On diavol par marì

Stampa questo copione

ON DIAVOL PAR MARI'

ON DIAVOL PAR MARI'

Scherzo in tre atti

di  GIULIANO MANGANO

La scena rappresenterà per tutti  e tre gli atti un  salotto di  modesta eleganza di una  famiglia piccolo-borghese.Nel  fondo la comune  ed  una finestra, sul lato opposto alla finestra una credenza, sotto la finestra un divano, al centro un tavolo e un paio di seggiole. Da un lato ci sarà la porta che conduce nel salotto.

Il prologo rappresenterà l'inferno, con nel mezzo un trono.

                       DRAMATIS PERSONAE

            PAOLINO MOIOLA, ul spos

            FRANCA, la miee

            RINA, mama dol Paolino

            MYRIAM, sorela dol Paolino

            LUIS, on amis

            LELLA, ona amisa

            MARIA, la suocera

            JOSEPH FRANZ KUSTLY, profesor de psichiatria

            DON SANTE DRAGONE, cerusigh

            CONSUELO, colf

            BELZEBU', diavol de segonda categoria

            LUCIFERO

PROLOGO

(Lucifero -Belzebù)

                        Lucifero

A ghè on quaicoss che  'l quadra mia. Da on  poo de temp in  scià ol  mè inferno al sa riempiss pù come 'na volta.

                        Belzebù

La sarà  la  crisi,  come  se ciama,  demografica.  Tasso  di  natalità: sotazero.

                        Lucifero

Credi no. Anca  parchè i  oman - i  mas'c, voeuri  dì - a  vegnen giò  a frott.

                        Belzebù

E alora se te ghet cos'è de lamentass?

                        Lucifero

Hinn i donn che se  fann pù vidè da chì  part chì! Suìtan  a diminuì  in continuazion.

                        Belzebù

Ona, come se ciama, crisi de vocazion, donca.

                        Lucifero

L'è propi inscì. Hinn passà chi bei temp dol Medio Evo, quand gavevi  la supremazia su la maggioranza di donn.

                        Belzebù

Vera. Da quand ghè sta scià, come se ciama, l'inquisizion, i donn a te i hann gremà su tucc: strij e mia strij...

                        Lucifero

E pur, in quel  secol chì, con  tutte le  femministe che ghè  sta su  la terra, i donn a hinn comincià a vegnì giò in gran quantità, comè in  dol Medio Evo. Seri adrè a ciapà 'na bella rivincita in confront de quel  de su là... e inveci...

                        Belzebù

E inveci?

                        Lucifero

E inveci i sondagg a disen che mò la mia personalità l'ha gà avù pres  a i donn on calo dol 40%... Ehi! disi! dol 40%!

                        Belzebù

Cert che se se va avanti, come se ciama, inscì, a ghè de sta fresch!

                        Lucifero

L'è ben par quest che ho pensà a tì... In  primo luogo perchè tì te  set amis de tutti i professoroni de  informatiga... e perciò te set  pratigh de numer, de percentual e de sondagg... In secondo luogo tì te ghet  ona gran esperienza, se me sbali no, de donn e de cose amorose...

                        Belzebù

Quest l'è vera!  Sont ol  guardiano dol girone  de gli  amanti! (  breve pausa) Donca, se devi fà?

                        Lucifero

Va' in su la terra, ciapa on bel giovin  tra quei ch'hinn semper adrè  a pensà de mazass a causa di donn, prometigh tutt quel ca'l voeur e  cerca de fà on inchiesta ben fada. Inscì podarò finalment savè perchè ho perdù on mucc de simpatij pres i donn. Adess va'. Perd mia temp.

                        Belzebù

La toa volontà l'è anca la mea!

                        Lucifero

In bocca al lupo!

                        Belzebù

Ca'l crepa!

ATTO I

scena prima

( Paolino - Madre - Myriam )

( Paolino entra in scena  rincorso dalla madre e  dalla sorella.  Compie due o tre volte il giro del tavolo)

                        Paolino

Mì a ga  la foo  pù. A l'è  ona sofferenza  troppa granda.  Voeuri  fala finida e par sempar!

                        Madre

No! Paolino no! Par amor de la toa mama!

                        Myriam

No! Paolino no! Par amor de la toa sorela!

                        Paolino

Sì! Paolino sì! Par amor de la Franca!

                        Myriam

Sù! Fatt coragg! Trass giò inscì l'è inutil: è inutile, dico. Te ghet on fioeu matt!

                        Madre

L'è tutt ol sò papà! Da mì l'ha ciapà nagott!  

                        Paolino

E già! L'è bell parlaa quand s'è mia provà...

                        Myriam

Oei! disi! Te set propi  matt in dol  coo! Possibil che  ona sottana  la  t'abbia traj inscì scemo?

                        Paolino

Te riesset no a capì quel che  gò chì in dol mè  coeur! A me par che  te l'abbiat mai provà  se 'l voeur dì vess innamorà...

                        Madre

A mì me par che l'amor al t'abbia annacquà ol cervell!

                        Paolino

Sì: Va  là! Annacquà  ol  cervell...! Te  dovarissat capì  inveci  cossa proeuvi dentar de mì, dopo che la Franca, per l'ennesima volta, la  m'ha refudàà la soa mann...La ma voeur no, la ma voeur no... Me par de rivedè la scena.... Intant che s'eromm  adrè a specià la  corriera... la  enne, quela dol vial  Belfort: che coincidenza...s'eromm  lì, visìn  visonent, che  quasi  quasi  se  usmavom   ol  fiaa...  mì   ghe  disi...in   buon italiano...senti Franca mì sont cotto de tì...E lee che la m'ha faa: va' là, Paolino, cata mia  scià di  storij...lassa buj che  l'è mej:  restom amis e basta...Gò  mia voeuja  de impegnam con  tì... (sconsolato  )  Te savessat, cara mamma, ol mè coeur come l'è  andà sù subit de gir!  Tanto che, varda, l'è conscià e sbattù pegg d'ona resomada...

                        Madre

Va ben, capissi! Ma chisti chì in robb che prima o dopo passan... 

                        Paolino

Franca! Franca! Parchè te m'è lassà? Al so che adess te ghe stet adrè al Ricardo, perchè lù l'è bell, l'è fort, l'è pien de danè fina al cupìn...

                        Myriam

Via! Ghè mia domà ona Fanca a sto mond chì! A disen i statistich che  on omm al gà a sua disposizion nientemen che sett donn...

                        Paolino

Ball! Hinn tutt bal  i statistich!  Mì sarò l'eccezion  che conferma  la regola...

                        Madre

Te devet savè che i donn a hinn come i taxi: te ne perdat vùn, riva scià subit quall'alter...

                        Paolino

Sa l'è par quell, mì sont semper rivà a cà a pè!

                        Madre

( tenta di rubargli la rivoltella)

Damm a mì quell'arma, prima de fass mal in sul seri!

                        Myriam

Obediss a la mama! Dai!  Se de no, te  me obligat  a mett in  sù la  toa tomba perfin on  epitaffio,  che al  sonerà pressapocch  inscì....stà  a sentì...qui giace ol Paolìn Moiola, che invan seguendo ona sottana,  s'è sparato un colpo di pistola, dimostrando a voce e per iscritto d'essersi del tutto rinciulitto!

                        Paolino

Via! Se da no ve mazzi anca vialter!!

                        Myriam e Madre

Ah!

( Myriam riesce a strappargli la rivoltella)

                        Paolino

Ridamm la pistola!

                        Myriam

No!

                        Paolino

Ridamm la pistola, t'ho ditt!

                        Myriam

A mì me par che te set già tì on pistola!

( dopo una breve collutazione Paolino riesce ad impossessarsi nuovamente dell'arma)

                        Paolino

L'è inutil! Se me lassè no mazamm, farò on sproposit ammò pusseè grand!

                        Madre e Myriam

Sares a dì?!

                        Paolino

( puntando il revolver verso il pubblico) A mazzi tucc! A mazzi! (Nella collutazione che segue parte un  colpo di rivoltella) ( la  scena si oscura)

scena seconda

( Paolino e Belzebù )

                        Paolino

( Il dialogo  si svolge  solo tra  Belzebù e  Paolino. Madre  e  sorella rimangono immobili per tutto il tempo, come svenute)

Oh! Signor Madona! Te set già chì a toeumm!?

( si rianima un po' )

Ma mì sont nammò da morì!

                        Belzebù

Al soo che te set nammò mort. Del rest, chì semm in cà toa, minga,  come se ciama, nella palude stigia...

                        Paolino

( ebete ) L'è propi vera ...( si guarda attorno ) A l'è la mè cà! Lì ghè la mia mama, povera mama! E lì la mia sorella...

                        Belzebù

Dunque: venendo a  noi... Tì  te se domandaret  come mai  ol Belzebù  in persona al sa sia scomodà, come se ciama, par vegnì da tì...

                        Paolino

( ancora un po' ebete ) Mì me domandarò... come mai...

                        Belzebù

La mea presenza chì, in cà toa, la voeur vess, come se ciama, ona visita de affari, de interess... de interess in affari...

                        Paolino

( inizia a riaversi ) Oh bella! Ma che interess al po avegh on demoni do la toa fatta per la mea persona? Riessi mia a capacitamm... E poeu... mì sont on fioeu religios... hoo persina faj ol cereghett da piccol!

                        Belzebù

Comprendi ol tò, come se ciama, sbigottimento inizial, ...In effetti l'è mia da tutti i dì trovass in cà on demoni come mì...

                        Paolino

Infatti...Infatti...Gò bisogn d'on  attim de  ripensament... Specia  che voo a toeu on quaicoss  de fort par pudemm tiraa  sù... ( si  alza )  Te podi offrì anca a tì  on cichett? Gò chì  on amaro...! L'è  ona roba  de frà, ma scometti che la te piasaria anca a tì!

                        Belzebù

Portal scià che  'l proeuvi...  anca se in  servizzi podaria , come  se ciama, no bevv...

                        Paolino

Al t'ha po  mia faa  mal...Oei! Mì  so  no come  faghen a  fal...Ma  l'è talment bonn! Quand al t'ha va giò al par  che in di busecch, insema  al liquor, te gabiat mandaa giò  ol demoni....Pardon...Del rest,  se sa,  i fraa e i donn ne sann vùna pussee dol demoni...

                        Belzebù

( tra  il  divertito  e  il risentito  )  Ades  se  ved  che  t'è  passà completament, come se ciama, ol stremizzi...

                        Paolino

Se faa par  dì...senza offesa...  se  capiss! (  beve avidamente  e  con rumore ) Ades che hoo tirà sù ol  fiaa, spiegass mej, voeuri propi  savè ben ol motiv do la toa improvvisa comparsa in cà mea...

                        Belzebù

Il mio interessamento, come se  ciama, alla toa persona,  al dipend  dal fatto singolare  che t'è  capità   e  che 'l  t'ha portà  sull'orlo  dol suicidi...

                        Paolino

( sospirando ) Eh!

                        Belzebù

I traversij che t'è passà, i tò come se ciama, conflitti intestini, i tò travaglij, come se ciama, amorosi...

                        Paolino

( al pubblico ) Come al parla ben: sentì, gent! al par on avocatt,  'sto demoni chì! On politigh, talment al  te incanta...! Quasi, quasi... (  A Belzebù ) Ma a mì m'è passà la voeuja de suicidamm...

                        Belzebù

( secco ) Beh! Se t'è passà la voeuja, addio! Sarom sù bottega e ol come se ciama, l'affari al se  faa no!  Tanto ghè  sempar on quaivùn sù  'sta terra che  al vurarà  suicidass,  come  se ciama,  par  amor:  Andrò  da lù...L'è mia nemmen difficil troval: ol mond l'è pien de Jacopo Ortis  e de Werter, genìa de matt!

                        Paolino

No,no! On moment! Disevi inscì  par dì!  Vidèmm prima de  che affari  se tratta. Vist che te set  scomodà par mì, cùntom  sù la rava  e la  fava. Voeuri  mia  piantà  garbùj  par  nagott...  Mettom  al  corrent  do  la situazion, inscì  podarò anca  mì  faa i  mè  pass, vidè  ol  pro  e  ol contra... e de conseguenza tirà la somma final...

                        Belzebù

Bravo! Inscì  te me  piaset! Te  parlat,  come se  ciama, come  on  vero varesott: quand se tratta de  faa sù i cùnt in  tuta oregia e ghe  scapa nanca on cavorìn!

                        Paolino

I afari hinn afari, se sa...

                        Belzebù

E vegnèm ai nostar de afari, alora...Dunca: ol mè arriv chì in casa  toa al dipend appunto da on  afari, come se ciama, da  ona specie de  patto, fra mì e tì...

                        Paolino

Calma, scior demoni! I patti col diavol me sann tant de gremà... A mì me par, caro ol mè Belzebù, che cont tutt i tò "come se ciama" te set  adrè a fammm pirlaa par ben...Inanzitutto,  poeu, la faccenda  dol patto  l'è ona roba vegia come ol  Carlo Codega... Sa la gà  de dì tutta sta  gent? L'è vegnuda chì credendo de vidè ona bella novità e inveci la sa troeuva in dol piatt ona minestra  super riscaldada...In segonda,  se me  sbagli no, la faccenda dol patto, come te sevet adrè a dì tì, l'è ona  tragedia e mia ona commedia... A ghè ona bella diferensa crepaa in d'on fiumm  de lacrimm - che te sgorghen giò a fiott quand te asistat a ona tragedia  - puttost che crepà in on lagh de pisa - che te riessat no a tegnila  d'ol ridd che te fann faa  i comedi brillant -. Sicchè  mancaria anca de  faa piang tuta sta gent e alora sì che podarissom scapaa giò  all'inferno... e sensa bisogn de faa di patti da nissùn genar...

                        Belzebù

Ma se  te me  lassat  mia  finì  de parlaa,  sa  spiegom  pù,  benedetto fioeu...Adess capissi, sia detto tra parentesi,  come mai tì te siat  on tipo, come se ciama, sfortunà cont i donn, le quali te voeuren mia, come se te fudessat on lebbros...Sfidi mì...cont tutta  la toa lapa a te  ghe robet ol mestè...

                        Paolino

Mo' tasi... Parla tì!

                        Belzebù

Ben! Ol patto de cui parlavi, prima che tì te me intorrompessat cont  ol tò sproloquio insensà, l'è mia de queij  che te credat tì...Ol patto  al consist in quest: mì vegni dentar, come se ciama, in dol tò corp... e tì te podaret faa toa, e par sempar, la Franca, per la quale, pochi  istant faa, te serat adrè a suicidass...

                        Paolino

A conti fatti, me par, che gabbia  nagott da perd... Anzi... Te  voeurat nanca la mea anima...

                        Belzebù

No! Quela no!  L'anima d'on  pistola che se  mazza par,  come se  ciama, amor, la ma interessa mia...

                        Paolino

Ma ... te staressat dentar tanto in dol mè corp?

                        Belzebù

Starò dentar ol temp necessari, fin  quand, come se ciama, avrò  risolto la mia inchiesta... Per quanto riguarda ol rest, come se ciama, te devat mia preoccupassan...

                        Paolino

Come se ciama, come se ciama, come se  ciama... E no! Diavol bestia!  Me preoccupi sì, e come! Caro ol mè diavoletto bello!

                        Belzebù

Belzebù... par vess in del giust! E poca confidensa!

                        Paolino

Belzebù sensa confidensa, va ben inscì? Te credat propi de fammm  zurlaa in dol manigh come te voeurat tì? Solo parchè te set on angiol - sia pùr de segonda categoria, e infernale par giunta - e mì inveci domà on pover innamorà sensa speransa e sconsolà...

                        Belzebù

A te set da catà, come se ciama, cont la moeuja rossa, tel disi mì...

                        Paolino

Se ghè de  faa on  patto, i robb  a van  s'ciarì bell'e che  subit:  mia trovass, par cas, e a conti fatti cont ona man  davanti e ona in sul  de drè!

                        Belzebù

( risentito) Basta! A voo! Hoo mai vist in gir de tipi come tì! Cosa  te credat cos'è? Che sont vegnù chì par imbroiatt? Te sa fidat no da mì?

                        Paolino

Insomma...

                        Belzebù

D'accordi... Gò no ona fama, come se ciama, da onest... però me par  che te esagerat on cicinin ...Via...!

                        Paolino

Te me devat comprend... A m'è mai capità ona roba compagna...

                        Belzebù

Beh! Va'! Femm finta de nagott...

                        Paolino

Naturalment, la Franca la sarà tutta mia...e...par sempar!

                        Belzebù

Naturalment!

                        Paolino

Alora ghè stò!

                        Belzebù

enissim. Destendat giò  chì in  sùl divan che  foo, come  se ciama,  ol trapasi in dol tò corp...

                        Paolino

Oei! Calma,  calma...Come distendat  giò?  In che  modo al  vegn  sto  (imitando )...come se ciama...trapassi?

                        Belzebù

Attravers, come se ciama, ona penetrazion...

                        Paolino

Penetrazion?

                        Belzebù

Dol tutt spiritual, se l'è quest che te preoccupa... e indolor...

                        Paolino

Me preoccupa sì...

                        Belzebù

Ma, ripeti, se tratta de roba tutta spiritual...de pùra materia, come 'l dis ol scior Aristotele,  imità poeu  anca dol Alighieri  Dante, che  al riguardo de fantasia ghe ne mancava propi no...

                        Paolino

Ma semm sicuri? Mia dopo de trovaa ona quaj sorpresa?

                        Belzebù

Dai,dai! Parola de Belzebù...( spazientito ) L'è ona roba tutta de  come se ciama, spirit, inocua... indolor... dai!

                        Paolino

Ma...ma...Sperem in ben...Varda l'amor se'l te fa faa!

                        Belzebù

Tass, ades! Cala che  l'esperiment al falissa....Concentrass,  sù! A  te set bon de concentràs?

                        Paolino

Sì...( incerto )...Sì...

( Si spengono le luci, s'ode un botto ed un urlo. Si riaccendono le luci e Belzebù è scomparso )

A mì mepar d'avè fà on brut sogn...seri lì cont la rivoltella in di mann e ...ma  l'è  stà  on sogn  o  l'era  la  realtà? (  pausa  )  On  sogn, certament...Stà attent che ol demoni  in persona al se  scomoda par  mì, par tiramm  foeura dai  pastizzi  che me  sont cascià...e  dai  pastizzi amorosi par giunta...( pausa) Epùr, l'era on sogn ma al pudeva vess anca la realtà...No,no! L'era on sogn.. Ma...gò ona specie de sensazion...ona roba, come spiegamm?, dentar chì...in dol mè corp...( pausa ) Oh Signor! Sta attent che l'era mia on sogn...ma ol Belzebù in persona, tal e  qual ...( pausa )  Oh,già! Cosa sont  drè a  dì mai? Sperem  che m'abbia  mia sentì nessùn, se da no  ma ciapan par matt...e me  portan drizz drizz  a Bigioeugiar... ( rivolto al pubblico  ) E vialtar fee finta  de mia  avè sentì ona stupidada compagna, scancelè  tuscoss, scancelè in  pressa...( fa il gesto del cancellare  ) Pover Paolin, cone  te set  conscià! ...Che raza de scherzi  al te fa  faa l'amor!  Al fa immatì  anca on  sant!...( pausa) Epùr...epùr...me senti ammò i  busecch risciass, come  se in  dol ventar gavessi on gran foeugh, on foeugh infernal...O mama! ( spaventato ) ades regordi...Regordi ben!Sì!...A l'è  mia stà on sogn, ciombia!  L'è roba de tra via ol coo! Che stupidada l'è ch'hoo  faj? ( pausa ) Ma via! Comincia no...! Lè stà tutt  on sogn,  dai! Anca chi  sciori chì...(  al pubblico)  a  podan   confermaa...che  l'è   stà  on...   a   confermann nagott! ...anzi...paren   stremì   anca   loor...come   mì...   pegg   de mì... donca!?... Calma, calma e gess! Vedemm  on poo de ricapitolaa  tutta quanta la borlanda...! Mì seri chì...No  chì...!  Ecco, inscì!  ben!...Cont ona  rivoltella  in mann......( si guarda in giro e scopre  che il revolver è ancora  posato sul tavolo, come dimenticato ) Eccola,eccola!...Ol corp dol reato! ... e la mea  mama la  me  diseva...  e  la mea  sorela  la  ma  inseguiva.... D'improvvisa on colp... de rivoltella,  sì de rivoltella...e me se  para

davanti on diavol... intutta la soa maestà, in tutta la soa possanza, in tutta la soa pompa magna... con ol trident in mann... ona spusa de  rost brusà... e...e...al me parlava  d'on patto... a  mì... Paolin  Moiola...

d'ona proposta... d'on affari... d'ona  penetrazion...e in cambio...  in cambio...Oh! Signor?! L'è vera? Cossa  hoo mai faa? Paolin  dimm ca  l'è mia vera...! ( pausa )... L'è vera!...Purtroppi l'è vera!

( La madre e Myriam si svegliano )

                        Madre

Ehi! Se te fet cos'è col revolver in di mann?

                        Paolino

(stordito) Nient! Nient!

                        Myriam

E alora metal via che te podet fas maa...

                        Madre

Pensa che ho sognà che te serat adrè a mazass

                        Paolino

Podi no mazam, ades...Ho ciapà on apuntament...

                        Myriam

E con chi?

                        Paolino

Con la Franca, no?

                        Myriam e Madre

Con la Franca?

                        Paolino

Sì, parchè?

                        Myriam

Te set cert?

                        Paolino

Come no? Ma l'ha ditt ol come se ciama...

                        Madre e Myriam

Ol come se ciama...?

                        Paolino

Nient! So mì e basta!

                        Myriam

Te set matt

                        Madre

L'amor al gà travià ol cervell

( campanello )

Scena quarta

( Luigi e detti )

                        Paolino

( mentre madre e sorella si rimettono  un po' a posto, guardandosi  allo specchio. Suona di nuovo il campanello )

Ma andè no a dervì?

                        Madre e sorella

Be!? Ol temp de mettas on poo in ordin!

                        Paolino

Ma vardei lì! E poeu a dann dol matt a mì! Par andà a dervì a deven  faa la toilette!

( Paolino va ad aprire)

A vegni...a vegni...Che pressa ghè? Chi l'è?

                        Luigi

(d.d.) Sont ol Luis!

                        Paolino

(al pubblico) Che  ol Belzebù  a l'abbia sbaglià  persona? Mì  speci  la Franca mia ol Luis! (pausa) Vegn, vegn avanti, Luis, cosa te me contet?

                        Luigi

Gavarissa in di mann on affari de quej...

                        Paolino

Al sarissa ol segond incoeu...

                      Luigi

Se te ditt?

                        Paolino

Nagott...! Parlavi in de per mì...Ma... se tratta de affari dove ghè  de ciapaa o ghè  de daa via?  Parchè mì  de dà via...basta...  sont già  mò stuff!

                        Luigi

De ciapaa e de daa via in del medesim temp...

                        Paolino

E no! Te me la contet mia giusta! o al ciapi o al doo via! O sont chì  o sont là: podi no vess chì e là in de 'l medesimo  temp!  Gò mia ol  dono de l'ubiquità! Me sa che l'è mia ona proposta de quej giust la toa...

                        Madre

Stal a sentì prima de refudaa...! Conta, conta!

                        Luigi

Se tratta de  costituì ona  società, sensa fini  di lucro,  almen sù  la carta, e in on primo moment...dopo, in seguit, on quaj franch al podaria scapà giò in la sacogia...

                        Myriam

Domà on quaj franch? L'è on poo pocch!

                        Luigi

Ma hoo ditt che se tratta de ona società sensa fini di lucro... al voeur dì che ol guadagn l'è  pressochè moral...Infatti, pussee  che altar,  la società  l'è  destinada  alla  divulgazion   e  volagarizzazion  do   la

psicanalisi in genar e do la psichiatria in specie...

                        Myriam

E parchè t'è  pensà propi  a nùm? Te  ciapà la  nostra famiglia  par  on manicomi?

                        Madre

Al par però che l'è rivà in d'on moment giust

                        Luigi

Lassè a buj chi robb chì! Cossa tirè foeura mai? L'è ona società mia  on manicomi!

                        Myriam

Già! parchè t'è mai provà cossa al voeur dì vess iscritt a ona società!

                        Luigi

Parchè tì te ghet esperienza d'ona quaj società, divolt?

                        Myriam

E come! Te  se regordat pù  che s'eri  iscritta, on quaj  ann faa,  alla società filodrammatica "Buvisiense"?

                        Luigi

E cont quest?

                        Myriam

Beh! Se l'era mia on manicomi quella filodrammatica lì, mì so no se  l'è on manicomi!

                        Luigi

Ades  va  mia  a  toeu   la  filodrammatica,  che  te   vet  foeura   de argoment...Stemm in tema...Anca parchè la società che ve proponi mì  l'è da tutt'altar genar... Alora Paolino se ten disat?

                        Paolino

Ma mì...insomma...propi al savaria no...devi pensagh sora...

                        Luigi

Tì te set sempar incert in di robb...A l'è  on vero afari quest chì!  Sù ...dimm de sì...!

                        Paolino

Ma... in sto moment...l'è mej rimandà la question...Proeuva fra on  para da mes... quand  me sarà  andà in  port on  altar de  afari...  alora... forsi...ades podi propi no!

                        Luigi

Sent: te set sa foo?  Voo a ciamaa ol  professor, che al  saria poeu  ol president do la società... Te  foo parlaa direttament cont lù,almenn  te se convinciaret de l'importanza e dol scop benefich e divulgativo  d'ona simil società... Va' ben inscì?

                        Paolino

Va ben!

                        Myriam

In sto moment chì ol Paolino l'è on po foeura de testa

                        Luigi

Me sont corgiù. Ben! Arrivederci! Torni col professor...               

(Madre e Myriam accompagnano all'uscita Luigi)

                        Paolino

Arrivederci... Fra on para da mes...

Scena quinta

(Paolino, Franca)

                        Paolino

(rimasto solo in scena)

Speremm che 'l  sia vera  quel che 'l  m'ha ditt  ol Belzebù,  parchè  i effett dol patto ammò se veden mia... ( campanello)

( Paolino rimane un po' incerto, poi va ad aprire)

                        Franca

( entra )

Meno mal che te set ammò viv, Paolino! In carne ed ossa! Te'l chì ol  mè bel Paolin! ( lo abbraccia e bacia )

                        Paolino

Sont ammò viv, in carne ed ossa...l'è  vera...Ma se te speciavat on  poo ammò te me trovavat in brugna, mia chì!

                        Franca

Dì no inscì!  Dì no  stupidà! E  lasa  che te  guardi, Paolino!  Che  te rimiri! Come te set bell! Ma... che stremizzi che te me faj ciapà!

                        Paolino

Stremizzi!? e de cossa?! Dato che mì a te interessi no!

                        Franca

Via, Paolino! Quel che ghè stà ghè stà! Bisogna cambiaa la sonada...

                        Paolino

Speremm che la cambia in mej...

                        Franca

E come la podaria cambiaa se no? Ol don Antoni al m'ha accennà...

                        Paolino

Oh! Che ruffian!

                        Franca

No! La faa par  ol tò ben!  Al m'ha  ditt che te  vorevat suicidass  par causa mea...oh!  Paolino...No!...Podevi  no avegh  in  sol  stomigh  ona siffatta responsabilità... e alora sont  corsa chì, come te  vedet...par impedit ona matucada compagna...Pardonom, Paolino...  A l'è sta tutt  on sbalij ... Me sont lasada tra via dai mercedes, dai danè, dai vill...  Ma mò sont chì... Te me voeurat ammò, Paolino? Te voeurat la toa Franca?

                        Paolino

E come no. Ho fa tutt on popò!

                        Franca

Se te faj cos'è?

                        Paolino

On popò!

                        Franca

Sares a dì?

                        Paolino

On macell, on rebelott, ona confusion...

                        Franca

On bordel...

                        Paolino

Sssst!... Se disan no sti paroll in teatar...

                        Franca

Fa mia ol sant ades!  Che 'l sann tucc  che te daresset  via l'anima  al diavol par otegnì ol to scopo!

                        Paolino

Chi te l'ha dì?

                        Franca

Cos'è?

                        Paolino

Che hoo vendù l'anima al diavol

                        Franca

Ma nissùn, no? Hinn parol ca sa dis inscì, già bel e che faa

                        Paolino

Meno maa! (al  pubblico) Anca  parchè mì  hoo vendù  domà ol  corp,  mia l'anima. Sont mia scemo!

                        Franca

Se te ghet da borbotà in de per tì?

                        Paolino

Nient! Ogni tant, me pias parlà on poo de per mì!

                        Franca

Ma ades ghe sont chi mì! Te podat parlà con mì! Te me voeurat già pù?

                        Paolino

Certo che te voeuri! Vegn  chì! ( si abbracciano di  nuovo, effusioni  a soggetto ) ( campanello ) (proseguono  come se niente fosse nelle  loro effusioni) ( campanello) Al dev vess ol  Luis col sò professor di  matt. Andemm de là che chichinscì  ma vedan e ma  sentan tucc, e  mì, come  se

ciama, sont on fioeu vergognos (via)

scena sesta

( Madre, Myriam, Luigi e prof.Kustly )

                    

  Luigi

Vist che sij come sant  Tomas, v'hoo portà  direttament dall'Austria  ol professor,  dotor,  Joseph  Franz  Kustly,   laureà  in  psichiatria   e psicanalisi, membr  effettiv  do  la Real  Casa  Accademica  Viennès  di Scienze Naturaj, Umanistigh, nonchè president de la Società de...

                        Myriam

Basta! Hoo capì. Fermes chì se da no tiromm nocc!

                        Prof. Kustly

Molto onoraten  de  faaaare fostraaa  conoscienziaaa!  (batte  i  tacchi sull'attenti )

                        Madre

Onorata anch'io me! (inchino )

                        Myriam

Onorata! Ja!

                        Professore

Mio sekretario cvà Luighìn Cossaaa...

                        Luigi

Cosa, professor, Cosa, cont ona esse domà

                        Professore

Cossa, cont ona  esse domà...   dire che  fostra inlustrissima  siknorìa folere conoskere pene, ja, fondazione tella nostra socìeta  Psico-Psica, und volere spiegazionissime supitissimamente,etceteràààà, etceterààà...

                        Myriam

Insomma...Lù che l'è on luminari  de la scienza, che al  me illumina  on cicin anca a mì che sont domà perita aziendal...

                        Professore

Par exempi?

                        Madre

Ghem no ciar...non abbiamo  ciara la storia  de la  pisichiatria...Che'l favorissa ona spiegazion, rasionale, analitica e sufficiente...

                        Professore

Essere proprio par  la ciarezza,  ja,  che der  sekretario und  io  dare spiegazione. Nostra socìeta, ja,  essere molto importante,  ja, dato  il casso...

                        Luigi

Il caso, il caso, cont ona esse domà, professor...

                        Professore

Il casso,  cont ona  esse  domà, dicefo,  d'una  fita  quotidiana  tanto farnetica, ja, quanto stressante, ja!

                        Madre e Myriam

Ja! Ja!

                        Professore

In cvesto  frankente,  ja,  noi  raccolghere  fonti  ti  tenaro  par  la difulgazione...

                        Madre

E quanto la vegn a costà la raccolta dei fondi?

                        Professore

On milione a cranio, ja...

                        Myriam

Ciombia! E hinn afari segond lù?

                        Professore

Ma se tratta... (colpo di tosse) ja, essere soci fontatori, ja!

                        Madre

Pussee fondà d'inscì...!

                        Professore

Ma per il pene dell'umanità......

                        Myriam

Sul bene, ol bene (rimarcato), de l'umanità sont d'acordi...Ma ol  fatto l'è che par  ol moment  ghem mia de  milioni da  buttà via...Amici  come prima, scior professor...

                        Luigi

Ma ghè no ol Paolino? Magari lù...

                        Madre

Tira mia dentar ol Paolino in di pastizz, me raccomandi! T'hoo ditt  che l'affari al se conclud no ...Quindi ciao tencia!

                        Professore

( visibilmente risentito ) Se fostra siknorìa non folere concludere, ja, io antare: und afere àltri impegni pussee importanti. Audfidersen! (via)

scena settima

( detti, Paolino, Franca e Maria )

                        Luigi

(rincorrendo il professor  e poi  rientrando) Ma professor  ca'l  speta, ca'l vaga mia via inscì.  (alle donne)  Al s'è rabbià.  Mah! Me  dispias propi che avì mia conclus l'afari...par mì avì fa mal...

                        Madre

Semm in boleta, caro ol mè Luis...

                        Paolino

(rientrando) Ho sentì  parlà de  afari... Ghe n'avarìa  vun anca  mì  de afari..

                        Myriam - Madre

Quale al saress?

                        Paolino

Sti chì e sentì (esce un secondo e rientra con Franca) Te chì ol mè affari! ( meraviglia di tutti)

                        Luigi

Oei! A quand i binis?

                        Madre

Me par che sa cora on poo tropp!

                        Paolino

Quest l'è giust... ma intant podom festeggiaa ol fidanzament...

                        Franca

Paolino!

                        Paolino

Franca!

                        Luigi

( al pubblico ) Che bela cobia de colombi! E come cipissen ben! ( campanello ) ( Myriam va ad aprire, mentre i due continuano a soggetto nelle loro effusioni )

                        Maria

( entrando di furia ) Ah! T'hoo trovada finalment! E in che post te  set daja giò! Ma come? Ades te ascoltet pù nanca  i consili do la toa  mama? Quanti volt  t'hoo  dit  de  mia frequentà  certa  gent?  Certi  pioeucc diseredà?

                        Madre

Via! La nostra la sarà ona cà da povaritt! Ma dignitosa!

                        Myriam

Brava!

                        Paolino

Sont mia on pioeucc come la voeur faa cred!

                        Myriam

Bravo!

                        Franca

Ma...

                        Maria

Ma cossa?  Te voraressat  mia dì  par  cas che  te set  innamorada  d'on piogiatt simil? ( Franca sta per rispondere,viene interrotta ) Parla no! Cerca mia di scus! Tant e tant so giò quel che te voeurat  dìmm... Incoeu tì te ghè daj on grand dispiasè, on grandissim  dolor a la toa mama.  Ol Signor le sa la fana che gò chì 'dol coeur! L'è ona fana che la me porta drizz a la tomba! l'oltim ciod de la mè bara l'è stà piantà ben ben!  Mò podi morì, me  resta nagott  in sù la  terra! Nanca  pù ona tosa!  (  si accascia desolata su di una sedia )

                        Franca

Ma l'amor...

                        Maria

L'amor? Quale amor? Cosa gò mai da sentì?

                        Franca

Sì,  l'amor!  L'è  mia  come  te  pensat  tì...  Mì  voeuri  no  dat  on diaspiasè...Mì ol Paolin a l'ami verament...

                        Paolino

E mì al ricambi sincerament...

                        Myriam

Bravo!

                        Franca

Donca partecipa  anca  tì,  mama,  a  la  nostra  gioia,  a  sta  granda felicità...

                        Maria

Ma che gioia! Che felicità d'Egitt!

                        Luigi

Sciora, ca la me scusa se m'intrometti...Ma voraria associam ai parol de la soa tosa... Mì ghe  vedi nagott de mal nè  de disonest 'dol amor  del Paolino por la soa tosa...

                      

 Maria

Lù che'l tasa par piasee! Che'l me tira mia foeura di strasc! Caro ol mè scior Cossa! Parchè lù l'è bon de faa ol miscè cont le minorenni:  altro che!

                        Luigi

Ades la me ofend!

                        Franca

Dai mama!

                        Maria

Vardè che razza de pastizz...!  Te stada trà dentar in  on lacc e te  se corget no do l'imboeuj?

                        Paolino

O ol mondo al gira sott sora o mì sont matt! Ades a l'amor a ghe  ciamen imbroeuj!

                        Maria

Sì! Imbroeuj! E me fermarò mia chì! A  impedirò ol matrimoni con tutt  i mè forz...Vialtar quatar  ve farò  finì ai  Miogn e  che la  matoca  chì l'andarà in d'on psichiatrich...

                        Paolino

Se la rivava prima gh'era chì ol president...

                        Franca

Dai mama! Me par che te esageret!

                        Maria

Gà n'hoo ammò de sentì?

                        Paolino

Lee la pò dì quel che la voeurm ma mì hoo mai imbrojà nissùn...

                        Maria

Ah no?! Alora al voeur dì  che ol sò amor par  la mea tosa l'è dol  tutt sincer? e sensa interess de nissùn genar?

                        Paolino

Certament!

                        Maria

Ma che'l me  faga mia  ridd on bott!  Almen  davanti a  mì, a  ona  dona esperta de sti robb chì, che disa mia di bosij par carità!

                        Paolino

Sont no bosard!

                        Luigi

Par vess esperta, l'è esperta  de sicur  la sciora Maria!  Dopo che  l'è rimasta vedova per ben cinqu volt de fira! Oei: disi cinqu volt, eh!

                        Maria

Quattro, prego!

                        Luigi

Ah! già! Desmentegavi!...Ol quint marì l'è mia mort...a l'è scappà do la disperazion!

                        Maria

Perdù drè ai sotàn d'on entreneuse...

                        Paolino

Tè! Questa l'è bela! la savevi no! Che mi consenta, neh!? sciora, che mi consenta! Voueri informam  anca mì  sol sò  cùnt, dopo  che lee  la  s'è permessa de informass sù de mi? Come l'è andada, Luis, cùnta, cùnta  che sont corios!

                        Luigi

Ol sò primm marì l'è  stà ol Pierin di Goeubb:  dopo trij ann che  l'era sposà a l'hann trovà bell'e che mort in d'ona roeugia bertonica...

                        Paolino

E vùn!

                        Luigi

Ol segond marì al se  ciamava, se me sbagli no,  Richeto...Ol cognom  al savaria no dì...Fatto stà che  questa l'è resistù domà cinqu  ann...Mort d'infarto fulmineo!

                        Paolino

E dù!

                        Luigi

Ol terz l'era ol Carletto Pizzett...Quest chì a l'ha battù ol record  de resistenza: l'ha sopportada par sett ann de fira, dopo di che... requiem l'è passà ai quondam...

                        Paolino

E trij!

                        Luigi

Ol quart   a te  l'è cognussù  anca tì:  al  saria poeu  ol papà  do  la Franca...

                        Paolino

E quater!

                        Luigi

Ol quint, certo Battista Poggi, vist la  mala parada, l'ha pensà ben  de poggias da ona quaialtra part...

                        Maria

Cont ona sgualdrina de cabaret...

                        Luigi

Comunque l'è scappà!

                        Paolino

E questa  la saria  la  sò esperienza?  Congratulazioni sciora!  Se  ghè fudess on olimpiadi de matrimoni la riverebb prima certament!

                        Maria

Hoo comulà tanta esperienza da pudè capì quand on omm l'ama verament, da quand inveci al nascond sotta la parola amor tutt altar interess...

                        Paolino

Alora l'ha capì nagott!

                        Myriam

Bravo

                        Franca

Il Paolino al gà nissùn interess nascondù...

                        Myriam

Brava!

                        Maria

Ma alora te ghet dù  bej fett de  salam sui  oeucc, cara tì!  Te set  no corgiùda che quel scior lì al mira domà ai tò danè e minga ai tò  oggion verd, bella mia?! Hinn i tò proprietà edilizi che ghe fann gora, mia  la tò belezza...Matocca!

                        Paolino

No,no! L'è foeura de strada! A parte ol fatto che mì al savevi no dei sò proprietà edilizi e di sò  ricchezz in genar mì gà  ribadissi che ol  mè amor par  la  Franca  l'è  sincer  e  onest...  Anzi,  par  dimostraghel

verament, la sa se foo? A rinunci pubblicament a tutti i sò proprietà... Va ben inscì? Mantegnerò la soa tosa domà cont i mè brasc... e  soratutt col mè amor... mia cont i sò danè...Ecco!

                        Franca

E mì te accetti inscì...come te set...poar e strasc...

                        Myriam

Brava!

                        Maria

Ma che la lì la sa dì domà "Bravo"?! Comunque.... Mì me lassi mia fa  sù dai bej parol...la parlantina la  ghè manca no... ma ripeti  solennement che sto matrimoni al s'ha farà mia... al  sa dev mia faa...L'è nammò  de nass chi me ciapa par ol nas a mì!

                        Paolino

E mì ghe disi che'l se farà sì!

                        Maria

Hoo ditt de no! Chi vivrà vedrà! ( esce )

                        Franca

Ghe n'è sempar  ona quajvùna...  Quand te credat  de trovaa  on toch  de felicità, subit la te scappa via mè on pezz de savon in di mann bagnà...

                        Madre

Ma mi credi  che on quaj  rimedio ...on  quaj argoment in  foavor al  se podaria troval...

                        Paolino e Franca

( all'unisono ) E quale saria?

                        Madre

Ve ne parlarò dopo...Par ades  preoccupeves no! Vialter dù! Se  da no  i mamm se gh'hinn de faa?  Andè avanti  a cipì come  prima, quand  l'arpia l'aveva nammò faa la soa comparsa in scena!

                                    TELA

 ATTO II

                        scena prima

(Franca e Lella)

                        Franca

A l'è già mò  on para da  mes che  me sont sposada,  ma, in  confidensa, riessi no a capì come me sont trovada dentar in dol lascc...

                        Lella

Te riessat no a capì come te faj a sposat? Ma dinn pù de scemà! Se  andì inscì d'accordi, tì e ol Paolin: come fradel e sorela...

                        Franca

Ecco: l'è propi chì ol punto...

                        Lella

Dimel no.... Dimel, dimel!

                        Franca

Insomma... mè marì...

                        Lella

Dimel no.... Dimmel, dimmel!

                        Franca

Paolino l'è...

                        Lella

Dimel no... Dimmel,dimmel!

                        Franca

Ferma on bott! Tel disi o tel disi mia?

                        Lella

Dimel, dimel!

                        Franca

Oh! Ol Paolino al sa comporta con mì propi mè se fussi soa sorela!

                        Lella

Te voressat mia dì che ol matrimoni...( gesto significativo) ratto e non consumato!?

                        Franca

Voeuri dì, sì...a voeuri dì propri che la  roba lì....

                        Lella

Ma va!? Ol Paolin al me pareva on giovin  inscì a post... e innamorà  do la soa Franca!

                        Franca

Innamorà, sì...anca smanios...ma...ma se fermom lì...Gò perfina  suggerì de andà a faa ona visita specialistica, se sa mai, al po vess on fattore psicologico... l'è tant emotiv sto povar fioeu...!

                        Lella

E lù sa l'ha ditt?

                        Franca

Ghe l'avessi mai propost! Al  m'ha faa ona scenada! Ma  ona scenada  che quasi quasi me sont pentida d'avel toeuj par marì...

                        Lella

Ma va!? Dopo tut i tacalid che t'è faj con la toa mama par pudel  spusà! Ades te ghe det rason?

                        Franca

Me speciavi no ona roba  compagna! Devi  ammèt che forsi  l'era mia  del tutt campà par  aria ol  discors de la  mea mama..."sposal  no "  la  me diseva...E mi credevi  che  la parlava  a vanvera...sensa  cognizion  de causa...Inveci...tè chì! ...A  devi dagh  reson...Mia tutta  neh!?...Mia tutta!...Ma on poo de rason a ga l'aveva anca lee...Domà che, te  vedat, lee la sera taccà al fatto di danè...La pensava che ol Paolino al vureva i mè danè e basta...inveci...

                        Lella

Inveci?

                        Franca

Inveci da  che'l lato  lì  l'è on  fioeu a  post...al  gà  propi  nissùn difett....al me lassa faa quel che voeuri, spend e spand...al me  compra tutt quel ca voeuri...anca la  luna, s'al vuressi....Al  m'ha fa  arrivà anca ona domestica dal Perù, ona brava tosa, par avegh on piccol aiut in cà...

                        Lella

Oh! Alora tegnal d'acùnt...L'è rari on omm che ghe vùsa tucc i vizi a la soa miee...

                        Franca

Ma mì  hoo  mai  ditt  che'l  voeuri  mia  tegn...Anzi...Sont  ona  tosa religiosa... mia ona voltagabana ...Me lamenti  domà di sò stranezz,  dol sò comportament mia del tutt normal...

                        Lella

E tì portal in d'on quaj specialista, ma sensa fass corgg...

                        Franca

E come podi faa?

                        Lella

Dai Franca!  On poo  de fantasia!  Num  donn ne  semm vùna  pussee  d'ol diavol...Donca! Adess che me vegn in ment....Mì cognossi giusta on dotor molto in gamba... L'è on napoletan, ma onest... Tel farò cognoss anca  a tì: te se ritrovaret ben...Intant...hoo sentì che in sti casi chì,  cioè quand ol marì al faa l'indifferent davanti a la miee, s'usa fagh  mangià scigol e pucia: disan che rinforzan ol coito...

                        Franca

Eh! Hoo provà anca quest! Ma ghè stà  nient de faa! Anzi...ona sera  che forsi avevi on attim esagerà, ghè n'hoo faj mangià pussee dol necessari, l'hoo sentì giras e rigirass  in dol lecc... e al  faseva anca di  brutt sogn... parchè in dol dormiveglia al sùtava ciamà: Belzebù, Belzebù... e altar paroll che hoo mia  reussì a  capì ben...Ma!? Al  parlava anca  di afari...d'on patto...L'avrà  faj ona  quaj  scommessa sensa  che  mì  ne sappia nient...

                        scena seconda

(dette, Paolino, Consuelo )

                        Lella

A senti di pass...Ghè forsi chì tò marì...Te levi ol disturb...

                        Franca

Te podat restaa se te voeurat...

                        Lella

No...E poeu gò ammò da faa la bogada...

                        Paolino

Te la chì la sciora Lella! Come la sta?

                        Lella

Mia mal! e...( lo guarda stranamente ) e lù?

                        Paolino

Oh! Benone! Me senti on galett!

                        Lella

( ridendo verso il pubblico ) On capon, al voeur dì!

                        Paolino

Sa la gà de rid inscì de san?

                        Lella

Oh nagott...Sont allegra par mè cùnt...

                        Paolino

( al pubblico  ) A  la mè pareva  adrè a  rid sora i  mè spall...Che  la Franca la gabbia rivelà ol nastar segreto? Sperem de no...

                        Lella

Mi scappi...Arrivederci a tutti e dù...

                        Paolino

Arrivederla., sciora Lella

                        Franca

Arrivederci...

(Lella via )

                        Paolino

Te vist che faccia la faj in dol vidèmm?

                        Franca

Che facia te voeurat che l'abbia faa...l'era la soa!

                        Paolino

No,no! L'era mia la facia dol solit: la me pareva ona facia de vùna  che la se ciapa gioco di personn...

                        Franca

Te se sbagliat...

                        Paolino

Voeuri propi sbagliam... Parchè tì cont i tò manij de confidà tuscoss  a la toa amisa Lella, a te rivelat anca i nostar intimità... e quest al me secca... A semm intes?

                        Franca

E se gò de confidà de inscì tanto intimo? Sentemm...

                        Paolino

Domandavi...Sa po pù domandaa ades?

                        Franca

Se poo domandaa, ma se i domand hinn giudizios...

                        Paolino

Parchè la mea, la te pareva ona domanda sensa giudizii?

                        Franca

La me pareva ona domanda d'on omm sospettos...

                        Paolino

Ghè altar che avè sospet! Dopo quel che te m'è faj in di sti mes!

                        Franca

Al sarissa di volt colpa mea?

                        Paolino

Se tratta no de colpa...se trata de savè speciaa on cicinin...

                        Franca

Oei! Bello! L'è già mò dù mes e mezz che speci... mia on cicinin...

                        Paolino

L'è question de dì...

                        Franca

E dai! L'è dù  mes e mezz  che te  disat: l'è question  da dì...Te  ghet propi mia la nozion dol tempo molto precisa...

                        Paolino

Ben...! Lassèm a bùj par  ol moment...M'è vegnù on  poo d'appetit...  Sa ghè de mangià?

                        Franca

On bel piattin de scigol in ùmid...

                        Paolino

Questa sì che  l'è ona  novità! Da  quand semm  sposà hoo  provà  nagott d'altar che scigol in umid ...Via! on poo de fantasia la guasta no  'ndol matrimoni e in sù la tovola...

                        Franca

Me par che la fantasia la te manca a tì...e in dol lecc...

                        Paolino

Ricominciomm?...Parla mia inscì! Fammm mia scaldà la pissa, parchè  cala che la me se scalda... dopo so pù sa foo! Anzi te ghe fa imparà a  la Consuelo domà chi disnà lì. A proposit: Consuelo, Consuelo!

(entra Consuelo) tegn! T'ho comprà on librett de ricett. L'è scrivù anca in spagnoeul, inscì tel capissat ben... E soratutt ghè mia sù de  ricett con aij e scigoll!

                        Consuelo

Grasie! Segnora, segnore (via)

                        Franca

L'è ona brava tosa. Però l'ha monanca de imparà l'italiano

                        Paolino

E tì faghel imparà

                        scena terza

( detti e Maria )

                        Maria

( entrando ) Buongiorno ragassi!...

                        Paolino

Oh tè! Mò  se ùsa  pù picà a  la porta...se  riva in cà  di altar  sensa domandà permes! E magari l'era già lì da on poo  de temp a pus a  l'ù'sc par scoltà quel che serom drè a dì...

                        Maria

Stavi no scoltando...S'eri drè domà  a passà  par cas... e  par cas  hoo trovà la sciora Lella, che par cas la  m'ha ditt certi robb...e par  cas hoo sentì rebeccà...e par cas...

                        Paolino

E par cas che la vaga a fass benedì che l'è ora!

                        Maria

Oela! l'è inscì che s'ha ricev la toa segonda mama?

                        Paolino

Che la faga mia la sentimentala, ades! Che  de mama ghe n'ho avuda  vùna sola...e la m'è vanzada...

                        Maria

Sentìl mè l'ofend! Ma mì sont bon de s'cepat ol firon de la s'cena, te'l set?

                        Franca

Via! Calmevas vialtar dù!

                        Paolino

Me calmi ma.. ad ona condizion sola...

                        Franca

Sentìmm...

                        Paolino

Voeuri savè se te ghè ditt a Lella sora de mì...

                        Franca

Cossa gò d'avegh ditt?

                        Maria

La verità!

                        Paolino

Sares a dì?

                        Maria

Che tì...( gesto significativo )

                        Franca

Mamma!?

                        Paolino

Alora ol mè sospett l'era vera! Varda  se me doveva capitaa?! Ades  tutt ol paes, in on battibaleno, al  savrà la mea disgrazia...Sont bel'e  che rovinà!

                        Maria

Sa l'è par quel te sevat già rovinà prima!

                        Paolino

( rivolto al pubblico, dimenticando completamente le due donne  che  una regia di luci dovrebbe far rimanere nell'oscurità )

Sont rovinà! Me pareva de savel che i cont i sò "disèm" ol Belzebù al ma voreva toeu in gir...Tè chì se  m'è capità! Poar Paolin! Maledissi  quel dì che t'hoo incontrada (  alla Franca, che rimarrà impassibile,  mentre un fascio di luce la illuminerà un istante ) E maledissi quel dì che hoo faa ol patto col demoni  credendam de  faa on afari!  Sto lendenon  d'on Belzebù! L'è entrà dentar de  mì, in dol mè corp  e poeu al  s'è faj  pù sentì! L'ha faa come certi amis che se fann prestaa fior de quattrini  e in d'ol pussee bel  se la svignen  via, sensa  dit nè bè  e nè  tè!...Lù poeu, ol Belzebù, s'è faa prestà ol mè corp e, cittus mucci, l'ha ùsà la tattica dol silensio stampa...Oei!... Nanca ona parola, nanca on  cenno, nanca  on  starnudìn!  Nagott!...Come  se  nanca  al  fudess  dentar  de mì...Infrattant, mì sont  restaa chì  mè  on cial!  Eh già!  Credevi  da fregaa la Franca fasendo ol patt col demoni e inveci...ol fregà sont stà mì!  ...L'è  no  ona  roba  facile  da  dì!  Nè  tanto  meno  facile  da faa...Ma...ma mì, cont la scusa che in dol mè corp ghè ol scior  demoni, gò ona paura malarbetta... ona stramaladetta paura!...E se par sbalij  al post de mett al mond on bel fiolìn  foo nass on brutt demoni?... Come  la mettom?...Eh! se sa...me sont fidà ona volta, la segonda...ciao Pepp! me fidi pù!...Se ol Belzebù l'è ancamò dentar de mì, se fa prest a dil, l'è bon de giogàm  on quaj  altar scherz...e...e   in dol  frattemp, in  sùl pussee bel, citto citto, sensa spesa,  quel brutt demoni al sarissa  bon de met  incinta la  mè miee  invece  mia!...Avì capì  ades? L'è  ciar  e sottintes  che  ona  spiegazion  compagna  ghe  la  podi  mia  dà  a  la Franca...nè  tanto  men  a  quell'arpia  do  la  suocera...Che  Dio   me scampi!...Inscì, se ol Belzebù l'ha  decidù de prolongaa ol sò  silensio stampa mì me troeuvi sbregà come on borin pena scioscià!..Ma.. o de  rif o de  rafa voeuri  fornila  foeura sta  borlanda...parchè,  caro  ol  mè demoni, ol Paolino al gà tegn testa anca al Belzebù, se'l te se  no!...E se'l te savevat no, mò te'l set...Tè, tè e tè...! ( gestacci a piacere )

( si riaccendono tutte le luci - l'azione ritorna regolare )

( Paolino brontolando si avvia verso l'attaccapanni da dove acchiappa la giacca e il berretto )

                        Franca

Dove te vett?

                        Paolino

Voo foeura!

                        Franca

Se te vett foeura a faa che 'l faa anca frecc, incoeu?

                        Paolino

Gò necessità d'ona boccada d'aria fresca...Sa respira pù in sta cà!

                        Franca

Sta mia in gir tanto!

                        Paolino

Vedarò, se sa  mai! (  calcandosi la coppola  sugli occhi  ) Sperèm  che nissùn al ma recognossa, sa da no pover mì! (via)

                        scena quarta

( Franca, Maria,  Luigi, Consuelo )

(rientra Consuelo spolverando i mobili)

                        Franca

A la m'è capitada grossa...Dio che cros!

                        Maria

On'altra volta te me daret a trà!

                        Franca

Disi la verità:  tutt i  tort te ghè  i avevat  mia...No! Però  l'è  mia necessari dagh a contra al Paolo inscì tant! Anca parchè al ma lassa faa tutt quel che voeuri...

                        Maria

Già!  Al  tè  conced  tuscoss,  tranne...ol  come  se  ciama,  da  sira, nell'intimità...

                        Franca

Sstt! Dì mia sti parol chì davanti a Consuelo

                        Maria

Ma se la cognos nammò l'italiano?

                        Franca

Sì, ma ol come se ciama l'ha imparà subit s'al voeur dì! ( inchino di Consuelo) Parlèmen pù de sta faccenda: la passarà...

( campanello ) A sonan...Chi sarà?...Consuelo va a dervì...!

                        Luigi

( entrando ) Permes?

                        Franca

Che'l se comoda, scior Luis...

                        Luigi

Buongiorno!

                        Maria

( freddamente ) Giorno...

                        Luigi

Dovevi incontràm  col  Paolino...Al  m'ha  telefonà  disendom  che'l  se tratava d'ona roba  urgent...inscì sont  corù chì de  pressa...Ma...  al vedi no...L'è mia a cà?

                        Franca

L'è andà foeura propi on attim fà...Possibil che la mia incontrà?

                        Luigi

No! Hoo incontrà domà on mezz delinquent che 'l gaveva ol berretin ficcà in sui oeucc...On tipo stran...al sarà stà  vùn de quij ligera de  Porta Cicca: al m'ha faj perfina  paura...Intra de mì hoo  ditt...quest chì  o l'ha massà on quaivùn o 'l va a massà la suocera...

                        Maria

Tiè!

                        Franca

Mò che gà pensi... quel  tal che lù  l'ha vist...al sa  regorda par  cas come l'era vestì?

                        Luigi

Al gaveva sù ona giacca de velù, marron, se no ma sbagli...

                        Franca

E ol berret?

                        Luigi

Color trasù di ciocch...Al gaveva anca, mo' me vegn in ment, ona sciarpa rossa lusenta...

                        Franca

Ma alora l'era ol mè Paolin...Come l'ha faa a mia cognossal? ( campanello )

                        Luigi

Ma...a mì me pareva no ol Paolin... ( campanello )

                        Maria

Consuelo... Va a dervì de neuv, va!

                        Luigi

( tra sè ) Questa l'è bela: hoo nanca recognossù ol mè amis...

                        scena quinta

( detti e Lella )

                        Maria

( andando verso la comune) Buongiorno sciora Lella. Novità?

                        Lella

( entrando )  Buongiorno a  tucc!...Ho  vist ol  Paolino cont  ona  piva addoss...mocc,mocc...sloffi, sloffi...

                        Luigi

Ma sa poo savè quel che  è success?

                        Lella

Ma...al sa ammò nagott?

                        Luigi

Mì vegni giò dai nivor...

                        Lella

( guardandosi intorno circospetta ) Al sa no tutta la storia?

                        Luigi

Quale storia? La sa spiega mej... la me lassa mia chì col fiaa sospes...

                        Franca

Via, Lella...l'è mia ol cas...

                        Lella

L'è ol cas sì! Che al senta: ga la cùnti ciara e netta!( prende in  disparte Luigi  e gli racconta  tutto sottovoce,  scene  di esclamazioni, di meraviglia, di sorrisetti...)

                        Maria

Dispèrat! T'è vist cos t'è capitaa a mia daa a trà a la toa mama?

                        Franca

( scuote la testa, poi va da abbracciare la madre ) O mama, mama!

                        scena sesta

( detti e Paolino )

( Paolino rientra bianco in volto,  attorcigliato su se stesso, le  mani se le passa in continuazione sullo stomaco e sulla pancia )

                        Franca

Te set rientrà?

                        Paolino

M'è vegnù  adoss on  mal  de ventar,  tal che  na  podi pù!  O  Dio  che sconquass in di busecch!

                        Franca

E sì che t'è mangià nagott incoeu!

                        Paolino

A saran staj tucc i tò  scigol e pucia...Dù mes e  mezz de fira a i  hoo tra giò in dol gargaroeuz...

                        Luigi

A te set bianch come on pagn de bugada...T'è ciapà on quaj stremizzi  di volt?

                        Paolino

L'è on poo de mal de ventar... ma...ma ades al m'è quasi passà...

                        Lella

Fagh on poo de ris in bianch che 'l restring i busecch...

                        Paolino

Gò mia famm...

                        Lella

On poo de the al limon..

                        Luigi

O ona bela limonada calda...  ghè no come ol limon  par fermà ol  demoni che 'l  ruga in la panscia...

                        Paolino

Ol demoni? Ol demoni? (  come in delirio ) E  già! Me n'eri  desmentegà! Belzebù in persona...in dol mè corp...!

                        Luigi

Ma se te disat cos'è?

                        Paolino

( uscendo arrotolato su se stesso ) Ol demoni...ol demoni... ( Franca lo segue )

                        Luigi

Ghè no come i dolor de ventar par faa certi dann ( fa segno la testa )

                        Lella

Sperèm che sia naggott de grave...

                        Maria

Se vorì ca'l sia? On pù de mattaria che la ghe spasseggia sù e giò...

                        Luigi

La sciora par daa via i sassà l'è fada aposta...

                        Lella

Beh! Mì  devi andaa...Tiri  sù  ol fabrian  e scapi...Caso  mai  passarò pussee tardi.. a vedè come stà ol moribondo... ( via )

                        Luigi

Macchè moribondo d'egitt!  Par on  poo de mal  de ventar!...Beh!  Scappi anca mì...Arrivederci!

( affacciandosi alla porta della  camera ) Mì voo! Se  ghè bisogn de  mì ciamèm! ( via )

                        scena settima

( Maria, Paolino, Franca )

                        Franca

Al s'è calmà on attim...Sperem che sia nagott de grave...

                        Maria

Mò calmes anca tì....Te ghe  n'è bisogn! Mì torni a  cà mea...Chì gò  pù nient de  faa...E sta  mia  in  penser par  on  ostrega  compagn...!  Al guarirà...e pussee svelta de quel che te credat...

                        Paolino

( rientrando un po' curvo ) Me senti mej, decisament...

                        Franca

Ma te dovevat stà butà giò...Inscì te ciapet frecc par nagott!

                        Paolino

L'è mia necessari...Me senti mej,  ades... Intrattant me sgranchissi  on poo i gamb....

                        Maria

Mi voo! Rivederci ( via )

                        Franca

Ciao, mama!

                        Paolino

Addio! ( guarda nella credenza ) A  m'è vegnù famm...L'è segn de  pronta guarigione...Ghè on quaicoss de mett sota i dent?

                        Franca

Mì avevi preparà on poo de scigol in umid...

                        Paolino

Manzionom mia i scigol...che ghe n'hoo pien la scuffia!

                        Franca

Voeur dì che andarò giò da la Rosmarì a toeut on poo de companatigh...Se te preferissat cos'è? Strachìn, robiola,  pansceta, brisaola? Ona  bella pagnota francesa...?

                        Paolino

Ved on poo tì quel che ghè...Par mì me bastaria anca domà ol strachìn...

                        Franca

Hoo capì...A voo, ma... moeuves mia da chi, eh? E se te risentat i dolor ciama la Lella che la  abita visin  al zerusigh...on quaj  rimedi al  se troeuva sempar... ( Franca sta per andarsene, ritorna sui suoi passi ) Desmentegavi! Ol numar de la  Lella l'è  dentar in do  la rubrica  verd, sotta al nomm Camperini...

                        Paolino

Caprini...

                        Franca

Camperini, Camperini...! Mia Caprini! ( via )

                        scena ottava

( Paolino e Belzebù )

                        Belzebù

Hinn andà via tutti?

                        Paolino

Sì!

                        Belzebù

Meno mal...podarèmm parlaa come se ciama, pussee liberament...

                        Paolino

Oei! Ma te'l set che te me l'è combinada bela? Diavol bestia!

                        Belzebù

Vosa no! Che hoo già sentì,come se ciama, i mè da chi di dovere!

                        Paolino

E mì se devi dì alora?

                        Belzebù

Basta che  te disat  mia  sù i  solit scemà,  parla  pùr come  se  ciama liberament! Come se te fudessat mè fradel...

                        Paolino

Pian cont la parentela! Mì sont nammò de andà giò all'inferno...

                        Belzebù

Sa faa par dì...

                        Paolino

Ma spieghem on poo come mai te rispondevat  mia, cont tutt ol ciamà  che hoo faj in di stì dù mes e mezz chì! Parchè te se fasevat no sentì? Disi mì: in scherz da tiramm...?

                        Belzebù

L'è mia  staj on  scherz...Ol  fatto  l'è,come se  ciama,  che  me  sont addormentà...

                        Paolino

E te dovevat indormentass propi dentar de  mì? Te gavevat mia on  parent pussee prossim?

                        Belzebù

L'è staj ol pranzo dol tò sposalizi...Troppa roba...Trop vin, trop, come se ciama, spumante...troppi liquori...e tucc  mes'cià insema...a  m'hann faj ciapà la dorma! A te faj on asciolvere degno d'on re! Che disi? D'on papa!...e che ol Lucifero al me perdona!

                        Paolino

Sfidi mì! Al m'è costà lira de Dio...Ma... te dovevat dormì dù mes e mez firà?

                        Belzebù

A  questa  segonda  domanda  l'è  difficil,  come  se  ciama,  daa   ona risposta....Riessi no, a ben pensagh  a sora,  come se  ciama, a  rendom cùnt...Dopo on para de dì,  mì seri  adrè a disedàm...ma  quand che  hoo incomincià a dervì i oeucc, improvvisament, m'è parù de vess finì,  come se ciama, in d'ona navascia, talment che ghera intorna ona spuzza...  ma ona spuzza... Ona  specie  de gas  mortifero, pestilenzial,  che'l  m'è penetrà in do la gora  e da lì in di  polmonn...Tant'è vera che me  sont riaddormentà de bel noeuv...Hoo fina  pensà,come se ciama, de vess  finì in do l'Olona  e mia  in do la  tò panscia...Soo  no che cossa  pò  vess staj...

                        Paolino

Ona grand spuzza t'è dit? ...A eren i scigol in umid, sont sicur!

                        Belzebù

Ma tì te ghè domà stà roba de mangià?

                        Paolino

A l'era la mè donna che la me dava tutta stà porcheria!

                        Belzebù

E parchè mai?

                        Paolino

Quest ta'l spiegarò in privà...

( si sentono dei passi )

                        Belzebù

Hoo sentì sbatt la porta ...la dev vess la tò miee...

                        Paolino

Via, via! Che se la ta troeuva chì gà no pù do la bona... ( Belzebù via )

scena Nona

( Franca e Paolino )

                        Franca

Con chì te parlavat?

                        Paolino

In de per mì...

                        Franca

Mò te parlat anca in de per tì? O Signor! Chi sont andada mai a sposaa!?

                        Paolino

Te se lamentat anca? Dopo tutt quel che tì,  e sottolinei tì, te me  faj passà....

                        Franca

Me par che gavarìa ben ol diritto de lamentamm...dato che dopo dù mes, e sottolinei dù mes, mì sont ancamò...

                        Paolino

Citto, citto! lasèm a bùj  che la storia  chì di dù  mes... Tira  foeura puttost quel che t'è comprà che voeuri faa on bel pastegg...

                        Franca

Da strachìn ga n'era pù...Hoo pensà de toeut on quaj etto de panscetta e ona focaccina...

                        Paolino

Liscia...

                        Franca

Cont i scigol...

                        Paolino

( in escandescenza ) Basta! Basta! Voeuri pù nanca sentì numinaj!

                        Franca

Lassa a stà la focaccia e toeu sù la pansceta...

                        Paolino

A m'è passà la famm....

                        Franca

Intant che te gà pensat sù  se disnaa o saltaa ol  past, mì voo de là  a faa sù ol lecc... Sperem che stasira...

                        Paolino

( irato )  Basta  hoo ditt!  Sa te  suguitat  a rugaa  in la  cacca  col legnett?!

                        Franca

Ih! Che caratterin! ( via )

                        Scena decima

(Belzebù e Paolino)

                        Paolino

( mentre  Belzebù si  affaccia  dal fondo,  guardandosi  attorno,  quasi circospetto ) A t'è sentì? La ma ditt: che caratterin! Questa l'è bela! Dopo tut i  sò scalmann d'incoeu!

                        Belzebù

Ma a mì me par che la gabbia mia, come se ciama, tutt i tort...

                        Paolino

Oei! Disi! Da  che part  te stet?  Te  voeurat faa  anca tì  come  certi politigh: dù part in commedia?

                        Belzebù

I doveri coniugali...

                        Paolino

Ma quali doveri  coniugali? E  se dopo, cont  tì in  dol mè  ventar,  me naseva on demoni de la toa fatta?

                        Belzebù

T'hoo già spiegà che ona roba simil, come se ciama l'era no possibil che la se verificassa...Mì s'eri dentar de tì cont ol mè spirit...Del  rest, se te me vedat, come se ciama in carna ed ossa, l'è domà par  semplificà i robb...Mì sont mia faa de carna come on povar essar mortal...! Sont on angiol, mì, sia pùr borlà giò  all'inferno...e come se ciama de  segonda categoria...!

                        Paolino

Sarà...

                        Belzebù

Ma vegnìmm ai robb pussee seri...

                        Paolino

Saress a dì?

                        Belzebù

Saress a dì che gò bisogn de ampliaa la mea inchiesta sui donn...In  dol frattemp  hoo  cognussù  come  se   ciama  la  toa  miee,   ma  l'è   no assee...Gavarissi bisogn de faa, come se ciama, la conoscenza anca d'ona quaj altra donna...

                        Paolino

La mè suocera, me par, la faa al caso tò!

                        Belzebù

Ben! Ma...l'è necessari ciamala chì...

                        Paolino

Eh no! Già ghe n'hoo  pien la scuffia de lee!  L'è sempar tra  i pee!  E poeu l'è no necessari ciamala...

                        Belzebù

Parchè?

                        Paolino

La se intrufola sempar in cà mea,  quand meno te la specet...e  ...quand la daa pussee fastidi...

                        Belzebù

Beh! Sperem che la càpita chì  prest...inscì finirò svelta come se  cima l'inchiesta...Prima me liberi da stì donn mej a l'è!

                        Paolino

Mò te l'è dia giusta!

                        Belzebù

Oh bela questa! Ma se  te favat inscì ol matt  fina a tentaa ol  suicidi par pudè toeun sù vùna?

                        Paolino

Savevi no  se'l voreva  dì...S'eri  sensa esperienza...Mò  che  hoo  faj questa scemada, me lassi pù toeu in dol lacc...

                        Belzebù

Bravo! Ma te podevat pensagh sora prima!

                        Paolino

Gavevi di cattiv consilier...Soratutt ol coeur! ( campanello )

                        Belzebù

A sonan! Magari l'è la toa suocera...

                        Paolino

Quest l'escludi certament! L'è la sona mai!

                        scena undecima

( detti, Lella e Franca )

( campanello )

                        Paolino

Ma te stet chì? Te sparissat no?

                        Belzebù

No. Tant la gent comune  la ma ved  mia. Domà  tì te ghe  'sto, come  se ciama, privilegio... e  ( al pubblico) lor... ( campanello )

                        Paolino

Te set sicur de quel che te fet? Combinom mia on altar scherz...

                        Franca

( rientrando di corsa irata ) Ma te sentat no  che sonan? Te stet lì  mè on cial a parlaa in de per tì! Ma se te ghet ados incoeu? Mena almanc ol feton, diavol bestia!

                        Lella

( entrando ) Senti vosaa... alora ol Paolino al stà mej!

                        Franca

Al stà mej sì...ma al me par ancamò on poo rembambì dal dolor...

                        Lella

Ma va?

                        Franca

Al sa comporta stranament...

                        Lella

E tì dagh on quaj ricostituent...

                        Paolino

Basta che 'l sappia mia da scigol... ( il diavolo intanto tiratosi da parte annota tutto quanto )

                        Lella

Tra l'altar,  sempar par  sta  in argoment,  mi a  cognosaria  quel  tal ceruzigh, napoletan...in via del tutto  eccezionale al podaria fagh  ona visidina specializzada....

                        Paolino

Ghè nanca da parlann de stì robb chì! ( il diavolo a cenni lo convince ad accettarre )

                        Lella

Ma l'è on omm discreto e al gà ona reputazion ottima!

                        Franca

Te sentat?

                        Paolino

Sont mia  storno! Ma...  insomma...vedrem..  ( il  diavolo  gli  dà  una scrollata alle spalle ) Va ben!

                        Franca

Ma la costa tanto sta visita chì?

                        Lella

Se  l'è  par  quell  te   devat  mia  preoccupass...L'è   onest  in   di costi...Anzi, te disarò, ma va mia ingir a dill, on quaj annetto fa  l'è staj ol mè amante... ( il diavolo si frega le mani soddisfatto )

                        Franca

Ma te parlat in sul seri? E ...e ol Sandro?

                        Lella

Ol Sandro al sa nagott! Oh! Me raccomandi cittus muci! Par on cornett sù e giò l'è mia poeu la fin d'ol mond!

                        Paolino

( a Belzebù ) Varda  tì che purscela! Tanta e  tant l'è mia la fin  d'ol mond istess...on quaj cornetto sù e giò! ( a Lella ) E sò marì al dovaria vess content... in sù la crapa a  ghinn spontà i corni, sì, ma hinn corni dol tutt specializzà!

                        Scena dodicesima

( detti e Maria )

                        Maria

( entrando ) L'è permess? Podi vegnì avanti?

                        Paolino

Ghè mia bisogn de domandaa permess, ormai chì l'è cà soa...

                        Maria

Buondì a tucc!

                        Paolino

Contaccambio con riverenza!

                        Maria

Come al stà ol moribondo?

                        Franca

Al stà mej, grazie a Dio!

                        Paolino

Fina a pocch istant faa  al stava mej...Quand l'è vegnù  dentar lee,  ol moribond l'ha incomincià a peggioraa... E ades ghe se rivolta ol stomigh sott sora

                        Franca

Te pudaressat vess on poo pussee gentil con la mea mama!

                        Paolino

L'è toa de mama, mia la mea... Mì sont mia staj inscì sfortunà... e poeu ol Signor la ditt de  rispettà i propri  genitor, mia quej  do la  miee! Anzi... Te set parchè ol sant Pedar l'ha tradì ol Signor? ... Parchè  al gaveva guarì la suocera... ( al demonio ) E  tì segna giò, lassa mia  scappà nanca ona virgola:  me

raccomandi! Chi la materia la ghè... e come!

                        Franca

Ma se te ghet de parlaa sempar in de par tì?

                        Lella

L'è drè a invegì prima d'ol temp...

                        Maria

Chi invegiss, immatiss...

                        Paolino

Sent chi parla!... E poeu...  on omm che 'l parla  in de par lù, l'è  no vegg... l'è onest!  La dis  anca ol Manzon  che la  saveva longa!  (  al demonio ) Intant gò dà anca dell'ignoranta!

                        Lella

Cambiand discors... Franca  se t'è  decidù coss'è? Podi  telefonà al  mè amis dotor? T'assicuri che l'è on specialista!

                        Paolino

Se l'è bravo come a incornà i marì, se poo tentà!

                        Franca

Al fenn ciamà, Paolino?

                        Paolino

E tì fal ciamaa!

                        Franca

Sicur? te cambiat mia idea dopo?

                        Paolino

Sicur! Caso mai se bastassen mia i danè, la sciora Lella la ghè farà ona quai moina in pù, on quaj basìn, tant par condil via on cicinin... E  se ghe bastass no anca quest, ghemm sempar pronta  la toa mama che cont  la soa esperienza...!

                        Maria

Oh! Ma se te credi  che mi sia  disposta a  pagare anca per  te, ti  sei sbagliato de grosso!

                        Paolino

La s'è metuda drè a parlà talian par ess  pusse sicura de fass capì  che l'è mia disposta a pagaa par mì...Ma mì intendevi mia cercagh i  danè... Mì intendevi domà desliberam de lee...dandola in pegn, come  recompensa, cioè, al scior ceruzigh...!

                        Lella

Allora    restomm    intes    inscì...Mì    me     foo    premura     de ciamal...Arrivederci... ( via )

                        Paolino

( con un profondo inchino, imitando le corna ) Ar-ri-ve-der-ce-la!

                        Franca

Mò te se metat adrè a faa ol paiasc!?

                        Paolino

In cà mea  foo quel  che voeuri mì!   E  poeu a paiàscia  se rispond  de paiàsc...

                        Maria

Tucc i volt che vegni chì troeuvi sempar ona quaj novità...

                        Paolino

E lee che la se sparmissa de vegnì chì, inscì  i novità  i a  incontrarà mai pù!

                        Maria

Scapi parchè podi pù sopportal! ( via )

                        Paolino

L'è ona roba  reciproca! Ma  mì scappi  no,  parchè chì  l'è cà  mea!  ( affacciandosi alla comune ) Che la cora mia  tropp, che l'è vegia! E  la ri'scia de borlà giò ... La faga attetnzion ai scar ch'inn ripid...!

( rientra )

                        Franca

Te l'è tratada malament incoeu la mea mama!

                        Paolino

L'è lee che la mè incita!

                        Franca

Ma te set stà tropp maleducà! Esagerà!

                        Paolino

Beh! Forsi sì! Ma  ogni tant,  certi donn, l'è  necessari strapazzai  on poo! Cala de faa la fin de quel mè amis de  Porta Cicca che al vosava  e criava mè on matt...se sa  faa mia inscì cont chì  donn chì...se sa  faa mia inscì!... e intant a l'era adrè a ciapai sù  a Dio bela! E propi  da la soa miè! Altar che!

                        TELA

 ATTO III

                        scena prima

( Paolino, Belzebù, Franca )

                        Paolino

A te comincett a vegnì a capo de quaicoss o no?

                        Belzebù

Ades sont  on poo  pusse  pratich de  tutt  i ciaciar  di  donn,  di  sò sotterfugi, di sò malefizi. Insomma,come se  ciama, a pocch a pocch  me corgi che, chi oman  che se lamentan  di donn,  tucc i tort  ghè i  hann mia...

                        Paolino

Alora la toa relazion la va a gonfie vele!

                        Belzebù

Mia mal! Te disarò che stò mettendo giò ona borlanda de quej che,  quand la leggeran all'inferno, la gà  de faa, come se  ciama, l'effetto  d'ona bomba atomega!

                        Paolino

Ol mè  servizzi,  donca,  l'è  sta ben  faa...Podi  sperà  in  ona  quaj benemerenza?

                        Belzebù

Sù quest ghè no dubbi! Ol nostar resgiò al sarà  quel che 'l sarà, ma  i merit a i a sa recognoss!

                        Paolino

Ma... quell'altar resgiò,  ol resgiò  de tucc i  resgiò, al  ma darà  on premi o no?

                        Belzebù

Par avè collaborà cont on  demoni? Questa l'è bela! Ma  te'l set no  che semm mè can e gatt?

                        Paolino

Se c'entra quest? La mea l'è stada mia domà ona collaborazion infernale! De rifless hoo vùtà anca ol paradis! Ona inchiesta la po vess de  destra o de sinistra, ma quand l'è faja cont i carismi de la scienza, la  resta neutral...

                        Belzebù

La po  vess anca  gialda  mè on  pett... ma  tì,  caro ol  mè  tos,  t'è collaborà cont mì...Ora te set, come se ciama,coinvolto con l'inferno... e... mia tirass indrè!

                        Paolino

Me stremissi mia istess!... Par  ol moment!...Anca parchè me  divertissi on mond a vidè la storia cont i oeucc dol mond de là...

                        Belzebù

E se tì te se divertissat, mì gò  piasè...l'è bel vess circondà de  gent alegra e che la lavora  in allegria...  Ona volta tant  sont foeura  dai pianti, dai lament  e dai  stridoor  di denc...che  hann reso  famos  ol

nostar inferno...

                        Paolino

( mettendo una mano all'orecchio ) Ghè scià  la me dona...A senti la  sò pedana...Se la ma sent parlà con tì dopo la ma rinfaccia de vess a drè a discors de par mì... gà no pù do la bona...!

                        Belzebù

E ti  lassa che  la  te rinfaccia...  tant  e tant  l'è  mia  la  verità istess...

( Franca si affaccia scuotendo la testa )

                        Paolino

Ma...te set come hinn faj i donn

                        Belzebù

Ai donn la verità  bisogna mai  digala...tant e tant,  come se  ciama, te credaran mia istess...

                        Paolino

Quest l'è vera!...Ona volta che gò ditt a la Franca de vess stà a  balaa con la Gineta Sguerscetta, la m'ha mia credù...E l'era vera! ...On'altra volta che gò ditt che hoo faj tardi parchè me s'era sbusà ona roeuda  do la machina,...e l'era la verità...l'ha ma cusà de vess staj in gir  cont ona sangueta che avevi tirà sù in autostop...! Varda on poo tì!?

                        Franca

Ma cossa l'è che te biascicat sempar... ol rosari?

                        Paolino

Sont mia inscì religios...

                        Franca

E te dovarissat vessal  inveci!...Almenn te passarian  tucc i  stranezzi che te ghet ados!

                        Paolino

( al diavolo ) Andemm de là che se parla mej!( via lui e Belzebù )

                        Franca

A mì me daa di  preoccupazion, sto fioeu chì! Se  l'amassi no, e se  ghe fudess  mia on poo de religion e de fed a fermamm, l'avarissa già piantà d'on pezz...Ades poeu,  l'ha ciapà  sto brut vizi  de parlaa  in de  par lù...! Sò no come la sia stada, sò  no da chi l'abbia imparà!...Sò  domà che 'l se mett lì e al stà drè di mezz giornà a ciciarà... a ciciarà...E ol bel do la faccenda l'è che riessi no a capì nanca ona parola de  quel che'l dis...Se fudessi  bona de  entrà 'dol  discors che'l  faa,  magari saria anca bona de faghela mucaa...Inveci...nagott! Come se tra mì e  lù ghe fudess  de mezz  ona  paret, o  ona persona...ona  quaj  diavoleria, insomma, do la qual riessi no a fornì l'ascia...!( Paolino entra canticchiando con gioia )

Se te ghet mò de cantaa?

                        Paolino

Parchè ades se poo pà cantaa?

                        Franca

Te ne domandavi ol motiv!

                        Paolino

Ol motivo l'è che sont content!

                        Franca

Meno mal: a l'è content!  A me se rinfranca ol  coeur...al fudes  sempar inscì!

                        Paolino

Al sarà sempar inscì...te vedaret ( via canticchiando )

                        Franca

Riessi pù a capil! On bott l'è rabbià mè  on espas, on bott l'è  alegher come on sgarzunscell..

( campanello )

                        Scena seconda

( Luigi, Franca e Paolino )

( Belzebù entra  in scena  e sparisce a  suo piacimento,  sempre con  un calepino tra le mani sul quale segna in continuazione)

                        Franca

Che sia già chì ol zeruzigh?( campanello ) ( Consuelo va ad aprire ed introduce Luigi)

Ah! L'è lù, scior Luis!

                        Luigi

In persona! Al ghè ol mè amis?

                        Franca

Sì, sì!  Al  bala  in  gir par  la  cà  mè  on  fringuell  de  tant  l'è content...E...so no ol motiv de tanta soa contentezza...!

                        Luigi

Oei! Paolino! Doe te set? Vegn foeura che gò de parlatt! Se tratta de on affari important!

                        Paolino

(d.d.) Se se tratta de afari sont pront in d'on baleno! Voilà!

                        Luigi

Oh! Te parlat anca frances ades?

                        Paolino

Frances, ingles, brianzoeul,  turco!  Tucc i  lengu de  sta  terra...Del rest, basta stagh a drè  on poo pussee ai  donn e la  lengua te  imparat subit a fala andà!...E polito!

                        Luigi

A noti che te set  in vena de scherzaa incoeu! E  se vùn l'è in vena  de scherz al voeur dì che'l stà ben... nel moral e nel corp...

                        Paolino

Te ditt ona grand bela novità! La savevi no! A me la marcarò giò chì sul calepìn, inscì doman me foo bel disendola mì, sta panzanega...Te voeurat par cas i diritti d'autore?

                        Luigi

Tegnassej par tì!

                        Paolino

Meno mal! Parchè costen on  oeucc dol  coo! Basta vardà  i compagnij  de teatar  come hinn strepenà!

                        Luigi

Par fala brev...te disarò...Se trata  de quela benedetta società par  la divulgazion do la psicanalisi...Te me la det sì  o no la risposta? (  il diavolo che nel frattempo era entrato fa cenno di sì )

                        Paolino

Specia on moment...( si avvicina al diavolo ) Ma.. te set sicur che l'è on afari?

                        Belzebù

Sicur al cent par cent no! Ma al farem diventà,come se ciama, on  afari, damm a trà!

                        Franca

Quand se trata de ciapà  ona decision importanta ol mè  marì l'ha  ciapà l'abitudin de boffonchià in de par lù!

                        Luigi

Lassal boffonchià!... Al guarirem in pressa!

                        Paolino

Ben! Alora  mì ghe  stò!  Te  ditt  che la  spesa  inizial...  la  quota associativa l'era...

                        Luigi

On milion...

                        Paolino

( consultandosi con Belzebù ) Mì ghe n'hoo no de milioni da bottaa n'dol navascè!

                        Belzebù

Fatej prestà do la suocera...

                        Paolino

Sì! t'è trovà quela giusta!

                        Belzebù

Te vedaret che par quej afari chì i danè i a tira foeura. Scomettom!?

                        Paolino

Tentar non nuoce! Pari l'è  mè, dispari l'è  to! Bim bum  bam... Te  m'è fregaa on'altra volta! Ghe i e cercarò!

                        Luigi

Alora?! T'è decidù?

                        Paolino

Hoo decis...Ghe stò!...Ben intes ( guardando fisso la moglie ) se riessi a trovaa ol contante...

                        Luigi

Bene! Alora voo a toeu ol contrat, tel  porti chì in on bott...e...e  te set bel'e che sistemà!

                        Paolino

Sont bel'e che ciulà!

                        Luigi

Torni indrè subit! Sortiss mia...Speciom! ( via )

                        scena terza

( detti e Maria )

                        Maria

Hoo trovà avert... e sont entrada...

                        Paolino

( a Belzebù ) Lupus in fabula!

                        Maria

( a Franca ) Hoo vist andà via ol Luis.. S'al voreva quel cacazibett lì?

                        Franca

L'è vegnù in gir par propon on affari al Paolino...

                        Maria

Eh,   già!   A   nessùn   d'altar    al   podaria   rivolgess!    Nissùn l'ascoltaria...Domà ol  tò  Paolino  al  gà  daa  a  trà  aon  brentador compagn...!

                        Paolino

A resti in botta a sentila parlà inscì!  L'ha monanca de sentì de  cossa sa tratta!?

                        Maria

Gò mia bisogn de sentì! Quand i afari arriven da ona certa part...  hinn sempar cattivi afari! Punto e basta!

                        Paolino

O diavol! A rifom ol bim bum bam?!

                        Belzebù

Specia a parlaa, borich! E good la scena!

                        Maria

( a Franca ) Che afari l'ha poeu propost ol Luis?

                        Franca

Ma!?... Hoo mia ben capì!...So che 'l parlava de milioni...

                        Maria

Oh! L'ha cambià  mestè ol  Luis? Sa  l'è diventà?  Ol rochetè  de  Porta Vigentina? E poeu?...Dopo i milioni de cossa descorevan i per-ve-nù?

                        Franca

Ol Luis al parlava d'on psichiatrich e... e di volgarità...

                        Paolino

Te set andada a scoeura al giovedì e a la domeniga tì? Che psichiatricch d'egitt! Che volgarità d'inferno! Se tratava de costituì ona società par promoeuv, divulgaa,  volgarizzaa...- cioè:  spiegagh  a la  gent...-  la psicanalisi e la psichiatria! Vialtar donn capì sempar Roma par  Toma... ghè nagott de faa...A sii irrecuperabili!

                        Maria

I ball in bon de faa buj...! Comunque...sto  affari te disarò che al  ma interessa anca a mì...!

                        Franca

Eh!?

                        Belzebù

Se t'hoo ditt?

                        Paolino

E alora se  la gaveva  prima de dagh  inscì a  contra al  mè amis  e  de zabettà inscì par nient?

                        Maria

Me sont sbagliada...Podi no sbagliàm?

                        Paolino

( a Belzebù ) Segna, segna! Ciapa  on registrador! A l'è on  avvenimento storico quest chì!

                        Belzebù

Tass! A sò anca mì  qual è ol mè mestè!  Gò mia bisogn,  come se  ciama, d'on aiuto-diavol...Va là!

                        Paolino

Consuelo, Consuelo! Porta  scià on  para  de bicer,  mi portarò  chì  on vinell special par festeggiaa l'avvenimento...

                        Maria

Quale avveniment? L'affari?

                        Paolino

No! Ol fatto che l'haa recognossù d'avè sbaglià!...

( Consuelo entra con i bicchieri)

                        Maria

Ma...

                        Paolino

Contrordine! La suocera si ritira! Porta indrè i bicer (Consuelo esegue)

                        Franca

Ma chi l'ha mai ditt?  Consuelo riporta pur scià i bicer che festeggiom!(Consuelo rientra)

                        Paolino

Me pareva, vist che bisogna versà on para de milioncin...!

                        Maria

Cert che in che'l cas chì mì andarò coi pee da piomb...

                        Paolino

Ecco parchè la  striscia sempar  i sciampitt quand  la camina!  Consuelo riporta indrè i bicer!

( Consuelo esegue)

                        Maria

Innazitutt  voeuri  vidè  ben  de  cossa  se  tratta,  in  modo   pussee dettaglià...

                        Paolino

Quest l'è giust! Però ades  a mì m'è vegnù voeuja  de festeggià  istess! Consuelo, riporta scià i bicer!

( Consuelo esegue)

                        Franca

Forsi l'è mej specià quand se ne savarà on poo da pù... Consuelo riporta via i bicer...

(Consuelo esegue)

                        Paolino

No! Voeuri brindà ades! Consuelo i bicer! ( Consuelo esegue)

                        Maria

L'è mej speciaa! Consuelo riporta via i bicer( Consuelo stanca finalmente posa  i bicchieri sul tavolo  e manda  alla malora tutti quanti)

                        Paolino

Ben! Se podi no brindà  in cà mea,  andarò foeura a  brindaa, insema  ai barboni dol Pont Rott!

                        Franca

Ma ol Luis l'ha raccomandaa de mia sortì!

                        Paolino

Mi sorti istess!...In barba a tì, a lee e on poo anca al Luis! ( via )

                        scena quarta

( detti e Luigi )

                        Franca

A riessi pù a capil!

                        Maria

A l'è matt comè on caval de corsa!

                        Franca

Ma tì spiegom on poo  come t'è faj  a vidè  on afari in  di propost  dol Luis...

                        Maria

Te i  e leget  no  i giornaj?  Te set  no,  cara la  mea  tosa,  che  la psichiatria e la psicanalisi l'è roba d'alta borghesia? E mì voeuri  mia restà foeura dol gir! ...A ditt la verità  so no spiegamm come ona  roba compagna la sia capitada in  di mann dol Luis...ma...comunque... par  ol moment... starem a vidè...Sto chì sul chi va là...!( campanello )

( Consuelo fa entrare Luigi)

                        Franca

(alzandosi e andando verso la comune mentre Luigi entra)

A seromm drè propi a discor de lù! Chel  vegna avanti ( entrando )  chel se comoda! Ol mè marì l'è sortì on attim, ma al torna prest...

                        Luigi

L'è sortì? Oh  che testa! Gò  ditt ancasì  de mia andà  via che  tornava immediatament col contrat!

                        Maria

Prima al sa setta giò  chì, scior Luis! Poeu al  me faga dà  on'ogiadina anca a mì a stò contrat... Vedemm on  poo de cossa se tratta...(  prende il foglio e legge ) Interessant...oh!...L'è propi vera...al manca...  al manca...interessant...sì! l'hoo sempar  ditt anca  mì...! gà  voeur  ono stimolo...mia mal...( a Luigi )  Se podaria no vegh ona  copia anca  par mì? La ma interessa sta faccenda...

                        Luigi

A resti pussee che compiaciuto  de on simil  interessament...Me farò  in quater par daghel...Anzi...se  propri la  insist ghe podarò  dagh ol  mè personal, tant l'è nammò firmà, nè nient...

                        Maria

E ol conquibus?

                        Luigi

Par quell, pussè prest al ghè, mej l'è, sciora Maria...Sa, l'è ona  roba che la interessa on mucc de gent ... E  chi primo si accomoda, come  dis ol proverbi....

                        Maria

Quel l'hoo  ben capì  durante  la  lettura...Ma lù,  cal  scusa  la  mea curiosità, come la faa ad avegh in di mann ona robba simil?( campanello. Consuelo va ad aprire )

                        Luigi

Al sarissa ona borlanda tropa lunga da spiegaa...Tirerem nocc...On'altra volta, magari...in d'on  altra occasion...Magari  quando se  incontrarem davanti al nodar, prima de mett la firma...

                        scena quinta

( detti e Lella )

                        Lella

L'è mia in cà ol Paolino?

                        Maria

La ved bè che l'è mia chi!

                        Lella

Ma a momenti al sarà chì ol cerusigh, don Sante Dragone, al riva fin  de Napoli...Oei! Mia de fal vegnì  chì par nagott,eh!?  Dopo bisogna  pagal istess! L'è mia vùn che'l se scomoda per nient!

                        Luigi

Al speciarà on moment, come del rest sont adrè a faa mì!

                        Franca

I personn important se fann sempar speciaa!

                        Maria

Te voraressat mia dì che ol tò marì l'è ona persona importanta!?

                        Franca

Par mì l'è comunque pussee important d'ol ceruzigh

                        Lella

Anca parchè ol don Sante Dragone l'ha faj ol gir dol mond?

                        Luigi

In ottanta dì, scometti! Andata e ritorno!

                        Lella

Ghè   nient   de    scherzaa!   E    poeu...   e    poeu...vidarè    che sapienza ... che ... comportament ... che...alùre...che...dignità....che...

                        Maria

Che la spantega mia giò trop, ades!

                        Luigi

Sentivi già ona certa spuzza...

                        Franca

Ma vers che ora l'ha ditt chel sarà chì sto ceruzigh?

                        Lella

De precis l'ha  no ditt...Ma  de solit al  riva in  gir vers  l'ora  dol disnà...

                        Maria

Mia stupid ol Napoli, eh!?

                        Luigi

E la ma disa on  poo, sciora Lella, ol mangià  l'è compres nel prezzi  o l'è a part?

                        Lella

Quel al dipend dai conoscenz che 'l gà...

                        Luigi

Alora, cognosendola lee, podom stà tranquill...ol disnà l'è compres!  Va ben inscì?

                        Lella

Pensi che  al  dovarissa  no  lamentass....se  ol  disnà  a  l'è  da  so gradiment...

                        Franca

Oh! Se l'è domà par quest, ghe pensi mì a faa on mangiarino coi  fiocchi par mia scontentaa ol dotor...

                        Luigi

E la dotoressa!

                        Lella

Voo a special in cà mea...l'appuntament  l'era lì...( via)

                        Maria

Che la vaga pùr! Nùm de chì sa moeuvom mia...

                        Luigi

M'è vegnù in  ment, sciora  Maria, a proposit  dol contratt,  d'andaa  a ciamaa ol nodar...Inscì prima l'è fada, mej a l'è...

                        Maria

Mì vedi no tutta sta pressa...però se lù al stà pù in do la pell, che 'l vaga  pùr  a   ciamal  sto   nodar ... Gò  giusta   chì  ol   librett   di assegn...firmarò...e quel che ghè faa l'è faa...

                        Luigi

Ben detto! Oh, che brava!  Lee sì che  l'è intellingenta...Torni  subit, donca...Arrivederci...( via )

                        scena sesta

( Maria e Franca )

                        Franca

Me par che te gabiat vù on poo de pressa in de faa sto afari...tìhoo mai vista inscì prima d'ora...

                        Maria

A voeuri  mia  famel  scapà!  Se tratta  de  entraa  nel  gir  dell'alta borghesia milanes...Te capissat?

                        Franca

Capissi... Ma al me par on poo tropp precipità sto afari chì!

                        Maria

Tì pensa al disnà, va! Che mì pensi ai danè!

                        Franca

Ben! Voo de là a preparà on poo de roba  bona da mett sota ai  denc...Se riva ol Paolino, fa no  la scorbutica, come al  solit...Trattel ben,  me raccomandi!

                        Maria

Gò no bisogn de consili... e tant meno de tì...

                        scena settima

( Paolino, Maria, Belzebù,Consuelo )

                        Paolino

A t'è capì? Carissim Belzebù? Scusa se t'ha dò dol carissim! A t'è  capì come hinn faj i donn?

(intanto entra Consuelo per le solite pulizie)

                        Belzebù

Te disarò che me  speciavi no tanta  malizia...tanti sotterfugi...E  par contra tanta,disemm, ingenuità, quasi santa, da part di omen!

                        Paolino

Sent che odorin! ( a Consuelo ) Se l'è adrè a faa de bon la mea miee?

                        Consuelo

No he entendido

                        Paolino

Noè che cosa?

                        Maria

Noè en dido... A l'è on disnà dol sudamerica. Ignorant!

                        Belzebù

(a Paolino) No he entendido al vouer dì che la mia capì

                        Paolino

Ah! E poeu a saria mì l'ignorant!? (a Maria) Ma ca la me faga ol piasè!

                        Maria

Parchè?

                        Paolino

Parchè no he entedido al voeur dì che la capì nagott! Capito?  Ignoranta al quadrato!

                        Maria

Sa devi savè mì?

                        Paolino

Almen la savarà par chi hinn sti gran preparativi...parchè mai sto  gran daffari?

                        Maria

Vegnerà chì ol ceruzigh, da Napoli...

                        Paolino

Ah! Hoo capì...Ol viagg ghe mett appetenza...

                        Maria

La dis la Lella che l'è on grandissim specialista...

                        Paolino

Nel mangià?

                        Maria

Macchè! Nel visità la gent!

                        Paolino

E nel fass pagà? L'è specialista anca in quell?

                        Maria

Savaria no...Però, dato i conoscenz, la diss  la Lella che se po  condil via cont on poo de disnà...

                        Paolino

Scommetti che par contorno ghe dispiasarian no i cornitt...

                        Maria

La Lella la assicura che l'è on grand omm!

                        Paolino

Nel mett i corni ! Appunto !

( campanello )

                        scena ottava

( Detti e Luigi )

                        Paolino

Avanti...l'è avert!

                        Luigi

( entrando )  Ah! Te  set tornà?  Ma  ades l'affari  te l'ha  soffià  la suocera!

                        Paolino

Fa nagott! Al resta sempar in familia!

                        Maria

E ol nodar?

                        Luigi

L'hoo mia trovà in cà! Però in compens sont reussì a trovà ol  president do la società costituenda...Se  la voress faa  la soa  conoscenza...Ghel podi portà chì?

                        Paolino

Porta, porta! Tant on piatt in pù o in men l'è istess... quand se tratta de mangià a va ben tuscoss! tranne i scigol in umid,quej no!

                        Luigi

Alora voo a ciamal! ( via )

                        Paolino

Bravo, va a ciamal!

                        Maria

E mì voo a vùtà la mea tosa...

                        Paolino

Brava anca lee! Che la vaga!( Maria via )

                        scena nona

( Paolino, Belzebù,Lella, cerusico )

                        Paolino

Inscì semm restà in de par nùm!  Che pass, finalment! Na podevi  pù...Se po respirà on zichinin...Che tranquillità!

                        Belzebù

Ghè stà certi moment che me sembrava,disemm, de vess all'inferno,  tanta l'era la confusion!

( campanello )

                        Paolino

Addio tranquillità! Ricominciomm...La par striada sta giornava! ( va  ad aprire ) ( rientrando ) Franca, te  ghet lì on quaj  cent lira? Ghè  chì vùn  che cerca la carità

                        Lella

Ma che carità d'Egitt! A l'è ol ceruzigh, dottor Sante Dragone!

                        Paolino

Alora al doveva presentass! Vestì inscì  a l'hoo scambià par on  barbon, vùn di solit zingar che ghe trà a cercotà!

                        Cerusico

Pecchè 'o dicce sta fetenzia?  Aggio tenuto 'o viagge 'e  tre jorni  pe' venira in tu ccasa...mò che songo arrivatu sto biello trattamiento aggio a sopportamere...?

                        Lella

Non s'arrabisca dottore la prego!

                        Paolino

Ma chi l'è poeu lù che al gà ol diritto d'arrabias in cà mea?

                        Cerusico

Bbono! Bbono! Statte bbono...!Statte  zitto...! Ca tu  m'offiendi a  mea personalitate...!

                        Paolino

Se aggio offenduto mì ca colpa gà n'hoo? Lù al sa spiega malament!

                        Cerusico

Ma è pussibbile ca vuiatte uommene num cappite mai niente?

                        Lella

Che si calmi, dottore!  ...E...lù, scior  Paolino, che 'l  lassa faa  al dotor qui presente...Mì intant voo a ciamà la soa miee...Forsi l'è  mej! ( via )( il cerusico compie nel  frattempo strani gesti, girando  per tutta  la scena, seguito ironicamente da Belzebù e da Paolino...- a soggetto )

                        Cerusico

Partenope 'a  serena!...Cumà,  cumè  e  comò!...Pizzifalcò  'sta  museca doce...! Chiulì sa vo' chiulà! Zimpete, zampete e zà!

                        Paolino

Parapunzipunzipà!

                        Cerusico

Zitte, o  guaglione!  Chista  è 'a  dottrina  d'u  cerusice!...Chista  è sapienza 'e  Napule! Vieni,  si  vo' 'e  vède  lu  paraviso...!  Accurre appresso  a   mia... ma tu te  tacere...Pusilleco, VVesuvio,   o Margellina  ..zimpete, zampete e..

                        Paolino

Zàzà! Oei Lella! La vegna  chì subit che ghè sta  un pri quo pro!  Quest chì l'è mia on zeruzigh, ma on carneval...! Lella, oei! Lella!

                        Lella

Sa ghè?

                        Cerusico

Num se puote a travagliari in pace!

                        Paolino

E lù al ghe ciama travaià a tutta sta messa in scena compagna?

                        Lella

Che scusi,  dottore, la  sua  ignoransa...Che vegna  di  là,  nell'altra stansa...Là potrà lavorare eglio...con più tranquillezza...

                        Paolino

Che'l ma scusa se la mia ignoranza l'è mia pari alla soa!( via Lella e  cerusico, il  quale continua a  sproloquiare frasi  senza senso )( a Belzebù) A t'è vist che razza de gent me  porten chì in cà? Mì  sont

mia sta bon de dì de no, anca sù tò consili...ma credevi chel se tratava d'on ceruzigh classich...de quej che in buon taliano te disan...:" al se sbiotta,   scior!    chel    tira    via    anca    la    pancera...chel

tossisca...prego...chel faga trentatrè..." e che  te schiscian lì  visin al bomborin par vidè se caso mai  te gabbiet la pendìce ...Inveci  m'ham portà chì on ciarlatan de vùn che pussee  de dì parol sensa costrutt  al faa no!

                        Belzebù

L'è stada ona  sorpresa anca  par mì...Però par  intant lassemal  agì... videmm doè cal va giò a trà e poeu...

                        Paolino

E poeu?

                        Belzebù

E poeu al ciapom par la cabeza e...via di ball! Al sbattom foeura!

                        Paolino

Te parlat  mè on  demoni!  Però mi  voraria  che  infrattant,  prendendo l'esempi do la Lella, al se sbattessa mia giò in sù la mea miee!

                        Belzebù

Voo de là mì a controllaa! ( via )

                        scena decima

( Detti, Luigi, dr Kustly )

                        Paolino

Se 'l ghe fudess mia  chì ol Belzebù a damm  ona mann, chissà doe  saria già finì a quest'ora! Al manicomi, certament!( campanello )L'è nammò finida  la  sonada? Avanti,  venghino signori...ghè  post  par tucc...

                        Luigi

Hoo portà ol dottor professor Franz Joseph Kustly, diplomà in psico...

                        Paolino

Fermass lì! Sò già tuscoss

                        Professore

Mio sekretario dire che fostra  illustrissima referendissima  eccellenza essere interessata...

                        Paolino

Sont mia mì l'interessà...L'è la mè suocera...Adesso io chiamaren e  poi voi due parlaren und farem societtatem....eccetera...eccetera...( verso la cucina, quasi gridamdo ) Maria! Maria! La vegna scià che  ghè chì on tudesch che la cerca!( al pubblico )Tudesch con tudesca anderan certo d'accordi!

                        Maria

Eccomi! Vosa no mè on paiasc!

                        Paolino

Ah! Sarissa mì ol paiasc?! E quel tipo che ghè rivà on moment faa chi al saria, diolami? La monina dol presepi?

                        Maria

Ogni tanto mio genero al daa fuori on poo di lui!

                        Professore

Essermene acorgiuto...!

                        Maria

I cart hinn tutt pront?

                        Luigi

Ecco!( Maria prende, annuisce, sfoglia,  sta per estrarre  il libretto  degli assegni...)

                        Scena undicesima

( detti, cerusico, Lella, Franca )

( entra il  cerusico, accompagnato  da Lella, e  Luigi e  il  professore danno un balzo seguito da esclamazioni varie )

                        Luigi

Ma lù cosa al faa chi? E vestì in che la manera, poeu?

                        Professore

Che paiasciada l'è mai questa?

                        Cerusico

Ah! V'hoo ciapà  finalment! E  i mè danè?  Che fin  han faj i  mè  danè? Brutti porci ladar! Delinquent!

                        Luigi

Che 'l se calma che ghe spiegarò tutto! Del rest l'è mia cà soa, questa, e al po no vosà come al faa, liberament!

                        Cerusico

Che 'l se calma lù puttost! E che 'l me  daga quel che me speta!  Ladar, imbroion che no l'è altar!

(rientra anche Franca)

                        Professore

L'imbroion te set  tì, che  t'è giogà su  la nostra  bona fed!  Che  t'è cambià i cart in tavola!

                        Cerusico

Ah! Sarissa mì l'imbruion?! Ma mì foo ciamà  la questora e te foo  portà ai Miogn, bel'e che subit!

( succede un po' di parapiglia, a soggetto, i tre tentano di venire alle mani )

                        Paolino

Oè!Oè!oè! Sa l'è tutta sta storia?! Questa chì fina a proeuva  contraria l'è ammò cà mea!!( al cerusico ) Ma lù al senti  parlaa milanes...l'è mia ol ceruzigh  de Napoli?

                        Cerusico

Macchè! Me sont travestì in che la manera  chì pa faa contenta la  Lella che, a soa volta, la voreva faa contenta la soa miee, povarina...

                        Paolino

Faa contenta de  chì...faa contenta  de là e...e...  sbiotamm mì?!  ...E lù...l'è mia ol professor dottor de psichiatria Joseph Kù...Kù...Kù...

                        Professore

Ma neanca par idea! ...Mì sont ol ragionier Peppin Formenti! ( estrae un biglietto da visita che Paolino getta via )

                        Paolino

E ol motiv de tutta sta mascherada?

                        Professore

Al dev savè che, essendomi indebitato al  gioco, per un para de  milion, propi con quel scior lì che'l s'è travestì de ceruzigh...

                        Paolino

Ol don Sante Ricchione...

                        Cerusico

Dragone!

                        Professore

A disevi... essendo pien de debit fina al copin, hoo pensà, inscì in via dol tutto provvisoria, de ùsà quel mezz  truchett chì par pudè vegnì  in possesso almen d'on  quaicoss  e mia  vess continuament  perseguità  dal scior Sante Dragone...

                        Paolino

E quindi de vegnì in cà mea a imbruiamm, porco demoni!( sta per scagliarsi contro di lui, ma Belzebù lo ferma)  E tì...tì..Luis, come te entrat in sta borlanda...anca tì te me  vorevat faa sù mè on salam?

                        Franca

Già! Come la podù tradì on'amicizia?

                        Professore

L'ha faa on debit con mì! Sempar de gioco, se capis!

                        Maria

Mì capissi pù nient! ( stringe il suo libretto di assegni )

                        Franca

Ma chi l'avaria mai pensà?! Me par da vess in parlament

                        Paolino

Chi l'avaria mai pensà! Ol Luis...l'amis di mè barbis...! E ben...! Savì se pensi mì!... Mì pensi che (irato) che dovarì andà foeura tutti de cà mea...E alla  svelta! Altriment  la  questura la  ciami mì!  Altar  che!

...Via!..Via tutti!...Lù, scior cerusico di mè ball...Sante Ricchione...

                        Cerusico

Dragone, prego, Dragone! ( via )

                        Paolino

Lù, scior finto professor di matt! ( Professore via )Tì ...anca tì...Luis...che te credevi on amis ... inveci...Via!

                        Luigi

Ma lassa che te spieghi...!

                        Paolino

Ghè nient de spiegà! Via, via!( Luigi via )E lee, sciora Lella, anca lee... bella amisa la s'è dimostrada!...Che la voreva continuà la tresca in cà mea col sò amante Ricchione!...

                        Lella

Dragone!( via )

                        Paolino

Dragone o ricchione  o imbroglione  l'è istess!La cambia  no la  sonada! Via! Ve voeuri pù in  cà mea! Chì  a resti  domà in compagnia  do la  mè miee, alla  quale ghe  voeuri  pusse  ben de  prima,  e  anca ...anca  in compagnia do la mea  suocera...sì...anca lee la  po restà...parchè  dopo avè tirà tucc  i somm,  l'è sempar  stada  al mè  fianch...e la  ma  mai imbruià! ..Anca se ona  quaj volta  emm resià...faa nagott!  L'è mia  on resià de cattiveria...ma  on resià  de quej che...in  fond in  fond...ma propi in fond...se voeuren ben...

                        scena ultima

( Franca, Maria, Paolino e Belzebù )

                        Paolino

Hinn andà via tutti? ( pausa, si  guarda attorno, non ancora persuaso  ) Che pass! Come  se sta ben  accanto ai  person che se  voeur ben!...  Ma scusè on attim, donn, per l'oltima volta, vel giuri, a l'è prpi l'oltima volta da bon, lassem spujà ol goss on poo de per mì!( a  Belzebù )  Oei!  Belzebù! Cossa  ten disat  tì  de sto  mond?  Come l'andada a finì la tò inchiesta?

                        Belzebù

L'è finida in ona come se ciama gran ciolada!

                        Paolino

E parchè mai?

                        Belzebù

Sont vegnì a capo  de nagott! L'è  propi vera  che i donn  ne sann  vuna possè dol diavol. Sont restà, come se ciama, senza parol.

                        Paolino

E mò se te faret?

                        Belzebù

Tornerò giò all'inferno e  ghe disarò  al mè resgiò  i mè  impression... quel cioè che hoo pudù costatà in cà toa, grazie anca a tì...

                        Paolino

Inscì te me lasset?

                        Belzebù

Credi che te gabbiat pù necessità de videmm...

                        Paolino

Ma...ma...la Franca?

                        Belzebù

Quela l'era in  dol patto  ch'emm faj...Te  la lassi,disemm,  tutta  par tì...La parola l'è parola...Ma                       

 Paolino

Ma?

                        Belzebù

Lamèntass mia, dopo, eh!?

                        Paolino

Certo che no! Te m'è levà ona preja dol stomigh!

                        Belzebù

Arrivederci!

                        Paolino

Che arrivederci?...Addio! E..par sempar!...Almeno...sperèmm!( alle donne )Ben! Hoo finì  de parlà  de per  mì! Voeuri  propi festeggià  de  vessom liberà de tutti i diavolerij ch'hinn entrà dentar in stà cà!

( si alza, prende una bottiglia e tre bicchieri, ritorna a sedersi )L'è vin bon, quest chì! L'è vin santo!

                        Franca

( mentre Paolino versa da bere )Mò che l'è passà tuscoss... che te set calmà... voeuri prpi cuntat sù on

quel che m'è capità ona nocc...Se ved  che avevi mangià tropp... vers  i tre or, tre e on quart, me desedi e, girando i oeucc da la toa  part...a m'è  parù  d'avè   vist   on  brutt   moson,tutt  negar,   inscì   'ndol

dormiveglia...a m'è parù anca  d'avel tocà...al ma  pareva chel  scotass perfina... mè on tizzon ardent... e tra l'altar, in fond a la s'cena,  a m'è pars d'avè vist on cudìn scodinzonent...

                        Paolino

Doe t'è ditt che 'l stava sta brutta bestia?

                        Franca

In dol… come se ciama… nostar lecc, naturalment...

                        Paolino

O Signor...! Scusè, donn, gò  bisogn de parlà on'altra volta  in de  par mì! ( via )

                        CALA LA TELA

    Questo copione è stato visto
  • 0 volte nelle ultime 48 ore
  • 0 volte nell' ultima settimana
  • 0 volte nell' ultimo mese
  • 1 volte nell' arco di un'anno