Vecchio pino solitario, ascolta!

Stampa questo copione

quadretto d’epoca degli anni cinquanta, in due atti

Aleardo Noli, 1999

I personaggi

Cav. Paolino Delle Piane, recitazione dialettale, battute 147

Defunta Matilde (è un ritratto fotografico) (non parla)

Scolastica, fantesca, recitazione dialettale, battute 100

Dott. Bonalumi, medico di famiglia, pretendente, recitazione italiana, battute 55

Sergio, idraulico, pretendente, recitazione dialettale, battute 48

Ampilia, figlia maggiore, recitazione dialettale, battute 79

Rosetta, figlia di mezzo, recitazione dialettale, battute 92

Mimosa, figlia minore, recitazione italiana, battute 72

TOTALE BATTUTE 593

La trama

Il Cav. Paolo Delle Piane, detto “Scioor Paolin”, è un integerrimo cittadino, pensionato delle Poste, alle quali ha fornito una lunga prestazione quale Direttore dell’ufficio locale.

Egli “parla” con il ritratto della defunta Matilde, e “sente” le risposte. Questa l’unica sua debolezza......a parte l’attaccamento sviscerato verso le tre figlie, ciascuna con proprie caratteristiche, ma non propriamente.....fanciulle! La fantesca Scolastica, al contrario del suo “padrone”, non è nient’affatto “di chiesa”, e, con la lingua che si ritrova, critica il signor Paolino per la sua eccessiva religiosità.

Gira per casa un pretendente, gira per casa un dottorino che mira pur’egli ad una figlia.....Guai! Tutte le inventa il nostro,e, poichè ciascuno di noi ha almeno uno scheletro nell’armadio.....

L’azione si svolge a metà degli anni ’50, in un paese lombardo.......un tinello dell’epoca......e.....stiamo a vedere cosa combineranno i nostri eroi!!!

Note per l’ambiente:  Il tinello sarà molto ordinato, anche se modesto. Oltre al ritratto da tavolo della moglie, si curerà che, assieme a qualche vecchia fotografia di avi, campeggi in evidenza un quadro che ricordi Casa Savoia, a riprova della granitica fede monarchica del signor Paolino.

ATTO PRIMO – SCENA PRIMA

ALL’APRIRSI DEL SIPARIO, IL SIGNOR PAOLINO E’ IN SCENA DA SOLO E PARLA COL RITRATTO DELLA DEFUNTA MATILDE SUL TAVOLO............

PAOLINO               ........Se ta disturbi pussée del solit, cara Matilde, a l’è perché a g’oo ‘na quaj preocupazion de tropp......E a chi che podi dighel, se migna a tì, che ta saree sempro......

INTERRUZIONE DOVUTA ALL’ENTRATA DI SCOLASTICA

SCOLASTICA        (COMPLETA LA FRASE LASCIATA A META’)......la luus di mè oeucc.....(MANI SUI FIANCHI, BATTAGLIERA)  Ma disi, èl migna ora de daghen un taj con la storia del ritratt, eh? Che se vegn a savéll i geent.....

PAOLINO               (SOBBALZA) Eh, cosa diav.....bruta vilana quadra, varda se l’è la manera de famm stremì! E abigh un poo de rispètt anca per la tua padrona! (INDICA IL RITRATTO)

SCOLASTICA        De padron a g’a n’oo assée anca de vun, se l’è per quell....Ma meravigli, luu che al va taant in gésa, che al sa perda con ‘sti stupidaad chì. Roba de miscredeent! Al ga la diis ‘na....miscredenta, eco!

PAOLINO               Ta dovresset migna parlà inscì, Scolastica, perché ta gh’eet un nom importaant, che al la portava la..........

SCOLASTICA        (INTERROMPE).....la sorèla de San Benedett, anzi, la gemèla.....E mì, cosa m’an cunta?

PAOLINO               (RAPIDO, SI SEGNA) Scolastica, ta poribissi de mancacch de rispètt ai Saant!

SCOLASTICA        Beh, lassém pèrd! Putost, cosa devi mett là per mesdì, che la pignata la sa impieniss migna con i divagazion sui Saant del calendari, neh!

PAOLINO               Mah, per mì.....un bocon de léss, un poo mist....’na quak carotola bujda, un patati............

SCOLASTICA        Per luu, eh? E per i oltri? Al sa ben che i sò trii caroeu i voeur migna sentinn parlà de léss!

PAOLINO               I mè tosann, cara la mia Scolastica, i pò mangià quel che i voeu loor, e alora cerca de fà funzionà la fantasia e.............

SCOLASTICA        (INVIPERITA) Ma che fantasia e fantasia! Oo de sentinn ammò? I “tosann”, come al diis luu, al saress ora e teemp che i féss su i sò strasc e i néss a cercà un quaj omett, e poeu.............

PAOLINO               Basta! T’a proibissi nel modo pussée assoluto de dì su scemaad sui mè tosann!

SCOLASTICA        Ch’el spécia, cavalieer, oo gnammò finii. A g’oo ‘n’altra domanda de fach: Ma, con tre femin per cà, èl propi inscì necessari che mì faga la quarta? Ei gnammò bon de sbrigassela de per loor?

PAOLINO               Ma famm al piesé! Penza ai tò, de ropp! Varda, famm migna nà foeura di gangheri la matina prest, neh! Propi, al soo migna perché ta tegna!

SCOLASTICA        Ah, cert, che tra ricam gio di monegh Orsolin, tridui de preghiera, figlie di Maria, chì, là, su e gio, de teemp per i facc g’an resta migna tropp; quell, l’è vera!

PAOLINO               Scolastica, tira migna in ball ropp pussée graand de tì, neh! T’oo già dii mila volt che voeuri migna sentì in questa cà chì parlà, anzi sparlà dèla gésa, che a l’è al fondameent dèla vita!

SCOLASTICA        A quel fondameent lì, cara luu, al g’a mett tropp.....cemeent! Al parla domà de quell! Vardée (INDICA FUORI DALLE QUINTE) a gh’è la cà tapezada de imagin e imaginett. E chì in tinèll, campegia (INDICA IL QUADRO DI CASA SAVOIA) anca al re, e l’è una desena d’ann che semm in republica!

PAOLINO               (AGITA IL BASTONE, MINACCIOSO) Questa poeu! Tira migna in giir la Corona di Savoia, che quaand che gh’eva al Re...........

SCOLASTICA        ......a gh’eva anca quel bel mobil del Duce!

PAOLINO               Mis-cia migna i caart in tavola! Al Re l’è al Re! Mì, somm sempro staj monarchich, e cambi migna bandera, mì!

SCOLASTICA        La mia, de ‘na bandera, inveci, a l’è: (CON LE DITA, PARLANDO LENTAMENTE) Bianca, rossa e bleu. (DECLAMA) Liberté, Egalité, Fraternité! (USCENDO) “Allons, enfants, de la Patrie.....(CANTATA)

PAOLINO               (ACCASCIATO) Oh, pora mì, vardée come tremi ! La ma fà nà al saanch in aqua! Cosa a goo chì per cà! E che brutt esempi, per i mè tosann! (RIVOLTO AL RITRATTO) Matilde, se ta fussét chì, i ropp i naréss migna inscì. Adèss come adèss, l’è come véss.....come véss....ala Bastiglia!

ATTO PRIMO-SCENA SECONDA

DR.BONALUMI    (ENTRANDO) E’ permesso? Si può?

PAOLINO               (SOLLECITO) Oh. bondì, scioor dotoor; avanti, avanti, che al sa comoda!

DR.BONALUMI    Buongiorno, signor Paolino, allora, come va la salute?

PAOLINO               Oh, beh, inscì inscì; a goo doloo depertutt; ma al doloo pussée graand l’è sempro quel del coeur!

DR.BONALUMI    Ma, cosa mi racconta mai? Vediamo, vediamo (INIZIA A LEVARE DALLA BORSA LO STETOSCOPIO)

PAOLINO               (SORRIDE) No, migna de quel coeur che sa ‘scolta con quel’aparechio lì!

DR.BONALUMI    (INTUISCE CHE PAOLINO PARLA DELLA MOGLIE) Eh, vede, signor Paolino, la vita è una ruota! E’ così!

PAOLINO               Già, già. El vegnuu per la solita visita? Al sarà migna già passaa un mees de l’ultima volta?

DR.BONALUMI    E invece sì: “Tempus fugit”, caro signor Paolo!  Vediamo dunque come va. L’aspetto non è male, no no!

PAOLINO               (INTANTO CHE IL MEDICO PASSA AD UNA VISITA DI ROUTINE, STETOSCOPIO, AUSCULTAZIONI, LINGUA, OCCHI) Alora dotoor, cosa sa diis de noeuf in questo maiuscol paees chì?

DR.BONALUMI    (VISITANDO) Ma, le solite cose, i soliti pettegolezzi. L’influenza che gira.....Novità che non sono novità. Il nostro solito monotono ma bel paesino...........(INTANTO TERMINERA’ LA VISITA)

PAOLINO               Cara al mè scioor dotoor, a i’è teemp gram. Tropa voeuja de modernitaa....(INTANTO ENTRA MIMOSA)

MIMOSA                (IMBARAZZATA) Oh, Signor...Dottore...buongiorno! Ciao, papà (SI CHINA A BACIARE PAOLINO)

DR.BONALUMI    Signorina Mimosa, buongiorno (UN PO’ IMBARAZZATO)

PAOLINO               Oh, cara la mia toseta, eet dormii ben? E in doa veet de bèll?

MIMOSA                Devo andare dalla signora Assunta, che mi ha promesso che mi dà una mano a tagliare la stoffa di una gonna........

PAOLINO               ‘Scolta, tosa, offrissich un café al scioor dotoor, che mì.....l’è la mia ora de fà al mè girett de tucc i matin....Scioor Dotoor, grazie e buongiorno. Al ma disa cosa ga devi!

DR.BONALUMI    Eh, via, non c’è fretta.....Arrivederci (DA’ LA MANO AL SIGNOR PAOLINO, CHE ESCE)

MIMOSA                (PRENDE LA MANO DEL DOTTORE) Oh, Alessandro, che paura ho avuto che il papà capisse!

DR.BONALUMI    (INFERVORATO) Mimì cara, un bel giorno (non lontano) dovrò pur parlare col papà, di noi due!

MIMOSA                Oh, Alessandro, caro, io vorrei dire tutti oggi stesso, ma sai com’è il papà. Non saprei ancora da che parte prendere il discorso!

DR.BONALUMI    No, no, tocca a me! Gli parlerò io. Senti, volevo dirti la novità: Ho comperato, indovina?, una “Vespa” nuova!

MIMOSA                (ENTUSIASTA) Oh, che bello! Ma......sei capace di andare in scooter?

DR.BONALUMI    Come no! Anzi, ti volevo dire se venivi a fare un giro oggi pomeriggio. Sono libero verso le.........

MIMOSA                Mi piacerebbe, ma no, non è possibile! Il papà è molto apprensivo, sai; se venisse a saperlo...........

ROSETTA               (ENTRANDO IN QUEL MOMENTO) Se vegniss a savé cosa?

DR.BONALUMI    Buongiorno, Rosetta.

ROSETTA               Involotariameent, dotoor, oo sentii tutt e..............

MIMOSA                Per forza, avrai avuto l’orecchio incollato alla porta, come al solito!

ROSETTA               Ma piantala! Sevi dée a dì, dotoor, che vegni mì a fà un girett sula “Vespa”, eh?

DR.BONALUMI    Ma, signorina, vede..............

MIMOSA                Sei impazzita?

ROSETTA               Uffa, che barba in trà tucc! Se scoltuff al papà, a sa salvuff pù nissun, e sa sposuff....al dì....(RISATA) de San Mai!

DR.BONALUMI    (SOSPIRO) Eh, signorina, vorrei avere la sua....la sua........

ROSETTA               ......sfaciadaa? Perchè mì a somm sfaciada, neh? Però, con tuta la mia sfaciadaa, somm gnammò riussida a nà via de stà cà. Va beh che mì i omen.....boh....a i’è poeu nagott de inscì speciaal!

MIMOSA                (RIVOLTA AD ALESSANDRO) Come vorrei essere spigliata come lei! Allora sì che i nostri problemi non ci sarebbero! Basterebbe più.........

BONALUMI           ......grinta, già!

ROSETTA               (MANI SUI FIANCHI) Mì, che ma meravigli, cara al mè Alessandro, a l’è come mai al gira                                 per cà tucc i mees, a l’è in contatt con il nostro augusto genitore, e l’è gnammò riussii a tirà foeura un ragn dèl boeucc!

MIMOSA                Oh, Rosetta, dai! Sai bene che il papà vive di paure, e crede...........

DR.BONALUMI    .......che siete ancora delle ragazzine da proteggere, in mancanza della povera mamma!

ROSETTA               Beh, come tosanell.....semm un zicch marù, specie se ciapum in considerazion la nossa sorèla magioor, la inossidabile Ampilia!

MIMOSA                Rosetta, lascia stare Ampilia; lo sai che anche lei non sa che pesci pigliare!

ROSETTA               Se la specia ammò un zicch, de pess de ciapà nel laagh al na troeuva pù, t’al disi mì! Che poeu, anca quel sò spasimaant.............

DR.BONALUMI    Cosa, cosa, cosa? La nostra saggia vestale Ampilia ha uno spasimante? E da quando, da quando?

ROSETTA               Ah, no, cara al mè dotoor, stop! La Rosetta non dirà più una sola parola! Basta! Ma, disi, a gh’emm nagott de fà de mej che sta chì a peerd teemp? Nemm, e cerchee de dass ‘na movuda, almen vialtri che a sii gnammò cargaa de legna verda!

MIMOSA                Come, di legna verde?

ROSETTA               De ann, voeurevi dì, stelina! E devéss un basin, no?

DR.BONALUMI    Ma, signorina Rosetta, non crederà.........

ROSETTA:              Scherzavi, al soo che la mia sorèla l’è pussée casta dèla casta Susanna.....Ciao!

MIMOSA                (USCENDO CON BONALUMI) Oh, la nostra Rosetta non cambierà mai! E’ l’allegria di questa casa!

DR.BONALUMI    Sì, hai ragione, è una vera sagoma!

Atto primo – Scena terza

SCENA VUOTA QUALCHE ISTANTE (FRA LE QUINTE SI ODE SCOLASTICA CHE CANTA UNA STROFA DI “VECCHIO PINO SOLITARIO ASCOLTAMI”, QUINDI ENTRA IN SCENA)

SCOLASTICA        (CANTA) “......Vecchio pino dimmi tu dov’è” (BORBOTTANDO) Al soo ben mì al vecchio pino in doa a l’è, già. L’è al scioor Paolin, al vecchio pino.....stoort e rompaball!!

AMPILIA                (ENTRANDO) Oh, Scolastica, ta perdereet mai l’abitudin de brontolà, neh?

SCOLASTICA        Per mì, brontolà l’è com’è respirà; al ma fà ben, al ma trà foeura tucc i velen, i quali, se accumulati, possono.......fà s-ciopà ‘na perzona, già!

AMPILIA                (CONTRARIATA DALLA PRESENZA DI SCOLASTICA) Ehm, ehm, Scolastica, ta dovevet migna nà in paees a fà la spesa?

SCOLASTICA        Già faj, già faj. Somm svelta com’è ‘n avicc, mì!

AMPILIA                L’eet tòlt al formacc de grana? Varda che ma paar che nela credenza g’a ‘n eva pù deent. E al papà..............

SCOLASTICA        ......e al papà, senza formacc de grana al mangia migna la minestra. Al seet cosa a l’è al vòss caar papà? Un vecc viziaa. E, dopo naroo anca a toeu al formacc de grana.

AMPILIA                E.....gh’evet migna de passà anca del farmacista, a vedé se è proont al decott de rabarbaro?

SCOLASTICA        (FURBESCAMENTE) Ma, tosa, ma paar che ta voeubiett desfesciass dela mia presenza!

AMPILIA                Ma (IMBARAZZATA) Cosa diset? Ma cosa penzet? Come taa seet maligna,Scolastica!

SCOLASTICA        Mì, somm maligna quel taant che basta per stà a gala a ‘sto moond. Putost, prima de tornà in paees, a devi nà giô nel’ort a ritirà i pagn stenduu, prima che a ma riva via ‘na quaj rôsciada che i ma i’a bagna ammò! (ESCE)

AMPILIA                (RIMASTA SOLA, SI TORCE LE MANI E INIZIA UN SOLILOQUIO) Oh, pora mì, a l’oo faja bèla, a dicch al Sergio de vegnì su in cà a parlà! Se ma cata al papà! Ma, del rest, bisoeugna poeu che an vegna a vuna anca mì, a ‘sto moond, se de no chì tirumm pù foeura un ragn dèl boeucc!

SERGIO                  (DA DIETRO LA PORTA) A.....a.....a....a l’è..pe...pe..permess?

AMPILIA                (RIORDINA VELOCEMENTE I CAPELLI) Avanti!

SERGIO                  Ta....ta.....ta...Ciao, Ampilia!

AMPILIA                Oh, Sergio, ta seet vegnuu scià, che sorpresa!

SERGIO                  (BALBETTA PENOSAMENTE) Ma....ta.....ta...mee dì tì de.de...... ve...vegnì...sci...sci...scià!

AMPILIA                Ah, sì, ta gheet reson, somm un poo sconfonduda. T’al seet, l’emozion.....

SERGIO                  (PRENDE UNA MANO DI AMPILIA) A.....aa.....aaa. somm inscì....con...conteent de ve...ve...vedett! A gh’eet parlaa col tò pa...pa..papà de numm duu?

AMPILIA                Oh, Sergio, oo gnammò trovaa l’ocasion. Mì, quaand a riva al momeent de parlacch, ma troeuvi nel balon; a goo pagura che al ma disa de no!

SERGIO                  Alo...alo..alora a...a...a....a..ga...pa..pa..parli mì!

AMPILIA                Ah,no, eh Sergio, varda che al papà al g’à i sò idej, e poeu al sofriss un poo de coeur.......

SERGIO                  Ma..ma...l’è poeu migna ‘na bru...bruta ro..roba, oh no? Al mè lavorà g’a l’oo.....be.....beef bevi migna.....fumà...fu....fu...fumi migna......

AMPILIA                Ma sì, ma sì, per quell t’a seet migna in difètt; ma a dì la veritaa, soo gnanca mì come impatàla, ‘sta storia, col papà. Al pussée dificil a l’è invià via al discoorz....

SCOLASTICA        (ENTRANDO) Per mila Robespierre! Cosa vedono le mie fosche pupille! Un omm in cà Delle Piane!

AMPILIA                (TRASALE) Scolastica !  ! ! !

SCOLASTICA        (SI TOCCA) Ma, ma paar migna de vess un fantasma; someja che t’a née apena vist vun!

SERGIO                  Ta....ta...ta..tata........

SCOLASTICA        Uheila, toos, mochela de sonà la tromba! Tatatataaa coss’è?

AMPILIA                Al Sergio a l’è un poo.....balbuziente, eco!

SCOLASTICA        (SARCASTICA) Del bon? Al sa capiss migna! Sa seent ben che al betéga!

AMPILIA                (SECCATA) Oh, inzoma, Scolastica! Altri difett al g’à n’à poeu migna!

SCOLASTICA        Meno maal! Ma...ma..questa, disemm inscì, visita, al l’à autorizada al caar scioor Paolino? G’a l’eet la carta bolada firmada?

SERGIO                  A.....a...a....po....podi..spie..spiegà!

SCOLASTICA        Chì, caar al mè luu, a gh’è pooch de spiegà. Chì semm migna in democrazia, al sa? Chì regna Sua Maestà al Re (INDICA IL QUADRO SABAUDO) Paolino Primo, discente trasverzale dei Savoia, sa fà per dì.

AMPILIA                Basta, Scolastica, un poo de rispett! E, ma racomandi, varda che al papà al sa nagott de ‘sta roba, cerca de tegnì la boca serada, se de no semm ‘ni............

SERGIO                  (CERCA DI COMPLETARE LA FRASE) Pa....pa...pastizz!

SCOLASTICA        (RIVOLTA AD AMPILIA) T’al seet ben che mì a somm ‘na tomba! Perchè mì lighi migna con i  monarchich! Però, cerchée in trà tucc duu de dass ‘na movuda, che già, cara la mia Ampilia, se ta speciet ammò un zich, i reumatismi i t’a impedisserà de fà l’amoor!

AMPILIA                (IMBARAZZATA) Ma, Scolastica, cosa diset su?

SERGIO                  Vu...vun de....qui....qui...quisti dì, a risolvom la que..que...question!

SCOLASTICA        Beh, fii poeu come a voeuruff, a i’è poeu ball vòss, in fin di facc! Adess va lassi un poo in paas, piccioncini (VERSO IL PUBBLICO) Un zich stagionaa, ma inzoma......(ESCE)(RIMETTE IL CAPO DENTRO) Ma stecch atenti a Sua Maestà Paolino! (RISATA ED USCITA DEFINITIVA)

AMPILIA                Oh, Sergio, ga mancava anca la Scolastica; adess sì che semm in un bel garbuj........

SERGIO                  Amp.....Amp...Ampilia.....ta.....ta....ta...giuri che prest a ri...ri..risol...risolvi la quistion! Po....po.......podi datt...un ba...basin prima de.....de..nà via?

AMPILIA                Un....basin.....chì...in cà? Lassum almen (ESEGUE) girà al ritratt dela mamm, che ma vergogni (METTE IN ORIZZONTALE IL RITRATTO SUL TAVOLO)(S’APPRESTA A RICEVERE IL FATIDICO BACIO.....SUSPENSE......)

ROSETTA               (ENTRANDO IN QUEL PRECISO ISTANTE)(LE CADE IN TERRA UN PIATTO CHE PORTA IN MANO) Oh, caar Signoor benedett! (NON PUO’ TRATTENERE UNA BELLA RISATA PIENA)

SERGIO                  (IMBARAZZATISSIMO) Mì..mì...sevi drée.adréee.aa.aa....

ROSETTA               ....a dessedà la Bella Addormentata nel bosco!

SERGIO                  Mì.....e....l’Amp...Ampilia.....

ROSETTA               Siete travolti dalla passione! E devess ‘sto basin, che mì guardi de n’altra paart (EFFETTIVAMENTE SI GIRA)

AMPILIA                Sergio......forzi....a l’è mej....’n’altra volta.

SERGIO                  Mì...an....an....an voo. Ciao Amp....Ampilia; buon..buongiorno Ro...rosetta (ESCE) (RIMANGONO IN SCENA LE DUE SORELLE)

ROSETTA               (NON RIESCE A TRATTENERSI DAL CONTINUARE A RIDERE) Oh, Signoor, che riid, che riid....a l’eva un pezz che ridevi pù inscì de gust! Scusum,neh, Ampi, ma riessi propi migna a trategniss!

AMPILIA                (OFFESA) Oh, inzoma, a vedi poeu migna cosa ga siess de inscì ridicol, vilanzona che ta seet migna altro!

ROSETTA               Ma no, t’oo già domandaa scusa....A l’è che penzavi se quela scena de un minut fà la fudess capitada intaant che rivava deent al papà!

AMPILIA                Beh, in quel caas, g’a saress staj poeu migna taant de riid, ma paar, o no?

ROSETTA               Oh, ma inzoma, come la fii longa! Chì, a devuff vegninn a vuna, se voeuruff migna diventà vecc del tutt in quisti condizion.

AMPILIA                Ma, al Sergio, t’al seet, l’è un poo timid...........

ROSETTA:              Un poo? Ala facia de “un poo”! Un poo tropp, ma paar!

MIMOSA                (ENTRANDO) Ciao.

ROSETTA               Oh, buongiorno, signora dottoressa!

AMPILIA                Mì, a capissi migna. Cos’èla ‘sta storia dela dotoressa?

ROSETTA               Ma la nossa Mimì, lée, al la sa al perchè. Neh, Mimì?

MIMOSA                Oh, ma insomma, Rosetta, smettila. E cerca di abbassare la voce, che se per casa c’è in giro qualcuno.............

AMPILIA                  Ma quaidun a voeur spiegamm un quajcoss, eh?

ROSETTA               Trattasi dela tua medesima malatia, carissima Ampilia, ovvero del “morbo dell’Amore”. In questa cà è vegnuu deent al Cupido e l’a colpii in duu coeur contemporaneameent.

MIMOSA                Devi sapere, Ampilia, che io e il dottor Bonalumi...beh...ci vogliamo bene, insomma!

AMPILIA                (COMMOSSA SUO MALGRADO) Oh, Mimosa, vegn scià, che devi strenget foort foort ‘ni mè brasc. Come somm contenta! Somm propi contenta! (ABBRACCIA MIMOSA, POI, COLPITA DA SUBITANEO DUBBIO ATROCE) Ma.....ta ghee...a ghii....avuu al coracc de....sì....inzoma....de dighel al papà?

MIMOSA                (ABBASSA LA TESTA) Oh, Ampilia, non ancora, non ancora. Avessimo almeno il coraggio di Rosetta............

ROSETTA               Già, mì a goo al coragio......ma a goo migna l’omm, questo a l’è al busillis! De conseguenza, an dedussi che al moond a l’è migna rodoond come sa deev....migna giust, però!

MIMOSA                Ma tu, Rosetta, se fossi nei nostri panni, cosa faresti? Cosa diresti per sciogliere il papà?

ROSETTA               Per sciogliere il papà? Al meteressi al soo del mees de luj. Oh, beh, voeurevi migna mancacch de rispett, ma inzoma.......Al sii adèss cosa femm? Metumm in scena la vòssa richiesta davanti al papà, ma senza al papà.

AMPILIA                Capissi un fich secch. Cosa ta voeurett fà?

MIMOSA                Già, cosa vuoi fare?

ROSETTA               Ma se sii indrée de cotura! Femm un teatrin, indôa mì a foo la paart del papà; tì, Ampilia, ta feet la paart de vun di vòss spasimaant, e tì, Mimosa, ta feet la paart de vuna de vialtri dô.

AMPILIA                Ah, sì, va ben, a ma dispiaas migna, Ma cosa devum dì?

ROSETTA               Oh, dessedett ‘na bona volta! Cerca de imperzonà ‘na perzona decisa, come al dovress vess, dai! Alora, mì somm al papà, e ma meti chì setada giô. E vialtri sa metuff chì, e vegnuff deent con in testa ciara e neta la vòssa bela richiesta, dai!

MIMOSA                “Ciao papà. Voglio presentarti il .....il mio..........” (ESITANTE)

ROSETTA               (INTERROMPENDO) Noo, ta seet già a drée a sbaglià. Pussée grinta, senza tentenameent, se de no ta ga dée al teemp de reagì.

MIMOSA                “Ciao papà. Questo è il mio futuro sposo!!!” (SECCA)

ROSETTA               (INTERROMPE DI NUOVO) Che atriis de nagott! Adess ta seet passada tropp svelt al “dunque”.

MIMOSA                Oh, ma insomma! Troppo poco, poi troppo...io non capisco niente.

AMPILIA                Alôra, parli mì per prima. “Buongiorno, Signor Delle Piane. Io e sua figlia vi vogliamo bene, e quindi abbiamo deciso di sposarci prossimamente. Vogliamo il suo permesso e la sua benedizione” Amen!!

ROSETTA               (BATTE LE MANI) Brava! Bene! Inscì ta sa ritroeuvet foeura dela porta in quatro e quatr’ott!

AMPILIA                Rosetta, vann a fass benedì! T’an va mai ben vuna, veh!

MIMOSA                Davvero, Rosi, una allora come dovrebbe comportarsi?

ROSETTA               Ta dovresset comportass inscì (SI METTE IN POSA E DECLAMA) “Papà carissimo..........”

PAOLINO               (ENTRA) Cosa ta voeuret, Rosèta?

ROSETTA               (RESTA COME DI SALE, IN POSA) Ma...nagott..papà...Numm...sevum drée a provà...una scena..per..........

PAOLINO               Per......?

ROSETTA               .......Per la recita di Orsolin, già!

PAOLINO               Oh, bene, bene. E chi èla che organiza, eh? Sempro la Suora Maria Ausilia, eh? E per quaand?

AMPILIA                Sì, papà. al faremm....pussée avanti, e chì e un quaj mees.........

PAOLINO               Beh, somm conteent....A somm naj a fà la mia passegiada, e......indovinée chi è che oo incontraa?

MIMOSA                Chi hai incontrato, papà?

PAOLINO               Al trombée .

TUTTE E TRE         Chi ?????????????

PAOLINO               Al trombée, l’draulich, inzoma, al Sergio!

AMPILIA                (SI ACCASCIA SU UNA SEDIA)

PAOLINO               Ma.....cosa.......svelta Rosèta, porta scià l’asee di sètt ladri....Ma al sevi poeu migna che é’Ampilia la fudess alergica ai trombée!

MIMOSA                Sarà stato.......il caldo!

PAOLINO               Il caldo? Ma, ma paar migna che al faga inscì caald, però!

AMPILIA                (MENTRE RIENTRA ROSETTA CON L’ACETO SI RIANIMA) Indôa...cosa m’è suceduu?

PAOLINO               Nagott, t’è naj via al coo un momeent............

ROSETTA               Papà, sarà staj al caald!

PAOLINO               Anca tì? Ma, giô davanti al Comun a gh’è foeura al termometro gigaant e al sbaglia migna.....e al segnava desdott!

AMPILIA                Ma, no, al soo migna cosa m’è suceduu!

ROSETTA               Al soo mì, però ! (SOTTOVOCE)

PAOLINO               Rosèta, cosa brontolet, eh?

ROSETTA               Nagôtt, nagôtt, papà; preocupess migna. Adess portomm la Ampilia a ciapà un poo d’aria, neh Mimosa? Nemm!

PAOLINO               (RIMASTO SOLO) Oh, i fioeu al dì d’incoeu come i è diventaa complicaa!

PAOLINO               (SCOPRE CHE IL RITRATTO DI MATILDE E’ ORIZZONTALE E LO RADDRIZZA) Oh, caar Signoor, vardée chì! Mì ma piaseress savé chi che è staj.....Sarà staja la solita Scolastica, ma paar già de savéll!

SCOLASTICA        (ENTRANDO)(FALSAMENTE GENTILE) Al m’à ciamaa, scioor Paolin? Al g’à bisoeugn de mì?

PAOLINO               No, ma già che t’a seet chì, voeureress ‘na spiegazion!

SCOLASTICA        (ABBOZZA UNA RIVERENZA) A sua completa disposizione!

PAOLINO               E piantala de tiramm in giir! Dimm, putost, come mai al ritratt dela mia pora Matilde a l’oo trovaa rivoltaa in giô, eh?

SCOLASTICA        E mì cos’an soja? Anca i ritratt sa veed che i g’à bisoeugn de cambià posizion, de sgranchiss un poo.

PAOLINO               (FURENTE) Mila voolt t’avroo dii de migna scherzà con certi argomeent.

SCOLASTICA        Oh, inzoma, a g’avroo faj galitiga nel facch giô la polver, a ‘sto malarbéto ritratt!

PAOLINO               (COMICAMENTE INSEGUE SCOLASTICA CON IL BASTONE DA PASSEGGIO ALZATO) Adèss basta, neh! Ta esageret, t’al disi mì. Dismetela de tômm in giir, e de mancamm de rispett!

SCOLASTICA        (SCAPPANDO) A g’a n’oo pien la gloria, de luu e di sò idej strambi! E a g’a doo anca i vòtt dì. Basta, ma n’an voo! Goo sì al nom de ‘na Santa, ma somm migna ‘na martire!

PAOLINO               (CALMATOSI, SI SIEDE) Pace! Femela finida!

SCOLASTICA        (SI SLACCIA IL GREMBIULE E LO GETTA SUL TAVOLO) Eco, adess al sarà conteent, che al sa disfescia de ‘na miscredenta; inscì l’è liberissim de seguì i sò inclinazion.

PAOLINO               (CONCILIANTE) Ma, dai, Scolastica, e l’è inscì tanti ann che semm inzema, ta parleret migna sul seri, eh?

SCOLASTICA        Parli sul seri sì, g’a noo pien la scufia di sò manì.

PAOLINO               (PORGE IL GREMBIULE) Torna in servizi, tosa, che in quela cà chì, ormai, ma somm abituaa a tì e a ta ma seet....necessaria.

SCOLASTICA        Ah, sì? (PRENDE IL GREMBIULE) Però che al la dismeta de dacch inscì tanta importanza a ropp che de importanza i deev migna veghen inscì tanta!

PAOLINO               (UMILE) Ma, vedet, mì e la mia pòra Matilde.........

SCOLASTICA        ..........a sevuff com’è al pan e al buteer!

PAOLINO               Ricomincium?

SCOLASTICA        Ma gh’è un limite a tutt! La moort a l’è un sigill del libro dela vita. Dopo, bisoeugna voltà pagina e tirà innanz!

PAOLINO               (STUPITO DA TANTO BUONSENSO) Scolastica, t’al seet che a penzach ben, l’è vera? Certi volt, ta seet piena de bon seens.

SCOLASTICA        Ah, del bon? Dopo trii piatt de gnocch, al s’incoorg che l’eva migna risott!

PAOLINO               Lassa peerd, ‘scolta: Che tì ta sapiet, l’Ampilia, la mia Ampilia, t’ee notaa se la stà migna taant ben?

SCOLASTICA        (TRATTIENE UNA RISATA) Eh? Ma....diseress propi de no. Vedi migna nagott de strano, mì. Almen, oo  mai notaa nagott de speciaal.

PAOLINO               Perchè....prima....a l’è propri migna svegnuda, ma a l’è mancada via.....

SCOLASTICA        (PERFIDAMENTE) La sarà incinta!

PAOLINO               (MANO SUL CUORE) Oh, pora mì, cosa devi sentì. Scolastica, ta ma faree morì...Dimm che ta scherzavet!

SCOLASTICA        Ma sì, scherzava, sa pò gnanca scherzà con luu! L’è diventaa com’è un fioeu paguroos del scuur!

PAOLINO               Ma a j’è ropp de dì! Ta ma féet nà al saanch in aqua!

SCOLASTICA        (MANI SUI FIANCHI) Al sa preocupa dela sua tosa? Ma al g’à preseent almen quanti ann la g’à la sua Ampilia, eh?

PAOLINO               Voeut che sapia migna quanti ann l’à g’à la mia Ampilia? Ma t’al seet, i fioeu a i’è........

SCOLASTICA        A Napoli i diis “Pezzi ‘e còre”; chì, inveci, a sa diis “Lassi nà che l’è ora”

PAOLINO               Sì, al soo, somm forzi un poo tropp tacaa; dovress magari vess un poo pussée largh de veduud, ma al dì d’incoeu...............

SCOLASTICA        Oh, che dì d’incoeu e dì de ieer! Che al la faga curta, che l’è ora! Al voeur tegnii sôta i sò aal fina a quaand? Al varda che luu l’è migna ‘na pita, neh!

PAOLINO               (PENSIEROSO) Mah, ta g’avreet anca reson, Scolastica, cosa voeutt che ta disa, mì somm nassuu in un’altra epoca.

SCOLASTICA        Adèss, però, dato che mì a devi lavorà in questa, d’en epoca, a voo avanti a fà i facc, che se i foo migna mì, a gh’è nissun che i ma i’a fà!

PAOLINO               Scolastica, grazie de vess restada. Ta dovereet soportamm ammò per un poo, fina che al mè poor coeur.......

SCOLASTICA        Oh, che solfa! Luu e al sò coeur malandaa, che a l’è pussée san del mè. Vialtri omen a sii tucc paguroos com’è, altro che “sesso forte”! (ESCE)

PAOLINO               L’è già ‘na bela lota anca questa che devi soportà tucc i dì con ‘sta diavola, veh! Ma, a l’è com’è un maa necessari, bisoeugna serà tucc e duu i oeucc.

MIMOSA                (ENTRANDO) Papa’, sei ancora qui?

PAOLINO               Eh, tôsa, indôa a devi nà? La vita del pensionaa a l’è poeu migna inscì alegra come i diis, a l’è un zich monotona.

MIMOSA                Papà, volevo.....ehm....chiederti qualcosa!

PAOLINO               Ma sì, dimm, cara, t’al seet che al tò papà, se al pò, al diis mai de no ai sò tosann!

MIMOSA                Vorrei....mi hanno invitata.........

PAOLINO               Sì ???......

MIMOSA                (TUTTD ‘UN FIATO) ......a fare un giro in “Vespa”.

PAOLINO               (ESTERREFATTO) Coss’è? Ma oo de sntinn ammò? Ma vardée geent, che tempi. No, no, s’an parla gnanca!



MIMOSA                Ma papà, mi hai appena detto che non dici mai di no alle nostre richieste!

PAOLINO               O dii anca “se podi”. E a questa richiesta, a podi propi migna dì de sì.

MIMOSA                Ma perchè?

PAOLINO               Goo migna bisoeugn de dì tanti perchè. In ogni caso, prima de tutt, a nà su quii “ropp” lì a l’è pericoloos, poeu ta feet vedé i gaamb fina al ginoeucc, e “in primis” chissà chi che l’è che t’à invidaa, eh?

MIMOSA                (BRONCIO)  Dal momento che non posso andare, non è necessario neanche che ti dica chi mi ha invitato...........

PAOLINO               Da un poo de teemp a ‘sta paart, a suceed de qui ropp in quela cà chì che m’a dà de penzà. Adèss saltum su anca sui motoor e sa demm ala bela vita.

MIMOSA                Ma, papà....non facevo niente di male.

PAOLINO               Al soo poeu migna, se l’è nagott de maa, a fà ‘na roba simila. Ma sa pò savé che che a osaa a domandatt ‘na roba del gener?

MIMOSA                Lascia stare, papà, non fa niente......(ESCE)

Atto primo – Scena sesta

PAOLINO               Mì, somm chì stracuntaa....(RIVOLGENDOSI AL RITRATTO) Matilde, damm ‘na man tì! Questa a l’è pù ‘na cà, l’è diventada ‘na rivoluzion che cova sôta la scendra...(SEMBRA ASCOLTARE, POI....): Eh, al soo che adèss a i’è graand, Matilde, ma mì riessi propi migna a abituass che i vaga in giir inscì senza difees in un moond che l’è rudoond gnanca un zich..........

ROSETTA               (ENTRANDO) Ciao, papà, se feet de bell?

PAOLINO               (SOSPIRO) Eeh, se foo de bell, sì......goo pù de paas in questa cà chì, eh no!

ROSETTA               Oh, dai, cosa sarà poo mai suceduu, de inscì gross?

PAOLINO               Ma, védet Rosèta, a gh’è la Scolastica che la dà i numer, oo trovaa sbatuu giô al ritratt dela tua pora mamm, la Mimosa la ma salta foeura con la trovada de fà un giir in “Vespa”................

ROSETTA               (FRA I DENTI) Tombola!!!!!

PAOLINO               Eet dii quajcòss?

ROSETTA               No,no.

PAOLINO               Ah, a m’eva paruu.....Eh, inzoma, ala mia etaa, mì ma agiti, a l’è inutil, mì somm faj inscì!

ROSETTA               Papà, ta seet faj maa, se ta séet faj inscì !

PAOLINO               Eh, ma pòdi fach nagôtt! Come s’è, s’è!

ROSETTA               Ma varda i ropp con un poo de calma, dai! Cosa saraj mai ‘sti graand cruzi! Vardémi vun per vun: La Scolastica oramai t’al seet de mila ann com’è l’è faja, ta convegn metess al coeur in paas; in quanto al ritratt (SORRISINO) al sarà sbrissigaa de per luu; e in quanto ala Mimosa...........

PAOLINO               .....in quanto ala Mimosa, cosa? L’è tropa giovina per vecch un quaj spasimante, l’è migna navigada nela vita!

ROSETTA               Ma papà, famm migna vegnì de riid, dai! Al seet quanti ann la g’à già quela che numm seguitumm a ciamà “la pinina”, eh?

PAOLINO               L’è inutil, Rosèta, ta gh’eet ‘na lapa che incanta, ma mì somm migna conviint che per la Mimosa al siess ora de trovà un partii...........

SCOLASTICA        (ENTRANDO) Voeurerà dì che specium al dì del Giudizi, quaand a finirà ‘sto moond, per sistemà i sò tosann!

ROSETTA               Dai, Scolastica, ricomincia migna anca tì, neh, che al papà l’è già sottsôra per cuunt sò!

PAOLINO               Eco, brava Rosèta, dighel tì a ‘sta “mostra” che al mè coeur...........

SCOLASTICA        Al sò coeur a l’è pussée san del mè, g’al disi mì!

PAOLINO               Eco, la sentet? E penza che g’aa l’oo in giir tutt al santo dì!

ROSETTA               Scolastica, dai, mòchela se tà pò.

SCOLASTICA        Penza, cara mia, che anca mì g’a loo in giir tutt al santo dì, e l’è pesaant come ‘na putrèla de fèrr.

PAOLINO               No, l’è migna possibil questo tormeent. Seet migna bôna de nà per un momeent de ‘na quaj altra paart, eh?

SCOLASTICA        Luu, pitost,già che la giornada a l’è bèla; inveci de stà chì a piantà gran, che al vaga giô nel’ort, al cata un poo de fioo e i g’à i’a porta a l’altaar dela Madòna. Inscì al fà dô oper de caritaa: Al na libera per un poo dela sua presenza e al guadagna un zich de indulgeenz (ma paar che vialtri che vii in gésa tucc i pezitt i ciamuff inscì, o no?).

ROSETTA               Bisoeugna ricognoss che l’è migna ‘na cativa idea, papà. Inscì ta va via un poo de preocupazion, dai!

PAOLINO               Ma varda che al foo per la Madòna, migna per contentà quela specie de sèrp che ma troeuvi per cà.

SCOLASTICA        A ricomincium? Dai, che al vaga, che se al tentèna ammò un zich, a va giô al soo!

ROSETTA               Ciao, papà, buona passeggiata!

PAOLINO               (BRONTOLANDO, SI APPRESTA AD USCIRE) L’oo dii mì, l’è pù al mè moond! Domestich che fà al sò comod, ritratt che sa moeuv per cuunt sò, giir in Vespa! No, semm migna taant lontan dela fin del moond (ESCE)

ROSETTA               Ma anca tì, Scolastica, cerca de vecch un poo pussée de pazienza con al papà, dai. T’al sett che al g’à i sò fissazion!

SCOLASTICA        Eco, brava, ta l’éet dida giusta. Ma mì g’a n’oo piena la scufia di fissazion del scioor Paolin dela Posta, al seet, bèla? Perchè a tutt gh’è un limite. Che poo anca con vialtri, con ‘sta pagura che sa perduff apena vii a tô al lacc.............

ROSETTA               Eh, a l’è che per tanti ann gh’emm mai risponduu, a gh’emm lassaa creed de véss nel giust........

SCOLASTICA        Eco, brava, dovevuff migna! Perchè adèss come adèss, al creed de incarnà i sò beneamati sovrani (GESTO VERSO IL RITRATTO) e de véss l’imperadoo de ‘sta cà de donn!

MIMOSA                (ENTRANDO, FAZZOLETTO AGLI OCCHI – NON SI AVVEDE SUBITO DELLA PRESENZA DI ROSETTA E SCOLASTICA)(POI QUANDO SE NE ACCORGE) Per me, ormai, non c’è più speranza! Voglio chiedere alle Orsoline di S. Carlo se mi accettano come novizia!

ROSETTA               Cosa? Oo de sentinn ammò? Che storia a l’è questa?

SCOLASTICA        (MANI SUI FIANCHI) Altra fritada de quel Duce del Scioor Paolin, imagini! Tôsa ! (IMPERATIVA) cunta su!

MIMOSA                Oh, Scolastica......! Rosetta, posso parlare?

ROSETTA               Ma cert che t’a pò parlà! Dato che la lengua al ta la gnammò tajada via nissun!

MIMOSA                Io......mi aveva invitato......volevo fare un giro..in Vespa...e...invece...il papà.........

SCOLASTICA        Specia, tôsa, procedamus con calma! ‘Na scemada per volta! Comencia tutt de cap!

MIMOSA                Io e il dottor Bonalumi.......Alessandro.........

SCOLASTICA        (RAGGIANTE, ANTICIPA LE CONCLUSIONI) Come somm contenta! Scià un basin, cara la mia Mimì!

ROSETTA               Specia, Scolastica, a gioì!

SCAOLASTICA     Mì, gioissi come ma paar e ma piaas, dato che in questo sitt a l’è migna taant facil gioì.

MIMOSA                Vedi, mi aveva invitato a fare un giro con la sua Vespa nuova....e il papà.......

SCOLASTICA        ........l’ineffabile signore al t’à dii de no!

ROSETTA               Al sarà propi inscì, perchè anca con mì al m’à ‘pena brontolaa quajcòss de Vespa............

MIMOSA                Io volevo proprio iniziare da qui a parlargli di Alessandro...........

SCOLASTICA        Scusa, bèla, ma anca quel dotorin lì del corno, èl migna bôn de afrontà al leon nela sua tana? Che poeu....a l’è un leon prima de tutt senza criniera, e poeu anca senza oong. Prima a goo metuu in man al scussaa e goo dii de stà chì de per luu, e al se l’è faja sôtt, e poeu l’à ceduu!

ROSETTA               Ma per tì a l’è facil, che ta gh’eet un carater fort.

MIMOSA                Alessandro, invece, è educato; in più il papà è suo paziente.........

SCOLASTICA        Come paziente, a l’è un paziente con poca pazienza, ma bisoeugna che tiruff foeura ‘sto ragn del boeucc. Già quela pòra Ampilia, a l’etaa che la sa ritroeuva, l’è ammò in alto mare.............

AMPILIA                (ENTRANDO, MESTA) Ciao a tucc.

ROSETTA               Oh, ma che facia longa anca tì!

AMPILIA                Per mì, ormai.....a goo fina intenzion..........

CORO                      De fatt monéga di Orsolin!!!!

AMPILIA                (INGENUAMENTE) Oh, ma come i faj a indovinà?

SCOLASTICA        Dato al monastero....voeurevi dì la cà nela quaal numm quatro disgraziaa gh’emm al dispiesé de viif, a l’è migna inscì dificil indovinà intenzion de clausura. (SUBITAMENTE BATTAGLIERA) E inveci, numm quatro saremm com’è un Consorzi.....Agrari, e ga daremm bataglia a Sua Maestà Paolino I. Scià i man!!!!! (FORMANO QUATTRO  MANI DESTRE UNA SOPRA L’ALTRA, MENTRE CALA IL)

s i p a r i o

FINE PRIMO ATTO

ATTO SECONDO

SCENA PRIMA

(L’AMBIENTE E’ IL MEDESIMO. SI CURI CHE SUL TAVOLO NON SI TROVI PIU’ IL RITRATTO DELLA DEFUNTA – SCENA INIZIALMENTE VUOTA, POI ENTRA)

SERGIO                  A...a.....a.....l’è.....l’è....pe...per...permess? (POICHE’ NON RISPONDE NESSUNO, AVANZA TITUBANTE) A.........a.....a....gh’è ni....ni....niss...niss...nissun? (SERGIO E’ VESTITO “DELLA FESTA”)

SCOLASTICA        (S’AFFACCIA DALL’INTERNO) Cosa demoni....ma....se feet, toos, deent in cà?

SERGIO                  Co....co......com’è cosa foo? La.....la...la m’à dii lée de...de....vegnì scià!

SCOLASTICA        Ah, semm propi ben metuu, gh’è nagôtt de dì! E varda come al sa presenta! Ta manca domà al frac e poeu ta seet a post. Ma èla la manéra de vestiss?

SERGIO                  Ma......ma.....ma mì....mì....cre...cre....credevi che...che....che....

SCOLASTICA        Cosa ta credevet, eh? T’ee capii un bel nagôtt, t’al disi mì. T’evi dii de presentatt con la scusa del rubinett de cusina che al gôta, inscì ta podevet invià via al discoorz de l’Ampilia.............

SERGIO                  A....a..apunto!

SCOLASTICA        Apunto un corno sech! Ta ghée gnanca scià un strasc de toch de fèr de lavorà, ta sée vestii dèla Prima Comunion, e ta saresset chì a giustà un rubinett? Varda che al scioor Paolin a l’è gnammò rincojonii, neh?

SERGIO                  A.....a......po...po..po..podeseress fà paré de..de...me...metess a giustà un quajcòss...........

SCOLASTICA        Senza nagôtt in man? Vestii inscì? Famm migna riid! Bisoeugna trovà un quajcòss d’altro, o girà i tacch e sparì!

SERGIO                  Ma....mì...mì...ma..ma..ma mì..........

SCOLASTICA        A gh’è migna “ma mì” che tegna, cara al mè bell! Se ta cata al scioor Paolin di Savoia, al ta mett a post luu, dopo!

PAOLINO               (DALL’INTERNO) Scolastica! Scolastica!

SCOLASTICA        (AGITATA) Oh, caar Signoor, adèss se femm?

SERGIO                  (COMICAMENTE, CERCA OGNI RIFUGIO E CORRE QUA E LA’ COME UNA MOSCA SENZA TESTA) A....a...aiut!!!

SCOLASTICA        Eco al re di coragioos! Fermet, che ta ma fée girà al còo!

SERGIO                  A.......pòdi migna....fer....fer....fermass!!!!

PAOLINO               (ENTRANDO) Ma sa pò savé perchè ta rispondet migna? (RIVOLTO A SERGIO) E luu, se faal chì in cà mia? E se g’al adoss, al ball de San Vito?

SERGIO                  Se.....se....sevi vegnuu....scià...per....giustà...al ru...al ru...al rubinett de cu....cu....cusina!

SCOLASTICA        (APPROFITTA PER SQUAGLIARSELA ALL’INTERNO)

PAOLINO               (ESTERREFATTO) Cosa???? A credevi inveci che gh’eva ‘na festa, a vedell inscì ben tapaa!

SERGIO                  Nooooo! A l’è che....che...a goo...la tuta a la...la..lavass!

PAOLINO               (SEMPRE PIU’ PERPLESSO) E....lavorell a man biott?

SERGIO                  Se....se....sevi vegnuu....per....per..un...sopra...sopralluogo!

PAOLINO               (STUPITISSIMO) Per giustà un rubinett?

SERGIO                  A sa.....sa....mai co...co...cosa sa pò...tro...trovà!

PAOLINO               Ma vardée geent com’è diventada complicada la vita! Un sopralluogo per un rubinett! Indôa naremm a finì? Al ma disa un poo: Al sarà migna inveci vegnuu scià per ‘na quaj “pulzella”, eh?

SERGIO                  Co...co...cosa?

PAOLINO               (SORRIDENDO) Eh, credevi che magari ga piaseva de nascondon la Scolastica !

SERGIO                  Mì....mì....mì.....no!

PAOLINO               Ah, meno maal. Ma alôra al vegna in cusina a vedé ‘sto rubinett, già che ormai a l’è chì!

(FANNO PER AVVIARSI, MENTRE PURTROPPO ENTRA AMPILIA)

PAOLINO               Ah, Ampilia! ‘Compagna tì al scioor Sergio a vedé al rubinett.

AMPILIA FA UN URLO SOFFOCATO, E SI ACCASCIA)

SERGIO                  (FACENDOLE ARIA CON LE MANI) Su, su...che....che l’è na....na...gôtt!

PAOLINO               Ma alôra, a l’è propi alergica ai trombée, che strano!

AMPILIA                (SEMICOSCIENTE) Sergio....Sergio........

PAOLINO               Ma....al Sergio èl migna luu?

SERGIO                  (CONFUSO) La la..la..la...la va..vana...vanascia!

PAOLINO               (ACCIGLIATO) La vanascia un bel nagôtt. Perchè al la ciama nel soeugn, eh?

SERGIO                  Ma...ma....ma...nagôtt........cioè...cioè....

PAOLINO               Oh, Santa Vergin, ma che al siéss un poo pussée ciaar! Cioè cosa?

SERGIO                  Na....na...nagôtt! Mì......a...a...ve...vegni..scià un altro dì! Bon...bon....bondì! (ESCE)

AMPILIA                (RIDESTANDOSI) Cosa è suceduu?

PAOLINO               (MENTENDO) Ah, nagôtt, al Sergio al t’a dai un basin e ta see svegnuda!

AMPILIA                Al sarà migna vera! Oh, papà, papà!

PAOLINO               (PROSEGUE LA COMMEDIA) Cosa voeutt che al siéss un basin?

AMPILIA                Mì t’a l’avress dii! Magari incoeu!

PAOLINO               (SUADENTE) Dii cosa?

SCOLASTICA        (RIENTRA PRECIPITOSA) Cito!!! Ampilia, ta gh’eet nagôtt de dì !

PAOLINO               Coss’èla questa novitaa, eh ?

SCOLASTICA        Dichiaro l’Ampilia “prigioniera politica”!

PAOLINO               Dì migna su stupidaad! Piantala!

AMPILIA                Taant, a l’è inutil tasé ammò (SUL TRAGICO) Ebbene sì, papà carissimo, mì, col Sergio...........

SCOLASTICA        (PRONTISSIMA)......La doveva giustà al rubinett de cusina.

PAOLINO               Basta, coi scemaad! L’Ampilia l’è migna un idraulich, ma paar!

AMPILIA                Papà......mì al Sergio g’a voeuri ben!

PAOLINO               (SOPRAPPENSIERO) Va ben che gh’è scarsitaa de idraulich, ma de chì a voeurecch ben....(SI FERMA FULMINATO, E CAPISCE) Coosa????? Ta g’a voeuret ben?

SCOLASTICA        Sì, numm g’a voeurum ben!

PAOLINO               Ma vann a l’inferno! Foeura, tì, che ta ga entrett nagôtt! (SCOLASTICA ESCE BRONTOLANDO) Ampilia, dimm la veritaa: Coss’èla ‘sta storia del trombée?

AMPILIA                A l’è ‘na storia néta, papà!

PAOLINO               Quel al diseroo poeu mì, semai! Adèss, vann nela tua stanza, che devi penzacch su a quel che t’a m’eet apena dii! (AMPILIA SI RITIRA) Ma vardée, sa pò pù fidass gnanca di trombée! Lassum nà foeura a ciapà ‘na bocada d’aria, che chì ma paar de sofegà! (ESCE)

ATTO SECONDO

Scena seconda

ROSETTA               (ENTRA CON MIMOSA) Ma......segoond tì, indôa navel al Sergio col còo bass come un can bastonaa?

MIMOSA                Non saprei, Rosetta. E poi cosa ci faceva qui in casa nostra?

ROSETTA               Mah......Qui “gatta ci cova”, t’al disi mì! Almen ga fudess chì la Scolastica, lée l’a sa sempro tutt, o quasi! Tì, Mimì, eet notaa ‘na roba? Gh’è pù in giir al ritratt dela pòra mamm!

MIMOSA                Davvero? Non me ne ero accorta! Chissà dove è andato a finire? Se si accorge il papà..........

ROSETTA               Ma l’è impossibil che al sa na siess migna ‘nincorgiuu! L’è sempro in adorazion de ‘sto ritratt!

SCOLASTICA        (SENTENZIOSA) Al ritratt dela trapassata l’à traslocaa !

MIMOSA                Non sarà vero?

SCOLASTICA        Inveci, l’à propi faj “San Martin” e l’è in un sitt un poo pussée....nasconduu!

ROSETTA               E perchè?

SCOLASTICA        E a mì ta ma la cuntet? An soo nagôtt, mì! Nagôtt !  (ESCE)

MIMOSA                Questa è bella davvero! Una cosa inconcepibile addirittura!

ROSETTA               Almen però anca al papà al la desmeterà de parlach su come s’el fudess ‘na perzona in carna e oss!

AMPILIA                (ENTRA)(ARIA AFFLITTA) Ciao.

MIMOSA                Ciao. Che allegria! Sembri un funerale di prima classe!

ROSETTA               Del bon, veh! A gh’è de tocà ferr domà a vedett!

AMPILIA                (TIRA SU CON IL NASO) Voeureress vedeff vialtri, se va sucedeva quel che m’è suceduu a mì.

ROSETTA               Perchè, se t’è capitaa?

AMPILIA                Al Sergio l’è vegnuu scià.

MIMOSA                Bene !

AMPILIA                Bene un corno sech! E’ suceduu un finimoond con’t al papà. E adèss, al sa tutt!

ROSETTA               A l’eva ora! Quaand speciavet a dighel? Nel dômila?

AMPILIA                Sì, ma migna nela manera che è suceduu la roba!

MIMOSA                Ma che maniera e maniera! Allegra, che ormai la bomba è scoppiata!

AMPILIA                Senta chi che parla! Anca tì ta see setada giô su una mina.

MIMOSA                Beh.....è vero, a pensarci bene, però, non sono messa gran che bene neanch’io.

ROSETTA               Diseress de no, diseress propi de no!

AMPILIA                E poeu....ehm...Mimosa....oo sentuu del pà che l’à mandaa a ciamà....al dotoor Bonalumi chi in cà.

MIMOSA                (ALLARMATA) Non sarà vero! Oh, Signore!

ROSETTA               Adèss l’è inutil fassass la testa prima de rimpela. Pò dass che al papà al l’abia ciamaa per la solita visita.

AMPILIA                Ma no, l’è migna al momeent giust; è migna passaa al teemp che passa de solit!

MIMOSA                Ma può anche darsi che il papà non si senta troppo bene, e quindi....e quindi.......speriamo che non abbia scoperto qualcosa!

ROSETTA               Oh, basta! Ma come devi dìvel, in che lingua, che l’è ora de piantàla de giugà a moscacieca. Vegnii tucc e dô “allo scoperto”, no? Somm stufa de dì sempro i stess ropp!

AMPILIA                Rosetta, pussée “allo scoperto” de mì, ormai.......La fritada, per mì, l’è già servida. A penzach ben, forzi l’è mej inscì.

MIMOSA                Eh, sì. (SOSPIRA) “Fuori il dente....” Oh, beh, il papà ci vuole bene, prima di tutto, no? E allora si arrenderà. Almeno, io spero!

AMPILIA                Eh, “campa cavallo”! A l’è un omm “tutto d’un pezzo”, come sa diiis....

ROSETTA               Ma scusa, se al n’à voeu ben, al pò migna gnanca ligann tucc e tré ala gamba del tavol per tuta la vita........e i foeuj del calendari i gira in pressa, t’al disi mì......a l’è Nataal e l’è subit Pasqua.....e via!

MIMOSA                D’altra parte, non abbiamo scelto due delinquenti, io e te, Ampilia, mi pare! (IMBRONCIATA)

AMPILIA                Ma se diset sù! Duu galantomm, emm scernii! E devum migna vecch pagura. Devum fass forza. (CERCA DI DARSI UN CONTEGNO)

ROSETTA               L’è quell che penzi anca mì. E poeu, gh’emm la complicitaa dela Scolastica, che l’è un ass nela maniga, v’al disi mì.

MIMOSA                Ma, ho i miei dubbi, francamente. Il primo risultato è stato una trovata come quella di Napoleone in Mosca.

ROSETTA               Beh, quell a l’è colpa del Sergio, ma paar. La Scolastica la ga diis de vegnì in avanscoperta a fà paré de giustà un rubinett, e luu al vegn scià vestii dela festa. Scusa, neh, Ampilia, ma al ma paar un poo indrée de comprendonio.

AMPILIA                (OFFESA) Beh, taant sveglio al ma paar migna gnanca al vòss dotoor. Al Sergio al s’à sconfonduu, eco tutt. Luu al sa emoziona per nagôtt.

ROSETTA               A l’è un trombée.....sensibil, gh’è nagôtt de dì.

MIMOSA                Basta, non stiamo a litigare. Così non combineremo mai niente.

ROSETTA               Quaand ma tocherà a mì, se mai ma tocherà, a faroo pussée svèlt. A scaperoo in muna “fuga d’amore” lontan de quisti quatro muur.

MIMOSA                Vorrei proprio vederti. Beh, io adesso vado. Cerco di vedere Alessandro, per sapere se conosce il motivo per cui papà l’ha mandato a chiamare. E speriamo in bene! (ESCE)

AMPILIA                (CORAGGIO A QUATTRO MANI) Oh, seent Rosèta, se al papà al ma diis de no......mì....numm.....a scapum del bôn.

ROSETTA               Dass ‘na calmada, dai, adèss esagera migna. In foond, al papà l’è migna inscì catiif. Ta vederéet che i ropp i sa meterà a post de per loor!

AMPILIA                Voeureress vecch la tua sicuréza....beh, adèss an voo anca mì. Sarà quel che al Signoor al voeurerà. (USCITA)

ROSETTA               (TRA SE’) Vardée che raza de pastizz che sa poderess evità..........

ATTO SECONDO

SCENA TERZA

BONALUMI           (S’AFFACCIA) E’ permesso?

ROSETTA               Avanti! Av......oh, bondì, dotoor. Come mai de quisti paart? L’è migna la data giusta per visità al papà!

BONALUMI           Mah, non so, signorina Rosetta, mi ha mandato a chiamare. Speriamo che non sia niente di preoccupante.

ROSETTA               Speremm....speremm....che....l’abia migna indovinaa quajcòss de luu e dela Mimì......che poeu, forzi, al saress mej!

BONALUMI           Io averei deciso di approfittare di questa chiamata per dichiarare le mie intenzioni al signor Paolino.

ROSETTA               (SOLLEVATA) Oh, beh, mej inscì!

PAOLINO               (ENTRANDO) Oh, buongiorno, scioor dotoor. Vedi che l’è vegnuu subit. Bravo, al ringrazi. Rosetta, famm un piesé. Lassum chì a parlà col dotoor.

ROSETTA               (ALLARMATA) Papà, ma....l’è migna che ta steet pooch ben?

PAOLINO               Ma no, ma no....cosa veet a penzà....vann tranquila, nagôtt de speciaal (ROSETTA ESCE)

BONALUMI           Allora, signor Delle Piane, cosa c’è che non va?

PAOLINO               Al varda, scioor dotoor, ma ciami sì “Delle Piane”, ma incoeu a dovréss ciamamm “Delle Montagne” de come va i ropp in questa cà, dato che va tutt in salida!

BONALUMI           Oh,via, andiamo! Di preciso, cosa si sente?

PAOLINO               Ma...ma....verameent, l’è migna la saluud che bala maa.........

BONALUMI           (SORPRESO) E allora?

PAOLINO               E alora...ehm...alora...al dovréss famm un gran piesé, che g’an saroo riconosceent!

BONALUMI           Chi, io????

PAOLINO               Sì, luu. Al dovréss....fà savé ai mè tosann....specie ala Ampilia......che....che......

BONALUMI           (INCORAGGIANTE) Sì?

PAOLINO               .....che pòdi migna ciapà dispiesé e rabia, perchè a somm....inzoma....al mè coeur....al bala maa! Eco! Propi inscì!

BONALUMI           (CREDE DI NON CAPIRE) Mi faccia capire, scusi. Io dovrei certificare che lei è ammalato, anche se non lo è?

PAOLINO               (PAZIENTEMENTE) Al vedd, dotoor Bonalumi. L’Ampilia a l’è inamorada del Sergio, l’idraulich. E somm migna taant sicuur che la siess ‘na scelta giusta. E alora...........

BONALUMI           ....e allora, io dovrei scrivere che lei è ammalto, affinchè, per non darle dispiacere, Ampilia rinunci alla sua scelta?

PAOLINO               (SODDISFATTO) Propi, eco, bravo dotoor! Bravo!

BONALUMI           Ma lei è fuori di senno!

PAOLINO               (COLPITO) Cosa? Come al sa permett?

BONALUMI           Ma lei davero crede che un medico possa dichiarare il falso, per un motivo così futile, poi?

PAOLINO               Futile un bel nagôtt! Al sarà futile per luu, che in questa cà al vegn domà per visitamm, e che al pò migna capì cosa passa nel coeur d’en poor vecc come mì!

BONALUMI           E’ fuori discussione. E poi (SUO MALGRADO, SI LASCIA TRASPORTARE) sappia che io, in questa casa, vengo non solamente per lei!

PAOLINO               Signoor! Che è che è malaaa senza che mì al sapia?

BONALUMI           (UN POCO TEATRALE) Il mio cuore! Sì, il mio cuore!

PAOLINO               Ma....ma.....(RENDENDOSI CONTO) Ma alora,...luu...luu....l’è quel...dela Vespa?

BONALUMI           Proprio io! Ed ho intenzioni serie.

PAOLINO               E mì, che l’oo ciamaa per liberamm d’en spasimante trombée....e adèss m’an ritroeuvi con duu....Alôra l’è per quell che al voeur migna famm al piesé che g’oo domandaa?

BONALUMI           No di certo. Quello è un motivo di serietà professionale. Non so nemmeno cosa le sia frullato in testa, veramente.

PAOLINO               Adess ma senti del bon migna taant ben. Che figura de cicolatée che oo faj! Al deev scusamm. Però.........

BONALUMI           .....però?

PAOLINO               Però che al varda che per quanto riguarda luu e la Mimosa.....léé a l’è tropp giovina, eco!

BONALUMI           Come troppo giovane? Ma si rende conto? Vorrà scherzare, spero!

PAOLINO               Somm mai staj taant seri in vita mia! Migna che luu, dotoor, al ma dispiasa, ma bisognerà specià ammò un quaj ann...............

BONALUMI           Ancora qualche anno? Ma si rende conto?

PAOLINO               Questo, al l’à già dii. Mì ma rendi cuunt che al dì d’incoeu, vialtri giovin sii pù bon de vecch pazienza, de specià.......

BONALUMI           Mi permette una domanda? Lei, a che età ha sposato la signora Matilde?

PAOLINO               Cosa a gh’entra? Quii, i’eva altri teemp!

BONALUMI           Vecchie scuse che sanno di stantìo! Mi risponda, invece!

PAOLINO               Ma....ma....vintiduu ann!

BONALUMI           E la compianta signora Matilde?

PAOLINO               Ehm...ehm.......derzètt, quasi desdott. Eh già, gh’eva voruu al permess di sò geent, l’eva ammò lontana de l’etaa magiorenne!

BONALUMI           E i suoi futuri suoceri le avevano dato volentieri il loro assenso al matrimonio?

PAOLINO               Beh, se devi véss sinceer, sì. Ma, come ga diseva, i’eva altri teemp.

BONALUMI           Sarebbe a dire che io e il signor Sergio siamo due persone poco raccomandabili?

PAOLINO               Ma no, disi migna quell. A i’è i teemp, la modernitaa...In certi paees sa pò anca dividess....divorzià.....

BONALUMI           Ma qui, siamo in Italia; e poi, cerchiamo di non divagare. Insomma, cosa mi dice? Di no?

PAOLINO               Ma al veed, la mia Mimosa...la pinina....devi penzacch su....devi doamndacch ala Matilde.......

BONALUMI           Ma cosa mi viene raccontando? Che deve parlare ancora col ritratto? E poi, guardi che “la piccola”, come dice Lei, è maggiorenne da un bel po’, e non ci sarebbe bisogno nemmeno di chiedere a Lei!

PAOLINO               Ma somm sempro al sò papà!

BONALUMI           D’accordo, io non voglio passarle davanti, anche perchè Mimosa non vorrebbe, però cerchi di essere un po’ più ragionevole, andiamo! Sta parlando con un galantuomo, sa?

SCOLASTICA        (ENTRANDO) Bondì, scioor dotoor. Come vaal al coeur de quel rantegh chì?

PAOLINO               Scolastica, un poo de rispett almeno davanti al scioor dotoor.

BONALUMI           (SOSPIRANDO) Eh, cara Scolastica, è il mio, di cuore, che soffre. E oggi, non riceve la notizia che lo rimetterebbe a nuovo!

SCOLASTICA        Ah, oo capii, già. Al pretendente di Savoia chì preseent, al voeu tegnì streenc i sò trii caroeu fino alla fine dei secoli. Ma che al la dismeta, che a l’è ‘na vergogna!

PAOLINO               Scolastica, tée passaa al segn e mì disi ......(VIENE INTERROTTO DA UNA VOCE ESTERNA)

SERGIO                  (DALL’ESTERNO) E’....è...è...pe..pe..per..permess?

PAOLINO               Avanti!

SERGIO                  (ENTRA. E’ VESTITO CON LA TUTA, MA TIENE IN MANO UN MAZZO DI FIORI ED UNA SCATOLA INFIOCCHETTATA)

SCOLASTICA        Oh, caar Sant’Antoni, che ma vegna umn colp! Varda cosa riva scià.

PAOLINO               Al....al trombée?

SERGIO                  A.....a....a....somm...chì. A..a...somm...ri...ri...rivaa!

PAOLINO               A giustà al rubinett?

SERGIO                  Sì, cioè no. Cioè....Mì.................

PAOLINO               (RIVOLGENDOSI A SCOLASTICA) La sarà la milesima volta che ta disi de toeut foeura di pée. Sempro in mezz! (SI ACCALORA)

SCOLASTICA        In questa cà, la Scolastica a l’è bôna domà de fregà sù e lavà giô, e basta! Alôra, sì che la fà paart dela famiglia!

PAOLINO               (STIZZITO) Scià, scià, fà migna taant la comedia, e stà migna chì a ‘scoltà, con quii orecc lì che i seent fiadà ‘na formiga a ‘na distanza d’en chilometro!

(SCOLASTICA ESCE BRONTOLANDO FIERAMENTE)

BONALUMI           Senta, cavalier Delle Piane!

SERGIO                  Al senta, scioor Paolin dela Posta!

PAOLINO               (PERDE LE STAFFE, E, RIVOLGENDOSI AL MEDICO, SCAMBIA COMICAMENTE LE PERSONE) Caar al mè trombée, l’è ora de finìla. Che al faga al sò mestée e basta. Luu al va ben domà con la ciaaf inglesa!

BONALUMI           (ESTERREFATTO) Comeeee? Cosaaaa??

PAOLINO               (PROSEGUE IMPERTERRITO VERSO SERGIO) E luu, caar al mè dotorin, che ‘scolta i batiit di coeur di altri, e migna del sò, che al saréss mej!

SERGIO                  (ALTRETTANTO STUPITO DI BONALUMI) Ma....ma....ma....ma mì.....ma mì......

PAOLINO               Basta, o dii basta, adèss. Foeura di pée, che ma somm propi stufii (SPINGE I DUE VERSO L’ESTERNO E POI ESCE ANCHE LUI)

ATTO SECONDO

Scena quarta

SCOLASTICA        (ENTRANDO) Ma che raza de rebelott; in tanti ann che somm in questa cà, oo mai sentii vosà inscì! Oh, beh, che i sa rangia poeu: Afari sò. Mì somm poeu domà la serva.

AMPILIA                (ENTRA PROVENIENTE DALL’ESTERNO, PARLANDO CONCITATA COME FRA SE’) Ah, questa poeu, l’è bèla del bôn!

SCOLASTICA        Coss’è che è bel del bon, cara?

AMPILIA                La Stipel!

SCOLASTICA        La Stipel?

AMPILIA                Sì, la societaa di telefoni! Quela , per intendess, che la g’à per centralinista la bionda sciôra Elsa!

SCOLASTICA        (GIUNGENDO LE MANI)  Caar Signoor, ‘sta tôsa l’à migna regiuu al doloo dela perdita del trombée e l’è naja foeura de còo!

AMPILIA                Nagôtt del tutt, cara Scolastica, nagôtt del tutt! Somm mai staja inscì a post de còo !

SCOLASTICA        E alôra ?

AMPILIA                E alora, forzi, al caro paparino...............

MIMOSA                (ENTRANDO) Ampilia, sai cosa ho appena saputo?

AMPILIA                .......dela centralinista Stipel e del papà?

MIMOSA                Proprio! Adesso capisco il ritratto sella povera mamma sparito!

SCOLASTICA        Speciée un momeent. A sii a drée a dimm che.............

AMPILIA                Semm propi drée a ditt che al papà l’à perduu al còo per i telefoni! E al creed che nissun in paees al sa na siess ‘n’incorgiuu! Oh pòr papà, che figura!

MIMOSA                Ma scusate, non era lui che non voleva i nostri pretendenti fra i piedi? E adesso è lui ad avere una storia!

SCOLASTICA        Et capii al discendeent dirett del Re? Che al peerd la testa ala sôa etaa.....(FULMINATA COME DA UNA RIVELAZIONE) Tôsann, g’a l’emm ‘ni man. L’è nòss, ormai l’è cott in tucc i sensi!

ROSETTA               (ENTRA TRAFELATA) Geent, in piaza oo trovaa la Pierina del Gusto, quela lenguascia lì. E al sii cosa l’à m’à faj savé?

IN CORO                Che il genitore è innamorato alla sua età!

ROSETTA               Propi! Ma vialtri.........

AMPILIA                Come femm a savéll? Ma se al la sa anca i sass dela strada. Numm, semm staj i ultim a savéll.

SCOLASTICA        Beh, tôsann, bando agli indugi. Un’ocasion inscì la na capita pù.Rosèta, vegn con mì, che ta séet la meno interessada, ma la pussée birbanta: Devom facch un regalin al vòss papà che al sa la regorda per un bel pezzo (SCOLASTICA E ROSETTA ESCONO)

AMPILIA                Oh, Mimì, adèss cosa sucederà?

MIMOSA                Mah....non saprei immaginare.....certo che è stato un brutto colpo averlo saputo per strada, da estranei....il nostro papà....così serio.........

AMPILIA                Propi, già! Bela serietaa! E al na blocava numm dô! No, caro papà, adess ta seet in toort tì, già.

MIMOSA                Io prego il Signore che gli apra gli occhi, al papà!

AMPILIA                Oh, beh, esagerem migna. La sciôra Elsa a l’è vedova anca lée d’en pezz, e l’è poeu migna ‘na dòna cativa!

MIMOSA                Non dico questo, ma insomma, c’è un’età per tutte le cose, o no?

AMPILIA                Mah.....i diis che l’amore non ha età.....

MIMOSA                Sarà.....ma sei noi aspettiamo ancora un po’..............

AMPILIA                Bisognerà fidass de cosa la studierà la Scolastica, quela lì ga manca domà i corni....ma inzoma.....forzi anca al papà ‘na scossa la ga farà ben!

MIMOSA                Speriamo che la Scolastica e la Rosetta non esagerino, però!

AMPILIA                Oh, mì al soo migna cosa i g’abia in meent, ma i’è com’è duu avicc, quii dô lì, a fà scherz!

MIMOSA                Senti, Ampilia, usciamo un pochino? Così ci distraiamo; già, perchè mi sento un po’ agitata. Tra la notizia e quello che stanno preparando al papà..........

AMPILIA                Ta gheet reson; nemm fina ala Capeleta; poeu girôm giô del Pradon e rivum a cà. Forzi al n’a farà propi ben. (ESCONO TUTTE E DUE; SCENA VUOTA PER QUALCHE ISTANTE)

ATTO SECONDO

SCENA QUINTA

(ENTRA IN SCENA PAOLINO, PROVATO, CAMMINA PIU’ A FATICA, E SI METTE SU UNA POLTRONA D’ANGOLO. AVRA’  GIA’ IN MANO UN VECCHIO LIBRO)

PAOLINO               (SOSPIRANDO) Eh, scià, metemess chì quieet a leeng un poo dela vita di Saant, che magari al ma farà ben...............

ATTENZIONE! ENTRANO IN SCENA ROSETTA E SCOLASTICA, LE QUALI, COME DEL RESTO TUTTI QUANTI, ENTRERANNO DA QUI IN AVANTI E FINO AD UN CERTO MOMENTO SI COMPORTERANNO COME SE PAOLINO FOSSE TRASPARENTE, PROPRIO COME SE NON ESISTESSE PER NIENTE

ROSETTA               (IN PANTALONI) Scolastica, varda chì. Ta piaas i mè pantalon noeuf?

SCOLASTICA:       JesüsMaria!!!!!! A i’è per nà in Vespa?

ROSETTA               Cert, varda che beleza. Un giir mì, un giir la Mimosa...magari un giir anca tì.........

PAOLINO               (IMPERIOSO) Rosetta!!!!!

ROSETTA               Scolastica, eet parlaa?

SCOLASTICA        No, al sarà un quaj spifer d’aria.

ROSETTA               Ma dovress migna rivà scià al Sergio e l’Alessandro?

SCOLASTICA        Ah, i sarà scià a momeent. Però, che bela roba la libertaa, eh? Propi bela.

ROSETTA               Eh, sì. A gh’è nagott de dì. A l’è inscì.

PAOLINO               Ma vialtri dô...............

SCOLASTICA        Rosetta, m’eet ciamaa ?

ROSETTA               No, no.

PAOLINO               (TOCCANDOSI, PER ACCERTARSI DI ESSERE VIVO) Ma, orco can, a capissi pù nagôtt...............

SERGIO                  (ENTRANDO) Ciao Ro....Ro...Ro..Rose...Roseta. Sco..Sco...Sco....

SCOLASTICA        .....Scolabrôo !!!!!

ROSETTA               E l’Alesandro?

SERGIO                  A.  a..al......sa...rà......scià......su...su...subit!

PAOLINO               Ma a l’è al colmo! Uheila, trombaio dei miei stivali!

SERGIO                  M’è pa....pa...paruu...........

ROSETTA               Nagott. Scolastica, vann a preparach i valiis. E desmentega migna quii dela Mimosa e del Sandro. Svelta!

(MENTRE SCOLASTICA ESEGUE, PAOLINO TREMANTE SI METTE DI NUOVO IN POLTRONA, COME IMBAMBOLATO)

BONALUMI           (ENTRANDO) Allora, tutto pronto per.....la fuga?

ROSETTA               Semm a drée a fà i ropp per ben, quieet!

SERGIO                  l’eva...ora....de...de...fa...faghela al...Pa..Pa..Paolin!

PAOLINO               I ma ciama gnanca pù “scioor”. Devi véss mort, o somm adrée a inzognass!

BONALUMI           Così impara ad ostacolare tutto e tutti!

PAOLINO               Anca al mé dotoor al m’a trata com’è ‘na peza de pè. Somm propi drée a inzognass, per forza!

SCOLASTICA        (RIENTRA CON DUE VALIGIE) Ecco fatto il becco all’oca!

SERGIO                  I nòss dô mo.....mo.....moroos indôa a i’è?

MIMOSA

E AMPILIA            Eccoci qua!

PAOLINO               Mì a proibissi nel modo pussée assoluto..............

MIMOSA                Avete sentito qualcosa?

CORO                      Noooooooo!!!!!!!

AMPILIA                Per prenotà i alberghi (STRIZZA L’OCCHIO) al saress bèl vech al telefono.

SERGIO                  Già....ma...quel ra...ra..rantegh del Paolin....ava....avaro come a l’è........

ROSETTA               Ma....ultimameent....ai telefoni l’eva taant interessaa.....o mej....alle telefoniste!

PAOLINO               (SCOPPIA)  Fermi tucc!!!!!!!!!!

DA QUI IN AVANTI, PAOLINO TORNA “VISIBILE”

TUTTI                      Oh, toh, varda, gh’è al scioor Paolin!

PAOLINO               Beh, cert che somm chì. Somm gnammò.....naj!

SCOLASTICA        Purtropp!

PAOLINO               Sa pò savé che pantomima sii a drée a tirà in pè?

SERGIO                  A......numm, pe..per luu, se...se....sevum com’è tras...traspa...traspareent; alo.....alora  anca numm emm trataa de tra..traspa....traspareent luu, scioor Pa...Pa...Paolin!

BONALUMI           Già, proprio così.

PAOLINO               Ma....perchè parlavuff de.....telefoni e de ......telefoniste?

ROSETTA               Ah, beh, quell ta devet savell tì.

SCOLASTICA        E penzà a spiegaghel al ritratt in esili di Donna Matilde.

PAOLINO               A l’è....’na roba néta.

AMPILIA,

MIMOSA                Anca i nòss, a i’è stori nett!

SERGIO                  A...a....aaa..lôra....cosa al n’à...diis? Eh?

BONALUMI           Di noi non dovrà lamentarsi. Io la curerò sempre........

SERGIO                  E mì.......ga.....ga.....te...tegneroo...i tubaduur...nett...com’è ‘n oeucc!

PAOLINO               Mì, somm chì stracuntaa......mì e la sciôra Elza....al sii come a l’è....navi giô in piaza a spassegià...nela finestra dela Stipel vedevi lée che seguitava con tucc quii fiil e bastonin, e lusett pizz...........

ROSETTA               ......e ta sa pizaa anca tì ‘na luseta, eh?

PAOLINO               Propi inscì, tôsa. Il cuore.....non ha età!

SCOLASTICA        Alora, la regola, cara al mè luu, la deev varé per tucc anca in questa cà....

MIMOSA                Mi sembra giusto, papà!

SERGIO                  Lu......lu....lu...al deev....capi...capitolà, eco!

BONALUMI           Andiamo, signor Delle Piane, ca pisca anche i suoi cari!

PAOLINO               Ma devi parlann con la vòssa pòra.............

AMPILIA                Ma scusa, papà, inveci de parlà con la pora mamm, che, avendola cognossuda, semm già che l’avress capii......

SCOLASTICA        .........che al proeuva a parlann con la sciora Elza, che a l’è viva e vegeta!

PAOLINO               Tì, ta saree la mia mort, al senti!

BONALUMI           Eh, via, parliamo di vita, non di morte!

SERGIO                  Giu.....giu....giust!

ROSETTA               Tucc ta voeurum ben, papà, e anca se un dì naremm via de cà, saremm sempro visin a tì.

PAOLINO               Ma mì........ma mì.......ma mì...............

SCOLASTICA        Ma èl diventaa come al trombée anca luu??? Al ga daga felicitaa e al vaga incontra anca ala sua, e che al faga partecipà anca al ritratt ala festa; che quii che è già dela paart de là, i capiss mej de numm i ropp dela paart de scià!!!!!!

SIPARIO

    Questo copione è stato visto
  • 0 volte nelle ultime 48 ore
  • 0 volte nell' ultima settimana
  • 0 volte nell' ultimo mese
  • 12 volte nell' arco di un'anno