U votu

M. F. P.

Monsignor Pennisi

U VOTU

Farsa

_________________________

__________________________________

EDITRICE LIBRERIA VESCOVILE O. V. E.

OPERA VOCAZIONI ECCLESIASTICHE

RAGUSA

Qualche suggerimento

Questa farsa non fa della politica ma vuole divertirsi con la politica.

Siccome quasi priva d'intreccio, tutta la riuscita (!) dipende dalle parole; cio necessario che fedelmente si riportino i dialoghi, in pretto catanese; se si vogliono adattare alle sfumature degli altri dialetti dell'isola nostra si cerchino le parole pi caratteristiche.

Sopratutto si cerchi un buon massaro Carmelo perch tutta la farsa lui sia in questa, sia nelle altre: A PRUMISA - U'NTRALLAZZU- il compagno carmelu - il tesoro della filiciuzza.

E con ci buon divertimento.

PERSONAGGI

Massaru Carmelu Trinnaschi

Deffu Quadara -Impiegato al Municipio

Turi Braciola -Partito Socialista

Tanu Passuluni -Comunista

Cicciu Occhi Micciusi -Qualunquista

Neddu Panzazza -Repubblicano

Avvocato Ronciglione -Presidente al Seggio

Arfiu Scorciasacchi -Ufficiale al Seggio

Cicciu Canibraccu - Ufficiale al Seggio

Mastru Silvestru - Portalettere e Guardia

Don Petru -Guardia

ATTO UNICO

(La sala del seggio. Una stanza con qualche oleografia patriottica. In fondo porta di entrata, a sinistra porta della cabina elettorale, un tavolo per il seggio, sul tavolo l'urna dei voti).

SCENA I

(E' ancora scuro; quasi nelle ore antilucane. Si sente bussare ripetutamente con un crescendo. Si sente la voce di Massaru Carmelo: Cumpari Deffa, cumpari Deffu... Esce da sinistra Deffu in toletta accennata, scalzo, col berretto da notte e una candela accesa).

DEFFU -Misericordia chi fu?... Chi sucessi? A 'mprivisa ca m'arrubbaru a mula? Matruzza staiu trimannu tuttu paru, accaluoti morsi me soggira? (Macari Diu!) Ah! ora ca ci pensu, mi cughru a pusedda!... Mmumentu, mmumentu! Ma cu u sapi si occa bricanti, ca di sti tempi vanu fisciannu comu i muschi. (Dietro la porta) Cu ?

CARMELU - (Contraffacendo la voce) Cu ? Non faciti u babbu pi non pavari u daziu...

DEFFU -Matruzza, me cumpari Carmelu.... sa chi successi! (Apre la porta ed entra Carmelo cu 'ncarramaturi a manu).

SCENA II

DEFFU -Chi fu, cumpari, chi successi?

CARMELU -Nenti, c'avia succediri, chi vidistru?

DEFFU -Comu nenti!?.

CARMELU -Ca nenti.

DEFFU -Mai! Non m'a cuntati giusta!

CARMELU -Pirch, cc'atu 'ntisu?

DEFFU -Nenti.

CARMELU -E allura?

DEFFU Chi ura su?

CARMELU -I quattru di matina. U patri nostru.

DEFFU -Nsumma, cumpari, si p sapiri pirch scattiastuu cu sti setti matinati?.

CARMELU -Nenti, vinni ppi vutari ; non si vota cca?

DEFFU -Maliditta a naca ca v'annacau! Comu? Accussi bestia siti? Mi facistuu satari l'arma.

CARMELU -E pirch?

DEFFU -Ancora pi vutari, ci nni voli tempu. S'ccumincia versu l'unnici e vui mi viniti e' quattru di matina.

CARMELU -Vinni a matinata pirch accaluoti attaccunu tirilli, chiacchiri, storii : Vinistuu tardu Cu vostra comudu Aspittaumu a vui)) E poi mi pigghiunu a murta di occa centu mila liri.

DEFFU -A murta?

CARMELU -Non sapiti? Ca ora spirimintaru st'autra ppi fari picciuli. U patri guvernu non sapi cchi c'ha mungiri... E poi vinni a matinata ppi non m'incuntrari cu me mogghi... Dda bedda sciorta di vostra cummari Filumena. M'arricchistuu qunnu m'a purtastuu pi mmatrimoniu. V'avissuu rumputu i jammi a citru, ca meghiu era.

DEFFU -Chi fu, n'a scerra?

CARMELU -N'a scerra? Nfracelu! Intra, sani arristaru, 'na seggia, mpiattu e u buttighiuni.

DEFPU - Cu si capisci!

CARMELU - U buttigghiuni chi c'entra? Chiddu metti a paci.

DEFFU -Ma pirch, chi fu?

CARMELU Chi fu? N'o sapiti ca voli essiri a sinnica?

CARMELU -A sinnica, a sinnica... Sta strascinatala... sta ngrasciata, curtigghiara sparrittera, pizzutazza, e scuncicalora.

DEFFU -Chi mi stati dicennu!?

CARMELU -Orvu di l'occhi. E u bellu , ca a portunu tanti autri fimmini chi strascinati d'idda: Aita Pizzunterra, a za' Ciccia Puliciniuru, a gna Ntonia a Sciabicota, Tina a Carcarazza, e Nedda Vardancelu... Basta tutti chiddi d'u curtighiu, tutti ci dununu u votu. Ora, caru compari Deffu, si non n'addifinnemu, semu persi. Assira quannu successi a scerra, curreru tutti chissi c'a portunu, ppi difnnilla ; e u mi truvai a cummattiri cu occa centu fimmini, ca pareva Urlantu alla disfatta di Macall.

DEFFU - M'u fuuru!

CARMELU -Chi vi fuurati? Paventu! Si purtaru i cirivedda! Si soli diri: na femmina, na papira e ntampurinu fanu na festa... fuurativi centu fimmini! Cavia a essiri a fera o luni? Nenti, schifiu!

DEFFU - Ma vui vi mittiti cu i fimmini!?

CARMELU -Nenti cumpari, ora ca ci isaru stu capizzu ca ponu vutari, semu arruvinati. Dici ca ora cumannunu iddi.

DEFFU -A ora sti chiacchiri!

CARMELU -Dici ca ora n'hanu a mentiri i sintimenti a postu.

DEFFU -Aora!

CARMELU -Dici ca ora tutti l'omini n'hamu arriduciri tutti scausi e ncammisa.

DEFFU -E vui ca ci criditi!

CARMELU -Bih! E chi vi pari ca scherzunu!? N'e canusciti. Dici ca ccu u zocchulu n'hanu aggiustari u immu! Basta cumpari, iu vinili ppi dirvi c'amu a fari u partitu di l'omini contru e fimmini, annunca hi supraniunu e ni mentunu a faretta.

DEFFU -E cchi c' cchiu u tempu?

CARMELU - Pirch

DEFFU - Ca ppi fari mpartitu ci voli ppi lo menu n'gnornu.

CARMELU -U viditi?! E poi mi diciti ca vinili prestu.

DEFFU - E poi.... pirdissimu.

CARMELU -E pirch?

DEFFU - Pirch n'o paisi semu 'na parti omini e du parti fimmini.

CARMELU -Ca certu! A mala erba crisci prestu. U sapiti chi vi dicu ni mintemu na para di omini cu' bellu marruggiu, e a prima fimmina cu' bellu marruggiu, e a prima fimchissu mi purtai stu ramazzu

DEFFU -Chi diciti Vi portunu carzaratu: c' a liggi.

CARMELU -Allura chi ? Magari u guvernu ci abbagna u pani. Si ittau magari cu iddi pirch sunu cchi assai e fanu cchi vuci?!?! (Si sente bussare)

DEFFU -Cu ?

PORTALETT -Postaaaa... (Deffu apre)

SCENA III

PORTALETTERE -Ha littra pi cumpari Carmelu Cilestri.

CARMELU -I sugnu chissu! Na littra? I chi n'haiu ricivutu mai littri na ma vita? Dati cca.

PORTAL. - Deci liri.!

CARMELU - E pirch?

PORTAL. -Ca tassata, non ci misuru u francubullu!

CARMELU -N'a vogghiu!

DEFFU -E si ci su sordi? Stanu arrivannu mpapuri di littri d'America, cu mighiara e mighiara di liri.

CARMELU -Dati cca. Cca ci su deci liri. V'avissuru a fari tossicu. (A Deffu) Cumpari Deffu liggitammilla, ca i... mi scurdai l'ucchiali.

DEFFU -... E i macari.

CARMELU -(Al portalettere) Liggitammilla vui, ppi favuri.

PORTAL -(Il portalettere l'apre).

CARMELU -Cu ca mi scrivi?

PORTAL -E' anonima.

CARMELU -Anorma?

PORTAL -S, senza firma.

CARMELU -Misericordia! I brianti! Sa cchi volunu? Liggiti!

PORTAL -Al Signor Carmelu Cilestri, ntisu Trinnaschi. Caru amicu, e magari cumpari di san Giuvanni; vi avvertu di la seguenti. Avessi statu pi meglio che v'avessero appenduto in qualche piede di arvolo, invece di fare come a Giuda che avete tradito i compagni, e vi avete spartuto da lui medesimi. E sparte ora votate con il partito dei Cavallacci, ed avete una faccia di intaglio. Se per il vostro diavolo vi arrisicati a votare, correte una mala planeta, perch siamo arrisoluti di gettarvi una bomba tonica e farvi saltare tre chilometri cubi nell'aria. Con la quale vi saluto; e sonu vostro compare, che non si voli fare conoscere.

CARMEIJU -Chi ca iettunu?

DEFFU -Na bumma comica.

PORTAL -A po' vui! Si dici bumma tronica; m'u spiagau mprifssuri. Mi dissi ca sunu trona elettrichi, ca si chiamunu elettroni!

CARMELU -E chi fa sta bumma... comu malanova si dici ddocu!

PORTAL U nomu stissu u dici: tronica... E' peggi di ntronu, ma senza sgrusciu.

CARMELU -Aora?! E comu cumminata?

PORTAL. - Maliditta a ngnuranza! Chi non ni liggiti giurnali?

CARMELU -E bonu, vah!

PORTAL -Consisti, ca n'America spirimintaru certi mecanisimi c'arricoghiunu i trona.

CARMELU -Gi! Ca erunu fumeri!

PORTAL. -Siti na bestia. Com' c'arricoghiunu macari a littricit, e a mentunu na certi buatti? Arricogghiunu, putacasu, u cauru e u friddu e u sarvunu intra i buttigghi,

CARMELU Sicuru! Pp'a stati!

DEFFU -Veru , cumpari, l'aiu vistu i n'o marchisi, avi certi buttigghi elettrichi ca si sarva l'acqua fridda, e resta fridda di n'annu e n'autru. (I termos)

CARMELU - Chi c' cca!?

PORTAL. -Perci quannu hanu arricugghiutu quinnici, vinti trona, i ncarcunu una intra n'autru e i sarvunu intra na bumma. Qannu volunu, a piaciri so, iettunu sta bumma e tutti ddi trona s'alliburunu tutti nta na vota.

CARMELU - Dilinquenti

PORTAL -Ddocu cchi succedi? Ddi trona, unu pigghia di cc, unu di dd e succedi u finimunnu.

CARMELU - Ppi forza! E chi fanu dannu?

PORTAL -Dannu? C' u campanaru di Trica. stagni? Ci iettunu na bumma di chiss e u campanaru non c' cchi. Cercunu, furriunu nenti, mancu il sciaoro. Dopu na para di ionia nesciunu i giurnali e diciunu ca nta na chiazza di Londra c' ncampanaru ca non si sap di cu .

CARMELU -Paventu!

PORTAL -E u bellu non chissu. Sta bumma non fa sgrusciu: a muta a muta s'impuni ncampanaru e s'u porta.

DEPFU -Scusati, Mastru Silvestru ; si su, trona u sgrusciu l'hanu a fari ; si erunu lampi, e va beni, ma trona!...

PORTAL -Cumpari Deffu, la gnuranza na brutta feialattia. N'atu mangiatu caciu?

DEFFU -S!

PORTAL -Ci nn' cchi burru?

DEFFU ' No!

CARMELU -Chissu veru; l'autra vota m'accattai anticchia di tumazzu ni don Michele e pareva quacinazzu.

PORTAL. - Fanu i cosaduci ccu l'ova ; ci n' cchi ovu?

DEFFU -No!

PORTAL. - Ci n' cchi zuccuru?

DEFFU -No!

PORTAL. -U viditi?! Ora spirimintaru ca si fa u caf senza caf, l'ova senza ova, a pasta di mennula senza mennula; e accuss fanu i trona senza sgrusciu. Si sucunu u sgrusciu, e lassunu u tronu.

CARMELU Chiss na vera nfamiet, na vigliaccheria. Unu, voddiri, mancu si pu addifenniri! Pirch, si facissi sgrusciu, unu, comu senti ddu sgrusciu, scappa. Accuss, voddiri, ca iu, puta casu, mi curcu beddu sodu, e u nnumani mi trovu cu tuttu u lettu nta na chiazza di Londra! E fra di l'autru mancu affruntu. E Nglisi ci pu pariri ca unu lesu, e ntanto non sanu ca fu pigghiatu cu a bumma. Ma iu ora, mentri ca mi fichu ssa' minazza, siddu vidu c'appuntiddunu occa cosa n'a me casa, cuminciu a sparari fucilati ca i pircantu!

PORTAL. -E chi vi pari ca hanu a puntiddari na utti? Sta bumma mancu si vidi, grossa quantu n'arangiu calabrisi, e nflunu na occhi purtusu di muru e basta!

CARMELU -Chiss, mastru Silvestru, grossa : trenta, quaranta trona intra n'arangiu.

PORTAL. -E pirch? 'Nta na scarda d'astratto non c' na cruvecchia di pumadoru? Chi vi pari cha ci mentunu dda intra i trona accuss, comu sunu, virdi? Dda c' astrattu di trona; sunu, vah, trona pirculati, arrisiduti, e quaghiati. (Salutando) Signori miei, le mie esequie, ca ancora ha spartiri tutti i littri (Esce).

DEFFU e CARMELU (Salutano) -Salutamu!

CARMELU -(Costernatissimo) Perci ora ncristianu s'ha spagnari magari di pattualli, ca nveci d'aranci sunu astrattu di trona.

DEFFU -Sapiti chi vi dicu? Non vutati ppi nuddu, pi quantu stimati a saluti!

CARMELU -E i centu mila liri chi pavati vui? C' a murta; n sapiti assentiri? E poi fra l'autru vinciunu i fimmini ed meghiu ca n'abbuattamu. Iu pi darici na risposta a vostra cummaruzza fussi pavaturi di qualunqui cosa.

DEFFU -E si vi iettunu 'na bumma?

CARMELU -A mia? Siddu mi fanu siddiari, ca mi fanu siddiari; scinnu in Catania e mi accattu ncufinu di sti bummi, anzi iu m'i fazzu priparari di Arfu Balsamu di chiddi addusati e fazzu abbulari mpaisi sanu ; unni finisci finisci, mori Sanzuni cu tutti i Filicisdei. Ah si? A Londra mi fanu abbulari? E allura a Londra ci abbuiarmi tutti pari, magari i scupastrati.

DEFFU -Cu mprimissu, quanto m'abbressu. (Esce).

SCENA IV

(Entrano Turi -Tanu -Cicciu e Neddu)

TURI -(A Tanu) Povira bestia!

TANU -(A Turi) Poviru armali!

CICCIU -(A Neddu) Sodu, cretinu!

NEDDU - (A Cicciu) Zittiti, mbecill!

CARMELU -Signuri mei, non vi faciti tanti cumplimenti!

TURI -Sta bestia cc, dici ca u megghiu partitu u cumunismu.

TANU -St'armali dici ca vinciunu i socialista.

CICCIU -Stu critinu voli a repubblica.

NEDDU -St'imbecille qualunquista,

CARMELU - Mancu mali ca i taliani semu, tutti d'accordu! U piaciri qual'? Chiddu ca semu tanti testi e tanti mazzi.

TURI -(Avvicinandosi) Sintiti...

CARMELU -Mmumentu, senza ncugnari?... Ch'aviti qualchi aranciu n'a sacchetta? Cominciamudi ddocu.

TUTTI -No ca quali! Pirch?

CARMELU -Nenti, mi volevu passari a vucca (a Turi) Perci chi vulevi?

TURI -Videmu si non aiu ragiuni iu. Non megghiu ca nveci di essiri 'na pocu ricchi e na pocu poviri, addivintassumu tutti ricchi?

CARMELU -Certu. Si soli diri: Semu ricchi e nuddu lu sapi.

TURI - Non fussi megghiu ca nveci di essiri 'na pocu ngigneri e. na pocu scupastrati addivintassumu tutti ngigneri?

CARMELU -Sicuru, comu i mbriachi n'a calata di sapunara. ddoppu a festa di san Arfiu.

TURI -Non fussi megghiu, ca nveci di essiri 'na pocu medici e 'na pocu lustrascarpi, addivintassumu tutti medici?.

CARMELU -Asattu! E accussi allargarmi tutti i campusanta.

TURI -Chifisu voli u socialismu

CARMELU -Ca allargamu i campusanti?

TURI -No! Ca addivintamu tutti i stissi.

CARMELU -Ah! E si per esempio c' unu rittu e unu immirutu, unu siccu e unu grossu, unu scienfciatu come a Dante Alighieri, e unu bestia come a mia e come a vui, comu si fa ppi farli uguali?

TURI -Chi ci trasi?

CARMELU -Chi ci nesci?

TANU - A Turi) U viditi!? (A Carmelu) Sintiti. Chi vi pari giustu ca unu avi i dinari e si pu accattari i cosi e unu ca non n'avi non si pu accattari.

CARMELU -E allura chi giustu ca cu non n'avi s'i accatta, e cu nn'avi non si ni accatta?

TANU -No! Dinari non n'aviri nuddu. Travagghiunu tutti, iettunu sangu tutti, e poi ni dununu a tessira. U pani? Ca tessira! A carni? Ca tessira! U vinu? Ca tessira! Iscarpi? Ca tessira!

CARMELU -A sciatari? Ca tessira! A sputari? Ca tessira! A ghiri? Ca tessira! A fari? Ca tessira!

NEDDU -Precisamente! Precisamente chissu voli u comunismu.

CARMELU -E nuddu ci l'ha sciaccatu a testa?

TANU -A cui?

CARMELU -A stu cristianu.

TANU -Ca quali cristianu,..

CARMELU -E allura a stu turcu mancu?

NEDDU -Nenti! Si non veni a repubblica non si aggiusta nenti.

CARMELU -E tannu s'aggiustami attunnu.

NEDDU -Chi vi pari giustu ca u re l'ha fari sempri unu.

CARMELU Certu! Na simana all'unu.

NEDDU Chi vi pari giustu ca u re fa na pocu di bestialit, e non u p luvari nuddu? Nvci ci voli nprisidenti!

CARMELU -E u presidenti non ni fa bestialit?

NEDDU -U cangiuamu cu n'autru.

CARMELU -E su st'autru na bestia?

NEDDU -Ni facemu n'autru.

CARMELU -E su st'autru cchi bestia di l'autri dui?

NEDDU -Cangiamu ancora!

CARMELU -E non fussi megghiu ca ci'u dicemu a Don Araziu u Carcararu e ni nni facemu nfurnari ncintinaru tutti nta na vota, e accuss ni luvamu u pinseru pi n'annu!

CICCIU -Vi l'aiu dittu iu: ci voli l'Omu qualunque.

CARMELU -Semu daccordu basta ca non sunu fimmini. U viditi? Vui a dicistu na cosa bona, senza lampi e senza trona; pirchi, egregi amici, cu , abbasta ca non ni facemu superari de' fimmini.

TURI -E allura pi cu vutati?

CARMELU -Ancora mi l'ha pinsari.

TANU -C' paura ca siti cristianu?

CARMELU -Annunca chi sugnu porcu?

NEDDU -Dicemu, c' paura ca vutati pi' cristianiCICCIU?

CARMELU -E allura caia vutari p'i saracini?

CICCIU -Sintemu a diri, cu' partitu de parrini?

CARMELU -E non sunu omini comu all'autri?

TURI - Basta, m'aiti pirsuasu. Amuninni. (Escono).

SCENA V

(Carmelu e cumpari Deffu)

DEFFU -(Entra vestito di gran tenuta) Chi c'?

CARMELU -Putemu mentiri manu?

DEFFU -Di chi?

CARMELU -Ca di vutari.

DEFFU -Accuss?! Ancora ha veniri a cummissioni ; e chi vi pari ca scherzu? E poi l'aviti a tessira?

CARMELU -Chidda d'o pani?

DEFFU Chidda cu ritrattu.

CARMELU -E chi ? Macari u ritrattu ci voli?

DEFFU Ca sicuru!

CARMELU -E chi n'hanu a fari? Chi m'hanu a stampali, accaluoti, no giurnali?

DEFFU -E chi sacciu? -E' ppi ligi.

CARMELU -Vih! malanova! Macari st'autra ci vuleva.

DEFFU -Faciti prestu : o pigghiati stu ritrattu. Iu mi dugnu versu (Va nell'altra stanza) (Carmelo fa per uscire e si incontra con Cicciu),

CICCIU -(con segretezza) cumpari Carmelu, si vutati p'u qualunquismu...

CARMELU -E senza diri mali paroli.!

CICCIU -Quali mali paroli!

CARMELU -E chi vi pari ca sugnu babbu?

CICCIU -Si vutati ppi l'omu qualunqui, cc ci sunu centu liri.

CARMELU -Nenti, non sugnu persuasu.

CICCIU Cinquecentu?

CARMELU -Nenti.

CICCIU - Milli?

CARMELU -Ora sugnu persuasu.

CICCIU -Cc ci su milli liri, c' paura ca mi traditi?

CARMELU -Chi c'entra! Quannu unu navi n'idea, mori ma non cangia.

CICCIU -M'arraccumannu.

CARMELU - Ci putiti cuntari... fino a mille. (Fa per uscire e incontra Turi)

TURI -Unni sini iu ddu tiraciatu?

CARMELU -Cui?

TURI - Cicciu Occhi micciusi.

CARMELU -Ddu iucirtunazzu di l'omu qualunqui?

TURI -Precisamente!

CARMELU -Cu l'ha vistu?

TURI -Mpari, senza offisa, a vuliti occa pezzu di terra?

CARMELU -Comu a chidda di l'autra vota?

TURI -No, sta vota ppi daveru.

CARMELp -Grazie, cumpari, non ni mangiu.

TURI -E allura?

CARMELU -(Fa segno con le dita di spiccioli).

TURI -Cinquecento?

CARMELU -Chi diciti?

TURI - Milli?

CARMELU -(Fingendosi sordo) Ah?

TURI -Du mila.?

CARMELU -Sugnu soggialista.

TURI -Auh! Accaluoti...

CARMELU -E chi vi pari ca sugnu mpuddicinedda qualunque?

TURI -Non ci pensu cchi. (esce).

CARMELU - Na ota sula parru. (Sta per uscire ed incontra Tanu).

TANU -L'ha vistu ddu mala carni di Turi Braciola?

CARMELU -Cui, ddu mortu i fami soggialista?

TANU -Precisamente.

CARMELU -Antura; cu vui.

TANU -Ncunfidenza, siti libiru?

CARMELU -No, maritatu sugnu, ppi disgrazia.

TANU -Vaia, iemu o nostru. C' di uscari milli liri.

CARMELU -Ppi cu mi pigghiati, ppi mmortu di fami comu a vui?

TANU -Du chila di sasizza.

CARMELU -Videmu, assecunnu comu ma penzu.!

TANU -... e buttigghiuni di muscatu.

CARMELU -Aora?

TANU -Ma u votu.

CARMELU -Prima u buttigghiuni.

TANU -S'intenni, vu mannu a casa.

CARMELU -No, no! pirch si u vivi Filumena ; u purtati cc, ni me cumpari Deffu.

TANU -Accaluoti... (Esce)

CARMELU -Menza parola. (Esce anche lui).

SCENA VI

(Entrano i componenti il seggio: Ronciglione, Alfio, Cirino e Don Pietro la, guardia).

RONCIGLI. -(Entrando) In questo paese, sono tutti gente pacifica, non vero?

GUARDIA -Pacifica? Questa, signori, sono genti mala conosciuta, vigilia ammorciata, che parono quelli che non ci corpano e poi inveci sono gente sciarrina, sconcicaloria e rivogliosa.

RONCIGL. -Rigogliosa? Gente ricca, volete dire?

GUARDIA -Mi persuado che vossia non di queste parti. Rivogliosa vuol dire, vah, che confenti uno li scongica vogliono, vogliono (fa il gesto del bollore).

RONCIGL. -(Che non ha capito) Ah!

ALFIO - Riugghiusa, signori, significa, mpocu cu a nasca additta.

RONCIGL. -(Pi smarrito) Cio?

CIRINO - Prisintusa, vah, mafiusa!

RONCIGL. -Ah! maffiosi; sono maffosi?

GUARDIA -Mizzica! Non hanno rispetto con nessuno. Mi si foora che antora quattro caru si ragazzi morvosi mi volevano impiccicare la
calla alla carina di dietro ; io per me ne addonai e ci dissi : Chi che ncogna con una sola iffola l'impico.

RONCIGL. -Iffola, cos'?

GUARDIA -Iffola, signore, una timpolata che si da a forma di meusa o di cinquanta cinque.

ALFIO -'Na scoppola, nsomma 'na siccia.

RONCIGL. -Ma che lingua parlate? Insomma, dico, si temono torbidi, violenze?

GUARDIA -Sissignore c' un poco di trobbolo a causanza che si sono accapigliati qualche cinquanta partiti che si vogliono mangiari i
fchita tra di lui medesimi, e mi dice la testa che finisce a tozzola, anzi mi arrivata una friscanzana, il quale a vossia ci vogliono fare qualche mala creanza.

RONCIGL. -Che cosa vogliono fare?

GUARDIA -Una mala parte, ecco.

RONCIGL. -Ma non ci sono forze sufficienti, non ci sono carabinieri, metropolitani?

GUARDIA -Vossia non si deve spagnare, perch se si addonano che a lei ci trema il pellizzone fanno pi peggio, trovano l'acqua, e ci armano la vera farsa. Vossia non si spagna, ci basto io. Con una semplici taliata li pircanto come il prestigiatore Ranvalli, e non si annacano manco la coda di dietro.

RONCIGL. (Resta intontito)

ALFIO -Non si spaventassi, ca ci semu n'uatri, c'avemu certi cuteddi di sta fatta, ca i trapassarmi comu i matarazza.

CIRINO -Vossia stassi tranquillu, ca iu haiu n'a sacchetta na bumma a manu di menzu chilu.

RONCIGL. (Costernato) Dove sono capitato? Pazienza! Speriamo che finisca bene. (Vanno a sedere al seggio.)

SCENA VII

(Entra indietreggiando Turi con un coltellaccio mentre impegnato in un duello rusticano con Tano che entra dopo).

TURI -(A Tano) Tirati carogna.

TANU -(A Turi) Ncugna vilunazzu.

TURI -Ti scannu comu nciareddu.

TANU -Ti sventru come nghiadduzzu.

RONCIGL. - Misericordia!

ALFIO - Mizzica.

CIRINO - Auh! ( Tutti e tre si nascondono dietro il tavolo e appariscono solo le teste).

GUARIA - (Fa un salto indietro e da lontano impone): Sparitevi, scocchiatevi!

TURI - Du to sangu mi ni fazzu sangeli.

TANU - Da to carni mi ni fazzu sasizza.

TURI -Ti mangiu i cannarmi.

TANU -T'arrussicu u ficutu.

SCENA VIII

(Entra di corsa Cicciu che va a nascondersi dietro il Guardia; poi con una pistola entra Nieddu, che l'insegue)

NEDDU -Pigghiatulu, pigghiatulu.

GUARDIA -(A Cicciu) Leviti d'arreri e chi ti pari ca sugnu muru?

DEFFU -(Urla) Sparu, sparu ; finitila ca sparii! (A Neddu da lontano) Ma si p sapiri chi fu?

NEDDU -Stu mala carni, m'arroba i voti.

CICCIU -I voti mi l'ha rubatu tu.

TURI -(A Tanu) Videmu si t'arrisichi a livarimi l'i eletturi

TANU Nfatti tutti ssi eletturi ca hai?

SCENA IX

(Entra Carmela che porta sotto l'ascella un enorme ritratto involto nella carta)

TURI -(Tirandolo) Cumpari Carmelu, non siti cu mia?

TANU -(Tirandolo) Massaru Carmelu cu mia.

NEDDU -(Tirandolo) Pazzu siti; miu! (Intanto di dietro il tavolo si alzano i componenti al seggio).

CARMELU -Auh! Alleggiu, ca mi stati scannannu; mi stati parennu i quattru parti do munnu ca si volunu spartiti l'Italia. Iu votu cu cui mi pari e piaci. (Strizza l'occhio a tutti quattro e sottovoce dice a ognuno: Cu vui sugnu).

RONCIGL. -Buon uomo cosa volete?

CARMELU -(Deponendo il ritratto e il catramatore) Voscenza mi benedica ; comu va a saluti? A signura bona macari ... E i picciriddi chi diciunu? Chi ? Mi pari mpocu nzalanutu. Ma di quannu vinni l'autra vota mi pari cchi biddazzu. Si vidi che i cucuzzi e i favi ci aggiuvaru.

RONCIGL. -Beh! Sbrigatevi, cosa volete?

CARMELU -Nenti, signuri, chi ha vuliri? Voleva mpizzuddu di terra e s'arrivorda ppoi comu fniu l'autra vota?

RONCIGL. -(Fa finta di non conoscerlo) Insomma cosa siete venuto a fare qui?

CARMELU -Chi ? Non mi canusci cchi?

RONCIGLI. -No! Non vi conosco.

CARMElfU - (Fregandosi le mani) Ca iu ci arrinfriscassi a mimoria.

RONCIGL. -Ripeto perch siete venuto?

CARMELTJ - Varda ch' bella ora! Prima mi mannunu a chiamare cu u biglietto e oravolumi sapiri chi vogghiu. Vinni, egregiu signore, ppi vutari.

RONCIGL. -Finalmente! Come vi chiamate?

CARMELU -Carmelu Cilestri, ntisu Trinnaschi ppi parti di me patri e Tuppulisciu ppi parti di me matri.

RONCIGL. -Avete la tessera di riconoscimento?

CARMELU -No signori. Ci haiu chidda da pasta, ca macari ci a pozzu rialari, pirch inutili ; hai ca non mi dununu a pasta occa setti misi. Pirch vossia ha sapiri ca c' cura. minata na mangiughia, e na cumacca, ca si spartunu tutti i cosi ntra di iddi cumpari, e n'autr...

RONCIGL. -Beh! lasciate andare, avete qualche documento?

CARMELU - Chi voli?

GUARDIA - Aviti u ritratta?

CARMELU - Ahi Chissu volumi? Atabasta ca ppoi m'u tornunu, abbasta ca non mi stampano no giurnali. (Va, svolge il ritratto e fa vedere la vecchia fotografa vestito da soldato) Ca c' u ritratto.

RONCIGL. - Non basta questo.

CARMELU -Comu non basta? E chi vuleva na statua?

CIRINU -E cu u dici ca chistu siti vui?

CARMELU -Comu cu dici? Hanu ragiuni ca ti diciunu : Occhi micciusi, smuchiti l'occhi. (Facendo vedere il ritratto agli altri) Si sugnu iu scurciatu! A frunti, l'occhi, u nasu, i baffi; tannu, vabbeni, eru cch picciottu, ma l'arrisimigghiu arristau.

RONCIGL. -Non basta lo stesso. C' qualcuno che vi conosce?

CARMELU A mia? Tutta a Sicilia. Tri semu i cchi canosciuti : U Diotru di Catania, Santo d Parma di San Giovanni la Punta, e iu Carmelu Trinnaschi.

RONCIGL. (Ad Alfio e Cirino) Lo conoscete?
I DUE -No.

CARMELU -(Posando il ritratto) Comu? Non mi canusciti? Ed iu nveci vi canusciu; e comu! vi canusciu! (A Ronciglione) Chissi, signuri, sunu du morti di fami, vagabundi e spataioli. S'hanu fattu i sordi iacennu u ntrallazzu, arrubbannu iadduzzi, iaddini, papiri e cunighia.

ALFIO -Auh! Cumpari Carmelu, abbadati comu partati.

CARMELU -U vidi ca mi canusci.

CIRINU -Alluoti nveci di tri naschi vi ni fazzu quattro.

CARMELU -U vidi ca mi canusci magari tu?

RONCIGL. -Beh!Votate, Entrate l dentro.

CARMELU -E pirch c'haiu fatto?

DEFFU -Cumpari trasiti, ddocu ca si vota,

CARMELU -(Entra e dopo un poco esce fuori saltando) Fora tutti, ca semu morti (Tutti si alzano tremando) Fora tutti annunca abbui amu tutti a Londra.

RONCIGL. -Che c'?

CARMELU -Ah! pirch'issu mi facistuu trasiri prima a mia; pi farimi abbulari prima.

RONCIGL. -Cosa c'?

CARMELU -Na bumma tronica.

RONCIGL. -Una bomba atomica? E chi c' l'ha messo?

DEFFU -Bedda matri no' sacciu.

RONCIGL. -(Alla Guardia) Andate a vedere.

GUARDIA -E che sono dell'artiglieria io?

DEFFU -(a Carmelu) Ma unn'.

CARMELU -(Additando) Dda! A viditi dda cosa tunna supra u buffittuni?

DEFFU Unni?

CARMELU -Ma chi siti orvu? Chidda a forma di n'arangiu.

DEFFU -Maldittu vui! (Entra ed esce portando il calamaio di legno) U calamaru.

TUTTI -Oh!

DEFFU -Vah! Trasiti, e non vi faciti canusciri!

CARMELU -Ma cu u puteva cridiri ca i cala mara su a forma di bummi. (Entra e vi rimane un poco)

RONCIGL. -Ma che sta facendo? Non uscito pi!

DEFFU -Cumpari spicciativi. Nisciti.

CARMELU -(Uscendo) Ma c'haiu a fari? Mi facistuu stari dda intra, ca stavu accupannu. C'haiu a fari ora?

RONCIGL. -Avete votato?

CARMELU -Ma c'avia a vutari? Dda intra non c'era nenti chi altari, ne vutti, n varrili. (Fa segno di voltare).

RONCIGL. - Santa pazienza (Piglia una scheda) Vedete questo foglio?

CARMELU. -Non sugnu orbu.

RONCIGL. -Qui ci sono tutti i partiti e le relative liste; questi segni, vedete? Rappresentano i partiti.

CARMELU -E a mia mi parevunu i pupi d'a smorfia, d'u iocu di lottu. Comu no?

RONCIGL. -Questo cavallo rappresenta la Democrazia del Lavoro.

CARMELU -Giusto, u cavaddu ppi cavallacci.

RONCIGL. -Questa bilancia rappresenta...

CARMELT -(Interrompendolo) I ntrallazzisti. U sacciu sentiri, ma vossia senti, ddocu ci su occa ducentu pupi, e chi sunu tutti i partiti?

RONCIGL. -Non tutti.

CARMELU -Sicuru, ca ancora n'ha chiuvutu. lassamu chioviri, e crisciunu comu i fungi. Vossia i lassassi iri.

RONCIGL. -Sotto ogni segno ci sono i nomi dei candidati. Leggete e scegliete.

CARMELU -Non n'haiu ucchiali. I liggissi vossia.

RONCIGL. - Nomi della lista comunista: Gaetano Salemi.

CARMELU - Cu chissu?

DEPFU -Tanu Strazzavettuli.

CARMELU -Cui? Ddu latru?

RONCIGL. -Domenico Coco.

DEFFU -Miciu Ficusicca.

CARMELU -Ddu mortu di fami? Ca chissu ma cari i cantuneri s'ammucca. Nenti non ni parramu.

RONCIGL. - Mi state facendo perdere un tempo prezioso. Che volete fare?

CARMELU -Vossia senti, c' u partitu di l'omini?

RONCIGL. -In ogni lista ci sono nomi di uomini e di donne.

CARMELU -E allura i non votu ppi nuddu. Vossia mi cerca ddocu na lista unni non ci su fimmini.

RONCIGL. -Non esiste.

CARMELU -E allura iu non votu e non pau murta. (Turi Tanu - Neddu e Cicciu si avanzano minaccosi con i coltelli dicendo: Cumpari chi mi pru mittistuu?

CARMELU -Varda ch' bella ora? Vuautri picchi vi mittistuu d'accordu cu i fmmini? Chi vuliti c'arrisulta sinnica Filumena? Mai! sbagghiu c'. (I quattro incalzano) Canaglia, traditore.

CARMELU -Chi mi vuliti furzari ca a preputenza? U dissi e u fazzu: (Col randello) Mori Sanzoni cu tutti i sa Filicisdei. (Col randello rovescia tutto e tutti).

FINE

Questo copione è stato visto: