Tatonno e Ciccillo


Notice: Trying to access array offset on value of type bool in /home/mhd-01/www.ateatro.info/htdocs/wp-content/themes/consulting/partials/content-post_details.php on line 9

Notice: Trying to get property 'slug' of non-object in /home/mhd-01/www.ateatro.info/htdocs/wp-content/themes/consulting/partials/content-post_details.php on line 9
Stampa questo copione

Personaggi : Tatonno e Ciruccio

Titolo:              “ Tatonno e Ciccillo “

Genere:            prosa

n° atti:             1

n° personaggi: 2

Durata:            20’

Rappresentata:            2003

Due amici disoccupati decidono di intraprendere la carriera artistica, per la precisione, uno, quale cantante, l’altro, quale chitarrista.

La scelta è stata effettuata in base al fatto che i due sono più che convinti che questa è l’unica possibilità di guadagnare tanto e lavorare poco.

Però, durante il percorso, Tatonno, rendendosi conto dei limiti scaturienti dalla inesistente conoscenza dell’arte canora, decide di iniziare a studiare con un maestro e consiglia a Ciccillo di fare la stessa cosa, con un insegnante di chitarra. Si lasciano quindi con l’impegno di ritrovarsi per il prossimo impegno, preparati, ognuno per le proprie competenze artistiche.

La scena ha inizio proprio il giorno di questo incontro. Incontro che evidenzia come l’approssimatività nel voler fare le cose, la mancanza di umiltà, la poca serietà professionale e la mancanza di cultura, possano determinare una mancanza di rispetto sia per pubblico, ma anche per se stessi. Nulla si crea dal nulla, lo studio, l’esperienza e la conoscenza dei propri limiti sono alla base di tutte le attività. Infine è importante comprendere che la propria bravura deve essere, riconosciuta dagli altri non serve a nulla ed a nessuno, il vantarla in prima persona.


-10° EPISODIO

Personaggi : Tatonno e Ciruccio

Tatonno passeggia nervosamente e guarda l’orologio  ….

T.-             è semp’’a solita storia, je l’’è dico e venì puntuale, e chillo nun so’ fa’ passa manco p’’a capa….  Ma appena vene me sente….

( arriva Ciruccio ……)

C.-             Né Tatò, tu gia staje ccà!

T.-             prima di tutto t’aggio ditto mille vote ‘e nun me chiammà Tatò!, je me chiammo Antonio, ce simmo spiegate!.... al massimo Tony….

C.-             e va buò Tatò ….

T.-             ancora? … ma allora vuò romper’’a società?

C.-             jammo nun te piglia collera ‘o saje ca je pazzeo …. Mò parlammo e cose serie

T.-             ma pecché je steve forse cuntanno barzellette?

C.-             stammo nu pucurille pigliate ’e sole stammatina, è overo?

T.-             Tu pazzie, tanto pe’ t’ho fa’ sapé, l’appuntamento era ‘e 9 e mo’ song’’e 10 passate e….

C.-             aggio truvat’’o traffico, c’aveva fa’, vulavo?…

T.-             ma si te fusse aizzato primma….

C.-             nun è possibile,

T.-             comm’’è nun è possibile?

C.-             ‘o miereco me l’ha ditto chiaramente: “Cirù, si vuò sta buono i’ a durmì almeno ott’’ore”…..

T.-             embé?

C.-             e je dormo just’’ott’’ore! …. Devi sapere ca pe’ nun sbaglià, a sera, primm’’è ire a cuccà, me faccio buon’’e cunte e mecc’’a sveglia justo, justo ott’ore doppo….

T.-             e chesto che significa, vo’ dicere ca tu, sapenno ca tenive n’appuntamento cu mme, te iv’’a cucca primma!

C.-             giusto! …. nun c’avevo penzato, va buò, sarrà pa’ prossima vota, mò, famme capì, c’avimm’’a fa’?

T.-             avimmo ‘a fa’ e prove ca dimane tenimmo n’impegno importante….

C.-             ma che provamm’’a fa’ tanto je nun saccio sunà, tu nun saje cantà, a gente nun se n’’è maje accorta, jammo buono commo stammo….

T.-             si? … bellu guagliò, si tu vuo’ rimané  sempe na mezza cazzetta, je no!, pirciò, pigli’’a chitarra e accuminciammo a fa doje scale

C.-             è indispensabile?

T.-             certamente, ma pecché?

C.-             stong’’ancora miezz’’addurmuto e nun saccio si c’ha faccio a sglì….

T.-             ma addò vuò saglì?

C.-             ‘ncopp’’a ‘sti scale!

T.-             fa poc’’o spiritoso, ignorante! ‘e scale songo chelli musicale, tu te’ faje ‘ncopp’’a chitarra, e je cu ‘a voce. Jammo, priparate c’accuminciammo. Damm’’a nota p’accurdà a voce…

C.-             ecco qua, pronti….

T.-             pigli’’o LA

C.-             c’aggi’’a piglià?

T.-             LA!

C.-             LA l’aggio capito, ma che cosa?

T.-             miezze scemo, LA è ‘a nota LA!

C.-             ma nun t’ha pozzo da ccà!

T.-             Tatò, cerc’‘e nun perdere ‘a pazienza….,

C.-             ‘o vide c’aggio ragione je, tu te chiame Tatò!

T.-             che c’azzecca, je me pozzo chiammà commo me par’’e piace, tu no!... comunque dammell’’a ddò vuò tu, basta ca ce muvimmo…

C.-             e no, je già si stongo fermo è nu miraculo si riesc’’a sunà quacchecosa, si m’aggio ‘a movere, nun rispondo d’’o risultato….

T.-             è meglio c’accuminciammo damme ‘sta nota, anze scigliene una a piacere tuojo, però dimme che nota piglie..

C.-             è importante?

T.-             è certo je aggio a sapé chello che me daje….

C.-             si te dong’’o MI te piace

T.-             chillo c’ho daje a soreta!

C.-             che capito je parlavo d’’o MI ‘ncopp’’a chitarra…..

T.-             e je ‘o tuojo nun ‘o voglio a nisciuna parte!

C.-             allora che te dongo?

T.-             ma comm’’aggi’’a fà cu te, …. Nu chitarrista accompagnatore nun dice: che te dongo?  .. dice: che vuoi d’appoggio?

C.-             e va bene, commo vuò tu, te l’appoggio?

T.-             Ciru! Pigliame nu DO, e nun ne parlammo cchiù!

( si prepara con la chitarra e prima di suonare la nota…)

C.-             allora in Do sta bene?

T.-             ma a tte che te ne ‘nmporta, chiste so’ fatte de mje….

(  suona una nota  bassissima, Tonino cerca di prendere la nota ma emette solo un lamento straziante e cupo…)

T.-             DOoooooo!

( Ciro ridacchiando…)

C.-             Par’’a sirena ‘e ‘na nave …..

T.-             ce sta poc’’a fa ‘o spiritoso, pecché me l’’e acalata ‘e chesta manera?

C.-             je nun t’aggio acalato niente, vire buono ca forze t’’è scurdat’’a currea

T.-             ma che staje ammaccanno, fa ‘o serio e piglia stu DO cchiù aveto!

( Ciro risuona una nota un ottava più alta, e toni nemmeno riesce a prenderla esce solo una vocale stracciata……)

T.-             DOooooooooo…aaarchhhh! ….

C.-             e chesta manch’’e bona!

T.-             si tu ca nun si buono, ma ch’era nu Do chilla ch’’e pigliato?

C.-             ma che ne saccio, aggio pigliata ‘na cosa…

T.-             Cirù ma ‘e cunusc’’e note ‘ncopp’’a chitarra? ….

C.-             je te l’aggio ditto, jammo commo avimmo sempe fatto, ca è meglio.

T.-             allora nun te si proprio priparato, commo stive accussì staje!?!?

C.-             ma chell’’è complicato, je aggio tentato, ma nun ce riesco!

T.-             facimmo ‘na cosa, je me faccio ‘e scale pe’ me schiarì a voce e tu m’accumpagne…

C.-             pecché addò jemmo?

T.-             a nisciuna parte, stammo ccà! … vieneme appriesso….

C.-             a commo vene?

T.-             si, tant’’o maestro me l’ha ditto e m’ha dato pure e note pe’ fa l’esercizio… ( estrae alcuni foglietti dalla tasca ed inizia a cantare…)

T.-             LA  SOL  RE  LA  DO  MI  MI …. SI FA FA RE SOL SOL FA …. SOL SOL FA  SI FA  FA  RE  LA SOL RE  LA DO MI  MI

( Ciro guardando Antonio……)

C.-             FA  LA  FA ….. FA   LA  FA ……

( Antonio interdetto……)

T.-             ma che staje facendo?

C.-             te facc’’o coro…..

T.-             ma qua coro e coro, tu devi solo suonare, ‘e capì!

C.-             je vulevo collabborà!

T.-             e collabora sunanno….

C.-             a proposito, lievame ‘na curiosità, che ne saje tu ‘e stu fatto da’ sora ‘e Don Mimì?

T.-             chi è mo’ ‘sta sora e Don Mimì?!?

C.-             commo tu mo’, mo’! l’’è fernuto e dicere…

T.-             ma che cosa? … nun te capisco, spiegate meglio…

C.-             tu ‘e ditto che ‘a sor’’e Don Mimì se fa fa’ ‘ncopp’’o sofà, e je voglio sapé commo l’’e saputo, ecco tutto!

T.-             je aggio ditto chesto?

C.-             e, vuò vedé ca me l’aggio sunnato, je a te stev’’a sentì, tant’’è ca t’aggio pure risposto: Falla Fa! ….

T.-             No, tu nun sì mezzo scemo, tu si tutto scemo! … quello è l’esercizio che m’ha dat’’o maestro….

C.-             aggio capito, aggio capito….

T.-             no, no, famme capì pur’’a mme chello che capito!

C.-             e semplice chill’’o maestro s’antende cu ‘a sor’’e Don Mimì…

T.-             Cirù, statte n’anno zitto ca nun ‘e capit’’o riest’’e niente! Jamm’’annanzo ca è meglio….

( gira un nuovo foglietto e….…)

T.-             LA!  …. SI  LA! ……….  SOL DO! ….

( Ciro si guarda intorno perplesso.)

C.-             addò stanno!

T.-             SOL DO!  ….. LA! …. SI LA!...

(Ciro  gira intorno e…..…)

C.-             a che parte, je nun ‘e veco? 

T.-             SOL  SOL FA! …….   SI   LA!     …. SOL SOL FA!

(Ciro si ferma e…..…)

C.-             ah….. allora song’’e sorde da’ sor’’e Don Mimì?

T.-             MI  SI   SOL  RE LA  MI!  …..  MI  SI   SOL  RE LA  MI!

C.-             mo’ nun aggio capito ….. allora e soreta?

T.-             no, e mammeta! … ma insomma, nun sulo nun faje niente, nun me faje fa’ niente manc’’a mme!

C.-             ma tu….

T.-             basta! … cu te nun se po’ fa’ nient’’e buono. Pruvamme ‘na canzona ca fors’’e meglio….

C.-             che facimmo?

T.-             Carmela è ‘na bambula, che dice?

C.-             hai ragione, specialmente quanno se mette chella minigonn….

T.-             ma che capito? Je dic’’a canzona!

C.-             ah.. scusa, m’ero distratto….

T.-             accordo!

(Ciro si posiziona a mo’ di chitarrista Rock e dimenandosi …..…)

C.-             d’accordo! … ok!  ….

T.-             Né! Uhè!

C.-             Madamm’’e misser …

T.-             oh! .. è allora! …

C.-             awana gana …. Oghei….

T.-             ma ch’’è stato!?!

C.-             Ciruz ande Taton  sciò …. Uanema de’ meglio zezzenielle!

T.-             Né! Uhè! … ma che passato?!?! ….. CIROoooooo! (Ciro si ferma..)  e chiste che mode so’, nuje ‘na canzon’’avimmo ‘a fa’, mica nu concerto rock! …. Damme l’accordo p’accumincià ….

(Ciro si siede posiziona la chitarra e suona un accordo…Antonio sta per iniziare poi si ferma e……...)

T.-             suggeriscem’’e parole ca nun m’’è ricordo…..

C.-             accuminciammo buono!

T.-             fa poc’’o spiritoso, ca je te sento, accuminciammo, comm’’avimm’’accumincià!.....

C.-             je però t’ho dico primma ‘sta canzone a conosco a modo mio….

T.-             a modo tuojo, a modo mio, comm’’è è abbasta ca ghiammo annanzo, vaje…

(Ciro risuona un accordo… e inizia a suggerire….)

C.-             Carmela è ‘na bombola…

T.-             Carmela è ‘na bombola? .. ma si sicuro?

C.-             Vaje Tatò, che accussì accumenci’’a canzona, vaje….

T.-             Carmela è ‘na bombola

C.-             è fa’ ‘o gass cu mme!

T.-             è fa’ ‘o gass cu mme!

C.-             ‘o pat’’e cannibale, nun m’ha vò fa’ avvedé!

T.-             ‘o pat’’e cannibale, nun m’ha vò fa’ avvedé!

C.-             ma je aggio truvato, nu bellu ritrovato….

T.-             ma je aggio truvato, nu bellu ritrovato….

C.-             Carmela joc’’a tombola, pe me venì a truvà…  e fa’ fess’’a mammà!

T.-             ma nun’’er’’a papà?

C.-             a mammà!

T.-             ma si sicuro?

C.-             certamente, ho dice pur’’a frase: è fa ‘a fessa  a mammà, nun po’ essere a papà te pare….. vaje annanzo tatò!

T.-             e fa’ fess’’a mammà!

C.-             c’’e mancat’’o piezz’’e coppa….

T.-             ma pecché a mamma purtava ‘o due pezzi?

C.-             no, che capito, ‘o piezzo da’ canzona: Carmela joc’’a tombola, pe me venì a truvà… ; e po’ fa’ fess’’a mammà!

T.-             e giusto, è giusto! E chello ca è giusto  è giusto, dunque damm’’a nota…

C.-             pecché me vuò ire a fa’ ‘a spesa?

T.-             imbecille ‘a nota ‘ncopp’’a chitarra, jammo muovete ca si no perd’’a concentrazione…..

( Ciro strimpella un’accordo…..)

T.-             Carmela joc’’a tombola, pe me venì a truvà…  e fa’ fess’’a papà!

C.-             e cu ‘a scusa ca joc’’a tombola ne ‘sta bombola saje che fa’

T.-             e cu ‘a scusa ca joc’’a tombola ne ‘sta bombola saje che fa’

C.-             men’’e nummere sott’’a tavula po’ s’acala pe’ piglià..

T.-             men’’e nummere sott’’a tavula po’ s’acala pe’ piglià..

C.-             sott’a tavula ce stong’’je,

T.-             sott’a tavula ce stong’’je

C.-             e l’’e dico sto’ ccà pe’ tte!

T.-             e l’’e dico sto’ ccà pe’ tte!

C.-             ess’’aunanno, aunann’’e nummere

T.-             ess’’aunanno, aunann’’e nummere

C.-             men’’o sidice ‘nman’’a mme!

T.-             men’’o sidice ‘nman’’a mme!

C.-             mah!

T.-             cher’’è ‘stu mah! … forse can un t’’è piaciuta?

C.-             no, nun dico cheto sulo che…

T.-             sulo che, che cosa? … parla!

C.-             ce vò ’o coro….

T.-             chiù e chello ca c’aggio miso, je l’aggio arignut’’e sentimento….

C.-             si ma ‘o coro ce vò!

T.-             e je te dico ca ce l’aggio miso!

C.-             ma nun è chello ca dico je, je parlo d’’o coro chilo ca mentre tu cante isso te risponde e…

T.-             ignorante! Ecco lo vedi  si fusse jut’’addò maestro parlasse e te facisse pure capì. Tu staje parlanno d’’o coro vacale, il coro musicale..

C.-             esattamente!”

T.-             embé quale fosse ‘stu coro?

C.-             si, ma tu avissa cantà n’ata vota ‘o finale…

T.-             quale?

C.-             ‘o fatt’’e: “ess’’aunanno, aunann’’e nummere” …. Ah!, aspetta nu mumento, ‘ncopp’’o finale tu annanzo e je appresso ce ne uscimmo a tempo e musica. Così facciame pure l’uscita alla grad’’artista…

T.-             ess’’aunanno, aunann’’e nummere men’’o sidice ‘nman’’a mme!

C.-             je ‘o piglio e m’arrecré …  je ‘o piglio e m’arrecré … je ‘o piglio e m’arrecré …  je ‘o piglio e m’arrecré ………. (Antonio esce seguito da Ciro che continua ad libitum …..) je ‘o piglio e m’arrecré …  je ‘o piglio e m’arrecré …

    Questo copione è stato visto
  • 0 volte nelle ultime 48 ore
  • 0 volte nell' ultima settimana
  • 0 volte nell' ultimo mese
  • 3 volte nell' arco di un'anno