NINO MARTOGLIO
'U PÀLIU
Copyright 1979 by Edizioni "II Vespro" S. p.A.
Palermo Via degli Orti, 41
finito di stampare nel mese di marzo 1979
dalla Tipolitografica Operaia S. C.R. L. - Palermo
PERSONAGGl
MARTA SANTORO, vent'anni, avvenente, ordinata, linda, amante di sé. Bruna, vivace, risoluta.
LA ZIA BETTA, donna di casa, Sessant'anni. Faccendiera, curiosa, un po' ciarliera, intimamente buona.
MATTEO BLANCO, sindaco, ex capitano marittimo. Cinquant'anni, forte, sano, viso aperto, carattere franco. Veste bene, ma senza ricercatezza, e porta sempre un cappello a cencio, a larghe tese.
MAURU SAITTA, pescatore. Venticinque anni. Agile, ma di lineamenti forti. Veste decentemente.
BRIGADIERE DI FINANZA, trent'anni, bell'uomo, azzimato, corretto nel vestire e nel portamento. Indossa la divisa, con berretto d'ordinanza.
SIMUNI, terrazza no, operaio. Ventott’anni. Slanciato, aitante, pulito. STEF ANU, pescatore. Ventiquattr'anni, bel ragazzo, veste con cura e porta il berretto dei marinai della Regia Marina.
VENNIRA, popolana. Cinquant'anni. Mal vestita, sudicia, sciattona, Assai pettegola.
NATALI, terrazzano, vagabondo. Diciannove anni. Mal vestito, birichino.
SARU, pescatore. Diciott'anni, buono, troppo semplice. Veste modestamente, ma pulitamente.
CALOGIRU, pescatore. Sessant'anni, Povero, abbronzalo dal $01(\ non decente, nèpulito.
BIAGIU, pescatore. Cinquantacinque anni. Idem idem.
MAESTRO DI SCUOLA, cinquant'anni. Dimesso, bonario, filosofo.
Veste alla buona, di nero.
CURATO, cinquant'anni, astioso, prepotente. Veste di corto, porta il bastone e annusa tabacco.
USCIERE DEL MUNICIPIO, quarant'anni, magro, veste di nero, ma non nuovo, in giacca, col solo berretto con lo stemma del Municipio.
POPOLANI·POPOLANE
RAGAZZI·RAGAZZE
ATTO I
Camera rustica al pianterreno. In fondo finestra aperta che dàsulla strada, con breve davanzale, sul quale, addossati agli stipiti, sono due vasi di garofani fioriti. Accanto alla finestra, da un lato, piccolo telaio da ricamo, dall'altro macchina da cucire. Sulla destra, porta d'ingresso e, accanto alla porta, piccolo Tavolo coperto da breve tappeto con su due candelieri di rame. Sulla sinistra, uscio di comunicazione con altra camera c, accanto all'uscio, comòcon sopra uno specchio addossato al muro e un piccolo servizio da caffèin porcellana, disposto con simmetria. Nel centro tavolo tondo, coperto da tappeto lavorato a mano e sopra di esso un vaso con fiori, due o tre statuette in gesso, un cestino da lavoro ed altro. Qua e làuna mezza dozzina di sedie impagliate. Tutta la casa rispecchia l'ordine e la pulizia. Siamo ai tanti del mese di giugno del 1890, nel piccolo comune di Aci Castello (in quel di Catania) famoso per la sua rocca medioevale, assai citata nelle storie di Sicilia.
SCENA I
Marta e la za Betta
MARTA
(graziosamente vestita di mussola a fiori, con un grande grembiale rosso, accuratamente pettinata, siede al telaio, ricamando, con filo d'oro, una bandierola di seta bianca, e guarda, di tanto in tanto, con una certa malizia e civetteria, al di làdella finestra, d'onde si vede la gente che passa per la strada).
BETTA
(seduta di fronte a lei, presso la macchina, imbastisce gli orli d'un lenzuolo nuovo raccolto dentro una grande cesta di vimini, che èper terra).
MARTA
(ricamando, dopo breve silenzio) Dunca... Diceûru?
BETTA
(cucendo) Diceva ca me' matri, bon'arma, ripiteva sempri stu muttu anticu: Dammi furtuna o sorti e jettami a mari! Quannu 'a sorti ti voli aiutari, ti cerca macari o 'nfernu! (smettendo di cucire e guardandola) Guarda sudd'èveru. 'U mari s'arrobba la megghiu giuvintùd'u paisi, e quannu non si l'agghiutti, t’'a manna a' casa vecchia e china di malatii, senza un soldu 'ntr' 'a sacchetta... si pònfari? .. C'ècchiúboia e tradituri d' 'u mari? Eppuru, arnrnenzu li so' tradimenti, don Matteu Blancu, truvò'a so' fortuna e ti turnau 'nt ' 'o paisi riccu sfunnatu!
MARTA
(senza staccare gli occhi dal ricamo, come parlando a se stessa) E... furtuna, furtuna... manca e crisci comu la luna! ...
BETTA
(rimettendosi a cucire) Si figghia, veru è, ma 'ntantu ppi iddu crisci sempri... (c. s.) Nni voi 'na prova? 'U fattu di ieri.
MARTA
(con curiosità, smettendo di ricamare) Quali fattu ?
BETTA
Comu, nenti t'haiu dittu, ancora?
MARTA
(fa cenno di no).
BETTA
Nenti di menu, scavannu, ppi fabbricari a so' casa, dda jusu, sutta 'a rocca, ti va e trova 'u passaggiu suttiraniu d' 'u casteddu!... Doppu ca l'hannu circatu ccu la lumiricchia tanti migghiara e migghiara di puvireddi! ...
MARTA
E chi furtuna è, chista ca diciti? ...
BETTA
Comu?! Chi furtuna è, m'addimanni? 'Na furtuna sbardillata!... E chi veni, d'u munnu d' 'a luna? 'U sai, o non lu sai, ca 'nta 'ssu suttirraniu c'èsuttirratu, di tanti cintinara d'anni arretu, 'a truvatura di Petru Baialardu, ca era lu gran putenti magu d' 'u Casteddu?
MARTA
(sorride d’incredulità).
BETTA
D' 'u restu, dicu iu, megghiu iddu ca 'n'autru! Fa tantu beni a tutti e s' 'u merita.
MARTA
(sorridendo)
Cu ' v' 'u cuntau, 'ssu romanzu?
BETTA
Romanzu? E veritàcomu lu vangelu! Autru ca! E tu dimmi 'na cosa: chi è'a prima vota, ca 'u senti diri? Addimànnici a cu' vo' tu, 'nt ' 'o paisi, e sintirai!… Avi 'na pocu d'anni ca non scàvanu cchiúpirchí non truvavanu mai nenti, ma finu a vint'anni arreri eranu cchiú i cafòla, attornu o' casteddu, d’i ficu sarvaggi! ...
MARTA
(c. s.) Sì, ma vu ' stissa aviti dittu ca non truvatu mai nenti.
BETTA
E si cumprenni, pirchínon 'nzirtònuddu la dirizioni! Era distinatu pp' 'u Sinnacu, 'u trisoru! ...
MARTA
Sì, avemu a vìdiri, macari iddu, chi belli petri lisci c' ha' a truvari! Giànon cridu ca s'affatica a circari, pirchínon ci l'ridi ...
BETTA
Vidiremu! ... 'Ntantu sta facennu sbacantari ‘u p assaggiu di tutta 'a terra e i petri ca ci sunnu... e chistu non avi nenti a chi fari ccu 'a casa ca fabbrica, mi pari!
MARTA
'U faràppi mèttiri 'a so' casa in comunicazioni cc' 'u casteddu... Sennu ca c'è'stu passaggiu ca diciti, si nni apprufitta.
SCENA Il
Stefanu e dette.
STEFANU
(passando per la strada, si ferma dietro la finestra a guardare Marta) Salutamu la biddizza!...
BETTA
Oh, oh! 'U diavulu arretu l'artaru!
STEFANU
E vui siti l'acqua santa!… Ma non mi faciti scantari, ppi sapillu !...
BETTA
'U sacciu, ca siti cchiúduru d' 'u pnrpu!
STEFANU
Mancu mi salutati, donna Marta? ..
MARTA
(sorridendo) Bon giornu, Stefanu, v'aveva salutatu ccu 'a testa.
STEFANU
Quannu a 'llistiti, 'ssa bannera?
MARTA
Eh... Dumani, di certu. Passannu dumani èSan Giuvanni, e si currunu 'i râati.
STEFANU
Assai nni curremu, auannu!…
MARTA
Ah! vui macari?
STEFANU
S'addimanna? Ppi vinciri 'ssu paliu ca faciti vui currissi supira 'u focu d' 'u 'nfernu!
BETTA
(segnandosi) Passi là, brutta bestia! Guardati comu bistemia
scanzàtini!…
MARTA
(con malizia) Pirchí? Chi àvi di straordinariu, 'sta bannera?
STEFANU
(smanceroso) Avi, ca èfatta cl' 'i vostri manu.
MARTA
(c. s.) Cci su' tanti manu cchiúvirtuusi, 'nt' 'o paisi! ...
STEFANU
(c. s.) Cchiùvirtuusi, pòdarisi, ma cchiúbeddi nenti.
BETTA
Ajai... ca mi veni 'a sterica! Quantu siti ammilatu 'sta matina!
STEFANU
E vui, quantu siti amara, botta di vilenu!
BETTA
Datimi tanticchia di 'ssu meli vostru ca addiventu cchiúduci! ...
STEFANU
A vui? .. Pipi spezi, chiútostu, e spiritu ardenti, ppi farivi vunchiari 'a lingua! (a Marta, che ride) Quant 'èveru Diu, ogni rosa avi a so' spina!... Ma chista ca vi sta allippata, è'na vera spina vintusa, malanova d'idda sula!
BETTA
(indignata) E vui siti un panarizzu malignu!
MARTA
(c. s.) Mischina, pirchí'a ‘ngiuriati? Vi voli tantu beni !…
STEFANU
Sara, ma a mia mi fa un mali sangu!…È‘u me’contravilenu!…
Mi nni vaiu, anzi, ppi non vidilla! Vi salutu, Marta, tanti cosi boni!
MARTA
Arrivederci, Stefanu... E bona fortuna! ...
BETTA
Sì, bonu faciti... Acqua davanti ...
STEFANU
E ventu darreri!... (scompare).
SCENA III
La za Betta e Marta.
BETTA
Quant'èantipaticu, botta di sangu!
MARTA
Nonèveru, za Betta. Ètantu gintili, inveci!
BETTA
Già, gintili! Un mortu di fami ca pritenni di fariti 'u spasimanti!…
MARTA
Ma sa chi vi pari, za Betta? Vui 'u sapiti ca 'a pigghiu a ridiri ccu iddu e ccu tutti chiddi d’‘u so' statu!
BETTA
E fai bonu, figghìa!... Na giuvinotta comu tia, orfana e senza beni di fortuna, ca campa cc' 'u sòtravagghiu, 'o fattu so' cci divi pinsari du' voti, prima di fari 'na minnalarìa.
MARTA
Chi minnalarìa, za Betta?
BETTA
Chi sacciu iu?... Prima d’innamurarisi, prima di farisi zita.
MARTA
Ma iu non sugnu, néinnamurata, nézita di nuddu '... Eh! ...
Prima di fàrimi zita.. e di 'nnamurarimi iu, nn’ha' a passari acqua sutta e' ponti!... Non vi criditi ca haiu 'a smania di maritàrimi, ppi cuntinuari a fari a puûredda!… Megghiu muríri zitidduna, chiuttostu! … Mittìtivi 'n testa, za Betta, ca iu non mi maritu senza cangiari statu! ... 'U me' cori, ppi fortuna, non èdi pasta frolla, e 'a mècasa non mi feti, oh!... Quannu virrà'ddu iornu ca ci dicu di siìa quarcunu, veni a diri ca 'stu quarcunu mi pòfari fari a signura.
BETTA
(alzandosi e facendosele da presso) Bravu... Ti vogghiu dari un vasuni ccu tuttu lu cori! (la bacia) Accussíègiustu!… Finu a tantu, dicu iu, ca non trovi lu to ' partitu convinienti.. (si ode bussare alla porta d'ingresso e andando verso di essa) Cu ' è?
MATTEO
(di fuori) Apriti, iu sugnu, Blancu ...
BETTA
(fermandosi a mezza via, strizzando l'occhio) Auh, Marta! Si 'u Signuri ti vulissi aiutari!… Si tu fussi furtunata!... Chistu, sí, ca fussi un partitu!
MARTA
Cui? … 'U Sinnacu?
BETTA
Fh! Macari Diu!(corre ad aprire).
SCENA lV
Matteo e dette.
BETTA
(lasciando la porta a metàsocchiusa, prima che Matteo entri, a bassa voce) Troppu prestu, vinni! Mancu l'aveva cuminciato, si pòdiri, 'u discursu! ...
MATTEO
(piano) Non fa nenti... Staiu tanticchia e mi nni vaiu, ppi turnari cchiútardu (varcando la soglia, forte, a Marta, che resta a sedere) Comu va, comu va, 'sta massaredda? A chi puntu semu?
MARTA
A bon puntu... Scusati, Sinnacu, si non mi alzo, pirchí'u tempu mi stringi e non pozzu suspenniri mancu ppi un sulu minutu.
MATTEO
Fate, fate ccu tuttu lu vostru comudu (ammirandola sempre più da presso) Vui siti tantu virtuusa, quantu siti bedda!
MARTA
(sorridendogli, con affettata ingenuità) Grazii!
BETTA
(rimettendosi al lavoro) Ah, si, chistu èveru! ... Mi costa e l'haiu adiri: Marta èun buttuneddu di rosa, ma èmacari 'na massaruna!... Pòdiri sempri. "travagghiu fattu, dinari aspetta"... È un specchiu di pulizia, travagghia sempri e si fa ben vuliri di tutti.
MATTEO
(sedendo vicino a Marta) 'U sapemu, 'u sapemu ca èlu suspiru di tuttu 'u paisi '... Siddu duvissi fari 'a statistica di tutti chiddi ca sû 'nnamurati di 'sta birbantola, arrisurtàssiru chiúassai di chiddi ca paganu 'a tassa fucaticu!
MARTA
(con malizia) Chi esagerazioni! ...
BETTA
(con intenzione) E... mi dicissi 'na cosa: C'èmacari 'u Sinnacu, ammenzu a 'ssi tali?
MATTEO
Chi vol diri?! 'U Sinnacu 'u primu di tutti! Se èil primo cittadino del paese, di conseguenza divi essiri ii primo innamorato!
MARTA
(c. s.) Siti troppu bonu!
SCENA V
Simuni e detti.
SIMUNI
(dietro la finestra) A la grazia di donna Martuzza!... Aviti bisognu di tingiri russu pp' 'u vostru tilaru?
MARTA
No, pirchí?
SIMUNI
Pirchívi vurrissi uffriri 'u sangu di li me' vini, russu comu 'sti 'alòfiri.
BETTA
QuanTu siti esageratu, scanzatini!
SIMUNI
Ah! vui ci siti, za Betta? Visalutu... (accorgendosi anche di Matteo) Baciu li manu, Sinnacu (confuso) Non sapeva ca era ccà, vossignuria... Non l'aveva vistu! Vossia scusa!
MATTEO
(sorridendo) Di chi t'haiu a scusati? Cuntinua.
SIMUNI
Non signuri, mi nni vaiu, anzi. Benediciti. Bon giornu a tutti!
MATTEO
Veni ccà, pirchíti noi vai? Fermati ...
SIMUNI
(allontanandosi) Eh... nonsignuri! Unni maggiuri c’è, minuri cessa!... (scompare)
SCENA VI
Marta, la za Betta e Matteo.
BETTA
(in tono canzonatorio) Dissi lu lu puddicinu 'n tra la nassa!
MATTEO
Ah, ah! Chi testa pazza!
BETTA
Pazzu maleducatu, però!…
MATTEO
Giuvinottu! (dopo aver nmirato per un bel pòMarta, che l’osserva di sott'occhio e se ne compiace) Mi nni vaiu, cummaredda. Nni videmu chiútardu, si non vi dispiaci.
MARTA
Comu vuliti.
BETTA
(premurosa) Quannu voli! 'A casa èsempri aperta ppi vossignuria! (lo accompagna alla porta).
MARTA
Scusati si non mi susu ...
MATTEO
Stati còmmuda! A rivederci, za Betta,
BETTA
(piano) Ccu n’autr’ura, al piùe maeari prima. Cumprenni? ‘A picciotta mi pari ben disposta.
MATTEO
(le stringe forte la mano ed esce con aria giuliva).
SCENA VII
La za Betta e Marta.
BETTA
(dopo avere rinchiusa la porta, riandando verso Marta, con malizia) Figghia mia, mi pari ca 'sta vota tu l'affirrasti pp' 'i capiddi.
MARTA
Chi affirrai? ...
BETTA
'A furtuna!… (rimettendosi a sedere) 'U sintisti a don Matteu?
MARTA
O, Maria Santissima, quantu siti babba! Ca chiddu scherza.
BETTA
Scherza?... No, curina, ca 'u dici supira 'u seriu! Eh! Mi nn i 'ntennu iu, di certi cosi! Non pri nenti haiu quarant'anni cchiúdi tia ...
MARTA
E vui pinsati? …
BETTA
Pensu ca è'nnamuratu di tia e si voi addivintari la signura Blancu, sinnachissa e riccuna, non divi diri ca 'na parola sula ...
MARTA
(sorride lusingata, poi resta seria e pensierosa).
BETTA
Marta.... A chi pensi?… Comu, non rispunni? …Eh, figghia mia, sai comu diceva chiddu? "Ognunu avi lu so' quartu d 'ura di furtuna". Si tu lassi passari 'u to ' senza agguantarla, non cridiri ca 'dda maligna veni e s'apprisenta a tia n'aurra vota! (alzandosi, le si appressa, la scruta, poi, insinuante) Dimmi 'na cosa... Chi c'èpaura si 'nnamurata di occherun’autru? Siddu èaccussí, èn'autru paru di manichi, oh, sapemuni sèntiri ...
MARTA
Ma chi 'ncucchiati?!... Iu non sugnu 'nnamurata di nuddu, vi dissi ...
BETTA
Propriu, propriu? Ccu 'a manu supra 'a cuscenza?
MARTA
(sostenendo placidamente lo sguardo di lei, con franchezza) Si, sincerarnenti.
BETTA
E allura... chi pensi? Non ti piaci don Matteo, forsi? .. Senti, èveru ca non ècchiúpicciottu, ma èun bell'omu. Cori ranni, omu di curaggiu, bonu, giniusu... Ti dispiaci, daveru?
MARTA
(spingendo lo sguardo al di làdella finestra) No!... non mi dispiaci...
BETTA
L'età, figghia mia, nenti è!... Prima di tuttu èun omu sanu e forti ca ci pòdari punti a centu giuvinotti; e poi, ppi cumpensu, unni 'i metti, tu, 'i so' ricchizzi?... Addivintari signura e finiri di sfardariti l'occhi e 'i manu su pira 'u travagghiu ...
SCENA VIII
Vennira e dette.
VENNIRA
(dalla strada, affacciandosi al davanzale della finestra) Ah, chi nni diciti, cummari Betta? Bon giornu, Marta.
MARTA
Bon giornu (la guarda con disprezzo).
BETTA
Chi nni dicu, di chi?
VENNIRA
'U Sinnacu truvau 'a trasitura d' 'u trisoru, e 'a fa scavari ppi cuntu so'! 'U trisoru, dicu iu, èdi tutti ‘i paisani. Chi liggi è, chista?
BETTA
Lassaticcilìu truvari, prima! ...
VENNIRA
E viva 'a burritta di me' nannu!… Mi faciti arridiri senza vuliri!... Quannu l'ha' truvatu chi fa, veni a chiamari a mia e a vui ppi spartirinnìllu?... Quantu siti 'ntòntira!.,. Bisogna pinsaricci prima, bisogna! (batte le palme sul daanzaletto di marmo).
MARTA
(infastidita) Ma chi tesoru e tesoru!... Non cridi ti a 'ssi favuli! Non esisti 'u tesoru!
VENNIRA
Favuli? … Non esisti? Accussími vulissi guadagnari la saluti eterna, comu esisti 'ssu tisoru! Ma intantu, dicu iu, chi dirittu aveva iddu di 'mpadrunirisi d' 'a trasitura? 'A trasitura èd' 'i tirrazzani e iddu 'a chiudi a tutti e ci fabhrica supra, comu si fussi cosa so'! ...
BETTA
Chistu non voli diri. Si 'u tirrenu èso' nuddu ci pòimpediri di fabbricaricci e di scavari quantu voli e comu voli.
VENNIRA
Si? … Non nni sacciu nenti, iu! 'U casteddu, 'ntantu, non era 'u so', e si nni impatruniu ppi chiudillu a tutti.
MARTA
(c. s.) Già! Era megghiu quannu ci ieuru tutti ppi sdìrrubballu!… Piccatu! Non lassastuvu autru ca quattru mura, senza vìsuli e senza tetti! Fici ben i a chiudillo!… E poi, cu vi l 'ha dittu ca 'u chiusi iddu? 'U casteddu addivintau proprietàd' 'u Guvernu, ca l'ha datu in custodia 'o Comuni, iddu è'u Sinnacu e 'u custodisci. Fa l'obrigu so'! Chi mali c'è, 'nta tuttu chistu?
VENNIRA
C'èca iu 'a ragiunu di n'autra manera, e dicu ca è'na priputenza, e ppi 'ss' affari d' 'u trisoru succidirà'na rivoluzioni 'nt ' 'o paisi!
BETTA
Contru di cui?
VENNIRA
Contru d'u Sinnacu.
BETTA
Ma si èchiú'u beni ca fa, 'nt' 'o paisi, a di quannu cci turnau, ca 'u pani ca si mangia! Si 'a so' casa e 'i so' dinari su' di tutti!
VENNIRA
Chi stu èn 'autru paru di manichi! Si fa limòsini èsignu ca àvi bisognu di purgàrisi l'arma di tutti 'i piccati c' ha' fattu ... 'U sapiti vui com'èca s'arricchìu?
MARTA
(irritata) Sintemu, comu?
VENNIRA
Mittennu chiúpeddi o' suli di quantu nni metri 'a cunzarìa di Capumulinu!…
BETTA
(indignata) Ma chi peddi 'o suli, non bistimiati! 'Ddu crstianu ci ha fattu 'a peddi e' briganti e i latri di mari sulamenti, ddàjusazzu, in capu a lu munnu, unni su' tutti sarvaggi e armi pagani! E fici bonu! Chi su' piccati, chisti?
MARTA
Ma mancu aviti adiri chistu, za Bettal Ci aviti a diri ca l'ha' ammazzatu ppi addifinnìrisi, pirchívulevanu assassinati ad iddu, senza avìricci fattu nenti!
VENNIRA
Beni, beni, a mia non mi 'rnporta di tuttu chistu... Pp’accamora facemuni 'a festa di San Giuvanni e poi nni parramu!... Si po' vidiri, 'ssa bannera?
MARTA
(seccatamente) Non èfinita, ancora ...
VENl\IHA
M’‘a faciti vidiri dumani... Addiu, Marta, vi saluto, cummari Betta. (se ne va).
MARTA
(c. s) Bon giornu ...
BETTA
Vi salutu.
SCENA IX
La za Betta e Marta.
BETTA
Chi sparrittera 'ngratunazza! ... E chi maligna vilinusa! Armenu armenu, don Matteu, ci ha rîalatu ducentu liri, a picca a picca!… 'Na doti di 'n a picciotta... E idda ci mitissi contra tuttu 'u paisi ...
MARTA
Bonu ci sta! Ppi cuntu miu, 'sti gintazzi, si putissi, 'i mannassi tutti 'nfunnu 'o mari! 'Gnuranti e 'nsunsatizzi! (si alza e va a guardare il davanzale) Guardati chi c'ècca! Mi 'nsunsau tuttu 'u pisòlu d' 'a finestra, ccu ddi manazzi lordi! (prende dal pedale della macchina uno straccio e si dàa pulire il davanzale) lu non sacciu ... 'U Signuri, a mia mi fici puviredda ppi sbagghiu! 'l pozzu vidiri comu 'u fumu all'occhi 'i strazzati! (riponendo lo straccio e tornando a sedere) In quantu a 'gnuranza, d' 'u restu non dubitati, ca vu ìnon siti d' 'i scarsi ...
BETTA
Si, ma iu non dicu mali di 'ddu santu d' 'u Sinnacu... Dunca turnamu 'o nostru discursu. Si don Matteu Blancu t'addimannassi, peracasu, tu chi ci rispunnissi? ..
MARTA
(risoluta) Si!... Ma criditi ca è'na fantasia, 'a vostra ...
BETTA
(soddisfatta) Ah, si? 'Na fantasia? E chi t'haiu adiri, allura, ca mi nn' ha' parratu e m’incaricau di spruvàriti?
MARTA
(raggiante) Cui, 'iddu?
BETTA
Allura cui, 'u cappillanu d' 'a parrocchia? (mettendole una mano sulla spalla) Non t' 'u dissi, figghia bedda, c' 'a fortuna èccu tia?
MARTA
(fissandola in volto) Ma... sapèmuni sentiri, za Betta. Vui parrati di matrimoniu ccu tutti li sacramenti: Chiesa, Municipio ...
BETTA
Si suttintenni! Scansatini, Signuri!... E si dumanna 'na cosa di chisti? Ppi ccu m'avevi pigghiatu? Don Matteu, d' 'u restu non èomu di fari cerri proposti, specialmenti a 'na picciotta comu tia, onesta e di chiddi ca meritanu rispettu!... Iddu ti conusci e pirchissu ti voli! (guardando alla finestra stizzita) Bravu!... Eccu n'autra làstima frisca! (china gli occhi sul lavoro, come per dimostrare che non le preme il nuovo venuto).
SCENA X
Il Brigadiere e dette.
BRIGADIERE
(dalla strada, appoggiandosi al davanzale) Salutamu 'a bedda d' 'u paisi! Comu va, signurina?
MARTA
(col solito sorriso) Beni, grazii!
BETTA
(tossisce per farsi notare)
BRIGADIERE
Filici cu pòvincirla, 'ssa bannera! Iu mancu pozzu cuncurriri, disgraziatamenti!
MARTA
E pirchí?
BETTA
(tossisce un 'altra volta, indispettita).
BRIGADIERE
(afflitto) Eh... pirchí?!... Ppi 'sta biniditta divisa, ca mi 'ncatina!... Va sìno, fussi ... 'u sidicesimu, 'u vintesimu, chi sacciu!…
MARTA
Ah! Accussíassai su', chiddi ca currunu 'i râati?
BETTA
(tossisce ancora più forte).
BRIGADIERE
Ancora ènenti... Di cca passannu dumani... sarannu di chiú…Mittìstuu in rivoluzioni tuttu 'u paisi!
MARTA
(con civetteria) Iu?
BETTA
(con affettata me mellifluità) Tanti rispetti, signor brigaderi!
BRIGADIERE
Bon giornu, za Betta (a Marta) Annunca cui? Vui, vui, ccu 's'occhi latri!
MARTA
(c. s.) Voli abbuffuniàri, lei?
BRIGADIERE
Tutt'autru! Fiurativi ca curri macari 'u Sinnacul ...
MARTA
(con compiacimento) Ah, si?
BRIGADIERE
Vi dicu, così granni, va! Già, cu' guadagnerà'ssa bannèra vostra, sarà'nvidiatu di tuttu 'li paisi.
MARTA
'Nvidiatu poi!... Pirchí avissi ad essiri 'nvidiatu?
BRIGADIERE
Pirchí? Ah, vui non vi nni persuarìti? O faciti finta di non sapiri sèntiri? Ppi 'a stissa ragiuni ca si vui vulissivu scambiari un picculu rialu cu mia e mi vulissivu dari un fazzulitteddu arricamatu d' 'i vostri manu, iu... mi sintissi l'omu cchiúfilici di 'stu rnunnu.
BETTA
(sollecitamente) Già... ma non pòessiri chiú! ...
BRIGADIERE
(sempre rivolto a Marta) E pirchí? Nn'aviti raccamatu ppi tanti! ...
BETTA
Prima sì, ma ora finiu! Cu nn' appi nn' appi, cassati di Pasqua! ...
BRIGADIERE
Livàti manu di fari a raccamatrici?
MARTA
(confusa) Forsi ...
BETTA
No forsi, sicurissimamenti... matafisicu!
BRIGADIERE
(sempre rivolto a Marta) E pirchí, si èlicitu?
BETTA
Licitissimu! Pirchíècompromessa, èfidanzata, va, e il so' fidanzatu non ci prometti chiúqualunchi raccamu (con intenzione) Si persuari, signor brigaderi?
BRIGADIERE
(con doloroso stupore) Ah, èfidanzata, 'a signurina?
MARTA
(c. s.) Veramenti ...
BETTA
(prevenendola) Quantu voti s'ha adiri, 'na cosa? Èfidanzata, sissignuri!
BRIGADIERE
(dopo breve silenzio) E ccu cui, sìèlecitu? Si pòconusciri, 'stu picciutteddu furtunatu, ca vi sappi rubari 'u cori?
BETTA
(c. s.) Ppi camora non si pò, ma picca passa ca lei saràsudisfattu. Ha capitu, signor brigaderi?
BRIGADIERE
Bravu! Cumprimenti e augurii! ... Speru ca mi pirmittiriti di farivi di tistimoniu e di offrirvi un picculu rialu di nozzi... Èveru, signurina?
BETTA
Si voli 'u spusu, pirchíno? Pirchí'a signurina ècumprumissa daveru, èfidanzata ccu tutti li sensi, ha capitu, signor brigaderi?
BRIGADIERE
(rivolto alfine a za Betta) Sì, sì, pittima viniziana, haiu capitu! E vi levu l'incomudu, siti cuntenta?
MARTA
Ppi mia, nuddu incomudu, anzi tantu piaciri!…
BRIGADIERE
(lusingato) Grazii... Quannu 'a fimmina èbedda di facci, èbedda di cori; e, sia zitella, o fidanzata, o spusa... èsempre gintili! La vostra curtisia non si smintisci (con aria d'uomo afflitto) A 1lura, a rivederci... (si allontana).
BETTA
(sospira di soddisfazione),
MARTA
A rivederla.
BETTA
Bongiornu, signor brigaderi!
BRIGADIERE
Tanti cumprimenti!
SCENA XI
La za Betta e Marta.
MARTA
Ma comu vi vinni 'ntesta di fari 'ssa ridiculaggini?
BETTA
Di chi?
MARTA
Di diricci ca sugnu fidanzata, senz'essiri veru?
BETTA
Senz’essiri vero? E pirchí? Non si' fidanzata, forsi?
MARTA
Ma ccu cui? Ccu vui? lu diròca sugnu fidanzata quannu m'addimànnanu pri mugghieri.
BETTA
Oggi stissu, dunca. Ora ti nn 'adduni ...
MARTA
Ma iu non sacciu chiddu ca pòsuccediri di cca ad oggi, e finu a 'ddu mumentu non mi piaci di cumprumittìrimi ppi fari piaciri a vui!…
BETTA
Zìttiti muta! 'U sacciu iu, pirchíl'haiu fattu! 'Ssu muschigghiuni, quannu s'allippa non si spiccica chiú, comu 'e muschi cavaddini, ed iu ci de si 'na svintuliàta ppi fallu scappari! 'U vidi, 'nfatti, comu si nni jiu mutu mutu, ccu' a cuda 'mmenzu l'anchi? E fici bonu, pirchínautri duvemu parrari di cosi serii!... Dunca... Dal mumentu ca 'stu matrimoniu ti va a geniu (guardando fuori della finestra) Chiudi 'ssa finestra, senti, pirchívasinnòvenunu l'autri siccaturi e non putemu parrari..
MARTA
(di scatto) No, quannu mai?!... Prima di tuttu pirchímurissimu d' 'u caudu, e poi pirchí, vidennula chiusa, contra 'u solitu, 'i vicini cu sa chi putissiru pinsari... (spinge lo sguardo al di làdella finestra in un punto lontano).
BETTA
Ragiuni hai, lassamula aperta... Dunca, ascuta a mia... Ora ca don Matteu torna e ti dici ...
SCENA XII
Natali e dette.
NATALI
(dietro la finestra) Chi belli jalofuri, donna Marta! (fa per staccarne uno).
MARTA
(seccamente) Si, ma lassàtili stari!…
NATALI
E datimìnni unu! M' 'u mettu 'nt' acchettu in onuri vostru! …
Accussípozzu diri ca si non mangiu carni vivu brodu (n'tenta di spiccicare il fiore).
MARTA
(irritata) Ed iu vi dicu di lassallu stari!
BETTA
Ma guardati ehi priputenti!... Fora di ccà, vasinnòchiamu a quarcunu!
MARTA
No, non chiamati a nuddu, vui!
NATALI
E faciticcìllu chiamari a 'stu quarcunu, accussí 'u canuscemu 'ma facci!… Cu è, Stefanu Rannu, o 'u brigaderi di finanza?
MARTA
(alzandosi indignata e facendosi risolutamente alla finestra), Malaccrianzatu minnicu! Iu non haiu bisognu di chiamari a nuddu, 'u sapiti? Mi sacciu fari rispittari iu stissa, sa chi vi pari?
NATALI
E comu? Videmu, va!... Chi aviti, 'a pistola?
BETTA
(mordendosi le dita) Ah, si ci fussi un omu!... Si nn'apprufitta pirchívidi a du' fimmini suli!
SCENA XIII
Mauro e detti.
MAURU
(dalla strada, piombando su Natale, eccitatissimo, gli appioppa un solenne ceffone, esclamando) E vattinni, vilunazzu!
NATALI
Ahi!... Ahu, cu siti vui, ca chiantàti corpa?
MAURU
Vattinni, ti dicu!... Non fari 'u mafiusu chi 'i fimmini!
NATALI
(alontanandosi) lu 'u fazzu macari ccu vu i, 'u sapiti? Vinitivìnni o largu!…
MAURU
(correndogli appresso, irritato) Ah si? Aspetta!
MARTA
(affacciandosi alla finestra) No, no, non vogghiu! Chi faciti, ora?
MAURU
(da lontano) N'aviti paura, ca bardascia è!…
MARTA
Non vogghiu, vi dicu! Aviti capitu? Mauru! Sintiti! Viniti ccà!
V'haiu a parrari! Si, viniti dintra un mumentu, ppi favuril! … Zia Betta, viditi chi fa 'a pignata 'nt' 'a cucina, aviti capitu?
BETTA
(più confusa che persuasa) Va beni. (va per l'uscio a sinistra).
SCENA XIV
Marta sola, poi Mauru.
MARTA
(rimasta sola, senza chiudere la finestra, cala, davanti ad essa il tendone bianco, trasparente, che sta raccolto su di un lato, poi va verso la porta e attende).
MAURU
(entrando e vedendo Marta sola, appare raggiante di gioia, indi le si fa da presso) Ciatuzzu beddu, di chi ti scantavi? 'Ddu pitulanti scappau comu un lebbru stiddu! ... Non ci pinsari, ca non ti dici chiúnenti t... Mancu d' 'a strata ci passa chiú!…
MARTA
(rigida) Sintiti, 'sta facenna a mia non mi piaci!
MAURU
(sorpreso, abbuiandosi in volto) Comu?!... Ti lagni pirchít'haiu difisu?
MARTA
Mi lagnu d' 'u vostru modu di fari, pirchími cumprumetti.
MAURU
(dolorosamente, stupito) Marta!... Ccu mia parri di cumprumissioni? A mia mi parri di vui, mentri sernu suli?
MARTA
Sicuru!... e vi pregu di fari 'n' autru tantu ccu mia.
MAURU
(c. s.) Ma chi t'haiu fattu, ppi trattarimi d'accussí? Dimmillu! Si t'haiu guardatu sempri ccu l'occhi d’'a misiricordia! Si non m 'haiu alluntanatu un mumentu di 'sti vicinanzi d' 'a to' casa? ..
MARTA
E chistu èchiddu ca mi urta!... Tu passi jurnati sani ccu l'occhi supira a me' finestra, facennumi a spia ora di 'dda cantunera, ora di dd'autra, a tutti l'uri! Tu ti fai di milli culuri quannu qualchedunu s'avvicina a mia ppi parràrimi, e 'u vulissi provocati llà ppi llà, e si putissi 'u furminassi ccu l'occhi ...
MAURU
Si, veru è, hai ragiuni!... Ma pirchí, tuttu chissu? Pirchísugnu gilusu? Chi ci pozzu fari si ti vogghiu beni finu a la pazzia? Sugnu gilusu a morti, ma ti duvissi fari piaciri, pirchíchissu ti prova ca ti vogghiu beni assai! Passu 'i me' jurnati... e macari 'i me' notti, Marta, vicinu a to' casa, si, pirchíhaju bisognu di vidìriti, di sintìriti, pirchíh aju bisognu di l'alitu ro'!... Chi ci pozzu fari si non pozzu campari luntanu d' 'a to' casa!... Ti fazzu 'a spia di luntanu, ppi vidiriti, pirchítu non ha' volutu ca iu vinissi in casa ...
MARTA
Si, chissu cci mancassi! 'N a picciotta schetta, sula, ca ricivi 'n' omu 'ncasa! ...
MAURU
Ma 'st' omu è 'u to' zitu, 'u to' fidanzatu! ...
MARTA
E chissu è'u sbagghiu! Tu non si' 'u me' fidanzatu.
MAURU
Pirchínon l'ha' vulutu! Tu si', ca vo' fari l'amuri di nascostu, quasi ca sintissi vrîogna di fari sapiri ca mi va' beni ...
MARTA
Iu non haiu ragiuni di sentiri vrîogna di nenti, pirchíaria nerta n'àvi paura di trona... Intantu, ppi mettiri 'i cosi a postu, non ti l'haiu dittu mancu di vuliriti beni! ...
MAURU
(esterrefatto) Non mi l'ha' dittu? E tu 'a putissi giurari 'na cosa di chisti? E si puru non mi l'avissi dittu, tuttu chiddu c' ha' fattu, ppi mia, di 'n 'annu a ccà, non mi l’ha' dimustratu chiaramenti?
MARTA
C'haiu fattu, d'un annu a ccà? Cosi di carusi! Ccu tuttu chissu iu non intinneva di 'mpignariti e mancu di 'mpignarimi ccu tia!
MAURU
(allibito) Comu?! Cosi di carusi 'i chiami? E tu m'addumavi 'stu focu, d'intra 'u pettu, accussí, ppi divirtiriti, e non 'ntinnevi 'mpignariti ccu mia? Ah! Mi pari di nèsciri pazzu!... E pirchíèca mi mannavi a diri, allura… "Mi si procura 'na bona pusizioni"? Non era 'mpegnu, chistu?
MARTA
(mettendoglisi di faccia, arditamente) E va beni! Ti l'ha' saputu prucurari tu, 'ssa bona pusizioni? No! Inveci di jri a travagghiari, ha' persu e perdi 'u to' tempu cca attornu, e J'avviniri ro' non si po' prisintari chiúbruttu.
MAURU
(disperato e concitato) Ma pirchí, tuttu chissu? Pirchítu non mi teni l'animu sirenu!... Iu non pozzu stari luntanu di tia, pirchínon mi fidu! Mi pari sempri ca tu m'avissi a tradiri da un mumentu all’autro, pirchí'u to' modu di fari ètroppu leggeru ...
MARTA
Ah, tanti grazii!… E tu, comu pòfari a vuliri beni a 'na picciotta ca stimi d'accussípicca?
MAURU
Pri mia è'na nicissità, pirchísenza di tia, bona o trista, iu sacciu sèntiri ca non putissi campari!
MARTA
(con sdegno) E iu sacciu sèntiri ca ccu 'n 'omu comu tia, ca mi stima menu d' 'a sola d' 'i so' scarpi, non putissi reggiri tri jorna! Viva la facci di la sincirità!
MAURU
Marta, pri carità, non mi strazzari 'i carni d’accussí! Pensa ca tu rapprisenti la me' vita ppi daveru e ricordati ca mi staiu 'mpuvirennu ppi tia, senza aviri testa di fari nenti! ...
MARTA
Bravu!… Tu si' pazzu, caru miu!… Tu ti stai impuvirennu, iu sugnu 'na povira orfana, chiúpuviredda di tia, e tutti dui facissimu 'n a bella coppia assurrita di morti di fami, senza cuntari 'u restu... No, no, frati beddu!... Bisogna ca tu ti nni fai 'na ragiuni! 'Stu matrimoniu non pòessiri! Iu non sugnu fatta ppi continuari 'na vita di travagghi e di stenti, macari doppu maritata! Iu crideva ca tu fussi capaci di procuràriti 'na bona pusizioni ...
MAURU
(supplichevole) Non l'haiu pututu, ma sugnu sempri in tempu a prucurarimmìlla, abbasta ca tu ...
MARTA
Abbasta ca iu mi fazzu vecchia, aspittannu ca ti casca 'a manna di 'ncelu ppi avirinni a me' parti!... Oh ... 'u sai chi t'haiu a diri? Dal mumentu ca non sì' bonu a truvalla tu, 'ssa forza, lassa ca 'a truvassi iu. Non t'haiu data nudda parola e non haiu nenti da ritirari: si tu cridi d'avìrimi datu a to', t' 'a ristituisciu. Iu preiu ppi la to' filicitàe tu, si voi, prega pp' 'a mia. ...
MAURU
(c. s.) Ma dunca... tu mi voi ammazzari?!
MARTA
Non facemu sceni di teatru! Iu non vogghiu ammazzari a nuddu, ma mancu vogghiu sacrificari a me' giuvintù...
MAURU
Ah? Tu ti stai spiegannu comu un libru stampatu! Ora ti sacciu senriri!… Tu... voi beni a 'n' autru? ...
MARTA
N' òvogghiu beni ...
MAURU
(accasciato, con voce tremante) N' òvoi beni, dicisti?... Ma dunca 'st' autru esisti?... Giàsi' fidanzata! Parra! E di chi ti scanti? Oramai... ti pozzu ascutari finu 'nfunnu ...
MARTA
Ebbene, si, sugnu fidanzata... ppi nicissitàd' 'a me' vita.
MAURU
(come trafitto al cuore) Ahi!... (barcolla, si appoggia alla spalliera di una sedia, poi, riavutosi alquanto, senza dir parola, senza far motto, si avvia agitatissimo verso la porta).
MARTA
(come per trattenerlo) Ti nni vai?
MAURU
(volgendosi, guardandola con un raggio di speranza negli occhi) Si... non m'aviti adiri chiú... nenti!
MARTA
(dopo breve indecisione, risolutamente) Nenti.
MAURU
(guadagna rapidamente la porta e scompare pallido in volto come un cadavere, barcollando).
MARTA
(resta un po' perplessa a guardare la porta rimasta socchiusa, poi si muove per richiuderla, torna sui suoi passi, va alla finestra, ne risolleva il tendone, indi va a picchiare all'uscio di sinistra). Zia Betta!
SCENA XV
La za Betta e Marta.
BETTA
(riapparendo) Cca sugnu. Iu non ti dumannu nenti, ma sìtu mi vòspiegari ...
MARTA
Chi v'haiu a spiegari? Non c'ènenti di spiegari (si rimette al telaio a ricamare, con una certa nervosità).
BETTA
(dopo averla guardata un po' con aria di meraviglia) E va beni... (si rimette a sedere anch'essa) Dunca ripigghiamu 'u nostru discursu. Quannu don Matteu ti faràla proposta, tu figghia, ci divi rispunniri ccu morta gintilizza.
MARTA
(nervosa) Va beni, va beni; 'u sacciu iu, comu ci haiu a rispunniri!... Chi mi vuli ti 'nsignari, 'n modu di cumpurtarimi, ora? …
BETTA
Eh, comu si' nirvusa! Pari ca ti muzzicaru 'i vespi! Doppu tuttu si ti vogghiu 'nsignari, èpp' 'u to' beni ...
MARTA
(docile) Scusatimi, za Betta. Sentu diri ca 'u sacciu ca m' haiu a dimustrari gintili ...
BETTA
(rabbonita) Ah! Bravu, figghia mia!... E 'u Signuri, vidirai, ca non t'abbannuna mai (dalla destra si odono delle acclamazioni).
SI GRIDA
Viva don Matteu Blancu! Viva 'u Sinnacu!...
BETTA
(correndo ad aprire la porta) Cca è!... cca è!... (spingendo lo sguardo fuori dalla porta) S' 'u portanu 'ntriunfu!... Ma comu? Non veni cca? (forte, facendo gesti con la mano) Don Matteu! …Signor Sinnacu!…
MARTA
(alzandosi) Ma no, non lu chiamati, si non èdirettu cca! ...
BETTA
Eh!... Chi ci fa? Facemu finta d'addimannàricci pirchíci fannu 'ssa dimustrazioni! ...
LE VOCI
(piùvicine) Viva Matteu Blancu! Viva il Sindaco popolare!
MATTEO
(dall’interno) Beh, b h, signuri miei, cittadini e fratelli! Ora basta! Turnativinni tranquilli e vostri casi e vulitivi beni tutti!
LE VOCI
Viva 'u nostru Sinnacu! Viva il padre del popolo! (le voci si allontanano ).
MARTA
(avvicinandosi alla porta) Ma chi successi?
SCENA XVI
Matteo e dette.
MATTEO
(apparendo, sorridente) Eccumi cca!
BETTA
Ma chi avi, tutts ‘sta genti?…
MATTEO
Ah, ah! ... 'Na cosa di ridiri!... Appurai ca 'na para di paisani si lamintavanu pirchífaceva fari pri cuntu miu 'i scavi d' 'u suttirraniu d' 'u casteddu, ca si scupriu sutta a me' fabbrica... Già... Pirchídiciunu, 'sti poviri gnuranti, ca 'ntra 'ssu suttirraniu c'èun tesoru! Iu, allura, chi fici? Chiamai 'na menza duzzina d' 'i chiúrumuluni e ci dissi: Prima di tuttu v'avvertu ca a 'ssu famusu tesoru iu non ci cridu. Vui ci criditi? - Si? Si? - Vo' livaticcillu di ‘ntesta!... Ebbeni, replicu, tutti chiddi ca ci cridunu, sunnu auturizzati a scavari ppi cuntu propriu, ma finu 'nfunnu, e a spartirisi tuttu chiddu chi trovanu, comu frati ed amici! Ah! ah! 'I sintistuu? Pari ca pigghiaru 'u ternu 'nsiccu!
MARTA
Chi stupidi!
BETTA
Stupidi? Ma guardati: 'U Signuri manna 'u viscottu a chi non àvi anghi (a Matteo) E comu?! D'accussí ci rinunzia vossignuria a fortuna ca 'u veni a circari fina d'intra?
MATTEO
(sorridendo) Ah, vui macari? Vuliti scavari ccu l'autri? Stativi muta, za Betta, ca iu haiu fattu un affari d'oru: anzi l'haiu fattu fari o Municipiu ...
BETTA
(c. s.) E comu?
MATTEO
Non ci arrivati? Tutti 'ssi genti, ora, si mettunu a scavari, iornu e notti, ccu manu e pedi, e fina 'nfunnu, pirchíèsicuru ca non truvirannu nenti, ed io avròrimesso in onore il passaggio sotterraneo del Castello senza faricci spenniri un soldo al Comune. Vi persuaditi?
MARTA
E avirràchiusu tanti vucchi sacrilighi! ...
MATTEO
Bravu! (la ammira con trasporto, poi, a zia Betta, interrogandola con lo sguardo) Perciò... iu mi nni tornu e vaiu ...
BETTA
Ma quali jri! (mentre Marta, che capisce l'antifona, torna al lavoro, con gli occhi bassi per la vergogna) Martuzza nostra sapi tutti cosi ed ècuntintissima!
MATTEO
(raggiante, avvicinandosi a Marta) Vero èMarta? Veru è, zoccu dici 'a zia Betta? Facitammillu sèntiri ch' 'i vostri labbruzza ...
MARTA
(chinando la testa sul telaio, con un fil di voce) Sf.. ;
MATTEO
(facendosele piùda presso) Figghia bedda!... Vui chi putiti sapiri quantu mi faciti filici! Chi v'haiu a diri? Mi faciti turnari picciriddu, eccu! Si sapiti quantu voti v'haiu sunnatu, ccu l'occhi aperti, 'ntra la solitudini di la me' casa di scapulu, vacanti, sempri vacanti! Sapiti quantu èbruttu aver lottato tanti anni, aviri arrisicatu 'a vita centu voti ppi crearisi 'na furtuna, e finalmenti, quannu unu si l'ha creatu, attruvarisi sulu, tuttu sulu 'ntr' 'o munnu! Pirchí.. vui 'u sapiti... iu non haiu chiúa nuddu! Turnannu cca, doppu tant'anni, truvai 'u me' paiseddu, la mia matina ... 'sti campagni ... 'i faragghiuni, 'a rocca, si, tali e quali, ma nenti chiú! Tutti 'i me' parenti, me' matruzza... non c'erunu chiù!… Tutti scumparsi!... (asciugandosi una lagrima) Chi putiti immaginari quantu vi sugnu ricunuscenti e quantu vi vurròbeni, Marta!... Sintiti, iu non sugnu chiúpicciottu, èveru, ma 'u me' cori èun cori di ragazzu, vergini d'affetti. Criditimi!
BETTA
Daveru, oh!... Quannu mai don Matteu ha vulutu beni a 'na fimmina!? .. Tu si' 'a prima e sarai l’urtima!...
MATTEO
(sedendole sempre piùvicino) E si vui mi vurriti beni... Non dicu ca mi l'aviti a vuliri accussí, prestu prestu, iu non pritennu l'impossibili, ma vidriti ca cc' 'u tempu, ccu 'a cunfidenza, un pocu di beni m' 'u faròvuliri... E si vui mj vurriti beni, iu ... 'ntra l'anni ca mi restanu, m'haiu a gudiri tutta 'a giuvintùca sfardai a mari, 'mmenzu li stenti e li piriculi (prendendole una mano che lei gli abbandona, tenendo tuttavia lo testa china sul telaio) Perciò? Non si rispunni? Non mi dici nenti, Marta? Oh! Guarda!... Mi scappau! Ti dispiaci ca ti chiamai di tu?
MARTA
(c. s.) No ...
MATTEO
Daveru? ...
MARTA
(c. s.) Daveru ...
MATTEO
(baciandole la mano) Grazii!... E tu... comu mi chiamirai, d'ora
‘nn’ avanti?….
MARTA
(c. s.) Chi sacciu?
MATTEO
Comu, n' 'o sai?
MARTA
No ...
MATTEO
Vaia, ora.... non mi dici di tu?…Eh?…(si ode un lontano intrecciarsi di molte voci concitate, un clamore di moltitudine, e si vedono dalla finestra parecchie persone correre alla spicciolata, dalla destra alla sinistra) Ma guarda! Vuliti vidiri ca 'ddi babbasunazzi ancora fannu dimustrazioni? …
BETTA
(preoccupata) Mai, non mi pari, don Matteu! ... 'Sta vota 'u vuciliziu èdiversu! ... E poi... Non vidi, vossignuria, tutta 'sta genti ca curri a jri 'a spiaggia? Quarchi cosa successi! ...
MARTA
(alzandosi, pallida e preoccupata) Madonna mia, e chi pòsuecediri? ...
MARTA
Aspittari. Addimannamu (si affaccia alla finestra e sporgendosi a metàfuori di essa, fa segno a qualcuno lontano di avvicinarsi) Saru! Saru! Veni cca! Si! Veni cca!…
SCENA XVII
Saru e detti.
SARU
(appoggiandosi alla finestra, agitato) Cca sugnu, signor Sinnacu.
MATTEO
Dimmi 'na cosa, unni curri, tu eta 'sta genti? Chi successi?
SARU
Ancora non l'haiu pututu appurari bonu! Curreva iu macari ppi sèntiri di chi si tratta! C'ètanta fudda, sùpira 'a scugghiera! ... 'Ntisi diri ca cascau 'n cristianu di supira 'a rocca ...
MATTEO
Cristu!
MARTA
Matri Santa! (cade a sedere pallida e tremante).
BETTA
Maria Addulurata! Ma cu èchissu ca cadiu?
SARU
N' 'o sacciu, Maria Santissima. 'Ntisi ca mannaru ppi fari attaccari 'ncarrettu e traspurtallu o spitali 'n Catania... Pari ca fussi gravi assai!…
MATTEO
Ma chi carrettu! Si èferitu gravi, supira 'u carrettu arriva mortu! Curri, va subitu unn'è'u feritu e dici a 'ddi genti di traspurtarlu a me' casa. Anzi, no, tu curri 'nt' 'o medicu e fallu veniri a me' casa, ca 'nt' 'o feritu ci vaiu iu!
SARU
Sissignuri (va via di corsa).
MATTEO
(correndo verso la porta, senza molto badare a Marta che sussulta sulla sedia) Permettimi gioia! Permettiti, za Betta.
BETTA
Vossignoria nni 'nforma prestu! ...
MATTEO
(aprendo lo porta) Appena pozzu!... (esce, richiudendo la porta dietro di sé).
SCENA XVIII
Marta e la za Betta.
BETTA
Gesùe Maria... di ‘dd'artizza!... Ecu pòessiri, 'stu svinturatu? (affacciandosi alla finestra) Armenu turnassi quarcunu, ci dimannassi ...
MARTA
(vivamente) No, no! N' 'o vogghiu sapiri, za Betta!… Ppi carità, chiuditi 'ssa finestra!...
BETTA
(sorpresa guardandola con attenzione) Figghia mia, chi hai? Tu tremi tutta!
MARTA
(si mette le mani fra i capelli e scoppia in singhiozzi) Madonna mia! Madonna mia!…
Tela
ATTO II
Sala da pranzo in casa di Matteo Bianco. Sìnota il benessere. In fondo ampia loggia con balaustrata, dalla quale, per una doppia scala a semicerchio, si va nella sotto stante villetta, in riva al mare. Fra la loggia e la stanza, grande vetrina a due battenti, aperta. Uscio a destra e due a sinistra. Tavola tonda in centro, bene imbandita, con biancheria riccamente cifrata. Credenza, buffet e cristalliera in legno noce, doviziosi di terraglia, porcellane e cristallerie. Attaccati alle pareti, un quadro rappresentante il Castello di Aci, due o tre dipinti di frutta, erbaggi e natura morta, e una cornice racchiudente una banderuola bianca a stendardino, ricamata in oro. Siamo ai tanti del mese d'Agosto del 1891. Fra il primo e il second'atto corrono dunque quattordici mesi.
SCENA I
Maneo, Marta, la za Betta, Saru e il Maestro.
MATTEO
(stando a desinare con Marta, che veste elegantemente da signora, ma senza sfarzo, e col maestro) Eh si, carissimu maestru! L'istruzioni obbligatoria! È'na bella parola, ma scritta e stampata. In pratica, quannu vui vuliti obbligari 'sta povira genti a mannari 'i figghi a scola, 'u sapiti chi vi rispunni? "A scola?... Ma dàtimi 'prima 'u pani, ppi 'nostri figghi! Si nui i mannamu a' scola non si ponnu vuscari 'a spisa e chi ci damu a mangiari sìnon nn'avemu ppi nuatri granni?" Eh? .. Chi ci rispunniti? Pirchícca - vui ‘u viditi - a ott'anni, 'i carusi giàsu' supira mari e aiutanu 'i granni a tirari 'i sùari e a smagghiari 'i pisci d' 'a riti e prima di ott'anni 'i mettunu a asciucari 'i conzi e a fari nassi e nasseddi.
MAESTRO
Eh, si, èvero! L'istruzioni obbligatoria duvissi caminari di conserva con la refezione scolastica.
MATTEO
Ma refezione sul serio, maestru miu! No 'ddu solitu panuzzeddu e 'dda solita minestra pp' 'i pupi! A dd 'etàhannu pitittu, e bisogna nutrirli beni, 'i picciriddi... E poi. ... bisugnassi anchi faricci 'i robi... Ma... semu sempri 'n tra 'mpuntu: Il Municipio non ha fondi!... Solita solfa!
MAESTRO
Già... Ci vulissi una generosa iniziativa privata.
MARTA
(lo guarda in cagnesco).
MATTEO
Macari Diu! Iu contribuirei anche per metà, ma duvissi essiri secondaru di tutti l’autri abbienti d' 'u paisi... Vedremo!... Saru, pòrtami 'ddi pèrsica!
SARU
(prende dal buffet una fruttiera colma di pesche e pere e gliela porge) Vossignuria pigghia, signòSinnacu.
MATTEO
Tu non t' ha' pututu 'nsignari ancora, ca in casa mia non sugnu chiúsignor Sinnacu, ma Matteu Blaneu, semplicementi.
SARU
Èinutili, signòSinnacu non mi veni a versu.
MATTEO
Tu si' un cretinu!... O puru m’‘u fai apposta, ed iu, in qualunqui modu, ti rimannu a zappari 'a terra e a fari grancutu sùpira 'a scugghiera.
SARU
(ride senza malizia)
BETTA
Non rìdiri, mulacciuni!... E ascuta zoccu ti dici 'u to' patroni, ascuta!
MATTEO
Bonu, vui non l'insultati, ca non mi piaci! Priparatimi 'u cafè, chiuttostu!
MARTA
Ma guardati chi c'èccà. Si' arrivatu o' cafèe nuatri non avemu finutu mancu 'i pitanzi.
MATTEO
Eh... Tu 'u sai ca non mi piaci di 'nvicchiari a tavula!
MAESTRO
A tavula non si 'nvecchia, caru Sinnacu... C'èpuru 'u muttu anticu, ca 'u dici.
MARTA
(ironica) Quantu a vui non ci 'nvicchiati daveru!
MAESTRO
(con filosofia, si versa da bere e, alzando il bicchiere) Alla saluti di don Matteo Bianco.
MATTEO
(sorridendo, mortificato per la villanata di Marta) Grazie! A la vostra e a chidda d' 'i nostri sculareddi (si ode una scampanellata) Saru, vô grapi.
MARTA
Chi siccatura, a ura di culazioni!
BETTA
(serve arrosto di carne prima a Marta, poi al Maestro).
MARTA
(tagliando con fatica la carne sul piatto) 'Sta casa è'a casa d' 'u jurici. Ogni du' minuti 'na tuppuliata.
MAESTRO
Eh! 'A casa d' 'u Sinnacu!
MARTA
(riponendo forchetta e coltello, nervosa) Non mi piaci 'sta carni! E chiúdura d' 'a sola 'e scarpi!
MATTEO
Eppuru èdi vitidduzza ...
MARTA
Sarà... Allura ècucinata mali!
MATTEO
(bonario) Non ti pigghiari còlira, o' maritu. Quantu prima facemu veniri 'na bona coca di Catania (prendendole una mano, affettuosamente) Accussíme' mugghiredda non si lamintiràchiúd' 'u mangiari malu fattu... Si' cuntenta?
MARTA
(con affettata tenerezza) Grazii!... Tu si' tantu gintili ...
MATTEO
E mansueto, non èveru? (sorride).
MAESTRO
E pinsari ca tutti, pari vi cridunu un liuni!
MATTEO
Leone domato! (guardando Marta con compiacenza) Eh! Chi nni dici, la domatrice?
MARTA
(c. s. stringendogli la mano) Dicu ca si' tantu bonu!
SARU
(tornando) Ci sunnu du' omini e 'na fimmina ca volunu parrari cc' 'u signor Sinnacu.
MARTA
Ci 'u dicisti ca èa tavula?
SARU
Si, ma non si nni vòsiru jri ...
MATTEO
Falli entrari.
MARTA
(infastidita) Ma chi? 'I vo' riciviri cca?
MATTEO
Chi c'è? Chi stamu facennu, contrabannu? (a Saro) Falli passari.
SARU
(rivàper la destra).
MARTA
Capisciu, ma mentri semu a tavula, sèntiri siccaturi, forsi ...
MATTE O
Pòessiri genti ca àvi di bisognu (guardando verso l'uscio di fondo) Avanti, avanti, Calogiru!
SCENA II
Calogiru, Biagiu, Vennira e detti.
CALOGIRU
(entrando col berretto in mano, seguito dai due) Baciamu li manu, signor Sinnacu,
MARTA
(Madonna mia, chi genti ‘nsunsata!)
MATTEO
Stati commudi, stati commdi! Chi c'è?
BIAGIU
Eccu, signuri, nuatri semu 'na cummissioni.
MARTA
(Bella cummissioni di pizzenti!)
MATTEO
(sorridendo al maestro) Benissimu. Di chi si tratta?
BIAGIU
Si tratta, signor Sinnacu, ca 'nt' 'o nostru mari non c'èchiú'na trigghia d'alica e mancu 'na sarda, e ccu n'autra para di jorna muremu tutti di fami! ...
MATTEO
Chistu m'affliggi sinceramenti, ma chi rimediu ci pozzu mette iu?
CALOGIRU
Eccu, signuri, nuatri semu mannati di tutti 'i piscaturi di spiaggia ppi diriccì, signuri assinnacu, ca 'u pisci non manca pirchínon esisti, ma pirchíc'èquarcunu ca jetta bummi di dinamiti e distruggi 'u grossu e 'u nicu.
VENNIRA
E chistu èddu birbanti di…
BIAGIU
(turandole la bocca) Zitriti, tu, vucca di scifu! Non muntüari a nuddu, finu a tantu ca non si' sicura, vasinnòti stenninu 'na quatela di calunia, ti schiaffanu dintra e ci fai 'stu bellu guadagnu! (a Matteo) Nuatri non sapemu cuè, signuri, ca jetta 'ssi bummi, ma sapemu ca 'u mari èsiccu di pisci ppi 'sta ragiuni. Vossignuria, ca èdiliatu, àvi l'obbrigu d'appurari e di fari arristari la pirsuna.
MATTEO
(con sorriso bonario) Non su gnu diliaru, iu haiu le funzioni di delegaru, pirchísugnu Sinnacu, e ccànon c'èdelegazione di pubblica sicurezza.
VENNIRA
Comu si sia, signuri, vossignuria divi circari a 'stu birbanti e l'addivi mettiri 'ngalera a vita.
MATTEO
(c. s.) Non dubitati ca sorveglieròe faròsorvegliare Vuautri aiutatimi a scopriri, e vi prumettu ca si effettivamente ci sunnu colpevoli, li faròpunire comu di ragiuni.
CALOGIRU
Bravo 'u signor Sinnacu! Pirchíaccussí, vidi, non si pòcampari chiú!
MATTEO
Va beni, fidativi di mia. Saru, dacci a biviri a 'sta bona genti.
SARU
(esegue e porge un bicchiere colmo di vino a ciascuno dei tre).
BIAGIU
Grazii! ... A la saluti di lu Sinnacu Blancu!
MATTEO
A la vostra.
CALOGIRU
(pulendosi la bocca con la manica della camicia) Tantu beni e saluti.
BIAGIU
(posa il bicchiere sulla tavola) Tanti rispetti e scusa l'astrubbu.
VENNIRA
(riponendo il bicchiere sgrana gli occhi in vedere le vivande sulla tavola e quasi quasi le annusa con cupidigia) Bon giornu. E bon pranzu !... (Ah! Chi mangiarizzu!).
CALOGIRU
(e compagni vanno via).
SCENA III
Matteo, Marta, il Maestro, Saru e la za Betta.
MARTA
Saru, porta 'sti bicchieri 'nt' 'a cucina e faccilli lavari beni.
SARU
(esegue, poi torna).
MARTA
Chi gintazzi lordi e strascinati! Macari si schifia a vidilli,‘na cristiana !
MAESTRO
Povira genti!
MATTEO
Eh, chi ti pari l'a hannu tempu e dinari ppi fari toletta?
MARTA
Ma putissiru essere chiúpuliti! L'acqua non costa nenti.
MATTEO
Lassali campari, puvireddi!… Si veramenti non trovunu chiúpisci, è 'na bella svintura, pp' 'u paisi.
MAESTRO
Ma verarnenti 'sta facenna d' 'a pisca ccu 'a dinamiti èun beli 'abusu !
MATTEO
(con fermezza) Ah, ma iu arrivu a truncallu. ppi Cristu! (si ode il campanello e Saro va via).
MARTA
'U dissi iu! 'A casa di l'avvucatu d' 'i poviri!
MAESTRO
Quannu si fa 'u Sinnacu comu 'u fa don Matteu!
MARTA
Sì, ma duvissi essiri ura di mangiari ppi tutti, chista! ’Sta genti chi non mangia?
SARU
(tornando) C'è'u brigaderi.
MATTEO
Non èchiúbrigaderi, stupidu!Èmaresciallu. Unni 'u lassasti?
SARU
Ènt ' 'a sala. Si nni vuleva iri, pirchísi pirsuasi ca èura di mangiari.
MARTA
Accuss i fannu 'i pirsu ni educati!
SARU
Ma iu 'u fici ristari... Non sacciu si fici beni.
MATTEO
Facistìbenissimu (fa per muoversi verso la sala).
MARTA
Unni vai?
MATTEO
Vaiu a 'ncuntrarlu ...
MARTA
Ma no, non bisogna ammustrarisi d 'accussi primurusi, cu certi genti! Un maresciallu di finanza non èun prefettu, doppu tuttu!
MATTEO
Ma chi ci vò fari fari, anticammira?
MARTA
No, si ricivi, ma senza scummudarisi.
MAESTRO
(la sbircia con un sorriso ironico).
MATTEO
(a Saru) Fallu passari.
SARU
(tornando solo) S'accomodi, signor brigaderi (correggendosi) signor maresciallu!
SCENA IV
Il Maresciallo e detti.
MARESCIALLO
(entrando) Disturbo, sicuramente?
MATTEO
Ma no, maresciallu, lei non disturba mai. S'accomodi.
MARESCIALLO
Troppu gentili. Signura, i miei omaggi.
MARTA
Buon giornu, signor maresciallu.
MARESCIALLO
(stendendo la mano al maestro) Egregiu maestru!…
MAESTRO
(con affettazione e intenzione) Caru maresciallu!…
MATTEO
(togliendogli di mano il berretto) Mi dassi ccà, 'u pusamu. M 'haiu permisu di ricivillu in sala da pranzo, pirchílei oramai èun vecchiu amicu.
MARESCIALLO
Troppo bonu, capitan Blancu!
MATTEO
Chi ci putemu offriri? (vedendo la za Betta che porta un vassoio con il caffè) 'Na tazza di cafè? E l'unica cosa bona di 'sta tavula... si 'a za Betta non mi tradìu.
BETTA
(riponendo il vassoio) Non dubita, ècarricu comu 'u 'nchiostru.
MARESCIALLO
No, grazii, non si disturbassi.
MARTA
Accetti, maresciallu, non nni murtificassi.
MARESCIALLO
(sedendole vicino) Ah, chistu no!... Eccomi 'e so' cumanni, signura
MATTEO
(versandogli il caffè) E bravu 'u signor maresciallu! Come si trova nel nuovo grado e nella nuova caserma?
MARESCIALLO
Eh! Nella nuova caserma benissimo, nel nuovo grado non sacciu, pirchí, èveru ca crisceru a paga e l'autorità, ma criscìu macari 'a rispunsabilità. Prima pinsava a mia sulu, ora divu pinsari a tutto e a tutti.
MAESTRO
(alzandosi come uno che stia sulle spine) Con permesso.
MATTEO
Vi nni jti, maestru?
MAESTRO
No, vaju un mumentu dda banna a riordinare ddi libri ca sapiti... Scusino tantu (va via per il primo uscio a sinistra).
MATTEO
Scusassi, maresciallu. Dunca, diceva?
MARESCIALLO
Diceva ca da maresciallu m'attacca a travagghiari di chiú. Anzi, sugnu cca, capitan Blancu, pirchíhaiu bisognu d'un favuri.
MATTEO
Dicissi. Iu sugnu ccàppi servillu.
MARESCIALLO
Favorirmi, grazii! Avissi di bisognu, p'un quartu d'ura sulamenti, d' 'a so' lancia, pirchí, senza aspittari 'u me' cullega d' 'a marittima ca èdi crucera al largo, vurrissi tintari un corpu di manu supra un certu nascundigliu di contrabbanneri, ca dubitu ca fussi 'ntra 'mpostu cca vicinu, unni non pozzu iri pri via di terra.
MATTEO
Ma si, cu tuttu 'u cori, si figuri!... Anzi 'u fazzu accumpagnari di Saru, ca si metti e' rimi.
MARESCIALLO
Grazii infiniti! Quantu disturbu, ah? Addivintai un vicinu molestu!
MATTEO
Ma chi, lei scherza! D' 'u restu, guardassi iu ci addumannu subitu 'u contracambiu…
MARESCIALLO
Felici di sirvilla. Parrassi.
MATTEO
Si tratta di chistu. ‘I piscaturi di spiaggia, cca, si lamentunu di quarchedunu ca pari ca piscassi ccu 'a dinamiti. Ppi cuntu miu, si l'accarpu ci fazzu chiamari tutti 'i santi d' 'u paradisu, ma disidirassi ca ici macari facissi quarche indagini.
MARESCIALLO
Sicuru!... Eh, caspita! Fra di l'autri cosi èdoviri miu!
MATTEO
(versandogli da bere del liquore) Bravu! Vivissi, maresciallu, ca 'ntra 'stu mentri ci fazzu priparari tutti cosi. Saru: Va' ad armari 'a lanza, e ti metti a dispusizioni d' 'u signor maresciallu, ha' capitu?
SARU
Si, signor Sinnacu (va giùdi corsa per la scala della loggia).
MATTEO
Figghiu di! ... 'Stu carusu mi faràdari 'i dimissioni di Sinnacu ppi non sintiricci diri chiú"Si, signor Sinnacu", (alzandosi) Veni cca, pappaaddu! Pigghiati 'u cuscinu di puppa (guardando in fondo) Eccu... scumparìu!
MARTA
Faccillu purtari 'a za Betta.
MATTEO
Non fa nenti, ci 'u ponu iu (via pel primo uscio a sinistra).
MARESCIALLO
Ma non si disturbassi, non c'èbisognu (si alza e si mette a guardare apparentemente i quadri delle pareti, ma di sottecchi spia Marta che con una certa irrequietezza tagliuzza delle bucce di frutta sul piatto).
MATTEO
(tornando con un cuscino bislungo in mano) Chi guarda, maresciallu? 'U quatru d' 'u casteddu? E fattu d'un bravu giuvini d' 'u paisi. Non c'èmali, èvero?
MARESCIALLO
No, guardava 'stu paliu, ca mi pari di conusciri ...
MATTEO
(con un sorriso di soddisfazione, guardando Marta) E comu no? Èchiddu ca vincivi 'nt' e regati di l'annu scorsu. M'appittai ccu chiúdi du' duzzini 'di vugaturi unu chiùguagghiardu di l’autru! Eh... l'aveva fattu 'a me' fidanzata! E veru, Marta?
MARTA
(gli sorride con affettazione) Sicuru.
MARESCIALLO
Eh! mi ricordu di la gran vittoria sòdi ddu jornu! A mumenti su' quattordici misi!
MATTEO
(sorridente) Comu passa 'u tempu, ah!... E non nni nn'addunamu! Con permesso.
MARESCIALLO
S'avissi pututu immaginari di daricci tantu disturbu!
MATTEO
Ma chi disturbu' Non l'ha' a diri, lei!... (scompare).
SCENA V
Marta, il Maresciallo e la za Betta.
MARTA
(rimasta sola col maresciallo, si alza e si fa presso la vetrata della loggia)
MARESCIALLO
(guardandola con cupidigia) Mi lassati sulu?
MARTA
No, staiu cca, a vidiri armari 'a lancia. Voli vidiri macari lei?
MARESCIALLO
Grazii: Si non v'avissi conusciutu tantu gintilì, pinsassi ...
MARTA
Ca sugnu 'na maladucata!
MARESCIALLO
Non haiu dittu chistu
MARTA
Ma iu l'haiu capitu (vedendo rientrare Betta dal secondo uscio a sinistra) Voli 'n 'autra tazza di cafè?
MARESCIALLO
Si m' 'a duna lei, l'accettu.
MARTA
(avvicinandoglisi, gli versa il caffè e attende che zia Betta torni in cucina) Iu non sacciu chi opinioni s' ha furmatu di mia, lei... Forsi pensa ...
MARESCIALLO
Pensu ca siti 'na vera tiranna! ...
MARTA
Non èveru! Sugnu 'na fimmina onesta, ca voli beni a so' maritu
MARESCIALLO
(con un sorriso d'incredulità) All'etàvostra vuliri beni 'n' omu all'etàso'? Non diciti bestialità?
MARTA
Grazii! Quantu siti gintili! E ogni jornu ca passa, sempri chiù graziusu!
MARESCIALLO
E vui sempri chiúcrudele! Ma non sapiti sèntiri ca mi mittiti a' turtura? Pirchíèca non vi faciti parrari?
MARTA
E cu' èca v'impedisci di parrarimi?
MARESCIALLO
Ma unni?
MARTA
E s 'addimanna!?... Cca.
MARESCIALLO
Ah, cca!? .. Cca milli testimoni!
MARTA
(vedendo zia Betta che torna) Zittu, non semu suli!
BETTA
(accennando a sparecchiare la tavola, al Maresciallo) Ci prummetti?
MARTA
Chi faciti?
BETTA
Sparicchiu.
MARTA
Sparicchiati, cch ' 'i genti ancora a tavola? Ccu vi l'ha 'nsignatu?
BETTA
(mortificata) Crideva ca 'u signor maresciallu avissi terminatu.
MARTA
Ancorchéavissi terminatu, non èura di sparicchiari: Pinsati a farivi l'autri cosi, e sparicchiati doppu! Scusassi, maresciallu!
MARESCIALLO
Ma nenti, non si curassi di mia, signura.
MARTA
(mentre zia Betta torna, afflittissima in cucina, rivàpresso la loggia) Guardassi chi calma di mari!
MARESCIALLO
(avvicinandosele, concitato) Sintiti, non mi parrati di calma, mentri sugnu 'nta 'na timpesta! ...
MARTA
Eh, maresciallu, comu si 'nfoca subitu, lei! (ridendo) Ma guardati chi cosa curiusa! Crideva ca lei fussi un'omu tantu forti, e inveci... Ah! Ah! Mi sta parennu un picciriddu ca chianci e sbatti i peri 'n terra pirchívoli 'i cosaduci!
MARESCIALLO
Sintiti, siti sarvaggia!
MARTA
(provocante) Eh, sugnu 'a mugghieri di Matteu Blancu!
MARESCIALLO
Si, ma armenu chiddu ammazza ccu 'n cuteddu o 'na scupetta, mentri ...
MARTA
Poviru Matteu, ètantu bonu, inveci!...
MARESCIALLO
Mentri ca vui ammazzati di vilenu:
MARTA
Quali vilenu?
MARESCIALLO
Chiddu c'aviti supra 'i labbra!
MARTA
Ah, menu mali! Bravu!... Come va, allura, ca vi 'nnamurastuu di 'sta vìpira, si v'haiu a cridiri?
MARESCIALLO
(prendendole una mano) Marta!...
MARTA
(svincolandola) Maresciallu!
MARESCIALLO
Pinsati ca avi tanti misi ca v'assicutu comu un'umbra cunsumannumi dintra, ca passu 'i me' jurnati in caserma ccu l'occhi sempri sùpira 'i vostri fìnestri, ca trascuru 'u serviziu ppi vui ...
MARTA
Mali, malissimu, caru maresciallu! E mentri cci semu a 'stu discursu, v'haiu a diri ca non aviti agitu da galantomu, vinennu a chiantari 'a vostra caserma accostu a me' casa, ppi cumprumittìrimi megghiu!... Ppi furtuna me' maritu àvi troppu stima di mia!
MARESCIALLO
Chi mi nni 'm porta, di vostru maritu?
MARTA
Non vi nni 'mporta? .. Aviti tortu, caro miu! Vi nni duvissi 'mpurtari, e assai, inveci! Prima di tuttu ppi mia époi macari ppi vui! Matteu non èomu di suppurtàrisi un tortu e si suspittassi di vui, Diu ci nni libira, passassivu un bruttu quartu d'ura, v' 'u dicu iu! ...
MARESCIALLO
(con spavalderia) Sintiti, si non fussi pp' 'u scantu di cumprumittìrivi, chistu si, e di pirdirìvi ppi sempri, com'èvero Diu, 'u vurrissi pruvucari!
MARTA
Si? E facissivu un bell'affari!
MARESCIALLO
Anchi a costu di lassàricci 'a peddi! Armenu niscissi di 'st'agunia unni mi tiniti! (insinuante) Marta! Siati bona, 'na vota! Non viditi ca 'a me' vita penni d' 'i vostri labbra? Macari ppi du' minuti! Lassativi vidiri, 'na vota, lassativi parrari, di sulu a sula! Chi vi costa? (le mette una mano sul braccio) Dicitimi si, ppi carità! Dicitila 'ssa parola!
MARTA
(svincolandosi) Ma santu Diu, chi nenti viditi, vui? Non viditi ca èdda, ca sta turnannu? (facendosi alla loggia) Matteu, finisti?
MARESCIALLO
(allontanandosi) Ah, chi turtura!
SCENA VI
Matteo e detti, poi il Maestro.
MATTEO
(rientrando) Eccumi a lei, maresciallu! Tuttu èall'ordini, anzi, si ci permetti, ci vinemu puru nui, accussi tiramu 'i nasseddi e procuramu d'offrìrici 'a frittura ppi stasira, Va beni?
MARESCIALLO
E mi dumanna? Ma di beni a megghiu, grazii! ...
MARTA
No, Matteu, iu non ci vegnu, c'ètroppu suli ...
MATTEO
C'èa tenna ...
MARTA
No, jtici suli, mi vogghiu ripusari un pocu ...
MATTEO
(premuroso) Ti senti mali?
MARTA
No, sugnu stanca ...
MATTEO
Voi ca restu iu puro?
MARTA
No, non haiu nenti, vattinni, tu.
MATTEO
(al maresciallo) Chi stamu, assai?
MARESCIALLO
Ppi cuntu miu, un quartu d'ura basta.
MATTEO
Va beni (a Marta) Ti lassu 'u maestru, allura ...
MARTA
(senza accorgersi che il maestro in quel punto esce dalla sinistra) No grazii, t' 'u rialu!
MATTEO
(sorridendo al maestro, per riparare) Ed iu l'accettu ccu tuttu lu cori!... Caminati, maestru ...
MAESTRO
Grazii tanti! lu ringraziu a tutti dui e mi nni vaju 'a casa!
MATTEO
V'offinnistuu, maestru? Marta scherza!
MAESTRO
No, non m'offinnivi... ma mi nni vaju (infilando l'uscio a destra, col cappello in mano) Signori, a tutti buon divertimento. (via).
MATTEO
Bon giornu (a Marta) 'U vidi chi facisti? (al Maresciallo) S'accomodi (a Marta) Turniremu prestu, A rivederci (segue il Maresciallo e scompaiono entrambi per la scala della loggia).
SCENA VII
Marta e la za Betta,
MARTA
(rimasta sola va presso il secondo uscio di sinistra e chiama) Za Betta?
BETTA
(dall'interno) Signura!
MARTA
Viniti cca!
BETTA
(apparendo) Chi voli?
MARTA
(dopo averla guardata un po' con affettata tenerezza) v' offinnistuu?
BETTA
Pirchí?
MARTA
Pirchívi rimpruvirai davanti 'o Maresciallu!... Putiti parrari, suli semu!...
BETTA
No, s' haiu mancatu, facisti beni a rimpruvirarimi!
MARTA
Non èveru, haiu fattu mali! Pirdunatimi, za Betta, sugnu nirvusa oggi!
BETTA
(premurosa) Chi hai, figghia?
MARTA
Nenti... accussí… (tergendo una lagrima) Mi sentu 'nfilici, za Betta!
BETTA
(meravigliata) Ma chi dici? Si mi dici ca si' nirvusa, ti cridu, sarà'u cauru, ma 'nfilici no, 'nt'àto' cundizioni! Ma chi pensi? N'òdici chiúca fa' lagnari 'a Pruvvidcnza!
MARTA
Eh, chi nni sapiti vui? (attaccandosele al collo, con falsa effusione) Mi vuliti ancora beni, za Betta?
BETTA
Gesù, Gesù!... Chi dumanna è, chista? Si non t'avissi vistu nasciri e non t'avissi addivata, quasi... Chi èca ti po' fari dubitari d' 'u beni ca ti vogghiu?
MARTA
Ebbeni, haiu bisognu di vui!
BETTA
Ma cumànnimi di lu sangu miu, figghia!
MARTA
Vui non mi traditi, èveru?
BETTA
Tradiriti, iu? .. Ma tu mi fa' mettiri in pensieri! Di chi si tratta?
MARTA
Pirdunatimi! 'U sacciu ca mi vuliti beni e siti fidili ...
BETTA
Comu un cani!... Ora ddocu ci voli?
MARTA
Dicitimi 'na cosa, ma rispunnitimi sinceramenti... Mauru ... sempri dda è?…
BETTA
(resta un po' zitta, stordita dalla strana domanda, poscia riavendosi) Si... èsempri dda comu un pircantu, ccu l'occhi sùpira 'sta casa. Ma chi veni adiri, 'stu discursu?
MARTA
Sintiti, si mi vuliti beni daveru, aviti a jri nn'iddu senza farivi vidiri di nuddu e ci aviti a diri ca Matteu l'aspetta cca, di urgenza! ...
BETTA
(meravigliata) Figghia mia!
MARTA
Vi scantati?
BETTA
Ppi tia, ciatu miu, haiu paura! Tòmaritu èbonu, ma èterribili, scanzàtini Signuri!...
MARTA
(disperata) Ah, za Betta, comu mi 'ncatinai? Non nni pozzu chiu, criditimi!... Mi 'nfilicitai ppi tutta la vita! Sugnu picciotta, za Betta, sugnu picciotta, e iddu mi pòveniri patri du' voti!
BETTA
Marta mia, tu mi fa' scantari! E chi veni adiri 'ssu discursu ca mi fai? Chi èca vo' fari? Ti fazzu arrifrettiri ca 'na mugghieri onesta, qualunchi sia la differenza d'etàcc' 'u maritu, 'u rispetta e non ci fa tortu ppi rispettu sòstissu!... Iu, 'u vidi, a 'dda sant'armuzza di me' maritu, ci adurava macari 'i pinseri, e aveva dicerott'anni chiúdi mia!
MARTA
Si, ma diccerottu non sunu trenta e forsi chiú!
BETTA
Ti voli beni, ti teni comu 'na rigina!
MARTA
(spazientita) Sintiti, za Betta: iu non vi chiamai ppi ragiunari sùpira 'stu farru. Ci haiu ragiunatu iu, jornu e notti, ppi chiu di n'annu!... Haiu bisognu di parrari ccu Mauru Saitta, di parrarici sulamenti - vi lu giuru - e di vui disiddiru lu favuri, la grazia di jllu a chiamati subitu e di essiri sigreta ccu tutti... E diciricci ca èiddu, Matteu, ca 'u voli, e che iu non sugnu in casa, vasinnònon ci veni!
BETTA
(indecisa) Madonna di lu santu lumi, chi mi fa' fari, anima mia?
MARTA
Za Betta, jticci ppi carità. Vidìti ca si non ci jti vui, supra di cui mi pozzu fidari, sugnu custritta a cumprumittìrimi ccu genti strani, pirchíl'haiu a vìdiri, ora stissu, a qualunqui costu, âtu capitu? Vi dicu ca èppi diricci 'na parola sulamenti!... (risoluta) Za Betta, jticci!
BETTA
Senti, iu ci vaju, ma ti fazzu riflettiri ...
MARTA
Ma si ci vuliri jri jticci subitu, senza fari autri discursi! E turnati subitu ccu iddu, vi nni preju in ginocchiu! Non mi faciti aspittari assai, vòjti... Vb jti, za Betta!
BETTA
(uscendo per la destra) Ci vaju, ci vaju! Signuruzzu aiutatini vui!
SCENA VIII
Marta sola, poi Mauro e la za Betta.
MARTA
(rimasta sola va a chiudere la vetrata della loggia, indi, febbrilmente sparecchia la tavola, per darsi da fare, nell'attesa febbrile, tendendo ad ogni pièsospinto l'orecchio verso l'ingresso; finalmente, udendo rumore di passi, si ferma presso la tavola, in atteggiamento di chi attende).
BETTA
(rientrando, seguita da Mauro) Favuriti.
MAURU
(entrando e vedendo Marta che lo fissa imperterrita, impallidisce e vacilla, tanto che ècostretto ad appoggiarsi allo spigolo del buffet).
BETTA
(torna in cucina, facendosi il segno della croce).
SCENA IX
Marta e Mauro.
MARTA
(fissando Mauro, audacemente) Comu vidi, non èMatteu Blancu, ca ti cerca, ma Marta Santoru.
MAURU
(con voce strozzata dalla intensa commozione) E chi pòvuliri di mia, Marta Santoru?
MARTA
(c. s.) E m' 'u dimanni? Vogghiu sapiri finu a quali puntu ti vòvendicati di mia?
MAURU
Iu? .. D'averu non m'aspttava di sentiri 'stu parrari d' 'a vostra vucca!... Avi ti un bellu curaggiu!
MARTA
Iu non nni pozzu chiú, senti!... Tu, ccu 'ssa finta indiffirenza e ccu 'ssa to' amicizia ppi me' maritu m'ammazzi!
MAURU
Fazzu l'obbrigu miu, pirchíè’n'amicu.
MARTA
(avvicinandoglisi e mettendogli gli occhi negli occhi) Tu spergiuri, pirchími vòbeni ancora!... Si, ora chiúdi prima!
MAURU
(con un sorriso tra l'amara e il sarcastico) Ah! Ah! Quantu vi pritinniti!
MARTA
Si, non haiu bisognu di farimmillu 'nsignari di l'autri, iu? 'U sacciu sèntiri e comu! Tu passi tutta la tòvita ccu l'occhi sùpira 'i me' finestri, megghiu di prima, e la tòamicizia ppi me' maritu èfarsa.
MAURU
Vi 'ngannati du' voti!... Prima di tuttu a vui non vi carculu, e l'amicizia mia ppi vostru maritu èleali. lu ci sugnu gratu e riconuscenti di tuttu chiddu ca fici ppi mia, comu un patri, quannu stava murennu! ...
MARTA
No, spirgiuri, ti dicu!... Tu non pòessiri tistimoniu indifferrnti della sua felicità, guadagnata a costu d' 'a tò!
MAURU
Ah! Sfacciata! A me' filicitàmi l'aviti livatu vui, ppi carculu!
MARTA
Non èveru! Bastava ca tu mi mannassi adiri 'na parola, quann'eri 'nfirmu e iu mi strujeva di rimorsu e di passione ppi tia, ppi viniriti davanti comu 'na Maddalena, e cascàriti in ginocchiu!… 'Sta parola non la vulisti diri!
MAURU
E fici beni! Ah, si? Vui aspittastuu ca mi lassassi cùrriri di ddàsùpira e mi truvassi muribunnu 'nfunnu a un lettu, ppi 'nnamurarivi di mia supra 'u seriu!
MARTA
Chi 'm porta di sapiri 'u comu e 'u quannu mi 'nnamurai?
L'amuri miu, non pirchissu non era forti e sinceru, e tu non l'avevi a disprizzari!...
MAURU
Sintiti, oh, ragiunati di 'na manera, ca faciti sbalurdiri! Aviti un curaggiu di liuni!... E tuttu chiddu c'aveva suffertu 'u me' cori, prima d' 'u me' corpu, pp' 'u vostru abbannunu? E doppu, quantu sentu, doppu, chi m'arristastuu fidili, forsi? Aviti aspittatu 'u me' pirdunu, aviti circatu di guadagnarivìllu ccu 'a vostra custanza? No, vi spusastuu d' 'a stissa manera ccu chiddu!...
MARTA
(imperterrita) Si, ppi vinnicarimi d' 'a to' superbia! ...
MAURU
Ah... Sapiri truvari a favuri vostru tutti lìragiuni li cchiústrabilianti!
MARTA
No, 'i cchiúsimprici, 'i cchiúsinceri, babbu! Tu ancora chi m'ha' conosciutu quantu sugou caparbia? Ma lassamu stari 'u passatu, ca èmortu... (facendoglisi da presso, quasi strusciandosi, felinamente ardente) Ora ...
MAURU
Ora?..Ah, ah!… Mi faciti ridiri!…Ma guardati chi c’ècca! Prima vi mittistuu sutta 'i peri 'a me' vita e l'amuri miu pp'accaparrarivi 'i ricchizzi di capitan Blancu, ora c'aviti 'i ricchizzi, e non vi mancunu nèonuri, nèlussu, vurrissivu macari 'u svagu di 'n'amanti. E ricurriti a mia? Ah, no, cara mia! Quannu eravu libira di scegghiri, scigghistuu 'i picciuli di don Matteu, ora tinitivilli!
MARTA
Mauru, non mi 'nsurtari, bada! Ora vogghiu sapiri chi nni vòfari di mia!
MAURU
Iu? Nenti! Lassativi godiri tuttu 'u fruttu d' 'a vostra spiculazioni!
MARTA
Bada, Mauru! Vidi ca tu ti nni pintirai, di 'sti paroli d'oggi! ...
Iu haiu bisognu d'amuri senti. Iu r'addimannu pirdunu di tuttu, e mi umiliu a tia comu 'na pinitenti (lo stringe davvicino e gli afferra una mano che lui divincola) Non ti vinnicari respingennumi, pirchípòveniri 'u mumentu ca tu vulissi aviri chiddu ca ora disprezzi - o fai finta di disprizzari - e fussi troppu tardu!
MAURU
(spingendola indietro) Cui, iu? Ah! Ah! Comu vi 'ngannati (con intenzione) Prima di tuttu, iu, sugnu un picciottu liali, e non tradisciu l'amicu 'o quali ci strinciu la manu ...
MARTA
(inviperita, con sarcasmo) Ah! Ah! E chi addivintasti, 'u guardianu di l'onuri di me' maritu? Tu?
MAURU
(eccitatissimo) E va beni! Si, sissignuri, accussi comu dici tu. Sugnu addivintatu 'u guardianu di l'onuri di to ' maritu, contru di mia e contro dìtutti! E 'u sai pirchí? Pirchí'a megghiu vinnitta ca mi pozzu pigghiari supra di tia èchidda di fari appassiri la tògiuvintùaccantu ad unu ca ècchiúvecchiu di tia e chi non ami, sula ccu iddu, sempre ccu iddu, senza sfogu, senza rispiru, senza cunfortu pp' 'u ròcori, disidirusu d'amuri!
MARTA
(livida per la bile) Ah! Ora sta' parrannu chiaru, Mauru! Ora dici 'a virità! (provocante) Ma si' sicuro, si' certu ca non m' 'u pozzu pricurari all'infora di tia, 'stu cunfortu?
MAURU
(con fermezza) Fina c'haiu vita, si! (stende la mano come per giurare).
MARTA
(mettendo la destra su quella di Mauro) Evviva! A nui, allura? (additandogli l'uscio) Ti nni po' jri... Non avemu, avemu cchiùchi dirini!
MAURU
(con moto di sdegno) Addiu! (varca risolutamente l'uscio e scompare).
MARTA
(lo segue con lo sguardo sdegnosamente e quando èscomparso esclama) Vigliaccu! (indi va presso il secondo uscio a sinistra e chiama) Za Betta!
SCENA X
La za Betta e Marta.
BETTA
(uscendo, a voce bassa e con circospezione) Si nni iu?
MARTA
Si... Grapiti 'ssa finestra ...
BETTA
(eseguendo) Figghia mia, iu non sacciu chi cosa vòfari, tu. Non ti dimannu cchiúnenti, ma mi scantu ca ti perdi! Cascasti in tintazioni! Dumani vòcunfessati, ascuta a mia! (guardando fuori) Maria santissima, cca su’.
MARTA
M'arraccumannu, za Betta! D' 'u restu dd'omu, cca dintra, non ci mittiràcchiúpedi! ...
BETTA
Bravu, figghia! Vidirai ca torni carma, comu prima... Ppi 'nquantu a mia, po' stari tranquilla, ca 'a me' vucca è cusuta! Mi facissi muzzari 'a lingua, chiuttistu! (riguardando fuori) Veni 'u maresciallu. Tòmaritu e Saru disarmunu 'a lancia. (via).
SCENA Xl
Maresciallo e detta.
MARESCIALLO
(rientrando) Semu cca. Comu si senti, signura?
MARTA
Beni, grazii! Turnastuu prestu '
MARESCIALLO
Fiasco su tutta la linea: iu non truvai nenti 'nt' 'o nascundigliu e sòmaritu nenti 'nt' 'e nassi! ...
MARTA
(che ha preso il suo partito) Maresciallu... Dicistivu ca mi vulevu parrari di sulu a sula, èveru?
MARESCIALLO
(con gioia) Ah, ciatazzu beddu! Parrari! (fa per prenderle una mano).
MARTA
(allontanandosi) Ma non faciti 'u picciriddu! Me' maritu èddà, ca nni pòvidiri, 'a za Betta trasi e nesci! Chi siti, pazzu?
MARESCIALLO
(mettendosi a braccia conserte) Eccu, mi lîu 'i vrazza, abhasta ca parrati!
MARTA
(concitatamente) Ascutatimi. 'U canusciti 'u passaggiu suttirraniu d' 'u casteddu?
MARESCIALLO
Comu 'a me' casa ...
MARTA
Bisogna truvari 'na scusa ppi farivi dari a chiavi di me' maritu.
MARESCIALLO
Lassati fari a mia... Dunca? ..
MARTA
(guardandosi intorno) Dumani matina, quannu iddu è'o Municipiu, truvativi sùpira 'u casteddu, e di ddà guardati, prima, si sùpira 'ssa balaustrata d' 'a loggia c'èstisu 'n' asciugamanu.
MARESCIALLO
(esultante) Bravissimu! ...
MARTA
Chistu è'u signali ca putiri scìnniri 'nt' 'o suttirraniu. (si ferma, osservando fuori).
MARESCIALLO
E pirchívi firmati?
MARTA
Ma chi nenti viditi, vui? Sta vinennu, guardati ...
MARESCIALLO
(guarda) Finiti ppi carità, ancora èluntanu!
MARTA
(affrettando) Firmativi a du' terzi di strata e faciti un friscu suttili... Non v'avanzati però, si non sintiti risposta... Si non ni sintiri, veni a diri ca c'è'mpidimentu …
MARESCIALLO
E... siddu 'a sentu?
MARTA
Sintennula, caminati sicuru, pirchíè signu ca tuttu va beni e 'a purticedda di cumunicazioni èaperta e iu v'aspettu a' pedi d' 'a scala di cca sutta ...
MARESCIALLO
Ah, ciatu beddu! Quantu ti vogghiu beni! (vorrebbe abbracciarla, ma si n'corda e si ferma).
MARTA
Silenziu, cca è!
MARESCIALLO
(fingendo parlare d'altro) D' 'u restu, sapi, non c'era tantu càuru; e poi ccu 'a tenna, si stava benissimu. Èvero, signor Sindacu?
SCENA XII
Matteo, Saru e detti.
MATTEO
Ah, si, magnificuni ...
SARU
(rientra, riportando il cuscino).
MATTEO
(a Marta) Comu va, 'sta bammina?
MARTA
(sorridendo) Beni.
MATTEO
Chi ha' statu a lertu?
MARTA
No, m'haiu ripusatu un pocu sùpira 'a putruna.
MATTEO
Bravu 'a nicuzza di Matteu sò(l'abbraccia) Oh, scusi, maresciallu!
MARESCIALLO
Anzi, vidissi, iu m'aveva licinziatu ccu 'a signura ...
MATTEO
Ah, si?
MARESCIALLO
Già... E ora mi licenziu ccu lei, pirchídivu turnari in caserma ...
MATTEO
Facissi a comudu so'...
MARESCIALLO
(stnngendogli la mano) E grazii tanti ...
MATTEO
Non c'èdi chi... Oh, maresciallu, si riurdassi dda priera mia ...
MARESCIALLO
(fingendosi distratto) Quali cumannu, scusi?
MATTEO
Chiddu d' 'a surviglianza ppi capitari 'u piscaturi di bumma ...
MARESCIALLO
Ah, si! Avi ragiuni!… Anzi... mi veni un'idea, sintissi: Di sùpira 'u casteddu, ca domina tutta 'a spiaggia, si pòosservari megghiu e senza dari suspettu a nuddu ...
MATTEO
Già… E lei vulissi disporri un serviziu d'appiattamentu dda supra? Non mi dispiaci l’idea!... (a Saro che dopo aver riposto il cuscino se ne sta lìa guardare come uno scemo) Chi fai, tu, cca, scimiuni? Vattinni pp' i' facenni tò! E... non ha' 'ntisu nenti, ha' capitu?
SARU
(andando, mortificato) Iu non sacciu nenti, signor Sinnacu.
MARTA
Chi sciccazzu curiusu!
MARESCIALLO
(a Matteo) No, vidi, capitan Blancu, iu pensu d'appustàrimi iu stissu, ppi 'na para di matini ...
MATTEO
Comu! Si vurrissi sacrificari lei?
MARESCIALLO
Eh, chi voli anda e chi non voli manda, caro signor Sindaco.
Si cuminciu a cumannari a chista e a dd'autra guardia, ccu turnu e tuttu 'u restu, doppu 'n' ura 'u paesi èchinu. D’accussí, inveci, 'u sapemu iu e lei suli ...
MATTEO
Già, veru è. Ragiuni àvi.
MARESCIALLO
D' 'u restu, 'na para d'uri ogni matina, mi servunu ppi pigghiari un pocu d'aria. Ci vaiu cc’ 'u scuru, ppi non essiri vistu ...
MATTEO
E poi, iu ci dugnu 'a chiavi d' 'u casteddu, e lei cci pòjri macari di notti, quannu voli. Mi permetta (va per la sinistra).
MARESCIALLO
Bcnissimu! E speru di capitarlu prestu, 'ssu furfanti... (a Marta, piano) Non nni puteva arrinesciri megghiu! Ah, ciatu miu, chi filicitàdumani! Avi du' anni, ca ti suspiru ....
MARTA
Sssi... Non parrari forti!
MATTEO
(riapparendo con la chiave, che consegna al maresciallo) Eccu, s' 'a sarvassi!
MARESCIALLO
(conserva la chiave con premura) Allura, arrivederla. (prende il berretto) Nuautri nn i videmu quannu avrònuvità da comunicarle.
MATTEO
Quannu voli. A me' casa, per lei, èsempri aperta.
MARESCIALLO
Grazii. A ben rivederla Signura, di nuovo, i miei omaggi! …
MARTA
Novamente, maresciallu.
MATTEO
(lo accompagna fin presso l'uscio di destra, dove si ferma) A rivederla. (quando il maresciallo saràdi là, con intenzione) E... bona fortuna! ..
Tela.
ATTO III
Stanza del Sindaco nel Municipio di Aci Castello. Uscio in fondo. Uno scaffale con registri e libri, una scrivania con su carre, calamaio e un campanello; davanti la scrivania due piccole poltrone, dietro di essa una seggiola a braccioli, pel Sindaco. Attaccati alle pareti, sopra la sedia sindacale, un crocifisso e un ritratto di Re Umberto 1°. Qua e làdelle sedie. Siamo agli ultimi di agosto. Fra il 2° e il presente atto corrono pochi giorni.
SCENA I
Matteo, Calogiru e Biagiu.
MATTEO
(a Calogero) Ma siti sicuru ca non vi 'ngannati?
CALOGIRU
Sicuru com'èsicura la morti! L’haiu vistu ccu 'st'occhi mei, Santa Lucia mi l'avissi a 'nnurvari si dicu bugia.
BIAGIU
E poi, c'èl'autra prova... Fu vistu 'n Catania 'a pruulera di Picaneddu, ccu 'a lanna sutta 'u vrazzu.
MATTEO
Ma pri quali scopu duvissi jttari 'i bummi di sùpira 'u casteddu?
CALOGIRU
Comu!... Vossignuria, ccu la so' 'ntilicenza, non si nni persuari? 'U scopu èchiddu ca jttannuli di ddàsupra arrivanu chiúluntanu e abbrazzunu chiústisa di mari.
BIAGIU
E non èca s'ha castiatu, a di q uannu cascau di ddàsupra, ah!
Tannu macari s'appi a arrampicari ppi lassari curriri ocche bumma!…
CALOGIRU
Già!... E 'u Signuri 'u castiau… Tannu, duveva muriri ...
Comu potti campari iu non lu sacciu!... Avi setti spiriti comu 'i atti! E vossignuria, ca l'ha' curatu 'a so' casa, comu un figghiu!... Macari ppi rispettu di la so' pirsuna, non duvissi fari 'sti birbantati....
BIAGIU
Cui? Chiddu ha statu sempri cavaddu senza patruni!... Tuttu 'u ben fattu, ccu iddu, èpersu!
MATTEO
Ma badati ca bummi non nn'ha' jttaru, di ddàsupra!... Si nn 'avissi jttatu iu l'avissi saputu ...
BIAGIU
E comu, signuri?
MATTEO
'U sacciu iu... Basta; in qualunqui modu, vi nni putiti jri. Lassàtimi fari cerr'autri indagini e lassàtimi sèntiti 'na pirsuna ca appura macari e poi si pensa 'u restu.
CALOGIRU
L'addivi fari arristari, signor Sinnacu! Pirchí 'stu birbanti affama un paisi!... lddu fa 'u vagabunnu. Ca... mi nni maravigghiu!... Di 'sta manera basta ca travagghia 'na vota ogni tri misi!
BIAGIU
Cci nn'avissi a scuppìari una 'nt' 'mnanu, cci nn'avissi! ...
MATTEO
Basta, lassati fari a mia, vi dicu, e non parrati ccu nuddu. Va, vo' jtavinni, vi salutu.
CALOGIRU
(andando) Baciamu li manu.
MATTEO
(prima che escono) Oh, sintiti! ... 'St'ottobri ca veni priparativi a mannari â scola 'i picciriddi, sintiti?
BIAGIU
(afflitto) Signuri, comu cc' 'i mannamu â scola, si s' hannu a vuscari 'u pani?
MATTEO
Haiu pinsatu macari ppi chissu. 'I figghi d' 'i puureddi, di 'st'ottobri nn'avanti, avrannu da mangiari, abbunnanti, dintra a scola stissa, e du' vistireddi all'annu, altri d' 'i libri gratis.
CALOGIRU
Ppi daveru 'u dici, vossignuria?
MATTEO
Si, si, ppi daveru. Però, doppu ca v'haiu dittu chistu, v'avvertu ca si n'èmannati vi fazzu puniri com'èdi liggi, pirchíla scola èobbligatoria ppi tutti.
CALOGIRU
Ca signuri, quann'èaccussí, sicuru ca cc' 'i mannamu tutti. Macari 'i cchiú grannuzzi! Vossignuria fa miraculi!
BIAGIU
Eh! 'I dinari d' 'u Cumuni 'i spenni boni 'u Sinnacu Blancu!
MATTEO
(sorridendo) Non su' d' 'u Cumuni. Disgraziatamenti 'u Cumuni èpuureddu.
CALOGIRU
(piano a Biagio) lddu cc' 'i metti, di sacchetta so'!
BIAGIU
(c. s.) Aora? (a Matteo) 'U signuri cci l'ha' a renniri in tantu beni e furtuna! ... Veru èchiddu ca si dici ca 'j dinari so' su' di tutti! Cent'anni di saluti e pruvidenza, pp ' 'u beni d' 'u paisi!
MATTEO
Non haiu figghi!… (con malinconia) Forsi non nn'avirròmai ... 'I me' fìgghi sunnu 'i vostri picciriddi
CALOGIRU
E non dubita ca nuautri ci 'nsignamu a vulillu beni comu un secunnu patri! (cerca di baciargli la mano).
MATTEO
(ritirando la mano) No, no! 'sti cosi facitili cc' 'u Prepositu, ccu mia nemi! Va, stativi beni, vi salutu!
CALOGIRU
Benediciti.
BIAGIU
Saluti a vossignuria (escono).
SCENA II
Matteo e l'Usciere.
MATTEO
(rimasto solo suona il campanello).
USClERE
(entrando) Cumanna?
MATTEO
Cci istuu 'nt' 'o macillaiu?
USCIERE
Sissignuri, e ci 'u dissi. Ma èun vastasunazzu!
MATTEO
Chi vi rispusi?
USCIERE
Rispusi ca si divi sèrviri e' signuri, non po' sirviri e' mascarzuni. Avi picca carni e si l'addivi tèniri, pp' 'i parrusciani, a cuminciari di vossignuria, ca su' chiddi ca ci dunanu 'u pani tutti 'i jorna. 'I civili, dici, su' chiddi ca mi dunanu a mangiari, no 'i morti di fami.
MATTEO
(irritatissimo) Ah, si? Turnaticci, e cci diciti, a nomu miu, a 'stu misseri, ca l'unicu mascarzuni ca c'è'nt' 'o paisi èiddu! Diciticci ca la so' rivinnita di carni èpubblica e 'nt' 'o paisi non ci su' civili e sarvaggi!... Cu' arriva prima e paga 'a so' munita, avi dirittu d'essiri sirvitu, senza privilegi pri nuddu!
USCIERE
Ci l'haiu dittu, signuri!
MATTEO
Benissimu, turnaticci e diciticcillu 'n'autra vota, aggiungennu ca ci mannu l'ordini di jricci a purtari, ora stissu, un bellu pezzu di carni a 'dda svinturara, ca avi 'u picciriddu malatu e ci ha' a fari 'u brodu! E diciticci ca si non ci 'u porta ora ora, scinnu iu 'nt' 'a so' putìa, ci attaccu a so' vitedda o coddu, e ci fazzu fari 'u giru di tuttu 'u paisi ccu 'ssa mazzira o' pettu!
USCIERE
Sissignuri (p. p.).
MATTEO
Aspittati… Mentri iti 'nt' 'o macillaiu, passa ti di nni Mauru Saitta, vicinu 'a me' casa, e cci diciti di veniri cca ora stissu, ca ci divu parrari d’urgenza.
USCIERE
Va beni... Oh, mi scurdava di diricci ca c'ècca fora 'n Prepositu, ca disiddira parrari ccu vossignuria.
MATTEO
Ah, 'u Prepositu? ... Facitilu passari.
USCIERE
Favurissi, Signor Prepositu (va via).
SCENA III
Il Curato e Matteo.
CURATO
(entrando) Saluti a vossignuria, signor Sinnacu.
ù
MATTEO
(secco secco) Riveritu. S'accomodi.
CURATO
(sedendo su una delle poltrone) Grazii.
MATTEO
Chi cumanni mi divi dari?
CURATO
Preghieri. Eccu. 'U me' saristanu m 'ha dittu ca vossignuria ha pagatu di sacchetta so' la murta ca avissi duvutu pagari iu ppi ritirari 'u me' sciccareddu. Siccomu chista non era pricisamente la preghiera ca ci dava nel mio biglietto ...
MATTEO
Un mumentu, Prepositu, sapemuni sèntiri. Lei mi scrissi si c'era modu di farici restituiri 'u so' sciccareddu - sequestratu pirchí lu so' signor niputi si divertiva a farlu pasculari dintra la villetta cumunali - senza faricci spènniri dinari, èveru? Ora siccomu iu non puteva supporri ca vossignoria mi prupunissi di defraudari il Comune della multa ca vossignuria duveva pagari, iu haiu cridutu di duviri interpretari 'u so' bigliettu nel sensu ca vuleva ca pagassi in vece sua. E l'haiu servito.
CURATO
(mordendosi le labbra) No, no, prego! Vossignuria mi vuoti dari 'na lezioni ...
MATTEO
No, non haiu avutu 'st' intenzioni ...
CURATO
Ma io non la meritu, pirchínon sugnu un omu e un sacerdote da proporre una frodi ... Chiuttostu, non conuscennu 'u regulamentu di polizia urbana ca vossignuria ha fattu, e suppunennu ca 'u niputi d' 'u Prepositu putissi essiri trattatu ccu tanticchia chiúdi riguardu di tutti 'sti viddani e piscaturi ...
MATTEO
(frenando la sua irritazione) No, c'èsbaglio! ... Prima dìtuttu non c'èregolamentu ‘o munnu, mancu 'nta l'Abissinia, ca permetti e' cittadini di fari pasculari 'i bestii 'nt' 'e pubblici giardini; e poi, sutta l'amministrazioni di capitan Matteo Bianco, non ci su' eccezioni e riguardi ppi nuddu ...
CURATO
Va beni, va beni, haiu capitu... Allura sugnu in debitu ccu vossignuria di cincu liri.
MATTEO
Cc' 'u so' commudu.
CURATO
(facendo finta di cercare nelle tasche, cambia discorso ad arte, per esimersi dalla restituzione) A propositu, mentri mi trovu ca, egregiu signor Sindacu, cci vogghiu sottoporri una quistioni d'ordini generali.
MATTEO
Parli.
CURATO
O' primu d'ottobri vegnenti, comu lei ben sa, ricurri la festa d' 'u santu Rusariu.
MATTEO
Non nnj sacciu nenti, ma fa lo stesso.
CURATO
'Nt ' 'a parrocchia si fannu grandi preparativi, per onorare degnamente il Santissimo, c' àvi un saccu di devoti, specialmenti 'nt' e' paisani.
MATTEO
Beni?
CURATO
(annusando tabacco) A furia di sacrifizi d' 'i divoti, e mei, haiu pututu fari restaurari, come vossignuria saprà, l'abside e 'u coru, ca eranu menzi sdirrubati. Ora staiu facennu fari tuttu 'u pavimentu in cimento, e ppi dd'epuca, a parrocchia, ccu la grazia di Diu, saràall 'ordini, ben pulita ..
MATTEO
Dunca?
CURATO
Tuttu chistu, egregiu signor Sinnacu, ha assorbitu tutti 'i risorsi d' 'a chiesa, e ppi 'u jornu d' 'a festa non avremu chiú un soldu ppi fari celebrar: qualche missa cantata e fari illuminari, com’è di giustu, la casa dci Signore ...
MATTEO
Avanti, avanti.
CURATO
Inoltri avissi intenzioni di fistiggiari ddu jornu solenni ccu prucissioni di ritu, qualche botta di murtaru... e un picculu giuocu pirotecnico... p p, 'a fudda... comprende?
MATTEO
E poi?
CURATO
E poi... lei divi capiri ca... se il Municipio non m'aiuta ccu qualche bonu sussidiu, non pozzu fari nenti di tutti 'sti belli cosi, e 'a festa passiràliscia liscia, senza addunarisìnni nuddu.
MATTEO
(con un sorriso sdegnoso e insieme canzonatorio) Caru signor Prepositu. Prima di tuttu 'u Municipiu divi pinsari ppi l'acqua potabili, ca cc'èdi bisognu chiúd' 'u pani, poi pp' 'i scoli, poi pp' 'i strati, poi ppi tutti l'autri servizii pubblici... e poi, si nni ristassi, vurrissi fari un ospedalettu, pp' 'i poviri malati... Ma non nn'arresta, ca anzi, ppi sopperiri e' spisi d' 'a refezioni scolastica, ca cuminceràa funzionari d' 'u primu d'ortobri, appuntu, haiu duvutu fari appellu a la ginirusitàd' 'i privati e haiu duvutu scaliàriami 'a sacchetta ...
CURATO
Ma... signor Sindaco! Iu ci fazzu riflettiri che la chiesa e la santa religioni, duvissiru stari in prima fila, nella coscienza di ogni onestu amministraturi, prima d' 'a scola e prima di l'acqua potabile!
MATTEO
(senza prenderlo sul serio e in tono canzonatorio) No, no, riverendo ... 'nt ' 'a cuscenza di ogni onestu amministraturi non ci po' essiri postu nèppi prucissioni, nèppìbotti di murtara, ca d' 'u restu non hannu nenti a chi fari ccu 'a riligioni, ca iu rispettu. Quantu e’ scoli, poi, m 'ha cunsentiri di mittilli avanti e supra di tutti l'autri cosi ...
CURATO
(alzandosi) Ah! Chi eresia!... Supra d' 'a chesa, 'i scoli laici, unni non si 'nsigna 'u catichisimu e ppi maggior vergogna, s' inculca la ribellioni contru l'autoritàdel Santo Vicario di Cristu !… Mi maravigghiu, signor Sinnacu!... Mi maravigghiu assai ...
MATTEO
(alzandosi, alla sua volta, con aria d'uomo infastidito) Sintissi, Prepositu, èinutili ca si riscalda e si maravigghia, pirchínon nn'otteni nenti. Ppi 'ssi tali cosi, 'u Municipiu, soldi non nn'àvi e si puru l'avissi non nni dassi (si ode bussare alla porta) Avanti!
SCENA IV
L'usciere e detti.
USCIERE
Vossignuria scusa. Tuppuliai pp' avvirtillu ca sugnu cca, all'ordini so'. Haiu fattu tutti 'i cummissioni. 'U chiancheri ci mannau 'a carni unni sapi vossignuria, e dda pirsuna ca mannau a chiamari dici ca veni subitu... C'èBarnaba l'orvu, poi, cca surra, ca aspetta.
MATTEO
Va beni (al curato) Allura, reverendo, a ben rivederla.
CURATO
(livido per la bile) Ah, lei mi licenzia?.. Bongiornu! (fa per uscire).
MATTEO
Ddi liretti ca mi vuleva ristiruiri, si cridi, cc' 'i po' dari, a nomu miu, o suo, non importa, a Barnaba l'orvu, cca sutta.
CURATO
Comu? .. Ah, 'ddi liretti ...
MATTEO
Si, 'ddi cincu liri ca mi vuleva dari pocu fa... C' 'i dassi all'orvu, ca nn' avi di bisognu.
CURATO
(uscendo) Va beni, va beni! Servitor suo!
MATTEO
(prendendo di tasca due o tre lire d'argento e porgendole all' usciere) Tiniti cca, datici chisti.
USCIERE
A cui?
MATTEO
All' orvu! S'avissi a aspittari 'i cincu liri d' 'u Prepositu, putissi mòriri di fami!
USCIERE
Va beni (riaprendo la porta) Vossignuria vidi ca c'èMauru Saitta,
MATTEO
Ah! Facitilu tràsiri.
USCIERE
(a Mauro) Favuriti (lo introduce e va via richiudendo).
SCENA V
Mauro e Matteo.
MAURU
(entrando) Bon giornu, don Matteu.
MATTEO
Bravu! Veni cca, assettati (gli siede accanto) Ascutami beni, pirchíchiddu ca t'haiu a diri è'mpurtanti assai.
MAURU
(preoccupato) Parrati.
MATTEO
Prima di tuttu ti dumannu si tu mi vo' beni quantu ti vogghiu beni iu, veni a diri assai ...
MAURU
(imbarazzato) Oh! Certu ca vi vogghiu beni assai! M'aviti fattu tantu beni, 'nt' 'a me' disgrazia! ...
MATTEO
Haiu fattu chiddu c' avissi fattu ppi ri'autru. Non mi sa' sèntiri. Iu ti dumannu si mi vo' beni tantu d'aviri ccu mia tutta 'a cunfirenza ca putissi aviri ccu to' patri, si turnassi d' 'u Carnpusantu ...
MAURU
(c. s.) Non sacciu chi vuliti diri... Iu 'a cunfidenza l'haiu, e sugnu prontu a parrarivi comu un figghiu. Di chi si tratta?
MATTEO
Oh!... Di beni a megghiu... Dimmi 'na cosa: tu comu campi?
MAURU
'U sapiti, fazzu 'u piscaturi.
MATTEO
Si, ma comu 'u fai 'u piscaturi?
MAURU
Non vi sacciu sèntiri... Comu si fa 'u piscaturi? Ca comu all' autri!
MATTEO
No! Eccu, mi spiego megghiu; Tu stai misi sani facennu 'u vagabunnu matina matina. A to ' varca si arma 'na vota ogni tantu. Sùpira mari ci vai, si e no, 'na vota o' misi. Comu fai a vuscàriti 'a spisa, si non travagghi?
MAURU
(confuso) Ca ... 'u sapiti chi è? Quannu pigghiai dda mala caduta, aristai un pocu offisu... Haiu 'a testa pisanti, mi sentu debuli, senza agilità... e aspittannu ca 'u Signuri mi turnassi 'a saluti comu prima m'haiu mangiatu ddi quattru grana e haiu 'ntaccatu 'ddu tanticchia di roba ca mi lassò'a bonarma.
MATTEO
No! Tu non mi dici 'a virità! 'A forza e l'agilitàl'hai, megghiu di prima, e ora t' 'u provu... Dimmi 'na cosa; tu ha' statu 'n Catania?
MAURU
(torna a preoccuparsi) Cci vaiu sempri ...
MATTEO
E fusti â pruulera di Picaneddu. Ppi quali ragiuni?
MAURU
... Pp ' accattari 'o pocu di pruuli di caccia! ...
MATTEO
E ppi quali usu? Tu non si' cacciaturi... No, senti, non si' sinceru, 'u vidi? … E iu ti priai d'essiri sinceru!... Tu accattasti dinamiti.
MAURU
(confuso) No, beddamatri!
MATTEO
Sssi!... Zitriti! Tu pischi ccu 'a dinamiti!
MAURU
(rinfrancato, ma offeso del dubbio) No, vi giuru!
MATTEO
Silenziu, ti dicu!... Tu pischi ccu 'a dinamiti!... E fai 'na 'nfamità, pirchí distruggi 'u pisci e affami tanta povira genti, ca campa di pisca onesta! ...
MAURU
Ma si vi dicu ...
MATTEO
(severamente) E ancora, insisti? .. Chistu èun reatu, ed iu ti denunziu! T'haiu chiamatu cca pirchími piaci d'avvertiriti ppi l'avveniri... Iu ti cridu sempri un bravu giuvini e sugnu certu ca si' pintutu di chiddu c' ha' fattu... Ti vogghiu vidiri travagghiari onestamenti, di domani 'nn' avanti, comu travagghianu tutti l'autri... Chiddu c' hai fattu èdignu di galera!
MAURU
Sintiti, vi giuru, ppi l'armuzza di me' matri e di me' patri - ca di chi su' morti non ci haiu giuratu mai - ca iu bummi a mari non nn' haiu jttatu, e cu' mi fa calunnia èsbirro e vilunazzu! (si alza).
MATTEO
(tirando per la giacca con forza lo fa rimettere a sedere) Assèttiti! (fissandolo negli occhi) Ti vittiru aieri notti ccu 'a lanna ad armacollu, ca t'arrampicavi 'nt' 'o casteddu, d' 'a parti d' 'a rocca, comu unu scurpiuni!... Ristasti ddàsùpira tutta 'a notti e tuttu 'u iornu appressu!… Scinnisti stanotti, d' 'a stissa strada, e stavi cascannu amenza strata, pirchísi spiccicòtanticchia di ripiddu, unni t'avevi attaccatu, e ti sarvasti di 'na secunna caduta, chiúterribili d' 'a prima, pirchítruvasti d’affirrariti 'ntra 'na ficu sarvaggia ca crisceva sùpira 'a rocca!... E veru, si o no? Ah? 'U vidi ca non rispunni chiú? E jsti ddàsùpira ppi jttari 'i bummi, e iu, ora, ti denunziu... e ti fazzu arristari e mannari 'ngalera!... Si... comu un marfatturi!... E un marfatturi ricidivu e ustinatu!
MAURU
(scattando, indignato) Oh, sintiti, chistu poi ètroppu!
MATTEO
Ah, ti pari troppu?... Èbonu chiddu ca fai, allura? Vurrissi niari ca eri tu; 'u scurpiuni d' 'u casteddu? Bada ca ti vittiru... e eranu dui! T'haiu purtatu tutti li signali precisi! ...
MAURU
(risoluto) E va beni, era iu... ma non c'era pri jttari bummi!
MATTEO
E pirchí, dunca? .. Ppi fari ginnastica, a dd'ura, o ppi fari 'na passiata cc' 'u lustru î luna? Accussí, comu un latru, a rìsicu d' 'a vita?
MAURU
‘U pirchí…n’‘o pozzu duri!
MATTEO
Chi fa? N' 'o po' diri? .. Auh, tu parri ccu Matteu Blancu, non t' 'u scurdari!... Sai ca ccu mia non si scherza! Tu mi l'ha' adiri!
MAURU
Non pozzu! Mancu si m'ammazzati! ...
MATTEO
T'ammazzu? E pirchít' avissi a ammazzati? Iu ti denunziu e ti mannu drittu drittu 'ngalera ... Mentri inveci, si tu parri... cu' 'u po' sapiri? Mi pozzu arrisòrviri macari di cummigghialla e bona notti!
MAURU
E va beni, dinunziatimi, ma pinsati ca faciti 'na 'nfamità, pirchí sugnu 'nnuccenti. Non parru... pirchínon pozzu parrari... E un sicretu ca n'apparteni a me' sulu, eccu.
MATTEO
Un sigretu ca non apparteni a te' sulu? Ora mi sta' facennu un romanzu! Ma ccu cu ' ti pari ca sta' parrannu? A cu' va' 'nfinucchiari, giuvinottu?
MAURU
Èun segreti, vi dicu!…
MATTEO
E tu cridi ca cunfidannulu a mia, 'ssu segretu, iu ti tradissi e parrassi?
MAURU
No... ma... ètuttu 'u stissu! ...
MATTEO
Comu, ètuttu 'u stissu? Tu, non mi sa' sèntiri, dunca! Cunfidannulu a mia - tu mi canusci - è'u stissu di sapillu tu sulu. Vogghiu essiri cunvintu iu, ca tu dici 'a viritàe non jetti bummi, non vogghiu cunvinciri all'autri... m'ha' capitu? Eccu pirchídisidiru ca tu mi cunfidi tutti cosi... Ma comu!… Non rispunni? Mancu cu mia ti po' cunfidari?
MAURU
Oh, beddamatri santissima, pirchíèca mi mittiti a la turtura?
Mancu ccu vui, no, mancu ccu vui!…
MATTEO
Mancu ccu mia? Di mia diffidi, dunca?... O èuna cosa ca mi riguarda?
MAURU
(con sollecitudine) No, sull'onuri!... Ma pirchíèca insistiti, ppi favuri!…È inutili, non pozzu parrari!
MATTEO
E chi veni adiri, 'ssu dìscursu? Ma comu, giuvinottu, tu parri e parri a metà? E ti fa tirari 'i paroli ccu 'a tinagghia?
MAURU
Ma si v' haiu priatu di non mi dimannari nenti!
MATTEO
E ti pari ca ti lassu nèsciri di cca, si non prima m'ha' dittu tutti cosi? Tu non ti po' cunfidari ccu mia? Tu mi fa' capiri cu' sa chi cosa e non ti spieghi? Ma allura, .. allura èchiaru ca 'ssu sigretu ca dici... m'arriguarda! E tu non parri?
MAURU
Ma vui mi vuliti custringiri 'u sapi Diu a quali cosa! Iu non sugnu un vilunazzu o 'na spia! Vi dicu ca non pozzu parrari, mancu cc' 'u cuteddu â gula.
MATTEO
Guarda, guarda, giovinottu, megghiu parri, senti!... Tu si' un bardascia vacanti ca ppi quarche ridiculaggini 'u sapi Diu chi mi fa pinsari! Bada ca iu pozzu supponiri macari ca si trattassi... Dimmi 'na cosa: C'èpaura 'u casteddu ti servi ppi ...
MAURU
(di scatto) Ppi fini mei particulari, orvu di l'occhi!
MATTEO
E pirchíèca t' affuddi a giuraricci? Quali su' 'sti fini particulari? 'U casteddu èchiusu a tutti... Tu pi trasiricci, divi arrisicari a vita, arrampicannuti d' 'a rocca ... Non ci trasi nudd' autru ...
MAURU
Ma non circati, non vi sfirniciati, ppi carità... È inutili, non putiti 'nzirtari mai!
MATTEO
Aspetta, non curriri!... chi ti fai, l'amuri di ddàsùpira? … E si fussi chissu, pirchínon mi l'avissi a cunfidari? … (leggendogli negli occhi che vuole affermare, mentendo) No, auh! Non diri autri minzogni!... E ccu cu' è, ca ti putissi fari l' amuri (come parlando a séstesso) ‘U casteddu èfora di l'abitatu èisolatu ...non cumunica ... Eh... non cumunica ccu nudda casa (si passa una mano sulla fronte) Non cumunica autru ca... (lo guarda negli occhi) ca ccu 'a me' casa!…
MAURU
(pallido, tremante e sollecito) No, non pinsati a cosi mali, ppi carità! Vi 'ngannati!
MATTEO
(stupito, afferrandolo per un braccio) E pirchípigghi avanti? Iu n'haiu dittu nenti e non haiu pinsatu nenti! E chi veni adiri, accussí? Mii 'ngannu, dicisti? E di chièca mi 'ngannu? Parra!? (lo atterra, in ginocchio e guardandolo con gli occhi fuori dell'orbita a voce bassa e roca) Parra!... E po' essiri 'na cosa di chisti? Tu?!
MAURU
Ma cchi pinsati, ppi carità, chi stati pinsannu?
MATTEO
(stringendolo sempre piùforte) Ppi la cruci di Diu! Mi ‘nsidii l’onuri? Tu?…
MAURU
(risoluto ed energico, si svincola, si alza, resistendo alla pressione di Matteo, e, fissandolo imperterritamente) No, vi 'ngannati, vi dicu!... E giacchémi costringiti vi dicu ca la 'nsidia l'haiu stisa, si, ma non contra di vui, contra di n'autru!
MATTEO
(stupito) Contra di 'n'autru!
MAURU
Si, e di 'na manera terribili, ca mancu vu' stissu 'a putevu pinsari simili!
MATTEO
(c. s.) Iu stissu? E chi c'entru, iu?
MAURU
Haiu parratu troppu, èveru, ma 'a curpa non èmia, èvostra, ca mi custringistuu! C'entrati, pirchív'inganna!
MATTEO
(asciugandosi il sudore della fronte con la mano) Ah, Mauru Saitta!… Chi si' tu ca sparri, o sugnu iu? Ma chi mi 'nventi? Cu' è'st 'autru! Dda supra 'u casteddu ci vaiu iu sulu…
MAURU
E nuddu chiú?
MATTEO
(battendosi la palma sulla fronte come chi ha trovato, va verso la porta per assicurarsi che èben chiusa e torna, pallido come la cera, verso Mauro) Non ci jemu autru ca iu... e n'autra pirsuna... Ascuta ... 'U maresciallu? Rispunni!
MAURU
(si rimette a sedere senza parlare).
MATTEO
Ah... iddu è? Ah, 'u maresciallu? Mi tradisci, dicisti... Sssi …non parrari! ‘U dicisti... E … dimmi na cosa, idda…èd’accordu? Si capisci, pirchívasinnòtu non parravi di tradimentu ... M'ingannanu, èveru? E tu nn 'hai 'i provi? Cci ha' fattu 'a spia, èvero? Cci ha' jutu d'appressu... Cci va d' 'u suttirraniu, èveru? E quantu tempu l'hai aspittatu, dda sùpira? .. Ma comu, non rispunni? Ma tu ci ha' pinsatu a chiddu ca dici?
MAURU
Ma iu non haiu dittu nenti!...
MATTEO
Chi 'mporta? Non m 'ha smintitu, però! E non mi smintisci! ...
Dunca... èaccussí comu dicu iu? Parra!
MAURU
(resta muto, con gli occhi bassi).
MATTEO
(cadendo su una poltrona con la mano sul cuore) Madonna! Mi pari ca staiu facennu un bruttu sonnu! (dopo breve silenzio, colpito da una idea nuova, riafferra Mauro per un braccio) E dimmi n'autra cosa: ci stinnisti 'na 'nsidia dici? Tu? E chi 'ntiressi hai, tu, di fari chistu? E ppi quali ragiuni, tu?… M'ha adiri macari chistu!
SCENA VI
L'Usciere e detti.
USCIERE
(spingendo l'uscio) Vossignuria vidi ca iu cca sugnu. Tanti binidizioni di l’orvu. Cca fora, poi, c'è'u maestru, c'aspetta. Po' entrari?
MATTEO
(che s'èricomposto, istintivamente, fa una scrollata di spalle, come per liberarsi d'un peso che lo soffoca, si aggiusta il colletto e il gilet, tirandoselo in giu e con voce apparentemente calma) Diciticci c'aspittassi un mumentu, ppi favuri.
USCIERE
(esce, richiudendo l’uscio).
SCENA VII
Matteo e Mauro.
MATTEO
(fissa per un bel po' Mauro, dal quale vorrebbe la spiegazione chiesta, poi, per subita risoluzione) No, no, vattinni, ppi comora. Haiu a pinsari a tant'autri cosi, ccu calma ... 'Ssa spiegazioni ca m' ha' a dari, m' 'a duni 'n' autra vota, 'nt' a un lucali chiúadattu, unni saremu suli e nni putremu guardari 'nta l'occhi.
MAURU
(andando, con fierezza) Quannu vuliti e comu vuliti.
MATTEO
(con sorriso ironico) Bravu: (fermandolo sulla soglia) Aspetta, giuvinottu, 'n 'autri du' paroli!
MAURU
(titubante) Chi vuliti, ora?
MATIEO
(con calma) Poca cosa, n' aviri paura ...
MAURU
Non èppi mia... siti agitatu ...
MATTEO
Non èveru, t'inganni. Sugnu tranquillu, guarda, sempri tranquillu, sugnu, iu. Si mi vidisti tanticchia agitatu, ora ora, fu pirchínon mi l'aspittava, 'ssu colpu... Chi nni voi 'na cosa di chisti, a mia, non m'aveva capitatu mai, 'nt' 'a vita, e perciò... Ma ora sugnu n'autra vota chiddu di prima, vidi? … Assèttiti.
MAURU
(siede, sempre titubante).
MATTEO
(sedendogli di fronte) Tant'anni arreri, quannu navigava, un iornu mi trovai a Marsiglia, senza imbarcu e senza dinari. Aveva un sulu pezzu di cincu franchi, e un pitittu ppi dui e nisceva di casa ppi iri a sfamarrni alla prima bettola ca mi capitassi, quannu, sutta l'entrata, si prisenta 'u purtunaru, col berretto a manu, e mi augura 'i boni festi. Era 'u santu Natali e iu, ccu 'dda fami, mi l'avevu scurdatu... Senza pinsàricci duo voti, pigghiai d' 'a sacchetta dd'unicu pezzu di cincu franchi e ci 'u desi. Passai quarantott'uri senza mangiari, passiannu susu e jusu pp' 'a cità, e nn' avissi passatu di chiúsi non avissi truvatu imbarcu e non avissi siggiutu l'anticipu, ma nuddu sappi mai ca sutta 'u me' vistiteddu pulitu, 'u me' cuddareddu e 'i mer' pusa 'ngamitati, c'era un mortu di fami; e 'ddu purteri, ogni vota ca mi videva passari, mi faceva un salutu finu 'nterra, comu fussi un monsignuri ...
MAURU
Non sacciu chi vuliti diri ccu 'ssu discursu ...
MATTEO
(fissandolo) Vogghiu diri chistu, sta' beni attentu: Si fusti debuli di 'ncasciu, si fusti chiacchiaruni ccu mia, procura di non esserlu ccu autri!... Ricordati ch' e' spaddi di Matteu Blancu non divi ridiri nuddu, vivu o mortu! Ha' capitu?
MAURU
Oh!… Stati tranquillu! Vui mi facistuu parrari, ca iu stissu non sacciu chiúcomu, mentri ca non l'avissi fattu ppi tuttu l'oru d' 'u munnu... ma ppi 'n quantu all'autri... non ci pinsari... ca d' 'a me' vucca non riesci 'na parola!
MATTEO
E iu ci cuntu! Ti nni po' jri! (Mauro si alza) In quantu a tia... prima di compiangiri 'stu poviru cappa, aspetta di vidiri com'èca sapràriulari 'a so' partita!
MAURU
(andando) Forsi 'a truviriti riulata.
MATTEO
(di scatto, apprestandoglisi) Chi dicisti?
MAURU
(che ha aperto l'uscio, additandogli il maestro che entra) Ccàc'è'u maestru!...
MATTEO
(ricomponendosi) Ah!... avanti, maestru, accumudativi! ...
Tela
ATTO IV
Camera di servizio in casa di Matteo Blanco, al pianterreno, In fondo, nel centro, porticina ad un solo battente, con sportello praticabile e spranga di sicurezza. Da un lato della porticina, addossate alle pareti, due vecchie poltrone, capovolta l'una sull'altra, e dall'altro lato un armadio. A destra uscio di comunicazione col resto dell'appartamento e piùin giù vasca da bagno a metàcolma d'acqua, riparata da un paravento. A sinistra, mascherata nel muro, botola che si apre a libro e immette nelle cantine, per una scaletta praticabile. La botola èchiusa da saliscendi. In centro tavolo da stiro, e accanto al tavolo sgabello, sul quale giace una grande cesta di vimini, colma di biancheria stirata. Qua e làdelle sedie comuni.
SCENA l
La za Betta e Marta.
BETTA
(intenta a stirare) 'Stu binidittu carusu è'n'affari seriu! E bonu, non dicu di no, ma èchiúduru d' 'u purpu... Avi 'a testa comu 'stu ferro 'i passari, scanzatini!
MARTA
(gironzando per la stanza, con impazienza) Ma vui chi putistuu comprenniri, d' 'i so' paroli?
BETTA
Haiu capitu ca sapi quarche cosa ca ci po' 'ntirissari a to' maritu, e non la voli diri,
MARTA
Ma pirchí?
BETTA
Pirchí? Pirchí, dici, ca 'u patruni ci pruibiu di parrari!
MARTA
Ch'èbestia! Chi ci pruibiu, chiddu ca ancora non sapi?
BETTA
Bravu! Chissu ci haiu dittu iu! Ma faccillu tràsiri 'ma 'dda testa di mulu!... Mancu siddu ci 'a spacchi!
MARTA
Ma vui comu facistuu a sapiri tuttu chissu?
BETTA
Ca m' 'u dissi iddu stissu: " 'U signor Sinnacu non voli ca parru, e iu mi staiu mutu comu un pisci; ma èmalu ppi d 'ìddu, e poi si nn’adduna".
MARTA
(preoccupata) E poi?
BETTA
E poi nenti chiú!… Non ci haiu pututu scìppari 'na parola mancu ccu 'a tinagghia! (prestando orecchio) Statti muta, ca sta turnannu! Vidi tu si si' bona a fallu parrarì... Cu ' sà!
SCENA II
Saru e dette.
SARU
(entra portando un barile d'acqua, che va a vuotare nella vasca da bagno, indi si ricarica il barile in ispalla e chiede a Marta) Signura, ci abbasta o nni portu n'autru varrili?
MARTA
No, basta (fermandolo mentre rivàvia) Aspetta un mumentu, non ti nni jri ... Chi è'ssa cosa ca sai e non va' diri?
SARU
Quali cosa?
MARTA
(impaziente) Non mi fari 'u babbu! 'Ssa cosa ca ci dicisti a za Betta.
SARU
Iu non ci haiu dittu nenti! ...
BETTA
(meravigliata e adirata) Gesùmiu, chi farsu malignu! Nenti mi dicisti? Chi m' 'u staiu niscennu d' 'a manica, dunca?
SARU
Chi vi dissi?
BETTA
Mi dicisti ca sai 'na cosa ca ci po' 'ntirissari 'o to' patruni e non la voi diri pirchít'ha proibitu di parrari.
SARU
E chi non èveru, forsi? Chi mi dissi tannazzu, 'u signor Sinnacu, davanti o' Maresciallu? "Non ha' 'ntisu nenti scimiuni, ha' capitu?" E 'u scimiuni non senti nenti! Chi mi nni 'mporta! Mentri sugnu scimiuni!…
MARTA
Va beni, pirchíti dissi scimiuni ora 'u voi castiari? 'U sai ca tu si' 'u servu e iddu è'u patruni? Scimiuni ci si', pirchínon capisci nenti! Veni cca, assèttiti… Assèttiti, ti dicu! ...
SARU
(mal suo grado depone il barile e siede).
MARTA
Tu non nni capisti nenti! 'U patruni sinteva diri ca non divi ascutari e non divi diri nenti di chiddu ca senti 'ncasa ...
BETTA
Non dìchiddu ca succeri fora! Anzi chistu, si ci po' 'ntrissari, tu ca si' un bonu sirvituri, ci l'addivi rappurtari subitu... Chi ti dissi iu, ah?
MARTA
Un mumentu, za Betta, lassati parrari a mia! (a Saru) Chi cosa sai, dunca, sintemu!
SARU
E si poi 'u patruni mi nni manna?
MARTA
Non ti nni manna, t' 'u prumettu iu. Parrà! ...
SARU
Eccu, sacciu... cu' èca ietta a mari 'i bummi di dinamiti.
MARTA
(con un sospiro di sollievo) Ah! tuttu chistu era lu gran segretu? E chuè'ssu tali? 'U conusci, tu?
BETTA
Ha ad essiri un bellu galantomu! ...
MARTA
'U viristi tu stissu?
SARD
‘U vitti ccu l'occh i mei! Ma si poi 'u patruni mi fa vuci? ..
MARTA
E torna! Oh, 'u sai ca mi facisti siddiari? Ti dissi ca ti garantisciu iu di tutti cosi, parra!… Anzi, 'u vidi, si non parri, ora, ti nni mannu iu. Cu' è'ssu tali, sintemu?
SARU
(arrendevole) È Marianu Musarra, 'u niputi d' 'u Prepositu. A 'sta matina, all'arba, jennu a jaci Trizza, a menza strata 'ntisi 'na botta forti forti, comu 'na botta di murtaru, vuleva scappari, non sapennu di chi si trattava, quannu 'ntisi un lamentu e vitti a Marianu, ca sbucava di 'nfossu accostu a scugghiera. Era biancu comu la carta e mi vinni incontru lamintanussi. "ppi carità, aiutami, ca m’ammazzai!”. Ci vitti, allura, 'a manu ritta tutta abbruciata, ccu du' ita ca cci pinnevanu. 'Nt' 'o jttari 'na bumma addumata a mari, non fici a tempu e ci scuppiau nt' 'e manu. Add'ura, nt' 'o stratuni non c'era mancu 'n'arma e mi parsi bruttu a lassallu sulu ...
BETTA
Bonu facisti, figghiu. Benchésfurcatu, èsempri 'n'anima vattiata.
SARU
Ci 'nfasciai 'a manu ccu 'n fazzulettu, 'u megghiu ca potti, e senza vidirini nuddu 'u accumpagnai a casa.
BETTA
Fuurarnunni 'u dispiaciri di so' ziu?
SARU
'U Prepositu, prima si dispirau, poi ci fici vuci ma all'urtimu, prestu prestu, fici 'mpaiari 'u sciccareddu nt' 'o du' roti, 'u situau ddàsùpira e s' 'u purtau 'n Catania, o spitali, anzi cridu ca Marianu arristau ddà, pirchío' Prepositu 'u vitti antura, 'n carrozza, ca turnava sulu.
BETTA
Poviru sacerdoti!... E tu, 'na cosa di chisti, non ci 'a vulevi diri o patruni?...
SARU
Iu si, ca ci 'a vurrissi diri, tantu cchiúca 'u Prepositu non m'arraccumannau autru di non diraccinni nenti o signor Sinnacu, ma èca ...
BETTA
Ma ci ha' persu tempu! Curri e vo' diccill u o' Municipiu! ...
MARTA
(vivamente) No, no, cca statti! Tu non diri nenti a nuddu, ascuta a mia!... e tantu menu a Matteu, nèora, nèmai!… Hai ragiuni, si patri ti nni manna e iu non ti pozzu aiutari... Va, vattinni, e cùsiti 'a lingua ccu tutti, ha' capitu?
SARU
(piùconfuso che persuaso, ricaricandosi il barile) Sissignura (va via).
SCENA III
Marta e la za Betta.
BETTA
(appena rimasta sola con Marta) 'U sai ca non ti sacciu sèntiri, Marta! Pirchíèca non voi ca si cci dicissi nenti a to' maritu? E 'na cosa ca ci po' ‘ntirissari!
MARTA
Non vogghiu ca nni sapi nenti, prima di tuttu pirchísacciu ca Matteu àvi tanti chi fari pp' 'i manu e non voli essiri disturbatu, e poi, pirchí, iu ca 'u canusciu, sugnu sicura ca sapennu 'u fattu, benchéèfiritu, dinunziassi a Marianu Musarra e 'u facissi cunnannari. Ccu 'ssa scaciuni si facissi nnimicu tunnu d' 'u Prepositu e nn'avissi un munnu di dispiaciri. Ora siccomu a mia mi piaci ca me' maritu fussi in paci e amicu ccu tutti, non vogghiu ca nni sapissi nenti.
BETTA
(convinta e ammirata) Figghia mia, ragiuni hai! Hai ragìuni di vinnirì. Iu chi ci aveva pinsatu, a tuttu chistu? Menu mali ca si' assinnata. Cu' àvi chiúsali conza 'a minestra... E poi, bisogna pinsari ca ddu puureddu d' 'u Prepositu, sparti d' 'u dispiaciri ca s' ha' pigghiatu, non s' 'a merita 'n' autra balatuna di chisti di 'ncoddu! Fussi 'n' affruntu ranni, poviru sacerdoti! Eh... veru è, oh! Macari 'nt' 'e casi d' 'i santi ci su' guai e tacchi d'ogghiu!
MARTA
(impaziente) Za Betta, assai aviti a fari, ancora?
BETTA
Pirchì, ti vo’ fari 'u bagnu?
MARTA
Iu àvi menz’ura ca sugnu pronta.
BETTA
Oh, quannu èaccussi levu manu subitu (mette gli ultimi panni stirati nella cesta).
MARTA
No, 'ssu asciugamanu datimmillu ca mi servi, 'u vogghiu mettiri tanticchiedda o' suli, quantu ci svapura l'umitu.
BETTA
(le porge un asciugamani, poi prende la cesta della biancheria dallo sgabello e la depone sulle poltrone in fondo) Ppi cuntu miu finivi.
MARTA
(osservando l'imposta della porta di fondo) Davanti a 'sta porta ci vurrissi 'na tenna.
BETTA
(osservando alla sua volta) E pirchí? Non èca ci su' 'ngagghi, ca ti ponnu guardari di fora. E poi chi 'u sapi nuddu ca ti fai 'u bagnu cca? Tantu menu nt' 'o paisi ci su' persuni capaci di guardariti d' 'i ‘ngagghi d' 'a porta.
MARTA
Cu' 'u po' sapiri? Quarche carusazzu sfacinnatu (prende dalla cesta un grembiulino e lo stende davanti il buco della serratura).
BETTA
Si voi ca ti fazzu 'a guardia di dda fora? Quannu finisci mi tuppulii e trasu di ddàbanna...
MARTA
Quannu mail... E poi ... 'a culazioni cu ' èca 'a pripara? Tardu è, 'u sapiti?
BETTA
(mettendo un tappeto davanti la vasca e un poggiatesta di lino sul lato più largo di essa) D' 'u rimanenti, pensu e dicu, 'ngagghi non ci nni sunu. Ha' aspittatu tantu? Un jornu chiú, un jornu menu, dumani si ci fa 'a tenna.
MARTA
Si, si, spurugghiativi, za Betta (esce per la destra).
MARTA
(mette una sedia con panni di bucato asciutti accanto alla vasca, ripone il ferro da stirare, col relativo tre piedi, in fondo alla stanza, dàuno sguardo in giro, per accertarsi che tutto èin ordine ed esce anch’essa, richiudendo l'uscio dietro a sé).
(Breve scena vuota).
SCENA IV
Matteo solo.
MATTEO
(dalla parte della strada, con uno scalpello, forza il saliscendi dello sportello della porticina, aprendolo, e si affaccia per il vano di esso. Osserva nello interno della stanza e, convinto che non c'ènessuno, passa il braccio dentro, sgancia la spranga di sicurezza, spinge poscia la porticina, che si apre ed entra per essa. Ascolta un po' e spia da per tutto, poi richiude la porta, riaggancia la spranga, ma dimentica lo sportellino socchiuso. Va quindi ad origliare presso l'uscio di destra, d'onde si ritira ben presto, conturbato, per nascondersi dietro l'armadio, trattenendo il respiro).
SCENA V
Marta e Matteo.
MARTA
(apre l'uscio di destra e riappare, circospetta. Si ferma un po' sulla soglia ad ascoltare e spiare verso l'appartamento. Indi richiude l'uscio a chiave. Ciòfatto, sulla punta dei piedi, si reca presso la botola, pian pianino tira il saliscendi della ribalta e la fa cadere, aprendola. Si accinge, poscia, a scendere la scaletta, ma in far ciò, casualmente, posa gli occhi sulla porticina di fondo, e si accorge, con sgomento, che lo sportello di essa èsemiaperto. Turbatissima, rimonta i pochi gradini scesi e si avvia, tremante, verso la porticina, per osservare davvicino).
MATTEO
(esce dal suo nascondiglio e, facendo forza a se stesso, con voce che vuoi parere calma, ma che mal dissimula l'interna emozione) Nenti paura... Tutti cosi priparati eranu!
MARTA
(atterrita) Maria santissima! E chi facevi ddocu?
MATTEO
(con un sorriso sarcastico) Non t' 'u pirsuari? T'aspittava! E tu... chi fai, cca, ccu dda botula aperta?
MARTA
(confusa, in preda a indicibile sgomento) Iu? … (non sa trovare altre parole).
MATTEO
T' 'u dicu iu... Aspetti a 'n 'autru ...
MARrA
(di scatto) No! Non èvero!
MATTEO
Ècosa ca si puòvìdiri (porgendole una sedia) Assettati bedda!
L'aspittamu 'nsemi!
MARTA
(tentando di guadagnare l'uscio) No, n'aspettu a nuddu. Maria Santissima!
MATTEO
(prevenendola e sbarrandole il passo) Tantu megghiu! Assettati! Facemu quattru chiacchiri…
MARTA
(che si vede presa in trappola) Si... tuttu chiddu ca voi, ma dintra!
MATTEO
E chi semu fora, cca?
MARTA
Sí, ma sentu diri: ddàsùpira! ...
MATTEO
Ddàsùpira? E pirchíddàsùpira? .. Cca si sta chiúfrischi. Assettati, ti dicu!
MARTA
No, ppi l'armuzzi d' 'i to' morti, Matteu!
MATTEO
(imperioso) Ah, ppi la cruci di Diu, assettati!…
MARTA
(siede atterrita, senza dir verbo).
MATTEO
(dopo averla riguardata, con un ghigno di disprezzo, concitato) Tu aspetti a 'n' autru, comu ha' fattu tutti l'autri iorna, di du' simani acca ...
MARTA
(che non ha piùil coraggio di negare, cadendo in ginocchio) Ppi carità, Matteu! ...
MATTEO
E 'st'autru è'u maresciallu d' 'i finanzeri! Ti jttasti nt’'e so' vrazza comu 'na fimminazza qualunchi! E ppi farimi chiúscornu ti ci dasti dintra a me' stissa casa, quasi sutta l'occhi mei! ' Senza pinsari o' disonuri ca jttavi supira 'u nomu onoratu ca ti desi ...
MARTA
Pietàe misiricordia, ti nni scungiuru! .. Fallu ppi dda sant'arma di to' matri!
MATTEO
E t'abbastau l'arma a tia, fimminedda di sanari, di 'ngannari a 'n' omu comu a mia!? E ha' pututu fari ridiri e me' spaddi a un vilunazzu riddiculu comu a chissu? (guardando nella botola pare che apostrofi qualcuno che v'ènascosto dietro).
MARTA
(trascinandosi ai suoi piedi) Ppi carità, ammazzami, ma non mi strazzari l'arma di 'sta manera!…
MATTEO
T'ammazzu? Sula? (c. s.) Ma comu! Nuddu t'addifenni? Ma unn'è'ssu vastuni di puddaru vistutu di maresciallu? Pirchí non veni cca supira? Non l'ha capitu ca 'u staiu aspittannu? … Chi vilunazzu è, ca ti lassa senza difisa? Ma iu, o so' postu, m'avissi fattu scannari, p'addifinniriti! Ma chi surdatu è, accussí? Pirchí'a porta 'a sciabula e 'a rivultella? Chi vigliaccu è?…
MARTA
(che frattanto s'e alzata, e s'e fatta presso la botola audacemente) È inutili ca faciti vuci! (forte guardando nel vuoto della botola) Non c'è nuddu '... Non veni nuddu! ...
MATTEO
(spingendola violentemente indietro) Ah! 'u voi avvisari, ah?
MARTA
(più forte, tentando di riguadagnare la botola) Non c'è, no, no!... Non veni! Non veni!
MATTEO
(accecato dall'ira) Ma si è tantu vili ca non veni nni mia, ci vaiu iu nn'iddu, guarda! (si precipita giùper la scaletta e scompare).
MARTA
(correndogli appresso) No! No! Matteu! No! Ppi carità, no!... (si arresta sui primi scalini, torna indietro e corre a spalancare l'uscio di dentro e grida) Aiutu! Saru! Za Betta! Curriti! Disgrazia! Aiutu!
SCENA VI
Saru, la za Betta e detta.
BETTA
(entrando, ansante e spaventata, seguita da Saro) Santa Vergini, chi ti successi? …
MARTA
Prestu, za Betta, chiamati genti! (afferrando Saro per un braccio e spingendo verso la scaletta) Curri! Curri ddàsutta!! 'U to' patruni! È‘mpazzitu!
BETTA
(tornando indietro) Matri Santa!
SARU
(scendendo a precipizio per la scaletta) Sant'Antoni!
MARTA
(corre alla porticina, sgancia la spranga e la spalanca, indi s'affaccia in istrada e grida) Aiutu! Curriti, genti! Aiutu!
SCENA VII
Stefanu, la za Betta e Marta.
STEFANU
(entrando dalla destra, seguito da za Betta) Signura, chi vi successi? Parrati! ....
MARTA
(additandogli la scaletta, con occhio smarrito e spingendolo) Scinniti di cca, prestu! Me' maritu! ...
STEFANU
(si precipita per la scaletta, ma mentre scende si ode un rombo fortissimo) Ppi la Madonna! (continua la discesa precipitosa e scompare)
BETTA
Ma chi succedi, Marta? Parra, spiegati, ppi caritàca staiu niscennu pazza....
MARTA
(che non connette più, attendendo, sulla scaletta, con la vita negli occhi) E chi sacciu, za Betta! Chi focu ranni! Na cosa terr... (si arresta e guarda esterrefatta, in fondo alla scaletta) Matruzza bedda! Madonna mia! Tu, Matteu? Tu si' firitu?
SCEN A VIlI
Matteo, Stefanu, Saru e dette.
BETTA
(correndo verso la botola) Diu di misiricordia!! E chi veni adiri tuttu chissu?
STEFANU E SARU
(rimontano la scaletta, reggendo Matteo, pallido, privo di sensi, bruciacchiato e grondante sangue da un fianco) Prestu, un lettu, ‘na seggia!…
MARTA
(prende la cesta della biancheria, e la depone per terra, poi solleva una poltrona e la posa presso il gruppo dei tre) Cca, cca! (indi si scosta tremante e si rannicchia presso l’armadio).
STEFANU
(dopo avere adagiato il ferito sulla poltrona, con l'aiuto di Saro e di za Betta, gli sbottona la giacca e il panciotto insanguinati e l'osserva) Madonna mia!... Chistu fu ammazzatu cu 'na pistulittata a mitragghia!
BETTA
(mentre Marta freme, senza scostarsi dal suo angolo, scuotendo Saro, intontito) Tu, chi facisti, chi vidisti? Cu' èca 'u 'mmazzau o to’ patruni? (a Stefano) Vui chi sapiti? Cu ' c'era ddàsutta?
STEFANU
Iu non vitti a nuddu! Arrivai doppu…
SARU
No, pozzu giurari e sacramintari ca non c'era nuddu! Avissi 'ntisu 'i passi! Iu non nni capisciu nenti, ancora! Currivi 'nt' 'o suttirraniu, comu un pazzu, quannu 'ntisi un bottu, comu chiddu di stamatina e un lamentu d' 'u signòSinnacu, mi pricipitai avanti, o scuru, e attruppicai, cascannu supira d'iddu, ca era stisu 'nterra! Poi vinni Stefanu... e non sacciu autru.
BETTA
Ah, poviru don Matteu! Ma curriti ppi un medicu! Stefanu, iticci vui. ppi carità! Prestu!
STEFANU
(avviandosi) Subitu!
BETTA
Poviru don Matteu!
SCENA IX
Detti meno Stefanu.
BETTA
(asciugandosi una lagrima) Marta, figghia! Chi fai ddocu? Non ti fari sturdiri d' 'u duluri! Facemucci quarche cosa, 'naspittamu 'o medicu!
MARTA
Ah, Madonna mia! Non haiu cori di guardallu!
BETTA
(andando) Ah, chi brutta iurnata!
SARU
(a Matteo che riapre gli occhi) Comu si senti?
MATTEO
(sforzando un sorriso) Bonu... grazii! (cerca Marta, girando lo sguardo, la scopre e la fissa intensamente, poi le fa cenno di accostarsi).
SARU
(a Marta) Signura, vossia s'avvicina, 'a voli!
MARTA
(tremando, gli si appressa, ad occhi bassi, e gli resta muta davanti) .
MATTEO
(con sguardo di fuoco e con amaro sorriso) Hai ragiuni... tu... (richiude gli occhi).
MARTA
(disperata) Acqua! Acitu! Qualche cosa, ppi carità!
SARU
(togliendo di mano a za Betta che rientra, un mucchio di bende, si dàcon esse a tamponare la ferita di Matteo).
BETTA
(mentre Matteo si contorce per lo spasimo) Ah, don Matteu miu! Ma comu fu? Pirchínon parrà, vossignuria? (intanto, fin dal primo momento, dietro la porticina aperta, si sono andati radunando molti curiosi, ed ora fanno capannello, spiando dalla soglia e confabulando).
MATTEO
(debolmente spingendo indietro Saro e la za Betta) Lassatimi sulu... ccu ...
BETTA
ccu Marta?
MATTEO
(fa cenno di si col capo).
BETTA
Si, amuri miu!... Jemuninni, Saru! Voli ristari sulu ccu 'a rnugghiredda so'! (va a socchiudere la porticina allontanando i curiosi e si ritira, seguita da Saro, per la destra, mentre Marta resta timorosa e preoccupata).
SCENA X
Matteo e Marta, poi Mauro.
MATTEO
(facendo uno sforzo) Ascuta... Non... mi … scantu... d' 'a morti …ma ‘u sgarbu…u’disonori d’‘u…me’…nomu…
MAURU
(facendosi largo fra i curiosi, dietro la porticina) Livativi, di ddocu! Lassàtimi passari!... (spinge la porticina, entra, la richiude e precipitandosi ai piedi di Matteo, che lo guarda stupefatto, grida angosciato) Veru èdunca?! Vui! Vui cascastuu? ...
MATTEO
(fa un gesto come per dire: lo vedi!)
MAURU
(piùangosciato) Fustuu 'nt' 'o suttirraniu?
MATTEO
(fa cenno di si).
MAURU
(c. s.) E urtastuu contra un ostaculu?
MATTEO
(assente col capo).
MAURU
(disperato) Ma 'u sapistuu sèntiri ca 'ssa 'nsidia non era ppi vui? (scuotendolo, perchérichiude gli occhi) Rispunniti! Livatammilla 'sta spina d' 'u cori! ...
MARTA
(con scatto felino) Ah, assassinu! Allura tu, 'u 'mmazzasti?
MAURU
(si alza e la inchioda con uno sguardo di disprezzo) Sempri 'a stissa, finu all 'urtimu mumentu! Non iu, tu 'u 'mmazzasti, facennuci tradimentu! (risoluto con un lampo d'odio negli occhi) Ma si 'u tu' ganzu potti sfùiri di ddà(accenna al sotterraneo) ppi lu nomu di Diu, non mi sfui di prisenza! (mette una mano in tasca e fa per precipitarsi verso l'uscita, ma si arresta in vedere).
MATTEO
(che con un supremo sforzo si solleva, con gli occhi fuori dell'orbita e con voce roca, ma imperiosa, lo apostrofa) Ma... Mauru! ... Ricordati ... 'a... prumissa... ca... mi... facisti... (ricade a sedere, fulminandolo con gli occhi).
MAURU
(disperato, torna sui suoi passi gli si inginocchia davanti, gli prende una mano e se la porta al cuore piangendo).
MATTEO
(dopo breve silenzio, con amaro sogghigno) Ora.. sacciu…sentori …picchi…tu macari…currevi…‘stu paliu…Ma.. ‘u pirdisti…e m’’u facisti…pirdiri…puru…a mia!…
MARTA
(non osando aivvicinarglisi, cade in ginocchio, discosta da lui, e tende le braccia, come per implorare perdono, ma).
MATTEO
(la guarda con disprezzo)
MAURU
(c.s.) Pirdunatimi! Pirdunatimi!
SCENA XI
Stefanu, Saru, la za Betta, il Maestro e detti
MAESTRO
(avvicinandosi al moribondo) Signor Sindacu! Èpropriu veru? Ma cu’fu? Parrassi! ‘Na parola sula…Un nome…
MATTEO
(facendo l’ultimo sforzo, con la mano premendosi la ferita e saettando con gli occhi , ora Mauro, ora Marta) Nuddu! Fu…‘na disgrazia!…
MAURU
(singhiozza, lambendogli la mano)
MATTEO
(si ripiega su sèstesso, il suo occhio si fa vitreo, reclina il capo e muore).
SIPARIO