Premiata ditta Marangoni & C.

Stampa questo copione

"PREMIATA DITTA MARANGONI & C"

          COMMEDIA IN DIALETTO MANTOVANO

    

                                tre  atti e due quadri di

                             ENRICO SCARAVELLI

Personaggi:

Carlo        FREDDI                   -           fatürin d’ufézi

Ernesto     MARANGONI        -           titulare dla ditta

Serafin      MESSORA               -          cap ufézi

Luigina     PRANDI                   -          dattilografa

Giuseppe  DELFINO                 -          un poch ad bun dét pölach                                            

Redeo        GUAITA                   -      dla ditta “Stoccafisso e affini ed altro”         

Lucrezia    PACE                       -          avocat

Giovanni   PESCE                    -         polizia municipale

Marta        CHIODINI               -         dona dli pulizii

Ester          BRAGLIA                -         ex impiegà dla ditta Marangoni

Silvia         DELPINO                 -         comessa dal bar

In un ufézi  dla dita Marangoni & C vers al 1970

ATTO PRIMO

Porta principale sul fondo, a mezza vetrata, con la scritta <Premiata ditta Marangoni & C">. Accanto alla porta una finestra con sotto un piccolo divano. Alla sinistra un porta conduce all'ufficio del principale. Alla destra un'altra porta conduce alla toilette. Scaffali con classeur e pratiche d'ufficio. Orologio alla parete, quadri opportuni alla parete, calendario da togliere i foglietti del giorno. Alla sinistra, accanto alla porta del principale, una scrivania del Capo ufficio col telefono ed una sedia al di là della stessa per i clienti. Accanto alla scrivania, ad angolo, un tavolino con macchina da scrivere e sedia. Di fronte altra scrivania del fattorino.

 

SCENA I

(Serafin -Freddi)

(all'apertura del sipario Serafin, seduto alla propria scrivania, sta telefonando. Di fronte, Freddi sta timbrando con troppo rumore, delle pratiche) 

SERAFIN     :- (tipo un po' untuoso, sta tentando una conversazione con una tale che non gli dà spazio) "Sì, sì.. a-iò capì.." (si agita) " No, no.. beh.. ansi.. ma vedal.. ch’al ma scusa.. sì, però.."

FREDDI      :- (osserva di tanto in tanto il suo capetto in difficoltà. Tipo da topo d'ufficio, occhiali cerchiati di nero, barba incolta, quarant'anni apparentemente spesi male. Indossa giacca e pantaloni scuri di taglio troppo abbondante per la sua misura. Le maniche della giacca sono ripiegate sui polsi ed i pantaloni ripiegati sulle scarpe. Continua a timbrare disturbando la conversazione)

SERAFIN     :- (spazientito, comincia ad essere insofferente. Fa segno a Freddi di fare più piano con il timbro) "Ma siur Guaita ch’l’am làsa parlar anca mé, s’al parla sempar lö.. " (pausa)"No, no, agh deghi che se.. pronto?.. siur Guaita èl sempar in linea?" (guarda Freddi)"L’ha mès zo”

FREDDI      :- (con faccia tosta) "E chi eral?"

SERAFIN     :- (rifacendogli il verso) "E chi eral?.. Ch’al na faga mia finta d’èsar pö sé lucot ad quel ch’al n’è mia.."

FREDDI      :- (che aveva smesso di timbrare e sistemava delle carte o scriveva) "E cusa vreal Redeo Guaita?”

SERAFIN     :- "Gnanca mal ch’al na saveva mia chi l’era. " (pausa)"Al vreva daram d’intendar che la partida ad cafè ch’a gh’ò piupà.. cioè ch’a gh’ò vandü l’era mès müflent.. figüremas”

FREDDI      :- (sogghignando)"Ih, ih.. a dli volti al parla un po’ a vanvara…” (nsinuando)“ vera siur Serafin?”

SERAFIN     :- "Come se la nostra dita l’an fés mia una dita seria”

FREDDI      :- (annuendo con importanza)"Premiata ditta Marangoni & C" (con sottile ironia)"Ma siur Serafin.. a n’era mai ch’la partida ad café ch’l’à catà la manera ad cumprar… sotgamba da.." (muove le dita come ad indicare.. una sottrazione di merce)"..da quel poch ad bun ch’al vo e al ven da ‘na galera a ch’l’atra, quel ciamà <al Pölach> ?”[1]

SERAFIN     :- (imbarazzato)"Veramente a n’am ricordi mia… Qual partida?”

FREDDI      :- (salace)"Quela ch’al gh’à piopà!”

 SERAFIN  :-(impermalito)"Vö a parlè sul parché i v’ha més la lengua in bòca… mé an piòpi gnint a nisün.." (imbarazzato)"Al l'éa vest al café.. al n’ha anca volü un campion”

FREDDI     :- (ironico)"A meno che.. al campiòn al na fés mia ad ‘n’atra parochia "

SERAFIN    :- (si alza e si avvicina minaccioso a Freddi) "Com’ a sarés a dir?”

FREDDI    :- (tra il santarellino e l'ironico)"Sarés a dir che la proveniensa.." (accenna col movimento della mano ad un rimestamento misterioso. Poi vedendo il gesto minaccioso di Serafin, cambia tono)"A schersi… am gneva in ment chi sac ad café chi’eva rubà dal magasin darent a la stasion e che, varda che combinasion, agh l’eva sotman cal scalda parzon dal Giüsepe, detto Pölach, ovvero.. in italian: Pulce. Una partida ad café che… qualchidün l’ha comprà par quatar bèsi ma che dopo.. eh,eh...."(come stesse dalla parte di Serafin)"l’è andà a fnir, con ‘na fatürasiùn a la nostra dita…A s’ì un bel galiàs… Al principal al pagarò li fatüri un po’ meno dal solit e.. quel ch’la fat al bidun  al’s’an mèt in bisaca una sbarosada… Ma sì… ì fat ben… la paga l’è tanto poca che, nevera...."

SERAFIN     :-(adirato)"Vö a parlè' parlae trop. a sì sol bon ad dar la baia ” [2]“Mè a-iò fat far un afàri al siur Marangon"

FREDDI       :- (rovista fra le sue carte)"A m’era capità.. par caso a sintend, li fatüri che al   principal al gh’à incora da pagar”

SERAFIN     :- "E ben?.. An son mia mé ca gh’ò da pagar "

FREDDI       :- (facendo il finto tonto) "Sì ma.. fra quel ch’ì fat fatürà e quel che inveci i concordà fra vuatar dü a gh'è 'na bela diferensa.."

SERAFIN    :- (interrompe adirato)"Ma insoma; com’av parmatì ad far dli insinuasiun in di me cunfrunt?.. Mé ho mès a giöst! " (gli si avvicina minaccioso)

FREDDI        :- "Ma as capès"

SERAFIN     :- "E allora perché am tirè al ciment!”

FREDDI      :- (lo interrompe)"Eh, eh, eh.. ch’al’s calma.. Sicür ch’i més a giöst.. al giöst che al principal al pagarò ma.." (divertito come se al gatto col topo) ".. diferent parché mètà al va al Pölach e ch’l’atra metà… mà… chisà in dua…”

SERAFIN   :- (fuori dei gangheri lo prende per il colletto e lo scrolla)"Vö andae zà föa ad testa pr’al trop pensar" (lascia la presa)"Limitef a tegnar la corispondensa, a fa al fattürìn parché sionò af faghi dar l’inviada pröma ch’am vegna spüra a li man.. capìto signor Carlo Freddi?!"

FREDDI     :- (che allo scrollare di Serafin muoveva la testa come un burattino, si riassetta il colletto) "Am rovinè al vastì e la camisa.." (con finta ingenuità)"Ma me a pensava  che forsi al principal al vorés esar al curent ad la compra dal café.. anca par sparagnar as capés… “(sottovoce) “A  par che la dita  la sia adré andar in scaiàda”[3]

SERAFIN     :- "S’a v’azardè ad far dli insinuasiun con al padròn in di mé cunfrrunt, av cusèsi dentar al ch’al sac ad vastì c’a porté adòs”

SCENA II

(Serafin – Freddi -Marangon)

MARANGON:- (apre la porta del suo studio ed entra in scena. Omaccione imponente, scruta i due)"As pol saver cus’l’è s’to sapèl? A  fè dli ciacoli inveci ad lavurar?”

SERAFIN     :- (sottomesso) "Ma siur Marangoni, Freddi al...."

MARANGON:-"Lasè lé ad bablar e dsim pösetost con chi a parlavu pröma al telefono?”

SERAFIN     :- (imbarazzato)"Ehm.. con Redeo Guaita "

MARANGON:-"Con al comendatur Guaita!.. L'è al nostar client pö sé important e bisogna trataral ben" (pensoso)"Agh dovema dar di bei bési pr’al prestit ch’al s’ha conces” (pausa)"E alora?"                                   

FREDDI      :- (divertito, sta a vedere cosa escogita Serafin)

SERAFIN     :- (tergiversando) "An n’ha m'ha gnanca lasà parlar.. Al m'ha invastì protestand con la scüsa che.."(in evidente imbarazzo) ".. che l'ûrtima partìa de caffè l’era müflent…”

FREDDI      :- (sornione)"Ch’al’s figüra un po’… "

SERAFIN     :- (dà un'occhiataccia a Freddi)

MARANGON: (meravigliato) “E al’s’n’è acort adès?. Ah, ma l’am sentirò. La Premiata ditta Marangoni..”

FREDDI       :- (interrompe per starnutire) "Eccì..."

MARANGONI:- "& C., apunto.. l'è 'na dita seria, l’han fa mia di bidon"

FREDDI      :- (a Serafin, salace)"Ah, ma al siur Serafin al sà quel ch’al fa"

SERAFIN     :- (lo fulmina con lo sguardo e poi al principale) "Siur Marangon.. Ch’l’am lasa far a mé.. agh parlarò.. l'è mei esar un po’.. un po’ mulsin… an voresum mia ch’al cmbiés furnidur e..."

MARANGON:- (lo interrompe) "Al bun non a dla dita, pröma ad töt!”

FREDDI      :- "Ben dèt!"

SERAFIN      :- "E chi v'ha interpelà?" (al principale)"La ditta Marangoni e.."

FREDDI      :- (starnuta)"Eccì"

SERAFIN      :- (infastidito, a Paggeu) "Ma if fnì ad far la mariunéta?"

FREDDI     :- (finto remissivo) "Scüsem… a m’era gnü da stranüdàr… in fond a vrea ricurdar sul al bun nom a dla dita"

SERAFIN   :- "Al so da par mé.. Vö pansè al vostar laur..a sì sol bon ad dir dli bagianadi" (al principale)"Ehm... Vdif … as podres anca dar che un qual sac ad café al sia sta pugià contra a un mör ömid.."

FREDDI      :- (mima la parola con gesto eloquente) ".. Eh già.."

SERAFIN     :- (dopo un'occhiataccia a Freddi, continua)".. in dal nostar magasin darent a la stasiun.."

FREDDI      :- (fa scena con comicità)

SERAFIN     :- ".. e ch’al s’an sia acort solament adès ma.. ch’al staga tranquilo.. a sistemi töt me "

FREDDI      :- (sottovoce)"Sì.. al sistema tot lö..."

MARANGON:- "E va ben.. ma.. a m'arcmandi"

SERAFIN     :- (con un untuoso inchino)"Ch’al na dübita mia "

FREDDI      :- (si sposta dalla sua scrivania e va al centro della scena per parlare al Principale. Cammina vistosamente con i piedi piatti non posando il piede a terra come tutti, ossia prima il tacco e poi la suola, bensì suola e tacco contemporaneamente) "Siur Marangon… a proposit ad ch’al café…”

SERAFIN     :- (lo interrompe immediatamente) "Vö andae al vostar post e ste mia perdar dal temp sensa esar interogà!"

FREDDI      :- (molto comico dentro al suo abito di enorme taglia, come già detto) "Va ben, va ben.. solament quand a son interrogà..." (sghignazzando)"..magari da la magistratüra..." (fa dietro-front per avviarsi alla sua scrivania e viene fermato dal perentorio richiamo di Sciaccaluga che osservava il suo abito e il suo modo di camminare)

MARANGON:- "ALT!"

FREDDI      :- (si blocca goffamente inchinato, con una gamba avanti e l'altra dietro e le braccia come volasse, ed accentua la grossa taglia della giacca).

SERAFIN     :- (divertito, sembra vendicarsi delle frecciate del fattorino)

MARANGON:- (avvicinandosi)"Ma.. com’ èl ingiarmà?"

FREDDI      :- (immobile nella sua posizione, atteggia il viso come a dire <che c'è di strano?>)

MARANGON:- "Ma cus’a gh’al… li gambi ad legn? "

FREDDI      :- (riprendendo la posizione normale e voltandosi verso il Principale)"Al m’ha det alt, comme 'n vigil ch'l’è adrè dar una mülta e me, ligio al dovere, am son firmò ad culp "

SERAFIN     :- "’Na gran bèla fermada. S’a fesuv sta al volant ad ‘na machina i v’avres dat un culp dentar "

FREDDI     :- "Me al volant ad 'na macchina?.. .Agh mancarés anca quéla: li sarès spesi inötili… bèsi bütà in sla màsa..."

SERAFIN     :- (al Principale)"Parlàr da spendar l’è come plaral viv "

MARANGON:- (a Freddi scrollando il capo) "A capèsi che ogni legn al gh’à la sö camulama ma am par ch’l’esagera”

FREDDI      :- "A esageri?.. Ma ch’al faga ben i cunt.. Patente, bol ad circolasiun, anzi bol ad proprietà.. asicürasiun ch’lè anca obligatoria.." (mentre parla agitando le braccia, dispiega il risvolto delle maniche e le rifà su con comicità) ".. garage, a meno che l’a n’as lasa par la strada con töti i res-c"(mima il.. furto) ".. o magari ch’igh rovina la caroseria e po’…e po’a gh’è anca li gömi, la ben- sina.. eh,eh.. dove a mettiamo la benzina?"

SERAFIN     :- (con ironia)"Me a dsires in dal serbatöi"

FREDDI      :- "Eh, a m’ì capì quel ca vreva dir… e po’ a gh’è anca l’òiu..."

MARANGON:- (ridendo, verso Serafin)".. e l'asé.." (a Freddi) "A gh’a scométi ch’al n’an torès la machina gnanca s’l’andes a pedal par mia consïmar li risvolti a dli braghi e par mia rigar li scarpi "

FREDDI      :- (non raccogliendo)"E i guast?..A gh’è anca quei da metar in sal cunt.. Elettrauto, mecanich, carosér e lé.. zò bèsi.. e quindi al capirò, siur principal, che me a pòsi far töti li fermati bröschi ch’a vòi sensa che nisün l’am daga un culp dentar "

MARANGON:- "E al vastì?. L’am par un spaventapasére… In dua l’al rubà? "

FREDDI      :-  "Mè an ròbi mia" (guarda Serafin)"Ché, s’a gh’è v’ün ch’al sgranfegna an sun mia me " (con tono apparentemente cortese)"Vedal siur Marangon questo vastì.. " (palpa il bavero della giacca)"..l’è gnit che po-po-ad-meno che ad l'avocat PERDICAUSA, principe del Foro di Mantova..." (con importanza)"Ema stûdia asièm al liceo scientifich <Belfiore> a Mantua e sicome al n’a la portava pö, par dimostrarun la sö amicizia e ricordand i temp dla schöla al m’l’ha fat aver"

SERAFIN     :- (sorridendo con malignità)"E.. eral a dla stésa misüra?"

MARANGON:- (tirandogli il vestito qua e là) "Ma almeno, pröma ad spianar al vastì al doveva farsal giüstàr da un sartur"

SERAFIN     :- "Magar par faragh dà anca dar un tài a li mandghi e a li braghi fati sö"

FREDDI      :- (un po' imbarazzato)"Sì, a capési anca mé che.. A PRÖMA VESTA.. al parés pösetost un cicinin comud..."

MARANGON:- "Un cicinin? Ma al gh’a sta dentar do volti!”

FREDDI      :- "..e che a voler.. a s’agh podrés catà un <qualche lieve difetto> "

MARANGON:- "Qualche lieve difetto? Ma agh’l’ò ‘pena dét..l’am par un spaventapasère "

SERAFIN     :- (facendo eco)"Sì.. un spaventapasère"

FREDDI      :- "Ha parlà l'avocat CONFERMA.." (difendendo la propria tesi)"Ma se me a  vaghi da un sartur par faral giüstar cum’a dsi vuatar, l'è bon ad cataragh pö sè difet ad quei che, in APPARENSA, a gh’è e faram spendar ‘na möcia ad bèsi… In dal casu alora a sares sta mei cumprar un vastì nöf "

SERAFIN     :- "A  gnires un teremoto"

FREDDI      :- "Ma 'na stofa come questa la costa 'na möcia da sghéi.. santì, santì com l'è morbida.. la par 'na caresa.. E po’.. basta daragh 'na risvolta a li mandgi e a li braghi.."

MARANGON:- (ironico)"E a li müdandi.."

FREDDI      :-"No, queli l’i gh’à al picanel e-a basta 'na ligàda in sö.. tant l’i n’as ved mia"

MARANGON:- (rassegnato)"Va ben, va ben.. èma pers fin trop temp.. Ch’al vaga al sö  post e ch’al’s faga almen la barba ch’l’am par un piùcius”

FREDDI      :- "Ma s’am faghi la barba töti i dé, dopo l’a ricrés incora e alora tant a val farla 'na volta a la stmana.. as risparmia al savòn.. o la corente eletrica.."

SERAFIN     :- "E alora al pöl magnar anca una volta a la stmana parché s’al magna inchö agh v’è fam anca adman " (si compiace della battuta)

FREDDI      :- (lo guarda con aria da compatirlo)"Agh pansarò sura.. semai a l'inviti" (si avvia al suo posto camminando come già detto)

MARANGON:- (che stava rientrando al proprio ufficio osserva la.. camminata di Freddi)"A n’al saveva mia ch’al gh’ès anca i pë dols.."

FREDDI     :- (si ferma e si volta verso il principale)"Gnanca mé "

SERAFIN     :- "Mé, da quand al gh’à ch’l’i scarpi, a l'ho sempar vést caminàr a cl’a manéra"

MARANGON:- "Sl’ì gh’è streti ch’al’si a faga métar in furma, no? ..O prefaresal spendar mia e rovinaras i pë? "

FREDDI      :- "An so mia s’al gh’à fat casu, ma anca li scarpi i-è növi.. o quasi"

SERAFIN     :- (salace)"Sempar ad l'avocat Perdicausa, imàgini"

FREDDI      :- “L'ha imaginà mal, parché questi scarpi i-era dal professò MILZA .. ilûstre primari dl’ospedal ad Mantua"

MARANGON:- (prendendolo in giro) "E anca lö l'ha stûdiòu con al liceo Belfiore? "

FREDDI      :- (meravigliato) "L’al conosù? "

MARANGON:- "Me no!.. E come mai v’ün ch’l’ha stûdià con dla gent advantada famusa al s’è ridot a vivar cun i vastì e li scarpi ad ch’i’atar?”

FREDDI      :- (improvvisamente serio e triste) "Li aversità dla véta.. Al mè vec.. ch’el Signor al gh’l’abia sempar in gloria listes.. l’ha strüsià al patrimoni con di investiment sbalià, zügand a la rulette, a poker.. e acsé a n’ho mia podü continuar i stüdi e.. ho patî tanta fam e tanta vargogna. A alora am sunt giürà che mé a n’avres mai fat ch’la fin.." (riprendendosi e cambiando tono)"Ma ritornand a li scarpi, se mé a camini posand i pé com’a fé vuatar, am toca metar al pé pröma con al tach.."(fa la dimostrazione)"..e dopo con la söla... Insoma l'è evident ch’as consümarés i tach inütilment.. Alora ho pansà, parchè posar mia contemporaneament al pé töt ad piàt..? Acsé an s’a sgarbèla gnanca i bord a dla söla.. " (fa alcuni passi) "Risûltato: meno logorìo e as risparmia almeno dò o tre volti li spesi dal scarpulin, rispet a quei ca camina consümand solament i tach" (guarda i due uomini che a loro volta si guardano increduli) "Am suntia spiegà?"

MARANGON:- "Euh.. Al dev aver fat un stüdi particolare par rivar a questa conclüsiun.. E quand al và par la strada caminal in cla manera lé? " (imita)"Acsé?"

FREDDI      :- "A vedi ch’al m’ha capì”

SERAFIN      :- (additando il vestito)"E i n’agh fa mai la limosna?"

FREDDI     :- (sornione)"Maché!"

MARANGON:- (severo)"Ma insòma… un po’ ad dignità!"

FREDDI     :- "Eh... töt a fà.. la véta l'è cara"

SERAFIN   :- "A Lö l’an costa mia tant "

MARANGON:- (allarga sconsolato le braccia)"S’a l’a contes a qualchidün a son sicür ch’ì n’am credares mia” (rientra nel proprio ufficio)

SERAFIN   :- (minaccioso, a Freddi, sottovoce)"Se lö' al’s parmet incora ad far dlì insinuasio col principàl in di mae confront.." (alza il tono della voce) "..s’al continua a saltar da un pir in s’na brögna, agh rompi ch’al salvadanari ch’al gh’à al post ad la testa!"

MARANGON:- (riappare) "Ma insoma!.. Cus’a sücéd al’s pöl saver?"

SERAFIN   :- (imbarazzato)"Agh s’era adré dir ad sintaras e ad lavurar"

MARANGON:- (spazientito)"Fredi, al savì ch’a porti abastansa pasiensa, ma sa l’a perdi a fagi föra ad li lorgni.. Vardè ad filar sionò.." (accenna che lo manda via)

FREDDI     :- (risentito)"Ma verament l'è Serafin che.."

SERAFIN   :- (interrompendolo nel timore che dica troppo) "Ch’al vaga a far a sö laur!"

MARANGON:- (a Serafin)"E gh'è’d bsogn ad toàr.. " (notando che dietro la macchina da scrivere non c'è nessuno)"E la signorina ‘n’èla mia incor ‘rivada da la Camera ad Commercio?"

SERAFIN   :-  "La dovrés èsar za ché.. Ah, ma quand la vé agh daghi ‘na bèla strinada"

FREDDI     :- "Ma la Luigina la sarà armasa in mès al trafich.. sòta li festi a n’as riès gnanca a circolar a pë"

MARANGON:- "Mé a vaghi dal comercialista.." (pensieroso) "..a gh'è ‘na qual difficoltà…di problema…A m’arcmandi che töt a vaga ben" (guarda severamente i due)"As sièma intes?”

SERAFIN   :- (con aria di sottomissione) "Ch’al staga tranquilo"

FREDDI     :- (fa un inchino che sa di presa in giro per Serafin) "Ch’al vaga tranquilo, agh pensa Serafin.. Al vidrò siur padron ch’l’armagnarò sensa..."

SERAFIN   :- (l'uccide con lo sguardo accennando che gliela pagherà)

MARANGON:- (sospettoso)"Sensa cosa?"

FREDDI     :- (guardando Serafin e tenendosi comicamente sulla difesa) "Sensa panser... "

SERAFIN   :- (cercando credibilità)"Tranquilo siur Marangon.. i afari dla Dita i-è com’ì fés afari mio"

FREDDI     :- (ironico)"Propria acsé.. com’i fes afari sö!"

MARANGON:- "Bene" (esce all'esterno)

SCENA III

(Serafin - Freddi)

SERAFIN   :- (si avvicina minaccioso alla scrivania dove, rapidamente, va a sedersi Freddi per evitare guai) "Lö' al gh’h una gran vòia d’andar a remengo.. a magnar la söpa dai frà.. MA TÖT NES AD BOTI "

FREDDI     :- (con faccia di bronzo e con finta ingenuità)"E parché?.. A n’è forsi mia vera  che i afari dla Dita i-è come si fès..afari sö?"

SERAFIN   :- (adirato, lo prende per il colletto della camicia e lo scuote, mentre con comicità Freddi, scrolla il capo assecondando i movimenti inferti da Serafin) "Varda ben saltafòs..ch’a ta spachi la ghègna e a ta squasi come una toàja!”

FREDDI       :- "Ma l’am rovina al vastì"

SERAFIN   :- (lo lascia di botto)"Semai a gh’al giösti "

FREDDI     :- (insistendo, con aria da santarellino)"Ma an gh’ò mia dét a dla partida ad café ad Guaita "

SERAFIN   :- (con aria di superiorità)"Semmai, dal cumendator Guaita "

FREDDI     :- "Com’al völ.. Però am par che chi gh’l’ha in dal stupin…”

SERAFIN   :- (interrompendolo con severità) "Ch’al parla a modu nè..? Che an siem mia in dla… baracopuli in dua al stò lö! "

FREDDI     :- "L'è inütil ch’al’s rabésa.. Mé a starò in un quartier ad povrét ma.. bidonadi, mé, a’n’an faghi mia "

SERAFIN   :- (sbottando)"Oh, ma insoma!.. A volal lasar lé ad dir sempar di sfondon?... Come s’a fés mé ch’al fa dli manövri sotgamba…propria mé, Serafino Messora, fedele Capo Ufficio della ditta Marangoni…"

FREDDI     :- "..& C!"

SERAFIN   :- (sta per reagire ma si apre la porta ed entra un Vigile Urbano)

SCENA IV

(Serafin - Freddi – Pesce)

PESCE       :-  (in divisa da Vigile Urbano , entra, guarda i due che altercano e si ferma un attimo poi interviene, con accento meridionale) "Buongiorno scignori.. state litgando come al solito?"

SERAFIN   :- (assume una posa bonaria e si volta verso il nuovo venuto) "An s’üsa mia sunar al campanèl pröma ad vegnar dentar?

PESCE       :- "O campaniello?.. Aperto c’era "

FREDDI     :- "Siur Pesce…" (accennando a Serafin)"…al m’era adrè spiegar certi pratichi d’ufési…”

PESCE       :-"Che strano modo di spiegare… con delle minacce..?"

FREDDI     :- "Veramente.. con delle MANACCE"

SERAFIN   :- (con calma) "Machè minacce.. an gh’è propria gnint da minaciar.. véra Freddi?"

FREDDI        :- (ironico)"Töt lés... come la carta vedar"

SERAFIN   :- (al vigile)"Ma..in cösa a posia èsar ötil siur Pesce-spada"

PESCE       :- (innervosito)"Prima di tutto mi chiamo Pesce Giovanni e non Pesce spada! E non son venuto qua per farmi sfottere da due tipi come voi due!"

SERAFIN   :- "Ma cusa disal siur vigile urbano… l’a n’era mia mé intensiun"

FREDDI     :- (ironico) "No, l'a n’era mia sö intensiòn"

SERAFIN   :- (a Freddi)"An gh’o mia ad bisogn d’avocat difensor"

FREDDI     :- (sornione)"Pr’adès!" (al Vigile, per cambiare discorso) "Conosal ch’al sö culega ch’igh dis <stanga?> Quèl élt pö o men acsé " (accenna ad una statura molto bassa, andando su e giù con la mano come ad attendere uno stop sull’altezza)

PESCE       :- "Ecché.. Le molle ha?” (posa sul tavolo una cartella, estrae un foglio. Prende una penna e intanto parla)"Spiritosi… a quel collega gli hanno appioppato quel soprannome…”

FREDDI     :- “Al scurmài…”

PESCE       :- “Ecche c’entra il <formài>..”

SERAFIN   :- “Ma no.. <scormai>, significa soprannome”

PESCE       :- “Parlate sempre ostrogoto… E che ddire.. Probbabilmente l’hanno voluto chiamare <stanga> per scherzare sulla sua statura diciamo… non troppo alta…”

FREDDI     :- (ironico)"Mé ho sempar cardü che par andar in dla pulisia muncipale a n’as podeva mia andar sòta a v’ün e ‘stanta " (accenna con la mano alla statura, nemmeno si trattasse di un <bassotto>)"E invéci.."(abbassa eccessivamente la mano)

SERAFIN   :-(al vigile)"Det tra nuantar.. com’avral fat a intrar in di vigil?"

PESCE       :- (sbottando)"E io che ne saccio?...” (con tono velatamente minaccioso) “Volete che vi arrivi una denuncia per oltraggio a Pubblico Ufficiale? "

FREDDI       :- "Mé no.. An so mia se inveci al siur Serafin… "

SERAFIN   :- "E già, parché me chi sontia?" (al vigile)"A n’era mia mé intensiun"

FREDDI     :- "No, l’a n’era mia sö intensiun”

SERAFIN   :- (sta per replicare ma viene interrotto dal Vigile)

PESCE       :- (a Serafin)"Se riesce a stare nu poco zitto.. c'è da metter una firma qui"(indica in calce ad uno foglio che porge)

SERAFIN   :- (prende i fogli)"Che ròba èla?"

PESCE       :- "Un’ingiunzione per il mancato pagamento dell'affitto di questi locali, di proprietà del Comune… Siete in arretrato di sei meisi"

FREDDI     :- "E come mai al Comün l'è sta acsé rapid?.. Ad solit, prima d’acorsarsan a gh’an pasa dal temp… "

PESCE       :-"Nu facite o spiritoso"(a Serafin)"Metta una firma qui sotto che tengo pre-mura .. Avete dieci ggiorni di tiempo prima che sia dato corso alla procedura di sfratto da parte dell'Ufficio Legale del Comûne"

SERAFIN  :- (scoraggiato)"A piöv in sal bagnà… "

PESCE       :-(a Serafin)"Eh,<a piov il sul bagnat>..Se pagavate a tiempo non pioveva cchiù. Allora volimme firmare o no?"

SERAFIN   :- "Ma parchè gh’ontia da firmar mé… al pöl firmar anca Freddi”

FREDDI     :- “E parché mai?… A n’èl mia al sustitöt dal principal quand al n’a gh’è mia? E alora ch’al faga al sustitöt"

SERAFIN   :- (siede, sospira e firma)

FREDDI     :- (prendendolo in giro)"Dò cròs a m'arcomandi.. v’öna pr’al nom e ch’l'atra par al titol ad ragionier"

PESCE       :- (mentre sta riguadagnando l'uscita) "Freddi.. statteve bbuono altrimenti tacate a litgare"(ritira il foglio firmato)"Dieci ggiorni a partire da oggi, ricodatelo al vostro principàle"

FREDDI     :- "Ch’al ma scüsa.. Acsé, tant par alvaras una curiosità.. senza malisia.. riguardo a.." (accenna ancora una volta con la mano alla statura) "Al n’ha’l sa mia incora spiegà com'l'ha fat Stanga a intràr in di Vigili Urbani.. nella Polizia Municipale"

PESCE:-         (innervosito e minaccioso)"Probbabilmente perché al Comûne serviva uno basso di statura per leggere le targhe delle macchine senza piegarsi e magari anche per fare le contravvenzioni a quelli seduti come voi due! Statteve bboni!" (gira rapidamente i tacchi ed esce di scena)

FREDDI     :- "Al s’è propria rabì "

SCENA V

(Serafin – Freddi)

SERAFIN   :- (siede e dà una scorsa ai fogli lasciati dal vigile. Scrolla negativamente il capo. Poi, alza quasi furtivamente il ricevitore del telefono tenendo d'occhio Freddi)

PAGGEU    :- (se ne avvede e finge di nulla ma sta attento. Fa rumore timbrando)

SERAFIN   :- (mentre compone un numero al telefono, brontola con se stesso)"Che bisogna ch’am daga da far con la dita concorente parché s'andem a mòi.."(sottovoce) "Pronto?.. Ditta Stoccafisso e Affini?.. Gh'è la Ester Braglia? " (pausa) "Si, grasie" (sempre sottovoce, tenendo quasi la testa su di un cassetto e scrutando Freddi) "Oh, Ester a son mé.. Serafin" (pausa)"E va ben, un atim, anca mé a gh’ò da far"

PAGGEU    :- (estrae comicamente il fazzoletto e si asciuga il sudore)

SERAFIN   :- (c.s.)"A vreva diragh che.." (alza il capo per sbirciare Freddi il quale finge di essere compreso nel suo lavoro) ".. Pöla mia far un pàs chè da mé, in ufési?" (pausa)"Come parché… parché a gh’ho ‘d bisogn ad parlaragh" (pausa)"Par telefono?" (dà un'altra occhiata a Freddi) "No, no an’s pöl mia.. l'è 'na questiòn delicada.. " (pausa) "Sempar gentile.. a savrò come ricompensala.." (altra occhiata a Freddi e poi) "S’a gh'è qualchidün, ch’l’a faga finta d’èsar pasàda par caso.. intes nè?.."

SCENA VI

(Serafin - Freddi - Pulce)

          (entra in scena Pölach (Pulce), un tipo sospetto, con coppola che sembra un mafioso, barba incolta e pipa in bocca. Entra con prepotenza andando diritto alla scrivania di Serafin)

SERAFIN   :- (sobbalza alla vista di Pulce e gli scappa un'imprecazione) "Ma cus’èl gnü a rumpar.." (poi, al telefono)"No, no.. an dseva mia a lé.. ch’la m’a scüsa.. alora a siema d’acordi " (posa il ricevitore e si alza in piedi piuttosto impaurito)"Ma.. come mai.." (guarda Freddi che continua a far finta di nulla)".. an sierum mia d’a- cordi ca s’avdeum al solit post?.." (accenna di stare attendo a quello che dice perchè c'è Freddi)

FREDDI     :- (tra se', verso il pubblico)"Alè.. adès a ven a bèl "

PULCE       :- (si siede strafottente all'angolo della scrivania. Si tira sul con un dito la visiera del berretto e parla con accento veneto) "Son vegnüo a tor.."(accenna ai soldi) "..el mio aver.. "

SERAFIN   :- (balbettando) "Ma siur Pulce.."

PULCE       :- "Par i amisi a son Pulce ma par vu mi so Giuseppe… Giuseppe Delfino.. capìo?”

SERAFIN   :- (c.s.)"Al siur Guaita al n’ha incora mia pa-pa-pagà al siur Marangon e me.."

PULCE        :- (gli punta un dito a mo' di pistola)"A mi no me interesa.. Mi gh’ho fato aver el café, vu gh’avio fato i vostri imbròi e adèso vogio i sghéi altrimenti…”  (mima il taglio alla gola)

SERAFIN   :- (si porta comicamente la mano alla gola e parla come non avesse più voce) "Altrimenti?"

FREDDI     :- (ai alza e si avvicina con ironica cortesia)"Capo.. völal ch’a vaga dal spedizioner par spedir ch’l’a partida ad lambrösch da  imbarcàr par la MSC crocere a Genoa?”

SERAFIN   :-(che teme di rimanere solo) "Ma.. l’am làsa che da par me con… E va ch’al vaga… ch’al vegna prest però”

FREDDI     :- (sornione)"Ma s’al völ a pòs vegnar anca pö sè tardi… intant l’è in bona cumpagnia”

SERAFIN   :- "Ho det ch’al vegna prest!”

FREDDI     :- "Agli ordini" (esce)

SCENA VII

(Serafin - Pulce)

SERAFIN   :- (sempre in piedi, in guardia, pauroso) "Ma cus’a gh’è girà ad vegnar ché in ufési!?”

PULCE       :- "Gh’avì una bèla facia de bronzo.. No ste a sercar de imbroiarme parchè ve meto in un buso de l’Arena de Verona e me desmentego de vu! O paghè el cafè che v'ho fato aver par poco o..."

SERAFIN   :- "Eh, no.. Proprio par poco no"

PULCE       :- "E semai che no ghe magnè sora…Atenti, eh?"

SERAFIN   :- "Ma..ma  agh l'ho dét.. al Siur Gaita al n’ha mia incorà pagà al café; ansi al principal l’ha savü che al café l’era in part müflent e l’ha volü dli spie-spiegasion"

PULCE       :- (lo sovrasta minaccioso) "Ométo, ch’al no staga a far el furbo con mi.. parchè…”

SERAFIN   :- (arretrando impaurito a passetti) “Parchè?”

PULCE       :- “I no me ciama miga <frustaparson> par niente ah? E alora.." (accenna al taglio della gola) "…ve levo el mal de testa"

SERAFIN   :- "Ch’al’s calma… ch’al’s calma… Mé an gh’ò mia al mal ad testa…pr’adès… A farò al po-po-posebul.. Ma fin ch’in paga mia…"

PULCE         :- "I no ze afari mio.. Ch’al se faga far un prestit, ma mi vogio quanto gh’avemo concordà e rapido né… parché gh’ò da tajar la corda”

SERAFIN   :- “Eh, a vidrò… a farò…”

PULCE       :- "Tre giorni, tre giorni e dopo.." (accenna ancora al taglio della gola) "Ve levo le tonsile"

SERAFIN   :-(impaurito)"Sì, sì..tran-tranquilo.. in un modo o in un atar a pro-provedarò"

PULCE       :- (apre l'uscio)"TRE GIORNI!" (esce)

SCENA VIII

(Serafin - Luigina)

SERAFIN   :- (si aggiusta la cravatta, si passa una mano sui capelli cercando di riprendere il contegno) "Ahimemì.. Agh mancava anca d'èsam insaplà con ch’l’avans ad galera.. A pareva töt acsé semplice.. Una partida ad cafè a prèsì… dsemag… di favore.. vesta la proveniensa.." (mima il.. grattaggio) "Al padron al pagava meno dal solit ma al dòpi ad quel ch’a pagava mé a Pölach, alPulce e mé  a dava una sistemada a li me finansi... A podeva daram da far con la Luigina.. am comprava una machina… magari ad seconda man…”

LUIGINA   :- (entra dall'esterno. Non più giovanissima, è graziosa, elegantina) "Bongioran"

SERAFIN   :- (con aria da Capo) "Ela l'òra ad rivar questa?" (accenna all'orologio)

LUIGINA   :- "Quand as va par ufési l'è acsé.  E po’ a sun gnuda anca a pe’ cun ‘sto trafich "

SERAFIN   :- "Ch’l’an staga mia a imparar da Freddi " (accenna alla macchina da scrivere)"A gh'è da batar cl’a letra.. fatüri chi dev pagàr.. Bisogna spedir töt a la svelta sionò i-è guai seri..Va a fnìr ch’an ciapema gnanca al stipendi”

LUIGINA   :- “Agh mancares àtar” (dopo aver appeso il soprabito e i documenti sulla scrivania di Serafin, va a sedersi davanti alla macchina da scrivere) "Lé a gh'è al rinöv ad l'iscrisiun a la Camera ad Comercio" (indica i documenti sulla scrivania)

SERAFIN   :- (vi dà una rapida scorsa)"Sì.. dopo a i-a vardi.." (è agitato e tra sé) "Ch’al mal’òm dal Pölach!” (A Luigina) ”...A gh’ò d’andar a far una cumisiun urgente " (si appresta ad uscire)

LUIGIN      :- (che nel frattempo aveva messo un foglio nella macchina da scrivere, osserva Serafin)"Gh'è quèl ch’an va mia? L’am par töt agità "

SERAFIN   :- (resta un attimo perplesso) "Mé?"

LUIGINA   :-"Eh! "

SERAFIN   :- (dopo averci pensato un attimo, va di slancio, con fare innamorato accanto alla donna)"L'è colpa sua!"

LUIGINA   :- (sulla difesa)"Mia?.. E parché mai?"

SERAFIN   :- (prende la mano di lei)"Signorina Luigina.. quand’èl ch’l’as decid?"

LUIGINA   :- (respingendolo con grazia)"Ma siur Serafin.. cös’a fal? S’a ve dentar al principalal’s manda a vendar i cicin a la Fera ad Gonzaga" (lo guarda, con sorriso ironico) "E po’, ch’al ma scusa ma… con quél ch’al guadagna … Al la sa ben come a la pensi mé”

SERAFIN   :- "Luigina.. a sunt adré a sistemar una facenda che.. sl'a va in port a podrema far un bel vias fin a.." (estasiato) "SAMARCANDA"

LUIGINA   :- "E parché propria Samarcanda?"

SERAFIN   :- "Parché l'è un nom ch’al par una fòla" (con dolcezza)"Samarcanda.. in doa a podresum far al nostar viàs ad nòsi "

LUIGINA   :- "Ma in do èl ch’al sit lè?"

SERAFIN   :- "Samarcanda?"

LUIGINA   :- (accenna di si)"Eh!"

SERAFIN   :- "Veramente a n’am ricordi.. A m’ informarò.. Ma l’agh pensa Luigina..” (in estasi) “..nuantar dü.. insiem... a Samarcanda"

SCENA IX

(Serafin – Luigina- Freddi)

FREDDI     :-  (etra in quell'istante) "Am cardeva ch’al fès Pölach… Il misterioso Pulce! " (guarda con occhio accusatore la donna)

SERAFIN   :- (lascia rapidamente la mano della donna e si scosta. Luigina finge di nulla e si mette a battere a macchina)

SERAFIN   :- "Ehm.. a s’era adré detaragh una letra "

FREDDI     :- (ironico)"In s’na man? "

SERAFIN   :- "Spiritos.. Pötost… if fat spedir la mercansia par Genoa? "

FREDDI     :- "Töt... "

SERAFIN   :- (interrompendolo) "Bene"

FREDDI     :- (continuando) "Töt blocà!"

SERAFIN   :- "Come mai?"

FREDDI     :- "Sciopero"

SERAFIN   :- "Di spedisiunér?"

FREDDI     :- "No.. di autrasport par töta la giornàda"

SERAFIN   :- "Pasiensa.. I-a spedirò adman "

FREDDI     :- (divertito) "No, adman a sciopera i spedisiunér"

SERAFIN   :- (agitato)"Ma... l’am dis i fat a rati? Partési pasadman?"

FREDDI     :-"No, gnanca pasadman "

SERAFIN   :- (che sta perdendo la pazienza)"Ma insòma.. al mi a dis con al cuntagòsi?.. Cusa fai… dü dé ad sciopero?"

FREDDI     :- (che si diverte a mettere in imbarazzo Serafin)"No, sol 'na giornàda"

SERAFIN   :- (che non ne può più)"Ma al parla a puntadi?"

FREDDI     :- "Pasadman a sciopera a Genoa i purtuai"

SERAFIN   :- (preoccupato)"Ma alloa com’a fém a imbarcà li provisti in sla nave ad crocera.. S’a pardema anca cl'ocasiun.. andem in faliment "

FREDDI     :- (con noncuranza)"An pardéma un bel gnint..”(indicando sé stesso) “…a gh'à pensà Carlo Freddi"

SERAFIN   :- (guardando Luigina e sfottendolo) "Ah, ah.. e in che manéra? "

FREDDI     :- (godendosi la battuta)"Agh pensa.. al sö amich, Pölach, con i sö om"

SERAFIN   :- (resta di sasso)"Ma am vriv far vegnar n’a bòta ad narvos?.. Ch’al staga ben atenti Carletto Freddi che mal mandi a ch’al paès, nè?"

FREDDI     :- (con faccia di bronzo) "E in doa.. A SAMARCANDA?"

SERAFIN   :- (trattienendosi a stento)"Mmm" (stizzito, guarda la ragazza ed esce all'esterno)

 

SCENA X

(Luigina - Freddi)

LUIGINA     :- (batte a macchina durante il dialogo dei due, toglie il foglio, dà una rapida occhiata allo scritto e mette in macchina una busta per l'indirizzo)

FREDDI       :- "Luigina.. l'è propria grasiosa padnada acsé " (si avvicina nell'intento di toccarle i capelli)

LUIGINA     :- "Fredi ch’al vaga al sö post. Al sa ben che con me an gh’è gnint da far”

FREDDI       :- (ritorna al posto con la solita camminata)"Già..il Serafino la porta a Samar- canda .. S'l’a va ben al na savrò gnanca in dua l’as cata "

LUIGINA     :- (incredula) "Parché lö al la sa?"

FREDDI       :- (con importanza) "Certo "

LUIGINA     :- "E in doa èla?  Ch’al n’am staga mia a dir ch’al gh’è sta parché al n’a tös gnanca l’autobus par mia spendar i bési dal biliet"

FREDDI       :- (saccente)"Anca s’an töghi mia l'autobus, Samarcanda l'è in dl'Uzbekistan"

LUIGINA     :- "E in dua as catal al... becostan?"

FREDDI       :- "AL BECOSTAN l’è ‘pena andò föra... Uzbekistan!"

LUIGINA     :- "E in do èl?"

FREDDI       :- "In doa a gh’è Samarcanda"

LUIGINA-    :- "Ho capì.. al n’a la so mia "

FREDDI       :- "La geografia, la storia.. li question finanziari me a-ia sò!"

LUIGINA     :- "Questa po’.. question finanziari.."

FREDDI       :- "Mé a lési.. am tegni informà e modestamente, ho anca stûdià"

LUIGINA     :- (ironica)"..a l'Istituto Belfiore.."

FREDDI       :- "Sicür.. e po’ a lèsi anca la Gazeta.. davanti a l'edicola a s'intend"

LUIGINA     :- "Am pareva  strano ch’al cumprés al giurnal"

FREDDI       :- "I-è bèsi strüsià parché al dé dopo a ve föra i giornài con notizi növi, e alora aspèti sempar al dé dopo " (si avvicina alla donna e Luigina riprende a battere l'indirizzo sulla busta)"I lébar.. i libri sono il ben dell'intelletto.." (poi come se declamasse)"Ma lé, l’è al ben di occ.. dal spirit e..via discorrendo" (prende la mano della ragazza e se la mette sul petto)

LUIGINA     :- (la ritira rapidamente) "Ma cus’a gh’if töti inchö?.. Af santì psigar da la prömavera?"

FREDDI       :- "Ma Luigina..   lé, l'è come un bigné.. un früt candî"

LUGINA      :- (salace)"Sì, 'na pastasöta al ragù! Ma ch’l’am faga al piaser..Propria lö.. agh piasarés né?. Al ciapares l’öv e po’ anca la galina "

FREDDI       :- (cercando di essere spiritoso) "Come galinela la sarés un bel bcon.. in quant a l'öv.."  (romantico)"..quel al gnirà in seguit e-a podrès nàsar.. un bel cicin”

LUIGINA     :- "Ma senti 'n po' che discors.. Fredi.. al sö post!.. Al n’è mia al me tipo”

FREDDI       :- (allarga comicamente le braccia nel suo largo vestito)"E parché?.. Sontia mia elegante?"

LUIGINA   :- "A parte i sö.. travestiment.. l’è anca un piucius "

FREDDI       :- (offeso)"Piucius a mé… Vuol dire.. pidocchioso?”

LUIGINA     :- "Sì! Sia in italian, sia in dialet. Intant, quand la Silvia, la comessa dal bar, l’as porta al café, lö al n’a’l tös mai "

FREDDI       :- "Parché l’am rend narvos"

LUIGINA     :- "E l'atar dé.. tant par far l'ültim esempi, al bar, in dal moment ch’a gneva dentar, l’ha fat finta d’am vedam mia e al’s’è fat dar un bicer d’aqua dal rübinét.. Cusa gh’eal paüra, ad pagaram l’aperitif?.. Caso mai agh l’ufriva mé”

FREDDI       :- (comico)"E parché l’a n’a n’am m’la mia dét? Acsé a podeva vansar ad bevar ch’l’aqua  ch'la saveva anca ad cagnös " (pausa) "Ma varda tè…e mé ch’agh fava una proposta seriament..." (come parlasse tra sé)"A l'ho sempar dét .. li doni li pensa sol a far spendar i bési in di vastì, blet, viàs e APERITIV"

LUIGINA     :- "Appunto. Quindi al n’è mia l’element par mé”

FREDDI       :- (risentito)"Ehi, a deghi.. ex giovinotta, a mé <element> al n’a ml’a dét mai nisün "

LUIGINA     :-"Parché, el n’òm forsi? Un’òm ch’al camina ch’al par un robot.. ch'al n’ha gh’à gnanca ad macchina.."

FREDDI       :- (che ha trovato ragione al suo pensare)"E qui casca l'asino.. Eco in doa andé a cascar.. se ûn al gh'à la machina.. s'l'è vastì a la moda.. s'al gh’à la televisiun e al riscaldament in casa..töti bèsi strüsià.. L’è mèi lèsar di bon le-bar.. istrüiras… "

LUIGINA     :-"Ma s’al n’an cumprà mai di lebar..töti ‘rivà sotman…Ah sì, a sarésuf un bel partì par ‘na dona "

FREDDI       :- "Am par ad capir ch’a n’agh vaghi mia ben "

LUIGINA     :- (si alza e si avvicina) "Ma agh pensal se anca mé, par mia consümar i tach, a camines come lö par strada.. magari a brasét.." (lo prende a braccetto)"..acsé?"(entrambi fanno alcuni passi.. alla Freddi con comicità)

FREDDI       :-(contento)"Che copia!..Dü stipendi, li spesi ridòti al minim indispensabil"

LUIGINA     :- (scostandosi)"Dipend da quél ch’l’intend par indispensabil"(va al proprio posto)"Me a voi un'òm ch’l’am faga far la siura..a voi la dona ad sarvési… far dli croseri… vedar tanti post in dal mond "

FREDDI       :- "Eccomi qua!” "

LUIGINA     :- "A sì  propria una barseléta "

FREDDI       :- "Ma cus’a serval andà a vedar atar post.. andà in més a dla gent ch’l’an parla gnanca al nostar dialet. Tanto vale star ché.. La nostra cità l’è pina da storia… a gh’éma di monument e di quadar realizà da di artisti che töt al mond a s’invidia..i Gunzaga…" (si riavvicina a Luigina volendo fare il seduttore) "A gh’éma di prà d’erba spagna chi par di materas… E po’ quand a gh’è la sagra, ai banch as pöl bevar anca un més bicer d’orzada… "

LUIGINA     :- (ironica) "An sarala mia una spesa ecesiva?"

FREDDI       :- (deciso) "Ma ‘na qual volta bisogna godars i nostar bèsi!"

LUIGINA     :- "At làsi dir.. Ma cus’an fal di bèsi… Al sta in una casa a dl’opera pia e cun quatar fenich l’è sistemà… L’è da par lö... Ad vastì.." (lo guarda)"..al gh’n’ha in abundansa.. li scarpi l’ha catà la manera par mia consümarli.. fümar al na föma mia.."

FREDDI       :- "E’ risaputo che il fumo fa male alla salute e… a la bisaca.. Mé  i bési an i-a böti mia via par la bramosia del piacere.."

LUIGINA     :- "Ah, ah.. bramosìa del piacere.. Propria lö.."

FREDDI       :- (serio)"Ride bene chi ride ultimo.. Me a pensi al futüro e l’as pantirò d’averam rifiütà "

LUIGINA     :- (con calma)"Ma mé a n’ho mia volü ofendal.. ho sul det che: <aspiro ben altro> "

FREDDI       :- Ch’là cintinua pör a-aspirar.... intant al temp al pasa "

LUIGINA     :- "Ma anca par Fredi al temp al pasa.. e pö che al futüro, al s’arcordarò sul dal pasà”

FREDDI       :- "La vita comincia a quarant'anni e me a sunt incorà un bagaiòt… un sbarbadel"

LUIGINA     :- (additando alla sua barba incolta)"Un barba lunga, atar che..”

FREDDI       :- (si riavvicina)"Luigina, ch’l’am dega ch’l’agh pansarà sura "

SCENA XI

(Silvia -Freddi - Luigina- Marangoni)

SILVIA         :- (commessa del bar, entra con un cabaret e tre tazzine di caffè) "Bungiuran.. Ho portà i café"

LUIGINA     :- "Chi l'ha ordina?" (ironica) "Fredi?"

SILVIA         :- (con un mezzo sorriso) "An credi propria "

FREDDI       :- "A gh'è poch da dir… An gh’ò mia al vési dal café… semplice "

SILVIA         :-"Al li ha ordinà al vigile Pesce.."(sorniona)"..par la Luigina pröma ad töt"

LUIGINA     :- "Par mé? E parché po’ ?”

SILVIA         :- "Mah.. i òm.. as ved che par lé a s’è misià quèl… "

FREDDI       :- (salace, a Luiginn-a)  "Al’s sentirà psigaras da la prömavera "

LUIGINA     :- "Ma parché tri cafè?"

SILVIA         :- "Forse par mia dar trop in dl’òc al s’è slargà… "

LUIGINA     :- "Ma a me ne a m’an basta v’ün ad café. Fredi al’n’an tös mia..” (si serve)

FREDDI       :-  (a Silvia) "Ei sta pagà?”

SILVIA         :- "Natüralment"

FREDDI       :- "E alora a farò un sacrifési par mia strüsiaral.. a sarés un pcà” (si servemettendo comicamente molto zucchero)

LUIGINA     :- "Silvia..bev al ters café.. An vrés mia che Fredi, par mia strüsiaral al faga un’atar sacrifési"

SILVIA         :- "Alora.. an proféti " (si serve)

FREDDI       :- (gustandolo) "Però..  l'é bastansa bon"

LUIGINA     :- "E al n’a gh’è gnanca da pagar” "

SILVIA         :- (raccoglie il tutto) "Ste ben" (salace) "E grasie par la mancia!" (esce)

LUIGINA e FREDDI:- "Arvedas"

FREDDI       :-(si riavvicina a Luiginn-a) "Ritornand a novanta, chi eral quel ch'al gh’à fat la serenata sota la fnestra la not pasada?"

LUIGINA     :- (sospirando)"Eh…l’a n’era mia ad sicür par mé.. Ma com’a fal a saveral?”

FREDDI       :- (le prende una mano) "Parché l’am rend gelus "

MARANGON:- (entra e trova Freddi accanto alla donna, infervorato)"Cus’agh fal incolà a la segretaria?" (lo squadra)"E töt sö ad gir?"

FREDDI       :- (ricomponendosi)"Mé sö ad gir?.Ma siur Marangon agh s’era adré detar..“

MARANGON:- "..li sö memòri.." (sarcastico)"L'eredità del signor Freddi" (burbero)"Ch’al staga al sö post.." (alla donna)"E lé signorina, ch’l’an staga mia a sumnar zizania "

LUIGINA     :-"Mé sumnar zizania?.. Ma siur Marangon s’a gh’è una santa dona, quela a son mé.. Fredi l’era adré detaram una letra"

MARANGON:- (si china sulla macchina da scrivere)"In s’na bösta?" (a Freddi)"Ch’al vaga  söbit in Banca a faras dar al rendicont agiornà, ch’a dev portaral al comercialista "

FREDDI       :- "Com’al cumanda "(tentando di giustificarsi)"Riguard a pröma.."

MARANGON:- (preoccupato)"Fredi… a n’è mia giurnada.... Comunque se al parlàr al custes sol un fènich al’s fares cusir la bòca " (entra nel suo ufficio)

LUIGINA     :- (aveva messo intanto un foglio dentro alla busta. La sigilla, si alza, prende il soprabito e a Paggeu) "A vaghi a la posta a far questa racomandà urgente"

MARANGON:- (dal proprio ufficio chiama a voce alta)"Scignorina Prandi!"

LUIGINA     :- (a Freddi mentre si toglie il soprabito posandolo sulla sedia)"L’am par rabì " (bussa alla porta del principale ed esce di scena)

FREDDI       :- (va alla scrivania di Serafin, compone un numero al telefono e poi, misterioso, con voce bassa)"Pronto?.. A son mé Carlo Freddi.." (pausa)"Sì aspèti ma prest par piaser" (tiene sotto controllo la porta del principale) "Pronto?.. Alora?.. No an pos mia parlàr pö fort..a sun in ufési.." (dall'ufficio del principale si sente un gridolino di Lugina)

LUIGINA     :- (fuori scena) “Ah!”

FREDDI       :-"Procedere come inteso.. capito?" (pausa) "Immantinente"

LUGINA      :- (sempre fuori scena) “Ma no!...”

MARANGON:- (dall'ufficio)"Ma ch’l’an gh’abia mia paüra…ch’l’a staga brava..." (si sente un altro gridolino dalla porta del principale ed il tonfo di una sedia per terra)

FREDDI         "Va ben, va ben.. a s’avdema in piasa Sordèlo.." (posa il ricevitore e va sveltamente, con la sua camminata al proprio posto)

LUIGINA     :- (piagnucolando rientra in scena un po' in disordine. Prende la busta)"Töti cumpagn i òm "(indossa il soprabito o giacchetta del tailleur ed esce all'esterno seguita dallo sguardo di Freddi che scrolla la testa)

MARANGON:- (entra sveltamente in scena. Ha la cravatta storta ed è spettinato)"Luigina..!"(si avvede di Freddi e ci resta male, poi con tono brusco) "An gh’éa det d’andar in banca?.." (adirato)"Quand a daghi un urdan a s’übidès!!" (cambiando tono e calmandosi intanto che Freddi si apprestava ad uscire)"Ehm... al par casu santü.. un po' ad burdel?..." (accenna al suo ufficio e intanto si aggiusta la cravatta)

FREDDI       :- "Al völ dir s’ho santü un lament a dla Lauigina e la bòta ad n’a scragna par tera?”

MARANGON                                :- "Sì"

FREDDI       :- (con faccia tosta) "NO.. A N’HO SANTÜ GNINTO!”

(SI CHIUDE RAPIDAMENTE IL SIPARIO

FINE DEL PRIMO ATTO

ATTO SECONDO

SCENA I

(Serafin - Ester)

                          (All'apertura del sipario Serafin sta parlando con Ester Braglia, impiegata  della ditta Stoccafisso e Affini, seduta dall'altro lato della scrivania)

SERAFIN     :- "Com’agh s’era adré a dir Ester, a serchi, in caso ch’agh fés la necesità, e am par ch’agh siema darent, a serchi a dseva ad far part a dla dita ad Redeo Guaita: <La Stoccafisso e Affini> in dua la lavora lé. Se la Maragoni & C l'andes in faliment, mé a gh’arés in dua sistemaram "

ESTER         :- "Ma mé an so mia cusa podrés far. An sun mia la titolare dla Ditta, a son sol la Segretaria dal siur Guaita come pröma a s’era stata la segretaria dal siur Marangon.. e po’ al sa al parchè a sunt andada via…Al siur Marangon l'è 'n brav'òm ma.. l'è mèi staragh a la larga "

SERAFIN   :- "Al slungava li man, nè? Brava. Dignità pröma ad töt.. Ma.. ritornand a la me quistiòn, se con al siur Stocafés.. pardòn.. con al siur Guaita l’agh mités una buna parola.." (si alza avvicinandosi a lei con galanteria)"..so ch’l’è  ben vésta"

ESTER       :- (a scanso di equivoci)"A son ben vésta parché a sò far al mé master "

SERAFIN   :- "Ma intandeva dìr ben quél.. Le la sa che mé a gh'ho bastansa esperiensa in dal setòr.. A gh’éma vü anca di contat telefonici al riguard.."

ESTER       :- (poco convinta)"A vidrò quél ca pòsi far ma, senza garantiragh gnint però"

SERAFIN   :- "Ch’l’am daga una man e… a savrò ricumpensarla "

SCENA II

(Serafin - Ester - Freddi)

FREDDI     :- (entrando ha udito l'ultima frase di Serafin)"S’a volì una man a vl’a daghi mé. Salve Ester.. com'a vala?”

SERAFIN   :- (ricordando alla donna)"La pasava da ‘sti bandi par casu.. vera?"

FREDDI     :- "E come no"

ESTER       :- "A pasava da’d ché e ho pansà ad vegnar a salutà i me ex coleghi "

SERAFIN   :- "Sempar gentile la nostra Ester"

FREDDI     :- "Nostra?.. Signorina Braja èla ritornada di nostar?"

ESTER       :- "Agh mancares anca questa"

SERAFIN   :- "Ch’l’an staga mia a scultar al nostar INDOSATOR" (fa un gesto per mettere in evidenza l'abito di Freddi, poi a lui) "Ma al ‘na doveva andar dal spedisiuner?… Come mai l’è za ché? "

FREDDI     :- (sornione) "Ma s’a disturbi a pos ritornaragh"

ESTER       :- (si alza)"A dev propria andàr via.. Ho lasà la contabilità a mès "

SERAFIN   :- "Grasie a dla visita"(va ad aprire la porta)

ESTER       :- (si avvia all'uscita dinoccolandosi, seguita dallo sguardo dei due) "Arvedas Fredi" (a Serafin)"Siur Mesora..s’a salta föra‘na qual novità as santéma. Arvédas "

FREDDI     :- (imitando lo sculettare della donna che esce)"L’am fa vegnar al mal d’mar”

SERAFIN   :- (con una mano sulla fronte, gli sovviene qualcosa e poi, agitato)"Ah.. Pölach" (a Freddi) "S’a vé al principàl ch’al’gh déga che.."

FREDDI     :- "..ch’lé curs adré a la signurina Braja"

SERAFIN   :- "Machè Braja e Braja..a dev andàr a far una comision urgente" (uscendo) "Ma che lengua!"

SCENA III

(Marangon - Freddi)

FREDDI     :- "A t’al daghi mé <che lengua>”

MARANGON:- (entra in scena rabbuiato. Squadra Freddi che si alza)

FREDI        :- "RiverIto siur Marangon "

MARANGON:- (severo) "A vedi che quand al gat al n’a gh’è mia i sòrach i bàla, anzi, in bàla propria par gnint parché in gh’è mia adritüra "

FREDDI     :- (servizievole)"Mé agh sont"

MARANGON:- "A vedi ben.. Serafin e la Luigina in doa èi andà? "

FREDDI       :- "Völal ca i-a vaga a sircàr? "

MARANGON:- "E bravo.. acsé an sparés un'atar… alora?"

FREDDI     :- "La signorina Braglia dopo.." (sornione)"..ch’lé gnüda föra… ad présia..dal sö ufézi,  l'è andada a la Posta par ch’la racomandada e po’ la doveva andàr da la Ditta “Caffè tostato” "

MARANGON:- "E ch’al bambòs ad Serafin?"

FREDDI     :- "Ch’al bamb… cioè Serafin… an s’avres mia l'ha dét ch'al gh’eva da far una comisiun urgente.." (sovvenendogli) "Ah.. l'è gnü al vigile" (si avvicina alla scrivania di Serafin e prende un foglio che porge al principale) "L'ha portà questa ingiunsiòn.."

MARANGON:- (prende il foglio)"Ingiunsiòn?.. E par cosa?" (legge)

FREDDI     :- "L’a parés 'n'ingiûnsiòn ad pagament par l'afét aretrà dal lucal"

MARANGON:- "L’an parés par gnint.. L'E' 'n'intimasiòn ad pagament.." (scoraggiato)"A capita töt asiém; povar ad mé..a n’am salva gnanca un miracol" (con aria afflitta) "Fredi, ch’al vaga söbit a l'Ufési Patrimoni dal Comün a vedar s’as pöl aver una proruga "

FREDDI     :- (si alza silenzioso)"Söbit.. A farò al pusébul.." (esce)

MARANGON:- (affranto, siede alla scrivania di Serafin) "La mé dita.. la dita ch'ò tirà sö dal gnint… a remengo.. An riès mia a capir come mai töti 'sti batosti.. li gari d'apalt persi pr’un pél.. I credit blocà..i cont in ròs.. a n’era mai süces.."

 

SCENA IV

(Marangon – Serafin - Lucrezia)

SERAFIN   :- (entra col fiatone)"Siur padron, siur padron.."

MARANGON:- (innervosito)"Ma cus’a süced inchö?.. L'è sc-iupà la guaera?"

SERAFIN   :- (ansimante, si siede)"Ch’al m’a scüsa ma.. am s’è molà li gambi "

MARANGON:- "E ch’al parla… cus’è süces?"

SERAFIN   :- (come sentenziasse) "A SIEM ROVINA’!”

MARANGON:- (ha uno scatto)"Eh?.. A siém rovinà? "

SERAFIN   :- "Ansi.. par la precisiun: L’è rovinà!”

MARANGON:-(sulle spine)"Ma bisogna tiraragh föra li paroli cun la tnaja..a SIEMA O A SONT ROVINA’? "

SERAFIN   :- "L'è rovinà!" (piagnucolando)"E mé..a pardarò al laur "

MARANGON:- (minaccioso)"Ma völal spiegaras, usel dal malaugüri?

SERAFIN   :- (lagnandosi sottovoce) "Meno male ch’am son dat da far con la Stoccafisso & Affini.."

MARANGON:- "Alora?"

SERAFIN   :- "Eco.. ho savü ch’a gnirà ché.." (suonano alla porta e Serafin va ad aprire. Appare una donna di bell'aspetto, elegante; aria professionale. Ha con se una valigetta ventiquattr'ore)

SERAFIN   :- "Desidera?"

MARANGON:- (dà una sbirciata di malavoglia)"A n’agh sunt par nisun "

LUCREZIA  :- (avanza lentamente verso Sciaccalûga mentre Serafin richiude l'uscio) "Credo che le converrà ricevermi "

SERAFIN   :- (che ha intuito)"LUPUS IN FABULA!"

MARANGON:- (che non ha capito)"Guardi signorina che affari, per oggi.. e a siemà za a tir" (sospira) "A quanto pare la Premiata Ditta Marangoni & C..."

SERAFIN   :- (sullo stesso tono) "Chiude i battenti."

LUCREZIA  :- "Sono la dottoressa PACE dello studio GUERRA"

SERAFIN   :- (lugubre)"Ogni nome una garanzia!"

MARANGON:- (sul chi vive)"E allora?.. Non l'ho mica chiamata"

LUCREZIA  :- (posa sul tavolo la valigetta, l'apre ed estrae dei documenti, porgendoli a Marangoni)"Ché a gh'è la risposta al sö interogatif"

MARANGON:- (rassegnato, si alza, prende i fogli)"Alòra a sarà méi ch’l’as senta" (Serafin provvede a porgerle una sedia)

LUCREZIA  :-(siede)"A gh’anticipi za in anticip che s’al na gh’à mia di fondi… di gròs capitài par stopar la boca ai sö fornidor, l'atività a dla dita la dovrò.."

SERAFIN   :- (interrompendo) "..ma a gh’è anca i soci.."

LUCREZIA  :- (a Marangon)"Ma i soci i-è sö mojer e so fiöla.. vera?"

MARANGON:- "Sì"

LUCREZIA  :- "A n’agh dovrés mia èsar ad problèma.. Comunque an védi in che manera a podrésuf salvarav diversament da quéla sügerida dal nostar Stüdi "

MARANGON:- "Bel sügeriment" (accenna alla carte) "Chè as dis ad cedar töta la baraca ... e mé in do vaghia? " 

SERAFIN   :- " ..la Ditta Stoccafisso e.."

MARANGON:- "Da in concorrente MAI" (a Lucrezia) "Non se ne fa nulla… è un furto.. a’n profité a dla situasiòn momentanea"

LUCREZIA  :- "Ch’al’gh pensa ben parché prest.. anzi PRESTISSIMO si troverà in guai ancora più seri"

SERAFIN   :- (con aria triste)" L'E ROVINA’.."

MARANGON:- (adirato)"Ma al völ lasar lé ad far a becamort? " (a Lucrezia)"A spitava d’ incasar dli fatüri par pagàr 'na part di nostar creditor.."

SERAFIN   :- (interrompendo)"E i nostar stipendi.."

MARANGON:- (proseguendo) ".. ma la sà com’ì vò i fat in comercio.. s’an gh’è mia di fond.."

SERAFIN   :- (tombale)"As va a fond!"

MARANGON:- "I m’éa promès a dli prorughi.."

LUCREZIA  :- (professionale)"La quistion l’è la stésa" (accenna ai soldi)

SERAFIN   :- "..conquibus..."

LUCREZIA  :- "I fat, i fat i-è quèl ca conta. Pörtrop li intensiun.."

SERAFIN   :- (al principale)"Sperem ch’al n’a vaga mia in parsòn"

MARANGON:- (sbottando)"Ma völal piantarla lé ad far l’usél dal malaugüri?" (a Lucrezia) "Ch’la m’a scüsa ma lé… chi rapresentla?"

LUCREZIA  :- "Al moment an pòs mia dirgal. S’al pensa ad salvàr almeno al bun nom  a dla dita a sarà al nostar Stüdi ch'al sübentra al moment e ch'al provedarò a li tratativi con i creditor…”

MARANGON:- "A gh’a scométi ch’l'è ch’al fürbas dal Guaita "

SERAFIN   .- (tirando una frecciatina)"Dal comendatur Guaita”

MARANGON:- (si alza nervoso)"Serafin..ch’al n’am staga mia a rumpar li…l’anima parché al mandi a vendar frigoriferi in Alaska, capì?"

LUCREZIA  :- "Ch’al’gh pensa ben a sura.. Ma s’al ‘na paga mia in dli scadensi prestabilidi, al sarà ciamà davanti al magistrato "

MARANGON:- (guarda i fogli sul tavolo)"Töti questi milion ad debit?.. Am par strano..A n’am sunt mai acort.. E in dua vaghia a catar töti ‘sti bèsi.." (siede scoraggiato)

LUCREZIA  :- "Sono tutti documentati.. I vostri creditori si sono consorziati presso il nostro Studio e qui.." (mostra altro foglio)".. ci sono le loro richieste.. Vogliono i soldi altrimenti viene messa a rischio anche la loro attività e.. a quanto pare, anche il Comune avanza dei crediti.."

MARANGON:- (si mette il viso tra le mani)

LUCREZIA  :-  "Non vedo in che modo ne potreste venir fuori senza troppi danni.. Rischiate la bancarotta fraudolenta.."

SERAFIN   :- "O dentar o pagà.. la galéra a véta.."

LUCREZIA  :- "Adès stém mia  esagerar.. ma..a gh'è ad l'atar"

MARANGON:-(affranto)"Ad l’atar..? Ma avocat, s’a gh’ò d’andar a fond ch’l’am spara ‘na canunada e an s’am parla pö "

LUCREZIA  :- "Il commendator Redeo Getulio Guaita è intenzionato a denunciarlo anche per frode..pare che gli abbia appioppato una partita di caffè di dub- bia provenienza e in più che sapeva di muffa"

SERAFIN   :- (cerca di squagliarsela)"Oh, povar ad mé.."

MARANGON:- (a Serafin, nervoso)"Con lö an parlema dopu ad questa vendita ch’l’ha tratà a nòm miu "

SERAFIN   :- (accennando alle manette)"Sperema ch’al sia a.. piede libero"

MARANGON:-(si alza di scatto per andare da Serafin e viene bloccato da Lucrezia) "Ma mé agh dasvidi al col!"

LUCREZIA  :- "Ch’al’s calma.. ch’al’s calma.."

MARANGON:- "Eh, sì.. A gh'è propria da calmaras con di elementi acsé" (a Lucrezia)"Ma l'éra una partida ad de café regolarment cumprada e vandüda e con tant ad fatüra"

LUCREZIA  :- "L'éra una partida sparida misteriosament da un magazin in piaza dli Erbi" (guardando Serafin)"E inoltre c'è l'aggravio della fattura fasulla!"

SERAFIN   :- (si alza di scatto e si avvia all'uscita) "A vaghi a sircar Fredi "

MARANGON:- "Eh, no!" (lo blocca indicandogli la sedia)"Al stò ché a faram cumpagnia.. e s’è casu… " (mima le manette)"anca dopu "

SERAFIN   :-  (cerca di difendersi)"Töti bali.. me an gh’intri mia.."

MARANGON:- (adirato)"E quèla la sares stada l'operasiun par sistemar la càssa?.. Ma qual cassa? Quéla dal Serafin!.. Un trüfador, èco cus’l’è. Ah, ma la verità l'è come l'òiu e la vén a gala..A gnirì n GALERA..a faram compagnia!"

SERAFIN   :- (si siede sconfitto)"Atar che Samarcanda.."

LUCREZIA  :- (invitandolo alla calma) "Siur Marangoni..malgraddo che la situasiun l’an sia mia tant rosea.. quélo, o quéli ch’a rilevarò al complès i l’ha sempar stimà e par questo agh convegn acetà l'operasiun ch’lé dré cüra al nostar Stüdi.. Eviterà la bancarotta, salverà il suo buon nome e il cambio della ragione sociale potrà sempre apparire come una normale contrattazione.. e nessuno ne saprà nulla.. se nisün parla.." (guarda Serafin)

MARANGON:- "Se al Serafin al vers boca, a gh’a strapi chi quatar cavì ch’al gh’à"

SERAFIN   :- "Tranquilo, an parli mia.." (untuoso e lanciando un piccolo ricatto) "Ma.. 'na man lava ch’l'atra e.. a speri ch’im tegna a lavorar.. anche mé a serchi ad campar e.. a la me età..catar un’atar lavur..."

MARANGON:- (sarcastico)"Ma an gh'èra mia la a Stoccafisso e Affini?"

LUCREZIA  :- (a Serafin) "A vidrò quél ca pòsi far "(a Marangoni )"Ch’l’am daga una risposta al pö prèst.. ma agh consili d’acetar la proposta ca gh'ò fat.. Potremo tacitare i creditori e salvare il salvabile e quando il nostro cliente lo riterrà opportuno, prenderà possesso direttamente della ditta"

SERAFIN   :- "Alora.. o l'è un’òm"

LUCREZIA  :- "A n’è mia det.." (apre l'uscio)"Arrivederci" (esce)

MARANGON e SERAFIN:- "Arrivederci"

SCENA V

(Marangon– Serafin - Ester)

MARANGON:- (guardando le carte sul tavolo) "Molar töt? Mah..! Chisà s’as podrà lavorar con i növ proprietari.."

ESTER       :- (entra)"L'è permés?..Oh, ch’al ma scüsa siur Marangon.. an cardeva mia che.."

MARANGON:- "Ch’la vegna pör dentar.. Come mai ché?" (amareggiato)"Ela gnüda a vedar <Il Canto del Cigno>?”

ESTER       :- (imbarazzata) "A pasava da ‘d ché e ho pansà ad vegnar dentar.."

SERAFIN   :- (forzandola)".. a salütar i sö ex coleghi.."

MARANGON:- "L’è stada fürba a cambiar barca pröma ch’la vag a fond"

ESTER       :- "Gh'è quél ch’am va mia?"

SERAFIN   :- (porgendole una sedia)"Prego"

ESTER       :- (sedendo)"Grazie"

MARANGON:- "Quèl ch’an va mia? A siemà rovinà!"

ESTER       :- (dispiaciuta)"As pöl dar che töt a vaga a post "

SERAFIN   :- (fa un gesto eloquente a significare che sarà difficile che vada tutto a posto)

MARANGON:- "I miracoi i gh’era una volta.. Adés anca i Sant i s’è stüfà e i ha sarà butega.." (triste) "As ved ch’a sièma sta bun ad far ingòsa anca a lur "

ESTER       :- "A son propria mortificada.. Forse.. al n’a gh’éva mia li parsoni giösti " (guarda Serafin)

SERAFIN   :- (sentendosi offeso)"E come sarés a dir?"

MARANGON:- (interessato)"Ch’la sa spiega mèi "

ESTER       :- "Ma mé l'è zà 'n po' ca son fora da’d ché, però a pensi ch’l’àbia.. ch’al ma scüsa… ch’l’àbia molà un po’ trop la sö presensa in ufési.... magari par godars la véta.."

SERAFIN   :- (sentendosi coinvolto)"Mé ho sempar fat quél che al principal l'ha comandà e al siur Mrangon al pöl èsar cuntent a dla mé devosiun "

MARANGON:- (alla donna, ignorando Serafin)"Ch’l’a vaga avanti "

ESTER       :- "L'òc dal padròn l'ingrasa al caval.. Bisogna star adré ad parsona a li gari d’apalt e mia faras dir com l'e andada par esar libar ad far al ganimede" (cercando di correggersi)"Oh, admandi scüsa, an doveva mia.."

SERAFIN   :- (adirato)"Ma brava.. Brava Ester.. ma che colega ch’l’è!”

ESTER       :- "A gh’admandi scûsa siur Marangoni dal mae ardìr ma, sinceramente, am dispias.." (si alza)"S’a podess far quèl, ben lontera"

SERAFIN   :- "Euh! Pö d’acsé!” "

MARANGON:- (incalzandola)"Ma sl’è al curent ad quél ch’l’am déga.. ch’l’ha faga un qual nòm"

SERAFIN     :-(timoroso )"Ma cus’al völ ch’la sàpia.. l’a n’era mia ché "

MARANGON:- "E chi l'ha interpelà?.. Gh’al gnint da far?"

SERAFIN   :- "A dovrés andar a vedar se Fredi l'ha fat al necesari par li spedisiun "

MARANGON:- "E alora ch’al vaga!"

SERAFIN   :- "Agh voleva andr anca pröma, quand a gh’era l’avocatésa.. ma al m’a fat rastar "

MARANGON:- "E adés af deghi d’andar.. Anche se i fat i va com’i va a n’as dev mia pegiorai”

SERAFIN   :- (indeciso)"A vaghi.. Ester..a m'arcomandi"(indicando se stesso)"Ch’la pensa ai coleghi pröma ad parlàr.."

MARANGON:- "Ma insomma.. cos’agh völ.. al carterpilar par spostaral? "

SERAFIN   :- "A vaghi.." (esce)

MARANGON:- "Alora, signorina Ester.. föra i nom, i fat..s’a’s pöl salvar al salvabil”

ESTER       :- "Ma verament, fat.. an savrés cusa dir.. sol paroli par santü dir"

MARANGON:- "L’arà ben santü quél par imaginar che qualchidün al m'ha fat al sgambét"

ESTER       :- (imbarazzata) "Ma, an so mia..a par che al mé principal al sàpia quél.."

MARANGON:- "Él Fredi?.. Zà l'è sempar in gir e con ch’la facia da büsèr a n’as sa mai.." (pausa)"La Luigina an crédi mia e Serafin..No, l'è trop lucòt..al gh’à tropa paüra ad perdar al post e al grado.. agh par d'èsar important.. No, no.. da’d ché an vedi nisün.. Ch’l’am déga lé "

SCENA VII

(Marangoni - Ester -Guaita)

GUAITA:- (sulla cinquantina, entra come una catapulta e va ad affrontare Marangoni) "Propria te!..Bel' amich ch’at sé.. Sircà d’imbroiaram!"

ESTER       :- (si alza timorosa e si si scosta)

MARANGON:- "Ma Redeo che modi!"

GUAITA     :- (adirato) "Che modi semai al déghi mé e mia te, aspirante a la galera"

MARANGON:-(si alza)"Ma dat ‘na calmada.. mé an saveva gnint.. a son sta imbroià anca mé"

GUAITA:- (severo)"Il Commendator Redeo Getulio Guaita al n’at pardonarò mai e l'è inötil ch’at deghi ca n’è mia colpa tea, parché al comandant dal vapor l'è sempre responsabil dal sö equipagio.. e se l'equipagio al na va mia ben, a n’as naviga mia parchè as và i piciar in di scogli e as va a fond, E ME A FOND AT MANDI... A gh'ò més una véta a faram strada in questo master ad luv; a t'è rovinà la me repütasiùn con i me client, e mé an voi mia perdar la stéma dopo tanti an ad lavur..Mé at denunzi, at rovini, in müdandi at làsi …AT MAGNI TÖT!"

MARANGON:- (crolla abbattuto sulla sedia col viso tra le mani)

ESTER       :- (cerca di rabbonire)"Ma siur Guaita ch’al na sia acsé dür!”

GUAITA     :- "E lé cus’agh fala ché? Parché l’ha n’è mia in ufési? Tegnla i pé in do scarpi? Völa andar via da la me dita Stoccafisso & Affini?"

ESTER       :- "No, no… am dispias sol dal tratament cuntra al me ex principal”

GUAITA     :-"Quand l’a gh’armitarò di milion e la pardarò la facia con i client, la podrà parlar, ma fin che i bèsi a ghi armet ch’iatar l’è bel far i generos "

MARANGON:- (avvilito) "At gh’è ragiùn.. Am sunt fidà ad la parsuna sbaliada ma an so mia ad chi "

GUAITA     :- (se ne dispiace a vedere l'amico così abbattuto)"Am dispias Ernesto.. ma in dal nostar mastér an gh’è mia post par li stüpidadi e chi sbaglia, pörtop, a paga!”

SCENA VIII

(Marangon - Ester – Guaita  - Serafin)

SERAFIN   :- (apre l'uscio ma appena vede Guaita cerca di fare dientro-front)

GUAITA     :- (a Serafin)"Ch’al vegna pör dentar bel generin " (a Marangon)"Bisogna alvar la gramegna ch’là crés in dal propri prà. An neghi mia ch’am sun sarvì ad lö ‘na qual volta.."(indica Serafin)

SERAFIN   :- (cerca di difendersi)"Ma veramente.."

GUAITA     :- "..ma an pansava mia ch’al spüdes in dal piat in dua al magnava "

MARANGON:- "Serafin?.. E mé ch’ l'éa fat al me òm ad fidücia!"

GUAITA     :- (a Serafin)"Cus’a cardeuvche al Pölach a vandé bambòci? "

ESTER       :- (cerca di rappacificare)"Ma…'na sola operasiun sbaliada l’an pöl mia mandar in faliment una dita come questa"

GUAITA     :- "An sta mia a mé giüdicar.. As pöl dar ch’agh sia anìca dli atri operasiun come questa!" (a Marangon)"Am dispias dimondi ma.. a speri ch’a n’at pasi mia la tö véta a vedar al sol a quadartin " (gira e tacchi ed esce rapidamente)

MARANGON:- (sconfortato)"Eh.. lè propria vera che töt a ven a tài… anca i òngi par plar l’ài”

ESTER       :- (si accomiata)"A vaghi anca mé " (dà la mano al suo ex principale) "Ch’al’s faga curagio”

MARANGON:- "Agh vrés un miracul.. Comunque, grazie d'èsar gnüda.."

SERAFIN   :- (l'accompagna alla porta. Chiusa la stessa guarda il principale e commenta) "Am sa tant ch’as tucarò imparar a vivar come al Fredi!”

(SI CHIUDE IL SIPARIO)

FINE DEL SECONDO ATTO

                                

ATTO TERZO

(Stessa scena del primo atto)

SCENA I

(Serafin -Lugina)

LUIGINA   :- (sta battendo a macchina)

SERAFIN   :- (seduto alla sua scrivania)"Luigina, gh’àla pensà a la me pruposta?"

LUIGINA   :- "Quale?"(continua a lavorare)

SERAFIN   :- (impermalito)"Come quale? A gh'ò admandà s’la völ spusaram "

LUIGINA   :- (non considerandolo)"Ma figüremas!"

SERAFIN   :- "Ma s’a spitéma trop a’n podrém mia tirà sö soquanti <pargoletti> "

LUIGINA   :- (ironica)"Sì, una sfilsa adSerafini.. ma an gh’al àtar da pensar? E po’ agh  l'ho dét quél ca vòj..Un òm ch'al gh'abia un bon stipendi e che l’am faga..”

SERAFIN   :- "..viagiàr ..vacca pita..A m’è andà stort un afari sionò a st’ora..."

LUGINA    :- (interrompendo)".. Al sarés a védar al sol a scachi zà da tri més"

                             (suona il cicalino dall'ufficio del principale, oppure chiama Luigina)

SERAFIN   :- "A la ciàma la dotoresa"

LUIGINA   :- (si alza e prende il foglio dattiloscritto) "La vorò la letra" (bussa ed entra)

SERAFIN   :- (si avvicina cautamente all'uscio di detta porta, cerca di origliare)

LUIGINA   :-   (esce e scontra Serafin)

SERAFIN   :- (si scosta comicamente)"Ahia"

LUIGINA   :- "Staval in aguato?"

SERAFIN   :- "A sircava ad sentir s’as saveva chi l’era al növ padròn dal vapor.. Ché l'è töt un mister…"

LUIGINA   :- (siede al proprio posto)"L'important l'è ch’is paga e po’.. chi l'è, l'è"

SERAFIN   :- "Cus’a vrevla?"

LUIGINA   :- "La letra, e po’ l’a m'ha admandà se Fredi l'è ritornà da la clinica in dua a gh'è ricoverà al siur Marangon "

SERAFIN   :- (sedendo al proprio posto)"Povrét… l’ha ciapà ‘na bröta batosta"

LUGINA    :- "Tant da faras vegnar 'n'esauriment narvos"

SCENA II

(Luigina - Serafin - Freddi - Pölach)

FREDDI     :- (entra dall'esterno con la sua solita camminata)

LUIGINA   :- "A l'ha sircà la dotoresa dastipoch "

FREDDI     :- (si avvicina all'ufficio)"Grasie… a vaghi söbit" (bussa ed esce di scena)

SERAFIN   :- (che lo seguiva con lo sguardo) "S’a fési mé al növ principal a mandarés via  söbit ch’l’element indecoros.."

LUIGINA   :- "E inveci a par ch'la tegna in considerasiun i sö sügeriment"

SERAFIN   :- "Ma cusa völal ch’al sügerésa.. forsi come sparagnar in sal magnà andand a vedar quei ch’a magna al ristorant "

FREDDI     :- (rientra in scena e prima di chiudere la porta) "Sarà fatto senz'altro dottoressa" (va al proprio posto)

SERAFIN   :- (che moriva dalla voglia di sapere)"E alora?"

FREDDI     :- "Alora, cosa?"

SERAFIN   :- "Cusa vrevla?"

FREDDI     :- "Parché al n’a va mia a-admandargal?"

SERAFIN   :- "Fredi… al pöl èssa za content ch’in l’ha mia parà föra.. e töt parché a gh'ho mès 'na buna parola mé"

FREDDI     :- "Dabun?..Grasie. L’ha m’ha admandà s’a voléma far 'na coléta par al siur Marangon"

LUIGINA   :- (ironica)"E propria a lö una proposta dal genar? "

SERAFIN   :- (salace)"L'è come cavaragh al sanguf "

FREDDI     :- "Sensa òbligh.. ognidün l'è libar ad far com' al völ"

LUIGINA   :- "A savema zà com’l’andrà a fnìr.. ch’igh mét sempar i solit "

SERAFIN   - (sornione)"Fredi.. quant’a gh’al més? "

FREDDI     :- "A gh'ò dét che la me quota a gh’l’arés mésa Serafin”

SERAFIN   :- (si alza e si avvia alla porta del principale)"Sl’è vera agh faghi far la figûra ch’al’s merita!”

FREDDI       :- "Ch’al vaga e ch’al n’a perda mia dal temp…”

SERAFIN   :- "Ehi, a déghi!.. Poca bòria che fin adés a son incora me al cap dal personal.. e a gh’a starò ancora un bel po’!”

FREDDI     :-"Agh làsi dìr che personale: tri impiegà, ûn magasiner e 'na dona dli pulisii"

SERAFIN   :- "Mé a cunosi al növ padròn e lö..l’armagnarò sempar un balös!”(bussa alla porta del principale ed esce di scena con Luigina)

FREDDI     :- (appena usciti i due, si alza e va alla scrivania di Serafin, apre il cassetto, guarda alcuni fogli e prende appunti, tenendo d'occhio la situazione. Quando sente che Serafin sta salutando, richiude rapidamente il cassetto a va alla propria scrivania)

SERAFIN   :- (rientra solo)"Eco fat" (a Freddi, con ironia)"A n’ho mia vést al sö nom in dla nota"

FREDDI     :- "Ma agh l'ho dét.. Al sarà lö a daram i bési par la coléta " (si alza e si avvia l'uscita)"A dev andàr a ciamà la Marta"

SERAFIN   :- "E pàrché a dev vegnar la dona dli pulisii föra urari?"

FREDDI     :- "Mah.. As ved ch’a gnirò al növ padròn" (esce)

SERAFIN   :- "Al par lö al növ padron.. ma agh levi mé la sö arogansa"(va ad origliare alla porta del principale. Si apre la porta esterna ed entra Pölach))

PULCE       :- (si guarda attorno e poi va di filato da Serafin il quale se ne avvede e arretra spaventato verso la scrivania)

PULCE       :- (in veronese) "Vedo ch’a sì ben contento de vedarme"

SERAFIN   :- (che cerca di tenerlo al di là della scrivania e si sposta ad ogni suo movimento) "E da co-cosa l'al capì..? A n’av basta quél ca v’ho za dat? "

PULCE       :- (si rimbocca minaccioso le maniche) "Volé toram in giro? " (lo rincorre ostaco-lato dalla scrivania e dai movimenti di Serafin stesso)

SERAFIN   :- "Ma mé an gh’ò pö bèsi.. am sun cavà quasi in patàia… a v’ho dat töt quel ca podeva… "

PULCE       :- "Ve fasso firmar tante de quéle cambiali da farve vegnir una paresi a la man" (cerca di agguantare Serafin il quale si sposta come fa il gatto col topo)”Vé squaso come come un'erbolo de sarése al vento… "

SERAFIN   :- (guadagna l'uscita rincorso da Pulce che lascia la porta aperta)

PULCE       :- (da fuori)"Se ve ciàpo ve faso su come un gugéto (maialetto), e ne fasso di salami de vu!.." (la voce si allontana)

SCENA III

(Pesce - Luigina)

PESCE         :- (entra, si guarda attorno e non vede nessuno e riferendosi ai due che sono usciti)"Hanno voglia di giocare a nascondino..Questa volta che volevo suonare o campaniello trovo la porta aperta.. Ci sta nisciuno??"

LUIGINA   :- (rientra)"Ah, siur Pesce, ma.." (si guarda attorno)"Chi eral a fava pröma töt ch’al sapèl?”

PESCE         :- “Ecche è ‘sto <sapèllo?>.. Sono appena entrato ed ho trovato la porta aperta "

LUIGINA     :- "E Serafin dov’è?"

PESCE         :- "E io che ne saccio?.. Allora.. siete sola" (si avvicina intenzionato)/

LUIGINA     :- (siede alla macchina da scrivere) "Gh'è da dl’à la a dotoresa al telefono”

PESCE         :- "Luigina, posso accompagnarla a casa quando smonta dal servizio?"

LUIGINA     :- "Quand smonto? Ma mé an sun mia ad guardia come vuatar… Am par d’esar la bèla d’Ostiglia <che tutti la voglion e nessuno la piglia>!”

PESCE         :- (con enfasi)"Ma voi siete la bella d’Ostiglia, la bella di Romanore che l’abbraccerei a tutt’e l’ore…"(baciamano) "Vui siete siempre dint’o ccore mio!"

LUIGINA     :- (ritira la mano)"Ch’al cambia canal siur Pesce che mé a gh’ò di atar traguard "

PESCE         :-(con aria di chi ha tramato)"L’è è piaciuta la serenata sotto a finestra soia l’altra sera?"

LUIGINA     :- "E lö com’a fal a saveral?... Ad sicûr l’a n’era mia par mé ma.. par ch’la magna òm dla Rosamaria" (con cattiveria)"Chi trop e chi gnint"

PESCE         :- "Ero io che ve la dedicavo"

LUIGINA     :- "Lö? "

PESCE         :- "Beh.. era un’amico mio che tiene ‘na bella voce e cantava ma… ero io che ve la dedicavo.. Lei mi piace ed io… sono un uomo solo.."

LUIGINA     :- (mette un foglio in macchina)"E s’lè <solo> cusa gh’intria mé…”

PESCE         :- "Ce u dicissi… mia piace ma.. tiene siempre quelle idée in testa ..quelle di voler fare la signora?"

LUIGINA     :-  (scrivendo a macchina) "Sempre della stessa idea"

PESCE:        - "Ma con i nostri duì stipendi qualcosa si potrebbe fare "

LUIGINA     :- "Ah, ma allora la sistemazione la cercherebbe lei!" (commentando fra sé) "Et capì che pés al Pesce?.. Ma non l'ha ancora capito che io voglio fare la signora e che invece di fare un mese di ferie all'anno voglio fare un mese di lavoro e undici mesi di ferie!"

PESCE         :- " Ih…che razza de idée.. "

LUIGINA     :- "Guardi che io devo lavorare.. ché adés a n’as schersa mia.. E come mai  l'è ché?.. Non mi dirà mica che è venuto per farmi le solite proposte"

PESCE         :- (apre cartella documenti) "Son venuto anche per questo"(mostra carte) "Ci sono delle tasse arretrate da pagare a nome del signor Marangoni. In Comune non risulta ancora il cambio di gestione con nuovi proprietari e così consegno il tutto a lei. Metta una firma qua per cortesia"

LUIGINA     :- "Aspetti, lo porto di là dalla dottoressa Pace" (si alza)

PESCE         :- (ne approfitta e tenta di abbracciarla. Luigina lo respinge ma non prima che se ne avveda Freddi che rientra dall'esterno)

SCENA IV

(Luigina - Pesce - Freddi)

FREDDI       :- "Bene Signor Pesce.. Siamo all'attacco della roccaforte, eh?"

PESCE         :- (preso in flagrante cerca di darsi un contegno)

LUIGINA     :- (lascia rapidamente la scena per andare dal principale)

PESCE         :-(imbarazzato)"Stavo.. consegnando delle cartelle da pagare alla signorina"

FREDDI       :- (ironico)"Ma bravo il nostro Vigile Urbano che consegne le cartelle.."

PESCE         :- "Ma che andate a pensare.."

FREDDI       :- "Che ha uno strano modo di fare le consegne"

PESCE         :- (riprendendo contegno) "L'apparenza inganna..voi volete vedere solamente quello che INTENDETE vedere"

FREDDI       :- "E no caro Pesce-spada, egregio signor vigile..ho visto quello che NON intendevo vedere"

PESCE         :- "Cosa c'è de strano. In fondo lei è signorina ed io..."

FREDDI       :- "..è ancora signorino"

PESCE         :- "Appunto.. Statteve bbuono..." (esce)

FREDDI       :- "Eh…vedrò di stare buono.." (pensando)"Ma varda un po' la Luigina"

 

SCENA V

(Luigina -Freddi - Serafin - Marta)

SERAFIN     :- (entra in scena spaurito. Ha un occhio nero ed un braccio al collo e un paio di cerotti sul viso. Zoppica leggermente. Seguito dallo sguardo indagatore di Freddi, va lentamente alla propria scriviania)

FREDDI       :- (salace)"E CHI L'HA INVASTÏ?.. una macchina schesaprédi?"

SERAFIN     :- (sedendo con sofferenza e cercando una scusa)"A son.. a son cascà zò in un fòs....” (siede) “Ahi!"

FREDDI       :- (intuisce e punta il dito esclamando)"PULCE!"

SERAFIN     :- (adirato)"Ch’al n’a staga mia a luminar ch’l’avans ad galera " (fa un movimento brusco) "Ah"

LUIGINA     :- (rientra dalla sinistra e vede Serafin)"Mah.. CHI L'HA INVASTÏ?"

SERAFIN     :- (nervoso)"Ma i dev propria averam invastì?"

FREDDI       :- (ironico, mimando una scivolata )"L’è.. l’è slicià!”

MARTA       :- (donna delle pulizie, entra dall'esterno con un secchio o pattumiera, uno straccio ed una scopa. Sulla quarantina, fazzoletto in testa, osserva tutti) "Ehilà, brava gente.. ma… a s’if incora töti ché?”

LUIGINA     :- "Salve Marta.. Come mai zà ché a far pulizii?"

MARTA       :- (sistemando le proprie cose) "L'è gnû al siur Fredi a ciamaram..: <Ordini>, al m’ha dét, ordini di fare pulizie straordinarie"(pausa)"Ma come mai an si mia incora andà via?.. Ad solit a st'òra a v’l’ha si za data a gambi"

SERAFIN     :-  "Ma com’av parmatì?.. S’a siem ché a völ dir ch’a gh’éma da far, no?”

MARTA       :- (notando il suo stato)"Oh… ma cus’al cumbinà?.. ÉL STA’ INVASTÏ?"

FREDDI       :- (con malizia) "L’ha scapüsà in un cüciòn!”(mimacon le mani ad una spinta)

SERAFIN     :- (che stava andando su tutte le furie) "A n’è mia al casu ad dar dli spiegasiun a 'na dona dli pulisìi "

MARTA       :- (fa spallucce ed inizia a passare lo straccio sui mobili) "Ha parlà al <padròne delle ferriere>"

LUIGINN-A : "Ma la Marta l'è tant an ch'l'è con noantar.. oramai l'è un'istitüsiòn"

FREDDI       :- "L'è véra"

SERAFIN     :- (con autoritarismo, a Marta)"Dòna! Pulì com’as dev e mùchela "

MARTA       :- (sospendendo un attimo di passare lo straccio, con ironia)“Mùchela al dsì a casa vostra. Me a parli inveci e faghi anca al me lavur!"

FREDDI       :- (a Marta)"Comincia pör da mé che intant a gh’ò d’andar via”

SERAFIN     :- (indispettito)"E in doa val.. sl’è lécit saveral?"

FREDDI       :- (con sfottò, incamminandosi come al suo solito verso la porta del principale) "adès al sentirò " (apre l'uscio e sulla soglia)"Dotoresa, mé andres a.. svilüpar ch’l’ operasiun.. An proféti intant che la Marta la dà 'na spolvrada..  da mé, acsé an perdi mia dal temp" (guarda Serafin)"Ah, a gh'è al siur Serafin ch'al vorés vegnar dentar par quéla sotoscrisiòn…"

SERAFIN     :- (si alza di scatto, ma è indolenzito)"Ahia!" (accenna che gliela pagherà)

SCENA VI

(Serafin - Freddi - Luigina - Marta - Lucrezia)

LUCREZIA  :- (da fuori scena) "Ch'al vegna pör..” (a Fredi) “Dopu ch’l’am riferésa com’l’è andada..< l’operasiun>"

FREDDI       :- (con un inchino)"Com la desidera dotoresa " (si avvia alla propria scrivania)

SERAFIN     :- (spazientito)"Ma insoma.. As pöl saver cus'l'è questa <operasiun>?" (cammina zoppicando leggermente)"L’è mai posebul ch’al faga quél ch’al völ sensa che mé an sapia gnint?"

LUCREZIA  :- (entra e si avvicina alla dattilografa)"Signorina, Ch’lam bata a machina questa letra par piaser"

LUIGINA     :- "Söbit" (procede)

SERAFIN     :- (in piedi, accanto alla scrivania)"Dotoresa ch’la ma scüsa, ma.."

LUCREZIA  :- (alza il capo e vede Serafin)"Ma.. E' STATO INVESTITO?"

SERAFIN     :- (sbottando)"No, non sono stato investito.. töti la stésa domanda.."

FREDDI       :- "E' caduto.. malamente.. in un fosso…magari con un <cucione>"

SERAFIN     :- (cercando di mantenere la calma)"Volevo chiederle..con tutto il rispetto dovuto s'intende.. d'essere messo al corrente dei movimenti de nostro fattorinor... di questa OPERAZIONE.. dopo tutto son sempre l'uomo di fiducia della ditta"

LUCREZIA  :- (gelida)"Ah, sì? E allora?"

SERAFIN     :- "Come allora.. Son sempre io il capo ufficio e non è giusto che un semplice fattorino..."

LUCREZIA  :-(c.s.) "A sò mé quél ch’l'è giös siur Messora.. Io eseguo degli ordini ed il signor Freddi esegue i miei.. quindi.. ch’al faga al lavor che dé par dé agh daghi... finchè mi è consentito di non ridurre il personale!"

SERAFIN     :- (che c'è rimasto male)"Ridurre il personale?.. Ma s’a siem in tri gat"

FREDDI       :- "Quatar con al magaziner, e sinch con la Marta.. Agh l’éa za dét, no?”

SERAFIN     :- (cade a sedere avvilito)"Dopu töt quél ch'ò fat.."

FREDDI       :- (accennando.. alle botte)"E ricevü!"

SERAFIN     :- (adirato a Freddi)"Con lö l’ha fnés mia ché!” "

LUCREZIA  :- "Vrif darav ‘na calmada töt dü o a volì far part a dla ridusiun dal personal?”

FREDDI       :- (a Lucrezia)"Allora a vaghi " (escxe)

LUCREZIA  :- "Ch’al faga prest " (a Marta) "Siura Chiodini.. ch’la vaga pör a dar una pasàda in dal mé ufési intant che vaghi a far una comisiòn" (osservando Luigina e Serafin che stanno a guardare)"E ben?.. A n’as lavura pö?”

MARTA       :- (nel frattempo si avvia, uscendo si scena, con l'occorrente, nell'ufficio del principale)

SERAFIN e LUIGINA: - (si mettono subito al lavoro)           

SERAFIN     :- (non si dà per vinto e a Lucrezia)"Appena ariva al növ principàl a gh’ad- mandi sudisfasiun ad questo tratament. Lö al n’am cunos mia ma al’s rendarò cunt che se la dita la völ andar avanti, mé a son un colaborador indispensabil"

LUCREZIA  :- (sull'uscio per uscire)"E come mai col siur Marangon al n’ha mia fat andar avanti la dita?… Ansi, am par ch’la sia andada indré" (pausa)"Comunque ch’al staga tranquél..che chi sübentra al cunos ben al siur Serafino Mes- sora e al podrà diragh quél ch’al völ " (apre la porta e sulla soglia incontra Silvia del bar, che sta entrando con un vassoio e tre caffè) "A vedi ch’a fè la sosta cafè! Dopu a parlarem anca ad questo" (esce)

                      

SCENA VII

(Serafin - Luigina – Marta - Silvia)

SILVIA         :- (salace) "Éla stada psigada da una sinsala? " (agli impiegati) "Eilà, bèla gent ché a gh’è tri cafè"

SERAFIN     :- "Ma nuantar an l'ema mia ordinà"

SILVIA         :- (avvedendosi dello stato di Serafin)"Ohh.. e cus’a gh’è capità?.. Él sta invastì? "

SERAFIN     :- (sbotta e con la mano aperta) "E sinch! L'è za la quinta parsona ch'l’am fa la stésa domanda.. Adès basta!.. Parléma dal café..Chi l'ha ordinà? Ad sicür mia da Fredi "

SILVIA         :- "Segreto!"

LUIGINA     :- "Ma chi l'è l'è. Basta che qualchidün al li àbia pagà. Tolémal pröma ch’al s’arsòra trop"

SILVIA         :- (serve Luigina, Serafin e guarda la terza tazza) "Quéla.. l’agh vansa?"

MARTA       :- (rientra) "Che bon odur ad cafè"

LUIGINA     :- "A gh’an vansa ün"

MARTA       :- "Pecà che a mé l’am fa mal.. Él sta pagà?"

SILVIA         :- "Natüralment"

MARTA       :- "Alora al töghi.. par 'na volta..Posia?"

SILVIA         :- "E am pareva strano ch’al’gh vanses.. L’è cumpagna dal Fredi "

SERAFIN     :-  (dopo aver messo lo zucchero nella tazzina) "Allora, chi l'ha ufert?"

SILVIA         :- "Ho dét ch'l'è un segrét e an pos mia dir ch’l’è sta quél ch’igh dis: PÖLACH.. PULCE!"

SERAFIN     :- (che stava sorseggiando spruzza per terra il caffè e tossisce)

SILVIA         :- "Che pcà.. strüsià acscé un bon cafè.."

LUIGINA     :- "E come mai ch’al poch ad bun l'ha ufert i cafè?"

SILVIA         :- (raccoglie intanto le tazze e si avvia alla porta) "L'ha dét ch'l'ha fat un bon afari con 'na parsona e che töt l'è andà ben.. Ah, siur Serafin, al m'ha anca dét, priöma d’andar via, ad faragh tanti auguri e che s’al gh’és ad bisògn basta diral al siur Fredi"

SERAFIN     :- (inviperito) "Föra d’ad ché... garabatola!"

SILVIA         :- (uscendo) "Che vilan!"

SCENA VII

(Serafin – Luigina – Marta)

MARTA       :- (rientra)"Posso pulire anche qui, signorina Luigina?"

LUIGINA     :- "Ades ch’l’è andaeta a pulì da’d’ là.. la parla in lingua?"        

MARTA       :- (passa lo strofinaccio sul tavolino)"Mé a parli e-a pensi com’am par intant ca furbési zò " (con sottile ironia) "A s’ì vuatar ch’an so mia quél ca farì..cun i cambiament ch’a gh’è in vésta.."

SERAFIN     :- "Vardè Marta ch’av mandi.. a sgürà li ramini in una caserma, saì?”

LUIGINA     :- (toglie il foglio dalla macchina da scrivere e va nell'ufficio del principale)

SERAFIN     :- (critico)"Da 'n po' d tempo a 'sta part, töti is parmét ad dir dli bagianadi .. Ah, ma.. la cambiarà… e come la cambiarà "

MARTA       :- (sorniona) "Dipend par chi la cambiarà"(con noncuranza)"As pöl anca dar che mé a cunòsa al növ principal..al padron dal vapor.."

SERAFIN     :- (si avvicina interessato e, sottovoce)"Al cnosif?.. E chi èl?"

MARTA       :- (pulendo con energia)"An sunt mia tgnüda a dirgal "

SERAFIN     :- (tenendo d'occhio la porta del principale)"Av daghi quèl.." (mette mano al portafoglio)

MARTA       :- (che sembra offendersi) "Ma par chi m’if tòt? Mè an faghi mia chi fat lé”

SERAFIN     :- (sconfortato)"Alora.. gnint.." (ripone il portafoglio)

MARTA       :- (decisa)"Quant’am def?"

SERAFIN     :- (riprende il portafoglioe dei soldi)"A sunt’armas in buléta com’un dasprà, i m’ha cavà in patàja.. rapinà... bastonà.. a gh'ho ancon questi.. "

MARTA       :- (osserva)"L’è pès che Fredi "

SERAFIN     :- "Tolì questi pr’adès e po’, adman.. a v’an daghi di atar"

MARTA       :- (prende decisa i soldi e li mette in seno) "E mé..af déghi töt adman!"

SERAFIN     :-"A gh’arés dat di pö ma.. s’a savus quanti cambiali i m'ha fat firmà.. A m’è fina gnü i nèruv cavalà in dla man"(sospira)"E come s’an bastés mia.. zò algnadi…"

MARTA       :- (apre l'uscio esterno) "Pr’adès ch’al dorma tranquilo che.. <domani si apre una nuova stagione!>" (esce)

SERAFIN     :- "Quéla la sta a sentar töt e l'è bona ad saver dabun chi l’è al nostar principal" (pensieroso, come colto da un sospetto)"A gh’à scométi ch’l’è Guaita. Certo al n’è mia Pölach..al n’ha mia la fedina pulida ch’al galantòm!”

LUIGINA     :- (rientra con un foglio in mano) "L'è ora d’andar via "

SERAFIN     :- "Luigina, adman a savrò al nom misterius" (si avvicina e le prende una mano)"S’im manda via… véla con mè?"

LUIGINA     :- "Ma l’è bel mat.. An sun mia pö ad pröm pel e catà un’atar lavor a n’è mia tant facil"

SERAFIN     :- (insistendo)"Luigina.. parché an’s mitema mia insiem?"

LUIGINA     :- "E cus’a fémia… A mitém un banch ad frütaröl in sal marcà?"

SERAFIN     :- "Ma no.. insem in dla véta e po’.. cun al temp a podrésum far anca un qual viàs"

LUIGINA     :- "Sì.. Mantua-San Giorgio " (pausa)"A proposit ad viàs.. in s’la scrivania ad la dotoresa a gh'éra ‘sto biliet par Serafin"

SERAFIN     :- (prende il foglietto)"Par mé?" (legge)

LUIGINA     :- (che seguiva la lettura, legge)"Prenotare due biglietti aerei per.."

LUIGINA e SERAFIN:- "SAMARCANDA?!"

LUIGINA     :- "As véd che lé la sa in doa l’è Smarcanda"

SERAFIN     :- (sbottando)"Anca li mé idei im ròba" (volta il foglio)"A gh’ scrét anca d’adré: < Prenotare posto in albergo tramite Agenzia Viaggi della CIT.." (alla donna)"Ma bisognarò daragh anca i nom e ché in gh’è mia"

LUIGINA     :- (prende l'elenco telefonico e cerca il numero) "Eco ché; l'è méi informaras söbit"

SERAFIN     :- (sconsolato, compone il numero) "Pronto?.. Parlo con la CIT?...Qui la ditta Marangoni & C" (pausa d'ascolto) "Grasie ma an gh’ò mia al fardur.. ECI’ sta sta per Compagnia… Vorrei prenotare due posti in aereo per.." (guarda Lugina e poi, mestamente) "SAMARCANDA" (pausa e un sospirone)"No.. i n’è mia par mé..."

    (FINE DEL PRIMO QUADRO. Adagio, adagio si abbassano le luci fino all'oscurità, quando gradatamente si riaccendono entra dall'esterno Serafin)

                                 

QUADRO SECONDO

SCENA VIII

(Serafin -Marta - Luigina)

SERAFIN   :- (entra, libero nei movimenti del braccio non più al collo. Stacca dal calendario il foglietto della data e va a sedere al proprio posto)"Stamatina a son gnü pröma dal solit.." (mette a posto sulla scrivania)"A vòi faram vedar zà al lavor quand a rivarà al növ padron.. a n’as sa mai… "

MARTA      :- (entra in scena, vestita con eleganza tanto da non sembrare la donna delle pulizie)

SERAFIN   :- (notando che l'uscio si apriva finge di lavorare alacremente, poi si accorge che è Marta)"Ah, a sì vö?" (nota l'eleganza)"Ma.. if vint al lòt??"

MARTA      :- "Bungioran siur Serafin..Inchö a vòi güstaram la scena "

SERAFIN   :- "E par questo av s’ì vastida ad la festa?"

MARTA      :- (con faccia tosta, fa cenno a Serafin)"A son gnüda a.. tör al saldo!"

SERAFIN   :- (sbuffa, si alza estraendo il portafogli e si avvicina a Marta) "Eco ché.." (porge del denaro)"Föra al nom"

LUIGINA   :- (entra in quell'istante) "Salve a tutti.. come mai zà ché?"

SERAFIN   :- (in evidente imbarazzo, coi soldi in mano)"Bungioran Luigina" (a Marta)"Alora, Marta.. fèm al piaser.. comprèm in rosticeria ch’l’a ròba.." (a Luigina)"Acsé an perdi mia temp"                         

LUIGINA   :- (che si era nel frattempo tolto il soprabito andando a sedersi al proprio posto)"Urca Marta che elegansa zà la matina bunura "

SERAFIN   :- (a Marta, cercando di non farsi sentire da Luigina) "Alora.. al nom dal padròn dla baraca!"

SCENA IX

(Serafin - Marta - Luigina – Freddi)

 (Si apre la porta esterna ed entra, elegantemente vestito, sbarbato, fazzolettino nel taschino, ritto sulla persona, Freddi, il nuovo titolare della ditta, che cammina con signorilità)

MARTA      :- (con enfasi)"ECO AL NÖV PRINCIPAL!"

SERAFIN   :- (come avesse visto un fantasma. balbetta)"Fre-Fre-Fredi?" (cade pesantemente a sedere)"A n’è mia pusebul"

LUIGINA   :- (incredula) "Lö.. al növ padròn?"

FREDDI     :- (con signorilità, mettendo la pipa, o sigaretta  in bocca) "Am par ad vedav un po’ confüs" (a Serafin, con ironia)"O ma sbagli?"

SERAFIN   :- (che pare in preda ad una crisi epilettica) "Eh, eh..a n’è mia vera.. l'è un schers .. a volì faram vegnar un asident!”

MARTA      :- (con evidente soddisfazione)"E parché a n’è mia pusebul?"

SERAFIN   :- (come piagnucolasse)"Ma s’al caminava fin’a ier come un robot par mia consümar li scarpi.. in dua al catà töti i milion par rilevar la dita?"

FREDDI     :- (sottilmente ironico)"Non certamente da quel frusta prigioni di Pulce, caro Serafino " (pausa e con severità)"E cus’af cardeuf, ch’am piasés far ch’la vé-ta ad sacrifési e ad rinunsi sul par farav s-ciupà dal redar? Al mé obietìf l’era quel ad mücià pö bèsi ch’a podeva, rinunsiand anca al magnà sl’era casu " (a Luigina) "L’am toleva in gir quand a gh’adseva ch’a m’intandeva ad question finanziari.. ad titoli ad borsa.. e via andare"

SERAFIN   :- (adirato, avvicinandosi a Marta)"Ch’l’am daga indré i mé bèsi!"

MARTA      :- "E no siur Mesòra.. ch’ì bèsi lé a-ia dagh a me fradel.." (li porge a Freddi) ".. perché:.."

FREDDI     :- (interrompendo) "..perché i-è quéi ch’l’arés pagà al mé post par la coléta ad Marangon… agh v’él in ament?"

LUIGINA   :- (visibilmente sorpresa)"Al Fredi.. sö fradel?"

FREDDI     .- (guarda divertito la scena e manda, soddisfatto, folate di fumo dalla pipa o sigaretta)

MARTA      :- (sempre più soddisfatta) "Da inchö.. il signor Freddi, al vostar principal.. stev mia a dasmangaral!"

SERAFIN   :- (incredulo)"Questa l'è una bala... Ma an s’i mia Chiodini ad cognom?"

MARTA      :- "Da maridada, ma..da pütèla.. Freddi!"

SERAFIN   :- (sempre più frastornato, ride a scatti, nervosamente) "Eh, eh.. ma.. si-si-sicür.. Fredi da pöta..Chiodini da sposada..l'è acsé semplice..MA ME’ ADVEN- TI MAT!"(tra se)"E mé ch’àgh’n’ho dét ad töti i color..al sa di  me imbròi.. An gh’è pö gnint da far"

FREDI        :- (ironico)"Meno male ch’al conoseva al növ titolare da dita.. acsé as pöl dar ch’l’al mès mandà …licensià, nè?!"

SERAFIN   :- "Ahimemi!" (si alza mestamente, guarda Luigina allargando le braccia)"Atar che viàs… " (si avvia, triste, all'uscita)

FREDDI     :- (con aria di comando) "E adés in do val? "

SERAFIN   :- (come un cane bastonato)"A vendar frigoriferi in Alaska.. "

FREDDI     :- (severo)"Ch’al vaga al sö post! "

SERAFIN   :- (incredulo, additando la propria scrivania)"A..al me post?.."

FREDDI     :- (ripensandoci)"Ansi… al ME’ post" (indica la scrivania da fattorino) "Sempar s’al völ armagnar ché a lavurar a s'intend"

SERAFIN   :- (tentennando tra le due scrivanie)"A.. al sö post?"

FREDDI     :- "A meno che al ‘na preferesa averagh da far con al sö amich Pölach!”

SERAFIN   :- (affrettandosi a cambiare scrivania.. triste)"No, no.. a son content ad poder lavurar.." (a Luigina, che lo guarda)"Bisogna anca vivar.."

LUIGINA   :- "Pòvar Serafin "

FREDDI     :- "Però povar Fredi l’an l’ha mai dèt…"

LUIGINA   :- (sospirando) “..saver l'avenir..."

SERAFIN   :-  "Fredi…pardon.." (ingoia)"Siur ..principal.. al vidrà ch’al’n’as pantirò mia ad mé"

FREDDI     :- "Stand al mé post a pensi propria ad no" (estrae dalla tasca un foglietto) "Dai me apunt a risülta che quand a gh'éra ‘na qual gara d'apalt, l’informava… certi concorent di prèsi segrèt che al siur Marangon al miteva in büsta sigilada.."

MARTA      :- (al fratello)"Ah.. l'è par quel che la dita la pardeva tanti gari par rifornir li navi ad crosera, li mensi di stabiliment, ecetera, ecetera"

LUIGINA   :- (a Freddi)"Ma èl sicür?.. A n’am sun mai acorta "

FREDDI     :- "Luigina, s’an fès mia sta bun d’andar contr’al vent, an sarès mia sta bun ad portar ‘sta baraca in salvament"

SERAFIN   :- (sconfitto)"Acsé adès… al sa töt ad mé …”

FREDDI     :- "Questo l’è da védar… Ma intant, stando al me post, al ‘na podrà mia far di dan..e gnanca con al Pölach…ch’al gh’à li man ch’li ciòca "

LUIGINA   :- (accennando alla scrivania che era di Serafin) "E lè.. ch’igh va?"

FREDDI     :- "Oh… la vidrò che qualchidün agh mitarò" (a Serafin)"Siur Mesòra, al provedù a far quél che la dotoresa Pace l’ha gh’à urdinà?"

SERAFIN   :- (ancora frastornato degli avvenimenti)"Quale?"

FREDDI     :- (severo, con aria da manager)"Come quale.. Ehi, a déghi..al n’arò mia dasmangà i biliet.. i post in albergo, véra?"

SERAFIN   :- "Ah, sì, sì.. töt fat..töt a post. A dev sol daragh i nom e riciamar l'agenzia"

SCENA X

(Freddi - Marta - Luigina - Lucrezia - Serafin)

MARTA      :- (al fratello)"Carletto, mé a vaghi… a gh'ho i pütlét a casa da par lor e fra poch a smonta me maré dal turan ad nòt… "

FREDDI     :- "Sì… va pör.. ciao"

MARTA      :- (avviandosi orgogliosa all'uscita) "Bungioran a tûtti… Ah, che sodisfasiun!”

TUTTI          :- "Bungioran"

MARTA      :- (frizzante, al fratello)"Am sont proprio güstada al final a sorpresa!” (esce)

LUCREZIA  :- (entra elegantissima; poi a Freddi)"Caro.. ricordati che dobbiamo andare.. la cerimonia in Chiesa.. l'aereo.. quello non ci aspetta"

FREDDI     :- "Subito cara" (a Serafin che non sa trattenere la sorpresa)"Alura.. dü biliet e camera in albergo .. direzione SAMARCANDA, a nomme de Freddi Carlo e.. Lucrezia Pace Freddi.. ma SÖBIT n’eh?!"

SERAFIN   :- (incredulo e imbambolato si avvia al telefono)"Sì.. söbit.. dü biliet par Samarcanda.. per il Freddi e la Fredda.."

LUIGINA   :- (triste, battendosi la fronte con la mano)"CHE BALÖSA CA SUN STADA…!"

SERAFIN   :- (al telefono, compone un numero e parla sottovoce)

FREDDI     :- (a Luigina, tirandole una frecciatina) "Com l’a ved al futür al riserva sempar a dli sorpresi.. e ad Marangon gh’if notisìi?"

LUIGINA   :- (frastornata)"Eh?.. Chi?.. Ah, Marangon..? Mah..a credi ch’al staga méi"

SCENA XI

(Freddi- Luigina - Serafin - Lucrezia - Marangon)

(Si apre la porta ed entra, voltato di spalle, Marangon; si gira lentamente apparendo nella sua attuale situazione. Barba incolta, in un vestito stretto, tanto da avere le maniche della giacca corte dalla quale spuntano i polsini della camicia. giacca abbottonata ma ridicolmente stretta. Pantaloni cortissimi che lasciano intravvedere le calze. Sta un attimo perplesso a testa bassa, poi guarda i presenti come un cane bastonato)

TUTTI          :- (fanno scena di meraviglia. Serafin, terminata la telefonata, va al suo nuovo posto guardando incredulo, il suo ex principale)

FREDDI     :- (cerca di fargli coraggio, prendendolo per un braccio e portandolo avanti)"Coragio .. dal mal pàs bisogna saltaran föra com’as pöl"

MARANGON:- (triste)"La véta l’è propria una röda"

FREDDI     :- (quasi a vendicarsi)"Ma com’èl ingiarmà.. in dua al rubà ‘sto vastì… L’am par un spaventapasere"

MARANGON:-(sempre a capo chino) "Al gh’à ragiun a restituiram li paroli ch’à gh'ho dét.. adré al rédar a vé al piansar..Ma mé.." (guardando Serafin)"Malgrado ch’im süpiès töti i dé in dli uréci al solit ritornel.. ho sempar sircà ad tratarl ben.. parché a saveva ch’l’era un’òm onest e a gh’ò sempar mantgnü al post"

FREDDI     :-(con dolcezza)"Al sò, com’a so che l'abito non fa il monaco" (sovvenendogli) "A proposit ad vestì al podrés provar, pr’ ntant, al me.. quel dl'avocatPerdicausa" (a Lucrezia)"E' sempre nell'armadio, vero?"

LUCREZIA  :- "Si caro, ma sbrigati" (va nell'ufficio del principale)

FREDDI     :- (a Marangoni, sorridendo)"A mé, francament al m’era pötost comud, ma a lö al dovrés andaragh ben"

MARANGON:- (sempre triste)"Grasie.. " (tristemente) "Da padròn a servo"

FREDDI     :-"A n’è mia dét. Sicome mé e la dotoresa andem in viàs ad nòsi.."

SERAFIN   :- (sospirando) "E che viàs.."

FREDDI     :- "..d'acordi con me moier, l’andrò a sintar in quèla scrivania.." (indica quella che era di Serafin)"E in attesa dal nostar rientro, al podrà acomudaras al sö post ad pröma..."

MARANGON:- (incredulo, si porta una mano al petto)"Mé.. da’d là?"

FREDDI     :- "..e davanti a la porta agh mitarem una targa növa.. növa sol in parte..: <Premiata Ditta Freddi & Marangoni >.. Cus’a disal SOCIO…"

LUIGINA e SERAFIN:- (meravigliati)"SOCIO?"

MARANGON:- (commosso e incredulo)"Mé.. socio?.. Con töt al patatrach ch’l'è süces?.. Ma mé bèsi, par èsar socio, a n’agh n’ho mia. Ho dovü vendar la casa e fin i vàstì par pagà i avocat.."

FREDDI     :- (sospingendolo dolcemente verso l'ufficio)"A sarem nuantar dü a governar la baraca..a so ch’al conos al mastér.. " (guardando severamente Serafin)"Sol ch’an bisogna mia faras imbroià.. bisogna far come San Tomaso.." (a Serafin)"Siur Mesora.. ch’al vegna ché a tör disposiùn dal siur Marangon" (vanno nell'ufficio del principale uscendo di scena)

LUIGINA   :- (a Serafin)"Chi l'ares mai det che al Fredi.. che coiona a son stada.."

FREDDI     :- (da fuori scena, chiama con severità)"SERAFIN!"

SERAFIN   :- (si alza dalla scrivania che era di Freddi, per avviarsi alla porta del principale. Cammina lentamente come camminava Freddi prima)

LUIGINA   :- (lo osserva con meraviglia)"Ma com’al camina?"

SERAFIN   :-“Cum’a camini?” (fa due passi e si accorge di come cammina poi, costernato) "E AS VED CH' L'E' AL POST!" (va verso l'ufficio del principale comminando alla.. Freddi, mentre il sipario di chiude)

F I N E

                              

  

        

 


[1] (la pulce).

[2](dileggiare, schernire)

[3] (andar male)

    Questo copione è stato visto
  • 0 volte nelle ultime 48 ore
  • 1 volte nell' ultima settimana
  • 2 volte nell' ultimo mese
  • 12 volte nell' arco di un'anno