Mi chiamo Angela Bàmbina, sono di Alcamo provincia di Trapani e sono un’insegnante. Sono autrice di una commedia brillante in dialetto siciliano, regolarmente depositata alla SIAE dal titolo: “NOTIZII DI LA MERICA”
Autorizzo a pubblicare questa commedia sul vostro sito, al fine di farla conoscere e realizzarla.
La mia email è: bambina.angela@gmail.com – cell.333 5780168
Breve commento.
La storia si svolge in una famiglia che è formata oltre che dalla madre, dal padre e dalla figlia, anche dalla sorella del padre che è nubile e dal fratello della madre: Gervasino che è un bonaccione, ma alla fine è quello che conduce tutto il gioco. Il fratello e tutti gli altri componenti della famiglia pensano che Concetta non si è mai voluta sposare, ma ben presto scoprono che lei pensa ancora al fidanzatino che da giovane è partito per l’America. Dopo la scoperta dell’indirizzo e del numero di telefono di questo fidanzatino che è partito per l’America decidono prima di scrivergli una lettera, e poi pensano di telefonargli. Gervasino chiamato sempre ad aiutare il cognato, crea tanti momenti di ilarità che rendono la commedia molto divertente.
Riusciranno a rintracciare ‘Ntoni e a farlo tornare dall’America? Sarà lui a sposare Concetta oppure no? A voi scoprirlo…e…Buon Divertimento!
“ NOTIZII DI LA MERICA”
Commedia brillante
in tre atti
Scritta da Angela Bambina
Personaggi:
Pietro Marito
Rusina Moglie
Anna Figlia
Cuncetta Sorella di Pietro
Gervasino Fratello di Rusina
Luigi Il postino
Zu’ Sasà Zio di pietro
Zà Biniritta Moglie di lu Zu’ Sasà
Marianna Amica di Anna
Lina Amica di Anna
‘Ntoni Miricamento Ex fidanzato di Concetta
Patri Peppi Il prete
Dieco L’Americano
Scena I
La scena si svolge nella stanza principale della casa. Nella stanza c’è una porta a sinistra
della scena, l’entrata principale nella parete centrale. Gli arredi sono: una vetrinetta, un
tavolo con delle sedie, un divano, dei quadri alle pareti e suppellettili vari. In scena c’e la
madre che piega la biancheria, la figlia che ricama, e la zia nubile che rammenda.
Rusina Ca ma’ fari Annù ci a ma’ iri stasira a la missa?
Anna Sta sira? Vulia allestri sta ‘ntilarata.
Cuncetta Ma chi e’ lu linzolu di donna “Nzina?
Rusina Ma chi donna “Nzina” e donna Vicenza, sta allistennusi li so cosi!
Cuncetta Un c’è scantu chi c’è cacchicosa di novu e un matu rittu nenti?
Anna Un c’è nuddu scantu, e si caccarunu è scantatu ci rici chi va a
Santu Vitu, chi ci passa tutti cosi!
Rusina Un t’agitari, to’ zia pi agguriu lu ricia!
Cuncetta Veramenti piaciri ci pruvassi a viriri a Anna bedda sistimata, idda
sula arristà a maritarisi tutti l’atri niputi hannu già fighi.
Anna Eh…certu si maritaru tutti senza nasciri, pari chi un putianu
aspittari chiù.
Cuncetta E a cu avianu aspittari a tia chi chistu un ti piaci e chiddu un ti rici
nenti?
Rusina Conce’, chi amu a fari staennata? Si viri chi chiddu giustu ancora
unn’ arrivatu!
Concetta Cu lu versu chi avi idda, chi voli lu principi e lu re, n’avi tempu di
aspittari. A li me tempi era lu patri e la matri chi circavanu lu
bonu partitu.
Anna Dicisti giustu a li to tempi, ora mi le truvari sula lu zitu e m’è
pigghiari a cu ricu iu!
Rusina Ancora la testa da’ avi, talia chi è bedda, ma lassalu perdiri, chissu
un si voli maritari quanti voti ti le diri? Unni lu viri chi nintra ni
iddu su tutti schiettazzi ranni?
Anna Sciettazzi ranni? Ma si cu so soru Pavula iamu a la scola
nsemmula…
Rusina Ma di comu si vestinu, e comu caminanu, parinanu schiittazzi!
Concetta Tu si viri chi si na picciuttedda a postu, ti sa vestiri, ti sa prisintari
na’ la società, dicemu un pari chi si quasi a la trentina.
Anna Picchi naturalmente una non è chi si ava’ maritari picchi è
“nnamurata , no, ma sulu picchi avi l’età e quindi si po’ pighiari a
‘cu e re’.
Rosina Cu e rè? Perciò lu fighio di lu ziu Bastianu cu è re, è?
Unn’era un partitu bonu?
Avia la casa, la terra e puru lu librettu chinu di sordi, Mariuccia, lu
viristi chi di quannu si lu marità pari na gran signura, sempri bedda
vistuta, capidduzzi sempri appostu, iddda si chi fici furtuna!
Anna Ancora sta storia! A mia un mi piacia tannu e un mi piaci ora,
perciò finemula cu sti riscursi.
L’ha vistu di curtu? La panza, li capiddi ci careru, pari…un ti lu
ricu chi è meghiu!
Concetta La panza, si la fici picchi si la passa bona, e l’omo senza capiddi si
rici chi e tutta ‘nteliggenza chi avi!
Anna Allura mugghi cretinu! Almenu di luntanu pari spertu!
Cuncetta E Stefanu, lu fighiu di me cumpari, mi chi beddu fighiu! Niscia
foddi pi tia, quantu sciuri ti manna’?
Rosina Se iddu li mannava a Anna e idda li mannava cu mia a lu cimiteru
ni la nonno’…lu sciuraru si lu dumanna ancora, dunni mittiamu
tutti di sciuri!
Cuncetta Sicunnu mia si nappi addunari, picchi ni su periodu lu cimiteru era
tuttu sciurutu, paria un ‘iardinu…!
Anna Sciuri, sciuri…Garofani. Margheriti e crisantemi tutti li iorna, mi
sintia ni na’ serra e vatri lu sapiti chi iu sugnu allergica.
Scena II
Detti e il padre
Pietro Arre’ l’allergia t’accumincià? Ma mi pari chi unni viu in giru ciuri
anchi si mi piacissi sentiri ciavuru di masculi casa, casa…
Anna Si vulii un fighiu masculu picchi un ti l’ha accattavi?
Pietro Si era pi mia tu masculu avissi statu, ma to matri appizza’ li peri
e nascisti tu!
Cuncetta E natra vota un ci putii pruvari senza peri appizzati e accussi
viriamu stu masculu nintra sta casa!
Rusina Accuminciasti senza ancora trasiri a diri fissarii? Da picciuttedda
ancora un s’ha maritatu e ava’ sentiri sti cretinati!
Pietro Cretinati su? Quannnu ci l’ha ‘nsignari comu si fannu li figghi,
quannu avi cinquant’anni?
Rusina A mia un mi spiegà nenti nuddu e certu chi ci arriniscivu, stu piaciri
di lu figgiu ti lu retti…allura un c’è bisognu di spiegazioni.
Cuncetta Ora capisciu picchi un nasci’ un masculu, tu un sapii comu fari.. eh?
Rusina Ta là che bedda chista! Puru a to soru a ma dari spiegazioni,
ma picchì un ti maritavi accussi viriamu soccu sapii fari tu, meci di
arristari schietta! Po’ rici a to niputi Anna picchi un ti mariti!
Cuncetta Chi vurrissi diri? Iu pi scelta arristavu schietta…
Rusina Se! Ma pi scelta d’avutri…
Cuncetta Sempri scerta fu!
Anna Ora accussi si rici… pi scelta d’avutri o picchì un ti vosi nuddu?
Cuncetta E no, ci n’era genti chi mi vulia! Ogni sira rarre la nostra porta
c’era un via vai di masculi!
Anna Veru è papà?
Pietro Veru è, ma du porti chiù “ncapu” ci stava donna “Gna” una
“signora” che concedeva li so favori, a cu ci facia viriri la
mazzetta, dicemu na’…donna di mondo!
Rusina Attuppati sa’ vucca! Ancora schietta è tò figghia!!!
Pietro Cerca di maritariti! Un si po’ mancu chiù parrari nintra sta casa!
Rusina Ah… eccu comu si spieganu tutti sti masculi!
Cuncetta Chi sta pinsannu… tu criri a to maritu?
Rusina Dicemu chi staiu valutannu lu ricursu…ma pinsannuci bonu, ogni
tantu un ti putii affacciari, e magari caccarunu ti viria…e po’
essiri chi ci piacii!
Cuncetta E chi sugnu svergognata? Sti cosi sulu la genti pocu onesta li fa!
Rusina O poco onesta o assà disperata, e mi pari chi tu a la secunna
categoria apparteni!
Anna Mamà, la finisci cu sta storia, la zia ormai a quarantasett’anni un
pensu chi si voli maritari…unne veru zia?
Cuncetta Certu ragiuni ha, ma si mi vinissi, ancora ‘ntempu sugnu, io po’ ti
lu rissi pi scelta d’atri sugnu ancora signorina, non pi scelta mia!
A mia mi piacissi pruvari li gioi di lu matrimoniu!
Rusina Gioi, ti la facissi sentiri la notti quannu m’è addummisciri e tò frati
si metti a runfuliari! Gioi! Mi ci haiu misu pi affucallu nà para di voti
ma chi è fari è lu patri di mè fighia! L’è lassari porfana?
Cuncetta Ma di iornu però, ha la cumpagnia!
Anna Ma si un c’è mai nintra, e quannu c’è si murmuria sempri!
Rusina Po’ a la tò età chissa è la storia, non è chi si picciotta!
Cuncetta Ma mancu vecchia!
Pietro E chista è meghiu di chidda d’antura, e mi veni puru nova sta
storia, ma picchi un ta’ vissi ratu na smossa! Ni sti cinquantanni
percio’ u na’ truvatu a nuddu? A mia mi paria chi un ti vulii
maritari, va si no’ u na’ vissi sparsu la vuci a lu circolo dunni vaiu
a iucari a li carti, lu sa quantu vedovi ci su chi cercanu fimmini, e
anchi si su chiù lariuneddi chi ci fa?
Anna Papà, ma un ti vriogni a parrari accussi a tò soru? Ora capisciu
picchi arristà schietta, cu un frati comu e tia!
Cuncetta (piange) perciò laria sugnu?
Pietro E chi ci rissi di stranu, chi è laria? Ma è la verità va si nò un sa
‘vissi maritatu? ( la zia continua a piangere e singhiozzare),
Anchi si a mà diri chi non è chi su tutti beddi chidddi chi si
maritanu! Donna Finuzza, ma ci pensi? Matri matri quantu pila!!
Rusina E tu comu lu sa chi na via assà? Ci li cuntasti?
Pietro Ma li baffi ci li viristi? La prima vota chi la vitti di vicinu rissi
nintra ni mia, ma chista è fimmina o masculu? Me’cucinu Simuni
bonu s’appi a mettiri a spilalla!
Rusina Tantu la spilà bona, chi ora pari n’attrici, mi facci liscia chi avi!
Lu viri li sordi chi arrinescinu a fari?
Cuncetta Lu viri chi lu sta ricennu puru tu chi un c’entra nenti si unu è
l’ariu o beddu pi maritarisi, ci voli sulu furtuna!
Rusina E tu furtuna unna visti, povira cugnata me!
Anna Ma ancora ‘ntempu è, si truvamu a caccarunu!
Rusina E bonu ni finì stasira, ora ‘mmeci di truvari un zitu, d’ora navanti
‘na ma’ truvari dui… ma ora chi ci pensu un putiti sciviri a li cori
assulazzati” chi macari cacchi cosa s’arricioppa!
Pietro Ma chi è la farmacia chi rapì ora?
Rusina Ma chi si cretinu? E’ la ‘putia’ pi cori suli! ‘Nsumma pi chiddi
schetti, pi falli ‘ncuntrari e maritari! Lu capisti ora?
Pietro Abbersu comu ficimu nuvatri!
Rusina Chi centra? A nuvatri ni fici ‘ncuntrari mè zà Nonò!
Pietro A lu postu di iri a la putia iemu a la casa di tò zà Nonò!
Rusina Di comu parri pari chi mi accattasti!
Pietro Di quantu regali t’appi a fari ti pari chi un semu ‘ddà!
Rusina Chi vurrissi riri chi sugnu di tò proprietà comu lu cavaddu chi ha
nà la stadda?
Pietro Comu lu cavaddu propriu nò, anchi picchi chiddu fa sempri
chiddu chi ci ricu iu, mmeci tu fa sempri di testa tò!
Rusina Dicemu chi stu acquistu un ti ‘ntuppà bonu bonu!
Cuncetta A mè frati ci finì cu tia comu lu mulu i lu zù Ninu, un mulu
favusu! Ogni iornu c’eranu cavuci pi tutti!
Rusina Cuncè e d’ora n’avanti accumenciu a dari cavuci puru iu, accussi
nintra sta casa n’arruspighiamu n’anticchia!
Anna Mamà, unn’aiu bisognu di nuddu pi farimi zita e tantu menu di
‘agenzii pi cori solitari’, ti fazzu ‘mpacciu nintra? Quannu veni
mi lu pigghiu…e sempri si mi piaci!
Scena III
Detti e Luigi il postino
Suonano alla porta
Cuncetta Vaiu a viu cu è!
(Rientra) Annù, Annù, pari chi lu chiamasti, rarrè la porta è!
Rusina Cu c’è, Cuncè?
Cuncetta Un beddu picciottu, lu fazzu trasiri?
Rusina Già sulu picchi è picciottu la fari trasiri, spirughiati va chiamalu!
Postino Sono il nuovo postino, posso entrare?
Rusina Trasiti trasiti, ni canuscemu?
Postino Sono venuto qua proprio per conoscervi!
Rusina Iu sugnu Rusina, chista è me cugnata Cuncetta, chista è me
fighia Anna, e chiddu è… Petru, veni Annà cà presentati un fari la
timida!
Postino Piacere, iu sono Luigi, il postino, si avete pacchi, raccomandate,
cartoline da mandare io sono a disposizione!
Concetta Ma puru littri di la Merica purtati?
Rusina Di La Merica? E a cu cià a La merica?
Concetta Nenti, ricia accussi pi diri!
Postino Certo Signora…
Concetta Signorina…sulu quarantacinc’anni aiu!
Postino Mi deve scusare, signorina, mi sembrava che era sposata!
Postino Le lettere signorina, arrivano da tutto il mondo!
Concetta Hannu a essiri littri ‘nteligenti, pi sapiri dunni hannu a iri!
Anna Zi’, ma chi ha stasira, basta chi ci metti l’indirizzu chi li littri
arrivanu!
Postino Voi si che siete intelligente e…simpatica ( sottovoce)
Postino Allura si avete bisognu di me, basta chi venite alla posta oppure
domani passo io chissà avete qualcosa di spediri!
Rusina Forsi è meghiu accussì, facivi viriri spissuliddu, cacchi littra
sempri si trova di mannari!
Postino Va beni, ora finisco di fari il giro, arrivederci a tutti,
arrivederci signorina Anna!
Anna A presto!
Postino Signorina Concetta!
Concetta Quaranta cincu!
Concetta Ma chi beddu picciottu, veru simpaticu, e puru beddu ‘mpustatu
“ Lu Pusteri”!
Rusina Unu accussì ci vulissi pi tia!
Anna Accuminciamu arrè?
Rusina Veramenti stamu continuannu lu riscursu, e ora ci pensu bonu,
lu proverbiu un dici “ Li matri l’accattanu e li vicini li
maritanu?’ Dumani fazzu veniri ‘cca nintra donna
Sabella chidda cummatti ‘cu sti cosi…ci ramu nà cusuzza e…
Cuncetta Ci putii pinsari prima a iri ni donna Sabella pi tò fighia!
Anna Chista è natra nova? Donna Sabella è chiù vecchia di la cuba di
la matrici, sulu vecchi comu idda po’ canusciri!
Rusina Ragiuni ha Anninè, ma li vecchi hannu li fighi e li niputi…
Cuncetta E nintra nà famighia cacc’arunu si trova!
Pietro Ma chi sa và truvari? Me’ soru unni l’ha truvatu ni cinquantanni
e tu ni sti trenta, putemu stari tranquilli natran’ticchia…!
Rusina To’ patri, Annù non è chi po’ avi tantu tortu, però ci putia pinsari
prima a parrari cu donna Sabella!
Anna Ci mancava sulu chista!
Scena IV
Detti e Gervasino
( Gervasino è un bonaccione, fratello della moglie, sui cinquant’anni e vive in casa della sorella perché ha bisogno di essere guidato, gli piace giocare con un cavallino di peluche)
(Entra tirando una cavezza tesa all’altezza di un cavallo)
Gervasino Bonu, bonu un fari accussì, chi fa ti scanti a trasiri, avanti trasi, araciu
araciu, un ti prioccupari ci sugnu iu cu tia, trasi!
Rusina Gerva’, ma cu ‘ccu parri?
Gervasino Cu’ “Sorrisu”, un voli trasiri, ci ha fattu cacchi cosa
Rusì?
Rusina Gervà, a Sorrisu ‘cà a fari trasiri?
Gervasino Mi rissi chi sulu si scanta ‘na la stadda! Un ti fa nenti trasemu
po’ ti rugnu la fenu! Rusì, mi rissi chi lu facisti scantari,
picchissu un voli trasiri!
Rusina Lu fici scantari? Ma picchi si nà dunà chi avia misu li bucoli
stamatina?
Gervasino Ora capisciu picchì si scantà, pari nà marziana cu si cosi ‘ntesta!
Rusina E d’ora n’avanti, quannu mi mettu li bucoli un ci vaiu chiu ni
la stadda!
( Finalmente da dietro le quinte lasciano la cavezza e Gervasino entra con il cavallino di
Peluche)
Rusina Sorriso ci la fici a trasiri?
Gervasino Ci la fici, ma ancora scantatu è!
Concetta Lu meghiu è iddu chi firnicia di maritarisi unn’avi!
Gerva Maritari? Prima è crisciri, ancora sugnu nicu!
Gervasino Cuncè, ma tu un ti po’ pighiari a mia pi zitu, e accussì Sorrisu
veni a stari cu nuvatri e si po’ calmari un virennu chiù a Rusina!
Cuncetta Gerva, haiu statu tantu sula, e continuo a starici, viri dunni a iri!
cu iddu me fari zitu, cosa di nesciri foddi!
Anna Ma a iddu du cuntu zi? Unni lu sa comu è fattu?
Veni a diri chi la nostra sorti era chista: stari schietti!
Gervasino Vi aiutu iu, attentati a mia putiti fari accussi: vi mittiti a braccettu
tu e Annina e scinniti cassaru cassaru…
Anna Cu’ la scritta davanti circamu maritu, chi ti fazzu viriri chi prima
chi finisci la scinnuta, lu zitu lu truvamu. Ma aviti idei ca nintra
di falli cu la pasta, tantu su boni!
Gervasino Ti piacì la mè idea? Appena c’è la calata pi la festa di la
Maronna, tu e Cuncetta vi mittiti ravanti e cantati:
“ ni vulemu maritari e li ziti a ‘mà truvari!” Va si no’ haiu n’atra
‘dea, haiu ‘n’ amicu chi nesci cu mia, si vo’ ci pozzu dumannari
si si voli fari zitu?
Cuncetta Ma cu è chiddu chi si metti a dumannari davanti lu bar?
Gervasino Se, Ruccuzzu comu ti pari?
Sara Mamà lu fa ‘zzittiri a tò frati, va si nò mi fazzu monaca!
Rusina Gervasi’ la soru, vattinni da rintra, camina, và…và…
Gervasino Accussi rici?
Rusina Accussi’ ricu!
Gervasino Non è chi mi sta assicutannu?
Rusina No, Gervasi’, un ti staiu assicutannu!
Gervasino Ma fazzu ‘mpacciu?
Rusina Gerva’!!!!!!!!
Pietro Nà l’ariu mi facisti satari!
Gervasino Mi ni vaiu, forsi capivu chi n’anticchia di ‘mpacciu lu fazzu!
Cuncetta Sulu n’anticchia, camina!!
Pietro Certu chi boni semu cuminati, almenu me’ soru è lariunedda, ma
tò frati di cu pigghià?
Rusina Lassa stari “npaci a me frati, chi un pari, ma avi certi nisciiuti!
Pietro Un pari?…ma si a lu circolo mi ricinu tutti: “ma to cugnatu c’è
o ci fa?
Rusina E tu chi ci rici?
Pietro “S’allena”
Anna A mia mi pari chi a forza di allinarisi campiuni sta addivintannu!
( Si riaffaccia in scena Gervasino)
Gervasino …Si propiu po’ un trovi a nuddu, Cuncè, ti pò maritari a
me’ cugnatu Petru!
Anna Troppu allenatu è…lu ricia…
Rusina Ma chi dici Gervà…perciò cu’ me maritu sa va fari zita, e a
mia dunni mi metti?
Gervasino Picchi tu sempri a campari?
Rusina Unni lu sacciu! Ma secunnu mia tu picca vita ha! Veni cà chi ti
fazzu a viriri, veni cà!
Gervasino Aiutu Petru, me soru mii voli ammazzari, difennimi a mia sulu
ha pi’ cugnatu, difennimi, Aiutu, Aiutu!
Rusina ( gridando e correndogli dietro) Bonu un fari accussi’, veni cca’ chi un ti fazzu
nenti, veni ccà’!
Gerva. No un vegnu mi scantu, AIUTI!
Rusina Veni ccà chi un ti fazzu nenti, finu a che’ un t’acchiappu!
Gerva.(girando nella stanza e dietro di lui Anna e Rusina) Aiai, mortu sugnu, aiai! Aiutu
Petru aiutami! Tu sulu mi po’ sarvari!
Pietro Ma chi è tuttu tu manicomiu! E tu Rusì cu iddu ti metti?
Rusina Ma lu senti soccu rici?
Pietro Picchi lu sapi soccu rici quannu parra? Lassalu perdiri!
Rusina Unni lu sapi? E ci lu ‘nsignu iu, perciò morta mi voli? Su frati
sulu chi haiu, mi fa sti riscursi! Cunce’ pighia la cucchiara di
lignu, spirughiati!
Pietro Rusì basta, ti rissi fermati, finiscila di curriri rarrè a tò frati
la testa mi sta facennu firriari!
( SI FERMANO TUTTI IN SCENA)
Gerva. (Si mette davanti a Pietro e tenendosi la testa comincia a dire in tono alterato)
Fermu Petru! Statti fermu, l’occhi… ivì l’occhi!
Pietro (Preoccupato) Rusì chi annu l’occhi?
Rusina (Scettica) Fermati un minutu, aspè fammi a viriri, intantu sunnu sempri
dui! Rapili, chiù aperti, c’è lu biancu, e c’è lu marrò a mia mi
parinu comu prima!
Cuncetta Un ci rari cuntu, unnà nenti!
Pietro (Preoccupatissimo) Gervà, chi hannu li me occhi?
Gerva’ Aspè, talia paghiri ddà, ora paghiri ccà, ora di rarrè!
Pietro Di rarrè? Comu fozzu a taliari rarrè si l’occhi sunnu ravanti!
Gerva Ti lu rissi chi c’era cacchi cosa chi un mi cummincia, tu
rarre’ un ci viri!
Pietro Picchi tu ci viri rarrè?
Gerva Certu talia ( Gerva si gira ) lu viri chi viu li cosi chi ci su
rarrè!
Pietro (Esasperato inizia a correre dietro a Gervasino) Gervà, mi facisti scantari, vattinni
dà rintra, picchi va si nò aiutu a mè mughieri a acchiappariti! E po’
unni lu sacciu soccu succeri, a sorpresa, pozzu accuminciari di la
testa o di li peri, ma di sicuru di cacchi banna accumenciu!
Gerva AIUTI MI VONNU AMMAZZARI! (Esce di scena gridando)
( Concetta comincia a piangere e a lamentarsi)
Concetta Cu iddu mi ni avia a iri, cu iddu mi ni avia a iri…” Continua a
piangere)
(Rientra Gervasino dicendo: Cuncè ci ripensasti?) Viene subito buttato fuori da tutti
Rusina Cuncettì, ma chi dici, cu iddu ti ni avii a iri, chi vo diri, e cu è
iddu?
Concetta Iddu, iddu chi mi lassà, e si ni ‘ì’ a la ‘Merica’…mi lu rissi “
amunì partemu ‘nsemmula, appena arrivamu dà ni maritamu,
ni facemu na vita nova…e io cretina…
Rusina Petru! Ma tò soru chi fa sparra? Di cu sta parrannu, cu è chi si
ni ‘i’ a la Merica?
Pietro Mi! Ancora a chiddu pensa? Ammatti un ci su chiù mancu
l’ossa?
Anna Ma di cu sta parrannu? Pi cu’ sta chiancennu? Pi un masculu?
Pietro Chianci pi ‘Ntoni Miricamento, quannu eranu nichi babbiaru
na’ annata…
Concetta Babbiamu? Ni vuliamu beni pi diveru, n’aviamu a maritari, si
iddu un partia pi la ‘Merica’…n’aviamu a maritari…po’ so ziu
lu mannà a chiamari, ci rissi chi dà c’era sirvizzu assà, e allura
iddu si dicisi a fari stu passu, ma mi rissi –scappamu,
amunninni ‘nsemmula, ma iu mi cunfunnivu…
Rusina Ma chi c’era di cunfunnisi? Lu vulii? E allura picchi un ti ni ii
cu iddu!
Concetta A sapillu ora mi ni avissi iutu, ma me matri mi ricia:- un mi lassari
sula, un ti ni iri chi lu cori mi si spacca si un ti viu chiu- e iu
unn’appi la forza di iriminni, e iddu partì!
Pietro E ora chi hannu passatu quarant’anni tu pensi chi è ancora vivu?
Concetta E cu lu sapi? Di prima allura mi scrivia, mi ricia chi stava
priparannu la casa pi mia, chi travagliava cu so ziu, e chi mi
vulia beni, po’…
Anna Po’ chi successi, picchi un si fici chiù sentiri?
Concetta Unni lu sacciu, ni l’urtima littra chi mi scrissi c’era misu: ‘Tu
sei il mio destino, se non posso avere te, non avrò nessuna’!
Anna E chissu è amuri!
Pietro E tu pensi chi ‘Ntoni arristà schiettu?
Rusina E cu lu sapi? Ma notizi di la Merica unn’avutu chiu?
Concetta No, so patri e so matri mureru, iddu però avi nà cucina chi sta
ni un paiseddu cà vicinu. Na decina d’anni n’arrè la ‘ncuntravu
pi la festa di la Maronna, e…
Rusina E…chi ti rissi?
Concetta Iu un ci addumannavu nenti mi paria vriogna, ma idda mi
s’avvicinà e mi rissi chi avia na’ cosa pi mia!
Anna E ti la retti?
Concetta Mi la retti, ma iu unn’appi lu curaggiu di rapila!
Pietro Ma chi era sta cosa chi ci vulia curaggiu a rapila?
Concetta Era nà busta!
Pietro E ancora l’ha sta busta?
Concetta Certu! Ogni sira la vasu e mi la strinciu a lu pettu! Comu si
fussi iddu!
Pietro E dopu decianni ancora unni la raputu?
Concetta E si c’è scritta qualchi brutta notizia? Un moru iu!
Rusina Ma accussì mancu campi! Ogni sira si strinci la busta a lu pettu!
E iu ni decianni unn’ahiu caputu nenti di sti strinciuti!
Pietro Ma va piggia sta busta almenu la viremu!
Anna Va pigghiala Zi’!
Concetta Ma, non è chi po’ la rapiti?
Pietro No o o, pi natri decianni mi la curcu a lu postu di Rusina, e po’
la passu a me mugghieri chi la notti un po’ dormiri e viremu si
accussi si s’addummisci! Spirugghiati va pigghiala!
Concetta Va beni, vi la fazzu a viriri!
Anna Già è na cosa!
(Concetta esce e va a prendere la busta)
Rusina Mi sentu comu si m’avissi passatu un camiu di ‘ncapu!
Pietro Picchi?
Rusina Picchi? Chisti dumanni di farisi sunnu? Perciò tu sapii chi
chista avia sta spina na’ lu cori e unnà fattu nenti?
Pietro E chi sugnu ‘cardiocolo’ chi sacciu livari li spini di lu cori?
Po’ di spini unni sacciu parrari, cu idda ni livamu assà, iu
travagliava fora quannu successiru sti cosi, la sintia chianciri,
ma idda mi ricia chi unn’eranu fatti me’, chi ni sacciu si idda
arristà cu stu chiovu, cu sta spina, vulia riri, ‘ntesta?
(Rientra Concetta con una busta tutta ingiallita e stropicciata)
Concetta Cà c’è la busta, ma mi raccumannu…
Pietro Un cà raccumannati, a cacchi santu però, picchi cu mia un ci
nesci nenti! Ammatti mancu si viri chiù soccu c’è scrittu! Pi
‘na manu la rapu e po’ viremu!
Concetta No, unni la rapiri, unni la rapiri, pi piaciri!
Pietro Un mi fari ririri Cuncè, avi decianni, chi l’ha, chi a m’ aspittari
ancora?
Concetta Si propriu a mà fari st’operazioni, mi raccumannu araciu, araciu!
Pietro Cu s’à senti fitti! Un ti scantari ora pighiu a “Peppi Melia”, e ti
fazzu a viriri chi ni un minutu tuttu finisci, senza dolori né
peni!
Concetta No, a Peppi Melia no, lu cutidduzzu nò, è troppu tagghienti,
meghiu la forbicia!
Rusina Petru, mancu tu mi pari! Un pocu di dilicatizza, “peppi melia”
no! Pigghia la forbicia!
Anna Ragiuni avi tò soru, avi decianni chi si l’hà ‘nnaca, pianu, pianu
aspetta di rapila! Cu delicatezza e tu ora vo’ pigghiari a lu
cutidduzzu! No, peppi melia nò, la forbicia!
Pietro E va beni, si siti tutti daccordu ratimi si forbici!
Concetta Aspetta, aspetta, e si c’è scrittu chi un mi voli cchiù?
Pietro Ti metti l’arma ‘npaci!
Concetta E si c’è scrittu chi si marità?
Pietro Ti metti l’arma ‘npaci!
Concetta Aspetta, aspetta e si c’è scrittu chi murì?
Pietro (esasperato) Si misi l’arma ‘npaci! E finì tuttu lu riscursu! E fammi rapiri
sta busta!
Rusina E viremu soccu c’è scrittu!
Concetta ( si siede e inizia a lamentarsi) Iu mi chiu l’occhi…fa finta chi un ci sugnu!
Anna ( vicino alla zia le tiene la mano)Avi quarant’anni chi un ci si, continua a essiri
assenti!
Pietro Allura, tu Rusì teni la busta di cà, e iu pigghiu la forbici, tenila
ferma, accussi.
Concetta Haiai, haiai…mmm
Pietro Ci mittiti un vuccagghiu, pi piaciri e accussi un si murmuria
chiù?
Anna Zì, sta finennu! Accussì ti tegnu la manu, sta cu l’occhi chiusi
chi me patri sta finennu!
Pietro E finarmenti si rapì sta busta!
Rusina Chi ci sunnu, nintra dollari?
Pietro No, c’è un fogghiu cu un nummaru di telefono, e mi pari un
‘ndirizzu! E po’mi pari c’è natra cosa, aspè, talà ‘na
santina!
Concetta Santa Rita!
Pietro Dici chi un vulii taliari, ‘mmeci!
Concetta Chissa è la santina chi ci retti iu quannu partì.
Rusina E chi veni a diri?
Concetta Santa Rita è la santa di li cosi ‘npossibili, e iu ci la retti picchi
si putianu risorveri li cosi, ma ora iddu mi la manna narrè!
Pietro Secunnu mia puru Santa Rita s’annuià a cummattiri cu dù
babbi!
Rusina Ora Cuncè? Ora? Decianni narrè! Sa socchè chi vulia diri!
‘Nà decianni lu sa quantu cosi succerinu!
Concetta Assà su’ decianni?
Anna No o o, chi bo chi sunnu? Decianni!
Pietro Ora li notizi di la Merica l’appimu, ma amù a viriri soccu a
mà fari, ci amà scriviri o ci a mà telefonari?
Rusina Pruvamu a scriviri prima!
Anna Ma accussì prima chi avemu la risposta ci voli un annu!
Pietro E chi vò chi si sia? Un annu chiù un annu menu, pi tò zia
Cuncetta sunnu fissarii!
Chiama a tò zu Gervasinu, chi iddu è bravu a scriviri, e
viremu soccu a ma fari!
( Sara va nel corridoio e chiama Gervasino a voce alta ed esce di scena)
Rusina Cuncettì, amunì iemu a fari nanticchia di cafè picchi cà li
cosi si fannu gravi e po’ vinemu.
Anna Ziu Gervà, me patri ti voli!
Scena V
Pietro e Gervasino
Gervasino Mi rissi Anna chi ha bisognu di mia, chi bo?
Pietro Assettati e pigghia un fogghiu di carta, e na’ penna!
Gervasino Prima me’ assittari o prima e pigghiari lu fogghiu?
Pietro Comu ti veni megghiu!
( Gervasino si trascina con la sedia, fino al comò dove c’è carta e penna, facendo rumore)
Pietro Tuttu stu scrusciu chi è? C’è bisognu di stricari la seggia?
Gervasino Un mi movu chiù!
Pietro Ma ‘ncapu li ammi a scriviri?
Gervasino Ma si tu un vò chi fazzu scrusciu!
Pietro Susiti, susiti e spostala cu li manu sa’ seggia! Malirittu a lu
minutu chi ti chiamavu!
Gervasino Che fari allura, è scriviri a la ditta o e scriviri assittatu?
Pietro Comu vo scriviri scrivi, l’importanti chi scrivi, e na’ lu fogghiu!
Gerv. Lu sacciu, lu capivu, lu fogghiu lu pigghiavu, la penna l’haiu
ccà sugnu prontu, ma chi è scriviri?
(Pietro prende un tavolino e lo mette al centro)
Pietro Tu statti prontu chi mi staiu concentrannu!
( Pietro passeggia avanti e indietro con le mani sulla fronte)
Gerv. Picchì ti teni la testa?
Pietro Picchi un ti sta zittu?
( Dopo un poco)
Gerv. Mutu sugnu!
Pietro E arrestaci! Allura senti a mia, ‘ncapu scrivi: “
Raccumannata pi’ la Merica”
( Gerv. Sta zitto e non risponde)
Ma, lu capisti? Picchi un mà rispunni?
( Gerv. Fa segni per dire che non può parlare)
Gervasì, chi ti successi picchi un parri, ti fa mali la gola? Ti
vinni cacchi cosa a li cordi vocali? Parrà Gervasì, un mi
fari scantari!
Gerv. ( Si mette a tossire e dopo si rasserena) Iu criu chi m’agghiuttivu
cacchi cosa! Ammatti ‘na corda!
Pietro Ti la ‘gghiuttisti? La corda di la vuci, e comu lu capisti?
Gerv. Tu un mi ricisti di stari mutu? E iu mi agghiuttivu tutti cosi
pi un parrari, e chissu fu lu risurtatu!
Pietro Ma ora mi pari chi tutti cosi a lu postu turnaru, ti viu parrari
bonu perciò scrivi!
Gerv. E scriviri mutu o parranti?
Pietro Scrivi! Né mutu, né parranti! E ora scrivi!
Gervasino Arcamu, chi iornu è staennata?
Pietro Un ci mettiri iornu, picchi va si no chiddu capisci chi la scrissimu
ora, e pensa chi Cuncetta è propriu cretina, lassamulu ‘maginari
chi sta littra si persi e…
Gervasino E nuvatri l’attruvamu e ci la stamu mannannu!
Pietro Allura, ora a capu, accumencia, ‘… Caro ‘Ntonio, io sogno
Concettina,
Gerv. Si la sonna di notti o di iornu?
Pietro Cu l’occhi aperti si la sonna! Scrivi ‘taliano: “ sono”, e un
mi taliari accussi, né “sono, né abballu”, “sono” e basta!
Gervasino Un parru, scrivu sulu “…io sono Concettina la tua zita di ‘na
vota! Ma pinsannuci bonu… e si ’appi atri ziti nà vota? Comu
fa a capillu chi è idda?
Pietro Nesci fora sempri chiddu chi si, anchi si n’appi atri, tutti
Cuncetti si chiamavanu?
Gerv. Stavota ti rugnu ragiuni!
Pietro Stavota sulu? Sempri haiu ragiuni! Allura continuamu picchi
va si no mi scordu soccu è scriviri. Allura, “ …di na vota,
ma tu mi ricisti chi senza di mia murii…
Gerva Murii quantu “i” c’è mettiri?
Pietro Metticcinni tri, l’abbunnanza unni fa caristia!
Gerva (scrive e parla a voce alta: muri i i…)
Pietro E chi tu un t’avissi maritatu picchi iu sugno…sono il tuo distino…
Gerv. Ma chiù araciu un po’ iri? …Distinu o fistinu?
Pietro Leggilu tuttu, picchi un ci staiu capennu chiù nenti.
Gerv. Tuttu arre raccapu?
Pietro Picchi è troppu longu? Tuttu!
Ger. ‘Caro ‘Ntonio, io sono Concettina la tua zita di ‘na vota,
ma tu mi ricisti chi senza di mia muriii e chi tu un t’avissi
maritatu picchi iu “sogno”…”sono” il tuo fistinu… ‘cca semu
iunti. Ma attenta a mia, picchi Cuncetta è lu so fistinu?
Pietro Unni lu sacciu! Ma iu ti lu rissi di scrivillu?
Gerv. Tu, mi ricisti o distinu o fistinu!
Pietro E a tia ti parsi meghiu fari festa!
Gerv. Certu, almenu si mancia!
Pierto A scriviri : ‘Distinu!’ e spirugghiati! …Iu sugno ancora
‘nnamurata di tia, “… iu ai lovi iu!” , pensu chi lu ‘ngrisi,
dopu quarant’anni lu capisci!
Gerv. Attenta a mia, ma Cuncetta st’ova pi forza ci l’avà mannari? Un
si rumpinu rintra la littra? E po’ iu cu lu fetu d’ova un
pozzu scriviri cchiù!
Pietro Ma st’ova dunni li viristi?
Gerv. Tu mi lu ricisti di mettili niintra la littra!
Pietro Iu ti lu rissi? Leggi Gervà
Gerv. Eramu iunti a …iu sugnu ancora ‘nnamurata di
tia, aiu l’ova iu! Iu unni lu capisciu!
Pietro Tu ha l’ova? Ma quali ova ha? ( Esasperato) Ai love iu!
Gerv.(Arrabbiato) Lu sintisti…dillu arrè…
Pietro Soccu?
Gerv. L’urtima cosa chi dicisti?
Pietro ‘Ai love iu!’!
Gerv. Lu sintisti! A l’ova tu!
Pietro Ma quali ova aiu? Quali ova?
Gerv. Chiddi chi ficiru li addini stamatina?
Pietro Ma quali addini e quali ova? ‘Ai lovi iu!
Gerv. Lu viri chi lu sta ricennu arre…’ai lova tu!
Pietro (Arrabbiato) E’ ingresi , amiricanu! Ai lovi iu, veni a diri, ti voghiu beni
ti amu! ‘Gnuranti comu me’ zu Ninu!
Gerv. ( Con semplicità)Cu l’ova unu la voli beni! Ma macari cu ‘na addina! Chi
c’è di manciari cu du’ ova ? ‘Na addina la po’ fari a
broru, ‘nfurnata cu li patati, o va si nò…cu…
Pietro Firmamuni ‘ccà, facemu finta chi manciamu, pi stasira
picchi va si nò sta littra unni la allistemu!
Gerv. Ma iu ancora addiunu sugnu! Un putemu manciari e po’
scrivemu?
Pietro No, addiunu li ‘dei vennu megghiu!
Gerv. Beddi dei chi ti vennu! Ova! Unu avà scriviri la littra e avà
pinsari a manciari!
Pietro Allura Gervà, facemu finta chi lu capisti, l’importanti è chi
lu scrivisti!
Gerv. Dopu l’ova, chi mittemu?
Pietro Mezzu chilu di pani comu ti pari?
Gerv. Un mi pari tintu tintu cu stu pitittu chi haiu!
Pietro Sempri a manciari pensi, pari sfurnatu!
Gerv. Puru me soru mi lu rici: “…pari sfurnatu”!
Pietro Allura avà essiri veru! Continuamu sta littra, “…ti vogghiu
tantu beni, iu pi tia moru, si tu veni ccà a lu paisi ‘ni
maritamu, o va si nò…
Gerva (lo guarda come per dire uova di nuovo?) Allergicu staiu addivintannu all’ova!
Pietro O …va …si …no…
me frati Petru mi manna a la Merica.”
Gerv. Un mi riri chi a Cuncetta, la m’ha mettiri puru nintra la littra
‘nsemmula a l’ova, picchi un ci trasi!
Pietro Ma cu mi lu fici fari a chiamari a chistu! Un mi la putia
scriviri sulu sta littra!
Gerv. Comu facii a scrivitilla sulu? Sempri dui ci vonnu!
Pietro Picchi?
Gerv. Picchi unu pensa e detta e l’atru scrivi!
Pietro Me figghia avi ragiuni si troppu allenatu!
Gerv. Allura chiamu a Cuncetta e viremu si ci capi?
Pietro Zittuti, zittuti! Un chiamari a nuddu, a Cuncettina ci la
mannamu dopu a la Merica, dopu la littra! Unni la mà
viriri si nà rispunni? ….continua a scriviri …” si tu ci
si…
Gerv. Batti un corpu!
Pietro ‘Ntesta a tia! Accussi viremu si ti po’ arruspigghiari!
Scrivi Gervà, allura ora mittemu li saluti…’tanti saluti
di la mè famighia, di mè frati Petru e so mughieri, di mè
niputi Anna e…
Gerv. …e di lu frati di me cugnata, Gervasino.
Pietro Picchi chiddu, ti canusci a tia?
Gerv. E chi fa si un mi canusci? Lu salutu un si leva a nuddu!
Pietro Va beni, va beni, metti puntu e chiui sa littra!
Gerv. E no, natra cosa ci a mà mettiri! Aspetta Cuncettìna,
Cuncettina…Cuncettina a a a!
Scena VI
Detti e Concetta
Concetta Mi chiamastivu! ‘cca sugnu! Chi dissi, chi arrispunni?
Pietro Chi dissi? C’avia a diri? Ancora la ma’ mannari la littra
po’ a ma viriri si nà rispunni! Gervasinu ti voli…
Gerv. Cuncettì attenta a mia.
Concetta Parra a tia attentu!
Gerv. Ma tu quannu nesci un ti tinci lu mussu?
Concetta N’anticchia di russettu, pi’ un pariri lavata!
Gerv. E lu po’ iri a pighiari?
Concetta Pi ‘ccu servi?
Pietro Pi tia!
Concetta Pi mia? Ma iu unne nesciri!
Pietro Tu lu pensi, ma la littra cu’ la và iri a bucari?
Concetta Veru è, vaiu da’ rintra e mi vaiu a tinciu lu mussu, pighiu
la borsa e…
Pietro …e lu borsinu, lu francubullu pi’ la Merica ci ha mettiri!
Concetta Veru è, ragiuni ha!
Pietro Menu mali chi ci sugnu iu ccà nintra!
Tinciti lu mussu e veni cca’!
Cuncetta Vaiu e vegnu!
(RIENTRA CONCETTA CON IL ROSSETTO BELLO VISTOSO)
Concetta Pronta sugnu dammi li littra chi la ‘mbucu!
Gerv Veni cà, vasa ccà sutta, dunni c’è la firma!
Cuncetta Gervasì, ma chi mi fa fari mi pari vriogna!
Pietro Ragiuni avi, chidda unnà mai vasatu a nuddu!
Gerva Allura è ora chi accumencia!
Pietro Cu la littra a va accuminciari?
Gerva Cù la littra, accussì fa allenamentu! Spirugghiati e vasa
cà sutta!
Cuncetta Ma mi pari malu!
Gerva Vasa e nuvatri ni vutamu!
Pietro Spirugghiati Cuncè, e ora va bucala!
Cuncetta Ci vaiu subitu, ma via aerea o via mari?
Pietro Cù l’apparecchiu! E moviti!
Scena VII
Detti, Anna e Rusina
Anna La scrivistivu la littra papà? Chi ci mittistivu?
Gerv. Ci misimu l’ova pi ora, a Cuncetta dopu rissi Petru!
Rusina No… chi ci mittistivu l’ova frischi? Picchi tantu, prima chi
arriva a la Merica sa littra, s’ova fitiscinu!
Pietro Ora capisciu di cu pigghà Gervasino!
Anna Mamà, puru tu accuminciasti a diri fissarii comu tò frati?
Rusina Picchi chi dissi?
Anna Lassa perdiri, mà e cerca di concentrariti quannu parri!
Papà v’aiu cu la zia Cuncetta a ‘bucari la littra!
Pietro A li voti mi pari spertu! Po’…ti perdi!
Gerv. Annù a chi nesci, mettiti lu cartellu chi ti priparavu,
dunni c’è scrittu: “… sugnu disponibili”, un si s’api mai
ni sta nisciuta, avissi a ‘ncuntrari a caccarunu…!
Rusina Gervà, o Gervà, ma dunni t’alleni, pi diri tutti sti fissarii?
Anna Mamà, fallu finiri, picchi va si nò fora lu ieccu, e si ni va a
stari sulu ‘ncampagna!
Gerv. No iu, mi scantu a stari sulu ‘ncampagna!
Pietro Già si persi! Picchi, ti pigghianu sulu?
Gerv. No, ma ci sunnu li surci!
Pietro E ti ponnu fari sulu cumpagnia!
Gerv. Rusì, Petru mi voli fari scantari!
Rusina Petru o Petru! Lassalu stari a du picciutteddu!
Anna A cinquant’anni picciutteddu è?
Gerv. Maritatu sugnu? Maritatu sugnu? No, e allura sugnu
picciutteddu!
Pietro E sulu picchì si picciutteddu passu di ‘ncapu a tutti li fissarii
chi ha rittu sta iurnata, però chiddu di lu cartellu cu la scritta
unnè nà tinta pinsata!
Rusina Puru tu, rincretinisti Petru! Perciò lu cartellu cu la scritta
sugnu disponibili, è nà bedda pinsata?
Pietro Certu chi è ‘na bedda pinsata! Ma pi iddu, accussì si trova
caccarunu chi si lu pigghia, ‘cca nintra semu tutti cuntenti!
Rusina Ma cu si li la và a pighiari a me frati? Chiddu è accussì, è
accussì…
Pietro Accussi, comu?
Anna Accussi sturdutu!
Rusina Annù, và viri si a nesciri!
Pietro E mi raccumannu, senza cartellu!
Anna Mamà, mi ni vaiu, di ccà nintra e un vegnu chiù!
Gerv. Si ti ni va ‘ncampagna, vegniu cu tia!
Anna A mari mi ni vaiu!
Gerv. Allura un ci vegnu, un sacciu natari!
(Anna esce dalla stanza chiamando la zia: -“ Zà Concè, aspettami chi sugnu pronta
accussì t’accumpagnu!” __” A tia aspettu, ma spirughiati!”
FINE PRIMO ATTO
SECONDO ATTO
Nella stanza c’è Rusina che lavora e Gervasino che gioca con il cavallino
e parla con lui.
Scena I
Gervasino Avanti Sorriso camina, camina chi ora manciamu, se ora
Rusina ti priparà un pocu di fenu, picchi unni vo?
Rusina Gervà, ma cu ‘cu parri?
Gerva ‘Cu cu’ è parrari, cu Sorrisu, chi mi rissi chi è arrabbiatu cu
tia!
Rusina Cu mia, picchi chi ci haiu fattu a stu mulu?
Gerva Chi ci ha fattu? Mi rissi chi prima di tuttu lu ‘nchiuisti ‘ni
lu cammarinu e iddu ‘da rintra sulu, si scanta!
Rusina Oh…mi dispiaci, ma ci rici chi unnaiu dunni mettilu quannu
tu un ci si!
Gerva Mi sta dicennu chi lu po’ teniri ‘ca nintra, accussì sta
‘ncumpagnia!
Rusina Senti a mia Gervà, dicci a su sceccu chi si si lamenta ancora
lu ieccu nà la munnizza, accussì la finisci di murmuriari!
Gerva ( parlando al cavallino : “ un ti prioccupari, dici accussì, ma
un ti iecca ti voli beni, quannu un ti viri mi dumanna sempri
comu sta?)
Rusina Gervà dicci a su menzu cavaddu, chi dumani lu portu a mè
niputi Pierucciu, accussì ‘du picciriddu ci ioca!
Gerva Rusì, un ti pirmettiri a fari nesciri a Sorrisu di ‘ca nintra
picchi avi la sciorta, e un vurrissi chi si facissi di ‘ncapu
e iu unni la viu! Picchi è viriri si è gialla o marrò, accussì
ci rugnu lu sciroppu, lu capisti?
Rusina Gervà porta sa vestia fora e spirughiati chi si veni Petru e
viri chi parri cu su “armalu” iecca fora prima a tia e po’ ti lu
tira ‘ntesta! Iddu sti cosi unni li capisci! Farinedda modda
Petru unni fa a nuddu!
Gerva Pari chi Sorrisu mancia farina! Fenu, fenu ci ha dari!!!
Scena II
Detti e Pietro
Pietro Ma sta sira un si mancia Rusì?
Gerva Lu viri Rusì, puru Petru voli manciari!
Pietro Picchì tu puru pitittu ha?
Gerva No…iu manciavu un pezzu di pani, Sorrisu avà manciari!
Rusina Vattinni dà rintra Gervà, curri però e portati su’ sruppidduni
di sceccu fora!
Gervasino Sempri ‘mpacciu fazzu, mi ni vaiu ‘na lu cammarinu cu sa
mi cerchi, accussì fazzu nanticchia di cumpagnia a Sorrisu!
Amuninni chi ‘ccà nintra facemu sulu ‘mpacciu, unni capisci
nuddu!
ESCE GERVASINO
Scena III
Rusina e Pietro
Pietro Arrè la mania di lu sceccu ci pighià?
Rusina No…o…vulia sapiri a ‘cu lu putiamu dari pi’ li vallu di
‘mmezzu!
Pietro A cu a iddu o a lu sceccu?
Rusina Bonu bonu, chi fa di malu a iucari nanticchia?
Pietro Nenti, a cinquant’anni, chi fa’ di malu a iucari? Nenti!
Senti a mia, ma mè soru Cuncetta e tò fighia Annina turnaru
di abbucari la littra?
Rusina Ancora no! Ammatti ‘ncuntraru lu pusteri novu e s’appiru a
mettiri a parrari!
Pietro Ma secunnu tia quantu tempu ci voli picchi la littra arriva a
la Merica, chiossa di du’ iorna?
Rusina Du’ iorna? Picca mi parinu, sta littra l’hannu a mettiri
‘ncapu l’apparecchiu? Po’ st’apparecchiu avà vulari
luntanu luntanu e po’ la littra avà a truvari a ‘Ntoni
Miricamentu e po’ avà turnari n ‘arrè!
Pietro Rusì mi fa scantari quannu parri accussì, Però, ora chi ci pensu, ci
putissimu telefonari a ‘Ntoni, un nummaru l’avemu
putemu pruvari cu’ chissu, chi ni rici?
Rusina ‘Ni ricu, chi si un truvamu a iddu o un parra chiù ‘talianu
nuvatri l’americanu lu capemu, cu è chi lu sapi parrari?
Pietro Putemu chiamari a Gervasinu, picchi a li voti mi pari chi
parra ‘ngrisi di comu parra ‘ncudduriatu, unne’ sempri chi
lu capisciu, ammatti cu ‘Ntoni si capiscinu!
Rusina Gervasino…Gervasino! Veni ‘cca la soru, veni ‘cca!
( GERVASINO SI AFFACCIA ALLA PORTA)
Gerva Allestu di cunurtari a Sorriso e vegnu!
Entra Gervasino Chi bo?
Rusina Ti la senti di telefonari a La merica a ‘Ntoni Miricamentu ?
Gerva Pi dirici soccu? Un ci scrissimu tutti cosi na’ la littra ?
Pietro Se…ma si la littra perdi tempu a arrivari, si ci telefonamu
facemu prima e accussi viremu soccu voli fari!
Gerva Tu rici?
Rusina Ie ricu!
Pietro E iu sugnu doccordu!
Gerva Allura ci pruvamu! Dammi su’ nummaru!
Rusina Un minutu chi lu vaiu a pighiu!
Pietro Mi raccumannu Gervà, po’ essiri chi chiddu ora parra ‘ngrisi
perciò tu parra a lu solitu tò, chi macari vi capiti!
Gerva Allura tu Petru teni la cornetta, Rusì tu detta lu nummaru e
iu lu fazzu!
Pietro Chissa si chiama organizzioni…Comu dici lei “Capo”
Scena IV
Detti, Anna e Concetta
Anna Tutto fatto, ci misimu lu francobollo
Concetta e la ‘bucamu! Lu Tabbacchista mi rissi chi forsi ‘ni ‘na
simana si semu furtunati ci arriva!
Anna E si un semu furtunati, ni quinnici iorna!
Pietro Quinnici iorna?
Concetta Assa ti parinu?
Rusina Assai, ma chi dici, piccolezzi sunnu quinnici iorna!
Pietro Cretinati!
Rusina Fissari !
Gerva Squiliquigli!
Anna Chi su’ sti squiliquigli Gervà?
Gerva Li iorna squaghiati!
Rusina Annì, ma pi forza ci la dumannari li cosi, lu sa chi chiddu è
…n’artista!
Pietro Na’ menti!
Concetta Ma chi stati facennu?
Rusina Avanti Gervasì, prova a fari stu nummaru!
Gerva Lu viri, ora mi facistivu arrabbiari, un voghiu telefonari
chiu!
Pietro E no, avi tri uri chi tegnu la cornetta aisata, e Rusina
quattr’uri chi avi lu nummaru ‘na lu pizzu di la lingua! Ora
tu telefoni!
Gerva Un pozzu telefonari!
Pietro Picchi ti sta rifardannu?
Gerva Picchì si tu avi tri uri chi teni lu telefoni e Rusina avi
quattr’uri chi avi lu nummaru ‘mpizzu a la lingua, tri più
quattru fannu setti, veni a diri chi “Sorrisu” avi setti uri chi
un mancia!
Pietro Un ti prioccupari chi un mori!
Gerva Tu lu rici, ma se po’ si senti mali cu è chi ci cummatti?
Anna Gervàsì tu telefona chi ci vaiu iu a daricci a manciari!
Gerva Talia cu’ sa’ la fici … e si è gialla… picchi c’è dari lu
sciroppeddu!
Cuncetta Perciò ura di la verità è?
Pietro Ura di livariti sta firnicia, fa’ stu nummaru Gervà!
Gerva Detta Rusì!
Rusina Zero…
Gerva Zero…
Pietro Lu facisti Gervà, zeru ti rissi tò soru!
Rusina Zeru …natra vota!
Gerva Quantu zeru è fari?
Anna Unni lu faciti cunfunniri, quantu zeru su mamà?
Rusina Davanti ci ‘ni su tri e nà lu menzzu ci n’è natri dui.
Gervà Iu lu ricia chi cu tutti sti zeri ( e conta le persone davanti a
lui) m’avia a cunfunniri!
Pietro Un fari lu spertu Gervà, e spirughiati!
Rusina Allura ti lu dettu araciu araciu. Zeru, zeru, zeru 000/5550072
Gerva E su’ tri e po’?
Rusina Tri cincu!
Gerva tri e cincu!
Rusina Ma chi facisti Gerva? Ti rissi tri voti cincu!
Gerva Cancellamu!
Pietro Ma chi fa Gervà, cu li manu si cancella, la cornetta si posa!
Rusina Accuminciamu arrè, zero zero zero, cinco cinco cinco, zero
Concetta Facitilu giustu non è chi po’ arrispunni cacchi avutru!
Anna Un ti prioccupari zi’, po’ essiri chi è schiettu e putemu
cuminari cacchi cosa!
Pietro Zittitivi tutti, chi viremu cu’ arrispunni!
( Gervasino sta con la cornetta all’orecchio aspettando che qualcuno risponda: Prontu…prontu…iu sugnu prontu…Ma ca’ unnà rispunni nuddu…prontu…prontu,,,secunnu mia unnè prontu!
Anna Ma racci lu tempu di arrivari, macari è da’ rintra, o
ammatti è susu…
Pietro o ammatti è ‘na lu bagnu…
Gerva Prontu… nuvatri tutti pronti semu…e vatri? Ma secunnu mia
Mi voli diri cacchi cosa, mi rici tu…tu…tu…chi c’è
arrispunniri?
Pietro Nenti, fa arrè lu nummaru, quannu lu telefonu fa “tu” veni a
diri chi è occupatu!
Gerva Accussì rici?
Pietro Gerva lu sa lu nummaru?
Gerva A memoria 000 555 00 72
Tutti Bravo Gervasino!
Gerva Detta Rusì!
Pietro Dici chi lu sapii a memoria?
Rusina Tu ci ricisti lu sa lu nummaru, e iddu ti lu rissi, no chi ci ricisti si
lu sapia fari?
Rusina Allura 000 555 00 72
(Gervasino aiutato da tutti rifà il numero di telefono)
Dopo alcuni squilli…una voce in inglese… “Aloov”)
Gerva ‘CCa …ca’ prontu sugnu!
Comu rici? Prontu, Ai lov…ai lov, ha lova?
Ni fregà, ti lu ricia chi l’ova a la Merica c’eranu?
Pietro Picchi chi dissi ‘Ntoni?
Gerva Dissi “ aiu lova…aiu lova…
Rusina Frischi ci arrivaru?
Gerva A’lova, aviti l’ova? Iu ci lu ricia a Petru chi un ci n’era
bisognu di mettiriccilli nintra la littra? Lu Capivu, lu
capivu, ha lova, ha lova, ma la curpa un fu mè, iu un ci ni
vulia mettiri! Petru soccu mi fa ‘mrugghiari!
Gerva Lu viri ti li rassi ‘ntesta!
Petru, ora chiddu chi avà fari cu st’ova?
Rusina Ci rici chi pi sta vota si li fa fritti e po’ si viri!
Pietro Dumannaci si è ‘Ntoni!
Gerva Siti ‘Ntoni Miricamentu?
( Dall’altro lato del telefono: Ie’ Iè
Gerva Iddu iddu è, dici: “ iè…iè sugnu”!
Rusina Lu ‘truvamu, lu truvamu!
( SI ABBRACCIANO TUTTI CONTENTI E GERVASINO LASCIA IL TELEFONO, PER ABBRACCIARE TUTTI)
Pietro Ma chi lassasti la cornetta, pighia docu e dumannaci
quannu veni!
Gerva Chi diciti? Chi lu canusciti, ma chi un ci sta chiù docu?
Concetta Cuntintizza ‘matula!E ora dunni sta?
Gerva ( storpiando la frase in americano: “ Dunni sta ora illo?”
Concetta Sa soccu ci successi a du’ picciutteddu!
Pietro Picciutteddu? Sessant’anni avi Cuncè, pi tia lu tempu si
firmà a quarant’anni narre, unn’e veru?
Cuncetta Cinquanta, sessanta chi bo chi su?
Gerva Allura vi zittiti chi unni lu capisciu bonu parrari! Ah diciti
chi vatri siti di Crisì, ora capisciu picchi ni’ capemu!
Nuvatri semu di Arcamu, se se vicini vicinissimi, e comu
mai siti docu?
Pietro Ma ti mittisti a discurriri, Gerva’ viri chi lu telefonu firria!
Gervà Firria, firria, iu unni lu viu firriari!
Ma ricitimi , unn’aviti ‘dea di dunni
potti iri? Comu facemu a truvallu?
Rusina Dumannacci si è ancora vivu?
Cuncetta No stu duluri no!...
Gerva Lu viri cu Cuncetta chi grira iu un capisciu chiù nenti!
Anna Zia Cuncè, unnà murutu nuddu, statti tranquilla!
Gerva Ma dunni si ‘n ‘i ‘Ntoni?
Gerva All’atra zona? Ma sempri a La Merica è statra zona?
Anna Ma un nomu unni l’avi statra zona?
Gerva Mi rici sempri Atrazona, Atrazona! Ma lu nummaru di
telefonu lu sapiti? No… e boni semu cuminati, ah si po’
‘nformari, e quannu ‘ni lu fa sapiri? Appena lu sapi
vossia, mi pari giustu! Quannu vegnu iu a La Merica?
Pietro Prestu, prestu!
Rusina Iddu me’ frati a La Merica avà iri?
Pietro Unni lu sacciu, ma iu ci lu voghiu mannari! Gervà chiui
chi lu telefonu firria!
Gerva Voli sapiri picchi circamu a ‘Ntoni? Picchi s’avà maritari
cu’ Cuncetta chi l’aspetta di quarant’anni!
Anna Ma chi ci cunti Gervà, chi ci ‘nteressa a chiddu?
Gerva …aah puru vatri circati una mughieri ‘taliana? Iu unni lu
sacciu si Cuncetta è tariana…ci lu pozzu dumannari…
Cunce’, tariana si?
Cuncetta No iu cristiana, crirenti sugnu!
Rusina Petru, tò soru un nascì ‘cca? Tò matri dunni la “i”
accattari?
Pietro Pi quantu ni sacciu iu, me soru cà’ nasci propri uni sta
casa, picchi?
Rusina Picchi ci rissi a Gervasu chi e di Crirenti, o c’è scantu chi
tò matri l’accattà a crirenza?
Pietro Se po’ essiri chi ancora l’avà pagari? A crirenza l’accattà,
si mi rici la testa ci la portu arrè narrè!
Gerva Crirernti ricisti? Zu Diè, Cuncetta
è crirenti, unni lu sacciu si è nà religioni nova, però cu
sta religioni si po’ maritari se…se, e infatti idda aspetta
ancora a ‘Ntoni, Cuncè ti piacissi lu Zu Diecu?
Cuncetta Unni l’aiu vistu mai, però si unna truvamu a ‘Ntoni ci
putissi puru pinsari!
Anna Ma chista è propriu disperata!
Gerva Zu Diè si un si trova ‘Ntoni, Cuncetta è disposta a
‘ncuntrarivi e si un vi avissivu a piacivi c’è sempri mè
niputi Annina chi sta spittannu l’arma gemella!
Anna Un mi mettiri nà lu menzu Gervà, chi si unni lu viu ‘na
la facci e mi piaci pi diveru un mi pighiu a nuddu!
Gerva Facemu accussi, zu Diè, vatri appena siti a Crisì
vinitici a truvari, dunni stamu? …Via di li schietti
nummaru 3, e po’ scegliti Cuncetta o Annina va beni,
mali chi va c’è sempri me’ soru Rusina, Petru sempri
moriri avi, prima o dopu, arrivederci se,
se, ni viremu e certu fra parenti, si truvati a ‘Ntoni
salutatinillu, arrivederci!
La salutu Zu’ Diecu, se si sapi cacchi cosa mi la fa sapiri,
va beni, ah vatri a tà veniri a Crisì ni sti iorna?? Ah
viriri li cosi di la vita! Se …se va spettu!
Pietro Ti saziasti a parrari? Docu c’è cinquantamilaliri di
telefonata! E po’ quann’è chi e moriri?
Gerva Unni lu sacciu, quannu a moriri, ma si Rusina a mentri
si talia attornu non è chi fa mali…
Pietro Accussì, levanu lu tabutu di ‘menzu la casa e trasi lu
zitu cu li ciuri!
Cuncetta Sempri pi l’atri, sti cosi: ciuri, ziti, pi mia nenti, paru
fighia di nissunu!
Pietro La curpa è sulu tò, picchi si avissi parratu astura, già
fussi matri e puru nanna. E tu Gervà unna vii bisognu di
stari tri uri a lu telefonu!
Gerva Ma un mi chiamasti tu pi telefonari a ‘Ntoni? Iddu un
c’era e parravu cu lu zu Diecu…
Pietro Se, però un c’era bisognu di cuntarici li fatti nostri, e di
‘mmitallu puru cca’!
Gerva Un mi riciti sempri di essiri gentili cu li cristiani? E
allura picchi ti lamenti?
Rusina Iddu si lamenta sempri, o meghiu nascì pi lamentarisi,
tutti cosi ci fannu ‘mpacciu, po’ unni parramu di li mè
parenti, di chiddi so ‘meci unni parra!
Pietro Ma li mè parenti siti tutti vatri, tu chi si mè mugheri,
Annina chi è mè fighia e Cuncetta chi è mè soru…
Gerva …e iu chi sugnu tò cugnatu!
Pietro No…tu si parenti di mè mughieri!
Gerva ( Si mette a piangere)
Rusina Tà sulu a vriugnari quannu rici sti cosi, talia a du’
picciutteddu lu facisti chianciri!
Pietro E babbasunazzu, iu pi scherzu lu ricia, chi fa ti la
pighiasti, un ti preoccupari tu puru parenti mi veni…
Gerva Sicuru rici?
Pietro Sicuru Gervà, sicuru!
Gerva E “Sorrisu”?
Pietro E no, già ma basta chi m’accollo a tia, puru a lu’ sceccu
no!
Rusina Cu sa lu facii cuntentu a du picciutteddu, chi ti custava
a dirici chi Sorrisu ti veni niputi, chi ti custava? Parri comu si nà
la tò famighia un ci ni sunnu cosi ‘ncudduriati, cosi di
smrughiari, comu si fussi tuttu lisciu senza nuddu
‘ruppu!
Pietro La mè famighia è ditta ditta e la mè rera è liscia senza
ruppa, comu li chiami tu!
Rusina Senza ruppa era?
Pietro Picchi cu ci li fici sti ruppa?
Rusina To soru!
Pietro …un gruppiceddu!
Anna Un gruppuni…voghiu viriri comu a mà fari a scioghilu!
Rusina Ha ragiuni fighia mia, e mi pari chi stu ruppu sta
addivintannu nà matassa ‘ncudduriata! Petru mi paria
chi lu ‘mmrogghiu era tò figghia e ‘meci era tò soru! E
fussi sulu idda! Quannu mi pighiavu a tia, sbagliavu,
avia a taliari prima a l’arvulu gicologico, pi viriri si
c’eranu ruppa!
Pietro Nà lu mè arvulu ginecologico ruppa un ci ni sunnu, è beddu
lisciu!
Rusina Lisciu? Allura accumiciamu, ti fazzu l’elencu di tutta li
ruppa chi canusciu: tò zu’ Nofriu, unnè maritatu e avi nà
fighiu e chistu è unu! Tò Zu Sasà si marità du’ voti, nà
vota cu la soru ranni e nà vota cu la minzana, pi lu
proverbiu: “sta sempri nì lu tò munnizzaru” comu ti pari?
Pietro Comu mi pari? Vegnu e mi spiegu, mè zù Nofriu, è un
picciottu patri, picchi Mariuccia lu sturdì, cu du’ mussu
tinciutu, ni capiddi longhi, e chiddu un ci vitti
chiù, e nascì lu fighiu, po’Mariuccia unni li vosi chiù né
a iddu né a so’ fighiu, e si ni “ì” a sturdiri a natru! E
chistu è lu primu.
E po’ a la Za’ Ciccina cu ci lu rissi di moriri? Dù
criaturi avia arristari sulu? Bonu fici chi si marita arrè,
certu un sbagliu lu fici…
Rusina Lu ruppu sta affacciannu, e qual è?
Pietro Iu di iddu un m’avissi maritatu a la Zà Biniritta?
Rusina Picchi com’è la zà Biniritta?
Pietro Laria, com’è?
Pietro Storii vecchi!
Gerv. Petru, pozzu pighiari li carti e accussì ni facemu nà
partita?
Pietro Pi ora la staiu facennu cu mè mugghieri, po’ si ni parra,
taliati lu giornali!
Gerv. E quannu allesti cu’ idda iucamu?
Pietro Cu’ idda, quannu mori l’allestu sa partita!
Gerv. Rusì, quann’è chi mori?
Rusina Quannu tu allesti di riri cretinati!
Gerv. Vaiu, da nintra e mi fazzu fari lu cafè di Cuncetta!
Rusina Bonu, e lu sa chi ti ricu portaminni nà tazzina puru a mia!
(Suonano alla porta)
Pietro Ma Cuncetta e Anna arrè nisceru? Va viri, va!
Rusina Ma a mia un mi rissiru nenti chi niscianu?
Gerv. Ammatti è ‘Ntoni Miricamentu!
Rusina Accussì prestu fici! Iddu la littra ancora ‘ncapu terra è!
Po’ essiri lu zu Diecu chi vinni di la Merica?
Pietro Veru chi l’apparecchiu vola, ma lu telefonu, Gervasinu
antura lu pusà.
Rusina Allura pensi chi unnè iddu!
Pietro Rusì, un mi fari siddiari, quannu fa sti riscursi, mi pari tò
frati precisu!
Rusina Bonu! Bonu! Comu fa! Pi pinsari ‘na vota comu Gervasu!
Pietro Fussi ‘nna vota! Iu mi scantu si accumencia puru tò
fighia, rovinatu sugnu, cu tri babbi casa casa!
( Suonano di nuovo il campanello)
Gerv. Vaiu a rapu la porta? O prima taliu e vi lu vegnu a dicu
e po’ rapu la porta!
( Pietro si avvia ad aprire rivolgendosi al cognato: “ Un vi muviti nuddu Annù vacci tu!
Scena V
Detti e lu Zu Sasà e la Zà Biniritta
Anna No unn’amaccattari nenti, vi ni putiti iri!
Rusina Cu è Annù?
Anna Dui chi dicinu chi su parenti di lu papà, li fazzu trasiri?
Rusina Du minuti picchi unn’avemu tempu!
Anna Trasiti, ma lu sintistivu du’ minuti!
Pietro Mè Zu Sasà, e mè Zà Biniritta? Staennata chi ci fu
rimpatriata?
Zù Sasà Tu m’ha diri si unn’aiu ragiuni iu!
Biniritta No, haiu ragiuni iu, picchi sugnu la soru e quindi l’eredi
legittima!
Sasà Ma quali legittima, iu sugnu statu so maritu, e allura e
sceglieri iu la mità di la casa chi mi piaci chiossà!
Biniritta Ha mia un mi ‘nteressa iu voghiu la cucina e la stanza di
pranzu!
Sasà No…nenti di fari, IU voghiu lu cammarinu e la stanza di
lettu cu lu gabinettu, picchi haiu problemi di
prospera…!
Biniritta Ti rissi la cucina e la stanza di pranzu!
Sasà Arrè ci torna, lu cammarinu, la stanza di lettu e lu
gabinettuuu !!!!!!!
Gerva Da rintra, da rintra Zu Sasà, c’è scantu chi si la fa di ‘ncapu!
( Gerva spinge Sasà fuori scena per andare in bagno, ma lui si dimena perché non ci
deve andare)
Sasà Chi bo, puru tu ti ci metti?
Pietro Iu haiu nà soluzioni, si mi rati lu pirmisso la spartu iu sta
casa!
Sasà e Biniritta Si ti firi!
Pietro Allura iu ricu chi forsi è meghiu chi la zà Biniritta giacchè e
fimmina è meghiu chi si piggia la cucina e la stanza di
pranzu!
Biniritta Giustu,mi pari giustu!
Pietro E la stanza di lettu, lu cammarinu e lu gabinettu si lu pighia
lu zu Sasà, giustu chi avi la prospera!
Biniritta Ora si chi s’a ragiuna, pari n’avvocatu!
Sasà Giustu chi arristavu cuntentu, a la mè morti lassu la parti chi
m’attuccà a tia!
Rusina Bravu lu zu Sasà!
Biniritta Tu fusti bravu a spartiri la casa, ma iu la mè parti la lassu a
Cuncetta, picchi è fimmina e mi po’ serviri!
Gerv Za Binirì, viri chi Cuncetta un ti po’ serviri!
Biniritta E picchì?
Gerv. Picchi si ‘nna ‘v’a iri a la Merica!
Zu Sasà A la Merica? E a fari chi?
Gerv. A purtari l’ova a ‘Ntoni Miricamentu!
Zu Sasà Picchì ‘ddà addini un ci ni su?
Gerva Ci su, ma un sunnu comu chiddi nostri1
Zu Sasà Chi su senza cricchia e cantanu a natra manera?
Gerva Certu, chiddi nostri su nustrani e fannu: “coccodè, coccodè, ‘meci
chiddi di la Merica sunnnu stranii e fannu: “ cocco je, cocco je!”
Zu Sasà E l’ova li stessi li fannu?
Gerva No…chiddi nostri li fannu tunni e nintra c’è lu biancu e nà
pallina russa, chiddi di la Merica sunnu puru tunni però
hannu la pallina russa e lu biancu!
Zu Sasà Unni li sapia sti cosi! Ammatti puru natru sapuri annu?
Gerva E certu, chiddi nostri hannu sapuri d’ova, e chiddi di la
Merica ancora unni l’haiu sazatu!
Pietro Gervà, ora ti la facisti sta cultura ‘ncapu l’ova americani?
Gerva Ci vaiu pi’ logica ni li cosi!
Rusina Ma chi è sta logica, ora l’attruvà?
Pietro Iu ti ricissi di irici cu li peri chi ammatti ci arrivi meghiu!
Biniritta Un mi riri chiddu chi pensu! Cuncetta Ancora a ‘Ntoni pensa
un si la livatu di ‘ntesta?
Rusina Tu lu canuscisti a ‘Ntoni Miricamentu? Chi sa di sta
storia?
Biniritta Certu chi lu canuscivu, stava ‘na la ‘me strata, du’ porti
chiù sutta, quantu chiancì so’ matri quannu iddu partì pi
la Merica!
Pietro E notizii di curtu ni sa?
Biniritta Di curtu, di curtu no! Però finu a quannu so matri era
viva cacchi cosa mi la cuntava!
Rusina Soccu sapiti?
Biniritta ‘Ntoni parti pi la Merica, e dà si misi a travaghiari cu so
ziu, po’ so’ ziu murì picchi era malatu e lassà tutti cosi a
iddu, chi ni lu frattempo s’avia maritatu…
Pietro (sorpreso) S’avia maritatu?
Gerva (infastidit) S’avia maritatu?
Rusina (arrabbiata) S’avia maritatu?
Zu Sasà S’avia maritatu, avia dumannari lu pirmissu a vatri?
Gerv. A Petru e a Rusina no, ma a Cuncetta si!
Biniritta Picchì babbiavanu quannu eranu nichi? Ma ormai
chiddu era a la Merica, chi avia a fari tuttu sulu e cu
tutti si sordi?
Rusina E tortu un si ci ni po’ dari! E po’ chi successi?
Biniritta So’ matri mi cuntà chi stesi maritatu nà decina d’anni,
e appi un fighiu masculu, po’ però so’ mugghieri murì!
Rusina Menu mali, vedovu è, megghi mi sentu, cu ci l’avia a
diri a mè cugnata! E po’ chi successi sapiti atri cosi?
Biniritta Certu cu so matri ni ‘ncuntravamu spissu a fari lu pani e
accussì mi cuntava chiddu chi succiria.
Pietro E chi successi po’? Dopu chi ci muri la mugghieri?
Biniritta Si marità arrè!
Rusina Si marita arrè?
Gerva Si marita arre?
Pietro Si marita arrè?
Biniritta Arrè, arrè, avia a stari sulu?
Rusina No o o non sia mai! Sulu? Sula, sulu da cretina di
Cuncetta chi aspetta ancora a iddu, ci avà stari!
Biniritta Allura stava ricennu, ‘Ntoni si marità arrè cu ‘na
Mericana, ma dopu ottu o nov’anni murì puru idda,
e arristà arrè sulu cu sò figghiu!
Pietro E già hannu passatu ‘nna vintina d’anni, e po’ comu finì
è ancora vivu, si o nò?
Zu Sasà Certu chi è ancora vivu, armenu finu a decianni narrè
era vivu!
Rusina Maritatu o sulu?
Biniritta Di chiddu chi ni rissi ‘so cucina, chi ni vittimu nà sira pi
la festa di la Maronna, avissi a essiri sulu, anchi si sacciu chi
tri o quattr’anni stava ‘nsemmula cu una…
Rusina …chi po’ murì.
Biniritta Muri?
Pietro Muri?
Gerva Sicuru muri!
Pietro Cu tutti sti mugghieri morti, staiu pinsannu a mali!
Gerva Ma non è chi Ntoni avi un Cimiteru personali e lu voli
popolari?
Pietro Menu mali chi antura avia la Logica, sempri fissarii a diri
Gervà?
Zu Sasà Picchì un ponnu’ moriri li mughieri?
Biniritta Non è chi pi casu sta pinsannu di livarimi di mmezzu?
Pietro Una mugghieri po’ moriri, no tutti e tri!
Gerv. Tutti e quattru!
Biniritta Tri ti rissi chi sunnu li mugghieri!
Gerv. Tri morti! E una morta viva!
Rusina Sta vota ragiuni avi mè frati, ragiuni avi, to’ soru
Cuncetta ha statu morta viva! Meghiu chi un ‘cci
ricemu nenti, cu ccì l’avà diri di tutti sti matrimoni?
Gerv. E un fu mancu ‘mmitata!
Pietro Gervà, si scansà tutti sti regali!
Rusina E Cuncettà avi chi chianci e si dispera quarant’anni, e si
un mi voli chiù, e si murì, e si, e si… puru Santa Rita si
stuffà, li cosi ‘mpossibili va beni, ma chissi sunnu propriu
cosi iccati nintra un puzzu!
Gerv. Dopu chi stava sterminannu mezza Merica pinsà
chi cà c’era da babba di Cuncetta! Chi teni ancora la littra
sarvata cusà e cusà e ora aspittamu notizii di la Merica.
Rusina Ogni tantu ‘mè frati la ‘nserta, ma pinsannuci bonu sti
mugghieri comu mureru?
Gerv. Cu l’occhi chiusi, comu mureru? Comu putianu moriri!
Zu Sasà Facemu accussì dumani passamu arrè speriamu chi c’è
Cuncetta e accussì viremu a cu’ a mà fari lu tistamentu.
Biniritta Stanotti ci durmemu ‘ncapu e dumani vi ricemu a cu
lassamu tutti cosi! Salutamu!
Gerva Vi accumpagnu Zu Sasà, Za Biniritta stanotti durmiticci
bonu ‘ncapu e si un siti cumminta c’è sempri “Sorrisu” a
cu’ putiti fari testamentu!
Rusina Un ci rari cuntu za Binirì, pensaci bonu, però iu ti
cunsighiu me’ maritu Petru!
Gerva Si un sapiti a cu fari tistamentu c’è sempri Sorrisu!
FINE SECONDO ATTO
TERZO ATTO
Scena I
Detti: Pietro, Rusina e Gervasino e il Postino
Pietro Secunnu mia a lu manicomiu foddi chiù picca ci n’è!
Rusina E Petru, Petru ti lu ricia chi prima o dopu li ruppa vennu sempri
a lu pettini?
Gerva Certu la Za Biniritta ragiuni avi, unn’avennu fighi tutti sti beni
a caccarunu la và lassari, menu mali chi la notti porta cunsighiu!
Rusina Iu ‘mmeci pensu a du beddu di ‘Ntoni!
Gerva Beddu? Picchi tu lu canuscisti?
Rusina C’è bisognu di canuscilu, Unu, accussì e sulu beddu!
Propriu beddu, un sulu a La Merica si marità, tri o
quattru voti, ma pi iunta mannà la littra a Cuncetta accussì tinia
a tutti ‘mpignati, si muria una già c’era l’atra di ricambiu
pronta! E Cuncetta aspittava a iddu comu nà cretina!
SUONANO ALLA PORTA
Rusina Vacci tu Gervà, viri cu è!
Gerva Ci vaiu! C’è chiddu chi parra straniu, è lu pustieri
cu du’ littri le fari trasiri, picchi ni una ci voli la firma!
Pietro Fallu trasiri!
Postino C’è di mettere una firma, la mettete voi don Pitrì?
Pietro Ma a nomu di cu è?
Postino A nome di Concetta Sicceri, la conoscete?
Gerva Cà un ci sta nuddu cu’ stu nomu!
Pietro Ma chi dici Gervà, un cà mè soru comu si chiama?
Gerva Tò soru si chiama, Cuncetta la Nuddu!
Rusina Gervà, chissa ‘nciuria è! Pi ‘nciuria ci ricianu lu nuddu a mè
patri!
Gerva Ora capisciu picchi unnà cuntatu mai nà la so’ casa!
Pietro Mè soru è Concetta Sicceri, ma idda un c’è, sta littra la pozzu
firmari iu?
Postino Veramenti non si potrebbbe fare!
Rusina Ma, si po’ è nà cosa urgenti, me’ cugnata Cuncetta dunni va va
iri a circari?
Postino La va’ a prendere alla posta!
Pietro Un mi faciti ririri, perciò la littra è cà e la mà mannari narrè?
Facitimi firmari e ni spirughiamu!
Gerva Postiere, ma vatri siti zitu o maritatu?
Postino Né fidanzato né sposato, picchi?
Gerva E quant’anni aviti?
Postino Si vuoi Gervà ti esco il certificato di nascita”!
Gerva No, no un c’è bisognu, dicia accussi, tantu pi parrari!
Rusina Gervà, finiscila! (all’orecchio: dumannacci si si voli fari zitu?)
Gerva Ah…attintati a mia pusteri : non è chi pi casu vi vuliti fari zitu…
Postino Veramente non avrei intenzione di fidanzarmi, però si conoscete
qualcuna che va bene per me?
Rusina Certu, avemu na’ bedda picciotta sutta manu, massara e pulita!
Gerva Cu è Rusì, Orsola la fighia di la signura Tina?
Rusina Ma chi si babbu Gervà! E’ me fighia Annina, bedda, simpatica e
massara! Un pozzu maritari li fimmini di sta casa e secunnu
iddu è circari lu zitu a li fighi di l’atri!
Gerva Ora ci addivintà!
Rusina Allura ni parru a Annina! No chi si ni sta iennu?
Postino No, ancora non ho finito, la firma l’avete messo? Allora
Vado a prendere il pacco!
Gerva Lu paccu?
( Il postino va a prendere il pacco fuori)
Scena II
Detti e Anna e concetta
Anna Mamà, ma cu c’è? Vitti fora lu pusteri ivì ch’è beddu!
Concetta Veru beddu è ma chi vinni a fari?
Rusina Purtà nà littra a to zà Cuncetta, va ‘mpostati e tinciti lu mussu!
Concetta ( sorpresa) Arrivà, arrivà la littra, comu sugnu cuntenta, finarmenti! Iu lu
ricia chi un m’avia scurdatu, e comu putia! Ah quanti voti mi
rissi chi mi vulia beni, quanti voti m’abbrazzà, quanti voti mi
vasà! Comu si ponnu scurdari sti cosi! Comu?
Pietro Ragiuni ha la soru, ragiuni ha!
Concetta Lu viri ti lu ricia chi un mi scurdà, sicuru chi mi rici chi sta
vinennu pi venimi a pighiari pi purtarimi a la Merica!
Pietro Rapi sa littra Cunccè, e viremu soccu c’è scrittu!
Concetta Ora cà’ davanti a tutti?
Pietro Ora e subitu Cuncè spirughiamuni!
Gerva Rapila Cuncè, va si nò la rapu iu, chi macari è scritta ‘ngrisi e
tu unni la capisci!
Concetta Sicuramenti sunnu cosi personali, mi piacissi rapila quannu sugnu
sula!
Rusina E no, cara cugnata, cà nintra ormai addivintamu nà cosa sula,
sapemu tutti cosi e vulemu continuari a sapilli!
Cuncetta Ma su cosi personali!
Gerva Ragiuni avi, lassamula sula!
Rusina ( esasperata) Gervasì un ti ci mettiri puru tu, va viri si “Sorrisu” dormi!
Gerva Tu la ‘ntisu raghiari? No e allura veni a diri chi dormi!
Pietro (impaziente) Ancora tempu a mà perdiri? Rapila va si nò pighiu a “Peppi
Melia!
Concetta (spaventata) Va beni…va beni, la rapu iu!
(Tutti si avvicinano curiosi di sapere)
Anna ( curiosa) e spirugghiati! Lu tò destinu c’è docu nintra!
Gerva (serafico) Cuncetta lu distinu si lu fa sula, ormai si ci abituà!
Concetta La rapivu, ma chista …chista…
Pietro Leggi a vuci avuta!
Concetta (sconfitta) Spettabile signorina Sicceri Concetta, le inviamo la presente da
compilare per accedere all’assegno di mantenimento richiesto da
suo fratello, Pietro Sicceri, naturalmente se nel frattempo lei si è
sposata non c’è bisogno di compilare niente!...Perciò puru a tia
fazzu ‘mpacciu?
Pietro (vergognandosi) Sta dumanna la fici du anni narrè, mi lu rissiru a lu patrunatu,
ma non è chi mi fa ‘mpacciu…!
Concetta Un mi po’ manteniri? E lu tirrenu chi mi lassà lu papà, u ni lu
curtivi tu?
Pietro Ma chi sta pinsannu? Era nà dumanna chi facianu tutti, e mi la
ficiru fari puru a mia, ma comu viri, mancu ci pinssava chiù!
Concetta Ma cu si sordi chi ci avii a fari?
Pietro Ci pensi chi Anna ni su periodu era menza zita cu lu fighiu
di lu firrraru, e cu Rusina pinsamu chi cu si rana, si arrivavano
ci putiamu accattari la stanza di lettu, ma né me fighia si marità
né li rana arrivaru!
Concetta Sempri pi l’atri sti cosi e mai pi mia, iu un ci voghiu arristari
schietta!
Pietro Si dici sé lu facemu di cira, lu zitu!
Scena III
Detti e Marianna e Lina
( SUONANO ALLA PORTA)
Anna Ci vaiu iu! Ciao Linù, ma chi purtastivu novità?
Lina Fanni trasiri, chi iu e Marianna ti vulemu cuntari soccu ‘ntisimu!
Rusina Perciò trasiti assittativi, (Chi beddi picciutteddi chi vi facistivu)
Cuntatici!
Lina Nà lu paisi un si parra d’avutru!
Marianna Un si parra d’atru, nà machina longa, longa, longa…
Lina Cu nà bannera appizzata, nicaredda però è la bannera, ma ni da
machina longa anchi si è nica si viri!
Cuncetta Ma di soccu parrati, di quali machina parrati?
Pietro Cà la machina chiù grossa l’avi lu sinnacu!
Gerva La secentu giardiniera, chissa avà essiri!
Marianna La machina di lu sinnacu nica è, chidda li scarpi ci fa!
Anna Ma di cu è sta machina grossa?
Lina Unni lu sapemu, ma mè patri mi rissi chi avà essiri di nà
mericanu chi turnà ni sti iorna!
Marianna E avà essiri unu riccu picchì la machina è veru longa!
Lina Secunnu mia avà essiri lu maritu di donna Sina, chi parti
l’annu scorsu pi fari furtuna!
( CUNCETTA SI ACCASCIA SULLA SEDIA SBIGOTTITA)
Concetta Arrivà, arrivà iddu è, ‘Ntoni finarmenti arrivà, un ci pozzu
cririri!
Pietro Cuncè, fra littri e telefonati ci la ficimu, lu zù Diecu l’appi a
rintracciari e finarmenti putemu chiuiri sta storia!
Gerva Ammatti mi purtà li carameli e li licca licca!
Rusina Zittuti Gervà! Unni lu sapemu si è veramenti iddu!
Concetta Lu cori un si sbaglia: iddu è!
Lina Ma iddu cu?
Marianna Lu canusciti, aspittati a caccarunu?
Gerva Ma, certu, chi lu canuscemu aspittamu a lu zitu di Cuncetta!
Lina Cuncetta zita è, e nuvatri un sapemu nenti?
Rusina Mancu nuvatri sapiamu nenti, pensa un po’ si lu sapianu l’atri!
Marianna A viri a chista chi un paria! Zita a la so età! A certuni tutti li
furtuni!
Lina Aspittà nanticchia, ma lu zitu riccu acchiappà!
Marianna Nanticchia, ricemu quarant’anni, nanticchia assà!
Gerva Linù si tu ti vò maritari lu po’ fari subitu, unnà bisognu di
aspittari!
Lina E cu fussi lu furtunatu?
Gerva L’ha davanti l’occhi!
Marianna Un mi riri!
Gerva Meci ti lu ricu!
Lina Un mi lu riri propriu: TU?
Gerva In carni e ossa!
Lina Mi dispiaci iu sulu virdura manciu!
RIENTRA IL POSTINO CON IL PACCO
Postino E cà c’è il paccu!
Rusina Di runni arriva?
Anna Taliamu signor pusteri, lei sicuru lu sapi!
Postino Signorina…
Anna Anna mi chiamo…
Postino Signorina Anna ora guardo, allora il paccu viene dall’America!
Rusina Lu paccu manna!
Concetta Ma lu mè nomu c’è scrittu?
Gerva Un si cunfunnissi, cusà c’è scrittu Cuncetta Nuddu
Concetta Iu Concetta Sicceri mi firmu, po’ si l’atri mi chiamanu Nuddu
un ci pozzu fari nenti!
Postino C’è scritto…Concetta Sicceri detta La nuddu!
Concetta Iu sugnu, iu sugnu!
Pietro Amunì, rapemu stu paccu!
Gerva Lu rapu iu, ammatti ci misi li licca licca!
Rusina Gervà, allontanati di docu!
Cuncetta Fermi tutti, lu rapu iu, ora basta!
Gerva Cuncetta, pi li licca licca t’arrabbiasti, un ti prioccupari ni li spartemu!
(Concetta scarta il pacco e dentro c’è un vaso con i fiori)
Concetta Finarmenti!
Lina E chissi sunnu ciuri!
Marianna Ma chissu è lu mazzettu pi lu zitaggiu?
Anna Zia Concè, aspettasti, ma ora talia soccu arrivà, macari putissi
avillu aviri iu un mazzettu accussì!
Postino Signorina Anna, iu me ne vado perché sono di servizio, però mi
Piacerebbe mandarle un mazzettu così, giustu che le piace!
Anna Veru dici? Fussi veramenti onorata signor Postino!
Postino Luigi per te!
Anna E iu Anna senza signorina!
Postino Va beni si domani la vengo a trovare?
Anna Certu mi facissi piaciri!
Gerva Picchi ancora littri ci sunnu?
Anna Gervà fatti l’affari tò!
Postino Me ne vado, ma non sono cose che si possono capire!
Anna Va beni, iu t’aspettu!
Gerva Staennata, tutti mi ricinu: “ Gervà un capisci nenti, e iu unni staiu
capennu nenti pi di veru!
(SUONANO ALLA PORTA)
Scena IV
Detti e Ntoni Miricamentu
Gerva Vaiu a rapu la porta!
Pietro Un ti moviri di docu, picchi si è du’ signori chi aspittamu
lu voghiu viriri in facci!
Rusina Mi raccumannu Petru, viremu prima cu è, e si è iddu viremu
comu si comporta!
Cuncetta Ci vaiu iu!
Anna Un ti moviri, anzi fa finta chi un ti ‘nteressa chiù nenti di iddu!
Cuncetta Ma chi sta ricennu?
( Risuonano alla porta)
Pietro Staiu vinennu! ( Va fuori ad aprire la porta e si trova davanti un
signore che quasi non conosce) Ma cu siti e a ‘cù circati?
Ntoni (accento americano) Pietro un mi canusci chiù, sugnu Antonio, ‘Ntoni sugno
turnavu lu viri, vinni di La Merica!
Pietro Putii stari n’atranticchia, quarant’anni chiù quarant’anni menu!
Ntoni Un mi riri chi vatri aspittavavu a mia?
Gerva No…o…o…o, ma quannu mai!
Ntoni Comu stati?
(NELLA STANZA SONO TUTTI AMMUTOLITI)
Tutti Arriva!
( ‘Ntoni si avvicina ad Anna, che assomiglia molto a Concetta da giovane)
Ntoni Mi si precisa a comu ti lassavu, pari chi lu tempu unnà passatu
‘capu di tia! Pi tia turnavu!
Anna Diciti a mia?
Ntoni A tia Concettina, bedda eri e bedda t’attuvavu!
Gerva Signor ‘Ntonio, ma aviti problemi di vista?
Ntoni Nooo ci viu benissimo!
Gerva Nun mi pari!
Ntoni Picchi?
Gerva Picchi chissa è mè niputi Anna!
Ntoni Anna… ma si è precisa Cuncettina!
Anna Se, tutti ni lu ricinu chi n’assumighiamu!
Ntoni Si un mi lu riciavu, avissi rittu chi eri Cuncetta, ma Cuncetta
dunn’è? Un mi riciti chi si marità!
Pietro Un ti lu ricemu! Macari avissi statu accussì, astura un fussimu
cà!
Concetta …’Ntoni, cà sugnu!
Ntoni La Cuncetta chi lassavu si?
Concetta Picchi canciata mi trovi Ntoni?
Ntoni (confuso) Dice…mu di no!
Concetta Un mi canusci chiù?
Ntoni Ma chi dici un ti canusciu chiù, si un pocu diversa, ma pi mia si
sempri la stessa!
Gerva Si la ‘ncuntravi nà la strata, l’avissi canusciutu?
Ntoni No, però si l’avissi taliata bonu, ammatti ci avissi arrivatu!
Lina Talia Marianna, talia chi beddu cristanu, lu vistitu, la cravatta!
Marianna Lu cappeddu…u! Chi è ‘mpustatu, sa’ quanti sordi avi!
Gerva Cuncè, arruspighiati, picchi chissu un ti voli chiù!
Rusina Zittuti Gervà! Signor ‘Ntoni finarmenti vi canuscemu!
Cuncetta ‘Ntoni, ti ni isti a La Merica e ti scurdasti di mia!
‘Ntoni E comu pozzu scurdarimi di tia, tu ha statu sempri lu mè
pinseru, iu pi tia haiu campatu!
Gerva Però a mentri sa’ maritatu cu l’atri!
Anna Se, però lu pinseru c’era!
Cuncetta Ma veru è chi ti maritasti?
‘Ntoni Se…nà para di voti, ma aspittannu sempri a tia!
Gerva Chi cristianu rispittusu!
Cuncetta Ma pi mia vinisti?
‘Ntoni Pi tia sulu pi tia!
Gerva ‘Ntoni, ma siti schiettu o maritatu’
‘Ntoni (un colpo di tosse) …vedovo!
Concetta Comu ti putisti maritari senza di mia?
Gerva La putii ‘mitari però!
Concetta Mi ricisti chi mi vinii a pighiari, e iu t’aspittava e lu mè cori
chiancia!
Pietro Si tu avissi parratu…iu t’avissi truvatu a caccarunu!
‘Ntoni Chi dici Petru, perciò vulii fari maritari a Cuncetta cu’ natru?
Pietro No..o..o, però la putia mettiri ‘ncapu la navi e ti la mannava!
Cuncetta E chi sugnu paccu!
Gerva Paccu un sì, ma lu paccu ti lu fici ‘Ntoni a tia!
Cuncetta Veru è li ciuri mi mannà, e chi ciuri!
Rusina Cuncè arruspighiati, arruspighiati, pari chi fussi l’unicu
masculu di stu paisi, picchi un t’avissi maritatu cu lu
scarpellinu chi fici lu monumentu a tò matri quannu murì?
Quantu viaggia fici , pi viriri comu l’aviamu a fari stu
monumentu, di marmu biancu, di granitu, russu, giallu un ti nà
dunasti?
Concetta Se, lu vitti veniri tanti voti, ma iu pinsava sempri a ‘Ntoni e un
ci fici casu, però mi lu putii diri, chi iu l’avissi attenzionatu!
Ntoni Concè, cu’ natru ti vulii maritari? E iu comu avia a fari …
Gerva Cuncè, a du picciutteddu sulu lu vulii lassari? Comu avia a fari
senza di tia?
Pietro Comu fici, maritannusi nà para di voti!
Ntoni Se, ma sempri cu l’intenzioni di turnari e pighiarimi a
Cuncetta! Sulu chi avia a fari dà?
Gerva Ragiuni ha, sulu putia stari mai?
Rusina E infatti un ci arristà sulu; ma ora chi siti vedovu chi ‘ntenzioni
aviti? Vi vuliti maritari si o no?
Ntoni Certu chi mi voghiu maritari, e picchissu sugnu cà, pi
dumannari la manu di…di…
Gerva Di…di…di cu?
Cuncetta Dillu…di…di…
Ntoni Di…
Tutti Di…
Ntoni Di …di Anna! Pari Cuncetta quannu la lassavu, mi piaci!
Anna Ma chi è foddi, cu lu voli stu vecchiu!
Cuncetta Arre, arre mi lassà! ( piange e si dispera)
Pietro E nò, ora basta cu sti iochi, vatri vi ‘mpegnastivu cu me soru,
mannannucci lu mazzettu, e ora vi la maritati!
Ntoni Vatri ragiuni aviti, ma Cuncetta si putia dari n’arridduciuta nì sti
quarant’anni, taliala pari nà vecchia!
Rusina Certu, vi capisciu, e a vatri vi piaci chiossà me fighia Anna
chidda chiù picciotta! Un ti pirmettiri Petru a canciarimi cu
una chiù picciotta, picchi nà guerra succeri!
Petru Ma chi ‘centru iu! A mia tu mà basti…e mi survecchi!
Gerva Ah Petru Petru, sta’ attentu picchi l’armi t’ha iri a circari, si
scinni ‘nguerra mè soru, scrusciu assà fa!
Cuncetta Sorti amara, un mi voli nuddu!
Pietro Un chianciri la soru. chi ci pensu iu! Gervà và, curri e va
chiama a cù ti rissi antura, curri!
(Gervasino corre a chiamare il prete del paese)
Gerva Lu chiamu subitu, tantu sta cà nfacciu!
(Esce ed entra dopo due minuti)
Rusina Dunni i mè frati?
Petru Sta vinennu, un ti prioccupari, i a spirughiari nà cosa!
Scena V
Detti e Padre Giuseppe
Gerva Cà, è cà, rarrè di mia, lu ivu a pighiari nà lu zu Dommianu
chi murì stamatina!
Rusina Lu zu Dommianu murì, e iu unni sacciu nenti? Curru ci vaiu a
portu du’ ciuri!
Petru Un ti moviri di cà, picchi stasira semu di matrimoniu!
Rusina Ma chi dici, e iu unni sacciu nenti, cu è chi si marita?
Gerva Iu puru ‘mitatu sugnu?
Petru Tu ha stari ‘nprima fila, l’aneddi a teniri!
Gerva Mi vaiu a ‘mpostu!
Petru Gerva spirughiati chi sta arrivannu!
Ntoni Cu è chi sta arrivannu?
Petru Ora lu viri, chiddu chi finarmenti na’ và livari li confusioni!
Cuncè, la valigia pronta l’ha, picchi mi rici la testa chi si parti!
Cuncetta Si parti? A la me età dunni è iri caminannu, un mi voli nuddu?
Petru Ti voli, ti voli, un t’ha taliatu bonu, ma ora appena ti talia bona ti
canusci, e si rinnaura di tia, sta tranquilla!
Anna Me patri, cara zia, avi tutti cosi organizzati, puru lu viaggiu di
nozzi!
Cuncetta Picchi cu si marita?
Petru Ora lu viri!
Suonano il campanello
Patri Peppi Murì murì, avi tri iorna chi è fra la vita e la morti!
Ma stavota ci arriniscì lu zu Dommianu, a iri a truvari a so mughieri!
Gerva Sa chi vuci ci appi a iccari!
Patri Peppi Picchi?
Gerva Picchi idda avi tri anni chi l’aspetta!
Padri Peppi Mi ricisti di curriri, ma cu è chi sta murennu, un vurrissi chi
Cuncetta si senti mali? La vitti chi chiancia quannu trasivu!
Petru Ma quali moriri, sta sira amu a fari nà granni festa picchi c’e
un matrimoniu!
‘Ntoni Cu si marita?
Petru Tu!
‘Ntoni Iu? Ma un mi sentu ancora prontu, un sugnu veduvu friscu!
Petru Ora ti facemu quariari subitu subitu!
‘Ntoni Ma l’aneddi? E a cù mi maritu?
Petru L’aneddi su pronti, e puru lu cumpari, Gervà semu pronti?
Gerva Prontissimi!
Patri Peppi Allura si su tutti cosi pronti, accuminciamu, chi poi haiu un
vattiu! Avanti li ziti!
Petru Cuncettà chistu e lu tò mumentu! Puru li damigelli ci su
Linù, Marannì, lu viriti chi onori aviti sta sira!
Lina Un ci avissi crirutu, si mi l’avissiru cuntatu!
Marianna Ma senza ‘mmutati!
Rusina Siti nà cartollina un vi prioccupati! Petru, ma Cuncetta si marita,
mi lu putii diri!
Padre peppi Cuncettina finarmenti, allura ‘Ntoni tu mettiti a destra e tu
Cuncetta a sinistra, accussi un vi muviti!
Cuncetta Ma senza vestitu biancu?
Gerva Dopu li quarant’anni, un si usa chiù!
Anna Zia, macari mettiti lu velu, ( prende un centrino che è sul tavolo
e glielo mette in testa) ora semu pronti!
Padre Peppi Se qualcuno avà diri cacchi cosa, o parra ora o sta zittu pi sempri!
Gerva Fermi tutti, stu matrimoniu un si po’ fari!
‘Ntoni Menu mali!
Anna Picchi?
Gerva Un c’è Sorrisu!
Petru Va pighia su’ sceccu spirughiati!
Gerva corre a prendere Sorriso
Gerva (rivolgendosi a Sorriso) ‘Mmitatu si, un fari lu ‘ncazzatu, po’ ci su li taralli, se e
manciamu!
Petru Spirughiati, chi li ziti aspettanu a nuvatri!
Suonano alla porta
Gerva Cu è?
Luigi Il postino! Posso entrare?
Rusina Dopu un po’ veniri?
Luigi No, è importante!
Anna Ci vaiu iu, aspittatimi!
Luigi Ma che c’è un matrimonio?Al momento giusto sono srrivato!
Lina Picchi puru vatri vi vuliti maritari?
Luigi Prima mi vorrei fare fidanzato, Anna tu chi ne pensi!
Anna A mia un mi dispiacissi!
Padre peppi Ca mà fari stasira la ma fari stu matrimoniu si o no?
Allura accumenciu…( ‘Ntoni si asciuga con il fazzoletto la fronte?
SI SENTE SUONARE UNA MACCHINA DALLA STRADA
Gerva (si affaccia dalla finestra) Ma cu è chi sona accussì forti?
Miiiii chi machina longa e puru la bannera avi, e cu arrivà di la
Merica?
Lina e Marianna Vi lu riciamu chi c’era nà machina longa!!
Gerva Se putiti acchianari, cu siti? Lu zù Diecu? Lu zu Diecu arrivà!
Patri Peppi Ma stu matrimoniu sa và a fari si o nò?
(Ntoni in questo momento di confusione piano piano si allontana e si mette vicino le due
ragazze che lo interessano più di Concetta)
UNA VOCE SI SENTE DA FUORI
Diecu L’americano Je… je, picchissu sugnu cà, dunne l’amicu mè, Gervasinu?
Gerva Cà sugnu zù Diecu, ma veru vatri siti?
Diecu Je…le sugnu, ti purtavu li carameli e li licca licca!
Gerva Li carameli purtà, li licca licca chi sugnu cuntentu!
Diecu ( guarda Concetta) speru di essiri ancora ‘ntempu!
Petru Cà nintra lu tempu si firmà quarant’anni narrè, parrati!
Diecu ( Rivolgendosi a Concetta) Concettina, o tariana o crirenti a mia un mi ‘nteressa nenti
iu t’aiu pinsatu e e sulu lu tò nomu mà fattu sentiri lu sapuri di la
nostra terra, CUNCETTINA, Nà POESIA, comu viri ti mannavu
puru li ciuri…
Gerva Li ciuri vatri li mannastivu!
Pietro Mancu ‘Ntoni fu, e mancu parra!
Ntoni …E chi è diri pi farivi cuntenti, fici finta chi vi li mannavu iu!
Cuncetta Mancu li ciuri iddu mannà…!
Gervasina Pirucchiusu!
Diecu Cuncettina, pensaci, iu vinni di La Merica pi sempri, si tu mi vò iu
sugnu cà pi dumannari la tò manu a to frati Petru e a stu galant’omu
di Gervasinu chi ni fici canusciri, anchi si pì telefonu, chi ni pensi,
chi mi rici?
Concetta Ma iu, unni lu sacciu…tu chi ni rici ‘Ntoni?
Ntoni Fa’ puru liberamenti iu un mi dispiacciu!
Anna Zi chi vo fari, a cu ti vo maritari, a Ntoni o a Diecu?
Patri Peppi Entru mezz’ura però chi po’ haiu un vattiu ( battesimo)!
Diecu Iu sugnu cà pi tia!
Petru Ti lamintavi chi un ti vulia nuddu e ‘meci ora na’ dui pritinnenti!
Gerva Si si indecisa, fa lu toccu e a cu nesci ti pighi!
Cuncetta Un c’è bisognu di fari toccu, ho deciso!
Pietro Oh finarmenti! Chi diciristi di fari?
Concetta Iu, capivu chi ni sti quarant’anni haiu aspittatu a ‘Ntoni, ma l’amuri
era sulu da parti mia, picchi iddu s’avia scurdatu di mia!
‘Ntoni Noo unni la diri, ogni tantu ti pinsava!!!!!!!
Gerva Quannu ci muria cacchi mughieri!
Concetta E ora mi voghiu maritari a ccu mi voli veramenti e …
Tutti E…………
Concetta Allura scegliu a Diecu!
Diecu Grazie grazie Concettina mia, vedrai ti farò felice!
Patri peppi Siccomu c’è di spirughiari arre li carti, vaiu a fazzu su vattiu
quannu siti pronti mi lu faciti sapiri!
Petru Ora sì chi putemu fari festa! Rusina pighia li taralli!
Rusina Subitu Petru!
Petru Ora finalmente facemu festa pi stu fidanzamentu fra Cuncettina e
Diecu!
( Tutti fanno festa mangiando e ridendo dividendosi a gruppetti, ‘Ntoni fa festa con le due
ragazze , Gervasino si avvicina a ‘Ntoni. Tutti si fermano immobili)
Gerva Scusa, Linù e Mariannù, ( lo porta al centro della scena)
Signor ‘Ntoni, viriti li cosi di la vita…
Ntoni Ragiuni ha Gervasì, ma chi ci vò fari chista è la storia!
Gerva Chista era la storia, ora la storia cà nintra cancià, e vatri ora vi ni iti,
cotu cotu, all’Atrazona di dunni vinistivu!
Ntoni Ma!!!!!
Gerva Nenti ma, va si no ci ricu a Sorrisu chi ti runa nà tistata e un cavuciu
dunni ricu iu!
Ntoni Mi ni vaiu, mi ni vaiu!
Gerva Ntoni, pusati la taralla!
Ntoni …pi na’ taralla!
Gerva Forza Sorrisu, facemuci viriri comu si vola senza bisognu di
apparecchiu!
( Dopo aver buttato fuori Ntoni, Gervasino va al centro della scena)
Gerva E COMU RICI LU PROVERBIU: “ SERI SERI CHI BEDDA VINTURA
VENI! Cuncetta assà aspittà, ma lu zitu bonu lu capità!
PICCHI L’AMURI SI TALIA NO CU L’OCCHI, MA CU L’ANIMA!
FINE TERZO ATTO
