“TI A SAI L’URTIMA?”
Commedia brillante in due atti di Anna Pignatta & Luigi Cavicchia
PERSONAGGI in ORDINE di APPARIZIONE
AMALIA Moglie di Attilio
ATTILIO Padrone di casa
MARTINO Figlio di Amalia e Attilio
NICULIN Fratello di Attilio
REBECCA Compagna di Martino
POMPONIA Cugina di Amalia
PEPIN Padre di Niculin e Attilio
OLGA Badante rumena di Pepin
AMEDEO Commesso del negozio alimentari
LA SCENA
Soggiorno con divano o poltrone e tavolo di lato. Porta cucina Sx – Entrata Arco centrale- Camere Dx.
*****************************************************************************************
"La vita è come una commedia: non importa quanto è lunga, ma come è recitata."
Seneca
posizione SIAE : n. 898430A
- Scena 1^ - Amalia + Attilio
Amalia (Donna di mezza età. Entra con borse della spesa trafelata) Attilio…Attilio
(quasi piangendo) ti a sai l‘urtima? Attilio, sta a sente cose l’è capitau!
Attilio ( Uomo di mezza età. E’ seduto sul divano o poltrona che legge il giornale
quasi rassegnato ) Na Amalia nu a saciu, sentemu, cose l’è capitau……
Amalia ( Con enfasi quasi piangendo a voce alta ) L’è morta a scignura Matilde, ti
capisci?
Attilio ( sempre leggendo ) A scignura Matilde?
Amalia Sci ti hai capiu beniscimu….A scignura Matilde, duve vagu a travaià mi ina
vota a setemena a faghe e pulizie e tu ti ghe favi caiche pecin travaietu a tempu
persu in cà e in te l’ortu… (li toglie il giornale da davanti) Attilio gardime
(risentita) ti hai capiu? Povera scignura l’eira cuscì brava….(piange)
Attilio (con sarcasmo) Eh sci meschineta me despiaxe tantu l’eira cusci zuvena….
(fa il simpatico) Nu l’aveva mancu 100 ani, s’è fermà a 99...(ride)
Amalia (risentita) ti sei propriu in grebanu maralevau… nu l’è l’età che gh’è scrita in
sciè a carta d’identità ca conta, ma chela che un se sente de avè…..
Attilio E alura se ve che a scignura Matilde, in te in mumentu de distrasiun, a se
ricordà l’età - chela vera - e a ghe restà seca (ride)
Amalia In cu tu nu se po propriu parlà, nu ti capisci ren…..
Attilio Na ti sei tu che nu ti capisci ren; u fatu l’è che Matilde l’è morta, e
vistu che nui purerescimu ese in tu ……… ti hai capiu?
Amalia Na…na….. nu hon capiu cose l’è che ti voei di?
Attilio Ti vei, l’autru giurnu son andau da ela a scangià ina lampadina e poei a me
dixe: “te vurevu ringrasià pe tutu chelu che vui fai pe mi, prima de moire me
aregorderon de vui“, ti hai capiu avura?
Amalia ( che realizza smette di piangere ) Hauuu alura ti voei di che semu in tu
testamentu de Matilde?
Attilio Po ese…..po ese……
Amalia Speramu, ina bela nutisia ghe stareva ben de si tempi in te su urtimu
mese…prima l’incidente de to frai che avura u sta da nui finchè nu se
repìa,….to paire che u sta in te l’apartamentu chi de suta che u l’è mesu andau
e duvemu pagà anche a badante
Attilio Beh…beh….Pè lò ghè l’accumpagnamentu….e poi avemu fau ben a pià Olga
l’è ina brava zuvena….a l’è Rumena ma parla ben a noscia lenga l’è tantu che
l’è in Italia e poi a se fa capi in cu i oii….eh sci a g’ha dui oii….(mima le forme
del seno)
Amali a (seria) Sci va ben,(cambia tono) poi nosciu fiu Martino - pecin - che u l’è
andau a cunvive …..in cu (come se non le piacesse) chela garsuna; e poi
stamatin a telefunà da fia de me cuxina ca vegne a truvane e a se ferma chi
pè in po’ de tempu…..
Attilio Sci speramu ca sece scangià in po’, a l’eira in rabelu da pecina, sempre in
sciè i libri…in cu a goeba e poi se me a ricordu ben l’eira antipatica
Amali a Sulu perché l’è ina mia parente! Garda che ela a l’ha studiau tantu
meschineta. Avura l’è stà tantu all’esteru perché a l’insegna a sua materia.. ti
sai ela a l’è ina ornitologa
Attilio Cose l’è?
Amali a Ina ornitologa sci ela studia i auxeli….
Attilio oh belina….nu l’avereva mai ditu eh va ben! A fia de ta cuxina a se ferma
sulu pè in pò de tempu, e poi nosciu fiu l’eira ura che u se levese dae bale ti
l’hai fau vegnì abelinau, ti l’hai tirau sciù cume in ciciò….e speramu che sa
garsuna a sece chela giusta e che a u maneze in po’ cume ina camiuneta…
Amalia Attilio ciantila…..Martino nu l’eira pruntu u l’ha sulu 30 ani…
Attilio Sulu? Mi a sua età eiru già mariau e avevu già avuu in muiu de
done….(occhiataccia di Amalia) scusa Amalia, sulu pè di che me paresce in
po’ intregu…a tute e mode u prublema ciù grosu l’è me frai Niculin,… su lì nu
se rimete ciù, u ne resta in te bale a nui
Amalia Beh, u l’è sulu e poi u l’e ancù fantin…semu nui a sua famia
Attilio U l’ha 50 ani, duve u a troeva avura in strasu de dona che u se u pie? E poi,
ridotu cumu l’è dopu l’incidente….nu se rigorda ciù da marsu a avrì e u
pensa che i son i autri sensa memoria e in cu tute e meijine cu pia u deve
ciantala li de andà pè goti sedunca u diventa abelinau du tutu…poi propriu
avura che paresce che Olga a badante ghe faghe in po’ u fi….
Amalia L’è vera meschinetu ma nu puremu staghe aproeu tutu u giurnu e u meigu u
l’ha ditu che u patisce de “perdite di memoria a breve termine” e
sdoppiamento della personalità (con le lacrime) sulu in miraculu…mi pregu
tantu tantu Sant’Ampeiu tuti i giurni…..
Attilio L’è pè lò che ese eredi de caicosa sareva in belu corpu….
Amalia Speramu…..(entra MARTINO)
- Scena 2^- Detti + Martino
Martino (Figlio di Attilio e Amalia. Si capisce che è un poliziotto o carabiniere. Avrà
una pettinatura fuori moda tipo riga da una parte e capelli schiacciati. Vestirà
anche fuori moda con colori un po’ tristi grigio, beije, marroncino, verde
acido. Porta occhiali da vista e ha l’aria imbranata) Ciao Mà (si avvicina e gli
da un bacio sulla guancia) Ciao pà
Amalia Ciao Martino pecin cose ti fai chi?….
Attilio E Rebecca duve a l’è?
Amalia Da candu sei andai a cunvive nu ve fai ciù vè.Se ti ne avisavi che ti pasavi de
chi te preparavu caiche ren: in turtelu, due lasagne in cuniu, caicosa da tirate
sciù …e magari caiche bescutelu (per giustificarsi) ti me paresci in po’ patiu
(lo accarezza)
Attilio (lo squadra da cima a fondo) Patiu? Gardilu paresce in bonzo de riace (poco
convinto) ciantila de sufucalu l’è ura che u se descie in pò
Martino Forsci ti vurevi di: “bronzo de riace” a tute e mode, Mama l’è in mese che
son andau via de ca, nu son mia andau in ghera e poi Rebecca l’è ina brava
coega: a me prepara sempre sofficini, bastoncini, tonno, piselli, toast, quattro
salti in padella e uova al tegamino e poi avemu u frigu stipau de chelu che ti
me dai tu…..
Amalia (stupita balbettando ma arrabbiata) Quattro salti in padella?
Martino (intimorito) Beh….de vote sci…
Attilio De vote? Che tempi….Sareva meiu che 4 sauti ti faresci…da in autra
parte magari in sce u leitu….cume se custumava ai nosci tempi l’è vera
Amalia?
Martino (si vergogna) Ma cose ti dixi?Va ben pà va ben hon capiu taiamu curtu, son
pasau pè dive ina cosa impurtante. (professionale)Duvei savè che a Scignura
Matilde l’è morta
Amalia Sci u savemu…hon sentiu a nutisia in ciasa, povera dona….
Martino Eh sci propriu povera dona, l’avemu truvà morta a tora sulu perchè stamatin u
garsun da bitega candu gha purtau a spesa nu l’ha avuu risposta…..u l’ha
sunau e poi l’ha ciamau nui….cuscì semu andai a vè e l’avemu truvà a tora
dura cume in baccalà……e cusci avemu cumensau e indagini perché u meigu
u dixe che pe elu l’è morta avelenà….
Amalia Avelenà…ma ti sei seguru?
Attilio Seguru Amalia, garda che nosciu fiu l’è in bon detectivs….cume chelu da
televisiun… Colombo!
Martino A parte che ele u l’eira tenente mi nu son in detective….son in carabinè
Amalia E avura cose fai?
Martino Avura i ghe fan l’autopsia e poi vieremu.
Amalia Ma nu ghe posciu crede…..avelenà a l’eira cuscì brava….
Attilio Brava….l’eira ina lingera e spilorcia….candu andavu in te l’ortu a faghe
caiche travaiu me cuntrulava da fenestra che nu me piese ren da purtà a cà…e
poi a criava sempre in cu i fioi chi giugava e tutu ghe dava fastidiu….
Amalia Ciantila….Attilio, fa parlà Martino
Martino Sci avura avemu cumensau e indagini. Pensai che l’avemu truvà in sce a tora
ancura in cu u bucun in buca….e pensamu che su li sece u corpu du reatu
Attilio Oh bella da nui se cose i nu s’hon mai capitae me paresce in telefilm da
scignura in gialu
Amalia ma cose l’è ca mangiava, nu pureva mangià ren a se fava sempre u
minestrun….e mere cote
Martino Autru che minestrun! A scignura se tratava ben; in scè a tora gh’eira ancù a
casarola in cu in belu cuniu….
Attilio (balbettando si sente male e si asciuga il sudore)…..in cuniu? Ti sei
seguru…magari l’eira ina levre che i se asumeia…na?
Martino na…l’eira in cuniu…..t’hon ditu….
Attilio (si accascia sulla poltrona)
Martino Beh (guarda l’orologio) l’è tardi devu propriu andà
Amali a na aspeita che vagu in cuxina a pià caicosa da mangià pè vui…..
Martino na grazie avura devu pasà in caserma e poi vagu a pià Rebecca che l’è andà
dau meigu. Pasamu ciù tardi….Ciau (esce)
Amali a cose ti hai, nu ti te senti ben ?
Attilio (sta male) na, dopu sa nutisia nu stagu gairi ben
Amalia ma ( che non capisce ) mi nu capisciu nu savevu che ti eiri cuscì afesiunau a
Matilde, ansi credevu che nu ti purevi viela gairi
Attilio e l’è cuscì, ti dixi ben…..
Amalia e alura cose ti hai ?
Attilio ( fa un bel respiro ) alura vegni chi ( la tira verso di se ) che nosciu fiu nu deve
senti ren, alura Matilde l’è morta avelenà giustu
Amalia Giustu e alura?
Attilio L’ha truvà in cu in cuniu in te ina casarola?
Amalia sci
Attilio Eben chelu cuniu ghe l’hon preparàu e regalàu mi
Amalia ( stupita ) tuuuuuu????
Attilio Sci mi stavu andandu a aigà l’ortu candu me son truvau su cuniu servaigu
davanti cu ranghesava, me son avixinau e elu nu l’ha mancu tentau de scapà
alura hon pensau se mi piu su cuniu u cuxinu, ti sai che hon imparau a cuxina
candu eiru imbarcau in sciè a Montecuccoli, e u portu a Matilde magari ela
veramente a se ricorda de nui in tu testamentu cuscì g’hon dau in bota in sce a
testa l’hon purtàu in campagna da nui in tu casun e l’hon pelàu, l’hon fau coixe
e l’hon purtàu a Scignura Matilde in cu caiche auriva.
Amalia hon capiu ma Matilde l’è morta avelenà mia pe ina indigestiun
Attilio ma pensaghe ben magari su cuniu u ranghesava perché l’aveva mangiau
caicosa de…… ti hai capiu?
Amalia ma ti voei di che u cuniu u l’ha mangiàu u velen e Matilde mangendulu
Attilio brava ti vei che ti hai capiu (spaventato e agitato)
Amalia besogna dilu a nosciu fiu elu né po’ agiutà….
Attilio na…na….pe avura nu ghe diemu ren, aiga in buca in cu tuti anche in cu me
frai
Amalia Tantu meschinetu ti ghe dixi ina cosa e 5 menuti dopu a se l’è già scurdà
e 3 menuti dopo u se a ricorda turna, poveru Niculin! Be speramu ben, mi
vagu in cuxina ( via dalla cucina contemporaneamente dal centro entra
Nicolin )
- Scena 3^ - Detti + Nicolin
Nicola ( uomo sulla cinquantina fratello di Attilio ogni tanto si scorda le cose per poi
ricordarsele improvvisamente tutto a causa di un incidente sembra abbia una
doppia personalità ) (entra agitato) (spesso avrà uno sguardo perso nel vuoto e
occhi sbarrati)Ciao Attilio hon da date in nutisia bumba
Attilio ( che si immagina quello che gli vuole dire ) lascia perde e bumbe e dame a
schedina
Nicola ( cadenda dalle nuvole ) cale schedina ?
Attilio (con pazienza) prima de sciorte t’hon ditu: pasa da u bar e piame a schedina
Nicola garda caru Attilio che forsci l’è meiu che ti te fai ve da in meigu tu ti credi de
di caicosa e invece ti a pensi sulu ( espressioni facciali di Attilio come per dire
pazienza)
Attilio ( per tagliare ) alura dime che nutisia l’è che ti ne devi da?
Nicola ( guarda con aria stupita ) nutisia e de cale nutisia ti parli
Attilio ma cume de cale nutisia ti sei tu che ti sei entrau diendu che ti ne duvevi da
ina nutisia bumba
Nicola ( compassionevole ) Attilio mi te voiu ben ma cuscì nu puremu andà avanti;
dame a mente, andamu da in meigu e ti vierai che tutu turnerà cume prima
Attilio ( rassegnato ) te a digu mi ina cosa, ti sai che l’è morta a scignura Matilde?
Nicola Naaa cume me despiaxe…ah ecu chi ( tira fuori la schedina ) ti vei nu te
ricurdavi mancu che ti me avevi ditu de pià sa chi
Attilo ( prende rassegnato la schedina ) grasie…grasie… se viemu dopu
Nicola (si riagita) Attilio te devu dà ina nutisia bumba….(scandendo) pensa l’è morta
a scignura Matilde, in tu paise nu se parla d’autru….
Attilio (per assecondarlo) Naaa….che nutisia, menumale che ti me l‘hai dà avura
stagu meiu uhhhh(si avvicina alla porta della cucina la socchiude e dice ) ciau
Amalia mi vagu a ve chelu che se dixe in giru de Matilde, se semu capii? (via
dal centro)
Amalia (dal di fuori) Sci e sta tranchilu pè sa storia ( entra ) ciau Niculin tutu ben?
Nicola sci, però Amalia besogna fa caicosa pe Attilio se scorda sempre e cose
Amalia ( sospirando ) eeeehhhh caicosa faremu
- Scena 4^ - Amalia – Nicola – Martino – Rebecca
Martino ( entrando ) ciau mà, ciau barba
Rebecca (si capisce che non va molto d’accordo con la suocera) Bungiurnu Scignura....
(a Nicola) bona….
Amalia (agitata) ciau Martino (a Rebecca non la saluta. Indagando facendo finta di
niente) ghe son de nuvità da scignura Matilde?
Martino na…na…. A tute mode nu semu vegnui pe a morte de a scignura Matilde
Nicola (stupito) a scignura Matilde l’è morta meschineta…….che nutisia
Amalia ( fa segno al figlio di lasciar perdere ) alura dime pe cose ti sei vegnuu
Rebecca (puntualizza) Semu vegnui…
Martino Sci se se…semu vegnui
Rebecca ( al marito ) se ti permeti parlu mi, che tu magari ti te cunfundi
Martino va ben parla tu
Rebecca ( ad Amalia ) Ecu nui semu andai da in meigu perché…. Perché...
Martino perché nui…. credime che ghe avemu pruvau ( teatralmente ) ma ninte
Amalia mi nu capisciu cose l’è che avei pruvau? (CAMPANELLO)
Niculin ( si intromette ) scusai ma i han sonau
Martino Pè piaxè barba va a vè chi ghè e se ti poi fa in modu de nu fa entrà nesciun pè
caiche menutu
Amalia Pecin, ma mi nu capisciu….
Rebecca Chelu che vuremu di l’è che ela - scignura - a nu poè diventà nona (piange)
Amalia ( scioccata ) ma….ma….ma….. ti voei di che
Rebecca sci (sempre piangendo) avei capiu ben nu puremu avè de fioi
Amalia ma ti sei seguru ……..(guarda Rebecca un po’ sprezzante) U savevu…mi….
Rebecca Gardai che a corpa nu l’è sulu mia…duvemu ancù avè u responsu de analisi
ma……..
Amalia Impuscibile…Martino l’è vera?
Martino Sci mama…Rebecca l’ha caiche prublema ma anche Mi. U meigu u dixe che
g’hon…(si vergogna sottovoce) gli spermatozoi pigri
Amalia Ma cume ti parli (gli da una sberla)… vergognite nu l’è cuscì che t’hon
insegnau l’educasiun
Rebecca Ma scignura nu l’è ina parolaccia….(piange) l’è a noscia situasiun…ecu
Amalia Pè mi i se son sbaiai u mei pecin nu po’ ese ….va ben….va ben….ti vierai che
ina sulusiun a truvamu. Però au papà nu diemughe ancura ren avei capiu?
Mar. reb sci…sci…..beh avura andamu in mumentu de surve a saluà u nonu ….
Rebecca Sci andamu dau nonu (guardando male Amalia) che l’è meiu….
Martino me paresce che da candu l’è arivà Olga a badante u sece ciù in furma
Amalia Sci u nonu l‘è cuntentu. Pensa che Olga a l’ha anche travaiu da a Scignura
Matilde e l’è sta ela a mandala da nui, meschineta…sci a l’è brava ma da
mangià ghe u fagu mi, ti sai ela a l’è furesta e nu poesciu mia daghe da mangià
a st’omu (con intenzione): bastoncini sofficini e 4 salti in padella?
Martino mama, pè piaxè nu l’è u mumentu.. Rebecca cumensa a andà mi arivu
Rebecca (esce)
Martino Mi nu capisciou perché ti ghè l’hai tantu cu Rebecca
Amalia Perché? Tìha fau sciorte de casa tropu prestu e poi nu l’è bona a fa i travai de
cà e poi ……(sottovoce) nu l’è mancu di nosci…
Martino (scandalizzato) Ma cose ti dixi nu l’è di nosci? Garda che Rebecca l’è di
spiareti da trei generasiui….
Amalia Garda miu caru che cume dieva me cuixin Ninu a gardia
bonanima….“Burdighea l’è in belu paise…ma l’italia finisce ai
Termini”…sci a Madona da Roa…
Martino A saciu a memoria sa storia…beh pensila cume ti voi mi ghe voiu ben…ciau
(escono e incontra sulla porta Nicola che entra concitato)
Nicola ( rientra eccitato ) Ti sai chi l’è?
Amalia dime, prima che ti te scordi, chi l’eira?
Niculin L’è……nu ti ghe crederai…..
Amalia Alura?
Niculin Alura cose?
Amalia Chi l’eira au campanin da porta?
Niculin Ma te l’ hon già ditu…. Nu l’è che ti te scordi e cose cume Attilio?
Amalia (con pazienza) Uhhhm dimelu in’ autra vota
Niculin L’è…. (suspance scandendo le sillabe) Pom…po..nia a fia de ta cugina, mi
l‘avevu vista ina vota tanti ani fa…….
Amalia (si agita tutta) auuuu Pomponia ah l’è arivà, ma mi l’aspeitavu pè duman nu
hon ancu preparau ren….o povera de mi
Nicola A dixe che a nu s’è mai scurdà de vui, e che vui dopu che a l’è restà orfana
sei stai i suli a agiutala. Avura l’è riturnà a Burdighea e a voe truvase in’
appartamentu chi e a dixe se purei agiutala
Amalia ghe manchereva! Nu vegu l’ura de viela, chissà cume l’è cresciua.
Nicola alura vagu a agiutala a l’è andà in machina a pià in certu Ampelio…
Amalia Ampelio. e chi l’è? Nu l’è che duvemu uspità anche u fidansau eh?…ghe
manca, ma tute a nui capita… alura sentime ben ( gli parla lentamente come
se non capisse ) mi vagu de surve a purtà da mangià au nonu, poei vagu a
cercà Attilio a daghe sa nutisia ti sai che blu u nu ghe l’ha u telefunin u dixe
che u te fa vegnì abelinau ( prende un foglio e scrive ) ecu, chi ti g’hai in
promemoria ( gli da il foglio. Entra in cucina esce con una pentola coperta e
esce dall’ingresso)
Nicola ma cume ti parli…..e poei cose me ne fagu de in promemoria, nu son mia
abelinau mi
Amalia va ben….va ben…. A tute mode tegnilu in ta staca…ciau ( via )
Nicola (eccitato) ma garda in po, sa chi sci che l’è ina bella surpresa l’è
arivà…..arivà…..cramentu…. chi l’è che l’è arivà? CAMPANELLO Arivu
Scena 5^ Nicola – Pomponia poi Martino e Rebecca
Pomponia ( donna appariscente il contrario di come l’ha descritta Attilio. Molto
simpatica entra con voce squillante) Ciau Niculin (lo abbraccia e bacia con
affetto.) me fa piaxe che ti te sei subitu ricurdàu de mi anche se se semu visti
poche vote
Nicola e nu te purevu de seguru scurdà. Cume ti sei scangià (la abbraccia
stringendola come ha fatto lei e la bacia più volte)
Pomponia e anche tu ti sei scangiàu ti sei…ti sei….cumese dixe, ciu omu (si scosta
dall’abbraccio)
Nicola e tu ti sei ciu….ciu…… dona, ma ti me dievi che ti sei sta all’estero?
Pomponia Sci pè via du mei travaiu (accavalla le gambe)
Nicola Ah....(agitato) travaiu? E de cose ti te occupi?
Pomponia Auxeli…
Nicola Oh balette….
Pomponia Ah a prupositu de la in te l’entrata ghe Ampelio
Nicola Ma falu entrà, ti l‘hai lasciau de là…..vagu a ciamalu
Pomponia (lo ferma) Nà nà nu sé po’, u sta ripusandu
Nicola Ah hon capiu, u viagiu l‘è stau longu….
Pomponia Na nu l‘è pè l‘ho….l‘è perché u l‘è stau tantu marotu, l‘è stau ciù de la che de
chi e ti sai e meixine cu pia i u fan dorme….
Nicola U l‘è marotu…meschinetu….me despiaxe….
Pomponia Sci (piange) meschinetu…l‘eira sempre alegru u me fava tanta cumpagnia e
avura pensa u nu canta scaixi ciù, u l‘ha persu a voeia de vive u mei Ampelio
Nicola (piange) Meschinetu…ma to mariu cose u fava u cantante?
Pomponia Me mariu?
Nicola Sci Ampelio ti hai ditu che u nu canta ciù….
Pomponia Na, ma cose ti hai capiu, aspeita (esce e rientra con una gabbia per uccelli
coperta e parlando molto piano dice) Ti vei su chi l‘è Ampelio!
Nicola (forte) In auxelu? (guarda sotto lo straccio nella gabbia) Ma l’è in canarin..
Pomponia Sci l’è in canarin da canto u l’è in Timbrado Spagnolo de rassa. Sci in poche
parole sa rassa a l’ha in veru e propriu repertoriu musicale in cu de note
particulari; l’eira belu sentilu cantà
Nicola (con voce squillante agitato) Te posciu offre in caffè?
Pomponia (sottovoce) Scccc parla cianin cu dorme….grasie ma ciù che in caffè se ghe
fuse preferireva caicosa de forte…ti sai pè arepiame in po’ e se fuse anche
frescu sareva meiu…..(lo guarda fisso negli occhi e lo prende per un braccio)
Niculin fa caudu….
Nicola (parla velocemente e agitato)Sci anche mi hon caudu..vagu a ve cose ghè
( mentre esce Pomponia porta l’uccello in un’altra stanza mentre entra
Martino )
- Scena 6^ - Detti + Martino
Martino ( entra e vede Pomponia mentre si mette il rossetto e si aggiusta deccoltè e
capelli. si intimorisce ) Bona….
Pomponia Uhmmm grazie belu garsun
Rebecca (si siede) scusai ma ela chi l’è
Pomponia (gli gira intorno mettendogli il seno sul viso) mi son in’amiga de ca ( rientra
Nicola )
Nicola (rientra dalla cucina) Ecu chi ( porge il bicchiere a Pomponia e vede Martino
che si asciuga il sudore ) Martino, ti stai ben? te posciu presentà ina grande
dona?
Pomponia Piaxè Pomponia (Martino si alza lei lo abbraccia e bacia)
Martino Ciau (imbarazzato la stringe a modo suo)
Nicola Rebecca nu gh’è?
Martino Sci a l’ariva a s’è fermà in mumentu dau nonu a parlà in cu Olga poi l’è arivà
a mama…..ma avura a l’ariva ( entra Rebecca )
Rebecca ( non si accorge subito di Pomponia . Arrabbiata) T’ha maire l’è
impuscibile….stavu parlandu in cu Olga che ela in tu so paise a cura….. i
nosci prublemi…. in cu in grassu de porcu miraculusu e ela dixe che l’è ina
belinata….(Martino le fa segno di fare silenzio e le indica Pomponia con
Nicola che la guarda adorante si gira e la vede)…Bungiurnu
Nicola Rebecca te presentu noscia cuxina….Pomponia (si danno la mano di
circostanza)
Martino ( guarda Pomponia cercando di ricordare ) ahhhhh avura me soven, tu ti sei
Pomponia a fia de Lena, me paresceva. Che piaxè viete ( prende per la mano
Rebecca) sa chi l’è a mia cumpagna Rebecca
Pomponia seguru son mi, caru Martino che a viete cuscì nu se poe certu di che son pasai
tuti si ani, credime nu ti sei scangiàu pe ren, ti eiri in garsunetu e mi ina
garsuneta e ti me giravi inturnu cume in paserotu puirusu….
Martino grasie ma anche tu ti sei, cume se dixe, in gran furma
Nicola e a mi nu ti me presenti
Martino su chi l’è me barba Nicola
Nicola piaxè
Pomponia ma cume piaxè ( guarda Martino cercando spiegazioni ) se semu già in
confidenza
Martino ( fa segno come per dire poi ti spiego )
Nicola (che continua a bere. ) E mi, nu ti te rigordi cume te giravu inturnu?
Pomponia Na veramente nu me arigordu….
Nicola Cume in curumbu, in curumbu in amù (fa il verso del piccione e cammina
come un piccione intorno a Pomponia che ride)
Pomponia (ridendo) ma che curumbu, ah ah
Nicola nu te piaxe u curumbu alura fagu u merlu u merlu (inizia a dire e fare versi di
uccelli) na ina civetta…in corvu in corvu
Pomponia (spaventata) ma cose ti fai ciantila
Martino Garda che l’è nurmale perché u barba u l’ha avuu in brutu incidente e avura u
soffre de perdite de memoria e cume i dixe i meighi: sdoppiamento della
personalità… poi (con rimprovero indicando i bicchieri) u nu deve beve sta
roba, in cu e meijine cu pià u se agita, ti hai vistu?
Pomponia scusai ma nu savevu… (torna allegra) in te si casi besogna fa in modu cu
l’age in autru trauma pè riturnà nurmale
Martino ma cume… duvemu faghe fa in autru incidente?
Pomponia na, se elu u l’ha picau a testa basta daghe in’ autru corpu in tu stessu postu…
Martino Nu me paresce u casu… l’è già mesu andau cuscì. E se nu funsiuna?
Pomponia Beh, au mascimu u vegnerà abelinau du tutu…..
Rebecca (spazientita) beh nui avura duvemu propriu andà…scusa se te lasciamu in cu
u barba ma nu l’è periculusu ti devi sulu assecundalu in po’
Nicola (nel frattempo continua a fare versi di uccelli agitato uscendo e rientrando
sulla scena)
Pomponia stai tranchili mi nu hon puira de ren mi son ina dona forte e curagiusa cume
in Gran Duso
Rebecca cume cose? Eh?
Pomponia (professionale) Ma sci il Gufo reale volgarmente chiamato Gran
duso…l’uccello più coraggioso che ci sia in natura
Martino (stupito) Belina….va ben, se ti u dixi tu…(Rebecca e Martino si fanno segno
come per dire è matta) nui andamu tantu u barba me paresce in bona
cumpagnia. Ciau a prestu
Pomponia Ciau beli garsui (Attimo di silenzio di Pomponia che studia le mosse di
Nicolino seduta sul divano in atteggiamento rilassato e divertita cerca di
imitarlo) ti sei bravu però!!!
Nicola la gazza ladra…ladra ladra…..(ruba un soprammobile o forchetta) a ratapena
Pomponia (civettuola si alza gli fa due moine intenzionali ) Dievu…Niculin….ti sei
bravu e simpaticu…pertò…. Fa caudu ancoei
Nicola (si riprende e torna in atteggiamento normale e si siede sul divano di fronte a
Pomponia e la guarda dopo un piccolo lasso di tempo nel quale entra Olga e
va diretta in cucina,dice avvicinandosi a lei sottovoce) C A U D U….( gli
bacia la mano mentre entra Olga esce dalla cucina e li vede)
- Scena 7^ - Olga + Pomponia + Nicola
Olga (Donna di circa 40 anni rumena. Veste in modo un po’ fuori moda con
pettinatura fuori moda o capelli raccolti eventualmente anche occhiali da
vista. Con ciabatte e calzettoni di lana. Si capisce che è innamorata di
Nicolino. Entra e va diretta in cucina a prendere un pacchetto tipo pane.
Quando esce vede i due sul divano) Nicola…(fa cadere il pacchetto) chi essere
questa donna…(quasi piangendo)
Nicola Scusai scignura sa chi nu l’è ina dona…l’è Pomponia ina grande dona… ma
vui chi sei?
Pomponia Sci l’è vera vui chi sei?
Olga Io essere Olga donna di compagnia di signor Pepino…ma Nicola ti ricordi di
me? E tu chi essere?
Nicola L’è ina mia amiga…alura pè piaxè nu sta a disturbà e va a fa cumpagnia a me
paire
Olga (piangendo) Si si andare tu proprio uomo cattivo… uomini tutti
uguali…aveva ragione povera signora Matilde tutti cattivi uomini…..
Nicola (si alza e prende Pomponia sotto braccio) Sci semu tuti uguali e vistu che son
cattivu avura portu a fa in giru Pomponia a faghe vè canti beli auxeli ghe son
anche a Burdighea. Ti sentisi suta a scibreta cume i canta ben…
Pomponia Sci andamu, son propriu cuntenta de fa in giru pè Burdighea dopu tuti si ani
che nu ghe stagu ciù….e poei mi, duve ghe son auxeli me trovu ben…aspeita
vagu a pià Ampelio cuscì u purtamu a fa in giru che ghe fa ben
Nicola (escono) sci andamu….(si strofina le mani) Scusa ma cume l’è che ti te
ciami?
Pomponia (uscendo) POM…PONIA (escono Nicolino gli da una patta sul sedere e lei
ride)
Olga Adesso chi essere quella donna, povero Nicola…..(si siede sul divano
sconsolata)
- Scena 8^ - Olga + Attilio + Amalia
Amalia (entra seguita da Attilio e vede Olga sul divano) Ah garda in po’ Attilio l’hon
mandà a pià u pan pe tò paire e a truvamu in sciè l’autumana ca se riposa…..e
nui pagamu…..
Attilio Veramente me paresce aciacrinà…
Amalia Eh sci adanci g’hon dau a nutisia da morte da scignura Matilde, ti sai ca g’ha
travaiu, a g’heira afesiunà e caiche vota a l’andava ancu….a truvala
Attilio Olga cose u l’ha cumbinau chelu spurcaciun de me paire..nu lè che pè casu ta
turna tucau (fa la mossa per dire sedere)
Olga No…no…Grazie Signor Attilio, ma è colpa di Nicola..lui cattivo (piange)
Attilio Ah Nicola… eh bravu (ad Amalia) bravu me frai in cu a scusa cu l’è abelinau
t’ha mesu e mai in colu? (fa di nuovo il segno per dire patta sul sedere)
Olga Magari…lui avere messo mani in colu come dice tu.. ma non a me….a donna
grande….
Attilio Donna grande….? Ma mi nu capisciu cose ti voi di…cose a dixe sa chi….
Olga Si donna grande (con i gesti fa capire il tipo di donna) con uccello
Amalia Ma cose ti dixi…auhhh Sant’Ampeiu Benedetu cose sentu….
Attilio Seguru che in cantu a e done u l’ha de gusti me frai….
Amalia Nu capisciu l’hon lasciau che duveva arivà Pomponia me cuxina; a duveva
arivà candu mi son andà da to paire
Olga Io non sapere…
Attilio Ti vei Pomponia l’è ina sua parente…a l’è in rantegu in cu a goeba e a studia
i auxeli….sci i auxeli cume ela ca paresce in riciciò
Olga ….non importa chi essere….lui uomo cattivo non meritare mio amore…
Amalia va ben taiamu curtu basta cu se storie de auxeli avura va camina da me
soxeru cu l’è da sulu che t’aspeita…fila..sciù
Olga (esce)
Attilio e nu stala a tratà cuscì …povera garsuna….ti sei sempre cuscì acida…..va ben
ti sei scaixi in menopausa…ma carmite in pò
Amalia pè tu son tute povere garsune…stà situ che l’è meiu… a tute e mode ti hai
savuu caicosa in giru da scignura Matilde?
Attilio ren…Martino nu l’è ciù pasau? G’hon ina puira…..Amalia
Amalia Sci veramente son pasai…tu nu ti a sai l’urtima…
Attilio De cose ti parli
- Scena 9^ - Attilio + Amalia + Martino e Rebecca
Martino ( entra con Rebecca sulla battuta di Amalia ) ciao pà ciao mà, semu riturnai
perché avemu piau ina decisiun…..(da una botta sul tavolo)
Attilio (spaventato pensando che con “noi” intenda i carabinieri) ina
decisiun!!!!!!!!!!!!!! E de che decisiun ti parli, garda che mi nu g’entru l’è
vera Amalia?
Amalia (gli da una botta sulla testa) sta situ tu pe piaxè sta situ! ( a Martino ) dime
pecin cose ti hai decisu
Rebecca Avemu decisu….
Martino ecu nui….nui….. sci…..vureremu……
Rebecca ( che vede l’indecisione di Martino ) parlu mi! Nui avemu decisu, dopu che
adanci avemu piau i risultati de analisi, de pià cume se dixe….ecu…cume ve
poesciu di…ecu..(tutto d’un fiato) in utero in prestitu, (per convincerli)…sci
(col sorriso) l’avemu vistu a televisiun in te ina fiction….
Amalia (incredula) coseeeeee????? cume sareva a di….ma sei abelinai? Martino ma
cosa dixe sa li? Son scunvolta (a Attilio) me sentu ma (cambia tono) e tu nu ti
dixi ren? Sempre situ?
Attilio ma… mi veramente nu l’è che hon capiu ben cose gh’entra in uteru in cu A
scignura Matilde a l’aveva ina certa età….
Amalia (urlando) ma cose ti dixi nu ti capisci mai in belu beretin de ren…. To fiu e
Rebecca i nu poen avè de fioi e avura i von pià in utero de in’autra dona in
prestitu pè fa nasce nosciu nevu….
Attilio (sconcertato) pià ina dona in prestitu…??????
Martino sareva a di che duvemu truvà caiche dona, cume se dixe, dispunibile a fa in
fioe au postu de Rebecca
Amalia ( tra i denti a Rebecca ) mi l’avevu capiu che gheira caicosa ca nu funsiunava
in cu tu
Rebecca ( acida ) gardai scignura che a corpa, se se po di cuscì, nu l’è sulu a mia; ecu e
analisi ( porge i fogli ad Attilio )
Attilio ( legge ) va ben…va ben….. mi nu ghe capisciu ren cose l’è che vo di sa
parola chi ( gli mostra la parola )
Martino vo di che mi hon cume se dixe (nell‘orecchio al papà)
Attilio pigri?…..mi vurereva savè cose l’è sa storia
Amalia l’è che Rebecca nu po avè de fioi
Rebecca ( stizzita ) in mumentu scignura nu l’è sulu Rebecca ca nu poe avè de fioi
Martino carmamuse in mumentu nu l’è che ratelase serve a caicosa
Attilio alura caicun u me poe spiegà lò che capita?
Amalia ( con calma ) ti vei i garsui chi, i han de prublemi sci paresce che nu…nu…..
Rebecca ( secca ) nu puremu avè de fioei
Attilio e cuscì nui nun puremu avè de nevi
Rebecca na nu l’è proriu cuscì ( a Attilio ) ti vei pe fa in modu che nui purescimu
“diventare genitori” e vui noni, avemu pensau cume avemu già ditu de pià
come hon già ditu…..ecu….in utero in prestito
Amalia ( isterica ) sci ma u fioe nu sarà u vosciu, tu ( a Rebecca ) ti hai l’utero cu nu
funsiuna, tu ( a Martino ) ti hai i cosi cume se dixe sci avei capiu i ( cerca la
parola ) semini pigri, sareva meiu adutane un e poei ghe son tanti
metudi…artificiali au giurnu d’ancoi
Martino na nu se poe perché u prublema l’è de tuti e dui; e sta carma mama ti vei nui
ghe pruvamu tute e seire perché u meigu u l’ha ditu che a vote cu in corpu de
fortuna poe sucede anche in miraculu e l’è pe lo che avemu pensau a sta cosa
invece che a in’adusiun
Attilio Belina ma se i son pigri…fa caicosa… pia in belu asvan… ina rincursa….
Amalia (isterica) ciantila Attilio….e poi duve a truvai ina dona
Rebecca nui nu savemu ancura cume fa; sci nu cunuscemu nesciun che purereva diemu
fane su piaxè
Scena 10° detti + Pomponia e Nicola
(Entrano Pomponia e Nicola abbracciati da quando entrano tutti si volteranno a guardarli
con aria interessata specialmente Rebecca e Martino)
Attilio Avura chi gh’è, ghe mancava Me frai in cu u travestiu?
Martino Papà ma ti sei matu? Cose ti dixi sa li l’è ina dona vera l’è Pomponia a
parente da mama
Amalia (le va incontro) Ciau Pomponia….(si abbracciano) scusa ma ti sei arivà in te
in mumentu nu tantu belu ma son tantu cuntenta de viete…cume ti sei scangià
Attilio (ne approfitta) Belina Pomponia cume ti sei scangià (la abbraccia e la bacia)
mi nu te ricurdavu….cusci….
Pomponia Ciau Amalia….ciau Attilio stagu ben grazie, Niculin u m’ha purtau a fa in
giru e Burdighea l’è propriu cume l’hon lascià l’urtina vota, elu l’è cuscì
simpaticu…grasie de uspitame chi pè in po’…sei tuti cuscì carì
(Martino e Rebecca si avvicinano a Pomponia la prendono sottobraccio e avviano alla
porta)
Rebecca Grazie Pomponia… anche tu ti sei cuscì cara (con intenzione) l’è vera
Martino?
Martino (che capisce) vegni Pomponia andamu a fa in giru cuscì se cunuscemu meiu e
andamu a piase in’aperitivu che te duvemu parlà de in cosa
Pomponia a mi e de cose me duvei parlà?
Rebecca ninte…ninte…te vurerescimu dumandà in pecin piaxè vegni…vegni…. (escono
tutti tranne Amalia e Attilio )
Scena 11° Attilio – Amalia - Martino
Amalia ( piagnucolando ) che vergogna…che vergogna…..
Attilio e ciantila li de lamentate. Tu ti sei all’antiga - cume se dixe - antiquata. Au
giurnu d’ancoei son cose nurmali, dautru cantu eli i voen avè de fioi, nui
vuremu de nevi dunca autri sistemi nu ghe nè e poei Pomponia l’è de ca,
dunca se poe di che resta tutu in famìa
Amalia ti a fai facile tu chissà cose dirà a gente candu u saverà
Attilio basta che tu ti tegni ferma a lenga e nesciun saverà ren, avura ciantila che
devu lese
Amalia (sempre piagnucolando) tantu prima o poei se vegnerà a savè (esce dalla
cucina )
Martino ( rientra preoccupato con il telefonino ) ma sei seguri? Va ben….
Arivu…arivu…..
Attilio cose ghé, tutu ben?
Martino sci…sci….tutu ben
Attilio e alura cose i son si muri che ti hai?
Martino a tu poesciu ditelu papà ( pausa ) paresce propriu che a scignura Matilde l’è
morta avelenà
Attilio ( preoccupato ) ehhhhh ehhhhhh chi l’è che l’ha avelenà?
Martino ancura nu savemu, l’unica cosa segura l’è che u velen l’eira drente au cuniu
servaigu ca mangiava
Attilio ( sgrana gli occhi lascia cadere il giornale e rimane a fissare il figlio come se
fosse in trance ) cu….cu…cuniu servaigu ti hai ditu?
Martino sci…..ma cose ti hai? Paresce che ti hai vistu u diavu!!!!!!!!!!!!!
Attilio ( facendosi coraggio si avvicina al figlio gli porge i polsi e poi dice teatralmente ) ecu chi arestime u curpevole son mi
Martino ( meravigliato ) ma papà cose ti dixi?
Attilio sci, ti vei Martino avura te contu cume l’è andà
Martino dime….
Attilio situ…situ…parlu mi ( comincia a raccontare ) ti vei mi eiru andau da a
scignura Matilde perché ghe duvevu scangià ina lampadina, ma prima de entrà
in ca me son fermau in te l’ortu pe aigà l’insalata e tutu u restu
Martino hon capiu ma cose gh’entra in cu a morte da scignura Matilde?
Attilio situ t’hon ditu, fame fenì. Alura mentre eiru li che davu da beve a se ciante
vegu in cuniu servaigu che u me garda, u gardu fina mi e mentre semu li che se
gardamu me soven in’idea e me son ditu se mi riesciu a pià su cuniu u fasu
coxe e u portu a scignura Matilde, cuscì ela magari a se ricorda de nui in tu
testamentu
Martino e alura cose ti hai fau?
Attilio hon piau ina scarasa che l’eira li, me son avixinau g’hon tirau ina bota in sce a
testa poei l’hon piau e l’hon purtau in tu nosciu casun l’hon cuxinau e l’hon
purtau a scignura Matilde, pensa che a l’eira cuscì cuntenta che a m’ha fina
ditu “Attilio prima de moire me ricorderon de vui”
Martino be…..nu l’è che dopu avè mangiau su cuniu l’è vissua ancu tantu
Attilio ti capisci u curpevole son mi ( di nuovo teatralmente ) arestime aumancu ti
farai carriera candu in sce i giurnali ghe sarà u titulu “Martino u l’ha ciapau
l’assassino”
Martino e ciantila de di belinate
Attilio te digu che l’è a verità ( su questa battuta entra Amalia )
Amalia sci Martino u papà u dixe a verità
Martino va ben…va ben….ma scusa nu ti vurevi mia avelenà pe da bon a scignura
Matilde?
Attilio na…na…mi nu saciu lo che l’è capitau
Martino famu cuscì vui stai siti - cume se dixe - aiga in buca fina a che tutu nu se sarà
sciariu, ti veirai che tutu se arangerà
Attilio speramu speramu…..( campanello )
Amalia vagu mi ( va ad aprire e rientra con Rebecca )
Scena 12° Attilio + Amalia + Martino + Rebecca
Rebecca bona a tuti, ciau Martino (lo bacia sulla guancia poi agli altri con un po’ di
imbarazzo) alura paresce che pe chela cosa semu scaxi a postu
Attilio cume scaxi, semu a postu me paresce
Amalia ( piagnucolando come prima ) seguru che semu a postu, vistu che Pomponia a
l’ha ditu de sci
Rebecca ecu sci Pomponia a l’ha ditu de sci ma avura manca a materia prima sci…
sci…. Avei capiu
Attilio na…spiegate meiu
Martino sci…Rebecca a voe di che standu a e analisi fina mi nu posciu avè de fioi e
cuscì besogna truvà in dunature
Amalia anche sa chi ghe mancava ( via piagnucolando )
Attilio ( che non ha capito bene ) lasciai perde a mama l’è ina dona all’antiga parlai
in cu mi, alura cose ghe ancura
Martino alura papà vistu che mi hon cume i ha ditu a mama i semini pigri, besoegna
truvà caicun che…… ti hai capiu avura?
Attilio ( che realizza ) coseeeeeeeee ma digu a si punti semu arivai e che rasa de omu
ti sei. Nu ti sei me fiu…ti hai capiu?( uscendo ) che vergogna…..che
vergona……..
Martino ( A Rebecca) e menu male che a l’eira a mama a l’antiga!!!!!!!!!!!!!!!!!
Fine 1° atto
Secondo atto
Scena 1^ Pepin+Niculin
E’ passato circa un mese! In scena c’è Pepin seduto sul divano mentre entra Niculin
Niculin Ciao pà….cume va?
Pepin Ben grazie….
Niculin Ma cume mai ti sei sulu nu ghè nesciun?
Pepin Ma cume nu ti a sai l’urtima?
Niculin Na
Pepin Avura che m’han scangiau a dama de cumpagnia…son ciù liberu, sa chi a me
sta menu aproevu…..e poi ancoei l’è u sou dopusernà liberu
Niculin Cume scangià a badante? Sa chi nu a savevu, e da candu nu ghe ciù Olga?
Pepin In pà de setemane
Niculin In pa de setemane? Oh bella nu me ne s’hon mancu acortu…da candu l’è arivà Pomponia tutu u restu nu conta….ma cume se ciama a noeva badante?
Pepin Se ciama Olga
Niculin Olga…Olga….na nu me dixe ren…..
Pepin Ma sci anche chela de prima se ciamava Olga, se straniere i se ciama tute uguali….però sa chi me piaxe de ciù… l’autra l’eira cume di… in po’ insipida a nu saveva de ren
Niculin Perché ti l’hai asagià? Eh pà su viziu ti ghe l’hai sempre avuu
Pepin Ghe l’hon sempre avuu e avura ti sai me arangiu cume poesciu (fa il segno della mano sul culo)…ti sai poei sa noeva garsuna l’è propriu in tocu de sciorba
Scena 2° Detti+ Olga+ Pomponia
Olga (Entra Olga con Pomponia. E’ notevolmente cambiata nell’aspetto tanto da sembrare un’altra. Avrà capelli vaporosi con fiore in testa. Come Pomponia avrà gonna
Corta e maglia scollata.Scarpe alte e ben truccata) Ecco Signor Pepino io essere arrivata
Niculin (Va incontro a Pomponia e le bacia la mano) Bungiurnu… cherì
Olga Nicola ma tu non salutare me ?(gli porge la mano per baciarla)
Niculin ( prende la mano come per dire buongiorno) Ah sci tu ti duveresci ese Olga a
noeva badante de me paire…
Olga Ma Nicola…cosa dire essere sempre io Olga!….
Niculin Scignura ca nu me piè in giru perché Olga, chela vecia a cunuscevu ben…. ( Guarda Pomponia, e poi si rivolge a Olga) e sa bela scignura chi l’è ta soe?
Pomponia (Che ormai è abituata. Con pazienza) Na Niculin son sempre mi (scandendo) Pom po ni a
Niculin Pom po ni a …. Ciau Pomponia duve ti sei andà sensa de mi?
Pomponia Son andà in cu Olga a fa in giru pè biteghe semu spumpae
Niculin Alura asetaive in mumentu a ripusave….
(le donne si avviano alla sedia e Nicola per far sedere Pomponia toglie la sedia da sotto il sedere di Olga che cade a terra)
Olga (cade a terra) Ahhh Nicola cosa avere fatto
Niculin (non capendo) Scusai scignura ma asetaive in sce a carega l’è ciù comuda du
pavimentu…
Olga (si alza e si va a sedere sul divano vicino a Pepin) Mulzumesc…Ehm scusare (occhiate complici a Pomponia) essere venuto Amedeo?
Niculin Amedeo chi l’è in autru canarin? L’è in’ amigu de Ampelio?
Pomponia Ma na cose ti dixi…Amedeo l’è u garsun da bitega? L’è vera Olga?
Niculin Ah mi su li nu me piaxe
Pomponia A tu na…ma a alcun di autri magari….
Niculin (arrabiato) Te piaxe a tu (a pomponia) garda che mi l’amasu….
Pomponia sta carmu dievu cusci pè di…. (occhiate a Olga)
Olga Allora essere venuto…
Pepin Sci u l’è pasau u l’ha purtau a spesa…..(a Pomponia si alza e va verso di lei)
Bungiorno Pomponia ti trovo raggiante oggi (le bacia la mano)
Pomponia Grazie, ma anche Olga avei vistu cume l’è bela, che belu scangiamentu eh?
Olga Grazie ….(si da un’aggiustata ai capelli)
Pomponia Nu stame a ringrazià, ti sei zuvena ti devi valurizate in po’ sedunca i omi nu te garda… anche a me cuxina Amalia g’hon dau caiche cunseiu…
Pepin l’è vera l’avevu ricunusciua… brava Pomponia (gli bacia la mano di nuovo)
Niculin (Passa in mezzo ai due col fare di un soldato tedesco a Pepin) lei cosa vuole dalla Signorina favorisca i documenti
Pomponia (calmandolo) Niculin feniscila l’è to paire..vegni andamu de l’ha che hon catau in regalu
Niculin Pe mi
Pomponia Na… pè Ampelio…..g’hon piau in belu pacu de savoiardi (li tira fuori dalla borsa) a elu ghe piaxe tantu… vegni andamu a purtagheli…
Niculin Agli ordini….(sempre con tono militare. Esce seguendo Pomponia marciando)
Olga (Ai due)…dove andare…..?
Pepin Nu pensà a me fiu….vegni vegni veixin a mi….
Olga Signor Pepino smettere… lei essere proprio come bambino monello…
Pepin (tocca il sedere a Olga)
Olga Nu tu esct un porc…….(molto arrabiata) signor peppino io già detto basta con palpeggiamento di mio culo avete anche una certa età
Pepin E alura? pe certe cose a carta d’ identità nu serve mi me sentu ancu..in toru
Olga andare a sua casa signor Pepino…
Pepin Sci mi vagu fin au cesu che me scapà….
Olga Uhmmm (maiale) io dire sempre che tu esct un porc
Pepin Poi….(ci prova) dopu ti me poei fa in belu masagiu…ti sai che hon in durù a schina (pacca sul culo escono e subito dopo quasi contemporaneamente entrano Attilio e Amalia )
Scena 3^ Amalia+Attilio
Attilio Ti hai vistu Olga?…Seguru che l’ha fau in scanagiamentu avura l’è in belu tocu…de sciorba
Amalia Attilio ma cume ti parli…(gelosa) e poei l’è u stesu scanagiamentu che hon fau mi; ti vei avemu acetau i cunsei de Pomponia…e mi son apena andà a fame i cavei…(fa un giro su se stessa e si tocca i capelli)
Attilio Sci hon vistu u meixumu scangiamentu…sulu che Olga a l’ha caiche anu de menu…
Amalia Ti sei propriu in grebanu… avura vagu de là mete in po’ d’urdine. Tu ti sei sulu in maralevau, ti pensi sulu au bar…ai amighi e a campagna
Attilio E menu male che avemu su tocu de tera cuscì ghe puremu ciantà in po de tutu verdura, fruta….
Amalia E sci purerescimu sta ben ( sospiro ) se sulu nu ghe fuse se magagne
Attilio ( bonariamente ) ma sta tranchila che tutu se sistema. Recordite che a tutu ghe rimediu
Amalia sarà cume ti dixi però l’è pasau in mese e dai fioi nutisie de caiche cicogna nu ghe n’è ….de l‘eredità da scignura Matilde mancu l‘umbra….e avura Pomponia a se arembà chi perché a dixe che nu trova in apartamentu….
Attilio sci perché a dixe che cheli che a l’ha visitau i nu van ben pè Ampelio….l’è mesa mata, l’è pè l’ho che a va d’acordiu in cu me frai…però l’è simpatica. Pè l’eredità ti vierai che candu saran fenie e indagini (tra se) e speramu ben…u nutaiu u ne manderà a ciamà e …. pè i fioi ti vierai che tutu se arangierà. In fundu tu ti duveresci ese cuntenta vistu che ti sei a l’antiga e nu ti eiri tantu d’acordiu cu a decisiun de sercà ….. sci ti hai capiu?
Amalia sci hon capiu….hon capiu… i nu han poscìu fa ren perché i nu han truvau in dunature…..
Attilio ecu propriu cuscì, a tute mode ti sai cose te digu? Pe mi l’è ina scusa perché hon lesùu in scie u giurnale che ghè in postu duve tu ti vai e ti trovi chelu che ti serchi, sulu che eli i g’han pensau ben e i han decisu de fa ina cura e tentà, sperandu in t’in miraculu
Amalia ghe speru tantu diventà nona, ti ghe pensi
Attilio seguru che ghe pensu, sareva propriu belu ( poi ridacchiando ) in po menu belu sarà andà in tu leitu in cu ina nona
Amalia ( che sta allo scherzo ) ti sei propriu abelinau ( risatina dei due )
Attilio ( sempre scherzando ) vurerà di che ogni tantu anderòn a truvà Olga
Amalia ma ciantila li pe piaxè… be mi vagu in cuxina ( via dalla cucina )
Scena 4° Attilio + Martino + Rebecca
Martino ( entra con Rebecca ) Ciau papà semu pasai perché a mama vureva dane in pò de verdura
Rebecca Bungiurnu Attilio
Attilio bona a vui vegnei setaive in mumentu
Rebecca in mumentu sulu perché nu avemu tantu tempu ( a Martino sdolcinata ) l’è vera caru
Martino ( che capisce quello che la donna vuole dire ) sci l’è vera ( sdolcinato anche lui)
Attilio Cramentu che premura e cose duvei fa de cuscì impurtante
Martino ( imbarazzato ) duvemu…duvemu…..
Rebecca duvemu pruvà a fave diventà noni
Attilio (imbarazzato)e va ben l’è sulu mesugiurnu da chi a staseira ghe ne de tempu
Rebecca na, u meigu u l’ha ditu cume ve ven ( cerca la parola ) ve ven…. sci u stimulu de fa, besogna aprufitane subitu perché po ese che sece a vota bona, mi cumensu a andà a cà…(pausa. Poi guarda negli occhi Martino)…fa prestu…
Martino arivu subitu
Attilio ( al figlio ) beh, nu saran de seguru sinche menuti a fate perde u tram…(cambia tono) Martino vurevu savè cume van e indagini..(sottovoce)
Martino Ti sai nu posciu di ren ma sta tranchilu hon tutu suta cuntrolu…
(non convinto) eh va ben…ti a sai l’urtima?
Attilio (inizia a preoccuparsi) na, alè parla…nu fame sta in sciè e spine…..
Martino Ehm ecu vegnu avura da a caserma, e hon incuntrau Amedeo u garsun da bitega…l’han ciamau turna a testimunià l’è elu che l’ha truvà morta candu g’ha purtau u pan…
Attilio Ma cume l’han turna ciamau? E cume mai? Suta cuntrolu eh?
Martino Ecu mi g’hon dumandau cume mai l’han ciamau e elu me garda in ti oi cusci (verso il padre) e u me dixe: “L’assassino ha le ore contate”
Attilio ( comincia a sudare freddo ) assassino…assassino… assassino…..ahh… le ore contate
Martino Sta tranchilu pà ghe pensu mi…avura vagu da Rebecca ciau e tranchilu…
Attilio (con la mano al petto) Tranchilu u dixe…tranchilu l’è mortu….poveru de mi anderon a feni in gagia cume Ampelio….
Scena 5° Attilio + Pomponia + Nicola
Pomponia ( entra ridendo ) Ciao Attilio, seguru che Niculin l’è propriu simpaticu (vede Attilio bianco come uno straccio) Attilio ti stai ben? Stavu diendu che Niculin sarà in po’ stranu ma l’è cusci simpaticu, de là in ta cuxina ù n’ha fau proriu divertì a rieva fina Amalia
Attilio (mogio e pensieroso) be son cuntentu vistu che urtimamente l’eira in po’ nervusa
Pomponia mi l’hon truvà ben, poei l’è scangià l’è ciu…ciu….cume dì, sci ciu raggiante e poei da candu a l’ha cumensau a trucase a vestise in po ciu….Paresce fina ciu zuvena
Attilio lo l’è vera, a paresce fina ciu - cume se dixe - sexi…mi nu ghe u digu pè nu daghe sudisfasiun…ma a sta propriu ben. Beh scusai ma mi vagu in mumentu de la nu me sentu gairi ben.. (esce nella camera mentre dalla cucina entra Niculin)
Nicola ( entra marciando come quando era uscito ) l’è cuscì belu viete rie
Pomponia Grazie. Ti sai gh’eira chi to frai u l’eira giancu cume ina strasa…e u l’è andau de là..u nu sta gairi ben…
Niculin Mi u digu sempre che nu sta ben u l’è sempre in po’ foera cadru; pensa che nu se rigorda mai ren… u perde a memoria…
Pomponia Ah…sci ti hai raixun Niculin…(ridendo) beh a propoxitu de nu sentise ben…mi avura devu andà fina dau meigu che hon piau in’apuntamentu stamatin perché l’è caiche setemana che nu stagu tantu ben….
Niculin me rincresce….sci hon vistu l’autru giurnu ti hai resau fina e bièle…
Pomponia Sci e poi me gira in po’ a testa e son sempre stanca…l’è corpa tua che ti m’ahi fau girà Burdighea in longu e i in largu….
Niculin Eh sci ma hon vistu che si scorci i te piaxe e anche i scoei, me paresce che… (ridendo malizioso)
Pomponia Dai che ti me fai vegnì rusa…va ben avura vagu ….Ciau Niculin…me racumandu fa in po’ de cumpagnia a Ampelio
Niculin Seguru cumandante vagu da elu… ciau cherì (esce dalla camera)
Scena 6^ Olga+Pepin poi Attilio + Amalia
Olga Signor Pepino mettere seduto qua su divano io vado a chiamare Amalia (fa sedere Pepin e esce dalla cucina mentre dalla camera rientra Attilio sempre abbacchiato)
Attilio Oh Ciau pà cume ti stai? Cose ti fai chi
Pepin Avura cu su tocu de sciorba che me fa cumpagnia stagu ben me sentu in autru…semu carai perché Olga nu l’ha capiu ben cose ghè scritu in te ina letera ca l’ha risevuu
Amalia (rientra dalla cucina con Olga e la lettera in mano tutta agitata) Attilio…Attilio ahuu ti a sai l’urtima? Lesi lesi cose ghè scritu….autru che mandane a ciamà…
Attilio (legge la lettera ad alta voce. Inizia normalmente poi pian piano che realizza legge sempre più forte e velocemente) Auhhhhhh ti hai vistu l’hon sempre ditu che l’eira cativa Matilde….
Olga Ma essere successo qualche cosa di grave? Non capisco
Amalia Nu sta a fa a santa….chi drente (le fa vedere la lettera) ghè scritu che tu ti tevi andà dau nutaiu pè ina grosa eredità….
Olga Ma io non avere parenti in Italia
Amalia (arrabbiata) ciantila in po’ e pensighe ben….prima de Pepin duve l’è che ti hai travaiu?
Olga Da signora Matilde (si commuove)
Attilio Se me paire l’è ancura chi e nu l’è mortu
Pepin (si tocca) Ma ti sei abelinau mi son vivu e vegetu….
Attilio l’unica eredità po’ ese da scignura Matilde…..
Olga (contenta) Questa essere buona notizia per me…. La signora mi ha sempre voluto bene….
Amalia Sci pè tu l’è ina bela nutisia….
Attilio Alura avevu raixun mi…candu dievu che l’eira ina stria e tu invece: oh povera scignura famu de chi…famu de là, son propriu cuntentu de aveghe purtau u cuniu….ti hai vistu cume s’è ricurdà de nui
Amalia Che disgrasia autru che andà meiu chi va tutu a rabelu….
Olga Ma signora Amalia non ti arrabbiare io non avere colpa….
Amalia Sta sita tu….ti hai vistu Attilio a fa du ben? Tutu stortu, speramu che anche tu nu ti vai a feni…(fa ils egno delle manette) ti hai capiu?
Attilio Ma cose ti dixi….che son chi che stagu mà e nu saciu cose pensà…pè sa storia (a Olga che sta piangendo) E tu nu sta a ciagne che ti duveresci rie, ciutostu tra dui giurni ti devi andà dau nutaiu….poi te spiegu meiu
Olga Grazie (a Pepin) Sentito Pepin io sono diventata erede
Pepin Hon sentiu….garda che mi son - cume se dixe - in bon partiu…e se ti voi se puremu marià anche duman….(pacca sul culo)
Olga Ma cosa dire tu lo sai che il mio cuore è di un altro…..ora noi andare a casa (si alza Pepin dal divano ed escono)…..
Amalia Son restà sensa parole…..
Attilio (per sdrammatizzare) Beh aumenu caicosa de bon a Scignura Matilde a l’ha fau
Amali Ma cose ti dixi?
Attilio Sci a ta fau restà senza parole…eh eh eh
Amalia L’hon sempre ditu che ti sei in grebanu….(esce e va in cucina)
Attilio (la segue) Ma ti sai che mi schersu…..eh eh eh (esce con Amalia e la scena rimane vuota quando entrano Martino e Rebecca) Amalia aspeita, scherzavu
Scena 7^ Martino e Rebecca
(Entrano abbracciati guardandosi teneramente negli occhi scambiandosi effusioni romantiche)
Rebecca Son propriu cuntenta nu me paresce vera
Martino Ti vierai avura candu ghe u diemu au papà e a mama..ti hai vistu i toi parenti cume i eira cuntenti
Amalia Ciao Martino…..
Attilio Ciao Rebecca….avemu apena avuu ina nutizia….
Martino Ma cume alura i toi (rivolto a Rebecca) i han parlau? E menu male che
g’havemu ditu de nu di ren a nesciun….
Amalia ma cume eli cose g’entra cu sta facenda…..
Rebecca E na avura basta…..me maire a l’ha tuti i diriti de savè cume ela….
Amalia Ma dime in po’ ta maire che diriti a l’ha in sciè l’eredità…..
Rebecca ( stupita ) eredità ma de cale eredità ti parli?
Amalia ma de chela da scignura Matilde
Attilio ( per calmare ) carmamuse in mumentu che forsci ghè stau cauche inconprensiun ( al figlio ) alura vui che nutisia l’è che ne vurevi da
Martino ( abbracciando rebecca ) l’è capitau in miraculu
Attilio ( che non capisce subito e pensa alle indagini ) dime…..dime….. son innocente nu son culpevule!!!!!!!!!!!
Martino veramente ( si avvicina al padre ) u curpevure son mi
Attilio ( che non ha ancora capito ) tu…….. ti sei stau tu ( drammaticamente ) perché ti l’hai fau?
Martino ma pa digu ti sei vegnuu abelinau tutu in t’in corpu?
Rebecca ( che ha capito si rivolge ai suoceri ) Attilio Amalia chelu che vuremu di l’è che vui stai pe diventà noni n’ha ciamau adanci u meigu
Attilio Amalia ( si guardano increduli poi abbracciano i ragazzi )
Amalia cume son cuntenta ( poi teatralmente ) in ragiu de su in tu mesu a ina tempesta
Martino ( che non capisce ) mi nu capisciu cose l’è che ti voei di
Attilio te u spiegu mi, ti vei a noscia speransa l’eira che a scignura Matilde se ricurdese de nui in tu testamentu, ti sai nui ghe semu stai sempre aprovu, l’avemu accudìa, curà. Ta maire g’ha fau fin da serva e invece……
Amalia ( anticipa il marito ) invece sa stria che nu l’è autru paresce che age lasciau tutu a Olga
Martino Olga a badante du nonu? E cume fai a savelu?
Attilio perché Olga l’è vegnua chi in cu ina lettera che a dieva de presentase da u nutaiu pe ina eredità
Amalia ela parenti nu ghe n’ha e in ciù prima de ese a badante de Pepin l’eira a badante de a scignura Matilde
Martino hon capiu ( cerca di rincuorare i genitori ) però pà, garda che i sodi in ta vita nu son tutu
Attilio sci però diemu che i t’agiuta a sta in po menu, ecu
Amalia va ben l’è andà cuscì avura duvei pensà au vosciu matrimoniu e au fiò che sta pe nasce
Martino Matrimonio?
Amalia Seguru…cose dirà a gente nu l’è che vurei fa in fioe sensa mariave…
Attilio Cume ti sei a l’antiga….Amalia…prima duvei pensà au fioe…
Rebecca ( un po acida ) manca ancù in po’ de tempu e poei au fio savemu pensaghe fina nui
Amalia cose ti vureresci di che nui nu servimu a ren?
Martino ( per sdrammatizzare ) ma na…na… mama, Rebecca voe dì che nui famu - cume se dixe - i genitori e vui fai i noni e se marieremu in cu u batesimu du fioe
Rebecca sci.. sci.. l’è propriu lò che vurevu di però avura duvemu andà (a Martino) andamu?
Martino sci…sci…. Andamu che l’è tardi ( saluti di circostanza e via )
Attilio ( amorevolmente alla moglie ) ti sei cuntenta?
Amalia e ti me u dumandi! Seguru che son cuntenta e ti vierai che anche a tua situasiun( facendo riferimento alla morte di Matilde ) se arangierà ( si abbracciano )
Scena 8 detti + Pomponia + Nicola
Nicola ( entra ) bungiurnu son chi
Attilio ciau Niculin ……. Ampè u sta ben?
Nicola ( gli si avvicina ) e tu cume ti fai a cunusce u sciù Ampeiu
Attilio a parte che l’è in canarin e poei me l’ha presentau Pomponia
Nicola ( si avvicina ad Amalia ) te l’hon ditu - meschinetu - avura scangia e persune pe de bestie
Amalia e cose ti voei, meschinetu ( guardando Attilio ) ormai se u tegnemu cuscì, va ben mi vagu de la ( via dalla cucina )
Nicola ( si avvicina ad Attilio ) vegni vegni chi, sta tranchilu ti vierai che te famu turnà cume noevu, a propositu chi l’è Pomponia? ( CAMPANELLO)
Attilio ( non gli risponde ) vagu a drove ( va ad aprire e rientra con Pomponia )
Pomponia bungiurnu ( si avvicina a Nicola gli fa una carezza e lo bacia su di una guancia) ciau Niculin!!!!!!!!!!!! (avrà in mano una bottiglia di spumante)
Nicola ciau Pomponia cume ti stai?
Attilio ( fra se ) avura a cunusce
Pomponia stagu meiu grasie e gardaime in po ( si gira e rigira come una modella ) avei vistu caiche scangiamentu?
Attilio Nicola ( si guardano e poi guardano Pomponia come per dire no )
Pomponia alè sciu gardai ben
Attilio ( inventando ) l’è vera ti hai scangiau curù de cavei
Pomponia na….na ma cose ti dixi…….gardai meiu
Nicola ti te sei catà in vestiu novu
Pomponia na….. gardaime cume son ( cerca la parola ) son…..cume se dixe raggiante
Nicola l’è vera ti sei anche ciù…..ciù….. ciù bela
Pomponia bravu Niculin ti hai induvinàu e ti u sai perché son ciu bela
Nicola perché ti sei….ti sei…….
Pomponia perché aspeitu in fioe e se sa che ina dona incinta l’è ciù bela. Son de catru setemane…
Attilio ( sorpreso ) Ah ti aspeiti in fioe? Catru setemane? (conta sulle dita) tu ti sei chi da pocu ciù de in mese, se po’ savè …chi….. l’è u furtunau?
Pomponia ( si avvicina a Nicola ) e chi purereva ese?
Nicola ( anche lui rimasto sconcertato dalla notizia ) scignura ca nu me garde, mi nu son curpevure
Pomponia e invece sci!!!!!!!!!!!!!!!!!!!!
Attilio ( gridando ) cume sci cosa ti dixi?
Amalia ( entra dalla cucina ) ma cose ti hai da crià a sa moda, duve ti credi de ese: au mercau?
Attilio vegni….vegni….. a senti l’urtima…..
Amalia ( fraintende credendo si tratti di Attilio ) nu dime che i t’ han truvau curpevure
Niculin Na son mi u curpevure
Pomponia Sci l’è Niculin ma cume ti hai pusciu pensà che Attilio….
Amalia (A Niculin) Ma perché ti l’hai fau, povera scignura Matilde….
Pomponia Eh na chi l’è avura sa Matilde? (arrabbiata)
Niculin Matilde….Matilde….
Attilio In mumentu, Amalia nu ti hai capiu (sempre abbastanza agitato)….Niculin l’è curpevure sci ma de in autru reatu,…..se se po’ ciamà cusci…
Amalia mi nu ghe capisciu ciù ren
Pomponia ( interviene) ecu Amalia ti vei son incinta
Amalia ti sei…sei….. ( come il marito ) incinta?
Pomponia e u curpevure l’è Niculin
Amalia Niculin?
Attilio E sci mi che pensavu che nu ghe…a fese….
Nicola alura besogna festegià vagu a pià ina butia
Pomponia nu gh’è besognu hon incuntrau Amedeo u garsun da bitega e g’hon ditu de purta ina butia e caiche bescotu chi a cae cusci brindamu a salute du fioe
Pomponia (senza Amedeo)nu ghe né besognu, son pasà da a bitega e l’on catà mi, cusci brindamu a salute du fioe
Amalia na a u fioe, ma ai fioi che deve nasce
Pomponia ( fraintendendo ) na Amalia, au fioe hon fau l’ecografia e u meigu u l’ha ditu chi son gemelli
Amalia nu ti hai capiu, mi dievu ai fioi perché nui ti a sai l’urtima nuvità…ecu fina rebecca l’è incinta
Pomponia Rebecca? Che bela nutisia paresceva che …..( fa il gesto con le dita ) e invece….cume son cuntenta ti hai sentiu Niculin
Nicola alura tantu pe cumensà mi nu a cunusciu sa Rebecca dunca u curpevure nu son mi
Pomponia na….na…. de Rebecca na, ghe manchereva, ma de mi sci
Nicola de tu cose?
Pomponia ( paziente ) ti te ricordi candu son arivà che ti m’hai purtau a fa in giru chela seira, candu eirimu in ti scoei e in t’in mumentu de pasciun ti m’hai abrasàu e poi….
Nicola e poei cose?
Pomponia Ti m’hai baixau… e poi…
Nicola e poi?
Pomponia e poi se semu gardai in ti oi e poi…
Niculin (rapito) e poi?
Attilio (si mette fra i due e li divide) e poi….da chi in avanti l’è vietau ai minuri de 18 ani…. Me paresce….
Pomponia e poei sci ecu….beh vietau l’è ina cosa nurmale…ti vei Niculin e poi avemu fau…in fio
Nicola se ti u dixi tu mi nu me ricordu in belu ren
Pomponia sta tranchilu che l’è tutu ciairu, avura candu ariva Amedeo cu a butia brindamu eh?
Pomponia (senza Amedeo)sta tranchilu che l’è tutu ciairu, avura brindamu eh
Nicola (ancora incredulo)se ti u dixi tu mi nu me ricordu in belu ren
Pomponia sta tranchilu che l’è tutu veru (campanello) Sarà Amedeo in cu a butia vagu drove (esce e rientra con Amedeo)
CON AMEDEO
Scena 8^ detti Amedeo poi Olga + Pepin
Pomponia (rientra con Amedeo) Vegni Amedeo…che brindamu fermite anche tu…fane compagnia…magari ciamamu anche Olga….(gomitata d’intesa)
Amedeo Grazie
Attilio (sta per aprire la bottiglia)
Amalia Vagu a pià caiche gotu….(fa per uscire quando sulla porta compare Pepin che sorregge Olga)
Pepin (entra mentre sorregge Olga) Agiutu…agiutaime che l’è in mesu pesu mortu….
Pomponia Olga cose l’e successu (si avvicina per aiutare pepin)
Amalia (come sopra)Se stà mà famughe fa in testamentu prime che ghe reste seca (fa sedere Pepin sul divano)
Pomponia cose l’è sucesu? (a Pepin)
Amedeo (corre verso Olga che anche lei è seduta sul divano mentre si riprende) Olga… Olga…(gli farà aria)
Pepin S’è sentia mà…nu saciu….
Amalia Sarà l’emusiun pè l’eredità….
Pomponia (che nel frattempo era andata in cucina a prendere l’acqua) Teh Olga bevi
Olga (beve) Grazie stare meglio…avere avuto capogiro
Pomponia ciamu u meigu?
Olga No grazie essere andata già da dottore e volevo dire una cosa….( si rivolge ad Attilio ed Amalia ) volevo dire che questa è mia ultima settimana con signor Peppino
Amalia ( un po acida ) e sci….u savevu dautru cantu ti sei dventà ricca
Attilio sciu…. Amalia avura basta nu l’è mia corpa sua se a scignura Matilde g’ha lasciau tutu a ela
Olga No non essere per quello è che avere fatto analisi ed io essere incinta (si commuove)
Tutti Incinta?
Amedeo Incinta? (mentre nessuno lo guarda si siede sulla sedia come se stesse poco bene)
Attilio E chi l’è u curpevure stavota?
Pepin Uè…nu stame a gardà mi nu gh’entru…
Attilio Papà nu stavu diendu a tu (guarda Niculin) Niculin nu l’è che ti hai purtau anche Olga in sciè i scoi?
Pomponia Niculin..ma cose u dixe… l’è vera?
Niculin Ma mi veramente nu saciu cose di ….mi se hon fau caicosa nu me rigordu
Pomponia Meschinetu cume fa aricurdase se perde a memoria in menutu sci e un nà
Olga No veramente non ricordare perché Nicolino non essere stato….lui a me piacere molto ma lui guardare solo Pomponia
Pomponia Menumale….
Attilio ma alura….? Parla alè….
Amedeo Ecco veramente è un po’ di tempo che ci vediamo io e Olga quando lei ha i l pomeriggio libero….(la gurda dolcemente cambiando espressione) che nutisia Olga che nutisia
Olga (si commuove) Si Amedeo io aspettare tuo bambino….(agli altri) Amedeo essere giovane ma bravo ragazzo lui volere bene a me…
Attilio Alura ti sei tu u curpevure?
Olga (risentita) Certo io vedere solo lui cosa credere
Attilio Scusa nu vurevu ufendite….ma alura l’è pè l’ho che da in po’ de tempu ti purtavi a spesa a cà e bravu Amedeo
Amedeo Eh sci cuscì purevu incuntrà Olga
Olga Si vero….Pomponia sapere tutto di noi
Pomponia sci…l’è in po’ de tempu che Olga e Amedeo i se incuntrava chi a ca e foera candu ela g’aveva a giurnà libera….i fan ina bela cubia i se von ben ma alura brindamu ai fioi che son trei…
Olga Amedeo Tre?
Pomponia eh sci nu a savi l’urtima? duvei savè che anche mi e Niculin e Rebecca e Martino aspitamu a cicogna…..
Tutti (Auguri di circostanza)
Amedeo Auguri a tutti però non posso fermarmi a brindare savei devu andà a travaià seduca me licenzia e ora che aspettiamo la cicogna non posso certo rischiare il posto di lavoro
Amalia Sta tranchilu che anche se te licenzia Olga te mantegne…
Amedeo Non capisco
Attilio Ren lascia perde (occhiataccia ad Amelia) Bravu Amedeo ti sei in bravu garsun sta veixin a Olga se u merita…..son proprio cuntentu
Amedeo Grazie…Beh alura mi vagu….
Olga Potere andare anche ioi a sdraiare su letto 5 minuti non sentire bene?
Amalia Veramente….ti stai travaiandu
Attilio E sciù…5 menuti
Amalia E va ben alura tra deixe menuti chi me raccumandu
Olga Grazie io andare
Amedeo Vieni ti accompagno. Bona a tuti.
Pepin Belina che giurnà… e mi avura cose fagu?
Amalia intantu pe ina setimana ghè ancura Olga e poei vieremu. Avura vegni in cu mi de là ( via dalla cucina ) andamu a pià i goti (escono Amalia e Pepin)
SENZA AMEDEO
Amalia Vagu a pià caiche gotu….(fa per uscire quando sulla porta compare Pepin che sorregge Olga)
Scena 8^ Detti +Pepin e Olga
Pepin (entra mentre sorregge Olga)Agiutu…agiutaime che l’è in mesu pesu mortu….
Pomponia Olga cose l’e successu (si avvicina per aiutare pepin)
Amalia (come sopra)Se a stà mà famughe fa in testamentu prima ca ghe reste seca
Pomponia Cose l’è succesu? (A Pepin)
Pepin S’è sentia mà…nu saciu….
Amalia Sarà l’emusiun pè l’eredità….
Pomponia (che nel frattempo era andata in cucina a prendere l’acqua) Teh Olga, bevi
Olga (beve) Grazie stare meglio…avere avuto capogiro
Pomponia ciamu u meigu?
Olga No grazie essere andata già da dottore e volevo dire una cosa….( si rivolge ad
Attilio ed Amalia ) volevo dire che questa è mia ultima settimana con signor
Peppino
Amalia ( un po acida ) e sci….u savevu dautru cantu ti sei diventà ricca
Attilio sciu…. Amalia avura basta nu l’è mia corpa sua se a scignura Matilde g’ha
lasciau tutu a ela
Olga No non essere per quello …è che avere fatto analisi ed io aspettare bambino (si
commuove)
Tutti Ti aspeiti in fioe??
Attilio E chi l’è u curpevure stavota?
Pepin Uè…nu stame a gardà mi nu gh’entru…
Attilio Papà nu stavu diendu a tu (guarda Niculin) Niculin nu l’è che ti hai purtau anche
Olga in sciè i scoi?
Pomponia Niculin..ma cose u dixe… l’è vera?
Niculin Ma mi veramente nu saciu cose di ….mi se hon fau caicosa nu me rigordu ren…
Pomponia Meschinetu cume fa aricurdase se perde a memoria in menutu sci e un nà
Olga No veramente non ricordare perché Nicolino non essere stato….lui a me piacere
molto ma lui guardare solo Pomponia….
Pomponia Menumale
Attilio ma alura….? Parla alè….
Olga (si commuove) Essere di Amedeo….
Tutti Amedeo?
Amalia U garsun da bitega?
Pomponia Scia avei capiu l’è pè l’ho che l’eira in po’ de tempu che u vegneva vurentè a
purta a spesa a ca
Olga Si vero….Pomponia sapere tutto di noi
Pomponia sci…l’è in po’ de tempu che Olga e Amedeo i se incuntrava chi a ca e
foera candu ela g’aveva a giurnà libera….i fan ina bela cubia i se von ben
Attilio Alura u l‘è Amedeo u curpevure?
Olga (risentita) Certo io vedere solo lui cosa credere
Attilio Scusa nu vurevu ufendite….
Pomponia beh alura brindamu, i fioi son trei…
Olga tre?
Pomponia eh sci nu savei l’urtima eh sci duvei savè che anche mi e Niculin e Rebecca e
Martino aspitamu a cicogna…..
Olga Potere andare a sdraiare su letto 5 minuti non sentire bene?
Amalia Veramente….ti stai travaiandu
Attilio E sciù…5 menuti
Amalia E va ben alura tra deixe menuti chi me raccumandu
Olga Grazie io andare
Pepin Belina che giurnà… e mi avura cose fagu?
Amalia intantu pe ina setimana ghè ancura Olga e poei vieremu. Avura vegni in cu mi de
là ( via dalla cucina ) andamu a pià i goti (escono Amalia e Pepin)
Pomponia ( vede Attilio un po’ agitato ) cose ghè Attilio, nu ti sei cuntentu che ti stai pè
ese nonu e barba in t’ in corpu sulu
Attilio son cuntentiscimu. Sulu che hon sempre sa preucupasiun pe chelu che l’è capitau
a scignura Matilde
Nicola chi l’è avura sa Matilde? Garda Attilio nu sta a fa l’abelinau che nu ti hai ciù l’età
Pomponia na Niculin nu ti hai capiu ben; to frai l’è preocupau pe chele indagini che i
carabinei fan in scie a morte de a scignura Matilde
Nicola a scignura Matilde l’è morta che pecau…… e cume l’è sucesu?
Pomponia vegni andamu a dà sa nutisia a Ampelio
Nicola che nutisia
Pomponia Ghe andamu a di che tra caiche tempu l’ariva a cicogna…
Nicola Seguru tra auxeli se capisce.
Pomponia Seguru..bravu anche a cicogna l’è in auxelu ti vei che ti cumensi a imparà…
Nicola Merito tuo che ti sei ina vera esperta… de auxeli Cume Ampelio..cume in
curumbu…(inizia a straparlare)
Pomponia seguru..Niculin ti stai ben?
Niculin (esce verso la camera facendo i versi dei vari ucceli come nel primo atto)
Curumbu…(verso) Cicogna (verso) ecc. ecc.
Pomponia Niculin aspeita che te spiegu meiu vegni pecin ( via dalle camere)
Scena 9^ Attilio + Martino
Martino papà ti a sai l’urtima? Hon da date ina nutisia
Attilio ( si alza e porge i polsi come se dovesse essere arrestato ) in’autra…hon capiu
son pruntu
Martino ma no….ma no…. Cose ti hai capiu? Ti sei innocente. Sci papà, avura te spiegu
cume l’è andà: setite e stame a sente: l’è vera che a scignura Matilde l’è morta
avelenà ma tu nu ti g’entri pe ninte perché paresce che a scignura Matilde a
l’age spantegau tutu l’ortu in cu u velen de rati perché g’eira in cuniu servaigu
che ghe mangiave sempre tutu
Attilio ecu perché truvavu sempre de sgarbi in tu teren
Martino lascime fenì. Te dievu u cuniu a fin u l’ha fau indigestiun de velen e candu ti
l’hai piau tu l’eira già moribondu, ma tu nu ti purevi savelu dunca ti sei
innocente
Attilio ti voi di che a scignura Matilde a l’è morta perché l’ha mangiau u velen che l’ha spantegau ela?….
Martino se guru l’è cume in suicidiu…avemu risoltu u casu.. Ti sei cuntentu?
Attilio seguru che son cuntentu ( poi si atteggia ) ma mi u savevu, nu l’eiru preucupau; e ghe manchereva! Nu ghe pensavu ciù da tempu….
Martino (indica la bottiglia) Ma ti u savevi già che ti hai preparau a butia pè festegià?
Attilio na veramente duvemu ancura droevila …bravu cuscì festegiamu a risulusiun du casu…e l’arivvu du fioe e poi …a cicogna de Pomponia…
Martino De Pomponia? Perché anche ela? (mima la pancia) e de chi l’è de Amedeo?
Attilio na…na….. da Niculin….
Martino Niculin???????????u barba Niculin?
Attilio sci anche se elu meschinetu dixe de nu ricurdase ren, ma ghe pensai ti vai in cu in tocu de sciorba cume Pomponia e nu ti te ricordi ren ( risatina )
Martino va ben cuscì u barba se sistema, fina elu e se sistema ben in cu Pomponia
(mima le fattezze di una bella donna ) e mi che credevu che Pomponia e Amedeo….
Attilio Na Amedeo n’aspeita in autra de cicogna ma in cu Olga…paresce che l’è in po’ che si dui…. E poi anche elu s’è sistemau perché Olga l’è in bon partiu l’è ina ereditiera ela….
Martino Che giurnà ancoi a cicogna s’è divertia in cu nui eh?
Attilio cuscì alura sei tuti sistemai e menu male che mi hon esperienza e se cose nu me capita ciù eh eh
Martino Menomale….beh pà….avura dopu tute se bele nutisie devu andà da Rebecca…Ciao saluta tuti…
Attilio Ma aspeita nu ti te fermi pè in gotu?
Martino Na te lasciu festegià in cu a mama…ciau nonu (esce ridendo)
Attilio Eh sci festegià in cu a mama…va ben che in te si urtimi tempi da candu se tegne in po’ de ciù avemu festegiau anche nui… però avura che semu noni….anche se mi me sentu ancu….(si da le pacche come tarzan)
Scena finale
+
22Entra Amalia da sola con in mano un vassoio con bicchieri
Amalia Ecu chi avura puremu fes…te…già (si guarda intorno e vede solo Attilio) ma duve son tuti?
Attilio Son andai a festegià da suli….nona…se ti voi puremu festegià anche nui.. (si avvicina tipo gattone)
Amalia Eh ciantila Attilio….dai che de l’à ghe to paire… e poi cose festegiamu?
Attilio Beh a mia inucensa…Martino m’ha dau ina bela nutisia poei te contu..e poi diventamu in te in corpu sulu noni e tu tanta e mi barba…e poi nu saciu, alè festegiamu e basta…se ti voi puremu anda a fa in giru in sciè i scoi anche nui…
Amalia Veramente…Attilio…se te ricordi ben avemu già festegiau caiche vota urtimamente…
Attilio Sci l’è vera u tou scangiamentu u n‘à…ringiovanii, son cusci cuntentu
Amalia Ecu bravu me fa piaxè perché te devu di ina cosa (preoccupata)
Attilio Dime…
Amalia mi nu saciu cose pensà e nu saciu cume dilu . Attilio ….ma hon già 10 giurni de ritardu forsci avemu festegiau tropu… speramu ben
Attilio (agitatissimo)Ah cose ti dixi…me sentu ma…ah nu l’è vera…. Ti te sbai…nu l’è puscibile a noscia età nonu e paire…cose dirà a gente…na na l’è in schersu avura vagu a ciamà u meigu….(esce concitato)
Amalia Attilio aspeita….nu l’è ancora ditu e poi a gente lascila parlà..(al pubblico) Eh menu male che eiru mi a l’antiga…(esce dietro ad Attilio) Attilio…
SIPARIO
