alza di scatto e apre la cassapanca)

Filippo        (si alza dentro la cassapanca e ricomincia a giocare) Avevi dii de lassam in pas… (si blocca davanti a Giulia)

Alberto        Ma ’ste fee lì denter?

Astrid          Vedi che l’ha miss in pratica quell che gh’avevi dii.

Filippo        Già… la gh’aveva pròppi reson, la sa? La pò nò immaginass quanti bej robett hoo sentii chì denter, vera Alberto?

Alberto        (allarmato) Da quanto temp te seret lì denter a spià?

Filippo        Giust el temp necessari…

Giulia         (cerca di riprendere in mano la situazione) Allora, vist che tutt l’è a post, se pò ricomincià con l’intervista.

Astrid          Disaria de nò, adess l’è pù necessaria!

Giulia         (timorosa) L’è pù necessaria? La fà pù el servizi?

Astrid          Ma certament ch’el foo, ma ‘me voeuri mì!

Alberto        E cioè?

Astrid          On moment… spettemm che riven anca i alter e poeu ve spieghi.

Laura         (entra da sinistra) Eccoci qua!

Bruna         (entra da sinistra)

Fortunato   (entra da sinistra dietro a Bruna)

Piero           (come vede Bruna parte con il tic nervoso, poi vede Fortunato e comincia a fischiettare con le mani in tasca)

Astrid          Ecco, adess ghe semm tucc, prego… (indica a tutti di sedersi)

Tutti prendono posto, chi sulle poltrone chi alla scrivania.

Piero           (continua a fischiettare)

Astrid          (a Piero) E tì ’ste fee?

Piero           (sottovoce ad Astrid) Gh’è entraa on fantasma!

Astrid          Eh?!?!

Piero           (indica Fortunato con il mento) El fantasma l’è vegnu denter con lee, l’è quell vestii da scozzes!

Astrid          (indica Fortunato) Lù?

Piero           (le abbassa il braccio) Nò, ‘ste fee, te devet fà finta de vedell nò , se de nò el se offend!

Astrid          (con tono patetico fa sedere Piero sulla cassapanca) Settes, e ‘scolta anca tì!

Piero           (si siede, ma subito dopo si rende conto di essere sulla cassapanca, salta in piedi in preda al tic nervoso e si allontana dalla cassapanca).

Astrid          Adess basta, incoeu chì gh’è succèss tanti ròbb che meriten ona spiegazion.

                   Da questo momento tutti i personaggi continueranno a recitare, ma senza emettere un solo suono; Astrid indicherà di volta in volta i vari personaggi, i quali risponderanno anche animatamente, ma sempre senza emettere un solo suono. Nel frattempo entra da destra un signore anziano, molto elegante, che stando sulla destra avanzerà fino al proscenio.

Personagg  Ecco, quest l’è quell che gh’è succèss quell dì là, certament el dì pussee important in la mia vita. Com’è chi son, avii minga indovinaa?

Astrid          (si avvicina a Filippo e lo alza in piedi indicandolo agli altri)

Personagg  Eh, sì, sì son  proppi mì, el Filippo! Beh, gh’è passaa on bel poo de ann, ma quella giornada memorabil l’è anmò ben stampada in de la mia ment! Eh, per forza, da quel dì la mia vita l’è cambiada radicalment! Ma andemm per gradi.

Astrid          (si avvicina a Piero, lo alza e sempre solo mimicamente gli indica Fortunato e gli spiega alcune cose)

Personagg  Piero, el fotografo, pensi che nonanmò adess l’abbia capii ben come l’è stada. De sicur l’ha nò capii ch’el Fortunato l’era minga on fantasma, e l’è  convint che l’era vestii inscì perchè l’era l’amante segreto de l’Alberto.

Astrid          (si avvicina a Fortunato e lo alza in piedi, continuando a mimare una conversazione con gli altri)

Personagg  El Fortunato l’ha lassaa definitivament la politica, l’ha faa carriera nello spettacolo, par ch’el sia diventaa la prima ballerina in d’on local molto particolar de Milano.

Astrid          (sempre mimando si avvicina a Bruna e la alza in piedi)

Personagg  Bruna, ona gran dòna, disaria…on’anima antiga. La segutta a praticà la soa arte che de magich la gh’ha ben pocch, ma che l’ha aiutaa tanta gent a stà mej con sé stessa.

Astrid          (si avvicina a Giulia e la alza sempre mimando una conversazione)

Personagg  Giulia, poera Giulia, la voreva el mond inter, ma in la manera sbagliada. L’ha mai lassaa l’Alberto, ma la gh’ha mai perdonaa quella giornada, se ve capita per caso de passà de là,  la sentiree semper lamentass perchè el marì l’è bon de fà nagotta.

Astrid          (si avvicina a Laura, la alza e continua a mimare)

Personagg  Laura! L’amor de la mia vita! Semm diventaa marì e miee, semm staa e semm anmò innamoraa, gh’emm tri bei fioeu… beh… ormai hinn pù di fioeu, anzi ne hann dà di soddisfazion e di bej nevodin!

Astrid          (resta in piedi da sola continuando a mimare)

Personagg  Astrid l’è diventada tanto amisa de la Bruna, l’ha faa pas con sé stessa, l’ha trovaa on bravo omm e l’ha miss su famiglia anca lee; on quai temp fa l’ha daa i dimission dal giornal indoe la laorava e adess la fa la nonna a tempo pieno.

Astrid          (si avvicina a Filippo e lo alza mimando una conversazione)

Personagg  Mì? Grazie all’articol eccezional che l’aveva scritt l’Astrid, son finii a Roma a pieni voti, son diventaa senador e son staa minister de tri governi! El soo ben che devi minga vess mì a giudicà, ma pensi d’avè fa ben el mè laorà, forsi avaria poduu fà anca pussee, ma come se dis… “col senno di poi…”

Alberto        (si alza in piedi e mima una discussione agitata con Astrid)

Personagg  Ah sì, l’Alberto! Gh’è semper restaa in travers de vess minga staa lù a andà a Roma. L’ha ripetuu tanti volt che son minga staa corrett con lù e che avaria dovuu vess pussee riconoscent per tutt quell che l’aveva faa per mì. I moròid hinn diventaa cronich. (ride) Me ven anmò in ment come el se agitava quell dì là e podarò mai desmentegà quel che l’ha vosà in piena crisi isterica a la Astrid…

Alberto        (urlando) Nò, nò… inscì ghe semm nò!

                                   S I P A R I O