Turi do ciospu
Plebiscito Monfalcone 1 pari
Atto unico in siciliano
di Alfio Bonanno
Turi do ciospu - Ristoratore
Cocimu - Garzone
Iaffiu Llalla Ragazzo mammurianu
Helfy - Ragazzo monfiano
Concy - Ragazza monfiana
Concy - Ragazza mammuriana
Scena: Piazza. Chiosco al centro; sullo sfondo il prospetto di un palazzo, a sinistra e a destra si esce dalla piazza o attraverso le quinte, o attraverso degli archi su colonne.
I
Turi d'o ciospu: (armeggia con bottiglie e bicchieri) Tom Cruis fici u film Cocchittail? e Turi fa u film Ciosputtail! (fa roteare in aria le bottiglie che finiscono miseramente a terra, con rumore di vetri rotti, o tenendo una latta sotto il banco del chiosco o facendo cadere le bottiglie in una cassetta imbottita a terra e producendo da fuori il rumore dei vetri rotti) ... mizzica... e menu mali ca non mi visti nuddu! ... autru ca Tom Cris... ma prima o dopu mi mparu, com veru ca mi chiamu Turi do ciospu!
Cocimu: E non mi diciti chi di purtari caf a domiciliu picch senn sfarfallu!
Turi d'o ciospu: (facendo finta di niente) Cocimu a facisti a cunsegna? Cca stava facennu un pocu di pulizia...
Cocimu: Si si... u ntisi do scrusciu ca si sta puliziannu nautra pocu di buttigghi... ora vo ghiettu i vitra rutti...
Turi d'o ciospu: A vulemu finiri ccu ssa storia ca i rumpu i buttigghi?
Cocimu: ...e non sulu...
Turi d'o ciospu: lassa ca mallenu bonu e u viri comu i fazzu girari i buttigghi!
Cocimu: Vabbeni, si... per no frattempu non mi mannassi chi a purtari caf nto circulu di loperai picch se no mi licenziu ppi subbitu! Chiddi si ca sanu fari girari ... i buttigghi!
Turi d'o ciospu: Ma chi fu non ti trattaru bonu?
Cocimu: Non mi trattaru bonu? Mi ficiuru stari na pezza! Trasu che caf e ppi prima cosa accuminciunu a lamintarisi picch era tardu e sicuramenti erunu friddi...
Turi d'o ciospu: ...e vabb su vicchiareddi e si lamentunu tantu ppi lamintarisi...
Cocimu: Aspittassi, sa facissi cuntari tutta: prima cosa ca si lamintaru senza ca ancora lavunu assaggiatu... appoi cuminciaru a fari pulemica ppo zzuccuru...
Turi d'o ciospu: Ma picch non ci u purtasti?
Cocimu: Comu no? Sulu ca, dici, siccomu su tutti cco diabeti vulevunu u zuccuru chiddu da farmacia...
Turi d'o ciospu: ...ca costa chiossai do caf...
Cocimu: ...appuntu... dopo di chissu ci fu u fattu de cucchiarini
Turi d'o ciospu: Non ci purtasti!
Cocimu: Ci purtai, sulu ca vulevunu chiddi mpacchittati a unu a unu...
Turi d'o ciospu: E non ci lavemu?
Cocimu: Si, ma siccomu zuccuru non ci ni misuru i non ci nhava datu, iddi per ficiuru pulemica picch dici ca erunu pavati e macari ca ne usaunu i vulevunu, i tornu no muturinu, ci pigghiu, ci dugnu e iddi a fari pulemica picch non potturu arriminari u caf... insomma alla fini, a ura di pavari, si prisintaru tutti cu i carti di centu euru...
Turi d'o ciospu: generosi...
Cocimu: ...mbrugghiunazzi! Ca scusa de sordi sani e ca i non ci aveva u restu, dici di signari a cuntu ca poi paunu tuttu nta na vota... u capu chi bella cumpagnia spaccamattuna?
Turi d'o ciospu: In buona sostanza, comu dici u proverbiu...
Cocimu: ...nuttata persa e figghiu babbu! Chissi sunu caf ca ne paunu mancu fra tri anni!
Turi d'o ciospu: Comunqui, voli diri ca a prossima vota ci dicu ca su volunu u caf su venunu a pigghairi cca.
Cocimu: Bravu! E pavunu prima di cunsumari...
Turi d'o ciospu: ...e gi! Se no chissi oltri ca u caf cunsumunu macari a mia...
II
Iaffiu Llalla: Concy, chi fa tu pigghi un scioppinu di birra?
Concy Mammuriana: Chi vivu birra cca panza leggia?
Iaffiu Llalla: Comu a panza leggia? Si stamu vinennu ora ora da quadara?
Concy Mammuriana: E chi mangiari chiddu? Mancu na vaschetta di quarumi, ca appoi lultimu pezzu cu offrii a Simonuccia a vita mia...
Iaffiu Llalla: Per macari tu a darici u megghiu pezzu di quarumi a to cucina...
Concy Mammuriana: ...ma chidda a vita mia!
Iaffiu Llalla: ...si per iavi du annuzzi...
Concy Mammuriana: E chi voli diri? Non mangiunu macari i picciriddi?
Iaffiu Llalla: Chissacciu? Essennu na picciridda avissa mangiari cosi di picciriddi...
Concy Mammuriana: E difatti a quarumi ci a desi no menzu di du viscotta al plasmon...
Iaffiu Llalla: Mammoriri maom! I di picciridi non ni capisciu nenti!
Concy Mammuriana: E picch si masculu, chi nha capiri tu? Allura chi mi offri?
Iaffiu Llalla: Mammoriri maom! I macari non ti capisciu... Ti dissi si voi na birra e mi dicisti no... ora voi na cosa... non mi fari cunfunniri!
Concy Mammuriana: Mammoriri maom! Mancu u sacciu picch mi misi cu ttia... dammi na cocco cola, va accuss arruttu...
Iaffiu Llalla: Zu Turi na cocco cola ppi Concy e menza birra ppi mia...
Turi d'o ciospu: E menu mali ca vaddicidistuvu... Cocimu pigghia a birra... signorina a coca cola a voli cu limoni?
Concy Mammuriana: E chi ci passi ca mi doli u stomucu? Ma talia a chistu va... Iaffiu... ma non ci nerunu autri ciospi?
Iaffiu Llalla: Ma comu? U ciospu du zu Turi, mammoriri maom, u megghiu di tuttu u quarteri!
Concy Mammuriana: Mah... chi sacciu ... u limoni ...
Cocimu: Zu Turi allura a chiddu da birra mancu ci u dumannu si voli sali e limoni...
Turi d'o ciospu: Lassa perdiri... accaluoti appoi ci pari ca u stamu pigghiannu ppi fissa... anzi daccilla direttamenti nta buttigghia e non ci livari mancu u pruvulazzu camasenn ci cangia u sapuri e non ci piaci...
Iaffiu Llalla: Concy, ma picch andura dicisti ca non sai picch ti mittisti ccu mia?
Concy Mammuriana: Iaffiu: na carusa comu a mia no capisci ca voli un principi azzurru? Tu certi voti no o principi... massumigghi a Gargamella... chiddu de buffi...
Iaffiu Llalla: Avaia, Concy... chi fa tu scurdasti quannu ni canuscemu? Chi sirata romantica! Erumu o lungomari di ognina...
Concy Mammuriana: ...davanti o camiu de panini...
Iaffiu Llalla: ...i era cca me cumpagna, nauma pigghiatu un bellu paninu cco vustel, a porchetta, u pumaroru, lovu frittu e i patatini, cekap e maionesi...
Concy Mammuriana: ...ti scuddasti i cipuddi cacitu e a nsalata russa...
Iaffiu Llalla: ...e chi voi? Era talmenti mprissiunatu di tia ca mancu u visti chi ci misi nto paninu...
Concy Mammuriana: u pipi spezzi...
Iaffiu Llalla: ...chi dici?
Concy Mammuriana: ...ca ci mittisti macari u pipispezzi... comunqui i macari ti taliava, era che me cumpagni, Concy, Concy, e Concy...
Iaffiu Llalla: Ma vi chiamauvu tutti Concy?
Concy Mammuriana: Chi centra? E un dimintivu... erumu i Cuncetta e quindi Concy, Giusippina tri oru tri oru ca u ti di oru na tombula che carti ciciliani si chiama peri con ci apperica nto mari autu diminutivo ... periconci.. e quindi Concy, appoi cera Valentina chidda rossa ca cci diciunu Baconci... e quindi Concy, e luttima era Luana, chidda ca pigghia sempri cuntraminzioni...
Iaffiu Llalla: ...e chi centra Concy allura?
Concy Mammuriana: ...centra! Picchi pigghiannu sempri cuntraminzioni u vaddia ci diceva sempri:Concilia? E ci arristau u pecchiru Concilia ...e quindi...
Iaffiu Llalla: ...Concy...
Concy Mammuriana: Chi voi vita mia?
Iaffiu Llalla: ...no dicu a chiamauvu Concy macari a idda...
Concy Mammuriana: ..mava passu ca mi stavi dicennu qualche cosa di duci duci...
Iaffiu Llalla: E chi ci voli? Pi chissu ha mancari? ...na cosa duci... dunqui... a bioscia!
Concy Mammuriana: Avah... Iaffiu... chi duci!
Iaffiu Llalla: ...a bioscia cco zuccuru... comu cci vaiu?
Concy Mammuriana: Lassa perdiri ca non cosa to... u vidi ca haiu ragiuni ca u principi azzurru ancora non lhaia attruvatu?
Iaffiu Llalla: A chi va ciccannu u principi azzurru? Un pagghiazzu cco pigiama e ch capiddi longhi... talia a mia ... i sugnu u to principi azzurru... amuninni va ca ti pottu a passiari a via Etnea e si mi dici a testa stasira ni nni iemu macari a bballari...
Concy Mammuriana: Si amuninni... per shama ghiri a bballari mhaia mettiri daccordu ccu Concy...
Iaffiu Llalla: E picch? Nhama puttari macari a idda?
Concy Mammuriana: Chi centra? E ppi quantu ci dicu a me patri ca dommu ni Concy e si iddu talefuna idda ci dici ca sugnu o bagnu o staiu dummennu... se no comu ci vegnu a bballari?
Iaffiu Llalla: Ragiuni hai... amuninni
Turi d'o ciospu: Scusatimi... nenti vi stati scuddannu?
Iaffiu Llalla: Mi pari di no... Concy tu vidi si ti scuddasti a borsetta o solitu to...
Concy Mammuriana: Ca quannu mai? Cca ci lhaiu... Amuninni va tu dissi ca stu ciospu non mi piaci...
Iaffiu Llalla: Salutamu...
Turi d'o ciospu: Senti o figghiu, va beni salutamu... ma pavamu... no?
Iaffiu Llalla: Bih... mu stava scuddannu...
Turi d'o ciospu: ...sunu tri euru...
Iaffiu Llalla: aspetta ca videmu... (controlla le tasche e non trova niente) Mizzica... ci haiu sulu soddi sani...
Cocimu: Chissu hava aviri parenti o circulu... sicuru...
Turi d'o ciospu: E non ti preoccupari ca i scanciamu...
Concy Mammuriana: Mi chi sta facennu ppi tri euru... tinissa ddocu (li sbatte sul bancone)
Iaffiu Llalla: (riprendendo le monete e restituendole a Concy) Chi centra? Si ti dissi ca offru i... (continua a cercare senza trovare)
Concy Mammuriana: (risbatte i soldi sul bancone) Ti dissi amuninni
Iaffiu Llalla: (riparte per riprendere le monete)
Turi d'o ciospu: (anticipa Iaffiu e intasca le monete) Sintiti, vuatri aviti na vita davanti ppi discurriravilla... i intantu mi pavu a cunsumazioni, vuatri spurugghiativilla...
Concy Mammuriana: Amuninni Iaffiu... (mentre si gira) ,...mottu di fami...
Iaffiu Llalla: (mentre si gira) ...chi genti pirucchiusa ca ci su...
III
Cocimu: Zu Turi, i nesciu e i pigghiu a pirati a tutti e dui...
Turi d'o ciospu: Lassici perdiri... dici u proverbiu: a lavarici a testa o sceccu si cci perdi tempu, acqua e sapuni...
Cocimu: Ma du carusi accuss... ca a gnuranza si ci po scurciari cco cuteddu...
Turi d'o ciospu: E chi ci voi fari? U munnu bellu picch variu ... talia a sti dui ca stanu arrivannu u vidi inveci chi su fini?
Helphy: (sia Helphy che Concy monfiana parlano con le vocali aperte e la cadenza annoiata dei figli di pap) Vieni Concy... prendiamoci una cosa...
Concy Monfiana: Antico... ma dove mi hai portata? Non ti piacevano i bar di via Monfy?
Helphy: Ma non sei stanca sempre delle solite facce, delle solite cose? Qua sulla via Plebiscito c pi senso di avventura, di rischio... mi faccio un pieno di ladrenalina...
Cocimu: ...mha scusari... ma di ssa cosa ca dissa lei non navemu...
Helphy: Hai visto Concy? Quant simpatico questo zotico?
Concy Monfiana: Si si! Hai ragione... sembra un mao mao...
Cocimu: Zzu Turi ma chi stanu parrannui ppi mia? Ora nesciu e i pigghiu a pirati a tutti e dui...
Turi d'o ciospu: Ma comu si ca perdi subbitu a pacenzia? Su ddu poviri fighi di pap... chi vo fari? Muzzanteddi crisciunu intra lappartamenti comu i polli dallevamentu e poi quannu nesciunu sunu spaisati...
Concy Monfiana: Ma Helphy... ci possiamo fidare della pulizia di qui?
Cocimu: Ma chi centra a pulizia? Chi varrubbaru u pattafogghiu?
Helphy: Lo senti? Lo senti? Ma che simpaticone...
Concy Monfiana: Si nella sua ignoranza alla fine ha qualcosa di tenero...
Cocimu: Teneru? E chi ci passi na fedda di carni di vitiddina?
Concy Monfiana: Ma senti, Helphy... visto che mi hai portata qui, perch non facciamo qualcosa di trasgressivo?
Helphy: Tipo?
Concy Monfiana: Di sicuro qua sono tutti spacciatori... compriamo un po di fumo...
Helphy: Hai ragione! E siccome sabato al compleanno ancora non abbiamo pensato a un regalino, gli facciamo un pacchettino a ogni invitato...
Concy Monfiana: Forte! Vai ... vai...
Helphy: (chiama cofidenzialmente Cosimo) Mbare... per avere un po di fumo che bisogna fare?
Cocimu: (lo guarda interdetto, guarda Turi che se la ride e poi esce da sotto il banco un mazzo di chiavi di motorino) Vadda chi fai o frati... ddocu arreri c u me muturinu...
Helphy: ...apro il bauletto e prendo tutto il fumo che voglio?
Cocimu: Ca quali? Vai nto me muturinu, u metti a motu... e tallippi nta marmitta: ha vogghia a fumu... scarburatu ppi comu ...
Helphy: Ma...?
Cocimu: Ma ppi ccu ni scanciasti, sciamunitu? Zu Turi pozzu nesciri e u pigghiu a cauci?
Turi d'o ciospu: Ti dissi di non ci dari cuntu, lassa fari a mia. Carosi, che vi prendete? Una vippita o qualche cosa di arrusicare?
Concy Monfiana: Helphy hai ragione, qui meglio di fare una gita in Sud America... c ancora gente allo stato primitivo!
Turi d'o ciospu: Mi scosassi signurina, ma a vuliti qualche cosa o vi pari ca semu o zoo?
Cocimu: Tu dissi ca a chissi ddocu ci passimu i scimmii da villa...
Concy Monfiana: Ce lavete il kebab?
Cocimu: Chi ssu cosu?
Helphy: Ci faccia due paninazzi...
Cocimu: Ma comu parrunu chisti?
Turi d'o ciospu: Di ssi cosi ca diciti vuatri semu momentaneamenti sprovvisti... non lo so qualche autra cosa? Da bere per esempiu?
Concy Monfiana: Me lo fa un Bloody Mary?
Cocimu: U brodu di mari? E chi semu a Trizza?
Helphy: Due Margarita?
Cocimu: Nto ciuraru! Ma cosi normali non ni pigghiati vuatri?
Turi d'o ciospu: Insomma vinistuvu nto ciospu hata addumannari cosi di ciospu, no?
Helphy: Faccia lei, ci dia qualcosa di tipico di questi posti pittoreschi...
Turi d'o ciospu: Fazzu i? E va beni!
Concy Monfiana: Helphy: com eccitante stare qui... era da tempo che non mi facevi vivere una avventura cos!
Helphy: E dire che siamo insieme da un sacco di tempo... saranno almeno... quanto? Due... due e mezzo...?
Concy Monfiana: Tre! Sono tre giorni precisi che siamo insieme... ti ricordi quando ci siamo conosciuti?
Helphy: E come me lo posso dimenticare... mi sembra laltro ieri! Eravamo davanti al banco bar del ristorante Parco dei Re Borboni... quello carinissimo, che fanno il pane cunzato imitazione putia, a venticinque euro alla fetta...
Concy Monfiana: Gi; tu eri con i tuoi amici e facevi finta che non mi vedevi ma si capiva che ti piacevo, noi le capiamo queste cose... si vedeva da come sbagliavi a dare i soldi al barista stavi offrendo tu e invece di settantacinque euro ne hai tirati fuori settecentocinquanta...
Helphy: Gi... tu eri la pi bella della compagna, tra le tue amiche ti vedevi solo tu...
Turi d'o ciospu: Ecco qua: tamarindo co bicarbonatu ppo signurinu e sciapagninu ppa signurina... addubbamuni...
Cocimu: ...nto cannarozzu fausu!
Turi d'o ciospu: Cocimu!
Cocimu: Non ci pozzu fari nenti: mi fanu malusangu!
Concy Monfiana: Mi sembra che siano passati pochi giorni... eravamo io, Vale, Stefy, Rosy e Giuny...
Helphy: una bella compagna... tutti nomi trendy...
Concy Monfiana: Vabb... tutti diminutivi vezzeggiativi... Io sono Concy perch mi chiamo Concetta... ma un nome vecchio... Vale la chiamiamo cos perch porta sempre un sacco di gioielli addosso, per dire: Vale assai... ma in realt si chiama Concetta, nome vecchio! Stefy la chiamiamo cos perch nata la notte di Santo Stefano... ma in realt si chiama Concetta , nome vecchio! Rosy perch gli piace mangiare e rosica sempre... ma di fatto si chiama Concetta, nome vecchio! E Giuny la chiamiamo cos perch ha i labbroni grossi: un fungiuni va... ma poi si chiama Concetta... nome vecchio!
Cocimu: Scusimi: ma tutti Cuncetta vi chiamati?
Concy Monfiana: Ma tu che vuoi? Antico! Le mie amiche sono le mie sorelline ine ine ine... e guai a chi le tocca!
Cocimu: E cu parra?
Concy Monfiana: Helphy! E non gli dici niente a questo?
Helphy: Si. Ora gli dico qualche cosa: (chiede a Cocimu di avvicinarsi facendo segno col dito e parla confidenzialmente con lui) Quanto debbo?
Cocimu: Tri euru... mhava parsu ca avevi qualche cosa di diri!
Helphy: Dire? E che dovrei dire? (poi ad alta voce per farsi sentire): A chi sacciu? Concy, qui bisogna sapersi fare rispettare....
IV
Iaffiu Llalla: (a concy mammuriana che lo segue) Concy!
Concy Monfiana: Si? Che fa ci conosciamo?
Concy Mammuriana: Senti, sciollira: lassa stari a Iaffiu se no ti straformu a facci a ghiangati!
Concy Monfiana: Helphy, ma la senti? Dille qualche cosa! Se no (freme) la graffio tutta!
Iaffiu Llalla: Ah... ah... ah... non sbagghiamu a parrari ca a Concy non si tocca!
Concy Mammuriana: (a sfottere) Matri! Staiu ttrimannu tutta!
Helphy: Senti zoticone vedi che a Concy ci basto io, va bene?
Iaffiu Llalla: Ora ci abbiu na sputazzata ca ci ntuppu nocchiu... polletto: occhiu a comu parramu!
Concy Mammuriana: E non niscemu do siminatu ca cca di Concy ci n una e Iaffiu mabbasta e mavanza!
Concy Monfiana: (intuendo) Oh! Che disguido!
Concy Mammuriana: Attia, accura che mali paroli ca se no a casa ti ci arricogghi nta quattru voti!
Iaffiu Llalla: Brava Concy! Accussi si parra! Tal a sti figghi i pap... mi fanu un malusangu...
Helphy: Ma allora devo per forza usare la violenza!
Iaffiu Llalla: A violenza? Tu? Ma unni ha ghiri cu ssi peri chini di caddi?
Concy Monfiana: Ma vi dico che c stato un disguido!
Concy Mammuriana: E ci tonna che mali paroli...!
Helphy: Ignorante: disguido vuol dire incomprensione, qui pro quo... ma comprati lo Zingarelli!
Concy Mammuriana: Auh! Zingarelli a nuautri non nu dici va beni? Stu mortu di fami! Ma tu u sai cu su i cristiani?
Helphy: Non sparei... quelli che la domenica vanno a messa?
Iaffiu Llalla: E fa macari i battuti... dici Concy...
Helphy: Veramente Concy non ha detto niente...
Concy Monfiana: Ma mezzora che cerco di dirvelo... Concy siamo due... ci chiamiamo tutte e due Concy... Capito?
Iaffiu Llalla: Veru Concy?
Concy Mammuriana: I pozzu parrari ppi mia...
Helphy: E vero Concy?
Concy Monfiana: Ma si non lavete capito? Sia io che lei ci chiamiamo Concy... tutto qui...
Concy Mammuriana: Allura non c bisognu ca ni sciarriamu?
Helphy: Certo che no...
Iaffiu Llalla: Piccatu... a me aoggi mi mangiaunu i manu...
Concy Mammuriana: A propositu di mangiari, non hauma vinutu ppi mangiarini qualche cosa?
Iaffiu Llalla: Ca si sti dui non si mittevunu nto menzu...
Helphy: Anche noi eravamo venuti per mangiare... ma non hanno Kebab... non hanno paninazzi...
Iaffiu Llalla: Si per non tonna accuminciamu che mali paroli...
Concy Monfiana: Dice Helphy...
Concy Mammuriana: Comu si chiama u to zitu? Effi? Iavi un nomu cu na lettira sula... e so patri comu si chiama... Ggi oppuri Elli?
Helphy: Helphy, non per essere puntiglioso, un diminutivo di Alfio...
Concy Monfiana: ...che un nome vecchio...
Concy Mammuriana: Picch chi ci avissa a diri a Iaffiu?
Concy Monfiana: E che fa ricominciamo? E poi saranno o no fatti nostri?
Iaffiu Llalla: No su macari fatti nostri, i mi chiamu Affiu!
Helphy: Ma che coincidenza! Ci chiamiamo anche noi uguali...
Iaffiu Llalla: Avanti ora non facemu troppu puppetti...
Concy Mammuriana: Per chi cosa streusa: Iaffiu e Concy, Iaffiu e Concy...
Helphy: Helphy... prego...
Iaffiu Llalla: Effy effy va beni... comunqui ora ca ni spiegamu chi vulemu fari? Concy... a m, ni lhama pigghiari ssa cosa?
Concy Mammuriana: Certu. Per non essiri accuss zzaurdu ccu ssi carusi... in funnu in funnu non sunu mali mali...
Helphy: Grazie. Anche tu in fondo sei simpatica...
Iaffiu Llalla: I haiu a mprissioni ca ci su petri nta linticchia...
Concy Monfiana: E che vuol dire? Hai visto, Helphy che espressioni colorite... simpatico questo Alfio... rude ma simpatico
Iaffiu Llalla: Petri nta linticchia... va... comu si po diri? Fetu dabbruciatu...
Helphy: Ci capisco ancora meno...
Concy Mammuriana: No, Helphy u sai chi voli diri...ca havi limpressioni ca c qualche cosa ca non va... ma non ti fari mprissinuari ca Iaffiu un pocu gilusu di mia...
Concy Monfiana: Che bello! Helphy... tu non sei geloso di me... non mi fai sentire preziosa... (a Concy Mammuriana) Sei fortunata tu ad avere Alfio per fidanzato...
Iaffiu Llalla: ...modestamenti a parti, i ppi gilusia fussi capaci di mangiarici u ficutu, a cu mi tocca a Concy!
Concy Mammuriana: Vadda Concy... punti di vista... secunnu me si futtunata tu ca hai a Effy ca ncarusu dilicatu e sensibbili...
Helphy: ...almeno qualcuno si accorge delle mie qualit...
Iaffiu Llalla: E i tonnu arrebblicu ca laria non netta...
Concy Monfiana: Alfio, perch non gli insegni a Helphy a essere un poco come te?
Helphy: Ma Concy... che dici? Te limmagini se io fossi come lui?
Concy Monfiana: (sospirando) E certo che me lo immagino...
Iaffiu Llalla: Ma picch chi ci vulissi diri? Non sugnu bonu?
Helphy: Per carit... solo che ... vedi... siamo di due mondi diversi... per esempio... quando io telefono a Concy la chiamo cuccy cuccy... tu invece?
Iaffiu Llalla: ...putra!
Concy Monfiana: Che romantico!
Concy Mammuriana: ...nsumma...
Helphy: Quando siamo in compagnia la chiamo amoruccio...
Iaffiu Llalla: ...i anveci: atta fimmina...
Concy Monfiana: Macho!
Concy Mammuriana: ...zzaurdu...
Helphy: E quando la vado a prendere mi faccio prestare la macchina da mio padre, quella nuova con laria condizionata e i sedili in pelle...
Iaffiu Llalla: I ci vaiu cu lEsse Acca 300, cu me frati Micheli nto menzu e tutti e tri senza cascu... e cacciamu!!!
Concy Monfiana: Avventuroso!
Concy Mammuriana: ...nsumma assittata supra u parafangu...
Helphy: Quando sono sotto casa le mando un sms con un cuoricino disegnato e lei sa che sono sotto ad aspettarla
Iaffiu Llalla: I ssi soddi di lsms non ci spennu picch accuminciu a sunari u campanellu do muturinu a pattiri da via Plebiscitu fina a sutta a so casa e gi idda sapi ca sugnu dda sutta...
Concy Mammuriana: ...si e u sapi macari tutu u quarteri!
Concy Monfiana: spettacolare!
Helphy: Per San Valentino porter Concy al ristorante e gli regaler una rosa e prima di tornare a casa un anellino di brillanti...
Iaffiu Llalla: Nuatri ppi San Valentinu ni lassamu accuss arrisparmiamu i soddi de riali e poi ni facemu ziti tri ghiorna dopu...
Concy Monfiana: Originale!
Concy Mammuriana: ...pricchiu...
Helphy: Il sabato sera a Concy la porto prima al ristorante e poi in discoteca a Taormina, siccome siamo stanchi prendiamo un taxi e la riaccompagno a casa.
Iaffiu Llalla: Nuatri o sabutu ni pigghiamu un paninu a stazioni, iemu a discoteca, nacchiappamu cco buttafuori ca non ni fa trasiri e facemu succediri u finimunnu, appoi, quannu i vaddia ni lassunu iri, ni pigghiamu nautru paninu e giostri e a Concy a pottu a casa ca a matina addoppu mhaia susiri prestu ca ahia puttari u cavaddu a curriri o viali dellamori...
Concy Monfiana: Col cavallo nel viale dellamore: che romanticismo...
Concy Mammuriana: ... eppoi sappresenta a manzionnu sudatu, chinu di pruvulazzu e ca fa fetu di stadda...
Concy Monfiana: Helphy... ti devo dire una cosa...
Concy Mammuriana: Iaffiu, veni cca di latu ca thaia a parrari...
Concy Monfiana: Ti devo dire che sto sentendo il desiderio di fare nuove esperienze...
Helphy: Tipo pausa di riflessione?
Concy Mammuriana: Havi un periudu ca mi sentu stritta stritta...
Iaffiu Llalla: ...e accattiti i robbi chi lagghi... sar ca ha ngrassatu..
Concy Monfiana: Esatto... se ci prendessimo una pausa di riflessione cosa ne pensi?
Helphy: Beh... potrebbe fare bene al nostro rapporto...
Concy Mammuriana: Vulissi canusciri... vidiri autri cosi...
Iaffiu Llalla: E picch non ti fai lucchiali? Capaci ca ti mancunu i gradi...
Concy Mammuriana: ...taliari cchi luntanu...
Iaffiu Llalla: ... chi sacciu... taccattu un cannucchiali...
Concy Monfiana: Allora deciso. Magari per tornare a casa chiedo un passaggio a Alfio...
Helphy: Ma impegnato con la sua Concy...
Concy Monfiana: Se il mio intuito non mi inganna... a Concy la devi accompagnare tu ...
Helphy: Ma che dici?
Concy Monfiana: Fidati...
Concy Mammuriana: Iaffiu... tu dicu chi chiaru: i vogghiu ca ni lassamu!
Iaffiu Llalla: Accuss? A ntrasatta?
Concy Mammuriana: Mi sentu chiusa nta na iaggia...
Iaffiu Llalla: A chi eri na cardidda? Senti... non facemu ca canuscisti a quacchedunu autru?
Concy Mammuriana: No... chi dici? Ma comu ti veni nta testa? Sulu ca haiu bisognu di aria, di tempu ppi mia...
Iaffiu Llalla: Boh? E cu ti capisci? Ma viri ca si c quacchedunu autru e tu ma fattu i conna addiventu na bestia!
Concy Mammuriana: Ti dissi stai tranquillu, per lassamini!
Iaffiu Llalla: Ti vo lassu a casa...
Concy Mammuriana: Veramenti hava pinsatu...
Concy Monfiana: Alfio... scusa ... potresti acocompagnarmi a casa?
Iaffiu Llalla: ..ma veramenti...
Concy Monfiana: Siccome con Helphy ci siamo presi una pausa... che fa mi potresti riaccompagnare tu?
Iaffiu Llalla: ...e ma Concy...
Concy Mammuriana: ..e casumai a me maccumpagna Effy... chi dici Effy mi poi accumpagnari?
Helphy: ...ma per me a disposizione ma...
Iaffiu Llalla: Senti Effy non fari u priziusu... non sulu ca lassasti a to zzita ora macari vulissi lassari chidda me a pedi? Avanti dacci ssu passaggiu e marraccumanu...!
Helphy: Se me lo chiedi tu... Concy... prego di qua... (escono)
Concy Monfiana: E tu il motorino dove ce lhai?
Iaffiu Llalla: a dda mmeri...
Concy Monfiana: e allora dai... accompagnami...
Iaffiu Llalla: E amuninni... ma talia chi finu bedda aoggi...! (escono, nel frattempo osserva Concy) mah... forsi forsi no canciu ci varagnai...
V
Turi d'o ciospu: Mi nhaia vistu cinima... ma comu a chissu mai!
Cocimu: Ma no capii... arrivaru accuppiati e si ni eru scuppiati?
Turi d'o ciospu: Chissi scuppiati cerunu di prima... scuppiati nto ciriveddu!
Cocimu: E lei ca mi diceva ca i figghi i pap erunu megghiu di chiddi do quarteri...
Turi d'o ciospu: Ddocu hai ragiuni tu: su tutti na fatta! I mavissa iucato zoccu ghi ca ca i carusi di quarteri erunu chi sani di lautri ma mi passi ca alla fini sassumigghiunu assai...
Cocimu: Dautri polletti... No sanu mancu iddi chi ca volunu... mi ciccava u fumu... trocati! I margheriti, u brodu di mari ma di unni venunu?
Turi d'o ciospu: Chiddu chi ciccava? I paninazzi?
Cocimu: Boh? Ca sar ca nta via Monfalconi u pani su mangiunu di nautra manera...
Turi d'o ciospu: Si... su mangiunu do cozzu... Ca su ssi carusi di oggi ca arrisuttaru difittusi da fabbrica...
Cocimu: Dautra chi vuleva? U Kebabb... e chi fussi sautra nuvit?
Turi d'o ciospu: Ca di comu u dissuru sar ocche cosa di mangiari...
Cocimu: Kebabb... ma cha fari ... kebabb...
Turi d'o ciospu: Comunqui a propositu di Kebabb na cosa a sacciu e sugnu sicuru...
Cocimu: Ah si? E chi ?
Turi d'o ciospu: Ca che babbi megghiu non ci aviri a chi fari!
FINE
- Questo copione è stato visto: