Suced mai gnint

Stampa questo copione

Suced mai gnint

commedia dialettale mantovana di Maria Gabriella Bonazzi

cell. 3288080393 – email: barbara.stuani@libero.it

N. di posizione SIAE 216769

Breve presentazione dell’autrice:

In una casa dove non succede nulla

c’è un segreto che dorme nella culla.

La vita scorre serena, senza scosse senza pena.

Ma un arrivo improvviso scuote questo paradiso.

Un amore lontano torna e tende la mano.

Quello che può accadere stiamo a vedere.

PERSONAGGI:

Pino

Nonno

Caterina

Nonna

Emma

Nuora

Ermes

Marito

Stefano

Nipote

Emilio

Cugino

Betti

Amante D’Emilio

Obler

Autista tuttofare di Emilio

Tina

Vicina di casa

(La scena: una casa di campagna moderna. In scena nonna Caterina ,Pino , il figlio Ermes, la nuora Emma e il nipote Stefano)

Caterina            Tira su chi bras lì par piaser, sinò coma faghi a far su al gamisel!?

Pino                      Son stuf da far la statua.

Caterina            ‘T disi senpar ca ‘t vo’ rendar utile!

Pino                      No l’è ti ca ta ‘m vo’ utilisar

Emma                 Porta pasiensa papà, la lana la servi par farat un bel pulover.

Pino                      Speri che stavolta la ‘m faga tute do le manghe istese! L’ultin ch la m’ha fat

al gh ea na manga rusa e una verda!

Caterina            Cat , s’era restada sensa lana, ho ripiegà

Piero                    Ti t’avrè ripiegà però quand a gh l’ho ados i uslin i ciapa al vol

Stefano               E com’è posibile nono?

Pino                      Oh bela, parchè i ‘m tol par un spaventapasere.

Emma                 Vè Ermes, l’ha ‘ll dit l’ Emilio a che ora al riva?

Ermes                  L’ha dit sul ca ‘l riva inco’. Chisà com al sarà canbià dop 26 ani ‘d lontanasa.

Caterina            Sal somilia a su padar, l’era un toc d’om con tute le su patine in regola.

Pino                      Ma cosa disat Catrina!


Ermes

(Tina da fuori) Tina

Emma (Entra Tina) Emma Tina Emma Tina Emma Tina Ermes Caterina

Caterina

Emma

Ermes

Emma

Caterina

Stefano

Emma

Pino Stefano

Ermes

Emma

Stefano

Emma

Ermes

Stefano

Emma

Ermes

Stefano

Pino

Emma

Sa ‘l dighi l’è parchè al so. Quand andaom a far al bagno nut in al corentin al gh era anca lu!

Ma nona Caterina cosa disat!

Emma, parchè ‘d meravigliat? Ga andavam anca nualtar a far al bagno nut in al corentin. E sa ben ricordi gh era anca al cusin Emilio con tuta la banda al conpleto. Ta ‘m fè dventar rusa! Canbiem discors.

Cla lì quand ‘s parla da robe interesanti la vol senpar canbiar discors.

La nona la gh ha ragun.

Ti tasi ciupin.

Mi ‘m par un ciupin disgnalà a vintisie ani!

Su, contem ben la storia la storia dal cusin Emilio. Parchè al sio Cesco al h ha ‘l lasà

la metà               dla nostra casa in eredità?

Al padrun dla casa l ‘è sempar stà al sio Cesco. Lu l’era andà in Merica da pudlet par far fotuna e quand l’è tornà l’ha conprà cla fatoria chi e l’ha riunì le famiglie di su du fradei

Cioè quela dal nono Pino e da Leonsio . Lu ch piasea tant star insiem e quand Leonsio al s’è sposà con na bela siciliana e è nat Emilio l’era l’om pusè content dal mond. Purtrop però Leonsio l’è mort giuan e la su vedova l’ha fat altar che ciapar al fiol e e tornar a vivar con la su famiglia, e s’è pu savì gnint da lor. E l’era mei lasar le robe con a iera!

E quanti ani gh eval , L’Emilio quand l’è andà via da ‘d chi? Al gh ea sul sedas ani e n’è pasà sa vintisiè!

Al sio Cesco però al s’era mai dismengà da lu e in al testament al gh ha lasà metà dla casa.

Però l’è mia giusta papà ti e al nono i senpar laurà la tera. Difati , l’ho dit anca mi!

Però a s’ ema mantegnì e ben! In pu’ al sio Cesco al m’ha lasà na soma ca pol servir largamente a rilevar ch l’atra metà dla nostra casa.

In fondo son cotent cal vegna a trovaras e speri almen cal portarà na qual novità, chi suced mai gnint!

Forse me fradel Cesco al sperava ca tornesom a star tuti insiem: una grande familia. Fin par carità nualtar sem a sé . Con la grande familia, i è senpar le done ca gh ha pusè da tribular.

L’è inutile ca fen dle parole spetem ca ‘l riva e pu ‘s vedrà.

E permes?

Avanti !….Vegni Tina.

Ma com ‘ela ca ta t sé misa in ghingheri! Gh et d’andar in cità ?

No ‘m sun fata bela parchè riva l’Emilio . Ta ‘l sé né ch l’era al me filarin? Al so , ma varda ch’è sa pasà vintisie ani

Son canbiada tant? Insoma…Abastansa. Disat?

Vitisie ani, tuti sem canbià, al sarà canbià anca lu!

E’ certo, sal fos mia tornà ades in la nosta ment al saria restà senpar cme alora. Chisà, forse ades l’è anca migliorà!

(Si sente suonare il clacson di un auto Ermes corre alla finestra)

Emma                 El lu?


Ermes

Pensi propria ca ‘l sia lu…Ma gh è anca na signorina e in pu n’autista.

Emma

Dai Ermrs vac incotra!

(Emma è molto agitata: Ermes esce, Caterina và alla finestra)

Caterina

Ma chi sel tirà a dre? Na putela? Forse l’è su fiola.

Pino

Uatar done si pran curiose, e petegole

Caterina

Anca oatar om si curius ma però ghi vergogna a dimostraral, e anca petegoi , le

nuità le salta fora senpar dl’ostareia!

(Entrano Ermes ,Emilio ,Una ragazza e un giovanotto in in abito gessato e scarpe di vernice)

Ermes

Eco l’Emilio!

(Emilio si guarda intorno poi vedendo Emma le si avvicina e le prende le mani)

Emilio

Emma ! ‘T s’è la Emma né, cosa fet chi?

(Ermes s’avvicina ad Emma e le cinge le spalle

Ermes

La Emma l’è me muier, ma certo ti ‘t pudevi mia saver quel ch è suces in chi ani chi!

(Emilio (Come rapito)Emma ma com’et fat a restar tale e quale?

Tina

L’avra fat cme mi!

(Emilio si volge verso Tina)

Emilio

E le chi saresla?

Tina

Ma come? La Tina la tu ex morosina!

Emilio

Scusa ma ‘s vet  ca t sè pran ex parchè mi ‘m ricordi mia da ti.

(Emilio poi si rivolge agli zii e li abbraccia)

Pino

Che piaser vedat caro!

Emilio

Anca mi sio Pino, e la sia Caterina. Varda sia ca ‘m ricordi sempar dle tu fritade!

Tina (Fra se e se)

‘S ricorda dla fritada e mia da mi

Caterina

E pensa ca ‘m sun anca migliorada, ‘t sentarè!

Ermes

Questo l’è me fiol, l’è veterinari! Lu l’ha senpar manifestà un gran interes par le

bestie.

Emilio

Propria cme mi. ’T ricodat ca portava senpar in casa i uslin ca cascava dai gnai par

curari-

Ermes

‘T gh è sempar vi al cor bun però ‘t s’eri nca pran birichin ,e ‘m tucao senpar a mi a

rimediar ale tu marachele

Emilio

‘M saria piasì anca a mi studiar da veterinar ma me nono al m’ha indirisà subit vers

al mond di afari e gh è pu stà temp par studiar.

(Emilio strige la mano a Stefano)

Emilio                 Brao pudlet, lasa ca ‘t presenta me fiola Betti, l’è dre cla studia Giurisprudensa

Stefano               Piacere cara cugina!

(Stefano è molto attratto dalla bella ragazza e l’abbraccia . Pino alludendo a Obler) Pino E cal putel lì?

(Alludendo all’accompagnatore in gessato)Chi el? Al par al comes dle Pompe funebri. (Emilio ride) No questo l’è Obler, al me autista e segretari

Pino                      Menomale!

Tina    Ben mi vaghi! Speri ca ‘s rivedrema prest Emiliuccio!

(Emilio si china a baciarle la mano)

Emilio                 A presto rivederci fidanzatina!

(Tina esce)

Caterina            L’è na poiana lilè! Ma sentev. Chi Betti vicin a mi . Che bela pudleta , cara quanti

anni gh et?

Betti                      Quasi ventidue zia Caterina.

(Tutti si siedono tranne Obler che se ne stà dritto immobile e rigido come una statua)

Pino                     Emilio è pasà tant temp chisà quante robe ‘t garè da contaras . la mama?


Emilio                 La mama purtrop l’è morta subit dop al nostar trasferiment a casa di noni

E anca mi son vedof!

Caterina            Vaca cane Emilio e na qual bela notisia a gh l’et mia? Par da esar al’obitori!

Emma                 Na nona Catrina ‘t par mia d’esgerar?

Caterina            Cara la me nora , ti ‘t ghè senpar ragion . Scusè ma gh ho la lingua trop sciolta e dle

volte la ma scapa via!

Emilio                  La sincerità è sempre una gran virtù.

Emma                 Sentì al vostar vias l’è stà lung e sarì strac! Forse l’è mei ca ‘v ritireghi a riposar.

Pu tardi gh avrema tut al temp da contaras le nostre robe.

Ermes                 Come senpar Emma ‘t gh è ragion. Gnì a vedar le vostre camere. Par ti Emilio em

preparà quela ch l’era la tu vecia camera. Gh è ancora al manifest da Maradona.

Emilio                 Dabun ? Grasie, pu’ tardi però gh avrem anca al modo da parlar d’ afari.

Ermes                 Certo! Ma varda l’Emilio? Che piaser averat chi bisogna ca ringrasiema al sio Cesco

ca s’ha  fat riunir!

(Emma sarcastica , fra sé e sé)

Emma                 Certo ca gh ema da ringrasiarl! Sperem ben!

Emilio                 A pu tardi alora. Vieni Betti, andiamo a riposare.

Emma                 Già, gni con mi ca ‘v faghi vedar le vostre camere

Stefano              Mama sistema la Betti vicin ala me camera.

(Ermes alludendo ad Obler che non s’era mosso di un centimetro)

Ermes                 E cal gendarme lì vegnal mia?

Emilio                 Obler per adesso sta di guardia.

Pino                      Chi gh em mia bisogn da guadian, ladar gh n’è mia a parte certi sigagn che dle volte i

vegn a rostir na qual galina.

(Escono tutti , rimangono soltanto Caterina ,Pino e Obler sempre immobile al suo posto)

Caterina            Dai Pino slarga i bras ca gh ho da far su al gamisel

(Pino prende la matassa di lana la piega e la mette sulla testa di Caterina a mo di cuffia.

Pino                     Mi ho pensà ca ta ‘t fè na breta!

(Obler si mette a ridere)

Pino                     Menomale ca ‘l ridi; alora l’è mia ‘d ges!

( Caterina si toglie la matassa dalla testa)

Caterina            Ve Obler , vegni chi ch ho pensà che con chi du bras rubust ca ‘t gh’è ‘t saresi adat a

tegnam su la me matasa.

(Obler fugge terrorizzato seguito da Caterina)


Si chiude la prima scena


Seconda scena

(Nella seconda scena ritroviamo Obler che regge la matassa a Caterina , mente Pino osserva la

scena in piedi dietro alla moglie)

Caterina            Et vist Pino com l’è brao Obler a tegam su la matasa? Inpara!

Pino                     Andrò a scola.

Caterina            Certo, quand gh è un maestar cme Obler l’è facil inparar.

Obler                  Per obbedienza al capo Emilio fici stu lavoro umelianti Ma quante matasse se

procurò , ista è già la quinta!

Caterina            Gh a ‘n saria atar trenta, ma sa ‘t s’è stuf fem pur na pausa.

Obler                  Meglio è sento gia nu fotte dollore alle spalle!

Pino                     Al so, questa l’è na tortura caro mio!

Caterina            Vegni Pino ch andema a catar su i of ca gh ho promes a Emilio da farac la fritada.

Vegnat anca ti Obler?

Obler                   Non ce tengo de pottare pure le uova!

(Esce Obler)

Caterina            Che putel par ben cl’Obler lì

Pino                      Ben mi gh avria un qual dubi, ma starem a vedar.

Caterina            ‘T sarè mia gelus né!?

Pino                      Ma va là vecia , sun mia sclerotic, andem a catar su i of ch l’è mei!

(Escono Anche Caterina E Pino. Entra Emilio e si versa il caffè che era già pronto sul tavolo. Entra Betti e gli si siede in braccio.

Betti                     Papi caro!

(Emilio stizzito la fa alzare)

Emilio                 Giù, giù!

Betti                    Da quando siamo arrivati in questa casa sei diventato così freddo nei mie confronti

che non so cosa pensare.

Emilio                 Ti ho già detto che per gli abitanti di questa casa tu sei mia figlia Betti e non la mia

amante.

Betti                    Ti rendi conto che per questa bugia il giovane Stefano mi fa una corte spietata?

Emilio                 Da quel che so ,gli uomini non ti han mai fatto paura. Tu assecondalo ma non

troppo , lui è un così bravo ragazzo!

Betti                     E io allora, non sono una brava ragazza? Non ti riconosco più, da boss senza scrupoli

a tenero agnellino. E’ forse la dolce Emma che ti ha fatto rammollire?

Emilio                 Non parlare di lei, non ne sei degna.

Betti                    Fino a questo punto siamo arrivati?

(Emilio tira fuori il libretto degli assegni e ne firma uno e lo porge a Betti)

Emilio                 Bastano per tenerti buona?

(Betti bacia l’assegno)

Betti                    Oh mersì, mersì! Sei sempre molto generoso. Sono la tua bambina , grazie papi!

(Betti si china a baciarlo sulla guancia proprio quando rientrano Caterina e Pino)

Caterina            Che pudlete fetusa, ‘t sé un papà fortunà!

Betti                    Io glielo dico sempre.

(Pino fra sé)    Ma sbagliarò ma chi gh è quel ca ‘m quadra mia.

Caterina            Ve Emilio sun andada a catar su i of par farat la fritada ca ‘t pias tant

Emilio                 Si senpar trop gentili con mi.

Caterina            Voi gnac ca ‘t parla. Andema Pino ca ta ‘m iuti a portar i of.

Pino                     Che progresi ca faghi sun stà promos porta of!


Emma

Emilio

Emma

Emilio

(Entra Ermes) Ermes Emilio Ermes

(Caterina e Pino escono. Entra Obler.Esce anche Betti)

Obler                  E allora capo se fa stu benedetto affare. Qui dove nessuno ce connosce i è più

faccele naccondere la notra attevità.

Emilio                 Taci, fra poco parlerò con mio cugino, speriamo bene.

Obler                  Se sevve, la deccisione giusta gliela facci pendere io

Cognosco cettii aggomenti ah ! Ti libbero de tutti comiciando da zi Caterina con

quella su enfenita matassa te lana!

Emilio                 No. Questa è la mia famiglia , ci penso io

Obler                   A piacer tuo capo. Io devo de accompagnare la Betti con Stefano a far un giro in

Limosinne. Però quei due me pa re che….…

Emilio                 Lascia fare sono giovani.

Obler                   Ma se succhieno, capo due ventose suggno!

Emilio                 Non m’interessa!

Obler                   Capo non te riconosco più!

Emilio                 Neppure io credimi.

Obler                   Non vedo l’ora de concludere che sta stuazione non me piace pe gnente.

Emilio                 Pure a me credimi!

(Entrano Stefano e Betti)

Betti                     Andiamo Obler!

Emilio                 E dove andate di bello?

Stefano                Al lag a pescar.

Emilio                 Ti piace la pesca?

Stefano               E’ il mio unico hobbi

Emilio                 Anca mi ‘m pias pescar ma gh ho mai temp!

Stefano               Ma intant ca ta ste chi pudreson andarac insiem na qual volta.

Emilio                 Saria bel , ch pensarò!

Stefano               Bene,Betti andiamo?

Betti                     Andiamo.

(I due giovani si prendono per mano ed escono )

Obler                  Me raccomando Che stanco suggno de fare la bella statuina e presto faccio , a falla

deventare brutta!

Emilio                 Silenzio, il bos suggno io!

Obler                  Ma non te compotti da bos!

Emilio                 Bene , il bos si prende una vacanza.

(Obler esce ,entra Emma . Emilio prontamente s’alza in piedi)

Emilio                 Mia cara Emma.

Emma                 Cugino Emilio! Scusa set, ma quad contat da partar?

Emilio                   Ma gh et csì presia da mandam via? Se ben ricordi ‘t la pensavi mia csì vintisie ani fa

cla sera , ala vigilia dla me partensa.

Tasi, mi sperao ca t’esi dismengà cl’ultima sera. Quela l’era n’altra vita. ’T vurè dir cl’era n’altar temp! Mia n’altra vita, l’era sul l’inisi dla nostra. Un inisi ch l’è fnì subit! Mia par mi

Cos’è ch è mia fnì Emilio?

E’ ..è mia fnì la giornada!

E’ sì l’è pena     cominciada. Che programa gh et inco’?


Emilio                   Gg ho in programa na gita con la Tina, la tu vsina ‘d casa. L’ha insistì tant par portam

a far un pic nic in la nostra vecia boschina ca sun mia sta bun da dic da no..

Però ades fermat chi ca gh em da parlar d’afari. Mi gh avria na proposta.

Ermes                 Anca mi gh n’avria una , ma prima sentem la tua.

Emilio                 A esar sicer, m’interesa da rilevar la tu part da casa.

Ermes                 Varda che la me proposta l’è la copia gemela dla tua. Anca mi ch tegni ala casa.

Emilio                 Mi sun dispost a pagartla al dupi dal su valor.

Ermes                 I soldi par nualter i è mai sta tut!

Se anca a ti ‘t pias star chi, la casa l’è granda pudresom dividar le camere. Ch n’è

tante né Ema

(Ermes si gira ma Emma è sparita)

Ermes                 Ma in due la andada? Ema in du set fnida?

(Emma rietra proprio quando si sente bussare alla porta)

Emma                 Son chi. Vaghi a versa la porta!

(Entra Tina con il cestino da Pich nich.)

Tina                      Emi set pront? Set prunt da pasar na giornada indimenticabile?

Emilio                  Prontisim!

(Poi di nascosto verso Emma)

Emilio                 Savria mi con chi ‘m piasares pasar le me giornade!

Tina                      E alora andem?

Emilio                 Caro al me Ermes, stasera riprendarem le nostre tratative.

Ermes                 Ben, a pu tardi alora!

(Escono Emilio e Tina , Incrociano  Caterina e Pino che stanno rientrando)

Caterina            Che sivetona cla Tina lì!

Emma                 L’è mia certo na conpagnia adata a Emilio.

Pino                      Mia preocuparat che l’Emilio l’è bun da difendaras. Al gh ha un quel ca ‘m quadra

mia.

Caterina            Ben, ma ti Ermes gh et parlà a l’Emilio dla casa ?

Ermes                 Em comincià al discors ma da quel ch ho capì l’è interesà anca lu ala casa quasi cme

mi.

Caterina            Ma chi ch sem anca nualtar!

Ermes                  Quel ‘l so ! Pensa l’è dispost a pagarsla al dupi dal su valor . Su mia parchè ,l’è stà via

tanti ani e ades tut in ‘n culp gh è gni voia da sistemaras chi.

Pino                      Credim, al g avrà di motivi segreti e gh ho paura mia tant pulì!

Caterina            Pino mia rovinar la gioia d’aver ritrovà un neù ca credeam pers! Ma ti ‘t s’è senpar

stà sospetos!

Pino                      Veramente , sun senpar stà sveglio!

Emma                 Ma l’Emilio l’è senpar csì gentile!

Pino                     Credim , l’è mia tut or quel ca lus. E cal servitur lì Obler, sul al nom, mi ‘m par

propria strano.

Caterina            Al sarà strano ma l’è tant servisievole, ‘m tegn sempar la matasa, mei che ti Pino!

Pino                       Sopratut par quel l’è strano.


Fine seconda scena


Terza scena

(La scena è vuota. Entrano Betti e Stefano, si rincorrono)

Stefano

Betti, Betti guarda che ti prendo!

(Finalmente Stefano la raggiunge ei due s’abbracciano)

Betti

Attento se ti vede il mio papi! Sai lui è geloso della sua bambina!

Stefano

E ha ragione a essere geloso. Chi non lo sarebbe di un tesoro come te.

Però io ho il massimo rispetto nei tuoi confronti.

Betti

Davvero mi rispetti?

Stefano

Sì, ti adoro e ti rispetto

Betti

E’ una frase bellissima, nessuno m’ha mai parlato così!

Stefano

Perché nessuno ti ha mai amato come me.

Betti

Grazie caro, ma se mi ami tanto ti autorizzo a rispettarmi un po’ meno.

Stefano

Non capisco.

(Betti trascina fuori Stefano)

Betti

Vieni fuori che te lo spiego.

(Entra Obler)

Obler

Qui conviene de accellerare i tempi,altrementi a guai connuti se finisce!

(Entra nonna Caterina con la moca del caffè)

Caterina

Eco al nostar Obler, beat na tasina da cafè?

Obler

Se non distubbo iè, motto volentieri!

(Nonna Caterin versa il caffè poi tira fuori il metro e incomincia a prendegli le misure

Caterina

Vè Obler, ho decis da farat un maion , dato ca ‘t sé sta brao a aiutaram.

Obler

No, non credo se possa fare , noi presto potremmo pattire

Caterina

Ma mi sun sveltisima e pu in tuti i casi posi senpar mandartal. Vivat ancora con tu

madar?

Obler

No , purtroppo issa morì tanto tempo fa.

Caterina

Oh ,puarrina puarrina, m’an dispias ………E al papà?

Obler

Pure isso perì nello stesso medesimo attentato…… cioè incedente fu!

Caterina

Oh, puarrin , puarrin m’an dispias pran tant

Obler

La nonna matenna m’allevò, nonna Rosalia.

Caterina

E le almen stala ben, la nona Rosaia?

Obler

La pessi venti giorni fa, altro incidente.

Caterina

Puarrina! Ma caro al me putel ‘t sé propria sfigà.’T duvresi andar a farat benedir ale

Grasie.

(Caterina l’abbraccia. Obler comincia a piangere)

Caterina            Mia far csì dai, gh è tante persone ca ‘t vol ben!

(Obler singhiozza)

Obler                   Dice signnora Caterina?

Caterina            Certo caro, ma ciamam sia Caterina e mia far csì, ca ta ‘m fe sigar anca mi.

Sugat i oc!

(Caterina gli asciuga gli occhi amorevolmente a Obler , e gli accarezza amorevolmente i capelli. Entrano Tina ed Emilio. Prontamente Obler s’alza in piedi.)

Emillio                Cos ‘è sucas?

Obler                   Niente accadde!

Caterina            Obler ‘m parlava dle su disgrasie……… ma puarrrin

(Emilio sorride)


Emilio

Caterina

(Entra Emma)


E’ Obler l’è d un sensibile!

E’, s’è vist!


Emma                 E alora al pic nic, tutto bene?

Tina                      A meraviglia! L’Emilio l’è pran galante, al gh ha al fascino del vero signore

Emilio                 E tu una cuoca perfetta. Ho pasà na giornada indimenticabile.

(Emilio le bacia la mano, Emma appare un po’ irritata)

Tina                      A presto.

Emilio                 A presto e grazie!

(Emilio l’accompagna fino alla porta)

Caterina            L’è na sivetuna lilè, i la conos tuti par quel la mai catà nisun ca la marides.

Emilio                 Mia preocupat sia l’è mia cal tipo da dona lì cla pol destar al me interes!

(Mentre lo dice Guarda Emma. E’ un attimo ma Caterina s’accorge che c’èqualcosa di strano fra i due)

Caterina            La Emma saresla pusè al tu tipo?

Emilio                 Sicuramente!

Caterina            Ma le l’è sa inpegnada!

Emma                 Ma mama cosa disat?

Caterina            Ma sa schersa! Ben mi vaghi a parar su le galine.

Obler                   Vengo pure io ad aiutatte zi Caterina.

Caterina            Brao ,andem!

(Escono Obler e Caterina. Anche Emma vorrebbe uscire ma Emilio la trattiene)

Emilio                 Parchè ma scapat senpar Emma , gh et paura da mi?

Emma                 Duvria?

Emilio                 Forse.

Emma                 E parchè mai?

Emilio                 Da quel ‘n parlarema in seguit. Ades ‘m piasaria ricordar con ti ch ultima sera.

Emma                 Na volta par tute voi dirat che quand se giuan se stupit, e mi par prima.

Emilio                 Vot rinegar cla prima esperiesa dla nostra vita! Ta m’è senpar piasì ma stava dre ala

Tina parchè savea che Ermes l’era pers par ti e volea mia metam in mes.

Emma                 E alora t’è sbaglià, parche mi alora avria volì ca tat metesi in mes!

Emilio                 L’ho capì trop tardi. E preciamente cl ‘ultima sera quand ta m’è spetà davanti a casa

e ta m’è dit ca ‘t vulevi esar mia, parchè ‘t pensavi che quela la saria stada l’ultima volta ca ‘s vedeam .

Emma                 Tasi par carità, che vergogna!

Emilio                 Ma alora ‘t gh evi mia vergogna.

Emma                 Dai , gira al cortel in la piaga.

Emilio                 Cara la me Emma ‘t se mia cosa sun dventà!

Emma                 la Tina la disc a ‘t sé dventà un om pien da fascino.

Emilio                 Set forse gelosa dla Tina varda cle mia al caso.

Emma                 Gelosa da ti? Varda ca ta ta sbagli, se mai sun stada gelosa l’è sta da Ermes quand

gh’è sta un periodo che la Tina fao la stupida con lu.

Emilio                 Canbiem discors. Mi voleva confidarat che quand sun andà via con me madar tanti

ani fa sem andà a star con i me noni e lur i era mia persone par ben.

Emma                 E parchè ‘m disat certe robe?

Emilio                 Perché voi esar sincer con ti e voi anca consigliarat da convinsar Ermes a vendam la

casa parchè con le bune o con le cative riesarò a potagla via

Emma                 ‘T rendat cont da quel ca ta ‘m dmandi ? Et mia pensà ai vec par lur cla casa chi l’è la

la vita.


Emilio                 Credam, ‘m dispias ma ormai mi insiem ai me soci em decis da trasportar chi la

nostra asienda

Emma                 Da quel ca ta ‘m vo far capir ‘t ghè l’arogansa da voler decidar ti dal nostar destin!

(In quel momento entrano Obler con Caterina che è disperata)

Caterina            Pino…Pino , le galine i è sparide, al puler l’è vot. Gh è stà i ladar

Obler                  Tutto sparito iè , pure il gallo fu rapito!

Emma                 Sentat mama , sta calma!

(Entra Pino)

Caterina            Le me galine, le me galine!

Pino                      Ma i hai portade via propia tute?

Caterina            No, i gh na lasà una con un cartel al col con su scrit “Qesta gallina è per Pino”

Pino                      Quarantasic galine e un gal!

Emilio                 Quarantasinc galine e sul un gal, ‘s ved chi era insodisfate e le sarà scapade.

Pino                      Chi da sodisfat gh è sul i ladar! Bisogna avisar i carabigner!

Obler                   Lasciamo fuori li carabinieri che hanno cose più impottanti da fare. Ci penzo io,

parola di Obler. Se domattina non ci staranno i polli solo allora avvertirete li

carabinieri.

(Obler si precipita verso l’uscita seguito da Emilio)

Emilio (Uscendo) L’è mei ca gh a staga a dre a chi lù, vuria mia ca ‘l fes na qual stupidada (Esce Emilio entra Stefano)

Stefano              Ho vist Obler e l’ Emilio partar in sla machina tant in presia chi parea trat fora da un

canon. Cos ‘è suces?

Emma                 I sa rubà tute le galine e i è andà par sercar da recuperarle.

Stefano              Ma propria tute tute?

Pino                     No , i gh na lasà una con un cartel con su scrit” Sono di Stefano!

Caterina            Pino ‘t sé un gran copion!

Emma                 In du et lasà la Betti?

Stefano              La s’è fermada dl’onduladura a lavas i cavei!

Caterina            Ma la Betti che putela educada!

Stefano              Un vero tesor!

Emma                 Stefano l’è un po’ ca volea farat na domanda , ‘t piasarà mia la Betti ?

Stefano              E parchè no?

Emma                 Parchè le mia la dona par ti. Prest la partirà e forse la vedrem mai pu’.

L’è mia al tu tipo. L’è sofisticada , l’è trop citadina e po l’è tu cusina!

Stefano              Cosa conta l’è mia me sorela!Po sem mia in al Medioevo. Gh ho quasi vintisie ani e

certe scielte lasale far a mi

Pino                     Al pudlet al gh ha ragion!

Caterina            Tasi ti! Su madar la mai parlà a vanvera e s la dis csì la g’avrà le su ragion.

Stefano              Ma cosa v’è gnì a tuti, parlè par enigmi?! Ti papà cosa disat?

Ermes                 Mi so sul che la mama la gh ha senpar ragiun!

Stefano               Figuremas sa contradisi la tu regina.

Pino                      Rispet Stefano!

Emma                 Senti Stefano t’ho mai dmandà qualcosa ?

Stefano              Na mama.

Emma                  Ben ades par la prima volta ‘t dumandi un piaser , sa ta ‘m vo ben fintant che la

pudleta la sarà in cla casa chi ‘t gh è da prometam ca ta ch portarè rispet.

Anca parchè sa fe na qual stupidada su mia com al reagirà Emilio.


Quand a ‘f si sposà ‘t seri in stato , a Ermes ‘t gh ei dit che qualdun durante la tu vacansa al mare al s’era aprofità dla tu ingenuità.

Ma Ermes l’era talmente inamurà ch l’è stà ben felice da dividar la su vita con ti e al tu putin.

E mi ho senpar ricambià i sentiment con tut al cor. Ma ti com et fat a capir?

Stefano              Quel l’è l’ultim di me penser, ma par amor tuo mama farò al brao però quand

l’andrà via sarò libero s’la m vol d’andar con le E lasam dir ca capisi mia al tu conportament, mama?!

Pino                     Calma, scoltem: mi gh ho di sospet, al nostar Emilio purtrop a l’è canbià.

Ermes                 Cosa voresat dir?

Pino                     Ti Ermes par la contentesa d’ aver ritrovà un fradel t sé mia in grado da valutar la

situasiun

Ermes                 Papà ti ta ricordi mia che bun pudlet l’era senpar stà l’Emilio!

Caterina            Pino chi l’è l’è la tu indole sospetosa ca parla.

Pino                     L’Emilio in chi ani a contato con i noni , che ai sà ai su temp i era sospetà da far part

dlà malavita , al pol esar dventà un mafioso e magari adritura un Boss

Emma                 No quel pensi propria ‘d no , uno al pol mia canbiar csì tant.

Stefano               Anca mi ‘m rifiuti da credaral Ti nono, ‘t sé senpar stà sospetos!

Pino                      Veramente mi son senpar stà sveglio!

Ermes                 E ti mama, coasa disart?

Caterina            L’Emilio al par un brao putel. E anche cl ‘Obler lì al par na brao persona,

ma se par caso Pino al gh es un po’da ragion gh em da star in guardia

parchè a quanto pare al vol la nostra casa. E se Emilo l’è mia quel ca ‘l vol far parer

anca la Betti l’è sospetabile.

Stefano               Par mi la Betti l’è na santa e pu l’è csì afetuosa.

Emma                 Stefano a ‘m racomandi sta ala larga dla Betti fin ch avrem scopert le intensio da chi

du lì, m’al prometat?

Stefano              Va ben speti du giora o poc di pu. La Betti la m’atira trop trop.

Emma!               Sercarò da sistemar tut al pu prest.

Stefano              So mia cosa ‘t gh è da sistemar, ma serca da far prest!

(Esce Stefano)

Emma                 Scultem, par via dla casa , fem far un tentativo a mi !

Ermes                 Parchè ti e mia mi?

Caterina            Parchè nualtar done gh em pusà diplomasia e anca astusia.

Ermes                 Ben , mi vaghi a let!

(Esce Ermes)

Pino                      Andema anca nualtar vecia?

Caterina            Inviat, va a scaldar la cucia che omenti rivi.

(Esce anche Pino così Caterina e Emma rimangono sole)

Caterina            Ema gh et gnit da dim?

Emma                 Mi no parchè ?

Caterina            Emma cara,sfogat che dop ta starè mei, parla!

Emma                 Cosa dovria dirat?

Caterina            Pre esenpi che L’Emilio l’è al padar!

(Emma è sulle difensive)

Emma                 Al padar da chi?

Caterina            Cara mia averac timor da mi, parlao dal nostar Stefano.

(Emma tace )

Caterina


Emma


Caterina

Quand E milio l’è rivà e ‘v si vardà ,ho sentì una picola scosa eletrica, ma la conferma

gh l’ho vida stasera quand t’è manifestà tuta la tu disaprovasiun a na eventuale

relasion fra Stefano e la Betti , ho percepì la tu paura.

Emma

Chisà cosa ‘t pensarè da mi

Caterina

Parchè? Mei l’Emilio che an sconosiuto incontrà al mare. Almen le robe le resta in

familia. E la me fiducia e al me afet part l’è mia canbià e al canbiarà mai!

Emma

‘T capirè alora le me paure, lur i quasi fradei. Cosa gh ho da far?

Caterina

Ma ti cosa proat par l’Emilio?

Emma

Sa gh es da dir ca ‘l me completamente indiferent diria na busia . L’è come rivedar

un film vec ca t’era paisì tant però ‘t se sa al finale e quand s’ipisa la luce al me amor

l’è tut par Ermes..

Caterina

‘T credi cara, un po’ da turbament l’è inevitabile .In fondo l’è stà na persona

inportante in la tu vita

Emma

Na sera, sul na sera.

Caterina

Al cor l’è mat cara. Mi da pudleta ‘m s’era inamorada da Leonsio al padar dl’Emilio.

Quand lu l’ha maridà la su bela siciliana ho credì da morar. Ma Pino con al su afet al

m’ha conqiustà e sun senpar stada felice.

Emma

Anca mi son stada felice con Ermes.

Caterina

Vedat cara , gh è l’amor apasionà e quel ‘t fa far folie, e gh è quel tranquil che mi

definisi onest .

Emma

E con l’amor disonest cosa ‘s fa?

Caterina

Sa ‘l lasa andar , però ‘s pol sfrutar a tu favor.

Emma

Capisi mia.

Caterina

Sa ‘t l’è mia caspì Emilio al gh ha un debole par ti, sfrual a nostar favor. Cerca

d’otegnar la vendita dla su part da casa!

Emma

Ma mama Caterina ‘t par na roba seria?

Caterina

Ma cos’et capì! Basta na parolina dita ben…..E a nualtar done le paroline le ‘s manca

mia.

Emma

Proarò!

Caterina

Ades ca t’ho dat le istrusion, posi anca andar a let.

Emma

‘M racomandi mia far parola con Ermes da quel che m dit.

Caterina

Varda ca sun mia cuiona , e mai al sun stada.

(Caterina abbraccia Emma ed esce. Emma è agitata , cammina avanti e indierto)

Emma

E ades cosa sucedarà? Pasa ani e ani sensa ca suceda mai gnint e put ut in an culp t‘

(Entra Emilio)

croda al munt ados.

Emilio

Che fortuna Emma catarat chi da partì!

Emma

E.. ..E  ……E le galine?

Emilio

Dmatina le sarà tute in al puler. Al gh ha pensà Obler. Ma stem mia perdar temp con

le galine.

(Emilio le si avvicina e le prende le mani)

Emilio                 Emma, è pasà tanti ani ma mi ‘m par ieri. Pensi senpar”Se alora gh es vì l’esperiensa

ca gh ho ades!

Emma                 Ma le ocasion perse le turna pu’

Emilio                 Le torna se uno al vol.

Emma                 E se una la vol mia? Pensat mia a Ermes ca ‘l stravedi par ti?

Emilio                 Par me cusin ‘m dispias ma sun anca invidios da lu vintisie ani con la dona dla me

vita.


(Emilio cerca d’abbracciare Emma che si ritrae e comincia a correre inseguita dall’uomo. In quel momento entra Ermes)

Ermes                 Cosa suced?

Emma                 Gninte lu l’è convint da corar pusè fort da mi.

(Ermes ride)   Sa ‘t vo far na gara da velocità fala con mi, i ‘m ciamava “Pie veloce”

Emma                 Ben cla gara chi la m’ha sfinì, mi ‘m ritiri…….Pie Veloce.

(Emma uscendo) Bunanot

Emilio                 Sogni felici Emma.

(Uscita Emma Ermes prende un bottiglione di vino con due bicchieri)

Ermes                 Beat un gusin?

Emilio                  Grasie ma gh ho mia se ma‘t faghi compagnia intant ca ‘t bevi. Varda però ca gh ho

mia voia da parlar d’afari stasera.

Ermes                 Mi sperao da definir la facenda dla casa.

Emilio                 Mia stasera…dman ………pasadman . G’et csì presia da mandam via?

Ermes                 Fin par carità, sem tuti content dla tu presensa, anca la Emma la par ringiovanida

T’è porta na ventada ‘d noità , chi in canpagna suced mai gnint!

Emilio                 S’ho ben capì ti e la Emma ‘v si sposà pran giuan.

Emilio                 Par mi ‘t se cme un fradel e voi metat al corente dla vrità: Stefano l’è mia me fiol!

Emilio                 Come , li adotà?

Ermes                 No ch l’an lì la Emma l’era andada al mare e an farabut al l’ha sedota e le l’è tornada

incinta. E mi par salvar al me amor e la su reoputasion a l’ho maridada, e l’è stada la

me fortuna.

Emilia                 E quand ‘è suces al fat?

Ermes                 Varda l’è sta giust l’an che ti ‘t se partì

Emilio                 Vintisie ani fà? Oddio! Oh mama cara …mama cara..Stefano!....Alora Stefano…

Ermes                 Com a tsè turbà,varda ch l’è stada la me fortuna, sa fos mia suces quel ch è suces

forse la Emma la m’avria gnanca maridà

Emilio                 Ve dam da bear , m’è gnì se ma na se

Ermes                 Pronti, l’è da cal bun questo,set!?

Si chide la scena


Si riapre la scena. Sono presenti, Pino Caterina Ermes e Emma

Pino

E alora Emma et parlà con Emilio dla casa?

Emma

Ho mia fat in temp, è rivà Ermes e mi su andada a let.

Pino

E ti Ermes et sciacì’

Ermes

E’ no l ha devià al discors. Però em cucà un butilion da cal bun. E pensar che l’Emilo

l’è quasi astemio! Ades gh ho d’andar in i camp ma stasera al lasi mia svicolar.

Pino

Mi da cla casa chi ‘m moi mia a costo d’andar in man a n’avocat

Caterina

Par quel gh è senpar temp!

(Entra Obler tutto eccitato)

Obler

Zi Catarina, fu ori venite con mia che ce stà na sorpresa.

Caterina

Vegni subit Obler.

(Esce Caterina seguita da Pino e Ermes. Rientrano tutti subito meno Ermes)

Caterina

Oh Emma, che meraviglia è tornà tute le galine!

Emma

Dabun? Ma propria tute?

Pino

Sì, si!

Caterina

Gh è anca un gal in pu’.

Pino

E anca do oche e tre nedre

Obler

Quello suggno per lo distuebbo!

Caterina

Par festegiar gh ho idea da tirarac al col ana bela padovana

Pino

Sta atenti da mia tirarac al col al gal!

Caterina

Varda Pino che alla me età so distingur ben na galina da ‘n gal!

Ti invece ‘t sè an capun, vedat ca ‘m n’intendi!

Pino

‘T sé senpar na gran bisbetica!

Caterina

Al bel l’è cal so

Obler

Sei conenta zi Catarina?

Cterina

Son felice Obler. Varda ch ho sa comicià al tu maion.

Obler

Grazie zi Caterina ma no te devi distubbare.

Caterina

Vaghi fora adarac l’ipastà ale galine

Obler

Vengo pure io zi Caterina

(Escono Caterina e Obler)

Emma

E ti gh vet mia?

Pino

No, et vist cal diavol da dona lì con l’ha adomesticà cl’Obler lì ,he mi credi ca al sia

adritura un mafioso.

Emma

Che la nona la sia na volp ta ‘l savevi sa

(Esce Pino brontolando .Entrano Betti e Stefano . Una dalle stanze interne e l’altro da fuori)

Betti

Buongiorno signora Emma, ciao Stefano.

Stefano

Ciao Betti!

Betti

Che programma abbiamo oggi?

Stefano

Mi spiace ma oggi ho un inpegno, ho promesso a Emilio d’andar a pesca con lui

Se vuoi unirti a noi?!

Betti

Sarà un piacere.

Emma

Ma quand ‘v si mis d’acordi?

Stefano

Stamatina prest, sarà sta le sinc. S’era in gir par visitar al bestiam , l’ho catà ch l’era

dre partar con la Limousin al dis cl’ea mia dormì tuta not

Betti

Non è da lui!

Stefano

Ben mi intant vaghi a preparar l’atresadura par la pesca. Al sarà chi a momenti s’em

d’acordi da cataras ale noemesa.


(Escono Betti e Stefano . Entrano Caterina e Pino )

Caterina            Vulea far un bel pransetin invece Ermes l’è in i camp , Obler la Betti, Stefano e

l’Emilio i và a pescar

Emma                 Mei csì almen ponsema un po’

(Entra Emilio co un grosso mazzo di rose rosse)

Emilio                 Par ti Emma.

Emma                 Par mi , e perchè?

Emilio                 Sensa un perché , e par mila perché.

(Esce Emilio.)

Caterina            Che gentile.

Pino                     Trop!

Emma                 L’è la prima volta in vita mia ca ricevi di fior!

(Esce Emma con i fiori in mano.)

Pino                     Catrina cos è dre sucedar? Chi gh è quel ca quadra mia.

Caterina            Senpar con i tu sospet ma…..ma stavolta sì , ‘t gh ragion è dre sucedar quel ma da

precis posi mia saveral. Sperema in la sagesa di nostar fioi!

Pino                     Ma Catrina ta ma spaventi!

Caterina            Vegni Pino ca ‘t daghi na trentina da gose da Valiom e dop gh ho da darat na

spiegasion dato ca ‘t sé senpar stà sveglio ma t’è mai capì gnint.

Pino                     Andema vecia , ma set sicura che trenta guse da Valiom le sia bastansa?

Caterina            Sa ‘t vo mia andar al Creator pensi ‘d sì!

(Escono Caterina e Pino. Rientra Emma con in mano un vaso riempito con i fiori di Emilio. Entra

Ermes con un mazzolino di fiori di campo

Ermes                 To Emma i era csì bei ca ‘m sun fermò a catari su par ti.

(Emma è commossa)

Emma                 Grasie caro, che bel penser ca ‘t gh è vì. Ho mai ricevì fior in tita la me vita e incò

adritura du mas!

(Ermes vede i fiori di Emilio)

Ermes                 Ei d’Emilio?

Emma                 Veramente iè mii, però sì ,mi ha regalà lu.

Ermes                 S’es savì ca ‘t piasea i fior ‘t n’avria mandà di bei mas gros!

(Emma guarda il mazzolino di fiori di campo)

Emma                 L’è un bun inisi Ermes.

Si chiude la scena


La nuova scena inizia con Ermes e Emma seduti al tavolo. Entrano Betti, Stefano Obler e Emilio

Emilio                 Che bela giornada ch en pasà, l’era na vita ca andao pu a pescar.Pecà che Stefano la

liberà tuti i pes senò avresom fat na bela fritura.

Obler                  Nella pesca sprtiva così si fa!

Stefano                Ma l’Emilio l’è pran sinpatic! Pensa ca al m’ha invità apasar le ferie a casa sua.

Emma                 Da quel ‘n parlarema

Ermes                 Senti Emilio, gh em da parlar mi ti e la Emma.

Emilio                 ‘T gh è ragion : l’è ora da metar tute le carte in taola.

Stefano              Sa gh è da parlar d’afari mi preferisi andar a far un gir, vegnat Betti?

Betti                    Vengo volentieri.

(Emilio di nascosto verso Obler)

Emilio                 Senti tienimeli fuori per quache ora!

Obler                  Giunti siamo al nocciolo della questione ah!

Emilio                 Sì, o la va o la spacca!

Obler                  Ragazzi se venite vi porto in un bel ristorantino en collina, bene me ne parlarono!

Stefano              Par mi va ben m’è gnì na fam!

Betti                    Pure io tengo appetito

Obler                  Andiamo!

(Escono Betti, Obler e Stefano.Rimangono Emma Ermes e Emilio. Si sidono al tavolo ma per un

minuto nessuno parla)

Emma                 ‘M par d’esar chi in atesa da bear un bicer d’oio ‘d risin.

Ermes                 Sa ‘s comportema da persone civili nisun gh avrà da bear dl’oio ‘d risin.

Emilio                 Par mi Ermes ‘t sé senpar stà al fradel ca gh ho mai avì e ‘m dispias darat un

dispiaser so ca sarà una delusion par ti ma mi sun al padar naturale da Stefano  .

Ermes                 Forse al delus ‘t sarè ti pachè mi al saveva sa’

Emmaa              Ma ti com a favat a saveral che mi ‘m sun mai confida con nisun?

Ermes                 Gh era mia bisogn da parole, mi vintisie ani fa u vist quand andavi mano nell mano

vers la buschina. Sun mia tant brao in matematica ma un pu un sun bun da faral

anca mi.

Emma                 E ti pus savendo ta m’è lasà con cal peso chi in sal cor e t’è mai parlà?

Ermes                 Però mei da ti gh era nisun ca’l pudea saver e t’ha m’è mai dit gninte.

Emilio                 Sol mi al saveva mia.

Ermes                 Ades ta ‘l sè ,cosa canbia’?

Emilio                 Canbia tut e mi agirò da conseguensa.

Emma                 Speri tant ca ‘t vurè mia turbar la serenità dal me Stefano! Tal perdonaria mai. E la

Betti, et mia pensà a tu fiola ?

Emilio                 Prima ‘d tut la Betti l’è mia me fiola.

Emma                 E chi saresla alora?

Emilio                 Gninte, una persona sensa inportansa

Ermes                 E una persona sensa inpotansa ‘t la porti chi a casa mia a turbar me fiol

Emilio                 Nostar, fiol.

Ermes                 Fiol da nualtar tri?!

Emilio                 Ema, vegni con mi……Fin ades sun sta un poc da bun ma sun dispost a canbiar vita

Emma                 Ma cosa disat , t’è voltà al sarvel!

Emilio                 Ema ho capì da mia esarat indiferent e pu gh è Stefano, mi posi far tant par lu.

Ermes                 Se le robe le sta csì Ema mi par la tu felicità sun dispost a fam da part e ‘t lasi libera!

(Emma è sbalordita, si alza furosa))

Emilio                 Grasie Ermes ‘t sé un grande. Et sentì Ema ‘t se libera.


(Emma si alza , è furiosa)

Emma                 Sun Sbalordida! Mi Credi che qesto al sia un manicomio!’M par da esar na bala ca ‘v pasè l’ un con cl’altarMi stracà tuti du. Ti Ermes con al tu grade amore passivo. E ti

Emilio con al tu smisurà egoismo. E quel ca pensi mi a chi interesa?

(Emma sta per uscire i due cercano di fermarla))

Ermes                 In du vet?

Emilio                 Speta!

Emma                 Emilio L’è mia mi ca ‘t vo, ma la tu viita ca ‘t gh evi quand ta stavi chi, turna a esar

quel ca ‘t s’eri, na persona onesta!

(Emma riesce a fuggire inseguita dai due . Da fuoriscena)

Ermes                 Dai , mia far csì!

Emilio                 Emma, Tosca, vesì la porta

Emma                 Gnanca morire!

(I due uomini rientrano)

Ermes                 Gnit da far la s’è serada dentar in la casa dla Tosca e i ha tiràal cadnas.

Emilio                 Forse l’è mei lasar pasar la not. Dman vedrem tut pusè ciar

Ermes                 Va ben! L’è la prima volta ca pasi la not sensa la me Ema.

Emilio                 E mi alora ca n’ho mai pasà gnanca una insiem ala tu Ema!

Ermes                 No, se ben ricordi una ‘t l’è pasada!

Emilio                 Ermes senti, ‘m dispias, e credam mi ‘t voi ben cme un fradel………

Ermes                 E sa ta ‘m vulesi mia ben alora cosa ‘m faresat? ‘T se gni con l’itension da portaram

via la casa, na volta chi ‘t vo rubam la muier muier e al fiol. Pensac stanot csì

dmatina ‘t vedrè le robe pusè ciare

(Ermes si ritira e Emilio rimane solo. Prende la bottiglia e si versa un bicchiere di vino lo beve tutto

d un fiato e poi ripete l’operazione.)

Emilio                 L’è mei ca vaga a let ala svelta, chi sinò da mes astemio dventi alcolisà!

(Entra Obler )

Emilio                 I pudlet in du ei?

Obler                  Fuori suggno, a giaddare la luna. Concluso l’affare iè ?

Emiliio                Adesso non ho voglia di parlare, domattina presto preparami l‘auto che devo

andare in città di buonora.

(il giorno dopo)

(Caterina sta ultimando il maglione di Obler . Entra Obler)

Caterina            Brao Obler ca ‘t se chi . Ho fnì al maion proal sal và ben. Gh è na manga diferenta parchè sun restada sensa lana .


Obler


OH zi Catarina iè bellessino, originale!


(Entra Pino)


Pino Caterina Pino Obler


Originale ‘d sicur, pensi ca gh a ‘n sia sul uno precis, al mio. E la Ema in due la fnida

l’è senpar la prima a alvaras su! La sarà mia malada ne?

Gh ho mia idea, iersera la stao ben!

E l’Emilio in du el?

Si recò in città in auto stamattina pretto!


(Entra Ermes)


Pino Ermes Caterina


Menomale ca ta csè ti almen ti , iè sparì tuti!

Mama par pisar va a casa dla Tina a ciamar la Ema l’è lì da iersera . Serca da farla

ragionar.

I tacà da lit uatar du?


Ermes                 No, nualtet tri gh era anca Emilio ‘d mes.

Caterina            Ai, ai! Sercarò da far dal me mei!

(Esce Caterina entrano Betti e Stefano mano nella mano)

Ermes                 E uatar du di in du gnì fora?

Stefano               Sem sta tuta not fora a parlar.

Betti                     Sì, dovevo un chiarimento a Stefano, lui  è così candido e buono.

Pino                      Al so ,l’è un cuion cmè su padar!

Betti                     Tutti voi siete stati buoni con me, grazie. Vado a fare le valigie.

Oblie                   E chi dette l’oddine de pattire!?

Betti                     Da adesso io non ricevo ordini da nessuno. Stefano mi porterà alla stazione .Torno a

casa mia .

Pino                      Vet mia a casa con tu padar?

Betti                     Dopo vi spiegherà tutto Stefano.

(Betti e Stefano escono nelle stanze interne. (Obler esce fuori)

Pino                      Senti Ermes , cos’è dre sucedar?

Ermes                 Cosa vot ca ‘t diga papà, al so gnanca mi.

(In quel momento entrano Emma e Caterina, Ermes fa un passo per raggiugerle)

Emma                 Fermo lì, sun tornada par al ben da tuti. Fermo lì son ancora rabida. Come et podì

pensar ca vules lasarat! Cucù . Parchè et volì farar saver tut al Emilio?

Ermes                 Mi volea esar sicur da ti, e po ‘m parea giut che l’Emilio al saves la vrità.

Emma                 Ti ‘t se trp signore Ermes, e l’è mia ‘d moda!

Caterina            L’è inutil, t’ho fat trop bun!

(in quel momento entrano Emilio e Obler)

Emilio                 Mi la me decision l’ho ciapada sa da iarsera. Obler va a tor le valis in camera mia

ca pertema. (Esce Obler)

Emilio                 Ermes, son andà dal noder, e questo l’è al documento in du mi ‘t cedi la me metà

dla casa. L’è giust cla ‘t resta tuta a ti e mi sun content da regalartla

Ermes                 Grasie, ma mi voi pagarat la tu part!

Emilio                 Gh ho da dirat ca ‘t gh è ragion , mi sun un ladar ma mia con ti ca ‘t sé me fradel.

Ermes                 Par senpar! Al saveva mi da mia sbagliaram in al giudicarat!

(i due uomini si abbracciano. Poi Emilio si avvicina ad Emma)

Emilio                 Adio Ema, ciao

Emma                 Ciao Emilio , T’auguri d’esar felice.

(Obler entra con le valigie)

Obler                  Saluto tutti e grazie a te zi Catarina.

(Obler e Caterina s’abbracciano)

Caterina            Obler sentarò la tu mancansa.Scrivì telefonè.

Pino                     Emilio , bun vias e pensas na qual volta.

Caterina            E nualtar sicuramente pensarem a ti Emilio

Emilio                 Grasie!

(Escono tutti tranne Caterina e Pino)

Caterina            E ades chi è ca ‘m tegn su la matasa dla lana, Obler al mea via ben!

Pino                     Ma ch sun senpar mi, vecia

Caterina            Ti e gnid da sena! Però cme riserva ‘t ciapi in parola subit!

(Caterina prende la matassa di lana e la mette sulle braccia a Pino)

Caterina            Dai Pino, tira su chi bras lì sinò coma faghi a far su al gamisel?

Vè,cme diversivo ghe sul da far di maiun, chi suced mai gnint!


Fine


    Questo copione è stato visto
  • 1 volte nelle ultime 48 ore
  • 1 volte nell' ultima settimana
  • 1 volte nell' ultimo mese
  • 3 volte nell' arco di un'anno