NON SEMPRI E’ COMU PARI….
(La scena si svolge nell’androne di una locanda Al centro vi e’ l’ingresso di una locanda, dove vi abitano diverse persone. A sinistra vi e’ un vicolo da dove si accede al cortile e a fianco altre case.A destra un altro vicolo con sfondo panoramico, che lascia intuire un altro ingresso verso altre case.
ATTO PRIMO
FRANCA –(Arrivando dal vicolo e guardandosi intorno)- Ancora non si vidi……Roba di non cridiri aeri non vidia l’ura mi ni vidiumu…. E oggi mi ghianta cca’. Si entru cincu minuti non arriva, minn’i vaiu e… e basta, chi fossi saria puru megghiu….. aiu u cori chi mi sta sautannu ‘nto pettu. Cu l’avia a diri chi io’…Franca Bellomo…all’appuntamentu c’un omu e pi giunta spusatu. Cu rischiu puru di farimi vidiri di cacchidunu chi mi conusci!
Ma chistu e’ l’unicu modu mi ci a fazzu pagari a me maritu Ettore,un uomo brutto, grasso,con gli occhiali, i iammi storti e fini comu nu spaghettinu, pilusu…ma pilusu chi pari na scimmia; senza idee….. senza ideali, senza nuddu interesse……E poi non fa iautru chi trascurarimi…pi iddu cuntunu sulu i partiti di calciu… mai na vota chi si ricuddassi l’anniversariu du matrimoniu…mai a purtarimi fora a manciari na pizza….mai a nenti. Un uomo senza nuddu romanticismu, anzi iavi puru i modi rozzi di carritteri….Scunchiudutu…Ignoranti…prisintuusu….sti corna ci l’aiu a mettiri piffozza… si merita tutti….Tra lautru na fimmina comu a mia….non e’ chi po’ stari o sciuttu!!
TANU(Affacciandosi dal vicolo, s’avvicina piano piano, senza farsi sentire e le mette le mani sugli occhi) – Cu sugnu?
FRANCA – Ah!!!!(spaventandosi)... …Cu e’? Aiutu!!
TANU – Io sugnu…. Tanuzzu!
FRANCA – Ma!...Ma!...Non mi pari u casu mi ti pigghi gia’ cetti cunfidenzi….. Anchi si….. comu masculu non e’ chi si malazzu…
TANU – Chissu u sacciu…ma e’ l’emozioni…O pinseri di chiddu chi succedera’ dumani, quannu tutti dui suli….facemu trimari i mura!
FRANCA – Pianu! Pianu!....chiuttostu i prenotasti i stanzi?
TANU – I stanzi? Picchi’, spittamu ospiti?
FRANCA – Mi pari chi avia parratu chiaru! Stanze separati…poi quannu nuddu ti vidi..guattu..guattu.. Mutu..mutu tu batti a me porta e io ti iapru.
TANU – Ma chi bisognu c’e’ di tutti sti magisteri…quannu tra niatri e’ scoppiata a fiamma da passioni( fa per abbracciarla e Franca si allontana)
FRANCA – Calma!.... Mi pari troppu fucusu, non e’ chi m’affari pentiri da me dicisioni…dumani ! dumani …fossi…
TANU – Comu fossi?...dumani sicuru! …..Chi semu picciriddi! …Oramai comu dissi chiddu chi sciddicoi ‘nto rubiconi e si rumpiu na iamma! “IL PANE E’ FATTO”
Franca –(A PARTE) Mi!.... Quante’ gnuranti! “Il dado e’ tratto”–Veramenti u pani… non l’amu ancora mancu ‘mpastatu.
TANU – Vabbeni ! Ma dumani facemu un beddu cunnuruni!
FRANCA – Tu mi pari troppu….su di giri…dumani…. videmu. Ma Ora devo andare, me maritu e’ troppu gilusu, ni videmu dumani direttamenti al “GALLO D’ORO”. Mi raccumannu, non mi fari spittari comu o to solitu….Altrimenti mi pentu e mi ni tornu a casa.
TANU – Tranquilla saro’ megghiu dun riloggiu svizzeru…..(rimasto solo)…Du stanzi, e ora comu fazzu…io ni prenotai una sula .….cu su ‘magginava chi chista era cosi scuppiddusa…e cu me muggheri, Elisa, comu fazzu, cu ciu’ dici, chi dumani mancu na iunnata( mentre ragiona tra se’, arriva un altro signore che passando si ferma a guardare Tanu e poi) – Ma! Tu.. non si….tu!
TANU – Cettu chi sugnu io’.
ETTORE – Ma, certo tu si…. Tanuzzu… Tanuzzu l’imboscato!
TANU – Imboscato?.... non capisciu.
ETTORE – Persano!....Anno 1980…bersaglieri!
TANU – Ora ..Ora…..mi ricoddu…Ettore…..Ettore Mangialupi!
(i due si abbracciano) – Ma quantu tempu… passo’…20…30 anni
ETTORE – 31…. Passaru 31 anni……Ma fatti a vidiri….prima eri siccu chi parivi na sarda e ora….
TANU – E ora sugnu accussi’ chi ci voi fari!
ETTORE – Avivi ddi capiddi niri..niri
TANU – E ora sunnu ianchi…ianchi!
ETTORE – E cu sa panza po’…non ci pozzu pinsari!
TANU – Oh! … finiscila…. ma ti vaddasti tu!
ETTORE – Ragiuni hai…Puru io’.. sugnu cumminatu mali…..u fattu e’… chi unu, iddu stissu non si vadda…..ma vadda sempri a l’autri….ma dimmi….comu ta passi ? ti spusasti?
TANU – purtroppo si!
ETTORE – Puru tu cadisti ‘nta trappula, nelle grinfie di cacchi strega chi non vidi l’urami ti sottometti e mi ti di renni infelici e depresso.
TANU – E cu na soggira pronta a zziccarisi ‘nta to casa… E cumannari!
ETTORE – Ma io, pi futtuna truvai na fimmina conosciuta pi casu chi e’ spusata cun cretinu deficiente, che farebbe qualunque cosa per me….
Ni capemmu subutu o primu sguardu e tra niatru si crio’ subutu un’atmosfera cosi’ magica…. Chi io’ a chiamai “ Aurora” e… idda a mia “Tramontu”!
TANU – Vi manca sulu notti e ionnu… cosi’ faciti na iurnata completa…..Voi diri chi non sai mancu comu si chiama?
ETTORE – E chi importanza annu i nomi…… quannu si e’ innamorati finu alla follia!
TANU – E avete gia’ consumatu?
ETTORE – non ancora, dumani…. dumani ni ‘ncuntramu pa prima vota,
‘nta na pensioni fuori citta… e sugnu sicuru chi faremu scintilli.
TANU – Ma vadda chi combinazioni… puru io, mi trovu ‘nta to’ stissa situazioni e puru io ma vidiri dumani pa’ prima vota…cu na fimmina cosi’ bedda...cu suli quannu c’e’ idda diventa scuru.
ETTORE – Non ci pozzu cridiri! Comu e vecchi tempi! Ti ricoddi quantu ni cumminammu quann’erumu mulitari….E’ u distinu chi ni fici ‘ncuntrari.
TANU- No, sacciu si fu iddu…ma sugnu cuntentu chi t’incuntrai, pero’ ora t’haiu a lassari picchi aiu a organizzari il tutto… tu mi capisci veru?.(esce)
ETTORE ( rimasto solo….legge il giornale)
ELISA(Aurora) – (arrivando trafelata,vedendo Ettore si ferma e poi…)) – Oh! mio TRAMONTO!!... Finalmente le mie pupille ti vedono! Non vidia l’ura mi putia veniri a confermarti l’appuntamentu di dumani.
ETTORE(Tramonto)- A cu ciu’ dici… mia Aurora!.....stava ca ‘ sulu, pinsannu : verra’? o non verra’? E quannu mi stava scuraggiannu.. arrivasti tu, cu sta bella notizia…. Sugnu talmenti cuntentu chi mi vinirria voglia mi iettu quattru sauti!
ELISA ( AURORA)Femmu…. Megghiu di no!.. Mi ti rumpi cacchi iamma e poi u nostru incontru u facemu o spitali!
ETTORE (TRAMONTO) Ma quannu mai…mi sentu comu un picciotto di vintanni…. Si non fussi pi stu duluri ‘nto ginocchiu e pi chiddu ‘nta schedda e l’autru ‘nta spadda …tu facissi vidiri io’!.....
ELISA – Lassa peddiri… non mi pari u casu…di farimi vidiri comu si’…in forma… non vurria mi peddi cacchi pezzu.
ETTORE .. A tia ti piaci schizzari…Ma caso volle,FORTISSIMAMENTE VOLLE.. chi dumani ti posso fare vedere le mie doti atletiche..
ELISA – Chi si’ ‘mpignatu in cacchi gara….
ETTORE – Ma chi fa’, gia’ ti scuddasti di l’appuntamentu?.....Ti scuddasti chi dumani u cielu cancia culuri?
ELISA – Ci sara’ un’eclisse solari?
ETTORE- Va beni vah!... A mia mi pari chi mi stai pigghiannu in giru…fossi e’ megghiu mi mi ni vaiu , quantu mi riposu. Allura ni videmu dumani “AL GALLO D’ORO “ per trascorrere insieme ore indimenticabili… a presto mia Aurora..io vado….sparisco(Esce)
ELISA – (Rimasta sola …) Fossi staiu sbagghiannu tuttu… u me Tanuzzu e’ si’ na pocu strafottenti, ma in funnu…. in funnu non e’ malu…a parti du alitu di cani mottu…. e chi iavi sei misi, dicu sei… chi na manu i supa non ma metti chiu’….e poi non ci pozzu piddunari chi ogni vota chi ‘ncuntramu cacchi bedda fimmina….vadda comu un cretinu ..pari chi fimmini non na’ vistu mai….E poi…. e’ sempri senza soddi, non aiu capitu unni i spenni…e davanti a televisioni a sira si drummenta comu un salami, runfannu comu un carru armatu…comu fici a innamorarimi di iddu, no…sacciu; fossi avia a essiri orba!..... Pi non parrari poi di quannu comu un coglione si fici ‘mestiri d’un camion…picchi’ caminava di notti vistutu di niru…’mbriacu ‘nto menzu a strada…… Fossi mi staiu facennu troppu scrupuli…. I corna si merita tutti … e dumani ci paru belli longhi.. col mio Tramonto(esce)
A QUESTO PUNTO LA SCENA SI SVOLGE NELL’ANDRONE DELLA LOCANDA “IL GALLO D’ORO”
SMERALDA – (vestita in Maniera provocante, com’e’ suo costume per mettere in mostra le sue forme) – Ah! Chi bedda matinata, mi sentu propriu in forma ( si mette le mani sui seni)….. e’ propriu veru,cu fa matinata ,fa iunnata (si abbassa e si alza piu’ volte per pulire e sistemare i tavoli).
VOCE FUORI CAMPO: Smeralda!!….Smeralduccia!!... quantu si bedda sta matina…..si ti cali nautri du voti.. maritu.
SMERALDA –( Stizzita)- l’occhi vannu a cadiri!…vaddativi i vostri muggheri e i vostri soru!
VOCE FUORI CAMPO: Smeralda, quannu t’incazzi si ancora chiu’ bedda…e chi portamentu chi hai!!
SMERALDA – E menu mali chi era matina e pinsava di essiri sula… ma ‘nta stu postu …puru i mura annu l’occhi….. Vuatri masculi siti tutti i stissi….tirati a petra e mucciati a manu…Pero’ infunnu io’ sugnu fimmina schetta…..facitivi a vidiri…non si sa mai( rivolta al pubblico)….Si si fannu a vidiri ….sti curnuti… ci rumpu i iammi!..... E poi e’ veru chi sugnu schetta …ma ‘nto cori a cacchidunu l’aiu! Ma, ddu disgraziatu, pi tutti avi occhi … tranni chi pi mia…..Dici chi sugnu troppu piccidda pi iddu.( rientra)
ANNIBALE( arrivando dal vicolo) – Cettu chi stu paninu e’ propriu bonu, u furnaru e’ u magu di panini, quasi quasi,mi iapru na panineria e fazzu soddi a palati…..( pensa un poco ) pero’ dal momento chi mi piaciunu tantu finisci chi mi manciu tutti io’ e non guadagnu nenti… fossi e’ megghiu mi ceccu cacchi nautra cosa.
CESARE – (Uscendo dal portone e sentendo il ragionamento del fratello)
ANNIBALE!!… E’ mai possibili, dicu io’, chi arrivasti a cinquantanni…. ti facisti vecchiu rincoglionitu e ancora sta pinsannu a quali travagghiu e’ adattu pi tia!
ANNIBALE – (tossisce)- mu stavi facennu calari di travessu! Sempri cu ssa’ storia du travagghiu! Allura non l’ha’ caputu chi a Sicilia e’ una regione autonoma fondata soprattutto sulla disoccupazione! Ma non ti VADDI ‘NTORNU …ne’ vidi chi sunnu tutti disoccupati….. e cuntenti.
CESARE – Tu a ringraziari a Diu, chi sugnu u frati chiu ranni e aiu l’obbligu morali di pinsari a tia, altrimenti a stura cun cauci ‘nto culu ti facia fari tanti di ddi cussi….. chiuttostu annasti a parrari cu sinnicu, comu t’avia dittu io?
ANNIBALE – Annai…annai.
CESARE – E comu finiu?
ANNIBALE – A nenti,….. eccu comu finiu…. Dici chi per ora c’e crisi a tutti i banni …se poi ci sara’ cacchi novita’, mi fara sapiri.
CESARE – Campa cavaddu……sti disgraziati di politici ti conusciunu sulu quannu t’annu a ciccari u votu….appoi appena sunnu eletti, sinni futtunu di tia.
ANNIBALE – Non ti preoccupari un travagghiu prima o dopu u trovu…
CESARE – A conosciu ssa musica,oramai e’ vecchia… tu o traavagghiu c’hai sempri sparatu.
ANNIBALE – Ma chi ci pozzu fari si quannu nascii, a mia mi destinaru disoccupatu!
CESARE –PUTRUNI!… a tia ti destinaru” PUTRUNI”, chi non e’ a stissa cosa….u sai chi fai…
ANNIBALE – Chi fazzu?
CESARE – Leviti i ‘nto menzu ! Sparisci …pi sempri!
ANNIBALE – E cu travagghiu!... comu fazzu!
CESARE – Ma chi fai mi pigghi in giru!....Vattinni , altrimenti non rispunnu chiu’ di mia!
ANNIBALE – Va beni! Minni vaiu…Vaiu a pinsari chiddu chi pozzu fari(fa per entrare ..poi torna indietro) Ah! U pustinu mi desi sti littri, mi dissi mi ti dava a tia chi si u portinaiu!
CESARE – Va beni lassili cca’ chi poi ci fazzu aviri io’i littri…. E tu vacci ad aiutari a fari i pulizii.
ANNIBALE- Non pozzu! U dutturi mi dissi chi io’ sugnu malatu, picchi’ aiu l’extracostoli ‘nto cori e a diarrea elettrostatica, percio’ sugnu menomato!
CESARE – ‘Nto ciriveddu si menomatu! Putruni sfaccendatu e ‘mbrugghiuni patentatu.
ANNIBALE – Oh! Ma chi ci pozzu fari, si tu nascisti maggioratu e io’ minoratu!
CESARE – Tu fai u babbu..pi non pagari u daziu….ma a tia ti ‘ndrizzu io’…autru chi minoratu…
ANNIBALE –( ESCE BORBOTTANDO).
SIG. SMERALDA(un poco’sorda,sce dalla locanda appena ha sentito la
voce di Cesare del quale e’ innamorata)- Oh! Cesare chi piaciri! A matina non fussi matina si non vidissi a tia….U primu pinseri quannu mi iazzu e chiddu di curriri cca’ fora picchi’ sacciu chi ci siti vui….
CESARE – SI…si, pero’ non ti pozzu dari addenzia, in quanto nell’eserciziu della mia professione..ossia distribuire a posta all’ospiti fissi, sunannu i campanelli.
SIG. SMERALDA – E caviti a fari chi pennelli?
CESARE - Ti fazzu un bellu quadru, atia e a me frati a braccettu, cosi bi vaddu quannu non ci siti.
SIG. SMERALDA - Si siti….io’fami haiu….di tia Cesare..
CESARE – Smeralda pi favureddu…cerca di essere garbata.
SIG. SMERALDA – Voi na rattata? Unni…. dimmillu chi ti rattu subutu!(cerca di toccarlo)
CESARE – Ma quali rattata! Dicia mani a postu.
SIG. SMERALDA – ‘Nta ddu postu?(ritenta di toccarlo)
CESARE – Ma Smeralda !! Un po’ di contegnu…i to’ sunnu capricci.
SIG. SMERALDA – Si!! chiddu chi voi tu manciamuni puru i salsicci!
CESARE –Si, i costi i maiali…allura mu fai pi dispettu?
SIG. SMERALDA – Si!(svenevole)..di cursa….. amuninni ‘nto lettu!
CESARE – Ma..Santu Diu… mettiti n’apparecchiu ‘nte ricchi! Ogni iornu a stissa storia… chiuttostu teni sta littra e’ pi tia.
SIG. SERALDA –(delusa)- Ma pigghiu chiu’ tardu ..ora mi fazzu na passiata…(torna indietro)...voi veniri cu mia?
CESARE – No…grazi ..aiu cuffari!..E u travagghiu quannu u fai?
SIG. SMERALDA –Chiu’ tardu…tantu pi ddi quattru soddi chi mi duni… Tu , non pinsi iautru chi e cummari…senza mi ti n’hadduni ca roba bona l’ai sutta all’occhi e na voi ‘chiappari.(esce)
CESARE – A chista comu mi l’haiu a livari di supra no sacciu! Diventa sempri chiu’ aggressiva…cacchi mumentu ma trovu ‘nto lettu senza mi minni rennu cuntu…. sudda stunata… minorenni e maniaca…secunnu idda io’…Cesare Treossa m’avissi a mettiri cu idda…mancu mottu!
SAVERIA- (PITTORE, ma senza fortuna)- Pi favureddu non parramu di morti…Io non m’aiu ancora ‘mazzatu… picchi’ non aiu avutu tempu… ma un mumentu di chistu appena trovu u curaggiu mi iettu a mari cu na bedda petra o coddu … cosi’ a sta sfortuna chi mi perseguita puru ‘nto sonnu .….a fazzu ristari a bucca asciutta.
CESARE – Saveria, non fari cosi’! Vedra’ chi prima o doppu lei i lassa tutti a bucca aperta!
SAVERIA – A bucca aperta io l’aiu…..pa fami!!! L’uttimi soddi c’havia ci puttai a posta pi pagari a rata di tili e di culuri, e ora sugnu propriu a zeru… Voli diri stu misi nuddu ha avutu bisognu d’un beddu quatru novu! Aiu fattu si e no quattru giustatini! Di quannu fannu i stampi..nuautri artisti putemu sulu ciccari limosina.
CESARE –Secunnu mia…avissiru a chiudiri tutti i stamperii…… Ma di dda mostra di cui mi parrava tempu fa?
SAVERA – Lassamulu peddiri…sautru argomentu! Non haiu pututu truvari a nuddu chi e’ interessatu…Ma si m’avissa ristatu in Francia, unni ni capisciunu di arti, sugnu sicura chi non mi truviria ‘nta sta situazioni di miseria…anzi annatassi ‘nte soddi ..ma purtroppo l’amori mi putto’ o Sud…. unni l’arti non veni caputa… E comu si non bastassi… ci ‘pizzai puru u zitu chi si ni scappoi cu nautra!
CESARE – Curaggiu, Saveria, prima o dopu i cosi si giustunu… E po’ essiri puru chi truvati nautru beddu masculu!
SAVERIA – Mi si pigghia a mia….a depressioni l’avi aviri a trimila!
CESARE-Non mittemu limiti alla Provvidenza…. chiuttostu tiniti sta littra e’ pi vui.
SAVERIA –(facendo scongiuri)- Madonna santissima… megghiu mi na iapru propria.. sicuramenti sara’ cacchi cosa di pagari… e ora comu fazzu…sugnu ruvinata…..a cu mi rivolgiu…’Nta sta lucanna aiu debiti cu tutti...Non mi tinissi…. quantu ceccu u curaggiu pi mazzarimi…(esce)….( poi torna indietro) Ah!... sig. Cesare si non mi viditi passari …voli diri chi sugnu motta! Anzi…..sig. Cesare…. Sta littra tinibbilla vui… si non m’ammazzu….nautru mumentu passu e ma pigghiu.
CESARE –Aspittati signurina.. datu chi fatti sunnu accussi… e io! …..aiu statu semprei vostru amicu…..Vi fazzu na’ proposta! ….Io vi priparu un pranzu gratis ogni iornu…. E voi grande artista”Saveria”mi firmati na carta: chi si piccasu…..sulu pi casu, avissu a moriri… tutti i quadri e i vostri beni, si ci ni sunnu, restunu a mia.Ci stati?... Chi ni diciti?
SAVERIA – Affari fattu!.... Tantu non valunu nenti!..... E per vita natural duranti ….manciu gratis!......Datimi na pinna ….unni firmu….scrittu e sottoscrittu( firma un pezzo di carta che Cesare esce dalla tasca e dopo aver firmato esce poi torna indietro…))- U sapi sig. Cesare… chi a voglia di ‘mmazzarimi quasi chi mi passo’!
CESARE – U sapia io’…A su prezzu!(prima solo, poi con Annibale) – Cettu chi iavi un bellu curaggiu…a signa.Saveria….a prima cosa chi ci va stotta….pensa mi si ‘mazza …e poi u curaggiu no trova mai… a mia mi pari chi fa sulu tragedie greche…’nta vita ci voli vulunta’… intraprendenza….iniziativa….
ANNIBALE – ( entrando ) – eccu u dicisti…ci voli iniziativa… ed e’ chiddu chi mi manca a mia….avissi bisogno na spinticedda….chissacciu un beddu cauci..
CESARE – ( gli molla un calcio) – Eccu u cauci tu desi, fozza sbigghiti!
ANNIBALE – Aih! Ma chi si cretinu!… u cauci era megafonico! E si mi facivi scoppiari a pizza con versamento….
CESARE –(interrompendolo) di pumatoru e mozzarella… Si dici METAFORICO! Deficiente analfabeta! E non e’ a pizza ma a milza… chi si trova davanti e non ‘nto culu…. Percio’ mutu e pipa …. Chi non ti facisti nenti.Chiuttostu, quali idei sviluppasti…mentri eri di la’.
ANNIBALE – Caro fratello, stavota ci semu!....Tu mi dici sempri chi sugnu deficienti!
CAESARE – In effetti tantu scattru non si!
ANNIBALE – Mi dici semprei chi m’avissiru a ‘nciuncari i iammi!
CESARE – Saria megghiu!
ANNIBALE – Mi dici sempri chi m’avissiru a ricoverari!
CESARE – Macara a Diu.. cosi’ ti livassi davanti!
ANNIBALE – Mi dic...
CESARE – Vulemu strinciri pi favuri, chi aiu da fari…e allura?
ANNIBALE – Fazzu a dumanna i pinsioni per invalidita’ CEREBRALE-IAMMALE – RICOVERALE PERMANENTE A VITA!!
CESARE – (Guardandolo perplesso) – E sa diagnosi chi voli diri?
ANNIBALE – Ciuncu e deficiente!.....
CESARE – Deficienti ci si’……. ma ciuncu?
ANNIBALE – Ma chi si’ babbu..fazzu finta(fa un paio di passi camminando da storpio)- Chi ti ni pari?
CESARE – Chi sembri un veru deficiente!...... Pero’ purria funzionari.Ora pero’, resta cca’ a reception fina chi io non ritornu…. Mi raccumannu non criari casini , o to solitu.
ANNIBALE – Comu voi tu, ma non haiu caputu chi e’ sa ritirescion…. unni ma vissi a mettiri.
CESARE – Ma quali ritir.…io dissi reception… ma si propriu cretinu!..... Arreri o bancu.
ANNIBALE – E ci vulia tantu a diri bancu ..inveci di parrari difficili… Vai tranquillu chi a locanna e in buone mani! Ci pensu io’!
CASARE – Speriamu beni.( esce)
SIg. SMERALDA- (rientrando) – M’ avissi ‘ncuntratu un masculu ….ma unni fineru, io sugnu tutta in subbugliu!….e vistu chi ddu fimminaru di Cesare non mi voli pigghiari in considerazioni… ora mi mettu tutta a iunnata vicinu o bancu e prima o dopu cacchi masculeddu volenteroso u caputu( si siede in un divano e accavalla le gambe facendo finta di leggere)
ANNIBALE – Smeralda , chi si stanca?
SIG.SMERALDA – Non mi ni doli anca… anzi picchi’ non nu facemu un giru tutti i dui? Chi tu fazzu a vidiri io’!
ANNIBALE – A tia ti piaci schizzari! Ma io aiu autri prospettivi, molto presto mi sistemu e pi sempri! Autru chi passiata!
SIG: SMERALDA – Puru tu voi na rattata?....Allura e’ viziu di famigghia…
Picchi’ non bi lavati! Cosi bi passa a manciaciumi!
ANNIBALE – Si , bonanotti ……ma si propriu persa completamenti cu si ricchia a piscicani!
SIG: SMERALDA – Cu e’ chi ci tagghio’ i ricchi o cani?
ANNIBALE – No! A cuta o iattu ci tagghiai!... Ma mittiti n’ apparecchiu Megafon… chi non ci sinti nenti !
SIG: SMERALDA – Aeri ma fici a permanenti!
ANNIBALE – Minchia!.. Non ci a fazzu chiu’… comu l’haiu a fari stari muta a chista, no sacciu!
TANU(entrando) – Bongiorno! C’e nessuno?..Portinaio!...
ANNIBALE – Cca’ sugnu ‘ssittatu arreri a rece…ssion! Chi voli?
TANU – Senta, ieri ho mandato un fax per prenotare una stanza…ma ora ne ho bisogno due… mi dica che c’e’ ..o .. sono rovinato….la prego mi dica se c’e’!
ANNIBALE – Un mumentu, si lei parra cosi’ veloci, non rinesciu mu capisciu . Chi e’ chi vulia? Du stanzi?Ma u sapi chi chista e’ na lucanna molto affuddata e non e’ chi stanzi si trovunu cosi’…. Dicemu ‘nta na vota!
TANU – Allora non c’e’…… sugnu rovinatu.. e ora comu fazzu! A Franca chi ci dicu… chi non fu capaci di truvari na stanza… chi masculu sugnu…. Bella figura ci fazzu…nenti(rivolgendosi ad Annibale) –lei mi l’avi a truvari pi fozza!
SIG. SMERALDA – Si voli po’ dommiri ‘nta me stanza …’nto me lettu, cosi’ ni quaddiamu a vicenda … chi ni dici giovanottu!
TANU – Ma signorina! Lei strasintivu… io non staiu ciccannu cumpagnia!
SIG.SMERALDA – Cettu cu mia… cu ccu’…allura!
TANU – Ci stava dicennu chi … (a parte) sugnu accumpagnatu!
SIG. SMERALDA – C’e’ puru so cugnatu..megghiu!!... u facemu cuccari ‘nto menzu!
ANNIBALE –( che nel frattempo assisteva divertito) – Signor… comu si chiama…a lassassi peddiri… A signurina e’ na pocu sudda….cioe’ non ci senti tantu bona.Percio’ chi mi stava dicennu?...Chi iavi bisognu du stanzi?
TANU – Si , la prego mi truvassi ..o fazzu a figura du cretinu!
ANNIBALE – (fiutando l’affare) – Certu c’un pocu di bona vulunta’…dicemu ca stanza si purria truvari…ma certu non e’ facili.
TANU – Chi voli diri ca bona vulunta? C’e’ o non c’e?
ANNIBALE – Voli diri chi ci purria essiri…ma ancora non c’e!
TANU – Ma ..io..non capisciu!
ANNIBALE – (strofinando l’indice e il pollice )- Insomma ci purria essiri!
TANU – Ah! Ora capi’! Quant’e’?
ANNIBALE – Pi centu euro a truvamu!
TANU – (pigliando il portafogli)- Cca’ ci sunnu cincucentu euro mi dassi u restu!
ANNIBALE – Veramenti, u restu non l’haiu ca’…ma lei annassi a pigghiari a signura , quannu torna ci fazzu truvari i chiavi e u restu!
TANU – Va beni, Vaiu e tornu, lei nel frattempo mi pigghiassi u restu!
ANNIBALE –Va bene!
SIG. SMERALDA – Ci l’avia dittu io’… mi si cuccava cu mia!(ESCE)
TANU – Quantu vaiu a spittari a Franca… si chidda non mi trova e’ capaci mi sinni torna arreri(ESCE)
ANNIBALE- Me frati dici chi sugnu cretinu… poviru scemu….in quattru e quattrottu mi buscai cincucentu euro senza fari nudda fatica….si mi faria stari chiu’ spissu arreri….o bancu ciu’ faria vidiri io’…autru chi cretinu!
Io ,pi l’affari haiu fiutu…comu e cani!
CESARE ( rientrando) – Allura tuttu a postu! Arrivoi nuddu?
ANNIBALE – Si, u clienti della n°2 chi vulia nautra stanza, no sacciu pi cu? ci dissi chi c’era…Pero’ ora chi ci si tu…Ta’ spidugghi tu…io’ vaiu..
CESARE – Non e’ chi ni cummunasti cacchi duna di to’, veru?
ANNIBALE – Ma quannu mai! Ci desi i cammiri e basta! Ora pero’ vaiu a fammi scriviri a dumanna di pinsioni o sindacatu, ni videmu chiu’ tardu!
CESARE ( rimane da solo e guarda le lettere) – Smeralda, a maniaca, non si l’ha ancora pigghiatu a littra…ora ci a pottu… spiramu mi si calmo’ nel frattempo.(esce)
ENTRANO ETTORE(TRAMONTO) ED ELISA(AURORA)
ETTORE(TRAMONTO) – C’e’ nessuno?... Albergatore!.... Locandiere!
ELISA (AURORA) – Zittu! Vuoi chi ni sentunu?
ETTORE – Ma si non ni sentunu comu na dununu a chiavi?
ELISA – Gia’ non ci avia pinsatu!.... Comu si intelligenti, mio Tramonto!
ETTORE – E a to’ vicinanza chi mi fa’ divintari scattru… mia Aurora!
Pensa chi stanotti non potti dommiri, pinsannu a chiddu chi avissi succidutu oggi! E mi fici na pocu di ginnastica!
ELISA – Non e’ chi ora si stancu e ti drummenti!
ETTORE – Ma quannu mai, ti renni cuntu chi fisicu chi aiu?
CESARE - (entrando) Mi chiamastu?
ETTORE – Certo, non e’ lei u lucanneri?
CESARE – Si sugnu u portinaiu .. mi dica?
ETTORE – Io diciamo cosi’….avissi prinutatu na stanza!
CESARE –Bene…. A nome?
ELISA – Tramonto!
CESARE – Tramonto…tramonto(guarda nel registro)…cca’ non c’e’ nudda prenotazione a nome Tramonto!
ETTORE – Ma quale Tramonto! Mangiahhhhhhhhhlpi(parla in modo incomprensibile)
CESARE – Comu dissi? Parrassi chiu’chiaru chi non capi’
ETTORE – (sempre sottovoce) – Manhhhhhhliupi!
CESARE –Ma chi ci doli cacchi denti… o stamu giucanni e ‘ndovinelli? …..Mu voli diri chiaru u so’ cognomi…altrimenti facemu notti!
ELISA – E diccilu! Chi e’ t’impiccio’ a lingua?Sbrigati!
ETTORE – (a malincuore) – Mangialupi!
CESARE – E ci vulia tantu!... Ecco la vostra chiave!(ENTRANO NELLA CAMERA N° 1)
ENTRANO TANU E FRANCA( FRANCA HA UN VENTAGLIO E CERCA DI NASCONDERE LA FACCIA)
TANU – Scusi.. unni finiu u lucanneri d’antura?
CESARE – Chi avia bisognu?
TANU – Avia prinutatu du stanzi ….una pi mia e una pi me….. soru!
CESARE – Va beni! I chiavi ci pozzu dari io’? Daltro canto u titolari sugnu io’… chiddu chi c’era cca antura era me frati Annibale… ogni tantu u lassu a reception, quannu aiu a sbrigari cacchi faccenda.
TANU – E quannu torna!
ETTORE – Ma lei chi avi a fari cu me frati? Nisciu pi na so’ situazioni….. I stanzi ci pozzu dari puru io’!
TANU – Si! ma siccomu …..sapi… avissi bisognu di na….cosa!
CESARE – Dica! Mu dicissi a mia , chi ci pensu io’!
TANU – Veramenti e’ na cosa personali….io’ ci desi na cosa a iddu… e iddu, so’ frati, mavissi a dari na cosa a mia…. A lei nenti ci lassoi?
CESARE – No!...nenti…ma di chi si tratta…parrassi, si cia pozzu dari io’, cia dugnu.
FRANCA – Ma ti voi sbrigari!( sempre coprendosi il viso)-Andiamo( lo tira verso le camere)- U sai chi sugnu stanca e non vidu l’ura di farimi na bella doccia calda!
TANU – Aspetta! ( rivolgendosi a Cesare)- Quannu torna…. ci dicissi chi ciavissi a parrari… urgenti!
FRANCA – ( allontanandolo) - Ma chi si scemu, a mumentu mi facivi riconusciri! C’era bisognu di tuttu ddu discussu supra a so’ frati! Chi t’interessa unni annoi? Chi si’ carrabineri!
TANU – Minteressa!..Eccomu si m’interessa!( Farabbutto!)… Anzi, ora t’accumpagnu ‘nta stanza e scinnu subutu… chi aiu a cumplitari stu discussu cu portinaru (Sale e scende subito)
CESARE – Nautra vota ca e’Lei?...
TANU – Cettu chi sugnu cca’….ceccu a so’ frati!
CESARE – Allura lei e’ propriu duru di comprendoniu…ci dissi chi non c’e’…. anzi vistu chi e’ cca’…ci vogghiu diri io’du paruleddi…lei fici tuttu un giru di paroli…. senza quagghiari…..ma na’ cosa c’ia’dicu io’………ma ca’ cu e’ chi paga?
TANU –(Sorpreso) - ……Comu?....Veramenti…..(Alzando la voce) Veramenti mi pari!!...
CESARE – Senta!..... Ca pari finu a quannu non scurisci…Poi non pari chiu’…..ora strincennu, Io cca’ sugnu pi travagghiari, pi quadagnarimi u pani…. E non aiu tempu di peddiri…..O paga i stanzi…o pigghia u bagagliu e a so’ soru e si nni va!... E a chiudemu cca’!...Semplici no?
TANU – Lei parra forti picchi’ io’ …aiu bisognu…si no’…
CESARE – Io a lei no capisciu…chi fa’…paga ..o no!
TANU -……E quant’e’!
CESARE – Quantu ristammu?
TANU – Centu euru, pi du stanzi….Ok?
CESARE – E no! Lei u vadda u telegiornali…i cosi canciunu velocementi…oggi sunnu di na manera …dumani i nautra…E’ la cosiddetta “evoluzioni temporali”…..Ora ci ni vonnu 150.. prendere o lasciare!
TANU – Cetto chi lei e’…un veru amicu…E tempi lei avissi fattu un saccu di soddi!
CESARE – Si! … e comu?
TANU – Succhinnuci u sangu e genti!.....Sanguisuga! haiu 500 euro!...Mi dessi u restu!
CESARE – cca’ non l’haiu! mi lassassi… quannu patti ciu dugnu !
TANU – Nautra vota?.....Ma chi e’ viziu di famigghia… E va beni!...... unu chi non po’ fuiri..s’avi a fari pigghiari!.... Con permesso…(sale)
CESARE – Vadda!...Vadda!(poi sornione)- Cettu chi quannu u bisognu stringi…ognunu metti a manu ‘nta sacchetta e picca parrari.(ridacchia stringendo tra le mani la banconota) – Ma cu l’avia vistu mai na catta di cincucentu euru….io pinsava chi mancu esistia…chi l’aviunu fattu sulu pi ricchi!
SAVERIA ( Rientra , in stato confusionale, tenendo in mano un quadro incompleto e grida) –Ah!..Ah! (Poi si ferma un attimo e grida ancora)- Ah!.. Ah! ( rivoltando e guardando il quadro incompleto)
CESARE – ( per distoglierla)- Saveria… Saveria… Arripigghiti!...chi ti succidiu!
SAVERIA ( Non curante) – M’ammazu…o non m’ammaazu?....M’ammazzu ..o non m’ammazzu?( poi deciso)…PI OGGI NON M’AMMAZZU!!
CESARE – Menu mali!
SAVERA – Datu chi pi oggi non m’ammazzu ….dammi da mangiari …comu ristammu!
CESARE – (Indispettito) – Smeralda! …..Smeralda!... ma unni si’….Botta di sangu…vistu chi pi oggi non s’ammazza priparici a mangiari a Saveria! Offre la casa!
SAVERIA ( divertito) – I patti su patti!... E si rispettunu!
NEL FRATTEMPO ARRIVA SMERALDA PER APPARECCHIARE LA TAVOLA
E RIENTRA ANNIBALE
ANNIBALE – Bongiornu a tutti…. Sempri puntuali all’appellu..non manca mai nuddu!
CESARE – Mancavi sulu tu! Ora ci semu tutti.
ANNIBALE – (stizzito)- Cesare, tu si non menti u puntinu….mori…ma dimmi chi festeggia Saveria?
CESARE –Picchi’!
ANNIBALE – Comu….picchi’? di solitu si pigghia massimu…massimu menzu paninu e un biccheri d’acqua addritta addritta….Oggi apritivu o tavulu, salatini , alivi salati ecc. ecc… chi fici, vinciu o super enalottu?
SAVERIA – Parra Cesare…spieghici u fattu!
CESARE – Nenti!...Nenti! Poi tu cuntu….Chiuttostu…. unu di l’ospiti , un certu Tanu, mi dumannava di tia….Mi dissi: Io’ ci desi na cosa a iddu..iddu m’avi a dari na cosa a mia… Mi raccumannu mu ciu dici…Mi paria a storia di “Giulietta e Romeo”….Mi voi diri di chi si tratta?
ANNIBALE - io’ nenti sacciu… E poi cu era su unu.. chi avia a giulietta di Romeo!
CESARE – Cettu chi tu…pi cultura!...lassamu peddiri…chi e’ megghiu!
ANNIBALE – I stanzi ti pago?
CESARE – Vulia fari u furbu…infatti … quattu ,quattu si ni stava ‘nchianannu ‘nte stanzi cu so’ soru…..Ma io’ ci fici pagari in anticipu!
ANNIBALE - (preoccupato) – E iddu chi dissi?
CESARE – Prima a tipu chi piddia tempu…poi dissi…Mi pari chi ho gia’ datu!
ANNIBALE –(prontamente)- A mia nenti mi desi!
CESARE – U sacciu!...U sacciu…Tu si’ putruni..ma na doti ti l’haiu a riconusciri…SI’UNPUTRUNI ONESTU!
ANNIBALE – Ci poi mettiri a manu supra o focu! ….E poi pago’?
CESARE – E si non pagava …io’ ci ni dava chiavi….Pago’…pago’…mi lasso’ cincucentu euru novi…novi.
ANNIBALE – Beni, allura tuttu a postu!
CESARE – sicuru…Ma picchi’ ti ciccava? Ciavivi a dari cacchi cosa?
ANNIBALE – No!...nenti…M’avia ciccatu un favuri(Strizza l’occhio al pubblico)
CESARE – Ma tu…chiuttostu tu chi facisti di bonu!
ANNIBALE – (Con aria saccente) – Si ti riferisci a dumanna d’invalidita’… tuttu procedi al meglio… L’amicu chi mi guida…mi dissi chi pozzu stari tranquillu.chi e’ tuttu a postu e quantu prima mi passunu a visita….Fra qualche mese percepiro’ la pensione e non lavorero’ piu?
CESARE – Ma chista e’ bella! Ma tu quannu mai a’ travagghiatu!
SAVERIO ED SMERALDA – Nni dispiaci Annibale, ma chista e’ a virita’
ANNIBALE – Ma vui i fatti(cazzi) vostri ..non vi sapiti fari!!
FINE PRIMO ATTO
SECONDO ATTO
SIAMO SEMPRE NELLA HALL DELLA LOCANDA, CESARE E’ ALLA RECEPTION CHE CONTROLLA LA POSTA…QUANDO ARRIVA SAVERIA
.SAVERIA –Mi ci fussi na iurnata..chi non mi sbigghiu ‘ncazzata...Puru ‘nto sonnu mi ‘ssicutunu chiddi chi vanzunu soddi..Non cia fazzu chiu’…stavota e’ decisu…u sapi chi fazzu?
CESARE – Non mi dicissi nenti, videmu si ‘nzettu…Secunnu mia si vuli ‘mazzari!
SAVERIA – Mi!...Ma chi e’… l’haiu scrittu ‘nta facci?
CESARE – Siccomu ci vuli tantu a capirlu!…chista e’ storia di tutti i ionna….lei si voli ‘mazzari un iornu si e unu no!…voli diri chi oggi e’ u ionnu si! Chiuttostu sintissi na cosa …t’avissi a dumannari un favuri!
SAVERIA – Si pozzu essiri utili!.....voli diri chi mi mazzu nautra vota!
CESARE – Lei l’avi prisenti a me frati Annibale?
SAVERIA – Cettu chi l’aiu prisenti..E’ sempri cca’….e allura?
CESARE –Tutti sannu chi non ha mai vulutu travagghiari… dici chi nasciu pi essiri disoccupatu cronicu… ora addirittura si fissoi chi e’ malatu e chi avi
a fari a dumanna di pinsioni……ma siccomu e’ chiu’ sanu di mia, e’ sicuru chi pinsioni non ci ni dununu, percio’ ci vogghiu priparari na bedda ‘nsalata chi si l’avi a ricurdari fina a chi campa……l’hai n’amicu chi iavi a facci di dutturi?E chi e’ chiu’ dispiratu i tia…. Chi cu cincu euru u putemu dubbari?
SAVERIA – A vogghia!.... pi cincu euru ni pottu quattru…. E cu deci puru i l’infermieri!
CESARE – Cettu chi havi bell’amici,non c’e’ chi diri... Comunqui parrici, spieghici u fattu….quannu si pronta mi chiami in privatu ….e non fari parola cu nuddu!(Saverio fa per uscire quando Cesare la richiama)….Ah! Saveria si hai ‘ntinzioni mi ti mazzi, rimanna di cacchi ionnu!
SAVERIA – Gira e vota ..lei ci avi a mettiri sempri u puntinu finali! ( esce)
CESARE – A posta!...ma scurdai nautra vota(esce)
ENTRA TANU CON UNA BOCCETTA DI PROFUMO IN MANO E S’IMPROFUMA TUTTU.
TANU – Cu stu profumu… dopu deci secondi…Mi dici subbutu si’…iautru chi poi videmu!..... Ma unni annoi a finiri chiddu chi si futtiu i cincucentu euro…non si vidi a nudda banna… vo’ didiri chi ci pizzai… pi non parrari poi du portinaiu… mi pari nautru truffaldinu…. Spiramu sta iurnata non mi si trasforma in una ecatombe economica……(poi pensoso) – Fra quantu mi dissi Franca mi ci battia?....deci minuti …o vinti … cu su ricodda chiu’ … sugnu troppu su di giri voi vidiri chi fazzu cilecca comu dda vota a Berlinu cu dda stanga tedesca…. Spiramu mi mi calmu…ANZI QUANTU MI FAZZU DU ‘MPACCHI DI ACQUA FRISCA supra a frunti(esce)
FRANCA – Ma unni si zziccoi…. Ci dissi di rivari dopu deci minuti e inveci spariu…Menu mali chi era impazienti! I masculi su tutti i stissi, quannu e’ u mumentu di cunchiudiri si tirunu arreri. Vo’ vidiri chi ‘nto chiu’ bellu si ni scappo’!......(sospirando) Spiramu nommi mi rinesci cucuzza…non ci pozzu cridiri! …propriu ora chi m’avia cunvinvinciutu(sale in camera)
TANU –(Arriva con una tovaglia bagnata e si fa’ impacchi sulla fronte e sul collo)- Non c’era mancu ‘nta cucina…. Non sacciu unni l’aiu a ciccari…ma e’ possibili mai chi io’ Tanu. Omu valenti m’appi a fari futtiri comu n’alloccu…(ricordandosi all’improvviso )…. Diu! Oh Dio! Mi scurdai di Franca chi mi sta spittannu… a stura sara’ ‘ncazzata nira, quantu vaiu(sale)
SMERALDA ( arrivando dal vicolo) - Cesare….Cesare mi sentu tutta in caluri!
CESARE – O solitu!!!
SMERALDA - vinni di cursa, pinsannu di fari tardu, avia annatu ‘nta putia pi cattarimi i pira e i banani, e idda, a putiara, pi parlantina…. Mi cuntoi tutti i sacramenti, compresu Vangelu e salmi!
CESARE – E tu chi pi parrari… non ni levi!
SMERALDA – Ah!!! i nevi?... No..Mi livai…. e puru i pila ‘nte iammi…Mi lassai sulu chiddi ‘nta schedda picchi’ non c’arrivava mi mi tagghiu ca fibbicia!
CESARE – E’ distinu chi cu tia non ni middu mai nudda!
SMERALDA – Chi dici chi sugnu sudda?
CESARE – No! Quannu mai!….vidi chiddu ca fari, chi aiu primura(esce)
(Smeralda sbuffando pulisce i tavoli…. Nel frattempo entra Elisa)
ELISA – U sapia io’! …..voli dir appena ‘mpuggio’ a testa supra u cuscinu…s’iddruminto’ subutu( rivolta al pubblico) Mancu u tempu mi si leva i pantaluni, ma chi masculu e’….autru chi tramontu, aurora e primavera….. chistu e’ invernu ‘mpetra! Una quannu savi a ciccari n’amanti si lavi a ciccari figghiolu!..No’,menzu scunucchiatu, e per giunta cunvintu di aviri u fisicu d’un figghiolu… Ma oramai chi sugnu cca’…chi fazzu…Restu a bucca asciutta….No!... chianu nautra vota supra, m’improfumu tutta e mi ettu d’incoddu…Si non si rumpi s’avi a sbigghiari!!(sale in camera)
Entra saverio: Sig. Cesare… Cesare! Cesare!
CESARE – (Entrando da fuori) – Ca’ sugnu …muta! Non fari buci!... Allura?
SAVERIA – Tuttu a postu, u dutturi u truvai! Quannu semu pronti, na telefonata e iddu arriva subutu.Ora pero’m’ava scusari, ma mi ni ‘vaiu , picchi mi sentu tutta strapazzata … cosi’ mi riposu… si poi mi ‘mmazzu non vulissi moriri stanca..
CESARE – No!.... Pi carita megghiu mi mori frisca!..... Comunqui appena sugnu prontu ti chiamu!(Saveria esce)
ANNIBALE – (Arrivando come se avesse avuto una grande idea)- Cesare fratello mio! Ci sono….. finalmente capi’ qual’ e’ u travagghiu pi mia!....
CESARE – Era ura mi ti mittivi a testa o postu…. Anche se cu sta dumanna di pensioni, sempri si ti lacettunu, si comunqui sistimatu a vita.
ANNIBALE – Cettu chi mi l’accettunu…non tu dissi , hai n’amicu chi mi guida e chi mi lassicuro’…..certu cacchi cosa ci l’haiu a dari…. Comunqui mali chi avissi annari u travagghiu u truvai.
CESARE – (incuriosito) – E di chi travagghiu si tratta?
ANNIBALE – Sai fratello mi dumannu comu non ci avia pinsatu prima!
CESARE (Incuriosito) – Si pero’..parra ..sdirrupiti…. di chi si tratta!
ANNIBALE - ….E diri chi era cosi’ facili pinsarici……bastava riflettori un attimu!
CESARE – (irretito) – Annibale!!! (gridando)-
ANNIBALE – Chi c’e’!... chi fu!
CESARE – Mi voi diri di chi si tratta… o amu a fari notti!
ANNIBALE – Scusa fratello, m’avia gia’ concentratu supra u novu travagghiu…..Faro’…..“ IL PENSATORE”….Cesare hai capito ..il PE-N-SA-TO-RE! ….Io mi settu supra a seggia o ‘nta na poltrona… mi mettu bellu comutu… e pensu..pensu …..pensu … poi quannu sugnu stancu di pinsari, pigghia e mi curcu…pero’ sensa pinsari …altrimenti finisci chi travagghiu puru a notti e poi u iornu dopu sugnu troppu stancu e non pozzu travagghiari..
CESARE – ( che nel frattempo aveva preso qualcosa per tirargliela addosso) – Pezzu di farabbuttu ..infami e sautafossa….Secunnu tia chissu fussi un travagghiu! Chi mi voi pigghiari in giru…ma io’ ti rumpu tutti i du iammi cosi’ a pinsioni ta fazzu dari cu tuttu u piaciri!(lo insegue)
ANNIBALE – Ma! Picchi fai accussi! Non fu na bella pinsata!!
CESARE – Pi tia sara’ na bella pinsata…Ma pi mia e’ a solita pigghiata pu culu!
ANNIBALE – (si raccoglie le sue cose) – Quantu nesciu… chi non e’ iunnata… ma sulu pi livari l’acqui! Tantu u sapia chi tu non m’avissi caputu!(esce)
CESARE – (rimasto solo)- mi sentu na testa comu na bumma…non vogghiu vidiri iautru…. mi ni vaiu (esce)
SMERALDA ( Entrando)- CCa’ c’e’ sempri aria di sinfunia… pari chi l’hannu ‘ttaccatu ca curdedda! Io picchi’ non haiu truvatu di megghiu ….sinnunca a stura …..cursi…E poi c’e’ ddu disgraziatu di Cesare chi mi fa ‘mpazziri…ma iddu non mi vadda propria… comu si mi mancassi cacchi cosa……(rivolta al pubblico) Ma chi sugnu cosa di ittari io’!
Dott.Citrullo ed assistente : ( arriva ansimando.con il telefonino attaccato all'orecchio ed accompagnato dal suo assistente dott. Toccasana ,indossando il camice del dottore e portandogli la borsa medica) Si! Si! va bene direttore, visto che
sono qua...visito questo paziente e poi rientriamo.( Quindi rivolto a Smeralda) -Bongiorno sono il dott. Citrullo,mi sa dire dove posso trovare il signor Annibale Treossa? lo devo visitare per la domanda di pensione!
SMERALDA : Oh Diu! propria ora era 'ccà...unnè c'arriva...'nto frattempu si voli ..po' visitari ammia..chi fazzu....mi spogghiu?
·Dott. Citrullo : No! No!... guardi...ho il compito di visitare il signor Annibale Treossa
·Smeralda : Peggiu pi lei!!Quann’e’ cosi’, videmu su pozzu truvari.
·Dot. Toccasana : Dott. Citrullo si permittiti a visitu iò..( e si sfrega le mani) da capu a pedi..'nto n'attimu a votu e a rivotu..
Smeralda :....e chissu cu è?
dott. Citrullo : Oh! scusate..è il mio assistente il dott. Toccasana..
Smeralda :..è medico puru iddu..?
Dott. Citrullo : ...Quasi.....è 20 anni fuori corso..ma con un poco di buona volonta ...tra qualche paio d'anni...sono certo, la laurea FORSE è sicura...!!
Dott, Toccasana : Bonu parrò u dutturi..facennu l'assistenti fazzu
Pratica.
Smeralda : (ironica)...esami…. nnà fattu, veru?
Dott. Toccasana : .... DUI..mi..nni mancunu 29...e già
Listia.
·Smeralda : Cumplimenti ...lei è 'na menti...Dutturi !! mi su teni strittu..iò nesciu videmu si pozzu truari u signor Annibali..(esce).
Dott. Citrullo : Bene...bene..Ha visto, Toccasana, quante cose
S’imparano con me!..Continui cosi’ e diventera’un bravo medico!
·Cesare : (entrando dalla cucina, si avvicina al dott. Citrullo)..Prego..desidera..pozzu esseri utili in cacchi cosa?
Dott. Citrullo : Si!! sono il dott. Citrullo assieme al mio assistente..mi
Manda L’A.S.L...e qui che abita il signor Annibale Treossa?
Cesare : Ah!! lei fussi u medicu chi..(strizza l'occhio )..Saveria ci spiegoi tuttu veru?( e strizza ancora l'occhio)
Dott. Citrullo : (interrompendolo) Si! Si!...lo chiami per favore(mentre il medico e l'assistente preparano l'occorrente per la visita, Cesare esce per
chiamare Annibale, convinto che il dottore sia l'amico di Saveria)
Dott. Toccasana : ..e cercassi di fari prestu...avemu primura...Niautri..
Ettore : (entra sconsolato e si siede su una sedia con le mani tra i
Capelli) - Mih! nun ci fu vessu di risbigghiarimi…E chi m’avia
pigghiatu un sonnifiru!....Chi mala figura!...E cu l’avia a diri chi io’
tramontu divintava notti funna ….senza speranza
Dott. Citrullo : ( assieme al dottt. Toccasana, vedendo Ettore, credono
Sia Annibale) - Prego..venga...
Ettore : Chi dici ammia?
Dott. Toccasana : No!! a me' soru..si c'è sulu lei...nun facissi u
Spiritusu!
·Dott. Citrullo : Collega si calmi (rivolto all'assistente)...e lei si accomodi qua..
( contemporaneamente l'assistente si toglie il camice ed aiuta il
dott. Citrullo ad indossarlo, apre la borsa medica e gli porge il
fonendo)-.cominci lei con l'ispezione del capo..
Dott. Toccasana : bocca una..lingua una..mancano tre denti..
Dott.Citrullo : Bene..continui..
Dott. Toccasana : naso uno..orecchie due..
Dott. Citrullo : Approfondisca sull'orecchio..
Dott. Toccasana : ( prende il cannocchiale che gli pende dal collo e guarda dentro l’orecchio col cannocchiale a rovescio…e poi rivolto a Citrullo) – L’orecchio mi sembra libero..ma molto
Lontano …..Ora il paziente e tutto per lei..
·Dott. Citrullo : (rivolto al paziente)...lo scusi è ancora alle prime armi...e..mi dica ...cosa accusa...che disturbi ha?
Ettore : ( rivolto al pubblico) Mih!! chi serviziu..appena unu accusa un picculu problema..zac...Subutu chiamanu u dutturi!...-Veramenti, dutturi nun m'avia succidutu mai...Mi chiappoi un sonnu, ma un sonnu di chiddi...chi unu non rinesci mancu a teneri l'occhi aperti...lei chi dici ..mi drogaru?
Dott. Citrullo : (serioso)..ma questi non sono sintomi per cui uno può fare la domanda di pensione..
Dott. Toccasana : U dicia iò!!!
Dott. Citrullo : E poi..
Ettore : E poi chi? picchì ci voli puru un poi..ma lei u sapi chi mala figura chi fici?....era a prima vota chi ni vidiamu cu' Aurora..e ora sugnu sicuru chi nun mi voli vidiri cchiù!!
Dott. Citrullo : Ho capito...ho capito tutto...lei soffre d'impotenza soporifera (si tocca il mento) ...ma purtroppo neanche questa è una patologia da pensione..
Ettore : (con disappunto)..pi' lei, dutturi.. sulu pi'lei..pi' mia sugnu già in pensioni sessuali!!! (si alza e se ne va sconsolato)
DOTT. Toccasana – U dicia io’!
Citrullo – Che cosa ?
Toccasana – Che il paziente soffre d’impotenza …a causa di una orecchite cronica…a tutte e due le orecchie!
Dott. Citrullo : Scusa…quasi collega …ma cosa vuole dire questa diagnosi?
Toccasana – Chi e’ gay!!
Citrullo( rivolgendosi all'assistente).Diagnosi un po’ azzardata …ma di sicuro interesse scientifico…bravo!...Ma neanche questa mi sembra una malattia da pensione.
Dott. Toccasana - La pensu comu a lei..mi dia il camice(e lo indossa) e la borsa ..e curremu chi si fici tardu.A stura me muggheri, ci calo’ i spaghetti… E oggi sunnu cu sugu di maiali!.( stanno per uscire,quando entrano Cesare e Annibale, quest'ultimo cammina zoppicando appoggiandosi ad un bastone e porta occhiali scuri)
Cesare : Dutturi ...dutturi ccà c'è u malatu! (e strizza l'occhio)
Dott. Citrullo : (con disappunto)..nautru? ma io qui ho solo un nome….Questo chi e?
Cesare : (pronto) Comu cu e’….Annibale Treossa!!
Dott. Citrullo : ..E quello di poco fa ..chi era?
Cesare : ..E chi ni sacciu iò...Annibale chistu è!!
Dott. Citrullo : mah!..Chi ci capisce e bravo!
Dott. Toccasana : ma ...nenti...ormai semu già cangiati e avemu primura..a prossima vota si ni parra...pi' oggi basta..semu stanchi e i spaghetti si squaddunu!
Dott. Citrullo : ..si..è vero....però , ormai siamo qua...e quindi lo visitiamo..non possiamo fare altrimenti.. collega…. tiri fuori l’attrezzo!
Toccasana – (Si guarda intorno in cerca di qualcosa di cui non ha capito)-
Chi aiu a tirari fora?
Citrullo – L’attrezzo..il fonendo!
Toccasana – Ah! Io cusapi chiddu chi avia caputu! (stizzito).. lei è troppu bonu..si fa mettiri i pedi di 'ncoddu di tutti ( si toglie il camice, aiuta il dott Citrullo ad indossarlo, apre la borsa medica e gli porge il fonendo ed sclama..).- Ci dicu subitu chi iò 'nta sta visita nun mi 'mpacciu...Dovra’ fari a menu da me consulenza tecnica.
Dott. Citrullo : ( non curante delle parole di Toccasana....si rivolge ad Annibale..) - allora...che accusa?
Annibale : (prontamente)'Na napulitana e tri asi...
Dott. Toccasana : ..pi mia sta malatia l'eppi a pigghiari 'o bar..giucannu e carti...
Dott. Citrullo : (rivolto ad Annibale)..non faccia lo spiritoso....cosa sente?
Annibale : Nenti!! nun sentu e non vidu nenti!!!ma pi non diri propriu nenti...solo ombre all'orizzonte!!!!
Dott. Citrullo : ..e queste ombre come le vede?
Annibale : A culuri...dutturi ...a culuri!!
Dott. Toccasana : ...pi' mia chissu 'mbrogghia...
Dott. Citrullo : ...Come a colori se non vede?
Annibale – Ah! Gia’ mi l’avia scuddatu chi non vidu…chimmi iavi malanova non mi po’ fari dumanni chiu’ facili!… Mi ‘ mmagginu dutturi..mi 'mmaginu tutti culurati..
Cesare – Mutu cretinu!.. Chiu’ parri e chiu’ sbagghi!
Citrullo – E poi?
Annibale – Mi firria a testa comu un paloggiu …e cetti voti na trovu e non sacciu unni l’aiu a ciccari…..l’autru ionnu l’avia piddutu ….menu mali chi poi u pomeriggiu a truvai…pigghiai un coppu di scantu… chi lei mancu su ‘maggina…… a mumentu ristava siccu!
Citrullo – E perche?
Annibale – Mi scantava mi m’aviunu rubatu u ciriveddu!
Cesare – Avendolo!
Annibale – Dutturi me frati schezza …chiddu no vinnu! Ogni tantu mi giuva!
Citrullo – E poi?
Annibale – U stomicu mi trema di continuu e …sugnu soppressu, dutturi…
Citrullo – Da cosa?
Annibale : Da chiddu chi succedi 'nto munnu...dutturi...ogni matina quannu leggiu u giurnali, restu 'nto lettu 'na simana..chi nni sapi lei...!!
Dott. Toccasana : ' U dicìa..iò...pi' mia chissu 'mbrogghia..
Dott. Citrullo : (con sospetto)...legge il giornale?
Cesare : No!...dutturi...voli diri...senti u telegiurnali!!
Dott. Citrullo : Sente?? ma non ha detto che era sordo?
Annibale : comu??...nun capìa !!!
Dott. Citrullo : (ad alta voce)..ma non ha detto che era sordo?
Annibale : Imparziale! dutturi..ogni tantazzu cacchi parola a sentu...e siccomi sugnu troppu 'ntelligenti...capisciu tuttu u discursu...Ci fazzu na divisioni a tri cifri!...na bella moltiplicazioni ca virgola?
( nel frattempo Toccasana gesticola,come per dire: ma chi dici?)
Dott. Citrullo : Non e’ necessario....e questo suo handicap motorio?
Annibale : Ma quali motorio...dutturi!!iò a pedi caminu…si vidissi i ghiai chi aiu ‘nte pedi…ci viniria di cianciri!...Ci fazzu a vidiri?
Dott. Citrullo : (seccato)No!No!....Piuttosto mi faccia vedere questa sua disabilita’?
( Annibale si alza e comincia a fare gesti di karate e boxe)
Citrullo – Ma che sta facendo?
Annibale – Non vulia vidiri a me abilita’?
Cesare :(dandogli uno scappellotto)..voli vìdiri comu camini...scimunitu..
Annibale : E no putia diri subutu(fa il giro della stanza zoppicando)..chi ci ni pari dutturi..non sugnu cunsumatu globali..definitivu?
Citrullo - Effettivamente l’handicap c’e’…ci vorrebbe una buona fisioterapia d’urto!
Annibale – Gia fattu…. dutturi…M’annu ‘mistutu du voti!..Sugnu vivu pi miraculu!
Cesare – Mutu scimunitu! U dutturi parrava di nautru urtu!
Citrullo – Va bene ..penso puo’ bastare..ora firmi il verbale!
Annibale – Dutturi.. chi mi fici a contraminzioni…Io pianu caminava!
Cesare – Mutu statti…quali contraminzioni!
Citrullo – Il verbale che attesta che io l’ho visitata…e che lei e’…
Annibale – PENSIONATO!!
Citrullo – Questo non glielo posso anticipare …e’ la commissione che dovra’ emettere la sentenza!
Annibale – E chi semu o tribunali! Dutturi io’ a nuddu aiu ‘mazzatu!
Cesare – Taci! Lassa parrari a mia chi sugnu u frati chiu’ ranni ..U dutturi voli diri chi poi ti mannunu na littra e ti diciunu si ti l’accettunu o menu( schiaccia l’occhio al medico)
Citrullo – Esatto! Ora devo andare…Arrivederci… e lei su facissi vaddari su occhi.. Mi sembra che abbia un tic nervoso su base neurologica (esce).
Dott. Toccasan pi' mia 'mbrogghia.....(esce prima del dottr. Citrullo)
CESARE – (fra se’) – Ma chi e’ scemu no s’api chi e’ tuttu cumminatu!
ANNIBALE – Com’annai!
CESARE – Di lussu… pensu chi stavota e’ a vota bona. ( escono entrambi)
FRANCA – Menu mali chi avia un fisicu bestiali! ….. O primu movimentu ci vinni u” coppu da strega” e bonanotti! Non ci fu vessu mu fazzu ripigghiari! Ci fici massaggi in tutti i posizioni! Aiu u brazzu chi mi fa un mali tremendu!... Poi quannu parìa na pocu ripigghiatu… crolloi l’autru brazzu…. e dda…. non ci fu nenti i fari…! Menu mali chi avia a fari scintilli!
(Mentre parla tra se e se’ arriva Elisa)
ELISA – Bongiorno, disturbo?
FRANCA –No! Signora, anzi sono cosi’ nervosa che mi fa propriu beni parrari cu na persona du me stissu sessu.
ELISA – Scusi se m’intromettu, tutto bene? E qua con suo marito vero?
FRANCA – Certo e con chi se no!.... E lei?
ELISA – Purru io’, sugnu cca’….. cu me maritu! Sapi … era tantu tempu che vuliumu passari na duminica suli tutti i dui! Anzi, ci vogghiu fari na confidenza….. Abbiamo fattu scintille, a momenti u lettu sautava fora da finestra…Non ci dicu chi si lancio’ du lampadariu…ma quasi…..E voi?
FRANCA – E noi mi dice? Abbiamo fatto cose che non le posso raccontare!....M’ affruntu purru mi dicu!..L’avi presenti lei a Tarzan quannu si ietta ca liana ‘nta giungla…cu tutti ddi gran musculi …rossi…possenti…E poi ddu urlu…..lei non sintiu gridari!… pari c’aviunu sparatu un tronu… E si’…..ogni tantu piaci nesciri fora di soliti schemi e …fari follie!
ELISA – Ma so maritu va’ in palestra?
FRANCA – Sulu ‘nta palestra?...Me maritu, modestamenti, fa tanti sport..si lei u vidi.. non ci parunu pi nenti l’hanni chi iavi….E u so’?
ELISA – Puru u me fa sport…U decatlon(e fa il gesto della mano)
FRANCA – U sapi chi ci dicu…chi semu propriu futtunati ad aviri mariti accussi’… Ci ni sunnu tanti, chi dopu deci anni di matrimoniu, si ritrovunu i mariti chi i trascurunu e chi non ci’intiressa chiu’ nenti d’iddi!
ELISA – Ma!... lo sa che havi propriu ragiuni… pensu chi propriu non ni putemu lamintari…Semu du muggheri soddisfatte!
FRANCA – Giustu dici!
ELISA – Ma! Ora e’ megghiu mi rientru…non vurria chi me” maritu” sintissi a me mancanza, sapi.. semu cosi’ ‘namurati(rientra)
FRANCA – Ragiuni avi! Mi ni rientru puru io’…..a stura me maritu gia’ mi cecca (rientra)
TANU – (con le mani nei capelli) – Cosi da pazzi!.... E diri chi pi sicurezza m’avia pigghiatu pur una pinnuledda blu! E nenti!...non ci fu versu! Ma si! ….appi a essiri l’emozioni! … sugnu troppu emotivu! E u bellu chi m’appi a ‘nvintari u coppu da strega pi non fari mala figura!
SMERALDA – ( entrando e vedendo Tanu, si avvicina)- Beddu giuvinottu! Tuttu a postu … avi bisognu cosa?
TANU – Si! Na maschira… quantu m’immucciu a facci pa’ virgogna. Voli diri, chi io’ Tanu… accussi’ arridduciutu!
SMERALDA – Voli essiri tinciutu?... Si voli vaiu a pigghiu u carbuni stutatu chi tingi bonu!
TANU – Signurina … lassatimi stari chi sugnu ‘ncazzatu!
SMERALDA –Comu? Puru vui .. vuliti essiri rattatu?.. Oh! Ma chistu e’ viziu collettivu!
TANU – Quantu minni ‘nchianu chi non e’ iunnata!
SMERALDA – Ma e’ possibili chi sti masculi sunnu tutti cu l’allergia, chi vonnu essiri tutti rattati!
ENTRA SAVERIA PIU’ DISPERATA DEL SOLITO
SAVERIO – (girando per la stanza) - Stavota e’ propriu finuta! Ma cu l’avia a diri chi finia cosi!... Io’ Saveria, grande artista, arriduciuta a ciccari limosina… comu na pezzenti….Ma stavot stavota u fazzu….MIMMAZZU!!! MIMMAZZU!!!.......datimi na corda…. na pistola ….na mitragliatrici…un carru armatu!!
SMERALDA –Ma chi ci pari chi semu ‘nto vietnam…. Semu stanchi di sta musica…. Ma si propriu ci teni…a corda ta vaiu a pigghiari io’!
SAVERIA – No! A corda no!...E’ troppu dura…. datimi na pistola!.... Truvati na pistola….Anzi cca’ c’era na pistola … arreri o bancu..(gira dietro il banco e trova la pistola… si porta al centro della scena e puntandosi la pistola al petto….preme il grilletto….e cade a terra immobile)
SMERALDA – Oh! Diu! …Aiutu! Aiutu! S’ammazzo’ pi daveru! ….chiamati u dutturi.., u 118…119…u.120… i pumperi … chiamati a tutti …Saveria muriu!
ENTRA PER PRIMO CESARE…POI ANNIBALE
CESARE – ( si avvicina a Saverio…guarda la macchia rossa sul petto… e dice: - Ma vaddati a sta povirazza…s’ammazzo’ pi daveru! Tantu u dissi finu a quannu u fici…
SMERALDA – Prestu …faciti cacchi cosa…chiamati u *dutturu…l’ambulanza…
DOTT.PETRAZZA-(E’ vestito con cappello da pittore e camice bianco, borsa della spesa e impermeabile bianco)- Cca’ sugnu arrivai…scusati u ritardu ma appi a passari du supermercatu…me muggheri vulia fatta a spesa …stasira avemu ospiti…unne’ u malatu di visitari pa dumanna di pensioni!
SMERALDA – E chistu cu e’…..lei e’ u dutturi?
DOTT. PETRAZZA – Si! pi oggi!... Mi manna Saveria, mi dissi chi c’e’ unu chi avi a passari a visita pa’ pinsioni.
CESARE – Allura chiddu si prima….
SMERALDA – Si pero’ ora c’e’ un’emergenza… avi a visitari u mottu!
DOTT PETRAZZA – Va bene! (prende dalla borsa della spesa una boccetta di aceto ed eclama: Annusi forte!....... Faccia un respiro profondo!....Dica trentatre’!...Come si sente?
SMERALDA – Dutturi, ma si e’ mottu comu ci rispunni!
DOTT. PETRAZZA – Lei signora non ha sintutu mai parrari di miraculi!
SMERALDA – Ma lei e’ dutturi…. o santu?
DOTT. PETRAZZA – Cetti voti dutturi…autri voti santu… A secunnu i necessita’!
CESARE – Dutturi, u malatu pa’ pinsioni non e’ chistu…e’ me frati chi ‘nta stu mumentu e’ assenti!
DOTT.PETRAZZA – Egregio signore a mia non m’interessa …mi dissunu chi avia a veniri cca’ e chi mi daunu cincu euro e a stu puntu pi mia unu vali lautru!
SMERALDA – Dutturi e’ gravi?
DOTT. PETRAZZA – Non mi vurria sbagghiari … ma a mia….vistu chi non parra e chi non mi desi addenzia… mi pari mottu!.... pero’ si vuliti ‘nto verbali ci pozzu mettiri “quasi mottu” cosi’a pinsioni vi l’accettunu di sicuru!...Comunqui si mi duna i cincu euro io’ mi ni vaiu …chi a stura me muggheri..stara’ in pinseri non vidennumi turnari!(Cesare a malincuore gli da cinque euro e il dottore petrazza esce)
SMERALDA – Cesare, chistu mi paria bestia …chiama l’ambulanza prestu!
CESARE – Spetta!... Spetta!... no, vidi chi e’ mortu… comunqui quantu pigghiu u cellulari e a chiamu. ..(nell’estrarre il cellulare cade a terra la lettera indirizzata a Saveria) – E chista chi e’…Ah! A littra di Saveria…. E ora chi fazzu … prima leggiu a littra…o prima chiamu l’ambulanza?
SMERALDA – L’ambulanza! Prima l’ambulanza!
CESARE – No! Prima a leggiu …tantu ormai e’ morta!( Apre la lettera e legge a voce alta)- “Eg. Sig.na Saveria ,scriviamo dalla Spagna, per invitarla ad esporre i suoi quadri ,in quanto ritenuti meritevoli di una grande galleria, e fra pochi giorni le arrivera’ il contratto con un assegno di 120,000 euro come anticipo. Ci contatti , cortesemente al numero ecc.ecc.- Minchiuna! Riccu sugnu!(saltella per la stanza con la lettera in mano)
SMERALDA – Cesare … e l’ambulanza?
CESARE – Chiamala tu…io sugnu troppu cuntentu!( entra in casa)
SMERALDA – Cuntentu!!...No sapia chi motti faciunu essiri cuntenti!
ANNIBALE ( arrivando dal vicolo) – Chi fu? Chi succidiu, Smeralda?
SMERALDA – Chi disgrazia! Annibale, chi disgrazia…Saveria s’immazzo’…piddaveru…si sparo’..(solleva la giacca e gli fa vedere la macchia di sangue)
ANNIBALE – Non ci pozzu cridiri! ....Cu su spittava chi truvava u curaggiu… Ma…… aspetta un attimu …a pistola unni a pigghio’…’nto cassettu?
SMERALDA – Si! Si! … fici du sauti …a pigghio’ e si sparo’…non potti fari nenti ma fermu!
ANNIBALE – ( Un attimo di stupore e poi dalle risate si piega in due)—
SMERALDA ( con stupore) – Ridi!... comu..idda e’ morta… e tu ridi! Cca’ intra mi pari un manicomio…Cesari era cuntentu chi Saveria avia murutu e s’innannoi pi intra …tu ridi!
ANNIBALE –Ma quali motta… spetta un attimu …Ora ti fazzu a vidiri io’( e si avvicina al corpo di Saveria, dando dei colpetti sul viso di Saveria)- Oh! Saveria…sbigghiti chi non si morta…a pistola era caricata a salve…l’ho preparata io.. proprio per evitare questo…allura ti ho sbigghiari o no!( Saveria..piano … piano si riprende e con stupore dice …Annibale..allura si mortu puru tu?)
ANNIBALE – Ma chi dici! Non si morta ne’ tu e mancu io … a pistola era caricata a salve…
SAVERIA – E sta macchia di sangu ‘nta cammicia?
ANNIBALE – Chissa e’ pittura…
SMERALDA – Cesare!... Cesare a morta campo’..
CESARE – (vedendo saveria alzata)- No!...No! chista e’ sputtuna!
ANNIBALE – Comu , No! Non si cuntentu chi e’ viva!
CESARE – No!... vulia diri non e’ possibili… non capita spissu chi un mortu si ripigghia!
SMERALDA - Cesare, picchi’ non c’ha leggi dda littra cosi’ si ripigghia megghiu!
CESARE – Si! Si!.. subutu(gliela porge)- E’ ristai chi pezzi o culu nautra vota!
SAVERIA – (leggendo la lettera) – U sapia io’…prima o dopu la mia arte vinia riconosciuta….Amici sono ricca !... sono ricca! Quantu mi mettu in contattu cu sta galleria….(cerca nelle tasche il telefonino, senza trovarlo e poi…) – Sig. Cesare mu presta u so’ telefono quantu fazzu sta telefonata…
CESARE – Puru!..(glielo porge) – Chiovi sempri supra o bagnatu..
SAVERIA – Si!...Va bene… Si!.. fra due giorni arrivu..(esce)
MENTRE ESCE SAVERIA L’ APPLAUDONO
(TUTTI) – Viva Saveria! Viva Saveria!
ETTORE E POI TANU
ETTORE – Ma chi fu tutta sta confusioni… sembrava na festa!
TANU – Ci mancunu sulu i fochi d’artificiu…Ma chi succidiu?
ETTORE – Tanu?- Puru tu ‘nta stissa lucanna? Nui dui dopu chi n’incuntrammu, pari chi ni ‘ssicutamu.
TANU – Veramenti stava ponsannu a stissa cosa i tia!
CESARE – Scusati pa’ confusioni ma risuscitoi un mottu!
ANNIBALE – E u staumu festeggiannu! Non e’ chi capita tutti i iorna di vidiri un mottu chi diventa riccu!
CESARE – E unu quasi riccu chi ritorna poviru!... Ora pero’ ca festa finiu… ciccamu di turnari o nostru travagghiu… tu Annibale ..’nta cucina… e tu Smeralda, a puliziari i stanzi.
ANNIBALI – Cumanna!...Cumanna!....ma ancora pi picca n’hai…Appena mi dununu a pinsioni…Mi ni vaiu a viviri da solo!
TANU – Allura, Ettore, tuttu a postu….com’annoi sta prima nisciuta?
ETTORE – Tanu, pari chi turnai a vintanni…focu e scintilli chi non ti dicu… tantu chi m’appi a fari na doccia fridda ..pi fari stutari tuttu ddu caluri chi non si vulia stutari i nudda manera….. E tu… cunta..non t’affruntari..
TANU – Io!...Ah! Cosi chi non ti pozzu cuntari….na fimmina comu a chidda non l’avia vistu mai… insaziabili..non mi dava mancu u tempu di ciatari …chi vulia subutu ricuminciari….na iunnata comu a chista non ma scuddiro’ mai.Ora comunqui t’aiu a lassari picchi amu a rientrari ,non vurria me muggheri mi s’insospettisci non vidennumi arrivari.
ETTORE – Giustu dici! I cosi sannu a sapiri fari!...Anchi picchi’ dopu sti prestazioni super chi iappumu…sugnu sicuru…chi al piu’ prestu ni ceccunu u bis…u tris e…u quatris
TANU – A tombola!! Ni ceccunu….Autru chi quatris!(salgono)
SMERALDA – A mia sti du coppie..non e’ chi mi cunvinciunu tantu…secunnu mia, non sunnu maritu e mugghieri…annu a essiri amanti.., io ‘nta sti cosi aiu nasu… ora i spettu quannu scinnunu e i vogghiu vaddari ‘nta facci…si capisci subutu.
CESARE – Chi ai chi parri sula?
SMERALDA – Comu!
CESARE – Ma picchi non ti metti un bellu apparecchiu!
SMERALDA – Maiu a truvari un vecchiu? Mai! Preferisciu fari a muffa!
Vistu chi cca’… cu avissi a vaddari non vadda…
CESARE – Ancora cu ssa’ storia! Ti dissi di cangiari sunata!
SMERALDA – Ti dicidisti..voi na rattata?
CESARE – Daccilla a to’ soru a rattata! Tu a testa l’hai sempri o stottu e senti quannu ti fa comudu…comunqui ..muta chi stannu scinnennu l’ospiti di supra …dacci i documenti e nenti autru… chi io’ aiu cuffari ‘nto magazzinu … e non mi chiamari pi nessun motivu(esce)
SCENDONO ELISA E POI FRANCA
FRANCA – Ci dissi ,ni videmu sutta fra cincu minuti… e iddu comu o solitu mi fa spittari … ammenu avissi cunchiudutu cacchi cosa … ci pizzai na iunnata( si siede)
SMERALDA – (dandosi un tono)- Avi bisognu di cacchci cosa?
FRANCA . No, grazi… mi basto’ chiddu chi eppi…staiu spittannu a me frati.
SMERALDA – (fra se’) – U frati si’!... pi mia e’ l’amanti.
ELISA – ( si guarda attorno e poi vede Franca) – Comu o solitu..non c’e’ …si potti addurmintari di novu… chistu u tramontu u pigghia pi notti … dommi sempri…..oh! signora anche lei sta spittannu a so’ maritu?.....si non avi nenti in contrariu mi settu puru io’ cca’ e i spittamu assemi.
FRANCA – Pregu! Chi problema c’e’ … s’accomodi…unne’ c’avissunu arrivari.
ETTORE – Sig.ra i documenti per contesia…sono Mangialupi.
SMERALDA – Subutu! Subuti! .. ci dugnu subutu!
TANU – Ettore , e chi ni desumu l’appuntamentu…Signora mi dassi puru i me…. e il resto..
SMERALDA – I documenti ci pozzu dari …ma pi quantu riguarda u restu …ci vonnu iddi…i principali.( mentre Smeralda prende i documenti Ettore e Tanu parlano tra di loro)
TANU – (annusando) – Ettore, u senti stu profumu … mi! Precisu a chiddu di me muggheri…chanel n° 5…
ETTORE ( annusando a sua volta) – Si’…ciaurii bonu… mi pari chi c’e’ puru nautru profumu…spetta! … chistu e’ JADORE… comu a chiddu di me muggheri….Anzi u sai chi fazzu ora a chiamu e a tranquillizzu…Non vurria mi si metti in sospettu!
TANU – Giustu dici … na telefonata ci voli..(telefonano entrambi)
AL SUONO DEI TELEFONINI, CHE SQUILLANO ALL’INTERNO DEL LOCALE, ETTORE E TANU SI GIRANO VERSO IL SUONO E VEDENDO LE LORO MOGLI ESCLAMANO: ELISA!… FRANCA…! NON E’ POSSIBILE!
LE DONNE VEDENSDOSI SCOPERTE ..ESCLAMANO:
ETTORE!... TANU!
TANU - E tu che ci fai cca’?
ETTORE – Franca?Tu ca’?...Ma allura…..
SMERALDA – U dicia ..io’… chi erunu amanti…occhiu di fimmina non si fa ‘ngannari.
FRANCA – Ettore..amore mio!....Che bella sorpresa?
ELISA – Tanu…Tesoro…Sono qua con la mia amica Franca…e tu?
TANU – Io’..Io’… ah!...Si…sugnu cca’ cu me amicu Ettore!
ETTORE – Si! Era tantu chi non ni vidiumu e… ni ficimu na scampagnata!
FRANCA – E cu su ‘mmaginava chi senza sapirlu ni truvaumu tutti e quattru ‘nto stissu postu!
ELISA – Gia’..Chi bella sorpresa!
TANU – A stu puntu… vistu chi tuttu e’ a postu…fossi e’ megghiu, dopu sta bella iunnata… mi n’annamu pi casi.(Escono ognuno con la propria moglie)
CESARE – S’innannaru? E pu restu chi dissi?
SMERALDA- Si! O restu pinsava…U restu e’chiddu… chi ci spetta a casa!... S’aviunu scangiatu i muggheri senza sapiri nenti!
CESARE – Menu mali!... chiuttostu sa vistu Annibale..
SMERALDA – Allucca’..parri du diavulu e ci spuntu nu i corna.
CESARE – Ma unni a statu .. ti lassai ‘nta cucina ..e spunti di fora?
ANNIBALE – Annai a truvari l’amicu chi ti dicia…pu fattu da pinsioni e sentiri si c’erunu novita’.
CESARE – I novita’ su cca’( e tira fuori la lettera)
ANNIBALE – Arrivoi?...A iapristi?
CESARE – Mai! Spittava a tia! Non ta’ vulia fari peddiri sta’ sorpresa!
ANNIBALE – (Prende la lettera e se la rigira nelle mani ..poi preso dall’emozione dice:)- Cesare! Sugnu troppu emozionatu…leggila tu..
CESARE – Dammi cca’….(apre la lettera lentamente …legge e poi esclama:
“CARO FRATELLO SEI…IDONEO….
ANNIBALE – Evviva! Sugnu pensionatu!
CESARE – Aspetta fammi finiri: SEI IDONEO ….AL LAVORO!!
ANNIBALE – (piegandosi sulle ginocchia) – NO!..NO!(poi si alza e parla al pubblico: “VIDITI …AMICI CARI…’NTA VITA NON SEMPRI… E’COMU PARI”
FINE
