TIFO IN SALA PARTO
UNO - Ma chi è, macari so’ mugghieri e in sal partu?
DUE - Si!
UNO - Chi è u primu fighhiu?
DUE - Ma picchì, macari lei ...?
UNO - Qua la mano, collega.
DUE - Mi fa tantu piaciri daveru!
UNO - Chi ghiurnata ranni, ah? Piccatu ca è duminica ...
DUE - Eh già!
UNO - E ppi ghiunta o stadiu oggi c’è a partita chiù mportanti di l’anno: Palermu-Catania
DUE - Ragiuni havi vossia, non sapi chi sofferenza ca non ci potti iri, ma ‘ntantu chi faceva, capaci ca me mugghieri s’affinneva ...
UNO - Ppi carità, non mi ni parrassi, i fimmini sti cosi non i ponu capiri, non s’immedesimanu mai. Chi tifa po’ Palermu puru lei?
2 - No! Iu po’ Catania tifu.
1 - Ah.
(i due si guardano con meno simpatia, la conversazione langue; imporvvisamente si apre la porta ed entra l’infermiera.)
3 - Il signor Panella?
1 - Iu sugnu.
3 - Lei è diventato padre proprio adesso!
1 - (lanciando in aria il cappello) Alè! Catanisi: acchiappiti chissu: unu a zeru! (si mette a sventolare una bandierina che ha tirato fuori dlla tasca interna della giacca) alè oh oh ...
2 - Ora videmu. Ancora semu e primi minuti do’ partu, caru lei!
1 - Ma ‘ntantu iu fici un figghiu e lei no!
2 - ‘Nfirmera ma me mugghieri chi fa, dormi?
3 - Vado a vedere signore. (esce)
1 - (in preda alla solita euforia) Forza pupo, forza pupo, è finito il tempo cupo. (al catanese) Devi morire...
2 - Ma stassi mutu, non si vagnassi prima di chioviri ...
3 - (tornando, a 2) Signor Pappalardo, anche lei è padre!
2 - Pigghia, ‘ncarta e porta a casa: Pareggio. (intona la marcia trionfale dell’Aida)
1 - ‘Nfirmera, ma sicura è? Non è ca l’ostreticu ci visti mali?
3 - Ma che cosa dice signore? (se ne va offesa)
2 - unu a unu! u sapeva, u sapeva iu ca mugghieri subbitu avissa signatu!
1 - Si ca ora! Sicuramenti s’aiutau cu l’anestesia, mi iocu a testa ca è “dopata” ...
2 - Ma chi vulissi diri ca u me neonatu non è regolamentari?
1 - E chi ni sacciu iu si è regolamentari? non è ca c’era quannu so mugghieri u fici...
2 - Dillu nautra vota si hai curaggiu!
3 - (arrivando trafelata) Signor Panella ...
1 - Chi è ca c’è? Non facemu ca m’annullaru u neonatu?
3 - Un altro! Le è nato un altro figlio!
1 - (con un grido inumano) Goal! Dui a unu! Catanisi e ora chi c’appoggi?
2 - ‘Nfirmera, ma sicura è?
3 - Sicurissima, ero lì!
1 - (in preda a una smodata allegria) Forza pupi, forza pupi, so’ finiti i tempi cupi! (intona na na na na na ...)
2 - (gridando verso la sala parto) Ma chi sta facennu st’ostreticu? Forza a mugghieri, forza a mugghieri, venilu a ghiunciri, venilu a ghiunciri!
1 - Ma cca ghiri iuncennu? Ma si stassi mutu!
2 - Stassi mutu lei, ca so’ mugghieri ficio nautru figghiu ppi puru casu!
3 - (rientrando allucinata) Ma è incredibile: un’altra nascita ... stavolta per lei signor Pappalardo ... (esce sconvolta)
2 - Ppi mia? Pareggiooooo! Dui a dui! (intona “alza la mano, Palermo alza la mano” sulle note di Guantanamera)
1 - Ma non è possibili!
2 - Auh, Palirmitanu e ora chi canti?
1 - Tempu scadutu, tempu scadutu era, non vali, ostreticu: orologio!
2 - U me sacunnu figghiu è validissimu, e lei s’hava vriugnari!
1 - Iu non mi vriognu di nenti, u cpaisti?
3 - (arrivando ormai decisamente in trance) E’ troppo! Signore, un altro.
1 - Du’ miu?
3 - Si!
1 - Urraaah! Tri a dui, tri a dui. Catanisi, si finutu, stinnicchiatu, arruvinatu. Chi non salta è catanisi ueh ueh ....(innalza un gran pavese di bandierine)
2 - Ancora non è ditta l’ultima parola ...
3 - L’ostretico ha fischiato ora il fine parto!
1 - Viottoria! i me figghi hana a divintari campiuni. Tutti e tri iucaturi di palluni hana a essiri!
2 - Macari i mia!
1 - I me, sunu i futuri speranzi do’ Palermu
2 - E i me do’ Catania
1 - Forza Paliemmu!
2 - Forza Catania!
3 - Signori ho dimenticato di dirvi che sono cinque femminucce ...
1 - 2 - (si guardano in faccia e, prima di svenire, un solo grido) Ostreticu curnutu!
FINE