O Pezzo dovià ancon vegnì

O Pezzo dovià ancon vegnì

di Eugenio Rusca

ATTO PRIMO

Scena 1

(Lella,Giulia)

(Casa di campagna, tavolo sul proscenio con lunga tovaglia non trasparente che tocca per terra; a sinistra, poltrona coperta da un drappo bianco,un piccolo tavolino con alcune riviste. Uscita a sinistra per cucina e altri vani, a destra per camere Sul fondo a sinistra un armadio con due ante, sul fondo a destra un tavolino/mobiletto con telefono;al centro sul fondo l'ingresso e uscita per l'orto...Sinistra e destra si intende guardando il palco. Lella e Giulia entrano dal fondo, parlano di Gildo.)

Lella: Mi, ca-a figgia nö ghe credo...

Giulia: Mamà, a l'è coscì.. O l'è in amigo..ninte de ciù..

Lella: Amigö? Mah.. Mi nö me preoccupo...comunque o nö me piaxe guaei..

Giulia: Però o nö l'è cattivo e manco brûtto..

Lella: Cosa o ghintra..a questiön a l'è un'atra.. te l'ho zà dïto...quande o passa con o trattù vixin a-o gaggiön de gallinne, quelle fan un resäto e pe duì giörni nö me fan de êuve..

Giulia: E vabbè mamà.. pe duì giörni o nö se moe..

Lella: O nö se moe... ma o l'è che ogni dui giörni o passe con o trattù e semmo da-o prinçipio.. son due settimann-e che nö ne piggiemmo .. e gallinne son in crisi de identitè!!! E dito tra noî, o nö me pa tanto un chillo quello tò amigo.. quando o me vedde o fa de cose strane... 'na votta o l'ha piggiâo unn-a maneghetta e o l'ha daeto da beive a un erboo che o l'ea anche secco, ...mah....

Giulia: Perchè foscia o l'è timido..foscia o l'à verghêugna.. fòscia o l'ha puïa?

Lella: De chi? De cose?  De mi?...(Sorride) te diggo quello che penso veramente...pe mi o l'è mezo nescio..

Giulia: Mamà!!!..o l'è un nostro vixin.. besêugnâ trattalo ben..

Lella: Nö poemmo avei un vixin nescio? (Pausa) Mi o tratto ben, nö ghe diggo ninte....però son stuffa de andâ a catâ e êuve in to paise... o me vegne un nervoso...me piggian in gïo..

Giulia: Femmo unn-a cosa.. mettemmo e gallinne derè a casa coscì nö se spaventan ciù..

Lella: E scì..ghe manca quello...e poi da anchêu o poe vegnì da gente ca vorrià posase..respià äia pulita...mangiâ cose biologiche...e mentre saian in sciò letto con o barcon averto pe sentî i canti d'öxelin, ecco co l'arrivià un rûmô de fondo tremendo..quell'angheso con o sò trattù..se ghe penso me agito..e poi, a propoxito de preparà, emmo ancon da finì e stansie de sovia..

Giulia: Se o l'è pe quello g'ho zà pensao mi..ho misso i lensêù in tûtti i letti e ho faeto unn-a pulizia generale che o se porrieiva mangiâ pe taera.

Lella: Brava figgia me..se nö ti ghe fuisci ti a saieiva unn-a vitta che faieiva..con quello perdigiorno de to puaè..o l'è mezz'ôa che o l'è a prêuvo ao feugo da stiva..peste a muì se o l'è riuscio ancon a fa boggì l'aegua.....dovemmo finì de fa a salsa e semmo de sprescia. Comme ao solito o l'aviâ trincao unn-a bottiggia e o saià a piggiasene dexe menûti ascoso chissà donde.

Giulia: ..Oua vaggo a vedde...nö state a roxentà o çervello, quetite un po'...

Lella: Bello dì, quetame...vediò.. e tornando ao discorso de primma, se e gallinne entro dui giorni nö me fan de êuve e nö posso preparà e frittae, m'assettiò in sciù gradin chi de foa con o scioppo do nonno e aspetio quell'essere nefasto con o trattù!!! ….(Si avvia a sinistra) e nö portamelo in casa...(Esce)

Scena 2

(Giulia,Gildo)

Giulia:  Ecco lì, o discorso o l'è bello che cominçao  ...

Gildo: (Senza uscire da sotto il tavolo,chiama Giulia che si spaventa, si guarda intorno perchè non capisce da dove arriva la voce) Giulia..Giulia...Son chi...chi sötta... damme unn-a man..

Giulia: Che spavento..(Giulia scosta la tovaglia e aiuta Gildo a uscire ).ma cose ti ghe fe li sötta..?

Gildo: Son due ôe che nö me mescio pe a puïa che o me vedesse quarche d'un..a me schenn-a...che mâ...poi chi de foa o ghè saià ancon o becco che o m'aspetià pe dame unn-a cornà...o nö me sopporta..

..

Giulia: Ma figuremmose se o l'è lì de foa.....mi invece creddeivo che ti ti fuisci zà andaeto a casa doppo che se semmo visti in to baraccon do fen..

Gildo: E mi ho çercao de andà .. ma cose ti veu.. primma o can, g'ho mollao in osso e o s'è calmao..sciorto, passo tra i erboi, vaggo in to prôu e chi me treûvo davanti.. l'elemento che t'ho dito primma....o l'ha incominsao con a zampa a raspà a taera...e mi nö ho trovâo de megio che mettime a corì e vegnì chi drento.. intanto o m'ha quaexi piggiao ..

Giulia: O me dispiaxe.. te daiò tanti baxi a proxima votta...

Gildo: A proxima votta me mettiò n'armatûa de fero...e poi, levime unn-a cujositè..perchè ciammà o becco con o stesso nomme de to papà..

Giulia:(Sorride) O se ciammava zà coscì.. l'emmo piggiao che o l'ea piccin.. e o l'aveiva zà questo nomme..e se ti l'ammii atro nomme o nö ghe staieiva ben ao meiximo.. (sorride) ma oua ti devi andà via de chi..a mamma a l'è de là.. e ti aviè sentio cose a l'ha dito..

Gildo: O ben sentio..a nö me sopporta.. (timoroso e preoccupato) mi con o trattù devo pe forsa passà chi a vixin.. o l'è l'unico moddo pe andà in sci campi..però rischio de trovame o panè con tanti garbi comme a paila pe coxe e castagne...besêugnâ che ti ghe parli.. mi son in po' timido e no treuvo o coraggio de fame avanti.. ma anche ti che ti me tegni ascöso a puïa a l'aumenta..nö te pa...?

Giulia:..Tè raxön.. Gildo fate coraggio.. scistemiemo tûtto..ma ricordite anche che a mamma a l'è bonna de fa quello ca l'ha dito...

Gildo: Ou so.. oua vaggo... passo da-o derè con a speranza che nö ghe segge nisciun..animali compresi...(Poi dolce a lei)...però, che momenti che ti me fè passà in sciù fen..che baxi!! (Si avvia sul fondo ma sente una voce, è quella di Mario)... o ghè o papà.. belan..vaggo sciù de dato...

Giulia: De dato nö. O rifaeto e stansie e o ghè netto...Sotta a töa...

Gildo: Turna?! Nö ga fasso ciù a restà li sötta..

Giulia: Vanni..mescite.(lo spinge con forza e sistema alla meglio la tovaglia..Gildo ora è visibile al pubblico.. entra Mario mugugnando)

Scena 3

(Giulia, Mario...Gildo)

Mario: (Entra dal fondo con un sacco di iuta o simile di colore bianco, portandolo sulle spalle, lo posa..) Ma o belin.. mi orrieiva savei chi o l'ha piggiao o mè relêuio.. o l'è meza giornà che o çerco ma ninte...(Gildo sentendo queste parole si guarda il polso facendo capire che lo ha preso lui ed assume espressione di preoccupazione)

Giulia: (Vicina al tavolo un poco timorosa) Oh..ciao papà..zà in casa.. cose ti ghe faè con quello sacco?

Mario: A corsa...(pausa).. o l'è o mangimme riforsao pe-e gallinne..o tipo che o me l'ha venduo o ma dito de stà tranquillo,che faian de êuve coscì grandi e bonne che vaian tanto öu quanto peisan......ti è visto pe caxo o mè relêuio? ..eppure nö l'ho töccao.. o l'ea da-a porta do baraccun e me regolavo pe i vari travaggi da quando o gallo a sei ôe do mattin o se refûe de cantà perchè o dorme...l'e o dorme..mi invece nö, o relêuio ti l'è piggiao ti?

Giulia: Nö papà.. nö saveivo manco de un relêuio.. ti è sempre parlao do gallo..

Mario: In giörno o l'atro ghe daiò unn-a regolà a quell'ammasso informe de ciumme..ghe o daggo mì o dormì....E poi o l'è un periodo che orrieiva savvei perchè trovo sempre o fen da unn-a parte tûtto schissao, quande invece mi o metto ben ammuggiao vixin a porta donde o piggio..a deve ese a vacca ca va a posase e osse...anche e bestie complottan contro de mi.

Giulia: (sorride) Foscia t'è raxion...a vacca...(Cerca di  mandarlo via)..a mamma a l'è de là..a te çercava..

Mario: Ah sci.. con a mamà ho ratellao pe -e tömate..strano ca me çerche..oua che ghe penso ratelemmo ogni duì giörni quando a l'intre pinna de speranza da-e gallinne e subito dopo a sciorte con o nervoso stampao in sciù muru...Ti l'è mai vista a faccia da mamma quando a sciorte da-o gaggiun? (Giulia accenna di no con la testa)...nö? A l'è in incroxio tra un leon e un orso affammôu..poi a se a piggia con quello povio meschinetto do nostro vixin..ti orrieisci sentila.. a cosa ciù carinn-a a nö se peù dì...Ma che colpa nemmo se nö fan de êuve..pe mì o l'è o gallo..o dorme..(Pausa) ah comme o dorme quello gallo...porieisce dormì comme lè..

Scena 4

(Giulia, Mario, Lella,Gildo)

Lella: (Entra da sinistra asciugandosi le mani con uno strofinaccio).. ti è zà chi ommo de fatiga.. Ti è vegnùo a bagnate o becco?..comme se nö ti te o fuisi zà bagnou...primma o poi screuvo donde ti scondi e bottige..e te e tiiò tûtte ...

Mario: Mia Lella che son vegnùo pe n'atra cosa..e poi e bottigge nö e scondo.

Lella: Zà..ti e beivi..Ammia che o l'è fito anche pe mangià..anzi, foscia nö mangemmo manco..troppe cose da fa..da anchêo porieva arrivà da gente e o nö l'è giornà..e poi a st'ôa ti dovieisci ese a preparà o fêugo pe fà a salsa..

Mario: O nö l'è mai giornà pe ti..se ti nö ti veù mangià fanni pure..mi o l'è da sei ôe che son in pè con in tocco de pan e ho famme..a veddo..a veddo ca passa..secondo, o becco l'ho bagnôu..ma o l'è za da un po'.. (Continuando)  comunque çercavo o me relêuio pe regolame con o travaggio..ti l'è piggiao ti?

Lella: E mi cose ne sò.. mi nö tocco ninte de to cose...ti laviè piggiao e chissà donde ti l'aviè misso..con a testa pin de babolli o l'è zà tanto che ti trovi a porta de casa..

Giulia: Mamà..pe piaxei... o trovià..

Lella: Sci..o trovià a strada pe perdise..Ti l'è asseisa a stiva?

Mario: Sissignora.

Lella: Ghe son e legne?

Mario : O ghe un bosco intrego.

Lella: A l'è cada l'aegua?

Mario: A bögge.

Lella: Segûo?

Mario: O dio nö ghe l'ho misso..ma con sto cado böggio finna mi..ghe saian 35 gradi all'ombra!!

Lella: Trentaçinque gradi ti l'è in to corpo a forma de fiasco de vin.. Andemmo ommo...nö perdemmo atro tempo. Vegni anche ti Giulia..

Giulia: Mi veramente mamma...

Lella: (Scruta quasi minacciosa)Ti speti qualche d'un?

Giulia: Nö..vaggo finna in bagno e arrivo.. çinque menuti e vegno..

Lella: Passime avanti ommo..marsh...

Mario: Vanni ti pe primma..preferiscio..

Lella: Perchè sentimmo? Cose o tè vegnûo?

Mario: Perchè chi de föa o se mette a piggià o fresco o becco...e nö so perchè ma o ghe l'ha con mi.. quande me avvixinn-o a me mia de traverso..comme se me dixesse : “Stanni attento a comme ti te mesci, a comme ti metti i pê..atrimenti te daggo unn-a cornà che te a ricordi”..

Lella: Perchè o capisce chi l'ha a schenna drita da chi travaggia... andemmo.. da chi a un po' o l'è nêutte... (Si avviano sul fondo ed escono..Mario timoroso sia della moglie che del becco)..e vanni..ti dovieisci avei ciù puïa de mi che do becco.

Mario: Te raxön..(Via dal fondo)

Scena 5°

(Giulia,Gildo)

Giulia:.Dai..sciorti da lì sotta.. fanni fito..(Gildo esegue un po' a fatica)... gh'è mancao poco che o me vegnisse in infarto...se te trovavan li sotta nö so comme a porreiva finì.

Gildo: Piggieiva de spassuiè da to muaè e pe finì in bellezza unn-a bella scarega de cornè da-o to amigo chi foa..

Giulia: (Sorride) Vanni oua.. se vedemmo doman ao solito posto..solita ôa..

Gildo: Beseugneiva cangià.. teu papà primma o poi o ne screuve..

Giulia: Ghe pensiemo..oua nö lè o momento.. vaggo... ciao Gildo..se sentimmo staseja ao telefono..Sciorti e passa da-o derè, fanni o gïo largo dai nostri confin..

Gildo: Faiò coscì..ciao...(Giulia esce dal fondo, Gildo si guarda un attimo intorno, poi si toglie l'orologio)... foscia o l'è megio levaselo...(ci ripensa).. pe oua o tegno ancon e quarche cosa o saià...(Si sente il fischio di una sirena dei carabinieri che si avvicina e poi si allontana, Gildo rimane immobile, quasi spaventato,poi,quando il fischio della sirena svanisce)... belin..stanni a vedde che han ciammao i carabinè pe o relêuio...ma cose diggo... andemmo che o l'è megio.. (Si avvia sul fondo,esce ma subito dopo rientra, si volta e guarda verso l'esterno) e chi son?.. vegnan proprio chi..o Segnò vegnan chi.. e mi donde vaggo..soötta a töa nö ghe penso manco..in coxinna nö.. de dato..sci...speremmo de riuscì a sciortì da-a barcon senza troppi danni...(Esce a destra per andare nelle camere)

Scena 6°

(Berto,Pino,Gildo)

(Berto e Pino entrano dal fondo con fare sospetto, vestiti eleganti, Pino tiene una valigetta 24 ore con all'interno il loro bottino di una rapina ad una gioielleria,Berto porta un trolley...si guardano intorno)

Pino: Sci.. ghe l'emmo faeta..nö se veddan ciù..manco se sentan..ghe l'emmo faeta..

Berto: Megio coscì..ghè mancao poco che ne piggiesan..

Pino: Nö so manco comme emmo faeto in te quello porton a cangiase coscì avviao..a l'è andaeta ben che quell'ommo o nö nà visto..

Berto: Emmo avûo fortunn-a..o l'ea orbo...che botte o mà daeto con quello bacco in te gambe..o guaio o l'è staeto che nö porreiva gridà da-o mâ.

Pino: O t'ha piggiao?

Berto: Due votte!!.. eivo e braghe do vestì mezze infricciè..nö porreivo mesciame..o l'avià sentio un rumore diverso da-o solito mentre o passava mesciando o bacco.. o s'è insospettio..o sé giao torna e o l'ha faeto in atro movimento secco.. ao terzo tentativo son riûsciu a schivalo atrimenti a st'ôa saieiva signorinna...

Pino: O l'è in mâ che o l'è passao appena ti t'è reiso conto che semmo diventè ricchi..

Berto: Ti pò dilo forte....oua l'unico moddo o l'è sconde sta roba e lascià passà un po' de tempo primma de mettì diamanti torna in commercio...fameghe dà unn-a êuggià...

Pino: O porrieiva ese pericoloso..se o l'intra quarche d'un oua semmo do gatto...in sta casa o nö ghè nisciun.. o l'è permisso.. nôiatri semmo intrè.... Saian tûtti foa a travaggià..megio coscì...

Berto:Ghe son ciù bestie che personne...chi veu co l'intre..Se vedde che nö avian ninte da fase arrobà...me pa unn-a casa modesta....megio portà via o berettin ..

Pino: T'è raxön.. andemmo a dà unn-a êuggià in gïo..scondemmo i gioielli e se ne andemmo comme dui scignöi..

Berto: Arsenio Lupin o ne fa un baffo.. pagemmo di nobili..mia chi che nobile che son..andemmo..(si avviano sul fondo)

Scena 7°

(Gildo,Berto,Pino)

Gildo: (Spunta da destra un po' timoroso).. scusè..(I due si spaventano,Pino tiene stretta la valigetta a se)..

Berto: ..N'an scoverto..??!!

Gildo:Voîatri stei aspettando a scignöa?..Sei di ospiti dell'agriturismo?

Pino: Nö.. nö aspetemmo nisciun..

Berto: (Interrompe Pino).. Effetivamente spetavimo che o vegnise quarche d'un..ma visto che o nö l'ea spuntao nisciun se ne stavimo andando via..

Pino: De cursa anche...

Berto: Scià l'è o padrun?..scià scuse se semmo intraè coscì..pensavimo o fuisce in albergo, ma visto che o nö l'è levemmo o disturbo..arrivederci..

Gildo: Ve prego.. porteme con vuîatri..

Berto: Perchè..?

Gildo: Perchè nö riescio a sciortì da chi drento.. tûtte e votte che ghe preuvo o l'arrive qualche d'un..O l'è da stamattin che me scondo sotto a töa pe no famme vedde..devvo fa un meuggio di travaggi e son in ritardo..oua eo in te stansie,ho provao a cacciame dao barcon,o nö l'è erto ma o gh'è pin de buggêo e faieiva rumure...(Pino fa segno a Berto che Gildo “scrolla”). A l'è unn-a stoja lunga..(Avvicinandosi all'uscita di fondo)o gh'è sempre quello becco do Mario chi de föa?

Berto: Nö emmo visto nisciun..e nö conoscemmo nisciun becco.. noîatri nö semmo do posto..scià se fasse coraggio, primma o poi scià trovià o coraggio de sciortì sensa manco pensaghe

Gildo: Fuise façile.. (I due ladri sono un po' impazienti).. quello se me vedde o me incorna..o nö me peù vedde..

Pino: E o creddo ben..(A Berto) se o l'ha faeto becco ..

Gildo: Ghe diggo..Mario..Mario calmite..nö caricame..ma l'è ninte.. l'incominse a raspà pe taera e o me tocca famela a gambe...

Pino:Chi o l'è cu raspe?

Berto:(Gomitata a Pino) E finiscila..nö fa domande..

Gildo: O Mario raspa pe taera..

Pino: Ho capio. (A Berto).. o l'ha faeto becco e o se sconde..e quell'atro o l'è arraggiao..

Berto: Ma chi?

Pino: O Mario..o becco...insomma..quello becco do Mario..

Berto: Ma chi se ne frega..andemmo ..

Pino: Ah.. cao scignöro.. scià se piggia e so responsabilitè..se scià l'ha faeto becco nö l'è corpa nostra..

Berto: Ti dixi ben... e poi scià prêuve a parlaghe a fase avanti...arrivederci..(Si avviano ma Gildo continua a parlare e i ladri si fermano)..

Gildo: Quello li e parolle nö e capisce... bezêugnâ faghe di versi, di gesti, tiaghe de prie..

Berto: (A Pino)..Che bestia..

Gildo: Atro che.. e o l'ha anche i seu anni..ma quande o core o nö ghe n'è pe nisciun..quattro zampe mangian ciù taera che due.. (Guarda verso l'uscita di fondo)

Pino:  (Piano) Pe corì o se mette a quattro zampe...ti è sentio Berto?

Berto: O ben sentio. Senti..sto chi o l'ha e valvole da registrà..portemmoselo a prêuvo..sciortimo tranquilli,intanto o nö ne conoscie nisciun..se poi o Mario o comme se ciamma o se ne accorze saian affari seu...

Pino: Giusto..(A Gildo). scià n'ha convinto..oua scià vegne con noîatri..sciortimmo..e unn-a votta de foa voscià da unn-a parte e noîatri dall'atra...

Gildo: Grazie..grazie.. posso scondime derè a voîatri..coscì son ciù segûo..

Berto: Va ben,scià se sconde intanto andemmo...(Escono sul fondo ma rientrano subito)...aççidenti... o ghe da gente ca vegne in sa..saian i padruin ..O savveivo che nö doveivimo sta a sentì sto chi...emmo perso tempo.. cose femmo?

Pino: A cosa a se complica..nö doveivimo manco intrà chi drento..

Berto: L'ea l'unica cosa poscibbile..emmo piggiao un momento de sciao..

Gildo: Scuseme..mi porto via subito o berettin.. torno de dato in te stansie...nö mei visto..nö parlè de mi..me raccomando...mi nö esisto..

Berto: Scià stagghe tranquillo..noîatri nö semmo ninte, nö se semmo mai visti..(Gildo esce a destra) Comunque o l'è in posto strano..ti l'è visto quande se semmo ascosi derè a un erboo, quell'ommo vixin ao campo che o l'aççendeiva a stiva?

Pino: Mi ammiavo donde a l'ea a macchina di carabinè, atro che mià o paesaggio... comunque con sto cado aççende a stiva o nö l'è normale...

Berto: Foscia o l'ha raxön o nostro amigo chi de dato... a l'è gente strana..megio assecondala..dighe sempre de sci, trovà unn-a scusa e poi via de corsa..

Scena 8°

(Pino,Berto,Lella,Giulia )

Lella: (Da fuori) E nö provà manco a intrà in casa che ti è imbriego..se te vedde quarche d'un addio clienti...vattene a piggià un'ôa sotta l'erboo e fattela passa..(entra con Giulia, vedono i due e rimangono sorprese)..Böngiorno scignori, çerchè quarche d'un?..

Berto: Böngiorno...veramente o l'ea tûtto averto e semmo intrè..emmo ciammâo pe vedde se ghea quarche d'un ma nö emmo visto nisciûn e stavimo pe andasene. (Giulia nel contempo guarda un po' in giro per capire se Gildo è ancora in casa, poi guarda sotto il tavolo)

Pino: E anche de corsa..

Lella: Giulia, t'è perso quarcosa?

Giulia: Nö mamma...anzi sci..miavo se o ghea o relêuio du papà..magari o l'è sötta a töa..

Lella: Chissà donde o l'aviâ misso..figurite se o se ricorde..primma o poi o sciorte de foa..scuseme scignöi..

Berto: Scià nö se preoccupe scignöa..noîatri levemmo o desturbo..

Lella: Ma nö..restei... l'è l'ôa de pranzo. Ve fermè chi a mangià con noîatri.. o l'è in agriturismo..femmo de cose bonne..

Giulia: Me mamà a coxinne in te in moddo favoloso..

Pino: Quaexi quaexi...tûtto questo remescio o m'ha misso un po' de famme..

Berto: (A Pino con tono quasi minaccioso)...Ma cose ti dixi..

Lella: Bene.. allöa i scignori son nostri ospiti..Giulia..vanni in sala a preparà a töa..ancheo coniggio con patate..(le due parlano brevemente tra loro)

Berto: (A Pino) Ma o l'è o caxo?!!?!

Pino: Intanto..mi ho famme, e poi ne ospitan..

Berto: Ma o l'è in moddo de dì..doppo bezêugnâ tià foa i dinaè..

Pino: Mi son a secco..manco o portafêuggio..

Berto: Mi aviò sci e nö dexe euro...

Pino: Bella figûrâ, semmai ghe demmo in diamante...

Berto: (Gomitata a Pino)..Bravo...un diamante, coscì ciamman i carabinè e semmo do gatto.. unn-a votta finio se isemmo e via..

Giulia: Ben scignöi.. con me mamma emmo deciso de dave unn-a stansia chi de dato pe scistemave un attimo..coscì saiei un po' ciù comodi.

Berto: (Piano a Pino)...Se ne andemmo da-o barcon...

Giulia: Con permisso..vaggo a preparà..(esce a sinistra)

Lella: Se orrei dame a valigetta coscì a porto sciù de dato..

Pino: (Stringendosela al petto)  sta chi nö se tocca.. gh'emmo.. cose importanti...

Berto: Sci.. cose intime..

Lella: (Guardandoli in modo sospetto).. comme orrei...scusè..ma voîatri sei da finansa..fei quarche controllo?

Pino: (Ride)..Noîatri da finanza?.. eou.. comme nö.

Berto: Semmo allergici ae divise...quando e vedemmo quaexi se scondemmo...

Lella: Bene.. allöa andiemo d'accordo... porrieisci fermave unn-a giornà ...intanto nisciun o ve corre a provo..

Berto: Eou..

Lella: Allöa a cosa a l'è faeta... ve fermè?

Pino: Nö poemmo scignöa..n'aspetan..

Berto: (Tra se) In galea...

Lella:  Ve faiò in prexo speciale.. naturalmente tûtto in neigro..

Berto: Pe noîatri nö fa differenza...

Lella: Allöa d'accordo... ma se çerchè de fregame (gesto di tagliargli la gola)...nö ritorniè ciù ospiti …Un momento che arrivo..vaggo a vedde cose a combinn-a me figgia..(Esce a sinistra)

Berto: Semmo finii in te in brutto posto...

Pino: Incominse a passame a famme..mi diggo de andasene de corsa..

Berto: Ti dixi ben... un che ö aççende a stiva d'agösto, sta scignöa che minaccia i clenti...quell'atro che o nö sciorte de chi drento perchè o gh'è un co l'è becco e o careghe..

Pino: Che poi, se tûtti i becchi dovessan caregà da gente nö ghe saieivan nisciun pe-e stradde..tûtti serè in casa..

Berto: Andemmo.. o l'è o momento bon..(Si avviano verso l'uscita ma arriva Mario con un fiasco di vino, evidentemente ubriaco, barcolla e non si accorge dei due che nel contempo indietreggiano)

Scena 9°

(Pino,Berto, Mario, Lella e Giulia)

Berto: Ma o berettin... ghe mancava sto chi oua..

Pino: O me pà imbriego..

Berto: (Ironico) Ma và..comme ti te o spieghi?

Pino: Sesto senso...(Mario si accorge dei due..li indica ma non riesce a parlare)...o nö riesce manco a parlà..o devve aveighene unn-a carega che te o raccomando..

Berto: (A Mario)..scià l'ha bezêugnô de un aggiûttô? (Mario non risponde)..

Pino: Ti veddi che o nö capisce.. magari manco o ne vedde..

Berto: Comme o l'ha faeto allöa a intrà..ghe vedde pe forza..Scia scuse.. scià se sette un po'..(Mario quasi ringrazia alzando il fiasco, poi se lo avvicina alla bocca e beve)...

Pino: Ancon.. sto chi da chi a un po' o cazze pe taera....aspeta un momento...digghe un po' se o le l'è o becco...foscia o l'è pe quello che o no risponde...quell'atro l'ha dito che o no parla..

Berto: Ah zà...o becco...scià scuse bon ömmo...scià se ciamme Mario? (Mario li guarda un attimo e accenna con la testa di si)... o le l'è...

Pino: O l'ha dito quello che o sé ascöso de dato de faghe di versi...

Berto:  Ah zà, tiaghe de prïe..

Pino: Nö me pa o caxo...o beive pe nö pensà che o l'è becco..

Berto: Che brutta cosa...poi quande ti t'accorsi che i problemi son buin de nûâ ti beivi ancon de ciù..

Pino: O nö me pà violento...Aspeta..(Inizia a fare a Mario dei versi con la bocca e agita le mani)..Sciò..sciò..vanni a cuccia...(Mario li guarda a lungo, poi guarda il fiasco e riguarda i due)

Berto: Nö provocalo..che se o l'incominse a raspà pe taera o ne gareghe..lascilo perde..(Mario barcolla, si avvicina a sinistra verso l'uscita, poi cambia direzione, apre una anta dell'armadio e vi si infila dentro)...Ma donde o va..

Pino: O s'è serao in te l'armaio.. tiemmola föa..(Si avvicinano ma entra da sinistra Lella)

Lella: Tûtto a posto scïgnoi? Ve piaxe o posto? Chi anche se pe unn-a giornà ghe staiei beniscimo. Poi unn-a votta desteixi staiei ancon megio..(Pino e Berto si guardano timorosi) vegnì con mi..andemmo che ve mostro a stansia..

Berto: Scià scuse scignöa ma o ghè chi..(Indica l'armadio)

Lella: (Senza guardare) Sci..no preoccupeve.. l'è o becco...nö faieiva mà a unn-a mosca...diffiçile che o l'intre in casa..anzi..mi nö fasso proprio intrà..e bestie stan ben de foa..(Berto e Pino si guardano stupiti, spunta da destra Gildo che vorrebbe uscire ma non riesce, intanto ascolta i discorsi dei tre)..a vêutte me figgia a ghe dà un po' d'erba dao barcon da coxinna  ..

Berto: Pensa ti..e le, o mange l'erba?(Indicando l'armadio)..

Lella: Dovieisci veddilo comme o mangia..ma con mi o nö l'attacche..certi vizi son pericolosi..poi o peu piggià confidensa e vegnì in casa. E comme ho dito nö ghe o vêuggio.. scià pensan che unn-a votta o l'ea sötta a sta töa chi..

Pino: (Piano a Berto) O l'ha o vizio de scondise.

Lella: (Sorride) Ma g'ho daeto tante spasuiè in sciù groppon che quande me veddeiva sciortì d'in casa, o l'incominsava a corì e finn-a a seja o nö se faxeiva ciù vedde..O l'ha capïo subito chi ö comanda chi drento..atrimenti te piggia de man e o fa quello che veu.. o becco deve fa o becco..o me sbaglio?

Berto: Pe caitè..scià l'ha raxön.. (Piano a Pino) Aççidenti a quando semmo intrè chi drento..

Lella: Allöa visto che a pensemmo ao meiximo e me sei simpatici ve faiò un trattamento de favore..

Pino: Speremmo nö seggian spassuiè in scià schenn-a..

Lella: (Ride)...Ma che simpatico..

Pino: Comunque scignöa, o ghe saieiva...(Interrotto dall'ingresso di Giulia)

Giulia: Tûtto a posto mamma...

Lella: Brava Giulia.. vanni a ciammà to puaè.. speremmo che nö segge all'êuio atrimenti o spediscio da-a Brigida.

Berto: Brigida? A l'è unn-a donna?

Lella: (Ride) ...Nö..a l'è a vacca..

Berto: Meno male...Pe in attimo ho pensao...

Lella: Vegnan scignöi..ve porto in ta stansia...(Gildo sparisce da destra e corre nelle camere, I tre si avviano).. attenzione al terzo gradino co gie in scià drita...o l'è ciù ërto di atri e o l'è un po' tutto scamorrato...(I tre escono di scena con improperi alla loro situazione sfortunata)

Scena 10°

(Giulia,Mario, poi Lella)

Giulia: Alè, incominçemmo a travaggià...speremmo ca segge unn-a bonna stagion .. intanto me puaè o nö se vedde... vaggo a pescalo de foa..intanto ammio ben donde o sconde e bottiggie perchè se e scrove me muaè o l'è pezzo...(Esce sul fondo, poco dopo Mario esce dall'armadio)..

Mario: Che scuo chi drento (ride).. che ciucca... nö me son mai infiâo in te un armaio..foscia ho in pittin esagerao.. che botta in testa, coscì me son adesciao.. chi o lè megio sconde o fiasco, se a me piggia con questo in te man a po' pensa che ho bevûo, ma se o scondo foscia a nö se ne accorze...(Cerca un posto dove nascondere il fiasco, nel contempo si sente a destra un rumore di secchi rovesciati, Mario si spaventa dal forte rumore).. aççidenti..stanni a vedde che a l'ha scoverto donde tegno e böttigge..chi o l'è megio sparì pe unn-a meza giornà..(si avvia sul fondo ma si arresta e ritorna sui suoi passi barcollanti)...megio scondime chi drento, foa nö se peu.. donde vaggo..(prova sotto il tavolo ma prende una zuccata e cade per terra..si riprende quasi subito e riesce a fatica ad infilarsi sotto...poco dopo entra Lella infuriata da destra)

Lella: Gildo, brutto mascalson.. ghe fasso passà un brutto quarto d'ôa...(Mario timoroso e preoccupato)... Quello nescio o nö lasce quetà me figgia..ammia se o se misso a zêuga a scondin tra i buggiò chi de foa... ma oua piggio o scioppo caregao de sa e ghe fasso vegni o panè comme unn-a scimmia... (esce a sinistra velocemente..Mario rimane immobile sotto il tavolo, entra dal fondo Giulia)

Giulia: Ma mia un po' se o Gildo o s'è cacciao da-o barcon...speremmo co riesce a fasela a gambe..oua l'è un belo paciugo..(Entra Lella con un fucile a canne mozzate)...Mamma cose ti fè.. lascia perde...ghemmo di ospiti..

Lella: Lascime andà...nö se spaventian pe un scioppo caregao a sa...e poi con ti aggiustemmo i conti ciù tardi..cose o ghe faxeiva ascoso o Gildo derè ai buggio?. O nö basta spaventà e gallinne oua o s'avvixinne pe parlate..ma ghe fasso passà mi a cuaè de zêugâ..(esce sul fondo velocemente)

Giulia: Speremmo che o segge scarego...

Mario: Stanni tranquilla..l'ho scaregao mi...perchè o nö se sa mai...

Giulia: (Si spaventa)..Cose ti ghe faè papà li sotta..vegni foa..o santa pasiensa..nö ti saiè miga imbriego?

Mario:(Sempre da sotto il tavolo) Mi? Ti o se che o l'è da un po' de tempo che o vin nö o posso vedde..

Giulia: Sci..dentro ae bottigge nö ti o peù vedde..vegni foa..te daggo unn-a man...

Mario: Pe caitè..megio che stagghe chi sötta finna a che to muaè a nö se saià calmà un po'..(Nel contempo entra dal fondo spaventato Gildo,un po' ammaccato...)

Scena 11°

(Giulia, Gildo, Mario,Lella Pino, Berto)

Gildo: Che botta che g'ho daeto..

Giulia: Gildo...cose ti fe chi..o l'è pericoloso..

Gildo: Dimmelo a mi che pe scappà ho faeto un sarto sovia i buggiô..

Giulia: Ti t'è faeto mâ..povio....(Lo accarezza)

Gildo: Ma nö son i buggiô che man faeto ma... o guaio o l'è che li ascoso ghean de bottigge..che mâ.. o veddro o l'è dûo..(Mario batte i pugni per terra perchè Gildo ha scoperto casualmente il nascondiglio delle bottiglie)

Giulia: O l'ea megio che nö ti vegnivi chi..a mamma ha t'ha visto e a l'è de foa con o scioppo ca te çerche... nö fate ciù vedde...

Gildo: Con o scioppo? Ma a l'è matta...

Mario: O l'è scarego......

Gildo: Chi l'ha parlao?

Mario: Mi..

Gildo: Sciô Mario..scià scuse se son in casa, ma o l'è un po' unn-a situasiön strana..cose scià ghe fa li sotta?

Mario: Mi?.Scappo da me moggè...e faieiva ben a scappa anche voscià.. intanto .çerco o me relêuio.(Gildo guarda per un attimo il polso con l'orologio,poi preso dal panico a Giulia)..

Gildo: ..Donde vaggo...

Mario: Chi o l'è zà occupâo..scià l'intre in te l'armaio..g'ho lasciao ö posto cado...

Giulia: Papà o l'ha raxön..Intra li drento, mescite e nö sciortì finna a doman..

Gildo: Cose?...ma Giulia..

Giulia: Intra..te fasso sciortì mi...nö provà a sciortì da solo..(Lo spinge dentro e chiude l'anta..entra dal fondo Lella arrabbiata con ll fucile)

Lella: Ti è visto quarche d'un?

Giulia: Chi o nö ghè nisciun mamà...famme o piaxei...posa sto scioppo..ghe parlo mi con o Gildo..foscia saieiva ben che ti ghe parliesci anche ti..

Lella: Sci..doppo che l'ho piggiao però... e o nö se trêuve manco to puaè.. se vedde che o m'ha visto e ho s'è ascoso...senti Giulia..vanni a piggià i piatti e tûtto o resto che mangemmo chi..(espressione di terrore in Mario)..

Giulia: Ma o l'è o caxo?..o l'è zà tûtto pronto de là..semmo ciù larghi..

Lella: Giulia..nö mettite anche ti contro de mi...chi a scituaziön a l'è ciù sötto controllo..

Giulia: (Disperata) Vaggo mamà..(Intanto Lella esce dal fondo imbracciando sempre il fucile)

Scena 12°

(Pino,Berto,Mario)

Pino: (Entra da destra con Berto con la valigetta).. Ma ti sé che foscia emmo faeto ben a fermase..ho quaexi famme.

Berto: A dite a veitè l'idea a nö dispiaxe manco a mi....e quello meschinetto che o s'è cacciao da-o barcon appena o deive avei sentio che intravimo in ta stansia con a scignöa...che botta che o g'ha daeto..pe fortunna che ghe saian sci e nö duì metri ..

Pino: Chissà che stoje derè a questi comportamenti.. a scignöa a me pà unna dittatrice..(Mario annuisce).. a comande tûtti e i fa filà driti comme o bacco da spassuia...

Berto: Se vedde che ghe n'è de bezêugnô...pensavo..un, nö l'è bon a parlà e o l'è anche becco..(Espressione perplessa di Mario) quell'atro nö riesce a sciortì de chi drento e o se sconde..(Nel contempo Pino fa segno a Berto che sotto il tavolo c'è Mario, si zittiscono per un momento,poi,quasi sottovoce)...O l'è torna li sötta...ma allöa o ghe l'ha veramente o vizio de scondise lì...(Mario pensa di non essere visto)..mi ghe diggo de levase..

Pino: Lascia perde..intanto nö capisce..peo dase che se ne vagghe da solo..(Nel contempo si apre l'anta dell'armadio, Berto fa cenno a Pino di guardare, i due si zittiscono..esce per qualche istante Gildo)..E lì  o gh'è l'atro, se capisce...

Gildo: Aggiûttô...deme unn-a man... man serrao chi drento e pe un giorno nö posso sciortì..

Berto: Nö poemmo fa ninte pe voscià..scià se sere drento che o sta arrivando a scignöa..sentimmo i passi..(Gildo esegue..entra Lella dal fondo sempre con il fucile si guarda intorno, Pino e Berto si spaventano e alzano le braccia in alto)..n'an piggiao...

Lella: Scià se settan a töa scignöi...o l'è l'ôa de mangià...e nö avanzè ninte perchè o mangià chi drento nö se sgreia...

Berto: Ai sò ordini scignöa... scià nö s'arragge...

Pino: Mangemmo tûtto.. scià nö spare però..nö l'è o caxo...

Berto: Aççidenti!!...(I due si avvicinano al tavolo e si siedono sempre con le braccia alzate, da sinistra entra Giulia con i piatti e bicchieri, Mario immobile sotto il tavolo, Lella minacciosa si guarda intorno in attesa...mentre si chiude velocemente il sipario)..me sa che ö pezo dovià ancon vegnì..

Fine primo atto.

ATTO SECONDO

Scena 1°

(Lella,Giulia, Pino,Beppe, Mario)

(All'aprirsi de sipario Pino e Berto sono ancora a tavola, hanno finito di mangiare,Mario è sempre sotto il tavolo si tocca la schiena dolorante..)

Lella: (Mentre sparecchia insieme a Giulia)..A noîatre o ne fa piaxei vedde gente che mangiâ coscì voentea..

Giulia: E coscì tanto..duì coniggi con quattro chilli de patate!!!

Berto: Emmo faeto onore, o l'ea tûtto bon scignöa...Ghe femmo i complimenti anche se emmo sötta a minaccia de armi pesanti..

Lella: Scusene ancon se noîatre due nö emmo mangiao con voîatri..emmo da fa un po' de cose..importante l'è che ve sei trouvê ben..

Berto: Beniscimo... oua levemmo o desturbo..

Lella: Zà? Restè ancon un po' chi..magari un giorno intrego.. ve femmo vive un po' a nostra vitta..ghe son tante cose interessanti da fave vedde.. da fave prêuvà.

Pino: (Piano a Berto) Poremmo anche fermase..intanto femmo calmà l'aegua in çittè..ghe saian di posti de blocco..

Berto: Mi orieva andamene...ma foscia ti è raxön...

Lella: Ben..mentre ghe pensei mi vaggo de là...(A Giulia) intanto incominsiemo a çercà o papà..magari o l'è attaccao a stiva che o travaggia.. in miracolo o porrieva capità anche chi.. ma nö ghe creddo! (Esce con Giulia a sinistra)

Berto: Meno male che o becco chi sötta o l'è restao calmo.

Pino: Se penso a tûtto quello ben de Dio che o s'è mangiao...

Berto: Invece de mangià, ti ghe passavi a roba sötta a töa..

Pino: O me faxeiva penna.. e comme o mangiava... a momenti me porte via un dïo.. ma o se n'è andaeto? (mentre si alzano dalla tavola guardano sotto il tavolo, vedono Mario e rimangono stupiti)O l'è ancon chi... agiutemmolo a sciortì..

Berto: Aspeta..(Va a guardare a sinistra per vedere se c'è qualcuno).. via libera...

Pino: Scià vegne foa da li sötta... fito..

Berto: Intanto o nö capisce..speta..(Batte con le mani sulle gambe come per invitarlo ad uscire,Mario esce da sotto il tavolo con l'aiuto di Pino..è dolorante alla schiena e non riesce a parlare perchè ha male,neanche riesce ad alzarsi in piedi)..pövio cristo.. (Mario fa cenno ai due che ha male e nel contempo fa dei brevi versi di dolore.. guadagna l'uscita a gattoni sotto lo sguardo stupito dei due...)

Pino: Ma allöa o l'è vea che o và a quattro zampe...chi besêugnâ ciammâ un mego...

Berto: Megio a proteziön animali.... senti..un giorno in te sta gaggia de gente strana ghe stemmo..de ciù nö.. intanto besêugnâ sconde o malloppo, nö se sa mai..magari a poliscia o i carabinè pe un controllo..megio levali d'in gïo..

Pino: Ghe penso mi.. ghe son di sacchi chi foa pin de roba.. ne piggio un e ghe metto i diamanti..intanto son pin de pûa e o se vedde che o l'è zà un po' de tempo che nisciun i tocche..Nö ciù tardi de doman, a-o maximo tra duì giörni, piggemmo o sacco e gambe in spalla..

Berto: Ti dixi ben..o me pà unna bonna idea.. mi vaggo fin in te in posto..ho besêugnô de rilassame..e magari me ne piggio dexe menûti...

Pino: Scistemo tûtto e poi te diggo.. (Berto esce a destra)..

Scena 2°

(Pino,Giulia,Lella)

Pino: (Si guarda intorno, prende la valigetta che era rimasta ai piedi del tavolo, fa per uscire quando nota il sacco in scena...lo apre,si ferma un attimo, apre la valigetta e vuota il tutto nel sacco,poi infila la mano e incomincia a mischiare per qualche secondo, nel mentre Gildo apre piano la porta dell'armadio e cerca di uscire, ma dalla cucina entra Giulia, che precede la mamma,quindi rimette velocemente Gildo dentro l'armadio)..

Giulia: E o sò mamma..ou sò.. oua andemmo a vedde se o papà o l'è a travaggià...(Nel contempo Pino ha preso il sacco in spalla ma è costretto a posarlo subito)..

Lella: Speremmo atrimenti..se o piggio ghe fasso passà un brûtto quarto d'ôa.. allöa cose ei deciso? Ve fermè?...

Pino: Emmo pensao con o me socio che un giörno chi o ne peu fa ben..

Lella: Ghe creddo.. e visto che ve fermè ve faiò vedde..anzi,me majo o ve faià vedde comme se leite a vacca,comme o se cange o fen e tante atre cose..coscì andiei via de chi..comme o se peu dì..ciù ricchi..

Pino: Quello poco ma segûo... Se scià permette vaggo in ta stansia a vedde se arrivan i carabinè..cioè..a posame un pittin..se vedemmo ciù tardi (Esce a destra)..

Lella: Che tipi strani...importante che ao momento giusto tian foa e palanche..oua vaggo a çerca to puaè..(Si avvia e vede il sacco)..T'ou lì.. invece de lascià o sacco de foa insemme ai atri o porte in ca..

Giulia: Sci mamma..o l'ha portao stamattin..ö l'è mangimme rinforzao pe e gallinne..oreiva fatelo vedde primma de dagghelo.. gh'an dito che faian de êuve che varrian tanto öu quante peisan..

Lella: A mi bastieiva che faxessan de ove.. intanto speremmo che o t'ho amigo pe un po' o nö se fasse vedde..unn-a bonna dose de puia ghe l'ho missa..

Giulia: Esageri sempre mamma.. o nö se o merita un trattamento do genere..

Lella: Parlemmose ciaeo.. quande o nö passià ciù con o trattù chi da vixin magari i rapporti porrian anche cangià..ma fin tanto che no sento fa coccodè che o nö s'azzarde a vegnì in ti paraggi... mi vaggo, se o l'arrive gente ciammime..(Esce sul fondo..Giulia si avvicina all'armadio e fa uscire Gildo)..

Scena3°

(Giulia, Gildo)

Giulia: Povio Gildo.. comme ti stè?..

Gildo: (Un poco brillo)..Comme unn-a spassuia rötta arrembà in te in canto..sun tûtto rötto..primma un sato da-o barcon..poi serrao là drento..che vitta da bestie...e meno male che a stoja a doveiva ëse a luxe do so...

Giulia: O cangià tûtto Gildo..e fito..ma ti se comme a l'è a mamà...ha t'ha piggiao storto zà dall'inizio..ghe vorrià un po' de tempo primma che a cangia idea..importante che ti stè un po' senza ca te vedde passà...intanto mi ghe parliò..(espressione di disgusto)..Ma ti è bevûo..?

Gildo: Un po'... li drento ho daeto unn-a pessà a quarche cosa...nö capivo cose..eivo puia de fa do rumore..allöa me ceigo tûtto storto da unn-a parte pe vedde cose ho scontraoö..riescio a piggialo cianin cianin..in to scûo capiscio cose o l'è, annasto un po'...e  ho bevûo... intanto pezo de coscì nö porreiva andà.. sensa mangià, con to mamà che a me orreiva fa dui garbi in to panè..se a me scruviva chi drento eo morto..allöa nö mè restao ätro che beive.

Giulia: Me spiaxe tanto..oua vanni però...a sta chi insemme corremmo un grosso pericolo..

Gildo: Dieiva che t'è raxön..

Giulia: Famme un piaxei.. sciorti primma ti..se a mamà ne vedde insemme a ne scûre..e se te vedde un po' all'êuio ti aviè unn-a croxe pe a vitta..

Gildo: A croxe a orreiva mettimela pe davvei..

Giulia: Unn-a cosa ancon Gildo..piggia ö sacco..o l'è pesante pe mi..o mettimmo vixin ai atri de foa..anzi..o daiò zà ae gallinne... e ti me raccomando, nö passà ciù con o trattò..coscì a mamà a saià ciù tranquilla e foscia ti porriè restaghe ciù simpatico...

Gildo: O l'è unn-a parolla. a veddo grixia...

Giulia: Perchè t'è bevûo.. andemmo..mescite..(Escono a sinistra con il sacco)

Scena 4°

(Lella,Mario)

Lella: (Entra dal fondo con Mario..Quest'ultimo è praticamente in posizione eretta) Comunque nö t'ho mai visto coscì..ciegao da-o travaggio... o l'è un miracolo..

Mario: (Assecondandola) Ti veddi che e man e mescio..çercavo de piggià a legna de oiva ca scade de ciù..a l'ea infriccià là sötta e son restâo dûo..

Lella: Fasso quaixi fatiga a creddighe..

Mario: E mi...

Lella: Ma e böttiggie sötta i buggiò? Comme se spieghe?

Mario: Nö so ninte..chi ghe l'ha misse?

Lella: Mi ghe l'ho truvê...dovieiva quaeixi ringraziâ quello mezo nescio do Gildo...se o no l'ea pe lè chissa quante ghe ti ghe ne avieisci misse con o tempo..

Mario: Oua..pe dui fiaschi mezi voi.. comunque ti porieisci anche trattalo un po' megio quell'ommo..o l'è bravo...nö capiscio perchè nö ti veo che o frequente nostra figgia..

Lella: T'ho zà spiegâo ciù votte o perchè...ma sci..intanto o l'è inutile..con un mezo imbriego da-a seia a mattin cose ti veu che o se ricorde..

Mario: Cianin con e gentilezze...allöa..ti me o prepari o caffè?..

Lella: Vaggo.. nö sparì comme ao to solito.. da chi a un po' arrivo...(Esce a sinistra..nel contempo Mario va ad aprire l'anta dell'armadio per vedere se c'è ancora Gildo)..

Mario: Quello là chi drento o nö ghe ciù... o se saià trovao tanta puia che pe un po' chi no ghe mettià ciù pè..(Sorride)...Eh...o ghea ancon do vin li drento se nö me ricordo ma...famme un po' vedde..(si china per prenderlo ma perde l'equilibrio e si chiude involontariamente dentro)

Scena 5°

(Pino, Berto,Lella,Mario)

Berto: (Entrano da destra, Pino si va a sedere sulla poltrona)...Allöa famme un po' vedde donde ti l'è missi..

Pino: L'ho missi in te quello sacco derè a ti..oua o pigemmo, o mettimmo insemme ai atri e doman telemmo....

Berto: (Guarda in giro)..Mi nö veddo ninte..

Pino: Mia megio..proprio lì vixin all'ingresso...

Berto: Ammia che nö treuvo ninte..chi nö ghè ninte..

Pino: (Si alza, si avvicina a Berto) Ma o l'ea chi..

Berto: Ma ti è segûo?..donde ti l'è misso?

Pino: Orreiva piggialo subito e mettilo de foa con i atri, ma son intrè a scignöa con so figgia e son vegnùo de dato pe nö insospetti nisciûn..

Berto: Disgraziao e nescio...nö ti doveivi perdilo d'êuggio..e oua donde o saià?..

Pino: O saià de foa insemme ai atri..nö l'avian miga cacciao via..o l'ea pin de roba..

Berto: Andemmo subito a çercalo...

Pino: G'ho misso mez'ôa pe desciate.. se nö ti ronfavi saieiscimo vegnùi subito de sötta..

Berto: E oua a corpa a l'è a me.. mescite..andemmo...(Nel contempo entra Lella)

Lella: Scignöi..tûtto ben..quarche cosa che o nö va?

Berto: Nö scignöa..tûtto beniscimo...

Lella: Me majo o l'ea chi.. l'ei miga visto?..disgrasiao.. son andaeta a preparà o caffè e son vegnûa subito..e le o nö ghe torna..saià sciurtio ..

Pino: Andemmo a çercalo pe vuì..intanto femmo duì passi..(Nel contempo si apre l'anta dell'armadio ed esce Mario con il fiasco di vino in mano,si accorge dei tre in scena, subito imbarazzato e cerca di parlare ma viene interrotto dalla moglie)

Lella: Ah..t'ou lì l'astemio...cose ti ghe faxeivi li drento?...Nö çercà de scuse perchè intanto nö te creddo..poscibbile che ti trovi sempre da trincâ?

Berto: O l'è inutile scignöa. Intanto nö capisce..

Lella: Ou so..son parolle ao vento...(A Mario)..ommo..vanni ad aççende sotta ao cafè e mettighe drento un po' de grappa..coscì ti t'adesci...(Mario barcollando esce a sinistra)..besêgneiva daghe de bacchè...l'unica cosa che o capisce..

Pino: Povio becco...

Berto:Unn-a curiositè..o becco o se ciamma..

Lella: (Subito) Mario.

Pino: (Piano a Berto) Allöa o l'è proprio l'è o becco..

Berto: E scià scuse..a l'è unn-a cosa un po' strana ma...da quanto tempo o l'è..(Gesto delle corna)..

Lella: Oh bella..se vedde proprio che nö ve né capì..un quando o nasce becco o l'è pe-a vitta...

Berto: O l'è a primma votta che sento questa teoria...scià scuse, ma un, becco, o diventa con o tempo?!?...

Lella: Sci, con gli anni ao becco vegnan e corna.

Pino: Se un o l'è, o l'ha e corna...se dixe..ma nö se veddan...

Lella: Se veddan,se veddan...a êuggio nûo..(Berto fa un cenno a Pino che Lella è matta)..o g'ha misso un muggio d'anni pe fasele vegnì coscì belle..o trattemmo comme un scignoro, o g'ha da mangià tûtti i giorni i nostri avanzi..de foa,perchè chi o sporca....(Continua)...e oua o l'è o ciù bello becco do paise, l'emmo portao a unn-a fea..scià pensan che me o vorreivan catà..m'han anche offerto un-a barcà de dinaè..ma ghe semmo affezionê, nö l'emmo vendûo.

Berto: Ma in to paise san che o l'è becco?

Lella: Che domande..ou san sci..e poi anche o puaè do Mario o l'ea, e so nonno o l'aveiva due corna belliscime..e so bisnonno.e coscì via..

Berto: Becco con o pittigrì

Lella: Proprio coscì...nö sei convinti?..orrei a preuva do DNA?

Pino: (Pensando) Ghe dei da mangià..(Poi a Lella) e donde ö dorme?

Lella: (Sorride)...Me vegne da rie..in ta stalla, nö orriei che me o porto in letto..

Berto: Atrimenti comme o faieiva a ese becco..(Rientra Mario da sinistra, si è un poco ripreso)

Lella: Alè ommo..fanni o tò mestè....e fanni o bravo con i nostri ospiti atrimenti son mugugni...

Mario: Oh Oh..scignöa.. cianin...

Pino: (Si guarda sorpreso con Berto)...o parla?...

Berto: O pà de sci..

Lella: Che figûe che ti me fe fa.. serate in te l'armaio...scuseme ancon scignöi...certi spettacoli nö i fan vedde manco ao cine...

Mario: Nö esageremmo..ho averto e me sun ingambâo...appenna ho trovao a porta son sciörtio..

Lella: E sci..perchè ti è dovûo già pe un'ôa li drento...famme un piaxei..vanni va...oua ti porti sti scignöi a fa unn-a vixita chi in gïo.. anzi..fannighe vedde a Brigida e ti ghe mostri quarche cosa de utile...

Mario: Oua?..e va ben...scignöi..se scià vean seguime ve porto a leità a vacca..e ve fasso assazzâ o seu laete..va ben scignöa coscì?

Lella: O porrieiva andà se nö ti me conteisci sempre de frottole..

Mario: Unn-a cosa solo...a l'è importante... e conoscei e cansuin de Jglesias?

Berto: Cose o gh'intra?

Mario: Perchè a Brigida primma de piggiaghe o lete a veu che ghe se cante unn-a cansön..e miga unn-a qualunque..oua, mentre andemmo in ta stalla ve canto quella ca ghe piaxe.....

Lella: O saià divertente vediei..

Berto: Eou...Ma mia un po'..porrieiscimo ese all'estero con i nostri dinè e invece dovemmo leità a Brigida cantando cansöin...nö so perchè ma incominso a ese nervoso..

Mario: Scià se calme..a Brigida a l'è molto sensibile e se s'accorze che un o l'è nervoso a tie di casci.

Berto: O ghe manchieiva fini all'ûspiâ...o bello o l'è che dovieivimo andà a çercà o sacco ...(Si avviano, Berto tira uno schiaffo sulla testa di Pino, escono, nel contempo suona il telefono..Lella risponde)

Scena 6°

(Lella,Giulia,Gildo)

Lella: Pronto.. ciao Marta..o l'è zà un po che nö se sentimmo sorellina cara....e via..andemmo avanti..sci sci ben... e cose ti veu..sempre un po' e solite cose..o Mario che o travaggia ma o beive anche..(Sorride) ho scoverto donde tegne e böttigge..oua se o vorrià beive dovià passà in sce de mi...(Pausa) ghemmo zà di clienti..sci..duì distinti scignöi..se vedde che nö son gente de campagna..oua son andaeti a leità Brigida...(ride)..e to figgio?..ti l'è accompagnao da un psicologo?....ah..pensavo de pezo..e va ben...se o l'ha besêugnô de un periodo de riposo mandilo chi..o femmo travaggiâ con Mario e o me daià unn-a man in coxinna quande o n'avià quaè....o l'ha faeto anche o maxellà, o me vegne utile.....o stilista?...da quande...un anno..(Pausa) o l'ha vinto di concorsi...nö savveivo...senti,ti fallo vegnì....o l'è zà partio?...Stamattin??!!.. saià queixi chi allöa...tranquilla..posto o ghè, ma ti porrievi dimmelo primma....va ben..sci,o staià ben chi ti o sé....ti porieisci vegnì anche ti...no ti peù?...Ben..se sentimmo..te ciammo mi eventualmente... ciao... Mia un po' oua che o l'arrive quell'angheso do Kim...ma,o metto sötta a travaggià..ghe l'aggiusto mi o sistema nervoso....mi diggo... comme se fa un figgio a ciammalo Kim..ghe piaxeivan i nommi corti a me sêu..(Uscendo a sinistra)..porreivan mettighe comme nomme ö seunno de un campanello..

Giulia: (Entra dal fondo preoccupata)..Che fatiga con sto cädo...besêgneiva nö travaggià...però o mangimme rinforzao ghe l'emmo daeto...meno male che o ghea o Gildo che o m'ha daeto un-a man....povio cristo però..o l'ha raxön quande o dixe che o becco o nö peu vedde..quande o n'ha visto o l'ha subito caregao...o problema o l'è che oua o se serrao drento..e o becco o l'aspete... ghe saieiva da rie se o nö fuise pe me mamà che va a vedde se ghe sun de êuve...che paciugo se o treûve l'ha drento.....(Entra dal fondo affannato Gildo)... cose ti ghe fè chi?..t'è vegnûo matto???

Gildo: Preuvighe ti a raxionnà con un becco...pe sciortì ho faeto unn-a capriola comme un  acrobata de in circo...e vegnì chi a l'ea l'unica via de scampo..almeno chi o nö l'intra..

Giulia: Sci ma o ghe porrieiva ese a mamá che o l'è pezo...anzi,seguamente a l'è de là...vanni via se nö ti veu ese impallinao a dovvei...

Gildo: Vaggo...però son stuffo de questa scituaziön..che to mamà a nö me peu vedde pe un motivo quaexi valido o posso capì..ma che o becco o m'agge piggiao de storto nö o capiscio..

Lella: (Da dietro)..Giulia... vegni un attimo che te devo parlà..

Giulia: Vanni via de corsa...Vegno mamà...Gildo, o becco, o a mamà!!

Gildo: Vaggo vaggo...(Si dirige sul fondo, sta per uscire ma torna indietro)...Aççidenti.. in to sentè ghe un co l'arrive con de valixe..

Giulia: (Andando veloce a vedere)...o l'è me coxin..cose o ghe fa chi...anche se o nö te conosce o porrieva parlà vedendote sciortì de chi drento... vanni de sovia..mescite..

Gildo: Torna.. ma nö sciorto da-a barcon..o me fa ma ancon o panè.. aççidenti, con tûtto o travaggio che ho da fa con o trattù..(Esce a destra)

Scena 7°

(Giulia, Kim,Lella)

(Dal fondo entra Kim con due valigie,vestito in modo variopinto e stravagante,si ferma un attio sul fondo, si guarda intorno e poi avanza)

Giulia: Ma che sorpreisa..cose ti ghe fè chi...(saluti tra i due).. nö te aspettavimo..

Kim: Coxinn-a ca-a...quanto tempo...me o ricordavo diverso sto posto..

Giulia: O l'è sempre o meiximo, foscia unn-a man de gianco e qualche tocco neuvo de roba..pe-o resto..(Chiamando)..Mamà...vegni un attimo..

Lella: (Da fuori)..vegnö...o dovveiva arrivà quell'angheso de to coxo ancheo...

Giulia: (Un poco imbarazzata a Kim) A mamà scherza...de segûo a t'ha sentio e a dixe coscì..

Lella: (Entra da sinistra) Oh...ti è zà chi...ti porrievi dimmelo figgia ... allöa, comme a và zuenotto..te veddo ben..

Giulia: O s'è vestio con a primma roba che o l'ha trovao o me pà..(Pacca sulle spalle a Kim)...o pà sciortio da un circo..(Gomitata di Lella a Giulia..nel contempo spunta da destra Gildo senza farsi vedere dai tre)

Lella: Ma ti o sé che tò coxo o l'è diventao un stilista..

Giulia: Ah sci...però..nö l'avieiva mai ciù dito...e da quande? ti faxeivi o maxellà...

Kim: A mamà a t'ha contâo di me concorsi..

Lella: Sci,a m'ha dito tûtto...a l'è stata unn-a sorpreisa...ti porrieisci preparà anche di vestì pe noîatri..da campagna..

Kim: Voentea lalla..o saieiva un piaxei..

Lella: Comunque visto a to esperienza ti ne vegni proprio ben pe dà unn-a man ao barba..cose ti dixi?

Kim: Son contento d'ese chi..me diò da fa..ti veddie che aggiûtto che t'aviè in sti giorni de permanenza..

Lella: Quanto tempo pensi de fermate?

Kim: Appena me ripiggio un po'..coscì a l'ha dito ö mëgo..un meixe..foscia duì..

Lella: (Subito) Ma ti è matto..(Correggendosi)...beniscimo.. allöa, Giulia oua te portià de dato in ta stansia ciù grande con o bagno privao...(Espressione di “sfortuna” sulla faccia di Gildo)...e pe i tò studi de taglio e cucito ti porriè adattà a stansa derè a coxinna..a l'è ciù grande..

Kim: Grazie lalla... se riescio a mettili sciù, i primmi vestì saian pe voîatre due..

Giulia: Grazie..ti è troppo gentile..scistemite un po' primma...

Lella: (Piano a Giulia) A lalla o l'ha portao da un psicologa...o doveiva andà all'ospià pe qualche vixita neurologica...poi te cöntu..(Espressione stupita di Giulia) ma o l'ha besêugnô solo de posase..cangià aia... (Con tono di voce normale)..Annè annè.. se vedemmo doppo...(Si avviano a destra, Gildo sparisce velocemente, Giulia e Kim escono)... O me pà tranquillo..però vaggo a vedde se de là g'ho ancon do bromuro che deivo ao Mario..nö se sa mai..(Esce a sinistra..poco dopo si sentono rumori esterni di secchi )

Scena 8°

(Berto,Pino)

Pino: (Entra dal fondo e si ferma un attimo prima di avanzare, ha un occhio nero a forma di zoccolo)...che mà..aççidenti a Brigida e a so manie.

Berto: A l'è andaeta coscì...nö poemmo faghe ninte..

Pino: Che nö me ghe portan ciù da quella, atrimenti nö so cosa porrieiva faghe...

Berto: Eppure o becco o te l'aveiva dito.. ti doveivi cantà “se mi lasci non vale” e non “sono un pirata ed un signore”...diggo..o te l'aveiva anche cantà.

Pino: Ou so...quande me son setao e me apprestavo a cantà, ho avûu un momento de confûxiön...orreivo domandà quale a l'ea a cansön..ma ei tûtti duì impegnè a beivine un gotto...coscì ho pensao.. o cantante l'è o meiximo, a muxica quaexi sempre paegia, figurite se unn-a vacca a se ricorde...belin se a ricorde..o m'ha cioccao in cäso che nö me o scordo..se o capite torna ti a canti ti a cansön..

Berto: Emmo faeto testa o croxe..o l'è sciortio testa e o tè toccao....Mi de segûo nö me sbaglio...me mamà e cantava sempre quelle cansonette..ghe l'ho stampè in to çervello...

Pino: Beato ti..mi no me ricordo manco quelle de Natale..

Berto: O problema o l'è un atro.. dovemmo mesciase a çercà quello sacco donde ti è misso i diamanti, e portà via o disturbo..aççidenti a ti e a quande ti l'è ascosi l'ha drento..

Pino: A l'è unn-a parolla.. però a l'è staeta unn-a bella idea..ho anche remesciou ben, coscì nö se ne accorze nisciûn...

Berto: Sci? Pensa se l'han cacciao via...se l'han doviao pe quarche cosa d'atro..andemmo a çercalo..

Lella: (Entra da sinistra con il sacco vuoto che aveva portato Mario.....) Scignöi...alloa, comme a và..

Berto: Porreiva andà megio scignöa...scià ghe mie l'euggio..(indica Pino, Lella lo guarda)

Lella: Me dispiaxe.. scià vegne de là che ghe mettimmo o giasso...me majo ghe l'ha dito de mettise con o sgabello un po' de traverso?

Pino: Se o me l'avesse dito nö saieiva pessao comme a vacca...(Indicando l'occhio, poi vede il sacco in mano a Lella)...scià scuse scignöa... quello sacco..

Lella: L'è vêuo.. o l'è un sacco pe o mangimme de gallinne... son settimanne che nö me fan de êuve..

Pino: (Piano a Berto) O l'è quello o sacco..son segûo...

Lella: Oua con sto mangimme, coscì dixe quell'imbriegon, nö dovveiva esighe di problemi..Ma a corpa a l'è sovratûtto de quell'angheso do nostro vixin che o passe con o tratto e o me spavente...ma se o piggio...Scia vegnan de là...mentre preparo un caffè ghe daggo un po' de giasso...(Lella esce a sinistra)

Berto: Bello pacciûgo..cose femmo?...

Pino: Ti è sentio..besêugnâ traffegà in to mangimme...

Berto: Nescio... besêugnâ aspetà che fassan de êuve, quindi piggiale e andasene...bello posto che tiè trovao pe scondili..complimenti..

Pino: Cose ne savveivo che o davan da mangià ae gallinne.. o l'ea l'unica poscibbilitè in te quello momento...

Berto: Anemmo che a scignöa n'aspete... e poi quello tipo o nö dovià passà ciù con o trattù.. besêugnâ manomettilo in quarche moddo..nö falo ciù partì...ma ti ghe pensiè ti o ciù fito poscibbile, atrimenti addio diamanti e restemmo chi vita natural durante...(Lo spinge a sinistra ed escono).

Scena 9°

(Giulia,Kim,Lella)

(Entrano da destra)

Kim: ..Coscì me son iscrito ad un concorso e ho vinto... donna primavera-estate...a l'è staeta unn-a sorpreisa anche pe mi..però son contento.. fasso sempre o maxella, ma oramai a me prospettiva a l'è quella de fa o stilista... chissà se o me vegnià in ta testa qualche idea pe un vestì nêuvo...

Giulia: Son contenta pe tì..però nö state a spremite troppo...ricordite che ti è chi pe riposate..e son segûa che idee te sciortian megio da-o çervello...

Kim: Ou so....coscì a m'ha dito anche o mëgo..quella psichiatra o psicologa..comme o se ciamma..

Giulia: Veddi, a pensemmo a meixima..

Kim: Se treûvo anche due modelle saieiva a posto...ti e a lalla porrieisci aggiutame..

Giulia: Fa da modella nö me pà o caxo..foscia a mamma che i vestì ghe piaxian..ma ghemmo tanto de quello travaggio...

Kim: Immagino...pe questo ho lasciao un baolo chi de foa con duì manichin tûtti smontè...oua doviò mettime in te in canto e allestì o tûtto..

Lella: (Entra da sinistra)..Allöa figgieò..tûtto ben?

Kim: Sci lalla, tûtto ben..oua me metto subito all'opera..se ti è quarche cosa da fame fa mi son disponibile,ma orrieiva anche occupame do me nêuvo travaggio..

Lella: Tûtto quello che ti veù ca-o..primma però in coxinn-a ghe son duì belli tocchi de carne da taggià e ricavane de fettinne..unn-a votta faeto, ti aviè a giornà intrega a disposixiön pe quello che ti veo.

Kim: Grazie lalla..ti vediè che faiò tûtto ben...Allöa incominso subito.. A coxinna a l'è sempre in to solito posto?

Lella: Sempre quella... (Kim esce a sinistra...poi a Giulia)...Speremmo che nö combinne ninte de strano..insomma..o porrieiva cioccà da un momento all'atro..

Giulia: Speremmo de nö..o l'è tranquillo..

Lella: Saian e pastiglie..me sêu a l'ha dito che o deve piggiane due ao giorno..unn-a rossa e unn-a bleu..rossa ao matin,bleu a seja..

Giulia: Ma o peù anche cangiale?

Lella: Cose ne so.. o controlliemo..nö creddo che ghe seggian di problemi a cangiale, infondo son pe tegnilo quieto... oua vaggo a dà unn-a man a to puaè, speremmo che nö trêuvo in bonna compagnia..(Mima il gesto di bere a “canna”...esce sul fondo)

Giulia: E mi o l'è megio che vagghe a çercà o Gildo..povio..o s'è cacciao torna da-o barcon..speremmo che o segge riuscio a ritornà a casa..(Esce sul fondo)

Scena 10°

(Kim,Berto,Pino)

Kim: ...(Entra da sinistra)..son contento de avvei faeto a vostra conoscenza scignöi.. sei simpatici..son segûo che andiemo d'accordo..

Berto: (Entra con Pino; quest'ultimo ha del ghiaccio sull'occhio)..Seguo.. (A Pino)..ma chi o l'è?..chi l'ha mai visto..

Pino: A mi cose ti veu che me ne freghe..o me fa in ma st'êuggio...

Kim: Allöa, cose ne dì da me proposta..

Berto: Ghe pensiemo..

Kim: I me vestì son rinnomè..se voîatri me fei da modelli ve paghiò ben.. me lalla e me coxinna han da travaggià nö han tempo. Voîatri visto che sei in vacansa me porrei agiuttà...

Berto: Noîatri semmo quaexi de partenza..me spiaxe..

Kim: Voîatri sei unna cobbia..

Pino: In che senso?

Kim: Una coppia di fatto...

Pino: Di fatto semmo unna cobbia..

Kim: E mi cose o dito'...coscì no aviei nisciûn problema a provà di vestì da donna..

Berto: Noîatri nö provemmmo ninte...nö semmo portè pe fa da modelli..scià ne mie ben..emmo da fa; scià ne scuse tanto bon ommo...

Kim: Vabbè,ne riparliemo...pe quello che ho in mente voîatri sei perfetti..oua scoseme..devvo anà a piggià o calmin rosso. E incominsà a rimette insemme i me manichin... se vedemmo ciù tardi..ve saluo amixi..(Esce a sinistra)

Berto: Sto chi o l'ha quarche cosa che o nö me convinçe guaei..

Pino: Ti dixi ben.....

Berto: Femmo coscì..mi vaggo a vedde unn-a cosa...ti invece ti me fè o piaxei de fate in gïo in ti paraggi, ti trêuvi o trattù de quell'atro che o se sconde e ti faè in moddo che o nö parte ciù... se vedemmo ciù tardi...

Pino: Sempre che o stilista o nö ne treûve..

Berto: Mescite, besêugnâ fa fito...sciortimmo da-a porta da coxinna, l'è ciù nascosto da êuggi indiscreti...

Pino: O nö me dispiaxieiva fa da modello..

Berto: E vanni..modello...(Escono a sinistra)

Scena 11°

(Mario, Jennny e Margareth)

(Entrano dal fondo, Mario è “allegro”, Jenny e Margareth sono due psicologhe,con vivo accento inglese, vestite sportive, hanno due valigie...Jenny è un po' chiusa come carattere,Margareth è più vivace..)

Mario: Venghino scignöe..che entrino..siamo arrivati..s'incallino in questo posto...

Margareth: E' proprio come immaginavamo..vero Jenny?

Jenny: Si Margareth...hai ragione.. il posto è..ruspante..

Mario: Comme parlan strano ste due..speremmo de capise..

Margareth: Bene buon uomo...direi proprio che ci fermeremo..io e la mia amica abbiamo bisogno di riposo..un po' di relax...di staccare dalla routin quotidiana...

Mario: (Non capisce...) Rutin..ruotin... ah...se dovete staccare il ruotino della macchina ci penso io..in te un menûto ve cangio a röa.

Margareth: (Ride) Che simpatico...la ruota è ok..thank you..

Mario: Mi nö capiscio...

Jenny: La mia amica dice che siccome siamo sempre di corsa..siamo sempre al galloppo..vogliamo stare tranquille..fermarci un attimo..

Mario: Ho capio..capito.. siete a cavallo..ma allora sono gli zoccoli da cambiare..(Le due si guardano perplesse).. eh se l'è pe quello...dexe menûti e i cangio..

Margareth: Non ho capito bene..

Mario: Dico che ci penso io ai cavalli...non vi preoccupate...o l'è solo in problema (fa vedere la sua lingua)..de lengua.. vado a cercare mia moglie che è più..più..comme se dixe...(pensa)...perlagrotta..ecco sci..non mi veniva il termine..ha tante lingue..cioè..unna- solo..ma quando parla sembra che ne abbia due da quante parole sciortan..(Le due si guardano senza capire)... vengo subito con la signora mettetevi comode...(Esce sul fondo)..

Margareth: Simpatico..speriamo di farci capire meglio dalla signora..Come stai Jenny?..hai sempre quel pensiero?..vedrai che qui ti riprenderai bene..io mi sento già meglio..sarà l'aria di campagna, il posto diverso..

Jenny: Sai..non mi era mai successo di sbagliare quasi la diagnosi...quell'uomo aveva bisogno solo di un periodo di riposo....ho prescritto un ricovero in ospedale e le  pillole...sarà in confusione...mi dispiace tanto..

Margareth: Oh Jenny.. non è successo nulla..era iperattivo..e sono sicura che sta starà meglio..sarà uscito dall'ospedale..intanto qui in italy, più di due giorni non trattengono i pazienti...dai non pensarci...ora starà bene..

Jenny: Speriamo..anche se ho sempre un po' il rimorso...e tu?..non ci pensi più a lui?

Margareth: No..non più di tanto.. non ho avuto scelta Jenny..non potevo sopportare il suo lavoro..se si può chiamare così..

Jenny: Si, ma era un gentiluomo e ti piaceva molto.

Margareth: Lo so..ed era ciò per cui mi ero innamorata...ma uno così, anche se gentiluomo non potevo ammetterlo nella mia vita..

Jenny: Sei ancora innamorata Margareth..ti conosco...ma anche violenta nello scaricarlo... lo hai picchiato..gli hai dato un pugno su un occhio...

Margareth: Gli è venuto tutto nero subito... ormai è più di una settimana...gli sarà passato...mi aveva detto che faceva il rappresentante di gioielli..si..rubati però..se ci penso sale subito il nervoso...dovevo denunciarlo...vado a prendere l'ultima valigia..tu siediti tranquilla e relax,mi raccomando..arrivo tra cinque minuti..(Esce sul fondo)

Scena12°

(Jenny, Kim)

(Jenny nel contempo si siede su una sedia e incomincia a sfogliare in modo svogliato per ingannare l'attesa una rivista...poco dopo spunta Kim a sinistra, vede Jenny, rimane perplesso, poi con una espressione del viso fa capire che l'ha riconosciuta...entra...indossa un grembiule bianco,sporco di “sangue”, ha in una mano una mannaia per tagliare la carne e dall'altra un braccio di un manichino)

Kim: (Forte) Dottoressa...(allargando le braccia come per abbracciarla)...

Jenny: (Spaventandosi)...Oh..Tu qui..Kim... O my God...

Kim: La sua cura è stata un portento..quelle due pastiglie mi hanno aperto il cervello..sono iper, super mega attivo...

Jenny: (In preda quasi al panico, si alza dalla poltrona)..Margareth...Margareth...stai tranquillo Kim...cosa hai in mente con quel coso?

Kim: Niente dottoressa..macellavo un pezzo di carne e..

Jenny: Oh..calmati Kim..mi spiace...(Si alza dalla poltrona e indietreggia)....abbi pietà non farmi fare quella brutta fine...ho creato un mostro..

Kim: (Ride)..Ma no... cosa dice ..voglio solo abbracciarla...(si avvicina a Jenny, quest'ultima sviene, Kim si avvicina)..Dottoressa..dottoressa...aççidenti, mi orrieivo solo saluala..cosa a l'avià visto de strano mi no so..e poi son mi quello da cuà... oua cose fasso..(si agita un poco, cammina avanti e indietro, posa sul tavolo la mannaia e il braccio,cerca di rianimarla schiaffeggiandola ..poi la trascina per le gambe, la lascia e riprende il braccio..va sul fondo e guarda in esterno, si riavvicina a Jenny,posa il braccio e la riprende per le gambe)...megio nascundila...ma donde...chi se me veddan pensian mà..(prova sotto il tavolo)..chi a se vedde...(riprende la mannaia) sta arma a l'è pericolosa..(non sa dove metterla, la riposa sul tavolo...Vede l'armadio, si avvicina,apre l'anta, Jenny nel contempo si riprende e si alza da terra sempre intontita..(Kim prende il braccio e lo mette per terra a fianco del tavolo insieme al grembiule che si toglie, poi prende la dottoressa e nel panico la mette nell'armadio e chiude l'anta)..Ohimemì..l'ho combinà bella... e mi che orrieiva solo saluala....sento de vöxi..megio sparì..(si guarda intorno e esce di corsa a sinistra...nel contempo entra Margareth insieme a Giulia e Lella che le porta la valigia)

Margareth: Grazie signora..molto gentile..suo marito ci ha accolto qualche minuto fa... ma non è che ci capiamo bene..

Lella: Ou so..signora...è sempre un po' all'olio..non capisce molto altre lingue..parla solo il dialetto o quasi...io ho fatto le scuole alte..(vede Margareth peplessa).. comunque ..oua scistememmo tûtto... e la sua amica?

Margareth: Le ho detto di rimanere qui e..(Vede il braccio, il grembiule e la mannaia)...Oh..cosa è successo qui..del sangue..oh..cielo..un braccio,è quello di Jenny....Jenny....Signora,qui è successo un delitto...povera ragazza, tagliata a pezzi..ma chi è questo maniaco...aiuto..mi sento male..meglio che vada a cercare Jenny..(Esce a destra velocemente)

Lella: Segnò ca-o..cosa o l'è successo...Kim..Kim... stanni a vedde che o l'ha sbagliao  pastiglia...e me sêu che l'ha dito che o doveiva ese solo un periodo de riposo...andemmo a çercalo, mescite..(trascina la figlia a sinistra...nel contempo entra Mario dal fondo con una bottiglia di vino)

Scena 12°

(Mario, Jenny, Kim e Lella)

Mario: Chi o l'è megio scundise... Nö me ricordava ciù de questa bottiggia..o l'è comme quando ti treuvi de palanche in te stacche do giacchè e nö ti pensavi de trovaghe ninte..(ride e beve)... e chissà donde saian quelle due zuene meze straniere...(vede il braccio)...toh..chi ghe n'è un tocco.. e o resto?..mah.. (beve, nel contempo si apre l'anta dell'armadio ed esce Jenny un poco stravolta)..

Jenny: Ma cosa è successo..non ricordo... lei...cosa è successo qui?..ora ricordo..il mio paziente..(Si guarda le braccia e le gambe)..io sono tutta intera...e di chi è quel braccio?..

Mario: O me nö de segûo...

Jenny: Sarà di Margareth...c'è un maniaco in casa...uno molto pericoloso, bisogna trovare la mia amica...(Scuote Mario, vede la bottiglia)..ho bisogno di bere ..(Gli prende la bottiglia e beve a canna...)....buono...(Beve ancora)

Mario: Oh..Oh..cianin.. sto chì o l'è sciachetrà.. a stomaco vuoto taglia le gambe...(guarda il braccio)..e a votte e brassa...

Jenny: Lo fa lei questo vino?..Buono..(beve e poi ride..è brilla)...

Mario: Cianin..piano...oua mi...(beve Mario..Jenny cerca di prendergli la bottiglia)...ma alloa o l'è diventao un vizio...piano che mi diventa ciucca...bisogna cercare la sua amica..

Jenny: Più tardi..(Beve, nel contempo voci concitate di Lella a sinistra e di Giulia che parla a Kim..Mario capisce che deve nascondersi da qualche parte e di non far vedere Jenny in quelle condizioni)

Mario: Bisogna uscire di qua.. se ci vedono così possono pensare che abbiamo bevuto... e pe mi o saieiva veramente un problema...(Vede l'armadio...va ad aprire a fatica una anta..torna indietro, prende la bottiglia a Jenny e la mette nell'anta dell'armadio e chiude, poi si ferma un attimo per pensare, quasi come ravvedendosi riapre l'anta dell'armadio, va a prendere Jenny e la rimette dentro..lei nel contempo prende la bottiglia e beve...)....e basta beive..e silensio..(Mario chiude entrambe le ante...nel contempo entrano da sinistra a passo veloce Kim, seguito a ruota da Lella)

Lella: Vegni chi..nö scappà che te devo dà o calmin bleu...primma però unn-a bella carega de scopassuin...(escono sul fondo)

Fine secondo atto

ATTO TERZO

Scena 1°

(Mattino del giorno dopo, Berto e Pino entrano da sinistra...poi Lella)

Pino: Che neûtte che ho passao...nö ho serao êuggio...

Berto: Quello neigro o quell'atro...

Pino: Spiritoso...o l'è un moddo de dì...o me fa ancon mà...aviò dormio tre ôe se o va ben..

Berto: Ma ogni votta che me adesciavo ti ronfavi

Pino: E perchè ti ei adescio?

Berto: Nö ti sentivi in ta stansia a fianco de vöxi de donna..

Pino: Mi nö ho sentio ninte..mia che ti sognavi de ese adescio e ti sentivi e vöxi..

Berto: Invece eo adescio..unn-a votta me son finn-a daeto un sciaffo..

Pino: (ride).. Un o se piggie a maschè pe vedde se o dorme o nö...a saià l'aïa de sto posto..

Berto: Nö..son e vöxi...e quella che ho sentio a me pà familiare..

Pino: Berto...lascia perde...e vöxi se confondan tra e miagge...

Berto: Foscia...ma o ricordo ogni tanto o picca chi drento (Indica il cuore)...e ogni cosa che t'amii o ti fè a votte o reciamma o pensiero..

Pino: Ho capio..ti è ancon innamöao de quella... dagghe de l'aïa.. a t'ha cioccao un pugno in te un êuggio che te o raccomando...

Berto: Dilo a mi che l'ho piggiao...va ben..oua nö pensemmoghe...andemmo a vedde se ghe son de êuve..

Pino: Ti è famme?

Berto: O cascio da Brigida o t'ha spostao o çervello?...Zà vei son andaeto pe vedde se ghean, ma zibba..bezêugnâ recuperà i diamanti..nescio..

Lella: (Entra da sinistra asciugandosi le mani con uno strofinaccio)..Scignöi bongiörno..dormio ben?

Berto: Dimmo de sci...foscia o l'è o cangio de letto...e vôxi dall'atra stansa..

Lella: Scia me scusan..ma e scignöe vei han avûo un sciock...corpa de me zenne, o stilista..o  l'ha spaventè...avian avûo un sêunno agitao..ma stamattin ao Kim g'ho daeto tûtte e pastiglie poscibbili, rosse, bleu e anche gianche...coscì o queta.....se vegnì de là ve daggo un po' de colaziön..son zà tûtti in pè stamattin..e poi son contenta...doman aviemo e êuve e ve faiò unn-a bella frittà.. sempre se quell'angheso do nostro vixin o nö passe con o trattù...

Berto: O nö vegnià con o trattù..

Pino: G'ho faeto un belo travaggetto..

Lella: Ah sci?

Berto: Eh sci..perchè anche noîatri semmo ansiosi de piggià..cioè..de vedde se fan e êuve..(Occhiataccia a Pino)

Lella: Noîatri sento che andiescimo d'accordo...Vegnì che ve preparo qualche cosa..(Lella si avvia e esce)...

Pino: Poi andemmo de corsa a vedde....

Berto: Sci..mi ammio, ma o dïo ti ghe o metti ti....(Si avviano ma vengono fermati da Kim)

Scena 2°

(Pino, Berto e Kim)

Kim: (Entra dal fondo con un lenzuolo avvolto intorno a tracolla, occhi fuori dalle orbite)..Eccome chi... sei pronti a fame da modelli?...ve paghiò profumatamente...cose o l'è?

Berto: ..In lensêu.. cose o veu sto chi?...Scià scuse, noîatri andemmo a fa colaziön..

Pino: Ho sacciu da-a figgia che ho l'è in stilista...se non riuscimmo a piggià i diamanti, scappemmo con i so vestì..almeno nö andiemo via con un-a man davanti e unn-a derè..

Berto: Pino, descite... o l'è impasticcao..

Kim: Sta chi a l'è arte..da un lensêu o se peu ricavà quarsiasi cosa..

Pino: O ne porrieiva servì pe scappà da-a prexön se ne arrestan..

Kim: Saiò breve... me dovvei aggiûttà...me servan due modelle..

Berto: Noîatri, comme scià peu ben vedde nö semmo de donne..

Kim: Porrieisci diventalo...

Pino: Eh??

Kim: E scignöe ospiti son ciù picinne de statûa.. i me vestì son pe de modelle ciù erte..anche se no avei e mezûe classiche....ho vinto di concorsi e travaggiò pe un stilista molto importante...i modelli che ve faiò provà van un mûggio de palanche......

Pino: Megio de ninte...va ben..sci...noîatri faiemo da modelle.. (a Berto)..coscì poi pigiemmo diamanti e vestì....

Kim: Bene..savveivo che porreivo contà in scië de voî.. Anche perchè, dito tra noîatri, tra quelle due donne presenti chi drento, o ghe n'è unn-a ca l'è staeta a me psicologa..(Pino e Berto si guardano)...e orieiva evità ancon de incontrala....vei quande ghe son andaeto pe abbrassala e saluala a l'è svegnûa... nö ho capio perchè, foscia perchè tegnivo in te unn-a man un brasso..

Berto: Un brasso?..de chi..

Kim: De in me modello che me porto sempre a preuvo... oua mescemmose..derè a coxinna incominsiò a piggiave e mezûe....(esce a sinistra)

Pino: Pe a cascia da morto...chissà cose o ne capite...scusime tanto Berto..

Berto: Doveivimo fa colaziön...vabbè..andemmo, a speranza a l'è l'urtima a muî..

Pino: Sci, l'è veo...però a möe anche le...(escono a sinistra)....

Scena 3°

(Mario, Margareth e Jenny)

Mario: (Entrano dal fondo)...Siete state bravissime signore...

Margareth:  Grazie.. mio nonno in Inghilterra aveva una fattoria..io da ragazza ho sempre inforcato il fieno..mi divertivo tanto..

Mario: S'è visto...comme se o l'avesse sempre faeto.. (A Jenny)e lei signora?

Jenny: Io no..io ho ancora un po' il pensiero a ieri..se non fosse stato per lei...

Mario: Non lo dica manco...che ciucca però...nö riuscivimo manco ciù a sciortì da là drento...

Margareth: E' un suo parente..questo Kim?

Mario: Sci..de me moggè..mi l'ho trovao che o l'ea coscì...dico.. è parente di mia moglie...mi no ghintro ninte ..è un po' strano...lo conosce?

Jenny: (Interviene)..E' stato un mio paziente qualche tempo fà..sono psicologa...e quando l'ho visto con quel coltellaccio ho temuto per la mia vita..

Mario: Un mëgo psicologo... ho raxön a dì che o l'è nescio.... è bravo per carità..non farebbe male a una mosca...Pazienza..vabbè....se non avete altro in programma vi porto a vedere dove facciamo la marmellata...

Margareth: Oh si..A me piace tanto..ne compreremo qualche vasetto...

Jenny: E anche qualche bottiglia di vino..quello che ho bevuto ieri...

Mario: (Sorride)..ah sci..bene... allora per il vino ci penso io..ghe ne fasso assazà un che te o raccomando...andiamo..prego da questa parte (le due si avviano)...alè..o se beive...(Via tutti e tre dal fondo)...

Scena 4°

(Giulia, poi Berto, Pino, Kim)

Giulia: (Dal fondo parla al telefonino) Gildo...o l'è megio che nö te avvixinni..ou so..in piccolo sacrifiçio... nö ti treûvi e ciavi do trattù...e mi cose ne so..figurite se ti l'è perse chi..anche quelle de riserva...allöa t'è distraeto...se te a devo di tûtta, a cosa a nö me dispiaxe...nö pensà ma...ma se ti passi con o trattù nö sciortimmo ciù da sta stoja...se ti vegni a çercale mi nö ne so ninte e se te pigge me mamà...fanni comme ti veù... ti è un teston...vabbè...ciao... ma mia un po' che testa co l'à...o capiscio,però oua son ôe delichè.. speremmo che queste ciavi pe un po' nö e treûva...

Lella: (Entra da sinistra)... O Giulia..t'ho trovao.. son contenta..ciù de un giorno che quell'angheso do Gildo o nö passa con o trattù..e gallinne son ciù tranquille e foscia qualche ovetto anchêu o pigemmo...speremmo... mia, zà che t'ho trovao andemmo a vedde ..primma unn-a ha la faeto coccodè...

Giulia: Sia lodato..andemmo a vedde...(Escono sul fondo, a sinistra quasi contemporaneamente entrano Pino e Berto vestiti da donne che saranno praticamente uguali o almeno molto simili ai vestiti che hanno indosso le due psicologhe, comprese le parrucche che indossano dovranno essere simili ai capelli delle due donne....segue a breve l'ingresso di Kim)

Kim: Son perfetti..(Si avvicina ai due, gli gira un po' intorno, sistema le spalle)...fei quarche passo chi..provê a sfilà..(Eseguono molto goffamente)...ma nö.. ciù eleganti..comme e donne..un pè davanti l'atro..unn-a gamba avanti l'atra..

Berto: Ma mia un po'...pe camminà unn-a gamba a deve andà davanti l'atra...

Pino: Femmo comme o dixe...coscì primma finimmo e megio o l'è... (I due camminano come aveva detto Kim...)

Kim: Perfetto, perfetto....bravi...porrieisci travaggià pe mì...sempre vestì da donna se intende..sei megio de tante modelle..

Pino: (Quasi lusingato)..Ah scì...(Gomitata di Berto)..

Berto: Finiscila!!

Scena 5°

(Lella, Giulia, Berto, Pino, Kim)

Lella: (Dal fondo con Giulia, sono contente)...L'han faeto...l'han faeto...(entra facendo vedere l'uovo)... finalmente...

Berto: (Sorpresa di entrambi i due ladri)...O saieiva o caxo de andà a vedde e de corsa...

Lella: Ti veddi Giulia che aveivo raxön...a corpa a l'ea do nostro vixin..finalmente cai scignöi chi tornemmo a normalitè..

Pino: Speremmo..

Lella: E voi signore, se va tutto bene, da questa sera potrete assaggiare nuove specialità ...Kim..nö te preoccupà, da anchêu te faiò unn-a cûa rinforzà che quando ti ritorniè da me sêu ti parriè un'atro...(Bacia l'uovo ed esce a sinistra insieme a Giulia che guarda con perplessità Pino e Berto senza riconoscerli)

Kim: O me sta vegnindo famme...scia scusan scignöi...ma o stêumago ciamma...intanto continuei ad allenave a camminà..se vedemmo doppo..(Esce a sinistra)

Pino: Sto chi o l'è convinto che travaggiemo pe l'è..andemmo a vedde se gh'è quarche cosa dentro a l'êuvo...

Berto: Andemmo..anzi..ti vanni in coxinna, mi da-e gallinne...(escono entrambi a sinistra, dal fondo contemporaneamente entrano Mario con le due psicologhe)...

Scena 6°

(Mario, Margareth, Jenny, Berto, Pino)

Mario: Eccoci ...sono contento che vi piace questo posto?...

Jenny: Oh si..molto bello..e ottime le marmellate..

Mario: O merito o l'è o me e de comme aççendo a stiva...

Margareth: Lei è un uomo pieno di risorse..

Mario: (Tra se)..Anche de vin..(Alle due donne) Anche mia moglie la pensa come voi.

Margareth: Non facciamo fatica a crederlo..Noi andiamo un momento in camera e poi ci vediamo per il pranzo...abbiamo alcune cose da sbrigare...

Mario: Ghe manchieiva... prego,.. come a casa vostra...(Le due escono a destra).... Che sei che g'ho...me fan parlà e o me se secca a lengua...(Si guarda intorno, poi si siede sulla poltrona e mettendo una mano sotto la stessa tira fuori un fiaschetto di vino, una occhiata ancora per accertarsi che non ci sia nessuno e beve)...belan se o scrolle e bele ..(Beve ancora..poco dopo vede che entrano da sinistra i due ladri che non si accorgono della presenza di Mario, quest'ultimo non li riconosce, rimane perplesso perchè aveva visto le due psicologhe uscire a destra..)

Berto: Ninte de ninte..e ti?

Pino: A l'ha zà rötto e drento o nö ghea nea manco l'ombra..dovemmo aspetà ..

Berto: Han misso un lucchetto e unn-a cadenna grossa coscì e non son riuscio ad intrà..(Mario in preda ai fumi dell'alcool è sempre più perplesso)..Damme unn-a man..besêugnâ trovà un troncheise...un quarcosa pe rancâ tûtto..(si avviano sul fondo)

Mario: Signore...avete cambiato idea?..ritornate a prendere un po' d'aria?..(I due si fermano)

Pino: (Con voce normale)...Sci.. andemmo...emmo cangiao idea...

Mario: Bene..(Poi rimane perplesso, guarda la bottiglia e scrolla un poco la testa, li guarda...i due escono sul fondo....)...han parlao zeneize o me sbaglio?...(Nel contempo rumore di passi a destra, Mario si volta, entrano le due psicologhe )...

Margareth: ...Signor Mario..ci scusi,siamo ancora noi...andiamo  in cucina a prendere un bicchiere di latte...con permesso...(escono a sinistra)

Mario: Fate come a casa vostra...(poi espressione di stupore, guarda verso il fondo, poi a sinistra, poi guarda la bottiglia)...ma nö ean sciortie de foa?.. (Pensa..scrolla le spalle e beve ancora un poco...entrano le due con un bicchiere di latte ciascuno)..

Jenny: Questo latte è buonissimo signor Mario..beh..ora non passeremo più a disturbare, ritorniamo in camera...confermi alla signora che ci fermeremo anche domani..(Mario le saluta con un accenno della testa e le segue con lo sguardo mentre escono a destra...praticamente subito dal fondo rientrano i due ladri)

Berto: Semmo scalognè...oua cose o ghe fa quell'angheso ascuso là drento?..(Mario sente le voci, si volta e vede i due... è confuso)l'è sci che o l'ha trovao o troncheise pe taggià a cadenna..ma fin tanto che nö sciorte, nö poemmo fa ninte...andemmo a cangiase che o l'è megio...sempre se trovemmo i nostri vestì..(escono a sinistra)

Mario: (Guardando a destra e poi a sinistra) Foscia o l'è megio che vagghe a çercà un'atra bottiggia....chi me se incroxian i êuggi e o va a finì che no ghe capiscio ciù ninte...(Esce barcollando dal fondo...entra Kim da sinistra con i vestiti dei due ladri e col lenzuolo sempre a tracolla)

Scena 7°

(Kim,Gildo,Lella,Giulia,)

Kim: Stamattin me sento confuso...con tutti quaei calmin che a m'ha daeto me lalla, m'han remesciao a testa....pasiensa..Megio sconde i vestì de quei duì..coscì se convinsian a travaggià pe mi...(Li mette nell'armadio...nel contempo entra dal fondo trafelato Gildo)...Chi scià l'è voscià...?

Gildo: Son..son un vexin.. e sto çercando e ciavi do trattù che ho perso da qualche parte...scià nö digghe ninte a scignöa che son intrao in casa, sennò me spara.

Kim: Sto chì o scrolle...Scià nö se agite..scià veddia che o l'andià tûtto a posto..

Gildo: Unn-a parolla... a l'è unn-a stoja lunga... oua devo scondime, a scignöa a nö sopporta...seguamente a m'ha visto in zona e a l'è in allarme... oua nö so donde mettime..o gh'è pin de gente chi drento..son in ti guai..(si guarda intorno)

Kim: Euh se o scrolle.. (si illumina)..ho un'idea..scià se confonde con l'arredamento....

Gildo: Cioè...Cose fasso?.. (Ironico) l'appendin?..o no l'è o momento de scherzà..

Kim: Scià vegne..ho un'idea..(si dirige verso la poltrona)...scià piggie o tavolin, scià se ghe sette insimma..mi ve metto o me lensêu e scià fasse finta d'ese unn-a poltronna...

Gildo: Unn-a poltronna?? Ma se a me scrove chi drento a l'è a fin..

Kim: Scià nö se perde in te preoccupaziuin inutili, intanto primma o poi se möe..scià fasse comme g'ho dito, scià vedia che o l'andià tûtto pe o megio... (Kim aiuta Gildo a spostare il tavolino vicino alla poltrona presente, lo fa sedere, gli sistema le braccia a modo bracciolo e rimbocca il lenzuolo..kim a sua volta si nasconderà sotto il tavolo...)

Kim: Coscì me godo a scena...(Nel contempo entra Lella dal fondo molto decisa seguita da Giulia)

Lella: Donde o l'è andaeto? Se o piggio ghe illumino e parti morbide...Zuenotto, o l'è megio che ti te fè vedde...atrimenti piggio o scioppo e incominso a tià da tûtte e parti....(Gildo trema visibilmente)

Giulia: Mamà, nô l'è o caxo...mi..mi ghe veûggio ben ao Gildo...nö fa de scemate...

Lella: Perchè ti creddi che nö me ne eo accorta? Allöa visto che ti o difendi incominsa ti a fa de êuve...Mi orrieiva savvei cose o ghe faxeiva da-e gallinne quell'angheso...o me e veu spaventà ao meiximo..disgraziao...(escono a sinistra velocemente)

Kim: (A Gildo che continua a tremare)...Amigo...amigo..via libera...se ne son andaete..

Gildo: Scià le segûo..nö ghe veddo ninte ....allöa vaggo...

Kim: Nö, nö ancon,scià stagghe fermo..sento di passi..scià stagghe fermo...

Gildo: Ma mia un po' se doveivo da retta a sto chi...se me infricciavo dentro all'armaio o lea megio...(Entra Jenny da destra fischiando un motivetto, cammina per la scena, ma nel contempo si avvicina alle “poltrone”...)

Scena 8°

(Jenny,Kim,Gildo,Mario,Lella,Giulia, Berto)

Jenny: Margareth dorme...è ancora innamorata..quell'uomo le ha rubato anche il cuore...aspetterò che si svegli....è tranquillo oggi..quel fori di testa non si vede..meno male...(Espressione perplessa di Kim..Jenny si siede sopra Gildo, cerca di sistemare la seduta, non si accorge di nulla, Gildo nel contempo inizia a tremare..)...o ma che lusso...hanno anche una poltrona con il vibra per i massaggi...quello che ci voleva per un rilassamento dei nervi..dopo lo spavento di ieri....chissà dov'è il dispositivo per aumentare la vibrazione..(si accomoda meglio e cerca un attimo con la mano,Gildo trema sempre di più...)...Oh..è automatico..comando vocale...Gildo dopo poco cerca di alzarsi, Jenny si spaventa e si alza di colpo...si alza anche Gildo con il lenzuolo che lo ricopre quasi interamente,panico di Jenny che si allontana velocemente...)..Oh...Ohhhh..Margareth!!!  Margareth..(Gildo si muove piano con le braccia in avanti per orientarsi)...Aiuto...

Kim: (Da sotto il tavolo)..Aspetti dottoressa..(Nell'uscire dal tavolo si trascina addosso la tovaglia, anche lui si muove come Gildo...(Jenny guadagna spaventata l'uscita a destra, nel contempo entra Mario dal fondo con una bottiglia, vede i due con il lenzuolo in testa, guarda la bottiglia, Gildo e Kim si scontrano e cadono per terra sul proscenio..)

Lella: (Entra da sinistra a passo spedito insieme a Giulia verso Mario)..e o nö se treuva...ma se o piggio...cose ti ghe fè lì?...fanni quarcosa...ghemmo da gente e sto chi o l'è sempre attaccao a bottiggia...

Mario: Lella..creddime...ghe son i spiriti in te questo posto..

Lella: I spiriti ti ghe l'è in to corpo a forza de beive...(Nel contempo entra dal fondo Berto, sempre vestito da donna,imbronciato perchè non trova i diamanti)...Ammia...chi o ghè a scignöa ingleise...(A Berto)..buongiorno signora..bella giornata vero?

Berto: Euh...

Lella: Ti ghe l'è zà portà a leità a vacca? (Giulia nel contempo si è accorta dei due distesi sul pavimento)..

Berto: Nö me ricordo...

Lella: Allöa portighela...anzi,te accompagno..coscì son segûo che in to tragitto nö ti perdi a stradda..

Berto: (Imitando voce di donna)...non è indispensabile..

Mario: Scià vegne..venga che le canto una canzone..la impari bene mi raccomando..poi le spiego..(Lo prende sottobraccio ed escono insieme a Lella, contemporaneamente i due aiutati da Giulia si alzano)..

Giulia: Ma cosa o l'è che fei voîatri duì...me orrei fa vegnì un scioppon...se a mamma a vè scroviva ean dolori..(Gildo è ancora spaventato e un po' dolorante)

Kim: Che botta...ho o çervello foa rotta...a corpa a l'è de quelle due donne che ean ommi, che se cangian con i me vestì pe assomigià ae ingleisi...e mi nö ghe sto dentro..me vean arröbâ i vestì...ma oua ghe o daggo mi...(Esce di corsa a sinistra portandosi via il lenzuolo,Giulia sistema la tovaglia sul tavolo)...

Giulia: Oh Segnò ca-o..mi ghe l'ho dito a me mamà de nö esagerà a daghe de-e meixinne...speremmo che nö fasse de cose strane...Comme ti ste ti?

Gildo: Che botta..Un po' intontio...ho faeto anche o fantasma..se me piggiava to mamà o vegnivo pe davvei..

Giulia: (Contenta) Ho trovao e ciavi do trattù (Le mostra)...

Gildo: O Giulia, grazie..finalmente posso ripiggià o me travaggio...

Giulia: Te accompagno...e te diò de ciù...se faiemo vedde insemme in sciù trattù..coscì me  mamà se ne faià unn-a raxön..

Gildo: (Felice)..Davvei?? Questa a l'è a prêuva d'amô ciù bella che ti porrieivi fa...(Escono velocemente sul fondo tenendosi per mano)

Scena 9°

(Margareth,Jenny,Pino)

Jenny: Non so come uscire da questa situazione...ogni volta che rilasso i nervi ecco che accade un fatto per farmeli saltare...

Margareth: Ascolta Jenny...resta qui seduta..come vedi non c'è nessuno..che sia frutto della tua fantasia?..La poltrona è una e non si muove..la tovaglia è al suo posto...

Jenny: Non mi credi allora?...

Margareth: Io ti credo...ma i fantasmi non esistono...e poi si farebbero vedere di notte...vado a cercare la signora...le dirò che partiremo questa sera stessa..

Jenny: Non voglio Margareth.. ti sei offerta a starmi vicina e io la stessa cosa con te per la tua delusione in amore.

Margareth: Ok...come vuoi Jenny...vado a preparare un tè...quando è pronto ti chiamo...tu siediti e rilassati...(Esce a sinistra,Jenny tocca la poltrona e poi si siede...nel contempo entra Pino dal fondo sempre vestito da donna)

Pino: Berto o no se treuve, i nostri vestì manco..e o tempo passa...

Jenny: Oh..una signora... buongiorno..

Pino: (Con voce femminile)...Giorno... e sta chi chi a l'è..

Jenny: Prego..(Lo invita ad avvicinarsi,presentazioni tra i due)...Piacere Jenny...(Pino si avvicina le strige la mano e la guarda con sguardo interessato)

Pino: Pino..cioè..Pina......

Jenny: E' in relax anche lei?...prego..si sieda..

Pino: In un certo senso si....(prende una sedia dal tavolo e si siede accanto)...

Jenny: E' con suo marito?...(Pino accenna di no con la testa)..un compagno?..(Stessa scena)...ah...capito..l'amante?..

Pino: No..son con un me amigo..cioè..sono con una mia amica....anche lei donna..cioè..vestita da donna..con la gonna..(Jenny sorride)...Scusi..l'emozione..

Jenny: Stia tranquilla...anche io sono con una mia amica..delusa dall'amore..

Pino: Ah..capisco...e anche io sono un po' sconfortato...

Jenny: Per amore..

Pino: Nö..pe diamanti...

Jenny: Hanno rubato dei diamanti?

Pino: Chi?..noi..si..cioè..a noi no,..cioè si..le galline..aspettiamo che le galline facciano l'uovo..

Jenny: (Sorride)..che simpatica...io invece per una diagnosi quasi sbagliata ad un paziente..che tra l'altro il destino ha voluto che lo incontrassi qui..si chiama Kim..lo conosce...?

Pino: Euh... (Piano) o l'è pe lè che son coscì combinao...sta chi a me piaxe..e mi son vestio da donna...

Jenny: (Si accorge dell'occhio nero)... Che occhio offeso...tutto nero...

Pino: Colpa della Brigida..

Jenny: La sua amica?

Pino: No..una vacca..

Jenny: (Stupita) Ma..non capisco?

Pino: Le spiego...Non ci eravamo mai visti prima..

Jenny: (Interrompendolo)..Primo appuntamento...?...

Pino: In un certo senso...il padrone mi insegna una canzone..perchè a lei piacciono le canzoni...e io ho cercato di imparare una canzone di Jglesias...

Jenny: O si..conosco...scusi..il padrone?..di chi?

Pino: Sci..o Mario...è il padrone di quella vacca di nome Brigida...

Jenny: (Pensando)...ma...

Pino: Insomma..per farla breve ...prima di prendere le mammelle vuole che si canti...

Jenny: (Quasi sconvolta..)...Al primo appuntamento?!!?!

Pino: Si...eravamo nella stalla...

Jenny: Ma questa è una sconceria...

Pino: A me ha detto il signor Mario di fare così...poi...

Jenny: (Si ricompone un attimo sul davanti)...mi scusi..ma che gusti ha lei?..cioè..ognuno fa quello che vuole,ma capirà..questa è proprio una...una....

Pino: Si..cosa le ho detto..insomma..ho sbagliato canzone e lei mi ha tirato un calcio proprio qui nell'occhio...

Jenny: Ha fatto bene...e io chissà cosa altro le avrei fatto...al primo appuntamento...è una indecenza..ma dove è finito il romanticismo...

Pino: Mi ciù de quello..io più di quello non avrei fatto..doppo quello cascio...scommetto che anche lei non avrebbe fatto altro...Non si avvicini alla Brigida senza aver imparato bene la canzone...(nel contempo a destra entrano Margareth e Berto a braccetto, sguardo stupito dei due..Berto è vestito da donna, senza parrucca e con un occhio nero)

Scena 10°

(Margareth,Berto,Pino;Jenny,Kim)

Margareth: Amore..mi sei mancato tanto...ti ho sempre pensato in questa settimana e non pensavo proprio di ritrovarti qui, in mezzo alle galline, vestito da donna e con l'occhio nero che ti ho fatto una settimana fa..

Berto: La sorpresa è stata mia..tesoro...già avevo avvertito la tua voce questa notte...che emozione..avremo tempo e modo di parlare..

Jenny: Oh...Berto..tu qui?..(Vede l'occhio nero di Berto..si avvicina a Margareth che nel contempo si è staccata da Berto..quest'ultimo raggiunge Pino)....Margareth..ti metto in guardia... Berto è stato con una che si chiama Brigida..l'occhio nero è per quello..Anche lei (Indica Pino) è stata con Brigida.

Pino: Ti è sbagliao cansön anche ti eh...(Ride indicando l'occhio)..

Margareth: Berto..è la verità..?

Berto: Si certo...

Margareth: Ma questo è troppo..sono dieci giorni che non stiamo più insieme e già mi hai sostituita..

Berto: Ti giuro che io non ho fatto niente di male..

Jenny: Noo...le ha toccato solo le mammelle..

Margareth: (Inviperita e quasi incredula)..Berto...è vero?

Berto: Si.. ma lo fanno tutti...

Margareth: Questo è troppo Berto...non mi vedrai mai più...

Berto: Che colpa ne ho Margareth...è una mucca e bisogna che si faccia così..almeno o dixe coscì o Mario..il padrone....

Margareth: Ma allora...

Pino: L'avete capito finalmente...è una vacca da latte.

Margareth: (Ride) Allora è tutto perdonato...(Abbraccia Berto)..Jenny...dovrò farti una camomilla e non il tè...per poco non lasciavo nuovamente Berto..

Pino: Berto..in tutto questo remescio ti è ritrovao Margareth...

Margareth: Si..ed è stato un momento bellissimo...e tu sei Pino...vero? (Rivolta a Jenny) Il suo amico..

Jenny: Pino?...ma...(Pino si toglie la parrucca)...ah...ma allora..sei tu il suo amico..il suo complice...Margareth...(Con tono dolce e sensuale)..mi ha parlato molto di te, una volta ho visto una foto...Non ti avrei riconosciuto con quella parrucca.. e ti confesso una cosa...mi sei  piaciuto ...(Pino imbarazzato,Berto e Margareth si guardano stupiti)..cosa ne dici se mischiamo un po' le nostre vite?

Berto: Penso che doppo tûtto ti porrieisci anche remesciate con Jenny...

Pino: (Si fa coraggio)..Ehu...comme nö...come no...si Jenny...remusciemmose un po'...brrrrrr.....

Berto: (Ride)..Tûtto merito da Brigida...a vacca eh(verso della mucca)

Kim: (Entra truccato sul viso come gli indiani in guerra, tiene in mano la mannaia)...Chi o l'è che pigge in gio a vacca...nö dovei permettivelo..a vacca a l'è sacra...voîatri duì..modelli de me scarpe...leveve i vestì..orrieisci portali via perchè ei sacciu che o ghe veu un muggio de palanche pe catàli...

Berto: Saià megio telà subito e de corsa!

Jenny: Calmati Kim..Prenditi un calmante..

Kim: Ho svuao l'armadietto de-e meixinn-e...deme subito i me vestì...orrei robameli pe fane di dinae..ma son i mè!!!  Spoggieve!!!  (Incomincia l'inseguimento, dal fondo nel contempo entrano Lella e Mario che assistono alla scena,escono a destra Pino, Berto seguiti da Kim, poco dopo rientrano, per ultimo Kim ed escono a sinistra, si uniscono Margareth e Jenny)

Scena 11°

(Lella, Mario,Giulia e Gildo)

Lella: T'ou lì...ciuccheton...ti doveivi staghe derè ao Kim... oua chissà cose o combinne..

Mario: (Avvicinandosi all'uscita di sinistra)..Ma mi che corpa ne ho.. comme coran in to campo...speremmo ben...ammia..han piggiao kim...ou ligan comme in salamme...

Lella: Vanni..vanni a piggialo...pe quello nescio seriemo a baracca..(Si sente in esterno il rombo del trattore che si avvicina... e poi a seguire rumori di secchi che cadono, legna divelta, galline che starnazzano ecc..)..O terremoto..(Poco dopo dal fondo entrano, con vestiti strappati in alcuni punti, anneriti in volto, Gildo e Giulia...un po' barcollanti..Giulia tiene in mano un cestino di uova, Gildo l'orologio di Mario)...Giulia..cosa o l'è successo..e cose o ghe fa sto scignöro chi drento..foa da casa me...

Mario: E finiscila..a momenti o me vegne in infarto e a l'ha ancon a forza de crià!!!

Giulia: (Un po' sconvolta)..Mamma...calmite...sentime...Gildo o l'ha destruto o recinto de gallinne..ghe semmo finii drento con tûtto o trattù..tegni e êuve..(Lella prende il cestino)

Gildo: Scia scusan..ve-o rimetto sciù in poco tempo....quarche d'un o l'ha taggiao i fren...e o no ghè staeto verso de fermalo.....o relêuio sciò Mario..l'ho trovao chi a vixin...(occhiata di intesa con Giulia, dà l'orologio a Mario)..

Mario: Oh..e mi che pensava de aveilo perso pe sempre...grazie Gildo..ma dì.. o me relêuio...(Se lo infila...nel contempo Lella ha guardato le uova nel cestino)

Lella: Ma chi se ne frega do teu relêuio..ammia, son quaexi tûtte rotte ..(rimane stupita alla vista dei diamanti dentro le uova)...E cose o l'è che brille..(estrae un diamante e lo mostra)..un gioiello..(si avvicinano a guardare)..ammia chi un'atro..un'atro ancon..

Giulia: E mia questo..enorme...o ghè pin de gemme..Emmo e gallinne da-e êuve d'öu!!!

Mario: M'aveivan dito che o l'ea un mangimme speciale..(Giulia si stringe a Gildo)..

Lella: (Contenta e con il sorriso in volto dà una pacca sulle spalle a Gildo)..Eh..mi l'ho sempre dito che o Gildo o l'ea in bravommo...un che o mie solo o travaggio (sguardo stupito di tutti)

Mario: Ti?

Lella: Sci..mi..(Si avvicina a Mario)..perchè ti o sciò Gildo, nö ti l'è mai poscio vedde..

Mario: Mi?

Lella: Sci, ti.. perchè se o nö fuise staeto pe mi, ti ao Gildo nö ti ghe lavieisci mai lascià nostra figgia …e quante votte t'ho dito de invitalo a mangià chi da noîatri, ma ti ninte...

Mario: (Sempre più stupito) Mi?

Lella: Sci..ti...proprio ti... e nö me sta ciù ad angoscià ..nescio..

Mario: Alè..cominçemmo torna...O me sa tanto che o pezö dovià ancon vegnì!!

                                               (si chiude velocemente il sipario)....

                                                                       ..FINE DELLA COMMEDIA...

Euge... gennaio/febbraio 2013...