Stè mondacc allincuntrèri…

Stampa questo copione

Due atti


                                               Due atti

                                in vernacolo pesarese

                                                     Di

                                          Franco ferri

---------------------------------------------------------------------------------------------------------------------------

Personaggi:

Amerigo LOfotti........................Padre di roberto

Rosanna lofotti........................Madre di roberto

Roberto lofotti........................figlio

medoro giangioli.......................amico di amerigo

alessandra................................amica di roberto

marina gagiotto........................fidanzata di roberto

aroldo gagiotto........................padre di marina

speranza gagiotto.....................madre di marina

i ragazza....................................ospite

ii ragazza...................................ospite

Arnostea giangioli....................moglie di medoro

Ausonia giangioli.......................Figlia di Medoro

 La casa del signor Lofotti avrà due porte una a sinistra nelle camere ed una al centro, la camera di Roberto.

Questa camera porta sul davanti un cartello con su scritto il nome del proprietario della camera, Roberto appunto.

Vi sarà anche una uscita a destra ove ci saranno le entrate e le uscite di scena.

Il sign. Lofotti sta leggendo il giornale seduto in poltrona.

Improvvisamente suona il telefono.

                                                         ****

Amerigo – Ohhh...!! Sòna el telefon...!!...Ohhh...el telefon...Rosannaaaa...Robertino..

An c’è nisciun i t’un sta chèsaaaa...Ohhhh...!! Qualch’d’un el risponda par piacér...!!

Rosanna – (Da fuori scena)...Robertooo...Robertinoooo...!!

Roberto – (Da fuori)...Co’ c’è...??

Rosanna – (Da fuori)...Te chièma tu pèdre...!!

Roberto – (Da fuori)...Co’ t’vo’ ba...??

Amerigo – Gnènt...E che sòna el telefon...

Roberto – (Da fuori in modo brusco)...Alora...?? Co’ t’me chièm a fè...?? Me ajò da studiè...!!

Amerigo – (Rassegnato)  Va bèn...Ajò capìd...(Si alza dalla poltrona e va a rispondere)..Pronto...??Chi parla...??....Se...Questa l’ajè la chèsa dei Lofotti...Se...Mo chi parla..??Com la dic..?? La vò ma Roberto...??...Ah..Mo me al savéva che lei la vléva ma Roberto...Catto...!!No...No...Gnènt al chièm subit...(appoggia la cornetta)...Roberto...!! Robertooooo...!!

Roberto – ( Sempre da fuori)...Insomma ba...co’ l’è che t’vò...!! Che rotura prò...!!

Amerigo – (Alterato) ROBERTO...!! Par la tu madonèla...TRE SECONDI...A t’dagh tre secondi...S’an t’vén subit maché...A véngh otra me e a te svid la testa com na lampadéna sfurminèda...!!

Roberto – (Entra quasi immediatamente)...Co’ c’è insomma...Co’ t’vò...?? S’po’ savé...??...Alora...me ajò da studiè...Ajò l’esame...!!

Amerigo – (Tono brusco) I t’vò ma’l telefon incantèd...!!

Roberto – E di’l subit no...Anca te !! E co’ t’urle...(Prende in mano la cornetta)...Pronto...Oh...Ciao Stefania...(pausa)...No...An poss...Ajò da studiè...Se..Ajò l’esame...No vara propi an poss...Se...se...Tutt el giorne...Se...Anca stasera..se...E po’ a vagh a teatre  sa Maurizio...Se...Me e lò...se da par nò...se..Va bèn ce s’arvéd...Ciao...(Chiude)...Mo va in candia...!! (fa per uscire)

Amerigo – (Lo ferma)...Oh...Scusa sa...Miga par gnènt...Mo a digh...A pudrìa savé almanch chi parlèva ma’l telefon...??

Roberto – E parchè...??

Amerigo – No...Parchè la sarìa usanza...Nonchè educazion che quand un o una la chièma ma’l telefon d’un antra famèja...la dicéssa almén el mon...

Roberto – Co’ t’dic ba...??!!

Amerigo – TI SCHIARISCO IL QUADRO...Quand me a digh ma’l telefon de chèsa mia...” PRONTO...??...CHI PARLA...?? “ Clatre o clatra dalla parte opposta della linea telefonica l’aiavrìa da dì...secondo l’educazione corrente...” BONGIORNO “...Par préma roba...E po’...” Me a sarìa stuchén del port...!!...C’è Roberto par piacér...??..Grazie...!! “

Roberto – Parchè...An t’ha détt chi l’ajèra...??

Amerigo – No..No...me ajò dmandédi...Chi parla...??

Roberto – E lia..??

Amerigo – (Scaldandosi)...E lia gnènt...!! Mo co’ t’si tont...??!!

Roberto – E va bèn...E miga c’è bsogn d’arabiès tant...(Esce rientrando nella porta di centro)

Amerigo rimane solo in scena.

Amerigo – (Parla tra se ad alta voce)...Ecch t’véd...?? Te t’fa i sacrifici...Te risparmi i sold par lori...E lori in capisc e i t’lascia  machè com un sardon...L’è inutil...Non ci si comprende...E se... bsogna avé pacènza sa i fioj...(pausa)...ROBERTO...PORCA PUTENA VIGLIACA...Chi l’èra ma’l telefon...????

Roberto – (Da fuori copme nulla fosse)...Era la Stefania...La fiola de Amos...

Amerigo – Amos...Amos...Bertocchi...??

Roberto – Se...Bertocchi ...Se...

Amerigo – Eh...Eh...me  ma Amos al cnosc bèn...Na maténa...Quand ajèrmi ragazz...

Roberto – (Tronca il discorso) Ba...par piacér...Ajò da fè...dai...!!

Amerigo – Mo sènt ma quést...Mo in dò’ l’è gìd a fnì el rispètt par i genidor...Ehhh..!!

ROBERTO...Ipra sta gambra che s’no a t’dagh un cazot tla testa...!!

Roberto – (Esce seccato dalla camera)...Uffa...!! Prò...Co’ c’è adèss...??

Amerigo – Co’ la vléva da te la fiola de Amos Bertocchi...??

Roberto – Mo co’ t’importa ma te, me ann’el so...!!

Amerigo – M’importa...M’importa...Alora...!!??

Roberto – (Seccato) La m’ha dmandèd s’a giva in palestra sa lia...

Amerigo – E te...Co’ t’i ha détti...??

Roberto – Mo vara che t’si buff...

Amerigo – CO’ T’ I HA DETTI TE...??

Roberto – (Stesso tono del precedente) Ajò détti de no parchè ajò da studiè e dop a vagh a teatre sa Maurizio...T’si cuntènt..??

Amerigo – Se a adèss a so’ cuntènt...T’va a teatre sa Maurizio...?

Roberto – Se, sa Maurizio ...Se..

Amerigo – A teatre...

Roberto – Se a teatre...ba par piacér...Ajò da studiè...Taja...su...

Amerigo – Va...va pur a studiè...Va...(Roberto rientra nella stanza)...E scusa eh...Scusa sa me sò infurmèd...Scusa se me c’ha so’ tu pèdre...Colui che ti ha generato in una fredda e meravigliosa domenica di ottobre...Che ti ha dato la vita...Scusa se tu pèdre el te dmanda un qualcò’...El s’informa...(pausa) ...E dop an dè sempre la colpa ma i genidor...Parche se sucéd i disastre, la colpa l’ajè sempre di genidor ecch...Sempre...Che se sempre par chèsi a ve meté a pipè la...La maria-giovana...

Roberto – (Da fuori)..Se e la Peppa d’Cartocét...

Amerigo – (Continua la filippica)...Se..se...Opur c’ha chiapè le pastécch par stè più alégre..la colpa an la dè ma i genidor par piacér che noiatre an centrém gnènt...capìd...??

Entra Rosanna Moglie di Amerigo.

Rosanna – Mo co’ c’è...?? Co’ t’ha da sbruntulè sempre...??

Amerigo – Mo gnènt...A l’ajò sa tu fiol...

Rosanna – Co’ l’avrìa fatt nostre fiol adèss...??

Amerigo – El fà arabì ecch...

Rosanna – Stà a sentì Amerigo...Sta a sentì ma la Rosanna tua...Che po’ a sarìa me...Roberto...Par piacér...Roberto...L’è un angiol de ragazz ecch...Un angiol...Sempre gentil sa tutti , sempre studios...An salta mei, a digh mèi ‘n esame che un...T’el sa te..T’el sa che st’ann tu fiol...Che tant el te fa arabì el chiapa la Laura se...T’el sa...

Amerigo – Se al so se...

Rosanna – Alora...se t’el sa...Lascia in pèc ma tu fiol...Parchè l’ha da studiè...T’ha capìd...??

Amerigo – Se...Ajò capìd...A poss parlè me adèss...

Rosanna – Prego...

Amerigo – Mo me a digh...L’è tropp...L’è tropp se un el s’informa...per cercare un punto di contatto, per cercare un diagolo...

Rosanna – Dialogo...??

Amerigo – Se dialogo...se...Acsé...tant par fè dò paròl, tanto per conoscersi un po’ tra om...Un discors tra pèdre e fiol...Un padre con il suo figliolo...E lò..al post de di grazie...gnènt...Un mur...un muro di plastiga...

Rosanna – Chèsi mèi de gomma...

Amerigo – Cum...??

Rosanna - ...El mur...

Amerigo – Che mur...??

Rosanna – El mur l’è de gomma...No de plastiga...Ignorant...

Amerigo – O caréna...sta a sentì...De plastiga de gomma o de cimènt...sempre mur l’è...no...??..L’è chièr...??

Rosanna – Chièr com el sol...E noi apprezziamo la buona volontà...Prò...A la fin...Co’ te giréss cercand...??

Amerigo – Mo gnènt...cercavo solo di sotigliare il divario generazionale...(Si altera)...E po’ insomma sta chèsa maché l’ajè la mia o no...??

Rosanna – Se l’ajè la tua se...

Amerigo – Alora...Porcaccia di quella maiala di quella...

Rosanna – Adèss an cminciè a dì le parolacc par piacér...

Amerigo – Se è véra...ajò da stè calme...Alora porca miseria lèdra...me a digh...Se una la telefona a chèsa mia, ma mi fiol..a poss almanch savé chi è...??

Rosanna – E’ nel tuo pieno diritto....E...T’la savud...??

Amerigo – Se...L’ajèra la Stefania...la fiola de Amos...

Rosanna – Adèss t’si cuntènt...??

Amerigo – Se a so cuntènt...

Rosanna – Ecch...Brav...Adèss alora met-te malé...Calme e bon e fnisc da léggia el giurnèl...Anzi...Parchè an te scapp una muliga che me tra ‘n po’ ajò da pasè sa la lucidatric maché...(Esce a sinistra)

Amerigo – (Scocciato)...Mo quant sarà bèl avé par chèsa na moj cla te capisc ...(Fa il verso al figlio)...No..No Stefania a vagh a teatre sa Maurizio...(Si siede in poltrona) Chisà co’ c’è arà a teatre d’ascé important da gì sa Maurizio...Me propi ann’èl sò...(apre il giornale e lo sfoglia)...Allora...Spettacoli...Teatri e cinema...Ecco qua..” Le calde notti di Carmela Maggio...soda bagnina di salvataggio...Ecco vedi...Quand s’dic la CUL...tura..Alora..teatri..teatri...Ah ecch...BALLETTO UCRAINO...”La cruenta morte del passero pechinese...” Ecco...Interesant...Bo...!! Mi fiol el va a véda sa Maurizio...”La cruenta morte del passero pechinese..???”...Mo pènsa te...Me..me da ragazz chèsi mèi...chèsi mèi a giva a véda...la...la Carmela Maggio soda bagnina di salvataggio...E lò invéc no...Ecch..Lò cl’ha studièd, el va a véda el PASSERO PECHINESE...ecch..T’vèd...T’véd co’ vo’ dì studiè...E va bè...Quand c’è la salud...( Si alza ripiega il giornale e chiama)...Rosanna...!! Rosanna..alora me a scap...Ajariv in piaza..

Rosanna – (Da fuori)...Se...Se...Ah...Amerigo...Quand t’vén so chiapa el pèn...

Amerigo - ...El pèn...Se...

Rosanna – Pasa anca in lavanderia a to’ el capott e l’impermeabil de Roberto...

Amerigo – El capott e l’impermeabil..se

Rosanna – Ah...Dop pasa anca da la Cesira a chiapè un po’ d’insalèda, dò méla, un chél e mèzz de spinaci...e anca una rucéda d’aj...

Amerigo – (Perde la pazienza)....OOOOhhh..!! Se bonanott...Ajò détt c’ha vagh in piazza a pìd...E miga a vagh sa’l camion...E insomma...!! A chiap sol el pèn...(Esce)...(Rientra) Po’ s’amarcord...!! (Esce definitivo).

Attimo di pausa, la scena rimane vuota.

Entra Roberto dalla porta di centro con fare sospetto.

Roberto – Mama...Vèn otra ch’el ba l’è scapèd...

Rosanna – (Preoccupata) Roberto t’me vo spighè co’ sucéd...Cosa succede...!!

Roberto – Eh...Mama...L’è na parola...

Rosanna – Insomma, Roberto, t’me dic acsé svélt svélt “ mama manda via sa na scusa el ba...C’ha t’ho da parlè..” E po’ via ch’te fugg t’la tu gambra...Insomma Roberto...me a so’ preocupèda...Ecch...!!

Roberto – Mama..alora...me saria sucèss un fatt...

Rosanna – Che fatt saria sucèss Roberto...An me fè preocupè...dai...!!

Roberto – Mama...Senza fèla tanta lunga...Ajò méss in cinta ma na ragaza...

Rosanna – CO’ T’HA FATT ROBERTO...???

Roberto – E t’ha capìd dai...Co’ l’ho da ripéta...??

Rosanna – Mo Roberto...T’m’el dic acsé cum fussa gnènt...??

Roberto – E com a t’l’ho da dì in francés...?!

Rosanna – Oh...Signurén del paradis...!!  Mo com è sucéss...??

Roberto – Com è sucèss mama...Com sucéd sempre...Ajò incrucèd i occh sa una e...

Rosanna – Roberto...Par piacér...Sa i occh  ch’i s’incrocia an s’métt in cinta ma nisciun..

Roberto – Be...Comunque l’ajè gida acsé ecch...E basta...

Rosanna – Com basta...Com basta anca te...Mo chi l’ajè st’ia...?!

Roberto – Vara mama...Adèss a la chièm sa’l telefunén e po’ a la fac v-nì maché...Che tant l’ajè in girèda aspètand ch’èl ba el scapa da chèsa...Acsé te tla cnosc e bòna nott...

Rosanna – Mo Roberto...Mo che moda la sarìa..Ehhh...??Mo co’ l’ajè quésta na roba da scherzè...eh...E insomma...Dim préma de tutt chi l’ajè s’t’ia no...!!

Roberto – (Avvertendo una certa agitazione nella madre)Sta calma...Su...Sta calma...Adèss a te digh tutt...Donca lia la sarìa na mi amiga... ecch

Rosanna – Ahhh...Mo quél l’è ‘l minim ...Cla sia amiga tua...Mo com la s’chièma...?? Chi ‘l’ajè...???

Roberto – La s’chièma Marina...Marina Gagiotto

Rosanna – Ohh...Finalmènt...Prò an me pèr mèi d’avé sentìd a dì...

Roberto – Par forza...An t’la cnosc...La stà da le part de Santa Vendra...(mentre parla con la madre aziona il cellulare)...Pronto...Marina...a so’ me...se...t’pò’ nì so...Se ce sol mi mèdra se...Ajò détti tutt...Se...I l’ha chiapèda bén...A regola...Se...dai adèss vén otra ...se...Ciao..!!..(Alla madre) Ecch...Adèss la vén maché...!!

Rosanna – Machè...?? Mo adèss...??

Roberto – Se mama...Mo Madona co’a parlè cinés...!!??

Rosanna – Oh...Signurén...Bsogna c’ha me daga na petinèda...Ajò anca da pasè par tèra la lucidatric...

Roberto – Ecch..Incmincia l’agitazion...

Rosanna – E...Dì un po’ ...Com l’ajè...

Roberto – Com l’ajè...In che sèns...??

Rosanna – No..A digh...L’ajè almanch una ragaza a post...??

Roberto – Mo mama...Se sa...E catto co’l’è c’ha me vagh a métta sa una cl’ann’è in gamba...!!

Rosanna – Mo parchè a stévi asièm...??

Roberto – Mo se sa...L’è già tre ann...

Rosanna – Tre ann...?? Mo noiatre an savémi gnènt...!!

Roberto – Mo co’l’è obligatori ch’a l’avévi da savé voiatre...Sa che rotura...El ba po’ specialmènt..Sa che raza de pampna...!!

Rosanna – (Si altera) Roberto...an te permètta più da parlè acsé de tu pèdre cl’ha fatt tanti sacrifici par te...!! L’ha lavrèd anca de nott purétt par fé’t studiè a Bologna...

Roberto – Se ma. va bèn ajò capìd ...Prò ragazi el vò savé sempre tutt...!! E co’ t’fà...? E dò’ t’va...? E sa chi t’va...?

Rosanna – E...Insomma l’è sempre tu pèdre ecch...Anca s’l’è fatta a mod sua, l’è sempre tu pèdre..E bsogna purtèi rispètt...T’ha capid...E basta...!!

Roberto – Se...Va bèn...Mo prò...

Suonano alla porta d’ingrèsso.

(Prosegue di seguito)...Toh...!! Ecch...L’ajè lia...A vagh a aprì...(Roberto fuori)

Rosanna rimane sola per alcuni istanti.

Rosanna – (Si siede esausta) Signurén del paradis aiùdce te...Che complicazion Madòna...Che complicazion...(Piange sommessamente)

Voci fuori campo accompagnano l’entrata di Marina.

Vén déntra Marina...Ciao...Tu médra la c’è...se se..l’ajè de la...

Entra per prima Marina.

Marina – E...Permésso...

Rosanna – Vèn otra cuchéna...Vén otra...

Roberto – (Entrando dietro Marina si vede la madre lacrimevole)...Mo mama...Co’ t’fa te piagn...??

Rosanna – Se a piagn...Se...E co’ c’è de mèl...??

Marina, vedendo la mamma di Roberto piangere, piange a sua volta.

Roberto – (Si irrita) Ecch...Se..Brav...Piagné tutt’le dò, acsé a sém a post...!!

Rosanna – Mo sta zétt valà...Che te t’si bon sol da fè i dann e basta...!!

(A Marina)...Vén otra còca...Vén otra...Vèn maché tra i mi bracc..Cuchéna d’or...(Le due si abbracciano conmmosse)...Piagn...Coca piagn...Che acsé te sfogh...Pora stèla...

Marina si abbandona ad un pianto liberatorio.

Roberto – (Rude)...Alora, quand ajavé fnìd sa tutta sta rumènta...A m’avisè che acsé a parlém...va bèn...??

Rosanna – Sta zétt sa...Spurcacion d’un spurcacion...E vergogn-te...!!

Marina – No ,no, signora...La colpa l’ann’è la sua...La colpa l’ajè la mia che cla sera ajò dati l’aziga...

Rosanna – MMhh...Me al cnosc ma quél malé...L’è uguèl, precis e spicighèd, sputèd e cumpagn del pèdre...Com le bésti jè...Com le bésti...

Roberto – Mama..Mo quést co’ centra adèss...??

Rosanna – Centra...Centra e com...Catt, an ve cnosc me ma voiatre...!!

Marina – (Prende le difese di Roberto)...No...No  Signora...Robertino l’è sempre bon e brav...Che insomma ann’m’ha mèi manchèd de rispèt ecch...

Rosanna – Se...Se...

Marina – E che dle volt...Se pèrd el controll...

Rosanna – (Bonaria)...Prò signorina in ch’i momènt...Quand se sta par pèrda el controll se dic de no...E’ già...

Marina – Mo quést al sò...E me infatti a i dciva...Roberto...NO...NO...NO...

Roberto – (La ferma) ...Aspèta...Aspèta...Sta calména...Dì le rob com le stà...Te t’me dicév ...NO...NO...NO...Mo ann’era un NO decis...Ecch...L’era com st’è dicéss...SI...SI...SI...Insomma l’era di No che vléva di de SE !! E difatti più tardi t’m’ha détt SI..Si..ECCOME...!!

Marina – Te si un gran ignorant ecch...E me adèss a m’artrov in t’i tre més...Par colpa tua...(Piange)

Robero – Ah...Par colpa mia...!!?

Rosanna –Se...Par colpa tua ...se... So...So...Cuchéna... An fè acsé...Met-tè a séda malé e cerca da stè calma...

Marina – Se calma...L’è na parola...(A Roberto)...E adèss...?? Adèss co’ fém Roberto...??

Roberto – A t’l’ho détt a ce spusém...!!

Rosanna – Mo co’ t’parle di...Eh...?? Ma le rob toca pènsèi bèn no...E po’ chisà ‘n do’ l’è c’ha gì a stè...tla stala...Invurnìd...!!

Roberto – Uffaaa...!! Alora...Mama, met’te a séda...Anca te e sta a sentì..Donca...me e la Marina...

Rosanna – Chiii...??

Roberto – La Marina...mama...la Marina...

Rosanna – Ah se...La Marina...Scusa cuchéna sa...

Marina – Gnènt signora ...Capirà...!!

Roberto – Donca ...Me  e la Marina...A Bologna...In do’ che a studiém...Tutt’dò...Ecch..Insomma...Bè...L’è da già un pèra d’ann che me e lia...(Indicando Marina).. A stémi de chèsa asièm...S’viveva insièm insomma...!!

Rosanna – Mo sènt ma quést..Che vergogna...

Roberto – Ma...co’ t’dic ...?!...Par piacér an cminciè sa i tu discors...Par carità...!!

Marina – (Ingenua)...Al fémi anca par risparambiè t’le spés...O almén l’intenzion l’ajèra quélla...

Rosanna – A se...Quaion...Ajò vist...

Marina – Pensi signora cèrtle volt par risparmiè a magnèmi sol a la sera e po’ s’giva subit a lètt...

Roberto – Ecch se brava...dill’ anca...!!

Marina – E parchè co’ c’è de mèl...?

Roberto – Marina...Par piacér  sta ziténa vala cl’è méj...

Marina – Mo l’è la verità...

Rosanna – (Interviene) Ho ragazéni...An incmiciè a litighè sa...Piutost...Marina...Tu pèdre e tu Mèdra co’ i dic...??

Marina – (Piange)...Ancora in sa gnènt...!!??

Rosanna –Ecch... Mo pènsa te...Un fiol...!! Mo un fiol ragazi el ve gambia la vita...

Roberto – Al sò mama..Al sò...E miga a sém imbecéll...Un fiol el gambia la vita se...Mo i l’avrìa da gambiè in méj...E po’ me e la Marina a ce vlèm bèn...E sa ce spusém senza tantle stori...A spér...A sém più che cuntènt..Ecch...Donca...adèss, tant par cminciè a vagh a parlè sa i genidor dla Marina...

Rosanna – Sa i genidòr dla Marina...??

Roberto – Se...Adèss a vagh a chèsa sua...E a métt i genidòr sua davanti ma...Il fatto compiuto...Com ajò fatt sa te...E se i capisc bèn...S’no...s’no i capirà...Che me an la voj tanta longa...!!

Rosanna – Mo sènt che discors...?! Te t’va davanti ma ‘l pèdre e la mèdra d’una ragaza e ti dic...”Chiò...Ajò méss in cinta ma vostra fiola vè...Mo an ve propcupè che adèss in quatre e quatr’ott a ce spusém...”...Mo quéi i t’butta fòra da la fnèstra i t’butta...!!

Marina – Mo no signora...Mi pèdre e mi mèdra ma Roberto il cnoscne bèn...I s’è parlèdi tantle volt...

Rosanna – Mo...davére...??

Roberto – Davéra se...Sarà un pèra d’ann ormèi ch’a ce cnoscém...

Marina – E se...da quand ajavém cmincèd a scapè asièm...

Rosanna – Prò...Me a digh...(Al figlio)...Te pudév dì anca un qualcò...Noiatre an savémi gnènt...

Roberto – E ardaj...!! An savévi gnènt aposta parchè me an vò détt mèj gnènt ecch...!! Che s’no sa che bigioligh tra te e ‘l ba...

Rosanna – E no...capirà...!!

Roberto – Comunque mama...an la fè tanta lunga ...E gida acsé e basta...!!

Rosanna – (Sconsolata)...Heee...!! Quant ‘è fadiga sa i fioj...!!

Raoberto – Se...Se...Comunque me adèss a vagh...Te Marina co’ t’fa...T’vén sa me...??

Marina – Se...A véngh sa te...Prò a t’aspètt de sotta..

Roberto – Com sarìa a dì..??

Marina – Se...A t’aspèt t’la mèchina...Che...Insomma...Me miga a sò com i pudrìa reagì i mia méssi de front ma..Stà bèla notizia...

Roberto – A sò cuntènt che t’me fà coragg...Cumunque va bèn uguèl...Alora a fém acsé...Me  a parle sa tu pèdre e tu mèdra e a i digh tutt par fil e par ségn...E po’,quant a cminc a véda che le rob le s’è schiarisc...A t’véngh a chiamè...va bèn...??

Marina – (Poco convinta)...Girà bèn...

Roberto – (Fa per uscire)...Dai gém...

Rosanna – Oh..Oh...E ma me a me lascè maché...??

Roberto – T’vò v-nì anca te...?!

Rosanna – Se...A véngh anca me se...Almanch a farò compagnia ma la Marina de sotta t’la mèchina...Purtinéna...

Roberto – (Rassegnato) E va bèn...dai gém prò...!!

Rosanna – A proposìd...E ma tu pèdre..??

Roberto – E quéll l’è ‘n antre discors...Comunque A parlarò anca s’al ba...Quand sarà el momènt...Parchè sa’l ba toca truvè el momènt adatt...Ai dirò tutt sa tutt i riguard posibil e imaginabil...

Rosanna – E se...Parchè c’è anca modi ch’i chiapa un colp...

Roberto – Ehhh...Sperém bèn...

Marina –Par de quà vèra...??

Roberto – Se...Sempre dritt...

I tre escono di scena accompagnati da una musica poi la scena sarà oscurata per qualche attimo. Il tutto per concludere il quadro tecnico.

Poi di nuovo luce con la musica che si andrà a sfumare.

Scena illuminata e nessuno in scena.

Entra in scena Amerigo che invita Alessandra ad entrare seguita da Medoro e sua figlia Ausonia.

Amerigo ha in mano un cappotto ripiegato ed un filone di pane in un sacchetto di carta, Medoro ha in mano un sacchetto più piccolo, ed Ausonia ha con se un cappotto ripiegato e un sacchetto di palstica con la verdura.

Amerigo – Mo prego...Signorina...Ch’la s’incomoda...Venga...venga pur avanti...

Alessandra – Grazie...

Doro – Ohh...E noiatre chi sém i fiòj dla còca...!!

Amerigo – No...No...Vén pur otra anca te...

Doro – Ambè...A credéva...dai  Ausonia vèn otra...

Ausonia – Uffa...!! Che barba però...!!

Amerigo – (Rivolto ad Alessandra) A vagh a pugiè sta roba da qualca part e sono subito da lei...(Esce un attimo di scena)

Alessandra – Mo no...Ch’an se stia a disturbè tant...Ajavéva sol da ardè indrìa ste libre ma Robertino...

Doro – E noiatre maché co’l’è ch’a fém le bèli statuén...!!??

Ausonia sbuffa.

Amerigo – (Rientra) E na maténa che rotura ch’te si... pogia tutt in t’el tavlén senza arvinè gnènt e av pacénza na muliga...An t’véd che c’è i ospit a chèsa mia...Ausonia...Tén fèrme ma tu pèdre dò minud...

Ausonia –(Seccata)...Mi chiamo Sonia...per piacere...

Doro – Sonia...se...Te te chièm AUSONIA...Per piacere...A t’dagh me Sonia...

Ausonia – Uffa...!!

Amerigo – OHH...!! Ajavé fnìd...??

Doro – Se...

Amerigo – Alora stè fèrme e boni dò minud che me ajò da discorra sa la signorina...

Doro – E ste sachétt..??

Amerigo – Mo pòg-le malé el sachétt no...!!

Doro – Co’ ce sarà d-dentra...??

Amerigo – Mo co’ t’importa ma te..Insomma...!!

Doro – E...na maténa...A dciva acsé par dì...A sò curios alora...(Tenta di guardare dentro il sacchetto)

Amerigo – E lascia stè...Boia del cane moro...L’ajè la roba che Robertino el s’è scurdèd dentra ma le sacocc del capott préma che mi moj il purtasa in lavanderia...giò...Sta bòn na muliga Doro...!!

Ausonia – Uffa...

Dodo – Ausonia a t’dagh un scupazz eh...!!

Alessandra – Scusè sa...Mo sa’n ve dispièc ajavrìa na muliga de prescia...

Amerigo – A...se...Cla scusi tant Signorina...Acsé lei la sarìa ‘n amiga de Robertino...

Alessandra – Be...Amiga...propi amiga an dirìa ecch...A studiém t’la stéssa facoltà e basta...

Doro – (Interessato) E la schièma...??

Amerigo – Mo co’ t’importa com la s’chièma ma te..??

Alessandra – A me chièm Alessandra...Mo miga l’è ‘n segrét...

Amerigo – Alessandra...Alessandra...

Doro – E fin a maché a sém arivèd...

Ausonia – Ba...me a me so’ stufèda...a poss gì via...??

Doro – Un minud...Fam sentì com la fnisc la storia...

Amerigo – T’ha fnìd...??

Doro – Prego..prego...

Alessandra – (Taglia corto)...Ecch...l’è tre giorne c’ha vagh cercand ma Roberto...Mo ann’i la facc a truvél...El m’ha dmandèd ste libre...Che tra l’atre l’è ‘l sua...insomma a so’ v-nuda a portèl de persona...

Doro – L’ajà fatt bèn...

Alessandra - ...Comunque l’è maché...(Consegna)...Be...Me adèss a girìa...

Amerigo – Mo no signorina...Cla stia ‘n antre dò minud ...Che me ajò bsogn da dmandèi na roba...

Ausonia – A pudrìa gì via me...!!

Doro – No...te te sta bona malé...E an te mova...!! Che adèss Amerigo el parla sa la signorina...Che roba t’i ha da di ma la signorina Amerigo...??

Amerigo – Echh...Signorina...Alessandra...Aproposìd de Roberto...Mi fiol...lei el cnosc no...?

Alessandra – Be...Se...na muliga se...A sém gìdi a scola insièm...A le lementari

Doro – Co’ ajèrvi fidanzèdi..??

Controscena di Ausonia che sfuffa in continuazione.

Amerigo – Doro..Par piacér...

Alessandra – No...No...Ch’èl diga pur...A ce cnoscémi ecch...Po’ dop se sa...ce se pèrs de vista...E adèss invéc a ce sém artruvèd all’università a Bologna...

Amerigo – E...Com lè...Mi fiol...Com l’è...??

Alessandra – Par dì la verità...Se propi ajò da dì la verità...El me pèr un po’ ...Com a poss dì...buff... ecch...

Doro – Com sarìa a dì ...Buff...?

Ausonia – Ba...A poss gì via...babbo...

Doro – Mo insomma...Co’l’è che t’vò...??

Ausonia – A voj gì via... A me so’ stufèda...

Doro – Mo do’ lè che t’vò gì...S’po’ savé ‘n do’ l’è che t’vo gì...??

Amerigo – Doro...par piacér..a stagh parland sa la signorina...Per cortesia...

Doro – (alla figlia)...Dai...beda a gì camenna...levte di minchion dai...

Ausonia – Ohhh...Finalmènt...Prò damm un po’ de sold...

Doro – Co’ t’ha da fè sa i sold...

Ausonia – Ajò da métta la benzéna t’el muturén...

Doro – Tu mèdra il sa che t’chiap el muturén...?? (Da mano al portafoglio)

Ausonia – Se...Se...Il sa...Ciao...Bongiorno...(Esce)

Amerigo – A pudria pruvè da discorra sa la signorina par piacér...

Doro – Scusè tant...Mo sa i fioj c’è sempre da fè...Prego..Prego..

Amerigo – (Rivolto ad Alessandra)...Scusi tant signorina...Donca la me stèva parland de Roberto...

Doro – Se...L’ajà dét cl’era buff...

Alessandra – Se...Buff...Prò an me pèr cla sia la parola giusta...Roberto...El me pèr un po’ strèni ecch...Strèni par la su età...

Amerigo – Com sarìa a dì strèni...?

Alessandra – Be...An se po’ cèrt nèghè che Roberto...Ann’è com tutt chiatre ragazz...L’è...Com a poss dì...Diferènt...ecch...Sempre sèri...Sempre studios...An sgara un esame...Mèi na volta d’fòra post...mèi na batuda...

Amerigo – E...In confidènza...Ma lèi..presémpi...Ma léi...Roberto...I l’ha méi invitèda a chiapè...Co’ sò...un cafè...na pasta...A magnè na pizza...

Doro - ...A magnè el pésc...Eh..Eh..!!

Amerigo – Doro...

Alessandra – Ma chi...?? Ma me...??...No d’sigur...L’è sempre malé sa cl’amigh sua...Maurizio...I parla...I parla...Oh...Iè propi amigh par la pèll...

Amerigo – E ardai...Ehhh...Che lei sapia...C’è nisciuna ragaza ...Che...??

Alessandra – Che...Co’..??

Amerigo – Che..Insomma...

Doro – Amerigo...Porca paletta...co’ t’la fa tanta lunga...me a digh...Signorina...C’è nisciuna ragaza che ma Robertino...Trich e trich trich e trach....??...Alora...??

Alessandra – AAAAhhh...Quél...!!  A bò...me ann’el so de sigur...Prò a so’ sigura che Maurizio il sa...Dmandè ma lò...

Amerigo – E ardaila sa stè Maurizio...

Alessandra – Bè...Adèss bsogna propi c’ha vaga...(Si alza)...Alora el libre a l’ho arpurtèd...A m’arcmand...Ch’il daga eh...Che s’no dop Roberto i s’la chiapa sa me...Be...Arivederci...(Fa per uscire)

Amerigo – A l’acumpagn ma la porta...par de quà...

Doro – Piacere di averla conusciuta Signorina Alessandra...peccato ...molto peccato di non averci conosciuti trent’anni fà...che se no sciguramente io l’avrei quantunque e comunque invitata...come si dice volentieri a mangiare...il pesce...

Amerigo – Doro...Porca boia...Ch’el scusa sa signorina...Mo stè amigh mia l’è d’una grezzezza ma di una grezzezza...Che la maruga al confront l’ajè la seta pura...Par de qua..

Alessandra – Mo no anzi...L’è simpatigh...

Amerigo – Se...Com i mucc...Prego...(Fa strada ad Alessandra che esce di scena)

Rientra Amerigo.

Doro – Bela ragazza...Gran bèla ragaza...cèrt che ogg i ragazz jè fortunèdi un gran bèl po’...Jè tutti bèli...de presenza...Sarà de sigur anca par quél ch’i magna...Vitamine..proteine...sali minerali...Tutta roba ch’c’è anca t’el pésc...Eh...Eh...Eh...

Amerigo – Alora...Anca tu fiola il magna...

Doro – Co’..?

Amerigo – El pésc...

Doro – No...Lia la magna de più la verdura .

Amerigo – Va bèn...Va bèn lascém pèrda...me a so preocupèd par mi fiol e te invéc t’ha voja da scherzè...

Doro – Mo insomma t’me vo spighè bèn bèn che cavle te sarìa sucéss...

Amerigo – Doro...Stà a asentì...Met-te a séda dò minud...

Doro – (Che si era già seduto)...Vara ch’l’è’n peztén c’ha sò a séda...

Amerigo – E...A végh...

Doro – Ajò fatt com se fussa a chèsa mia...

Amerigo – Brav...

Doro – Alora va avanti...

Amerigo – A se...Donca...A so’ preocupèd par mi fiòl...

Doro – E quést a l’avéva capìd...

Amerigo – E com t’ha fatt a capìl...

Doro – T’l’ha détt te préma...

Amerigo – Ah già...l’è véra...

Doro – Oh...Amerigo...Cerca da gì avanti sa’l discors che s’no maché s’fa nott...!!

Amerigo – T’ha ragion...Sol che...Ecch...Insomma...Miga l’è tant fecil da spighè...

Doro – E te prova no...

Amerigo – A se...Donca...Me Doro...a so’ preocupèd par Robertino...

Doro – (Perde le staffe) E fin a maché l’è tutt chièr...Ajavém capìd...Ti sei spiegato alla perfezione...E va avanti...CATTO...!!

Amerigo – Ehhh....va avanti...E miga l’è come cumprè i figh in piaza...Anca te...

Doro – Parchè te si preocupèd par tu fiol...?? Parchè...??

Amerigo – Parchè...Parchè...Te pèr ma te che mi fiol el sia...Com a poss dì...Un ragazz com tutt chiàtre che c’è in gìr...Eh...??

Doro – Be...Se...anzi...El me pèr anca méj...Studios...In gamba...Sèri...Più del pédre sigur...Eh...Eh...!!

Amerigo – L’è quést el punt...L’è quést...L’è tropp sèri...Tropp in gamba...Tropp studios...

Doro – Mo co’ t’dic Amerigo...Co’ t’da i numbre del lott...T’avréss da essa cuntènt...Magari a l’avéssa me un fiol acsé...Che invéc me toca cumbata sa na fiola ch’ann’ha mèi voja da fè gnènt...Ah...Mo a la mand a lavrè...Quant ‘è véra el Signurén...

Amerigo – Ecch...!! Ecch..!! me a sarìa stèd guèsi cuntènt se me fussa capitèd un fiol acsé ecch...

Doro – Te Amerigo...Av pacènza sa...Mo te si fòra sa la testa...Mi fiola Amerigo la me fà murì d’un colp...La vò gì sempre a balé..Sempre...Me a i digh...”O  Ausonia ‘n dò’ t’va...??” e lia...”Sono quasi maggiorenne e vado dove mi pare...E po’ me a me chièm SONIA” T’ha capìd...E po’ la se métt a mastriciè sa ch’el cavle de telefunén...Ch’i chiapasa ‘n acidènt ma quél ch’i l’ha inventèd e ma me ch’ a l’ho cumprèd ecch...Questi  iè i problema..No i tua...

Amerigo – Scusa sa Doro...Mo tu fiola na mulighèna l’ajà ragion e catto...Mo com s’fa a chiamè ma na fiuléna AUSONIA...

Doro – Parchè...Co’ c’è de mèl...?? L’è un nom tant bèll...!!

Amerigo – Sarà...

Doro - ...E po’ l’era el nom dla mi pòra bisnona...

Amerigo – Ecch...Apunt...L’è ‘n nom de docent’ann fa...!!

Doro – Be...A t’digh la verità...Più de tutt ste nom maché...Ausonia...i piacéva ma mi moj...

Amerigo – Ambèèè...!! E com la schièma tu moj...?

Doro – Mi moj...?? ARNOSTEA...

Amerigo – Va bè...lascém pèrda valà...

Doro - ...Comunque...Artornand a bomba...Te t’avréss d’essa cuntènt de tu fiol...

Amerigo – Doro...Te an t’ha capìd...Donca ajò com l’impresion..che mi fiol...Insomma...el me tenga nascosta...Na certa verità...Ecch...!! Te t’m’ha capìd...!?

Doro – NO...!!

Amerigo – Dai Doro...Giù...Cerca da capì...fa un sforz...Mi fiol el sta sempre sa stè Maurizio...

Doro – Se...

Amerigo - ...E adèss po’ i va a teatre a véda insièm el balétt...La crenta morte del passero pechinese...

Doro – Alora..??

Amerigo – Alora...Se mi fiol el fossa tu fiol...E ch’el stasa sempre sa un ch’el se chièma Maurizio... E che i gissa ateatre insiem...A véda el passero pechinese...ma te no...Ma te...An te v-nirìa da pensè...Che forse..forse...sotta sotta...(Si tocca con fare indifferente l’orecchio sinistro)

Doro – Forse...forse...Sotta sotta...

Amerigo – Forse...forse...(Si tocca l’orecchio sinistro)

Doro – Forse...Forse...??...Co’ jò un qualcò’ maché...?? (Si va a toccare l’orecchio)

Amerigo – Mo noooo....!! (Si tocca con decisione l’orecchio)

Doro – (Non capisce)...Te da fastidi ma te l’urecchia...??

Amerigo – (Perde la pazienza) Madòna Doro...An t’capisc gnènt...!! Quant un el fa acsé..(Si tocca di nuovo l’orecchio)..Co’ vò dì...??

Doro – Ech..se...Vo dì che un l’è...(Capisce)...Mo teeee...!!??

Amerigo – Mo che me imbecéll...Che me...Mi fiol...!!

Doro – Tu fiol l’è...(Si tocca l’orecchio)

Amerigo – (Alza la voce) Ann’el so invurnid...A l’ho da capì...

Doro – Stà calme Amerigo...Stà calme...Po’ sucéda ma tutti...

Amerigo – Co’ po’ sucéda dì...Co’ po’ sucéda...Incantèd..L’è ‘n ora c’ha te stagh cercand da spighè...

Doro – Sarè com te dic te...me prò ann’ho capìd un gran che ecch...

Amerigo – Mo par forza t’si tont...!! T’ha sentud co’ l’ajà dètt cla ragaza de préma...Roberto l’è...Com a poss dì...Diferènt...

Doro –A so tont...Ecte lo sperasentènz...Quést l’è ‘n argomènt delichèd e toca gì sa i pìd de piomb...Cerchèm da ragiunè...Alora...Co’ sarìa sucèss...??

Amerigo – Madòna Doro a t’el stagh spigand da ‘n ora...A tl’ho détt...Ajò l’impresion che mi fiol...

Doro – (Interrompe Amerigo)...El sia...(Grossolanamente si tocca l’orecchio)...Diferènt...!

Amerigo – Calme...Sta calme...me ann’ho fatt acsé...!!

Doro – Be...Insomma...Guèsi...

Amerigo – Me ajò fatt sol una constatazion...Sicom che préma l’ajà telefunèd maché una...E lò..Gnènt...

Doro – Com...Gnènt...??

Amerigo – Gnènt...

Doro – E co’ vo’ dì gnènt...??

Amerigo – Donca...Prèma me ajèra a séda malé tla pultrona...E la telefona una...

Doro – Una chiiiii....!!??

Amerigo – A tl’ho détt me che t’si tont...Una ragaza invurnìd...!!

Doro – E co’ so me...!!

Amerigo – Insomma la telefona st’ia e lò...

Doro – Lò chi...??

Amerigo – Lò..Mi fiol nooo...!!

Doro – E di’l no...S’an t’el dic...

Amerigo – Donca...La telefona sta ragaza e mi fiol i fà...”No...No...An poss scapè sa te parchè a vagh a teatre sa Maurizio...”

Doro – T’ha capìd...El va a teatre sa Maurizio... e vèda “ La passera pechinése”...

Amerigo – No...No...magari..No i va a véda il passero pechinese... No la passera...Lè na mulighéna diferènt...

Doro – Sempre d’ucèi se trata...

Amerigo – Uclétt Doro...Ann’è i ucèi...Jè i uclétt...

Doro – Uclétt...Ucèi co’ gambia...

Amerigo – Gambia...Gambia...Na maténa se gambia...Comunque an ce sarìa gnènt de mèl  a gì a teatre sa Maurizio...

Doro – Alora...??

Amerigo – E invéc un qualco’ de mèl el c’è...Ecch...

Doro – Parchè...??

Amerigo – E...Parchè...Parchè da le mi part...Da le mi part...An se va dò om da par lori a teatre a véda el balétt...Di ucéi pechinés ch’i mor...T’ha capìd...??

Doro – Uclétt...

Amerigo – E...E già...SE...T’ha ragion...

Doro - Sarìa  come...Se te...Te dmandàss ma me, da nì a véda el balétt di...Di uclétt insièm sa te, da parnoiatre...

Amerigo – E parchè...?? Ce sarìa forsi un qualcò’ de mèl...??

Doro – No...No...Sol che me an nirìa ...Ecch...Me fà brutt sol a sentì...

Amerigo – Ecch...T’véd...L’è quést el punt...Lori invéc i va...Porca Paletta...!!

Doro – Amerigo...Co’ t’ho da dì...Cèrt che questa l’ajè na roba che fa un po’ pensè...

Amerigo – Ohhh...!! T’véd alora ch’ajò ragion d’éssa preocupèd...??

Doro – E..Se...Anca parchè ajò sentud a dì che quésti maché i se po’ anca spusè adèss...

Amerigo – Nooo...Davéreeee....??

Doro – Davéra se...E an vrìa che dmèm o dmènlatre tu fiol l’arivasa maché davanti ma te e tutt’in t’un bott el te dic “ Ba...A me spos...!!” (mentre parla Doro cerca di curiosare dentro il sacchetto appoggiato in precedenza)

Amerigo - ...Madòna ...Co’ t’me dic...

Doro – (Sempre cercando di sbirciare all’interno del sacchetto)...Pènsa le risèd...Eh...Eh...Tu fiol ch’el se sposa...Sa na sposa...cl’è ‘n spos...o viceversa...Eh...Eh...

Amerigo – Vara ch’an c’è miga gnènt da rida...E po’ co’ vrìa dì VICEVERSA...??

Doro – Gnènt...Che la sposa la pudrìa anca essa tu fiol...Eh...Eh...

Amerigo – Vara che quést l’è un probléma sèri eh...!! E po’ l’è inutil che t’me port in gir ecch...(Si arrabbia)...E lascia stè ch’el sachétt... Putèna vigliaca...!!

Doro – E...na maténa...An t’arabì...a vléva sol véda co’l’era...!!

Amerigo – A t’ho détt anca préma...L’è la roba ch’c’era dentra ma na sacocia del capott de Roberto...

Doro – E...De precis...?

Amerigo – E co’ so me...!! Quèla dla lavanderia l’ha m’ha dat el sachétt e po’ la m’ha détt...” Questo era dentro la tasca del cappotto...” E me ajò détti grazie...

Doro – E...A poss véda co’l’è...

Amerigo – E na maténa che svanziga ch’te si Doro...Sa tutt i problema ch’ajò cò’ m’importa ma me  cò’ c’è dentra le sacocc del capott de mi fiol...E guarda...dai guarda...Acsé te fnisc da rompa l’anima...

Doro – (Verifica eccitato)Oh...Maché c’è ‘n pachétt sa sopra tachéd un biglietén...(Legge)...AL MIO AMORE SMEMORATO...M ,sa un punt...

Amerigo – AL MIO AMORE SMEMORATO...!! M sa’n punt...???

Doro – Se...c’è scrétt acsé...

Amerigo – Mo...T’si sigur...??

Doro – Toh...!! T’vò véda...??

Amerigo – No, no...An voj véda...Anzi...Se..!!

Doro – Insomma...decidte...t’vò véda o no...??

Amerigo – (Strappa da le mani l’involucro a Doro) Da ma quà...(Legge)...Ohh...Maché c’è scrétt propi acsé...

Doro – Cò’ t’avéva détt me...??

Amerigo – E...Mo alora...

Doro – (Deciso) Emme sa’n punt...Sta de sigur par MAURIZIO...E...E...Co’ c’è sarà d-déntra...??

Amerigo – E co’ t’vò c’ha sava me...Ah..Mo adéss a l’ipre...Mo davér davér...!!

Freneticamente Amerigo cerca con difficoltà di aprire.

Doro – (Timoroso)...I...Ipra pièn...C’è fussa na bomba...!!

Amerigo – Mo che bomba invurnìd...A sentì maché d-déntra l’è tutt morbid...

Doro – Aposta...Pudrìa essa na bomba a la plastiga...

Amerigo – Mo sta zitén valà...Chèsi mèi l’ajè na bomba al plastigh...Mo pènsa te...Mo com te vèn ma te dle idee acsé strampalèd...Me propi an capisc...(Apre il pacchetto)...Ecch...t’véd...C’è...

Doro – Cò’..Cò’c’è...??

Amerigo – Un sac-tén...Un sac-tén sa d-déntra...(Guarda)

Doro – (All’improvviso)...Madòna schiopa...Madòna schiopa...(Fugge da una parte)

Amerigo – (Sorpreso dalla reazione di Doro fugge dalla parte opposta lasciando sul tavolino il pacchetto) Odio...Odio...(Poi si renda conto dell’esagerata reazione)...Mo cò’ schiopa...Imbecéll...Cò’ schiopa...!! E sta calme na muliga ..No...!!

Amerigo riprende a visionare il sacchetto.

Doro – (Curioso)...Alora...Cò’ c’è...??

Amerigo – Me pèr...Cum fussa dle foj...(Annusa)...Se...Dle foj profumèd...

Doro – Oh...Signor ...La maria-giovanna...

Amerigo – Se...E la Peppa d’Cartocét...Mo cò’ t’dic incantèd..?!!

Doro – Amerigo...Stà a sentì ma me...Stà a sentì ma Doro...Par me c’è maché un qualcò’ ch’an va...Ecch...Mo com...?? Ancora an t’ha capìd...?? Tu fiol...Tu fiol e cl’amigh sua malé Quel di...Uclétt

Amerigo – Ma...Maurizio...

Doro – Se...Tu fiol e...e...ste Maurizio...Jà de sigur d’i trafigh segrét...I chiapa sta roba...i la fumma...E dop i fà i balétt tutt nud...Sa i ucèi chi vola...

Amerigo – Te vrà dì i uclétt...

Doro – No...No...Sta’ volta iè i ucèi...Ni i uclétt...!!

Amerigo – Mo cò’ t’parle dì...Mo cò’ t’si imbriègh...??Oh...vara che mi fiol clè rob malé an le fà...T’ha capìd...An lè fà...Ecch...vara Doro...An me fè incazé...Eh...?? Insomma...!!

Doro – Insomma...Insomma...Carla canta...

Amerigo – Chèsi mèi chi canta l’ajè la carta...Capìd..?? La carta...

Doro – Apunt...E quél ch’a vléva dì me...La carta cla canta...

Amerigo – Calme...Par piacér stém calme...Ecch...Com s’po’ fè par capì cò’l’è sta roba maché...?

Doro – Bsognarìa...Bsognarìa fumèla...I dic che dop un ...insomma el véd dle rob...Che insomma fà un cèrt efètt ecch...

Amedeo – Va bèn dai...Alora a la fumém...

Doro – Mo cò’ t’si matt...?? Me ajò na fiola e anca na moj...purtropp...E se me a mor...?? Tra i stenti...Magari lorle l’ejè tutt cuntènt...No..No...

Amerigo – Dai ch’an s’mor su...Camenna...

Doro – Oh...Carén...Sta a sentì...Me an fum nianca...Parchè an te prov da par te...??

Amerigo – Me a so la part interesèda...Ajò da armana lucido e vigile...

Doro – Ottima osservazione...Comunque me an prov...

Amerigo – Ajò capìd...Bell’amigh ch’te si...Grazie...

Doro – Prego...

Amerigo – Va bèn...Ajò Capìd...A prov me...

Doro – Se...dai... dai...

Amerigo – Dai...Dai...Un càvle...E com a facc...?? Miga a poss fumè le foj sécch acsé...Tocarìa...Cò’ sò...Invruchièli tla carta...

Doro – Tò...dai...(Strappa un pezzo di carta da un giornale)...Vrucchia maché...

Amerigo – Mo...Com..?? La carta del giurnèl...??

Doro – Mo l’è cumpagn no...Co’ fà...??  Tant l’è sol par pruvè...!! Dai...Dai...

Amerigo si confeziona la sigaretta con la carta del giornale.

Amerigo – Ecch...Pronta...(Si osserva una spece di sigaretta)...Tocarìa picèla...

Doro – ‘N dò’ t’ha i furminànt...??

Amerigo – Dlà...Tla cucéna...(Doro esce un attimo di scena)

Doro – (Da fuori) Amerigo...Ann’i trov...In dò cavlé i meté st’i furminant del cara...??

Amerigo – Sora el gas...Santa Lucia...T’véd...??

Doro – A...Se...(Rientra in scena)...Truvèdi...

Amerigo – Da maquà...(Prende i fiammiferi ed accende)

Doro – Alora...?? Co’ t’sènt..?? Co’ t’véd...??Com’è..?? Che sapor l’ajà...??

Amerigo – E na maténa...Dam almanch el tèmp da sentì un qualcò...!!

Pausa. Amerigo chiude gli occhi assorto.

Doro – Alora...??

Amerigo – Boh...Me an sènt un acidènt...

Doro – Mo com an t’sènt un acidènt...T’ha da sentì un qualcò’ par forza...

Amerigo – E catt...Mo co’l’è obligatori...!! e po’ a t’digh ch’an se sènt gnènt...Toh...T’vo pruvè...Da na tirèda..

Doro – Se..Se...fa pruvè dai...!! (Fremente)

Amerigo – E na maténa che prescia...E fortuna che te vlév armana lucid...

Doro – Un ...Dò...E tre...(Doro tira una boccata)...Odio...Odio...Odio...!!

Amerigo – (Si preoccupa)...Madòna...Doro...Cò’ sucéd...??

Doro – Odio...M’artorna su la purchètta ch’ajò magnèd stamatèna...Odio...

Amerigo – Ecch se...Brav...An me rimétta maché par piacér...

Doro – (In estasi) No..No...(Pausa) Bèll...Bèll...!!

Amerigo – Doro...Porca paletta...Mo cò’ c’è de bèl...?? ma me me gira la testa e basta...!!

Doro – Anca me me Amerigo...Anca ma me...Bèl...Bèl...L’è com...L’è com fussa imbriègh...

Amerigo – Ahhh...Ecco...!!

Doro – Amerigo...

Amerigo – Co’ t’vò...?

Doro – Amerigo ...

Amerigo – Co’ c’è...Co’ t’va cercand..??

Doro – ‘N dò’ l’è ‘l bagn...??

Amerigo – L’è dlà...Alla tua destra...

Doro – A poss...A poss aprofitè...??

Amerigo – Se...Se...va pur se t’ha bsogn...basta che prò an te fà la cacca...Che s’no mi moj la me sbrontola...

Doro – (In coma)...Mo com...Tu moj la te sbrontola se t’fà la cacca...??

Amerigo – No...me a la poss fè...Mo me a so de chèsa...

Doro – Ajò capìd...No...Me comunque a vagh a rimétta...La cacca an la facc...(Esce veloce)

Amerigo – Alora...va tranquill...An te preocupè...

Pausa breve.

Amerigo – Doro...Aspèta...ch’a véngh anca me...(Esce precipitosamente di scena).

La scena rimane per un attimo vuota.

Poi rientrano in scena, mentre Amerigo e Doro sono fuori, Rosanna, Roberto, e Marina.

Roberto entra parlando.

Roberto – Vara Marina... i tu genidòr jè propi dle person in gamba...An credéva...i ha capìd la situazion al vol...

Marina – Se...Valà...I ha capìd parchè ti’ha parlèdi te...che s’ a i dicéva me c’ha sò in cinta, i me mazéva da’l bastunèd...

Roberto – Eh...Adèss...Esagerèda...

Marina – Se...Esagerèda...te carén ancora an t’i cnosc ma i mia...

Roberto – Comunque dop quand te si  v-nuda so...I t’ha da’t na sgridadéna...Prò i t’ha anca abracèd...

Marina –Se..Se..

Roberto – Te mama...parchè an te si v-nuda so...??

Rosanna – No..No...A sò vestida da chèsa vè...!! Tutta scapcèda...sa le ciavatt...El tzinalon...No..No...e po’ a l’avéva anca détt...Me a véngh a fè compagnia ma la Marina dentra la mèchina...E basta...!!

Marina – I mi genidor i sarìa stad cuntènt da fè la su conoscènza...

Rasanna – An te preocupè caréna...capìtarà de sigur un antra ocasion...Na maténa...!!

Roberto – Anca parchè i m’ha détt ch’i vò v-nì maché a parlè sa te e ‘l ba...

Rosanna – Ecch...T’véd alora quand lori i nirà maché...A sarò cuntènta da fè la conoscènza ecch...!!

Roberto – Tocarà pensè anca ma’l ba...

Marina – Se...Prò Roberto...T’ha sentìd co’ l’ha détt mi pèdre...Te...Quant t’i parlè ma tu pèdre...Ann’i dì la verità schiétta...Mo sol un acénn echh...Prepèra la tèra...Insomma...Che quand i mia i v-nirà maché...i spig-nè lori tutta la situazion ecch...Acsé tu pèdre magari i s’la chiapa de mén...

Rosanna – E se...Parchè tant una muliga i s’la chiapa...Na maténa si’l sla chiapa...

Marina – Che raza de situazion ragazi...

Rosanna – E già...C’avé fatt propi un bèl regal...

Roberto – Mo par forza...Toca gì sempre sa i pìd de piomb par tutt...S’era par me ce se spusèsa e basta...Senza fèla tanta longa ...E catt...A sém t’el domélla miga no...!!

Rosanna – Var Roberto...Sta a sentì ma me...Ma la mama tua...Par st’le rob maché...L’è com se s’fussa t’el milla e otcènt da rètta...(Si guarda intorno) Mo...Mo che diavle è sucèss maché...Co’ lè sta roba...??

Roberto – A boh...!! Mo...Quést el me pèr el tè...El tè cinés ...Mia de Bologna...

Marina – A se...A l’avéva méss me dentra ma ‘l tu capott...Parchè te tl’avév scurdèd malà l’ultima volta ch’a sém stèdi a Bologna asièm...

Roberto – (Si arrabbia)...Mo marina...Porca paletta..Parchè an t’m’ha détt gnènt...??

Marina – E madòna...An t’la chiapè tant...A te vléva fè na sorpresa...Ajavéva mèss anca un biglietén...

Rosanna – (Bonaria)...Su...Su...ragazi...An la fè tanta longa su...L’ejè rob che sucéd...Comunque sta de fatt ch’el capott de Roberto dolp l’è gid afnì in lavanderia sa ch’el tè dentra le sacocc...Dop tu pèdre l’è gìd a toh...i l’ha truvèd...e quèst l’è l risultèd...Toh...vara machè che disastre...

Roberto – Va bèn...Ajò capìd...Mo co’ l’ha fatt...??

Entrano Amerigo e Doro  in  pessimo stato.

Amerigo – Odio...Odio...Che raza de mèl de testa...Odio...

Doro – Ajò un sapor t’la bocca ...com s’ajavéssa magnèd un sorc...

Amerigo – Odio...Che raza de...(Si accorge che ci sono i familiari)...Ohhh...Ohhh...Bongiorne...!! Com va...??...Emh..Emh...Rosanna...Miga ce sarìa par chèsi...’na mulighèna de cognach...Che maché...Doro...El s’è sentìd poch bèn...

Rosanna – Ohh..Doro...me dispièc...Mo co’ v’è sucèss...??

Amerigo – Mo...Mo gnènt...par fè na sciapèda...L’ha fumèd...Cla roba malé...

Doro – E..Se...A credémi cl’ajèra la...

Amerigo – (Lo interrompe)...Gnènt...An credémmi gnènt...Comunque el c’è ste cognach...O no...??

Marina – Roberto...me sa che tu pèdre e cl’atre sgnor...i stà poch bèn...

Roberto – Se...i stà poch bèn sa la testa...Se (Ai due) ...Mo co’ javé fumèd el tè cinés...??

Amerigo – (Cercando di bleffare) Noooooo....

Doro – Com no...se...Invruchièd sa la carta del giurnèl...

Amerigo – El c’è ste cognach...Rosanna...!!??

Rosanna – Ecch...se...Brav...Butèd dentra anca el cognach...acsé sa che buliron dentra la budlèra...!!

Roberto – Mo me an capisc...Mo com ve scapèda sta bèla pensèda...??

Amerigo – Mo gnènt...A t’l’ho détt...Quéla dla lavanderia l’ajà truvèd el pachéd T’el capott...I l’ha dat ma me c’ha l’ò apert...Paréva ch’èl fussa tabacc...Alora...

Rosanna – Mo co’ si com i ragazéni...Te Amerigo po’ an t’ha mèi fumèd in vita tua...

Amerigo – E alora...?? C’è sempre na préma volta...

Rosanna – A se se...Fa pùr com te pèr...La salud l’ajè la tua...

Doro – (A marina)...Bongiorno signorina...

Marina – Bongiorno...

Roberto – A ba...Quésta l’ajè...Com a poss dì...’n amiga mia ecch...la s’chièma Marina...

Amerigo – Eh...?? Co’...?? ‘N amiga tua...Ann’è poch...!!

Marina – Com el dic...??

Amerigo – Gnènt ...Gnènt...Comunque il piacere è tutto mio... (Porge la mano)

Marina – (Da la mano)...Piacere...

Doro – (Piano ad Amerigo)...Oh...Amerigo...Co’ la centra st’ia...

Amerigo – Stà zitén.. Doro...

Doro – (Sempre piano)...L’è méj c’ha vaga ...Véra...??

Amerigo – Ecch...se...bèda a gì ...Brav...

Doro – Alora me adèss a girìa a chèsa...Ch’s’è fatt tardi...Alora...An vrìa...A vagh insomma ecch...!!

Rosanna – (cogliela palla al balzo)...Salud Doro...Com a stè...??

Doro – Ahhh...Mèj...Molt...Molt méj...El stomigh a l’ho lascèd de la...Mo va méj...T’avoja...(Esce)

Tutti salutano a piacere.

Roberto – Donca...ba...me adèss a te dovrìa parlè un minud ecch...

Rosanna – Emh...Emh...me e la Marina a gém dla ...Ch’ajavém da fè...Vèn Marina...Vèn otra sa me t’la cucéna...!!

Marina – (Segue Rosanna)...Se Signora a véngh...

Le due escono di scena a destra.

Roberto – Alora ba...Insomma...me a te dovrìa dì na roba ...

Amerigo – Roberto...Alora...Préma che te te cminc a parlè...Una roba a t’la digh me...Donca...fa in mod che quéll che t’m’ha da dì an me facia arabì...Ecch...E fa anca in modi ch’an ce sia dle sorpres...Tropp sorprés...Te t’m’ha capìd de co’ parle...E più de tutt...Più de tutt cerca da nun dè un dispiacér ma tu mèdra...che lia pora dona l’ann’è preparèda par certle rob...l’ajè più indrìa lia che le palén di chèn basott...insomma, stà bèn atènti ma quél che te sta par dì...!! Premesso questo...Adèss t’po’ parlè...Parla...Ti SCOLTO...!!

Roberto rimane interdetto.

Pausa.

Amerigo – Alora...??

Roberto – Se...Donca...Alora...Se me un giorne a me vléssa spusè...

Amerigo – Co’ra l’è...???? Se...Bonanott...Mo nun ce pensè manca par l’antigambra de lcervèll...Te carén t’si matt in t’el mèzz di cervèi trachè...!!

Roberto – (Cambia tattica)...Se...Se...Ajò capìd...Sta calme...Come non detto...Alora...Ecch...Se...C’è sarìa un mi amigh...

Amerigo – AAAAAhhhh...Ecch...Un tu amigh...No...Co’ sò...’n amiga...No...Un amigh...!!

Roberto – Se...Un amigh mia...Maurizio...

Amerigo – Ecch...E già...te paréva...!!

Roberto – O ba t’me fà parlè se o no...??

Amerigo – Parla...dai...parla...Mo sta atènti a quél ch’te dic Roberto...Sta atènti...

Roberto –Se...Donca... Alora...Stè mi amigh...Ma...maurizio...An sa come dì ma’l pèdre che...Insomma...Ecch...la méss in cinta ma na ragaza...Che po’ la sarìa cla ragaza malà dla sa la mama...La Marina...

Amerigo – Ah...T’ha capìd...Lò...LO’...L’ha méss in cinta ma na ragaza...la Marina...lò...E teeeeeeeeeeeeeee.....!!??

Roberto – Me co’...??

Amerigo – Te an t’ha méss in cinta ma nisciun...?? Ehhh...?? Imbecéll...!!

Roberto – (Interdetto)...Me...n...nooo...!!

Amerigo – E brav...!! Bèl fiol ch’ajò méss al mond...!! Lò an métt in cinta ma nisciun...Lò...Maurizio se...Ma la Marina cl’ajè de la sa tu mèdra...E lò invéc NO...Mo almanch impèra no...Impèra da Maurizio cl’è un tu amigh...Quél ch’el studia i uclétt...Com funziona la facénda...No..Nossignori...!! Lo an vò...E com ‘è ch’an vò...AHHH...Bohhh...!! An se sa...MISTERO...Lò el bév el te cinés...LO...Me a l’ho fumèd...e lò il bév...

Roberto – Mo ba...Co’ t’dic...??

Amerigo – Noooo....la colpa l’ann’è la tua...nooo...!! E che ogg carén tutt l’è divèrs ecch...E miga sol te...No...la colpa l’ajè de ste mond...Stè mondacc all’incuntrèri...

Ecch...vara...An voj savé più gnènt...Vat a fet’de t’el...Anzi...Méj de no...Gì in candia tutti...Te...Maurizio... I Uclétt...El te cinés...E tutti quanti quant’a si’t...

Esce di scena arrabbiatissimo.

Breve pausa.

Rientrano in scena Rosanna e Marina.

Roberto è senza parole.

Rosanna – Madòna Roberto...Co’ è sucèss...??

Marina – Da com el strilèva me sa...Ch’an l’ha chiapèda tant bèn...è véra...??

Roberto – Ma...veramént...

Rosanna – Mo insomma s’po’ savé che diavlé t’i ha arcuntèd ma tu pèdre par fè’l incagnè d’acsé...??

Roberto – E basta...!! Alora...!!  E insomma a ve calmè na muliga...!!

Marina – (Decisa)...Roberto...Par piacér...Dì co’ t’ha détt ma tu pèdre...Madòna l’urlèva com un matt... !!

Roberto – Mo...Gnènt...Ann’i ho détti gnènt...Ecch...!!

Marina – Mo com...Gnènt...??

Roberto – Alora...A v’arcont tutt dal principi...Donca...me ajò cmincièd a chiapèla a la larga...

Rosanna – In che sèns...

Roberto – T’el sèns ch’ajò détti che Maurizio e no me...L’avéva méss in cinta ma la Marina...

Marina – Mo...parchè t’i ha détti acsé...??

Roberto – Parchè...Parchè...Ajò a pruvèdi a spighèi la facénda...Mo an m’ha fatt manca cminciè a discorra...Alora a l’ajò chiapèda a la larga par véda com butèva...par véda la su reazion insomma..

Rosanna – E lò...??

Marina – E...Lò...??

Roberto – E lò el s’è incagnèd com un matt...parchè Maurizio l’ìha méss in cinta ma la Marina...E no me...

Rosanna – Cum...Cum...??

Marina – Roberto...par piacér spigte méj...!!

Roberto – A t’l’ho détt ...El s’ è méss a strilè...” Mo com Maurizio l’ha méss in cinta ma na ragaza e te...Imbecéll an t’ha méss in cinta ma nisciun...Invurnìd...” Acsé el m’ha détt...E po’...”Impèra...Impèra da lò cl’è anca un tu amigh...”

Rosanna – Mo...Co’ l’è gìd via sa la testa...??

Roberto – A boh...!! Me ann’el so...(Pausa)...Aspèta...Aspèta...(Prende sul tavolo il pacchetto del te cinese e lo annusa)

Rosanna – Co’ t’fa a dèss...??

Roberto – Marina...Mo te t’si sigura che quést maché el sia par davér el te cinés de Bologna...??

Marina – (Decisa)...SE...Se...Almèn...A créd...

Rosanna – Oh...Signor mia benedétt...!!

                                               

                                                   S I P A R I O
         
                                               Fine del primo atto

  

  


                                                      

                                                     II ATTO

                                                        ****

All’aprirsi del sipario troviamo Ausonia, figlia di Medoro, seduta al tavolo della scena precedente che sfoglia svogliatamente un giornale, mentre Amerigo e Medoro nervosamente camminano per la stanza stessa lanciandosi sguardi di intesa al fine di allontanare Ausonia. Medoro ha con se un giornale sootto il braccio.

Medoro – (Pausa)...Dì...Ausonia...Te an t’ha gnènt da fè ogg...??

Ausonia – (Seccata)...No...Uffa...!!

Amerigo – Bè...de solit...A st’ora...le ragazén par bèn le javrìa da studiè...!!

Medoro – E già...!! (Ad Eusonia)...Te an t’ha da gì a studiè...(Pausa)...Oh...A digh ma te...Ausonia...!!??

Ausonia – Uffa...!! Alora...POréma de tutt me a me chièm Sonia...T’ha capìd..?? SO-Ni-AAA...E po’ par dmèn ann’ho gnènt da studiè ecch..!!

Medoro – Ecch se...Brava...E dop va a piagna da tu mèdra se t’chiap i tre e im quatre...

Ausonia – Ah...Sl’è par quést ajò chiapèd anca dò...(Sfottendo il padre) DUE...

Medoro – Madòna a t’darìa ‘n schiafon vara...!!

Ausonia – E basta giò...par piacér..Dmén ajò..Ginastiga...Ch’an la facc...Religion...Ch’an m’ne fréga gnènt...E dò ora de diségn...Uffa...!!

Amerigo – E sta calme Medoro...Sta calme no...(Piano non facendosi sentire da Ausonia)...Cerca da fè gì via a la svélta ma tu fiola che s’no a fém nott...

Medoro – A ...Se...Dì un po’ ...Sonia...Parchè an te va a cerchè ma tu mèdra...??

Ausonia – E sa co’..?? A sò a pìd...!!

Medoro – Mo chiapa la bicicletta no...Anca te bamblona...!!

Amerigo – (Coglie la palla al balzo)...Mo che bicicletta e bicicletta anca te...Invurnìd...Mo dai el permèss da chiapè el muturén no...Anca te...!!

Ausonia – C’è da métta la benzéna...

Medoro – Com- c’e da Mètta la benzéna-tl’ajà méssa ir l’atre...

Ausonia – Oh...Amico...Ch’el scutèr malé el bév da bestia...!!

Amerigo – (prende in mano la situazione)...E... Mo catt...scusa sa..Medoro...Mo se ch’el scutèr malé el bèv com na bestia...E te dagli i quatrini par la benzéna Medoro, in modi tale che la tua benedetta figliola se ne vada a cercare la sua benedetta mamma na bona volta...E catto...!!

Medoro – Ah..Già..se...Tò...Ausonia...(Da mano al portafoglio)

Ausonia – Sonia...Uffa...!!

Medoro – Se..Se..Sonia..Sonia...Tò...chiapa maché...Questi iè i sold par la benzéna...

Ausonia – E par me..??

Medoro – Com par te...!?

Ausonia – Se par me...Miga a poss gì in gìr senza na lira tl’è sacocc...E se me sucèd un qualcò...??

Amerigo – L’è véra se...Tu fiola l’ajà ragion...Dai qualch sold anca ma lia  giù...Dai...!!

Medoro consegna altri soldi ad Ausonia.

Ausonia – Ohh...!! Adèss va bèn...Alora me adèss a vagh a cerchèma la mama...E...Co’ jò da dì...??

Medoro – Ma chi..??

Ausonia – Ma la mama no...!!

Medoro – (Soprapensiero)...Mo dì quel ch’te pèr...Co’ so...Dì ch’ a so maché a chèsa d’Amerigo...

Ausonia – (Uscendo)..Va bèn...Ciao...!! (Fuori)

Medoro – Ciao..ciao..!!

Medoro ed Amerigo attendono l’uscita di Ausonia. Pausa.

Amerigo – Alora...T’ha truvèd gnènt...??

Doro – De co’...??

Amerigo – Com de co’...De cla roba no...??

Doro – A se vè... na maténa...Basta sol cerchè va...!! Oh...Piutost l’è sigur che maché da te an vèn nisciun...?? Possiamo agire liberamente.

Amerigo –Adèss ch’è gida via tu fiola finalment se...Dai caménna...Légg...Co’ t’ha truvèd...??

Doro – (Si siede,apre il giornale che ha portato con se e legge, mentre Amerigo gironzola per la scena)...Alora... stà a sentì...COCCOLONA SPAGNOLITA PER MASSAGGIO A QUATTRO MANI...

Amerigo – No..NO...Madòna...Ce vrìa na roba più riservèda...

Doro – Riservèda...Com...??

Amerigo – Na mulighèna più delichèda...Co’ sò...

Doro – Toh...Sènt quésta...A.A.A.A.A.

Amerigo – Co’ t’ha da rida...??

Doro – Me...?? Gnènt...Parchè...??

Amerigo – Com parchè...An t’ha ris...??

Doro – Me no..

Amerigo – Dai va avanti...su...

Doro – Donca...A.A.A.A.A.

Amerigo – T’véd che t’rid...!!

Doro – Vara...Te t’ha na testa che propi in la magna manca i furnarén...te si d’un ignoranza...Unica...Co’ digh...IPERAMBOLIGA...A.A.A.A.A....L’è sol l’inizi dl’inserzion...Incantèd...!!

Amerigo – E co’ sò me...An sò miga pratigh de ste rob...!!

Doro – A poss gì avanti...Se...??

Amerigo – Se..Se...

Doro – Donca a dcìva...A.A.A.A.A....VACCA PAZZA...POCO PAZZA...MOOOLTO VACCA...Co’ t’dic...??

Amerigo –Co’ digh...A digh..Boooh...!! Mo te Doro t’si propi sigur che quésta la sia la cura giusta par mi fiol...??

Doro – Mo te te scherzarà...Quand un el se trova in tle cundizion de tu fiol...Osia più vicén ma la verdura che ma la carna...te t’ha capìd...??

Amerigo – Se...Ajò capìd...An ce bsogn che t’entre in t’i particolèr...

Doro – Alora ...Bsogna fe in mod che la...Ciccia, la vaga più vicéna lia ma tu fiol..No..?? Parchè come si dice... Se la montagna non tira  più a Maometto...

Amerigo – Veramènt ann’è propi acsé...Comunque...

Doro – Insomma, lè guèsi cum fussa na cura d’urto...Ecch...Prò vara...me a t’avìs...Se quand’è la fén ma ...Maometto i pièc de più la verdura an c’è gnènt da fei...

Amerigo – Ajò capìd...Ajò capìd...Alora va avanti sa la cerca...

Doro – Se...Piutòst...A t’l’ardégh..Te t’si sigur che maché a chèsa tua an vén nisciun...?? Parchè vara che se par chèsi  se sa un qualcò’ in gìr  farésmi propi na bèla figuréna del cavle...Parchè te t’el sa...Quésta l’ajè na roba..Com a poss dì...delichèda ecch...Molt ...Molt delichèda...

Amerigo – Vara Doro...A t’digh la verità...Ma me l’an me pèr tant delichèda...Parchè te...Doro...Miga par gì a fichè el nès ‘n ti afari tua...te Doro insomma t’me pèr ...Com a poss dì ‘n espèrt ech...

Doro – Verità per verità...A te poss dì che...SE...Ann me poss lamentè ecch...Ajò na certa pèradiga in merito...Ecch...Comunque non targhi...Non traghi..Non trasi...

Amerigo – Adèss co’ t’vò di...??

Doro - ...Quand un el pasa da’n argomènt a cl’atre...

Amerigo – TAR-GIV-ERS-IAMO...

Doro – Ecch...Cla roba malé insomma...Toh...!! Sènt ma quésta...BAMBOLONA TI ATTENDE PER GIOCARE AL DOTTORE...Eh...?? Co’ t’dic...??

Amerigo – Eh...!! Quésta me pèr cla possa gì...Mi fiol tra ‘n po’ el chiapa la Laura...Acsé el dvénta na...na sp*c de dutor anca lò...Pudrìa  anca gì bèn...Te co’ t’dic..??

Doro – Aspèta...Aspèta...INFERMIERA, ESUBERANTE,SELVAGGIA , RUGGENTE,

TI STRAPAZZA CON PASSIONE SCONVOLGENTE...Toh...Chiapa so...Alora...??

Amerigo – Alora t’el sa co’ t’dìgh Doro...?? Me a chiamarìa ma ‘l dutor e ma l’infermìra...Che in fond in fond ajavém da curè ma na persona...O no..??

Doro – Be...se...T’ha ragion...dai pruvém a telefunè...

Amerigo – Dai...dai...Pruvém...Prò...Chi chièma...??

Doro – Veramènrt...Veramènt...Sicòm che me a t’ho dat l’idea par la cura, ajò cumprèd el giurnèl e tutt el rèst...Tocarìa ma te...

Amerigo – Va bèn alora...

Doro - ...Prò...Prò...Vist e considerèd che te t’m’ha détt a ragion del vera che me a sarìa più pratigh...Beh...Vrà dì c’ha facc un sforz...E a telefon me...(Prende i telefono in mano)...Dam el numbre...

Amerigo prende il giornale e lo mostra a Doro.

Doro – Alora...26...2...(finisce il numero ed attende)...Ecch...Sòna...Sòna...Pronrtiii...?? E’...E’...la dutora...NO...cioè a voj dì..Chi...Chi..parla...?? A se...L’è véra...ajò da parlè me...Alora...Lei sarebba...puta caso la bamblona che vorresse...Volendo lei giocare a fare il dottore..?? Se...No...Parchè che sicom ma ‘l fiol d’un amigh mia i pièc...Com a poss dì...la caciagione...Com..?? Anca ma lei...?? Toh...vara buff...Mo vara te che conbinazin...Eh...?? Alora lei la sarìa disposta da v-nì maché...Par...Par na visita...??. ..Ma certamente...No..No...Lei l’an se proccupa...Che sicom la sarìa na roba un po’ riservèda...Se...va bèn...la via...?? Se ajò scrìtt...Grazie...Se...Rivedergliela...!!

Amerigo – Doro...vara propi t’si ‘n amigh ecch...me senza de te ...vara propi an savéva com fè...!!

Doro – Eh...Capirà...Par acsé poch...!! Dai...Dai...Fam véda clatre numbre...acsé a sém a post...

Amerigo – Se...se...Ecch...(Porge il giornale)

Doro – (Prova a chiamare)...L’è ocupèd...Alora te t’ha capìd...Me a le vagh a toh...e a le port maché ma tuttle dò...E te maché...T’i spigh tutta la facénda...Che quél l’è compid tua...

Amerigo – Se...Se...

Doro – Te prò t’avréss anca da fè in modi che tu fiol el se trovasa a chèsa da par lò..Ecch..

Amerigo – Un mod al trovarò...te adèss intant arprova a chiamè...

Doro – E se par chèsi arivasa tu moj...??

Amerigo – Mo no...Sta tranquill...L’ajè gida via ch’è poch...e de solit quand la va a fè la spésa in t’el centre comercèl la sta via anca tre o quatr’ora...E po’ porca paletta...me al facc anca par lia...Pòra dona...Parchè lia manca l’imegìna gnènt de sta situazion tant delichèda...Anzi...più anomala che delichèda...piutost..Doro...Quant me costarà tutta sta facénda...In soldoni...??

Doro – Vara...A t’el digh subit...Ce vrà de sigur...Un qualca pèra de centinèra de méla lir...S’abasta...!!

Amerigo – Catt...L’è gnènt...

Doro – D’altra part se te te va da’n dutor specialistigh...Quant te vén a paghè...??

Amerigo – E già...T’ha ragion...

Doro – Ecch...maché l’è cumpagn...dai...dai fam fè clatre numbre...

Doro ricompone il numero precedentemente occupato.

Doro – Ecch..Sona...Prontooo...??...Lei la sarìa par chèsi l’infermira selvaggia...Seee..??...Mo...Cla me scusa sa...Mo selvaggia in che sèns...?? co’ la da d’mors...?? Nooo..!! Ambè...A credéva...Com la dic..?? VOLENDO ANCA...!!No..No..E ceh noiatre a sém maché in dò...No...sarìa sol par un..se...Ah....Lei l’ajà la medicéna giusta...??E sarìa...?? No...NO...ma davére...?? Mo pènsa te...Mo l’è roba da matt...!!...E..E po’..??...No ...No...basta..Anca tropp...!!

Amerigo – Doro...taja...

Doro – (Tappa un attimo la cornetta)...La me stèva arcontand tutta la rotatoja...

Amerigo – Se...Ajò capìd..Prò dai...!!

Doro – va bèn...Alora signorina a la véngh a chiapè me...Se...E a fém tut dop...Anca par el pagamènt...Se...Arivedergliela anca ma lei...tante care cose...(Chiude il telefono) Alora..Amerigo me a vagh...Te prepèra tutt...Telefona ma tu fiol...Fa’l v-nì subìt maché de corsa...E po’...Co’ sucéd...sucéd...(Fa per uscire, poi torna indietro)....Ah...Da’m i sold...!!

Amerigo – I sold..?? E par fè co’..??

Doro – Com par fè co’...? Par paghè ma’l dutor e ma l’infermìra...

Amerigo – Mo...Subit..acsé..??

Doro – (Tono deciso) Alora Amerigo...Chiariamo subito un punto...St’le rob maché le s’pèga sempre in anticip...L’è la regola punt e basta...!!

Amerigo – Va bèn ...Va bèn...An digh gnènt...

Doro – Ecch...Se...Brav...Te sta a sentì ma me...Sta a sentì ma Doro...Che Doro...Modestamènt el sà co’ fè..

Amerigo – Se, se...Ajè capìd...Alora... Di’m quant’è ...Acsé a occh e croc...

Doro – Donca...vara...Alora...(Inizia un conteggio manuale)...sa...Sa seicènt t’ pass la pavura..No...Anzi sett’cènt...Parchè c’è l’IVA...Adèss...!!...Alora sarì Trecènt sesantun e cinquata dò...

Amerigo – E na maténa...!! E quant sarìa...??

Doro –Tutto compreso..

Amerigo – Se tutto compreso se...

Doro – Sarìa setcén méla lir...De préma...

Amerigo – E na maténa prò...!!

Doro – Te t’vo guarì ma tu fiol ch’el sta... mèl...??

Amerigo – Me...Se..

Doro – Trecèntsesantun e cinquanta dò...

Amerigo – E va bèn...Aspèta ch’a vagh a toh. sold...(Esce un attimo e rientra con il danaro e consegna il tuuto a Doro che intasca)...Doro...Doro...Dmandi...Co’ sò...magari un sconticén...Tre per due...

Doro –Trecènt senantun e cinquanta dò...

Amerigo – Se...Se...Ajò capìd...Bèda agì adèss dai...(Doro fa per uscire)...Ah...Doro...Toh..Chiapa le chiév de chèsa...che acsé te po’ fè tutt più liberamènt senza stè sempre a sunè ma la porta...(Da le chiavi)...Dai..bèdagì adèss...E cerca da fè prèstén...

Doro – An dubitè...Te intant prepèra tutt , chièma par préma roba ma tu fiol e fa’l v-nì subit maché de corsa...E po’...Co’ sucéd...Sucéd...

Amerigo – Se...Va...che maché a pèns me...Donca...(Pensa un po’)...Alora...Co’ facc adèss...??Ah...Se...bsogna c’ha chièma ma Robertino...Purtén...Se...El numbre...’dò’ l’è el numbre del telefunén de Robertino...A se...T’agenda...??...’N do’ l’ajè l’agenda...porca putèna vigliaca...In do’ cavlè i l’avrann cacièda...Stà calme...Amerigo...Alora...Prova a véda se t’arcord sa la testa...(Si ferma un attimo e pensa)...Ecch se...Alora...05...(Compone un numero)...Pronto...?? Robertino...Eh..??..Chi è...?? Chi parla...??...L’ufici leva...Oh madòna ajò sbajèd...Ch’el me scusa tant...!!...(Richiude il telefono)...Oh Signor...Ajò sbajèd el numbre...E méj ch’a vaga cerchè l’agenda...(cerca l’agènda, rovistando un po’ ovunque ed infine la trova)...Oh...Finalmènt a l’ajà truvèda...Era ora...!! Alora...Robertino...Cellulare...Robertino cellulare...(cerca il numero)...Eclè maché...Alora...(Compone il numero ed attende)...Pronto...Roberto...é il babbo...Ciao Cocco...ciao...Sènt ma me Roberto...T’avréss da v-nì subit subit a chèsa...Se...No...E’ sucèss un fatt che...No...Adèss an te poss spighè parchè l’ajè na roba lunga...se..No...no gnènt de grèv...A vrìa sperè...Bsoga véda...!! Com..??...No..No...la mama l’an c’éntra...Alora...Robertino...vén a chèsa subit...T’ha capìd...A t’e spigh tutt a chèsa...se...se...Ciao adèss...ciao...(Chiude)...(tra se)...Alora...quést l’è fatt...Adèss...preparém maché...(Ecse di scena un attimo e rientra con una tovaglietta che porrà sul tavolinetto)...Ecch acsé è più blén...(Riesce di nuovo e rientra subito con delle noccioline e dei salatini)...Quést maché se par chèsi javéssa fém...An se sa mèj...E po’ co’ manca...Ah da béva...(Di nuovo riesce per rientrare subito con due bottiglie una di aranciata e l’altra di acqua, depone il tutto sul tavolinetto)...Oh...e anca quést l’è a post...Ah...i bichìr...(Fuori e rientra con dei bicchieri di carta)...I bichìr de carta che acsé dop se butta via tutt...ce vrìa anca i fazuletén de carta...Mo quéi ann'i’ho...Vò dì chi se pulirà la bocca sa le mén...E catt...Mo co' ’è la banca d'i’alia...!!...

Suonano all’ingresso.

Entrano i genitori di Marina, Aroldo e Speranza, che Amerigo,equivocando,confonde con le due...Dottoresse...!

Amerigo – Mo com...Da già l’ejè maché...?? Ostio l’ejà fatt prèst...!! Cèrt che Doro...El sa ‘n dò gi’l’i a capé...Alora...Adès a vagh a aprì...(suonano ancora Amerigo va ad aprire)

Amerigo – (Rientrando)...Mo prego...Prego...Che s’incomodino pure...

Aroldo – Buongiorno signor Lofotti...Noi saremo....

Amerigo – Al sò...Al sò chi sì voiatre dò...Al sò...!!

Speranza – Ma come...Lei ci conosce...??

Amerigo – Be...A vè cnosc...Propi cnoscia de presenza da vicén no...Prò ajò sentid a parlè...ecch...!!

Aroldo – Ahhh..Bene signor Lofotti...Noi siamo qui per via di suo figlio...

Amerigo – Al sò..Al sò..A vo’ mandèd a chiamè me...Catt ann’el sò...!!

Speranza – Ecco...è proprio questo il punto...Noi vorremmo chiarire...

Amerigo – An c’è gnènt da chiarì...Préma de tutt parchè me sa voiatre sinceramènt ann’ho gnènt da spartì...Ecch...Che ma me an me fréga gnènt...L’uniga roba chèsi mèi ch’ann me va bèn l’è ‘l fatt c’ha si un om e  na dona... E quést an me va bèn...Non è bello...!!

Aroldo – Come ...come...??

Amerigo – Ooooohh...Amigo...Vara ch’an ce sém ehh...!!...Me ajò dmandèd a chiamè dò...A digh dò donn...dò...!! Na dotora e ‘n infermira...Se propi a vlém essa precìs...!!

Aroldo – Ma...Guardi se è per quésto...Io sono medico...

Amerigo – Aaaahhh...Mo alora quaiussi maché...An ce sém capìd...Lia...(Indicando Speranza)...Lia la po’ armana...Che anzi...Mo te NO...!! Te t’ha da slugè...capìd...Che ma me me pièc le rob...regolèr ecch...!!...Sa tutt i crìsme...Che stèmond l’è già arbaltèd abastanza...

Aroldo – Ma che dice...??

Speranza – Signor Lofotti ...Guardi... Ci deve essere un errore...

Amerigo – Me dispièc...Mo an c’è propi nisciun sbaj ecch...!! parchè te...T’ha propi la facia da INFERMIRA SELVAGGIA...Cla da d’mors...(Ad Aroldo)...Mo te carén...Te la facia de UNA cla vò giughè al dutor an t’l’ha propi par gnènt...!!

Speranza – Ma Signor Lofotti...Che diavolo sta dicendo...??

Amerigo – Com..Co’ stò dicénd...A stagh dicénd quél c’ha véggh ecch...!! Anzi..Anzi...(Ad Aroldo)...Te fà de prèscia a gì via...Che tra’n po’ ariva mi fiol e an vrìa...

Aroldo – (Lo interrompe) Ohh...Amerigo el m’è stà a sentì se o no...??

Speranza – Aroldo...Per piacere un poco di contegno...

Aroldo – Se...Contegno...Contegno un acidènt...!! En me fà dì na parola...!!

Amerigo – (Ha un attimo di titubanza) Ehh... Scusa sa...Mo te com te fà a savé che me a me chièm Amerigo...??

Speranza – Signor Lofotti...Per piacere...Faccia parlare mio marito...Sono cose di vitale importanza, riguardano  l’avvenire dei nostri figli...

Amerigo – Cum...Cum...Su marìd...??

Aroldo – Se...Se me a sò el marìd sua...El me fà parlè se o no...

Amerigo – Mo...Com sarìa a dì...??

Speranza – Sarebbe a dire che i nostri figli hanno fatto una grossa stupidaggine...!!

Amerigo – I nostri figli...?? O Signòr...Vò a saréssi par chèsi i genidor de...

Aroldo – E si...E purtroppo è in cinta...!!

Amerigo – Mo..Chi...Maurizio...??? Mo com è posibìl...?? L’è’n om...O no...??

Speranza – Maurizio...?? Ma chi è Maurizio...??

Amerigo – Maurizio el sarìa...El muròs de mi fiol...Oh..Signor co’l’è ch’ajò détt...!! No..No...Gnènt...Chèsi mèi el cuntrèri...mama mia che confusion...!!

Aroldo – Mo...Amerigo...Co’l dic...?? Mo co’l dà i numbre...?? Noiatre a sém i genidor (Indica) Padre e madre di Marina...capìd...?? MA-RI-NA..!!

Amerigo – Marina...??

Speranza – Si...Marina...Nostra figlia...

Amerigo –E...Scusè sa...Mo alora...Co’ vlé da me...??

Aroldo – Mo com...Lei ann’è AMERIGO LOFOTTI...Padre di Roberto...Detto Robertino...??

Amerigo – Me...se...!!

Aroldo – Alora...Noiatre e lei...Se dvènta parènt...!!

Amerigo – Se dvènta parènt...In che sèns...??

Speranza – Ma è semplice...Perchè Roberto...ha fatto si che Marina...Nostra figlia...Sia in stato interessante...

Amerigo – Co’ ce sarà de tant interesant...me miga ajò capìd...

Speranza – Ma lo stato di nostra figlia...Per Diana...!!

Amerigo – Mo parchè vostra fiola l’ajè stranìra...??

Aroldo – Mo chi...??

Amerigo – Vo...Vostra fiola...

Aroldo – Nostra fiola l’ajè in cinta...!! Amerigo...Mo co’l’è tont...??

Amerigo – Ah...se..Mo quést al savéva...L’ajè in cinta de ...Cos..Maurizio...L’amigh de mi fiol...Quél ch’i pièc i..Uclétt...

Speranza – No...No...Signor Lofotti...Guardi che le cose non stanno affatto così...Roberto...Robertino ha fatto il danno...

Amerigo – (Che ancora non capisce) Che dann l’ah fatt ste mostre...!! L’ha rott un qualcò’...?? L’è gìd a sbata sa la mechìna...Porca paletta...!! Me a i digh sempre...

Aroldo – Madòna mo quést l’è tont...LOFOTTI...PORCA PUTENA VIGLIACA...

ROBERTO L’HA MESS IN CINTA MA NOSTRA FIOLA...!! L’HA CAPID SE O NO...!!
Amerigo – Ehhh...?? Co’...?? Roberto...L’ha méss...Mo ann’è posibìl...!!

Aroldo – E invéc se...La Marina...L’ajè in cinta...

Speranza – (Continua)...E Roberto...Il suo Roberto è il responsabile del,diciamo, danno...Al quale ora, bisognerà rimediare...!!

Amerigo – Davére...??...Davére..??..Signurén a te ringrèzi...!!(Abbraccia contento i due)...Che bèla notizia...Alora ann’è...ann’è...Com a so cuntènt...Com a so cuntènt...E vai...!! RO-BER-TINO...RO-BER-TINO...(Ripensa all’accaduto) Com...Co’...Col’è c’ajavé détt...?? Robertino l’ha Mèss in cinta ma la...Odìo a me sènt mèl...Odìo...!! ( Ha un malore)

Speranza – Aroldo...Si sente male fa qualch’cosa...Aroldo...Si sente male...!!

Aroldo – Sta calma...E na maténa...Sta calma...(Sbatocchia un po’ Amerigo)...Forza su...Coragg...Avanti...Lofotti...Lofotti...(Lo fa sedere)...Mo...Lei an savéva gnènt...??

Amerigo – No...me an savéva...Ann’avéva capìd...Che anzi...Ajò credud una roba par un altra ecch...(Cambia tono)...Ste mostre...Stè moramazéd...Eh...?? Aprofitè d’acsé d’una pora ragazéna indifesa...

Speranza – Signor Amerigo...Su non esageriamo...Marina tutto è, meno che indifesa...Anche Marina ha fatto la sua parte...Perchè certe cose vanno fatte in due...!!

Amerigo – Eh...Già...L’è véra...Una dona...E un om...(Cerca conferme)...E’ véra...??

Funziona ancora d’acsé...Seee...??!

Aroldo – Mo lei el sa ch’è già tre ann chi stà insièm...??

Amerigo – Mo...Chi...??

Speranza – Ma come chi..?? Nostra figlia ed il suo figliolo..Abitavano perfino insieme a Bologna...E già...e quando si mette un fiammifero vicino alla paglia...Lei mi capisce...!!

Amerigo – Se brugia tutt el pajèr...

Aroldo – E brav Lofotti...Burlon...!!

Amerigo – E me c’ha credèva...!! E me c’ha pensèva...Ajò anca mandèd a chiamè...Dò...(Si blocca)...Oh Signòr...An m’arcurdèva più...E adèss com a facc...!!?? Oh..Signurén del Paradìs..!!

Speranza – Che succede...??

Aroldo – Co’ c’è adèss Lofotti...

Amerigo – No ...no..Gnènt...E che...A me sò arcurdèd ch’ajò da fè na roba che...Donca...Ann’è adèss par essa scortés...Mo vè dispièc par piacér acumudèv dò minùd de là...T’un clàtra gambra...Che me ajavrìa da risolva un... un...probléma un  po’ privèd ecch...??

Aroldo – Gnènt de grèv a spér...

Amerigo – No..No...Almén  acsé a occh e croc...

Speranza – Di qua...??

Amerigo – Se...E scusè tant...A vagh da sbrighè la facénda... E ajartorne subit da voiatre...E a m’arcmand...An vè muvé da malé...Par nisciun motiv...Fina quand an ve véngh a chiamè me...(Fa accomodare anche Aroldo)...Prego signor...Signor...Ch’an cnosc el mon...??...

Aroldo – Aroldo...Aroldo Gagiotto...

Amerigo – (Che confonde)...Ecch...!! No...Adèss par piacér cerchém da stè calme sa i mon...Va bèn...?? Che me anca s’an avéva capìd préma...Miga a sò l’ultim imbecéll arivèd..!!

Aroldo – Mo no...Co’ l’ha capìd...!?...Me a me chièm GAGIOTTO de cognom...

Amerigo – Aaaambèèè..!! (Fa strada)...Prego...Prego...!!

I genitori di Marina si trovano ora nell’altra stanza.

Amerigo cerca di mettere riparo ad una situazione precaria.

Amerigo – Oh...Signòr che raza de situazion...Che raza di equivoco...Alora, adèss cerchém da ste calme senza perda la testa...Alòra par préma roba bsogna che corra d-drìa ma Doro...Par spighèi tutta la nòva situazion...Che da na part a so’ anca cuntènt...Che anzi a so’ contentissim...Ecch...!! Prò...boia del cane moro...Com’è che me tira el sacch lo stéss...S’a so’ cuntènt...?? Mo l’è semplic...Parchè i fioj i te fà murì d’un colp ecch...Che situazion...Che situazion...!!(Esce)

La scena si oscura, ed inizierà una musica di intermezzo per alcuni attimi, poi la scena si illuminerà di nuovo e la musica andrà a sfumare.

Doro entrerà nella casa di Amerigo con due...Donne.

Doro – (Facendo strada)...Prego...Prego...Da questa banda...(Chiama ad Amerigo piano) Amerigo...Amerigo...(tra se) Mo com...An c’è nisciun...E ‘n dò’ l’è gid a fnì..Booohh..!! (Alle due)...Accomodatevi...Vorresse...Co’ sò...Béva ‘na goccia...Magnè na nuciuléna...Un po’ de pésc...??

II Donna – No...No...Grazie...

Doro – No parchè...Sa’ vlé el ...Pésc...Me a l’ho eh...!! (Ridacchia)

I Donna – AAhh coso...An fa tanto lo spiritoso sa...Che nun ce fai manco ride...Piuttosto...Vedémo de sbrigacce...Sa...Che c’avémo da fà...

Doro – Mo tant...Dò minud...El tèmp cl’ariva stè ragazz...

II Donna – Ah...Mo parchè an te si te...??

Doro – Odìo...Me veramènt s’arvanza un qualcò’...Mo...Chèsi mèi più tardi...Parchè com s’dic..Préma el dovere e poi il piacere...

I Donna – Ecco bravo...Allora vedi da spiegacce la situazione  cche è méjo...!!

Doro – (All’altra donna)...Mo com la parla questa...??

II Donna – L’ajè de Roma...la parlarà romén...

Doro – E va bè...Mo catt an s’capisc gnènt...

II Donna – Eh..Mo quand’è ora la se fà spighè...T’avoja...!!

I Donna – Allora...Che volémo fà PUPO...??

Doro – A part el fatt che me adèss l’è un peztén ch’an sò più un PUPO...Bisogna che lei Signorina...

I Donna – Sò siggnora...

Doro – ...Bisogna che lei signora la porta anca una mulighina de pacènza ecch...

II donna – Ouh...!! ma te..Sta a sentì cocch...Me a dèss an voj dì che la mi colèga l’ajà ragion...Mo catto...Noiatre miga ajavém el tèmp da perda...!!

I Donna – Er tempo è danaro...Chi dorme nun pija pesci...!!

Doro – I sold ajavé chiapèd...In quant ma i pésc...Eh...EH..!!

I Donna – Che stai a dì PUPO...??

Doro – A dciva che...(Ci ripensa)...E ardaj sa stè PUPO...Mo Signorina...Cioè no...Signora...Cla digga la verità...Le paro un pupo io...??

I Donna – (Lo prende con due dita per le guance) No...Me pari un bamboccione...!!

Doro – ( Impacciato)...L’ajè tropa bòna...Cioè no...A vléva dì...

II Donna – (Sedendosi) Ecch...T’ha vist...T’ha fatt colp...(Cambia)...Com te chièm te carén...??

Doro – (Come sopra)...Eh...Eh...A me chièm Doro...Anzi...MEDORO...!!

I Donna – (Si avvicina a Medoro) A Medoro...Ce volémo fà sta MEDORATA...!!

Doro – Me a la farìa tant...Com una volta...E che adèss ...Insomma...Stà bunéna prò eh...!! Che s’no maché me salta tutt i ...i freni imbrinitori...E po’ me se rosiga tutt el rododendro...Insomma se pudrìa scatenè la bestia feroc...Ecch...An se sa mèi l’umor dla bestia...!!

I Donna – Se... Se va bèn...Ajavém capìd...Prò insomma Doro...Co’ t’vò da noiatre...s’po’ savé...??

Doro – Veramènt an sarìa me ch’ajò da spighè...comunque le rob le starìa acsé...Alora...ce sarìa maché el fiol d’un mio amigh...Che’l se chièma Robertino...Che sarìa lò...Ste Robertino...A parér del pèdre..Lò el sarìa...Almanch...Sembra...

I Donna – A Meddorooo...E dajè...!! ce volémo sbrigà...E annamo...!!

Doro – Ecch..Se...Donca...Ma ste ragazz...Ann’i pièc le ragazz...I pièc...I ragazz...Che nellafattispece sarìa Maurizio...Che prò an s’è capìd bèn...

II Donna – E noiatre tramezz a tutta sta confusion co’ centrém...??

Doro – Ecch...Insomma voiatre dò...Ch’a si na dutora e ‘n infermira...Apunt...Avréssi da fè in mod che...Lò...Robertino...El fiol de ste mi amigh...El gambiasa parér ecch...

A sò stèd chièr..??

II Donna – Ouhh...!! Anca tropp...!! Vara Medoro...T’ha truvèd propi le person adatt ecch..Che po’ te t’el sa...!!

Doro – Al sò...Al savéva...Che adèss l’è un pèzz... insomma...

II Donna – Va là...Va là...Medoro...Che s’an t’arcord...A m’arcord me...Birbant d’un birbacion...!!

Doro – (Impacciato)...Eh...Eh...Modestamènt...

Il campanelo d’ingresso suona.

Doro – Ecch...Quést l’è lò...Signore...Vi saluto...Vi auguro tante care cose...E un profiquo e solazzevole lavoro...Alora...Adèss me a me nascond  un clatra stanza malà d-drìa l’ingress...Una de voiatre dò ipra la porta...E dop la porta ma Robertino maché...va bèn...?? Acsé quand Robertino l’ entra me a scap...Ok...??

Suonano di nuovo.

Doro – Me a v’salud...A m’arcmand tratè bèn ma Robertino...E vedrete che sciguramente ci sarà una prossima occasione...Vi augura tanta tanta ma tanta salute...Anca s’ha végh ch’an c’è bsogn... A v-lasc...nelle mani...Forse meno meritevoli di Robertino...(Uscendo)...Una la venga a aprì...

La II Donne va con Doro per aprire e fare entrare Roberto.

Dopo poco dall’ingresso si odono voci concitate e confuse.

Entra in scena ARNOSTEA moglie di DORO.

Ernostea – (Entra in scena come una valanga strillando)...Ahhhhh....A t’ho truvèd finalmènt...Co’ lè che t’fà maché traditòr...Delinguènt...Asasén....Moramazéd...(Lo scupazza)

Doro – Co’ t’fà..Arnostea..No...Mo sta calma...Co’ t’fà...??

Arnostea – Co’ facc..?? Co facc...??A t’gonfi da ‘l bastunèd...Brutt vigliacch d’un asasén...Ecch co’l’è c’ha facc...vàra..vàra...L’Ausonia purtinéna l’ha m’ha dét che t’er maché a chèsa de Amerigo e che t’me cerchèv urgentemènt...E me tutta preocupèda a facc na corsa par v-nì maché e quand i m’ipra la porta  co’ vegh...Dì un po’ co’ végh...??

Doro – (In grosse difficoltà)... Co’ t’véd...??

Arnostea – No...Dimlè te ma me...Co’véggh...

Doro – Ah..Boh...??

Arnostea – Com boh...Imbecéll...Com boh...A véggh mi marìd sa na...anzi sa dò...

Viene interrotta dalla I ragazza.

I Donna – A siggnò...e datte na calmata sa...Che noi sémo persone pe bbène...

Arnostea – (Sarcastica)...Ahh...Sigur...Mo s’véd...!!

I Donna – L’abito nun fa er monaco...

Arnostea – (Molto alterata) Se caréna...L’abito an fà el monaco...Mo fà le put...Ohh!! Co’ stèva par dì...!! ( mentre parla scupazza a Medoro)

Doro – Arnostea...par piacér...(Mentre si ripara dalle botte)...Fa’m spighè...!!

II Donna – Mo chi la sarìa st’ia Doro...??

Doro – ( La moglie sempre mena)...L’ajè mi moj...

I Donna – Tu mojè...!!??

Arnostea – Se...Se...A sò la moj...Parchè...?? Ma te an te fà caréna...??

I Donna – Ma figurate...

Arnostea – Alora stà ziténa e stà bunéna ch’te cunvièn...!!

Doro – Mo Arnostea...Co’ t’si v-nùda a fè maché...Spo’ savé...??

Arnostea – Co’ sò v-nuda a fè...(Più forte)...Chèsi mèi te co te sì v-nùd a fè...Incantèd...(Scupazza)

II Donna – T’ha capìd Medoro...la te controlla anca...

Arnostea – OOhhhh...!! Sta ziténa anca te ch’a t’dagh un cazott ch’at butt giù tutt i dènt...Che me an la voj tanta lunga...Ambè...!!

Doro – Arnostea...par piacér sta calma...Ann’è com te pèns te...

Arnostea – Ahh...Noooo...??...E com la sarìa la facénda...Doro..?? com la sarìa la situazion...??

Doro – Adèss an capisc più tant bèn...Prò ann’è com te pèns te ecch...!!

Arnostea – (Supazza il marito continuamente)...Spiga Doro...Spiga...Cl’è méj par te...E cérca anca d’ éssa convincènt...Parchè vàra...Che se par chèsi an t’me cunvinc...Me Doro..me...

Doro – T’me..T’me lasc...??

Arnostea – NO...No...

Arnostea – Te dmand el divorzi...??

Arnostea – Te piac-rìa ma te...L’è véra..?? No...No...sarìa tropp bèll par te l’è véra Doro ...No..Doro...No...Me...me a te cinciangol tutt sa ste mi mén che i becamort i t’ha da tirè su sa’l cuchiarén...!!...T’ha capìd...??

Doro – Se...Ajò capìd..Alora le rob le starìa acsé...Donca...

Arnostea – Alora...??

Doro – Donca...se...Ecch...alora...L’è un po’ dificìl da spighè...Che insomma...me a poss capì che te adèss...Acsé de préma bota te po’ anca nun créda...Prò...Stà roba...me a la facc par Amerigo ecch...!!

Arnostea – Ahhh...!! Amerigo...!! Me pièc...!! Pulìd anca lò...Brav...!!

Doro – No...No an t’ha capìd...!!

Arnostea – Ahhh..Noooo...??

Doro – No...No...ecch...Adèss a t’el spigh...Donca...El fiol de Amerigo...El sarìa...El sarìa...

Arnostea – El sarìa...??

Doro – El sarìa...Com a poss dì...??

Arnostea – Dì con parole tue...Con parole tue...!!

Doro – E...L’è ch’è ‘n po’ dificil da spighè...ecch...Donca...

Arnostea – Doro...(Segno con la mano)...Taja..Conciso...

Doro – Arnostea...Arnostea...Fém una roba...Vèn fòra sa me ch’a te spigh tutta la facénda...Acsé a chiap anca un po’ d’eria fresca...Ch’ajò bsogn...acsé t’capisc tutt e bòna nott...(Alle due donne)...Voiatre dò stè pur maché..E fè pùr quél c’ha vlé...Anzi...Gì pùr ‘n dò’ ch’vè pèr che ma me an m’importa gnènt...Bonaséra...!! Vèn sa me Arnostea...!! (Fuori)

Arnostea – (Uscendo)...Se...Che sarà méj...valà...Mèj par te...

I due escono senza salutare.

I donna – Aohhhh...!! Bonaséra ehh...??

II Donna – Che maleduchèd ragazi..!! I è gìd via senza manca saludè...

I Donna – Mo an védi che gènte...Aohhh...!! (Pausa) ...E che volémo fà...Ce ne annamo...??

IIDonna – Mo no...valà...Ajaspetém maché...A stè punt a so’ curiosa...

I Donna – E cci hai pure raggione...Vojo proprio stà a véde come va a finì sta storia...

II Donna – I ci’ha détt da stè maché ??...A stém maché...Vè, c’è anca da magnè e da béva...!!

I Donna – Volémo maggnà...E magnamo...

II Donna – Toh...Co’ t’vò béva..??

I Donna – CAMPHAGNE...!!

II Donna – Mo bèda a gì valà...Bamblona...Maché c’è sol l’arancèda e l’aqua schiétta...!!

I Donna – Stò bburino...!! Mo pènsa te se io me bevo a-aranciata...!! Io che sò abbituata a li signori...a i arberghi de lusso...Mo proprio a me me doveva capità stò morto de fame... !!

II Donna – Toh...!! Bév l’arancèda e stà ziténa na muliga...!!

Le due donne bevono e mangiano.

Frasi a piacere.

Poco tempo ed entra Robertino che naturalmente si meraviglia nel vedere le due.

Roberto – Bo...Bongiorno...

II Donna - (Mentre mangia)...Giorno...

I Donna – (Idem)...Giorno...(Sgranocchia vistosamente)

Roberto – (Meravigliato) E...Scusè sa...Mo...Voiatre dò...Chi...Chi sarésvi...??

I Donna – No...Te chi t’si carén...?!

Roberto – Me...Me a sarìa Roberto Lofotti...El padron de chèsa.. Che in pratiga a sarìa po’ el fiol...

Roberto non finisce di parlare che le due donne prendono rRoberto e lo sbatocchiano

fino a farlo sedere.

I Donna – Ahhh...Robberto...T’avémo trovato...!! Finarmente !! Viè quà Robbertino che t’avémo da parlà...!!

II Donna – Vén Roberto...!! Vén maché...Che adèss a fém propi un bèl discorsétt...

Roberto – (Cerca di imporsi)...Signorine...!! A part el fatt che me manca vè cnosc...Par préma roba me a sarìa curios da savé chi a sì voiatre dò...E  po’ chi và dat el perméss

I Donna – (Lo interompe)...A Robbè...!! E statte zitto no...!!..Che c’i avémo da lavorà...

II Donna – Ecch se...Chiud cla boca ch’lè méj...Stà fèrme c’ha fém tutt noiatre...An te preocupè...!! Te an t’ha da fè gnènt...

Le due donne lo stapazzano per qualche minuto in mezzo a loro mentre Roberto tenta una lieve protesta.

Roberto – No...Me...Com sarìa...Ecch...Ste bunén prò...Aiut...Aiutooo...!!

Rientrano nella stanza all’improvviso Rosanna e Marina

Rosanna – (Entrando)...Vèn otra Marina...Vèn otra...

Marina – E permesso...??

Rosanna rimane di stucco vedendo il figlio in mezzo alle due.

Rosanna – Mo...Mo...Roberto...Co’l’è che t’fà...Roberto...Mo chi l’èjè ste dò...!!??

Anche Marina non è da meno.

Marina – Roberto...Roberto...??... An s’fà acsé prò eh...!!! (Fugge piangente e disperata)

Roberto – No..Adèss a ve spiégh...Ann’è com a pensè...Voiatre...Marina...Aspèta...Marinaaaaa...!!(Grida)

Sentendo il trambusto rientrano in scena Aroldo e Speranza che erano parchèggiati nell’altra stanza.

Speranza – (Entrando)...Ma che succede...Che succede...?? Tutte queste grida...

Aroldo – Mo co’lè tutta sta confusion...??

Rosanna – E questi maché ch’i sarìa...??

Aroldo – Roberto...A me sbaj...Mo quélla l’ajèra la voc dla Marina cla strilèva...

Speranza – (Pressando)...Che succede Roberto...E queste signore chi sono...??

Rosanna – Roberto...Chi è tutta stà gènt...??

Speranza – E lei chi è signora...??

Rosanna – Chèsi mèi a sò me c’ha dmand ma lei chi l’ajè...??

I Donna – Aoohh...!! E allora...E che ce mettémo a fà i indovoneli...??

Rosanna – Bòni...Un a la volta...Bòni...Roberto...Par piacér spiga co’ sucéd maché...Co’ l’ ch’te fév sa stè dò...

II Donna – Signore...Signora...SIGNORE...

Aroldo – Me préma de tutt a voj savé na roba...Ajò sentud la voc dla Marina se o no...??

Rosanna – Se...C’era la Marina préma...Mo lei chi è...??

Aroldo – No...Lei chi l’ajè..Par piacér...

I Donna – Ahh...Mo ce rifamo...!!

Rosanna – Mo com chi sò...?? Me a sò la padrona de sta chèsa...A sò la mama de Roberto...Ste ragazz maché...

Roberto lo troviamo seduto senza parole con la testa tra le mani. Non interviene nel discorso.

Aroldo – Co’...la mama de Roberto...???Oh...Che piacere Signora...!! Me a sò el pèdre

Aroldo...E lia la mèdra...Speranza...

Rosanna – Ecch...Se...A proposid de Speranza... A vrìa propi sperè da capì un qualcò’...!!...Vò a sarésvi el pèdre e la mèdra de...Chi...??

Roberto – (Interviene)...Dla Marina...Mama...Dla Marina...

Speranza – Proprio così signora...

Rosanna – E stl’è dò maché chi le sarìa...??

Speranza – E già...Roberto..Ci vuoi cortesemente spiegare chi sono queste due...

I Donna – SIGNORE...?!!

Speranza – (Un po’ titubante)...Signore...

Roberto – Ann’èl sò...!!

I Donna – A Robbè...E come nun ce lo sai...Noi sémo qui pe tte...

II Donna – E già...I c’ha purtèd maché E po’ i c’ha détt ...” Tra ‘n po’ l’ha da arivè maché Roberto...E voiatre dò...Me e lia...A l’avé da curè...

Rosanna – Mo mi fiol miga el stà mèl...??

II Donna – E se invéc...L’ha na spéc de malatia che chiapa ma le piant...

I Donna – E noi... io e llei...(Indica)...C’avémo la cura adatta...ce sémo capiti...??

Speranza – No...

Aroldo – No...

Rosanna – No...

Roberto – Ann’ho capìd gnènt manca me...

I Donna – Ah..ma allora séte tutti de coccio...!! E ditelo..!!

Rosanna – (Irritata) Oh...!! Caréna...Stà bèn aténta a cum te parle che me a te schirp chi quatre pél ch’t’ha tla testa...Ambè....!!

II Donna –( A Rossanna)... No..!! Te ma la mi amiga tla lasc stè...Capìd...?? Parchè noiatre a sém stèd invitèd...A pagamènt...Mo invitèd...In-vi-ta-te...

Rosanna – Invitèd ...E da chi...??

Roberto – (Si arrabbia)...Mama..Porca palètta...E basta alora...!! Te vò stè ziténa na muliga...Cerchém par piacér da capì co’l’è sucèss maché...!!

Aroldo – E quèl che anca noiatre a cerchém da fè...!! E po’ me ajò ancora da capì parchè la Marina...Mi fiola...L’ajè fugida via t’un ch’èl mod..

Rosanna – Ch’èl scusa sa......Mo quand una pora fiola la véd m’al muros sua...Presto futuro marito...Mi fiol..tramèzz ma stè dò...

I Donna – Signore..Signora...Signore...!!

Rosanna – MMMMM....Signore...Apunt...Una pòra fiola  d’civa...co’ l’ajà da pensè...??

Speranza – Che deve pensare...??

Aroldo – Cum...?? Su fiol l’era tramèzz ma ste dò...

II Donna – Signore...

Aroldo – E...E co’l fèva su fiol...Co’l fèva ste delinguènt...?? (Minaccioso verso Roberto)

Roberto – Mo an fèva gnènt...Chisà co’ fèva...!!..Gnènt an fèva e gnènt ajò fatt...

Speranza – Oh...Cielo...!! Il mio futuro genero in mezzo a due...

I Donna – A signò...E nun t’azzardà eh...??

Rosanna – Roberto...Te t’ha da spighè...

Roberto – Ooohhh...E insomma...!! Me ann’ho da spighè gnènt...Ecch...!! A sò arivèd maché e ste dò, l’è m’è saltèd adoss ecch...

I Donna – A Robbè...E nun t’arrabbià...Eh..E statte carmo ch’è méjo... 

Roberto – E basta anca voìatre no...E insomma...A dciva che stè dò l’ejèra già maché da préma che me ajarivasa ecch..Comunque me ann’ho fatt gnènt...Dmandè ma lori s’ann’è véra...!!

Aroldo – Mo alora parchè la Marina l’ajè fugìda in ch’el mod...??

Roberto – Mo parchè l’ajà capìd mèl...Ecch...L’ajà credut che me...

Rosanna – Veramènt anca me ajò crudùt acsé...

Roberto – (Si irrita con la madre) Co’lè ch’tha credut te...!! Co’l’è ch’t’ha credut...Insomma mama an cimentè anca te...!!

Rosanna – Roberto...Porca paletta...Quant una dòna la véd un om...a séda tramèzz ma dò donn...Che insomma...Le gira mista e brélla...Co’ l’ajà da pensè pòra fiola...??

Speranza –(A Roberto) PERVERTITO...!!

Roberto – (Si arrabbia) Adèss basta...!! Me ann’ho fatt gnènt...Mo gnènt de gnènt...E po’ adèss a m’avé stufèd...Me a vagh via...Parchè maché a m’avé rott le scatol da i vostre discors a vanvèra...(Fa per uscire)

Rosanna – E do’ l’è ch’te giréss adèss...??

Roberto – A vagh a cerchè ma la Marina...Chisà ‘n dò’ vagh...Che stà facénda l’ajè già dventèda abastanza complichèda...(Esce)

Rosanna – Roberto...Do’ t’va...?? Roberto...Aspèta...

Speranza – Ma no signora...Lo lasci pure andare...Adèsso tocca a noi genitori chiarire...!

Aroldo – E già...Maché le rob le va chiarìd al più prèst..Me a voj savé !...Donca...(Alle due donne)...Roberto l’èra a séda tra voiatre dò...No...??( Si siede in mezzo alle due come ad imitare Roberto)

I Donna – E sine...Come te adesso...

Aroldo – (Approfittando della situazione) E po’ voiatre dò...Co’lè ch’ajavé fatt...??

II Donna – Ecch...Donca...Noiatre dò a stémi par...

Speranza – Aroldo ...!! Ma che fai...?? Non ti permetto di approfittare di una situazione già abbastanza imbarazzante di per se...

Aroldo – Mo no Speranza...Me an vléva aprofitè...

Rosanna – No ..poch....!!

Aroldo – Me a vléva sol capì bèn bèn co’ èra sucèss maché...

I Donna – Ma...Se volemo dicere la verità...

Speranza – Silenzio..E basta...Tutto questo è un indecenza...Signora... (A Rosanna)...Noi, io e mio marito ci sentiamo oltremodo oltraggiati ed offesi per quello che è accaduto quì...Per non parlare poi di nostra figlia...Povera figliola...Ma chi ha da pagare pagherà...!! Eccome...Arrivederci..!! Aroldo...Andiamo...(Esce)

Rosanna – (Interdetta)...E na maténa...E chi l’ajè...La principessa sul pisello...??

Aroldo – Be...Adèss magari na nulighéna l’ajà esagerèd...Prò..

Speranza – (Da fuori)...AROLDO...!!

Aroldo – (Fuori veloce) A véngh...A véngh..Boungiorno...!!

Rosanna – (Attimo di pausa)...Madòna che disastre...! Che situazion imbarazant...!!

I Donna – A siggnò...E che volémo fà...??

II Donna – E già...Noiatre co’ fém adèss...??

Rosanna – Mo co’ m’importa ma me...!! Sa tutt quél ch’ajò da pensè...A vagh a badè anca ma voiatre...(Tra se) ...Cèrt che Roberto el s’è compurtèd  propi da lazaron ecch...Mo me a digh..Co’l’avrà t’la testa ch’el ragazz propi ann’el sò...!! Maché c’è sol una roba da fè...Gì a cerchè ma Amerigo...Che lò sigur el risolvarà la situazion...Piutost...Sperém ch’an s’incagna tropp sa Robertino...

Entra Amerigo che chiama il figlio credendo che sia ancora all’interno.

Amerigo – Roberto...Robertino...?

Vede la moglie.

Amerigo – Rob...Oh...T’si maché te...??...O Signurén del Paradis...!! Bona...Bonaséra...!!

I Donna - ...Sera...

II Donna - ....Bonaséra ma léi...

Rosanna – Ciao...Amerigo...

Amerigo – C...Ciao...

Rosanna – Amerigo...Me a te vléva parlè...

Amerigo – E..De co’...??

Rosanna – Ecch...L’è de quést c’ha te vléva parlè...Maché Amerigo...C’è stèd un po’ de confusion ecch...

Amerigo – Confusion...?? E parchè...??

Rosanna – Mo com parchè...Mo an t’véd gnènt de anormèl machè déntra...??

Amerigo – No...

Rosanna – Guarda bèn...??

Amerigo – Echh...Se...A végh ma dò...Em...Em...Dò dicém donn??

Rosanna – E dicém donn...E...E.. An t’vò savé chi’l’ejè...??

Amerigo – Dò amigh tua...??

Rosanna – Amigh mia...?? Mo Amerigo co’ t’dic...??

Amerigo – No...A dciva acsé par dì...Par scherzè...

Rosanna – Par scherzèèè...!! Mo Amerigo...Ajò truvèd ma tu fiol sa stè dò...Maché...!!

Amerigo – E...Adèss...Esagerèda...

Rosanna – ( In stato di gnande agitazione)  Maché è sucèss un disastre...Che po’...te ancora an t’sa gnènt...Madòna Santa...!!

Amerigo – Sta calma...Su..Sta calma...

Rosanna – Se...Calma...Amerigo...Tente dur...Tu fiol..

Amerigo – L’ha méss in cinta ma la Marina...

Rosanna – Oh..Signor..E te com t’el fà a savé...??

Amerigo – L’è na storia longa..Valà...An me fè arcuntè tutt...E po’ par dì la verità...Tutta stà confusion, purtropp, a l’ajò combinèda me...

Rosanna – Com sarìa Amerigo...?

Amerigo – No...sarìa che...

Suonano alla porta, Doro ed Ernostea.

Rosanna – Madòna ...I sòna...E chi sarà...??

Amerigo – A vagh a véda me...(Fuori un attimo rientra subito)...Ohhh...A sì vò...?? ‘Nìt otra...

Arnostea  - (Entrando)...A cerchémmi propi ma te...Parchè quést el me fà sol dì gran discors a vanvèra...Ecch...!!

Doro – A t’l’ho détt me a l’ho fatt sol par fè un piacér ma Amerigo ...!!

Arnostea – Toh...và...L’è machè Amerigo vè...!! Doro...!! Porca paletta...Dam na spigazion de sta storia parchè s’no a facc un macéll a facc..!!

Rosanna – Co’ t’ha fatt Arnostea...

Arnostea – Co’ajò fatt...Co’ ajò fatt...Ajò truvèd ma ste mostre d’un traditor sa stè dò...

Rosanna – Anca te...

Arnostea – Parchè anca te..??

Rosanna – No Amerigo...Mo mi fiol...

Arnostea – Tu fiol...??

I Donna – E...BBASTA...!! E mo pe piacere...Che stamo a fa li gioghi...?? A Siggnò...Se t’avémo da dicer la verità...Nun avèmo fatto gnènte...gnènte...Nemmeno un bacétto toh..!!

Doro – E’ véra...è véra...me ajèra maché sol par via d’Amerigo...

Arnostea – Mo sta zétt imbecéll...!!(Scupazzo)...An dè la colpa ma la gènt par bèn...T’ha capìd..?? Delinguènt d’un traditor...(Scupazzo)

Doro – Amerigo...Amerigo...par piacér spiga tutt...(Scupazzo della moglie) ..E basta prò..!!

Arnostea – A t’dagh me basta...!!

I Donna – Mo an védi questiii...Aoh...!!

II Donna – Mo che raza de faméja...

Rosanna – Mo co’lè che t’ha cumbinèd Doro..??

Doro – Mo gnènt a l’ho détt...Ajavéva sol da fè in modi che arivasa Robertino...E invéc...T’si arivèda te...(la moglie lo picchia)

Arnostea – (sempre picchiando Doro con scupazzi) A t’ho arvinèd el divertimènt l’è véra...?? Brutt mostre d’un farabutt d’un moramazéd...

Amerigo – Calma..Boni...Calmèv una muliga so...Che adèss a prov a spighè  com l’ajè gida la facénda...Alora...

Suonano febbrilmebte alla porta.

Rosanna – I sona...E chi po’ essa...??

Amerigo – Se t’va a iprì t’el sa...

Roaanna va ad aprire.

Entrano Alessandra e Marina in lacrime.

Alessandra – Scusè sa...Mo ajò incontrèd ma la Marina par la strèda cla piagnéva...Alora a me sò fermèda par véda se l’ajavéva bsogn d’un qualcò’...Acsé ajavém parlèd e lia po’ l’ajà vosud gì a chèsa sua...Mo a chèsa sua an c’èra nisciun...Alora a sém v-nud maché a cerchè ma Roberto...

Da fuori la voce di Roberto.

Roberto – Marina...Marinaaaaa...!!

Roberto entra.

Rosanna – L’ajè malé vè...

Roberto abbraccia Marina.

ROberto – Marina...Marina mia...(I due si abbracciano)

Doro – (Vedendo la scena ad Amerigo)..Ouh...Ouh...Amerigo...Mo tu fiol ann’era un po’...

Arnostea – Mo co’ t’parle dì...Zucòn...!! (Scupazzo)

Di nuovo suonano alla porta.

I Donna – A mo allora ce rifamo...A siggnò...Nun te stà a disturbà...Vò a aprì io che tanta nun ci avémo nulla da fà...

II Donna – Mo propi gnènt de gnènt...

Speranza (Prima da fuori, poi entrando)...Non si permetta lei sa...Marina...Marina è quì...?? (Vede Marina)..Ah..Bene...Marina noi dobbiamo parlare...

Aroldo – (Entra dietro Speranza)...E si...Dobbiamo parlare a proposito di questo Signore...(Indica Roberto)...Ste delinguènt...

A questo punto tutti gli attori si ritrovano in scena.

Amerigo – No..No...Fermi...S’an ve dispièc...Adèss a  parle me...Parchè tutta sta storia...Tutta sta confusion...Alì l’ajò combinèda me...Involontariamente...Prò me e sol me a so’ el responsabil de tutt...Parchè certle volt...Certle volt anca un genidor el sbaja...In bòna féd ...Mo el sbajà...El capisc una roba par un’altra insomma...El bèl l’è che par quant le rob le posa sembrè tant chièr...Par un pèdre...Par me...Ann’era chièr gnènt...Anzi..L’era tutt ingarbuglièd...E invéc...Ste mondacc all’incuntrèri, quand ‘è la fén, el và sempre fnì all’ardrétta...Insomma ..me ajò fatt v-nì maché ma stè dò..Signore...Parchè a credéva cle podéssa servì ma Robertino...

Rosanna – Servì ma...Robertino...??

Amerigo – Se...Adèss po’ an te stagh a spighè tutt, parchè l’ajè na storia troppa lunga...e me sinceramènt an podéva savè che invéc tra un po’ mi fiol el me farà dventè nonn...Parchè me e mi fiol...Ann’avém mèi...A digh mèi un minud par parlè...E par dì le rob com le stà...Ecch...!!

Roberto – (Che ha capito)..Mo no ba è parchè...

Amerigo – Fa’m fnì el discors Roberto..Fa’m fnì..Che se mèi el mond el mond el và all’incuntrèri par quést...Parchè an se parla più...E alora...par tutt quèll ch’è sucéss me a ve voj dmadè scusa...Specialmènt ma te Doro...Che t’ha chiapèd tutt ch’i schiafon par causa mia...E po’...Sa me’l permeté a vrìa fè un brindisi..Un brindisi  specièl...(Prende un bicchiere di carta e ci mette un po’ di quello che c’è)...Ma Roberto...Mi fiol e la Marina.. che prèst i se sposarà...E ma’l fiulén cl’ha da nascia...Ch’el sia...Inteligènt com el pèdre...Bell com la mèdra...E ch’èl capisca le rob al vol...E no com el nonn che al vol urmèi an capisc più gnènt...A la salud...!!

Tutti applaudono e fanno festa spingendosi verso l’uscita di sinistra sempre festosi.

Rimangono indietro solo le due donne e Doro.

Doro – (Alle due)...Scusè sa...Mo voiatre adèss...’n do’ l’è c’ha gì...??

II Donna – A gém via parchè...??

Doro – No..parchè..Che sicom che tant ann avévi combinèd un gran che...alora a pensèva...

I Donna – Che stavi a pensà PUPO...??

Doro – E ardai sa ste PUPO...Eh..Eh..!! Donca me a pensèva che sicom che tant i scupazz da mi moj ajò chiapèdi uguèl e  par senza gnènt...alora...

I Donna – Allora...??

Doro – Alora...Scupazz de più...Scupazz de mén...V-nì otra un po’ machè sa me...Ch’a ve facc véda na roba...

II Donna – Par de quà...??

Doro – Se..Se...De quà..De quà...

Le due donne entrano nella stanza di Roberto.

Per ultimo entra Doro, il quale si guarda intorno con sospetto ,poi gira il cartello ove c’è su scritto Roberto, appare la scritta NON DISTURBARE.

La porta si richiude.

Entra veloce Ausonia.

Ausonia – Ba...Ba...Oh...Ba...T’si maché...Babbo....O ba...!!

(Si siede di fronte alla porta a gambe incrociate) ....UFFA...!!

                                                S I P A R I O

                                                  F  I  N  E

Franco Ferri Fecit  ( I° stesura 8/4/2001)    (II°stesura 03/12/2001)                                                             F.F.

 

 

 

 

 

 

 

          

    Questo copione è stato visto
  • 0 volte nelle ultime 48 ore
  • 0 volte nell' ultima settimana
  • 2 volte nell' ultimo mese
  • 7 volte nell' arco di un'anno